j

eva.n dyUtajitAH pArthAH kopitAshcha durAtmabhiH . 
dhArtarAShTraiH sahAmAtyairnikR^ityA dvijasattama .. 1..\\
shrAvitAH paruShA vAchaH sR^ijadbhirvairamuttamam . 
kimakurvanta kauravyA mama pUrvapitAmahAH .. 2..\\
katha.n chaishvaryavibhraShTAH sahasA duHkhameyuShaH . 
vane vijahrire pArthAH shakra pratimatejasaH .. 3..\\
ke chainAnanvavartanta prAptAnvyasanamuttamam . 
kimAhArAH kimAchArAH kva cha vAso mahAtmanAm .. 4..\\
katha.n dvAdasha varShANi vane teShAM mahAtmanAm . 
vyatIyurbrAhmaNashreShTha shUrANAmarighAtinAm .. 5..\\
katha.n cha rAjaputrI sA pravarA sarvayoShitAm . 
pativratA mahAbhAgA satata.n satyavAdinI . 
vanavAsamaduHkhArhA dAruNaM pratyapadyata .. 6..\\
etadAchakShva me sarva.n vistareNa tapodhana . 
shrotumichchhAmi charitaM bhUri draviNa tejasAm . 
kathyamAna.n tvayA vipra paraM kautUhala.n hi me .. 7..\\

 v

eva.n dyUtajitAH pArthAH kopitAshcha durAtmabhiH . 
dhArtarAShTraiH sahAmAtyairniryayurgajasAhvayAt .. 8..\\
vardhamAnapuradvAreNAhiniShkramya te tadA . 
uda~NmukhaH shastrabhR^itaH prayayuH saha kR^iShNayA .. 9..\\
indrasenAdayashchainAnbhR^ityAH parichaturdasha . 
rathairanuyayuH shIghraiH striya AdAya sarvashaH .. 10..\\
vrajatastAnviditvA tu paurAH shokAbhipIDitAH . 
garhayanto.asakR^idbhIShma vidura droNa gautamAn . 
UchurvigatasantrAsAH samAgamya parasparam .. 11..\\
nedamasti kula.n sarvaM na vayaM na cha no gR^ihAH . 
yatra duryodhanaH pApaH saubaleyena pAlitAH . 
karNa duHkhAsanAbhyA.n cha rAjyametachchikIrShati .. 12..\\
no chetkulaM na chAchAro na dharmo.arthaH kutaH sukham . 
yatra pApasahAyo.ayaM pApo rAjyaM bubhUShate .. 13..\\
duryodhano guru dveShI tyaktAchAra suhR^ijjanaH . 
arthalubdho.abhimAnI cha nIchaH prakR^itinirghR^iNaH .. 14..\\
neyamasti mahIkR^itsnA yatra duryodhano nR^ipaH . 
sAdhu gachchhAmahe sarve yatra gachchhanti pANDavAH .. 15..\\
sAnukrosho mahAtmAno vijitendriya shatravaH . 
hrImantaH kIrtimantashcha dharmAchAra parAyaNAH .. 16..\\
evamuktvAnujagmustAnpANDavA.nste sametya cha . 
UchuH prA~njalayaH sarve tAnkuntI mAdrinandanAn .. 17..\\
kva gamiShyatha bhadra.n vastyaktvAsmAnduHkhabhAginaH . 
vayamapyanuyAsyAmo yatra yUya.n gamiShyatha .. 18..\\
adharmeNa jitA~nshrutvA yuShmA.nstyaktaghR^iShaiH paraiH . 
udvignAH sma bhR^isha.n sarve nAsmAnhAtumihArhatha .. 19..\\
bhaktAnuraktAH suhR^idaH sadA priyahite ratAn . 
kurAjAdhiShThite rAjye na vinashyema sarvashaH .. 20..\\
shrUyatA.n chAbhidhAsyAmo guNadoShAnnararShabhAH . 
shubhAshubhAdhivAsena sa.nsarga.n kurute yathA .. 21..\\
vastramApastilAnbhUmi.n gandho vAsayate yathA . 
puShpANAmadhivAsena tathA sa.nsargajA guNAH .. 22..\\
mohajAlasya yonirhi mUDhaireva samAgamaH . 
ahanyahani dharmasya yoniH sAdhu samAgamaH .. 23..\\
tasmAtprAGYaishcha vR^iddhaishcha susvabhAvaistapasvibhiH . 
sadbhishcha saha sa.nsargaH kAryaH shama parAyaNaiH .. 24..\\
yeShA.n trINyavadAtAni yonirvidhyA cha karma cha . 
tAnsevettaiH samAsyA hi shAstrebhyo.api garIyasI .. 25..\\
nirArambhA hyapi vayaM puNyashIleShu sAdhuShu . 
puNyamevApnuyAmeha pApaM pApopasevanAt .. 26..\\
asatA.n darshanAtsparshAtsa~njalpana sahAsanat . 
dharmAchAraH prahIyante na cha sidhyanti mAnavAH .. 27..\\
buddhishcha hIyate pu.nsAM nIchaiH saha samAgamAt . 
madhyamairmadhyatA.n yAti shreShThatAM yAti chottamaiH .. 28..\\
ye guNAH kIrtitA loke dharmakAmArtha sambhavAH . 
lokAchArAtma sambhUtA vedoktAH shiShTasaMmatAH .. 29..\\
te yuShmAsu samastAshcha vyastAshchaiveha sadguNAH . 
ichchhAmo guNavanmadhye vastu.n shreyo.abhikA~NkShiNaH .. 30..\\

 y

dhanyA vaya.n yadasmAkaM snehakAruNyayantritAH . 
asato.api guNAnAhurbrAhmaNa pramukhAH prajAH .. 31..\\
tadahaM bhrAtR^isahitaH sarvAnviGYApayAmi vaH . 
nAnyathA taddhi kartavyamasmatsnehAnukampayA .. 32..\\
bhIShmaH pitAmaho rAjA viduro jananI cha me . 
suhR^ijjanashcha prAyo me nagare nAgasAhvaye .. 33..\\
te tvasmaddhitakAmArthaM pAlanIyAH prayatnataH . 
yuShmAbhiH sahitaiH sarvaiH shokasantApa vihvalAH .. 34..\\
nivartatAgatA dUra.n samAgamana shApitAH . 
svajane nyAsabhUte me kAryA snehAnvitA matiH .. 35..\\
etaddhi mama kAryANAM parama.n hR^idi sa.nsthitam . 
sukR^itAnena me tuShTiH satkArAshcha bhaviShyati .. 36..\\

 v

tathAnumantritAstena dharmarAjena tAH prajAH . 
chakrurArtasvara.n ghora.n hA rAjanniti duHkhitAH .. 37..\\
guNAnpArthasya sa.nsmR^itya duHkhArtAH paramAturAH . 
akAmAH saMnyavartanta samAgamyAtha pANDavAn .. 38..\\
nivR^itteShu tu paureShu rathAnAsthAya pANDavAH . 
prajagmurjAhnavItIre pramANAkhyaM mahAvaTam .. 39..\\
ta.n te divasasheSheNa vaTaM gatvA tu pANDavAH . 
UShustA.n rajanIM vIrAH sa.nspR^ishya salilaM shuchi . 
udakenaiva tA.n rAtrimUShuste duHkhakarshitAH .. 40..\\
anujagmushcha tatraitAnsnehAtke chiddvijAtayaH . 
sagnayo.anagnayashchaiva sashiShya gaNabAndhavAH . 
sa taiH parivR^ito rAjA shushubhe brahmavAdibhiH .. 41..\\
teShAM prAduShkR^itAgnInAM muhUrte ramyadAruNe . 
brahmaghoShapuraskAraH sa~njalpaH samajAyata .. 42..\\
rAjAna.n tu kurushreShThaM te ha.nsamadhurasvarAH . 
AshvAsayanto viprAgryAH kShapA.n sarvAM vyanodayan .. 43..\\
\medskip\hrule\medskip\centerline{\Largedvng 2}
 v

prabhAtAyA.n tu sharvaryAM teShAmakliShTakarmaNAm . 
vana.n yiyAsatAM viprAstasthurbhikShA bhujo.agrataH . 
tAnuvAcha tato rAjA kuntIputro yudhiShThiraH .. 1..\\
vaya.n hi hR^itasarvasvA hR^itarAjyA hR^itashriyaH . 
phalamUlAmiShAhArA vana.n yAsyAma duHkhitAH .. 2..\\
vana.n cha doShabahulaM bahu vyAlasarIsR^ipam . 
parikleshashcha vo manye dhruva.n tatra bhaviShyati .. 3..\\
brAhmaNAnAM pariklesho daivatAnyapi sAdayet . 
kiM punarmAmito viprA nivartadhva.n yatheShTataH .. 4..\\

 br

gatiryA bhavatA.n rAja.nstAM vaya.n gantumudyatAH . 
nArhathAsmAnparityaktuM bhaktAnsaddharmadarshinaH .. 5..\\
anukampA.n hi bhakteShu daivatAnyapi kurvate . 
visheShato brAhmaNeShu sadAchArAvalambiShu .. 6..\\

 y

mamApi paramA bhaktirbrAhmaNeShu sadA dvijAH . 
sahAyaviparibhraMshastvaya.n sAdayatIva mAm .. 7..\\
Ahareyurhi me ye.api phalamUlamR^igA.nstathA . 
ta ime shokajairduHkhairbhrAtaro me vimohitAH .. 8..\\
draupadyA viprakarSheNa rAjyApaharaNena cha . 
duHkhAnvitAnimAnkleshairnAha.n yoktumihotsahe .. 9..\\

 br

asmatpoShaNajA chintA mA bhUtte hR^idi pArthiva . 
svayamAhR^itya vanyAni anuyAsyAmahe vayam .. 10..\\
anudhyAnena japyena vidhAsyAmaH shiva.n tava . 
kathAbhishchAnukUlAbhiH saha ra.nsyAmahe vane .. 11..\\

 y

evametanna sandeho rameyaM brAhmaNaiH saha . 
nyUna bhAvAttu pashyAmi pratyAdeshamivAtmanaH .. 12..\\
katha.n drakShyAmi vaH sarvAnsvayamAhR^ita bhojanAn . 
madbhaktyA klishyato.anarhAndhikpApAndhR^itarAShTrajAn .. 13..\\

 v

ityuktvA sa nR^ipaH shochanniShasAda mahItale . 
tamadhyAtmaratirvidvA~nshaunako nAma vai dvijaH . 
yoge sA~Nkhye cha kushalo rAjAnamidamabravIt .. 14..\\
shokasthAna sahasrANi bhayasthAna shatAni cha . 
divase divase mUDhamAvishanti na paNDitam .. 15..\\
na hi GYAnaviruddheShu bahudoSheShu karmasu . 
shreyo ghAtiShu sajjante buddhimanto bhavadvidhAH .. 16..\\
aShTA~NgAM buddhimAhuryA.n sarvAshreyo vighAtinIm . 
shrutismR^itisamAyuktA.n sA rAja.nstvayyavasthitA .. 17..\\
arthakR^ichchhreShu durgeShu vyApatsu svajanasya cha . 
shArIra mAnasairduHkhairna sIdanti bhavadvidhAH .. 18..\\
shrUyatA.n chAbhidhAsyAmi janakena yathA purA . 
AtmavyavasthAna karA gItAH shlokA mahAtmanA .. 19..\\
mano dehasamutthAbhyA.n duHkhAbhyAmarditaM jagat . 
tayorvyAsa samAsAbhyA.n shamopAyamimaM shR^iNu .. 20..\\
vyAdheraniShTa sa.nsparshAchchhramAdiShTavivarjanAt . 
duHkha.n chaturbhirshArIraM kAraNaiH sampravartate .. 21..\\
tadAshu pratikArAchcha satata.n chAvichintanAt . 
AdhivyAdhiprashamana.n kriyAyogadvayena tu .. 22..\\
matimanto hyato vaidyAH shamaM prAgeva kurvate . 
mAnasasya priyAkhyAnaiH sambhogopanayairnR^iNAm .. 23..\\
mAnasena hi duHkhena sharIramupatapyate . 
ayaH piNDena taptena kumbbha sa.nsthAm ivodakam .. 24..\\
mAnasa.n shamayettasmAjGYAnenAgimivAmbunA . 
prashAnte mAnase duHkhe shArIramupashAmyati .. 25..\\
manaso duHkhamUla.n tu sneha ityupalabhyate . 
snehAttu sajjate janturduHkhayogamupaiti cha .. 26..\\
snehamUlAni duHkhAni snehajAni bhayAni cha . 
shokaharShau tathAyAsaH sarva.n snehAtpravartate .. 27..\\
snehatkaraNa rAgashcha prajaGYe vaiShayastathA . 
ashreyaskAvubhAvetau pUrvastatra guruH smR^itaH .. 28..\\
koTarAgniryathAsheSha.n samUlaM pAdapa.n dahet . 
dharmArthina.n tathAlpo.api rAgadoSho vinAshayet .. 29..\\
viprayoge na tu tyAgI doShadarshI samAgamAt . 
virAgaM bhajate janturnirvairo niShparigrahaH .. 30..\\
tasmAtsneha.n svapakShebhyo mitrebhyo dhanasa~ncayAt . 
svasharIrasamuttha.n tu GYAnena vinivartayet .. 31..\\
GYAnAnviteShu mukhyeShu shAstraGYeShu kR^itAtmasu . 
na teShu sajjate snehaH padmapatreShvivodakam .. 32..\\
rAgAbhibhUtaH puruShaH kAmena parikR^iShyate . 
ichchhA sa~njAyate tasya tatastR^iShNA pravartate .. 33..\\
tR^iShNA hi sarvapApiShThA nityodvega karI nR^iNAm . 
adharmabahulA chaiva ghorA pApAnubandhinI .. 34..\\
yA dustyajA durmatibhiryA na jIryati jIryataH . 
yo.asau prANAntiko rogastA.n tR^iShNAM tyajataH sukham .. 35..\\
anAdyantA tu sA tR^iShNA antardehagatA nR^iNAm . 
vinAshayati sambhUtA ayonija ivAnalaH .. 36..\\
yathaidhaH svasamutthena vahninA nAshamR^ichchhati . 
tathAkR^itAtmA lobhena sahajena vinashyati .. 37..\\
rAjataH salilAdagneshchorataH svajanAdapi . 
bhayamarthavatAM nityaM mR^ityoH prANabhR^itAm iva .. 38..\\
yathA hyAmiShamAkAshe pakShibhiH shvApadairbhuvi . 
bhakShyate salile matsyaistathA sarveNa vittavAn .. 39..\\
artha eva hi keShA.n chidanartho bhavitA nR^iNAm . 
arthashreyasi chAsakto na shreyo vindate naraH . 
tasmAdarthAgamAH sarve mano mohavivardhanAH .. 40..\\
kArpaNya.n darpamAnau cha bhayamudvega eva cha . 
arthajAni viduH prAGYA duHkhAnyetAni dehinAm .. 41..\\
arthasyopArjane duHkhaM pAlane cha kShaye tathA . 
nAshe duHkha.n vyaye duHkha.n ghnanti chaivArtha kAraNAt .. 42..\\
arthA duHkhaM parityaktuM pAlitAshchApi te.asukhAH . 
duHkhena chAdhigamyante teShAM nAshaM na chintayet .. 43..\\
asantoSha parA mUDhAH santoSha.n yAnti paNDitAH . 
anto nAsti pipAsAyAH santoShaH parama.n sukham .. 44..\\
tasmAtsantoShameveha dhanaM pashyanti paNDitAH . 
anitya.n yauvanaM rUpa.n jIvitaM dravyasa~ncayaH . 
aishvaryaM priya sa.nvAso gR^idhyedeShu na paNDitaH .. 45..\\
tyajeta sa~ncayA.nstasmAttajja.n klesha.n saheta kaH . 
na hi sa~ncayavAnkashchiddR^ishyate nirupadravaH .. 46..\\
atashcha dharmibhiH pumbhiranIhArthaH prashasyate . 
prakShAlanAddhi pa~Nkasya dUrAdasparshana.n varam .. 47..\\
yudhiShThiraivamartheShu na spR^ihA.n kartumarhasi . 
dharmeNa yadi te kArya.n vimuktechchho bhavArthataH .. 48..\\

 y

nArthopabhoga lipsArthamiyamarthepsutA mama . 
bharaNArtha.n tu viprANAM brahmankA~NkShe na lobhataH .. 49..\\
katha.n hyasmadvidho brahmanvartamAno gR^ihAshrame . 
bharaNaM pAlana.n chApi na kuryAdanuyAyinAm .. 50..\\
sa.nvibhAgo hi bhUtAnA.n sarveShAmeva shiShyate . 
tathaivopachamAnebhyaH pradeya.n gR^ihamedhinA .. 51..\\
tR^iNAni bhUmirudaka.n vAkchaturthI cha sUnR^itA . 
satAmetAni geheShu nochchhidyante kadA chana .. 52..\\
deyamArtasya shayana.n sthitashrAntasya chAsanam . 
tR^iShitasya cha pAnIya.n kShudhitasya cha bhojanam .. 53..\\
chakShuradyAnmano dadyAdvAcha.n dadyAchcha sUnR^itAm . 
pratyudgamyAbhigamana.n kuryAnnyAyena chArchanam .. 54..\\
aghi hotramanaDvAMshcha GYAtayo.atithibAndhavAH . 
putradArabhR^itAshchaiva nirdaheyurapUjitAH .. 55..\\
nAtmArthaM pAchayedannaM na vR^ithA ghAtayetpashUn . 
na cha tatsvayamashnIyAdvidhivadyanna nirvapet .. 56..\\
shvabhyashcha shvapachebhyashcha vayobhyashchAvapedbhuvi . 
vaishvadeva.n hi nAmaitatsAyamprAtarvidhIyate .. 57..\\
vighasAshI bhavettasmAnnitya.n chAmR^itabhojanaH . 
vighasaM bhR^ityasheSha.n tu yaGYasheShaM tathAmR^itam .. 58..\\
etA.n yo vartate vR^ittiM vartamAno gR^ihAshrame . 
tasya dharmaM paraM prAhuH katha.n vA vipra manyase .. 59..\\

 z

aho bata mahatkaShTa.n viparItamida.n jagat . 
yenApatrapate sAdhurasAdhustena tuShyati .. 60..\\
shishnodara kR^ite.aprAGYaH karoti vighasaM bahu . 
moharAgasamAkrAnta indriyArtha vashAnugaH .. 61..\\
hriyate budhyamAno.api naro hAribhirindriyaiH . 
vimUDhasa~nj~no duShTAshvairudbhrAntairiva sArathiH .. 62..\\
ShaDindriyANi viShaya.n samAgachchhanti vai yadA . 
tadA prAdurbhavatyeShAM pUrvasa~NkalpajaM manaH .. 63..\\
mano yasyendriya grAmaviShayaM prati choditam . 
tasyautsukya.n sambhavati pravR^ittishchopajAyate .. 64..\\
tataH sa~NkalpavIryeNa kAmena viShayeShubhiH . 
viddhaH patati lobhAgnau jyotirlobhAtpata~Ngavat .. 65..\\
tato vihArairAhArairmohitashcha vishAM pate . 
mahAmohamukhe magne nAtmAnamavabudhyate .. 66..\\
evaM patati sa.nsAre tAsu tAsviha yoniShu . 
avidyA karma tR^iShNAbhirbhrAmyamANo.atha chakravat .. 67..\\
brahmAdiShu tR^iNAnteShu hUteShu parivartate . 
jale bhuvi tathAkAshe jAyamAnaH punaH punaH .. 68..\\
abudhAnA.n gatistveShA budhAnAmapi me shR^iNu . 
ye dharme shreyasi ratA vimokSharatayo janAH .. 69..\\
yadida.n veda vachana.n kuru karma tyajeti cha . 
tasmAddharmAnimAnsarvAnnAbhimAnAtsamAcharet .. 70..\\
ijyAdhyayana dAnAni tapaH satya.n kShamA damaH . 
alobha iti mArgo.aya.n dharmasyAShTa vidhaH smR^itaH .. 71..\\
tatra pUrvashchaturvargaH pitR^iyAnapathe sthitaH . 
kartavyamiti yatkAryaM nAbhimAnAtsamAcharet .. 72..\\
uttaro deva yAnastu sadbhirAcharitaH sadA . 
aShTA~Ngenaiva mArgeNa vishuddhAtmA samAcharet .. 73..\\
samyaksa~NkalpasambandhAtsamyakchendriyanigrahAt . 
samyagvratavisheShAchcha samyakcha guru sevanAt .. 74..\\
samyagAhArayogAchcha samyakchAdhyayanAgamAt . 
samyakkarmopasaMnyAsAtsamyakchittanirodhanAt . 
eva.n karmANi kurvanti sa.nsAravijigIShavaH .. 75..\\
rAgadveShavinirmuktA aishvarya.n devatA gatAH . 
rudrAH sAdhyAstathAdityA vasavo.athAshvinAvapi . 
yogaishvaryeNa sa.nyuktA dhArayanti prajA imAH .. 76..\\
tathA tvamapi kaunteya shamamAsthAya puShkalam . 
tapasA siddhimanvichchha yogasiddhi.n cha bhArata .. 77..\\
pitR^imAtR^imayI siddhiH prAptA karmamayI cha te . 
tapasA siddhimanvichchha kurvate tadanugrahAt .. 78..\\
siddhA hi yadyadichchhanti kurvate tadanugrahAt . 
tasmAttapaH samAsthAya kuruShvAtma manoratham .. 79..\\
\medskip\hrule\medskip\centerline{\Largedvng 3}
 v

shaunakenaivamuktastu kuntIputro yudhiShThiraH . 
purohitamupAgamya bhrAtR^imadhye.abravIdidam .. 1..\\
prasthitaM mAnuyAntIme brAhmaNA vedapAragAH . 
na chAsmi pAlane shakto bahuduHkhasamanvitaH .. 2..\\
parityaktuM na shaknomi dAnashaktishcha nAsti me . 
kathamatra mayA kAryaM bhagavA.nstadbravItu me .. 3..\\
muhUrtamiva sa dhyAtvA dharmeNAnviShya tA.n gatim . 
yudhiShThiramuvAcheda.n dhaumyo dharmabhR^itA.n varaH .. 4..\\
purA sR^iShTani bhUtAni pIDyante kShudhayA bhR^isham . 
tato.anukampayA teShA.n savitA svapitA iva .. 5..\\
gatvottarAyaNa.n tejo rasAnuddhR^itya rashmibhiH . 
dakShiNAyanamAvR^itto mahIM nivishate raviH .. 6..\\
kShetrabhUte tatastasminnoShadhIroShadhI patiH . 
divastejaH samuddhR^itya janayAmAsa vAriNA .. 7..\\
niShiktashchandra tejobhiH sUyate bhUgato raviH . 
oShadhyaH ShaDrasA medhyAstadannaM prANinAM bhuvi .. 8..\\
evaM bhAnumaya.n hyannaM bhUtAnAM prANadhAraNam . 
pitaiSha sarvabhUtAnA.n tasmAtta.n sharaNaM vraja .. 9..\\
rAjAno hi mahAtmAno yonikarma vishodhitAH . 
uddharanti prajAH sarvAstapa AsthAya puShkalam .. 10..\\
bhImena kArtavIryeNa vainyena nahuSheNa cha . 
tapoyogasamAdhisthairuddhR^itA hyApadaH prajAH .. 11..\\
tathA tvamapi dharmAtmankarmaNA cha vishodhitaH . 
tapa AsthAya dharmeNa dvijAtInbhara bhArata .. 12..\\
evamuktastu dhaumyena tatkAlasadR^isha.n vachaH . 
dharmarAjo vishuddhAtmA tapa AtiShThaduttamam .. 13..\\
puShpopahArairbalibhirarchayitvA divAkaram . 
yogamAsthAya dharmAtmA vAyubhakSho jitendriyaH . 
gA~Ngeya.n vAryupaspR^iShya prANAyAmena tasthivAn .. 14..\\

 j

katha.n kurUNAmR^iShabhaH sa tu rAjA yudhiShThiraH . 
viprArthamArAdhitavAnsUryamadbhutavikramam .. 15..\\

 v

shR^iNuShvAvahito rAja~nshuchirbhUtvA samAhitaH . 
kShaNa.n cha kuru rAjendra sarva.n vakShyAmyasheShataH .. 16..\\
dhaumyena tu yatha proktaM pArthAya sumahAtmane . 
nAmnAmaShTa shataM puNya.n tachchhR^iNuShva mahAmate .. 17..\\
sUryo.aryamA bhagastvaShTA pUShArkaH savitA raviH . 
gabhastimAnajaH kAlo mR^ityurdhAtA prabhA karaH .. 18..\\
pR^ithivyApashcha tejashcha kha.n vAyushcha parAyaNam . 
somo bR^ihaspatiH shukro budho.a~NgAraka eva cha .. 19..\\
indro vivasvvAndIptAMshuH shuchiH shauriH shanaishcharaH . 
brahmA viShNushcha rudrashcha skando vaishvaraNo yamaH .. 20..\\
vaidyuto jATharashchAgiraindhanastejasAM patiH . 
dharmadhvajo veda kartA vedA~Ngo veda vAhanaH .. 21..\\
kR^ita.n tretA dvAparashcha kaliH sarvAmarAshrayaH . 
kalA kAShThA muhurtAshcha pakShA mAsA R^itustathA .. 22..\\
sa.nvatsarakaro.ashvatthaH kAlachakro vibhAvasuH . 
puruShaH shAshvato yogI vyaktAvyaktaH sanAtanaH .. 23..\\
lokAdhyakShaH prajAdhyakSho vishvakarmA tamonudaH . 
varuNaH sAgaro.aMshushcha jImUto jIvano.arihA .. 24..\\
bhUtAshrayo bhUtapatiH sarvabhUtaniShevitaH . 
maNiH suvarNo bhUtAdiH kAmadaH sarvato mukhaH .. 25..\\
jayo vishAlo varadaH shIghragaH prANadhAraNaH . 
dhanvantarirdhUmaketurAdidevo.aditeH sutaH .. 26..\\
dvAdashAtmAravindAkShaH pitA mAtA pitAmahaH . 
svargadvAraM prajA dvAraM mokShadvAra.n triviShTapam .. 27..\\
dehakartA prashAntAtmA vishvAtmA vishvatomukhaH . 
charAcharAtmA sUkShmAtmA maitreNa vapuShAnvitaH .. 28..\\
etadvai kIrtanIyasya sUryasyaiva mahAtmanaH . 
nAmnAmaShTa shataM puNya.n shakreNoktaM mahAtmanA .. 29..\\
shakrAchcha nAradaH prApto dhaumyash cha tadanantaram . 
dhaumyAdyudhiShThiraH prApya sarvAnkAmAnavAptavAn .. 30..\\
surapitR^igaNayakShasevitaM 
hyasuranishAcharasiddhavanditam . 
varakanakahutAshanaprabhaM 
tvamapi manasyabhidhehi bhAskaram .. 31..\\
sUryodaye yastu samAhitaH paThet 
saputralAbha.n dhanaratnasa~ncayAn . 
labheta jAtismaratA.n sadA naraH 
smR^iti.n cha medhAM cha sa vindate parAm .. 32..\\
ima.n stava.n devavarasya yo naraH 
prakIrtayechchhuchi sumanAH samAhitaH . 
sa muchyate shokadavAgnisAgarAl 
labheta kAmAnmanasA yathepsitAn .. 33..\\
\medskip\hrule\medskip\centerline{\Largedvng 4}
 v

tato divAkaraH prIto darshayAmAsa pANDavam . 
dIpyamAnaH svavapuShA jvalanniva hutAshanaH .. 1..\\
yatte.abhilaShita.n rAjansarvametadavApsyasi . 
ahamannaM pradAsyAmi sapta pa~ncha cha te samAH .. 2..\\
phalamUlAmiSha.n shAkaM sa.nskR^itaM yanmahAnase . 
chaturvidha.n tadannAdyamakShayyaM te bhaviShyati . 
dhana.n cha vividhaM tubhyamityuktvAntaradhIyata .. 3..\\
labdhvA vara.n tu kaunteyo jalAduttIrya dharmavit . 
jagrAha pAdau dhaumyasya bhrAtR^IMshchAsvajatAchyutaH .. 4..\\
draupadyA saha sa~Ngamya pashyamAno.abhyayAtprabhuH . 
mahAnase tadAnna.n tu sAdhayAmAsa pANDavaH .. 5..\\
sa.nskR^itaM prasava.n yAti vanyamanna.n chaturvidham . 
akShayya.n vardhate chAnna.n tena bhojayate dvijAn .. 6..\\
bhuktavatsu cha vipreShu bhojayitvAnujAnapi . 
sheSha.n vighasa sa~nj~na.n tu pashchAdbhu~Nkte yudhiShThiraH . 
yudhiShThiraM bhojayitvA sheShamashnAti pArShatI .. 7..\\
eva.n divAkarAtprApya divAkarasamadyutiH . 
kAmAnmano.abhilaShitAnbrAhmaNebhyo dadau prabhuH .. 8..\\
purohita purogAshcha tithi nakShatraparvasu . 
yaGYiyArthaH pravartante vidhimantrapramANataH .. 9..\\
tataH kR^itasvastyayanA dhaumyena saha pANDavAH . 
dvijasa~NghaiH parivR^itAH prayayuH kAmyaka.n vanam .. 10..\\
\medskip\hrule\medskip\centerline{\Largedvng 5}
 v

vanaM praviShTeShvatha pANDaveShu 
praGYA chakShustapyamAno.ambikeyaH . 
dharmAtmAna.n viduramagAdha buddhiM 
sukhAsIno vAkyamuvAcha rAjA .. 1..\\
praGYA cha te bhArgavasyeva shuddhA 
dharma.n cha tvaM parama.n vettha sUkShmam . 
samashcha tva.n saMmataH kauravANAM 
pathya.n chaiShAM mama chaiva bravIhi .. 2..\\
eva~Ngate vidura yadadya kAryaM 
paurAshcheme kathamasmAnbhajeran . 
te chApyasmAnnoddhareyuH samUlAn 
na kAmaye tAMshcha vinashyamAnA .. 3..\\

 vi

trigarto.aya.n dharmamUlo narendra 
rAjya.n chedaM dharmamUla.n vadanti . 
dharme rAjanvartamAnaH svashaktyA 
putrAnsarvAnpAhi kuntIsutAMsh cha .. 4..\\
sa vai dharmo vipraluptaH sabhAyAM 
pApAtmabhiH saubaleya pradhAnaiH . 
AhUya kuntIsutamakShavatyAM 
parAjaiShItsatyasandha.n sutaste .. 5..\\
etasya te duShpraNItasya rAja~n 
sheShasyAhaM paripashyAmyupAyam . 
yathA putrastava kauravya pApAn 
mukto loke pratitiShTheta sAdhu .. 6..\\
tadvai sarvaM pANDuputrA labhantAM 
yattadrAjannatisR^iShTa.n tvayAsIt . 
eSha dharmaH paramo yatsvakena 
rAjA tuShyenanparasveShu gR^idhyet .. 7..\\
etatkArya.n tava sarvapradhAnaM 
teShA.n tuShTiH shakuneshchAvamAnaH . 
eva.n sheShaM yadi putreShu te syAd 
etadrAja.nstvaramANaH kuruShva .. 8..\\
athaitadevaM na karoShi rAjan 
dhruva.n kurUNAM bhavitA vinAshaH . 
na hi kruddho bhImaseno.arjuno vA 
sheSha.n kuryAchchhAtravANAmanIke .. 9..\\
yeShA.n yoddhA savyasAchI kR^itAstro 
dhanuryeShAM pANDiva.n lokasAram . 
yeShAM bhImo bAhushAlI cha yoddhA 
teShA.n loke kiM nu na prApyamasti .. 10..\\
uktaM pUrva.n jAtamAtre sute te 
mayA yatte hitamAsIttadAnIm . 
putra.n tyajemamahitaM kulasyety 
etadrAjanna cha tattva.n chakartha . 
idAnI.n te hitamuktaM na chettvaM 
kartAsi rAjanparitaptAsi pashchAt .. 11..\\
yadyetadevamanumantA sutaste 
samprIyamANaH pANDavairekarAjyam . 
tApo na te vai bhavitA prItiyogAt 
tva.n chenna gR^ihNAsi suta.n sahAyaiH . 
athAparo bhavati hi taM nigR^ihya 
pANDoH putraM prakuruShvAdhipatye .. 12..\\
ajAtashatrurhi vimuktarAgo 
dharmeNemAM pR^ithivI.n shAstu rAjan . 
tato rAjanpArthivAH sarva eva 
vaishyA ivAsmAnupatiShThantu sadyaH .. 13..\\
duryodhanaH shakuniH sUtaputraH 
prItyA rAjanpANDuputrAnbhajantAm . 
duHshAsano yAchatu bhImasenaM 
sabhAmadhye drupadasyAtmajA.n cha .. 14..\\
yudhiShThira.n tvaM parisAntvayasva 
rAjye chaina.n sthApayasvAbhipUjya . 
tvayA pR^iShThaH kimahamanyadvadeyam 
etatkR^itvA kR^itakR^ityo.asi rAjan .. 15..\\

 dhr

etadvAkya.n vidura yatte sabhAyAm 
iha proktaM pANDavAnprApya mA.n cha . 
hita.n teShAmahitaM mAmakAnAm 
etatsarvaM mama nopaiti chetaH .. 16..\\
ida.n tvidAnIM kuta eva nishchitaM 
teShAmarthe pANDavAnA.n yadAttha . 
tenAdya manye nAsi hito mameti 
katha.n hi putraM pANDavArthe tyajeyam .. 17..\\
asaMshaya.n te.api mamaiva putrA 
duryodhanastu mama dehAtprasUtaH . 
sva.n vai dehaM parahetostyajeti 
ko nu brUyAtsamatAmanvavekShan .. 18..\\
sa mA jihma.n vidura sarvaM bravIShi 
mAna.n cha te.ahamadhikaM dhArayAmi . 
yathechchhaka.n gachchha vA tiShTha vA tvaM 
susAntvyamAnApyasatI strI jahAti .. 19..\\

 v

etAvaduktvA dhR^itarAShTro.anvapadyad 
antarveshma sahasotthAya rAjan . 
nedamastItyatha viduro bhAShamANaH 
samprAdravadyatra pArtha babhUvuH .. 20..\\
\medskip\hrule\medskip\centerline{\Largedvng 6}
 v

pANDavAstu vane vAsamuddishya bharatarShabhAH . 
prayayurjAhnavI kUlAtkurukShetra.n sahAnugAH .. 1..\\
sarasvatI dR^iShadvatyau yamunA.n cha niShevya te . 
yayurvanenaiva vana.n satataM pashchimA.n disham .. 2..\\
tataH sarasvatI kUle sameShu maru dhanvasu . 
kAmyakaM nAma dadR^ishurvanaM munijanapriyam .. 3..\\
tatra te nyavasanvIrA vane bahumR^igadvije . 
anvAsyamAnA munibhiH sAntvyamAnAshcha bhArata .. 4..\\
vidurastvapi pANDUnA.n tadA darshanalAlasaH . 
jagAmaika rathenaiva kAmyaka.n vanamR^iddhivat .. 5..\\
tato yAtvA viduraH kAnana.n tach 
chhIghrairashvairvAhinA syandanena . 
dadarshAsIna.n dharmarAja.n vivikte 
sArdha.n draupadyA bhrAtR^ibhirbrAhmaNaish cha .. 6..\\
tato.apashyadvidura.n tUrNamArAd 
abhyAyAnta.n satyasandhaH sa rAjA . 
athAbravIdbhrAtaraM bhImasenaM 
kiM nu kShattA vakShyati naH sametya .. 7..\\
kachchinnAya.n vachanAtsaubalasya 
samAhvAtA devanAyopayAti . 
kachchitkShudraH shakunirnAyudhAni 
jeShyatyasmAnpunarevAkShavatyAm .. 8..\\
samAhUtaH kena chidAdraveti 
nAha.n shakto bhImasenApayAtum . 
gANDIve vA saMshayite katha.n chid 
rAjyaprAptiH saMshayitA bhavennaH .. 9..\\
tata utthAya viduraM pANDaveyAH 
pratyagR^ihNannR^ipate sarva eva . 
taiH satkR^itaH sa cha tAnAjamIDho 
yathochitaM pANDuputrAnsameyAt .. 10..\\
samAshvasta.n vidura.n te nararShabhAs 
tato.apR^ichchhannAgamanAya hetum . 
sa chApi tebhyo vistarataH shasha.nsa 
yathAvR^itto dhR^itarAShTro.a.ambikeyaH .. 11..\\

 vi

avochanmA.n dhR^itarAShTro.anuguptam 
ajAtashatro parigR^ihyAbhipUjya . 
eva~Ngate samatAm abbhyupetya 
pathya.n teShAM mama chaiva bravIhi .. 12..\\
mayApyukta.n yatkShama.n kauravANAM 
hitaM pathya.n dhR^itarAShTrasya chaiva . 
tadvai pathya.n tanmano nAbhyupaiti 
tatashchAha.n kShamamanyanna manye .. 13..\\
para.n shreyaH pANDaveyA mayoktaM 
na me tachcha shrutavAnAmbikeyaH . 
yathAturasyeva hi pathyamannaM 
na rochate smAsya taduchyamAnam .. 14..\\
na shreyase nIyate.ajAtashatro 
strI shrotriyasyeva gR^ihe praduShTA . 
bruvanna ruchyai bharatarShabhasya 
patiH kumAryA iva ShaShTivarShaH .. 15..\\
dhruva.n vinAsho nR^ipa kauravANAM 
na vai shreyo dhR^itarAShTraH paraiti . 
yathA parNe puShkarasyeva siktaM 
jalaM na tiShThetpathyamukta.n tathAsmin .. 16..\\
tataH kruddho dhR^itarAShTro.abravInmAM 
yatra shraddhA bhArata tatra yAhi . 
nAhaM bhUyaH kAmaye tvA.n sahAyaM 
mahImimAM pAlayituM pura.n vA .. 17..\\
so.aha.n tyakto dhR^itarAShTreNa rAja.ns 
tvA.n shAsitumupayAtastvarAvAn . 
tadvai sarva.n yanmayoktaM sabhAyAM 
taddhAryatA.n yatpravakShyAmi bhUyaH .. 18..\\
kleshaistIvrairyujyamAnaH sapatnaiH 
kShamA.n kurvankAlamupAsate yaH . 
sa.n vardhayanstokamivAgnimAtmavAn 
sa vai bhu~Nkte pR^ithivIm eka eva .. 19..\\
yasyAvibhakta.n vasu rAjansahAyais 
tasya duHkhe.apyaMshabhAjaH sahAyAH . 
sahAyAnAmeSha sa~NgrahaNe.abhyupAyaH 
sahAyAptau pR^ithivI prAptimAhuH .. 20..\\
satya.n shreShThaM pANDava niShpralApaM 
tulya.n chAnna.n saha bhojyaM sahAyaiH . 
AtmA chaiShAmagrato nAtivarted 
eva.nvR^ittirvardhate bhUmipAlaH .. 21..\\

 y

eva.n kariShyAmi yathA bravIShi 
parAM buddhimupagamyApramattaH . 
yachchApyanyaddeshakAlopapannaM 
tadvai vAchya.n tatkariShyAmi kR^itsnam .. 22..\\
\medskip\hrule\medskip\centerline{\Largedvng 7}
 v

gate tu vidure rAjannAshramaM pANDavAnprati . 
dhR^itarAShTro mahAprAGYaH paryatapyata bhArata .. 1..\\
sa sabhA dvAramAgamya vidura smara mohitaH . 
samakShaM pArthivendrANAM papAtAviShTa chetanaH .. 2..\\
sa tu labdhvA punaH sa~nj~nA.n samutthAya mahItalAt . 
samIpopasthita.n rAjA sa~njayaM vAkyamabravIt .. 3..\\
bhrAtA mama suhR^ichchaiva sAkShAddharma ivAparaH . 
tasya smR^itvAdya subhR^isha.n hR^idaya.n dIryatIva me .. 4..\\
tamAnayasva dharmaGYaM mama bhrAtaramAshu vai . 
iti bruvansa nR^ipatiH karuNaM paryadevayat .. 5..\\
pashchAttApAbhisantapto vidura smAra karshitaH . 
bhrAtR^isnehAdida.n rAjansa~njayaM vAkyamabravIt .. 6..\\
gachchha sa~njaya jAnIhi bhrAtara.n viduraM mama . 
yadi jIvati roSheNa mayA pApena nirdhutaH .. 7..\\
na hi tena mama bhrAtrA susUkShmamapi ki.n chana . 
vyalIka.n kR^itapUrvaM me prAGYenAmita buddhinA .. 8..\\
sa vyalIka.n kathaM prApto mattaH paramabuddhimAn . 
na janyAjjIvitaM prAGYasta.n gachchhAnaya sa~njaya .. 9..\\
tasya tadvachana.n shrutvA rAGYastamanumAnya cha . 
sa~njayo bADhamityuktvA prAdravatkAmyaka.n vanam .. 10..\\
so.achireNa samAsAdya tadvana.n yatra pANDavAH . 
rauravAjinasa.nvIta.n dadarshAtha yudhiShThiram .. 11..\\
vidureNa sahAsInaM brAhmaNaishcha sahasrashaH . 
bhrAtR^ibhishchAbhisa~Ngupta.n devairiva shatakratum .. 12..\\
yudhiShThiramathAbhyetya pUjayAmAsa sa~njayaH . 
bhImArjunayamAMshchApi tadarhaM pratyapadyata .. 13..\\
rAGYA pR^iShTaH sa kushala.n sukhAsInashcha sa~njayaH . 
shasha.nsAgamane hetumida.n chaivAbravIdvachaH .. 14..\\
rAjA smarati te kShattardhR^itarAShTro.ambikA sutaH . 
taM pashya gatvA tva.n kShipra.n sa~njIvaya cha pArthivam .. 15..\\
so.anumAnya narashreShThAnpANDavAnkurunandanAn . 
niyogAdrAjasi.nhasya gantumarhasi mAnada .. 16..\\
evamuktastu viduro dhImAnsvajanavatsalaH . 
yudhiShThirasyAnumate punarAyAdgajAhvayam .. 17..\\
tamabravInmahAprAGYa.n dhR^itarAShTraH pratApavAn . 
diShTyA prApto.asi dharmaGYa diShTyA smarasi me.anagha .. 18..\\
adya rAtrau divA chAha.n tvatkR^ite bharatarShabha . 
prajAgare papashyAmi vichitra.n dehamAtmanaH .. 19..\\
so.a~NkamAdAya viduraM mUrdhnyupAghrAya chaiva ha . 
kShamyatAmiti chovAcha yadukto.asi mayA ruShA .. 20..\\

 vi

kShAntameva mayA rAjangururnaH paramo bhavAn . 
tathA hyasmyAgataH kShipra.n tvaddarshanaparAyaNaH .. 21..\\
bhavanti hi naravyAghra puruShA dharmachetasaH . 
dInAbhipAtino rAjannAtra kAryA vichAraNA .. 22..\\
pANDoH sutA yAdR^ishA me tAdR^ishA me sutAstava . 
dInA iti hi me buddhirabhipannAdya tAnrpati .. 23..\\

 v

anyonyamanunIyaivaM bhrAtarau tau mahAdyutI . 
viduro dhR^itarAShTrashcha lebhAte paramAM mudam .. 24..\\
\medskip\hrule\medskip\centerline{\Largedvng 8}
 v

shrutvA cha viduraM prApta.n rAGYA cha parisAntvitam . 
dhR^itarATrAtmajo rAjA paryatapyata durmatiH .. 1..\\
sa saubala.n samAnAyya karNa duHshAsanAvapi . 
abravIdvachana.n rAjA pravishyAbuddhija.n tamaH .. 2..\\
eSha praptyagato mantrI dhR^itarAShTrasya saMmataH . 
viduraH pANDuputrANA.n suhR^idvidvAnhite rataH .. 3..\\
yAvadasya punarbuddhi.n viduro nApakarShati . 
pANDavAnayane tAvanmantrayadhva.n hitaM mama .. 4..\\
atha pashyAmyahaM pArthAnprAptAniha katha.n chana . 
punaH shoSha.n gamiShyAmi nirAsurniravagrahaH .. 5..\\
viShamudbandhana.n vApi shastramagnipraveshanam . 
kariShye na hi tAnR^iddhAnpunardraShTumihotsahe .. 6..\\

 za

kiM bAliShAM mati.n rAjannAsthito.asi vishAM pate . 
gatAste samaya.n kR^itvA naitadevaM bhaviShyati .. 7..\\
satyavAkye sthitAH sarve pANDavA bharatarShabha . 
pituste vachana.n tAta na grahIShyanti karhi chit .. 8..\\
atha vA te grahIShyanti punareShyanti vA puram . 
nirasya samayaM bhUyaH paNo.asmAkaM bhaviShyati .. 9..\\
sarve bhavAmo madhyasthA rAGYashchhandAnuvartinaH . 
chhidraM bahu prapashyantaH pANDavAnA.n susa.nvR^itAH .. 10..\\

 duh

evametanmahAprAGYa yathA vadasi mAtula . 
nitya.n hi me kathayatastava buddhirhi rochate .. 11..\\

 kar

kAmamIkShAmahe sarve duryodhana tavepsitam . 
aikamatya.n hi no rAjansarveShAmeva lakShyate .. 12..\\

 v

evamuktastu karNena rAjA duryodhanastadA . 
nAtihR^iShTamanAH kShipramabhavatsa parA~NmukhaH .. 13..\\
upalabhya tataH karNo vivR^itya nayane shubhe . 
roShAdduHshAsana.n chaiva saubaleyaM cha tAvubhau .. 14..\\
uvAcha paramakruddha udyamyAtmAnamAtmanA . 
aho mama mata.n yattannibodhata narAdhipAH .. 15..\\
priya.n sarve chikIrShAmo rAGYaH ki~NkarapANayaH . 
na chAsya shaknumaH sarve priye sthAtumatandritAH .. 16..\\
vaya.n tu shastrANyAdAya rathAnAsthAya daMshitAH . 
gachchhAmaH sahitA hantuM pANDavAnvanagocharAn .. 17..\\
teShu sarveShu shAnteShu gateShaviditA.n gatim . 
nirvivAdA bhaviShyanti dhArtarAShTrAstathA vayam .. 18..\\
yAvadeva paridyUnA yAvachchhokaparAyaNAH . 
yAvanmitra vihInAshcha tAvachchhakyA mataM mama .. 19..\\
tasya tadvachana.n shrutvA pUjayantaH punaH punaH . 
bADhamityeva te sarve pratyUchuH sUtaja.n tadA .. 20..\\
evamuktvA tu sa~NkruddhA rathaiH sarve pR^ithakpR^ithak . 
niryayuH pANDavAnhantu.n sa~NghashaH kR^itanishchayAH .. 21..\\
tAnprasthitAnpariGYAya kR^iShNadvaipAyanastadA . 
AjagAma vishuddhAtmA dR^iShTvA divyena chakShuShA .. 22..\\
pratiShidhyAtha tAnsarvAnbhagavA.NllokapUjitaH . 
praGYA chakShuShamAsInamuvAchAbhyetya satvaraH .. 23..\\
\medskip\hrule\medskip\centerline{\Largedvng 9}
 vy

dhR^itarAShTra mahAprAGYa nibodha vachanaM mama . 
vakShyAmi tvA kauravANA.n sarveShAM hitamuttamam .. 1..\\
na me priyaM mahAbAho yadgatAH pANDavA vanam . 
nikR^ityA nirjitAshchaiva duryodhana vashAnugaiH .. 2..\\
te smarantaH parikleshAnvarShe pUrNe trayodashe . 
vimokShyanti viSha.n kruddhAH karaveyeShu bhArata .. 3..\\
tadaya.n kiM nu pApAtmA tava putraH sumandadhIH . 
pANDavAnnityasa~Nkruddho rAjyahetorjighA.nsati .. 4..\\
vAryatA.n sAdhvayaM mUDhaH shama.n gachchhatu te sutaH . 
vanasthA.nstAnaya.n hantumichchhanprANairvimokShyate .. 5..\\
yathAha viduraH prAGYo yathA bhIShmo yathA vayam . 
yathA kR^ipashcha droNashcha tathA sAdhu vidhIyatAm .. 6..\\
vigraho hi mahAprAGYa svajanena vigarhitaH . 
adhArmyamayashasya.n cha mA rAjanpratipadyathAH .. 7..\\
samIkShA yAdR^ishI hyasya pANDavAnprati bhArata . 
upekShyamANA sA rAjanhamAntamanaya.n spR^ishet .. 8..\\
atha vAya.n sumandAtmA vana.n gachchhatu te sutaH . 
pANDavaiH sahito rAjanneka evAsahAya vAn .. 9..\\
tataH sa.nsargajaH snehaH putrasya tava pANDavaiH . 
yadi syAtkR^itakAryo.adya bhavestvaM manujeshvara .. 10..\\
atha vA jAyamAnasya yachchhIlamanujAyate . 
shrUyate tanmahArAja nAmR^itasyapasarpati .. 11..\\
katha.n vA manyate bhIShmo droNo vA viduro.api vA . 
bhavAnvAtra kShama.n kAryaM purA chArtho.ativartate .. 12..\\
\medskip\hrule\medskip\centerline{\Largedvng 10}
 dhr

bhagavannAhamapyetadrochaye dyUtasa.nstavam . 
manye tadvidhinAkramya kArito.asmIti vai mune .. 1..\\
naitadrochayate bhIShmo na droNo viduro na cha . 
gAndhArI nechchhati dyUta.n tachcha mohAtpravartitam .. 2..\\
parityaktuM na shaknomi duryodhanamachetanam . 
putrasnehena bhagava~njAnannapi yatavrata .. 3..\\

 vy

vaichitra vIryanR^ipate satyamAha yathA bhavAn . 
dR^iDha.n vedmi paraM putraM paraM putrAnna vidyate .. 4..\\
indro.apyashrunipAtena surabhyA pratibodhitaH . 
anyaiH samR^iddhairapyarthairna sutAdvidyate param .. 5..\\
atra te vartayiShyAmi mahadAkhyAnamuttamam . 
surabhyAshchaiva sa.nvAdamindrasya cha vishAM pate .. 6..\\
triviShTapagatA rAjansurabhiH prArudatkila . 
gavAM mAta purA tAta tAmindro.anvakR^ipAyata .. 7..\\

 in

kimida.n rodiShi shubhe kachchitkShema.n divaukasAm . 
mAnuSheShvatha vA goShu naitadalpaM bhaviShyati .. 8..\\

 su

vinipAto na vaH kashchiddR^ishyate tridashAdhipa . 
aha.n tu putra.n shochAmi tena rodimi kaushika .. 9..\\
pashyaina.n karShaka.n raudraM durbalaM mama putrakam . 
pratodenAbhinighnanta.n lA~Ngalena nipIDitam .. 10..\\
eta.n dR^iShTvA bhR^isha.n shrantaM vadhyamAnaM surAdhipa . 
kR^ipAviShTAsmi devendra manash chodvijate mama .. 11..\\
ekastatra balopeto dhuramudvahate.adhikAm . 
aparo.alpabalaprANaH kR^isho dhamani santataH . 
kR^ichchhrAdudvahate bhAra.n ta.n vai shochAmi vAsava .. 12..\\
vadhyamAnaH pratodena tudyamAnaH punaH punaH . 
naiva shaknomi taM bhAramudvoDhuM pashya vAsava .. 13..\\
tato.aha.n tasya duHkhArtA viraumi bhR^ishaduHkhitA . 
ashrUNyAvartayantI cha netrAbhyA.n karuNAyatI .. 14..\\

 in

tava putrasahasreShu pIDyamAneShu shobhane . 
ki.n kR^ipAyitamastyatra putra eko.atra pIDyate .. 15..\\

 su

yadi putrasahasraM me sarvatra samameva me . 
dInasya tu sataH shakraputrasyAbhyadhikA kR^ipA .. 16..\\

 vy

tadindraH surabhI vAkyaM nishamya bhR^ishavismitaH . 
jIvitenApi kauravya mene.abhyadhikamAtmajam .. 17..\\
pravavarSha cha tatraiva sahasA toyamulbaNam . 
karShakasyAcharanvighnaM bhagavAnpAkashAsanaH .. 18..\\
tadyathA surabhiH prAha samamevAstu me tathA . 
suteShu rAjansarveShu dIneShvabhyadhikA kR^ipA .. 19..\\
yAdR^isho me sutaH paNDustAdR^isho me.asi putraka . 
vidurashcha mahAprAGYaH snehAdetadvramImyaham .. 20..\\
chirAya tava putrANA.n shatamekashcha pArthiva . 
pANDoH pa~nchaiva lakShyante te.api mandAH suduHkhitAH .. 21..\\
katha.n jIveyuratyantaM katha.n vardheyurityapi . 
iti dIneShu pArtheShu mano me paritapyate .. 22..\\
yadi pArthiva kauravyA~njIvamAnAnihechchhasi . 
duryodhanastava sutaH shama.n gachchhatu pANDavaiH .. 23..\\
\medskip\hrule\medskip\centerline{\Largedvng 11}
 dhr

evametanmahAprAGYa yathA vadasi no mune . 
aha.n chaiva vijAnAmi sarve cheme narAdhipAH .. 1..\\
bhavA.nstu manyate sAdhu yatkurUNA.n sukhodayam . 
tadeva viduro.apyAha bhIShmo droNashcha mAM mune .. 2..\\
yadi tvahamanugrAhyaH kauraveShu dayA yadi . 
anushAdhi durAtmAnaM putra.n duryodhanaM mama .. 3..\\

 vy

ayamAyAti vai rAjanmaitreyo bhavagAnR^iShiH . 
anvIya pANDavAnbhrAtR^InihaivAsmaddidR^ikShayA .. 4..\\
eSha duryodhanaM putra.n tava rAjanmahAnR^iShiH . 
anushAstA yathAnyAya.n shamAyAsya kulasya te .. 5..\\
brUyAdyadeSha rAjendra tatkAryamavisha~NkayA . 
akriyAyA.n hi kAryasya putra.n te shapsyate ruShA .. 6..\\

 vai

evamuktvA yayau vyAso maitreyaH pratyadR^ishyata . 
pUjayA pratijagrAha saputrastaM narAdhipaH .. 7..\\
dattvArghyAdyAH kriyAH sarvA vishrAntaM munipu~Ngavam . 
prashrayeNAbravIdrAjA dhR^itarAShTro.ambikA sutaH .. 8..\\
sukhenAgamana.n kachchidbhagavankurujA~Ngale . 
kachchitkushalino vIrA bhrAtaraH pa~ncha pANDavAH .. 9..\\
samaye sthAtumichchhanti kachchichcha puruSharShabhAH . 
kachchitkurUNA.n saubhrAtramavyuchchhannaM bhaviShyati .. 10..\\

 mai

tIrthayAtrAmanukrAmanprApto.asmi kurujA~Ngalam . 
yadR^ichchhayA dharmarAja.n dR^iShTavAnkAmyake vane .. 11..\\
ta.n jaTAjinasa.nvItaM tapovananivAsinam . 
samAjagmurmahAtmAna.n draShTuM munigaNAH prabho .. 12..\\
tatrAshrauShaM mahArAja putrANA.n tava vibhramam . 
anaya.n dyUtarUpeNa mahApApamupasthitam .. 13..\\
tato.aha.n tvAmanuprAptaH kauravANAmavekShayA . 
sadA hyabhyadhikaH snehaH prItish cha tvayi me prabho .. 14..\\
naitadaupayika.n rAja.nstvayi bhIShme cha jIvati . 
yadanyonyena te putrA virudhyante narAdhipa .. 15..\\
meDhI bhUtaH svaya.n rAjannigrahe rpagrahe bhavAn . 
kimarthamanaya.n ghoramutpatantamupekShase .. 16..\\
dasyUnAmiva yadvR^itta.n sabhAyA.n kurunandana . 
tena na bhrAjase rAja.nstApasAnA.n samAgame .. 17..\\

 vai

tato vyAvR^itya rAjAna.n duryodhanamamarShaNam . 
uvAcha shlakShNayA vAchA maitreyo bhagavAnR^iShiH .. 18..\\
duryodhana mahAbAho nibodha vadatA.n vara . 
vachanaM me mahAprAGYa bruvato yaddhita.n tava .. 19..\\
mA druhaH pANDavAnrAjankuruShva hitamAtmanaH . 
pANDavAnA.n kurUNAM cha lokasya cha nararShabha .. 20..\\
te hi sarve naravyAghrAH shUrA vikrAntayodhinaH . 
sarve nAgAyuta prANA vajrasa.nhananA dR^iDhAH .. 21..\\
satyavrataparAH sarve sarve puruShamAninaH . 
hantAro devashatrUNA.n rakShasA.n kAmarUpiNAm . 
hiDimbabakamukhyAnA.n kirmIrasya cha rakShasaH .. 22..\\
itaH prachyavatA.n rAtrau yaH sa teShAM mahAtmanAm . 
AvR^itya mArga.n raudrAtmA tasthau giririvAchalaH .. 23..\\
taM bhImaH samarashlAghI balena balinA.n varaH . 
jaghAna pashumAreNa vyAghraH kShudramR^iga.n yathA .. 24..\\
pashya digvijaye rAjanyathA bhImena pAtitaH . 
jarAsandho maheShvAso nAgAyuta balo yudhi .. 25..\\
sambandhI vAsudevashcha yeShA.n shyAlashcha pArShataH . 
kastAnyudhi samAsIta jarAmaraNavAnnaraH .. 26..\\
tasya te shama evAstu pANDavairbharatarShabha . 
kuru me vachana.n rAjanmA mR^ityuvashamanvagAH .. 27..\\
eva.n tu bruvatastasya maitreyasya vishAM pate . 
Uru.n gajakarAkAraM kareNAbhijaghAna saH .. 28..\\
duryodhanaH smita.n kR^itvA charaNenAlikhanmahIm . 
na ki.n chiduktvA duryodhAstasthau kiM chidavA~NmukhaH .. 29..\\
tamashushrUShamANa.n tu vilikhanta.n vasundharAm . 
dR^iShTvA duryodhana.n rAjanmaitreya.n kopa Avishat .. 30..\\
sa kopavashamApanno maitreyo munisattamaH . 
vidhinA samprayuktashcha shApAyAsya mano dadhe .. 31..\\
tataH sa vAryupaspR^ishya kopasa.nrakta lochanaH . 
maitreyo dhArtarAShTra.n tamashapadduShTachetasam .. 32..\\
yasmAttvaM mAmanAdR^itya nemA.n vAcha.n chikIrShasi . 
tasmAdasyAbhimAnasya sadyaH phalamavApnuhi .. 33..\\
tvadabhidroha sa.nyukta.n yuddhamutpatsyate mahat . 
yatra bhImo gadApAtaistavoruM bhetsyate balI .. 34..\\
ityevamukte vachane dhR^itarAShTro mahIpatiH . 
prasAdayAmAsa muniM naitadevaM bhavediti .. 35..\\

 mai

shama.n yAsyati chetputrastava rAjanyathAtathA . 
shApo na bhavitA tAta viparIte bhaviShyati .. 36..\\

 vai

sa vilakShastu rAjendra duryodhana pitA tadA . 
maitreyaM prAha kirmIraH kathaM bhImena pAtitaH .. 37..\\

 mai

nAha.n vakShyAmyasUrA te na te shushrUShate sutaH . 
eSha te viduraH sarvamAkhyAsyati gate mayi .. 38..\\

 vai

ityevamuktvA maitreyaH prAtiShThata yathAgatam . 
kirmIravadhasa.nvigno bahirduryodhano.agamat .. 39..\\
\medskip\hrule\medskip\centerline{\Largedvng 12}
 dhr

kirmIrasya vadha.n kShattaH shrotumichchhAmi kathyatAm . 
rakShasA bhImasenasya kathamAsItsamAgamaH .. 1..\\

 vi

shR^iNu bhImasya karmedamatimAnuSha karmaNaH . 
shrutapUrvaM mayA teShA.n kathAnteShu punaH punaH .. 2..\\
itaH prayAtA rAjendra pANDavA dyUtanirjitAH . 
jagmustribhirahorAtraiH kAmyakaM nAma tadvanam .. 3..\\
rAtrau nishIthe svAbhIle gate.arthasamaye nR^ipa . 
prachAre puruShAdAnA.n rakShasAM bhImakarmaNAm .. 4..\\
tadvana.n tApasA nitya.n sheShAshcha vanachAriNaH . 
dUrAtpariharanti sma puruShAdabhayAtkila .. 5..\\
teShAM pravishatA.n tatra mArgamAvR^itya bhArata . 
dIptAkShaM bhIShaNa.n rakShaH solmukaM pratyadR^ishyata .. 6..\\
bAhU mahAntau kR^itvA tu tathAsya.n cha bhayAnakam . 
sthitamAvR^itya panthAna.n yena yAnti kurUdvahAH .. 7..\\
daShTauShTha daMShTra.n tAmrAkShaM pradIptordhva shiroruham . 
sArkarashmitaDichchakra.n sabalAkamivAmbudam .. 8..\\
sR^ijanta.n rAkShasIM mAyAM mahArAva virAviNam . 
mu~nchanta.n vipulaM nAdaM satoyamiva toyadam .. 9..\\
tasya nAdena santrastAH pakShiNaH sarvatodisham . 
vimuktanAdAH sampetuH sthalajA jalajaiH saha .. 10..\\
sampradruta mR^igadvIpimahiSharkSha samAkulam . 
tadvana.n tasya nAdena samprasthitamivAbhavat .. 11..\\
tasyoruvAtAbhihatA tAmrapallava bAhavaH . 
vidUra jAtAshcha latAH samAlshiShyanta pAdapAn .. 12..\\
tasminkShaNe.atha pravavau mAruto bhR^ishadAruNaH . 
rajasA sa.nvR^ita.n tena naShTarShkamabhavannabhaH .. 13..\\
pa~nchAnAM pANDuputrANAmaviGYAto mahAripuH . 
pa~nchAnAmindriyANA.n tu shokavega ivAtulaH .. 14..\\
sa dR^iShTvA pANDavAndUrAtkR^iShNAjinasamAvR^itAn . 
AvR^iNottadvanadvAraM mainAka iva parvataH .. 15..\\
ta.n samAsAdya vitrastA kR^iShNA kamalalochanA . 
adR^iShTapUrva.n santrAsAnnyamIlayata lochane .. 16..\\
duHshAsana karotsR^iShTaviprakIrNashiroruhA . 
pa~ncha parvatamadhyasthA nadIvAkulatA.n gatA .. 17..\\
momuhyamAnA.n tAM tatra jagR^ihuH pa~ncha pANDavAH . 
indriyANi prasaktAni viShayeShu yathA ratim .. 18..\\
atha tA.n rAkShasIM mAyAmutthitA.n ghoradarshanAm . 
rakShoghnairvividhairmantrairdhaumyaH samyakprayojitaiH . 
pashyatAM pANDuputrANAM nAshayAmAsa vIryavAn .. 19..\\
sa naShTamAyo.atibalaH krodhavisphAritekShaNaH . 
kAmamUrti dharaH kShudraH kAlakalpo vyadR^ishyata .. 20..\\
tamuvAcha tato rAjA dIrghapraGYo yudhiShThiraH . 
ko bhavAnkasya vA ki.n te kriyatAM kAryamuchyatAm .. 21..\\
pratyuvAchAtha tadrakSho dharmarAja.n yudhiShThiram . 
ahaM bakasya vai bhrAtA kirmIra iti vishrutaH .. 22..\\
vane.asminkAmyake shUnye nivasAmi gatajvaraH . 
yudhi nirjitya puruShAnAhAraM nityamAcharan .. 23..\\
ke yUyamiha samprAptA bhakShyabhUtA mamAntikam . 
yudhi nirjitya vaH sarvAnbhakShayiShye gatajvaraH .. 24..\\
yudhiShThirastu tachchhrutvA vachastasya durAtmanaH . 
AchachakShe tataH sarva.n gotra nAmAdi bhArata .. 25..\\
pANDavo dharmarAjo.aha.n yadi te shrotramAgataH . 
sahito bhrAtR^ibhiH sarvairbhImasenArjunAdibhiH .. 26..\\
hR^itarAjyo vanevAsa.n vastu.n kR^itamitastataH . 
vanamabhyAgato ghoramida.n tava parigraham .. 27..\\
kirmIrastvabravIdena.n diShTyA devairidaM mama . 
upapAditamadyeha chirakAlAnmanogatam .. 28..\\
bhImasenavadhArtha.n hi nityamabhyudyatAyudhaH . 
charAmi pR^ithivI.n kR^itsnAM nainamAsAdayAmyaham .. 29..\\
so.ayamAsAdito diShTyA bhrAtR^ihA kA~NkShitash chiram . 
anena hi mama bhrAtA bako vinihataH priyaH .. 30..\\
vetrakIya gR^ihe rAjanbrAhmaNachchhadma rUpiNA . 
vidyA balamupAshritya na hyastyasyaurasaM balam .. 31..\\
hiDimbashcha sakhA mahya.n dayito vanagocharaH . 
hato durAtmanAnena svasA chAsya hR^itA purA .. 32..\\
so.ayamabhyAgato mUDha mameda.n gahana.n vanam . 
prachAra samaye.asmAkamardharAtre samAsthite .. 33..\\
adyAsya yAtayiShyAma tadvaira.n chirasambhR^itam . 
tarpayiShyAmi cha baka.n rudhireNAsya bhUriNA .. 34..\\
adhyAhamanR^iNo bhUtvA bhrAtuH sakhyustathaiva cha . 
shAnti.n labdhAsmi paramAM hatva rAkShasakaNTakam .. 35..\\
yadi tena purA mukto bhImaseno bakena vai . 
adyainaM bhakShayiShyAmi pashyataste yudhiShThira .. 36..\\
ena.n hi vipulaprANamadya hatvA vR^ikodaram . 
sambhakShya jarayiShyAmi yathAgastyo mahAsuram .. 37..\\
evamuktastu dharmAtmA satyasandho yudhiShThiraH . 
naitadastIti sakrodho bhartsayAmAsa rAkShasam .. 38..\\
tato bhImo mahAbAhurArujya tarasA druma . 
dashavyAmamivodviddhaM niShpatramakarottadA .. 39..\\
chakAra sajya.n gANDIva.n vajraniShpeSha gauravam . 
nimeShAntaramAtreNa tathaiva vijayo.arjunaH .. 40..\\
nivArya bhImo jiShNu.n tu tadrakSho ghoradarshanam . 
abhidrutyAbravIdvAkya.n tiShTha tiShTheti bhArata .. 41..\\
ityuktvainamabhikruddhaH kakShyAmutpIDya pANDavaH . 
niShpiShya pANinA pANi.n sandaShTauShTha puTo balI . 
tamabhyadhAvadvegena bhImo vR^ikShAyudhastadA .. 42..\\
yamadaNDapratIkAsha.n tatastaM tasya mUrdhani . 
pAtayAmAsa vegena kulishaM maghavAniva .. 43..\\
asambhrAnta.n tu tadrakShaH samare pratyadR^ishyata . 
chikShepa cholmika.n dIptamashaniM jvalitAm iva .. 44..\\
tadudastamalAta.n tu bhImaH praharatA.n varaH . 
padA savyena chikShepa tadrakShaH punarAvrajat .. 45..\\
kirmIrashchApi sahasA vR^ikShamutpATya pANDavam . 
daNDapANiriva kruddhaH samare pratyayudhyata .. 46..\\
tadvR^ikShayuddhamabhavanmahIruha vinAshanam . 
vAlisugrIvayorbhrAtroryathA shrIkA~NkShiNoH purA .. 47..\\
shIrShayoH patitA vR^ikShA bibhidurnaikadhA tayoH . 
yathaivotpala padmAni mattayordvipayostathA .. 48..\\
mu~njavajjArjarI bhUtA bahavastatra pAdapAH . 
chIrANIva vyudastAni rejustatra mahAvane .. 49..\\
tadvR^ikShayuddhamabhavatsumuhUrta.n vishAM pate . 
rAkShasAnA.n cha mukhyasya narANAm uttamasya cha .. 50..\\
tataH shilA.n samutkShipya bhImasya yudhi tiShThataH . 
prAhiNodrAkShasaH kruddho bhImasenashchachAla ha .. 51..\\
ta.n shilA tADanajaDaM paryadhAvatsa rAkShasaH . 
bAhuvikShipta kiraNaH svarbhAnuriva bhAskaram .. 52..\\
tAvanyonya.n samAshliShya prakarShantau parasparam . 
ubhAvapi chakAshete prayuddhau vR^iShabhAviva .. 53..\\
tayorAsItsutumulaH samprahAraH sudAruNaH . 
nakhadaMShTrAyudhavatorvyAghrayoriva dR^iTtayoH .. 54..\\
duryodhana nikArAchcha bAhuvIryAchcha darpitaH . 
kR^iShNA nayanadR^iShTashcha vyavardhata vR^ikodaraH .. 55..\\
abhipatyAtha bAhubhyAM pratyagR^ihNAdamarShitaH . 
mAta~Nga iva mAta~NgaM prabhinnakaraTA mukhaH .. 56..\\
ta.n chApyAtha tato rakShaH pratijagrAha vIryavAn . 
tamAkShipadbhImaseno balena balinA.n varaH .. 57..\\
tayorbhujaviniShpeShAdubhayorvalinostadA . 
shabdaH samabhavadghoro veNusphoTa samo yudhi .. 58..\\
athainamAkShipya balAdgR^ihya madhye vR^ikodaraH . 
dhUnayAmAsa vegena vAyushchaNDa iva drumam .. 59..\\
sa bhImena parAmR^iShTo durbalo balinA raNe . 
vyaspandata yathAprANa.n vichakarSha cha pANDavam .. 60..\\
tata enaM parishrAntamupalabhya vR^ikodaraH . 
yoktrayAmAsa bAhubhyAM pashu.n rashanayA yathA .. 61..\\
vinadantaM mahAnAdaM bhinnabherI samasvanam . 
bhrAmayAmAsa suchira.n visphurantamachetasam .. 62..\\
ta.n viShIdantamAGYAya rAkShasaM pANDunandanaH . 
pragR^ihya tarasA dorbhyAM pashumAramamArayan .. 63..\\
Akramya sa kaTI deshe jAnunA rAkShasAdhamam . 
apIDayata bAhubbhyA.n kaNThaM tasya vR^ikodaraH .. 64..\\
atha ta.n jaDa sarvA~Nga.n vyAvR^ittanayanolbaNam . 
bhUtale pAtayAmAsa vAkya.n chedamuvAcha ha .. 65..\\
hiDimbabakayoH pApana tvamashrupramArjanam . 
kariShyasi gatashchAsi yamasya sadanaM prati .. 66..\\
ityevamuktvA puruShapravIras 
ta.n rAkShasa.n krodhavivR^itta netraH . 
prasrastavastrAbharaNa.n sphurantam 
udbbhrAnta chitta.n vyasumutsasarja .. 67..\\
tasminhate toyadatulyarUpe 
kR^iShNAM puraskR^itya narendraputrAH . 
bhImaM prashasyAtha guNairanekair 
hR^iShTAstato dvaitavanAya jagmuH .. 68..\\
eva.n vinihataH sa~Nkhye kirmIro manujAdhipa . 
bhImena vachanAdasya dharmarAjasya kaurava .. 69..\\
tato niShkaNTaka.n kR^itvA vanaM tadaparAjitaH . 
draupadyA sahadharmaGYo vasati.n tAmuvAsa ha .. 70..\\
samAshvAsya cha te sarve draupadIM bharatarShabhAH . 
prahR^iShTamanasaH prItyA prashasha.nsurvR^ikodaram .. 71..\\
bhIma bAhubalotpiShTe vinaShTe rAkShase tataH . 
vivishustadvana.n vIrAH kShemaM nihatakaNTakam .. 72..\\
sa mayA gachchhatA mArge vinikIrNo bhayAvahaH . 
vane mahati duShTAtmA dR^iShTo bhImabalAddhataH .. 73..\\
tatrAshrauShamaha.n chaitatkarma bhImasya bhArata . 
brAhmaNAnA.n kathayatA.n ye tatrAsansamAgatAH .. 74..\\
eva.n vinihataM sa~Nkhye kirmIraM rAkShasottamam . 
shrutvA dhyAnaparo rAjA nishashvAsArtavattadA .. 75..\\
\medskip\hrule\medskip\centerline{\Largedvng 13}
 vai

bhojAH pravrajitA~nshrutvA vR^iShNayashchAndhakaiH saha . 
pANDavAnduHkhasantaptAnsamAjagmurmahAvane .. 1..\\
pA~nchAlasya cha dAyAdA dhR^iShTaketushcha chedipaH . 
kekayAshcha mahAvIryA bhrAtaro lokavishrutAH .. 2..\\
vane te.abhiyayuH pArthAnkrodhAmarsha samanvitAH . 
garhayanto dhArtarAShTrAnki.n kurma iti chAbruvan .. 3..\\
vAsudevaM puraskR^itya sarve te kShatriyarShabhAH . 
parivAryopavivishurdharmarAja.n yudhiShThiram .. 4..\\

 vaa

duryodhanasya karNasya shakuneshcha durAtmanaH . 
duHshAsanachaturthAnAM bhUmiH pAsyati shoNitam .. 5..\\
tataH sarve.abhiShi~nchAmo dharmarAja.n yudhiShThiram . 
nikR^ityopacharanvadhya eva dharmaH sanAtanaH .. 6..\\

 vai

pArthAnAmabhiSha~NgeNa tathA kruddha.n janArdanam . 
arjunaH shamayAmAsA didhakShantamiva prajAH .. 7..\\
sa~Nkruddha.n keshavaM dR^iShTvA pUrvadeheShu phalgunaH . 
kIrtayAmAsa karmANi satyakIrtermahAtmanaH .. 8..\\
puruShasyAprameyasya satyasyAmita tejasaH . 
prajApatipaterviShNorlokanAthasya dhImataH .. 9..\\

 ar

dashavarShasahasrANi yatrasAya.n gR^iho muniH . 
vyacharastvaM purA kR^iShNa parvate gandhamAdane .. 10..\\
dashavarShasahasrANi dashavarShashatAni cha . 
puShkareShvavasaH kR^iShNa tvamapo bhakShayanpurA .. 11..\\
UrdhvabAhurvishAlAyAM badaryAM madhusUdana . 
atiShTha ekapAdena vAyubhakShaH shata.n samAH .. 12..\\
apakR^iShTottarAsa~NgaH kR^isho dhamani santataH . 
AsIH kR^iShNa sarasvatyA.n satre dvAdasha vArShike .. 13..\\
prabhAsa.n chApyathAsAdya tIrthaM puNyajanochitam . 
tathA kR^iShNa mahAtejA divya.n varShasahasrakam . 
AtiShThastapa ekena pAdena niyame sthitaH .. 14..\\
kShetrajaH sarvabhUtAnAmAdirantashcha keshava . 
nidhAna.n tapasAM kR^iShNa yaGYastvaM cha sanAtanaH .. 15..\\
nihatya narakaM bhaumamAhR^itya maNikuNDale . 
prathamotpAdita.n kR^iShNa medhyamashvamavAsR^ijaH .. 16..\\
kR^itvA tatkarma lokAnAmR^iShabhaH sarvalokajit . 
avadhIstva.n raNe sarvAnsametAndaityadAnavAn .. 17..\\
tataH sarveshvaratva.n cha sampradAya shachIpateH . 
mAnuSheShu mahAbAho prAdurbhUto.asi keshava .. 18..\\
sa tvaM nArAyaNo bhUtvA harirAsIH parantapa . 
brahmA somashcha sUryashcha dharmo dhAtA yamo.analaH .. 19..\\
vAyurvaishravaNo rudraH kAlaH khaM pR^ithivI dishaH . 
ajashcharAcharaguruH sraShTA tvaM puruShottama .. 20..\\
turAyaNAdibhirdevakratubhirbhUridakShiNaiH . 
ayajo bhUri tejA vai kR^iShNa chaitraratho vane .. 21..\\
shata.n shatasahasrANi suvarNasya janArdana . 
ekaikasmi.nstadA raGYe paripUrNAni bhAgashaH .. 22..\\
aditerapi putratvametya yAdavanandana . 
tva.n viShNuriti vikhyAta indrAdavarajo bhuvi .. 23..\\
shishurbhUtvA diva.n khaM cha pR^ithivIM cha parantapa . 
tribhirvikramaNaiH kR^iShNa krAntavAnasi tejasA .. 24..\\
samprApya divamAkAshamAdityasadane sthitaH . 
atyarochashcha bhUtAtmanbhAskara.n svena tejasA .. 25..\\
sAditA mauravAH pAshA nisunda narakau hatau . 
kR^itaH kShemaH punaH panthAH puraM prAgjyotiShaM prati .. 26..\\
jArUthyAmAhutiH krAthaH shishupAlo janaiH saha . 
bhImasenashcha shaibyashcha shatadhanvA cha nirjitaH .. 27..\\
tathA parjanyaghoSheNa rathenAdityavarchasA . 
avAkShIrmahiShIM bhojyA.n raNe nirjitya rukmiNam .. 28..\\
indra dyumno hataH kopAdyavanashcha kasherumAn . 
hataH saubhapatiH shAlvastvayA saubha.n cha pAtitam .. 29..\\
irAvatyA.n tathA bhojaH kArtavIryasamo yudhi . 
gopatistAlaketushcha tvayA vinihatAvubhau .. 30..\\
tA.n cha bhogavatIM puNyAmR^iShikAntAM janArdana . 
dvArakAmAtmasAtkR^itvA samudra.n gamayiShyasi .. 31..\\
na krodho na cha mAtsaryaM nAnR^itaM madhusUdana . 
tvayi tiShThati dAshArha na nR^isha.nsya.n kuto.anagha .. 32..\\
AsIna.n chittamadhye tvAM dIpyamAna.n svatejasA . 
Agamya R^iShayaH sarve.ayAchantAbhayamachyuta .. 33..\\
yugAnte sarvabhUtAni sa~NkShipya madhusUdana . 
AtmanyevAtma sAtkR^itvA jagadAsse parantapa .. 34..\\
naivaM pUrve nApare vA kariShyanti kR^itAni te . 
karmANi yAni deva tvaM bAla eva mahAdyute .. 35..\\
kR^itavAnpuNDarIkAkSha baladeva sahAyavAn . 
vairAja bhavane chApi brahmaNA nyavasaH saha .. 36..\\

 vai

evamuktvA tadAtmAnamAtmA kR^iShNasya pANDavaH . 
tUShNImAsIttataH pArthamityuvAcha janArdanaH .. 37..\\
mamaiva tva.n tavaivAha.n ye madIyAstavaiva te . 
yastvA.n dveShTi sa mAM dveShTi yastvAmanu sa mAm anu .. 38..\\
narastvamasi durdharSha harirnArAyaNo hyaham . 
lokAllokamimaM praptau naranArAyaNAvR^iShI .. 39..\\
ananyaH pArtha mattastvamaha.n tvattashcha bhArata . 
nAvayorantara.n shakyaM vedituM bharatarShabha .. 40..\\
tasminvIra samAvAye sa.nrabdheShvatha rAjasu . 
dhR^iShTadyumnamukhairvIrairbhrAtR^ibhiH parivAritA .. 41..\\
pA~nchAlI puNDarIkAkShamAsIna.n yAdavaiH saha . 
abhigamyAbravItkR^iShNA sharaNya.n sharaNaiShiNI .. 42..\\
pUrve prajA nisarve tvAmAhurekaM prajApatim . 
sraShTAra.n sarvabhUtAnAmasito devalo.abravIt .. 43..\\
viShNustvamasi durdharSha tva.n yaGYo madhusUdana . 
yaShTA tvamasi yaShTavyo jAmadagnyo yathAbravIt .. 44..\\
R^iShayastvA.n kShamAmAhuH satyaM cha puruShottama . 
satyAdyaGYo.asi sambhUtaH kashyapastvA.n yathAbravIt .. 45..\\
sAdhyAnAmapi devAnA.n vasUnAmIshvareshvara . 
lobhabhAvena lokesha yathA tvAM nArado.abravIt .. 46..\\
diva.n te shirasA vyAptaM padbhyAM cha pR^ithivI vibho . 
jaThara.n te ime lokAH puruSho.asi sanAtanaH .. 47..\\
vidyA tapo.abhitaptAnA.n tapasA bhAvitAtmanAm . 
AtmadarshanasiddhAnAmR^iShINAmR^iShisattama .. 48..\\
rAjarShINAM puNyakR^itAmAhaveShvanivartinAm . 
sarvadharmopapannAnA.n tvaM gatiH puruShottama .. 49..\\
tvaM prabhustva.n vibhustvaM bhUrAtmabhUstvaM sanAtanaH . 
lokapAlAshcha lokAshcha nakShatrANi disho dasha . 
nabhashchandrashcha sUryashcha tvayi sarvaM pratiShThitam .. 50..\\
martyatA chaiva bhUtAnAmamaratva.n divaukasAm . 
tvayi sarvaM mahAbAho lokakAryaM pratiShThitam .. 51..\\
sA te.aha.n duHkhamAkhyAsye praNayAnmadhusUdana . 
Ishastva.n sarvabhUtAnAM ye divyA ye cha mAnuShAH .. 52..\\
kathaM nu bhAryA pArthAnA.n tava kR^iShNa sakhI vibho . 
dhR^iShTadyumnasya bhaginI sabhA.n kR^iShyeta mAdR^ishI .. 53..\\
strI dharmiNI vepamAnA rudhireNa samukShitA . 
ekavastrA vikR^iShTAsmi duHkhitA kurusa.nsadi .. 54..\\
rAjamadhye sabhAyA.n tu rajasAbhisamIritAm . 
dR^iShTvA cha mA.n dhArtarAShTraH prAhasanpApachetasaH .. 55..\\
dAsI bhAvena bhoktuM mAmIShuste madhusUdana . 
jIvatsu pANDuputreShu pA~nchAleShvatha vR^iShNiShu .. 56..\\
nanvaha.n kR^iShTabhIShmasya dhR^itarAShTrasya chobhayoH . 
snuShA bhavAmi dharmeNa sAha.n dAsI kR^itA balAt .. 57..\\
garhaye pANDavA.nstveva yudhi shreShThAnmahAbalAn . 
ye klishyamAnAM prekShante dharmapatnI.n yashasvinIm .. 58..\\
dhigbalaM bhImasenasya dhikpArthasya dhanuShmatAm . 
yau mA.n viprakR^itA.n kShudrairmarShayetAM janArdana .. 59..\\
shAshvato.aya.n dharmapathaH sadbhirAcharitaH sadA . 
yadbhAryAM parirakShanti bhartAro.alpabalA api .. 60..\\
bhAryAyA.n rakShyamANAyAM prajA bhavati rakShitA . 
prajAyA.n rakShyamANAyAmAtmA bhavati rakShitaH .. 61..\\
AtmA hi jAyate tasyA.n tasmAjjAyA bhavatyuta . 
bhartA cha bhAryayA rakShyaH katha.n jAyAnmamodare .. 62..\\
nanvime sharaNaM prAptAnna tyajanti kadA chana . 
te mA.n sharaNamApAnnAM nAnvapadyanta pANDavAH .. 63..\\
pa~ncheme pa~nchabhirjAtAH kumArAshchAmitaujasaH . 
eteShAmapyavekShArtha.n trAtavyAsmi janArdana .. 64..\\
prativindhyo yudhiShThirAtsuta somo vR^ikodarAt . 
arjunAchchhruta kIritstu shatAnIkastu nAkuliH .. 65..\\
kaniShTAchchhruta karmA tu sarve satyaparAkramAH . 
pradyumno yAdR^ishaH kR^iShNa tAdR^ishAste mahArathAH .. 66..\\
nanvime dhanuShi shreShThA ajeyA yudhi shAtravaiH . 
kimartha.n dhArtarAShTrANA.n sahante durbalIyasAm .. 67..\\
adhArmeNa hR^ita.n rAjyaM sarve dAsAH kR^itAstathA . 
sabhAyAM parikR^iShTAhamekavastrA rajasvalA .. 68..\\
nAdhijyamapi yachchhakya.n kartumanyena gANDivam . 
anyatrArjuna bhImAbhyA.n tvayA vA madhusUdana .. 69..\\
dhigbhImasenasya bala.n dhikpArthasya cha gANDivam . 
yatra duryodhanaH kR^iShNa muhUrtamapi jIvati .. 70..\\
ya etAnAkShipadrAShTrAtsaha mAtrAvihi.nsakAn . 
adhIyAnAnpurA bAlAnvratasthAnmadhusUdana .. 71..\\
bhojane bhImasenasya pApaH prAkShepayadviSham . 
kAlakUTaM nava.n tIkShNa.n sambhR^itaM lomaharShaNam .. 72..\\
tajjIrNamavikAreNa sahAnnena janArdana . 
sasheShatvAnmahAbAho bhImasya puruShottama .. 73..\\
pramANa koTyA.n vishvasta.n tathA suptaM vR^ikodaram . 
baddhvaina.n kR^iShNa ga~NgAyAM prakShipya punarAvrajat .. 74..\\
yadA vibuddhaH kaunteyastadA sa~nchidya bandhanam . 
udatiShThanmahAbAhurbhImaseno mahAbalaH .. 75..\\
AshIviShaiH kR^iShNasarpaiH supta.n chainamadarshayat . 
sarveShvevA~NgadesheShu na mamAra cha shatruhA .. 76..\\
pratibbuddhastu kaunteyaH sarvAnsarpAnapothayat . 
sArathi.n chAsya dayitamapahastena jaghnivAn .. 77..\\
punaH suptAnupAdhAkShIdbAlakAnvAraNAvate . 
shayAnAnAryayA sArdha.n ko nu tatkartumarhati .. 78..\\
yatrAryA rudatI bhItA pANDavAnidamabravIt . 
mahadvyasanamApannA shikhinA parivAritA .. 79..\\
hAhatAsmi kuto nvadya bhavechchhAntirihAnalAt . 
anAthA vinashiShyAmi bAlakaiH putrakaiH saha .. 80..\\
tatra bhImo mahAbAhurvAyuvegaparAkramaH . 
AryAmAshvAsayAmAsa bhrAtR^IMshchApi vR^ikodaraH .. 81..\\
vainateyo yathA pakShI garuDaH patatA.n varaH . 
tathaivAbhipatiShyAmi bhaya.n vo neha vidyate .. 82..\\
AryAma~Nkena vAmena rAjAna.n dakShiNena cha . 
a.nsayoshcha yamau kR^itvA pR^iShThe bIbhatsumeva cha .. 83..\\
sahasotpatya vegena sarvAnAdAya vIryavAn . 
bhrAtR^InAryA.n cha balavAnmokShayAmAsa pAvakAt .. 84..\\
te rAtrau prasthitAH sarve mAtrA saha yashasvinaH . 
abhyagachchhanmahAraNya.n hiDimbavanamantikAt .. 85..\\
shrAntAH prasuptAstatreme mAtrA saha suduHkhitAH . 
suptAMshchainAnabhyagachchhaddhiDimbA nAma rAkShasI .. 86..\\
bhImasya pAdau kR^itvA tu kha utsa~Nge tato balAt . 
paryamardata sa.nhR^iShTA kalyANI mR^idu pANinA .. 87..\\
tAmabudhyadameyAtmA balavAnsatyavikramaH . 
paryapR^ichchhachcha tAM bhImaH kimihechchhasyanindite .. 88..\\
tayoH shrutA tu kathitamAgachchhadrAkShasAdhamaH . 
bhImarUpo mahAnAdAnvisR^ijanbhImadarshanaH .. 89..\\
kena sArdha.n kathayasi AnayainaM mamAntikam . 
hiDimbe bhakShayiShyAvo nachira.n kartumarhasi .. 90..\\
sA kR^ipA sa~NgR^ihItena hR^idayena manasvinI . 
nainamaichhattadAkhyAtumanukroshAdaninditA .. 91..\\
sa nAdAnvinadanghorAnrAkShasaH puruShAdakaH . 
abhyadravata vegena bhImasena.n tadA kila .. 92..\\
tamabhidrutya sa~Nkruddho vegena mahatA balI . 
agR^ihNAtpANinA pANiM bhImasenasya rAkShasaH .. 93..\\
indrAshanisamasparsha.n vajrasa.nhanana.n dR^iDham . 
sa.nhatya bhImasenAya vyAkShipatsahasA karam .. 94..\\
gR^ihItaM pANinA pANiM bhImaseno.atha rakShasA . 
nAmR^iShyata mahAbAhustatrAkrudhyadvR^ikodaraH .. 95..\\
tatrAsIttumula.n yuddhaM bhImasenahiDimbayoH . 
sarvAstraviduShorghora.n vR^itravAsavayoriva .. 96..\\
hatvA hiDimbaM bhImo.atha prasthito bhrAtR^ibhiH saha . 
hiDimbAmagrataH kR^itvA yasyA.n jAto ghaTotkachaH .. 97..\\
tatashcha prAdravansarve saha mAtrA yashasvinaH . 
ekachakrAmabhimukhAH sa.nvR^itA brAhmaNa vrajaiH .. 98..\\
prasthAne vyAsa eShAM na mantrI priyahito.abhavat . 
tato.agachchhannekachakrAM pANDavAH saMshitavratAH .. 99..\\
tatrapyAsAdayAmAsurbakaM nAma mahAbalam . 
puruShAdaM pratibhaya.n hiDimbenaiva saMmitam .. 100..\\
ta.n chApi vinihatyograM bhImaH praharatA.n varaH . 
sahito bhrAtR^ibhiH sarvairdrupadasya pura.n yayau .. 101..\\
labdhAhamapi tatraiva vasatA savyasAchinA . 
yathA tvayA jitA kR^iShNa rukmiNI bhIShmakAtmajA .. 102..\\
eva.n suyuddhe pArthena jitAhaM madhusUdana . 
svaya.nvare mahatkarmakR^itvA nasukaraM paraiH .. 103..\\
eva.n kleshaiH subahubhiH klishyamAnAH suduHkhitAH . 
nivasAmAryayA hInAH kR^iShNa dhaumya puraHsarAH .. 104..\\
ta ime si.nhavikrAntA vIryeNAbhyadhikA paraiH . 
vihInaiH pariklishyantI.n samupekShanta mA.n katham .. 105..\\
etAdR^ishAni duHkhAni sahante durbalIyasAm . 
dIrghakAlaM pradIptAni pApAnA.n kShudrakarmaNAm .. 106..\\
kule mahati jAtAsmi divyena vidhinA kila . 
pANDavAnAM priyA bhAryA snuShA pANDormahAtmanaH .. 107..\\
kacha grahamanuprAptA sAsmi kR^iShNa varA satI . 
pa~nchAnAmindrakalpAnAM prekShatAM madhusUdana .. 108..\\
ityuktvA prArudatkR^iShNA mukhaM pachchhAdya pANinA . 
padmakesha prakAshena mR^idunA mR^idubhAShiNI .. 109..\\
stanAvapatitau pInau sujAtau shubhalakShaNau . 
abhyavarShata pA~nchAlI duHkhajairashrubindubhiH .. 110..\\
chakShuShI parimArjantI niHshvasantI punaH punaH . 
bAShpapUrNena kaNThena kruddhA vachanamabravIt .. 111..\\
naiva me patayaH santi na putrA madhusUdana . 
na bhrAtaro na cha pitA naiva tvaM na cha bAndhavAH .. 112..\\
ye mA.n viprakR^itA.n kShudrairupekShadhvaM vishokavat . 
na hi me shAmyate duHkha.n karNo yatprAhasattadA .. 113..\\
athainAmabravItkR^iShNastasminvIra samAgame . 
rodiShyanti striyo hyeva.n yeShA.n kruddhAsi bhAmini .. 114..\\
bIbhatsu sharasA~nchannA~nshoNitaughapariplutAn . 
nihatA~njIvita.n tyaktvA shayAnAnvasudhAtale .. 115..\\
yatsamarthaM pANDavAnA.n tatkariShyAmi mA shuchaH . 
satya.n te pratijAnAmi rAGYA.n rAGYI bhaviShyasi .. 116..\\
pateddyaurhimavA~nshIryetpR^ithivI shakalIbhavet . 
shuShyettoyanidhiH kR^iShNe na me mogha.n vacho bhavet .. 117..\\

 dhrsta

aha.n droNa.n haniShyAmi shikhaNDI tu pitAmaham . 
duryodhanaM bhImasenaH karNa.n hantA dhana~njayaH .. 118..\\
rAma kR^iShNau vyapAshritya ajeyAH sma shuchismite . 
api vR^itrahaNA yuddhe kiM punardhR^itarAShTrajaiH .. 119..\\

 vai

ityukte.abhimukhA vIrA vAsudevvamupasthitA . 
teShAM madhye mahAbAhuH keshavo vAkyamabravIt .. 120..\\
\medskip\hrule\medskip\centerline{\Largedvng 14}
 vaa

neda.n kR^ichchhramanuprApto bhavAnsyAdvasudhAdhipa . 
yadyaha.n dvArakAyA.n syAM rAjansaMnihitaH purA .. 1..\\
Agachheyamaha.n dyUtamanAhUto.api kauravaiH . 
Ambikeyena durdharSha rAGYA duryodhanena cha .. 2..\\
vArayeyamaha.n dyUtaM bahUndoShAnpradarshayan . 
bhIShmadroNau samAnAyya kR^ipaM bAhlIkameva cha .. 3..\\
vaichitravIrya.n rAjAnamala dyUtena kaurava . 
putrANA.n tava rAjendra tvannimittamiti prabho .. 4..\\
tatra vakShyAmyaha.n doShAnyairbhavAnavarophitaH . 
vIrasenasuto yashcha rAjyAtprabhraMshitaH purA .. 5..\\
abhakShita vinAsha~nca devanena vishAM pate . 
sAtatya.n cha prasa~Ngasya varNayeya.n yathAsukham .. 6..\\
striyo.akShA mR^igayA pAnametatkAmasamutthitam . 
vyasana.n chatuShTayaM prokta.n yai rAjanbhrashyate sriyaH .. 7..\\
tatra sarvatra vaktavyaM manyante shAstrakovidAH . 
visheShatashcha vaktavya.n dyUte pashyanti tadvidaH .. 8..\\
ekAhnA dravyanAsho.atra dhruva.n vyasanameva cha . 
abhukta nAshashchArthAnA.n vAkpauruShya.n cha kevalam .. 9..\\
etachchAnyachcha kauravya prasa~Ngi kaTukodayam . 
dyUte brUyAM mahAbAho samAsAdyAmbikA sutam .. 10..\\
evamukto yadi mayA gR^ihNIyAdvachanaM mama . 
anAmaya.n syAddharmasya kurUNA.n kurunandana .. 11..\\
na chetsa mama rAjendra gR^ihNIyAnmadhura.n vachaH . 
pathya.n cha bharatashreShTha nigR^ihNIyAM balena tam .. 12..\\
athainAnabhinIyaiva.n suhR^ido nAma durhR^idaH . 
sabhAsadashcha tAnsarvAnbhedayeya.n durodarAn .. 13..\\
asAMnidhya.n tu kauravya mamAnarteShvabhUttadA . 
yeneda.n vyasanaM prAptA bhavanto dyUtakAritam .. 14..\\
so.ahametya kurushreShTha dvArakAM pANDunandana . 
ashrauSha.n tvA.n vyasaninaM yuyudhAnAdyathA tatham .. 15..\\
shrutvaiva chAha.n rAjendra paramodvigna mAnasaH . 
tUrNamabhyAgato.asmi tvA.n draShTukAmo vishAM pate .. 16..\\
aho kR^ichchhramanuprAptAH sarve sma bharatarShabha . 
ye vaya.n tvA.n vyasaninaM pashyAmaH saha sodaraiH .. 17..\\
\medskip\hrule\medskip\centerline{\Largedvng 15}
 y

asAMnidhya.n kathaM kR^iShNa tavAsIdvR^iShNinandana . 
kva chAsIdvipravAsaste ki.n vAkArShIH pravAsakaH .. 1..\\

 kr

shAlvasya nagara.n saubha.n gato.ahaM bharatarShabha . 
vinihantuM narashreShTha tatra me shR^iNu kAraNam .. 2..\\
mahAtejA mahAbAhuryaH sa rAjA mahAyashAH . 
damaghoShAtmajo vIraH shishupAlo mayA hataH .. 3..\\
yaGYe te bharatashreShTha rAjasUye.arhaNAM prati . 
saroShavashasamprApto nAmR^iShyata durAtmavAn .. 4..\\
shrutvA taM nihata.n shAlvastIvraroShasamanvitaH . 
upAyAddvArakA.n shUnyAmihasthe mayi bhArata .. 5..\\
sa tatra yodhito rAjanbAlakairvR^iShNipu~NgavaiH . 
AgataH kAmaga.n saubhamAruhyaiva nR^isha.nsakR^it .. 6..\\
tato vR^iShNipravIrA.nstAnbAlAnhatvA bahU.nstadA . 
purodyAnAni sarvANi bhedayAmAsa durmatiH .. 7..\\
uktavAMshcha mahAbAho kvAsau vR^iShNikulAdhamaH . 
vAsudevaH sumandAtmA vasudeva suto gataH .. 8..\\
tasya yuddhArthino darpa.n yuddhe nAshayitAsmyaham . 
AnartAH satyamAkhyAta tatra gantAsmi yatra saH .. 9..\\
ta.n hatvA vinivartiShye ka.nsa keshi niShUdanam . 
ahatvA na nivartiShye satyenAyudhamAlabhe .. 10..\\
kvAsau kvAsAviti punastatra tatra vidhAvati . 
mayA kila raNe yuddha.n kA~NkShamANaH sa saubharAT .. 11..\\
adya taM pApakarmANa.n kShudra.n vishvAsaghAtinam . 
shishupAla vadhAmarShAdgamayiShye yamakShayam .. 12..\\
mama pApasvabhAvena bhrAtA yena nipAtitaH . 
shishupAlo mahIpAlasta.n vadhiShye mahItale .. 13..\\
bhrAtA bAlashcha rAjA cha na cha sa~NgrAmamUrdhani . 
pramattashcha hato vIrasta.n haniShye janArdanam .. 14..\\
evamAdi mahArAja vilapya divamAsthitaH . 
kAmagena sa saubhena kShiptvA mA.n kurunandana .. 15..\\
tamashrauShamaha.n gatvA yathAvR^ittaH sudurmatiH . 
mayi kauravya duShTAtmA mArtikAvatako nR^ipaH .. 16..\\
tato.ahamapi kauravya roShavyAkulalochanaH . 
nishchitya manasA rAjanvadhAyAsya mano dadhe .. 17..\\
AnarteShu vimarda.n cha kShepaM chAtmani kaurava . 
pravR^iddhamavalepa.n cha tasya duShkR^itakarmaNaH .. 18..\\
tataH saubhavadhAyAhaM pratasthe pR^ithivIpate . 
sa mayA sAgarAvarte dR^iShTa AsItparIpsatA .. 19..\\
tataH pradhmApya jalajaM pA~nchajanyamahaM nR^ipa . 
AhUya shAlva.n samare yuddhAya samavasthitaH .. 20..\\
sumuhUrtamabhUdyuddha.n tatra me dAnavaiH saha . 
vashIbhUtAshcha me sarve bhUtale cha nipAtitAH .. 21..\\
etatkAryaM mahAbAho yenAhaM nAgama.n tadA . 
shrutvaiva hAstinapura.n dyUtaM chAvinayotthitam .. 22..\\
\medskip\hrule\medskip\centerline{\Largedvng 16}
 y

vAsudeva mahAbAho vistareNa mahAmate . 
saubhasya vadhamAchakShva na hi tR^ipyAmi kathyataH .. 1..\\

 vaa

hata.n shrutvA mahAbAho mayA shrautashravaM nR^ipam . 
upAyAdbharatashreShTha shAlvo dvAravatIM purIm .. 2..\\
arundhattA.n suduShTAtmA sarvataH pANDunandana . 
shAlvo vaihAyasa.n chApi tatpura.n vyUhya viShThitaH .. 3..\\
tatrastho.atha mahIpAlo yodhayAmAsa tAM purIm . 
abhisAreNa sarveNa tatra yuddhamavartata .. 4..\\
purI samantAdvihitA sapatAkA satoraNA . 
sachakrA sahuDA chaiva sayAntra khanakA tathA .. 5..\\
sopatalpa pratolIkA sATTATTAkala gopurA . 
sakacha grahaNI chaiva solkAlAtAvapothikA .. 6..\\
soShTrikA bharatashreShTha sabherI paNavAnakA . 
samittR^iNakushA rAjansashataghnIka lA~NgalA .. 7..\\
sabhushuNDyashmala guDA sAyudhA saparashvadhA . 
lohacharmavatI chApi sAgniH sahuDa shR^i~NgikA .. 8..\\
shAstradR^iShTena vidhinA sa.nyuktA bharatarShabha . 
dravyairanekairvividhairgada sAmboddhavAdibhiH .. 9..\\
puruShaiH kurushArdUla samarthaiH pratibAdhane . 
abhikhyAta kulairvIrairdR^iShTavIryaishcha sa.nyuge .. 10..\\
madhyamena cha gulmena rakShitA sArasa~nj~nitA . 
utkShipta gulmaishcha tathA hayaishchaiva padAtibhiH .. 11..\\
AghoShita.n cha nagare na pAtavyA sureti ha . 
pramAdaM parirakShadbhirugrasenoddhavAdibhiH .. 12..\\
pramatteShvabhighAta.n hi kuryAchchhAlvo narAdhipaH . 
iti kR^itvApramattAste sare vR^iShNyandhakAH sthitAH .. 13..\\
AnartAshcha tathA sarve naTanartaka gAyanAH . 
bahirvivAsitAH sarve rakShadbhirvittasa~ncayAn .. 14..\\
sa~NkramA bheditAH sarve nAvashcha pratiShedhitAH . 
parikhAshchApi kauravya kIlaiH sunichitAH kR^itAH .. 15..\\
udapAnAH kurushreShTha tathaivApyambarIShakAH . 
samantAtkoshamAtra.n cha kAritA viShamA cha bhUH .. 16..\\
prakR^ityA viShama.n durgaM prakR^ityA cha surakShitam . 
prakR^ityA chAyudhopeta.n visheSheNa tadAnagha .. 17..\\
surakShita.n sugupta.n cha sarAyudha samanvitam . 
tatpuraM bharatashreShTha yathendra bhavana.n tathA .. 18..\\
na chAmudro.abhiniryAti na chAmudraH praveshyate . 
vR^iShNyandhakapure rAja.nstadA saubhasamAgame .. 19..\\
anu rathyAsu sarvAsu chatvareShu cha kaurava . 
balaM babhUva rAjendra prabhUtagajavAjimat .. 20..\\
dattavetana bhakta.n cha dattAyudha parichchhadam . 
kR^itApadAna.n cha tadA balamAsInmahAbhuja .. 21..\\
na kupya vetanI kashchinna chAtikrAnta vetanI . 
nAnugrahabhR^itaH kashchinna chAdR^iShTa parAkramaH .. 22..\\
eva.n suvihitA rAjandvArakA bhUridakShiNaiH . 
Ahukena suguptA cha rAGYA rAjIvalochana .. 23..\\
\medskip\hrule\medskip\centerline{\Largedvng 17}
 vaa

tA.n tUpayAtvA rAjendra shAlvaH saubhapatistadA . 
prabhUtanaranAgena balenopavivesha ha .. 1..\\
same niviShTA sA senA prabhUtasalilAshaye . 
chatura~Nga balopetA shAlvarAjAbhipAlitA .. 2..\\
varjayitvA shmashAnAni devatAyatanAni cha . 
valmIkAshchaiva chaityAMshcha tanniviShTamabhUdbalam .. 3..\\
anIkAnA.n vibhAgena panthAnaH ShaTkR^itAbhavan . 
pravaNA nava chaivAsa~nshAlvasya shibire nR^ipa .. 4..\\
sarvAyudhasamopeta.n sarvashastravishAradam . 
rathanAgAshvakalilaM padAtidhvajasa~Nkulam .. 5..\\
tuShTapuShTajanopeta.n vIra lakShaNalakShitam . 
vichitradhvajasaMnAha.n vichitrarathakArmukam .. 6..\\
saMniveshya cha kauravya dvArakAyAM nararShabha . 
abhisArayAmAsa tadA vegena patagendravat .. 7..\\
tadApatanta.n sandR^ishya balaM shAlvapatestadA . 
niryAya yodhayAmAsuH kumArA vR^iShNinandanAH .. 8..\\
asahanto.abhiyAta.n tachchhAlva rAjasya kaurava . 
chArudeShNashcha sAmbashcha pradyumnashcha mahArathaH .. 9..\\
te rathairdaMshitAH sarve vichitrAbharaNa dhvajAH . 
sa.nsaktAH shAlvarAjasya bahubhiryodhapu~NgavaiH .. 10..\\
gR^ihItvA tu dhanuH sAmbaH shAlvasya sachiva.n raNe . 
yodhayAmAsa sa.nhR^iShTaH kShemavR^iddhi.n chamUpatim .. 11..\\
tasya bANamaya.n varSha.n jAmbavatyAH suto maha t . 
mumocha bharatashreShTha yathA varSha.n sahasradhR^ik .. 12..\\
tadbANavarSha.n tumula.n viShehe sa chamUpatiH . 
kShemavR^iddhirmahArAja himavAniva nishchalaH .. 13..\\
tataH sAmbAya rAjendra kShemavR^iddhirapi sma ha . 
mumocha mAyAvihita.n sharajAlaM mahattaram .. 14..\\
tato mAyAmaya.n jAlaM mAyayaiva vidArya saH . 
sAmbaH sharasahasreNa rathamasyAbhyavarShata .. 15..\\
tataH sa viddhaH sAmbena kShemavR^iddhishchamUpatiH . 
apAyAjjavanairashvaiH sAmba bANaprapIDitaH .. 16..\\
tasminvipradrute krUre shAlvasyAtha chamUpatau . 
vegavAnnAma daiteyaH sutaM me.abhyadravadbalI .. 17..\\
abhipannastu rAjendra sAmbo vR^iShNikulodvahaH . 
vega.n vegavato rAja.nstasthau vIro vidhArayan .. 18..\\
sa vegavati kaunteya sAmbo vegavatI.n gadAm . 
chikShepa tarasA vIro vyAvidhya satyavikramaH .. 19..\\
tayA tvabhihato rAjanvegavAnapatadbhuvi . 
vAtarugNa iva kShuNNo jIrNa mUlo vanaspatiH .. 20..\\
tasminnipatite vIre gadA nunne mahAsure . 
pravishya mahatI.n senAM yodhayAmAsa me sutaH .. 21..\\
chArudeShNena sa.nsakto vivindhyonAma dAnavaH . 
mahArathaH samAGYAto mahArAja mahAdhanuH .. 22..\\
tataH sutumula.n yuddha.n chArudeShNa vivindhyayoH . 
vR^itravAsavayo rAjanyathApUrva.n tathAbhavat .. 23..\\
anyonyasyAbhisa~NkruddhAvanyonya.n jaghnatuH sharaiH . 
vinadantau mahArAja si.nhAviva mahAbalau .. 24..\\
raukmiNeyastato bANamagnyarkopama varchasam . 
abhimAntrya mahAstreNa sandadhe shatrunAshanam .. 25..\\
sa vivindhyAya sakrodhaH samAhUya mahArathaH . 
chikShepa me suto rAjansa gatAsurathApatat .. 26..\\
vivindhyaM nihata.n dR^iShTvA tAM cha vikShobhitAM chamUm . 
kAmagena sa saubhena shAlvaH punarupAgamat .. 27..\\
tato vyAkulita.n sarva.n dvArakAvAsitadbalam . 
dR^iShTvA shAlvaM mahAbAho saubhasthaM pR^ithivI gatam .. 28..\\
tato niryAya kaunteya vyavasthApya cha tadbalam . 
AnartAnAM mahArAja pradyumno vAkyamabravIt .. 29..\\
sarve bhavantastiShThantu sarve pashyantu mA.n yudhi . 
nivArayanta.n sa~NgrAme balAtsaubhaM sarAjakam .. 30..\\
aha.n saubhapateH senAmAyasairbhujagairiva . 
dhanurbhujavinirmuktairnAshayAmyadya yAdavAH .. 31..\\
AshvasadhvaM na bhIH kAryA saubharADadya nashyati . 
mayAbhipanno duShTAtmA sasaubho vinashiShyati .. 32..\\
evaM bruvati sa.nhR^iShTe pradyumne pANDunandana . 
viShThita.n tadbala.n vIra yuyudhe cha yathAsukham .. 33..\\
\medskip\hrule\medskip\centerline{\Largedvng 18}
 vaa

evamuktvA raukmiNeyo yAdavAnbharatarShabha . 
daMshitairharibhiryukta.n rathamAsthAya kA~nchanam .. 1..\\
uchchhritya makara.n ketu.n vyAttAnanamala~NkR^itam . 
utpatadbhirivAkAsha.n tairhayairanvayAtparAn .. 2..\\
vikShipannAdayaMshchApi dhanuHshreShThaM mahAbalaH . 
tUNakhaDgadharaH shUro baddhagodhA~Nguli travAn .. 3..\\
sa vidyuchchalita.n chApa.n viharanvai talAttalam . 
mohayAmAsa daiteyAnsarvAnsaubhanivAsinaH .. 4..\\
nAsya vikShipatashchApa.n sandadhAnasya chAsakR^it . 
antara.n dadR^ishe kashchinnighnataH shAtravAnraNe .. 5..\\
mukhasya varNo na vikalpate.asya 
chelushcha gAtrANi na chApi tasya . 
si.nhonnata.n chApyabhigarjato.asya 
shushrAva loko.adbhutarUpamagryam .. 6..\\
jale charaH kA~nchanayaShTi sa.nstho 
vyAttAnanaH sarvatimi pramAthI . 
vitrAsayanrAjati vAhamukhye 
shAlvasya senA pramukhe dhvajAgryaH .. 7..\\
tataH sa tUrNaM niShpatya pradyumnaH shatrukarshanaH . 
shAlvamevAbhidudrAva vidhAsyankalahaM nR^ipa .. 8..\\
abhiyAna.n tu vIreNa pradyumnena mahAhave . 
nAmarShayata sa~NkruddhaH shAlvaH kurukulodvaha .. 9..\\
sa romamadamatto vai kAmagAdavaruhya cha . 
pradyumna.n yodhayAmAsa shAlvaH parapura~njayaH .. 10..\\
tayoH sutumula.n yuddhaM shAlva vR^iShNipravIrayoH . 
sametA dadR^ishurlokA balivAsavayoriva .. 11..\\
tasya mAyAmayo vIra ratho hemapariShkR^itaH . 
sadhvajaH sapatAkashcha sAnukarShaH satUNavAn .. 12..\\
sa ta.n rathavaraM shrImAnsamAruhya kila prabho . 
mumocha bANAnkauravya pradyumnAya mahAbalaH .. 13..\\
tato bANamaya.n varShaM vyasR^ijattarasA raNe . 
pradyumno bhujavegena shAlva.n saMmohayanniva .. 14..\\
sa tairabhihataH sa~Nkhye nAmarShayata saubharAT . 
sharAndIptAgnisa~NkAshAnmumocha tanaye mama .. 15..\\
sa shAlva bANai rAjendra viddho rukmiNinandanaH . 
mumocha bANa.n tvarito marmabhedinamAhave .. 16..\\
tasya varma vibhidyAshu sa bANo matsuteritaH . 
bibheda hR^idayaM patrI sa papAta mumoha cha .. 17..\\
tasminnipatite vIre shAlvarAje vichetasi . 
samprAdravandAnavendrA dArayanto vasundharAm .. 18..\\
hAhAkR^itamabhUtsainya.n shAlvasya pR^ithivIpate . 
naShTasa~nj~ne nipatite tadA saubhapatau nR^ipa .. 19..\\
tata utthAya kauravya pratilabhya cha chetanam . 
mumocha bANa.n tarasA pradyumnAya mahAbalaH .. 20..\\
tena viddho mahAbAhuH pradyumnaH samare sthitaH . 
jatru deshe bhR^isha.n vIro vyavAsIdadrathe tadA .. 21..\\
ta.n sa viddhvA mahArAja shAlvo rukmiNinandanam . 
nanAda si.nhanAda.n vai nAdenApUrayanmahIm .. 22..\\
tato moha.n samApanne tanaye mama bhArata . 
mumocha bANA.nstvaritaH punaranyAndurAsadAn .. 23..\\
sa tairabhihato bANairbahubhistena mohitaH . 
nishcheShTaH kauravashreShTha pradyumno.abhUdraNAjiram .. 24..\\
\medskip\hrule\medskip\centerline{\Largedvng 19}
 vaa

shAlva bANArdite tasminpradyumne balinA.n vare . 
vR^iShNayo bhagnasa~NkalpA vivyathuH pR^itanA gatAH .. 1..\\
hAhAkR^itamabhUtsArva.n vR^iShNyandhakabala.n tadA . 
pradyumne patite rAjanpare cha muditAbhavan .. 2..\\
ta.n tathA mohitaM dR^iShTvA sArathirjavanairhayaiH . 
raNAdapAharattUrNa.n shikShito dArukistataH .. 3..\\
na tidUrApayAte tu rathe rathavarapraNut . 
dhanurgR^ihItvA yantAra.n labdhasa~nj~no.abravIdidam .. 4..\\
saute ki.n te vyavasitaM kasmAdyAsi parA~NmukhaH . 
naiSha vR^iShNipravIrANAmAhave dharma uchyate .. 5..\\
kachchitsaute na te mohaH shAlva.n dR^iShTvA mahAhave . 
viShAdo vA raNa.n dR^iShTvA brUhi me tva.n yathAtatham .. 6..\\

 suuta

jAnArdane na me moho nApi me bhayamAvishat . 
atibhAra.n tu te manye shAlvaM keshavanandana .. 7..\\
so.apayAmi shanairvIra balavAneSha pApakR^it . 
mohitashcha raNe shUro rakShyaH sArathinA rathI .. 8..\\
AyuShma.nstvaM mayA nitya.n rakShitavyastvayApyaham . 
rakShitavyo rathI nityamiti kR^itvApayAmyaham .. 9..\\
ekashchAsi mahAbAho bahavashchApi dAnavAH . 
nasama.n raukmiNeyAhaM raNaM matvApayAmyaham .. 10..\\

 vaa

evaM bruvati sUte tu tadA makaraketumAn . 
uvvAcha sUta.n kauravya nivartaya rathaM punaH .. 11..\\
dArukAtmaja maiva.n taM punaH kArShIH kathaM chana . 
vyapayAna.n raNAtsaute jIvato mama karhi chit .. 12..\\
na sa vR^iShNikule jAto yo vai tyajati sa~Ngaram . 
yo vA nipatita.n hanti tavAsmIti cha vAdinam .. 13..\\
tathA striya.n vai yo hanti vR^iddhaM bAla.n tathaiva cha . 
viratha.n viprakIrNa.n cha bhagnashasstrAyudhaM tathA .. 14..\\
tva.n cha sUta kule jAto vinItaH sUta karmaNi . 
dharmaGYashchAsi vR^iShNInAmAhaveShvapi dAruke .. 15..\\
sa jAnaMshcharita.n kR^itsna.n vR^iShNInAM pR^itanA mukhe . 
apayAnaM punaH saute maiva.n kArShIH kathaM chana .. 16..\\
apayAta.n hataM pR^iShThe bhItaM raNapalAyinam . 
gadAgrajo durAdharShaH kiM mA.n vakShyati mAdhavaH .. 17..\\
keshavasyAgrajo vApi nIlavAsA madotkaTaH . 
ki.n vakShyati mahAbAhurbaladevaH samAgataH .. 18..\\
ki.n vakShyati shinernaptA narasi.nho mahAdhanuH . 
apayAta.n raNAtsaute sAmbbashcha samiti~njayaH .. 19..\\
chArudeShNashcha durdharShastathaiva gada sAraNau . 
akrUrashcha mahAbAhuH kiM mA.n vakShyati sArathe .. 20..\\
shUra.n sambhAvitaM santaM nityaM puruShamAninam . 
striyashcha vR^iShNI vIrANA.n kiM mA.n vakShyanti sa~NgatAH .. 21..\\
pradyumno.ayamupAyAti bhItastyaktvA mahAhavam . 
dhigenamiti vakShyanti na tu vakShyanti sAdhviti .. 22..\\
dhigvAchA parihAso.api mama vA madvidhasya vA . 
mR^ityunAbhyadhikaH saute sa tvaM mA vyapayAH punaH .. 23..\\
bhAra.n hi mayi saMnyasya yAto madhunihA hariH . 
yaGYaM bharata si.nhasya pArthasyAmita tejasaH .. 24..\\
kR^itavarmA mayA vIro niryAsyanneva vAritaH . 
shAlvaM nivArayiShye.aha.n tiShTha tvamiti sUtaja .. 25..\\
sa cha sambhAvayanmA.n vai nivR^itto hR^idikAtmajaH . 
ta.n sametya raNa.n tyaktvA kiM vakShyAmi mahAratham .. 26..\\
upayAta.n durAdharSha.n sha~NkhachakragadAdharam . 
puruShaM puNDarIkAkSha.n ki.n vakShyAmi mahAbhujam .. 27..\\
sAtyakiM baladeva.n cha ye chAnye.andhakavR^iShNayaH . 
mayA spardhanti satata.n kiM nu vakShyAmi tAnaham .. 28..\\
tyaktvA raNamima.n saute pR^iShThato.abhyAhataH sharaiH . 
tvayApanIto vivasho na jIveya.n kathaM chana .. 29..\\
sa nivarta rathenAshu punardArukanandana . 
na chaitadeva.n kartavyamathApatsu kathaM chana .. 30..\\
na jIvitamaha.n saute bahu manye kadA chana . 
apayAto raNAdbhItaH pR^iShThato.abhyAhatAH sharaiH .. 31..\\
kadA vA sUtaputra tva.n jAnIShe mAM bhayArditam . 
apayAta.n raNaM hitvA yathA kApuruSha.n tathA .. 32..\\
na yuktaM bhavatA tyaktu.n sa~NgrAma.n dArukAtmaja . 
mayi yuddhArthini bhR^isha.n sa tvaM yAhi yato raNam .. 33..\\
\medskip\hrule\medskip\centerline{\Largedvng 20}
 vaa

evamuktastu kaunteya sUtaputrastadA mR^idhe . 
pradyumnamabravIchchhlakShNaM madhura.n vAkyama~njasA .. 1..\\
na me bhaya.n raukmiNeya sa~NgrAme yachchhato hayAn . 
yuddhaGYashchAsmi vR^iShNInAM nAtra ki.n chidato.anyathA .. 2..\\
AyuShmannupadeshastu sArathye vartatA.n smR^itaH . 
sarvArtheShu rathI rakShyastva.n chApi bhR^ishapIDitaH .. 3..\\
tva.n hi shAlva prayuktena patriNAbhihato bhR^isham . 
kashmalAbhihato vIra tato.ahamapayAtavAn .. 4..\\
sa tva.n sAtvata mukhyAdya labdhasa~nj~no yadR^ichchhayA . 
pashya me hayasAmyAne shikShA.n keshavanandana .. 5..\\
dArukeNAhamutpanno yathAvachchaiva shikShitaH . 
vItabhIH pravishAmyetA.n shAlvasya mahatI.n chamUm .. 6..\\
evamuktvA tato vIra hayAnsa~ncodya sa~Ngare . 
rashmibhishcha samudyamya javenAbhyapatattadA .. 7..\\
maNDalAni vichitrANi yamakAnItarANi cha . 
savyAni cha vichitrANi dakShiNAni cha sarvashaH .. 8..\\
pratodenAhatA rAjanrashmibhishcha samudyatAH . 
utpatanta ivAkAsha.n vibabhuste hayottamAH .. 9..\\
te hastalAghavopeta.n viGYAya nR^ipa dArukim . 
dahyamAnA iva tadA paspR^ishushcharaNairmahIm .. 10..\\
so.apasavyA.n chamUM tasya shAlvasya bharatarShabha . 
chakAra nAtiyatnena tadadbhutamivAbhavat .. 11..\\
amR^iShyamANo.apasavyaM pradyumnena sa saubharAT . 
yantAramasya sahasA tribhirbANaiH samarpayat .. 12..\\
dArukasya sutasta.n tu bANavegamachintayan . 
bhUya eva mahAbAho prayayau hayasaMmataH .. 13..\\
tato bANAnbahuvidhAnpunareva sa saubharAT . 
mumocha tanaye vIre mama rukmiNinandane .. 14..\\
tAnaprAptA~nshitairbANaishchichchheda paravIrahA . 
raukmiNeyaH smita.n kR^itvA darshayanhastalAghavam .. 15..\\
chhinnAndR^iShTvA tu tAnbANAnpradyumnena sa saubharAT . 
AsurI.n dAruNIM mAyAmAsthAya vyasR^ijachchharAn .. 16..\\
prayujyamAnamAGYAya daiteyAstraM mahAbalaH . 
brahmAstreNAntarA chhittvA mumochAnyAnpatatriNaH .. 17..\\
te tadastra.n vidhUyAshu vivyadhU rudhirAshanAH . 
shirasyurasi vaktrecha sa mumoha papAta cha .. 18..\\
tasminnipatite kShudre shAlve bANaprapIDite . 
raukmiNeyo.aparaM bANa.n sandadhe shatrunAshanam .. 19..\\
tamarchita.n sarvadAshArha pUgair 
AshIrbhirarkajvalana prakAsham . 
dR^iShTvA shara.n jyAmabhinIyamAnaM 
babhUva hAhAkR^itamantarikSham .. 20..\\
tato devagaNAH sarve sendrAH saha dhaneshvarAH . 
nAradaM preShayAmAsuH shvasana.n cha mahAbalam .. 21..\\
tau raukmiNeyamAgamya vacho.abrUtA.n divaukasAm . 
naiSha vadhyastvayA vIra shAlvarAjaH katha.n chana .. 22..\\
sa.nharasva punarbANamavadhyo.aya.n tvayA raNe . 
etasya hi sharasyAjau nAvadhyo.asti pumAnkva chit .. 23..\\
mR^ityurasya mahAbAho raNe devakinandanaH . 
kR^iShNaH sa~Nkalpito dhAtrA tanna mithyA bhavediti .. 24..\\
tataH paramasa.nhR^iShTaH pradyumnaH sharamuttaram . 
sa~njahAra dhanuHshreShThAttUrNe chaiva nyaveshayat .. 25..\\
tata utthAya rAjendra shAlvaH paramadurmanAH . 
vyapAyAtsabalastUrNaM pradyumna sharapIDitaH .. 26..\\
sa dvArakAM parityajya krUro vR^iNibhirarditaH . 
saubhamAsthAya rAjendra divamAchakrame tadA .. 27..\\
\medskip\hrule\medskip\centerline{\Largedvng 21}
 vaa

AnartanagaraM mukta.n tato.ahamagamaM tadA . 
mahAkratau rAjasUye nivR^itte nR^ipate tava .. 1..\\
apashya.n dvArakAM chAhaM mahArAja hatatviSham . 
niHsvAdhyAya vaShaTkArAM nirbhUShaNa varastriyam .. 2..\\
anabhiGYeya rUpANi dvArakopavanAni cha . 
dR^iShTvA sha~Nkopapanno.ahamapR^ichchha.n hR^idikAtmajam .. 3..\\
asvasthanaranArIkamida.n vR^iShNipuraM bhR^iSham . 
kimidaM narashArdUla shrotumichchhAmahe vayam .. 4..\\
evamuktastu sa mayA vistareNedamabravIt . 
rodhaM mokSha.n cha shAlvena hArdikyo rAjasattama .. 5..\\
tato.aha.n kauravashreShTha shrutvA sarvamasheShataH . 
vinAshe shAlvarAjasya tadaivAkaravaM matim .. 6..\\
tato.ahaM bharatashreShTha samAshvAsya pure janam . 
rAjAnamAhuka.n chaiva tathaivAnaka dundubhim . 
sarvavR^iShNipravIrAMshcha harShayannabruva.n tadA .. 7..\\
apramAdaH sadA kAryo nagare yAdavarShabhAH . 
shAlvarAjavinAshAya prayAtaM mAM nibodhata .. 8..\\
nAhatvA taM nivartiShye purI.n dvAravatIM prati . 
sashAlva.n saubhanagaraM hatvA draShTAsmi vaH punaH . 
trisAmA hanyatAmeShA dundubhiH shatrubhIShaNI .. 9..\\
te mayAshvAsitA vIrA yathAvadbharatarShabha . 
sarve mAmabruvanhR^iShTAH prayAhi jahi shatravAn .. 10..\\
taiH prahR^iShTAtmabhirvIrairAshIrbhirabhinanditaH . 
vAchayitvA dvijashreShThAnpraNamya shirasAhukam .. 11..\\
sainyasugrIva yuktena rathenAnAdayandishaH . 
pradhmApya sha~NkhapravaraM pA~nchajanyamahaM nR^ipa .. 12..\\
prayAto.asmi naravyAghra balena mahatA vR^itaH . 
kL^iptena chatura~NgeNa balena jitakAshinA .. 13..\\
samatItya bahUndeshAngirIMshcha bahupAdapAn . 
sarA.nsi saritashchaiva mArtikAvatamAsadam .. 14..\\
tatrAshrauShaM naravyAghra shAlvaM nagaramantikAt . 
prayAta.n saubhamAsthAya tamahaM pR^iShThato.anvayAm .. 15..\\
tataH sAgaramAsAdya kukShau tasya mahormiNaH . 
samudranAbhyA.n shAlvo.abhUtsaubhamAsthAya shatruhan .. 16..\\
sa samAlokya dUrAnmA.n smayanniva yudhiShThira . 
AhvayAmAsa duShTAtmA yuddhAyaiva muhurmuhuH .. 17..\\
tasya shAr~NgavinirmuktairbahubhirmarmabhedibhiH . 
puraM nAsAdyata sharaistato mA.n roSha Avishat .. 18..\\
sa chApi pApaprakR^itirdaiteyApasado nR^ipa . 
mayyavarShata durdharShaH sharadhArAH sahasrashaH .. 19..\\
sainikAnmama sUta.n cha hayAMshcha samavAkirat . 
achintayantastu sharAnvaya.n yudhyAma bhArata .. 20..\\
tataH shatasahasrANi sharANAM nataparvaNAm . 
chikShipuH samare vIrA mayi shAlva padAnugAH .. 21..\\
te hayAnme ratha.n chaiva tadA dArukameva cha . 
chhAdayAmAsurasurA bANairmarma vibhedibhiH .. 22..\\
na hayA na ratho vIra na yantA mama dArukaH . 
adR^ishyanta sharaishchhannAstathAha.n sainikAsh cha me .. 23..\\
tato.ahamapi kauravya sharANAmayutAnbahUn . 
abhimantritAnA.n dhanuShA divyena vidhinAkShipam .. 24..\\
na tatra viShayastvAsInmama sainyasya bhArata . 
khe viShikta.n hi tatsaubha.n kroshamAtra ivAbhavat .. 25..\\
tataste prekShakAH sarve ra~Nga vATa iva sthitAH . 
harShayAmAsuruchchairmA.n si.nhanAda talasvanaiH .. 26..\\
matkArmukavinirmuktA dAnavAnAM mahAraNe . 
a~NgeShu rudhirAktAste vivishuH shalabhA iva .. 27..\\
tato halahalAshabdaH saubhamadhye vyavardhata . 
vadhyatA.n vishikhaistIkShNaiH patatA.n cha mahArNave .. 28..\\
te nikR^ittabhujaskandhAH kabandhAkR^iti darshanAH . 
nadanto bhairavAnnAdannipatanti sma dAnavAH .. 29..\\
tato gokShIrakundendu mR^iNAlarajataprabham . 
jalajaM pA~nchajanya.n vai prANenAhamapUrayam .. 30..\\
tAndR^iShTvA patitA.nstatra shAlvaH saubhapatistadA . 
mAyAyuddhena mahatA yodhayAmAsa mA.n yudhi .. 31..\\
tato huDahuDAH prAsAH shaktishUlaparashvadhAH . 
paTTishAshcha bhushuNDyashcha prApatannanishaM mayi .. 32..\\
tAnahaM mAyayaivAshu pratigR^ihya vyanAshayam . 
tasyA.n hatAyAM mAyAyA.n girishR^i~Ngairayodhayat .. 33..\\
tato.abhavattama iva prabhAtamiva chAbhavat . 
durdina.n sudina.n chaiva shItamuShNaM cha bhArata .. 34..\\
evaM mAyA.n vikurvANo yodhayAmAsa mAM ripuH . 
viGYAya tadaha.n sarvaM mAyayaiva vyanAshayam . 
yathAkAla.n tu yuddhena vyadhama.n sarvataH sharaiH .. 35..\\
tato vyoma mahArAja shatasUryamivAbhavat . 
shatachandra.n cha kaunteya sahasrAyuta tArakam .. 36..\\
tato nAGYAyata tadA divArAtra.n tathA dishaH . 
tato.ahaM mohamApannaH praGYAstra.n samayojayam . 
tatastadastramastreNa vidhUta.n sharatUlavat .. 37..\\
tathA tadabhavadyuddha.n tumula.n lomaharShaNam . 
labdhAlokashcha rAjendra punaH shatrumayodhayam .. 38..\\
\medskip\hrule\medskip\centerline{\Largedvng 22}
 vaa

eva.n sa puruShavyAghra shAlvo rAGYAM mahAripuH . 
yudhyamAno mayA sa~Nkhye viyadabhyAgamatpunaH .. 1..\\
tataH shataghnIshcha mahAgadAsh cha 
dIptaMshcha shUlAnmusalAnasIMsh cha . 
chikShepa roShAnmayi mandabuddhiH 
shAlvo mahArAja jayAbhikA~NkShI .. 2..\\
tAnAshugairApatato.ahamAshu 
nivArya tUrNa.n khagamAnkha eva . 
dvidhA tridhA chAchchhinamAshu mukhais 
tato.antarikShe ninado babhUva .. 3..\\
tataH shatasahasreNa sharANAM nataparvaNAm . 
dAruka.n vAjinashchaiva ratha.n cha samavAkirat .. 4..\\
tato mAmabravIdvIra dAruko vihvalanniva . 
sthAtavyamiti tiShThAmi shAlva bANaprapIDitaH .. 5..\\
iti tasya nishamyAha.n sAratheH karuNaM vachaH . 
avekShamANo yantAramapashya.n sharapIDitam .. 6..\\
na tasyorasi no mUrdhni na kAye na bhujadvaje . 
antaraM pANDavashreShTha pashyAmi nahata.n sharaiH .. 7..\\
sa tu bANavarotpIDAdvisravatyasR^igulbaNam . 
abhivR^iShTo yathA medhairgirirgairikadhAtumAn .. 8..\\
abhIShu hasta.n taM dR^iShTvA sIdanta.n sArathiM raNe . 
astambhayaM mahAbAho shAlva bANaprapIDitam .. 9..\\
atha mAM puruShaH kashchiddvArakA nilayo.abravIt . 
tvarito rathamabhyetya sauhR^idAdiva bhArata .. 10..\\
Ahukasya vacho vIra tasyaiva parichArakaH . 
viShaNNaH sannakaNTho vai tannibodha yudhiShThiraH .. 11..\\
dvArakAdhipatirvIra Aha tvAmAhuko vachaH . 
keshaveha vijAnIShva yattvAM pitR^isakho.abravIt .. 12..\\
upayAtvAdya shAlvena dvArakA.n vR^iShNinandana . 
viShakte tvayi durdharSha hataH shUra suto balAt .. 13..\\
tadala.n sAdhu yuddhena nivartasva janArdana . 
dvArakAmeva rakShasva kAryametanmahattava .. 14..\\
ityaha.n tasya vachana.n shrutvA paramadurmanAH . 
nishchayaM nAdhigachchhAmi kartavyasyetarasya vA .. 15..\\
sAtyakiM baladeva.n cha pradyumnaM cha mahAratham . 
jagarhe manasA vIra tachchhrutvA vipriya.n vachaH .. 16..\\
aha.n hi dvArakAyAshcha pitush cha kurunandana . 
teShu rakShA.n samAdhAya prayAtaH saubhapAtane .. 17..\\
baladevo mahAbAhuH kachchijjIvati shatruhA . 
sAtyakI raukmiNeyashcha chArudeShNashcha vIryavAn . 
sAmbaprabhR^itayashchaivetyahamAsa.n sudurmanAH .. 18..\\
eteShu hi naravyAghra jIvatsu na katha.n chana . 
shakyaH shUra suto hantumapi vajrabhR^itA svayam .. 19..\\
hataH shUra suto vyakta.n vyakta.n te cha parAsavaH . 
baladeva mukhAH sarve iti me nishchitA matiH .. 20..\\
so.aha.n sarvavinAsha.n taM chintayAno muhurmuhuH . 
suvihvalo mahArAja punaH shAlvamayodhayam .. 21..\\
tato.apashyaM mahArAja prapatantamaha.n tadA . 
saubhAchchhUra suta.n vIra tato mAM moha Avishat .. 22..\\
tasya rUpaM prapatataH piturmama narAdhipa . 
yayAteH kShINapuNyasya svargAdiva mahItalam .. 23..\\
vishIrNagalitoShNIShaH prakIrNAmbara mUrdhajaH . 
prapatandR^ishyate ha sma kShINapuNya iva grahaH .. 24..\\
tataH shAr~Nga.n dhanuHshreShThaM karAtprapatitaM mama . 
mohAtsannashcha kaunteya rathopastha upAvisham .. 25..\\
tato hAhAkR^ita.n sarvaM sainyaM me gatachetanam . 
mA.n dR^iShTvA rathanIDasthaM gatAsumiva bhArata .. 26..\\
prasArya bAhU patataH prasArya charaNAvapi . 
rUpaM piturapashya.n tachchhakuneH patito yathA .. 27..\\
taM patantaM mahAbAho shUlapaTTishapANayaH . 
abhighnanto bhR^isha.n vIrA mama cheto vyakampayan .. 28..\\
tato muhUrtAtpratilabhya sa~nj~nAm 
aha.n tadA vIra mahAvimarde . 
na tatra saubhaM na ripuM na shAlvaM 
pashyAmi vR^iddhaM pitaraM na chApi .. 29..\\
tato mamAsInmanasi pAyeyamiti nishchitam . 
prabuddho.asmi tato bhUyaH shatasho vikira~nsharAn .. 30..\\
\medskip\hrule\medskip\centerline{\Largedvng 23}
 vaa

tato.ahaM bharatashreShTha pragR^ihya ruchira.n dhanuH . 
sharairapAtaya.n saubhAchchhirA.nsi vibudhadviShAm .. 1..\\
sharAMshchAshIviShAkArAnUrdhvagA.nstigmatejasaH . 
apraiSha.n shAlvarAjAya shAr~NgamuktAnsuvAsasaH .. 2..\\
tato nAdR^ishyata tadA saubha.n kurukulodvaha . 
antarhitaM mAyayAbhUttato.aha.n vismito.abhavam .. 3..\\
atha dAnavasa~NghAste vikR^itAnanamUrdhajAH . 
udakroshanmahArAja viShThite mayi bhArata .. 4..\\
tato.astra.n shabdasAhaM vai tvaramANo mahAhave . 
ayojaya.n tadvadhAya tataH shabda upAramat .. 5..\\
hatAste dAnavAH sarve yaiH sa shabda udIritaH . 
sharairAdityasa~NkAshairjvalitaiH shabdasAdhanaiH .. 6..\\
tasminnuparate shabde punarevAnyato.abhavat . 
shabdo.aparo mahArAja tatrApi prAhara.n sharAn .. 7..\\
eva.n dasha dishaH sarvAstiryagUrdhvaM cha bhArata . 
nAdayAmAsurasurAste chApi nihatA mayA .. 8..\\
tataH prAgjyotiSha.n gatvA punareva vyadR^ishyata . 
saubha.n kAmagama.n vIra mohayanmama chakShuShI .. 9..\\
tato lokAnta karaNo dAnavo vAnarAkR^itiH . 
shilA varSheNa sahasA sahasA mA.n samAvR^iNot .. 10..\\
so.ahaM parvata varSheNa vadhyamAnaH samantataH . 
valmIka iva rAjendra parvatopachito.abhavam .. 11..\\
tato.ahaM parvata chitaH sahayaH saha sArathiH . 
aprakhyAtimiyA.n rAjansadhvajaH parvataishchitaH .. 12..\\
tato vR^iNi pravIrA yo mamAsansainikAstadA . 
te bhayArtA dishaH sarvAH sahasA vipradudruvuH .. 13..\\
tato hAhAkR^ita.n sarvamabhUtkila vishAM pate . 
dyaushcha bhUmishcha kha.n chaivAdR^ishyamAne tathA mayi .. 14..\\
tato viShaNNamanaso mama rAjansuhR^ijjanAH . 
rurudushchukrushushchaiva duHkhashokasamanvitAH .. 15..\\
dviShatA.n cha praharSho.abhUdArtishchAdviShatAm api . 
eva.n vijitavAnvIra pashchAdashrauShamachyuta .. 16..\\
tato.ahamastra.n dayita.n sarvapAShANa bhedanam . 
vajramudyamya tAnsarvAnparvatAnsamashAtayam .. 17..\\
tataH parvata bhArArtA mandaprANavicheShTitAH . 
hayA mama mahArAja vepamAnA ivAbhavan .. 18..\\
meghajAlamivAkAshe vidAryAbhyudita.n ravim . 
dR^iShTvA mAM bAndhavAH sarve harShamAhArayanpunaH .. 19..\\
tato mAmabravItsUtaH prA~njaliH praNato nR^ipa . 
sAdhu sampashya vArShNeya shAlva.n saubhapatiM sthitam .. 20..\\
ala.n kR^iShNAvamanyaina.n sAdhu yatnaM samAchara . 
mArdava.n sakhitA.n chaiva shAlvAdadya vyapAhara .. 21..\\
jahi shAlvaM mahAbAho maina.n jIvaya keshava . 
sarvaiH parAkramairvIravadhyaH shatruramitrahan .. 22..\\
na shatruravamantavyo durbalo.api balIyasA . 
yo.api syAtpIDhagaH kashchitkiM punaH samare sthitaH .. 23..\\
sa tvaM puruShashArdUla sarvayatnairimaM prabho . 
jahi vR^iShNikulashreShTha mA tvA.n kAlo.atyagAtpunaH .. 24..\\
naiSha mArdavasAdhyo vai mato nApi sakhA tava . 
yena tva.n yodhito vIra dvArakA chAvamarditA .. 25..\\
evamAdi tu kaunteya shrutvAha.n sArathervachaH . 
tattvametaditi GYAtvA yuddhe matimadhArayam .. 26..\\
vadhAya shAlvarAjasya saubhasya cha nipAtane . 
dAruka.n chAbruva.n vIra muhUrtaM sthIyatAm iti .. 27..\\
tato.apratihata.n divyamabhedyamativIryavat . 
Agneyamastra.n dayita.n sarvasAhaM mahAprabham .. 28..\\
yakShANA.n rAkShasANA.n cha dAnavAnAM cha sa.nyuge . 
rAGYA.n cha pratilomAnAM bhasmAnta karaNaM mahat .. 29..\\
kShurAntamamala.n chakraM kAlAntakayamopamam . 
abhimantryAhamatula.n dviShatAM cha nibarhaNam .. 30..\\
jahi saubha.n svavIryeNa ye chAtra ripavo mama . 
ityuktvA bhujavIryeNa tasmai prAhiNava.n ruShA .. 31..\\
rUpa.n sudarshanasyAsIdAkAshe patatastadA . 
dvitIyasyeva sUryasya yugAnte pariviShyataH .. 32..\\
tatsamAsAdya nagara.n saubhaM vyapagatatviSham . 
madhyena pATayAmAsa krakacho dArvivochchhritam .. 33..\\
dvidhAkR^ita.n tataH saubha.n sudarshana balAddhatam . 
maheshvara sharoddhUtaM papAta tripura.n yathA .. 34..\\
tasminnipatite saubhe chakramAgatkaraM mama . 
punashchoddhUya vegena shAlvAlyetyahamabruvam .. 35..\\
tataH shAlva.n gadAM gurvImAvidhyantaM mahAhave . 
dvidhA chakAra sahasA prajajvAla cha tejasA .. 36..\\
tasminnipatite vIre dAnavAstrastachetasaH . 
hAhAbhUtA disho jagmurarditA mama sAyakaiH .. 37..\\
tato.aha.n samavasthApya rathaM saubhasamIpataH . 
sha~NkhaM pradhmApya harSheNa muhR^idaH paryaharShayam .. 38..\\
tanmerushikharAkAra.n vidhvastATTAla gopuram . 
dahyamAnamabhiprekShya striyastAH sampradudruvuH .. 39..\\
evaM nihatya samare shAlva.n saubhaM nipAtya cha . 
AnartAnpunarAgamya suhR^idAM prItimAvaham .. 40..\\
etasmAtkAraNAdrAjannAgamaM nAgasAhvayam . 
yadyagAM paravIraghna na hi jIvetsuyodhanaH .. 41..\\

 vai

evamuktvA mahAbAhuH kauravaM puruShottamaH . 
Amantrya prayayau dhImAnpANDavAnmadhusUdanaH .. 42..\\
abhivAdya mahAbAhurdharmarAja.n yudhiShThiram . 
rAGYA mUrdhanyupAghrAto bhImena cha mahAbhujaH .. 43..\\
subhadrAmabhimanyu.n cha rathamAropya kA~nchanam . 
Aruroha ratha.n kR^iShNaH pANDavairabhipUjitaH .. 44..\\
sainyasugrIva yuktena rathenAdityavarchasA . 
dvArakAM prayayau kR^iShNaH samAshvAsya yudhiShThiram .. 45..\\
tataH prayAte dAshArhe dhR^iShTadyumno.api pArShataH . 
draupadeyAnupAdAya prayayau svapura.n tadA .. 46..\\
dhR^iShTaketuH svasAra.n cha samAdAyAtha chedirAT . 
jagAma pANDavAndR^iShTvA ramyA.n shuktimatIM purIm .. 47..\\
kekayAshchApyanuGYAtAH kaunteyenAmitaujasA . 
Amantrya pANDavAnsarvAnprayayuste.api bhArata .. 48..\\
brAhmaNAshcha vishashchaiva tathA viShayavAsinaH . 
visR^ijyamAnAH subhR^ishaM na tyajanti sma pANDavAn .. 49..\\
sAmavAyaH sa rAjendra sumahAdbhuta darshanaH . 
AsInmahAtmAna.n teShAM kAmyake bharatarShabha .. 50..\\
yudhiShThirastu viprA.nstAnanumAnya mahAtmanAH . 
shashAsa puruShAnkAle rathAnyojayateti ha .. 51..\\
\medskip\hrule\medskip\centerline{\Largedvng 24}
 vai

tasmindashArhAdhipatau prayAte 
yudhiShThiro bhImasenArjunau cha . 
yamau cha kR^iShNA cha purohitash cha 
rathAnmahArhAnparamAshvayuktAn .. 1..\\
AsthAya vIrAH sahitA vanAya 
pratasthire bhUtapatiprakAshAH . 
hiraNyaniShkAnvasanAni gAsh cha 
pradAya shikShAkShara mantrividbhyaH .. 2..\\
preShyAH puro viMshatirAttashastrA 
dhanUMShi varmANi sharAMshcha pItAn . 
maurvIshcha yantrANi cha sAyakAMsh cha 
sarve samAdAya jaghanyamIyuH .. 3..\\
tatastu vAsA.nsi cha rAjaputryA 
dhAtryashcha dAsyashcha vibhUShaNa.n cha . 
tadindrasenastvaritaM pragR^ihya 
jaghanyamevopayayau rathena .. 4..\\
tataH kurushreShThamupetya paurAH 
pradakShiNa.n chakruradInasattvAH . 
taM brAhmaNAshchAbhyavadanprasannA 
mukhyAshcha sarve kurujA~NgalAnAm .. 5..\\
sa chApi tAnabhyavadatprasannaH 
sahaiva tairbhrAtR^ibhirdharmarAjaH . 
tasthau cha tatrAdhipatirmahAtmA 
dR^iShTvA janaugha.n kurujA~NgalAnAm .. 6..\\
piteva putreShu sa teShu bhAvaM 
chakre kurUNAmR^iShabho mahAtmA . 
te chApi tasminbharata prabarhe 
tadA babhUvuH pitarIva putrAH .. 7..\\
tataH samAsAdya mahAjanaughAH 
kurupravIraM parivArya tasthuH . 
hA nAtha hA dharma iti bruvanto 
hriyA cha sarve.ashrumukhA babhUvuH .. 8..\\
varaH kurUNAmadhipaH prajAnAM 
piteva putrAnapahAya chAsmAn . 
paurAnimA~njAnapadAMshcha sarvAn 
hitvA prayAtaH kva nu dharmarAjaH .. 9..\\
dhigdhArtarAShTra.n sunR^isha.nsa buddhiM 
sasaubalaM pApamati.n cha karNam . 
anarthamichchhanti narendra pApA 
ye dharmanityasya satastavAgrAH .. 10..\\
svayaM niveshyApratimaM mahAtmA 
puraM mahaddevapuraprakAsham . 
shatakratuprathamamoghakarmA 
hitvA prayAtaH kva nu dharmarAjaH .. 11..\\
chakAra yAmapratimAM mahAtmA 
sabhAM mayo deva sabhA prakAshAm . 
tA.n deva guptAmiva deva mAyAM 
hitvA prayAtaH kva nu dharmarAjaH .. 12..\\
tAndharmakAmArthaviduttamaujA 
bIbhatsuruchchaiH sahitAnuvAcha . 
AdAsyate vAsamimaM niruShya 
vaneShu rAjA dviShatA.n yashA.nsi .. 13..\\
dvijAtimukhyAH sahitAH pR^ithakcha 
bhavadbhirAsAdya tapasvinash cha . 
prasAdya dharmArthavidashcha vAchyA 
yathArthasiddhiH paramA bhavennaH .. 14..\\
ityevamukte vachane.arjunena 
te brAhmaNAH sarvavarNAshcha rAjan . 
mudAbhyanandansahitAshcha chakruH 
pradakShiNa.n dharmabhR^itA.n variShTham .. 15..\\
Amantrya pArtha.n cha vR^ikodaraM cha 
dhana~njaya.n yAGYasenIM yamau cha . 
pratasthire rAShTramapetaharShA 
yudhiShThireNAnumatA yathA svam .. 16..\\
\medskip\hrule\medskip\centerline{\Largedvng 25}
 vai

tatasteShu prayAteShu kaunteyaH satyasa~NgaraH . 
abhyabhAShata dharmAtmA bhrAtR^InsarvAnyudhiShThiraH .. 1..\\
dvAdashemAH samAsmAbhirvastavyaM nirjane vane . 
samIkShadhvaM mahAraNye deshaM bahumR^igadvijam .. 2..\\
bahupuShpaphala.n ramyaM shivaM puNyajanochitam . 
yatremAH sharadaH sarvAH sukhaM prativasemahi .. 3..\\
evamukte pratyuvAcha dharmarAja.n dhana~njayaH . 
guruvanmAnava guruM mAnayitva manasvinam .. 4..\\

 ar

bhavAneva maharShINA.n vR^iddhAnAM paryupAsitA . 
aGYAtaM mAnuShe loke bhavato nAsti ki.n chana .. 5..\\
tvayA hyupAsitA nityaM brAhmaNA bharatarShabha . 
dvaipAyanaprabhR^itayo nAradashcha mahAtapAH .. 6..\\
yaH sarvalokadvArANi nitya.n sa~ncarate vashI . 
devalokAdbrahmaloka.n gandharvApsarasAm api .. 7..\\
sarvA gatIrvijAnAsi brAhmaNAnAM na saMshayaH . 
prabhAvAMshchaiva vettha tva.n sarveShAmeva pArthiva .. 8..\\
tvameva rAja~njAnAsi shreyaH kAraNameva cha . 
yatrechchhasi mahArAja nivAsa.n tatra kurmahe .. 9..\\
ida.n dvaitavanaM nAma saraH puNyajanochitam . 
bahupuShpaphala.n ramyaM nAnAdvijaniShevitam .. 10..\\
atremA dvAdasha samA viharemeti rochaye . 
yadi te.anumata.n rAjankiM vAnyanmanyate bhavAn .. 11..\\

 y

mamApyetanmataM pArtha tvayA yatsamudAhR^itam . 
gachchhAma puNya.n vikhyAtaM mahaddvaitavanaM saraH .. 12..\\

 vai

tataste prayayuH sarve pANDavA dharmachAriNaH . 
brAhmaNairbahubhiH sArdhaM puNya.n dvaitavana.n saraH .. 13..\\
brAhmaNAH sAgnihotrAshcha tathaiva cha niragnayaH . 
svAdhyAyino bhikShavashcha sajapA vanavAsinaH .. 14..\\
bahavo brAhmaNAstatra parivavruryudhiShThiram . 
tapasvinaH satyashIlAH shatashaH saMshitavratAH .. 15..\\
te yAtvA pANDavAstatra bahubhirbrAhmaNaiH saha . 
puNya.n dvaitavana.n ramyaM vivishurbharatarShabhAH .. 16..\\
tachchhAla tAlAmra madhUkanIpa 
kadambasarjArjuna karNikAraiH . 
tapAtyaye puShpadharairupetaM 
mahAvana.n rAShTrapatirdadarsha .. 17..\\
mahAdrumANA.n shikhareShu tasthur 
manoramA.n vAchamudIrayantaH . 
mayUradAtyUha chakora sa~NghAs 
tasminvane kAnanakokilAsh cha .. 18..\\
kareNuyUthaiH saha yUthapAnAM 
madotkaTAnAmachalaprabhANAm . 
mahAnti yUthAni mahAdvipAnAM 
tasminvane rAShTrapatirdadarsha .. 19..\\
manoramAM bhogavatIm upetya 
dhR^itAtmAna.n chIrajaTA dharANAm . 
tasminvane dharmabhR^itAM nivAse 
dadarsha siddharShigaNAnanekAn .. 20..\\
tataH sa yAnAdavaruhya rAjA 
sabhrAtR^ikaH sajanaH kAnana.n tat . 
vivesha dharmAtmavatA.n variShThas 
triviShTapa.n shakra ivAmitaujAH .. 21..\\
ta.n satyasandhaM sahitAbhipetur 
didR^ikShavashchAraNasiddhasa~NghAH . 
vanaukasashchApi narendra si.nhaM 
manasvina.n samparivArya tasthuH .. 22..\\
sa tatra siddhAnabhivAdya sarvAn 
pratyarchito rAjavaddevavachcha . 
vivesha sarvaiH sahito dvijAgryaiH 
kR^itA~njalirdharmabhR^itA.n variShThaH .. 23..\\
sa puNyashIlaH pitR^ivanmahAtmA 
tapasvibhirdharmaparairupetya . 
pratyarchitaH puShpadharasya mUle 
mahAdrumasyopavivesha rAjA .. 24..\\
bhImashcha kR^iShNA cha dhana~njayash cha 
yamau cha te chAnucharA narendram . 
vimuchya vAhAnavaruhya sarve 
tatropatasthurbharata prabarhAH .. 25..\\
latAvatAnAvanataH sa pANDavair 
mahAdrumaH pa~nchabhirugradhanvibhiH . 
babhau nivAsopagatairmahAtmabhir 
mahAgirirvAraNayUthapairiva .. 26..\\
\medskip\hrule\medskip\centerline{\Largedvng 26}
 vai

tatkAnanaM prApya narendraputrAH 
sukhochitA vAsamupetya kR^ichchhram . 
vijahrurindra pratimAH shiveShu 
sarasvatI shAlavaneShu teShu .. 1..\\
yatIMshcha sarvAnsa munIMshcha rAjA 
tasminvane mUlaphalairudagraiH . 
dvijAtimukhyAnR^iShabhaH kurUNAM 
santarpayAmAsa mahAnubhAvaH .. 2..\\
iShTIshcha pitryANi tathAgriyANi 
mahAvane vasatAM pANDavAnAm . 
purohitaH sarvasamR^iddhatejAsh 
chakAra dhaumyaH pitR^ivatkurUNAm .. 3..\\
apetya rAShTrAdvasatA.n tu teShAm 
R^iShiH purANo.atithirAjagAma . 
tamAshrama.n tIvrasamR^iddhatejA 
mArkaNDeyaH shrImatAM pANDavAnAm .. 4..\\
sa sarvaviddraupadIM prekShya kR^iShNAM 
yudhiShThiraM bhImasenArjunau cha . 
sa.nsmR^itya rAmaM manasA mahAtmA 
tapasvimadhye.asmayatAmitaujAH .. 5..\\
ta.n dharmarAjo vimanA ivAbravIt 
sarve hriyA santi tapasvino.amI . 
bhavAnida.n ki.n smayatIva hR^iShTas 
tapasvinAM pashyatAM mAmudIkShya .. 6..\\

 maar

na tAta hR^iShyAmi na cha smayAmi 
praharShajo mAM bhajate na darpaH . 
tavApada.n tvadya samIkShya rAmaM 
satyavrata.n dAsharathi.n smarAmi .. 7..\\
sa chApi rAjA saha lakShmaNena 
vane nivAsaM pitureva shAsanAt . 
dhanvI charanpArtha purA mayaiva 
dR^iShTo girerR^iShyamUkasya sAnau .. 8..\\
sahasranetra pratimo mahAtmA 
mayasya jeta namucheshcha hantA . 
piturnideshAdanaghaH svadharmaM 
vanevAsa.n dAsharathishchakAra .. 9..\\
sa chApi shakrasya samaprabhAvo 
mahAnubhAvaH samareShvajeyaH . 
vihAya bhogAnacharadvaneShu 
neshe balasyeti charedadharmam .. 10..\\
nR^ipAshcha nAbhAga bhagIrathAdayo 
mahImimA.n sAgarAntAM vijitya . 
satyena te.apyajaya.nstAta lokAn 
neshe balasyeti charedadharmam .. 11..\\
alarkamAhurnaravarya santaM 
satyavrata.n kAshikarUSha rAjam . 
vihAya raShTrANi vasUni chaiva 
neshe balasyeti charedadharmam .. 12..\\
dhAtrA vidhiryo vihitaH purANas 
taM pUjayanto naravarya santaH . 
saptarShayaH pArtha divi prabhAnti 
neshe balasyeti charedadharmam .. 13..\\
mahAbalAnparvatakUTamAtrAn 
viShANinaH pashya gajAnnarendra . 
sthitAnnideshe naravarya dhAtur 
neshe balasyeti charedadharmam .. 14..\\
sarvANi bhUtAni narendra pashya 
yathA yathAvadvihita.n vidhAtrA . 
svayonitastatkurute prabhAvAn 
neshe balasyeti charedadharmam .. 15..\\
satyena dharmeNa yathArha vR^ittyA 
hriyA tathA sarvabhUtAnyatItya . 
yashashcha tejashcha tavApi dIptaM 
vibhAvasorbhAskarasyeva pArtha .. 16..\\
yathApratiGYa.n cha mahAnubhAva 
kR^ichchhra.n vanevAsamimaM niruShya . 
tataH shriya.n tejasA svena dIptAm 
AdAsyase pArthiva kauravebhyaH .. 17..\\

 vai

tamevamuktvA vachanaM maharShis 
tapasvimadhye sahita.n suhR^idbhiH . 
Amantrya dhaumya.n sahitAMshcha pArthA.ns 
tataH pratasthe dishamuttarA.n saH .. 18..\\
\medskip\hrule\medskip\centerline{\Largedvng 27}
 vai

vasatsvatha dvaitavane pANDaveShu mahAtmasu . 
anukIrNaM mahAraNyaM brAhmaNaiH samapadyata .. 1..\\
IryamANena satataM brahmaghoSheNa sarvataH . 
brahmalokasamaM puNyamAsIddvaitavana.n saraH .. 2..\\
yajuShAmR^ichA.n cha sAmnAM cha gadyAnAM chaiva sarvashaH . 
AsIduchchAryamANAnAM nisvano hR^idaya~NgamaH .. 3..\\
jyAghoShaH pANvaveyAnAM brahmaghoShashcha dhImatAm . 
sa.nsR^iShTaM brahmaNA kShatraM bhUya eva vyarochata .. 4..\\
athAbravIdbako dAlbhyo dharmarAja.n yudhiShThiram . 
sandhyA.n kaunteyamAsInamR^iShibhiH parivAritam .. 5..\\
pashya dvaitavane pArtha brAhmaNAnA.n tapasvinAm . 
homavelA.n kurushreShTha samprajvalita pAvakAm .. 6..\\
charanti dharmaM puNye.asmi.nstvayA guptA dhR^itavratAH . 
bhR^igavo.a~Ngirasashchaiva vAsiShThAH kAshyapaiH saha .. 7..\\
AgastyAshcha mahAbhAgA AtreyAshchottamavratAH . 
sarvasya jagataH shreShThA brAhmaNAH sa~NgatAstvayA .. 8..\\
ida.n tu vachanaM pArtha shR^iNvekAgramanA mama . 
bhrAtR^ibhiH saha kaunteya yattvA.n vakShyAmi kaurava .. 9..\\
brahmakShatreNa sa.nsR^iShTa.n kShatraM cha brahmaNA saha . 
udIrNau dahataH shatrUnvanAnIvAgnimArutau .. 10..\\
nAbrAhmaNastAta chiraM bubhUShed 
ichchhAnnima.n lokamamu.n cha jetum . 
vinItadharmArthamapetamohaM 
labdhvA dvijaM nudati nR^ipaH sapatnAn .. 11..\\
charannaiHshreyasa.n dharmaM prajApAlanakAritam . 
nAdhyagachchhadbalirloke tIrthamanyatra vai dvijAt .. 12..\\
anUnamAsIdasurasya kAmair 
vairochaneH shrIrapi chAkShayAsIt . 
labdhvA mahIM brAhmaNa samprayogAt 
teShvAcharanduShTamato vyanashyat .. 13..\\
nAbrAhmaNaM bhUmiriya.n sabhUtir 
varNa.n dvitIyaM bhajate chirAya . 
samudranemirnamate tu tasmai 
yaM brAhmaNaH shAsti nayairvinItaH .. 14..\\
ku~njarasyeva sa~NgrAme.aparigR^ihyA~Nkusha graham . 
brAhmaNairviprahINasya kShatrasya kShIyate balam .. 15..\\
brahmaNyanupamA dR^iShTiH kShAtramapratimaM balam . 
tau yadA charataH sArdhamatha lokaH prasIdati .. 16..\\
yathA hi sumahAnagniH kakSha.n dahati sAnilaH . 
tathA dahati rAjanyo brAhmaNena sama.n ripUn .. 17..\\
brAhmaNebhyo.atha medhAvI buddhirparyeShaNa.n chare . 
alabdhasyacha lAbhAya labdhasya cha vivR^iddhaye .. 18..\\
alabdhalAbhAya cha labdhavR^iddhaye 
yathArha tIrthapratipAdanAya . 
yashasvina.n vedavidaM vipashchitaM 
bahushrutaM brAhmaNameva vAsaya .. 19..\\
brAhmaNeShUttamA vR^ittistava nitya.n yudhiShThira . 
tena te sarvalokeShu dIpyate prathita.n yashaH .. 20..\\
tataste brAhmaNAH sarve baka.n dAlbhyamapUjayan . 
yudhiShThire stUyamAne bhUyaH sumanaso.abhavan .. 21..\\
dvaipAyano nAradashcha jAmadagnyaH pR^ithushravAH . 
indra dyumno bhAlukishcha kR^itachetAH sahasrapAt .. 22..\\
karNa shravAshcha mu~njashcha lavaNAshvashcha kAshyapaH . 
hArItaH sthUNa karNashcha agniveshyo.atha shaunakaH .. 23..\\
R^itavAkcha suvAkchaiva bR^ihadashva R^itA vasuH . 
UrdhvaretA vR^iShAmitraH suhotro hotravAhanaH .. 24..\\
ete chAnye cha bahavo brAhmaNAH saMshitavratAH . 
ajAtashatrumAnarchuH purandaramivarShayaH .. 25..\\
\medskip\hrule\medskip\centerline{\Largedvng 28}
 vai

tato vanagatAH pArthAH sAyAhne saha kR^iShNayA . 
upaviShTAH kathAshchakrurduHkhashokaparAyaNAH .. 1..\\
priyA cha darshanIyA cha paNDitA cha pativratA . 
tataH kR^iShNA dharmarAjamida.n vachanamabravIt .. 2..\\
na nUna.n tasya pApasya duHkhamasmAsu kiM chana . 
vidyate dhArtarAShTrasya nR^isha.nsasya durAtmanaH .. 3..\\
yastvA.n rAjanmayA sArdhamajinaiH prativAsitam . 
bhrAtR^ibhishcha tathA sarvairnAbhyabhAShata ki.n chana . 
vanaM prasthApya duShTAtmA nAnvapatyata durmatiH .. 4..\\
Ayasa.n hR^idayaM nUna.n tasyA duShkR^itakarmaNaH . 
yastvA.n dharmapara.n shreShThaM rUkShANyashrAvayattadA .. 5..\\
sukhochitamaduHkhArha.n durAtmA sasuhR^idgaNaH . 
IdR^isha.n duHkhamAnIya modate pApapUruShaH .. 6..\\
chaturNAmeva pApAnAmashruvai nApatattadA . 
tvayi bhArata niShkrAnte vanAyAjina vAsasi .. 7..\\
duryodhanasya karNasya shakuneshcha durAtmanaH . 
durbhrAtustasya chograsya tathA duHshAsanasya cha .. 8..\\
itareShA.n tu sarveShAM kurUNAM kurusattama . 
duHkhenAbhiparItAnAM netrebhyaH prApatajjalam .. 9..\\
ida.n cha shayanaM dR^iShTvA yachchAsItte purAtanam . 
shochAmi tvAM mahArAja duHkhAnarha.n sukhochitam .. 10..\\
dAnta.n yachcha sabhAmadhye AsanaM ratnabhUShitam . 
dR^iShTvA kusha bR^isI.n chemA.n shoko mAM rundhayatyayam .. 11..\\
yadapashya.n sabhAyA.n tvAM rAjabhiH parivAritam . 
tachcha rAjannapashyantyAH kA shAntirhR^idayasya me .. 12..\\
yA tvAha.n chandanAdigdhamapashya.n sUryavarchasam . 
sA tvAM pa~NkamalAdigdha.n dR^iShTvA muhyAmi bhArata .. 13..\\
yA vai tvA kaushikairvastraiH shubhrairbahudhanaiH purA . 
dR^iShTavatyasmi rAjendra sA tvAM pashyAmi chIriNam .. 14..\\
yachcha tadrukmapAtrIbhirbrAhmaNebhyaH sahasrashaH . 
hriyate te gR^ihAdanna.n sa.nskR^itaM sArvakAmikam .. 15..\\
yatInAmagR^ihANA.n te tathaiva gR^ihamedhinAm . 
dIyate bhojana.n rAjannatIva guNavatprabho . 
tachcha rAjannapashyantyAH kA shAntirhR^idayasya me .. 16..\\
yA.nste bhrAtR^InmahArAja yuvAno mR^iShTakuNDalAH . 
abhojayanta mR^iShTAnnaiH sUdAH paramasa.nskR^itaiH .. 17..\\
sarvA.nstAnadya pashyAmi vane vanyena jIvataH . 
aduHkhArhAnmanuShyendra nopashAmyati me manaH .. 18..\\
bhImasenamima.n chApi duHkhita.n vanavAsinam . 
dhyAyanta.n kiM na manyuste prApte kAle vivardhate .. 19..\\
bhImasena.n hi karmANi svaya.n kurvANamachyuta . 
sukhArha.n duHkhitaM dR^iShTvA kasmAnmanyurna vardhate .. 20..\\
satkR^ita.n vividairyAnairvastrairuchchAvachaistathA . 
ta.n te vanagataM dR^iShTvA kasmAnmanyurna vardhate .. 21..\\
kurUnapi hi yaH sarvAnhantumutsahate prabhuH . 
tvatprasAdaM pratIkSha.nstu sahate.aya.n vR^ikodaraH .. 22..\\
yo.arjunenArjunastulyo dvibAhurbahu bAhunA . 
sharAtisarge shIghratvAtkAlAntakayamopamaH .. 23..\\
yasya shastrapratApena praNatAH sarvapArthivAH . 
yaGYe tava mahArAja brAhmaNAnupatasthire .. 24..\\
tamimaM puruShavyAghraM pUjita.n devadAnavaiH . 
dhyAyantamarjuna.n dR^iShTvA kasmAnmanyurna vardhate .. 25..\\
dR^iShTvA vanagataM pArthamaduHkhArha.n sukhochitam . 
na cha te vardhate manyustena muhyAmi bhArata .. 26..\\
yo devAMshcha manuShyAMshcha sarpAMsh chaikaratho.ajayat . 
ta.n te vanagataM dR^iShTvA kasmAnmanyurna vardhate .. 27..\\
yo yAnairadbhutAkArairhayairnAgaishcha sa.nvR^itaH . 
prasahya vittAnyAdatta pArthivebhyaH parantapaH .. 28..\\
kShipatyekena vegena pa~nchabANashatAni yaH . 
ta.n te vanagataM dR^iShTvA kasmAnmanyurna vardhate .. 29..\\
shyAmaM bR^ihanta.n taruNaM charmiNAmuttama.n raNe . 
nakula.n te vane dR^iShTvA kasmAnmanyurna vardhate .. 30..\\
darshanIya.n cha shUraM cha mAdrIputra.n yudhiShThira . 
sahadeva.n vane dR^iShTvA kasmAnmanyurna vardhate .. 31..\\
drupadasya kule jAtA.n snuShAM pANDormahAtmanaH . 
mA.n te vanagatAM dR^iShTvA kasmAnmanyurna vardhate .. 32..\\
nUna.n cha tava naivAsti manyurbharatasattama . 
yatte bhrAtR^IMshcha mA.n chaiva dR^iShTvA na vyathate manaH .. 33..\\
na nirmanyuH kShatriyo.asti loke nirvachana.n smR^itam . 
tadadya tvayi pashyAmi kShatriye viparItavat .. 34..\\
yo na darshayate tejaH kShatriyaH kAla Agate . 
sarvabhUtAni taM pArtha sadA paribhavantyuta .. 35..\\
tattvayA na kShamA kAryA shatrUnprati katha.n chana . 
tejasaiva hi te shakyA nihantuM nAtra saMshayaH .. 36..\\
tathaiva yaH kShamA kAle kShatriyo nopashAmyati . 
apriyaH sarvabhUtAnA.n so.amutreha cha nashyati .. 37..\\
\medskip\hrule\medskip\centerline{\Largedvng 29}
 drau

atrApyudAharantImamitihAsaM purAtanam . 
prahlAdasyA cha sa.nvAdaM balervairochanasya cha .. 1..\\
asurendraM mahAprAGYa.n dharmANAmAgatAgamam . 
baliH paprachchha daityendraM prahlAdaM pitaraM pituH .. 2..\\
kShamA svichchhreyasI tAta upAho teja ityuta . 
etanme saMshaya.n tAta yathAvadbrUhi pR^ichchhate .. 3..\\
shreyo yadatra dharmaGYa brUhi me tadasaMshayam . 
kariShyAmi hi tatsarva.n yathAvadanushAsanam .. 4..\\
tasmai provAcha tatsarvamevaM pR^iShTaH pitAmahaH . 
sarvanishchayavatprAGYaH saMshayaM paripR^ichchhate .. 5..\\

 prah

na shreyaH satata.n tejo na nitya.n shreyasI kShamA . 
iti tAta vijAnIhi dvayametadasaMshayam .. 6..\\
yo nitya.n kShamate tAta bahUndoShAnsa vindati . 
bhR^ityAH paribhavantyenamudAsInAstathaiva cha .. 7..\\
sarvabhUtAni chApyasya na namante kadA chana . 
tasmAnnitya.n kShamA tAta paNDitairapavAditA .. 8..\\
avaGYAya hi taM bhR^ityA bhajante bahudoShatAm . 
AdAtu.n chAsya vittAni prArthayante.alpachetasaH .. 9..\\
yAna.n vastrANyala~NkArA~nshayanAnyAsanAni cha . 
bhojanAnyatha pAnAni sarvopakaraNAni cha .. 10..\\
AdadIrannadhikR^itA yathAkAmamachetasaH . 
pradiShTAni cha deyAni na dadyurbhartR^ishAsanAt .. 11..\\
na chainaM bhartR^ipUjAbhiH pUjayanti kadA chana . 
avaGYAna.n hi loke.asminmaraNAdapi garhitam .. 12..\\
kShamiNa.n tAdR^ishaM tAta bruvanti kaTukAnyapi . 
preShyAH putrAshcha bhR^ityAshcha tathodAsIna vR^ittayaH .. 13..\\
apyasya dArAnichchhanti paribhUya kShamAvataH . 
dArAshchAsya pravartante yathAkAmamachetasaH .. 14..\\
tathA cha nityamuditA yadi svalpamapIshvarAt . 
daNDamarhanti duShyanti duShTAshchApyapakurvate .. 15..\\
ete chAnye cha bahavo nitya.n doShAH kShamAvatAm . 
atha vairochane doShAnimAnviddhyakShamAvatAm .. 16..\\
asthAne yadi vA sthAne satata.n rajasAvR^itaH . 
kruddho daNDAnpraNayati vividhAnsvena tejasA .. 17..\\
mitraiH saha virodha.n cha prApnute tejasAvR^itaH . 
prApnoti dveShyatA.n chaiva lokAtsvajanatastathA .. 18..\\
so.avamAnAdarthahAnimupAlambhamanAdaram . 
santApadveShalobhAMshcha shatrUMshcha labhate naraH .. 19..\\
krodhAddaNDAnmanuShyeShu vividhAnpuruSho nayan . 
bhrashyate shIghramaishvaryAtprANebhyaH svajanAdapi .. 20..\\
yo.apakartR^IMshcha kartR^IMsh cha tejasaivopagachchhati . 
tasmAdudvijate lokaH sarpAdveshma gatAdiva .. 21..\\
yasmAdudvijate lokaH katha.n tasya bhavo bhavet . 
antara.n hyasya dR^iShTvaiva loko vikurute dhruvam . 
tasmAnnAtyutsR^ijettejo na cha nityaM mR^idurbhavet .. 22..\\
kAle mR^iduryo bhavati kAle bhavati dAruNaH . 
sa vai sukhamavApnoti loke.amuShminnihaiva cha .. 23..\\
kShamA kAlA.nstu vakShyAmi shR^iNu me vistareNa tAn . 
ye te nityamasantyAjyA yathA prAhurmanIShiNaH .. 24..\\
pUrvopakArI yastu syAdaparAdhe.agarIyasi . 
upakAreNa tattasya kShantavyamaparAdhinaH .. 25..\\
abuddhimAshritAnA.n cha kShantavyamaparAdhinAm . 
na hi sarvatra pANDitya.n sulabhaM puruSheNa vai .. 26..\\
atha chedbuddhija.n kR^itvA brUyuste tadabuddhijam . 
pApAnsvalpe.api tAnhanyAdaparAdhe tathAnR^ijUn .. 27..\\
sarvasyaiko.aparAdhaste kShantavyaH prANino bhavet . 
dvitIye sati vadhyastu svalpe.apyapakR^ite bhavet .. 28..\\
ajAnatA bhavetkashchidaparAdhaH kR^ito yadi . 
kShantavyameva tasyAhuH suparIkShya parIkShayA .. 29..\\
mR^idunA mArdava.n hanti mR^idunA hanti dAruNam . 
nAsAdhyaM mR^idunA ki.n chittasmAttIkShNataro mR^iduH .. 30..\\
deshakAlau tu samprekShya balAbalamathAtmanaH . 
nAdesha kAlo ki.n chitsyAddeshaH kAlaH pratIShyate . 
tathA lokabhayAchchaiva kShantavyamaparAdhinaH .. 31..\\
eva eva.nvidhAH kAlAH kShamAyAH parikIrtitAH . 
ato.anyathAnuvartatsu tejasaH kAla uchyate .. 32..\\

 drau

tadaha.n tejasaH kAlaM tava manye narAdhipa . 
dhArtarAShTreShu lubdheShu satata.n chApakAriShu .. 33..\\
na hi kashchitkShamA kAlo vidyate.adya kurUnprati . 
tejasashchAgate kAle teja utsraShTumarhasi .. 34..\\
mR^idurbhavatyavaGYAtastIkShNAdudvijate janaH . 
kAle prApte dvaya.n hyetadyo veda sa mahIpatiH .. 35..\\
\medskip\hrule\medskip\centerline{\Largedvng 30}
 y

krodho hantA manuShyANA.n krodho bhAvayitA punaH . 
iti viddhi mahAprAGYe krodhamUlau bhavAbhavau .. 1..\\
yo hi sa.nharate krodhaM bhAvastasya sushobhane . 
yaH punaH puruShaH krodhaM nityAM na sahate shubhe . 
tasyAbhAvAya bhavati krodhaH paramadAruNaH .. 2..\\
krodhamUlo vinAsho hi prajAnAmiha dR^ishyate . 
tatkathaM mAdR^ishaH krodhamutsR^ijellokanAshanam .. 3..\\
kruddhaH pApaM naraH kuryAtkruddho hanyAdgurUnapi . 
kruddhaH paruShayA vAchA shreyaso.apyavamanyate .. 4..\\
vAchyAvAchye hi kupito na prajAnAti karhi chit . 
nAkAryamasti kruddhasya nAvAchya.n vidyate tathA .. 5..\\
hi.nsyAtkrodhAdavadhyAMshcha vadhyAnsampUjayedapi . 
AtmAnamapi cha kruddhaH preShayedyamasAdanam .. 6..\\
etAndoShAnprapashyadbhirjitaH krodho manIShibhiH . 
ichchhadbhiH parama.n shreya iha chAmutra chottamam .. 7..\\
ta.n krodha.n varjitaM dhIraiH kathamasmadvidhash charet . 
etaddraupadi sandhAya na me manyuH pravardhate .. 8..\\
AtmAna.n cha paraM chaiva trAyate mahato bhayAt . 
krudhyantamapratikrudhyandvayoreSha chikitsakaH .. 9..\\
mUDho yadi klishyamAnaH krudhyate.ashaktimAnnaraH . 
balIyasAM manuShyANA.n tyajatyAtmAnamantataH .. 10..\\
tasyAtmAna.n santyajato lokA nashyantyanAtmanaH . 
tasmAddraupadyashaktasya manyorniyamana.n smR^itam .. 11..\\
vidvA.nstathaiva yaH shaktaH klishyamAno na kupyati . 
sa nAshayitvA kleShTAraM paraloke cha nandati .. 12..\\
tasmAdbalavatA chaiva durbalena cha nityadA . 
kShantavyaM puruSheNAhurApatsvapi vijAnatA .. 13..\\
manyorhi vijaya.n kR^iShNe prasha.nsantIha sAdhavaH . 
kShamAvato jayo nitya.n sAdhoriha satAM matam .. 14..\\
satya.n chAnR^itataH shreyo nR^isha.nsAchchAnR^isha.nsatA . 
tamevaM bahudoSha.n tu krodha.n sAdhu vivarjitam . 
mAdR^ishaH prasR^ijetkasmAtsuyodhana vadhAdapi .. 15..\\
tejasvIti yamAhurvai paNDitA dIrghadarshinaH . 
na krodho.abhyantarastasya bhavatIti vinishchitam .. 16..\\
yastu krodha.n samutpannaM praGYayA pratibAdhate . 
tejasvina.n ta.n vidvA.nso manyante tattvadarshinaH .. 17..\\
kruddho hi kAya.n sushroNi na yathAvatprapashyati . 
na kAryaM na cha maryAdAM naraH kruddho.anupashyati .. 18..\\
hantyavadhyAnapi kruddho gurUnrUkShaistudatyapi . 
tasmAttejasi kartavye krodho dUrAtpratiShThitaH .. 19..\\
dAkShya.n hyamarShaH shaurya.n cha shIghratvamiti tejasaH . 
guNAH krodhAbhibhUtena na shakyAH prAptuma~njasA .. 20..\\
krodha.n tyaktvA tu puruShaH samyaktejo.abhipadyate . 
kAlayuktaM mahAprAGYe kruddhaistejaH suduHsaham .. 21..\\
krodhastvapaNDitaiH shashvatteja ityabhidhIyate . 
rajastallokanAshAya vihitaM mAnuShAnprati .. 22..\\
tasmAchchhashvattyajetkrodhaM puruShaH samyagAcharan . 
shreyAnsvadharmAnapago na kruddha iti nishchitam .. 23..\\
yadi sarvamabuddhInAmatikrAntamamedhasAm . 
atikramo madvidhasya katha.n svitsyAdanindite .. 24..\\
yadi na syurmanuShyeShu kShamiNaH pR^ithivIsamAH . 
na syAtsandhirmanuShyANA.n krodhamUlo hi vigrahaH .. 25..\\
abhiShakto hyabhiShajedAhanyAdguruNA hataH . 
eva.n vinAsho bhUtAnAmadharmaH prathito bhavet .. 26..\\
AkruShTaH puruShaH sarvaH pratyAkroshedanantaram . 
pratihanyAddhatashchaiva tathA hi.nsyAchcha hi.nsitaH .. 27..\\
hanyurhi pitaraH putrAnputrAshchApi tathA pitR^In . 
hanyushcha patayo bhAryAH patInbhAryAstathaiva cha .. 28..\\
eva.n sa~Nkupite loke janma kR^iShNe na vidyate . 
prajAnA.n sandhimUlaM hi janma viddhi shubhAnane .. 29..\\
tAH kShIyeranprajAH sarvAH kShipra.n draupadi tAdR^ishe . 
tasmAnmanyurvinAshAya prajAnAmabhavAya cha .. 30..\\
yasmAttu loke dR^ishyante kShamiNaH pR^ithivIsamAH . 
tasmAjjanma cha bhUtAnAM bhavash cha pratipadyate .. 31..\\
kShantavyaM puruSheNeha sarvAsvApatsu shobhane . 
kShamA bhavo hi bhUtAnA.n janma chaiva prakIrtitam .. 32..\\
AkruShTastADitaH kruddhaH kShamate yo balIyasA . 
yashcha nitya.n jitakrodho vidvAnuttamapUruShaH .. 33..\\
prabhAvavAnapi narastasya lokAH sanAtanAH . 
krodhanastvalpaviGYAnaH pretya cheha cha nashyati .. 34..\\
atrApyudAharantImA gAthA nitya.n kShamAvatAm . 
gItAH kShamAvatA kR^iShNe kAshyapena mahAtmanA .. 35..\\
kShamA dharmaH kShamA yaGYaH kShamA vedAH kShamA shrutam . 
yastAmeva.n vijAnAti sa sarva.n kShantumarhati .. 36..\\
kShamA brahma kShamA satya.n kShamA bhUtaM cha bhAvi cha . 
kShamA tapaH kShamA shaucha.n kShamayA choddhR^itaM jagat .. 37..\\
ati brahmavidA.n lokAnati chApi tapasvinAm . 
ati yaGYavidA.n chaiva kShamiNaH prApnuvanti tAn .. 38..\\
kShamA tejasvinA.n tejaH kShamA brahma tapasvinAm . 
kShamA satya.n satyavatA.n kShamA dAnaM kShamAyashaH .. 39..\\
tA.n kShamAmIdR^ishIM kR^iShNe kathamasmadvidhastyajet . 
yasyAM brahma cha satya.n cha yaGYA lokAshcha viShThitAH . 
bhujyante yajvanA.n lokAH kShamiNAmapare tathA .. 40..\\
kShantavyameva satataM puruSheNa vijAnatA . 
yadA hi kShamate sarvaM brahma sampadyate tadA .. 41..\\
kShamAvatAmaya.n lokaH parashchaiva kShamAvatAm . 
iha saMmAnamR^ichchhanti paratra cha shubhA.n gatim .. 42..\\
yeShAM manyurmanuShyANA.n kShamayA nihitastadA . 
teShAM paratare lokAstasmAtkShAntiH parA matA .. 43..\\
iti gItAH kAshyapena gAthA nitya.n kShamAvatAm . 
shrutvA gAthAH kShamAyAstva.n tuShya draupadi mA krudhaH .. 44..\\
pitAmahaH shAntanavaH shama.n sampUjayiShyati . 
AchAryo viduraH kShattA shamameva vadiShyataH . 
kR^ipashcha sa~njayashchaiva shamameva vadiShyataH .. 45..\\
somadatto yuyutsushcha droNaputrastathaiva cha . 
pitAmahashcha no vyAsaH shama.n vadati nityashaH .. 46..\\
etairhi rAjA niyata.n chodyamAna.n shamaM prati . 
rAjya.n dAteti me buddhirna chellobhAnnashiShyati .. 47..\\
kAlo.aya.n dAruNaH prApto bharatAnAmabhUtaye . 
nishchitaM me sadaivaitatpurastAdapi bhAmini .. 48..\\
suyodhano nArhatIti kShamAmevaM na vindati . 
arhastasyAhamityeva tasmAnmA.n vindate kShamA .. 49..\\
etadAtmavatA.n vR^ittameSha dharmaH sanAtanaH . 
kShamA chaivAnR^isha.nsya.n cha tatkartAsmyahama~njasA .. 50..\\
\medskip\hrule\medskip\centerline{\Largedvng 31}
 drau

namo dhAtre vidhAtre cha yau moha.n chakratustava . 
pitR^ipaitAmahe vR^itte voDhavye te.anyathA matiH .. 1..\\
neha dharmAnR^isha.nsyAbhyAM na kShAntyA nArjavena cha . 
puruShaH shriyamApnoti na ghR^iNitvena karhi chit .. 2..\\
tvA.n chedvyasanamabhyAgAdidaM bhArata duHsaham . 
yattvaM nArhasi nApIme bhrAtaraste mahaujasaH .. 3..\\
na hi te.adhyagamajjAtu tadAnIM nAdya bhArata . 
dharmAtpriyatara.n kiM chidapi chejjIvitAdiha .. 4..\\
dharmArthameva te rAjya.n dharmArthaM jIvitaM cha te . 
brAhmaNA guravashchaiva jAnatyapi cha devatAH .. 5..\\
bhImasenArjunau chaiva mAdreyau cha mayA saha . 
tyajestvamiti me buddhirna tu dharmaM parityajeH .. 6..\\
rAjAna.n dharmagoptAraM dharmo rakShati rakShitaH . 
iti me shrutamAryANA.n tvAM tu manye na rakShati .. 7..\\
ananyA hi naravyAghra nityadA dharmameva te . 
buddhiH satatamanveti chhAyeva puruShaM nijA .. 8..\\
nAvama.nsthA hi sadR^ishAnnAvarA~nshreyasaH kutaH . 
avApya pR^ithivI.n kR^itsnAM na te shR^i~Ngamavardhata .. 9..\\
svAhAkAraiH svadhAbhishcha pUjAbhirapi cha dvijAn . 
daivatAni pitR^IMshchaiva satataM pArtha sevase .. 10..\\
brAhmaNAH sarvakAmaiste satataM pArtha tarpitAH . 
yatayo mokShiNashchaiva gR^ihasthAshchaiva bhArata .. 11..\\
AraNyakebhyo lauhAni bhAjanAni prayachchhasi . 
nAdeyaM brAhmaNebhyaste gR^ihe ki.n chana vidyate .. 12..\\
yadida.n vaishvadevAnte sAyamprAtaH pradIyate . 
taddattvAtithi bhR^ityebhyo rAja~nsheSheNa jIvasi .. 13..\\
iShTayaH pashubandhAshcha kAmyanaimittikAsh cha ye . 
vartante pAkayaGYAshcha yaGYakarma cha nityadA .. 14..\\
asminnapi mahAraNye vijane dasyu sevite . 
rAShTrAdapetya vasato dhArmaste nAvasIdati .. 15..\\
ashvamedho rAjasUyaH puNDarIko.atha gosavaH . 
etairapi mahAyaGYairiShTa.n te bhUridakShiNaiH .. 16..\\
rAjanparItayA buddhyA viShame.akShaparAjaye . 
rAjya.n vasUnyAyudhAni bhrAtR^InmA.n chAsi nirjitaH .. 17..\\
R^ijormR^idorvadAnyasya hrImataH satyavAdinaH . 
kathamakShavyasanajA buddhirApatitA tava .. 18..\\
atIva mohamAyAti manashcha paridUyate . 
nishAmya te duHkhamidamimA.n chApadamIdR^ishIm .. 19..\\
atrApyudAharantImamitihAsaM purAtanam . 
Ishvarasya vashe lokastiShThate nAtmano yathA .. 20..\\
dhAtaiva khalu bhUtAnA.n sukhaduHkhe priyApriye . 
dadhAti sarvamIshAnaH purastAchchhukramuchcharan .. 21..\\
yathA dArumayI yoShA naravIra samAhitA . 
Irayatya~Ngama~NgAni tathA rAjannimAH prajAH .. 22..\\
AkAsha iva bhUtAni vyApya sarvANi bhArata . 
Ishvaro vidadhAtIha kalyANa.n yachcha pApakam .. 23..\\
shakunistantu baddhovA niyato.ayamanIshvaraH . 
Ishvarasya vashe tiShThannAnyeShAM nAtmanaH prabhuH .. 24..\\
maNiH sUtra iva proto nasyota iva govR^iShaH . 
dhAturAdeshamanveti tanmayo hi tadarpaNaH .. 25..\\
nAtmAdhIno manuShyo.aya.n kAlaM bhavati kaM chana . 
srotaso madhyamApannaH kUlAdvR^iksha iva chyutaH .. 26..\\
aGYo janturanIsho.ayamAtmanaH sukhaduHkhayoH . 
Ishvara prerito gachchhetsvargaM narakameva cha .. 27..\\
yathA vAyostR^iNAgrANi vasha.n yAnti balIyasaH . 
dhAtureva.n vashaM yAnti sarvabhUtAni bhArata .. 28..\\
Arya karmaNi yu~njAnaH pApe vA punarIshvaraH . 
vyApya bhUtAni charate na chAyamiti lakShyate .. 29..\\
hetumAtramida.n dhAttuH sharIraM kShetrasa~nj~nitam . 
yena kArayate karma shubhAshubhaphala.n vibhuH .. 30..\\
pashya mAyA prabhAvo.ayamIshvareNa yathA kR^itaH . 
yo hanti bhUtairbhUtAni munibhirveda darshibhiH .. 31..\\
anyathA paridR^iShTAni munibhirveda darshibhiH . 
anyathA parivartante vegA iva nabhasvataH .. 32..\\
anyathaiva hi manyante puruShAstAni tAni cha . 
anyathaiva prabhustAni karoti vikaroti cha .. 33..\\
yathA kAShThena vA kAShTamashmAna.n chAshmanA punaH . 
ayasA chApyayashchhindyAnnirvicheShTamachetanam .. 34..\\
eva.n sa bhagavAndevaH svayambhUH prapitAmahaH . 
hinasti bhUtairbhUtAni chhadma kR^itvA yudhiShThira .. 35..\\
samprayojya viyojyAya.n kAmakAra karaH prabhuH . 
krIDate bhagavanbhUtairbAlaH krIDanakairiva .. 36..\\
na mAtR^ipitR^ivadrAjandhAtA bhUteShu vartate . 
roShAdiva pravR^itto.aya.n yathAyamitaro janaH .. 37..\\
AryA~nshIlavato dR^iShTvA hrImato vR^itti karshitAn . 
anAryAnsukhinashchaiva vihvalAmIva chintayA .. 38..\\
tavemAmApada.n dR^iShTvA samR^iddhiM cha suyodhana . 
dhAtAra.n garhaye pArtha viShama.n yo.anupashyati .. 39..\\
Arya shAstrAtige krUre lubdhe dharmApachAyini . 
dhArtarAShTre shriya.n dattvA dhAtA kiM phalamashnute .. 40..\\
karma chetkR^itamanveti kartAraM nAnyamR^ichchhati . 
karmaNA tena pApena lipyate nUnamIshvaraH .. 41..\\
atha karmakR^itaM pApaM na chetkartAramR^ichchhati . 
kAraNaM balameveha janA~nshochAmi durbalAn .. 42..\\
\medskip\hrule\medskip\centerline{\Largedvng 32}
 y

valgu chitrapada.n shlakShNaM yAGYaseni tvayA vachaH . 
ukta.n tachchhrutamasmAbhirnAstikyaM tu prabhAShase .. 1..\\
nAha.n dharmaphalAnveShI rAjaputri charAmyuta . 
dadAmi deyamityeva yaje yaShTavyamityuta .. 2..\\
astu vAtra phalaM mA vA kartavyaM puruSheNa yat . 
gR^ihAnAvasatA kR^iShNe yathAshakti karomi tat .. 3..\\
dharma.n charAmi sushroNi na dharmaphalakAraNAt . 
AgamAnanatikramya satA.n vR^ittamavekShya cha . 
dharma eva manaH kR^iShNe svabhAvAchchaiva me dhR^itam .. 4..\\
na dharmaphalamApnoti yo dharma.n dogdhumichchhati . 
yashchaina.n sha~Nkate kR^itvA nAstikyAtpApachetanaH .. 5..\\
ativAdAnmadAchchaiva mA dharmamatisha~NkithAH . 
dharmAtisha~NkI puruShastiryaggatiparAyaNaH .. 6..\\
dharmo yasyAtisha~NkyaH syAdArSha.n vA durbalAtmanaH . 
vedAchchhUdra ivApeyAtsa lokAdajarAmarAt .. 7..\\
vedAdhyAyI dharmaparaH kule jAto yashasvini . 
sthavireShu sa yoktavyo rAjabhirdharmachAribhiH .. 8..\\
pApIyAnhi sa shUdrebhyastaskarebbhyo visheShataH . 
shAstrAtigo mandabuddhiryo dharmamatisha~Nkate .. 9..\\
pratyakSha.n hi tvayA dR^iShTa R^iShirgachchhanmahAtapAH . 
mArkaNDeyo.aprameyAtmA dharmeNa chirajIvitAm .. 10..\\
vyAso vasiShTho maitreyo nArado lomashaH shukaH . 
anye cha R^iShayaH siddhA dharmeNaiva suchetasaH .. 11..\\
pratyakShaM pashyasi hyetAndivyayogasamanvitAn . 
shApAnugrahaNe shaktAndevairapi garIyasaH .. 12..\\
ete hi dharmamevAdau varNayanti sadA mama . 
kartavyamamaraprakhyAH pratyakShAgama buddhayaH .. 13..\\
ato nArhasi kalyANi dhAtAra.n dharmameva cha . 
rajo mUDhena manasA kSheptu.n sha~Nkitumeva cha .. 14..\\
dharmAtisha~NkI nAnyasminpramANamadhigachhati . 
AtmapramANa unnaddhaH shreyaso hyavamanyakaH .. 15..\\
indriyaprItisambaddha.n yadidaM lokasAkShikam . 
etAvAnmanyate bAlo mohamanyatra gachchhati .. 16..\\
prAyashchitAM na tasyAsti yo dharmamatisha~Nkate . 
dhyAyansa kR^ipaNaH pApo na lokAnpratipadyate .. 17..\\
pramANAnyativR^itto hi veda shAstrArthanindakaH . 
kAmalobhAnugo mUDho narakaM pratipadyate .. 18..\\
yastu nitya.n kR^itamatirdharmamevAbhipadyate . 
asha~NkamAnaH kalyANi so.amutrAnantyamashnute .. 19..\\
ArShaM pramANamutkramya dharmAnaparipAlayan . 
sarvashAstrAtigo mUDho sha.n janmasu na vindati .. 20..\\
shiShTairAcharita.n dharmaM kR^iShNe mA smAtisha~NkithAH . 
purANamR^iShibhiH prokta.n sarvaGYaiH sarvadarshibhiH .. 21..\\
dharma evva plavo nAnyaH svarga.n draupadi gachchhatAm . 
saiva nauH sAgarasyeva vaNijaH pAramR^ichchhataH .. 22..\\
aphAlo yadi dharmaH syAchcharito dharmachAribhiH . 
apratiShThe tamasyeta~n jaganmajjedanindite .. 23..\\
nirvANaM nAdhigachchheyurjIveyuH pashujIvikAm . 
vighAtenaiva yujyeyurna chArtha.n kiM chidApnuyuH .. 24..\\
tapashcha brahmacharya.n cha yaGYaH svAdhyAya eva cha . 
dAnamArjavametAni yadi syuraphalAni vai .. 25..\\
nAchariShyanpare dharmaM pare paratare chaye . 
vipralambho.ayamatyanta.n yadi syuraphalAH kriyAH .. 26..\\
R^iShayashchaiva devAshcha gandharvAsurarAkShasAH . 
IshvarAH kasya hetoste chareyurdharamAdR^itAH .. 27..\\
phalada.n tviha viGYAya dhAtAra.n shreyasi dhruve . 
dharma.n te hyAcharankR^iShNe taddhi dharmasanAtanam .. 28..\\
sa chAya.n saphalo dharmo na dharmo.aphala uchyate . 
dR^ishyante.api hi vidyAnAM phalAni tapasA.n tathA .. 29..\\
tvayyetadvai vijAnIhi janma kR^iShNe yathA shrutam . 
vettha chApi yathA jAto dhR^iShTadyumnaH pratApavAn .. 30..\\
etAvadeva paryAptamupamAna.n shuchismite . 
karmaNAM phalamastIti dhIro.alpenApi tuShyati .. 31..\\
bahunApi hyavidvA.nso naiva tuShyantyabuddhayaH . 
teShAM na dharmaja.n kiM chitpretya sharmAsti karma vA .. 32..\\
karmaNAmuta puNyAnAM pApAnA.n cha phalodayaH . 
prabhavashchApyayashchaiva deva guhyAni bhAmini .. 33..\\
naitAni veda yaH kashchinmuhyantyatra prajA imAH . 
rakShyANyetAni devAnA.n gUDhamAyA hi devatAH .. 34..\\
kR^ishA~NgAH suvratAshchaiva tapasA dagdhakilbiShAH . 
prasannairmAnasairyuktAH pashyantyetAni vai dvijAH .. 35..\\
na phalAdarshanAddharmaH sha~Nkitavyo na devatAH . 
yaShTavya.n chApramattena dAtavyaM chAnasUyatA .. 36..\\
karmaNA phalamastIti tathaitaddharmashAshvatam . 
brahmA provAcha putrANA.n yadR^iShirveda kashyapaH .. 37..\\
tasmAtte saMshayaH kR^iShNe nIhAra iva nashyatu . 
vyavastya sarvamastIti nAstikyaM bhAvamutsR^ija .. 38..\\
Ishvara.n chApi bhUtAnAM dhAtAraM mA vichikShipaH . 
shikShasvainaM namasvainaM mA te bhUdbuddhirIdR^ishI .. 39..\\
yasya prasAdAttadbhakto martyo gachchhatyamartyatAm . 
uttama.n daivataM kR^iShNe mAtivochaH kathaM chana .. 40..\\
\medskip\hrule\medskip\centerline{\Largedvng 33}
 drau

nAvamanye na garhe cha dharmaM pArtha katha.n chana . 
Ishvara.n kuta evAhamavama.nsye prajApatim .. 1..\\
ArtAhaM pralapAmIdamiti mA.n viddhi bhArata . 
bhUyashcha vilapiShyAmi sumanAstannibodha me .. 2..\\
karma khalviha kartavya.n jAtenAmitrakarshana . 
akarmANo hi jIvanti sthAvarA netare janAH .. 3..\\
A mAtR^istana pAnAchcha yAvachchhayyopasarpaNam . 
ja~NgamAH karmaNA vR^ittimApnuvanti yudhiShThira .. 4..\\
ja~NgameShu visheSheNa manuShyA bharatarShabha . 
ichchhanti karmaNA vR^ittimavAptuM pretya cheha cha .. 5..\\
utthAnamabhijAnanti sarvabhUtAni bhArata . 
pratyakShaM phalamashnanti karmaNA.n lokasAkShikam .. 6..\\
pashyAmi sva.n samutthAnamupajIvanti jantavaH . 
api dhAtA vidhAtA cha yathAyamudake bakaH .. 7..\\
svakarma kuru mA glAsIH karmaNA bhava daMshitaH . 
kR^itya.n hi yo.abhijAnAti sahasre nAsti so.asti vA .. 8..\\
tasya chApi bhavetkArya.n vivR^iddhau rakShaNe tathA . 
bhakShyamANo hyanAvApaH kShIyate himavAnapi .. 9..\\
utsIderanprajAH sarvA na kuryuH karma chedyadi . 
api chApyaphala.n karma pashyAmaH kurvato janAn . 
nAnyathA hyabhijAnanti vR^itti.n loke katha.n chana .. 10..\\
yashcha diShTa paro loke yashchAya.n haTha vAdakaH . 
ubhAvapasadAvetau karma buddhiH prashasyate .. 11..\\
yo hi diShTamupAsIno nirvicheShTaH sukha.n svapet . 
avasIdetsudurbuddhirAmo ghaTa ivAmbhasi .. 12..\\
tathaiva haTha buddhiryaH shaktaH karmaNyakarmakR^it . 
AsIta nachira.n jIvedanAtha iva durbalaH .. 13..\\
akasmAdapi yaH kashchidarthaM prApnoti pUruShaH . 
ta.n haTheneti manyante sa hi yatno na kasya chit .. 14..\\
yachchApi ki.n chitpuruSho diShTaM nAma labhatyuta . 
daivena vidhinA pArtha taddaivamiti nishchitam .. 15..\\
yatsvaya.n karmaNA kiM chitphalamApnoti pUruShaH . 
pratyakSha.n chakShuShA dR^iShTaM tatpauruShamiti smR^itam .. 16..\\
svabhAvataH pravR^itto.anyaH prApnotyarthAnakAraNAt . 
tatsvabhAvAtmaka.n viddhi phalaM puruShasattama .. 17..\\
eva.n haThAchcha daivAchcha svabhAvAtkarmaNastathA . 
yAni prApnoti puruShastatphalaM pUrvakarmaNaH .. 18..\\
dhAtApi hi svakarmaiva taistairhetubhirIshvaraH . 
vidadhAti vibhajyeha phalaM pUrvakR^itaM nR^iNAm .. 19..\\
yaddhyayaM puruSha.n kiM chitkurute vai shubhAshubham . 
taddhAtR^ivihita.n viddhi pUrvakarmaphalodayam .. 20..\\
kAraNa.n tasya deho.ayaM dhAtuH karmaNi karmaNi . 
sa yathA prerayatyena.n tathAyaM kurute.avashaH .. 21..\\
teShu teShu hi kR^ityeShu viniyoktA maheshvaraH . 
sarvabhUtAni kaunteya kArayatyavashAnyapi .. 22..\\
manasArthAnvinishchitya pashchAtprApnoti karmaNA . 
buddhipUrva.n svaya.n dhIraH puruShastatra kAraNam .. 23..\\
sa~NkhyAtuM naiva shakyAni karmANi puruSharShabha . 
agAra nagarANA.n hi siddhiH puruShahaitukI .. 24..\\
tile taila.n gavi kShIraM kAShThe pAvakamantataH . 
dhiyA dhiro vijAnIyAdupAya.n chAsya siddhaye .. 25..\\
tataH pravartate pashchchAtkaraNeShvasya siddhaye . 
tA.n siddhimupajIvanti karmaNAmiha jantavaH .. 26..\\
kushalena kR^ita.n karma kartrA sAdhu vinishchitam . 
ida.n tvakushaleneti visheShAdupalabhyate .. 27..\\
iShTApUrtaphalaM na syAnna shiShyo na gururbhavet . 
puruShaH karma sAdhyeShu syAchchedayamakAraNam .. 28..\\
kartR^itvAdeva puruShaH karmasiddhau prashasyate . 
asiddhau nindyate chApi karma nAshaH katha.n tviha .. 29..\\
sarvameva haThenaike diShTenaike vadantyuta . 
puruShaprayatnaja.n ke chittraidhametanniruchyate .. 30..\\
na chaivaitAvatA kAyaM manyanta iti chApare . 
asti sarvamadR^ishya.n tu diShTaM chaiva tathA haThaH . 
dR^ishyate hi haThAchchaiva diShTAchchArthasya santatiH .. 31..\\
ki.n chiddaivAddhaThAtkiM chitkiM chideva svakarmataH . 
puruShaH phalamApnoti chaturthaM nAtra kAraNam . 
kushalAH pratijAnanti ye tattvaviduSho janAH .. 32..\\
tathaiva dhAtA bhUtAnAmiShTAniShTa phalapradaH . 
yadi na syAnna bhUtAnA.n kR^ipaNo nAma kash chana .. 33..\\
ya.n yamarthamabhiprepsuH kurute karma pUruShaH . 
tattatsaphalameva syAdyadi na syAtpurA kR^itam .. 34..\\
tridvArAmartha siddhi.n tu nAnupashyanti ye narAH . 
tathaivAnartha siddhi.n cha yathA lokAstathaiva te .. 35..\\
kartavya.n tveva karmeti manoreSha vinishchayaH . 
ekAntena hyanIho.ayaM parAbhavati pUruShaH .. 36..\\
kurvato hi bhavatyeva prAyeNeha yudhiShThira . 
ekAntaphalasiddhi.n tu na vindatyalasaH kva chit .. 37..\\
asambhave tvasya hetuH prAyashchitta.n tu lakShyate . 
kR^ite karmaNi rAjendra tathAnR^iNyamavApyate .. 38..\\
alakShmIrAvishatyena.n shayAnamalasaM naram . 
niHsaMshayaM phala.n labdhvA dakSho bhUtimupAshnute .. 39..\\
anartha.n saMshayAvasthaM vR^iNvate muktasaMshayAH . 
dhIrA narAH karma ratA na tu niHsaMshaya.n kva chit .. 40..\\
ekAntena hyanartho.aya.n vartate.asmAsu sAmpratam . 
na tu niHsaMshayaM na syAttvayi karmaNyavasthite .. 41..\\
atha vA siddhireva syAnmahimA tu tathaiva te . 
vR^ikodarasya bIbhatsorbhrAtrosh cha yamayorapi .. 42..\\
anyeShA.n karma saphalamasmAkamapi vA punaH . 
viprakarSheNa budhyeta kR^itakarmA yathA phalam .. 43..\\
pR^ithivI.n lA~Ngalenaiva bhittvA bIjaM vapatyuta . 
Aste.atha karShakastUShNIM parjanyastatra kAraNam .. 44..\\
vR^iShTishchennAnugR^ihNIyAdanenAstatra karShakaH . 
yadanyaH puruShaH kuryAtkR^ita.n tatsakalaM mayA .. 45..\\
tachchedaphalamasmAkaM nAparAdho.asti naH kva chit . 
iti ghoro.anvavekShyaiva nAtmAna.n tatra garhayet .. 46..\\
kurvato nArthasiddhirme bhavatIti ha bhArata . 
nirvedo nAtra gantavyo dvAvetau hyasya karmaNaH . 
siddhirvApyatha vAsiddhirapravR^ittirato.anyathA .. 47..\\
bahUnA.n samavAye hi bhAvAnA.n karma sidhyati . 
guNAbhAve phalaM nyUnaM bhavatyaphalameva vA . 
anArambhe tu na phalaM na guNo dR^ishyate.achyuta .. 48..\\
deshakAlAvupAyAMshcha ma~Ngala.n svasti vR^iddhaye . 
yunakti medhayA dhIro yathAshakti yathAbalam .. 49..\\
apramattena tatkAryamupadeShTA parAkramaH . 
bhUyiShTha.n karmayogeShu sarva eva parAkramaH .. 50..\\
ya.n tu dhIro.anvavekSheta shreyA.nsaM bahubhirguNaiH . 
sAmnaivArtha.n tato lipsetkarma chAsmai prayojayet .. 51..\\
vyasana.n vAsya kA~NkSheta vinAshaM vA yudhiShThira . 
api sindhorgirervApi kiM punarmartyadharmiNaH .. 52..\\
utthAna yuktaH satataM pareShAmantaraiShiNe . 
AnR^iNyamApnoti naraH parasyAtmana eva cha .. 53..\\
na chaivAtmAvamantavyaH puruSheNa kadA chana . 
na hyAtmaparibhUtasya bhUtirbhavati bhArata .. 54..\\
eva.n sa.nsthitikA siddhiriyaM lokasya bhArata . 
chitrA siddhigatiH proktA kAlAvasthA vibhAgataH .. 55..\\
brAhmaNaM me pitA pUrva.n vAsayAmAsa paNDitam . 
so.asmA arthamimaM prAha pitre me bharatarShabha .. 56..\\
nItiM bR^ihaspatiproktAM bhrAtR^Inme.agrAhayatpurA . 
teShA.n sA~NkathyamashrauShamahametattadA gR^ihe .. 57..\\
sa mA.n rAjankarmavatImAgatAmAha sAntvayan . 
shushrUShamANAmAsInAM pitura~Nke yudhiShThira .. 58..\\
\medskip\hrule\medskip\centerline{\Largedvng 34}
 vai

yAGYasenyA vachaH shrutvA bhImaseno.atyamarShaNaH . 
niHshvasannupasa~Ngamya kruddho rAjAnamabravIt .. 1..\\
rAjyasya padavI.n dharmyA.n vraja satpuruShochitAm . 
dharmakAmArtha hInAnA.n kiM no vastuM tapovane .. 2..\\
naiva dharmeNa tadrAjyaM nArjavena na chaujasA . 
akShakUTamadhiShThAya hR^ita.n duryodhanena naH .. 3..\\
gomAyuneva si.nhAnA.n durbalena balIyasAm . 
AmiSha.n vighasAshena tadvadrAjyaM hi no hR^itam .. 4..\\
dharmalesha pratichchhannaH prabhava.n dharmakAmayoH . 
arthamutsR^ijya ki.n rAjandurgeShu paritapyase .. 5..\\
bhavato.anuvidhAnena rAjyaM naH pashyatA.n hR^itam . 
ahAryamapi shakreNa gupta.n gANDIvadhanvanA .. 6..\\
kuNInAmiva bilvAni pa~NgUnAmiva dhenavaH . 
hR^itamaishvaryamasmAka.n jIvatAM bhavataH kR^ite .. 7..\\
bhavataH priyamityevaM mahadvyasanamIdR^isham . 
dharmakAme pratItasya pratipannAH sma bhArata .. 8..\\
karshayAmaH svamitrANi nandayAmashcha shAtravAn . 
AtmAnaM bhavataH shAstre niyamya bharatarShabha .. 9..\\
yadvayaM na tadaivaitAndhArtarAShTrAnnihanmahi . 
bhavataH shAstramAdAya tannastapati duShkR^itam .. 10..\\
athainAmanvavekShasva mR^igacharyAmivAtmanaH . 
avIrAcharitA.n rAjanna balasthairniShevitAm .. 11..\\
yAM na kR^iShNo na bIbhatsurnAbhimanyurna sR^i~njayaH . 
na chAhamabhinandAmi na cha mAdrI sutAvubhau .. 12..\\
bhavAndharmo dharma iti satata.n vratakarshitaH . 
kachchidrAjanna nirvedAdApannaH klIba jIvikAm .. 13..\\
durmanuShyA.n hi nirvedamaphalaM sarvaghAtinAm . 
ashaktAH shriyamAhartumAtmanaH kurvate priyam .. 14..\\
sa bhavAndR^iShTimA~nshaktaH pashyannAtmani pauruSham . 
AnR^isha.nsya paro rAjannAnarthamavabudhyase .. 15..\\
asmAnamI dhArtarAShTrAH kShamamANAnala.n sataH . 
ashaktAneva manyante tadduHkhaM nAhave vadhaH .. 16..\\
tatra chedyudhyamAnAnAmajihmamanivartinAm . 
sarvasho hi vadhaH shreyAnpretya lokA.Nllabhemahi .. 17..\\
atha vA vayamevaitAnnihatya bharatarShabha . 
AdadImahi gA.n sarvA.n tathApi shreya eva naH .. 18..\\
sarvathA kAryametannaH svadharmamanutiShThatAm . 
kA~NkShatA.n vipulA.n kIrtiM vairaM pratichikIrShatAm .. 19..\\
AtmArtha.n yudhyamAnAnAM vidite kR^ityalakShaNe . 
anyairapahR^ite rAjye prasha.nsaiva na garhaNA .. 20..\\
karshanArtho hi yo dharmo mitrANAmAtmanastathA . 
vyasanaM nAma tadrAjanna sA dharmaH kudharma tat .. 21..\\
sarvathA dharmanitya.n tu puruShaM dharmadurbalam . 
jahatastAta dharmArthau preta.n duHkhasukhe yathA .. 22..\\
yasya dharmo hi dharmArtha.n kleshabhAnna sa paNDitaH . 
na sa dharmasya vedArtha.n sUryasyAndhaH prabhAm iva .. 23..\\
yasya chArthArthamevArthaH sa cha nArthasya kovidaH . 
rakShate bhR^itako.araNya.n yathA syAttAdR^igeva saH .. 24..\\
ativela.n hi yo.arthArthI netarAvanutiShThati . 
sa vadhyaH sarvabhUtAnAM brahmaheva jugupsitaH .. 25..\\
satata.n yashcha kAmArthI netarAvanutiShThati . 
mitrANi tasya nashyanti dharmArthAbbhyA.n cha hIyate .. 26..\\
tasya dharmArthahInasya kAmAnte nidhana.n dhruvam . 
kAmato ramamANasya mInasyevAmbhasaH kShaye .. 27..\\
tasmAddharmArthayornityaM na pramAdyanti paNDitAH . 
prakR^itiH sA hi kAmasya pAvakasyAraNiryathA .. 28..\\
sarvathA dharmamUlo.artho dharmashchArthaparigrahaH . 
itaretara yonI tau viddhi meghodadhI yathA .. 29..\\
dravyArtha sparshasa.nyoge yA prItirupajAyate . 
sa kAmashchittasa~NkalpaH sharIraM nAsya vidyate .. 30..\\
arthArthI puruSho rAjanbR^ihanta.n dharmamR^ichchhati . 
arthamR^ichchhati kAmArthI na kAmAdanyamR^ichchhatI .. 31..\\
na hi kAmena kAmo.anyaH sAdhyate phalameva tat . 
upayogAtphalasyeva kAShThAdbhasmeva paNDitaH .. 32..\\
imA~nshakunikAnrAjanhanti vaita.nsiko yathA . 
etadrUpamadharmasya bhUteShu cha vihi.nsatAm .. 33..\\
kAmAllobhAchcha dharmasya pravR^itti.n yo na pashyati . 
sa vadhyaH sarvabhUtAnAM pretya cheha cha durmatiH .. 34..\\
vyakta.n te vidito rAjannartho dravyaparigrahaH . 
prakR^iti.n chApi vetthAsya vikR^itiM chApi bhUyasIm .. 35..\\
tasya nAsha.n vinAshaM vA jarayA maraNena vA . 
anarthamiti manyante so.ayamasmAsu vartate .. 36..\\
indriyANA.n cha pa~nchAnAM manaso hR^idayasya cha . 
viShaye vartamAnAnA.n yA prItirupajAyate . 
sa kAma iti me buddhiH karmaNAM phalamuttamam .. 37..\\
evameva pR^ithagdR^iShTvA dharmArthau kAmameva cha . 
na dharmapara eva syAnnAthArtha paramo naraH . 
na kAmaparamo vA syAtsarvAnseveta sarvadA .. 38..\\
dharmaM pUrva.n dhanaM madhye jaghanye kAmamAcharet . 
ahanyanucharedevameSha shAstrakR^ito vidhiH .. 39..\\
kAmaM pUrva.n dhanaM madhye jaghanye dharmamAcharet . 
vayasyanucharedevameSha shAstrakR^ito vidhiH .. 40..\\
dharma.n chArthaM cha kAmaM cha yathAvadvadatA.n vara . 
vibhajya kAle kAlaGYaH sarvAnseveta paNDitaH .. 41..\\
mokSho vA parama.n shreya eSha rAjansukhArthinAm . 
prAptirvA buddhimAsthAya sopAya.n kurunandana .. 42..\\
tadvAshu kriyatA.n rAjanprAptirvApyadhigamyatAm . 
jIvita.n hyAturasyeva duHkhamantaravartinaH .. 43..\\
viditashchaiva te dharmaH satata.n charitash cha te . 
jAnate tvayi sha.nsanti suhR^idaH karmachodanAm .. 44..\\
dAna.n yaGYaM satAM pUjA veda dhAraNamArjavam . 
eSha dharmaH paro rAjanphalavAnpretya cheha cha .. 45..\\
eSha nArthavihInena shakyo rAjanniShevitum . 
akhilAH puruShavyAghra guNAH syuryadyapItare .. 46..\\
dharmamUla.n jagadrAjannAnyaddharmAdvishiShyate . 
dharmashchArthena mahatA shakyo rAjanniShevitum .. 47..\\
na chArtho bhaikSha charyeNa nApi klaibyena karhi chit . 
vettu.n shakyaH sadA rAjankevala.n dharmabuddhinA .. 48..\\
pratiShiddhA hi te yAch~nA yayA sidhyati vai dvijaH . 
tejasaivArtha lipsAyA.n yatasva puruSharShabha .. 49..\\
bhaikSha charyA na vihitA na cha viTshUdra jIvikA . 
kShatriyasya visheSheNa dharmastu balamaurasam .. 50..\\
udArameva vidvA.nso dharmaM prAhurmanIShiNaH . 
udAraM pratipadyasva nAvare sthAtumarhasi .. 51..\\
anubudhyasva rAjendra vettha dharmAnsanAtanAn . 
krUrakarmAbhijAto.asi yasmAdudvijate janaH .. 52..\\
prajApAlanasambhUtaM phala.n tava na garhitam . 
eSha te vihito rAjandhAtrA dharmaH sanAtanaH .. 53..\\
tasmAdvichalitaH pArtha loke hAsya.n gamiShyasi . 
svadharmAddhi manuShyANA.n chalanaM na prashasyate .. 54..\\
sa kShAtra.n hR^idaya.n kR^itvA tyaktvedaM shithilaM manaH . 
vIryamAsthAya kaunteya dhuramudvaha dhuryavat .. 55..\\
na hi kevaladharmAtmA pR^ithivI.n jAtu kash chana . 
pArthivo vyajayadrAjanna bhUtiM na punaH shriyam .. 56..\\
jihvA.n dattvA bahUnA.n hi kShudrANAM lubdha chetasAm . 
nikR^ityA labhate rAjyamAhAramiva shalyakaH .. 57..\\
bhrAtaraH pUrvajAtAshcha susamR^iddhAshcha sarvashaH . 
nikR^ityA nirjitA devairasurAH pANDavarShabha .. 58..\\
evaM balavataH sarvamiti buddhvA mahIpate . 
jahi shatrUnmahAbAho parAM nikR^itimAsthitaH .. 59..\\
na hyarjuna samaH kashchidyudhi yoddhA dhanurdharaH . 
bhavitA vA pumAnkashchinmatsamo vA gadAdharaH .. 60..\\
sattvena kurute yuddha.n rAjansubalavAnapi . 
na pramANena notsAhAtsattvastho bhava pANDava .. 61..\\
sattva.n hi mUlamarthasya vitathaM yadayo.anyathA . 
na tu prasaktaM bhavati vR^ikShachchhAyeva haimanI .. 62..\\
arthatyAgo hi kAryaH syAdartha.n shreyA.nsamichchhatA . 
bIjaupamyena kaunteya mA te bhUdatra saMshayaH .. 63..\\
arthena tu samo.anartho yatra labhyeta nodayaH . 
na tatra vipaNaH kAryaH kharakaNDUyita.n hi tat .. 64..\\
evameva manuShyendra dharma.n tyaktvAlpakaM naraH . 
bR^ihanta.n dharmamApnoti sa buddha iti nishchitaH .. 65..\\
amitraM mitrasampannaM mitrairbhindanti paNDitAH . 
bhinnairmitraiH parityakta.n durbalaM kurute vashe .. 66..\\
sattvena kurute yuddha.n rAjansubalavAnapi . 
nodyamena na hotrAbbhiH sarvAH svIkurute prajAH .. 67..\\
sarvathA sa.nhataireva durbalairbalavAnapi . 
amitraH shakyate hantuM madhuhA bhramarairiva .. 68..\\
yathA rAjanprajAH sarvAH sUryaH pAti gabhastibhiH . 
atti chaiva tathaiva tva.n savituH sadR^isho bhava .. 69..\\
etaddhyapi tapo rAjanpurANamiti naH shrutam . 
vidhinA pAlanaM bhUmeryatkR^itaM naH pitAmahaiH .. 70..\\
apeyAtkila bhAH sUryAllakShmIshchandramasastathA . 
iti loke vyavasito dR^iShTvemAM bhavato vyathAm .. 71..\\
bhavatashcha prasha.nsAbhirnindAbhiritarasya cha . 
kathA yuktAH pariShadaH pR^ithagrAjansamAgatAH .. 72..\\
idamabhyadhika.n rAjanbrAhmaNA guravash cha te . 
sametAH kathayantIha muditAH satyasandhatAm .. 73..\\
yanna mohAnna kArpaNyAnna lobhAnna bhayAdapi . 
anR^ita.n kiM chiduktaM te na kAmAnnArthakAraNAt .. 74..\\
yadenaH kurute ki.n chidrAjA bhUmimivApnuvan . 
sarva.n tannudate pashchAdyaGYairvipuladakShiNaiH .. 75..\\
brAhmaNebhyo dadadgrAmAngAshcha rAjansahasrashaH . 
muchyate sarvapApebhyastamobhya iva chandramAH .. 76..\\
paurajAnapadAH sarve prAyashaH kurunandana . 
savR^iddhabAlAH sahitAH sha.nsanti tvA.n yudhiShThira .. 77..\\
shvadR^itau kShIramAsaktaM brahma vA vR^iShale yathA . 
satya.n stene balaM nAryAM rAjya.n duryodhane tathA .. 78..\\
iti nirvachana.n loke chira.n charati bhArata . 
api chaitatstriyo bAlAH svAdhyAyamiva kurvate .. 79..\\
sa bhavAnrathamAsthAya sarvopakaraNAnvitam . 
tvaramANo.abhiniryAtu chiramarthopapAdakam .. 80..\\
vAchayitvA dvijashreShThAnadyaiva gajasAhvayam . 
astravidbhiH parivR^ito bhrAtR^ibhirdR^iTha dhanvibhiH . 
AshIviShasamairvIrairmarudbhiriva vR^itrahA .. 81..\\
shriyamAdatsva kaunteya dhArtarAShTrAnmahAbala . 
na hi gANDIvamuktAnA.n sharANA.n gArdhravAsasAm .. 82..\\
sparshamAshIviShAbhAnAM martyaH kashchana sa.nsahet . 
na sa vIro na mAta~Ngo na sadashvo.asti bhArata .. 83..\\
yaH saheta gadA vegaM mama kruddhasya sa.nyuge . 
sR^i~njayaiH saha kaikeyairvR^iShNInAmR^iShabheNa cha .. 84..\\
katha.n svidyudhi kaunteya rAjyaM na prApnuyAmahe .. 85..\\
\medskip\hrule\medskip\centerline{\Largedvng 35}
 y

asaMshayaM bhArata satyametad 
yanmA tudanvAkyashalyaiH kShiNoShi . 
na tvA vigarhe pratikUlametan 
mamAnayAddhi vyasana.n va AgAt .. 1..\\
aha.n hyakShAnanvapadya.n jihIrShan 
rAjya.n sarAShTra.n dhR^itarAShTrasya putrAt . 
tanmA shaThaH kitavvaH pratyadevIt 
suyodhanArtha.n subalasya putraH .. 2..\\
mahAmAyaH shakuniH pArvatIyaH 
sadA sabhAyAM pravapannakShapUgAn . 
amAyinaM mAyayA pratyadevIt 
tato.apashya.n vR^ijinaM bhImasena .. 3..\\
akShAnhi dR^iShTvA shakuneryathAvat 
kAmAnulomAnayujo yujash cha . 
shakyaM niyantumabhaviShyadAtmA 
manyustu hanti puruShasya dhairyam .. 4..\\
yantuM nAtmA shakyate pauruSheNa 
mAnena vIryeNa cha tAta naddhaH . 
na te vAchaM bhImasenAbhyasUye 
manye tathA tadbhavitavyamAsIt .. 5..\\
sa no rAjA dhR^itarAShTrasya putro 
nyapAtayadvyasane rAjyamichchhan . 
dAsya.n cha no.agamayadbhImasena 
yatrAbhavachchharaNa.n draupadI naH .. 6..\\
tva.n chApi tadvettha dhana~njayash cha 
punardyUtAyAgatAnA.n sabhAM naH . 
yanmAbravIddhR^itarAShTrasya putra 
ekaglahArthaM bharatAnA.n samakSham .. 7..\\
vane samA dvAdasha rAjaputra 
yathAkAma.n viditamajAtashatro . 
athApara.n chAviditaM charethAH 
sarvaiH saha bhrAtR^ibhishchhadma gUDhaH .. 8..\\
tvA.n chechchhrutvA tAta tathA charantam 
avabhotsyante bharatAnA.n charAH sma . 
anyAMshcharethAstAvato.abdA.nstatastvaM 
nishchitya tatpratijAnIhi pArtha .. 9..\\
charaishchenno.aviditaH kAlametaM 
yukto rAjanmohayitvA madIyAn . 
bravImi satya.n kurusa.nsadIha 
tavaiva tA bhArata pa~ncha nadyaH .. 10..\\
vaya.n chaivaM bhrAtaraH sarva eva 
tvayA jitAH kAlamapAsya bhogAn . 
vasema ityAha purA sa rAjA 
madhye kurUNA.n sa mayoktastatheti .. 11..\\
tatra dyUtamabhavanno jaghanyaM 
tasmi~njitAH pravrajitAsh cha sarve . 
ittha.n cha deshAnanusa~ncarAmo 
vanAni kR^ichchhrANi cha kR^ichchhrarUpAH .. 12..\\
suyodhanashchApi na shAntimichchhan 
bhUyaH sa manyorvashamanvagachchhat . 
udyojAyAmAsa kurUMshcha sarvAn 
ye chAsya ke chidvashamanvagachchhan .. 13..\\
ta.n sandhimAsthAya satAM sakAshe 
ko nAma jahyAdiha rAjyahetoH . 
Aryasya manye maraNAdgarIyo 
yaddharmamutkramya mahIM prashiShyAt .. 14..\\
tadaiva chedvIrakarmAkariShyo 
yadA dyUte parighaM paryamR^ikShaH . 
bAhU didhakShanvAritaH phalgunena 
ki.n duShkR^itaM bhIma tadAbbhaviShyat .. 15..\\
prAgeva chaiva.n samayakriyAyAH 
kiM nAbravIH pauruShamAvidAnaH . 
prApta.n tu kAlaM tvabhipadya pashchAd 
iM mAmidAnImativelamAttha .. 16..\\
bhUyo.api duHkhaM mama bhImasena 
dUye viShasyeva rasa.n viditvA . 
yadyAGYasenIM parikR^iShyamANAM 
sandR^ishya tatkShAntamiti sma bhIma .. 17..\\
na tvadya shakyaM bharata pravIra 
kR^itvA yadukta.n kuruvIramadhye . 
kAlaM pratIkShasva sukhodayasya 
pa~NktiM phalAnAmiva bIjavApaH .. 18..\\
yadA hi pUrvaM nikR^ito nikR^ityA 
vaira.n sapuShpaM saphalaM viditvA . 
mahAguNa.n harati hi pauruSheNa 
tadA vIro jIvati jIvaloke .. 19..\\
shriya.n cha loke labhate samagrAM 
manye chAsmai shatravaH saMnamante . 
mitrANi chainamatirAgAdbhajante 
devA ivendramanujIvanti chainam .. 20..\\
mama pratiGYA.n cha nibodha satyAM 
vR^iNe dharmamamR^itAjjIvitAchcha . 
rAjya.n cha putrAshcha yasho dhanaM cha 
sarvaM na satyasya kalAm upaiti .. 21..\\
\medskip\hrule\medskip\centerline{\Largedvng 36}
 bhi

sandhi.n kR^itvaiva kAlena antakena patatriNA . 
anantenAprameyena srotasA sarvahAriNA .. 1..\\
pratyakShaM manyase kAlaM martyaH sankAlabandhanaH . 
phenadharmA mahArAja phaladharmA tathaiva cha .. 2..\\
nimeShAdapi kaunteya yasyAyurapachIyate . 
sUchyevA~njana chUrNasya kimiti pratipAlayet .. 3..\\
yo nUnamamitAyuH syAdatha vApi pramANavit . 
sa kAla.n vai pratIkSheta sarvapratyakShadarshivAn .. 4..\\
pratIkShamANAnkAlo naH samA rAja.nstrayo dasha . 
AyuSho.apachaya.n kR^itvA maraNAyopaneShyati .. 5..\\
sharIriNA.n hi maraNaM sharIre nityamAshritam . 
prAgeva maraNAttasmAdrAjyAyaiva ghaTAmahe .. 6..\\
yo na yAti prasa~NkhyAnamaspaShTo bhUmivardhanaH . 
ayAtayitvA vairANi so.avasIdati gauriva .. 7..\\
yo na yAtayate vairamalpasattvodyamaH pumAn . 
aphala.n tasya janmAhaM manye durjAta jAyinaH .. 8..\\
hairaNyau bhavato bAhU shrutirbhavati pArthiva . 
hatvA dviShanta.n sa~NgrAme bhuktvA bAhvarjitaM vasuH .. 9..\\
hatvA chetpuruSho rAjannikartAramarindama . 
ahnAya naraka.n gachchhetsvargeNAsya sa saMmitaH .. 10..\\
amarShajo hi santApaH pAvakAddIptimattaraH . 
yenAhamabhisantapto na naktaM na divA shaye .. 11..\\
aya.n cha pArtho bIbhatsurvariShTho jyA vikarShaNe . 
Aste paramasantapto nUna.n si.nha ivAshaye .. 12..\\
yo.ayameko.abhimanute sarvA.Nlloke dhanurbhR^itaH . 
so.ayamAtmajamUShmANaM mahAhastIva yachchhati .. 13..\\
nakulaH sahadevashcha vR^iddhA mAtA cha vIrasUH . 
tavaiva priyamichchhanta Asate jaDa mUkavat .. 14..\\
save te priyamichchhanti bandhavAH saha sR^i~njayaiH . 
ahameko.abhisantapto mAtA cha prativindhyataH .. 15..\\
priyameva tu sarveShA.n yadbravImyuta ki.n chana . 
sarve hI vyasanaM prAptAH sarve yuddhAbhinandinaH .. 16..\\
netaH pApIyasI kA chidApadrAjanbhaviShyati . 
yanno nIchairalpabalai rAjyamAchchhidya bhujyate .. 17..\\
shIladoShAdghR^iNAviShTa AnR^isha.nsyAtparantapa . 
kleshA.nstitikShase rAjannAnyaH kashchitprasha.nsati .. 18..\\
ghR^iNI brAhmaNarUpo.asi katha.n kShatre ajAyathAH . 
asyA.n hi yonau jAyante prAyashaH krUra buddhayaH .. 19..\\
ashrauShIstva.n rAjadharmAnyathA vai manurabravIt . 
krUrAnnikR^itisa.nyuktAnvihitAnashamAtmakAn .. 20..\\
kartavye puruShavyAghra kimAsse pITha sarpavat . 
buddhyA vIryeNa sa.nyuktaH shrutenAbhijanena cha .. 21..\\
tR^iNAnAM muShTinaikena himavanta.n tu parvatam . 
chhannamichchhasi kaunteya yo.asmAnsa.nvartumichchhasi .. 22..\\
aGYAtacharyA gUDhena pR^ithivyA.n vishrutena cha . 
divIva pArtha sUryeNa na shakyA charitu.n tvayA .. 23..\\
bR^ihachchhAla ivAnUpe shAkhA puShpapalAshavAn . 
hastI shveta ivAGYAtaH katha.n jiShNushchariShyati .. 24..\\
imau cha si.nhasa~NkAshau bhrAtarau sahitau shishU . 
nakulaH sahadevashcha kathaM pArtha chariShyataH .. 25..\\
puNyakIrtI rAjaputrI draupadI vIrasUriyam . 
vishrutA kathamaGYAtA kR^iShNA pArtha charishyati .. 26..\\
mA.n chApi rAja~njAnanti AkumAramimAH prajAH . 
aGYAtacharyAM pashyAmi meroriva nigUhanam .. 27..\\
tathaiva bahavo.asmAbhI rAShTrebhyo vipravAsitAH . 
rAjAno rAjaputrAshcha dhR^itarAShTramanuvratAH .. 28..\\
na hi te.apyupashAmyanti nikR^itAnAM nirAkR^itAH . 
avashya.n tairnikartavyamasmAkaM tatpriyaiShibhiH .. 29..\\
te.apyasmAsu prayu~njIranprachchhannAnsubahU~njanAn . 
AchakShIraMshcha no GYAtvA tannaH syAtsumahadbhayam .. 30..\\
asmAbhiruShitAH samyagvane mAsAstrayodasha . 
parimANena tAnpashya tAvataH parivatsarAn .. 31..\\
asti mAsaH pratinidhiryathA prAhurmanIShiNaH . 
pUtikAniva somasya tatheda.n kriyatAm iti .. 32..\\
atha vAnaDuhe rAjansAdhave sAdhu vAhine . 
sauhitya dAnAdekasmAdenasaH pratimuchyate .. 33..\\
tasmAchchhatruvadhe rAjankriyatAM nishchayastvayA . 
kShatriyasya tu sarvasya nAnyo dharmo.asti sa.nyugAt .. 34..\\
\medskip\hrule\medskip\centerline{\Largedvng 37}
 vai

