j

katha.n virATanagare mama pUrvapitAmahAH . 
aGYAtavAsamuShitA duryodhana bhayArditAH .. 1..\\
tathA tu sa varA.NllabdhvA dharmAdharmabhR^itA.n varaH . 
gatvAshramaM brAhmaNebhya Achakhyau sarvameva tat .. 2..\\
kathayitvA tu tatsarvaM brAhmaNebhyo yudhiShThiraH . 
araNI sahita.n tasmai brAhmaNAya nyavedayat .. 3..\\
tato yudhiShThiro rAjA dharmaputro mahAmanAH . 
saMnivartyAnujAnsarvAniti hovAcha bhArata .. 4..\\
dvAdashemAni varShANi rAShTrAdviproShitA vayam . 
trayodasho.aya.n samprAptaH kR^ichchhraH paramadurvasaH .. 5..\\
sa sAdhu kaunteya ito vAsamarjuna rochaya . 
yatremA vasatIH sarvA vasemAviditAH paraiH .. 6..\\
tasyaiva varadAnena dharmasya manujAdhipa . 
aGYAtA vichariShyAmo narANA bharatarShabha .. 7..\\
ki.n tu vAsAya rAShTrANi kIrtayiShyAmi kAni chit . 
ramaNIyAni guptAni teShA.n kiM chitsma rochaya .. 8..\\
santi ramyA janapadA bahvannAH paritaH kurUn . 
pA~nchAlAshchedimatsyAshcha shUrasenAH paTachcharAH . 
dashArNA nava rAShTra.n cha mallAH shAlva yugandharAH .. 9..\\
eteShA.n katamo rAjannivAsastava rochate . 
vatsyAmo yatra rAjendra sa.nvatsaramima.n vayam .. 10..\\
evametanmahAbAho yathA sa bhagavAnprabhuH . 
abravItsarvabhUteshastattathA na tadanyathA .. 11..\\
avashya.n tveva vAsArtha.n ramaNIyaM shivaM sukham . 
saMmantrya sahitaiH sarvairdraShTavyamakutobhayam .. 12..\\
matsyo virATo balavAnabhirakShetsa pANDavAn . 
dharmashIlo vadAnyashcha vR^iddhashcha sumahAdhanaH .. 13..\\
virATanagare tAta sa.nvatsaramima.n vayam . 
kurvantastasya karmANi vihariShyAma bhArata .. 14..\\
yAni yAni cha karmANi tasya shakShyAmahe vayam . 
kartu.n yo yatsa tatkarma bravItu kurunandanAH .. 15..\\
naradeva katha.n karma rAShTre tasya kariShyasi . 
virATa nR^ipateH sAdho ra.nsyase kena karmaNA .. 16..\\
mR^idurvadAnyo hrImAMshcha dhArmikaH satyavikramaH . 
rAja.nstvamApadA kliShTaH ki.n kariShyasi pANDava .. 17..\\
na duHkhamuchita.n kiM chidrAjanveda yathA janaH . 
sa imAmApadaM prApya katha.n ghorAM tariShyasi .. 18..\\
shR^iNudhva.n yatkariShyAmi karma vai kurunandanAH . 
virATamanusamprApya rAjAnaM puruSharShabham .. 19..\\
sabhAstAro bhaviShyAmi tasya rAGYo mahAtmanaH . 
ka~Nko nAma dvijo bhUtvA matAkShaH priya devitA .. 20..\\
vaiDUryAnkA~nchanAndAntAnphalairjyotI rasaiH saha . 
kR^iShNAkShA.NllohitAkShAMshcha nirvartsyAmi manoramAn .. 21..\\
Asa.n yudhiShThirasyAhaM purA prANasamaH sakhA . 
iti vakShyAmi rAjAna.n yadi mAmanuyokShyate .. 22..\\
ityetadvo mayAkhyAta.n vihariShyAmyahaM yathA . 
vR^ikodara virATe tva.n ra.nsyase kena karmaNA .. 23..\\
\medskip\hrule\medskip\centerline{\Largedvng 2}
 bhm

paurogavo bruvANo.ahaM ballavo nAma nAmataH . 
upasthAsyAmi rAjAna.n virATamiti me matiH .. 1..\\
sUpAnasya kariShyAmi kushalo.asmi mahAnase . 
kR^itapUrvANi yairasya vya~njanAni sushikShitaiH . 
tAnapyabhibhaviShyAmi prIti.n sa~njanayannaham .. 2..\\
AhariShyAmi dArUNAM nichayAnmahato.api cha . 
tatprekShya vipula.n karma rAjA prIto bhaviShyati .. 3..\\
dvipA vA balino rAjanvR^iShabhA vA mahAbalAH . 
vinigrAhyA yadi mayA nigrahIShyAmi tAnapi .. 4..\\
ye cha ke chinniyotsyanti samAjeShu niyodhakAH . 
tAnahaM nihaniShyAmi prIti.n tasya vivardhayan .. 5..\\
na tvetAnyudhyamAnA.n vai haniShyAmi katha.n chana . 
tathaitAnpAtayiShyAmi yathA yAsyanti na kShayam .. 6..\\
ArAliko govikartA sUpakartA niyodhakaH . 
Asa.n yudhiShThirasyAhamiti vakShyAmi pR^ichchhataH .. 7..\\
AtmAnamAtmanA rakShaMshchariShyAmi vishAM pate . 
ityetatpratijAnAmi vihariShyAmyaha.n yathA .. 8..\\
yamagnirbrAhmaNo bhUtvA samAgachchhannR^iNA.n varam . 
didhakShuH khANDava.n dAvaM dAshArha sahitaM purA .. 9..\\
mahAbalaM mahAbAhumajita.n kurunandanam . 
so.aya.n kiM karma kaunteyaH kariShyati dhana~njayaH .. 10..\\
yo.ayamAsAdya ta.n tAvaM tarpayAmAsa pAvakam . 
vijityaika rathenendra.n hatvA pannagarakShasAn . 
shreShThaH pratiyudhAM nAma so.arjunaH ki.n kariShyati .. 11..\\
sUryaH prapatatA.n shreShTho dvipadAM brAhmaNo varaH . 
AshIviShashcha sarpANAmagnistejasvinA.n varaH .. 12..\\
AyudhAnA.n varo varjaH kakudmI cha gavAM varaH . 
hradAnAmudadhiH shreShThaH parjanyo varShatA.n varaH .. 13..\\
dhR^itarAShTrashcha nAgAnA.n hastiShvairAvato varaH . 
putraH priyANAmadhiko bhAryA cha suhR^idA.n varA .. 14..\\
yathaitAni vishiShTAni jAtyA.n jAtyA.n vR^ikodara . 
eva.n yuvA guDAkeshaH shreShThaH sarvadhanurmatAm .. 15..\\
so.ayamindrAdanavaro vAsudevAchcha bhArata . 
gANDIvadhanvA shvetAshvo bIbhatsuH ki.n kariShyati .. 16..\\
uShitvA pa~nchavarShANi sahasrAkShasya veshmani . 
divyAnyastrANyavAptAni devarUpeNa bhAsvatA .. 17..\\
yaM manye dvAdasha.n rudramAdityAnA.n trayodasham . 
yasya bAhU samau dIrghau jyA ghAtakaThina tvachau . 
dakShiNe chaiva savye cha gavAmiva vahaH kR^itaH .. 18..\\
himavAniva shailAnA.n samudraH saritAm iva . 
tridashAnA.n yathA shakro vasUnAmiva havyavAH .. 19..\\
mR^igANAmiva shArdUlo garuDaH patatAm iva . 
varaH saMnahyamAnAnAmarjunaH ki.n kariShyati .. 20..\\
pratiGYA.n ShaNDhako.asmIti kariShyAmi mahIpate . 
jyA ghAtau hi mahAntau me sa.nvartuM nR^ipa duShkarau .. 21..\\
karNayoH pratimuchyAha.n kuNDale jvalanopame . 
veNI kR^itashiro rAjannAmnA chaiva bR^ihannaDA .. 22..\\
paThannAkhyAyikAM nAma strIbhAvena punaH punaH . 
ramayiShye mahIpAlamanyAMshchAntaHpure janAn .. 23..\\
gItaM nR^itta.n vichitra.n cha vAditraM vividhaM tathA . 
shikShayiShyAmyaha.n rAjanvirATa bhavane striyaH .. 24..\\
prajAnA.n samudAchAraM bahu karmakR^itaM vadan . 
chhAdayiShyAmi kaunteya mAyayAtmAnamAtmanA .. 25..\\
yudhiShThirasya gehe.asmi draupadyAH parichArikA . 
uShitAsmIti vakShyAmi pR^iShTo rAGYA cha bhArata .. 26..\\
etena vidhinA chhannaH kR^itakena yathA nalaH . 
vihariShyAmi rAjendra virATa bhavane sukham .. 27..\\
\medskip\hrule\medskip\centerline{\Largedvng 3}
 vai

ki.n tvaM nakula kurvANastatra tAta chariShyasi . 
sukumArashcha shUrashcha darshanIyaH sukhochitaH .. 1..\\
ashvabandho bhaviShyAmi virATa nR^ipateraham . 
granthiko nAma nAmnAha.n karmaitatsupriyaM mama .. 2..\\
kushalo.asmyashvashikShAyA.n tathaivAshvachikitsite . 
priyAshcha satataM me.ashvAH kururAja yathA tava .. 3..\\
ye mAmAmantrayiShyanti virATanagare janAH . 
tebhya evaM pravakShyAmi vihariShyAmyaha.n yathA .. 4..\\
sahadeva katha.n tasya samIpe vihariShyasi . 
ki.n vA tva.n tAta kurvANaH prachchhanno vichariShyasi .. 5..\\
gosa~NkhyAtA bhaviShyAmi virATasya mahIpateH . 
pratiSheddhA cha dogdhA cha sa~NkhyAne kushalo gavAm .. 6..\\
tantipAla iti khyAto nAmnA viditamastu te . 
nipuNa.n cha chariShyAmi vyetu te mAnaso jvaraH .. 7..\\
aha.n hi bhavatA goShu satataM prakR^itaH purA . 
tatra me kaushala.n karma avabuddha.n vishAM pate .. 8..\\
lakShaNa.n charitaM chApi gavA.n yachchApi ma~Ngalam . 
tatsarvaM me suviditamanyachchApi mahIpate .. 9..\\
vR^iShabhAnapi jAnAmi rAjanpUjita lakShaNAn . 
yeShAM mUtramupAghrAya api vandhyA prasUyate .. 10..\\
so.ahameva.n chariShyAmi prItiratra hi me sadA . 
na cha mA.n vetsyati parastatte rochatu pArthiva .. 11..\\
iya.n tu naH priyA bhAryA prANebhyo.api garIyasI . 
mAteva paripAlyA cha pUjyA jyeShTheva cha svasA .. 12..\\
kena sma karmaNA kR^iShNA draupadI vichariShyati . 
na hi ki.n chidvijAnAti karma kartu.n yathA striyaH .. 13..\\
sukumArI cha bAlA cha rAjaputrI yashasvinI . 
pativratA mahAbhAgA kathaM nu vichariShyati .. 14..\\
mAlyagandhAnala~NkArAnvastrANi vividhAni cha . 
etAnyevAbhijAnAti yato jAtA hi bhAminI .. 15..\\
sairandhryo.arakShitA loke bhujiShyAH santi bhArata . 
naivamanyAH striyo yAnti iti lokasya nishchayaH .. 16..\\
sAhaM bruvANA sairandhrI kushalA keshakarmaNi . 
AtmaguptA chariShyAmi yanmA.n tvamanupR^ichchhasi .. 17..\\
sudeShNAM pratyupasthAsye rAjabhAryA.n yashasvinIm . 
sA rakShiShyati mAM prAptAM mA te bhUdduHkhamIdR^isham .. 18..\\