bhImasenavachaH shrutvA kuntIputro yudhiShThiraH . 
niHshvasya puruShavyAghraH sampradadhyau parantapaH .. 1..\\
sa muhUrtamiva dhyAtvA vinishchityeti kR^ityatAm . 
bhImasenamida.n vAkyamapadAntaramabravIt .. 2..\\
evametanmahAbAho yathA vadasi bhArata . 
idamanyatsamAdhatsva vAkyaM me vAkyakovida .. 3..\\
mahApApAni karmANi yAni kevalasAhasAt . 
Arabhyante bhImasena vyathante tAni bhArata .. 4..\\
sumantrite suvikrAnte sukR^ite suvichArite . 
sidhyantyarthA mahAbAho daiva.n chAtra pradakShiNam .. 5..\\
tva.n tu kevalachApalyAdbaladarpochchhritaH svayam . 
Arabdhavyamida.n karma manyase shR^iNu tatra me .. 6..\\
bhUrishravAH shalashchaiva jalasandhashcha vIryavAn . 
bhIShmo droNashcha karNashcha droNaputrashcha vIryavAn .. 7..\\
dhArtarAShTrA durAdharShA duryodhana purogamAH . 
sarva eva kR^itAstrAshcha satata.n chAtatAyinaH .. 8..\\
rAjAnaH pArthivAshchaiva ye.asmAbhirupatApitAH . 
saMshritAH kauravaM pakSha.n jAtasnehAshcha sAmpratam .. 9..\\
duryodhana hite yuktA na tathAsmAsu bhArata . 
pUrNakoshA balopetAH prayatiShyanti rakShaNe .. 10..\\
sarve kaurava sainyasya saputrAmAtyasainikAH . 
sa.nvibhaktA hi mAtrAbhirbhogairapi cha sarvashaH .. 11..\\
duryodhanena te vIrA mAnitAshcha visheShataH . 
prANA.nstyakShyanti sa~NgrAme iti me nishchitA matiH .. 12..\\
samA yadyapi bhIShmasya vR^ittirasmAsu teShu cha . 
droNasya cha mahAbAho kR^ipasya cha mahAtmanaH .. 13..\\
avashya.n rAjapiNDastairnirveshya iti me matiH . 
tasmAttyakShyanti sa~NgrAme prANAnapi sudustyajAn .. 14..\\
sarve divyAstravidvA.nsaH sarve dharmaparAyaNAH . 
ajeyAshcheti me buddhirapi devaiH savAsavaiH .. 15..\\
amarShI nityasa.nhR^iShTastatra karNo mahArathaH . 
sarvAstravidanAdhR^iShya abhedyakavachAvR^itaH .. 16..\\
anirjitya raNe sarvAnetAnpuruShasattamAn . 
ashakyo hyasahAyena hantu.n duryodhanastvayA .. 17..\\
na nidrAmadhigachchhAmi chintayAno vR^ikodara . 
ati sarvAndhanurgrAhAnsUtaputrasya lAghavam .. 18..\\
etadvachanamAGYAya bhImaseno.atyamarShaNaH . 
babhUva vimanAstrasto na chaivovAcha ki.n chana .. 19..\\
tayoH sa.nvadatoreva.n tadA pANDavayordvayoH . 
AjagAma mahAyogI vyAsaH satyavatI sutaH .. 20..\\
so.abhigamya yathAnyAyaM pANDavaiH pratipUjitaH . 
yudhiShThiramida.n vAkyamuvAcha vadatAM varaH .. 21..\\
yudhiShThira mahAbAho vedmi te hR^idi mAnasam . 
manIShayA tataH kShipramAgato.asmi nararShabha .. 22..\\
bhIShmAddroNAtkR^ipAtkarNAddroNaputrAchcha bhArata . 
yatte bhayamamitraghna hR^idi samparivartate .. 23..\\
tatte.ahaM nAshayiShyAmi vidhidR^iShTena hetunA . 
tachchhrutvA dhR^itimAsthAya karmaNA pratipAdaya .. 24..\\
tata ekAntamunnIya pArAsharyo yudhiShThiram . 
abravIdupapannArthamida.n vAkyavishAradaH .. 25..\\
shreyasaste paraH kAlaH prApto bharatasattama . 
yenAbhibhavitA shatrUnraNe pArtho dhana~njayaH .. 26..\\
gR^ihANemAM mayA proktA.n siddhiM mUrtimatIm iva . 
vidyAM pratismR^itiM nAma prapannAya bravImi te . 
yAmavApya mahAbAhurarjunaH sAdhayiShyati .. 27..\\
astrahetormahendra.n cha rudraM chaivAbhigachchhatu . 
varuNa.n cha dhaneshaM cha dharmarAjaM cha pANDava . 
shakto hyeSha surAndraShTu.n tapasA vikrameNa cha .. 28..\\
R^iShireSha mahAtejA nArAyaNa sahAyavAn . 
purANaH shAshvato devo viShNoraMshaH sanAtanaH .. 29..\\
astrANIndrAchcha rudrAchcha lokapAlebhya eva cha . 
samAdAya mahAbAhurmahatkarma kariShyati .. 30..\\
vadAdasmAchcha kaunteya vanamanyadvichintyatAm . 
nivAsArthAya yadyuktaM bhavedvaH pR^ithivIpate .. 31..\\
ekatra chiravAso hi na prItijanano bhavet . 
tApasAnA.n cha shAntAnAM bhavedudvega kArakaH .. 32..\\
mR^igANAmupayogashcha vIrudoShadhisa~NkShayaH . 
vibharShi hi bahUnviprAnvedavedA~NgapAragAn .. 33..\\
evamuktvA prapannAya shuchaye bhagavAnprabhuH . 
provAcha yogatattvaGYo yogavidyAmanuttamAm .. 34..\\
dharmarAGYe tadA dhImAnvyAsaH satyavatI sutaH . 
anuGYAya cha kaunteya.n tatraivAntaradhIyata .. 35..\\
yudhiShThirastu dharmAtmA tadbrahma manasA yataH . 
dhArayAmAsa medhAvI kAle kAle samabbhyasan .. 36..\\
sa vyAsavAkyamudito vanAddvaitavanAttataH . 
yayau sarasvatI tIre kAmyakaM nAma kAnanam .. 37..\\
tamanvayurmahArAja shikShA kSharavidastathA . 
brAhmaNAstapasA yuktA devendramR^iShayo yathA .. 38..\\
tataH kAmyakamAsAdya punaste bharatarShabhAH . 
nyavishanta mahAtmAnaH sAmAtyAH sapadAnugAH .. 39..\\
tatra te nyavasanrAjanka.n chitkAlaM manasvinaH . 
dhanurveda parA vIrA shR^iNvAnA vedamuttamam .. 40..\\
charanto mR^igayAM nitya.n shuddhairbANairmR^igArthinaH . 
pitR^idaivataviprebhyo nirvapanto yathAvidhi .. 41..\\
\medskip\hrule\medskip\centerline{\Largedvng 38}
 vai

kasya chittvatha kAlasya dharmarAjo yudhiShThiraH . 
sa.nsmR^itya munisandeshamida.n vachanamabravIt .. 1..\\
vivikte viditapraGYamarjunaM bharatarShabham . 
sAntvapUrva.n smita.n kR^itvA pANinA parisa.nspR^ishan .. 2..\\
sa muhUrtamiva dhyAtvA vanavAsamarindamaH . 
dhana~njaya.n dharmarAjo rahasIdamuvAcha ha .. 3..\\
bhIShme droNe kR^ipe karNe droNaputre cha bhArata . 
dhanurvedashchatuShpAda eteShvadya pratiShThitaH .. 4..\\
brAhma.n daivamAsuraM cha saprayoga chikitsitam . 
sarvAstrANAM prayoga.n cha te.abhijAnanti kR^itsnashaH .. 5..\\
te sarve dhR^itarAShTrasya putreNa parisAntvitAH . 
sa.nvibhaktAshcha tuShTAshcha guruvatteShu vartate .. 6..\\
sarvayodheShu chaivAsya sadA vR^ittiranuttamA . 
shaktiM na hApayiShyanti te kAle pratipUjitAH .. 7..\\
adya cheyaM mahIkR^itsnA duryodhana vashAnugA . 
tvayi vyapAshrayo.asmAka.n tvayi bhAraH samAhitaH . 
tatra kR^ityaM prapashyAmi prAptakAlamarindama .. 8..\\
kR^iShNadvaipAyanAttAta gR^ihItopaniShanmayA . 
tayA prayuktayA samyagjagatsarvaM prakAshate . 
tena tvaM brahmaNA tAta sa.nyuktaH susamAhitaH .. 9..\\
devatAnA.n yathAkAlaM prasAdaM pratipAlaya . 
tapasA yojayAtmAnamugreNa bharatarShabha .. 10..\\
dhanuShmAnkavachI khadgI muniH sArasamanvitaH . 
na kasya chiddadanmArga.n gachchha tAtottarAM disham . 
indre hyastrANi divyAni samastAni dhana~njaya .. 11..\\
vR^itrAdbhItaistadA devairbalamindre samarpitam . 
tAnyekasthAni sarvANi tatastvaM pratipatsyase .. 12..\\
shakrameva prapadyasva sa te.astrANi pradAsyati . 
dIkShito.adyaiva gachchha tva.n draShTuM devaM purandaram .. 13..\\
evamuktvA dharmarAjastamadhyApayata prabhuH . 
dIkShita.n vidhinA tena yatavAkkAyamAnasam . 
anujaGYe tato vIraM bhrAtA bhrAtaramagrajaH .. 14..\\
nideshAddharmarAjasya draShTu.n devaM purandaram . 
dhanurgANDIvamAdAya tathAkShayyau maheShudhI .. 15..\\
kavachI satala trANo baddhagodhA~Nguli travAn . 
hutvAgniM brAhmaNAnniShkaiH svasti vAchya mahAbhujaH .. 16..\\
prAtiShThata mahAbAhuH pragR^ihItasharAsanaH . 
vadhAya dhArtarAShTrANAM niHshvasyordhvamudIkShya cha .. 17..\\
ta.n dR^iShTvA tatra kaunteyaM pragR^ihItasharAsanam . 
abruvanbrAhmaNAH siddhA bhUtAnyantarhitAni cha . 
kShipraM prApnuhi kaunteya manasA yadyadichchhasi .. 18..\\
ta.n si.nhamiva gachchhantaM shAlaskandhorumarjunam . 
manA.nsyAdAya sarveShA.n kR^iTNA vachanamabravIt .. 19..\\
yatte kuntI mahAbAho jAtasyaichchhaddhana~njaya . 
tatte.astu sarva.n kaunteya yAthA cha svayamichchhasi .. 20..\\
mAsmAka.n kShatriyakule janma kashchidavApnuyAt . 
brAhmaNebhyo namo nitya.n yeShAM yuddhe na jIvikA .. 21..\\
nUna.n te bhrAtaraH sarve tvatkathAbhiH prajAgare . 
ra.nsyante vIrakarmANi kIrtayantaH punaH punaH .. 22..\\
naiva naH pArtha bhogeShu na dhane nota jIvite . 
tuShTirbuddhirbhavitrI vA tvayi dIrghapravAsini .. 23..\\
tvayi naH pArtha sarveShA.n sukhaduHkhe samAhite . 
jIvitaM maraNa.n chaiva rAjyamaishvaryameva cha . 
ApR^iShTo me.asi kaunteya svasti prApnuhi pANDava .. 24..\\
namo dhAtre vidhAtre cha svasti gachchha hyanAmayam . 
svasti te.asvAntarikShebhyaH pArthivebhyashcha bhArata . 
divyebhyashchaiva bhUtebhyo ye chAnye paripanthinaH .. 25..\\
tataH pradakShiNa.n kR^itvA bhrAtR^IndhaumyaM cha pANDavaH . 
prAtiShThata mahAbAhuH pragR^ihya ruchira.n dhanuH .. 26..\\
tasya mArgAdapAkrAmansarvabhUtAni gachchhataH . 
yuktasyaindreNa yogena parAkrAntasya shuShmiNaH .. 27..\\
so.agachchhatparvataM puNyamekAhnaiva mahAmanAH . 
manojava gatirbhUtvA yogayukto yathAnilaH .. 28..\\
himavantamatikramya gandhamAdanameva cha . 
atyakrAmatsa durgANi divArAtramatandritaH .. 29..\\
indra kIla.n samAsAdya tato.atiShThaddhana~njayaH . 
antarikShe hi shushrAva tiShTheti sa vachastadA .. 30..\\
tato.apashyatsavyasAchI vR^ikShamUle tapasvinam . 
brAhmyA shriyA dIpyamAnaM pi~Ngala.n jaTilaM kR^isham .. 31..\\
so.abravIdarjuna.n tatra sthitaM dR^iShTvA mahAtapAH . 
kastva.n tAteha samprApto dhanuShmAnkavachI sharI . 
nibaddhAsi talatrANaH kShatradharmamanuvrataH .. 32..\\
neha shastreNa kartavya.n shAntAnAmayamAlayaH . 
vinItakrodhaharShANAM brAhmaNAnA.n tapasvinAm .. 33..\\
nehAsti dhanuShA kAryaM na sa~NgrAmeNa karhi chit . 
nikShipaitaddhanustAta prApto.asi paramA.n gatim .. 34..\\
ityanantaujasa.n vIraM yathA chAnyaM pR^ithagjanam . 
tathA vAchanmathAbhIkShNaM brAhmaNo.arjunamabravIt . 
na chaina.n chAlayAmAsa dhairyAtsudR^iDha nishchayam .. 35..\\
tamuvAcha tataH prItaH sa dvijaH prahasanniva . 
vara.n vR^iNIShva bhadra.n te shakro.ahamarisUdanaH .. 36..\\
evamuktaH pratyuvAcha sahasrAkSha.n dhana~njayaH . 
prA~njaliH praNato bhUtvA shUraH kulakulodvahaH .. 37..\\
Ipsito hyeSha me kAmo vara.n chainaM prayachchha me . 
tvatto.adya bhagavannastra.n kR^itsnamichchhAmi veditum .. 38..\\
pratyuvAcha mahendrastaM prItAtmA prahasanniva . 
iha prAptasya ki.n kAryamastraistava dhana~njaya . 
kAmAnvR^iNIShva lokAMshcha prApto.asi paramA.n gatim .. 39..\\
evamuktaH pratyuvAcha sahasrAkSha.n dhana~njayaH . 
na lokAnna punaH kAmAnna devatva.n kutaH sukham .. 40..\\
na cha sarvAmaraishvarya.n kAmaye tridashAdhipa . 
bhrAtR^I.nstAnvipine tyaktvA vairamapratiyAtya cha . 
akIrti.n sarvalokeShu gachchheyaM shAshvatIH samAH .. 41..\\
evamuktaH pratyuvAcha vR^itrahA pANDunandanam . 
sAntvaya~nshlakShNayA vAchA sarvalokanamaskR^itaH .. 42..\\
yadA drakShyasi bhUtesha.n tryakSha.n shUladharaM shivam . 
tadA dAtAsmi te tAta divyAnyastrANi sarvashaH .. 43..\\
kriyatA.n darshane yatno devasya parameShThinaH . 
darshanAttasya kaunteya sa.nsiddhaH svargameShyasi .. 44..\\
ityuktvA phalguna.n shakro jagAmAdarshana.n tataH . 
arjuno.apyatha tatraiva tasthau yogasamanvitaH .. 45..\\
\medskip\hrule\medskip\centerline{\Largedvng 39}
 j

bhagava~nshrotumichchhAmi pArthasyAkliShTa karmaNaH . 
vistareNa kathAmetA.n yathAstrANyupalabdhavAn .. 1..\\
katha.n sa puruShavyAghro dIrghabAhurdhana~njayaH . 
vanaM praviShTastejasvI nirmanuShyamabhItavat .. 2..\\
ki.n cha tena kR^itaM tatra vasatA brahmavittama . 
katha.n cha bhagavAnsthANurdevarAjashcha toShitaH .. 3..\\
etadichchhAmyaha.n shrotu.n tvatprasAdAddvijottama . 
tva.n hi sarvaGYa divya.n cha mAnuShaM chaiva vettha ha .. 4..\\
atyadbhutaM mahAprAGYa romaharShaNamarjunaH . 
bhavena saha sa~NgrAma.n chakArApratimaM kila . 
purA praharatA.n shreShThaH sa~NgrAmeShvaparAjitaH .. 5..\\
yachchhrutvA narasi.nhAnA.n dainyaharShAtivismayAt . 
shUrANAmapi pArthAnA.n hR^idayAni chakampire .. 6..\\
yadyachcha kR^itavAnanyatpArthastadakhila.n vada . 
na hyasya nindita.n jiShNoH susUkShmamapi lakShaye . 
charita.n tasya shUrasya tanme sarvaM prakIrtaya .. 7..\\

 vai

kathayiShyAmi te tAta kathAmetAM mahAtmanaH . 
divyA.n kaurava shArdUlamahatImadbhutopamAm .. 8..\\
gAtrasa.nsparsha sambandha.n tryambakeNa sahAnagha . 
pArthasya devadevena shR^iNu samyaksamAgamam .. 9..\\
yudhiShThira niyogAtsa jagAmAmita vikramaH . 
shakra.n sureshvara.n draShTuM devadevaM cha sha~Nkaram .. 10..\\
divya.n taddhanurAdAya khaDgaM cha puruSharShabhaH . 
mahAbalo mahAbAhurarjunaH kAryasiddhaye . 
disha.n hyudIchI.n kauravyo himavachchhikharaM prati .. 11..\\
aindriH sthiramanA rAjansarvalokamahArathaH . 
tvarayA parayA yuktastapase dhR^itanishchayaH . 
vana.n kaNTakitaM ghorameka evAnvapadyata .. 12..\\
nAnApuShpaphalopetaM nAnApakShiniShevitam . 
nAnAmR^igagaNAkIrNa.n siddhachAraNasevitam .. 13..\\
tataH prayAte kaunteya vanaM mAnuShavarjitam . 
sha~NkhAnAM paTahAnA.n cha shabdaH samabhavaddivi .. 14..\\
puShpavarSha.n cha sumahannipapAta mahItale . 
meghajAla.n cha vitataM chhAdayAmAsa sarvataH .. 15..\\
atItya vanadurgANi saMnikarShe mahAgireH . 
shushubhe himavatpR^iShThe vasamAno.arjunastadA .. 16..\\
tatrApashyaddrumAnphullAnvihagairvalgu nAditAn . 
nadIshcha bahulAvartA nIlavaiDUrya saMnibhAH .. 17..\\
ha.nsakAraNDavodgItAH sArasAbhirutAstathA . 
pu.nskokila rutAshchaiva krau~nchabarhiNa nAditAH .. 18..\\
manoharavanopetAstasminnatiratho.arjunaH . 
puNyashItAmala jalAH pashyanprItamanAbhavat .. 19..\\
ramaNIye vanoddeshe ramamANo.arjunastadA . 
tapasyugre vartamAna ugratejA mahAmanAH .. 20..\\
darbhachIraM nivasyAtha daNDAjina vibhUShitaH . 
pUrNe pUrNe trirAtre tu mAsamekaM phalAshanaH . 
dviguNenaiva kAlena dvitIyaM mAsamatyagAt .. 21..\\
tR^itIyamapi mAsa.n sa pakSheNAhAramAcharan . 
shIrNa.n cha patitaM bhUmau parNa.n samupayuktavAn .. 22..\\
chaturthe tvatha samprApte mAsi pUrNe tataH param . 
vAyubhakSho mahAbAhurabhavatpANDunandanaH . 
UrdhvabAhurnirAlambaH pAdA~NguShThAgraviShThitaH .. 23..\\
sadopasparshanAchchAsya babhUvuramitaujasaH . 
vidyudambho ruhanibhA jaTAstasya mahAtmanaH .. 24..\\
tato maharShayaH sarve jagmurdevaM pinAkinam . 
shitikaNThaM mahAbhAgaM praNipatya prasAdya cha . 
sarve nivedayAmAsuH karma tatphalgunasya ha .. 25..\\
eSha pArtho mahAtejA himavatpR^iShThamAshritaH . 
ugre tapasi duShpAre sthito dhUmAyayandishaH .. 26..\\
tasya devesha na vaya.n vidmaH sarve chikIrShitam . 
santApayati naH sarvAnasau sAdhu nivAryatAm .. 27..\\

 mahezvara

shIghra.n gachchhata sa.nhR^iShTA yathAgatamatandritAH . 
ahamasya vijAnAmi sa~NkalpaM manasi sthitam .. 28..\\
nAsya svargaspR^ihA kA chinnaishvaryasya na chAyuShaH . 
yattvasya kA~NkShita.n sarva.n tatkariShye.ahamadya vai .. 29..\\

 vai

te shrutva sharva vachanamR^iShayaH satyavAdinaH . 
prahR^iShTamanaso jagmuryathA svaM punarAshramAn .. 30..\\
\medskip\hrule\medskip\centerline{\Largedvng 40}
 vai

gateShu teShu sarveShu tapasviShu mahAtmasu . 
pinAka pANirbhagavAnsarvapApaharo haraH .. 1..\\
kairAta.n veShamAsthAya kA~nchanadruma saMnibham . 
vibhrAjamAno vapuShA girirmerurivAparaH .. 2..\\
shrImaddhanurupAdAya sharAMshchAshIviShopamAn . 
niShpapAta mahArchiShmAndahankakShamivAnalaH .. 3..\\
devyA sahomayA shrImAnsamAnavrataveShayA . 
nAnAveShadharairhR^iShTairbhUtairanugatastadA .. 4..\\
kirAta veShaprachchhannaH strIbhishchAnu sahasrashaH . 
ashobhata tadA rAjansa devo.atIva bhArata .. 5..\\
kShaNena tadvana.n sarvaM niHshabdamabhavattadA . 
nAdaH prasravaNAnA.n cha pakShiNAM chApyupAramat .. 6..\\
sa saMnikarNamAgamya pArthasyAkliShTa karmaNaH . 
mUkaM nAma diteH putra.n dadarshAdbhutadarshanam .. 7..\\
vArAha.n rUpamAsthAya tarkayantamivArjunam . 
hantuM paramaduShTAtmA tamuvAchAtha phalgunaH .. 8..\\
gANDIva.n dhanurAdAya sharAMshchAshIviShopamAn . 
sajya.n dhanurvaraM kR^itvA jyAghoSheNa ninAdayan .. 9..\\
yanmAM prArthayase hantumanAgasamihAgatam . 
tasmAttvAM pUrvamevAhaM neShyAmi yamasAdanam .. 10..\\
ta.n dR^iShTvA prahariShyantaM phalgunaM dR^iShTha dhanvvinam . 
kirAta rUpI sahasA vArayAmAsa sha~NkaraH .. 11..\\
mayaiSha prArthitaH pUrvaM nIlameghasamaprabhaH . 
anAdR^ityaiva tadvAkyaM prajahArAtha phalgunaH .. 12..\\
kirAtashcha sama.n tasminnekalakShye mahAdyutiH . 
pramumochAshani prakhya.n sharamagnishikhopamam .. 13..\\
tau muktau sAyakau tAbhyA.n sama.n tatra nipetatuH . 
mUkasya gAtre vistIrNe shailasa.nhanane tadA .. 14..\\
yathAshaniviniShpeSho vajrasyeva cha parvate . 
tathA tayoH saMnipAtaH sharayorabhavattadA .. 15..\\
sa viddho bahubhirbANairdIptAsyaiH pannagairiva . 
mamAra rAkShasa.n rUpaM bhUyaH kR^itvA vibhIShaNam .. 16..\\
dadarshAtha tato jiShNuH puruSha.n kA~nchanaprabham . 
kirAta veShaprachchhanna.n strI sahAyamamitrahA .. 17..\\
tamabravItprItamanAH kaunteyaH prahasanniva . 
ko bhavAnaTate ghore vibheShi kanakaprabha .. 18..\\
kimartha.n cha tvayA viddho mR^igo.ayaM matparigrahaH . 
mayAbhipannaH pUrva.n hi rAkShaso.ayamihAgataH .. 19..\\
kAmAtparibhavAdvApi na me jIvanvimokShyase . 
na hyeSha mR^igayA dharmo yastvayAdya kR^ito mayi . 
tena tvAM bhraMshayiShyAmi jIvitAtparvatAshraya .. 20..\\
ityuktaH pANDaveyena kirAtaH prahasanniva . 
uvAcha shlakShNayA vAchA pANDava.n savyasAchinam .. 21..\\
mamaivAya.n lakShyabhUtaH pUrvameva parigrahaH . 
mamaiva cha prahAreNa jIvitAdvyavaropitaH .. 22..\\
doShAnsvAnnArhase.anyasmai vaktu.n svabaladarpitaH . 
abhiShakto.asmi mandAtmanna me jIvanvimokShyase .. 23..\\
sthiro bhavasva mokShyAmi sAyakAnashanIniva . 
ghaTasva parayA shaktyA mu~ncha tvamapi sAyakAn .. 24..\\
tatastau tatra sa.nrabdhau garjamAnau muhurmuhuH . 
sharairAshIviShAkAraistatakShAte parasparam .. 25..\\
tato.arjunaH sharavarSha.n kirAte samavAsR^ijat . 
tatprasannena manasA pratijagrAha sha~NkaraH .. 26..\\
muhUrta.n sharavarSha.n tatpratigR^ihya pinAkadhR^ik . 
akShatena sharIreNa tasthau giririvAchalaH .. 27..\\
sa dR^iShTvA bANavarSha.n tanmoghI bhUtaM dhana~njayaH . 
parama.n vismaya.n chakre sAdhu sAdhviti chAbravIt .. 28..\\
aho.aya.n sukumArA~Ngo himavachchhikharAlayaH . 
gANDIvamuktAnnArAchAnpratigR^ihNAtyavihvalaH .. 29..\\
ko.aya.n devo bhavetsAkShAdrudro yakShaH sureshvaraH . 
vidyate hi girishreShThe tridashAnA.n samAgamaH .. 30..\\
na hi madbANajAlAnAmutsR^iShTAnA.n sahasrashaH . 
shakto.anyaH sahitu.n vegamR^ite devaM pinAkinam .. 31..\\
devo vA yadi vA yakSho rudrAdanyo vyavasthitaH . 
ahamena.n sharaistIkShNairnayAmi yamasAdanam .. 32..\\
tato hR^iShTamanA jiShNurnArAchAnmarmabhedinaH . 
vyasR^ijachchhatadhA rAjanmayUkhAniva bhAskaraH .. 33..\\
tAnprasannena manasA bhagavA.NllokabhAvanaH . 
shUlapANiH pratyagR^ihNAchchhilA varShamivAchalaH .. 34..\\
kShaNena kShINabANo.atha sa.nvR^ittaH phalgunastadA . 
vitrAsa.n cha jagAmAtha taM dR^iShTvA sharasa~NkShayam .. 35..\\
chintayAmAsa jiShNustu bhagavanta.n hutAshanam . 
purastAdakShayau dattau tUNau yenAsya khANDave .. 36..\\
kiM nu mokShyAmi dhanuShA yanme bANAH kShaya.n gatAH . 
aya.n cha puruShaH ko.api bANAngrasati sarvashaH .. 37..\\
ahamena.n dhanuShkoTyA shUlAgreNeva ku~njaram . 
nayAmi daNDadhArasya yamasya sadanaM prati .. 38..\\
samprAyudhyaddhanuShkoTyA kaunteyaH paravIrahA . 
tadapyasya dhanurdivya.n jagrAsa girigocharaH .. 39..\\
tato.arjuno grastadhanuH khaDgapANiratiShThata . 
yuddhasyAntamabhIpsanvai vegenAbhijagAma tam .. 40..\\
tasya mUrdhni shita.n khaDgamasaktaM parvateShvapi . 
mumocha bhujavIryeNa paphAlAsi varo hi saH . 
tasya mUrdhAnamAsAdya paphAlAsi varo hi saH .. 41..\\
tato vR^ikShaiH shilAbhishcha yodhayAmAsa phalgunaH . 
yathA vR^ikShAnmahAkAyaH pratyagR^ihNAdatho shilAH .. 42..\\
kirAta rUpI bhagavA.nstataH pArtho mahAbalaH . 
muShTibhirvajrasa.nsparshairdhUmamutpAdayanmukhe . 
prajahAra durAdharShe kirAta samarUpiNi .. 43..\\
tataH shakrAshanisamairmuShTibhirbhR^ishadAruNaiH . 
kirAta rUpI bhagavAnardayAmAsa phalgunam .. 44..\\
tatashchaTachaTA shabdaH sughoraH samajAyata . 
pANDAvasya cha muShTInA.n kirAtasya cha yudhyataH .. 45..\\
sumuhUrtaM mahadyuddhamAsIttallomaharShaNam . 
bhujaprahAra sa.nyukta.n vR^itravAsavayoriva .. 46..\\
jahArAtha tato jiShNuH kirAtamurasA balI . 
pANDava.n cha vicheShTantaM kirAto.apyahanadbalAt .. 47..\\
tayorbhujaviniShpeShAtsa~NgharSheNorasostathA . 
samajAyata gAtreShu pAvako.a~NgAradhUmavAn .. 48..\\
tata enaM mahAdevaH pIDya gAtraiH supIDitam . 
tejasA vyAkramadroShAchchetastasya vimohayan .. 49..\\
tato nipIDitairgAtraiH piNDI kR^ita ivAbabhau . 
phalguno gAtrasa.nruddho devadevena bhArata .. 50..\\
niruchchvAso.abhavachchaiva saMniruddho mahAtmanA . 
tataH papAta saMmUDhastataH prIto.abhavadbhavaH .. 51..\\

 bhagavaan

bho bho phalguna tuShTo.asmi karmaNApratimena te . 
shauryeNAnena dhR^ityA cha kShatriyo nAsti te samaH .. 52..\\
sama.n tejashcha vIryaM cha mamAdya tava chAnagha . 
prItaste.ahaM mahAbAho pashya mAM puruSharShabha .. 53..\\
dadAni te vishAlAkSha chakShuH pUrva R^iShirbhavAn . 
vijeShyasi raNe shatrUnapi sarvAndivaukasaH .. 54..\\

 vai

tato devaM mahAdeva.n girisha.n shUlapANinam . 
dadarsha phalgunastatra sahadevyA mahAdyutim .. 55..\\
sa jAnubhyAM mahI.n gatvA shirasA praNipatya cha . 
prasAdayAmAsa haraM pArthaH parapura~njayaH .. 56..\\

 arj

kapardinsarvabhUtesha bhaga netranipAtana . 
vyatikramaM me bhagavankShantumarhasi sha~Nkara .. 57..\\
bhavagaddarshanAkA~NkShI prApto.asmImaM mahAgirim . 
dayita.n tava devesha tApasAlayamuttamam .. 58..\\
prasAdaye tvAM bhagavansarvabhUtanamaskR^ita . 
na me syAdaparAdho.ayaM mahAdevAtisAhasAt .. 59..\\
kR^ito mayA yadaGYAnAdvimardo.aya.n tvayA saha . 
sharaNa.n samprapannAya tatkShamasvAdya sha~Nkara .. 60..\\

 vai

tamuvAcha mahAtejAH prahasya vR^iShabhadhvajaH . 
pragR^ihya ruchiraM bAhu.n kShAntamityeva phalgunam .. 61..\\
\medskip\hrule\medskip\centerline{\Largedvng 41}
 bhagavaan

narastvaM pUrvadehe vai nArAyaNa sahAyavAn . 
badaryA.n taptavAnugraM tapo varShAyutAnbahUn .. 1..\\
tvayi vA parama.n tejoviShNau vA puruShottame . 
yuvAbhyAM puruShAgryAbhyA.n tejasA dhAryate jagat .. 2..\\
shakrAbhiSheke sumahaddhanurjaladanisvanam . 
pragR^ihya dAnavAH shastAstvayA kR^iShNena cha prabho .. 3..\\
etattadeva gANDIva.n tava pArtha karochitam . 
mAyAmAsthAya yadgrastaM mayA puruShasattama . 
tUNau chApyakShayau bhUyastava pArtha yathochitau .. 4..\\
prItimAnasmi vai pArtha tava satyaparAkrama . 
gR^ihANa varamasmattaH kA~NkShita.n yannararShabha .. 5..\\
na tvayA sadR^ishaH kashchitpumAnmartyeShu mAnada . 
divi vA vidyate kShatra.n tvatpradhAnamarindama .. 6..\\

 arj

bhagavandadAsi chenmahya.n kAmaM prItyA vR^iShadhvaja . 
kAmaye divyamastra.n tadghoraM pAshupataM prabho .. 7..\\
yattadbrahmashiro nAma raudraM bhImaparAkramam . 
yugAnte dAruNe prApte kR^itsna.n sa.nharate jagat .. 8..\\
daheya.n yena sa~NgrAme dAnavAnrAkShasA.nstathA . 
bhUtAni cha pishAchAMshcha gandharvAnatha pannagAn .. 9..\\
yataH shUlasahasrANi gadAshchograpradarshanAH . 
sharAshchAshIviShAkArAH sambhavantyanumantritAH .. 10..\\
yudhyeya.n yena bhIShmeNa droNena cha kR^ipeNa cha . 
sUtaputreNa cha raNe nitya.n kaTuka bhAShiNA .. 11..\\
eSha me prathamaH kAmo bhagavanbhava netrahan . 
tvatprasAdAdvinirvR^ittaH samarthaH syAmaha.n yathA .. 12..\\

 bhagavaan

dadAni te.astra.n dayitamahaM pAshupataM mahat . 
samartho dhAraNe mokShe sa.nhAre chApi pANDava .. 13..\\
naitadveda mahendro.api na yamo na cha yakSharAT . 
varuNo vAtha vA vAyuH kuto vetsyanti mAnavAH .. 14..\\
na tvetatsahasA pArtha moktavyaM puruShe kva chit . 
jagadvinirdahetsarvamalpatejasi pAtitam .. 15..\\
avadhyo nAma nAstyasya trailokye sacharAchare . 
manasA chakShuShA vAchA dhanuShA cha nipAtyate .. 16..\\

 vai

tachchhrutvA tvaritaH pArthaH shuchirbhUtvA samAhitaH . 
upasa~NgR^ihya vishveshamadhIShveti cha so.abravIt .. 17..\\
tatastvadhyApayAmAsa sarahasya nivartanam . 
tadastraM pANDavashreShThaM mUrtimantamivAntakam .. 18..\\
upatasthe mahAtmAna.n yathA tryakShamumApatim . 
pratijagrAha tachchApi prItimAnarjunastadA .. 19..\\
tatashchachAla pR^ithivI saparvatavanadrumA . 
sasAgaravanoddeshA sagrAma nagarAkarA .. 20..\\
sha~NkhadundubhighoShAshcha bherINA.n cha sahasrashaH . 
tasminmuhUrte samprApte nirghAtashcha mahAnabhUt .. 21..\\
athAstra.n jAjvaladghoraM pANDavasyAmitaujasaH . 
mUrtimadviShThitaM pArshve dadR^ishurdevadAnavAH .. 22..\\
spR^iShTasya cha tryambakena phalgunasyAmitaujasaH . 
yatki.n chidashubhaM dehe tatsarvaM nAshameyivat .. 23..\\
svarga.n gachchhetyanuGYAtastryambakena tadArjunaH . 
praNamya shirasA pArthaH prA~njalirdevamaikShata .. 24..\\
tataH prabhustridiva nivAsinA.n vashI 
mahAmatirgirisha umApatiH shivaH . 
dhanurmahadditijapishAchasUdanaM 
dadau bhavaH puruShavarAya gANDivam .. 25..\\
tataH shubha.n girivaramIshvarastadA 
sahomayA sitataTa sAnu kandaram . 
vihAya taM patagamaharShisevitaM 
jagAma khaM puruShavarasya pashyataH .. 26..\\
\medskip\hrule\medskip\centerline{\Largedvng 42}
 vai

tasya sampashyatastveva pinAkI vR^iShabhadhvajaH . 
jagAmAdarshanaM bhAnurlokasyevAstameyivAn .. 1..\\
tato.arjunaH para.n chakre vismayaM paravIrahA . 
mayA sAkShAnmahAdevo dR^iShTa ityeva bhArata .. 2..\\
dhanyo.asmyanugR^ihIto.asmi yanmayA tryambako haraH . 
pinAkI varado rUpI dR^iShTaH spR^iShTashcha pANinA .. 3..\\
kR^itArtha.n chAvagachchhAmi paramAtmAnamAtmanA . 
shatrUMshcha vijitAnsarvAnnirvR^itta.n cha prayojanam .. 4..\\
tato vaiDUrya varNAbho bhAsayansarvatodishaH . 
yAdogaNavR^itaH shrImAnAjagAma jaleshvaraH .. 5..\\
nAgairnadairnadIbhishcha daityaiH sAdhyaishcha daivataiH . 
varuNo yAdasAM bhartA vashIta.n deshamAgamat .. 6..\\
atha jAmbUnadavapurvimAnena mahArchiShA . 
kuberaH samanuprApto yakShairanugataH prabhuH .. 7..\\
vidyotayannivAkAshamadbhutopamadarshanaH . 
dhanAnAmIshvaraH shrImAnarjuna.n draShTumAgataH .. 8..\\
tathA lokAnta kR^ichchhrImAnyamaH sAkShAtpratApavAn . 
mUrtyamUrti dharaiH sArdhaM pitR^ibhirlokabhAvanaiH .. 9..\\
daNDapANirachintyAtmA sarvabhUtavinAshakR^it . 
vaivasvato dharmarAjo vimAnenAvabhAsayan .. 10..\\
trI.NllokAnguhyakAMshchaiva gandharvAMshcha sapannagAn . 
dvitIya iva mArtaNDo yugAnte samupasthite .. 11..\\
bhAnumanti vichitrANi shikharANi mahAgireH . 
samAsthAyArjuna.n tatra dadR^ishustapasAnvitaH .. 12..\\
tato muhUrtAdbhagavAnairAvata shiro gataH . 
AjagAma sahendrANyA shakraH suragaNairvR^itaH .. 13..\\
pANDureNAtapatreNa dhriyamANena mUrdhani . 
shushubhe tArakA rAjaH sitamabhramivAsthitaH .. 14..\\
sa.nstUyamAno gandharvairR^iShibhishcha tapodhanaiH . 
shR^i~Nga.n gireH samAsAdya tasthau sUrya ivoditaH .. 15..\\
atha meghasvano dhImAnvyAjahAra shubhA.n giram . 
yamaH paramadharmaGYo dakShiNA.n dishamAsthitaH .. 16..\\
arjunArjuna pashyAsmA.NllokapAlAnsamAgatAn . 
dR^iShTi.n te vitarAmo.adya bhavAnarho hi darshanam .. 17..\\
pUrvarShiramitAtmA tvaM naro nAma mahAbalaH . 
niyogAdbrahmaNastAta martyatA.n samupAgataH . 
tva.n vAsava samudbhUto mahAvIryaparAkramaH .. 18..\\
kShatra.n chAgnisamasparshaM bhAradvAjena rakShitam . 
dAnavAshcha mahAvIryA ye manuShyatvamAgatAH . 
nivAtakavachAshchaiva sa.nsAdhyAH kurunandana .. 19..\\
piturmamAMsho devasya sarvalokapratApinaH . 
karNaH sa sumahAvIryastvayA vadhyo dhana~njaya .. 20..\\
aMshAshcha kShitisamprAptA devagandharvarakShasAm . 
tayA nipAtitA yuddhe svakarmaphalanirjitAm . 
gatiM prApsyanti kaunteya yathA svamarikarshana .. 21..\\
akShayA tava kIrtishcha loke sthAsyati phalguna . 
laghvI vasumatI chApi kartavyA viShNunA saha .. 22..\\
gR^ihANAstraM mahAbAho daNDamaprativAraNam . 
anenAstreNa sumahattva.n hi karma kariShyasi .. 23..\\
pratijagrAha tatpArtho vidhivatkurunandanaH . 
samantra.n sopachAra.n cha samokShaM sanivartanam .. 24..\\
tato jaladhara shyAmo varuNo yAdasAM patiH . 
pashchimA.n dishamAsthAya giramuchchArayanprabhuH .. 25..\\
pArtha kShatriya mukhyastva.n kShatradharme vyavasthitaH . 
pashya mAM pR^ithu tAmrAkSha varuNo.asmi jaleshvaraH .. 26..\\
mayA samudyatAnpAshAnvAruNAnanivAraNAn . 
pratigR^ihNIShva kaunteya sarahasya nivartanAn .. 27..\\
ebhistadA mayA vIra sa~NgrAme tArakAmaye . 
daiteyAnA.n sahasrANi sa.nyatAni mahAtmanAm .. 28..\\
tasmAdimAnmahAsattvamatprasAdAtsamutthitAn . 
gR^ihANa na hi te muchyedantako.apyAtatAyinaH .. 29..\\
anena tva.n yadAstreNa sa~NgrAme vichariShyasi . 
tadA niHkShatriyA bhUmirbhaviShyati na saMshayaH .. 30..\\
tataH kailAsanilayo dhanAdhyakSho.abhyabhAShata . 
datteShvastreShu divyeShu varuNena yamena cha .. 31..\\
savyasAchinmahAbAho pUrvadeva sanAtana . 
sahAsmAbhirbhavA~nshrAntaH purAkalpeShu nityashaH .. 32..\\
matto.api tva.n gR^ihANAstramantardhAnaM priyaM mama . 
ojastejo dyutiharaM prasvApanamarAtihan .. 33..\\
tato.arjuno mahAbAhurvidhivatkurunandanaH . 
kauberamapi jagrAha divyamastraM mahAbalaH .. 34..\\
tato.abravIddevarAjaH pArthamakliShTakAriNam . 
sAntvaya~nshlakShNayA vAchA meghadundubhi nisvanaH .. 35..\\
kuntI mAtarmahAbAho tvamIshAnaH purAtanaH . 
parA.n siddhimanuprAptaH sAkShAddeva gati.n gataH .. 36..\\
devakArya.n hi sumahattvayA kAryamarindama . 
AroDhavyastvayA svargAH sajjIbhava mahAdyute .. 37..\\
ratho mAtalisa.nyukta AgantA tvatkR^ite mahIm . 
tatra te.ahaM pradAsyAmi divyAnyastrANi kaurava .. 38..\\
tAndR^iShTvA lokapAlA.nstu sametAngirimUrdhani . 
jagAma vismaya.n dhImAnkuntIputro dhana~njayaH .. 39..\\
tato.arjuno mahAtejA lokapAlAnsamAgatAn . 
pUjayAmAsa vidhivadvAgbhiradbhiH phalairapi .. 40..\\
tataH pratiyayurdevAH pratipUjya dhana~njayam . 
yathAgatena vibudhAH sarve kAmamano javAH .. 41..\\
tato.arjuno muda.n lebhe labdhAstraH puruSharShabhaH . 
kR^itArthamiva chAtmAna.n sa mene pUrNamAnasaH .. 42..\\
\medskip\hrule\medskip\centerline{\Largedvng 43}
 vai

gateShu lokapAleShu pArthaH shatrunibarhaNaH . 
chintayAmAsa rAjendra devarAjarathAgamam .. 1..\\
tatashchintayamAnasya guDA keshasya dhImataH . 
ratho mAtalisa.nyukta AjagAma mahAprabhaH .. 2..\\
nabho vitimira.n kurva~njaladAnpATayanniva . 
dishaH sampUrayannAdairmahAmegharavopamaiH .. 3..\\
asayaH shaktayo bhImA gadAshchograpradarshanAH . 
divyaprabhAvA prAsAshcha vidyutashcha mahAprabhAH .. 4..\\
tathaivAshanayastatra chakrayuktA huDA guDAH . 
vAyusphoTAH sanirghAtA barhi meghanibha svanAH .. 5..\\
tatra nAgA mahAkAyA jvalitAsyAH sudAruNAH . 
sitAbhrakUTapratimAH sa.nhatAshcha yathopalAH .. 6..\\
dashavAjisahasrANi harINA.n vAtara.nhasAm . 
vahanti yaM netramuSha.n divyaM mAyAmaya.n ratham .. 7..\\
tatrApashyanmahAnIla.n vaijayantaM mahAprabham . 
dhvajamindI varashyAma.n vaMsha.n kanakabhUShaNam .. 8..\\
tasminrathe sthita.n sUta.n taptahemavibhUShitam . 
dR^iShTvA pArtho mahAbAhurdevamevAnvatarkayat .. 9..\\
tathA tarkayatastasya phalgunasyAtha mAtaliH . 
saMnataH prashrito bhUtvA vAkyamarjunamabravIt .. 10..\\
bho bho shakrAtmaja shrImA~nshakrastvA.n draShTumichchhati . 
Arohatu bhavA~nshIghra.n rathamindrasya saMmatam .. 11..\\
Aha mAmamara shreShThaH pitA tava shatakratuH . 
kuntIsutamiha prAptaM pashyantu tridashAlayAH .. 12..\\
eSha shakraH parivR^ito devairR^iShigaNaistathA . 
gandharvairapsarobhishcha tvA.n didR^ikShuH pratIkShate .. 13..\\
asmAllokAddevalokaM pAkashAsana shAsanAt . 
Aroha tvaM mayA sArdha.n labdhAstraH punareShyasi .. 14..\\

 arj

mAtale gachchha shIghra.n tvamArohasva rathottamam . 
rAjasUyAshvamedhAnA.n shatairapi sudurlabham .. 15..\\
pArthivaiH sumahAbhAgairyajvabhirbhUridakShiNaiH . 
daivatairvA samAroDhu.n dAnavairvA rathottamam .. 16..\\
nAtapta tapasA shakya eSha divyo mahArathaH . 
draShTu.n vApyatha vA spraShTumAroDhu.n kuta eva tu .. 17..\\
tvayi pratiShThite sAdho rathasthe sthiravAjini . 
pashchAdahamathArokShye sukR^itI satpatha.n yathA .. 18..\\

 vai

tasya tadvachana.n shrutvA mAtaliH shakrasArathiH . 
Aruroha ratha.n shIghraM hayAnyeme cha rashmibhiH .. 19..\\
tato.arjuno hR^iShTamanA ga~NgAyAmAplutaH shuchiH . 
jajApa japya.n kaunteyo vidhivatkurunandanaH .. 20..\\
tataH pitR^InyathAnyAya.n tarpayitvA yathAvidhi . 
mandara.n shailarAja.n tamApraShTumupachakrame .. 21..\\
sAdhUnA.n dharmashIlAnAM munInAM puNyakarmaNAm . 
tva.n sadA saMshrayaH shailasvargamArgAbhikA~NkShiNAm .. 22..\\
tvatprasAdAtsadA shailabrAhmaNAH kShatriyA vishaH . 
svagaM prAptAshcharanti sma devaiH saha gatavyathAH .. 23..\\
adrirAjamahAshailamuni saMshrayatIrthavan . 
gachchhAmyAmantrayAmi tvA.n sukhamasmyuShitastvayi .. 24..\\
tava sAnUni ku~njAshcha nadyaH prasravaNAni cha . 
tIrthAni cha supuNyAni mayA dR^iShTAnyanekashaH .. 25..\\
evamuktvArjunaH shailamAmantrya paravIrahA . 
Aruroha ratha.n divyaM dyotayanniva bhAsvakaH .. 26..\\
sa tenAditya rUpeNa divyenAdbhuta karmaNA . 
UrdhvamAchakrame dhImAnprahR^iShTaH kurunandanaH .. 27..\\
so.adarshana patha.n yAtvA martyAnAM bhUmichAriNAm . 
dadarshAdbhutarUpANi vimAnAni sahasrashaH .. 28..\\
na tatra sUryaH somo vA dyotate na cha pAvakaH . 
svayaiva prabhayA tatra dyotante puNyalabdhayA .. 29..\\
tArA rUpANi yAnIha dR^ishyante dyutimanti vai . 
dIpavadviprakR^iShTatvAdaNUni sumahAntyapi .. 30..\\
tAni tatra prabhAsvanti rUpavanti cha pANDavaH . 
dadarsha sveShu dhiShNyeShu dIptimanti svayArchiShA .. 31..\\
tatra rAjarShayaH siddhA vIrAshcha nihatA yudhi . 
tapasA cha jitasvargAH sampetuH shatasa~NghashaH .. 32..\\
gandharvANA.n sahasrANi sUryajvalana tejasAm . 
guhyakAnAmR^iShINA.n cha tathaivApsarasAM gaNAH .. 33..\\
lokAnAtmaprabhAnpashyanphalguno vismayAnvitaH . 
paprachchha mAtaliM prItyA sa chApyenamuvAcha ha .. 34..\\
ete sukR^itinaH pArtha sveShu dhiShNyeShvvavasthitAH . 
yAndR^iShTavAnasi vibho tArA rUpANi bhUtale .. 35..\\
tato.apashyatsthita.n dvAri sita.n vaijayinaM gajam . 
airAvata.n chaturdantaM kailAsamiva shR^i~NgiNam .. 36..\\
sa siddhamArgamAkramya kurupANDavasattamaH . 
vyarochata yathApUrvaM mAndhAtA pArthivottamaH .. 37..\\
atichakrAma lokAnsa rAGYA.n rAjIvalochanaH . 
tato dadarsha shakrasya purI.n tAmamarAvatIm .. 38..\\
\medskip\hrule\medskip\centerline{\Largedvng 44}
 vai

sa dadarsha purI.n ramyAM siddhachAraNasevitAm . 
sarvartukusumaiH puNyaiH pAdapairupashobhitAm .. 1..\\
tatra saugandhikAnA.n sa drumANAM puNyagandhinAm . 
upavIjyamAno mishreNa vAyunA puNyagandhinA .. 2..\\
nandana.n cha vanaM divyamapsarogaNasevitam . 
dadarsha divyakusumairAhvayadbhiriva drumaiH .. 3..\\
nAtapta tapasA shakyo draShTuM nAnAhitAgninA . 
sa lokaH puNyakartR^INAM nApi yuddhaparA~NmukhaiH .. 4..\\
nAyajvabhirnAnR^itakairna vedashrutivarjitaiH . 
nAnA plutA~NgaistIrtheShu yaGYadAnabahiShkR^itaiH .. 5..\\
nApi yaGYahanaiH kShudrairdraShTu.n shakyaH katha.n chana . 
pAnapairguru talpaishcha mA.nsAdairvA durAtmabhiH .. 6..\\
sa taddivya.n vanaM pashyandivyagIta ninAditam . 
pravivesha mahAbAhuH shakrasya dayitAM purIm .. 7..\\
tatra deva vimAnAni kAmagAni sahasrashaH . 
sa.nsthitAnyabhiyAtAni dadarshAyutashastadA .. 8..\\
sa.nstUyamAno gandharvairapsarobhishcha pANDavaH . 
puShpagandhavahaiH puNyairvAyubhishchAnujIvitaH .. 9..\\
tato devAH sagandharvAH siddhAshcha paramarShayaH . 
hR^iShTAH sampUjayAmAsuH pArthamakliShTakAriNam .. 10..\\
AshIrvAdaiH stUyamAno divyavAditra nisvanaiH . 
pratipede mahAbAhuH sha~NkhadundubhinAditam .. 11..\\
nakShatramArga.n vipulaM suravIthIti vishrutam . 
indrAGYayA yayau pArthaH stUyamAnaH samantataH .. 12..\\
tatra sAdhyAstathA vishve maruto.athAshvinAvapi . 
AdityA vasavo rudrAstathA brahmarShayo.amalAH .. 13..\\
rAjarShayashcha bahavo dilIpa pramukhA nR^ipAH . 
tumbururnAradaishchaiva gandharvvau cha hahAhuhU .. 14..\\
tAnsarvvAnsa samAgamya vidhivatkurunandanaH . 
tato.apashyaddevarAja.n shatakratumarindamam .. 15..\\
tataH pArtho mahAbAhuravatIrya rathottamAt . 
dadarsha sAkShAddevendraM pitaraM pAkashAsanam .. 16..\\
pANDureNAtapatreNa hemadaNDena chAruNA . 
divyagandhAdhivAsena vyajanena vidhUyatA .. 17..\\
vishvAvasuprabhR^itibhirgandharvaiH stutivandanaiH . 
stUyamAna.n dvijAgryaishcha R^igyajuH sAma sa.nstavaiH .. 18..\\
tato.abhigamya kaunteyaH shirasAbhyanamadbalI . 
sa chainamanuvR^ittAbhyAM bhujAbhyAM pratyagR^ihNata .. 19..\\
tataH shakrAsane puNye devarAjarShipUjite . 
shakraH pANau gR^ihItvainamupAveshayadantike .. 20..\\
mUrdhni chainamupAghrAya devendraH paravIrahA . 
a~NkamAropayAmAsa prashrayAvanata.n tadA .. 21..\\
sahasrAkSha niyogAtsa pArthaH shakrAsana.n tadA . 
adhyakrAmadameyAtmA dvitIya iva vAsavaH .. 22..\\
tataH premNA vR^itra shatrurarjunasya shubhaM mukham . 
pasparsha puNyagandhena kareNa parisAntvayan .. 23..\\
parimArjamAnaH shanakairbAhU chAsyAyatau shubhau . 
jyA sharakShepa kaThinau stambhAviva hiraNmayau .. 24..\\
vajragrahaNachihnena kareNa balasUdanaH . 
muhurmuhurvajradharo bAhU sa.nsphAlaya~nshanaiH .. 25..\\
smayanniva guDA keshaM prekShamANaH sahasradR^ik . 
harSheNotphulla nayano na chAtR^ipyata vR^itrahA .. 26..\\
ekAsanopaviShTau tau shobhayA.n chakratuH sabhAm . 
sUryA chandramasau vyomni chaturdashyAm ivoditau .. 27..\\
tatra sma gAthA gAyanti sAmnA paramavalgunA . 
gandharvAstumburu shreShThAH kushalA gItasAmasu .. 28..\\
ghR^itAchI menakA rambhA pUrvachittiH svayamprabhA . 
urvashI mishrakeshI cha DuNDurgaurI varUthinI .. 29..\\
gopAlI saha janyA cha kumbhayoniH prajAgarA . 
chitrasenA chitralekhA sahA cha madhurasvarA .. 30..\\
etAshchAnyAshcha nanR^itustatra tatra varA~NganAH . 
chittapramathane yuktAH siddhAnAM padmalochanAH .. 31..\\
mahAkaTi taTa shroNyaH kampamAnaiH payodharaiH . 
kaTAkSha hAva mAdhuryaishcheto buddhimanoharAH .. 32..\\
\medskip\hrule\medskip\centerline{\Largedvng 45}
 vai

tato devAH sagandharvAH samAdAyArghyamuttamam . 
shakrasya matamAGYAya pArthamAnarchura~njasA .. 1..\\
pAdyamAchamanIya.n cha pratigR^ihya nR^ipAtmajam . 
praveshayA mAsuratho purandara niveshanam .. 2..\\
eva.n sampUjito jiShNuruvAsa bhavane pituH . 
upashikShanmahAstrANi sasa.nhArANi pANDavaH .. 3..\\
shakrasya hastAddayita.n vajramastra.n durutsaham . 
ashanIshcha mahAnAdA meghabarhiNa lakShaNAH .. 4..\\
gR^ihItAstrastu kaunteyo bhrAtR^InsasmAra pANDavaH . 
purandara niyogAchcha pa~nchAbdamavasatsukhI .. 5..\\
tataH shakro.abravItpArtha.n kR^itAstraM kAla Agate . 
nR^itta.n gItaM cha kaunteya chitrasenAdavApnuhi .. 6..\\
vAditra.n deva vihitaM nR^iloke yanna vidyate . 
tadarjayasva kaunteya shreyo vai te bhaviShyati .. 7..\\
sakhAyaM pradadau chAsya chitrasenaM purandaraH . 
sa tena saha sa~Ngamya reme pArtho nirAmayaH .. 8..\\
kadA chidaTamAnastu maharShiruta lomashaH . 
jagAma shakra bhavanaM purandara didR^ikShayA .. 9..\\
sa sametya namaskR^itya devarAjaM mahAmuniH . 
dadarshArdhAsana gataM pANDava.n vAsavasya ha .. 10..\\
tataH shakrAbhyanuGYAta Asane viShTarottare . 
niShasAda dvijashreShThaH pUjyamAno maharShibhiH .. 11..\\
tasya dR^iShTvAbhavadbuddhiH pArthamindrAsane sthitam . 
kathaM nu kShatriyaH pArthaH shakrAsanamavAptavAn .. 12..\\
ki.n tvasya sukR^itaM karma lokA vA ke vinirjitAH . 
ya evamupasamprAptaH sthAna.n devanamaskR^itam .. 13..\\
tasya viGYAya sa~Nkalpa.n shakro vR^itraniShUdanaH . 
lomashaM prahasanvAkyamidamAha shachIpatiH .. 14..\\
brahmarShe shrUyatA.n yatte manasaitadvivakShitam . 
nAya.n kevalamartyo vai kShatriyatvamupAgataH .. 15..\\
maharShe mama putro.aya.n kuntyAM jAto mahAbhujaH . 
astrahetoriha prAptaH kasmAchchitkAraNAntarAt .. 16..\\
aho nainaM bhavAnvetti purANamR^iShisattamam . 
shR^iNu me vadato brahmanyo.aya.n yachchAsya kAraNam .. 17..\\
naranArAyaNau yau tau purANAvR^iShisattamau . 
tAvimAvabhijAnIhi hR^iShIkeshadhana~njayau .. 18..\\
yanna shakya.n surairdraShTumR^iShibhirvA mahAtmabhiH . 
tadAshramapadaM puNyaM badarI nAma vishrutam .. 19..\\
sa nivAso.abhavadvipra viShNorjiShNostathaiva cha . 
yataH pravavR^ite ga~NgA siddhachAraNasevitA .. 20..\\
tau manniyogAdbrahmarShe kShitau jAtau mahAdyutI . 
bhUmerbhArAvataraNaM mahAvIryau kariShyataH .. 21..\\
udvR^ittA hyasurAH ke chinnivAtakavachA iti . 
vipriyeShu sthitAsmAka.n varadAnena mohitAH .. 22..\\
tarkayante surAnhantuM baladarpa samanvitAH . 
devAnna gaNayante cha tathA dattavarA hi te .. 23..\\
pAtAlavAsino raudrA danoH putrA mahAbalAH . 
sarve deva nikAyA hi nAla.n yodhayituM sma tAn .. 24..\\
yo.asau bhUmigataH shrImAnviShNurmadhu niShUdanaH . 
kapilo nAma devo.asau bhagavAnajito hariH .. 25..\\
yena pUrvaM mahAtmAnaH khanamAnA rasAtalam . 
darshanAdeva nihatAH sagarasyAtmajA vibho .. 26..\\
tena kAryaM mahatkAryamasmAka.n dvijasattama . 
pArthena cha mahAyuddhe sametAbhyAmasaMshayam .. 27..\\
aya.n teShA.n samastAnAM shaktaH pratisamAsane . 
tAnnihatya raNe shUraH punaryAsyati mAnuShAn .. 28..\\
bhavAMshchAsmanniyogena yAtu tAvanmahItalam . 
kAmyake drakShyase vIraM nivasanta.n yudhiShThiram .. 29..\\
sa vAchyo mama sandeshAddharmAtmA satyasa~NgaraH . 
notkaNThA phalgune kAryA kR^itAstraH shIghrameShyati .. 30..\\
nAshuddha bAhuvIryeNa nAkR^itAstreNa vA raNe . 
bhIShmadroNAdayo yuddhe shaktyAH pratisamAsitum .. 31..\\
gR^ihItAstro guDA kesho mahAbAhurmahAmanAH . 
nR^ittavAditragItAnA.n divyAnAM pArameyivAn .. 32..\\
bhavAnapi viviktAni tIrthAni manujeshvara . 
bhrAtR^ibhiH sahitaH sarvairdraShTumarhatyarindama .. 33..\\
tIrtheShvAplutya puNyeShu vipApmA vigatajvaraH . 
rAjyaM bhokShyasi rAjendra sukhI vigatakalmaShaH .. 34..\\
bhavAMshchaina.n dvijashreShTha paryaTantaM mahItale . 
trAtumarhati viprAgrya tapobalasamanvitaH .. 35..\\
giridurgeShu hi sadA desheShu viShameShu cha . 
vasanti rAkShasA raudrAstebhyo rakShetsadA bhavAn .. 36..\\
sa tatheti pratiGYAya lomashaH sumahAtapAH . 
kAmyaka.n vanamuddishya samupAyAnmahItalam .. 37..\\
dadarsha tatra kaunteya.n dharmarAjamarindamam . 
tApasairbhrAtR^ibhishchaiva sarvataH parivAritam .. 38..\\
\medskip\hrule\medskip\centerline{\Largedvng 46}
 j

atyadbhutamida.n karma pArthasyAmita tejasaH . 
dhR^itarAShTro mahAtejAH shrutvA vipra kimabravIt .. 1..\\

 vai

shakra lokagataM pArtha.n shrutvA rAjAmbikA sutaH . 
dvaipAyanAdR^iShishreShThAtsa~njaya.n vAkyamabravIt .. 2..\\
shrutaM me sUta kArtsnyena karma pArthasya dhImataH . 
kachchittavApi vidita.n yathAtathyena sArathe .. 3..\\
pramatto grAmyadharmeShu mandAtmA pApanishchayaH . 
mama putraH sudurbuddhiH pR^ithivI.n ghAtayiShyati .. 4..\\
yasya nityamR^itA vAchaH svaireShvapi mahAtmanaH . 
trailokyamapi tasya syAdyoddhA yasya dhana~njayaH .. 5..\\
asyataH karNinArAchA.nstIkShNAgrAMshcha shilAshitAn . 
ko.arjunasyAgratastiShThedapi mR^ityurjarAtigaH .. 6..\\
mama putrA durAtmAnaH sarve mR^ityuvasha.n gatAH . 
yeShA.n yuddha.n durAdharShaiH pANDavaiH pratyupasthitam .. 7..\\
tasyaiva cha na pashyAmi yudhi gANDIvadhanvanaH . 
anisha.n chintayAno.api ya enamudiyAdrathI .. 8..\\
droNakarNau pratIyAtA.n yadi bhIShmo.api vA raNe . 
mahAnsyAtsaMshayo loke na tu pashyAmi no jayam .. 9..\\
ghR^iNI karNaH pramAdI cha AchAryaH sthaviro guruH . 
amarShI balavAnpArthaH sa.nrambhI dR^iDhavikramaH .. 10..\\
bhavetsutumula.n yuddhaM sarvasho.apyaparAjitam . 
sarve hyastravidaH shUrAH sarve prAptA mahadyashaH .. 11..\\
api sarveshvaratva.n hi na vA~nchheranparAjitAH . 
vadhe nUnaM bhavechchhAntisteShA.n vA phalgunasya vA .. 12..\\
na tu hantArjunasyAsti jetA vAsya na vidyate . 
manyustasya katha.n shAmyenmandAnprati samutthitaH .. 13..\\
tridashesha samo vIraH khANDave.agnimatarpayat . 
jigAya pArthivAnsarvAnrAjasUye mahAkratau .. 14..\\
sheSha.n kuryAdgirervajraM nipatanmUrdhni sa~njaya . 
na tu kuryuH sharAH sheShamastAstAta kirITinA .. 15..\\
yathA hi kiraNA bhAnostapantIha charAcharam . 
tathA pArtha bhujotsR^iShTAH sharAstapsyanti me sutAn .. 16..\\
api vA rathaghoSheNa bhayArtA savyasAchinaH . 
pratibhAti vidIrNeva sarvato bhAratI chamUH .. 17..\\
yadudvapanpravapaMshchaiva bANAn 
sthAtAtatAyI samare kirITI . 
sR^iShTo.antakaH sarvaharo vidhAtrA 
bhavedyathA tadvadapAraNIyaH .. 18..\\

 s

yadetatkathita.n rAja.nstvayA duryodhanaM prati . 
sarvametadyathAttha tvaM naitanmithyA mahIpate .. 19..\\
manyunA hi samAviShTAH pANDavAste.amitaujasaH . 
dR^iShTvA kR^iShNA.n sabhAM nItA.n dharmapatnIM yashasvinIm .. 20..\\
duHshAsanasya tA vAchaH shrutvA te dAruNodayAH . 
karNasya cha mahArAja na svapsyantIti me matiH .. 21..\\
shruta.n hi te mahArAja yathA pArthena sa.nyuge . 
ekAdasha tanuH sthANurdhanuShA paritoShitaH .. 22..\\
kairAta.n veShamAsthAya yodhayAmAsa phalgunam . 
jiGYAsuH sarvadeveshaH kapardI bhagavAnsvayam .. 23..\\
tatraina.n lokapAlAste darshayAmAsurarjunam . 
astrahetoH parAkrAnta.n tapasA kauravarShabham .. 24..\\
naitadutsahate.anyo hi labdhumanyatra phalgunAt . 
sAkShAddarshanameteShAmIshvarANAM naro bhuvi .. 25..\\
maheshvareNa yo rAjanna jIrNo grastamUrtimAn . 
kastamutsahate vIra.n yuddhe jarayituM pumAn .. 26..\\
AsAditamida.n ghoraM tumula.n lomaharShaNam . 
draupadIM parikarShadbhiH kopayadbhishcha pANDavAn .. 27..\\
yatra visphuramANauShTho bhImaH prAha vacho mahat . 
dR^iShTvA duryodhanenorU draupadyA darshitAvubhau .. 28..\\
UrU bhetsyAmi te pApagadayA vajrakalpayA . 
trayodashAnA.n varShANAmante durdyUta devinaH .. 29..\\
sarve praharatA.n shreShThAH sarve chAmitatejasaH . 
sarve sarvAstravidvA.nso devairapi sudurjayAH .. 30..\\
manye manyusamuddhUtAH putrANA.n tava sa.nyuge . 
antaM pArthAH kariShyanti vIryAmarSha samanvitAH .. 31..\\

 dhr

ki.n kR^ita.n sUta karNena vadatA paruShaM vachaH . 
paryApta.n vairametAvadyatkR^iShNA sA sabhA.n gatA .. 32..\\
apIdAnIM mama sutAstiShTheranmandachetasaH . 
yeShAM bhrAtA gururjyeShTho vinaye nAvatiShThate .. 33..\\
mamApi vachana.n sUta na shushrUShati mandabhAk . 
dR^iShTvA mA.n chakShuShA hInaM nirvicheShTamachetanam .. 34..\\
ye chAsya sachivA mandAH karNa saubalakAdayaH . 
te.apyasya bhUyaso doShAnvardhayanti vichetasaH .. 35..\\
svairamuktA api sharAH pArthenAmita tejasA . 
nirdaheyurmama sutAnkiM punarmanyuneritAH .. 36..\\
pArtha bAhubalotsR^iShTA mahAchApa viniHsR^itAH . 
divyAstramantramuditAH sAdayeyuH surAnapi .. 37..\\
yasya mantrI cha goptA cha suhR^ichchaiva janArdanaH . 
haristrailokyanAthaH sa kiM nu tasya na nirjitam .. 38..\\
ida.n cha sumahachchitramarjunasyeha sa~njaya . 
mahAdevena bAhubhyA.n yatsameta iti shrutiH .. 39..\\
pratyakSha.n sarvalokasya khANDave yatkR^itaM purA . 
phalgunena sahAyArthe vahnerdAmodareNa cha .. 40..\\
sarvathA nAsti me putraH sAmAtyaH saha bAndhavaH . 
kruddhe pArthe cha bhIme cha vAsudeve cha sAtvate .. 41..\\
\medskip\hrule\medskip\centerline{\Largedvng 47}
 j

yadida.n shochitaM rAGYA dhR^itarAShTreNa vai mune . 
pravrAjya pANDavAnvIrAnsarvametannirarthakam .. 1..\\
katha.n hi rAjA putraM svamupekShetAlpa chetasam . 
duryodhanaM pANDuputrAnkopayAnaM mahArathAn .. 2..\\
kimAsItpANDuputrANA.n vane bhojanamuchyatAm . 
vAneyamatha vA kR^iShTametadAkhyAtu me bhavAn .. 3..\\

 vai

vAneya.n cha mR^igAMshchaiva shuddhairbANairnipAtitAn . 
brAhmaNAnAM nivedyAgramabhu~njanpuruSharShabhAH .. 4..\\
tA.nstu shUrAnmaheShvAsA.nstadA nivasato vane . 
anvayurbrAhmaNA rAjansAgnayo.ana~NgayastathA .. 5..\\
brAhmaNAnA.n sahasrANi snAtakAnAM mahAtmanAm . 
dasha mokShavidA.n tadvadyAnbibharti yudhiShThiraH .. 6..\\
rurUnkR^iShNamR^igAMshchaiva medhyAMshchAnyAnvanecharAn . 
bANairunmathya vidhivadbrAhmaNebhyo nyavedayat .. 7..\\
na tatra kashchiddurvarNo vyAdhito vApyadR^ishyata . 
kR^isho vA durbalo vApi dIno bhIto.api vA naraH .. 8..\\
putrAniva priyA~nGYAtInbhrAtR^Iniva sahodarAn . 
pupoSha kauravashreShTho dharmarAjo yudhiShThiraH .. 9..\\
patIMshcha draupadI sarvAndvijAMshchaiva yashasvinI . 
mAteva bhojayitvAgre shiShTamAhArayattadA .. 10..\\
prAchI.n rAjA dakShiNAM bhImaseno 
yamau pratIchImatha vApyudIchIm . 
dhanurdharA mA.nsahetormR^igANAM 
kShaya.n chakrurnityamevopagamya .. 11..\\
tathA teShA.n vasatA.n kAmyake vai 
vihInAnAmarjunenotsukAnAm . 
pa~nchaiva varShANi tadA vyatIyur 
adhIyatA.n japatAM juhvatAM cha .. 12..\\
\medskip\hrule\medskip\centerline{\Largedvng 48}
 vai

sudIrghamuShNaM niHshvasya dhR^itarAShTro.ambikA sutaH . 
abravItsa~njaya.n sUtamAmantrya bharatarShabha .. 1..\\
devaputrau mahAbhAgau devarAjasamadyutI . 
nakulaH sahadevashcha pANDavau yuddhadurmadau .. 2..\\
dR^iDhAyudhau dUrapAtau yuddhe cha kR^itanishchayau . 
shIghrahastau dR^iDhakrodhau nityayuktau tarasvinau .. 3..\\
bhImArjunau purodhAya yadA tau raNamUrdhani . 
sthAsyete si.nhavikrAntAvashvinAviva duHsahau . 
na sheShamiha pashyAmi tadA sainyasya sa~njaya .. 4..\\
tau hyapratirathau yuddhe devaputrau mahArathau . 
draupadyAstaM parikleshaM na kSha.nsyete tvamarShiNau .. 5..\\
vR^iShNayo vA maheShvAsA pA~nchAlA vA mahaujasaH . 
yudhi satyAbhisandhena vAsudevena rakShitAH . 
pradhakShyanti raNe pArthAH putrANAM mama vAhinIm .. 6..\\
rAma kR^iShNa praNItAnA.n vR^iShNInAM sUtanandana . 
na shakyaH sahitu.n vegaH parvatairapi sa.nyuge .. 7..\\
teShAM madhye maheShvAso bhImo bhImaparAkramaH . 
shakyayA vIra ghAtinyA gadayA vichariShyati .. 8..\\
tathA gANDIvanirghoSha.n visphUrjitamivAshaneH . 
gadA vega.n cha bhImasya nAla.n soDhuM narAdhipAH .. 9..\\
tato.aha.n suhR^idAM vAcho duryodhana vashAnugaH . 
smaraNIyAH smariShyAmi mayA yA na kR^itAH purA .. 10..\\

 s

vyatikramo.aya.n sumahA.nstvayA rAjannupekShitaH . 
samarthenApi yanmohAtputraste na nivAritaH .. 11..\\
shrutvA hi nirjitAndyUte pANDavAnmadhusUdanaH . 
tvaritaH kAmyake pArthAnsamabhAvayadachyutaH .. 12..\\
drupadasya tathA putrA dhR^iShTadyumnapurogamAH . 
virATo dhR^iShTaketushcha kekayAshcha mahArathAH .. 13..\\
taishcha yatkathita.n tatra dR^iShTvA pArthAnparAjitAn . 
chAreNa vidita.n sarva.n tanmayA veditaM cha te .. 14..\\
samAgamya vR^itastatra pANDavairmadhusUdanaH . 
sArathye phalgunasyAjau tathetyAha cha tAnhariH .. 15..\\
amarShito hi kR^iShNo.api dR^iShTvA pArthA.nstathAgatAn . 
kR^iShNAjinottarAsa~NgAnabravIchcha yudhiShThiram .. 16..\\
yA sA samR^iddhiH pArthAnAmindraprasthe babhUva ha . 
rAjasUye mayA dR^iShTA nR^ipairanyaiH sudurlabhA .. 17..\\
yatra sarvAnmahIpAlA~nshastratejo bhayArditAn . 
sava~NgA~NgAnsapauNDruDrAnsachola draviDAndhakAn .. 18..\\
sAgarAnUpagAMshchaiva ye cha pattanavAsinaH . 
si.nhalAnbarbarAnmlechchhAnye cha jA~NgalavAsinaH .. 19..\\
pashchimAni cha rAjyAni shatashaH sAgarAntikAn . 
pahlavAndaradAnsarvAnkirAtAnyavanA~nshakAn .. 20..\\
hArahUNAMshcha chInAMshcha tukhArAnsaindhavA.nstathA . 
jAguDAnramaThAnmuNDAnstrI rAjyAnatha ta~NgaNAn .. 21..\\
ete chAnye cha bahavo ye cha te bharatarShabha . 
AgatAnahamadrAkSha.n yaGYe te pariveShakAn .. 22..\\
sA te samR^iddhiryairAttA chapalA pratisAriNI . 
AdAya jIvita.n teShAmAhariShyAmi tAm aham .. 23..\\
rAmeNa saha kauravya bhImArjunayamaistathA . 
akrUra gada sAmbaishcha pradyumnenAhukena cha . 
dhR^iShTadyumnena vIreNa shishupAlAtmajena cha .. 24..\\
duryodhana.n raNe hatvA sadyaH karNa.n cha bhArata . 
duHshAsana.n saubaleyaM yashchAnyaH pratiyotsyate .. 25..\\
tatastva.n hAstinapure bhrAtR^ibhiH sahito vasan . 
dhArtarAShTrI.n shriyaM prApya prashAdhi pR^ithivImimAm .. 26..\\
athainamabravIdrAjA tasminvIra samAgame . 
shR^iNvatsu teShu sarveShu dhR^iShTadyumnamukheShu cha .. 27..\\
pratigR^ihNAmi te vAcha.n satyAmetA.n janArdana . 
amitrAnme mahAbAho sAnubandhAnhaniShyasi .. 28..\\
varShAttrayodashAdUrdhva.n satyaM mA.n kuru keshava . 
pratiGYAto vanevAso rAjamadhye mayA hyayam .. 29..\\
taddharmarAja vachanaM pratishrutya sabhA sadaH . 
dhR^iShTadyumna purogAste shamayAmAsura~njasA . 
keshavaM madhurairvAkyaiH kAlayuktairamarShitam .. 30..\\
pA~nchAlI.n chAhurakliShTA.n vAsudevasya shR^iNvataH . 
duryodhanastava krodhAddevi tyakShyati jIvitam . 
pratijAnIma te satyaM mA shucho varavarNini .. 31..\\
ye sma te kupitA.n kR^iShNe dR^iShTvA tvAM prAhasa.nstadA . 
mA.nsAni teShA.n khAdanto hasiShyanti mR^igadvijAH .. 32..\\
pAsyanti rudhira.n teShAM gR^idhrA gomAyavastathA . 
uttamA~NgAni karShanto yaistva.n kR^iShTA sabhA tale .. 33..\\
teShA.n drakShyasi pA~nchAli gAtrANi pR^ithivItale . 
kravyAdaiH kR^iShyamANAni bhakShyamANAni chAsakR^it .. 34..\\
parikliShTAsi yaistatra yaishchApi samupekShitA . 
teShAmutkR^itta shirasAM bhUmiH pAsyati shoNitam .. 35..\\
evaM bahuvidhA vAchastadochuH puruSharShabhAH . 
sarve tejasvinaH shUrAH sarve chAhatalakShaNAH .. 36..\\
te dharmarAjena vR^itA varShAdUrdhva.n trayodashAt . 
puraskR^ityopayAsyanti vAsudevaM mahArathAH .. 37..\\
rAmashcha kR^iShNashcha dhana~njayash cha 
pradyumna sAmbau yuyudhAna bhImau . 
mAdrI sutau kekayarAjaputrAH 
pA~nchAla putrAH sahadharmarAGYA .. 38..\\
etAnsarvA.NllokavIrAnajeyAn 
mahAtmanaH sAnubandhAnsasainyAn . 
ko jIvitArthI samare pratyudIyAt 
kruddhAnsi.nhAnkesariNo yathaiva .. 39..\\

 dhr

yanmAbravIdviduro dyUtakAle 
tvaM pANDavA~njeShyasi chennarendra . 
dhruva.n kurUNAmayamantakAlo 
mahAbhayo bhavitA shoNitaughaH .. 40..\\
manye tathA tadbhaviteti sUta 
yathA kShattA prAha vachaH purA mAm . 
asaMshayaM bhavitA yuddhametad 
gate kAle pANDavAnA.n yathoktam .. 41..\\
\medskip\hrule\medskip\centerline{\Largedvng 49}
 j

astrahetorgate pArthe shakra lokaM mahAtmani . 
yudhiShThiraprabhR^itayaH kimakurvanta pANDavAH .. 1..\\

 v

astrahetorgate pArthe shakra lokaM mahAtmani . 
nyavasankR^iShNayA sArdha.n kAmyake puruSharShabhAH .. 2..\\
tataH kadA chidekAnte vivikta iva shAdvale . 
duHkhArtA bharatashreShThA niSheduH saha kR^iShNayA . 
dhana~njaya.n shochamAnAH sAshrukaNThAH suduHkhitAH .. 3..\\
tadviyogAddhi tAnsarvA~nshokaH samabhipupluve . 
dhana~njaya viyogAchcha rAjyanAshAshcha duHkhitAH .. 4..\\
atha bhImo mahAbAhuryudhiShThiramabhAShata . 
nideshAtte mahArAja gato.asau puruSharShabhaH . 
arjunaH pANDuputrANA.n yasminprANAH pratiShThitAH .. 5..\\
yasminvinaShTe pA~nchAlAH saha putraistathA vayam . 
sAtyakirvAsudevashcha vinashyeyurasaMshayam .. 6..\\
yo.asau gachchhati tejasvI bahUnkleshAnachintayan . 
bhavanniyogAdbIbhatsustato duHkhataraM nu kim .. 7..\\
yasya bAhU samAshritya vaya.n sarve mahAtmanaH . 
manyAmahe jitAnAjau parAnprAptA.n cha medinIm .. 8..\\
yasya prabhAvAnna mayA sabhAmadhye dhanuShmataH . 
nItA lokamamu.n sarve dhArtarAShTrAH sa saubalAH .. 9..\\
te vayaM bAhubalinaH krodhamutthitamAtmanaH . 
sahAmahe bhavanmUla.n vAsudevena pAlitAH .. 10..\\
vaya.n hi saha kR^iShNena hatvA karNa mukhAnparAn . 
svabAhuvijitA.n kR^itsnAM prashAsema vasundharAm .. 11..\\
bhavato dyUtadoSheNa sarve vayamupaplutAH . 
ahIna pauruShA rAjanbalibhirbalavattamAH .. 12..\\
kShAtra.n dharmaM mahArAja samavekShitumarhasi . 
na hi dharmo mahArAja kShatriyasya vanAshrayaH . 
rAjyameva para.n dharmaM kShatriyasya vidurbudhAH .. 13..\\
sa kShatradharmavidrAjanmA dharmyAnnInashaH pathaH . 
prAgdvAdasha samA rAjandhArtarAShTrAnnihanmahi .. 14..\\
nivartya cha vanAtpArthamAnAyya cha janArdanam . 
vyUDhAnIkAnmahArAja javenaiva mahAhave . 
dhArtarAShTrAnamu.n loka.n gamayAmi vishAM pate .. 15..\\
sarvAnaha.n haniShyAmi dhArtarAShTrAnsa saubalAn . 
duryodhana.n cha karNaM cha yo vAnyaH pratiyotsyate .. 16..\\
mayA prashamite pashchAttvameShyasi vanAtpunaH . 
eva.n kR^ite na te doSho bhaviShyati vishAM pate .. 17..\\
yaGYaishcha vividhaistAta kR^itaM pApamarindama . 
avadhUya mahArAja gachchhema svargamuttamam .. 18..\\
evametadbhavedrAjanyadi rAjA na bAlishaH . 
asmAka.n dIrghasUtraH syAdbhavAndharmaparAyaNaH .. 19..\\
nikR^ityA nikR^itipraGYA hantavyA iti nishchayaH . 
na hi naikR^itika.n hatvA nikR^ityA pApamuchyate .. 20..\\
tathA bhArata dharmeShu dharmaGYairiha dR^ishyate . 
ahorAtraM mahArAja tulya.n sa.nvatsareNa hi .. 21..\\
tathaiva veda vachana.n shrUyate nityadA vibho . 
sa.nvatsaro mahArAja pUrNo bhavati kR^ichchhrataH .. 22..\\
yadi vedAH pramANa.n te divasAdUrdhvamachyuta . 
trayodasha samAH kAlo GYAyatAM pariniShThitaH .. 23..\\
kAlo duryodhana.n hantuM sAnubandhamarindama . 
ekAgrAM pR^ithivI.n sarvAM purA rAjankaroti saH .. 24..\\
evaM bruvANaM bhIma.n tu dharmarAjo yudhiShThiraH . 
uvAcha sAntvayanrAjA mUrdhnyupAghrAya pANDavam .. 25..\\
asaMshayaM mahAbAho haniShyasi suyodhanam . 
varShAttrayodashAdUrdhva.n saha gANDIvadhanvanA .. 26..\\
yachcha mA bhAShase pArtha prAptaH kAla iti prabho . 
anR^itaM notsahe vaktuM na hyetanmayi vidyate .. 27..\\
antareNApi kaunteya nikR^itiM pApanishchayam . 
hantA tvamasi durdharSha sAnubandha.n suyodhanam .. 28..\\
evaM bruvati bhIma.n tu dharmarAje yudhiShThire . 
AjagAma mahAbhAgo bR^ihadashvo mahAnR^iShiH .. 29..\\
tamabhiprekShya dharmAtmA samprApta.n dharmachAriNam . 
shAstravanmadhuparkeNa pUjayAmAsa dharmarAT .. 30..\\
Ashvasta.n chainamAsInamupAsIno yudhiShThiraH . 
abhiprekShya mahAbAhuH kR^ipaNaM bahvabhAShata .. 31..\\
akShadyUtena bhagavandhana.n rAjya.n cha me hR^itam . 
AhUya nikR^itipraGYaiH kitavairakShakovidaiH .. 32..\\
anakSha GYasya hi sato nikR^ityA pApanishchayaiH . 
bhAryA cha me sabhAM nItA prANebhyo.api garIyasI .. 33..\\
asti rAjA mayA kashchidalpabhAgyataro bhuvi . 
bhavatA dR^iShTapUrvo vA shrutapUrvo.api vA bhavet . 
na matto duHkhitataraH pumAnastIti me matiH .. 34..\\

 b

yadbravIShi mahArAja na matto vidyate kva chit . 
alpabhAgyataraH kashchitpumAnastIti pANDava .. 35..\\
atra te kathayiShyAmi yadi shushrUShase.anagha . 
yastvatto duHkhitataro rAjAsItpR^ithivIpate .. 36..\\
athainamabravIdrAjA bravItu bhagavAniti . 
imAmavasthA.n samprAptaM shrotumichchhAmi pArthiva .. 37..\\

 b

shR^iNu rAjannavahitaH saha bhrAtR^ibhirachyuta . 
yastvatto duHkhitataro rAjAsItpR^ithivIpate .. 38..\\
niShadheShu mahIpAlo vIrasena iti sma ha . 
tasya putro.abhavannAmnA nalo dharmArthadarshivAn .. 39..\\
sa nikR^ityA jito rAjA puShkareNeti naH shrutam . 
vanavAsamaduHkhArho bhAryayA nyavasatsaha .. 40..\\
na tasyAshvo na cha ratho na bhrAtA na cha bAndhavAH . 
vane nivasato rAja~nshiShyante sma kadA chana .. 41..\\
bhavAnhi sa.nvR^ito vIrairbhrAtR^ibhirdeva saMmitaiH . 
brahmakalpairdvijAgryaishcha tasmAnnArhasi shochitum .. 42..\\

 y

vistareNAhamichchhAmi nalasya sumahAtmanaH . 
charita.n vadatAM shreShTha tanmamAkhyAtumarhasi .. 43..\\
\medskip\hrule\medskip\centerline{\Largedvng 50}
 bR^ihadashva uvAcha

AsIdrAjA nalo nAma vIrasenasuto balI . 
upapanno guNairiShTai rUpavAnashvakovidaH .. 1..\\
atiShThanmanujendrANAM mUrdhni devapatiryathA . 
uparyupari sarveShAmAditya iva tejasA .. 2..\\
brahmaNyo vedavichchhUro niShadheShu mahIpatiH . 
akShapriyaH satyavAdI mahAnakShauhiNIpatiH .. 3..\\
Ipsito varanArINAmudAraH sa.nyatendriyaH . 
rakShitA dhanvinA.n shreShThaH sAkShAdiva manuH svayam .. 4..\\
tathaivAsIdvidarbheShu bhImo bhImaparAkramaH . 
shUraH sarvaguNairyuktaH prajAkAmaH sa chAprajaH .. 5..\\
sa prajArthe para.n yatnamakarotsusamAhitaH . 
tamabhyagachchhadbrahmarShirdamano nAma bhArata .. 6..\\
ta.n sa bhImaH prajAkAmastoShayAmAsa dharmavit . 
mahiShyA saha rAjendra satkAreNa suvarchasam .. 7..\\
tasmai prasanno damanaH sabhAryAya vara.n dadau . 
kanyAratna.n kumArAMshcha trInudArAnmahAyashAH .. 8..\\
damayantI.n damaM dAntaM damanaM cha suvarchasam . 
upapannAnguNaiH sarvairbhImAnbhImaparAkramAn .. 9..\\
damayantI tu rUpeNa tejasA yashasA shriyA . 
saubhAgyena cha lokeShu yashaH prApa sumadhyamA .. 10..\\
atha tA.n vayasi prApte dAsInAM samala~NkR^itam . 
shata.n sakhInA.n cha tathA paryupAste shachIm iva .. 11..\\
tatra sma bhrAjate bhaimI sarvAbharaNabhUShitA . 
sakhImadhye.anavadyA~NgI vidyutsaudAminI yathA . 
atIva rUpasampannA shrIrivAyatalochanA .. 12..\\
na deveShu na yakSheShu tAdR^igrUpavatI kva chit . 
mAnuseShvapi chAnyeShu dR^iShTapUrvA na cha shrutA . 
chittapramAthinI bAlA devAnAmapi sundarI .. 13..\\
nalashcha narashArdUlo rUpeNApratimo bhuvi . 
kandarpa iva rUpeNa mUrtimAnabhavatsvayam .. 14..\\
tasyAH samIpe tu nalaM prashasha.nsuH kutUhalAt . 
naiShadhasya samIpe tu damayantIM punaH punaH .. 15..\\
tayoradR^iShTakAmo.abhUchchhR^iNvatoH satata.n guNAn . 
anyonyaM prati kaunteya sa vyavardhata hR^ichchhayaH .. 16..\\
ashaknuvannalaH kAma.n tadA dhArayitu.n hR^idA . 
antaHpurasamIpasthe vana Aste rahogataH .. 17..\\
sa dadarsha tadA ha.nsA~njAtarUpaparichchhadAn . 
vane vicharatA.n teShAmekaM jagrAha pakShiNam .. 18..\\
tato.antarikShago vAcha.n vyAjahAra tadA nalam . 
na hantavyo.asmi te rAjankariShyAmi hi te priyam .. 19..\\
damayantIsakAshe tvA.n kathayiShyAmi naiShadha . 
yathA tvadanyaM puruShaM na sA ma.nsyati karhi chit .. 20..\\
evamuktastato ha.nsamutsasarja mahIpatiH . 
te tu ha.nsAH samutpatya vidarbhAnagama.nstataH .. 21..\\
vidarbhanagarI.n gatvA damayantyAstadAntike . 
nipetuste garutmantaH sA dadarshAtha tAnkhagAn .. 22..\\
sA tAnadbhutarUpAnvai dR^iShTvA sakhigaNAvR^itA . 
hR^iShTA grahItu.n khagamA.nstvaramANopachakrame .. 23..\\
atha ha.nsA visasR^ipuH sarvataH pramadAvane . 
ekaikashastataH kanyAstAnha.nsAnsamupAdravan .. 24..\\
damayantI tu ya.n ha.nsaM samupAdhAvadantike . 
sa mAnuShI.n giraM kR^itvA damayantImathAbravIt .. 25..\\
damayanti nalo nAma niShadheShu mahIpatiH . 
ashvinoH sadR^isho rUpe na samAstasya mAnuShAH .. 26..\\
tasya vai yadi bhAryA tvaM bhavethA varavarNini . 
saphala.n te bhavejjanma rUpaM cheda.n sumadhyame .. 27..\\
vaya.n hi devagandharvamanuShyoragarAkShasAn . 
dR^iShTavanto na chAsmAbhirdR^iShTapUrvastathAvidhaH .. 28..\\
tva.n chApi ratnaM nArINAM nareShu cha nalo varaH . 
vishiShTAyA vishiShTena sa~Ngamo guNavAnbhavet .. 29..\\
evamuktA tu ha.nsena damayantI vishAM pate . 
abravIttatra ta.n ha.nsa.n tamapyevaM nalaM vada .. 30..\\
tathetyuktvANDajaH kanyA.n vaidarbhasya vishAM pate . 
punarAgamya niShadhAnnale sarvaM nyavedayat .. 31..\\
\medskip\hrule\medskip\centerline{\Largedvng 51}
 bR^ihadashva uvAcha

damayantI tu tachchhrutvA vacho ha.nsasya bhArata . 
tadA prabhR^iti na svasthA nalaM prati babhUva sA .. 1..\\
tatashchintAparA dInA vivarNavadanA kR^ishA . 
babhUva damayantI tu niHshvAsaparamA tadA .. 2..\\
UrdhvadR^iShTirdhyAnaparA babhUvonmatta darshanA . 
na shayyAsanabhogeShu rati.n vindati karhi chit .. 3..\\
na naktaM na divA shete hA heti vadatI muhuH . 
tAmasvasthA.n tadAkArA.n sakhyastA jaGYuri~NgitaiH .. 4..\\
tato vidarbhapataye damayantyAH sakhIgaNaH . 
nyavedayata na svasthA.n damayantIM nareshvara .. 5..\\
tachchhrutvA nR^ipatirbhImo damayantIsakhIgaNAt . 
chintayAmAsa tatkArya.n sumahatsvAM sutAM prati .. 6..\\
sa samIkShya mahIpAlaH svA.n sutAM prAptayauvanAm . 
apashyadAtmanaH kArya.n damayantyAH svaya.nvaram .. 7..\\
sa saMnipAtayAmAsa mahIpAlAnvishAM pate . 
anubhUyatAmaya.n vIrAH svaya.nvara iti prabho .. 8..\\
shrutvA tu pArthivAH sarve damayantyAH svaya.nvaram . 
abhijagmustadA bhIma.n rAjAno bhImashAsanAt .. 9..\\
hastyashvarathaghoSheNa nAdayanto vasundharAm . 
vichitramAlyAbharaNairbalairdR^ishyaiH svala~NkR^itaiH .. 10..\\
etasminneva kAle tu purANAvR^iShisattamau . 
aTamAnau mahAtmAnAvindralokamito gatau .. 11..\\
nAradaH parvatashchaiva mahAtmAnau mahAvratau . 
devarAjasya bhavana.n vivishAte supUjitau .. 12..\\
tAvarchitvA sahasrAkShastataH kushalamavyayam . 
paprachchhAnAmaya.n chApi tayoH sarvagata.n vibhuH .. 13..\\

 nArada uvAcha

AvayoH kushala.n deva sarvatragatamIshvara . 
loke cha maghavankR^itsne nR^ipAH kushalino vibho .. 14..\\

 bR^ihadashva uvAcha

nAradasya vachaH shrutvA paprachchha balavR^itrahA . 
dharmaGYAH pR^ithivIpAlAstyaktajIvitayodhinaH .. 15..\\
shastreNa nidhana.n kAle ye gachchhantyaparA~NmukhAH . 
aya.n loko.akShayasteShAM yathaiva mama kAmadhuk .. 16..\\
kva nu te kShatriyAH shUrA na hi pashyAmi tAnaham . 
Agachchhato mahIpAlAnatithIndayitAnmama .. 17..\\
evamuktastu shakreNa nAradaH pratyabhAShata . 
shR^iNu me bhagavanyena na dR^ishyante mahIkShitaH .. 18..\\
vidarbharAjaduhitA damayantIti vishrutA . 
rUpeNa samatikrAntA pR^ithivyA.n sarvayoShitaH .. 19..\\
tasyAH svaya.nvaraH shakra bhavitA nachirAdiva . 
tatra gachchhanti rAjAno rAjaputrAshcha sarvashaH .. 20..\\
tA.n ratnabhUtAM lokasya prArthayanto mahIkShitaH . 
kA~NkShanti sma visheSheNa balavR^itraniShUdana .. 21..\\
etasminkathyamAne tu lokapAlAshcha sAgnikAH . 
AjagmurdevarAjasya samIpamamarottamAH .. 22..\\
tatastachchhushruvuH sarve nAradasya vacho mahat . 
shrutvA chaivAbruvanhR^iShTA gachchhAmo vayamapyuta .. 23..\\
tataH sarve mahArAja sagaNAH sahavAhanAH . 
vidarbhAnabhito jagmuryatra sarve mahIkShitaH .. 24..\\
nalo.api rAjA kaunteya shrutvA rAGYA.n samAgamam . 
abhyagachchhadadInAtmA damayantImanuvrataH .. 25..\\
atha devAH pathi nala.n dadR^ishurbhUtale sthitam . 
sAkShAdiva sthitaM mUrtyA manmatha.n rUpasampadA .. 26..\\
ta.n dR^iShTvA lokapAlAste bhrAjamAna.n yathA ravim . 
tasthurvigatasa~NkalpA vismitA rUpasampadA .. 27..\\
tato.antarikShe viShTabhya vimAnAni divaukasaH . 
abruvannaiShadha.n rAjannavatIrya nabhastalAt .. 28..\\
bho bho naiShadha rAjendra nala satyavrato bhavAn . 
asmAka.n kuru sAhAyyaM dUto bhava narottama .. 29..\\
\medskip\hrule\medskip\centerline{\Largedvng 52}
 bR^ihadashva uvAcha

tebhyaH pratiGYAya nalaH kariShya iti bhArata . 
athainAnparipaprachchha kR^itA~njaliravasthitaH .. 1..\\
ke vai bhavantaH kashchAsau yasyAha.n dUta IpsitaH . 
ki.n cha tatra mayA kAryaM kathayadhva.n yathAtatham .. 2..\\
evamukte naiShadhena maghavAnpratyabhAShata . 
amarAnvai nibodhAsmAndamayantyarthamAgatAn .. 3..\\
ahamindro.ayamagnishcha tathaivAyamapAM patiH . 
sharIrAntakaro nR^INA.n yamo.ayamapi pArthiva .. 4..\\
sa vai tvamAgatAnasmAndamayantyai nivedaya . 
lokapAlAH sahendrAstvA.n samAyAnti didR^ikShavaH .. 5..\\
prAptumichchhanti devAstvA.n shakro.agnirvaruNo yamaH . 
teShAmanyatama.n devaM patitve varayasva ha .. 6..\\
evamuktaH sa shakreNa nalaH prA~njalirabravIt . 
ekArthasamavetaM mAM na preShayitumarhatha .. 7..\\

 devA UchuH

kariShya iti saMshrutya pUrvamasmAsu naiShadha . 
na kariShyasi kasmAttva.n vraja naiShadha mAchiram .. 8..\\

 bR^ihadashva uvAcha

evamuktaH sa devaistairnaiShadhaH punarabravIt . 
surakShitAni veshmAni praveShTu.n kathamutsahe .. 9..\\
pravekShyasIti ta.n shakraH punarevAbhyabhAShata . 
jagAma sa tathetyuktvA damayantyA niveshanam .. 10..\\
dadarsha tatra vaidarbhI.n sakhIgaNasamAvR^itAm . 
dedIpyamAnA.n vapuShA shriyA cha varavarNinIm .. 11..\\
atIva sukumArA~NgI.n tanumadhyA.n sulochanAm . 
AkShipantImiva cha bhAH shashinaH svena tejasA .. 12..\\
tasya dR^iShTvaiva vavR^idhe kAmastA.n chAruhAsinIm . 
satya.n chikIrShamANastu dhArayAmAsa hR^ichchhayam .. 13..\\
tatastA naiShadha.n dR^iShTvA sambhrAntAH paramA~NganAH . 
AsanebhyaH samutpetustejasA tasya dharShitAH .. 14..\\
prashasha.nsushcha suprItA nala.n tA vismayAnvitAH . 
na chainamabhyabhAShanta manobhistvabhyachintayan .. 15..\\
aho rUpamaho kAntiraho dhairyaM mahAtmanaH . 
ko.aya.n devo nu yakSho nu gandharvo nu bhaviShyati .. 16..\\
na tvena.n shaknuvanti sma vyAhartumapi ki.n chana . 
tejasA dharShitAH sarvA lajjAvatyo varA~NganAH .. 17..\\
athaina.n smayamAneva smitapUrvAbhibhAShiNI . 
damayantI nala.n vIramabhyabhAShata vismitA .. 18..\\
kastva.n sarvAnavadyA~Nga mama hR^ichchhayavardhana . 
prApto.asyamaravadvIra GYAtumichchhAmi te.anagha .. 19..\\
kathamAgamana.n cheha kathaM chAsi na lakShitaH . 
surakShita.n hi me veshma rAjA chaivograshAsanaH .. 20..\\
evamuktastu vaidarbhyA nalastAM pratyuvAcha ha . 
nalaM mA.n viddhi kalyANi devadUtamihAgatam .. 21..\\
devAstvAM prAptumichchhanti shakro.agnirvaruNo yamaH . 
teShAmanyatama.n devaM pati.n varaya shobhane .. 22..\\
teShAmeva prabhAvena praviShTo.ahamalakShitaH . 
pravishanta.n hi mA.n kashchinnApashyannApyavArayat .. 23..\\
etadarthamahaM bhadre preShitaH surasattamaiH . 
etachchhrutvA shubhe buddhiM prakuruShva yathechchhasi .. 24..\\
\medskip\hrule\medskip\centerline{\Largedvng 53}
 bR^ihadashva uvAcha

sA namaskR^itya devebhyaH prahasya nalamabravIt . 
praNayasva yathAshraddha.n rAjanki.n karavANi te .. 1..\\
aha.n chaiva hi yachchAnyanmamAsti vasu kiM chana . 
sarva.n tattava vishrabdhaM kuru praNayamIshvara .. 2..\\
ha.nsAnA.n vachanaM yattattanmA.n dahati pArthiva . 
tvatkR^ite hi mayA vIra rAjAnaH saMnipAtitAH .. 3..\\
yadi chedbhajamAnAM mAM pratyAkhyAsyasi mAnada . 
viShamagni.n jala.n rajjumAsthAsye tava kAraNAt .. 4..\\
evamuktastu vaidarbhyA nalastAM pratyuvAcha ha . 
tiShThatsu lokapAleShu kathaM mAnuShamichchhasi .. 5..\\
yeShAmaha.n lokakR^itAmIshvarANAM mahAtmanAm . 
na pAdarajasA tulyo manaste teShu vartatAm .. 6..\\
vipriya.n hyAcharanmartyo devAnAM mR^ityumR^ichchhati . 
trAhi mAmanavadyA~Ngi varayasva surottamAn .. 7..\\
tato bAShpakalA.n vAcha.n damayantI shuchismitA . 
pravyAharantI shanakairnala.n rAjAnamabravIt .. 8..\\
astyupAyo mayA dR^iShTo nirapAyo nareshvara . 
yena doSho na bhavitA tava rAjankatha.n chana .. 9..\\
tva.n chaiva hi narashreShTha devAshchAgnipurogamAH . 
AyAntu sahitAH sarve mama yatra svaya.nvaraH .. 10..\\
tato.aha.n lokapAlAnAM saMnidhau tvAM nareshvara . 
varayiShye naravyAghra naiva.n doSho bhaviShyati .. 11..\\
evamuktastu vaidarbhyA nalo rAjA vishAM pate . 
AjagAma punastatra yatra devAH samAgatAH .. 12..\\
tamapashya.nstathAyAnta.n lokapAlAH saheshvarAH . 
dR^iShTvA chaina.n tato.apR^ichchhanvR^ittAnta.n sarvameva tat .. 13..\\

 devA UchuH

kachchiddR^iShTA tvayA rAjandamayantI shuchismitA . 
kimabravIchcha naH sarvAnvada bhUmipate.anagha .. 14..\\

 nala uvAcha

bhavadbhirahamAdiShTo damayantyA niveshanam . 
praviShTaH sumahAkakShya.n daNDibhiH sthavirairvR^itam .. 15..\\
pravishanta.n cha mAM tatra na kashchiddR^iShTavAnnaraH . 
R^ite tAM pArthivasutAM bhavatAmeva tejasA .. 16..\\
sakhyashchAsyA mayA dR^iShTAstAbhishchApyupalakShitaH . 
vismitAshchAbhavandR^iShTvA sarvA mA.n vibudheshvarAH .. 17..\\
varNyamAneShu cha mayA bhavatsu ruchirAnanA . 
mAmeva gatasa~NkalpA vR^iNIte surasattamAH .. 18..\\
abravIchchaiva mAM bAlA AyAntu sahitAH surAH . 
tvayA saha narashreShTha mama yatra svaya.nvaraH .. 19..\\
teShAmaha.n saMnidhau tvAM varayiShye narottama . 
eva.n tava mahAbAho doSho na bhaviteti ha .. 20..\\
etAvadeva vibudhA yathAvR^ittamudAhR^itam . 
mayAsheShaM pramANa.n tu bhavantastridasheshvarAH .. 21..\\
\medskip\hrule\medskip\centerline{\Largedvng 54}
 bR^ihadashva uvAcha

atha kAle shubhe prApte tithau puNye kShaNe tathA . 
AjuhAva mahIpAlAnbhImo rAjA svaya.nvare .. 1..\\
tachchhrutvA pR^ithivIpAlAH sarve hR^ichchhayapIDitAH . 
tvaritAH samupAjagmurdamayantImabhIpsavaH .. 2..\\
kanakastambharuchira.n toraNena virAjitam . 
vivishuste mahAra~NgaM nR^ipAH si.nhA ivAchalam .. 3..\\
tatrAsaneShu vividheShvAsInAH pR^ithivIkShitaH . 
surabhisragdharAH sarve sumR^iShTamaNikuNDalAH .. 4..\\
tA.n rAjasamitiM pUrNAM nAgairbhogavatIm iva . 
sampUrNAM puruShavyAghrairvyAghrairgiriguhAm iva .. 5..\\
tatra sma pInA dR^ishyante bAhavaH parighopamAH . 
AkAravantaH sushlakShNAH pa~nchashIrShA ivoragAH .. 6..\\
sukeshAntAni chArUNi sunAsAni shubhAni cha . 
mukhAni rAGYA.n shobhante nakShatrANi yathA divi .. 7..\\
damayantI tato ra~NgaM pravivesha shubhAnanA . 
muShNantI prabhayA rAGYA.n chakShU.nsi cha manA.nsi cha .. 8..\\
tasyA gAtreShu patitA teShA.n dR^iShTirmahAtmanAm . 
tatra tatraiva saktAbhUnna chachAla cha pashyatAm .. 9..\\
tataH sa~NkIrtyamAneShu rAGYAM nAmasu bhArata . 
dadarsha bhaimI puruShAnpa~ncha tulyAkR^itIniva .. 10..\\
tAnsamIkShya tataH sarvAnnirvisheShAkR^itInsthitAn . 
sandeshAdatha vaidharbhI nAbhyajAnAnnalaM nR^ipam . 
ya.n yaM hi dadR^ishe teShA.n taM taM mene nalaM nR^ipam .. 11..\\
sA chintayantI buddhyAtha tarkayAmAsa bhAminI . 
kathaM nu devA~njAnIyA.n katha.n vidyAM nalaM nR^ipam .. 12..\\
eva.n sa~ncintayantI sA vaidarbhI bhR^ishaduHkhitA . 
shrutAni devali~NgAni chintayAmAsa bhArata .. 13..\\
devAnA.n yAni li~NgAni sthavirebhyaH shrutAni me . 
tAnIha tiShThatAM bhUmAvekasyApi na lakShaye .. 14..\\
sA vinishchitya bahudhA vichArya cha punaH punaH . 
sharaNaM prati devAnAM prAptakAlamamanyata .. 15..\\
vAchA cha manasA chaiva namaH kAraM prayujya sA . 
devebhyaH prA~njalirbhUtvA vepamAnedamabravIt .. 16..\\
ha.nsAnA.n vachanaM shrutvA yathA me naiShadho vR^itaH . 
patitve tena satyena devAstaM pradishantu me .. 17..\\
vAchA cha manasA chaiva yathA nAbhicharAmyaham . 
tena satyena vibudhAstameva pradishantu me .. 18..\\
yathA devaiH sa me bhartA vihito niShadhAdhipaH . 
tena satyena me devAstameva pradishantu me .. 19..\\
sva.n chaiva rUpaM puShyantu lokapAlAH saheshvarAH . 
yathAhamabhijAnIyAM puNyashlokaM narAdhipam .. 20..\\
nishamya damayantyAstatkaruNaM paridevitam . 
nishchayaM parama.n tathyamanurAgaM cha naiShadhe .. 21..\\
manovishuddhiM buddhi.n cha bhakti.n rAgaM cha bhArata . 
yathokta.n chakrire devAH sAmarthya.n li~NgadhAraNe .. 22..\\
sApashyadvibudhAnsarvAnasvedAnstabdhalochanAn . 
hR^iShitasragrajohInAnsthitAnaspR^ishataH kShitim .. 23..\\
chhAyAdvitIyo mlAnasragrajaHsvedasamanvitaH . 
bhUmiShTho naiShadhashchaiva nimeSheNa cha sUchitaH .. 24..\\
sA samIkShya tato devAnpuNyashloka.n cha bhArata . 
naiShadha.n varayAmAsa bhaimI dharmeNa bhArata .. 25..\\
vilajjamAnA vastrAnte jagrAhAyatalochanA . 
skandhadeshe.asR^ijachchAsya srajaM paramashobhanAm . 
varayAmAsa chaivainaM patitve varavarNinI .. 26..\\
tato hA heti sahasA shabdo mukto narAdhipaiH . 
devairmaharShibhishchaiva sAdhu sAdhviti bhArata . 
vismitairIritaH shabdaH prasha.nsadbhirnalaM nR^ipam .. 27..\\
vR^ite tu naiShadhe bhaimyA lokapAlA mahaujasA . 
prahR^iShTamanasaH sarve nalAyAShTau varAndaduH .. 28..\\
pratyakShadarshana.n yaGYe gati.n chAnuttamAM shubhAm . 
naiShadhAya dadau shakraH prIyamANaH shachIpatiH .. 29..\\
agnirAtmabhavaM prAdAdyatra vA~nchhati naiShadhaH . 
lokAnAtmaprabhAMshchaiva dadau tasmai hutAshanaH .. 30..\\
yamastvannarasaM prAdAddharme cha paramA.n sthitim . 
apAM patirapAM bhAva.n yatra vA~nchhati naiShadhaH .. 31..\\
sraja.n chottamagandhADhyA.n sarve cha mithunaM daduH . 
varAnevaM pradAyAsya devAste tridiva.n gatAH .. 32..\\
pArthivAshchAnubhUyAsya vivAha.n vismayAnvitAH . 
damayantyAH pramuditAH pratijagmuryathAgatam .. 33..\\
avApya nArIratna.n tatpuNyashloko.api pArthivaH . 
reme saha tayA rAjA shachyeva balavR^itrahA .. 34..\\
atIva mudito rAjA bhrAjamAno.aMshumAniva . 
ara~njayatprajA vIro dharmeNa paripAlayan .. 35..\\
Ije chApyashvamedhena yayAtiriva nAhuShaH . 
anyaishcha kratubhirdhImAnbahubhishchAptadakShiNaiH .. 36..\\
punashcha ramaNIyeShu vaneShUpavaneShu cha . 
damayantyA saha nalo vijahArAmaropamaH .. 37..\\
eva.n sa yajamAnashcha viharaMshcha narAdhipaH . 
rarakSha vasusampUrNA.n vasudhAM vasudhAdhipaH .. 38..\\
\medskip\hrule\medskip\centerline{\Largedvng 55}
 bR^ihadashva uvAcha

vR^ite tu naiShadhe bhaimyA lokapAlA mahaujasaH . 
yAnto dadR^ishurAyAnta.n dvAparaM kalinA saha .. 1..\\
athAbravItkali.n shakraH samprekShya balavR^itrahA . 
dvApareNa sahAyena kale brUhi kva yAsyasi .. 2..\\
tato.abravItkaliH shakra.n damayantyAH svaya.nvaram . 
gatvAha.n varayiShye tAM mano hi mama tadgatam .. 3..\\
tamabravItprahasyendro nirvR^ittaH sa svaya.nvaraH . 
vR^itastayA nalo rAjA patirasmatsamIpataH .. 4..\\
evamuktastu shakreNa kaliH kopasamanvitaH . 
devAnAmantrya tAnsarvAnuvAcheda.n vachastadA .. 5..\\
devAnAM mAnuShaM madhye yatsA patimavindata . 
nanu tasyA bhavennyAyya.n vipula.n daNDadhAraNam .. 6..\\
evamukte tu kalinA pratyUchuste divaukasaH . 
asmAbhiH samanuGYAto damayantyA nalo vR^itaH .. 7..\\
kashcha sarvaguNopetaM nAshrayeta nalaM nR^ipam . 
yo veda dharmAnakhilAnyathAvachcharitavrataH .. 8..\\
yasminsatya.n dhR^itirdAnaM tapaH shauchaM damaH shamaH . 
dhruvANi puruShavyAghre lokapAlasame nR^ipe .. 9..\\
AtmAna.n sa shapenmUDho hanyAchchAtmAnamAtmanA . 
eva~NguNaM nala.n yo vai kAmayechchhapitu.n kale .. 10..\\
kR^ichchhre sa narake majjedagAdhe vipule.aplave . 
evamuktvA kali.n devA dvAparaM cha diva.n yayuH .. 11..\\
tato gateShu deveShu kalirdvAparamabravIt . 
sa.nhartuM notsahe kopaM nale vatsyAmi dvApara .. 12..\\
bhraMshayiShyAmi ta.n rAjyAnna bhaimyA saha ra.nsyate . 
tvamapyakShAnsamAvishya kartu.n sAhAyyamarhasi .. 13..\\
\medskip\hrule\medskip\centerline{\Largedvng 56}
 bR^ihadashva uvAcha

eva.n sa samaya.n kR^itvA dvApareNa kaliH saha . 
AjagAma tatastatra yatra rAjA sa naiShadhaH .. 1..\\
sa nityamantaraprekShI niShadheShvavasachchiram . 
athAsya dvAdashe varShe dadarsha kalirantaram .. 2..\\
kR^itvA mUtramupaspR^ishya sandhyAmAste sma naiShadhaH . 
akR^itvA pAdayoH shaucha.n tatrainaM kalirAvishat .. 3..\\
sa samAvishya tu nala.n samIpaM puShkarasya ha . 
gatvA puShkaramAhedamehi dIvya nalena vai .. 4..\\
akShadyUte nala.n jetA bhavAnhi sahito mayA . 
niShadhAnpratipadyasva jitvA rAjannalaM nR^ipam .. 5..\\
evamuktastu kalinA puShkaro nalamabhyayAt . 
kalishchaiva vR^iSho bhUtvA gavAM puShkaramabhyayAt .. 6..\\
AsAdya tu nala.n vIraM puShkaraH paravIrahA . 
dIvyAvetyabravIdbhrAtA vR^iSheNeti muhurmuhuH .. 7..\\
na chakShame tato rAjA samAhvAnaM mahAmanAH . 
vaidarbhyAH prekShamANAyAH paNakAlamamanyata .. 8..\\
hiraNyasya suvarNasya yAnayugyasya vAsasAm . 
AviShTaH kalinA dyUte jIyate sma nalastadA .. 9..\\
tamakShamadasaMmatta.n suhR^idAM na tu kash chana . 
nivAraNe.abhavachchhakto dIvyamAnamachetasam .. 10..\\
tataH paurajanaH sarvo mantribhiH saha bhArata . 
rAjAna.n draShTumAgachchhannivArayitumAturam .. 11..\\
tataH sUta upAgamya damayantyai nyavedayat . 
eSha paurajanaH sarvo dvAri tiShThati kAryavAn .. 12..\\
nivedyatAM naiShadhAya sarvAH prakR^itayaH sthitAH . 
amR^iShyamANA vyasana.n rAGYo dharmArthadarshinaH .. 13..\\
tataH sA bAShpakalayA vAchA duHkhena karshitA . 
uvAcha naiShadhaM bhaimI shokopahatachetanA .. 14..\\
rAjanpaurajano dvAri tvA.n didR^ikShuravasthitaH . 
mantribhiH sahitaH sarvai rAjabhaktipuraskR^itaH . 
ta.n draShTumarhasItyeva punaH punarabhAShata .. 15..\\
tA.n tathA ruchirApA~NgI.n vilapantIM sumadhyamAm . 
AviShTaH kalinA rAjA nAbhyabhAShata ki.n chana .. 16..\\
tataste mantriNaH sarve te chaiva puravAsinaH . 
nAyamastIti duHkhArtA vrIDitA jagmurAlayAn .. 17..\\
tathA tadabhavaddyUtaM puShkarasya nalasya cha . 
yudhiShThira bahUnmAsAnpuNyashlokastvajIyata .. 18..\\
\medskip\hrule\medskip\centerline{\Largedvng 57}
 bR^ihadashva uvAcha

damayantI tato dR^iShTvA puNyashlokaM narAdhipam . 
unmattavadanunmattA devane gatachetasAm .. 1..\\
bhayashokasamAviShTA rAjanbhImasutA tataH . 
chintayAmAsa tatkArya.n sumahatpArthivaM prati .. 2..\\
sA sha~NkamAnA tatpApa.n chikIrShantI cha tatpriyam . 
nala.n cha hR^itasarvasvamupalabhyedamabravIt .. 3..\\
bR^ihatsene vrajAmAtyAnAnAyya nalashAsanAt . 
AchakShva yaddhR^ita.n dravyamavashiShTaM cha yadvasu .. 4..\\
tataste mantriNaH sarve viGYAya nalashAsanam . 
api no bhAgadheya.n syAdityuktvA punarAvrajan .. 5..\\
tAstu sarvAH prakR^itayo dvitIya.n samupasthitAH . 
nyavedayadbhImasutA na cha tatpratyanandata .. 6..\\
vAkyamapratinandantaM bhartAramabhivIkShya sA . 
damayantI punarveshma vrIDitA pravivesha ha .. 7..\\
nishamya satata.n chAkShAnpuNyashlokaparA~NmukhAn . 
nala.n cha hR^itasarvasvaM dhAtrIM punaruvAcha ha .. 8..\\
bR^ihatsene punargachchha vArShNeyaM nalashAsanAt . 
sUtamAnaya kalyANi mahatkAryamupasthitam .. 9..\\
bR^ihatsenA tu tachchhrutvA damayantyAH prabhAShitam . 
vArShNeyamAnayAmAsa puruShairAptakAribhiH .. 10..\\
vArShNeya.n tu tato bhaimI sAntvaya~nshlakShNayA girA . 
uvAcha deshakAlaGYA prAptakAlamaninditA .. 11..\\
jAnIShe tva.n yathA rAjA samyagvR^ittaH sadA tvayi . 
tasya tva.n viShamasthasya sAhAyya.n kartumarhasi .. 12..\\
yathA yathA hi nR^ipatiH puShkareNeha jIyate . 
tathA tathAsya dyUte vai rAgo bhUyo.abhivardhate .. 13..\\
yathA cha puShkarasyAkShA vartante vashavartinaH . 
tathA viparyayashchApi nalasyAkSheShu dR^ishyate .. 14..\\
suhR^itsvajanavAkyAni yathAvanna shR^iNoti cha . 
nUnaM manye na sheSho.asti naiShadhasya mahAtmanaH .. 15..\\
yatra me vachana.n rAjA nAbhinandati mohitaH . 
sharaNa.n tvAM prapannAsmi sArathe kuru madvachaH . 
na hi me shudhyate bhAvaH kadA chidvinashediti .. 16..\\
nalasya dayitAnashvAnyojayitvA mahAjavAn . 
idamAropya mithuna.n kuNDina.n yAtumarhasi .. 17..\\
mama GYAtiShu nikShipya dArakau syandana.n tathA . 
ashvAMshchaitAnyathAkAma.n vasa vAnyatra gachchha vA .. 18..\\
damayantyAstu tadvAkya.n vArShNeyo nalasArathiH . 
nyavedayadasheSheNa nalAmAtyeShu mukhyashaH .. 19..\\
taiH sametya vinishchitya so.anuGYAto mahIpate . 
yayau mithunamAropya vidarbhA.nstena vAhinA .. 20..\\
hayA.nstatra vinikShipya sUto rathavara.n cha tam . 
indrasenA.n cha tAM kanyAmindrasenaM cha bAlakam .. 21..\\
Amantrya bhIma.n rAjAnamArtaH shochannalaM nR^ipam . 
aTamAnastato.ayodhyA.n jagAma nagarIM tadA .. 22..\\
R^ituparNa.n sa rAjAnamupatasthe suduHkhitaH . 
bhR^iti.n chopayayau tasya sArathyena mahIpate .. 23..\\
\medskip\hrule\medskip\centerline{\Largedvng 58}
 bR^ihadashva uvAcha

tatastu yAte vArShNeye puNyashlokasya dIvyataH . 
puShkareNa hR^ita.n rAjyaM yachchAnyadvasu ki.n chana .. 1..\\
hR^itarAjyaM nala.n rAjanprahasanpuShkaro.abravIt . 
dyUtaM pravartatAM bhUyaH pratipANo.asti kastava .. 2..\\
shiShTA te damayantyekA sarvamanyaddhR^itaM mayA . 
damayantyAH puNaH sAdhu vartatA.n yadi manyase .. 3..\\
puShkareNaivamuktasya puNyashlokasya manyunA . 
vyadIryateva hR^idayaM na chaina.n kiM chidabravIt .. 4..\\
tataH puShkaramAlokya nalaH paramamanyumAn . 
utsR^ijya sarvagAtrebhyo bhUShaNAni mahAyashAH .. 5..\\
ekavAsA asa.nvItaH suhR^ichchhokavivardhanaH . 
nishchakrAma tadA rAjA tyaktvA suvipulA.n shriyam .. 6..\\
damayantyekavastrA ta.n gachchhantaM pR^iShThato.anviyAt . 
sa tayA bAhyataH sArdha.n trirAtraM naiShadho.avasat .. 7..\\
puShkarastu mahArAja ghoShayAmAsa vai pure . 
nale yaH samyagAtiShThetsa gachchhedvadhyatAM mama .. 8..\\
puShkarasya tu vAkyena tasya vidveShaNena cha . 
paurA na tasminsatkAra.n kR^itavanto yudhiShThira .. 9..\\
sa tathA nagarAbhyAshe satkArArho na satkR^itaH . 
trirAtramuShito rAjA jalamAtreNa vartayan .. 10..\\
kShudhA sampIDyamAnastu nalo bahutithe.ahani . 
apashyachchhakunAnkAMshchiddhiraNyasadR^ishachchhadAn .. 11..\\
sa chintayAmAsa tadA niShadhAdhipatirbalI . 
asti bhakSho mamAdyAya.n vasu chedaM bhaviShyati .. 12..\\
tatastAnantarIyeNa vAsasA samavAstR^iNot . 
tasyAntarIyamAdAya jagmuH sarve vihAyasA .. 13..\\
utpatantaH khagAste tu vAkyamAhustadA nalam . 
dR^iShTvA digvAsasaM bhUmau sthita.n dInamadhomukham .. 14..\\
vayamakShAH sudurbuddhe tava vAsorjihIrShavaH . 
AgatA na hi naH prItiH savAsasi gate tvayi .. 15..\\
tAnsamIkShya gatAnakShAnAtmAna.n cha vivAsasam . 
puNyashlokastato rAjA damayantImathAbravIt .. 16..\\
yeShAM prakopAdaishvaryAtprachyuto.ahamanindite . 
prANayAtrAM na vinde cha duHkhitaH kShudhayArditaH .. 17..\\
yeShA.n kR^ite na satkAramakurvanmayi naiShadhAH . 
ta ime shakunA bhUtvA vAso.apyapaharanti me .. 18..\\
vaiShamyaM paramaM prApto duHkhito gatachetanaH . 
bhartA te.ahaM nibodheda.n vachanaM hitamAtmanaH .. 19..\\
ete gachchhanti bahavaH panthAno dakShiNApatham . 
avantImR^ikShavanta.n cha samatikramya parvatam .. 20..\\
eSha vindhyo mahAshailaH payoShNI cha samudragA . 
AshramAshcha maharShINAmamI puShpaphalAnvitAH .. 21..\\
eSha panthA vidarbhANAmaya.n gachchhati kosalAn . 
ataH para.n cha desho.ayaM dakShiNe dakShiNApathaH .. 22..\\
tataH sA bAShpakalayA vAchA duHkhena karshitA . 
uvAcha damayantI taM naiShadha.n karuNa.n vachaH .. 23..\\
udvepate me hR^idaya.n sIdantya~NgAni sarvashaH . 
tava pArthiva sa~Nkalpa.n chintayantyAH punaH punaH .. 24..\\
hR^itarAjya.n hR^itadhanaM vivastra.n kShuchchhramAnvitam . 
kathamutsR^ijya gachchheyamaha.n tvA.n vijane vane .. 25..\\
shrAntasya te kShudhArtasya chintayAnasya tatsukham . 
vane ghore mahArAja nAshayiShyAmi te klamam .. 26..\\
na cha bhAryAsama.n kiM chidvidyate bhiShajAM matam . 
auShadha.n sarvaduHkheShu satyametadbravImi te .. 27..\\

 nala uvAcha

evametadyathAttha tva.n damayanti sumadhyame . 
nAsti bhAryAsamaM mitraM narasyArtasya bheShajam .. 28..\\
na chAha.n tyaktukAmastvAM kimarthaM bhIru sha~Nkase . 
tyajeyamahamAtmAnaM na tveva tvAm anindite .. 29..\\

 damayantyuvAcha

yadi mA.n tvaM mahArAja na vihAtumihechchhasi . 
tatkimartha.n vidarbhANAM panthAH samupadishyate .. 30..\\
avaimi chAhaM nR^ipate na tvaM mA.n tyakumarhasi . 
chetasA tvapakR^iShTena mA.n tyajethA mahApate .. 31..\\
panthAna.n hi mamAbhIkShNamAkhyAsi narasattama . 
atonimitta.n shokaM me vardhayasyamaraprabha .. 32..\\
yadi chAyamabhiprAyastava rAjanvrajediti . 
sahitAveva gachchhAvo vidarbhAnyadi manyase .. 33..\\
vidarbharAjastatra tvAM pUjayiShyati mAnada . 
tena tvaM pUjito rAjansukha.n vatsyasi no gR^ihe .. 34..\\
\medskip\hrule\medskip\centerline{\Largedvng 59}
 nala uvAcha

yathA rAjyaM pituste tattathA mama na saMshayaH . 
na tu tatra gamiShyAmi viShamasthaH katha.n chana .. 1..\\
katha.n samR^iddho gatvAha.n tava harShavivardhanaH . 
paridyUno gamiShyAmi tava shokavivardhanaH .. 2..\\

 bR^ihadashva uvAcha

iti bruvannalo rAjA damayantIM punaH punaH . 
sAntvayAmAsa kalyANI.n vAsaso.ardhena sa.nvR^itAm .. 3..\\
tAvekavastrasa.nvItAvaTamAnAvitastataH . 
kShutpipAsAparishrAntau sabhA.n kAM chidupeyatuH .. 4..\\
tA.n sabhAmupasamprApya tadA sa niShadhAdhipaH . 
vaidarbhyA sahito rAjA niShasAda mahItale .. 5..\\
sa vai vivastro malino vikachaH pA.nsuguNThitaH . 
damayantyA saha shrAntaH suShvApa dharaNItale .. 6..\\
damayantyapi kalyANI nidrayApahR^itA tataH . 
sahasA duHkhamAsAdya sukumArI tapasvinI .. 7..\\
suptAyA.n damayantyAM tu nalo rAjA vishAM pate . 
shokonmathitachittAtmA na sma shete yathA purA .. 8..\\
sa tadrAjyApaharaNa.n suhR^ittyAga.n cha sarvashaH . 
vane cha taM paridhva.nsaM prekShya chintAmupeyivAn .. 9..\\
kiM nu me syAdida.n kR^itvA kiM nu me syAdakurvataH . 
kiM nu me maraNa.n shreyaH parityAgo janasya vA .. 10..\\
mAmiya.n hyanurakteda.n duHkhamApnoti matkR^ite . 
madvihInA tviya.n gachchhetkadA chitsvajanaM prati .. 11..\\
mayA niHsaMshaya.n duHkhamiyaM prApsyatyanuttamA . 
utsarge saMshayaH syAttu vindetApi sukha.n kva chit .. 12..\\
sa vinishchitya bahudhA vichArya cha punaH punaH . 
utsarge.amanyata shreyo damayantyA narAdhipaH .. 13..\\
so.avastratAmAtmanashcha tasyAshchApyekavastratAm . 
chintayitvAdhyagAdrAjA vastrArdhasyAvakartanam .. 14..\\
katha.n vAso vikarteyaM na cha budhyeta me priyA . 
chintyaivaM naiShadho rAjA sabhAM paryacharattadA .. 15..\\
paridhAvannatha nala itashchetashcha bhArata . 
AsasAda sabhoddeshe vikosha.n khaDgamuttamam .. 16..\\
tenArdha.n vAsasashchhittvA nivasya cha parantapaH . 
suptAmutsR^ijya vaidarbhIM prAdravadgatachetanaH .. 17..\\
tato nibaddhahR^idayaH punarAgamya tA.n sabhAm . 
damayantI.n tathA dR^iShTvA ruroda niShadhAdhipaH .. 18..\\
yAM na vAyurna chAdityaH purA pashyati me priyAm . 
seyamadya sabhAmadhye shete bhUmAvanAthavat .. 19..\\
iya.n vastrAvakartena sa.nvItA chAruhAsinI . 
unmatteva varArohA kathaM buddhvA bhaviShyati .. 20..\\
kathamekA satI bhaimI mayA virahitA shubhA . 
chariShyati vane ghore mR^igavyAlaniShevite .. 21..\\
gatvA gatvA nalo rAjA punareti sabhAM muhuH . 
AkR^iShyamANaH kalinA sauhR^idenApakR^iShyate .. 22..\\
dvidheva hR^idaya.n tasya duHkhitasyAbhavattadA . 
doleva muhurAyAti yAti chaiva sabhAM muhuH .. 23..\\
so.apakR^iShTastu kalinA mohitaH prAdravannalaH . 
suptAmutsR^ijya tAM bhAryA.n vilapya karuNaM bahu .. 24..\\
naShTAtmA kalinA spR^iShTastattadvigaNayannR^ipaH . 
jagAmaiva vane shUnye bhAryAmutsR^ijya duHkhitaH .. 25..\\
\medskip\hrule\medskip\centerline{\Largedvng 60}
 bR^ihadashva uvAcha

apakrAnte nale rAjandamayantI gataklamA . 
abudhyata varArohA santrastA vijane vane .. 1..\\
sApashyamAnA bhartAra.n duHkhashokasamanvitA . 
prAkroshaduchchaiH santrastA mahArAjeti naiShadham .. 2..\\
hA nAtha hA mahArAja hA svAminki.n jahAsi mAm . 
hA hatAsmi vinaShTAsmi bhItAsmi vijane vane .. 3..\\
nanu nAma mahArAja dharmaGYaH satyavAgasi . 
kathamuktvA tathAsatya.n suptAmutsR^ijya mA.n gataH .. 4..\\
kathamutsR^ijya gantAsi vashyAM bhAryAmanuvratAm . 
visheShato.anapakR^ite pareNApakR^ite sati .. 5..\\
shakShyase tA giraH satyAH kartuM mayi nareshvara . 
yAstvayA lokapAlAnA.n saMnidhau kathitAH purA .. 6..\\
paryAptaH parihAso.ayametAvAnpuruSharShabha . 
bhItAhamasmi durdharSha darshayAtmAnamIshvara .. 7..\\
dR^ishyase dR^ishyase rAjanneSha tiShThasi naiShadha . 
AvArya gulmairAtmAna.n kiM mAM na pratibhAShase .. 8..\\
nR^isha.nsaM bata rAjendra yanmAmeva~NgatAm iha . 
vilapantI.n samAli~Ngya nAshvAsayasi pArthiva .. 9..\\
na shochAmyahamAtmAnaM na chAnyadapi ki.n chana . 
kathaM nu bhavitAsyeka iti tvAM nR^ipa shochimi .. 10..\\
kathaM nu rAja.nstR^iShitaH kShudhitaH shramakarshitaH . 
sAyAhne vR^ikShamUleShu mAmapashyanbhaviShyasi .. 11..\\
tataH sA tIvrashokArtA pradIpteva cha manyunA . 
itashchetashcha rudatI paryadhAvata duHkhitA .. 12..\\
muhurutpatate bAlA muhuH patati vihvalA . 
muhurAlIyate bhItA muhuH kroshati roditi .. 13..\\
sA tIvrashokasantaptA muhurniHshvasya vihvalA . 
uvAcha bhaimI niShkramya rodamAnA pativratA .. 14..\\
yasyAbhishApAdduHkhArto duHkha.n vindati naiShadhaH . 
tasya bhUtasya tadduHkhAdduHkhamabhyadhikaM bhavet .. 15..\\
apApachetasaM pApo ya eva.n kR^itavAnnalam . 
tasmAdduHkhataraM prApya jIvatvasukhajIvikAm .. 16..\\
eva.n tu vilapantI sA rAGYo bhAryA mahAtmanaH . 
anveShati sma bhartAra.n vane shvApadasevite .. 17..\\
unmattavadbhImasutA vilapantI tatastataH . 
hA hA rAjanniti muhuritashchetashcha dhAvati .. 18..\\
tA.n shuShyamANAmatyartha.n kurarImiva vAshatIm . 
karuNaM bahu shochantI.n vilapantIM muhurmuhuH .. 19..\\
sahasAbhyAgatAM bhaimImabhyAshaparivartinIm . 
jagrAhAjagaro grAho mahAkAyaH kShudhAnvitaH .. 20..\\
sA grasyamAnA grAheNa shokena cha parAjitA . 
nAtmAna.n shochati tathA yathA shochati naiShadham .. 21..\\
hA nAtha mAmiha vane grasyamAnAmanAthavat . 
grAheNAnena vipine kimarthaM nAbhidhAvasi .. 22..\\
kathaM bhaviShyasi punarmAmanusmR^itya naiShadha . 
pApAnmuktaH punarlabdhvA buddhi.n cheto dhanAni cha .. 23..\\
shrAntasya te kShudhArtasya pariglAnasya naiShadha . 
kaH shrama.n rAjashArdUla nAshayiShyati mAnada .. 24..\\
tAmakasmAnmR^igavyAdho vicharangahane vane . 
AkrandatImupashrutya javenAbhisasAra ha .. 25..\\
tA.n sa dR^iShTvA tathA grastAmurageNAyatekShaNAm . 
tvaramANo mR^igavyAdhaH samabhikramya vegitaH .. 26..\\
mukhataH pAtayAmAsa shastreNa nishitena ha . 
nirvicheShTaM bhuja~Nga.n ta.n vishasya mR^igajIvinaH .. 27..\\
mokShayitvA cha tA.n vyAdhaH prakShAlya salilena cha . 
samAshvAsya kR^itAhArAmatha paprachchha bhArata .. 28..\\
kasya tvaM mR^igashAvAkShi katha.n chAbhyAgatA vanam . 
katha.n chedaM mahatkR^ichchhraM prAptavatyasi bhAmini .. 29..\\
damayantI tathA tena pR^ichchhyamAnA vishAM pate . 
sarvametadyathAvR^ittamAchachakShe.asya bhArata .. 30..\\
tAmardhavastrasa.nvItAM pInashroNipayodharAm . 
sukumArAnavadyA~NgIM pUrNachandranibhAnanAm .. 31..\\
arAlapakShmanayanA.n tathA madhurabhAShiNIm . 
lakShayitvA mR^igavyAdhaH kAmasya vashameyivAn .. 32..\\
tAmatha shlakShNayA vAchA lubdhako mR^idupurvayA . 
sAntvayAmAsa kAmArtastadabudhyata bhAminI .. 33..\\
damayantI tu ta.n duShTamupalabhya pativratA . 
tIvraroShasamAviShTA prajajvAleva manyunA .. 34..\\
sa tu pApamatiH kShudraH pradharShayitumAturaH . 
durdharShA.n tarkayAmAsa dIptAmagnishikhAm iva .. 35..\\
damayantI tu duHkhArtA patirAjyavinAkR^itA . 
atItavAkpathe kAle shashApaina.n ruShA kila .. 36..\\
yathAhaM naiShadhAdanyaM manasApi na chintaye . 
tathAyaM patatA.n kShudraH parAsurmR^igajIvanaH .. 37..\\
uktamAtre tu vachane tayA sa mR^igajIvanaH . 
vyasuH papAta medinyAmagnidagdha iva drumaH .. 38..\\
\medskip\hrule\medskip\centerline{\Largedvng 61}
 bR^ihadashva uvAcha

sA nihatya mR^igavyAdhaM pratasthe kamalekShaNA . 
vanaM pratibhaya.n shUnya.n jhillikAgaNanAditam .. 1..\\
si.nhavyAghravarAharkSharurudvIpiniShevitam . 
nAnApakShigaNAkIrNaM mlechchhataskarasevitam .. 2..\\
shAlaveNudhavAshvatthatinduke~NgudakiMshukaiH . 
arjunAriShTasa~nchanna.n chandanaishcha sashAlmalaiH .. 3..\\
jambvAmralodhrakhadirashAkavetrasamAkulam . 
kAshmaryAmalakaplakShakadambodumbarAvR^itam .. 4..\\
badarIbilvasa~nchannaM nyagrodhaishcha samAkulam . 
priyAlatAlakharjUraharItakabibhItakaiH .. 5..\\
nAnAdhAtushatairnaddhAnvividhAnapi chAchalAn . 
niku~njAnpakShisa~NghuShTAndarIshchAdbhutadarshanAH . 
nadIH sarA.nsi vApIshcha vividhAMshcha mR^igadvijAn .. 6..\\
sA bahUnbhImarUpAMshcha pishAchoragarAkShasAn . 
palvalAni taDAgAni girikUTAni sarvashaH . 
saritaH sAgarAMshchaiva dadarshAdbhutadarshanAn .. 7..\\
yUthasho dadR^ishe chAtra vidarbhAdhipanandinI . 
mahiShAnvarAhAngomAyUnR^ikShavAnarapannagAn .. 8..\\
tejasA yashasA sthityA shriyA cha parayA yutA . 
vaidarbhI vicharatyekA nalamanveShatI tadA .. 9..\\
nAbibhyatsA nR^ipasutA bhaimI tatrAtha kasya chit . 
dAruNAmaTavIM prApya bhartR^ivyasanakarshitA .. 10..\\
vidarbhatanayA rAjanvilalApa suduHkhitA . 
bhartR^ishokaparItA~NgI shilAtalasamAshritA .. 11..\\

 damayantyuvAcha

si.nhoraska mahAbAho niShadhAnA.n janAdhipa . 
kva nu rAjangato.asIha tyaktvA mAM nirjane vane .. 12..\\
ashvamedhAdibhirvIra kratubhiH svAptadakShiNaiH . 
kathamiShTvA naravyAghra mayi mithyA pravartase .. 13..\\
yattvayoktaM naravyAghra matsamakShaM mahAdyute . 
kartumarhasi kalyANa tadR^itaM pArthivarShabha .. 14..\\
yathokta.n vihagairha.nsaiH samIpe tava bhUmipa . 
matsakAshe cha tairukta.n tadavekShitumarhasi .. 15..\\
chatvAra ekato vedAH sA~NgopA~NgAH savistarAH . 
svadhItA mAnavashreShTha satyameka.n kilaikataH .. 16..\\
tasmAdarhasi shatrughna satya.n kartuM nareshvara . 
uktavAnasi yadvIra matsakAshe purA vachaH .. 17..\\
hA vIra nanu nAmAhamiShTA kila tavAnagha . 
asyAmaTavyA.n ghorAyAM kiM mAM na pratibhAShase .. 18..\\
bhartsayatyeSha mA.n raudro vyAttAsyo dAruNAkR^itiH . 
araNyarATkShudhAviShTaH kiM mAM na trAtumarhasi .. 19..\\
na me tvadanyA subhage priyA ityabravIstadA . 
tAmR^itA.n kuru kalyANapuroktAM bhAratIM nR^ipa .. 20..\\
unmattA.n vilapantIM mAM bhAryAmiShTAM narAdhipa . 
IpsitAmIpsito nAtha kiM mAM na pratibhAShase .. 21..\\
kR^ishA.n dInA.n vivarNAM cha malinAM vasudhAdhipa . 
vastrArdhaprAvR^itAmekA.n vilapantImanAthavat .. 22..\\
yUthabhraShTAmivaikAM mA.n hariNIM pR^ithulochana . 
na mAnayasi mAnArha rudatImarikarshana .. 23..\\
mahArAja mahAraNye mAmihaikAkinI.n satIm . 
AbhAShamANA.n svAM patnI.n kiM mAM na pratibhAShase .. 24..\\
kulashIlopasampanna.n chArusarvA~Ngashobhanam . 
nAdya tvAmanupashyAmi girAvasminnarottama . 
vane chAsminmahAghore si.nhavyAghraniShevite .. 25..\\
shayAnamupaviShTa.n vA sthitaM vA niShadhAdhipa . 
prasthita.n vA narashreShTha mama shokavivardhana .. 26..\\
kaM nu pR^ichchhAmi duHkhArtA tvadarthe shokakarshitA . 
kachchiddR^iShTastvayAraNye sa~Ngatyeha nalo nR^ipaH .. 27..\\
ko nu me kathayedadya vane.asminviShThitaM nalam . 
abhirUpaM mahAtmAnaM paravyUhavinAshanam .. 28..\\
yamanveShasi rAjAnaM nalaM padmanibhekShaNam . 
aya.n sa iti kasyAdya shroShyAmi madhurA.n giram .. 29..\\
araNyarADaya.n shrImAMshchaturdaMShTro mahAhanuH . 
shArdUlo.abhimukhaH praiti pR^ichchhAmyenamasha~NkitA .. 30..\\
bhavAnmR^igANAmadhipastvamasminkAnane prabhuH . 
vidarbharAjatanayA.n damayantIti viddhi mAm .. 31..\\
niShadhAdhipaterbhAryAM nalasyAmitraghAtinaH . 
patimanveShatImekA.n kR^ipaNA.n shokakarshitAm . 
AshvAsaya mR^igendreha yadi dR^iShTastvayA nalaH .. 32..\\
atha vAraNyanR^ipate nala.n yadi na sha.nsasi . 
mAmadasva mR^igashreShTha vishokA.n kuru duHkhitAm .. 33..\\
shrutvAraNye vilapitaM mamaiSha mR^igarAT svayam . 
yAtyetAM mR^iShTasalilAmApagA.n sAgara~NgamAm .. 34..\\
ima.n shilochchayaM puNyaM shR^i~NgairbahubhiruchchhritaiH . 
virAjadbhirdivaspR^igbhirnaikavarNairmanoramaiH .. 35..\\
nAnAdhAtusamAkIrNa.n vividhopalabhUShitam . 
asyAraNyasya mahataH ketubhUtamivochchhritam .. 36..\\
si.nhashArdUlamAta~NgavarAharkShamR^igAyutam . 
patatribhirbahuvidhaiH samantAdanunAditam .. 37..\\
kiMshukAshokabakulapuMnAgairupashobhitam . 
saridbhiH saviha~NgAbhiH shikharaishchopashobhitam . 
girirAjamima.n tAvatpR^ichchhAmi nR^ipatiM prati .. 38..\\
bhagavannachalashreShTha divyadarshanavishruta . 
sharaNya bahukalyANa namaste.astu mahIdhara .. 39..\\
praName tvAbhigamyAha.n rAjaputrIM nibodha mAm . 
rAGYaH snuShA.n rAjabhAryA.n damayantIti vishrutAm .. 40..\\
rAjA vidarbhAdhipatiH pitA mama mahArathaH . 
bhImo nAma kShitipatishchAturvarNyasya rakShitA .. 41..\\
rAjasUyAshvamedhAnA.n kratUnAM dakShiNAvatAm . 
AhartA pArthivashreShThaH pR^ithuchArva~nchitekShaNaH .. 42..\\
brahmaNyaH sAdhuvR^ittashcha satyavAganasUyakaH . 
shIlavAnsusamAchAraH pR^ithushrIrdharmavichchhuchiH .. 43..\\
samyaggoptA vidarbhANAM nirjitArigaNaH prabhuH . 
tasya mA.n viddhi tanayAM bhagava.nstvAmupasthitAm .. 44..\\
niShadheShu mahAshaila shvashuro me nR^ipottamaH . 
sugR^ihItanAmA vikhyAto vIrasena iti sma ha .. 45..\\
tasya rAGYaH suto vIraH shrImAnsatyaparAkramaH . 
kramaprAptaM pituH sva.n yo rAjyaM samanushAsti ha .. 46..\\
nalo nAmAridamanaH puNyashloka iti shrutaH . 
brahmaNyo vedavidvAgmI puNyakR^itsomapo.agnichit .. 47..\\
yaShTA dAtA cha yoddhA cha samyakchaiva prashAsitA . 
tasya mAmachalashreShTha viddhi bhAryAmihAgatAm .. 48..\\
tyaktashriyaM bhartR^ihInAmanAthA.n vyasanAnvitAm . 
anveShamANAM bhartAra.n ta.n vai naravarottamam .. 49..\\
khamullikhadbhiretairhi tvayA shR^i~NgashatairnR^ipaH . 
kachchiddR^iShTo.achalashreShTha vane.asmindAruNe nalaH .. 50..\\
gajendravikramo dhImAndIrghabAhuramarShaNaH . 
vikrAntaH satyavAgdhIro bhartA mama mahAyashAH . 
niShadhAnAmadhipatiH kachchiddR^iShTastvayA nalaH .. 51..\\
kiM mA.n vilapatImekAM parvatashreShTha duHkhitAm . 
girA nAshvAsayasyadya svA.n sutAmiva duHkhitAm .. 52..\\
vIra vikrAnta dharmaGYa satyasandha mahIpate . 
yadyasyasminvane rAjandarshayAtmAnamAtmanA .. 53..\\
kadA nu snigdhagambhIrA.n jImUtasvanasaMnibhAm . 
shroShyAmi naiShadhasyAha.n vAcha.n tAmamR^itopamAm .. 54..\\
vaidarbhItyeva kathitA.n shubhAM rAGYo mahAtmanaH . 
AmnAyasAriNImR^iddhAM mama shokanibarhiNIm .. 55..\\
iti sA ta.n girishreShThamuktvA pArthivanandinI . 
damayantI tato bhUyo jagAma dishamuttarAm .. 56..\\
sA gatvA trInahorAtrAndadarsha paramA~NganA . 
tApasAraNyamatula.n divyakAnanadarshanam .. 57..\\
vasiShThabhR^igvatrisamaistApasairupashobhitam . 
niyataiH sa.nyatAhArairdamashauchasamanvitaiH .. 58..\\
abbhakShairvAyubhakShaishcha patrAhAraistathaiva cha . 
jitendriyairmahAbhAgaiH svargamArgadidR^ikShubhiH .. 59..\\
valkalAjinasa.nvItairmunibhiH sa.nyatendriyaiH . 
tApasAdhyuShita.n ramya.n dadarshAshramamaNDalam .. 60..\\
sA dR^iShTvaivAshramapadaM nAnAmR^iganiShevitam . 
shAkhAmR^igagaNaishchaiva tApasaish cha samanvitam .. 61..\\
subhrUH sukeshI sushroNI sukuchA sudvijAnanA . 
varchasvinI supratiShThA sva~nchitodyatagAminI .. 62..\\
sA viveshAshramapada.n vIrasenasutapriyA . 
yoShidratnaM mahAbhAgA damayantI manasvinI .. 63..\\
sAbhivAdya tapovR^iddhAnvinayAvanatA sthitA . 
svAgata.n ta iti proktA taiH sarvaistApasaishcha sA .. 64..\\
pUjA.n chAsyA yathAnyAyaM kR^itvA tatra tapodhanAH . 
AsyatAmityathochuste brUhi ki.n karavAmahe .. 65..\\
tAnuvAcha varArohA kachchidbhavagatAm iha . 
tapasyagniShu dharmeShu mR^igapakShiShu chAnaghAH . 
kushala.n vo mahAbhAgAH svadharmacharaNeShu cha .. 66..\\
tairuktA kushalaM bhadre sarvatreti yashasvinI . 
brUhi sarvAnavadyA~Ngi kA tva.n kiM cha chikIrShasi .. 67..\\
dR^iShTvaiva te para.n rUpa.n dyutiM cha paramAm iha . 
vismayo naH samutpannaH samAshvasihi mA shuchaH .. 68..\\
asyAraNyasya mahatI devatA vA mahIbhR^itaH . 
asyA nu nadyAH kalyANi vada satyamanindite .. 69..\\
sAbravIttAnR^iShInnAhamaraNyasyAsya devatA . 
na chApyasya girerviprA na nadyA devatApyaham .. 70..\\
mAnuShIM mA.n vijAnIta yUyaM sarve tapodhanAH . 
vistareNAbhidhAsyAmi tanme shR^iNuta sarvashaH .. 71..\\
vidarbheShu mahIpAlo bhImo nAma mahAdyutiH . 
tasya mA.n tanayA.n sarve jAnIta dvijasattamAH .. 72..\\
niShadhAdhipatirdhImAnnalo nAma mahAyashAH . 
vIraH sa~NgrAmajidvidvAnmama bhartA vishAM patiH .. 73..\\
devatAbhyarchanaparo dvijAtijanavatsalaH . 
goptA niShadhavaMshasya mahAbhAgo mahAdyutiH .. 74..\\
satyavAgdharmavitprAGYaH satyasandho.arimardanaH . 
brahmaNyo daivataparaH shrImAnparapura~njayaH .. 75..\\
nalo nAma nR^ipashreShTho devarAjasamadyutiH . 
mama bhartA vishAlAkShaH pUrNenduvadano.arihA .. 76..\\
AhartA kratumukhyAnA.n vedavedA~NgapAragaH . 
sapatnAnAM mR^idhe hantA ravisomasamaprabhaH .. 77..\\
sa kaishchinnikR^itipraGYairakalyANairnarAdhamaiH . 
AhUya pR^ithivIpAlaH satyadharmaparAyaNaH . 
devane kushalairjihmairjito rAjya.n vasUni cha .. 78..\\
tasya mAmavagachchhadhvaM bhAryA.n rAjarShabhasya vai . 
damayantIti vikhyAtAM bhartR^idarshanalAlasAm .. 79..\\
sA vanAni girIMshchaiva sarA.nsi saritastathA . 
palvalAni cha ramyANi tathAraNyAni sarvashaH .. 80..\\
anveShamANA bhartAraM nala.n raNavishAradam . 
mahAtmAna.n kR^itAstraM cha vicharAmIha duHkhitA .. 81..\\
kachchidbhagavatAM puNya.n tapovanamidaM nR^ipaH . 
bhavetprApto nalo nAma niShadhAnA.n janAdhipaH .. 82..\\
yatkR^ite.ahamida.n viprAH prapannA bhR^ishadAruNam . 
vanaM pratibhaya.n ghora.n shArdUlamR^igasevitam .. 83..\\
yadi kaishchidahorAtrairna drakShyAmi nalaM nR^ipam . 
AtmAna.n shreyasA yokShye dehasyAsya vimochanAt .. 84..\\
ko nu me jIvitenArthastamR^ite puruSharShabham . 
kathaM bhaviShyAmyadyAhaM bhartR^ishokAbhipIDitA .. 85..\\
eva.n vilapatImekAmaraNye bhImanandinIm . 
damayantImathochuste tApasAH satyavAdinaH .. 86..\\
udarkastava kalyANi kalyANo bhavitA shubhe . 
vayaM pashyAma tapasA kShipra.n drakShyasi naiShadham .. 87..\\
niShadhAnAmadhipatiM nala.n ripunighAtinam . 
bhaimi dharmabhR^itA.n shreShTha.n drakShyase vigatajvaram .. 88..\\
vimukta.n sarvapApebhyaH sarvaratnasamanvitam . 
tadeva nagarashreShThaM prashAsantamarindamam .. 89..\\
dviShatAM bhayakartAra.n suhR^idAM shokanAshanam . 
pati.n drakShyasi kalyANi kalyANAbhijanaM nR^ipam .. 90..\\
evamuktvA nalasyeShTAM mahiShIM pArthivAtmajAm . 
antarhitAstApasAste sAgnihotrAshramAstadA .. 91..\\
sA dR^iShTvA mahadAshcharya.n vismitA abhavattadA . 
damayantyanavadyA~NgI vIrasenanR^ipasnuShA .. 92..\\
kiM nu svapno mayA dR^iShTaH ko.aya.n vidhirihAbhavat . 
kva nu te tApasAH sarve kva tadAshramamaNDalam .. 93..\\
kva sA puNyajalA ramyA nAnAdvijaniShevitA . 
nadI te cha nagA hR^idyAH phalapuShpopashobhitAH .. 94..\\
dhyAtvA chiraM bhImasutA damayantI shuchismitA . 
bhartR^ishokaparA dInA vivarNavadanAbhavat .. 95..\\
sA gatvAthAparAM bhUmiM bAShpasandigdhayA girA . 
vilalApAshrupUrNAkShI dR^iShTvAshokataru.n tataH .. 96..\\
upagamya tarushreShThamashokaM puShpita.n tadA . 
pallavApIDita.n hR^idyaM viha~NgairanunAditam .. 97..\\
aho batAyamagamaH shrImAnasminvanAntare . 
ApIDairbahubhirbhAti shrImAndramiDarAD iva .. 98..\\
vishokA.n kuru mAM kShipramashoka priyadarshana . 
vItashokabhayAbAdha.n kachchittvaM dR^iShTavAnnR^ipam .. 99..\\
nalaM nAmAridamana.n damayantyAH priyaM patim . 
niShadhAnAmadhipati.n dR^iShTavAnasi me priyam .. 100..\\
ekavastrArdhasa.nvIta.n sukumAratanutvacham . 
vyasanenArdita.n vIramaraNyamidamAgatam .. 101..\\
yathA vishokA gachchheyamashokanaga tatkuru . 
satyanAmA bhavAshoka mama shokavinAshanAt .. 102..\\
eva.n sAshokavR^ikSha.n tamArtA triH parigamya ha . 
jagAma dAruNatara.n deshaM bhaimI varA~NganA .. 103..\\
sA dadarsha nagAnnaikAnnaikAshcha saritastathA . 
naikAMshcha parvatAnramyAnnaikAMshcha mR^igapakShiNaH .. 104..\\
kandarAMshcha nitambAMshcha nadAMshchAdbhutadarshanAn . 
dadarsha sA bhImasutA patimanveShatI tadA .. 105..\\
gatvA prakR^iShTamadhvAna.n damayantI shuchismitA . 
dadarshAtha mahAsArtha.n hastyashvarathasa~Nkulam .. 106..\\
uttarantaM nadI.n ramyAM prasannasalilAM shubhAm . 
sushItatoyA.n vistIrNAM hradinIM vetasairvR^itAm .. 107..\\
prodghuShTA.n krau~nchakuraraishchakravAkopakUjitAm . 
kUrmagrAhajhaShAkIrNAM pulinadvIpashobhitAm .. 108..\\
sA dR^iShTvaiva mahAsArthaM nalapatnI yashasvinI . 
upasarpya varArohA janamadhya.n vivesha ha .. 109..\\
unmattarUpA shokArtA tathA vastrArdhasa.nvR^itA . 
kR^ishA vivarNA malinA pA.nsudhvastashiroruhA .. 110..\\
tA.n dR^iShTvA tatra manujAH ke chidbhItAH pradudruvuH . 
ke chichchintAparAstasthuH ke chittatra vichukrushuH .. 111..\\
prahasanti sma tA.n ke chidabhyasUyanta chApare . 
chakrustasyA.n dayAM ke chitpaprachchhushchApi bhArata .. 112..\\
kAsi kasyAsi kalyANi ki.n vA mR^igayase vane . 
tvA.n dR^iShTvA vyathitAH smeha kachchittvamasi mAnuShI .. 113..\\
vada satya.n vanasyAsya parvatasyAtha vA dishaH . 
devatA tva.n hi kalyANi tvAM vayaM sharaNa.n gatAH .. 114..\\
yakShI vA rAkShasI vA tvamutAho.asi varA~NganA . 
sarvathA kuru naH svasti rakShasvAsmAnanindite .. 115..\\
yathAya.n sarvathA sArthaH kShemI shIghramito vrajet . 
tathA vidhatsva kalyANi tvA.n vayaM sharaNa.n gatAH .. 116..\\
pratyuvAcha tataH sAdhvI bhartR^ivyasanaduHkhitA . 
sArthavAha.n cha sArthaM cha janA ye chAtra ke chana .. 117..\\
mAnuShIM mA.n vijAnIta manujAdhipateH sutAm . 
nR^ipasnuShA.n rAjabhAryAM bhartR^idarshanalAlasAm .. 118..\\
vidarbharANmama pitA bhartA rAjA cha naiShadhaH . 
nalo nAma mahAbhAgastaM mArgAmyaparAjitam .. 119..\\
yadi jAnIta nR^ipati.n kShipra.n sha.nsata me priyam . 
nalaM pArthivashArdUlamamitragaNasUdanam .. 120..\\
tAmuvAchAnavadyA~NgI.n sArthasya mahataH prabhuH . 
sArthavAhaH shuchirnAma shR^iNu kalyANi madvachaH .. 121..\\
aha.n sArthasya netA vai sArthavAhaH shuchismite . 
manuShyaM nalanAmAnaM na pashyAmi yashasvini .. 122..\\
ku~njaradvIpimahiShashArdUlarkShamR^igAnapi . 
pashyAmyasminvane kaShTe amanuShyaniShevite . 
tathA no yakSharADadya maNibhadraH prasIdatu .. 123..\\
sAbravIdvaNijaH sarvAnsArthavAha.n cha taM tataH . 
kva nu yAsyasi sArtho.ayametadAkhyAtumarhatha .. 124..\\

 sArthavAha uvAcha

sArtho.aya.n chedirAjasya subAhorsatyavAdinaH . 
kShipra.n janapadaM gantA lAbhAya manujAtmaje .. 125..\\
\medskip\hrule\medskip\centerline{\Largedvng 62}
 bR^ihadashva uvAcha

sA tachchhrutvAnavadyA~NgI sArthavAhavachastadA . 
agachchhattena vai sArdhaM bhartR^idarshanalAlasA .. 1..\\
atha kAle bahutithe vane mahati dAruNe . 
taDAga.n sarvatobhadraM padmasaugandhikaM mahat .. 2..\\
dadR^ishurvaNijo ramyaM prabhUtayavasendhanam . 
bahumUlaphalopetaM nAnApakShigaNairvR^itam .. 3..\\
ta.n dR^iShTvA mR^iShTasalilaM manoharasukhAvaham . 
suparishrAntavAhAste niveshAya mano dadhuH .. 4..\\
saMmate sArthavAhasya vivishurvanamuttamam . 
uvAsa sArthaH sumahAnvelAmAsAdya pashchimAm .. 5..\\
athArdharAtrasamaye niHshabdastimite tadA . 
supte sArthe parishrAnte hastiyUthamupAgamat . 
pAnIyArtha.n girinadIM madaprasravaNAvilAm .. 6..\\
mArga.n sa.nrudhya sa.nsuptaM padminyAH sArthamuttamam . 
suptaM mamarda sahasA cheShTamAnaM mahItale .. 7..\\
hAhAravaM pramu~nchantaH sArthikAH sharaNArthinaH . 
vanagulmAMshcha dhAvanto nidrAndhA mahato bhayAt . 
ke chiddantaiH karaiH ke chitke chitpadbhyA.n hatA narAH .. 8..\\
gokharoShTrAshvabahulaM padAtijanasa~Nkulam . 
bhayArta.n dhAvamAnaM tatparasparahataM tadA .. 9..\\
ghorAnnAdAnvimu~nchanto nipeturdharaNItale . 
vR^ikSheShvAsajya sambhagnAH patitA viShameShu cha . 
tathA tannihata.n sarvaM samR^iddhaM sArthamaNDalam .. 10..\\
athAparedyuH samprApte hatashiShTA janAstadA . 
vanagulmAdviniShkramya shochanto vaishasa.n kR^itam . 
bhrAtaraM pitaraM putra.n sakhAya.n cha janAdhipa .. 11..\\
ashochattatra vaidarbhI kiM nu me duShkR^ita.n kR^itam . 
yo.api me nirjane.araNye samprApto.aya.n janArNavaH . 
hato.aya.n hastiyUthena mandabhAgyAnmamaiva tu .. 12..\\
prAptavya.n suchira.n duHkhaM mayA nUnamasaMshayam . 
nAprAptakAlo mriyate shruta.n vR^iddhAnushAsanam .. 13..\\
yannAhamadya mR^iditA hastiyUthena duHkhitA . 
na hyadaivakR^ita.n kiM chinnarANAm iha vidyate .. 14..\\
na cha me bAlabhAve.api ki.n chidvyapakR^itaM kR^itam . 
karmaNA manasA vAchA yadida.n duHkhamAgatam .. 15..\\
manye svaya.nvarakR^ite lokapAlAH samAgatAH . 
pratyAkhyAtA mayA tatra nalasyArthAya devatAH . 
nUna.n teShAM prabhAvena viyogaM prAptavatyaham .. 16..\\
evamAdIni duHkhAni sA vilapya varA~NganA . 
hatashiShTaiH saha tadA brAhmaNairvedapAragaiH . 
agachchhadrAjashArdUla duHkhashokaparAyaNA .. 17..\\
gachchhantI sA chirAtkAlAtpuramAsAdayanmahat . 
sAyAhne chedirAjasya subAhorsatyavAdinaH . 
vastrArdhakartasa.nvItA pravivesha purottamam .. 18..\\
tA.n vivarNA.n kR^ishAM dInAM muktakeshImamArjanAm . 
unmattAmiva gachchhantI.n dadR^ishuH puravAsinaH .. 19..\\
pravishantI.n tu tAM dR^iShTvA chedirAjapurIM tadA . 
anujagmustato bAlA grAmiputrAH kutUhalAt .. 20..\\
sA taiH parivR^itAgachchhatsamIpa.n rAjaveshmanaH . 
tAM prAsAdagatApashyadrAjamAtA janairvR^itAm .. 21..\\
sA jana.n vArayitvA taM prAsAdatalamuttamam . 
Aropya vismitA rAjandamayantImapR^ichchhata .. 22..\\
evamapyasukhAviShTA bibharShi parama.n vapuH . 
bhAsi vidyudivAbhreShu sha.nsa me kAsi kasya vA .. 23..\\
na hi te mAnuSha.n rUpaM bhUShaNairapi varjitam . 
asahAyA narebhyash cha nodvijasyamaraprabhe .. 24..\\
tachchhrutvA vachana.n tasyA bhaimI vachanamabravIt . 
mAnuShIM mA.n vijAnIhi bhartAraM samanuvratAm .. 25..\\
sairandhrI.n jAtisampannAM bhujiShyAM kAmavAsinIm . 
phalamUlAshanAmekA.n yatrasAyampratishrayAm .. 26..\\
asa~NkhyeyaguNo bhartA mA.n cha nityamanuvrataH . 
bhartAramapi ta.n vIra.n chhAyevAnapagA sadA .. 27..\\
tasya daivAtprasa~Ngo.abhUdatimAtra.n sma devane . 
dyUte sa nirjitashchaiva vanameko.abhyupeyivAn .. 28..\\
tamekavasana.n vIramunmattamiva vihvalam . 
AshvAsayantI bhartAramahamanvagama.n vanam .. 29..\\
sa kadA chidvane vIraH kasmiMshchitkAraNAntare . 
kShutparItaH suvimanAstadapyeka.n vyasarjayat .. 30..\\
tamekavasanaM nagnamunmatta.n gatachetasam . 
anuvrajantI bahulA na svapAmi nishAH sadA .. 31..\\
tato bahutithe kAle suptAmutsR^ijya mA.n kva chit . 
vAsaso.ardhaM parichchhidya tyaktavAnmAmanAgasam .. 32..\\
taM mArgamANA bhartAra.n dahyamAnA dinakShapAH . 
na vindAmyamaraprakhyaM priyaM prANadhaneshvaram .. 33..\\
tAmashruparipUrNAkShI.n vilapantI.n tathA bahu . 
rAjamAtAbravIdArtAM bhaimImArtatarA svayam .. 34..\\
vasasva mayi kalyANi prItirme tvayi vartate . 
mR^igayiShyanti te bhadre bhartAraM puruShA mama .. 35..\\
atha vA svayamAgachchhetparidhAvannitastataH . 
ihaiva vasatI bhadre bhartAramupalapsyase .. 36..\\
rAjamAturvachaH shrutvA damayantI vacho.abravIt . 
samayenotsahe vastu.n tvayi vIraprajAyini .. 37..\\
uchchhiShTaM naiva bhu~njIyAM na kuryAM pAdadhAvanam . 
na chAhaM puruShAnanyAnsambhASheya.n kathaM chana .. 38..\\
prArthayedyadi mA.n kashchiddaNDyaste sa pumAnbhavet . 
bharturanveShaNArtha.n tu pashyeyaM brAhmaNAnaham .. 39..\\
yadyevamiha kartavya.n vasAmyahamasaMshayam . 
ato.anyathA na me vAso vartate hR^idaye kva chit .. 40..\\
tAM prahR^iShTena manasA rAjamAtedamabravIt . 
sarvametatkariShyAmi diShTyA te vratamIdR^isham .. 41..\\
evamuktvA tato bhaimI.n rAjamAtA vishAM pate . 
uvAcheda.n duhitara.n sunandAM nAma bhArata .. 42..\\
sairandhrImabhijAnIShva sunande devarUpiNIm . 
etayA saha modasva nirudvignamanAH svayam .. 43..\\
\medskip\hrule\medskip\centerline{\Largedvng 63}
 bR^ihadashva uvAcha

utsR^ijya damayantI.n tu nalo rAjA vishAM pate . 
dadarsha dAva.n dahyantaM mahAntaM gahane vane .. 1..\\
tatra shushrAva madhye.agnau shabdaM bhUtasya kasya chit . 
abhidhAva naletyuchchaiH puNyashloketi chAsakR^it .. 2..\\
mA bhairiti nalashchoktvA madhyamagneH pravishya tam . 
dadarsha nAgarAjAna.n shayAna.n kuNDalIkR^itam .. 3..\\
sa nAgaH prA~njalirbhUtvA vepamAno nala.n tadA . 
uvAcha viddhi mA.n rAjannAga.n karkoTakaM nR^ipa .. 4..\\
mayA pralabdho brahmarShiranAgAH sumahAtapAH . 
tena manyuparItena shapto.asmi manujAdhipa .. 5..\\
tasya shApAnna shaknomi padAdvichalituM padam . 
upadekShyAmi te shreyastrAtumarhati mAM bhavAn .. 6..\\
sakhA cha te bhaviShyAmi matsamo nAsti pannagaH . 
laghushcha te bhaviShyAmi shIghramAdAya gachchha mAm .. 7..\\
evamuktvA sa nAgendro babhUvA~NguShThamAtrakaH . 
ta.n gR^ihItvA nalaH prAyAduddeshaM dAvavarjitam .. 8..\\
AkAshadeshamAsAdya vimukta.n kR^iShNavartmanA . 
utsraShTukAma.n taM nAgaH punaH karkoTako.abravIt .. 9..\\
padAni gaNayangachchha svAni naiShadha kAni chit . 
tatra te.ahaM mahArAja shreyo dhAsyAmi yatparam .. 10..\\
tataH sa~NkhyAtumArabdhamadashaddashame pade . 
tasya daShTasya tadrUpa.n kShipramantaradhIyata .. 11..\\
sa dR^iShTvA vismitastasthAvAtmAna.n vikR^itaM nalaH . 
svarUpadhAriNaM nAga.n dadarsha cha mahIpatiH .. 12..\\
tataH karkoTako nAgaH sAntvayannalamabravIt . 
mayA te.antarhita.n rUpaM na tvA vidyurjanA iti .. 13..\\
yatkR^ite chAsi vikR^ito duHkhena mahatA nala . 
viSheNa sa madIyena tvayi duHkhaM nivatsyati .. 14..\\
viSheNa sa.nvR^itairgAtrairyAvattvAM na vimokShyati . 
tAvattvayi mahArAja duHkha.n vai sa nivatsyati .. 15..\\
anAgA yena nikR^itastvamanarho janAdhipa . 
krodhAdasUyayitvA ta.n rakShA me bhavataH kR^itA .. 16..\\
na te bhayaM naravyAghra daMShTribhyaH shatruto.api vA . 
brahmavidbhyashcha bhavitA matprasAdAnnarAdhipa .. 17..\\
rAjanviShanimittA cha na te pIDA bhaviShyati . 
sa~NgrAmeShu cha rAjendra shashvajjayamavApsyati .. 18..\\
gachchha rAjannitaH sUto bAhuko.ahamiti bruvan . 
samIpamR^ituparNasya sa hi vedAkShanaipuNam . 
ayodhyAM nagarI.n ramyAmadyaiva niShadheshvara .. 19..\\
sa te.akShahR^idaya.n dAtA rAjAshvahR^idayena vai . 
ikShvAkukulajaH shrImAnmitra.n chaiva bhaviShyati .. 20..\\
bhaviShyasi yadAkShaGYaH shreyasA yokShyase tadA . 
sameShyasi cha dAraistvaM mA sma shoke manaH kR^ithAH . 
rAjyena tanayAbhyA.n cha satyametadbravImi te .. 21..\\
svarUpa.n cha yadA draShTumichchhethAstvaM narAdhipa . 
sa.nsmartavyastadA te.aha.n vAsashchedaM nivAsayeH .. 22..\\
anena vAsasAchhannaH svarUpaM pratipatsyase . 
ityuktvA pradadAvasmai divya.n vAsoyuga.n tadA .. 23..\\
evaM nala.n samAdishya vAso dattvA cha kaurava . 
nAgarAjastato rAja.nstatraivAntaradhIyata .. 24..\\
\medskip\hrule\medskip\centerline{\Largedvng 64}
 bR^ihadashva uvAcha

tasminnantarhite nAge prayayau naiShadho nalaH . 
R^ituparNasya nagaraM prAvishaddashame.ahani .. 1..\\
sa rAjAnamupAtiShThadbAhuko.ahamiti bruvan . 
ashvAnA.n vAhane yuktaH pR^ithivyAM nAsti matsamaH .. 2..\\
arthakR^ichchhreShu chaivAhaM praShTavyo naipuNeShu cha . 
annasa.nskAramapi cha jAnAmyanyairvisheShataH .. 3..\\
yAni shilpANi loke.asminyachchApyanyatsuduShkaram . 
sarva.n yatiShye tatkartumR^ituparNa bharasva mAm .. 4..\\
vasa bAhuka bhadra.n te sarvametatkariShyasi . 
shIghrayAne sadA buddhirdhIyate me visheShataH .. 5..\\
sa tvamAtiShTha yoga.n ta.n yena shIghrA hayA mama . 
bhaveyurashvAdhyakSho.asi vetana.n te shata.n shatAH .. 6..\\
tvAmupasthAsyatashchemau nitya.n vArShNeyajIvalau . 
etAbhyA.n ra.nsyase sArdhaM vasa vai mayi bAhuka .. 7..\\
evamukto nalastena nyavasattatra pUjitaH . 
R^ituparNasya nagare sahavArShNeyajIvalaH .. 8..\\
sa tatra nivasanrAjanvaidarbhIm anuchintayan . 
sAya.n sAyaM sadA chemaM shlokameka.n jagAda ha .. 9..\\
kva nu sA kShutpipAsArtA shrAntA shete tapasvinI . 
smarantI tasya mandasya ka.n vA sAdyopatiShThati .. 10..\\
evaM bruvanta.n rAjAnaM nishAyA.n jIvalo.abravIt . 
kAmenA.n shochase nityaM shrotumichchhAmi bAhuka .. 11..\\
tamuvAcha nalo rAjA mandapraGYasya kasya chit . 
AsIdbahumatA nArI tasyA dR^iDhatara.n cha saH .. 12..\\
sa vai kena chidarthena tayA mando vyayujyata . 
viprayuktashcha mandAtmA bhramatyasukhapIDitaH .. 13..\\
dahyamAnaH sa shokena divArAtramatandritaH . 
nishAkAle smara.nstasyAH shlokameka.n sma gAyati .. 14..\\
sa vai bhramanmahI.n sarvA.n kva chidAsAdya kiM chana . 
vasatyanarhastadduHkhaM bhUya evAnusa.nsmaran .. 15..\\
sA tu taM puruShaM nArI kR^ichchhre.apyanugatA vane . 
tyaktA tenAlpapuNyena duShkara.n yadi jIvati .. 16..\\
ekA bAlAnabhiGYA cha mArgANAmatathochitA . 
kShutpipAsAparItA cha duShkara.n yadi jIvati .. 17..\\
shvApadAcharite nitya.n vane mahati dAruNe . 
tyaktA tenAlpapuNyena mandapraGYena mAriSha .. 18..\\
ityevaM naiShadho rAjA damayantIm anusmaran . 
aGYAtavAsamavasadrAGYastasya niveshane .. 19..\\
\medskip\hrule\medskip\centerline{\Largedvng 65}
 bR^ihadashva uvAcha

hR^itarAjye nale bhImaH sabhArye preShyatA.n gate . 
dvijAnprasthApayAmAsa naladarshanakA~NkShayA .. 1..\\
sandidesha cha tAnbhImo vasu dattvA cha puShkalam . 
mR^igayadhvaM nala.n chaiva damayantIM cha me sutAm .. 2..\\
asminkarmaNi niShpanne viGYAte niShadhAdhipe . 
gavA.n sahasra.n dAsyAmi yo vastAvAnayiShyati . 
agrahAra.n cha dAsyAmi grAmaM nagarasaMmitam .. 3..\\
na chechchhakyAvihAnetu.n damayantI nalo.api vA . 
GYAtamAtre.api dAsyAmi gavA.n dashashataM dhanam .. 4..\\
ityuktAste yayurhR^iShTA brAhmaNAH sarvatodisham . 
purarAShTrANi chinvanto naiShadha.n saha bhAryayA .. 5..\\
tatashchedipurI.n ramyAM sudevo nAma vai dvijaH . 
vichinvAno.atha vaidarbhImapashyadrAjaveshmani . 
puNyAhavAchane rAGYaH sunandA sahitA.n sthitAm .. 6..\\
mandaprakhyAyamAnena rUpeNApratimena tAm . 
pinaddhA.n dhUmajAlena prabhAmiva vibhAvasoH .. 7..\\
tA.n samIkShya vishAlAkShImadhikaM malinA.n kR^ishAm . 
tarkayAmAsa bhaimIti kAraNairupapAdayan .. 8..\\

 sudeva uvAcha

yatheyaM me purA dR^iShTA tathArUpeyama~NganA . 
kR^itArtho.asmyadya dR^iShTvemA.n lokakAntAmiva shriyam .. 9..\\
pUrNachandrAnanA.n shyAmA.n chAruvR^ittapayodharAm . 
kurvantIM prabhayA devI.n sarvA vitimirA dishaH .. 10..\\
chArupadmapalAshAkShIM manmathasya ratIm iva . 
iShTA.n sarvasya jagataH pUrNachandraprabhAm iva .. 11..\\
vidarbhasarasastasmAddaivadoShAdivoddhR^itAm . 
malapa~NkAnuliptA~NgIM mR^iNAlImiva tAM bhR^isham .. 12..\\
paurNamAsImiva nishA.n rAhugrastanishAkarAm . 
patishokAkulA.n dInA.n shuShkasrotAM nadIm iva .. 13..\\
vidhvastaparNakamalA.n vitrAsitaviha~NgamAm . 
hastihastaparikliShTA.n vyAkulAmiva padminIm .. 14..\\
sukumArI.n sujAtA~NgIM ratnagarbhagR^ihochitAm . 
dahyamAnAmivoShNena mR^iNAlImachiroddhR^itAm .. 15..\\
rUpaudaryaguNopetAM maNDanArhAmamaNDitAm . 
chandralekhAmiva navA.n vyomni nIlAbhrasa.nvR^itAm .. 16..\\
kAmabhogaiH priyairhInA.n hInAM bandhujanena cha . 
deha.n dhArayatIM dInAM bhartR^idarshanakA~NkShayA .. 17..\\
bhartA nAma paraM nAryA bhUShaNaM bhUShaNairvinA . 
eShA virahitA tena shobhanApi na shobhate .. 18..\\
duShkara.n kurute.atyartha.n hIno yadanayA nalaH . 
dhArayatyAtmano dehaM na shokenAvasIdati .. 19..\\
imAmasitakeshAntA.n shatapatrAyatekShaNAm . 
sukhArhA.n duHkhitAM dR^iShTvA mamApi vyathate manaH .. 20..\\
kadA nu khalu duHkhasya pAra.n yAsyati vai shubhA . 
bhartuH samAgamAtsAdhvI rohiNI shashino yathA .. 21..\\
asyA nUnaM punarlAbhAnnaiShadhaH prItimeShyati . 
rAjA rAjyaparibhraShTaH punarlabdhveva medinIm .. 22..\\
tulyashIlavayoyuktA.n tulyAbhijanasa.nyutAm . 
naiShadho.arhati vaidarbhI.n taM cheyamasitekShaNA .. 23..\\
yukta.n tasyAprameyasya vIryasattvavato mayA . 
samAshvAsayituM bhAryAM patidarshanalAlasAm .. 24..\\
ayamAshvAsayAmyenAM pUrNachandra nibhAnanAm . 
adR^iShTapUrvA.n duHkhasya duHkhArtAM dhyAnatatparAm .. 25..\\

 bR^ihadashva uvAcha

eva.n vimR^ishya vividhaiH kAraNairlakShaNaishcha tAm . 
upagamya tato bhaimI.n sudevo brAhmaNo.abravIt .. 26..\\
aha.n sudevo vaidharbhi bhrAtuste dayitaH sakhA . 
bhImasya vachanAdrAGYastvAmanveShTumihAgataH .. 27..\\
kushalI te pitA rAGYi janitrI bhrAtarash cha te . 
AyuShmantau kushalinau tatrasthau dArukau cha te . 
tvatkR^ite bandhuvargAshcha gatasattvA ivAsate .. 28..\\
abhiGYAya sudeva.n tu damayantI yudhiShThira . 
paryapR^ichchhattataH sarvAnkrameNa suhR^idaH svakAn .. 29..\\
ruroda cha bhR^isha.n rAjanvaidarbhI shokakarshitA . 
dR^iShTvA sudeva.n sahasA bhrAturiShTa.n dvijottamam .. 30..\\
tato rudantI.n tAM dR^iShTvA sunandA shokakarshitAm . 
sudevena sahaikAnte kathayantI.n cha bhArata .. 31..\\
janitryai preShayAmAsa sairandhrI rudate bhR^isham . 
brAhmaNena samAgamya tA.n veda yadi manyase .. 32..\\
atha chedipatermAtA rAGYashchAntaHpurAttadA . 
jagAma yatra sA bAlA brAhmaNena sahAbhavat .. 33..\\
tataH sudevamAnAyya rAjamAtA vishAM pate . 
paprachchha bhAryA kasyeya.n sutA vA kasya bhAminI .. 34..\\
katha.n cha naShTA GYAtibhyo bharturvA vAmalochanA . 
tvayA cha viditA vipra kathameva~NgatA satI .. 35..\\
etadichchhAmyaha.n tvatto GYAtu.n sarvamasheShataH . 
tattvena hi mamAchakShva pR^ichchhantyA devarUpiNIm .. 36..\\
evamuktastayA rAjansudevo dvijasattamaH . 
sukhopaviShTa AchaShTa damayantyA yathAtatham .. 37..\\
\medskip\hrule\medskip\centerline{\Largedvng 66}
 sudeva uvAcha

vidarbharAjo dharmAtmA bhImo bhImaparAkramaH . 
suteya.n tasya kalyANI damayantIti vishrutA .. 1..\\
rAjA tu naiShadho nAma vIrasenasuto nalaH . 
bhAryeya.n tasya kalyANI puNyashlokasya dhImataH .. 2..\\
sa vai dyUte jito bhrAtrA hR^itarAjyo mahIpatiH . 
damayantyA gataH sArdhaM na praGYAyata karhi chit .. 3..\\
te vaya.n damayantyarthaM charAmaH pR^ithivImimAm . 
seyamAsAditA bAlA tava putraniveshane .. 4..\\
asyA rUpeNa sadR^ishI mAnuShI neha vidyate . 
asyAshchaiva bhruvormadhye sahajaH pipluruttamaH . 
shyAmAyAH padmasa~NkAsho lakShito.antarhito mayA .. 5..\\
malena sa.nvR^ito hyasyAstanvabhreNeva chandramAH . 
chihnabhUto vibhUtyarthamaya.n dhAtrA vinirmitaH .. 6..\\
pratipatkaluShevendorlekhA nAti virAjate . 
na chAsyA nashyate rUpa.n vapurmalasamAchitam . 
asa.nskR^itamapi vyaktaM bhAti kA~nchanasaMnibham .. 7..\\
anena vapuShA bAlA piplunAnena chaiva ha . 
lakShiteyaM mayA devI pihito.agnirivoShmaNA .. 8..\\

 bR^ihadashva uvAcha

tachchhrutvA vachana.n tasya sudevasya vishAM pate . 
sunandA shodhayAmAsa pipluprachchhAdanaM malam .. 9..\\
sa malenApakR^iShTena piplustasyA vyarochata . 
damayantyAstadA vyabhre nabhasIva nishAkaraH .. 10..\\
piplu.n dR^iShTvA sunandA cha rAjamAtA cha bhArata . 
rudantyau tAM pariShvajya muhUrtamiva tasthatuH . 
utsR^ijya bAShpa.n shanakai rAjamAtedamabravIt .. 11..\\
bhaginyA duhitA me.asi piplunAnena sUchitA . 
aha.n cha tava mAtA cha rAjanyasya mahAtmanaH . 
sute dashArNAdhipateH sudAmnashchArudarshane .. 12..\\
bhImasya rAGYaH sA dattA vIrabAhorahaM punaH . 
tva.n tu jAtA mayA dR^iShTA dashArNeShu piturgR^ihe .. 13..\\
yathaiva te piturgeha.n tathedamapi bhAmini . 
yathaiva hi mamaishvarya.n damayanti tathA tava .. 14..\\
tAM prahR^iShTena manasA damayantI vishAM pate . 
abhivAdya mAturbhaginImida.n vachanamabravIt .. 15..\\
aGYAyamAnApi satI sukhamasmyuShiteha vai . 
sarvakAmaiH suvihitA rakShyamANA sadA tvayA .. 16..\\
sukhAtsukhataro vAso bhaviShyati na saMshayaH . 
chiraviproShitAM mAtarmAmanuGYAtumarhasi .. 17..\\
dArakau cha hi me nItau vasatastatra bAlakau . 
pitrA vihInau shokArtau mayA chaiva kathaM nu tau .. 18..\\
yadi chApi priya.n kiM chinmayi kartumihechchhasi . 
vidarbhAnyAtumichchhAmi shIghraM me yAnamAdisha .. 19..\\
bADhamityeva tAmuktvA hR^iShTA mAtR^iShvasA nR^ipa . 
guptAM balena mahatA putrasyAnumate tataH .. 20..\\
prasthApayadrAjamAtA shrImatA naravAhinA . 
yAnena bharatashreShTha svannapAnaparichchhadAm .. 21..\\
tataH sA nachirAdeva vidarbhAnagamachchhubhA . 
tA.n tu bandhujanaH sarvaH prahR^iShTaH pratyapUjayat .. 22..\\
sarvAnkushalino dR^iShTvA bAndhavAndArakau cha tau . 
mAtaraM pitara.n chaiva sarvaM chaiva sakhIjanam .. 23..\\
devatAH pUjayAmAsa brAhmaNAMshcha yashasvinI . 
vidhinA pareNa kalyANI damayantI vishAM pate .. 24..\\
atarpayatsudeva.n cha gosahasreNa pArthivaH . 
prIto dR^iShTvaiva tanayA.n grAmeNa draviNena cha .. 25..\\
sA vyuShTA rajanI.n tatra piturveshmani bhAminI . 
vishrAntAM mAtara.n rAjannidaM vachanamabravIt .. 26..\\
\medskip\hrule\medskip\centerline{\Largedvng 67}
 damayantyuvAcha

mA.n chedichchhasi jIvantIM mAtaH satyaM bravImi te . 
naravIrasya vai tasya nalasyAnayane yata .. 1..\\

 bR^ihadashva uvAcha

damayantyA tathoktA tu sA devI bhR^ishaduHkhitA . 
bAShpeNa pihitA rAjannottara.n kiM chidabravIt .. 2..\\
tadavasthA.n tu tAM dR^iShTvA sarvamantaHpuraM tadA . 
hAhAbhUtamatIvAsIdbhR^isha.n cha praruroda ha .. 3..\\
tato bhImaM mahArAja bhAryA vachanamabravIt . 
damayantI tava sutA bhartAramanushochati .. 4..\\
apakR^iShya cha lajjAM mA.n svayamuktavatI nR^ipa . 
prayatantu tava preShyAH puNyashlokasya darshane .. 5..\\
tayA prachodito rAjA brAhmaNAnvashavartinaH . 
prAsthApayaddishaH sarvA yatadhvaM naladarshane .. 6..\\
tato vidarbhAdhipaterniyogAdbrAhmaNarShabhAH . 
damayantImatho dR^iShTvA prasthitAH smetyathAbruvan .. 7..\\
atha tAnabravIdbhaimI sarvarAShTreShvida.n vachaH . 
bruvadhva.n janasa.nsatsu tatra tatra punaH punaH .. 8..\\
kva nu tva.n kitava chhittvA vastrArdhaM prasthito mama . 
utsR^ijya vipine suptAmanuraktAM priyAM priya .. 9..\\
sA vai yathA samAdiShTA tatrAste tvatpratIkShiNI . 
dahyamAnA bhR^ishaM bAlA vastrArdhenAbhisa.nvR^itA .. 10..\\
tasyA rudantyA satata.n tena shokena pArthiva . 
prasAda.n kuru vai vIra prativAkyaM dadasva cha .. 11..\\
etadanyachcha vaktavya.n kR^ipAM kuryAdyathA mayi . 
vAyunA dhUyamAno hi vana.n dahati pAvakaH .. 12..\\
bhartavyA rakShaNIyA cha patnI hi patinA sadA . 
tannaShTamubhaya.n kasmAddharmaGYasya satastava .. 13..\\
khyAtaH prAGYaH kulInashcha sAnukroshashcha tva.n sadA . 
sa.nvR^itto niranukroshaH sha~Nke madbhAgyasa~NkShayAt .. 14..\\
sa kuruShva maheShvAsa dayAM mayi nararShabha . 
AnR^isha.nsyaM paro dharmastvatta eva hi me shrutam .. 15..\\
evaM bruvANAnyadi vaH pratibrUyAddhi kash chana . 
sa naraH sarvathA GYeyaH kashchAsau kva cha vartate .. 16..\\
yachcha vo vachana.n shrutvA brUyAtprativacho naraH . 
tadAdAya vachaH kShipraM mamAvedya.n dvijottamAH .. 17..\\
yathA cha vo na jAnIyAchcharato bhImashAsanAt . 
punarAgamana.n chaiva tathA kAryamatandritaiH .. 18..\\
yadi vAsau samR^iddhaH syAdyadi vApyadhano bhavet . 
yadi vApyarthakAmaH syAjGYeyamasya chikIrShitam .. 19..\\
evamuktAstvagachchha.nste brAhmaNAH sarvatodisham . 
nalaM mR^igayitu.n rAja.nstathA vyasanina.n tadA .. 20..\\
te purANi sarAShTrANi grAmAnghoShA.nstathAshramAn . 
anveShanto nala.n rAjannAdhijagmurdvijAtayaH .. 21..\\
tachcha vAkya.n tathA sarve tatra tatra vishAM pate . 
shrAvayA.n chakrire viprA damayantyA yatheritam .. 22..\\
\medskip\hrule\medskip\centerline{\Largedvng 68}
 bR^ihadashva uvAcha

atha dIrghasya kAlasya parNAdo nAma vai dvijaH . 
pratyetya nagaraM bhaimImida.n vachanamabravIt .. 1..\\
naiShadhaM mR^igayAnena damayanti divAnisham . 
ayodhyAM nagarI.n gatvA bhA~NgasvarirupasthitaH .. 2..\\
shrAvitashcha mayA vAkya.n tvadIya.n sa mahAjane . 
R^ituparNo mahAbhAgo yathokta.n varavarNini .. 3..\\
tachchhrutvA nAbravItki.n chidR^ituparNo narAdhipaH . 
na cha pAriShadaH kashchidbhAShyamANo mayAsakR^it .. 4..\\
anuGYAta.n tu mA.n rAGYA vijane kashchidabravIt . 
R^ituparNasya puruSho bAhuko nAma nAmataH .. 5..\\
sUtastasya narendrasya virUpo hrasvabAhukaH . 
shIghrayAne sukushalo mR^iShTakartA cha bhojane .. 6..\\
sa viniHshvasya bahusho ruditvA cha muhurmuhuH . 
kushala.n chaiva mAM pR^iShTvA pashchAdidamabhAShata .. 7..\\
vaiShamyamapi samprAptA gopAyanti kulastriyaH . 
AtmAnamAtmanA satyo jitasvargA na saMshayaH . 
rahitA bhartR^ibhishchaiva na krudhyanti kadA chana .. 8..\\
viShamasthena mUDhena paribhraShTasukhena cha . 
yatsA tena parityaktA tatra na kroddhumarhati .. 9..\\
prANayAtrAM pariprepsoH shakunairhR^itavAsasaH . 
AdhibhirdahyamAnasya shyAmA na kroddhumarhati .. 10..\\
satkR^itAsatkR^itA vApi pati.n dR^iShTvA tathAgatam . 
bhraShTarAjya.n shriyA hInaM shyAmA na kroddhumarhati .. 11..\\
tasya tadvachana.n shrutvA tvarito.ahamihAgataH . 
shrutvA pramANaM bhavatI rAGYash chaiva nivedaya .. 12..\\
etachchhrutvAshrupUrNAkShI parNAdasya vishAM pate . 
damayantI raho.abhyetya mAtaraM pratyabhAShata .. 13..\\
ayamartho na sa.nvedyo bhIme mAtaH katha.n chana . 
tvatsaMnidhau samAdekShye sudeva.n dvijasattamam .. 14..\\
yathA na nR^ipatirbhImaH pratipadyeta me matam . 
tathA tvayA prayattavyaM mama chetpriyamichchhasi .. 15..\\
yathA chAha.n samAnItA sudevenAshu bAndhavAn . 
tenaiva ma~NgalenAshu sudevo yAtu mAchiram . 
samAnetuM nalaM mAtarayodhyAM nagarImitaH .. 16..\\
vishrAnta.n cha tataH pashchAtparNAdaM dvijasattamam . 
archayAmAsa vaidarbhI dhanenAtIva bhAminI .. 17..\\
nale chehAgate vipra bhUyo dAsyAmi te vasu . 
tvayA hi me bahu kR^ita.n yathA nAnyaH kariShyati . 
yadbhartrAha.n sameShyAmi shIghrameva dvijottama .. 18..\\
evamukto.archayitvA tAmAshIrvAdaiH suma~NgalaiH . 
gR^ihAnupayayau chApi kR^itArthaH sa mahAmanAH .. 19..\\
tatashchAnAyya ta.n vipra.n damayantI yudhiShThira . 
abravItsaMnidhau mAturduHkhashokasamanvitA .. 20..\\
gatvA sudeva nagarImayodhyAvAsinaM nR^ipam . 
R^ituparNa.n vacho brUhi patimanya.n chikIrShatI . 
AsthAsyati punarbhaimI damayantI svaya.nvaram .. 21..\\
tatra gachchhanti rAjAno rAjaputrAshcha sarvashaH . 
yathA cha gaNitaH kAlaH shvobhUte sa bhaviShyati .. 22..\\
yadi sambhAvanIya.n te gachchha shIghramarindama . 
sUryodaye dvitIya.n sA bhartAraM varayiShyati . 
na hi sa GYAyate vIro nalo jIvanmR^ito.api vA .. 23..\\
eva.n tayA yathokta.n vai gatvA rAjAnamabravIt . 
R^ituparNaM mahArAja sudevo brAhmaNastadA .. 24..\\
\medskip\hrule\medskip\centerline{\Largedvng 69}
 bR^ihadashva uvAcha

shrutvA vachaH sudevasya R^ituparNo narAdhipaH . 
sAntvaya~nshlakShNayA vAchA bAhukaM pratyabhAShata .. 1..\\
vidarbhAnyAtumichchhAmi damadantyAH svaya.nvaram . 
ekAhnA hayatattvaGYa manyase yadi bAhuka .. 2..\\
evamuktasya kaunteya tena rAGYA nalasya ha . 
vyadIryata mano duHkhAtpradadhyau cha mahAmanAH .. 3..\\
damayantI bhavedetatkuryAdduHkhena mohitA . 
asmadarthe bhavedvAyamupAyashchintito mahAn .. 4..\\
nR^isha.nsaM bata vaidarbhI kartukAmA tapasvinI . 
mayA kShudreNa nikR^itA pApenAkR^itabuddhinA .. 5..\\
strIsvabhAvashchalo loke mama doShashcha dAruNaH . 
syAdevamapi kuryAtsA vivashA gatasauhR^idA . 
mama shokena sa.nvignA nairAshyAttanumadhyamA .. 6..\\
na chaiva.n karhi chitkuryAtsApatyA cha visheShataH . 
yadatra tathyaM pathya.n cha gatvA vetsyAmi nishchayam . 
R^ituparNasya vai kAmamAtmArtha.n cha karomyaham .. 7..\\
iti nishchitya manasA bAhuko dInamAnasaH . 
kR^itA~njaliruvAchedamR^ituparNaM narAdhipam .. 8..\\
pratijAnAmi te satya.n gamiShyasi narAdhipa . 
ekAhnA puruShavyAghra vidarbhanagarIM nR^ipa .. 9..\\
tataH parIkShAmashvAnA.n chakre rAjansa bAhukaH . 
ashvashAlAmupAgamya bhA~NgasvarinR^ipAGYayA .. 10..\\
sa tvaryamANo bahusha R^ituparNena bAhukaH . 
adhyagachchhatkR^ishAnashvAnsamarthAnadhvani kShamAn .. 11..\\
tejobalasamAyuktAnkulashIlasamanvitAn . 
varjitA.NllakShaNairhInaiH pR^ithuprothAnmahAhanUn . 
shuddhAndashabhirAvartaiH sindhujAnvAtara.nhasaH .. 12..\\
dR^iShTvA tAnabravIdrAjA ki.n chitkopasamanvitaH . 
kimidaM prArthita.n kartuM pralabdhavyA hi te vayam .. 13..\\
kathamalpabalaprANA vakShyantIme hayA mama . 
mahAnadhvA cha turagairgantavyaH kathamIdR^ishaiH .. 14..\\

 bAhuka uvAcha

ete hayA gamiShyanti vidarbhAnnAtra saMshayaH . 
athAnyAnmanyase rAjanbrUhi kAnyojayAmi te .. 15..\\

 R^ituparNa uvAcha

tvameva hayatattvaGYaH kushalashchAsi bAhuka . 
yAnmanyase samarthA.nstva.n kShipraM tAneva yojaya .. 16..\\

 bR^ihadashva uvAcha

tataH sadashvAMshchaturaH kulashIlasamanvitAn . 
yojayAmAsa kushalo javayuktAnrathe naraH .. 17..\\
tato yukta.n rathaM rAjA samArohattvarAnvitaH . 
atha paryapatanbhUmau jAnubhiste hayottamAH .. 18..\\
tato naravaraH shrImAnnalo rAjA vishAM pate . 
sAntvayAmAsa tAnashvA.nstejobalasamanvitAn .. 19..\\
rashmibhishcha samudyamya nalo yAtumiyeSha saH . 
sUtamAropya vArShNeya.n javamAsthAya vai param .. 20..\\
te chodyamAnA vidhinA bAhukena hayottamAH . 
samutpeturivAkAsha.n rathinaM mohayanniva .. 21..\\
tathA tu dR^iShTvA tAnashvAnvahato vAtara.nhasaH . 
ayodhyAdhipatirdhImAnvismayaM parama.n yayau .. 22..\\
rathaghoSha.n tu ta.n shrutvA hayasa~NgrahaNaM cha tat . 
vArShNeyashchintayAmAsa bAhukasya hayaGYatAm .. 23..\\
kiM nu syAnmAtaliraya.n devarAjasya sArathiH . 
tathA hi lakShaNa.n vIre bAhuke dR^ishyate mahat .. 24..\\
shAlihotro.atha kiM nu syAddhayAnA.n kulatattvavit . 
mAnuSha.n samanuprApto vapuH paramashobhanam .. 25..\\
utAho svidbhavedrAjA nalaH parapura~njayaH . 
so.ayaM nR^ipatirAyAta ityeva.n samachintayat .. 26..\\
atha vA yAM nalo veda vidyA.n tAmeva bAhukaH . 
tulya.n hi lakShaye GYAnaM bAhukasya nalasya cha .. 27..\\
api cheda.n vayastulyamasya manye nalasya cha . 
nAyaM nalo mahAvIryastadvidyastu bhaviShyati .. 28..\\
prachhannA hi mahAtmAnashcharanti pR^ithivImimAm . 
daivena vidhinA yuktAH shAstroktaishcha virUpaNaiH .. 29..\\
bhavettu matibhedo me gAtravairUpyatAM prati . 
pramANAtparihInastu bhavediti hi me matiH .. 30..\\
vayaHpramANa.n tattulya.n rUpeNa tu viparyayaH . 
nala.n sarvaguNairyuktaM manye bAhukamantataH .. 31..\\
eva.n vichArya bahusho vArShNeyaH paryachintayat . 
hR^idayena mahArAja puNyashlokasya sArathiH .. 32..\\
R^ituparNastu rAjendra bAhukasya hayaGYatAm . 
chintayanmumude rAjA sahavArShNeyasArathiH .. 33..\\
bala.n vIrya.n tathotsAhaM hayasa~NgrahaNaM cha tat . 
para.n yatna.n cha samprekShya parAM mudamavApa ha .. 34..\\
\medskip\hrule\medskip\centerline{\Largedvng 70}
 bR^ihadashva uvAcha

sa nadIH parvatAMshchaiva vanAni cha sarA.nsi cha . 
achireNAtichakrAma khecharaH khe charanniva .. 1..\\
tathA prayAte tu rathe tadA bhA~NgasvarirnR^ipaH . 
uttarIyamathApashyadbhraShTaM parapura~njayaH .. 2..\\
tataH sa tvaramANastu paTe nipatite tadA . 
grahIShyAmIti ta.n rAjA nalamAha mahAmanAH .. 3..\\
nigR^ihNIShva mahAbuddhe hayAnetAnmahAjavAn . 
vArShNeyo yAvadetaM me paTamAnayatAm iti .. 4..\\
nalastaM pratyuvAchAtha dUre bhraShTaH paTastava . 
yojana.n samatikrAnto na sa shakyastvayA punaH .. 5..\\
evamukte nalenAtha tadA bhA~NgasvarirnR^ipaH . 
AsasAda vane rAjanphalavantaM bibhItakam .. 6..\\
ta.n dR^iShTvA bAhuka.n rAjA tvaramANo.abhyabhAShata . 
mamApi sUta pashya tva.n sa~NkhyAne paramaM balam .. 7..\\
sarvaH sarvaM na jAnAti sarvaGYo nAsti kash chana . 
naikatra pariniShThAsti GYAnasya puruShe kva chit .. 8..\\
vR^ikShe.asminyAni parNAni phalAnyapi cha bAhuka . 
patitAni cha yAnyatra tatraikamadhika.n shatam . 
ekapatrAdhikaM patraM phalameka.n cha bAhuka .. 9..\\
pa~ncha koTyo.atha patrANA.n dvayorapi cha shAkhayoH . 
prachinuhyasya shAkhe dve yAshchApyanyAH prashAkhikAH . 
AbhyAM phalasahasre dve pa~nchona.n shatameva cha .. 10..\\
tato rathAdavaplutya rAjAnaM bAhuko.abravIt . 
parokShamiva me rAjankatthase shatrukarshana .. 11..\\
atha te gaNite rAjanvidyate na parokShatA . 
pratyakSha.n te mahArAja gaNayiShye bibhItakam .. 12..\\
aha.n hi nAbhijAnAmi bhavedevaM na veti cha . 
sa~NkhyAsyAmi phalAnyasya pashyataste narAdhipa . 
muhUrtamiva vArShNeyo rashmInyachchhatu vAjinAm .. 13..\\
tamabravInnR^ipaH sUtaM nAya.n kAlo vilambitum . 
bAhukastvabravIdenaM para.n yatnaM samAsthitaH .. 14..\\
pratIkShasva muhUrta.n tvamatha vA tvarate bhavAn . 
eSha yAti shivaH panthA yAhi vArShNeyasArathiH .. 15..\\
abravIdR^ituparNasta.n sAntvayankurunandana . 
tvameva yantA nAnyo.asti pR^ithivyAmapi bAhuka .. 16..\\
tvatkR^ite yAtumichchhAmi vidarbhAnhayakovida . 
sharaNa.n tvAM prapanno.asmi na vighnaM kartumarhasi .. 17..\\
kAma.n cha te kariShyAmi yanmA.n vakShyasi bAhuka . 
vidarbhAnyadi yAtvAdya sUrya.n darshayitAsi me .. 18..\\
athAbravIdbAhukasta.n sa~NkhyAyemaM bibhItakam . 
tato vidarbhAnyAsyAmi kuruShveda.n vacho mama .. 19..\\
akAma iva ta.n rAjA gaNayasvetyuvAcha ha . 
so.avatIrya rathAttUrNa.n shAtayAmAsa ta.n drumam .. 20..\\
tataH sa vismayAviShTo rAjAnamidamabravIt . 
gaNayitvA yathoktAni tAvantyeva phalAni cha .. 21..\\
atyadbhutamida.n rAjandR^iShTavAnasmi te balam . 
shrotumichchhAmi tA.n vidyAM yathaitajGYAyate nR^ipa .. 22..\\
tamuvAcha tato rAjA tvarito gamane tadA . 
viddhyakShahR^idayaGYaM mA.n sa~NkhyAne cha vishAradam .. 23..\\
bAhukastamuvAchAtha dehi vidyAmimAM mama . 
matto.api chAshvahR^idaya.n gR^ihANa puruSharShabha .. 24..\\
R^ituparNastato rAjA bAhuka.n kAryagauravAt . 
hayaGYAnasya lobhAchcha tathetyevAbravIdvachaH .. 25..\\
yatheShTa.n tvaM gR^ihANedamakShANA.n hR^idayaM param . 
nikShepo me.ashvahR^idaya.n tvayi tiShThatu bAhuka . 
evamuktvA dadau vidyAmR^ituparNo nalAya vai .. 26..\\
tasyAkShahR^idayaGYasya sharIrAnniHsR^itaH kaliH . 
karkoTakaviSha.n tIkShNaM mukhAtsatatamudvaman .. 27..\\
kalestasya tadArtasya shApAgniH sa viniHsR^itaH . 
sa tena karshito rAjA dIrghakAlamanAtmavAn .. 28..\\
tato viShavimuktAtmA svarUpamakarotkaliH . 
ta.n shaptumaichchhatkupito niShadhAdhipatirnalaH .. 29..\\
tamuvAcha kalirbhIto vepamAnaH kR^itA~njaliH . 
kopa.n sa.nyachchha nR^ipate kIrti.n dAsyAmi te parAm .. 30..\\
indrasenasya jananI kupitA mAshapatpurA . 
yadA tvayA parityaktA tato.ahaM bhR^ishapIDitaH .. 31..\\
avasa.n tvayi rAjendra suduHkhamaparAjita . 
viSheNa nAgarAjasya dahyamAno divAnisham .. 32..\\
ye cha tvAM manujA loke kIrtayiShyantyatandritAH . 
matprasUtaM bhaya.n teShAM na kadA chidbhaviShyati .. 33..\\
evamukto nalo rAjA nyayachchhatkopamAtmanaH . 
tato bhItaH kaliH kShipraM pravivesha bibhItakam . 
kalistvanyena nAdR^ishyatkathayannaiShadhena vai .. 34..\\
tato gatajvaro rAjA naiShadhaH paravIrahA . 
sampranaShTe kalau rAjansa~NkhyAyAtha phalAnyuta .. 35..\\
mudA paramayA yuktastejasA cha pareNa ha . 
rathamAruhya tejasvI prayayau javanairhayaiH . 
bibhItakashchAprashaShTaH sa.nvR^ittaH kalisaMshrayAt .. 36..\\
hayottamAnutpatato dvijAniva punaH punaH . 
nalaH sa~ncodayAmAsa prahR^iShTenAntarAtmanA .. 37..\\
vidarbhAbhimukho rAjA prayayau sa mahAmanAH . 
nale tu samatikrAnte kalirapyagamadgR^ihAn .. 38..\\
tato gatajvaro rAjA nalo.abhUtpR^ithivIpate . 
vimuktaH kalinA rAjanrUpamAtraviyojitaH .. 39..\\
\medskip\hrule\medskip\centerline{\Largedvng 71}
 bR^ihadashva uvAcha

tato vidarbhAnsamprApta.n sAyAhne satyavikramam . 
R^ituparNa.n janA rAGYe bhImAya pratyavedayan .. 1..\\
sa bhImavachanAdrAjA kuNDinaM prAvishatpuram . 
nAdayanrathaghoSheNa sarvAH sopadisho dasha .. 2..\\
tatasta.n rathanirghoShaM nalAshvAstatra shushruvuH . 
shrutvA cha samahR^iShyanta pureva nalasaMnidhau .. 3..\\
damayantI cha shushrAva rathaghoShaM nalasya tam . 
yathA meghasya nadato gambhIra.n jaladAgame .. 4..\\
nalena sa~NgR^ihIteShu pureva nalavAjiShu . 
sadR^isha.n rathanirghoShaM mene bhaimI tathA hayAH .. 5..\\
prAsAdasthAshcha shikhinaH shAlAsthAshchaiva vAraNAH . 
hayAshcha shushruvustatra rathaghoShaM mahIpateH .. 6..\\
te shrutvA rathanirghoSha.n vAraNAH shikhinastathA . 
praNedurunmukhA rAjanmeghodayamivekShya ha .. 7..\\

 damayantyuvAcha

yathAsau rathanirghoShaH pUrayanniva medinIm . 
mama hlAdayate cheto nala eSha mahIpatiH .. 8..\\
adya chandrAbhavaktra.n taM na pashyAmi nala.n yadi . 
asa~NkhyeyaguNa.n vIraM vinashiShyAmyasaMshayam .. 9..\\
yadi vai tasya vIrasya bAhvornAdyAhamantaram . 
pravishAmi sukhasparsha.n vinashiShyAmyasaMshayam .. 10..\\
yadi mAM meghanirghoSho nopagachchhati naiShadhaH . 
adya chAmIkaraprakhyo vinashiShyAmyasaMshayam .. 11..\\
yadi mA.n si.nhavikrAnto mattavAraNavAraNaH . 
nAbhigachchhati rAjendro vinashiShyAmyasaMshayam .. 12..\\
na smarAmyanR^ita.n kiM chinna smarAmyanupAkR^itam . 
na cha paryuShita.n vAkyaM svaireShvapi mahAtmanaH .. 13..\\
prabhuH kShamAvAnvIrashcha mR^idurdAnto jitendriyaH . 
raho.anIchAnuvartI cha klIbavanmama naiShadhaH .. 14..\\
guNA.nstasya smarantyA me tatparAyA divAnisham . 
hR^idaya.n dIryata ida.n shokAtpriyavinAkR^itam .. 15..\\

 bR^ihadashva uvAcha

eva.n vilapamAnA sA naShTasa~nj~neva bhArata . 
Aruroha mahadveshma puNyashlokadidR^iShkayA .. 16..\\
tato madhyamakakShAyA.n dadarsha rathamAsthitam . 
R^ituparNaM mahIpAla.n sahavArShNeyabAhukam .. 17..\\
tato.avatIrya vArShNeyo bAhukashcha rathottamAt . 
hayA.nstAnavamuchyAtha sthApayAmAsatU ratham .. 18..\\
so.avatIrya rathopasthAdR^ituparNo narAdhipaH . 
upatasthe mahArAja bhImaM bhImaparAkramam .. 19..\\
taM bhImaH pratijagrAha pUjayA parayA tataH . 
akasmAtsahasA prApta.n strImantraM na sma vindati .. 20..\\
ki.n kArya.n svAgataM te.astu rAGYA pR^iShTashcha bhArata . 
nAbhijaGYe sa nR^ipatirduhitrarthe samAgatam .. 21..\\
R^ituparNo.api rAjA sa dhImAnsatyaparAkramaH . 
rAjAna.n rAjaputraM vA na sma pashyati ka.n chana . 
naiva svaya.nvarakathAM na cha viprasamAgamam .. 22..\\
tato vigaNayanrAjA manasA kosalAdhipaH . 
Agato.asmItyuvAchainaM bhavantamabhivAdakaH .. 23..\\
rAjApi cha smayanbhImo manasAbhivichintayat . 
adhika.n yojanashata.n tasyAgamanakAraNam .. 24..\\
grAmAnbahUnatikramya nAdhyagachchhadyathAtatham . 
alpakArya.n vinirdiShTa.n tasyAgamanakAraNam .. 25..\\
naitadeva.n sa nR^ipatistaM satkR^itya vyasarjayat . 
vishrAmyatAmiti vadanklAnto.asIti punaH punaH .. 26..\\
sa satkR^itaH prahR^iShTAtmA prItaH prItena pArthivaH . 
rAjapreShyairanugato diShTa.n veshma samAvishat .. 27..\\
R^ituparNe gate rAjanvArShNeyasahite nR^ipe . 
bAhuko rathamAsthAya rathashAlAmupAgamat .. 28..\\
sa mochayitvA tAnashvAnparichArya cha shAstrataH . 
svaya.n chaitAnsamAshvAsya rathopastha upAvishat .. 29..\\
damayantI tu shokArtA dR^iShTvA bhA~NgasvariM nR^ipam . 
sUtaputra.n cha vArShNeyaM bAhukaM cha tathAvidham .. 30..\\
chintayAmAsa vaidarbhI kasyaiSha rathanisvanaH . 
nalasyeva mahAnAsInna cha pashyAmi naiShadham .. 31..\\
vArShNeyena bhavennUna.n vidyA saivopashikShitA . 
tenAsya rathanirghoSho nalasyeva mahAnabhUt .. 32..\\
Aho svidR^ituparNo.api yathA rAjA nalastathA . 
tato.aya.n rathanirghoSho naiShadhasyeva lakShyate .. 33..\\
eva.n vitarkayitvA tu damayantI vishAM pate . 
dUtIM prasthApayAmAsa naiShadhAnveShaNe nR^ipa .. 34..\\
\medskip\hrule\medskip\centerline{\Largedvng 72}
 damayantyuvAcha

gachchha keshini jAnIhi ka eSha rathavAhakaH . 
upaviShTo rathopasthe vikR^ito hrasvabAhukaH .. 1..\\
abhyetya kushalaM bhadre mR^idupUrva.n samAhitA . 
pR^ichchhethAH puruSha.n hyenaM yathAtattvamanindite .. 2..\\
atra me mahatI sha~NkA bhavedeSha nalo nR^ipaH . 
tathA cha me manastuShTirhR^idayasya cha nirvR^itiH .. 3..\\
brUyAshchaina.n kathAnte tvaM parNAdavachana.n yathA . 
prativAkya.n cha sushroNi budhyethAstvamanindite .. 4..\\

 bR^ihadashva uvAcha

eva.n samAhitA gatvA dUtI bAhukamabravIt . 
damayantyapi kalyANI prAsAdasthAnvavaikShata .. 5..\\
svAgata.n te manuShyendra kushalaM te bravImyaham . 
damayantyA vachaH sAdhu nibodha puruSharShabha .. 6..\\
kadA vai prasthitA yUya.n kimarthamiha chAgatAH . 
tattvaM brUhi yathAnyAya.n vaidarbhI shrotumichchhati .. 7..\\

 bAhuka uvAcha

shrutaH svaya.nvaro rAGYA kausalyena yashasvinA . 
dvitIyo damayantyA vai shvobhUta iti bhAmini .. 8..\\
shrutvA taM prasthito rAjA shatayojanayAyibhiH . 
hayairvAtajavairmukhyairahamasya cha sArathiH .. 9..\\

 keshinyuvAcha

atha yo.asau tR^itIyo vaH sa kutaH kasya vA punaH . 
tva.n cha kasya kathaM chedaM tvayi karma samAhitam .. 10..\\

 bAhuka uvAcha

puNyashlokasya vai sUto vArShNeya iti vishrutaH . 
sa nale vidrute bhadre bhA~NgasvarimupasthitaH .. 11..\\
ahamapyashvakushalaH sUdatve cha suniShThitaH . 
R^ituparNena sArathye bhojane cha vR^itaH svayam .. 12..\\

 keshinyuvAcha

atha jAnAti vArShNeyaH kva nu rAjA nalo gataH . 
katha.n chittvayi vaitena kathita.n syAttu bAhuka .. 13..\\

 bAhuka uvAcha

ihaiva putrau nikShipya nalasyAshubhakarmaNaH . 
gatastato yathAkAmaM naiSha jAnAti naiShadham .. 14..\\
na chAnyaH puruShaH kashchinnala.n vetti yashasvini . 
gUDhashcharati loke.asminnaShTarUpo mahIpatiH .. 15..\\
Atmaiva hi nala.n vetti yA chAsya tadanantarA . 
na hi vai tAni li~NgAni nala.n sha.nsanti karhi chit .. 16..\\

 keshinyuvAcha

yo.asAvayodhyAM prathama.n gatavAnbrAhmaNastadA .. 17..\\
imAni nArIvAkyAni kathayAnaH punaH punaH .. 71..\\
kva nu tva.n kitava chhittvA vastrArdhaM prasthito mama . 
utsR^ijya vipine suptAmanuraktAM priyAM priya .. 18..\\
sA vai yathA samAdiShTA tatrAste tvatpratIkShiNI . 
dahyamAnA divArAtra.n vastrArdhenAbhisa.nvR^itA .. 19..\\
tasyA rudantyAH satata.n tena duHkhena pArthiva . 
prasAda.n kuru vai vIra prativAkyaM prayachchha cha .. 20..\\
tasyAstatpriyamAkhyAnaM prabravIhi mahAmate . 
tadeva vAkya.n vaidarbhI shrotumichchhatyaninditA .. 21..\\
etachchhrutvA prativachastasya datta.n tvayA kila . 
yatpurA tatpunastvatto vaidarbhI shrotumichchhati .. 22..\\

 bR^ihadashva uvAcha

evamuktasya keshinyA nalasya kurunandana . 
hR^idaya.n vyathita.n chAsIdashrupUrNe cha lochane .. 23..\\
sa nigR^ihyAtmano duHkha.n dahyamAno mahIpatiH . 
bAShpasandigdhayA vAchA punarevedamabravIt .. 24..\\
vaiShamyamapi samprAptA gopAyanti kulastriyaH . 
AtmAnamAtmanA satyo jitasvargA na saMshayaH .. 25..\\
rahitA bhartR^ibhishchaiva na krudhyanti kadA chana . 
prANAMshchAritrakavachA dhArayantIha satstriyaH .. 26..\\
prANayAtrAM pariprepsoH shakunairhR^itavAsasaH . 
AdhibhirdahyamAnasya shyAmA na kroddhumarhati .. 27..\\
satkR^itAsatkR^itA vApi pati.n dR^iShTvA tathAgatam . 
bhraShTarAjya.n shriyA hIna.n kShudhitaM vyasanAplutam .. 28..\\
evaM bruvANastadvAkyaM nalaH paramaduHkhitaH . 
na bAShpamashakatsoDhuM praruroda cha bhArata .. 29..\\
tataH sA keshinI gatvA damayantyai nyavedayat . 
tatsarva.n kathitaM chaiva vikAraM chaiva tasya tam .. 30..\\
\medskip\hrule\medskip\centerline{\Largedvng 73}
 bR^ihadashva uvAcha

damayantI tu tachchhrutvA bhR^isha.n shokaparAyaNA . 
sha~NkamAnA nala.n ta.n vai keshinImidamabravIt .. 1..\\
gachchha keshini bhUyastvaM parIkShA.n kuru bAhuke . 
AbruvANA samIpasthA charitAnyasya lakShaya .. 2..\\
yadA cha ki.n chitkuryAtsa kAraNaM tatra bhAmini . 
tatra sa~nceShTamAnasya sa.nlakShya.n te vicheShTitam .. 3..\\
na chAsya pratibandhena deyo.agnirapi bhAmini . 
yAchate na jala.n deya.n samyagAtvaramANayA .. 4..\\
etatsarva.n samIkShya tva.n charitaM me nivedaya . 
yachchAnyadapi pashyethAstachchAkhyeya.n tvayA mama .. 5..\\
damayantyaivamuktA sA jagAmAthAshu keshinI . 
nishAmya cha hayaGYasya li~NgAni punarAgamat .. 6..\\
sA tatsarva.n yathAvR^itta.n damayantyai nyavedayat . 
nimitta.n yattadA dR^iShTaM bAhuke divyamAnuSham .. 7..\\

 keshinyuvAcha

dR^iDha.n shuchyupachAro.asau na mayA mAnuShaH kva chit . 
dR^iShTapUrvaH shruto vApi damayanti tathAvidhaH .. 8..\\
hrasvamAsAdya sa~ncAraM nAsau vinamate kva chit . 
ta.n tu dR^iShTvA yathAsa~Ngamutsarpati yathAsukham . 
sa~NkaTe.apyasya sumahadvivara.n jAyate.adhikam .. 9..\\
R^ituparNasya chArthAya bhojanIyamanekashaH . 
preShita.n tatra rAGYA cha mA.nsa.n subahu pAshavam .. 10..\\
tasya prakShAlanArthAya kumbhastatropakalpitaH . 
sa tenAvekShitaH kumbhaH pUrNa evAbhavattadA .. 11..\\
tataH prakShAlana.n kR^itvA samadhishritya bAhukaH . 
tR^iNamuShTi.n samAdAya AvidhyainaM samAdadhat .. 12..\\
atha prajvalitastatra sahasA havyavAhanaH . 
tadadbhutatama.n dR^iShTvA vismitAhamihAgatA .. 13..\\
anyachcha tasminsumahadAshcharya.n lakShitaM mayA . 
yadagnimapi sa.nspR^ishya naiva dahyatyasau shubhe .. 14..\\
chhandena chodaka.n tasya vahatyAvarjitaM drutam . 
atIva chAnyatsumahadAshcharya.n dR^iShTavatyaham .. 15..\\
yatsa puShpANyupAdAya hastAbhyAM mamR^ide shanaiH . 
mR^idyamAnAni pANibhyA.n tena puShpANi tAnyatha .. 16..\\
bhUya eva sugandhIni hR^iShitAni bhavanti cha . 
etAnyadbhutakalpAni dR^iShTvAha.n drutamAgatA .. 17..\\

 bR^ihadashva uvAcha

damayantI tu tachchhrutvA puNyashlokasya cheShTitam . 
amanyata nalaM prApta.n karmacheShTAbhisUchitam .. 18..\\
sA sha~NkamAnA bhartAraM nalaM bAhukarUpiNam . 
keshinI.n shlakShNayA vAchA rudatI punarabravIt .. 19..\\
punargachchha pramattasya bAhukasyopasa.nskR^itam . 
mahAnasAchchhR^itaM mA.nsa.n samAdAyaihi bhAmini .. 20..\\
sA gatvA bAhuke vyagre tanmA.nsamapakR^iShya cha . 
atyuShNameva tvaritA tatkShaNaM priyakAriNI . 
damayantyai tataH prAdAtkeshinI kurunandana .. 21..\\
sochitA nalasiddhasya mA.nsasya bahushaH purA . 
prAshya matvA nala.n sUdaM prAkroshadbhR^ishaduHkhitA .. 22..\\
vaiklavya.n cha paraM gatvA prakShAlya cha mukhaM tataH . 
mithunaM preShayAmAsa keshinyA saha bhArata .. 23..\\
indrasenA.n saha bhrAtrA samabhiGYAya bAhukaH . 
abhidrutya tato rAjapariShvajyA~NkamAnayat .. 24..\\
bAhukastu samAsAdya sutau surasutopamau . 
bhR^isha.n duHkhaparItAtmA sasvaraM prarudoda ha .. 25..\\
naiShadho darshayitvA tu vikAramasakR^ittadA . 
utsR^ijya sahasA putrau keshinImidamabravIt .. 26..\\
ida.n susadR^ishaM bhadre mithunaM mama putrayoH . 
tato dR^iShTvaiva sahasA bAShpamutsR^itavAnaham .. 27..\\
bahushaH sampatantI.n tvAM janaH sha~Nketa doShataH . 
vaya.n cha deshAtithayo gachchha bhadre namo.asu te .. 28..\\
\medskip\hrule\medskip\centerline{\Largedvng 74}
 bR^ihadashva uvAcha

sarva.n vikAra.n dR^iShTvA tu puNyashlokasya dhImataH . 
Agatya keshinI kShipra.n damayantyai nyavedayat .. 1..\\
damayantI tato bhUyaH preShayAmAsa keshinIm . 
mAtuH sakAsha.n duHkhArtA nalasha~NkAsamutsukA .. 2..\\
parIkShito me bahusho bAhuko nalasha~NkayA . 
rUpe me saMshayastvekaH svayamichchhAmi veditum .. 3..\\
sa vA praveshyatAM mAtarmA.n vAnuGYAtumarhasi . 
vidita.n vAtha vAGYAtaM piturme sa.nvidhIyatAm .. 4..\\
evamuktA tu vaidarbhyA sA devI bhImamabravIt . 
duhitustamabhiprAyamanvajAnAchcha pArthivaH .. 5..\\
sA vai pitrAbhyanuGYAtA mAtrA cha bharatarShabha . 
nalaM praveshayAmAsa yatra tasyA pratishrayaH .. 6..\\
ta.n tu dR^iShTvA tathAyuktaM damayantI nalaM tadA . 
tIvrashokasamAviShTA babhUva varavarNinI .. 7..\\
tataH kAShAyavasanA jaTilA malapa~NkinI . 
damayantI mahArAja bAhuka.n vAkyamabravIt .. 8..\\
dR^iShTapUrvastvayA kashchiddharmaGYo nAma bAhuka . 
suptAmutsR^ijya vipine gato yaH puruShaH striyam .. 9..\\
anAgasaM priyAM bhAryA.n vijane shramamohitAm . 
apahAya tu ko gachchhetpuNyashlokamR^ite nalam .. 10..\\
kiM nu tasya mayA kAryamaparAddhaM mahIpateH . 
yo mAmutsR^ijya vipine gatavAnnidrayA hR^itAm .. 11..\\
sAkShAddevAnapAhAya vR^ito yaH sa mayA purA . 
anuvratA.n sAbhikAmAM putriNI.n tyaktavAnkatham .. 12..\\
agnau pANigR^ihItA.n cha ha.nsAnA.n vachane sthitAm . 
bhariShyAmIti satya.n cha pratishrutya kva tadgatam .. 13..\\
damayantyA bruvantyAstu sarvametadarindama . 
shokaja.n vAri netrAbhyAmasukhaM prAsravadbahu .. 14..\\
atIva kR^iShNatArAbhyA.n raktAntAbhyA.n jalaM tu tat . 
parisravannalo dR^iShTvA shokArta idamabravIt .. 15..\\
mama rAjyaM pranaShTa.n yannAha.n tatkR^itavAnsvayam . 
kalinA tatkR^itaM bhIru yachcha tvAm ahamatyajam .. 16..\\
tvayA tu dharmabhR^ichchhreShThe shApenAbhihataH purA . 
vanasthayA duHkhitayA shochantyA mA.n vivAsasam .. 17..\\
sa machchharIre tvachchhApAddahyamAno.avasatkaliH . 
tvachchhApadagdhaH satata.n so.agnAviva samAhitaH .. 18..\\
mama cha vyavasAyena tapasA chaiva nirjitaH . 
duHkhasyAntena chAnena bhavitavya.n hi nau shubhe .. 19..\\
vimuchya mA.n gataH pApaH sa tato.ahamihAgataH . 
tvadartha.n vipulashroNi na hi me.anyatprayojanam .. 20..\\
kathaM nu nArI bhartAramanuraktamanuvratam . 
utsR^ijya varayedanya.n yathA tvaM bhIru karhi chit .. 21..\\
dUtAshcharanti pR^ithivI.n kR^itsnAM nR^ipatishAsanAt . 
bhaimI kila sma bhartAra.n dvitIya.n varayiShyati .. 22..\\
svairavR^ittA yathAkAmamanurUpamivAtmanAH . 
shrutvaiva chaiva.n tvarito bhA~NgasvarirupasthitaH .. 23..\\
damayantI tu tachchhrutvA nalasya paridevitam . 
prA~njalirvepamAnA cha bhItA vachanamabravIt .. 24..\\
\medskip\hrule\medskip\centerline{\Largedvng 75}
 damayantyuvAcha

na mAmarhasi kalyANa pApena parisha~Nkitum . 
mayA hi devAnutsR^ijya vR^itastvaM niShadhAdhipa .. 1..\\
tavAbhigamanArtha.n tu sarvato brAhmaNA gatAH . 
vAkyAni mama gAthAbhirgAyamAnA disho dasha .. 2..\\
tatastvAM brAhmaNo vidvAnparNAdo nAma pArthiva . 
abhyagachchhatkosalAyAmR^ituparNaniveshane .. 3..\\
tena vAkye hR^ite samyakprativAkye tathAhR^ite . 
upAyo.ayaM mayA dR^iShTo naiShadhAnayane tava .. 4..\\
tvAmR^ite na hi loke.anya ekAhnA pR^ithivIpate . 
samartho yojanashata.n gantumashvairnarAdhipa .. 5..\\
tathA chemau mahIpAla bhaje.aha.n charaNau tava . 
yathA nAsatkR^ita.n kiM chinmanasApi charAmyaham .. 6..\\
aya.n charati loke.asminbhUtasAkShI sadAgatiH . 
eSha mu~nchatu me prANAnyadi pApa.n charAmyaham .. 7..\\
tathA charati tigmAMshuH pareNa bhuvana.n sadA . 
sa vimu~nchatu me prANAnyadi pApa.n charAmyaham .. 8..\\
chandramAH sarvabhUtAnAmantashcharati sAkShivat . 
sa vimu~nchatu me prANAnyadi pApa.n charAmyaham .. 9..\\
ete devAstrayaH kR^itsna.n trailokyaM dhArayanti vai . 
vibruvantu yathAsatyamete vAdya tyajantu mAm .. 10..\\
evamukte tato vAyurantarikShAdabhAShata . 
naiShA kR^itavatI pApaM nala.n satyaM bravImi te .. 11..\\
rAja~nshIlanidhiH sphIto damayantyA surakShitaH . 
sAkShiNo rakShiNashchAsyA vaya.n trInparivatsarAn .. 12..\\
upAyo vihitashchAya.n tvadarthamatulo.anayA . 
na hyekAhnA shata.n gantA tvadR^ite.anyaH pumAniha .. 13..\\
upapannA tvayA bhaimI tva.n cha bhaimyA mahIpate . 
nAtra sha~NkA tvayA kAryA sa~Ngachchha saha bhAryayA .. 14..\\
tathA bruvati vAyau tu puShpavR^iShTiH papAta ha . 
devadundubhayo nedurvavau cha pavanaH shivaH .. 15..\\
tadadbhutatama.n dR^iShTvA nalo rAjAtha bhArata . 
damayantyA.n visha~NkA.n tAM vyapAkarShadarindama .. 16..\\
tatastadvastramarajaH prAvR^iNodvasudhAdhipaH . 
sa.nsmR^itya nAgarAjAna.n tato lebhe vapuH svakam .. 17..\\
svarUpiNa.n tu bhartAraM dR^iShTvA bhImasutA tadA . 
prAkroshaduchchairAli~Ngya puNyashlokamaninditA .. 18..\\
bhaimImapi nalo rAjA bhrAjamAno yathA purA . 
sasvaje svasutau chApi yathAvatpratyanandata .. 19..\\
tataH svorasi vinyasya vaktra.n tasya shubhAnanA . 
parItA tena duHkhena nishashvAsAyatekShaNA .. 20..\\
tathaiva maladigdhA~NgI pariShvajya shuchismitA . 
suchiraM puruShavyAghra.n tasthau sAshrupariplutA .. 21..\\
tataH sarva.n yathAvR^itta.n damayantyA nalasya cha . 
bhImAyAkathayatprItyA vaidarbhyA jananI nR^ipa .. 22..\\
tato.abravInmahArAjaH kR^itashauchamahaM nalam . 
damayantyA sahopeta.n kAlyaM draShTA sukhoShitam .. 23..\\
tatastau sahitau rAtri.n kathayantau purAtanam . 
vane vicharita.n sarvamUShaturmuditau nR^ipa .. 24..\\
sa chaturthe tato varShe sa~Ngamya saha bhAryayA . 
sarvakAmaiH susiddhArtho labdhavAnparamAM mudam .. 25..\\
damayantyapi bhartAramavApyApyAyitA bhR^isham . 
ardhasa~njAtasasyeva toyaM prApya vasundharA .. 26..\\
saiva.n sametya vyapanItatandrI 
shAntajvarA harShavivR^iddhasattvA . 
rarAja bhaimI samavAptakAmA 
shItAMshunA rAtririvoditena .. 27..\\
\medskip\hrule\medskip\centerline{\Largedvng 76}
 bR^ihadashva uvAcha

atha tA.n vyuShito rAtriM nalo rAjA svala~NkR^itaH . 
vaidarbhyA sahitaH kAlya.n dadarsha vasudhAdhipam .. 1..\\
tato.abhivAdayAmAsa prayataH shvashuraM nalaH . 
tasyAnu damayantI cha vavande pitara.n shubhA .. 2..\\
taM bhImaH pratijagrAha putravatparayA mudA . 
yathArhaM pUjayitvA tu samAshvAsayata prabhuH . 
nalena sahitA.n tatra damayantIM pativratAm .. 3..\\
tAmarhaNAM nalo rAjA pratigR^ihya yathAvidhi . 
paricharyA.n svakA.n tasmai yathAvatpratyavedayat .. 4..\\
tato babhUva nagare sumahAnharShanisvanaH . 
janasya samprahR^iShTasya nala.n dR^iShTvA tathAgatam .. 5..\\
ashobhayachcha nagaraM patAkAdhvajamAlinam . 
siktasaMmR^iShTapuShpADhyA rAjamArgAH kR^itAstadA .. 6..\\
dvAri dvAri cha paurANAM puShpabha~NgaH prakalpitaH . 
architAni cha sarvANi devatAyatanAni cha .. 7..\\
R^ituparNo.api shushrAva bAhukachhadminaM nalam . 
damayantyA samAyukta.n jahR^iShe cha narAdhipaH .. 8..\\
tamAnAyya nalo rAjA kShamayAmAsa pArthivam . 
sa cha ta.n kShamayAmAsa hetubhirbuddhisaMmataH .. 9..\\
sa satkR^ito mahIpAlo naiShadha.n vismayAnvitaH . 
diShTyA sameto dAraiH svairbhavAnityabhyanandata .. 10..\\
kachchittu nAparAdha.n te kR^itavAnasmi naiShadha . 
aGYAtavAsa.n vasato madgR^ihe niShadhAdhipa .. 11..\\
yadi vA buddhipUrvANi yadyabuddhAni kAni chit . 
mayA kR^itAnyakAryANi tAni me kShantumarhasi .. 12..\\

 nala uvAcha

na me.aparAdha.n kR^itavA.nstva.n svalpamapi pArthiva . 
kR^ite.api cha na me kopaH kShantavya.n hi mayA tava .. 13..\\
pUrva.n hyasi sakhA me.asi sambandhI cha narAdhipa . 
ata Urdhva.n tu bhUyastvaM prItimAhartumarhasi .. 14..\\
sarvakAmaiH suvihitaH sukhamasmyuShitastvayi . 
na tathA svagR^ihe rAjanyathA tava gR^ihe sadA .. 15..\\
ida.n chaiva hayaGYAnaM tvadIyaM mayi tiShThati . 
tadupAkartumichchhAmi manyase yadi pArthiva .. 16..\\
evamuktvA dadau vidyAmR^ituparNAya naiShadhaH . 
sa cha tAM pratijagrAha vidhidR^iShTena karmaNA .. 17..\\
tato gR^ihyAshvahR^idaya.n tadA bhA~NgasvarirnR^ipaH . 
sUtamanyamupAdAya yayau svapurameva hi .. 18..\\
R^ituparNe pratigate nalo rAjA vishAM pate . 
nagare kuNDine kAlaM nAtidIrghamivAvasat .. 19..\\
\medskip\hrule\medskip\centerline{\Largedvng 77}
 bR^ihadashva uvAcha

sa mAsamuShya kaunteya bhImamAmantrya naiShadhaH . 
purAdalpaparIvAro jagAma niShadhAnprati .. 1..\\
rathenaikena shubhreNa dantibhiH pariShoDashaiH . 
pa~nchAshadbhirhayaishchaiva ShaTshataishcha padAtibhiH .. 2..\\
sa kampayanniva mahI.n tvaramANo mahIpatiH . 
praviveshAtisa.nrabdhastarasaiva mahAmanAH .. 3..\\
tataH puShkaramAsAdya vIrasenasuto nalaH . 
uvAcha dIvyAva punarbahu vittaM mayArjitam .. 4..\\
damayantI cha yachchAnyanmayA vasu samarjitam . 
eSha vai mama saMnyAsastava rAjya.n tu puShkara .. 5..\\
punaH pravartatA.n dyUtamiti me nishchitA matiH . 
ekapANena bhadra.n te prANayoshcha paNAvahe .. 6..\\
jitvA parasvamAhR^itya rAjya.n vA yadi vA vasu . 
pratipANaH pradAtavyaH para.n hi dhanamuchyate .. 7..\\
na chedvA~nchhasi taddyUta.n yuddhadyUtaM pravartatAm . 
dvairathenAstu vai shAntistava vA mama vA nR^ipa .. 8..\\
vaMshabhojyamida.n rAjyaM mArgitavyaM yathA tathA . 
yena tenApyupAyena vR^iddhAnAmiti shAsanam .. 9..\\
dvayorekatare buddhiH kriyatAmadya puShkara . 
kaitavenAkShavatyA.n vA yuddhe vA namyatA.n dhanuH .. 10..\\
naiShadhenaivamuktastu puShkaraH prahasanniva . 
dhruvamAtmajayaM matvA pratyAha pR^ithivIpatim .. 11..\\
diShTyA tvayArjita.n vittaM pratipANAya naiShadha . 
diShTyA cha duShkR^ita.n karma damayantyAH kShayaM gatam . 
diShTyA cha dhriyase rAjansadAro.arinibarhaNa .. 12..\\
dhanenAnena vaidarbhI jitena samala~NkR^itA . 
mAmupasthAsyati vyakta.n divi shakramivApsarAH .. 13..\\
nityasho hi smarAmi tvAM pratIkShAmi cha naiShadha . 
devane cha mama prItirna bhavatyasuhR^idgaNaiH .. 14..\\
jitvA tvadya varArohA.n damayantImaninditAm . 
kR^itakR^ityo bhaviShyAmi sA hi me nityasho hR^idi .. 15..\\
shrutvA tu tasya tA vAcho bahvabaddhapralApinaH . 
iyeSha sa shirashchhettu.n khaDgena kupito nalaH .. 16..\\
smaya.nstu roShatAmrAkShastamuvAcha tato nR^ipaH . 
paNAvaH ki.n vyAharase jitvA vai vyAhariShyasi .. 17..\\
tataH prAvartata dyUtaM puShkarasya nalasya cha . 
ekapANena bhadra.n te nalena sa parAjitaH . 
sa ratnakoshanichayaH prANena paNito.api cha .. 18..\\
jitvA cha puShkara.n rAjA prahasannidamabravIt . 
mama sarvamida.n rAjyamavyagraM hatakaNTakam .. 19..\\
vaidarbhI na tvayA shakyA rAjApasada vIkShitum . 
tasyAstva.n saparIvAro mUDha dAsatvamAgataH .. 20..\\
na tattvayA kR^ita.n karma yenAhaM nirjitaH purA . 
kalinA tatkR^ita.n karma tvaM tu mUDha na budhyase . 
nAhaM parakR^ita.n doShaM tvayyAdhAsye kathaM chana .. 21..\\
yathAsukha.n tvaM jIvasva prANAnabhyutsR^ijAmi te . 
tathaiva cha mama prItistvayi vIra na saMshayaH .. 22..\\
saubhrAtra.n chaiva me tvatto na kadA chitprahAsyati . 
puShkara tva.n hi me bhrAtA sa~njIvasva shataM samAH .. 23..\\
evaM nalaH sAntvayitvA bhrAtara.n satyavikramaH . 
svapuraM preShayAmAsa pariShvajya punaH punaH .. 24..\\
sAntvito naiShadhenaivaM puShkaraH pratyuvAcha tam . 
puNyashloka.n tadA rAjannabhivAdya kR^itA~njaliH .. 25..\\
kIrtirastu tavAkShayyA jIva varShAyuta.n sukhI . 
yo me vitarasi prANAnadhiShThAna.n cha pArthiva .. 26..\\
sa tathA satkR^ito rAGYA mAsamuShya tadA nR^ipaH . 
prayayau svapura.n hR^iShTaH puShkaraH svajanAvR^itaH .. 27..\\
mahatyA senayA rAjanvinItaiH parichArikaiH . 
bhrAjamAna ivAdityo vapuShA puruSharShabha .. 28..\\
prasthApya puShkara.n rAjA vittavantamanAmayam . 
pravivesha pura.n shrImAnatyarthamupashobhitam . 
pravishya sAntvayAmAsa paurAMshcha niShadhAdhipaH .. 29..\\
\medskip\hrule\medskip\centerline{\Largedvng 78}
 bR^ihadashva uvAcha

prashAnte tu pure hR^iShTe sampravR^itte mahotsave . 
mahatyA senayA rAjA damayantImupAnayat .. 1..\\
damayantImapi pitA satkR^itya paravIrahA . 
prasthApayadameyAtmA bhImo bhImaparAkramaH .. 2..\\
AgatAyA.n tu vaidarbhyA.n saputrAyAM nalo nR^ipaH . 
vartayAmAsa mudito devarAD iva nandane .. 3..\\
tathA prakAshatA.n yAto jambUdvIpe.atha rAjasu . 
punaH sve chAvasadrAjye pratyAhR^itya mahAyashAH .. 4..\\
Ije cha vividhairyaGYairvidhivatsvAptadakShiNaiH . 
tathA tvamapi rAjendra sasuhR^idvakShyase.achirAt .. 5..\\
duHkhametAdR^ishaM prApto nalaH parapura~njayaH . 
devanena narashreShTha sabhAryo bharatarShabha .. 6..\\
ekAkinaiva sumahannalena pR^ithivIpate . 
duHkhamAsAdita.n ghoraM prAptashchAbhyudayaH punaH .. 7..\\
tvaM punarbhrAtR^isahitaH kR^iShNayA chaiva pANDava . 
ramase.asminmahAraNye dharmamevAnuchintayan .. 8..\\
brAhmaNaishcha mahAbhAgairvedavedA~NgapAragaiH . 
nityamanvAsyase rAja.nstatra kA paridevanA .. 9..\\
itihAsamima.n chApi kalinAshanamuchyate . 
shakyamAshvAsitu.n shrutvA tvadvidhena vishAM pate .. 10..\\
asthiratva.n cha sa~ncintya puruShArthasya nityadA . 
tasyAye cha vyaye chaiva samAshvasihi mA shuchaH .. 11..\\
ye cheda.n kathayiShyanti nalasya charitaM mahat . 
shroShyanti chApyabhIkShNa.n vai nAlakShmIstAnbhajiShyati . 
arthAstasyopapatsyante dhanyatA.n cha gamiShyati .. 12..\\
itihAsamima.n shrutvA purANaM shashvaduttamam . 
putrAnpautrAnpashUMshchaiva vetsyate nR^iShu chAgryatAm . 
arogaH prItimAMshchaiva bhaviShyati na saMshayaH .. 13..\\
bhayaM pashyasi yachcha tvamAhvayiShyati mAM punaH . 
akShaGYa iti tatte.ahaM nAshayiShyAmi pArthiva .. 14..\\
vedAkShahR^idaya.n kR^itsnamaha.n satyaparAkrama . 
upapadyasva kaunteya prasanno.ahaM bravImi te .. 15..\\

 vaishampAyana uvAcha

tato hR^iShTamanA rAjA bR^ihadashvamuvAcha ha . 
bhagavannakShahR^idaya.n GYAtumichchhAmi tattvataH .. 16..\\
tato.akShahR^idayaM prAdAtpANDavAya mahAtmane . 
dattvA chAshvashiro.agachchhadupaspraShTuM mahAtapaH .. 17..\\
bR^ihadashve gate pArthamashrauShItsavyasAchinam . 
vartamAna.n tapasyugre vAyubhakShaM manIShiNam .. 18..\\
brAhmaNebhyastapasvibhyaH sampatadbhyastatastataH . 
tIrthashailavarebhyashcha sametebhyo dR^iDhavrataH .. 19..\\
iti pArtho mahAbAhurdurApa.n tapa AsthitaH . 
na tathA dR^iShTapUrvo.anyaH kashchidugratapA iti .. 20..\\
yathA dhana~njayaH pArthastapasvI niyatavrataH . 
munirekacharaH shrImAndharmo vigrahavAniva .. 21..\\
ta.n shrutvA pANDavo rAja.nstapyamAnaM mahAvane . 
anvashochata kaunteyaH priya.n vai bhrAtara.n jayam .. 22..\\
dahyamAnena tu hR^idA sharaNArthI mahAvane . 
brAhmaNAnvividhaGYAnAnparyapR^ichchhadyudhiShThiraH .. 23..\\
\medskip\hrule\medskip\centerline{\Largedvng 79}
 j

bhagavankAmyakAtpArthe gate me prapitA mahe . 
pANDavAH kimakurvanta tamR^ite savyasAchinam .. 1..\\
sa hi teShAM maheShvAso gatirAsIdanIkajit . 
AdityAnA.n yathA viShNustathaiva pratibhAti me .. 2..\\
tenendra samavIryeNa sa~NgrAmeShvanivartinA . 
vinA bhUtA vane vIrAH kathamAsanpitA mahAH .. 3..\\

 v

gate tu kAmyakAttAta pANDave savyasAchini . 
babhUvuH kauraveyAste duHkhashokaparAyaNAH .. 4..\\
AkShipta sUtrA maNayashchhinnapakShA iva dvijAH . 
aprIta manasaH sarve babhUvuratha pANDavAH .. 5..\\
vana.n cha tadabhUttena hInamakliShTakarmaNA . 
kuvereNa yathA hIna.n vana.n chaitrarathaM tathA .. 6..\\
tamR^ite puruShavyAghraM pANDavA janamejaya . 
mudamaprApnuvanto vai kAmyake nyavasa.nstadA .. 7..\\
brAhmaNArthe parAkrAntAH shuddhairbANairmahArathAH . 
nighnanto bharatashreShTha medhyAnbahuvidhAnmR^igAn .. 8..\\
nitya.n hi puruShavyAghrA vanyAhAramarindamAH . 
viprasR^itya samAhR^itya brAhmaNebhyo nyavedayan .. 9..\\
eva.n te nyavasa.nstatra sotkaNThAH puruSharShabhAH . 
ahR^iShTa manasaH sarve gate rAjandhana~njaye .. 10..\\
atha viproShita.n vIraM pA~nchAlI madhyamaM patim . 
smarantI pANDavashreShThamida.n vachanamabravIt .. 11..\\
yo.arjunenArjunastulyo dvibAhurbahu bAhunA . 
tamR^ite pANDavashreShTha.n vanaM na pratibhAti me . 
shUnyAmiva cha pashyAmi tatra tatra mahImimAm .. 12..\\
bahvAshcharyamida.n chApi vanaM kusumitadrumam . 
na tathA ramaNIyaM me tamR^ite savyasAchinam .. 13..\\
nIlAmbudasamaprakhyaM mattamAta~Ngavikramam . 
tamR^ite puNDarIkAkSha.n kAmyakaM nAtibhAti me .. 14..\\
yasya sma dhanuSho ghoShaH shrUyate.ashaninisvanaH . 
na labhe sharma ta.n rAjansmarantI savyasAchinam .. 15..\\
tathA lAlapyamAnA.n tAM nishamya paravIrahA . 
bhImaseno mahArAja draupadImidamabravIt .. 16..\\
manaH prItikaraM bhadre yadbravIShi sumadhyame . 
tanme prINAti hR^idayamamR^itaprAshanopamam .. 17..\\
yasya dIrghau samau pInau bhujau parighasaMnibhau . 
maurvI kR^itakiNau vR^ittau khaDgAyudha gadAdharau .. 18..\\
niShkA~NgadakR^itApIDau pa~nchashIrShAvivoragau . 
tamR^ite puruShavyAghraM naShTasUryamida.n vanam .. 19..\\
yamAshritya mahAbAhuM pA~nchAlAH kuravastathA . 
surANAmapi yattAnAM pR^itanAsu na bibhyati .. 20..\\
yasya bAhU samAshritya vaya.n sarve mahAtmanAH . 
manyAmahe jitAnAjau parAnprAptA.n cha medinIm .. 21..\\
tamR^ite phalguna.n vIraM na labhe kAmyake dhR^itim . 
shUnyAmiva cha pashyAmi tatra tatra mahImimAm .. 22..\\

 nakula

ya udIchI.n dishaM gatvA jitvA yudhi mahAbalAn . 
gandharvamukhyA~nshatasho hayA.Nllebhe sa vAsaviH .. 23..\\
rAja.nstittiri kalmAShA~nshrImAnanilara.nhasaH . 
prAdAdbhrAtre priyaH premnA rAjasUye mahAkratau .. 24..\\
tamR^ite bhImadhanvAnaM bhImAdavaraja.n vane . 
kAmaye kAmyake vAsaM nedAnIm amaropamam .. 25..\\

 sahadeva

yo dhanAni cha kanyAshcha yudhi jitvA mahArathAn . 
AjahAra purA rAGYe rAjasUye mahAkratau .. 26..\\
yaH sametAnmR^idhe jitvA yAdavAnamitadyutiH . 
subhadrAmAjahAraiko vAsudevasya saMmate .. 27..\\
tasya jiShNorbR^isI.n dR^iShTvA shUnyAmupaniveshane . 
hR^idayaM me mahArAja na shAmyati kadA chana .. 28..\\
vanAdasmAdvivAsa.n tu rochaye.ahamarindama . 
na hi nastamR^ite vIra.n ramaNIyamidaM vanam .. 29..\\
\medskip\hrule\medskip\centerline{\Largedvng 80}
 v

dhana~njayotsukAste tu vane tasminmahArathAH . 
nyavasanta mahAbhAgA draupadyA saha pANDavAH .. 1..\\
athApashyanmahAtmAna.n devarShiM tatra nAradam . 
dIpyamAna.n shriyA brAhmyA dIptAgnisamatejasam .. 2..\\
sa taiH parivR^itaH shrImAnbhrAtR^ibhiH kurusattamaH . 
vibabhAvatidIptaujo devairiva shatakratuH .. 3..\\
yathA cha vedAnsAvitrI yAGYasenI tathA satI . 
na jahau dharmataH pArthAnmerumarkaprabhA yathA .. 4..\\
pratigR^ihya tu tAM pUjAM nArado bhagavAnR^iShiH . 
AshvAsayaddharmasuta.n yuktarUpamivAnagha .. 5..\\
uvAcha cha mahAtmAna.n dharmarAja.n yudhiShThiram . 
brUhi dharmabhR^itA.n shreShTha kenArthaH ki.n dadAmi te .. 6..\\
atha dharmasuto rAjA praNamya bhrAtR^ibhiH saha . 
uvAcha prA~njalirvAkyaM nArada.n deva saMmitam .. 7..\\
tvayi tuShTe mahAbhAga sarvalokAbhipUjite . 
kR^itamityeva manye.ahaM prasAdAttava suvrata .. 8..\\
yadi tvahamanugrAhyo bhrAtR^ibhiH sahito.anagha . 
sandehaM me munishreShTha hR^idistha.n chhettumarhasi .. 9..\\
pradakShiNa.n yaH kurute pR^ithivI.n tIrthatatparaH . 
kiM phala.n tasya kArtsnyena tadbrahmanvaktumarhasi .. 10..\\

 n

shR^iNu rAjannavahito yathA bhIShmeNa bhArata . 
pulastyasya sakAshAdvai sarvametadupashrutam .. 11..\\
purA bhAgIrathI tIre bhIShmo dharmabhR^itA.n varaH . 
pitrya.n vrataM samAsthAya nyavasanmunivattadA .. 12..\\
shubhe deshe mahArAja puNye devarShisevite . 
ga~NgA dvAre mahAtejo devagandharvasevite .. 13..\\
sa pitR^I.nstarpayAmAsa devAMshcha paramadyutiH . 
R^iShIMshcha toShayAmAsa vidhidR^iShTena karmaNA .. 14..\\
kasya chittvatha kAlasya japanneva mahAtapAH . 
dadarshAdbhutasa~NkAshaM pulastyamR^iShisattamam .. 15..\\
sa ta.n dR^iShTvogra tapasaM dIpyamAnamiva shriyA . 
praharShamatula.n lebhe vismaya.n cha paraM yayau .. 16..\\
upasthitaM mahArAja pUjayAmAsa bhArata . 
bhIShmo dharmabhR^itA.n shreShTho vidhidR^iShTena karmaNA .. 17..\\
shirasA chArghyamAdAya shuchiH prayata mAnasaH . 
nAma sa~NkIrtayAmAsa tasminbrahmarShisattame .. 18..\\
bhIShmo.ahamasmi bhadra.n te dAso.asmi tava suvrata . 
tava sandarshanAdeva mukto.aha.n sarvakilbiShaiH .. 19..\\
evamuktvA mahArAja bhIShmo dharmabhR^itA.n varaH . 
vAgyataH prA~njalirbhUtvA tUShNImAsIdyudhiShThira .. 20..\\
ta.n dR^iShTvA niyamenAtha svAdhyAyAmnAya karshitam . 
bhIShma.n kuru kulashreShThaM muniH prItamanAbhavat .. 21..\\

 pulastya

anena tava dharmaGYa prashrayeNa damena cha . 
satyena cha mahAbhAga tuShTo.asmi tava sarvashaH .. 22..\\
yasyedR^ishaste dharmo.ayaM pitR^ibhaktyAshrito.anagha . 
tena pashyasi mAM putra prItishchApi mama tvayi .. 23..\\
amoghadarshI bhIShmAhaM brUhi ki.n karavANi te . 
yadvakShyasi kurushreShTha tasya dAtAsmi te.anagha .. 24..\\

 bh

prIte tvayi mahAbhAga sarvalokAbhipUjite . 
kR^itamityeva manye.aha.n yadaha.n dR^iShTavAnprabhum .. 25..\\
yadi tvahamanugrAhyastava dharmabhR^itA.n vara . 
vakShyAmi hR^itstha.n sandeha.n tanme tvaM vaktumarhasi .. 26..\\
asti me bhagavankashchittIrthebhyo dharmasaMshayaH . 
tamaha.n shrotumichchhAmi pR^ithaksa~NkIrtita.n tvayA .. 27..\\
pradakShiNa.n yaH pR^ithivI.n karotyamitavikrama . 
kiM phala.n tasya viprarShe tanme brUhi tapodhana .. 28..\\

 p

hanta te.ahaM pravakShyAmi yadR^iShINAM parAyaNam . 
tadekAgramanAstAta shR^iNu tIrtheShu yatphalam .. 29..\\
yasya hastau cha pAdau cha manashchaiva susa.nyatam . 
vidyA tapashcha kIrtishcha sa tIrthaphalamashnute .. 30..\\
pratigrahAdupAvR^ittaH santuShTo niyataH shuchiH . 
aha.n kAranivR^ittishcha sa tIrthaphalamashnute .. 31..\\
akalkako nirArambho laghvAhAro jitendriyaH . 
vimuktaH sarvadoShairyaH sa tIrthaphalamashnute .. 32..\\
akrodhanashcha rAjendra satyashIlo dR^iDhavrataH . 
Atmopamashcha bhUteShu sa tIrthaphalamashnute .. 33..\\
R^iShibhiH kratavaH proktA vedeShviha yathAkramam . 
phala.n chaiva yathAtattvaM pretya cheha cha sarvashaH .. 34..\\
na te shakyA daridreNa yaGYAH prAptuM mahIpate . 
bahUpakaraNA yaGYA nAnA sambhAravistarAH .. 35..\\
prApyante pArthivairete samR^iddhairvA naraiH kva chit . 
nArthAnyUnopakaraNairekAtmabhirasa.nhataiH .. 36..\\
yo daridrairapi vidhiH shakyaH prAptuM nareshvara . 
tulyo yaGYaphalaiH puNyaistaM nibodha yudhA.n vara .. 37..\\
R^iShINAM parama.n guhyamidaM bharatasattama . 
tIrthAbhigamanaM puNya.n yaGYairapi vishiShyate .. 38..\\
anupoShya trirAtrANi tIrthAnyanabhigamya cha . 
adattvA kA~nchana.n gAshcha daridro nAma jAyate .. 39..\\
agniShTomAdibhiryaGYairiShTvA vipuladakShiNaiH . 
na tatphalamavApnoti tIrthAbhigamanena yat .. 40..\\
nR^iloke devadevasya tIrtha.n trailokyavishrutam . 
puShkaraM nAma vikhyAtaM mahAbhAgaH samAvishet .. 41..\\
dashakoTisahasrANi tIrthAnA.n vai mahIpate . 
sAMnidhyaM puShkare yeShA.n trisandhyaM kurunandana .. 42..\\
AdityA vasavo rudrAH sAdhyAshcha sa marudgaNAH . 
gandharvApsarasashchaiva nitya.n saMnihitA vibho .. 43..\\
yatra devAstapastaptvA daityA brahmarShayastathA . 
divyayogA mahArAja puNyena mahatAnvitAH .. 44..\\
manasApyabhikAmasya puShkarANi manasvinaH . 
pUyante sarvapApAni nAkapR^iShThe cha pUjyate .. 45..\\
tasmi.nstIrthe mahAbhAga nityameva pitA mahaH . 
uvAsa paramaprIto devadAnava saMmmataH .. 46..\\
puShkareShu mahAbhAga devAH sarShipurogamAH . 
siddhi.n samabhisamprAptAH puNyena mahatAnvitAH .. 47..\\
tatrAbhiSheka.n yaH kuryAtpitR^idevArchane rataH . 
ashvamedha.n dashaguNaM pravadanti manIShiNaH .. 48..\\
apyekaM bhojayedvipraM puShkarAraNyamAshritaH . 
tenAsau karmaNA bhIShma pretya cheha cha modate .. 49..\\
shAkamUlaphalairvApi yena vartayate svayam . 
tadvai dadyAdbrAhmaNAya shraddhAvAnanasUyakaH . 
tenaiva prApnuyAtprAGYo hayamedha phalaM naraH .. 50..\\
brAhmaNaH kShatriyo vaishyaH shUdro vA rAjasattama . 
na viyoni.n vrajantyete snAtAstIrthe mahAtmanaH .. 51..\\
kArtikyA.n tu visheSheNa yo.abhigachchheta puShkaram . 
phala.n tatrAkShayaM tasya vardhate bharatarShabha .. 52..\\
sAyamprAtaH smaredyastu puShkarANi kR^itA~njaliH . 
upaspR^iShTaM bhavettena sarvatIrtheShu bhArata . 
prApnuyAchcha naro lokAnbrahmaNaH sadane.akShayAn .. 53..\\
janmaprabhR^iti yatpApa.n striyo vA puruShasya vA . 
puShkare snAtamAtrasya sarvameva praNashyati .. 54..\\
yathA surANA.n sarveShAmAdistu madhusUdanaH . 
tathaiva puShkara.n rAja.nstIrthAnAmAdiruchyate .. 55..\\
uShya dvAdasha varShANi puShkare niyataH shuchiH . 
kratUnsarvAnavApnoti brahmaloka.n cha gachchhati .. 56..\\
yastu varShashataM pUrNamagnihotramupAsate . 
kArtikI.n vA vasedekAM puShkare samameva tat .. 57..\\
puShkaraM puShkara.n gantuM duShkaraM puShkare tapaH . 
duShkaraM puShkare dAna.n vastu.n chaiva suduShkaram .. 58..\\
uShya dvAdasha rAtra.n tu niyato niyatAshanaH . 
pradakShiNamupAvR^itto jambU mArga.n samAvishet .. 59..\\
jambU mArga.n samAvishya devarShipitR^isevitam . 
ashvamedhamavApnoti viShNuloka.n cha gachchhati .. 60..\\
tatroShya rajanIH pa~ncha ShaShTha kAlakShamI naraH . 
na durgatimavApnoti siddhiM prApnoti chottamAm .. 61..\\
jambU mArgAdupAvR^itto gachchhettaNDulikAshramam . 
na durgatimavApnoti svargaloke cha pUjyate .. 62..\\
agasya sara AsAdya pitR^idevArchane rataH . 
trirAtropoShito rAjannagniShToma phala.n labhet .. 63..\\
shAkavR^ittiH phalairvApi kaumAra.n vindate padam . 
kaNvAshrama.n samAsAdya shrIjuShTaM lokapUjitam .. 64..\\
dharmAraNya.n hi tatpuNyamAdya.n cha bharatarShabha . 
yatra praviShTamAtro vai pApebhyo vipramuchyate .. 65..\\
archayitvA pitR^IndevAnniyato niyatAshanaH . 
sarvakAmasamR^iddhasya yaGYasya phalamashnute .. 66..\\
pradakShiNa.n tataH kR^itvA yayAti patana.n vrajet . 
hayamedhasya yaGYasya phalaM prApnoti tatra vai .. 67..\\
mahAkAla.n tato gachchhenniyato niyatAshanaH . 
koTitIrthamupaspR^ishya hayamedha phala.n labhet .. 68..\\
tato gachchheta dharmaGYa puNyasthAnamumApateH . 
nAmnA bhadra vaTaM nAma triShu lokeShu vishrutam .. 69..\\
tatrAbhigamya cheshAna.n gosahasraphala.n labhet . 
mahAdeva prasAdAchcha gANapatyamavApnuyAt .. 70..\\
narmadAmatha chAsAdya nadI.n trailokyavishrutAm . 
tarpayitvA pitR^IndevAnagniShToma phala.n labhet .. 71..\\
dakShiNa.n sindhumAsAdya brahma chArI jitendriyaH . 
agniShTomamavApnoti vimAna.n chAdhirohati .. 72..\\
charmaNvatI.n samAsAdya niyato niyatAshanaH . 
ranti devAbhyanuGYAto agniShToma phala.n labhet .. 73..\\
tato gachchheta dharmaGYa himavatsutamarbudam . 
pR^ithivyA.n yatra vai chhidraM pUrvamAsIdyudhiShThira .. 74..\\
tatrAshramo vasiShThasya triShu lokeShu vishrutaH . 
tatroShya rajanImekA.n gosahasraphala.n labhet .. 75..\\
pi~NgA tIrthamupaspR^ishya brahma chArI jitendriyaH . 
kapilAnAM naravyAghra shatasya phalamashnute .. 76..\\
tato gachchheta dharmaGYa prabhAsa.n lokavishrutam . 
yatra saMnihito nitya.n svayameva hutAshanaH . 
devatAnAM mukha.n vIra analo.anilasArathiH .. 77..\\
tasmi.nstIrthavare snAtvA shuchiH prayata mAnasaH . 
agniShTomAtirAtrAbhyAM phalaM prApnoti mAnavaH .. 78..\\
tato gatvA sarasvatyAH sAgarasya cha sa~Ngame . 
gosahasraphalaM prApya svargaloke mahIyate . 
dIpyamAno.agnivannityaM prabhayA bharatarShabha .. 79..\\
trirAtramuShitastatra tarpayetpitR^idevatAH . 
prabhAsate yathA somo ashvamedha.n cha vindati .. 80..\\
varadAna.n tato gachchhettIrthaM bharatasattama . 
viShNordurvAsasA yatra varo datto yudhiShThira .. 81..\\
varadAne naraH snAtvA gosahasraphala.n labhet . 
tato dvAravatI.n gachchhenniyato niyatAshanaH . 
piNDArake naraH snAtvA labhedbahusuvarNakam .. 82..\\
tasmi.nstIrthe mahAbhAga padmalakShaNalakShitAH . 
adyApi mudrA dR^ishyante tadadbhutamarindama .. 83..\\
trishUlA~NkAni padmAni dR^ishyante kurunandana . 
mahAdevasya sAMnidhya.n tatraiva bharatarShabha .. 84..\\
sAgarasya cha sindhoshcha sa~NgamaM prApya bhArata . 
tIrthe salilarAjasya snAtvA prayata mAnasaH .. 85..\\
tarpayitvA pitR^IndevAnR^iShIMshcha bharatarShabha . 
prApnoti vAruNa.n loka.n dIpyamAnaH svatejasA .. 86..\\
sha~NkukarNeshvara.n devamarchayitvA yudhiShThira . 
ashvamedha.n dashaguNaM pravadanti manIShiNaH .. 87..\\
pradakShiNamupAvR^itya gachchheta bharatarShabha . 
tIrtha.n kuru varashreShTha triShu lokeShu vishrutam . 
dR^imIti nAmnA vikhyAta.n sarvapApapramochanam .. 88..\\
yatra brahmAdayo devA upAsante maheshvaram . 
tatra snAtvArchayitvA cha rudra.n devagaNairvR^itam . 
janmaprabhR^iti pApAni kR^itAni nudate naraH .. 89..\\
dR^imI chAtra narashreShTha sarvadevairabhiShTutA . 
tatra snAtvA naravyAghra hayamedhamavApnuyAt .. 90..\\
jitvA yatra mahAprAGYa viShNunA prabha viShNunA . 
purA shaucha.n kR^ita.n rAjanhatvA daivatakaNTakAn .. 91..\\
tato gachchheta dharmaGYa vasordhArAmabhiShTutAm . 
gamanAdeva tasyA.n hi hayamedhamavApnuyAt .. 92..\\
snAtvA kuru varashreShTha prayatAtmA tu mAnavaH . 
tarpya devAnpitR^IMshchaiva viShNuloke mahIyate .. 93..\\
tIrtha.n chAtra paraM puNya.n vasUnAM bharatarShabha . 
tatra snAtvA cha pItvA cha vasUnA.n saMmato bhavet .. 94..\\
sindhUttamamiti khyAta.n sarvapApapraNAshanam . 
tatra snAtvA narashreShTha labhedbahusuvarNakam .. 95..\\
brahma tu~Nga.n samAsAdya shuchiH prayata mAnasaH . 
brahmalokamavApnoti sukR^itI virajA naraH .. 96..\\
kumArikANA.n shakrasya tIrthaM siddhaniShevitam . 
tatra snAtvA naraH kShipra.n shakra lokamavApnuyAt .. 97..\\
reNukAyAshcha tatraiva tIrtha.n deva niShevitam . 
tatra snAtvA bhavedvipro vimalashchandramA yathA .. 98..\\
atha pa~nchanada.n gatvA niyato niyatAshanaH . 
pa~ncha yaGYAnavApnoti kramasho ye.anukIrtitAH .. 99..\\
tato gachchheta dharmaGYa bhImAyAH sthAnamuttamam . 
tatra snAtvA tu yonyA.n vai naro bharatasattama .. 100..\\
devyAH putro bhavedrAja.nstaptakuNDalavigrahaH . 
gavA.n shatasahasrasya phala.n chaivApnuyAnmahat .. 101..\\
girimu~nja.n samAsAdya triShu lokeShu vishrutam . 
pitA mahaM namaskR^itya gosahasraphala.n labhet .. 102..\\
tato gachchheta dharmaGYa vimala.n tIrthamuttamam . 
adyApi yatra dR^ishyante matsyAH sauvarNarAjatAH .. 103..\\
tatra snAtvA narashreShTha vAjapeyamavApnuyAt . 
sarvapApavishuddhAtmA gachchhechcha paramA.n gatim .. 104..\\
tato gachchheta maladA.n triShu lokeShu vishrutAm . 
pashchimAyA.n tu sandhyAyAmupaspR^ishya yathAvidhi .. 105..\\
charuM narendra saptArcheryathAshakti nivedayet . 
pitR^INAmakShaya.n dAnaM pravadanti manIShiNaH .. 106..\\
gavA.n shatasahasreNa rAjasUya shatena cha . 
ashvamedha sahasreNa shreyAnsaptArchiShashcharuH .. 107..\\
tato nivR^itto rAjendra vastrA padamathAvishet . 
abhigamya mahAdevamashvamedha phala.n labhet .. 108..\\
maNimanta.n samAsAdya brahma chArI samAhitaH . 
ekarAtroShito rAjannagniShToma phala.n labhet .. 109..\\
atha gachchheta rAjendra devikA.n lokavishrutAm . 
prasUtiryatra viprANA.n shrUyate bharatarShabha .. 110..\\
trishUlapANeH sthAna.n cha triShu lokeShu vishrutam . 
devikAyAM naraH snAtvA samabhyarchya maheshvaram .. 111..\\
yathAshakti charu.n tatra nivedya bharatarShabha . 
sarvakAmasamR^iddhasya yaGYasya labhate phalam .. 112..\\
kAmAkhya.n tatra rudrasya tIrthaM devarShisevitam . 
tatra snAtvA naraH kShipra.n siddhimApnoti bhArata .. 113..\\
yajana.n yAjana.n gatvA tathaiva brahma vAlukAm . 
puShpanyAsa upaspR^ishya na shochenmaraNa.n tataH .. 114..\\
ardhayojanavistArAM pa~nchayojanamAyatAm . 
etAvaddevikAmAhuH puNyA.n devarShisevitAm .. 115..\\
tato gachchheta dharmaGYa dIrghasatra.n yathAkramam . 
yatra brahmAdayo devAH siddhAshcha paramarShayaH . 
dIrghasatramupAsante dakShiNAbhiryatavratAH .. 116..\\
gamanAdeva rAjendra dIrghasatramarindama . 
rAjasUyAshvamedhAbhyAM phalaM prApnoti mAnavaH .. 117..\\
tato vinashana.n gachchhenniyato niyatAshanaH . 
gachchhatyantarhitA yatra maru pR^iShThe sarasvatI . 
chamase cha shivodbhede nAgodbhede cha dR^ishyate .. 118..\\
snAtvA cha chamasodbhede agniShToma phala.n labhet . 
shivodbhede naraH snAtvA gosahasraphala.n labhet .. 119..\\
nAgodbhede naraH snAtvA nAgalokamavApnuyAt . 
shashayAna.n cha rAjendra tIrthamAsAdya durlabham . 
shasharUpapratichhannAH puShkarA yatra bhArata .. 120..\\
sarasvatyAM mahArAja anu sa.nvatsara.n hi te . 
snAyante bharatashreShTha vR^ittA.n vai kArtikIM sadA .. 121..\\
tatra snAtvA naravyAghra dyotate shashivatsadA . 
gosahasrapala.n chaiva prApnuyAdbharatarShabha .. 122..\\
kumAra koTimAsAdya niyataH kurunandana . 
tatrAbhiSheka.n kurvIta pitR^idevArchane rataH . 
gavAmayamavApnoti kula.n chaiva samuddharet .. 123..\\
tato gachchheta dharmaGYa rudra koTi.n samAhitaH . 
purA yatra mahArAja R^iShikoTiH samAhitA . 
praharSheNa cha sa.nviShTA deva darshanakA~NkShayA .. 124..\\
ahaM pUrvamahaM pUrva.n drakShyAmi vR^iShabhadhvajam . 
eva.n samprasthitA rAjannR^iShayaH kila bhArata .. 125..\\
tato yogeShvareNApi yogamAsthAya bhUpate . 
teShAM manyupraNAshArthamR^iShINAM bhAvitAtmanAm .. 126..\\
sR^iShTA koTistu rudrANAmR^iShINAmagrataH sthitA . 
mayA pUrvatara.n dR^iShTa iti te menire pR^ithak .. 127..\\
teShA.n tuShTo mahAdeva R^iShINAmugratejasAm . 
bhaktyA paramayA rAjanvara.n teShAM pradiShTavAn . 
adya prabhR^iti yuShmAka.n dharmavR^iddhirbhaviShyati .. 128..\\
tatra snAtvA naravyAghra rudra koTyAM naraH shuchiH . 
ashvamedhamavApnoti kula.n chaiva samuddharet .. 129..\\
tato gachchheta rAjendra sa~Ngama.n lokavishrutam . 
sarasvatyA mahApuNyamupAsante janArdanam .. 130..\\
yatra brahmAdayo devA R^iShayaH siddhachAraNAH . 
abhigachchhanti rAjendra chaitrashuklachaturdashIm .. 131..\\
tatra snAtvA naravyAghra vindedbahusuvarNakam . 
sarvapApavishuddhAtmA brahmaloka.n cha gachchhati .. 132..\\
R^iShINA.n yatra satrANi samAptAni narAdhipa . 
satrAvasAnamAsAdya gosahasraphala.n labhet .. 133..\\
\medskip\hrule\medskip\centerline{\Largedvng 81}
 pulastya

tato gachchheta rAjendra kurukShetramabhiShTutam . 
pApebhyo vipramuchyante tadgatAH sarvajantavaH .. 1..\\
kurukShetra.n gamiShyAmi kurukShetre vasAmyaham . 
ya eva.n satataM brUyAtso.api pApaiH pramuchyate .. 2..\\
atra mAsa.n vasedvIra sarasvatyAM yudhiShThira . 
yatra brahmAdayo deva R^iShayaH siddhachAraNAH .. 3..\\
gandharvApsaraso yakShAH pannagAshcha mahIpate . 
brahma kShetraM mahApuNyamabhigachchhanti bhArata .. 4..\\
manasApyabhikAmasya kurukShetra.n yudhiShThira . 
pApANi vipraNashyanti brahmaloka.n cha gachchhati .. 5..\\
gatvA hi shraddhayA yuktaH kurukShetra.n kurUdvaha . 
rAjasUyAshvamedhAbhyAM phalaM prApnoti mAnavaH .. 6..\\
tato machakruka.n rAjandvArapAlaM mahAbalam . 
yakSha.n samabhivAdyaiva gosahasraphalaM labhet .. 7..\\
tato gachchheta dharmaGYa viShNorsthAnamanuttamam . 
satataM nAma rAjendra yatra saMnihito hariH .. 8..\\
tatra snAtvArchayitvA cha trilokaprabhava.n harim . 
ashvamedhamavApnoti viShNuloka.n cha gachchhati .. 9..\\
tataH pAriplava.n gachchhettIrthaM trailokyavishrutam . 
agniShTomAtirAtrAbhyAM phalaM prApnoti mAnavaH .. 10..\\
pR^ithivyAstIrthamAsAdya gosahasraphala.n labhet . 
tataH shAlUkinI.n gatvA tIrthasevI narAdhipa . 
dashAshvamedhike snAtvA tadeva labhate phalam .. 11..\\
sarpadarvI.n samAsAdya nAgAnA.n tIrthamuttamam . 
agniShTomamavApnoti nAgaloka.n cha vindati .. 12..\\
tato gachchheta dharmaGYa dvArapAla.n tarantukam . 
tatroShya rajanImekA.n gosahasraphala.n labhet .. 13..\\
tataH pa~nchanada.n gatvA niyato niyatAshanaH . 
koTikIrthamupaspR^ishya hayamedha phala.n labhet . 
ashvinostIrthamAsAdya rUpavAnabhijAyate .. 14..\\
tato gachchheta dharmaGYa vArAha.n tIrthamuttamam . 
viShNurvArAha rUpeNa pUrva.n yatra sthito.abhavat . 
tatra snAtvA naravyAghra agniShToma phala.n labhet .. 15..\\
tato jayantyA rAjendra somatIrtha.n samAvishet . 
snAtvA phalamavApnoti rAjasUyasya mAnavaH .. 16..\\
ekaha.nse naraH snAtvA gosahasraphala.n labhet . 
kR^itashaucha.n samAsAdya tIrthasevI kurUdvaha . 
puNDarIkamavApnoti kR^itashaucho bhavennaraH .. 17..\\
tato mu~nja vaTaM nAma mahAdevasya dhImataH . 
tatroShya rajanImekA.n gANapatyamavApnuyAt .. 18..\\
tatraiva cha mahArAja yakShI lokaparishrutA . 
tA.n chAbhigamya rAjendra puNyA.NllokAnavApnuyAt .. 19..\\
kurukShetrasya taddvAra.n vishrutaM bharatarShabha . 
pradakShiNamupAvR^itya tIrthasevI samAhitaH .. 20..\\
saMmite puShkarANA.n cha snAtvArchya pitR^idevatAH . 
jAmadagnyena rAmeNa AhR^ite vai mahAtmanA . 
kR^itakR^ityo bhavedrAjannashvamedha.n cha vindati .. 21..\\
tato rAmahradAngachchhettIrthasevI narAdhipa . 
yatra rAmeNa rAjendra tarasA dIptatejasA . 
kShatramutsAdya vIryeNa hradAH pa~ncha niveshitAH .. 22..\\
pUrayitvA naravyAghra rudhireNeti naH shrutam . 
pitarastarpitAH sarve tathaiva cha pitA mahAH . 
tataste pitaraH prItA rAmamUchurmahIpate .. 23..\\
rama rAma mahAbhAga prItAH sma tava bhArgava . 
anayA pitR^ibhaktyA cha vikrameNa cha te vibho . 
vara.n vR^iNIShva bhadra.n te kimichchhasi mahAdyute .. 24..\\
evamuktaH sa rAjendra rAmaH praharatA.n varaH . 
abravItprA~njalirvAkyaM pitR^Insa gagane sthitAn .. 25..\\
bhavanto yadi me prItA yadyanugrAhyatA mayi . 
pitR^iprasAdAdichchheya.n tapasApyAyanaM punaH .. 26..\\
yachcha roShAbhibhUtena kShatramutsAditaM mayA . 
tatashcha pApAnmuchyeya.n yuShmAka.n tejasA hyaham . 
hradAshcha tIrthabhUtA me bhaveyurbhuvi vishrutAH .. 27..\\
etachchhrutvA shubha.n vAkyaM rAmasya pitarastadA . 
pratyUchuH paramaprItA rAma.n harShasamanvitAH .. 28..\\
tapaste vardhatAM bhUyaH pitR^ibhaktyA visheShataH . 
yachcha roShAbhibhUtena kShatramutsAdita.n tvayA .. 29..\\
tatashcha pApAnmuktastva.n karmabhiste cha pAtitAH . 
hradAshcha tava tIrthatva.n gamiShyanti na saMshayaH .. 30..\\
hradeShveteShu yaH snAtvA pitR^InsantarpayiShyati . 
pitarastasya vai prItA dAsyanti bhuvi durlabham . 
IpsitaM manasaH kAma.n svargaloka.n cha shAshvatam .. 31..\\
eva.n dattvA varAnrAjanrAmasya pitarastadA . 
Amantrya bhArgavaM prItAstatraivAntardadhustadA .. 32..\\
eva.n rAmahradAH puNyA bhArgavasya mahAtmanAH . 
snAtvA hradeShu rAmasya brahma chArI shubhavrataH . 
rAmamabhyarchya rAjendra labhedbahusuvarNakam .. 33..\\
vaMshamUlakamAsAdya tIrthasevI kurUdvaha . 
svavaMshamuddharedrAjansnAtvA vai vaMshamUlake .. 34..\\
kAyashodhanamAsAdya tIrthaM bharatasattama . 
sharIrashuddhiH snAtasya tasmi.nstIrthe na saMshayaH . 
shuddhadehashcha sa.nyAti shubhA.NllokAnanuttamAn .. 35..\\
tato gachchheta rAjendra tIrtha.n trailokyavishrutam . 
lokA yatroddhR^itAH pUrva.n viShNunA prabha viShNunA .. 36..\\
lokoddhAra.n samAsAdya tIrtha.n trailokyavishrutam . 
snAtvA tIrthavare rAja.NllokAnuddharate svakAn . 
shrItIrtha.n cha samAsAdya vindate shriyamuttamAm .. 37..\\
kapilA tIrthamAsAdya brahma chArI samAhitaH . 
tatra snAtvArchayitvA cha daivatAni pitR^I.nstathA . 
kapilAnA.n sahasrasya phalaM vindati mAnavaH .. 38..\\
sUryatIrtha.n samAsAdya snAtvA niyatamAnasaH . 
archayitvA pitR^IndevAnupavAsaparAyaNaH . 
agniShTomamavApnoti sUryaloka.n cha gachchhati .. 39..\\
gamAM bhavanamAsAdya tIrthasevI yathAkramam . 
tatrAbhiSheka.n kurvANo gosahasraphala.n labhet .. 40..\\
sha~NkhinI.n tatra AsAdya tIrthasevI kurUdvaha . 
devyAstIrthe naraH snAtvA labhate rUpamuttamam .. 41..\\
tato gachchheta rAjendra dvArapAlamarantukam . 
tasya tIrtha.n sarasvatyAM yakShendrasya mahAtmanAH . 
tatra snAtvA naro rAjannagniShToma phala.n labhet .. 42..\\
tato gachchheta dharmaGYa brahmAvartaM narAdhipa . 
brahmAvarte naraH snAtvA brahmalokamavApnuyAt .. 43..\\
tato gachchheta dharmaGYa sutIrthakamanuttamam . 
yatra saMnihitA nityaM pitaro daivataiH saha .. 44..\\
tatrAbhiSheka.n kurvIta pitR^idevArchane rataH . 
ashvamedhamavApnoti pitR^iloka.n cha gachchhati .. 45..\\
tato.ambuvashya.n dharmaGYa samAsAdya yathAkramam . 
kosheshvarasya tIrtheShu snAtvA bharatasattama . 
sarvavyAdhivinirmukto brahmaloke mahIyate .. 46..\\
mAtR^itIrtha.n cha tatraiva yatra snAtasya bhArata . 
prajA vivardhate rAjannanantA.n chAshnute shriyam .. 47..\\
tataH shItavana.n gachchhenniyato niyatAshanaH . 
tIrtha.n tatra mahArAja mahadanyatra durlabham .. 48..\\
punAti darshanAdeva daNDenaikaM narAdhipa . 
keshAnabhyukShya vai tasminpUto bhavati bhArata .. 49..\\
tIrtha.n tatra mahArAja shvAnalomApaha.n smR^itam . 
yataviprA naravyAghra vidvA.nsastIrthatatparAH .. 50..\\
shvAnalomApanayane tIrthe bharatasattama . 
prANAyAmairnirharanti shvalomAni dvijottamAH .. 51..\\
pUtAtmAnashcha rAjendra prayAnti paramA.n gatim . 
dashAshvamedhika.n chaiva tasmi.nstIrthe mahIpate . 
tatra snAtvA naravyAghra gachchheta paramA.n gatim .. 52..\\
tato gachchheta rAjendra mAnuSha.n lokavishrutam . 
yatra kR^iShNamR^igA rAjanvyAdhena paripIDitAH . 
avagAhya tasminsarasi mAnuShatvamupAgatAH .. 53..\\
tasmi.nstIrthe naraH snAtvA brahma chArI jitendriyaH . 
sarvapApavishuddhAtmA svargaloke mahIyate .. 54..\\
mAnuShasya tu pUrveNa kroshamAtre mahIpate . 
ApagA nAma vikhyAtA nadI siddhaniShevitA .. 55..\\
shyAmAka bhojana.n tatra yaH prayachchhati mAnavaH . 
devAnpitR^IMshcha uddishya tasya dharmaphalaM mahat . 
ekasminbhojite vipre koTirbhavati bhojitA .. 56..\\
tatra snAtvArchayitvA cha daivatAni pitR^I.nstathA . 
uShitvA rajanImekAmagniShToma phala.n labhet .. 57..\\
tato gachchheta rAjendra brahmaNaH sthAnamuttamam . 
brahmodumbaramityeva prakAshaM bhuvi bhArata .. 58..\\
tatra saptarShikuNDeShu snAtasya kurupu~Ngava . 
kedAre chaiva rAjendra kapiShThala mahAtmanAH .. 59..\\
brahmANamabhigamyAtha shuchiH prayata mAnasaH . 
sarvapApavishuddhAtmA brahmalokaM prapadyate .. 60..\\
kapiShThalasya kedAra.n samAsAdya sudurlabham . 
antardhAnamavApnoti tapasA dagdhakilbiShaH .. 61..\\
tato gachchheta rAjendra saraka.n lokavishrutam . 
kR^iShNapakShe chaturdashyAmabhigamya vR^iShadhvajam . 
labhate sarvakAmAnhi svargaloka.n cha gachchhati .. 62..\\
tisraH koTyastu tIrthAnA.n sarake kurunandana . 
rudra koTistathA kUpe hradeShu cha mahIpate . 
ilAspada.n cha tatraiva tIrthaM bharatasattama .. 63..\\
tatra snAtvArchayitvA cha pitR^IndevAMshcha bhArata . 
na durgatimavApnoti vAjapeya.n cha vindati .. 64..\\
kindAne cha naraH snAtvA ki~njapye cha mahIpate . 
aprameyamavApnoti dAna.n japyaM cha bhArata .. 65..\\
kalashyA.n chApyupaspR^ishya shraddadhAno jitendriyaH . 
agniShTomasya yaGYasya phalaM prApnoti mAnavaH .. 66..\\
sarakasya tu pUrveNa nAradasya mahAtmanAH . 
tIrtha.n kuru varashreShTha anAjanmeti vishrutam .. 67..\\
tatra tIrthe naraH snAtvA prANAMshchotsR^ijya bhArata . 
nAradenAbhyanuGYAto lokAnprApnoti durlabhAn .. 68..\\
shuklapakShe dashamyA.n tu puNDarIka.n samAvishet . 
tatra snAtvA naro rAjanpuNDarIkaphala.n labhet .. 69..\\
tatastriviShTapa.n gachchhettriShu lokeShu vishrutam . 
tatra vaitaraNI puNyA nadI pApapramochanI .. 70..\\
tatra snAtvArchayitvA cha shUlapANi.n vR^iShadhvajam . 
sarvapApavishuddhAtmA gachchheta paramA.n gatim .. 71..\\
tato gachchheta rAjendra phalakI vanamuttamam . 
yatra devAH sadA rAjanphalakI vanamAshritAH . 
tapashcharanti vipulaM bahuvarShasahasrakam .. 72..\\
dR^iShadvatyAM naraH snAtvA tarpayitvA cha devatAH . 
agniShTomAtirAtrAbhyAM phala.n vindati bhArata .. 73..\\
tIrthe cha sarvadevAnA.n snAtvA bharatasattama . 
gosahasrasya rAjendra phalaM prApnoti mAnavaH .. 74..\\
pANikhAte naraH snAtvA tarpayitvA cha devatAH . 
rAjasUyamavApnoti R^iShiloka.n cha gachchhati .. 75..\\
tato gachchheta rAjendra mishraka.n tIrthamuttamam . 
tatra tIrthAni rAjendra mishritAni mahAtmanA .. 76..\\
vyAsena nR^ipashArdUla dvijArthamiti naH shrutam . 
sarvatIrtheShu sa snAti mishrake snAti yo naraH .. 77..\\
tato vyAsa vana.n gachchhenniyato niyatAshanaH . 
manojave naraH snAtvA gosahasraphala.n labhet .. 78..\\
gatvA madhu vaTI.n chApi devyAstIrthaM naraH shuchiH . 
tatra snAtvArchayeddevAnpitR^IMshcha prayataH shuchiH . 
sa devyA samanuGYAto gosahasraphala.n labhet .. 79..\\
kaushikyAH sa~Ngame yastu dR^iShadvatyAshcha bhArata . 
snAti vai niyatAhAraH sarvapApaiH pramuchyate .. 80..\\
tato vyAsa sthalI nAma yatra vyAsena dhImatA . 
putrashokAbhitaptena dehatyAgArtha nishchayaH .. 81..\\
kR^ito devaishcha rAjendra punarutthApitastadA . 
abhigamya sthalI.n tasya gosahasraphala.n labhet .. 82..\\
ki.n dattaM kUpamAsAdya tilaprasthaM pradAya cha . 
gachchheta paramA.n siddhimR^iNairmuktaH kurUdvaha .. 83..\\
ahashcha sudina.n chaiva dve tIrthe cha sudurlabhe . 
tayoH snAtvA naravyAghra sUryalokamavApnuyAt .. 84..\\
mR^igadhUma.n tato gachchhettriShu lokeShu vishrutam . 
tatra ga~NgA hrade snAtvA samabhyarchya cha mAnavaH . 
shUlapANiM mahAdevamashvamedha phala.n labhet .. 85..\\
deva tIrthe naraH snAtvA gosahasraphala.n labhet . 
atha vAmanaka.n gachchhettriShu lokeShu vishrutam .. 86..\\
tatra viShNupade snAtvA archayitvA cha vAmanam . 
sarvapApavishuddhAtmA viShNulokamavApnuyAt .. 87..\\
kulampune naraH snAtvA punAti svakulaM naraH . 
pavanasya hrada.n gatvA marutAM tIrthamuttamam . 
tatra snAtvA naravyAghra vAyuloke mahIyate .. 88..\\
amarANA.n hrade snAtvA amareShu narAdhipa . 
amarANAM prabhAvena svargaloke mahIyate .. 89..\\
shAlihotrasya rAjendra shAlishUrpe yathAvidhi . 
snAtvA naravarashreShTha gosahasraphala.n labhet .. 90..\\
shrIku~nja.n cha sarasvatyAM tIrthaM bharatasattama . 
tatra snAtvA naro rAjannagniShToma phala.n labhet .. 91..\\
tato naimiSha ku~nja.n cha samAsAdya kurUdvaha . 
R^iShayaH kila rAjendra naimiSheyAstapodhanAH . 
tIrthayAtrAM puraskR^itya kurukShetra.n gatAH purA .. 92..\\
tataH ku~njaH sarasvatyA.n kR^ito bharatasattama . 
R^iShINAmavakAshaH syAdyathA tuShTikaro mahAn .. 93..\\
tasminku~nje naraH snAtvA gosahasraphala.n labhet . 
kanyA tIrthe naraH snAtvA agniShToma phala.n labhet .. 94..\\
tato gachchhennaravyAghra brahmaNaH sthAnamuttamam . 
tatra varNAvaraH snAtvA brAhmaNya.n labhate naraH . 
brAhmaNashcha vishuddhAtmA gachchheta paramA.n gatim .. 95..\\
tato gachchhennarashreShTha somatIrthamanuttamam . 
tatra snAtvA naro rAjansomalokamavApnuyAt .. 96..\\
sapta sArasvata.n tIrthaM tato gachchhennarAdhipa . 
yatra ma~NkaNakaH siddho maharShirlokavishrutaH .. 97..\\
purA ma~NkaNako rAjankushAgreNeti naH shrutam . 
kShataH kila kare rAja.nstasya shAkaraso.asravat .. 98..\\
sa vai shAkarasa.n dR^iShTvA harShAviShTo mahAtapAH . 
pranR^ittaH kila viprarShirvismayotphullalochanaH .. 99..\\
tatastasminpranR^itte vai sthAvara.n ja~NgamaM cha yat . 
pranR^ittamubhaya.n vIra tejasA tasya mohitam .. 100..\\
brahmAdibhiH surai rAjannR^iShibhishcha tapodhanaiH . 
viGYapto vai mahAdeva R^iSherarthe narAdhipa . 
nAyaM nR^ityedyathA deva tathA tva.n kartumarhasi .. 101..\\
tataH pranR^ittamAsAdya harShAviShTena chetasA . 
surANA.n hitakAmArthamR^iShi.n devo.abhyabhAShata .. 102..\\
aho maharShe dharmaGYa kimarthaM nR^ityate bhavAn . 
harShasthAna.n kimartha.n vA tavAdya munipu~Ngava .. 103..\\

 rsi

kiM na pashyasi me devakarAchchhAka rasa.n srutam . 
ya.n dR^iShTvAhaM pranR^itto vai harSheNa mahatAnvitaH .. 104..\\

 pulastya

taM prahasyAbravIddevo muni.n rAgeNa mohitam . 
aha.n vai vismayaM vipra na gachchhAmIti pashya mAm .. 105..\\
evamuktvA narashreShTha mahAdevena dhImatA . 
a~NgulyagreNa rAjendra svA~NguShThastADito.anagha .. 106..\\
tato bhasma kShatAdrAjannirgata.n himasaMnibham . 
taddR^iShTvA vrIDito rAjansa muniH pAdayorgataH .. 107..\\
nAnya.n devamahaM manye rudrAtparataraM mahat . 
surAsurasya jagato gatistvamasi shUladhR^ik .. 108..\\
tvayA sR^iShTamida.n vishva.n trailokyaM sa charAcharam . 
tvAmeva bhagavansarve pravishanti yugakShaye .. 109..\\
devairapi na shakyastvaM pariGYAtu.n kuto mayA . 
tvayi sarve cha dR^ishyante surA brahmAdayo.anagha .. 110..\\
sarvastvamasi lokAnA.n kartA kArayitA cha ha . 
tvatprasAdAtsurAH sarve modantIhAkuto bhayAH . 
eva.n stutvA mahAdevaM sa R^iShiH praNato.abhavat .. 111..\\

 rsi

tvatprasAdAnmahAdeva tapo me na kShareta vai .. 112..\\

 pulastya

tato devaH prahR^iShTAtmA brahmarShimidamabravIt . 
tapaste vardhatA.n vipra matprasAdAtsahasradhA .. 113..\\
Ashrame cheha vatsyAmi tvayA sArdhaM mahAmune . 
sapta sArasvate snAtvA archayiShyanti ye tu mAm .. 114..\\
na teShA.n durlabhaM kiM chidiha loke paratra cha . 
sArasvata.n cha te lokaM gamiShyanti na saMshayaH .. 115..\\
tatastvaushanasa.n gachchhettriShu lokeShu vishrutam . 
yatra brahmAdayo devA R^iShayashcha tapodhanAH .. 116..\\
kArtikeyashcha bhagavA.nstrisandhya.n kila bhArata . 
sAMnidhyamakarottatra bhArgava priyakAmyayA .. 117..\\
kapAlamochana.n tIrtha.n sarvapApapramochanam . 
tatra snAtvA naravyAghra sarvapApaiH pramuchyate .. 118..\\
agnitIrtha.n tato gachchhettatra snAtvA nararShabha . 
agnilokamavApnoti kula.n chaiva samuddharet .. 119..\\
vishvA mitrasya tatraiva tIrthaM bharatasattama . 
tatra snAtvA mahArAja brAhmaNyamabhijAyate .. 120..\\
brahmayoni.n samAsAdya shuchiH prayata mAnasaH . 
tatra snAtvA naravyAghra brahmalokaM prapadyate . 
punAtyA saptama.n chaiva kulaM nAstyatra saMshayaH .. 121..\\
tato gachchheta rAjendra tIrtha.n trailokyavishrutam . 
pR^ithUdakamiti khyAta.n kArtikeyasya vai nR^ipa . 
tatrAbhiSheka.n kurvIta pitR^idevArchane rataH .. 122..\\
aGYAnAjGYAnato vApi striyA vA puruSheNa vA . 
yatki.n chidashubhaM karmakR^itaM mAnuShabuddhinA .. 123..\\
tatsarvaM nashyate tasya snAtamAtrasya bhArata . 
ashvamedha phala.n chApi svargalokaM cha gachchhati .. 124..\\
puNyamAhuH kurukShetra.n kurukShetrAtsarasvatIm . 
sarasvatyAshcha tIrthAni tIrthebhyashcha pR^ithUdakam .. 125..\\
uttame sarvatIrthAnA.n yastyajedAtmanastanum . 
pR^ithUdake japyaparo naina.n shvo maraNa.n tapet .. 126..\\
gIta.n sanatkumAreNa vyAsena cha mahAtmanA . 
vede cha niyata.n rAjanabhigachchhetpR^ithUdakam .. 127..\\
pR^ithUdakAtpuNyatamaM nAnyattIrthaM narottama . 
etanmedhyaM pavitra.n cha pAvanaM cha na saMshayaH .. 128..\\
tatra snAtvA diva.n yAnti api pApakR^ito janAH . 
pR^ithUdake narashreShTha prAhurevaM manIShiNaH .. 129..\\
madhusrava.n cha tatraiva tIrthaM bharatasattama . 
tatra snAtvA naro rAjangosahasraphala.n labhet .. 130..\\
tato gachchhennarashreShTha tIrtha.n devyA yathAkramam . 
sarasvatyAruNAyAshcha sa~Ngama.n lokavishrutam .. 131..\\
trirAtropoShitaH snAtvA muchyate brahmahatyayA . 
agniShTomAtirAtrAbhyAM phala.n vindati mAnavaH .. 132..\\
A saptama.n kulaM chaiva punAti bharatarShabha . 
avatIrNa.n cha tatraiva tIrthaM kurukulodvaha . 
viprANAmanukampArtha.n darbhiNA nirmitaM purA .. 133..\\
vratopanayanAbhyA.n vA upavAsena vA dvijaH . 
kriyA mantraishcha sa.nyukto brAhmaNaH syAnna saMshayaH .. 134..\\
kriyA mantravihIno.api tatra snAtvA nararShabha . 
chIrNa vrato bhavedvipro dR^iShTametatpurAtane .. 135..\\
samudrAshchApi chatvAraH samAnItAshcha darbhiNA . 
yeShu snAto naravyAghra na durgatimavApnuyAt . 
phalAni gosahasrANA.n chaturNA.n vindate cha saH .. 136..\\
tato gachchheta rAjendra tIrtha.n shatasahasrakam . 
sAhasraka.n cha tatraiva dve tIrthe lokavishrute .. 137..\\
ubhayorhi naraH snAtvA gosahasraphalaM bhavet . 
dAna.n vApyupavAso vA sahasraguNitaM bhavet .. 138..\\
tato gachchheta rAjendra reNukA tIrthamuttamam . 
tatrAbhiSheka.n kurvIta pitR^idevArchane rataH . 
srava pApavishuddhAtmA agniShToma phala.n labhet .. 139..\\
vimochanamupaspR^ishya jitamanyurjitendriyaH . 
pratigraha kR^itairdoShairsarvaiH sa parimuchyate .. 140..\\
tataH pa~ncha vaTa.n gatvA brahma chArI jitendriyaH . 
puNyena mahatA yuktaH satA.n loke mahIyate .. 141..\\
yatra yogeshvaraH sthANuH svayameva vR^iShadhvajaH . 
tamarchayitvA devesha.n gamanAdeva sidhyati .. 142..\\
aujasa.n varuNa.n tIrthaM dIpyate svena tejasA . 
yatra brahmAdibhirdevairR^iShibhishcha tapodhanaiH . 
senApatyena devAnAmabhiShikto guhastadA .. 143..\\
aujasasya tu pUrveNa kuru tIrtha.n kurUdvaha . 
kuru tIrthe naraH snAtvA brahma chArI jitendriyaH . 
sarvapApavishuddhAtmA kuru lokaM prapadyate .. 144..\\
svargadvAra.n tato gachchhenniyato niyatAshanaH . 
svargalokamavApnoti brahmaloka.n cha gachchhati .. 145..\\
tato gachchhedanaraka.n tIrthasevI narAdhipa . 
tatra snAtvA naro rAjanna durgatimivApnuyAt .. 146..\\
tatra brahmA svayaM nitya.n devaiH saha mahIpate . 
anvAsyate narashreShTha nArAyaNa purogamaiH .. 147..\\
sAMnidhya.n chaiva rAjendra rudra patnyAH kurUdvaha . 
abhigamya cha tA.n devIM na durgatimavApnuyAt .. 148..\\
tatraiva cha mahArAja vishveshvaramumApatim . 
abhigamya mahAdevaM muchyate sarvakilbiShaiH .. 149..\\
nArAyaNa.n chAbhigamya padmanAbhamarindamam . 
shobhamAno mahArAja viShNulokaM prapadyate .. 150..\\
tIrthe tu sarvadevAnA.n snAtaH sa puruSharShabha . 
sarvaduHkhaiH parityakto dyotate shashivatsadA .. 151..\\
tataH svasti pura.n gachchhettIrthasevI narAdhipa . 
pAvana.n tIrthamAsAdya tarpayetpitR^idevatAH . 
agniShTomasya yaGYasya phalaM prApnoti mAnavaH .. 152..\\
ga~NgA hradashcha tatraiva kUpashcha bharatarShabha . 
tisraH koTyastu tIrthAnA.n tasminkUpe mahIpate . 
tatra snAtvA naro rAjansvargalokaM prapadyate .. 153..\\
ApagAyAM naraH snAtvA archayitvA maheshvaram . 
gANapatyamavApnoti kula.n choddharate svakam .. 154..\\
tataH sthANuvaTa.n gachchhettriShu lokeShu vishrutam . 
tatra snAtvA sthito rAtri.n rudra lokamavApnuyAt .. 155..\\
badarI pAchana.n gachchhedvasiShThasyAshramaM tataH . 
badaraM bhakShayettatra trirAtropoShito naraH .. 156..\\
samyagdvAdasha varShANi badarAnbhakShayettu yaH . 
trirAtropoShitashchaiva bhavettulyo narAdhipa .. 157..\\
indra mArga.n samAsAdya tIrthasevI narAdhipa . 
ahorAtropavAsena shakra loke mahIyate .. 158..\\
ekarAtra.n samAsAdya ekarAtroShito naraH . 
niyataH satyavAdI cha brahmaloke mahIyate .. 159..\\
tato gachchheta dharmaGYa tIrtha.n trailokyavishrutam . 
AdityasyAshramo yatra tejorAshermahAtmanAH .. 160..\\
tasmi.nstIrthe naraH snAtvA pUjayitvA vibhAvasum . 
Adityaloka.n vrajati kula.n chaiva samuddharet .. 161..\\
somatIrthe naraH snAtvA tIrthasevI kurUdvaha . 
somalokamavApnoti naro nAstyatra saMshayaH .. 162..\\
tato gachchheta dharmaGYa dadhIchasya mahAtmanAH . 
tIrthaM puNyatama.n rAjanpAvanaM lokavishrutam .. 163..\\
yatra sArasvato rAjanso.a~NgirAstapaso nidhiH . 
tasmi.nstIrthe naraH snAtvA vAjapeyaphala.n labhet . 
sArasvatI.n gatiM chaiva labhate nAtra saMshayaH .. 164..\\
tataH kanyAshrama.n gachchhenniyato brahmacharyavAn . 
trirAtropoShito rAjannupavAsaparAyaNaH . 
labhetkanyAshata.n divyaM brahmalokaM cha gachchhati .. 165..\\
yatra brahmAdayo devA R^iShayashcha tapodhanAH . 
mAsi mAsi samAyAnti puNyena mahatAnvitAH .. 166..\\
saMnihityAmupaspR^ishya rAhugraste divAkare . 
ashvamedha shata.n tena iShTaM bhavati shAshvatam .. 167..\\
pR^ithivyA.n yAni tIrthAni antarikShacharANi cha . 
nadyo nadAstaDAgAshcha sarvaprasravaNAni cha .. 168..\\
udapAnAshcha vaprAshcha puNyAnyAyatanAni cha . 
mAsi mAsi samAyAnti saMnihityAM na saMshayaH .. 169..\\
yatki.n chidduShkR^itaM karma striyA vA puruShasya vA . 
snAtamAtrasya tatsarvaM nashyate nAtra saMshayaH . 
padmavarNena yAnena brahmaloka.n sa gachchhati .. 170..\\
abhivAdya tato yakSha.n dvArapAlamarantukam . 
koTirUpamupaspR^ishya labhedbahusuvarNakam .. 171..\\
ga~NgA hradashcha tatraiva tIrthaM bharatasattama . 
tatra snAtastu dharmaGYa brahma chArI samAhitaH . 
rAjasUyAshvamedhAbhyAM phala.n vindati shAshvatam .. 172..\\
pR^ithivyAM naimiShaM puNyamantarikShe cha puShkaram . 
trayANAmapi lokAnA.n kurukShetra.n vishiShyate .. 173..\\
pA.nsavo.api kurukShetre vAyunA samudIritAH . 
api duShkR^itakarmANaM nayanti paramA.n gatim .. 174..\\
dakShiNena sarasvatyA uttareNa dR^iShadvatIm . 
ye vasanti kurukShetre te vasanti triviShTape .. 175..\\
kurukShetra.n gamiShyAmi kurukShetre vasAmyaham . 
apyekA.n vAchamutsR^ijya sarvapApaiH pramuchyate .. 176..\\
brahma vedI kurukShetraM puNyaM brahmarShisevitam . 
tadAvasanti ye rAjanna te shochyAH katha.n chana .. 177..\\
tarantukArantukayoryadantaraM 
rAmahradAnA.n cha machakrukasya . 
etatkurukShetrasamantapa~nchakaM 
pitA mahasyottara vediruchyate .. 178..\\
\medskip\hrule\medskip\centerline{\Largedvng 82}
 pulastya

tato gachchheta dharmaGYa dharmatIrthaM purAtanam . 
tatra snAtvA naro rAjandharmashIlaH samAhitaH . 
A saptama.n kula.n rAjanpunIte nAtra saMshayaH .. 1..\\
tato gachchheta dharmaGYa kArA patanamuttamam . 
agniShTomamavApnoti muniloka.n cha gachchhati .. 2..\\
saugandhika.n vanaM rAja.nstato gachchheta mAnavaH . 
yatra brahmAdayo devA R^iShayashcha tapodhanAH .. 3..\\
siddhachAraNagandharvAH kiMnarAH sa mahoragAH . 
tadvanaM pravishanneva sarvapApaiH pramuchyate .. 4..\\
tato hi sA sarichchhreShThA nadInAmuttamA nadI . 
plakShAddevI srutA rAjanmahApuNyA sarasvatI .. 5..\\
tatrAbhiSheka.n kurvIta valmIkAnniHsR^ite jale . 
archayitvA pitR^IndevAnashvamedha phala.n labhet .. 6..\\
IshAnAdhyuShitaM nAma tatra tIrtha.n sudurlabham . 
ShaTsu shamyA nipAteShu valmIkAditi nishchayaH .. 7..\\
kapilAnA.n sahasra.n cha vAjimedhaM cha vindati . 
tatra snAtvA naravyAghra dR^iShTametatpurAtane .. 8..\\
sugandhA.n shatakumbhA.n cha pa~ncha yaGYAM cha bhArata . 
abhigamya narashreShTha svargaloke mahIyate .. 9..\\
trishUlakhAta.n tatraiva tIrthamAsAdya bhArata . 
tatrAbhiSheka.n kurvIta pitR^idevArchane rataH . 
gANapatya.n sa labhate deha.n tyaktvA na saMshayaH .. 10..\\
tato gachchheta rAjendra devyAH sthAna.n sudurlabham . 
shAkambharIti vikhyAtA triShu lokeShu vishrutA .. 11..\\
divya.n varShasahasraM hi shAkena kila suvrata . 
AhAra.n sA kR^itavatI mAsi mAsi narAdhipa .. 12..\\
R^iShayo.abhyAgatAstatra devyA bhaktyA tapodhanAH . 
Atithya.n cha kR^itaM teShA.n shAkena kila bhArata . 
tataH shAkambharItyeva nAma tasyAH pratiShThitam .. 13..\\
shAkambharI.n samAsAdya brahma chArI samAhitaH . 
trirAtramuShitaH shAkaM bhakShayenniyataH shuchiH .. 14..\\
shAkAhArasya yatsamyagvarShairdvAdashabhiH phalam . 
tatphala.n tasya bhavati devyAshchhandena bhArata .. 15..\\
tato gachchhetsuvarNAkSha.n triShu lokeShu vishrutam . 
yatra viShNuH prasAdArtha.n rudramArAdhayatpurA .. 16..\\
varAMshcha subahU.Nllebhe daivateShu sudurlabhAn . 
uktashcha tripuraghnena parituShTena bhArata .. 17..\\
api chAsmatpriyataro loke kR^iShNa bhaviShyasi . 
tvanmukha.n cha jagatkR^itsnaM bhaviShyati na saMshayaH .. 18..\\
tatrAbhigamya rAjendra pUjayitvA vR^iShadhvajam . 
ashvamedhamavApnoti gANapatya.n cha vindati .. 19..\\
dhUmAvatI.n tato gachchhettriratropoShito naraH . 
manasA prArthitAnkAmA.Nllabhate nAtra saMshayaH .. 20..\\
devyAstu dakShiNArdhena rathAvarto narAdhipa . 
tatrAroheta dharmaGYa shradadhAno jitendriyaH . 
mahAdeva prasAdAddhi gachchheta parama.n gatim .. 21..\\
pradakShiNamupAvR^itya gachchheta bharatarShabha . 
dhArAM nAma mahAprAGYa sarvapApapraNAshinIm . 
tatra snAtvA naravyAghra na shochati narAdhipa .. 22..\\
tato gachchheta dharmaGYa namaskR^itya mahAgirim . 
svargadvAreNa yattulya.n ga~NgA dvAraM na saMshayaH .. 23..\\
tatrAbhiSheka.n kurvIta koTitIrthe samAhitaH . 
puNDarIkamavApnoti kula.n chaiva samuddharet .. 24..\\
sapta ga~Nge triga~Nge cha shakrAvarte cha tarpayan . 
devAnpitR^IMshcha vidhivatpuNyaloke mahIyate .. 25..\\
tataH kanakhale snAtvA trirAtropoShito naraH . 
ashvamedhamavApnoti svargaloka.n cha gachchhati .. 26..\\
kapilA vaTa.n cha gachchheta tIrthasevI narAdhipa . 
uShyaikA.n rajanI.n tatra gosahasraphalaM labhet .. 27..\\
nAgarAjasya rAjendra kapilasya mahAtmanAH . 
tIrtha.n kuru varashreShTha sarvalokeShu vishrutam .. 28..\\
tatrAbhiSheka.n kurvIta nAgatIrthe narAdhipa . 
kapilAnA.n sahasrasya phalaM prApnoti mAnavaH .. 29..\\
tato lalitikA.n gachchhechchhantanortIrthamuttamam . 
tatra snAtvA naro rAjanna durgatimavApnuyAt .. 30..\\
ga~NgA sa~Ngamayoshchaiva snAti yaH sa~Ngame naraH . 
dashAshvamedhAnApnoti kula.n chaiva samuddharet .. 31..\\
tato gachchheta rAjendra sugandhA.n lokavishrutAm . 
sarvapApavishuddhAtmA brahmaloke mahIyate .. 32..\\
rudrAvarta.n tato gachchhettIrthasevI narAdhipa . 
tatra snAtvA naro rAjansvargaloke mahIyate .. 33..\\
ga~NgAyAshcha narashreShTha sarasvatyAshcha sa~Ngame . 
snAto.ashvamedhamApnoti svargaloka.n cha gachchhati .. 34..\\
bhadra karNeshvara.n gatvA devamarchya yathAvidhi . 
na durgatimavApnoti svargaloka.n cha gachchhati .. 35..\\
tataH kubjAmraka.n gachchhettIrthasevI yathAkramam . 
gosahasramavApnoti svargaloka.n cha gachchhati .. 36..\\
arundhatI vaTa.n gachchhettIrthasevI narAdhipa . 
sAmudrakamupaspR^ishya trirAtropoShito naraH . 
gosahasraphala.n vindetkula.n chaiva samuddharet .. 37..\\
brahmAvarta.n tato gachchhedbrahma chArI samAhitaH . 
ashvamedhamavApnoti svargaloka.n cha gachchhati .. 38..\\
yamunA prabhava.n gatvA upaspR^ishya cha yAmune . 
ashvamedha phala.n labdhvA svargaloke mahIyate .. 39..\\
darvI sa~NkramaNaM prApya tIrtha.n trailokyavishrutam . 
ashvamedhamavApnoti svargaloka.n cha gachchhati .. 40..\\
sindhorcha prabhava.n gatvA siddhagandharvasevitam . 
tatroShya rajanIH pa~ncha vindyAdbahusuvarNakam .. 41..\\
atha vedI.n samAsAdya naraH paramadurgamAm . 
ashvamedhamavApnoti gachchhechchaushanasI.n gatim .. 42..\\
R^iShikulyA.n samAsAdya vAsiShTha.n chaiva bhArata . 
vAsiShTha.n samatikramya sarve varNA dvijAtayaH .. 43..\\
R^iShikulyAM naraH snAtvA R^iShilokaM prapadyate . 
yadi tatra vasenmAsa.n shAkAhAro narAdhipa .. 44..\\
bhR^igutu~Nga.n samAsAdya vAjimedhaphalaM labhet . 
gatvA vIra pramokSha.n cha sarvapApaiH pramuchyate .. 45..\\
kR^ittikA maghayoshchaiva tIrthamAsAdya bhArata . 
agniShTomAtirAtrAbhyAM phalaM prApnoti puNyakR^it .. 46..\\
tataH sandhyA.n samAsAdya vidyA tIrthamanuttamam . 
upaspR^ishya cha vidyAnA.n sarvAsAM pArago bhavet .. 47..\\
mahAshrame vasedrAtri.n sarvapApapramochane . 
ekakAlaM nirAhAro lokAnAvasate shubhAn .. 48..\\
ShaShTha kAlopavAsena mAsamuShya mahAlaye . 
sarvapApavishuddhAtmA vindyAdbahusuvarNakam .. 49..\\
atha vetasikA.n gatvA pitA maha niShevitAm . 
ashvamedhamavApnoti gachchhechchaushanasI.n gatim .. 50..\\
atha sundarikA tIrthaM prApya siddhaniShevitam . 
rUpasya bhAgI bhavati dR^iShTametatpurAtane .. 51..\\
tato vai brAhmaNI.n gatvA brahma chArI jitendriyaH . 
padmavarNena yAnena brahmalokaM prapadyate .. 52..\\
tatashcha naimiSha.n gachchhetpuNya.n siddhaniShevitam . 
tatra nityaM nivasati brahmA devagaNairvR^itaH .. 53..\\
naimiShaM prArthayAnasya pApasyArdhaM praNashyati . 
praviShTamAtrastu naraH sarvapApaiH pramuchyate .. 54..\\
tatra mAsa.n vaseddhIro naimiShe tIrthatatparaH . 
pR^ithivyA.n yAni tIrthAni naimiShe tAni bhArata .. 55..\\
abhiShekakR^itastatra niyato niyatAshanaH . 
gavAmayasya yaGYasya phalaM prApnoti bhArata . 
punAtyA saptama.n chaiva kulaM bharatasattama .. 56..\\
yastyajennaimiShe prANAnupavAsaparAyaNaH . 
sa modetsvargalokastha evamAhurmanIShiNaH . 
nityaM puNya.n cha medhyaM cha naimiShaM nR^ipasattama .. 57..\\
ga~Ngodbheda.n samAsAdya trirAtropoShito naraH . 
vAjapeyamavApnoti brahmabhUtashcha jAyate .. 58..\\
sarasvatI.n samAsAdya tarpayetpitR^idevatAH . 
sArasvateShu lokeShu modate nAtra saMshayaH .. 59..\\
tatashcha bAhudA.n gachchhedbrahma chArI samAhitaH . 
deva satrasya yaGYasya phalaM prApnoti mAnavaH .. 60..\\
tatashchIravatI.n gachchhetpuNyAM puNyatamairvR^itAm . 
pitR^idevArchana rato vAjapeyamavApnuyAt .. 61..\\
vimalAshokamAsAdya virAjati yathA shashI . 
tatroShya rajanImekA.n svargaloke mahIyate .. 62..\\
gopratAra.n tato gachchhetsarayvAstIrthamuttamam . 
yatra rAmo gataH svarga.n sa bhR^ityabalavAhanaH .. 63..\\
deha.n tyaktvA diva.n yAtastasya tIrthasya tejasA . 
rAmasya cha prasAdena vyavasAyAchcha bhArata .. 64..\\
tasmi.nstIrthe naraH snAtvA gomatyA.n kurunandana . 
sarvapApavishuddhAtmA svargaloke mahIyate .. 65..\\
rAma tIrthe naraH snAtvA gomatyA.n kurunandana . 
ashvamedhamavApnoti punAti cha kulaM naraH .. 66..\\
shatasAhasrika.n tatra tIrthaM bharatasattama . 
tatropasparshana.n kR^itvA niyato niyatAshanaH . 
gosahasraphalaM puNyaM prApnoti bharatarShabha .. 67..\\
tato gachchheta rAjendra bhartR^isthAnamanuttamam . 
koTitIrthe naraH snAtvA archayitvA guhaM nR^ipa . 
gosahasraphala.n vindettejasvI cha bhavennaraH .. 68..\\
tato vArANasI.n gatvA archayitvA vR^iShadhvajam . 
kapilA hrade naraH snAtvA rAjasUya phala.n labhet .. 69..\\
mArkaNDeyasya rAjendra tIrthamAsAdya durlabham . 
gomatI ga~Ngayoshchaiva sa~Ngame lokavishrute . 
agniShTomamavApnoti kula.n chaiva samuddharet .. 70..\\
tato gayA.n samAsAdya brahma chArI jitendriyaH . 
ashvamedhamavApnoti gamanAdeva bhArata .. 71..\\
tatrAkShayavato nAma triShu lokeShu vishrutaH . 
pitR^INA.n tatra vai dattamakShayaM bhavati prabho .. 72..\\
mahAnadyAmupaspR^ishya tarpayetpitR^idevatAH . 
akShayAnprApnuyAllokAnkula.n chaiva samuddharet .. 73..\\
tato brahmasaro gachchheddharmAraNyopashobhitam . 
pauNDarIkamavApnoti prabhAtAmeva sharvarIm .. 74..\\
tasminsarasi rAjendra brahmaNo yUpa uchchhritaH . 
yUpaM pradakShiNa.n kR^itvA vAjapeyaphala.n labhet .. 75..\\
tato gachchheta rAjendra dhenukA.n lokavishrutAm . 
ekaratroShito rAjanprayachchhettiladhenukAm . 
sarvapApavishuddhAtmA somaloka.n vrajeddhruvam .. 76..\\
tatra chihnaM mahArAja adyApi hi na saMshayaH . 
kapilA saha vatsena parvate vicharatyuta . 
sa vatsAyAH padAni sma dR^ishyante.adyApi bhArata .. 77..\\
teShUpaspR^ishya rAjendra padeShu nR^ipasattama . 
yatki.n chidashubhaM karma tatpraNashyati bhArata .. 78..\\
tato gR^idhravaTa.n gachchhetsthAnaM devasya dhImataH . 
snAyIta bhasmanA tatra abhigamya vR^iShadhvajam .. 79..\\
brAhmaNena bhavechchIrNa.n vrata.n dvAdasha vArShikam . 
itareShA.n tu varNAnA.n sarvapApaM praNashyati .. 80..\\
gachchheta tata udyantaM parvata.n gItanAditam . 
sAvitra.n tu padaM tatra dR^ishyate bharatarShabha .. 81..\\
tatra sandhyAmupAsIta brAhmaNaH saMshitavrataH . 
upAstA cha bhavetsandhyA tena dvAdasha vArShikI .. 82..\\
yonidvAra.n cha tatraiva vishrutaM bharatarShabha . 
tatrAbhigamya muchyeta puruSho yonisa~NkarAt .. 83..\\
kR^iShNa shuklAvubhau pakShau gayAyA.n yo vasennaraH . 
punAtyA saptama.n rAjankulaM nAstyatra saMshayaH .. 84..\\
eShTavyA bahavaH putrA yadyeko.api gayA.n vrajet . 
yajeta vAshvamedhena nIla.n vA vR^iShamutsR^ijet .. 85..\\
tataH phalgu.n vrajedrAja.nstIrthasevI narAdhipa . 
ashvamedhamavApnoti siddhi.n cha mahatI.n vrajet .. 86..\\
tato gachchheta rAjendra dharmapR^iShTha.n samAhitaH . 
yatra dharmo mahArAja nityamAste yudhiShThira . 
abhigamya tatastatra vAjimedhaphala.n labhet .. 87..\\
tato gachchheta rAjendra brahmaNastIrthamuttamam . 
tatrArchayitvA rAjendra brahmANamamitaujasam . 
rAjasUyAshvamedhAbhyAM phalaM prApnoti mAnavaH .. 88..\\
tato rAjagR^iha.n gachchhettIrthasevI narAdhipa . 
upaspR^ishya tapodeShu kAkShIvAniva modate .. 89..\\
yakShiNyA naityaka.n tatra prAshnIta puruShaH shuchiH . 
yakShiNyAstu prasAdena muchyate bhrUNa hatyayA .. 90..\\
maNinAga.n tato gatvA gosahasraphala.n labhet . 
naityakaM bhu~njate yastu maNinAgasya mAnavaH .. 91..\\
daShTasyAshIviSheNApi na tasya kramate viSham . 
tatroShya rajanImekA.n sarvapApaiH pramuchyate .. 92..\\
tato gachchheta brahmarShergautamasya vanaM nR^ipa . 
ahalyAyA hlade snAtvA vrajeta paramA.n gatim . 
abhigamya shriya.n rAjanvindate shriyamuttamAm .. 93..\\
tatroda pAno dharmaGYa triShu lokeShu vishrutaH . 
tatrAbhiSheka.n kR^itvA tu vAjimedhamavApnuyAt .. 94..\\
janakasya tu rAjarSheH kUpastridashapUjitaH . 
tatrAbhiSheka.n kR^itvA tu viShNulokamavApnuyAt .. 95..\\
tato vinashana.n gachchhetsarvapApapramochanam . 
vAjapeyamavApnoti somaloka.n cha gachchhati .. 96..\\
gaNDakI.n tu samAsAdya sarvatIrthajalodbhavAm . 
vAjapeyamavApnoti sUryaloka.n cha gachchhati .. 97..\\
tato.adhivaMshya.n dharmaGYa samAvishya tapovanam . 
guhyakeShu mahArAja modate nAtra saMshayaH .. 98..\\
kampanA.n tu samAsAdya nadI.n siddhaniShevitAm . 
puNDarIkamavApnoti sUryaloka.n cha gachchhati .. 99..\\
tato vishAlAmAsAdya nadI.n trailokyavishrutAm . 
agniShTomamavApnoti svargaloka.n cha gachchhati .. 100..\\
atha mAheshvarI.n dhArA.n samAsAdya narAdhipa . 
ashvamedhamavApnoti kula.n chaiva samuddharet .. 101..\\
divaukasAM puShkariNI.n samAsAdya naraH shuchiH . 
na durgatimavApnoti vAjapeya.n cha vindati .. 102..\\
maheshvara pada.n gachchhedbrahma chArI samAhitaH . 
maheshvara pade snAtvA vAjimedhaphala.n labhet .. 103..\\
tatra koTistu tIrthAnA.n vishrutA bharatarShabha . 
kUrmarUpeNa rAjendra asureNa durAtmanA . 
hriyamANAhR^itA rAjanviShNunA prabha viShNunA .. 104..\\
tatrAbhiSheka.n kurvANastIrthakoTyA.n yudhiShThira . 
puNDarIkamavApnoti viShNuloka.n cha gachchhati .. 105..\\
tato gachchheta rAjendra sthAnaM nArAyaNasya tu . 
sadA saMnihito yatra harirvasati bhArata . 
shAlagrAma iti khyAto viShNoradbhutakarmaNaH .. 106..\\
abhigamya trilokesha.n varadaM viShNumavyayam . 
ashvamedhamavApnoti viShNuloka.n cha gachchhati .. 107..\\
tatroda pAno dharmaGYa sarvapApapramochanaH . 
samudrAstatra chatvAraH kUpe saMnihitAH sadA . 
tatropaspR^ishya rAjendra na durgatimavApnuyAt .. 108..\\
abhigamya mahAdeva.n varadaM viShNumavyayam . 
virAjati yathA soma R^iNairmukto yudhiShThira .. 109..\\
jAtismara upaspR^ishya shuchiH prayata mAnasaH . 
jAtismaratvaM prApnoti snAtvA tatra na saMshayaH .. 110..\\
vaTeshvara pura.n gatvA archayitvA tu keshavam . 
IpsitA.Nllabhate kAmAnupavAsAnna saMshayaH .. 111..\\
tatastu vAmana.n gatvA sarvapApapramochanam . 
abhivAdya hari.n devaM na durgatimavApnuyAt .. 112..\\
bharatasyAshrama.n gatvA sarvapApapramochanam . 
kaushikI.n tatra seveta mahApAtaka nAshinIm . 
rAjasUyasya yaGYasya phalaM prApnoti mAnavaH .. 113..\\
tato gachchheta dharmaGYa champakAraNyamuttamam . 
tatroShya rajanImekA.n gosahasraphala.n labhet .. 114..\\
atha jyeShThilamAsAdya tIrthaM paramasaMmatam . 
upoShya rajanImekAmagniShToma phala.n labhet .. 115..\\
tatra vishveshvara.n dR^iShTvA devyA saha mahAdyutim . 
mitrA varuNayorlokAnApnoti puruSharShabha .. 116..\\
kanyA sa.nvedyamAsAdya niyato niyatAshanaH . 
manoH prajApaterlokAnApnoti bharatarShabha .. 117..\\
kanyAyA.n ye prayachchhanti pAnamanna.n cha bhArata . 
tadakShayamiti prAhurR^iShayaH saMshitavratAH .. 118..\\
nishchIrA.n cha samAsAdya triShu lokeShu vishrutAm . 
ashvamedhamavApnoti viShNuloka.n cha gachchhati .. 119..\\
ye tu dAnaM prayachchhanti nishchIrA sa~Ngame narAH . 
te yAnti narashArdUla brahmalokaM na saMshayaH .. 120..\\
tatrAshramo vasiShThasya triShu lokeShu vishrutaH . 
tatrAbhiSheka.n kurvANo vAjapeyamavApnuyAt .. 121..\\
devakUTa.n samAsAdya brahmarShigaNasevitam . 
ashvamedhamavApnoti kula.n chaiva samuddharet .. 122..\\
tato gachchheta rAjendra kaushikasya munerhradam . 
yatra siddhiM parAM prApto vishvA mitro.atha kaushikaH .. 123..\\
tatra mAsa.n vasedvIra kaushikyAM bharatarShabha . 
ashvamedhasya yatpuNya.n tanmAsenAdhigachchhati .. 124..\\
sarvatIrthavare chaiva yo vaseta mahAhrade . 
na durgatimavApnoti vindedbahusuvarNakam .. 125..\\
kumAramabhigatvA cha vIrAshramanivAsinam . 
ashvamedhamavApnoti naro nAstyatra saMshayaH .. 126..\\
agnidhArA.n samAsAdya triShu lokeShu vishrutAm . 
agniShTomamavApnoti na cha svargAnnivartate .. 127..\\
pitA maha saro gatvA shailarAjapratiShThitam . 
tatrAbhiSheka.n kurvANo agniShToma phala.n labhet .. 128..\\
pitA mahasya sarasaH prasrutA lokapAvanI . 
kumAra dhArA tatraiva triShu lokeShu vishrutA .. 129..\\
yatra snAtvA kR^itArtho.asmItyAtmAnamavagachchhati . 
ShaShTha kAlopavAsena muchyate brahmahatyayA .. 130..\\
shikhara.n vai mahAdevyA gauryAstrailokyavishrutam . 
samAruhya naraH shrAddhaH stanakuNDeShu sa.nvishet .. 131..\\
tatrAbhiSheka.n kurvANaH pitR^idevArchane rataH . 
hayamedhamavApnoti shakra loka.n cha gachchhati .. 132..\\
tAmrAruNa.n samAsAdya brahma chArI samAhitaH . 
ashvamedhamavApnoti shakra loka.n cha gachchhati .. 133..\\
nandinyA.n cha samAsAdya kUpaM tridashasevitam . 
naramedhasya yatpuNya.n tatprApnoti kurUdvaha .. 134..\\
kAlikA sa~Ngame snAtvA kaushikyAruNayoryataH . 
trirAtropoShito vidvAnsarvapApaiH pramuchyate .. 135..\\
urvashI tIrthamAsAdya tataH somAshramaM budhaH . 
kumbhakarNAshrame snAtvA pUjyate bhuvi mAnavaH .. 136..\\
snAtvA kokA mukhe puNye brahma chArI yatavrataH . 
jAtismaratvaM prApnoti dR^iShTametatpurAtane .. 137..\\
sakR^innandA.n samAsAdya kR^itAtmA bhavati dvijaH . 
sarvapApavishuddhAtmA shakra loka.n cha gachchhati .. 138..\\
R^iShabhadvIpamAsAdya sevya.n krau~nchaniShUdanam . 
sarasvatyAmupaspR^ishya vimAnastho virAjate .. 139..\\
auddAlakaM mahArAja tIrthaM muniniShevitam . 
tatrAbhiSheka.n kurvIta sarvapApaiH pramuchyate .. 140..\\
dharmatIrtha.n samAsAdya puNyaM brahmarShisevitam . 
vAjapeyamavApnoti naro nAstyatra saMshayaH .. 141..\\
tathA champA.n samAsAdya bhAgIrathyA.n kR^itodakaH . 
daNDArkamabhigamyaiva gosahasraphala.n labhet .. 142..\\
laveDikA.n tato gachchhetpuNyAM puNyopasevitAm . 
vAjapeyamavApnoti vimAnasthashcha pUjyate .. 143..\\
\medskip\hrule\medskip\centerline{\Largedvng 83}
 pulastya

atha sandhyA.n samAsAdya sa.nvedya.n tIrthamuttamam . 
upaspR^ishya naro vidvAnbhavennAstyatra saMshayaH .. 1..\\
rAmasya cha prasAdena tIrtha.n rAjankR^itaM purA . 
tallohitya.n samAsAdya vindyAdbahusuvarNakam .. 2..\\
karatoyA.n samAsAdya trirAtropoShito naraH . 
ashvamedhamavApnoti kR^ite paitAmahe vidhau .. 3..\\
ga~NgAyAstvatha rAjendra sAgarasya cha sa~Ngame . 
ashvamedha.n dashaguNaM pravadanti manIShiNaH .. 4..\\
ga~NgAyAstvapara.n dvIpaM prApya yaH snAti bhArata . 
trirAtropoShito rAjansarvakAmAnavApnuyAt .. 5..\\
tato vaitaraNI.n gatvA nadIM pApapramochanIm . 
viraja.n tIrthamAsAdya virAjati yathA shashI .. 6..\\
prabhavechcha kule puNye sarvapApa.n vyapohati . 
gosahasraphala.n labdhvA punAti cha kulaM naraH .. 7..\\
shoNasya jyotirathyAshcha sa~Ngame nivasa~nshuchiH . 
tarpayitvA pitR^IndevAnagniShToma phala.n labhet .. 8..\\
shoNasya narmadAyAsh cha prabhave kurunandana . 
vaMshagulma upaspR^ishya vAjimedhaphala.n labhet .. 9..\\
R^iShabha.n tIrthamAsAdya koshalAyAM narAdhipa . 
vAjapeyamavApnoti trirAtropoShito naraH .. 10..\\
koshalAyA.n samAsAdya kAlatIrtha upaspR^ishet . 
vR^ishabhaikAdasha phala.n labhate nAtra saMshayaH .. 11..\\
puShpavatyAmupaspR^ishya trirAtropoShito naraH . 
gosahasraphala.n vindyAtkula.n chaiva samuddharet .. 12..\\
tato badarikA tIrthe snAtvA prayata mAnasaH . 
dIrghamAyuravApnoti svargaloka.n cha gachchhati .. 13..\\
tato mahendramAsAdya jAmadagnya niShevitam . 
rAma tIrthe naraH snAtvA vAjimedhaphala.n labhet .. 14..\\
mata~Ngasya tu kedArastatraiva kurunandana . 
tatra snAtvA naro rAjangosahasraphala.n labhet .. 15..\\
shrIparvata.n samAsAdya nadItIra upaspR^ishet . 
ashvamedhamavApnoti svargaloka.n cha gachchhati .. 16..\\
shrIparvate mahAdevo devyA saha mahAdyutiH . 
nyavasatparamaprIto brahmA cha tridashairvR^itaH .. 17..\\
tatra deva hrade snAtvA shuchiH prayata mAnasaH . 
ashvamedhamavApnoti parA.n siddhi.n cha gachchhati .. 18..\\
R^iShabhaM parvata.n gatvA pANDyeShu surapUjitam . 
vAjapeyamavApnoti nAkapR^iShThe cha modate .. 19..\\
tato gachchheta kAverI.n vR^itAmapsarasA.n gaNaiH . 
tatra snAtvA naro rAjangosahasraphala.n labhet .. 20..\\
tatastIre samudrasya kanyA tIrtha upaspR^ishet . 
tatropaspR^ishya rAjendra sarvapApaiH pramuchyate .. 21..\\
atha gokarNamAsAdya triShu lokeShu vishrutam . 
samudramadhye rAjendra sarvalokanamaskR^itam .. 22..\\
yatra brahmAdayo devA R^iShayashcha tapodhanAH . 
bhUtayakShapishAchAshcha kiMnarAH sa mahoragAH .. 23..\\
siddhachAraNagandharvA mAnuShAH pannagAstathA . 
saritaH sAgarAH shailA upAsanta umA patim .. 24..\\
tatreshAna.n samabhyarchya trirAtropoShito naraH . 
dashAshvamedhamApnoti gANapatya.n cha vindati . 
uShya dvAdasha rAtra.n tu kR^itAtmA bhavate naraH .. 25..\\
tata eva tu gAyatryAH sthAna.n trailokyavishrutam . 
trirAtramuShitastatra gosahasraphala.n labhet .. 26..\\
nidarshana.n cha pratyakShaM brAhmaNAnAM narAdhipa . 
gAyatrIM paThate yastu yonisa~NkarajastathA . 
gAthA vA gItikA vApi tasya sampadyate nR^ipa .. 27..\\
sa.nvartasya tu viprarShervApImAsAdya durlabhAm . 
rUpasya bhAgI bhavati subhagashchaiva jAyate .. 28..\\
tato veNNA.n samAsAdya tarpayetpitR^idevatAH . 
mayUraha.nsasa.nyukta.n vimAnaM labhate naraH .. 29..\\
tato godAvarIM prApya nitya.n siddhaniShevitAm . 
gavAmayamavApnoti vAsukerlokamApnuyAt .. 30..\\
veNNAyAH sa~Ngame snAtvA vAjapeyaphala.n labhet . 
varadA sa~Ngame snAtvA gosahasraphala.n labhet .. 31..\\
brahma sthAna.n samAsAdya trirAtramuShito naraH . 
gosahasraphala.n vindetsvargaloka.n cha gachchhati .. 32..\\
kushaplavanamAsAdya brahma chArI samAhitaH . 
trirAtramuShitaH snAtvA ashvamedha phala.n labhet .. 33..\\
tato deva hrade ramye kR^iShNa veNNA jalodbhave . 
jAtimAtrahrade chaiva tathA kanyAshrame nR^ipa .. 34..\\
yatra kratushatairiShTvA devarAjo diva.n gataH . 
agniShToma shata.n vindedgamanAdeva bhArata .. 35..\\
sarvadeva hrade snAtvA gosahasraphala.n labhet . 
jAtimAtrahrade snAtvA bhavejjAtismaro naraH .. 36..\\
tato.avApya mahApuNyAM payoShNI.n saritAM varAm . 
pitR^idevArchana rato gosahasraphala.n labhet .. 37..\\
daNDakAraNyamAsAdya mahArAja upaspR^ishet . 
gosahasraphala.n tatra snAtamAtrasya bhArata .. 38..\\
sharabha~NgAshrama.n gatvA shukasya cha mahAtmanAH . 
na durgatimavApnoti punAti cha kulaM naraH .. 39..\\
tataH shUrpAraka.n gachchhejjAmadagnya niShevitam . 
rAma tIrthe naraH snAtvA vindyAdbahusuvarNakam .. 40..\\
sapta godAvare snAtvA niyato niyatAshanaH . 
mahatpuNyamavApnoti devaloka.n cha gachchhati .. 41..\\
tato devapatha.n gachchhenniyato niyatAshanaH . 
deva satrasya yatpuNya.n tadavApnoti mAnavaH .. 42..\\
tu~NgakAraNyamAsAdya brahma chArI jitendriyaH . 
vedAnadhyApayattatra R^iShiH sArasvataH purA .. 43..\\
tatra vedAnpranaShTA.nstu munera~NgirasaH sutaH . 
upaviShTo maharShINAmuttarIyeShu bhArata .. 44..\\
o~NkAreNa yathAnyAya.n samyaguchchAritena cha . 
yena yatpUrvamabhyasta.n tattasya samupasthitam .. 45..\\
R^iShayastatra devAshcha varuNo.agniH prajApatiH . 
harirnArAyaNo devo mahAdevastathaiva cha .. 46..\\
pitA mahashcha bhagavAndevaiH saha mahAdyutiH . 
bhR^iguM niyojayAmAsa yAjanArthe mahAdyutim .. 47..\\
tataH sachakre bhagavAnR^iShINA.n vidhivattadA . 
sarveShAM punarAdhAna.n vidhidR^iShTena karmaNA .. 48..\\
AjyabhAgena vai tatra tarpitAstu yathAvidhi . 
devAstribhuvaNa.n yAtA R^iShayashcha yathAsukham .. 49..\\
tadaraNyaM praviShTasya tu~Ngaka.n rAjasattama . 
pApaM praNashyate sarva.n striyo vA puruShasya vA .. 50..\\
tatra mAsa.n vaseddhIro niyato niyatAshanaH . 
brahmaloka.n vrajedrAjanpunIte cha kulaM naraH .. 51..\\
medhAvika.n samAsAdya pitR^IndevAMsh cha tarpayet . 
agniShTomamavApnoti smR^itiM medhA.n cha vindati .. 52..\\
tataH kAla~njara.n gatvA parvata.n lokavishrutam . 
tatra deva hrade snAtvA gosahasraphala.n labhet .. 53..\\
AtmAna.n sAdhayettatra girau kAla~njare nR^ipa . 
svargaloke mahIyeta naro nAstyatra saMshayaH .. 54..\\
tato girivarashreShThe chitrakUTe vishAM pate . 
mandAkinI.n samAsAdya nadIM pApapramochinIm .. 55..\\
tatrAbhiSheka.n kurvANaH pitR^idevArchane rataH . 
ashvamedhamavApnoti gati.n cha paramA.n vrajet .. 56..\\
tato gachchheta rAjendra bhartR^isthAnamanuttamam . 
yatra devo mahAseno nitya.n saMnihito nR^ipaH .. 57..\\
pumA.nstatra narashreShTha gamanAdeva sidhyati . 
koTitIrthe naraH snAtvA gosahasraphala.n labhet .. 58..\\
pradakShiNamupAvR^itya jyeShThasthAna.n vrajennaraH . 
abhigamya mahAdeva.n virAjati yathA shashI .. 59..\\
tatra kUpo mahArAja vishruto bharatarShabha . 
samudrAstatra chatvAro nivasanti yudhiShThira .. 60..\\
tatropaspR^ishya rAjendra kR^itvA chApi pradakShiNam . 
niyatAtmA naraH pUto gachchheta paramA.n gatim .. 61..\\
tato gachchhetkurushreShTha shR^i~Ngavera puraM mahat . 
yatra tIrNo mahArAja rAmo dAsharathiH purA .. 62..\\
ga~NgAyA.n tu naraH snAtvA brahma chArI samAhitaH . 
vidhUtapApmA bhavati vAjapeya.n cha vindati .. 63..\\
abhigamya mahAdevamabhyarchya cha narAdhipa . 
pradakShiNamupAvR^itya gANapatyamavApnuyAt .. 64..\\
tato gachchheta rAjendra prayAgamR^iShisa.nstutam . 
yatra brahmAdayo devA dishashcha sa digIshvarAH .. 65..\\
lokapAlAshcha sAdhyAshcha nairR^itAH pitarastathA . 
sanatkumAra pramukhAstathaiva paramarShayaH .. 66..\\
a~NgiraH pramukhAshchaiva tathA brahmarShayo.apare . 
tathA nAgAH suparNAshcha siddhAshchakracharAstathA .. 67..\\
saritaH sAgarAshchaiva gandharvApsarasastathA . 
harishcha bhagavAnAste prajApatipuraskR^itaH .. 68..\\
tatra trINyagnikuNDAni yeShAM madhye cha jAhnavI . 
prayAgAdabhiniShkrAntA sarvatIrthapuraskR^itA .. 69..\\
tapanasya sutA tatra triShu lokeShu vishrutA . 
yamunA ga~NgayA sArdha.n sa~NgatA lokapAvanI .. 70..\\
ga~NgAyamunayormadyaM pR^ithivyA jaghana.n smR^itam . 
prayAga.n jaghanasyAntamupasthamR^iShayo viduH .. 71..\\
prayAga.n sa pratiShThAna.n kambalAshvatarau tathA . 
tIrthaM bhogavatI chaiva vedI proktA prajApateH .. 72..\\
tatra vedAshcha yaGYAshcha mUrtimanto yudhiShThira . 
prajApatimupAsante R^iShayashcha mahAvratAH . 
yajante kratubhirdevAstathA chakracharA nR^ipa .. 73..\\
tataH puNyatamaM nAsti triShu lokeShu bhArata . 
prayAgaH sarvatIrthebhyaH prabhavatyadhika.n vibho .. 74..\\
shravaNAttasya tIrthasya nAma sa~NkIrtanAdapi . 
mR^ittikA lambhanAdvApi naraH pApAtpramuchyate .. 75..\\
tatrAbhiSheka.n yaH kuryAtsa~Ngame saMshitavrataH . 
puNya.n saphalamApnoti rAjasUyAshvamedhayoH .. 76..\\
eShA yajana bhUmirhi devAnAmapi satkR^itA . 
tatra datta.n sUkShmamapi mahadbhavati bhArata .. 77..\\
na veda vachanAttAta na lokavachanAdapi . 
matirutkramaNIyA te prayAgamaraNaM prati .. 78..\\
dasha tIrthasahasrANi ShaShTikoTtyastathAparAH . 
yeShA.n sAMnidhyamatraiva kIrtita.n kurunandana .. 79..\\
chAturvede cha yatpuNya.n satyavAdiShu chaiva yat . 
snAta eva tadApnoti ga~NgA yamuna sa~Ngame .. 80..\\
tatra bhogavatI nAma vAsukestIrthamuttamam . 
tatrAbhiSheka.n yaH kuryAtso.ashvamedhamavApnuyAt .. 81..\\
tatra ha.nsaprapatana.n tIrthaM trailokyavishrutam . 
dashAshvamedhika.n chaiva ga~NgAyAM kurunandana .. 82..\\
yatra ga~NgA mahArAja sa deshastattapovanam . 
siddhakShetra.n tu tajGYeyaM ga~NgAtIrasamAshritam .. 83..\\
ida.n satya.n dvijAtInAM sAdhUnAmAtmajasya cha . 
suhR^idA.n cha japetkarNe shiShyasyAnugatasya cha .. 84..\\
ida.n dharmyamidaM puNyamidaM medhyamida.n sukham . 
ida.n svargyamidaM ramyamidaM pAvanamuttamam .. 85..\\
maharShINAmida.n guhya.n sarpapApapramochanam . 
adhItya dvijamadhye cha nirmalatvamavApnuyAt .. 86..\\
yashcheda.n shR^iNuyAnnitya.n tIrthapuNyaM sadA shuchiH . 
jAtIH sa smarate bahvIrnAkapR^iShThe cha modate .. 87..\\
gamyAnyapi cha tIrthAni kIrtitAnyagamAni cha . 
manasA tAni gachchheta sarvatIrthasamIkShayA .. 88..\\
etAni vasubhiH sAdhyairAdityairmarudashvibhiH . 
R^iShibhirdevakalpaishcha shritAni sukR^itaiShibhiH .. 89..\\
eva.n tvamapi kauravya vidhinAnena suvrata . 
vraja tIrthAni niyataH puNyaM puNyena vardhate .. 90..\\
bhAvitaiH kAraNaiH pUrvamAstikyAchchhruti darshanAt . 
prApyante tAni tIrthAni sadbhiH shiShTAnudarshibhiH .. 91..\\
nAvrato nAkR^itAtmA cha nAshuchirna cha taskaraH . 
snAti tIrtheShu kauravya na cha vakramatirnaraH .. 92..\\
tvayA tu samyagvR^ittena nitya.n dharmArthadarshinA . 
pitarastAritAstAta sarve cha prapitA mahAH .. 93..\\
pitA maha purogAshcha devAH sarShigaNA nR^ipa . 
tava dharmeNa dharmaGYa nityamevAbhitoShitAH .. 94..\\
avApsyasi cha lokAnvai vasUnA.n vAsavopama . 
kIrti.n cha mahatIM bhIShma prApsyase bhuvi shAshvatIm .. 95..\\

 naarada

evamuktvAbhyanuGYApya pulastyo bhagavAnR^iShiH . 
prItaH prItena manasA tatraivAntaradhIyate .. 96..\\
bhIShmashcha kurushArdUla shAstratattvArtha darshivAn . 
pulastyavachanAchchaiva pR^ithivIm anuchakrame .. 97..\\
anena vidhinA yastu pR^ithivI.n sa~ncariShyati . 
ashvamedha shatasyAgryaM phalaM pretya sa bhokShyate .. 98..\\
atashchAShTa guNaM pArtha prApsyase dharmamuttamam . 
netA cha tvamR^iShInyasmAttena te.aShTa guNaM phalam .. 99..\\
rakShogaNAvakIrNAni tIrthAnyetAni bhArata . 
na gatirvidyate.anyasya tvAmR^ite kurunandana .. 100..\\
ida.n devarShicharita.n sarvatIrthArtha saMshritam . 
yaH paThetkalyamutthAya sarvapApaiH pramuchyate .. 101..\\
R^iShimukhyAH sadA yatra vAlmIkistvatha kAshyapaH . 
Atreyastvatha kauNDinyo vishvA mitro.atha gautamaH .. 102..\\
asito devalashchaiva mArkaNDeyo.atha gAlavaH . 
bharadvAjo vasiShThashcha muniruddAlakastathA .. 103..\\
shaunakaH saha putreNa vyAsashcha japatA.n varaH . 
durvAsAshcha munishreShTho gAlavashcha mahAtapaH .. 104..\\
ete R^iShivarAH sarve tvatpratIkShAstapodhanAH . 
ebhiH saha mahArAja tIrthAnyetAnyanuvraja .. 105..\\
eSha vai lomasho nAma devarShiramitadyutiH . 
sameShyati tvayA chaiva tena sArdhamanuvraja .. 106..\\
mayA cha sahadharmaGYa tIrthAnyetAnyanuvraja . 
prApsyase mahatI.n kIrti.n yathA rAjA mahAbhiShaH .. 107..\\
yathA yayAtirdharmAtmA yathA rAjA purUravaH . 
tathA tva.n kurushArdUla svena dharmeNa shobhase .. 108..\\
yathA bhagIratho rAjA yathA rAmashcha vishrutaH . 
tathA tva.n sarvarAjabhyo bhrAjase rashmivAniva .. 109..\\
yathA manuryathekShvAkuryathA pUrurmahAyashAH . 
yathA vainyo mahAtejAstathA tvamapi vishrutaH .. 110..\\
yathA cha vR^itrahA sarvAnsapatnAnnirdahatpurA . 
tathA shatrukShaya.n kR^itvA prajAstvaM pAlayiShyasi .. 111..\\
svadharmavijitAmurvIM prApya rAjIvalochana . 
khyAti.n yAsyasi dharmeNa kArtavIryArjuno yathA .. 112..\\

 v

evamAshvAsya rAjAnaM nArado bhagavAnR^iShiH . 
anuGYApya mahAtmAna.n tatraivAntaradhIyata .. 113..\\
yudhiShThiro.api dharmAtmA tamevArtha.n vichintayan . 
tIrthayAtrAshrayaM puNyamR^iShINAM pratyavedayat .. 114..\\
\medskip\hrule\medskip\centerline{\Largedvng 84}
 v

bhrAtR^INAM matamAGYAya nAradasya cha dhImataH . 
pitA maha sama.n dhaumyaM prAha rAjA yudhiShThiraH .. 1..\\
mayA sa puruShavyAghro jiShNuH satyaparAkramaH . 
astrahetormahAbAhuramitAtmA vivAsitaH .. 2..\\
sa hi vIro.anuraktashcha samarthash cha tapodhana . 
kR^itI cha bhR^ishamapyastre vAsudeva iva prabhuH .. 3..\\
aha.n hyetAvubhau brahmankR^iShNAvarinighAtinau . 
abhijAnAmi vikrAntau tathA vyAsaH pratApavAn . 
triyugau puNDarIkAkShau vAsudevadhana~njayau .. 4..\\
nArado.api tathA veda so.apyasha.nsatsadA mama . 
tathAhamapi jAnAmi naranArAyaNAvR^iShI .. 5..\\
shakto.ayamityato matvA mayA sampreShito.arjunaH . 
indrAdanavaraH shaktaH surasUnuH surAdhipam . 
draShTumastrANi chAdAtumindrAditi vivAsitaH .. 6..\\
bhIShmadroNAvatirathau kR^ipo drauNishcha durjayaH . 
dhR^itarAShTrasya putreNa vR^itA yudhi mahAbalAH . 
sarve vedavidaH shUrAH sarve.astrakushalAstathA .. 7..\\
yoddhukAmashcha pArthena satata.n yo mahAbalaH . 
sa cha divyAstravitkarNaH sUtaputro mahArathaH .. 8..\\
so.ashvavegAnila balaH sharArchistalaniShvanaH . 
rajo dhUmo.astrasantApo dhArtarAShTrAniloddhataH .. 9..\\
nisR^iShTa iva kAlena yugAntajvalano yathA . 
mama sainyamaya.n kakShaM pradhakShyati na saMshayaH .. 10..\\
ta.n sa kR^iShNAniloddhUto divyAstrajalado mahAn . 
shvetavAjibalAkA bhR^idgANDIvendrAyudhojjvalaH .. 11..\\
satata.n sharadhArAbhiH pradIpta.n karNa pAvakam . 
udIrNo.arjuna megho.aya.n shamayiShyati sa.nyuge .. 12..\\
sa sAkShAdeva sarvANi shakrAtparapura~njayaH . 
divyAnyastrANi bIbhatsustattvataH pratipatsyate .. 13..\\
ala.n sa teShAM sarveShAmiti me dhIyate matiH . 
nAsti tvatikriyA tasya raNe.arINAM pratikriyA .. 14..\\
ta.n vayaM pANDavaM sarve gR^ihItAstra.n dhana~njayam . 
draShTAro na hi bIbhatsurbhAramudyamya sIdati .. 15..\\
vaya.n tu tamR^ite vIra.n vane.asmindvipadAM vara . 
avadhAnaM na gachchhAmaH kAmyake saha kR^iShNayA .. 16..\\
bhavAnanyadvana.n sAdhu bahvannaM phalavachchhuchi . 
AkhyAtu ramaNIya.n cha sevitaM puNyakarmabhiH .. 17..\\
yatra ka.n chidvayaM kAla.n vasantaH satyavikramam . 
pratIkShAmo.arjuna.n vIraM varShakAmA ivAmbudam .. 18..\\
vividhAnAshramAnkAMshchiddvijAtibhyaH parishrutAn . 
sarA.nsi saritashchaiva ramaNIyAMshcha parvatAn .. 19..\\
AchakShva na hi no brahmanrochate tamR^ite.arjunam . 
vane.asminkAmyake vAso gachchhAmo.anyA.n dishaM prati .. 20..\\
\medskip\hrule\medskip\centerline{\Largedvng 85}
 v

tAnsarvAnutsukAndR^iShTvA pANDavAndInachetasaH . 
AshvAsaya.nstadA dhaumyo bR^ihaspatisamo.abravIt .. 1..\\
brAhmaNAnumatAnpuNyAnAshramAnbharatarShabha . 
dishastIrthAni shailAMshcha shR^iNu me gadato nR^ipa .. 2..\\
pUrvaM prAchI.n disha.n rAjanrAjarShigaNasevitAm . 
ramyA.n te kIrtayiShyAmi yudhiShThira yathA smR^iti .. 3..\\
tasyA.n devarShijuShTAyAM naimiShaM nAma bhArata . 
yatra tIrthAni devAnA.n supuNyAni pR^ithakpR^ithak .. 4..\\
yatra sA gomatI puNyA ramyA devarShisevitA . 
yaGYabhUmishcha devAnA.n shAmitra.n cha vivasvataH .. 5..\\
tasyA.n girivaraH puNyo gayo rAjarShisatkR^itaH . 
shivaM brahmasaro yatra sevita.n tridasharShibhiH .. 6..\\
yadarthaM puruShavyAghra kIrtayanti purAtanAH . 
eShTavyA bahavaH putrA yadyeko.api gayA.n vrajet .. 7..\\
mahAnadI cha tatraiva tathA gaya shiro.anagha . 
yathAsau kIrtyate viprairakShayya karaNo vaTaH . 
yatra dattaM pitR^ibhyo.annamakShayyaM bhavati prabho .. 8..\\
sA cha puNyajalA yatra phalgu nAmA mahAnadI . 
bahumUlaphalA chApi kaushikI bharatarShabha . 
vishvA mitro.abhyagAdyatra brAhmaNatva.n tapodhanaH .. 9..\\
ga~NgA yatra nadI puNyA yasyAstIre bhagIrathaH . 
ayajattAta bahubhiH kratubhirbhUridakShiNaiH .. 10..\\
pA~nchAleShu cha kauravya kathayantyutpalAvatam . 
vishvA mitro.ayajadyatra shakreNa saha kaushikaH . 
yatrAnuvaMshaM bhagavA~njAmadagnyastathA jagau .. 11..\\
vishvAmitrasya tA.n dR^iShTvA vibhUtimatimAnuShIm . 
kanya kubje.apibatsomamindreNa saha kaushikaH . 
tataH kShatrAdapAkrAmadbrAhmaNo.asmIti chAbravIt .. 12..\\
pavitramR^iShibhirjuShTaM puNyaM pAvanamuttamam . 
ga~NgAyamunayorvIra sa~Ngama.n lokavishrutam .. 13..\\
yatrAyajata bhUtAtmA pUrvameva pitA mahaH . 
prayAgamiti vikhyAta.n tasmAdbharatasattama .. 14..\\
agastyasya cha rAjendra tatrAshramavaro mahAn . 
hiraNyabinduH kathito girau kAla~njare nR^ipa .. 15..\\
atyanyAnparvatAnrAjanpuNyo girivaraH shivaH . 
mahendro nAma kauravya bhArgavasya mahAtmanaH .. 16..\\
ayajadyatra kaunteya pUrvameva pitA mahaH . 
yatra bhAgIrathI puNyA sadasyAsIdyudhiShThira .. 17..\\
yatrAsau brahma shAleti puNyA khyAtA vishAM patau . 
dhUtapApmabhirAkIrNA puNya.n tasyAshcha darshanam .. 18..\\
pavitro ma~NgalIyashcha khyAto loke sanAtanaH . 
kedArashcha mata~Ngasya mahAnAshrama uttamaH .. 19..\\
kuNDodaH parvato ramyo bahumUlaphalodakaH . 
naiShadhastR^iShito yatra jala.n sharma cha labdhavAn .. 20..\\
yatra deva vana.n ramya.n tApasairupashobhitam . 
bAhudA cha nadI yatra nandA cha girimUrdhani .. 21..\\
tIrthAni saritaH shailAH puNyAnyAyatanAni cha . 
prAchyA.n dishi mahArAja kIrtitAni mayA tava .. 22..\\
tisR^iShvanyAsu puNyAni dikShu tIrthAni me shR^iNu . 
saritaH parvatAMshchaiva puNyAnyAyatanAni cha .. 23..\\
\medskip\hrule\medskip\centerline{\Largedvng 86}
 dharma

dakShiNasyA.n tu puNyAni shR^iNu tIrthani bhArata . 
vistareNa yathAbuddhikIrtyamAnAni bhArata .. 1..\\
yasyAmAkhyAyate puNyA dishi godAvarI nadI . 
bahvArAmA bahu jalA tApasAcharitA shubhA .. 2..\\
veNNA bhIma rathI chobhe nadyau pApabhayApahe . 
mR^igadvijasamAkIrNe tApasAlayabhUShite .. 3..\\
rAjarShestatra cha sarinnR^igasya bharatarShabha . 
ramyatIrthA bahu jalA payoShNI dvija sevitA .. 4..\\
api chAtra mahAyogI mArkaNDeyo mahAtapAH . 
anuvaMShyA.n jagau gAthAM nR^igasya dharaNI pateH .. 5..\\
nR^igasya yajamAnasya pratyakShamiti naH shrutam . 
amAdyadindraH somena dakShiNAbhirdvijAtayaH .. 6..\\
mATharasya vanaM puNyaM bahumUlaphala.n shivam . 
yUpashcha bharatashreShTha varuNa srotase girau .. 7..\\
praveNyuttarapArshve tu puNye kaNvAshrame tathA . 
tApasAnAmaraNyAni kIrtitAni yathA shruti .. 8..\\
vedI shUrpArake tAta jamadagnermahAtmanaH . 
ramyA pAShANa tIrthA cha purashchandrA cha bhArata .. 9..\\
ashoka tIrthaM martyeShu kaunteya bahulAshramam . 
agastyatIrthaM pANDyeShu vAruNa.n cha yudhiShThira .. 10..\\
kumAryaH kathitAH puNyAH pANDyeShveva nararShabha . 
tAmraparNI.n tu kaunteya kIrtayiShyAmi tA.n shR^iNu .. 11..\\
yatra devaistapastaptaM mahadichchhadbhirAshrame . 
gokarNamiti vikhyAta.n triShu lokeShu bhArata .. 12..\\
shItatoyo bahu jalaH puNyastAta shivashcha saH . 
hradaH paramaduShprApo mAnuShairakR^itAtmabhiH .. 13..\\
tatraiva tR^iNasomAgneH sampannaphalamUlavAn . 
Ashramo.agastyashiShyasya puNyo deva sabhe girau .. 14..\\
vaiDUrya parvatastatra shrImAnmaNimayaH shivaH . 
agastyasyAshramashchaiva bahumUlaphalodakaH .. 15..\\
surAShTreShvapi vakShyAmi puNyAnyAyatanAni cha . 
AshramAnsaritaH shailAnsarA.nsi cha narAdhipa .. 16..\\
chamasonmajjana.n viprAstatrApi kathayantyuta . 
prabhAsa.n chodadhau tIrthaM tridashAnA.n yudhiShThira .. 17..\\
tatra piNDArakaM nAma tApasAcharita.n shubham . 
ujjayantashcha shikharI kShipra.n siddhikaro mahAn .. 18..\\
tatra devarShivaryeNa nAradenAnukIrtitaH . 
purANaH shrUyate shlokastaM nibodha yudhiShThira .. 19..\\
puNye girau surAShTreShu mR^igapakShiniShevite . 
ujjayante sma taptA~Ngo nAkapR^iShThe mahIyate .. 20..\\
puNyA dvAravatI tatra yatrAste madhusUdanaH . 
sAkShAddevaH purANo.asau sa hi dharmaH sanAtanaH .. 21..\\
ye cha vedavido viprA ye chAdhyAtmavido janAH . 
te vadanti mahAtmAna.n kR^iShNaM dharma.n sanAtanam .. 22..\\
pavitrANA.n hi govindaH pavitraM paramuchyate . 
puNyAnAmapi puNyo.asau ma~NgalAnA.n cha ma~Ngalam .. 23..\\
trailokyaM puNDarIkAkSho devadevaH sanAtanaH . 
Aste harirachintyAtmA tatraiva madhusUdanaH .. 24..\\
\medskip\hrule\medskip\centerline{\Largedvng 87}
 dhaumya

avantiShu pratIchyA.n vai kIrtayiShyAmi te dishi . 
yAni tatra pavitrANi puNyAnyAyatanAni cha .. 1..\\
priya~NgvAmravanopetA vAnIra vanamAlinI . 
pratyaksrotA nadI puNyA narmadA tatra bhArata .. 2..\\
niketaH khyAyate puNyo yatra vishravaso muneH . 
jaGYe dhanapatiryatra kubero naravAhanaH .. 3..\\
vaiDUrya shikharo nAma puNyo girivaraH shubhaH . 
divyapuShpaphalAstatra pAdapA haritachhadAH .. 4..\\
tasya shailasya shikhare sarastatra cha dhImataH . 
praphullanalina.n rAjandevagandharvasevitam .. 5..\\
bahvAshcharyaM mahArAja dR^ishyate tatra parvate . 
puNye svargopame divye nitya.n devarShisevite .. 6..\\
hradinI puNyatIrthA cha rAjarShestatra vai sarit . 
vishvA mitra nadI pArA puNyA parapura~njaya .. 7..\\
yasyAstIre satAM madhye yayAtirnahuShAtmajaH . 
papAta sa punarlokA.Nllebhe dharmAnsanAtanAn .. 8..\\
tatra puNyahradastAta mainAkashchaiva parvataH . 
bahumUlaphalo vIra asito nAma parvataH .. 9..\\
AshramaH kakShasenasya puNyastatra yudhiShThira . 
chyavanasyAshramashchaiva khyAtaH sarvatra pANDava . 
tatrAlpenaiva sidhyanti mAnavAstapasA vibho .. 10..\\
jambU mArgo mahArAja R^iShINAM bhAvitAtmanAm . 
AshramaH shAmyatA.n shreShTha mR^igadvijagaNAyutaH .. 11..\\
tataH puNyatamA rAjansatata.n tApasAyutA . 
ketumAlA cha medhyA cha ga~NgAraNya.n cha bhUmipa .. 12..\\
khyAta.n cha saindhavAraNyaM puNyaM dvijaniShevitam . 
pitA maha saraH puNyaM puShkaraM nAma bhArata . 
vaikhAnasAnA.n siddhAnAmR^iShINAmAshramaH priyaH .. 13..\\
apyatra sa.nstavArthAya prajApatiratho jagau . 
puShkareShu kurushreShTha gAthA.n sukR^itinAM vara .. 14..\\
manasApyabhikAmasya puShkarANi manasvinaH . 
pApANi vipraNashyanti nAkapR^iShThe cha modate .. 15..\\
\medskip\hrule\medskip\centerline{\Largedvng 88}
 dhaumya

udIchyA.n rAjashArdUla dishi puNyAni yAni vai . 
tAni te kIrtayiShyAmi puNyAnyAyatanAni cha .. 1..\\
sarasvatI puNyavahA hradinI vanamAlinI . 
samudragA mahAvegA yamunA yatra pANDava .. 2..\\
tatra puNyatama.n tIrthaM plakShAvataraNa.n shivam . 
yatra sArasvatairiShTvA gachchhantyavabhR^itha.n dvijAH .. 3..\\
puNya.n chAkhyAyate divya.n shivamagnishiro.anagha . 
sahadevAyajadyatra shamyAkShepeNa bhArata .. 4..\\
etasminneva chArtheyamindra gItA yudhiShThira . 
gAthA charati loke.asmingIyamAnA dvijAtibhiH .. 5..\\
agnayaH sahadevena ye chitA yamunAm anu . 
shata.n shatasahasrANi sahasrashatadakShiNAH .. 6..\\
tatraiva bharato rAjA chakravartI mahAyashAH . 
viMshati.n sapta chAShTau cha hayamedhAnupAharat .. 7..\\
kAmakR^idyo dvijAtInA.n shrutastAta mayA purA . 
atyantamAshramaH puNyaH sarakastasya vishrutaH .. 8..\\
sarasvatI nadI sadbhiH satataM pArtha pUjitA . 
vAlakhilyairmahArAja yatreShTamR^iShibhiH purA .. 9..\\
dR^iShadvatI puNyatamA tatra khyAtA yudhiShThira . 
tatra vaivarNya varNau cha supuNyau manujAdhipa .. 10..\\
vedaGYau veda viditau divyA vedavidAvubhau . 
yajantau kratubhirnityaM puNyairbharatasattama .. 11..\\
sametya bahusho devAH sendrAH sa varuNAH purA . 
vishAkha yUpe.atapyanta tasmAtpuNyatamaH sa vai .. 12..\\
R^iShirmahAnmahAbhAgo jamadagnirmahAyashAH . 
palAshakeShu puNyeShu ramyeShvayajatAbhibhUH .. 13..\\
yatra sarvAH sarichchhreShThAH sAkShAttamR^iShisattamam . 
sva.n sva.n toyamupAdAya parivAryopatasthire .. 14..\\
api chAtra mahArAja svaya.n vishvAvasurjagau . 
ima.n shloka.n tadA vIra prekShya vIryaM mahAtmanaH .. 15..\\
yajamAnasya vai devA~njamadagnermahAtmanaH . 
Agamya saritaH sarvA madhunA samatarpayan .. 16..\\
gandharvayakSharakShobhirapsarobhishcha shobhitam . 
kirAta kiMnarAvAsa.n shailaM shikhariNAM varam .. 17..\\
bibheda tarasA ga~NgA ga~NgA dvAre yudhiShThira . 
puNya.n tatkhyAyate rAjanbrahmarShigaNasevitam .. 18..\\
sanatkumAraH kauravya puNya.n kanakhalaM tathA . 
parvatashcha pururnAma yatra jAtaH purUravaH .. 19..\\
bhR^iguryatra tapastepe maharShigaNasevitaH . 
sa rAjannAshramaH khyAto bhR^igutu~Ngo mahAgiriH .. 20..\\
yachcha bhUtaM bhaviShyachcha bhavachcha puruSharShabha . 
nArAyaNaH prabhurviShNuH shAshvataH puruShottamaH .. 21..\\
tasyAtiyashasaH puNyA.n vishAlAM badarIm anu . 
AshramaH khyAyate puNyastriShu lokeShu vishrutaH .. 22..\\
uShNa toyavahA ga~Nga shItatoyavahAparA . 
suvarNasikatA rAjanvishAlAM badarIm anu .. 23..\\
R^iShayo yatra devAshcha mahAbhAgA mahaujasaH . 
prApya nityaM namasyanti devaM nArAyaNa.n vibhum .. 24..\\
yatra nArAyaNo devaH paramAtmA sanAtanaH . 
tatra kR^itsna.n jagatpArtha tIrthAnyAyatanAni cha .. 25..\\
tatpuNya.n tatparaM brahma tattIrthaM tattapovanam . 
tatra devarShayaH siddhAH sarve chaiva tapodhanAH .. 26..\\
Adidevo mahAyogI yatrAste madhusUdanaH . 
puNyAnAmapi tatpuNya.n tatra te saMshayo.astu mA .. 27..\\
etAni rAjanpuNyAni pR^ithivyAM pR^ithivIpate . 
kIrtitAni narashreShTha tIrthAnyAyatanAni cha .. 28..\\
etAni vasubhiH sAdhyairAdityairmarudashvibhiH . 
R^iShibhirbrahmakalpaishcha sevitAni mahAtmabhiH .. 29..\\
charanetAni kaunteya sahito brAhmaNarShabhaiH . 
bhrAtR^ibhishcha mahAbhAgairutkaNThA.n vijahiShyasi .. 30..\\
\medskip\hrule\medskip\centerline{\Largedvng 89}
 v

eva.n sambhAShamANe tu dhaumye kauravanandana . 
lomashaH sumahAtejA R^iShistatrAjagAma ha .. 1..\\
taM pANDavAgrajo rAjA sagaNo brAhmaNAsh cha te . 
udatiShThanmahAbhAga.n divi shakramivAmarAH .. 2..\\
tamabhyarchya yathAnyAya.n dharmarAjo yudhiShThiraH . 
paprachchhAgamane hetumaTane cha prayojanam .. 3..\\
sa pR^iShTaH pANDuputreNa prIyamANo mahAmanAH . 
uvAcha shlakShNayA vAchA harShayanniva pANDavAn .. 4..\\
sa~ncarannasmi kaunteya sarvalokAnyadR^ichchhayA . 
gataH shakrasya sadana.n tatrApashya.n sureshvaram .. 5..\\
tava cha bhrAtara.n vIramapashyaM savyasAchinam . 
shakrasyArdhAsana gata.n tatra me vismayo mahAn . 
AsItpuruShashArdUla dR^iShTvA pArtha.n tathAgatam .. 6..\\
Aha mA.n tatra devesho gachchha pANDusutAniti . 
so.ahamabhyAgataH kShipra.n didR^ikShustvA.n sahAnujam .. 7..\\
vachanAtpuruhUtasya pArthasya cha mahAtmanaH . 
AkhyAsye te priya.n tAta mahatpANDavanandana .. 8..\\
bhrAtR^ibhiH sahito rAjankR^iShNayA chaiva tachchhR^iNu . 
yattvayokto mahAbAhurastrArthaM pANDavarShabha .. 9..\\
tadastramAptaM pArthena rudrAdapratimaM mahat . 
yattadbrahmashiro nAma tapasA rudramAgatam .. 10..\\
amR^itAdutthita.n raudra.n tallabdhaM savyasAchinA . 
tatsa mantra.n sa sa.nhAraM sa prAyashchittama~Ngalam .. 11..\\
vajra.n chAnyAni chAstrANi daNDAdIni yudhiShThira . 
yamAtkuberAdvaruNAdindrAchcha kurunandana . 
astrANyadhItavAnpArtho divyAnyamitavikramaH .. 12..\\
vishvAvasorcha tanayAdgItaM nR^itta.n cha sAma cha . 
vAditra.n cha yathAnyAyaM pratyavindadyathAvidhi .. 13..\\
eva.n kR^itAstraH kaunteyo gAndharva.n vedamAptavAn . 
sukha.n vasati bIbhatsuranujasyAnujastava .. 14..\\
yadarthaM mA.n surashreShTha idaM vachanamabravIt . 
tachcha te kathayiShyAmi yudhiShThira nibodha me .. 15..\\
bhavAnmanuShyalokAya gamiShyati na saMshayaH . 
brUyAdyudhiShThira.n tatra vachanAnme dvijottama .. 16..\\
AgamiShyati te bhrAtA kR^itAstraH kShipramarjunaH . 
surakAryaM mahatkR^itvA yadAshakya.n divaukasaiH .. 17..\\
tapasA tu tvamAtmAnaM bhrAtR^ibhiH saha yojaya . 
tapaso hi paraM nAsti tapasA vindate mahat .. 18..\\
aha.n cha karNaM jAnAmi yathAvadbharatarShabha . 
na sa pArthasya sa~NgrAme kalAmarhati ShoDashIm .. 19..\\
yachchApi te bhaya.n tasmAnmanasi sthamarindama . 
tachchApyapahariShyAmi savyasAchAvihAgate .. 20..\\
yachcha te mAnasa.n vIra tIrthayAtrAmimAM prati . 
tachcha te lomashaH sarva.n kathayiShyatyasaMshayam .. 21..\\
yachcha ki.n chittapo yuktaM phalaM tIrtheShu bhArata . 
maharShireSha yadbrUyAttachchhraddheyamananyathA .. 22..\\
\medskip\hrule\medskip\centerline{\Largedvng 90}
 lomaza

dhana~njayena chApyukta.n yattachchhR^iNu yudhiShThira . 
yudhiShThiraM bhrAtaraM me yojayerdharmyayA shriyA .. 1..\\
tva.n hi dharmAnparAnvettha tapA.nsi cha tapodhana . 
shrImatA.n chApi jAnAsi rAGYAM dharma.n sanAtanam .. 2..\\
sa bhavAnyatpara.n veda pAvanaM puruShAnprati . 
tena sa.nyojayethAstva.n tIrthapuNyena pANDavam .. 3..\\
yathA tIrthAni gachchheta gAshcha dadyAtsa pArthivaH . 
tathA sarvAtmanA kAryamiti mA.n vijayo.abravIt .. 4..\\
bhavatA chAnugupto.asau charettIrthAni sarvashaH . 
rakShobhyo rakShitavyashcha durgeShu viShameShu cha .. 5..\\
dadhIcha iva devendra.n yathA chApya~NgirA ravim . 
tathA rakShasva kaunteya.n rAkShasebhyo dvijottama .. 6..\\
yAtudhAnA hi bahavo rAkShasAH parvatopamAH . 
tvayAbhiguptAnkaunteyAnnAtivarteyurantikAt .. 7..\\
so.ahamindrasya vachanAnniyogAdarjunasya cha . 
rakShamANo bhayebhyastvA.n chariShyAmi tvayA saha .. 8..\\
dvistIrthAni mayA pUrva.n dR^iShTAni kurunandana . 
ida.n tR^itIyaM drakShyAmi tAnyeva bhavatA saha .. 9..\\
iya.n rAjarShibhiryAtA puNyakR^idbhiryudhiShThira . 
manvAdibhirmahArAja tIrthayAtrA bhayApahA .. 10..\\
nAnR^ijurnAkR^itAtmA cha nAvaidyo na cha pApakR^it . 
snAti tIrtheShu kauravya na cha vakramatirnaraH .. 11..\\
tva.n tu dharmamatirnityaM dharmaGYaH satyasa~NgaraH . 
vimuktaH sarvapApebhyo bhUya eva bhaviShyasi .. 12..\\
yathA bhagIratho rAjA rAjAnashcha gayAdayaH . 
yathA yayAtiH kaunteya tathA tvamapi pANDava .. 13..\\

 y

na harShAtsamprapashyAmi vAkyasyAsyottara.n kva chit . 
smareddhi devarAjo ya.n kiMnAmAbhyadhikaM tataH .. 14..\\
bhavatA sa~Ngamo yasya bhrAtA yasya dhana~njayaH . 
vAsavaH smarate yasya ko nAmAbhyadhikastataH .. 15..\\
yachcha mAM bhagavAnAha tIrthAnA.n darshanaM prati . 
dhaumyasya vachanAdeShA buddhiH pUrva.n kR^itaiva me .. 16..\\
tadyadA manyase brahmangamana.n tIrthadarshane . 
tadaiva gantAsmi dR^iDhameSha me nishchayaH paraH .. 17..\\

 v

gamane kR^itabuddhi.n taM pANDava.n lomasho.abravIt . 
laghurbhava mahArAja laghuH svaira.n gamiShyasi .. 18..\\

 y

bikShA bhujo nivartantAM brAhmaNA yatayash cha ye . 
ye chApyanugatAH paurA rAjabhaktipuraskR^itAH .. 19..\\
dhR^itarAShTraM mahArAjamabhigachchhantu chaiva te . 
sa dAsyati yathAkAlamuchitA yasya yA bhR^itiH .. 20..\\
sa chedyathochita.n vR^ittiM na dadyAnmanujeshvaraH . 
asmatpriyahitArthAya pA~nchAlyo vaH pradAsyati .. 21..\\

 v

tato bhUyiShThashaH paurA gurubhArasamAhitAH . 
viprAshcha yatayo yuktA jagmurnAgapuraM prati .. 22..\\
tAnsarvAndharmarAjasya premNA rAjAmbikA sutaH . 
pratijagrAha vidhivaddhanaish cha samatarpayat .. 23..\\
tataH kuntIsuto rAjA laghubhirbrAhmaNaiH saha . 
lomashena cha suprItastrirAtra.n kAmyake.avasat .. 24..\\
\medskip\hrule\medskip\centerline{\Largedvng 91}
 v

tataH prayAnta.n kaunteyaM brAhmaNA vanavAsinaH . 
abhigamya tadA rAjannida.n vachanamabruvan .. 1..\\
rAja.nstIrthAni gantAsi puNyAni bhrAtR^ibhiH saha . 
devaiShiNA cha sahito lomashena mahAtmanA .. 2..\\
asmAnapi mahArAjannetumarhasi pANDava . 
asmAbhirhi na shakyAni tvadR^ite tAni kaurava .. 3..\\
shvApadairupasR^iShTAni durgANi viShamANi cha . 
agamyAni narairalpaistIrthAni manujeshvara .. 4..\\
bhavanto bhrAtaraH shUrA dhanurdhara varAH sadA . 
bhavadbhiH pAlitAH shUrairgachchhema vayamapyuta .. 5..\\
bhavatprasAdAddhi vayaM prApnuyAma phala.n shubham . 
tIrthAnAM pR^ithivIpAla vratAnA.n cha vishAM patau .. 6..\\
tava vIryaparitrAtAH shuddhAstIrthapariplutAH . 
bhavema dhUtapApmAnastIrthasandarshanAnnR^ipa .. 7..\\
bhavAnapi narendrasya kArtavIryasya bhArata . 
aShTakasya cha rAjarSherloma pAdasya chaiva ha .. 8..\\
bhAratasya cha vIrasya sArvabhaumasya pArthiva . 
dhruvaM prApsyasi duShprApA.NllokA.nstIrthapariplutaH .. 9..\\
prabhAsAdIni tIrthAni mahendrAdIMshcha parvatAn . 
ga~NgAdyAH saritashchaiva plakShAdIMshcha vanaspatIn . 
tvayA saha mahIpAla draShTumichchhAmahe vayam .. 10..\\
yadi te brAhmaNeShvasti kA chitprItirjanAdhipa . 
kuru kShipra.n vacho.asmAka.n tataH shreyo.abhipatsyase .. 11..\\
tIrthAni hi mahAbAho tapovighnakaraiH sadA . 
anukIrNAni rakShobhistebhyo nastrAtumarhasi .. 12..\\
tIrthAnyuktAni dhaumyena nAradena cha dhImatA . 
yAnyuvAcha cha devarShirlomashaH sumahAtapAH .. 13..\\
vidhivattAni sarvANi paryaTasva narAdhipa . 
dhUtapApmA sahAsmAbhirlomashena cha pAlitaH .. 14..\\
sa tathA pUjyamAnastairharShAdashrupariplutaH . 
bhImasenAdibhirvIrairbhrAtR^ibhiH parivAritaH . 
bADhamityabravItsarvA.nstAnR^iShInpANDavarShabhaH .. 15..\\
lomasha.n samanuGYApya dhaumya.n chaiva purohitam . 
tataH sa pANDavashreShTho bhrAtR^ibhiH sahito vashI . 
draupadyA chAnavadyA~NgyA gamanAya mano dadhe .. 16..\\
atha vyAso mahAbhAgastathA nArada parvatau . 
kAmyake pANDava.n draShTu.n samAjagmurmanIShiNaH .. 17..\\
teShA.n yudhiShThiro rAjA pUjA.n chakre yathAvidhi . 
satkR^itAste mahAbhAgA yudhiShThiramathAbruvan .. 18..\\
yudhiShThira yamau bhIma manasA kurutArjavam . 
manasA kR^itashauchA vau shuddhAstIrthAni gachchhata .. 19..\\
sharIraniyama.n hyAhurbrAhmaNA mAnuShaM vratam . 
manovishuddhAM buddhi.n cha daivamAhurvrataM dvijAH .. 20..\\
mano hyaduShTa.n shUrANAM paryAptaM vai narAdhipa . 
maitrIM buddhi.n samAsthAya shuddhAstIrthAni gachchhata .. 21..\\
te yUyaM mAnasaiH shuddhAH sharIraniyama vrataiH . 
daiva.n vrataM samAsthAya yathoktaM phalamApsyatha .. 22..\\
te tatheti pratiGYAya kR^iShNayA saha pANDavAH . 
kR^itasvastyayanAH sarve munibhirdivyamAnuShaiH .. 23..\\
lomashasyopasa~NgR^ihya pAdau dvaipAyanasya cha . 
nAradasya cha rAjendra devarSheH parvatasya cha .. 24..\\
dhaumyena sahitA vIrAstathAnyairvanavAsibhiH . 
mArgashIrShyAmatItAyAM puShyeNa prayayustataH .. 25..\\
kaThinAni samAdAya chIrAjinajaTAdharAH . 
abhedyaiH kavachairyuktAstIrthAnyanvachara.nstadA .. 26..\\
indrasenAdibhirbhR^ityai rathaiH parichaturdashaiH . 
mahAnasa vyApR^itaishcha tathAnyaiH parichArakaiH .. 27..\\
sAyudhA baddhaniShTriMshAstUNavantaH sa mArgaNAH . 
prA~NmukhAH prayayurvIrAH pANDavA janamejaya .. 28..\\
\medskip\hrule\medskip\centerline{\Largedvng 92}
 y

na vai nirguNamAtmAnaM manye devarShisattama . 
tathAsmi duHkhasantapto yathA nAnyo mahIpatiH .. 1..\\
parAMshcha nirguNAnmanye na cha dharmaratAnapi . 
te cha lomasha loke.asminnR^idhyante kena ketunA .. 2..\\

 l

nAtra duHkha.n tvayA rAjankAryaM pArtha kathaM chana . 
yadadharmeNa vardherannadharmaruchayo janAH .. 3..\\
vardhatyadharmeNa narastato bhadrANi pashyati . 
tataH sapatnA~njayati sa mUlastu vinashyati .. 4..\\
mayA hi dR^iShTA daiteyA dAnavAshcha mahIpate . 
vardhamAnA hyadharmeNa kShaya.n chopagatAH punaH .. 5..\\
purA devayuge chaiva dR^iShTa.n sarvaM mayA vibho . 
arochayansurA dharma.n dharmaM tatyajire.asurAH .. 6..\\
tIrthAni devA vivishurnAvishanbhAratAsurAH . 
tAnadharmakR^ito darpaH pUrvameva samAvishat .. 7..\\
darpAnmAnaH samabhavanmAnAtkrodho vyajAyata . 
krodhAdahrIstato.alajjA vR^itta.n teShAM tato.anashat .. 8..\\
tAnalajjAngatahrIkAnhInavR^ittAnvR^ithA vratAn . 
kShamA lakShmIshcha dharmashcha nachirAtprajahustataH . 
lakShmIstu devAnagamadalakShmIrasurAnnR^ipa .. 9..\\
tAnalakShmI samAviShTAndarpopahata chetasaH . 
daiteyAndAnavAMshchaiva kalirapyAvishattataH .. 10..\\
tAnalakShmI samAviShTAndAnavAnkalinA tathA . 
darpAbhibhUtAnkaunteya kriyA hInAnachetasaH .. 11..\\
mAnAbhibhUtAnachirAdvinAshaH pratyapadyata . 
niryashasyAstato daityAH kR^itsnasho vilaya.n gatAH .. 12..\\
devAstu sAgarAMshchaiva saritashcha sarA.nsi cha . 
abhyagachchhandharmashIlAH puNyAnyAyatanAni cha .. 13..\\
tapobhiH kratubhirdAnairAshIrvAdaishcha pANDava . 
prajahuH sarvapApANi shreyash cha pratipedire .. 14..\\
eva.n hi dAnavantashcha kriyAvantashcha sarvashaH . 
tIrthAnyagachchhanvibudhAstenApurbhUtimuttamAm .. 15..\\
tathA tvamapi rAjendra snAtvA tIrtheShu sAnujaH . 
punarvetsyasi tA.n lakShmImeSha panthAH sanAtanaH .. 16..\\
yathaiva hi nR^igo rAjA shibiraushInaro yathA . 
bhagIratho vasu manA gayaH pUruH purUravaH .. 17..\\
charamANAstaponitya.n sparshanAdambhasash cha te . 
tIrthAbhigamanAtpUtA darshanAchcha mahAtmanAm .. 18..\\
alabhanta yashaH puNya.n dhanAni cha vishAM pate . 
tathA tvamapi rAjendra labdhAsi vipulA.n shriyam .. 19..\\
yathA chekShvAkuracharatsaputrajanabAndhavaH . 
muchukundo.atha mAndhAtA maruttashcha mahIpatiH .. 20..\\
kIrtiM puNyAmavindanta yathA devAstapobalAt . 
devarShayashcha kArtsnyena tathA tvamapi vetsyase .. 21..\\
dhArtarAShTrAstu darpeNa mohena cha vashIkR^itAH . 
nachirAdvinashiShyanti daityA iva na saMshayaH .. 22..\\
\medskip\hrule\medskip\centerline{\Largedvng 93}
 v

te tathA sahitA vIrA vasantastatra tatra ha . 
krameNa pR^ithivIpAla naimiShAraNyamAgatAH .. 1..\\
tatastIrtheShu puNyeShu gomatyAH pANDavA nR^ipa . 
kR^itAbhiShekAH pradadurgAshcha vitta.n cha bhArata .. 2..\\
tatra devAnpitR^InviprA.nstarpayitvA punaH punaH . 
kanyA tIrthe.ashvatIrthe cha gavA.n tIrthe cha kauravAH .. 3..\\
vAlakoTyA.n vR^iShaprasthe girAvuShya cha pANDavAH . 
bAhudAyAM mahIpAla chakruH sarve.abhiShechanam .. 4..\\
prayAge devayajane devAnAM pR^ithivIpate . 
UShurAplutya gAtrANi tapashchAtasthuruttamam .. 5..\\
ga~NgAyamunayoshchaiva sa~Ngame satyasa~NgarAH . 
vipApmAno mahAtmAno viprebhyaH pradadurvasu .. 6..\\
tapasvijanajuShTA.n cha tato vedIM prajApateH . 
jagmuH pANDusutA rAjanbrAhmaNaiH saha bhArata .. 7..\\
tatra te nyavasanvIrAstapashchAtasthuruttamam . 
santarpayantaH satata.n vanyena haviShA dvijAn .. 8..\\
tato mahIdhara.n jagmurdharmaGYenAbhisatkR^itam . 
rAjarShiNA puNyakR^itA gayenAnupama dyute .. 9..\\
saro gaya shiro yatra puNyA chaiva mahAnadI . 
R^iShijuShTa.n supuNya.n tattIrthaM brahmasarottamam .. 10..\\
agastyo bhagavAnyatra gato vaivasvataM prati . 
uvAsa cha svaya.n yatra dharmo rAjansanAtanaH .. 11..\\
sarvAsA.n saritA.n chaiva samudbhedo vishAM pate . 
yatra saMnihito nityaM mahAdevaH pinAka dhR^ik .. 12..\\
tatra te pANDavA vIrAshchAturmAsyaistadejire . 
R^iShiyaGYena mahatA yatrAkShayavato mahAn .. 13..\\
brAhmaNAstatra shatashaH samAjagmustapodhanAH . 
chAturmAsyenAyajanta ArSheNa vidhinA tadA .. 14..\\
tatra vidyA taponityA brAhmaNA vedapAragAH . 
kathAH prachakrire puNyAH sadasi sthA mahAtmanAm .. 15..\\
tatra vidyAvratasnAtaH kaumAra.n vratamAsthitaH . 
shamaTho.akathayadrAjannamUrta rayasa.n gayam .. 16..\\
amUrta rayasaH putro gayo rAjarShisattamaH . 
puNyAni yasya karmANi tAni me shR^iNu bhArata .. 17..\\
yasya yaGYo babhUveha bahvanno bahu dakShiNaH . 
yatrAnna parvatA rAja~nshatasho.atha sahasrashaH .. 18..\\
ghR^itakulyAshcha dadhnashcha nadyo bahushatAstathA . 
vya~njanAnAM pravAhAshcha mahArhANA.n sahasrashaH .. 19..\\
ahanyahani chApyetadyAchatA.n sampradIyate . 
anyattu brAhmaNA rAjanbhu~njate.anna.n susa.nskR^itam .. 20..\\
tatra vai dakShiNA kAle brahmaghoSho diva.n gataH . 
na sma praGYAyate ki.n chidbrahma shabdena bhArata .. 21..\\
puNyena charatA rAjanbhUrdishaH khaM nabhastathA . 
ApUrNamAsIchchhabdena tadapyAsInmahAdbhutam .. 22..\\
tatra sma gAthA gAyanti manuShyA bharatarShabha . 
annapAnaiH shubhaistR^iptA deshe deshe suvarchasaH .. 23..\\
gayasya yaGYe ke tvadya prANino bhoktumIpsavaH . 
yatra bhojanashiShTasya parvatAH pa~nchaviMshatiH .. 24..\\
na sma pUrve janAshchakrurna kariShyanti chApare . 
gayo yadakarodyaGYe rAjarShiramitadyutiH .. 25..\\
kathaM nu devA haviShA gayena paritarpitAH . 
punaH shakShyantyupAdAtumanyairdattAni kAni chit .. 26..\\
eva.nvidhAH subahavastasya yaGYe mahAtmanaH . 
babhUvurasya sarasaH samIpe kurunandana .. 27..\\
\medskip\hrule\medskip\centerline{\Largedvng 94}
 v

tataH samprasthito rAjA kaunteyo bhUridakShiNaH . 
agastyAshramamAsAdya durjayAyAmuvAsa ha .. 1..\\
tatra vai lomasha.n rAjA paprachchha vadatAM varaH . 
agastyeneha vAtApiH kimarthamupashAmitaH .. 2..\\
AsIdvA kimprabhAvashcha sa daityo mAnavAntakaH . 
kimartha.n chodgato manyuragastyasya mahAtmanaH .. 3..\\

 l

ilvalo nAma daiteya AsItkauravanandana . 
maNimatyAM puri purA vAtApistasya chAnujaH .. 4..\\
sa brAhmaNa.n tapo yuktamuvAcha ditinandanaH . 
putraM me bhagavAnekamindra tulyaM prayachchhatu .. 5..\\
tasmai sa brAhmaNo nAdAtputra.n vAsava saMmitam . 
chukrodha so.asurastasya brAhmaNasya tato bhR^isham .. 6..\\
samAhvayati ya.n vAchA gataM vaivasvatakShayam . 
sa punardehamAsthAya jIvansma pratidR^ishyate .. 7..\\
tato vAtApimasura.n chhAgaM kR^itvA susa.nskR^itam . 
taM brAhmaNaM bhojayitvA punareva samAhvayat .. 8..\\
tasya pArshva.n vinirbhidya brAhmaNasya mahAsuraH . 
vAtApiH prahasanrAjannishchakrAma vishAM pate .. 9..\\
eva.n sa brAhmaNAnrAjanbhojayitvA punaH punaH . 
hi.nsayAmAsa daiteya ilvalo duShTachetanaH .. 10..\\
agastyashchApi bhagavAnetasminkAla eva tu . 
pitR^Indadarsha garte vai lambamAnAnadhomukhAn .. 11..\\
so.apR^ichchhallambamAnA.nstAnbhavanta iha kiM parAH . 
santAnahetoriti te tamUchurbrahmavAdinaH .. 12..\\
te tasmai kathayAmAsurvaya.n te pitaraH svakAH . 
gartametamanuprAptA lambAmaH prasavArthinaH .. 13..\\
yadi no janayethAstvamagastyApatyamuttamam . 
syAnno.asmAnnirayAnmokShastva.n cha putrApnuyA gatim .. 14..\\
sa tAnuvAcha tejasvI satyadharmaparAyaNaH . 
kariShye pitaraH kAma.n vyetu vo mAnaso jvaraH .. 15..\\
tataH prasava santAna.n chintayanbhagavAnR^iShiH . 
AtmanaH prasavasyArthe nApashyatsadR^ishI.n striyam .. 16..\\
sa tasya tasya sattvasya tattada~Ngamanuttamam . 
sambhR^itya tatsamaira~Ngairnirmame striyamuttamAm .. 17..\\
sa tA.n vidarbharAjAya putra kAmAya tAmyate . 
nirmitAmAtmano.arthAya muniH prAdAnmahAtapaH .. 18..\\
sA tatra jaGYe subhagA vidyutsaudAmanI yathA . 
vibhrAjamAnA vapusA vyavardhata shubhAnanA .. 19..\\
jAtamAtrA.n cha tAM dR^iShTvA vaidarbhaH pR^ithivIpatiH . 
praharSheNa dvijAtibhyo nyavedayata bhArata .. 20..\\
abhyanandanta tA.n sarve brAhmaNA vasudhAdhipa . 
lopAmudreti tasyAshcha chakrire nAma te dvijAH .. 21..\\
vavR^idhe sA mahArAja bibhratI rUpamuttamam . 
apsvivotpalinI shIghramagneriva shikhA shubhA .. 22..\\
tA.n yauvanasthAM rAjendra shata.n kanyAH svala~NkR^itAH . 
dAshI shata.n cha kalyANImupatasthurvashAnugAH .. 23..\\
sA cha dAsI shatavR^itA madhye kanyAshatasya cha . 
Aste tejasvinI kanyA rohiNIva divi prabho .. 24..\\
yauvanasthAmapi cha tA.n shIlAchAra samanvitAm . 
na vavre puruShaH kashchidbhayAttasya mahAtmanaH .. 25..\\
sA tu satyavatI kanyA rUpeNApsaraso.apyati . 
toShayAmAsa pitara.n shIlena svajana.n tathA .. 26..\\
vaidarbhI.n tu tathAyuktA.n yuvatIM prekShya vai pitA . 
manasA chintayAmAsa kasmai dadyA.n sutAm iti .. 27..\\
\medskip\hrule\medskip\centerline{\Largedvng 95}
 l

yadA tvamanyatAgastyo gArhasthye tA.n kShamAm iti . 
tadAbhigamya provAcha vaidarbhaM pR^ithivIpatim .. 1..\\
rAjanniveshe buddhirme vartate putrakAraNAt . 
varaye tvAM mahIpAla lopAmudrAM prayachchha me .. 2..\\
evamuktaH sa muninA mahIpAlo vichetanaH . 
pratyAkhyAnAya chAshaktaH pradAtumapi naichchhata .. 3..\\
tataH sabhAryAmabhyetya provAcha pR^ithivIpatiH . 
maharShirvIryavAneSha kruddhaH shApAgninA dahet .. 4..\\
ta.n tathA duHkhitaM dR^iShTvA sabhAryaM pR^ithivIpatim . 
lopAmudrAbhigamyeda.n kAle vachanamabravIt .. 5..\\
na matkR^ite mahIpAla pIDAm abhyetumarhasi . 
prayachchha mAmagastyAya trAhyAtmAnaM mayA pitaH .. 6..\\
duhiturvachanAdrAjA so.agastyAya mahAtmane . 
lopAmudrA.n tataH prAdAdvidhipUrva.n vishAM pate .. 7..\\
prApya bhAryAmagastyastu lopAmudrAmabhAShata . 
mahArhANyutsR^ijaitAni vAsA.nsyAbharaNAni cha .. 8..\\
tataH sA darshanIyAni mahArhANi tanUni cha . 
samutsasarja rambhorurvasanAnyAyatekShaNA .. 9..\\
tatashchIrANi jagrAha valkalAnyajinAni cha . 
samAnavratacharyA cha babhUvAyata lochanA .. 10..\\
ga~NgA dvAramathAgamya bhagavAnR^iShisattamaH . 
ugramAtiShThata tapaH saha patnyAnukUlayA .. 11..\\
sA prItyA bahumAnAchcha patiM paryacharattadA . 
agastyashcha parAM prItiM bhAryAyAmakarotprabhuH .. 12..\\
tato bahutithe kAle lopAmudrA.n vishAM pate . 
tapasA dyotitA.n snAtA.n dadarsha bhagavAnR^iShiH .. 13..\\
sa tasyAH parichAreNa shauchena cha damena cha . 
shriyA rUpeNa cha prIto maithunAyAjuhAva tAm .. 14..\\
tataH sA prA~njalirbhUtvA lajjamAneva bhAminI . 
tadA sa praNaya.n vAkyaM bhagavantamathAbravIt .. 15..\\
asaMshayaM prajA hetorbhAryAM patiravindata . 
yA tu tvayi mama prItistAmR^iShe kartumarhasi .. 16..\\
yathA piturgR^ihe vipra prAsAde shayanaM mama . 
tathAvidhe tva.n shayane mAmupetumihArhasi .. 17..\\
ichchhAmi tvA.n sragviNa.n cha bhUShaNaishcha vibhUShitam . 
upasartu.n yathAkAma.n divyAbharaNabhUShitA .. 18..\\

 a

na vai dhanAni vidyante lopAmudre tathA mama . 
yathAvidhAni kalyANi piturtava sumadhyame .. 19..\\

 lop

Isho.asi tapasA sarva.n samAhartumiheshvara . 
kShaNena jIvaloke yadvasu ki.n chana vidyate .. 20..\\

 a

evametadyathAttha tva.n tapo vyayakaraM tu me . 
yathA tu me na nashyeta tapastanmAM prachodaya .. 21..\\

 lop

alpAvashiShTaH kAlo.ayamR^itau mama tapodhana . 
na chAnyathAhamichchhAmi tvAmupetu.n kathaM chana .. 22..\\
na chApi dharmamichchhAmi viloptu.n te tapodhana . 
etattu me yathAkAma.n sampAdayitumarhasi .. 23..\\
yadyeSha kAmaH subhage tava buddhyA vinishchitaH . 
hanta gachchhAmyahaM bhadre chara kAmamiha sthitA .. 24..\\
\medskip\hrule\medskip\centerline{\Largedvng 96}
 lomaza

tato jagAma kauravya so.agastyo bhikShitu.n vasu . 
shrutarvANaM mahIpAla.n yaM vedAbhyadhikaM nR^ipaiH .. 1..\\
sa viditvA tu nR^ipatiH kumbhayonimupAgamat . 
viShayAnte sahAmAtyaH pratyagR^ihNAtsusatkR^itam .. 2..\\
tasmai chArghya.n yathAnyAyamAnIya pR^ithivIpatiH . 
prA~njaliH prayato bhUtvA paprachchhAgamane.arthi tAm .. 3..\\

 a

vittArthinamanuprApta.n viddhi mAM pR^ithivIpate . 
yathAshaktyavihi.nsyAnyAnsa.nvibhAgaM prayachchha me .. 4..\\

 lom

tata Ayavyayau pUrNau tasmai rAjA nyavedayat . 
ato vidvannupAdatsva yadatra vasu manyase .. 5..\\
tata Ayavyayau dR^iShTvA samau samamatirdvijaH . 
sarvathA prANinAM pIDAmupAdAnAdamanyata .. 6..\\
sa shrutarvANamAdAya vadhryashvamagamattataH . 
sa cha tau viShayasyAnte pratyagR^ihNAdyathAvidhi .. 7..\\
tayorarghya.n cha pAdyaM cha vadhryashvaH pratyavedayat . 
anuGYApya cha paprachchha prayojanamupakrame .. 8..\\

 a

vittakAmAviha prAptau viddhyAvAM pR^ithivIpate . 
yathAshaktyavihi.nsyAnyAnsa.nvibhAgaM prayachchha nau .. 9..\\

 lom

tata Ayavyayau pUrNau tAbhyA.n rAjA nyavedayat . 
tato GYAtvA samAdattA.n yadatra vyatirichyate .. 10..\\
tata Ayavyayau dR^iShTvA samau samamatirdvijaH . 
sarvathA prANinAM pIDAmupAdAnAdamanyata .. 11..\\
paurukutsa.n tato jagmustrasadasyuM mahAdhanam . 
agastyashcha shrutarvA cha vadhryashvashcha mahIpatiH .. 12..\\
trasadasyushcha tAnsarvAnpratyagR^ihNAdyathAvidhi . 
abhigamya mahArAja viShayAnte sa vAhanaH .. 13..\\
archayitvA yathAnyAyamikShvAkU rAjasattamaH . 
samAshvastA.nstato.apR^ichchhatprayojanamupakrame .. 14..\\

 a

vittakAmAniha prAptAnviddhi naH pR^ithivIpate . 
yathAshaktyavihi.nsyAnyAnsa.nvibhAgaM prayachchha naH .. 15..\\

 lom

tata Ayavyayau pUrNau teShA.n rAjA nyavedayat . 
ato GYAtvA samAdaddhva.n yadatra vyatirichyate .. 16..\\
tata Ayavyayau dR^iShTvA samau samamatirdvijaH . 
sarvathA prANinAM pIDAmupAdAnAdamanyata .. 17..\\
tataH sarve sametyAtha te nR^ipAstaM mahAmunim . 
idamUchurmahArAja samavekShya parasparam .. 18..\\
aya.n vai dAnavo brahmannilvalo vasumAnbhuvi . 
tamabhikramya sarve.adya vaya.n yAchAmahe vasu .. 19..\\
teShA.n tadAsIdruchitamilvalasyopabhikShaNam . 
tataste sahitA rAjannilvala.n samupAdravan .. 20..\\
\medskip\hrule\medskip\centerline{\Largedvng 97}
 l

ilvalastAnviditvA tu maharShisahitAnnR^ipAn . 
upasthitAnsahAmAtyo viShayAnte.abhyapUjayat .. 1..\\
teShA.n tato.asura shreShTha AtithyamakarottadA . 
sa sa.nskR^itena kauravya bhrAtrA vAtApinA kila .. 2..\\
tato rAjarShayaH sarve viShaNNA gatachetasaH . 
vAtApi.n sa.nskR^ita.n dR^iShTvA meShabhUtaM mahAsuram .. 3..\\
athAbravIdagastyastAnrAjarShInR^iShisattamaH . 
viShAdo vo na kartavyo ahaM bhokShye mahAsuram .. 4..\\
dhuryAsanamathAsAdya niShasAda mahAmuniH . 
taM paryaveShaddaityendra ilvalaH prahasanniva .. 5..\\
agastya eva kR^itsna.n tu vAtApiM bubhuje tataH . 
bhuktavatyasuro.a.ahvAnamakarottasya ilvalaH .. 6..\\
tato vAyuH prAdurabhUdagastyasya mahAtmanaH . 
ilvalashcha viShaNNo.abhUddR^iShTvA jIrNaM mahAsuram .. 7..\\
prA~njalishcha sahAmAtyairida.n vachanamabravIt . 
kimarthamupayAtAH stha brUta ki.n karavANi vaH .. 8..\\
pratyuvAcha tato.agastyaH prahasannilvala.n tadA . 
Isha.n hyasura vidmastvAM vayaM sarve dhaneshvaram .. 9..\\
ime cha nAtidhanino dhanArthashcha mahAnmama . 
yathAshaktyavihi.nsyAnyAnsa.nvibhAgaM prayachchha naH .. 10..\\
tato.abhivAdya tamR^iShimilvalo vAkyamabravIt . 
ditsita.n yadi vetsi tva.n tato dAsyAmi te vasu .. 11..\\

 a

gavA.n dashasahasrANi rAGYAmekaikasho.asura . 
tAvadeva suvarNasya ditsita.n te mahAsura .. 12..\\
mahya.n tato vai dviguNa.n rathashchaiva hiranmayaH . 
manojavau vAjinau cha ditsita.n te mahAsura . 
jiGYAsyatA.n rathaH sadyo vyaktameSha hiranmayaH .. 13..\\

 l

jiGYAsyamAnaH sa rathaH kaunteyAsIddhiranmayaH . 
tataH pravyathito daityo dadAvabhyadhika.n vasu .. 14..\\
vivAjashcha suvAjash cha tasminyuktau rathe hayau . 
Uhatustau vasUnyAshu tAnyagastyAshramaM prati . 
sarvAnrAGYaH sahAgastyAnnimeShAdiva bhArata .. 15..\\
agastyenAbhyanuGYAtA jagmU rAjarShayastadA . 
kR^itavAMshcha muniH sarva.n lopAmudrA chikIrShitam .. 16..\\

 lop

kR^itavAnasi tatsarvaM bhagavanmama kA~NkShitam . 
utpAdaya sakR^inmahyamapatya.n vIryavattaram .. 17..\\

 a

tuShTo.ahamasmi kalyANi tavavR^ittena shobhane . 
vichAraNAmapatye tu tava vakShyAmi tA.n shR^iNu .. 18..\\
sahasra.n te.astu putrANA.n shataM vA dasha saMmitam . 
dashavA shatatulyAH syureko vApi sahasravat .. 19..\\

 lop

sahasrasaMmitaH putra eko me.astu tapodhana . 
eko hi bahubhiH shreyAnvidvAnsAdhurasAdhubhiH .. 20..\\

 lomaza

sa tatheti pratiGYAya tayA samabhavanmuniH . 
samaye samashIlinyA shraddhAvA~nshraddadhAnayA .. 21..\\
tata AdhAya garbha.n tamagamadvanameva saH . 
tasminvanagate garbho vavR^idhe sapta shAradAn .. 22..\\
saptame.abde gate chApi prAchyavatsa mahAkaviH . 
jvalanniva prabhAvena dR^iDhasyurnAma bhArata . 
sA~NgopaniShadAnvedA~njapanneva mahAyashAH .. 23..\\
tasya putro.abhavadR^iSheH sa tejasvI mahAnR^iShiH . 
sa bAla eva tejasvI pitustasya niveshane . 
idhmAnAM bhAramAjahre idhma vAhastato.abhavat .. 24..\\
tathAyukta.n cha taM dR^iShTvA mumude sa munistadA . 
lebhire pitarashchAsya lokAnrAjanyathepsitAn .. 25..\\
agastyasyAshramaH khyAtaH sarvartukusumAnvitaH . 
prAhrAdireva.n vAtApiragastyena vinAshitaH .. 26..\\
tasyAyamAshramo rAjanramaNIyo guNairyutaH . 
eShA bhAgIrathI puNyA yatheShTamavagAhyatAm .. 27..\\
\medskip\hrule\medskip\centerline{\Largedvng 98}
 y

bhUya evAhamichchhAmi maharShestasya dhImataH . 
karmaNA.n vistaraM shrotumagastyasya dvijottama .. 1..\\

 lomaza

shR^iNu rAjankathA.n divyAmadbhutAmatimAnuShIm . 
agastyasya mahArAja prabhAvamamitAtmanaH .. 2..\\
AsankR^itayuge ghorA dAnavA yuddhadurmadAH . 
kAleyA iti vikhyAtA gaNAH paramadAruNAH .. 3..\\
te tu vR^itra.n samAshritya nAnApraharaNodyatAH . 
samantAtparyadhAvanta mahendra pramukhAnsurAn .. 4..\\
tato vR^itravadhe yatnamakurva.nstridashAH purA . 
purandaraM puraskR^itya brahmANamupatasthire .. 5..\\
kR^itA~njalI.nstu tAnsarvAnparameShThI uvAcha ha . 
viditaM me surAH sarva.n yadvaH kArya.n chikIrShitam .. 6..\\
tamupAyaM pravakShyAmi yathA vR^itra.n vadhiShyatha . 
dadhIcha iti vikhyAto mahAnR^iShirudAradhIH .. 7..\\
ta.n gatvA sahitAH sarve vara.n vai samprayAchata . 
sa vo dAsyati dharmAtmA suprItenAntarAtmanA .. 8..\\
sa vAchyaH sahitaiH sarvairbhavadbhirjayakA~NkShibhiH . 
svAnyasthIni prayachchheti trailokyasya hitAya vai . 
sa sharIra.n samutsR^ijya svAnyasthIni pradAsyati .. 9..\\
tasyAsthibhirmahAghora.n vajraM sambhriyatA.n dR^iDham . 
mahachchhatruhana.n tIkShNa.n ShaDashraM bhImanisvanam .. 10..\\
tena vajreNa vai vR^itra.n vadhiShyati shatakratuH . 
etadvaH sarvamAkhyAta.n tasmAchchhIghra.n vidhIyatAm .. 11..\\
evamuktAstato devA anuGYApya pitA maham . 
nArAyaNaM puraskR^itya dadhIchasyAshrama.n yayuH .. 12..\\
sarasvatyAH pare pAre nAnAdrumalatAvR^itam . 
ShaTpadodgIta ninadairvighuShTa.n sAma gairiva . 
pu.nskokila ravonmishra.n jIvaM jIvaka nAditam .. 13..\\
mahiShaishcha varAhaishcha sR^imaraish chamarairapi . 
tatra tatrAnucharita.n shArdUlabhayavarjitaiH .. 14..\\
kareNubhirvAraNaishcha prabhinnakaraTA mukhaiH . 
saro.avagADhaiH krIDadbhiH samantAdanunAditam .. 15..\\
si.nhavyAghrairmahAnAdAnnadadbhiranunAditam . 
aparaishchApi sa.nlInairguhA kandaravAsibhiH .. 16..\\
teShu teShvavakAsheShu shobhita.n sumanoramam . 
triviShTapasamaprakhya.n dadhIchAshramamAgaman .. 17..\\
tatrApashyandadIcha.n te divAkarasamadyutim . 
jAjvalyamAna.n vapuShA yathA lakShmyA pitA maham .. 18..\\
tasya pAdau surA rAjannabhivAdya praNamya cha . 
ayAchanta vara.n sarve yathoktaM parameShThinA .. 19..\\
tato dadIchaH paramapratItaH 
surottamA.nstAnidamabhyuvAcha . 
karomi yadvo hitamadya devAH 
sva.n chApi dehaM tvahamutsR^ijAmi .. 20..\\
sa evamuktvA dvipadA.n variShThaH 
prANAnvashIsvAnsahasotsasarja . 
tataH surAste jagR^ihuH parAsor 
asthIni tasyAtha yathopadesham .. 21..\\
prahR^iShTarUpAshcha jayAya devAs 
tvaShTAramAgamya tamarthamUchuH . 
tvaShTA tu teShA.n vachanaM nishamya 
prahR^iShTarUpaH prayataH prayatnAt .. 22..\\
chakAra vajraM bhR^ishamugrarUpaM 
kR^itvA cha shakra.n sa uvAcha hR^iShTaH . 
anena vajrapravareNa deva 
bhasmIkuruShvAdya surArimugram .. 23..\\
tato hatAriH sagaNaH sukha.n vai 
prashAdhi kR^itsna.n tridivaM divi ShThaH . 
tvaShTrA tathoktaH sa purandarastu 
vajraM prahR^iShTaH prayato.abhyagR^ihNAt .. 24..\\
\medskip\hrule\medskip\centerline{\Largedvng 99}
 lomaza

tataH savajrI balibhirdaivatairabhirakShitaH . 
AsasAda tato vR^itra.n sthitamAvR^itya rodasI .. 1..\\
kAlakeyairmahAkAyaiH samantAdabhira kShitam . 
samudyatapraharaNaiH sa shR^i~Ngairiva parvataiH .. 2..\\
tato yuddha.n samabhavaddevAnAM saha dAnavaiH . 
muhUrtaM bharatashreShTha lokatrAsa karaM mahat .. 3..\\
udyatapratipiShTAnA.n khaDgAnA.n vIrabAhubhiH . 
AsItsutumulaH shabdaH sharIreShvabhipAtyatAm .. 4..\\
shirobhiH prapatadbhishcha antarikShAnmahItalam . 
tAlairiva mahIpAla vR^intAdbhraShTairadR^ishyata .. 5..\\
te hemakavachA bhUtvA kAleyAH parighAyudhAH . 
tridashAnabhyavartanta dAvadagdhA ivAdrayaH .. 6..\\
teShA.n vegavatAM vegaM sahitAnAM pradhAvatAm . 
na shekustridashAH soDhu.n te bhagnAH prAdravanbhayAt .. 7..\\
tAndR^iShTvA dravato bhItAnsahasrAkShaH purandaraH . 
vR^itre vivardhamAne cha kashmalaM mahadAvishat .. 8..\\
ta.n shakra.n kashmalAviShTaM dR^iShTvA viShNuH sanAtanaH . 
svatejo vyadadhAchchhakre balamasya vivardhayan .. 9..\\
viShNunApyAyita.n shakra.n dR^iShTvA devagaNAstataH . 
sva.n sva.n tejaH samAdadhyustathA brahmarShayo.amalAH .. 10..\\
sa samApyAyitaH shakro viShNunA daivataiH saha . 
R^iShibhishcha mahAbhAgairbalavAnsamapadyata .. 11..\\
GYAtvA balastha.n tridashAdhipaM tu 
nanAda vR^itro mahato ninAdAn . 
tasya praNAdena dharA dishash cha 
kha.n dyaurnagarAshchApi chachAla sarvam .. 12..\\
tato mahendraH paramAbhitaptaH 
shrutvA rava.n ghorarUpaM mahAntam . 
bhaye nimagnastvaritaM mumocha 
vajraM mahattasya vadhAya rAjan .. 13..\\
sa shakravajrAbhihataH papAta 
mahAsuraH kA~nchanamAlyadhArI . 
yathA mahA~nshailavaraH purastAt 
sa mandaro viShNukarAtpramuktaH .. 14..\\
tasminhate daitya vare bhayArtaH 
shakraH padudrAva saraH praveShTum . 
vajraM na mene svakarAtpramuktaM 
vR^itra.n hata.n chApi bhayAnna mene .. 15..\\
sarve cha devA muditAH prahR^iShTA 
maharShayashchendramabhiShTuvantaH . 
sarvAMshcha daityA.nstvaritAH sametya 
jaghnuH surA vR^itravadhAbhitaptAn .. 16..\\
te vadhyamAnAstridashaistadAnIM 
samudramevAvivishurbhayArtAH . 
pravishya chaivodadhimaprameyaM 
jhaShAkula.n ratnasamAkula.n cha .. 17..\\
tadA sma mantra.n sahitAH prachakrus 
trailokyanAshArthamabhismayantaH . 
tatra sma ke chinmatinishchaya GYAs 
tA.nstAnupAyAnanuvarNayanti .. 18..\\
teShA.n tu tatra kramakAlayogAd 
ghorA matishchintayatAM babhUva . 
ye santi vidyA tapasopapannAs 
teShA.n vinAshaH prathama.n tu kAryaH .. 19..\\
lokA hi sarve tapasA dhriyante 
tasmAttvaradhva.n tapasaH kShayAya . 
ye santi ke chiddhi vasundharAyAM 
tapasvino dharmavidashcha tajGYAH . 
teShA.n vadhaH kriyatA.n kShiprameva 
teShu pranaShTeShu jagatpranaShTam .. 20..\\
eva.n hi sarve gatabuddhibhAvA 
jagadvinAshe paramaprahR^iShTAH . 
durga.n samAshritya mahormimantaM 
ratnA kara.n varuNasyAlayaM sma .. 21..\\
\medskip\hrule\medskip\centerline{\Largedvng 100}
 lomazaa

samudra.n te samAshritya vAruNaM nidhimambhasAm . 
kAleyAH sampravartanta trailokyasya vinAshane .. 1..\\
te rAtrau samabhikruddhA bhakShayanti sadA munIn . 
AshrameShu cha ye santi punyeShvAyataneShu cha .. 2..\\
vasisthasyAshrame viprA bhakShitAstairdurAtmabhiH . 
ashItishatamaShTau cha nava chAnye tapasvinaH .. 3..\\
chyavanasyAshrama.n gatvA punyaM dvija nisevitam . 
phalamUlAshanAnA.n hi munInAM bhakShitaM shatam .. 4..\\
eva.n rAtrau sma kurvanti vivishushchArNava.n divA . 
bharadvAjAshrame chaiva niyatA brahmachAriNaH . 
vAyvAhArAmbubhakShAshcha viMshatiH saMnipAtitAH .. 5..\\
eva.n krameNa sarvA.nstAnAshramAndAnavAstadA . 
nishAyAM paridhAvanti mattA bhujabalAshrayAt . 
kAlopasR^iShTAH kAleyA ghnanto dvija ganAnbahUn .. 6..\\
na chainAnanvabudhyanta manujA manujottama . 
evaM pravR^ittAndaityA.nstA.nstApaseShu tapasviShu .. 7..\\
prabhAte samadR^ishyanta niyatAhAra karshitAH . 
mahItalasthA munayaH sharIrairgatajIvitaiH .. 8..\\
kShINamA.nsairvirudhirairvimajjAntrairvisandhibhiH . 
AkIrNairAchitA bhUmiH sha~NkhAnAmiva rAshibhiH .. 9..\\
kalashairvipraviddhaish cha sruvairbhagnaistathaiva cha . 
vikIrNairagnihotraishcha bhUrbabhUva samAvR^itA .. 10..\\
niHsvAdhyAya vaShatkAraM naShTayaGYotsava kriyam . 
jagadAsInnirutsAha.n kAleya bhayapIDitam .. 11..\\
evaM prakShIyamANAshcha mAnavA manujeshvara . 
AtmatrANa parA bhItAH prAdravanta disho bhayAt .. 12..\\
ke chidguhAH pravivishurnirjharAMshchApare shritAH . 
apare maraNodvignA bhayAtprAnAnsamutsR^ijan .. 13..\\
ke chidatra maheShvAsAH shUrAH paramadarpitAH . 
mArgamANAH para.n yatna.n dAnavAnAM prachakrire .. 14..\\
na chaitAnadhijagmuste samudra.n samupAshritAn . 
shrama.n jagmushcha paramamAjagmuH kShayameva cha .. 15..\\
jagatyupashama.n yAte naShTayaGYotsava kriye . 
AjagmuH paramAmArti.n tridashA manujeshvara .. 16..\\
sametya samahendrAshcha bhayAnmantraM prachakrire . 
nArAyaNaM puraskR^itya vaikuNThamaparAjitam .. 17..\\
tato devAH sametAste tadochurmadhusUdanam . 
tvaM naH sraShTA cha pAtA cha bhartA cha jagataH prabho . 
tvayA sR^iShTamida.n sarvaM yachche~NgaM yachcha ne~Ngati .. 18..\\
tvayA bhUmiH purA naShTA samudrAtpuskarekShaNa . 
vArAha.n rUpamAsthAya jagadarthe samuddhR^itA .. 19..\\
Adi daityo mahAvIryo hiraNyakashipustvayA . 
nArasi.nha.n vapuH kR^itvA sUditaH puruShottama .. 20..\\
avadhyaH sarvabhUtAnAM balishchApi mahAsuraH . 
vAmana.n vapurAshritya trailokyAdbhraMshitastvayA .. 21..\\
asurashcha maheShvAso jambha ityabhivishrutaH . 
yaGYakShobhakaraH krUrastvayaiva vinipAtitaH .. 22..\\
evamAdIni karmANi yeShA.n sa~NkhyA na vidyate . 
asmAkaM bhayabhItAnA.n tvaM gatirmadhusUdana .. 23..\\
tasmAttvA.n devadevesha lokArtha.n GYApayAmahe . 
rakSha lokAMshcha devAMshcha shakra.n cha mahato bhayAt .. 24..\\
\medskip\hrule\medskip\centerline{\Largedvng 101}
 devaa

itaH pradAnAdvartante prajAH sarvAshchaturvidhAH . 
tA bhAvitA bhAvayanti havyakavyairdivaukasaH .. 1..\\
lokA hyeva.n vartayanti anyonyaM samupAshritAH . 
tvatprasAdAnnirudvignAstvayaiva parirakShitAH .. 2..\\
ida.n cha samanuprApta.n lokAnAM bhayamuttamam . 
na cha jAnIma keneme rAtrau vadhyanti brAhmaNAH .. 3..\\
kShINeShu cha brAhmaNeShu pR^ithivI kShayameShyati . 
tataH pR^ithivyA.n kShINAyAM tridivaM kShayameShyati .. 4..\\
tvatprasAdAnmahAbAho lokAH sarve jagatpate . 
vinAshaM nAdhigachchheyustvayA vai parirakShitAH .. 5..\\

 visnur

viditaM me surAH sarvaM prajAnA.n kShayakAraNam . 
bhavatA.n chApi vakShyAmi shR^iNudhva.n vigatajvarAH .. 6..\\
kAleya iti vikhyAto gaNaH paramadAruNaH . 
taishcha vR^itra.n samAshritya jagatsarvaM prabAdhitam .. 7..\\
te vR^itraM nihata.n dR^iShTvA sahasrAkSheNa dhImatA . 
jIvitaM parirakShantaH praviShTA varuNAlayam .. 8..\\
te pravishyodadhi.n ghoraM nakragrAhasamAkulam . 
utsAdanArtha.n lokAnAM rAtrau ghnanti munIniha .. 9..\\
na tu shakyAH kShayaM netu.n samudrAshrayagA hi te . 
samudrasya kShaye buddhirbhavadbhiH sampradhAryatAm . 
agastyena vinA ko hi shakto.anyo.arNava shoShaNe .. 10..\\
etachchhrutvA vacho devA viShNunA samudAhR^itam . 
parameShThinamAGYApya agastyasyAshrama.n yayuH .. 11..\\
tatrApashyanmahAtmAna.n vAruNi.n dIptatejasam . 
upAsyamAnamR^iShibhirdevairiva pitAmaham .. 12..\\
te.abhigamya mahAtmAnaM maitrAvaruNimachyutam . 
Ashramastha.n tapo rAshiM karmabhiH svairabhiShTuvan .. 13..\\

 devaa

nahuSheNAbhitaptAnA.n tva.n lokAnAM gatiH purA . 
bhraMshitashcha suraishvaryAllokArtha.n lokakaNThakaH .. 14..\\
krodhAtpravR^iddhaH sahasA bhAskarasya nagottamaH . 
vachastavAnatikrAmanvindhyaH shailo na vardhate .. 15..\\
tamasA chAvR^ite loke mR^ityunAbhyarditAH prajAH . 
tvAmeva nAthamAsAdya nirvR^itiM paramA.n gatAH .. 16..\\
asmAkaM bhayabhItAnAM nityasho bhagavAngatiH . 
tatastvArtAH prayAchAmastvA.n varaM vadaro hyasi .. 17..\\
\medskip\hrule\medskip\centerline{\Largedvng 102}
 y

kimartha.n sahasA vindhyaH pravR^iddhaH krodhamUrchhitaH . 
etadichchhAmyaha.n shrotuM vistareNa mahAmune .. 1..\\

 lomaza

adrirAjaM mahAshailaM maru.n kanakaparvatam . 
udayAstamaye bhAnuH pradakShiNamavartata .. 2..\\
ta.n tu dR^iShTvA tathA vindhyaH shailaH sUryamathAbravIt . 
yathA hi merurbhavatA nityashaH parigamyate . 
pradakShiNa.n cha kriyate mAmevaM kuru bhAskara .. 3..\\
evamuktastataH sUryaH shailendraM pratyabhAsata . 
nAhamAtmechchhayA shailakaromyenaM pradakShiNam . 
eSha mArgaH pradiShTo me yenedaM nirmita.n jagat .. 4..\\
evamuktastataH krodhAtpravR^iddhaH sahasAchalaH . 
sUryA chandramasormArga.n roddhumichchhanparantapa .. 5..\\
tato devAH sahitAH sarva eva 
sendrAH samAgamya mahAdrirAjam . 
nivArayAmAsurupAyatastaM 
na cha sma teShA.n vachana.n chakAra .. 6..\\
athAbhijagmurmunimAshramasthaM 
tapasvina.n dharmabhR^itA.n variShTham . 
agastyamatyadbhutavIryadIptaM 
ta.n chArthamUchuH sahitAH surAste .. 7..\\

 devaa

sUryA chandramasormArgaM nakShatrANA.n gatiM tathA . 
shailarAjo vR^iNotyeSha vindhyaH krodhavashAnugaH .. 8..\\
taM nivArayitu.n shakto nAnyaH kash chiddvijottama . 
R^ite tvA.n hi mahAbhAga tasmAdenaM nivAraya .. 9..\\

 lomaza

tachchhrutvA vachana.n vipraH surANAM shailamabhyagAt . 
so.abhigamyAbravIdvindhya.n sadAraH samupasthitaH .. 10..\\
mArgamichhAmyaha.n dattaM bhavatA parvatottama . 
dakShiNAmabhigantAsmi disha.n kAryeNa kena chit .. 11..\\
yAvadAgamanaM mahya.n tAvattvaM pratipAlaya . 
nivR^itte mayi shailendra tato vardhasva kAmataH .. 12..\\
eva.n sa samaya.n kR^itvA vindhyenAmitrakarshana . 
adyApi dakShiNA deshAdvAruNirna nivartate .. 13..\\
etatte sarvamAkhyAta.n yathA vindhyo na vardhate . 
agastyasya prabhAvena yanmA.n tvaM paripR^ichchhasi .. 14..\\
kAleyAstu yathA rAjansuraiH sarvairniShUditAH . 
agastyAdvaramAsAdya tanme nigadataH shR^iNu .. 15..\\
tridashAnA.n vacho shrutvA maitrAvaruNirabravIt . 
kimarthamabhiyAtAH stha varaM mattaH kimichchhatha . 
evamuktAstatastena devAstaM munimabruvan .. 16..\\
eva.n tvayechchhAma kR^itaM maharShe 
mahArNavaM pIyamAnaM mahAtman . 
tato vadhiShyAma sahAnubandhAn 
kAleya sa~nj~nAnsuravidviShastAn .. 17..\\
tridashAnA.n vachaH shrutvA tatheti munirabravIt . 
kariShye bhavatA.n kAma.n lokAnAM cha mahatsukham .. 18..\\
evamuktvA tato.agachchhatsamudra.n saritAM patim . 
R^iShibhishcha tapaHsiddhaiH sArdha.n devaishcha suvrataH .. 19..\\
manusyoraga gandharvayakShakimpuruShAstathA . 
anujagmurmahAtmAna.n drastu kAmAstadadbhutam .. 20..\\
tato.abhyagachchhansahitAH samudraM bhIma niShvanam . 
nR^ityantamiva chormIbhirvalgantamiva vAyunA .. 21..\\
hasantamiva phenaughaiH skhalanta.n kandareShu cha . 
nAnA grAhasamAkIrNaM nAnAdvija ganAyutam .. 22..\\
agastyasahitA devAH sagandharvamahoragAH . 
R^iShayashcha mahAbhAgAH samAsedurmahodadhim .. 23..\\
\medskip\hrule\medskip\centerline{\Largedvng 103}
 lomaza

samudra.n sa samAsAdya vAruNirbhagavAnR^iShiH . 
uvAcha sahitAndevAnR^iShIMshchaiva samAgatAn .. 1..\\
eSha lokahitArtha.n vai pibAmi varuNAlayam . 
bhavadbhiryadanuShTheya.n tachchhIghra.n sa.nvidhIyatAm .. 2..\\
etAvaduktvA vachanaM maitrAvaruNirachyuta . 
samudramapibatkruddhaH sarvalokasya pashyataH .. 3..\\
pIyamAna.n samudra.n tu dR^iShTvA devAH savAsavAH . 
vismayaM parama.n jagmuH stutibhishchApyapUjayan .. 4..\\
tvaM nastrAtA vidhAtA cha lokAnA.n lokabhAvanaH . 
tvatprasAdAtsamuchchhedaM na gachchhetsAmara.n jagat .. 5..\\
sampUjyamAnastridashairmahAtmA 
gandharvatUryeShu nadatsu sarvashaH . 
divyaishcha puShpairavakIryamANo 
mahArNavaM niHsalila.n chakAra .. 6..\\
dR^iShTvA kR^itaM niHsalilaM mahArNavaM 
surAH samastAH paramaprahR^iShTAH . 
pragR^ihya divyAni varAyudhAni 
tAndAnavA~njaghnuradInasattvAH .. 7..\\
te vadhyamAnAstridashairmahAtmabhir 
mahAbalairvegibhirunnadadbhiH . 
na sehire vegavatAM mahAtmanAM 
vega.n tadA dhArayituM divaukasAm .. 8..\\
te vadhyamAnAstridashairdAnavA bhImanisvanAH . 
chakruH sutumula.n yuddhaM muhUrtamiva bhArata .. 9..\\
te pUrva.n tapasA dagdhA munibhirbhAvitAtmabhiH . 
yatamAnAH para.n shaktyA tridashairviniShUditAH .. 10..\\
te hemaniShkAbharaNAH kuNDalA~Ngada dhAriNaH . 
nihatya bahvashobhanta puShpitA iva kiMshukAH .. 11..\\
hatasheShAstataH ke chitkAleyA manujottama . 
vidArya vasudhA.n devIM pAtAlatalamAshritAH .. 12..\\
nihatAndAnavAndR^iShTvA tridashA munipu~Ngavam . 
tuShTuvurvividhairvAkyairida.n chaivAbruvanvachaH .. 13..\\
tvatprasAdAnmahAbhAga lokaiH prAptaM mahatsukham . 
tvattejasA cha nihatAH kAleyAH krUra vikramAH .. 14..\\
pUrayasva mahAbAho samudra.n lokabhAvana . 
yattvayA salilaM pIta.n tadasminpunarutsR^ija .. 15..\\
evamuktaH pratyuvAcha bhagavAnmunipu~NgavaH . 
jIrNa.n taddhi mayA toyamupAyo.anyaH prachintyatAm . 
pUraNArtha.n samudrasya bhavadbhiryatnamAsthitaiH .. 16..\\
etachchhrutvA tu vachanaM maharShe bhAvitAtmanaH . 
vismitAshcha viShaNNAshcha babhUvuH sahitAH surAH .. 17..\\
parasparamanuGYApya pranamya munipu~Ngavam . 
prajAH sarvA mahArAja viprajagmuryathAgatam .. 18..\\
tridashA viShNunA sArdhamupajagmuH pitAmaham . 
pUraNArtha.n samudrasya mantrayitvA punaH punaH . 
UchuH prA~njalayaH sarve sAgarasyAbhipUraNam .. 19..\\
\medskip\hrule\medskip\centerline{\Largedvng 104}
 lomaza

tAnuvAcha sametA.nstu brahmA lokapitAmahaH . 
gachchhadhva.n vibudhAH sarve yathAkAmaM yathepsitam .. 1..\\
mahatA kAlayogena prakR^iti.n yAsyate.arNavaH . 
GYAtInvai kAraNa.n kR^itvA mahArAGYo bhagIrathAt .. 2..\\

 y

katha.n vai GYAtayo brahmankAraNa.n chAtra kiM mune . 
katha.n samudraH pUrNashcha bhagIratha parishramAt .. 3..\\
etadichchhAmyaha.n shrotuM vistareNa tapodhana . 
kathyamAna.n tvayA vipra rAGYAM charitamuttamam .. 4..\\

 v

evamuktastu viprendro dharmarAGYA mahAtmanA . 
kathayAmAsa mAhAtmya.n sagarasya mahAtmanaH .. 5..\\

 lomaza

ikShvAkUNA.n kule jAtaH sagaro nAma pArthivaH . 
rUpasattvabalopetaH sa chAputraH pratApavAn .. 6..\\
sa haihayAnsamutsAdya tAlaja~NghAMshcha bhArata . 
vashe cha kR^itvA rAGYo.anyAnsvarAjyamanvashAsata .. 7..\\
tasya bhArye tvabhavatA.n rUpayauvana darpite . 
vaidarbhI bharatashreShTha shaibyA cha bharatarShabha .. 8..\\
saputrakAmo nR^ipatistatApa sumahattapaH . 
patnIbhyA.n saha rAjendra kailAsa.n girimAshritaH .. 9..\\
sa tapyamAnaH sumahattapoyogasamanvitaH . 
AsasAda mahAtmAna.n tryakShaM tripuramardanam .. 10..\\
sha~NkaraM bhavamIshAna.n shUlapAniM pinAkinam . 
tryambaka.n shivamugreshaM bahurUpamumApatim .. 11..\\
sa ta.n dR^iShTvaiva varadaM patnIbhyA.n sahito nR^ipaH . 
pranipatya mahAbAhuH putrArtha.n samayAchata .. 12..\\
taM prItimAnharaH prAha sabhAryaM nR^ipasattamam . 
yasminvR^ito muhUrte.aha.n tvayeha nR^ipate varam .. 13..\\
ShaShTiH putrasahasrANi shUrAH samaradarpitAH . 
ekasyA.n sambhaviShyanti patnyA.n tava narottama .. 14..\\
te chaiva sarve sahitAH kShaya.n yAsyanti pArthiva . 
eko vaMshadharaH shUra ekasyA.n sambhaviShyati . 
evamuktvA tu ta.n rudrastatraivAntaradhIyata .. 15..\\
sa chApi sagaro rAjA jagAma svaM niveshanam . 
patnIbhyA.n sahitastAta so.atihR^iShTa manAstadA .. 16..\\
tasyAtha manujashreShTha te bhArye kamalekShaNe . 
vaidarbhI chaiva shaibyA cha garbhiNyau sambabhUvatuH .. 17..\\
tataH kAlena vaidarbhI garbhAlAbu.n vyajAyata . 
shaibyA cha suShuve putra.n kumAraM devarUpiNam .. 18..\\
tadAlAbu.n samutsraShTuM mano chakre sa pArthivaH . 
athAntarikShAchchhushrAva vAcha.n gambhIranisvanAm .. 19..\\
rAjanmA sAhasa.n kArShIH putrAnna tyaktumarhasi . 
alAbumadhyAnniShkR^iShya bIja.n yatnena gopyatAm .. 20..\\
sopasvedeShu pAtreShu ghR^itapUrNeShu bhAgashaH . 
tataH putrasahasrANi ShaShTiM prApsyasi pArthiva .. 21..\\
mahAdevena diShTa.n te putra janma narAdhipa . 
anena kramayogena mA te buddhirato.anyathA .. 22..\\
\medskip\hrule\medskip\centerline{\Largedvng 105}
 lomaza

etachchhrutvAntarikShAchcha sa rAjA rAjasattama . 
yathokta.n tachchakArAtha shraddadhadbharatarShabha .. 1..\\
ShaShTiH putrasahasrANi tasyApratima tejasaH . 
rudra prasAdAdrAjarSheH samajAyanta pArthiva .. 2..\\
te ghorAH krUrakarmANa AkAshapariSharpiNaH . 
bahutvAchchAvajAnantaH sarvA.NllokAnsahAmarAn .. 3..\\
tridashAMshchApyabAdhanta tathA gandharvarAkShasAn . 
sarvANi chaiva bhUtAni shUrAH samarashAlinaH .. 4..\\
vadhyamAnAstato lokAH sAgarairmandabuddhibhiH . 
brahmANa.n sharaNa.n jagmuH sahitAH sarvadaivataiH .. 5..\\
tAnuvAcha mahAbhAgaH sarvalokapitAmahaH . 
gachchhadhva.n tridashAH sarve lokaiH sArdha.n yathAgatam .. 6..\\
nAtidIrgheNa kAlena sAgarANA.n kShayo mahAn . 
bhaviShyati mahAghoraH svakR^itaiH karmabhirsurAH .. 7..\\
evamuktAstato devA lokAshcha manujeshvara . 
pitAmahamanuGYApya viprajagmuryathAgatam .. 8..\\
tataH kAle bahutithe vyatIte bharatarShabha . 
dIkShitaH sagaro rAjA hayamedhena vIryavAn . 
tasyAshvo vyacharadbhUmiM putraiH suparirakShitaH .. 9..\\
samudra.n sa samAsAdya nistoyaM bhImadarshanam . 
rakShyamANaH prayatnena tatraivAntaradhIyata .. 10..\\
tataste sAgarAstAta hR^itaM matvA hayottamam . 
Agamya piturAchakhyuradR^ishya.n turaga.n hR^itam . 
tenoktA dikShu sarvAsu sarve mArgata vAjinam .. 11..\\
tataste piturAGYAya dikShu sarvAsu ta.n hayam . 
amArganta mahArAja sarva.n cha pR^ithivItalam .. 12..\\
tataste sAgarAH sarve samupetya parasparam . 
nAdhyagachchhanta turagamashvahartArameva cha .. 13..\\
Agamya pitara.n chochustataH prA~njalayo.agrataH . 
sasamudra vanadvIpA sanadI nadakandarA . 
saparvatavanoddeshA nikhilena mahI nR^ipa .. 14..\\
asmAbhirvichitA rAja~nshAsanAttava pArthiva . 
na chAshvamadhigachchhAmo nAshvahartArameva cha .. 15..\\
shrutvA tu vachana.n teShA.n sa rAjA krodhamUrchhitaH . 
uvAcha vachana.n sarvA.nstadA daivavashAnnR^ipa .. 16..\\
anAgamAya gachchhadhvaM bhUyo mArgata vAjinam . 
yaGYiya.n ta.n vinA hyashvaM nAgantavyaM hi putrakAH .. 17..\\
pratigR^ihya tu sandesha.n tataste sagarAtmajAH . 
bhUya eva mahI.n kR^itsnA.n vichetumupachakramuH .. 18..\\
athApashyanta te vIrAH pR^ithivImavadAritAm . 
samAsAdya bila.n tachcha khanantaH sagarAtmajAH . 
kuddAlairhreShukaishchaiva samudramakhana.nstadA .. 19..\\
sa khanyamAnaH sahitaiH sAgarairvaruNAlayaH . 
agachchhatparamAmArti.n dAryamANaH samantataH .. 20..\\
asuroraga rakShA.nsi sattvAni vividhAni cha . 
ArtanAdamakurvanta vadhyamAnAni sAgaraiH .. 21..\\
chhinnashIrShA videhAshcha bhinnajAnvasthi mastakAH . 
prANinaH samadR^ishyanta shatasho.atha sahasrashaH .. 22..\\
eva.n hi khanatA.n teShAM samudraM makarAlayam . 
vyatItaH sumahAnkAlo na chAshvaH samadR^ishyata .. 23..\\
tataH pUrvottare deshe samudrasya mahIpate . 
vidArya pAtAlamatha sa~NkruddhAH sagarAtmajAH . 
apashyanta haya.n tatra vicharantaM mahItale .. 24..\\
kapila.n cha mahAtmAnaM tejorAshimanuttamam . 
tapasA dIpyamAna.n taM jvAlAbhiriva pAvakam .. 25..\\
\medskip\hrule\medskip\centerline{\Largedvng 106}
 lomaza

te ta.n dR^iShTvA haya.n rAjansamprahR^iShTatanU ruhAH . 
anAdR^itya mahAtmAna.n kapilaM kAlachoditAH . 
sa~NkruddhAH samadhAvanta ashvagrahaNa kA~NkShiNaH .. 1..\\
tataH kruddho mahArAja kapilo munisattamaH . 
vAsudeveti yaM prAhuH kapilaM munisattamam .. 2..\\
sa chakShurvivR^ita.n kR^itvA tejasteShu samutsR^ijan . 
dadAha sumahAtejA mandabuddhInsa sAgarAn .. 3..\\
tAndR^iShTvA bhasmasAdbhUtAnnAradaH sumahAtapAH . 
sagarAntikamAgachchhattachcha tasmai nyavedayat .. 4..\\
sa tachchhrutvA vacho ghora.n rAjA munimukhodgatam . 
AtmAnamAtmanAshvasya hayamevAnvachintayat .. 5..\\
aMshumanta.n samAhUya asamaGYaH suta.n tadA . 
pautraM bharatashArdUla ida.n vachanamabravIt .. 6..\\
ShaShTistAni sahasrANi putrANAmamitaujasAm . 
kApila.n teja AsAdya matkR^ite nidhanaM gatAH .. 7..\\
tava chApi pitA tAta parityakto mayAnagha . 
dharma.n sa.nrakShamANena paurANAM hitamichchhatA .. 8..\\

 y

kimartha.n rAjashArdUlaH sagaraH putramAtmajam . 
tyaktavAndustyaja.n vIra.n tanme brUhi tapodhana .. 9..\\

 l

asama~njA iti khyAtaH sagarasya suto hyabhUt . 
ya.n shaibyA janayAmAsa paurANAM sa hi dArakAn . 
khureShu kroshato gR^ihya nadyA.n chikShepa durbalAn .. 10..\\
tataH paurAH samAjagmurbhayashokapariplutAH . 
sagara.n chAbhyayAchanta sarve prA~njalayaH sthitAH .. 11..\\
tvaM nastrAtA mahArAja parachakrAdibhirbhayaiH . 
asama~njo bhayAdghorAttato nastrAtumarhasi .. 12..\\
paurANA.n vachanaM shrutvA ghoraM nR^ipatisattamaH . 
muhUrta.n vimano bhUtvA sachivAnidamabravIt .. 13..\\
asama~njAH purAdadya suto me vipravAsyatAm . 
yadi vo matpriya.n kAryametachchhIghra.n vidhIyatAm . 
evamuktA narendreNa sachivAste narAdhipa .. 14..\\
yathokta.n tvaritAshchakruryathAGYApitavAnnR^ipaH .. 15..\\
etatte sarvamAkhyAta.n yathA putro mahAtmanA . 
paurANA.n hitakAmena sagareNa vivAsitaH .. 16..\\
aMshumA.nstu maheShvAso yaduktaH sagareNa ha . 
tatte sarvaM pravakShyAmi kIrtyamAnaM nibodha me .. 17..\\

 sagara

pitushcha te.aha.n tyAgena putrANAM nidhanena cha . 
alAbhena tathAshvasya paritapyAmi putraka .. 18..\\
tasmAdduHkhAbhisantapta.n yaGYavighnAchcha mohitam . 
hayasyAnayanAtpautra narakAnmA.n samuddhara .. 19..\\

 l

aMshumAnevamuktastu sagareNa mahAtmanA . 
jagAma duHkhAtta.n desha.n yatra vai dAritA mahI .. 20..\\
sa tu tenaiva mArgeNa samudraM pravivesha ha . 
apashyachcha mahAtmAna.n kapilaM turagaM cha tam .. 21..\\
sa dR^iShTvA tejaso rAshiM purANamR^iShisattamam . 
praNamya shirasA bhUmau kAryamasmai nyavedayat .. 22..\\
tataH prIto mahAtejAH kalipo.aMshumato.abhavat . 
uvAcha chaina.n dharmAtmA varado.asmIti bhArata .. 23..\\
sa vavre turaga.n tatra prathama.n yaGYakAraNAt . 
dvitIyamudaka.n vavre pitR^INAM pAvanepsayA .. 24..\\
tamuvAcha mahAtejAH kapilo munipu~NgavaH . 
dadAni tava bhadra.n te yadyatprArthayase.anagha .. 25..\\
tvayi kShamA cha dharmashcha satya.n chApi pratiShThitam . 
tvayA kR^itArthaH sagaraH putra vAMshcha tvayA pitA .. 26..\\
tava chaiva prabhAveNa svarga.n yAsyanti sAgarAH . 
pautrashcha te tripatha gA.n tridivAdAnayiShyati . 
pAvanArtha.n sAgarANA.n toShayitvA maheshvaram .. 27..\\
hayaM nayasva bhadra.n te yaGYiyaM narapu~Ngava . 
yaGYaH samApyatA.n tAta sagarasya mahAtmanaH .. 28..\\
aMshumAnevamuktastu kapilena mahAtmanA . 
AjagAma haya.n gR^ihya yaGYavATaM mahAtmanaH .. 29..\\
so.abhivAdya tataH pAdau sagarasya mahAtmanaH . 
mUrdhni tenApyupAghrAtastasmai sarvaM nyavedayat .. 30..\\
yathAdR^iShTa.n shruta.n chApi sAgarANAM kShayaM tathA . 
ta.n chAsmai hayamAchasta yaGYavATamupAgatam .. 31..\\
tachchhrutvA sagaro rAjA putra ja.n duHkhamatyajat . 
aMshumanta.n cha sampUjya samApayata taM kratum .. 32..\\
samAptayaGYaH sagaro devaiH sarvaiH sabhAjitaH . 
putra tve kalpayAmAsa samudra.n varuNAlayam .. 33..\\
prashAsya suchira.n kAla.n rAjyaM rAjIvalochanaH . 
pautre bhAra.n samAveshya jagAma tridiva.n tadA .. 34..\\
aMshumAnapi dharmAtmA mahI.n sAgaramekhalAm . 
prashashAsha mahArAja yathaivAsya pitA mahaH .. 35..\\
tasya putraH samabhavaddilIpo nAma dharmavit . 
tasmai rAjya.n samAdhAya aMshumAnapi sa.nsthitaH .. 36..\\
dilIpastu tataH shrutvA pitR^INAM nidhanaM mahat . 
paryatapyata duHkhena teShA.n gatimachintayat .. 37..\\
ga~NgAvataraNe yatna.n sumahachchAkaronnR^ipaH . 
na chAvatArayAmAsa cheShTamAno yathAbalam .. 38..\\
tasya putraH samabhavachchhrImAndharmaparAyaNaH . 
bhagIratha iti khyAtaH satyavAganasUyakaH .. 39..\\
abhiShichya tu ta.n rAjye dilIpo vanamAshritaH . 
tapaHsiddhisamAyogAtsa rAjA bharatarShabha . 
vanAjjagAma tridiva.n kAlayogena bhArata .. 40..\\
\medskip\hrule\medskip\centerline{\Largedvng 107}
 lomaza

sa tu rAjA maheShvAsashchakravartI mahArathaH . 
babhUva sarvalokasya mano nayananandanaH .. 1..\\
sa shushrAva mahAbAhuH kapilena mahAtmanA . 
pitR^INAM nidhana.n ghoramaprAptiM tridivasya cha .. 2..\\
sa rAjya.n sachive nyasya hR^idayena vidUyatA . 
jagAma himavatpArshva.n tapastaptuM nareshvaraH .. 3..\\
ArirAdhayiShurga~NgA.n tapasA dagdhakilbiShaH . 
so.apashyata narashreShTha himavantaM nagottamam . 
shR^i~NgairbahuvidhAkArairdhAtumadbhirala.n kR^itam .. 4..\\
pavanAlambibhirmeghaiH pariShvakta.n samanta taH .. 5..\\
nadI ku~nja nitambaishcha sodakairupashobhitam . 
guhA kandarasa.nlInaiH si.nhavyAghrairniShevitam .. 6..\\
shakunaishcha vi chitrA~NgaiH kUjadbhirvividhA giraH . 
bhR^i~NgarAjaistathA ha.nsairdAtyUhairjalakukkutaiH .. 7..\\
mayUraiH shatapatraishcha kokilairjIva jIvakaiH . 
chakorairasitApA~NgaistathA putra priyairapi .. 8..\\
jalasthAneShu ramyeShu padminIbhishcha sa~Nkulam . 
sArasAnA.n cha madhurairvyAhR^itaiH samalaM kR^itam .. 9..\\
kiMnarairapsarobhishcha niShevita shilAtalam . 
dishAgajaviShANAgraiH samantAdghR^iShTa pAdapam .. 10..\\
vidyAdharAnucharitaM nAnAratnasamAkulam . 
viSholbaNairbhuja.n gaishcha dIptajihvairniShevitam .. 11..\\
kva chitkanakasa~NkAsha.n kva chidrajatasaMnibham . 
kva chida~njana pu~njAbha.n himavantamupAgamat .. 12..\\
sa tu tatra narashreShThastapo ghora.n samAshritaH . 
phalamUlAmbubhakSho.abhUtsahasraM parivatsarAn .. 13..\\
sa.nvatsarasahasre tu gate divye mahAnadI . 
darshayAmAsa ta.n ga~NgA tadA mUrti matI svayam .. 14..\\

 gangaa

kimichchhasi mahArAja mattaH ki.n cha dadAni te . 
tadbravIhi narashreShTha kariShyAmi vachastava .. 15..\\

 lomaza

evamuktaH pratyuvAcha rAjA haimavatI.n tadA . 
pitA mahAme varade kapilena mahAnadi . 
anveShamANAsturagaM nItA vaivasvatakShayam .. 16..\\
ShaShTistAni sahasrANi sAgarANAM mahAtmanAm . 
kApila.n teja AsAdya kShaNena nidhanaM gatAH .. 17..\\
teShAmeva.n vinaShTAnAM svarge vAso na vidyate . 
yAvattAni sharIrANi tva.n jalairnAbhiShi~nchasi .. 18..\\
svargaM nayamahAbhAge matpitR^InsagarAtma jAn . 
teShAmarthe.abhiyAchAmi tvAmaha.n vai mahAnadi .. 19..\\
etachchhrutvA vacho rAGYo ga~NgA lokanamaskR^itA . 
bhagIrathamida.n vAkyaM suprItA samabhAShata .. 20..\\
kariShyAmi mahArAja vachaste nAtra saMshayaH . 
vega.n tu mama durdhAryaM patantyA gagaNAchchyutam .. 21..\\
na shaktastriShu lokeShu kashchiddhArayituM nR^ipa . 
anyatra vibudhashreShThAnnIlakaNThAnmaheshvarAt .. 22..\\
ta.n toShaya mahAbAho tapasA varada.n haram . 
sa tu mAM prachyutA.n devaH shirasA dhArayiShyati . 
kariShyati cha te kAmaM pitR^INA.n hitakAmyayA .. 23..\\
etachchhrutvA vacho rAjanmahArAjo bhagIrathaH . 
kailAsaM parvata.n gatvA toShayAmAsa sha~Nkaram .. 24..\\
tatastena samAgamya kAlayogena kena chit . 
agR^ihNAchcha vara.n tasmAdga~NgAyA dhAraNaM nR^ipa . 
svargavAsa.n samuddishya pitR^INAM sa narottamaH .. 25..\\
\medskip\hrule\medskip\centerline{\Largedvng 108}
 lomaza

bhagIrathavachaH shrutvA priyArtha.n cha divaukasAm . 
evamastviti rAjAnaM bhagavAnpratyabhAShata .. 1..\\
dhArayiShye mahAbAho gagaNAtprachyutA.n shivAm . 
divyA.n deva nadIM puNyAM tvatkR^ite nR^ipasattama .. 2..\\
evamuktvA mahAbAho himavantamupAgamat . 
sa.nvR^itaH pArShadairghorairnAnApraharaNodyataiH .. 3..\\
tataH sthitvA narashreShThaM bhagIrathamuvAcha ha . 
prayAchasva mahAbAho shailarAjasutAM nadIm . 
patamAnA.n sarichchhreShThA.n dhArayiShye triviShTapAt .. 4..\\
etachchhrutvA vacho rAjA sharveNa samudAhR^itam . 
prayataH praNato bhUtvA ga~NgA.n samanuchintayat .. 5..\\
tataH puNyajalA ramyA rAGYA samanuchintitA . 
IshAna.n cha sthitaM dR^iShTvA gagaNAtsahasA chyutA .. 6..\\
tAM prachyutA.n tato dR^iShTvA devAH sArdhaM maharShibhiH . 
gandharvoragarakShA.nsi samAjagmurdidR^ikShayA .. 7..\\
tataH papAta gagaNAdga~NgA himavataH sutA . 
samudbhrAnta mahAvartA mInagrAhasamAkulA .. 8..\\
tA.n dadhAra haro rAjanga~NgAM gagaNa mekhalAm . 
lalATadeshe patitAM mAlAM muktA mayIm iva .. 9..\\
sA babhUva visarpantI tridhA rAjansamudragA . 
phenapu~njAkula jalA ha.nsAnAmiva pa~NktayaH .. 10..\\
kva chidAbhoga kuTilA praskhalantI kva chitkva chit . 
svaphena paTasa.nvItA matteva pramadAvrajat . 
kva chitsA toyaninadairnadantI nAdamuttamam .. 11..\\
evaM prakArAnsubahUnkurvantI gagaNAchchyutA . 
pR^ithivItalamAsAdya bhagIrathamathAbravIt .. 12..\\
darshayasva mahArAja mArga.n kena vrajAmyaham . 
tvadarthamavatIrNAsmi pR^ithivIM pR^ithivIpate .. 13..\\
etachchhrutvA vacho rAjA prAtiShThata bhagIrathaH . 
yatra tAni sharIrANi sAgarANAM mahAtmanAm . 
pAvanArthaM narashreShTha puNyena salilena ha .. 14..\\
ga~NgAyA dhAraNa.n kR^itvA haro lokanamaskR^itaH . 
kailAsaM parvatashreShTha.n jagAma tridashaiH saha .. 15..\\
samudra.n cha samAsAdya ga~NgayA sahito nR^ipaH . 
pUrayAmAsa vegena samudra.n varuNAlayam .. 16..\\
duhitR^itve cha nR^ipatirga~NgA.n samanukalpayat . 
pitR^INA.n chodaka.n yatra dadau pUrNamano rathaH .. 17..\\
etatte sarvamAkhyAta.n ga~NgA tripatha gA yathA . 
pUraNArtha.n samudrasya pR^ithivImavatAritA .. 18..\\
samudrashcha yathA pItaH kAraNArthe mahAtmanA . 
vAtApishcha yathA nItaH kShaya.n sa brahma hA prabho . 
agastyena mahArAja yanmA.n tvaM paripR^ichchhasi .. 19..\\
\medskip\hrule\medskip\centerline{\Largedvng 109}
 v

tataH prayAtaH kaunteyaH krameNa bharatarShabha . 
nandAmaparanandA.n cha nadyau pApabhayApahe .. 1..\\
sa parvata.n samAsAdya hemakUTamanAmayam . 
achintyAnadbhutAnbhAvAndadarsha subahUnnR^ipaH .. 2..\\
vAcho yatrAbhavanmeghA upalAshcha sahasrashaH . 
nAshaknuva.nstamAroDhu.n viShaNNamanaso janAH .. 3..\\
vAyurnitya.n vavau yatra nitya.n devashcha varShati . 
sAyamprAtashcha bhagavAndR^ishyate havyavAhanaH .. 4..\\
evaM bahuvidhAnbhAvAnadbhutAnvIkShya pANDavaH . 
lomashaM punareva sma paryapR^ichchhattadadbhutam .. 5..\\

 lomaza

yathA shrutamidaM pUrvamasmAbhirarikarshana . 
tadekAgramanA rAjannibodha gadato mama .. 6..\\
asminnR^iShabhakUTe.abhUdR^iShabho nAma tApasaH . 
anekashatavarShAyustapo vI kopano bhR^isham .. 7..\\
sa vai sambhAShyamANo.anyaiH kopAdgirimuvAcha ha . 
ya iha vyAharetkashchidupalAnutsR^ijestadA .. 8..\\
vAta.n chAhUya mA shabdamityuvAcha sa tApasaH . 
vyAharaMshchaiva puruSho meghena vinivAryate .. 9..\\
evametAni karmANi rAja.nstena maharShiNA . 
kR^itAni kAni chitkopAtpratisiddhAni kAni chit .. 10..\\
nandAmabhigatAndevAnpurA rAjanniti shrutiH . 
anvapadyanta sahasA puruShA deva darshinaH .. 11..\\
te darshanamanichchhanto devAH shakrapurogamAH . 
durga.n chakrurimaM deshaM giripratyUha rUpakam .. 12..\\
tadA prabhR^iti kaunteya narA girimima.n sadA . 
nAshaknuvanabhidraShTu.n kuta evAdhirohitum .. 13..\\
nAtapta tapasA shakyo draShTumeSha mahAgiriH . 
AroDhu.n vApi kaunteya tasmAnniyatavAgbhava .. 14..\\
iha devAH sadA sarve yaGYAnAjahruruttamAn . 
teShAmetAni li~NgAni dR^ishyante.adyApi bhArata .. 15..\\
kushAkAreva dUrveya.n sa.nstIrNeva cha bhUriyam . 
yUpaprakArA bahavo vR^ikShAshcheme vishAM pate .. 16..\\
devAshcha R^iShayashchaiva vasantyadyApi bhArata . 
teShA.n sAya.n tathA prAtardR^ishyate havyavAhanaH .. 17..\\
ihAplutAnA.n kaunteya sadyaH pApmA vihanyate . 
kurushreShThAbhiSheka.n vai tasmAtkuru sahAnujaH .. 18..\\
tato nandAplutA~Ngastva.n kaushikImabhiyAsyasi . 
vishvA mitreNa yatrogra.n tapastaptumanuttamam .. 19..\\
tatastatra samAplutya gAtrANi sagaNo nR^ipaH . 
jagAma kaushikIM puNyA.n ramyAM shivajalAM nadIm .. 20..\\
\medskip\hrule\medskip\centerline{\Largedvng 110}
 lomaza

eShA deva nadI puNyA kaushikI bharatarShabha . 
vishvA mitrAshramo ramyo eSha chAtra prakAshate .. 1..\\
Ashramashchaiva puNyAkhyaH kAshyapasya mahAtmanaH . 
R^ishya shR^i~NgaH suto yasya tapo vI sa.nyatendriyaH .. 2..\\
tapaso yaH prabhAvena varShayAmAsa vAsavam . 
anAvR^iShTyAM bhayAdyasya vavarSha balavR^itra hA .. 3..\\
mR^igyA.n jAtaH sa tejo vI kAshyapasya sutaH prabhuH . 
viShaye loma pAdasya yashchakArAdbhutaM mahat .. 4..\\
nivartiteShu sasyeShu yasmai shAntA.n dadau nR^ipaH . 
loma pAdo duhitara.n sAvitrIM savitA yathA .. 5..\\

 y

R^ishya shR^i~NgaH kathaM mR^igyAmutpannaH kAshyapAtma jaH . 
viruddhe yonisa.nsarge katha.n cha tapasA yutaH .. 6..\\
kimartha.n cha bhayAchchhakrastasya bAlasya dhImataH . 
anAvR^iShTyAM pravR^ittAyA.n vavarSha balavR^itra hA .. 7..\\
katha.nrUpA cha shAntAbhUdrAjaputrI yatavratA . 
lobhayAmAsa yA cheto mR^igabhUtasya tasya vai .. 8..\\
loma pAdashcha rAjarShiryadAshrUyata dhArmikaH . 
katha.n vai viShaye tasya nAvarShatpAkashAsanaH .. 9..\\
etanme bhagavansarva.n vistareNa yathAtatham . 
vaktumarhasi shushrUShorR^iShyashR^i~Ngasya cheShTitam .. 10..\\

 l

vibhANDakasya brahmarShestapasA bhAvitAtmanaH . 
amoghavIryasya sataH prajApatisamadyuteH .. 11..\\
shR^iNu putro yathA jAta R^ishya shR^i~NgaH pratApavAn . 
mahAhrade mahAtejA bAlaH sthavira saMmataH .. 12..\\
mahAhrada.n samAsAdya kAshyapastapasi sthitaH . 
dIrghakAlaM parishrAnta R^iShirdevarShisaMmataH .. 13..\\
tasya retaH prachaskanda dR^iShTvApsarasamurvashIm . 
apsUpaspR^ishato rAjanmR^igI tachchApibattadA .. 14..\\
saha toyena tR^iShitA sA garbhiNyabhavannR^ipa . 
amoghatvAdvidheshchaiva bhAvi tvAddaivanirmitAt .. 15..\\
tasyAM mR^igyA.n samabhavattasya putro mahAnR^iShiH . 
R^ishya shR^i~Ngastaponityo vana eva vyavardhata .. 16..\\
tasyarshya shR^i~Nga.n shirasi rAjannAsInmahAtmanaH . 
tenarshya shR^i~Nga ityeva.n tadA sa prathito.abhavat .. 17..\\
na tena dR^iShTapUrvo.anyaH pituranyatra mAnuShaH . 
tasmAttasya mano nityaM brahmacharye.abhavannR^ipa .. 18..\\
etasminneva kAle tu sakhA dasharathasya vai . 
loma pAda iti khyAto a~NgAnAmIshvaro.abhavat .. 19..\\
tena kAmaH kR^ito mithyA brAhmaNebhya iti shrutiH . 
sa brAhmaNaiH parityaktastadA vai jagatIpatiH .. 20..\\
purohitApachArAchcha tasya rAGYo yadR^ichchhayA . 
na vavarSha sahasrAkShastato.apIDyanta vai prajAH .. 21..\\
sa brAhmaNAnparyapR^ichchhattapo yuktAnmanIShiNaH . 
pravarShaNe surendrasya samarthAnpR^ithivIpatiH .. 22..\\
kathaM pravarShetparjanya upAyaH paridR^ishyatAm . 
tamUchushchoditAstena svamatAni manIShiNaH .. 23..\\
tatra tveko munivarasta.n rAjAnamuvAcha ha . 
kupitAstava rAjendra brAhmaNA niskR^iti.n chara .. 24..\\
R^ishya shR^i~NgaM munisutamAnayasva cha pArthiva . 
vAneyamanabhiGYa.n cha nArINAmArjave ratam .. 25..\\
sa chedavataredrAjanviShaya.n te mahAtapAH . 
sadyaH pravarShetparjanya iti me nAtra saMshayaH .. 26..\\
etachchhrutvA vacho rAjankR^itvA niskR^itimAtmanaH . 
sa gatvA punarAgachchhatprasanneShu dvijAtiShu . 
rAjAnamAgata.n dR^iShTvA pratisa~njagR^ihuH prajAH .. 27..\\
tato.a~NgapatirAhUya sachivAnmantrakovidAn . 
R^ishya shR^i~NgAgame yatnamakaronmantranishchaye .. 28..\\
so.adhyagachchhadupAya.n tu tairamAtyaiH sahAchyutaH . 
shAstraGYairalamarthaGYairnItyA.n cha pariniShThitaiH .. 29..\\
tata AnAyayAmAsa vAra mukhyA mahIpatiH . 
vaishyAH sarvatra niShNAtAstA uvAcha sa pArthivaH .. 30..\\
R^ishya shR^i~NgamR^iSheH putramAnayadhvamupAyataH . 
lobhayitvAbhivishvAsya viShayaM mama shobhanAH .. 31..\\
tA rAjabhayabhItAshcha shApabhItAshcha yoShitaH . 
ashakyamUchustatkArya.n vi varNA gatachetasaH .. 32..\\
tatra tvekA jaradyoShA rAjAnamidamabravIt . 
prayatiShye mahArAja tamAnetu.n tapodhanam .. 33..\\
abhipretA.nstu me kAmAnsamanuGYAtumarhasi . 
tataH shakShye lobhayitumR^ishya shR^i~NgamR^iSheH sutam .. 34..\\
tasyAH sarvamabhiprAyamanvajAnAtsa pArthivaH . 
dhana.n cha pradadau bhUri ratnAni vividhAni cha .. 35..\\
tato rUpeNa sampannA vayasA cha mahIpate . 
striya AdAya kAshchitsA jagAma vanama~njasA .. 36..\\
\medskip\hrule\medskip\centerline{\Largedvng 111}
 lomaza