 y

kalyANaM bhAShase kR^iShNe kule jAtA yathA vadet . 
na pApamabhijAnAsi sAdhu sAdhvI vrate sthitA .. 19..\\
\medskip\hrule\medskip\centerline{\Largedvng 4}
 y

karmANyuktAni yuShmAbhiryAni tAni kariShyatha . 
mama chApi yathAbuddhiruchitAni vinishchayAt .. 1..\\
purohito.ayamasmAkamagnihotrANi rakShatu . 
sUdapaurogavaiH sArdha.n drupadasya niveshane .. 2..\\
indrasena mukhAshcheme rathAnAdAya kevalAn . 
yAntu dvAravatI.n shIghramiti me vartate matiH .. 3..\\
imAshcha nAryo draupadyAH sarvashaH parichArikAH . 
pA~nchAlAneva gachchhantu sUdapaurogavaiH saha .. 4..\\
sarvairapi cha vaktavyaM na praGYAyanta pANDavAH . 
gatA hyasmAnapAkIrya sarve dvaitavanAditi .. 5..\\
vidite chApi vaktavya.n suhR^idbhiranurAgataH . 
ato.ahamapi vakShyAmi hetumAtraM nibodhata .. 6..\\
hantemA.n rAjavasatiM rAjaputrA bravImi vaH . 
yathA rAjakulaM prApya charanpreShyo na riShyati .. 7..\\
durvasa.n tveva kauravyA jAnatA rAjaveshmani . 
amAnitaiH sumAnArhA aGYAtaiH parivatsaram .. 8..\\
diShTa dvAro labheddvAraM na cha rAjasu vishvaset . 
tadevAsanamanvichchhedyatra nAbhiShajetparaH .. 9..\\
nAsya yAnaM na parya~NkaM na pIThaM na jaga.n ratham . 
ArohetsaMmato.asmIti sa rAjavasati.n vaset .. 10..\\
atha yatrainamAsIna.n sha~NkeranduShTachAriNaH . 
na tatropavishejjAtu sa rAjavasati.n vaset .. 11..\\
na chAnushiShyedrAjAnamapR^ichchhanta.n kadA chana . 
tUShNI.n tvenamupAsIta kAle samabhipUjayan .. 12..\\
asUyanti hi rAjAno janAnanR^itavAdinaH . 
tathaiva chAvamanyante mantriNa.n vAdinaM mR^iShA .. 13..\\
naiShA.n dAreShu kurvIta maitrIM prAGYaH kathaM chana . 
antaHpura charA ye cha dveShTi yAnahitAsh cha ye .. 14..\\
vidite chAsya kurvIta karyANi sulaghUnyapi . 
eva.n vicharato rAGYo na kShatirjAyate kva chit .. 15..\\
yatnAchchopacharedenamagnivaddevavachcha ha . 
anR^itenopachIrNo hi hi.nsyAdenamasaMshayam .. 16..\\
yachcha bhartAnuyu~njIta tadevAbhyanuvartayet . 
pramAdamavalehA.n cha kopaM cha parivarjayet .. 17..\\
samarthanAsu sarvAsu hita.n cha priyameva cha . 
sa.nvarNayettadevAsya priyAdapi hita.n vadet .. 18..\\
anukUlo bhavechchAsya sarvArtheShu kathAsu cha . 
apriya.n chAhita.n yatsyAttadasmai nAnuvarNayet .. 19..\\
nAhamasya priyo.asmIti matvA seveta paNDitaH . 
apramattashcha yattashcha hita.n kuryAtpriyaM cha yat .. 20..\\
nAsyAniShTAni seveta nAhitaiH saha sa.nvaset . 
svasthAnAnna vikampeta sa rAjavasati.n vaset .. 21..\\
dakShiNa.n vAtha vAmaM vA pArshvamAsIta paNDitaH . 
rakShiNA.n hyAttashastrANAM sthAnaM pashchAdvidhIyate . 
nitya.n vipratiShiddha.n tu purastAdAsanaM mahat .. 22..\\
na cha sandarshane ki.n chitpravR^iddhamapi sa~njapet . 
api hyetaddaridrANA.n vyalIka sthAnamuttamam .. 23..\\
na mR^iShAbhihita.n rAGYo manuShyeShu prakAshayet . 
ya.n chAsUyanti rAjAnaH puruShaM na vadechcha tam .. 24..\\
shUro.asmIti na dR^iptaH syAdbuddhimAniti vA punaH . 
priyamevAcharanrAGYaH priyo bhavati bhogavAn .. 25..\\
aishvaryaM prApya duShprApaM priyaM prApya cha rAjataH . 
apramatto bhavedrAGYaH priyeShu cha hiteShu cha .. 26..\\
yasya kopo mahAbAdhaH prasAdashcha mahAphalaH . 
kastasya manasApIchchhedanarthaM prAGYasaMmataH .. 27..\\
na chauShThau nirbhujejjAtu na cha vAkya.n samAkShipet . 
sadA kShuta.n cha vAtaM cha ShThIvanaM chAcharechchhanaiH .. 28..\\
hAsyavastuShu chApyasya vartamAneShu keShu chit . 
nAtigADhaM prahR^iShyeta na chApyunmattavaddhaset .. 29..\\
na chAtidhairyeNa charedgurutA.n hi vrajettathA . 
smita.n tu mR^idupUrveNa darshayeta prasAdajam .. 30..\\
lAbhe na harShayedyastu na vyathedyo.avamAnitaH . 
asaMmUDhashcha yo nitya.n sa rAjavasatiM vaset .. 31..\\
rAjAna.n rAjaputraM vA sa.nvartayati yaH sadA . 
amAtyaH paNDito bhUtvA sa chira.n tiShThati shriyam .. 32..\\
pragR^ihItashcha yo.amAtyo nigR^ihItashcha kAraNaiH . 
na nirbadhnAti rAjAna.n labhate pragrahaM punaH .. 33..\\
pratyakSha.n cha parokShaM cha guNavAdI vichakShaNaH . 
upajIvI bhavedrAGYo viShaye chApi yo vaset .. 34..\\
amAtyo hi balAdbhoktu.n rAjAnaM prArthayettu yaH . 
na sa tiShThechchira.n sthAna.n gachchhechcha prANasaMshayam .. 35..\\
shreyaH sadAtmano dR^iShTvA para.n rAGYA na sa.nvadet . 
visheShayenna rAjAna.n yogyA bhUmiShu sarvadA .. 36..\\
amlAno balavA~nshUrashchhAyevAnapagaH sadA . 
satyavAdI mR^idurdAntaH sa rAjavasati.n vaset .. 37..\\
anyasminpreShyamANe tu purastAdyaH samutpatet . 
aha.n kiM karavANIti sa rAjavasati.n vaset .. 38..\\
uShNe vA yadi vA shIte rAtrau vA yadi vA divA . 
AdiShTo na vikalpeta sa rAjavasati.n vaset .. 39..\\
yo vai gR^ihebhyaH pravasanpriyANAM nAnusa.nsmaret . 
duHkhena sukhamanvichchhetsa rAjavasati.n vaset .. 40..\\
samaveShaM na kurvIta nAtyuchchaiH saMnidhau haset . 
mantraM na bahudhA kuryAdeva.n rAGYaH priyo bhavet .. 41..\\
na karmaNi niyuktaH sandhana.n kiM chidupaspR^ishet . 
prApnoti hi harandravyaM bandhana.n yadi vA vadham .. 42..\\
yAna.n vastramala~NkAraM yachchAnyatsamprayachchhati . 
tadeva dhArayennityamevaM priyataro bhavet .. 43..\\
sa.nvatsaramima.n tAta tathA shIlA bubhUShavaH . 
atha svaviShayaM prApya yathAkAma.n chariShyatha .. 44..\\
anushiShTAH sma bhadra.n te naitadvaktAsti kash chana . 
kuntImR^ite mAtaraM no vidura.n cha mahAmatim .. 45..\\
yadevAnantara.n kAryaM tadbhavAnkartumarhati . 
tAraNAyAsya duHkhasya prasthAnAya jayAya cha .. 46..\\

 vai

evamuktastato rAGYA dhaumyo.atha dvijasattamaH . 
akarodvidhivatsarvaM prasthAne yadvidhIyate .. 47..\\
teShA.n samidhya tAnagnInmantravachcha juhAva saH . 
samR^iddhi vR^iddhilAbhAya pR^ithivI vijayAya cha .. 48..\\
agniM pradakShiNa.n kR^itvA brAhmaNAMshcha tapodhanAn . 
yAGYasenIM puraskR^itya ShaDevAtha pravavrajuH .. 49..\\
\medskip\hrule\medskip\centerline{\Largedvng 5}
 vai