sA tu nAvyAshrama.n chakre rAjakAryArtha siddhaye . 
sandeshAchchaiva nR^ipateH svabuddhyA chaiva bhArata .. 1..\\
nAnApuShpaphalairvR^ikShaiH kR^itrimairupashobhitam . 
nAnAgulmalatopaitaiH svAdu kAmaphalapradaiH .. 2..\\
atIva ramaNIya.n tadatIva cha manoharam . 
chakre nAvyAshrama.n ramyamadbhutopamadarshanam .. 3..\\
tato nibadhya tAM nAvamadUre kAshyapAshramAt . 
chArayAmAsa puruShairvihAra.n tasya vai muneH .. 4..\\
tato duhitara.n veshyA samAdhAyeti kR^ityatAm . 
dR^iShTvAntara.n kAshyapasya prAhiNodbuddhisaMmatAm .. 5..\\
sA tatra gatvA kushalA taponityasya saMnidhau . 
Ashrama.n ta.n samAsAdya dadarsha tamR^iSheH sutam .. 6..\\

 vezyaa

kachchinmune kushala.n tApasAnAM 
kachchichcha vo mUlaphalaM prabhUtam . 
kachchidbhavAnramate chAshrame.asmi.ns 
tvA.n vai draShTuM sAmpratamAgato.asmi .. 7..\\
kachchittapo vardhate tApasAnAM 
pitA cha te kachchidahIna tejAH . 
kachchittvayA prIyate chaiva vipra 
kachchitsvAdhyAyaH kriyata R^ishya shR^i~Nga .. 8..\\

 r

R^iddho bhavA~njyotiriva prakAshate 
manye chAha.n tvAmabhivAdanIyam . 
pAdya.n vai te sampradAsyAmi kAmAd 
yathA dharmaM phalamUlAni chaiva .. 9..\\
kaushyAM bR^isyAmAssva yathopajoShaM 
kR^iShNAjinenAvR^itAyA.n sukhAyAm . 
kva chAshramastava kiMnAma chedaM 
vrataM brahmaMsh charasi hi deva vattvam .. 10..\\

 vezyaa

mamAshramaH kAshyapa putra ramyas 
triyojana.n shailamimaM pareNa . 
tatra svadharmo.anabhivAnadaM no 
na chodakaM pAdyamupaspR^ishAmaH .. 11..\\

 r

phalAni pakvAni dadAni te.ahaM 
bhallAtakAnyAmalakAni chaiva . 
parUShakANI~Nguda dhanvanAni 
priyAlAnA.n kAmakAraM kuruShva .. 12..\\

 l

sA tAni sarvANi visarjayitvA 
bhakShAnmahArhAnpradadau tato.asmai . 
tAnyR^ishya shR^i~Ngasya mahArasAni 
bhR^isha.n surUpANi ruchi.n dadurhi .. 13..\\
dadau cha mAlyAni sugandhavanti 
chitrANi vAsA.nsi cha bhAnumanti . 
pAnAni chAgryANi tato mumoda 
chikrIDa chaiva prajahAsa chaiva .. 14..\\
sA kandukenAramatAsya mUle 
vibhajyamAnA phalitA lateva . 
gAtraishcha gAtrANi niShevamANA 
samAshliShachchAsakR^idR^ishya shR^i~Ngam .. 15..\\
sarjAnashokA.nstilakAMshcha vR^ikShAn 
prapuShpitAnavanAmyAvabhajya . 
vilajjamAneva madAbhibhUtA 
pralobhayAmAsa sutaM maharSheH .. 16..\\
atharshya shR^i~Nga.n vikR^itaM samIkShya 
punaH punaH pIDya cha kAyamasya . 
avekShamANA shanakirjagAma 
kR^itvAgnihotrasya tadApadesham .. 17..\\
tasyA.n gatAyAM madanena matto 
vi chetanashchAbhavadR^ishya shR^i~NgaH . 
tAmeva bhAvena gatena shUnyo 
viniHshvasannArtarUpo babhUva .. 18..\\
tato muhUrtAddhari pi~NgalAkShaH 
praveShTito romabhirA nakhAgrAt . 
svAdhyAyavAnvR^ittasamAdhi yukto 
vibhANDakaH kAshyapaH prAdurAsIt .. 19..\\
so.apashyadAsInamupetya putraM 
dhyAyantameka.n viparItachittam . 
viniHshvasantaM muhurUrdhvadR^iShTiM 
vibhANDakaH putramuvAcha dInam .. 20..\\
na kalpyante samidhaH kiM nu tAta 
kachchiddhuta.n chAgnihotraM tvayAdya . 
sunirnikta.n sruksruvaM homadhenuH 
kachchitsa vatsA cha kR^itA tvayAdya .. 21..\\
na vai yathApUrvamivAsi putra 
chintAparashchAsi vi chetanash cha . 
dIno.ati mAtra.n tvamihAdya kiM nu 
pR^ichchhAmi tvA.n ka ihAdyAgato.abhUt .. 22..\\
\medskip\hrule\medskip\centerline{\Largedvng 112}
 r

ihAgato jaTilo brahma chArI 
na vai hrasvo nAtidIrgho mano vI . 
suvarNavarNaH kamalAyatAkShaH 
sutaH surANAmiva shobhamAnaH .. 1..\\
samR^iddharUpaH saviteva dIptaH 
sushuklakR^iShNAkSha tarashchakoraiH . 
nIlAH prasannAshcha jaTAH sugandhA 
hiraNyarajju grathitAH sudIrghAH .. 2..\\
AdhAra rUpA punarasya kaNThe 
vibhrAjate vidyudivAntarikShe . 
dvau chAsya piNDAvadhareNa kaNTham 
ajAtaromau sumanoharau cha .. 3..\\
vilagnamadhyashcha sa nAbhideshe 
katishcha tasyAtikR^ita pramANA . 
athAsya chIrAntaritA prabhAti 
hiranmayI mekhalA me yatheyam .. 4..\\
anyachcha tasyAdbhuta darshanIyaM 
vikUjitaM pAdayoH samprabhAti . 
pANyosh cha tadvatsvanavannibaddhau 
kalApakAvakShamAlA yatheyam .. 5..\\
vicheShTamAnasya cha tasya tAni 
kUjanti ha.nsA sarasIva mattAH . 
chIrANi tasyAdbhuta darshanAni 
nemAni tadvanmama rUpavanti .. 6..\\
vaktra.n cha tasyAdbhuta darshanIyaM 
pravyAhR^ita.n hlAdayatIva chetaH . 
pu.nskokilasyeva cha tasya vANI 
tA.n shR^iNvato me vyathito.antarAtmA .. 7..\\
yathA vanaM mAdhava mAsi madhye 
samIrita.n shvasanenAbhivAti . 
tathA sa vAtyuttamapuNyagandhI 
niShevyamANaH pavanena tAta .. 8..\\
susa.nyatAshchApi jaTA vibhaktA 
dvaidhI kR^itA bhAnti samA lalATe . 
karNau cha chitrairiva chakravAlaiH 
samAvR^itau tasya surUpavadbhiH .. 9..\\
tathA phala.n vR^ittamatho vi chitraM 
samAhanatpANinA dakShiNena . 
tadbhUmimAsAdya punaH punash cha 
samutpatatyadbhutarUpamuchchaiH .. 10..\\
tachchApi hatvA parivartate.asau 
vAterito vR^ikSha ivAvaghUrNaH . 
taM prekShya me putramivAmarANAM 
prItiH parA tAta ratishcha jAtA .. 11..\\
sa me samAshliShya punaH sharIraM 
jaTAsu gR^ihyAbhyavanAmya vaktram . 
vaktreNa vaktraM praNidhAya shabdaM 
chakAra tanme.ajanayatpraharSham .. 12..\\
na chApi pAdyaM bahumanyate.asau 
phalAni chemAni mayAhR^itAni . 
eva.n vrato.asmIti cha mAm avochat 
phalAni chAnyAni navAnyadAnme .. 13..\\
mayopayuktAni phalAni tAni 
nemAni tulyAni rasena teShAm . 
na chApi teShA.n tvagiya.n yathaiShAM 
sArANi naiShAmiva santi teShAm .. 14..\\
toyAni chaivAti rasAni mahyaM 
prAdAtsa vai pAtumudArarUpaH . 
pItvaiva yAnyabhyadhikaH praharSho 
mamAbhavadbhUshchaliteva chAsIt .. 15..\\
imAni chitrANi cha gandhavanti 
mAlyAni tasyodgrathitAni paTTaiH . 
yAni prakIryeha gataH svameva 
sa Ashrama.n tapasA dyotamAnaH .. 16..\\
gatena tenAsmi kR^ito vi chetA 
gAtra.n cha me samparitapyatIva . 
ichchhAmi tasyAntikamAshu gantuM 
ta.n cheha nityaM parivartamAnam .. 17..\\
gachchhAmi tasyAntikameva tAta 
kA nAma sA vratacharyA cha tasya . 
ichchhAmyaha.n charituM tena sArdhaM 
yathA tapaH sa charatyugrakarmA .. 18..\\
\medskip\hrule\medskip\centerline{\Largedvng 113}
 vibhaand

rakShA.nsi chaitAni charanti putra 
rUpeNa tenAdbhuta darshanena . 
atulyarUpANyati ghoravanti 
vighna.n sadA tapasash chintayanti .. 1..\\
surUparUpANi cha tAni tAta 
pralobhayante vividhairupAyaiH . 
sukhAchcha lokAchcha nipAtayanti 
tAnyugrakarmANi munInvaneShu .. 2..\\
na tAni seveta muniryatAtmA 
satA.n lokAnprArthayAnaH katha.n chit . 
kR^itvA vighna.n tApasAnA.n ramante 
pApAchArAstapasastAnyapApa .. 3..\\
asajjanenAcharitAni putra 
pApAnyapeyAni madhUni tAni . 
mAlyAni chaitAni na vai munInAM 
smR^itAni chitrojjvala gandhavanti .. 4..\\

 lomaza

rakShA.nsi tAnIti nivArya putraM 
vibhANDakastAM mR^igayAM babhUva . 
nAsAdayAmAsa yadA tryaheNa 
tadA sa paryAvavR^ite.a.ashramAya .. 5..\\
yadA punaH kAshyapo vai jagAma 
phalAnyAhartu.n vidhinA shrAmaNena . 
tadA punarlobhayitu.n jagAma 
sA vesha yoShA munimR^ishya shR^i~Ngam .. 6..\\
dR^iShTvaiva tAmR^ishya shR^i~NgaH prahR^iShTaH 
sambhAnta rUpo.abhyapatattadAnIm . 
provAcha chainAM bhavato.a.ashramAya 
gachchhAva yAvanna pitA mameti .. 7..\\
tato rAjankAshyapasyaika putraM 
praveshya yogena vimuchya nAvam . 
pralobhayantyo vividhairupAyair 
Ajagmura~NgAdhipateH samIpam .. 8..\\
sa.nsthApya tAmAshramadarshane tu 
santAritAM nAvamatIva shubhrAm . 
tIrAdupAdAya tathaiva chakre 
rAjAshramaM nAma vana.n vi chitram .. 9..\\
antaHpure ta.n tu niveshya rAjA 
vibhANDakasyAtma jamekaputram . 
dadarsha deva.n sahasA praviShTam 
ApUryamANa.n cha jagajjalena .. 10..\\
sa loma pAdaH paripUrNakAmaH 
sutA.n dadAvR^ishya shR^i~NgAya shAntAm . 
krodhapratIkAra kara.n cha chakre 
gobhishcha mArgeShvabhikarShaNa.n cha .. 11..\\
vibhANDakasyAvrajataH sa rAjA 
pashUnprabhUtAnpashupAMshcha vIrAn . 
samAdishatputra gR^idhI maharShir 
vibhANDakaH paripR^ichchhedyadA vaH .. 12..\\
sa vaktavyaH prA~njalibhirbhavadbhiH 
putrasya te pashavaH karShaNa.n cha . 
ki.n te priya.n vai kriyatAM maharShe 
dAsAH sma sarve tava vAchi baddhAH .. 13..\\
athopAyAtsa munishchaNDakopaH 
svamAshramaM phalamUlAni gR^ihya . 
anveShamANashcha na tatra putraM 
dadarsha chukrodha tato bhR^isha.n saH .. 14..\\
tataH sa kopena vidIryamANa 
Asha~NkamAno nR^ipatervidhAnam . 
jagAma champAM pradidakShamANas 
tama~NgarAja.n viShaya.n cha tasya .. 15..\\
sa vai shrAntaH kShudhitaH kAshyapastAn 
ghoShAnsamAsAditavAnsamR^iddhAn . 
gopaishcha tairvidhivatpUjyamAno 
rAjeva tA.n rAtrimuvAcha tatra .. 16..\\
samprApya satkAramatIva tebhyaH 
provAcha kasya prathitAH stha saumyAH . 
Uchurtataste.abhyupagamya sarve 
dhana.n taveda.n vihitaM sutasya .. 17..\\
deshe tu deshe tu sa pUjyamAnas 
tAMshchaiva shR^iNvanmadhurAnpralApAn . 
prashAntabhUyiShTha rajAH prahR^iShTaH 
samAsasAdA~NgapatiM purastham .. 18..\\
sampUjitastena nararShabheNa 
dadarsha putra.n divi deva.n yathendram . 
shAntA.n snuShA.n chaiva dadarsha tatra 
saudAminImuchcharantI.n yathaiva .. 19..\\
grAmAMshcha ghoShAMshcha suta.n cha dR^iShTvA 
shAntA.n cha shAnto.asya paraH sa kopaH . 
chakAra tasmai paramaM prasAdaM 
vibhANDako bhUmipaternarendra .. 20..\\
sa tatra nikShipya sutaM maharShir 
uvAcha sUryAgnisamaprabhAvam . 
jAte putre vanamevAvrajethA 
rAGYaH priyANyasya sarvANi kR^itvA .. 21..\\
sa tadvachaH kR^itavAnR^ishya shR^i~Ngo 
yayau cha yatrAsya pitA babhUva . 
shAntA chainaM paryacharadyathA vat 
khe rohiNI somamivAnukUlA .. 22..\\
arundhatI vA subhagA vasiShThaM 
lopAmudrA vApi yathA hyagastyam . 
nalasya vA damayantI yathAbhUd 
yathA shachI vajradharasya chaiva .. 23..\\
nADAyanI chendrasenA yathaiva 
vashyA nityaM mudgalasyAjamIDha . 
tathA shAntA R^ishya shR^i~Nga.n vanasthaM 
prItyA yuktA paryacharannarendra .. 24..\\
tasyAshramaH puNya eSho vibhAti 
mahAhrada.n shobhayanpuNyakIrtiH . 
atra snAtaH kR^itakR^ityo vishuddhas 
tIrthAnyanyAnyanusa.nyAhi rAjan .. 25..\\
\medskip\hrule\medskip\centerline{\Largedvng 114}
 vai

tataH prayAtaH kaushikyAH pANDavo janamejaya . 
AnupUrvyeNa sarvANi jagAmAyatanAnyuta .. 1..\\
sa sAgara.n samAsAdya ga~NgAyAH sa~Ngame nR^ipa . 
nadIshatAnAM pa~nchAnAM madhye chakre samAplavam .. 2..\\
tataH samudratIreNa jagAma vasu dhAdhipaH . 
bhrAtR^ibhiH sahito vIraH kali~NgAnprati bhArata .. 3..\\

 l

ete kali~NgAH kaunteya yatra vaitaraNI nadI . 
yatrAyajata dharmo.api devA~nsharaNametya vai .. 4..\\
R^iShibhiH samupAyukta.n yaGYiya.n girishobhitam . 
uttara.n tIrametaddhi satataM dvija sevitam .. 5..\\
samena deva yAnena pathA svargamupeyusaH . 
atra vai R^iShayo.anye.api purA kratubhirIjire .. 6..\\
atraiva rudro rAjendra pashumAdattavAnmakhe . 
rudraH pashuM mAnavendra bhAgo.ayamiti chAbravIt .. 7..\\
hR^ite pashau tadA devAstamUchurbharatarShabha . 
mA parasvamabhidrogdhA mA dharmAnsakalAnnashIH .. 8..\\
tataH kalyANa rUpAbhirvAgbhiste rudramastuvan . 
iShTyA chaina.n tarpayitvA mAnayAM chakrire tadA .. 9..\\
tataH sa pashumutsR^ijya deva yAnena jagmivAn . 
atrAnuvaMsho rudrasya taM nibodha yudhiShThira .. 10..\\
ayAta yAma.n sarvebhyo bhAgebhyo bhAgamuttamam . 
devAH sa~NkalpayAmAsurbhayAdrudrasya shAshvatam .. 11..\\
imA.n gAthAmatra gAyanapaH spR^ishati yo naraH . 
deva yAnastasya panthAshchakShushchaiva prakAshate .. 12..\\

 v

tato vaitaraNI.n sarve pANDavA draupadI tathA . 
avatIrya mahAbhAgA tarpayA.n chakrire pitR^In .. 13..\\

 y

upaspR^ishyaiva bhagavannasyAM nadyA.n tapodhana . 
mAnuShAdasmi viShayAdapaitaH pashya lomasha .. 14..\\
sarvA.NllokAnprapashyAmi prasAdAttava suvrata . 
vaikhAnasAnA.n japatAmeSha shabdo mahAtmanAm .. 15..\\

 l

trishata.n vai sahasrANi yojanAnAM yudhiShThira . 
yatra dhvani.n shR^iNoShyena.n tUShNImAssva vishAM pate .. 16..\\
etatsvayaM bhuvo rAjanvana.n ramyaM prakAshate . 
yatrAyajata kaunteya vishvakarmA pratApavAn .. 17..\\
yasminyaGYe hi bhUrdattA kashyapAya mahAtmane . 
sa parvata vanoddeshA dakShiNA vai svayaM bhuvA .. 18..\\
avAsIdachcha kaunteya dattamAtrA mahI tadA . 
uvAcha chApi kupitA lokeshvaramidaM prabhum .. 19..\\
na mAM martyAya bhagavankasmai chiddAtumarhasi . 
pradAnaM moghametatte yAsyAmyeShA rasAtalam .. 20..\\
visIdantI.n tu tAM dR^iShTvA kashpayo bhagavAnR^iShiH . 
prasAdayAM babhUvAtha tato bhUmi.n vishAM pate .. 21..\\
tataH prasannA pR^ithivI tapasA tasya pANDava . 
punarunmajjya salilAdvedI rUpAsthitA babhau .. 22..\\
saiShA prakAshate rAjanvedI sa.nsthAna lakShaNA . 
AruhyAtra mahArAja vIryavAnvai bhaviShyasi .. 23..\\
aha.n cha te svastyayanaM prayokShye 
yathA tvamenAmadhirokShyase.adya . 
spR^iShTA hi martyena tataH samudram 
eShA vedI pravishatyAjamIDha .. 24..\\
agnirmitro yonirApo.atha devyo 
viShNo retastvamamR^itasya nAbhiH . 
evaM bruvanpANDava satyavAkyaM 
vedImimA.n tvaM tarasAdhiroha .. 25..\\

 v

tataH kR^itasvastyayano mahAtmA 
yudhiShThiraH sAgaragAm agachchhat . 
kR^itvA cha tachchhAsanamasya sarvaM 
mahendramAsAdya nishAmuvAsa .. 26..\\
\medskip\hrule\medskip\centerline{\Largedvng 115}
 v

sa tatra tAmuShitvaikA.n rajanIM pR^ithivIpatiH . 
tApasAnAM para.n chakre satkAraM bhrAtR^ibhiH saha .. 1..\\
lomashashchAsya tAnsarvAnAchakhyau tatra tApasAn . 
bhR^igUna~Ngirasashchaiva vAsiShThAnatha kAshyapAn .. 2..\\
tAnsametya sa rAjarShirabhivAdya kR^itA~njaliH . 
rAmasyAnuchara.n vIramapR^ichchhadakR^itavraNam .. 3..\\
kadA nu rAmo bhaga vA.nstApasAndarshayiShyati . 
tenaivAhaM prasa~Ngena draShTumichchhAmi bhArgavam .. 4..\\

 ak

AyAnevAsi vidito rAmasya viditAtmanaH . 
prItistvayi cha rAmasya kShipra.n tvAM darshayiShyati .. 5..\\
chaturdashImaShTamI.n cha rAmaM pashyanti tApasAH . 
asyA.n rAtryAM vyatItAyAM bhavitrI cha chaturdashI .. 6..\\

 y

bhavAnanugato vIra.n jAmadagnyaM mahAbalam . 
pratyakShadarshI sarvasya pUrvavR^ittasya karmaNAH .. 7..\\
sa bhavAnkathayatvetadyathA rAmeNa nirjitAH . 
Ahave kShatriyAH sarve katha.n kena cha hetunA .. 8..\\

 ak

kanyakubje mahAnAsItpArthivaH sumahAbalaH . 
gAdhIti vishruto loke vanavAsa.n jagAma saH .. 9..\\
vane tu tasya vasataH kanyA jaGYe.apsaraH samA . 
R^ichIko bhArgavastA.n cha varayAmAsa bhArata .. 10..\\
tamuvAcha tato rAjA brAhmaNa.n saMshitavratam . 
uchitaM naH kule ki.n chitpUrvairyatsampravartitam .. 11..\\
ekataH shyAma karNAnAM pANDurANA.n taro vinAm . 
sahasra.n vAjinAM shulkamiti viddhi dvijottama .. 12..\\
na chApi bhagavAnvAchyo dIyatAmiti bhArgava . 
deyA me duhitA cheya.n tvadvidhAya mahAtmane .. 13..\\

 rch

ekataH shyAma karNAnAM pANDurANA.n taro vinAm . 
dAsyAmyashvasahasra.n te mama bhAryA sutAstu te .. 14..\\

 ak

sa tatheti pratiGYAya rAjanvaruNamabravIt . 
ekataH shyAma karNAnAM pANDurANA.n taro vinAm . 
sahasra.n vAjinAmekaM shulkArthaM me pradIyatAm .. 15..\\
tasmai prAdAtsahasra.n vai vAjinAM varuNastadA . 
tadashvatIrtha.n vikhyAtamutthitA yatra te hayAH .. 16..\\
ga~NgAyA.n kanyakubje vai dadau satyavatIM tadA . 
tato gAdhiH sutA.n tasmai janyAshchAsansurAstadA . 
labdhvA hayasahasra.n tu tAMshcha dR^iShTvA divaukasaH .. 17..\\
dharmeNa labdhvA tAM bhAryAmR^ichIko dvijasattamaH . 
yathAkAma.n yathAjoSha.n tayA reme sumadhyayA .. 18..\\
ta.n vivAhe kR^ite rAjansabhAryamavalokakaH . 
AjagAma bhR^igushreShThaH putra.n dR^iShTvA nananda cha .. 19..\\
bhAryA patI tamAsIna.n guru.n suragaNArchitam . 
architvA paryupAsInau prA~njalItasthatustadA .. 20..\\
tataH snuShA.n sa bhagavAnprahR^iShTo bhR^igurabravIt . 
vara.n vR^iNIShva subhage dAtA hyasmi tavepsitam .. 21..\\
sA vai prasAdayAmAsa ta.n guruM putrakAraNAt . 
Atmanashchaiva mAtushcha prasAda.n cha chakAra saH .. 22..\\

 bhr

R^itau tva.n chaiva mAtA cha snAte pu.nsavanAya vai . 
Ali~NgetAM pR^ithagvR^ikShau sAshvattha.n tvamudumbaram .. 23..\\
Ali~Ngane tu te rAjaMshchakratuH sma viparyayam . 
kadA chidbhR^igurAgachchhatta.n cha veda viparyayam .. 24..\\
athovAcha mahAtejo bhR^iguH satyavatI.n snuShAm . 
brAhmaNaH kShatravR^ittirvai tava putro bhaviShyati .. 25..\\
kShatriyo brAhmaNAchAro mAtustava suto mahAn . 
bhaviShyati mahAvIryaH sAdhUnAM mArgamAsthitaH .. 26..\\
tataH prasAdayAmAsa shvashura.n sA punaH punaH . 
na me putro bhavedIdR^ikkAmaM pautro bhavediti .. 27..\\
evamastviti sA tena pANDava pratinanditA . 
jamadagni.n tataH putra.n sA jaGYe kAla Agate . 
tejasA varchasA vaicha yuktaM bhArgavanandanam .. 28..\\
sa vardhamAnastejo vI vedasyAdhyayanena vai . 
bahUnR^iShInmahAtejAH pANDaveyAtyavartata .. 29..\\
ta.n tu kR^itsno dhanurvedaH pratyabhAdbharatarShabha . 
chaturvidhAni chAstrANi bhAH karopama varchasam .. 30..\\
\medskip\hrule\medskip\centerline{\Largedvng 116}
 ak

sa vedAdhyayane yukto jamadagnirmahAtapaH . 
tapastepe tato devAnniyamAdvashamAnayat .. 1..\\
sa prasenajita.n rAjannadhigamya narAdhipam . 
reNukA.n varayAmAsa sa cha tasmai dadau nR^ipaH .. 2..\\
reNukA.n tvatha samprApya bhAryAM bhArgavanandanaH . 
AshramasthastayA sArdha.n tapastepe.anukUlayA .. 3..\\
tasyAH kumArAshchatvAro jaGYire rAma pa~nchamAH . 
sarveShAmajaghanyastu rAma AsIjjaghanyajaH .. 4..\\
phalAhAreShu sarveShu gateShvatha suteShu vai . 
reNukA snAtumagamatkadA chinniyatavratA .. 5..\\
sA tu chitrarathaM nAma mArttikAvatakaM nR^ipam . 
dadarsha reNukA rAjannAgachchhantI yadR^ichchhayA .. 6..\\
krIDanta.n salile dR^iShTvA sabhAryaM padmamAlinam . 
R^iddhimanta.n tatastasya spR^ihayAmAsa reNukA .. 7..\\
vyabhichArAttu sA tasmAtklinnAmbhasi vi chetanA . 
praviveshAshrama.n trastA tA.n vai bhartAnvabudhyata .. 8..\\
sa tA.n dR^iShTvA chyutAM dhairyAdbrAhmyA lakShmyA vivarjitAm . 
dhikshabdena mahAtejA garhayAmAsa vIryavAn .. 9..\\
tato jyeShTho jAmadagnyo rumaNvAnnAma nAma taH . 
AjagAma suSheNashcha vasurvishvAvasustathA .. 10..\\
tAnAnupUrvyAdbhagavAnvadhe mAturachodayat . 
na cha te jAtasaMmohAH ki.n chidUchurvi chetasaH .. 11..\\
tataH shashApa tAnkopAtte shaptAshchetanA.n jahuH . 
mR^igapakShisa dharmANaH kShipramAsa~njaDopamAH .. 12..\\
tato rAmo.abhyagAtpashchAdAshramaM paravIra hA . 
tamuvAcha mahAmanyurjamadagnirmahAtapAH .. 13..\\
jahImAM mAtaraM pApAM mA cha putra vyathA.n kR^ithAH . 
tata AdAya parashu.n rAmo mAtuH shiro.aharat .. 14..\\
tatastasya mahArAja jamadagnermahAtmanaH . 
kopo agachchhatsahasA prasannashchAbravIdidam .. 15..\\
mameda.n vachanAttAta kR^ita.n te karma duShkaram . 
vR^iNIShva kAmAndharmaGYa yAvato vA~nchhase hR^idA .. 16..\\
sa vavre mAturutthAnamasmR^iti.n cha vadhasya vai . 
pApena tena chAsparshaM bhrAtR^INAM prakR^iti.n tathA .. 17..\\
apratidvandva tA.n yuddhe dIrghamAyushcha bhArata . 
dadau cha sarvAnkAmA.nstA~njamadagnirmahAtapAH .. 18..\\
kadA chittu tathaivAsya viniShkrAntAH sutAH prabho . 
athAnUpa patirvIraH kArtavIryo.abhyavartata .. 19..\\
tamAshramapadaM prAptamR^iSherbhAryAsamarchayat . 
sa yuddhamadasaMmatto nAbhyanandattathArchanam .. 20..\\
pramathya chAshramAttasmAddhoma dhenvAstadA balAt . 
jahAra vatsa.n kroshantyA babha~nja cha mahAdrumAn .. 21..\\
AgatAya cha rAmAya tadAchaShTa pitA svayam . 
gA.n cha rorUyatIM dR^iShTvA kopo rAma samAvishat .. 22..\\
sa manyuvashamApannaH kArtavIryamupAdravat . 
tasyAtha yudhi vikramya bhArgavaH paravIra hA .. 23..\\
chichchheda nishitairbhallairbAhUnparighasaMnibhAn . 
sahasrasaMmitAnrAjanpragR^ihya ruchira.n dhanuH .. 24..\\
arjunasyAtha dAyA dA rAmeNa kR^itamanyavaH . 
Ashramastha.n vinA rAma.n jamadagnimupAdravan .. 25..\\
te ta.n jaghnurmahAvIryamayudhyantaM tapo vinam . 
asakR^idrAma rAmeti vikroshantamanAthavat .. 26..\\
kArtavIryasya putrAstu jamadagni.n yudhiShThira . 
ghAtayitvA sharairjagmuryathAgatamarindamAH .. 27..\\
apakrAnteShu chaiteShu jamadagnau tathAgate . 
samitpANirupAgachchhadAshramaM bhR^igunandanaH .. 28..\\
sa dR^iShTvA pitara.n vIrastathA mR^ityuvasha.n gatam . 
anarhanta.n tathA bhUta.n vilalApa suduHkhitaH .. 29..\\
\medskip\hrule\medskip\centerline{\Largedvng 117}
 r

mamAparAdhAttaiH kShudrairhatastva.n tAta bAlishaiH . 
kArtavIryasya dAyA dairvane mR^iga iveShubhiH .. 1..\\
dharmaGYasya katha.n tAta vartamAnasya satpathe . 
mR^ityureva.nvidho yuktaH sarvabhUteShvanAgasaH .. 2..\\
kiM nu tairna kR^itaM pApa.n yairbhavA.nstapasi sthitaH . 
ayudhyamAno vR^iddhaH sanhataH sharashataiH shitaiH .. 3..\\
kiM nu te tatra vakShyanti sachiveShu suhR^itsu cha . 
ayudhyamAna.n dharmaGYameka.n hatvAnapatrapAH .. 4..\\

 ak

vilapyaiva.n sa karuNaM bahu nAnAvidhaM nR^ipa . 
pretakAryANi sarvANi pitushchakre mahAtapAH .. 5..\\
dadAha pitara.n chAgnau rAmaH parapura~njayaH . 
pratijaGYe vadha.n chApi sarvakShatrasya bhArata .. 6..\\
sa~Nkruddho.ati balaH shUraH shastramAdAya vIryavAn . 
jaghnivAnkArtavIryasya sutAneko.antakopamaH .. 7..\\
teShA.n chAnugatA ye cha kShatriyAH kShatriyarShabha . 
tAMshcha sarvAnavAmR^idnAdrAmaH praharatA.n varaH .. 8..\\
triH saptakR^itvaH pR^ithivI.n kR^itvA niH kShatriyAM prabhuH . 
samantapa~nchake pa~ncha chakAra rudhirahradAn .. 9..\\
sa teShu tarpayAmAsa pitR^InbhR^igukulodvahaH . 
sAkShAddadarsha charchIka.n sa cha rAmaM nyavArayat .. 10..\\
tato yaGYena mahatA jAmadagnyaH pratApavAn . 
tarpayAmAsa devendramR^itvigbhyashcha mahI.n dadau .. 11..\\
vedI.n chApyadadaddhaimIM kashyapAya mahAtmane . 
dashavyAmAyatA.n kR^itvA navotsedhA.n vishAM pate .. 12..\\
tA.n kashyapasyAnumate brAhmaNAH khanda shastadA . 
vyabhaja.nstena te rAjanprakhyAtAH khAndavAyanAH .. 13..\\
sa pradAya mahI.n tasmai kashyapAya mahAtmane . 
asminmahendre shailendre vasatyamitavikramaH .. 14..\\
eva.n vairamabhUttasya kShatriyairlokavAsibhiH . 
pR^ithivI chApi vijitA rAmeNAmitatejasA .. 15..\\

 v

tatashchaturdashI.n rAmaH samayena mahAmanAH . 
darshayAmAsa tAnviprAndharmarAja.n cha sAnujam .. 16..\\
sa tamAnarcha rAjendro bhrAtR^ibhiH sahitaH prabhuH . 
dvijAnA.n cha parAM pUjAM chakre nR^ipatisattamaH .. 17..\\
archayitvA jAmadagnyaM pUjitastena chAbhibhUH . 
mahendra uShya tA.n rAtriM prayayau dakShiNAmukhaH .. 18..\\
\medskip\hrule\medskip\centerline{\Largedvng 118}
 v

gachchhansa tIrthAni mahAnubhAvaH 
puNyAni ramyANi dadarsha rAjA . 
sarvANi viprairupashobhitAni 
kva chitkva chidbhArata sAgarasya .. 1..\\
sa vR^ittavA.nsteShu kR^itAbhiShekaH 
sahAnujaH pArthiva putrapautraH . 
samudragAM puNyatamAM prashastAM 
jagAma pArikShita pANDuputraH .. 2..\\
tatrApi chAplutya mahAnubhAvaH 
santarpayAmAsa pitR^InsurAMsh cha . 
dvijAtimukhyeShu dhana.n visR^ijya 
godAvari.n sAgaragAm agachchhat .. 3..\\
tato vi pApmA draviDeShu rAjan 
amudramAsAdya cha lokapuNyam . 
agastyatIrtha.n cha pavitrapuNyaM 
nArI tIrthAnyatha vIro dadarsha .. 4..\\
tatrArjunasyAgrya dhanurdharasya 
nishamya tatkarma parairasahyam . 
sampUjyamAnaH paramarShisa~NghaiH 
parAM mudaM pANDusutaH sa lebhe .. 5..\\
sa teShu tIrtheShvabhiShikta gAtraH 
kR^iShNA sahAyaH sahito.anujaish cha . 
sampUjayanvikramamarjunasya 
reme mahIpAla patiH pR^ithivyAm .. 6..\\
tataH sahasrANi gavAM pradAya 
tIrtheShu teShvambudharottamasya . 
hR^iShTaH saha bhrAtR^ibhirarjunasya 
sa~NkIrtayAmAsa gavAM pradAnam .. 7..\\
sa tAni tIrthAni cha sAgarasya 
puNyAni chAnyAni bahUni rAjan . 
krameNa gachchhanparipUrNakAmaH 
shUrpArakaM puNyatama.n dadarsha .. 8..\\
tatrodadheH ka.n chidatItya deshaM 
khyAtaM pR^ithivyA.n vanamAsasAda . 
tapta.n surairyatra tapaH purastAd 
iShTa.n tathA puNyatamairnarendraiH .. 9..\\
sa tatra tAm agryadhanurdharasya 
vedI.n dadarshAyatapInabAhuH . 
R^ichIka putrasya tapo vi sa~NghaiH 
samAvR^itAM puNyakR^idarchanIyAm .. 10..\\
tato vasUnA.n vasu dhAdhipaH sa 
marudgaNAnA.n cha tathAshvinosh cha . 
vaivasvatAditya dhaneshvarANAm 
indrasya viShNorsaviturvibhorcha .. 11..\\
bhagasya chandrasya divAkarasya 
paterapA.n sAdhya gaNasya chaiva . 
dhAtuH pitR^INA.n cha tathA mahAtmA 
rudrasya rAjansagaNasya chaiva .. 12..\\
saro vatyAH siddhagaNasya chaiva 
pUShNashcha ye chApyamarAstathAnye . 
puNyAni chApyAyatanAni teShAM 
dadarsha rAjA sumanoharANi .. 13..\\
teShUpavAsAnvividhAnupoShya 
dattvA cha ratnAni mahAdhanAni . 
tIrtheShu sarveShu pariplutA~NgaH 
punaH sa shUrpArakamAjagAma .. 14..\\
sa tena tIrthena tu sAgarasya 
punaH prayAtaH saha sodarIyaiH . 
dvijaiH pR^ithivyAM prathitaM mahadbhis 
tIrthaM prabhAsa.n samupAjagAma .. 15..\\
tatrAbhiShiktaH pR^ithu lohitAkShaH 
sahAnujairdevagaNAnpitR^IMsh cha . 
santarpayAmAsa tathaiva kR^iShNA 
te chApi viprAH saha lomashena .. 16..\\
sa dvAdashAha.n jalavAyubhakShaH 
kurvankShapAhaHsu tadAbhiShekam . 
samantato.agnInupadIpayitvA 
tepe tapo dharmabhR^itA.n variShThaH .. 17..\\
tamugramAsthAya tapashcharantaM 
shushrAva rAmashcha janArdanash cha . 
tau sarvavR^iShNipravarau sa sainyau 
yudhiShThira.n jagmaturAjamIDham .. 18..\\
te vR^iShNayaH pANDusutAnsamIkShya 
bhUmau shayAnAnmaladigdha gAtrAn . 
anarhatI.n draupadIM chApi dR^iShTvA 
suduHkhitAshchukrushurArtanAdam .. 19..\\
tataH sa rAma.n cha janArdanaM cha 
kArShNi.n cha sAmbaM cha shinesh cha pautram . 
anyAMshcha vR^iShNInupagamya pUjAM 
chakre yathA dharmamadInasattvaH .. 20..\\
te chApi sarvAnpratipUjya pArthA.ns 
taiH satkR^itAH pANDusutaistathaiva . 
yudhiShThira.n samparivArya rAjann 
upAvishandevagaNA yathendram .. 21..\\
teShA.n sa sarva.n charitaM pareShAM 
vane cha vAsaM paramapratItaH . 
astrArthamindrasya gata.n cha pArthaM 
kR^iShNe shasha.nsAmara rAjaputram .. 22..\\
shrutvA tu te tasya vachaH pratItAs 
tAMshchApi dR^iShTvA sukR^ishAnatIva . 
netrodbhava.n saMmumuchurdashArhA 
duHkhArti ja.n vAri mahAnubhAvAH .. 23..\\
\medskip\hrule\medskip\centerline{\Largedvng 119}
 j

prabhAsa tIrtha.n samprApya vR^iShNayaH pANDavAstathA . 
kimakurvankathAshchaiShA.n kAstatrAsa.nstapodhana .. 1..\\
te hi sarve mahAtmAnaH sarvashAstravishAradAH . 
vR^iShNayaH pANDavAshchaiva suhR^idash cha parasparam .. 2..\\

 v

prabhAsa tIrtha.n samprApya puNya.n tIrthaM mahodadheH . 
vR^iShNayaH pANDavAnvIrAnparivAryopatasthira .. 3..\\
tato gokShIrakundendu mR^iNAlarajataprabhaH . 
vanamAlI halI rAmo babhAShe puShkarekShaNam .. 4..\\
na kR^iShNa dharmashcharito bhavAya 
jantoradharmashcha parAbhavAya . 
yudhiShThiro yatra jaTI mahAtmA 
vanAshrayaH klishyati chIravAsaH .. 5..\\
duryodhanashchApi mahIM prashAsti 
na chAsya bhUmirvivara.n dadAti . 
dharmAdadharmashcharito garIyAn 
itIva manyeta naro.alpabuddhiH .. 6..\\
duryodhane chApi vivardhamAne 
yudhiShThire chAsukha AttarAjye . 
kiM nvadya kartavyamiti prajAbhiH 
sha~NkA mithaH sa~njanitA narANAm .. 7..\\
aya.n hi dharmaprabhavo narendro 
dharme rataH satyadhR^itiH pradAtA . 
chaleddhi rAjyAchcha sukhAchcha pArtho 
dharmAdapaitashcha katha.n vivardhet .. 8..\\
kathaM nu bhIShmashcha kR^ipash cha vipro 
droNashcha rAjA cha kulasya vR^iddhaH . 
pravrAjya pArthAnsukhamApnuvanti 
dhikpApabuddhInbharata pradhAnAn .. 9..\\
kiMnAma vakShyatyavani pradhAnaH 
pitR^InsamAgamya paratra pApaH . 
putreShu samyakcharitaM mayeti 
putrAnapApAnavaropya rAjyAt .. 10..\\
nAsau dhiyA sampratipashyati sma 
kiMnAma kR^itvAhamachakShurevam . 
jAtaH pR^ithivyAmiti pArthiveShu 
pravrAjya kaunteyamathApi rAjyAt .. 11..\\
nUna.n samR^iddhAnpitR^ilokabhUmau 
chAmIkarAbhAnkShitijAnpraphullAn . 
vichitravIryasya sutaH saputraH 
kR^itvA nR^isha.nsaM bata pashyati sma .. 12..\\
vyUDhottarA.nsAnpR^ithu lohitAkShAn 
nemAnsma pR^ichchhansa shR^iNoti nUnam . 
prasthApayadyatsa vana.n hyasha~Nko 
yudhiShThira.n sAnujamAttashastram .. 13..\\
yo.ayaM pareShAM pR^itanA.n samR^iddhAM 
nirAyudho dIrghabhujo nihanyAt . 
shrutvaiva shabda.n hi vR^ikodarasya 
mu~nchanti sainyAni shakR^itsa mUtram .. 14..\\
sa kShutpipAsAdhva kR^ishastaro vI 
sametya nAnAyudha bANapANiH . 
vane smaranvAsamima.n sughoraM 
sheShaM na kuryAditi nishchitaM me .. 15..\\
na hyasya vIryeNa balena kash chit 
samaH pR^ithivyAM bhavitA nareShu . 
shItoShNavAtAtapa karshitA~Ngo 
na sheShamAjAvasuhR^itsu kuryAt .. 16..\\
prAchyAM nR^ipAnekarathena jitvA 
vR^ikodaraH sAnucharAnraNeShu . 
svastyAgamadyo.ati rathastaro vI 
so.aya.n vane klishyati chIravAsaH .. 17..\\
yo dantakUre vyajayannR^idevAn 
samAgatAndAkShiNAtyAnmahI pAn . 
taM pashyatema.n sahadevamadya 
tapo vina.n tApasa veSharUpam .. 18..\\
yaH pArthivAnekarathena vIro 
dishaM pratIchIM prati yuddhashauNDaH . 
so.aya.n vane mUlaphalena jIva~n 
jaTI charatyadya malAchitA~NgaH .. 19..\\
satre samR^iddhe.ati rathasya rAGYo 
vedI talAdutpatitA sutA yA . 
seya.n vanevAsamimaM suduHkhaM 
katha.n sahatyadya satI sukhArhA .. 20..\\
trivargamukhyasya samIraNasya 
deveshvarasyApyatha vAshvinosh cha . 
eShA.n surANA.n tanayAH kathaM nu 
vanecharantyalpasukhAH sukhArhAH .. 21..\\
jite hi dharmasya sute sabhArye 
sa bhrAtR^ike sAnuchare niraste . 
duryodhane chApi vivardhamAne 
kathaM na sIdatyavaniH sa shailA .. 22..\\
\medskip\hrule\medskip\centerline{\Largedvng 120}
 saatyaki

na rAma kAlaH paridevanAya 
yaduttara.n tatra tadeva sarve . 
samAcharAmo hyanatIta kAlaM 
yudhiShThiro yadyapi nAha ki.n chit .. 1..\\
ye nAthavanto hi bhavanti loke 
te nAtmanA karma samArabhante . 
teShA.n tu kAryeShu bhavanti nAthAH 
shaibyAdayo rAma yathA yayAteH .. 2..\\
yeShA.n tathA rAma samArabhante 
kAryANi nAthAH svamatena loke . 
te nAthavantaH puruShapravIrA 
nAnAtha vatkR^ichchhramavApnuvanti .. 3..\\
kasmAdaya.n rAma janArdanau cha 
pradyumna sAmbau cha mayA sametau . 
vasatyaraNye saha sodarIyais 
trailokyanAthAnadhigamya nAthAn .. 4..\\
niryAtu sAdhvadya dashArha senA 
prabhUtanAnAyudha chitravarmAH . 
yamakShaya.n gachchhatu dhArtarAShTraH 
sa bAndhavo vR^iShNibalAbhibhUtaH .. 5..\\
tva.n hyeva kopAtpR^ithivImapImAM 
sa.nveShTayestiShThatu shAr~NgadhanvA . 
sa dhArtarAShTra.n jahi sAnubandhaM 
vR^itra.n yathA devapatirmahendraH .. 6..\\
bhrAtA cha me yashcha sakhA gurush cha 
janArdanasyAtma samashcha pArthaH . 
yadarthamabhyudyatamuttama.n tat 
karoti karmAgryamapAraNIyam .. 7..\\
tasyAstra varShANyahamuttamAstrair 
vihatya sarvANi raNe.abhibhUya . 
kAyAchchhiraH sarpaviShAgnikalpaiH 
sharottamairunmathitAsmi rAma .. 8..\\
khaDgena chAhaM nishitena sa~Nkhye 
kAyAchchhirastasya balAtpramathya . 
tato.asya sarvAnanugAnhaniShye 
duryodhana.n chApi kurUMshcha sarvAn .. 9..\\
AttAyudhaM mAmiha rauhiNeya 
pashyantu bhaumA yudhi jAtaharShAH . 
nighnantameka.n kuru yodhamukhyAn 
kAle mahAkakShamivAntakAgniH .. 10..\\
pradyumna muktAnnishitAnna shaktAH 
soDhu.n kR^ipa droNa vikarNa karNAH . 
jAnAmi vIrya.n cha tavAtma jasya 
kArShNirbhavatyeSha yathA raNasthaH .. 11..\\
sAmbaH sasUta.n sa rathaM bhujAbhyAM 
duHshAsana.n shAstu balAtpramathya . 
na vidyate jAmba vatI sutasya 
raNe.aviShahya.n hi raNotkaTasya .. 12..\\
etena bAlena hi shambarasya 
daityasya sainya.n sahasA praNunnam . 
vR^ittoruratyAyata pInabAhur 
etena sa~Nkhye nihato.ashvachakraH . 
ko nAma sAmbasya raNe manuShyo 
gatvAntara.n vai bhujayordhareta .. 13..\\
yathA pravishyAntaramantakasya 
kAle manuShyo na viniShkrameta . 
tathA pravishyAntaramasya sa~Nkhye 
ko nAma jIvanpunarAvrajeta .. 14..\\
droNa.n cha bhIShmaM cha mahArathau tau 
sutairvR^ita.n chApyatha somadattam . 
sarvANi sainyAni cha vAsudevaH 
pradhakShyate sAyakavahni jAlaiH .. 15..\\
kiMnAma lokeShvaviShahyamasti 
kR^iShNasya sarveShu sadaiva teShu . 
AttAyudhasyottama bANapANesh 
chakrAyudhasyApratimasya yuddhe .. 16..\\
tato.aniruddho.apyasi charma pANir 
mahImimA.n dhArtarAShTrairvi sa~nj~naiH . 
hR^itottamA~NgairnihataiH karotu 
kIrNA.n kushairvedimivAdhvareShu .. 17..\\
gadolmukau bAhuka bhAnunIthAH 
shUrashcha sa~Nkhye nishaThaH kumAraH . 
raNotkaTau sAraNa chArudeShNau 
kulochita.n viprathayantu karma .. 18..\\
sa vR^iShNibhojAndhakayodhamukhyA 
samAgatA kShatriya shUrasenA . 
hatvA raNe tAndhR^itarAShTra putrA.Nl 
loke yashaH sphItamupAkarotu .. 19..\\
tato.abhimanyuH pR^ithivIM prashAstu 
yAvadvrata.n dharmabhR^itA.n variShThaH . 
yudhiShThiraH pArayate mahAtmA 
dyUte yathokta.n kurusattamena .. 20..\\
asmatpramukhairvi shikhairjitAris 
tato mahIM bhokShyati dharmarAjaH . 
nirdhArtarAShTrA.n hatasUtaputrAm 
etaddhi naH kR^ityatama.n yashashyam .. 21..\\

 vaasu

asaMshayaM mAdhava satyametad 
gR^ihNIma te vAkyamadInasattva . 
svAbhyAM bhujAbhyAmajitA.n tu bhUmiM 
nechchhetkurUNAmR^iShabhaH katha.n chit .. 22..\\
na hyeSha kAmAnna bhayAnna lobhAd 
yudhiShThiro jAtu jahyAtsvadharmam . 
bhImArjunau chAti rathau yamau vA 
tathaiva kR^iShNA drupadAtma jeyam .. 23..\\
ubhau hi yuddhe.apratimau pR^ithivyAM 
vR^ikodarashchaiva dhana~njayash cha . 
kasmAnna kR^itsnAM pR^ithivIM prashAsen 
mAdrI sutAbhyA~nca puraskR^ito.ayam .. 24..\\
yadA tu pA~nchAla patirmahAtmA 
sa kekayashchedipatirvaya.n cha . 
yotsyAma vikramya parA.nstadA vai 
suyodhanastyakShyati jIvalokam .. 25..\\

 y

naitachchitraM mAdhava yadbravIShi 
satya.n tu me rakShya tamaM na rAjyam . 
kR^iShNastu mA.n veda yathA vadekaH 
kR^iShNa.n cha vedAhamatho yathA vat .. 26..\\
yadaiva kAlaM puruShapravIro 
vetsyatyayaM mAdhava vikramasya . 
tadA raNe tva.n cha shinipravIra 
suyodhana.n jeShyasi keshavash cha .. 27..\\
pratiprayAntvadya dashArha vIrA 
dR^iDho.asmi nAthairnaralokanAthaiH . 
dharme.apramAda.n kurutAprameyA 
draShTAsmi bhUyaH sukhinaH sametAn .. 28..\\
te.anyonyamAmantrya tathAbhivAdya 
vR^iddhAnparisvajya shishUMshcha sarvAn . 
yadupravIrAH svagR^ihANi jagmU 
rAjApi tIrthAnyanusa~ncachAra .. 29..\\
visR^ijya kR^iShNa.n tvatha dharmarAjo 
vidarbharAjopa chitA.n sutIrthAm . 
sutena somena vimishritodAM 
tataH payoShNIM prati sa hyuvAsa .. 30..\\
\medskip\hrule\medskip\centerline{\Largedvng 121}
 l

nR^igeNa yajamAnena someneha purandaraH . 
tarpitaH shrUyate rAjansa tR^ipto madamabhyagAt .. 1..\\
iha devaiH sahendrairhi prajApatibhireva cha . 
iShTaM bahuvidhairyaGYairmahadbhirbhUridakShiNaiH .. 2..\\
AmUrta rayasashcheha rAjA vajradharaM prabhum . 
tarpayAmAsa somena hayamedheShu saptasu .. 3..\\
tasya saptasu yaGYeShu sarvamAsIddhiranmayam . 
vAnaspatya.n cha bhaumaM cha yaddravyaM niyataM makhe .. 4..\\
teShveva chAsya yaGYeShu prayogAH sapta vishrutAH . 
saptaikaikasya yUpasya chaShAlAshchoparisthitAH .. 5..\\
tasya sma yUpAnyaGYeShu bhrAjamAnAnhiranmayAn . 
svayamutthApayAmAsurdevAH sendrA yudhiShThira .. 6..\\
teShu tasya makhAgryeShu gayasya pR^ithivIpateH . 
amAdyadindraH somena dakShiNAbhirdvijAtayaH .. 7..\\
sikatA vA yathA loke yathA vA divi tArakAH . 
yathA vA varShato dhArA asa~NkhyeyAsh cha kena chit .. 8..\\
tathaiva tadasa~Nkhyeya.n dhana.n yatpradadau gayaH . 
sadasyebhyo mahArAja teShu yaGYeShu saptasu .. 9..\\
bhavetsa~Nkhyeyametadvai yadetatparikIrtitam . 
na sA shakyA tu sa~NkhyAtu.n dakShiNA dakShiNA vataH .. 10..\\
hiranmayIbhirgobhishcha kR^itAbhirvishvakarmaNA . 
brAhmaNA.nstarpayAmAsa nAnAdigbhyaH samAgatAn .. 11..\\
alpAvasheShA pR^ithivI chaityairAsInmahAtmanaH . 
gayasya yajamAnasya tatra tatra vishAM pate .. 12..\\
sa lokAnprAptavAnaindrAnkarmaNA tena bhArata . 
sa lokatA.n tasya gachchhetpayoShNyA.n ya upaspR^ishet .. 13..\\
tasmAttvamatra rAjendra bhrAtR^ibhiH sahito.anagha . 
upaspR^ishya mahIpAla dhUtapApmA bhaviShyasi .. 14..\\

 v

sa payoShNyAM narashreShThaH snAtvA vai bhrAtR^ibhiH saha . 
vaiDUrya parvata.n chaiva narmadAM cha mahAnadIm . 
samAjagAma tejo vI bhrAtR^ibhiH sahito.anagha .. 15..\\
tato.asya sarvANyAchakhyau lomasho bhagavAnR^iShiH . 
tIrthAni ramaNIyAni tatra tatra vishAM pate .. 16..\\
yathAyoga.n yathA prItiprayayau bhrAtR^ibhiH saha . 
dadamAno.asakR^idvittaM brAhmaNebhyaH sahasrashaH .. 17..\\

 l

devAnAmeti kaunteya tathA rAGYA.n sa lokatAm . 
vaiDUrya parvata.n dR^iShTvA narmadAmavatIrya cha .. 18..\\
sandhireSha narashreShTha tretAyA dvAparasya cha . 
etamAsAdya kaunteya sarvapApaiH pramuchyate .. 19..\\
eSha sharyAti yaGYasya deshastAta prakAshate . 
sAkShAdyatrApibatsomamashvibhyA.n saha kaushikaH .. 20..\\
chukopa bhArgavashchApi mahendrasya mahAtapAH . 
sa.nstambhayAmAsa cha ta.n vAsava.n chyavanaH prabhuH . 
suka~NkyA.n chApi bhAryA.n sa rAjaputrImivAptavAn .. 21..\\

 y

katha.n viShTambhitastena bhagavAnpAkashAsanaH . 
kimarthaM bhArgavashchApi kopa.n chakre mahAtapAH .. 22..\\
nAsatyau cha kathaM brahmankR^itavAnsomapIthinau . 
etatsarva.n yathAvR^ittamAkhyAtu bhagavAnmama .. 23..\\
\medskip\hrule\medskip\centerline{\Largedvng 122}
 l

bhR^igormaharSheH putro.abhUchchyavano nAma bhArgavaH . 
samIpe sarasaH so.asya tapastepe mahAdyutiH .. 1..\\
sthANubhUto mahAtejA vIra sthAnena pANDava . 
atiShThatsubahUnkAlAnekadeshe vishAM pate .. 2..\\
sa valmIko.abhavadR^iShirlatAbhirabhisa.nvR^itaH . 
kAlena mahatA rAjansamAkIrNaH pipIlikaiH .. 3..\\
tathA sa sa.nvR^ito dhImAnmR^itpiNDa iva sarvashaH . 
tapyati sma tapo rAjanvalmIkena samAvR^itaH .. 4..\\
atha dIrghasya kAlasya sharyAtirnAma pArthivaH . 
AjagAma saro ramya.n vihartumidamuttamam .. 5..\\
tasya strINA.n sahasrANi chatvAryAsanparigrahaH . 
ekaiva cha sutA shubhrA sukanyA nAma bhArata .. 6..\\
sA sakhIbhiH parivR^itA sarvAbharaNabhUShitA . 
cha~NkramyamANA valmIkaM bhArgavasya samAsadat .. 7..\\
sA chaiva sudatI tatra pashyamAnA manoramAn . 
vanaspatInvichinvantI vijahAra sakhI vR^itA .. 8..\\
rUpeNa vayasA chaiva madanena madena cha . 
babha~nja vanavR^ikShANA.n shAkhAH paramapuShpitAH .. 9..\\
tA.n sakhI rahitAmekAmekavastrAmala.n kR^itAm . 
dadarsha bhArgavo dhImAMshcharantIm iva vidyutam .. 10..\\
tAM pashyamAno vijane sa reme paramadyutiH . 
kShAma kaNThashcha brahmarShistapobalasamanvitaH . 
tAmAbabhAShe kalyANI.n sA chAsya na shR^iNoti vai .. 11..\\
tataH sukanyA valmIke dR^iShTvA bhArgava chakShuShI . 
kautUhalAtkaNTakena buddhimohabalAtkR^itA .. 12..\\
kiM nu khalvidamityuktvA nirbibhedAsya lochane . 
akrudhyatsa tayA viddhe netre paramamanyumAn . 
tataH sharyAti sainyasya shakR^inmUtra.n samAvR^iNot .. 13..\\
tato ruddhe shakR^inmUtre sainyamAnAha duHkhitam . 
tathAgatamabhiprekShya paryapR^ichchhatsa pArthivaH .. 14..\\
taponityasya vR^iddhasya roShaNasya visheShataH . 
kenApakR^itamadyeha bhArgavasya mahAtmanaH . 
GYAta.n vA yadi vAGYAta.n tadR^itaM brUta mAchiram .. 15..\\
tamUchuH sainikAH sarve na vidmo.apakR^ita.n vayam . 
sarvopAyairyathAkAmaM bhavA.nstadadhigachchhatu .. 16..\\
tataH sa pR^ithivIpAlaH sAmnA chogreNa cha svayam . 
paryapR^ichchhatsuhR^idvargaM pratyajAnanna chaiva te .. 17..\\
AnAhArta.n tato dR^iShTvA tatsainyamasukhArditam . 
pitara.n duHkhitaM chApi sukanyedamathAbravIt .. 18..\\
mayATantyeha valmIke dR^iShTa.n sattvamabhijvalat . 
khadyotavadabhiGYAta.n tanmayA viddhamantikAt .. 19..\\
etachchhrutvA tu sharyAtirvalmIka.n tUrNamAdravat . 
tatrApashyattapovR^iddha.n vayovR^iddha.n cha bhArgavam .. 20..\\
ayAchadatha sainyArthaM prA~njaliH pR^ithivIpatiH . 
aGYAnAdbAlayA yatte kR^ita.n tatkShantumarhasi .. 21..\\
tato.abravInmahIpAla.n chyavano bhArgavastadA . 
rUpaudAryasamAyuktA.n lobhamohabalAtkR^itAm .. 22..\\
tAmeva pratigR^ihyAha.n rAjanduhitara.n tava . 
kShamiShyAmi mahIpAla satyametadbravImi te .. 23..\\
R^iShervachanamAGYAya sharyAtiravichArayan . 
dadau duhitara.n tasmai chyavanAya mahAtmane .. 24..\\
pratigR^ihya cha tA.n kanyAM chyavanaH prasasAda ha . 
prAptaprasAdo rAjA sa sasainyaH punarAvrajat .. 25..\\
sukanyApi pati.n labdhvA tapasvinamaninditA . 
nityaM paryacharatprItyA tapasA niyamena cha .. 26..\\
agnInAmatithInA.n cha shushrUShuranasUyikA . 
samArAdhayata kShipra.n chyavana.n sA shubhAnanA .. 27..\\
\medskip\hrule\medskip\centerline{\Largedvng 123}
 l

kasya chittvatha kAlasya surANAmashvinau nR^ipa . 
kR^itAbhiShekA.n vivR^itAM sukanyA.n tAmapashyatAm .. 1..\\
tA.n dR^iShTvA darshanIyA~NgIM devarAjasutAm iva . 
UchatuH samabhidrutya nAsatyAvashvinAvidam .. 2..\\
kasya tvamasi vAmoru ki.n vane vai karoShi cha . 
ichchhAva bhadre GYAtu.n tvAM tattvamAkhyAhi shobhane .. 3..\\
tataH sukanyA sa.nvItA tAvuvAcha surottamau . 
sharyAti tanayA.n vittaM bhAryA.n cha chyavanasya mAm .. 4..\\
athAshvinau prahasyaitAmabrUtAM punareva tu . 
katha.n tvamasi kalyANi pitrA dattA gatAdhvane .. 5..\\
bhrAjase vanamadhye tva.n vidyutsaudAminI yathA . 
na deveShvapi tulyA.n hi tvayA pashyAva bhAmini .. 6..\\
sarvAbharaNasampannA paramAmbara dhAriNI . 
shobhethAstvanavadyA~Ngi na tvevaM malapa~NkinI .. 7..\\
kasmAdeva.nvidhA bhUtvA jarAjarjaritaM patim . 
tvamupAsse ha kalyANi kAmabhoga bahiShkR^itam .. 8..\\
asamarthaM paritrANe poShaNe cha shuchismite . 
sAdhu chyavanamutsR^ijya varayasvaikamAvayoH . 
patyartha.n devagarbhAbhe mA vR^ithA yauvanaM kR^ithAH .. 9..\\
evamuktA sukanyA tu surau tAvidamabravIt . 
ratAha.n chyavane patyau maivaM mA paryasha~NkithAH .. 10..\\
tAvabrUtAM punastvenAmAvA.n deva bhiShagvarau . 
yuvAna.n rUpasampanna.n kariShyAvaH patiM tava .. 11..\\
tatastasyAvayoshchaiva patimekatama.n vR^iNu . 
etena samayenainamAmantraya varAnane .. 12..\\
sA tayorvachanAdrAjannupasa~Ngamya bhArgavam . 
uvAcha vAkya.n yattAbhyAmuktaM bhR^igusutaM prati .. 13..\\
tachchhrutvA chyavano bhAryAmuvAcha kriyatAm iti . 
bhartrA sA samanuGYAtA kriyatAmityathAbravIt .. 14..\\
shrutvA tadashvinau vAkya.n tattasyAH kriyatAm iti . 
UchatU rAjaputrI.n tAM patistava vishatvapaH .. 15..\\
tato.ambhashchyavanaH shIghra.n rUpArthI pravivesha ha . 
ashvinAvapi tadrAjansaraH praviShatAM prabho .. 16..\\
tato muhUrtAduttIrNAH sarve te sarasastataH . 
divyarUpadharAH sarve yuvAno mR^iShTakuNDalAH . 
tulyarUpadharAshchaiva manasaH prItivardhanAH .. 17..\\
te.abruvansahitA sarve vR^iNIShvAnya tama.n shubhe . 
asmAkamIpsitaM bhadre patitve varavarNini . 
yatra vApyabhikAmAsi ta.n vR^iNIShva sushobhane .. 18..\\
sA samIkShya tu tAnsarvA.nstulyarUpadharAnsthitAn . 
nishchitya manasA buddhyA devI vavre svakaM patim .. 19..\\
labdhvA tu chyavano bhAryA.n vayo rUpa.n cha vA~nchhitam . 
hR^iShTo.abravInmahAtejAstau nAsatyAvida.n vachaH .. 20..\\
yathAha.n rUpasampanno vayasA cha samanvitaH . 
kR^ito bhavadbhyA.n vR^iddhaH sanbhAryA.n cha prAptavAnimAm .. 21..\\
tasmAdyuvA.n kariShyAmi prItyAha.n somapIthinau . 
miShato devarAjasya satyametadbravImi vAm .. 22..\\
tachchhrutvA hR^iShTamanasau diva.n tau pratijagmatuH . 
chyavano.api sukanyA cha surAviva vijahratuH .. 23..\\
\medskip\hrule\medskip\centerline{\Largedvng 124}
 l

tataH shrutvA tu sharyAtirvayaH stha.n chyavanaM kR^itam . 
sa.nhR^iShTaH senayA sArdhamupAyAdbhArgavAshramam .. 1..\\
chyavana.n cha sukanyAM cha dR^iShTvA deva sutAviva . 
reme mahI paH sharyAtiH kR^itsnAM prApya mahIm iva .. 2..\\
R^iShiNA satkR^itastena sabhAryaH pR^ithivIpatiH . 
upopaviShTaH kalyANIH kathAshchakre mahAmanAH .. 3..\\
athainaM bhArgavo rAjannuvAcha parisAntvayan . 
yAjayiShyAmi rAja.nstvA.n sambhArAnupakalpaya .. 4..\\
tataH paramasa.nhR^iShTaH sharyAtiH pR^ithivIpatiH . 
chyavanasya mahArAja tadvAkyaM pratyapUjayat .. 5..\\
prashaste.ahani yaGYIye sarvakAmasamR^iddhi mat . 
kArayAmAsa sharyAtiryaGYAyatanamuttamam .. 6..\\
tatraina.n chyavano rAjanyAjayAmAsa bhArgavaH . 
adbhutAni cha tatrAsanyAni tAni nibodha me .. 7..\\
agR^ihNAchchyavanaH somamashvinordevayostadA . 
tamindro vArayAmAsa gR^ihyamANa.n tayorgraham .. 8..\\

 indra

ubhAvetau na somArhau nAsatyAviti me matiH . 
bhiShajau devaputrANA.n karmaNA naivamarhataH .. 9..\\

 ch

mAvamansthA mahAtmAnau rUpadraviNavattarau . 
yau chakraturmAM maghavanvR^indArakamivAjaram .. 10..\\
R^ite tvA.n vibudhAMshchAnyAnkathaM vai nArhataH savam . 
ashvinAvapi devendra devau viddhi purandara .. 11..\\
chikitsakau karma karau kAmarUpasamanvitau . 
loke charantau martyAnA.n katha.n somamihArhataH .. 12..\\

 l

etadeva yadA vAkyamAmreDayati vAsavaH . 
anAdR^itya tataH shakra.n grahaM jagrAha bhArgavaH .. 13..\\
grahIShyanta.n tu ta.n somamashvinoruttamaM tadA . 
samIkShya balabhiddeva ida.n vachanamabravIt .. 14..\\
AbhyAmarthAya soma.n tvaM grahIShyasi yadi svayam . 
vajra.n tu prahariShyAmi ghorarUpamanuttamam .. 15..\\
evamuktaH smayannindramabhivIkShya sa bhArgavaH . 
jagrAha vidhivatsomamashvibhyAmuttama.n graham .. 16..\\
tato.asmai prAharadvajra.n ghorarUpa.n shachIpatiH . 
tasya praharato bAhu.n stambhayAmAsa bhArgavaH .. 17..\\
sa.nstambhayitvA chyavano juhuve mantrato.analam . 
kR^ityArthI sumahAtejA deva.n hi.nsitumudyataH .. 18..\\
tataH kR^ityA samabhavadR^iShestasya tapobalAt . 
mado nAma mahAvIryo bR^ihatkAyo mahAsuraH . 
sharIra.n yasya nirdeShTumashakya.n tu surAsuraiH .. 19..\\
tasyAsyamabhavadghora.n tIkShNAgradashanaM mahat . 
hanurekA sthitA tasya bhUmAvekA diva.n gatA .. 20..\\
chatasra AyatA daMShTrA yojanAnA.n shataM shatam . 
itare tvasya dashanA babhUvurdashayojanAH . 
prAkArasadR^ishAkArAH shUlAgra samadarshanAH .. 21..\\
bAhU parvatasa~NkAshAvAyatAvayuta.n samau . 
netre ravishashiprakhye vaktramantakasaMnibham .. 22..\\
leliha~njihvayA vaktra.n vidyuchchapala lolayA . 
vyAttAnano ghoradR^iShTirgrasanniva jagadbalAt .. 23..\\
sa bhakShayiShyansa~NkruddhaH shatakratumupAdravat . 
mahatA ghorarUpeNa lokA~nshabdena nAdayan .. 24..\\
\medskip\hrule\medskip\centerline{\Largedvng 125}
 l

ta.n dR^iShTvA ghoravadanaM madaM devaH shatakratuH . 
AyAntaM bhakShayiShyanta.n vyAttAnanamivAntakam .. 1..\\
bhayAtsa.nstambhita bhujaH sR^ikkiNI lelihanmuhuH . 
tato.abravIddevarAjashchyavanaM bhayapIDitaH .. 2..\\
somArhAvashvinAvetAvadya prabhR^iti bhArgava . 
bhaviShyataH satyametadvacho brahmanbravImi te .. 3..\\
na te mithyA samArambho bhavatveSha paro vidhiH . 
jAnAmi chAha.n viprarShe na mithyA tva.n kariShyasi .. 4..\\
somArhAvashvinAvetau yathaivAdya kR^itau tvayA . 
bhUya eva tu te vIryaM prakAshediti bhArgava .. 5..\\
sukanyAyAH pitushchAsya loke kIrtiH prathediti . 
ato mayaitadvihita.n tava vIryaprakAshanam . 
tasmAtprasAda.n kuru me bhavatvetadyathechchhasi .. 6..\\
evamuktasya shakreNa chyavanasya mahAtmanaH . 
sa manyurvyagamachchhIghraM mumocha cha purandaram .. 7..\\
mada.n cha vyabhajadrAjanpAne strIShu cha vIryavAn . 
akSheShu mR^igayAyA.n cha pUrvasR^iShTaM punaH punaH .. 8..\\
tathA mada.n viniShkShipya shakraM santarpya chendunA . 
ashvibhyA.n sahitAndevAnyAjayitvA cha taM nR^ipam .. 9..\\
vikhyApya vIrya.n sarveShu lokeShu vadatAM varaH . 
sukanyayA sahAraNye vijahArAnuraktayA .. 10..\\
tasyaitaddvijasa~NghuShTa.n saro rAjanprakAshate . 
atra tva.n saha sodaryaiH pitR^IndevAMsh cha tarpaya .. 11..\\
etaddR^iShTvA mahIpAla sikatAkSha.n cha bhArata . 
saindhavAraNyamAsAdya kulyAnA.n kuru darshanam . 
puShkareShu mahArAja sarveShu cha jala.n spR^isha .. 12..\\
ArchIka parvatashchaiva nivAso vai manIShiNAm . 
sadA phalaH sadA sroto marutA.n sthAnamuttamam . 
chaityAshchaite bahushatAstridashAnA.n yudhiShThira .. 13..\\
etachchandramasastIrthamR^iShayaH paryupAsate . 
vaikhAnasAshcha R^iShayo vAlakhilyAstathaiva cha .. 14..\\
shR^i~NgANi trINi puNyANi trINi prasravaNAni cha . 
sarvANyanuparikramya yathAkAmamupaspR^isha .. 15..\\
shantanushchAtra kaunteya shunakashcha narAdhipa . 
naranArAyaNau chobhau sthAnaM prAptAH sanAtanam .. 16..\\
iha nityashayA devAH pitarashcha maharShibhiH . 
ArchIka parvate tepustAnyajasva yudhiShThira .. 17..\\
iha te vai charUnprAshnannR^iShayashcha vishAM pate . 
yamunA chAkShayasrotAH kR^iShNashcheha tapo rataH .. 18..\\
yamau cha bhImasenashcha kR^iShNA chAmitrakarshana . 
sarve chAtra gamiShyAmaH sukR^ishAH sutapo vinaH .. 19..\\
etatprasravaNaM puNyamindrasya manujAdhipa . 
yatra dhAtA vidhAtA cha varuNashchordhvamAgatAH .. 20..\\
iha te nyavasanrAjankShAntAH paramadharmiNaH . 
maitrANAmR^iju buddhInAmaya.n girivaraH shubhaH .. 21..\\
eShA sA yamunA rAjanrAjarShigaNasevitA . 
nAnA yaGYachitA rAjanpuNyA pApabhayApahA .. 22..\\
atra rAjA maheShvAso mAndhAtAyajata svayam . 
sahadevashcha kaunteya somako dadatA.n varaH .. 23..\\
\medskip\hrule\medskip\centerline{\Largedvng 126}
 y

mAndhAtA rAjashArdUlastriShu lokeShu vishrutaH . 
katha.n jAto mahAbrahmanyauvanAshvo nR^ipottamaH . 
katha.n chaitAM parAM kAShThAM prAptavAnamitadyutiH .. 1..\\
yasya lokAstrayo vashyA viShNoriva mahAtmanaH . 
etadichchhAmyaha.n shrotu.n charitaM tasya dhImataH .. 2..\\
yathA mAndhAtR^ishabdashcha tasya shakrasamadyuteH . 
janma chAprati vIryasya kushalo hyasi bhAShitum .. 3..\\

 l

shR^iNuShvAvahito rAjanrAGYastasya mahAtmanaH . 
yathA mAndhAtR^ishabdo vai lokeShu parigIyate .. 4..\\
ikShvAkuvaMshaprabhavo yuvanAshvo mahIpatiH . 
so.ayajatpR^ithivIpAla R^itubhirbhUridakShiNaiH .. 5..\\
ashvamedha sahasra.n cha prApya dharmabhR^itA.n varaH . 
anyaishcha kratubhirmukhyairvividhairAptadakShiNaiH .. 6..\\
anapatyastu rAjarShiH sa mahAtmA dR^iDhavrataH . 
mantriShvAdhAya tadrAjya.n vananityo babhUva ha .. 7..\\
shAstradR^iShTena vidhinA sa.nyojyAtmAnamAtmanA . 
pipAsA shuShkahR^idayaH praviveshAshramaM bhR^igor .. 8..\\
tAmeva rAtri.n rAjendra mahAtmA bhR^igunandanaH . 
iShTi.n chakAra saudyumnermaharShiH putrakAraNAt .. 9..\\
sambhR^ito mantrapUtena vAriNA kalasho mahAn . 
tatrAtiShThata rAjendra pUrvameva samAhitaH . 
yatprAshya prasavettasya patnI shakrasama.n sutam .. 10..\\
taM nyasya vedyA.n kalasha.n suShupuste maharShayaH . 
rAtrijAgaraNa shrAntAH saudyumniH samatItya tAn .. 11..\\
shuShkakaNThaH pipAsArtaH pANIyArthI bhR^ishaM nR^ipaH . 
taM pravishyAshraNa.n shrAntaH pANIyaM so.abhyayAchata .. 12..\\
tasya shrAntasya shuShkeNa kaNThena kroshatastadA . 
nAshrauShItkashchana tadA shakuneriva vAshitam .. 13..\\
tatasta.n kalashaM dR^iShTvA jalapUrNa.n sa pArthivaH . 
abhyadravata vegena pItvA chAmbho vyavAsR^ijat .. 14..\\
sa pItvA shItala.n toyaM pipAsArtho mahApatiH . 
nirvANamagamaddhImAnsusukhI chAbhavattadA .. 15..\\
tataste pratyabudhyanta R^iShayaH sa narAdhipAH . 
niShToya.n taM cha kalashaM dadR^ishuH sarva eva te .. 16..\\
kasya karmedamiti cha paryapR^ichchhansamAgatAH . 
yuvanAshvo mayetyeva satya.n samabhipadyata .. 17..\\
na yuktamiti taM prAha bhagavAnbhArgavastadA . 
sutArtha.n sthApitA hyApastapasA chaiva sambhR^itAH .. 18..\\
mayA hyatrAhitaM brahma tapa AsthAya dAruNam . 
putrArtha.n tava rAjarShe mahAbalaparAkrama .. 19..\\
mahAbalo mahAvIryastapobalasamanvitaH . 
yaH shakramapi vIryeNa gamayedyamasAdanam .. 20..\\
anena vidhinA rAjanmayaitadupapAditam . 
abbhakShaNa.n tvayA rAjannayuktaM kR^itamadya vai .. 21..\\
na tvadya shakyamasmAbhiretatkartumato.anyathA . 
nUna.n daivakR^ita.n hyetadyadevaM kR^itavAnasi .. 22..\\
pipAsitena yAH pItA vidhimantrapuraskR^itAH . 
ApastvayA mahArAja mattapo vIryasambhR^itAH . 
tAbhyastvamAtmanA putrameva.n vIrya.n janiShyasi .. 23..\\
vidhAsyAmo vaya.n tatra taveShTiM paramAdbhutAm . 
yathA shakrasamaM putra.n janayiShyasi vIryavAn .. 24..\\
tato varShashate pUrNe tasya rAGYo mahAtmanaH . 
vAmaM pArshva.n vinirbhidya sutaH sUrya ivAparaH .. 25..\\
nishchakrAma mahAtejA na cha taM mR^ityurAvishat . 
yuvanAshvaM narapati.n tadadbhutamivAbhavat .. 26..\\
tataH shakro mahAtejAsta.n didR^ikShurupAgamat . 
pradeshinI.n tato.asyAsye shakraH samabhisandadhe .. 27..\\
mAmaya.n dhAsyatItyevaM paribhAstaH savajriNA . 
mAndhAteti cha nAmAsya chakruH sendrA divaukasaH .. 28..\\
pradeshinI.n shakradattAmAsvAdya sa shishustadA . 
avardhata mahIpAla kiShkUNA.n cha trayodasha .. 29..\\
vedAsta.n sadhanurvedA divyAnyastrANi cheshvaram . 
upatasthurmahArAja dhyAta mAtrANi sarvashaH .. 30..\\
dhanurAjagavaM nAma sharAH shR^i~NgodbhavAsh cha ye . 
abhedya.n kavachaM chaiva sadyastamupasaMshrayan .. 31..\\
so.abhiShikto maghavatA svaya.n shakreNa bhArata . 
dharmeNa vyajayallokA.nstrInviShNuriva vikramaiH .. 32..\\
tasyApratihata.n chakraM prAvartata mahAtmanaH . 
ratnAni chaiva rAjarShi.n svayamevopatasthire .. 33..\\
tasyeya.n vasusampUrNA vasu dhA vasu dhAdhipa . 
teneShTa.n vividhairyaGYairbahubhiH svAptadakShiNaiH .. 34..\\
chittachaityo mahAtejA dharmaM prApya cha puShkalam . 
shakrasyArdhAsana.n rAja.NllabdhavAnamitadyutiH .. 35..\\
ekAhnA pR^ithivI tena dharmanityena dhImatA . 
nirjitA shAsanAdeva sa ratnAkara pattanA .. 36..\\
tasya chityairmahArAja kratUnA.n dakShiNA vatAm . 
chaturantA mahI vyAptA nAsItki.n chidanAvR^itam .. 37..\\
tena padmasahasrANi gavA.n dasha mahAtmanA . 
brAhmaNebhyo mahArAja dattAnIti prachakShate .. 38..\\
tena dvAdasha vArShikyAmanAvR^iShTyAM mahAtmanA . 
vR^iShTa.n sasyavivR^iddhyarthaM miShato vajrapANinaH .. 39..\\
tena somakulotpanno gAndhArAdhipatirmahA . 
garjanniva mahAmeghaH pramathya nihataH sharaiH .. 40..\\
prajAshchaturvidhAstena jitA rAjanmahAtmanA . 
tenAtma tapasA lokAH sthApitAshchApi tejasA .. 41..\\
tasyaitaddevayajana.n sthAnamAdityavarchasaH . 
pashya puNyatame deshe kurukShetrasya madhyataH .. 42..\\
etatte sarvamAkhyAtaM mAndhAtushcharitaM mahat . 
janma chAgryaM mahIpAla yanmA.n tvaM paripR^ichchhasi .. 43..\\
\medskip\hrule\medskip\centerline{\Largedvng 127}
 y

katha.nvIryaH sa rAjAbhUtsomako vadatA.n vara . 
karmANyasya prabhAva.n cha shrotumichchhAmi tattvataH .. 1..\\

 l

yudhiShThirAsInnR^ipatiH somako nAma dhArmikaH . 
tasya bhAryA shata.n rAjansadR^ishInAmabhUttadA .. 2..\\
sa vai yatnena mahatA tAsu putraM mahIpatiH . 
ka.n chinnAsAdayAmAsa kAlena mahatA api .. 3..\\
kadA chittasya vR^iddhasya yatamAnasya yatnataH . 
janturnAma sutastasminstrI shate samajAyata .. 4..\\
ta.n jAtaM mAtaraH sarvAH parivArya samAsate . 
satataM pR^iShThataH kR^itvA kAmabhogAnvishAM pate .. 5..\\
tataH pipIlikA jantu.n kadA chidadashatsphiji . 
sa daShTo vyanadadrAja.nstena duHkhena bAlakaH .. 6..\\
tatastA mAtaraH sarvAH prAkroshanbhR^ishaduHkhitAH . 
parivArya jantu.n sahitAH sa shabdastumulo.abhavat .. 7..\\
tamArtanAda.n sahasA shushrAva sa mahIpatiH . 
amAtyapariShanmadhye upaviShTaH sahartvijaiH .. 8..\\
tataH prasthApayAmAsa kimetaditi pArthivaH . 
tasmai kShattA yathAvR^ittamAchachakShe sutaM prati .. 9..\\
tvaramANaH sa chotthAya somakaH saha mantribhiH . 
pravishyAntaHpuraM putramAshvAsayadarindama .. 10..\\
sAntvayitvA tu taM putraM niShkramyAntaHpurAnnR^ipaH . 
R^itvijaiH sahito rAjansahAmAtya upAvishat .. 11..\\

 somaka

dhigastvihaikaputra tvamaputra tva.n varaM bhavet . 
nityAtura tvAdbhUtAnA.n shoka evaika putra tA .. 12..\\
idaM bhAryA shataM brahmanparIkShyopa chitaM prabho . 
putrArthinA mayA voDhaM na chAsA.n vidyate prajA .. 13..\\
ekaH katha.n chidutpannaH putro janturayaM mama . 
yatamAnasya sarvAsu kiM nu duHkhamataH param .. 14..\\
vayashcha samatItaM me sabhAryasya dvijottama . 
AsAM prANAH samAyattA mama chAtraika putrake .. 15..\\
syAnnu karma tathAyukta.n yena putrashataM bhavet . 
mahatA laghunA vApi karmaNA duShkareNa vA .. 16..\\

 rtvij

asti vai tAdR^isha.n karma yena putrashataM bhavet . 
yadi shaknoShi tatkartumatha vakShyAmi somaka .. 17..\\

 s

kArya.n vA yadi vAkAryaM yena putrashataM bhavet . 
kR^itameva hi tadviddhi bhagavAnprabravItu me .. 18..\\

 rtvij

yajasva jantunA rAja.nstvaM mayA vitate kratau . 
tataH putrashata.n shrImadbhaviShyatyachireNa te .. 19..\\
vapAyA.n hUyamAnAyA.n dhUmamAghrAya mAtaraH . 
tatastAH sumahAvIryA~njanayiShyanti te sutAn .. 20..\\
tasyAmeva tu te janturbhavitA punarAtmajaH . 
uttare chAsya sauvarNa.n lakShma pArshve bhaviShyati .. 21..\\
\medskip\hrule\medskip\centerline{\Largedvng 128}
 s

brahmanyadyadyathA kArya.n tattatkuru tathA tathA . 
putra kAmatayA sarva.n kariShyAmi vachastava .. 1..\\

 l

tataH sa yAjayAmAsa somaka.n tena jantunA . 
mAtarastu balAtputramapAkarShuH kR^ipAnvitAH .. 2..\\
hAhatAH smeti vAshantyastIvrashokasamanvitAH . 
taM mAtaraH pratyakarShangR^ihItvA dakShiNe kare . 
savye pANau gR^ihItvA tu yAjako.api sma karShati .. 3..\\
kurarINAmivArtAnAmapAkR^iShya tu ta.n sutam . 
vishasya chaina.n vidhinA vapAmasya juhAva saH .. 4..\\
vapAyA.n hUyamAnAyA.n gandhamAghrAya mAtaraH . 
ArtA nipetuH sahasA pR^ithivyA.n kurunandana . 
sarvAshcha garbhAnalabha.nstatastAH pArthivA~NganAH .. 5..\\
tato dashasu mAseShu somakasya vishAM pate . 
jaGYe putrashataM pUrNa.n tAsu sarvAsu bhArata .. 6..\\
janturjyeShThaH samabhava~njanitryAmeva bhArata . 
sa tAsAmiShTa evAsInna tathAnye nijAH sutAH .. 7..\\
tachcha lakShaNamasyAsItsauvarNaM pArshva uttare . 
tasminputrashate chAgryaH sa babhUva guNairyutaH .. 8..\\
tataH sa lokamagamatsomakasya guruH param . 
atha kAle vyatIte tu somako.apyagamatparam .. 9..\\
atha taM narake ghore pachyamAna.n dadarsha saH . 
tamapR^ichchhatkimartha.n tvaM narake pachyase dvija .. 10..\\
tamabravIdguruH so.atha pachyamAno.agninA bhR^isham . 
tvaM mayA yAjito rAja.nstasyeda.n karmaNaH phalam .. 11..\\
etachchhrutvA sa rAjarShirdharmarAjAnamabravIt . 
ahamatra pravekShyAmi muchyatAM mama yAjakaH . 
matkR^ite hi mahAbhAgaH pachyate narakAgninA .. 12..\\
nAnyaH kartuH phala.n rAjannupabhu~Nkte kadA chana . 
imAni tava dR^ishyante phalAni dadatA.n vara .. 13..\\

 somaka

puNyAnna kAmaye lokAnR^ite.ahaM brahmavAdinam . 
ichchhAmyahamanenaiva saha vastu.n surAlaye .. 14..\\
narake vA dharmarAja karmaNAsya samo hyaham . 
puNyApuNya phala.n devasamamastvAvayoridam .. 15..\\

 dharma

yadyevamIpsita.n rAjanbhu~NkShvAsya sahitaH phalam . 
tulyakAla.n sahAnena pashchAtprApsyasi sadgatim .. 16..\\

 l

sa chakAra tathA sarva.n rAjA rAjIvalochanaH . 
punashcha lebhe lokAnsvAnkarmaNA nirjitA~nshubhAn . 
saha tenaiva vipreNa guruNA sa gurupriyaH .. 17..\\
eSha tasyAshramaH puNyo ya eSho.agre virAjate . 
kShAnta uShyAtra so rAtraM prApnoti sugatiM naraH .. 18..\\
etasminnapi rAjendra vatsyAmo vigatajvarAH . 
so rAtraM niyatAtmAnaH sajjIbhava kurUdvaha .. 19..\\
\medskip\hrule\medskip\centerline{\Largedvng 129}
 l

asminkila svaya.n rAjanniShTavAnvai prajApatiH . 
satramiShTI kR^itaM nAma purA varShasahasrikam .. 1..\\
ambarIsashcha nAbhAga iShTavAnyamunAm anu . 
yaGYaishcha tapasA chaiva parA.n siddhimavApa saH .. 2..\\
desho nAhuSha yaGYAnAmayaM puNyatamo nR^ipa . 
yatreShTvA dashapadmAni sadasyebhyo nisR^iShTavAn .. 3..\\
sArvabhaumasya kaunteya yayAteramitaujasaH . 
spardhamAnasya shakreNa pashyeda.n yaGYavAstviha .. 4..\\
pashya nAnAvidhAkArairagnibhirnichitAM mahIm . 
majjantImiva chAkrAntA.n yayAteryaGYakarmabhiH .. 5..\\
eShA shamyekapatrA sA sharaka.n chaitaduttamam . 
pashya rAmahradAnetAnpashya nArAyaNAshrayam .. 6..\\
etadArchIka putrasya yogairvicharato mahIm . 
apasarpaNaM mahIpAla raupyAyAmamitaujasaH .. 7..\\
atrAnuvaMshaM paThataH shR^iNu me kurunandana . 
ulUkhalairAbharaNaiH pishAchI yadabhAShata .. 8..\\
yuga.n dhare dadhi prAshya uShitvA chAchyutasthale . 
tadvadbhUtilaye snAtvA saputrA vastumichchhasi .. 9..\\
ekarAtramuShitveha dvitIya.n yadi vatsyasi . 
etadvai te divA vR^itta.n rAtrau vR^ittamato.anyathA .. 10..\\
atrAdyAho nivatsyAmaH kShapAM bharatasattama . 
dvArametaddhi kaunteya kurukShetrasya bhArata .. 11..\\
atraiva nAhuSho rAjA rAjankratubhiriShTavAn . 
yayAtirbahuratnADhyairyatrendro mudamabhyagAt .. 12..\\
etatplakShAvataraNa.n yamunAtIrthamuchyate . 
etadvai nAkapR^iShThasya dvAramAhurmanIShiNaH .. 13..\\
atra sArasvatairyaGYairIjAnAH paramarShayaH . 
yUpolukhalinastAta gachchhantyavabhR^ithA plavam .. 14..\\
atraiva bharato rAjA medhyamashvamavAsR^ijat . 
asakR^itkR^iShNasAra~Nga.n dharmeNAvApya medinIm .. 15..\\
atraiva puruShavyAghra maruttaH satramuttamam . 
Aste devarShimukhyena sa.nvartenAbhipAlitaH .. 16..\\
atropaspR^ishya rAjendra sarvA.NllokAnprapashyati . 
pUyate duShkR^itAchchaiva samupaspR^ishya bhArata .. 17..\\

 v

tatra sabhrAtR^ikaH snAtvA stUyamAno maharShibhiH . 
lomashaM pANDavashreShTha ida.n vachanamabravIt .. 18..\\
sarvA.NllokAnprapashyAmi tapasA satyavikrama . 
iha sthAH pANDavashreShThaM pashyAmi shvetavAhanam .. 19..\\

 l

evametanmahAbAho pashyanti paramarShayaH . 
saro vatImimAM puNyAM pashyaika sharaNAvR^itAm .. 20..\\
yatra snAtvA narashreShTha dhUtapApmA bhaviShyati . 
iha sArasvatairyaGYairiShTavantaH surarShayaH . 
R^iShayashchaiva kaunteya tathA rAjarShayo.api cha .. 21..\\
vedI prajApatereShA samantAtpa~nchayojanA . 
kurorvai yaGYashIlasya kShetrametanmahAtmanaH .. 22..\\
\medskip\hrule\medskip\centerline{\Largedvng 130}
 l

iha martyAstapastaptvA svarga.n gachchhanti bhArata . 
martukAmA narA rAjannihAyAnti sahasrashaH .. 1..\\
evamAshIH prayuktA hi dakSheNa yajatA purA . 
iha ye vai mariShyanti te vai svargajito narAH .. 2..\\
eShA saro vatI puNyA divyA choghavatI nadI . 
etadvinashanaM nAma saro vatyA vishAM pate .. 3..\\
dvAraM niShAdarAShTrasya yeShA.n dveShAtsaro vatI . 
praviShTA pR^ithivI.n vIra mA niShAdA hi mAM viduH .. 4..\\
eSha vai chamasodbhedo yatra dR^ishyA saro vatI . 
yatrainAmabhyavartanta divyAH puNyAH samudragAH .. 5..\\
etatsindhormahattIrtha.n yatrAgastyamarindama . 
lopAmudrA samAgamya bhartAramavR^iNIta vai .. 6..\\
etatprabhAsate tIrthaM prabhAsaM bhAH karadyute . 
indrasya dayitaM puNyaM pavitraM pApanAshanam .. 7..\\
etadviShNupadaM nAma dR^ishyate tIrthamuttamam . 
eShA ramyA vipAshA cha nadI paramapAvanI .. 8..\\
atraiva putrashokena vasiShTho bhagavAnR^iShiH . 
baddhvAtmAnaM nipatito vipAshaH punarutthitaH .. 9..\\
kAshmIla maNDala.n chaitatsarvapuNyamarindama . 
maharShibhishchAdhyuShitaM pashyedaM bhrAtR^ibhiH saha .. 10..\\
atrottarANA.n sarveShAmR^iShINAM nAhuShasya cha . 
agneshchAtraiva sa.nvAdaH kAshyapasya cha bhArata .. 11..\\
etaddvAraM mahArAja mAnasasya prakAshate . 
varShamasya girermadhye rAmeNa shrImatA kR^itam .. 12..\\
eSha vAtika ShaNDo vai prakhyAtaH satyavikramaH . 
nAbhyavartata yaddvAra.n videhAnuttara.n cha yaH .. 13..\\
eSha ujjAnako nAma yavakrIryatra shAntavAn . 
arundhatI sahAyashcha vasiShTho bhagavAnR^iShiH .. 14..\\
hradashcha kushavAneSha yatra padma.n kushe shayam . 
Ashramashchaiva rukmiNyA yatrAshAmyadakopanA .. 15..\\
samAdhInA.n samAsastu pANDaveya shrutastvayA . 
ta.n drakShyasi mahArAja bhR^igutu~NgaM mahAgirim .. 16..\\
jalA.n chopajalAM chaiva yamunAmabhito nadIm . 
ushInaro vai yatreShTvA vAsavAdatyarichyata .. 17..\\
tA.n devasamitiM tasya vAsavashcha vishAM pate . 
abhyagachchhata rAjAna.n GYAtumagnishcha bhArata .. 18..\\
jiGYAsamAnau varadau mahAtmAnamushInaram . 
indraH shyenaH kapoto.agnirbhUtvA yaGYe.abhijagmatuH .. 19..\\
Uru.n rAGYaH samAsAdya kapotaH shyenajAdbhayAt . 
sharaNArthI tadA rAjannililye bhayapIDitaH .. 20..\\
\medskip\hrule\medskip\centerline{\Largedvng 131}
 zyena

dharmAtmAna.n tvAhureka.n sarve rAjanmahIkShitaH . 
sa vai dharmaviruddha.n tvaM kasmAtkarma chikIrShasi .. 1..\\
vihitaM bhakShaNa.n rAjanpIDyamAnasya me kShudhA . 
mA bhA~NkShIrdharmalobhena dharmamutsR^iShTavAnasi .. 2..\\

 raajan

santrastarUpastrANArthI tvatto bhIto mahAdvija . 
matsakAshamanuprAptaH prANagR^idhnuraya.n dvijaH .. 3..\\
evamabhyAgatasyeha kapotasyAbhayArthinaH . 
apradAne paro.adharmaH ki.n tva.n shyenaprapashyasi .. 4..\\
praspandamAnaH sambhrAntaH kapotaH shyenalakShyate . 
matsakAsha.n jIvitArthI tasya tyAgo vigarhitaH .. 5..\\

 z

AhArAtsarvabhUtAni sambhavanti mahIpate . 
AhAreNa vivardhante tena jIvanti jantavaH .. 6..\\
shakyate dustyaje.apyarthe chirarAtrAya jIvitum . 
na tu bhojanamutsR^ijya shakya.n vartayitu.n chiram .. 7..\\
bhakShyAdvilopitasyAdya mama prANA vishAM pate . 
visR^ijya kAyameShyanti panthAnamapunarbhavam .. 8..\\
pramR^ite mayi dharmAtmanputradAraM nashiShyati . 
rakShamANaH kapota.n tvaM bahUnprANAnnashiShyasi .. 9..\\
dharma.n yo bAdhate dharmo na sa dharmaH kudharma tat . 
avirodhI tu yo dharmaH sa dharmaH satyavikrama .. 10..\\
virodhiShu mahIpAla nishchitya gurulAghavam . 
na bAdhA vidyate yatra ta.n dharma.n samudAcharet .. 11..\\
gurulAghavamAGYAya dharmAdharmavinishchaye . 
yato bhUyA.nstato rAjankuru dharmavinishchayam .. 12..\\

 r

bahukalyANa sa.nyuktaM bhAShase vihagottama . 
suparNaH pakShirATki.n tvaM dharmaGYashchAsyasaMshayam . 
tathA hi dharmasa.nyuktaM bahu chitraM prabhAShase .. 13..\\
na te.astyavidita.n kiM chiditi tvA lakShayAmyaham . 
sharaNaiShiNaH parityAga.n katha.n sAdhviti manyase .. 14..\\
AhArArtha.n samArambhastava chAyaM viha~Ngama . 
shakyashchApyanyathA kartumAhAro.apyadhikastvayA .. 15..\\
govR^iSho vA varAho vA mR^igo vA mahiSho.api vA . 
tvadarthamadya kriyatA.n yadvAnyadabhikA~NkShase .. 16..\\

 z

na varAhaM na chokShANaM na mR^igAnvividhA.nstathA . 
bhakShayAmi mahArAja kimannAdyena tena me .. 17..\\
yastu me daivavihito bhakShaH kShatriya pu~Ngava . 
tamutsR^ija mahIpAla kapotamimameva me .. 18..\\
shyenAH kapotAnkhAdanti sthitireShA sanAtanI . 
mA rAjanmArgamAGYAya kadalI skandhamAruha .. 19..\\

 r

rAjya.n shibInAmR^iddhaM vai shAdhi pakShigaNArchita . 
yadvA kAmayase ki.n chichchhyena sarvaM dadAni te . 
vinemaM pakShiNa.n shyenasharaNArthinamAgatam .. 20..\\
yenema.n varjayethAstva.n karmaNA pakShisattama . 
tadAchakShva kariShyAmi na hi dAsye kapotakam .. 21..\\

 z

ushInara kapote te yadi sneho narAdhipa . 
Atmano mA.nsamutkR^itya kapota tulayA dhR^itam .. 22..\\
yadA sama.n kapotena tava mA.nsaM bhavennR^ipa . 
tadA pradeya.n tanmahya.n sA me tuShTirbhaviShyati .. 23..\\

 r

anugrahamimaM manye shyenayanmAbhiyAchase . 
tasmAtte.adya pradAsyAmi svamA.nsa.n tulayA dhR^itam .. 24..\\

 l

athotkR^itya svamA.nsa.n tu rAjA paramadharmavit . 
tulayAmAsa kaunteya kapotena sahAbhibho .. 25..\\
dhriyamANastu tulayA kapoto vyatirichyate . 
punashchotkR^itya mA.nsAni rAjA prAdAdushInaraH .. 26..\\
na vidyate yadA mA.nsa.n kapotena samaM dhR^itam . 
tata utkR^itta mA.nso.asAvAruroha svaya.n tulAm .. 27..\\

 z

indro.ahamasmi dharmaGYa kapoto havyavAD ayam . 
jiGYAsamAnau dharme tvA.n yaGYavATamupAgatau .. 28..\\
yatte mA.nsAni gAtrebhya utkR^ittAni vishAM pate . 
eShA te bhAsvarI kIrtirlokAnabhibhaviShyati .. 29..\\
yAvalloke manuShyAstvA.n kathayiShyanti pArthiva . 
tAvatkIrtishcha lokAshcha sthAsyanti tava shAshvatAH .. 30..\\

 l

tatpANDaveya sadana.n rAGYastasya mahAtmanaH . 
pashyasvaitanmayA sArdhaM puNyaM pApapramochanam .. 31..\\
atra vai satata.n devA munayashcha sanAtanAH . 
dR^ishyante brAhmaNai rAjanpuNyavadbhirmahAtmabhiH .. 32..\\
\medskip\hrule\medskip\centerline{\Largedvng 132}
 l

yaH kathyate mantravidagryabuddhir 
auddAlakiH shvetaketuH pR^ithivyAm . 
tasyAshramaM pashya narendra puNyaM 
sadA phalairupapannaM mahI jaiH .. 1..\\
sAkShAdatra shvetaketurdadarsha 
saro vatIM mAnuShadeharUpAm . 
vetsyAmi vAnImiti sampravR^ittAM 
saro vatI.n shvetaketurbabhAShe .. 2..\\
tasminkAle brahma vidA.n variShThAv 
AstA.n tadA mAtulabhAgineyau . 
aShTAvakrashchaiva kahoDa sUnur 
auddAlakiH shvetaketushcha rAjan .. 3..\\
videharAjasya mahIpatestau 
viprAvubhau mAtulabhAgineyau . 
pravishya yaGYAyatana.n vivAde 
bandiM nijagrAhaturaprameyam .. 4..\\

 y

kathaM prabhAvaH sa babhUva vipras 
tathAyukta.n yo nijagrAha bandim . 
aShTAvakraH kena chAsau babhUva 
tatsarvaM me lomasha sha.nsa tattvam .. 5..\\
uddAlakasya niyataH shiShya eko 
nAmnA kahoDeti babhUva rAjan . 
shushrUShurAchArya vashAnuvartI 
dIrgha.n kAla.n so.adhyayanaM chakAra .. 6..\\
ta.n vai viprAH paryabhavaMshcha shiShyAs 
ta.n cha GYAtvA viprakAraM guruH saH . 
tasmai prAdAtsadya eva shruta.n cha 
bhAryA.n cha vai duhitara.n svAM sujAtAm .. 7..\\
tasyA garbhaH samabhavadagnikalpaH 
so.adhIyAnaM pitaramathAbhyuvAcha . 
sarvA.n rAtrimadhyayana.n karoShi 
nedaM pitaH samyagivopavartate .. 8..\\
upAlabdhaH shiShyamadhye maharShiH 
sa ta.n kopAdudara stha.n shashApa . 
yasmAtkukShau vartamAno bravIShi 
tasmAdvakro bhavitAsyaShTa kR^itvaH .. 9..\\
sa vai tathA vakra evAbhyajAyad 
aShTAvakraH prathito vai maharShiH . 
tasyAsIdvai mAtulaH shvetaketuH 
sa tena tulyo vayasA babhUva .. 10..\\
sampIDyamAnA tu tadA sujAtA 
vivardhamAnena sutena kukShau . 
uvAcha bhartAramida.n rahogatA 
prasAdya hIna.n vasunA dhanArthinI .. 11..\\
katha.n kariShyAmyadhanA maharShe 
mAsashchAya.n dashamo vartate me . 
na chAsti te vasu ki.n chitprajAtA 
yenAhametAmApadaM nistareyam .. 12..\\
uktastvevaM bhAryayA vai kahoDo 
vittasyArthe janakamathAbhyagachchhat . 
sa vai tadA vAdavidA nigR^ihya 
nimajjito bandinehApsu vipraH .. 13..\\
uddAlakasta.n tu tadA nishamya 
sUtena vAde.apsu tathA nimajjitam . 
uvAcha tA.n tatra tataH sujAtAm 
aShTAvakre gUhitavyo.ayamarthaH .. 14..\\
rarakSha sA chApyati ta.n sumantraM 
jAto.apyevaM na sa shushrAva vipraH . 
uddAlakaM pitR^ivachchApi mene 
aShTAvakro bhrAtR^ivachchhveta ketum .. 15..\\
tato varShe dvAdashe shvetaketur 
aShTAvakraM pitura~Nke nisannam . 
apAkarShadgR^ihya pANau rudantaM 
nAya.n tavA~NkaH piturityuktavAMsh cha .. 16..\\
yattenokta.n duruktaM tattadAnIM 
hR^idi sthita.n tasya suduHkhamAsIt . 
gR^iha.n gatvA mAtara.n rodamAnaH 
paprachchheda.n kva nu tAto mameti .. 17..\\
tataH sujAtA paramArtarUpA 
shApAdbhItA sarvamevAchachakShe . 
tadvai tattva.n sarvamAGYAya mAtur 
ityabravIchchhveta ketu.n sa vipraH .. 18..\\
gachchhAva yaGYa.n janakasya rAGYo 
bahvAshcharyaH shrUyate tasya yaGYaH . 
shroShyAvo.atra brAhmaNAnA.n vivAdam 
anna.n chAgryaM tatra bhokShyAvahe cha . 
vichakShaNa tva.n cha bhaviShyate nau 
shivashcha saumyashcha hi brahmaghoShaH .. 19..\\
tau jagmaturmAtulabhAgineyau 
yaGYa.n samR^iddha.n janakasya rAGYaH . 
aShTAvakraH pathi rAGYA sametya 
utsAryamANo vAkyamida.n jagAda .. 20..\\
\medskip\hrule\medskip\centerline{\Largedvng 133}
 ast

andhasya panthA badhirasya panthAH 
striyaH panthA vaivadhikasya panthAH . 
rAGYaH panthA brAhmaNenAsametya sametya 
tu brAhmaNasyaiva panthAH .. 1..\\

 r

panthA aya.n te.adya mayA nisR^iShTo 
yenechchhase tena kAma.n vrajasva . 
na pAvako vidyate vai laghIyAn 
indro.api nityaM namate brAhmaNAnAm .. 2..\\

 ast

yaGYa.n draShTuM prAptavantau svatAta 
kautUhalaM nau balavadvai vivR^iddham . 
AvAM prAptAvatithI sampraveshaM 
kA~NkShAvahe dvArapate tavAGYAm .. 3..\\
aindradyumneryaGYadR^ishAvihAvAM 
vivakShU vai janakendra.n didR^ikShU . 
na vai krodhAdvyAdhinaivottamena 
sa.nyojaya dvArapAla kShaNena .. 4..\\

 dvaarap

bandeH samAdesha karA vaya.n sma 
nibodha vAkya.n cha mayeryamANam . 
na vai bAlAH pravishantyatra viprA 
vR^iddhA vidvA.nsaH pravishanti dvijAgryAH .. 5..\\

 ast

yadyatra vR^iddheShu kR^itaH pravesho 
yuktaM mama dvArapAla praveShTum . 
vaya.n hi vR^iddhAshcharitavratAsh cha 
veda prabhAvena praveshanArhAH .. 6..\\
shushrUShavashchApi jitendriyAsh cha 
GYAnAgame chApi gatAH sma niShThAm . 
na bAla ityavamantavyamAhur 
bAlo.apyagnirdahati spR^ishyamAnaH .. 7..\\

 dv

saro vatImIraya veda juShTAm 
ekAkSharAM bahurUpA.n virAjam . 
a~NgAtmAna.n samavekShasva bAlaM 
ki.n shlAghase durlabhA vAdasiddhiH .. 8..\\

 ast

na GYAyate kAyavR^iddhyA vivR^iddhir 
yathAShThIlA shAlmaleH sampravR^iddhA . 
hrasvo.alpakAyaH phalito vivR^iddho 
yashchAphalastasya na vR^iddhabhAvaH .. 9..\\
vR^iddhebhya eveha mati.n sma bAlA 
gR^ihNanti kAlena bhavanti vR^iddhAH . 
na hi GYAnamalpakAlena shakyaM 
kasmAdbAlo vR^iddha ivAvabhAShase .. 10..\\

 ast

na tena sthaviro bhavati yenAsya palita.n shiraH . 
bAlo.api yaH prajAnAti ta.n devAH sthavira.n viduH .. 11..\\
na hAyanairna palitairna vittena na bandhubhiH . 
R^iShayashchakrire dharma.n yo.anUchAnaH sa no mahAn .. 12..\\
didR^ikShurasmi samprApto bandina.n rAjasa.nsadi . 
nivedayasva mA.n dvAH stha rAGYe puShkara mAline .. 13..\\
draShTAsyadya vadata dvArapAla 
manIShibhiH saha vAde vivR^iddhe . 
utAho vApyuchchatAM nIchatA.n vA 
tUShNImbhUteShvatha sarveShu chAdya .. 14..\\

 dv

katha.n yaGYa.n dashavarSho vishestvaM 
vinItAnA.n viduShAM sampraveshyam . 
upAyataH prayatiShye tavAhaM 
praveshane kuru yatna.n yathAvat .. 15..\\

 ast

bho bho rAja~njanakAnA.n variShTha 
sabhAjyastva.n tvayi sarva.n samR^iddham . 
tva.n vA kartA karmaNAM yaGYiyAnAM 
yayAtireko nR^ipatirvA purastAt .. 16..\\
vidvAnbandI veda vido nigR^ihya 
vAde bhagnAnapratisha~NkamAnaH . 
tvayA nisR^iShTaiH puruShairAptakR^idbhir 
jale sarvAnmajjayatIti naH shrutam .. 17..\\
sa tachchhrutvA brAhmaNAnA.n sakAshAd 
brahmodya.n vai kathayitumAgato.asmi . 
kvAsau bandI yAvadena.n sametya 
nakShatrANIva savitA nAshayAmi .. 18..\\

 r

Asha.nsase bandina.n tva.n vijetum 
aviGYAtvA vAkyabalaM parasya . 
viGYAta vIryaiH shakyamevaM 
pravaktu.n dR^iShTashchAsau brAhmaNairvAdashIlaiH .. 19..\\

 ast

vivAdito.asau na hi mAdR^ishairhi 
si.nhI kR^itastena vadatyabhItaH . 
sametya mAM nihataH sheShyate.adya 
mArge bhagna.n shakaTamivAbalAkSham .. 20..\\

 r

ShaNNAbherdvAdashAkShasya chaturviMshatiparvaNaH . 
yastriShaShTi shatArasya vedArtha.n sa paraH kaviH .. 21..\\

 ast

chaturviMshatiparva tvA.n ShaNNAbhi dvAdasha pradhi . 
tattriShaShTi shatAra.n vai chakraM pAtu sadAgati .. 22..\\

 r

vaDave iva sa.nyukte shyenapAte divaukasAm . 
kastayorgarbhamAdhatte garbha.n suShuvatush cha kam .. 23..\\
mA sma te te gR^ihe rAja~nshAtravANAm api dhruvam . 
vAtasArathirAdhatte garbha.n suShuvatush cha tam .. 24..\\
ki.n svitsuptaM na nimiShati kiM svijjAtaM na chopati . 
kasya sviddhR^idayaM nAsti ki.n svidvegena vardhate .. 25..\\
matsyaH supto na nimiShatyanda.n jAtaM na chopati . 
ashmano hR^idayaM nAsti nadIvegena vardhate .. 26..\\
na tvA manye mAnuSha.n deva sattvaM 
na tvaM bAlaH sthavirastvaM mato me . 
na te tulyo vidyate vAkpralApe 
tasmAddvAra.n vitarAmyeSha bandI .. 27..\\
\medskip\hrule\medskip\centerline{\Largedvng 134}
 ast

atrograsenasamiteShu rAjan 
samAgateShvapratimeShu rAjasu . 
na vai vivitsAntaramasti vAdinAM 
mahAjale ha.nsaninAdinAm iva .. 1..\\
na me.adya vakShyasyati vAdimAnin 
glahaM pra pannaH saritAmivAgamaH . 
hutAshanasyeva samiddha tejasaH 
sthiro bhavasveha mamAdya bandin .. 2..\\
vyAghra.n shayAnaM prati mA prabodhaya 
AshIviSha.n sR^ikkiNI lelihAnam . 
padAhatasyeva shiro.abhihatya 
nAdaShTo vai mokShyase tannibodha .. 3..\\
yo vai darpAtsa.nhananopapannaH 
sudurbalaH parvatamAvihanti . 
tasyaiva pANiH sanakho vishIryate 
na chaiva shailasya hi dR^ishyate vraNaH .. 4..\\
sarve rAGYo maithilasya mainAkasyeva parvatAH . 
nikR^iShTa bhUtA rAjAno vatsA anaduho yathA .. 5..\\
astAvakraH samitau garjamAno 
jAtakrodho bandinamAha rAjan . 
ukte vAkye chottaraM me bravIhi 
vAkyasya chApyuttara.n te bravImi .. 6..\\
eka evAgnirbahudhA samidhyate 
ekaH sUryaH sarvamidaM prabhAShate . 
eko vIro devarAjo nihantA 
yamaH pitR^INAmIshvarash chaika eva .. 7..\\
dvAvindrAgnI charato vai sakhAyau 
dvau devarShI nAradaH parvatash cha . 
dvAvashvinau dve cha rathasya chakre 
bhAryA patI dvau vihitau vidhAtrA .. 8..\\
triH sUyate karmaNA vai prajeyaM 
trayo yuktA vAjapeya.n vahanti . 
adhvaryavastrisavanAni tanvate 
trayo lokAstrINi jyotI.nsi chAhuH .. 9..\\
chatuShTayaM brAhmaNAnAM niketaM 
chatvAro yuktA yaGYamima.n vahanti . 
dishashchatasrashchaturashcha varNAsh 
chatuspadA gaurapi shashvaduktA .. 10..\\
pa~nchAgnayaH pa~ncha padA cha pa~Nktir 
yaGYAH pa~nchaivApyatha pa~nchendriyANi . 
dR^iShTA vede pa~ncha chUdAshcha pa~ncha 
loke khyAtaM pa~nchanada.n cha puNyam .. 11..\\
ShaDAdhAne dakShiNAmAhureke 
ShaDeveme R^itavaH kAlachakram . 
ShaDindriyANyuta ShaTkR^ittikAsh cha 
ShaTsAdyaskAH sarvavedeShu duShTAH .. 12..\\
sapta grAmyAH pashavaH sapta vanyAH 
sapta chhandA.nsi kratumeka.n vahanti . 
saptarShayaH sapta chApyarhaNAni 
sapta tantrI prathitA chaiva vInA .. 13..\\
aShTau shANAH shatamAna.n vahanti 
tathAShTa pAdaH sharabhaH si.nhaghAtI . 
aShTau vasU~nshushruma devatAsu 
yUpashchAShTAsrirvihitaH sarvayaGYaH .. 14..\\
navaivoktAH sAmidhenyaH pitR^INAM 
tathA prAhurnava yoga.n viShargam . 
navAkSharA bR^ihatI sampradiShTA 
nava yogo gaNanAmeti shashvat .. 15..\\
dashA dashoktAH puruShasya loke 
sahasramAhurdasha pUrNa.n shatAni . 
dashaiva mAsAnbibhrati garbhavatyo 
dasherakA dasha dAshA dashArNAH .. 16..\\
ekAdashaikAdashinaH pashUnAm 
ekAdashaivAtra bhavanti yUpAH . 
ekAdasha prANabhR^itA.n vikArA 
ekAdashoktA divi deveShu rudrAH .. 17..\\
sa.nvatsara.n dvAdasha mAsamAhur 
jagatyAH pAdo dvAdashaivAkSharANi . 
dvAdashAhaH prAkR^ito yaGYa ukto 
dvAdashAdityAnkathayantIha viprAH .. 18..\\
trayodashI tithiruktA mahogrA 
trayodashadvIpavatI mahI cha .. 19..\\
etAvaduktvA virarAma bandI 
shlokasyArdha.n vyAjahArAShTavakraH . 
trayodashAhAni sasAra keshI 
trayodashAdInyatichchhandA.nsi chAhuH .. 20..\\
tato mahAnudatiShThanninAdas 
tUShNImbhUta.n sUtaputraM nishamya . 
adhomukha.n dhyAnaparaM tadAnIm 
astAvakra.n chApyudIryantameva .. 21..\\
tasmi.nstathA sa~Nkule vartamAne 
sphIte yaGYe janakasyAtha rAGYaH . 
astAvakraM pUjayanto.abhyupeyur 
viprAH sarve prA~njalayaH pratItAH .. 22..\\
anena vai brAhmaNAH shushruvA.nso 
vAde jitvA salile majjitAH kila . 
tAneva dharmAnayamadya bandI 
prApnotu gR^ihyApsu nimajjayainam .. 23..\\
ahaM putro varuNasyota rAGYas 
tatrAsa satra.n dvAdasha vArShika.n vai . 
satreNa te janaka tulyakAlaM 
tadartha.n te prahitA me dvijAgryAH .. 24..\\
ete sarve varuNasyota yaGYaM 
draShTu.n gatA iha AyAnti bhUyaH . 
astAvakraM pUjaye pUjanIyaM 
yasya hetorjanitAra.n sameShye .. 25..\\
viprAH samudrAmbhasi majjitAste 
vAchA jitA medhayA AvidAnAH . 
tAM medhayA vAchamathojjahAra 
yathA vAchamavachinvanti santaH .. 26..\\
agnirdaha~njAtavedAH satA.n gR^ihAn 
visarjaya.nstejasA na sma dhAkShIt . 
bAleShu putreShu kR^ipaNa.n vadatsu 
tathA vAchamavachinvanti santaH .. 27..\\
shleShmAtakI kShINavarchaH shR^iNoShi 
utAho tvA.n stutayo mAdayanti . 
hastIva tva.n janaka vitudyamAno 
na mAmikA.n vAchamimAM shR^iNoShi .. 28..\\
shR^iNomi vAcha.n tava divyarUpAm 
amAnuShI.n divyarUpo.asi sAkShAt . 
ajaisIryadbandina.n tva.n vivAde 
nisR^iShTaiva tava kAmo.adya bandI .. 29..\\
nAnena jIvatA kashchidartho me bandinA nR^ipa . 
pitA yadyasya varuNo majjayaina.n jalAshaye .. 30..\\
ahaM putro varuNasyota rAGYo 
na me bhaya.n salile majjitasya . 
imaM muhUrtaM pitara.n drakShyate.ayam 
aShTAvakrashchiranaShTa.n kahoDam .. 31..\\
tataste pUjitA viprA varuNena mahAtmanA . 
udatiShThanta te sarve janakasya samIpataH .. 32..\\
ityarthamichchhanti sutA~njanA janaka karmaNA . 
yadahaM nAshaka.n kartuM tatputraH kR^itavAnmama .. 33..\\
utAbalasya balavAnuta bAlasya paNDitaH . 
uta vAviduso vidvAnputro janaka jAyate .. 34..\\
shitena te parashunA svayamevAntako nR^ipa . 
shirA.nsyapAharatvAjau ripUNAM bhadramastu te .. 35..\\
mahadukthya.n gIyate sAma chAgryaM 
samyaksomaH pIyate chAtra satre . 
shuchInbhAgAnpratijagR^ihushcha hR^iShTAH 
sAkShAddevA janakasyeha yaGYe .. 36..\\
samutthiteShvatha sarveShu rAjan 
vipreShu teShvadhika.n suprabheShu . 
anuGYAto janakenAtha rAGYA 
vivesha toya.n sAgarasyota bandI .. 37..\\
astAvakraH pitaraM pUjayitvA 
sampUjito brAhmaNaistairyathAvat . 
pratyAjagAmAshramameva chAgryaM 
jitvA bandi.n sahito mAtulena .. 38..\\
atra kaunteya sahito bhrAtR^ibhistvaM 
sukhoShitaH saha vipraiH pratItaH . 
puNyAnyanyAni shuchi karmaika bhaktir 
mayA sArdha.n charitAsyAjamIdha .. 39..\\
\medskip\hrule\medskip\centerline{\Largedvng 135}
 lom

eShA madhuvilA rAjansama~NgA samprakAshate . 
etatkardamilaM nAma bharatasyAbhisechanam .. 1..\\
alakShmyA kila sa.nyukto vR^itra.nhatvA shachIpatiH . 
AplutaH sarvapApebhyaH sama~NgAyA.n vyamuchyata .. 2..\\
etadvinashana.n kukShau mainAkasya nararShabha . 
aditiryatra putrArtha.n tadannamapachatpurA .. 3..\\
enaM parvatarAjAnamAruhya purusarShabha . 
ayashasyAmasaMshabdyAmalakShmI.n vyapanotsyatha .. 4..\\
ete kanakhalA rAjanR^iShINA.n dayitA nagAH . 
eShA prakAshate ga~NgA yudhiShThira mahAnadI .. 5..\\
sanatkumAro bhagavAnatra siddhimagAtparAm . 
AjamIdhAvagAhyainA.n sarvapApaiH pramokShyase .. 6..\\
apA.n hrada.n cha puNyAkhyaM bhR^igutu~NgaM cha parvatam . 
tUShNI.n ga~NgAM cha kaunteya sAmAtyaH samupaspR^isha .. 7..\\
AshramaH sthUlashiraso ramaNIyaH prakAshate . 
atra mAna.n cha kaunteya krodhaM chaiva vivarjaya .. 8..\\
eSha raibhyAshramaH shrImAnpANDaveya prakAshate . 
bhAradvAjo yatra kaviryavakrIto vyanashyata .. 9..\\
katha.n yukto.abhavadR^iShirbharadvAjaH pratApavAn . 
kimartha.n cha yavakrIta R^iShiputro vyanashyata .. 10..\\
etatsarva.n yathAvR^ittaM shrotumichchhAmi lomasha . 
karmabhirdevakalpAnA.n kIrtyamAnairbhR^isha.n rame .. 11..\\
bharadvAjashcha raibhyashcha sakhAyau sambabhUvatuH . 
tAvUShaturihAtyantaM prIyamANau vanAntare .. 12..\\
raibhyasya tu sutAvAstAmarvAvasu parAvasU . 
AsIdyavakrIH putrastu bharadvAjasya bhArata .. 13..\\
raibhyo vidvAnsahApatyastapo vI chetaro.abhavat . 
tayoshchApyatulA prItirbAlyAtprabhR^iti bhArata .. 14..\\
yavakrIH pitara.n dR^iShTvA tapo vinamasatkR^itam . 
dR^iShTvA cha satkR^ita.n viprai raibhyaM putraiH sahAnagha .. 15..\\
paryatapyata tejo vI manyunAbhipariplutaH . 
tapastepe tato ghora.n veda GYAnAya pANDava .. 16..\\
susamiddhe mahatyagnau sharIramupatApayan . 
janayAmAsa santApamindrasya sumahAtapaH .. 17..\\
tata indro yavakrItamupagamya yudhiShThira . 
abravItkasya hetostvamAsthitastapa uttamam .. 18..\\
dvijAnAmanadhItA vai vedAH suragarArchita . 
pratibhAntviti tapye.ahamidaM paramaka.n tapaH .. 19..\\
svAdhyAyArthe samArambho mamAyaM pAkashAsana . 
tapasA GYAtumichchhAmi sarvaGYAnAni kaushika .. 20..\\
kAlena mahatA vedAH shakyA guru mukhAdvibho . 
prAptu.n tasmAdaya.n yatnaH paramo me samAsthitaH .. 21..\\
amArga eSha viprarShe yena tva.n yAtumichchhasi . 
ki.n vighAtena te vipra gachchhAdhIhi gurormukhAt .. 22..\\
evamuktvA gataH shakro yavakrIrapi bhArata . 
bhUya evAkarodyatna.n tapasyamitavikrama .. 23..\\
ghoreNa tapasA rAja.nstapyamAno mahAtapaH . 
santApayAmAsa bhR^isha.n devendramiti naH shrutam .. 24..\\
ta.n tathA tapyamAnaM tu tapastIvraM mahAmunim . 
upetya balabhiddevo vArayAmAsa vai punaH .. 25..\\
ashakyo.arthaH samArabdho naitadbuddhikR^ita.n tava . 
pratibhAsyanti vai vedAstava chaiva piturcha te .. 26..\\
na chaitadeva.n kriyate devarAjamamepsitam . 
mahatA niyamenAha.n tapsye ghorataraM tapaH .. 27..\\
samiddhe.agnAvupakR^ityA~Ngama~NgaM 
hoShyAmi vA maghava.nstannibodha . 
yadyetadevaM na karoShi kAmaM 
mamepsita.n devarAjeha sarvam .. 28..\\
nishchaya.n tamabhiGYAya munestasya mahAtmanaH . 
prativAraNa hetvarthaM buddhyA sa~ncintya buddhimAn .. 29..\\
tata indro.akarodrUpaM brAhmaNasya tapo vinaH . 
anekashatavarShasya durbalasya sa yakShmaNaH .. 30..\\
yavakrItasya yattIrthamuchita.n shauchakarmaNi . 
bhAgIrathyA.n tatra setu.n vAlukAbhishcha chArasaH .. 31..\\
yadAsya vadato vAkyaM na sachakre dvijottamaH . 
vAlukAbhistataH shakro ga~NgA.n samabhipUrayan .. 32..\\
vAlukA muShTimanishaM bhAgIrathyA.n vyasarjayat . 
setumabhyArabhachchhakro yavakrItaM nidarshayan .. 33..\\
ta.n dadarsha yavakrIstu yatnavantaM nibandhane . 
prahasaMshchAbravIdvAkyamida.n sa munipu~NgavaH .. 34..\\
kimida.n vartate brahmanki.n cha te ha chikIrShitam . 
atIva hi mahAnyatnaH kriyate.ayaM nirarthakaH .. 35..\\
bandhiShye setunA ga~NgA.n sukhaH panthA bhaviShyati . 
klishyate hi janastAta taramANaH punaH punaH .. 36..\\
nAya.n shakyastvayA baddhuM mahAnoghaH katha.n chana . 
ashakyAdvinivartasva shakyamartha.n samArabha .. 37..\\
yathaiva bhavatA cheda.n tapo vedArthamudyatam . 
ashakya.n tadvadasmAbhirayaM bhAraH samudyataH .. 38..\\
yathA tava nirartho.ayamArambhastridasheshvara . 
tathA yadi mamApIdaM manyase pAkashAsana .. 39..\\
kriyatA.n yadbhavechchhakyaM mayA suragaNeshvara . 
varAMshcha me prayachchhAnyAnyairanyAnbhavitAsmyati .. 40..\\
tasmai prAdAdvarAnindra uktavAnyAnmahAtapaH . 
pratibhAsyanti te vedAH pitrA saha yathepsitAH .. 41..\\
yachchAnyatkA~NkShase kAma.n yavakrIrgamyatAm iti . 
sa labdhakAmaH pitaramupetyAtha tato.abravIt .. 42..\\
\medskip\hrule\medskip\centerline{\Largedvng 136}
 yava

pratibhAsyanti vai vedA mama tAtasya chobhayoH . 
ati chAnyAnbhaviShyAvo varA labdhAstathA mayA .. 1..\\

 bharad

darpaste bhavitA tAta varA.NllabdhvA yathepsitAn . 
sa darpapUrNaH kR^ipaNaH kShiprameva vinashyasi .. 2..\\
atrApyudAharantImA gAthA devairudAhR^itAH . 
R^iShirAsItpurA putra bAladhirnAma vIryavAn .. 3..\\
saputrashokAdudvignastapastepe sudushcharam . 
bhavenmama suto.amartya iti ta.n labdhavAMshcha saH .. 4..\\
tasya prasAdo devaishcha kR^ito na tvamaraiH samaH . 
nAmartyo vidyate martyo nimittAyurbhaviShyati .. 5..\\

 b

yatheme parvatAH shashvattiShThanti surasattamAH . 
akShayAstannimittaM me sutasyAyurbhavediti .. 6..\\
tasya putrastadA jaGYe medhAvI krodhanaH sadA . 
sa tachchhrutvAkaroddarpamR^iShIMshchaivAvamanyata .. 7..\\
vikurvANo munInA.n tu charamANo mahImimAm . 
AsasAda mahAvIrya.n dhanuShAkShaM manIShiNam .. 8..\\
tasyApachakre medhAvI ta.n shashApa sa vIryavAn . 
bhava bhasmeti choktaH sa na bhasma samapadyata .. 9..\\
dhanuShAkShastu ta.n dR^iShTvA medhAvinamanAmayam . 
nimittamasya mahiShairbhedayAmAsa vIryavAn .. 10..\\
sa nimitte vinaste tu mamAra sahasA shishuH . 
taM mR^itaM putramAdAya vilalApa tataH pitA .. 11..\\
lAlapyamAna.n taM dR^iShTvA munayaH punarArtavat . 
UchurvedoktayA pUrva.n gAthayA tannibodha me .. 12..\\
na diShTamarthamatyetumIsho martyaH katha.n chana . 
mahiShairbhedayAmAsa dhanuShAkSho mahIdharAn .. 13..\\
eva.n labdhvA varAnbAlA darpapUrNAstarasvinaH . 
kShiprameva vinashyanti yathA na syAttathA bhavAn .. 14..\\
eSha raibhyo mahAvIryaH putrau chAsya tathA vibhau . 
ta.n yathA putra nAbhyeShi tathA kuryAstvatandritaH .. 15..\\
sa hi kruddhaH samarthastvAM putra pIDayitu.n ruShA . 
vaidyashchApi tapasvI cha kopanashcha mahAnR^iShiH .. 16..\\

 y

eva.n kariShye mA tApaM tAta kArShIH kathaM chana . 
yathA hi me bhavAnmAnyastathA raibhyaH pitA mama .. 17..\\
uktvA sa pitara.n shlakShNaM yavakrIrakutobhayaH . 
viprakurvannR^iShInanyAnatuShyatparayA mudA .. 18..\\
\medskip\hrule\medskip\centerline{\Largedvng 137}
 l

cha~NkramyamANaH sa tadA yavakrIrakutobhayaH . 
jagAma mAdhave mAsi raibhyAshramapadaM prati .. 1..\\
sa dadarshAshrame puNye puShpitadrumabhUShite . 
vicharantI.n snuShA.n tasya kiMnarImiva bhArata .. 2..\\
yavakrIstAmuvAchedamupatiShThasva mAm iti . 
nirlajjo lajjayA yuktA.n kAmena hR^itachetanaH .. 3..\\
sA tasya shIlamAGYAya tasmAchchhApAchcha bibhyatI . 
tejasvitA.n cha raibhyasya tathetyuktvA jagAma sA .. 4..\\
tata ekAntamunnIya majjayAmAsa bhArata . 
AjagAma tadA raibhyaH svamAshramamarindama .. 5..\\
rudantI.n cha snuShAM dR^iShTvA bhAryAmArtAM parAvasoH . 
sAntvaya~nshlakShNayA vAchA paryapR^ichchhadyudhiShThira .. 6..\\
sA tasmai sarvamAchaShTa yavakrI bhAShita.n shubhA . 
pratyukta.n cha yavakrItaM prekShApUrvaM tadAtmanA .. 7..\\
shR^iNvAnasyaiva raibhyasya yavakrIta vicheShTitam . 
dahanniva tadA chetaH krodhaH samabhavanmahAn .. 8..\\
sa tadA manyunAviShTastapasvI bhR^ishakopanaH . 
avalupya jaTAmekA.n juhAvAgnau susa.nskR^ite .. 9..\\
tataH samabhavannArI tasyA rUpeNa saMmitA . 
avalupyAparA.n chAtha juhAvAgnau jaTAM punaH .. 10..\\
tataH samabhavadrakSho ghorAkShaM bhImadarshanam . 
abrUtA.n tau tadA raibhyaM kiM kAryaM karavAmahe .. 11..\\
tAvabravIdR^iShiH kruddho yavakrIrvadhyatAm iti . 
jagmatustau tathetyuktvA yavakrIta jighA.nsayA .. 12..\\
tatasta.n samupAsthAya kR^ityA sR^iShTA mahAtmanA . 
kamaNDalu.n jahArAsya mohayitvA tu bhArata .. 13..\\
uchchiShTa.n tu yavakrItamapakR^iShTa kamaNDalum . 
tata udyatashUlaH sa rAkShasaH samupAdravat .. 14..\\
tamApatanta.n samprekShya shUlahasta.n jighA.nsayA . 
yavakrIH sahasotthAya prAdravadyena vai saraH .. 15..\\
jalahIna.n saro dR^iShTvA yavakrIstvaritaH punaH . 
jagAma saritaH sarvAstAshchApyAsanvishoShitAH .. 16..\\
sa kAlyamAno ghoreNa shUlahastena rakShasA . 
agnihotraM piturbhItaH sahasA samupAdravat .. 17..\\
sa vai pravishamAnastu shUdreNAndhena rakShiNA . 
nigR^ihIto balAddvAri so.avAtiShThata pArthiva .. 18..\\
nigR^ihIta.n tu shUdreNa yavakrIta.n sa rAkShasaH . 
tADayAmAsa shUlena sa bhinnahR^idayo.apatat .. 19..\\
yavakrIta.n sa hatvA tu rAkShaso raibhyamAgamat . 
anuGYAtastu raibhyeNa tayA nAryA sahAcharat .. 20..\\
\medskip\hrule\medskip\centerline{\Largedvng 138}
 l

bharadvAjastu kaunteya kR^itvA svAdhyAyamAhnikam . 
samitkalApamAdAya pravivesha svamAshramam .. 1..\\
ta.n sma dR^iShTvA purA sarve pratyuttiShThanti pAvakAH . 
na tvenamupatiShThanti hataputra.n tadAgnayaH .. 2..\\
vaikR^ita.n tvagnihotre sa lakShayitvA mahAtapAH . 
tamandha.n shUdramAsIna.n gR^ihapAlamathAbravIt .. 3..\\
kiM nu me nAgnayaH shUdra pratinandanti darshanam . 
tva.n chApi na yathApUrvaM kachchitkShemamihAshrame .. 4..\\
kachchinna raibhyaM putro me gatavAnalpachetanaH . 
etadAchakShva me shIghraM na hi me shudhyate manAH .. 5..\\

 zuu

raibhya.n gato nUnamasau sutaste mandachetanaH . 
tathA hi nihataH shete rAkShasena balIyasA .. 6..\\
prakAlyamAnastenAya.n shUlahastena rakShasA . 
agnyAgAraM prati dvAri mayA dorbhyAM nivAritaH .. 7..\\
tataH sa nihato hyatra jalakAmo.ashuchirdhruvam . 
sambhAvito hi tUrNena shUlahastena rakShasA .. 8..\\

 l

bharadvAjastu shUdrasya tachchhrutvA vipriya.n vachaH . 
gatAsuM putramAdAya vilalApa suduHkhitaH .. 9..\\
brAhmaNAnA.n kilArthAya nanu tvaM taptavA.nstapaH . 
dvijAnAmanadhItA vai vedAH sampratibhAntviti .. 10..\\
tathA kalyANa shIlastvaM brAhmaNeShu mahAtmasu . 
anAgAH sarvabhUteShu karkashatvamupeyivAn .. 11..\\
pratisiddho mayA tAta raibhyAvasatha darshanAt . 
gatavAneva ta.n kShudraM kAlAntakayamopamam .. 12..\\
yaH sa jAnanmahAtejA vR^iddhasyaikaM mamAtmajam . 
gatavAneva kopasya vashaM paramadurmatiH .. 13..\\
putrashokamanuprApya eSha raibhyasya karmaNA . 
tyakShyAmi tvAmR^ite putra prANAniShTatamAnbhuvi .. 14..\\
yathAhaM putrashokena deha.n tyakShyAmi kilbisI . 
tathA jyeShThaH suto raibhya.n hi.nsyAchchhIghramanAgasam .. 15..\\
sukhino vai narA yeShA.n jAtyA putro na vidyate . 
te putrashokamaprApya vicharanti yathAsukham .. 16..\\
ye tu putrakR^itAchchhokAdbhR^isha.n vyAkulachetasaH . 
shapantIShTAnsakhInArthAstebhyaH pApataro nu kaH .. 17..\\
parAsushcha suto dR^iShTaH shaptashcheShTaH sakhA mayA . 
IdR^ishImApada.n ko nu dvitIyo.anubhaviShyati .. 18..\\
vilapyaivaM bahuvidhaM bharadvAjo.adahatsutam . 
susamiddha.n tataH pashchAtpravivesha hutAshanam .. 19..\\
\medskip\hrule\medskip\centerline{\Largedvng 139}
 l

etasminneva kAle tu bR^ihaddyumno mahIpatiH . 
satramAste mahAbhAgo raibhya yAjyaH pratApavAn .. 1..\\
tena raibhyasya vai putrAvarvAvasu parAvasU . 
vR^itau sahAyau satrArthe bR^ihaddyumnena dhImatA .. 2..\\
tatra tau samanuGYAtau pitrA kaunteya jagmatuH . 
Ashrame tvabhavadraibhyo bhAryA chaiva parAvasoH .. 3..\\
athAvalokako.agachchhadgR^ihAnekaH parAvasuH . 
kR^iShNAjinena sa.nvIta.n dadarsha pitara.n vane .. 4..\\
jaghanyarAtre nidrAndhaH sAvasheShe tamasyapi . 
charanta.n gahane.araNye mene sa pitaraM mR^igam .. 5..\\
mR^iga.n tu manyamAnena pitA vai tena hi.nsitaH . 
akAmayAnena tadA sharIratrANamichchhatA .. 6..\\
sa tasya pretakAryANi kR^itvA sarvANi bhArata . 
punarAgamya tatsatramabravIdbhrAtara.n vachaH .. 7..\\
ida.n karma na shaktastva.n voDhumekaH kathaM chana . 
mayA tu hi.nsitastAto manyamAnena taM mR^igam .. 8..\\
so.asmadarthe vrata.n sAdhu chara tvaM brahma hi.nsanam . 
samartho hyahamekAkI karma kartumidaM mune .. 9..\\

 arvaa

karotu vai bhavAnsatraM bR^ihaddyumnasya dhImataH . 
brahmahatyA.n chariShye.ahaM tvadarthaM niyatendriyaH .. 10..\\

 l

sa tasyA brahmahatyAyAH pAra.n gatvA yudhiShThira . 
arvAvasustadA satramAjagAma punarmuniH .. 11..\\
tataH parAvasurdR^iShTvA bhrAtara.n samupasthitam . 
bR^ihaddyumnamuvAcheda.n vachanaM pariShadgatam .. 12..\\
eSha te brahmahA yaGYaM mA draShTuM pravishediti . 
brahmahA prekShitenApi pIDayettvAM na saMshayaH .. 13..\\
preShyairutsAryamANastu rAjannarvAvasustadA . 
na mayA brahmahatyeya.n kR^itetyAha punaH punaH .. 14..\\
uchyamAno.asakR^itpreShyairbrahma hanniti bhArata . 
naiva sa pratijAnAti brahmahatyA.n svaya.n kR^itAm . 
mama bhrAtrA kR^itamidaM mayA tu parirakShitam .. 15..\\
prItAstasyAbhavandevAH karmaNArvAvasornR^ipa . 
ta.n te pravarayAmAsurnirAsushcha parAvasum .. 16..\\
tato devA vara.n tasmai daduragnipurogamAH . 
sa chApi varayAmAsa piturutthAnamAtmanaH .. 17..\\
anAgastva.n tathA bhrAtuH pitushchAsmaraNa.n vadhe . 
bharadvAjasya chotthAna.n yavakrItasya chobhayoH .. 18..\\
tataH prAdurbabhUvuste sarva eva yudhiShThira . 
athAbravIdyavakrIto devAnagnipurogamAn .. 19..\\
samadhItaM mayA brahma vratAni charitAni cha . 
kathaM nu raibhyaH shakto mAmadhIyAna.n tapo vinam . 
tathAyuktena vidhinA nihantumamarottamAH .. 20..\\

 devaah

maiva.n kR^ithA yavakrIta yathA vadasi vai mune . 
R^ite gurumadhItA hi sukha.n vedAstvayA purA .. 21..\\
anena tu gurUnduHkhAttoShayitvA svakarmaNA . 
kAlena mahatA kleshAdbrahmAdhigatamuttamam .. 22..\\

 l

yavakrItamathoktvaiva.n devAH sAgnipurogamAH . 
sa~njIvayitvA tAnsarvAnpunarjagmustriviShTapam .. 23..\\
Ashramastasya puNyo.aya.n sadA puShpaphaladrumaH . 
atroShya rAjashArdUla sarvapApaiH pramokShyase .. 24..\\
\medskip\hrule\medskip\centerline{\Largedvng 140}
 l

ushIrabIjaM mainAka.n giri.n shvetaM cha bhArata . 
samatIto.asi kaunteya kAlashaila.n cha pArthiva .. 1..\\
eShA ga~NgA sapta vidhA rAjate bharatarShabha . 
sthAna.n virajasaM ramyaM yatrAgnirnityamidhyate .. 2..\\
etadvai mAnuSheNAdya na shakya.n draShTumapyuta . 
samAdhi.n kurutAvyagrAstIrthAnyetAni drakShyatha .. 3..\\
shveta.n giriM pravekShyAmo mandaraM chaiva parvatam . 
yatra mAni charo yakShaH kuverashchApi yakSharAT .. 4..\\
aShTAshIti sahasrANi gandharvAH shIghrachAriNaH . 
tathA kimpuruShA rAjanyakShAshchaiva chaturguNAH .. 5..\\
anekarUpasa.nsthAnA nAnApraharaNAsh cha te . 
yakShendraM manujashreShTha mANibhadramupAsate .. 6..\\
teShAmR^iddhiratIvAgryAgatau vAyusamAsh cha te . 
sthAnAtprachyAvayeyurye devarAjamapi dhruvam .. 7..\\
taistAta balibhirguptA yAtudhAnaishcha rakShitAH . 
durgamAH parvatAH pArtha samAdhiM parama.n kuru .. 8..\\
kubera sachivAshchAnye raudrA maitrAshcha rAkShasAH . 
taiH sameShyAma kaunteya yatto vikramaNe bhava .. 9..\\
kailAsaH parvato rAjanso yojanashatAnyuta . 
yatra devAH samAyAnti vishAlA yatra bhArata .. 10..\\
asa~NkhyeyAstu kaunteya yakSharAkShasa kiMnarAH . 
nAgAH suparNA gandharvAH kubera sadanaM prati .. 11..\\
tAnvigAhasva pArthAdya tapasA cha damena cha . 
rakShyamANo mayA rAjanbhImasenabalena cha .. 12..\\
svasti te varuNo rAjA yamashcha samiti~njayaH . 
ga~NgA cha yamunA chaiva parvatashcha dadhAtu te .. 13..\\
indrasya jAmbUnadaparvatAgre 
shR^iNomi ghoSha.n tava devi ga~Nge . 
gopAyayema.n subhage giribhyaH 
sarvAjamIdhApachitaM narendram . 
bhavasva sharma pravivikShato.asya 
shailAnimA~nshailasute nR^ipasya .. 14..\\

 y

apUrvo.aya.n sambhramo lomashasya 
kR^iShNA.n sarve rakShata mAM prasAdam . 
desho hyaya.n durga tamo mato.asya 
tasmAtpara.n shauchamihAcharadhvam .. 15..\\
tato.abravIdbhImamudAravIryaM 
kR^iShNA.n yattaH pAlaya bhImasena . 
shUnye.arjune.asaMnihite cha tAta 
tvameva kR^iShNAM bhajase.asukheShu .. 16..\\
tato mahAtmA yamajau sametya 
mUrdhanyupAghrAya vimR^ijya gAtre . 
uvAcha tau bhAShpa kala.n sa rAjA 
mA bhaiShTamAgachchhatamapramattau .. 17..\\
\medskip\hrule\medskip\centerline{\Largedvng 141}
 y

antarhitAni bhUtAni rakShA.nsi balavanti cha . 
agninA tapasA chaiva shakya.n gantu.n vR^ikodara .. 1..\\
saMnivartaya kaunteya kShutpipAse balAnvayAt . 
tato bala.n cha dAkShyaM cha saMshrayasva kurUdvaha .. 2..\\
R^iShestvayA shruta.n vAkya.n kailAsaM parvataM prati . 
buddhyA prapashya kaunteya katha.n kR^iShNA gamiShyati .. 3..\\
atha vA sahadevena dhaumyena cha sahAbhibho . 
sUdaiH paurogavaishchaiva sarvaishcha parichArakaiH .. 4..\\
rathairashvaishcha ye chAnye viprAH kleshAsahA pathi . 
sarvaistva.n sahito bhIma nivartasvAyatekShaNa .. 5..\\
trayo vaya.n gamiShyAmo laghvAhArA yatavratAH . 
aha.n cha nakulashchaiva lomashashcha mahAtapAH .. 6..\\
mamAgamanamAkA~NkShanga~NgA dvAre samAhitaH . 
vaseha draupadI.n rakShanyAvadAgamanaM mama .. 7..\\

 bhm

rAjaputrI shrameNArtA duHkhArtA chaiva bhArata . 
vrajatyeva hi kalyANI shvetavAhadidR^ikShayA .. 8..\\
tava chApyaratistIvrA vardhate tamapashyataH . 
kiM punaH sahadeva.n cha mAM cha kR^iShNAM cha bhArata .. 9..\\
rathAH kAmaM nivartantA.n sarve cha parichArakAH . 
sUdAH paurogavAshchaiva manyate yatra no bhavAn .. 10..\\
na hyaha.n hAtumichchhAmi bhavantamiha karhi chit . 
shaile.asminrAkShasAkIrNe durgeShu viShameShu cha .. 11..\\
iya.n chApi mahAbhAgA rAjaputrI yatavratA . 
tvAmR^ite puruShavyAghra notsahedvinivartitum .. 12..\\
tathaiva sahadevo.aya.n satata.n tvAmanuvrataH . 
na jAtu vinivarteta mataGYo hyahamasya vai .. 13..\\
api chAtra mahArAja savyasAchi didR^ikShayA . 
sarve lAlasa bhUtAH sma tasmAdyAsyAmahe saha .. 14..\\
yadyashakyo rathairgantu.n shailo.ayaM bahukandaraH . 
padbhireva gamiShyAmo mA rAjanvimano bhava .. 15..\\
aha.n vahiShye pA~nchAlIM yatra yatra na shakShyati . 
iti me vartate buddhirmA rAjanvimano bhava .. 16..\\
sukumArau tathA vIrau mAdrI nandikarAvubhau . 
durge santArayiShyAmi yadyashaktau bhaviShyataH .. 17..\\
eva.n te bhAShamANasya balaM bhImAbhivardhatAm . 
yastvamutsahase voDhu.n draupadI.n vipule.adhvani .. 18..\\
yamajau chApi bhadra.n te naitadanyatra vidyate . 
bala.n cha te yashashchaiva dharmaH kIrtishcha vardhatAm .. 19..\\
yastvamutsahase netuM bhrAtarau saha kR^iShNayA . 
mA te glAnirmahAbAho mA cha te.astu parAbhavaH .. 20..\\
tataH kR^iShNAbravIdvAkyaM prahasantI manoramA . 
gamiShyAmi na santApaH kAryo mAM prati bhArata .. 21..\\
tapasA shakyate gantuM parvato gandhamAdanaH . 
tapasA chaiva kaunteya sarve yokShyAmahe vayam .. 22..\\
nakulaH sahadevashcha bhImasenashcha pArthiva . 
aha.n cha tvaM cha kaunteya drakShyAmahyshvetavAhanam .. 23..\\
eva.n sambhAShamANAste subAhorviShayaM mahat . 
dadR^ishurmuditA rAjanprabhUtagajavAjimat .. 24..\\
kirAta ta~NgaNAkIrNa.n kuNinda shatasa~Nkulam . 
himavatyamarairjuShTaM bahvAshcharyasamAkulam .. 25..\\
subAhushchApi tAndR^iShTvA pUjayA pratyagR^ihNata . 
viShayAnte kuNindAnAmIshvaraH prItipUrvakam .. 26..\\
tatra te pUjitAstena sarva eva sukhoShitAH . 
pratasthurvimale sUrye himavanta.n giriM prati .. 27..\\
indrasena mukhAMshchaiva bhR^ityAnpaurogavA.nstathA . 
sUdAMshcha paribarha.n cha draupadyAH sarvasho nR^ipa .. 28..\\
rAGYaH kuNindAdhipateH paridAya mahArathAH . 
padbhireva mahAvIryA yayuH kauravanandanAH .. 29..\\
te shanaiH prAdravansarve kR^iShNayA saha pANDavAH . 
tasmAddeshAtsusa.nhR^iShTA draShTukAmA dhana~njayam .. 30..\\
\medskip\hrule\medskip\centerline{\Largedvng 142}
 yu

bhImasena yamau chobhau pA~nchAli cha nibodhata . 
nAsti bhUtasya nAsho vai pashyatAsmAnvanecharAn .. 1..\\
durbalAH kleshitAH smeti yadbravIthetaretaram . 
ashakye.api vrajAmeti dhana~njaya didR^ikShayA .. 2..\\
tanme dahati gAtrANi tUlarAshimivAnalaH . 
yachcha vIraM na pashyAmi dhana~njayamupAntike .. 3..\\
tasya darshanatR^iShNaM mA.n sAnujaM vanamAsthitam . 
yAGYasenyAH parAmarshaH sa cha vIra dahatyuta .. 4..\\
nakulAtpUrvajaM pArthaM na pashyAmyamitaujasam . 
ajeyamugradhanvAna.n tena tapye vR^ikodara .. 5..\\
tIrthAni chaiva ramyANi vanAni cha sarA.nsi cha . 
charAmi saha yuShmAbhistasya darshanakA~NkShayA .. 6..\\
pa~ncha varShANyaha.n vIraM satyasandha.n dhana~njayam . 
yanna pashyAmi bIbhatsu.n tena tapye vR^ikodara .. 7..\\
ta.n vai shyAma.n gudAkeshaM si.nhavikrAnta gAminam . 
na pashyAmi mahAbAhu.n tena tapye vR^ikodara .. 8..\\
kR^itAstraM nipuna.n yuddhe pratimAna.n dhanuShmatAm . 
na pashyAmi narashreShTha.n tena tapye vR^ikodara .. 9..\\
charantamarisa~NgheShu kAla.n kruddhamivAntakam . 
prabhinnamiva mAta~Nga.n si.nhaskandha.n dhana~njayam .. 10..\\
yaH sa shakrAdanavaro vIryeNa draviNena cha . 
yamayoH pUrvajaH pArthaH shvetAshvo.amitavikramaH .. 11..\\
duHkhena mahatAviShTaH svakR^itenAnivartinA . 
ajeyamugradhanvAna.n taM na pashyAmi phalgunam .. 12..\\
satata.n yaH kShamA shIlaH kShipyamANo.apyanIyasA . 
R^iju mArgaprapannasya sharma dAtAbhayasya cha .. 13..\\
sa tu jihmapravR^ittasya mAyayAbhijighA.nsataH . 
api vajradharasyApi bhavetkAlaviShopamaH .. 14..\\
shatrorapi prapannasya so.anR^isha.nsaH pratApavAn . 
dAtAbhayasya bhIbhatsuramitAtmA mahAbalaH .. 15..\\
sarveShAmAshramo.asmAka.n raNe.arINAM pramarditA . 
AhartA sarvaratnAnA.n sarveShAM naH sukhAvahaH .. 16..\\
ratnAni yasya vIryeNa divyAnyAsanpurA mama . 
bahUni bahu jAtAni yAni prAptaH suyodhanaH .. 17..\\
yasya bAhubalAdvIra sabhA chAsItpurA mama . 
sarvaratnamayI khyAtA triShu lokeShu pANDava .. 18..\\
vAsudeva sama.n vIrye kArtavIrya samaM yudhi . 
ajeyamajita.n yuddhe taM na pashyAmi phalgunam .. 19..\\
sa~NkarShaNaM mahAvIrya.n tvAM cha bhImAparAjitam . 
anujAtaH sa vIryeNa vAsudeva.n cha shatruhA .. 20..\\
yasya bAhubale tulyaH prabhAve cha purandaraH . 
jave vAyurmukhe somaH krodhe mR^ityuH sanAtanaH .. 21..\\
te vaya.n taM naravyAghra.n sarve vIra didR^ikShavaH . 
pravekShyAmo mahAbAho parvata.n gandhamAdanam .. 22..\\
vishAlA badarI yatra naranArAyaNAshramaH . 
ta.n sadAdhyuShitaM yakShairdrakShyAmo girimuttamam .. 23..\\
kubera nalinI.n ramyAM rAkShasairabhirakShitAm . 
padbhireva gamiShyAmastapyamAnA mahattapaH .. 24..\\
nAtapta tapasA shakyo desho gantu.n vR^ikodara . 
na nR^isha.nsena lubdhena nAprashAntena bhArata .. 25..\\
tatra sarve gamiShyAmo bhImArjunapadaiShiNaH . 
sAyudhA baddhaniShTriMshAH saha viprairmahAvrataiH .. 26..\\
makShikAnmashakAndaMshAnvyAghrAnsi.nhAnsarIsR^ipAn . 
prApnotyaniyataH pArtha niyatastAnna pashyati .. 27..\\
te vayaM niyatAtmAnaH parvata.n gandhamAdanam . 
pravekShyAmo mitAhArA dhana~njaya didR^ikShavaH .. 28..\\
\medskip\hrule\medskip\centerline{\Largedvng 143}
 vai

te shUrAstata dhanvAnastUnavantaH samArgaNAH . 
baddhagodhA~Nguli trANAH khadgavanto.amitaujasaH .. 1..\\
parigR^ihya dvijashreShThA~nshreShThAH sarvadhanuShmatAm . 
pA~nchAlI sahitA rAjanprayayurgandhamAdanam .. 2..\\
sarA.nsi saritashchaiva parvatAMshcha vanAni cha . 
vR^ikShAMshcha bahula chhAyAndadR^ishurgirimUrdhani . 
nityapuShpaphalAndeshAndevarShigaNasevitAn .. 3..\\
AtmanyAtmAnamAdhAya vIrA mUlaphalAshanAH . 
cheruruchchAvachAkArAndeshAnviShamasa~NkaTAn . 
pashyanto mR^igajAtAni bahUni vividhAni cha .. 4..\\
R^iri siddhAmara yuta.n gandharvApsarasAM priyam . 
vivishuste mahAtmAnaH kiMnarAcharita.n girim .. 5..\\
pravishatsvatha vIreShu parvata.n gandhamAdanam . 
chandavAtaM mahadvarShaM prAdurAsIdvishAM pate .. 6..\\
tato reNuH samudbhUtaH sapatra bahulo mahAn . 
pR^ithivI.n chAntarikShaM cha dyAM chaiva tamasAvR^iNot .. 7..\\
na sma praGYAyate ki.n chidAvR^ite vyomni reNunA . 
na chApi shekuste kartumanyonyasyAbhibhAShaNam .. 8..\\
na chApashyanta te.anyonya.n tamasA hatachakShusaH . 
AkR^iShyamANA vAtena sAshma chUrNena bhArata .. 9..\\
drumANA.n vAtabhagnAnAM patatAM bhUtale bhR^isham . 
anyeShA.n cha mahI jAnA.n shabdaH samabhavanmahAn .. 10..\\
dyauH svitpatati kiM bhUmau dIryante parvatA nu kim . 
iti te menire sarve pavanena vimohitAH .. 11..\\
te yathAnantarAnvR^ikShAnvalmIkAnviShamANi cha . 
pANibhiH parimArganto bhItA vAyornililyire .. 12..\\
tataH kArmukamudyamya bhImaseno mahAbalaH . 
kR^iShNAmAdAya sa~NgatyA tasthAvAshritya pAdapam .. 13..\\
dharmarAjashcha dhaumyashcha nililyAte mahAvane . 
agnihotrANyupAdAya sahadevastu parvate .. 14..\\
nakulo brAhmaNAshchAnye lomashashcha mahAtapaH . 
vR^ikShAnAsAdya santrastAstatra tatra nililyire .. 15..\\
mandI bhUte cha pavane tasminrajasi shAmyati . 
mahadbhiH pR^iShataistUrNa.n varShamabhyAjagAma ha .. 16..\\
tato.ashmasahitA dhArAH sa.nvR^iNvantyaH samantataH . 
prapeturanisha.n tatra shIghravAtasamIritAH .. 17..\\
tataH sAgaragA ApaH kIryamANaH samantataH . 
prAdurAsansakalusAH phenavatyo vishAM pate .. 18..\\
vahantyo vAri bahulaM phenodupa pariplutam . 
parisasrurmahAshabdAH prakarShantyo mahIruhAn .. 19..\\
tasminnuparate varShe vAte cha samatA.n gate . 
gate hyambhasi nimnAni prAdurbhUte divAkare .. 20..\\
nirjagmuste shanaiH sarve samAjagmushcha bhArata . 
pratasthushcha punarvIrAH parvata.n gandhamAdanam .. 21..\\
\medskip\hrule\medskip\centerline{\Largedvng 144}
 vai

tataH prayAtamAtreShu pANDaveShu mahAtmasu . 
padbhyAmanuchitA gantu.n draupadI samupAvishat .. 1..\\
shrAntA duHkhaparItA cha vAtavarSheNa tena cha . 
saukumAryAchcha pA~nchAlI saMmumoha yasho vinI .. 2..\\
sA pAtyamAnA mohena bAhubhyAmasitekShaNA . 
vR^ittAbhyAmanurUpAbhyAmUrU samavalambata .. 3..\\
AlambamAnA sahitAvUrU gajakaropamau . 
papAta sahasA bhUmau vepantI kadalI yathA .. 4..\\
tAM patantI.n varArohAM sajjamAnAM latAm iva . 
nakulaH samabhidrutya parijagrAha vIryavAn .. 5..\\

 nakula

rAjanpA~nchAlarAjasya suteyamasitekShaNA . 
shrAntA nipatitA bhUmau tAmavekShasva bhArata .. 6..\\
aduHkhArhA para.n duHkhaM prApteyaM mR^idu gAminI . 
AshvAsaya mahArAja tAmimA.n shramakarshitAm .. 7..\\

 vai

rAjA tu vachanAttasya bhR^isha.n duHkhasamanvitaH . 
bhImashcha sahadevashcha sahasA samupAdravan .. 8..\\
tAmavekShya tu kaunteyo vivarNavadanA.n kR^ishAm . 
a~NkamAnIya dharmAtmA paryadevayadAturaH .. 9..\\
katha.n veshmasu gupteShu svAstIrNashayanochitAH . 
shete nipatitA bhUmau sukhArhA varavarNinI .. 10..\\
sukumArau kathaM pAdau mukha.n cha kamalaprabham . 
matkR^ite.adya varArhAyAH shyAmatA.n samupAgatam .. 11..\\
kimida.n dyUtakAmena mayA kR^itamabuddhinA . 
AdAya kR^iShNA.n charatA vane mR^igagaNAyute .. 12..\\
sukhaM prApsyati pA~nchAlI pANDavAnprApya vai patIn . 
iti drupadarAjena pitrA dattAyatekShaNA .. 13..\\
tatsarvamanavApyaiva shramashokAddhi karshitA . 
shete nipatitA bhUmau pApasya mama karmabhiH .. 14..\\
tathA lAlapyamAne tu dharmarAje yudhiShThire . 
dhaumyaprabhR^itayaH sarve tatrAjagmurdvijottamAH .. 15..\\
te samAshvAsayAmAsurAshIrbhishchApyapUjayan . 
rakSha ghnAMshcha tathA mantrA~njepushchakrushcha te kriyAH .. 16..\\
pathyamAneShu mantreShu shAntyarthaM paramarShibhiH . 
spR^ishyamAnA karaiH shItaiH pANDavaishcha muhurmuhuH .. 17..\\
sevyamAnA cha shItena jalamishreNa vAyunA . 
pA~nchAlI sukhamAsAdya lebhe chetaH shanaiH shanaiH .. 18..\\
parigR^ihya cha tA.n dInAM kR^iShNAmajina sa.nstare . 
tadA vishrAmayAmAsurlabdhasa~nj~nA.n tapo vinIm .. 19..\\
tasyA yamau raktatalau pAdau pUjita lakShaNau . 
karAbhyA.n kiNajAtAbhyA.n shanakaiH sa.nvavAhatuH .. 20..\\
paryAshvAsayadapyenA.n dharmarAjo yudhiShThiraH . 
uvAcha cha kurushreShTho bhImasenamida.n vachaH .. 21..\\
bahavaH parvatA bhIma viShamA himadurgamAH . 
teShu kR^iShNA mahAbAho kathaM nu vichariShyati .. 22..\\

 bhm

tvA.n rAjanrAjaputrI.n cha yamau cha puruSharShabhau . 
svayaM neShyAmi rAjendra mA viShAde manaH kR^ithAH .. 23..\\
atha vAsau mayA jAto vihago madbalopamaH . 
vahedanagha sarvAnno vachanAtte ghatotkachaH .. 24..\\

 vai

anuGYAto dharmarAGYA putra.n sasmAra rAkShasam . 
ghatotkachashcha dharmAtmA smR^ita mAtraH pitustadA . 
kR^itA~njalirupAtiShThadabhivAdyAtha pANDavAn .. 25..\\
brAhmaNAMshcha mahAbAhuH sa cha tairabhinanditaH . 
uvAcha bhImasena.n sa pitaraM satyavikramaH .. 26..\\
smR^ito.asmi bhavatA shIghra.n shushrUShurahamAgataH . 
AGYApaya mahAbAho sarva.n kartAsmyasaMshayam . 
tachchhrutvA bhImasenastu rAkShasaM parisasvaje .. 27..\\
\medskip\hrule\medskip\centerline{\Largedvng 145}
 y

dharmaGYo balavA~nshUraH sadyo rAkShasapu~NgavaH . 
bhakto.asmAnaurasaH putro bhIma gR^ihNAtu mAtaram .. 1..\\
tava bhImabalenAhamatibhIma parAkrama . 
akShataH saha pA~nchAlyA gachchheya.n gandhamAdanam .. 2..\\
bhrAturvachanamAGYAya bhImaseno ghatotkacham . 
Adidesha naravyAghrastanaya.n shatrukarshanam .. 3..\\
daidimbeya parishrAntA tava mAtAparAjitA . 
tva.n cha kAmagamastAta balavAnvahatAM khaga .. 4..\\
skandhamAropya bhadra.n te madhye.asmAka.n vihAyasA . 
gachchha nIchakiyA gatyA yathA chainAM na pIDayeH .. 5..\\
dharmarAjA.n cha dhaumyaM cha rAja putrI.n yamau tathA . 
eko.apyahamala.n voDhu.n kimutAdya sahAyavAn .. 6..\\
evamuktvA tataH kR^iShNAmuvAha sa ghatotkachaH . 
pANDUnAM madhyago vIraH pANDavAnapi chApare .. 7..\\
lomashaH siddhamArgeNa jagAmAnupama dyutiH . 
svenaivAtma prabhAvena dvitIya iva bhAskaraH .. 8..\\
brAhmaNAMshchApi tAnsarvA samupAdAya rAkShasAH . 
niyogAdrAkShasendrasya jagmurbhImaparAkramAH .. 9..\\
eva.n suramanIyAni vanAnyupavanAni cha . 
Alokayantaste jagmurvishAlAM badarIM prati .. 10..\\
te tvAshu gatibhirvIrA rAkShasaistairmahAbalaiH . 
uhyamAnA yayuH shIghraM mahadadhvAnamalpavat .. 11..\\
deshAnmlechchha gaNAkIrNAnnAnAratnAkarAyutAn . 
dadR^ishurgiripAdAMshcha nAnAdhAtusamAchitAn .. 12..\\
vidyAdharagaNAkIrNAnyutAnvAnarakiMnaraiH . 
tathA kimpuruShaishchaiva gandharvaishcha samantataH .. 13..\\
nadI jAlasamAkIrNAnnAnApakShirutAkulAn . 
nAnAvidhairmR^igairjuShTAnvAnaraishchopashobhitAn .. 14..\\
te vyatItya bahUndeshAnuttarAMshcha kurUnapi . 
dadR^ishurvividhAshcharya.n kailAsaM parvatottamam .. 15..\\
tasyAbhyAshe tu dadR^ishurnaranArAyaNAshramam . 
upetaM pAdapairdivyaiH sadA puShpaphalopagaiH .. 16..\\
dadR^ishustA.n cha badarI.n vR^ittaskandhAM manoramAm . 
snigdhAmavirala chhAyA.n shriyA paramayA yutAm .. 17..\\
patraiH snigdhairavilalairupaitAM mR^idubhiH shubhAm . 
vishAlashAkhA.n viShTIrNAmati dyutisamanvitAm .. 18..\\
phalairupachitairdivyairAchitA.n svAdubhirbhR^isham . 
madhusravaiH sadA divyAM maharShigaNasevitAm . 
madapramuditairnityaM nAnAdvija gaNairyutAm .. 19..\\
adaMsha mashake deshe bahumUlaphalodake . 
nIlashAdvala sa~nchanne devagandharvasevite .. 20..\\
susamIkR^ita bhUbhAge svabhAvavihite shubhe . 
jAtA.n himamR^idu sparshe deshe.apahata kantake .. 21..\\
tAmupaitya mahAtmAnaH saha tairbrAhmaNarShabhaiH . 
avaterustataH sarve rAkShasa skandhataH shanaiH .. 22..\\
tatastamAshramaM puNyaM naranArAyaNAshritam . 
dadR^ishuH pANDavA rAjansahitA dvijapu~NgavaiH .. 23..\\
tamasA rahitaM puNyamanAmR^iShTa.n raveH karaiH . 
kShuttR^iTshItoShNadoShaishcha varjita.n shokanAshanam .. 24..\\
maharShigaNasambAdhaM brAhmyA lakShmyA samanvitam . 
duShpraveshaM mahArAja narairdharmabahiH kR^itaiH .. 25..\\
balihomArchita.n divya.n susaMmR^iShTAnulepanam . 
divyapuShpopahAraishcha sarvato.abhivirAjitam .. 26..\\
vishAlairagnisharaNaiH srugbhAndairAchita.n shubhaiH . 
mahadbhistoyakalashaiH kathinaishchopashobhitam . 
sharaNya.n sarvabhUtAnAM brahmaghoShaninAditam .. 27..\\
divyamAshrayaNIya.n tamAshrama.n shramanAshanam . 
shriyA yutamanirdeshya.n deva charyopashobhitam .. 28..\\
phalamUlAshanairdAntaishchIrakR^iShNAjinAmbaraiH . 
sUryavaishvAnara samaistapasA bhAvitAtmabhiH .. 29..\\
maharShibhirmokShaparairyatibhirniyatendriyaiH . 
brahmabhUtairmahAbhAgairupaitaM brahmavAdibhiH .. 30..\\
so.abhyagachchhanmahAtejAstAnR^iShInniyataH shuchiH . 
bhrAtR^ibhiH sahito dhImAndharmaputro yudhiShThira .. 31..\\
divyaGYAnopapannAste dR^iShTvA prApta.n yudhiShThiram . 
abhyagachchhanta suprItAH sarva eva maharShayaH . 
AshIrvAdAnprayu~njAnAH svAdhyAyaniratA bhR^isham .. 32..\\
prItAste tasya satkAra.n vidhinA pAvakopamAH . 
upAjahrushcha salilaM puShpamUlaphala.n shuchi .. 33..\\
sa taiH prItyAtha satkAramupanItaM maharShibhiH . 
prayataH pratigR^ihyAtha dharmaputro yudhiShThiraH .. 34..\\
ta.n shakra sadana prakhya.n divyagandhaM manoramam . 
prItaH svargopamaM puNyaM pANDavaH saha kR^iShNayA .. 35..\\
vivesha shobhayA yuktaM bhrAtR^ibhishcha sahAnagha . 
brAhmaNairvedavedA~NgapAragaishcha sahAchyutaH .. 36..\\
tatrApashyatsa dharmAtmA devadevarShipUjitam . 
naranArAyaNa sthAnaM bhAgIrathyopashobhitam .. 37..\\
madhusrava phalA.n divyAM maharShigaNasevitAm . 
tAmupaitya mahAtmAnaste.avasanbrAhmaNaiH saha .. 38..\\
Alokayanto mainAkaM nAnAdvija gaNAyutam . 
hiraNyashikhara.n chaiva tachcha bindusaraH shivam .. 39..\\
bhAgIrathI.n sutArthA.n cha shItAmala jarAM shivAm . 
mani pravAlaprastArAM pAdapairupashobhitAm .. 40..\\
divyapuShpasamAkIrNAM manasaH prItivardhanIm . 
vIkShamANA mahAtmAno vijahrustatra pANDavAH .. 41..\\
tatra devAnpitR^IMshchaiva tarpayantaH punaH punaH . 
brAhmaNaiH sahitA vIrA nyavasanpuruSharShabhAH .. 42..\\
kR^iShNAyAstatra pashyantaH krIDitAnyamaraprabhAH . 
vichitrANi naravyAghrA remire tatra pANDavAH .. 43..\\
\medskip\hrule\medskip\centerline{\Largedvng 146}
 vai

tatra te puruShavyAghrAH parama.n shauchamAsthitAH . 
so rAtramavasanvIrA dhana~njaya didR^ikShayA . 
tasminviharamANAshcha ramamANAshcha pANDavAH .. 1..\\
manoGYe kAnanavare sarvabhUtamanorame . 
pAdapaiH puShpavikachaiH phalabhArAvanAmitaiH .. 2..\\
shobhita.n sarvato ramyaiH pu.nskokila kulAkulaiH . 
snigdhapatrairaviralaiH shItachhAyairmanoramaiH .. 3..\\
sarA.nsi cha vichitrANi prasannasalilAni cha . 
kamalaiH sotpalaistatra bhrAjamAnAni sarvashaH . 
pashyantashchArurUpANi remire tatra pANDavAH .. 4..\\
puNyagandhaH sukhasparsho vavau tatra samIraNaH . 
hlAdayanpANDavAnsarvAnsakR^iShNAnsadvijarShabhAn .. 5..\\
tataH pUrvottaro vAyuH pavamAno yadR^ichchhayA . 
sahasrapatramarkAbha.n divyaM padmamudAvahat .. 6..\\
tadapashyata pA~nchAlI divyagandhaM manoramam . 
anilenAhR^itaM bhUmau patita.n jalaja.n shuchi .. 7..\\
tachchhubhAshubhamAsAdya saugandhikamanuttamam . 
atIva muditA rAjanbhImasenamathAbravIt .. 8..\\
pashya divya.n suruchiraM bhIma puShpamanuttamam . 
gandhasa.nsthAna sampannaM manaso mama nandanam .. 9..\\
etattu dharmarAjAya pradAsyAmi parantapa . 
hareridaM me kAmAya kAmyake punarAshrame .. 10..\\
yadi te.ahaM priyA pArtha bahUnImAnyupAhara . 
tAnyahaM netumichchhAmi kAmyakaM punarAshramam .. 11..\\
evamuktvA tu pA~nchAlI bhImasenamaninditA . 
jagAma dharmarAjAya puShpamAdAya tattadA .. 12..\\
abhiprAya.n tu viGYAya mahiShyAH puruSharShabhaH . 
priyAyA priyakAmaH so bhImo bhImaparAkramaH .. 13..\\
vAta.n tamevAbhimukho yatastatpuShpamAgatam . 
AjihIrShurjagAmAshu sa puShpANyaparAnyapi .. 14..\\
rukmapR^iShTha.n dhanurgR^ihya.n sharAMshchAshIviShopamAn . 
mR^igarADiva sa~NkruddhaH prabhinna iva ku~njaraH .. 15..\\
draupadyAH priyamanvichchhansvabAhubalamAshritaH . 
vyapaita bhayasaMmohaH shailamabhyapatadbalI .. 16..\\
sa ta.n drumalatA gulmachhannaM nIlashilAtalam . 
giri.n cha chArAri haraH kiMnarAcharita.n shubham .. 17..\\
nAnAvarNadharaishchitra.n dhAtudruma mR^igAndajaiH . 
sarvabhUShaNa sampUrNaM bhUmerbhujamivochchhritam .. 18..\\
sarvarturamaNIyeShu gandhamAdana sAnuShu . 
saktachakShurabhiprAya.n hR^idayenAnuchintayan .. 19..\\
pu.nskokila ninAdeShu satpadAbhiruteShu cha . 
baddhashrotra manashchakShurjagAmAmita vikramaH .. 20..\\
jighramANo mahAtejAH sarvartukusumodbhavam . 
gandhamuddAmamuddAmo vane matta iva dvipaH .. 21..\\
hriyamANa shramaH pitrA samprahR^iShTatanUruhaH . 
pituH sa.nsparshashItena gandhamAdana vAyunA .. 22..\\
sa yakShagandharvasurabrahmarShigaNasevitam . 
viloDayAmAsa tadA puShpahetorarindamaH .. 23..\\
viShamachhedarachitairanuliptamivA~NgulaiH . 
vimalairdhAtuvichchhedaiH kA~nchanA~njanarAjataiH .. 24..\\
sapakShamiva nR^ityantaM pArshvalagnaiH payodharaiH . 
muktAhArairiva chita.n chyutaiH prasravaNodakaiH .. 25..\\
abhirAma narI ku~nja nirjharodaka kandaram . 
apsaronUpura ravaiH pranR^itta bahu barhiNam .. 26..\\
digvAraNaviShANAgrairghR^iShTopala shilAtalam . 
srastAMshukamivAkShobhyairnimnagA niHsR^itairjalaiH .. 27..\\
sashaspa kavalaiH svasthairadUraparivartibhiH . 
bhayasyAGYaishcha hariNaiH kautUhalanirIkShitaH .. 28..\\
chAlayannUruvegena latA jAlAnyanekashaH . 
AkrIDamAnaH kaunteyaH shrImAnvAyusuto yayau .. 29..\\
priyA manoratha.n kartumudyatashchArulochanaH . 
prAMshuH kanakatAlAbhaH si.nhasa.nhanano yuvA .. 30..\\
mattavAnaravikrAnto mattavAraNavegavAn . 
mattavAnaratAmrAkSho mattavAnaravAraNaH .. 31..\\
priya pArshvopaviShTAbhirvyAvR^ittAbhirvicheShTitaiH . 
yakShagandharvayoShAbhiradR^ishyAbhirnirIkShTitaH .. 32..\\
navAvatAra.n rUpasya vikrINanniva pANDavaH . 
chachAra ramaNIyeShu gandhamAdana sAnuShu .. 33..\\
sa.nsmaranvividhAnkleshAnduryodhanakR^itAnbahUn . 
draupadyA vanavAsinyAH priya.n kartu.n samudyataH .. 34..\\
so.achintayadgate svargamarjune mayi chAgate . 
puShpahetorkathaM nvAryaH kariShyati yudhiShThiraH .. 35..\\
snehAnnaravaro nUnamavishvAsAdvanasya cha . 
nakula.n sahadeva.n cha na mokShyati yudhiShThiraH .. 36..\\
kathaM nu kusumAvAptiH syAchchhIghramiti chintayan . 
pratasthe narashArdUlaH pakShirADiva vegitaH .. 37..\\
kampayanmedinIM padbhyAM nirghAta iva parvasu . 
trAsayangajayUthAni vAtara.nhA vR^ikodaraH .. 38..\\
si.nhavyAghra gaNAMshchaiva mardamAno mahAbalaH . 
unmUlayanmahAvR^ikShAnpothayaMshchorasA balI .. 39..\\
talA vallIshcha vegena vikarShanpANDunandanaH . 
uparyupari shailAgramArurukShuriva dvipaH . 
vinardamAno.atibhR^isha.n savidyudiva toyadaH .. 40..\\
tasya shabdena ghoreNa dhanurghoSheNa chAbhibho . 
trastAni mR^igayUthAni samantAdvipradudruvuH .. 41..\\
athApashyanmahAbAhurgandhamAdana sAnuShu . 
suramya.n kadalI sandaM bahuyojanavistR^itam .. 42..\\
tamabhyagachchhadvegena kShobhayiShyanmahAbalaH . 
mahAgaja ivAsrAvI prabha~njanvividhAndrumAn .. 43..\\
utpATya kadalI skandhAnbahutAlasamuchchhrayAn . 
chikShepa tarasA bhImaH samantAdbalinA.n varaH .. 44..\\
tataH sattvAnyupAkrAmanbahUni cha mahAnti cha . 
ruruvAraNasa~NghAshcha mahiShAshcha jalAshrayAH .. 45..\\
si.nhavyAghrAshcha sa~NkruddhA bhImasenamabhidravan . 
vyAditAsyA mahAraudrA vinadanto.atibhIShaNAH .. 46..\\
tato vAyusutaH krodhAtsvabAhubalamAshritaH . 
gajenAghnangajaM bhImaH si.nha.n sinhena chAbhibhUH . 
talaprahArairanyAMshcha vyahanatpANDavo balI .. 47..\\
te hanyamAnA bhImena si.nhavyAghra tarakShavaH . 
bhayAdvisasR^ipuH sarve shakR^inmUtra.n cha susruvuH .. 48..\\
pravivesha tataH kShipra.n tAnapAsya mahAbalaH . 
vanaM pANDusutaH shrImA~nshabdenApUrayandishaH .. 49..\\
tena shabdena chogreNa bhImasenaraveNa cha . 
vanAntara gatAH sarve vitreShurmR^igapakShiNaH .. 50..\\
ta.n shabdaM sahasA shrutvA mR^igapakShisamIritam . 
jalArdrapakShA vihagAH samutpetuH sahasrashaH .. 51..\\
tAnaudakAnpakShigaNAnnirIkShya bharatarShabhaH . 
tAnevAnusaranramya.n dadarsha sumahatsaraH .. 52..\\
kA~nchanaiH kadalI sandairmandamAruta kampitaiH . 
vIjyamAnamivAkShobhya.n tIrAntara visarpibhiH .. 53..\\
tatsaro.athAvatIryAshu prabhUtakamalotpalam . 
mahAgaja ivoddAmashchikrIDa balavadbalI . 
vikrIDya tasminsuchiramuttatArAmita dyutiH .. 54..\\
tato.avagAhya vegena tadvanaM bahupAdapam . 
dadhmau cha sha~Nkha.n svanavatsarvaprANena pANDavaH .. 55..\\
tasya sha~Nkhasya shabdena bhImasenaraveNa cha . 
bAhushabdena chogreNa nardantIva girerguhAH .. 56..\\
ta.n vajraniShpeSha samamAsphoTitaravaM bhR^isham . 
shrutvA shailaguhAsuptaiH si.nhairmukto mahAsvanaH .. 57..\\
si.nhanAda bhayatrastaiH ku~njarairapi bhArata . 
mukto virAvaH sumahAnparvato yena pUritaH .. 58..\\
ta.n tu nAdaM tataH shrutvA supto vAnarapu~NgavaH . 
prAjR^imbhata mahAkAyo hanUmAnnAma vAnaraH .. 59..\\
kadalIShaNDamadhyastho nidrAvashagatastadA . 
jR^imbhamANaH suvipula.n shakradhvajamivotshritam . 
AsphoTayata lA~NgUlamindrAshanisamasvanam .. 60..\\
tasya lA~NgUlanidanaM parvataH sa guhA mukhaiH . 
udgAramiva gaurnardamutsasarja samantataH .. 61..\\
sa lA~NgUlaravastasya mattavAraNanisvanam . 
antardhAya vichitreShu cha chAragirisAnuShu .. 62..\\
sa bhImasenasta.n shrutvA samprahR^iShTatanUruhaH . 
shabdaprabhavamanvichchhaMshcha chArakadalI vanam .. 63..\\
kadalI vanamadhyasthamatha pIne shilAtale . 
sa dadarsha mahAbAhurvAnarAdhipati.n sthitam .. 64..\\
vidyutsa~NghAtaduShprekShya.n vidyutsa~NghAtapi~Ngalam . 
vidyutsa~NghAtasadR^isha.n vidyutsa~NghAtacha~nchalam .. 65..\\
bAhusvastika vinyasta pInahrasvashiro dharam . 
skandhabhUyiShTha kAyatvAttanumadhya katI tatam .. 66..\\
ki.n chichchAbhugna shIrSheNa dIrgharomA~nchitena cha . 
lA~NgUlenordhva gatinA dhvajeneva virAjitam .. 67..\\
raktoShTha.n tAmrajihvAsya.n raktakarNaM chaladbhruvam . 
vadana.n vR^ittada.nstrAgraM rashmivantamivodupam .. 68..\\
vadanAbhyantara gataiH shuklabhAsairala.n kR^itam . 
keSharotkara saMmishramashokAnAm ivotkaram .. 69..\\
hiraNmayInAM madhyastha.n kadalInAM mahAdyutim . 
dIpyamAna.n svavapuShA archiShmantamivAnalam .. 70..\\
nirIkShantamavitrasta.n lochanairmadhupi~NgalaiH . 
ta.n vAnaravaraM vIramatikAyaM mahAbalam .. 71..\\
athopasR^itya tarasA bhImo bhImaparAkramaH . 
si.nhanAda.n samakarodbodhayiShyankapi.n tadA .. 72..\\
tena shabdena bhImasya vitreShurmR^igapakShiNaH . 
hanUmAMshcha mahAsattvamIShadunmIlya lochane . 
avekShadatha sAvaGYa.n lochanairmadhupi~NgalaiH .. 73..\\
smitenAbhAShya kaunteya.n vAnaro naramabravIt . 
kimartha.n sarujaste.ahaM sukhasuptaH prabodhitaH .. 74..\\
nanu nAma tvayA kAryA dayA bhUteShu jAnatA . 
vaya.n dharmaM na jAnImastiryagyoni.n samAshritAH .. 75..\\
manuShyA buddhisampannA dayA.n kurvanti jantuShu . 
krUreShu karmasu katha.n dehavAkchittadUShiShu . 
dharmaghAtiShu sajjante buddhimanto bhavadvidhAH .. 76..\\
na tva.n dharma.n vijAnAsi vR^iddhA nopAsitAstvayA . 
alpabuddhitayA vanyAnutsAdayasi yanmR^igAn .. 77..\\
brUhi kastva.n kimartha.n vA vanaM tvamidamAgataH . 
varjitaM mAnuShairbhAvaistathaiva puruShairapi .. 78..\\
ataH paramagamyo.ayaM parvataH sudurAruhaH . 
vinA siddhagati.n vIra gatiratra na vidyate .. 79..\\
kAruNyAtsauhR^idAchchaiva vAraye tvAM mahAbala . 
nAtaH para.n tvayA shakyaM gantumAshvasihi prabho .. 80..\\
imAnyamR^itakalpANi mUlAni cha phalAni cha . 
bhakShayitvA nivartasva grAhya.n yadi vacho mama .. 81..\\
\medskip\hrule\medskip\centerline{\Largedvng 147}
 vai

etachchhrutvA vachastasya vAnarendrasya dhImataH . 
bhImasenastadA vIraH provAchAmitrakarshanaH .. 1..\\
ko bhavAnkiMnimitta.n vA vAnaraM vapurAshritaH . 
brAhmaNAnantaro varNaH kShatriyastvAnupR^ichchhati .. 2..\\
kauravaH somavaMshIyaH kuntyA garbheNa dhAritaH . 
pANDavo vAyutanayo bhImasena iti shrutaH .. 3..\\
sa vAkyaM bhImasenasya smitena pratigR^ihya tat . 
hanUmAnvAyutanayo vAyuputramabhAShata .. 4..\\
vAnaro.ahaM na te mArgaM pradAsyAmi yathepsitam . 
sAdhu gachchha nivartasva mA tvaM prApyasi vaishasam .. 5..\\

 bhm

vaishasa.n vAstu yadvAnyanna tvA pR^ichchhAmi vAnara . 
prayachchhottiShTha mArgaM me mA tvaM prApsyasi vaishasam .. 6..\\

 hanu

nAsti shaktirmamotthAtu.n vyAdhinA kleshito hyaham . 
yadyavashyaM prayAtavya.n la~NghayitvA prayAhi mAm .. 7..\\

 bhm

nirguNaH paramAtmeti deha.n te vyApya tiShThati . 
tamaha.n GYAnaviGYeyaM nAvamanye na la~Nghaye .. 8..\\
yadyAgamairna vindeya.n tamahaM bhUtabhAvanam . 
krameya.n tvAM giriM chema.n hanUmAniva sAgaram .. 9..\\

 ha

ka eSha hanumAnnAma sAgaro yena la~NghitaH . 
pR^ichchhAmi tvA kurushreShTha kathyatA.n yadi shakyate .. 10..\\

 bhm

bhrAtA mama guNashlAghyo buddhisattvabalAnvitaH . 
rAmAyaNe.ativikhyAtaH shUro vAnarapu~NgavaH .. 11..\\
rAmapatnI kR^ite yena shatayojanamAyataH . 
sAgaraH plavagendreNa krameNaikena la~NghitaH .. 12..\\
sa me bhrAtA mahAvIryastulyo.aha.n tasya tejasA . 
bale parAkrame yuddhe shakto.aha.n tava nigrahe .. 13..\\
uttiShTha dehi me mArgaM pashya vA me.adya pauruSham . 
machchhAsanamakurvANaM mA tvA neShye yamakShayam .. 14..\\

 vai

viGYAya taM balonmattaM bAhuvIryeNa garvitam . 
hR^idayenAvahasyaina.n hanumAnvAkyamabravIt .. 15..\\
prasIda nAsti me shaktirutthAtu.n jarayAnagha . 
mamAnukampayA tvetatpuchchhamutsArya gamyatAm .. 16..\\
sAvaGYamatha vAmena smaya~njagrAha pANinA . 
na chAshakachchAlayituM bhImaH puchchhaM mahAkapeH .. 17..\\
uchchikShepa punardorbhyAmindrAyudhamivotshritam . 
noddhartumashakadbhImo dorbhyAmapi mahAbalaH .. 18..\\
utkShipta bhrUrvivR^ittAkShaH sa.nhatabhrukutI mukhaH . 
svinna gatro.abhavadbhImo na choddhartu.n shashAka ha .. 19..\\
yatnavAnapi tu shrImA.NllA~NgUloddharaNoddhutaH . 
kapeH pArshvagato bhImastasthau vrIDAdadhomukhaH .. 20..\\
pranipatya cha kaunteyaH prA~njalirvAkyamabravIt . 
prasIda kapishArdUla durukta.n kShamyatAM mama .. 21..\\
siddho vA yadi vA devo gandharvo vAtha guhyakaH . 
pR^iShThaH sankAmayA brUhi kastva.n vAnararUpadhR^ik .. 22..\\

 ha

yatte mama pariGYAne kautUhalamarindama . 
tatsarvamakhilena tva.n shR^iNu pANDavanandana .. 23..\\
aha.n kesariNaH kShetre vAyunA jagadAyuShA . 
jAtaH kamalapatrAkSha hanUmAnnAma vAnaraH .. 24..\\
sUryaputra.n cha sugrIva.n shakraputraM cha vAlinam . 
sarvavAnararAjAnau sarvavAnarayUthapAH .. 25..\\
upatasthurmahAvIryA mama chAmitrakarshana . 
sugrIveNAbhavatprItiranilasyAgninA yathA .. 26..\\
nikR^itaH sa tato bhrAtrA kasmiMshchitkAraNAntare . 
R^ishyamUke mayA sArdha.n sugrIvo nyavasachchiram .. 27..\\
atha dAsharathirvIro rAmo nAma mahAbalaH . 
viShNurmAnuSharUpeNa cha chAravasu dhAmimAm .. 28..\\
sa pituH priyamanvichchhansaha bhAryaH sahAnujaH . 
sadhanurdhanvinA.n shreShTho daNDakAraNyamAshritaH .. 29..\\
tasya bhAryA janasthAnAdrAvaNena hR^itA balAt . 
va~nchayitvA mahAbuddhiM mR^igarUpeNa rAghavam .. 30..\\
hR^itadAraH saha bhrAtrA patnIM mArgansarAghavaH . 
dR^iShTavA~nshailashikhare sugrIva.n vAnararShabham .. 31..\\
tena tasyAbhavatsakhya.n rAgavasya mahAtmanaH . 
sa hatvA vAlina.n rAjye sugrIvaM pratyapAdayat . 
sa harInpreShayAmAsa sItAyAH parimArgane .. 32..\\
tato vAnarakotIbhiryA.n vayaM prasthitA disham . 
tatra pravR^ittiH sItAyA gR^idhreNa pratipAditA .. 33..\\
tato.aha.n kAryasiddhyartha.n rAmasyAkliShTakarmaNAH . 
shatayojanavistIrNamarNava.n sahasAplutaH .. 34..\\
dR^iShTA sA cha mayA devI rAvaNasya niveshane . 
pratyAgatashchApi punarnAma tatra prakAshya vai .. 35..\\
tato rAmeNa vIreNa hatvA tAnsarvarAkShasAn . 
punaH pratyAhR^itA bhAryA naShTA vedashrutiryathA .. 36..\\
tataH pratiShThite rAme vIro.aya.n yAchito mayA . 
yAvadrAmakathA vIra bhavellokeShu shatruhan . 
tAvajjIveyamityeva.n tathAstviti cha so.abravIt .. 37..\\
dashavarShasahasrANi dashavarShashatAni cha . 
rAjya.n kAritavAnrAmastatastu tridivaM gataH .. 38..\\
tadihApsarasastAta gandharvAshcha sadAnagha . 
tasya vIrasya charita.n gAyantyo ramayanti mAm .. 39..\\
aya.n cha mArgo martyAnAmagamyaH kurunandana . 
tato.aha.n ruddhavAnmArga.n tavemaM devasevitam . 
dharShayedvA shapedvApi mA kashchiditi bhArata .. 40..\\
divyo devapatho hyeSha nAtra gachchhanti mAnuShAH . 
yadarthamAgatashchAsi tatsaro.abhyarNa eva hi .. 41..\\
\medskip\hrule\medskip\centerline{\Largedvng 148}
 vai

evamukto mahAbAhurbhImasenaH pratApavAn . 
pranipatya tataH prItyA bhrAtara.n hR^iShTamAnasaH . 
uvAcha shlakShNayA vAchA hanUmanta.n kapIshvaram .. 1..\\
mayA dhanyataro nAsti yadArya.n dR^iShTavAnaham . 
anugraho me sumahA.nstR^iptishcha tava darshanAt .. 2..\\
eva.n tu kR^itamichchhAmi tvayAryAdya priyaM mama . 
yatte tadAsItplavataH sAgaraM makarAlayam . 
rUpamapratima.n vIra tadichchhAmi nirIkShitum .. 3..\\
eva.n tuShTo bhaviShyAmi shraddhAsyAmi cha te vachaH . 
evamuktaH sa tejo vI prahasya harirabravIt .. 4..\\
na tachchhakya.n tvayA draShTu.n rUpaM nAnyena kena chit . 
kAlAvasthA tadA hyanyA vartate sA na sAmpratam .. 5..\\
anyaH kR^itayuge kAlastretAyA.n dvApare.aparaH . 
ayaM pradhva.nsanaH kAlo nAdya tadrUpamasti me .. 6..\\
bhUmirnadyo nagAH shailAH siddhA devA maharShayaH . 
kAla.n samanuvartante yathA bhAvA yuge yuge . 
balavarShma prabhAvA hi prahIyantyudbhavanti cha .. 7..\\
tadala.n tava tadrUpaM draShTuM kurukulodvaha . 
yuga.n samanuvartAmi kAlo hi duratikramaH .. 8..\\

 bhm

yugasa~NkhyA.n samAchakShva AchAra.n cha yuge yuge . 
dharmakAmArtha bhAvAMshcha varShma vIryaM bhavAbhavau .. 9..\\

 ha

kR^itaM nAma yuga.n tAta yatra dharmaH sanAtanaH . 
kR^itameva na kartavya.n tasminkAle yugottame .. 10..\\
na tatra dharmAH sIdanti na kShIyante cha vai prajAH . 
tataH kR^itayugaM nAma kAlena guNatA.n gatam .. 11..\\
devadAnavagandharvayakSharAkShasa pannagAH . 
nAsankR^itayuge tAta tadA na kraya vikrayAH .. 12..\\
na sAmayaju.DgvarNAH kriyA nAsIchcha mAnavI . 
abhidhyAya phala.n tatra dharmaH saMnyAsa eva cha .. 13..\\
na tasminyugasa.nsarge vyAdhayo nendriya kShayaH . 
nAsUyA nApi ruditaM na darpo nApi paishunam .. 14..\\
na vigrahaH kutastandrI na dveSho nApi vai kR^itam . 
na bhayaM na cha santApo na cherShyA na cha matsaraH .. 15..\\
tataH paramakaM brahma yA gatiryoginAM parA . 
AtmA cha sarvabhUtAnA.n shuklo nArAyaNastadA .. 16..\\
brAhmaNAH kShatriyA vaishyAH shUdrAshcha kR^italakShaNAH . 
kR^ite yuge samabhavansvakarmaniratAH prajAH .. 17..\\
samAshrama.n samAchAraM samaGYAnamatI balam . 
tadA hi samakarmANo varNA dharmAnavApnuvan .. 18..\\
ekaveda samAyuktA ekamantravidhikriyAH . 
pR^ithagdharmAstvekavedA dharmamekamanuvratAH .. 19..\\
chAturAshramyayuktena karmaNA kAlayoginA . 
akAma phalasa.nyogAtprApnuvanti parA.n gatim .. 20..\\
AtmayogasamAyukto dharmo.aya.n kR^italakShaNaH . 
kR^ite yuge chatuShpAdashchAturvarNyasya shAshvataH .. 21..\\
etatkR^itayugaM nAma traiguNyaparivarjitam . 
tretAmapi nibodha tva.n yasminsatraM pravartate .. 22..\\
pAdena hrasate dharmo raktatA.n yAti chAchyutaH . 
satyapravR^ittAshcha narAH kriyA dharmaparAyaNAH .. 23..\\
tato yaGYAH pravartante dharmAshcha vividhAH kriyAH . 
tretAyAM bhAvasa~NkalpAH kriyA dAnaphalodayAH .. 24..\\
prachalanti na vai dharmAttapo dAnaparAyaNAH . 
svadharmasthAH kriyAvanto janAstretAyuge.abhavan .. 25..\\
dvApare.api yuge dharmo dvibhAgonaH pravartate . 
viShNurvai pItatA.n yAti chaturdhA veda eva cha .. 26..\\
tato.anye cha chaturvedAstrivedAshcha tathApare . 
dvivedAshchaikavedAshchApyanR^ichashcha tathApare .. 27..\\
eva.n shAstreShu bhinneShu bahudhA nIyate kriyA . 
tapo dAnapravR^ittA cha rAjasI bhavati prajA .. 28..\\
ekavedasya chAGYAnAdvedAste bahavaH kR^itAH . 
satyasya cheha vibhraMshAtsatye kashchidavasthitaH .. 29..\\
satyAtprachyavamAnAnA.n vyAdhayo bahavo.abhavan . 
kAmAshchopadravAshchaiva tadA daivatakAritAH .. 30..\\
yairardyamAnAH subhR^isha.n tapastapyanti mAnavAH . 
kAmakAmAH svargakAmA yaGYA.nstanvanti chApare .. 31..\\
eva.n dvAparamAsAdya prajAH kShIyantyadharmataH . 
pAdenaikena kaunteya dharmaH kaliyuge sthitaH .. 32..\\
tAmasa.n yugamAsAdya kR^iShNo bhavati keshavaH . 
vedAchArAH prashAmyanti dharmayaGYakriyAstathA .. 33..\\
Itayo vyAdhayastandrI doShAH krodhAdayastathA . 
upadravAshcha vartante Adhayo vyAdhayastathA .. 34..\\
yugeShvAvartamAneShu dharmo vyAvartate punaH . 
dharme vyAvartamAne tu loko vyAvartate punaH .. 35..\\
loke kShINe kShaya.n yAnti bhAvA lokapravartakAH . 
yugakShayakR^itA dharmAH prArthanAni vikurvate .. 36..\\
etatkaliyugaM nAma achirAdyatpravartate . 
yugAnuvartana.n tvetatkurvanti chirajIvinaH .. 37..\\
yachcha te matpariGYAne kautUhalamarindama . 
anarthakeShu ko bhAvaH puruShasya vijAnataH .. 38..\\
etatte sarvamAkhyAta.n yanmA.n tvaM paripR^ichchhasi . 
yugasa~NkhyAM mahAbAho svasti prApnuhi gamyatAm .. 39..\\
\medskip\hrule\medskip\centerline{\Largedvng 149}
 vai

evamuktastu bhImena smita.n kR^itvA plava~NgamaH . 
yadi te.ahamanugrAhyo darshayAtmAnamAtmanA .. 1..\\

 vai

evamuktastu bhImena smita.n kR^itvA plava~NgamaH . 
tadrUpa.n darshayAmAsa yadvai sAgarala~Nghane .. 2..\\
bhrAtuH priyamabhIpsanvai chakAra sumahadvapuH . 
dehastasya tato.atIva vardhatyAyAma vistaraiH .. 3..\\
tadrUpa.n kadalI sandaM chhAdayannamitadyutiH . 
gireshchochchhrayamAgamya tasthau tatra sa vAnaraH .. 4..\\
samuchchhritamahAkAyo dvitIya iva parvataH . 
tAmrekShaNastIkShNada.nstro bhR^ikuTI kR^italochanaH . 
dIrghalA~NgUlamAvidhya disho vyApya sthitaH kapiH .. 5..\\
tadrUpaM mahadAlakShya bhrAtuH kauravanandanaH . 
visismiye tadA bhImo jahR^iShe cha punaH punaH .. 6..\\
tamarkamiva tejobhiH sauvarNamiva parvatam . 
pradIptamiva chAkAsha.n dR^iShTvA bhImo nyamIlayat .. 7..\\
AbabhAShe cha hanumAnbhImasena.n smayanniva . 
etAvadiha shaktastva.n rUpa.n draShTuM mamAnagha .. 8..\\
vardhe.aha.n chApyato bhUyo yAvanme manasepsitam . 
bhIma shatruShu chAtyartha.n vardhate mUrtirojasA .. 9..\\
tadadbhutaM mahAraudra.n vindhyamandara saMnibham . 
dR^iShTvA hanUmato varShma sambhrAntaH pavanAtma jaH .. 10..\\
pratyuvAcha tato bhImaH samprahR^iShTatanUruhaH . 
kR^itA~njaliradInAtmA hanUmantamavasthitam .. 11..\\
dR^iShTaM pramANa.n vipulaM sharIrasyAsya te vibho . 
sa.nharasva mahAvIryasvayamAtmAnamAtmanA .. 12..\\
na hi shaknomi tvA.n draShTuM divAkaramivoditam . 
aprameyamanAdhR^iShyaM mainAkamiva parvatam .. 13..\\
vismayashchaiva me vIra sumahAnmanaso.adya vai . 
yadrAmastvayi pArshvasthe svaya.n rAvaNamabhyagAt .. 14..\\
tvameva shaktastA.n la~NkAM sayodhAM sahavAhanAm . 
svabAhubalamAshritya vinAshayitumojasA .. 15..\\
na hi te ki.n chidaprApyaM mArutAtmaja vidyate . 
tava naikasya paryApto rAvaNaH sagaNo yudhi .. 16..\\
evamuktastu bhImena hanUmAnplavagarShabhaH . 
pratyuvAcha tato vAkya.n snigdhaganbhIrayA girA .. 17..\\
evametanmahAbAho yathA vadasi bhArata . 
bhImasena na paryApto mamAsau rAkShasAdhamaH .. 18..\\
mayA tu tasminnihate rAvaNe lokakantake . 
kIrtirnashyedrAghavasya tata etadupekShitam .. 19..\\
tena vIreNa hatvA tu sagaNa.n rAkShasAdhipam . 
AnItA svapura.n sItA loke kIrtishcha sthApitA .. 20..\\
tadgachchha vipulapraGYa bhrAtuH priyahite rataH . 
ariShTa.n kShemamadhvAna.n vAyunA parirakShitaH .. 21..\\
eSha panthAH kurushreShTha saugandhika vanAya te . 
drakShyase dhanadodyAna.n rakShitaM yakSharAkShasaiH .. 22..\\
na cha te tarasA kAryaH kusumAvachayaH svayam . 
daivatAni hi mAnyAni puruSheNa visheShataH .. 23..\\
balihomanamaskArairmantraishcha bharatarShabha . 
daivatAni prasAda.n hi bhaktyA kurvanti bhArata .. 24..\\
mA tAta sAhasa.n kArShIH svadharmamanupAlaya . 
svadharmasthaH para.n dharmaM budhyasvAgamayasva cha .. 25..\\
viGYAtavyo vibhAgena yatra muhyantyabuddhayaH . 
dharmo vai veditu.n shakyo bR^ihaspatisamairapi .. 26..\\
adharmo yatra dharmAkhyo dharmashchAdharmasa~nj~nitaH . 
viGYAtavyo vibhAgena yatra muhyantyabuddhayaH .. 27..\\
AchAra sambhavo dharmo dharmAdvedAH samutthitAH . 
vedairyaGYAH samutpannA yaGYairdevAH pratiShThitAH .. 28..\\
vedAchAra vidhAnoktairyaGYairdhAryanti devatAH . 
bR^ihaspatyushanoktaishcha nayairdhAryanti mAnavAH .. 29..\\
panyA karavanijyAbhiH kR^iShyAtho yonipoShaNaiH . 
vArtayA dhAryate sarva.n dharmairetairdvijAtibhiH .. 30..\\
trayI vArtA daNDanItistisro vidyA vijAnatAm . 
tAbhiH samyakprayuktAbhirlokayAtrA vidhIyate .. 31..\\
sA cheddharmakriyA na syAttrayIdharmamR^ite bhuvi . 
daNDanItimR^ite chApi nirmaryAdamidaM bhavet .. 32..\\
vArtA dharme hyavartantyo vinashyeyurimAH prajAH . 
supravR^ittairtribhirhyetairdharmaiH sUyanti vai prajAH .. 33..\\
dvijAnAmamR^ita.n dharmo hyekashchaivaika varNikaH . 
yaGYAdhyayana dAnAni trayaH sAdhAraNAH smR^itAH .. 34..\\
yAjanAdhyApane chobhe brAhmaNAnAM pratigrahaH . 
pAlana.n kShatriyANA.n vai vaishya dharmashcha poShaNam .. 35..\\
shushrUShA tu dvijAtInA.n shUdrANA.n dharma uchyate . 
bhaikSha homavratairhInAstathaiva guruvAsinAm .. 36..\\
kShatradharmo.atra kaunteya tava dharmAbhirakShaNam . 
svadharmaM pratipadyasva vinIto niyatendriyaH .. 37..\\
vR^iddhairsaMmantrya sadbhishcha buddhimadbhiH shrutAnvitaiH . 
susthitaH shAsti dandena vyasanI paribhUyate .. 38..\\
nigrahAnugrahaiH samyagyadA rAjA pravartate . 
tadA bhavati lokasya maryAdA suvyavasthitA .. 39..\\
tasmAddeshe cha durge cha shatrumitra baleShu cha . 
nitya.n chAreNa boddhavya.n sthAnaM vR^iddhiH kShayastathA .. 40..\\
rAGYAmupAyAshchatvAro buddhimantraH parAkramaH . 
nigrahAnugrahau chaiva dAkShya.n tatkAryasAdhanam .. 41..\\
sAmnA dAnena bhedena dandenopekShaNena cha . 
sAdhanIyAni kAryANi samAsa vyAsa yogataH .. 42..\\
mantramUlA nayAH sarve chArAshcha bharatarShabha . 
sumantritairnayaiH siddhistadvidaiH saha mantrayet .. 43..\\
striyA mUdhena lubdhena bAlena laghunA tathA . 
na mantrayeta guhyAni yeShu chonmAda lakShaNam .. 44..\\
mantrayetsaha vidvadbhiH shaktaiH karmANi kArayet . 
snigdhaishcha nItivinyAsAnmUrkhAnsarvatra varjayet .. 45..\\
dhArmikAndharmakAryeShu arthakAryeShu paNDitAn . 
strIShu klIbAnniyu~njIta krUrAnkrUreShu karmasu .. 46..\\
svebhyashchaiva parebhyashcha kAryAkAryasamudbhavA . 
buddhiH karmasu viGYeyA ripUNA.n cha balAbalam .. 47..\\
buddhyA supratipanneShu kuryAtsAdhu parigraham . 
nigraha.n chApyashiShTeShu nirmaryAdeShu kArayet .. 48..\\
nigrahe pragrahe samyagyadA rAjA pravartate . 
tadA bhavati lokasya maryAdA suvyavasthitA .. 49..\\
eSha te vihitaH pArtha ghoro dharmo duranvayaH . 
ta.n svadharmavibhAgena vinayastho.anupAlaya .. 50..\\
tapo dharmadamejyAbhirviprA yAnti yathA divam . 
dAnAtithya kriyA dharmairyAnti vaishyAsh cha sadgatim .. 51..\\
kShatra.n yAti tathA svargaM bhuvi nigrahapAlanaiH . 
samyakpranIya daNDa.n hi kAmadveShavivarjitAH . 
alubdhA vigatakrodhAH satA.n yAnti salokatAm .. 52..\\
\medskip\hrule\medskip\centerline{\Largedvng 150}
 vai

tataH sa~NkR^itya vipula.n tadvapuH kAmavardhitam . 
bhImasenaM punardorbhyAM paryaShvajata vAnaraH .. 1..\\
pariShvaktasya tasyAshu bhrAtrA bhImasya bhArata . 
shramo nAshamupAgachchhatsarva.n chAsItpradakShiNam .. 2..\\
tataH punarathovAcha paryashrunayano hariH . 
bhImamAbhAShya sauhArdAdbAShpagadgadayA girA .. 3..\\
gachchha vIra svamAvAsa.n smartavyo.asmi kathAntare . 
ihasthashcha kurushreShTha na nivedyo.asmi kasya chit .. 4..\\
dhanadasyAlayAchchApi visR^iShTAnAM mahAbala . 
deshakAla ihAyAtu.n devagandharvayoShitAm .. 5..\\
mamApi saphala.n chakShuH smAritashchAsmi rAghavam . 
mAnuSha.n gAtrasa.nsparshaM gatvA bhIma tvayA saha .. 6..\\
tadasmaddarshana.n vIra kaunteyAmoghamastu te . 
bhrAtR^itva.n tvaM puraskR^itya vara.n varaya bhArata .. 7..\\
yadi tAvanmayA kShudrA gatvA vAraNasAhvayam . 
dhArtarAShTrA nihantavyA yAvadetatkaromyaham .. 8..\\
shilayA nagara.n vA tanmarditavyaM mayA yadi . 
yAvadadya karomyetatkAma.n tava mahAbala .. 9..\\
bhImasenastu tadvAkya.n shrutvA tasya mahAtmanaH . 
pratyuvAcha hanUmantaM prahR^iShTenAntarAtmanA .. 10..\\
kR^itameva tvayA sarvaM mama vAnarapu~Ngava . 
svasti te.astu mahAbAho kShAmaye tvAM prasIda me .. 11..\\
sanAthAH pANDavAH sarve tvayA nAthena vIryavan . 
tavaiva tejasA sarvAnvijeShyAmo vaya.n ripUn .. 12..\\
evamuktastu hanumAnbhImasenamabhAShata . 
bhrAtR^itvAtsauhR^idAchchApi kariShyAmi tava priyam .. 13..\\
chamU.n vigAhya shatrUNAM sharashaktisamAkulAm . 
yadA si.nharava.n vIrakariShyasi mahAbala . 
tadAhaM bR^i.nhayiShyAmi svaraveNa rava.n tava .. 14..\\
vijayasva dhvajasthashcha nAdAnmokShyAmi dAruNAn . 
shatrUNA.n te prANaharAnityuktvAntaradhIyata .. 15..\\
gate tasminharivare bhImo.api balinA.n varaH . 
tena mArgeNa vipula.n vyacharadgandhamAdanam .. 16..\\
anusmaranvapustasya shriya.n chApratimAM bhuvi . 
mAhAtmyamanubhAva.n cha smarandAsharatheryayau .. 17..\\
sa tAni ramaNIyAni vanAnyupavanAni cha . 
viloDayAmAsa tadA saugandhika vanepsayA .. 18..\\
phullapadmavichitrANi puShpitAni vanAni cha . 
mattavAraNayUthAni pa~NkaklinnAni bhArata . 
varShatAmiva meghAnA.n vR^indAni dadR^ishe tadA .. 19..\\
hariNaishcha~nchalApA~NgairhariNI sahitairvane . 
sashaShpa kavalaiH shrImAnpathi dR^iShTo druta.n yayau .. 20..\\
mahiShaishcha varAhaishcha shArdUlaishcha niShevitam . 
vyapetabhIrgiri.n shauryAdbhImaseno vyagAhata .. 21..\\
kusumAnata shAkhaishcha tAmpra pallavakomalaiH . 
yAchyamAna ivAraNye drumairmArutakampitaiH .. 22..\\
kR^itapadmAGYali puTA mattaShaTpada sevitAH . 
priya tIrthavanA mArge padminIH samatikraman .. 23..\\
sajjamAna mano dR^iShTiH phulleShu girisAnuShu . 
draupadI vAkyapAtheyo bhImaH shIghratara.n yayau .. 24..\\
parivR^itte.ahani tataH prakIrNahariNe vane . 
kA~nchanairvimalaiH padmairdadarsha vipulAM nadIm .. 25..\\
mattakAraNDava yutA.n chakravAkopashobhitAm . 
rachitAmiva tasyAdrermAlA.n vimalapa~NkajAm .. 26..\\
tasyAM nadyAM mahAsattvaH saugandhika vanaM mahat . 
apashyatprItijananaM bAlArkasadR^ishadyuti .. 27..\\
taddR^iShTvA labdhakAmaH sa manasA pANDunandanaH . 
vanavAsa parikliShTA.n jagAma manasA priyAm .. 28..\\
\medskip\hrule\medskip\centerline{\Largedvng 151}
 vai

sa gatvA nalinI.n ramyAM rAkShasairabhirakShitAm . 
kailAsashikhare ramye dadarsha shubhakAnane .. 1..\\
kuberabhavanAbhyAshe jAtAM parvatanirjhare . 
suramyA.n vipulachhAyAM nAnAdrumalatAvR^itAm .. 2..\\
haritAmbuja sa~nchannA.n divyAM kanakapuShkarAm . 
pavitrabhUtA.n lokasya shubhAmadbhutadarshanAm .. 3..\\
tatrAmR^ita rasa.n shItaM laghu kuntIsutaH shubham . 
dadarsha vimala.n toya.n shivaM bahu cha pANDavaH .. 4..\\
tA.n tu puShkariNI.n ramyAM padmasaugandhikAyutAm . 
jAtarUpamayaiH padmaishchhannAM paramagandhibhiH .. 5..\\
vaiDUrya varanAlaishcha bahu chitrairmanoharaiH . 
haMsha kAraNDavoddhUtaiH sR^ijadbhiramala.n rajaH .. 6..\\
AkrIDa.n yakSharAjasya kuberasya mahAtmanaH . 
gandharvairapsarobhishcha devaishcha paramArchitAm .. 7..\\
sevitAmR^iShibhirdivyA.n yakShaiH kimpuruShairathA . 
rAkShasaiH kiMnaraishchaiva guptA.n vaishravaNena cha .. 8..\\
tA.n cha dR^iShTvaiva kaunteyo bhImaseno mahAbalaH . 
babhUva paramaprIto divya.n samprekShya tatsaraH .. 9..\\
tachcha krodhavashA nAma rAkShasA rAjashAsanAt . 
rakShanti shatasAhasrAshchitrAyudhaparichchhadAH .. 10..\\
te tu dR^iShTvaiva kaunteyamajinaiH parivAritam . 
rukmA~Ngada dhara.n vIraM bhImaM bhImaparAkramam .. 11..\\
sAyudhaM baddhanistriMshamasha~Nkitamarindamam . 
puShkarepsumupAyAntamanyonyamabhichukrushuH .. 12..\\
ayaM puruShashArdUlaH sAyudho.ajina sa.nvR^itaH . 
yachchikIrShuriha prAptastatsampraShTumihArhatha .. 13..\\
tataH sarve mahAbAhu.n samAsAdya vR^ikodaram . 
tejoyuktamapR^ichchhanta kastvamAkhyAtumarhasi .. 14..\\
muniveShadharashchAsi chIravAsAshcha lakShyase . 
yadarthamasi samprAptastadAchakShva mahAdyute .. 15..\\
\medskip\hrule\medskip\centerline{\Largedvng 152}
 bhiima

pANDavo bhImaseno.aha.n dharmaputrAdanantaraH . 
vishAlAM badarIM prApto bhrAtR^ibhiH saha rAkShasAH .. 1..\\
apashyattatra pa~nchAlI saugandhikamanuttamam . 
aniloDhamito nUna.n sA bahUni parIpsati .. 2..\\
tasyA mAmAnavadyA~NgyA dharmapatnyAH priye sthitam . 
puShpAhAramiha prAptaM nibodhata nishAcharAH .. 3..\\

 ra-s

AkrIDo.aya.n kuberasya dayitaH puruSharShabha . 
neha shakyaM manuShyeNa vihartuM martyadharmiNA .. 4..\\
devarShayastathA yakShA devAshchAtra vR^ikodara . 
Amantrya yakShapravaraM pibanti viharanti cha . 
gandharvApsarasashchaiva viharantyatra pANDava .. 5..\\
anyAyeneha yaH kashchidavamanya dhaneshvaram . 
vihartumichchheddurvR^ittaH sa vinashyedasaMshayam .. 6..\\
tamanAdR^itya padmAni jihIrShasi balAditaH . 
dharmarAjasya chAtmAnaM bravIShi bhrAtara.n katham .. 7..\\

 bhiima

rAkShasAstaM na pashyAmi dhaneshvaramihAntike . 
dR^iShTvApi cha mahArAjaM nAha.n yAchitumutsahe .. 8..\\
na hi yAchanti rAjAna eSha dharmaH sanAtanaH . 
na chAha.n hAtumichchhAmi kShAtra dharma.n kathaM chana .. 9..\\
iya.n cha nalinI ramyA jatA parvatanirjhare . 
neyaM bhavanamAsAdya kuberasya mahAtmanaH .. 10..\\
tulyA hi sarvabhUtAnAmiya.n vaishravaNasya cha . 
eva~NgateShu dravyeShu kaH ka.n yAchitumarhati .. 11..\\

 vai

ityuktvA rAkShasAnsarvAnbhImaseno vyagAhata . 
tataH sa rAkShasairvAchA pratiShiddhaH pratApavAn . 
mA maivamiti sakrodhairbhartsayadbhiH samantataH .. 12..\\
kadarthI kR^ityatu sa tAnrAkShasAnbhImavikramaH . 
vyagAhata mahAtejAste ta.n sarve nyavArayan .. 13..\\
gR^ihNIta badhnIta nikR^intatemaM 
pachAma khAdAma cha bhImasenam . 
kruddhA bruvanto.anuyayurdruta.n te 
shastrANi chodyamya vivR^ittanetrAH .. 14..\\
tataH sa gurvI yamadaNDakalpAM 
mahAgadA.n kA~nchanapaTTanaddhAm . 
pragR^ihya tAnabhyapatattarasvI 
tato.abravIttiShThata tiShThateti .. 15..\\
te ta.n tadA tomarapaTTishAdyair 
vyAvidhya shastraiH sahasAbhipetuH . 
jighA.nsavaH krodhavashAH subhImA 
bhIma.n samantAtparivavrurugrAH .. 16..\\
vAtena kuntyAM balavAnsa jAtaH 
shUrastarasvI dviShatAM nihantA . 
satye cha dharme cha rataH sadaiva 
parAkrame shatrubhirapradhR^iShyaH .. 17..\\
teShA.n sa mArgAnvividhAnmahAtmA 
nihatya shastrANi cha shAtravANAm . 
yathA pravIrAnnijaghAna vIraH 
paraHshatAnpuShkariNI samIpe .. 18..\\
te tasya vIrya.n cha balaM cha dR^iShTvA 
vidyA balaM bAhubala.n tathaiva . 
ashaknuvantaH sahitAH samantAd 
dhatapravIrAH sahasA nivR^ittAH .. 19..\\
vidIryamANAstata eva tUrNam 
AkAshamAsthAya vimUDhasa~nj~nAH . 
kailAsashR^i~NgANyabhidudruvuste 
bhImArditAH krodhavashAH prabhagnAH .. 20..\\
sa shakravaddAnavadaitya sa~NghAn 
vikramya jitvA cha raNe.arisa~NghAn . 
vigAhya tAM puShkariNI.n jitAriH 
kAmAya jagrAha tato.ambujAni .. 21..\\
tataH sa pItvAmR^ita kalpamambho 
bhUyo babhUvottama vIryatejAH . 
utpATya jagrAha tato.ambujAni 
saugandhikAnyuttamagandhavanti .. 22..\\
tatastu te krodhavashAH sametya 
dhaneshvaraM bhImabalapraNunnAH . 
bhImasya vIrya.n cha balaM cha sa~Nkhye 
yathAvadAchakhyuratIva dInAH .. 23..\\
teShA.n vachastattu nishamya devaH 
prahasya rakShAMshi tato.abhyuvAcha . 
gR^ihNAtu bhImo jalajAni kAmaM 
kR^iShNA nimitta.n viditaM mamaitat .. 24..\\
tato.abhyanuGYAya dhaneshvara.n te 
jagmuH kurUNAM pravara.n viroShAH . 
bhIma.n cha tasyAM dadR^ishurnalinyAM 
yathopajoSha.n viharantamekam .. 25..\\
\medskip\hrule\medskip\centerline{\Largedvng 153}
 vai

tatastAni mahArhANi divyAni bharatarShabhaH . 
bahUni bahurUpANi virajA.nsi samAdade .. 1..\\
tato vAyurmahA~nshIghro nIchaiH sharkara karShaNaH . 
prAdurAsItkharasparshaH sa~NgrAmamabhichodayan .. 2..\\
papAta mahatI cholkA sanirghAtA mahAprabhA . 
niShprabhashchAbhavatsUryashchhannarashmistamovR^itaH .. 3..\\
nirghAtashchAbhavadbhImo bhIme vikramamAsthite . 
chachAla pR^ithivI chApi pA.nsuvarShaM papAta cha .. 4..\\
salohitA dishashchAsankharavAcho mR^igadvijAH . 
tamovR^itamabhUtsarvaM na praGYAyata ki.n chana .. 5..\\
tadadbhutamabhiprekShya dharmaputro yudhiShThiraH . 
uvAcha vadatA.n shreShThaH ko.asmAnabhibhaviShyati .. 6..\\
sajjIbhavata bhadra.n vaH pANDavA yuddhadurmadAH . 
yathA rUpANi pashyAmi svabhyagro naH parAkramaH .. 7..\\
evamuktvA tato rAjA vIkShA.n chakre samantataH . 
apashyamAno bhIma.n cha dharmarAjo yudhiShThiraH .. 8..\\
tatra kR^iShNA.n yamau chaiva samIpasthAnarindamaH . 
paprachchha bhrAtaraM bhImaM bhImakarmANamAhave .. 9..\\
kachchinna bhImaH pA~nchAli ki.n chitkR^ityaM chikIrShati . 
kR^itavAnapi vA vIraH sAhasa.n sAhasa priyaH .. 10..\\
ime hyakasmAdutpAtA mahAsamaradarshinaH . 
darshayanto bhaya.n tIvraM prAdurbhUtAH samantataH .. 11..\\
ta.n tathA vAdinaM kR^iShNA pratyuvAcha manasvinI . 
priyA priya.n chikIrShantI mahiShI chAruhAsinI .. 12..\\
yattatsaugandhika.n rAjannAhR^itaM mAtarishvanA . 
tanmayA bhImasenasya prItayAdyopapAditam .. 13..\\
api chokto mayA vIro yadi pashyedbahUnyapi . 
tAni sarvANyupAdAya shIghramAgamyatAm iti .. 14..\\
sa tu nUnaM mahAbAhuH priyArthaM mama pANDavaH . 
prAgudIchI.n disha.n rAja.nstAnyAhartumito gataH .. 15..\\
uktastveva.n tayA rAjA yamAvidamathAbravIt . 
gachchhAma sahitAstUrNa.n yena yAto vR^ikodaraH .. 16..\\
vahantu rAkShasA viprAnyathA shrAntAnyathA kR^ishAn . 
tvamapyamarasa~NkAsha vaha kR^iShNA.n ghaTotkacha .. 17..\\
vyakta.n dUramito bhImaH praviShTa iti me matiH . 
chira.n cha tasya kAlo.aya.n sa cha vAyusamo jave .. 18..\\
tarasvI vainateyasya sadR^isho bhuvi la~Nghane . 
utpatedapi chAkAshaM nipatechcha yathechchhakam .. 19..\\
tamanviyAma bhavatAM prabhAvAdrajanIcharAH . 
purA sa nAparAdhnoti sidhAnAM brahmavAdinAm .. 20..\\
tathetyuktvA tu te sarve haiDimba pramukhAstadA . 
uddeshaGYAH kuberasya nalinyA bharatarShabhaH .. 21..\\
AdAya pANDavAMshchaiva tAMshcha viprAnanekashaH . 
lomashenaiva sahitAH prayayuH prItamAnasAH .. 22..\\
te gatvA sahitAH sarve dadR^ishustatra kAnane . 
praphullapa~Nkaja vatIM nalinI.n sumanoharAm .. 23..\\
ta.n cha bhImaM mahAtmAnaM tasyAstIre vyavasthiram . 
dadR^ishurnihatA.n chaiva yakShAnsuvipulekShaNAn .. 24..\\
udyamya cha gadA.n dorbhyAM nadItIre vyavasthitam . 
prajA sa~NkShepa samaye daNDahastamivAntakam .. 25..\\
ta.n dR^iShTvA dharmarAjastu pariShvajya punaH punaH . 
uvAcha shlakShNayA vAchA kaunteya kimida.n kR^itam .. 26..\\
sAhasaM bata bhadra.n te devAnAmapi chApriyam . 
punarevaM na kartavyaM mama chedichchhasi priyam .. 27..\\
anushAsya cha kaunteyaM padmAni pratigR^ihya cha . 
tasyAmeva nalinyA.n te vijahruramaropamAH .. 28..\\
etasminneva kAle tu pragR^ihItashilAyudhAH . 
prAdurAsanmahAkAyAstasyodyAnasya rakShiNaH .. 29..\\
te dR^iShTvA dharmarAjAna.n devarShiM chApi lomasham . 
nakula.n sahadeva.n cha tathAnyAnbrAhmaNarShabhAn . 
vinayenAnatAH sarve praNipetushcha bhArata .. 30..\\
sAntvitA dharmarAjena praseduH kShaNadAcharAH . 
viditAshcha kuberasya tataste narapu~NgavAH . 
UShurnAtichira.n kAla.n ramamANAH kurUdvahAH .. 31..\\
\medskip\hrule\medskip\centerline{\Largedvng 154}
 vai

tatastAnparivishvastAnvasatastatra pANDavAn . 
gateShu teShu rakShaH subhImasenAtmaje.api cha .. 1..\\
rahitAnbhImasenena kadA chittAnyadR^ichchhayA . 
jahAra dharmarAjAna.n yamau kR^iShNA.n cha rAkShasaH .. 2..\\
brAhmaNo mantrakushalaH sarvAstreShvastravittamaH . 
iti bruvanpANDaveyAnparyupAste sma nityadA .. 3..\\
parIkShamANaH pArthAnA.n kalApAni dhanUMShi cha . 
antara.n samabhiprepsurnAmnA khyAto jaTAsuraH .. 4..\\
sa bhImasene niShkrAnte mR^igayArthamarindame . 
anyadrUpa.n samAsthAya vikR^itaM bhairavaM mahat .. 5..\\
gR^ihItvA sarvashastrANi draupadIM parigR^ihya cha . 
prAtiShThata sa duShTAtmA trIngR^ihItvA cha pANDavAn .. 6..\\
sahadevastu yatnena tato.apakramya pANDavaH . 
AkrandadbhImasena.n vai yana yAto mahAbalaH .. 7..\\
tamabravIddharmarAjo hriyamANo yudhiShThiraH . 
dharmaste hIyate mUDha na chaina.n samavekShase .. 8..\\
ye.anye ke chinmanuShyeShu tiryagyonigatA api . 
gandharvayakSharakShA.nsi vayA.nsi pashavastathA . 
manuShyAnupajIvanti tatastvamupajIvasi .. 9..\\
samR^iddhyA hyasya lokasya loko yuShmAkamR^idhyate . 
ima.n cha loka.n shochantamanushochanti devatAH . 
pUjyamAnAshcha vardhante havyakavyairyathAvidhi .. 10..\\
vaya.n rAShTrasya goptAro rakShitArashcha rAkShasa . 
rAShTrasyArakShyamANasya kuto bhUtiH kutaH sukham .. 11..\\
na cha rAjAvamantavyo rakShasA jAtvanAgasi . 
aNurapyapachArashcha nAstyasmAkaM narAshana .. 12..\\
drogdhavyaM na cha mitreShu na vishvasteShu karhi chit . 
yeShA.n chAnnAni bhu~njIta yatra cha syAtpratishrayaH .. 13..\\
sa tvaM pratishraye.asmAkaM pUjyamAnaH sukhoShitaH . 
bhuktvA chAnnAni duShpraGYa kathamasmA~njihIrShasi .. 14..\\
evameva vR^ithAchAro vR^ithA vR^iddho vR^ithA matiH . 
vR^ithA maraNamarhastva.n vR^ithAdya na bhaviShyasi .. 15..\\
atha chedduShTabuddhistva.n sarvairdharmairvivarjitaH . 
pradAya shastrANyasmAka.n yuddhena draupadIM hara .. 16..\\
atha chettvamaviGYAya ida.n karma kariShyasi . 
adharma.n chApyakIrtiM cha loke prApsyasi kevalam .. 17..\\
etAmadya parAmR^ishya striya.n rAkShasa mAnuShIm . 
viShametatsamAloDya kumbhena prAshita.n tvayA .. 18..\\
tato yudhiShThirastasya bhArikaH samapadyata . 
sa tu bhArAbhibhUtAtmA na tathA shIghrago.abhavat .. 19..\\
athAbravIddraupadI.n cha nakulaM cha yudhiShThiraH . 
mA bhaiShTa rAkShasAnmUDhAdgatirasya mahAhR^itA .. 20..\\
nAtidUre mahAbAhurbhavitA pavanAtmajaH . 
asminmuhUrte samprApte na bhaviShyati rAkShasaH .. 21..\\
sahadevastu ta.n dR^iShTvA rAkShasaM mUDhachetasam . 
uvAcha vachana.n rAjankuntIputramyudhiShThiram .. 22..\\
rAjankiMnAma tatkR^itya.n kShatriyasyAstyato.adhikam . 
yadyuddhe.abhimukhaH prANA.nstyajechchhatrU~njayeta vA .. 23..\\
eSha chAsmAnvaya.n chaina.n yudhyamAnAH parantapa . 
sUdayema mahAbAho deshakAlo hyayaM nR^ipa .. 24..\\
kShatradharmasya samprAptaH kAlaH satyaparAkrama . 
jayantaH pAtyamAnA vA prAptumarhAma sadgatim .. 25..\\
rAkShase jIvamAne.adya ravirastamiyAdyadi . 
nAhaM brUyAM punarjAtu kShatriyo.asmIti bhArata .. 26..\\
bho bho rAkShasa tiShThasva sahadevo.asmi pANDavaH . 
hatvA vA mAM nayasvainAnhato vAdyeha svapsyasi .. 27..\\
tathaiva tasminbruvati bhImaseno yadR^ichchhayA . 
prAdR^ishyata mahAbAhuH savajra iva vAsavaH .. 28..\\
so.apashyadbhrAtarau tatra draupadI.n cha yashasvinIm . 
kShitistha.n sahadeva.n cha kShipantaM rAkShasaM tadA .. 29..\\
mArAchcha rAkShasaM mUDha.n kAlopahatachetasam . 
bhramanta.n tatra tatraiva daivena vinivAritam .. 30..\\
bhrAtR^I.nstAnhriyato dR^iShTvA draupadI.n cha mahAbalaH . 
krodhamAhArayadbhImo rAkShasa.n chedamabravIt .. 31..\\
viGYAto.asi mayA pUrva.n cheShTa~nshastraparIkShaNe . 
AsthA tu tvayi me nAsti yato.asi na hatastadA . 
brahmarUpapratichchhanno na no vadasi chApriyam .. 32..\\
priyeShu charamANa.n tvAM na chaivApriya kAriNam . 
atithiM brahmarUpa.n cha katha.n hanyAmanAgasam . 
rAkShasaM manyamAno.api yo hanyAnnaraka.n vrajet .. 33..\\
apakvasya cha kAlena vadhastava na vidyate . 
nUnamadyAsi sampakvo yathA te matirIdR^ishI . 
dattA kR^iShNApaharaNe kAlenAdbhuta karmaNA .. 34..\\
baDisho.aya.n tvayA grastaH kAlasUtreNa lambitaH . 
matsyo.ambhasIva syUtAsyaH kathaM me.adya gamiShyasi .. 35..\\
ya.n chAsi prasthito deshaM mano pUrvaM gataM cha te . 
na ta.n gantAsi gantAsi mArgaM bakahiDimbayoH .. 36..\\
evamuktastu bhImena rAkShasaH kAlachodnitaH . 
bhIta utsR^ijya tAnsarvAnyuddhAya samupasthitaH .. 37..\\
abravIchcha punarbhIma.n roShAtprasphuritAdharaH . 
na me mUDhA dishaH pApatvadarthaM me vilambanam .. 38..\\
shrutA me rAkShasA ye ye tvayA vinihatA raNe . 
teShAmadya kariShyAmi tavAsreNodaka kriyAm .. 39..\\
evamuktastato bhImaH sR^ikkiNI parisa.nlihan . 
smayamAna iva krodhAtsAkShAtkAlAntakopamaH . 
bAhusa.nrambhamevechchhannabhidudrAva rAkShasam .. 40..\\
rAkShaso.api tadA bhIma.n yuddhArthinamavasthitam . 
abhidudrAva sa.nrabdho balo vajradhara.n yathA .. 41..\\
vartamAne tadA tAbhyAM bAhuyuddhe sudAruNe . 
mAdrIputrAvabhikruddhAvubhAvapyabhyadhAvatAm .. 42..\\
nyavArayattau prahasankuntIputro vR^ikodaraH . 
shakto.aha.n rAkShasasyeti prekShadhvamiti chAbravIt .. 43..\\
AtmanA bhrAtR^ibhishchAha.n dharmeNa sukR^itena cha . 
iShTena cha shape rAjansUdayiShyAmi rAkShasam .. 44..\\
ityevamuktvA tau vIrau spardhamAnau parasparam . 
bAhubhiH samasajjetAmubhau rakShovR^ikodarau .. 45..\\
tayorAsItsamprahAraH kruddhayorbhIma rakShasoH . 
amR^iShyamANayoH sa~Nkhye devadAnavayoriva .. 46..\\
ArujyArujya tau vR^ikShAnanyonyamabhijaghnatuH . 
jImUtAviva gharmAnte vinadantau mahAbalau .. 47..\\
babhaGYaturmahAvR^ikShAnUrubhirbalinA.n varau . 
anyonyenAbhisa.nrabdhau parasparajayaiShiNau .. 48..\\
tadvR^ikShayuddhamabhavanmahIruha vinAshanam . 
vAlisugrIvayorbhrAtroH pureva kapisi.nhayoH .. 49..\\
AvidyAvidhya tau vR^ikShAnmuhUrtamitaretaram . 
tADayAmAsaturubhau vinadantau muhurmuhuH .. 50..\\
tasmindeshe yadA vR^ikShAH sarva eva nipAtitAH . 
pu~njI kR^itAshcha shatashaH parasparavadhepsayA .. 51..\\
tadA shilAH samAdAya muhUrtamiva bhArata . 
mahAbhrairiva shailendrau yuyudhAte mahAbalau .. 52..\\
ugrAbhirugrarUpAbhirbR^ihatIbhiH parasparam . 
vajrairiva mahAvegairAjaghnaturamarShaNau .. 53..\\
abhihatya cha bhUyastAvanyonyaM baladarpitau . 
bhujAbhyAM parigR^ihyAtha chakarShAte gajAviva .. 54..\\
muShTibhishcha mahAghorairanyonyamabhipetatuH . 
tayoshchaTachaTA shabdo babhUva sumahAtmanoH .. 55..\\
tataH sa.nhR^itya muShTi.n tu pa~nchashIrShamivoragam . 
vegenAbhyahanadbhImo rAkShasasya shirodharAm .. 56..\\
tataH shrAnta.n tu tadrakSho bhImasena bhujAhatam . 
suparishrAntamAlakShya bhImaseno.abhyavartata .. 57..\\
tata enaM mahAbAhurbAhubhyAmamaropamaH . 
samutkShipya balAdbhImo niShpipeSha mahItale .. 58..\\
tasya gAtrANi sarvANi chUrNayAmAsa pANDavaH . 
aratninA chAbhihatya shiro kAyAdahAharat .. 59..\\
sandaShTauShTha.n vivR^ittAkShaM phalaM vR^intAdiva chyutam . 
jaTAsurasya tu shiro bhImasenabalAddhR^itam . 
papAta rudhirAdigdha.n sandaShTa dashanachhadam .. 60..\\
taM nihatya maheShvAso yudhiShThiramupAgamat . 
stUyamAno dvijAgryaistairmarudbhiriva vAsavaH .. 61..\\
\medskip\hrule\medskip\centerline{\Largedvng 155}
 vai