te vIrA baddhanistriMshAstatAyudha kalApinaH . 
baddhagodhA~Nguli trANAH kAlindImabhito yayuH .. 1..\\
tataste dakShiNa.n tIramanvagachchhanpadAtayaH . 
vasanto giridurgeShu vanadurgeShu dhanvinaH .. 2..\\
vidhyanto mR^igajAtAni maheShvAsA mahAbalAH . 
uttareNa dashArNA.nste pA~nchAlAndakShiNena tu .. 3..\\
antareNa yakR^illomA~nshUrasenAMshcha pANDavAH . 
lubdhA bruvANA matsyasya viShayaM prAvishanvanAt .. 4..\\
tato janapadaM prApya kR^iShNA rAjAnamabravIt . 
pashyaikapadyo dR^ishyante kShetrANi vividhAni cha .. 5..\\
vyakta.n dUre virATasya rAjadhAnI bhaviShyati . 
vasAmeha parA.n rAtriM balavAnme parishramaH .. 6..\\
dhana~njaya samudyamya pA~nchAlI.n vaha bhArata . 
rAjadhAnyAM nivatsyAmo vimuktAshcha vanAditaH .. 7..\\
tAmAdAyArjunastUrNa.n draupadIM gajarAD iva . 
samprApya nagarAbhyAshamavatArayadarjunaH .. 8..\\
sa rAjadhAnI.n samprApya kaunteyo.arjunamabravIt . 
kvAyudhAni samAsajya praveshyAmaH pura.n vayam .. 9..\\
sAyudhAshcha vaya.n tAta pravekShyAmaH pura.n yati . 
samudvega.n janasyAsya kariShyAmo na saMshayaH .. 10..\\
tato dvAdasha varShANi praveShTavya.n vanaM punaH . 
ekasminnapi viGYAte pratiGYAta.n hi nastathA .. 11..\\
iya.n kUTe manuShyendra gahahA mahatI shamI . 
bhIma shAkhA durArohA shmashAnasya samIpataH .. 12..\\
na chApi vidyate kashchinmanuShya iha pArthiva . 
utpathe hi vane jAtA mR^igavyAlaniShevite .. 13..\\
samAsajyAyudhAnyasyA.n gachchhAmo nagaraM prati . 
evamatra yathAjoSha.n vihariShyAma bhArata .. 14..\\
evamuktvA sa rAjAna.n dharmAtmAna.n yudhiShThiram . 
prachakrame nidhAnAya shastrANAM bharatarShabha .. 15..\\
yena devAnmanuShyAMshcha sarpAMsh chaikaratho.ajayat . 
sphItA~njanapadAMshchAnyAnajayatkurunandanaH .. 16..\\
tadudAraM mahAghoSha.n sapatnagaNasUdanam . 
apajyamakarotpArtho gANDIvamabhaya~Nkaram .. 17..\\
yena vIraH kurukShetramabhyarakShatparantapaH . 
amu~nchaddhanurastasya jyAmakShayyA.n yudhiShThiraH .. 18..\\
pA~nchAlAnyena sa~NgrAme bhImaseno.ajayatprabhuH . 
pratyaShedhadbahUnekaH sapatnAMsh chaiva digjaye .. 19..\\
nishamya yasya visphAra.n vyadravanta raNe pare . 
parvatasyeva dIrNasya visphoTamashaneriva .. 20..\\
saindhava.n yena rAjAnaM parAmR^iShata chAnagha . 
jyA pAsha.n dhanurastasya bhImaseno.avatArayat .. 21..\\
ajayatpashchimAmAshA.n dhanuShA yena pANDavaH . 
tasya maurvImapAkarShachchhUraH sa~Nkrandano yudhi .. 22..\\
dakShiNA.n dakShiNAchAro disha.n yenAjayatprabhuH . 
apajyamakarodvIraH sahadevastadAyudham .. 23..\\
khaDgAMshcha pItAndIrghAMshcha kalApAMshcha mahAdhanAn . 
vipAThAnkShura dhArAMshcha dhanurbhirnidadhuH saha .. 24..\\
tAmupAruhya nakulo dhanUMShi nidadhatsvayam . 
yAni tasyAvakAshAni dR^iDharUpANyamanyata .. 25..\\
yatra chApashyata sa vai tiro varShANi varShati . 
tatra tAni dR^iDhaiH pAshaiH sugADhaM paryabandhata .. 26..\\
sharIra.n cha mR^itasyaika.n samabadhnanta pANDavAH . 
vivarjayiShyanti narA dUrAdeva.n shamImimAm . 
Abaddha.n shavamatreti gandhamAghrAya pUtikam .. 27..\\
ashItishata varSheyaM mAtA na iti vAdinaH . 
kuladharmo.ayamasmAkaM pUrvairAcharito.api cha . 
samAsajAnA vR^ikShe.asminniti vai vyAharanti te .. 28..\\
A gopAlAvi pAlebhya AchakShANAH parantapAH . 
AjagmurnagarAbhyAshaM pArthAH shatrunibarhaNAH .. 29..\\
jayo jayanto vijayo jayatseno jayadbalaH . 
iti guhyAni nAmAni chakre teShA.n yudhiShThiraH .. 30..\\
tato yathApratiGYAbhiH prAvishannagaraM mahat . 
aGYAtacharyA.n vatsyanto rAShTraM varSha.n trayodasham .. 31..\\
\medskip\hrule\medskip\centerline{\Largedvng 6}
 vai

tato virATaM prathama.n yudhiShThiro 
rAjA sabhAyAmupaviShTumAvrajat . 
vaiDUrya rUpAnpratimuchya kA~nchanAn 
akShAnsa kakShe parigR^ihya vAsasA .. 1..\\
narAdhipo rAShTrapati.n yashasvinaM 
mahAyashAH kaurava vaMshavardhanaH . 
mahAnubhAvo nararAja satkR^ito 
durAsadastIkShNaviSho yathoragaH .. 2..\\
bAlena rUpeNa nararShabho mahAn 
athArchi rUpeNa yathAmarastathA . 
mahAbhrajAlairiva sa.nvR^ito ravir 
yathAnalo bhasma vR^itashcha vIryavAn .. 3..\\
tamApatantaM prasamIkShya pANDavaM 
virATa rADindumivAbhrasa.nvR^itam . 
mantridvijAnsUta mukhAnvishastathA 
ye chApi ke chitpariShatsamAsate . 
paprachchha ko.ayaM prathama.n sameyivAn 
anena yo.ayaM prasamIkShate sabhAm .. 4..\\
na tu dvijo.ayaM bhavitA narottamaH 
patiH pR^ithivyA iti me manogatam . 
na chAsya dAso na ratho na kuNDale 
samIpato bhrAjati chAyamindravat .. 5..\\
sharIrali~NgairupasUchito hyayaM 
mUrdhAbhiShikto.ayamitIva mAnasam . 
samIpamAyAti cha me gatavyatho 
yathA gajastAmarasIM madotkaTaH .. 6..\\
vitarkayanta.n tu nararShabhastadA 
yidhiShThiro.abhyetya virATamabravIt . 
samrADvijAnAtviha jIvitArthinaM 
vinaShTa sarvasvamupAgata.n dvijam .. 7..\\
ihAhamichchhAmi tavAnaghAntike 
vastu.n yathA kAmacharastathA vibho . 
tamabravItsvAgatamityanantaraM 
rAjA prahR^iShTaH pratisa~NgR^ihANa cha .. 8..\\
kAmena tAtAbhivadAmyaha.n tvAM 
kasyAsi rAGYo viShayAdihAgataH . 
gotra.n cha nAmApi cha sha.nsa tattvataH 
ki.n chApi shilpaM tava vidyate kR^itam .. 9..\\
yudhiShThirasyAsamahaM purA sakhA 
vaiyAghrapadyaH punarasmi brAhmaNaH . 
akShAnpravaptu.n kushalo.asmi devitA 
ka~Nketi nAmnAsmi virATa vishrutaH .. 10..\\
dadAmi te hanta vara.n yamichchhasi 
prashAdhi matsyAnvashago hyaha.n tava . 
priyA hi dhUrtA mama devinaH sadA 
bhavAMshcha devopama rAjyamarhati .. 11..\\
Apto vivAdaH paramo vishAM pate 
na vidyate ki.n chana matsyahInataH . 
na me jitaH kashchana dhArayeddhanaM 
varo mamaiSho.astu tava prasAdataH .. 12..\\
hanyAmavadhya.n yadi te.apriya.n charet 
pravrAjayeya.n viShayAddvijA.nstathA . 
shR^iNvantu me jAnapadAH samAgatAH 
ka~Nko yathAha.n viShaye prabhustathA .. 13..\\
samAnayAno bhavitAsi me sakhA 
prabhUtavastro bahu pAnabhojanaH . 
pashyestvamantashcha bahishcha sarvadA 
kR^ita.n cha te dvAramapAvR^itaM mayA .. 14..\\
ye tvAnuvAdeyuravR^itti karshitA 
brUyAshcha teShA.n vachanena me sadA . 
dAsyAmi sarva.n tadahaM na saMshayo 
na te bhaya.n vidyati saMnidhau mama .. 15..\\
eva.n sa labdhvA tu varaM samAgamaM 
virATa rAjena nararShabhastadA . 
uvAsa vIraH paramArchitaH sukhI 
na chApi kashchichcharitaM bubodha tat .. 16..\\
\medskip\hrule\medskip\centerline{\Largedvng 7}
 vai

athAparo bhImabalaH shriyA jvalann 
upAyayau si.nhavilAsa vikramaH . 
khaja.n cha darvIM cha kareNa dhArayann 
asi.n cha kAlA~NgamakoshamavraNam .. 1..\\
sa sUdarUpaH parameNa varchasA 
raviryathA lokamimaM prabhAsayan . 
sukR^iShNa vAsA girirAjasAravAn 
sa matsyarAja.n samupetya tasthivAn .. 2..\\
taM prekShya rAjA varayannupAgataM 
tato.abravIjjAnapadAnsamAgatAn . 
si.nhonnatA.nso.ayamatIva rUpavAn 
pradR^ishyate ko nu nararShabho yuvA .. 3..\\
adR^iShTapUrvaH puruSho raviryathA 
vitarkayannAsya labhAmi sampadam . 
tathAsya chitta.n hyapi sa.nvitarkayan 
nararShabhasyAdya na yAmi tattvataH .. 4..\\
tato virATa.n samupetya pANDavaH 
sudInarUpo vachanaM mahAmanAH . 
uvAcha sUdo.asmi narendra ballavo 
bhajasva mA.n vya~njana kAramuttamam .. 5..\\
na sUdatAM mAnada shraddadhAmi te 
sahasranetra pratimo hi dR^ishyase . 
shriyA cha rUpeNa cha vikrameNa cha 
prabhAsi tAtAnavaro nareShviha .. 6..\\
narendra sUdaH parichArako.asmi te 
jAnAmi sUpAnprathamena kevalAn . 
AsvAditA ye nR^ipate purAbhavan 
yudhiShThireNApi nR^ipeNa sarvashaH .. 7..\\
balena tulyashcha na vidyate mayA 
niyuddha shIlashcha sadaiva pArthiva . 
gajaishcha si.nhaishcha sameyivAnahaM 
sadA kariShyAmi tavAnagha priyam .. 8..\\
dadAmi te hanta varaM mahAnase 
tathA cha kuryAH kushala.n hi bhAShase . 
na chaiva manye tava karma tatsamaM 
samudranemiM pR^ithivI.n tvamarhasi .. 9..\\
yathA hi kAmastava tattathA kR^itaM 
mahAnase tvaM bhava me puraskR^itaH . 
narAshcha ye tatra mamochitAH purA 
bhavasva teShAmadhipo mayA kR^itaH .. 10..\\
tathA sa bhImo vihito mahAnase 
virATa rAGYo dayito.abhavaddR^iDham . 
uvAsa rAjanna cha taM pR^ithagjano 
bubodha tatrAnucharashcha kash chana .. 11..\\
\medskip\hrule\medskip\centerline{\Largedvng 8}
 vai

tataH keshAnsamutkShipya vellitAgrAnaninditAn . 
jugUha dakShiNe pArshve mR^idUnasitalochanA .. 1..\\
vAsashcha paridhAyaika.n kR^iShNa.n sumalinaM mahat . 
kR^itvA veSha.n cha sairandhryAH kR^iShNA vyacharadArtavat .. 2..\\
tAM narAH paridhAvantI.n striyashcha samupAdravan . 
apR^ichchhaMshchaiva tA.n dR^iShTvA kA tvaM kiM cha chikIrShasi .. 3..\\
sA tAnuvAcha rAjendra sairandhryahamupAgatA . 
karma chechchhAmi vai kartu.n tasya yo mAM pupukShati .. 4..\\
tasyA rUpeNa veSheNa shlakShNayA cha tathA girA . 
nAshraddadhata tA.n dAsImannahetorupasthitAm .. 5..\\
virATasya tu kaikeyI bhAryA paramasaMmatA . 
avalokayantI dadR^ishe prAsAdAddrupadAtmajAm .. 6..\\
sA samIkShya tathArUpAmanAthAmekavAsasam . 
samAhUyAbravIdbhadre kA tva.n kiM cha chikIrShasi .. 7..\\
sA tAmuvAcha rAjendra sairandhryahamupAgatA . 
karma chechchhAmyaha.n kartuM tasya yo mAM pupukShati .. 8..\\