nihate rAkShase tasminpunarnArAyaNAshramam . 
abhyetya rAjA kaunteyo nivAsamakarotprabhuH .. 1..\\
sa samAnIya tAnsarvAnbhrAtR^InityabravIdvachaH . 
draupadyA sahitAnkAle sa.nsmaranbhrAtara.n jayam .. 2..\\
samAshchatasro.abhigatAH shivena charatA.n vane . 
kR^itoddeshashcha bIbhatsuH pa~nchamImabhitaH samAm .. 3..\\
prApya parvatarAjAna.n shvetaM shikhariNAM varam . 
tatrApi cha kR^itoddeshaH samAgamadidR^ikShubhiH .. 4..\\
kR^itashcha samayastena pArthenAmita tejasA . 
pa~nchavarShANi vatsyAmi vidyArthIti purA mayi .. 5..\\
tatra gANDIvadhanvAnamavAptAstramarindamam . 
devalokAdima.n loka.n drakShyAmaH punarAgatam .. 6..\\
ityuktvA brAhmaNAnsarvAnAmantrayata pANDavaH . 
kAraNa.n chaiva tatteShAmAchachakShe tapasvinAm .. 7..\\
tamugratapasaH prItAH kR^itvA pArthaM pradakShiNam . 
brAhmaNAste.anvamodanta shivena kushalena cha .. 8..\\
sukhodarkamima.n kleshamachirAdbharatarShabha . 
kShatradharmeNa dharmaGYa tIrtvA gAM pAlayiShyasi .. 9..\\
tattu rAjA vachasteShAM pratigR^ihya tapasvinAm . 
pratasthe saha vipraistairbhrAtR^ibhishcha parantapaH .. 10..\\
draupadyA sahitaH shrImAnhaiDimbeyAdibhistathA . 
rAkShasairanuyAtashcha lomashenAbhirakShitaH .. 11..\\
kva chijjagAma padbhyA.n tu rAkShasairuhyate kva chit . 
tatra tatra mahAtejA bhrAtR^ibhiH saha suvrataH .. 12..\\
tato yudhiShThiro rAjA bahUnkleshAnvichintayan . 
si.nhavyAghra gajAkIrNAmudIchIM prayayau disham .. 13..\\
avekShamANaH kailAsaM mainAka.n chaiva parvatam . 
gandhamAdana pAdAMshcha meru.n chApi shilochchayam .. 14..\\
uparyupari shailasya bahvIshcha saritaH shivAH . 
prastha.n himavataH puNyaM yayau sapta dashe.ahani .. 15..\\
dadR^ishuH pANDavA rAjangandhamAdanamantikAt . 
pR^iShThe himavataH puNye nAnAdrumalatA yute .. 16..\\
salilAvarta sa~njAtaiH puShpitaishcha mahIruhaiH . 
samAvR^itaM puNyatamamAshrama.n vR^iShaparvaNaH .. 17..\\
tamupakramya rAjarShi.n dharmAtmAnamarindamAH . 
pANDavA vR^iShaparvANamavandanta gataklamAH .. 18..\\
abhyanandatsa rAjarShiH putravadbharatarShabhAn . 
pUjitAshchAvasa.nstatra saptarAtramarindamAH .. 19..\\
aShTame.ahani samprApte tamR^iShi.n lokavishrutam . 
Amantrya vR^iShaparvANaM prasthAna.n samarochayan .. 20..\\
ekaikashashcha tAnviprAnnivedya vR^iShaparvaNe . 
nyAsabhUtAnyathAkAlaM bandhUniva susatkR^itAn .. 21..\\
tataste varavastrANi shubhAnyAbharaNAni cha . 
nyadadhuH pANDavAstasminnAshrame vR^iShaparvaNaH .. 22..\\
atItAnAgate vidvAnkushalaH sarvadharmavit . 
anvashAsatsa dharmaGYaH putravadbharatarShabhAn .. 23..\\
te.anuGYAtA mahAtmAnaH prayayurdishamuttarAm . 
kR^iShNayA sahitA vIrA brAhmaNaishcha mahAtmabhiH . 
tAnprasthitAnanvagachchhadvR^iShaparvA mahIpatiH .. 24..\\
upanyasya mahAtejA viprebhyaH pANDavA.nstadA . 
anusa.nsAdhya kaunteyAnAshIrbhirabhinandya cha . 
vR^iShaparvA nivavR^ite panthAnamupadishya cha .. 25..\\
nAnAmR^igagaNairjuShTa.n kaunteyaH satyavikramaH . 
padAtirbhrAtR^ibhiH sArdhaM prAtiShThata yudhiShThiraH .. 26..\\
nAnAdrumanirodheShu vasantaH shailasAnuShu . 
parvata.n vivishuH shveta.n chaturthe.ahani pANDavAH .. 27..\\
mahAbhraghanasa~NkAsha.n salilopahitaM shubham . 
maNikA~nchanaramya.n cha shailaM nAnA samuchchhrayam .. 28..\\
te samAsAdya panthAna.n yathoktaM vR^iShaparvaNA . 
anusasruryathoddeshaM pashyanto vividhAnnagAn .. 29..\\
uparyupari shailasya guhA paramadurgamAH . 
sudurgamA.nste subahUnsukhenaivAbhichakramuH .. 30..\\
dhaumyaH kR^iShNA cha pArthAshcha lomashashcha mahAnR^iShiH . 
agamansahitAstatra na kashchidavahIyate .. 31..\\
te mR^igadvijasa~NghuShTaM nAnAdvija samAkulam . 
shAkhAmR^igagaNaishchaiva sevita.n sumanoharam .. 32..\\
puNyaM padmasaropeta.n sapalvala mahAvanam . 
upatasthurmahAvIryA mAlyavantaM mahAgirim .. 33..\\
tataH kimpuruShAvAsa.n siddhachAraNasevitam . 
dadR^ishurhR^iShTaromANaH parvata.n gandhamAdanam .. 34..\\
vidyAdharAnucharita.n kiMnarIbhistathaiva cha . 
gajasi.nhasamAkIrNamudIrNasharabhAyutam .. 35..\\
upetamanyaishcha tadA mR^igairmR^idu ninAdibhiH . 
te gandhamAdana vana.n tannandanavanopama .. 36..\\
muditAH pANDutanayA mano hR^idayanandanam . 
vivishuH kramasho vIrA araNya.n shubhakAnanam .. 37..\\
draupadI sahitA vIrAstaishcha viprairmahAtmabhiH . 
shR^iNvantaH prItijananAnvalgUnmadakalA~nshubhAn . 
shrotraramyAnsumadhurA~nshabdAnkhaga mukheritAn .. 38..\\
sarvartuphalabhArADhyAnsarvartukusumojjvalAn . 
pashyantaH pAdapAMshchApi phalabhAra vanAmitAn .. 39..\\
AmrAnAmrAtakAnphullAnnArikelAnsatindukAn . 
ajAtakA.nstathA jIrAndADimAnbIjapUrakAn .. 40..\\
panasA.NllikuchAnmochAnkharjUrAnAmravetasAn . 
pArAvatA.nstathA kShaudrAnnIpAMshchApi manoramAn .. 41..\\
bilvAnkapitthA~njambUMshcha kAshmarIrbadarIstathA . 
lpakShAnudumbara vaTAnashvatthAnkShIriNastathA . 
bhallAtakAnAmakalAnharItakabibhItakAn .. 42..\\
i~NgudAnkaravIrAMshcha tindukAMshcha mahAphalAn . 
etAnanyAMshcha vividhAngandhamAdana sAnuShu .. 43..\\
phalairamR^itakalpaistAnAchitAnsvAdubhistarUn . 
tathaiva champakAshokAnketakAnbakulA.nstathA .. 44..\\
puMnAgAnsaptaparNAMshcha karNikArAnsaketakAn . 
pATalAnkuTajAnramyAnmandArendIvarA.nstathA .. 45..\\
pArijAtAnkovidArAndevadAru tarU.nstathA . 
shAlA.nstAlA.nstamAlAMshcha priyAlAnbakulA.nstathA . 
shAlmalIH kiMshukAshokA.n shiMshapA.nstaralA.nstathA .. 46..\\
chakoraiH shatapatraishcha bhR^i~NgarAjaistathA shukaiH . 
kokilaiH kalavi~Nkaishcha hArItairjIva jIvakaiH .. 47..\\
priyavrataishchAtakaishcha tathAnyairvividhaiH khagaiH . 
shrotraramya.n sumadhura.n kUjadbhishchApyadhiShThitAn .. 48..\\
sarA.nsi cha vichitrANi prasannasalilAni cha . 
kumudaiH puNDarIkaishcha tathA kokanadotpalaiH . 
kahlAraiH kamalaishchaiva AchitAni samantataH .. 49..\\
kadambaishchakravAkaishcha kurarairjalakukkuTaiH . 
kAraNDavaiH plavairha.nsairbakairmadgubhireva cha . 
etaishchAnyaishcha kIrNAni samantAjjalachAribhiH .. 50..\\
hR^iShTaistathA tAmarasa rasAsava madAlasaiH . 
padmodara chyuta rajaH ki~njalkAruNa ra~njitaiH .. 51..\\
madhurasvarairmadhukarairvirutAnkamalAkarAn . 
pashyantaste manoramyAngandhamAdana sAnuShu .. 52..\\
tathaiva padmaShaNDaishcha maNDiteShu samantataH . 
shikhaNDinIbhiH sahitA.NllatA maNDapakeShu cha . 
meghatUrya ravoddAma madanAkulitAnbhR^isham .. 53..\\
kR^itvaiva kekA madhura.n sa~NgIta madhurasvaram . 
chitrAnkalApAnvistIrya savilAsAnmadAlasAn . 
mayUrAndadR^ishushchitrAnnR^ityato vanalAsakAn .. 54..\\
kAntAbhiH sahitAnanyAnapashyanramataH sukham . 
vallI latA sa~NkaTeShu kaTakeShu sthitA.nstathA .. 55..\\
kAMshchichchhakuna jAtAMshcha viTapeShUtkaTAnapi . 
kalApa rachitATopAnvichitramukuTAniva . 
vivareShu tarUNA.n cha muditAndadR^ishush cha te .. 56..\\
sindhuvArAnathoddAmAnmanmathasyeva tomarAn . 
suvarNakusumAkIrNAngirINA.n shikhareShu cha .. 57..\\
karNikArAnvirachitAnkarNa pUrAnivottamAn . 
athApashyankurabakAnvanarAjiShu puShpitAn . 
kAmavashyotsuka karAnkAmasyeva sharotkarAn .. 58..\\
tathaiva vanarAjInAmudArAnrachitAniva . 
virAjamAnA.nste.apashya.nstilakA.nstilakAniva .. 59..\\
tathAna~Nga sharAkArAnsahakArAnmanoramAn . 
apashyanbhramarArAvAnma~njarIbhirvirAjitAn .. 60..\\
hiraNyasadR^ishaiH puShpairdAvAgnisadR^ishairapi . 
lohitaira~njanAbhaishcha vaiDUrya dadR^ishairapi .. 61..\\
tathA shAlA.nstamAlAMshcha pATalyo bakulAni cha . 
mAlA iva samAsaktAH shailAnA.n shikhareShu cha .. 62..\\
eva.n krameNa te vIrA vIkShamANAH samantataH . 
gajasa~Ngha samAbAdha.n si.nhavyAghra samAyutam .. 63..\\
sharabhonnAda sa~NghuShTaM nAnArAva ninAditam . 
sarvartuphalapuShpADhya.n gandhamAdana sAnuShu .. 64..\\
pItA bhAsvaravarNAbhA babhUvurnararAjayaH . 
nAtra kaNTakinaH ke chinnAtra ke chidapuShpitAH . 
snigdhapatra phalA vR^ikShA gandhamAdana sAnuShu .. 65..\\
vimalasphaTikAbhAni pANDurachhadanairdvijaiH . 
rAjaha.nsairupetAni sArasAbhirutAni cha . 
sarA.nsi saritaH pArthAH pashyantaH shailasAnuShu .. 66..\\
padmotpalavichitrANi sukhasparsha jalAni cha . 
gandhavanti cha mAlyAni rasavanti phalAni cha . 
atIva vR^ikShA rAjante puShpitAH shailasAnuShu .. 67..\\
ete chAnye cha bahavastatra kAnanajA drumAH . 
latAshcha vividhAkArAH patrapuShpaphalochchayAH .. 68..\\
yudhiShThirastu tAnvR^ikShAnpashyamAno nagottame . 
bhImasenamida.n vAkyamabravInmadhurAkSharam .. 69..\\
pashya bhIma shubhAndeshAndevAkrIDAnsamantataH . 
amAnuSha gatiM prAptAH sa.nsiddhAH sma vR^ikodara .. 70..\\
lalAbhishchaiva bahvIbhiH puShpitAH pAdapottamAH . 
saMshliShTAH pArtha shobhante gandhamAdana sAnuShu .. 71..\\
shikhaNDinIbhishcharatA.n sahitAnAM shikhaNDinAm . 
nardatA.n shR^iNu nirghoShaM bhIma parvatasAnuShu .. 72..\\
chakorAH shatapatrAshcha mattakokila shArikAH . 
patriNaH puShpitAnetAnsaMshliShyanti mahAdrumAn .. 73..\\
raktapItAruNAH pArtha pAdapAgra gatA dvijAH . 
parasparamudIkShante bahavo jIva jIvakAH .. 74..\\
haritAruNavarNAnA.n shAdvalAnAM samantataH . 
sArasAH pratidR^ishyante shailaprasravaNeShvapi .. 75..\\
vadanti madhurA vAchaH sarvabhUtamano.anugAH . 
bhR^i~NgarAjopachakrAshcha lohapR^iShThAshcha patriNaH .. 76..\\
chaturviShANAH padmAbhAH ku~njarAH sakareNavaH . 
ete vaiDUrya varNAbha.n kShobhayanti mahatsaraH .. 77..\\
bahutAlasamutsedhAH shailashR^i~NgAtparichyutAH . 
nAnA prasravaNebhyashcha vAridhArAH patantyamUH .. 78..\\
bhAskarAbha prabhA bhIma shAradAbhraghanopamAH . 
shobhayanti mahAshailaM nAnA rajatadhAtavaH .. 79..\\
kva chida~njana varNAbhAH kva chitkA~nchanasaMnibhAH . 
dhAtavo haritAlasya kvachiddhi gulakasya cha .. 80..\\
manaHshilA guhAshchaiva sandhyAbhranikaropamAH . 
shashalohita varNAbhAH kva chidgaurika dhAtavaH .. 81..\\
sitAsitAbhra pratimA bAlasUryasamaprabhAH . 
ete bahuvidhAH shaila.n shobhayanti mahAprabhAH .. 82..\\
gandharvAH saha kAntAhiryathokta.n vR^iShaparvaNA . 
dR^ishyante shailashR^i~NgeShu pArtha kimpuruShaiH saha .. 83..\\
gItAnA.n talatAlAnA.n yathA sAmnAM cha nisvanaH . 
shrUyate bahudhA bhIma sarvabhUtamanoharaH .. 84..\\
mahAga~NgAmudIkShasva puNyA.n deva nadI.n shubhAm . 
kalaha.nsa gaNairjuShTAmR^iShikiMnarasevitAm .. 85..\\
dhAtubhishcha saridbhishcha kiMnarairmR^igapakShibhiH . 
gandharvairapsarobhishcha kAnakaishcha manoramaiH .. 86..\\
vyAlaishcha vividhAkAraiH shatashIrShaiH samantataH . 
upetaM pashya kaunteya shailarAjamarindama .. 87..\\
te prItamanasaH shUrAH prAptA gatimanuttamAm . 
nAtR^ipyanpartatendrasya darshanena parantapAH .. 88..\\
upetamatha mAlyaishcha phalavadbhishcha pAdapaiH . 
ArShTiSheNasya rAjarSherAshrama.n dadR^ishustadA .. 89..\\
tatasta.n tIvratapasaM kR^ishaM dhamani santatam . 
pAraga.n sarvadharmANAmArShTiSheNamupAgaman .. 90..\\
\medskip\hrule\medskip\centerline{\Largedvng 156}
 vai

yudhiShThirastamAsAdya tapasA dagdhakilbiSham . 
abhyavAdayata prItaH shirasA nAma kIrtayan .. 1..\\
tataH kR^iShNA cha bhImashcha yamau chApi yashasvinau . 
shirobhiH prApya rAjarShiM parivAryopatasthire .. 2..\\
tathaiva dhaumyo dharmaGYaH pANDavAnAM purohitaH . 
yathAnyAyamupAkrAntastamR^iShi.n saMshitavratam .. 3..\\
anvajAnAtsa dharmaGYo munirdivyena chakShuShA . 
pANDoH putrAnkurushreShThAnAsyatAmiti chAbravIt .. 4..\\
kurUNAmR^iShabhaM prAGYaM pUjayitvA mahAtapAH . 
saha bhrAtR^ibhirAsInaM paryapR^ichchhadanAmayam .. 5..\\
nAnR^ite kuruShe bhAva.n kachchiddharme cha vartase . 
matA pitroshcha te vR^ittiH kachchitpArtha na sIdati .. 6..\\
kachchitte guravaH sarve vR^iddhA vaidyAshcha pUjitAH . 
kachchinna kuruShe bhAvaM pArtha pApeShu karmasu .. 7..\\
sukR^itaM pratikartu.n cha kachchiddhAtuM cha duShkR^itam . 
yathAnyAya.n kurushreShTha jAnAsi na cha katthase .. 8..\\
yathArhaM mAnitAH kachchittvayA nandanti sAdhavaH . 
vaneShvapi vasankachchiddharmamevAnuvartase .. 9..\\
kachchiddhaumyastvadAchArairna pArtha paritapyate . 
dAnadharmatapaH shauchairArjavena titikShayA .. 10..\\
pitR^ipaitAmaha.n vR^itta.n kachchitpArthAnuvartase . 
kachchidrAjarShiyAtena pathA gachchhasi pANDava .. 11..\\
sve sve kila kule jAte putre naptari vA punaH . 
pitaraH pitR^ilokasthAH shochanti cha hasanti cha .. 12..\\
kiM nvasya duShkR^ite.asmAbhiH samprAptavyaM bhaviShyati . 
ki.n chAsya sukR^ite.asmAbhiH prAptavyamiti shobhanam .. 13..\\
pitA mAtA tathaivAgnirgururAtmA cha pa~nchamaH . 
yasyaite pUjitAH pArtha tasya lokAvubhau jitau .. 14..\\
abbhakShA vAyubhakShAshcha plavamAnA vihAyasA . 
juShante parvatashreShThamR^iShayaH parva sandhiShu .. 15..\\
kAminaH saha kAntAbhiH parasparamanuvratAH . 
dR^ishyante shailashR^i~NgasthAstathA kimpuruShA nR^ipa .. 16..\\
arajA.nsi cha vAsA.nsi vasAnAH kaushikAni cha . 
dR^ishyante habavaH pArtha gandharvApsarasA.n gaNAH .. 17..\\
vidyAdharagaNAshchaiva sragviNaH priyadarshanAH . 
mahoragagaNAshchaiva suparNAshchoragAdayaH .. 18..\\
asya chopari shailasya shrUyate parva sandhiShu . 
bherI paNavasha~NkhAnAM mR^ida~NgAnA.n cha nisvanaH .. 19..\\
ihasthaireva tatsarva.n shrotavyaM bharatarShabhAH . 
na kAryA vaH katha.n chitsyAttatrAbhisaraNe matiH .. 20..\\
na chApyataH para.n shakya.n gantuM bharatasattamAH . 
vihAro hyatra devAnAmamAnuSha gatistu sA .. 21..\\
IShachchapala karmANaM manuShyamiha bhArata . 
dviShanti sarvabhUtAni tAShayanti cha rAkShasAH .. 22..\\
abhyatikramya shikhara.n shailasyAsya yudhiShThira . 
gatiH paramasiddhAnA.n devarShINAM prakAshate .. 23..\\
chApalAdiha gachhantaM pArtha yAnamataH param . 
ayaH shUlAdibhirghnanti rAkShasAH shatrusUdana .. 24..\\
apsarobhiH parivR^itaH samR^iddhyA naravAhanaH . 
iha vaishravaNastAta parva sandhiShu dR^ishyate .. 25..\\
shikhare ta.n samAsInamadhipaM sarvarakShasAm . 
prekShante sarvabhUtAni bhAnumantamivoditam .. 26..\\
devadAnava siddhAnA.n tathA vaishravaNasya cha . 
gireH shikharamudyAnamidaM bharatasattama .. 27..\\
upAsInasya dhanada.n tumburoH parva sandhiShu . 
gItasAma svanastAta shrUyate gandhamAdane .. 28..\\
etadeva.nvidha.n chitramiha tAta yudhiShThira . 
prekShante sarvabhUtAni bahushaH parva sandhiShu .. 29..\\
bhu~njAnAH sarvabhojyAni rasavanti phalAni cha . 
vasadhvaM pANDavashreShThA yAvadarjuna darshanam .. 30..\\
na tAta chapalairbhAvyamiha prAptaiH katha.n chana . 
uShitveha yathAkAma.n yathAshraddhaM vihR^itya cha . 
tataH shastrabhR^itA.n shreShTha pR^ithivIM pAlayiShyasi .. 31..\\
\medskip\hrule\medskip\centerline{\Largedvng 157}
 janam

pANDoH putrA mahAtmAnaH sarve divyaparAkramAH . 
kiyanta.n kAlamavasanparvate gandhamAdane .. 1..\\
kAni chAbhyavahAryANi tatra teShAM mahAtmanAm . 
vasatA.n lokavIrANAmAsa.nstadbrUhi sattama .. 2..\\
vistareNa cha me sha.nsa bhImasena parAkramam . 
yadyachchakre mahAbAhustasminhaimavate girau . 
na khalvAsItpunaryuddha.n tasya yakShairdvijottama .. 3..\\
kachchitsamAgamasteShAmAsIdvaishravaNena cha . 
tatra hyAyAti dhanada ArShTiSheNo yathAbravIt .. 4..\\
etadichchhAmyaha.n shrotuM vistareNa tapodhana . 
na hi me shR^iNvatastR^iptirasti teShA.n vicheShTitam .. 5..\\

 vai

etadAtmahita.n shrutvA tasyApratima tejasaH . 
shAsana.n satata.n chakrustathaiva bharatarShabhAH .. 6..\\
bhu~njAnA munibhojyAni rasavanti phalAni cha . 
shuddhabANahatAnA.n cha mR^igANAM pishitAnyapi .. 7..\\
medhyAni himavatpR^iShThe madhUni vividhAni cha . 
eva.n te nyavasa.nstatra pANDavA bharatarShabhAH .. 8..\\
tathA nivasatA.n teShAM pa~nchama.n varShamabhyagAt . 
shR^iNvatA.n lomashoktAni vAkyAni vividhAni cha .. 9..\\
kR^ityakAla upasthAsya iti choktvA ghaTotkachaH . 
rAkShasaiH sahitaH sarvaiH pUrvameva gataH prabho .. 10..\\
ArShTiSheNAshrame teShA.n vasatAM vai mahAtmanAm . 
agachchhanbahavo mAsAH pashyatAM mahadadbhutam .. 11..\\
taistatra ramamANaishcha viharadbhishcha pANDavaiH . 
prItimanto mahAbhAgA munayashchAraNAstathA .. 12..\\
AjagmuH pANDavAndraShTu.n siddhAtmAno yatavratAH . 
taistaiH saha kathAshchakrurdivyA bharatasattamAH .. 13..\\
tataH katipayAhasya mahAhrada nivAsinam . 
R^iddhimantaM mahAnAga.n suparNaH sahasAharat .. 14..\\
prAkampata mahAshailaH prAmR^idyanta mahAdrumAH . 
dadR^ishuH sarvabhUtAni pANDavAsh cha tadadbhutam .. 15..\\
tataH shailottamasyAgrAtpANDavAnprati mArutaH . 
avahatsarvamAlyAni gandhavanti shubhAni cha .. 16..\\
tatra puShpANi divyAni suhR^idbhiH saha pANDavAH . 
dadR^ishuH pa~ncha varNAni draupadI cha yashasvinI .. 17..\\
bhImasena.n tataH kR^iShNA kAle vachanamabravIt . 
vivikte parvatoddeshe sukkhAsInaM mahAbhujam .. 18..\\
suparNAnilavegena shvasanena mahAbalAt . 
pa~ncha varNAni pAtyante puShpANi bharatarShabha . 
pratyakSha.n sarvabhUtAnAM nadImashvarathAM prati .. 19..\\
khANDave satyasandhena bhrAtrA tava nareshvara . 
gandharvoragarakShA.nsi vAsavashcha nivAritaH . 
hatA mAyAvinashchogrA dhanuH prApta.n cha gANDivam .. 20..\\
tavApi sumahattejo mahadbAhubala.n cha te . 
aviShahyamanAdhR^iShya.n shatakratu balopamam .. 21..\\
tvadbAhubalavegena trAsitAH sarvarAkShasAH . 
hitvA shailaM prapadyantAM bhImasena disho dasha .. 22..\\
tataH shailottamasyAgra.n chitramAlya dhara.n shivam . 
vyapetabhayasaMmohAH pashyantu suhR^idastava .. 23..\\
evaM praNihitaM bhIma chirAtprabhR^iti me manaH . 
draShTumichchhAmi shailAgra.n tvadbAhubalamAshritA .. 24..\\
tataH kShiptamivAtmAna.n draupadyA sa parantapaH . 
nAmR^iShyata mahAbAhuH prahAramiva sadgavaH .. 25..\\
si.nharShabha gatiH shrImAnudAraH kanakaprabhaH . 
manasvI balavAndR^ipto mAnI shUrashcha pANDavaH .. 26..\\
lohitAkShaH pR^ithu vya.nso mattavAraNavikramaH . 
si.nhadaMShTro bR^ihatskandhaH shAlapota ivodgataH .. 27..\\
mahAtmA chArusarvA~NgaH kambugrIvo mahAbhujaH . 
rukmapR^iShTha.n dhanuH khaDgaM tUNAMshchApi parAmR^ishat .. 28..\\
kesarIva yathotsiktaH prabhinna iva vAraNaH . 
vyapetabhayasaMmohaH shailamabhyapatadbalI .. 29..\\
taM mR^igendramivAyAntaM prabhinnamiva vAraNam . 
dadR^ishuH sarvabhUtAni bANakhaDgadhanurdharam .. 30..\\
draupadyA vardhayanharSha.n gadAmAdAya pANDavaH . 
vyapetabhayasaMmohaH shailarAja.n samAvishat .. 31..\\
na glAnirna cha kAtaryaM na vaiklavyaM na matsaraH . 
kadA chijjuShate pArthamAtmajaM mAtarishvanaH .. 32..\\
tadekAyanamAsAdya viShamaM bhImadarshanam . 
bahutAlochhraya.n shR^i~NgamAruroha mahAbalaH .. 33..\\
sa kiMnaramahAnAgamunigandharvarAkShasAn . 
harShayanpartavasyAgramAsasAda mahAbalaH .. 34..\\
tatra vaishravaNAvAsa.n dadarsha bharatarShabhaH . 
kA~nchanaiH sphATikAkArairveshmabhiH samala~NkR^itam .. 35..\\
modayansarvabhUtAni gandhamAdana sambhabhaH . 
sarvagandhavahastatra mArutaH susukho vavau .. 36..\\
chitrA vividhavarNAbhAshchitrama~njali dhAriNaH . 
achintyA vividhAstatra drumAH paramashobhanAH .. 37..\\
ratnajAlaparikShipta.n chitramAlyadhara.n shivam . 
rAkShasAdhipateH sthAna.n dadarsha bharatarShabhaH .. 38..\\
gadAkhaDgadhanuShpANiH samabhityaktajIvitaH . 
bhImaseno mahAbAhustasthau giririvAchalaH .. 39..\\
tataH sha~NkhamupAdhmAsIddviShatA.n lomaharShaNam . 
jyAghoShatalaghoSha.n cha kR^itvA bhUtAnyamohayat .. 40..\\
tataH sa.nhR^iShTaromANaH shabda.n tamabhidudruvuH . 
yakSharAkShasa gandharvAH pANDavasya samIpataH .. 41..\\
gadAparighanistriMsha shaktishUlaparashvadhAH . 
pragR^ihItA vyarochanta yakSharAkShasa bAhubhiH .. 42..\\
tataH pravavR^ite yuddha.n teShAM tasya cha bhArata . 
taiH prayuktAnmahAkAyaiH shaktishUlaparashvadhAn . 
bhallairbhImaH prachichchheda bhImavegataraistataH .. 43..\\
antarikShacharANA.n cha bhUmiShThAnAM cha garjatAm . 
sharairvivyAdha gAtrANi rAkShasAnAM mahAbalaH .. 44..\\
sA lohitamahAvR^iShTirabhyavarShanmahAbalam . 
kAyebhyaH prachyutA dhArA rAkShasAnA.n samantataH .. 45..\\
bhIma bAhubalotsR^iShTairbahudhA yakSharakShasAm . 
vinikR^ittAnyadR^ishyanta sharIrANi shirA.nsi cha .. 46..\\
prachchhAdyamAna.n rakShobhiH pANDavaM priyadarshanam . 
dadR^ishuH sarvabhUtAni sUryamabhragaNairiva .. 47..\\
sa rashmibhirivAdityaH sharairarinighAtibhiH . 
sarvAnArchhanmahAbAhurbalavAnsatyavikramaH .. 48..\\
abhitarjayamAnAshcha ruvantashcha mahAravAn . 
na mohaM bhImasenasya dadR^ishuH sarvarAkShasAH .. 49..\\
te sharaiH kShatasarvA~NgA bhImasenabhayArditAH . 
bhImamArtasvara.n chakrurviprakIrNamahAyudhAH .. 50..\\
utsR^ijya te gadA shUlAnasi shaktiparashvadhAn . 
dakShiNA.n dishamAjagmustrAsitA dR^iDha dhanvanA .. 51..\\
tatra shUlagadApANirvyUDhorasko mahAbhujaH . 
sakhA vaishvaraNasyAsInmaNimAnnAma rAkShasaH .. 52..\\
adarshayadadhIkAraM pauruSha.n cha mahAbalaH . 
sa tAndR^iShTvA parAvR^ittAnsmayamAna ivAbravIt .. 53..\\
ekena bahavaH sa~Nkhye mAnuSheNa parAjitAH . 
prApya vaishravaNAvAsa.n ki.n vakShyatha dhaneshvaram .. 54..\\
evamAbhAShya tAnsarvAnnyavartata sa rAkShasaH . 
shaktishUlagadA pANirabhyadhAvachcha pANDavam .. 55..\\
tamApatanta.n vegena prabhinnamiva vAraNam . 
vatsadantaistribhiH pArshve bhImasenaH samarpayat .. 56..\\
maNimAnapi sa~NkruddhaH pragR^ihya mahatI.n gadAm . 
prAhiNodbhImasenAya parikShipya mahAbalaH .. 57..\\
vidyudrUpAM mahAghorAmAkAshe mahatI.n gadAm . 
sharairbahubhirabhyarchchhadbhImasenaH shilAshitaiH .. 58..\\
pratihanyanta te sarve gadAmAsAdya sAyakAH . 
na vega.n dhArayAmAsurgadA vegasya vegitAH .. 59..\\
gadAyuddhasamAchAraM budhyamAnaH sa vIryavAn . 
vya.nsayAmAsa ta.n tasya prahAraM bhImavikramaH .. 60..\\
tataH shaktiM mahAghorA.n rukmadaNDAmayasmayIm . 
tasminnevAntare dhImAnprajahArAtha rAkShasaH .. 61..\\
sA bhujaM bhImanirhrAdA bhittvA bhImasya dakShiNam . 
sAgnijvAlA mahAraudrA papAta sahasA bhuvi .. 62..\\
so.atividdho maheShvAsaH shaktyAmita parAkramaH . 
gadA.n jagrAha kauravyo gadAyuddhavishAradaH .. 63..\\
tAM pragR^ihyonnadanbhImaH sarvashaikyAyasI.n gadAm . 
tarasA so.abhidudrAva maNimantaM mahAbalam .. 64..\\
dIpyamAnaM mahAshUlaM prahR^ihya maNimAnapi . 
prAhiNodbhImasenAya vegena mahatA nadan .. 65..\\
bha~NktvA shUla.n gadAgreNa gadAyuddhavishAradaH . 
abhidudrAva ta.n tUrNaM garutmAniva pannagam .. 66..\\
so.antarikShamabhiplutya vidhUya sahasA gadAm . 
prachikShepa mahAbAhurvinadya raNamUrdhani .. 67..\\
sendrAshanirivendreNa visR^iShTA vAtara.nhasA . 
hatvA rakShaH kShitiM prApya kR^ityeva nipapAta ha .. 68..\\
ta.n rAkShasaM bhImabalaM bhImasenena pAtitam . 
dadR^ishuH sarvabhUtAni si.nheneva gavAM patim .. 69..\\
taM prekShya nihataM bhUmau hatasheShA nishAcharAH . 
bhImamArtasvara.n kR^itvA jagmuH prAchIM dishaM prati .. 70..\\
\medskip\hrule\medskip\centerline{\Largedvng 158}
 vai

shrutvA bahuvidhaiH shabdairnAdyamAnA gire guhAH . 
ajAtashatruH kaunteyo mAdrIputrAvubhAvapi .. 1..\\
dhaumyaH kR^iShNA cha viprAshcha sarve cha suhR^idastathA . 
bhImasenamapashyantaH sarve vimanaso.abhavan .. 2..\\
draupadImArShTiSheNAya pradAya tu mahArathAH . 
sahitAH sAyudhAH shUrAH shailamAruruhustadA .. 3..\\
tataH samprApya shailAgra.n vIkShamANA mahArathAH . 
dadR^ishuste maheShvAsA bhImasenamarindamam .. 4..\\
sphuratashcha mahAkAyAngatasattvAMshcha rAkShasAn . 
mahAbalAnmahAghorAnbhImasenena pAtitAn .. 5..\\
shushubhe sa mahAbAhurgadAkhaDgadhanurdharaH . 
nihatya samare sarvAndAnavAnmaghavAniva .. 6..\\
tataste samatikramya pariShvajya vR^ikodaram . 
tatropavivishuH pArthAH prAptA gatimanuttamAm .. 7..\\
taishchaturbhirmaheShvAsairgirishR^i~Ngamashobhata . 
lokapAlairmahAbhAgairdiva.n devavarairiva .. 8..\\
kubera sadana.n dR^iShTvA rAkShasAMshcha nipAtitAn . 
bhrAtA bhrAtaramAsInamabhyabhAShata pANDavam .. 9..\\
sAhasAdyadi vA mohAdbhIma pApamida.n kR^itam . 
naitatte sadR^isha.n vIra muneriva mR^iShA vachaH .. 10..\\
rAjadviShTaM na kartavyamiti dharmavido viduH . 
tridashAnAmida.n dviShTaM bhImasena tvayA kR^itam .. 11..\\
arthadharmAvanAdR^itya yaH pApe kurute manaH . 
karmaNAM pArtha pApAnA.n saphalaM vindate dhruvam . 
punarevaM na kartavyaM mama chedichchhasi priyam .. 12..\\
evamuktvA sa dharmAtmA bhrAtA bhrAtaramachyutam . 
arthatattvavighAgaGYaH kuntIputro yudhiShThiraH . 
virarAma mahAtejA tamevArtha.n vichintayan .. 13..\\
tatastu hatashiShTA ye bhImasenena rAkShasAH . 
sahitAH pratyapadyanta kubera sadanaM prati .. 14..\\
te javena mahAvegAH prApya vaishravaNAlayam . 
bhImamArtasvara.n chakrurbhImasenabhayArditAH .. 15..\\
nyastashastrAyudhAH shrAntAH shonitAkta parichchhadAH . 
prakIrNamUrdhajA rAjanyakShAdhipatimabruvan .. 16..\\
gadAparighanistriMsha tomaraprAsayodhinaH . 
rAkShasA nihatAH sarve tava devapuraHsarAH .. 17..\\
pramR^idya tarasA shailaM mAnuSheNa dhaneshvara . 
ekena sahitAH sa~Nkhye hatAH krodhavashA gaNAH .. 18..\\
pravarA rakShasendrANA.n yakShANA.n cha dhanAdhipa . 
sherate nihatA deva gatasattvAH parAsavaH .. 19..\\
labdhaH shailo vayaM muktAmaNimA.nste sakhA hataH . 
mAnuSheNa kR^ita.n karma vidhatsva yadanantaram .. 20..\\
sa tachchhrutvA tu sa~NkruddhaH sarvayakShagaNAdhipaH . 
kopasa.nrakta nayanaH kathamityabravIdvachaH .. 21..\\
dvitIyamaparAdhyantaM bhIma.n shrutvA dhaneshvaraH . 
chukrodha yakShAdhipatiryujyatAmiti chAbravIt .. 22..\\
athAbhra dhanasa~NkAsha.n girikUTamivochchhritam . 
hayaiH sa.nyojayAmAsurgAndharvairuttama.n ratham .. 23..\\
tasya sarga guNopetA vimalAkShA hayottamAH . 
tejobalajavopetA nAnAratnavibhUShitAH .. 24..\\
shobhamAnA rathe yuktAstariShyanta ivAshugAH . 
harShayAmAsuranyonyami~NgitairvijayAvahaiH .. 25..\\
sa tamAsthAya bhagavAnrAjarAjo mahAratham . 
prayayau devagandharvaiH stUyamAno mahAdyutiH .. 26..\\
taM prayAntaM mahAtmAna.n sarvayakShadhanAdhipam . 
raktAkShA hemasa~NkAshA mahAkAyA mahAbalAH .. 27..\\
sAyudhA baddhanistriMshA yakShA dashashatAyutAH . 
javena mahatA vIrAH parivAryopatasthire .. 28..\\
taM mahAntamupAyAnta.n dhaneshvaramupAntike . 
dadR^ishurhR^iShTaromANaH pANDavAH priyadarshanam .. 29..\\
kuberastu mahAsattvAnpAndoHputrAnmahArathAn . 
AttakArmukanistriMshAndR^iShTvA prIto.abhavattadA .. 30..\\
te pakShiNa ivotpatya gireH shR^i~NgaM mahAjavAH . 
tasthusteShA.n samabhyAshe dhaneshvara puraHsarAH .. 31..\\
tatasta.n hR^iShTamanasaM pANDavAnprati bhArata . 
samIkShya yakShagandharvA nirvikArA vyavasthitAH .. 32..\\
pANDavAshcha mahAtmAnaH praNamya dhanadaM prabhum . 
nakulaH sahadevashcha dharmaputrash cha dharmavit .. 33..\\
aparAdhamivAtmAnaM manyamAnA mahArathAH . 
tasthuH prA~njalayaH sarve parivArya dhaneshvaram .. 34..\\
shayyAsanavara.n shrImatpuShpakaM vishvakarmaNA . 
vihita.n chitraparyantamAtiShThata dhanAdhipaH .. 35..\\
tamAsInaM mahAkAyAH sha~NkukarNA mahAjavAH . 
upopavivishuryakShA rAkShasAshcha sahasrashaH .. 36..\\
shatashashchApi gandharvAstathaivApsarasA.n gaNAH . 
parivAryopatiShThanta yathA devAH shatakratum .. 37..\\
kA~nchanI.n shirasA bibhradbhImasenaH srajaM shubhAm . 
bANakhaDgadhanuShpANirudaikShata dhanAdhipam .. 38..\\
na bhIrbhImasya na glAnirvikShatasyApi rAkShasaiH . 
AsIttasyAmavasthAyA.n kuberamapi pashyataH .. 39..\\
AdadAna.n shitAnbANAnyoddhukAmamavasthitam . 
dR^iShTvA bhIma.n dharmasutamabravInnaravAhanaH .. 40..\\
vidustvA.n sarvabhUtAni pArtha bhUtahite ratam . 
nirbhayashchApi shailAgre vasa tva.n saha bandhubhiH .. 41..\\
na cha manyustvayA kAryo bhImasenasya pANDava . 
kAlenaite hatAH pUrvaM nimittamanujastava .. 42..\\
vrIShA chAtra na kartavyA sAhasa.n yadida.n kR^itam . 
dR^iShTashchApi suraiH pUrva.n vinAsho yakSharAkShasAm .. 43..\\
na bhImasene kopo me prIto.asmi bharatarShabha . 
karmaNAnena bhImasya mama tuShTirabhUtpurA .. 44..\\
evamuktvA tu rAjAnaM bhImasenamabhAShata . 
naitanmanasi me tAta vartate kurusattama . 
yadida.n sAhasaM bhImakR^iShNArthe kR^itavAnasi .. 45..\\
mAmanAdR^itya devAMshcha vinAsha.n yakSharakShasAm . 
svabAhubalamAshritya tenAhaM prItimA.nstvayi . 
shApAdasmi vinirmukto ghorAdadya vR^ikodara .. 46..\\
ahaM pUrvamagastyena kruddhena paramarShiNA . 
shapto.aparAdhe kasmiMshchittasyaiShA niShkR^itiH kR^itA .. 47..\\
dR^iShTo hi mama sa~NkleshaH purA pANDavanandana . 
na tavAtrAparAdho.asti katha.n chidapi shatruhan .. 48..\\

 y

katha.n shapto.asi bhagavannagastyena mahAtmanA . 
shrotumichchhAmyaha.n deva tavaitachchhApakAraNam .. 49..\\
ida.n chAshcharya bhUtaM me yatkrodhAttasya dhImataH . 
tavaiva tvaM na nirdagdhaH sabalaH sapadAnugaH .. 50..\\

 vaizr

devatAnAmabhUnmantraH kushavatyAM nareshvara . 
kR^itastatrAhamagamaM mahApadmashataistribhiH . 
yakShANA.n ghorarUpANA.n vividhAyudhadhAriNAm .. 51..\\
adhvanyahamathApashyamagastyamR^iShisattamam . 
ugra.n tapastapasyanta.n yamunAtIramAshritam . 
nAnApakShigaNAkIrNaM puShpitadrumashobhitam .. 52..\\
tamUrdhvabAhu.n dR^iShTvA tu sUryasyAbhimukha.n sthitam . 
tejorAshi.n dIpyamAna.n hutAshanamivaidhitam .. 53..\\
rAkShasAdhipatiH shrImAnmaNimAnnAma me sakhA . 
maurkhyAdaGYAnabhAvAchcha darpAnmohAchcha bhArata . 
nyaShThIvadAkAshagato maharShestasya mUrdhani .. 54..\\
sa kopAnmAmuvAcheda.n dishaH sarvA dahanniva . 
mAmavaGYAya duShTAtmA yasmAdeSha sakhA tava .. 55..\\
dharShaNA.n kR^itavAnetAM pashyataste dhaneshvara . 
tasmAtsahaibhiH sainyaiste vadhaM prApsyati mAnuShAt .. 56..\\
tva.n chApyebhirhataiH sainyaiH kleshaM prApsyasi durmate . 
tameva mAnuSha.n dR^iShTvA kilbiShAdvipramokShyase .. 57..\\
sainyAnA.n tu tavaiteShAM putrapautra balAnvitam . 
na shApaM prApsyate ghora.n gachchha te.a.aGYAM kariShyati .. 58..\\
eSha shApo mayA prAptaH prAktasmAdR^iShisattamAt . 
sa bhImena mahArAja bhrAtrA tava vimokShitaH .. 59..\\
\medskip\hrule\medskip\centerline{\Largedvng 159}
 vaizr

yudhiShThira dhR^itirdAkShya.n deshakAlau parAkramaH . 
lokatantravidhAnAnAmeSha pa~nchavidho vidhiH .. 1..\\
dhR^itimantashcha dakShAshcha sve sve karmaNi bhArata . 
parAkramavidhAnaGYA narAH kR^itayuge.abhavan .. 2..\\
dhR^itimAndeshakAlaGYaH sarvadharmavidhAnavit . 
kShatriyaH kShatriya shreShTha pR^ithivImanushAsti vai .. 3..\\
ya eva.n vartate pArtha puruShaH sarvakarmasu . 
sa loke labhate vIra yasho pretya cha sadgatim .. 4..\\
deshakAlAntara prepsuH kR^itvA shakraH parAkramam . 
samprAptastridive rAjya.n vR^itrahA vasubhiH saha .. 5..\\
pApAtmA pApabuddhiryaH pApamevAnuvartate . 
karmaNAmavibhAgaGYaH pretya cheha cha nashyati .. 6..\\
akAlaGYaH sudurmedhAH kAryANAmavisheShavit . 
vR^ithAchAra samArambhaH pretya cheha cha nashyati .. 7..\\
sAhase vartamAnAnAM nikR^itInA.n durAtmanAm . 
sarvasAmarthya lipsUnAM pApo bhavati nishchayaH .. 8..\\
adharmaGYo.avaliptashcha bAla buddhiramarShaNaH . 
nirbhayo bhImaseno.aya.n ta.n shAdhi puruSharShabha .. 9..\\
ArShTiSheNasya rAjarSheH prApya bhUyastvamAshramam . 
tAmisraM prathamaM pakSha.n vItashokabhayo vasa .. 10..\\
alakAH saha gandharvairyakShaishcha saha rAkShasaiH . 
manniyuktA manuShyendra sarve cha girivAsinaH . 
rakShantu tvA mahAbAho sahita.n dvijasattamaiH .. 11..\\
sAhaseShu cha santiShThanniha shaile vR^ikodaraH . 
vAryatA.n sAdhvayaM rAja.nstvayA dharmabhR^itAM vara .. 12..\\
itaH para.n cha rAjendra drakShyanti vanagocharAH . 
upasthAsyanti cha sadA rakShiShyanti cha sarvashaH .. 13..\\
tathaiva chAnna pAnAni svAdUni cha bahUni cha . 
upasthAsyanti vo gR^ihya matpreShyAH puruSharShabha .. 14..\\
yathA jiShNurmahendrasya yathA vAyorvR^ikodaraH . 
dharmasya tva.n yathA tAta yogotpanno nijaH sutaH .. 15..\\
AtmajAvAtmasampannau yamau chobhau yathAshvinoH . 
rakShyAstadvanmamApIha yUya.n sarve yudhiShThira .. 16..\\
arthatattvavibhAgaGYaH sarvadharmavisheShavit . 
bhImasenAdavarajaH phalgunaH kushalI divi .. 17..\\
yAH kAshchana matA lokeShvagryAH paramasampadaH . 
janmaprabhR^iti tAH sarvAH sthitAstAta dhana~njaye .. 18..\\
damo dAnaM balaM buddhirhrIrdhR^itirteja uttamam . 
etAnyapi mahAsattve sthitAnyamitatejasi .. 19..\\
na mohAtkurute jiShNuH karma pANDava garhitam . 
na pArthasya mR^iShoktAni kathayanti narA nR^iShu .. 20..\\
sa deva pitR^igandharvaiH kurUNA.n kIrtivardhanaH . 
mAnitaH kurute.astrANi shakra sadmani bhArata .. 21..\\
yo.asau sarvAnmahIpAlAndharmeNa vashamAnayat . 
sa shantanurmahAtejA pitustava pitAmahaH . 
prIyate pArtha pArthena divi gANDIvadhanvanA .. 22..\\
samyakchAsau mahAvIryaH kuladhurya iva sthitaH . 
pitR^IndevA.nstathA viprAnpUjayitvA mahAyashaH . 
sapta mukhyAnmahAmedhAnAharadyamunAM prati .. 23..\\
adhirAjaH sa rAja.nstvA.n shantanuH prapitAmahaH . 
svargajichchhakra lokasthaH kushalaM paripR^ichchhati .. 24..\\

 vai

tataH shakti.n gadAM khaDgaM dhanushcha bharatarShabha . 
prAdhva.n kR^itvA namashchakre kuberAya vR^ikodaraH .. 25..\\
tato.abravIddhanAdhyakShaH sharaNyaH sharaNAgatam . 
mAnahA bhava shatrUNA.n suhR^idAM nandivardhanaH .. 26..\\
sveShu veshmasu ramyeShu vasatAmitra tApanAH . 
kAmAnupahariShyanti yakShA vo bharatarShabhAH .. 27..\\
shIghrameva guDAkeshaH kR^itAstraH puruSharShabhaH . 
sAkShAnmaghavatA sR^iShTaH samprApsyati dhana~njayaH .. 28..\\
evamuttamakarmANamanushiShya yudhiShThiram . 
asta.n girivarashreShThaM prayayau guhyakAdhipaH .. 29..\\
taM paristoma sa~NkIrNairnAnAratnavibhUShitaiH . 
yAnairanuyayuryakShA rAkShasAshcha sahasrashaH .. 30..\\
pakShiNAmiva nirghoShaH kubera sadanaM prati . 
babhUva paramAshvAnAmairAvata pathe yatAm .. 31..\\
te jagmustUrNamAkAsha.n dhanAdhipati vAjinaH . 
prakarShanta ivAbhrANi pibanta iva mArutam .. 32..\\
tatastAni sharIrANi gatasattvAni rakShasAm . 
apAkR^iShyanta shailAgrAddhanAdhipati shAsanAt .. 33..\\
teShA.n hi shApakAlo.asau kR^ito.agastyena dhImatA . 
samare nihatAstasmAtsarve maNimatA saha .. 34..\\
pANDavAstu mahAtmAnasteShu veshmasu tA.n kShapAm . 
sukhamUShurgatodvegAH pUjitAH sarvarAkShasaiH .. 35..\\
\medskip\hrule\medskip\centerline{\Largedvng 160}
 vai

tataH sUryodaye dhaumyaH kR^itvAhnikamarindama . 
ArShTiSheNena sahitaH pANDavAnabhyavartata .. 1..\\
te.abhivAdyArShTiSheNasya pAdau dhaumyasya chaiva ha . 
tataH prA~njalayaH sarve brAhmaNA.nstAnapUjayan .. 2..\\
tato yudhiShThira.n daumyo gR^ihItvA dakShiNe kare . 
prAchI.n dishamabhiprekShya maharShiridamabravIt .. 3..\\
asau sAgaraparyantAM bhUmimAvR^itya tiShThati . 
shaira rAjo mahArAja mandaro.abhivirAjate .. 4..\\
indra vaishravaNAvetA.n dishaM pANDava rakShataH . 
parvataishcha vanAntaishcha kAnakaishchopashobhitAm .. 5..\\
etadAhurmahendrasya rAGYo vaishvaraNasya cha . 
R^ishayaH sarvadharmaGYAH sadma tAta manIShiNaH .. 6..\\
atashchodyantamAdityamupatiShThanti vai prajAH . 
R^iShayashchApi dharmaGYAH siddhAH sAdhyAshcha devatAH .. 7..\\
yamastu rAjA dharmAtmA sarvaprANabhR^itAM prabhuH . 
pretasattvagatImetA.n dakShiNAmAshrito disham .. 8..\\
etatsa.nyamanaM puNyamatIvAdbhuta darshanam . 
pretarAjasya bhavanamR^iddhyA paramayA yutam .. 9..\\
yaM prApya savitA rAjansatyena pratitiShThati . 
astaM parvatarAjAnametamAhurmanIShiNaH .. 10..\\
etaM parvatarAjAna.n samudra.n cha mahodadhim . 
AvasanvaruNo rAjA bhUtAni parirakShati .. 11..\\
udIchI.n dIpayanneSha dishaM tiShThati kIrtimAn . 
mahAmerurmahAbhAga shivo brahmavidA.n gatiH .. 12..\\
yasminbrahma sado chaiva tiShThate cha prajApatiH . 
bhUtAtmA visR^ijansarva.n yatki.n chijja~NgamAgamam .. 13..\\
yAnAhurbrahmaNaH putrAnmAnasAndakSha saptamAn . 
teShAmapi mahAmeruH sthAna.n shivamanAmayam .. 14..\\
atraiva pratitiShThanti punaratrodayanti cha . 
sapta devarShayastAta vasiShThapramukhAH sadA .. 15..\\
desha.n virajasaM pashya merorshikharamuttamam . 
yatrAtma tR^iptairadhyAste devaiH saha pitAmahaH .. 16..\\
yamAhuH sarvabhUtAnAM prakR^iteH prakR^iti.n dhruvam . 
anAdi nidhana.n devaM prabhuM nArAyaNaM param .. 17..\\
brahmaNaH sadanAttasya para.n sthAnaM prakAshate . 
devAshcha yatnAtpashyanti divya.n tejomaya.n shivam .. 18..\\
atyarkAnala dIpta.n tatsthAna.n viShNormahAtmanaH . 
svayaiva prabhayA rAjanduShprekShya.n devadAnavaiH .. 19..\\
tadvai jyotIMShi sarvANi prApya bhAsanti no.api cha . 
svaya.n vibhuradInAtmA tatra hyabhivirAjate .. 20..\\
yatayastatra gachchhanti bhaktyA nArAyaNa.n harim . 
pareNa tapasA yuktA bhAvitAH karmabhiH shubhaiH .. 21..\\
yogasiddhA mahAtmAnastamo mohavivarjitAH . 
tatra gatvA punarnema.n lokamAyAnti bhArata .. 22..\\
sthAnametanmahAbhAga dhruvamakShayamavyayam . 
IShvarasya sadA hyetatpraNamAtra yudhiShThira .. 23..\\
eta.n jyotIMShi sarvANi prakarShanbhagavAnapi . 
kurute vitamaH karmA Adityo.abhipradakShiNam .. 24..\\
astaM prApya tataH sandhyAmatikramya divAkaraH . 
udIchIM bhajate kAShThA.n dishameSha vibhAvasuH .. 25..\\
sa merumanuvR^ittaH sanpunargachchhati pANDava . 
prAnnmukhaH savitA devaH sarvabhUtahite rataH .. 26..\\
sa mAsa.n vibhajankAlaM bahudhA parva sandhiShu . 
tathaiva bhagavAnsomo nakShatraiH saha gachchhati .. 27..\\
evameva parikramya mahAmerumatandritaH . 
bhAvayansarvabhUtAni punargachchhati mandaram .. 28..\\
tathA tamisrahA devo mayUkhairbhAvaya~n jagat . 
mArgametadasambAdhamAdityaH parivartate .. 29..\\
sisR^ikShuH shishirANyeSha dakShiNAM bhajate disham . 
tataH sarvANi bhUtAni kAlaH shishiramR^ichchhati .. 30..\\
sthAvarANA.n cha bhUtAnAM ja~NgamAnAM cha tejasA . 
tejA.nsi samupAdatte nivR^ittaH sanvibhAvasuH .. 31..\\
tataH svedaH klamastandrI glAnishcha bhajate narAn . 
prANibhiH satata.n svapno hyabhIkShNa.n cha niShevyate .. 32..\\
evametadanirdeshyaM mArgamAvR^itya bhAnumAn . 
punaH sR^ijati varShANi bhagavAnbhAvayanprajAH .. 33..\\
vR^iShTiM mAruta santApaiH sukhaiH sthAvaraja~NgamAn . 
vardhayansumahAtejA punaH pratinivartate .. 34..\\
evameSha charanpArtha kAlachakramatandritaH . 
prakarShansarvabhUtAni savitA parivartate .. 35..\\
santatA gatiretasya naiSha tiShThati pANDava . 
AdAyaiva tu bhUtAnA.n tejo visR^ijate punaH .. 36..\\
vibhajansarvabhUtAnAmAyuH karma cha bhArata . 
ahorAtrAnkalAH kAShThAH sR^ijatyeSha sadA vibhuH .. 37..\\
\medskip\hrule\medskip\centerline{\Largedvng 161}
 vai

tasminnagendre vasatA.n tu teShAM 
mahAtmanA.n sadvratamAsthitAnAm . 
ratiH pramodashcha babhUva teShAm 
AkA~NkShatA.n darshanamarjunasya .. 1..\\
tAnvIryayuktAnsuvishuddhasattvA.ns 
tejasvinaH satyaghR^iti pradhAnAn . 
samprIyamANA bahavo.abhijagmur 
gandharvasa~NghAshcha maharShayash cha .. 2..\\
taM pAdapaiH puShpadharairupetaM 
nagottamaM prApya mahArathAnAm . 
manaHprasAdaH paramo babhUva 
yathA divaM prApya marudgaNAnAm .. 3..\\
mayUraha.nsasvananAditAni 
puShpopakIrNAni mahAchalasya . 
shR^i~NgANi sAnUni cha pashyamAnA 
gireH para.n harShamavApya tasthuH .. 4..\\
sAkShAtkubereNa kR^itAsh cha tasmin 
nagottame sa.nvR^itakUlarodhasaH . 
kAdamba kAraNDavaha.nsajuShTAH 
padmAkulAH puShkariNIrapashyan .. 5..\\
krIdA pradeshAMshcha samR^iddharUpAn 
suchitra mAlyAvR^ita jAtashobhAn . 
maNipravekAnsumanoharAMsh cha 
yathA bhaveyurdhanadasya rAGYaH .. 6..\\
anekavarNaishcha sugandhibhish cha 
mahAdrumaiH santatamabhramAlibhiH . 
tapaH pradhAnAH satata.n charantaH 
shR^i~Nga.n gireshchintayituM na shekuH .. 7..\\
svatejasA tasya gatottamasya 
mahauShadhInA.n cha tathA prabhAvAt . 
vibhaktabhAvo na babhUva kash chid 
aharnishAnAM puruShapravIra .. 8..\\
yamAsthitaH sthAvaraja~NgamAni 
vibhAvasurbhAvayate.amitaujaH . 
tasyodaya.n chAstamayaM cha vIrAs 
tatra sthitAste dadR^ishurnR^isi.nhAH .. 9..\\
rave tamisrAgama nirgamA.nste 
tathodaya.n chAstamayaM cha vIrAH . 
samAvR^itAH prekShya tamonudasya 
gabhastijAlaiH pradisho dishash cha .. 10..\\
svAdhyAyavantaH satatakriyAsh cha 
dharmapradhAnAshcha shuchivratAsh cha . 
satye sthitAstasya mahArathasya 
satyavratasyAgamana pratIkShAH .. 11..\\
ihaiva harSho.astu samAgatAnAM 
kShipra.n kR^itAstreNa dhana~njayena . 
iti bruvantaH paramAshiShaste 
pArthAstapoyogaparA babhUvuH .. 12..\\
dR^iShTvA vichitrANi girau vanAni 
kirITina.n chintayatAmabhIkShNam . 
babhUva rAtrirdivasashcha teShAM 
sa.nvatsareNaiva samAnarUpaH .. 13..\\
yadaiva daumyAnumate mahAtmA 
kR^itvA jaTAH pravrajitaH sa jiShNuH . 
tadaiva teShAM na babhUva harShaH 
kuto ratistadgatamAnasAnAm .. 14..\\
bhrAturniyogAttu yudhiShThirasya 
vanAdasau vAraNamattagAmI . 
yatkAmyakAtpravrajitaH sa jiShNus 
tadaiva te shokahatA babhUvuH .. 15..\\
tathA tu ta.n chintayatA.n sitAshvam 
astrArthina.n vAsavamabhyupetam . 
mAso.atha kR^ichchhreNa tadA vyatItas 
tasminnage bhArata bhAratAnAm .. 16..\\
tataH kadAchiddhari samprayuktaM 
mahendra vAha.n sahasopayAtam . 
vidyutprabhaM prekShya mahArathAnAM 
harSho.arjuna.n chintayatAM babhUva .. 17..\\
sa dIpyamAnaH sahasAntarikShaM 
prakAshayanmAtalisa~NgR^ihItaH . 
babhau maholkeva ghanAntarasthA 
shikheva chAgnerjvalitA vidhUmA .. 18..\\
tamAsthitaH sandadR^ishe kirITI 
sragvI varANyAbharaNAni bibhrat . 
dhana~njayo varja dharaprabhAvaH 
shriyA jvalanparvatamAjagAma .. 19..\\
sa shailamAsAdya kirITamAlI 
mahendra vAhAdavaruhya tasmAt . 
dhaumyasya pAdAvabhivAdya pUrvam 
ajAtashatrostadanantara.n cha .. 20..\\
kR^ikodarasyApi vavanda pAdau 
mAdrI sutAbhyAmabhivAditash cha . 
sametya kR^iShNAM parisAntvya chainAM 
prahvo.abhavadbhrAturupahvare saH .. 21..\\
babhUva teShAM paramaH praharShas 
tenAprameyeNa samAgatAnAm . 
sa chApi tAnprekShya kirITamAlI 
nananda rAjAnamabhiprasha.nsan .. 22..\\
yamAsthitaH sapta jaghAna pUgAn 
diteH sutAnAM namuchernihantA . 
tamindra vAha.n samupetya pArthAH 
pradakShiNa.n chakruradInasattvAH .. 23..\\
te mAlateshchakruratIva hR^iShTAH 
satkAramagrya.n surarAjatulyam . 
sarva.n yathAvachcha divaukasastAn 
paprachchhurena.n kururAjaputrAH .. 24..\\
tAnapyasau mAtalirabhyanandat 
piteva putrAnanushiShya chainAn . 
yayau rathenApratima prabheNa 
punaH sakAsha.n tridiveshvarasya .. 25..\\
gate tu tasminvaradeva vAhe 
shakrAtmajaH sarvaripupramAthI . 
shakreNa dattAni dadau mahAtmA 
mahAdhanAnyuttamarUpavanti . 
divAkarAbhANi vibhUShaNAni 
prItaH priyAyai suta somamAtre .. 26..\\
tataH sa teShA.n kurupu~NgavAnAM 
teShA.n cha sUryAgnisamaprabhANAm . 
viprarShabhANAmupavishya madhye 
sarva.n yathAvatkathayAM babhUva .. 27..\\
evaM mayAstrANyupashikShitAni 
shakrAchcha vAtAchcha shivAchcha sAkShAt . 
tathaiva shIlena samAdhinA cha 
prItAH surA me sahitAH sahendrAH .. 28..\\
sa~NkShepato vai sa vishuddhakarmA 
tebhyaH samAkhyAya divi pravesham . 
mAdrI sutAbhyA.n sahitaH kirITI 
suShvApa tAmAvasatiM pratItaH .. 29..\\
\medskip\hrule\medskip\centerline{\Largedvng 162}
 vai

etasminneva kAle tu sarvavAditra nisvanaH . 
babhUva tumulaH shabdastvantarikShe divaukasAm .. 1..\\
rathanemi svanashchaiva ghaNTA shabdashcha bhArata . 
pR^ithagvyAlamR^igANA.n cha pakShiNAM chaiva sarvashaH .. 2..\\
ta.n samantAdanuyayurgandharvApsarasastathA . 
vimAnaiH sUryasa~NkAshairdevarAjamarindamam .. 3..\\
tataH sa haribhiryukta.n jAmbUnadapariShkR^itam . 
meghanAdinamAruhya shriyA paramayA jvalan .. 4..\\
pArthAnabhyAjagAmAshu devarAjaH purandaraH . 
Agatya cha sahasrAkSho rathAdavaruroha vai .. 5..\\
ta.n dR^iShTvaiva mahAtmAnaM dharmarAjo yudhiShThiraH . 
bhrAtR^ibhiH sahitaH shrImAndevarAjamupAgamat .. 6..\\
pUjayAmAsa chaivAtha vidhivadbhUridakShiNaH . 
yathArhamamitAtmAna.n vidhidR^iShTena karmaNA .. 7..\\
dhana~njayashcha tejasvI praNipatya purandaram . 
bhR^ityavatpraNatastasthau devarAja sapIpataH .. 8..\\
ApyAyata mahAtejA kuntIputro yudhiShThiraH . 
dhana~njayamabhiprekShya vinIta.n sthitamantike .. 9..\\
jaTila.n devarAjasya tapo yuktamakalmaSham . 
harSheNa mahatAviShTaH phalgunasyAtha darshanAt .. 10..\\
ta.n tathAdIna manasa.n rAjAnaM harShasamplutam . 
uvAcha vachana.n dhImAndevarAjaH purandaraH .. 11..\\
tvamimAmpR^ithivI.n rAjanprashAsiShyati pANDava . 
svasti prApnuhi kaunteya kAmyakaM punarAshramam .. 12..\\
astrANi labdhAni cha pANDavena 
sarvANi mattaH prayatena rAjan . 
kR^itapriyashchAsmi dhana~njayena 
jetuM na shakyastribhireSha lokaiH .. 13..\\
evamuktvA sahasrAkShaH kuntIputra.n yudhiShThiram . 
jagAma tridiva.n hR^iShTaH stUyamAno maharShibhiH .. 14..\\
dhaneShvara gR^ihasthAnAM pANDavAnA.n samAgamam . 
shakreNa ya ima.n vidvAnadhIyIta samAhitaH .. 15..\\
sa.nvatsaraM brahmachArI niyataH saMshitavrataH . 
sa jIveta nirAbAdhaH susukhI sharadA.n shatam .. 16..\\
\medskip\hrule\medskip\centerline{\Largedvng 163}
 vai

yathAgata.n gate shakre bhrAtR^ibhiH saha sa~NgataH . 
kR^iShNayA chaiva bIbhatsurdharmaputramapUjayat .. 1..\\
abhivAdayamAna.n tu mUrdhnyupAghrAya pANDavam . 
harShagadgadayA vAchA prahR^iShTo.arjunamabravIt .. 2..\\
kathamarjuna kAlo.aya.n svarge vyatigatastava . 
katha.n chAstrANyavAptAni devarAjashcha toShitaH .. 3..\\
samyagvA te gR^ihItAni kachchidastrANi bhArata . 
kachchitsurAdhipaH prIto rudrashchAstrANyadAttava .. 4..\\
yathAdR^iShTashcha te shakro bhagavAnvA pinAka dhR^ik . 
yathA chAstrANyavAptAni yathA chArAdhitash cha te .. 5..\\
yathoktavA.nsstvAM bhagavA~nshatakraturarindama . 
kR^itapriyastvayAsmIti tachcha te kiM priya.n kR^itam . 
etadichchhAmyaha.n shrotuM vistareNa mahAdyute .. 6..\\
yathA tuShTo mahAdevo devarAjash cha te.anagha . 
yachchApi vajrapAneste priya.n kR^itamarindama . 
etadAkhyAhi me sarvamakhilena dhana~njaya .. 7..\\

 arj

shR^iNu hanta mahArAja vidhinA yena dR^iShTavAn . 
shatakratumaha.n devaM bhagavantaM cha sha~Nkaram .. 8..\\
vidyAmadhItya tA.n rAja.nstvayoktAm arimardana . 
bhavatA cha samAdiShTastapase prasthito vanam .. 9..\\
bhR^igutu~Ngamatho gatvA kAmyakAdAsthitastapaH . 
ekarAtroDitaH ka.n chidapashyaM brAhmaNaM pathi .. 10..\\
sa mAmapR^ichchhatkaunteya kvAsi gantA bravIhi me . 
tasmA avitatha.n sarvamabruva.n kurunandana .. 11..\\
sa tathyaM mama tachchhrutvA brAhmaNo rAjasattama . 
apUjayata mA.n rAjanprItimAMshchAbhavanmayi .. 12..\\
tato mAmabravItprItastapa AtiShTha bhArata . 
tapasvI nachireNa tva.n drakShyase vibudhAdhipam .. 13..\\
tato.aha.n vachanAttasya girimAruhya shaishiram . 
tapo.atapyaM mahArAja mAsaM mUlaphalAshanaH .. 14..\\
dvitIyashchApi me mAso jalaM bhakShayato gataH . 
nirAhArastR^itIye.atha mAse pANDavanandana .. 15..\\
UrdhvabAhushchaturtha.n tu mAsamasmi sthitastadA . 
na cha me hIyate prANastadadbhutamivAbhavat .. 16..\\
chaturthe samatikrAnte prathame divase gate . 
varAhasa.nsthitaM bhUtaM matsamIpamupAgamat .. 17..\\
nighnanprothena pR^ithivI.n vilikhaMshcharaNairapi . 
saMmArja~njaThareNorvI.n vivartaMshcha muhurmuhuH .. 18..\\
anu tasyAparaM bhUtaM mahatkairAta sa.nsthitam . 
dhanurbANAsimatprApta.n strIgaNAnugata.n tadA .. 19..\\
tato.aha.n dhanurAdAya tathAkShayyau maheShudhI . 
atADaya.n shareNAtha tadbhUtaM lomaharShaNam .. 20..\\
yugapattatkirAtashcha vikR^iShya balavaddhanuH . 
abhyAjaghne dR^idhatara.n kampayanniva me manaH .. 21..\\
sa tu mAmabravIdrAjanmama pUrvaparigrahaH . 
mR^igayA dharmamutsR^ijya kimartha.n tADitastvayA .. 22..\\
eSha te nishitairbANairdarpa.n hanmi sthiro bhava . 
savarShmavAnmahAkAyastato mAmabhyadhAvata .. 23..\\
tato girimivAtyarthamAvR^iNonmAM mahAsharaiH . 
ta.n chAha.n sharavarSheNa mahatA samavAkiram .. 24..\\
tataH sharairdIptamukhaiH patritairanumantritaiH . 
pratyavidhyamaha.n taM tu vajrairiva shilochchayam .. 25..\\
tasya tachchhatadhA rUpamabhavachcha sahasradhA . 
tAni chAsya sharIrANi sharairahamatADayam .. 26..\\
punastAni sharIrANi ekIbhUtAni bhArata . 
adR^ishyanta mahArAja tAnyaha.n vyadhamaM punaH .. 27..\\
aNurbR^ihachchhirA bhUtvA bR^ihachchANu shiraH punaH . 
ekIbhUtastadA rAjanso.abhyavartata mA.n yudhi .. 28..\\
yadAbhibhavituM bANairnaiva shaknomi ta.n raNe . 
tato.ahamastramAtiShTha.n vAyavyaM bharatarShabha .. 29..\\
na chainamashaka.n hantu.n tadadbhutamivAbhavat . 
tasminpratihate chAstre vismayo me mahAnabhUt .. 30..\\
bhUyashchaiva mahArAja savisheShamaha.n tataH . 
astrapUgena mahatA raNe bhUtamavAkiram .. 31..\\
sthUNAkarNa mayo jAla.n sharavarShaM shalolbaNam . 
shailAstramashmavarSha.n cha samAsthAyAhamabhyayAm . 
jagrAsa prahasa.nstAni sarvANyastrANi me.anagha .. 32..\\
teShu sarveShu shAnteShu brahmAstramahamAdisham . 
tataH prajvalitairbANaiH sarvataH sopachIyata . 
upachIyamAnashcha mayA mahAstreNa vyavardhata .. 33..\\
tataH santApito loko matprasUtena tejasA . 
kShaNena hi dishaH kha.n cha sarvato.abhividIpitam .. 34..\\
tadapyastraM mahAtejA kShaNenaiva vyashAtayat . 
brahmAstre tu hate rAjanbhayaM mAM mahadAvishat .. 35..\\
tato.aha.n dhanurAdAya tathAkShayyau maheShudhI . 
sahasAbhyahanaM bhUta.n tAnyapyastrANyabhakShayat .. 36..\\
hateShvastreShu sarveShu bhakShiteShvAyudheShu cha . 
mama tasya cha bhUtasya bAhuyuddhamavartata .. 37..\\
vyAyAmamuShTibhiH kR^itvA talairapi samAhatau . 
apAtayachcha tadbhUtaM nishcheShTo hyagamaM mahIm .. 38..\\
tataH prahasya tadbhUta.n tatraivAntaradhIyata . 
saha strIbhirmahArAja pashyato me.adbhutopamam .. 39..\\
eva.n kR^itvA sa bhagavA.nstato.anyadrUpamAtmanaH . 
divyameva marA rAjavasAno.adbhutamambaram .. 40..\\
hitvA kirAta rUpa.n cha bhagavA.nstridasheshvaraH . 
svarUpa.n divyamAsthAya tasthau tatra maheshvaraH .. 41..\\
adR^ishyata tataH sAkShAdbhagavAngovR^iShadhvajaH . 
umA sahAyo hari dR^igbahurUpaH pinAka dhR^ik .. 42..\\
sa mAmabhyetya samare tathaivAbhimukha.n sthitam . 
shUlapANirathovAcha tuShTo.asmIti parantapa .. 43..\\
tatastaddhanurAdAya tUNau chAkShayya sAyakau . 
prAdAnmamaiva bhagavAnvarayasveti chAbravIt .. 44..\\
tuShTo.asmi tava kaunteya brUhi ki.n karavANi te . 
yatte manogata.n vIra tadbrUhi vitarAmyaham . 
amaratvamapAhAya brUhi yatte manogatam .. 45..\\
tataH prA~njalirevAhamastreShu gatamAnasaH . 
praNamya shirasA sharva.n tato vachanamAdade .. 46..\\
bhagavAnme prasannashchedIpsito.aya.n varo mama . 
astrANIchchhAmyaha.n GYAtuM yAni deveShu kAni chit . 
dadAnItyeva bhagavAnabravIttryambakashcha mAm .. 47..\\
raudramastraM madIya.n tvAmupasthAsyati pANDava . 
pradadau cha mama prItaH so.astraM pAshupataM prabhuH .. 48..\\
uvAcha cha mahAdevo dattvA me.astra.n sanAtanam . 
na prayojyaM bhavedetanmAnuSheShu katha.n chana .. 49..\\
pIDyamAnena balavatprayojya.n te dhana~njaya . 
astrANAM pratighAte cha sarvathaiva prayojayeH .. 50..\\
tadapratihata.n divya.n sarvAstrapratiShedhanam . 
mUrtimanme sthitaM pArshve prasanne govR^iShadhvaje .. 51..\\
utsAdanamamitrANAM parasenA nikartanam . 
durAsada.n duShprahasa.n suradAnava rAkShasaiH .. 52..\\
anuGYShAtastvaha.n tena tatraiva samupAvisham . 
prekShitashchaiva me devastatraivAntaradhIyata .. 53..\\
\medskip\hrule\medskip\centerline{\Largedvng 164}
 arj

tatastAmavasaM prIto rajanI.n tatra bhArata . 
prasAdAddevadevasya tryambakasya mahAtmanaH .. 1..\\
vyuShito rajanI.n chAhaM kR^itvA pUrvAhNika kriyAm . 
apashya.n taM dvijashreShThaM dR^iShTavAnasmi yaM purA .. 2..\\
tasmai chAha.n yathAvR^ittaM sarvameva nyavedayam . 
bhagavantaM mahAdeva.n sameto.asmIti bhArata .. 3..\\
sa mAmuvAcha rAjendra prIyamANo dvijottamaH . 
dR^iShTastvayA mahAdevo yathA nAnyena kena chit .. 4..\\
sametya lokapAlaistu sarvairvaivasvatAdibhiH . 
draShTAsyanagha devendra.n sa cha te.astrANi dAsyati .. 5..\\
evamuktvA sa mA.n rAjannAshliShya cha punaH punaH . 
agachchhatsa yathAkAmaM brAhmaNaH sUryasaMnibhaH .. 6..\\
athAparAhNe tasyAhnaH prAvAtpuNyaH samIraNaH . 
punarnavamima.n loka.n kurvanniva sapatnahan .. 7..\\
divyAni chaiva mAlyAni sugandhIni navAni cha . 
shaishirasya gireH pAde prAdurAsansamIpataH .. 8..\\
vAditrANi cha divyAni sughoShANi samantataH . 
stutayashchendra sa.nyuktA ashrUyanta manoharAH .. 9..\\
gaNAshchApsarasA.n tatra gandharvANAM tathaiva cha . 
purastAddevadevasya jagurgItAni sarvashaH .. 10..\\
marutA.n cha gaNAstatra deva yAnairupAgaman . 
mahendrAnucharA ye cha deva sadma nivAsinaH .. 11..\\
tato marutvAnharibhiryuktairvAhaiH svala~NkR^itaiH . 
shachI sahAyastatrAyAtsaha sarvaistadAmaraiH .. 12..\\
etasminneva kAle tu kubero naravAhanaH . 
darshayAmAsa mA.n rAja.NllakShmyA paramayA yutaH .. 13..\\
dakShiNasyA.n dishi yamaM pratyapashya.n vyavasthitam . 
varuNa.n devarAjaM cha yathAsthAnamavasthitam .. 14..\\
te mAmUchurmahArAja sAntvayitvA surarShabhAH . 
savyasAchinsamIkShasva lokapAlAnavasthitAn .. 15..\\
surakAryArtha siddhyartha.n dR^iShTavAnasi sha~Nkaram . 
asmatto.api gR^ihANa tvamastrANIti samantataH .. 16..\\
tato.ahaM prayato bhUtvA praNipatya surarShabhAn . 
pratyagR^ihNa.n tadAstrANi mahAnti vidhivatprabho .. 17..\\
gR^ihItAstrastato devairanuGYShAto.asmi bhArata . 
atha devA yayuH sarve yathAgatamarindama .. 18..\\
maghavAnapi devesho rathamAruhya suprabham . 
uvAcha bhagavAnvAkya.n smayanniva surArihA .. 19..\\
puraivAgamanAdasmAdvedAha.n tvAM dhana~njaya . 
ataH para.n tvaha.n vai tvAM darshaye bharatarShabha .. 20..\\
tvayA hi tIrtheShu purA samAplAvaH kR^ito.asakR^it . 
tapashchedaM purA tapta.n svarga.n gantAsi pANDava .. 21..\\
bhUyo chaiva tu taptavya.n tapo paramadAruNam . 
uvAcha bhagavAnsarva.n tapasashchopapAdanam .. 22..\\
mAtalirmanniyogAttvA.n tridivaM prApayiShyati . 
viditastva.n hi devAnAmR^iShINA.n cha mahAtmanAm .. 23..\\
tato.ahamabruva.n shakraM prasIda bhagavanmama . 
AchArya.n varaye tvAhamastrArtha.n tridasheshvara .. 24..\\

 indra

krUra.n karmAstravittAta kariShyasi parantapa . 
yadarthamastrANIpsustva.n taM kAmaM pANDavApnuhi .. 25..\\

 arj

tato.ahamabruvaM nAha.n divyAnyastrANi shatruhan . 
mAnuSheShu prayokShyAmi vinAstra pratighAtanam .. 26..\\
tAni divyAni me.astrANi prayachchha vibudhAdhipa . 
lokAMshchAstrajitAnpashchAllabheya.n surapu~Ngava .. 27..\\

 indra

parIkShArthaM mayaitatte vAkyamukta.n dhana~njaya . 
mamAtmajasya vachana.n sUpapannamida.n tava .. 28..\\
shikSha me bhavana.n gatvA sarvANyastrANi bhArata . 
vAyoragnervasubhyo.atha varuNAtsamarudgaNAt .. 29..\\
sAdhyaM paitAmaha.n chaiva gandharvoragarakShasAm . 
vaiShNavAni cha sarvANi nairR^itAni tathaiva cha . 
madgatAni cha yAnIha sarvAstrANi kurUdvaha .. 30..\\

 arj

evamuktvA tu mA.n shakrastatraivAntaradhIyata . 
athApashya.n hari yujaM rathamaindramupasthitam . 
divyaM mAyAmayaM puNya.n yattaM mAtalinA nR^ipa .. 31..\\
lokapAleShu yAteShu mAmuvAchAtha mAtaliH . 
draShTumichchhati shakrastvA.n devarAjo mahAdyute .. 32..\\
sa.nsiddhastvaM mahAbAho kuru kAryamanuttamam . 
pashya puNyakR^itA.n lokAnsasharIro divaM vraja .. 33..\\
ityukto.ahaM mAtalinA girimAmantrya shaishiram . 
pradakShiNamupAvR^itya samAroha.n rathottamam .. 34..\\
chodayAmAsa sahayAnmanomArutara.nhasaH . 
mAtalirhayashAstraGYo yathAvadbhUridakShiNaH .. 35..\\
avaikShanta cha me vaktra.n sthitasyAtha sa sArathiH . 
tathA bhrAnte rathe rAjanvismitashchedamabravIt .. 36..\\
atyadbhutamidaM me.adya vichitraM pratibhAti mAm . 
yadAsthito ratha.n divyaM padA na chalito bhavAn .. 37..\\
devarAjo.api hi mayA nityamatropalakShitaH . 
vichalanprathamotpAte hayAnAM bharatarShabha .. 38..\\
tvaM punaH sthita evAtra rathe bhrAnte kurUdvaha . 
atishakramida.n sattva.n taveti pratibhAti me .. 39..\\
ityuktvAkAshamAvishya mAtalirvibudhAlayAn . 
darshayAmAsa me rAjanvimAnAni cha bhArata .. 40..\\
nandanAdIni devAnA.n vanAni bahulAnyuta . 
darshayAmAsa me prItyA mAtaliH shakrasArathiH .. 41..\\
tataH shakrasya bhavanamapashyamamarAvatIm . 
divyaiH kAmaphalairvR^ikShai ratnaishcha samala~NkR^itAm .. 42..\\
na tAM bhAsayate sUryo na shItoShNe na cha klamaH . 
rajaH pa~Nko na cha tamastatrAsti na jarA nR^ipa .. 43..\\
na tatra shoko dainya.n vA vaivarNya.n chopalakShyate . 
divaukasAM mahArAja na cha glAnirarindama .. 44..\\
na krodhalobhau tatrAstAmashubha.n cha vishAM pate . 
nityatuShTAshcha hR^iShTAshcha prANinaH suraveshmani .. 45..\\
nityapuShpaphalAstatra pAdapA haritachhadAH . 
puShkariNyashcha vividhAH padmasaugandhikAyutAH .. 46..\\
shItastatra vavau vAyuH sugandho jIvanaH shuchiH . 
sarvaratnavichitrA cha bhUmiH puShpavibhUShitA .. 47..\\
mR^igadvijAshcha bahavo ruchirA madhurasvarAH . 
vimAnayAyinashchAtra dR^ishyante bahavo.amarAH .. 48..\\
tato.apashya.n vasUnrudrAnsAdhyAMshcha samarudgaNAn . 
AdityAnashvinau chaiva tAnsarvAnpratyapUjayam .. 49..\\
te mA.n vIryeNa yashasA tejasA cha balena cha . 
astraishchApyanvajAnanta samprAma vijayena cha .. 50..\\
pravishya tAM purI.n ramyA.n devagandharvasevitAm . 
devarAja.n sahasrAkShamupAtiShTha.n kR^itA~njaliH .. 51..\\
dadAvardhAsanaM prItaH shakro me dadatA.n varaH . 
bahumAnAchcha gAtrANi pasparsha mama vAsavaH .. 52..\\
tatrAha.n devagandharvaiH sahito bhuri dakShiNa . 
astrArthamavasa.n svarge kurvANo strANi bhArata .. 53..\\
vishvAvasoshcha me putrashchitraseno.abhavatsakhA . 
sa cha gAndharvamakhila.n grAhayAmAsa mAM nR^ipa .. 54..\\
tato.ahamavasa.n rAjangR^ihItAstraH supUjitaH . 
sukha.n shakrasya bhavane sarvakAmasamanvitaH .. 55..\\
shR^iNvanvai gItashabda.n cha tUryashabdaM cha puShkalam . 
pashyaMshchApsarasaH shreShThA nR^ityamAnAH parantapa .. 56..\\
tatsarvamanavaGYAya tathya.n vijGYAya bhArata . 
atyarthaM pratigR^ihyAhamastreShveva vyavasthitaH .. 57..\\
tato.atuShyatsahasrAkShastena kAmena me vibhuH . 
evaM me vasato rAjanneSha kAlo.atyagAddivi .. 58..\\
\medskip\hrule\medskip\centerline{\Largedvng 165}
 arj

kR^itAstramabhivishvastamatha mA.n harivAhanaH . 
sa.nspR^ishya mUrdhni pANibhyAmida.n vachanamabravIt .. 1..\\
na tvamadya yudhA jetu.n shakyaH suragaNairapi . 
kiM punarmAnuShe loke mAnuShairakR^itAtmabhiH . 
aprameyo.apradhR^iShyashcha yuddheShvapratimastathA .. 2..\\
athAbravItpunardevaH samprahR^iShTatanUruhaH . 
astrayuddhe samo vIra na te kashchidbhaviShyati .. 3..\\
apramattaH sadA dakShaH satyavAdI jitendriyaH . 
brahmaNyashchAstravichchAsi shUrAshchAsi kurUdvaha .. 4..\\
astrANi samavAptAni tvayA dasha cha pa~ncha cha . 
pa~nchabhirvidhibhiH pArtha na tvayA vidyate samaH .. 5..\\
prayogamupasa.nhAramAvR^itti.n cha dhana~njaya . 
prAyashchitta.n cha vettha tvaM pratighAtaM cha sarvashaH .. 6..\\
tava gurvarthakAlo.ayamupapannaH parantapa . 
pratijAnIShva ta.n kartumato vetsyAmyahaM param .. 7..\\
tato.ahamabruva.n rAjandevarAjamidaM vachaH . 
viShahya.n chenmayA kartuM kR^itameva nibodha tat .. 8..\\
tato mAmabravIdrAjanprahasya balavR^itrahA . 
nAviShahya.n tavAdyAsti triShu lokeShu kiM chana .. 9..\\
nivAtakavachA nAma dAnavA mama shatravaH . 
samudrakukShimAshritya durge prativasantyuta .. 10..\\
tisraH koTyaH samAkhAtAstulyarUpabalaprabhAH . 
tA.nstatra jahi kaunteya gurvarthaste bhaviShyati .. 11..\\
tato mAtalisa.nyuktaM mayUrasamaromabhiH . 
hayairupetaM prAdAnme ratha.n divyaM mahAprabham .. 12..\\
babandha chaiva me mUrdhni kitITamidamuttamam . 
svarUpasadR^isha.n chaiva prAdAda~NgavibhUShaNam .. 13..\\
abhedya.n kavachaM cheda.n sparsharUpavaduttamam . 
ajarA.n jyAmimAM chApi gANDIve samayojayat .. 14..\\
tataH prAyAmaha.n tena syandanena virAjatA . 
yenAjayaddevapatirbali.n vairochaniM purA .. 15..\\
tato devAH sarva eva tena ghoSheNa bodhitaH . 
manvAnA devarAjaM mA.n samAjagmurvishAM pate . 
dR^iShTvA cha mAmapR^ichchhanta ki.n kariShyasi phalguna .. 16..\\
tAnabruva.n yathA bhUtamida.n kartAsmi sa.nyuge . 
nivAtakavachAnA.n tu prasthitaM mA.n vadhaiShiNam . 
nibodhata mahAbhAgAH shiva.n chAshAsta me.anaghAH .. 17..\\
tuShTuvurmAM prasannAste yathA devaM purandaram . 
rathenAnena maghavA jitavA~nshambara.n yudhi . 
namuchiM balavR^itrau cha prahlAda narakAvapi .. 18..\\
bahUni cha sahasrANi prayutAnyarbudAni cha . 
rathenAnena daityAnA.n jitavAnmaghavAnyudhi .. 19..\\
tvamapyetena kaunteya nivAtakavachAnraNe . 
vijetA yudhi vikramya pureva maghavAnvashI .. 20..\\
aya.n cha sha~Nkhapravaro yena jetAsi dAnavAn . 
anena vijitA lokAH shakreNApi mahAtmanA .. 21..\\
pradIyamAna.n devaistu devadattaM jalodbhavam . 
pratyahR^ihNa.n jayAyaina.n stUyamAnastadAmaraiH .. 22..\\
sa sha~NkhI kavachI bANI pragR^ihItasharAsanaH . 
dAnavAlayamatyugraM prayAto.asmi yuyutsayA .. 23..\\
\medskip\hrule\medskip\centerline{\Largedvng 166}
 arj

tato.aha.n stUyamAnastu tatra tatra maharShibhiH . 
apashyamudadhiM bhImamapAM patimathAvyayam .. 1..\\
phenavatyaH prakIrNAshcha sa.nhatAshcha samuchchhritAH . 
urmayashchAtra dR^ishyante chalanta iva parvatAH . 
nAvaH sahasrashastatra ratnapUrNAH samantataH .. 2..\\
timi~NgilAH kachchhapAshcha tathA timitimi~NgilAH . 
makarAshchAtra dR^ishyante jale magnA ivAdrayaH .. 3..\\
sha~NkhAnA.n cha sahasrANi magnAnyapsu samantataH . 
dR^ishyante sma yathA rAtrau tArAstanvabhrasa.nvR^itAH .. 4..\\
tathA sahasrashastatra ratnasa~NghA lavantyuta . 
vAyushcha ghUrNate bhImastadadbhutamivAbhavat .. 5..\\
tamatItya mahAvega.n sarvAmbho nidhimuttamam . 
apashya.n dAnakAkIrNaM taddaitya puramantikAt .. 6..\\
tatraiva mAtalistUrNaM nipatya pR^ithivItale . 
nAdayanrathaghoSheNa tatpura.n samupAdravat .. 7..\\
rathaghoSha.n tu ta.n shrutvA stanayitnorivAmbare . 
manvAnA devarAjaM mA.n sa.nvignA dAnavAbhavan .. 8..\\
sarve sambhrAntamanasaH sharachApa dharAH sthitAH . 
tathA shUlAsiparashu gadAmusalapANayaH .. 9..\\
tato dvArANi pidadhurdAnavAstrastachetasaH . 
sa.nvidhAya pure rakShAM na sma kashchana dR^ishyate .. 10..\\
tataH sha~NkhamupAdAya devadattaM mahAsvanam . 
puramAsuramAshliShya prAdhama.n ta.n shanairaham .. 11..\\
sa tu shabdo diva.n stabdhvA pratishabdamajIjanat . 
vitresushcha nililyushcha bhUtAni sumahAntyapi .. 12..\\
tato nivAtakavachAH sarva eva samantataH . 
daMshitA vividhaistrANairvividhAyudhapANayaH .. 13..\\
Ayasaishcha mahAshUlairgadAbhirmusalairapi . 
paTTishaiH karavAlaishcha rathachakraishcha bhArata .. 14..\\
shataghnIbhirbhushuNDIbhiH khaDgaishchitraiH svala~NkR^itaiH . 
pragR^ihItairditeH putrAH prAdurAsansahasrashaH .. 15..\\
tato vichArya bahudhA rathamArgeShu tAnhayAn . 
prAchodayatsame deshe mAtalirbharatarShabha .. 16..\\
tena teShAM praNunnAnAmAshutvAchchhIghra gAminAm . 
nAnvapashya.n tadA kiM chittanme.adbhutamivAbhavat .. 17..\\
tataste dAnavAstatra yodhavrAtAnyanekashaH . 
vikR^itasvararUpANi bhR^isha.n sarvANyachodayan .. 18..\\
tena shabdena mahatA samudre parvatopamAH . 
Aplavanta gataiH sattvairmatsyAH shatasahasrashaH .. 19..\\
tato vegena mahatA dAnavA mAmupAdravan . 
vimu~nchantaH shitAnbANA~nshatasho.atha sahasrashaH .. 20..\\
sa samprahArastumulasteShAM mama cha bhArata . 
avartata mahAghoro nivAtakavachAntakaH .. 21..\\
tato devarShayashchaiva dAnavarShiganAsh cha ye . 
brahmarShayashcha siddhAshcha samAjagmurmahAmR^idhe .. 22..\\
te vai mAmanurUpAbhirmadhurAbhirjayaiShiNaH . 
astuvanmunayo vAgbhiryathendra.n tArakAmaye .. 23..\\
\medskip\hrule\medskip\centerline{\Largedvng 167}
 arj

tato nivAtakavachAH sarve vegena bhArata . 
abhyadravanmA.n sahitAH pragR^ihItAyudhA raNe .. 1..\\
Achchhidya rathapanthAnamutkroshanto mahArathAH . 
AvR^itya sarvataste mA.n sharavarShairavAkiran .. 2..\\
tato.apare mahAvIryAH shUlapaTTishapANayaH . 
shUlAni cha bhushuNDIshcha mumuchurdAnavA mayi .. 3..\\
tachchhUlavarSha.n sumahadgadA shaktisamAkulam . 
anisha.n sR^ijyamAna.n tairapatanmadrathopari .. 4..\\
anye mAmabhyadhAvanta nivAtakavachA yudhi . 
shitashastrAyudhA raudrAH kAlarUpAH prahAriNaH .. 5..\\
tAnaha.n vividhairbANairvegabadbhirajihmagaiH . 
gANDIvamuktairabhyaghnamekaika.n dashabhirmR^idhe . 
te kR^itA vimikhAH sarve matprayuktaiH shilAshitaiH .. 6..\\
tato mAtalinA tUrNa.n hayAste samprachoditAH . 
rathamArgAdbahU.nstatra vicherurvAtara.nhasaH . 
susa.nyatA mAtalinA prAmathnanta diteH sutAn .. 7..\\
shata.n shatAste harayastasminyuktA mahArathe . 
tadA mAtalinA yattA vyacharannalpakA iva .. 8..\\
teShA.n charaNapAtena rathanemi svanena cha . 
mama bANanipAtaishcha hatAste shatasho.asurAH .. 9..\\
gatAsavastathA chAnye pragR^ihItasharAsanAH . 
hatasArathayastatra vyakR^iShyanta tura~NgamaiH .. 10..\\
te diSho vidishaH sarvAH pratirudhya prahAriNaH . 
nighnanti vividhaiH shastraistato me vyathitaM manaH .. 11..\\
tato.ahaM mAtalervIryamapashyaM paramAdbhutam . 
ashvA.nstathA vegavato yadayatnAdadhArayat .. 12..\\
tato.aha.n laghubhishchitrairastraistAnasurAnraNe . 
sAyudhAnachhina.n rAja~nshatasho.atha sahasrashaH .. 13..\\
evaM me charatastatra sarvayatnena shatruhan . 
prItimAnabhavadvIro mAtaliH shakrasArathiH .. 14..\\
vadhyamAnAstataste tu hayaistena rathena cha . 
agamanprakShaya.n ke chinnyavartanta tathApare .. 15..\\
spardhamAnA ivAsmAbhirnivAtakavachA raNe . 
sharavarShairmahadbhirmA.n samantAtpratyavArayan .. 16..\\
tato.aha.n laghubhishchaitrairbrahmAstra parimantritaiH . 
vyadhama.n sAyakairAshu shatasho.atha sahasrashaH .. 17..\\
tataH sampIDyamAnAste krodhAviShTA mahAsurAH . 
apIDayanmA.n sahitAH sharashUlAsi vR^iShTibhiH .. 18..\\
tato.ahamastramAtiShThaM parama.n tigmatejasam . 
dayita.n devarAjasya mAdhavaM nAma bhArata .. 19..\\
tataH khaDgA.nstrishUlAMshcha tomarAMshcha sahasrashaH . 
astravIryeNa shatadhA tairmuktAnahamachchhinam .. 20..\\
chhittvA praharaNAnyeShA.n tatastAnapi sarvashaH . 
pratyavidhyamaha.n roShAddashabhirdashabhiH sharaiH .. 21..\\
gANDIvAddhi tadA sa~Nkhye yathA bhramarapa~NktayaH . 
niShpatanti tathA bANAstanmAtalirapUjayat .. 22..\\
teShAmapi tu bANAste bahutvAchchhalabhA iva . 
avAkiranmAM balavattAnaha.n vyadhamaM sharaiH .. 23..\\
vadhyamAnAstataste tu nivAtakavachAH punaH . 
sharavarShairmahadbhirmA.n samantAtparyavArayan .. 24..\\
sharavegAnnihatyAhamastraiH sharavighAtibhiH . 
jvaladbhiH paramaiH shIghraistAnavidhya.n sahasrashaH .. 25..\\
teShA.n chhinnAni gAtrANi visR^ijanti sma shoNitam . 
prAvR^iShIvAtivR^iShTAni shR^i~NgANIva dharA bhR^itAm .. 26..\\
indrAshanisamasparshairvegavadbhirajihmagaiH . 
madbANairvadhyamAnAste samudvignAH sma dAnavAH .. 27..\\
shatadhA bhinnadehAntrAH kShINapraharaNaujasaH . 
tato nivAtakavachA mAmayudhyanta mAyayA .. 28..\\
\medskip\hrule\medskip\centerline{\Largedvng 168}
 arj

tato.ashmavarSha.n sumahatprAdurAsItsamantataH . 
nagamAtrairmahAghoraistanmA.n dR^iDhamapIDayat .. 1..\\
tadaha.n vajrasa~NkAshaiH sharairindrAstra choditaiH . 
achUrNaya.n vegavadbhiH shatadhaikaikamAhave .. 2..\\
chUrNyamAne.ashmavarShe tu pAvakaH samajAyata . 
tatrAshma chUrNamapatatpAvakaprakarA iva .. 3..\\
tato.ashmavarShe nihate jalavarShaM mahattaram . 
dhArAbhirakShamAtrAbhiH prAdurAsInmamAntake .. 4..\\
nabhasaH prayutA dhArAstigmavIryAH sahasrashaH . 
AvR^iNvansarvato vyoma dishashchopadishastathA .. 5..\\
dhArANA.n cha nipAtena vAyorvisphUrjitena cha . 
garjitena cha daityAnAM na prAGYAyata ki.n chana .. 6..\\
dhArA divi cha sambaddhA vasudhAyA.n cha sarvashaH . 
vyAmohayanta mA.n tatra nipatantyo.anishaM bhuvi .. 7..\\
tatropadiShTamindreNa divyamastra.n vishoShaNam . 
dIptaM prAhiNava.n ghoramashuShyattena tajjalam .. 8..\\
hate.ashmavarShe tu mayA jalavarShe cha shoShite . 
mumuchurdAnavA mAyAmagni.n vAyu.n cha mAnada .. 9..\\
tato.ahamagni.n vyadhamaM salilAstreNa sarvashaH . 
shailena cha mahAstreNa vAyorvegamadhArayam .. 10..\\
tasyAM pratihatAyA.n tu dAnavA yuddhadurmadAH . 
prAkurvanvividhA mAyA yaugapadyena bhArata .. 11..\\
tato varShaM prAdurabhUtsumahanmoma harShaNam . 
astrANA.n ghorarUpANAmagnervAyostathAshmanAm .. 12..\\
sA tu mAyAmayI vR^iShTiH pIDayAmAsa mA.n yudhi . 
atha ghora.n tamastIvraM prAdurAsItsamantataH .. 13..\\
tamasA sa.nvR^ite loke ghoreNa paruSheNa cha . 
turagA vimukhAshchAsanprAskhalachchApi mAtaliH .. 14..\\
hastAddhiraNmayashchAsya pratodaH prApatadbhuvi . 
asakR^ichchAha mAM bhItaH kvAsIti bharatarShabha .. 15..\\
mA.n cha bhIrAvishattIvrA tasminvigatachetasi . 
sa cha mA.n vigataGYAnaH santrasta idamabravIt .. 16..\\
surANAmasurANA.n cha sa~NgrAmaH sumahAnabhUt . 
amR^itArthe purA pArtha sa cha dR^iShTo mayAnagha .. 17..\\
shambarasya vadhe chApi sa~NgrAmaH sumahAnabhUt . 
sArathya.n devarAjasya tatrApi kR^itavAnaham .. 18..\\
tathaiva vR^itrasya vadhe sa~NgR^ihItA hayA mayA . 
vairochanermayA yuddha.n dR^iShTaM chApi sudAruNam .. 19..\\
ete mayA mahAghorAH sa~NgrAmAH paryupAsitAH . 
na chApi vigataGYAno bhUtapUrvo.asmi pANDava .. 20..\\
pitAmahena sa.nhAraH prajAnA.n vihito dhruvam . 
na hi yuddhamida.n yuktamanyatra jagataH kShayAt .. 21..\\
tasya tadvachana.n shrutvA sa.nstabhyAtmAnamAtmanA . 
mohayiShyandAnavAnAmahaM mAyAmayaM balam .. 22..\\
abruvaM mAtaliM bhItaM pashya me bhujayorbalam . 
astrANA.n cha prabhAvaM me dhanuSho gANDivasya cha .. 23..\\
adyAstra mAyayaiteShAM mAyAmetA.n sudAruNAm . 
vinihanmi tamashchograM mA bhaiH sUta sthiro bhava .. 24..\\
evamuktvAhamasR^ijamastramAyAM narAdhipa . 
mohinI.n sarvashatrUNAM hitAya tridivaukasAm .. 25..\\
pIDyamAnAsu mAyAsu tAsu tAsvasureshvarAH . 
punarbahuvidhA mAyAH prAkurvannamitaujasaH .. 26..\\
punaH prakAshamabhavattamasA grasyate punaH . 
vrajatyadarshana.n lokaH punarapsu nimajjati .. 27..\\
susa~NgR^ihItairharibhiH prakAshe sati mAtaliH . 
vyacharatsyandanAgryeNa sa~NgrAme lomaharShaNe .. 28..\\
tataH paryapatannugrA nivAtakavachA mayi . 
tAnaha.n vivara.n dR^iShTvA prAhiNvaM yamasAdanam .. 29..\\
vartamAne tathA yuddhe nivAtakavachAntake . 
nApashya.n sahasA sarvAndAnavAnmAyayAvR^itAn .. 30..\\
\medskip\hrule\medskip\centerline{\Largedvng 169}
 arj

adR^ishyamAnAste daityA yodhayanti sma mAyayA . 
adR^ishyAnastravIryeNa tAnapyahamayodhayam .. 1..\\
gANDIvamuktA vishikhAH samyagastraprachoditAH . 
achchhindannuttamA~NgAni yatra yatra sma te.abhavan .. 2..\\
tato nivAtavakachA vadhyamAnA mayA yudhi . 
sa.nhR^itya mAyA.n sahasA prAvishanpuramAtmanaH .. 3..\\
vyapayAteShu daityeShu prAdurbhUte cha darshane . 
apashya.n dAnavA.nstatra hatA~nshatasahasrashaH .. 4..\\
viniShpiShTAni tatraiShA.n shastrANyAbharaNAni cha . 
kUTashaH sma pradR^ishyante gAtrANi kavachAni cha .. 5..\\
hayAnAM nAntara.n hyAsItpadAdvichalituM padam . 
utpatya sahasA tasthurantarikShagamAstataH .. 6..\\
tato nivAtakavachA vyoma sa~nchAdya kevalam . 
adR^ishyA hyabhyavartanta visR^ijantaH shilochchayAn .. 7..\\
antarbhUmi gatAshchAnye hayAnA.n charaNAnyatha . 
nyagR^ihNandAnavA ghorA rathachakre cha bhArata .. 8..\\
vinigR^ihya harInashvAnratha.n cha mama yudhyataH . 
sarvato mAmachinvanta saratha.n dharaNIdharaiH .. 9..\\
parvatairupachIyadbhiH patamAnaistathAparaiH . 
sa desho yatra vartAma guheva samapadyata .. 10..\\
parvataishchhAdyamAno.ahaM nigR^ihItaishcha vAjibhiH . 
agachchhaM paramAmArtiM mAtalistadalakShayat .. 11..\\
lakShayitvA tu mAM bhItamida.n vachanamabravIt . 
arjunArjuna mA bhaistva.n vajramastramudIraya .. 12..\\
tato.aha.n tasya tadvAkya.n shrutvA vajramudIrayam . 
devarAjasya dayita.n vajramastraM narAdhipa .. 13..\\
achala.n sthAnamAsAdya gANDIvamanumantrya cha . 
amu~ncha.n vajrasa.nsparshAnAyasAnnishitA~nsharAn .. 14..\\
tato mAyAshcha tAH sarvA nivAtakavachAMshcha tAn . 
te vajrachoditA bANA vajrabhUtAH samAvishan .. 15..\\
te vajravegAbhihatA dAnavAH parvatopamAH . 
itaretaramAshliShya nyapatanpR^ithivItale .. 16..\\
antarbhUmau tu ye.agR^ihNandAnavA rathavAjinaH . 
anupravishya tAnbANAH prAhiNvanyamasAdanam .. 17..\\
hatairnivAtakavachairnirasaiH parvatopamaiH . 
samAchchhAdyata deshaH sa vikIrNairiva parvataiH .. 18..\\
na hayAnA.n kShatiH kA chinna rathasya na mAtaleH . 
mama chAdR^ishyata tadA tadadbhutamivAbhavat .. 19..\\
tato mAM prahasanrAjanmAtaliH pratyabhAShata . 
naitadarjuna deveShu tvayi vIrya.n yadIkShyate .. 20..\\
hateShvasurasa~NgheShu dArAsteShA.n tu sarvashaH . 
prAkroshannagare tasminyathA sharadi lakShmaNAH .. 21..\\
tato mAtalinA sArdhamaha.n tatpuramabhyayAm . 
trAsayanrathaghoSheNa nivAtakavachastriyaH .. 22..\\
tAndR^iShTvA dashasAhasrAnmayUrasadR^ishAnhayAn . 
ratha.n cha ravisa~NkAshaM prAdravangaNashaH striyaH .. 23..\\
tAbhirAbharaNaiH shabdastrAsitAbhiH samIritaH . 
shilAnAmiva shaileShu patantInAmabhUttadA .. 24..\\
vitrastA daitya nAryastAH svAni veshmAnyathAvishan . 
bahuratnavichitrANi shAtakumbhamayAni cha .. 25..\\
tadadbhutAkAramaha.n dR^iShTvA nagaramuttamam . 
vishiShTa.n deva nagarAdapR^ichchhaM mAtaliM tataH .. 26..\\
idameva.nvidha.n kasmAddevatA nAvishantyuta . 
purandara purAddhIda.n vishiShTamiti lakShaye .. 27..\\

 maa

AsIdidaM purA pArtha devarAjasya naH puram . 
tato nivAtakavachairitaH prachyAvitAH surAH .. 28..\\
tapastaptvA mahattIvraM prasAdya cha pitAmaham . 
ida.n vR^itaM nivAsAya devebhyashchAbhayaM yudhi .. 29..\\
tataH shakreNa bhagavAnsvayambhUrabhichoditaH . 
vidhattAM bhagavAnatretyAtmano hitakAmyayA .. 30..\\
tata ukto bhagavatA diShTamatreti vAsavaH . 
bhavitAntastvamevaiShA.n dehenAnyena vR^itrahan .. 31..\\
tata eShA.n vadhArthAya shakro.astrANi dadau tava . 
na hi shakyAH surairhantu.n ya ete nihatAstvayA .. 32..\\
kAlasya pariNAmena tatastvamiha bhArata . 
eShAmantakaraH prAptastattvayA cha kR^ita.n tathA .. 33..\\
dAnavAnA.n vinAshArthaM mahAstrANAM mahadbalam . 
grAhitastvaM mahendreNa puruShendra taduttamam .. 34..\\

 arj

tataH pravishya nagara.n dAnavAMshcha nihatya tAn . 
punarmAtalinA sArdhamagachchha.n deva sadma tat .. 35..\\
\medskip\hrule\medskip\centerline{\Largedvng 170}
 arj

nivartamAnena mayA mahaddR^iShTa.n tato.aparam . 
pura.n kAmacharaM divyaM pAvakArka samaprabham .. 1..\\
drumai ratnamayaishchaitrairbhAsvaraishcha patatribhiH . 
paulomaiH kAlakeyaishcha nityahR^iShTairadhiShThitam .. 2..\\
gopurATTAlakopeta.n chaturdvAraM durAsadam . 
sarvaratnamaya.n divyamadbhutopamadarshanam . 
drumaiH puShpaphalopetairdivyaratnamayairvR^itam .. 3..\\
tathA patatribhirdivyairupeta.n sumanoharaiH . 
asurairnityamuditaiH shUlarShTi musalAyudhaiH . 
chApamudgara hastaishcha sragvibhiH sarvatovR^itam .. 4..\\
tadahaM prekShya daityAnAM puramadbhutadarshanam . 
apR^ichchhaM mAtali.n rAjankimida.n dR^ishyateti vai .. 5..\\

 maa

pulomA nAma daiteyI kAlakA cha mahAsurI . 
divya.n varShasahasra.n te cheratuH paramaM tapaH . 
tapaso.ante tatastAbhyA.n svayambhUradadAdvaram .. 6..\\
agR^ihNItA.n vara.n te tu sutAnAmalpaduHkhatAm . 
avadhyatA.n cha rAjendra surarAkShasa pannagaiH .. 7..\\
ramaNIyaM pura.n chedaM khachara.n sukR^itaprabham . 
sarvaratnaiH samudita.n durdharShamamarairapi . 
sayakShagandharvagaNaiH pannagAsurarAkShasaiH .. 8..\\
sarvakAmaguNopeta.n vItashokamanAmayam . 
brahmaNA bharatashreShTha kAlakeya kR^ite kR^itam .. 9..\\
tadetatkhachara.n divyaM charatyamara varjitam . 
paulomAdhyuShita.n vIra kAlakeyaishcha dAnavaiH .. 10..\\
hiraNyapuramityetatkhyAyate nagaraM mahat . 
rakShita.n kAlakeyaishcha paulomaishcha mahAsuraiH .. 11..\\
ta ete muditA nityamavadhyAH sarvadaivataiH . 
nivasantyatra rAjendra gatodvegA nirutsukAH . 
mAnuSho mR^ityureteShAM nirdiShTo brahmaNA purA .. 12..\\

 arj

surAsurairavadhyA.nstAnaha.n GYAtvA tataH prabho . 
abruvaM mAtali.n hR^iShTo yAhyetatpurama~njasA .. 13..\\
tridashesha dviSho yAvatkShayamastrairnayAmyaham . 
na katha~nciddhi me pApA na vadhyA ye suradviShaH .. 14..\\
uvAha mA.n tataH shIghra.n hiraNyapuramantikAt . 
rathena tena divyena hariyuktena mAtaliH .. 15..\\
te mAmAlakShya daiteyA vichitrAbharaNAmbarAH . 
samutpeturmahAvegA rathAnAsthAya daMshitAH .. 16..\\
tato nAlIkanArAchairbhallashaktyR^iShTi tomaraiH . 
abhyaghnandAnavendrA mA.n kruddhAstIvraparAkramAH .. 17..\\
tadaha.n chAstravarSheNa mahatA pratyavArayam . 
shastravarShaM mahadrAjanvidyA balamupAshritaH .. 18..\\
vyAmohaya.n cha tAnsarvAnrathamArgaishcharanraNe . 
te.anyonyamabhisaMmUDhAH pAtayanti sma dAnavAH .. 19..\\
teShAmaha.n vimUDhAnAmanyonyamabhidhAvatAm . 
shirA.nsi vishikhairdIptairvyahara.n shatasa~NghashaH .. 20..\\
te vadhyamAnA daiteyAH puramAsthAya tatpunaH . 
khamutpetuH sanagarA mAyAmAsthAya dAnavIm .. 21..\\
tato.aha.n sharavarSheNa mahatA pratyavArayam . 
mArgamAvR^itya daityAnA.n gatiM chaiShAmavArayam .. 22..\\
tatpura.n khacharaM divyaM kAmagaM divyavarchasam . 
daiteyairvaradAnena dhAryate sma yathAsukham .. 23..\\
antarbhUmau nipatitaM punarUrdhvaM pratiShThate . 
punastiryakprayAtyAshu punarapsu nimajjati .. 24..\\
amarAvatisa~NkAshaM pura.n kAmagamaM tu tat . 
ahamastrairbahuvidhaiH pratyagR^ihNaM narAdhipa .. 25..\\
tato.aha.n sharajAlena divyAstramuditena cha . 
nyagR^ihNa.n saha daiteyaistatpuraM bharatarShabha .. 26..\\
vikShata.n chAyasairbANairmatprayuktairajihmagaiH . 
mahImabhyapatadrAjanprabhagnaM puramAsuram .. 27..\\
te vadhyamAnA madbANairvajravegairayasmayaiH . 
paryabhramanta vai rAjannasurAH kAlachoditAH .. 28..\\
tato mAtalirapyAshu purastAtlnipatanniva . 
mahImavAtaratkShipra.n rathenAdityavarchasA .. 29..\\
tato rathasahasrANi ShaShTisteShAmamarShiNAm . 
yuyutsUnAM mayA sArdhaM paryavartanta bhArata .. 30..\\
tAnahaM nishitairbANairvyadhama.n gArdhravAjitaiH . 
te yuddhe saMnyavartanta samudrasya yathormayaH .. 31..\\
neme shakyA mAnuSheNa yuddheneti prachintya vai . 
tato.ahamAnupUrvyeNa sarvANyastrANyayojayam .. 32..\\
tatastAni sahasrANi rathAnA.n chitrayodhinAm . 
astrANi mama divyAni pratyaghna~nshanakairiva .. 33..\\
rathamArgAnvichitrA.nste vicharanto mahArathAH . 
pratyadR^ishyanta sa~NgrAme shatasho.atha sahasrashaH .. 34..\\
vichitramukuTApIDA vichitrakavacha dhvajAH . 
vichitrAbharaNAshchaiva nandayantIva me manaH .. 35..\\
aha.n tu sharavarShaistAnastrapramuditai raNe . 
nAshaknuvaM pIDayitu.n te tu mAM paryapIDayan .. 36..\\
taiH pIDyamAno bahubhiH kR^itAstraiH kushalairyudhi . 
vyathito.asmi mahAyuddhe bhaya.n chAgAnmahanmama .. 37..\\
tato.aha.n devadevAya rudrAya praNato raNe . 
svasti bhUtebhya ityuktvA mahAstra.n samayojayam . 
yattadraudramiti khyAta.n sarvAmitra vinAshanam .. 38..\\
tato.apashya.n trishirasaM puruShaM nava lochanam . 
trimukha.n ShaDbhuja.n dIptamarkajvalana mUrdhajam . 
lolihAnairmahAnAgaiH kR^itashIrShamamitrahan .. 39..\\
vibhIstatastadastra.n tu ghora.n raudraM sanAtanam . 
dR^iShTvA gANDIvasa.nyogamAnIya bharatarShabha .. 40..\\
namaskR^itvA trinetrAya sharvAyAmita tejase . 
muktavAndAnavendrANAM parAbhAvAya bhArata .. 41..\\
muktamAtre tatastasminrUpANyAsansahasrashaH . 
mR^igANAmatha si.nhAnA.n vyAghrANA.n cha vishAM pate . 
R^ikShANAM mahiShANA.n cha pannagAnAM tathA gavAm .. 42..\\
gajAnA.n sR^imarANA.n cha sharabhANAM cha sarvashaH . 
R^iShabhANA.n varAhANAM mArjArANA.n tathaiva cha . 
shAlAvR^ikANAM pretAnAM bhuruNDAnA.n cha sarvashaH .. 43..\\
gR^idhrANA.n garuDAnAM cha makarANAM tathaiva cha . 
pishAchAnA.n sayakShANA.n tathaiva cha suradviShAm .. 44..\\
guhyakAnA.n cha sa~NgrAme nairR^itAnAM tathaiva cha . 
jhaShANA.n gajavaktrANAmulUkAnAM tathaiva cha .. 45..\\
mInakUrma samUhAnAM nAnAshastrAsi pANinAm . 
tathaiva yAtu dAnAnA.n gadA mudgaradhAriNAm .. 46..\\
etaishchAnyaishcha bahubhirnAnArUpadharaistathA . 
sarvamAsIjjagadvyApta.n tasminnastre visarjite .. 47..\\
triShirobhishchaturdaMShTraishchaturAsyaishchaturbhujaiH . 
anekarUpasa.nyuktairmA.nsaM medo vasAshibhiH . 
abhIkShNa.n vadhyamAnAste dAnavA ye samAgatAH .. 48..\\
arkajvalana tejobhirvajrAshanisamaprabhaiH . 
adirsAramayaishchAnyairbANairarividAraNaiH . 
nyahana.n dAnavAnsarvAnmuhUrtenaiva bhArata .. 49..\\
gANDIvAstra praNunnA.nstAngatAsUnnabhasashchyutAn . 
dR^iShTvAhaM prANamaM bhUyastripuraghnAya vedhase .. 50..\\
tathA raudrAstra niShpiShTAndivyAbharaNabhUShitAn . 
nishAmya parama.n harShamagamaddeva sArathiH .. 51..\\
tadasahya.n kR^itaM karma devairapi durAsadam . 
dR^iShTvA mAM pUjayAmAsa mAtaliH shakrasArathiH .. 52..\\
uvAcha cheda.n vachanaM prIyamANaH kR^itA~njaliH . 
surAsurairasahya.n hi karma yatsAdhita.n tvayA . 
na hyetatsa.nyuge kartumapi shaktaH sureshvaraH .. 53..\\
surAsurairavadhya.n hi purametatkhagaM mahat . 
tvayA vimathita.n vIra svavIryAstra tapobalAt .. 54..\\
vidhvaste.atha pure tasmindAnaveShu hateShu cha . 
vinadantyaH striyaH sarvA niShpeturnagarAdbahiH .. 55..\\
prakIrNakeshyo vyathitAH kurarya iva duHkhitAH . 
petuH putrAnpitR^InbhrAtR^I~nshochamAnA mahItale .. 56..\\
rudantyo dInakaNThyastA vinadantyo hateshvarAH . 
urA.nsi pANibhirghnantyaH prasrastasragvi bhUShaNAH .. 57..\\
tachchhokayuktamashrIka.n duHkhadainya samAhatam . 
na babhau dAnava pura.n hatatviTkaM hateshvaram .. 58..\\
gandharvanagarAkAra.n hatanAgamiva hradam . 
shuShkavR^ikShamivAraNyamadR^ishyamabhavatpuram .. 59..\\
mA.n tu sa.nhR^iShTamanasaM kShipraM mAtalirAnayat . 
devarAjasya bhavana.n kR^itakarmANamAhavAt .. 60..\\
hiraNyapuramArujya nihatya cha mahAsurAn . 
nivAtakavachAMshchaiva tato.aha.n shakramAgamam .. 61..\\
mama karma cha devendraM mAtalirvistareNa tat . 
sarva.n vishrAvayAmAsa yathA bhUtaM mahAdyute .. 62..\\
hiraNyapuraghAta.n cha mAyAnAM chanivAraNam . 
nivAtakavachAnA.n cha vadha.n sa~Nkhye mahaujasAm .. 63..\\
tachchhrutvA bhagavAnprItaH sahasrAkShaH purandaraH . 
marudbhiH sahitaH shrImAnsAdhu sAdhvityathAbravIt .. 64..\\
tato mA.n devarAjo vai samAshvAsya punaH punaH . 
abravIdvibudhaiH sArdhamida.n sumadhuraM vachaH .. 65..\\
atidevAsura.n karmakR^itameta tvayA raNe . 
gurvarthashcha mahApArtha kR^itaH shatrUnghnatA mama .. 66..\\
evameva sadA bhAvya.n sthireNAjau dhana~njaya . 
asaMmUDhena chAstrANA.n kartavyaM pratipAdanam .. 67..\\
aviShahyo raNe hi tva.n devadAnavarAkShasaiH . 
sayakShAsuragandharvaiH sapakShigaNapannagaiH .. 68..\\
vasudhA.n chApi kaunteya tvadbAhubalanirjitAm . 
pAlayiShyati dharmAtmA kuntIputro yudhiShThiraH .. 69..\\
\medskip\hrule\medskip\centerline{\Largedvng 171}
 arj

tato mAmabhivishvasta.n sa.nrUDhasharavikShatam . 
devarAjo.anugR^ihyeda.n kAle vachanamabravIt .. 1..\\
divyAnyastrANi sarvANi tvayi tiShThanti bhArata . 
na tvAbhibhavitu.n shakto mAnuSho bhuvi kash chana .. 2..\\
bhIShmo droNaH kR^ipaH karNaH shakuniH saha rAjabhiH . 
sa~NgrAmasthasya te putra kalAM nArhanti ShoDashIm .. 3..\\
ida.n cha me tanutrANaM prAyachchhanmaghavAnprabhuH . 
abhedya.n kavachaM divya.n srajaM chaiva hiraNmayIm .. 4..\\
devadatta.n cha me sha~NkhaM devaH prAdAnmahAravam . 
divya.n chedaM kirITaM me svayamindro yuyoja ha .. 5..\\
tato divyAni vastrANi divyAnyAbharaNAni cha . 
prAdAchchhakro mamaitAni ruchirANi bR^ihanti cha .. 6..\\
eva.n sampUjitastatra sukhamasmyuShito nR^ipa . 
indrasya bhavane puNye gandharvashishubhiH saha .. 7..\\
tato mAmabravIchchhakraH prItimAnamaraiH saha . 
samayo.arjuna gantu.n te bhrAtaro hi smaranti te .. 8..\\
evamindrasya bhavane pa~nchavarShANi bhArata . 
uShitAni mayA rAjansmaratA dyUtaja.n kalim .. 9..\\
tato bhavantamadrAkShaM bhrAtR^ibhiH parivAritam . 
gandhamAdanamAsAdya parvatasyAsya mUrdhani .. 10..\\

 y

diShTyA dhana~njayAstrANi tvayA prAptAni bhArata . 
diShTyA chArAdhito rAjA devAnAmIshvaraH prabhuH .. 11..\\
diShTyA cha bhagavAnsthANurdevyA saha parantapa . 
sAkShAddR^iShTaH suyuddhena toShitashcha tvayAnagha .. 12..\\
diShTyA cha lokapAlaistva.n sametaslbharatarShabha . 
diShTyA vardhAmahe sarve diShTyAsi punarAgataH .. 13..\\
adya kR^itsnAmimA.n devI.n vijitAM puramAlinIm . 
manye cha dhR^itarAShTrasya putrAnapi vashIkR^itAn .. 14..\\
tAni tvichchhAmi te draShTu.n divyAnyastrANi bhArata . 
yaistathA vIryavantaste nivAtakavachA hatA .. 15..\\

 arj

shvaHprabhAte bhavAndraShTA divyAnyastrANi sarvashaH . 
nivAtakavachA ghorA yairmayA vinipAtitAH .. 16..\\

 vai

evamAgamana.n tatra kathayitvA dhana~njayaH . 
bhrAtR^ibhiH sahitaH sarvai rajanI.n tAmuvAsa ha .. 17..\\
\medskip\hrule\medskip\centerline{\Largedvng 172}
 vai

tasyA.n rajanyAM vyuShTAyA.n dharmarAjo yudhiShThiraH . 
utthAyAvashya kAryANi kR^itavAnbhratR^ibhiH saha .. 1..\\
tataH sa~ncodayAmAsa so.arjunaM bhrAtR^inandanam . 
darshayAstrANi kaunteya yairjitA dAnavAstvayA .. 2..\\
tato dhana~njayo rAjandevairdattAni pANDavaH . 
astrANi tAni divyAni darshayAmAsa bhArata .. 3..\\
yathAnyAyaM mahAtejA shauchaM paramamAsthitaH . 
girikUbaraM pAdapA~Nga.n shubhaveNutriveNukam . 
pArthiva.n rathamAsthAya shobhamAno dhana~njayaH .. 4..\\
tataH sudaMshitastena kavachena suvarchasA . 
dhanurAdAya gANDIva.n devadattaM cha vArijam .. 5..\\
shoshubhyamAnaH kaunteya AnupUrvyAnmahAbhujaH . 
astrANi tAni divyAni darshanAyopachakrame .. 6..\\
atha prayokShyamANena divyAnyastrANi tena vai . 
samAkrAntA mahI padbhyA.n samakampata sadrumA .. 7..\\
kShubhitAH saritashchaiva tathaiva cha mahodadhiH . 
shailAshchApi vyashIryanta na vavau cha samIraNaH .. 8..\\
na babhAse sahasrAMshurna jajvAla cha pAvakaH . 
na vedAH pratibhAnti sma dvijAtInA.n kathaM chana .. 9..\\
antarbhUmi gatA ye cha prANino janamejaya . 
pIDyamAnAH samutthAya pANDavaM paryavArayan .. 10..\\
vepamAnAH prA~njalayaste sarve pihitAnanAH . 
dahyamAnAstadAstraistairyAchanti sma dhana~njayam .. 11..\\
tato brahmarShayashchaiva sidhAshchaiva surarShayaH . 
ja~NgamAni cha bhUtAni sarvANyevAvatasthire .. 12..\\
rAjarShayashcha pravarAstathaiva cha divaukasaH . 
yakSharAkShasa gandharvAstathaiva cha patatriNaH .. 13..\\
tataH pitAmahashchaiva lokapAlAshcha sarvashaH . 
bhagavAMshcha mahAdevaH sagaNo.abhyAyayau tadA .. 14..\\
tato vAyurmahArAja divyairmAlyaiH sugandhibhiH . 
abhitaH pANDavAMshchitrairavachakre samantataH .. 15..\\
jagushcha gAthA vividhA gandharvAH surachoditAH . 
nanR^ituH sa~Nghashashchaiva rAjannapsarasA.n gaNAH .. 16..\\
tasmi.nstu tumule kAle nAradaH surachoditaH . 
AgamyAha vacho pArtha.n shravaNIyamidaM nR^ipa .. 17..\\
arjunArjuna mA yu~NkShva divyAnyastrANi bhArata . 
naitAni niradhiShThAne prayujyante kadA chana .. 18..\\
adhiShThAne na vAnArtaH prayu~njIta kadA chana . 
prayoge sumahAndoSho hyastrANA.n kurunandana .. 19..\\
etAni rakShyamANAni dhana~njaya yathAgamam . 
balavanti sukhArhANi bhaviShyanti na saMshayaH .. 20..\\
arakShyamANAnyetAni trailokyasyApi pANDava . 
bhavanti sma vinAshAya maivaM bhUyo kR^ithAH kva chit .. 21..\\
ajAtashatro tva.n chaiva drakShyase tAni sa.nyuge . 
yojyamAnAni pArthena dviShatAm avamardane .. 22..\\
nivAryAtha tataH pArtha.n sarve devA yathAgatam . 
jagmuranye cha ye tatra samAjagmurnararShabha .. 23..\\
teShu sarveShu kauravya pratiyAteShu pANDavAH . 
tasminneva vane hR^iShTAsta UShuH saha kR^iShNayA .. 24..\\
\medskip\hrule\medskip\centerline{\Largedvng 173}
 janam

tasminkR^itAstre rathinAM pradhAne 
pratyAgate bhavanAdvR^itra hantuH . 
ataH para.n kimakurvanta pArthAH 
sametya shUreNa dhana~njayena .. 1..\\

 vai

vaneShu teShveva tu te narendrAH 
sahArjunenendra samena vIrAH . 
tasmiMshcha shailapravare suramye 
dhaneshvarAkrIDa gatA vijahruH .. 2..\\
veshmAni tAnyapratimAni pashyan 
krIDAshcha nAnAdrumasaMnikarShAH . 
chachAra dhavI bahudhA narendraH 
so.astreShu yattaH satata.n kirITI .. 3..\\
avApya vAsaM naradeva putrAH 
prasAdaja.n vaishvaraNasya rAGYaH . 
na prANinA.n te spR^ihayanti rAja~n 
shivashcha kAlaH sa babhUva teShAm .. 4..\\
sametya pArthena yathaika rAtram 
UShuH samAstatra tadA chatasraH . 
pUrvAshcha so tA dasha pANDavAnAM 
shivA babhUvurvasatA.n vaneShu .. 5..\\
tato.abravIdvAyusutastarasvI 
jiShNushcha rAjAnamupopavishya . 
yamau cha vIrau surarAjakalpAv 
ekAntamAsthAya hitaM priya.n cha .. 6..\\
tava pratiGYA.n kururAjasatyAM 
chikIrShamANAstvadanu priya.n cha . 
tato.anugachchhAma vanAyapAsya 
suyodhana.n sAnucharaM nihantum .. 7..\\
ekA dasha.n varShamidaM vasAmaH 
suyodhanenAtta sukhAH sukhArhAH . 
ta.n va~nchayitvAdhama buddhishIlam 
aGYAtavAsa.n sukhamApnuyAmaH .. 8..\\
tavAGYayA pArthiva nirvisha~NkA 
vihAya mAna.n vicharanvanAni . 
samIpavAsena vilobhitAste 
GYAsyanti nAsmAnapakR^iShTa deshAn .. 9..\\
sa.nvatsara.n taM tu vihR^itya gUDhaM 
narAdhama.n ta.n sukhamuddharema . 
niryAtya vaira.n saphalaM sapuShpaM 
tasmai narendrAdhamapUruShAya .. 10..\\
suyodhanAyAnucharairvR^itAya 
tato mahImAhara dharmarAja . 
svargopama.n shailamima.n charadbhiH 
shakyo vihantuM naradeva shokaH .. 11..\\
kIrtishcha te bhArata puNyagandhA 
nashyeta lokeShu charAchareShu . 
tatprApya rAjya.n kurupu~NgavAnAM 
shakyaM mahatprAptamatha kriyAsh cha .. 12..\\
ida.n tu shakya.n satataM narendra 
prAptu.n tvayA yallabhase kuberAt . 
kuruShva buddhi.n dviShatA.n vadhAya 
kR^itAgasAM bhArata nigrahe cha .. 13..\\
tejastavograM na saheta rAjan 
sametya sAkShAdapi vajrapANiH . 
na hi vyathA.n jAtu kariShyatastau 
sametya devairapi dharmarAja .. 14..\\
tvadarthasiddhyarthamabhipravR^ittau 
suparNaketushcha shineshcha naptA . 
yathaiva kR^iShNo.apratimo balena 
tathaiva rAjansa shinipravIraH .. 15..\\
tavArtha siddhyarthamabhipravR^ittau 
yathaiva kR^iShNaH saha yAdavaistaiH . 
tathaiva chAvAM naradeva varya 
yamau cha vIrau kR^itinau prayoge . 
tvadarthayogaprabhava pradhAnAH 
sama.n kariShyAma parAnsametya .. 16..\\
tatastadAGYAya mataM mahAtmA 
teShA.n sa dharmasya suto variShThaH . 
pradakShiNa.n vaishravaNAdhivAsaM 
chakAra dharmArthaviduttamaujaH .. 17..\\
Amantrya veshmAni nadIH sarA.nsi 
sarvANi rakShA.nsi cha dharmarAjaH . 
yathAgataM mArgamavekShamANaH 
punargiri.n chaiva nirIkShamANaH .. 18..\\
samAptakarmA sahitaH suhR^idbhir 
jitvA sapatnAM pratilabhya rAjyam . 
shailendra bhUyastapase dhR^itAtmA 
draShTA tavAsmIti mati.n chakAra .. 19..\\
vR^itaH sa sarvairanujairdvijaish cha 
tenaiva mArgeNa patiH kurUNAm . 
uvAha chainA.n sagaNA.nstathaiva 
ghaTotkachaH parvatanirjhareShu .. 20..\\
tAnprasthitAnprItimanA maharShiH 
piteva putrAnanushiShya sarvAn . 
sa lomashaH prItamanA jagAma 
divaukasAM puNyatamaM nivAsam .. 21..\\
tenAnushiShTArShTiSheNena chaiva 
tIrthAni ramyANi tapovanAni . 
mahAnti chAnyAni sarA.nsi pArthAH 
sampashyamAnAH prayayurnarAgryAH .. 22..\\
\medskip\hrule\medskip\centerline{\Largedvng 174}
 vai

nagottamaM prasravaNairupetaM 
dishA.n gajaiH kiMnarapakShibhish cha . 
sukhaM nivAsa.n jahatA.n hi teShAM 
na prItirAsIdbharatarShabhANAm .. 1..\\
tatastu teShAM punareva harShaH 
kailAsamAlokya mahAnbabhUva . 
kubera kAntaM bharatarShabhANAM 
mahIdhara.n vAridharaprakAsham .. 2..\\
samuchchhrayAnparvatasaMnirodhAn 
goShThAngirINA.n girisetumAlAH . 
bahUnprapAtAMshcha samIkShya vIrAH 
sthalAni nimnAni cha tatra tatra .. 3..\\
tathaiva chAnyAni mahAvanAni 
mR^igadvijAnekapa sevitAni . 
Alokayanto.abhiyayuH pratItAs 
te dhanvinaH khaDgadharA narAgryAH .. 4..\\
vanAni ramyANi sarA.nsi nadyo 
guhA girINA.n girigahvarANi . 
ete nivAsAH satataM babhUvur 
nishAnishaM prApya nararShabhANAm .. 5..\\
te durga vAsaM bahudhA niruShya 
vyatItya kailAsamachintyarUpam . 
Aseduratyartha manorama.n vai 
tamAshramAgrya.n vR^iShaparvaNaste .. 6..\\
sametya rAGYA vR^iShaparvaNaste 
pratyarchitAstena cha vItamohAH . 
shasha.nsire vistarashaH pravAsaM 
shiva.n yathAvadvR^iShaparvaNaste .. 7..\\
sukhoShitAstatra ta ekarAtraM 
puNyAshrame devamaharShijuShTe . 
abhyAyayuste badarI.n vishAlAM 
sukhena vIrAH punareva vAsam .. 8..\\
UShustatastatra mahAnubhAvA 
nArAyaNa sthAnagatA narAgryAH . 
kubera kAntAM nalinI.n vishokAH 
sampashyamAnAH surasiddhajuShTAm .. 9..\\
tA.n chAtha dR^iShTvA nalinI.n vishokAH 
pANDoH sutAH sarvanarapravIrAH . 
te remire nandanavAsametya 
dvijarShayo vItabhayA yathaiva .. 10..\\
tataH krameNopayayurnR^ivIrA 
yathAgatenaiva pathA samagrAH . 
vihR^itya mAsa.n sukhino badaryAM 
kirAta rAGYo viShaya.n subAhoH .. 11..\\
chInA.nstukhArAndaradAnsadArvAn 
deshAnkuNindasya cha bhUri ratnAn . 
atItya durga.n himavatpradeshaM 
pura.n subAhordadR^ishurnR^ivIrAH .. 12..\\
shrutvA cha tAnpArthiva putrapautrAn 
prAptAnsubAhurviShaye samagrAn . 
pratyudyayau prItiyutaH sa rAjA 
ta.n chAbhyanandanvR^iShabhAH kurUNAm .. 13..\\
sametya rAGYA tu subAhunA te 
sUtairvishoka pramukhaishcha sarvaiH . 
sahendrasenaiH parichArakaish cha 
paurogavairye cha mahAnasasthAH .. 14..\\
sukhoShitAstatra ta ekarAtraM 
sutAnupAdAya rathAMshcha sarvAn . 
ghaTotkacha.n sAnucharaM visR^ijya 
tato.abhyayuryAmunamadrirAjam .. 15..\\
tasmingirau prasravaNopapanne 
himottarIyAruNa pANDusAnau . 
vishAkha yUpa.n samupetya chakrus 
tadA nivAsaM puruShapravIrAH .. 16..\\
varAhanAnAmR^igapakShijuShTaM 
mahadvana.n chaitraratha prakAsham . 
shivena yAtvA mR^igayA pradhAnAH 
sa.nvatsara.n tatra vane vijahruH .. 17..\\
tatrAsasAdAtibalaM bhuja~NgaM 
kShudhArditaM mR^ityumivograrUpam . 
vR^ikodaraH parvata kandarAyAM 
viShAdamohavyathitAntarAtmA .. 18..\\
dvIpo.abhavadyatra vR^ikodarasya 
yudhiShThiro dharmabhR^itA.n variShThaH . 
amokShayadyastamananta tejA 
grAheNa sa.nveShThita sarvagAtram .. 19..\\
te dvAdasha.n varShamathopayAntaM 
vane vihartu.n kuravaH pratItAH . 
tasmAdvanAchchaitraratha prakAshAch 
chhriyA jvalantastapasA cha yuktAH .. 20..\\
tatashcha yAtvA marudhanva pArshvaM 
sadA dhanurveda ratipradhAnAH . 
sarasvatImetya nivAsakAmAH 
sarastato dvaitavanaM pratIyuH .. 21..\\
samIkShya tAndaitavane niviShTAn 
nivAsinastatra tato.abhijagmuH . 
tapo damAchAra samAdhiyuktAs 
tR^iNoda pAtrAharaNAshma kuTTAH .. 22..\\
plakShAkSha rauhItaka vetasAsh cha 
snuhA badaryaH khadirAH shirIShAH . 
bilve~NgudAH pIlu shamI karIrAH 
sarasvatI tIraruhA babhUvuH .. 23..\\
tA.n yakShagandharvamaharShikAntAm 
AyAga bhUtAmiva devatAnAm . 
sarasvatIM prItiyutAshcharantaH 
sukha.n vijahrurnaradeva putrAH .. 24..\\
\medskip\hrule\medskip\centerline{\Largedvng 175}
 janam

kathaM nAgAyutaprANo bhImaseno mahAbalaH . 
bhayamAhArayattIvra.n tasmAdajagarAnmune .. 1..\\
paulastya yo.a.ahvayadyuddhe dhanadaM baladarpitaH . 
nalinyA.n kadanaM kR^itvA varANA.n yakSharakShasAm .. 2..\\
ta.n sha.nsasi bhayAviShTamApannamarikarShaNam . 
etadichchhAmyaha.n shrotuM para.n kautUhalaM hi me .. 3..\\

 vai

bahvAshcharye vane teShA.n vasatAmugradhanvinAm . 
prAptAnAmAshramAdrAjanrAjarShervR^iShaparvaNaH .. 4..\\
yadR^ichchhayA dhanuH pAnirbaddhakhaDgo vR^ikodaraH . 
dadarsha tadvana.n ramyadevagandharvasevitam .. 5..\\
sa dadarsha shubhAndeshAngirerhimavatastadA . 
devarShisiddhacharitAnapsarogaNasevitAn .. 6..\\
chakoraishchakravAkaishcha pakShibhirjIva jIvikaiH . 
kolikairbhR^i~NgarAjaishcha tatra tatra vinAditAn .. 7..\\
nityapuShpaphalairvR^ikShairhimasa.nsparsha komalaiH . 
upetAnbahula chhAyairmano nayananandanaiH .. 8..\\
sa sampashyangirinadIrvaiDUdya maNisaMnibhaiH . 
salilairhimasa.nsparshairha.nsakAraNDavAyutaiH .. 9..\\
vanAni devadArUNAM meghAnAmiva vAgurAH . 
harichandana mishrANi tu~NgakAlIyakAnyapi .. 10..\\
mR^igayAM paridhAvansa sameShu marudhanvasu . 
vidhyanmR^igA~nsharaiH shuddhaishchachAra sumahAbalaH .. 11..\\
sa dadarsha mahAkAyaM bhuja~Nga.n lomaharShaNam . 
giridurge samApanna.n kAyenAvR^itya kandaram .. 12..\\
parvatAbhogavarShmANaM bhogaishchandrArkamaNDalaiH . 
chitrA~NgamajinaishchitrairharidrA sadR^ishachhavim .. 13..\\
guhAkAreNa vaktreNa chaturdaMShTreNa rAjatA . 
dIptAkSheNAtitAmreNa lihanta.n sR^ikkiNI muhuH .. 14..\\
trAsana.n sarvabhUtAnA.n kAlAntakayamopamam . 
niHshvAsakShveDa nAdena bhartsayantamiva sthitam .. 15..\\
sa bhIma sahasAbhyetya pR^idAkuH kShudhito bhR^isham . 
jagrAhAjagaro grAho bhujayorubhayorbalAt .. 16..\\
tena sa.nspR^iShTa mAtrasya bhimasenasya vai tadA . 
sa~nj~nA mumoha sahasA varadAnena tasya ha .. 17..\\
dashanAgasahasrANi dhArayanti hi yadbalam . 
tadbalaM bhImasenasya bhujayorasamaM paraiH .. 18..\\
sa tejasvI tathA tena bhujagena vashIkR^itaH . 
visphura~nshanakairbhImo na shashAka vicheShTitum .. 19..\\
nAgAyuta samaprANaH si.nhaskandho mahAbhujaH . 
gR^ihIto vyajahAtsattva.n varadAnena mohitaH .. 20..\\
sa hi prayatnamakarottIvramAtmavimokShaNe . 
na chainamashakadvIraH katha.n chitpratibAdhitum .. 21..\\
\medskip\hrule\medskip\centerline{\Largedvng 176}
 vai

sa bhImasenastejasvI tathA sarpavasha.n gataH . 
chintayAmAsa sarpasya vIryamatyadbhutaM mahat .. 1..\\
uvAcha cha mahAsarpa.n kAmayA brUhi pannaga . 
kastvaM bho bhujaga shreShTha kiM mayA cha kariShyasi .. 2..\\
pANDavo bhimaseno.aha.n dharmarAjAdanantaraH . 
nAgAyuta samaprANo tvayA nItaH katha.n vasham .. 3..\\
si.nhAH kesariNo vyAghrA mahiShA vAraNAstathA . 
samAgatAshcha bahusho nihatAshcha mayA mR^idhe .. 4..\\
dAnavAshcha pishAchAshcha rAkShasAshcha mahAbalAH . 
bhujavegamashaktA me soDhuM pannagasattama .. 5..\\
kiM nu vidyA bala.n ki.n vA varadAnamatho tava . 
udyogamapi kurvANo vashago.asmi kR^itastvayA .. 6..\\
asatyo vikramo nR^INAmiti me nishchitA matiH . 
yathedaM me tvayA nAgabalaM pratihataM mahat .. 7..\\
ityeva.n vAdinaM vIraM bhImamakliShTakAriNam . 
bhogena mahatA sarpaH samantAtparyaveShTayat .. 8..\\
nigR^ihya taM mahAbAhu.n tataH sa bhujagastadA . 
vimuchyAsya bhujau pInAvida.n vachanamabravIt .. 9..\\
diShTyA tva.n kShudhitasyAdya devairbhakSho mahAbhuja . 
diShTyA kAlasya mahataH priyAH prANA hi dehinAm .. 10..\\
yathA tvidaM mayA prAptaM bhuja~Ngatvamarindama . 
tadavashyaM mayA khyApya.n tavAdya shR^iNu sattama .. 11..\\
imAmavasthA.n samprApto hyaha.n kopAnmanIShiNAm . 
shApasyAntaM pariprepsuH sarpasya kathayAmi tat .. 12..\\
nahuSho nAma rAjarShirvyakta.n te shrotramAgataH . 
tavaiva pUrvaH pUrveShAmAyorvaMshakaraH sutaH .. 13..\\
so.aha.n shApAdagastyasya brAhmaNAnavamanya cha . 
imAmavasthAmApannaH pashya daivamidaM mama .. 14..\\
tvA.n chedavadhyamAyAntamatIva priyadarshanam . 
ahamadyopayokShyAmi vidhAnaM pashya yAdR^isham .. 15..\\
na hi me muchyate kashchitkatha.n chidgrahaNaM gataH . 
gajo vA mahiSho vApi ShaShThe kAle narottama .. 16..\\
nAsi kevalasarpeNa tiryagyoniShu vartatA . 
gR^ihItaH kauravashreShTha varadAnamidaM mama .. 17..\\
patatA hi vimAnAgrAnmayA shakrAsanAddrutam . 
kuru shApAntamityukto bhagavAnmunisattamaH .. 18..\\
sa mAmuvAcha tejasvI kR^ipayAbhipariplutaH . 
mokShaste bhavitA rAjankasmAchchitkAlaparyayAt .. 19..\\
tato.asmi patito bhUmau na cha mAmajahAtsmR^itiH . 
smArtamasti purANaM me yathaivAdhigata.n tathA .. 20..\\
yastu te vyAhR^itAnprashnAnpratibrUyAdvisheShavit . 
sa tvAM mokShayitA shApAditi mAmabravIdR^iShiH .. 21..\\
gR^ihItasya tvayA rAjanprANino.api balIyasaH . 
sattvabhraMsho.adhikasyApi sarvasyAshu bhaviShyati .. 22..\\
iti chApyahamashrauSha.n vachasteShA.n dayAvatAm . 
mayi sa~njAtahArdAnAmatha te.antarhitA dvijAH .. 23..\\
so.ahaM paramaduShkarmA vasAmi niraye.ashuchau . 
sarpayonimimAM prApya kAlAkA~NkShI mahAdyute .. 24..\\
tamuvAcha mahAbAhurbhImaseno bhuja~Ngamam . 
na te kupye mahAsarpana chAtmAna.n vigarhaye .. 25..\\
yasmAdabhAvI bhAvI vA manuShyaH sukhaduHkhayoH . 
Agame yadi vApAye na tatra grapayenmanaH .. 26..\\
daivaM puruShakAreNa ko nivartitumarhati . 
daivameva paraM manye puruShArtho nirarthakaH .. 27..\\
pashya daipopaghAtAddhi bhujavIryavyapAshrayam . 
imAmavasthA.n samprAptamanimittamihAdya mAm .. 28..\\
ki.n tu nAdyAnushochAmi tathAtmAna.n vinAshitam . 
yathA tu vipine nyastAnbhrAtR^InrAjyaparichyutAn .. 29..\\
himavAMshcha sudurgo.aya.n yakSharAkShasa sa~NkulaH . 
mA.n cha te samudIkShantaH prapatiShyanti vihvalAH .. 30..\\
vinaShTamatha vA shrutvA bhaviShyanti nirudyamAH . 
dharmashIlA mayA tehi bAdhyante rAjyagR^iddhinA .. 31..\\
atha vA nArjuno dhImAnviShAdamupayAsyati . 
sarvAstravidanAdhR^iShyo devagandharvarAkShasaiH .. 32..\\
samarthaH sa mahAbAhurekAhnA samahA balaH . 
devarAjamapi sthAnAtprachyAvayitumojasA .. 33..\\
kiM punardhR^itarAShTrasya putra.n durdyUta devinam . 
vidviShTa.n sarvalokasya dambhalobha parAyaNam .. 34..\\
mAtara.n chaiva shochAmi kR^ipaNAM putragR^iddhinIm . 
yasmAkaM nityamAshAste mahattvamadhikaM paraiH .. 35..\\
kathaM nu tasyAnAthAyA madvinAshAdbhuja~Ngama . 
aphalAste bhaviShyanti mayi sarve manorathAH .. 36..\\
nakulaH sahadevash cha yamajau guruvartinau . 
madbAhubalasa.nstabdhau nityaM puruShamAninau .. 37..\\
nirutsAhau bhaviShyete bhraShTavIryaparAkramau . 
madvinAshAtparidyUnAviti me vartate matiH .. 38..\\
eva.nvidhaM bahu tadA vilalApa vR^ikodaraH . 
bhuja~Ngabhoga sa.nruddho nAshakachcha vicheShTitum .. 39..\\
yudhiShThirastu kaunteya babhUvAsvastha chetanaH . 
aniShTa darshanAnghorAnutpAtAnparichintayan .. 40..\\
dAruNa.n hyashivaM nAdaM shivA dakShiNataH sthitA . 
dIptAyA.n dishi vitrastA rauti tasyAshramasya ha .. 41..\\
ekapakShAkShi charaNA vartikA ghoradarshanA . 
rudhira.n vamantI dadR^ishe pratyAdityamapasvarA .. 42..\\
pravavAvanilo rUkShashchaNDaH sharkara karShaNaH . 
apasavyAni sarvANi mR^igapakShirutAni cha .. 43..\\
pR^iShThato vAyasaH kR^iShNo yAhi yAhIti vAshati . 
muhurmuhuH prasphurati dakShiNo.asya bhujastathA .. 44..\\
hR^idaya.n charaNashchApi vAmo.asya parivartate . 
savyasyAkShNo vikArashchApyaniShTaH samapadyata .. 45..\\
sa dharmarAjo medhAvI sha~NkamAno mahadbhayam . 
draupadIM paripaprachchha kva bhIma iti bhArata .. 46..\\
shasha.nsa tasmai pA~nchAlI chirayAta.n vR^ikodaram . 
sa pratasthe mahAbAhurdhaumyena sahito nR^ipaH .. 47..\\
draupadyA rakShaNa.n kAryamityuvAcha dhana~njayam . 
nakula.n sahadeva.n cha vyAdidesha dvijAnprati .. 48..\\
sa tasya padamunnIya tasmAdevAshramAtprabhuH . 
dadarsha pR^ithivI.n chihnairbhImasya parichihnitAm .. 49..\\
dhAvatastasya vIrasya mR^igArthe vAtara.nhasaH . 
UruvAtavinirbhagnAndrumAnvyAvartitAnpathi .. 50..\\
sa gatvA taistadA chihnairdadarsha girigahvare . 
gR^ihItaM bhujagendreNa nishcheShTamanuja.n tathA .. 51..\\
\medskip\hrule\medskip\centerline{\Largedvng 177}
 vai

yudhiShThirastamAsAdya sarpabhogAbhiveShTitam . 
dayitaM bhratara.n vIramidaM vachanamabravIt .. 1..\\
kuntI mAtaH kathamimAmApada.n tvamavAptavAn . 
kashchAyaM parvatAbhogapratimaH pannagottamaH .. 2..\\
sa dharmarAjamAlakShya bhrAtA bhrAtaramagrajam . 
kathayAmAsa tatsarva.n grahaNAdi vicheShTitam .. 3..\\

 y

devo vA yadi vA daitya urago vA bhavAnyadi . 
satya.n sarpavacho brUhi pR^ichchhati tvAM yudhiShThiraH .. 4..\\
kimAhR^itya viditvA vA prItiste syAdbhuja~Ngama . 
kimAhAraM prayachchhAmi kathaM mu~nchedbhavAnimam .. 5..\\

 sarpa

nahuSho nAma rAjAhamAsaM pUrvastavAnagha . 
prathitaH pa~nchamaH somAdAyoHputro narAdhipa .. 6..\\
kratubhistapasA chaiva svAdhyAyena damena cha . 
trailokyaishvaryamavyagraM prApto vikramaNena cha .. 7..\\
tadaishvarya.n samAsAdya darpo mAmagamattadA . 
sahasra.n hi dvijAtInAmuvAha shibilAM mama .. 8..\\
aishvaryamadamatto.ahamavamanya tato dvijAn . 
imAmagastyena dashAmAnItaH pR^ithivIpate .. 9..\\
na tu mAmajahAtpraGYA yAvadadyeti pANDava . 
tasyaivAnugrahAdrAjannagastyasya mahAtmanaH .. 10..\\
ShaShThe kAle mamAhAraH prApto.ayamanujastava . 
nAhamena.n vimokShyAmi na chAnyamabhikAmaye .. 11..\\
prashnAnuchchAritA.nstu tva.n vyAhariShyasi chenmama . 
atha pashchAdvimokShyAmi bhrAtara.n te vR^ikodaram .. 12..\\

 y

brUhi sarpayathAkAmaM prativakShyAmi te vachaH . 
api chechchhaknuyAM prItimAhartu.n te bhuja~Ngama .. 13..\\
vedya.n yadbrAhmaNeneha tadbhavAnvetti kevalam . 
sarparAjatataH shrutvA prativakShyAmi te vachaH .. 14..\\

 sarpa

brAhmaNaH ko bhavedrAjanvedya.n kiM cha yudhiShThira . 
bravIhyatimati.n tvA.n hi vAkyairanumimImahe .. 15..\\

 y

satya.n dAnaM kShamA shIlamAnR^isha.nsyaM damo ghR^iNA . 
dR^ishyante yatra nAgendra sa brAhmaNa iti smR^itaH .. 16..\\
vedya.n sarpaparaM brahma nirduHkhamasukha.n cha yat . 
yatra gatvA na shochanti bhavataH ki.n vivakShitam .. 17..\\

 sarpa

chAturvarNyaM pramANa.n cha satyaM cha brahma chaiva ha . 
shUdreShvapi cha satya.n cha dAnamakrodha eva cha . 
AnR^isha.nsyamahi.nsA cha ghR^iNA chaiva yudhiShThira .. 18..\\
vedya.n yachchAtha nirduHkhamasukha.n cha narAdhipa . 
tAbhyA.n hInaM pada.n chAnyanna tadastIti lakShaye .. 19..\\

 y

shUdre chaitadbhavellakShya.n dvije tachcha na vidyate . 
na vai shUdro bhavechchhUdro brAhmaNo na cha brAhmaNaH .. 20..\\
yatraitallakShyate sarpavR^itta.n sa brAhmaNaH smR^itaH . 
yatraitanna bhavetsarpata.n shUdramiti nirdishet .. 21..\\
yatpunarbhavatA proktaM na vedya.n vidyateti ha . 
tAbhyA.n hInamatItyAtra padaM nAstIti chedapi .. 22..\\
evametanmata.n sarpatAbhyAM hInaM na vidyate . 
yathA shItoShNayormadhye bhavennoShNaM na shItatA .. 23..\\
eva.n vai sukhaduHkhAbhyAM hInamasti pada.n kva chit . 
eShA mama matiH sarpayathA vA manyate bhavAn .. 24..\\

 sarpa

yadi te vR^ittato rAjanbrAhmaNaH prasamIkShitaH . 
vyarthA jAtistadAyuShmankR^itiryAvanna dR^ishyate .. 25..\\

 y

jAtiratra mahAsarpamanuShyatve mahAmate . 
sa~NkarAtsarvavarNAnA.n duShparIkShyeti me matiH .. 26..\\
sarve sarvAsvapatyAni janayanti yadA narAH . 
vAnmaithunamatho janma maraNa.n cha samaM nR^iNAm .. 27..\\
idamArShaM pramANa.n cha ye yajAmaha ityapi . 
tasmAchchhIlaM pradhAneShTa.n vidurye tattvadarshinaH .. 28..\\
prAnnnnAbhirvardhanAtpu.nso jAtakarma vidhIyate . 
tatrAsya mAtA sAvitrI pitA tvAchArya uchyate .. 29..\\
vR^ittyA shUdra samo hyeSha yAvadvede na jAyate . 
asminnevaM matidvaidhe manuH svAyambhuvo.abravIt .. 30..\\
kR^itakR^ityAH punarvarNA yadi vR^ittaM na vidyate . 
sa~Nkarastatra nAgendra balavAnprasamIkShitaH .. 31..\\
yatredAnIM mahAsarpasa.nskR^ita.n vR^ittamiShyate . 
taM brAhmaNamahaM pUrvamuktavAnbhujagottama .. 32..\\

 sarpa

shruta.n viditavedyasya tava vAkyaM yudhiShThira . 
bhakShayeyamaha.n kasmAdbhrAtaraM te vR^ikodaram .. 33..\\
\medskip\hrule\medskip\centerline{\Largedvng 178}
 y

bhavAnetAdR^isho loke vedavedA~NgapAragaH . 
brUhi ki.n kurvataH karma bhavedgatiranuttamA .. 1..\\

 sarpa

pAtre dattvA priyANyuktvA satyamuktvA cha bhArata . 
ahi.nsA nirataH svarga.n gachchhediti matirmama .. 2..\\

 y

dAnAdvA sarpasatyAdvA kimato guru dR^ishyate . 
ahi.nsA priyayoshchaiva gurulAghavamuchyatAm .. 3..\\

 sarpa

dAne ratatva.n satya.n cha ahi.nsA priyameva cha . 
eShA.n kAryagarIyastvAddR^ishyate gurulAghavam .. 4..\\
kasmAchchiddAnayogAddhi satyameva vishiShyate . 
satyavAkyAchcha rAjendra ki.n chiddAna.n vishiShyate .. 5..\\
evameva maheShvAsa priyavAkyAnmahIpate . 
ahi.nsA dR^ishyate gurvI tatashcha priyamiShyate .. 6..\\
evametadbhavedrAjankAryApekShamanantaram . 
yadabhipretamanyatte brUhi yAvadbravImyaham .. 7..\\

 y

katha.n svarge gatiH sarpakarmaNA.n cha phalaM dhruvam . 
asharIrasya dR^ishyeta viShayAMshcha bravIhi me .. 8..\\

 sarpa

tisro vai gatayo rAjanparidR^iShTAH svakarmabhiH . 
mAnuShya.n svargavAsashcha tiryagyonishcha tattridhA .. 9..\\
tatra vai mAnuShAllokAddAnAdibhiratandritaH . 
ahi.nsArtha samAyuktaiH kAraNaiH svargamashnute .. 10..\\
viparItaishcha rAjendra kAraNairmAnuSho bhavet . 
tiryagyonistathA tAta visheShashchAtra vakShyate .. 11..\\
kAmakrodhasamAyukto hi.nsA lobhasamanvitaH . 
manuShyatvAtparibhraShTastiryagyonau prasUyate .. 12..\\
tiryagyonyAM pR^ithagbhAvo manuShyatve vidhIyate . 
gavAdibhyastathAshvebhyo devatvamapi dR^ishyate .. 13..\\
so.ayametA gatIH sarvA jantushcharati kAryavAn . 
nitye mahati chAtmAnamavasthApayate nR^ipa .. 14..\\
jAto jAtashcha balavAnbhu~Nkte chAtmA sa dehavAn . 
phalArthastAta niShpR^iktaH prajA lakShaNabhAvanaH .. 15..\\

 y

shabde sparshe cha rUpe cha tathaiva rasagandhayoH . 
tasyAdhiShThAnamavyagraM brUhi sarpayathAtatham .. 16..\\
kiM na gR^ihNAsi viShayAnyugapattvaM mahAmate . 
etAvaduchyatA.n chokta.n sarvaM pannagasattama .. 17..\\

 sarpa

yadAtmadravyamAyuShmandehasaMshrayaNAnvitam . 
karaNAdhiShThitaM bhogAnupabhu~Nkte yathAvidhi .. 18..\\
GYAna.n chaivAtra buddhishcha mano cha bharatarShabha . 
tasya bhogAdhikaraNe karaNAni nibodha me .. 19..\\
manasA tAta paryeti kramasho viShayAnimAn . 
viShayAyatanasthena bhUtAtmA kShetraniHsR^itaH .. 20..\\
atra chApi naravyAghra mano jantorvidhIyate . 
tasmAdyugapadasyAtra grahaNaM nopapadyate .. 21..\\
sa AtmA puruShavyAghra bhruvorantaramAshritaH . 
dravyeShu sR^ijate buddhi.n vividheShu parAvaram .. 22..\\
buddheruttarakAla.n cha vedanA dR^ishyate budhaiH . 
eSha vai rAjashArdUla vidhiH kShetraGYabhAvanaH .. 23..\\

 y

manaso chApi buddheshcha brUhi me lakShaNaM param . 
etadadhyAtmaviduShAM para.n kArya.n vidhIyate .. 24..\\

 sarpa

buddhirAtmAnugA tAta utpAtena vidhIyate . 
tadAshritA hi sa~nj~naiShA vidhistasyaiShaNe bhavet .. 25..\\
buddherguNavidhirnAsti manastu guNavadbhavet . 
buddhirutpadyate kArye manastUtpannameva hi .. 26..\\
etadvisheShaNa.n tAta mano buddhyormayeritam . 
tvamapyatrAbhisambuddhaH katha.n vA manyate bhavAn .. 27..\\

 y

aho buddhimatA.n shreShTha shubhA buddhiriya.n tava . 
vidita.n veditavya.n te kasmAnmAmanupR^ichchhasi .. 28..\\
sarvaGYa.n tvAM kathaM moha AvishatsvargavAsinam . 
evamadbhutakarmANamiti me saMshayo mahAn .. 29..\\

 sarpa

supraGYamapi chechchhUramR^iddhirmohayate naram . 
vartamAnaH sukhe sarvo nAvaitIti matirmama .. 30..\\
so.ahamaishvaryamohena madAviShTo yudhiShThira . 
patitaH pratisambuddhastvA.n tu sambodhayAmyaham .. 31..\\
kR^ita.n kAryaM mahArAja tvayA mama parantapa . 
kShINaH shApaH sukR^ichchhro me tvayA sambhAShya sAdhunA .. 32..\\
aha.n hi divi divyena vimAnena charanpurA . 
abhimAnena mattaH sanka.n chinnAnyamachintayam .. 33..\\
brahmarShidevagandharvayakSharAkShasa kiMnarAH . 
karAnmama prayachchhanti sarve trailokyavAsinaH .. 34..\\
chakShuShA yaM prapashyAmi prANinaM pR^ithivIpatau . 
tasya tejo harAmyAshu taddhi dR^iShTibalaM mama .. 35..\\
brahmarShINA.n sahasraM hi uvAha shibikAM mama . 
sa mAmapanayo rAjanbhraMshayAmAsa vai shriyaH .. 36..\\
tatra hyagastyaH pAdena vahanpR^iShTo mayA muniH . 
adR^iShTena tato.asmyukto dhva.nsa sarpeti vai ruShA .. 37..\\
tatastasmAdvimAnAgrAtprachyutashchyuta bhUShaNaH . 
prapatanbubudhe.a.atmAna.n vyAlI bhUtamadhomukham .. 38..\\
ayAcha.n tamaha.n vipraM shApasyAnto bhavediti . 
aGYAnAtsampravR^ittasya bhagavankShantumarhasi .. 39..\\
tataH sa mAmuvAchedaM prapatanta.n kR^ipAnvitaH . 
yudhiShThiro dharmarAjaH shApAttvAM mokShayiShyati .. 40..\\
abhimAnasya ghorasya balasya cha narAdhipa . 
phale kShINe mahArAja phalaM puNyamavApsyasi .. 41..\\
tato me vismayo jAtastaddR^iShTvA tapaso balam . 
brahma cha brAhmaNatva.n cha yena tvAhamachUchudam .. 42..\\
satya.n damastapoyogamahi.nsA dAnanityatA . 
sAdhakAni sadA pu.nsAM na jAtirna kulaM nR^ipa .. 43..\\
ariShTa eSha te bhrAtA bhImo mukto mahAbhujaH . 
svasti te.astu mahArAja gamiShyAmi divaM punaH .. 44..\\

 vai

ityuktvAjagara.n dehaM tyaktvA sa nahuSho nR^ipaH . 
divya.n vapuH samAsthAya gatastridivameva ha .. 45..\\
yudhiShThiro.api dharmAtmA bhrAtrA bhImena sa~NgataH . 
dhaumyena sahitaH shrImAnAshramaM punarabhyagAt .. 46..\\
tato dvijebhyaH sarvebhyaH sametebhyo yathAtatham . 
kathayAmAsa tatsarva.n dharmarAjo yudhiShThiraH .. 47..\\
tachchhrutvA te dvijAH sarve bhrAtarashchAsya te trayaH . 
AsansuvrIDitA rAjandraupadI cha yashasvinI .. 48..\\
te tu sarve dvijashreShThAH pANDavAnA.n hitepsayA . 
maivamityabruvanbhIma.n garhayanto.asya sAhasam .. 49..\\
pANDavAstu bhayAnmuktaM prekShya bhImaM mahAbalam . 
harShamAhArayA.n chakrurvijahrushcha mudA yutAH .. 50..\\
\medskip\hrule\medskip\centerline{\Largedvng 179}
 vai

nidAghAntakaraH kAlaH sarvabhUtasukhAvahaH . 
tatraiva vasatA.n teShAM prAvR^iT samabhipadyata .. 1..\\
chhAdayanto mahAghoShAH kha.n dishashcha balAhakAH . 
pravavarShurdivArAtramasitAH satata.n tadA .. 2..\\
tapAtyaya niketAshcha shatasho.atha sahasrashaH . 
apetArka prabhA jAlAH savidyudvimalaprabhAH .. 3..\\
virUDha shaShpA pR^ithivI mattadaMsha sarIsR^ipA . 
babhUva payasA siktA shAntadhUmarajo.aruNA .. 4..\\
na sma praGYAyate ki.n chidambhasA samavastR^ite . 
sama.n vA viShamaM vApi nadyo vA sthAvarANi vA .. 5..\\
kShubdhatoyA mahAghoShAH shvasamAnA ivAshugAH . 
sindhavaH shobhayA.n chakruH kAnanAni tapAtyaye .. 6..\\
nadatA.n kAnanAnteShu shrUyante vividhAH svanAH . 
vR^iShTibhistADyamAnAnA.n varAhamR^igapakShiNAm .. 7..\\
stokatAH shikhinashchaiva pu.nskokila gaNaiH saha . 
mattAH paripatanti sma dardurAshchaiva darpitAH .. 8..\\
tathA bahuvidhAkArA prAvR^iShmeghAnunAditA . 
abhyatItA shivA teShA.n charatAM marudhanvasu .. 9..\\
krau~ncha ha.nsagaNAkIrNA sharatpraNihitAbhavat . 
rUDdha kakShavanaprasthA prasannajalanimnagA .. 10..\\
vimalAkAsha nakShatrA sharatteShA.n shivAbhavat . 
mR^igadvijasamAkIrNA pANDavAnAM mahAtmanAm .. 11..\\
pashyantaH shAntarajasaH kShapA jaladashItalAH . 
grahanakShatrasa~Nghaishcha somena cha virAjitAH .. 12..\\
kumudaiH puNDarIkaishcha shItavAri dharAH shivAH . 
nadIH puShkariNIshchaiva dadR^ishuH samala~NkR^itAH .. 13..\\
AkAshanIkAsha taTAM nIpa nIvAra sa~NkulAm . 
babhUva charatA.n harShaH puNyatIrthAM sarasvatIm .. 14..\\
te vai mumudire vIrAH prasannasalilA.n shivAm . 
pashyanto dR^iDhadhanvAnaH paripUrNA.n sarasvatIm .. 15..\\
teShAM puNyatamA rAtriH parva sandhau sma shAradI . 
tatraiva vasatAmAsItkArtikI janamejaya .. 16..\\
puNyakR^idbhirmahAsattvaistApasaiH saha pANDavAH . 
tatsarvaM bharatashreShThAH samUhuryogamuttamam .. 17..\\
tamisrAbhyudite tasmindhaumyena saha pANDavAH . 
sUtaiH paurogavaishchaiva kAmyakaM prayayurvanam .. 18..\\
\medskip\hrule\medskip\centerline{\Largedvng 180}
 vai

kAmyakaM prApya kaunteyA yudhiShThirapurogamAH . 
kR^itAtithyA munigaNairniSheduH saha kR^iShNayA .. 1..\\
tatastAnparivishvastAnvasataH pANDunandanAn . 
brAhmaNA bahavastatra samantAtparyavArayan .. 2..\\
athAbravIddvijaH kashchidarjunasya priyaH sakhA . 
eShyatIha mahAbAhurvashIshaurirudAradhIH .. 3..\\
viditA hi hareryUyamihAyAtAH kurUdvahAH . 
sadA hi darshanAkA~NkShI shreyo.anveShI cha vo hariH .. 4..\\
bahu vatsara jIvI cha mArkaNDeyo mahAtapaH . 
svAdhyAyatapasA yuktaH kShipra.n yuShmAnsameShyati .. 5..\\
tathaiva tasya bruvataH pratyadR^iShyata keshavaH . 
sai~Nkya sugrIva yuktena rathena rathinA.n varaH .. 6..\\
maghavAniva paulomyA sahitaH satyabhAmayA . 
upAyAddevakIputro didR^ikShuH kurusattamAn .. 7..\\
avatIrya rathAtkR^iShNo dharmarAja.n yathAvidhi . 
vavande mudito dhImAnbhIma.n cha balinA.n varam .. 8..\\
pUjayAmAsa daumya.n cha yamAbhyAmabhivAditaH . 
pariShvajya guDAkesha.n draupadIM paryasAntvayat .. 9..\\
sa dR^iShTvA phalguna.n vIra.n chirasya priyamAgatam . 
paryaShvajata dAshArhaH punaH punararindamam .. 10..\\
tathaiva satyabhAmApi draupadIM pariShasvaje . 
pANDavAnAM priyaM bhAryA.n kR^iShNasya mahiShI priyA .. 11..\\
tataste pANDavAH sarve sabhAryAH sapurohitAH . 
AnarchuH puNDarIkAkShaM parivavrushcha sarvashaH .. 12..\\
kR^iShNastu pArthena sametya vidvAn 
dhana~njayenAsuratarjanena . 
babhau yathA bhUpa patirmahAtmA 
sametya sAkShAdbhagavAnguhena .. 13..\\
tataH samastAni kirITamAlI 
vaneShu vR^ittAni gadAgrajAya . 
uktvA yathAvatpunaranvapR^ichchhat 
katha.n subhadrA cha tathAbhumanyuH .. 14..\\
sa pUjayitvA madhuhA yathAvan 
pArthAMshcha kR^iShNA.n cha purohitaM cha . 
uvAcha rAjAnamabhiprasha.nsan 
yudhiShThira.n tatra sahopavishya .. 15..\\
dharmaH paraH pANDava rAjyalAbhAt 
tasyArthamAhustapa eva rAjan . 
satyArjavAbhyA.n charatA svadharmaM 
jitastavAya.n cha parashcha lokaH .. 16..\\
aghItamagre charatA vratAni samyag 
dhanurvedamavApya kR^itsnam . 
kShAtreNa dharmaNa vasUni labdhvA 
sarve hyavAptAH kratavaH purANAH .. 17..\\
na grAmyadharmeShu ratistavAsti 
kAmAnna ki.n chitkuruShe narendra . 
na chArthalobhAtprajahAsi dharmaM 
tasmAtsvabhAvAdasi dharmarAjaH .. 18..\\
dhAna.n cha satyaM cha tapo cha rAja~n 
shraddhA cha shAntishcha dhR^itiH kShamA cha . 
avApya rAShTrANi vasUni bhogAn 
eShA parA pArtha sadA ratiste .. 19..\\
yadA janaughaH kurujA~NgalAnAM 
kR^iShNA.n sabhAyAmavashAmapashyat . 
apetadharmavyavahAra vR^ittaM 
saheta tatpANDava kastvadanyaH .. 20..\\
asaMshaya.n sarvasamR^iddhakAmaH 
kShipraM prajAH pAlayitAsi samyak . 
ime vayaM nigrahaNe kurUNAM 
yadi pratiGYA bhavataH samAptA .. 21..\\
dhaumya.n cha kR^iShNAM cha yudhiShThiraM cha 
yamau cha bhIma.n cha dashArha si.nhaH . 
uvAcha diShTyA bhavatA.n shivena 
prAptaH kirITI muditaH kR^itAstraH .. 22..\\
provAcha kR^iShNAmapi yAGYasenIM 
dashArha bhartA sahitaH suhR^idbhiH . 
kR^iShNe dhanurveda ratipradhAnAH 
satyavratAste shishavaH sushIlAH . 
sadbhiH sadaivAcharita.n samAdhiM 
charanti putrAstava yAGYaseni .. 23..\\
rAjyena rAShTraishcha nimantryamANAH 
pitrA cha kR^iShNe tava sodaraish cha . 
na yaGYasenasya na mAtulAnAM 
gR^iheShu bAlA ratimApnuvanti .. 24..\\
AnartamevAbhimukhAH shivena 
gatvA dhanurveda ratipradhAnAH . 
tavAtmajA vR^iShNipuraM pravishya 
na daivatebhyaH spR^ihayanti kR^iShNe .. 25..\\
yathA tvamevArhasi teShu vR^ittiM 
prayoktumAryA cha yathaiva kuntI . 
teShvapramAdena sadA karoti 
tathAcha bhUyo cha tathA subhadrA .. 26..\\
yathAniruddhasya yathAbhimanyor 
yathA sunIthasya yathaiva bhAnoH . 
tathA vinetA cha gatishcha kR^iShNe 
tavAtmajAnAmapi raukmiNeyaH .. 27..\\
gadAsicharma grahaNeShu shUrAn 
astreShu shikShAsu rathAshvayAne . 
samyagvinetA vinayatyatandrIs 
tAMshchAbhimanyuH satata.n kumAraH .. 28..\\
sa chApi samyakpraNidhAya shikShAm 
astrANi chaiShA.n guruvatpradAya . 
tavAtmajAnA.n cha tathAbhimanyoH 
parAkramaistuShyati raukmiNeyaH .. 29..\\
yadA vihAraM prasamIkShamANAH 
prayAnti putrAstava yAGYaseni . 
ekaikameShAmanuyAnti tatra 
rathAshcha yAnAni cha dantinash cha .. 30..\\
athAbravIddharmarAja.n tu kR^iShNo 
dashArha yodhAH kukurAndhakAsh cha . 
ete nidesha.n tava pAlayanti tiShThanti 
yatrechchhasi tatra rAjan .. 31..\\
AvartatA.n kArmukavegavAtA 
halAyudha pragrahaNA madhUnAm . 
senA tavArtheShu narendra yattA 
sasAdi pattyashvarathA sanAgA .. 32..\\
prasthApyatAM pANDava dhArtarAShTraH 
suyodhanaH pApakR^itA.n variShThaH . 
sa sAnubandhaH sasuhR^idganash cha 
saubhasya saubhAdhipateshcha mArgam .. 33..\\
kAmatathA tiShTha narendra tasmin 
yathA kR^itaste samayaH sabhAyAm . 
dAshArha yodhaistu sasAdi yodhaM 
pratIkShatAM nAgapuraM bhavantam .. 34..\\
vyapetamanurvyapanItapApmA 
vihR^itya yatrechchhasi tatra kAmam . 
tataH samR^iddhaM prathama.n vishokaH 
prapatsyase nAgapura.n sarAShTram .. 35..\\
tatastadAGYAya mataM mahAtmA 
yathAvaduktaM puruShottamena . 
prashasya viprekShya cha dharmarAjaH 
kR^itA~njaliH keshavamityuvAcha .. 36..\\
asaMshaya.n keshava pANDavAnAM 
bhavAngatistvachchharaNA hi pArthAH . 
kAlodaye tachcha tatashcha bhUyo 
kartA bhavAnkarma na saMshayo.asti .. 37..\\
yathApratiGYa.n vihR^itashcha kAlaH 
sarvAH samA dvAdasha nirjaneShu . 
aGYAtacharyA.n vidhivatsamApya 
bhavadgatAH keshava pANDaveyAH .. 38..\\

 vai

tathA vadati vArShNeye dharmarAje va bhArata . 
atha pashchAtpato vR^iddho bahuvarShasahasradhR^ik . 
pratyadR^iShyata dharmAtmA mArkaNDeyo mahAtapaH .. 39..\\
tamAgatamR^iShi.n vR^iddhaM bahuvarShasahasriNam . 
AnarchurbrAhmaNAH sarve kR^iShNashcha saha pANDavaiH .. 40..\\
tamarchita.n suviShvastamAsInamR^iShisattamam . 
brAhmaNAnAM patenAha pANDavAnA.n cha keshavaH .. 41..\\
shushrUShavaH pANDavAste brAhmaNAshcha samAgatAH . 
draupadI satyabhAmA cha tathAhaM parama.n vachaH .. 42..\\
purAvR^ittAH kathAH puNyAH sadAchArAH sanAtanAH . 
rAGYA.n strINAmR^iShINA.n cha mArkaNDeya vichakShva naH .. 43..\\
teShu tatropaviShTeShu devarShirapi nAradaH . 
AjagAma vishuddhAtmA pANDavAnavalokakaH .. 44..\\
tamapyatha mahAtmAna.n sarve tu puruSharShabhAH . 
pAdyArghyAbhyA.n yathAnyAyamupatasthurmanIShiNam .. 45..\\
nAradastvatha devarShirGYAtvA tA.nstu kR^itakShaNAn . 
mArkaNDeyasya vadatastA.n kathAm anvamodata .. 46..\\
uvAcha chaina.n kAlaGYaH smayanniva sa nAradaH . 
brahmarShe kathyatA.n yatte pANDaveShu vivakShitam .. 47..\\
evamuktaH pratyuvAcha mArkaNDeyo mahAtapaH . 
kShaNa.n kurudhva.n vipulamAkhyAtavyaM bhaviShyati .. 48..\\
evamuktAH kShaNa.n chakruH pANDavAH saha tairdvijaiH . 
madhyandine yathAdityaM prekShantastaM mahAmunim .. 49..\\
\medskip\hrule\medskip\centerline{\Largedvng 181}
 vai

ta.n vivakShantamAlakShya kururAjo mahAmunim . 
kathA sa~njananArthAya chodayAmAsa pANDavaH .. 1..\\
bhavAndaivatadaityAnAmR^iShINA.n cha mahAtmanAm . 
rAjarShINA.n cha sarveShAM charitaGYaH sanAtanaH .. 2..\\
sevyashchopAsitavyashcha mato naH kA~NkShitash chiram . 
aya.n cha devakIputraH prApto.asmAnavalokakaH .. 3..\\
bhavatyeva hi me buddhirdR^iShTvAtmAna.n sukhAchchyutam . 
dhArtarAShTrAMshcha durvR^ittannR^idhyataH prekShya sarvashaH .. 4..\\
karmaNaH puruShaH kartA shubhasyApyashubhasya cha . 
svaphala.n tadupAshnAti kathaM kartA svidIshvaraH .. 5..\\
atha vA sukhaduHkheShu nR^iNAM brahmavidA.n vara . 
iha vA kR^itamanveti paradehAtha vA punaH .. 6..\\
dehI cha deha.n santyajya mR^igyamANaH shubhAshubhaiH . 
katha.n sa.nyujyate pretya iha vA dvijasattama .. 7..\\
aiha laukikamevaitadutAho pAralaukikam . 
kva cha karmANi tiShThanti jantoHpretasya bhArgava .. 8..\\

 maark

tvadyukto.ayamanuprashno yathAvadvadatA.n vara . 
vidita.n veditavya.n te sthityarthamanupR^ichchhasi .. 9..\\
atra te vartayiShyAmi tadihaikamanaH shR^iNu . 
yathehAmutra cha naraH sukhaduHkhamupAshnute .. 10..\\
nirmalAni sharIrANi vishuddhAni sharIriNAm . 
sasarja dharmatantrANi pUrvotpannaH prajApatiH .. 11..\\
amoghabalasa~NkalpAH suvratAH satyavAdinaH . 
brahmabhUtA narAH puNyAH purANAH kurunandana .. 12..\\
sarve devaiH samAyAnti svachchhandena nabhastalam . 
tatashcha punarAyAnti sarve svachchhandachAriNaH .. 13..\\
svachchhandamaraNAshchAsannarAH svachchhandajIvinaH . 
alpabAdhA nirAta~NkA siddhArthA nirupadravAH .. 14..\\
draShTAro devasa~NghAnAmR^iShINA.n cha mahAtmanAm . 
pratyakShAH sarvadharmANA.n dAntA vigatamatsarAH .. 15..\\
AsanvarShasahasrANi tathA putrasahasriNaH . 
tataH kAlAntare.anyasminpR^ithivItalachAriNaH .. 16..\\
kAmakrodhAbhibhUtAste mAyA vyAjopajIvinaH . 
lobhamohAbhibhUtAshcha tyaktA devaistato narAH .. 17..\\
ashubhaiH karmabhiH pApAstirya~NnarakagAminaH . 
sa.nsAreShu vichitreShu pachyamAnAH punaH punaH .. 18..\\
mogheShTA moghasa~NkalpA moghaGYAnA vichetasaH . 
sarvAtisha~Nkinashchaiva sa.nvR^ittAH kleshabhAginaH . 
ashubhaiH karmabhishchApi prAyashaH parichihnitAH .. 19..\\
dauShkulyA vyAdhibahulA durAtmAno.apratApinaH . 
bhavantyalpAyuShaH pApA raudrakarmaphalodayAH . 
nAthantaH sarvakAmAnAM nAstikA bhinnasetavaH .. 20..\\
jantoHpretasya kaunteya gatiH svairiha karmabhiH . 
prAGYasya hInabuddheshcha karma koshaH kva tiShThati .. 21..\\
kvasthastatsamupAshnAti sukR^ita.n yadi vetarat . 
iti te darshana.n yachcha tatrApyanunayaM shR^iNu .. 22..\\
ayamAdi sharIreNa deva sR^iShTena mAnavaH . 
shubhAnAmashubhAnA.n cha kurute sa~ncayaM mahat .. 23..\\
AyuSho.ante prahAyeda.n kShINaprAyaM kalevaram . 
sambhavatyeva yugapadyonau nAstyantarA bhavaH .. 24..\\
tatrAsya svakR^ita.n karma chhAyevAnugata.n sadA . 
phalatyatha sukhArho vA duHkhArho vApi jAyate .. 25..\\
kR^itAntavidhisa.nyuktaH sajanturlakShaNaiH shubhaiH . 
ashubhairvA nirAdAno lakShyate GYAnadR^iShTibhiH .. 26..\\
eShA tAvadabuddhInA.n gatiruktA yudhiShThira . 
ataH para.n GYAnavatAM nibodha gatimuttamAm .. 27..\\
manuShyAstaptatapasaH sarvAgama parAyaNAH . 
sthiravratAH satyaparA gurushushrUShaNe ratAH .. 28..\\
sushIlAH shuklajAtIyAH kShAntA dAntAH sutejasaH . 
shubhayonyantaragatAH prAyashaH shubhalakShaNAH .. 29..\\
jitendriyatvAdvashinaH shulkatvAnmandarogiNaH . 
alpabAdha paritrAsAdbhavanti nirupadravAH .. 30..\\
chyavanta.n jAyamAnaM cha garbhasthaM chaiva sarvashaH . 
svamAtmAnaM para.n chaiva budhyante GYAnachakShuShaH . 
karmabhUmimimAM prApya punaryAnti surAlayam .. 31..\\
ki.n chiddaivAddhaThAtkiM chitkiM chideva svakarmabhiH . 
prApnuvanti narA rAjanmA te.astvanyA vichAraNA .. 32..\\
imAmatropamA.n chApi nibodha vadatA.n vara . 
manuShyaloke yachchhreyo paraM manye yudhiShThira .. 33..\\
iha vaikasya nAmutra amutraikasya no iha . 
iha chAmutra chaikasya nAmutraikasya no iha .. 34..\\
dhanAni yeShA.n vipulAni santi 
nitya.n ramante suvibhUShitA~NgAH . 
teShAmaya.n shatruvaraghna loko 
nAsau sadA dehasukhe ratAnAm .. 35..\\
ye yogayuktAstapasi prasaktAH 
svAdhyAyashIlA jarayanti dehAn . 
jitendriyA bhUtahite niviShTAs 
teShAmasau nAyamarighna lokaH .. 36..\\
ye dharmameva prathama.n charanti 
dharmeNa labdhvA cha dhanAni kAle . 
dArAnavApya kratubhiryajante 
teShAmaya.n chaiva parashcha lokaH .. 37..\\
ye naiva vidyAM na tapo na dAnaM 
na chApi mUDhAH prajane yatante . 
na chAdhigachchhanti sukhAnyabhAgyAs 
teShAmaya.n chaiva parashcha nAsti .. 38..\\
sarve bhavantastvativIryasattvA 
divyaujasaH sa.nhananopapannAH . 
lokAdamuShmAdavaniM prapannAH 
svadhIta vidyAH surakAryahetoH .. 39..\\
kR^itvaiva karmANi mahAni shUrAs 
tapo damAchAra vihArashIlAH . 
devAnR^iShInpretagaNAMshcha sarvAn 
santarpayitvA vidhinA pareNa .. 40..\\
svargaM paraM puNyakR^itAM nivAsaM 
krameNa samprApsyatha karmabhiH svaiH . 
mA bhUdvisha~NkA tava kauravendra 
dR^iShTvAtmanaH kleshamima.n sukhArha .. 41..\\
\medskip\hrule\medskip\centerline{\Largedvng 182}
 vai

mArkaNDeyaM mahAtmAnamUchuH pANDusutAstadA . 
mAhAtmya.n dvijamukhyAnA.n shrotumichchhAma kathyatAm .. 1..\\
evamuktaH sa bhagavAnmArkaNDeyo mahAtapaH . 
uvAcha sumahAtejA sarvashAstravishAradaH .. 2..\\
haihayAnA.n kulakaro rAjA parapura~njayaH . 
kumAro rUpasampanno mR^igayAmacharadbalI .. 3..\\
charamANastu so.araNye tR^iNavIrutsamAvR^ite . 
kR^iShNAjinottarAsa~Nga.n dadarsha munimantike . 
sa tena nihato.araNye manyamAnena vai mR^igam .. 4..\\
vyathitaH karma tatkR^itvA shokopahatachetanaH . 
jagAma haihayAnA.n vai sakAshaM prathitAtmanAm .. 5..\\
rAGYA.n rAjIvanetrAsau kumAraH pR^ithivIpate . 
teShA.n cha tadyathAvR^ittaM kathayAmAsa vai tadA .. 6..\\
ta.n chApi hi.nsitaM tAta muniM mUlaphalAshinam . 
shrutvA dR^iShTvAcha te tatra babhUvurdInamAnasAH .. 7..\\
kasyAyamiti te sarve mArgamANAstatastataH . 
jagmushchAriShTanemeste tArkShyasyAshramama~njasA .. 8..\\
te.abhivAdya mahAtmAna.n taM muni.n saMshitavratam . 
tasthuH sarve satu munisteShAM pUjAmathAharat .. 9..\\
te tamUchurmahAtmAnaM na vaya.n satkriyAM mune . 
tvatto.arhAH karma doSheNa brAhmaNo hi.nsito hi naH .. 10..\\
tAnabravItsa viprarShiH katha.n vo brAhmaNo hataH . 
kva chAsau brUta sahitAH pashyadhvaM me tapobalam .. 11..\\
te tu tatsarvamakhilamAkhyAyAsmai yathAtatham . 
nApashya.nstamR^iShi.n tatra gatAsuM te samAgatAH . 
anveShamANAH savrIDAH svapnavadgatamAnasAH .. 12..\\
tAnabravIttatra munistArkShyaH parapura~njayaH . 
syAdayaM brAhmaNaH so.atha yo yuShmAbhirnivAshitaH . 
putro hyayaM mama nR^ipAstapobalasamanvitaH .. 13..\\
te tu dR^iShTvaiva tamR^iShi.n vismayaM parama.n gatAH . 
mahadAshcharyamiti vai vibruvANA mahIpate .. 14..\\
mR^ito hyayamato dR^iShTaH katha.n jIvitamAptavAn . 
kimetattapaso vIrya.n yanAya.n jIvitaH punaH . 
shrotumichchhAma viprarShe yadi shrotavyamityuta .. 15..\\
sa tAnuvAcha nAsmAkaM mR^ityuH prabhavate nR^ipAH . 
kAraNa.n vaH pravakShyAmi hetuyogaM samAsataH .. 16..\\
satyamevAbhijAnImo nAnR^ite kurmahe manaH . 
svadharmamanutiShThAmastasmAnmR^ityubhayaM na naH .. 17..\\
yadbrAhmaNAnA.n kushalaM tadeShAM kathayAmahe . 
naiShA.n dushcharitaM brUmastasmAnmR^ityubhayaM na naH .. 18..\\
atithInannapAnena bhR^ityAnatyashanena cha . 
tejasvi deshavAsAchcha tasmAnmR^ityubhayaM na naH .. 19..\\
etadvai lesha mAtra.n vaH samAkhyAtaM vimatsarAH . 
gachchhadhva.n sahitAH sarve na pApAdbhayamasti vaH .. 20..\\
evamastviti te sarve pratipUjya mahAmunim . 
svadeshamagamanhR^iShTA rAjAno bharatarShabha .. 21..\\
\medskip\hrule\medskip\centerline{\Largedvng 183}
 maark

bhUya eva tu mAhAtmyaM brAhmaNAnAM nibodha me . 
vainyo nAmeha rAjarShirashvamedhAya dIkShitaH . 
tamatrirgantumArebhe vittArthamiti naH shrutam .. 1..\\
bhUyo.atha nAnurudhyatsa dharmavyakti nidarshanAt . 
sa~ncintya sa mahAtejA vanamevAnvarochayat . 
dharmapatnI.n samAhUya putrAMshchedamuvAcha ha .. 2..\\
prApsyAmaH phalamatyantaM bahulaM nirupadravam . 
araNyagamana.n kShipra.n rochatAM vo gunAdhikam .. 3..\\
taM bhAryA pratyuvAcheda.n dharmamevAnurudhyatI . 
vaina.n gatvA mahAtmAnamarthayasva dhanaM bahu . 
sa te dAsyati rAjarShiryajamAno.arthine dhanam .. 4..\\
tata AdAya viprarShe pratigR^ihya dhanaM bahu . 
bhR^ityAnsutAnsa.nvibhajya tato vraja yathepsitam . 
eSha vai paramo dharmadharmavidbhirudAhR^itaH .. 5..\\

 atri

kathito me mahAbhAge gautamena mahAtmanA . 
vainyo dharmArthasa.nyuktaH satyavratasamanvitaH .. 6..\\
ki.n tvasti tatra dveShTAro nivasanti hi me dvijAH . 
yathA me gautamaH prAha tato na vyavasAmyaham .. 7..\\
tatra sma vAcha.n kalyANIM dharmakAmArtha sa.nhitAm . 
mayoktAmanyathA brUyustataste vai nirarthakAm .. 8..\\
gamiShyAmi mahAprAGYe rochate me vachastava . 
gAshcha me dAsyate vainyaH prabhUta.n chArthasa~ncayam .. 9..\\

 maark

evamuktvA jagAmAshu vainya yaGYaM mahAtapaH . 
gatvA cha yaGYAyatanamatristuShTAva taM nR^ipam .. 10..\\
rAjanvainya tvamIshashcha bhuvi tvaM prathamo nR^ipaH . 
stuvanti tvAM munigaNAstvadanyo nAsti dharmavit .. 11..\\
tamabravIdR^iShistatra vacha kruddho mahAtapaH . 
maivamatre punarbrUyA na te praGYA samAhitA . 
atra naH prathama.n sthAtA mahendro vai prajApatiH .. 12..\\
athAtrirapi rAjendra gautamaM pratyabhAShata . 
ayameva vidhAtA cha yathaivendraH prajApatiH . 
tvameva muhyase mohAnna praGYAna.n tavAsti ha .. 13..\\

 gautama

jAnAmi nAhaM muhyAmi tva.n vivakShurvimuhyase . 
stoShyase.abhyudaya prepsustasya darshanasaMshrayAt .. 14..\\
na vettha parama.n dharmaM na chAvaiShi prayojanam . 
bAlastvamasi mUDhashcha vR^iddhaH kevApi hetunA .. 15..\\

 maark

vivadantau tathA tau tu munInA.n darshane sthitau . 
ye tasya yaGYe sa.nvR^ittAste.apR^ichchhanta katha.n tvimau .. 16..\\
praveshaH kena datto.ayamanayorvainya sa.nsadi . 
uchchaiH samabhibhAShantau kena kAryeNa viShThitau .. 17..\\
tataH paramadharmAtmA kAshyapaH sarvadharmavit . 
vivAdinAvanuprAptau tAvubhau pratyavedayat .. 18..\\
athAbravItsadasyA.nstu gautamo munisattamAn . 
AvayorvyAhR^itaM prashna.n shR^iNuta dvijapu~NgavAH . 
vainyo vidhAtetyAhAtriratra naH saMshayo mahAn .. 19..\\
shrutvaiva tu mahAtmAno munayo.abhyadravandrutam . 
sanatkumAra.n dharmaGYa.n saMshaya chhedanAya vai .. 20..\\
sa cha teShA.n vacho shrutvA yathAtattvaM mahAtapaH . 
pratyuvAchAtha tAneva.n dharmArthasahita.n vachaH .. 21..\\

 sanatkumaara

brahmakShatreNa sahita.n kShatraM cha brahmaNA saha . 
rAjA vai prathamo dharmaH prajAnAM patireva cha . 
sa eva shakraH shukrashcha sa dhAtA sa bR^ihaspatiH .. 22..\\
prajApatirvirATsamrATkShatriyo bhUpatirnR^ipaH . 
ya ebhiH stUyate shabdaiH kastaM nArchitumarhati .. 23..\\
purA yoniryudhAjichcha abhiyA mudito bhavaH . 
svarNetA sahajidbabhruriti rAjAbhidhIyate .. 24..\\
satyamanyuryudhAjIvaH satyadharmapravartakaH . 
adharmAdR^iShayo bhItA bala.n kShatre samAdadhan .. 25..\\
Adityo divi deveShu tamonudati tejasA . 
tathaiva nR^ipatirbhUmAvadharmaM nudate bhR^isham .. 26..\\
ato rAGYaH pradhAnatva.n shAstraprAmANya darshanAt . 
uttaraH sidhyate pakSho yena rAjeti bhAShitam .. 27..\\

 maark

tataH sa rAjA sa.nhR^iShTaH siddhe pakShe mahAmanaH . 
tamatrimabravItprItaH pUrva.n yenAbhisa.nstutaH .. 28..\\
yasmAtsarvamanuShyeShu jyAyA.nsaM mAmihAbravIH . 
sarvadevaishcha viprarShe saMmita.n shreShThameva cha . 
tasmAtte.ahaM pradAsyAmi vividha.n vasu bhUri cha .. 29..\\
dAsI sahasra.n shyAmAnAM suvastrANAmala~NkR^itam . 
dashakoTyo hiraNyasya rukmabhArA.nstathA dasha . 
etaddadAni te vipra sarvaGYastva.n hi me mataH .. 30..\\
tadatrirnyAyataH sarvaM pratigR^ihya mahAmanaH . 
pratyAjagAma tejasvI gR^ihAneva mahAtapaH .. 31..\\
pradAya cha dhanaM prItaH putrebhyaH prayatAtmavAn . 
tapo samabhisandhAya vanamevAnvapadyata .. 32..\\
\medskip\hrule\medskip\centerline{\Largedvng 184}
 maark

atraiva cha sarasvatyA gItaM parapura~njaya . 
pR^iShTayA muninA vIra shR^iNu tarkSheNa dhImatA .. 1..\\

 taarksya

kiM nu shreyo puruShasyeha bhadre 
katha.n kurvanna chyavate svadharmAt . 
AchakShva me chArusarvA~Ngi sarvaM 
tvayAnushiShTo na chyaveya.n svadharmAt .. 2..\\
katha.n chAgniM juhuyAM pUjaye vA 
kasminkAle kena dharmo na nashyet . 
etatsarva.n subhage prabravIhi 
yathA lokAnvirajaH sa~ncareyam .. 3..\\

 maark

evaM pR^iShTA prItiyuktena tena 
shushrUShumIkShyottama buddhiyuktam . 
tArkShya.n vipra.n dharmayuktaM hitaM cha 
sarasvatI vAkyamidaM babhAShe .. 4..\\

 saras

yo brahma jAnAti yathApradeshaM 
svAdhyAyanityaH shuchirapramattaH . 
sa vai puro devapurasya gantA 
sahAmaraiH prApnuyAtprItiyogam .. 5..\\
tatra sma ramyA vipulA vishokAH 
supuShpitAH puShkariNyaH supuNyAH . 
akardamA mInavatyaH sutIrthA 
hiraNmayairAvR^itAH puNDarIkaiH .. 6..\\
tAsA.n tIreShvAsate puNyakarmA 
mahIyamAnaH pR^ithagapsarobhiH . 
supuNya gandhAbhirala~NkR^itAbhir 
hiraNyavarNAbhiratIva hR^iShTaH .. 7..\\
para.n loka.n gopradAstvApnuvanti 
dattvAnaDvAha.n sUryalokaM vrajanti . 
vAso dattvA chandramasaH sa lokaM 
dattvA hiraNyamamR^itatvameti .. 8..\\
dhenu.n dattva suvratA.n sAdhu dohAM 
kalyANavatsAma palAyinI.n cha . 
yAvanti romANi bhavanti tasyAs 
tAvadvarShANyashnute svargalokam .. 9..\\
anaDvAha.n suvrataM yo dadAti 
halasya voDdhAramanantavIryam . 
dhura.n dhuraM balavanta.n yuvAnaM 
prApnoti lokAndasha dhenudasya .. 10..\\
yaH sapta varShANi juhoti tArkShya 
havya.n tvagnau suvrataH sAdhu shIlaH . 
saptAvarAnsapta pUrvAnpunAti 
pitAmahAnAtmanaH karmabhiH svaiH .. 11..\\

 taarksya

kimagnihotrasya vrataM purANam 
AchakShva me pR^ichchhatashchArurUpe . 
tvayAnushiShTo.ahamihAdya vidyAM 
yadagnihotrasya vrataM purANam .. 12..\\

 saras

na chAshuchirnApyanirNiktapANir 
nAbrahmavijjuhuyAnnAvipashchit . 
bubhukShavaH shuchi kAmA hi devA 
nAshraddadhAnAddhi havirjuShanti .. 13..\\
nAshrotriya.n deva havye niyu~njyAn 
moghaM parA si~nchati tAdR^isho hi . 
apUrNamashrotriyamAha tArkShya 
na vai tAdR^igjuhuyAdagnihotram .. 14..\\
kR^ishAnu.n ye juhvati shraddadhAnAH 
satyavratA hutashiShTAshinash cha . 
gavA.n lokaM prApya te puNyagandhaM 
pashyanti devaM parama.n chApi satyam .. 15..\\

 taarksya

kShetraGYabhUtAM paralokabhAve 
karmodaye buddhimatipraviShTAm . 
praGYA.n cha devI.n subhage vimR^ishya 
pR^ichchhAmi tvA.n kA hyasi chArurUpe .. 16..\\

 saras

agnihotrAdahamabhyAgatAsmi 
viprarShabhANA.n saMshaya chchhedanAya . 
tvatsa.nyogAdahametadabruvaM 
bhAve sthitA tathyamartha.n yathAvat .. 17..\\

 taarksya

na hi tvayA sadR^ishI kA chidasti 
vibhrAjase hyatimAtra.n yathA shrIH . 
rUpa.n cha te divyamatyantakAntaM 
praGYA.n cha devI.n subhage bibharShi .. 18..\\

 saras

shreShThAni yAni dvipadA.n variShTha 
yaGYeShu vidvannupapAdayanti . 
tairevAha.n sampravR^iddhA bhavAmi 
ApyAyitA rUpavatI cha vipra .. 19..\\
yachchApi dravyamupayujyate ha 
vAnaspatyamAyasaM pArthiva.n vA . 
divyena rUpeNa cha praGYayA cha 
tenaiva siddhiriti viddhi vidvan .. 20..\\

 taarksya

ida.n shreyo paramaM manyamAnA 
vyAyachchhante munayaH sampratItAH . 
AchakShva me taM parama.n vishokaM 
mokShaM para.n yaM pravishanti dhIrAH .. 21..\\

 saras

ta.n vai paraM vedavidaH prapannAH 
paraM parebhyaH prathitaM purANam . 
svAdhyAyadAnavratapuNyayogais 
tapodhanA vItashokA vimuktAH .. 22..\\
tasyAtha madhye vetasaH puNyagandhaH 
sahasrashAkho vimalo vibhAti . 
tasya mUlAtsaritaH prasravanti 
madhUdaka prasravaNA ramaNyaH .. 23..\\
shAkhA.n shAkhAM mahAnadyaH sa.nyAnti sikatA samAH . 
dhAnA pUpA mA.nsashAkAH sadA pAyasakardamAH .. 24..\\
yasminnagnimukhA devAH sendrAH saha marudgaNaiH . 
Ijire kratubhiH shreShThaistatpadaM paramaM mune .. 25..\\
\medskip\hrule\medskip\centerline{\Largedvng 185}
 vai

tataH sa pANDavo bhUyo mArkaNDeyamuvAcha ha . 
kathayasveha charitaM manorvaivasvatasya me .. 1..\\

 maark

vivastavaH suto rAjanparamarShiH pratApavAn . 
babhUva narashArdUla prajApatisamadyutiH .. 2..\\
ojasA tejasA lakShmyA tapasA cha visheShataH . 
atichakrAma pitaraM manuH sva.n cha pitAmaham .. 3..\\
UrdhvabAhurvishAlAyAM badaryA.n sa narAdhipaH . 
ekapAdasthitastIvra.n chachAra sumahattapaH .. 4..\\
avAkshirAstathA chApi netrairanimiShairdR^iDham . 
so.atapyata tapo ghora.n varShANAmayuta.n tadA .. 5..\\
ta.n kadA chittapasyantamArdra chIrajaTA dharam . 
vIriNI tIramAgamya matsyo vachanamabravIt .. 6..\\
bhagavankShudramatsyo.asmi balavadbhyo bhayaM mama . 
matsyebhyo hi tato mA.n tvaM trAtumarhasi suvrata .. 7..\\
durbalaM balavanto hi matsyaM matsyA visheShataH . 
bhakShayanti yathA vR^ittirvihitA naH sanAtanI .. 8..\\
tasmAdbhayaughAnmahato majjantaM mA.n visheShataH . 
trAtumarhasi kartAsmi kR^ite pratikR^ita.n tava .. 9..\\
sa matsyavachana.n shrutvA kR^ipayAbhipariplutaH . 
manurvaivasvato.agR^ihNAttaM matsyaM pANinA svayam .. 10..\\
udakAntamupAnIya matsya.n vaivasvato manuH . 
ali~njare prAkShipatsa chandrAMshusadR^ishaprabham .. 11..\\
sa tatra vavR^idhe rAjanmatsyaH paramasatkR^itaH . 
putravachchAkarottasminmanurbhAva.n visheShataH .. 12..\\
atha kAlena mahatA sa matsyaH sumahAnabhUt . 
ali~njare jale chaiva nAsau samabhavatkila .. 13..\\
atha matsyo manu.n dR^iShTvA punarevAbhyabhAShata . 
bhagavansAdhu me.adyAnyatsthAna.n sampratipAdaya .. 14..\\
uddhR^ityAli~njarAttasmAttataH sa bhagavAnmuniH . 
taM matsyamanayadvApIM mahatI.n sa manustadA .. 15..\\
tatra taM prAkShipachchApi manuH parapura~njaya . 
athAvardhata matsyaH sa punarvarShagaNAnbahUn .. 16..\\
dviyojanAyatA vApI vistR^itA chApi yojanam . 
tasyAM nAsau samabhavanmatsyo rAjIvalochana . 
vicheShTitu.n vA kaunteya matsyo vApyAM vishAM pate .. 17..\\
manuM matyastato dR^iShTvA punarevAbhyabhAShata . 
nayamAM bhagavansAdho samudramahiShIM prabho . 
ga~NgA.n tatra nivatsyAmi yathA vA tAta manyase .. 18..\\
eva.n kuto manurmatsyAmanayadbhagavAnvashI . 
nadI.n ga~NgAM tatra chaina.n svayaM prAkShipadachyutaH .. 19..\\
sa tatra vavR^idhe matsyaH ki.n chitkAlamarindama . 
tataH punarmanu.n dR^iShTvA matsyo vachanamabravIt .. 20..\\
ga~NgAyA.n hi na shaknomi bR^ihattvAchcheShTituM prabho . 
samudraM nayamAmAshu prasIda bhagavanniti .. 21..\\
uddhR^itya ga~NgA salilAttato matsyaM manuH svayam . 
samudramanayatpArtha tatra chainamavAsR^ijat .. 22..\\
sumahAnapi matsyaH sansa manormanasastadA . 
AsIdyatheShTa hAryashcha sparshagandhasukhaish cha vai .. 23..\\
yadA samudre prakShiptaH sa matsyo manunA tadA . 
tata enamida.n vAkyaM smayamAna ivAbravIt .. 24..\\
bhagavankR^itA hi me rakShA tvayA sarvA visheShataH . 
prAptakAla.n tu yatkAryaM tvayA tachchhrUyatAM mama .. 25..\\
achirAdbhagavanbhaumamida.n sthAvaraja~Ngamam . 
sarvameva mahAbhAga pralaya.n vai gamiShyati .. 26..\\
samprakShAlana kAlo.aya.n lokAnAM samupasthitaH . 
tasmAttvAM bodhayAmyadya tatte hitamanuttamam .. 27..\\
trasAnA.n sthAvarANA.n cha yachche~NgaM yachcha ne~Ngati . 
tasya sarvasya samprAptaH kAlaH paramadAruNaH .. 28..\\
naushcha kArayitavyA te dR^iDhA yuktavaTAkarA . 
tatra saptarShibhiH sArdhamAruhethA mahAmune .. 29..\\
bIjAni chaiva sarvANi yathoktani mayA purA . 
tasyAmArohayernAvi susa~NguptAni bhAgashaH .. 30..\\
nausthashcha mAM pratIkShethAstadA munijanapriya . 
AgamiShyAmyaha.n shR^i~NgI viGYeyastena tApasa .. 31..\\
evameta tvayA kAryamApR^iShTo.asi vrajAmyaham . 
nAtisha~Nkyamida.n chApi vachanaM te mamAbhibho .. 32..\\
eva.n kariShya iti ta.n sa matsyaM pratyabhAShata . 
jagmatushcha yathAkAmamanuGYApya parasparam .. 33..\\
tato manurmahArAja yathoktaM matyakena ha . 
bIjAnyAdAya sarvANi sAgaraM pupluve tadA . 
nAvA tu shubhayA vIra mahormiNamarindama .. 34..\\
chintayAmAsa cha manustaM matsyaM pR^ithivIpate . 
sa cha tachchintita.n GYAtvA matsyaH parapura~njaya . 
shR^i~NgI tatrAjagAmAshu tadA bharatasattama .. 35..\\
ta.n dR^iShTvA manujendrendra manurmatsyaM jalArNave . 
shR^i~NgiNa.n ta.n yathoktena rUpeNAdrimivochchhritam .. 36..\\
vaTAkaramayaM pAshamatha matsyasya mUdhani . 
manurmanujashArdUla tasmi~nshR^i~Nge nyaveshayat .. 37..\\
sa.nyatastena pAshena matsyaH parapura~njaya . 
vegena mahatA nAvaM prAkarShallavaNAmbhasi .. 38..\\
sa tatAra tayA nAvA samudraM manujeshvara . 
nR^ityamAnamivormIbhirgarjamAnamivAmbhasA .. 39..\\
kShobhyamANA mahAvAtaiH sA naustasminmahodadhau . 
dhUrNate chapaleva strI mattA parapura~njaya .. 40..\\
naiva bhUmirna cha dishaH pradisho vA chakAshire . 
sarvamAmbhasamevAsItkha.n dyaushcha narapu~Ngava .. 41..\\
evaM bhUte tadA loke sa~Nkule bharatarShabha . 
adR^ishyanta saptarShayo manurmatsyaH sahaiva ha .. 42..\\
evaM bahUnvarShagaNA.nstAM nAva.n so.atha matsyakaH . 
chakarShAtandrito rAja.nstasminsalilasa~ncaye .. 43..\\
tato himavataH shR^i~Nga.n yatparaM puruSharShabha . 
tatrAkarShattato nAva.n sa matsyaH kurunandana .. 44..\\
tato.abravIttadA matsyastAnR^iShInprahasa~nshanaiH . 
asminhimavataH shR^i~Nge nAvaM badhnIta mAchiram .. 45..\\
sA baddhA tatra taistUrNamR^iShibhirbharatarShabha . 
naurmatsyasya vacho shrutvA shR^i~Nge himavatastadA .. 46..\\
tachcha naubandhanaM nAma shR^i~Nga.n himavataH param . 
khyAtamadyApi kaunteya tadviddhi bharatarShabha .. 47..\\
athAbravIdanimiShastAnR^iShInsahitA.nstadA . 
ahaM prajApatirbrahmA matparaM nAdhigamyate . 
matsyarUpeNa yUya.n cha mayAsmAnmokShitA bhayAt .. 48..\\
manunA cha prajAH sarvAH sadevAsuramAnavAH . 
sraShTavyAH sarvalokAshcha yachche~Nga.n yachcha ne~Ngati .. 49..\\
tapasA chAtitIvreNa pratibhAsya bhaviShyati . 
matprasAdAtprajA sarge na cha moha.n gamiShyati .. 50..\\
ityuktvA vachanaM matsyaH kShaNenAdarshana.n gataH . 
sraShTukAmaH prajAshchApi manurvaivasvataH svayam . 
pramUDho.abhUtprajA sarge tapastepe mahattataH .. 51..\\
tapasA mahatA yuktaH so.atha sraShTuM prachakrame . 
sarvAH prajA manuH sAkShAdyathAvadbharatarShabha .. 52..\\
ityetanmAtyakaM nAma purANaM parikIrtitam . 
AkhyAnamidamAkhyAta.n sarvapApaharaM mayA .. 53..\\
ya ida.n shR^iNuyAnnityaM manoshcharitamAditaH . 
sa sukhI sarvasiddhArthaH svargalokamiyAnnaraH .. 54..\\
\medskip\hrule\medskip\centerline{\Largedvng 186}
 vai

tataH sa punarevAtha mArkaNDeya.n yashasvinam . 
paprachchha vinayopeto dharmarAjo yudhiShThiraH .. 1..\\
naike yugasahasrAntAstvayA dR^iShTA mahAmune . 
na chApIha samaH kashchidAyuShA tava vidyate . 
varjayitvA mahAtmAnaM brAhmaNaM parameShThinam .. 2..\\
anantarikShe loke.asmindevadAnava varjite . 
tvameva pralaye vipra brAhmaNamupatiShThasi .. 3..\\
pralaye chApi nirvR^itte prabuddhe cha pitAmahe . 
tvameva sR^ijyamAnAni bhUtAnIha prapashyasi .. 4..\\
chaturvidhAni viprarShe yathAvatparameShThinA . 
vAyubhUtA dishaH kR^itvA vikShipyApastatastataH .. 5..\\
tvayA lokaguruH sAkShAtsarvalokapitAmahaH . 
ArAdhito dvijashreShTha tatpareNa samAdhinA .. 6..\\
tasmAtsarvAntako mR^ityurjarA vA dehanAshinI . 
na tvA vishati viprarShe prasAdAtparameShThinaH .. 7..\\
yadA naiva ravirnAgnirna vAyurna cha chandramaH . 
naivAntarikShaM naivorvI sheShaM bhavati ki.n chana .. 8..\\
tasminnekArNave loke naShTe sthAvaraja~Ngame . 
naShTe devAsuragaNe samutsanna mahorage .. 9..\\
shayAnamamitAtmAnaM padme padmaniketanam . 
tvamekaH sarvabhUteshaM brahmANamupatiShThasi .. 10..\\
etatpratyakShataH sarvaM pUrvavR^itta.n dvijottama . 
tasmAdichchhAmahe shrotu.n sarvahetvAtmikA.n kathAm .. 11..\\
anubhUta.n hi bahushastvayaikena dvijottama . 
na te.astyavidita.n kiM chitsarvalokeShu nityadA .. 12..\\

 maark

hanta te kathayiShyAmi namaskR^itvA svayambhuve . 
puruShAya purANAya shAshvatAyAvyayAya cha .. 13..\\
ya eSha pR^ithudIrghAkShaH pItavAsA janArdanaH . 
eSha kartA vikartA cha sarvabhAvana bhUtakR^it .. 14..\\
achintyaM mahadAshcharyaM pavitramapi chottamam . 
anAdi nidhanaM bhUta.n vishvamakShayamavyayam .. 15..\\
eSha kartA na kriyate kAraNa.n chApi pauruShe . 
yo hyenaM puruSha.n vetti devA api na taM viduH .. 16..\\
sarvamAshcharyamevaitannirvR^itta.n rAjasattama . 
Adito manujavyAghrakR^itsnasya jagataH kShaye .. 17..\\
chatvAryAhuH sahasrANi varShANA.n tatkR^ita.n yugam . 
tasya tAvachchhatI sandhyA sandhyAMshashcha tataH param .. 18..\\
trINi varShasahasrANi treyA yugamihochyate . 
tasya tAvachchhatI sandhyA sandhyAMshashcha tataH param .. 19..\\
tathA varShasahasre dve dvAparaM parimANataH . 
tasyApi dvishatI sandhyA sa~NkhyAMshashcha tataH param .. 20..\\
sahasrameka.n varShANA.n tataH kaliyugaM smR^itam . 
tasya varShashata.n sandhyA sandhyAMshashcha tataH param . 
sandhyAsandhyAMshayostulyaM pramANamupadhAraya .. 21..\\
kShINe kaliyuge chaiva pravartati kR^ita.n yugam . 
eShA dvAdasha sAhasrI yugAkhyA parikIrtitA .. 22..\\
etatsahasraparyantamaharbrAhmamudAhR^itam . 
vishva.n hi brahmabhavane sarvashaH parivartate . 
lokAnAM manujavyAghrapralaya.n ta.n vidurbudhAH .. 23..\\
alpAvashiShTe tu tadA yugAnte bharatarShabha . 
sahasrAnte narAH sarve prAyasho.anR^itavAdinaH .. 24..\\
yaGYapratinidhiH pArtha dAnapratinidhistathA . 
vrataprati nidhishchaiva tasminkAle pravartate .. 25..\\
brAhmaNAH shUdra karmANastathA shUdrA dhanArjakAH . 
kShatradharmeNa vApyatra vartayanti gate yuge .. 26..\\
nivR^ittayaGYasvAdhyAyAH piNDodakavivarjitAH . 
brAhmaNAH sarvabhakShAshcha bhaviShyanti kalau yuge .. 27..\\
ajapA brAhmaNAstAta shUdrA japa parAyaNAH . 
viparIte tadA loke pUrvarUpa.n kShayasya tat .. 28..\\
bahavo mechchha rAjAnaH pR^ithivyAM manujAdhipa . 
mithyAnushAsinaH pApA mR^iShAvAdaparAyaNAH .. 29..\\
AndhrAH shakAH pulindAshcha yavanAshcha narAdhipAH . 
kAmbojA aurNikAH shUdrAstathAbhIrA narottama .. 30..\\
na tadA brAhmaNaH kashchitsvadharmamupajIvati . 
kShatriyA api vaishyAshcha vikarmasthA narAdhipa .. 31..\\
alpAyuShaH svalpa balA alpatejaH parAkramAH . 
alpadehAlpa sArAshcha tathA satyAlpa bhAShiNaH .. 32..\\
bahu shUnyA janapadA mR^igavyAlAvR^itA dishaH . 
yugAnte samanuprApte vR^ithA cha brahmachAriNaH . 
bhogAdinastathA shUdrA brAhmaNAshchAryavAdinaH .. 33..\\
yugAnte manujavyAghrabhavanti bahu jantavaH . 
na tathA ghrANayuktAshcha sarvagandhA vishAM pate . 
rasAshcha manujavyAghrana tathA svAdu yoginaH .. 34..\\
bahu prajA hrasvadehAH shIlAchAra vivarjitAH . 
mukhe bhagAH striyo rAjanbhaviShyanti yugakShaye .. 35..\\
aTTashUlA janapadAH shiva shUlAshchatuShpathAH . 
keshashUlAH striyo rAjanbhaviShyanti yugakShaye .. 36..\\
alpakShIrAstathA gAvo bhaviShyanti janAdhipa . 
alpapuShpaphalAshchApi pAdapA bahu vAyasAH .. 37..\\
brahma vadhyAvaloptAnA.n tathA mithyAbhisha.nsinAm . 
nR^ipANAM pR^ithivIpAla pratigR^ihNanti vai dvijAH .. 38..\\
lobhamohaparItAshcha mithyA dharmadhvajAvR^itAH . 
bhikShArthaM pR^ithivIpAla cha~nchUryante dvijairdishaH .. 39..\\
karabhAra bhayAtpu.nso gR^ihasthAH parimoShakAH . 
munichhadmAkR^iti chhannA vANijyamupajIvate .. 40..\\
mithyA cha nakharomANi dhArayanti narAstadA . 
arthalobhAnnaravyAghra vR^ithA cha brahmachAriNaH .. 41..\\
AshrameShu vR^ithAchArAH pAnapA gurutalpagAH . 
aiha laukikamIhante mA.nsashoNitavardhanam .. 42..\\
bahu pAShaNDa sa~NkIrNAH parAnna guNavAdinaH . 
AshramA manujavyAghrana bhavanti yugakShaye .. 43..\\
yathartu varShI bhagavAnna tathA pAkashAsanaH . 
na tadA sarvabIjAni samyagrohanti bhArata . 
adharmaphalamatyartha.n tadA bhavati chAnagha .. 44..\\
tathA cha pR^ithivIpAla yo bhaveddharmasa.nyutaH . 
alpAyuH sa hi mantavyo na hi dharmo.asti kash chana .. 45..\\
bhUyiShTha.n kUTamAnaishcha paNya.n vikrINate janAH . 
vaNijashcha naravyAghra bahu mAyA bhavantyuta .. 46..\\
dharmiShThAH parihIyante pApIyAnvardhate janaH . 
dharmasya balahAniH syAdadharmashcha balI tathA .. 47..\\
alpAyuSho daridrAshcha dharmiShThA mAnavAstadA . 
dIrghAyuShaH samR^iddhAshcha vidharmANo yugakShaye .. 48..\\
adharmiShThairupAyaishcha prajA vyavaharantyuta . 
sa~ncayenApi chAlpena bhavantyADhyA madAnvitAH .. 49..\\
dhana.n vishvAsato nyastaM mitho bhUyiShThasho narAH . 
hartu.n vyavasitA rAjanmAyAchAra samanvitAH .. 50..\\
puruShAdAni sattvAni pakShiNo.atha mR^igAstathA . 
nagarANA.n vihAreShu chaityeShvapi cha sherate .. 51..\\
sapta varShAShTa varShAshcha striyo garbhadharA nR^ipa . 
dasha dvAdasha varShANAM pu.nsAM putraH prajAyate .. 52..\\
bhavanti ShoDashe varShe narAH palitinastathA . 
AyuH kShayo manuShyANA.n kShiprameva prapadyate .. 53..\\
kShINe yuge mahArAja taruNA vR^iddhashIlinaH . 
taruNAnA.n cha yachchhIlaM tadvR^iddheShu prajAyate .. 54..\\
viparItAstadA nAryo va~nchayitvA raho patIn . 
vyuchcharantyapi duHshIlA dAsaiH pashubhireva cha .. 55..\\
tasminyugasahasrAnte samprApte chAyuShaH kShaye . 
anAvR^iShTirmahArAja jAyate bahu vArShikI .. 56..\\
tatastAnyalpasArANi sattvAni kShudhitAni cha . 
pralaya.n yAnti bhUyiShThaM pR^ithivyAM pR^ithivIpate .. 57..\\
tato dinakarairdIptaiH saptabhirmanujAdhipa . 
pIyate salila.n sarvaM samudreShu saritsu cha .. 58..\\
yachcha kAShTha.n tR^iNaM chApi shuShkaM chArdraM cha bhArata . 
sarva.n tadbhasmasAdbhUtaM dR^ishyate bharatarShabhaH .. 59..\\
tataH sa.nvartako vahnirvAyunA saha bhArata . 
lokamAvishate pUrvamAdityairupashoShitam .. 60..\\
tataH sa pR^ithivIM bhittvA samAvishya rasAtalam . 
devadAnava yakShANAM bhaya.n janayate mahat .. 61..\\
nirdahannAgaloka.n cha yachcha kiM chitkShitAviha . 
adhastAtpR^ithivIpAla sarvaM nAshayate kShaNAt .. 62..\\
tato yojanaviMshAnA.n sahasrANi shatAni cha . 
nirdahatyashivo vAyuH sa cha sa.nvartako.analaH .. 63..\\
sadevAsuragandharva.n sayakShoraga rAkShasam . 
tato dahati dIptaH sa sarvameva jagadvibhuH .. 64..\\
tato gajakulaprakhyAstaDinmAlA vibhUShitAH . 
uttiShThanti mahAmeghA nabhasyadbhutadarshanAH .. 65..\\
ke chinnIlotpalashyAmAH ke chitkumudasaMnibhAH . 
ke chitki~njalkasa~NkAshAH ke chitpItAH payodharAH .. 66..\\
ke chiddhAridra sa~NkAshAH kAkANDaka nibhAstathA . 
ke chitkamalapatrAbhAH kechiddhi~Ngulaka prabhAH .. 67..\\
ke chitpuravarAkArAH ke chidgajakulopamAH . 
ke chida~njanasa~NkAshAH ke chinmakarasa.nsthitAH . 
vidyunmAlA pinaddhA~NgAH samuttiShThanti vai ghanAH .. 68..\\
ghorarUpA mahArAja ghorasvananinAditAH . 
tato jaladharAH sarve vyApnuvanti nabhastalam .. 69..\\
tairiyaM pR^ithivI sarvA saparvatavanAkarA . 
ApUryate mahArAja salilaughapariplutA .. 70..\\
tataste jaladA ghorA rAviNaH puruSharShabha . 
sarvataH plAvayantyAshu choditAH parameShThinA .. 71..\\
varShamANA mahattoyaM pUrayanto vasundharAm . 
sughoramashiva.n raudraM nAshayanti cha pAvakam .. 72..\\
tato dvAdasha varShANi payodAsta upaplave . 
dhArAbhiH pUrayanto vai chodyamAnA mahAtmanA .. 73..\\
tataH samudraH svA.n velAmatikrAmati bhArata . 
parvatAshcha vishIryante mahI chApi vishIryate .. 74..\\
sarvataH sahasA bhrAntAste payodA nabhastalam . 
sa.nveShTayitvA nashyanti vAyuvegaparAhatAH .. 75..\\
tatastaM mAruta.n ghora.n svayambhUrmanujAdhipa . 
Adi padmAlayasldevaH pItvA svapiti bhArata .. 76..\\
tasminnekArNave ghore naShTe sthAvaraja~Ngame . 
naShTe devAsuragaNe yakShArAkShasa varjite .. 77..\\
nirmanuShye mahIpAla niHshvApada mahIruhe . 
anantarikShe loke.asminbhramAmyeko.ahamAdR^itaH .. 78..\\
ekArNave jale ghore vicharanpArthivottama . 
apashyansarvabhUtAni vaiklavyamagamaM param .. 79..\\
tataH sudIrgha.n gatvA tu plavamAno narAdhipa . 
shrAntaH kva chinna sharaNa.n labhAmyahamatandritaH .. 80..\\
tataH kadA chitpashyAmi tasminsalilasamplave . 
nyagrodha.n sumahAntaM vai vishAlaM pR^ithivIpate .. 81..\\
shAkhAyA.n tasya vR^ikShasya vistIrNAyAM narAdhipa . 
parya~Nke pR^ithivIpAla divyAstaraNa sa.nstR^ite .. 82..\\
upaviShTaM mahArAja pUrNendusadR^ishAnanam . 
phullapadmavishAlAkShaM bAlaM pashyAmi bhArata .. 83..\\
tato me pR^ithivIpAla vismayaH sumahAnabhUt . 
katha.n tvaya.n shishuH shete loke nAshamupAgate .. 84..\\
tapasA chintayaMshchApi ta.n shishuM nopalakShaye . 
bhUtaM bhavyaM bhaviShyachcha jAnannapi narAdhipa .. 85..\\
atasI puShpavarNAbhaH shrIvatsa kR^italakShaNaH . 
sAkShAllakShmyA ivAvAsaH sa tadA pratibhAti me .. 86..\\
tato mAmabravIdbAlaH sa padmanibha lochanaH . 
shrIvatsa dhArI dyutimAnvAkya.n shrutisukhAvaham .. 87..\\
jAnAmi tvA parishrAnta.n tAta vishrAmakA~NkShiNam . 
mArkaNDeya ihAssva tva.n yAvadichchhasi bhArgava .. 88..\\
abhyantara.n sharIraM me pravishya munisattama . 
Assva bho vihito vAsaH prasAdaste kR^ito mayA .. 89..\\
tato bAlena tenaivamuktasyAsIttadA mama . 
nirvedo jIvite dIrghe manuShyatva cha bhArata .. 90..\\
tato bAlena tenAsya.n sahasA vivR^ita.n kR^itam . 
tasyAhamavasho vaktra.n daivayogAtpraveshitaH .. 91..\\
tataH praviShTastatkukShi.n sahasA manujAdhipa . 
sarAShTranagarAkIrNA.n kR^itsnAM pashyAmi medinIm .. 92..\\
ga~NgA.n shatadruM sItA.n cha yamunAmatha kaushikIm . 
charmaNvatI.n vetravatI.n chandrabhAgAM sarasvatIm .. 93..\\
sindhu.n chaiva vipAshAM cha nadIM godAvarIm api . 
vasvokasArAM nalinIM narmadA.n chaiva bhArata .. 94..\\
nadI.n tAmrAM cha veNNAM cha puNyatoyA.n shubhAvahAm . 
suveNA.n kR^iShNaveNAM cha irAmAM cha mahAnadIm . 
shoNa.n cha puruShavyAghra vishalyAM kampunAm api .. 95..\\
etAshchAnyAshcha nadyo.ahaM pR^ithivyA.n yA narottama . 
parikrAmanprapashyAmi tasya kukShau mahAtmanaH .. 96..\\
tataH samudraM pashyAmi yAdogaNaniShevitam . 
ratnAkaramamitraghna nidhAnaM payaso mahat .. 97..\\
tataH pashyAmi gagana.n chandrasUryavirAjitam . 
jAjvalyamAna.n tejobhiH pAvakArka samaprabhaiH . 
pashyAmi cha mahI.n rAjankAnakairupashobhitAm .. 98..\\
yajante hi tadA rAjanbrAhmaNA bahubhiH savaiH . 
kShatriyAshcha pravartante sarvavarNAnura~njane .. 99..\\
vaishyAH kR^iShi.n yathAnyAya.n kArayanti narAdhipa . 
shushrUShAyA.n cha niratA dvijAnA.n vR^iShalAstathA .. 100..\\
tataH paripatanrAja.nstasya kukShau mahAtmanaH . 
himavanta.n cha pashyAmi hemakUTaM cha parvatam .. 101..\\
niShadha.n chApi pashyAmi shvetaM cha rajatA chitam . 
pashyAmi cha mahIpAla parvata.n gandhamAdanam .. 102..\\
mandaraM manujavyAghranIla.n chApi mahAgirim . 
pashyAmi cha mahArAja meru.n kanakaparvatam .. 103..\\
mahendra.n chaiva pashyAmi vindhyaM cha girimuttamam . 
malaya.n chApi pashyAmi pAriyAtraM cha parvatam .. 104..\\
ete chAnye cha bahavo yAvantaH pR^ithivIdharAH . 
tasyodare mayA dR^iShTAH sarvaratnavibhUShitAH .. 105..\\
si.nhAnvyAghrAnvarAhAMshcha nAgAMshcha manujAdhipa . 
pR^ithivyA.n yAni chAnyAni sattvAni jagatIpate . 
tAni sarvANyaha.n tatra pashyanparyacharaM tadA .. 106..\\
kukShau tasya naravyAghra praviShTaH sa~ncarandishaH . 
shakrAdIMshchApi pashyAmi kR^itsnAndevagaNA.nstathA .. 107..\\
gandharvApsaraso yakShAnR^iShIMshchaiva mahIpate . 
daityadAnava sa~NghAMshcha ye chAnye surashatravaH .. 108..\\
yachcha ki.n chinmayA loke dR^iShTa.n sthAvaraja~Ngamam . 
tadapashyamaha.n sarva.n tasya kukShau mahAtmanaH . 
phalAhAraH pravicharankR^itsna.n jagadidaM tadA .. 109..\\
antaH sharIre tasyAha.n varShANAmadhikaM shatam . 
na cha pashyAmi tasyAhamanta.n dehasya kutra chit .. 110..\\
satata.n dhAvamAnashcha chintayAno vishAM pate . 
AsAdayAmi naitAnta.n tasya rAjanmahAtmanaH .. 111..\\
tatastameva sharaNa.n gato.asmi vidhivattadA . 
vareNya.n varada.n devaM manasA karmaNaiva cha .. 112..\\
tato.aha.n sahasA rAjanvAyuvegena niHsR^itaH . 
mahAtmAno mukhAttasya vivR^itAtpuruShottama .. 113..\\
tatastasyaiva shAkhAyAM nyagroghasya vishAM pate . 
Aste manujashArdUla kR^itsnamAdAya vai jagat .. 114..\\
tenaiva bAla veSheNa shrIvatsa kR^italakShaNam . 
AsIna.n taM naravyAghra pashyAmyamitatejasam .. 115..\\
tato mAmabravIdvIra sa bAlaH prahasanniva . 
shrIvatsa dhArI dyutimAnpItavAsA mahAdyutiH .. 116..\\
apIdAnI.n sharIre.asminmAmake munisattama . 
uShitastva.n suvishrAnto mArkaNDeya bravIhi me .. 117..\\
muhUrtAdatha me dR^iShTiH prAdurbhUtA punarnavA . 
yayA nirmuktamAtmAnamapashya.n labdhachetasam .. 118..\\
tasya tAmratalau tAta charaNau supratiShThitau . 
sujAtau mR^idu raktAbhira~NgulIbhirala~NkR^itau .. 119..\\
prayatena mayA mUrdhnA gR^ihItvA hyabhivanditau . 
dR^iShTvAparimita.n tasya prabhAvamamitaujasaH .. 120..\\
vinayenA~njali.n kR^itvA prayatnenopagamya cha . 
dR^iShTo mayA sa bhUtAtmA devaH kamalalochanaH .. 121..\\
tamahaM prA~njalirbhUtvA namaskR^ityedamabruvam . 
GYAtumichchhAmi deva tvAM mAyA.n chemAM tavottamAm .. 122..\\
AsyenAnupraviShTo.aha.n sharIraM bhagava.nstava . 
dR^iShTavAnakhilA.NllokAnsamastAjjaThare tava .. 123..\\
tava deva sharIrasthA devadAnavarAkShasAH . 
yakShagandharvanAgAshcha jagatsthAvaraja~Ngamam .. 124..\\
tvatprasAdAchcha me deva smR^itirna parihIyate . 
drutamantaH sharIre te satataM paridhAvataH .. 125..\\
ichchhAmi puNDarIkAkSha GYAtu.n tvAhamanindita . 
iha bhUtvA shishuH sAkShAtkiM bhavAnavatiShThate . 
pItvA jagadida.n vishvametadAkhyAtumarhasi .. 126..\\
kimartha.n cha jagatsarva.n sharIrasthaM tavAnagha . 
kiyanta.n cha tvayA kAlamiha stheyamarindama .. 127..\\
etadichchhAmi devesha shrotuM brAhmaNa kAmyayA . 
tvattaH kamalapatrAkSha vistareNa yathAtatham . 
mahaddhyetadachintya.n cha yadahaM dR^iShTavAnprabho .. 128..\\
ityuktaH sa mayA shrImAndevadevo mahAdyutiH . 
sAntvayanmAmida.n vAkyamuvAcha vadatAM varaH .. 129..\\
\medskip\hrule\medskip\centerline{\Largedvng 187}
 deva