 sudesnaa

naiva.nrUpA bhavantyeva.n yathA vadasi bhAmini . 
preShayanti cha vai dAsIrdAsAMshchaiva.n vidhAnbahUn .. 9..\\
gUDhagulphA sa.nhatorustrigambhIrA ShaDunnatA . 
raktA pa~nchasu rakteShu ha.nsagadgada bhAShiNI .. 10..\\
sukeshI sustanI shyAmA pInashroNipayodharA . 
tena tenaiva sampannA kAshmIrIva tura~NgamA .. 11..\\
svarAla pakShmanayanA bimbauShThI tanumadhyamA . 
kambugrIvA gUDhasirA pUrNachandranibhAnanA .. 12..\\
kA tvaM brUhi yathA bhadre nAsi dAsI katha.n chana . 
yakShI vA yadi vA devI gandharvI yadi vApsarAH .. 13..\\
alambusA mishrakeshI puNDarIkAtha mAlinI . 
indrANI vAruNI vA tva.n tvaShTurdhAtuH prajApateH . 
devyo deveShu vikhyAtAstAsA.n tvaM katamA shubhe .. 14..\\

 drau

nAsmi devI na gandharvI nAsurI na cha rAkShasI . 
sairandhrI tu bhujiShyAsmi satyametadbravImi te .. 15..\\
keshA~njAnAmyaha.n kartuM piMShe sAdhu vilepanam . 
grathayiShye vichitrAshcha srajaH paramashobhanAH .. 16..\\
ArAdhaya.n satyabhAmA.n kR^iShNasya mahiShIM priyAm . 
kR^iShNA.n cha bhAryAM pANDUnAM kurUNAmekasundarIm .. 17..\\
tatra tatra charAmyeva.n labhamAnA sushobhanam . 
vAsA.nsi yAvachcha labhe tAvattAvadrame tathA .. 18..\\
mAlinItyeva me nAma svaya.n devI chakAra sA . 
sAhamabhyAgatA devi sudeShNe tvanniveshanam .. 19..\\

 sudesnaa

mUrdhni tvA.n vAsayeyaM vai saMshayo me na vidyate . 
no chediha tu rAjA tvA.n gachchhetsarveNa chetasA .. 20..\\
striyo rAjakule pashya yAshchemA mama veshmani . 
prasaktAstvAM nirIkShante pumA.nsa.n kaM na mohayeH .. 21..\\
vR^ikShAMshchAvasthitAnpashya ya ime mama veshmani . 
te.api tvA.n saMnamantIva pumA.nsa.n kaM na mohayeH .. 22..\\
rAjA virATaH sushroNi dR^iShTvA vapuramAnuSham . 
vihAya mA.n varArohe tvA.n gachchhetsarvachetasA .. 23..\\
ya.n hi tvamanavadyA~Ngi naramAyatalochane . 
prasaktamabhivIkShethAH sa kAmavashago bhavet .. 24..\\
yashcha tvA.n satataM pashyetpuruShashchAruhAsini . 
eva.n sarvAnavadyA~Ngi sa chAna~Nga vasho bhavet .. 25..\\
yathA karkaTakI gharbhamAdhatte mR^ityumAtmanaH . 
tathAvidhamahaM manye vAsa.n tava shuchismite .. 26..\\

 drau

nAsmi labhyA virATena nachAnyena katha.n chana . 
gandharvAH patayo mahya.n yuvAnaH pa~ncha bhAmini .. 27..\\
putrA gandharvarAjasya mahAsattvasya kasya chit . 
rakShanti te cha mAM nitya.n duHkhAchArA tathA nvaham .. 28..\\
yo me na dadyAduchchhiShTaM na cha pAdau pradhAvayet . 
prIyeyustena vAsena gandharvAH patayo mama .. 29..\\
yo hi mAM puruSho gR^idhyedyathAnyAH prAkR^itastriyaH . 
tAmeva sa tato rAtriM pravishedaparA.n tanum .. 30..\\
na chApyaha.n chAlayitu.n shakyA kena chida~Ngane . 
dukha shIlA hi gandharvAste cha me balavattarAH .. 31..\\

 sudesnaa

eva.n tvA.n vAsayiShyAmi yathA tvaM nandinIchchhasi . 
na cha pAdau na chochchhiShTa.n sprakShyasi tva.n kathaM chana .. 32..\\

 vai

eva.n kR^iShNA virATasya bhAryayA parisAntvitA . 
na chainA.n veda tatrAnyastattvena janamejaya .. 33..\\
\medskip\hrule\medskip\centerline{\Largedvng 9}
 vai

sahadevo.api gopAnA.n kR^itvA veShamanuttamam . 
bhAShA.n chaiShA.n samAsthAya virATamupayAdatha .. 1..\\
tamAyAntamabhiprekShya bhrAjamAnaM nararShabham . 
samupasthAya vai rAjA paprachchha kurunandanam .. 2..\\
kasya vA tva.n kuto vA tvaM ki.n vA tAta chikIrShasi . 
na hi me dR^iShTapUrvastva.n tattvaM brUhi nararShabha .. 3..\\
sa prApya rAjAnamamitratApanas 
tato.abravInmeghamahaughaniHsvanaH . 
vaishyo.asmi nAmnAhamariShTanemir 
gosa~Nkhya Asa.n kurupu~NgavAnAm .. 4..\\
vastu.n tvayIchchhAmi vishA.n variShTha 
tAnrAjasi.nhAnna hi vedmi pArthAn . 
na shakyate jIvitumanyakarmaNA 
na cha tvadanyo mama rochate nR^ipaH .. 5..\\

 viraata

tvaM brAhmaNo yadi vA kShatriyo.asi 
samudranemIshvara rUpavAnasi . 
AchakShva me tattvamamitrakarshana 
na vaishyakarma tvayi vidyate samam .. 6..\\
kasyAsi rAGYo viShayAdihAgataH 
ki.n chApi shilpaM tava vidyate kR^itam . 
katha.n tvamasmAsu nivatsyase sadA 
vadasva ki.n chApi taveha vetanam .. 7..\\

 saha

pa~nchAnAM pANDuputrANA.n jyeShTho rAjA yudhiShThiraH . 
tasyAShTa shatasAhasrA gavA.n vargAH shataM shatAH .. 8..\\
apare dashasAhasrA dvistAvantastathApare . 
teShA.n gosa~Nkhya Asa.n vai tantipAleti mAM viduH .. 9..\\
bhUtaM bhavyaM bhaviShyachcha yachcha sa~NkhyA gata.n kva chit . 
na me.astyavidita.n kiM chitsamantAddashayojanam .. 10..\\
guNAH suviditA hyAsanmama tasya mahAtmanaH . 
AsIchcha sa mayA tuShTaH kururAjo yudhiShThiraH .. 11..\\
kShipra.n hi gAvo bahulA bhavanti 
na tAsu rogo bhavatIha kash chit . 
taistairupAyairviditaM mayaitad 
etAni shilpAni mayi sthitAni .. 12..\\
vR^iShabhAMshchApi jAnAmi rAjanpUjita lakShaNAn . 
yeShAM mUtramupAghrAya api vandhyA prasUyate .. 13..\\

 viraata

shata.n sahasrANi samAhitAni 
varNasya varNasya vinishchitA guNaiH . 
pashUnsapAlAnbhavate dadAmyahaM 
tvadAshrayA me pashavo bhavantviha .. 14..\\

 vai

tathA sa rAGYo.avidito vishAM pate 
uvAsa tatraiva sukhaM nareshvaraH . 
na chainamanye.api viduH katha.n chana 
prAdAchcha tasmai bharaNa.n yathepsitam .. 15..\\
\medskip\hrule\medskip\centerline{\Largedvng 10}
 vai

athAparo.adR^ishyata rUpasampadA 
strINAmala~NkAradharo bR^ihatpumAn . 
prAkAravapre pratimuchya kuNDale 
dIrghe cha kambU parihATake shubhe .. 1..\\
bahUMshcha dIrghAMshcha vikIrya mUrdhajAn 
mahAbhujo vAraNamattavikramaH . 
gatena bhUmimabhikampaya.nstadA 
virATamAsAdya sabhA samIpataH .. 2..\\
taM prekShya rAjopagata.n sabhA tale 
satra pratichchhannamaripramAthinam . 
virAjamAnaM parameNa varchasA 
sutaM mahendrasya gajendravikramam .. 3..\\
sarvAnapR^ichchhachcha samIpachAriNaH 
kuto.ayamAyAti na me purAshrutaH . 
na chainamUchurvidita.n tadA narAH 
sa vismita.n vAkyamidaM nR^ipo.abravIt .. 4..\\
sarvopapannaH puruSho manoramaH 
shyAmo yuvA vAraNayUthapopamAH . 
vimuchya kambU parihATake 
shubhe vimuchya veNImapinahya kuNDale .. 5..\\
shikhI sukeshaH paridhAya chAnyathA 
bhavasva dhanvI kavachI sharI tathA . 
Aruhya yAnaM paridhAvatAM bhavAn 
sutaiH samo me bhava vA mayA samaH .. 6..\\
vR^iddho hyaha.n vai parihAra kAmaH 
sarvAnmatsyA.nstarasA pAlayasva . 
naiva.nvidhAH klIba rUpA bhavanti 
katha.n chaneti pratibhAti me manaH .. 7..\\

 arjuna

gAyAmi nR^ityAmyatha vAdayAmi 
bhadro.asmi nR^itte kushalo.asmi gIte . 
tvamuttarAyAH paridatsva mA.n svayaM 
bhavAmi devyA naradeva nartakaH .. 8..\\
ida.n tu rUpaM mama yena kiM nu tat 
prakIrtayitvA bhR^ishashokavardhanam . 
bR^ihannaDA.n vai naradeva viddhi mAM 
suta.n sutAM vA pitR^imAtR^ivarjitAm .. 9..\\

 viraata

dadAmi te hanta varaM bR^ihannaDe 
sutA.n cha me nartaya yAshcha tAdR^ishIH . 
ida.n tu te karma samaM na me mataM 
samudranemiM pR^ithivI.n tvamarhasi .. 10..\\

 vai

bR^ihannaDA.n tAmabhivIkShya matsyarAT 
kalAsu nR^itte cha tathaiva vAdite . 
apu.nstvamapyasya nishamya cha sthiraM 
tataH kumArI puramutsasarja tam .. 11..\\
sa shikShayAmAsa cha gItavAditaM 
sutA.n virATasya dhana~njayaH prabhuH . 
sakhIshcha tasyAH parichArikAstathA 
priyashcha tAsA.n sa babhUva pANDavaH .. 12..\\
tathA sa satreNa dhana~njayo.avasat 
priyANi kurvansaha tAbhirAtmavAn . 
tathAgata.n tatra na jaGYire janA 
bahishcharA vApyatha vAntare charAH .. 13..\\
\medskip\hrule\medskip\centerline{\Largedvng 11}
 vai

athAparo.adR^ishyata pANDavaH prabhur 
virATa rAGYasturagAnsamIkShataH . 
tamApatanta.n dadR^ishe pR^ithagjano 
vimuktamabhrAdiva sUryamaNDalam .. 1..\\
sa vai hayAnaikShata tA.nstatastataH 
samIkShamANa.n cha dadarsha matsyarAj . 
tato.abravIttAnanugAnamitrahA 
kuto.ayamAyAti narAmara prabhaH .. 2..\\
aya.n hayAnvIkShati mAmakAndR^iDhaM 
dhruva.n hayaGYo bhavitA vichakShaNaH . 
praveshyatAmeSha samIpamAshu me 
vibhAti vIro hi yathAmarastathA .. 3..\\
abhyetya rAjAnamamitrahAbravIj 
jayo.astu te pArthiva bhadramastu te . 
hayeShu yukto nR^ipa saMmataH sadA 
tavAshvasUto nipuNo bhavAmyaham .. 4..\\

 viraata

dadAmi yAnAni dhanaM niveshanaM 
mamAshvasUto bhavitu.n tvamarhasi . 
kuto.asi kasyAsi katha.n tvamAgataH 
prabrUhi shilpa.n tava vidyate cha yat .. 5..\\

 nakula

pa~nchAnAM pANDuputrANA.n jyeShTho rAjA yudhiShThiraH . 
tenAhamashveShu purA prakR^itaH shatrukarshana .. 6..\\
ashvAnAM prakR^iti.n vedmi vinaya.n chApi sarvashaH . 
duShTAnAM pratipatti.n cha kR^itsnaM chaiva chikitsitam .. 7..\\
na kAtara.n syAnmama jAtu vAhanaM 
na me.asti duShTA vaDavA kuto hayAH . 
janastu mAmAha sa chApi pANDavo 
yudhiShThiro granthikameva nAmataH .. 8..\\

 viraata

yadasti ki.n chinmama vAjivAhanaM 
tadastu sarva.n tvadadhInamadya vai . 
ye chApi ke chinmama vAjiyojakAs 
tvadAshrayAH sArathayash cha santu me .. 9..\\
ida.n taveShTa.n yadi vai suropama 
bravIhi yatte prasamIkShita.n vasu . 
na te.anurUpa.n hayakarma vidyate 
prabhAsi rAjeva hi saMmato mama .. 10..\\
yudhiShThirasyeva hi darshanena me 
sama.n tavedaM priya darsha darshanam . 
katha.n tu bhR^ityaiH sa vinAkR^ito vane 
vasatyanindyo ramate cha pANDavaH .. 11..\\

 vai

tathA sa gandharvavaropamo yuvA 
virATa rAGYA muditena pUjitaH . 
na chainamanye.api viduH katha.n chana 
priyAbhirAma.n vicharantamantarA .. 12..\\
eva.n hi matsye nyavasanta pANDavA 
yathApratiGYAbhiramoghadarshanAH . 
aGYAtacharyA.n vyacharansamAhitAH 
samudranemipatayo.atiduHkhitAH .. 13..\\
\medskip\hrule\medskip\centerline{\Largedvng 12}
 janam

evaM matsyasya nagare vasantastatra pANDavAH . 
ata UrdhvaM mahAvIryAH kimakurvanta vai dvija .. 1..\\

 vai

eva.n te nyavasa.nstatra prachchhannAH kurunandanAH . 
ArAdhayanto rAjAna.n yadakurvanta tachchhR^iNu .. 2..\\
yudhiShThiraH sabhAstAraH sabhyAnAmabhavatpriyaH . 
tathaiva cha virATasya saputrasya vishAM pate .. 3..\\
sa hyakShahR^idayaGYastAnkrIDayAmAsa pANDavaH . 
akShavatyA.n yathAkAmaM sUtrabaddhAniva dvijAn .. 4..\\
aGYAta.n cha virATasya vijitya vasu dharmarAj . 
bhrAtR^ibhyaH puruShavyAghro yathArha.n sma prayachchhati .. 5..\\
bhImaseno.api mA.nsAni bhakShyANi vividhAni cha . 
ati sR^iShTAni matsyena vikrINAti yudhiShThire .. 6..\\
vAsA.nsi parijIrNAni labdhAnyantaHpure.arjunaH . 
vikrINAnashcha sarvebhyaH pANDavebhyaH prayachchhati .. 7..\\
sahadevo.api gopAnA.n veShamAsthAya pANDavaH . 
dadhi kShIra.n ghR^itaM chaiva pANDavebhyaH prayachchhati .. 8..\\
nakulo.api dhana.n labdhvA kR^ite karmaNi vAjinAm . 
tuShTe tasminnarapatau pANDavebhyaH prayachchhati .. 9..\\
kR^iShNApi sarvAnbhrAtR^I.nstAnnirIkShantI tapasvinI . 
yathA punaraviGYAtA tathA charati bhAminI .. 10..\\
eva.n sampAdayantaste tathAnyonyaM mahArathAH . 
prekShamANAstadA kR^iShNAmUShushchhannA narAdhipa .. 11..\\
atha mAse chaturthe tu brahmaNaH sumahotsavaH . 
AsItsamR^iddho matsyeShu puruShANA.n susaMmataH .. 12..\\
tatra mallAH samApeturdigbhyo rAjansahasrashaH . 
mahAkAyA mahAvIryAH kAlakha~njA ivAsurAH .. 13..\\
vIryonnaddhA balodagrA rAGYA samabhipUjitAH . 
sinha skandhakaTi grIvAH svavadAtA manasvinaH . 
asakR^illabdhalakShAste ra~Nge pArthiva saMnidhau .. 14..\\
teShAmeko mahAnAsItsarvamallAnsamAhvayat . 
AvalgamAna.n ta.n ra~Nge nopatiShThati kash chana .. 15..\\
yadA sarve vimanasaste mallA hatachetasaH . 
atha sUdena taM malla.n yodhayAmAsa matsyarAj .. 16..\\
chodyamAnastato bhImo duHkhenaivAkaronmatim . 
na hi shaknoti vivR^ite pratyAkhyAtuM narAdhipam .. 17..\\
tataH sa puruShavyAghraH shArdUlashithila.n charan . 
pravivesha mahAra~Nga.n virATamabhiharShayan .. 18..\\
babandha kakShyA.n kaunteyastatasta.n harShaya~n janam . 
tatasta.n vR^itra sa~NkAshaM bhImo mallaM samAhvayat .. 19..\\
tAvubhau sumahotsAhAvubhau tIvraparAkramau . 
mattAviva mahAkAyau vAraNau ShaShTihAyanau .. 20..\\
chakarSha dorbhyAmutpATya bhImo mallamamitrahA . 
vinadantamabhikrosha~nshArdUla iva vAraNam .. 21..\\
tamudyamya mahAbAhurbhrAmayAmAsa vIryavAn . 
tato mallAshcha matsyAshcha vismaya.n chakrire param .. 22..\\
bhrAmayitvA shataguNa.n gatasattvamachetanam . 
pratyApiMShanmahAbAhurmallaM bhuvi vR^ikodaraH .. 23..\\
tasminvinihate malle jImUte lokavishrute . 
virATaH parama.n harShamagachchhadbAndhavaiH saha .. 24..\\
sa.nharShAtpradadau vittaM bahu rAjA mahAmanaH . 
ballavAya mahAra~Nge yathA vaishravaNastathA .. 25..\\
eva.n sa subahUnmallAnpuruShAMshcha mahAbalAn . 
vinighnanmatsyarAjasya prItimAvahaduttamAm .. 26..\\
yadAsya tulyaH puruSho na kash chittatra vidyate . 
tato vyAghraishcha si.nhaishcha dviradaishchApyayodhayat .. 27..\\
punarantaHpura gataH strINAM madhye vR^ikodaraH . 
yodhyate sma virATeNa si.nhairmattairmahAbalaiH .. 28..\\
bIbhatsurapi gItena sunR^ittena cha pANDavaH . 
virATa.n toShayAmAsa sarvAshchAntaHpura striyaH .. 29..\\
ashvairvinItairjavanaistatra tatra samAgataiH . 
toShayAmAsa nakulo rAjAna.n rAjasattama .. 30..\\
tasmai pradeyaM prAyachchhatprIto rAjA dhanaM bahu . 
vinItAnvR^iShabhAndR^iShTvA sahadevasya chAbhibho .. 31..\\
eva.n te nyavasa.nstatra prachchhannAH puruSharShabhAH . 
karmANi tasya kurvANA virATa nR^ipatestadA .. 32..\\
\medskip\hrule\medskip\centerline{\Largedvng 13}
 vai

vasamAneShu pArtheShu matsyasya nagare tadA . 
mahAratheShu chhanneShu mAsA dashasamatyayuH .. 1..\\
yAGYasenI sudeShNA.n tu shushrUShantI vishAM pate . 
avasatparichArArhA suduHkha.n janamejaya .. 2..\\
tathA charantIM pA~nchAlI.n sudeShNAyA niveshane . 
senApatirvirATasya dadarsha jalajAnanAm .. 3..\\
tA.n dR^iShTvA devagarbhAbhAM charantIM devatAm iva . 
kIchakaH kAmayAmAsa kAmabANaprapIDitaH .. 4..\\
sa tu kAmAgnisantaptaH sudeShNAm abhigamya vai . 
prahasanniva senA nIrida.n vachanamabravIt .. 5..\\
neyaM purA jAtu mayeha dR^iShTA 
rAGYo virATasya niveshane shubhA . 
rUpeNa chonmAdayatIva mAM bhR^ishaM 
gandhena jAtA madireva bhAminI .. 6..\\
kA devarUpA hR^idaya~NgamA shubhe 
AchakShva me kA cha kutashcha shobhanA . 
chitta.n hi nirmathya karoti mAM vashe 
na chAnyadatrauShadhamadya me matam .. 7..\\
aho taveyaM parichArikA shubhA 
pratyagra rUpA pratibhAti mAm iyam . 
ayuktarUpa.n hi karoti karma te 
prashAstu mA.n yachcha mamAsti ki.n chana .. 8..\\
prabhUtanAgAshvarathaM mahAdhanaM 
samR^iddhi yuktaM bahu pAnabhojanam . 
manohara.n kA~nchanachitrabhUShaNaM 
gR^ihaM mahachchhobhayatAmiyaM mama .. 9..\\
tataH sudeShNAmanumantrya kIchakas 
tataH samabhetya narAdhipAtma jAm . 
uvAcha kR^iShNAmabhisAntvaya.nstadA 
mR^igendra kanyAm iva jambuko vane .. 10..\\
ida.n cha rUpaM prathamaM cha te vayo 
nirarthaka.n kevalamadya bhAmini . 
adhAryamANA sragivottamA yathA 
na shobhase sundari shobhanA satI .. 11..\\
tyajAmi dArAnmama ye purAtanA 
bhavantu dAsyastava chAruhAsini . 
aha.n cha te sundari dAsavatsthitaH 
sadA bhaviShye vashagovarAnane .. 12..\\