kAma.n devApi mA.n vipra na vijAnanti tattvataH . 
tvatprItyA tu pravakShyAmi yatheda.n visR^ijAmyaham .. 1..\\
pitR^ibhakto.asi viprarShe mA.n chaiva sharaNaM gataH . 
ato dR^iShTo.asmi te sAkShAdbrahmacharya.n cha te mahat .. 2..\\
Apo nArA iti proktAH sa~nj~nA nAma kR^itaM mayA . 
tena nArAyaNo.asmyukto mama taddhyayana.n sadA .. 3..\\
ahaM nArAyaNo nAma prabhavaH shAshvato.avyayaH . 
vidhAtA sarvabhUtAnA.n sa.nhartA cha dvijottama .. 4..\\
aha.n viShNurahaM brahmA shakrashchAhaM surAdhipaH . 
aha.n vaishravaNo rAjA yamaH pretAdhipastathA .. 5..\\
aha.n shivashcha somashcha kashyapashcha prajApatiH . 
aha.n dhAtA vidhAtA cha yaGYashchAhaM dvijottama .. 6..\\
agnirAsya.n kShitiH pAdau chandrAdityau cha lochane . 
sadisha.n cha nabho kAyo vAyurmanasi me sthitaH .. 7..\\
mayA kratushatairiShTaM bahubhiH svAptadakShiNaiH . 
yajante vedaviduSho mA.n devayajane sthitam .. 8..\\
pR^ithivyA.n kShatriyendrAshcha pArthivAH svargakA~NkShiNaH . 
yajante mA.n tathA vaishyAH svargalokajigIShavaH .. 9..\\
chatuHsamudra paryantAM merumandara bhUShaNAm . 
sheSho bhUtvAhamevaitA.n dhArayAmi vasundharAm .. 10..\\
vArAha.n rUpamAsthAya mayeya.n jagatI purA . 
majjamAnA jale vipra vIryeNAsItsamuddhR^itA .. 11..\\
agnishcha vaDavA vaktro bhUtvAha.n dvijasattama . 
pibAmyapaH samAviddhAstAshchaiva visR^ijAmyaham .. 12..\\
brahma vaktraM bhujau kShatramUrU me saMshritA vishaH . 
pAdau shUdrA bhajante me vikrameNa krameNa cha .. 13..\\
R^igvedaH sAmavedashcha yajurvedo.apyatharvaNaH . 
mattaH prAdurbhavantyete mAmeva pravishanti cha .. 14..\\
yatayaH shAnti paramA yatAtmAno mumukShavaH . 
kAmakrodhadveShamuktA niHsa~NgA vItakalmaShAH .. 15..\\
sattvasthA niraha~NkArA nityamadhyAtmakovidAH . 
mAmeva satata.n viprAshchintayanta upAsate .. 16..\\
aha.n sa.nvartako jyotirahaM sarvartako yamaH . 
aha.n sa.nvartakaH sUryo ahaM sa.nvartako.anilaH .. 17..\\
tArA rUpANi dR^ishyante yAnyetAni nabhastale . 
mama rUpANyathaitAni viddhi tva.n dvijasattama .. 18..\\
ratnAkarAH samudrAshcha sarva eva chaturdisham . 
vasana.n shayana.n chaiva nilayaM chaiva viddhi me .. 19..\\
kAma.n krodhaM cha harShaM cha bhayaM mohaM tathaiva cha . 
mamaiva viddhi rUpANi sarvANyetAni sattama .. 20..\\
prApnuvanti narA vipra yatkR^itvA karmashobhanam . 
satya.n dAnaM tapo chogramahi.nsA chaiva jantuShu .. 21..\\
madvidhAnena vihitA mama dehavihAriNaH . 
mayAbhibhUta viGYAnA vicheShTante na kAmataH .. 22..\\
samyagvedamadhIyAnA yajanto vividhairmakhaiH . 
shAntAtmAno jitakrodhAH prApnuvanti dvijAtayaH .. 23..\\
prAptuM na shakyo yo vidvannarairduShkR^itakarmabhiH . 
lobhAbhibhUtaiH kR^ipaNairanAryairakR^itAtmabhiH .. 24..\\
taM mAM mahAphala.n viddhi padaM sukR^itakarmaNaH . 
duShprApa.n vipra mUDhAnAM mArgaM yogairniShevitam .. 25..\\
yadA yadA cha dharmasya glAnirbhavati sattama . 
abhyutthAnamadharmasya tadAtmAna.n sR^ijAmyaham .. 26..\\
daityA hi.nsAnuraktAshcha avadhyAH surasattamaiH . 
rAkShasAshchApi loke.asminyadotpatsyanti dAruNAH .. 27..\\
tadAha.n samprasUyAmi gR^iheShu shubhakarmaNAm . 
praviShTo mAnuSha.n deha.n sarvaM prashamayAmyaham .. 28..\\
sR^iShTvA devamanuShyAMshcha gandharvoragarAkShasAn . 
sthAvarANi cha bhUtAni sa.nharAmyAtmamAyayA .. 29..\\
karmakAle punardehamanuchintya sR^ijAmyaham . 
pravishya mAnuSha.n dehaM maryAdA bandhakAraNAt .. 30..\\
shvetaH kR^itayuge varNaH pItastretAyuge mama . 
rakto dvAparamAsAdya kR^iShNaH kaliyuge tathA .. 31..\\
trayo bhAgA hyadharmasya tasminkAle bhavantyuta . 
antakAle cha samprApte kAlo bhUtvAtidAruNaH . 
trailokyaM nAshayAmyekaH kR^itsna.n sthAvaraja~Ngamam .. 32..\\
aha.n trivartmA sarvAtmA sarvalokasukhAvahaH . 
abhibhUH sarvago.ananto hR^iShIkesha uru kramaH .. 33..\\
kAlachakraM nayAmyeko brahmannahamarUpi vai . 
shamana.n sarvabhUtAnAM sarvalokakR^itodyamam .. 34..\\
evaM praNihitaH samya~NmayAtmA munisattama . 
sarvabhUteShu viprendra na cha mA.n vetti kash chana .. 35..\\
yachcha ki.n chittvayA prAptaM mayi kleShAtmakaM dvija . 
sukhodayAya tatsarva.n shreyase cha tavAnagha .. 36..\\
yachcha ki.n chittvayA loke dR^iShTa.n sthAvaraja~Ngamam . 
vihitaH sarvathaivAsau mamAtmA munisattama .. 37..\\
ardhaM mama sharIrasya sarvalokapitAmahaH . 
ahaM nArAyaNo nAma sha~NkhachakragadAdharaH .. 38..\\
yAvadyugAnA.n viprarShe sahasraparivartanam . 
tAvatsvapimi vishvAtmA sarvalokapitAmahaH .. 39..\\
eva.n sarvamaha.n kAlamihAse munisattama . 
ashishuH shishurUpeNa yAvadbrahmA na budhyate .. 40..\\
mayA cha vipra datto.aya.n varaste brahmarUpiNA . 
asakR^itparituShTena viprarShigaNapUjita .. 41..\\
sarvamekArNava.n dR^iShTvA naShTa.n sthAvaraja~Ngamam . 
viklavo.asi mayA GYAtastataste darshita.n jagat .. 42..\\
abhyantara.n sharIrasya praviShTo.asi yadA mama . 
dR^iShTvA loka.n samasta.n cha vismito nAvabudhyase .. 43..\\
tato.asi vaktrAdviprarShe drutaM niHsArito mayA . 
AkhyAtaste mayA chAtmA durGYeyo.api surAsuraiH .. 44..\\
yAvatsa bhagavAnbrahmA na budhyati mahAtapaH . 
tAvattvamiha viprarShe vishrabdhash chara vai sukham .. 45..\\
tato vibhuddhe tasmi.nstu sarvalokapitAmahe . 
ekIbhUto hi srakShyAmi sharIrAddvijasattama .. 46..\\
AkAshaM pR^ithivI.n jyotirvAyu.n salilameva cha . 
loke yachcha bhavechchheShamiha sthAvaraja~Ngamam .. 47..\\

 maark

ityuktvAntarhitastAta sa devaH paramAdbhutaH . 
prajAshchemAH prapashyAmi vichitrA bahudhA kR^itAH .. 48..\\
etaddR^iShTaM mayA rAja.nstasminprApte yugakShaye . 
AshcharyaM bharatashreShTha sarvadharmabhR^itA.n vara .. 49..\\
yaH sa devo mayA dR^iShTaH purA padmanibhekShaNaH . 
sa eSha puruShavyAghra sambandhI te janArdanaH .. 50..\\
asyaiva varadAnAddhi smR^itirna prajahAti mAm . 
dIrghamAyushcha kaunteya svachchhandamaraNa.n tathA .. 51..\\
sa eSha kR^iShNo vArShNeyaH purANapuruSho vibhuH . 
Aste harirachintyAtmA krIDanniva mahAbhujaH .. 52..\\
eSha dhAtA vidhAtA cha sa.nhartA chaiva sAtvataH . 
shrIvatsa vakShA govindaH prajApatipatiH prabhuH .. 53..\\
dR^iShTvema.n vR^iShNishArdUlaM smR^itirmAmiyamAgatA . 
Adidevamaja.n viShNuM puruShaM pItavAsasam .. 54..\\
sarveShAmeva bhUtAnAM pitA mAtA cha mAdhavaH . 
gachchhadhvamena.n sharaNaM sharaNya.n kauravarShabhAH .. 55..\\
\medskip\hrule\medskip\centerline{\Largedvng 188}
 vai

evamuktAstu te pArthA yamau cha puruSharShabhau . 
draupadyA kR^iShNayA sArdhaM namashchakrurjanArdanam .. 1..\\
sa chaitAnpuruShavyAghra sAmnA paramavalgunA . 
sAntvayAmAsa mAnArhAnmanyamAno yathAvidhi .. 2..\\
yudhiShThirastu kaunteyo mArkaNDeyaM mahAmunim . 
punaH paprachchha sAmrAjye bhaviShyA.n jagato gatim .. 3..\\
AshcharyabhUtaM bhavataH shrutaM no vadatA.n vara . 
mune bhArgava yadvR^itta.n yugAdau prabhavApyayau .. 4..\\
asminkaliyuge.apyasti punaH kautUhalaM mama . 
samAkuleShu dharmeShu kiM nu sheShaM bhaviShyati .. 5..\\
ki.n vIryA mAnavAstatra kimAhAravihAriNaH . 
kimAyuShaH ki.n vasanA bhaviShyanti yugakShaye .. 6..\\
kA.n cha kAShThA.n samAsAdya punaH sampatsyate kR^itam . 
vistareNa mune brUhi vichitrANIha bhAShase .. 7..\\
ityuktaH sa munishreShThaH punarevAbhyabhAShata . 
ramayanvR^iShNishArdUlaM pANDavAMshcha mahAmuniH .. 8..\\

 maark

bhaviShya.n sarvalokasya vR^ittAntaM bharatarShabha . 
kaluSha.n kAlamAsAdya kathyamAnaM nibodha me .. 9..\\
kR^ite chatuShpAtsakalo nirvyAjopAdhi varjitaH . 
vR^iShaH pratiShThito dharmo manuShyeShvabhavatpurA .. 10..\\
adharmapAdaviddhastu tribhiraMshaiH pratiShThitaH . 
tretAyA.n dvApare.ardhena vyAmishro dharma uchyate .. 11..\\
tribhiraMshairadharmastu lokAnAkramya tiShThati . 
chaturthAMshena dharmastu manuShyAnupatiShThati .. 12..\\
AyurvIryamatho buddhirbala.n tejo cha pANDava . 
manuShyANAmanuyuga.n hrasatIti nibodha me .. 13..\\
rAjAno brAhmaNA vaishyAH shUdrAshchaiva yudhiShThira . 
vyAjairdharma.n chariShyanti dharmavvaita.nsikA narAH .. 14..\\
satya.n sa~NkShepsyate loke naraiH paNDitamAnibhiH . 
satyahAnyA tatasteShAmAyuralpaM bhaviShyati .. 15..\\
AyuShaH prakShayAdvidyAM na shakShyantyupashikShitum . 
vidyA hInAnaviGYAnAllobho.apyabhibhaviShyati .. 16..\\
lobhakrodhaparA mUDhAH kAmasaktAshcha mAnavAH . 
vairabaddhA bhaviShyanti parasparavadhepsavaH .. 17..\\
brAhmaNAH kShatriyA vaishyAH sa~NkIryantaH parasparam . 
shUdra tulyA bhaviShyanti tapaH satyavivarjitAH .. 18..\\
antyA madhyA bhaviShyanti madhyAshchAntAvasAyinaH . 
IdR^isho bhavitA loko yugAnte paryupasthite .. 19..\\
vastrANAM pravarA shANI dhAnyAnA.n kora dUShakAH . 
bhAryA mitrAshcha puruShA bhaviShyanti yugakShaye .. 20..\\
matsyAmiSheNa jIvanto duhantashchApyajaiDakam . 
goShu naShTAsu puruShA bhaviShyanti yugakShaye .. 21..\\
anyonyaM parimuShNanto hi.nsayantashcha mAnavAH . 
ajapA nAstikAH stenA bhaviShyanti yugakShaye .. 22..\\
sarittIreShu kuddAlairvApayiShyanti chauShadhIH . 
tAshchApyalpaphalAsteShAM bhaviShyanti yugakShaye .. 23..\\
shrAddhe daive cha puruShA ye cha nitya.n dhR^itavratAH . 
te.api lobhasamAyuktA bhokShyantIha parasparam .. 24..\\
pitA putrasya bhoktA cha pituH putrastathaiva cha . 
atikrAntAni bhojyAni bhaviShyanti yugakShaye .. 25..\\
na vratAni chariShyanti brAhmaNA veda nindakAH . 
na yakShyanti na hoShyanti hetuvAdavilobhitAH .. 26..\\
nimne kR^iShi.n kariShyanti yokShyanti dhuri dhenukAH . 
ekahAyana vatsAMshcha vAhayiShyanti mAnavAH .. 27..\\
putraH pitR^ivadha.n kR^itvA pitA putravadhaM tathA . 
nirudvego bR^ihadvAdI na nindAm upalapsyate .. 28..\\
mlechchha bhUta.n jagatsarvaM nishkriya.n yaGYavarjitam . 
bhaviShyati nirAnandamanutsavamatho tathA .. 29..\\
prAyashaH kR^ipaNAnA.n hi tathA bandhumatAm api . 
vidhavAnA.n cha vittAni hariShyantIha mAnavAH .. 30..\\
alpavIryabalAH stabdhA lobhamohaparAyaNAH . 
tatkathAdAnasantuShTA duShTAnAmapi mAnavAH . 
parigraha.n kariShyanti pApAchAraparigrahAH .. 31..\\
sa~NghAtayantaH kaunteya rAjAnaH pApabuddhayaH . 
parasparavadhodyuktA mUrkhAH paNDitamAninaH . 
bhaviShyanti yugasyAnte kShatriyA lokakaNTakAH .. 32..\\
arakShitAro lubdhAshcha mAnAha~NkAra darpitAH . 
kevala.n daNDaruchayo bhaviShyanti yugakShaye .. 33..\\
AkramyAkramya sAdhUnA.n dArAMshchaiva dhanAni cha . 
bhokShyante niranukroshA rudatAmapi bhArata .. 34..\\
na kanyA.n yAchate kashchinnApi kanyA pradIyate . 
svaya.n grAhA bhaviShyanti yugAnte paryupasthite .. 35..\\
rAjAnashchApyasantuShTAH parArthAnmUDhachetasaH . 
sarvopAyairhariShyanti yugAnte paryupasthite .. 36..\\
mlechchhI bhUta.n jagatsarvaM bhaviShyati cha bhArata . 
hasto hastaM parimuShedyugAnte paryupasthite .. 37..\\
satya.n sa~NkShipyate loke naraiH paNDitamAnibhiH . 
sthavirA bAlamatayo bAlAH sthavira buddhayaH .. 38..\\
bhIravaH shUramAnInaH shUrA bhIru viShAdinaH . 
na vishvasanti chAnyonya.n yugAnte paryupasthite .. 39..\\
ekAhArya.n jagatsarva.n lobhamohavyavasthitam . 
adharmo vardhati mahAnna cha dharmaH pravartate .. 40..\\
brAhmaNAH kShatriyA vaishyA na shiShyanti janAdhipa . 
ekavarNastadA loko bhaviShyati yugakShaye .. 41..\\
na kSha.nsyati pitA putraM putrashcha pitara.n tathA . 
bhAryA cha patishushrUShAM na kariShyati kA chana .. 42..\\
ye yavAnnA janapadA godhUmAnnAstathaiva cha . 
tAndeshAnsaMshrayiShyanti yugAnte paryupasthite .. 43..\\
svairAhArAshcha puruShA yoShitashcha vishAM pate . 
anyonyaM na sahiShyanti yugAnte paryupasthite .. 44..\\
mlechchha bhUta.n jagatsarvaM bhaviShyati yudhiShThira . 
na shrAddhairhi pitR^IMshchApi tarpayiShyanti mAnavAH .. 45..\\
na kashchitkasya chichchhrotA na kashchitkasya chidguruH . 
tamo grastastadA loko bhaviShyati narAdhipa .. 46..\\
paramAyushcha bhavitA tadA varShANi ShoDasha . 
tataH prANAnvimokShyanti yugAnte paryupasthite .. 47..\\
pa~nchame vAtha ShaShThe vA varShe kanyA prasUyate . 
sapta varShAShTa varShAshcha prajAsyanti narAstadA .. 48..\\
patyau strI tu tadA rAjanpuruSho vA striyaM prati . 
yugAnte rAjashArdUla na toShamupayAsyati .. 49..\\
alpadravyA vR^ithA li~NgA hi.nsA cha prabhaviShyati . 
na kashchitkasya chiddAtA bhaviShyati yugakShaye .. 50..\\
aTTashUlA janapadAH shiva shUlAshchatuShpathAH . 
keshashUlAH striyashchApi bhaviShyanti yugakShaye .. 51..\\
mlechchhAH krUrAH sarvabhakShA dAruNAH sarvakarmasu . 
bhAvinaH pashchime kAle manuShyA nAtra saMshayaH .. 52..\\
krayavikrayakAle cha sarvaH sarvasya va~nchanam . 
yugAnte bharatashreShTha vR^itti lobhAtkariShyati .. 53..\\
GYAnAni chApyaviGYAya kariShyanti kriyAstathA . 
Atmachhandena vartante yugAnte paryupasthite .. 54..\\
svabhAvAtkrUrakarmANashchAnyonyamabhisha~NkinaH . 
bhavitAro janAH sarve samprApte yugasa~NkShaye .. 55..\\
ArAmAMshchaiva vR^ikShAMshcha nAshayiShyanti nirvyathAH . 
bhavitA sa~NkShayo loke jIvitasya cha dehinAm .. 56..\\
tathA lobhAbhibhUtAshcha chariShyanti mahImimAm . 
brAhmaNAshcha bhaviShyanti brahma svAni cha bhu~njate .. 57..\\
hAhAkR^itA dvijAshchaiva bhayArtA vR^iShalArditAH . 
trAtAramalabhanto vai bhramiShyanti mahImimAm .. 58..\\
jIvitAntakarA raudrAH krUrAH prANivihi.nsakAH . 
yadA bhaviShyanti narAstadA sa~NkShepsyate yugam .. 59..\\
AshrayiShyanti cha nadIH parvatAnviShamANi cha . 
pradhAvamAnA vitrastA dvijAH kurukulodvaha .. 60..\\
dasyu prapIDitA rAjankAkA iva dvijottamAH . 
kurAjabhishcha satata.n karabhAra prapIDitAH .. 61..\\
dhairya.n tyaktvA mahIpAla dAruNe yugasa~NkShaye . 
vikarmANi kariShyanti shUdrANAM parichArakAH .. 62..\\
shUdrA dharmaM pravakShyanti brAhmaNAH paryupAsakAH . 
shrotArashcha bhaviShyanti prAmANyena vyavasthitAH .. 63..\\
viparItashcha loko.ayaM bhaviShyatyadharottaraH . 
eDUkAnpUjayiShyanti varjayiShyanti devatAH . 
shUdrAH parichariShyanti na dvijAnyugasa~NkShaye .. 64..\\
AshrameShu maharShINAM brAhmaNAvasatheShu cha . 
devasthAneShu chaityeShu nAgAnAmAlayeShu cha .. 65..\\
eDUka chihnA pR^ithivI na deva gR^ihabhUShitA . 
bhaviShyati yuge kShINe tadyugAntasya lakShaNam .. 66..\\
yadA raudrA dharmahInA mA.nsAdAH pAnapAstathA . 
bhaviShyanti narA nitya.n tadA sa~NkShepsyate yugam .. 67..\\
puShpe puShpa.n yadA rAjanphale phalamupAshritam . 
prajAsyati mahArAja tadA sa~NkShepsyate yugam .. 68..\\
akAlavarShI parjanyo bhaviShyati gate yuge . 
akrameNa manuShyANAM bhaviShyati tadA kriyA . 
virodhamatha yAsyanti vR^iShalA brAhmaNaiH saha .. 69..\\
mahI mlechchha samAkIrNA bhaviShyati tato.achirAt . 
karabhAra bhayAdviprA bhajiShyanti disho dasha .. 70..\\
nirvisheShA janapadA narAvR^iShTibhirarditAH . 
AshramAnabhipatsyanti phalamUlopajIvinaH .. 71..\\
evaM paryAkule loke maryAdA na bhaviShyati . 
na sthAsyantyupadeshe cha shiShyA vipriyakAriNaH .. 72..\\
AchAryopanidhish chaiva vatsyate tadanantaram . 
arthayuktyA pravatsyanti mitra sambandhibAndhavAH . 
abhAvaH sarvabhUtAnA.n yugAnte cha bhaviShyati .. 73..\\
dishaH prajvalitAH sarvA nakShatrANi chalAni cha . 
jyotIMShi pratikUlAni vAtAH paryAkulAstathA . 
ulkA pAtAshcha bahavo mahAbhayanidarshakAH .. 74..\\
ShaDbhiranyaishcha sahito bhAskaraH pratapiShyati . 
tumulAshchApi nirhrAdA digdAhAshchApi sarvashaH . 
kabandhAntarhito bhAnurudayAstamaye tadA .. 75..\\
akAlavarShI cha tadA bhaviShyati sahasradR^ik . 
sasyAni cha na rokShyanti yugAnte paryupasthite .. 76..\\
abhIkShNa.n krUra vAdinyaH paruShA ruditapriyAH . 
bhartR^INA.n vachane chaiva na sthAsyanti tadA striyaH .. 77..\\
putrAshcha mAtApitarau haniShyanti yugakShaye . 
sUdayiShyanti cha patInstriyaH putrAnapAshritAH .. 78..\\
aparvaNi mahArAja sUrya.n rAhurupaiShyati . 
yugAnte hutabhukchApi sarvataH prajvaliShyati .. 79..\\
pAnIyaM bhojana.n chaiva yAchamAnAstadAdhvagAH . 
na lapsyante nivAsa.n cha nirastAH pathi sherate .. 80..\\
nirghAtavAyasA nAgAH shakunAH samR^igadvijAH . 
rUkShA vAcho vimokShyanti yugAnte paryupasthite .. 81..\\
mitra sambandhinashchApi santyakShyanti narAstadA . 
janaM parijana.n chApi yugAnte paryupasthite .. 82..\\
atha deshAndishashchApi pattanAni purANi cha . 
kramashaH saMshrayiShyanti yugAnte paryupasthite .. 83..\\
hA tAta hA sutetyeva.n tadA vAchaH sudAruNAH . 
vikroshamAnashchAnyonya.n jano gAM paryaTiShyati .. 84..\\
tatastumulasa~NghAte vartamAne yugakShaye . 
dvijAtipUrvako lokaH krameNa prabhaviShyati .. 85..\\
tataH kAlAntare.anyasminpunarlokavivR^iddhaye . 
bhaviShyati punardaivamanukUla.n yadR^ichchhayA .. 86..\\
yadA chandrashcha sUryashcha tathA tiShyabR^ihaspatI . 
ekArAshau sameShyanti prapatsyati tadA kR^itam .. 87..\\
kAlavarShI cha parjanyo nakShatrANi shubhAni cha . 
pradakShiNA grahAshchApi bhaviShyantyanulomagAH . 
kShema.n subhikShamArogyaM bhaviShyati nirAmayam .. 88..\\
kalkirviShNuyashA nAma dvijaH kAlaprachoditaH . 
utpatsyate mahAvIryo mahAbuddhiparAkramaH .. 89..\\
sambhUtaH sambhala grAme brAhmaNAvasathe shubhe . 
manasA tasya sarvANi vAhanAnyAyudhAni cha . 
upasthAsyanti yodhAshcha shastrANi kavachAni cha .. 90..\\
sa dharmavijayI rAjA chakravartI bhaviShyati . 
sa chema.n sa~NkulaM lokaM prasAdamupaneShyati .. 91..\\
utthito brAhmaNo dIptaH kShayAntakR^idudAradhIH . 
sa sa~NkShepo hi sarvasya yugasya parivartakaH .. 92..\\
sa sarvatragatAnkShudrAnbrAhmaNaiH parivAritaH . 
utsAdayiShyati tadA sarvAnmlechchha gaNAndvijaH .. 93..\\
\medskip\hrule\medskip\centerline{\Largedvng 189}
 maark

tatashchorakShaya.n kR^itvA dvijebhyaH pR^ithivImimAm . 
vAjimedhe mahAyaGYe vidhivatkalpayiShyati .. 1..\\
sthApayitvA sa maryAdAH svayambhuvihitAH shubhAH . 
vanaM puNyayashaH karmA jarAvAnsaMshrayiShyati .. 2..\\
tachchhIlamanuvartsyante manuShyA lokavAsinaH . 
vipraishchorakshaye chaiva kR^ite kShemaM bhavishyate .. 3..\\
kR^iShNAjinAni shaktIshcha trishUlAnyAyudhAni cha . 
sthApayanvipra shArdUlo desheShu vijiteShu cha .. 4..\\
sa.nstUyamAno viprendrairmAnayAno dvijottamAn . 
kalkishchariShyati mahI.n sadA dasyu vadhe rataH .. 5..\\
hA tAta hA sutetyeva.n tAstA vAchaH sudAruNAH . 
vikroshamAnAnsubhR^isha.n dasyUnneShyati saMshayam .. 6..\\
tato.adharmavinAsho vai dharmavR^iddhishcha bhArata . 
bhaviShyati kR^ite prApte kriyAvAMshcha janastathA .. 7..\\
ArAmAshchaiva chaityAshcha taTAkAnyavaTAstathA . 
yaGYakriyAshcha vividhA bhaviShyanti kR^ite yuge .. 8..\\
brAhmaNAH sAdhavashchaiva munayashcha tapasvinaH . 
AshramAH saha pAShaNDAH sthitAH satye janAH prajAH .. 9..\\
jAsyanti sarvabIjAni upyamAnAni chaiva ha . 
sarveShvR^ituShu rAjendra sarva.n sasyaM bhaviShyati .. 10..\\
narA dAneShu niratA vrateShu niyameShu cha . 
japayaGYaparA viprA dharmakAmA mudA yutAH . 
pAlayiShyanti rAjAno dharmeNemA.n vasundharAm .. 11..\\
vyavahAra ratA vaishyA bhaviShyanti kR^ite yuge . 
ShaShkarmaniratA viprAH kShatriyA rakShaNe ratAH .. 12..\\
shushrUShAyA.n ratAH shUdrAstathA varNatrayasya cha . 
eSha dharmaH kR^itayuge tretAyA.n dvApare tathA . 
pashchime yugakAle cha yaH sa te samprakIrtitaH .. 13..\\
sarvalokasya viditA yugasa~NkhyA cha pANDava . 
etatte sarvamAkhyAtamatItAnAgataM mayA . 
vAyuproktamanusmR^itya purANamR^iShisa.nstutam .. 14..\\
eva.n sa.nsAramArgA me bahushashchirajIvinA . 
dR^iShTAshchaivAnubhUtAshcha tA.nste kathitavAnaham .. 15..\\
ida.n chaivAparaM bhUyo saha bhrAtR^ibhirachyuta . 
dharmasaMshaya mokShArthaM nibodha vachanaM mama .. 16..\\
dharme tvayAtmA sa.nyojyo nitya.n dharmabhR^itA.n vara . 
dharmAtmA hi sukha.n rAjA pretya cheha cha nandati .. 17..\\
nibodha cha shubhA.n vANIM yAM pravakShyAmi te.anagha . 
na brAhmaNe paribhavaH kartavyaste kadA chana . 
brAhmaNo ruShito hanyAdapi lokAnpratiGYayA .. 18..\\

 vai

mArkaNDeya vacho shrutvA kurUNAM pravaro nR^ipaH . 
uvAcha vachana.n dhImAnparamaM paramadyutiH .. 19..\\
kasmindharme mayA stheyaM prajAH sa.nrakShatA mune . 
katha.n cha vartamAno vai na chyaveya.n svadharmataH .. 20..\\

 maark

dayAvAnsarvabhUteShu hito rakto.anasUyakaH . 
apatyAnAmiva sveShAM prajAnA.n rakShaNe rataH . 
chara dharma.n tyajAdharmaM pitR^IndevAMshcha pUjaya .. 21..\\
pramAdAdyatkR^ita.n te.abhUtsa.nyaddAnena tajjaya . 
ala.n te mAnamAshritya satataM paravAnbhava .. 22..\\
vijitya pR^ithivI.n sarvAM modamAnaH sukhI bhava . 
eSha bhUto bhaviShyashcha dharmaste samudIritaH .. 23..\\
na te.astyavidita.n kiM chidatItAnAgataM bhuvi . 
tasmAdimaM pariklesha.n tvaM tAta hR^idi mA kR^ithAH .. 24..\\
eSha kAlo mahAbAho api sarvadivaukasAm . 
muhyanti hi prajAstAta kAlenAbhiprachoditAH .. 25..\\
mA cha te.atra vichAro bhUdyanmayokta.n tavAnagha . 
atisha~Nkya vacho hyetaddharmalopo bhavettava .. 26..\\
jAtAsi prathite vaMshe kurUNAM bharatarShabha . 
karmaNA manasA vAchA sarvametatsamAchara .. 27..\\

 y

yattvayokta.n dvijashreShTha vAkya.n shrutimanoharam . 
tathA kariShye yatnena bhavataH shAsana.n vibho .. 28..\\
na me lobho.asti viprendra na bhayaM na cha matsaraH . 
kariShyAmi hi tatsarvamukta.n yatte mayi prabho .. 29..\\

 vai

shrutvA tu vachana.n tasya pANDavasya mahAtmanaH . 
prahR^iShTAH pANDavA rAjansahitAH shAr~NgadhanvanA .. 30..\\
tathA kathA.n shubhAM shrutvA mArkaNDeyasya dhImataH . 
vismitAH samapadyanta purANasya nivedanAt .. 31..\\
\medskip\hrule\medskip\centerline{\Largedvng 190}
 vai

\noindent
bhUya eva brAhmaNamahAbhAgya.n vaktumarhasItyabravItpANDaveyo mArkaNDeyam
1 
.. 1.. 
athAchaShTa mArkaNDeyaH
1 
.. 2.. 
ayodhyAyAmikShuvAku kulotpannaH pArthivaH parikShinnAma mR^igayAm agamat
1 
.. 3.. 
tamekAshvena mR^igamanusarantaM mR^igo dUramapAharat
1 
.. 4.. 
athAdhvani jAtashramaH kShuttR^iShNAbhibhUtashcha kasmiMshchiduddeshe nIla.n vanaShaNDamapashyat
1 
tachcha vivesha
2 
.. 5.. 
tatastasya vanaShaNDasya madhye.atIva ramaNIya.n saro dR^iShTvA sAshvaiva vyagAhata
1 
.. 6.. 
athAshvastaH sa bisa mR^iNAlamashvasyAgre nikShipya puShkariNI tIre samAvishat
1 
.. 7.. 
tataH shayAno madhura.n gItashabdamashR^iNot
1 
.. 8.. 
sa shrutvA achintayat
1 
neha manuShyagatiM pashyAmi
2 
kasya khalvaya.n gItashabdeti
3 
.. 9.. 
athApashyatkanyAM paramarUpadarshanIyAM puShpANyavachinvatI.n gAyantIM cha
1 
.. 10.. 
atha sA rAGYaH samIpe paryakrAmat
1 
.. 11.. 
tAmabravIdrAjA
1 
kasyAsi subhage tvamiti
2 
.. 12.. 
sA pratyuvAcha
1 
.. 13.. 
tA.n rAjovAcha
1 
arthI tvayAhamiti
2 
.. 14.. 
athovAcha kanyA samayenAha.n shakyA tvayA labdhum
1 
nAnyatheti
2 
.. 15.. 
tA.n rAjA samayamapR^ichchhat
1 
.. 16.. 
tataH kanyedamuvAcha
1 
udakaM me na darshayitavyamiti
2 
.. 17.. 
sa rAjA bADhamityuktvA tA.n samAgamya tayA sahAste
1 
.. 18.. 
tatraivAsIne rAjani senAnvagachchhat
1 
padenAnupada.n dR^iShTvA rAjAnaM parivAryAtiShThat
2 
.. 19.. 
paryAshvastashcha rAjA tayaiva saha shibikayA prAyAdavighATitayA
1 
svanagaramanuprApya rahasi tayA saha ramannAste
2 
nAnyatki.n chanApashyat
3 
.. 20.. 
atha pradhAnAmAtyastasyAbhyAsha charAH striyo.apR^ichchhat
1 
kimatra prayojana.n vartateti
2 
.. 21.. 
athAbruva.nstAH striyaH
1 
apUrvamiva pashyAmodakaM nAtra nIyateti
2 
.. 22.. 
athAmAtyo.anudaka.n vana.n kArayitvodAra vR^ikShaM bahumUlapuShpaphalaM rahasyupagamya rAjAnamabravIt
1 
vanamidamudAramanudakam
2 
sAdhvatra ramyatAm iti
3 
.. 23.. 
sa tasya vachanAttayaiva sahadevyA tadvanaM prAvishat
1 
sa kadA chittasminvane ramye tayaiva saha vyavaharat
2 
atha kShuttR^iShNArditaH shrAnto.atimAtramatimuktAgAramapashyat
3 
.. 24.. 
tata pravishya rAjA saha priyayA sudhA talasukR^itA.n vimalasalilapUrNAM vApImapashyat
1 
.. 25.. 
dR^iShTvaiva cha tA.n tasyaiva tIre sahaiva tayA devyA vyatiShThat
1 
.. 26.. 
atha tA.n devI.n sa rAjAbravIt
1 
sAdhuvavatara vApI salilamiti
2 
.. 27.. 
sA tadvacho shrutvAvatIrya vApIM nyamajjat
1 
na punarudamajjat
2 
.. 28.. 
tAM mR^igayamANo rAjA nApashyat
1 
.. 29.. 
vApImapi niHsrAvya maNDUka.n shvabhramukhe dR^iShTvA kruddhAGYApayAmAsa
1 
sarvamaNDUka vadhaH kriyatAm iti
2 
yo mayArthI sa mR^itakari maNDUkairupAyanairmAmupatiShThediti
3 
.. 30.. 
atha maNDUkavadhe ghore kriyamANe dikShu sarvAsu maNDUkAnbhayamAvishat
1 
te bhItA maNDUkarAGYe yathAvR^ittaM nyavedayan
2 
.. 31.. 
tato maNDUkarATtApasa veShadhArI rAjAnamabhyagachchhat
1 
.. 32.. 
upetya chainamuvAcha
1 
mA rAjankrodhavasha.n gamaH
2 
prasAda.n kuru
3 
nArhasi maNDUkAnAmanaparAdhinA.n vadha.n kartumiti
3 
.. 33.. 
shlokau chAtra bhavataH
1\\
mA maNDUkA~njighA.nsa tva.n kopa.n sandhAryayAchyuta . 
prakShIyate dhanodreko janAnAmavijAnatAm .. 34..\\
pratijAnIhi naitA.nstvaM prApya krodha.n vimokShyase . 
ala.n kR^itvA tavAdharmaM maNDUkaiH ki.n hatairhi te .. 35..\\
\noindent
tameva.n vAdinamiShTajanashokaparItAtmA rAjA provAcha
1 
na hi kShamyate tanmayA
2 
haniShyAmyetAn
3 
etairdurAtmabhiH priyA me bhakShitA
4 
sarvathaiva me vadhyA maNDUkAH
5 
nArhasi vidvanmAm uparoddhumiti
6 
.. 36.. 
sa tadvAkyamupalabhya vyathitendriya manaH provAcha
1 
prasIda rAjan
2 
ahamAyurnAma maNDUkarAjaH
3 
mama sA duhitA sushobhanA nAma
4 
tasyA dauHshIlyametat
5 
bahavo hi rAjAnastayA vipralabdha pUrveti
6 
.. 37.. 
tamabravIdrAjA
1 
tayAsmyarthI
2 
sa me dIyatAm iti
3 
.. 38.. 
athainA.n rAGYe pitAdAt
1 
abravIchchainAm
2 
ena.n rAjAnaM shushrUShasveti
3 
.. 39.. 
sovAcha duhitaram
1 
yasmAttvayA rAjAno vipralabdhAstasmAdabrahmaNyAni tavApatyAni bhaviShyantyanR^itakatvAttaveti
2 
.. 40.. 
sa cha rAjA tAmupalabhya tasyA.n surata guNanibaddhahR^idayo lokatrayaishvaryamivopalabhya harShabAShpakalayA vAcha praNipatyAbhipUjya maNDUkarAjAnamabravIt
1 
anugR^ihIto.asmIti
2 
.. 41.. 
sa cha maNDUkarAjo jAmAtaramanuGYApya yathAgatamagachchhat
1 
.. 42.. 
atha kasya chitkAlasya tasyA.n kumArAstrayastasya rAGYaH sambabhUvuH shalo dalo balash cheti
1 
tatasteShA.n jyeShTha.n shalaM samaye pitA rAjye.abhiShichya tapasi dhR^itAtmA vanaM jagAma
2 
.. 43.. 
atha kadA chichchhilo mR^igayAm acharat
1 
mR^iga.n chAsAdya rathenAnvadhAvat
2 
.. 44.. 
sUta.n chovAcha
1 
shIghraM mA.n vahasveti
2 
.. 45.. 
sa tathoktaH sUto rAjAnamabravIt
1 
mA kriyatAmanubandhaH
2 
naiSha shakyastvayA mR^igo grahItu.n yadyapi te rathe yuktau vAmya syAtAm iti
3 
.. 46.. 
tato.abravIdrAjA sUtam
1 
AchakShva me vAmya
2 
hanmi vA tvAm iti
3 
.. 47.. 
saivamukto rAjabhayabhIto vAmadeva shApabhItashcha sannAchakhyau rAGYe
1 
vAmadevasyAshvau vAmya manojavAviti
2 
.. 48.. 
athainamevaM bruvANamabravIdrAjA
1 
vAmadevAshrama.n yAhIti
2 
.. 49.. 
sa gatvA vAmadevAshrama.n tamR^iShimabravIt
1 
bhagavanmR^igo mayA viddhaH pAlayate
2 
ta.n sambhAvayeyam
3 
arhasi me vAmya dAtumiti
4 
.. 50.. 
tamabravIdR^iShiH
1 
dadAni te vAmya
2 
kR^itakAryeNa bhavatA mamaiva niryAtyau kShipramiti
3 
.. 51.. 
sa cha tAvashvau pratigR^ihyAnuGYApya charShiM prAyAdvAmya sa.nyuktena rathena mR^igaM prati
1 
gachchhaMshchAbravItsUtam
3 
ashvaratnAvimAvayogyau brAhmaNAnAm
4 
naitau pratideyau vAmadevAyeti
5 
.. 52.. 
evamuktvA mR^igamavApya svanagarametyAshvAvantaHpure.asthApayat
1 
.. 53.. 
atharShishchintayAmAsa
1 
taruNo rAjaputraH kalyANaM patramAsAdya ramate
2 
na me pratiniryAtayati
3 
aho kaShTamiti
4 
.. 54.. 
manasA nishchitya mAsi pUrNe shiShyamabravIt
1 
gachchhAtreya
2 
rAjAnaM brUhi
3 
yadi paryAptaM niryAtayopAdhyAya vAmyeti
4 
.. 55.. 
sa gatvaiva.n ta.n rAjAnamabravIt
1 
.. 56.. 
ta.n rAjA pratyuvAcha
1 
rAGYAmetadvAhanam
2 
anarhA brAhmaNA ratnAnAmeva.nvidhAnAm
3 
ki.n cha brAhmaNAnAmashvaiH kAryam
4 
sAdhu pratigamyatAm iti
5 
.. 57.. 
sa gatvaivamupAdhyAyAyAchaShTa
1 
.. 58.. 
tachchhrutvA vachanamapriya.n vAmadevaH krodhaparItAtmA svayameva rAjAnamabhigamyAshvArthamabhyachodayat
1 
na chAdAdrAjA
2 
.. 59..\\

 vaama

prayachchha vAmyau mama pArthiva tvaM 
kR^ita.n hi te kAryamanyairashakyam . 
mA tvA vadhIdvaruNo ghorapAshair 
brahmakShatrasyAntare vartamAnaH .. 60..\\

 raajaa

anaDvAhau suvratau sAdhu dAntAv 
etadviprANA.n vAhanaM vAmadeva . 
tAbhyA.n yAhi tvaM yatra kAmo maharShe 
chhandA.nsi vai tvAdR^isha.n sa.nvahanti .. 61..\\

 vaama

chhandA.nsi vai mAdR^isha.n sa.nvahanti 
loke.amuShminpArthiva yAni santi . 
asmi.nstu loke mama yAnametad 
asmadvidhAnAmapareShA.n cha rAjan .. 62..\\

 raajaa

chatvAro vA gardabhAstvA.n vahantu 
shreShThAshvataryo harayo vA tura~NgAH . 
taistva.n yAhi kShatriyasyaiSha vAho 
mama vAmyau na tavaitau hi viddhi .. 63..\\

 vaama

ghora.n vrataM brAhmaNasyaitadAhur 
etadrAjanyadihAjIvamAnaH . 
ayasmayA ghorarUpA mahAnto 
vahantu tvA.n shitashUlAshchaturdhA .. 64..\\

 raajaa

ye tvA vidurbrAhmaNa.n vAmadeva 
vAchA hantuM manasA karmaNA vA . 
te tvA.n sashiShyamiha pAtayantu 
madvAkyanunnAH shitashUlAsi hastAH .. 65..\\

 vaama

nAnuyogA brAhmaNAnAM bhavanti 
vAchA rAjanmanasA karmaNA vA . 
yastvevaM brahma tapasAnveti 
vidvA.nstena shreShTho bhavati hi jIvamAnaH .. 66..\\

 maark

evamukte vAmadevena rAjan 
samuttasthU rAkShasA ghorarUpAH . 
taiH shUlahastairvadhyamAnaH sa rAjA 
provAcheda.n vAkyamuchchaistadAnIm .. 67..\\
ikShvAkavo yadi brahmandalo vA 
vidheyA me yadi vAnye visho.api . 
notsrakShye.aha.n vAmadevasya vAmyau 
naiva.nvidhA dharmashIlA bhavanti .. 68..\\
evaM bruvanneva sa yAtudhAnair 
hato jagAmAshu mahI.n kShitIshaH . 
tato viditvA nR^ipatiM nipAtitam 
ikShvAkavo vai dalamabhyaShi~nchan .. 69..\\
rAjye tadA tatra gatvA sa vipraH 
provAcheda.n vachanaM vAmadevaH . 
dala.n rAjAnaM brAhmaNAnAM hi deyam 
eva.n rAjansarvadharmeShu dR^iShTam .. 70..\\
bibheShi chettvamadharmAnnarendra 
prayachchha me shIghramevAdya vAmyau . 
etachchhrutvA vAmadevasya vAkyaM 
sa pArthivaH sUtamuvAcha roShAt .. 71..\\
eka.n hi me sAyaka.n chitrarUpaM 
digdha.n viSheNAhara sa~NgR^ihItam . 
yena viddho vAmadevaH shayIta 
sandashyamAnaH shvabhirArtarUpaH .. 72..\\

 vaama

jAnAmi putra.n dashavarShaM tavAhaM 
jAtaM mahiShyA.n shyenajitaM narendra . 
ta.n jahi tvaM madvachanAtpraNunnas 
tUrNaM priya.n sAyakairghorarUpaiH .. 73..\\

 maark

evamukto vAmadevena rAjann 
antaHpure rAjaputra.n jaghAna . 
sa sAyakastigmatejA visR^iShTaH 
shrutvA dalastachcha vAkyaM babhAShe .. 74..\\
ikShvAkavo hanta charAmi vaH priyaM 
nihanmIma.n vipramadya pramathya . 
AnIyatAmaparastigmatejAH 
pashyadhvaM me vIryamadya kShitIshAH .. 75..\\

 vaama

ya.n tvamena.n sAyakaM ghorarUpaM 
viSheNa digdhaM mama sandadhAsi . 
na tvamena.n sharavaryaM vimoktuM 
sandhAtu.n vA shakShyasi mAnavendra .. 76..\\

 raajaa

ikShvAkavaH pashyata mA.n gR^ihItaM 
na vai shaknomyeSha shara.n vimoktum . 
na chAsya kartuM nAshamabhyutsahAmi 
AyuShmAnvai jIvatu vAmadevaH .. 77..\\

 vaama

sa.nspR^ishainAM mahiShI.n sAyakena 
tatastasmAdenaso mokShyase tvam .. 78..\\

 maark

tatastathA kR^itavAnpArthivastu 
tato muni.n rAjaputrI babhAShe . 
yathA yukta.n vAmadevAhamenaM 
dine dine sa.nvishantI vyasha.nsam . 
brAhmaNebhyo mR^igayantI sUnR^itAni 
tathA brahmanpuNyaloka.n labheyam .. 79..\\

 vaama

tvayA trAta.n rAjakulaM shubhekShaNe 
vara.n vR^iNIShvApratima.n dadAni te . 
prashAdhIma.n svajanaM rAjaputri 
ikShvAkurAjya.n sumahachchApyanindye .. 80..\\

 raajaputrii

vara.n vR^iNe bhagavannekameva 
vimuchyatA.n kilbiShAdadya bhartA . 
shivena chAdhyAhi saputrabAndhavaM 
varo vR^ito hyeSha mayA dvijAgrya .. 81..\\

 maark

shrutvA vacho sa munI rAjaputryAs 
tathAstviti prAha kurupravIra . 
tataH sa rAjA mudito babhUva 
vAmyau chAsmai sampradadau praNamya .. 82..\\
\medskip\hrule\medskip\centerline{\Largedvng 191}
 vai

\noindent
mArkaNDeyamR^iShayaH pANDavAshcha paryapR^ichchhan
1 
asti kashchidbhavatashchirajAtatareti
2 
.. 1.. 
sa tAnuvAcha
1 
asti khalu rAjarShirindradyumno nAma kShINapuNyastridivAtprachyutaH
2 
kIrtiste vyuchchhinneti
3 
sa mAmupAtiShThat
4 
atha pratyabhijAnAti mAM bhavAniti
5 
.. 2.. 
tamahamabruvam
1 
na vaya.n rAsAyanikAH sharIropatApenAtmanaH samArabhAmahe.arthAnAmanuShThAnam
2 
.. 3.. 
asti khalu himavati prAkArakarNo nAmolUkaH
1 
sa bhavanta.n yadi jAnIyAt
2 
prakR^iShTe chAdhvani himavAn
3 
tatrAsau prativasatIti
3 
.. 4.. 
sa mAmashvo bhUtvA tatrAvahadyatra babhUvolUkaH
1 
.. 5.. 
athaina.n sa rAjarShiH paryapR^ichchhat
1 
pratyabhijAnAti mAM bhavAniti
2 
.. 6.. 
sa muhUrta.n dhyAtvAbravIdenam
1 
nAbhijAne bhavantamiti
2 
.. 7.. 
saivamukto rAjarShirindradyumaH punastamulUkamabravIt
1 
asti kashchidbhavatashchirajAtatareti
2 
.. 8.. 
saivamukto.abravIdenam
1 
asti khalvindradyumnasaro nAma
2 
tasminnADIja~Ngho nAma bakaH prativasati
3 
so.asmattashchirajAtataraH
4 
taM pR^ichchheti
5 
.. 9.. 
tatendradyumno mA.n cholUkaM chAdAya tatsaro.agachchhadyatrAsau nADIja~Ngho nAma bako babhUva
1 
.. 10.. 
so.asmAbhiH pR^iShTaH
1 
bhavAnindradyuna.n rAjAnaM pratyabhijAnAtIti
2 
.. 11.. 
saivamukto.abravInmuhUrta.n dhyAtvA
1 
nAbhijAnAmyahamindradyumna.n rAjAnamiti
2 
.. 12.. 
tataH so.asmAbhiH pR^iShTaH
1 
asti kashchidanyo bhavatashchirajAtatareti
2 
.. 13.. 
sa no.abravIdasti khalvihaiva sarasyakUpAro nAma kachchhapaH prativasati
1 
sa mattashchirajAtatareti
2 
sa yadi katha.n chidabhijAnIyAdima.n rAjAnaM tamakUpAraM pR^ichchhAmeti
3 
.. 14.. 
tataH sa bakastamakUpAra.n kachchhapa.n viGYApayAmAsa
1 
astyasmAkamabhipretaM bhavanta.n kaM chidarthamabhipraShTum
2 
sAdhvAgamyatA.n tAvaditi
3 
.. 15.. 
etachchhrutvA sa kachchhapastasmAtsarasotthAyAbhyagachchhadyatra tiShThAmo vaya.n tasya sarasastIre
1 
.. 16.. 
Agata.n chaina.n vayamapR^ichchhAma
1 
bhavAnindradyumna.n rAjAnamabhijAnAtIti
2 
.. 17.. 
sa muhUrta.n dhyAtvA bAShpapUrNanayanudvignahR^idayo vepamAno visa~nj~nakalpaH prA~njalirabravIt
1 
kimahamenaM na pratyabhijAnAmi
2 
aha.n hyanena sahasrakR^itvaH pUrvamagnichitiShUpahita pUrvaH
3 
sarashchedamasya dakShiNAdattAbhirgobhiratikramamANAbhiH kR^itam
4 
atra chAhaM prativasAmIti
5 
.. 18.. 
athaitatkachchhapenodAhR^ita.n shrutvA samanantara.n devalokAddeva rathaH prAdurAsIt
1 
.. 19.. 
vAcho chAshrUyantendradyumnaM prati
1 
prastutaste svargaH
2 
yathochita.n sthAnamabhipadyasva
3 
kIrtimAnasi
4 
avyagro yAhIti
5 
.. 20..\\
diva.n spR^ishati bhUmi.n cha shabdaH puNyasya karmaNaH . 
yAvatsa shabdo bhavati tAvatpuruSha uchyate .. 21..\\
akIrtiH kIrtyate yasya loke bhUtasya kasya chit . 
patatyevAdhamA.NllokAnyAvachchhabdaH sa kIrtyate .. 22..\\
tasmAtkalyANa vR^ittaH syAdatyantAya naro bhuvi . 
vihAya vR^ittaM pApiShTha.n dharmamevAbhisaMshrayet .. 23..\\
\noindent
ityetachchhrutvA sa rAjAbravIt
1 
tiShTha tAvadyAvadidAnImimau vR^iddhau yathAsthAnaM pratipAdayAmIti
2 
.. 24.. 
sa mAM prAkArakarNa.n cholUka.n yathochite sthAne pratipAdya tenaiva yAnena sa.nsiddho yathochitaM sthAnaM pratipannaH
1 
.. 25.. 
etanmayAnubhUta.n chirajIvinA dR^iShTamiti pANDavAnuvAcha mArkaNDeyaH
1 
.. 26.. 
pANDavAshchochuH prItAH
1 
sAdhu
2 
shobhana.n kR^itaM bhavatA rAjAnamindradyumna.n svargalokAchchyutaM sve sthAne svarge punaH pratipAdayateti
3 
.. 27.. 
athainAmabravIdasau
1 
nanu devakIputreNApi kR^iShNena narake majjamAno rAjarShirnR^igastasmAtkR^ichchhrAtsamuddhR^itya punaH svargaM pratipAditeti
2 
.. 28..\\
\medskip\hrule\medskip\centerline{\Largedvng 192}
 vai

yudhiShThiro dharmarAjaH paprachchha bharatarShabha . 
mArkaNDeya.n tapovR^iddhaM dIryAyuram akalmaSham .. 1..\\
viditAstava dharmaGYa devadAnavarAkShasAH . 
rAjavaMshAshcha vividhA R^iShivaMshAshcha shAshvatAH . 
na te.astyavidita.n kiM chidasmi.Nlloke dvijottama .. 2..\\
kathA.n vetsi mune divyAM manuShyoragarakShasAm . 
etadichchhAmyaha.n shrotu.n tattvena kathitaM dvija .. 3..\\
kuvalAshva iti khyAta ikShvAkuraparAjitaH . 
kathaM nAma viparyAsAddhundhumAratvamAgataH .. 4..\\
etadichchhAmi tattvena GYAtuM bhArgava sattama . 
viparyasta.n yathA nAma kuvalAshvasya dhImataH .. 5..\\

 maark

hanta te kathayiShyAmi shR^iNu rAjanyudhiShThira . 
dharmiShThamidamAkhyAna.n dundhu mArasya tachchhR^iNu .. 6..\\
yathA sa rAjA ikShvAkuH kuvalAshvo mahIpatiH . 
dhundhumAratvamagamattachchhR^iNuShva mahIpate .. 7..\\
maharShirvishrutastAta utta~Nka iti bhArata . 
marudhanvasu ramyeShu Ashramastasya kaurava .. 8..\\
utta~Nkastu mahArAja tapo.atapyatsudushcharam . 
ArirAdhayiShurviShNuM bahUnvarShagaNAnvibho .. 9..\\
tasya prItaH sa bhagavAnsAkShAddarshanameyivAn . 
dR^iShTvaiva charShiH prahvasta.n tuShTAva vividhairstavaiH .. 10..\\
tvayA deva prajAH sarvAH sadevAsuramAnavAH . 
sthAvarANi cha bhUtAni ja~NgamAni tathaiva cha . 
brahma vedAshcha vedya.n cha tvayA sR^iShTaM mahAdyute .. 11..\\
shiraste gagana.n deva netre shashidivAkarau . 
niHshvAsaH panavashchApi tejo.agnishcha tavAchyuta . 
bAhavaste dishaH sarvAH kukShishchApi mahArNavaH .. 12..\\
UrU te parvatA devakhaM nAbhirmadhusUdana . 
pAdau te pR^ithivI devI romANyoShadhayastathA .. 13..\\
indra somAgnivaruNA devAsuramahoragAH . 
prahvAstvAmupatiShThanti stuvanto vividhaiH stavaiH .. 14..\\
tvayA vyAptAni sarvANi bhUtAni bhuvaneshvara . 
yoginaH sumahAvIryAH stuvanti tvAM maharShayaH .. 15..\\
tvayi tuShTe jagatsvastha.n tvayi kruddhe mahadbhayam . 
bhayAnAmapanetAsi tvamekaH puruShottama .. 16..\\
devAnAM mAnuShANA.n cha sarvabhUtasukhAvahaH . 
tribhirvikramaNairdevatrayo lokAstvayAhR^itAH . 
asurANA.n samR^iddhAnAM vinAshashcha tvayA kR^itaH .. 17..\\
tava vikramaNairdevA nirvANamagamanparam . 
parAbhava.n cha daityendrAstvayi kruddhemahA dyute .. 18..\\
tva.n hi kartA vikartA cha bhUtAnAmiha sarvashaH . 
ArAdhayitvA tvA.n devAH sukhamedhanti sarvashaH .. 19..\\
eva.n stuto hR^iShIkesha utta~Nkena mahAtmanA . 
utta~NkamabravIdviShNuH prItaste.aha.n varaM vR^iNu .. 20..\\

 uttanka

paryApto me varahyeSha yadaha.n dR^iShTavAnharim . 
puruSha.n shAshvata.n divyaM sraShTAraM jagataH prabhum .. 21..\\

 visnu

prItaste.ahamalaulyena bhaktyA cha dvijasattama . 
avashya.n hi tvayA brahmanmatto grAhyo varadvija .. 22..\\
eva.n sa~nchandyamAnastu vareNa hariNA tadA . 
utta~NkaH prA~njalirvavre varaM bharatasattama .. 23..\\
yadi me bhagavAnprItaH puNDarIkanibhekShaNaH . 
dharme satye dame chaiva buddhirbhavatu me sadA . 
abhyAsashcha bhavedbhaktyA tvayi nityaM maheshvara .. 24..\\

 visnu

sarvametaddhi bhavitA matprasAdAttava dvija . 
pratibhAsyati yogashcha yena yukto divaukasAm . 
trayANAmapi lokAnAM mahatkArya.n kariShyasi .. 25..\\
utsAdanArtha.n lokAnA.n dhundhurnAma mahAsuraH . 
tapasyati tapo ghora.n shR^iNu yastaM haniShyati .. 26..\\
bR^ihadashva iti khyAto bhaviShyati mahIpatiH . 
tasya putraH shuchirdAntaH kuvalAshva iti shrutaH .. 27..\\
sa yogabalamAsthAya mAmakaM pArthivottamaH . 
shAsanAttava viprarShe dhundhumAro bhaviShyati .. 28..\\
utta~NkamevamuktvA tu viShNurantaradhIyata .. 29..\\
\medskip\hrule\medskip\centerline{\Largedvng 193}
 maark

ikShvAkau sa.nsthite rAja~nshashAdaH pR^ithivImimAm . 
prAptaH paramadharmAtmA so.ayodhyAyAM nR^ipo.abhavat .. 1..\\
shashAdasya tu dAyAdaH kakutstho nAma vIryavAn . 
anenAshchApi kAkutsthaH pR^ithushchAnenasaH sutaH .. 2..\\
viShvagashvaH pR^ithoHputrastasmAdArdrastu jaGYivAn . 
Ardrasya yuvanAshvastu shrAvastastasya chAtmajaH .. 3..\\
jaGYe shrAvastako rAjA shrAvastI yena nirmitA . 
shrAvastasya tu dAyAdo bR^ihadashvo mahAbalaH . 
bR^ihadashva sutashchApi kuvalAshva iti smR^itaH .. 4..\\
kuvalAshvasya putrANA.n sahasrANyekaviMshatiH . 
sarve vidyAsu niShNAtA balavanto durAsadAH .. 5..\\
kuvalAshvastu pitR^ito gunairabhyadhiko.abhavat . 
samaye ta.n tato rAjye bR^ihadashvo.abhyaShechayat . 
kuvalAshvaM mahArAja shUramuttamadhArmikam .. 6..\\
putra sa~NkrAmita shrIstu bR^ihadashvo mahIpatiH . 
jagAma tapase dhImA.nstapovanamamitrahA .. 7..\\
atha shushrAva rAjarShi.n tamutta~Nko yudhiShThira . 
vana.n samprasthitaM rAjanbR^ihadashva.n dvijottamaH .. 8..\\
tamutta~Nko mahAtejA sarvAstraviduShA.n varam . 
nyavArayadameyAtmA samAsAdya narottamam .. 9..\\

 uttanka

bhavatA rakShaNa.n kAryaM tattAvatkartumarhasi . 
nirudvignA vaya.n rAja.nstvatprasAdAdvasemahi .. 10..\\
tvayA hi pR^ithivI rAjanrakShyamANA mahAtmanA . 
bhaviShyati nirudvignA nAraNya.n gantumarhasi .. 11..\\
pAlane hi mahAndharmaH prajAnAmiha dR^ishyate . 
na tathA dR^ishyate.araNye mA te bhUdbuddhirIdR^ishI .. 12..\\
IdR^isho na hi rAjendra dharmaH kva chana dR^ishyate . 
prajAnAM pAlane yo vai purA rAjarShibhiH kR^itaH . 
rakShitavyAH prajA rAGYA tAstva.n rakShitumarhasi .. 13..\\
nirudvignastapo chartuM na hi shaknomi pArthiva . 
mamAshramasamIpe vai sameShu marudhanvasu .. 14..\\
samudro bAlukA pUrNa ujAnaka iti smR^itaH . 
bahuyojanavistIrNo bahuyojanamAyataH .. 15..\\
tatra raudro dAnavendro mahAvIryaparAkramaH . 
madhukaiTabhayoH putro dhundhurnAma sudAruNaH .. 16..\\
antarbhUmi gato rAjanvasatyamitavikramaH . 
taM nihatya mahArAja vana.n tvaM gantumarhasi .. 17..\\
shete lokavinAshAya tapa AsthAya dAruNam . 
tridashAnA.n vinAshAya lokAnA.n chApi pArthiva .. 18..\\
avadhyo devatAnA.n sa daityAnAmatha rakShasAm . 
nAgAnAmatha yakShANA.n gandharvANAM cha sarvashaH . 
avApya sa vara.n rAjansarvalokapitAmahAt .. 19..\\
ta.n vinAshaya bhadra.n te mA te buddhirato.anyathA . 
prApsyase mahatI.n kIrti.n shAshvatImavyayAM dhruvAm .. 20..\\
krUrasya svapatastasya vAlukAntarhitasya vai . 
sa.nvatsarasya paryante niHshvAsaH sampravartate . 
yadA tadA bhUshchalati sashailavanakAnanA .. 21..\\
tasya niHshvAsavAtena raja uddhUyate mahat . 
AdityapathamAvR^itya saptAhaM bhUmikampanam . 
savisphuli~Nga.n sajvAlaM sadhUmaM hyati dAruNam .. 22..\\
tena rAjanna shaknomi tasminsthAtu.n sva Ashrame . 
ta.n vinAshaya rAjendra lokAnAM hitakAmyayA . 
lokAH svasthA bhavantvadya tasminvinihate.asure .. 23..\\
tva.n hi tasya vinAshAya paryApta iti me matiH . 
tejasA tava tejo cha viShNurApyAyayiShyati .. 24..\\
viShNunA cha varo datto mama pUrva.n tato vadhe . 
yastaM mahAsura.n raudraM vadhiShyati mahIpatiH . 
tejasta.n vaiShNavamiti pravekShyati durAsadam .. 25..\\
tattejastva.n samAdhAya rAjendra bhuvi duHsaham . 
taM niShUdaya sanduShTa.n daitya.n raudraparAkramam .. 26..\\
na hi dhundhurmahAtejA tejasAlpena shakyate . 
nirdagdhuM pR^ithivIpAla sa hi varShashatairapi .. 27..\\
\medskip\hrule\medskip\centerline{\Largedvng 194}
 maark

sa evamukto rAjarShirutta~NkenAparAjitaH . 
utta~Nka.n kauravashreShTha kR^itA~njalirathAbravIt .. 1..\\
na te.abhigamanaM brahmanmoghametadbhaviShyati . 
putro mamAyaM bhagavankuvalAshva iti smR^itaH .. 2..\\
dhR^itimAnkShiprakArI cha vIryeNApratimo bhuvi . 
priya.n vai sarvametatte kariShyati na saMshayaH .. 3..\\
putraiH parivR^itaH sarvaiH shUraiH parighabAhubhiH . 
visarjayasva mAM brahmannyastashastro.asmi sAmpratam .. 4..\\
tathAstviti cha tenokto muninAmita tejasA . 
sa tamAdishya tanayamutta~NkAya mahAtmane . 
kriyatAmiti rAjarShirjagAma vanamuttamam .. 5..\\

 y

ka eSha bhagavandaityo mahAvIryastapodhana . 
kasya putro.atha naptA vA etadichchhAmi veditum .. 6..\\
evaM mahAbalo daityo na shruto me tapodhana . 
etadichchhAmi bhagavanyAthAtathyena veditum . 
sarvameva mahAprAGYa vistareNa tapodhana .. 7..\\

 maark

shR^iNu rAjannida.n sarvaM yathAvR^ittaM narAdhipa . 
ekArNave tadA ghore naShTe sthAvaraja~Ngame . 
pranaShTeShu cha bhUteShu sarveShu bharatarShabha .. 8..\\
prabhavaH sarvabhUtAnA.n shAshvataH puruSho.avyayaH . 
suShvApa bhagavAnviShNurapshayyAm eka eva ha . 
nAgasya bhoge mahati sheShasyAmita tejasaH .. 9..\\
lokakartA mahAbhAga bhagavAnachyuto hariH . 
nAgabhogena mahatA parirabhya mahImimAm .. 10..\\
svapatastasya devasya padma.n sUryasamaprabham . 
nAbhyA.n viniHsR^ita.n tatra yatrotpannaH pitAmahaH . 
sAkShAllokagururbrahmA padme sUryendusaprabhe .. 11..\\
chaturvedashchaturmUrtistathaiva cha chaturmukhaH . 
svaprabhAvAddurAdharSho mahAbalaparAkramaH .. 12..\\
kasya chittvatha kAlasya dAnavau vIryavattarau . 
madhushcha kaiTabhashchaiva dR^iShTavantau hariM prabhum .. 13..\\
shayAna.n shayane divye nAgabhoge mahAdyutim . 
bahuyojanavistIrNe bahu yoganamAyate .. 14..\\
kirITakaustubha dharaM pItakausheyavAsasam . 
dIpyamAna.n shriyA rAja.nstejasA vapuShA tathA . 
sahasrasUryapratimamadbhutopamadarshanam .. 15..\\
vismayaH sumahAnAsInmadhukaiTabhayostadA . 
dR^iShTvA pitAmaha.n chaiva padme padmanibhekShaNam .. 16..\\
vitrAsayetAmatha tau brahmANamamitaujasam . 
vitrasyamAno bahusho brahmA tAbhyAM mahAyashaH . 
akampayatpadmanAla.n tato.abudhyata keshavaH .. 17..\\
athApashyata govindo dAnavau vIrtavattarau . 
dR^iShTvA tAvabravIddevaH svAgata.n vAM mahAbalau . 
dadAni vA.n varaM shreShThaM prItirhi mama jAyate .. 18..\\
tau prahasya hR^iShIkeshaM mahAvIryau mahAsurau . 
pratyabrUtAM mahArAja sahitau madhusUdanam .. 19..\\
AvA.n varaya deva tvaM varadau svaH surottama . 
dAtArau svo vara.n tubhyaM tadbravIhyavichArayan .. 20..\\

 bhag

pratigR^ihNe vara.n vIrAvIpsitash cha varo mama . 
yuvA.n hi vIryasampannau na vAmasti samaH pumAn .. 21..\\
vadhyatvamupagachchhetAM mama satyaparAkramau . 
etadichchhAmyaha.n kAmaM prAptu.n lokahitAya vai .. 22..\\

 m-k

anR^itaM noktapUrvaM nau svaireShvapi kuto.anyathA . 
satye dharme cha niratau viddhyAvAM puruShottama .. 23..\\
bale rUpe cha vIrye cha shame cha na samo.asti nau . 
dharme tapasi dAne cha shIlasattvadameShu cha .. 24..\\
upaplavo mahAnasmAnupAvartata keshava . 
uktaM pratikuruShva tva.n kAlo hi duratikramaH .. 25..\\
AvAmichchhAvahe devakR^itameka.n tvayA vibho . 
anAvR^ite.asminnAkAshe vadha.n suravarottama .. 26..\\
putratvamabhigachchhAva tava chaiva sulochana . 
vara eSha vR^ito deva tadviddhi surasattama .. 27..\\

 bhag

bADhameva.n kariShyAmi sarvametadbhaviShyati .. 28..\\

 m-k

vichintya tvatha govindo nApashyadyadanAvR^itam . 
avakAshaM pR^ithivyA.n vA divi vA madhusUdanaH .. 29..\\
svakAvanAvR^itAvUrU dR^iShTvA devavarastadA . 
madhukaiTabhayo rAja~nshirasI madhusUdanaH . 
chakreNa shitadhAreNa nyakR^intata mahAyashaH .. 30..\\
\medskip\hrule\medskip\centerline{\Largedvng 195}
 maark

dhundhurnAma mahAtejA tayoH putro mahAdyutiH . 
sa tapo.atapyata mahanmahAvIryaparAkramaH .. 1..\\
atiShThadekapAdena kR^isho dhamani santataH . 
tasmai brahmA dadau prIto vara.n vavre sa cha prabho .. 2..\\
devadAnava yakShANA.n sarpagandharvarakShasAm . 
avadhyo.ahaM bhaveya.n vai vara eSha vR^ito mayA .. 3..\\
evaM bhavatu gachchheti tamuvAcha pitAmahaH . 
sa evamuktastatpAdau mUrdhnA spR^ishya jagAma ha .. 4..\\
sa tu dhundhurvara.n labdhvA mahAvIryaparAkramaH . 
anusmaranpitR^ivadha.n tato viShNumupAdravat .. 5..\\
sa tu devAnsagandharvA~njitvA dhundhuramarShaNaH . 
babAdha sarvAnasakR^iddevAnviShNu.n cha vai bhR^isham .. 6..\\
samudro bAlukA pUrNa ujjAnaka iti smR^itaH . 
Agamya cha sa duShTAtmA ta.n deshaM bharatarShabha . 
bAdhate sma para.n shaktyA tamutta~NkAshramaM prabho .. 7..\\
antarbhUmi gatastatra vAlukAntarhitastadA . 
madhukaiTabhayoH putro dhundhurbhImaparAkramaH .. 8..\\
shete lokavinAshAya tapobalasamAshritaH . 
utta~NkasyAshramAbhyAshe niHshvasanpAvakArchiShaH .. 9..\\
etasminneva kAle tu sambhR^itya balavAhanaH . 
kuvalAshvo narapatiranvito balashAlinAm .. 10..\\
sahasrairekaviMshatyA putrANAmarimardanaH . 
prAyAdutta~Nka sahito dhundhostasya niveshanam .. 11..\\
tamAvishattato viShNurbhagavA.nstejasA prabhuH . 
utta~Nkasya niyogena lokAnA.n hitakAmyayA .. 12..\\
tasminprayAte durdharShe divi shabdo mahAnabhUt . 
eSha shrImAnnR^ipasuto dhundhumAro bhaviShyati .. 13..\\
divyaishcha puShpaista.n devAH samantAtparyavAkiran . 
devadundubhayashchaiva neduH svayamudIritAH .. 14..\\
shItashcha vAyuH pravavau prayANe tasya dhImataH . 
vipA.nsulAM mahI.n kurvanvavarSha cha sureshvaraH .. 15..\\
antarikShe vimAnAni devatAnA.n yudhiShThira . 
tatraiva samadR^ishyanta dhundhuryatra mahAsuraH .. 16..\\
kuvalAshvasya dhundhoshcha yuddhakautUhalAnvitAH . 
devagandharvasahitAH samavaikShanmaharShayaH .. 17..\\
nArAyaNena kauravya tejasApyAyitastadA . 
sa gato nR^ipatiH kShipraM putraistaiH sarvatodisham .. 18..\\
arNava.n khAnayAmAsa kuvalAshvo mahIpatiH . 
kuvalAshvasya putraistu tasminvai vAlukArNave .. 19..\\
saptabhirdivasaiH khAtvA dR^iShTo dhundhurmahAbalaH . 
AsIdghora.n vapustasya vAlukAntarhitaM mahat . 
dIpyamAna.n yathA sUryastejasA bharatarShabha .. 20..\\
tato dhundhurmahArAja dishamAshritya pashchimAm . 
supto.abhUdrAjashArdUla kAlAnalasamadyutiH .. 21..\\
kuvalAshvasya putraistu sarvataH parivAritaH . 
abhidurtaH sharaistIkShNairgadAbhirmusalairapi . 
paTTiShaiH parighaiH prAsaiH khaDgaishcha vimalaiH shitaiH .. 22..\\
sa vadhyamAnaH sa~NkruddhaH samuttasthau mahAbalaH . 
kruddhashchAbhakShayatteShA.n shastrANi vividhAni cha .. 23..\\
AsyAdvamanpAvaka.n sa sa.nvartaka sama.n tadA . 
tAnsarvAnnR^ipateH putrAnadahatsvena tejasA .. 24..\\
mukhajenAgninA kruddho lokAnudvartayanniva . 
kShaNena rAjashArdUla pureva kapilaH prabhuH . 
sagarasyAtmajAnkruddhastadadbhutamivAbhavat .. 25..\\
teShu krodhAgnidagdheShu tadA bharatasattama . 
taM prabuddhaM mahAtmAna.n kumbhakarNamivAparam . 
AsasAda mahAtejA kuvalAshvo mahIpatiH .. 26..\\
tasya vAri mahArAja susrAva bahu dehataH . 
tadApIyata tattejo rAjA vArimayaM nR^ipa . 
yogI yogena vahni.n cha shamayAmAsa vAriNA .. 27..\\
brahmAstreNa tadA rAjA daitya.n krUpa parAkramam . 
dadAha bharatashreShTha sarvalokAbhayAya vai .. 28..\\
so.astreNa dagdhvA rAjarShiH kuvalAshvo mahAsuram . 
surashatrumamitraghnastrilokesha ivAparaH . 
dhudhumAra iti khyAto nAmnA samabhavattataH .. 29..\\
prItaishcha tridashaiH sarvairmaharShisahitaistadA . 
vara.n vR^iNIShvetyuktaH sa prA~njaliH praNatastadA . 
atIva mudito rAjannida.n vachanamabravIt .. 30..\\
dadyA.n vitta.n dvijAgryebhyaH shatrUNAM chApi durjayaH . 
sakhya.n cha viShNunA me syAdbhUteShvadroha eva cha . 
dharme ratishcha satata.n svarge vAsastathAkShayaH .. 31..\\
tathAstviti tato devaiH prItairuktaH sa pArthivaH . 
R^iShibhishcha sagandharvairutta~Nkena cha dhImatA .. 32..\\
sabhAjya chaina.n vividhairAshIrvAdaistato nR^ipam . 
devA maharShayashchaiva svAni sthAnAni bhejire .. 33..\\
tasya putrAstrayaH shiShTA yudhiShThira tadAbhavan . 
dR^iDhAshvaH kapilAshvashcha chandrAshvashchaiva bhArata . 
tebhyaH paramparA rAjannikShvAkUNAM mahAtmanAm .. 34..\\
eva.n sa nihatastena kuvalAshvena sattama . 
dhundhurdaityo mahAvIryo madhukaiTabhayoH sutaH .. 35..\\
kuvalAshvastu nR^ipatirdhundhumAra iti smR^itaH . 
nAmnA cha guNasa.nyuktastadA prabhR^iti so.abhavat .. 36..\\
etatte sarvamAkhyAta.n yanmA.n tvaM paripR^ichchhasi . 
dhaundhumAramupAkhyAnaM prathita.n yasya karmaNA .. 37..\\
ida.n tu punyamAkhyAna.n viShNoH samanukIrtanam . 
shR^iNuyAdyaH sa dharmAtmA putravAMshcha bhavennaraH .. 38..\\
AyusmAndhR^itimAMshchaiva shrutvA bhavati parvasu . 
na va vyAdhibhaya.n kiM chitprApnoti vigatajvaraH .. 39..\\
\medskip\hrule\medskip\centerline{\Largedvng 196}
 vai

tato yudhiShThiro rAjA mArkaNDeyaM mahAdyutim . 
paprachchha bharatashreShTha dharmaprashna.n sudurvacham .. 1..\\
shrotumichchhAmi bhagavanstrINAM mAhAtmyamuttamam . 
kathyamAna.n tvayA vipra sUkShmaM dharmaM cha tattvataH .. 2..\\
pratyakSheNa hi viprarShau devA dR^ishyanti sattama . 
sUryachandramasau vAyuH pR^ithivI bahnireva cha .. 3..\\
pitA mAtA cha bhagavangAva eva cha sattama . 
yachchAnyadeva vihita.n tachchApi bhR^igunandana .. 4..\\
manye.aha.n guruvatsarvamekapatnyastathA striyaH . 
pativratAnA.n shushrUShA duShkarA pratibhAti me .. 5..\\
pativratAnAM mAhAtmya.n vaktumarhasi naH prabho . 
nirudhya chendriyagrAmaM mano sa.nrudhya chAnagha . 
pati.n daivatavachchApi chintayantyaH sthitA hi yAH .. 6..\\
bhagavanduShkara.n hyetatpratibhAti mama prabho . 
mAtA pitR^iShu shushrUShA strINAM bhartR^iShu cha dvija .. 7..\\
strINA.n dharmAtsughorAddhi nAnyaM pashyAmi duShkaram . 
sAdhvAchArAH striyo brahmanyatkurvanti sadAdR^itAH . 
duShkaraM bata kurvanti pitaro mAtarash cha vai .. 8..\\
epa patnyashcha yA nAryo yAshcha satya.n vadantyuta . 
kukShiNA dasha mAsAMshcha garbha.n sandhArayanti yAH . 
nAryaH kAlena sambhUya kimadbhutatara.n tataH .. 9..\\
saMshayaM paramaM prApya vedAnAmatulAm api . 
prajAyante sutAnnAryo duHkhena mahatA vibho . 
puShNanti chApi mahatA snehena dvijasattama .. 10..\\
ye cha krUreShu sarveShu vartamAnA jugupsitAH . 
svakarma kurvanti sadA duShkara.n tachcha me matam .. 11..\\
kShatradharmasamAchAra.n tathyaM chAkhyAhi me dvija . 
dharmaH sudurlabho vipra nR^isha.nsena durAtmanA .. 12..\\
etadichchhAmi bhagavanprashnaM prashnavidA.n vara . 
shrotuM bhR^igukulashreShTha shushrUShe tava suvrata .. 13..\\

 maark

hanta te sarvamAkhyAsye prashnameta.n sudurvacham . 
tattvena bharatashreShTha gadatastannibodha me .. 14..\\
mAtara.n sadR^ishI.n tAta pitR^Inanye cha manyate . 
kuShkara.n kurute mAtA vivardhayati yA prajAH .. 15..\\
tapasA devatejyAbhirvandanena titikShayA . 
abhichArairupAyaishcha Ihante pitaraH sutAn .. 16..\\
eva.n kR^ichchhreNa mahatA putraM prApya sudurlabham . 
chintayanti sadA vIra dIdR^isho.ayaM bhaviShyati .. 17..\\
Asha.nsate cha putreShu pitA mAtA cha bhArata . 
yasho kIrtimathaishvaryaM prajA dharma.n tathaiva cha .. 18..\\
tayorAshA.n tu saphalA.n yaH karoti sa dharmavit . 
pitA mAtA cha rAjendra tuShyato yasya nityadA . 
iha pretya cha tasyAtha kIrtirdharmashcha shAshvataH .. 19..\\
naiva yaGYaH striyaH kashchinna shrAddhaM nopavAsakam . 
yA tu bhartari shushrUShA tayA svargamupAshnute .. 20..\\
etatprakaraNa.n rAjannadhikR^itya yudhiShThira . 
prativratAnAM niyata.n dharmaM chAvahitaH shR^iNu .. 21..\\
\medskip\hrule\medskip\centerline{\Largedvng 197}
 maark

kashchiddvijAtipravaro vedAdhyAyI tapodhanaH . 
tapasvI dharmashIlashcha kaushiko nAma bhArata .. 1..\\
sA~NgopaniShadAnvedAnadhIte dvijasattamaH . 
sa vR^ikShamUle kasmiMshchidvedAnuchchArayansthitaH .. 2..\\
upariShTAchcha vR^ikShasya balAkA saMnyalIyata . 
tayA purIShamutsR^iShTaM brAhmaNasya tadopari .. 3..\\
tAmavekShya tataH kruddhaH samapadhyAyata dvijaH . 
bhR^iSha.n krodhAbhibhUtena balAkA sA nirIkShitA .. 4..\\
apadhyAtA cha vipreNa nyapatadvasudhAtale . 
balAkAM patitA.n dR^iShTvA gatasattvAmachetanAm . 
kAruNyAdabhisantaptaH paryashochata tA.n dvijaH .. 5..\\
akArya.n kR^itavAnasmi raga dveShabalAtkR^itaH . 
ityuktvA bahusho vidvAngrAmaM bhaikShAya saMshritaH .. 6..\\
grAme shuchIni pracharankulAni bharatarShabha . 
praviShTastatkula.n yatra pUrva.n charitavA.nstu saH .. 7..\\
dehIti yAchamAno vai tiShThetyuktaH striyA tataH . 
shaucha.n tu yAvatkurute bhAjanasya kuTumbinI .. 8..\\
etasminnantare rAjankShudhA sampIDito bhR^iSham . 
bhartA praviShTaH sahasA tasyA bharatasattama .. 9..\\
sA tu dR^iShTvA pati.n sAdhvI brAhmaNaM vyapahAya tam . 
pAdyamAchamanIya.n cha dadau bhartre tathAsanam .. 10..\\
prahvA paryacharachchApi bhartAramasitekShaNA . 
AhAreNAtha bhakShaishcha vAkyaiH sumadhuraistathA .. 11..\\
uchchhiShTaM bhu~njate bhartuH sA tu nitya.n yudhiShThira . 
daivata.n cha patiM mene bhartushchittAnusAriNI .. 12..\\
na karmaNA na manasA nAtyashnAnnApi chApibat . 
ta.n sarvabhAvopagatA patishushrUShaNe ratA .. 13..\\
sAdhvAchArA shuchirdakShA kuTumbasya hitaiShiNI . 
bhartushchApi hita.n yattatsatataM sAnuvartate .. 14..\\
devatAtithibhR^ityAnA.n shvashrU shvashurayostathA . 
shushrUShaNaparA nitya.n satataM sa.nyatendriyA .. 15..\\
sA brAhmaNa.n datA dR^iShTvA sa.nsthitaM bhaikSha kA~NkShiNam . 
kurvatI patishushrUShA.n sasmArAtha shubhekShaNA .. 16..\\
vrIDitA sAbhavatsAdhvI tadA bharatasattama . 
bhikShAmAdAya viprAya nirjagAma yashasvinI .. 17..\\

 braa

kimidaM bhavati tvaM mA.n tiShThetyuktvA varA~Ngane . 
uparodha.n kR^itavatI na visarjitavatyasi .. 18..\\

 maark

brAhmaNa.n krodhasantaptaM jvalantamiva tejasA . 
dR^iShTvA sAdhvI manuShyendra sAntvapUrva.n vacho.abravIt .. 19..\\
kShantumarhasi me vipra bhartA me daivataM mahat . 
sa chApi kShudhitaH shrAntaH prAptaH shushrUShito mayA .. 20..\\

 braa

brAhmaNA na garIyA.nso garIyA.nste patiH kR^itaH . 
gR^ihastha dharme vartantI brAhmaNAnavamanyase .. 21..\\
indro.apyeShAM praNamate kiM punarmAnuShA bhuvi . 
avalipte na jAnIShe vR^iddhAnAM na shruta.n tvayA . 
brAhmaNA hyagnisadR^iShA daheyuH pR^ithivIm api .. 22..\\

 strii

nAvajAnAmyaha.n viprAndevaistulyAnmanasvinaH . 
aparAdhamima.n vipra kShantumarhasi me.anagha .. 23..\\
jAnAmi tejo viprANAM mahAbhAgya.n cha dhImatAm . 
apeyaH sAgaraH krodhAtkR^ito hi lavaNodakaH .. 24..\\
tathaiva dIptatapasAM munInAM bhAvitAtmanAm . 
yeShA.n krodhAgniradyApi daNDake nopashAmyati .. 25..\\
brahmaNAnAM paribhavAdvatApishcha durAtmavAn . 
agastyamR^iShimAsAdya jIrNaH krUro mahAsuraH .. 26..\\
prabhAvA bahavashchApi shrUyante brahmavAdinam . 
krodhaH suvipulo brahmanprasAdashcha mahAtmanAm .. 27..\\
asmi.nstvatikrame brahmankShantumarhasi me.anagha . 
patishushrUShayA dharmo yaH sa me rochate dvija .. 28..\\
daivateShvapi sarveShu bhartA me daivataM param . 
avisheSheNa tasyAha.n kuryAM dharmaM dvijottama .. 29..\\
shushrUShAyAH phalaM pashya patyurbrAhmaNa yAdR^isham . 
balAkA hi tvayA dagdhA roShAttadviditaM mama .. 30..\\
krodhaH shatruH sharIrastho manuShyANA.n dvijottama . 
yaH krodhamohau tyajati ta.n devA brAhmaNa.n viduH .. 31..\\
yo vadediha satyAni guru.n santoShayeta cha . 
hi.nsitashcha na hi.nseta ta.n devA brAhmaNa.n viduH .. 32..\\
jitendriyo dharmaparaH svAdhyAyanirataH shuchiH . 
kAmakrodhau vashe yasya ta.n devA brAhmaNa.n viduH .. 33..\\
yasya chAtmasamo loko dharmaGYasya manasvinaH . 
sarvadharmeShu cha ratasta.n devA brAhmaNa.n viduH .. 34..\\
yo.adhyApayedadhIyIta yajedvA yAjayIta vA . 
dadyAdvApi yathAshakti ta.n devA brAhmaNa.n viduH .. 35..\\
brahmachArI cha vedAnyo adhIyIta dvijottamaH . 
svAkhyAye chApramatto vai ta.n devA brAhmaNa.n viduH .. 36..\\
yadbrAhmaNAnA.n kushalaM tadeShAM parikIryayet . 
satya.n tathA vyaharatAM nAnR^ite ramate manaH .. 37..\\
dhana.n tu brAhmaNasyAhuH svAdhyAyaM damamArjavam . 
indriyANAM nigraha.n cha shAshvataM dvijasattama . 
satyArjave dharmamAhuH para.n dharmavido janAH .. 38..\\
durGYeyaH shAshvato dharmaH sa tu satye pratiShThitaH . 
shrutipramANo dharmaH syAditi vR^iddhAnushAsanam .. 39..\\
bahudhA dR^ishyate dharmaH sUkShma eva dvijottama . 
bhavAnapi cha dharmaGYaH svAdhyAyanirataH shuchiH . 
na tu tattvena bhagavandharmAnvetsIti me matiH .. 40..\\
mAtA pitR^ibhyA.n shushrUShuH satyavAdI jitendriyaH . 
mithilAyA.n vasanvyAdhaH sa te dharmAnpravakShyati . 
tatra gachchhasva bhadra.n te yathAkAmaM dvijottama .. 41..\\
atyuktamapi me sarva.n kShantumarhasyanindita . 
striyo hyavadhyAH sarveShA.n ye dharmaviduSho janAH .. 42..\\

 braa

prIto.asmi tava bhadra.n te gataH krodhashcha shobhane . 
upAlambhastvayA hyukto mama niHshreyasaM param . 
svasti te.astu gamiShyAmi sAdhayiShyAmi shobhane .. 43..\\

 maark

tayA visR^iShTTo nirgamya svameva bhavana.n yayau . 
vinindansa dvijo.a.atmAna.n kaushiko narasattama .. 44..\\
\medskip\hrule\medskip\centerline{\Largedvng 198}
 maark

chintayitvA tadAshcharya.n striyA proktamasheShataH . 
vinindansa dvijo.a.atmAnamAgaH kR^ita ivAbabhau .. 1..\\
chintayAnaH sa dharmasya sUkShmA.n gatimathAbravIt . 
shraddadhAnena bhAvya.n vai gachchhAmi mithilAm aham .. 2..\\
kR^itAtmA dharmavittasyA.n vyAdho nivasate kila . 
ta.n gachchhAmyahamadyaiva dharmaM praShTuM tapodhanam .. 3..\\
iti sa~ncintya manasA shraddadhAnaH striyA vachaH . 
balAkA pratyayenAsau dharmyaishcha vachanaiH shubhaiH . 
sampratasthe sa mithilA.n kautUhalasamanvitaH .. 4..\\
atikrAmannaraNyAni grAmAMshcha nagarANi cha . 
tato jagAma mithilA.n janakena surakShitAm .. 5..\\
dharmasetu samAkIrNA.n yaGYotsava vatIM shubhAm . 
gopurATTAlakavatI.n gR^ihaprAkArashobhitAm .. 6..\\
pravishya sa purI.n ramyAM vimAnairbahubhirvR^itAm . 
paNyaishcha bahubhiryuktA.n suvibhaktamahApathAm .. 7..\\
ashvai rathaistathA nAgairyAnaishcha bahubhirvR^itAm . 
hR^iShTapuShTa janAkIrNAM nityotsava samAkulAm .. 8..\\
so.apashyadbahu vR^ittAntAM brAhmaNaH samatikraman . 
dharmavyAdhamapR^ichchhachcha sa chAsya kathito dvijaiH .. 9..\\
apashyattatra gatvA ta.n sUnA madhye vyavasthitam . 
mArgamAhiSha mA.nsAni vikrINanta.n tapasvinam . 
AkulatvAttu kretR^INAmekAnte sa.nsthito dvijaH .. 10..\\
sa tu GYAtvA dvijaM prApta.n sahasA sambhramotthitaH . 
AjagAma yato vipraH sthita ekAnta Asane .. 11..\\

 vyaadha

abhivAdaye tvA bhagavansvAgata.n te dvijottama . 
aha.n vyAdhastu bhadra.n te kiM karomi prashAdhi mAm .. 12..\\
ekapatnyA yadukto.asi gachchha tvaM mithilAm iti . 
jAnAmyetadaha.n sarvaM yadartha.n tvamihAgataH .. 13..\\

 maark

shrutvA tu tasya tadvAkya.n sa vipro bhR^ishaharShitaH . 
dvitIyamidamAshcharyamityachintayata dvijaH .. 14..\\
adeshastha.n hi te sthAnamiti vyAdho.abravIddvijam . 
gR^iha.n gachchhAva bhagavanyadi rochayase.anagha .. 15..\\
bADhamityeva sa.nhR^iShTo vipro vachanamabravIt . 
agratastu dvija.n kR^itvA sa jagAma grahAnprati .. 16..\\
pravishya cha gR^iha.n ramyamAsanenAbhipUjitaH . 
pAdyamAchamanIya.n cha pratigR^ihya dvijottamaH .. 17..\\
tataH sukhopaviShTasta.n vyAdhaM vachanamabravIt . 
karmaitadvai na sadR^ishaM bhavataH pratibhAti me . 
anutapye bhR^isha.n tAta tava ghoreNa karmaNA .. 18..\\

 vyaadha

kulochitamida.n karma pitR^ipaitAmahaM mama . 
vartamAnasya me dharme sve manyuM mA kR^ithA dvija .. 19..\\
dhAtrA tu vihitaM pUrva.n karma svaM pAlayAmyaham . 
prayatnAchcha gurU vR^iddhau shushrUShe.aha.n dvijottama .. 20..\\
satya.n vade nAbhyasUye yathAshakti dadAmi cha . 
devatAtithibhR^ityAnAmavashiShTena vartaye .. 21..\\
na kutsayAmyaha.n kiM chinna garhe balavattaram . 
kR^itamanveti kartAraM purA karma dvijottama .. 22..\\
kR^iShigorakShya vANijyamiha lokasya jIvanam . 
daNDanItistrayI vidyA tena lokA bhavantyuta .. 23..\\
karma shUdre kR^iShirvaishye sa~NgrAmaH kShatriye smR^itaH . 
brahmacharya.n tapo mantrAH satyaM cha brAhmaNe sadA .. 24..\\
rAjA prashAsti dharmeNa svakarma niratAH prajAH . 
vikarmANashcha ye ke chittAnyunakti svakarmasu .. 25..\\
bhetavya.n hi sadA rAGYAM prajAnAmadhipA hi te . 
mArayanti vikarmastha.n lubdhA mR^igamiveShubhiH .. 26..\\
janakasyeha viprarShe vikarmastho na vidyate . 
svakarma niratA varNAshchatvArApi dvijottama .. 27..\\
sa eSha janako rAjA durvR^ittamapi chetsutam . 
daNDya.n daNDe nikShipati tathA na glAti dhArmikam .. 28..\\
suyuktachAro nR^ipatiH sarva.n dharmeNa pashyati . 
shrIshcha rAjya.n cha daNDashcha kShatriyANAM dvijottama .. 29..\\
rAjAno hi svadharmeNa shriyamichchhanti bhUyasIm . 
sarveShAmeva varNAnA.n trAtA rAjA bhavatyuta .. 30..\\
pareNa hi hatAnbrahmanvarAhamahiShAnaham . 
na svaya.n hanmi viprarShe vikrINAmi sadA tvaham .. 31..\\
na bhakShayAmi mA.nsAni R^itugAmI tathA hyaham . 
sadopavAsI cha tathA naktabhojI tathA dvija .. 32..\\
ashIlashchApi puruSho bhUtvA bhavati shIlavAn . 
prANi hi.nsA ratashchApi bhavate dhArmikaH punaH .. 33..\\
vyabhichArAnnarendrANA.n dharmaH sa~NkIryate mahAn . 
adharmo vardhate chApi sa~NkIryante tathA prajAH .. 34..\\
uruNDA vAmanAH kubjAH sthUlashIrShAstathaiva cha . 
klIbAshchAndhAshcha jAyante badhirA lambachUchukAH . 
pArthivAnAmadharmatvAtprajAnAmabhavaH sadA .. 35..\\
sa eSha rAjA janakaH sarva.n dharmeNa pashyati . 
anugR^ihNanprajAH sarvAH svadharmaniratAH sadA .. 36..\\
ye chaiva mAM prasha.nsanti ye cha nindanti mAnavAH . 
sarvAnsupariNItena karmaNA toShayAmyaham .. 37..\\
ye jIvanti svadharmeNa sambhu~njante cha pArthivAH . 
na ki.n chidupajIvanti dakShA utthAna shIlinaH .. 38..\\
shaktyAnna dAna.n satata.n titikShA dharmanityatA . 
yathArhaM pratipUjA cha sarvabhUteShu vai dayA . 
tyAgAnnAnyatra martyAnA.n guNAstiShThanti pUruShe .. 39..\\
mR^iShAvAdaM pariharetkuryAtpriyamayAchitaH . 
na cha kAmAnna sa.nrambhAnna dveShAddharmamutsR^ijet .. 40..\\
priye nAtibhR^isha.n hR^iShyedapriye na cha sa~njvaret . 
na muhyedarthakR^ichchhreShu na cha dharmaM parityajet .. 41..\\
karma chetki.n chidanyatsyAditaranna samAcharet . 
yatkalyANamabhidhyAyettatrAtmAnaM niyojayet .. 42..\\
na pApaM prati pApaH syAtsAdhureva sadA bhavet . 
Atmanaiva hataH pApo yaH pApa.n kartumichchhati .. 43..\\
karma chaitadasAdhUnA.n vR^ijinAnAmasAdhuvat . 
na dharmo.astIti manvAnAH shuchInavahasanti ye . 
ashraddadhAnA dharmasya te nashyanti na saMshayaH .. 44..\\
mahAdR^itirivAdhmAtaH pApo bhavati nityadA . 
mUDhAnAmavaliptAnAmasAraM bhAShitaM bhavet . 
darshayatyantarAtmAna.n divA rUpamivAMshumAn .. 45..\\
na loke rAjate mUrkhaH kevalAtma prasha.nsayA . 
api cheha mR^ijA hInaH kR^itavidyaH prakAshate .. 46..\\
abruvankasya chinnindAmAtmapUjAmavarNayan . 
na kashchidguNasampannaH prakAsho bhuvi dR^ishyate .. 47..\\
vikarmaNA tapyamAnaH pApAdviparimuchyate . 
naitatkuryAM punariti dvitIyAtparimuchyate .. 48..\\
karmaNA yena teneha pApAddvija varottama . 
eva.n shrutiriyaM brahmandharmeShu paridR^ishyate .. 49..\\
pApAnyabuddhveha purA kR^itAni 
prAgdharmashIlo vinihanti pashchAt . 
dharmo brahmannudate pUruShANAM 
yatkurvate pApamiha pramAdAt .. 50..\\
pApa.n kR^itvA hi manyeta nAhamasmIti pUruShaH . 
chikIrShedeva kalyANa.n shraddadhAno.anasUyakaH .. 51..\\
vasanasyeva chhidrANi sAdhUnA.n vivR^iNoti yaH . 
pApa.n chetpuruShaH kR^itvA kalyANamabhipadyate . 
muchyate sarvapApebhyo mahAbhrairiva chandramAH .. 52..\\
yathAdityaH samudyanvai tamo sarva.n vyapohati . 
eva.n kalyANamAtiShThansarvapApaiH pramuchyate .. 53..\\
pApAnA.n viddhyadhiShThAnaM lobhameva dvijottama . 
lubdhAH pApa.n vyavasyanti narA nAtibahu shrutAH . 
adharmA dharmarUpeNa tR^iNaiH kUpA ivAvR^itAH .. 54..\\
teShA.n damaH pavitrANi pralApA dharmasaMshritAH . 
sarva.n hi vidyate teShu shiShTAchAraH sudurlabhaH .. 55..\\

 maark

sa tu vipro mahAprAGYo dharmavyAdhamapR^ichchhata . 
shiShTAchAra.n kathamaha.n vidyAm iti narottama . 
etanmahAmate vyAdha prabravIhi yathAtatham .. 56..\\

 vyaadha

yaGYo dAna.n tapo vedAH satyaM cha dvijasattama . 
pa~nchaitAni pavitrANi shiShTAchAreShu nityadA .. 57..\\
kAmakrodhau vashe kR^itvA dambha.n lobhamanArjavam . 
dharma ityeva santuShTAste shiShTAH shiShTasaMmatAH .. 58..\\
na teShA.n vidyate.avR^ittaM yaGYasvAdhyAyashIlinAm . 
AchAra pAlana.n chaiva dvitIya.n shiShTalakShaNam .. 59..\\
gurushushrUShaNa.n satyamakrodho dAnameva cha . 
etachchatuShTayaM brahma~nshiShTAchAreShu nityadA .. 60..\\
shiShTAchAre mano kR^itvA pratiShThApya cha sarvashaH . 
yAmaya.n labhate tuShTiM sA na shakyA hyato.anyathA .. 61..\\
vedasyopaniShatsatya.n satyasyopaniShaddamaH . 
damasyopaniShattyAgaH shiShTAchAreShu nityadA .. 62..\\
ye tu dharmamasUyante buddhimohAnvitA narAH . 
apathA gachchhatA.n teShAmanuyAtApi pIDyate .. 63..\\
ye tu shiShTAH suniyatAH shrutityAgaparAyaNAH . 
dharmyaM panthAnamArUDhAH satyadharmaparAyaNAH .. 64..\\
niyachchhanti parAM buddhi.n shiShTAchArAnvitA narAH . 
upAdhyAya mate yuktAH sthityA dharmArthadarshinaH .. 65..\\
nAstikAnbhinnamaryAdAnkrUrAnpApamatau sthitAn . 
tyaja tA~nGYAnamAshritya dhArmikAnupasevya cha .. 66..\\
kAlalobha grahAkIrNAM pa~nchendriya jalAM nadIm . 
nAva.n dhR^itimayIM kR^itvA janma durgANi santara .. 67..\\
krameNa sa~ncito dharmo buddhiyogamayo mahAn . 
shiShTAchAre bhavetsAdhU rAgaH shukleva vAsasi .. 68..\\
ahi.nsA satyavachana.n sarvabhUtahitaM param . 
ahi.nsA paramo dharmaH sa cha satye pratiShThitaH . 
satye kR^itvA pratiShThA.n tu pravartante pravR^ittayaH .. 69..\\
satyameva garIyastu shiShTAchAra niShevitam . 
AchArashcha satA.n dharmaH santashchAchAra lakShaNaH .. 70..\\
yo yathA prakR^itirjantuH svA.n svAM prakR^itimashnute . 
pApAtmA krodhakAmAdIndoShAnApnotyanAtmavAn .. 71..\\
Arambho nyAyayukto yaH sa hi dharma iti smR^itaH . 
anAchArastvadharmeti etachchhiShTAnushAsanam .. 72..\\
akrudhyanto.anasUyanto niraha~NkAra matsarAH . 
R^ijavaH shama sampannAH shiShTAchArA bhavanti te .. 73..\\
traividya vR^iddhAH shuchayashvR^ittavanto manasvinaH . 
gurushushrUShavo dAntAH shiShTAchArA bhavantyuta .. 74..\\
teShAmadInasattvAnA.n duShkarAchAra karmaNAm . 
svaiH karmabhiH satkR^itAnA.n ghoratva.n sampraNashyati .. 75..\\
ta.n sadAchAramAshcharyaM purANaM shAshvata.n dhruvam . 
dharma.n dharmeNa pashyantaH svarga.n yAnti manIShiNaH .. 76..\\
AstikA mAnahInAshcha dvijAtijanapUjakAH . 
shrutavR^ittopasampannAste santaH svargagAminaH .. 77..\\
vedoktaH paramo dharmo dharmashAstreShu chAparaH . 
shiShTAchIrNashcha shiShTAnA.n trividhaM dharmalakShaNam .. 78..\\
pAraNa.n chApi vidyAnAM tIrthAnAmavagAhanam . 
kShamA satyArjava.n shauchaM shiShTAchAra nidarshanam .. 79..\\
sarvabhUtadayAvanto ahi.nsA niratAH sadA . 
paruShaM na prabhAShante sadA santo dvija priyAH .. 80..\\
shubhAnAmashubhAnA.n cha karmaNAM phalasa~ncaye . 
vipAkamabhijAnanti te shiShTAH shiShTasaMmatAH .. 81..\\
nyAyopetA guNopetAH sarvalokahitaiShiNaH . 
santaH svargajitaH shuklAH saMniviShTAsh cha satpathe .. 82..\\
dAtAraH sa.nvibhaktAro dInAnugraha kAriNaH . 
sarvabhUtadayAvantaste shiShTAH shiShTasaMmatAH .. 83..\\
sarvapUjyAH shrutadhanAstathaiva cha tapasvinaH . 
dAnanityAH sukhA.NllokAnApnuvantIha cha shriyam .. 84..\\
pIDayA cha kalatrasya bhR^ityAnA.n cha samAhitAH . 
atishaktyA prayachchhanti santaH sadbhiH samAgatAH .. 85..\\
lokayAtrA.n cha pashyanto dharmamAtmahitAni cha . 
eva.n santo vartamAnA edhante shAshvatIH samAH .. 86..\\
ahi.nsA satyavachanamAnR^isha.nsyamathArjavam . 
adroho nAtimAnashcha hrIstitikShA damaH shamaH .. 87..\\
dhImanto dhR^itimantashcha bhUtAnAmanukampakAH . 
akAma dveShasa.nyuktAste santo lokasatkR^itAH .. 88..\\
trINyeva tu padAnyAhuH satA.n vR^ittamanuttamam . 
na druhyechchaiva dadyAchcha satya.n chaiva sadA vadet .. 89..\\
sarvatra cha dayAvantaH santaH karuNavedinaH . 
gachchhantIha susantuShTA dharmyaM panthAnamuttamam . 
shiShTAchArA mahAtmAno yeShA.n dharmaH sunishchitaH .. 90..\\
anasUyA kShamA shAntiH santoShaH priyavAditA . 
kAmakrodhaparityAgaH shiShTAchAra niShevaNam .. 91..\\
karmaNA shrutasampanna.n satAM mArgamanuttamam . 
shiShTAchAraM niShevante nitya.n dharmeShvatandritAH .. 92..\\
praGYA prAsAdamAruhya muhyato mahato janAn . 
prekShanto lokavR^ittAni vividhAni dvijottama . 
atipuNyAni pApAni tAni dvija varottama .. 93..\\
etatte sarvamAkhyAta.n yathA praGYaM yathA shrutam . 
shiShTAchAra guNAnbrahmanpuraskR^itya dvijarShabha .. 94..\\
\medskip\hrule\medskip\centerline{\Largedvng 199}
 maark

sa tu vipramathovAcha dharmavyAdho yudhiShThira . 
yadaha.n hyAchare karma ghorametadasaMshayam .. 1..\\
vidhistu balavAnbrahmandustara.n hi purAkR^itam . 
purAkR^itasya pApasya karma doSho bhavatyayam . 
doShasyaitasya vai brahmanvighAte yatnavAnaham .. 2..\\
vidhinA vihite pUrvaM nimitta.n ghAtako bhavet . 
nimittabhUtA hi vaya.n karmaNo.asya dvijottama .. 3..\\
yeShA.n hatAnAM mA.nsAni vikrINAmo vaya.n dvija . 
teShAmapi bhaveddharma upabhogena bhakShaNAt . 
devatAtithibhR^ityAnAM pitR^INAM pratipUjanAt .. 4..\\
oShadhyo vIrudhashchApi pashavo mR^igapakShiNaH . 
annAdya bhUtA lokasya ityapi shrUyate shrutiH .. 5..\\
AtmamA.nsa pradAnena shibiraushInaro nR^ipaH . 
svarga.n sudurlabhaM prAptaH kShamAvAndvijasattama .. 6..\\
rAGYo mahAnase pUrva.n rantidevasya vai dvija . 
dve sahasre tu vadhyete pashUnAmanvaha.n tadA .. 7..\\
samA.nsa.n dadato hyanna.n rantidevasya nityashaH . 
atulA kIrtirabhavannR^ipasya dvijasattama . 
chAturmAsyeShu pashavo vadhyanta iti nityashaH .. 8..\\
agnayo mA.nsakAmAshcha ityapi shrUyate shrutiH . 
yaGYeShu pashavo brahmanvadhyante satata.n dvijaiH . 
sa.nskR^itAH kila mantraishcha te.api svargamavApnuvan .. 9..\\
yadi naivAgnayo brahmanmA.nsakAmAbhavanpurA . 
bhakShyaM naiva bhavenmA.nsa.n kasya chiddvijasattama .. 10..\\
atrApi vidhiruktashcha munibhirmA.nsabhakShaNe . 
devatAnAM pitR^INA.n cha bhu~Nkte dattvA tu yaH sadA . 
yathAvidhi yathAshraddhaM na sa duShyati bhakShaNAt .. 11..\\
amA.nsAshI bhavatyevamityapi shrUyate shrutiH . 
bhAryA.n gachchhanbrahmachArI R^itau bhavati brAhmaNaH .. 12..\\
satyAnR^ite vinishchitya atrApi vidhiruchyate . 
saudAsena purA rAGYA mAnuShA bhakShitA dvija . 
shApAbhibhUtena bhR^ishamatra kiM pratibhAti te .. 13..\\
svadharma iti kR^itvA tu na tyajAmi dvijottama . 
purA kR^itamiti GYAtvA jIvAmyetena karmaNA .. 14..\\
svakarma tyajato brahmannadharma iha dR^ishyate . 
svakarma nirato yastu sa dharma iti nishchayaH .. 15..\\
pUrva.n hi vihita.n karma dehinaM na vimu~nchati . 
dhAtrA vidhiraya.n dR^iShTo bahudhA karma nirNaye .. 16..\\
draShTavya.n tu bhavetprAGYa krUre karmaNi vartatA . 
katha.n karma shubhaM kuryAM kathaM muchye parAbhavAt . 
karmaNastasya ghorasya bahudhA nirNayo bhavet .. 17..\\
dAne cha satyavAkye cha gurushushrUShaNe tathA . 
dvijAtipUjane chAha.n dharme cha nirataH sadA . 
ativAdAtimAnAbhyAM nivR^itto.asmi dvijottama .. 18..\\
kR^iShi.n sAdhviti manyante tatra hi.nsA parA smR^itA . 
karShanto lA~NgalaiH pu.nso ghnanti bhUmishayAnbahUn . 
jIvAnanyAMshcha bahushastatra kiM pratibhAti te .. 19..\\
dhAnyabIjAni yAnyAhurvrIhyAdIni dvijottama . 
sarvANyetAni jIvanti tatra kiM pratibhAti te .. 20..\\
adhyAkramya pashU.n chApi ghnanti vai bhakShayanti cha . 
vR^ikShAnathauShadhIshchaivachhindanti puruShA dvija .. 21..\\
jIvA hi bahavo brahmanvR^ikSheShu cha phaleShu cha . 
udake bahavashchApi tatra kiM pratibhAti te .. 22..\\
sarva.n vyAptamidaM brahmanprANibhiH prANijIvanaiH . 
matsyA grasante matsyAMshcha tatra kiM pratibhAti te .. 23..\\
sattvaiH sattvAni jIvanti bahudhA dvijasattama . 
prANino.anyonyabhakShAshcha tatra kiM pratibhAti te .. 24..\\
cha~NkramyamANA jIvAMshcha dharaNI saMshritAnbahUn . 
padbhyA.n ghnanti narA vipra tatra kiM pratibhAti te .. 25..\\
upaviShTAH shayAnAshcha ghnanti jIvAnanekashaH . 
GYAnaviGYAnavantashcha tatra kiM pratibhAti te .. 26..\\
jIvairgrastamida.n sarvamAkAshaM pR^ithivI tathA . 
aviGYAnAchcha hi.nsanti tatra kiM pratibhAti te .. 27..\\
ahi.nseti yadukta.n hi puruShairvismitaiH purA . 
ke na hi.nsanti jIvanvai loke.asmindvijasattama . 
bahu sa~ncintya iha vai nAsti kashchidahi.nsakaH .. 28..\\
ahi.nsAyA.n tu niratA yatayo dvijasattama . 
kurvantyeva hi hi.nsA.n te yatnAdalpatarA bhavet .. 29..\\
AlakShyAshchaiva puruShAH kule jAtA mahAguNAH . 
mahAghorANi karmANi kR^itvA lajjanti vai na cha .. 30..\\
suhR^idaH suhR^ido.anyAMshcha durhR^idashchApi durhR^idaH . 
samyakpravR^ittAnpuruShAnna samyaganupashyataH .. 31..\\
samR^iddhaishcha na nandanti bAndhavA bAndhavairapi . 
gurUMshchaiva vinindanti mUDhAH paNDitamAninaH .. 32..\\
bahu loke viparyasta.n dR^ishyate dvijasattama . 
dharmayuktamadharma.n cha tatra kiM pratibhAti te .. 33..\\
vaktuM bahuvidha.n shakya.n dharmAdharmeShu karmasu . 
svakarma nirato yo hi sa yasho prApnuyAnmahat .. 34..\\
\medskip\hrule\medskip\centerline{\Largedvng 200}
 maark

dharmavyAdhastu nipuNaM punareva yudhiShThira . 
viprarShabhamuvAcheda.n sarvadharmabhR^itAM varaH .. 1..\\
shrutipramANo dharmo hi vR^iddhAnAmiti bhAShitam . 
sUkShmA gatirhi dharmasya bahushAkhA hyanantikA .. 2..\\
prANAtyaye vivAhe cha vaktavyamanR^itaM bhavet . 
anR^ita.n cha bhavetsatya.n satyaM chaivAnR^itaM bhavet .. 3..\\
yadbhUtahitamatyanta.n tatsatyamiti dhAraNA . 
viparyaya kR^ito dharmaH pashya dharmasya sUkShmatAm .. 4..\\
yatkarotyashubha.n karma shubha.n vA dvijasattama . 
avashya.n tatsamApnoti puruSho nAtra saMshayaH .. 5..\\
viShamA.n cha dashAM prApya devAngarhati vai bhR^isham . 
AtmanaH karma doShANi na vijAnAtyapaNDitaH .. 6..\\
mUDho naikR^itikAshchApi chapalash cha dvijottama . 
sukhaduHkhaviparyAso yadA samupapadyate . 
nainaM praGYA sunIta.n vA trAyate naiva pauruSham .. 7..\\
yo yamichchhedyathAkAma.n taM taM kAma.n samashnuyAt . 
yadi syAdaparAdhInaM puruShasya kriyAphalam .. 8..\\
sa.nyatAshchApi dakShAshcha matimantashcha mAnavAH . 
dR^ishyante niShphalAH santaH prahINAH sarvakarmabhiH .. 9..\\
bhUtAnAmaparaH kashchiddhi.nsAyA.n satatotthitaH . 
va~nchanAyA.n cha lokasya sa sukheneha jIvati .. 10..\\
acheShTamAnamAsIna.n shrIH ka.n chidupatiShThati . 
kashchitkarmANi kurvanhi na prApyamadhigachchhati .. 11..\\
devAniShTvA tapastaptvA kR^ipaNaiH putragR^iddhibhiH . 
dasha mAsadhR^itA garbhe jAyante kulapA.nsanAH .. 12..\\
apare dhanadhAnyaishcha bhogaishcha pitR^isa~ncitaiH . 
vipulairabhijAyante labdhAstaireva ma~NgalaiH .. 13..\\
karmajA hi manuShyANA.n rogA nAstyatra saMshayaH . 
Adhibhishchaiva bAdhyante vyAdhaiH kShudramR^igA iva .. 14..\\
te chApi kushalairvaidyairnipuNaiH sambhR^itauShadhaiH . 
vyAdhayo vinivAryante mR^igA vyAdhairiva dvija .. 15..\\
yeShAmasti cha bhoktavya.n grahaNI doShapIDitAH . 
na shaknuvanti te bhoktuM pashya dharmabhR^itA.n vara .. 16..\\
apare bAhubalinaH klishyante bahavo janAH . 
duHkhena chAdhigachchhanti bhojana.n dvijasattama .. 17..\\
iti lokamanAkrandaM mohashokapariplutam . 
srotasAsakR^idAkShipta.n hriyamANaM balIyasA .. 18..\\
na mriyeyurna jIryeyuH sarve syuH sArvakAmikAH . 
nApriyaM pratipashyeyurvashitva.n yadi vai bhavet .. 19..\\
uparyupari lokasya sarvo gantu.n samIhate . 
yatate cha yathAshakti na cha tadvartate tathA .. 20..\\
bahavaH sampradR^ishyante tulyanakShatra ma~NgalAH . 
mahachcha phalavaiShamya.n dR^ishyate karma sandhiShu .. 21..\\
na kashchidIshate brahmansvaya.n grAhasya sattama . 
karmaNAM prAkR^itAnA.n vai iha siddhiH pradR^ishyate .. 22..\\
yathA shrutiriyaM brahma~njIvaH kila sanAtanaH . 
sharIramadhruva.n loke sarveShAM prANinAm iha .. 23..\\
vadhyamAne sharIre tu dehanAsho bhavatyuta . 
jIvaH sa~Nkramate.anyatra karmabandhanibandhanaH .. 24..\\

 braa

katha.n dharmabhR^itA.n shreShTha jIvo bhavati shAshvataH . 
etadichchhAmyaha.n GYAtu tattvena vadatAM vara .. 25..\\

 vyaadha

na jIvanAsho.asti hi dehabhede 
mithyaitadAhurmriyateti mUDhAH . 
jIvastu dehAntaritaH prayAti 
dashArdhataivAsya sharIrabhedaH .. 26..\\
anyo hi nAshnAti kR^ita.n hi karma 
sa eva kartA sukhaduHkhabhAgI . 
yattena ki.n chiddhi kR^ita.n hi karma 
tadashnute nAsti kR^itasya nAshaH .. 27..\\
apuNya shIlAshcha bhavanti puNyA 
narottamAH pApakR^ito bhavanti . 
naro.anuyAtastviha karmabhiH svais 
tataH samutpadyati bhAvitastaiH .. 28..\\

 braa

katha.n sambhavate yonau kathaM vA puNyapApayoH . 
jAtIH puNyA hyapuNyAshcha katha.n gachchhati sattama .. 29..\\

 vyadha

garbhAdhAna samAyukta.n karmeda.n sampradR^ishyate . 
samAsena tu te kShipraM pravakShyAmi dvijottama .. 30..\\
yathA sambhR^ita sambhAraH punareva prajAyate . 
shubhakR^ichchhubhayonIShu pApakR^itpApayoniShu .. 31..\\
shubhaiH prayogairdevatva.n vyAmishrairmAnuSho bhavet . 
mohanIyairviyonIShu tvadho gAmI cha kilbiShaiH .. 32..\\
jAtimR^ityujarAduHkhaiH satata.n samabhidrutaH . 
sa.nsAre pachyamAnashcha doShairAtmakR^itairnaraH .. 33..\\
tiryagyonisahasrANi gatvA narakameva cha . 
jIvAH samparivartante karmabandhanibandhanAH .. 34..\\
jantustu karmabhistaistaiH svakR^itaiH pretya duHkhitaH . 
tadduHkhapratighAtArthamapuNyA.n yonimashnute .. 35..\\
tataH karma samAdatte punaranyannavaM bahu . 
pachyate tu punastena bhuktvApathyamivAturaH .. 36..\\
ajasrameva duHkhArto.aduHkhitaH sukhasa~nj~nitaH . 
tato.anivR^itta bandhatvAtkarmaNAmudayAdapi . 
parikrAmati sa.nsAre chakravadbahu vedanaH .. 37..\\
sa chennivR^ittabandhastu vishuddhashchApi karmabhiH . 
prApnoti sukR^itA.NllokAnyatra gatvA na shochati .. 38..\\
pApa.n kurvanpApavR^ittaH pApasyAntaM na gachchhati . 
tasmAtpuNya.n yatetkartuM varjayeta cha pAtakam .. 39..\\
anasUyuH kR^itaGYashcha kalyANAnyeva sevate . 
sukhAni dharmamartha.n cha svargaM cha labhate naraH .. 40..\\
sa.nskR^itasya hi dAntasya niyatasya yatAtmanaH . 
prAGYasyAnantarA vR^ittiriha loke paratra cha .. 41..\\
satA.n dharmeNa varteta kriyA.n shiShTavadAcharet . 
asa~Nkleshena lokasya vR^itti.n lipseta vai dvija .. 42..\\
santi hyAgataviGYAnAH shiShTAH shAstravichakShaNAH . 
svadharmeNa kriyA loke karmaNaH so.apyasa~NkaraH .. 43..\\
prAGYo dharmeNa ramate dharma.n chaivopajIvati . 
tasya dharmAdavApteShu dhaneShu dvijasattama . 
tasyaiva si~nchate mUla.n guNAnpashyati yatra vai .. 44..\\
dharmAtmA bhavati hyeva.n chittaM chAsya prasIdati . 
sa maitra janasantuShTa iha pretya cha nandati .. 45..\\
shabda.n sparsha.n tathArUpaM gandhAniShTAMsh cha sattama . 
prabhutva.n labhate chApi dharmasyaitatphalaM viduH .. 46..\\
dharmasya cha phala.n labdhvA na tR^ipyati mahAdvija . 
atR^ipyamANo nirvedamAdatte GYAnachakShuShA .. 47..\\
praGYA chakShurnara iha doShaM naivAnurudhyate . 
virajyati yathAkAmaM na cha dharma.n vimu~nchati .. 48..\\
satyatyAge cha yatate dR^iShTvA loka.n kShayAtmakam . 
tato mokShe prayatate nAnupAyAdupAyataH .. 49..\\
evaM nirvedamAdatte pApa.n karma jahAti cha . 
dhArmikashchApi bhavati mokSha.n cha labhate param .. 50..\\
tapo niHshreyasa.n jantostasya mUla.n shamo damaH . 
tena sarvAnavApnoti kAmAnyAnmanasechchhati .. 51..\\
indriyANAM nirodhena satyena cha damena cha . 
brahmaNaH padamApnoti yatpara.n dvijasattama .. 52..\\

 braa

indriyANi tu yAnyAhuH kAni tAni yatavrata . 
nigrahashcha katha.n kAryo nigrahasya cha kiM phalam .. 53..\\
katha.n cha phalamApnoti teShAM dharmabhR^itA.n vara . 
etadichchhAmi tattvena dharma.n GYAtuM sudhArmika .. 54..\\
\medskip\hrule\medskip\centerline{\Largedvng 201}
 maark

evamuktastu vipreNa dharmavyAdho yudhiShThira . 
pratyuvAcha yathA vipra.n tachchhR^iNuShva narAdhipa .. 1..\\

 vyadha

viGYAnArthaM manuShyANAM mano pUrvaM pravartate . 
tatprApya kAmaM bhajate krodha.n cha dvijasattama .. 2..\\
tatastadartha.n yatate karma chArabhate mahat . 
iShTAnA.n rUpagandhAnAmabhyAsa.n cha niShevate .. 3..\\
tato rAgaH prabhavati dveShash cha tadanantaram . 
tato lobhaH prabhavati mohash cha tadanantaram .. 4..\\
tasya lobhAbhibhUtasya rAgadveShahatasya cha . 
na dharme jAyate buddhirvyAjAddharma.n karoti cha .. 5..\\
vyAjena charate dharmamartha.n vyAjena rochate . 
vyAjena sidhyamAneShu dhaneShu dvijasattama . 
tatraiva ramate buddhistataH pApa.n chikIrShati .. 6..\\
suhR^idbhirvAryamANashcha paNDitaish cha dvijottama . 
uttara.n shrutisambaddhaM bravIti shrutiyojitam .. 7..\\
adharmastrividhastasya vardhate rAgadoShataH . 
pApa.n chintayate chApi bravIti cha karoti cha .. 8..\\
tasyAdharmapravR^ittasya guNA nashyanti sAdhavaH . 
ekashIlAshcha mitratvaM bhajante pApakarmiNaH .. 9..\\
sa tenAsukhamApnoti paratra cha vihanyate . 
pApAtmA bhavati hyeva.n dharmalAbhaM tu me shR^iNu .. 10..\\
yastvetAnpraGYayA doShAnpUrvamevAnupashyati . 
kushalaH sukhaduHkheShu sAdhUMshchApyupasevate . 
tasya sAdhu samArambhAdbuddhirdharmeShu jAyate .. 11..\\

 braa

bravIsi sUnR^ita.n dharma.n yasya vaktA na vidyate . 
divyaprabhAvaH sumahAnR^iShireva mato.asi me .. 12..\\

 vyadha

brAhmaNA vai mahAbhAgAH pitaro.agrabhujaH sadA . 
teShA.n sarvAtmanA kAryaM priyaM loke manIShiNA .. 13..\\
yatteShA.n cha priyaM tatte vakShyAmi dvijasattama . 
namaskR^itvA brAhmaNebhyo brAhmI.n vidyAM nibodha me .. 14..\\
ida.n vishva.n jagatsarvamajayyaM chApi sarvashaH . 
mahAbhUtAtmakaM brahmannAtaH parataraM bhavet .. 15..\\
mahAbhUtAni kha.n vAyuragnirApastathA cha bhUH . 
shabdaH sparshashcha rUpa.n cha raso gandhashcha tadguNAH .. 16..\\
teShAmapi guNAH sarve guNavR^ittiH parasparam . 
pUrvapUrva guNAH sarve kramasho guNiShu triShu .. 17..\\
ShaShThastu chetanA nAma mana ityabhidhIyate . 
saptamI tu bhavedbuddhiraha~NkArastataH param .. 18..\\
indriyANi cha pa~nchaiva rajo sattva.n tamastathA . 
ityeSha sapta dashako rAshiravyaktasa~nj~nakaH .. 19..\\
sarvairihendriyArthaistu vyaktAvyaktaiH susa.nvR^itaH . 
chaturviMshaka ityeSha vyaktAvyaktamayo guNaH . 
etatte sarvamAkhyAta.n kiM bhUyo shrotumichchhasi .. 20..\\
\medskip\hrule\medskip\centerline{\Largedvng 202}
 maark

evamuktaH sa viprastu dharmavyAdhena bhArata . 
kathAmakathayadbhUyo manasaH prItivardhanIm .. 1..\\

 braa

mahAbhUtAni yAnyAhuH pa~ncha dharmavidA.n vara . 
ekaikasya guNAnsamyakpa~nchAnAm api me vada .. 2..\\

 vyadha

bhUmirApastathA jyotirvAyurAkAshameva cha . 
guNottarANi sarvANi teShA.n vakShyAmi te guNAn .. 3..\\
bhUmiH pa~ncha guNA brahmannudaka.n cha chaturguNam . 
guNAstrayastejasi cha trayashchAkAshavAtayoH .. 4..\\
shabdaH sparshashcha rUpa.n cha rasashchApi dvijottama . 
ete guNAH pa~ncha bhUmeH sarvebhyo guNavattarAH .. 5..\\
shabdaH sparshashcha rUpa.n cha tejaso.atha guNAstrayaH . 
apAmete guNA brahmankIrtimAstava suvrata .. 6..\\
shabdaH sparshashcha rUpa.n cha tejaso.atha guNAstrayaH . 
shabdaH sparshashcha vAyau tu shabda AkAsha eva cha .. 7..\\
ete pa~nchadasha brahmanguNA bhUteShu pa~nchasu . 
vartante sarvabhUteShu yeShu lokAH pratiShThitAH . 
anyonyaM nAtivartante sampachcha bhavati dvija .. 8..\\
yadA tu viShamI bhAvamAcharanti charAcharAH . 
tadA dehI dehamanya.n vyatirohati kAlataH .. 9..\\
AnupUrvyA vinashyanti jAyante chAnupUrvashaH . 
tatra tatra hi dR^ishyante dhAtavaH pA~nchabhautikAH . 
yairAvR^itamida.n sarva.n jagatsthAvaraja~Ngamam .. 10..\\
indriyaiH sR^ijyate yadyattattadvyaktamiti smR^itam . 
avyaktamiti viGYeya.n li~NgagrAhyamatIndriyam .. 11..\\
yathA sva.n grAhakAnyeShA.n shabdAdInAmimAni tu . 
indriyANi yadA dehI dhArayanniha tapyate .. 12..\\
loke vitatamAtmAna.n loka.n chAtmani pashyati . 
parAvaraGYaH saktaH sansarvabhUtAni pashyati .. 13..\\
pashyataH sarvabhUtAni sarvAvasthAsu sarvadA . 
brahmabhUtasya sa.nyogo nAshubhenopapadyate .. 14..\\
GYAnamUlAtmaka.n kleshamativR^ittasya mohajam . 
loko buddhiprakAshena GYeya mArgeNa dR^ishyate .. 15..\\
anAdi nidhana.n jantumAtmayoni.n sadAvyayam . 
anaupamyamamUrta.n cha bhagavAnAha buddhimAn . 
tapo mUlamida.n sarvaM yanmAM viprAnupR^ichchhasi .. 16..\\
indriyANyeva tatsarva.n yatsvarganarakAvubhau . 
nigR^ihIta visR^iShTAni svargAya narakAya cha .. 17..\\
eSha yogavidhiH kR^itsno yAvadindriyadhAraNam . 
etanmUla.n hi tapasaH kR^itsnasya narakasya cha .. 18..\\
indriyANAM prasa~Ngena doShamR^ichchhatyasaMshayam . 
saMniyamya tu tAnyeva tataH siddhimavApnute .. 19..\\
ShaNNAmAtmani nityAnAmaishvarya.n yo.adhigachchhati . 
na sa pApaiH kuto.anarthairyujyate vijitendriyaH .. 20..\\
rathaH sharIraM puruShasya dR^iShTam 
AtmA niyatendriyANyAhurashvAn . 
tairapramattaH kushalI sadashvair 
dAntaiH sukha.n yAti rathIva dhIraH .. 21..\\
ShaNNAmAtmani nityAnAmindriyANAM pramAthinAm . 
yo dhIro dhArayedrashmInsa syAtparamasArathiH .. 22..\\
indriyANAM prasR^iShTAnA.n hayAnAm iva vartmasu . 
dhR^iti.n kurvIta sArathye dhR^ityA tAni jayeddhruvam .. 23..\\
indriyANA.n hi charatAM yanmano.anuvidhIyate . 
tadasya harate buddhiM nAva.n vAyurivAmbhasi .. 24..\\
yeShu vipratipadyante ShaTsu mohAtphalAgame . 
teShvadhyavasitAdhyAyI vindate dhyAnajaM phalam .. 25..\\
\medskip\hrule\medskip\centerline{\Largedvng 203}
 maark

eva.n tu sUkShme kathite dharmavyAjena bhArata . 
brAhmaNaH sa punaH sUkShmaM paprachchha susamAhitaH .. 1..\\

 braa

sattvasya rajasashchaiva tamasashcha yathAtatham . 
guNA.nstattvena me brUhi yathAvadiha pR^ichchhataH .. 2..\\

 vyadha

hanta te kathayiShyAmi yanmA.n tvaM paripR^ichchhasi . 
eShA.n guNAnpR^ithaktvena nibodha gadato mama .. 3..\\
mohAtmaka.n tamasteShA.n raja eShAM pravartakam . 
prakAshabahulatvAchcha sattva.n jyAya ihochyate .. 4..\\
avidyA bahulo mUDhaH svapnashIlo vichetanaH . 
durdR^ishIkastamo dhvastaH sakrodhastAmaso.alasaH .. 5..\\
pravR^itta vAkyo mantrI cha yo.anurAgyabhyasUyakaH . 
vivitsamAno viprarShe stabdho mAnI sa rAjasaH .. 6..\\
prakAshabahulo dhIro nirvivitso.anasUyakaH . 
akrodhano naro dhImAndAntashchaiva sa sAttvikaH .. 7..\\
sAttvikastvatha sambuddho lokavR^ittena klishyate . 
yadA budhyati boddhavya.n lokavR^itta.n jugupsate .. 8..\\
vairAgyasya hi rUpa.n tu purvameva pravartate . 
mR^idurbhavatyaha~NkAraH prasIdatyArjava.n cha yat .. 9..\\
tato.asya sarvadvandvAni prashAmyanti parasparam . 
na chAsya sa.nyamo nAma kva chidbhavati kash chana .. 10..\\
shUdrayonau hi jAtasya svaguNAnupatiShThataH . 
vaishyatvaM bhavati brahmankShatriyatva.n tathaiva cha .. 11..\\
Ajrave vartamAnasya brAhmaNyamabhijAyate . 
guNAste kIrtitAH sarve kiM bhUyo shrotumichchhasi .. 12..\\

 braa

pArthiva.n dhAtumAsAdya shArIro.agniH kathaM bhavet . 
avakAsha visheSheNa katha.n vartayate.anilaH .. 13..\\

 maark

prashnameta.n samuddiShTaM brAhmaNena yudhiShThira . 
vyAdhaH sa kathayAmAsa brAhmaNAya mahAtmane .. 14..\\

 vyadha

mUrdhAnamAshrito vahniH sharIraM paripAlayan . 
prANo mUrdhani chAgnau cha vartamAno vicheShTate . 
bhUtaM bhavyaM bhaviShyachcha sarvaM prANe pratiShThitam .. 15..\\
shreShTha.n tadeva bhUtAnAM brahma jyotirupAsmahe . 
sajantuH sarvabhUtAtmA puruShaH sa sanAtanaH . 
mano buddhiraha~NkAro bhUtAnA.n viShayashcha saH .. 16..\\
eva.n tviha sa sarvatra prANena paripAlyate . 
pR^iShThatastu samAnena svA.n svA.n gatimupAshritaH .. 17..\\
basti mUle gude chaiva pAvakaH samupAshritaH . 
vahanmUtraM purISha.n chApyapAnaH parivartate .. 18..\\
prayatne karmaNi bale ya ekastriShu vartate . 
udAna iti taM prAhuradhyAtmaviduSho janAH .. 19..\\
sandhau sandhau saMniviShTaH sarveShvapi tathAnilaH . 
sharIreShu manuShyANA.n vyAna ityupadiShyate .. 20..\\
dhAtuShvagnistu vitataH sa tu vAyusamIritaH . 
rasAndhatUMshcha doShAMshcha vartayanparidhAvati .. 21..\\
prANAnA.n saMnipAtAttu saMnipAtaH prajAyate . 
uShmA chAgniriti GYeyo yo.annaM pachati dehinAm .. 22..\\
apAnodAnayormadhye prANavyAnau samAhitau . 
samanvitastvadhiShThAna.n samyakpachati pAvakaH .. 23..\\
tasyApi pAyuparyantastathA syAdudasa~nj~nitaH . 
srotA.nsi tasmAjjAyante sarvaprANeShu dehinAm .. 24..\\
agnivegavahaH prANo gudAnte pratihanyate . 
sa UrdhvamAgamya punaH samutkShipati pAvakam .. 25..\\
pakvAshayastvadho nAbhyA UrdhvamAmAshayaH sthitaH . 
nAbhimadhye sharIrasya prANAH sarve pratiShThitAH .. 26..\\
pravR^ittA hR^idayAtsarvAstiryagUrdhvamadhastathA . 
vahantyannarasAnnADyo dasha prANaprachoditAH .. 27..\\
yoginAmeSha mArgastu yena gachchhanti tatparam . 
jitaklamAsanA dhIrA mUrdhanyAtmAnamAdadhuH . 
eva.n sarveShu vitatau prANApAnau hi dehiShu .. 28..\\
ekAdasha vikArAtmA kalA sambhArasambhR^itaH . 
mUrtimanta.n hi taM viddhi nitya.n karma jitAtmakam .. 29..\\
tasminyaH sa.nsthito hyagnirnitya.n sthAlyamivAhitaH . 
AtmAna.n ta.n vijAnIhi nityaM yogajitAtmakam .. 30..\\
devo yaH sa.nsthitastasminnabbinduriva puShkare . 
kShetraGYa.n ta.n vijAnIhi nityaM tyAgajitAtmakam .. 31..\\
jIvAtmakAni jAnIhi rajo sattva.n tamastathA . 
jIvamAtmaguNa.n viddhi tathAtmAnaM parAtmakam .. 32..\\
sachetana.n jIvaguNa.n vadanti 
sa cheShTate cheShTayate cha sarvam . 
tataH para.n kShetravido vadanti 
prAkalpayadyo bhuvanAni sapta .. 33..\\
eva.n sarveShu bhUteShu bhUtAtmA na prakAshate . 
dR^ishyate tvagryayA buddhyA sUkShmayA GYAnavedibhiH .. 34..\\
chittasya hi prasAdena hanti karma shubhAshubham . 
prasannAtmAtmani sthitvA sukhamAnantyamashnute .. 35..\\
lakShaNa.n tu prasAdasya yathA tR^iptaH sukha.n svapet . 
nivAte vA yathA dIpo dIpyetkushaladIpitaH .. 36..\\
pUrvarAtre pare chaiva yu~njAnaH satataM manaH . 
labdhAhAro vishuddhAtmA pashyannAtmAnamAtmani .. 37..\\
pradIpteneva dIpena mano dIpena pashyati . 
dR^iShTvAtmAnaM nirAtmAna.n tadA sa tu vimuchyate .. 38..\\
sarvopAyaistu lobhasya krodhasya cha vinigrahaH . 
etatpavitra.n yaGYAnA.n tapo vai sa~Nkramo mataH .. 39..\\
nitya.n krodhAttapo rakShechchhriya.n rakSheta matsarAt . 
vidyAM mAnApamAnAbhyAmAtmAna.n tu pramAdataH .. 40..\\
AnR^isha.nsyaM paro dharmaH kShamA cha paramaM balam . 
AtmaGYAnaM para.n GYAnaM paraM satyavrataM vratam .. 41..\\
satyasya vachana.n shreyo satyaM GYAnaM hitaM bhavet . 
yadbhUtahitamatyanta.n tadvai satyaM paraM matam .. 42..\\
yasya sarve samArambhA nirAshIrbandhanAH sadA . 
tvAge yasya huta.n sarvaM sa tyAgI sa cha buddhimAn .. 43..\\
yato na gururapyena.n chyAvayedupapAdayan . 
ta.n vidyAdbrahmaNo yogaM viyogaM yogasa~nj~nitam .. 44..\\
na hi.nsyAtsarvabhUtAni maitrAyaNa gatash charet . 
neda.n jIvitamAsAdya vairaM kurvIta kena chit .. 45..\\
Aki~ncanya.n susantoSho nirAshitvamachApalam . 
etadeva para.n GYAnaM sadAtmaGYAnamuttamam .. 46..\\
parigrahaM parityajya bhava buddhyA yatavrataH . 
ashoka.n sthAnamAtiShThennishchalaM pretya cheha cha .. 47..\\
taponityena dAntena muninA santayAtmanA . 
ajita.n jetukAmena bhAvya.n sa~NgeShvasa~NginA .. 48..\\
guNAguNamanAsa~NgamekakAryamanantaram . 
etadbrAhmaNa te vR^ittamAhurekapada.n sukham .. 49..\\
parityajati yo duHkha.n sukha.n chApyubhayaM naraH . 
brahma prApnoti so.atyantamasa~Ngena cha gachchhati .. 50..\\
yathA shrutamida.n sarvaM samAsena dvijottama . 
etatte sarvamAkhyAtma kiM bhUyo shrotumichchhasi .. 51..\\
\medskip\hrule\medskip\centerline{\Largedvng 204}
 maark

eva.n sa~Nkathite kR^itsne mokShadharme yudhiShThira . 
dR^iDhaM prItimanA vipro dharmavyAdhamuvAcha ha .. 1..\\
nyAyayuktamida.n sarvaM bhavatA parikIrtitam . 
na te.astyavidita.n kiM chiddharmeShviha hi dR^ishyate .. 2..\\

 vyadha

pratyakShaM mama yo dharmastaM pashya dvijasattama . 
yena siddhiriyaM prAptA mayA brAhmaNapu~Ngava .. 3..\\
uttiShTha bhagavankShipraM pravishyAbhyantara.n gR^iham . 
draShTumarhasi dharmaGYa mAtaraM pitara.n cha me .. 4..\\

 maark

ityuktaH sa pravishyAtha dadarsha paramArchitam . 
saudha.n hR^idya.n chaturshAlamatIva cha manoharam .. 5..\\
devatA gR^ihasa~NkAsha.n daivataishcha supUjitam . 
shayanAsanasambAdha.n gandhaish cha paramairyutam .. 6..\\
tatra shuklAmbara dharau pitarAvasya pUjitau . 
kR^itAhArau sutuShTau tAvupaviShTau varAsane . 
dharmavyAdhastutau dR^iShTvA pAdeShu shirasApatat .. 7..\\

 vrddhau

uttiShThottiShTha dharmaGYa dharmastvAmabhirakShatu . 
prItau svastava shauchena dIrghamAyuravApnuhi . 
satputreNa tvayA putra nityakAla.n supUjitau .. 8..\\
na te.anyaddaivata.n kiM chiddaivateShvapi vartate . 
prayatatvAddvijAtInA.n damenAsi samanvitaH .. 9..\\
pituH pitAmahA ye cha tathaiva prapitAmahAH . 
prItAste satataM putra damenAvA.n cha pUjayA .. 10..\\
manasA karmaNA vAchA shushrUShA naiva hIyate . 
na chAnyA vitathA buddhirdR^ishyate sAmprata.n tava .. 11..\\
jAmadagnyena rAmeNa yathA vR^iddhau supUjitau . 
tathA tvayA kR^ita.n sarva.n tadvishiShTaM cha putraka .. 12..\\

 maark

tatastaM brAhmaNa.n tAbhyAM dharmavyAdho nyavedayat . 
tau svAgatena ta.n vipramarchayAmAsatustadA .. 13..\\
pratigR^ihya cha tAM pUjA.n dvijaH paprachchha tAvubhau . 
saputrAbhyA.n sabhR^ityAbhyA.n kachchidvAM kushalaM gR^ihe . 
anAmaya.n cha vAM kachchitsadaiveha sharIrayoH .. 14..\\

 vrddhau

kushalaM no gR^ihe vipra bhR^ityavarge cha sarvashaH . 
kachchittvamapyavighnena samprApto bhagavanniha .. 15..\\

 maark

bADhamityeva tau vipraH pratyuvAcha mudAnvitaH . 
dharmavyAdhastu ta.n vipramarthavadvAkyamabravIt .. 16..\\
pitA mAtA cha bhagavannetau me daivataM param . 
yaddaivatebhyaH kartavya.n tadetAbhyAM karomyaham .. 17..\\
trayastriMshadyathA devAH sarve shakrapurogamAH . 
sampUjyAH sarvalokasya tathA vR^ittAvimau mama .. 18..\\
upahArAnAharanto devatAnA.n yathA dvijAH . 
kurvate tadvadetAbhyA.n karomyahamatandritaH .. 19..\\
etau me paramaM brahmanpitA mAtA cha daivatam . 
etau puShpaiH phalai ratnaistoShayAmi sadA dvija .. 20..\\
etAvevAgnayo mahya.n yAnvadanti manIShiNaH . 
yaGYA vedAshcha chatvAraH sarvametau mama dvija .. 21..\\
etadarthaM mama prANA bhAryA putrAH suhR^ijjanAH . 
saputradAraH shushrUShAM nityameva karomyaham .. 22..\\
svaya.n cha snApayAmyetau tathA pAdau pradhAvaye . 
AhAra.n samprayachchhAmi svaya.n cha dvijasattama .. 23..\\
anukUlAH kathA vachmi vipriyaM parivarjayan . 
adharmeNApi sa.nyuktaM priyamAbhyA.n karomyaham .. 24..\\
dharmameva guru.n GYAtvA karomi dvijasattama . 
atandritaH sadA vipra shushrUShA.n vai karomyaham .. 25..\\
pa~nchaiva guravo brahmanpuruShasya babhUShataH . 
pitA mAtAgnirAtmA cha gurush cha dvijasattama .. 26..\\
eteShu yastu varteta samyageva dvijottama . 
bhaveyuragnayastasya parichIrNAstunityashaH . 
gArhasthye vartamAnasya dharma eSha sanAtanaH .. 27..\\
\medskip\hrule\medskip\centerline{\Largedvng 205}
 maark

gurU nivedya viprAya tau mAtApitarAvubhau . 
punareva sa dharmAtmA vyAdho brAhmaNamabravIt .. 1..\\
pravR^itta chakShurjAto.asmi sampashya tapaso balam . 
yadarthamukto.asi tayA gachchhasva mithilAm iti .. 2..\\
patishushrUSha parayA dAntayA satyashIlayA . 
mithilAyA.n vasanvyAdhaH sa te dharmAnpravakShyati .. 3..\\

 braa

pativratAyAH satyAyAH shIlADhyAyA yatavrata . 
sa.nsmR^itya vAkya.n dharmaGYa guNavAnasi me mataH .. 4..\\

 vyadha

yattadA tva.n dvijashreShTha tayokto mAM prati prabho . 
dR^iShTametattayA samyagekapatnyA na saMshayaH .. 5..\\
tvadanugraha buddhyA tu vipraitaddarshitaM mayA . 
vAkya.n cha shR^iNu me tAta yatte vakShye hitaM dvija .. 6..\\
tvayA vinikR^itA mAtA pitA cha dvijasattama . 
anisR^iShTo.asi niShkrAnto gR^ihAttAbhyAm anindita . 
vedochchAraNa kAryArthamayukta.n tattvayA kR^itam .. 7..\\
tava shokena vR^iddhau tAvandhau jAtau tapasvinau . 
tau prasAdayitu.n gachchha mA tvA dharmo.atyagAnmahAn .. 8..\\
tapasvI tvaM mahAtmA cha dharme cha nirataH sadA . 
sarvametadapArtha.n te kShipraM tau samprasAdaya .. 9..\\
shraddadhasya mama brahmannAnyathA kartumarhasi . 
gamyatAmadya viprarShe shreyaste kathayAmyaham .. 10..\\

 braa

yadetaduktaM bhavatA sarva.n satyamasaMshayam . 
prIto.asmi tava dharmaGYa sAdhvAchAra guNAnvita .. 11..\\

 vyadha

daivatapratimo hi tva.n yastva.n dharmamanuvrataH . 
purANa.n shAshvata.n divyaM duShprApamakR^itAtmabhiH .. 12..\\
atandritaH kuru kShipraM mAtApitrorhi pUjanam . 
ataH paramaha.n dharmaM nAnyaM pashyAmi kaM chana .. 13..\\

 braa

ihAhamAgato diShTyA diShTyA me sa~Ngata.n tvayA . 
IdR^ishA durlabhA loke narA dharmapradarshakAH .. 14..\\
eko narasahasreShu dharmavidvidyate na vA . 
prIto.asmi tava satyena bhadra.n te puruShottama .. 15..\\
patamAno hi narake bhavatAsmi samuddhR^itaH . 
bhavitavyamathaiva.n cha yaddR^iShTo.asi mayAnagha .. 16..\\
rAjA yayAtirdauhitraiH patitastArito yathA . 
sadbhiH puruShashArdUla tathAhaM bhavatA tviha .. 17..\\
mAtA pitR^ibhyA.n shushrUShA.n kariShye vachanAttava . 
nAkR^itAtmA vedayati dharmAdharmavinishchayam .. 18..\\
durGYeyaH shAshvato dharmaH shUdrayonau hi vartatA . 
na tvA.n shUdramahaM manye bhavitavyaM hi kAraNam . 
yena karma vipAkena prAteya.n shUdratA tvayA .. 19..\\
etadichchhAmi viGYAtu.n tattvena hi mahAmate . 
kAmayA brUhi me tathya.n sarva.n tvaM prayatAtmavAn .. 20..\\

 vyadha

anatikramaNIyA hi brAhmaNA vai dvijottama . 
shR^iNu sarvamida.n vR^ittaM pUrvadehe mamAnagha .. 21..\\
aha.n hi brAhmaNaH pUrvamAsa.n dvija varAtmaja . 
vedAdhyAyI sukushalo vedA~NgAnA.n chapAragaH . 
AtmadoShakR^itairbrahmannavasthA prAptavAnimAm .. 22..\\
kashchidrAjA mama sakhA dhanurvedaparAyaNaH . 
sa.nsargAddhanuShi shreShThastato.ahamabhava.n dvija .. 23..\\
etasminneva kAle tu mR^igayAM nirgato nR^ipaH . 
sahito yodhamukhyaishcha mantribhishcha susa.nvR^itaH . 
tato.abhyahanmR^igA.nstatra subahUnAshramaM prati .. 24..\\
atha kShiptaH sharo ghoro mayApi dvijasattama . 
tADitashcha munistena shareNAnataparvaNA .. 25..\\
bhUmau nipatito brahmannuvAcha pratinAdayan . 
nAparAdhyAmyaha.n kiM chitkena pApamidaM kR^itam .. 26..\\
manvAnastaM mR^iga.n chAha.n samprAptaH sahasA munim . 
apashya.n tamR^iShi.n viddhaM shareNAnataparvaNA . 
tamugratapasa.n vipraM niShTanantaM mahItale .. 27..\\
akArya karaNAchchApi bhR^ishaM me vyathitaM manaH . 
ajAnatA kR^itamidaM mayetyatha tamabruvam . 
kShantumarhasi me brahmanniti chokto mayA muniH .. 28..\\
tataH pratyabravIdvAkyamR^ishirmA.n krodhamUrchchhitaH . 
vyAdhastvaM bhavitA krUra shUdrayonAviti dvija .. 29..\\
\medskip\hrule\medskip\centerline{\Largedvng 206}
 vyadha

eva.n shapto.ahamR^iShiNA tadA dvijavarottama . 
abhiprasAdayamR^iShi.n girA vAkya.n vishAradam .. 1..\\
ajAnatA mayAkAryamidamadya kR^itaM mune . 
kShantumarhasi tatsarvaM prasIda bhagavanniti .. 2..\\

 rsir

nAnyathA bhavitA shApa evametadasaMshayam . 
AnR^isha.nsyAdaha.n kiM chitkartAnugrahamadya te .. 3..\\
shUdrayonau vartamAno dharmaGYo bhavitA hyasi . 
mAtApitroshcha shushrUShA.n kariShyasi na saMshayaH .. 4..\\
tayA shushrUShayA siddhiM mahatI.n samavApsyasi . 
jAtisramashcha bhavitA svarga.n chaiva gamiShyasi . 
shApakShayAnte nirvR^itte bhavitAsi punardvijaH .. 5..\\

 vyadha

eva.n shaptaH purA tena R^iShiNAsmyugratejasA . 
prasAdashcha kR^itastena mamaiva.n dvipadA.n vara .. 6..\\
shara.n choddhR^itavAnasmi tasya vai dvijasattama . 
Ashrama.n cha mayA nIto na cha prANairvyayujyata .. 7..\\
etatte sarvamAkhyAta.n yathA mama purAbhavat . 
abhitashchApi gantavyaM mayA svarga.n dvijottama .. 8..\\

 braa

evametAni puruShA duHkhAni cha sukhAni cha . 
prApnuvanti mahAbuddhe notkaNThA.n kartumarhasi . 
duShkara.n hi kR^ita.n tAta jAnatA jAtimAtmanaH .. 9..\\
karma doShashcha vai vidvannAtmajAtikR^itena vai . 
ka.n chitkAlaM mR^iShyatA.n vai tato.asi bhavitA dvijaH . 
sAmprata.n cha mato me.asi brAhmaNo nAtra saMshayaH .. 10..\\
brAhmaNaH patanIyeShu vartamAno vikarmasu . 
dAmbhiko duShkR^itaprAyaH shUdreNa sadR^isho bhavet .. 11..\\
yastu shUdro dame satye dharme cha satatotthitaH . 
taM brAhmaNamahaM manye vR^ittena hi bhaveddvijaH .. 12..\\
karma doSheNa viShamA gatimApnoti dAruNAm . 
kShINadoShamahaM manye chAbhitastvAM narottama .. 13..\\
kartumarhasi notkaNThA.n tvadvidhA hyaviShAdinaH . 
lokavR^ittAntavR^ittaGYA nitya.n dharmaparAyaNAH .. 14..\\

 vyadha

praGYayA mAnasa.n duHkha.n hanyAchchhArIramauShadhaiH . 
etadviGYAnasAmarthyaM na bAlaiH samatA.n vrajet .. 15..\\
aniShTa samprayogAchcha viprayogAtpriyasya cha . 
mAnuShA mAnasairduHkhairyujyante alpabuddhayaH .. 16..\\
guNairbhUtAni yujyante viyujyante tathaiva cha . 
sarvANi naitadekasya shokasthAna.n hi vidyate .. 17..\\
aniShTenAnvitaM pashya.nstathA kShipra.n virajyate . 
tatashcha pratikurvanti yadi pashyantyupakramam . 
shochato na bhavetki.n chitkevalaM paritapyate .. 18..\\
parityajanti ye duHkha.n sukhaM vApyubhayaM narAH . 
ta eva sukhamedhante GYAnatR^iptA manIShiNaH .. 19..\\
asantoSha parA mUDhAH santoSha.n yAnti paNDitAH . 
asantoShasya nAstyantastuShTistu parama.n sukham . 
na shochanti gatAdhvAnaH pashyantaH paramA.n gatim .. 20..\\
na viShAde mano kArya.n viShAdo viShamuttamam . 
mArayatyakR^itapraGYaM bAla.n kruddha ivoragaH .. 21..\\
ya.n viShAdAbhibhavati viShame samupasthite . 
tejasA tasya hInasya puruShArtho na vidyate .. 22..\\
avashya.n kriyamANasya karmaNo dR^ishyate phalam . 
na hi nirvedamAgamya ki.n chitprApnoti shobhanam .. 23..\\
athApyupAyaM pashyeta duHkhasya parimokShaNe . 
ashochannArabhetaiva yuktashchAvyasanI bhavet .. 24..\\
bhUteShvabhAva.n sa~ncintya ye tu buddheH para.n gatAH . 
na shochanti kR^itapraGYAH pashyantaH paramA.n gatim .. 25..\\
na shochAmi cha vai vidvankAlAkA~NkShI sthito.asmyaham . 
etairnirdashanairbrahmannAvasIdAmi sattama .. 26..\\

 braa

kR^itapraGYo.asi medhAvI buddhishcha vipulA tava . 
nAhaM bhavanta.n shochAmi GYAnatR^ipto.asi dharmavit .. 27..\\
ApR^ichchhe tvA.n svasti te.astu dharmastvA parirakShatu . 
apramAdastu kartavyo dharme dharmabhR^itA.n vara .. 28..\\

 maark

bADhamityeva ta.n vyAdhaH kR^itA~njaliruvAcha ha . 
pradakShiNamatho kR^itvA prasthito dvijasattamaH .. 29..\\
sa tu gatvA dvijaH sarvA.n shushrUShA.n kR^itavA.nstadA . 
mAtA pitR^ibhyA.n vR^iddhAbhyAM yathAnyAyaM susaMshitaH .. 30..\\
etatte sarvamAkhyAtaM nikhilena yudhiShThira . 
pR^iShTavAnasi ya.n tAta dharmaM dharmabhR^itA.n vara .. 31..\\
pativratAyA mAhAtmyaM brAhmaNasya cha sattama . 
mAtA pitroshcha shushrUShA vyAdhe dharmashcha kIrtitaH .. 32..\\

 y

atyadbhutamidaM brahmandharmAkhyAnamanuttamam . 
sarvadharmabhR^itA.n shreShTha kathita.n dvijasattama .. 33..\\
sukhashravyatayA vidvanmuhUrtamiva me gatam . 
na hi tR^ipto.asmi bhagavA~nshR^iNvAno dharmamuttamam .. 34..\\
\medskip\hrule\medskip\centerline{\Largedvng 207}
 vai

shrutvemA.n dharmasa.nyuktAM dharmarAjaH kathA.n shubhAm . 
punaH paprachchha tamR^iShiM mArkaNDeya.n tapasvinam .. 1..\\

 y

kathamagnirvana.n yAtaH katha.n chApya~NgirAH purA . 
naShTe.agnau havyamavahadagnirbhUtvA mahAnR^iShiH .. 2..\\
agniryadA tveka eva bahutva.n chAsya karmasu . 
dR^ishyate bhagavansarvametadichchhAmi veditum .. 3..\\
kumArashcha yathotpanno yathA chAgneH suto.abhavat . 
yathA rudrAchcha sambhUto ga~NgAyA.n kR^ittikAsu cha .. 4..\\
etadichchhAmyaha.n tvattaH shrotuM bhArgavanandana . 
kautUhalasamAviShTo yathAtathyaM mahAmune .. 5..\\

 maark

atrApyudAharantImamitihAsaM purAtanam . 
yathA kruddho hutavahastapastaptu.n vana.n gataH .. 6..\\
yathA cha bhagavAnagniH svayamevA~NgirAbhavat . 
santApayansvaprabhayA nAshaya.nstimirANi cha .. 7..\\
Ashramastho mahAbhAgo havyavAha.n visheShayan . 
tathA sa bhUtvA tu tadA jagatsarvaM prakAshayan .. 8..\\
tapo charaMshcha hutabhuksantaptastasya tejasA . 
bhR^isha.n glAnashcha tejasvI na sa kiM chitprajaGYivAn .. 9..\\
atha sa~ncintayAmAsa bhagavAnhavyavAhanaH . 
anyo.agniriha lokAnAM brahmaNA sampravartitaH . 
agnitva.n vipranaShTaM hi tapyamAnasya me tapaH .. 10..\\
kathamagniH punarahaM bhaveyamiti chintya saH . 
apashyadagnivallokA.nstApayantaM mahAmunim .. 11..\\
sopAsarpachchhanairbhItastamuvAcha tadA~NgirAH . 
shIghrameva bhavasvAgnistvaM punarlokabhAvanaH . 
viGYAtashchAsi lokeShu triShu sa.nsthAna chAriShu .. 12..\\
tvamagne prathamaH sR^iShTo brahmaNA timirApahaH . 
svasthAnaM pratipadyasva shIghrameva tamonuda .. 13..\\

 agni

naShTakIrtiraha.n loke bhavA~njAto hutAshanaH . 
bhavantameva GYAsyanti pAvakaM na tu mA.n janAH .. 14..\\
nikShipAmyahamagnitva.n tvamagniH prathamo bhava . 
bhaviShyAmi dvitIyo.ahaM prAjApatyaka eva cha .. 15..\\

 angiras

kuru puNyaM prakAsvargyaM bhavAgnistimirApahaH . 
mA.n cha devakuruShvAgne prathamaM putrama~njasA .. 16..\\

 maark

tachchhrutvA~Ngiraso vAkya.n jAtavedAstathAkarot . 
rAjanbR^ihaspatirnAma tasyApya~NgirasaH sutaH .. 17..\\
GYAtvA prathamaja.n taM tu vahnerA~Ngirasa.n sutam . 
upetya devAH paprachchhuH kAraNa.n tatra bhArata .. 18..\\
sa tu pR^iShTastadA devaistataH kAraNamabravIt . 
pratyagR^ihNa.nstu devAshcha tadvacho.a~NgirasastadA .. 19..\\
tatra nAnAvidhAnagnInpravakShyAmi mahAprabhAn . 
karmabhirbahubhiH khyAtAnnAnAtvaM brAhmaNeShviha .. 20..\\
\medskip\hrule\medskip\centerline{\Largedvng 208}
 maark

brahmaNo yastR^itIyastu putraH kurukulodvaha . 
tasyApava sutA bhAryA prajAstasyApi me shR^iNu .. 1..\\
bR^ihajjyotirbR^ihatkIrtirbR^ihadbrahmA bR^ihanmanAH . 
bR^ihanmantro bR^ihadbhAsastathA rAjanbR^ihaspatiH .. 2..\\
prajAsu tAsu sarvAsu rUpeNApratimAbhavat . 
devI bhAnumatI nAma prathamA~NgirasaH sutA .. 3..\\
bhUtAnAmeva sarveShA.n yasyAM rAgastadAbhavat . 
rAgAdrAgeti yAmAhurdvitIyA~NgirasaH sutA .. 4..\\
yA.n kapardi sutAmAhurdR^ishyAdR^ishyeti dehinaH . 
tanutvAtsA sinIvAlI tR^itIyA~NgirasaH sutA .. 5..\\
pashyatyarchiShmatI bhAbhirhavirbhishcha haviShmatI . 
ShaShThama~NgirasaH kanyAM puNyAmAhurhaviShmatIm .. 6..\\
mahAmakheShvA~NgiraShI dIptimatsu mahAmatI . 
mahAmatIti vikhyAtA saptamI kathyate sutA .. 7..\\
yA.n tu dR^iShTvA bhagavatIM janaH kuhukuhAyate . 
ekAnaMsheti yAmAhuH kuhUma~NgnirasaH sutAm .. 8..\\
\medskip\hrule\medskip\centerline{\Largedvng 209}
 maark

bR^ihaspateshchAndramasI bhAryAbhUdyA yashasvinI . 
agnInsAjanayatpuNyA~nshaDekA.n chApi putrikAm .. 1..\\
AhutiShveva yasyAgnerhavirAjya.n vidhIyate . 
so.agnirbR^ihaspateH putraH shamyurnAma mahAprabhaH .. 2..\\
chAturmAsyeShu yasyeShTyAmashvamedhe.agrajaH pashuH . 
dIpto jvAlairanekAbhiragnireko.atha vIryavAn .. 3..\\
shamyorapratimA bhAryA satyA satyA cha dharmajA . 
agnistasya suto dIptastisraH kanyAshcha suvratAH .. 4..\\
prathamenAjya bhAgena pUjyate yo.agniradhvare . 
agnistasya bharadvAjaH prathamaH putra uchyate .. 5..\\
paurNamAsyeShu sarveShu havirAjya.n sruvodyatam . 
bharato nAmataH so.agnirdvitIyaH shamyutaH sutaH .. 6..\\
tisraH kanyA bhavantyanyA yAsA.n sa bharataH patiH . 
bharatastu sutastasya bhavatyekA cha putrikA .. 7..\\
bharato bharatasyAgneH pAvakastu prajApateH . 
mahAnatyarthamahitastathA bharatasattama .. 8..\\
bharadvAjasya bhAryA tu vIrA vIrashcha piNDadaH . 
prAhurAjyena tasyejyA.n somasyeva dvijAH shanaiH .. 9..\\
haviShA yo dvitIyena somena saha yujyate . 
rathaprabhU rathadhvAnaH kumbharetAH sa uchyate .. 10..\\
sarayvA.n janayatsiddhiM bhAnuM bhAbhiH samAvR^iNot . 
AgneyamAnayannityamAhvAneShveSha kathyate .. 11..\\
yastu na chyavate nitya.n yashasA varchasA shriyA . 
agnirnishchyavano nAma pR^ithivI.n stauti kevalam .. 12..\\
vipApmA kaluShairmukto vishuddhashchArchiShA jvalan . 
vipApo.agniH sutastasya satyaH samayakarmasu .. 13..\\
AkroshatA.n hi bhUtAnAM yaH karoti hi niShkR^itim . 
agniH saniShkR^itirnAma shobhayatyabhisevitaH .. 14..\\
anukUjanti yeneha vedanArtAH svaya.n janAH . 
tasya putraH svano nAma pavakaH sa rujaskaraH .. 15..\\
yastu vishvasya jagato buddhimAkramya tiShThati . 
taM prAhuradhyAtmavido vishvajinnAma pAvakam .. 16..\\
antarAgniH shrito yo hi bhuktaM pachati dehinAm . 
sa yaGYe vishvabhunnAma sarvalokeShu bhArata .. 17..\\
brahmachArI yatAtmA cha satata.n vipulavrataH . 
brAhmaNAH pUjayantyenaM pAkayaGYeShu pAvakam .. 18..\\
prathito gopatirnAma nadI yasyAbhavatpriyA . 
tasminsarvANi karmANi kriyante karma kartR^ibhiH .. 19..\\
vaDavAmukhaH pibatyambho yo.asau paramadAruNaH . 
UrdhvabhAgUrdhvabhAnnAma kaviH prANAshritastu saH .. 20..\\
udagdvAra.n haviryasya gR^ihe nityaM pradIyate . 
tataH sviShTaM bhavedAjya.n sviShTakR^itparamaH smR^itaH .. 21..\\
yaH prashAnteShu bhUteShu manyurbhavati pAvakaH . 
krodhasya tu raso jaGYe manyatI chAtha putrikA . 
svAheti dAruNA krUrA sarvabhUteShu tiShThati .. 22..\\
tridive yasya sadR^isho nAsti rUpeNa kash chana . 
atulyatvAtkR^ito devairnAmnA kAmastu pAvakaH .. 23..\\
sa.nharShAddhArayankrodha.n dhanvI sragvI rathe sthitaH . 
samare nAshayechchhatrUnamogho nAma pAvakaH .. 24..\\
uktho nAma mahAbhAga tribhirukthairabhiShTutaH . 
mahAvAcha.n tvajanayatsakAmAshva.n hi yaM viduH .. 25..\\
\medskip\hrule\medskip\centerline{\Largedvng 210}
 maark

kAshyapo hyatha vAsiShThaH prANashcha prANaputrakaH . 
agnirA~Ngirasashchaiva chyavanastriShu varchakaH .. 1..\\
acharanta tapastIvraM putrArthe bahu vArShikam . 
putra.n labhema dharmiShThaM yashasA brahmaNA samam .. 2..\\
mahAvyAhR^itibhirdhyAtaH pa~nchabhistaistadA tvatha . 
jaGYe tejomayo.archiShmAnpa~ncha varNaH prabhAvanaH .. 3..\\
samiddho.agniH shirastasya bAhU sUryanibhau tathA . 
tva~Nnetre cha suvarNAbhe kR^iShNe ja~Nghe cha bhArata .. 4..\\
pa~ncha varNaH sa tapasA kR^itastaiH pa~nchabhirjanaiH . 
pA~nchajanyaH shruto vede pa~ncha vaMshakarastu saH .. 5..\\
dashavarShasahasrANi tapastaptvA mahAtapAH . 
janayatpAvaka.n ghoraM pitR^INA.n sa prajAH sR^ijan .. 6..\\
bR^ihadrathantaraM mUrdhno vaktrAchcha tarasA harau . 
shivaM nAbhyAM balAdindra.n vAyvagnI prANato.asR^ijat .. 7..\\
bAhubhyAmanudAttau cha vishve bhUtAni chaiva ha . 
etAnsR^iShTvA tataH pa~ncha pitR^INAmasR^ijatsutAn .. 8..\\
bR^ihadUrjasya praNidhiH kAshyapasya bR^ihattaraH . 
bhAnura~Ngiraso vIraH putro varchasya saubharaH .. 9..\\
prANasya chAnudAttashcha vyAkhyAtAH pa~ncha vaMshajAH . 
devAnyaGYamuShashchAnyAnsR^ijanpa~nchadashottarAn .. 10..\\
abhImamatibhIma.n cha bhImaM bhImabalAbalam . 
etAnyaGYamuShaH pa~ncha devAnabhyasR^ijattapaH .. 11..\\
sumitraM mitravanta.n cha mitraGYaM mitravardhanam . 
mitra dharmANamityetAndevAnabhyasR^ijattapaH .. 12..\\
surapravIra.n vIra.n cha sukeshaM cha suvarchasam . 
surANAmapi hantAraM pa~nchaitAnasR^ijattapaH .. 13..\\
trividha.n sa.nsthitA hyete pa~ncha pa~ncha pR^ithakpR^ithak . 
muShNantyatra sthitA hyete svargato yaGYayAjinaH .. 14..\\
teShAmiShTa.n harantyete nighnanti cha mahadbhuvi . 
spardhayA havyavAhAnAM nighnantyete haranti cha .. 15..\\
havirvedyA.n tadAdAnaM kushalaiH sampravartitam . 
tadete nopasarpanti yatra chAgniH sthito bhavet .. 16..\\
chito.agnirudvahanyaGYaM pakShAbhyA.n tAnprabAdhate . 
mantraiH prashamitA hyete neShTaM muShNanti yaGYiyam .. 17..\\
bR^ihaduktha tapasyaiva putro bhUmimupAshritaH . 
agnihotre hUyamAne pR^ithivyA.n sadbhirijyate .. 18..\\
rathantarashcha tapasaH putrAgniH paripaThyate . 
mitra vindAya vai tasya haviradhvaryavo viduH . 
mumude paramaprItaH saha putrairmahAyashAH .. 19..\\
\medskip\hrule\medskip\centerline{\Largedvng 211}
 maark

gurubhirniyamairyukto bharato nAma pAvakaH . 
agniH puShTimatirnAma tuShTaH puShTiM prayachchhati . 
bharatyeSha prajAH sarvAstato bharata uchyate .. 1..\\
agniryastu shivo nAma shaktipUjA parashcha saH . 
duHkhArtAnA.n sa sarveShAM shiva kR^itsatataM shivaH .. 2..\\
tapasastu phala.n dR^iShTvA sampravR^iddhaM tapo mahat . 
uddhartu kAmo matimAnputro jaGYe purandaraH .. 3..\\
UShmA chaivoShmaNo jaGYe so.agnirbhUteShu lakShyate . 
agnishchApi manurnAma prAjApatyamakArayat .. 4..\\
shambhumagnimatha prAhurbrAhmaNA vedapAragAH . 
Avasathya.n dvijAH prAhurdIptamagniM mahAprabham .. 5..\\
UrjaH karAnhavyavAhAnsuvarNasadR^ishaprabhAn . 
agnistapo hyajanayatpa~ncha yaGYasutAniha .. 6..\\
prashAnte.agnirmahAbhAga parishranto gavAM patiH . 
asurA~njanayanghorAnmartyAMshchaiva pR^ithagvidhAn .. 7..\\
tapasashcha manuM putraM bhAnu.n chApya~NgirAsR^ijat . 
bR^ihadbhAnu.n tu taM prAhurbrAhmaNA vedapAragAH .. 8..\\
bhAnorbhAryA suprajA tu bR^ihadbhAsA tu somajA . 
asR^ijetA.n tu ShaTputrA~nshR^iNu tAsAM prajA vidham .. 9..\\
durbalAnA.n tu bhUtAnAM tanu.n yaH samprayachchhati . 
tamagniM baladaM prAhauH prathamaM bhAnutaH sutam .. 10..\\
yaH prashAnteShu bhUteShu manyurbhavati dAruNaH . 
agniH sa manyumAnnAma dvitIyo bhAnutaH sutaH .. 11..\\
darshe cha paurNamAse cha yasyeha haviruchyate . 
viShNurnAmeha yo.agnistu dhR^itimAnnAma so.a~NgirAH .. 12..\\
indreNa sahita.n yasya havirAgrayaNaM smR^itam . 
agnirAgrayaNo nAma bhAnorevAnvayastu saH .. 13..\\
chAturbhAsyeShu nityAnA.n haviShAM yo niragrahaH . 
chaturbhiH sahitaH putrairbhAnorevAnvayastu saH .. 14..\\
nishA.n tvajanayatkanyAmagnIShomAvubhau tathA . 
manorevAbhavadbhAryA suShuve pa~ncha pAvakAn .. 15..\\
pUjyate haviShAgryeNa chAturmAsyeShu pAvakaH . 
parjanyasahitaH shrImAnagnirvaishvAnarastu saH .. 16..\\
asya lokasya sarvasya yaH patiH paripaThyate . 
so.agnirvishvapatirnAma dvitIyo vai manoH sutaH . 
tataH sviShTaM bhavedAjya.n sviShTakR^itparamaH smR^itaH .. 17..\\
kanyA sA rohiNI nAma hiraNyakashipoH sutA . 
karmaNAsau babhau bhAryA sa vahniH sa prajApatiH .. 18..\\
prANamAshritya yo dehaM pravartayati dehinAm . 
tasya saMnihito nAma shabdarUpasya sAdhanaH .. 19..\\
shuklakR^iShNa gatirdevo yo bibharti hutAshanam . 
akalmaShaH kalmaShANA.n kartA krodhAshritastu saH .. 20..\\
kapilaM paramarShi.n cha yaM prAhuryatayaH sadA . 
agniH sa kapilo nAma sA~NkhyayogapravartakaH .. 21..\\
agniryachchhati bhUtAni yena bhUtAni nityadA . 
karmasviha vichitreShu so.agraNIrvahniruchyate .. 22..\\
imAnanyAnsamasR^ijatpAvakAnprathitAnbhuvi . 
agnihotrasya duShTasya prAyachshchittArthamalbaNAn .. 23..\\
sa.nspR^isheyuryadAnyonya.n kathaM chidvAyunAgnayaH . 
iShTiraShTAkapAlena kAryA vai shuchaye.agnaye .. 24..\\
dakShiNAgniryadA dvAbhyA.n sa.nsR^ijeta tadA kila . 
iShTiraShTAkapAlena kAryA vai vItaye.agnaye .. 25..\\
yadyagnayo hi spR^ishyeyurniveshasthA davAgninA . 
iShTiraShTAkapAlena kAryA tu shuchaye.agnaye .. 26..\\
agni.n rajasvalA chetstrI sa.nspR^ishedagnihotrikam . 
iShTiraShTAkapAlena kAryA dasyumate.agnaye .. 27..\\
mR^itaH shrUyeta yo jIvanpareyuH pashavo yathA . 
iShTiraShTAkapAlena kartavyAbhimate.agnaye .. 28..\\
Arto na juhuyAdagni.n trirAtra.n yastu brAhmaNaH . 
iShTiraShTAkapAlena kAryA syAduttarAgnaye .. 29..\\
darsha.n cha paurNamAsaM cha yasya tiShThetpratiShThitam . 
iShTiraShTAkapAlena kAryA pathikR^ite.agnaye .. 30..\\
sUtikAgniryadA chAgni.n sa.nspR^ishedagnihotrikam . 
iShTiraShTAkapAlena kAryA chAgnimate.agnaye .. 31..\\
\medskip\hrule\medskip\centerline{\Largedvng 212}
 maark

Apasya muditA bhAryA sahasya paramA priyA . 
bhUpatirbhuva bhartA cha janayatpAvakaM param .. 1..\\
bhUtAnA.n chApi sarveShA.n yaM prAhuH pAvakaM patim . 
AtmA bhuvana bharteti sAnvayeShu dvijAtiShu .. 2..\\
mahatA.n chaiva bhUtAnA.n sarveShAmiha yaH patiH . 
bhagavAnsa mahAtejA nitya.n charati pAvakaH .. 3..\\
agnirgR^ihapatirnAma nitya.n yaGYeShu pUjyate . 
huta.n vahati yo havyamasya lokasya pAvakaH .. 4..\\
apA.n garbho mahAbhAgaH sahaputro mahAdbhutaH . 
bhUpatirbhuva bhartA cha mahataH patiruchyate .. 5..\\
dahanmR^itAni bhUtAni tasyAgnirbharato.abhavat . 
agniShTome cha niyataH kratushreShTho bharasya tu .. 6..\\
AyAntaM niyata.n dR^iShTvA praviveshArNavaM bhayAt . 
devAstaM nAdhigachchhanti mArgamANA yathA disham .. 7..\\
dR^iShTvA tvagniratharvANa.n tato vachanamabravIt . 
devAnA.n vaha havya.n tvamahaM vIra sudurbalaH . 
atharvangachchha madhvakShaM priyametatkuruShva me .. 8..\\
preShyachAgniratharvANamanya.n deshaM tato.agamat . 
matsyAstasya samAchakhyuH kruddhastAnagnirabravIt .. 9..\\
bhakShyA vai vividhairbhAvairbhaviShyatha sharIriNAm . 
atharvANa.n tathA chApi havyavAho.abravIdvachaH .. 10..\\
anunIyamAno.api bhR^isha.n devavAkyAddhi tena saH . 
naichchhadvoDhu.n haviH sarvaM sharIra.n cha samatyajat .. 11..\\
sa tachchharIra.n santyajya pravivesha dharA.n tadA . 
bhUmi.n spR^iShTvAsR^ijaddhAtUnpR^ithakpR^ithagatIva hi .. 12..\\
AsyAtsugandhi tejashcha asthibhyo devadAru cha . 
shleShmaNaH sphaTika.n tasya pittAnmarakataM tathA .. 13..\\
yakR^itkR^iShNAyasa.n tasya tribhireva babhuH prajAH . 
nakhAstasyAbhra paTala.n shirA jAlAni vidrumam . 
sharIrAdvividhAshchAnye dhAtavo.asyAbhavannR^ipa .. 14..\\
eva.n tyaktvA sharIraM tu parame tapasi sthitaH . 
bhR^igva~NgirAdibhirbhUyastapasotthApitastadA .. 15..\\
bhR^isha.n jajvAla tejasvI tapasApyAyitaH shikhI . 
dR^iShTvA R^iShInbhayAchchApi pravivesha mahArNavam .. 16..\\
tasminnaShTe jagadbhItamatharvANamathAshritam . 
archayAmAsurevainamatharvANa.n surarShayaH .. 17..\\
atharvA tvasR^ijallokAnAtmanAlokya pAvakam . 
miShatA.n sarvabhUtAnAmunmamAtha mahArNavam .. 18..\\
evamagnirbhagavatA naShTaH pUrvamatharvaNA . 
AhUtaH sarvabhUtAnA.n havyaM vahati sarvadA .. 19..\\
eva.n tvajanayaddhiShNyAnvedoktAnvibudhAnbahUn . 
vicharanvividhAndeshAnbhramamANastu tatra vai .. 20..\\
sindhuvarjaM pa~ncha nadyo devikAtha sarasvatI . 
ga~NgA cha shatakumbhA cha sharayUrgaNDasAhvayA .. 21..\\
charmaNvatI mahI chaiva medhyA medhAtithistathA . 
tAmrAvatI vetravatI nadyastisro.atha kaushikI .. 22..\\
tamasA narmadA chaiva nadI godAvarI tathA . 
veNNA praveNI bhImA cha medrathA chaiva bhArata .. 23..\\
bhAratI suprayogA cha kAverI murmurA tathA . 
kR^iShNA cha kR^iShNaveNNA cha kapilA shoNa eva cha . 
etA nadyastu dhiShNyAnAM mAtaro yAH prakIrtitAH .. 24..\\
adbhutasya priyA bhAryA tasyAH putro viDUrathaH . 
yAvantaH pAvakAH proktAH somAstAvanta eva cha .. 25..\\
atreshchApyanvaye jAtA brahmaNo mAnasAH prajAH . 
atriH putrAnsraShTukAmastAnevAtmanyadhArayat . 
tasya tadbrahmaNaH kAyAnnirharanti hutAshanAH .. 26..\\
evamete mahAtmAnaH kIrtitAste.agnayo mayA . 
aprameyA yathotpannAH shrImantastimirApahAH .. 27..\\
adbhutasya tu mAhAtmya.n yathA vedeShu kIrtitam . 
tAdR^isha.n viddhi sarveShAmeko hyeSha hutAshanaH .. 28..\\
eka evaiSha bhagavAnviGYeyaH prathamo.a~NgirAH . 
bahudhAniHsR^itaH kAyAjjyotiShTomaH kraturyathA .. 29..\\
ityeSha vaMshaH sumahAnagnInA.n kIrtito mayA . 
pAvito vividhairmantrairhavya.n vahati dehinAm .. 30..\\
\medskip\hrule\medskip\centerline{\Largedvng 213}
 maark

agnInA.n vividho vaMshaH pIrtitaste mayAnagha . 
shR^iNu janma tu kauravya kArttikeyasya dhImataH .. 1..\\
adbhutasyAdbhutaM putraM pravakShyAmyamitaujasam . 
jAta.n saptarShibhAryAbhirbrahmaNya.n kIrtivardhanam .. 2..\\
devAsurAH purA yattA vinighnantaH parasparam . 
tatrAjayansadA devAndAnavA ghorarUpiNaH .. 3..\\
vadhyamAnaM bala.n dR^iShTvA bahushastaiH purandaraH . 
svasainyanAyakArthAya chintAmApa bhR^isha.n tadA .. 4..\\
devasenA.n dAnavairyo bhagnAM dR^iShTvA mahAbalaH . 
pAlayedvIryamAshritya sa GYeyaH puruSho mayA .. 5..\\
sa shailaM mAnasa.n gatvA dhyAyannarthamimaM bhR^isham . 
shushrAvArtasvara.n ghoramatha mukta.n striyA tadA .. 6..\\
abhidhAvatu mA kashchitpuruShastrAtuchaiva ha . 
pati.n cha me pradishatu svaya.n vA patirastu me .. 7..\\
purandarastu tAmAha mA bhairnAsti bhaya.n tava . 
evamuktvA tato.apashyatkeshina.n sthitamagrataH .. 8..\\
kirITina.n gadApANiM dhAtumantamivAchalam . 
haste gR^ihItvA tA.n kanyAmathaina.n vAsavo.abravIt .. 9..\\
anAryakarmankasmAttvamimA.n kanyAM jihIrShasi . 
varjiNaM mA.n vijAnIhi viramAsyAH prabAdhanAt .. 10..\\

 kezin

visR^ijasva tvamevainA.n shakraiShA prArthitA mayA . 
kShama.n te jIvato gantu.n svapuraM pAkashAsana .. 11..\\

 maark

evamuktvA gadA.n keshI chikShependra vadhAya vai . 
tAmApatantI.n chichchheda madhye vajreNa vAsavaH .. 12..\\
athAsya shailashikhara.n keshI kruddho vyavAsR^ijat . 
tadApatanta.n samprekShya shailashR^i~NgaM shatakratuH . 
bibheda rAjanvajreNa bhuvi tannipapAta ha .. 13..\\
patatA tu tadA keshI tena shR^i~NgeNa tADitaH . 
hitvA kanyAM mahAbhAgAM prAdravadbhR^ishapIDitaH .. 14..\\
apayAte.asure tasmi.nstA.n kanyA.n vAsavo.abravIt . 
kAsi kasyAsi ki.n cheha kuruShe tva.n shubhAnane .. 15..\\

 kanyaa

ahaM prajApateH kanyA devaseneti vishrutA . 
bhaginI daityasenA me sA pUrva.n keshinA hR^itA .. 16..\\
sahaivAvAM bhaginyau tu sakhIbhiH saha mAnasam . 
AgachchhAveha ratyarthamanuGYApya prajApatim .. 17..\\
nitya.n chAvAM prArthayate hartuM keshI mahAsuraH . 
ichchhatyena.n daityasenA na tvahaM pAkashAsana .. 18..\\
sA hR^itA tena bhagavanmuktAha.n tvadbalena tu . 
tvayA devendra nirdiShTaM patimichchhAmi durjayam .. 19..\\

 indra

mama mAtR^isvaseyA tvaM mAtA dAkShAyaNI mama . 
AkhyAta.n tvahamichchhAmi svayamAtmabalaM tvayA .. 20..\\

 kanyaa

abalAhaM mahAbAho patistu balavAnmama . 
varadAnAtpiturbhAvI surAsuranamaskR^itaH .. 21..\\

 indra

kIdR^isha.n vai bala.n devi patyustava bhaviShyati . 
etadichchhAmyaha.n shrotu.n tava vAkyamanindite .. 22..\\

 kanyaa

devadAnava yakShANA.n kiMnaroragarakShasAm . 
jetA sa dR^iShTo duShTAnAM mahAvIryo mahAbalaH .. 23..\\
yastu sarvANi bhUtAni tvayA saha vijeShyati . 
sa hi me bhavitA bhartA brahmaNyaH kIrtivardhanaH .. 24..\\

 maark

indrastasyA vacho shrutvA duHkhito.achintayadbhR^isham . 
asyA devyAH patirnAsti yAdR^isha.n samprabhAShate .. 25..\\
athApashyatsa udaye bhAskaraM bhAskaradyutiH . 
soma.n chaiva mahAbhAga.n vishamAnaM divAkaram .. 26..\\
amAvAsyA.n sampravR^ittaM muhUrtaM raudrameva cha . 
devAsura.n cha sa~NgrAma.n so.apashyadudaye girau .. 27..\\
lohitaishcha ghanairyuktAM pUrvA.n sandhyAM shatakratuH . 
apashyallohitoda.n cha bhagavAnvaruNAlayam .. 28..\\
bhR^igubhishchA~Ngirobhishcha hutaM mantraiH pR^ithagvidhaiH . 
havya.n gR^ihItvA vahniM cha pravishantaM divAkaram .. 29..\\
parva chaiva chaturviMsha.n tadA sUryamupasthitam . 
tathA dharmagata.n raudraM somaM sUryagata.n cha tam .. 30..\\
samAlokyaikatAmeva shashino bhAskarasya cha . 
samavAya.n tu ta.n raudraM dR^iShTvA shakro vyachintayat .. 31..\\
eSha raudrashcha sa~NghAto mahAnyuktashcha tejasA . 
somasya vahni sUryAbhyAmadbhuto.aya.n samAgamaH . 
janayedya.n sutaM somaH so.asyA devyAH patirbhavet .. 32..\\
agnishchchaitairguNairyuktaH sarvairagnishcha devatA . 
eSha chejjanayedgarbha.n so.asyA devyAH patirbhavet .. 33..\\
eva.n sa~ncintya bhagavAnbrahmaloka.n tadA gataH . 
gR^ihItvA devasenA.n tAmavandatsa pitAmaham . 
uvAcha chAsyA devyAstva.n sAdhu shUraM pati.n disha .. 34..\\

 brahmaa

yathaitachchintita.n kAryaM tvayA dAnava sUdana . 
tathA sa bhavitA garbho balavAnuruvikramaH .. 35..\\
sa bhaviShyati senAnIstvayA saha shatakrato . 
asyA devyAH patishchaiva sa bhaviShyati vIryavAn .. 36..\\

 maark

etachchhrutvA namastasmai kR^itvAsau saha kanyayA . 
tatrAbhyagachchhaddevendro yatra devarShayo.abhavan . 
vasiShThapramukhA mukhyA viprendrAH sumahAvratAH .. 37..\\
bhAgArtha.n tapasopAttaM teShA.n somaM tathAdhvare . 
pipAsavo yayurdevAH shatakratu purogamAH .. 38..\\
iShTi.n kR^itvA yathAnyAya.n susamiddhe hutAshane . 
juhuvuste mahAtmAno havya.n sarvadivaukasAm .. 39..\\
samAhUto hutavahaH so.adbhutaH sUryamaNDalAt . 
viniHsR^ityAyayau vahnirvAgyato vidhivatprabhuH . 
AgamyAhavanIya.n vai tairdvijairmantrato hutam .. 40..\\
sa tatra vividha.n havyaM pratigR^ihya hutAshanaH . 
R^iShibhyo bharatashreShTha prAyachchhata divaukasAm .. 41..\\
niShkrAmaMshchApyapashyatsa patnIsteShAM mahAtmanAm . 
sveShvAshrameShUpaviShTAH snAyantIshcha yathAsukham .. 42..\\
rukmavedinibhAstAstu chandralekhA ivAmalAH . 
hutAshanArchi pratimAH sarvAstArA ivAdbhutAH .. 43..\\
sa tadgatena manasA babhUva kShubhitendriyaH . 
patnIrdR^iShTvA dvijendrANA.n vahniH kAmavashaM yayau .. 44..\\
sa bhUyo chintayAmAsa na nyAyya.n kShubhito.asmi yat . 
sAdhvIH patnIrdvijendrANAmakAmAH kAmayAmyaham .. 45..\\
naitAH shakyA mayA draShTu.n spraShTuM vApyanimittataH . 
gArhapatya.n samAvishya tasmAtpashyAmyabhIkShNashaH .. 46..\\
sa.nspR^ishanniva sarvAstAH shikhAbhiH kA~nchanaprabhAH . 
pashyamAnashcha mumude gArhapatya.n samAshritaH .. 47..\\
niruShya tatra suchirameva.n vahnirvasha~NgataH . 
manastAsu vinikShipya kAmayAno varA~NganAH .. 48..\\
kAmasantapta hR^idayo dehatyAge sunishchitaH . 
alAbhe brAhmaNa strINAmagnirvanamupAgataH .. 49..\\
svAhA ta.n dakShaduhitA prathamaM kAmayattadA . 
sA tasya chhidramanvaichchhachchirAtprabhR^iti bhAminI . 
apramattasya daivasya na chApashyadaninditA .. 50..\\
sA ta.n GYAtvA yathAvattu vahniM vanamupAgatam . 
tattvataH kAmasantapta.n chintayAmAsa bhAminI .. 51..\\
aha.n saptarShipatnInA.n kR^itvA rUpANi pAvakam . 
kAmayiShyAmi kAmArta.n tAsA.n rUpeNa mohitam . 
eva.n kR^ite prItirasya kAmAvAptish cha me bhavet .. 52..\\
\medskip\hrule\medskip\centerline{\Largedvng 214}
 maark

shivA bhAryA tvA~NgirasaH shIlarUpaguNAnvitA . 
tasyAH sA prathama.n rUpa.n kR^itvA devI janAdhipa . 
jagAma pAvakAbhyAsha.n taM chovAcha varA~NganA .. 1..\\
mAmagne kAmasantaptA.n tvaM kAmayitumarhasi . 
kariShyasi na chedevaM mR^itAM mAmupadhAraya .. 2..\\
ahama~Ngiraso bhAryA shivA nAma hutAshana . 
sakhIbhiH sahitA prAptA mantrayitvA vinishchayam .. 3..\\

 agni

kathaM mA.n tva.n vijAnIShe kAmArtamitarAH katham . 
yAstvayA kIrtitAH sarvAH saptarShINAM priyAH striyaH .. 4..\\

 zivaa

asmAka.n tvaM priyo nityaM bibhImastu vayaM tava . 
tvachchittami~NgitairGYAtvA preShitAsmi tavAntikam .. 5..\\
maithunAyeha samprAptA kAmaM prApta.n drutaM chara . 
mAtaro mAM pratIkShante gamiShyAmi hutAshana .. 6..\\

 maark

tato.agnirupayeme tA.n shivAM prItimudA yutaH . 
prItyA devI cha sa.nyuktA shukra.n jagrAha pANinA .. 7..\\
achintayanmameda.n ye rUpa.n drakShyanti kAnane . 
te brAhmaNInAmanR^ita.n doSha.n vakShyanti pAvake .. 8..\\
tasmAdetaddrakShyamANA garuDI sambhavAmyaham . 
vanAnnirgamana.n chaiva sukhaM mama bhaviShyati .. 9..\\
suparNI sA tadA bhUtvA nirjagAma mahAvanAt . 
apashyatparvata.n shvetaM sharastambaiH susa.nvR^itam .. 10..\\
dR^iShTI viShaiH sapta shIrShairguptaM bhogibhiradbhutaiH . 
rakShobhishcha pishAchaishcha raudrairbhUtagaNaistathA . 
rAkShasIbhishcha sampUrNamanekaishcha mR^igadvijaiH .. 11..\\
sA tatra sahasA gatvA shailapR^iShTha.n sudurgamam . 
prAkShipatkA~nchane kuNDe shukra.n sA tvaritA satI .. 12..\\
shiShTAnAmapi sA devI saptarShINAM mahAtmanAm . 
patnI sarUpatA.n kR^itvA kAmayAmAsa pAvakam .. 13..\\
divyarUpamarundhatyAH kartuM na shakita.n tayA . 
tasyAstapaH prabhAveNa bhartR^ishushrUShaNena cha .. 14..\\
ShaTkR^itvastattu nikShiptamagne reto kurUttama . 
tasminkuNTe pratipadi kAminyA svAhayA tadA .. 15..\\
tatskanna.n tejasA tatra sambhR^itaM janayatsutam . 
R^iShibhiH pUjita.n skannamanayatskandatA.n tataH .. 16..\\
ShaTshirA dviguNashrotro dvAdashAkShi bhujakramaH . 
ekagrIpastvekakAyaH kumAraH samapadyata .. 17..\\
dvitIyAyAmabhivyaktastR^itIyAyA.n shishurbabhau . 
a~Ngapratya~Nga sambhUtashchaturthyAmabhavadguhaH .. 18..\\
lohitAbhreNa mahatA sa.nvR^itaH saha vidyutA . 
lohitAbhre sumahati bhAti sUrya ivoditaH .. 19..\\
gR^ihIta.n tu dhanustena vipula.n lomaharShaNam . 
nyasta.n yattripuraghnena surArivinikR^intanam .. 20..\\
tadgR^ihItvA dhanuHshreShThaM nanAda balavA.nstadA . 
saMmohayannivemA.n sa trI.NllokAnsacharAcharAn .. 21..\\
tasya taM ninada.n shrutvA mahAmeghaughanisvanam . 
utpetaturmahAnAgau chitrashchairAvatash cha ha .. 22..\\
tAvApatantau samprekShya sa bAlArkasamadyuthiH . 
dvAbhyA.n gR^ihItvA pANibhyA.n shaktiM chAnyena pANinA . 
apareNAgnidAyAdastAmrachUDaM bhujena saH .. 23..\\
mahAkAyamupashliShTa.n kukkuTaM balinA.n varam . 
gR^ihItvA vyanadadbhIma.n chikrIDa cha mahAbalaH .. 24..\\
dvAbhyAM bhujAbhyAM balavAngR^ihItvA sha~Nkhamuttamam . 
prAdhmApayata bhUtAnA.n trAsanaM balinAm api .. 25..\\
dvAbhyAM bhujAbhyAmAkAshaM bahusho nijaghAna saH . 
krIDanbhAti mahAsenastrI.NllokAnvadanaiH piban . 
parvatAgre.aprameyAtmA rashmimAnudaye yathA .. 26..\\
sa tasya parvatasyAgre niShaNNo.adbhutavikramaH . 
vyalokayadameyAtmA mukhairnAnAvidhairdishaH . 
sa pashyanvividhAnbhAvAMshchakAra ninadaM punaH .. 27..\\
tasya taM ninada.n shrutvA nyapatanbahudhA janAH . 
bhItAshchodvigna manasastameva sharaNa.n yayuH .. 28..\\
ye tu ta.n saMshritA devaM nAnAvarNAstadA janAH . 
tAnapyAhuH pAriShadAnbrAhmaNAH sumahAbalAn .. 29..\\
sa tUtthAya mahAbAhurupasAntvya cha tA~njanAn . 
dhanurvikR^iShya vyasR^ijadbANA~nshvete mahAgirau .. 30..\\
bibheda sa sharaiH shaila.n krau~ncha.n himavataH sutam . 
tena ha.nsAshcha gR^ighrAshcha meru.n gachchhanti parvatam .. 31..\\
sa vishIrNo.apatachchhailo bhR^ishamArtasvarAnruvan . 
tasminnipatite tvanye neduH shailA bhR^ishaM bhayAt .. 32..\\
sa taM nAdaM bhR^ishArtAnA.n shrutvApi balinAM varaH . 
na prAvyathadameyAtmA shaktimudyamya chAnadat .. 33..\\
sA tadA vipulA shaktiH kShiptA tena mahAtmanA . 
bibheda shikhara.n ghora.n shvetasya tarasA girau .. 34..\\
sa tenAbhihato dIno giriH shveto.achalaiH saha . 
utpapAta mahI.n tyaktvA bhItastasmAnmahAtmanaH .. 35..\\
tataH pravyathitA bhUmirvyashIryata samantataH . 
ArtA skanda.n samAsAdya punarbalavatI babhau .. 36..\\
parvatAshcha namaskR^itya tameva pR^ithivI.n gatAH . 
athAyamabhajallokaH skanda shuklasya pa~nchamIm .. 37..\\
\medskip\hrule\medskip\centerline{\Largedvng 215}
 maark