 drau

aprArthanIyAmiha mA.n sUtaputrAbhimanyase . 
vihInavarNA.n sairandhrIM bIbhatsA.n keshakArikAm .. 13..\\
paradArAsmi bhadra.n te na yuktaM tvayi sAmpratam . 
dayitAH prANinA.n dArA dharma.n samanuchintaya .. 14..\\
parapAre na te buddhirjAtu kAryA katha.n chana . 
vivarjana.n hyakAryANAmetatsatpuruShavratam .. 15..\\
mithyAbhigR^idhno hi naraH pApAtmA mohamAsthitaH . 
ayashaH prApnuyAdghora.n sumahatprApnuyAdbhayam .. 16..\\
mA sUtaputra hR^iShyasva mAdya tyakShyasi jIvitam . 
durlabhAmabhimanvAno mA.n vIrairabhirakShitAm .. 17..\\
na chApyaha.n tvayA shakyA gandharvAH patayo mama . 
te tvAM nihanyuH kupitAH sAdhvalaM mA vyanInashaH .. 18..\\
ashakyarUpaiH puruShairadhvAna.n gantumichchhasi . 
yathA nishchetano bAlaH kUlasthaH kUlamuttaram . 
tartumichchhati mandAtmA tathA tva.n kartumichchhasi .. 19..\\
antarmahI.n vA yadi vordhvamutpateH 
samudrapAra.n yadi vA pradhAvasi . 
tathApi teShAM na vimokShamarhasi 
pramAthino deva sutA hi me varAH .. 20..\\
tva.n kAlarAtrImiva kashchidAturaH 
kiM mA.n dR^iDha.n rArthayase.adya kIchaka . 
kiM mAtura~Nke shayito yathA shishush 
chandra.n jighR^ikShuriva manyase hi mAm .. 21..\\
\medskip\hrule\medskip\centerline{\Largedvng 14}
 vai

pratyAkhyAto rAjaputryA sudeShNA.n kIchako.abravIt . 
amaryAdena kAmena ghoreNAbhipariplutaH .. 1..\\
yathA kaikeyi sairandhryA sameyA.n tadvidhIyatAm . 
tA.n sudeShNe parIpsasva mAhaM prANAnprahAsisham .. 2..\\
tasya tAM bahushaH shrutvA vAcha.n vilapatastadA . 
virATa mahiShI devI kR^ipA.n chakre manasvinI .. 3..\\
svamarthamabhisandhAya tasyArthamanuchintya cha . 
udvega.n chaiva kR^iShNAyAH sudeShNA sUtamabravIt .. 4..\\
parviNI.n tva.n samuddiShya surAmannaM cha kAraya . 
tatrainAM preShayiShyAmi surA hArI.n tavAntikam .. 5..\\
tatra sampreShitAmenA.n vijane niravagrahAm . 
sAntvayethA yathAkAma.n sAntvyamAnA ramedyadi .. 6..\\
kIchakastu gR^iha.n gatvA bhaginyA vachanAttadA . 
surAmAhArayAmAsa rAjArhA.n suparisrutAm .. 7..\\
Ajaurabhra.n cha subhR^ishaM bahUMshchochchAvachAnmR^igAn . 
kArayAmAsa kushalairannapAna.n sushobhanam .. 8..\\
tasminkR^ite tadA devI kIchakenopamantritA . 
sudeShNA preShayAmAsa sairandhrI.n kIchakAlayam .. 9..\\

 sudesnaa

uttiShTha gachchha sairandhirkIchakasya niveshanam . 
pAnamAnaya kalyANi pipAsA mAM prabAdhate .. 10..\\

 drau

na gachchheyamaha.n tasya rAjaputri niveshanam . 
tvameva rAGYi jAnAsi yathA sa nirapatrapaH .. 11..\\
na chAhamanavadyA~Ngi tava veshmani bhAmini . 
kAmavR^ittA bhaviShyAmi patInA.n vyabhichAriNI .. 12..\\
tva.n chaiva devi jAnAsi yathA sa samayaH kR^itaH . 
pravishantyA mayA pUrva.n tava veshmani bhAmini .. 13..\\
kIchakashcha sukeshAnte mUDho madanadarpitaH . 
so.avama.nsyati mA.n dR^iShTvA na yAsye tatra shobhane .. 14..\\
santi bahvyastava preShyA rAjaputri vashAnugAH . 
anyAM preShaya bhadra.n te sa hi mAmavama.nsyate .. 15..\\

 sudesnaa

naiva tvA.n jAtu hi.nsyAtsa itaH sampreShitAM mayA .. 16..\\

 vai

ityasyAH pradadau kA.nsya.n sa pidhAnaM hiraNmayam . 
sA sha~NkamAnA rudatI daiva.n sharaNamIyuShI . 
prAtiShThata surA hArI kIchakasya niveshanam .. 17..\\

 drau

yathAhamanyaM pANDubhyo nAbhijAnAmi ka.n chana . 
tena satyena mAM prAptA.n kIchako mA vashe kR^ithAH .. 18..\\

 vai

upAtiShThata sA sUryaM muhUrtamabalA tataH . 
sa tasyAstanumadhyAyAH sarva.n sUryo.avabuddhavAn .. 19..\\
antarhita.n tatastasyA rakSho rakShArthamAdishat . 
tachchainAM nAjahAttatra sarvAvasthAsvaninditAm .. 20..\\
tAM mR^igImiva vitrastA.n dR^iShTvA kR^iShNA.n samIpagAm . 
udatiShThanmudA sUto nAva.n labdhveva pAragaH .. 21..\\
\medskip\hrule\medskip\centerline{\Largedvng 15}
 kiicaka

svAgata.n te sukeshAnte suvyuShTA rajanI mama . 
svAminI tvamanuprAptA prakuruShva mama priyam .. 1..\\
suvarNamAlAH kambUshcha kuNDale parihATake . 
Aharantu cha vastrANi kaushikAnyajinAni cha .. 2..\\
asti me shayana.n shubhra.n tvadarthamupakalpitam . 
ehi tatra mayA sArdhaM pibasva madhumAdhavIm .. 3..\\

 drau

apraiShIdrAjaputrI mA.n surA hArI.n tavAntikam . 
pAnamAnaya me kShipraM pipAsA meti chAbravIt .. 4..\\

 kiicaka

anyA bhadre nayiShyanti rAjaputryAH parisrutam .. 5..\\

 vai

ityenA.n dakShiNe pANau sUtaputraH parAmR^ishat . 
sA gR^ihItA vidhunvAnA bhUmAvAkShipya kIchakam . 
sabhA.n sharaNamAdhAvadyatra rAjA yudhiShThiraH .. 6..\\
tA.n kIchakaH pradhAvantIM keshapakShe parAmR^ishat . 
athainAM pashyato rAGYaH pAtayitvA padAvadhIt .. 7..\\
tato yo.asau tadArkeNa rAkShasaH saMniyojitaH . 
sa kIchakamapovAha vAtavegena bhArata .. 8..\\
sa papAta tato bhUmau rakShobalasamAhataH . 
vighUrNamAno nishcheShTashchhinnamUla iva drumaH .. 9..\\
tA.n chAsInau dadR^ishaturbhImasena yudhiShThirau . 
amR^iShyamANau kR^iShNAyAH kIchakena padA vadham .. 10..\\
tasya bhImo vadhaprepsuH kIchakasya durAtmanaH . 
dantairdantA.nstadA roShAnnispipeSha mahAmanaH .. 11..\\
athA~NguShThenAvamR^idnAda~NguShTha.n tasya dharmarAj . 
prabodhanabhayAdrAjanbhImasya pratyaShedhayat .. 12..\\
sA sahA dvAramAsAdya rudatI matsyamabravIt . 
avekShamANA sushroNI patI.nstAndInachetasaH .. 13..\\
AkAramabhirakShantI pratiGYA.n dharmasa.nhitAm . 
dahyamAneva raudreNa chakShurA drupadAtmajA .. 14..\\

 drau

yeShA.n vairI na svapiti padA bhUmimupaspR^ishan . 
teShAM mAM mAninIM bhAryA.n sUtaputraH padAvadhIt .. 15..\\
ye dadyurna cha yAcheyurbrahmaNyAH satyavAdinaH . 
teShAM mAM mAninIM bhAryA.n sUtaputraH padAvadhIt .. 16..\\
yeShA.n dundubhinirghoSho jyAghoShaH shrUyate.anisham . 
teShAM mAM mAninIM bhAryA.n sUtaputraH padAvadhIt .. 17..\\
ye te tejasvino dAntA balavanto.abhimAninaH . 
teShAM mAM mAninIM bhAryA.n sUtaputraH padAvadhIt .. 18..\\
sarvalokamima.n hanyurdharmapAshasitAstu ye . 
teShAM mAM mAninIM bhAryA.n sUtaputraH padAvadhIt .. 19..\\
sharaNa.n ye prapannAnAM bhavanti sharaNArthinAm . 
charanti loke prachchhannAH kva nu te.adya mahArathAH .. 20..\\
katha.n te sUtaputreNa vadhyamAnAM priyA.n satIm . 
marShayanti yathA klIbA balavanto.amitaujasaH .. 21..\\
kva nu teShAmamarShashcha vIrya.n tejash cha vartate . 
na parIpsanti ye bhAryA.n vadhyamAnA.n durAtmanA .. 22..\\
mayAtra shakya.n kiM kartu.n virATe dharmadUShaNam . 
yaH pashyanmAM marShayati vadhyamAnamanAgasam .. 23..\\
na rAjanrAjavatki.n chitsamAcharasi kIchake . 
dasyUnAmiva dharmaste na hi sa.nsadi shobhate .. 24..\\
na kIchakaH svadharmastho na cha matsyaH katha.n chana . 
sabhA sado.apyadharmaGYA ya imaM paryupAsate .. 25..\\
nopAlabhe tvAM nR^ipatau virATa janasa.nsadi . 
nAhametena yuktA vai hantuM matsyatavAntike . 
sabhA sadastu pashyantu kIchakasya vyatikramam .. 26..\\

 viraata

parokShaM nAbhijAnAmi vigraha.n yuvayoraham . 
arthatattvamaviGYAya kiM nu syAtkushalaM mama .. 27..\\

 vai

tatastu sabhyA viGYAya kR^iShNAM bhUyo.abhyapUjayan . 
sAdhu sAdhviti chApyAhuH kIchaka.n cha vyagarhayan .. 28..\\

 sabhyaa

yasyeya.n chArusarvA~NgI bhAryA syAdAyatekShaNA . 
paro lAbhashcha tasya syAnna sa shochetkadA chana .. 29..\\