R^iShayastu mahAghorAndR^iShTvotpAtAnpR^ithagvidhAn . 
akurva~nshAntimudvignA lokAnAM moka bhAvanAH .. 1..\\
nivasanti vane ye tu tasmiMshchaitrarathe janAH . 
te.abruvanneSha no.anarthaH pAvakenAhR^ito mahAn . 
sa~Ngamya ShaDbhiH patnIbhiH saptarShINAm iti sma ha .. 2..\\
apare garuDImAhustvayAnartho.ayamAhR^itaH . 
yairdR^iShTA sA tadA devI tasyA rUpeNa gachchhatI . 
na tu tatsvAhayA karmakR^ita.n jAnAti vai janaH .. 3..\\
suparNI tu vacho shrutvA mamAya.n tanayastviti . 
upagamya shanaiH skandamAhAha.n jananI tava .. 4..\\
atha saptarShayaH shrutvA jAtaM putraM mahaujasam . 
tatyajuH ShaTtadA patnIrvinA devImarundhatIm .. 5..\\
ShaDbhireva tadA jAtamAhustadvanavAsinaH . 
saptarShInAha cha svAhA mama putro.ayamityuta . 
aha.n jAne naitadevamiti rAjanpunaH punaH .. 6..\\
vishvAmitrastu kR^itveShTi.n saptarShINAM mahAmuniH . 
pAvaka.n kAmasantaptamadR^iShTaH pR^iShThato.anvagAt . 
tattena nikhila.n sarvamavabuddhaM yathAtatham .. 7..\\
vishvAmitrastu prathama.n kumAra.n sharaNaM gataH . 
stava.n divya.n samprachakre mahAsenasya chApi saH .. 8..\\
ma~NgalAni cha sarvANi kaumArANi trayodasha . 
jAtakarmAdikAstasya kriyAshchakre mahAmuniH .. 9..\\
ShaDvaktrasya tu mAhAtmya.n kukkuTasya cha sAdhanam . 
shaktyA devyAH sAdhana.n cha tathA pAriShadAm api .. 10..\\
vishvAmitrashchakAraitatkarma lokahitAya vai . 
tasmAdR^iShiH kumArasya vishvAmitrAbhavatpriyaH .. 11..\\
anvajAnAchcha svAhAyA rUpAnyatvaM mahAmuniH . 
abravIchcha munI sarvAnnAparAdhyanti vai striyaH . 
shrutvA tu tattvatastasmAtte patnIH sarvato.atyajan .. 12..\\
skanda.n shrutvA tato devA vAsavaM sahitAbruvan . 
aviShahya bala.n skanda.n jahi shakrAshu mAchiram .. 13..\\
yadi vA na nihansyenamadyendro.ayaM bhaviShyati . 
trailokya.n saMnigR^ihyAsmA.nstvA.n cha shakra mahAbalaH .. 14..\\
sa tAnuvAcha vyathito bAlo.aya.n sumahAbalaH . 
sraShTAramapi lokAnA.n yudhi vikramya nAshayet .. 15..\\
sarvAstvayAbhigachchhantu skanda.n lokasya mAtaraH . 
kAmavIryA ghnantu chaina.n tathetyuktvA cha tA yayuH .. 16..\\
tamapratibala.n dR^iShTvA viShaNNavanadAstu tAH . 
ashakyo.aya.n vichintyaiva.n tameva sharaNaM yayuH .. 17..\\
UchushchApi tvamasmAkaM putrAsmAbhirdhR^ita.n jagat . 
abhinandasva naH sarvAH prasnutAH snehaviklavAH .. 18..\\
tAH sampUjya mahAsenaH kAmAMshchAsAM pradAya saH . 
apashyadagnimAyAntaM pitaraM balinAM balI .. 19..\\
sa tu sampUjitastena saha mAtR^igaNena ha . 
parivArya mahAsena.n rakShamANaH sthitaH sthiram .. 20..\\
sarvAsA.n yA tu mAtR^INAM nArI krodhasamudbhavA . 
dhAtrI sA putravatskanda.n shUlahastAbhyarakShata .. 21..\\
lohitasyodadheH kanyA krUrA lohitabhojanA . 
pariShvajya mahAsenaM putravatparyarakShata .. 22..\\
agnirbhUtvA naigameyashchhAga vaktro bahu prajaH . 
ramayAmAsa shailasthaM bAla.n krIDanakairiva .. 23..\\
\medskip\hrule\medskip\centerline{\Largedvng 216}
 maark

grahAH sopagrahAshchaiva R^iShayo mAtarastathA . 
hutAshanamukhAshchApi dIptAH pAriShadA.n gaNAH .. 1..\\
ete chAnye cha bahavo ghorAstridivavAsinaH . 
parivArya mahAsena.n sthitA mAtR^igaNaiH saha .. 2..\\
sandigdha.n vijaya.n dR^iShTvA vijayepsuH sureshvaraH . 
AruhyairAvata skandhaM prayayau daivataiH saha . 
vijighA.nsurmahAsenamindrastUrNatara.n yayau .. 3..\\
ugra.n tachcha mahAvegaM devAnIkaM mahAprabham . 
vichitradhvajasaMnAhaM nAnA vAhana kArmukam . 
pravarAmbara sa.nvIta.n shriyA juShTamala~NkR^itam .. 4..\\
vijighA.nsu.n tadAyAntaM kumAraH shakramabhyayAt . 
vinadanpathi shakrastu druta.n yAti mahAbalaH . 
sa.nharShayandevasenA.n jighA.nsuH pAvakAtmajam .. 5..\\
sampUjyamAnastridashaistathaiva paramarShibhiH . 
samIpamupasamprAptaH kArttikeyasya vAsavaH .. 6..\\
si.nhanAda.n tatashchakre deveshaH sahitaH suraiH . 
guho.api shabda.n ta.n shrutvA vyanadatsAgaro yathA .. 7..\\
tasya shabdena mahatA samuddhUtodadhi prabham . 
babhrAma tatra tatraiva devasainyamachetanam .. 8..\\
jighA.nsUnupasamprAptAndevAndR^iShTvA sa pAvakiH . 
visasarja mukhAtkruddhaH pravR^iddhAH pAvakArchiShaH . 
tA devasainyAnyadahanveShTamAnAni bhUtale .. 9..\\
te pradIptashiro dehAH pradIptAyudha vAhanAH . 
prachyutAH sahasA bhAnti chitrAstArAgaNA iva .. 10..\\
dahyamAnAH prapannAste sharaNaM pAvakAtmajam . 
devA vajradhara.n tyaktvA tataH shAntimupAgatAH .. 11..\\
tyakto devaistataH skande vajra.n shakrAbhyavAsR^ijat . 
tadvisR^iShTa.n jaghAnAshu pArshva.n skandasya dakShiNam . 
bibheda cha mahArAja pArshva.n tasya mahAtmanaH .. 12..\\
vajraprahArAtskandasya sa~njAtaH puruSho.aparaH . 
yuvA kA~nchanasaMnAhaH shaktidhR^igdivyakuNDalaH . 
yadvajravishanAjjAto vishAkhastena so.abhavat .. 13..\\
ta.n jAtamaparaM dR^iShTvA kAlAnalasamadyutim . 
bhayAdindrastataH skandaM prA~njaliH sharaNa.n gataH .. 14..\\
tasyAbhaya.n dadau skandaH saha sainyasya sattama . 
tataH prahR^iShTAstridashA vAditrANyabhyavAdayan .. 15..\\
\medskip\hrule\medskip\centerline{\Largedvng 217}
 maark

skandasya pArShadAnghorA~nshR^iNuShvAdbhuta darshanAn . 
vajraprahArAtskandasya jaGYustatra kumArakAH . 
ye haranti shishU~njAtAngarbhasthAMshchaiva dAruNAH .. 1..\\
vajraprahArAtkanyAshcha jaGYire.asya mahAbalAH . 
kumArAshcha vishAkha.n taM pitR^itve samakalpayan .. 2..\\
sa bhUtvA bhagavAnsa~Nkhye rakShaMshchhAga mukhastadA . 
vR^itaH kanyA gaNaiH sarvairAtmanInaishcha putrakaiH .. 3..\\
mAtR^INAM prekShatInA.n cha bhadrashAkhashcha kaushalaH . 
tataH kumAra pitara.n skandamAhurjanA bhuvi .. 4..\\
rudramagnimumA.n svAhAM pradesheShu mahAbalAm . 
yajanti putra kAmAshcha putriNashcha sadA janAH .. 5..\\
yAstAstvajanayatkanyAstapo nAma hutAshanaH . 
ki.n karomIti tAH skanda.n samprAptAH samabhAShata .. 6..\\

 maatarah

bhavema sarvalokasya vayaM mAtara uttamAH . 
prasAdAttava pUjyAshcha priyametatkuruShva naH .. 7..\\

 maark

so.abravIdbADhamityevaM bhaviShyadhvaM pR^ithagvidhAH . 
ashivAshcha shivAshchaiva punaH punarudAradhIH .. 8..\\
tataH sa~Nkalpya putratve skandaM mAtR^igaNo.agamat . 
kAkI cha halimA chaiva rudrAtha bR^ihalI tathA . 
AryA palAlA vai mitrA satnptaitAH shushu mAtaraH .. 9..\\
etAsA.n vIryasampannaH shishurnAmAtidAruNaH . 
skanda prasAdajaH putro lohitAkSho bhaya~NkaraH .. 10..\\
eSha vIrAShTakaH proktaH skanda mAtR^igaNodbhavaH . 
chhAga vaktreNa sahito navakaH parikIryate .. 11..\\
ShaShTha.n chhAgamaya.n vaktraM skandasyaiveti viddhi tat . 
ShaShShiro.abhyantara.n rAjannityaM mAtR^igaNArchitam .. 12..\\
ShaNNA.n tu pravaraM tasya shIrShANAmiha shabdyate . 
shakti.n yenAsR^ijaddivyAM bhadrashAkha iti sma ha .. 13..\\
ityetadvividhAkAra.n vR^ittaM shuklasya pa~nchamIm . 
tatra yuddhaM mahAghora.n vR^ittaM ShaShThyA.n janAdhipa .. 14..\\
\medskip\hrule\medskip\centerline{\Largedvng 218}
 maark

upaviShTa.n tataH skanda.n hiraNyakavacha srajam . 
hiraNyachUDa mukuTa.n hiraNyAkShaM mahAprabham .. 1..\\
lohitAmbara sa.nvIta.n tIkShNadaMShTraM manoramam . 
sarvalakShaNasampanna.n trailokyasyApi supriyam .. 2..\\
tatasta.n varadaM shUraM yuvAnaM mR^iShTakuNDalam . 
abhajatpadmarUpA shrIH svayameva sharIriNI .. 3..\\
shriyA juShTaH pR^ithu yashAH sa kumAra varastadA . 
niShaNNo dR^ishyate bhUtaiH paurNamAsyA.n yathA shashI .. 4..\\
apUjayanmahAtmAno brAhmaNAstaM mahAbalam . 
idamAhustadA chaiva skanda.n tatra maharShayaH .. 5..\\
hiraNyavarNabhadra.n te lokAnA.n sha~Nkaro bhava . 
tvayA ShaShrAtrajAtena sarve lokA vashIkR^itAH .. 6..\\
abhaya.n cha punardattaM tvayaivaiShA.n surottama . 
tasmAdindro bhavAnastu trailokyasyAbhaya~NkaraH .. 7..\\

 skanda

kimindraH sarvalokAnA.n karotIha tapodhanAH . 
katha.n deva ganAMshchaiva pAti nitya.n sureshvaraH .. 8..\\

 rsayah

indro dishati bhUtAnAM bala.n tejo prajAH sukham . 
tuShTaH prayachchhati tathA sarvAndAyAnsureshvaraH .. 9..\\
durvR^ittAnA.n sa.nharati vR^ittasthAnAM prayachchhati . 
anushAsti cha bhUtAni kAryeShu balasUdanaH .. 10..\\
asUrye cha bhavetsUryastathAchandre cha chandramAH . 
bhavatyagnishcha vAyushcha pR^ithivyApashcha kAraNaiH .. 11..\\
etadindreNa kartavyamindre hi vipulaM balam . 
tva.n cha vIra balashreShThastasmAdindro bhavasva naH .. 12..\\

 zakra

bhavasvendro mahAbAho sarveShAM naH sukhAvahaH . 
abhiShichyasva chaivAdya prAptarUpo.asi sattama .. 13..\\

 skanda

shAdhi tvameva trailokyamavyagro vijaye rataH . 
aha.n te ki~NkaraH shakra na mamendratvamIpsitam .. 14..\\

 zakra

bala.n tavAdbhuta.n vIra tvaM devAnAmarI~n jahi . 
avaGYAsyanti mA.n lokA vIryeNa tava vismitAH .. 15..\\
indratve.api sthita.n vIra balahInaM parAjitam . 
Avayoshcha mitho bhede prayatiShyantyatandritAH .. 16..\\
bhedite cha tvayi vibho loko dvaidhamupeShyati . 
dvidhA bhUteShu lokeShu nishchiteShvAvayostathA . 
vigrahaH sampravarteta bhUtabhedAnmahAbala .. 17..\\
tatra tvaM mA.n raNe tAta yathAshraddhaM vijeShyasi . 
tasmAdindro bhavAnadya bhavitA mA vichAraya .. 18..\\

 skanda

tvameva rAjA bhadra.n te trailokyasya mamaiva cha . 
karomi ki.n cha te shakra shAsanaM tadbravIhi me .. 19..\\

 zakra

yadi satyamida.n vAkyaM nishchayAdbhAShita.n tvayA . 
yadi vA shAsana.n skanda kartumichchhasi me shR^iNu .. 20..\\
abhiShichyasva devAnA.n senApatye mahAbala . 
ahamindro bhaviShyAmi tava vAkyAnmahAbala .. 21..\\

 skanda

dAnavAnA.n vinAshAya devAnAm arthasiddhaye . 
gobrAhmaNasya trANArtha.n senApatye.abhiShi~ncha mAm .. 22..\\

 maark

so.abhiShikto maghavatA sarvairdevagaNaiH saha . 
atIva shushubhe tatra pUjyamAno maharShibhiH .. 23..\\
tasya tatkA~nchana.n chhatraM dhriyamANa.n vyarochata . 
yathaiva susamiddhasya pAvakasyAtma maNDalam .. 24..\\
vishvakarma kR^itA chAsya divyA mAlA hiraNmayI . 
AbaddhA tripuraghnena svayameva yashasvinA .. 25..\\
Agamya manujavyAghrasahadevyA parantapa . 
archayAmAsa suprIto bhagavAngovR^iShadhvajaH .. 26..\\
rudramagni.n dvijAH prAhU rudra sUnustatastu saH . 
rudreNa shukramutsR^iShTa.n tachchhvetaH parvato.abhavat . 
pAvakasyendriya.n shvete kR^ittikAbhiH kR^itaM nage .. 27..\\
pUjyamAna.n tu rudreNa dR^iShTvA sarve divaukasaH . 
rudra sUnu.n tataH prAhurguhaM guNavatA.n varam .. 28..\\
anupravishya rudreNa vahni.n jAto hyaya.n shishuH . 
tatra jAtastataH skando rudra sUnustato.abhavat .. 29..\\
rudrasya vahneH svAhAyAH ShaNNA.n strINA.n cha tejasA . 
jAtaH skandaH surashreShTho rudra sUnustato.abhavat .. 30..\\
araje vAsasI rakte vasAnaH pAvakAtmajaH . 
bhAti dIptavapuH shrImAnraktAbhrAbhyAmivAMshumAn .. 31..\\
kukkuTashchAgninA dattastasya keturala~NkR^itaH . 
rathe samuchchhrito bhAti kAlAgniriva lohitaH .. 32..\\
vivesha kavacha.n chAsya sharIra.n sahajaM tataH . 
yudhyamAnasya dehasya prAdurbhavati tatsadA .. 33..\\
shaktirvarma bala.n tejo kAntatva.n satyamakShatiH . 
brahmaNyatvamasaMmoho bhaktAnAM parirakShaNam .. 34..\\
nikR^intana.n cha shatrUNA.n lokAnAM chAbhirakShaNam . 
skandena saha jAtAni sarvANyeva janAdhipa .. 35..\\
eva.n devagaNaiH sarvaiH so.abhiShiktaH svala~NkR^itaH . 
babhau pratItaH sumanAH paripUrNendu darshanaH .. 36..\\
iShTaiH svAdhyAyaghoShaishcha deva tUryaravairapi . 
devagandharvagItaishcha sarvairapsarasA.n gaNaiH .. 37..\\
etaishchAnyaishcha vividhairhR^iShTatuShTairala~NkR^itaiH . 
krIDanniva tadA devairabhiShiktaH sa pAvakiH .. 38..\\
abhiShiktaM mahAsenamapashyanta divaukasaH . 
vinihatya tamo sUrya.n yathehAbhyudita.n tathA .. 39..\\
athainamabhyayuH sarvA deva senAH sahasrashaH . 
asmAka.n tvaM patiriti bruvANAH sarvatodisham .. 40..\\
tAH samAsAdya bhagavAnsarvabhUtagaNairvR^itaH . 
architashcha stutashchaiva sAntvayAmAsa tA api .. 41..\\
shatakratushchAbhiShichya skanda.n senApati.n tadA . 
sasmAra tA.n deva senA.n yA sA tena vimokShitA .. 42..\\
aya.n tasyAH patirnUna.n vihito brahmaNA svayam . 
iti chintyAnayAmAsa devasenA.n svala~NkR^itAm .. 43..\\
skanda.n chovAcha balabhidiyaM kanyA surottama . 
ajAte tvayi nirdiShTA tava patnI svayambhuvA .. 44..\\
tasmAttvamasyA vidhivatpANiM mantrapuraskR^itam . 
gR^ihANa dakShiNa.n devyAH pANinA padmavarchasam .. 45..\\
evamuktaH sa jagrAha tasyAH pANi.n yathAvidhi . 
bR^ihaspatirmantravidha.n jajApa cha juhAva cha .. 46..\\
eva.n skandasya mahiShI.n devasenAM vidurbudhAH . 
ShaShThI.n yAM brAhmaNAH prAhurlakShmImAshAM sukhapradAm . 
sinIvAlI.n kuhUM chaiva sadvR^ittimaparAjitAm .. 47..\\
yadA skandaH patirlabdhaH shAshvato devasenayA . 
tadA tamAshrayallakShmIH svaya.n devI sharIriNI .. 48..\\
shrIjuShTaH pa~nchamI.n skandastasmAchchhrI pa~nchamI smR^itA . 
ShaShThyA.n kR^itArtho.abhUdyasmAttasmAtShaShThI mahAtithiH .. 49..\\
\medskip\hrule\medskip\centerline{\Largedvng 219}
 maark

shriyA juShTaM mahAseha.n deva senApatiM kR^itam . 
saptarShipatnyaH ShaDdevyastatsakAshamathAgaman .. 1..\\
R^iShibhiH samprarityaktA dharmayuktA mahAvratAH . 
drutamAgamya chochustA deva senApatiM prabhum .. 2..\\
vayaM putra parityaktA bhartR^ibhirdeva saMmitaiH . 
akAraNAdruShA tAta puNyasthAnAtparichyutAH .. 3..\\
asmAbhiH kila jAtastvamiti kenApyudAhR^itam . 
asatyametatsaMshrutya tasmAnnastrAtumarhasi .. 4..\\
akShayashcha bhavetsvargastvatprasAdAddhi naH prabho . 
tvAM putra.n chApyabhIpsAmaH kR^itvaitadanR^iNo bhava .. 5..\\

 skanda

mAtaro hi bhavatyo me suto vo.ahamaninditAH . 
yachchAbhIpsatha tatsarva.n sambhaviShyati vastathA .. 6..\\

 aarkandeya

evamukte tataH shakra.n kiM kAryamiti so.abravIt . 
uktaH skandena brUhIti so.abravIdvAsavastataH .. 7..\\
abhijitspardhamAnA tu rohiNyA kanyasI svasA . 
ichchhantI jyeShThatA.n devI tapastaptu.n vanaM gatA .. 8..\\
tatra mUDho.asmi bhadra.n te nakShatraM gaganAchchyutam . 
kAla.n tvimaM para.n skanda brahmaNA saha chintaya .. 9..\\
dhaniShThAdistadA kAlo brahmaNA parinirmitaH . 
rohiNyAdyo.abhavatpUrvameva.n sa~NkhyA samAbhavat .. 10..\\
evamukte tu shakreNa trivida.n kR^ittikA gatAH . 
nakShatra.n shakaTAkAraM bhAti tadvahni daivatam .. 11..\\
vinatA chAbravItskandaM mama tvaM piNDadaH sutaH . 
ichchhAmi nityamevAha.n tvayA putra sahAsitum .. 12..\\

 skanda

evamastu namaste.astu putrasnehAtprashAdhi mAm . 
snuShayA pUjyamAnA vai devi vatsyasi nityadA .. 13..\\

 maark

atha mAtR^igaNaH sarvaH skanda.n vachanamabravIt . 
vaya.n sarvasya lokasya mAtaraH kavibhiH stutAH . 
ichchhAmo mAtarastubhyaM bhavituM pUjayasva naH .. 14..\\

 skanda

mAtarastu bhavatyo me bhavatInAmaha.n sutaH . 
uchyatA.n yanmayA kAryaM bhavatInAm athepsitam .. 15..\\

 maataras

yAstu tA mAtaraH pUrva.n lokasyAsya prakalpitAH . 
asmAka.n tadbhavetsthAnaM tAsAM chaiva na tadbhavet .. 16..\\
bhavema pUjyA lokasya na tAH pUjyAH surarShabha . 
prajAsmAka.n hR^itAstAbhistvatkR^ite tAH prayachchha naH .. 17..\\

 skanda

dattAH prajA na tAH shakyA bhavatIbhirniShevitum . 
anyA.n vaH kAM prayachchhAmi prajAM yAM manasechchhatha .. 18..\\

 maataras

ichchhAma tAsAM mAtR^INAM prajA bhoktuM prayachchha naH . 
tvayA saha pR^ithagbhUtA ye cha tAsAmatheshvarAH .. 19..\\

 skanda

prajA vo dadmi kaShTa.n tu bhavatIbhirudAhR^itam . 
parirakShata bhadra.n vaH prajAH sAdhu namaskR^itAH .. 20..\\
parirakShAma bhadra.n te prajAH skanda yathechchhasi . 
tvayA no rochate skanda saha vAsashchiraM prabho .. 21..\\

 skanda

yAvatShoDashavarShANi bhavanti taruNAH prajAH . 
prabAdhata manuShyANA.n tAvadrUpaiH pR^ithagvidhaiH .. 22..\\
aha.n cha vaH pradAsyAmi raudramAtmAnamavyayam . 
parama.n tena sahitA sukha.n vatsyatha pUjitAH .. 23..\\

 maark

tataH sharIrAtskandasya puruShaH kA~nchanaprabhaH . 
bhoktuM prajAH sa martyAnAM niShpapAta mahAbalaH .. 24..\\
apatatsa tadA bhUmau visa~nj~no.atha kShudhAnvitaH . 
skandena so.abhyanuGYAto raudrarUpo.abhavadgrahaH . 
skandApasmAramityAhurgraha.n taM dvijasattamAH .. 25..\\
vinatA tu mahAraudrA kathyate shakunigrahaH . 
pUtanA.n rAkShasIM prAhustaM vidyAtpUtanA graham .. 26..\\
kaShTA dAruNarUpeNa ghorarUpA nishAcharI . 
pishAchI dAruNAkArA kathyate shItapUtanA . 
garbhAnsA mAnuShINA.n tu harate ghoradarshanA .. 27..\\
aditi.n revatIM prAhurgrahastasyAstu raivataH . 
so.api bAlA~nshishUnghoro bAdhate vai mahAgrahaH .. 28..\\
daityAnA.n yA ditirmAtA tAmAhurmukhamaNDikAm . 
atyartha.n shishumA.nsena samprahR^iShTA durAsadA .. 29..\\
kumArAshcha kumAryashcha ye proktAH skanda sambhavAH . 
te.api garbhabhujaH sarve kauravya sumahAgrahAH .. 30..\\
tAsAmeva kumArINAM patayaste prakIrtitAH . 
aGYAyamAnA hR^ijNanti bAlakAnraudrakarmiNaH .. 31..\\
gavAM mAtA tu yA prAGYaiH kathyate surabhirnR^ipa . 
shakunistAmathAruhya saha bhu~Nkte shishUnbhuvi .. 32..\\
saramA nAma yA mAtA shunA.n devI janAdhipa . 
sApi garbhAnsamAdatte mAnuShINA.n sadaiva hi .. 33..\\
pAdapAnA.n chayA mAtA kara~nja nilayA hi sA . 
kara~nje tAM namasyanti tasmAtputrArthino narAH .. 34..\\
ime tvaShTAdashAnye vai grahA mA.nsamadhu priyAH . 
dvipa~ncharAtra.n tiShThanti satata.n sUtikA gR^ihe .. 35..\\
kadrUH sUkShmavapurbhUtvA garbhiNIM pravishedyadA . 
bhu~Nkte sA tatra ta.n garbha.n sA tu nAgaM prasUyate .. 36..\\
gandharvANA.n tu yA mAtA sA garbhaM gR^ihya gachchhati . 
tato vilIna garbhA sA mAnuShI bhuvi dR^ishyate .. 37..\\
yA janitrI tvapsarasA.n garbhamAste pragR^ihya sA . 
upaviShTa.n tato garbhaM kathayanti manIShiNaH .. 38..\\
lohitasyodadheH kanyA dhAtrI skandasya sA smR^itA . 
lohitAyanirityeva.n kadambe sA hi pUjyate .. 39..\\
puruSheShu yathA rudrastathAryA pramadAsvapi . 
AryA mAtA kumArasya pR^ithakkAmArthamijyate .. 40..\\
evamete kumArANAM mayA proktA mahAgrahAH . 
yAvatShoDashavarShANi ashivAste shivAstataH .. 41..\\
ye cha mAtR^igaNAH proktAH puruShAshchaiva ye grahAH . 
sarve skandagrahA nAma GYeyA nitya.n sharIribhiH .. 42..\\
teShAM prashamana.n kArya.n snAnaM dhUpamathA~njanam . 
balikarmopahArashcha skandasyejyA visheShataH .. 43..\\
evamete.architAH sarve prayachchhanti shubhaM nR^iNAm . 
AyurvIrya.n cha rAjendra samyakpUjA namaskR^itAH .. 44..\\
Urdhva.n tu ShoDashAdvarShAdye bhavanti grahA nR^iNAm . 
tAnaha.n sampravakShyAmi namaskR^itya maheshvaram .. 45..\\
yaH pashyati naro devADjAgradvA shayito.api vA . 
unmAdyati sa tu kShipra.n taM tu deva graha.n viduH .. 46..\\
AsInashcha shayAnashcha yaH pashyati naraH pitR^In . 
unmAdyati sa tu kShipra.n sa GYeyastu pitR^igrahaH .. 47..\\
avamanyati yaH siddhAnkruddhAshchApi shapanti yam . 
unmAdyati sa tu kShipra.n GYeyaH siddhagrahastu saH .. 48..\\
upAghrAti cha yo gandhAnrasAMshchApi pR^ithagvidhAn . 
unmAdyati sa tu kShipra.n sa GYeyo rAkShaso grahaH .. 49..\\
gandharvAshchApi ya.n divyAH sa.nspR^ishanti naraM bhuvi . 
unmAdyati sa tu kShipra.n graho gAndharva eva saH .. 50..\\
Avishanti cha ya.n yakShAH puruSha.n kAlaparyaye . 
unmAdyati sa tu kShipra.n GYeyo yakShagrahastu saH .. 51..\\
adhirohanti yaM nityaM pishAchAH puruSha.n kva chit . 
unmAdyati sa tu kShipraM paishAcha.n taM graha.n viduH .. 52..\\
yasya doShaiH prakupita.n chittaM muhyati dehinaH . 
unmAdyati sa tu kShipra.n sAdhana.n tasya shAstrataH .. 53..\\
vaiklavyAchcha bhayAchchaiva gorANA.n chApi darshanAt . 
unmAdyati sa tu kShipra.n sattva.n tasya tu sAdhanam .. 54..\\
kashchitkrIDitu kAmo vai bhoktukAmastathAparaH . 
abhikAmastathaivAnya ityeSha trividho grahaH .. 55..\\
yAvatsaptati varShANi bhavantyete grahA nR^iNAm . 
ataH para.n dehinAM tu grahatulyo bhavejjvaraH .. 56..\\
aprakIrNendriya.n dAnta.n shuchiM nityamatandritam . 
Astika.n shraddadhAna.n cha varjayanti sadA grahAH .. 57..\\
ityeSha te grahoddesho mAnuShANAM prakIrtitaH . 
na spR^ishanti grahA bhaktAnnarAndevaM maheshvaram .. 58..\\
\medskip\hrule\medskip\centerline{\Largedvng 220}
 maark

yadA skandena mAtR^INAmevametatpriya.n kR^itam . 
athainamabravItsvAhA mama putrastvamaurasaH .. 1..\\
ichchhAmyaha.n tvayA dattAM prItiM paramadurlabhAm . 
tAmabravIttataH skandaH prItimichchhasi kIdR^ishIm .. 2..\\

 svaahaa

dakShasyAhaM priyA kanyA svAhA nAma mahAbhuja . 
bAlyAtprabhR^iti nitya.n cha jAtakAmA hutAshane .. 3..\\
na cha mA.n kAminIM putrasamyagjAnAti pAvakaH . 
ichchhAmi shAshvata.n vAsaM vastuM putra sahAgninA .. 4..\\

 skanda

havya.n kavyaM cha yatkiM chiddvijA mantrapuraskR^itam . 
hoShyantyagnau sadA devi svAhetyuktvA samudyatam .. 5..\\
adya prabhR^iti dAsyanti suvR^ittAH satpathe sthitAH . 
evamagnistvayA sArdha.n sadA vatsyati shobhane .. 6..\\

 maark

evamuktA tataH svAhA tuShTA skandena pUjitA . 
pAvakena samAyuktA bhartrA skandamapUjayat .. 7..\\
tato brahmA mahAsenaM prajApatirathAbravIt . 
abhigachchha mahAdevaM pitara.n tripurArdanam .. 8..\\
rudreNAgni.n samAvishya svAhAmAvishya chomayA . 
hitArtha.n sarvalokAnA.n jAtastvamaparAjitaH .. 9..\\
umA yonyA.n cha rudreNa shukra.n siktaM mahAtmanA . 
Aste girau nipatitaM mi~njikA mi~njika.n yataH .. 10..\\
sambhUta.n lohitode tu shokra sheShamavApatat . 
sUryarashmiShu chApyanyadanyachchaivApatadbhuvi . 
AsaktamanyadvR^ikSheShu tadevaM pa~nchadhApatat .. 11..\\
ta ete vividhAkArA gaNA GYeyA manIShibhiH . 
tava pAriShadA ghorA ya ete pishitAshanAH .. 12..\\
evamastviti chApyuktvA mahAseno maheshvaram . 
apUjayadameyAtmA pitaraM pitR^ivatsalaH .. 13..\\
arkapuShpaistu te pa~ncha gaNAH pUjyA dhanArthibhi . 
vyAdhiprashamanArtha.n cha teShAM pUjA.n samAcharet .. 14..\\
mi~njikA mi~njika.n chaiva mithuna.n rudra sambhavam . 
namaH kArya.n sadaiveha bAlAnAM hitamichchhatA .. 15..\\
striyo mAnuShamA.nsAdA vR^iddhikA nAma nAmataH . 
vR^ikSheShu jAtAstA devyo namaH kAryAH prajArthibhiH .. 16..\\
evamete pishAchAnAmasa~NkhyeyA gaNAH smR^itAH . 
ghaNTAyAH sapatAkAyAH shR^iNu me sambhavaM nR^ipa .. 17..\\
airAvatasya ghaNTe dve vaijayantyAviti shrute . 
guhasya te svaya.n datte shakreNAnAyya dhImatA .. 18..\\
ekA tatra vishAkhasya ghaNTA skandasya chAparA . 
patAkA kArttikeyasya vishAkhasya cha lohitA .. 19..\\
yAni krIDanakAnyasya devairdattAni vai tadA . 
taireva ramate devo mahAseno mahAbalaH .. 20..\\
sa sa.nvR^itaH pishAchAnA.n gaNairdevagaNaistathA . 
shushubhe kA~nchane shaile dIpyamAnaH shriyA vR^itaH .. 21..\\
tena vIreNa shushubhe sa shailaH shubhakAnanaH . 
AdityeNevAMshumatA mandarashchArukandaraH .. 22..\\
santAnakavanaiH phullaiH karavIra vanairapi . 
pArijAta vanaishchaiva japA shokavanaistathA .. 23..\\
kadambataruShaNDaishcha divyairmR^igagaNairapi . 
divyaiH pakShigaNaishchaiva shushubhe shvetaparvataH .. 24..\\
tatra devagaNAH sarve sarve chaiva maharShayaH . 
meghatUrya ravAshchaiva kShubdhodadhi samasvanAH .. 25..\\
tatra divyAshcha gandharvA nR^ityantyapsarasastathA . 
hR^iShTAnA.n tatra bhUtAnA.n shrUyate ninado mahAn .. 26..\\
eva.n sendra.n jagatsarvaM shvetaparvatasa.nsthitam . 
prahR^iShTaM prekShate skandaM na cha glAyati darshanAt .. 27..\\
\medskip\hrule\medskip\centerline{\Largedvng 221}
 maark

yadAbhiShikto bhagavAnsenApatyena pAvakiH . 
tadA samprasthitaH shrImAnhR^iShTo bhadra vaTa.n haraH . 
rathenAdityavarNena pArvatyA sahitaH prabhuH .. 1..\\
sahasra.n tasya si.nhAnAM tasminyukta.n rathottame . 
utpapAta diva.n shubhra.n kAlenAbhiprachoditaH .. 2..\\
te pibanta ivAkAsha.n trAsayantashcharAcharAn . 
si.nhA nabhasyagachchhanta nadantashchAru kesarAH .. 3..\\
tasminrathe pashupatiH sthito bhAtyumayA saha . 
vidyutA sahitaH sUryaH sendrachApe ghane yathA .. 4..\\
agratastasya bhagavAndhanesho guhyakaiH saha . 
AsthAya ruchira.n yAti puShpakaM naravAhanaH .. 5..\\
airAvata.n samAsthAya shakrashchApi suraiH saha . 
pR^iShThato.anuyayau yAnta.n varadaM vR^iShabhadhvajam .. 6..\\
jambhakairyakSharakShobhiH sragvibhiH samala~NkR^itaH . 
yAtyamogho mahAyakSho dakShiNaM pakShamAsthitaH .. 7..\\
tasya dakShiNato devA marutashchitrayodhinaH . 
gachchhanti vasubhiH sArdha.n rudraishcha saha sa~NgatAH .. 8..\\
yamashcha mR^ityunA sArdha.n sarvataH parivAritaH . 
ghorairvyAdhishatairyAti ghorarUpavapustathA .. 9..\\
yamasya pR^iShThatashchaiva ghorastrishikharaH shitaH . 
vijayo nAma rudrasya yAti shUlaH svala~NkR^itaH .. 10..\\
tamugrapAsho varuNo bhagavAnsalileshvaraH . 
parivArya shanairyAti yAdobhirvividhairvR^itaH .. 11..\\
pR^iShThato vijayasyApi yAti rudrasya paTTishaH . 
gadAmusalashaktyAdyairvR^itaH praharaNottamaiH .. 12..\\
paTTisha.n tvanvagAdrAjaMshchhatra.n raudraM mahAprabham . 
kamaNDalushchApyanu taM maharShigaNasa.nvR^itaH .. 13..\\
tasya dakShiNato bhAti daNDo gachchha~nshriyA vR^itaH . 
bhR^igva~NgirobhiH sahito devaishchApyabhipUjitaH .. 14..\\
eShA.n tu pR^iShThato rudro vimale syandane sthitaH . 
yAti sa.nharShayansarvA.nstejasA tridivaukasaH .. 15..\\
R^iShayashchaiva devAshcha gandharvA bhujagAstathA . 
nadyo nadA drumAshchaiva tathaivApsarasA.n gaNAH .. 16..\\
nakShatrANi grahAshchaiva devAnA.n shishavash cha ye . 
striyashcha vividhAkArA yAnti rudrasya pR^iShThataH . 
sR^ijantyaH puShpavarShANi chArurUpA varA~NganAH .. 17..\\
parjanyashchApyanuyayau namaskR^itya pinAkinam . 
chhatra.n tu pANDura.n somastasya mUrdhanyadhArayat . 
chAmare chApi vAyushcha gR^ihItvAgnishcha viShThitau .. 18..\\
shakrashcha pR^iShThatastasya yAti rAja~nshriyA vR^itaH . 
saha rAjarShibhiH sarvaiH stuvAno vR^iShaketanam .. 19..\\
gaurI vidyAtha gAndhAri keshinI mitra sAhvayA . 
sAvitryA saha sarvAstAH pArvatyA yAnti pR^iShThataH .. 20..\\
tatra vidyA gaNAH sarve ye ke chitkavibhiH kR^itAH . 
yasya kurvanti vachana.n sendrA devAshchamUmukhe .. 21..\\
sa gR^ihItvA patAkA.n tu yAtyagre rAkShaso grahaH . 
vyApR^itastu shmashAne yo nitya.n rudrasya vai sakhA . 
pi~Ngalo nAma yakShendro lokasyAnanda dAyakaH .. 22..\\
ebhiH sa sahitastatra yayau devo yathAsukham . 
agrataH pR^iShThatashchaiva na hi tasya gatirdhruvA .. 23..\\
rudra.n satkarmabhirmartyAH pUjayantIha daivatam . 
shivamityeva yaM prAhurIsha.n rudraM pinAkinam . 
bhAvaistu vividhAkAraiH pUjayanti maheshvaram .. 24..\\
deva senApatistveva.n deva senAbhirAvR^itaH . 
anugachchhati deveshaM brahmaNyaH kR^ittikA sutaH .. 25..\\
athAbravInmahAsenaM mahAdevo bR^ihadvachaH . 
saptamaM mAruta skandha.n rakShanityamatandritaH .. 26..\\

 skanda

saptamaM mAruta skandhaM pAlayiShyAmyahaM prabho . 
yadanyadapi me kArya.n deva tadvada mAchiram .. 27..\\

 rudra

kAryeShvaha.n tvayA putra sandraShTavyaH sadaiva hi . 
darshanAnmama bhaktyA cha shreyo paramavApsyasi .. 28..\\

 maark

ityuktvA visasarjainaM pariShvajya maheShvaraH . 
visarjite tataH skande babhUvautpAtikaM mahat . 
sahasaiva mahArAja devAnsarvAnpramohayat .. 29..\\
jajvAla kha.n sanakShatraM pramUDhaM bhuvanaM bhR^isham . 
chachAla vyanadachchorvI tamo bhUta.n jagatprabho .. 30..\\
tatastaddAruNa.n dR^iShTvA kShubhitaH sha~NkarastadA . 
umA chaiva mahAbhAgA devAshcha samaharShayaH .. 31..\\
tatasteShu pramUDheShu parvatAmbuda saMnibham . 
nAnApraharaNa.n ghoramadR^ishyata mahadbalam .. 32..\\
taddhi ghoramasa~Nkhyeya.n garjachcha vividhA giraH . 
abhyadravadraNe devAnbhagavanta.n cha sha~Nkaram .. 33..\\
tairvisR^iShTAnyanIkeShu bANajAlAnyanekashaH . 
parvatAshcha shataghnyashcha prAsAshcha parighA gadAH .. 34..\\
nipatadbhishcha tairghorairdevAnIkaM mahAyudhaiH . 
kShaNena vyadravatsarva.n vimukha.n chApyadR^ishyata .. 35..\\
nikR^ittayodhanAgAshva.n kR^ittAyudha mahAratham . 
dAnavairardita.n sainya.n devAnAM vimukhaM babhau .. 36..\\
asurairvadhyamAna.n tatpAvakairiva kAnanam . 
apataddugdha bhUyiShThaM mahAdruma vana.n yathA .. 37..\\
te vibhinnashiro dehAH prachyavante divaukasaH . 
na nAthamadhyagachchhanta vadhyamAnA mahAraNe .. 38..\\
atha tadvidruta.n sainya.n dR^iShTvA devaH purandaraH . 
AshvAsayannuvAchedaM balavaddAnavArditam .. 39..\\
bhaya.n tyajata bhadra.n vaH shUrAH shastrANi gR^ihNata . 
kurudhva.n vikrame buddhiM mA vaH kA chidvyathA bhavet .. 40..\\
jayatainAnsudurvR^ittAndAnavAnghoradarshanAn . 
abhidravata bhadra.n vo mayA saha mahAsurAn .. 41..\\
shakrasya vachana.n shrutvA samAshvastA divaukasaH . 
dAnavAnpratyayudhyanta shakra.n kR^itvA vyapAshrayam .. 42..\\
tataste tridashAH sarve marutashcha mahAbalAH . 
pratyudyayurmahAvegAH sAdhyAshcha vasubhiH saha .. 43..\\
tairvisR^iShTAnyanIkeShu kruddhaiH shastrANi sa.nyuge . 
sharAshcha daitya kAyeShu pibanti smAsR^igulbaNam .. 44..\\
teShA.n dehAnvinirbhidya sharAste nishitAstadA . 
niShpatanto adR^ishyanta nagebhya iva pannagAH .. 45..\\
tAni daitya sharIrANi nirbhinnAni sma sAyakaiH . 
apatanbhUtale rAjaMshchhinnAbhrANIva sarvashaH .. 46..\\
tatastaddAnava.n sainyaM sarvairdevagaNairyudhi . 
trAsita.n vividhairbANaiH kR^ita.n chaiva parA~Nmukham .. 47..\\
athotkruShTa.n tadA hR^iShTaiH sarvairdevairudAyudhaiH . 
sa.nhatAni cha tUryANi tadA sarvANyanekashaH .. 48..\\
evamanyonyasa.nyukta.n yuddhamAsItsudAruNam . 
devAnA.n dAnavAnAM cha mA.nsashoNitakardamam .. 49..\\
anayo devalokasya sahasaiva vyadR^ishyata . 
tathA hi dAnavA ghorA vinighnanti divaukasaH .. 50..\\
tatastUryapraNAdashcha bherINA.n cha mahAsvanAH . 
babhUvurdAnavendrANA.n si.nhanAdAshcha dAruNAH .. 51..\\
atha daitya balAdghorAnniShpapAta mahAbalaH . 
dAnavo mahiSho nAma pragR^ihya vipula.n girim .. 52..\\
te ta.n ghanairivAdityaM dR^iShTvA samparivAritam . 
samudyatagiri.n rAjanvyadravanta divaukasaH .. 53..\\
athAbhidrutya mahiSho devAMshchikShepa ta.n girim . 
patatA tena giriNA devasainyasya pArthiva . 
bhImarUpeNa nihatamayutaM prApatadbhuvi .. 54..\\
atha tairdAnavaiH sArdhaM mahiShastrAsayansurAn . 
abhyadravadraNe tUrNa.n si.nhaH kShudramR^igAniva .. 55..\\
tamApatantaM mahiSha.n dR^iShTvA sendrA divaukasaH . 
vyadravanta raNe bhItA vishIrNAyudha ketanAH .. 56..\\
tataH sa mahiShaH kruddhastUrNa.n rudra rathaM yayau . 
abhidrutya cha jagrAha rudrasya rathakUbaram .. 57..\\
yadA rudra ratha.n kruddho mahiShaH sahasA gataH . 
resatU rodasI gADhaM mumuhushcha maharShayaH .. 58..\\
vyanadaMshcha mahAkAyA daityA jaladharopamAH . 
AsIchcha nishchita.n teShAM jitamasmAbhirityuta .. 59..\\
tathA bhUte tu bhagavAnnAvadhInmahiSha.n raNe . 
sasmAra cha tadA skandaM mR^ityu.n tasya durAtmanaH .. 60..\\
mahiSho.api ratha.n dR^iShTvA raudra.n rudrasya nAnadat . 
devAnsantrAsayaMshchApi daityAMshchApi praharShayan .. 61..\\
tatastasminbhaye ghore devAnA.n samupasthite . 
AjagAma mahAsenaH krodhAtsUrya iva jvalan .. 62..\\
lohitAmbara sa.nvIto lohitasragvi bhUShaNaH . 
lohitAsyo mahAbAhurhiraNyakavachaH prabhuH .. 63..\\
rathamAdityasa~NkAshamAsthitaH kanakaprabham . 
ta.n dR^iShTvA daitya senA sA vyadravatsahasA raNe .. 64..\\
sa chApi tAM prajvalitAM mahiShasya vidAriNIm . 
mumocha shakti.n rAjendra mahAseno mahAbalaH .. 65..\\
sA muktAbhyahanachchhaktirmahiShasya shiromahat . 
papAta bhinne shirasi mahiShastyaktajIvitaH .. 66..\\
kShiptAkShiptA tu sA shaktirhatvA shatrUnsahasrashaH . 
skanda hastamanuprAptA dR^ishyate devadAnavaiH .. 67..\\
prAyo sharairvinihatA mahAsenena dhImatA . 
sheShA daitya gaNA ghorA bhItAstrastA durAsadaiH . 
skandasya pArShadairhatvA bhakShitAH shatasa~NghashaH .. 68..\\
dAnavAnbhakShayantaste prapibantashcha shoNitam . 
kShaNAnnirdAnava.n sarvamakArShurbhR^ishaharShitAH .. 69..\\
tamA.nsIva yathA sUryo vR^ikShAnagnirghanAnkhagaH . 
tathA skando.ajayachchhatrUnsvena vIryeNa kIrtimAn .. 70..\\
sampUjyamAnastridashairabhivAdya maheshvaram . 
shushubhe kR^ittikA putraH prakIrNAMshurivAMshumAn .. 71..\\
naShTashatruryadA skandaH prayAtashcha maheshvaram . 
athAbravInmahAsenaM pariShvajya purandaraH .. 72..\\
brahmadattavaraH skanda tvayAyaM mahiSho hataH . 
devAstR^iNamayA yasya babhUvurjayatA.n vara . 
so.aya.n tvayA mahAbAho shamito devakaNTakaH .. 73..\\
shataM mahiShatulyAnA.n dAnavAnAM tvayA raNe . 
nihata.n devashatrUNA.n yairvayaM pUrvatApitAH .. 74..\\
tAvakairbhakShitAshchAnye dAnavAH shatasa~NghashaH . 
ajeyastva.n raNe.arINAmumApatiriva prabhuH .. 75..\\
etatte prathama.n devakhyAtaM karma bhaviShyati . 
triShu lokeShu kIrtishcha tavAkShayyA bhaviShyati . 
vashagAshcha bhaviShyanti surAstava surAtmaja .. 76..\\
mahAsenetyevamuktvA nivR^ittaH saha daivataiH . 
anuGYAto bhagavatA tyambakena shachIpatiH .. 77..\\
gato bhadra vaTa.n rudro nivR^ittAshcha divaukasaH . 
uktAshcha devA rudreNa skandaM pashyata mAm iva .. 78..\\
sa hatvA dAnava gaNAnpUjyamAno maharShibhiH . 
ekAhnaivAjayatsarva.n trailokya.n vahninandanaH .. 79..\\
skandasya ya ida.n janma paThate susamAhitaH . 
sa puShTimiha samprApya skanda sAlokyatAmiyAt .. 80..\\
\medskip\hrule\medskip\centerline{\Largedvng 222}
 vai

upAsIneShu vipreShu pANDaveShu mahAtmasu . 
draupadI satyabhAmA cha vivishAte tadA samam . 
jAhasyamAne suprIte sukha.n tatra niShIdatuH .. 1..\\
chirasya dR^iShTvA rAjendra te.anyonyasya priya.nvade . 
kathayAmAsatushchaitrAH kathAH kuru yadukShitAm .. 2..\\
athAbravItsatyabhAmA kR^iShNasya mahiShI priyA . 
sAtrAjitI yAGYasenI.n rahasIdaM sumadhyamA .. 3..\\
kena draupadi vR^ittena pANDavAnupatiShThasi . 
lokapAlopamAnvIrAnyUnaH paramasaMmatAn . 
katha.n cha vashagAstubhyaM na kupyanti cha te shubhe .. 4..\\
tava vashyAhi satataM pANDavAH priyadarshane . 
mukhaprekShAshcha te sarve tattvametadbravIhi me .. 5..\\
vratacharyA tapo vApi snAnamantrauShadhAni vA . 
vidyA vIryaM mUlavIrya.n japahomastathAgadAH .. 6..\\
mama AchakShva pA~nchAli yashasyaM bhaga vedanam . 
yena kR^iShNe bhavennityaM mama kR^iShNo vashAnugaH .. 7..\\
evamuktvA satyabhAmA virarAma yashasvinI . 
pativratA mahAbhAgA draupadI pratyuvAcha tAm .. 8..\\
asatstrINA.n samAchAraM satye mAmanupR^ichchhasi . 
asadAcharite mArge katha.n syAdanukIrtanam .. 9..\\
anuprashnaH saMshayo vA naitattvayyupapadyate . 
tathA hyupetA buddhyA tva.n kR^iShTasya mahiShI priyA .. 10..\\
yadaiva bhartA jAnIyAnmantramUlaparA.n striyam . 
udvijeta tadaivAsyAH sarvAdveshma gatAdiva .. 11..\\
udvignasya kutaH shAntirashAntasya kutaH sukham . 
na jAtu vashago bhartA striyAH syAnmantrakAraNAt .. 12..\\
amitraprahitAMshchApi gadAnparamadAruNAn . 
mUlapravAdairhi viShaM prayachchhanti jighA.nsavaH .. 13..\\
jihvayA yAni puruShastvachA vApyupasevate . 
tatra chUrNAni dattAni hanyuH kShipramasaMshayam .. 14..\\
jalodara samAyuktAH shvitriNaH palitAstathA . 
apumA.nsaH kR^itAH strIbhirjaDAndhabadhirAstathA .. 15..\\
pApAnugAstu pApAstAH patInupasR^ijantyuta . 
na jAtu vipriyaM bhartuH striyA kArya.n kathaM chana .. 16..\\
vartAmyaha.n tu yA.n vR^ittiM pANDaveShu mahAtmasu . 
tA.n sarvAM shR^iNu me satyAM satyabhAme yashasvini .. 17..\\
aha~NkAra.n vihAyAha.n kAmakrodhau cha sarvadA . 
sadArAnpANDavAnnityaM prayatopacharAmyaham .. 18..\\
praNayaM pratisa~NgR^ihya nidhAyAtmAnamAtmani . 
shushrUShurnirabhImAnA patInA.n chittarakShaNI .. 19..\\
durvyAhR^itAchchha~NkamAnA duHkhitA dduravekShitAt . 
durAsitAddurvrajitAdi~NgitAdhyAsitAdapi .. 20..\\
sUryavaishvAnara nibhAnsomakalpAnmahArathAn . 
seve chakShurhaNaH pArthAnugratejaH pratApinaH .. 21..\\
devo manuShyo gandharvo yuvA chApi svala~NkR^itaH . 
dravyavAnabhirUpo vA na me.anyaH puruSho mataH .. 22..\\
nAbhuktavati nAsnAte nAsa.nviShTe cha bhartari . 
na sa.nvishAmi nAshnAmi sadA karma kareShvapi .. 23..\\
kShetrAdvanAdvA grAmAdvA bhartAra.n gR^ihamAgatam . 
pratyutthAyAbhinandAmi Asanenodakena cha .. 24..\\
pramR^iShTa bhANDA mR^iShTAnnA kAle bhojanadAyinI . 
sa.nyatA guptadhAnyA cha susaMmR^iShTa niveshanA .. 25..\\
atiraskR^ita sambhAShA duHstriyo nAnusevatI . 
anukUlavatI nityaM bhavAmyanalasA sadA .. 26..\\
anarme chApi hasana.n dvAri sthAnamabhIkShNashaH . 
avaskare chirasthAnaM niShkuTeShu cha varjaye .. 27..\\
atihAsAtiroShau cha krodhasthAna.n cha varjaye . 
niratAha.n sadA satye bhartR^INAm upasenave . 
sarvathA bhartR^irahitaM na mameShTa.n kathaM chana .. 28..\\
yadA pravasate bhartA kuTumbArthena kena chit . 
sumanovarNakApetA bhavAmi vratachAriNI .. 29..\\
yachcha bhartA na pibati yachcha bhartA na khAdati . 
yachcha nAshnAti me bhartA sarva.n tadvarjayAmyaham .. 30..\\
yathopadeshaM niyatA vartamAnA varA~Ngane . 
svala~NkR^itA suprayatA bhartuH priyahite ratA .. 31..\\
ye cha dharmAH kuTumbeShu shvashrvA me kathitAH purA . 
bhikShA balishrAdhamiti sthAlI pAkAsh cha parvasu . 
mAnyAnAM mAnasatkArA ye chAnye viditA mayA .. 32..\\
tAnsarvAnanuvartAmi divArAtramatandritA . 
vinayAnniyamAMshchApi sadA sarvAtmanA shritA .. 33..\\
mR^idUnsataH satyashIlAnsatyadharmAnupAlinaH . 
AshIviShAniva kruddhAnpatInparicharAmyaham .. 34..\\
patyAshrayo hi me dharmo mataH strINA.n sanAtanaH . 
sa devaH sAgatirnAnyA tasya kA vipriya.n charet .. 35..\\
ahaM patInnAtishaye nAtyashne nAtibhUShaye . 
nApi parivade shvashrU.n sarvadA pariyantritA .. 36..\\
avadhAnena subhage nityotthAnatayaiva cha . 
bhartAro vashagA mahya.n gurushushrUShaNena cha .. 37..\\
nityamAryAmaha.n kuntI.n vIrasUM satyavAdinIm . 
svayaM paricharAmyekA snAnAchchhAdanabhojanaiH .. 38..\\
naitAmatishaye jAtu vastrabhUShaNa bhojanaiH . 
nApi parivade chAha.n tAM pR^ithAM pR^ithivIsamAm .. 39..\\
aShTAvagre brAhmaNAnA.n sahasrANi sma nityadA . 
bhu~njate rukmapAtrIShu yudhiShThira niveshane .. 40..\\
aShTAshIti sahasrANi snAtakA gR^ihamedhinaH . 
triMshaddAsIka ekaiko yAnbibharti yudhiShThiraH .. 41..\\
dashAnyAni sahasrANi yeShAmanna.n susa.nskR^itam . 
hriyate rukmapAtrIbhiryatInAmUrdhvaretasAm .. 42..\\
tAnsarvAnagrahAreNa brAhmaNAnbrahmavAdinaH . 
yathArhaM pUjayAmi sma pAnAchchhAdanabhojanaiH .. 43..\\
shata.n dAsI sahasrANi kaunteyasya mahAtmanaH . 
kambukeyUra dhAriNyo niShkakaNThyo svala~NkR^itAH .. 44..\\
mahArhamAlyAbharaNAH suvarNAshchandanokShitAH . 
maNInhemacha bibhratyo nR^ityagItavishAradAH .. 45..\\
tAsAM nAma cha rUpa.n cha bhojanAchchhAdanAni cha . 
sarvAsAmeva vedAha.n karma chaiva kR^itAkR^itam .. 46..\\
shata.n dAsI sahasrANi kuntIputrasya dhImataH . 
pAtrI hastA divArAtramatithInbhojayantyuta .. 47..\\
shatamashvasahasrANi dashanAgAyutAni cha . 
yudhiShThirasyAnuyAtramindraprastha nivAsinaH .. 48..\\
etadAsIttadA rAGYo yanmahIM paryapAlayat . 
yeShA.n sa~NkhyA vidhi.n chaiva pradishAmi shR^iNomi cha .. 49..\\
antaHpurANA.n sarveShAM bhR^ityAnA.n chaiva sarvashaH . 
A gopAlAvipAlebhyaH sarva.n veda kR^itAkR^itam .. 50..\\
sarva.n rAGYaH samudayamAya.n cha vyayameva cha . 
ekAha.n vedmi kalyANi pANDavAnAM yashasvinAm .. 51..\\
mayi sarva.n samAsajya kuTumbaM bharatarShabhAH . 
upAsana ratAH sarve ghaTante sma shubhAnane .. 52..\\
tamahaM bhAramAsaktamanAdhR^iShya.n durAtmabhiH . 
sukha.n sarvaM parityajya rAtryahAni ghaTAmi vai .. 53..\\
adhR^iShya.n varuNasyeva nidhipUrNamivodadhim . 
ekAha.n vedmi koshaM vai patInA.n dharmachAriNAm .. 54..\\
anishAyAM nishAyA.n cha sahAyAH kShutpipAsayoH . 
ArAdhayantyAH kauravyA.nstulyA rAtriraho cha me .. 55..\\
prathamaM pratibudhyAmi charama.n sa.nvishAmi cha . 
nityakAlamaha.n satye etatsa.nvananaM mama .. 56..\\
etajjAnAmyaha.n kartuM bhartR^isa.nvananaM mahat . 
asatstrINA.n samAchAraM nAha.n kuryAM na kAmaye .. 57..\\
tachchhrutvA dharmasahita.n vyAhR^ita.n kR^iShNayA tadA . 
uvAcha satyA satkR^itya pA~nchAlI.n dharmachAriNIm .. 58..\\
abhipannAsmi pA~nchAli yAGYaseni kShamasva me . 
kAmakAraH sakhInA.n hi sopahAsaM prabhAShitum .. 59..\\
\medskip\hrule\medskip\centerline{\Largedvng 223}
 drau

ima.n tu te mArgamapetadoShaM 
vakShyAmi chittagrahaNAya bhartuH . 
yasminyathAvatsakhivartamAnA 
bhartAramAchchhetsyasi kAminIbhyaH .. 1..\\
naitAdR^isha.n daivatamasti satye 
sarveShu lokeShu sadaivateShu . 
yathA patistasya hi sarvakAmA 
labhyAH prasAde kupitashcha hanyAt .. 2..\\
tasmAdapatya.n vividhAshcha bhogAH 
shayyAsanAnyadbhutadarshanAni . 
vastrANi mAlyAni tathaiva gandhAH 
svargashcha loko viShamA cha kIrtiH .. 3..\\
sukha.n sukheneha na jAtu labhyaM 
duHkhena sAdhvI labhate sukhAni . 
sA kR^iShNamArAdhaya sauhR^idena 
premNA cha nityaM pratikarmaNA cha .. 4..\\
tathAshanaishchArubhiragryamAlyair 
dAkShiNyayogairvividhaishcha gandhaiH . 
asyAH priyo.asmIti yathA viditvA 
tvAmeva saMshliShyati sarvabhAvaiH .. 5..\\
shrutvA svara.n dvAragatasya bhartuH 
pratyutthitA tiShTha gR^ihasya madhye . 
dR^iShTvA praviShTa.n tvaritAsanena 
pAdyena chaiva pratipUjaya tvam .. 6..\\
sampreShitAyAmatha chaiva dAsyAm 
utthAya sarva.n svayameva kuryAH . 
jAnAtu kR^iShNastava bhAvametaM 
sarvAtmanA mAM bhajatIti satye .. 7..\\
tvatsaMnidhe yatkathayetpatiste 
yadyapyaguhyaM parirakShitavyam . 
kA chitsapatnI tava vAsudevaM 
pratyAdishettena bhavedvirAgaH .. 8..\\
priyAMshcha raktAMshcha hitAMsh cha bhartus 
tAnbhojayethA vividhairupAyaiH . 
dveShyairapakShairahitaish cha tasya 
bhidyasva nitya.n kuhakoddhataish cha .. 9..\\
madaM pramAdaM puruSheShu hitvA 
sa.nyachchha bhAvaM pratigR^ihya maunam . 
pradyumna sAmbAvapi te kumArau 
nopAsitavyau rahite kadA chit .. 10..\\
mahAkulInAbhirapApikAbhiH 
strIbhiH satIbhistava sakhyamastu . 
chaNDAshcha shauNDAshcha mahAshanAsh cha 
chaurAshcha duShTAshchapalAshcha varjyAH .. 11..\\
etadyashasyaM bhaga vedana.n cha 
svargya.n tathA shatrunibarhaNaM cha . 
mahArhamAlyAbharaNA~NgarAgA 
bhartAramArAdhaya puNyagandhA .. 12..\\
\medskip\hrule\medskip\centerline{\Largedvng 224}
 vai

mArkaNDeyAdhibhirvipraiH pANDavaishcha mahAtmabhiH . 
kathAbhiranukUlAbhiH sahAsitvA janArdanaH .. 1..\\
tatastaiH sa.nvida.n kR^itvA yathAvanmadhusUdanaH . 
ArurukShU ratha.n satyAmAhvayAmAsa keshavaH .. 2..\\
satyabhAmA tatastatra svajitvA drupadAtmajAm . 
uvAcha vachana.n hR^idyaM yathA bhAvasamAhitam .. 3..\\
kR^iShNe mA bhUttavotkaNThA mA vyathA mA prajAgaraH . 
bhartR^ibhirdevasa~NkAshairjitAM prApsyasi medinIm .. 4..\\
na hyeva.n shIlasampannA naivaM pUjita lakShaNAH . 
prApnuvanti chira.n klesha.n yathA tvamasitekShaNe .. 5..\\
avashya.n cha tvayA bhUmiriyaM nihatakaNTakA . 
bhartR^ibhiH saha bhoktavyA nirdvandveti shrutaM mayA .. 6..\\
dhArtarAShTra vadha.n kR^itvA vaurANi pratiyAtya cha . 
yudhiShThirasthAM pR^ithivI.n draShTAsi drupadAtmaje .. 7..\\
yAstAH pravrAjamAnA.n tvAM prAhasandarpamohitAH . 
tAH kShipra.n hatasa~NkalpA drakShyasi tva.n kuru striyaH .. 8..\\
tava duHkhopapannAyA yairAcharitamapriyam . 
viddhi samprasthitAnsarvA.nstAnkR^iShNe yamasAdanam .. 9..\\
putraste prativindhyashcha suta somastathA vibhuH . 
shrutakarmArjunishchaiva shatAnIkashcha nAkuliH . 
sahadevAchcha yo jAtaH shrutasenastavAtmajaH .. 10..\\
sarve kushalino vIrAH kR^itAstrAshcha sutAstava . 
abhimanyuriva prItA dvAravatyA.n ratA bhR^isham .. 11..\\
tvamivaiShA.n subhadrAcha prItyA sarvAtmanA sthitA . 
prIyate bhAvanirdvandvA tebhyashcha vigatajvarA .. 12..\\
bheje sarvAtmanA chaiva pradyumna jananI tathA . 
bhAnuprabhR^itibhishchainAnvishinaShTi cha keshavaH .. 13..\\
bhojanAchchhAdane chaiShAM nityaM me shvashuraH sthitaH . 
rAmaprabhR^itayaH sarve bhajantyandhakavR^iShNayaH . 
tulyo hi praNayasteShAM pradyumnasya cha bhAmini .. 14..\\
evamAdi priyaM prItyA hR^idyamuktvA mano.anugam . 
gamanAya mano chakre vAsudeva rathaM prati .. 15..\\
tA.n kR^iShNAM kR^iShNa mahiShI chakArAbhipradakShiNam . 
Aruroha ratha.n shaureH satyabhAmA cha bhAminI .. 16..\\
smayitvA tu yadushreShTho draupadIM parisAntvya cha . 
upAvartya tataH shIghrairhayaiH prAyAtparantapaH .. 17..\\
\medskip\hrule\medskip\centerline{\Largedvng 225}
 janam

eva.n vane vartamAnA narAgryAH 
shItoShNavAtAtapa karshitA~NgAH . 
sarastadAsAdya vana.n cha puNyaM 
tataH para.n kimakurvanta pArthAH .. 1..\\

 vai

sarastadAsAdya tu pANDuputrA 
jana.n samutsR^ijya vidhAya chaiShAm . 
vanAni ramyANyatha parvatAMsh cha 
nadI pradeshAMshcha tadA vicheruH .. 2..\\
tathA vane tAnvasataH pravIrAn 
svAdhyAyavantashcha tapodhanAsh cha . 
abhyAyayurveda vidaH purANAs 
tAnpUjayAmAsuratho narAgryAH .. 3..\\
tataH kadA chitkushalaH kathAsu 
vipro.abhyagachchhadbhuvi kauraveyAn . 
sa taiH sametyAtha yadR^ichchhayaiva 
vaichitravIryaM nR^ipamabhyagachchhat .. 4..\\
athopaviShTaH pratisatkR^itash cha 
vR^iddhena rAGYA kurusattamena . 
prachoditaH sankathayAM babhUva 
dharmAnilendra prabhavAnyamau cha .. 5..\\
kR^ishAMshcha vAtAtapakarshitA~NgAn 
duHkhasya chograsya mukhe prapannAn . 
tA.n chApyanAthAmiva vIra nAthAM 
kR^iShNAM pariklesha guNena yuktAm .. 6..\\
tataH kathA.n tasya nishamya rAjA 
vaichitravIryaH kR^ipayAbhitaptaH . 
vane sthitAnpArthiva putrapautrA~n 
shrutvA tadA duHkhanadIM prapannAn .. 7..\\
provAcha daityAbhihatAntarAtmA 
niHshvAsabAspopahataH sa pArthAn . 
vAcha.n kathaM chitsthiratAm upetya 
tatsarvamAtmaprabhava.n vichintya .. 8..\\
kathaM nu satyaH shuchirArya vR^itto 
jyeShThaH sutAnAM mama dharmarAjaH . 
ajAtashatruH pR^ithivItalasthaH 
shete purA rA~Nkava kUTashAyI .. 9..\\
prabodyate mAgadha sUta pUgair 
nitya.n stuvadbhiH svayamindrakalpaH . 
patatrisa~NghaiH sa jaghanyarAtre 
prabodhyate nUnamiDA talasthaH .. 10..\\
kathaM nu vAtAtapakarshitA~Ngo 
vR^ikodaraH kopapariplutA~NgaH . 
shete pR^ithivyAmatathochitA~NgaH 
kR^iShNA samakSha.n vasudhAtalasthaH .. 11..\\
tathArjunaH sukumAro manasvI 
vashe sthito dharmasutasya rAGYaH . 
vidUyamAnairiva sarga gAtrair 
dhruvaM na shete vasatIramarShAt .. 12..\\
yamau cha kR^iShNA.n cha yudhiShThiraM cha 
bhIma.n cha dR^iShTvA sukhaviprayuktAn . 
viniHshvasansarpa ivogratejA 
dhruvaM na shete vasatIramarShAt .. 13..\\
tathA yamau chApyasukhau sukhArhau 
samR^iddharUpAvamarau divIva . 
prajAgarasthau dhruvamaprashAntau 
dharmeNa satyena cha vAryamANau .. 14..\\
samIraNenApi samo balena 
samIraNasyaiva suto balIyAn . 
sa dharmapAshena sitogra tejA 
dhruva.n viniHshvasya sahatyamarSham .. 15..\\
sa chApi bhUmau parivartamAno 
vadha.n sutAnAM mama kA~NkShamANaH . 
satyena dharmeNa cha vAryamANaH 
kAlaM pratIkShatyadhiko raNe.anyaiH .. 16..\\
ajAtashatrau tu jite nikR^ityA 
duHshAsano yatparuShANyavochat . 
tAni praviShTAni vR^ikodarA~NgaM 
dahanti marmAgnirivendhanAni .. 17..\\
na pApaka.n dhyAsyati dharmaputro 
dhana~njayashchApyanuvartate tam . 
araNyavAsena vivardhate tu 
bhImasya kopo.agnirivAnalena .. 18..\\
sa tena kopena vidIryamANaH 
kara.n kareNAbhinipIDya vIraH . 
viniHshvasatyuShNamatIva ghoraM 
dahannivemAnmama putrapautrAn .. 19..\\
gANDIvadhanvA cha vR^ikodarash cha 
sa.nrambhiNAvantakakAlakalpau . 
na sheShayetA.n yudhi shatrusenAM 
sharAnkirantAvashaniprakAshAn .. 20..\\
duryodhanaH shakuniH sUtaputro 
duHshAsanashchApi sumandachetAH . 
madhu prapashyanti na tu prapAtaM 
vR^ikodara.n chaiva dhana~njayaM cha .. 21..\\
shubhAshubhaM puruShaH karmakR^itvA 
pratIkShate tasya phala.n sma kartA . 
sa tena yujyatyavashaH phalena 
mokShaH katha.n syAtpuruShasya tasmAt .. 22..\\
kShetre sukR^iShTe hyupite cha bIje 
deve cha varShatyR^itukAlayuktam . 
na syAtphala.n tasya kutaH prasiddhir 
anyatra daivAditi chintayAmi .. 23..\\
kR^itaM matAkSheNa yathA na sAdhu sAdhu 
pravR^ittena cha pANDavena . 
mayA cha duShputra vashAnugena 
yathA kurUNAmayamantakAlaH .. 24..\\
dhruvaM pravAsyatyasamIrito.api 
dhruvaM prajAsyatyuta garbhiNI yA . 
dhruva.n dinAdau rajanI praNAshas 
tathA kShapAdau cha dinapraNAshaH .. 25..\\
kriyeta kasmAnna pare cha kuryur 
vittaM na dadyuH puruShAH katha.n chit . 
prApyArtha kAla.n cha bhavedanarthaH 
kathaM nu tatsyAditi tatkutaH syAt .. 26..\\
kathaM na bhidyeta na cha sraveta 
na cha prasichyediti rakShitavyam . 
arakShyamANaH shatadhA vishIryed 
dhruvaM na nAsho.asti kR^itasya loke .. 27..\\
gato hyaraNyAdapi shakra lokaM 
dhana~njayaH pashyata vIryamasya . 
astrANi divyAni chaturvidhAni 
GYAtvA punarlokamimaM prapannaH .. 28..\\
svarga.n hi gatvA sasharIra eva 
ko mAnuShaH punarAgantumichchhet . 
anyatra kAlopahatAnanekAn 
samIkShamANastu kurUnmumUrShAn .. 29..\\
dhanurgrAhashchArjunaH savyasAchI 
dhanushcha tadgANDiva.n lokasAram . 
astrANi divyAni cha tAni tasya 
trayasya tejo prasaheta ko nu .. 30..\\
nishamya tadvachanaM pArthivasya 
duryodhano rahite saubalash cha . 
abodhayatkarNamupetya sarvaM 
sa chApyahR^iShTo.abhavadalpachetAH .. 31..\\
\medskip\hrule\medskip\centerline{\Largedvng 226}
 vai

dhR^itarAShTrasya tadvAkyaM nishamya saha saubalaH . 
duryodhanamida.n kAle karNo vachanamabravIt .. 1..\\
pravrAjya pANDavAnvIrAnsvena vIryeNa bhArata . 
bhu~NkShvemAM pR^ithivImeko diva.n shambarahA yathA .. 2..\\
prAchyAshcha dAkShiNAtyAshcha pratIchyodIchyavAsinaH . 
kR^itAH karapradAH sarve rAjAnaste narAdhipa .. 3..\\
yA hi sA dIpyamAneva pANDavAnbhajate purA . 
sAdya lakShmIstvayA rAjannavAptA bhrAtR^ibhiH saha .. 4..\\
indraprastha gate yA.n tAM dIpyamAnA.n yudhiShThire . 
apashyAma shriya.n rAjannachiraM shokakarshitAH .. 5..\\
sA tu buddhibaleneya.n rAGYastasmAdyudhiShThirAt . 
tvayAkShiptA mahAbAho dIpyamAneva dR^ishyate .. 6..\\
tathaiva tava rAjendra rAjAnaH paravIrahan . 
shAsane.adhiShThitAH sarve ki.n kurma iti vAdinaH .. 7..\\
tavAdya pR^ithivI rAjannikhilA sAgarAmbarA . 
saparvatavanA devI sagrAma nagarAkarA . 
nAnA vanoddeshavatI pattanairupashobhitA .. 8..\\
vandyamAno dvijai rAjanpUjyamAnashcha rAjabhiH . 
pauruShAddivi deveShu bhrAjase rashmivAniva .. 9..\\
rudrairiva yamo rAjA marudbhiriva vAsavaH . 
kurubhistva.n vR^ito rAjanbhAsi nakShatrarAD iva .. 10..\\
ye sma te nAdriyante.a.aGYAM nodvijante kadA cha na . 
pashyAmastA~nshriyA hInAnpANDavAnvanavAsinaH .. 11..\\
shrUyante hi mahArAja saro dvaitavanaM prati . 
vasantaH pANDavAH sArdhaM brAhmaNairvanavAsibhiH .. 12..\\
sa prayAhi mahArAja shriyA paramayA yutaH . 
pratapanpANDuputrA.nstva.n rashmivAniva tejasA .. 13..\\
sthito rAjye chyutAnrAjyAchchhriyA hInA~nshriyA vR^itaH . 
asamR^iddhAnsamR^iddhArthaH pashya pANDusutAnnR^ipa .. 14..\\
mahAbhijana sampannaM bhadre mahati sa.nsthitam . 
pANDavAstvAbhivIkShantA.n yayAtimiva nAhuSham .. 15..\\
yA.n shriyaM suhR^idashchaiva durhR^idashcha vishAM pate . 
pashyanti puruShe dIptA.n sA samarthA bhavatyuta .. 16..\\
samastho viShamasthAnhi durhR^ido yo.abhivIkShate . 
jagatIsthAnivAdristhaH ki.n tataH parama.n sukham .. 17..\\
na putra dhanalAbhena na rAjyenApi vindati . 
prItiM nR^ipatishArdUla yAmamitrAgha darshanAt .. 18..\\
kiM nu tasya sukhaM na syAdAshrame yo dhana~njayam . 
abhivIkSheta siddhArtho vakalAjina vAsasam .. 19..\\
suvAsaso hi te bhAryA vakalAjina vAsasam . 
pashyantvasukhitA.n kR^iShNA.n sA cha nirvidyatAM punaH . 
vinindatA.n tathAtmAnaM jIvitaM cha dhanachyutA .. 20..\\
na tathA hi sabhAmadhye tasyA bhavitumarhati . 
vaimanasya yathAdR^iShTvA tava bhAryAH svala~NkR^itAH .. 21..\\
evamuktvA tu rAjAna.n karNaH shakuninA saha . 
tUShNIM babhUvaturubhau vAkyAnte janamejaya .. 22..\\
\medskip\hrule\medskip\centerline{\Largedvng 227}
 vai

karNasya vachana.n shrutvA rAjA duryodhanastadA . 
hR^iShTo bhUtvA punardIna ida.n vachanamabravIt .. 1..\\
bravIShi yadida.n karNa sarvaM me manasi sthitam . 
na tvabhyanuGYA.n lapsyAmi gamane yatra pANDavAH .. 2..\\
paridevati tAnvIrAndhR^itarAShTro mahIpatiH . 
manyate.abhyadhikAMshchApi tapoyogena pANDavAn .. 3..\\
atha vApyanubudhyeta nR^ipo.asmAka.n chikIrShitam . 
evamapyAyati.n rakShannAbhyanuGYAtumarhati .. 4..\\
na hi dvaitavane ki.n chidvidyate.anyatprayojanam . 
utsAdanamR^ite teShA.n vanasthAnAM mama dviShAm .. 5..\\
jAnAsi hi yathA kShattA dyUtakAla upasthite . 
abravIdyachcha mA.n tvAM cha saubalaM cha vachastadA .. 6..\\
tAni pUrvANi vAkyAni yachchAnyatparidevitam . 
vichintya nAdhigachchhAmi gamanAyetarAya vA .. 7..\\
mamApi hi mahAnharSho yadahaM bhIma phalgunau . 
kliShTAvaraNye pashyeya.n kR^iShNayA sahitAviti .. 8..\\
na tathA prApnuyAM prItimavApya vasudhAm api . 
dR^iShTvA yathA pANDusutAnvallakAjina vAsasaH .. 9..\\
kiM nu syAdadhika.n tasmAdyadahaM drupadAtmajAm . 
draupadI.n karNa pashyeyaM kAShAyavasanA.n vane .. 10..\\
yadi mA.n dharmarAjashcha bhImasenashcha pANDavaH . 
yuktaM paramayA lakShmyA pashyetA.n jIvitaM bhavet .. 11..\\
upAyaM na tu pashyAmi yena gachchhema tadvanam . 
yathA chAbhyanujAnIyAdgachchhantaM mAM mahIpatiH .. 12..\\
sa saubalena sahitastathA duHshAsanena cha . 
upAyaM pashya nipuNa.n yena gachchhema tadvanam .. 13..\\
ahamapyadya nishchitya gamanAyetarAya vA . 
kAlyameva gamiShyAmi samIpaM pArthivasya ha .. 14..\\
mayi tatropaviShTe tu bhIShme cha kurusattame . 
upAyo yo bhaveddR^iShTastaM brUyAH saha saubalaH .. 15..\\
tato bhIShmasya rAGYashcha nishamya gamanaM prati . 
vyavasAya.n kariShye.ahamanunIya pitAmaham .. 16..\\
tathetyuktvA tu te sarve jagmurAvasathAnprati . 
vyuShitAyA.n rajanyA.n tu karNo rAjAnamabhyayAt .. 17..\\
tato duryodhana.n karNaH prahasannidamabravIt . 
upAyaH paridR^iShTo.aya.n taM nibodha janeshvara .. 18..\\
ghoShA dvaitavane sarve tvatpratIkShA narAdhipa . 
ghoShayAtrApadeshena gamiShyAmo na saMshayaH .. 19..\\
uchita.n hi sadA gantu.n ghoShayAtrAM vishAM pate . 
eva.n cha tvAM pitA rAjansamanuGYAtumarhati .. 20..\\
tathA kathayamAnau tau ghoShayAtrA vinishchayam . 
gAndhArarAjaH shakuniH pratyuvAcha hasanniva .. 21..\\
upAyo.ayaM mayA dR^iShTo gamanAya nirAmayaH . 
anuGYAsyati no rAjA chodayiShyati chApyuta .. 22..\\
ghoShA dvaitavane sarve tvatpratIkShA narAdhipa . 
ghoShayAtrApadeshena gamiShyAmo na saMshayaH .. 23..\\
tataH prahasitAH sarve te.anyonyasya talAndaduH . 
tadeva cha vinishchitya dadR^ishuH kurusattamam .. 24..\\
\medskip\hrule\medskip\centerline{\Largedvng 228}
 vai

dhR^itarAShTra.n tataH sarve dadR^ishurjanamejaya . 
pR^iShTvA sukhamatho rAGYaH pR^iShTvA rAGYA cha bhArata .. 1..\\
tatastairvihitaH pUrva.n sama~Ngo nAma ballavaH . 
samIpasthAstadA gAvo dhR^itarAShTre nyavedayat .. 2..\\
anantara.n cha rAdheyaH shakunishcha vishAM pate . 
AhatuH pArthivashreShTha.n dhR^itarAShTraM janAdhipam .. 3..\\
ramaNIyeShu desheShu ghoShAH samprati kaurava . 
smAraNA samayaH prApto vatsAnAmapi chA~Nkanam .. 4..\\
mR^igayA chochitA rAjannasminkAle sutasya te . 
duryodhanasya gamana.n tvamanuGYAtumarhasi .. 5..\\

 dhrt

mR^igayA shobhanA tAta gavA.n cha samavekShaNam . 
vishrambhastu na gantavyo ballavAnAm iti smare .. 6..\\
te tu tatra naravyAghrAH samIpa iti naH shrutam . 
ato nAbhyanujAnAmi gamana.n tatra vaH svayam .. 7..\\
chhadmanA nirjitAste hi karshitAshcha mahAvane . 
taponityAshcha rAdheya samarthAshcha mahArathAH .. 8..\\
dharmarAjo na sa~NkrudhyedbhImasenastvamarShaNaH . 
yaGYasenasya duhitA teja eva tu kevalam .. 9..\\
yUya.n chApyaparAdhyeyurdarpamohasamanvitAH . 
tato vinirdaheyuste tapasA hi samanvitAH .. 10..\\
atha vA sAyudhA vIrA manunAbhipariplutAH . 
sahitA baddhanistriMshA daheyuH shastratejasA .. 11..\\
atha yUyaM bahutvAttAnArabhadhva.n kathaM chana . 
anAryaM parama.n taH syAdashakyaM tachcha me matam .. 12..\\
uShito hi mahAbAhurindraloke dhana~njayaH . 
divyAnyastrANyavApyAtha tataH pratyAgato vanam .. 13..\\
akR^itAstreNa pR^ithivI jitA bIbhatsunA purA . 
kiM punaH sa kR^itAstro.adya na hanyAdvo mahArathaH .. 14..\\
atha vA madvacho shrutvA tatra yattA bhaviShyatha . 
udvignavAso vishrambhAdduHkha.n tatra bhaviShyati .. 15..\\
atha vA sainikAH ke chidapakuryuryudhiShThire . 
tadabuddhi kR^ita.n karma doShamutpAdayechcha vaH .. 16..\\
tasmAdgachchhantu puruShAH smAraNAyApta kAriNaH . 
na svaya.n tatra gamana.n rochaye tava bhArata .. 17..\\

 zakuni

dharmaGYaH pANDavo jyeShThaH pratiGYAta.n cha sa.nsadi . 
tena dvAdasha varShANi vastavyAnIti bhArata .. 18..\\
anuvR^ittAshcha te sarve pANDavA dharmachAriNaH . 
yudhiShThirashcha kaunteyo na naH kopa.n kariShyati .. 19..\\
mR^igayA.n chaiva no gantumichchhA sa.nvardhate bhR^isham . 
smAraNa.n cha chikIrShAmo na tu pANDava darshanam .. 20..\\
na chAnArya samAchAraH kashchittatra bhaviShyati . 
na cha tatra gamiShyAmo yatra teShAM pratishrayaH .. 21..\\

 vai

evamuktaH shakuninA dhR^itarAShTro janeshvaraH . 
duryodhana.n sahAmAtyamanujaGYe na kAmataH .. 22..\\
anuGYAtastu gAndhAriH karNena sahitastadA . 
niryayau bharatashreShTho balena mahatA vR^itaH .. 23..\\
duHshAsanena cha tathA saubalena cha devinA . 
sa.nvR^ito bhrAtR^ibhishchAnyaiH strIbhishchApi sahasrashaH .. 24..\\
taM niryAntaM mahAbAhu.n draShTuM dvaitavana.n saraH . 
paurAshchAnuyayuH sarve saha dArA vana.n cha tat .. 25..\\
aShTau rathasahasrANi trINi nAgAyutAni cha . 
pattayo bahusAhasrA hayAshcha navatiH shatAH .. 26..\\
shakaTApaNa veshyAshcha vaNijo bandinastathA . 
narAshcha mR^igayA shIlAH shatasho.atha sahasrashaH .. 27..\\
tataH prayANe nR^ipateH sumahAnabhavatsvanaH . 
prAvR^iShIva mahAvAyoruddhatasya vishAM pate .. 28..\\
gavyUti mAtre nyavasadrAjA duryodhanastadA . 
prayAto vAhanaiH sarvaistato dvaitavana.n saraH .. 29..\\
\medskip\hrule\medskip\centerline{\Largedvng 229}
 vai

atha duryodhano rAjA tatra tatra vane vasan . 
jagAma ghoShAnabhitastatra chakre niveshanam .. 1..\\
ramaNIye samAGYAte sodake samahIruhe . 
deshe sarvaguNopete chakrurAvasathaM narAH .. 2..\\
tathaiva tatsamIpasthAnpR^ithagAvasathAnbahUn . 
karNasya shakuneshchaiva bhrAtR^INA.n chaiva sarvashaH .. 3..\\
dadarsha sa tadA gAvaH shatasho.atha sahasrashaH . 
a~NkairlakShaishcha tAH sarvA lakShayAmAsa pArthivaH .. 4..\\
a~NkayAmAsa vatsAMshcha jaGYe chopasR^itAstvapi . 
bAla vatsAshcha yA gAvaH kAlayAmAsa tA api .. 5..\\
atha sa smAraNa.n kR^itvA lakShayitvA trihAyanAn . 
vR^ito gopAlakaiH prIto vyaharatkurunandanaH .. 6..\\
sa cha paurajanaH sarvaH sainikAshcha sahasrashaH . 
yathopajoSha.n chikrIDurvane tasminyathAmarAH .. 7..\\
tato gopAH pragAtAraH kushalA nR^ittavAdite . 
dhArtarAShTramupAtiShThankanyAshchaiva svala~NkR^itAH .. 8..\\
sa strIgaNavR^ito rAjA prahR^iShTaH pradadau vasu . 
tebhyo yathArhamannAni pAnAni vividhAni cha .. 9..\\
tataste sahitAH sarve tarakShUnmahiShAnmR^igAn . 
gavayarkSha varAhAMshcha samantAtparyakAlayan .. 10..\\
sa tA~nsharairvinirbhindangajAnbadhnanmahAvane . 
ramaNIyeShu desheShu grAhayAmAsa vai mR^igAn .. 11..\\
gorasAnupayu~njAna upabhogAMshcha bhArata . 
pashyansuramaNIyAni puShpitAni vanAni cha .. 12..\\
mattabhramara juShTAni barhiNAbhirutAni cha . 
agachchhadAnupUrvyeNa puNya.n dvaitavana.n saraH . 
R^iddhyA paramayA yukto mahendra iva vajrabhR^it .. 13..\\
yadR^ichchhayA cha tadaho dharmaputro yudhiShThiraH . 
Ije rAjarShiyaGYena sadyaskena vishAM pate . 
divyena vidhinA rAjA vanyena kurusattamaH .. 14..\\
kR^itvA niveshamabhitaH sarasastasya kauravaH . 
draupadyA sahito dhImAndharmapatnyA narAdhipaH .. 15..\\
tato duryodhanaH preShyAnAdidesha sahAnujaH . 
AkrIDAvasathAH kShipra.n kriyantAmiti bhArata .. 16..\\
te tathetyeva kauravyamuktvA vachanakAriNaH . 
chikIrShantastadAkrIDA~njagmurdvaitavana.n saraH .. 17..\\
senAgra.n dhArtarAShTrasya prAptaM dvaitavana.n saraH . 
pravishanta.n vanadvAri gandharvAH samavArayan .. 18..\\
tatra gandharvarAjo vai pUrvameva vishAM pate . 
kuberabhavanAdrAjannAjagAma gaNAvR^itaH .. 19..\\
gaNairapsarasA.n chaiva tridashAnAM tathAtmajaiH . 
vihArashIlaH krIDArtha.n tena tatsa.nvR^ita.n saraH .. 20..\\
tena tatsa.nvR^ita.n dR^iShTvA te rAjaparichArakAH . 
pratijagmustato rAjanyatra duryodhano nR^ipaH .. 21..\\
sa tu teShA.n vacho shrutvA sainikAnyuddhadurmadAn . 
preShayAmAsa kauravya utsArayata tAniti .. 22..\\
tasya tadvachana.n shrutvA rAGYaH senAgrayAyinaH . 
saro dvaitavana.n gatvA gandharvAnidamabruvan .. 23..\\
rAjA duryodhano nAma dhR^itarAShTra suto balI . 
vijihIrShurihAyAti tadarthamapasarpata .. 24..\\
evamuktAstu gandharvAH prahasanto vishAM pate . 
pratyabruva.nstAnpuruShAnida.n suparuShaM vachaH .. 25..\\
na chetayati vo rAjA mandabuddhiH suyodhanaH . 
yo.asmAnAGYApayatyeva.n vashyAniva divaukasaH .. 26..\\
yUyaM mumUrShavashchApi mandapraGYA na saMshayaH . 
ye tasya vachanAdevamasmAnbrUta vichetasaH .. 27..\\
gachchhata tvaritAH sarve yatra rAjA sa kauravaH . 
dveShyaM mAdyaiva gachchhadhva.n dharmarAja niveshanam .. 28..\\
evamuktAstu gandharvai rAGYaH senAgrayAyinaH . 
samprAdravanyato rAjA dhR^itarAShTra suto.abhavat .. 29..\\
\medskip\hrule\medskip\centerline{\Largedvng 230}
 vai

tataste sahitAH sarve duryodhanamupAgaman . 
abruvaMshcha mahArAja yadUchuH kauravaM prati .. 1..\\
gandharvairvArite sainye dhArtarAShTraH pratApavAn . 
amarShapUrNaH sainyAni pratyabhAShata bhArata .. 2..\\
shAsatainAnadharmaGYAnmama vipriyakAriNaH . 
yadi prakrIDito devaiH sarvaiH saha shatakratuH .. 3..\\
duryodhana vacho shrutvA dhArtarAShTrA mahAbalAH . 
sarva evAbhisaMnaddhA yodhAshchApi sahasrashaH .. 4..\\
tataH pramathya gandharvA.nstadvana.n vivishurbalAt . 
si.nhanAdena mahatA pUrayanto disho dasha .. 5..\\
tato.aparairavAryanta gandharvaiH kuru sainikAH . 
te vAryamANA gandharvaiH sAmnaiva vasudhAdhipa . 
tAnanAdR^itya gandharvA.nstadvana.n vivishurmahat .. 6..\\
yadA vAchA na tiShThanti dhArtarAShTrAH sarAjakAH . 
tataste khecharAH sarve chitrasene nyavedayan .. 7..\\
gandharvarAjastAnsarvAnabravItkauravAnprati . 
anAryA~nshAsatetyeva.n chitraseno.atyamarShaNaH .. 8..\\
anuGYAtAstu gandharvAshchitrasenena bhArata . 
pragR^ihItAyudhAH sarve dhArtarAShTrAnabhidravan .. 9..\\
tAndR^iShTvA patataH shIghrAngandharvAnudyatAyudhAn . 
sarve te prAdravansa~Nkhye dhArtarAShTrasya pashyataH .. 10..\\
tAndR^iShTvA dravataH sarvAndhArtarAShTrAnparA~NmukhAn . 
vaikartanastadA vIro nAsIttatra parA~NmukhaH .. 11..\\
ApatantI.n tu samprekShya gandharvANAM mahAchamUm . 
mahatA sharavarSheNa rAdheyaH pratyavArayat .. 12..\\
kShurapairvishikhairbhallairvatsadantaistathAyasaiH . 
gandharvA~nshatashAbhyaghna.NllaghutvAtsUtanandanaH .. 13..\\
pAtayannuttamA~NgAni gandharvANAM mahArathAH . 
kShaNena vyadhamatsarvA.n chitrasenasya vAhinIm .. 14..\\
te vadhyamAnA gandharvAH sUtaputreNa dhImatA . 
bhUya evAbhyavartanta shatasho.atha sahasrashaH .. 15..\\
gandharvabhUtA pR^ithivI kShaNena samapadyata . 
ApatadbhirmahAvegaishchitrasenasya sainikaiH .. 16..\\
atha duryodhano rAjA shakunishchApi saubalaH . 
duHshAsano vikarNashcha ye chAnye dhR^itarAShTrajAH . 
nyahana.nstattadA sainya.n rathairgaruDa nisvanaiH .. 17..\\
bhUyo cha yodhayAmAsuH kR^itvA karNamathAgrataH . 
mahatA rathaghoSheNa hayachAreNa chApyuta . 
vaikartanaM parIpsanto gandharvAnsamavArayan .. 18..\\
tataH saMnyapatansarve gandharvAH kauravaiH saha . 
tadA sutumula.n yuddhamabhavallomaharShaNam .. 19..\\
tataste mR^idavo.abhUvangandharvAH sharapIDitAH . 
uchchukrushushcha kauravyA gandharvAnprekShya pIDitAn .. 20..\\
gandharvA.nstrAsitAndR^iShTvA chitraseno.atyamarShaNaH . 
utpapAtAsanAtkruddho vadhe teShA.n samAhitaH .. 21..\\
tato mAyAstramAsthAya yuyudhe chitramArgavit . 
tayAmuhyanta kauravyAshchitrasenasya mAyayA .. 22..\\
ekaiko hi tadA yodho dhArtarAShTrasya bhArata . 
paryavartata gandharvairdashabhirdashabhiH saha .. 23..\\
tataH sampIDyamAnAste balena mahatA tadA . 
prAdravanta raNe bhItA yatra rAjA yudhiShThiraH .. 24..\\
bhajyamAneShvanIkeShu dhArtarAShTreShu sarvashaH . 
karNo vaikartano rAja.nstasthau giririvAchalaH .. 25..\\
duryodhanashcha karNashcha shakunishchApi saubalaH . 
gandharvAnyodhayA.n chakruH samare bhR^ishavikShatAH .. 26..\\
sarva eva tu gandharvAH shatasho.atha sahasrashaH . 
jighA.nsamAnAH sahitAH karNamabhyadravanraNe .. 27..\\
asibhiH paTTishaiH shUlairgadAbhishcha mahAbalAH . 
sUtaputra.n jighA.nsantaH samantAtparyavArayan .. 28..\\
anye.asya yugamachchhindandhvajamanye nyapAtayan . 
IShAmanye hayAnanye sUtamanye nyapAtayan .. 29..\\
anye chhatra.n varUtha.n cha vandhuraM cha tathApare . 
gandharvA bahusAhasrAH khaNDasho.abhyahananratham .. 30..\\
tato rathAdavaplutya sUtaputro.asi charma bhR^it . 
vikarNa rathamAsthAya mokShAyAshvAnachodayat .. 31..\\
\medskip\hrule\medskip\centerline{\Largedvng 231}
 vai

gandharvaistu mahArAja bhagne karNe mahArathe . 
samprAdravachchamUH sarvA dhArtarAShTrasya pashyataH .. 1..\\
tAndR^iShTvA dravataH sarvAndhArtarAShTrAnparA~NmukhAn . 
duryodhano mahArAja nAsIttatra parA~NmukhaH .. 2..\\
tAmApatantI.n samprekShya gandharvANAM mahAchamUm . 
mahatA sharavarSheNa so.abhyavarShadarindamaH .. 3..\\
achintyasharavarSha.n tu gandharvAstasya ta.n ratham . 
duryodhana.n jighA.nsantaH samantAtparyavArayan .. 4..\\
yugamIShA.n varUtha.n cha tathaiva dhvajasArathI . 
ashvA.nstriveNu.n talpaM cha tilasho.abhyahanadratham .. 5..\\
duryodhana.n chitraseno virathaM patitaM bhuvi . 
abhidrutya mahAbAhurjIvagrAhamathAgrahIt .. 6..\\
tasmingR^ihIte rAjendra sthita.n duHshAsana.n rathe . 
paryagR^ihNanta gandharvAH parivArya samantataH .. 7..\\
viviMshati.n chitrasenamAdAyAnye pradudruvuH . 
vindAnuvindAvapare rAjadArAMshcha sarvashaH .. 8..\\
sainyAstu dhArtarAShTrasya gandharvaiH samabhidrutAH . 
pUrvaM prabhagnaiH sahitAH pANDavAnabhyayustadA .. 9..\\
shakaTApaNa veshyAshcha yAnayugya.n cha sarvashaH . 
sharaNaM pANDavA~njagmurhriyamANe mahIpatau .. 10..\\
priyadarshano mahAbAhurdhArtarAShTro mahAbalaH . 
gandharvairhriyate rAjA pArthAstamanudhAvata .. 11..\\
duHshAsano durviShaho durmukho durjayastathA . 
baddhvA hriyante gandharvai rAjadArAshcha sarvashaH .. 12..\\
iti duryodhanAmAtyAH kroshanto rAjagR^iddhinaH . 
ArtA dInasvarAH sarve yudhiShThiramupAgaman .. 13..\\
tA.nstathA vyathitAndInAnbhikShamANAnyudhiShThiram . 
vR^iddhAnduryodhanAmAtyAnbhimaseno.abhyabhAShata .. 14..\\
anyathA vartamAnAnAmartho jAtAyamanyathA . 
asmAbhiryadanuShTheya.n gandharvaistadanuShThitam .. 15..\\
durmantritamida.n tAta rAGYo durdyUta devinaH . 
dveShTAramanye klIbasya pAtayantIti naH shrutam .. 16..\\
tadida.n kR^itaM naH pratyakShaM gandharvai ratimAnuSham . 
diShTyA loke pumAnasti kashchidasmatpriye sthitaH . 
yenAsmAka.n hR^ito bhAra AsInAnAM sukhAvahaH .. 17..\\
shItavAtAtapa sahA.nstapasA chaiva karshitAn . 
samastho viShamasthAnhi draShTumichchhati durmatiH .. 18..\\
adharmachAriNastasya kauravyasya durAtmanaH . 
ye shIlamanuvartante te pashyanti parAbhavam .. 19..\\
adharmo hi kR^itastena yenaitadupashikShitam . 
anR^isha.nsAstu kaunteyAstasyAdhyakShAnbravImi vaH .. 20..\\
evaM bruvANa.n kaunteyaM bhImasenamamarShaNam . 
na kAlaH paruShasyAyamiti rAjAbhyabhAShata .. 21..\\
\medskip\hrule\medskip\centerline{\Largedvng 232}
 y

asmAnabhigatA.nstAta bhayArtA~nsharaNaiShiNaH . 
kauravAnviShamaprAptAnkathaM brUyAstamIdR^isham .. 1..\\
bhavanti bhedA GYAtInA.n kalahAshcha vR^ikodara . 
prasaktAni cha vairANi GYAtidharmo na nashyati .. 2..\\
yadA tu kashchijGYAtInAM bAhyaH prArthayate kulam . 
na marShayanti tatsanto bAhyenAbhipramarShaNam .. 3..\\
jAnAti hyeSha durbuddhirasmAniha chiroShitAn . 
sa eSha paribhUyAsmAnakArShIdidamapriyam .. 4..\\
duryodhanasya grahaNAdgandharveNa balAdraNe . 
strINAM bAhyAbhimarshAchcha hataM bhavati naH kulam .. 5..\\
sharaNa.n cha prapannAnAM trANArthaM cha kulasya naH . 
uttiShThadhvaM naravyAghrAH sajjIbhavata mAchiram .. 6..\\
arjunashcha yamau chaiva tva.n cha bhImAparAjitaH . 
mokShayadhva.n dhArtarAShTra.n hriyamANaM suyodhanam .. 7..\\
ete rathA naravyAghrAH sarvashastrasamanvitAH . 
indrasenAdibhiH sUtaiH sa.nyatAH kanakadhvajAH .. 8..\\
etAnAsthAya vai tAta gandharvAnyoddhumAhave . 
suyodhanasya mokShAya prayatadhvamatandritAH .. 9..\\
ya eva kashchidrAjanyaH sharaNArthamihAgatam . 
para.n shaktyAbhirakSheta kiM punastvaM vR^ikodara .. 10..\\
ka ihAnyo bhavettrANamabhidhAveti choditaH . 
prA~njali.n sharaNApanna.n dR^iShTvA shatrumapi dhruvam .. 11..\\
varapradAna.n rAjya.n cha putra janma cha pANDava . 
shatroshcha mokShaNa.n kleshAttrINi chaikaM cha tatsamam .. 12..\\
ki.n hyabhyadhikametasmAdyadApannaH suyodhanaH . 
tvadbAhubalamAshritya jIvitaM parimArgati .. 13..\\
svayameva pradhAveya.n yadi na syAdvR^ikodara . 
vitato.aya.n kraturvIra na hi me.atra vichAraNA .. 14..\\
sAmnaiva tu yathA bhIma mokShayethAH suyodhanam . 
tathA sarvairupAyaistva.n yatethAH kurunandana .. 15..\\
na sAmnA pratipadyeta yadi gandharvarAD asau . 
parAkrameNa mR^idunA mokShayethAH suyodhanam .. 16..\\
athAsau mR^idu yuddhena na mu~nchedbhImakauravAn . 
sarvopAyairvimochyAste nigR^ihya paripanthinaH .. 17..\\
etAvaddhi mayA shakya.n sandeShTuM vai vR^ikodara . 
vaitAne karmaNi tate vartamAne cha bhArata .. 18..\\

 vai

ajAtashatrorvachana.n tachchhrutvA tu dhana~njayaH . 
pratijaGYe gurorvAkya.n kauravANA.n vimokShaNam .. 19..\\

 arj

yadi sAmnA na mokShyanti gandhavA dhR^itarAShTrajAn . 
adya gandharvarAjasya bhUmiH pAsyati shoNitam .. 20..\\

 vai

arjunasya tu tA.n shrutvA pratiGYAM satyavAdinaH . 
kauravANA.n tadA rAjanpunaH pratyAgataM manaH .. 21..\\
\medskip\hrule\medskip\centerline{\Largedvng 233}
 vai

yudhiShThiravachaH shrutvA bhImasenapurogamAH . 
prahR^iShTavadanAH sarve samuttasthurnararShabhAH .. 1..\\
abhedyAni tataH sarve samanahyanta bhArata . 
jAmbUnadavichitrANi kavachAni mahArathAH .. 2..\\
te daMshitA rathaiH sarve dhvajinaH sasharAsanAH . 
pANDavAH pratyadR^ishyanta jvalitA iva pAvakAH .. 3..\\
tAnrathAnsAdhu sampannAnsa.nyuktA~njavanairhayaiH . 
AsthAya rathashArdUlAH shIghrameva yayustataH .. 4..\\
tataH kaurava sainyAnAM prAdurAsInmahAsvanaH . 
prayAtAnsahitAndR^iShTvA pANDuputrAnmahArathAn .. 5..\\
jitakAshinashcha khacharAstvaritAshcha mahArathAH . 
kShaNenaiva vane tasminsamAjagmurabhItavat .. 6..\\
nyavartanta tataH sarve gandharvA jitakAshinaH . 
dR^iShTvA rathagatAnvIrAnpANDavAMshchaturo raNe .. 7..\\
tA.nstu vibhrAjato dR^iShTvA lokapAlAnivodyatAn . 
vyUDhAnIkA vyatiShThanta gandhamAdanavAsinaH .. 8..\\
rAGYastu vachana.n shrutvA dharmarAjasya dhImataH . 
krameNa mR^idunA yuddhamupakrAmanta bhArata .. 9..\\
na tu gandharvarAjasya sainikA mandachetasaH . 
shakyante mR^idunA shreyo pratipAdayitu.n tadA .. 10..\\
tatastAnyudhi durdharShaH savyasAchI parantapaH . 
sAntvapUrvamida.n vAkyamuvAcha khacharAnraNe .. 11..\\
naitadgandharvarAjasya yukta.n karma jugupsitam . 
paradArAbhimarshashcha mAnuShaishcha samAgamaH .. 12..\\
utsR^ijadhvaM mahAvIryAndhR^itarAShTra sutAnimAn . 
dArAMshchaiShA.n vimu~nchadhva.n dharmarAjasya shAsanAt .. 13..\\
evamuktAstu gandharvAH pANDavena yashasvinA . 
utsmayantastadA pArthamida.n vachanamabruvan .. 14..\\
ekasyaiva vaya.n tAta kuryAma vachanaM bhuvi . 
yasya shAsanamAGYAya charAma vigatajvarAH .. 15..\\
tenaikena yathAdiShTa.n tathA vartAma bhArata . 
na shAstA vidyate.asmAkamanyastasmAtsureshvarAt .. 16..\\
evamuktastu gandharvaiH kuntIputro dhana~njayaH . 
gandharvAnpunareveda.n vachanaM pratyabhAShata .. 17..\\
yadi sAmnA na mokShadhva.n gandharvA dhR^itarAShTrajam . 
mokShayiShyAmi vikramya svayameva suyodhanam .. 18..\\
evamuktvA tataH pArthaH savyasAchI dhana~njayaH . 
sasarva nishitAnbANAnkhacharAnkhacharAnprati .. 19..\\
tathaiva sharavarSheNa gandharvAste balotkaTAH . 
pANDavAnabhyavartanta pANDavAshcha divaukasaH .. 20..\\
tataH sutumula.n yuddha.n gandharvANAM tarasvinAm . 
babhUva bhImavegAnAM pANDavAnA.n cha bhArata .. 21..\\
\medskip\hrule\medskip\centerline{\Largedvng 234}
 vai

tato divyAstrasampannA gandharvA hemamAlinaH . 
visR^ijantaH sharAndIptAnsamantAtparyavArayan .. 1..\\
chatvAraH pANDavA vIrA gandharvAshcha sahasrashaH . 
raNe saMnyapatanrAja.nstadadbhutamivAbhavat .. 2..\\
yathA karNasya cha ratho dhArtarAShTrasya chobhayoH . 
gandharvaiH shatasho chhinnau tathA teShAM prachakrire .. 3..\\
tAnsamApatato rAjangandharvA~nshatasho raNe . 
pratyagR^ihNannaravyAghrAH sharavarShairanekashaH .. 4..\\
avakIryamANAH khagamAH sharavarShaiH samantataH . 
na shekuH pANDuputrANA.n samIpe parivartitum .. 5..\\
abhikruddhAnabhiprekShya gandharvAnarjunastadA . 
lakShayitvAtha divyAni mahAstrANyupachakrame .. 6..\\
sahasrANA.n sahasraM sa prAhiNodyamasAdanam . 
AgneyenArjunaH sa~Nkhye gandharvANAM balotkaTaH .. 7..\\
tathA bhImo maheShvAsaH sa.nyuge balinA.n varaH . 
gandharvA~nshatasho rAja~njaghAna nishitaiH sharaiH .. 8..\\
mAdrIputrAvapi tathA yudhyamAnau balotkaTau . 
parigR^ihyAgrato rAja~njaghnatuH shatashaH parAn .. 9..\\
te vadhyamAnA gandharvA divyairastrairmahAtmabhiH . 
utpetuH khamupAdAya dhR^itarAShTra sutA.nstataH .. 10..\\
tAnutpatiShNUnbuddhvA tu kuntIputro dhana~njayaH . 
mahatA sharajAlena samantAtparyavArayat .. 11..\\
te baddhAH sharajAlena shakuntA iva pa~njare . 
vavarShurarjuna.n krodhAdgadA shaktyR^iShTi vR^iShTibhiH .. 12..\\
gadA shaktyasi vR^iShTIstA nihatya sa mahAstravit . 
gAtrANi chAhanadbhallairgandharvANA.n dhana~njayaH .. 13..\\
shirobhiH prapatadbhishcha charaNairbAhubhistathA . 
ashmavR^iShTirivAbhAti pareShAm abhavadbhayam .. 14..\\
te vadhyamAnA gandharvAH pANDavena mahAtmanA . 
bhUmiShThamantarikShasthAH sharavarShairavAkiran .. 15..\\
teShA.n tu sharavarShANi savyasAchI parantapaH . 
astraiH sa.nvArya tejasvI gandharvAnpratyavidhyata .. 16..\\
sthUNAkarNendrajAla.n cha sauraM chApi tathArjunaH . 
Agneya.n chApi saumyaM cha sasarja kurunandanaH .. 17..\\
te dahyamAnA ganharvAH kuntIputrasya sAyakaiH . 
daiteyA iva shakreNa viShAdamagamanparam .. 18..\\
UrdhvamAkramamANAshcha sharajAlena vAritAH . 
visarpamANA bhallaishcha vAryante savyasAchinA .. 19..\\
gandharvA.nstrAsitAndR^iShTvA kuntIputreNa dhImatA . 
chitraseno gadA.n gR^ihya savyasAchinamAdravat .. 20..\\
tasyAbhipatatastUrNa.n gadAhastasya sa.nyuge . 
gadA.n sarvAyasIM pArthaH sharaishchichchheda saptadhA .. 21..\\
sagadAM bahudhA dR^iShTvA kR^ittAM bANaistarasvinA . 
sa.nvR^itya vidyayAtmAna.n yodhayAmAsa pANDavam . 
astrANi tasya divyAni yodhayAmAsa khe sthitaH .. 22..\\
ganharva rAjo balavAnmAyayAntarhitastadA . 
antarhita.n samAlakShya praharantamathArjunaH . 
tADayAmAsa khacharairdivyAstrapratimantritaiH .. 23..\\
antardhAnavadha.n chAsya chakre kruddho.arjunastadA . 
shabdavedyamupAshritya bahurUpo dhana~njayaH .. 24..\\
sa vadyamAnastairastrairarjunena mahAtmanA . 
athAsya darshayAmAsa tadAtmAnaM priya.n sakhA .. 25..\\
chitrasenamathAlakShya sakhAya.n yudhi durbalam . 
sa~njahArAstramatha tatprasR^iShTaM pANDavarShabhaH .. 26..\\
dR^iShTvA tu pANDavAH sarve sa.nhR^itAstra.n dhana~njayam . 
sa~njahruH pradutAnashvA~nsharavegAndhanUMShi cha .. 27..\\
chitrasenashcha bhImashcha savyasAchI yamAvapi . 
pR^iShTvA kaushalamanyonya.n ratheShvevAvatasthire .. 28..\\
\medskip\hrule\medskip\centerline{\Largedvng 235}
 vai

tato.arjunashchitrasenaM prahasannidamabravIt . 
madhye gandharvasainyAnAM maheShvAso mahAdyutiH .. 1..\\
ki.n te vyavasita.n vIra kauravANAM vinigrahe . 
kimartha.n cha sadAro.ayaM nigR^ihItaH suyodhanaH .. 2..\\

 chitra

vidito.ayamabhiprAyastatasthena mahAtmanA . 
duryodhanasya pApasya karNasya cha dhana~njaya .. 3..\\
vanasthAnbhavato GYAtvA klishyamAnAnanarhavat . 
ime.avahasituM prAptA draupadI.n cha yashasvinIm .. 4..\\
GYAtvA chikIrShita.n chaiShAM mAmuvAcha sureshvaraH . 
gachchha duryodhanaM baddhvA sAmAtya.n tvamihAnaya .. 5..\\
dhana~njayashcha te rakShyaH saha bhrAtR^ibhirAhave . 
sa hi priyaH sakhA tubhya.n shiShyashcha tava pANTavaH .. 6..\\
vachanAddevarAjasya tato.asmIhAgato drutam . 
aya.n durAtmA baddhashcha gamiShyAmi surAlayam .. 7..\\

 arj

utsR^ijyatA.n chitrasena bhrAtAsmAka.n suyodhanaH . 
dharmarAjasya sandeshAnmama chedichchhasi priyam .. 8..\\

 chitra

pApo.ayaM nityasanduShTo na vimokShaNamarhati . 
pralabdhA dharmarAjasya kR^iShNAyAshcha dhana~njaya .. 9..\\
neda.n chikIrShitaM tasya kuntIputro mahAvrataH . 
jAnAti dharmarAjo hi shrutvA kuru yathechchhasi .. 10..\\

 vai

te sarva eva rAjAnamabhijagmuryudhiShThiram . 
abhigamya cha tatsarva.n shasha.nsustasya duShkR^itam .. 11..\\
ajAtashatrustachchhrutvA gandharvasya vachastadA . 
mokShayAmAsa tAnsarvAngandharvAnprashasha.nsa cha .. 12..\\
diShTyA bhavadbhirbalibhiH shaktaiH sarvairna hi.nsitaH . 
durvR^itto dArtarAShTro.aya.n sAmAtyaGYAti bAndhavaH .. 13..\\
upakAro mahA.nstAta kR^ito.ayaM mama khecharAH . 
kulaM na paribhUtaM me mokSheNAsya durAtmanaH .. 14..\\
AGYApayadhvamiShTAni prIyAmo darshanena vaH . 
prApya sarvAnabhiprAyA.nstato vrajata mAchiram .. 15..\\
anuGYAtAstu gandharvAH pANDuputreNa dhImatA . 
sahApsarobhiH sa.nhR^iShTAshchitrasena mukhA yayuH .. 16..\\
devarADapi gandharvAnmR^itA.nstAnsamajIvayat . 
divyenAmR^ita varSheNa ye hatAH kauravairyudhi .. 17..\\
GYAtI.nstAnavamuchyAtha rAjadArAMshcha sarvashaH . 
kR^itvA cha duShkara.n karma prItiyuktAshcha pANDavAH .. 18..\\
sastrI kumAraiH kurubhiH pUjyamAnA mahArathAH . 
babhrAjire mahAtmAnaH kurumadhye yathAgnayaH .. 19..\\
tato duryodhanaM muchya bhrAtR^ibhiH sahita.n tadA . 
yudhiShThiraH sapraNayamida.n vachanamabravIt .. 20..\\
mA sma tAta punaH kArShIrIdR^isha.n sAhasa.n kva chit . 
na hi sAhasa kartAraH sukhamedhanti bhArata .. 21..\\
svastimAnsahitaH sarvairbhrAtR^ibhiH kurunandana . 
gR^ihAnvraja yathAkAma.n vaimanasya.n cha mA kR^ithAH .. 22..\\
pANDavenAbhyanuGYAto rAjA duryodhanastadA . 
vidIryamANo vrIDena jagAma ganaraM prati .. 23..\\
tasmingate kauraveye kuntIputro yudhiShThiraH . 
bhrAtR^ibhiH sahito vIraH pUjyamAno dvijAtibhiH .. 24..\\
tapodhanaishcha taiH sarvairvR^itaH shakra ivAmaraiH . 
vane dvaitavane tasminvijahAra mudA yutaH .. 25..\\
\medskip\hrule\medskip\centerline{\Largedvng 236}
 janam

shatrubhirjitabaddhasya pANDavaishcha mahAtmabhiH . 
mokShitasya yudhA pashchAnmAnasthasya durAtmanaH .. 1..\\
katthanasyAvaliptasya garvitasya cha nityashaH . 
sadA cha pauruShAdAryaiH pANDavAnavamanyataH .. 2..\\
duryodhanasya pApasya nityAha~NkAra vAdinaH . 
pravesho hAstinapure duShkaraH pratibhAti me .. 3..\\
tasya lajjAnvitasyaiva shokavyAkula chetasaH . 
pravesha.n vistareNa tvaM vaishampAyana kIrtaya .. 4..\\

 vai

dharmarAja nisR^iShTastu dhArtarAShTraH suyodhanaH . 
lajjayAdhomukhaH sIdannupAsarpatsuduHkhitaH .. 5..\\
svapuraM prayayau rAjA chatura~Nga balAnugaH . 
shokopahatayA buddhyA chintayAnaH parAbhavam .. 6..\\
vichumya pathi yAnAni deshe suyavasodake . 
saMniviShTaH shubhe ramye bhUmibhAge yathepsitam . 
hastyashvarathapAtAta.n yathAsthAnaM nyaveshayat .. 7..\\
athopaviShTa.n rAjAnaM parya~Nke jvalanaprabhe . 
upapluta.n yathA somaM rAhuNA rAtrisa~NkShaye . 
upagamyAbravItkarNo duryodhanamida.n tadA .. 8..\\
diShTyA jIvasi gAndhAre diShTyA naH sa~NgamaH punaH . 
diShTyA tvayA jitAshchaiva gandharvAH kAmarUpiNaH .. 9..\\
diShTyA samagrAnpashyAmi bhrAtR^I.nste kurunandana . 
vijigIShUnraNAnmuktAnnirjitArInmahArathAn .. 10..\\
aha.n tvabhidrutaH sarvairgandharvaiH pashyatastava . 
nAshaknuva.n sthApayitu.n dIryamANAM svavAhinIm .. 11..\\
sharakShatA~Ngashcha bhR^isha.n vyapayAto.abhipIDitaH . 
ida.n tvatyadbhutaM manye yadyuShmAniha bhArata .. 12..\\
ariShTAnakShatAMshchApi sadAra dhanavAhanAn . 
vimuktAnsamprapashyAmi tasmAdyuddhAdamAnuShAt .. 13..\\
naitasya kartA loke.asminpumAnvidyeta bhArata . 
yatkR^ita.n te mahArAja saha bhrAtR^ibhirAhave .. 14..\\
evamuktastu karNena rAjA duryodhanastadA . 
uvAchAvAkshirA rAjanbAShpagadgadayA girA .. 15..\\
\medskip\hrule\medskip\centerline{\Largedvng 237}
 dur

ajAnataste rAdheya nAbhyasUyAmyaha.n vachaH . 
jAnAsi tva.n jitA~nshatrUngandharvA.nstejasA mayA .. 1..\\
AyodhitAstu gandharvAH suchira.n sodarairmamam . 
mayA saha mahAbAho kR^itashchobhayataH kShayaH .. 2..\\
mAyAdhikAstvayudhyanta yadA shUrA viyadgatAH . 
tadA no nasama.n yuddhamabhavatsaha khecharaiH .. 3..\\
parAjaya.n cha prAptAH sma raNe bandhanameva cha . 
sabhR^ityAmAtya putrAshcha sadAra dhanavAhanAH . 
uchchairAkAshamArgeNa hriyAmastaiH suduHkhitAH .. 4..\\
atha naH sainikAH ke chidamAtyAshcha mahArathAn . 
upagamyAbruvandInAH pANDavA~nsharaNapradAn .. 5..\\
eSha duryodhano rAjA dhArtarAShTraH sahAnujaH . 
sAmAtyadAro hriyate gandharvairdivamAsthitaiH .. 6..\\
taM mokShayata bhadra.n vaH saha dAraM narAdhipam . 
parAmarsho mA bhaviShyatkuru dAreShu sarvashaH .. 7..\\
evamukte tu dharmAtmA jyeShThaH pANDusutastadA . 
prasAdya sodarAnsarvAnAGYApayata mokShaNe .. 8..\\
athAgamya tamuddeshaM pANDavAH puruSharShabhAH . 
sAntvapUrvamayAchanta shaktAH santo mahArathAH .. 9..\\
yadA chAsmAnna mumuchurgandharvAH sAntvitA api . 
tato.arjunashcha bhImashcha yamajau cha balotkaTau . 
mumuchuH sharavarShANi gandharvAnpratyanekashaH .. 10..\\
atha sarve raNaM muktvA prayAtAH khacharA divam . 
asmAnevAbhikarShanto dInAnmuditamAnasAH .. 11..\\
tataH samantAtpashyAmi sharajAlena veShTitam . 
amAnuShANi chAstrANi prayu~njAna.n dhana~njayam .. 12..\\
samAvR^itA disho deShTvA pANDavena shitaiH sharaiH . 
dhana~njaya sakhAtmAna.n darshayAmAsa vai tadA .. 13..\\
chitrasenaH pANDavena samAshliShya parantapaH . 
kushalaM paripaprachchha taiH pR^iShTashchApyanAmayam .. 14..\\
te sametya tathAnyonya.n saMnAhAnvipramuchya cha . 
ekIbhUtAstato vIrA gandharvAH saha pANDavaiH . 
apUjayetAmanyonya.n chitrasena dhana~njayau .. 15..\\
\medskip\hrule\medskip\centerline{\Largedvng 238}
 dur

chitrasena.n samAgamya prahasannarjunastadA . 
ida.n vachanamaklIbamabravItparavIrahA .. 1..\\
bhrAtR^Inarhasi no vIra moktu.n gandharvasattama . 
anarhA dharShaNa.n hIme jIvamAneShu pANDuShu .. 2..\\
evamuktastu gandharvaH pANDavena mahAtmanA . 
uvAcha yatkarNa vayaM mantrayanto vinirgatAH . 
draShTAraH sma sukhAddhInAnsadArAnpANDavAniti .. 3..\\
tasminnuchchAryamANe tu gandharveNa vachasyatha . 
bhUmervivaramanvaichchhaM praveShTu.n vrIDayAnvitaH .. 4..\\
yudhiShThiramathAgamya gandharvAH saha pANDavaiH . 
asmaddurmantrita.n tasmai baddhAMshchAsmAnnyavedayan .. 5..\\
strIsamakShamaha.n dIno baddhaH shatruvashaM gataH . 
yudhiShThirasyopahR^itaH kiM nu duHkhamataH param .. 6..\\
ye me nirAkR^itA nitya.n ripuryeShAmahaM sadA . 
tairmokShito.aha.n durbuddhirdattaM tairjIvitaM cha me .. 7..\\
prAptaH syA.n yadyahaM vIravadha.n tasminmahAraNe . 
shreyastadbhavitA mahyamevaM bhUtaM na jIvitam .. 8..\\
bhavedyasho pR^ithivyAM me khyAta.n gandharvato vadhAt . 
prAptAshcha lokAH puNyAH syurmahendra sadane.akShayAH .. 9..\\
yattvadya me vyavasita.n tachchhR^iNudhvaM nararShabhAH . 
iha prAyamupAsiShye yUya.n vrajata vai gR^ihAn . 
bhrAtarashchaiva me sarve prayAntvadya puraM prati .. 10..\\
karNaprabhR^itayashchaiva suhR^ido bAndhavAsh cha ye . 
duHshAsanaM purakkR^itya prayAntvadya puraM prati .. 11..\\
na hyahaM pratiyAsyAmi pura.n shatrunirAkR^itaH . 
shatrumAnApaho bhUtvA suhR^idAM mAnakR^ittathA .. 12..\\
sa suhR^ichchhokado bhUtvA shatrUNA.n harShavardhanaH . 
vAraNAhvayamAsAdya ki.n vakShyAmi janAdhipam .. 13..\\
bhIShmo droNaH kR^ipo drauNirviduraH sa~njayastathA . 
bAhlIkaH somadattashcha ye chAnye vR^iddhasaMmatAH .. 14..\\
brAhmaNAH shreNi mukhyAshcha tathodAsIna vR^ittayaH . 
kiM mA.n vakShyanti ki.n chApi prativakShyAmi tAnaham .. 15..\\
ripUNA.n shirasi sthitvA tathA vikramya chorasi . 
AtmadoShAtparibhraShTaH katha.n vakShyAmi tAnaham .. 16..\\
durvinItAH shriyaM prApya vidyAmaishvaryameva cha . 
tiShThanti nachiraM bhadre yathAhaM madagarvitaH .. 17..\\
aho bata yathedaM me kaShTa.n dushcharitaM kR^itam . 
svaya.n durbuddhinA mohAdyena prApto.asmi saMshayam .. 18..\\
tasmAtprAyamupAsiShye na hi shakShyAmi jIvitum . 
chetayAno hi ko jIvetkR^ichchhrAchchhatrubhiruddhR^itaH .. 19..\\
shatrubhishchAvahasito mAnI pauruShavarjitaH . 
pANDavairvikramADhyaishcha sAvamAnamavekShitaH .. 20..\\

 vai

eva.n chintAparigato duHshAsanamathAbravIt . 
duHshAsana nibodheda.n vachanaM mama bhArata .. 21..\\
pratIchchha tvaM mayA dattamabhiShekaM nR^ipo bhava . 
prashAdhi pR^ithivI.n sphItA.n karNa saubala pAlitAm .. 22..\\
bhrAtR^InpAlaya visrabdhaM maruto vR^itrahA yathA . 
bAndhavAstvopajIvantu devA iva shatakratum .. 23..\\
brAhmaNeShu sadA vR^itti.n kurvIthAshchApramAdataH . 
bandhUnA.n suhR^idA.n chaiva bhavethAstvaM gatiH sadA .. 24..\\
GYAtIMshchApyanupashyethA viShNurdevagaNAniva . 
guravaH pAlanIyAste gachchha pAlaya medinIm .. 25..\\
nandayansuhR^idaH sarvA~nshAtravAMshchAvabhartsayan . 
kaNThe chainaM pariShvajya gamyatAmityuvAcha ha .. 26..\\
tasya tadvachana.n shrutvA dIno duHshAsano.abravIt . 
ashrukaNThaH suduHkhArtaH prA~njaliH praNipatya cha . 
sagadgadamida.n vAkyaM bhrAtara.n jyeShThamAtmanaH .. 27..\\
prasIdetyapatadbhUmau dUyamAnena chetasA . 
duHkhitaH pAdayostasya netraja.n jalamutsR^ijan .. 28..\\
uktavAMshcha naravyAghro naitadevaM bhaviShyati . 
virIyetsanagA bhUmirdyaushchApi shakalIbhavet . 
ravirAtmaprabhA.n jahyAtsomaH shItAMshutAM tyajet .. 29..\\
vAyuH shaighryamatho jahyAddhimavAMsh cha parivrajet . 
shuShyettoya.n samudreShu vahnirapyuShNatA.n tyajet .. 30..\\
na chAha.n tvadR^ite rAjanprashAseya.n vasundharAm . 
punaH punaH prasIdeti vAkya.n chedamuvAcha ha . 
tvameva naH kule rAjA bhaviShyasi shata.n samAH .. 31..\\
evamuktvA sa rAjendra sasvanaM praruroda ha . 
pAdau sa~NgR^ihya mAnArhau bhrAturjyeShThasya bhArata .. 32..\\
tathA tau duHkhitau dR^iShTvA duHshAsana suyodhanau . 
abhigamya vyathAviShTaH karNastau pratyabhAShata .. 33..\\
viShIdathaH ki.n kauravyau bAlishyAtprAkR^itAviva . 
na shokaH shochamAnasya vinivarteta kasya chit .. 34..\\
yadA cha shochataH shoko vyasanaM nApakarShati . 
sAmarthya.n kiM tvataH shoke shochamAnau prapashyathaH . 
dhR^iti.n gR^ihNIta mA shatrU~nshochantau nandayiShyathaH .. 35..\\
kartavya.n hi kR^itaM rAjanpANDavaistava mokShaNam . 
nityameva riya.n kArya.n rAGYo viShayavAsibhiH . 
pAlyamAnAstvayA te hi nivasanti gatajvarAH .. 36..\\
nArhasyeva~Ngate manyu.n kartuM prAkR^itavadyathA . 
viShaNNAstava sodaryAstvayi prAya.n samAsthite . 
uttiShTha vraja bhadra.n te samAshvasaya sodarAn .. 37..\\
rAjannadyAvagachchhAmi taveha laghusattvatAm . 
kimatra chitra.n yadvIra mokShitaH pANDavairasi . 
sadyo vasha.n samApannaH shatrUNAM shatrukarshana .. 38..\\
senA jIvaishcha kauravya tathA viShayavAsibhiH . 
aGYAtairyadi vA GYAtaiH kartavyaM nR^ipateH priyam .. 39..\\
prAyo pradhAnAH puruShAH kShobhayantyarivAhinIm . 
nigR^ihyante cha yuddheShu mokShyante cha svasainikaiH .. 40..\\
senA jIvAshcha ye rAGYA.n viShaye santi mAnavAH . 
taiH sa~Ngamya nR^ipArthAya yatitavya.n yathAtatham .. 41..\\
yadyevaM pANDavai rAjanbhavadviShayavAsibhiH . 
yadR^ichchhayA mokShito.adya tatra kA paridevanA .. 42..\\
na chaitatsAdhu yadrAjanpANDavAstvAM nR^ipottama . 
svasenayA samprayAntaM nAnuyAnti sma pR^iShThataH .. 43..\\
shUrAshcha balavantashcha sa.nyugeShvapalAyinaH . 
bhavataste sabhAyA.n vai preShyatAM pUrvamAgatAH .. 44..\\
pANDaveyAni ratnAni tvamadyApyupabhu~njase . 
sattvasthAnpANDavAnpashya na te prAyamupAvishan . 
uttiShTha rAjanbhadra.n te na chintAM kartumarhasi .. 45..\\
avashyameva nR^ipate rAGYo viShayavAsibhiH . 
priyANyAcharitavyAni tatra kA paridevanA .. 46..\\
madvAkyametadrAjendra yadyevaM na kariShyasi . 
sthAsyAmIha bhavatpAdau shushrUShannarimardana .. 47..\\
notsahe jIvitumaha.n tvadvihIno nararShabha . 
prAyopaviShTastu nR^iparAGYA.n hAsyo bhaviShyasi .. 48..\\

 vai

evamuktastu karNena rAjA duryodhanastadA . 
naivotthAtuM mano chakre svargAya kR^itanishchayaH .. 49..\\
\medskip\hrule\medskip\centerline{\Largedvng 239}
 vai

prAyopaviShTa.n rAjAna.n duryodhanamamarShaNam . 
uvAcha sAntvayanrAja~nshakuniH saubalastadA .. 1..\\
samyagukta.n hi karNena tachchhruta.n kaurava tvayA . 
mayAhR^itA.n shriyaM sphItAM mohAtsamapahAya kim . 
tvamabuddhyA nR^ipa varaprANAnutsraShTumichchhasi .. 2..\\
adya chApyavagachchhAmi na vR^iddhAH sevitAstvayA . 
yaH samutpatita.n harSha.n dainyaM vA na niyachchhati . 
sa nashyati shriyaM prApya pAtramAmamivAmbhasi .. 3..\\
atibhIrumatiklIba.n dIrghasUtraM pramAdinam . 
vyasanAdviShayAkrAntaM na bhajanti nR^ipa.n shriyaH .. 4..\\
satkR^itasya hi te shoko viparIte kathaM bhavet . 
mA kR^ita.n shobhanaM pArthaiH shokamAlambya nAshaya .. 5..\\
yatra harShastvayA kAryaH satkartavyAshcha pANDavAH . 
tatra shochasi rAjendra viparItamida.n tava .. 6..\\
prasIda mA tyajAtmAna.n tuShTashcha sukR^ita.n smara . 
prayachchha rAjyaM pArthAnA.n yashodharmamavApnuhi .. 7..\\
kriyAmetA.n samAGYAya kR^itaghno na bhaviShyasi . 
saubhrAtraM pANDavaiH kR^itvA samavasthApya chaiva tAn . 
pitrya.n rAjyaM prayachchhaiShA.n tataH sukhamavApnuhi .. 8..\\
shakunestu vacho shrutvA duHshAsanamavekShya cha . 
pAdayoH patita.n vIraM viklavaM bhrAtR^isauhR^idAt .. 9..\\
bAhubhyA.n sAdhujAtAbhyA.n duHshAsanamarindamam . 
utthApya sampariShvajya prItyAjighrata mUrdhani .. 10..\\
karNa saubalayoshchApi sa.nsmR^itya vachanAnyasau . 
nirvedaM parama.n gatvA rAjA duryodhanastadA . 
vrIDayAbhiparItAtmA nairAshyamagamatparam .. 11..\\
suhR^idA.n chaiva tachchhrutvA samanyuridamabravIt . 
na dharmadhanasaukhyena naishvaryeNa na chAGYayA . 
naiva bhogaishcha me kAryaM mA vihanyata gachchhata .. 12..\\
nishchiteyaM mama matiH sthitA prAyopaveshane . 
gachchhadhvaM nagara.n sarve pUjyAsh cha guravo mama .. 13..\\
ta evamuktAH pratyUchU rAjAnamarimardanam . 
yA gatistava rAjendra sAsmAkamapi bhArata . 
katha.n vA sampravekShyAmastvadvihInAH puraM vayam .. 14..\\
sasuhR^idbhiramAtyaishcha bhrAtR^ibhiH svajanena cha . 
bahuprakAramapyukto nishchayAnna vyachAlyata .. 15..\\
darbhaprastaramAstIrya nishchayAddhR^itarAShTajaH . 
sa.nspR^ishyApo shuchirbhUtvA bhUtala.n samupAshritaH .. 16..\\
kushachIrAmbara dharaH paraM niyamamAsthitaH . 
vAgyato rAjashArdUlaH sasvargagatikA~NkShayA . 
manasopachiti.n kR^itvA nirasya cha bahiShkriyAH .. 17..\\
atha taM nishchaya.n tasya buddhvA daiteya dAnavAH . 
pAtAlavAsino raudrAH pUrva.n devairvinirjitAH .. 18..\\
te svapakSha kShaya.n taM tu GYAtvA duryodhanasya vai . 
AhvAnAya tadA chakruH karma vaitAna sambhavam .. 19..\\
bR^ihaspatyushanoktaishcha mantrairmantravishAradAH . 
atharvaveda proktaishcha yAshchopaniShadi kriyAH . 
mantrajapya samAyuktAstAstadA samavartayan .. 20..\\
juhvatyagnau haviH kShIraM mantravatsusamAhitAH . 
brAhmaNA vedavedA~NgapAragAH sudR^iDha vratAH .. 21..\\
karmasiddhau tadA tatra jR^imbhamANA mahAdbhutA . 
kR^ityA samutthitA rAjanki.n karomIti chAbravIt .. 22..\\
AhurdaityAshchatA.n tatra suprItenAntarAtmanA . 
prAyopaviShTa.n rAjAna.n dhArtarAShTramihAnaya .. 23..\\
tatheti cha pratishrutya sA kR^ityA prayayau tadA . 
nimeShAdagamachchApi yatra rAjA suyodhanaH .. 24..\\
samAdAya cha rAjAnaM pravivesha rasAtalam . 
dAnavAnAM muhUrtAchcha tamAnItaM nyavedayat .. 25..\\
tamAnItaM nR^ipa.n dR^iShTvA rAtrau sa.nhatya dAnavAH . 
prahR^iShTamanasaH sarve ki.n chidutphullalochanAH . 
sAbhimAnamida.n vAkya.n duryodhanamathAbruvan .. 26..\\
\medskip\hrule\medskip\centerline{\Largedvng 240}
 daanavaah

bhoH suyodhana rAjendra bharatAnA.n kulodvaha . 
shUraiH parivR^ito nitya.n tathaiva cha mahAtmabhiH .. 1..\\
akArShIH sAhasamida.n kasmAtprAyopaveshanam . 
AtmatyAgI hyavAgyAti vAchyatA.n chAyashaskarIm .. 2..\\
na hi kAryaviruddheShu bahvapAyeShu karmasu . 
mUlaghAtiShu sajjante buddhimanto bhavadvidhAH .. 3..\\
niyachchhaitAM mati.n rAjandharmArthasukhanAshinIm . 
yashaH pratApa dhairyaghnI.n shatrUNAM harShavardhanIm .. 4..\\
shrUyatA.n cha prabho tattvaM divyatAM chAtmano nR^ipa . 
nirmANa.n cha sharIrasya tato dhairyamavApnuhi .. 5..\\
purA tva.n tapasAsmAbhirlabdho devAnmaheshvarAt . 
pUrvakAyashcha sarvaste nirmito vajrasa~ncayaiH .. 6..\\
astairabhedyaH shastaishchApyadhaH kAyash cha te.anagha . 
kR^itaH puShpamayo devyA rUpataH strImanoharaH .. 7..\\
evamIshvara sa.nyuktastava deho nR^ipottama . 
devyA cha rAjashArdUla divyastva.n hi na mAnuShaH .. 8..\\
kShatriyAshcha mahAvIryA bhagadattapurogamAH . 
divyAstraviduShaH shUrAH kShapayiShyanti te ripUn .. 9..\\
tadala.n te viShAdena bhayaM tava na vidyate . 
sAhyArtha.n cha hi te vIrAH sambhUtA bhuvi dAnavAH .. 10..\\
bhIShmadroNakR^ipAdIMshcha pravekShyantyapare.asurAH . 
yairAviShTA ghR^iNA.n tyaktvA yotsyante tava vairibhiH .. 11..\\
naiva putrAnna cha bhrAtR^Inna pitR^Inna cha bAndhavAn . 
naiva shiShyAnna cha GYAtInna bAlAnsthavirAnna cha .. 12..\\
yudhi samprahariShyanto mokShyanti kurusattama . 
niHsnehA dAnavAviShTAH samAkrAntAntarAtmani .. 13..\\
prahariShyanti bandhubhyaH snehamutsR^ijya dUrataH . 
hR^iShTAH puruShashArdUlAH kaluShIkR^itamAnasAH . 
aviGYAna vimUDhAshcha daivAchcha vidhinirmitAt .. 14..\\
vyAbhAShamANAshchAnyonyaM na me jIvanvimokShyase . 
sarvashastrAstramokSheNa pauruShe samavasthitAH . 
shlAghamAnAH kurushreShTha kariShyanti janakShayam .. 15..\\
te.api shaktyA mahAtmAnaH pratiyotsyanti pANDavAH . 
vadha.n chaiShAM kariShyanti daivayuktA mahAbalAH .. 16..\\
daitya rakShogaNAshchApi sambhUtAH kShatrayoniShu . 
yotsyanti yudhi vikramya shatrubhistava pArthiva . 
gadAbhirmusalaiH khaDgaiH shastrairuchchAvachaistathA .. 17..\\
yachcha te.antargata.n vIra bhayamarjuna sambhavam . 
tatrApi vihito.asmAbhirvadhopAyo.arjunasya vai .. 18..\\
hatasya narakasyAtmA karNa mUrtimupAshritaH . 
tadvaira.n sa.nsmaranvIra yotsyate keshavArjunau .. 19..\\
sa te vikramashauNDIro raNe pArtha.n vijeShyati . 
karNaH praharatA.n shreShThaH sarvAMshchArInmahArathaH .. 20..\\
GYAtvaitachchhadmanA vajrI rakShArtha.n savyasAchinaH . 
kuNDale kavacha.n chaiva karNasyApahariShyati .. 21..\\
tasmAdasmAbhirapyatra daityAH shatasahasrashaH . 
niyuktA rAkShasashchaiva ye te saMshaptakA iti . 
prakhyAtAste.arjuna.n vIraM nihaniShyanti mA shuchaH .. 22..\\
asapatnA tvayA hIyaM bhoktavyA vasudhA nR^ipa . 
mA viShAdaM nayasvAsmAnnaitattvayyupapadyate . 
vinaShTe tvayi chAsmAkaM pakSho hIyeta kaurava .. 23..\\
gachchha vIra na te buddhiranyA kAryA katha~ncanan . 
tvamasmAka.n gatirnityaM devatAnAM cha pANDavAH .. 24..\\

 vai

evamuktvA pariShvajya daityAsta.n rAjaju~njaram . 
samAshvAsya cha durdharShaM putravaddAnavarShabhAH .. 25..\\
sthirA.n kR^itvA buddhimasya priyANyuktvA cha bhArata . 
gamyatAmityanuGYAya jayamApnuhi chetyatha .. 26..\\
tairvisR^iShTaM mahAbAhu.n kR^ityA saivAnayatpunaH . 
tameva desha.n yatrAsau tadA prAyamupAvishat .. 27..\\
pratinikShipya ta.n vIra.n kR^ityA samabhipUjya cha . 
anuGYAtA cha rAGYA sA tatraivAntaradhIyata .. 28..\\
gatAyAmatha tasyA.n tu rAjA duryodhanastadA . 
svapnabhUtamida.n sarvamachintayata bhArata . 
vijeShyamai raNe pANDUniti tasyAbhavanmatiH .. 29..\\
karNa.n saMshaptakAMshchaiva pArthasyAmitra ghAtinaH . 
amanyata vadhe yuktAnsamarthAMshcha suyodhanaH .. 30..\\
evamAshA dR^iDhA tasya dhArtarAShTrasya durmateH . 
vinirjaye pANDavAnAmabhavadbharatarShabha .. 31..\\
karNo.apyAviShTa chittAtmA narakasyAntarAtmanA . 
arjunasya vadhe krUrAmakarotsa mati.n tadA .. 32..\\
saMshaptakAshcha te vIrA rAkShasAviShTa chetasaH . 
rajastamobhyAmAkrAntAH phalgunasya vadhaiShiNaH .. 33..\\
bhIShmadroNakR^ipAdyAshcha dAnavAkrAnta chetasaH . 
na tathA pANDuputrANA.n snehavanto vishAM pate . 
na chAchachakShe kasmai chidetadrAjA suyodhanaH .. 34..\\
duryodhanaM nishAnte cha karNo vaikartano.abravIt . 
smayannivA~njali.n kR^itvA pArthiva.n hetumadvachaH .. 35..\\
na mR^ito jayate shatrU~njIvanbhadrANi pashyati . 
mR^itasya bhadrANi kutaH kauraveya kuto jayaH . 
na kAlo.adya viShAdasya bhayasya maraNasya vA .. 36..\\
pariShvajyAbravIchchainaM bhujAbhyA.n sa mahAbhujaH . 
uttiShTha rAjanki.n sheShe kasmAchchhochasi shatruhan . 
shatrUnpratApya vIryeNa sa kathaM martumichchhasi .. 37..\\
atha vA te bhaya.n jAtaM dR^iShTvArjuna parAkramam . 
satya.n te pratijAnAmi vadhiShyAmi raNe.arjunam .. 38..\\
gate trayodashe varShe satyenAyudhamAlabhe . 
AnayiShyAmyahaM pArthAnvasha.n tava janAdhipa .. 39..\\
evamuktastu karNena daityAnA.n vachanAttathA . 
praNipAtena chAnyeShAmudatiShThatsuyodhanaH . 
daityAnA.n tadvacho shrutvA hR^idi kR^itvA sthirAM matim .. 40..\\
tato manujashArdUlo yojayAmAsa vAhinIm . 
rathanAgAshvakalilAM padAtijanasa~NkulAm .. 41..\\
ga~NgaughapratimA rAjanprayAtA sA mahAchamUH . 
shvetachhatraiH patAkAbhishchAmaraishcha supANDuraiH .. 42..\\
rathairnAgaiH padAtaishcha shushubhe.atIva sa~NkulA . 
vyapetAbhra ghane kAle dyaurivAvyakta shAradI .. 43..\\
jayAshIrbhirdvijendraistu stUyamAno.adhirAjavat . 
gR^ihNanna~njalimAlAshcha dhArtarAShTro janAdhipaH .. 44..\\
suyodhano yayAvagre shriyA paramayA jvalan . 
karNena sArdha.n rAjendra saubalena cha devinA .. 45..\\
duHshAsanAdayashchAsya bhrAtaraH sarva eva te . 
bhUrishravAH somadatto mahArAjashcha bAhlikaH .. 46..\\
rathairnAnAvidhAkArairhayairgajavaraistathA . 
prayAntaM nR^ipa si.nha.n tamanujagmuH kurUdvahAH . 
kAlenAlpena rAja.nste vivishuH svapura.n tadA .. 47..\\
\medskip\hrule\medskip\centerline{\Largedvng 241}
 janam

vasamAneShu pArtheShu vane tasminmahAtmasu . 
dhArtarAShTrA maheShvAsAH kimakurvanta sattama .. 1..\\
karNo vaikartanashchApi shakunishcha mahAbalaH . 
bhIShmadroNakR^ipAshchaiva tanme sha.nsitumarhasi .. 2..\\

 vai

eva~NgateShu pArtheShu visR^iShTe cha suyodhane . 
Agate hAstinapuraM mokShite pANDunandanaiH . 
bhIShmo.abravInmahArAja dhArtarAShTramida.n vachaH .. 3..\\
ukta.n tAta mayA pUrvaM gachchhataste tapovanam . 
gamanaM me na ruchita.n tava tanna kR^itaM cha te .. 4..\\
tataH prApta.n tvayA vIra grahaNa.n shatrubhirbalAt . 
mokShitashchAsi dharmaGYaiH pANDavairna cha lajjase .. 5..\\
pratyakSha.n tava gAndhAre sasainyasya vishAM pate . 
sUtaputro.apayAdbhIto gandharvANA.n tadA raNAt . 
kroshatastava rAjendra sasainyasya nR^ipAtmaja .. 6..\\
dR^iShTaste vikramashchaiva pANDavAnAM mahAtmanAm . 
karNasya cha mahAbAho sUtaputrasya durmateH .. 7..\\
na chApi pAdabhAkkarNaH pANDavAnAM nR^ipottama . 
dhanurvede cha shaurye cha dharme vA dharmavatsala .. 8..\\
tasya te.aha.n kShamaM manye pANDavaistairmahAtmabhiH . 
sandhi.n sandhividAM shreShTha kulasyAsya vivR^iddhaye .. 9..\\
evamuktastu bhIShmeNa dhArtarAShTro janeshvaraH . 
prahasya sahasA rAjanvipratasthe sasaubalaH .. 10..\\
ta.n tu prasthitamAGYAya karNa duHshAsanAdayaH . 
anujagmurmaheShvAsA dhArtarAShTraM mahAbalam .. 11..\\
tA.nstu samprasthitAndR^iShTvA bhIShmaH kurupitAmahaH . 
lajjayA vrIDito rAja~njagAma svaM niveshanam .. 12..\\
gate bhIShme marA rAjadhArtarAShTro janAdhipaH . 
punarAgamya ta.n deshamamantrayata mantribhiH .. 13..\\
kimasmAkaM bhavechchhreyo ki.n kAryamavashiShyate . 
kathaM nu sukR^ita.n cha syAnmantrayAmAsa bhArata .. 14..\\

 kana

duryodhana nibodheda.n yattvA vakShyAmi kaurava . 
shrutvA cha tattathA sarva.n kartumarhasyarindama .. 15..\\
tavAdya pR^ithivI vIra niHsapatnA nR^ipottama . 
tAM pAlaya yathA shakro hatashatrurmahAmanAH .. 16..\\

 vai

evamuktastu karNena karNa.n rAjAbravItpunaH . 
na ki.n chiddurlabhaM tasya yasya tvaM puruSharShabha .. 17..\\
sahAyashchAnuraktashcha madartha.n cha samudyataH . 
abhiprAyastu me kashchitta.n vai shR^iNu yathAtatham .. 18..\\
rAjasUyaM pANDavasya dR^iShTvA kratuvara.n tadA . 
mama spR^ihA samutpannA tA.n sampAdaya sUjata .. 19..\\
evamuktastataH karNo rAjAnamidamabravIt . 
tavAdya pR^ithivIpAlA vashyAH sarve nR^ipottama .. 20..\\
AhUyantA.n dvija varAH sambhArAshcha yathAvidhi . 
sambhriyantA.n kurushreShTha yaGYopakaraNAni cha .. 21..\\
R^itvijashcha samAhUtA yathokta.n vedapAragAH . 
kriyA.n kurvantu te rAjanyathAshAstramarindama .. 22..\\
bahvannapAnasa.nyuktaH susamR^iddhagunAnvitaH . 
pravartatAM mahAyaGYastavApi bharatarShabha .. 23..\\
evamuktastu karNena dhArtarAShTo vishAM pate . 
purohita.n samAnAyya idaM vachanamabravIt .. 24..\\
rAjasUya.n kratushreShTha.n samAptavaradakShiNam . 
Ahara tvaM mama kR^ite yathAnyAya.n yathAkramam .. 25..\\
sa evamukto nR^ipatimuvAcha dvijapu~NgavaH . 
na sa shakyaH kratushreShTho jIvamAne yudhiShThire . 
Ahartu.n kauravashreShTha kule tava nR^ipottama .. 26..\\
dIrghAyurjIvati cha vai dhR^itarAShTraH pitA tava . 
atashchApi viruddhaste kratureSha nR^ipottama .. 27..\\
asti tvanyanmahatsatra.n rAjasUya samaM prabho . 
tena tva.n yaja rAjendra shR^iNu chedaM vacho mama .. 28..\\
ya ime pR^ithivIpAlAH karadAstava pArthiva . 
te karAnsamprayachchhantu suvarNa.n cha kR^itAkR^itam .. 29..\\
tena te kriyatAmadya lA~NgalaM nR^ipasattama . 
yaGYavATasya te bhUmiH kR^iShyatA.n tena bhArata .. 30..\\
tatra yaGYo nR^ipashreShTha prabhUtAnnaH susa.nskR^itaH . 
pravartatA.n yathAnyAyaM sarvato hyanivAritaH .. 31..\\
eSha te vaiShNavo nAmayaGYaH satpuruShochitaH . 
etena neShTavAnkashchidR^ite viShNuM purAtanam .. 32..\\
rAjasUya.n kratushreShTha.n spardhatyeSha mahAkratuH . 
asmAka.n rochate chaiva shreyo cha tava bhArata . 
avighna cha bhavedeSha saphalA syAtspR^ihA tava .. 33..\\
evamuktastu tairviprairdhArtarAShTro mahIpatiH . 
karNa.n cha saubalaM chaiva bhrAtR^IMshchaivedamabravIt .. 34..\\
rochate me vacho kR^itsnaM brAhmaNAnAM na saMshayaH . 
rochate yadi yuShmAka.n tanmA prabrUta mAchiram .. 35..\\
evamuktAstu te sarve tathetyUchurnarAdhipam . 
sandidesha tato rAjA vyApAra sthAnyathAkramam .. 36..\\
halasya karaNe chApi vyAdiShTAH sarvashilpinaH . 
yathokta.n cha nR^ipashreShTha kR^ita.n sarvaM yathAkramam .. 37..\\
\medskip\hrule\medskip\centerline{\Largedvng 242}
 vai

tatastu shilpinaH sarve amAtyapravarAsh cha ha . 
vidurashcha mahAprAGYo dhArtarAShTre nyavedayat .. 1..\\
sajja.n kratuvara.n rAjankAlaprAptaM cha bhArata . 
sauvarNa.n cha kR^itaM divya.n lA~NgalaM sumahAdhanam .. 2..\\
etachchhrutvA nR^ipashreShTho dhArtarAShTro vishAM pate . 
AGYApayAmAsa nR^ipaH kraturAjapravartanam .. 3..\\
tataH pravavR^ite yaGYaH prabhUtAnnaH susa.nskR^itaH . 
dIkShitashchApi gAndhAriryathA shAsta.n yathAkramam .. 4..\\
prahR^iShTo dhR^itarAShTro.abhUdvidurashcha mahAyashAH . 
bhIShmo droNaH kR^ipaH karNo gAndhArI cha yashasvinI .. 5..\\
nimantraNArtha.n dUtAMshcha preShayAmAsa shIghragAn . 
pArthivAnA.n cha rAjendra brAhmaNAnAM tathaiva cha . 
te prayAtA yathoddiShTa.n dUtAstvaritavAhanAH .. 6..\\
tatra ka.n chitprayAtaM tu dUtaM duHshAsano.abravIt . 
gachchha dvaitavana.n shIghraM pANDavAnpApapUruShAn . 
nimantraya yathAnyAya.n viprA.nstasminmahAvane .. 7..\\
sa gatvA pANDavAvAsamuvAchAbhipraNamya tAn . 
duryodhano mahArAja yajate nR^ipasattamaH .. 8..\\
svavIryArjitamarthaughamavApya kurunandanaH . 
tatra gachchhanti rAjAno brAhmaNAshcha tatastataH .. 9..\\
aha.n tu preShito rAjankauraveNa mahAtmanA . 
Amantrayati vo rAjA dhArtarAShTro janeshvaraH . 
mano.abhilaShita.n rAGYasta.n kratuM draShTumarhatha .. 10..\\
tato yudhiShThiro rAjA tachchhrutvA dUta bhAShitam . 
abravInnR^ipashArdUlo diShTyA rAjA suyodhanaH . 
yajate kratumukhyena pUrveShA.n kIrtivardhanaH .. 11..\\
vayamapyupayAsyAmo na tvidAnI.n kathaM chana . 
samayaH paripAlyo no yAvadvarSha.n trayodasham .. 12..\\
shrutvaitaddharmarAjasya bhImo vachanamabravIt . 
tadA tu nR^ipatirgantA dhama rAjo yudhiShThiraH .. 13..\\
astrashastrapradIpte.agnau yadA taM pAtayiShyati . 
varShAttrayodashAdUrdhva.n raNasatre narAdhipaH .. 14..\\
yadA krodhahavirmoktA dhArtarAShTreShu pANDavaH . 
AgantArastadA smeti vAchyaste sa suyodhanaH .. 15..\\
sheShAstu pANDavA rAjannaivochuH ki.n chidapriyam . 
dUtashchApi yathAvR^itta.n dhArtarAShTre nyavedayat .. 16..\\
athAjagmurnarashreShThA nAnAjanapadeshvarAH . 
brAhmaNAshcha mahAbhAgA dhArtarAShTra puraM prati .. 17..\\
te tvarchitA yathAshAstra.n yathA varNaM yathAkramam . 
mudA paramayA yuktAH prItyA chApi nareshvara .. 18..\\
dhR^itarAShTro.api rAjendra sa.nvR^itaH sarvakauravaiH . 
harSheNa mahatA yukto viduraM pratyabhAShata .. 19..\\
yathAsukhI janaH sarvaH kShattaH syAdannasa.nyutaH . 
tuShyechcha yaGYasadane tathA kShipra.n vidhIyatAm .. 20..\\
vidurastvevamAGYaptaH sarvavarNAnarindama . 
yathA pramANato vidvAnpUjayAmAsa dharmavit .. 21..\\
bhakShyabhojyAnna pAnena mAlyaishchApi sugandhibhiH . 
vAsobhirvividhaishchaiva yojayAmAsa hR^iShTavat .. 22..\\
kR^itvA hyavabhR^itha.n vIro yathAshAstraM yathAkramam . 
sAntvayitvA cha rAjendro dattvA cha vividha.n vasu . 
visarjayAmAsa nR^ipAnbrAhmaNAMshcha sahasrashaH .. 23..\\
visarjayitvA sa nR^ipAnbhrAtR^ibhiH parivAritaH . 
vivesha hAstinapura.n sahitaH karNa saubalaiH .. 24..\\
\medskip\hrule\medskip\centerline{\Largedvng 243}
 vai

pravishantaM mahArAja sUtAstuShTuvurachyutam . 
janAshchApi maheShvAsa.n tuShTuvU rAjasattamam .. 1..\\
lAjaishchandanachUrNaishchApyavakIrya janAstadA . 
UchurdiShTyA nR^ipAvighnAtsamApto.aya.n kratustava .. 2..\\
apare tvabruva.nstatra vAtikAstaM mahIpatim . 
yudhiShThirasya yaGYena na samo hyeSha tu kratuH . 
naiva tasya kratoreSha kalAmarhati ShoDashIm .. 3..\\
eva.n tatrAbruvanke chidvAtikAstaM nareshvaram . 
suhR^idastvabruva.nstatra ati sarvAnaya.n kratuH .. 4..\\
yayAtirnahuShashchApi mAndhAtA bharatastathA . 
kratumena.n samAhR^itya pUtAH sarve diva.n gatAH .. 5..\\
etA vAchaH shubhAH shR^iNvansuhR^idAM bharatarShabha . 
pravivesha pura.n hR^iShTaH svaveshma cha narAdhipaH .. 6..\\
abhivAdya tataH pAdau mAtApitrorvishAM pate . 
bhIShmadroNapR^ipANA.n cha vidurasya cha dhImataH .. 7..\\
abhivAditaH kanIyobhirbhrAtR^ibhirbhrAtR^ivatsalaH . 
niShasAdAsane mukhye bhrAtR^ibhiH parivAritaH .. 8..\\
tamutthAya mahArAja sUtaputro.abravIdvachaH . 
diShTyA te bharatashreShTha samApto.ayaM mahAkratuH .. 9..\\
hateShu yudhi pArtheShu rAjasUye tathA tvayA . 
AhR^ite.ahaM narashreShTha tvA.n sabhAjayitA punaH .. 10..\\
tamabravInmahArAjo dhArtarAShTro mahAyashaH . 
satyametattvayA vIra pANDaveShu durAtmasu .. 11..\\
nihateShu narashreShTha prApte chApi mahAkratau . 
rAjasUye punarvIra tvaM mA.n sa.nvardhayiShyasi .. 12..\\
evamuktvA mahAprAGYaH karNamAshliShya bhArata . 
rAjasUya.n kratushreShThaM chintayAmAsa kauravaH .. 13..\\
so.abravItsuhR^idashchApi pArshvasthAnnR^ipasattamaH . 
kadA tu ta.n kratuvara.n rAjasUyaM mahAdhanam . 
nihatya pANDavAnsarvAnAhariShyAmi kauravAH .. 14..\\
tamabravIttadA karNaH shR^iNu me rAjaku~njara . 
pAdau na dhAvaye tAvadyAvanna nihato.arjunaH .. 15..\\
athotkruShTaM maheShvAsairdhArtarAShTrairmahArathaiH . 
pratiGYAte phalgunasya vadhe karNena sa.nyuge . 
vijitAMshchApyamanyanta pANDavAndhR^itarAShTrajAH .. 16..\\
duryodhano.api rAjendra visR^ijya narapu~NgavAn . 
pravivesha gR^iha.n shrImAnyathA chaitrarathaM prabhuH . 
te.api sarve maheShvAsA jagmurveshmAni bhArata .. 17..\\
pANDavAshcha maheShvAsA dUtavAkyaprachoditAH . 
chintayantastamevAthaM nAlabhanta sukha.n kva chit .. 18..\\
bhUyo cha chArai rAjendra pravR^ittirupapAditA . 
pratiGYA sUtaputrasya vijayasya vadhaM prati .. 19..\\
etachchhrutvA dharmasutaH samudvigno narAdhipa . 
abhedyakavachaM matvA karNamadbhutavikramam . 
anusmaraMshcha sa~NkleshAnna shAntimupayAti saH .. 20..\\
tasya chintAparItasya buddhijaGYe mahAtmanaH . 
bahu vyAlamR^igAkIrNa.n tyaktuM dvaitavana.n vanam .. 21..\\
dhArtarAShTro.api nR^ipatiH prashashAsa vasundharAm . 
bhrAtR^ibhiH sahito vIrairbhIShmadroNakR^ipaistathA .. 22..\\
sa~Ngamya sUtaputreNa karNenAhava shobhinA . 
duryodhanaH priye nitya.n vartamAno mahIpatiH . 
pUjayAmAsa viprendrAnkratubhirbhUridakShiNaiH .. 23..\\
bhrAtR^INA.n cha priya.n rAjansa chakAra parantapaH . 
nishchitya manasA vIro dattabhukta phala.n dhanam .. 24..\\
\medskip\hrule\medskip\centerline{\Largedvng 244}
 janam

duryodhanaM mochayitvA pANDuputrA mahAbalAH . 
kimakArShurvane tasmi.nstanmamAkhyAtumarhasi .. 1..\\

 vai

tataH shayAna.n kaunteya.n rAtrau dvaitavane mR^igAH . 
svapnAnte darshayAmAsurbAShpakaNThA yudhiShThiram .. 2..\\
tAnabravItsa rAjendro vepamAnAnkR^itA~njalIn . 
brUta yadvaktukAmAH stha ke bhavantaH kimiShyate .. 3..\\
evamuktAH pANDavena kaunteyena yashasvinA . 
pratyabruvanmR^igAstatra hatasheShA yudhiShThiram .. 4..\\
vayaM mR^igA dvaitavane hatashiShTAH sma bhArata . 
notsIdema mahArAja kriyatA.n vAsaparyayaH .. 5..\\
bhavanto bhrAtaraH shUrAH sarva evAstra kovidAH . 
kulAnyalpAvashiShTAni kR^itavanto vanaukasAm .. 6..\\
bIjabhUtA vaya.n ke chidavashiShTA mahAmate . 
vivardhemahi rAjendra prasAdAtte yudhiShThira .. 7..\\
tAnvepamAnAnvitrastAnbIjamAtrAvasheShitAn . 
mR^igAndR^iShTvA suduHkhArto dharmarAjo yudhiShThiraH .. 8..\\
tA.nstathetyabravIdrAjA sarvabhUtahite rataH . 
tathyaM bhavanto bruvate kariShyAmi cha tattathA .. 9..\\
ityevaM pratibuddhaH sa rAtryante rAjasattamaH . 
abravItsahitAnbhrAtR^IndayApanno mR^igAnprati .. 10..\\
ukto rAtrau mR^igairasmi svapnAnte hatasheShitaiH . 
tanu bhUtAH sma bhadra.n te dayA naH kriyatAm iti .. 11..\\
te satyamAhuH kartavyA dayAsmAbhirvanaukasAm . 
sAShTa mAsa.n hi no varShaM yadenAnupayu~njmahe .. 12..\\
punarbahumR^iga.n ramya.n kAmyakaM kAnanottamam . 
maru bhUmeH shiro khyAta.n tR^iNabindu saro prati . 
tatremA vasatIH shiShTA viharanto ramemahi .. 13..\\
tataste pANDavAH shIghraM prayayurdharmakovidAH . 
brAhmaNaiH sahitA rAjanye cha tatra sahoShitAH . 
indrasenAdibhishchaiva preShyairanugatAstadA .. 14..\\
te yAtvAnusR^itairmArgaiH svannaiH shuchi jalAnvitaiH . 
dadR^ishuH kAmyakaM puNyamAshrama.n tApasAyutam .. 15..\\
vivishuste sma kauravyA vR^itA viprarShabhairtadA . 
tadvanaM bharatashreShThAH svarga.n sukR^itino yathA .. 16..\\
\medskip\hrule\medskip\centerline{\Largedvng 245}
 vai

vane nivasatA.n teShAM pANDavAnAM mahAtmanAm . 
varShANyekAdashAtIyuH kR^ichchhreNa bharatarShabha .. 1..\\
phalamUlAshanAste hi sukhArhA duHkhamuttamam . 
prAptakAlamanudhyAntaH sehuruttamapUruShAH .. 2..\\
yudhiShThirastu rAjarShirAtmakarmAparAdhajam . 
chintayansa mahAbAhurbhrAtR^INA.n duHkhamuttamam .. 3..\\
na suShvApa sukha.n rAjA hR^idi shalyairivArpitaiH . 
daurAtmyamanupashya.nstatkAle dyUtodbhavasya hi .. 4..\\
sa.nsmaranparuShA vAchaH sUtaputrasya pANDavaH . 
niHshvAsaparamo dIno bibhratkopaviShaM mahat .. 5..\\
arjuno yamajau chobhau draupadI cha yashasvinI . 
sa cha bhImo mahAtejAH sarveShAmuttamo balI . 
yudhiShThiramudIkShantaH sehurduHkhamanuttamam .. 6..\\
avashiShTamalpakAlaM manvAnAH puruSharShabhAH . 
vapuranyadivAkArShurutsAhAmarsha cheShTitaiH .. 7..\\
kasya chittvatha kAlasya vyAsaH satyavatI sutaH . 
AjagAma mahAyogI pANDavAnavalokakaH .. 8..\\
tamAgatamabhiprekShya kuntIputro yudhiShThiraH . 
pratyudgamya mahAtmAnaM pratyagR^ihNAdyathAvidhi .. 9..\\
tamAsInamupAsInaH shushrUShurniyatendriyaH . 
toShayanpraNipAtena vyAsaM pANDavanandanaH .. 10..\\
tAnavekShya kR^ishAnpautrAnvane vanyena jIvataH . 
maharShiranukampArthamabravIdbAShpagadgadam .. 11..\\
yudhiShThira mahAbAho shR^iNu dharmabhR^itA.n vara . 
nAtapta tapasaH putra prApnuvanti mahatsukham .. 12..\\
sukhaduHkhe hi puruShaH paryAyeNopasevate . 
nAtyantamasukha.n kashchitprApnoti puruSharShabha .. 13..\\
praGYAvA.nstveva puruShaH sa.nyuktaH parayA dhiyA . 
udayAstamayaGYo hi na shochati na hR^iShyati .. 14..\\
sukhamApatita.n sevedduHkhamApatitaM sahet . 
kAlaprAptamupAsIta sasyAnAmiva karShakaH .. 15..\\
tapaso hi paraM nAsti tapasA vindate mahat . 
nAsAdhya.n tapasaH kiM chiditi budhyasva bhArata .. 16..\\
satyamArjavamakrodhaH sa.nvibhAgo damaH shamaH . 
anasUyA vihi.nsA cha shauchamindriyasa.nyamaH . 
sAdhanAni mahArAja narANAM puNyakarmaNAm .. 17..\\
adharmaruchayo mUDhAstiryaggatiparAyaNAH . 
kR^ichchhrA.n yonimanuprApya na sukhaM vindate janAH .. 18..\\
iha yatkriyate karma tatparatropabhujyate . 
tasmAchchharIra.n yu~njIta tapasA niyamena cha .. 19..\\
yathAshakti prayachchhechcha sampUjyAbhipraNamya cha . 
kAle pAtre cha hR^iShTAtmA rAjanvigatamatsaraH .. 20..\\
satyavAdI labhetAyuranAyAsamathArjavI . 
akrodhano.anasUyashcha nirvR^iti.n labhate parAm .. 21..\\
dAntaH shama paraH shashvatparikleshaM na vindati . 
na cha tapyati dAntAtmA dR^iShTvA paragatA.n shriyam .. 22..\\
sa.nvibhaktA cha dAtA cha bhogavAnsukhavAnnaraH . 
bhavatyahi.nsakashchaiva paramArogyamashnute .. 23..\\
mAnyAnmAnayitA janma kule mahati vindati . 
vyasanairna tu sa.nyogaM prApnoti vijitendriyaH .. 24..\\
shubhAnushaya buddhirhi sa.nyuktaH kAladharmaNA . 
prAdurbhavati tadyogAtkalyANa matireva saH .. 25..\\

 y

bhagavandAnadharmANa.n tapaso vA mahAmune . 
ki.n svidbahuguNaM pretya kiM vA duShkaramuchyate .. 26..\\

 vyaasa

dAnAnna duShkarataraM pR^ithivyAmasti ki.n chana . 
arthe hi mahatI tR^iShNA sa cha duHkhena labhyate .. 27..\\
parityajya riyAnprAkAndharmArtha.n hi mahAhavam . 
pravishanti narA vIrAH samudramaTavI.n tathA .. 28..\\
kR^iShigorakShyamityeke pratipadyanti mAnavAH . 
puruShAH preShyatAmeke nirgachchhanti dhanArthinaH .. 29..\\
tasya duHkhArjitasyaivaM parityAgaH suduShkaraH . 
na duShkaratara.n dAnAttasmAddAnaM mataM mama .. 30..\\
visheShastvatra viGYeyo nyAyenopArjita.n dhanam . 
pAtre deshe cha kAle cha sAdhubhyaH pratipAdayet .. 31..\\
anyAya samupAttena dAnadharmo dhanena yaH . 
kriyate na sa kartAra.n trAyate mahato bhayAt .. 32..\\
pAtre dAna.n svalpamapi kAle dattaM yudhiShThira . 
manasA suvishuddhena pretyAnanta phala.n smR^itam .. 33..\\
atApyudAharantImamitihAsaM purAtanam . 
vrIhi droNa parityAgAdyatphalaM prApa mudgalaH .. 34..\\
\medskip\hrule\medskip\centerline{\Largedvng 246}
 y

vrIhidroNaH parityaktaH katha.n tena mahAtmanA . 
kasmai dattashcha bhagavanvidhinA kena chAttha me .. 1..\\
pratyakShadharmA bhagavAnyasya tuShTo hi karmabhiH . 
saphala.n tasya janmAhaM manye saddharmachAriNaH .. 2..\\

 vyaasa

shilo~nchha vR^ittirdharmAtmA mudgalaH saMshitavrataH . 
AsIdrAjankurukShetre satyavAganasUyakaH .. 3..\\
atithivratI kriyAvAMshcha kApotI.n vR^ittimAsthitaH . 
satramiShTI kR^itaM nAma samupAste mahAtapAH .. 4..\\
saputradAro hi muniH pakShAhAro babhUva saH . 
kapota vR^ittyA pakSheNa vrIhi droNamupArjayat .. 5..\\
darsha.n cha paurNamAsaM cha kurvanvigatamatsaraH . 
devatAtithisheSheNa kurute dehayApanam .. 6..\\
tasyendraH sahito devaiH sAkShAttribhuvaNeshvaraH . 
patyagR^ihNAnmahArAja bhAgaM parvaNi parvaNi .. 7..\\
sa parvakAla.n kR^itvA tu munivR^ittyA samanvitaH . 
atithibhyo dadAvannaM prahR^iShTenAntarAtmanA .. 8..\\
vrIhi droNasya tadaho dadato.annaM mahAtmanaH . 
shiShTaM mAtsarya hInasya vardhatyatithidarshanAt .. 9..\\
tachchhatAnyapi bu~njanti brAhmaNAnAM manIShiNAm . 
munestyAgavishuddhyA tu tadanna.n vR^iddhimR^ichchhati .. 10..\\
ta.n tu shushrAva dharmiShThaM mudgala.n saMshitavratam . 
durvAsA nR^ipa digvAsAstamathAbhyAjagAma ha .. 11..\\
bibhrachchAniyata.n veShamunmatta iva pANDava . 
vikachaH paruShA vAcho vyAharanvividhA muniH .. 12..\\
abhigamyAtha ta.n vipramuvAcha munisattamaH . 
annArthinamanuprApta.n viddhi mAM munisattama .. 13..\\
svAgata.n te.astviti muniM mudgalaH pratyabhAShata . 
pAdyamAchamanIya.n cha prativedyAnnamuttamam .. 14..\\
prAdAtsa tapasopAtta.n kShudhitAyAtithi vratI . 
unmattAya parA.n shraddhAmAsthAya sa dhR^itavrataH .. 15..\\
tatastadanna.n rasavatsa eva kShudhayAnvitaH . 
bubhuje kR^itsnamunmattaH prAdAttasmai cha mudgalaH .. 16..\\
buktA chAnna.n tataH sarvamuchchhiShTenAtmanastataH . 
athAnulilipe.a~NgAni jagAma cha yathAgatam .. 17..\\
eva.n dvitIye samprApte parvakAle manIShiNaH . 
Agamya bubbhuje sarvamannamu~nchhopajIvinaH .. 18..\\
nirAhArastu sa muniru~nchhamArjayate punaH . 
na chaina.n vikriyAM netumashakanmudgala.n kShudhA .. 19..\\
na krodho na cha mAtsaryaM nAvamAno na sambhramaH . 
saputradAramu~nchhantamAvishesha dvijottamam .. 20..\\
tathA tamu~nchhadharmANa.n durvAsA munisattamam . 
upatasthe yathAkAla.n ShaTkR^itvaH kR^itanishchayaH .. 21..\\
na chAsya mAnasa.n kiM chidvikAraM dadR^ishe muniH . 
shuddhasattvasya shuddha.n sa dadR^ishe nirmalaM manaH .. 22..\\
tamuvAcha tataH prItaH sa munirmudgala.n tadA . 
tvatsamo nAsti loke.asmindAtA mAtsarya varjitaH .. 23..\\
kShuddharmasa~nj~nAM praNudatyAdatte dhairyameva cha . 
viShayAnusAriNI jihvA karShatyeva rasAnprati .. 24..\\
AhAraprabhavAH prANA mano durnigraha.n chalam . 
manaso chendriyANA.n chApyaikAgryaM nishchitaM tapaH .. 25..\\
shrameNopArjita.n tyaktuM duHkha.n shuddhena chetasA . 
tatsarvaM bhavatA sAdho yathAvadupapAditam .. 26..\\
prItAH smo.anugR^ihItAshcha sametya bhavatA saha . 
indriyAbhijayo dhairya.n sa.nvibhAgo damaH shamaH .. 27..\\
dayA satya.n cha dharmashcha tvayi sarvaM pratiShThitam . 
jitAste karmabhirlokAH prApo.asi paramA.n gatim .. 28..\\
aho dAna.n vighuShTa.n te sumahatsvargavAsibhiH . 
sasharIro bhavAngantA svarga.n sucharitavrata .. 29..\\
ityeva.n vadatastasya tadA durvAsaso muneH . 
devadUto vimAnena mudgalaM pratyupasthitaH .. 30..\\
ha.nsasArasayuktena ki~NkiNIjAlamAlinA . 
kAmagena vichitreNa divyagandhavatA tathA .. 31..\\
uvAcha chaina.n viprarShiM vimAna.n karmabhirjitam . 
samupAroha sa.nsiddhiM prApto.asi paramAM mune .. 32..\\
tameva.n vAdinamR^iShirdevadUtamuvAcha ha . 
ichchhAmi bhavatA proktAnguNAnsvarganivAsinAm .. 33..\\
ke guNAstatra vasatA.n kiM tapo kashcha nishchayaH . 
svarge svargasukha.n kiM cha doSho vA devadUtaka .. 34..\\
satA.n sapta vadaM mitramAhuH santaH kulochitAH . 
mitratA.n cha puraskR^itya pR^ichchhAmi tvAmaha.n vibho .. 35..\\
yadatra tathyaM pathya.n cha tadvravIhyavichArayan . 
shrutvA tathA kariShyAmi vyavasAya.n girA tava .. 36..\\
\medskip\hrule\medskip\centerline{\Largedvng 247}
 devaduuta

maharShe.akAryabuddhistva.n yaH svargasukhamuttamam . 
samprAptaM bahu mantavya.n vimR^ishasyabudho yathA .. 1..\\
upariShTAdasau loko yo.aya.n svariti sa~nj~nitaH . 
UrdhvagaH satpathaH shashvaddeva yAnacharo mune .. 2..\\
nAtapta tapasaH pu.nso nAmahA yaGYayAjinaH . 
nAnR^itA nAstikAsh chaiva tatra gachchhanti mudgala .. 3..\\
dharmAtmAno jitAtmAnaH shAntA dAntA vimatsarAH . 
dAnadharmaratAH pu.nsaH shUrAshchAhatalakShaNAH .. 4..\\
tatra gachchhanti karmAgrya.n kR^itvA shama damAtmakam . 
lokAnpuNyakR^itAM brahmansadbhirAsevitAnnR^ibhiH .. 5..\\
devAH sAdhyAstathA vishve marutashcha maharShibhiH . 
yAmA dhAmAshcha maudgalya gandharvApsarasastathA .. 6..\\
eShA.n deva nikAyAnAM pR^ithakpR^ithaganekashaH . 
bhAsvantaH kAmasampannA lokAstejomayAH shubhAH .. 7..\\
trayastriMshatsahasrANi yojanAnA.n hiraNmayaH . 
meruH parvatarADyatra devodyAnAni mudgala .. 8..\\
nandanAdIni puNyAni vihArAH puNyakarmaNAm . 
na kShutpipAse na glAnirna shItoShNabhaya.n tathA .. 9..\\
bIbhatsamashubha.n vApi rogA vA tatra ke chana . 
mano GYAH sarvato gandhAH sukhasparshAshcha sarvashaH .. 10..\\
shabdAH shrutimanogrAhyAH sarvatastatra vai mune . 
na shoko na jarA tatra nAyAsa paridevane .. 11..\\
IdR^ishaH sa mune lokaH svakarmaphalahetukaH . 
sukR^itaistatra puruShAH sambhavantyAtmakarmabhiH .. 12..\\
taijasAni sharIrANi bhavantyatropapadyatAm . 
karmajAnyeva maudgalya na mAtR^ipitR^ijAnyuta .. 13..\\
na cha svedo na daurgandhyaM purIShaM mUtrameva cha . 
teShAM na cha rajo vastraM bAdhate tatra vai mune .. 14..\\
na mlAyanti srajasteShA.n divyagandhA manoramAH . 
paryuhyante vimAnaishcha brahmanneva.nvidhAsh cha te .. 15..\\
IrShyA shokaklamApetA mohamAtsarya varjitAH . 
sukha.n svargajitastatra vartayanti mahAmune .. 16..\\
teShA.n tathAvidhAnAM tu lokAnAM munipu~Ngava . 
uparyupari shakrasya lokA divyaguNAnvitAH .. 17..\\
purastAdbrahmaNastatra lokAstejomayAH shubhAH . 
yatra yAntyR^iShayo brahmanpUtAH svaiH karmabhiH shubhaiH .. 18..\\
R^ibhavo nAma tatrAnye devAnAmapi devatAH . 
teShA.n lokAH paratare tAnyajantIha devatAH .. 19..\\
svayamprabhAste bhAsvanto lokAH kAmadughAH pare . 
na teShA.n strIkR^itastApo na lokaishvaryamatsaraH .. 20..\\
na vartayantyAhutibhiste nApyamR^itabhojanAH . 
tathA divyasharIrAste na cha vigrahamUrtayaH .. 21..\\
na shukhe sukhakAmAshcha devadevAH sanAtanAH . 
na kalpaparivarteShu parivartanti te tathA .. 22..\\
jarAmR^ityuH kutasteShA.n harShaH prItiH sukhaM na cha . 
na duHkhaM na sukha.n chApi rAgadveShau kuto mune .. 23..\\
devAnAmapi maudgalya kA~NkShitA sA gatiH parA . 
duShprApA paramA siddhiragamyA kAmagocharaiH .. 24..\\
trayastriMshadime lokAH sheShA lokA manIShibhiH . 
gamyante niyamaiH shreShThairdAnairvA vidhipUrvakaiH .. 25..\\
seya.n dAnakR^itA vyuShTiratra prAptA sukhAvahA . 
tAM bhu~NkShva sukR^itairlabdhA.n tapasA dyotitaprabhaH .. 26..\\
etatsvargasukha.n vipra lokA nAnAvidhAstathA . 
guNAH svargasya proktAste doShAnapi nibodha me .. 27..\\
kR^itasya karmaNastatra bhujyate yatphala.n divi . 
na chAnyatkriyate karma mUlachhedena bhujyate .. 28..\\
so.atra doSho mama matastasyAnte patana.n cha yat . 
sukhavyApta manaskAnAM patana.n yachcha mudgala .. 29..\\
asantoShaH parItApo dR^iShTvA dIptatarAH shriyaH . 
yadbhavatyavare sthAne sthitAnA.n tachcha duShkaram .. 30..\\
sa~nj~nA mohashcha patatA.n rajasA cha pradharShaNam . 
pramlAneShu cha mAlyeShu tataH pipatiShorbhayam .. 31..\\
A brahmabhavanAdete doShA maudgalya dAruNAH . 
nAkaloke sukR^itinA.n guNAstvayutasho nR^iNAm .. 32..\\
aya.n tvanyo gunaH shreShThashchyutAnA.n svargato mune . 
shubhAnushaya yogena manuShyeShUpajAyate .. 33..\\
tatrApi sumahAbhAgaH sukhabhADabhijAyate . 
na chetsambudhyate tatra gachchhatyadhamatA.n tataH .. 34..\\
iha yatkriyate karma tatparatropabhujyate . 
karmabhUmiriyaM brahmanphalabhUmirasau matA .. 35..\\
etatte sarvamAkhyAta.n yanmAM pR^ichchhasi mudgala . 
tavAnukampayA sAdho sAdhu gachchhAma mAchiram .. 36..\\

 vyaasa

etachchhrutvA tu maudgalyo vAkya.n vimamR^ishe dhiyA . 
vimR^ishya cha munishreShTho devadUtamuvAcha ha .. 37..\\
devadUta namaste.astu gachchha tAta yathAsukham . 
mahAdoSheNa me kAryaM na svargeNa sukhena vA .. 38..\\
patana.n tanmahadduHkhaM paritApaH sudAruNaH . 
svargabhAjashchyavantIha tasmAtsvargaM na kAmaye .. 39..\\
yatra gatvA na shochanti na vyathanti chalanti vA . 
tadaha.n sthAnamatyantaM mArgayiShyAmi kevalam .. 40..\\
ityuktvA sa munirvAkya.n devadUta.n visR^ijya tam . 
shilo~nchha vR^ittimutsR^ijya shamamAtiShThaduttamAm .. 41..\\
tulyanindAstutirbhUtvA samaloShTAshmakA~nchanaH . 
GYAnayogena shuddhena dhyAnanityo babhUva ha .. 42..\\
dhyAnayogAdbala.n labdhvA prApya charddhimanuttamAm . 
jagAma shAshvatI.n siddhiM parAM nirvANalakShaNAm .. 43..\\
tasmAttvamapi kaunteya na shoka.n kartumarhasi . 
rAjyAtsphItAtparibhraShTastapasA tadavApsyasi .. 44..\\
sukhasyAnantara.n duHkhaM duHkhasyAnantara.n sukham . 
paryAyeNopavartante naraM nemimarA iva .. 45..\\
pitR^ipaitAmaha.n rAjyaM prApsyasyamitavikrama . 
varShAttrayodashAdUrdhva.n vyetu te mAnaso jvaraH .. 46..\\

 vai

evamuktvA sa bhagavAnvyAsaH pANDavanandanam . 
jagAma tapase dhImAnpunarevAshramaM prati .. 47..\\
\medskip\hrule\medskip\centerline{\Largedvng 248}
 vai

tasminbahumR^ige.araNye ramamANA mahArathAH . 
kAmyake bharatashreShThA vijahruste yathAmarAH .. 1..\\
prekShamANA bahuvidhAnvanoddeshAnsamantataH . 
yathartukAlaramyAshcha vanarAjIH supuShpitAH .. 2..\\
pANDavA mR^igayA shIlAshcharantastanmahAvanam . 
vijahrurindra pratimAH ka.n chitkAlamarindamAH .. 3..\\
tataste yaugapadyena yayuH sarve chaturdisham . 
mR^igayAM puruShavyAghrA brAhmaNArthe parantapAH .. 4..\\
draupadImAshrame nyasya tR^iNabindoranuGYayA . 
maharSherdIptatapaso dhaumyasya cha purodhasaH .. 5..\\
tatastu rAjA sundhUnA.n vArddhakShatrirmayA yashAH . 
vivAha kAmaH shAlveyAnprayAtaH so.abhavattadA .. 6..\\
mahatA paribarheNa rAjayogyena sa.nvR^itaH . 
rAjabhirbahubhiH sArdhamupAyAtkAmyaka.n cha saH .. 7..\\
tatrApashyatpriyAM bhAryAM pANDavAnA.n yashasvinAm . 
tiShThantImAshramadvAri draupadIM nirjane vane .. 8..\\
vibhrAjamAnA.n vapuShA bibhratIM rUpamuttamam . 
bhrAjayantI.n vanoddeshaM nIlAbhramiva vidyutam .. 9..\\
apsarA devakanyA vA mAyA vA devanirmitA . 
iti kR^itvA~njali.n sarve dadR^ishustAmaninditAm .. 10..\\
tataH sarAjA sindhUnA.n vArddhakShatrirjayadrathaH . 
vismitastAmanindyA~NgI.n dR^iShTvAsIddhR^iShTamAnasaH .. 11..\\
sa koTikAshya.n rAjAnamabravItkAmamohitaH . 
kasya tveShAnavadyA~NgI yadi vApi na mAnuShI .. 12..\\
vivAhArtho na me kashchidimA.n dR^iShTvAtisundarIm . 
etAmevAhamAdAya gamiShyAmi svamAlayam .. 13..\\
gachchha jAnIhi saumyainA.n kasya kA cha kuto.api vA . 
kimarthamAgatA subhrUrida.n kaNTakita.n vanam .. 14..\\
api nAma varArohA mAmeShA lokasundarI . 
bhajedadyAyatApA~NgI sudatI tanumadhyamA .. 15..\\
apyaha.n kR^itakAmaH syAmimAM prApya varastriyam . 
gachchha jAnIhi ko nvasyA nAtha ityeva koTika .. 16..\\
sa koTikAshyastachchhrutvA rathAtpraskandya kuNDalI . 
upetya paprachchha tadA kroShTA vyAghravadhUm iva .. 17..\\
\medskip\hrule\medskip\centerline{\Largedvng 249}
 koti

kA tva.n kadambasya vinamya shAkhAm 
ekAshrame tiShThasi shobhamAnA . 
dedIpyamAnAgnishikheva naktaM 
dodhUyamAnA pavanena subhrUH .. 1..\\
atIva rUpeNa samanvitA tvaM 
na chApyaraNyeShu bibheShi kiM nu . 
devI nu yakShI yadi dAnavI vA 
varApsarA daitya varA~NganA vA .. 2..\\
vapuShmatI voraga rAjakanyA 
vanecharI vA kShaNadAchara strI . 
yadyeva rAGYo varuNasya patnI 
yamasya somasya dhaneshvarasya .. 3..\\
dhAturvidhAtuH saviturvibhorvA 
shakrasya vA tva.n sadanAtprapannA . 
na hyeva naH pR^ichchhasi ye vaya.n sma 
na chApi jAnIma taveha nAtham .. 4..\\
vaya.n hi mAna.n tava vardhayantaH 
pR^ichchhAma bhadre prabhavaM prabhu.n cha . 
AchakShva bandhUMshcha pati.n kulaM cha 
tattvena yachcheha karoShi kAryam .. 5..\\
aha.n tu rAGYaH surathasya putro 
ya.n koTikAshyeti vidurmanuShyAH . 
asau tu yastiShThati kA~nchanA~Nge 
rathe huto.agnish chayane yathaiva . 
trigartarAjaH kamalAyatAkShi 
kShema~Nkaro nAma sa eSha vIraH .. 6..\\
asmAtparastveSha mahAdhanuShmAn 
putraH kuNindAdhipatervariShThaH . 
nirIkShate tvA.n vipulAyatA.nsaH 
suvismitaH parvatavAsanityaH .. 7..\\
asau tu yaH puShkariNI samIpe 
shyAmo yuvA tiShThati darshanIyaH . 
ikShvAkurAGYaH subalasya putraH 
sa eSha hantA dviShatA.n sugAtri .. 8..\\
yasyAnuyAtra.n dhvajinaH prayAnti 
sauvIrakA dvAdasha rAjaputrAH . 
shoNAshvayukteShu ratheShu sarve 
makheShu dIptA iva havyavAhAH .. 9..\\
a~NgArakaH ku~njaraguptakash cha 
shatru~njayaH sa~njaya supravR^iddhau . 
prabha~Nkaro.atha bhramaro ravish cha 
shUraH pratApaH kuharashcha nAma .. 10..\\
ya.n ShaTsahasrA rathino.anuyAnti 
nAgA hayAshchaiva padAtinash cha . 
jayadratho nAma yadi shrutaste 
sauvIrarAjaH subhage sa eShaH .. 11..\\
tasyApare bhrAtaro.adInasattvA 
balAhakAnIka vidAraNAdhyAH . 
sauvIravIrAH pravarA yuvAno 
rAjAnamete balino.anuyAnti .. 12..\\
etaiH sahAyairupayAti rAjA 
marudgaNairindra ivAbhiguptaH . 
ajAnatA.n khyApaya naH sukeshi 
kasyAsi bhAryA duhitA cha kasya .. 13..\\
\medskip\hrule\medskip\centerline{\Largedvng 250}
 vai

athAbravIddraupadI rAjaputrI 
pR^iShTA shibInAM pravareNa tena . 
avekShya mandaM pravimuchya shAkhAM 
sa~NgR^ihNatI kaushikamuttarIyam .. 1..\\
buddhyAbhijAnAmi narendraputra 
na mAdR^ishI tvAmabhibhAShTumarhA . 
na tveha vaktAsti taveha vAkyam 
anyo naro vApyatha vApi nArI .. 2..\\
ekA hyaha.n samprati tena vAchaM 
daddAni vai bhadra nibodha chedam . 
aha.n hyaraNye kathamekamekA 
tvAmAlapeyaM niratA svadharme .. 3..\\
jAnAmi cha tvA.n surathasya putraM 
ya.n koTikAshyeti vidurmanuShyAH . 
tasmAdaha.n shaibya tathaiva tubhyam 
AkhyAmi bandhUnprati tannibodha .. 4..\\
apatyamasmi drupadasya rAGYaH 
kR^iShNeti mA.n shaibya divurmanuShyAH . 
sAha.n vR^iNe pa~nchajanAnpatitve 
ye khANDava prasthagatAH shrutAste .. 5..\\
yudhiShThiro bhImasenArjunau cha 
mAdryAshcha putrau puruShapravIrau . 
te mAM niveshyeha dishash chatasro 
vibhajya pArthA mR^igayAM prayAtAH .. 6..\\
prAchI.n rAjA dakShiNAM bhImaseno 
jayaH pratIchI.n yamajAvudIchIm . 
manye tu teShA.n rathasattamAnAM 
kAlo.abhitaH prApta ihopayAtum .. 7..\\
saMmAnitA yAsyatha tairyatheShTaM 
vimuchya vAhAnavagAhayadhvam . 
priyAtithirdharmasuto mahAtmA 
prIto bhaviShyatyabhivIkShya yuShmAn .. 8..\\
etAvaduktvA drupadAtmajA sA 
shaibyAtmaja.n chandra mukhI pratItA . 
vivesha tAM parNakuTIM prashastAM 
sa~ncintya teShAm atithisvadharmam .. 9..\\
\medskip\hrule\medskip\centerline{\Largedvng 251}
 vai

athAsIneShu sarveShu teShu rAjasu bhArata . 
koTikAshya vacho shrutvA shaibya.n sauvIrako.abravIt .. 1..\\
yadA vAcha.n vyAharantyAmasyAM me ramate manaH . 
sImantinInAM mukhyAyA.n vinivR^ittaH kathaM bhavAn .. 2..\\
etA.n dR^iShTvA striyo me.anyA yathA shAkhAmR^igastriyaH . 
pratibhAnti mahAbAho satyametadbravImi te .. 3..\\
darshanAdeva hi manastayA me.apahR^itaM bhR^isham . 
tA.n samAchakShva kalyANIM yadi syAchchhaibya mAnuShI .. 4..\\

 koti

eShA vai draupadI kR^iShNA rAjaputrI yashasvinI . 
pa~nchAnAM pANDuputrANAM mahiShI saMmatA bhR^isham .. 5..\\
sarveShA.n chaiva pArthAnAM priyA bahumatA satI . 
tayA sametya sauvIra suvIrAnsusukhI vraja .. 6..\\

 vai

evamuktaH pratyuvAcha pashyAmo draupadIm iti . 
patiH sauvIrasindhUnA.n duShTabhAvo jayadrathaH .. 7..\\
sa pravishyAshrama.n shUnyaM si.nhagoShThaM vR^iko yathA . 
AtmanA saptamaH kR^iShNAmida.n vachanamabravIt .. 8..\\
kushala.n te varArohe bhartAraste.apyanAmayAH . 
yeShA.n kushalakAmAsi te.api kachchidanAmayAH .. 9..\\

 drau

kauravyaH kushalI rAjA kuntIputro yudhiShThiraH . 
aha.n cha bhrAtarashchAsya yAMshchAnyAnparipR^ichchhasi .. 10..\\
pAdyaM pratigR^ihANedamAsana.n cha nR^ipAtmaja . 
mR^igAnpa~nchAshata.n chaiva prAtarAshaM dadAni te .. 11..\\
aiNeyAnpR^iShatAnnya~NkUnhariNA~nsharabhA~nshashAn . 
R^ishyAnrurU~nshambarAMshcha gavayAMshcha mR^igAnbahUn .. 12..\\
varAhAnmahiShAMshchaiva yAshchAnyA mR^igajAtayaH . 
pradAsyati svaya.n tubhyaM kuntIputro yudhiShThiraH .. 13..\\

 jayad

kushalaM prAtarAshasya sarvA me.apachitiH kR^itA . 
ehi me rathamAroha sukhamApnuhi kevalam .. 14..\\
gatashrIkAMshchyutAnrAjyAtkR^ipaNAngatachetasaH . 
araNyavAsinaH pArthAnnAnuroddhu.n tvamarhasi .. 15..\\
na vai praGYA gatashrIkaM bhartAramupayu~njate . 
yu~njAnamanuyu~njIta na shriyaH sa~NkShaye vaset .. 16..\\
shriyA vihInA rAjyAchcha vinaShTAH shAshvatIH samAH . 
ala.n te pANDuputrANAM bhaktyA kleshamupAsitum .. 17..\\
bhAryA me bhava sushroNi tyajainAnsukhamApnuhi . 
akhilAnsindhusauvIrAnavApnuhi mayA saha .. 18..\\

 vai

ityuktA sindhurAjena vAkya.n hR^idayakampanam . 
kR^iShNA tasmAdapAkrAmaddeshAtsabhrukuTI mukhI .. 19..\\
avamatyAsya tadvAkyamAkShipya cha sumadhyamA . 
maivamityabravItkR^iShNA lajjasveti cha saindhavam .. 20..\\
sA kA~NkShamANA bhartR^INAmupayAnamaninditA . 
vilobhayAmAsa para.n vAkyairvAkyAni yu~njatI .. 21..\\
\medskip\hrule\medskip\centerline{\Largedvng 252}
 vai

saroSharAgopahatena valgunA 
sarAga netreNa natonnata bhruvA . 
mukhena visphUrya suvIra rAShTrapaM 
tato.abravItta.n drupadAtmajA punaH .. 1..\\
yashasvinastIkShNaviShAnmahArathAn 
adhikShipanmUDha na lajjase katham . 
mahendrakalpAnniratAnsvakarmasu 
sthitAnsamUheShvapi yakSharakShasAm .. 2..\\
na ki.n chidIDyaM pravadanti pApaM 
vanechara.n vA gR^ihamedhinaM vA . 
tapasvina.n samparipUrNa vidyaM 
bhaShanti haiva.n shvanarAH suvIra .. 3..\\
aha.n tu manye tava nAsti kash chid 
etAdR^ishe kShatriya saMniveshe . 
yastvAdya pAtAlamukhe patantaM 
pANau gR^ihItvA pratisa.nhareta .. 4..\\
nAgaM prabhinna.n girikUTa kalpam 
upatyakA.n haimavatI.n charantam . 
daNDIva yUthAdapasedhase tvaM 
yo jetumAsha.nsasi dharmarAjam .. 5..\\
bAlyAtprasuptasya mahAbalasya 
si.nhasya pakShmANi mukhAllunAsi . 
padA samAhatya palAyamAnaH 
kruddha.n yadA drakShyasi bhImasenam .. 6..\\
mahAbala.n ghorataraM pravR^iddhaM 
jAta.n hariM parvata kandareShu . 
prasuptamugraM prapadena hansi 
yaH kruddhamAsetsyasi jiShNumugram .. 7..\\
kR^iShNoragau kIkShNa viShau dvijihvau 
mattaH padAkrAmasi puchchha deshe . 
yaH pANDavAbhyAM puruShottamAbhyAM 
jaghanyajAbhyAM prayuyutsase tvam .. 8..\\
yathA cha veNuH kadalI nalo vA 
phalantyabhAvAya na bhUtaye.a.atmanaH . 
tathaiva mA.n taiH parirakShyamANam 
AdAsyase karkaTakIva garbham .. 9..\\

 jayad

jAnAmi kR^iShNe viditaM mamaitad 
yathAvidhAste naradeva putrAH . 
na tvevametena vibhIShaNena 
shakyA vaya.n trAsayituM tvayAdya .. 10..\\
vayaM punaH sapta dasheShu kR^iShNe 
kuleShu sarve.anavameShu jAtAH . 
ShaDbhyo guNebhyo.abhyadhikA vihInAn 
manyAmahye draupadi pANTu putrAn .. 11..\\
sA kShipramAtiShTha gaja.n rathaM vA 
na vAkyamAtreNa vaya.n hi shakyAH . 
Asha.nsa vA tva.n kR^ipaNa.n vadantI 
sauvIrarAjasya punaH prasAdam .. 12..\\

 drau

mahAbalA hi.n tviha durbaleva 
sauvIrarAjasya matAhamasmi . 
yAhaM pramAthAdiha sampratItA 
sauvIrarAja.n kR^ipaNa.n vadeyam .. 13..\\
yasyA hi kR^iShNau padavI.n charetAM 
samAsthitAvekarathe sahAyau . 
indro.api tAM nApaharetkatha.n chin 
manuShyamAtraH kR^ipaNaH kuto.anyaH .. 14..\\
yadA kirITI paravIra ghAtI 
nighnanrathastho dviShatAM manA.nsi . 
madantare tvaddhvajinIM praveShTA 
kakSha.n dahannagnirivoShNageShu .. 15..\\
janArdanasyAnugA vR^iShNivIrA 
maheShvAsAH kekayAshchApi sarve . 
ete hi sarve mama rAjaputrAH 
prahR^iShTarUpAH padavI.n chareyuH .. 16..\\
maurvI visR^iShTAH stanayitnughoShA 
gANDIvamuktAstvativegavantaH . 
hasta.n samAhatya dhana~njayasya 
bhImAH shabda.n ghorataraM nadanti .. 17..\\
gANDIvamuktAMshcha mahAsharaughAn 
pata~Ngasa~NghAniva shIghravegAn . 
sasha~NkhaghoShaH satalatra ghoSho 
gANDIvadhanvA muhurudvamaMsh cha . 
yadA sharAnarpayitA tavorasi 
tadA manaste kimivAbhaviShyat .. 18..\\
gadAhastaM bhImamabhidravantaM 
mAdrIputrau sampatantau dishash cha . 
amarShaja.n krodhaviSha.n vamantau 
dR^iShTvA chira.n tApamupaiShyase.adhama .. 19..\\
yathA chAhaM nAtichare katha.n chit 
patInmahArhAnmanasApi jAtu . 
tenAdya satyena vashIkR^ita.n tvAM 
draShTAsmi pArthaiH parikR^iShyamANam .. 20..\\
na sambhrama.n gantumaha.n hi shakShye 
tvayA nR^isha.nsena vikR^iShyamANA . 
samAgatAha.n hi kurupravIraiH 
punarvana.n kAmyakamAgatA cha .. 21..\\

 vai

sA tAnanuprekShya vishAlanetrA 
jighR^ikShamANAnavabhartsayantI . 
provAcha mA mA.n spR^ishateti bhItA 
dhaumyaM pachukrosha purohita.n sA .. 22..\\
jagrAha tAmuttaravastradeshe 
jayadrathasta.n samavAkShipatsA . 
tayA samAkShipta tanuH sa pApaH 
papAta shAkhIva nikR^ittamUlaH .. 23..\\
pragR^ihyamANA tu mahAjavena 
muhurviniHshvasya cha rAjaputrI . 
sA kR^iShyamANA rathamAruroha 
daumyasya pAdAvabhivAdya kR^iShNA .. 24..\\

 dhaumya

neya.n shakyA tvayA netumavijitya mahArathAn . 
dharma.n kShatrasya paurANamavekShasva jayadratha .. 25..\\
kShudra.n kR^itvA phalaM pApaM prApsyasi tvamasaMshayam . 
AsAdya pANDavAnvIrAndharmarAja purogamAn .. 26..\\

 vai

ityuktvA hriyamANA.n tA.n rAjaputrIM yashasvinIm . 
anvagachchhattadA dhaumyaH padAtigaNamadhyagaH .. 27..\\
\medskip\hrule\medskip\centerline{\Largedvng 253}
 vai

tato dishaH sampravihR^itya pArthA 
mR^igAnvarAhAnmahiShAMshcha hatvA . 
dhanurdharAH shreShThatamAH pR^ithivyAM 
pR^ithakcharantaH sahitA babhUvuH .. 1..\\
tato mR^igavyAlagaNAnukIrNaM 
mahAvana.n tadvihagopaghuShTam . 
bhrAtR^IMshcha tAnabhyavadadyudhiShThiraH 
shrutvA giro vyAharatAM mR^igANAm .. 2..\\
AdityadIptA.n dishamabhyupetya 
mR^igadvijAH krUramime vadanti . 
AyAsamugraM prativedayanto 
mahAhava.n shatrubhirvAvamAnam .. 3..\\
kShipraM nivartadhvamalaM mR^igairno 
mano hi me dUyati dahyate cha . 
buddhi.n samAchchhAdya cha me samanyur 
uddhUyate prANapatiH sharIre .. 4..\\
saraH suparNena hR^itoraga.n yathA 
rAShTra.n yathA rAjakamAttalakShmi . 
eva.nvidhaM me pratibhAti kAmyakaM 
shauNDairyathA pItarasashcha kumbhaH .. 5..\\
te saindhavairatyanilaughavegair 
mahAjavairvAjibhiruhyamAnAH . 
yuktairbR^ihadbhiH surathairnR^ivIrAs 
tadAshramAyAbhimukhA babhUvuH .. 6..\\
teShA.n tu gomAyuranalpa ghoSho 
nivartatAM mAmamupetya pArshvam . 
pravyAharattaM pravimR^ishya rAjA 
provAcha bhIma.n cha dhana~njayaM cha .. 7..\\
yathA vadatyeSha vihInayoniH 
shAlAvR^iko vAmamupetya pArshvam . 
suvyaktamasmAnavamanya pApaiH 
kR^ito.abhimardaH kurubhiH prasahya .. 8..\\
ityeva te tadvanamAvishanto 
mahatyaraNye mR^igayA.n charitvA . 
bAlAmapashyanta tadA rudantIM 
dhAtreyikAM preShyavadhUM priyAyAH .. 9..\\
tAmindrasenastvarito.abhisR^itya 
rathAdavaplutya tato.abhyadhAvat . 
provacha chainA.n vachanaM narendra 
dhAtreyikAmArtatarastadAnIm .. 10..\\
ki.n rodiShi tvaM patitA dharaNyAM 
ki.n te mukha.n shuShyati dInavarNam . 
kachchinna pApaiH sunR^isha.nsa kR^idbhiH 
pramAthitA draupadI rAjaputrI . 
anidya rUpA suvishAlanetrA 
sharIratulyA kurupu~NgavAnAm .. 11..\\
yadyeva devI pR^ithivIM praviShTA 
divaM prapannApyatha vA samudram . 
tasyA gamiShyanti pada.n hi pArthAs 
tathA hi santapyati dharmarAjaH .. 12..\\
ko hIdR^ishAnAmarimardanAnAM 
kleshakShamANAmaparAjitAnAm . 
prANaiH samAmiShTatamA.n jihIrShed 
anuttama.n ratnamiva pramUDhaH . 
na budhyate nAthavatImihAdya 
bahishchara.n hR^idayaM pANDavAnAm .. 13..\\
kasyAdya kAyaM pratibhidya ghorA 
mahIM pravekShyanti shitAH sharAgryAH . 
mA tva.n shuchastAM prati bhIru viddhi 
yathAdya kR^iShNA punareShyatIti . 
nihatya sarvAndviShataH samagrAn 
pArthAH sameShyantyatha yAGYasenyA .. 14..\\
athAbravIchchAru mukhaM pramR^ijya 
dhAtreyikA sArathimindrasenam . 
jayadrathenApahR^itA pramathya 
pa~nchendra kalpAnparibhUya kR^iShNA .. 15..\\
tiShThanti vartmAni navAnyamUni 
vR^ikShAshcha na mlAnti tathaiva bhagnAH . 
Avartayadhva.n hyanuyAta shIghraM 
na dUrayAtaiva hi rAjaputrI .. 16..\\
saMnahyadhva.n sarva evendra kalpA 
mahAnti chArUNi cha daMshanAni . 
gR^ihNIta chApAni mahAdhanAni 
sharAMshcha shIghraM padavI.n vrajadhvam .. 17..\\
purA hi nirbhartsana daNDamohitA 
pramUDha chittA vadanena shuShyatA . 
dadAti kasmai chidanarhate tanuM 
varAjya pUrNAmiva bhasmani shrucham .. 18..\\
purA tuShAgnAviva hUyate haviH 
purA shmashAne sragivApavidhyate . 
purA cha somo.adhvarago.avalihyate 
shunA yathA viprajane pramohite . 
mahatyaraNye mR^igayA.n charitvA 
purA shR^igAlo nalinI.n vigAhate .. 19..\\
mA vaH priyAyAH sunasa.n sulochanaM 
chandraprabhAchchha.n vadanaM prasannam . 
spR^ishyAchchhubha.n kashchidakR^itya kArI 
shvA vai puroDAshamivopayu~NkShIt . 
etAni vartmAnyanuyAta shIghraM 
mA vaH kAlaH kShipramihAtyagAdvai .. 20..\\

 y

bhadre tUShNImAssva niyachchha vAchaM 
mAsmatsakAshe parusANyavochaH . 
rAjAno vA yadi vA rAjaputrA 
balena mattA va~nchanAM prApnuvanti .. 21..\\

 vai

etAvaduktvA prayayurhi shIghraM 
tAnyeva vartmAnyanuvartamAnAH . 
muhurmuhurvyAlavaduchchhasanto 
jyA.n vikShipantashcha mahAdhanurbhyaH .. 22..\\
tato.apashya.nstasya sainyasya reNum 
uddhUta.n vai jAvi khurapraNunnam . 
padAtInAM madhyagata.n cha dhaumyaM 
vikroshantaM bhImamabhidraveti .. 23..\\
te sAntvya dhaumyaM paridInasattvAH 
sukhaM bhavAnetviti rAjaputrAH . 
shyenA yathaivAmiSha samprayuktA 
javena taH sainyamathAbhyadhAvan .. 24..\\
teShAM mahendropamavikramANAM 
sa.nrabdhAnA.n dharShaNAdyAGYasenyAH . 
krodhaH prajajvAla jayadratha.n cha 
dR^iShTvA priyA.n tasya rathe sthitAM cha .. 25..\\
prachukrushushchApyatha sindhurAjaM 
vR^ikodarashchaiva dhana~njayash cha . 
yamau cha rAjA cha mahAdhanurdharAs 
tato dishaH saMmumuhuH pareShAm .. 26..\\
\medskip\hrule\medskip\centerline{\Largedvng 254}
 vai

tato ghorataraH shabdo vane samabhavattadA . 
bhImasenArjunau dR^iShTvA kShatriyANAmamarShiNAm .. 1..\\
teShA.n dhvajAgrANyabhivIkShya rAjA 
svaya.n durAtmA kurupu~NgavAnAm . 
jaradratho yAGYasenImuvAcha 
rathe sthitAM bhAnumatI.n hataujAH .. 2..\\
AyAntIme pa~ncha rathA mahAnto 
manye cha kR^iShNe patayastavaite . 
sA jAnatI khyApaya naH sukeshi 
paraM paraM pANDavAnA.n rathastham .. 3..\\

 drau

ki.n te GYAtairmUDha mahAdhanurdharair 
anAyuShya.n karmakR^itvAtighoram . 
ete vIrAH patayo me sametA 
na vaH sheShaH kashchidihAsti yuddhe .. 4..\\
AkhyAtavya.n tveva sarvaM mumUrShor 
mayA tubhyaM pR^iShTayA dharma eShaH . 
na me vyathA vidyate tvadbhaya.n vA 
sampashyantyAH sAnuja.n dharmarAjam .. 5..\\
yasya dhvajAgre nadato mR^ida~Ngau 
nandopanandau madhurau yuktarUpau . 
eta.n svadharmArthavinishchayaGYaM 
sadA janAH kR^ityavanto.anuyAnti .. 6..\\
ya eSha jAmbUnadashuddha gauraH 
prachaNDa ghoNastanurAyatAkShaH . 
eta.n kurushreShThatama.n vadanti 
yudhiShThira.n dharmasutaM patiM me .. 7..\\
apyeSha shatroH sharaNAgatasya 
dadyAtprANAndharmachArI nR^ivIraH . 
paraihyenaM mUDha javena bhUtaye 
tvamAtmanaH prA~njalirnyastashAstraH .. 8..\\
athApyenaM pashyasi ya.n rathasthaM 
mahAbhuja.n shAlamiva pravR^iddham . 
sandaShTauShThaM bhrukuTI sa.nhatabhruvaM 
vR^ikodaro nAma patirmamaiShaH .. 9..\\
AjAneyA balinaH sAdhu dAntA 
mahAbalAH shUramudAvahanti . 
etasya karmANyatimAnuShANi 
bhImeti shabdo.asya gataH pR^ithivyAm .. 10..\\
nAsyAparAddhAH sheShamihApnuvanti 
nApyasya vaira.n vismarate kadA chit . 
vairasyAnta.n sa.nvidhAyopayAti 
pashchAchchhAntiM na cha gachchhatyatIva .. 11..\\
mR^idurvadAnyo dhR^itimAnyashasvI 
jitendriyo vR^iddhasevI nR^ivIraH . 
bhrAtA cha shiShyashcha yudhiShThirasya 
dhana~njayo nAma patirmamaiShaH .. 12..\\
yo vai na kAmAnna bhayAnna lobhAt 
tyajeddharmaM na nR^isha.nsa.n cha kuryAt . 
sa eSha vaishvAnaratulyatejAH 
kuntIsutaH shatrusahaH pramAthI .. 13..\\
yaH sarvadharmArthavinishchayaGYo 
bhayArtAnAM bhayahartA manIShI . 
yasyottama.n rUpamAhuH pR^ithivyAM 
yaM pANDavAH parirakShanti sarve .. 14..\\
prANairgarIyA.nsamanuvrata.n vai 
sa eSha vIro nakulaH patirme . 
yaH khaDgayodhI laghuchitrahasto 
mahAMshcha dhImAnsahadevo.advitIyaH .. 15..\\
yasyAdya karma drakShyase mUDha sattva 
shatakratorvA daitya senAsu sa~Nkhye . 
shUraH kR^itAstro matimAnmanIShI 
priya~Nkaro dharmasutasya rAGYaH .. 16..\\
ya eSha chandrArkasamAnatejA 
jaghanyajaH pANDavAnAM priyash cha . 
buddhyA samo yasya naro na vidyate 
vaktA tathA satsu vinishchayaGYaH .. 17..\\
saiSha shUro nityamamarShaNash 
cha dhImAnprAGYaH sahadevaH patirme . 
tyajetprANAnpravisheddhavyavAhaM 
na tvevaiSha vyAhareddharmabAhyam . 
sadA manasvI kShatradharme niviShTaH 
kuntyAH prANairiShTatamo nR^ivIraH .. 18..\\
vishIryantIM nAvamivArNavAnte 
ratnAbhipUrNAM makarasya pR^iShThe . 
senA.n tavemA.n hatasarvayodhAM 
vikShobhitA.n drakShyasi pANDuputraiH .. 19..\\
ityete vai kathitAH pANDuputrA 
yA.nstvaM mohAdavamanya pravR^ittaH . 
yadyetaistvaM muchyase.ariShTadehaH 
punarjanma prApsyase jIva eva .. 20..\\

 vai

tataH pArthAH pa~ncha pa~nchendra kalpAs 
tyaktvA trastAnprA~njalI.nstAnpadAtIn . 
rathAnIka.n sharavarShAndha kAraM 
chakruH kruddhaH sarvataH saMnigR^ihya .. 21..\\
\medskip\hrule\medskip\centerline{\Largedvng 255}
 vai

santiShThata praharata tUrNa.n viparidhAvata . 
iti sma saidhavo rAjA chodayAmAsa tAnnR^ipAn .. 1..\\
tato ghorataraH shabdo raNe samabhavattadA . 
bhImArjunayamAndR^iShTvA sainyAnA.n sayudhiShThirAn .. 2..\\
shibisindhutrigartAnA.n viShAdashchApyajAyata . 
tAndR^iShTvA puruShavyAghrAnvyAghrAniva balotkaTAn .. 3..\\
hemachitrasamutsedhA.n sarvashaikyAyasI.n gadAm . 
pragR^ihyAbhyadravadbhImaH saindhava.n kAlachoditam .. 4..\\
tadantaramathAvR^itya koTikAshyo.abhyahArayat . 
mahatA rathavaMshena parivArya vR^ikodaram .. 5..\\
shaktitomaranArAchairvIrabAhuprachoditaiH . 
kIryamANo.api bahubhirna sma bhImo.abhyakampata .. 6..\\
gaja.n tu sagajArohaM padAtIMshcha chaturdasha . 
jaghAna gadayA bhImaH saindhava dhvajinImukhe .. 7..\\
pArthaH pa~nchashatA~nshUrAnpArvatIyAnmahArathAn . 
parIpsamAnaH sauvIra.n jaghAna dhvajinImukhe .. 8..\\
rAjA svaya.n suvIrANAM pravarANAM prahAriNAm . 
nimeSha mAtreNa shata.n jaghAna samare tadA .. 9..\\
dadR^ishe nakulastatra rathAtpraskandya khaDgadhR^ik . 
sirA.nsi pAdarakShANAM bIjavatpravapanmuhuH .. 10..\\
sahadevastu sa.nyAya rathena jaga yodhinaH . 
pAtayAmAsa nArAchairdrumebhya iva barhiNaH .. 11..\\
tatastrigargaH sadhanuravatIrya mahArathAt . 
gadayA chaturo vAhAnrAGYastasya tadAvadhIt .. 12..\\
tamabhyAshagata.n rAjA padAti.n kuntinandanaH . 
ardhachandreNa bANena vivyAdhorasi dharmarAT .. 13..\\
sa bhinnahR^idayo vIro vaktrAchchhoNitamUdvaman . 
papAtAbhimukhaH pArtha.n chhinnamUla iva drumaH .. 14..\\
indrasena dvitIyastu rathAtpraskandya dharmarAj . 
hatAshvaH sahadevasya pratipede mahAratham .. 15..\\
nakula.n tvabhisandhAya kShemaM karamahAmukhau . 
ubhAvubhayatastIkShNaiH sharavarShairavarShatAm .. 16..\\
tau sharairabhivarShantau jImUtAviva vArShikau . 
ekaikena vipAThena jaghne mAdravatIsutaH .. 17..\\
trigartarAjaH surathastasyAtha rathadhUrgataH . 
rathamAkShepayAmAsa gajena gajayAnavit .. 18..\\
nakulastvapabhIstasmAdrathAchcharmAsi pANimAn . 
udbhrAnta.n sthAnamAsthAya tasthau giririvAchalaH .. 19..\\
surathasta.n gajavara.n vadhAya nakulasya tu . 
preShayAmAsa sakrodhamabhyuchchhritakara.n tataH .. 20..\\
nakulastasya nAgasya samIpaparivartinaH . 
saviShANaM bhujaM mUle khaDgena nirakR^intata .. 21..\\
sa vinadya mahAnAda.n jagaH ka~NkaNa bhUShaNaH . 
patannavAkshirA bhUmau hastyArohAnapothayat .. 22..\\
sa tatkarma mahatkR^itvA shUro mAdravatIsutaH . 
bhImasenarathaM prApya sharma lebhe mahArathaH .. 23..\\
bhImastvApatato rAGYaH koTikAshyasya sa~Ngare . 
sUtasya nudato vAhAnkShureNApAharachchhiraH .. 24..\\
na bubodha hata.n sUtaM sa rAjA bAhushAlinA . 
tasyAshvA vyadravansa~Nkhye hatasUtAstatastataH .. 25..\\
vimukha.n hatasUta.n taM bhImaH praharatAM varaH . 
jaghAna talayuktena prAsenAbhyetya pANDavaH .. 26..\\
dvAdashAnA.n tu sarveShA.n sauvIrANAM dhana~njayaH . 
chakarta niShitairbhallairdhanUMShi cha shirA.nsi cha .. 27..\\
shibInikShvAkumukhyAMshcha trigartAnsaidhavAnapi . 
jaghAnAtirathaH sa~Nkhye bANagocharamAgatAn .. 28..\\
sAditAH pratyadR^ishyanta bahavaH savyasAchinA . 
sapatAkAshcha mAta~NgAH sAdvajAshcha mahArathAH .. 29..\\
prachchhAdya pR^ithivI.n tasthuH sarvamAyodhanaM prati . 
sharIrANyashiraskAni videhAni shirA.nsi cha .. 30..\\
shvagR^idhraka~NkakAkola bhAsagomAyuvAyasAH . 
atR^ipya.nstatra vIrANA.n hatAnAM mA.nsashoNitaiH .. 31..\\
hateShu teShu vIreShu sindhurAjo jayadrathaH . 
vimuchya kR^iShNA.n santrastaH palAyanaparo.abhavat .. 32..\\
sa tasminsa~Nkule sainye draupadImavatArya vai . 
prANaprepsurupAdhAvadvana.n yena narAdhamaH .. 33..\\
draupadI.n dharmarAjastu dR^iShTvA dhaumya puraskR^itAm . 
mAdrIputreNa vIreNa rathamAropayattadA .. 34..\\
tatastadvidruta.n sainyamapayAte jayadrathe . 
AdishyAdishya nArAchairAjaghAna vR^ikodaraH .. 35..\\
savyasAchI tu ta.n dR^iShTvA palAyantaM jayadratham . 
vArayAmAsa nighnantaM bhIma.n saindhava sainikAn .. 36..\\

 arj

yasyApachArAtprApto.ayamasmAnklesho durAsadaH . 
tamasminsamaroddeshe na pashyAmi jayadratham .. 37..\\
tamevAnviSha bhadra.n te kiM te yodhairnipAtitaiH . 
anAmiShamida.n karma katha.n vA manyate bhavAn .. 38..\\

 vai

ityukto bhImasenastu guDAkeshena dhImatA . 
yudhiShThiramabhiprekShya vAgmI vachanamabravIt .. 39..\\
hatapravIrA ripavo bhUyiShTha.n vidrutA dishaH . 
gR^ihItvA draupadI.n rAjannivartatu bhavAnitaH .. 40..\\
yamAbhyA.n saha rAjendra dhaumyena cha mahAtmanA . 
prApyAshramapada.n rAjandraupadIM parisAntvaya .. 41..\\
na hi me mokShyate jIvanmUDhaH saindhavako nR^ipaH . 
pAtAlatalasa.nstho.api yadi shakro.asya sArathiH .. 42..\\

 y

na hantavyo mahAbAho durAtmApi sa saindhavaH . 
uHshalAmabhisa.nsmR^itya gAndhArI.n cha yashasvinIm .. 43..\\

 vai

tachchhrutvA draupadI bhImamuvAcha vyAkulendriyA . 
kupitA hrImatI prAGYA patI bhImArjunAvubhau .. 44..\\
kartavya.n chetpriyaM mahya.n vadhyaH sa puruShAdhamaH . 
saindhavApasadaH pApo durmatiH kulapA.nsanaH .. 45..\\
bhAryAbhihartA nirvairo yashcha rAjyaharo ripuH . 
yAchamAno.api sa~NgrAme na sa jIvitumarhati .. 46..\\
ityuktau tau naravyAghrau yayaturyatra saindhavaH . 
rAjA nivavR^ite kR^iShNAmAdAya sapurohitaH .. 47..\\
sa pravishyAshramapada.n vyapaviddhabR^isI ghaTam . 
mArkaNDeyAdhibhirviprairanukIrNa.n dadarsha ha .. 48..\\
draupadImanushochadbhirbrAhmaNaistaiH samAgataiH . 
samiyAya marA prAGYaH sabhAryo bhrAtR^imadhyagaH .. 49..\\
te sma taM muditA dR^iShTvA punarabhyAgataM nR^ipam . 
jitvA tAnsindhusauvIrAndraupadI.n chAhR^itAM punaH .. 50..\\
sa taiH parivR^ito rAjA tatraivopavivesha ha . 
praviveshAshrama.n kR^iShNA yamAbhyA.n saha bhAminI .. 51..\\
bhImArjunAvapi shrutvA kroshamAtragata.n ripum . 
svayamashvA.nstudantau tau javenaivAbhyadhAvatAm .. 52..\\
idamatyadbhuta.n chAtra chakAra puruSho.arjunaH . 
kroshamAtragatAnashvAnsaindhavasya jaghAna yat .. 53..\\
sa hi divyAstrasampannaH kR^ichchhrakAle.apyasambhramaH . 
akarodduShkara.n karma sharairastrAnumantritaiH .. 54..\\
tato.abhyadhAvatA.n vIrAvubhau bhIma dhana~njayau . 
hatAshva.n saindhavaM bhItamekaM vyAkulachetasam .. 55..\\
saindhavastu hatAndR^iShTvA tathAshvAnsvAnsuduHkhitaH . 
dR^iShTvA vikramakarmANi kurvANa.n cha dhana~njayam . 
palAyanakR^itotsAhaH prAdravadyena vai vanam .. 56..\\
saindhava.n tvAbhisamprekShya parAkrAntaM palAyane . 
anuyAya mahAbAhuH phalguno vAkyamabravIt .. 57..\\
anena vIryeNa katha.n striyaM prArthayase balAt . 
rAjaputra nivartasva na te yuktaM palAyanam . 
katha.n chAnucharAnhitvA shatrumadhye palAyase .. 58..\\
ityuchyamAnaH pArthena saidhavo na nyavartata . 
tiShTha tiShTheti taM bhImaH sahasAbhyadravadbalI . 
mA vadhIriti pArthasta.n dayAvAnabhyabhAShata .. 59..\\
\medskip\hrule\medskip\centerline{\Largedvng 256}
 vai

jayadrathastu samprekShya bhrAtarAvudyatAyudhau . 
prAdravattUrNamavyagro jIvitepsuH suduHkhitaH .. 1..\\
taM bhImaseno dhAvantamavatIrya rathAdbalI . 
abhidrutya nijagrAha keshapakShe.atyamarShaNaH .. 2..\\
samudyamya cha ta.n roShAnniShpipeSha mahItale . 
gale gR^ihItvA rAjAna.n tADayAmAsa chaiva ha .. 3..\\
punaH sa~njIvamAnasya tasyotpatitumichchhataH . 
padA mUrdhni mahAbAhuH prAharadvilapiShyataH .. 4..\\
tasya jAnu.n dadau bhImo jaghne chainamaratninA . 
sa mohamagamadrAjA prahAra varapIDitaH .. 5..\\
viroShaM bhImasena.n tu vArayAmAsa phalgunaH . 
duHshalAyAH kR^ite rAjA yattadAheti kaurava .. 6..\\

 bhiimasena

nAyaM pApasamAchAro matto jIvitumarhati . 
draupadyAstadanarhAyAH parikleShTA narAdhamaH .. 7..\\
kiM nu shakyaM mayA kartu.n yadrAjA satata.n ghR^iNI . 
tva.n cha bAlishayA buddhyA sadaivAsmAnprabAdhase .. 8..\\
eva.n kutvA saTAstasya pa~ncha chakre vR^ikodaraH . 
ardhachandreNa bANena ki.n chidabruvatastadA .. 9..\\
vikalpayitvA rAjAna.n tataH prAha vR^ikodaraH . 
jIvitu.n chechchhase mUDha hetuM me gadataH shR^iNu .. 10..\\
dAso.asmIti tvayA vAchya.n sa.nsatsu cha sabhAsu cha . 
eva.n te jIvitaM dadyAmeSha yuddhajito vidhiH .. 11..\\
evamastviti ta.n rAjA kR^ichchhraprANo jayadrathaH . 
provAcha puruShavyAghraM bhImamAhavashobhinam .. 12..\\
tata ena.n vicheShTantaM baddhvA pArtho vR^ikodaraH . 
rathamAropayAmAsa visa~nj~naM pA.nsuguNThitam .. 13..\\
tatasta.n rathamAsthAya bhImaH pArthAnugastadA . 
abhyetyAshramamadhyasthamabhyagachchhadyudhiShThiram .. 14..\\
darshayAmAsa bhImastu tadavastha.n jayadratham . 
ta.n rAjA prAhasaddR^iShTvA muchyatAmiti chAbravIt .. 15..\\
rAjAna.n chAbravIdbhImo draupadyai kathayeti vai . 
dAsabhAva.n gato hyeSha pANDUnAM pApachetanaH .. 16..\\
tamuvAcha tato jyeShTho bhrAtA sampraNaya.n vachaH . 
mu~nchainamadhamAchAraM pramANa.n yadi te vayam .. 17..\\
draupadI chAbravIdbhImamabhiprekShya yudhiShThiram . 
dAsAyaM muchyatA.n rAGYastvayA pa~ncha saTaH kR^itaH .. 18..\\
sa mukto.abhyetya rAjAnamabhivAdya yudhiShThiram . 
vavande vihvalo rAjA tAMshcha sarvAnmunI.nstadA .. 19..\\
tamuvAcha ghR^iNI rAjA dharmaputro yudhiShThiraH . 
tathA jayadratha.n dR^iShTvA gR^ihIta.n savyasAchinA .. 20..\\
adAso gachchha mukto.asi maiva.n kArShIH punaH kva chit . 
strI kAmuka dhigastu tvA.n kShudraH kShudrasahAyavAn . 
eva.nvidha.n hi kaH kuryAttvadanyaH puruShAdhamaH .. 21..\\
gatasattvamiva GYAtvA kartAramashubhasya tam . 
samprekShya bharatashreShThaH kR^ipA.n chakre narAdhipaH .. 22..\\
dharme te vardhatAM buddhirmA chAdharme mano kR^ithAH . 
sAshvaH saratha pAdAtaH svasti gachchha jayadratha .. 23..\\
evamuktastu savrIDa.n tUShNIM kiM chidavA~NmukhaH . 
jagAma rAjA duHkhArto ga~NgA dvArAya bhArata .. 24..\\
sa deva.n sharaNa.n gatvA virUpAkShamumApatim . 
tapo chachAra vipula.n tasya prIto vR^iShadhvajaH .. 25..\\
bali.n svayaM pratyagR^ihNAtprIyamANastrilochanaH . 
vara.n chAsmai dadau devaH sa cha jagrAha tachchhR^iNu .. 26..\\
samastAnsarathAnpa~ncha jayeya.n yudhi pANDavAn . 
iti rAjAbravIddevaM neti devastamabravIt .. 27..\\
ajayyAMshchApyavadhyAMshcha vArayiShyasi tAnyudhi . 
R^ite.arjunaM mahAbAhu.n devairapi durAsadam .. 28..\\
yamAhurajita.n deva.n sha~NkhachakragadAdharam . 
pradhAnaH so.astraviduShA.n tena kR^iShNena rakShyate .. 29..\\
evamuktastu nR^ipatiH svameva bhavana.n yayau . 
pANDavAshcha vane tasminnyavasankAmyake tadA .. 30..\\
\medskip\hrule\medskip\centerline{\Largedvng 257}
 janam

eva.n hR^itAyA.n kR^iShNAyAM prApya kleshamanuttamam . 
ata UrdhvaM naravyAghrAH kimakurvata pANDavAH .. 1..\\

 vai

eva.n kR^iShNAM mokShayitvA vinirjitya jayadratham . 
AsA.n chakre munigaNairdharmarAjo yudhiShThiraH .. 2..\\
teShAM madhye maharShINA.n shR^iNvatAmanushochatAm . 
mArkaNDeyamida.n vAkyamabravItpANDunandanaH .. 3..\\
manye kAlashcha balavAndaiva.n cha vidhinirmitam . 
bhavitavya.n cha bhUtAnA.n yasya nAsti vyatikramaH .. 4..\\
katha.n hi patnImasmAka.n dharmaGYAM dharmachAriNIm . 
sa.nspR^ishedIdR^isho bhAvaH shuchi.n stainyamivAnR^itam .. 5..\\
na hi pApa.n kR^itaM kiM chitkarma vA ninditaM kva chit . 
draupadyA brAhmaNeShveva dharmaH sucharito mahAn .. 6..\\
tA.n jahAra balAdrAjA mUDha buddhirjayadrathaH . 
tasyAH sa.nharaNAtprAptaH shirasaH keshavApanam . 
parAjaya.n cha sa~NgrAme sasahAyaH samAptavAn .. 7..\\
pratyAhR^itA tathAsmAbhirhatvA tatsaindhavaM balam . 
taddAraharaNaM prAptamasmAbhiravitarkitam .. 8..\\
duHkhashchAya.n vanevAso mR^igayAyA.n cha jIvikA . 
hi.nsA cha mR^igajAtInA.n vanaukobhirvanaukasAm . 
GYAtibhirvipravAsashcha mithyA vyavasitairayam .. 9..\\
asti nUnaM mayA kashchidalpabhAgyataro naraH . 
bhavatA dR^iShTapUrvo vA shrutapUrvo.api vA bhavet .. 10..\\
\medskip\hrule\medskip\centerline{\Largedvng 258}
 maark

prAptamapratima.n duHkha.n rAmeNa bharatarShabha . 
rakShasA jAnakI tasya hR^itA bhAryA balIyasA .. 1..\\
AshramAdrAkShasendreNa rAvaNena vihAyasA . 
mAyAmAsthAya tarasA hatvA gR^idhra.n jaTAyuSham .. 2..\\
pratyAjahAra tA.n rAmaH sugrIva balamAshritaH . 
baddhvA setu.n samudrasya dagdhvA la~NkAM shitaiH sharaiH .. 3..\\

 y

kasminrAmaH kule jAtaH ki.nvIryaH kimparAkramaH . 
rAvaNaH kasya vA putraH ki.n vaira.n tasya tena ha .. 4..\\
etanme bhagavansarva.n samyagAkhyAtumarhasi . 
shrotumichchhAmi charita.n rAmasyAkliShTakarmaNaH .. 5..\\

 maark

ajo nAmAbhavadrAjA mahAnikShvAkuvaMshajaH . 
tasya putro dasharathaH shashvatsvAdhyAyavA~nshuchiH .. 6..\\
abhava.nstasya chatvAraH putrA dharmArthakovidAH . 
rAmalakShmaNashatrughnA bharatashcha mahAbalaH .. 7..\\
rAmasya mAtA kausalyA kaikeyI bharatasya tu . 
sutau lakShmaNashatrughnau sumitrAyAH parantapau .. 8..\\
videharAjo janakaH sItA tasyAtmajA bibho . 
yA.n chakAra svayaM tvaShTA rAmasya mahiShIM priyAm .. 9..\\
etadrAmasya te janma sItAyAshcha prakIrtitam . 
rAvaNasyApi te janma vyAkhyAsyAmi janeshvara .. 10..\\
pitAmaho rAvaNasya sAkShAddevaH prajApatiH . 
svayambhUH sarvalokAnAM prabhuH sraShTA mahAtapAH .. 11..\\
pulastyo nAma tasyAsInmAnaso dayitaH sutaH . 
tasya vaishravaNo nAma gavi putro.abhavatprabhuH .. 12..\\
pitara.n sa samutsR^ijya pitAmahamupasthitaH . 
tasya kopAtpitA rAjansasarjAtmAnamAtmanA .. 13..\\
sa jaGYe vishravA nAma tasyAtmArdhena vai dvijaH . 
pratIkArAya sakrodhastato vaishravaNasya vai .. 14..\\
pitAmahastu prItAtmA dadau vaishravaNasya ha . 
amaratva.n dhaneshatva.n lokapAlatvameva cha .. 15..\\
IshAnena tathA sakhyaM putra.n cha nalakUbaram . 
rAjadhAnI nivesha.n cha la~NkA.n rakShogaNAnvitAm .. 16..\\
\medskip\hrule\medskip\centerline{\Largedvng 259}
 maark

pulastyasya tu yaH krodhAdardhadeho.abhavanmuniH . 
vishravA nAma sakrodhaH sa vaishravaNamaikShata .. 1..\\
bubudhe ta.n tu sakrodhaM pitara.n rAkShaseshvaraH . 
kuberastatprasAdArtha.n yatate sma sadA nR^ipa .. 2..\\
sa rAjarAjo la~NkAyAM nivasannaravAhanaH . 
rAkShasIH pradadau tisraH piturvai parichArikAH .. 3..\\
tAstadA taM mahAtmAna.n santoShayitumudyatAH . 
R^iShiM bharatashArdUla nR^ittagItavishAradAH .. 4..\\
puShpotkaTA cha rAkA cha mAlinI cha vishAM pate . 
anyonyaspardhayA rAja~nshreyaH kAmAH sumadhyamAH .. 5..\\
tAsA.n sa bhagavA.nstuShTo mahAtmA pradadau varAn . 
lokapAlopamAnputrAnekaikasyA yathepsitAn .. 6..\\
puShpotkaTAyA.n jaGYAte dvau putrau rAkShaseshvarau . 
kumbhakarNa dashagrIvau balenApratimau bhuvi .. 7..\\
mAlinI janayAmAsa putrameka.n vibhIShaNam . 
rAkAyAM mithuna.n jaGYe kharaH shUrpaNakhA tathA .. 8..\\
vibhIShaNastu rUpeNa sarvebhyo.abhyadhiko.abhavat . 
sa babhUva mahAbhAgo dharmagoptA kriyA ratiH .. 9..\\
dashagrIvastu sarveShA.n jyeShTho rAkShasapu~NgavaH . 
mahotsAho mahAvIryo mahAsattvaparAkramaH .. 10..\\
kumbhakarNo balenAsItsarvebhyo.abhyadhikastadA . 
mAyAvI raNashauNDashcha raudrashcha rajanIcharaH .. 11..\\
kharo dhanuShi vikrAnto brahma dviTpishitAshanaH . 
siddhavighnakarI chApi raudrA shUrpaNakhA tathA .. 12..\\
sarve vedavidaH shUrAH sarve sucharitavratAH . 
UShuH pitrA saha ratA gandhamAdana parvate .. 13..\\
tato vaishravaNa.n tatra dadR^ishurnaravAhanam . 
pitrA sArdha.n samAsInamR^iddhyA paramayA yutam .. 14..\\
jAtaspardhAstataste tu tapase dhR^itanishchayAH . 
brahmANa.n toShayAmAsurghoreNa tapasA tadA .. 15..\\
atiShThadekapAdena sahasraM parivatsarAn . 
vAyubhakSho dashagrIvaH pa~nchAgniH susamAhitaH .. 16..\\
adhaH shAyI kumbhakarNo yatAhAro yatavrataH . 
vibhIShaNaH shIrNaparNamekamabhyavahArayat .. 17..\\
upavAsaratirdhImAnsadA japyaparAyaNaH . 
tameva kAlamAtiShThattIvra.n tapa udAradhIH .. 18..\\
kharaH shUrpaNakhA chaiva teShA.n vai tapyatA.n tapaH . 
paricharyA.n cha rakShAM cha chakraturhR^iShTamAnasau .. 19..\\
pUrNe varShasahasre tu shiro chhittvA dashAnanaH . 
juhotyagnau durAdharShastenAtuShyajjagatprabhuH .. 20..\\
tato brahmA svaya.n gatvA tapasastAnnyavArayat . 
pralobhya varadAnena sarvAneva pR^ithakpR^ithak .. 21..\\

 brahmaa

prIto.asmi vo nivartadhva.n varAnvR^iNuta putrakAH . 
yadyadiShTamR^ite tvekamamaratva.n tathAstu tat .. 22..\\
yadyadagnau huta.n sarvaM shiraste mahadIpsayA . 
tathaiva tAni te dehe bhaviShyanti yathepsitam .. 23..\\
vairUpya.n cha na te dehe kAmarUpadharastathA . 
bhaviShyasi raNe.arINA.n vijetAsi na saMshayaH .. 24..\\

 raavana

gandharvadevAsurato yakSharAkShasatastathA . 
sarvakiMnara bhUtebhyo na me bhUyAtparAbhavaH .. 25..\\

 brahmaa

ya ete kIrtitAH sarve na tebhyo.asti bhaya.n tava . 
R^ite manuShyAdbhadra.n te tathA tadvihitaM mayA .. 26..\\

 maark

evamukto dashagrIvastuShTaH samabhavattadA . 
avamene hi durbuddhirmanuShyAnpuruShAdakaH .. 27..\\
kumbhakarNamathovAcha tathaiva prapitAmahaH . 
sa vavre mahatIM nidrA.n tamasA grastachetanaH .. 28..\\
tathA bhaviShyatItyuktvA vibhIShaNamuvAcha ha . 
vara.n vR^iNIShva putra tvaM prIto.asmIti punaH punaH .. 29..\\

 vibhiisana

paramApadgatasyApi nAdharme me matirbhavet . 
ashikShita.n cha bhagavanbrahmAstaM pratibhAtu me .. 30..\\

 brahmaa

yasmAdrAkShasayonau te jAtasyAmitrakarshana . 
nAdharme ramate buddhiramaratva.n dadAmi te .. 31..\\

 maark

rAkShasastu vara.n labdhvA dashagrIvo vishAM pate . 
la~NkAyAshchyAvayAmAsa yudhi jitvA dhaneshvaram .. 32..\\
hitvA sa bhagavA.Nlla~NkAmAvishadgandhamAdanam . 
gandharvayakShAnugato rakShaHkimpuruShaiH saha .. 33..\\
vimAnaM puShpaka.n tasya jahArAkramya rAvaNaH . 
shashApa ta.n vaishravaNo na tvAmetadvahiShyati .. 34..\\
yastu tvA.n samare hantA tamevaitaddhaniShyati . 
avamanya guruM mA.n cha kShipraM tvaM na bhaviShyasi .. 35..\\
vibhIShaNastu dharmAtmA satA.n dharmamanusmaran . 
anvagachchhanmahArAja shriyA paramayA yutaH .. 36..\\
tasmai sa bhagavA.nstuShTo bhrAtA bhrAtre dhaneshvaraH . 
senApatya.n dadau dhImAnyakSharAkShasa senayoH .. 37..\\
rAkShasAH puruShAdAshcha pishAchAshcha mahAbalAH . 
sarve sametya rAjAnamabhyaShi~nchaddashAnanam .. 38..\\
dashagrIvastu daityAnA.n devAnAM cha balotkaTaH . 
Akramya ratnAnyaharatkAmarUpI viha~NgamaH .. 39..\\
rAvayAmAsa lokAnyattasmAdrAvaNa uchyate . 
dashagrIvaH kAmabalo devAnAM bhayamAdadhat .. 40..\\
\medskip\hrule\medskip\centerline{\Largedvng 260}
 maark

tato brahmarShayaH siddhA devarAjarShayastathA . 
havyavAhaM puraskR^itya brAhmaNa.n sharaNa.n gatAH .. 1..\\

 agni

yaH sa vishravasaH putro dashagrIvo mahAbalaH . 
avadhyo varadAnena kR^ito bhagavatA purA .. 2..\\
sa bAdhate prajA sarvA viprakArairmahAbalaH . 
tato nastrAtubhagavannAnyastrAtA hi vidyate .. 3..\\

 brahmaa

na sa devAsuraiH shakyo yuddhe jetu.n vibhAvaso . 
vihita.n tatra yatkAryamabhitastasya nigrahe .. 4..\\
tadarthamavatIrNo.asau manniyogAchchaturbhujaH . 
viShNuH praharatA.n shreShThaH sa karmaitatkariShyati .. 5..\\

 maark

pitAmahastatasteShA.n saMnidhau vAkyamabravIt . 
sarvairdevagaNaiH sArdha.n sambhavadhvaM mahItale .. 6..\\
viShNoH sahAyAnR^ikShIShu vAnarIShu cha sarvashaH . 
janayadhva.n sutAnvIrAnkAmarUpabalAnvitAn .. 7..\\
tato bhAgAnubhAgena devagandharvadAnavAH . 
avatartuM mahI.n sarve ra~njayAmAsura~njasA .. 8..\\
teShA.n samakSha.n gandharvIM dundubhIM nAma nAmataH . 
shashAsa varado devo devakAryArtha siddhaye .. 9..\\
pitAmahavacho shrutvA gandharvI dundubhI tataH . 
mantharA mAnuShe loke kubjA samabhavattadA .. 10..\\
shakraprabhR^itayashchaiva sarve te surasattamAH . 
vAnararkSha varastrIShu janayAmAsurAtmajAn . 
te.anvavartanpitR^Insarve yashasA cha balena cha .. 11..\\
bhettAro girishR^i~NgANA.n shAlatAlashilAyudhAH . 
vajrasa.nhananAH sarve sarve chaughabalAstathA .. 12..\\
kAmavIryadharAshchaiva sarve yuddhavishAradAH . 
nAgAyuta samaprANA vAyuvegasamA jave . 
yatrechchhaka nivAsAshcha ke chidatra vanaukasaH .. 13..\\
eva.nvidhAya tatsarvaM bhagavA.NllokabhAvanaH . 
mantharAM bodhayAmAsa yadyatkArya.n yathA yathA .. 14..\\
sA tadvachanamAGYAya tathA chakre manojavA . 
ito chetashcha gachchhantI vairasandhukShaNe ratA .. 15..\\
\medskip\hrule\medskip\centerline{\Largedvng 261}
 y

uktaM bhagavatA janma rAmAdInAM pR^ithakpR^ithak . 
prasthAna kAraNaM brahma~nshrotumichchhAmi kathyatAm .. 1..\\
katha.n dAsharathI.n vIrau bhrAtarau rAmalakShmaNau . 
prasthApitau vanaM brahma maithilI cha yashasvinI .. 2..\\

 maark

jAtaputro dasharathaH prItimAnabhavannR^ipaH . 
kriyA ratirdharmaparaH satata.n vR^iddhasevitA .. 3..\\
krameNa chAsya te putrA vyavardhanta mahaujasaH . 
vedeShu saharasyeShu dhanurvede cha pAragAH .. 4..\\
charitabrahmacharyAste kR^itadArAshcha pArthiva . 
yadA tadA dasharathaH prItimAnabhavatsukhI .. 5..\\
jyeShTho rAmo.abhavatteShA.n ramayAmAsa hi prajAH . 
manoharatayA dhImAnpiturhR^idayatoShaNaH .. 6..\\
tataH sa rAjA matimAnmatvAtmAna.n vayo.adhikam . 
mantrayAmAsa savichairdharmaGYaishcha purohitaiH .. 7..\\
abhiShekAya rAmasya yauvarAjyena bhArata . 
prAptakAla.n cha te sarve menire mantrasattamAH .. 8..\\
lohitAkShaM mahAbAhuM mattamAta~NgagAminam . 
dIrghabAhuM mahoraskaM nIlaku~nchita mUrdhajam .. 9..\\
dIpyamAna.n shriyA vIraM shakrAdanavamaM bale . 
pAraga.n sarvadharmANAM bR^ihaspatisamaM matau .. 10..\\
sarvAnurakta prakR^iti.n sarvavidyA vishAradam . 
jitendriyamamitrANAmapi dR^iShTimanoharam .. 11..\\
niyantAramasAdhUnA.n goptAraM dharmachAriNAm . 
dhR^itimantamanAdhR^iShya.n jetAramaparAjitam .. 12..\\
putra.n rAjA dasharathaH kausalyAnandavardhanam . 
sandR^ishya paramAM prItimagachchhatkurunandana .. 13..\\
chintayaMshcha mahAtejA guNAnrAmasya vIryavAn . 
abhyabhAShata bhadra.n te prIyamANaH purohitam .. 14..\\
adya puShyo nishi brahmanpuNya.n yogamupaiShyati . 
sambhArAH sambhriyantAM me rAmashchopanimantryatAm .. 15..\\
iti tadrAjavachanaM pratishrutyAtha mantharA . 
kaikeyImabhigamyeda.n kAle vachanamabravIt .. 16..\\
adya kaikeyi daurbhAgya.n rAGYA te khyApitaM mahat . 
AshIviShastvA.n sa~NkruddhashchaNDo dashati durbhage .. 17..\\
subhagA khalu kausalyA yasyAH putro.abhiShekShyate . 
kuto hi tava saubhAgya.n yasyAH putro na rAjyabhAk .. 18..\\
sA tadvachanamAGYAya sarvAbharaNabhUShitA . 
vedI vilagnamadhyeva bibhratI rUpamuttamam .. 19..\\
vivikte patimAsAdya hasantIva shuchismitA . 
praNaya.n vya~njayantIva madhuraM vAkyamabravIt .. 20..\\
satyapratiGYa yanme tva.n kAmamekaM nisR^iShTavAn . 
upAkuruShva tadrAja.nstasmAnmuchyasva sa~NkaTAt .. 21..\\

 raajaa

vara.n dadAni te hanta tadgR^ihANa yadichchhasi . 
avadhyo vadhyatA.n ko.adya vadhyaH ko.adya vimuchyatAm .. 22..\\
dhana.n dadAni kasyAdya hriyatAM kasya vA punaH . 
brAhmaNa svAdihAnyatra yatki.n chidvittamasti me .. 23..\\

 maark

sA tadvachanamAGYAya parigR^ihya narAdhipam . 
Atmano balamAGYAya tata enamuvAcha ha .. 24..\\
AbhiShechanika.n yatte rAmArthamupakalpitam . 
bharatastadavApnotu vana.n gachchhatu rAghavaH .. 25..\\
sa tadrAjA vacho shrutvA vipriya.n dAruNodayam . 
duHkhArto bharatashreShTha na ki.n chidvyAjahAra ha .. 26..\\
tatastathoktaM pitara.n rAmo viGYAya vIryavAn . 
vanaM pratasthe dharmAtmA rAjA satyo bhavatviti .. 27..\\
tamanvagachchhallakShmIvAndhanuShmA.NllakShmaNastadA . 
sItA cha bhAryA bhadra.n te vaidehI janakAtmajA .. 28..\\
tato vaga.n gate rAme rAjA dasharathastadA . 
samayujyata dehasya kAlaparyAya dharmaNA .. 29..\\
rAmastu gatamAGYAya rAjAna.n cha tathAgatam . 
AnAyya bharata.n devI kaikeyI vAkyamabravIt .. 30..\\
gato dasharathaH svarga.n vanasthau rAmalakShmaNau . 
gR^ihANa rAjya.n vipula.n kShemaM nihatakaNTakam .. 31..\\
tAmuvAcha sa dharmAtmA nR^isha.nsaM bata te kR^itam . 
pati.n hitvA kula.n chedamutsAdya dhanalubdhayA .. 32..\\
ayasho pAtayitvA me mUrdhni tva.n kulapA.nsane . 
sakAmA bhava me mAtarityuktvA praruroda ha .. 33..\\
sa chAritva.n vishodhyAtha sarvaprakR^itisaMnidhau . 
anvayAdbhrAtara.n rAmaM vinivartana lAlasaH .. 34..\\
kausalyA.n cha sumitrAM cha kaikeyIM cha suduHkhitaH . 
agre prasthApya yAnaiH sa shatrughnasahito yayau .. 35..\\
vasiShTha vAmadevAbhyA.n vipraishchAnyaiH sahasrashaH . 
paurajAnapadaiH sArdha.n rAmA nayanakA~NkShayA .. 36..\\
dadarsha chitrakUTastha.n sa rAmaM saha lakShmaNam . 
tApasAnAmala~NkAra.n dhArayantaM dhanurdharam .. 37..\\
visarjitaH sa rAmeNa piturvachanakAriNA . 
nandigrAme.akarodrAjyaM puraskR^ityAsya pAduke .. 38..\\
rAmastu punarAsha~Nkya paurajAnapadAgamam . 
pravivesha mahAraNya.n sharabha~NgAshramaM prati .. 39..\\
satkR^itya sharabha~Nga.n sa daNDakAraNyamAshritaH . 
nadI.n godAvarI.n ramyAmAshritya nyavasattadA .. 40..\\
vasatastasya rAmasya tataH shUrpaNakhAkR^itam . 
khareNAsInmahadvaira.n janasthAnanivAsinA .. 41..\\
rakShArtha.n tApasAnAM cha rAghavo dharmavatsalaH . 
chaturdashasahasrANi jaghAna bhuvi rakShasAm .. 42..\\
dUShaNa.n cha kharaM chaiva nihatya sumahAbalau . 
chakre kShemaM punardhImAndharmAraNya.n sarAghavaH .. 43..\\
hateShu teShu rakShaH sutataH shUrpaNakhA punaH . 
yayau nikR^ittanAsauShThI la~NkAM bhrAturniveshanam .. 44..\\
tato rAvaNamabhyetya rAkShasI duHkhamUrchhitA . 
papAta pAdayorbhrAtuH saMshuShka rudhirAnanA .. 45..\\
tA.n tathA vikR^itAM dR^iShTvA rAvaNaH krodhamUrchhitaH . 
utpapAtAsanAtkruddho dantairdantAnupaspR^ishan .. 46..\\
svAnamAtyAnvisR^ijyAtha vivikte tAmuvAcha saH . 
kehAsyeva.n kR^itA bhadre mAmachintyAvamanya cha .. 47..\\
kaH shUla.n tIkShNamAsAdya sarvagAtrairniShevite . 
kaH shirasyagnimAdAya vishvastaH svapate sukham .. 48..\\
AshIviSha.n ghorataraM pAdena smR^ishatIha kaH . 
si.nha.n kesariNaM kashcha daMShTrAsu spR^ishya tiShThati .. 49..\\
ityevaM bruvatastasya srotobhyastejaso.archiShaH . 
nishcherurdahyato rAtrau vR^ikShasyeva svarandhrataH .. 50..\\
tasya tatsarvamAchakhyau bhaginI rAmavikramam . 
svaradUShaNa sa.nyukta.n rAkShasAnAM parAbhavam .. 51..\\
sa nishchitya tataH kR^itya.n svasAramupasAntvya cha . 
UrdhvamAchakrame rAjA vidhAya nagare vidhim .. 52..\\
trikUTa.n samatikramya kAlaparvatameva cha . 
dadarsha makarAvAsa.n gambhIrodaM mahodadhim .. 53..\\
tamatItyAtha gokarNamabhyagachchhaddashAnanaH . 
dayita.n sthAnamavyagraM shUlapANermahAtmanaH .. 54..\\
tatrAbhyagachchhanmArIchaM pUrvAmAtya.n dashAnanaH . 
purA rAma bhayAdeva tApasya.n samupAshritam .. 55..\\
\medskip\hrule\medskip\centerline{\Largedvng 262}
 maark

mArIchastvatha sambhrAnto dR^iShTvA rAvaNamAgatam . 
pUjayAmAsa satkAraiH phalamUlAdibhistathA .. 1..\\
vishrAnta.n chainamAsInamanvAsInaH sa rAkShasaH . 
uvAcha prashrita.n vAkyaM vAkyaGYo vAkyakovidam .. 2..\\
na te pratR^itimAnvarNaH kachchitkShemaM pure tava . 
kachchitprakR^itayaH sarvA bhajante tvA.n yathA purA .. 3..\\
kimihAgamane chApi kArya.n te rAkShaseshvara . 
kR^itamityeva tadviddhi yadyapi syAtsuduShkaram .. 4..\\
shasha.nsa rAvaNastasmai tatsarva.n rAma cheShTitam . 
mArIchastvabravIchchhrutvA samAsenaiva rAvaNam .. 5..\\
ala.n te rAmamAsAdya vIryaGYo hyasmi tasya vai . 
bANavega.n hi kastasya shaktaH soDhuM mahAtmanaH .. 6..\\
pravrajyAyA.n hi me hetuH sa eva puruSharShabha . 
vinAshamukhametatte kenAkhyAta.n durAtmanA .. 7..\\
tamuvAchAtha sakrodho rAvaNaH paribhartsayan . 
akurvato.asmadvachana.n syAnmR^ityurapi te dhruvam .. 8..\\
mArIchashchintayAmAsa vishiShTAnmaraNa.n varam . 
avashyaM maraNe prApte kariShyAmyasya yanmatam .. 9..\\
tatastaM pratyuvAchAtha mArIcho rAkShaseshvaram . 
ki.n te sAhyaM mayA kAryaM kariShyAmyavasho.api tat .. 10..\\
tamabravIddashagrIvo gachchha sItAM pralobhaya . 
ratnashR^i~Ngo mR^igo bhUtvA ratnachitratanUruhaH .. 11..\\
dhruva.n sItA samAlakShya tvAM rAma.n chodayiShyati . 
apakrAnte cha kAkutsthe sItA vashyA bhaviShyati .. 12..\\
tAmAdAyApaneShyAmi tataH sa na bhaviShyati . 
bhAryA viyogAddurbuddhiretatsAhya.n kuruShva me .. 13..\\
ityevamukto mArIchaH kR^itvodakamathAtmanaH . 
rAvaNaM purato yAntamanvagachchhatsuduHkhitaH .. 14..\\
tatastasyAshrama.n gatvA rAmasyAkliShTakarmaNaH . 
chakratustattathA sarvamubhau yatpUrvamantritam .. 15..\\
rAvaNastu yatirbhUtvA muNDaH kuNDI tridaNDadhR^ik . 
mR^igashcha bhUtvA mArIchasta.n deshamupajagmatuH .. 16..\\
darshayAmAsa vaidehIM mArIcho mR^igarUpadhR^ik . 
chodayAmAsa tasyArthe sA rAma.n vidhichoditA .. 17..\\
rAmastasyAH priya.n kurvandhanurAdAya satvaraH . 
rakShArthe lakShmaNaM nyasya prayayau mR^igalipsayA .. 18..\\
sadhanvI baddhatUNIraH khaDgagodhA~NgulitravAn . 
anvadhAvanmR^iga.n rAmo rudrastArAmR^igaM yathA .. 19..\\
so.antarhitaH punastasya darshana.n rAkShaso vrajan . 
chakarSha mahadadhvAna.n rAmastaM bubudhe tataH .. 20..\\
nishAchara.n viditvA taM rAghavaH pratibhAnavAn . 
amogha.n sharamAdAya jaghAna mR^igarUpiNam .. 21..\\
sa rAmabANAbhihataH kR^itvA rAma svara.n tadA . 
hA sIte lakShmaNetyeva.n chukroshArtasvareNa ha .. 22..\\
shushrAva tasya vaidehI tatastA.n karuNAM giram . 
sA prAdravadyataH shabdastAmuvAchAtha lakShmaNaH .. 23..\\
ala.n te sha~NkayA bhIru ko rAma.n viShahiShyati . 
muhUrtAddrakShyase rAmamAgata.n ta.n shuchismite .. 24..\\
ityuktvA sA prarudatI paryasha~Nkata devaram . 
hatA vai strIsvabhAvena shuddhachAritrabhUShaNam .. 25..\\
sA taM paruShamArabdhA vaktu.n sAdhvI pativratA . 
naiSha kAlo bhavenmUDha ya.n tvaM prArthayase hR^idA .. 26..\\
apyaha.n shastramAdAya hanyAmAtmAnamAtmanA . 
pateya.n girishR^i~NgAdvA visheya.n vA hutAshanam .. 27..\\
rAmaM bhartAramutsR^ijya na tvaha.n tvAM kathaM chana . 
nihInamupatiShTheya.n shArdUlI kroShTukaM yathA .. 28..\\
etAdR^isha.n vacho shrutvA lakShmaNaH priya rAghavaH . 
pidhAya karNau sadvR^ittaH prasthito yena rAgavaH . 
sa rAmasya pada.n gR^ihya prasasAra dhanurdharaH .. 29..\\
etasminnantare rakSho rAvaNaH pratyadR^ishyata . 
abhavyo bhavyarUpeNa bhasmachchhanna ivAnalaH . 
yati veShapratichchhanno jihIrShustAmaninditAm .. 30..\\
sA tamAlakShya samprApta.n dharmaGYA janakAtmajA . 
nimantrayAmAsa tadA phalamUlAshanAdibhiH .. 31..\\
avamanya sa tatsarva.n svarUpaM pratipadya cha . 
sAntvayAmAsa vaidehImiti rAkShasapu~NgavaH .. 32..\\
sIte rAkShasarAjo.aha.n rAvaNo nAma vishrutaH . 
mama la~NkA purI nAmnA ramyA pAre mahodadheH .. 33..\\
tatra tva.n varanArIShu shobhiShyasi mayA saha . 
bhAryA me bhava sushroNi tApasa.n tyajya rAghavam .. 34..\\
evamAdIni vAkyAni shrutvA sItAtha jAnakI . 
pidhAya karNau sushroNI maivamityabravIdvachaH .. 35..\\
prapateddyauH sanakShatrA pR^ithivI shakalIbhavet . 
shaityamagniriyAnnAha.n tyajeya.n ragunandanam .. 36..\\
katha.n hi bhinnakaraTaM padminaM vanagocharam . 
upasthAya mahAnAga.n kareNuH sUkara.n spR^ishet .. 37..\\
katha.n hi pItvA mAdhvIkaM pItvA cha madhumAdhavIm . 
lobha.n sauvIrake kuryAnnArI kA chiditi smare .. 38..\\
iti sA ta.n samAbhAShya praviveshAshramaM punaH . 
tAmanudrutya sushroNI.n rAvaNaH pratyaShedhayat .. 39..\\
bhartsayitvA tu rUkSheNa svareNa gatachetanAm . 
mUrdhajeShu nijagrAha khamupAchakrame tataH .. 40..\\
tA.n dadarsha tadA gR^idhro jaTAyurgirigocharaH . 
rudatI.n rAma rAmeti hriyamANA.n tapasvinAm .. 41..\\
\medskip\hrule\medskip\centerline{\Largedvng 263}
 maark

sakhA dasharathasyAsIjjaTAyuraruNAtmajaH . 
gR^idhrarAjo mahAvIryaH sampAtiryasya sodaraH .. 1..\\
sa dadarsha tadA sItA.n rAvaNA~NkagatAM snuShAm . 
krodhAdabhyadravatpakShI rAvaNa.n rAkShaseshvaram .. 2..\\
athainamabravIdgR^idhro mu~ncha mu~ncheti maithilIm . 
dhriyamANe mayi katha.n hariShyasi nishAchara . 
na hi me mokShyase jIvanyadi notsR^ijase vadhUm .. 3..\\
uktvaiva.n rAkShasendra.n taM chakarta nakharairbhR^isham . 
pakShatuNDaprahAraishcha bahusho jarjarIkR^itaH . 
chakShAra rudhiraM bhUri giriH prasravaNairiva .. 4..\\
sa vadhyamAno gR^idhreNa rAmapriyahitaiShiNA . 
kha~NgamAdAya chichchheda bhujau tasya patatriNaH .. 5..\\
nihatya gR^idhrarAja.n sa chhinnAbhra shikharopamam . 
UrdhvamAchakrame sItA.n gR^ihItvA~Nkena rAkShasaH .. 6..\\
yatra yatra tu vaidehI pashyatyAshramamaNDalam . 
saro vA sarita.n vApi tatra mu~nchati bhUShaNam .. 7..\\
sA dadarsha giriprasthe pa~nchavAnarapu~NgavAn . 
tatra vAso mahaddivyamutsasarja manasvinI .. 8..\\
tatteShA.n vAnarendrANAM papAta pavanoddhutam . 
madhye supItaM pa~nchAnA.n vidyunmeghAntare yathA .. 9..\\
eva.n hR^itAyAM vaidehyAM rAmo hatvA mahAmR^igam . 
nivR^itto dadR^ishe dhImAnbhrAtara.n lakShmaNa.n tadA .. 10..\\
kathamutsR^ijya vaidehI.n vane rAkShasasevite . 
ityevaM bhrAtara.n dR^iShTvA prApto.asIti vyagarhayat .. 11..\\
mR^igarUpadhareNAtha rakShasA so.apakarShaNam . 
bhrAturAgamana.n chaiva chintayanparyatapyata .. 12..\\
garhayanneva rAmastu tvaritasta.n samAsadat . 
api jIvati vaidehI neti pashyAmi lakShmaNa .. 13..\\
tasya tatsarvamAchakhyau sItAyA lakShmaNo vachaH . 
yaduktavatyasadR^isha.n vaidehI pashchimaM vachaH .. 14..\\
dahyamAnena tu hR^idA rAmo.abhyapatadAshramam . 
sa dadarsha tadA gR^idhraM nihataM parvatopamam .. 15..\\
rAkShasa.n sha~NkamAnastu vikR^iShya balavaddhanuH . 
abhyadhAvata kAkutsthastatasta.n saha lakShmaNaH .. 16..\\
sa tAvuvAcha tejasvI sahitau rAmalakShmaNau . 
gR^idhrarAjo.asmi bhadra.n vAM sakhA dasharathasya ha .. 17..\\
tasya tadvachana.n shrutvA sa~NgR^ihya dhanurI shubhe . 
ko.ayaM pitaramasmAkaM nAmnAhetyUchatush cha tau .. 18..\\
tato dadR^ishatustau ta.n chhinnapalSha dvayaM tathA . 
tayoH shasha.nsa gR^idhrastu sItArthe rAvaNAdvadham .. 19..\\
apR^ichchhadrAghavo gR^idhra.n rAvaNaH kA.n dishaM gataH . 
tasya gR^idhraH shiraH kampairAchachakShe mamAra cha .. 20..\\
dakShiNAmiti kAkutstho viditvAsya tadi~Ngitam . 
sasskAra.n lambhayAmAsa sakhAyaM pUjayanpituH .. 21..\\
tato dR^iShTvAshramapada.n vyapaviddhabR^isI ghaTam . 
vidhvastakalasha.n shUnya.n gomAyubalasevitam .. 22..\\
duHkhashokasamAviShTau vaidehI haraNArditau . 
jagmaturdaNDakAraNya.n dakShiNena parantapau .. 23..\\
vane mahati tasmi.nstu rAmaH saumitriNA saha . 
dadarsha mR^igayUthAni dravamANAni sarvashaH . 
shabda.n cha ghora.n sattvAnAM dAvAgneriva vardhataH .. 24..\\
apashyetAM muhUrtAchcha kabandha.n ghoradarshanam . 
meghaparvata sa~NkAsha.n shAlaskandhaM mahAbhujam . 
urogatavishAlAkShaM mahodaramahAmukham .. 25..\\
yadR^ichchhayAtha tadrakSho kare jagrAha lakShmaNam . 
viShAdamagamatsadyo saumitriratha bhArata .. 26..\\
sa rAmamabhisamprekShya kR^iShyate yena tanmukham . 
viShaNNashchAbravIdrAmaM pashyAvasthAmimAM mama .. 27..\\
haraNa.n chaiva vaidehyA mama chAyamupaplavaH . 
rAjyabhraMshashcha bhavatastAtasya maraNa.n tathA .. 28..\\
nAha.n tvA.n saha vaidehyA sametaM kosalA gatam . 
drakShyAmi pR^ithivI rAjye pitR^ipaitAmahe sthitam .. 29..\\
drakShyantyAryasya dhanyA ye kusha lAja shamI lavaiH . 
abhiShiktasya vadana.n somaM sAbhra lavaM yathA .. 30..\\
evaM bahuvidha.n dhImAnvilalApa sa lakShmaNaH . 
tamuvAchAtha kAkutsthaH sambhrameShvapyasambhramaH .. 31..\\
mA viShAdanaravyAghra naiSha kash chinmayi sthite . 
chhindhyasya dakShiNaM bAhu.n chhinnaH savyo mayA bhujaH .. 32..\\
ityeva.n vadatA tasya bhujo rAmeNa pAtitaH . 
kha~Ngena bhR^ishatIkShNena nikR^ittastilakANDavat .. 33..\\
tato.asya dakShiNaM bAhu.n kha~NgenAjaghnivAnbalI . 
saumitrirapi samprekShya bhrAtara.n rAghavaM sthitam .. 34..\\
punarabhyAhanatpArshve tadrakSho lakShmaNo bhR^isham . 
gatAsurapatadbhUmau kabandhaH sumahA.nstataH .. 35..\\
tasya dehAdviniHsR^itya puruSho divyadarshanaH . 
dadR^ishe divamAsthAya divi sUrya iva jvalan .. 36..\\
paprachchha rAmasta.n vAgmI kastvaM prabrUhi pR^ichchhataH . 
kAmayA kimida.n chitramAshcharyaM pratibhAti me .. 37..\\
tasyAchachakShe gandharvo vishvAvasurahaM nR^ipa . 
prApto brahmAnushApena yoni.n rAkShasasevitAm .. 38..\\
rAvaNena hR^itA sItA rAGYA la~NkAnivAsinA . 
sugrIvamabhigachchhasva sa te sAhya.n kariShyati .. 39..\\
eShA pampA shivajalA ha.nsakAraNDa vAyutA . 
R^ishyamUkasya shailasya saMnikarShe taTAkinI .. 40..\\
sa.nvasatyatra sugrIvashchaturbhiH sachivaiH saha . 
bhrAtA vAnararAjasya vAlino meha mAlinaH .. 41..\\
etAvachchhakyamasmAbhirvaktu.n draShTAsi jAnakIm . 
dhruva.n vAnararAjasya vidito rAvaNAlayaH .. 42..\\
ityuktvAntarhito divyaH puruShaH sa mahAprabhaH . 
vismaya.n jagmatushchobhau tau vIrau rAmalakShmaNau .. 43..\\
\medskip\hrule\medskip\centerline{\Largedvng 264}
 maark