 vai

eva.n sampUjaya.nstatra kR^iShNAM prekShya sabhA sadaH . 
yudhiShThirasya kopAttu lalATe sveda Asajat .. 30..\\
athAbravIdrAjaputrI.n kauravyo mahiShIM priyAm . 
gachchha sairandhri mAtrasthAH sudeShNAyA niveshanam .. 31..\\
bhartAramanurudhyantyaH klishyante vIra patnayaH . 
shushrUShayA klishyamAnAH patiloka.n jayantyuta .. 32..\\
manye na kAla.n krodhasya pashyanti patayastava . 
tena tvAM nAbhidhAvanti gandharvAH sUryavarchasaH .. 33..\\
akAlaGYAsi sairandhri shailUShIva vidhAvasi . 
vighna.n karoShi matsyAnAM dIvyatA.n rAjasa.nsadi . 
gachchha sairandhri gandharvAH kariShyanti tava priyam .. 34..\\

 drau

atIva teShA.n ghR^iNinAmarthe.ahaM dharmachAriNI . 
tasya tasyeha te vadhyA yeShA.n jyeShTho.akShadevitA .. 35..\\

 vai

ityuktvA prAdravatkR^iShNA sudeShNAyA niveshanam . 
keshAnmuktvA tu sushroNI sa.nrambhAllohitekShaNA .. 36..\\
shushubhe vadana.n tasyA rudantyA virataM tadA . 
meghalokhA vinirmukta.n divIva shashimaNDalam .. 37..\\

 sudesnaa

kastvAvadhIdvarArohe kasmAdrodiShi shobhane . 
kasmAdya na sukhaM bhadre kena te vipriya.n kR^itam .. 38..\\

 drau

kIchako mAvadhIttatra surA hArI.n gatAM tava . 
sabhAyAM pashyato rAGYo yathaiva vijane tathA .. 39..\\

 sudesnaa

ghAtayAmi sukeshAnte kIchaka.n yadi manyase . 
yo sau tvA.n kAmasaMmatto durlabhAm abhimanyate .. 40..\\

 drau

anye vai ta.n vadhiShyanti yeShAmAgaH karoti saH . 
manye chAdyaiva suvyaktaM paraloka.n gamiShyati .. 41..\\
\medskip\hrule\medskip\centerline{\Largedvng 16}
 vai

sA hatA sUtaputreNa rAjaputrI samajvalat . 
vadha.n kR^iShNA parIpsantI senA vAhasya bhAminI . 
jagAmAvAsamevAtha tadA sA drupadAtma jA .. 1..\\
kR^itvA shaucha.n yathAnyAya.n kR^iShNA vai tanumadhyamA . 
gatrANi vAsasI chaiva prakShAlya salilena sA .. 2..\\
chintayAmAsa rudatI tasya duHkhasya nirNayam . 
ki.n karomi kva gachchhAmi kathaM kAryaM bhavenmama .. 3..\\
ityeva.n chintayitvA sA bhIma.n vai manasAgamat . 
nAnyaH kartA R^ite bhImAnmamAdya manasaH priyam .. 4..\\
tata utthAya rAtrau sA vihAya shayana.n svakam . 
prAdravannAthamichchhantI kR^iShNA nAthavatI satI . 
duHkhena mahatA yuktA mAnasena manasvinI .. 5..\\
sA vai mahAnase prApya bhImasena.n shuchismitA . 
sarvashveteva mAheyI vane jAtA trihAyanI . 
upAtiShThata pA~nchAlI vAshiteva mahAgajam .. 6..\\
sA lateva mahAshAlaM phulla.n gomati tIrajam . 
bAhubhyAM parirabhyainaM prAbodhayadaninditA . 
si.nha.n suptaM vane durge mR^igarAjavadhUriva .. 7..\\
vINeva madhurAbhAShA gAndhAra.n sAdhu mUrchchhitA . 
abhyabhAShata pA~nchAlI bhImasenamaninditA .. 8..\\
uttiShThottiShTha ki.n sheShe bhImasena yathA mR^itaH . 
nAmR^itasya hi pApIyAnbhAryAmAlabhya jIvati .. 9..\\
tasmi~njIvati pApiShThe senA vAhe mama dviShi . 
tatkarmakR^itavatyadya kathaM nidrAM niShevase .. 10..\\
sa samprahAya shayana.n rAjaputryA prabodhitaH . 
upAtiShThata meghAbhaH parya~Nke sopasa~Ngrahe .. 11..\\
athAbravIdrAjaputrI.n kauravyo mahiShIM priyAm . 
kenAsyarthena samprAptA tvariteva mamAntikam .. 12..\\
na te prakR^itimAnvarNaH kR^ishA pANDushcha lakShyase . 
AchakShva parisheSheNa sarva.n vidyAmahaM yathA .. 13..\\
sukha.n vA yadi vA duHkha.n dveShyaM vA yadi vA priyam . 
yathAvatsarvamAchakShva shrutvA GYAsyAmi yatparam .. 14..\\
ahameva hi te kR^iShNe vishvAsyaH sarvakarmasu . 
ahamApatsu chApi tvAM mokShayAmi punaH punaH .. 15..\\
shIghramuktvA yathAkAma.n yatte kAryaM vivakShitam . 
gachchha vai shayanAyaiva purA nAnyo.avabudhyate .. 16..\\
\medskip\hrule\medskip\centerline{\Largedvng 17}
 drau

ashochyaM nu kutastasyA yasyA bhartA yudhiShThiraH . 
jAna.n sarvANi duHkhAni kiM mA.n tvaM paripR^ichchhasi .. 1..\\
yanmA.n dAsI pravAdena prAtikAmI tadAnayat . 
sabhAyAM pArShado madhye tanmA.n dahati bhArata .. 2..\\
pArthivasya sutA nAma kA nu jIveta mAdR^ishI . 
anubhUya bhR^isha.n duHkhamanyatra draupadIM prabho .. 3..\\
vanavAsa gatAyAshcha saindhavena durAtmanA . 
parAmarsha.n dvitIyaM cha soDhumutsahate nu kA .. 4..\\
matsyarAGYaH samakSha.n cha tasya dhUrtasya pashyataH . 
kIchakena padA spR^iShTA kA nu jIveta mAdR^ishI .. 5..\\
evaM bahuvidhaiH kleshaiH klishyamAnA.n cha bhArata . 
na mA.n jAnAsi kaunteya kiM phalaM jIvitena me .. 6..\\
yo.aya.n rAGYo virATasya kIchako nAma bhArata . 
senA nIH puruShavyAghra syAlaH paramadurmatiH .. 7..\\
sa mA.n sairandhi veSheNa vasantIM rAjaveshmani . 
nityamevAha duShTAtmA bhAryA mama bhaveti vai .. 8..\\
tenopamantryamANAyA vadhArheNa sapatnahan . 
kAleneva phalaM pakva.n hR^idayaM me vidIryate .. 9..\\
bhrAtara.n cha vigarhasva jyeShThaM durdyUta devinam . 
yasyAsmi karmaNA prAptA dukhametadanantakam .. 10..\\
ko hi rAjyaM parityajya sarvasva.n chAtmanA saha . 
pravrajyAyaiva dIvyeta vinA durdyUta devinam .. 11..\\
yadi niShkasahasreNa yachchAnyatsAravaddhanam . 
sAyamprAtaradeviShyadapi sa.nvatsarAnbahUn .. 12..\\
rukma.n hiraNyaM vAsA.nsi yAnaM yugyamajAvikam . 
ashvAshvatara sa~NghAMshcha na jAtu kShayamAvahet .. 13..\\
so.aya.n dyUtapravAdena shriyA pratyavaropitaH . 
tUShNImAste yathA mUDhaH svAni karmANi chintayan .. 14..\\
dashanAgasahasrANi padminA.n hemamAlinAm . 
ya.n yAntamanuyAntIha so.aya.n dyUtena jIvati .. 15..\\
tathA shatasahasrANi nR^iNAmamitatejasAm . 
upAsate mahArAjamindraprasthe yudhiShThiram .. 16..\\
shata.n dAsI sahasrANi yasya nityaM mahAnase . 
pAtrI hasta.n divArAtramatithInbhojayantyuta .. 17..\\
eSha niShkasahasrANi pradAya dadatA.n varaH . 
dyUtajena hyanarthena mahatA samupAvR^itaH .. 18..\\
ena.n hi svarasampannA bahavaH sUtamAgadhAH . 
sAyamprAtarupAtiShThansumR^iShTamaNikuNDalAH .. 19..\\
sahasramR^iShayo yasya nityamAsansabhA sadaH . 
tapaH shrutopasampannAH sarvakAmairupasthitAH .. 20..\\
andhAnvR^iddhA.nstathAnAthAnsarvAnrAShTreShu durgatAn . 
bibhartyavimanA nityamAnR^isha.nsyAdyudhiShThiraH .. 21..\\
sa eSha nirayaM prApto matsyasya parichArakaH . 
sabhAyA.n devitA rAGYaH ka~Nko brUte yudhiShThiraH .. 22..\\
indraprasthe nivasataH samaye yasya pArthivAH . 
AsanbalibhR^itaH sarve so.adyAnyairbhR^itimichchhati .. 23..\\
pArthivAH pR^ithivIpAlA yasyAsanvashavartinaH . 
sa vashe vivasho rAjA pareShAm adya vartate .. 24..\\
pratApya pR^ithivI.n sarvAM rashmivAniva tejasA . 
so.aya.n rAGYo virATasya sabhA stAro yudhiShThiraH .. 25..\\
yamupAsanta rAjAnaH sabhAyAmR^iShibhiH saha . 
tamupAsInamadyAnyaM pashya pANDava pANDavam .. 26..\\
atadarhaM mahAprAGYa.n jIvitArthe.abhisaMshritam . 
dR^iShTvA kasya na duHkha.n syAddharmAtmAnaM yudhiShThiram .. 27..\\
upAste sma sabhAyA.n ya.n kR^itShNA vIra vasundharA . 
tamupAsInamadyAnyaM pashya bhArata bhAratam .. 28..\\
evaM bahuvidhairduHkhaiH pIDyamAnAmanAthavat . 
shokasAragamadhyasthA.n kiM mAM bhIma na pashyasi .. 29..\\
\medskip\hrule\medskip\centerline{\Largedvng 18}
 drau