tato.avidUre nalinIM prabhUtakamalotpalAm . 
sItAharaNaduHkhArtaH pampA.n rAmaH samAsadat .. 1..\\
mArutena sushItena sukhenAmR^ita gandhinA . 
sevyamAno vane tasmi~njagAma manasA priyAm .. 2..\\
vilalApa sa rAjendrastatra kAntAm anusmaran . 
kAmabANAbhisantaptaH saumitristamathAbravIt .. 3..\\
na tvAmeva.nvidho bhAvaH spraShTumarhati mAnada . 
Atmavantamiva vyAdhiH puruSha.n vR^iddhashIlinam .. 4..\\
pravR^ittirupalabdhA te vaidehyA rAvaNasya cha . 
tA.n tvaM puruShakAreNa buddhyA chaivopapAdaya .. 5..\\
abhigachchhAva sugrIva.n shailasthaM haripu~Ngavam . 
mayi shiShye cha bhR^itye cha sahAye cha samAshvasa .. 6..\\
evaM bahuvidhairvAkyairlakShmaNena sarAghavaH . 
uktaH prakR^itimApede kArye chAnantaro.abhavat .. 7..\\
niShevya vAri pampAyAstarpayitvA pitR^Inapi . 
pratasthaturubhau vIrau bhrAtarau rAmalakShmaNau .. 8..\\
tAvR^ishyamUkamabhyetya bahumUlaphala.n girim . 
giryagre vAnarAnpa~ncha vIrau dadR^ishatustadA .. 9..\\
sugrIvaH preShayAmAsa sachiva.n vAnara.n tayoH . 
buddhimanta.n hanUmantaM himavantamiva sthitam .. 10..\\
tena sambhAShya pUrva.n tau sugrIvamabhijagmatuH . 
sakhya.n vAnararAjena chakre rAmastato nR^ipa .. 11..\\
tadvAso darshayAmAsurtasya kArye nivedite . 
vAnarANA.n tu yatsItA hriyamANAbhyavAsR^ijat .. 12..\\
tatpratyayakara.n labdhvA sugrIvaM plavagAdhipam . 
pR^ithivyA.n vAnaraishvarye svayaM rAmo.abhyaShechayat .. 13..\\
pratijaGYe cha kAkutsthaH samare vAlino vadham . 
sugrIvashchApi vaidehyAH punarAnayanaM nR^ipa .. 14..\\
ityuktvA samaya.n kR^itvA vishvAsya cha parasparam . 
abhyetya sarve kiShkindhA.n tasthuryuddhAbhikA~NkShiNaH .. 15..\\
sugrIvaH prApya kiShkindhAM nanAdaughanibhasvanaH . 
nAsya tanmamR^iShe bAlI ta.n tArA pratyaShedhayat .. 16..\\
yathA nadati sugrIvo balavAneSha vAnaraH . 
manye chAshrayavAnprApto na tvaM nirgantumarhasi .. 17..\\
hemamAlI tato vAlI tArA.n tArAdhipAnanAm . 
provAcha vachana.n vAgmI tAM vAnarapatiH patiH .. 18..\\
sarvabhUtarutaGYA tvaM pashya buddhyA samanvitA . 
kenApAshrayavAnprApto mamaiSha bhrAtR^igandhikaH .. 19..\\
chintayitvA muhUrta.n tu tArA tArAdhipaprabhA . 
patimityabravItprAGYA shR^iNu sarva.n kapIshvara .. 20..\\
hR^itadAro mahAsattvo rAmo dasharathAtmajaH . 
tulyAri mitratAM prAptaH sugrIveNa dhanurdharaH .. 21..\\
bhrAtA chAsya mahAbAhuH saumitriraparAjitaH . 
lakShmaNo nAma medhAvI sthitaH kAryArthasiddhaye .. 22..\\
maindashcha dvividashchaiva hanUmAMshchAnilAtmajaH . 
jAmbavAnR^ikSharAjashcha sugrIvasachivAH sthitAH .. 23..\\
sarva ete mahAtmAno buddhimanto mahAbalAH . 
ala.n tava vinAshAya rAma vIryavyapAshrayAt .. 24..\\
tasyAstadAkShipya vacho hitamukta.n kapIShvaraH . 
paryasha~Nkata tAmIrShuH sugrIva gatamAnasAm .. 25..\\
tArAM paruShamuktvA sa nirjagAma guhA mukhAt . 
sthitaM mAlyavato.abhyAshe sugrIva.n so.abhyabhAShata .. 26..\\
asakR^ittvaM mayA mUDha nirjito jIvitapriyaH . 
mukto GYAtiriti GYAtvA kA tvarA maraNe punaH .. 27..\\
ityuktaH prAha sugrIvo bhrAtara.n hetumadvachaH . 
prAptakAlamamitraghno rAma.n sambodhayanniva .. 28..\\
hR^itadArasya me rAjanhR^itarAjyasya cha tvayA . 
kiM nu jIvitasAmarthyamiti viddhi samAgatam .. 29..\\
evamuktvA bahuvidha.n tatastau saMnipetatuH . 
samare vAlisugrIvau shAlatAlashilAyudhau .. 30..\\
ubhau jaghnaturanyonyamubhau bhUmau nipetatuH . 
ubhau vavalgatushchitraM muShTibhishcha nijaghnatuH .. 31..\\
ubhau rudhirasa.nsiktau nakhadanta parikShatau . 
shushubhAte tadA vIrau pishpitAviva kiMshukau .. 32..\\
na visheShastayoryuddhe tadA kashchana dR^ishyate . 
sugrIvasya tadA mAlA.n hanUmAnkaNTha Asajat .. 33..\\
sa mAlayA tadA vIraH shushubhe kaNThasaktayA . 
shrImAniva mahAshailo malayo meghamAlayA .. 34..\\
kR^itachihna.n tu sugrIva.n rAmo dR^iShTvA mahAdhanuH . 
vichakarSha dhanuHshreShTha.n vAlimuddishya lakShyavat .. 35..\\
visphArastasya dhanuSho yantrasyeva tadA babhau . 
vitatrAsa tadA vAlI shareNAbhihato hR^idi .. 36..\\
sa bhinnamarmAbhihato vaktrAchchhoNitamudvaman . 
dadarshAvasthita.n rAmamArAtsaumitriNA saha .. 37..\\
garhayitvA sa kAkutsthaM papAta bhuvi mUrchhitaH . 
tArA dadarsha taM bhUmau tArApatimiva chyutam .. 38..\\
hate vAlini sugrIvaH kiShkindhAM pratyapadyata . 
tA.n cha tArApatimukhIM tArAM nipatiteshvarAm .. 39..\\
rAmastu chaturo mAsAnpR^iShThe mAlyavataH shubhe . 
nivAsamakaroddhImAnsugrIveNAbhyupasthitaH .. 40..\\
rAvaNo.api purI.n gatvA la~NkAM kAmabalAtkR^itaH . 
sItAM niveshayAmAsa bhavane nandanopame . 
ashokavanikAbhyAshe tApasAshramasaMnibhe .. 41..\\
bhartR^ismaraNa tanva~NgI tApasI veShadhAriNI . 
upavAsatapaH shIlA tatra sA pR^ithulekShaNA . 
uvAsa duHkhavasatIH phalamUlakR^itAshanA .. 42..\\
didesha rAkShasIstatra rakShaNe rAkShasAdhipaH . 
prAsAsishUlaparashu mudgarAlAta dhAriNIH .. 43..\\
dvyakShI.n tryakShI.n lalATAkShIM dIrghajihvAmajihvikAm . 
tristanImekapAdA.n cha trijaTAmekalochanAm .. 44..\\
etAshchAnyAshcha dIptAkShyaH karabhotkaTa mUrdhajAH . 
parivAryAsate sItA.n divArAtramatandritAH .. 45..\\
tAstu tAmAyatApA~NgIM pishAchyo dAruNasvanAH . 
tarjayanti sadA raudrAH paruShavya~njanAkSharAH .. 46..\\
khAdAma pATayAmainA.n tilashaH pravibhajya tAm . 
yeyaM bhartAramasmAkamavamanyeha jIvati .. 47..\\
ityevaM paribhartsantIstrAsyamAnA punaH punaH . 
bhartR^ishokasamAviShTA niHshvasyedamuvAcha tAH .. 48..\\
AryAH khAdata mA.n shIghraM na me lobho.asti jIvite . 
vinA taM pundarIkAkShaM nIlaku~nchita mUrdhajam .. 49..\\
apyevAhaM nirAhArA jIvitapriyavarjitA . 
shoShayiShyAmi gAtrANi vyAlI tAlagatA yathA .. 50..\\
na tvanyamabhigachchheyaM pumA.nsa.n rAghavAdR^ite . 
iti jAnIta satyaM me kriyatA.n yadanantaram .. 51..\\
tasyAstadvachana.n shrutvA rAkShasyastAH kharasvanAH . 
AkhyAtu.n rAkShasendrAya jagmustatsarvamAditaH .. 52..\\
gatAsutAsu sarvAsu trijaTA nAma rAkShasI . 
sAntvayAmAsa vaidehI.n dharmaGYA priyavAdinI .. 53..\\
sIte vakShyAmi te ki.n chidvishvAsaM kuru me sakhi . 
bhaya.n te vyetu vAmoru shR^iNu cheda.n vacho mama .. 54..\\
avindhyo nAma medhAvI vR^iddho rAkShasapu~NgavaH . 
sa rAmasya hitAnveShI tvadarthe hi sa mAvadat .. 55..\\
sItA madvachanAdvAchyA samAshvAsya prasAdya cha . 
bhartA te kushalI rAmo lakShmaNAnugato balI .. 56..\\
sakhya.n vAnararAjena shakra pratimatejasA . 
kR^itavAnrAghavaH shrImA.nstvadarthe cha samudyataH .. 57..\\
mA cha te.astu bhayaM bhIru rAvaNAllokagarhitAt . 
nalakUbara shApena rakShitA hyasyanindite .. 58..\\
shapto hyeSha purA pApo vadhU.n rambhAM parAmR^ishan . 
na shakto vivashAM nArImupaitumajitendriyaH .. 59..\\
kShiprameShyati te bhartA sugrIveNAbhirakShitaH . 
saumitrisahito dhImA.nstvA.n cheto mokShayiShyati .. 60..\\
svapnA hi sumahAghorA dR^iShTA me.aniShTa darshanAH . 
vinAshAyAsya durbuddheH paulastya kulaghAtinaH .. 61..\\
dAruNo hyeSha duShTAtmA kShudrakarmA nishAcharaH . 
svabhAvAchchhIla doSheNa sarveShAM bhayavardhanaH .. 62..\\
spardhate sarvadevairyaH kAlopahatachetanaH . 
mayA vinAshali~NgAni svapne dR^iShTAni tasya vai .. 63..\\
tailAbhiShikto vikacho majjanpa~Nke dashAnanaH . 
asakR^itkharayukte tu rathe nR^ityanniva sthitaH .. 64..\\
kumbhakarNAdayashcheme nagnAH patitamUrdhajAH . 
kR^iShyante dakShiNAmAshA.n raktamAlyAnulepanAH .. 65..\\
shvetAtapatraH soShNIShaH shuklamAlyavibhUShaNaH . 
shvetaparvatamArUDha eka eva vibhIShaNaH .. 66..\\
sachivAshchAsya chatvAraH shuklamAlyAnulepanAH . 
shvetaparvatamArUDhA mokShyante.asmAnmahAbhayAt .. 67..\\
rAmasyAstreNa pR^ithivI parikShiptA sasAgarA . 
yashasA pR^ithivI.n kR^itsnAM pUrayiShyati te patiH .. 68..\\
asthi sa~ncayamArUDho bhu~njAno madhu pAyasam . 
lakShmaNashcha mayA dR^iShTo nirIkShansarvatodishaH .. 69..\\
rudatI rudhirArdrA~NgI vyAghreNa parirakShitA . 
asakR^ittvaM mayA dR^iShTA gachchhantI dushamuttarAm .. 70..\\
harShameShyasi vaidehi kShipraM bhartR^isamanvitA . 
rAghaveNa saha bhrAtrA sIte tvamachirAdiva .. 71..\\
iti sA mR^igashAvAkShI tachchhrutvA trijaTA vachaH . 
babhUvAshAvatI bAlA punarbhartR^isamAgame .. 72..\\
yAvadabhyAgatA raudrAH pishAchyastAH sudAruNAH . 
dadR^ishustA.n trijaTayA sahAsInA.n yathA purA .. 73..\\
\medskip\hrule\medskip\centerline{\Largedvng 265}
 maark

tatastAM bhartR^ishokArtA.n dInAM malinavAsasam . 
maNisheShAbhyala~NkArA.n rudatI.n cha pativratAm .. 1..\\
rAkShasIbhirupAsyantI.n samAsInAM shilAtale . 
rAvaNaH kAmabANArto dadarshopasasarpa cha .. 2..\\
devadAnavagandharvayakShakimpuruShairyudhi . 
ajito shokavanikA.n yayau kandarpa mohitaH .. 3..\\
divyAmbara dharaH shrImAnsumR^iShTamaNikuNDalaH . 
vichitramAlyamukuTo vasanta iva mUrtimAn .. 4..\\
sa kalpavR^ikShasadR^isho yatnAdapi vibhUShitaH . 
shmashAnachaityadrumavadbhUShito.api bhaya~NkaraH .. 5..\\
sa tasyAstanumadhyAyAH samIpe rajanIcharaH . 
dadR^ishe rohiNImetya shanaishchara iva grahaH .. 6..\\
sa tAmAmantrya sushroNIM puShpahetu sharAhataH . 
idamityabravIdbAlA.n trastA.n rauhImivAbalAm .. 7..\\
sIte paryAptametAvatkR^ito bharturanugrahaH . 
prasAda.n kuru tanva~Ngi kriyatAM parikarma te .. 8..\\
bhajasva mA.n varArohe mahArhAbharaNAmbarA . 
bhava me sarvanArINAmuttamA varavarNini .. 9..\\
santi me devakanyAshcha rAjarShINA.n tathA~NganAH . 
santi dAnava kanyAshcha daityAnA.n chApi yoShitaH .. 10..\\
chaturdasha pishAchAnA.n koTyo me vachane sthitAH . 
dvistAvatpuruShAdAnA.n rakShasAM bhImakarmaNAm .. 11..\\
tato me triguNA yakShA ye madvachana kAriNaH . 
ke chideva dhanAdhyakShaM bhrAtaraM me samAshritAH .. 12..\\
gandharvApsaraso bhadre mAmApAnagata.n sadA . 
upatiShThanti vAmoru yathaiva bhrAtaraM mama .. 13..\\
putro.ahamapi viprarSheH sAkShAdvishravaso muneH . 
pa~nchamo lokapAlAnAmiti me prathita.n yashaH .. 14..\\
divyAni bhakShyabhojyAni pAnAni vividhAni cha . 
yathaiva tridasheshasya tathaiva mama bhAmini .. 15..\\
kShIyatA.n duShkR^itaM karma vanavAsa kR^itaM tava . 
bhAryA me bhava sushroNi yathA mandodarI tathA .. 16..\\
ityuktA tena vaidehI parivR^itya shubhAnanA . 
tR^iNamantarataH kR^itvA tamuvAcha nishAcharam .. 17..\\
ashivenAtivAmorurajasraM netravAriNA . 
stanAvapatitau bAlA sahitAvabhivarShatI . 
uvAcha vAkya.n taM kShudra.n vaidehI patidevatA .. 18..\\
asakR^idvadato vAkyamIdR^isha.n rAkShaseshvara . 
viShAdayuktametatte mayA shrutamabhAgyayA .. 19..\\
tadbhadra sukhabhadra.n te mAnasa.n vinivartyatAm . 
paradArAsmyalabhyA cha satata.n cha pativratA .. 20..\\
na chaivaupayikI bhAryA mAnuShI kR^ipaNA tava . 
vivashA.n dharShayitvA cha kAM tvaM prItimavApsyasi .. 21..\\
prajApatisamo vipro brahmayoniH pitA tava . 
na cha pAlayase dharma.n lokapAlasamaH katham .. 22..\\
bhrAtara.n rAjarAjAnaM maheshvara sakhaM prabhum . 
dhaneshvara.n vyapadishankatha.n tviha na lajjase .. 23..\\
ityuktvA prArudatsItA kampayantI payodharau . 
shirodharA.n cha tanva~NgI mukhaM prachchhAdya vAsasA .. 24..\\
tasyA rudatyA bhAminyA dIrghA veNI susa.nyatA . 
dadR^ishe svasitA snigdhA lAkI vyAlIva mUrdhani .. 25..\\
tachchhrutvA rAvaNo vAkya.n sItayoktaM suniShThuram . 
pratyAkhyAto.api durmedhAH punarevAbravIdvachaH .. 26..\\
kAmama~NgAni me sIte dunotu makaradhvajaH . 
na tvAmakAmA.n sushroNIM sameShye chAruhAsinIm .. 27..\\
kiM nu shakyaM mayA kartu.n yattvamadyApi mAnuSham . 
AhArabhUtamasmAka.n rAmamevAnurudhyase .. 28..\\
ityuktvA tAmanindyA~NgI.n sa rAkShasagaNeshvaraH . 
tatraivAntarhito bhUtvA jagAmAbhimatA.n disham .. 29..\\
rAkShasIbhiH parivR^itA vaidehI shokakarshitA . 
sevyamAnA trijaTayA tatraiva nyavasattadA .. 30..\\
\medskip\hrule\medskip\centerline{\Largedvng 266}
 maark

rAghavastu sasaumitriH sugrIveNAbhipAlitaH . 
vasanmAlyavataH pR^iShThe dadarsha vimalaM nabhaH .. 1..\\
sa dR^iShTvA vimale vyomni nirmala.n shashalakShaNam . 
grahanakShatratArAbhiranuyAtamamitrahA .. 2..\\
kumudotpala padmAnA.n gandhamAdAya vAyunA . 
mahIdharasthaH shItena sahasA pratibodhitha .. 3..\\
prabhAte lakShmaNa.n vIramabhyabhAShata durmanAH . 
sItA.n sa.nsmR^itya dharmAtmA ruddhAM rAkShasa veshmani .. 4..\\
gachchha lakShmaNa jAnIhi kiShkindhAyA.n kapIshvaram . 
pramatta.n grAmyadharmeShu ketaghna.n svArthapaNDitam .. 5..\\
yo.asau kulAdhamo mUDho mayA rAjye.abhiShechitaH . 
sarvavAnaragopuchchhA yamR^ikShAsh cha bhajanti vai .. 6..\\
yadarthaM nihato vAlI mayA raghukulodvaha . 
tvayA saha mahAbAho kiShkindhopavane tadA .. 7..\\
kR^itaghna.n tamahaM manye vAnarApasadaM bhuvi . 
yo mAmeva~Ngato mUDho na jAnIte.adya lakShmaNa .. 8..\\
asau manye na jAnIte samayapratipAdanam . 
kR^itopakAraM mAM nUnamavamanyAlpayA dhiyA .. 9..\\
yadi tAvadanudyuktaH shete kAmasukhAtmakaH . 
netavyo vAlimArgeNa sarvabhUtagati.n tvayA .. 10..\\
athApi ghaTate.asmAkamarthe vAnarapu~NgavaH . 
tamAdAyaihi kAkutstha tvarAvAnbhava mAchiram .. 11..\\
ityukto lakShmaNo bhrAtrA guruvAkyahite rataH . 
pratasthe ruchira.n gR^ihya samArgaNa guNaM dhanuH . 
kiShkindhA dvAramAsAdya praviveshAnivAritaH .. 12..\\
sakrodha iti taM matvA rAjA pratyudyayau hariH . 
ta.n sadAro vinItAtmA sugrIvaH plavagAdhipaH . 
pUjayA pratijagrAha prIyamANastadarhayA .. 13..\\
tamabravIdrAmavacho saumitrirakutobhayaH . 
sa tatsarvamasheSheNa shrutvA prahvaH kR^itA~njaliH .. 14..\\
sabhR^ityadAro rAjendra sugrIvo vAnarAdhipaH . 
idamAha vacho prIto lakShmaNaM naraku~njaram .. 15..\\
nAsmi lakShmaNa durmedhA na kR^itaghno na nirghR^iNaH . 
shrUyatA.n yaH prayatno me sItA paryeShaNe kR^itaH .. 16..\\
dishaH prasthApitAH sarve vinItA harayo mayA . 
sarveShA.n cha kR^itaH kAlo mAsenAgamanaM punaH .. 17..\\
yairiya.n savanA sAdriH sapurA sAgarAmbarA . 
vichetavyA mahI vIra sagrAma nagarAkarA .. 18..\\
sa mAsaH pa~ncharAtreNa pUrNo bhavitumarhati . 
tataH shroShyasi rAmeNa sahitaH sumahatpriyam .. 19..\\
ityukto lakShmaNastena vAnarendreNa dhImatA . 
tyaktvA roShamadInAtmA sugrIvaM pratyapUjayat .. 20..\\
sa rAma.n saha sugrIvo mAlyavatpR^iShThamAsthitam . 
abhigamyodaya.n tasya kAryasya pratyavedayat .. 21..\\
ityeva.n vAnarendrAste samAjagmuH sahasrashaH . 
dishastisro vichityAtha na tu ye dakShiNA.n gatAH .. 22..\\
Achakhyuste tu rAmAya mahI.n sAgaramekhalAm . 
vichitAM na tu vaidehyA darshana.n rAvaNasya vA .. 23..\\
gatAstu dakShiNAmAshA.n ye vai vAnarapu~NgavAH . 
AshAvA.nsteShu kAkutsthaH prAnAnArto.apyadhArayat .. 24..\\
dvimAsoparame kAle vyatIte plavagAstataH . 
sugrIvamabhigamyeda.n tvaritA vAkyamabruvan .. 25..\\
rakShita.n vAlinA yattatsphItaM madhuvanaM mahat . 
tvayA cha plavagashreShTha tadbhu~Nkte pavanAtmajaH .. 26..\\
vAliputro.a~Ngadashchaiva ye chAnye plavagarShabhAH . 
vichetu.n dakShiNAmAshA.n rAjanprasthApitAstvayA .. 27..\\
teShA.n taM praNaya.n shrutvA mene sa kR^itakR^ityatAm . 
kR^itArthAnA.n hi bhR^ityAnAmetadbhavati cheShTitam .. 28..\\
sa tadrAmAya medhAvI shasha.nsa plavagarShabhaH . 
rAmashchApyanumAnena mene dR^iShTA.n tu maithilIm .. 29..\\
hanUmatpramukhAshchApi vishrAntAste plava~NgamAH . 
abhijagmurharIndra.n ta.n rAmalakShmaNasaMnidhau .. 30..\\
gati.n cha mukhavarNaM cha dR^iShTvA rAmo hanUmataH . 
agamatpratyayaM bhUyo dR^iShTA sIteti bhArata .. 31..\\
hanUmatpramukhAste tu vAnarAH pUrNamAnasAH . 
praNemurvidhivadrAma.n sugrIvaM lakShmaNa.n tathA .. 32..\\
tAnuvAchAgatAnrAmaH pragR^ihya sashara.n dhanuH . 
api mA.n jIvayiShyadhvamapi vaH kR^itakR^ityatA .. 33..\\
api rAjyamayodhyAyA.n kArayiShyAmyahaM punaH . 
nihatya samare shatrUnAhR^itya janakAtmajAm .. 34..\\
amokShayitvA vaidehImahatvA cha ripUnraNe . 
hR^itadAro.avadhUtashcha nAha.n jIvitumutsahe .. 35..\\
ityuktavachana.n rAmaM pratyuvAchAnilAtmajaH . 
priyamAkhyAmi te rAma dR^iShTA sA jAnakI mayA .. 36..\\
vichitya dakShiNAmAshA.n saparvatavanAkarAm . 
shrAntAH kAle vyatIte sma dR^iShTavanto mahAguhAm .. 37..\\
pravishAmo vaya.n tAM tu bahuyojanamAyatAm . 
andhakArA.n suvipinA.n gahanAM kITa sevitAm .. 38..\\
gatvA sumahadadhvAnamAdityasya prabhA.n tataH . 
dR^iShTavantaH sma tatraiva bhavana.n divyamantarA .. 39..\\
mayasya kila daityasya tadAsIdveshma rAghava . 
tatra prabhAvatI nAma tapo.atapyata tApasI .. 40..\\
tayA dattAni bhojyAni pAnAni vividhAni cha . 
bhuktvA labdhabalAH santastayoktena pathA tataH .. 41..\\
niryAya tasmAduddeshAtpashyAmo lavaNAmbhasaH . 
samIpe sahyamalayau dardura.n cha mahAgirim .. 42..\\
tato malayamAruhya pashyanto varuNAlayam . 
viShaNNA vyathitAH khinnA nirAshA jIvite bhR^isham .. 43..\\
anekashatavistIrNa.n yojanAnAM mahodadhim . 
timinakra jhaShAvAsa.n chintayantaH suduHkhitAH .. 44..\\
tatrAnashana sa~Nkalpa.n kR^itvAsInA vayaM tadA . 
tataH kathAnte gR^idhrasya jaTAyorabhavatkathA .. 45..\\
tataH parvatashR^i~NgAbha.n ghorarUpaM bhayAvaham . 
pakShiNa.n dR^iShTavantaH sma vainateyamivAparam .. 46..\\
so.asmAnatarkayadbhoktumathAbhyetya vacho.abravIt . 
bhoH ka eSha mama bhrAturjaTAyoH kurute kathAm .. 47..\\
sampAtirnAma tasyAha.n jyeShTho bhrAtA khagAdhipaH . 
anyonyaspardhayArUDhAvAvAmAdityasa.nsadam .. 48..\\
tato dagdhAvimau pakShau na dagdhau tu jaTAyuShaH . 
tadA me chiradR^iShTaH sa bhrAtA gR^idhrapatiH priyaH . 
nirdagdhapakShaH patito hyahamasminmahAgirau .. 49..\\
tasyaiva.n vadato.asmAbhirhato bhrAtA niveditaH . 
vyasanaM bhavatashcheda.n sa~NkShepAdvai niveditam .. 50..\\
sa sampAtistadA rAja~nshrutvA sumahadapriyam . 
viShaNNachetAH paprachchha punarasmAnarindama .. 51..\\
kaH sa rAmaH katha.n sItA jaTAyushcha kathaM hataH . 
ichchhAmi sarvamevaitachchhrotuM plavagasattamAH .. 52..\\
tasyAha.n sarvamevaitaM bhavato vyasanAgamam . 
prAyopaveshane chaiva hetu.n vistarato.abruvam .. 53..\\
so.asmAnutthApayAmAsa vAkyenAnena pakShirAj . 
rAvaNo vidito mahya.n la~NkA chAsya mahApurI .. 54..\\
dR^iShTA pAre samudrasya trikUTagirikandare . 
bhavitrI tatra vaidehI na me.astyatra vichAraNA .. 55..\\
iti tasya vacho shrutvA vayamutthAya satvarAH . 
sAgaraplavane mantraM mantrayAmaH parantapa .. 56..\\
nAdhyavasyadyadA kashchitsAgarasya vila~Nghane . 
tataH pitaramAvishya pupluve.ahaM mahArNavam . 
shatayojanavistIrNaM nihatya jalarAkShasIm .. 57..\\
tatra sItA mayA dR^iShTA rAvaNAntaHpure satI . 
upavAsatapaH shIlA bhartR^idarshanalAlasA . 
jaTilA maladigdhA~NgI kR^ishA dInA tapasvinI .. 58..\\
nimittaistAmaha.n sItAmupalabhya pR^ithagvidhaiH . 
upasR^ityAbruva.n chAryAmabhigamya rahogatAm .. 59..\\
sIte rAmasya dUto.aha.n vAnaro mArutAtmajaH . 
tvaddarshanamabhiprepsuriha prApto vihAyasA .. 60..\\
rAjaputrau kushalinau bhrAtarau rAmalakShmaNau . 
sarvashAkhA mR^igendreNa sugrIveNAbhipAlitau .. 61..\\
kushala.n tvAbravIdrAmaH sIte saumitriNA saha . 
sakhibhAvAchcha sugrIvaH kushala.n tvAnupR^ichchhati .. 62..\\
kShiprameShyati te bhartA sarvashAkA mR^igaiH saha . 
pratyaya.n kuru me devi vAnaro.asmi na rAkShasaH .. 63..\\
muhUrtamiva cha dhyAtvA sItA mAM pratyuvAcha ha . 
avaimi tvA.n hanUmantamavindhya vachanAdaham .. 64..\\
avindhyo hi mahAbAho rAkShaso vR^iddhasaMmataH . 
kathitastena sugrIvastvadvidhaiH sachivairvR^itaH .. 65..\\
gamyatAmiti choktvA mA.n sItA prAdAdimaM maNim . 
dhAritA yena vaidehI kAlametamaninditA .. 66..\\
pratyayArtha.n kathAM chemAM kathayAmAsa jAnakI . 
kShiprAmiShIkA.n kAkasya chitrakUTe mahAgirau . 
bhavatA puruShavyAghra pratyabhiGYAna kAraNAt .. 67..\\
shrAvayitvA tadAtmAna.n tato dagdhvA cha tAM purIm . 
samprApta iti ta.n rAmaH priyavAdinamarchayat .. 68..\\
\medskip\hrule\medskip\centerline{\Largedvng 267}
 maark

tatastatraiva rAmasya samAsInasya taiH saha . 
samAjagmuH kapishreShThAH sugrIvavachanAttadA .. 1..\\
vR^itaH koTisahasreNa vAnarANA.n tarasvinAm . 
shvashuro vAlinaH shrImAnsuSheNo rAmamabhyayAt .. 2..\\
koTIshatavR^itau chApi gajo gavaya eva cha . 
vAnarendrau mahAvIryau pR^ithakpR^ithagadR^ishyatAm .. 3..\\
ShaShTikoTisahasrANi prakarShanpratyadR^ishyata . 
golA~NgUlo mahArAja gavAkSho bhImadarshanaH .. 4..\\
gandhamAdanavAsI tu prathito gandhamAdanaH . 
koTIsahasramugrANA.n harINAM samakarShata .. 5..\\
panaso nAma medhAvI vAnaraH sumahAbalaH . 
koTIrdasha dvAdasha cha triMshatpa~ncha prakarShati .. 6..\\
shrImAndadhimukho nAma harivR^iddho.api vIryavAn . 
prachakarSha mahatsainya.n harINAM bhIma tejasAm .. 7..\\
kR^iShNAnAM mukhapuNDANAmR^ikShANAM bhImakarmaNAm . 
koTIshatasahasreNa jAmbavAnpratyadR^ishyata .. 8..\\
ete chAnye cha bahavo hariyUthapayUthapAH . 
asa~NkhyeyA mahArAja samIyU rAmakAraNAt .. 9..\\
shirISha kusumAbhAnA.n si.nhAnAmiva nardatAm . 
shrUyate tumulaH shabdastatra tatra pradhAvatAm .. 10..\\
girikUTa nibhAH ke chitke chinmahiShasaMnibhAH . 
sharadabhrapratIkAshAH piShTa hi~Ngula kAnanAH .. 11..\\
utpatantaH patantashcha plavamAnAshcha vAnarAH . 
uddhunvanto.apare reNUnsamAjagmuH samantataH .. 12..\\
sa vAnaramahAlokaH pUrNasAgara saMnibhaH . 
niveshamakarottatra sugrIvAnumate tadA .. 13..\\
tatasteShu harIndreShu samAvR^itteShu sarvashaH . 
tithau prashaste nakShatre muhurte chAbhipUjite .. 14..\\
tena vyUDhena sainyena lokAnudvartayanniva . 
prayayau rAghavaH shrImAnsugrIvasahitastadA .. 15..\\
mukhamAsIttu sainyasya hanUmAnmArutAtmajaH . 
jaghanaM pAlayAmAsa saumitrirakutobhayaH .. 16..\\
baddhagodhA~Nguli trANau rAghavau tatra rejatuH . 
vR^itau hari mahAmAtraishchandrasUryau grahairiva .. 17..\\
prababhau harisainya.n tachchhAla tAlashilAyudham . 
sumahachchhAli bhavana.n yathA sUryodayaM prati .. 18..\\
nala nIlA~NgadakrAtha mainda dviradapAlitA . 
yayau sumahatI senA rAghavasyArthasiddhaye .. 19..\\
vidhivatsuprashasteShu bahumUlaphaleShu cha . 
prabhUtamadhu mA.nseShu vArimatsu shiveShu cha .. 20..\\
nivasanti nirAbAdhA tathaiva girisAnuShu . 
upAyAddhari senA sA kShArodamatha sAgaram .. 21..\\
dvitIya sAgaranibha.n tadbalaM bahula dhvajam . 
velAvana.n samAsAdya nivAsamakarottadA .. 22..\\
tato dAsharathiH shrImAnsugrIvaM pratyabhAShata . 
madhye vAnaramukhyAnAM prAptakAlamida.n vachaH .. 23..\\
upAyaH ko nu bhavatAM mahatsAgarala~Nghane . 
iya.n cha mahatI senAsAgarashchApi dustaraH .. 24..\\
tatrAnye vyAharanti sma vAnarAH paTu mAninaH . 
samarthA la~Nghane sindhorna tu kR^itsnasya vAnarAH .. 25..\\
ke chinnaubhirvyavasyanti kechIchcha vividhaiH plavaiH . 
neti rAmashcha tAnsarvAnsAntvayanpratyabhAShata .. 26..\\
shatayojanavistAraM na shaktAH sarvavAnarAH . 
krAntu.n toyanidhi.n vIrA naiShA vo naiShThikI matiH .. 27..\\
nAvo na santi senAyA bahvyastArayitu.n tathA . 
vaNijAmupaghAta.n cha kathamasmadvidhash charet .. 28..\\
vistIrNa.n chaiva naH sainya.n hanyAchchhidreShu vai paraH . 
plavoDupa pratArashcha naivAtra mama rochate .. 29..\\
aha.n tvimaM jalanidhi.n samArapsyAmyupAyataH . 
pratisheShyAmyupavasandarshayiShyati mA.n tataH .. 30..\\
na cheddarshayitA mArga.n dhakShyAmyenamahaM tataH . 
mahAstrairapratihatairatyagni pavanojjvalaiH .. 31..\\
ityuktvA saha saumitrirupaspR^ishyAtha rAghavaH . 
pratishishye jalanidhi.n vidhivatkushasa.nstare .. 32..\\
sAgarastu tataH svapne darshayAmAsa rAghavam . 
devo nadanadI bhartA shrImAnyAdogaNairvR^itaH .. 33..\\
kausalyA mAtarityevamAbhAShya madhura.n vachaH . 
idamityAha ratnAnAmAkaraiH shatasho vR^itaH .. 34..\\
brUhi ki.n te karomyatra sAhAyyaM puruSharShabha . 
ikShvAkurasmi te GYAtiriti rAmastamabravIt .. 35..\\
mArgamichchhAmi sainyasya dattaM nadanadIpate . 
yena gatvA dashagrIva.n hanyAM paulastya pA.nsanam .. 36..\\
yadyeva.n yAchato mArgaM na pradAsyati me bhavAn . 
sharaistvA.n shoShayiShyAmi divyAstrapratimantritaiH .. 37..\\
ityevaM bruvataH shrutvA rAmasya varuNAlayaH . 
uvAcha vyathito vAkyamiti baddhA~njaliH sthitaH .. 38..\\
nechchhAmi pratighAta.n te nAsmi vighnakarastava . 
shR^iNu cheda.n vacho rAma shrutvA kartavyamAchara .. 39..\\
yadi dAsyAmi te mArga.n sainyasya vrajato.a.aGYayA . 
anye.apyAGYApayiShyanti mAmeva.n dhanuSho balAt .. 40..\\
asti tvatra nalo nAma vAnaraH shilpisaMmataH . 
tvaShTurdevasya tanayo balavAnvishvakarmaNaH .. 41..\\
sa yatkAShTha.n tR^iNa.n vApi shilAM vA kShepsyate mayi . 
sarva.n taddhArayiShyAmi sa te seturbhaviShyati .. 42..\\
ityuktvAntarhite tasminrAmo nalamuvAcha ha . 
kuru setu.n samudre tvaM shakto hyasi mato mama .. 43..\\
tenopAyena kAkutsthaH setubandhamakArayat . 
dashayojanavistAramAyata.n shatayojanam .. 44..\\
nalaseturiti khyAto yo.adyApi prathito bhuvi . 
rAmasyAGYAM puraskR^itya dhAryate girisaMnibhaH .. 45..\\
tatrastha.n sa tu dharmAtmA samAgachchhadvibhIShaNaH . 
bhrAtA vai rAkShasendrasya chaturbhiH sachivaiH saha .. 46..\\
prajijagrAha rAmasta.n svAgatena mahAmanAH . 
sugrIvasya tu sha~NkAbhUtpraNidhiH syAditi sma ha .. 47..\\
rAghavastasya cheShTAbhiH samyakcha charite~NgitaiH . 
yadA tattvena tuShTo.abhUttata enamapUjayat .. 48..\\
sarvarAkShasa rAjye chApyabhyaShi~nchadvibhIShaNam . 
chakre cha mantrAnuchara.n suhR^idaM lakShmaNasya cha .. 49..\\
vibhIShaNa mate chaiva so.atyakrAmanmahArNavam . 
sasainya.n setunA tena mAsenaiva narAdhipa .. 50..\\
tato gatvA samAsAdya la~NkodyAnAnyanekashaH . 
bhedayAmAsa kapibhirmahAnti cha bahUni cha .. 51..\\
tatrAstA.n rAvaNAmAtyau rAkShasau shukasAraNau . 
chArau vAnararUpeNa tau jagrAha vibhIShaNaH .. 52..\\
pratipannau yadA rUpa.n rAkShasa.n tau nishAcharau . 
darshayitvA tataH sainya.n rAmaH pashchAdavAsR^ijat .. 53..\\
niveshyopavane sainya.n tachchhUraH prAGYavAnaram . 
preShayAmAsa dautyena rAvaNasya tato.a~Ngadam .. 54..\\
\medskip\hrule\medskip\centerline{\Largedvng 268}
 maark

prabhUtAnnodake tasminbahumUlaphale vane . 
senAM niveshya kAkutstho vidhivatparyarakShata .. 1..\\
rAvaNashcha vidhi.n chakre la~NkAyA.n shAstranirmitam . 
prakR^ityaiva durAdharShA dR^iDhaprAkAratoraNA .. 2..\\
aghAdha toyAH parikhA mInanakra samAkulAH . 
babhUvuH sapta durdharShAH khAdiraiH sha~NkubhishchitAH .. 3..\\
karNATTa yantradurdharShA babhUvuH sahuDopalAH . 
sAshIviSha ghaTAyodhAH sasarja rasapA.nsavaH .. 4..\\
musalAlAta nArAchatomarAsi parashvadhaiH . 
anvitAshcha shataghnIbhiH samadhUchchhiShTa mudgarAH .. 5..\\
puradvAreShu sarveShu gulmAH sthAvaraja~NgamAH . 
babhUvuH pattibahulAH prabhUtagajavAjinaH .. 6..\\
a~Ngadastvatha la~NkAyA dvAradeshamupAgataH . 
vidito rAkShasendrasya pravivesha gatavyathaH .. 7..\\
madhye rAkShasa koTInAM bahvInA.n sumahAbalaH . 
shushubhe meghamAlAbhirAditya iva sa.nvR^itaH .. 8..\\
sa samAsAdya paulastyamamAtyairabhisa.nvR^itam . 
rAma sandeshamAmantrya vAgmI vaktuM prachakrame .. 9..\\
Aha tvA.n rAghavo rAjankosalendro mahAyashAH . 
prAptakAlamida.n vAkya.n tadAdatsva kuruShva cha .. 10..\\
akR^itAtmAnamAsAdya rAjAnamanaye ratam . 
vinashyantyanayAviShTA deshAshcha nagarANi cha .. 11..\\
tvayaikenAparAddhaM me sItAmAharatA balAt . 
vadhAyAnaparAddhAnAmanyeShA.n tadbhaviShyati .. 12..\\
ye tvayA baladarpAbhyAmAviShTena vanecharAH . 
R^iShayo hi.nsitAH pUrva.n devAshchApyavamAnitAH .. 13..\\
rAjarShayashcha nihatA rudantyashchAhR^itAH striyaH . 
tadida.n samanuprAptaM phala.n tasyAnayasya te .. 14..\\
hantAsmi tvA.n sahAmAtyaM yudhyasva puruSho bhava . 
pashya me dhanuSho vIryaM mAnuShasya nishAchara .. 15..\\
muchyatA.n jAnakI sItA na me mokShyasi karhi chit . 
arAkShasamima.n loka.n kartAsmi nishitaiH sharaiH .. 16..\\
iti tasya bruvANasya dUtasya paruSha.n vachaH . 
shrutvA na mamR^iShe rAjA rAvaNaH krodhamUrchhitaH .. 17..\\
i~NgitaGYAstato bhartushchatvAro rajanIcharAH . 
chaturShva~NgeShu jagR^ihuH shArdUlamiva pakShiNaH .. 18..\\
tA.nstathA~NgeShu sa.nsaktAna~Ngado rajanIcharAn . 
AdAyaiva khamutpatya prAsAdatalamAvishat .. 19..\\
vegenotpatatastasya petuste rajanIcharAH . 
bhuvi sambhinnahR^idayAH prahAra paripIDitAH .. 20..\\
sa mukto harmyashikharAttasmAtpunaravApatat . 
la~NghayitvA purI.n la~NkAM svabalasya samIpataH .. 21..\\
kosalendramathAbhyetya sarvamAvedya chA~NgadaH . 
vishashrAma sa tejasvI rAghaveNAbhinanditaH .. 22..\\
tataH sarvAbhisAreNa harINA.n vAtara.nhasAm . 
bhedayAmAsa la~NkAyAH prAkAra.n raghunandanaH .. 23..\\
vibhIShaNarkShAdhipatI puraskR^ityAtha lakShmaNaH . 
dakShiNaM nagaradvAramavAmR^idnAddurAsadam .. 24..\\
karabhAruNa gAtrANA.n harINAM yuddhashAlinAm . 
koTIshatasahasreNa la~NkAmabhyapatattadA .. 25..\\
utpatadbhiH patadbhishcha nipatadbhishcha vAnaraiH . 
nAdR^ishyata tadA sUryo rajasA nAshita prabhaH .. 26..\\
shAliprasUna sadR^ishaiH shirISha kusumaprabhaiH . 
taruNAdityasadR^ishaiH sharagauraishcha vAnaraiH .. 27..\\
prAkAra.n dadR^ishuste tu samantAtkapilI kR^itam . 
rAkShasA vismitA rAjansastrI vR^iddhAH samantataH .. 28..\\
vibhiduste maNistambhAnkarNATTa shikharANi cha . 
bhagnonmathita vegAni yantrANi cha vichikShipuH .. 29..\\
parigR^ihya shataghnIshcha sachakrAH sahuDopalAH . 
chikShipurbhujavegena la~NkA madhye mahAbalAH .. 30..\\
prAkArasthAshcha ye ke chinnishAcharagaNAstadA . 
pradudruvuste shatashaH kapibhiH samabhidrutAH .. 31..\\
tatastu rAjavachanAdrAkShasAH kAmarUpiNaH . 
niryayurvikR^itAkArAH sahasrashatasa~NghashaH .. 32..\\
shastravarShANi varShanto drAvayanto vanaukasaH . 
prAkAra.n shodhayantaste paraM vikramamAsthitAH .. 33..\\
sa mASharAshisadR^ishairbabhUva kShaNadAcharaiH . 
kR^ito nirvAnaro bhUyaH prAkAro bhImadarshanaiH .. 34..\\
petuH shUlavibhinnA~NgA bahavo vAnararShabhAH . 
stambhatoraNa bhagnAshcha petustatra nishAcharAH .. 35..\\
keshA keshyabhavadyuddha.n rakShasAM vAnaraiH saha . 
nakhairdantaishcha vIrANA.n khAdatA.n vai parasparam .. 36..\\
niShTananto hyabhayatastatra vAnararAkShasAH . 
hatA nipatitA bhUmau na mu~nchanti parasparam .. 37..\\
rAmastu sharajAlAni vavarSha jalado yathA . 
tAni la~NkA.n samAsAdya jaghnustAnrajanIcharAn .. 38..\\
saumitrirapi nArAchairdR^iDhadhanvA jitaklamaH . 
AdishyAdishya durgasthAnpAtayAmAsa rAkShasAn .. 39..\\
tataH pratyavahAro.abhUtsainyAnA.n rAghavAGYayA . 
kR^ite vimarde la~NkAyA.n labdhalakSho jayottaraH .. 40..\\
\medskip\hrule\medskip\centerline{\Largedvng 269}
 maark

tato nivishamAnA.nstAnsainikAnrAvaNAnugAH . 
abhijagmurgaNAneke pishAchakShudrarakShasAm .. 1..\\
parvaNaH pUtano jambhaH kharaH krodhavasho hariH . 
prarujashchArujashchaiva praghasashchaivamAdayaH .. 2..\\
tato.abhipatatA.n teShAmadR^ishyAnAM durAtmanAm . 
antardhAnavadha.n tajGYashchakAra sa vibhIShaNaH .. 3..\\
te dR^ishyamAnA haribhirbalibhirdUrapAtibhiH . 
nihatAH sarvasho rAjanmahI.n jagmurgatAsavaH .. 4..\\
amR^iShyamANaH sabalo rAvaNo niryayAvatha . 
vyUhya chaushanasa.n vyUhaM harInsarvAnahArayat .. 5..\\
rAghavastvabhiniryAya vyUDhAnIka.n dashAnanam . 
bArhaspatya.n vidhi.n kR^itvA pratyavyUhannishAcharam .. 6..\\
sametya yuyudhe tatra tato rAmeNa rAvaNaH . 
yuyudhe lakShmaNashchaiva tathaivendra jitA saha .. 7..\\
virUpAkSheNa sugrIvastAreNa cha nikharvaTaH . 
tuNDena cha nalastatra paTushaH panasena cha .. 8..\\
viShahya.n yaM hi yo mene sa sa tena sameyivAn . 
yuyudhe yuddhavelAyA.n svabAhubalamAshritha .. 9..\\
sa samprahAro vavR^idhe bhIrUNAM bhayavardhanaH . 
loma sa.nharShaNo ghoraH purA devAsure yathA .. 10..\\
rAvaNo rAmamAnarchchhachchhakti shUlAsivR^iShTibhiH . 
nishitairAyasaistIkShNai rAvaNa.n chApi rAghavaH .. 11..\\
tathaivendra jita.n yattaM lakShmaNo marmabhedibhiH . 
indrajichchApi saumitriM bibheda bahubhiH sharaiH .. 12..\\
vibhIShaNaH prahasta.n cha prahastashcha vibhIShaNam . 
khagapatraiH sharaistIkShNairabhyavarShadgatavyathaH .. 13..\\
teShAM balavatAmAsInmahAstrANA.n samAgamaH . 
vivyathuH sakalA yena trayo lokAshcharAcharAH .. 14..\\
\medskip\hrule\medskip\centerline{\Largedvng 270}
 maark

tataH prahastaH sahasA samabhyetya vibhIShaNam . 
gadayA tADayAmAsa vinadya raNakarvashaH .. 1..\\
sa tayAbhihato dhImAngadayA bhImavegayA . 
nAkampata mahAbAhurhimavAniva susthiraH .. 2..\\
tataH pragR^ihya vipulA.n shataghaNTAM vibhIShaNaH . 
abhimantrya mahAshakti.n chikShepAsya shiro prati .. 3..\\
patantyA sa tayA vegAdrAkShasAshani nAdayA . 
hR^itottamA~Ngo dadR^ishe vAtarugNa iva drumaH .. 4..\\
ta.n dR^iShTvA nihata.n sa~Nkhye prahastaM kShaNadAcharam . 
abhidudrAva dhUmrAkSho vegena mahatA kapIn .. 5..\\
tasya meghopama.n sainyamApatadbhImadarshanam . 
dR^iShTvaiva sahasA dIrNA raNe vAnarapu~NgavAH .. 6..\\
tatastAnsahasA dIrNAndR^iShTvA vAnarapu~NgavAn . 
niryAya kapishArdUlo hanUmAnparyavasthitaH .. 7..\\
ta.n dR^iShTvAvasthita.n sa~Nkhye harayaH pavanAtmajam . 
vegena mahatA rAjansaMnyavartanta sarvashaH .. 8..\\
tataH shabdo mahAnAsIttumulo lomaharShaNaH . 
rAmarAvaNa sainyAnAmanyonyamabhidhAvatAm .. 9..\\
tasminpravR^itte sa~NgrAme ghore rudhirakardame . 
dhUmrAkShaH kapisainya.n taddrAvayAmAsa patribhiH .. 10..\\
ta.n rAkShasa mahAmAtramApatantaM sapatnajit . 
tarasA pratijagrAha hanUmAnpavanAtmajaH .. 11..\\
tayoryuddhamabhUdghora.n harirAkShasavIrayoH . 
jigIShatoryudhAnyonyamindra prahlAdayoriva .. 12..\\
gadAbhiH parighaishchaiva rAkShaso jaghnivAnkapim . 
kapishcha jaghnivAnrakSho saskandhaviTapairdrumaiH .. 13..\\
tatastamatikAyena sAshva.n saratha sArathim . 
dhUmrAkShamavadhIddhImAnhanUmAnmArutAtmajaH .. 14..\\
tatastaM nihata.n dR^iShTvA dhUmrAkSha.n rAkShasottamam . 
harayo jAtavisrambhA jaghnurabhyetya sainikAn .. 15..\\
te vadhyamAnA balibhirharibhirjitakAshibhiH . 
rAkShasA bhagnasa~NkalpA la~NkAmabhyapatadbhayAt .. 16..\\
te.abhipatya puraM bhagnA hatasheShA nishAcharAH . 
sarva.n rAGYe yathAvR^ittaM rAvaNAya nyavedayan .. 17..\\
shrutvA tu rAvaNastebhyaH prahastaM nihata.n yudhi . 
dhUmrAkSha.n cha maheShvAsa.n sasainyaM vAnararShabhaiH .. 18..\\
sudIrghamiva niHshvasya samutpatya varAsanAt . 
uvAcha kumbhakarNasya karmakAlo.ayamAgataH .. 19..\\
ityevamuktvA vividhairvAditraiH sumahAsvanaiH . 
shayAnamatinidrAlu.n kumbhakarNamabodhayat .. 20..\\
prabodhya mahatA chaina.n yatnenAgata sAdhvasaH . 
svasthamAsInamavyagra.n vinidraM rAkShasAdhipaH . 
tato.abravIddashagrIvaH kumbhakarNaM mahAbalam .. 21..\\
dhanyo.asi yasya te nidrA kumbhakarNeyamIdR^ishI . 
ya ima.n dAruNaM kAlaM na jAnIShe mahAbhayam .. 22..\\
eSha tIrtvArNava.n rAmaH setunA haribhiH saha . 
avamanyeha naH sarvAnkaroti kadanaM mahat .. 23..\\
mayA hyapahR^itA bhAryA sItA nAmAsya jAnakI . 
tAM mokShayiShurAyAto baddhvA setuM mahArNave .. 24..\\
tena chaiva prahastAdirmahAnnaH svajano hataH . 
tasya nAnyo nihantAsti tvadR^ite shatrukarshana .. 25..\\
sa daMshito.abhiniryAya tvamadya balinA.n vara . 
rAmAdInsamare sarvA~njahi shatrUnarindama .. 26..\\
dUShaNAvarajau chaiva vajravegapramAthinau . 
tau tvAM balena mahatA sahitAvanuyAsyataH .. 27..\\
ityuktvA rAkShasapatiH kumbhakarNa.n tarasvinam . 
sandideshetikartavye vajravegapramAthinau .. 28..\\
tathetyuktvA tu tau vIrau rAvaNa.n dUShaNAnujau . 
kumbhakarNaM puraskR^itya tUrNaM niryayatuH purAt .. 29..\\
\medskip\hrule\medskip\centerline{\Largedvng 271}
 maark

tato viniryAya purAtkumbhakarNaH sahAnugaH . 
apashyatkapisainya.n tajjitakAshyagrataH sthitam .. 1..\\
tamabhyetyAshu harayaH parivArya samantataH . 
abhyaghnaMshcha mahAkAyairbahubhirjagatI ruhaiH . 
karajairatudaMshchAnye vihAya bhayamuttamam .. 2..\\
bahudhA yudhyamAnAste yuddhamArgaiH plava~NgamAH . 
nAnApraharaNairbhIma.n rAkShasendramatADayan .. 3..\\
sa tADyamAnaH prahasanbhakShayAmAsa vAnarAn . 
panasa.n cha gavAkShaM cha vajrabAhuM cha vAnaram .. 4..\\
taddR^iShTvA vyathana.n karma kumbhakarNasya rakShasaH . 
udakroshanparitrastAstAraprabhR^itayastadA .. 5..\\
ta.n tAramuchchaiH kroshantamanyAMshcha hariyUthapAn . 
abhidudrAva sugrIvaH kumbhakarNamapetabhIH .. 6..\\
tato.abhipatya vegena kumbhakarNaM mahAmanAH . 
shAlena jaghnivAnmUrdhni balena kapiku~njaraH .. 7..\\
sa mahAtmA mahAvegaH kumbhakarNasya mUrdhani . 
bibheda shAla.n sugrIvo na chaivAvyathayatkapiH .. 8..\\
tato vinadya prahasa~nshAlasparsha vibodhitha . 
dorbhyAmAdAya sugrIva.n kumbhakarNo.aharadbalAt .. 9..\\
hriyamANa.n tu sugrIvaM kumbhakarNena rakShasA . 
avekShyAbhyadravadvIraH saumitrirmitranandanaH .. 10..\\
so.abhipatya mahAvega.n rukmapu~NkhaM mahAsharam . 
prAhiNotkumbhakarNAya lakShmaNaH paravIrahA .. 11..\\
sa tasya devAvaraNaM bhittvA deha.n cha sAyakaH . 
jagAma dArayanbhUmi.n rudhireNa samukShitaH .. 12..\\
tathA sa bhinnahR^idayaH samutsR^ijya kapIshvaram . 
kumbhakarNo maheShvAsaH pragR^ihItashilAyudhaH . 
abhidudrAva saumitrimudyamya mahatI.n shalAm .. 13..\\
tasyAbhidravatastUrNa.n kShurAbhyAm uchchhritau karau . 
chichchheda nishitAgrAbhyA.n sa babhUva chaturbhujaH .. 14..\\
tAnapyasya bhujAnsarvAnpragR^ihItashilAyudhAn . 
kShuraishchichchheda laghvastra.n saumitriH pratidarshayan .. 15..\\
sa babhUvAtikAyAshcha bahu pAdashiro bhujaH . 
taM brahmAstreNa saumitrirdadAhAdrichayopamam .. 16..\\
sa papAta mahAvIryo divyAstrAbhihato raNe . 
mahAshani vinirdagdhaH pApapo.a~NkuravAniva .. 17..\\
ta.n dR^iShTvA vR^itra sa~NkAshaM kumbhakarNaM tarasvinam . 
gatAsuM patitaM bhUmau rAkShasAH prAdravanbhayAt .. 18..\\
tathA tAndravato yodhAndR^iShTvA tau dUShaNAnujau . 
avasthApyAtha saumitri.n sa~NkruddhAvabhyadhAvatAm .. 19..\\
tAvAdravantau sa~Nkruddho vajravegapramAthinau . 
pratijagrAha saumitrirvinadyobhau patatribhiH .. 20..\\
tataH sutumula.n yuddhamabhavallomaharShaNam . 
dUShaNAnujayoH pArtha lakShmaNasya cha dhImataH .. 21..\\
mahatA sharavarSheNa rAkShasau so.abhyavarShata . 
tau chApi vIrau sa~NkruddhAvubhau tau samavarShatAm .. 22..\\
muhUrtamevamabhavadvajravegapramAthinoH . 
saumitreshcha mahAbAhoH samprahAraH sudAruNaH .. 23..\\
athAdrishR^i~NgamAdAya hanUmAnmArutAtmajaH . 
abhidrutyAdade prANAnvajravegasya rakShasaH .. 24..\\
nIlashcha mahatA grAvNA dUShaNAvaraja.n hariH . 
pramAthinamabhidrutya pramamAtha mahAbalaH .. 25..\\
tataH prAvartata punaH sa~NgrAmaH kaTukodayaH . 
rAmarAvaNa sainyAnAmanyonyamabhidhAvatAm .. 26..\\
shatasho nairR^itAnvanyA jaghnurvanyAMshcha nairR^itAH . 
nairR^itAstatra vadhyante prAyasho na tu vAnarAH .. 27..\\
\medskip\hrule\medskip\centerline{\Largedvng 272}
 maark

tataH shrutvA hata.n sa~Nkhye kumbhakarNaM sahAnugam . 
prahasta.n cha maheShvAsaM dhUmrAkShaM chAtitejasam .. 1..\\
putramindrajita.n shUraM rAvaNaH pratyabhAShata . 
jahi rAmamamitraghna sugrIva.n cha salakShmaNam .. 2..\\
tvayA hi mama satputra yasho dIptamupArjitam . 
jitvA vajradhara.n sa~Nkhye sahasrAkShaM shachIpatim .. 3..\\
antarhitaH prakAsho vA divyairdattavaraiH sharaiH . 
jahi shatrUnamitraghna mama shastrabhR^itA.n vara .. 4..\\
rAmalakShmaNa sugrIvAH sharasparshaM na te.anagha . 
samarthAH pratisa.nsoDhu.n kutastadanuyAyinaH .. 5..\\
akR^itA yA prahastena kumbhakarNena chAnagha . 
kharasyApachitiH sa~Nkhye tA.n gachchhasva mahAbhuja .. 6..\\
tvamadya nishitairbANairhatvA shatrUnsasainikAn . 
pratinandaya mAM putrapurA baddhvaiva vAsavam .. 7..\\
ityuktaH sa tathetyuktvA rathamAsthAya daMshitaH . 
prayayAvindrajidrAja.nstUrNamAyodhanaM prati .. 8..\\
tatra vishrAvya vispaShTaM nAma rAkShasapu~NgavaH . 
AhvayAmAsa samare lakShmaNa.n shubhalakShaNam .. 9..\\
ta.n lakShmaNo.apyabhyadhAvatpragR^ihya sashara.n dhanuH . 
trAsaya.nstalaghoSheNa si.nhaH kShudramR^iga.n yathA .. 10..\\
tayoH samabhavadyuddha.n sumahajjaya gR^iddhinoH . 
divyAstraviduShostIvramanyonyaspardhinostadA .. 11..\\
rAvaNistu yadA naina.n visheShayati sAyakaiH . 
tato gurutara.n yatnamAtiShThadbalinAM varaH .. 12..\\
tata enaM mahAvegairardayAmAsa tomaraiH . 
tAnAgatAnsa chichchheda saumitrirnishitaiH sharaiH . 
te nikR^ittAH sharaistIkShNairnyapatanvasudhAtale .. 13..\\
tama~Ngado vAlisutaH shrImAnudyamya pAdapam . 
abhidrutya mahAvegastADayAmAsa mUrdhani .. 14..\\
tasyendrajidasambhrAntaH prAsenorasi vIryavAn . 
prahartumaichchhatta.n chAsya prAsaM chichchheda lakShmaNaH .. 15..\\
tamabhyAshagata.n vIrama~NgadaM rAvaNAtmajaH . 
gadayAtADayatsavye pArshve vAnarapu~Ngavam .. 16..\\
tamachintyaprahAra.n sabalavAnvAlinaH sutaH . 
sasarjendrajitaH krodhAchchhAla skandhamamitrajit .. 17..\\
so.a~Ngadena ruShotsR^iShTo vadhAyendrajitastaruH . 
jaghAnendrajitaH pArtharatha.n sAshvaM sasArathim .. 18..\\
tato hatAshvAtpraskandya rathAtsa hatasArathiH . 
tatraivAntardadhe rAjanmAyayA rAvaNAtmajaH .. 19..\\
antarhita.n viditvA taM bahu mAya.n cha rAkShasam . 
rAmasta.n deshamAgamya tatsainyaM paryarakShata .. 20..\\
sa rAmamuddishya sharaistato dattavaraistadA . 
vivyAdha sarvagAtreShu lakShmaNa.n cha mahAratham .. 21..\\
tamadR^ishya.n sharaiH shUrau mAyayAntarhita.n tadA . 
yodhayAmAsaturubhau rAvaNi.n rAmalakShmaNau .. 22..\\
sa ruShA sarvagAtreShu tayoH puruShasi.nhayoH . 
vyasR^ijatsAyakAnbhUyo shatasho.atha sahasrashaH .. 23..\\
tamadR^ishya.n vichinvantaH sR^ijantamanishaM sharAn . 
harayo vivishurvyoma prahR^ihya mahatIH shilAH .. 24..\\
tAMshcha tau chApyadR^ishyaH sa sharairvivyAdha rAkShasaH . 
sa bhR^isha.n tADayanvIro rAvaNirmAyayA vR^itaH .. 25..\\
tau sharairAchitau vIrau bhrAtarau rAmalakShmaNau . 
petaturgaganAdbhUmi.n sUryA chandramasAviva .. 26..\\
\medskip\hrule\medskip\centerline{\Largedvng 273}
 maark

tAvubhau patitau dR^iShTvA bhrAtarAvamitaujasau . 
babandha rAvaNirbhUyo sharairdattavaraistadA .. 1..\\
tau vIrau sharajAlena baddhAvindrajitA raNe . 
rejatuH puruShavyAghrau shakuntAviva pa~njare .. 2..\\
tau dR^iShTvA patitau bhUmau shatashaH sAyakaish chitau . 
sugrIvaH kapibhiH sArdhaM parivArya tataH sthitaH .. 3..\\
suSheNa maindadvividaiH kumudenA~Ngadena cha . 
hanUmannIlatAraishcha nalena cha kapIshvaraH .. 4..\\
tatasta.n deshamAgamya kR^itakarmA vibhIShaNaH . 
bodhayAmAsa tau vIrau praGYAstreNa prabodhitau .. 5..\\
vishalyau chApi sugrIvaH kShaNenobhau chakAra tau . 
vishalyayA mahauShadhyA divyamantraprayuktayA .. 6..\\
tau labdhasa~nj~nau nR^ivarau vishalyAvudatiShThatAm . 
gatatandrI klamau chAstA.n kShaNenobhau mahArathau .. 7..\\
tato vibhIShaNaH pArtha rAmamikShvAkunandanam . 
uvAcha vijvara.n dR^iShTvA kR^itA~njalirida.n vachaH .. 8..\\
ayamambho gR^ihItvA tu rAjarAjasya shAsanAt . 
guhyako.abhyAgataH shvetAttvatsakAshamarindama .. 9..\\
idamambho kuberaste mahArAjaH prayachchhati . 
antarhitAnAM bhUtAnA.n darshanArthaM parantapa .. 10..\\
anena spR^iShTanayano bhUtAnyantarhitAnyuta . 
bhavAndrakShyati yasmai cha bhavAnetatpradAsyati .. 11..\\
tatheti rAmastadvAri pratigR^ihyAtha satkR^itam . 
chakAra netrayoH shaucha.n lakShmaNashcha mahAmanAH .. 12..\\
sugrIva jAmbavantau cha hanUmAna~NgadastathA . 
maindadvivida nIlAshcha prAyo pravagasattamAH .. 13..\\
tathA samabhavachchApi yaduvAcha vibhIShaNaH . 
kShaNenAtIndriyANyeShA.n chakShUMShyAsanyudhiShThira .. 14..\\
indrajitkR^itakarmA tu pitre karma tadAtmanaH . 
nivedya punarAgachchhattvayarAji shiro prati .. 15..\\
tamApatanta.n sa~NkruddhaM punareva yuyutsayA . 
abhidudrAva saumitrirvibhIShaNa mate sthitaH .. 16..\\
akR^itAhnikamevaina.n jighA.nsurjitakAshinam . 
sharairjaghAna sa~NkruddhaH kR^itasa~nj~no.atha lakShmaNaH .. 17..\\
tayoH samabhavadyuddha.n tadAnyonyaM jigIShatoH . 
atIva chitramAshcharya.n shakra prahlAdayoriva .. 18..\\
avidhyadindrajittIkShNaiH saumitriM marmabhedibhiH . 
saumitrishchAnala sparshairavidhyadrAvaNi.n sharaiH .. 19..\\
saumitrisharasa.nsparshAdrAvaNiH krodhamUrchhitaH . 
asR^ijallakShmaNAyAShTau sharAnAshIviShopamAn .. 20..\\
tasyAsUnpAvakasparshaiH saumitriH patribhistribhiH . 
yathA niraharadvIrastanme nigadataH shR^iNu .. 21..\\
ekenAsya dhanurmantaM bAhu.n dehAdapAtayat . 
dvitIyena sanArAchaM bhujaM bhUmau nyapAtayat .. 22..\\
tR^itIyena tu bANena pR^ithu dhAreNa bhAsvatA . 
jahAra sunasa.n chAru shiro bhrAjiShNu kuNDalam .. 23..\\
vinikR^ittabhujaskandha.n kabandhaM bhImadarshanam . 
ta.n hatvA sUtamapyastrairjaghAna balinAM varaH .. 24..\\
la~NkAM praveshayAmAsurvAjinasta.n ratha.n tadA . 
dadarsha rAvaNasta.n cha rathaM putra vinAkR^itam .. 25..\\
saputraM nihata.n dR^iShTvA trAsAtsambhrAntalochanaH . 
rAvaNaH shokamohArto vaidehI.n hantumudyataH .. 26..\\
ashokavanikAsthA.n tA.n rAmadarshanalAlasAm . 
khaDgamAdAya duShTAtmA javenAbhipapAta ha .. 27..\\
ta.n dR^iShTvA tasya durbuddheravindhyaH pApanishchayam . 
shamayAmAsa sa~Nkruddha.n shrUyatAM yena hetunA .. 28..\\
mahArAjye sthito dIpte na striya.n hantumarhasi . 
hataivaiShA yadA strI cha bandhanasthA cha te gR^ihe .. 29..\\
na chaiShA dehabhedena hatA syAditi me matiH . 
jahi bhartAramevAsyA hate tasminhatA bhavet .. 30..\\
na hi te vikrame tulyaH sAkShAdapi shatakratuH . 
asakR^iddhi tvayA sendrAstrAsitAstridashA yudhi .. 31..\\
evaM bahuvidhairvAkyairavindhyo rAvaNa.n tadA . 
kruddha.n saMshamayAmAsa jagR^ihe cha sa tadvachaH .. 32..\\
niryANe sa mati.n kR^itvA nidhAyAsiM kShapAcharaH . 
AGYApayAmAsa tadA ratho me kalpyatAm iti .. 33..\\
\medskip\hrule\medskip\centerline{\Largedvng 274}
 maark

tataH kruddho dashagrIvaH priyaputre nipAtite . 
niryayau rathamAsthAya hemaratnavibhUShitam .. 1..\\
sa.nvR^ito rAkShasairghorairvividhAyudhapANibhiH . 
abhidudrAva rAma.n sa pothayanhariyUthapAn .. 2..\\
tamAdravanta.n sa~NkruddhaM mainda nIlanalA~NgadAH . 
hanUmA~njAmbuvAMshchaiva sasainyAH paryavArayan .. 3..\\
te dashagrIva sainya.n tadR^ikShavAnarayUthapAH . 
drumairvidhva.nsayA.n chakrurdashagrIvasya pashyataH .. 4..\\
tataH svasainyamAlokya vadhyamAnamarAtibhiH . 
mAyAvI vyadadhAnmAyA.n rAvaNo rAkShaseshvaraH .. 5..\\
tasya dehAdviniShkrAntAH shatasho.atha sahasrashaH . 
rAkShasAH patyadR^ishyanta sharashaktyR^iShTipANayaH .. 6..\\
tAnrAmo jaghnivAnsarvAndivyenAstreNa rAkShasAn . 
atha bhUyo.api mAyA.n sa vyadadhAdrAkShasAdhipaH .. 7..\\
kR^itvA rAmasya rUpANi lakShmaNasya cha bhArata . 
abhidudrAva rAma.n cha lakShmaNaM cha dashAnanaH .. 8..\\
tataste rAmamarchhanto lakShmaNa.n cha kShapAcharAH . 
abhipetustadA rAjanpragR^ihItochcha kArmukAH .. 9..\\
tA.n dR^iShTvA rAkShasendrasya mAyAmikShvAkunandanaH . 
uvAcha rAma.n saumitrirasambhrAnto bR^ihadvachaH .. 10..\\
jahImAnrAkShasAnpApAnAtmanaH pratirUpakAn . 
jaghAna rAmastAMshchAnyAnAtmanaH pratirUpakAn .. 11..\\
tato haryashva yuktena rathenAdityavarchasA . 
upatasthe raNe rAmaM mAtaliH shakrasArathiH .. 12..\\

 maatali

aya.n haryashva yugjaitro maghonaH syandanottamaH . 
anena shakraH kAkutstha samare daityadAnavAn . 
shatashaH puruShavyAghra rathodAreNa jaghnivA .. 13..\\
tadanena naravyAghra mayA yattena sa.nyuge . 
syandanena jahi kShipra.n rAvaNaM mAchira.n kR^ithAH .. 14..\\
ityukto rAghavastathya.n vacho.asha~Nkata mAtaleH . 
mAyeya.n rAkShasasyeti tamuvAcha vibhIShaNaH .. 15..\\
neyaM mAyA naravyAghra rAvaNasya durAtmanaH . 
tadAtiShTha ratha.n shIghramimamaindraM mahAdyute .. 16..\\
tataH prahR^iShTaH kAkutsthastathetyuktvA vibhIShaNam . 
rathenAbhipapAtAshu dashagrIva.n ruShAnvitaH .. 17..\\
hAhAkR^itAni bhUtAni rAvaNe samabhidrute . 
si.nhanAdAH sapaTahA divi divyAshcha nAnadan .. 18..\\
sa rAmAya mahAghora.n visasarja nishAcharaH . 
shUlamindrAshaniprakhyaM brahmadaNDamivodyatam .. 19..\\
tachchhUlamantarA rAmashchichchheda nishitaiH sharaiH . 
taddR^iShTvA duShkara.n karma rAvaNaM bhayamAvishat .. 20..\\
tataH kruddhaH sasarjAshu dashagrIvaH shitA~nsharAn . 
sahasrAyutasho rAme shastrANi vividhAni cha .. 21..\\
tato bhushuNDIH shUlAMshcha musalAni parashvadhAn . 
shaktIshcha vividhAkArAH shataghnIshcha shitakShurAH .. 22..\\
tAM mAyA.n vikR^itA.n dR^iShTvA dashagrIvasya rakShasaH . 
bhayAtpradudruvuH sarve vAnarAH sarvatodisham .. 23..\\
tataH supatra.n sumukhaM hemapu~NkhaM sharottamam . 
tUNAdAdAya kAkutstho brahmAstreNa yuyoja ha .. 24..\\
taM bANavarya.n rAmeNa brahmAstreNAbhimantritam . 
jahR^iShurdevagandharvA dR^iShTvA shakrapurogamAH .. 25..\\
alpAvasheShamAyushcha tato.amanyanta rakShasaH . 
brahmAstrodIraNAchchhatrordevagandharvakiMnarAH .. 26..\\
tataH sasarja ta.n rAmaH sharamapratima ojasam . 
rAvaNAnta kara.n ghoraM brahmadaNDamivodyatam .. 27..\\
sa tena rAkShasashreShThaH sarathaH sAshvasArathiH . 
prajajvAla majA jvAlenAgninAbhipariShkR^itaH .. 28..\\
tataH prahR^iShTAstridashAH sagandharvAH sachAraNAH . 
nihata.n rAvaNa.n dR^iShTvA rAmeNAkliShTakarmaNA .. 29..\\
tatyajustaM mahAbhAgaM pa~ncha bhUtAni rAvaNam . 
bhraMshitaH sarvalokeShu sa hi brahmAsta tejasA .. 30..\\
sharIradhAtavo hyasya mA.nsa.n rudhirameva cha . 
neshurbrahmAstra nirdagdhA na cha bhasmApyadR^ishyata .. 31..\\
\medskip\hrule\medskip\centerline{\Largedvng 275}
 maark

sa hatvA rAvaNa.n kShudra.n rAkShasendraM suradviSham . 
babhUva hR^iShTaH sasuhR^idrAmaH saumitriNA saha .. 1..\\
tato hate dashagrIve devAH sarShipurogamAH . 
AshIrbhirjaya yuktAbhirAnarchustaM mahAbhujam .. 2..\\
rAma.n kamalapatrAkShaM tuShTuvuH sarvadevatAH . 
gandharvAH puShpavarShaishcha vAgbhishcha tridashAlayAH .. 3..\\
pUjayitvA yathA rAmaM pratijagmuryathAgatam . 
tanmahotsava sa~NkAshamAsIdAkAshamachyuta .. 4..\\
tato hatvA dashagrIva.n la~NkAM rAmo mayA yashAH . 
vibhIShaNAya pradadau prabhuH parapura~njayaH .. 5..\\
tataH sItAM puraskR^itya vibhIShaNapuraskR^itAm . 
avindhyo nAma supraGYo vR^iddhAmAtyo viniryayau .. 6..\\
uvAcha cha mahAtmAna.n kAkutsthaM dainyamAsthitam . 
pratIchchha devI.n sadvR^ittAM mahAtma~njAnakIm iti .. 7..\\
etachchhrutvA vachastasmAdavatIrya rathottamAt . 
bAShpeNApihitA.n sItA.n dadarshekShvAkunandanaH .. 8..\\
tA.n dR^iShTvA chArusarvA~NgIM jaTilAM kR^iShNavAsasam . 
malopachitasarvA~NgI.n jaTilAM kR^iShNavAsasam .. 9..\\
uvAcha rAmo vaidehIM parAmarshavisha~NkitaH . 
gachchha vaidehi muktA tva.n yatkArya.n tanmayA kR^itam .. 10..\\
mAmAsAdya patiM bhadre na tva.n rAkShasa veshmani . 
jarA.n vrajethA iti me nihato.asau nishAcharaH .. 11..\\
katha.n hyasmadvidho jAtu jAnandharmavinishchayam . 
parahastagatAM nArIM muhUrtamapi dhArayet .. 12..\\
suvR^ittAmasuvR^ittA.n vApyaha.n tvAm adya maithili . 
notsahe paribhogAya shvAvalIDha.n haviryathA .. 13..\\
tataH sA sahasA bAlA tachchhrutvA dAruNa.n vachaH . 
papAta devI vyathitA nikR^ittA kadalI yathA .. 14..\\
yo hyasyA harShasambhUto mukharAgastadAbhavat . 
kShaNena sa punarbhraShTo niHshvAsAdiva darpaNe .. 15..\\
tataste harayaH sarve tachchhrutvA rAma bhAShitam . 
gatAsukalpA nishcheShTA babhUvuH saha lakShmaNAH .. 16..\\
tato devo vishuddhAtmA vimAnena chaturmukhaH . 
pitAmaho jagatsraShTA darshayAmAsa rAghavam .. 17..\\
shakrashchAgnishcha vAyushcha yamo varuNa eva cha . 
yakShAdhipashcha bhagavA.nstathA saptarShayo.amalAH .. 18..\\
rAjA dasharathashchaiva divyabhAsvaramUrtimAn . 
vimAnena mahArheNa ha.nsayuktena bhAsvatA .. 19..\\
tato.antarikSha.n tatsarvaM devagandharvasa~Nkulam . 
shushubhe tArakA chitra.n sharadIva nabhastalam .. 20..\\
tata utthAya vaidehi teShAM madhye yashasvinI . 
uvAcha vAkya.n kalyANI rAmaM pR^ithula vakShasam .. 21..\\
rAjaputra na te kopa.n karomi viditA hi me . 
gatiH strINAM narANA.n cha shR^iNu cheda.n vacho mama .. 22..\\
antashcharati bhUtAnAM mAtarishvA sadAgatiH . 
sa me vimu~nchatu prANAnyadi pApa.n charAmyaham .. 23..\\
agirApastathAkAshaM pR^ithivI vAyureva cha . 
vimu~nchantu mama prANAnyadi pApa.n charAmyaham .. 24..\\
tato.antarikShe vAgAsItsarvA vishrAvayandishaH . 
puNyA sa.nharShaNI teShA.n vAnarANAM mahAtmanAm .. 25..\\

 vaayu

bho bho rAghava satya.n vai vAyurasmi sadAgatiH . 
apApA maithilI rAjansa~Ngachchha saha bhAryayA .. 26..\\

 agnir

ahamantaH sharIrastho bhUtAnA.n raghunandana . 
susUkShmamapi kAkutstha maithilI nAparAdhyati .. 27..\\

 varuna

rasA vai matprasUtA hi bhUtadeheShu rAghava . 
aha.n vai tvAM prabravImi maithilI pratigR^ihyatAm .. 28..\\

 brahmaa

putra naitadihAshcharya.n tvayi rAjarShidharmiNi . 
sAdho sadvR^ittamArgasthe shR^iNu cheda.n vacho mama .. 29..\\
shatrureSha tvayA vIra devagandharvabhoginAm . 
yakShANA.n dAnavAnAM cha maharShINAM cha pAtitaH .. 30..\\
avadhyaH sarvabhUtAnAM matprasAdAtpurAbhavat . 
kasmAchchitkAraNAtpApaH ka.n chitkAlamupekShitaH .. 31..\\
vadhArthamAtmanastena hR^itA sItA durAtmanA . 
nalakUbara shApena rakShA chAsyAH kR^itA mayA .. 32..\\
yadi hyakAmAmAsevetstriyamanyAm api dhruvam . 
shatadhAsya phaleddeha ityuktaH so.abhavatpurA .. 33..\\
nAtra sha~NkA tvayA kAryA pratIchhemAM mahAdyute . 
kR^ita.n tvayA mahatkAryaM devAnAm amaraprabha .. 34..\\

 dazaratha

prIto.asmi vatsa bhadra.n te pitA darashatho.asmi te . 
anujAnAmi rAjya.n cha prashAdhi puruShottama .. 35..\\

 raama

abhivAdaye tvA.n rAjendra yadi tva.n janako mama . 
gamiShyAmi purI.n ramyAmayodhyAM shAsanAttava .. 36..\\

 maark

tamuvAcha pitA bhUyo prahR^iShTo manujAdhipa . 
gachchhAyodhyAM prashAdhi tva.n rAma raktAntalochana .. 37..\\
tato devAnnamaskR^itya suhR^idbhirabhinanditaH . 
mahendra iva paulomyA bhAryayA sa sameyivAn .. 38..\\
tato vara.n dadau tasmai avindhyAya parantapaH . 
trijaTA.n chArthamAnAbhyA.n yojayAmAsa rAkShasIm .. 39..\\
tamuvAcha tato brahmA devaiH shakra mukhairvR^itaH . 
kausalyA mAtariShTA.nste varAnadya dadAni kAn .. 40..\\
vavre rAmaH sthiti.n dharme shatrubhishchAparAjayam . 
rAkShasairnihatAnA.n cha vAnarANA.n samudbhavam .. 41..\\
tataste brahmaNA prokte tatheti vachane tadA . 
samuttasthurmahArAja vAnarA labdhachetasaH .. 42..\\
sitA chApi mahAbhAgA vara.n hanumate dadau . 
rAma kIrtyA samaM putra jIvita.n te bhaviShyati .. 43..\\
divyAstvAmupabhogAshcha matprasAda kR^itAH sadA . 
upasthAsyanti hanumanniti sma harilochana .. 44..\\
tataste prekShamANAnA.n teShAmakliShTakarmaNAm . 
antardhAna.n yayurdevAH sarve shakrapurogamAH .. 45..\\
dR^iShTvA tu rAma.n jAnakyA sameta.n shakrasArathiH . 
uvAcha paramaprItaH suhR^inmadhya ida.n vachaH .. 46..\\
devagandharvayakShANAM mAnuShAsurabhoginAm . 
apanIta.n tvayA duHkhamida.n satyaparAkrama .. 47..\\
sadevAsuragandharvA yakSharAkShasa pannagAH . 
kathayiShyanti lokAstvA.n yAvadbhUmirdhariShyati .. 48..\\
ityevamuktvAnuGYApya rAma.n shastrabhR^itAM varam . 
sampUjyApAkramattena rathenAdityavarchasA .. 49..\\
tataH sItAM puraskR^itya rAmaH saumitriNA saha . 
sugrIva pramukhairshchaiva sahitaH sarvavAnaraiH .. 50..\\
vidhAya rakShA.n la~NkAyAM vibhIShaNapuraskR^itaH . 
santatAra punastena setunA makarAlayam .. 51..\\
puShpakeNa vimAnena khechareNa virAjatA . 
kAmagena yathAmukhyairamAtyaiH sa.nvR^ito vashI .. 52..\\
tatastIre samudrasya yatra shishye sa pArthivaH . 
tatraivovAsa dharmAtmA sahitaH sarvavAnaraiH .. 53..\\
athainA.n rAghavaH kAle samAnIyAbhipUjya cha . 
visarjayAmAsa tadA ratnaiH santoShya sarvashaH .. 54..\\
gateShu vAnarendreShu gopuchchharkSheShu teShu cha . 
sugrIvasahito rAmaH kiShkindhAM punarAgamat .. 55..\\
vibhIShaNenAnugataH sugrIvasahitastadA . 
puShpakeNa vimAnena vaidehyA darshayanvanam .. 56..\\
kiShkindhA.n tu samAsAdya rAmaH praharatA.n varaH . 
a~Ngada.n kR^itakarmANa.n yauva rAjye.abhiShechayat .. 57..\\
tatastaireva sahito rAmaH saumitriNA saha . 
yathAgatena mArgeNa prayayau svapuraM prati .. 58..\\
ayodhyA.n sa samAsAdya purIM rAShTrapatistataH . 
bharatAya hanUmanta.n dUtaM prasthApayattadA .. 59..\\
lakShayitve~Ngita.n sarvaM priya.n tasmai nivedya cha . 
vAyuputre punaH prApte nandigrAmamupAgamat .. 60..\\
sa tatra maladigdhA~NgaM bharata.n chIravAsasam . 
agrataH pAduke kR^itvA dadarshAsInamAsane .. 61..\\
sametya bharatenAtha shatrughnena cha vIryavAn . 
rAghavaH saha saumitrirmumude bharata rShabha .. 62..\\
tathA bharatashatrughnau sametau guruNA tadA . 
vaidehyA darshanenobhau praharSha.n samavApatuH .. 63..\\
tasmai tadbharato rAjyamAgatAyAbhisatkR^itam . 
nyAsaM niryAtayAmAsa yuktaH paramayA mudA .. 64..\\
tatasta.n vaiShNavaM shUraM nakShatre.abhimate.ahani . 
vasiShTho vAmadevashcha sahitAvabhyaShi~nchatAm .. 65..\\
so.abhiShiktaH kapishreShTha.n sugrIvaM sasuhR^ijjanam . 
vibhIShaNa.n cha paulastyamanvajAnAdgR^ihAnprati .. 66..\\
abhyarchya vividhai ratnaiH prItiyuktau mudA yutau . 
samAdhAyetikartavya.n duHkhena visasarja ha .. 67..\\
puShpaka.n cha vimAnaM tatpUjayitvA sarAghavaH . 
prAdAdvaishravaNAyaiva prItyA sa raghunandanaH .. 68..\\
tato devarShisahitaH sarita.n gomatIm anu . 
dashAshvamedhAnAjahre jArUthyAnsa nirargalAn .. 69..\\
\medskip\hrule\medskip\centerline{\Largedvng 276}
 maark

evametanmahAbAho rAmeNAmitatejasA . 
prApta.n vyasanamatyugraM vanavAsa kR^itaM purA .. 1..\\
mA shuchaH puruShavyAghra kShatriyo.asi parantapa . 
bAhuvIryAshraye mArge vartase dIptanirNaye .. 2..\\
na hi te vR^ijina.n kiM chiddR^ishyate paramaNvapi . 
asminmArge viShIdeyuH sendrA api surAsurAH .. 3..\\
sa.nhatya nihato vR^itro marudbhirvajrapANinA . 
namuchishchaiva durdharSho dIrghajihvA cha rAkShasI .. 4..\\
sahAyavati sarvArthAH santiShThantIha sarvashaH . 
kiM nu tasyAjita.n sa~Nkhye bhrAtA yasya dhana~njayaH .. 5..\\
aya.n cha balinA.n shreShTho bhImo bhImaparAkramaH . 
yuvAnau cha maheShvAsau yamau mAdravatIsutau . 
ebhiH sahAyaiH kasmAttva.n viShIdasi parantapa .. 6..\\
ya ime vajriNaH senA.n jayeyuH samarudgaNAm . 
tvamapyebhirmaheShvAsaiH sahAyairdevarUpibhiH . 
vijeShyasi raNe sarvAnamitrAnbharatarShabha .. 7..\\
itashcha tvamimAM pashya saindhavena durAtmanA . 
balinA vIryamattena hR^itAmebhirmahAtmabhiH .. 8..\\
AnItA.n draupadIM kR^iShNAM kR^itvA karma suduShkaram . 
jayadratha.n cha rAjAna.n vijitaM vashamAgatam .. 9..\\
asahAyena rAmeNa vaidehI punarAhR^itA . 
hatvA sa~Nkhe dashagrIva.n rAkShasaM bhImavikramam .. 10..\\
yasya shAkhAmR^igA mitrA R^ikShAH kAlamukhAstathA . 
jAtyantaragatA rAjannetadbuddhyAnuchintaya .. 11..\\
tasmAttva.n kurushArdUla mAshucho bharatarShabha . 
tvadvidhA hi mahAtmAno na shochanti parantapa .. 12..\\

 vai

evamAshvAsito rAjA mArkaNDeyena dhImatA . 
tyaktvA duHkhamadInAtmA punarevedamabravIt .. 13..\\
\medskip\hrule\medskip\centerline{\Largedvng 277}
 y

nAtmAnamanushochAmi nemAnbhrAtR^InmahAmune . 
haraNa.n chApi rAjyasya yathemAM drupadAtmajAm .. 1..\\
dyUte durAtmabhiH kliShTAH kR^iShNayA tAritA vayam . 
jayadrathena cha punarvanAdapahR^itA balAt .. 2..\\
asti sImantinI kA chiddR^iShTapUrvAtha vA shrutA . 
pativratA mahAbhAgA yatheya.n drupadAtmajA .. 3..\\

 maark

shR^iNu rAjankulastrINAM mahAbhAgya.n yudhiShThira . 
sarvametadyathA prApta.n sAvitryA rAjakanyayA .. 4..\\
AsInmadreShu dharmAtmA rAjA paramadhArmikaH . 
brahmaNyashcha sharaNyashcha satyasandho jitendriyaH .. 5..\\
yajvA dAnapatirdakShaH paurajAnapada priyaH . 
pAthivo.ashvapatirnAma sarvabhUtahite rataH .. 6..\\
kShamAvAnanapatyashcha satyavAgvijitendriyaH . 
atikrAntena vayasA santApamupajagmivAn .. 7..\\
apatyotpAdanArtha.n sa tIvraM niyamamAsthitaH . 
kAle parimitAhAro brahma chArI jitendriyaH .. 8..\\
hutvA shatasahasra.n sa sAvitryA rAjasattama . 
ShaShThe ShaShThe tadA kAle babhUva mita bhojanaH .. 9..\\
etena niyamenAsIdvarShANyaShTAdashaiva tu . 
pUrNe tvaShTAdashe varShe sAvitrI tuShTimabhyagAt . 
svarUpiNI tadA rAjandarshayAmAsa taM nR^ipam .. 10..\\
agnihotrAtsamutthAya harSheNa mahatAnvitA . 
uvAcha chaina.n varadA vachanaM pArthiva.n tadA .. 11..\\
brahmacharyeNa shuddhena damena niyamena cha . 
sarvAtmanA cha madbhaktyA tuShTAsmi tava pArthiva .. 12..\\
vara.n vR^iNIShvAshvapate madrA rAjayathepsitam . 
na pramAdashcha dharmeShu kartavyaste katha.n chana .. 13..\\

 azvapati

apatyArthaH samArambhaH kR^ito dharmepsayA mayA . 
putrA me bahavo devi bhaveyuH kulabhAvanAH .. 14..\\
tuShTAsi yadi me devi kAmameta.n vR^iNomyaham . 
santAna.n hi paro dharma ityAhurmA.n dvijAtayaH .. 15..\\

 saavitrii

pUrvameva mayA rAjannabhiprAyamima.n tava . 
GYAtvA putrArthamukto vai tava hetoH pitAmahaH .. 16..\\
prasAdAchchaiva tasmAtte svayambhuvihitAdbhuvi . 
kanyA tejasvinI saumya kShiprameva bhaviShyati .. 17..\\
uttara.n cha na te kiM chidvyAhartavyaM kathaM chana . 
pitAmaha nisargeNa tuShTA hyetadbravImi te .. 18..\\

 maark

sa tatheti pratiGYAya sAvitryA vachanaM nR^ipaH . 
prasAdayAmAsa punaH kShipramevaM bhavediti .. 19..\\
antarhitAyA.n sAvitryA.n jagAma svagR^ihaM nR^ipaH . 
svarAjye chAvasatprItaH prajA dharmeNa pAlayan .. 20..\\
kasmiMshchittu gate kAle sa rAjA niyatavrataH . 
jyeShThAyA.n dharmachAriNyAM mahiShyAM garbhamAdadhe .. 21..\\
rAjaputryA.n tu garbhaH sa mAlavyAM bharatarShabha . 
vyavardhata yathA shukle tArApatirivAmbare .. 22..\\
prApte kAle tu suShuve kanyA.n rAjIvalochanAm . 
kriyAshcha tasyA muditashchakre sa nR^ipatistadA .. 23..\\
sAvitryA prItayA dattA sAvitryA hutayA hyapi . 
sAvitrItyeva nAmAsyAshchakrurviprAstathA pitA .. 24..\\
sA vigrahavatIva shrIrvyavardhata nR^ipAtmajA . 
kAlena chApi sA kanyA yauvanasthA babhUva ha .. 25..\\
tA.n sumadhyAM pR^ithushroNIM pratimA.n kA~nchanIm iva . 
prApteya.n devakanyeti dR^iShTvA saMmenire janAH .. 26..\\
tA.n tu padmapalAshAkShIM jvalantImiva tejasA . 
na kashchidvarayAmAsa tejasA prativAritaH .. 27..\\
athopoShya shiraHsnAtA daivatAnyabhigamya sA . 
hutvAgni.n vidhivadviprAnvAchayAmAsa parvaNi .. 28..\\
tataH sumanasaH sheShAH pratigR^ihya mahAtmanaH . 
pituH sakAshamagamaddevI shrIriva rUpiNI .. 29..\\
sAbhivAdya pituH pAdau sheShAH pUrvaM nivedya cha . 
kR^itA~njalirvarArohA nR^ipateH pArshvataH sthitA .. 30..\\
yauvanasthA.n tu tAM dR^iShTvA svA.n sutAM devarUpiNIm . 
ayAchyamAnA.n cha varairnR^ipatirduHkhito.abhavat .. 31..\\

 raajaa

putri pradAnakAlaste na cha kashchidvR^iNoti mAm . 
svayamanvichchha bhartAra.n guNaiH sadR^ishamAtmanaH .. 32..\\
prArthitaH puruSho yashcha sa nivedyastvayA mama . 
vimR^ishyAhaM pradAsyAmi varaya tva.n yathepsitam .. 33..\\
shruta.n hi dharmashAstre me paThyamAna.n dvijAtibhiH . 
tathA tvamapi kalyANi gadato me vachaH shR^iNu .. 34..\\
apradAtA pitA vAchyo vAchyashchAnupayanpatiH . 
mR^ite bhartari putrashcha vAchyo mAturarakShitA .. 35..\\
idaM me vachana.n shrutvA bharturanveShaNe tvara . 
devatAnA.n yathA vAchyo na bhaveya.n tathA kuru .. 36..\\

 maark

evamuktvA duhitara.n tathA vR^iddhAMshchamantriNaH . 
vyAdideshAnuyAtra.n cha gamyatAm ityachodayat .. 37..\\
sAbhivAdya pituH pAdau vrIDiteva manasvinI . 
piturvachanamAGYAya nirjagAmAvichAritam .. 38..\\
sA haima.n rathamAsthAya sthaviraiH sachivairvR^itA . 
tapovanAni ramyANi rAjarShINA.n jagAm aha .. 39..\\
mAnyAnA.n tatra vR^iddhAnAM kR^itvA pAdAbhivandanam . 
vanAni kramashastAta sarvANyevAbhyagachchhata .. 40..\\
eva.n sarveShu tIrtheShu dhanotsargaM nR^ipAtmajA . 
kurvatI dvijamukhyAnA.n taM taM deshaM jagAm aha .. 41..\\
\medskip\hrule\medskip\centerline{\Largedvng 278}
 maark

atha madrAdhipo rAjA nAradena samAgataH . 
upaviShTaH sabhAmadhye kathA yogena bhArata .. 1..\\
tato.abhigamya tIrthAni sarvANyevAshramA.nstathA . 
AjagAma piturveshma sAvitrI saha mantribhiH .. 2..\\
nAradena sahAsIna.n dR^iShTvA sA pitara.n shubhA . 
ubhayoreva shirasa chakre pAdAbhivandanam .. 3..\\

 naarada

kva gatAbhUtsuteya.n te kutashchaivAgatA nR^ipa . 
kimartha.n yuvatIM bhartre na chainAM samprayachchhasi .. 4..\\

 azvapati

kAryeNa khalvanenaiva preShitAdyaiva chAgatA . 
tadasyAH shR^iNu devarShe bhartAra.n yo.anayA vR^itaH .. 5..\\

 maark

sA brUhi vistareNeti pitrA sa~ncoditA shubhA . 
daivatasyeva vachanaM pratigR^ihyedamabravIt .. 6..\\
AsIchchhAlveShu dharmAtmA kShatriyaH pR^ithivIpatiH . 
dyumatsena iti khyAtaH pashchAdandho babhUva ha .. 7..\\
vinaShTa chakShurastasya bAla putrasya dhImataH . 
sAmIpyena hR^ita.n rAjya.n chhidre.asminpUrvavairiNA .. 8..\\
sa bAlavatsayA sArdhaM bhAryayA prasthito vanam . 
mahAraNyagatashchApi tapastepe mahAvrataH .. 9..\\
tasya putraH pure jAtaH sa.nvR^iddhash cha tapovane . 
satyavAnanurUpo me bharteti manasA vR^itaH .. 10..\\

 naarada

aho bata mahatpApa.n sAvitryA nR^ipate kR^itam . 
ajAnantyA yadanayA guNavAnsatyavAnvR^itaH .. 11..\\
satya.n vadatyasya pitA satyaM mAtA prabhAShate . 
tato.asya brAhmaNAshchakrurnAmaitatsatyavAniti .. 12..\\
bAlasyAvAH priyAshchAsya karotyashvAMshcha mR^inmayAn . 
chitre.api cha likhatyashvAMshchitrAshva iti chochyate .. 13..\\

 raajaa

apIdAnI.n sa tejasvI buddhimAnvA nR^ipAtmajaH . 
kShamAvAnapi vA shUraH satyavAnpitR^inandanaH .. 14..\\

 naarada

vivasvAniva tejasvI bR^ihaspatisamo matau . 
mahendra iva shUrashcha vasudheva kShamAnvitaH .. 15..\\

 azvapati

api rAjAtmajo dAtA brahmaNyo vApi satyavAn . 
rUpavAnapyudAro vApyatha vA priyadarshanaH .. 16..\\

 naarada

sA~NkR^ite rantidevasya sa shaktyA dAnataH samaH . 
brahmaNyaH satyavAdI cha shibiraushInaro yathA .. 17..\\
yayAtiriva chodAraH somavatpriyadarshanaH . 
rUpeNAnyatamo.ashvibhyA.n dyumatsenasuto balI .. 18..\\
sa dAntaH sa mR^iduH shUraH sa satyaH sa jitendriyaH . 
sa maitraH so.anasUyashcha sa hrImAndhR^itimAMshcha saH .. 19..\\
nityashashchArjava.n tasminsthitistasyaiva cha dhruvA . 
sampShepatastapovR^iddhaiH shIlavR^iddhaish cha kathyate .. 20..\\

 azvapati

guNairupeta.n sarvaistaM bhagavanprabravIShi me . 
doShAnapyasya me brUhi yadi santIha ke chana .. 21..\\

 naarada

eko doSho.asya nAnyo.asti so.adya prabhR^iti satyavAn . 
sa.nvatsareNa kShINAyurdehanyAsa.n kariShyati .. 22..\\

 raajaa

ehi sAvitri gachchha tvamanya.n varaya shobhane . 
tasya doSho mahAneko guNAnAkramya tiShThati .. 23..\\
yathA me bhagavAnAha nArado devasatkR^itaH . 
sa.nvatsareNa so.alpAyurdehanyAsa.n kariShyati .. 24..\\

 saavitrii

sakR^idaMsho nipatati sakR^itkanyA pradIyate . 
sakR^idAha dadAnIti trINyetAni sakR^itsakR^it .. 25..\\
dIrghAyuratha vAlpAyuH saguNo nirguNo.api vA . 
sakR^idvR^ito mayA bhartA na dvitIya.n vR^iNomyaham .. 26..\\
manasA nishchaya.n kR^itvA tato vAchAbhidhIyate . 
kriyate karmaNA pashchAtpramANaM me manastataH .. 27..\\

 naarada

sthirA buddhirnarashreShTha sAvitryA duhitustava . 
naiShA chAlayitu.n shakyA dharmAdasmAtkatha~ncanan .. 28..\\
nAnyasminpuruShe santi ye satyavati vai guNAH . 
pradAnameva tasmAnme rochate duhitustava .. 29..\\

 raajaa

avichAryametadukta.n hi tathyaM bhagavatA vachaH . 
kariShyAmyetadeva.n cha gururhi bhagavAnmama .. 30..\\

 naarada

avighnamastu sAvitryAH pradAne duhitustava . 
sAdhayiShyAmahe tAvatsarveShAM bhadramastu vaH .. 31..\\

 maark

evamuktvA khamutpatya nAradastridiva.n gataH . 
rAjApi duhituH sarva.n vaivAhikamakArayat .. 32..\\
\medskip\hrule\medskip\centerline{\Largedvng 279}
 maark

atha kanyApradAne sa tamevArtha.n vichintayan . 
samAninye cha tatsarvaM bhANDa.n vaivAhikaM nR^ipaH .. 1..\\
tato vR^iddhAndvijAnsarvAnR^itvijaH sapurohitAn . 
samAhUya tithau puNye prayayau saha kanyayA .. 2..\\
medhyAraNya.n sa gatvA cha dyumatsenAshramaM nR^ipaH . 
padbhyAmeva dvijaiH sArdha.n rAjarShi.n tamupAgamat .. 3..\\
tatrApashyanmahAbhAga.n shAlavR^ikShamupAshritam . 
kaushyAM bR^isyA.n samAsIna.n chakShurhInaM nR^ipaM tadA .. 4..\\
sa rAjA tasya rAjarSheH kR^itvA pUjA.n yathArhataH . 
vAchA suniyato bhUtvA chakArAtma nivedanam .. 5..\\
tasyArghyamAsana.n chaiva gAM chAvedya sa dharmavit . 
kimAgamanamityeva.n rAjA rAjAnamabravIt .. 6..\\
tasya sarvamabhiprAyamitikartavyatA.n cha tAm . 
satyavanta.n samuddishya sarvameva nyavedayat .. 7..\\

 azvapati

sAvitrI nAma rAjarShe kanyeyaM mama shobhanA . 
tA.n svadharmeNa dharmaGYa snuShArthe tva.n gR^ihANa me .. 8..\\
chyutAH sma rAjyAdvanavAsamAshritAsh 
charAma dharmaM niyatAstapasvinaH . 
katha.n tvanarhA vanavAsamAshrame 
sahiShyate kleshamima.n sutA tava .. 9..\\

 azvapati

sukha.n cha duHkhaM cha bhavAbhavAtmakaM 
yadA vijAnAti sutAhameva cha . 
na madvidhe yujyati vAkyamIdR^ishaM 
vinishchayenAbhigato.asmi te nR^ipa .. 10..\\
AshAM nArhasi me hantu.n sauhR^idAdraNayena cha . 
abhitashchAgataM premNA pratyAkhyAtuM na mArhasi .. 11..\\
anurUpo hi sa.nyoge tvaM mamAha.n tavApi cha . 
snuShAM pratIchchha me kanyAM bhAryA.n satyavataH sutAm .. 12..\\

 dyumatsena

pUrvamevAbhilaShitaH sambhandho me tvayA saha . 
bhraShTarAjyastvahamiti tata etadvichAritam .. 13..\\
abhiprAyastvaya.n yo me pUrvamevAbhikA~NkShitaH . 
sa nirvartatu me.adyaiva kA~NkShito hyasi me.atithiH .. 14..\\

 maark

tataH sarvAnsamAnIya dvijAnAshramavAsinaH . 
yathAvidhi samudvAha.n kArayAmAsaturnR^ipau .. 15..\\
dattvA tvashvapatiH kanyA.n yathArha.n cha parichchhadam . 
yayau svameva bhavana.n yuktaH paramayA mudA .. 16..\\
satyavAnapi bhAryA.n tA.n labdhvA sarvaguNAnvitAm . 
mumude sA cha ta.n labdhvA bhartAraM manasepsitam .. 17..\\
gate pitari sarvANi saMnyasyAbharaNAni sA . 
jagR^ihe valkalAnyeva vastra.n kAShAyameva cha .. 18..\\
parichArairguNaishchaiva prashrayeNa damena cha . 
sarvakAmakriyAbhishcha sarveShA.n tuShTimAvahat .. 19..\\
shvashrU.n sharIrasatkAraiH sarvairAchhAdanAdibhiH . 
shvashura.n devakAryaishcha vAchaH sa.nyamanena cha .. 20..\\
tathaiva priyavAdena naipuNena shamena cha . 
raho chaivopachAreNa bhartAraM paryatoShayat .. 21..\\
eva.n tatrAshrame teShAM tadA nivasatA.n satAm . 
kAlastapasyatA.n kashchidatichakrAmabhArata .. 22..\\
sAvitryAstu shayAnAyAstiShThantyAshcha divAnisham . 
nAradena yadukta.n tadvAkyaM manasi vartate .. 23..\\
\medskip\hrule\medskip\centerline{\Largedvng 280}
 maark

tataH kAle bahutithe vyatikrAnte kadA chana . 
prAptaH sa kAlo martavya.n yatra satyavatA nR^ipa .. 1..\\
gaNayantyAshcha sAvitryA divase divase gate . 
tadvAkyaM nAradenokta.n vartate hR^idi nityashaH .. 2..\\
chaturthe.ahani martavyamiti sa~ncintya bhAminI . 
vrata.n trirAtramuddishya divArAtra.n sthitAbhavat .. 3..\\
ta.n shrutvA niyama.n duHkhaM vadhvA duHkhAnvito nR^ipaH . 
utthAya vAkya.n sAvitrImabravItparisAntvayan .. 4..\\
atitIvro.ayamArambhastvayArabdho nR^ipAtmaje . 
tisR^iNA.n vasatInAM hi sthAnaM paramaduShkaram .. 5..\\

 saavitrii

na kAryastAta santApaH pAriyiShyAmyaha.n vratam . 
vyavasAyakR^ita.n hIdaM vyavasAyashcha kAraNam .. 6..\\

 dyumatsena

vrataM bhindhIti vaktu.n tvAM nAsmi shaktaH kathaM chana . 
pArayasveti vachana.n yuktamasmadvidho vadet .. 7..\\

 maark

evamuktvA dyumatseno virarAma mahAmanAH . 
tiShThantI chApi sAvitrI kAShThabhUteva lakShyate .. 8..\\
shvobhUte bhartR^imaraNe sAvitryA bharatarShabha . 
duHkhAnvitAyAstiShThantyAH sA rAtrirvyatyavartata .. 9..\\
adya taddivasa.n cheti hutvA dIpta.n hutAshanam . 
yugamAtrodite sUrye kR^itvA paurvAhNikAH kriyAH .. 10..\\
tataH sarvAndvijAnvR^iddhA~nshvashrU.n shvashurameva cha . 
abhivAdyAnupUrvyeNa prA~njalirniyatA sthitA .. 11..\\
avaidhavyAshiraste tu sAvitryartha.n hitAH shubhAH . 
UchustapasvinaH sarve tapovananivAsinaH .. 12..\\
evamastviti sAvitrI dhyAnayogaparAyaNA . 
manasA tA giraH sarvAH pratyagR^ihNAttapasvinAm .. 13..\\
ta.n kAlaM chamuhUrtaM cha pratIkShantI nR^ipAtmajA . 
yathoktaM nArada vacho chintayantI suhuHkhitA .. 14..\\
tatastu shvashrU shvashurAvUchatustAM nR^ipAtmajAm . 
ekAntasthamida.n vAkyaM prItyA bharatasattama .. 15..\\

 zvazrau

vrato yathopadiShTo.aya.n yathAvatpAritastvayA . 
AhArakAlaH samprAptaH kriyatA.n yadanantaram .. 16..\\

 saavitrii

asta.n gate mayAditye bhoktavyaM kR^itakAmayA . 
eSha me hR^idi sa~NkalpaH samayashcha kR^ito mayA .. 17..\\

 maark

eva.n sambhAShamANAyAH sAvitryA bhojanaM prati . 
skandhe parashumAdAya satyavAnprasthito vanam .. 18..\\
sAvitrI tvAha bhartAraM naikastva.n gantumarhasi . 
saha tvayAgamiShyAmi na hi tvA.n hAtumutsahe .. 19..\\

 satyavaan

vanaM na gatapUrva.n te duHkhaH panthAshcha bhAmini . 
vratopavAsakShAmA cha kathaM padbhyA.n gamiShyasi .. 20..\\

 saavitrii

upavAsAnna me glAnirnAsti chApi parishramaH . 
gamane cha kR^itotsAhAM pratiSheddhuM na mArhasi .. 21..\\

 satyavaan

yadi te gamanotsAhaH kariShyAmi tava priyam . 
mama tvAmantraya gurUnna mA.n doShaH spR^ishedayam .. 22..\\

 maark

sATabhigmyAbravIchchhvashrU.n shvashura.n cha mahAvratA . 
aya.n gachchhati me bhartA phalAhAro mahAvanam .. 23..\\
ichchheyamabhyanuGYAtumAryayA shvashureNa cha . 
anena saha nirgantuM na hi me virahaH kShamaH .. 24..\\
gurvagnihotrArtha kR^ite prasthitash cha sutastava . 
na nivAryo nivAryaH syAdanyathA prasthito vanam .. 25..\\
sa.nvatsaraH ki.n chidUno na niShkrAntAhamAshramAt . 
vana.n kusumitaM draShTuM paraM kautUhara.n hi me .. 26..\\

 dyumatsena

yataH prabhR^iti sAvitrI pitrA dattasnuShA mama . 
nAnayAbhyarthanA yuktamuktapUrva.n smarAmyaham .. 27..\\
tadeShA labhatA.n kAma.n yathAbhilaShitaM vadhUH . 
apramAdashcha kartavyaH putri satyavataH pathi .. 28..\\

 maark

ubhAbhyAmabhyanuGYAtA sA jagAma yashasvinI . 
saha bhartrA hasantIva hR^idayena vidUyatA .. 29..\\
sA vanAni vichitrANi ramaNIyAni sarvashaH . 
mayUrarava ghuShTAni dadarsha vipulekShaNA .. 30..\\
nadIH puNyavahAshchaiva puShpitAMshcha nagottamAn . 
satyavAnAha pashyeti sAvitrIM madhurAkSharam .. 31..\\
nirIkShamANA bhartAra.n sarvAvasthamaninditA . 
mR^itameva hi taM mene kAle munivacho smaran .. 32..\\
anuvartatI tu bhartAra.n jagAma mR^idu gAminI . 
dvidheva hR^idaya.n kR^itvA taM cha kAlamavekShatI .. 33..\\
\medskip\hrule\medskip\centerline{\Largedvng 281}
 maark

atha bhAryAsahAyaH sa phalAnyAdAya vIryavAn . 
kaThinaM pUrayAmAsa tataH kAShThAnyapATayat .. 1..\\
tasya pATayataH kAShTha.n svedo vai samajAyata . 
vyAyAmena cha tenAsya jaGYe shirasi vedanA .. 2..\\
so.abhigamya priyAM bhAryAmuvAcha shramapIDitaH . 
vyAyamena mamAnena jAtA shirasi vedanA .. 3..\\
a~NgAni chaiva sAvitri hR^idaya.n dUyatIva cha . 
asvasthamiva chAtmAna.n lakShaye mita bhAShiNi .. 4..\\
shUlairiva shiro viddhamida.n sa.nlakShayAmyaham . 
tatsvaptumichchhe kalyANi na sthAtu.n shaktirasti me .. 5..\\
samAsAdyAtha sAvitrI bhartAramupagUhya cha . 
utsa~Nge.asya shiro kR^itvA niShasAda mahItale .. 6..\\
tataH sA nArada vacho vimR^ishantI tapasvinI . 
taM muhUrta.n kShaNa.n velAM divasaM cha yuyoja ha .. 7..\\
muhUrtAdiva chApashyatpuruShaM pItavAsasam . 
baddhamauli.n vapuShmantamAdityasamatejasam .. 8..\\
shyAmAvadAta.n raktAkShaM pAshahastaM bhayAvaham . 
sthita.n satyavataH pArshve nirIkShanta.n tameva cha .. 9..\\
ta.n dR^iShTvA sahasotthAya bharturnyasya shanaiH shiraH . 
kR^itA~njaliruvAchArtA hR^idayenapravepatA .. 10..\\
daivata.n tvAbhijAnAmi vapuretaddhyamAnuSham . 
kAmayA brUhi me devakastva.n kiM cha chikIrShasi .. 11..\\

 yama

pativratAsi sAvitri tathaiva cha tapo.anvitA . 
atastvAmabhibhAShAmi viddhi mA.n tva.n shubhe yamam .. 12..\\
aya.n te satyavAnbhartA kShINAyuH pArthivAtmajaH . 
neShyAmyenamahaM baddhvA viddhyetanme chikIrShitam .. 13..\\

 maark

ityuktvA pitR^irAjastAM bhagavAnsva.n chikIrShitam . 
yathAvatsarvamAkhyAtu.n tatpriyArthaM prachakrame .. 14..\\
aya.n hi dharmasa.nyukto rUpavAnguNasAgaraH . 
nArho matpuruShairnetumato.asmi svayamAgataH .. 15..\\
tataH satyavataH kAyAtpAshabaddha.n vasha~Ngatam . 
a~NguShTha mAtraM puruShaM nishchakarSha yamo balAt .. 16..\\
tataH samuddhR^itaprANa.n gatashvAsa.n hataprabham . 
nirvicheShTa.n sharIra.n tadbabhUvApriyadarshanam .. 17..\\
yamastu ta.n tathA baddhvA prayAto dakShiNAmukhaH . 
sAvitrI chApi duHkhArtA yamamevAnvagachchhata . 
niyamavratasa.nsiddhA mahAbhAgA pativratA .. 18..\\

 yama

nivarta gachchha sAvitri kuruShvAsyaurdhvadehikam . 
kR^itaM bhartustvayAnR^iNya.n yAvadgamya.n gataM tvayA .. 19..\\

 saavitrii

yatra me nIyate bhartA svaya.n vA yatra gachchhati . 
mayApi tatra gantavyameSha dharmaH sanAtanaH .. 20..\\
tapasA guruvR^ittyA cha bhartuH snehAdvratena cha . 
tava chaiva prasAdena na me pratihatA gatiH .. 21..\\
prAhuH sapta padaM mitraM budhAstattvArtha darshinaH . 
mitratA.n cha puraskR^itya kiM chidvakShyAmi tachchhR^iNu .. 22..\\
nAnAtmavantastu vanecharanti 
dharma.n cha vAsaM cha parishramaM cha . 
viGYAnato dharmamudAharanti 
tasmAtsanto dharmamAhuH pradhAnam .. 23..\\
ekasya dharmeNa satAM matena 
sarve sma taM mArgamanuprapannAH . 
mA vai dvitIyaM mA tR^itIya.n cha vA~nchhe 
tasmAtsanto dharmamAhuH pradhAnam .. 24..\\

 yama

nivarta tuShTo.asmi tavAnayA girA 
svarAkShara vya~njana hetuyuktayA . 
vara.n vR^iNIShveha vinAsya jIvitaM 
dadAni te sarvamanindite varam .. 25..\\

 saavitrii

chyutaH svarAjyAdvanavAsamAshrito 
vinaShTa chakShuH shvaShuro mamAshrame . 
sa labdhachakShurbalavAnbhavennR^ipas 
tava prasAdAjjvalanArkasaMnibhaH .. 26..\\

 yama

dadAni te sarvamanindite varaM 
yathA tvayoktaM bhavitA cha tattathA . 
tavAdhvanA glAnimivopalakShaye 
nivarta gachchhasva na te shramo bhavet .. 27..\\

 saavitrii

kutaH shramo bhartR^isamIpato hi me 
yato hi bhartA mama sA gatirdhruvA . 
yataH patiM neShyasi tatra me gatiH 
suresha bhUyo cha vacho nibodha me .. 28..\\
satA.n sakR^itsa~NgatamIpsitaM paraM 
tataH paraM mitramiti prachakShate . 
na chAphala.n satpuruSheNa sa~NgataM 
tataH satA.n saMnivasetsamAgame .. 29..\\

 yama

mano.anukUlaM budha buddhivardhanaM 
tvayAhamukto vachana.n hitAshrayam . 
vinA punaH satyavato.asya jIvitaM 
vara.n dvitIya.n varayasva bhAmini .. 30..\\

 saavitrii

hR^itaM purA me shvashurasya dhImataH 
svameva rAjya.n sa labheta pArthivaH . 
jahyAtsvadharmaM na cha me gurur 
yathA dvitIyameta.n varayAmi te varam .. 31..\\

 yama

svameva rAjyaM pratipatsyate.achirAn 
na cha svadharmAtparihAsyate nR^ipaH . 
kR^itena kAmena mayA nR^ipAtmaje 
nivarta gachchhasva na te shramo bhavet .. 32..\\

 saavitrii

prajAstvayemA niyamena sa.nyatA 
niyamya chaitA nayase na kAmayA . 
ato yamatva.n tava deva vishrutaM 
nibodha chemA.n giramIritAM mayA .. 33..\\
adrohaH sarvabhUteShu karmaNA manasA girA . 
anugrahashcha dAna.n cha satAM dharmaH sanAtanaH .. 34..\\
evaM prAyo cha loko.ayaM manuShyAH shaktipeshalAH . 
santastvevApyamitreShu dayAM prApteShu kurvate .. 35..\\

 yama

pipAsitasyeva yathA bhavetpayas 
tathA tvayA vAkyamida.n samIritam . 
vinA punaH satyavato.asya jIvitaM 
vara.n vR^iNIShveha shubhe yadichchhasi .. 36..\\

 saavitrii

mamAnapatyaH pR^ithivIpatiH pitA 
bhavetpituH putrashataM mamaurasam . 
kulasya santAnakara.n cha yadbhavet 
tR^itIyameta.n varayAmi te varam .. 37..\\

 yama

kulasya santAnakara.n suvarchasaM 
shata.n sutAnAM piturastu te shubhe . 
kR^itena kAmena narAdhipAtmaje 
nivarta dUra.n hi pathastvamAgatA .. 38..\\

 saavitrii

na dUrametanmama bhartR^isaMnidhau 
mano hi me dUrataraM pradhAvati . 
tathA vrajanneva gira.n samudyatAM 
mayochyamAnA.n shR^iNu bhUya eva cha .. 39..\\
vivasvatastva.n tanayaH pratApavA.ns 
tato hi vaivasvata uchyase budhaiH . 
shamena dharmeNa cha ra~njitAH prajAs 
tatastaveheshvara dharmarAjatA .. 40..\\
Atmanyapi na vishvAsastAvAnbhavati satsu yaH . 
tasmAtsatsu visheSheNa sarvaH praNayamichchhati .. 41..\\
sauhR^idAtsarvabhUtAnA.n vishvAso nAma jAyate . 
tasmAtsatsu visheSheNa vishvAsa.n kurute janaH .. 42..\\

 yama

udahR^ita.n te vachana.n yada~Ngane 
shubhe na tAdR^iktvadR^ite mayA shrutam . 
anena tuShTo.asmi vinAsya jIvitaM 
vara.n chaturtha.n varayasva gachchha cha .. 43..\\

 saavitrii

mamAtmaja.n satyavatastathaurasaM 
bhavedubhAbhyAm iha yatkulodvaham . 
shata.n sutAnAM balavIryashAlinAm 
ida.n chaturtha.n varayAmi te varam .. 44..\\

 yama

shata.n sutAnAM balavIryashAlinAM 
bhaviShyati prItikara.n tavAbale . 
parishramaste na bhavennR^ipAtmaje 
nivarta dUra.n hi pathastvamAgatA .. 45..\\

 saavitrii

satA.n sadA shAshvatI dharmavR^ittiH 
santo na sIdanti na cha vyathanti . 
satA.n sadbhirnAphalaH sa~Ngamo.asti 
sadbhyo bhayaM nAnuvartanti santaH .. 46..\\
santo hi satyena nayanti sUryaM 
santo bhUmi.n tapasA dhArayanti . 
santo gatirbhUtabhavyasya rAjan 
satAM madhye nAvasIdanti santaH .. 47..\\
Arya juShTamida.n vR^ittamiti viGYAya shAshvatam . 
santaH parArtha.n kurvANA nAvekShante pratikriyAm .. 48..\\
na cha prasAdaH satpuruSheShu mogho 
na chApyartho nashyati nApi mAnaH . 
yasmAdetanniyata.n satsu nityaM 
tasmAtsanto rakShitAro bhavanti .. 49..\\

 yama

yathA yathA bhAShasi dharmasa.nhitaM 
mano.anukUla.n supadaM mahArthavat . 
tathA tathA me tvayi bhaktiruttamA 
vara.n vR^iNIShvApratimaM yatavrate .. 50..\\

 saavitrii

na te.apavargaH sukR^itAdvinAkR^itas 
tathA yathAnyeShu vareShu mAnada . 
vara.n vR^iNe jIvatu satyavAnayaM 
yathA mR^itA hyevamaha.n vinA patim .. 51..\\
na kAmaye bhartR^ivinAkR^itA sukhaM 
na kAmaye bhartR^ivinAkR^itA divam . 
na kAmaye bhartR^ivinAkR^itA shriyaM 
na bhartR^ihInA vyavasAmi jIvitum .. 52..\\
varAtisargaH shataputratA mama 
tvayaiva datto hriyate cha me patiH . 
vara.n vR^iNe jIvatu satyavAnayaM 
tavaiva satya.n vachanaM bhaviShyati .. 53..\\

 maark

tathetyuktvA tu tAnpAshAnmuktvA vaivasvato yamaH . 
dharmarAjaH prahR^iShTAtmA sAvitrImidamabravIt .. 54..\\
eSha bhadre mayA mukto bhartA te kulanandini . 
arogastava neyashcha siddhArthashcha bhaviShyati .. 55..\\
chaturvarSha shata.n chAyustvayA sArdhamavApsyati . 
iShTvA yaGYaishcha dharmeNa khyAti.n loke gamiShyati .. 56..\\
tvayi putrashata.n chaiva satyavA~njanayiShyati . 
te chApi sarve rAjAnaH kShatriyAH putrapautriNaH . 
khyAtAstvannAmadheyAshcha bhaviShyantIha shAshvatAH .. 57..\\
pitushcha te putrashataM bhavitA tava mAtari . 
mAlavyAM mAlavA nAma shAshvatAH putrapautriNaH . 
bhrAtaraste bhaviShyanti kShatriyAstridashopamAH .. 58..\\
eva.n tasyai varaM dattvA dharmarAjaH pratApavAn . 
nivartayitvA sAvitrI.n svameva bhavanaM yayau .. 59..\\
sAvitryapi yame yAte bhartAraM pratilabhya cha . 
jagAma tatra yatrAsyA bhartuH shAva.n kalevaram .. 60..\\
sA bhUmau prekShya bhartAramupasR^ityopagUhya cha . 
utsa~Nge shira Aropya bhUmAvupavivesha ha .. 61..\\
sa~nj~nA.n cha satyavA.NllabdhvA sAvitrImabhyabhAShata . 
proShyAgata iva premNA punaH punarudIkShya vai .. 62..\\

 satyavaan

suchiraM bata supto.asmi kimarthaM nAvabodhitaH . 
kva chAsau puruShaH shyAmo yo.asau mA.n sa~ncakarSha ha .. 63..\\

 saavitrii

suchiraM bata supto.asi mamA~Nke puruSharShabha . 
gataH sa bhagavAndevaH prajA sa.nyamano yamaH .. 64..\\
vishrAnto.asi mahAbhAga vinidrashcha nR^ipAtmaja . 
yadi shakya.n samuttiShTha vigADhAM pashya sharvarIm .. 65..\\

 maark

upalabhya tataH sa~nj~nA.n sukhasupta ivotthitaH . 
dishaH sarvA vanAntAMshcha nirIkShyovAcha satyavAn .. 66..\\
phalAhAro.asmi niShkrAntastvayA saha sumadhyame . 
tataH pATayataH kAShTha.n shiraso me rujAbhavat .. 67..\\
shiro.abhitApa santaptaH sthAtu.n chiramashaknuvan . 
tavotsa~Nge prasupto.ahamiti sarva.n smare shubhe .. 68..\\
tvayopagUDhasya cha me nidrayApahR^itaM manaH . 
tato.apashya.n tamo ghoraM puruShaM cha mahaujasam .. 69..\\
tadyadi tva.n vijAnAsi ki.n tadbrUhi sumadhyame . 
svapno me yadi vA dR^iShTo yadi vA satyameva tat .. 70..\\
tamuvAchAtha sAvitrI rajanI vyavagAhate . 
shvaste sarva.n yathAvR^ittamAkhyAsyAmi nR^ipAtmaja .. 71..\\
utthiShThottiShTha bhadra.n te pitarau pashya suvrata . 
vigADhA rajanI cheyaM nivR^ittashcha divAkaraH .. 72..\\
nakta~ncarAshcharantyete hR^iShTAH krUrAbhibhAShiNaH . 
shrUyante parNashabdAshcha mR^igANA.n charatA.n vane .. 73..\\
etAH shivA ghoranAdA disha.n dakShiNapashchimAm . 
AsthAya viruvantyugrAH kampayantyo mano mama .. 74..\\

 satyavaan

vanaM pratibhayAkAra.n ghanena tamasA vR^itam . 
na viGYAsyasi panthAna.n gantuM chaiva na shakShyasi .. 75..\\

 saavitii

asminnadya vane dagdhe shuShkavR^ikShaH sthito jvalan . 
vAyunA dhamyamAno.agnirdR^ishyate.atra kva chitkva chit .. 76..\\
tato.agnimAnayitveha jvAlayiShyAmi sarvataH . 
kAShThAnImAni santIha jahi santApamAtmanaH .. 77..\\
yadi notsahase gantu.n saruja.n tvAbhilakShaye . 
na cha GYAsyasi panthAna.n tamasA sa.nvR^ite vane .. 78..\\
shvaHprabhAte vane dR^ishye yAsyAvo.anumate tava . 
vasAveha kShapAmetA.n ruchitaM yadi te.anagha .. 79..\\

 satyavaan

shiro rujA nivR^ittA me svasthAnya~NgAni lakShaye . 
mAtA pitR^ibhyAmichchhAmi sa~Ngama.n tvatprasAdajam .. 80..\\
na kadA chidvikAle hi gatapUrvo mayAshramaH . 
anAgatAyA.n sandhyAyAM mAtA me praruNaddhi mAm .. 81..\\
divApi mayi niShkrAnte santapyete gurU mama . 
vichinoti cha mA.n tAtaH sahaivAshramavAsibhiH .. 82..\\
mAtrA pitrA cha subhR^isha.n duHkhitAbhyAmahaM purA . 
upAlabdhaH subahushashchireNAgachchhasIti ha .. 83..\\
kA tvavasthA tayoradya madarthamiti chintaye . 
tayoradR^ishye mayi cha mahadduHkhaM bhaviShyati .. 84..\\
purA mAmUchatushchaiva rAtrAvasrAyamANakau . 
bhR^isha.n suduHkhitau vR^iddhau bahushaH prItisa.nyutau .. 85..\\
tvayA hInau na jIvAva muhUrtamapi putraka . 
yAvaddhariShyase putra tAvannau jIvita.n dhruvam .. 86..\\
vR^iddhayorandhayoryaShTistvayi vaMshaH pratiShThitaH . 
tvayi piNDashcha kIrtishcha santAna.n chAvayoriti .. 87..\\
mAtA vR^iddhA pitA vR^iddhastayoryaShTiraha.n kila . 
tau rAtrau mAmapashyantau kAmavasthA.n gamiShyataH .. 88..\\
nidrAyAshchAbhyasUyAmi yasyA hetoH pitA mama . 
mAtA cha saMshayaM prAptA matkR^ite.anapakAriNI .. 89..\\
aha.n cha saMshayaM prAptaH kR^ichchhrAmApadamAsthitaH . 
mAtA pitR^ibhyA.n hi vinA nAha.n jIvitumutsahe .. 90..\\
vyaktamAkulayA buddhyA praGYA chakShuH pitA mama . 
ekaikamasyA.n velAyAM pR^ichchhatyAshramavAsinam .. 91..\\
nAtmAnamanushochAmi yathAhaM pitara.n shubhe . 
bhartAra.n chApyanugatAM mAtaraM paridurbalAm .. 92..\\
matkR^itena hi tAvadya santApaM parameShyataH . 
jIvantAvanujIvAmi bhartavyau tau mayeti ha . 
tayoH priyaM me kartavyamiti jIvAmi chApyaham .. 93..\\

 maark

evamuktvA sa dharmAtmA guruvartI gurupriyaH . 
uchchhritya bAhU duHkhArtaH sasvaraM praruroda ha .. 94..\\
tato.abravIttathA dR^iShTvA bhartAra.n shokakarshitam . 
pramR^ijyAshrUNi netrAbhyA.n sAvitrI dharmachAriNI .. 95..\\
yadi me.asti tapastapta.n yadi dattaM hutaM yadi . 
shvashrU shvashura bhartR^INAM mama puNyAstu sharvarI .. 96..\\
na smarAmyuktapUrvA.n vai svaireShvapyanR^itA.n giram . 
tena satyena tAvadya dhriyetA.n shvashurau mama .. 97..\\

 satyavaan

kAmaye darshanaM pitroryAhi sAvitri mAchiram . 
purA mAtuH piturvApi yadi pashyAmi vipriyam . 
na jIviShye varArohe satyenAtmAnamAlabhe .. 98..\\
yadi dharme cha te buddhirmA.n chejjIvantamichchhasi . 
mama priya.n vA kartavya.n gachchhasvAshramamantikAt .. 99..\\

 maark

sAvitrI tata utthAya keshAnsa.nyamya bhAminI . 
patimutthApayAmAsa bAhubhyAM parigR^ihya vai .. 100..\\
utthAya satyavAMshchApi pramR^ijyA~NgAni pANinA . 
dishaH sarvAH samAlokya kaThine dR^iShTimAdadhe .. 101..\\
tamuvAchAtha sAvitrI shvaH phalAnIha neShyasi . 
yogakShemArthametatte neShyAmi parashu.n tvaham .. 102..\\
kR^itvA kaThina bhAra.n sA vR^ikShashAkhAvalambinam . 
gR^ihItvA parashuM bhartuH sakAshaM punarAgamat .. 103..\\
vAme skandhe tu vAmorurbharturbAhuM niveshya sA . 
dakShiNena pariShvajya jagAma mR^idu gAminI .. 104..\\

 satyavaan

abhyAsagamanAdbhIru panthAno viditA mama . 
vR^ikShAntarAlokitayA jyotsnayA chApi lakShaye .. 105..\\
Agatau svaH pathA yena phalAnyavachitAni cha . 
yathAgata.n shubhe gachchha panthAnaM mA vichAraya .. 106..\\
palAshaShaNDe chaitasminpanthA vyAvartate dvidhA . 
tasyottareNa yaH panthAstena gachchha tvarasva cha . 
svastho.asmi balavAnasmi didR^ikShuH pitarAvubhau .. 107..\\

 maark

bruvanneva.n tvarAyuktaH sa prAyAdAshramaM prati .. 108..\\
\medskip\hrule\medskip\centerline{\Largedvng 282}
 maark

etasminneva kAle tu dyumatseno mahAvane . 
labdhachakShuH prasannAtmA dR^iShTyA sarva.n dadarsha ha .. 1..\\
sa sarvAnAshramAngatvA shaibyayA saha bhAryayA . 
putra hetoH parAmArti.n jagAma manujarShabha .. 2..\\
tAvAshramAnnadIshchaiva vanAni cha sarA.nsi cha . 
tA.nstAndeshAnvichinvantau dampatI parijagmatuH .. 3..\\
shrutvA shabda.n tu yatkiM chidunmukhau suta sha~NkayA . 
sAvitrI sahito.abhyeti satyavAnityadhAvatAm .. 4..\\
bhinnaishcha paruShaiH pAdaiH savraNaiH shoNitaukShitaiH . 
kushakaNTakaviddhA~NgAvunmattAviva dhAvataH .. 5..\\
tato.abhisR^itya tairvipraiH sarvairAshramavAsibhiH . 
parivArya samAshvAsya samAnItau svamAshramam .. 6..\\
tatra bhAryA sahAyaH sa vR^ito vR^iddhairtapodhanaiH . 
AshvAsito vichitrArthaiH pUrvarAGYA.n kathAshrayaiH .. 7..\\
tatastau punarAshvastau vR^iddhau putra didR^ikShayA . 
bAlye vR^ittAni putrasya smarantau bhR^ishaduHkhitau .. 8..\\
punaruktvA cha karuNA.n vAcha.n tau shokakarshitau . 
hA putra hA sAdhvi vadhUH kvAsi kvAsItyarodatAm .. 9..\\

 suvarchas

yathAsya bhAryA sAvitrI tapasA cha damena cha . 
AchAreNa cha sa.nyuktA tathA jIvati satyavAn .. 10..\\

 gautama

vedAH sA~NgA mayAdhItAstapo me sa~ncitaM mahat . 
kaumAraM brahmacharyaM me guravo.agnishcha toShitAH .. 11..\\
samAhitena chIrNAni sarvANyeva vratAni me . 
vAyubhakShopavAsashcha kushalAni cha yAni me .. 12..\\
anena tapasA vedmi sarvaM parichikIrShitam . 
satyametannibodha tva.n dhriyate satyavAniti .. 13..\\

 zisya

upAdhyAyasya me vaktrAdyathA vAkya.n viniHsR^itam . 
naitajjAtu bhavenmithyA tathA jIvati satyavAn .. 14..\\

 rsayah

yathAsya bhAryA sAvitrI sarvaireva sulakShaNaiH . 
avaidhavya karairyuktA tathA jIvati satyavAn .. 15..\\

 bhaaradvaaja

yathAsya bhAryA sAvitrI tapasA cha damena cha . 
AchAreNa cha sa.nyuktA tathA jIvati satyavAn .. 16..\\

 daalbhya

yathAdR^iShTiH pravR^ittA te sAvitryAshcha yathA vratam . 
gatAhAramakR^itvA cha tathA jIvati satyavAn .. 17..\\

 maandavya

yathA vadanti shAntAyA.n dishi vai mR^igapakShiNaH . 
pArthivI cha pravR^ittiste tathA jIvati satyavAn .. 18..\\

 dhaumya

sarvairguNairupetaste yathA putro janapriyaH . 
dIrghAyurlakShaNopetastathA jIvati satyavAn .. 19..\\

 maark

evamAshvAsitastaistu satyavAgbhistapasvibhiH . 
tA.nstAnvigaNayannarthAnavasthita ivAbhavat .. 20..\\
tato muhUrtAtsAvitrI bhartrA satyavatA saha . 
AjagAmAshrama.n rAtrau prahR^iShTA pravivesha ha .. 21..\\

 braahmanaah

putreNa sa~Ngata.n tvAdya chakShurmantaM nirIkShya cha . 
sarve vaya.n vai pR^ichchhAmo vR^iddhi.n te pR^ithivIpate .. 22..\\
samAgamena putrasya sAvitryA darshanena cha . 
chakShuSho chAtmano lAbhAttribhirdiShTyA vivardhase .. 23..\\
sarvairasmAbhirukta.n yattathA tannAtra saMshayaH . 
bhUyo bhUyo cha vR^itthiste kShiprameva bhaviShyati .. 24..\\

 maark

tato.agni.n tatra sa~njvAlya dvijAste sarva eva hi . 
upAsA.n chakrire pArtha dyumatsenaM mahIpatim .. 25..\\
shaibyA cha satyavAMshchaiva sAvitrI chaikataH sthitAH . 
sarvaistairabhyanuGYAtA vishokAH samupAvishan .. 26..\\
tato rAGYA sahAsInAH sarve te vanavAsinaH . 
jAtakautUhalAH pArtha paprachchhurnR^ipateH sutam .. 27..\\
prAgeva nAgata.n kasmAtsabhAryeNa tvayA vibho . 
virAtre chAgata.n kasmAtko.anubandhash cha te.abhavat .. 28..\\
santApitaH pitA mAtA vaya.n chaiva nR^ipAtmaja . 
nAkasmAditi jAnImastatsarva.n vaktumarhasi .. 29..\\

 satyavaan

pitrAhamabhyanuGYAtaH sAvitrI sahito gataH . 
atha me.abhUchchhiroduHkha.n vane kAShThAni bhindataH .. 30..\\
suptashchAha.n vedanayA chiramityupalakShaye . 
tAvatkAla.n cha na mayA supta pUrvaM kadA chana .. 31..\\
sarveShAmeva bhavatA.n santApo mA bhavediti . 
ato virAtrAgamanaM nAnyadastIha kAraNam .. 32..\\

 gautama

akasmAchchakShuraH prAptirdyumatsenasya te pituH . 
nAsya tva.n kAraNa.n vettha sAvitrI vaktumarhati .. 33..\\
shrotumichchhAmi sAvitri tva.n hi vettha parAvaram . 
tvA.n hi jAnAmi sAvitri sAvitrImiva tejasA .. 34..\\
tvamatra hetu.n jAnIShe tasmAtsatyaM niruchyatAm . 
rahasya.n yadi te nAsti ki.n chidatra vadasva naH .. 35..\\

 saavitrii

evametadyathA vettha sa~Nkalpo nAnyathA hi vaH . 
na cha ki.n chidrahasyaM me shrUyatAM tathyamatra yat .. 36..\\
mR^ityurme bharturAkhyAto nAradena mahAtmanA . 
sa chAdya divasaH prAptastato naina.n jahAmyaham .. 37..\\
supta.n chaina.n yamaH sAkShAdupAgachchhatsaki~NkaraH . 
sa enamanayadbaddhvA dishaM pitR^iniShevitAm .. 38..\\
astauSha.n tamahaM deva.n satyena vachasA vibhum . 
pa~ncha vai tena me dattA varAH shR^iNuta tAnmama .. 39..\\
chakShurI cha svarAjya.n cha dvau varau shvashurasya me . 
labdhaM pituH putrashataM putrANAmAtmanaH shatam .. 40..\\
chaturvarSha shatAyurme bhartA labdhashcha satyavAn . 
bharturhi jIvitArtha.n tu mayA chIrNa.n sthiraM vratam .. 41..\\
etatsatyaM mayAkhyAta.n kAraNa.n vistareNa vaH . 
yathAvR^itta.n sukhodarkamida.n duHkhaM mahanmama .. 42..\\

 rsayah

nimajjamAna.n vyasanairabhidrutaM 
kulaM narendrasya tamo maye hrade . 
tvayA sushIle dhR^itadharmapuNyayA 
samuddhR^ita.n sAdhvi punaH kulInayA .. 43..\\

 maark

tathA prashasya hyabhipUjya chaiva te 
varastriya.n tAmR^iShayaH samAgatAH . 
narendramAmandrya saputrama~njasA 
shivena jagmurmuditAH svamAlayam .. 44..\\

 maark

tasyA.n rAtryAM vyatItAyAmudite sUryamaNDale .. 1..\\
\medskip\hrule\medskip\centerline{\Largedvng 283}
kR^itapUrvAhNikAH sarve sameyuste tapodhanAH .. 1..\\
tadeva sarva.n sAvitryA mahAbhAgyaM maharShayaH . 
dyumatsenAya nAtR^ipyankathayantaH punaH punaH .. 2..\\
tataH prakR^itayaH sarvAH shAlvebhyo.abhyAgatA nR^ipa . 
Achakhyurnihata.n chaiva svenAmAtyena taM nR^ipam .. 3..\\
taM mantriNA hata.n shrutvA sasahAyaM sabAndhavam . 
nyavedayanyathAtattva.n vidruta.n cha dviShadbalam .. 4..\\
aikamatya.n cha sarvasya janasyAtha nR^ipaM prati . 
sachakShurvApyachakShurvA sa no rAjA bhavatviti .. 5..\\
anena nishchayeneha vayaM prasthApitA nR^ipa . 
prAptAnImAni yAnAni chatura~Nga.n cha te balam .. 6..\\
prayAhi rAjanbhadra.n te ghuShTaste nagare jayaH . 
adhyAssva chirarAtrAya pitR^ipaitAmahaM padam .. 7..\\
chakShurmanta.n cha taM dR^iShTvA rAjAna.n vapuShAnvitam . 
mUrdhabhiH patitAH sarve vismayotphullalochanAH .. 8..\\
tato.abhivAdya tAnvR^iddhAndvijAnAshramavAsinaH . 
taishchAbhipUjitaH sarvaiH prayayau nagaraM prati .. 9..\\
shaibyA cha saha sAvitryA svAstIrNena suvarchasA . 
narayuktena yAnena prayayau senayA vR^itA .. 10..\\
tato.abhiShiShichuH prItyA dyumatsenaM purohitAH . 
putra.n chAsya mahAtmAna.n yauvarAjye.abhaShechayan .. 11..\\
tataH kAlena mahatA sAvitryAH kIrtivardhanam . 
tadvai putrashata.n jaGYe shUrANAmanivartinAm .. 12..\\
bhrAtR^INA.n sodarANA.n cha tathaivAsyAbhavachchhatam . 
madrAdhipasyAshvapatermAlavyA.n sumahAbalam .. 13..\\
evamAtmA pitA mAtA shvashrUH shvashura eva cha . 
bhartuH kula.n cha sAvitryA sarvaM kR^ichchhrAtsamuddhR^itam .. 14..\\
tathaivaiShApi kalyANI draupadI shIlasaMmatA . 
tArayiShyati vaH sarvAnsAvitrIva kulA~NganA .. 15..\\

 vai

eva.n sa pANDavastena anunIto mahAtmanA . 
vishoko vijvaro rAjankAmyake nyavasattadA .. 16..\\
\medskip\hrule\medskip\centerline{\Largedvng 284}
 janam

yattattadA mahAbrahma.Nllomasho vAkyamabravIt . 
indrasya vachanAdetya pANDuputra.n yudhiShThiram .. 1..\\
yachchApi te bhaya.n tIvraM na cha kIrtayase kva chit . 
tachchApyapahariShyAmi savyasAchAvihAgate .. 2..\\
kiM nu tadviduShA.n shreShTha karNaM prati mahadbhayam . 
AsInna cha sa dharmAtmA kathayAmAsa kasya chit .. 3..\\

 vai

aha.n te rAjashArdUla kathayAmi kathAmimAm . 
pR^ichchhate bharatashreShTha shushrUShasva giraM mama .. 4..\\
dvAdashe samatikrAnte varShe prApte trayodashe . 
pANDUnA.n hitakR^ichchhakraH karNaM bhikShitumudyataH .. 5..\\
abhiprAyamatho GYAtvA mahendrasya vibhAvasuH . 
kuNDalArthe mahArAja sUryaH karNamupAgamat .. 6..\\
mahArhe shayane vIra.n spardhyAstaraNa sa.nvR^ite . 
shayAnamabhivishvastaM brahmaNya.n satyavAdinam .. 7..\\
svapnAnte nishi rAjendra darshayAmAsa rashmivAn . 
kR^ipayA parayAviShTaH putrasnehAchcha bhArata .. 8..\\
brAhmaNo vedavidbhUtvA sUryo yogAddhi rUpavAn . 
hitArthamabravItkarNa.n sAntvapUrvamidaM vachaH .. 9..\\
karNa madvachana.n tAta shR^iNu satyabhR^itA.n vara . 
bruvato.adya mahAbAho sauhR^idAtparama.n hitam .. 10..\\
upAyAsyati shakrastvAM pANDavAnA.n hitepsayA . 
brAhmaNa chhadmanA karNa kuNDalApajihIrShayA .. 11..\\
vidita.n tena shIlaM te sarvasya jagatastathA . 
yathA tvaM bhikShitaH sadbhirdadAsyeva na yAchase .. 12..\\
tva.n hi tAta dadAsyeva brAhmaNebhyaH prayAchitaH . 
vitta.n yachchAnyadapyAhurna pratyAkhyAsi karhi chit .. 13..\\
ta.n tvAmeva.nvidha.n GYAtvA svayaM vai pAkashAsanaH . 
AgantA kuNDalArthAya kavacha.n chaiva bhikShitum .. 14..\\
tasmai prayAchamAnAya na deye kuNDale tvayA . 
anuneyaH para.n shaktyA shreya etaddhi te param .. 15..\\
kuNDalArthe bruva.nstAta kAraNairbahubhistvayA . 
anyairbahuvidhairvittaiH sa nivAryaH punaH punaH .. 16..\\
ratnaiH strIbhistathA bhogairdhanairbahuvidhairapi . 
nidarshanaishcha bahubhiH kuNDalepsuH purandaraH .. 17..\\
yadi dAsyasi karNa tva.n sahaje kuNDale shubhe . 
AyuraH prakShaya.n gatvA mR^ityorvashamupeShyasi .. 18..\\
kavachena cha sa.nyuktaH kuNDalAbhyA.n cha mAnada . 
avadhyastva.n raNe.arINAm iti viddhi vacho mama .. 19..\\
amR^itAdutthita.n hyetadubhayaM ratnasambhavam . 
tasmAdrakShya.n tvayA karNa jIvitaM chetpriyaM tava .. 20..\\

 karna

ko mAmevaM bhavAnprAha darshayansauhR^idaM param . 
kAmayA bhagavanbrUhi ho bhavAndvija veShadhR^ik .. 21..\\

 braa

aha.n tAta sahasrAMshuH sauhR^idAttvAM nidarshaye . 
kuruShvaitadvacho me tvametachchhreyo para.n hi te .. 22..\\

 karna

shreya eva mamAtyanta.n yasya me gopatiH prabhuH . 
pravaktAdya hitAnveShI shR^iNu cheda.n vacho mama .. 23..\\
prasAdaye tvA.n varadaM praNayAchcha bravImyaham . 
na nivAryo vratAdasmAdaha.n yadyasmi te priyaH .. 24..\\
vrata.n vai mama loko.ayaM vetti kR^itsno vibhAvaso . 
yathAha.n dvijamukhyebhyo dadyAM prANAnapi dhruvam .. 25..\\
yadyAgachchhati shakro mAM brAhmaNa chhadmanAvR^itaH . 
hitArthaM pANDuputrANA.n khecharottama bhikShitum .. 26..\\
dAsyAmi vibudhashreShTha kuNDale varma chottamam . 
na me kIrtiH praNashyeta triShu lokeShu vishrutA .. 27..\\
madvidhasyAyashasya.n hi na yuktaM prANarakShaNam . 
yukta.nhi yashasA yuktaM maraNa.n lokasaMmatam .. 28..\\
so.ahamindrAya dAsyAmi kuNDale saha varmaNA . 
yadi mAM balavR^itraghno bhikShArthamupayAsyati .. 29..\\
hitArthaM pANDuputrANA.n kuNDale me prayAchitum . 
tanme kIrtikara.n loke tasyAkIrtirbhaviShyati .. 30..\\
vR^iNomi kIrti.n loke hi jIvitenApi bhAnuman . 
kIrtimAnashnute svarga.n hInakIrtistu nashyati .. 31..\\
kIrtirhi puruSha.n loke sa~njIvayati mAtR^ivat . 
akIrtirjIvita.n hanti jIvato.api sharIriNaH .. 32..\\
ayaM purANaH shloko hi svaya.n gIto vibhAvaso . 
dhAtrA lokeshvara yathA kIrtirAyurnarasya vai .. 33..\\
puruShasya pare loke kIrtireva parAyaNam . 
iha loke vishuddhA cha kIrtirAyurvivardhanI .. 34..\\
so.aha.n sharIraje dattvA kIrtiM prApsyAmi shAshvatIm . 
dattvA cha vidhivaddAnaM brAhmaNebhyo yathAvidhi .. 35..\\
hutvA sharIra.n sa~NgrAme kR^itvA karma suduShkaram . 
vijitya vA parAnAjau yasho prApsyAmi kevalam .. 36..\\
bhItAnAmabhaya.n dattvA sa~NgrAme jIvitArthinAm . 
vR^iddhAnbAlAndvijAtIMshcha mokShayitvA mahAbhayAt .. 37..\\
prApsyAmi parama.n loke yashaH svarbhAnu sUdana . 
jIvitenApi me rakShyA kIrtistadviddhi me vratam .. 38..\\
so.aha.n dattvA maghavate bhikShAmetAmanuttamAm . 
brAhmaNa chhadmine devaloke gantA parA.n gatim .. 39..\\
\medskip\hrule\medskip\centerline{\Largedvng 285}
 suurya

mAhita.n karNa kArShIstvamAtmanaH suhR^idAM tathA . 
putrANAmatha bhAryANAmatho mAturatho pituH .. 1..\\
sharIrasyAvirodhena prANinAM prANabhR^idvara . 
iShyate yashasaH prAptiH kIrtishcha tridive sthirA .. 2..\\
yastvaM prANavirodhena kIrtimichchhasi shAshvatIm . 
sA te prANAnsamAdAya gamiShyati na saMshayaH .. 3..\\
jIvatA.n kurute kAryaM pitA mAtA sutAstathA . 
ye chAnye bAndhavAH ke chilloke.asminpuruSharShabha . 
rAjAnashcha naravyAghra pauruSheNa nibodha tat .. 4..\\
kIrtishcha jIvataH sAdhvI puruShasya mahAdyute . 
mR^itasya kIrtyA ki.n kAryaM bhasmIbhUtasya dehinaH . 
mR^itaH kIrtiM na jAnAti jIvankIrti.n samashnute .. 5..\\
mR^itasya kIrtirmartyasya yathA mAlA gatAyuraH . 
aha.n tu tvAM bravImyetadbhakto.asIti hitepsayA .. 6..\\
bhaktimanto hi me rakShyA ityetenApi hetunA . 
bhako.ayaM parayA bhaktyA mAmityeva mahAbhuja . 
mamApi bhaktirutpannA sa tva.n kuru vacho mama .. 7..\\
asti chAtra para.n kiM chidadhyAtmaM devanirmitam . 
atashcha tvAM bravImyetatkriyatAmavisha~NkayA .. 8..\\
deva guhya.n tvayA GYAtuM na shakyaM puruSharShabha . 
tasmAnnAkhyAmi te guhya.n kAle vetsyati tadbhavAn .. 9..\\
punarukta.n cha vakShyAmi tva.n rAdheya nibodha tat . 
mAsmai te kuNDale dadyA bhikShave vajrapANaye .. 10..\\
shobhase kuNDalAbhyA.n hi ruchirAbhyAM mahAdyute . 
vishAkhayormadhyagataH shashIva vimalo divi .. 11..\\
kIrtishcha jIvataH sAdhvI puruShasyeti viddhi tat . 
pratyAkhyeyastvayA tAta kuNDalArthe purandaraH .. 12..\\
shakyA bahuvidhairvAkyaiH kuNDalepsA tvayAnagha . 
vihantu.n devarAjasya hetuyuktaiH punaH punaH .. 13..\\
upapattyupapannArthairmAdhuryakR^itabhUShaNaiH . 
purandarasya karNa tvaM buddhimetAmapAnuda .. 14..\\
tva hi nityaM naravyAghra spardhase savyasAchinA . 
savyasAchI tvayA chaiva yudhi shUraH sameShyati .. 15..\\
na tu tvAmarjunaH shaktaH kuNDalAbhyA.n samanvitam . 
vijetu.n yudhi yadyasya svayamindraH sharo bhavet .. 16..\\
tasmAnna deye shakrAya tvayaite kuNDale shubhe . 
sa~NgrAme yadi nirjetu.n karNa kAmayase.arjunam .. 17..\\
\medskip\hrule\medskip\centerline{\Largedvng 286}
 karna

bhagavantamahaM bhakto yathA mA.n vettha gopate . 
tathA paramatigmAMsho nAnya.n devaM kathaM chana .. 1..\\
na me dArA na me putrA na chAtmA suhR^ido na cha . 
tatheShTA vai sadA bhaktyA yathA tva.n gopate mama .. 2..\\
iShTAnA.n cha mahAtmAno bhaktAnAM cha na saMshayaH . 
kurvanti bhaktimiShTA.n cha jAnIShe tvaM cha bhAskara .. 3..\\
iShTo bhaktishcha me karNo na chAnyaddaivata.n divi . 
jAnIta iti vai kR^itvA bhagavAnAha maddhitam .. 4..\\
bhUyo cha shirasA yAche prasAdya cha punaH punaH . 
iti bravImi tigmAMsho tva.n tu me kShantumarhasi .. 5..\\
bibhemi na tathA mR^ityoryathA bibhye.anR^itAdaham . 
visheSheNa dvijAtInA.n sarveShAM sarvadA satAm . 
pradAne jivitasyApi na me.atrAsti vichAraNA .. 6..\\
yachcha mAmAttha deva tvaM pANDavaM phalgunaM prati . 
vyetu santApaja.n duHkhaM tava bhAskaramAnasam . 
arjunaM prati mA.n chaiva vijeShyAmi raNe.arjunam .. 7..\\
tavApi vidita.n deva mamApyastrabalaM mahat . 
jAmadagnyAdupAtta.n yattathA droNAnmahAtmanaH .. 8..\\
ida.n tvamanujAnIhi surashreShTha vrataM mama . 
bhikShate vajriNe dadyAmapi jIvitamAtmanaH .. 9..\\

 suurya

yadi tAta dadAsyete vajriNe kuNDale shubhe . 
tvamapyenamatho brUyA vijayArthaM mahAbala .. 10..\\
niyamena pradadyAstva.n kuNDale vai shatakratoH . 
avadhyo hyasi bhUtAnA.n kuNDalAbhyA.n samanvitaH .. 11..\\
arjunena vinAsha.n hi tava dAnava sUdanaH . 
prArthayAno raNe vatsa kuNDale te jihIrShati .. 12..\\
sa tvamapyenamArAdhya sUnR^itAbhiH punaH punaH . 
abhyarthayethA deveshamamoghArthaM purandaram .. 13..\\
amoghA.n dehi me shaktimamitravinibarhiNIm . 
dAsyAmi te sahasrAkSha kuNDale varma chottamam .. 14..\\
ityevaM niyamena tva.n dadyAH shakrAya kuNDale . 
tayA tva.n karNa sa~NgrAme haniShyasi raNe ripUn .. 15..\\
nAhatvA hi mahAbAho shatrUneti karaM punaH . 
sA shaktirdevarAjasya shatasho.atha sahasrashaH .. 16..\\

 vai

evamuktvA sahasrAMshuH sahasAntaradhIyata . 
tataH sUryAya japyAnte karNaH svapnaM nyavedayat .. 17..\\
yathAdR^iShTa.n yathAtattvaM yathoktamubhayornishi . 
tatsarvamAnupUrvyeNa shasha.nsAsmai vR^iShastadA .. 18..\\
tachchhrutvA bhagavAndevo bhAnuH svarbhAnu sUdanaH . 
uvAcha ta.n tathetyeva karNa.n sUryaH smayanniva .. 19..\\
tatastattvamiti GYAtvA rAdheyaH paravIrahA . 
shaktimevAbhikA~NkShanvai vAsavaM pratyapAlayat .. 20..\\
\medskip\hrule\medskip\centerline{\Largedvng 287}
 janam

ki.n tadguhyaM na chAkhyAtaM karNAyehoShNa rashminA . 
kIdR^ishe kuNDale te cha kavacha.n chaiva kIdR^isham .. 1..\\
kutashcha kavacha.n tasya kuNDale chaiva sattama . 
etadichchhAmyaha.n shrotu.n tanme brUhi tapodhana .. 2..\\

 vazampaayana

aya.n rAjanbravImyetadyattadguhyaM vibhAvasoH . 
yAdR^ishe kuNDale chaiva kavacha.n chaiva yAdR^isham .. 3..\\
kuntibhojaM purA rAjanbrAhmaNaH samupasthitaH . 
tigmatejA mahAprAMshuH shmashrudaNDajaTA dharaH .. 4..\\
darshanIyo.anavadyA~NgastejasA prajvalanniva . 
madhu pi~Ngo madhuravAktapaH svyAdhyAya bhUShaNaH .. 5..\\
sa rAjAna.n kuntibhojamabravItsumahAtapAH . 
bhikShAmichchhAmyahaM bhoktu.n tava gehe vimatsara .. 6..\\
na me vyalIka.n kartavyaM tvayA vA tava chAnugaiH . 
eva.n vatsyAmi te gehe yadi te rochate.anagha .. 7..\\
yathAkAma.n cha gachchheyamAgachchheyaM tathaiva cha . 
shayyAsane cha me rAjannAparAdhyeta kash chana .. 8..\\
tamabravItkuntibhojaH prItiyuktamida.n vachaH . 
evamastu para.n cheti punashchainamathAbravIt .. 9..\\
mama kanyA mahAbrahmanpR^ithA nAma yashasvinI . 
shIlavR^ittAnvitA sAdhvI niyatA na cha mAninI .. 10..\\
upasthAsyati sA tvA.n vai pUjayAnavamanya cha . 
tasyAshcha shIlavR^ittena tuShTi.n samupayAsyasi .. 11..\\
evamuktvA tu ta.n vipramabhipUjya yathAvidhi . 
uvAcha kanyAmabhyetya pR^ithAM pR^ithula lochanAm .. 12..\\
aya.n vatse mahAbhAgo brAhmaNo vastumichchhati . 
mama gehe mayA chAsya tathetyevaM pratishrutam .. 13..\\
tvayi vatse parAshvasya brAhmaNasyAbhirAdhanam . 
tanme vAkyaM na mithyA tva.n kartumarhasi karhi chit .. 14..\\
aya.n tapasvI bhagavAnsvAdhyAyaniyato dvijaH . 
yadyadbrUyAnmahAtejAstattaddeyamamatsarAt .. 15..\\
brAhmaNA hi para.n tejo brAhmaNA hi parantapaH . 
brAhmaNAnAM namaH kArairsUryo divi virAjate .. 16..\\
amAnayanhi mAnArhAnvAtApishcha mahAsuraH . 
nihato brahmadaNDena tAlaja~Nghastathaiva cha .. 17..\\
so.aya.n vatse mahAbhAra Ahitastvayi sAmpratam . 
tva.n sadA niyatA kuryA brAhmaNasyAbhirAdhanam .. 18..\\
jAnAmi praNidhAna.n te bAlyAtprabhR^iti nandini . 
brAhmaNeShviha sarveShu guru bandhuShu chaiva ha .. 19..\\
tathA preShyeShu sarveShu mitra sambandhimAtR^iShu . 
mayi chaiva yathAvattva.n sarvamAdR^itya vartase .. 20..\\
na hyatuShTo jano.astIha pare chAntaHpure cha te . 
samyagvR^ittyAnavadyA~Ngi tava bhR^ityajaneShvapi .. 21..\\
sandeShTavyA.n tu manye tvAM dvijAtiM kopanaM prati . 
pR^ithe bAleti kR^itvA vai sutA chAsi mameti cha .. 22..\\
vR^iShNInA.n tvaM kule jAtA shUrasya dayitA sutA . 
dattA prItimatA mahyaM pitrA bAlA purA svayam .. 23..\\
vasudevasya bhaginI sutAnAM pravarA mama . 
agryamagre pratiGYAya tenAsi duhitA mama .. 24..\\
tAdR^ishe hi kule jAtA kule chaiva vivardhitA . 
sukhAtsukhamanuprAptA hradAddhradamivAgatA .. 25..\\
dauShkuleyA visheSheNa katha.n chitpragrahaM gatAH . 
bAlabhAvAdvikurvanti prAyashaH pramadAH shubhe .. 26..\\
pR^ithe rAjakule janma rUpa.n chAdbhutadarshanam . 
tena tenAsi sampannA samupetA cha bhAminI .. 27..\\
sA tva.n darpaM parityajya dambhaM mAnaM cha bhAmini . 
ArAdhya varada.n vipraM shreyasA yokShyase pR^ithe .. 28..\\
evaM prApsyasi kalyANi kalyANamanaghe dhruvam . 
kopite tu dvijashreShThe kR^itsna.n dahyeta me kulam .. 29..\\
\medskip\hrule\medskip\centerline{\Largedvng 288}
 kuntii

brAhmaNa.n yantritA rAjanupasthAsyAmi pUjayA . 
yathApratiGYa.n rAjendra na cha mithyA bravImyaham .. 1..\\
eSha chaiva svabhAvo me pUjayeya.n dvijAniti . 
tava chaiva priya.n kArya.n shreyo chaitatparaM mama .. 2..\\
yadyevaiShyati sAyAhne yadi prAtaratho nishi . 
yadyardharAtre bhagavAnna me kopa.n kariShyati .. 3..\\
lAbho mamaiSha rAjendra yadvai pUjayatI dvijAn . 
Adeshe tava tiShThantI hita.n kuryAM narottama .. 4..\\
visrabdho bhava rAjendra na vyalIka.n dvijottamaH . 
vasanprApsyati te gehe satyametadbravImi te .. 5..\\
yatpriya.n cha dvijasyAsya hitaM chaiva tavAnagha . 
yatiShyAmi tathA rAjanvyetu te mAnaso jvaraH .. 6..\\
brAhmaNA hi mahAbhAgAH pUjitAH pR^ithivIpate . 
tAraNAya samarthAH syurviparIte vadhAya cha .. 7..\\
sAhametadvijAnantI toShayiShye dvijottamam . 
na matkR^ite vyathA.n rAjanprApsyasi dvijasattamAt .. 8..\\
aparAdhe hi rAjendra rAGYAmashreyase dvijAH . 
bhavanti chyavano yadvatsukanyAyAH kR^ite purA .. 9..\\
niyamena pareNAhamupasthAsye dvijottamam . 
yathA tvayA narendredaM bhAShitaM brAhmaNaM prati .. 10..\\

 raajaa

evametattvayA bhadre kartavyamavisha~NkayA . 
maddhitArtha.n kulArthaM cha tathAtmArthaM cha nandini .. 11..\\

 vai

evamuktvA tu ta.n kanyAM kuntibhojo mahAyashAH . 
pR^ithAM paridadau tasmai dvijAya suta vatsalaH .. 12..\\
iyaM brahmanmama sutA bAlA sukhavivardhitA . 
aparAdhyeta yatki.n chinna tatkArya.n hR^idi tvayA .. 13..\\
dvijAtayo mahAbhAgA vR^iddhabAla tapasviShu . 
bhavantyakrodhanAH prAyo viruddheShvapi nityadA .. 14..\\
sumahatyaparAdhe.api kShAntiH kAryA dvijAtibhiH . 
yathAshakti yathotsAhaM pUjA grAhyA dvijottama .. 15..\\
tatheti brAhmaNenokte sa rAjA prItimAnasaH . 
ha.nsachandrAshmu sa~NkAsha.n gR^ihamasya nyavedayat .. 16..\\
tatrAgnisharaNe kL^iptamAnasa.n tasya bhAnumat . 
AhArAdi cha sarva.n tattathaiva pratyavedayat .. 17..\\
nikShipya rAjaputrI tu tandrIM mAna.n tathaiva cha . 
Atasthe parama.n yatnaM brAhmaNasyAbhirAdhane .. 18..\\
tatra sA brAhmaNa.n gatvA pR^ithA shauchaparA satI . 
vidhivatparichArArha.n devavatparyatoShayat .. 19..\\
\medskip\hrule\medskip\centerline{\Largedvng 289}
 vai

sA tu kanyA mahArAja brAhmaNa.n saMshitavratam . 
toShayAmAsa shuddhena manasA saMshitavratA .. 1..\\
prAtarAyAsya ityuktvA kadA chiddvijasattamaH . 
tata AyAti rAjendra sAye rAtrAvatho punaH .. 2..\\
ta.n cha sarvAsu velAsu bhakShyabhojya pratishrayaiH . 
pUjayAmAsa sA kanyA vardhamAnaistu sarvadA .. 3..\\
annAdi samudAchAraH shayyAsanakR^itastathA . 
divase divase tasya vardhate na tu hIyate .. 4..\\
nirbhartsanApavAdaishcha tathaivApriyayA girA . 
brAhmaNasya pR^ithA rAjanna chakArApriya.n tadA .. 5..\\
vyaste kAle puno chaiti na chaiti bahusho dvijaH . 
durlabhyamapi chaivAnna.n dIyatAmiti so.abravIt .. 6..\\
kR^itameva cha tatsarvaM pR^ithA tasmai nyavedayat . 
shiShyavatputravachchaiva svasR^ivachcha susa.nyatA .. 7..\\
yathopajoSha.n rAjendra dvijAtipravarasya sA . 
prItimutpAdayAmAsa kanyA yatnairaninditA .. 8..\\
tasyAstu shIlavR^ittena tutoSha dvijasattamaH . 
avadhAnena bhUyo.asya para.n yatnamathAkarot .. 9..\\
tAM prabhAte cha sAye cha pitA paprachchha bhArata . 
api tuShyati te putri brAhmaNaH paricharyayA .. 10..\\
ta.n sA paramamityeva pratyuvAcha yashasvinI . 
tataH prItimavApAgryA.n kuntibhojo mahAmanaH .. 11..\\
tataH sa.nvatsare pUrNe yadAsau japatA.n varaH . 
nApashyadduShkR^ita.n kiM chitpR^ithAyAH sauhR^ide rataH .. 12..\\
tataH prItamanA bhUtvA sa enAM brAhmaNo.abravIt . 
prIto.asmi paramaM bhadre parichAreNa te shubhe .. 13..\\
varAnvR^iNIShva kalyANi durApAnmAnuShairiha . 
yaistva.n sImantinIH sarvA yashasAbhibhaviShyasi .. 14..\\

 untii

kR^itAni mama sarvANi yasyA me vedavittama . 
tvaM prasannaH pitA chaiva kR^ita.n vipra varairmama .. 15..\\

 braa

yadi nechchhasi bhadre tva.n varaM mattaH shuchismite . 
imaM mantra.n gR^ihANa tvamAhvAnAya divaukasAm .. 16..\\
ya.n ya.n devaM tvametena mantreNAvAhayiShyasi . 
tena tena vashe bhadre sthAtavya.n te bhaviShyati .. 17..\\
akAmo vA sakAmo vA na sa naiShyati te vasham . 
vibudho mantrasaMshAnto vAkye bhR^itya ivAnataH .. 18..\\

 vai

na shashAka dvitIya.n sA pratyAkhyAtumaninditA . 
ta.n vai dvijAtipravara.n tadA shApabhayAnnR^ipa .. 19..\\
tatastAmanavadyA~NgI.n grAhayAmAsa vai dvijaH . 
mantragrAma.n tadA rAjannatharvashirasi shrutam .. 20..\\
taM pradAya tu rAjendra kuntibhojamuvAcha ha . 
uShito.asmi sukha.n rAjankanyayA paritoShitaH .. 21..\\
tava gehe suvihitaH sadA supratipUjitaH . 
sAdhayiShyAmahe tAvadityuktvAntaradhIyata .. 22..\\
sa tu rAjA dvija.n dR^iShTvA tatraivAntarhitaM tadA . 
babhUva vismayAviShTaH pR^ithA.n cha samapUjayat .. 23..\\
\medskip\hrule\medskip\centerline{\Largedvng 290}
 vai

gate tasmindvijashreShThe kasmiMshchitkAlaparyaye . 
chintayAmAsa sA kanyA mantragrAma balAbalam .. 1..\\
aya.n vai kIdR^ishastena mama datto mahAtmanA . 
mantragrAmo bala.n tasya GYAsye nAtichirAdiva .. 2..\\
eva.n sa~ncintayantI sA dadarshartuM yadR^ichchhayA . 
vrIDitA sAbhavadbAlA kanyA bhAve rajasvalA .. 3..\\
athodyanta.n sahasrAMshuM pR^ithA dIpta.n dadarsha ha . 
na tatarpa cha rUpeNa bhAnoH sandhyAgatasya sA .. 4..\\
tasyA dR^iShTirabhUddivyA sApashyaddivyadarshanam . 
Amuktakavacha.n devaM kuNDalAbhyA.n vibhUShitam .. 5..\\
tasyAH kautUhala.n tvAsInmantraM prati narAdhipa . 
AhvAnamakarotsAtha tasya devasya bhAminI .. 6..\\
prANAnupaspR^ishya tadA AjuhAva divAkaram . 
AjagAma tato rAja.nstvaramANo divAkaraH .. 7..\\
madhu pi~Ngo mahAbAhuH kambugrIvo hasanniva . 
a~NgadI baddhamukuTo dishaH prajvAlayanniva .. 8..\\
yogAtkR^itvA dvithAtmAnamAjagAma tatApa cha . 
AbabhAShe tataH kuntI.n sAmnA paramavalgunA .. 9..\\
Agato.asmi vashaM bhadre tava mantrabalAtkR^itaH . 
ki.n karomyavasho rAGYi brUhi kartA tadasmi te .. 10..\\

 kuntii

gamyatAM bhagava.nstatra yato.asi samupAgataH . 
kautUhalAtsamAhUtaH prasIda bhagavanniti .. 11..\\

 suurya

gamiShye.aha.n yathA mA.n tvaM bravIShi tanumadhyame . 
na tu deva.n samAhUya nyAyyaM preShayituM vR^ithA .. 12..\\
tavAbhisandhiH subhage sUryAtputro bhavediti . 
vIryeNApratimo loke kavachI kuNDalIti cha .. 13..\\
sA tvamAtmapradAna.n vai kuruShva gajagAmini . 
utpatsyati hi putraste yathA sa~Nkalpama~Ngane .. 14..\\
atha gachchhAmyahaM bhadre tvayAsa~Ngamya susmite . 
shapsyAmi tvAmaha.n kruddho brAhmaNaM pitaraM cha te .. 15..\\
tvatkR^ite tAnpradhakShyAmi sarvAnapi na saMshayaH . 
pitara.n chaiva te mUDha.n yo na vetti tavAnayam .. 16..\\
tasya cha brAhmaNasyAdya yo.asau mantramadAttava . 
shIlavR^ittamaviGYAya dhAsyAmi vinayaM param .. 17..\\
ete hi vibudhAH sarve purandara mukhA divi . 
tvayA pralabdhaM pashyanti smayanta iva bhAmini .. 18..\\
pashya chainAnsuragaNAndivya.n chakShurida.n hi te . 
pUrvameva mayA datta.n dR^iShTavatyasi yena mAm .. 19..\\

 vai

tato.apashyattridashAnrAjaputrI 
sarvAneva sveShu dhiShNyeShu khasthAn . 
prabhAsantaM bhAnumantaM mahAntaM 
yathAditya.n rochamAna.n tathaiva .. 20..\\
sA tAndR^iShTvA vrIDamAneva bAlA 
sUrya.n devI vachanaM prAha bhItA . 
gachchha tva.n vai gopate svaM vimAnaM 
kanyA bhAvAdduHkha eShopachAraH .. 21..\\
pitA mAtA guravash chaiva ye.anye 
dehasyAsya prabhavanti pradAne . 
nAha.n dharma.n lopayiShyAmi loke 
strINA.n vR^ittaM pUjyate deharakShA .. 22..\\
mayA mantrabala.n GYAtumAhUtastvaM vibhAvaso . 
bAlyAdbAleti kR^itvA tatkShantumarhasi me vibho .. 23..\\

 suurya

bAleti tR^itvAnunaya.n tavAhaM 
dadAni nAnyAnunaya.n labheta . 
AtmapradAna.n kuru kunti kanye 
shAntistavaiva.n hi bhavechcha bhIru .. 24..\\
na chApi yukta.n gantu.n hi mayA mithyA kR^itena vai . 
gamiShyAmyanavadyA~Ngi loke samavahAsyatAm . 
sarveShA.n vibudhAnA.n cha vaktavyaH syAmahaM shubhe .. 25..\\
sA tvaM mayA samAgachchha putra.n lapsyasi mAdR^isham . 
vishiShTA sarvalokeShu bhaviShyasi cha bhAmini .. 26..\\
\medskip\hrule\medskip\centerline{\Largedvng 291}
 vai

sA tu kanyA bahuvidhaM bruvantI madhura.n vachaH . 
anunetu.n sahasrAMshuM na shashAka manasvinI .. 1..\\
na shashAka yadA bAlA pratyAkhyAtu.n tamonudam . 
bhItA shApAttato rAjandadhyau dIrghamathAntaram .. 2..\\
anAgasaH pituH shApo brAhmaNasya tathaiva cha . 
mannimittaH kathaM na syAtkruddhAdasmAdvibhAvasoH .. 3..\\
bAlenApi satA mohAdbhR^isha.n sApahnavAnyapi . 
nAtyAsAdayitavyAni tejA.nsi cha tapA.nsi cha .. 4..\\
sAhamadya bhR^ishaM bhItA gR^ihItA cha kare bhR^isham . 
katha.n tvakAryaM kuryA.n vai pradAnaM hyAtmanaH svayam .. 5..\\
saiva.n shApaparitrastA bahu chintayatI tadA . 
mohenAbhiparItA~NgI smayamAnA punaH punaH .. 6..\\
ta.n devamabravIdbhItA bandhUnA.n rAjasattama . 
vrIDA vihvalayA vAchA shApatrastA vishAM pate .. 7..\\

 kuntii

pitA me dhriyate deva mAtA chAnye cha bAndhavAH . 
na teShu dhriyamANeShu vidhilopo bhavedayam .. 8..\\
tvayA me sa~Ngamo devayadi syAdvidhivarjitaH . 
mannimitta.n kulasyAsya loke kIrtirnashettataH .. 9..\\
atha vA dharmameta.n tvaM manyase tapasA.n vara . 
R^ite pradAnAdbandhubhyastava kAma.n karomyaham .. 10..\\
AtmapradAna.n durdharSha tava kR^itvA satI tvaham . 
tvayi dharmo yasho chaiva kIrtirAyushcha dehinAm .. 11..\\

 suurya

na te pitA na te mAtA guravo vA shuchismite . 
prabhavanti varArohe bhadra.n te shR^iNu me vachaH .. 12..\\
sarvAnkAmayate yasmAtkanerdhAtoshcha bhAmini . 
tasmAtkanyeha sushroNi svatantrA varavarNini .. 13..\\
nAdharmashcharitaH kashchittvayA bhavati bhAmini . 
adharma.n kuta evAhaM chareya.n lokakAmyayA .. 14..\\
anAvR^itAH striyaH sarvA narAshcha varavarNini . 
svabhAva eSha lokAnA.n vikAro.anya iti smR^itaH .. 15..\\
sA mayA saha sa~Ngamya punaH kanyA bhaviShyasi . 
putrashcha te mahAbAhurbhaviShyati mahAyashAH .. 16..\\

 kuntii

yadi putro mama bhavettvattaH sarvatamo.apaha . 
kuNDalI kavachI shUro mahAbAhurmahAbalaH .. 17..\\

 suurya

bhaviShyati mahAbAhuH kuNDalI divyavarma bhR^it . 
ubhaya.n chAmR^itamayaM tasya bhadre bhaviShyati .. 18..\\

 kuntii

yadyetadamR^itAdasti kuNDale varma chottamam . 
mama putrasya ya.n vai tvaM matta utpAdyayiShyasi .. 19..\\
astu me sa~Ngamo deva yathoktaM bhagava.nstvayA . 
tvadvIryarUpasattvaujA dharmayukto bhavetsa cha .. 20..\\

 suurya

adityA kuNDale rAGYi datte me mattakAshini . 
te.asya dAsyAmi vai bhIru varma chaivedamuttamam .. 21..\\

 prthaa

paramaM bhavagandeva sa~NgamiShye tvayA saha . 
yadi putro bhavedeva.n yathA vadasi gopate .. 22..\\

 vai

tathetyuktvA tu tA.n kuntImAvisheSha viha~NgamaH . 
svarbhAnu shatruryogAtmA nAbhyAM pasparsha chaiva tAm .. 23..\\
tataH sA vihvalevAsItkanyA sUryasya tejasA . 
papAtAtha cha sA devI shayane mUDha chetanA .. 24..\\

 suurya

sAdhayiShyAmi sushroNi putra.n vai janayiShyasi . 
sarvashastrabhR^itA.n shreShTha.n kanyA chaiva bhaviShyasi .. 25..\\

 vai

tataH sA vrIDitA bAlA tadA sUryamathAbravIt . 
evamastviti rAjendraprasthitaM bhUri varchasam .. 26..\\
iti smoktA kunti rAjAtmajA sA 
vivasvanta.n yAchamAnA salajjA . 
tasminpuNye shayanIye papAta 
mohAviShTA bhajyamAnA lateva .. 27..\\
tA.n tigmAMshustejasA mohayitvA 
yogenAviShyAtma sa.nsthA.n chakAra . 
na chaivainA.n dUShayAmAsa bhAnuH 
sa~nj~nA.n lebhe bhUya evAtha bAlA .. 28..\\
\medskip\hrule\medskip\centerline{\Largedvng 292}
 vai

tato garbhaH samabhavatpR^ithAyAH pR^ithivIpate . 
shukle dashottare pakShe tArApatirivAmbare .. 1..\\
sA bAndhavabhayAdbAlA ta.n garbha.n vinigUhati . 
dhArayAmAsa sushroNI na chainAM bubudhe janaH .. 2..\\
na hi tA.n veda naryanyA kA chiddhAtreyikAmR^ite . 
kanyA puragatAM bAlAM nipuNAM parirakShaNe .. 3..\\
tataH kAlena sA garbha.n suShuve varavarNinI . 
kanyaiva tasya devasya prasAdAdamaraprabham .. 4..\\
tathaiva baddhakavacha.n kanakojjvala kuNDalam . 
haryakSha.n vR^iShabhaskandhaM yathAsya pitara.n tathA .. 5..\\
jAtamAtra.n cha taM garbhaM dhAtryA saMmantrya bhAminI . 
ma~njUShAyAmavadadhe svAstIrNAyA.n samantataH .. 6..\\
madhUchchhiShTa sthitAyA.n sA sukhAyAM rudatI tathA . 
shlakShNAyA.n supidhAnAyAmashvanadyAmavAsR^ijat .. 7..\\
jAnatI chApyakartavya kanyAyA garbhadhAraNam . 
putrasnehena rAjendra karuNaM paryadevayat .. 8..\\
samutsR^ijantI ma~njUShAmashvanadyAstadA jale . 
uvAcha rudatI kuntI yAni vAkyAni tachchhR^iNu .. 9..\\
svasti te.astvAntarikShebhyaH pArthivebhyash cha putraka . 
divyebhyashchaiva bhUtebhyastathA toyacharAsh cha ye .. 10..\\
shivAste santu panthAno mA cha te paripanthinaH . 
AgamAshcha tathA putra bhavantvadroha chetasaH .. 11..\\
pAtu tvAM paruNo rAjA salile salileshvaraH . 
antarikShe.antarikShasthaH pavanaH sarvagastathA .. 12..\\
pitA tvAM pAtu sarvatra tapanastapatA.n varaH . 
yena datto.asi me putra divyena vidhinA kila .. 13..\\
AdityA vasavo rudrAH sAdhyA vishve cha devatAH . 
marutashcha sahendreNa dishashcha sadishIshvarAH .. 14..\\
rakShantu tvA.n surAH sarve sameShu viShameShu cha . 
vetsyAmi tvA.n videshe.api kavachenopasUchitam .. 15..\\
dhanyaste putra janako devo bhAnurvibhAvasuH . 
yastvA.n drakShyati divyena chakShuShA vAhinI gatam .. 16..\\
dhanyA sA pramadA yA tvAM putratve kalpayiShyati . 
yasyAstva.n tR^iShitaH putra stanaM pAsyasi devaja .. 17..\\
ko nu svapnastayA dR^iShTo yA tvAmAdityavarchasam . 
divyavarma samAyukta.n divyakuNDalabhUShitam .. 18..\\
padmAyata vishAlAkShaM padmatAmra talojjvalam . 
sulalATa.n sukeshAntaM putratve kalpayiShyati .. 19..\\
dhanyA drakShyanti putra tvAM bhUmau sa.nsarpamANakam . 
avyaktakala vAkyAni vadanta.n reNuguNThitam .. 20..\\
dhanyA drakShyanti putra tvAM punaryauvanage mukhe . 
himavadvanasambhUta.n si.nha.n kesariNaM yathA .. 21..\\
evaM bahuvidha.n rAjanvilapya karuNaM pR^ithA . 
avAsR^ijata ma~njUShAmashvanadyAstadA jale .. 22..\\
rudatI putrashokArtA nishIthe kamalekShaNA . 
dhAtryA saha pR^ithA rAjanputradarshanalAlasA .. 23..\\
visarjayitvA ma~njUShA.n sambhodhana bhayAtpituH . 
vivesha rAjabhavanaM punaH shokAturA tataH .. 24..\\
ma~njUShA tvashvanadyAH sA yayau charmaNvatIM nadIm . 
charmaNvatyAshcha yamunA.n tato ga~NgAM jagAm aha .. 25..\\
ga~NgAyAH sUta viShaya.n champAmabhyAyayau purIm . 
sa ma~njUShA gato garbhastara~NgairuhyamAnakaH .. 26..\\
amR^itAdutthita.n divyaM tattu varma sakuNDalam . 
dhArayAmAsa ta.n garbhaM daivaM cha vidhinirmitam .. 27..\\
\medskip\hrule\medskip\centerline{\Largedvng 293}
 vai

etasminneva kAle tu dhR^itarAShTrasya vai sakhA . 
sUto.adhiratha ityeva sadAro jAhnavI.n yayau .. 1..\\
tasya bhAryAbhavadrAjanrUpeNAsadR^ishI bhuvi . 
rAdhA nAma mahAbhAgA na sA putramavindata . 
apatyArthe para.n yatnamakarochcha visheShataH .. 2..\\
sA dadarshAtha ma~njUShAmuhyamAnA.n yadR^ichchhayA . 
dattarakShA pratisarAmanvAlabhana shobhitAm . 
UrmI tara~NgairjAhnavyAH samAnItAm upahvaram .. 3..\\
sA tA.n kautUhalAtprAptAM grAhayAmAsa bhAminI . 
tato nivedayAmAsa sUtasyAdhirathasya vai .. 4..\\
sa tAmuddhR^itya ma~njUShAmutsArya jalamantikAt . 
yantrairudghATayAmAsa yo.apashyattatra bAlakam .. 5..\\
taruNAdityasa~NkAsha.n hemavarma dhara.n tathA . 
mR^iShTakuNDalayuktena vadanena virAjitA .. 6..\\
sasUto bhAryayA sArdha.n vismayotphullalochanaH . 
a~NkamAropya taM bAlaM bhAryA.n vachanamabravIt .. 7..\\
idamatyadbhutaM bhIru yato jAto.asmi bhAmini . 
dR^iShTavAndevagarbho.ayaM manye.asmAnsamupAgataH .. 8..\\
anapatyasya putro.aya.n devairdatto dhruvaM mama . 
ityuktvA ta.n dadau putra.n rAdhAyairsa mahIpate .. 9..\\
pratijagrAha ta.n rAdhA vidhivaddivyarUpiNam . 
putra.n kamalagarbhAbhaM devagarbha.n shriyA vR^itam .. 10..\\
pupoSha chaina.n vidhivadvavR^idhe sa cha vIryavAn . 
tataH prabhR^iti chApyanye prAbhavannaurasAH sutAH .. 11..\\
vasu varma dhara.n dR^iShTvA taM bAla.n hemakuNDalam . 
nAmAsya vasuSheNeti tatashchakrurdvijAtayaH .. 12..\\
eva.n sasUtaputratva.n jagAmAmita vikramaH . 
vasuSheNa iti khyAto vR^iSha ityeva cha prabhuH .. 13..\\
sa jyeShThaputraH sUtasya vavR^idhe.a~NgeShu vIryavAn . 
chAreNa viditashchAsItpR^ithAyA divyavarma bhR^it .. 14..\\
sUtastvadhirathaH putra.n vivR^iddhaM samaye tataH . 
dR^iShTvA prasthApayAmAsa pura.n vAraNasAhvayam .. 15..\\
tatropasadana.n chakre droNasyeShvastrakarmaNi . 
sakhya.n duryodhanenaivamagachchhatsa cha vIryavAn .. 16..\\
droNAtkR^ipAchcha rAmAchcha so.astragrAma.n chaturvidham . 
labdhvA loke.abhavatkhyAtaH parameShvAsatA.n gataH .. 17..\\
sandhAya dhArtarAShTreNa pArthAnA.n vipriye sthitaH . 
yoddhumAsha.nsate nityaM phAlgunena mahAtmanA .. 18..\\
sadA hi tasya spardhAsIdarjunena vishAM pate . 
arjunasya cha karNena yato dR^iShTo babhUva saH .. 19..\\
ta.n tu kuNDalinaM dR^iShTvA varmaNA cha samanvitam . 
avadhya.n samare matvA paryatapyadyudhiShThiraH .. 20..\\
yadA tu karNo rAjendra bhAnumanta.n divAkaram . 
stauti madhyandine prApte prA~njaliH salile sthitaH .. 21..\\
tatrainamupatiShThanti brAhmaNA dhanahetavaH . 
nAdeya.n tasya tatkAle kiM chidasti dvijAtiShu .. 22..\\
tamindro brAhmaNo bhUtvA bhikShA.n dehItyupasthitaH . 
svAgata.n cheti rAdheyastamatha pratyabhAShata .. 23..\\
\medskip\hrule\medskip\centerline{\Largedvng 294}
 vai

devarAjamanuprAptaM brAhmaNa chhadmanA vR^iShaH . 
dR^iShTvA svAgatamityAha na bubodhAsya mAnasam .. 1..\\
hiraNyakaNThIH pramadA grAmAnvA bahu gokulAn . 
ki.n dadAnIti ta.n vipramuvAchAdhirathistataH .. 2..\\

 braa

hiraNyakaNThyaH pramadA yachchAnyatprItivardhanam . 
nAha.n dattamihechchhAmi tadarthibhyaH pradIyatAm .. 3..\\
yadetatsahaja.n varma kuNDale cha tavAnagha . 
etadutkR^itya me dehi yadi satyavrato bhavAn .. 4..\\
etadichchhAmyaha.n kShipraM tvayA dattaM parantapa . 
eSha me sarvalAbhAnA.n lAbhaH paramako matiH .. 5..\\

 karna

avaniM pramadA gAshcha nirvApaM bahu vArShikam . 
tatte vipra pradAsyAmi na tu varma na kuNDale .. 6..\\

 vai

evaM bahuvidhairvAkyairyAchyamAnaH sa tu dvijaH . 
karNena bharatashreShTha nAnya.n varamayAchata .. 7..\\
santvitashcha yathAshakti pUjitashcha yathAvidhi . 
naivAnya.n sa dvijashreShThaH kAmayAmAsa vai varam .. 8..\\
yadA nAnyaM pravR^iNute vara.n vai dvijasattamaH . 
tadainamabravIdbhUyo rAdheyaH prahasanniva .. 9..\\
sahaja.n varma me vipra kuNDale chAmR^itodbhave . 
tenAvadhyo.asmi lokeShu tato naitaddadAmyaham .. 10..\\
vishAlaM pR^ithivI rAjya.n kShemaM nihatakaNTakam . 
pratigR^ihNIShva mattastva.n sAdhu brAhmaNapu~Ngava .. 11..\\
kuNDalAbhyA.n vimukto.ahaM varmaNA sahajena cha . 
gamanIyo bhaviShyAmi shatrUNA.n dvijasattama .. 12..\\

 vai

yadA nAnya.n varaM vavre bhagavAnpAkashAsanaH . 
tataH prahasya karNastaM punarityabravIdvachaH .. 13..\\
vidito devadevesha prAgevAsi mama prabho . 
na tu nyAyyaM mayA dAtu.n tava shakra vR^ithA varam .. 14..\\
tva.n hi deveshvaraH sAkShAttvayA deyo varo mama . 
anyeShA.n chaiva bhUtAnAmIshvaro hyasi bhUtakR^it .. 15..\\
yadi dAsyAmi te devakuNDale kavacha.n tathA . 
vadhyatAmupayAsyAmi tva.n cha shakrAvahAsyatAm .. 16..\\
tasmAdvinimaya.n kR^itvA kuNDale varma chottamam . 
harasva shakra kAmaM me na dadyAmahamanyathA .. 17..\\

 zakra

vidito.aha.n raveH pUrvamAyanneva tavAntikam . 
tena te sarvamAkhyAtamevametanna saMshayaH .. 18..\\
kAmamastu tathA tAta tava karNa yathechchhasI . 
varjayitvA tu me vajraM pravR^iNIShva yadichchhasi .. 19..\\

 vai

tataH karNaH prahR^iShTastu upasa~Ngamya vAsavam . 
amoghA.n shaktimabhyetya vavre sampUrNamAnasaH .. 20..\\

 karna

varmaNA kuNDalAbhyA.n cha shaktiM me dehi vAsava . 
amoghA.n shatrusa~NghAnA.n ghAtinIM pR^itanA mukhe .. 21..\\
tataH sa~ncintya manasA muhUrtamiva vAsavaH . 
shaktyarthaM pR^ithivIpAla karNa.n vAkyamathAbravIt .. 22..\\
kuNDale me prayachchhasva varma chaiva sharIrajam . 
gR^ihANa karNa shakti.n tvamanena samayena me .. 23..\\
amoghA hanti shatashaH shatrUnmama karachyutA . 
punashcha pANimabhyeti mama daityAnvinighnataH .. 24..\\
seya.n tava karaM prApya hatvaika.n ripumUrjitam . 
garjantaM pratapanta.n cha mAmevaiShyati sUtaja .. 25..\\

 karna

ekamevAhamichchhAmi ripu.n hantuM mahAhave . 
garjantaM pratapanta.n cha yato mama bhayaM bhavet .. 26..\\

 indra

eka.n haniShyasi ripu.n garja~NgaM balinaM raNe . 
tva.n tu yaM prArthayasyeka.n rakShyate sa mahAtmanA .. 27..\\
yamAhurveda vidvA.nso varAhamajita.n harim . 
nArAyaNamachintya.n cha tena kR^iShNena rakShyate .. 28..\\

 karna

evamapyastu bhagavannekavIra vadhe mama . 
amoghA pravarA shaktiryena hanyAM pratApinam .. 29..\\
utkR^itya tu pradAsyAmi kuNDale kavacha.n cha te . 
nikR^itteShu cha gAtreShu na me bIbhatsatA bhavet .. 30..\\

 indra

na te bIbhatsatA karNa bhaviShyati katha.n chana . 
vraNashchApi na gAtreShu yastvaM nAnR^itamichchhasi .. 31..\\
yAdR^ishaste piturvarNastejo cha vadatA.n vara . 
tAdR^iShenaiva varNena tva.n karNa bhavitA punaH .. 32..\\
vidyamAneShu shastreShu yadyamoghAmasaMshaye . 
pramatto mokShyase chApi tvayyevaiShA patiShyati .. 33..\\

 karna

saMshayaM paramaM prApya vimokShye vAsavImimAm . 
yathA mAmAttha shakra tva.n satyametadbravImi te .. 34..\\

 vai

tataH shaktiM prajvalitAM pratigR^ihya vishAM pate . 
shastra.n gR^ihItvA nishita.n sarvagAtrANyakR^intata .. 35..\\
tato devA mAnavA dAnavAsh cha 
nikR^intanta.n karNamAtmAnamevam . 
dR^iShTvA sarve siddhasa~NghAsh cha nedur 
na hyasyAsIdduHkhajo vai vikAraH .. 36..\\
tato divyA dundubhayaH praNeduH 
papAtochchaiH puShpavarSha.n cha divyam . 
dR^iShTvA karNa.n Shastra sa~NkR^ittagAtraM 
muhushchApi smayamAnaM nR^ivIram .. 37..\\
tato chhitvA kavacha.n divyama~NgAt 
tathaivArdraM pradadau vAsavAya . 
tathotkR^itya pradadau kuNDale te 
vaikartanaH karmaNA tena karNaH .. 38..\\
tataH shakraH prahasanva~nchayitvA 
karNa.n loke yashasA yojayitvA . 
kR^ita.n kAryaM pANDavAnA.n hi mene 
tataH pashchAddivamevotpapAta .. 39..\\
shrutvA karNaM muShita.n dhArtarAShTrA 
dInAH sarve bhagnadarpA ivAsan . 
tA.n chAvasthAM gamita.n sUtaputraM 
shrutvA pAthA jahR^iShuH kAnanasthAH .. 40..\\

 janam

kvasthA vIrAH pANDavAste babhUvuH 
kutashchaitachchhrutavantaH priya.n te . 
ki.n vAkArShurdvAdashe.abde vyatIte 
tanme sarvaM bhagavAnvyAkarotu .. 41..\\

 vai

labdhvA kR^iShNA.n saindhava.n drAvayitvA 
vipraiH sArdha.n kAmyakAdAshramAtte . 
mArkaNDeyAchchhrutavantaH purANaM 
devarShINA.n charita.n vistareNa .. 42..\\
pratyAjagmuH sarathAH sAnuyAtrAH 
sarvaiH sArdha.n sUdapaurogavaish cha . 
tataH puNya.n dvaitavanaM nR^ivIrA 
nistIryogra.n vanavAsaM samagram .. 43..\\
\medskip\hrule\medskip\centerline{\Largedvng 295}
 janam

eva.n hR^itAyA.n kR^iShNAyAM prApya kleshamanuttamam . 
pratilabhya tataH kR^iShNA.n kimakurvanta pANDavAH .. 1..\\

 vai

eva.n hR^itAyA.n kR^iShNAyAM prApya kleshamanuttamam . 
vihAya kAmyaka.n rAjA saha bhrAtR^ibhirachyutaH .. 2..\\
punardvaitavana.n ramyamAjagAma yudhiShThiraH . 
svAdumUlaphala.n ramyaM mArkaNDeyAshramaM prati .. 3..\\
anugupta phalAhArAH sarva eva mitAshanAH . 
nyavasanpANDavAstatra kR^iShNayA saha bhArata .. 4..\\
vasandvaitavane rAjA kuntIputro yudhiShThiraH . 
bhImaseno.arjunashchaiva mAdrIputrau cha pANDavau .. 5..\\
brAhmaNArthe parAkrAntA dharmAtmAno yatavratAH . 
kleshamArchhanta vipula.n sukhodarkaM parantapAH .. 6..\\
ajAtashatrumAsInaM bhratR^ibhiH sahita.n vane . 
Agamya brAhmaNastUrNa.n santapta idamabravIt .. 7..\\
araNI sahitaM mahya.n samAsaktaM vanaspatau . 
mR^igasya gharShamANasya viShANe samasajjata .. 8..\\
tadAdAya gato rAja.nstvaramANo mahAmR^igaH . 
AshramAttvaritaH shIghraM plavamAno mahAjavaH .. 9..\\
tasya gatvA pada.n shIghramAsAdya cha mahAmR^igam . 
agnihotraM na lupyeta tadAnayata pANDavAH .. 10..\\
brAhmaNasya vacho shrutvA santapto.atha yudhiShThiraH . 
dhanurAdAya kaunteyaH prAdravadbhrAtR^ibhiH saha .. 11..\\
sannaddhA dhanvinaH sarve prAdravannarapu~NgavAH . 
brAhmaNArthe yatantaste shIghramanvagamanmR^igam .. 12..\\
karNinAlIkanArAchAnutsR^ijanto mahArathAH . 
nAvidhyanpANDavAstatra pashyanto mR^igamantikAt .. 13..\\
teShAM prayatamAnAnAM nAdR^ishyata mahAmR^igaH . 
apashyanto mR^iga.n shrAntA duHkhaM prAptA manasvinaH .. 14..\\
shItalachhAyamAsAdya nyagrodha.n gahane vane . 
kShutpipAsAparItA~NgAH pANDavAH samupAvishan .. 15..\\
teShA.n samupaviShTAnAM nakulo duHkhitastadA . 
abravIdbhrAtara.n jyeShThamamarShAtkurusattama .. 16..\\
nAsminkule jAtu mamajja dharmo 
na chAlasyAdarthalopo babhUva . 
anuttarAH sarvabhUteShu bhUyaH 
samprAptAH smaH saMshaya.n kena rAjan .. 17..\\
\medskip\hrule\medskip\centerline{\Largedvng 296}
 y

nApadAmasti maryAdA na nimittaM na kAraNam . 
dharmastu vibhajatyatra ubhayoH puNyapApayoH .. 1..\\

 bhiima

prAtikAmyanayatkR^iShNA.n sabhAyAM preShyavattadA . 
na mayA nihatastatra tena prAptAH sma saMshayam .. 2..\\

 arj

vAchastIkShNAsthi bhedinyaH sUtaputreNa bhAShitAH . 
atitIkShNA mayA kShAntAstena prAptaH sma saMshayam .. 3..\\

 sahadeva

shakunistvA.n yadAjaiShIdakShadyUtena bhArata . 
sa mayA na hatastatra tena prAptAH sma saMshayam .. 4..\\

 vai

tato yudhiShThiro rAjA nakula.n vAkyamabravIt . 
Aruhya vR^ikShaM mAdreya nirIkShasva disho dasha .. 5..\\
pAnIyamantike pashya vR^ikShAnvApyudakAshrayAn . 
ime hi bhrAtaraH shrAntAstava tAta pipAsitAH .. 6..\\
nakulastu tathetyuktvA shIghramAruhya pAdamam . 
abravIdbhrAtara.n jyeShThamabhivIkShya samantataH .. 7..\\
pashyAmi bahulAnrAjanvR^ikShAnudakasaMshrayAn . 
sArasAnA.n cha nirhrAdamatrodakamasaMshayam .. 8..\\
tato.abravItsatyadhR^itiH kuntIputro yudhiShThiraH . 
gachchha saumya tataH shIghra.n tUrNaM pAnIyamAnaya .. 9..\\
nakulastu tathetyuktvA bhrAturjyeShThasya shAsanAt . 
prAdravadyatra pAnIya.n shIghra.n chaivAnvapadyata .. 10..\\
sa dR^iShTvA vimala.n toya.n sArasaiH parivAritam . 
pAtu kAkastato vAchamantarikShAtsa shushruve .. 11..\\
mA tAta sAhasa.n kArShIrmama pUrvaparigrahaH . 
prashnAnuktvA tu mAdreya tataH piba harasva cha .. 12..\\
anAdR^itya tu tadvAkyaM nakulaH supipAsitaH . 
apibachchhItala.n toyaM pItvA cha nipapAta ha .. 13..\\
chirAyamANe nakule kuntIputro yudhiShThiraH . 
abravIdbhrAtara.n vIraM sahadevamarindamam .. 14..\\
bhrAtA chirAyate tAta sahadeva tavAgrajaH . 
ta.n chaivAnaya sodaryaM pAnIyaM cha tvamAnaya .. 15..\\
sahadevastathetyuktvA tA.n dishaM pratyapadyata . 
dadarsha cha hataM bhUmau bhrAtaraM nakula.n tadA .. 16..\\
bhrAtR^ishokAbhisantaptastR^iShayA cha prapIDitaH . 
abhidudrAva pAnIya.n tato vAgabhyabhAShata .. 17..\\
mA tAta sAhasa.n kArShIrmama pUrvaparigrahaH . 
prashnAnuktvA yathAkAma.n tataH piba harasva cha .. 18..\\
anAdR^itya tu tadvAkya.n sahadevaH pipAsitaH . 
apibachchhItala.n toyaM pItvA cha nipapAta ha .. 19..\\
athAbravItsa vijaya.n kuntIputro yudhiShThiraH . 
bhrAtarau te chiragatau bIbhatso shatrukarshana . 
tau chaivAnaya bhadra.n te pAnIyaM cha tvamAnaya .. 20..\\
evamukto guDAkeshaH pragR^ihya sashara.n dhanuH . 
AmuktakhaDgo medhAvI tatsaro pratyapadyata .. 21..\\
yataH puruShashArdUlau pAnIya haraNe gatu . 
tau dadarsha hatau tatra bhrAtarau shvetavAhanaH .. 22..\\
prasuptAviva tau dR^iShTvA narasi.nhaH suduHkhitaH . 
dhanurudyamya kaunteyo vyalokayata tadvanam .. 23..\\
nApashyattatra ki.n chitsa bhUtaM tasminmahAvane . 
savyasAchI tataH shrAntaH pAnIya.n so.abhyadhAvata .. 24..\\
abhidhAva.nstato vAchamantarikShAtsa shushruve . 
kimAsIdasi pAnIyaM naitachchhakyaM balAttvayA .. 25..\\
kaunteya yadi vai prashnAnmayoktAnpratipatsyase . 
tataH pAsyasi pAnIya.n hariShyasi cha bhArata .. 26..\\
vAritastvabravItpArtho dR^ishyamAno nivAraya . 
yAvadbANairvinirbhinnaH punarnaiva.n vadiShyasi .. 27..\\
evamuktvA tataH pArthaH sharairastrAnumantritaiH . 
vavarSha tA.n dishaM kR^itsnA.n shabdavedhaM cha darshayan .. 28..\\
karNinAlIkanArAchAnutsR^ijanbharatarShabha . 
anekairiShusa~NghAtairantarikSha.n vavarSha ha .. 29..\\

 yaksa

ki.n vighAtena te pArtha prashnAnuktvA tataH piba . 
anuktvA tu tataH prashnAnpItvaiva na bhaviShyasi .. 30..\\

 vai

sa tvamoghAniShUnmuktvA tR^iShNayAbhiprapIDitaH . 
aviGYAyaiva tAnprashnAnpItvaiva nipapAta ha .. 31..\\
athAbravIdbhImasena.n kuntIputro yudhiShThiraH . 
nakulaH sahadevashcha bIbhatsushchAparAjitaH .. 32..\\
chira.n gatAstoyahetorna chAgachchhanti bhArata . 
tAMshchaivAnaya bhadra.n te pAnIyaM cha tvamAnaya .. 33..\\
bhImasenastathetyuktvA tA.n dishaM patyapadyata . 
yatra te puruShavyAghrA bhrAtaro.asya nipAtitAH .. 34..\\
tAndR^iShTvA duHkhito bhImastR^iShayA cha prapIDitaH . 
amanyata mahAbAhuH karma tadyakSharakShasAm . 
sa chintayAmAsa tadA yoddhavya.n dhruvamadya me .. 35..\\
pAsyAmi tAvatpAnIyamiti pArtho vR^ikodaraH . 
tato.abhyadhAvatpAnIyaM pipAsuH puruSharShabhaH .. 36..\\

 yaksa

mA tAta sAhasa.n kArShIrmama pUrvaparigrahaH . 
prashnAnuktvA tu kaunteya tataH piba harasva cha .. 37..\\

 vai

evamuktastato bhImo yakSheNAmita tejasA . 
aviGYAyaiva tAnprashnAnpItvaiva nipapAta ha .. 38..\\
tataH kuntIsuto rAjA vichintya puruSharShabhaH . 
samutthAya mahAbAhurdahyamAnena chetasA .. 39..\\
apetajananirghoShaM pravivesha mahAvanam . 
rurubhishcha varAhaishcha pakShibhishcha niShevitam .. 40..\\
nIlabhAsvaravarNaishcha pAdapairupashobhitam . 
bhramarairupagIta.n cha pakShibhishcha mahAyashaH .. 41..\\
sa gachchhankAnane tasminhemajAlapariShkR^itam . 
dadarsha tatsaro shrImAnvishvakarma kR^ita.n yathA .. 42..\\
upetaM nalinI jAlaiH sindhuvAraishcha vetasaiH . 
ketakaiH karavIraishcha pippalaishchaiva sa.nvR^itam . 
shramArtastadupAgamya saro dR^iShTvAtha vismitaH .. 43..\\
\medskip\hrule\medskip\centerline{\Largedvng 297}
 vai

sa dadarsha hatAnbhrAtR^I.NllokapAlAniva chyutAn . 
yugAnte samanuprApte shakra pratimagauravAn .. 1..\\
viprakIrNadhanurbANa.n dR^iShTvA nihatamarjunam . 
bhImasena.n yamau chobhau nirvicheShTAngatAyuraH .. 2..\\
sa dIrghamuShNaM niHshvasya shokabAShpapariplutaH . 
buddhyA vichintayAmAsa vIrAH kena nipAtitAH .. 3..\\
naiShA.n shastraprahAro.asti padaM nehAsti kasya chit . 
bhUtaM mahadidaM manye bhrAtaro yena me hatAH . 
ekAgra.n chintayiShyAmi pItvA vetsyAmi vA jalam .. 4..\\
syAttu duryodhanenedamupAMshu vihita.n kR^itam . 
gandhAra rAjarachita.n satata.n jihmabuddhinA .. 5..\\
yasya kAryamakArya.n vA samameva bhavatyuta . 
kastasya vishvasedvIro durmaterakR^itAtmanaH .. 6..\\
atha vA puruShairgUDhaiH prayogo.aya.n durAtmanaH . 
bhavediti mahAbAhurbahudhA samachintayat .. 7..\\
tasyAsInna viSheNedamudaka.n dUShita.n yathA . 
mukhavarNAH prasannA me bhrAtR^INAm ityachintayat .. 8..\\
ekaikashashchaughabalAnimAnpuruShasattamAn . 
ko.anyaH pratisamAseta kAlAntakayamAdR^ite .. 9..\\
etenAdhyavasAyena tattoyamavagADhavAn . 
gAhamAnashcha tattoyamantarikShAtsa shushruve .. 10..\\

 yaksa

ahaM bakaH shaivalamatsyabhakSho 
mayA nItAH pretavasha.n tavAnujAH . 
tvaM pa~nchamo bhavitA rAjaputra 
na chetprashnAnpR^ichchhato vyAkaroShi .. 11..\\
mA tAta sAhasa.n kArShIrmama pUrvaparigrahaH . 
prashnAnuktvA tu kaunteya tataH piba harasva cha .. 12..\\

 y

rudrANA.n vA vasUnAM vA marutAM vA pradhAnabhAk . 
pR^ichchhAmi ko bhavAndevo naitachchhakuninA kR^itam .. 13..\\
himavAnpAriyAtrash cha vindhyo malaya eva cha . 
chatvAraH parvatAH kena pAtitA bhuvi tejasA .. 14..\\
atIva te mahatkarmakR^itaM balavatA.n vara . 
yanna devA na gandharvA nAsurA na cha rAkShasAH . 
viShaheranmahAyuddhe kR^ita.n te tanmahAdbhutam .. 15..\\
na te jAnAmi yatkAryaM nAbhijAnAmi kA~NkShitam . 
kautUhalaM mahajjAta.n sAdhvasa.n chAgataM mama .. 16..\\
yenAsmyudvignahR^idayaH samutpanna shiro jvaraH . 
pR^ichchhAmi bhagava.nstasmAtko bhavAniha tiShThati .. 17..\\

 yaksa

yakSho.ahamasmi bhadra.n te nAsmi pakShI jale charaH . 
mayaite nihatAH sarve bhrAtaraste mahaujasaH .. 18..\\

 vai

tatastAmashivA.n shrutvA vAchaM sa paruShAkSharAm . 
yakShasya bruvato rAjannupakramya tadA sthitaH .. 19..\\
virUpAkShaM mahAkAya.n yakSha.n tAlasamuchchhrayam . 
jvalanArkapratIkAshamadhR^iShyaM parvatopamam .. 20..\\
setumAshritya tiShThanta.n dadarsha bharatarShabhaH . 
meghaganmIrayA vAchA tarjayantaM mahAbalam .. 21..\\

 yaksa

ime te bhrAtaro rAjanvAryamANA mayAsakR^it . 
balAttoya.n jihIrShantastato vai sUditA mayA .. 22..\\
na peyamudaka.n rAjanprANAniha parIpsatA . 
pArtha mA sAhasa.n kArShIrmama pUrvaparigrahaH . 
prashnAnuktvA tu kaunteya tataH piba harasva cha .. 23..\\

 y

naivAha.n kAmaye yakSha tava pUrvaparigraham . 
kAmanaitatprasha.nsanti santo hi puruShAH sadA .. 24..\\
yadAtmanA svamAtmAnaM prasha.nsetpuruShaH prabho . 
yathA praGYa.n tu te prashnAnprativakShyAmi pR^ichchha mAm .. 25..\\

 yaksa

ki.n svidAdityamunnayati kecha tasyAbhitashcharAH . 
kashchainamastaM nayati kasmiMshcha pratitiShThati .. 26..\\

 y

brahmAdityamunnayati devAstasyAbhitashcharAH . 
dharmashchAstaM nayati cha satye cha pratitiShThati .. 27..\\

 yaksa

kena svichchhrotriyo bhavati kena svidvindate mahat . 
kena dvitIyavAnbhavati rAjankena cha buddhimAn .. 28..\\

 y

shrutena shrotriyo bhavati tapasA vindate mahat . 
dhR^ityA dvitIyavAnbhavati buddhimAnvR^iddhasevayA .. 29..\\

 yakza

kiM brAhmaNAnA.n devatvaM kashcha dharmaH satAm iva . 
kashchaiShAM mAnuSho bhAvaH kimeShAmasatAm iva .. 30..\\

 y

svAdhyAya eShA.n devatvaM tapa eShA.n satAm iva . 
maraNaM mAnuSho bhAvaH parivAdo.asatAm iva .. 31..\\

 yaksa

ki.n kShatriyANAM devatvaM kashcha dharmaH satAm iva . 
kashchaiShAM mAnuSho bhAvaH kimeShAmasatAm iva .. 32..\\

 y

iShvastrameShA.n devatva.n yaGYa eShAM satAm iva . 
bhaya.n vai mAnuSho bhAvaH parityAgo.asatAm iva .. 33..\\

 yaksa

kimeka.n yaGYiyaM sAma kimekaM yaGYiyaM yajuH . 
kA chaikA vR^ishchate yaGYa.n kA.n yaGYo nAtivartate .. 34..\\

 y

prANo vai yaGYiya.n sAma mano vai yaGYiyaM yajuH . 
vAgekA vR^ishchate yaGYa.n tA.n yaGYo nAtivartate .. 35..\\

 yaksa

ki.n svidApatatAM shreShThaM bIjaM nipatatAM varam . 
ki.n svitpratiShThamAnAnA.n kiM svitpravadatAM varam .. 36..\\

 y

varShamApatatA.n shreShThaM bIjaM nipatatAM varam . 
gAvaH pratiShThamAnAnAM putraH pravadatA.n varaH .. 37..\\

 yaksa

indriyArthAnanubhavanbuddhimA.NllokapUjitaH . 
saMmataH sarvabhUtAnAmuchchhvasanko na jIvati .. 38..\\

 y

devatAtithibhR^ityAnAM pitR^INAmAtmanashcha yaH . 
na nirvapati pa~nchAnAmuchchhvasanna sa jIvati .. 39..\\

 yaksa

ki.n svidgurutaraM bhUmeH kiM sviduchchatara.n cha khAt . 
ki.n svichchhIghrataraM vAyoH kiM svidbahutaraM nR^iNAm .. 40..\\

 y

mAtA gurutarA bhUmeH pitA uchcharatashcha khAt . 
mano shIghratara.n vAyoshchintA bahutarI nR^iNAm .. 41..\\

 yaksa

ki.n svitsuptaM na nimiShati kiM svijjAtaM na chopati . 
kasya sviddhR^idayaM nAsti ki.n svidvegena varghate .. 42..\\

 y

matsyaH supto na nimiShatyaNDa.n jAtaM na chopati . 
ashmano hR^idayaM nAsti nadIvegena vardhate .. 43..\\

 yaksa

ki.n svitpravasato mitra.n kiM svinmitraM gR^ihe sataH . 
Aturasya cha kiM mitra.n ki.n svinmitraM mariShyataH .. 44..\\

 y

sArthaH pravasato mitraM bhAryA mitra.n gR^ihe sataH . 
Aturasya bhiShanmitra.n dAnaM mitraM mariShyataH .. 45..\\

 yaksa

ki.n svideko vicharati jAtaH ko jAyate punaH . 
ki.n sviddhimasya bhaiShajya.n kiM svidAvapanaM mahat .. 46..\\

 y

sUrya eko vicharati chandramA jAyate punaH . 
agnirhimasya bhaiShajyaM bhUmirApavanaM mahat .. 47..\\

 yaksa

ki.n svidekapada.n dharmyaM kiM svidekapadaM yashaH . 
ki.n svidekapadaM svargya.n kiM svidekapadaM sukham .. 48..\\

 y

dAkShyamekapada.n dharmyaM dAnamekapada.n yashaH . 
satyamekapada.n svargyaM shIlamekapadaM sukham .. 49..\\

 yaksa

ki.n svidAtmA manuShyasya kiM sviddaivakR^itaH sakhA . 
upajIvana.n ki.n svidasya kiM svidasya parAyaNam .. 50..\\

 y

putra AtmA manuShyasya bhAryA daivakR^itaH sakhA . 
upajIvana.n cha parjanyo dAnamasya parAyaNam .. 51..\\

 yaksa

dhanyAnAmuttama.n ki.n sviddhanAnAM kiM sviduttamam . 
lAbhAnAmuttama.n ki.n svitkiM sukhAnAM tathottamam .. 52..\\

 y

dhanyAnAmuttama.n dAkShyaM dhanAnAmuttama.n shrutam . 
lAbhAnA.n shreShThamArogyaM sukhAnA.n tuShTiruttamA .. 53..\\

 yaksa

kashcha dharmaH paro loke kashcha dharmaH sadA phalaH . 
kiM niyamya na shochanti kaishcha sandhirna jIryate .. 54..\\

 y

AnR^isha.nsyaM paro dharmastrayIdharmaH sadA phalaH . 
ano yamya na shochanti sadbhiH sandhirna jIryate .. 55..\\

 yaksa

kiM nu hitvA priyo bhavati kiM nu hitvA na shochati . 
kiM nu hitvArthavAnbhavati kiM nu hitvA sukhI bhavet .. 56..\\

 y

mAna.n hitvA priyo bhavati krodhaM hitvA na shochati . 
kAma.n hitvArthavAnbhavati lobhaM hitvA sukhU bhavet .. 57..\\

 yaksa

mR^ita.n katha.n syAtpuruShaH kathaM rAShTraM mR^itaM bhavet . 
shrAdhaM mR^ita.n kathaM cha syAtkatha.n yaGYo mR^ito bhavet .. 58..\\

 y

mR^ito daridraH puruSho mR^ita.n rAShTramarAjakam . 
mR^itamashrotriya.n shrAddhaM mR^ito yaGYo tvadakShiNaH .. 59..\\

 yaksa

kA dikkimudakaM prokta.n kimannaM pArtha ki.n viSham . 
shrAddhasya kAlamAkhyAhi tataH piba harasva cha .. 60..\\

 y

santo digjalamAkAsha.n gaurannaM prArthanA viSham . 
shrAddhasya brAhmaNaH kAlaH katha.n vA yakSha manyase .. 61..\\

 yaksa

vyAkhyAtA me tvayA prashnA yAthAtathyaM parantapa . 
puruSha.n tvidAnImAkhyAhi yashcha sarvadhanI naraH .. 62..\\

 y

diva.n spR^ishati bhUmi.n cha shabdaH puNyasya karmaNaH . 
yAvatsa shabdo bhavati tAvatpuruSha uchyate .. 63..\\
tulye priyApriye yasya sukhaduHkhe tathaiva cha . 
atItAnAgate chobhe sa vai sarvadhanI naraH .. 64..\\

 yaksa

vyAkhyAtaH puruSho rAjanyashcha sarvadhanI naraH . 
tasmAttavaiko bhrAtR^INA.n yamichchhasi sa jIvatu .. 65..\\

 y

shyAmo ya eSha raktAkSho bR^ihachchhAla ivodgataH . 
vyUDhorasko mahAbAhura~Nkulo yakSha jIvatu .. 66..\\

 yaksa

priyaste bhImaseno.ayamarjuno vaH parAyaNam . 
sa kasmAnnakula.n rAjansApatna.n jIvamichchhasi .. 67..\\
yasya nAgasahasreNa dasha sa~Nkhyena vai balam . 
tulya.n taM bhImamutsR^ijya nakulaM jIvamichchhasi .. 68..\\
tathainaM manujAH prAhurbhImasenaM priya.n tava . 
atha kenAnubhAvena sApatna.n jIvamichchhasi .. 69..\\
yasya bAhubala.n sarve pANDavAH samupAshritAH . 
arjuna.n tamapAhAya nakulaM jIvamichchhasi .. 70..\\

 y

AnR^isha.nsya paro dharmaH paramArthAchcha me matam . 
AnR^isha.nsya.n chikIrShAmi nakulo yakSha jIvatu .. 71..\\
dharmashIlaH sadA rAjA iti mAM mAnavA viduH . 
svadharmAnna chaliShyAmi nakulo yakSha jIvatu .. 72..\\
yathA kuntI tathA mAdrI visheSho nAsti me tayoH . 
mAtR^ibhyA.n samamichchhAmi nakulo yakSha jIvatu .. 73..\\

 yaksa

yasya te.arthAchcha kAmAchcha AnR^isha.nsyaM paraM matam . 
asmAtte bhrAtaraH sarve jIvantu bharatarShabha .. 74..\\
\medskip\hrule\medskip\centerline{\Largedvng 298}
 vai

tataste yakShavachanAdudatiShThanta pANDavAH . 
kShutpipAse cha sarveShA.n kShaNe tasminvyagachchhatAm .. 1..\\

 y

rasasyekena pAdena tiShThantamaparAjitam . 
pR^ichchhAmi ko bhavAndevo na me yakSho mato bhavAn .. 2..\\
vasUnA.n vA bhavAneko rudrANAmatha vA bhavAn . 
atha vA marutA.n shreShTho varjI vA tridasheshvaraH .. 3..\\
mama hi bhrAtara ime sahasrashatayodhinaH . 
na ta.n yogaM prapashyAmi yena syurvinipAtitAH .. 4..\\
sukhaM prativibuddhAnAmindriyANyupalakShaye . 
sa bhavAnsuhR^idasmAkamatha vA naH pitA bhavAn .. 5..\\

 yaksa

aha.n te janakastAta dharmo mR^idu parAkrama . 
tvA.n didR^ikShuranuprApto viddhi mAM bharatarShabha .. 6..\\
yasho satya.n damaH shauchamArjava.n hrIrachApalam . 
dAna.n tapo brahmacharyamityetAstanavo mama .. 7..\\
ahi.nsA samatA shAntistapo shauchamamatsaraH . 
dvArANyetAni me viddhi priyo hyasi sadA mama .. 8..\\
diShTyA pa~nchasu rakto.asi diShTyA te ShaTpadI jitA . 
dve pUrve madhyame dve cha dve chAnte sAmparAyike .. 9..\\
dharmo.ahamasmi bhadra.n te jiGYAsustvamihAgataH . 
AnR^isha.nsyena tuShTo.asmi vara.n dAsyAmi te.anagha .. 10..\\
vara.n vR^iNIShva rAjendra dAtA hyasmi tavAnagha . 
ye hi me puruShA bhaktA na teShAmasti durgatiH .. 11..\\

 y

araNI sahita.n yasya mR^iga AdAya gachchhati . 
tasyAgnayo na lupyeranprathamo.astu varo mama .. 12..\\

 dharma

araNI sahita.n tasya brAhmaNasya hR^itaM mayA . 
mR^igaveSheNa kaunteya jiGYAsArtha.n tava prabho .. 13..\\

 vai

dadAnItyeva bhavagAnuttaraM pratyapadyata . 
anya.n varaya bhadra.n te varaM tvamamaropama .. 14..\\

 y

varShANi dvAdashAraNye trayodashamupasthitam . 
tatra no nAbhijAnIyurvasato manujAH kva chit .. 15..\\

 vai

dadAnItyeva bhagavAnuttaraM pratyapadyata . 
bhUyo chAshvAsayAmAsa kaunteya.n satyavikramam .. 16..\\
yadyapi svena rUpeNa chariShyatha mahImimAm . 
na vo viGYAsyate kashchittriShu lokeShu bhArata .. 17..\\
varSha.n trayodashaM chedaM matprasAdAtkurUrvahAH . 
virATanagare gUDhA aviGYAtAshchariShyatha .. 18..\\
yadvaH sa~Nkalpita.n rUpaM manasA yasya yAdR^isham . 
tAdR^isha.n tAdR^isha.n sarve chhandato dhArayiShyatha .. 19..\\
ariNI sahita.n chedaM brAhmaNAya prayachchhata . 
jiGYAsArthaM mayA hyetadAhR^itaM mR^igarUpiNA .. 20..\\
tR^itIya.n gR^ihyatAM putra varamapratimaM mahat . 
tva.n hi matprabhavo rAjanvidurashcha mamAMsha bhAk .. 21..\\

 y

devadevo mayA dR^iShTo bhavAnsAkShAtsanAtanaH . 
ya.n dadAsi varaM tuShTastaM grahIShyAmyahaM pitaH .. 22..\\
jayeya.n lobhamohau cha krodha.n chAhaM sadA vibho . 
dAne tapasi satye cha mano me satataM bhavet .. 23..\\

 dharma

upapanno guNaiH sarvaiH svabhAvenAsi pANDava . 
bhavAndharmaH punashchaiva yathokta.n te bhaviShyati .. 24..\\

 vai

ityuktvAntardadhe dharmo bhagavA.NllokabhAvanaH . 
sametAH pANDavAshchaiva sukhasuptA manasvinaH .. 25..\\
abhyetya chAshrama.n vIrAH sarva eva gataklamAH . 
AraNeya.n dadustasmai brAhmaNAya tapasvine .. 26..\\
ida.n samutthAna samAgamaM mahat 
pitushcha putrasya cha kIrtivardhanam . 
paThannaraH syAdvijItendriyo vashI 
saputrapautraH shatavarSha bhAgbhavet .. 27..\\
na chApyadharme na suhR^idvibhedane 
parasvahAre paradAramarshane . 
kadarya bhAve na ramenmano sadA 
nR^iNA.n sadAkhyAnamidaM vijAnatAm .. 28..\\
\medskip\hrule\medskip\centerline{\Largedvng 299}
 vai

dharmeNa te.abhyanuGYAtAH pANDavAH satyavikramAH . 
aGYAtavAsa.n vatsyantashchhannA varSha.n trayodasham . 
upopavishya vidvA.nsaH sahitAH saMshitavratAH .. 1..\\
ye tadbhaktA vasanti sma vanavAse tapasvinaH . 
tAnabruvanmahAtmAnaH shiShTAH prAGYalayastadA . 
abhyanuGYApayiShyantastaM nivAsa.n dhR^itavratAH .. 2..\\
viditaM bhavatA.n sarva.n dhArtarAShTrairyathA vayam . 
chhadmanA hR^itarAjyAshcha niHsvAshcha bahushaH kR^itAH .. 3..\\
uShitAshcha vane kR^ichchhra.n yatra dvAdasha vatsarAn . 
aGYAtavAsa samaya.n sheShaM varSha.n trayodasham . 
tadvatsyAmo vaya.n chhannAstadanuGYAtumarhatha .. 4..\\
suyodhanashcha duShTAtmA karNashcha saha saubalaH . 
jAnanto viShama.n kuryurasmAsvatyantavairiNaH . 
yuktAchArAshcha yuktAsh cha paurasya svajanasya cha .. 5..\\
api nastadbhavedbhUyo yadvayaM brAhmaNaiH saha . 
samastAH sveShu rAShTreShu svarAjyasthA bhavemahi .. 6..\\
ityuktvA duHkhashokArtA shuchirdharmasutastadA . 
saMmUrchchhito.abhavadrAjA sAshrukaNTho yudhiShThiraH .. 7..\\
tamathAshvAsayansarve brAhmaNA bhrAtR^ibhiH saha . 
atha dhaumyo.abravIdvAkyaM mahArthaM nR^ipati.n tadA .. 8..\\
rAjanvidvAnbhavAndAntaH satyasandho jitendriyaH . 
naiva.nvidhAH pramuhyanti narAH kasyA.n chidApadi .. 9..\\
devairapyApadaH prAptAshchhannaishcha bahushastathA . 
tatra tatra sapatnAnAM nigrahArthaM mahAtmabhiH .. 10..\\
indreNa niShadhAnprApya giriprasthAshrame tadA . 
chhannenoShya kR^ita.n karma dviShatAM balanigrahe .. 11..\\
viShNunAshvashiro prApya tathAdityAM nivatsyatA . 
garbhe vadhArtha.n daityAnAmaGYAtenoShitaM chiram .. 12..\\
prApya vAmana rUpeNa prachchhannaM brahmarUpiNA . 
baleryathA hR^ita.n rAjyaM vikramaistachcha te shrutam .. 13..\\
aurveNa vasatA chhannamUrau brahmarShiNA tadA . 
yatkR^ita.n tAta lokeShu tachcha sarva.n shrutaM tvayA .. 14..\\
prachchhanna.n chApi dharmaGYa hariNA vR^itra nigrahe . 
vajraM pravishya shakrasya yatkR^ita.n tachcha te shrutam .. 15..\\
hutAshanena yachchApaH pravishya chhannamAsatA . 
vibudhAnA.n kR^itaM karma tachcha sarva.n shrutaM tvayA .. 16..\\
eva.n vivasvatA tAta chhannenottama tejasA . 
nirdagdhAH shatravaH sarve vasatA bhuvi sarvashaH .. 17..\\
viShNunA vasatA chApi gR^ihe dasharathasya vai . 
dashagrIvo hatashchhanna.n sa.nyuge bhImakarmaNA .. 18..\\
evamete mahAtmAnaH prachchhannAstatra tatra ha . 
ajayachchhAtravAnyuddhe tathA tvamapi jeShyasi .. 19..\\
tathA daumyena dharmaGYo vAkyaiH samparitoShitaH . 
shAstrabuddhyA svabuddhyA cha na chachAla yudhiShThiraH .. 20..\\
athAbravInmahAbAhurbhImaseno mahAbalaH . 
rAjAnaM balinA.n shreShTho girA sampariharShayan .. 21..\\
avekShayA mahArAja tava gANDIvadhanvanA . 
dharmAnugatayA buddhyA na ki.n chitsAhasaM kR^itam .. 22..\\
sahadevo mayA nityaM nakulashcha nivAritau . 
shaktau vidhva.nsane teShA.n shatrughnau bhImavikramau .. 23..\\
na vaya.n tatprahAsyAmo yasminyokShyati no bhavAn . 
bhavAnvidhattA.n tatsarvaM kShipraM jeShyAmahe parAn .. 24..\\
ityukte bhimasenena brAhmaNAH paramAshiraH . 
prayujyApR^ichchhya bharatAnyathA svAnsvAnyayurgR^ihAn .. 25..\\
sarve vedavido mukhyA yatayo munayastathA . 
AshIruktvA yathAnyAyaM punardarshanakA~NkShiNaH .. 26..\\
saha dhaumyena vidvA.nsastathA te pa~ncha pANDavAH . 
utthAya prayayurvIrAH kR^iShNAmAdAya bhArata .. 27..\\
kroshamAtamatikramya tasmAddeshAnnimittataH . 
shvobhUte manujavyAghrAshchhannavAsArthamudyatAH .. 28..\\
pR^ithakshAstravidaH sarve sarve mantravishAradAH . 
sandhivigrahakAlaGYA mantrAya samupAvishan .. 29..\\

##\end{multicols}##
##
\medskip\hrule\medskip
Last updated on \today ; Send corrections to sanskrit@cheerful.com
\end{document}