ida.n tu me mahadduHkha.n yatpravakShyAmi bhArata . 
na me.abhyasUyA kartavyA duHkhAdetadbravImyaham .. 1..\\
shArdUlairmahiShaiH si.nhairAgAre yudhyase yadA . 
kaikeyyAH prekShamANAyAstadA me kashmalo bhavet .. 2..\\
prekShA samutthitA chApi kaikeyI tAH striyo vadet . 
prekShya mAmanavadyA~NgI kashmalopahatAm iva .. 3..\\
snehAtsa.nvAsajAnmanye sUdameShA shuchismitA . 
yodhyamAnaM mahAvIryairima.n samanushochati .. 4..\\
kalyANa rUpA sairandhrI ballavashchAti sundaraH . 
strINA.n cha chittaM durGYeya.n yuktarUpau cha me matau .. 5..\\
sairandhrI priya sa.nvAsAnnitya.n karuNavedinI . 
asminrAjakule chemau tulyakAlanivAsinau .. 6..\\
iti bruvANA vAkyAni sA mAM nityamavedayat . 
krudhyantIM mA.n cha samprekShya samasha~Nkata mAM tvayi .. 7..\\
tasyA.n tathA bruvatyAM tu duHkhaM mAM mahadAvishat . 
shoke yaudhiShThire magnA nAha.n jIvitumutsahe .. 8..\\
yaH sa devAnmanuShyAMshcha sarpA.n chaikaratho.ajayat . 
so.aya.n rAGYo virATasya kanyAnAM nartako yuvA .. 9..\\
yo.atarpayadameyAtmA khANDave jAtavedasam . 
so.antaHpura gataH pArthaH kUpe.agniriva sa.nvR^itaH .. 10..\\
yasmAdbhayamamitrANA.n sadaiva puruSharShabhAt . 
sa lokaparibhUtena veSheNAste dhana~njayaH .. 11..\\
yasya jyAtalanirghoShAtsamakampanta shatravaH . 
striyo gItasvana.n tasya muditAH paryupAsate .. 12..\\
kirITa.n sUryasa~NkAshaM yasya mUrdhani shobhate . 
veNI vikR^itakeshAntaH so.ayamadya dhana~njayaH .. 13..\\
yasminnastrANi divyAni samastAni mahAtmani . 
AdhAraH sarvavidyAnA.n sa dhArayati kuNDale .. 14..\\
ya.n sma rAjasahasrANi tejasApratimAni vai . 
samare nAtivartante velAmiva mahArNavaH .. 15..\\
so.aya.n rAGYo virATasya kanyAnAM nartako yuvA . 
Aste veShapratichchhannaH kanyAnAM parichArakaH .. 16..\\
yasya sma rathaghoSheNa samakampata medinI . 
sa parvata vanA bhIma sahasthAvaraja~NgamA .. 17..\\
yasmi~njAte mahAbhAge kuntyAH shoko vyanashyata . 
sa shochayati mAmadya bhImasena tavAnujaH .. 18..\\
bhUShita.n tamala~NkAraiH kuNDalaiH parihATakaiH . 
kambupANinamAyAnta.n dR^iShTvA sIdati me manaH .. 19..\\
ta.n veNI kR^itakeshAntaM bhImadhanvAnamarjunam . 
kanyA parivR^ita.n dR^iShTvA bhIma sIdati me manaH .. 20..\\
yadA hyenaM parivR^ita.n kanyAbhirdevarUpiNam . 
prabhinnamiva mAta~NgaM parikIrNa.n kareNubhiH .. 21..\\
matsyamarthapatiM pArtha.n virATaM samupasthitam . 
pashyAmi tUryamadhya stha.n disha nashyanti me tadA .. 22..\\
nUnamAryA na jAnAti kR^ichchhraM prApta.n dhana~njayam . 
ajAtashatru.n kauravyaM magnaM dUdyUta devinam .. 23..\\
tathA dR^iShTvA yavIyA.nsa.n sahadevaM yudhAM patim . 
goShu goveShamAyAntaM pANDubhUtAsmi bhArata .. 24..\\
sahadevasya vR^ittAni chintayantI punaH punaH . 
na vindAmi mahAbAho sahadevasya duShkR^itam . 
yasminneva.nvidha.n duHkhaM prApnuyAtsatyavikramaH .. 25..\\
dUyAmi bharatashreShTha dR^iShTvA te bhrAtaraM priyam . 
goShu govR^iShasa~NkAshaM matsyenAbhiniveshitam .. 26..\\
sa.nrabdha.n raktanepathya.n gopAlAnAM purogamam . 
virATamabhinandantamatha me bhavati jvaraH .. 27..\\
sahadeva.n hi me vIraM nityamAryA prasha.nsati . 
mahAbhijana sampanno vR^ittavA~nshIlavAniti .. 28..\\
hrIniShedho madhuravAgdhArmikashcha priyash cha me . 
sa te.araNyeShu boddhavyo yAGYaseni kShapAsvapi .. 29..\\
ta.n dR^iShTvA vyApR^itaM goShu vatsa charma kShapAshayam . 
sahadeva.n yudhAM shreShTha.n kiM nu jIvAmi pANDava .. 30..\\
yastribhirnityasampanno rUpeNAstreNa medhayA . 
so.ashvabandho virATasya pashya kAlasya paryayam .. 31..\\
abhyakIryanta vR^indAni dAma granthimudIkShatAm . 
vinayanta.n janenAshvAnmahArAjasya pashyataH .. 32..\\
apashyamena.n shrImantaM matsyaM bhrAjiShNumuttamam . 
virATamupatiShThanta.n darshayantaM cha vAjinaH .. 33..\\
kiM nu mAM manyase pArtha sukhiteti parantapa . 
eva.n duHkhashatAviShTA yudhiShThira nimittataH .. 34..\\
ataH prativishiShTAni duHkhAnyanyAni bhArata . 
vartante mayi kaunteya vakShyAmi shR^iNu tAnyapi .. 35..\\
yuShmAsu dhriyamANeShu duHkhAni vividhAnyuta . 
shoShayanti sharIraM me kiM nu kuHkhamataH param .. 36..\\
\medskip\hrule\medskip\centerline{\Largedvng 19}
 drau

aha.n sairandhi veSheNa charantI rAjaveshmani . 
shauchadAsmi sudeShNAyA akShadhUrtasya kAraNAt .. 1..\\
vikriyAM pashya me tIvrA.n rAjaputryAH parantapa . 
Ase kAlamupAsInA sarva.n duHkhaM kilArtavat .. 2..\\
anityA kila martyAnAmarthasiddhirjayAjayau . 
iti kR^itvA pratIkShAmi bhartR^INAmudayaM punaH .. 3..\\
ya eva heturbhavati puruShasya jayAvahaH . 
parAjaye cha hetuH sa iti cha pratipAlaye .. 4..\\
dattvA yAchanti puruShA hatvA vadhyanti chApare . 
pAtayitvA cha pAtyante parairiti cha me shrutam .. 5..\\
na daivasyAti bhAro.asti na daivasyAti vartanam . 
iti chApyAgamaM bhUyo daivasya pratipAlaye .. 6..\\
sthitaM pUrva.n jala.n yatra punastatraiva tiShThati . 
iti paryAyamichchhantI pratIkShAmyudayaM punaH .. 7..\\
daivena kila yasyArthaH sunIto.api vipadyate . 
daivasya chAgame yatnastena kAryo vijAnatA .. 8..\\
yattu me vachanasyAsya kathitasya prayojanam . 
pR^ichchha mA.n duHkhitAM tattvamapR^iShTA vA bravImi te .. 9..\\
mahiShI pANDuputrANA.n duhitA drupadasya cha . 
imAmavasthA.n samprAptA kA madanyA jijIviShet .. 10..\\
kurUnparibhavansarvAnpA~nchAlAnapi bhArata . 
pANDaveyAMshcha samprApto mama klesho hyarindama .. 11..\\
bhrAtR^ibhiH shvashuraiH putrairbahubhiH paravIra han . 
eva.n samuditA nArI kA nvanyA duHkhitA bhavet .. 12..\\
nUna.n hi bAlayA dhAturmayA vai vipriya.n kR^itam . 
yasya prasAdAddurnItaM prAptAsmi bharatarShabha .. 13..\\
varNAvakAshamapi me pashya pANDava yAdR^isham . 
yAdR^isho me na tatrAsIdduHkhe paramake tadA .. 14..\\
tvameva bhIma jAnIShe yanme pArtha sukhaM purA . 
sAha.n dAsatvamApannA na shAntimavashA labhe .. 15..\\
nAdaivikamidaM manye yatra pArtho dhana~njayaH . 
bhIma dhanvA mahAbAhurAste shAnta ivAnalaH .. 16..\\
ashakyA vedituM pArtha prANinA.n vai gatirnaraiH . 
vinipAtamimaM manye yuShmAkamavichintitam .. 17..\\
yasyA mama mukhaprekShA yUyamindrasamAH sadA . 
sA prekShe mukhamanyAsAmavarANA.n varA satI .. 18..\\
pashya pANDava me.avasthA.n yathA nArhAmi vai tathA . 
yuShmAsu dhriyamANeShu pashya kAlasya paryayam .. 19..\\
yasyAH sAgaraparyantA pR^ithivI vashavartinI . 
AsItsAdya sudeShNAyA bhItAha.n vashavartinI .. 20..\\
yasyAH puraHsarA AsanpR^iShThatashchAnugAminaH . 
sAhamadya sudeShNAyAH puraH pashchAchcha gAminI . 
ida.n tu duHkhaM kaunteya mamAsahyaM nibodha tat .. 21..\\
yA na jAtu svayaM piMShe gAtrodvartanamAtmanaH . 
anyatra kuntyA bhadra.n te sAdya piMShAmi chandanam . 
pashya kaunteya pANI me naiva.n yau bhavataH purA .. 22..\\

 vai

ityasya darshayAmAsa kiNabaddhau karAvubhau .. 23..\\

 drau

bibhemi kuntyA yA nAha.n yuShmAkaM vA kadA chana . 
sAdyAgrato virATasya bhItA tiShThAmi ki~NkarI .. 24..\\
kiM nu vakShyati samrANmA.n varNakaH sukR^ito na vA . 
nAnyapiShTa.n hi matsyasya chandana.n kila rochate .. 25..\\

 vai

sA kIrtayantI duHkhAni bhImasenasya bhAminI . 
ruroda shanakaiH kR^iShNA bhImasenamudIkShatI .. 26..\\
sA bAShpakalayA vAchA niHshvasantI punaH punaH . 
hR^idayaM bhImasenasya ghaTTayantIdamabravIt .. 27..\\
nAlpa.n kR^itaM mayA bhIma devAnAM kilbiShaM purA . 
abhAgyA yattu jIvAmi martavye sati pANDava .. 28..\\
tatastasyAH karau shUnau kiNabaddhau vR^ikodaraH . 
mukhamAnIya vepantyA ruroda paravIra hA .. 29..\\
tau gR^ihItvA cha kaunteyo bAShpamutsR^ijya vIryavAn . 
tataH paramaduHkhArta ida.n vachanamabravIt .. 30..\\
\medskip\hrule\medskip\centerline{\Largedvng 20}
 bhiimas

dhigastu me bAhubala.n gANDIvaM phalgunasya cha . 
yatte raktau purA bhUtvA pANI kR^itakiNAvubhau .. 1..\\
sabhAyA.n sma virATasya karomi kadanaM mahat . 
tatra mA.n dharmarAjastu kaTAkSheNa nyavArayat . 
tadaha.n tasya viGYAya sthita evAsmi bhAmini .. 2..\\
yachcha rAShTrAtprachyavana.n kurUNAmavadhashcha yaH . 
suyodhanasya karNasya shakuneH saubalasya cha .. 3..\\
duHshAsanasya pApasya yanmayA na hR^ita.n shiraH . 
tanme dahati kalyANi hR^idi shalyamivArpitam . 
mA dharma.n jahi sushroNi krodhaM jahi mahAmate .. 4..\\
ima.n cha samupAlambhaM tvatto rAjA yudhiShThiraH . 
shR^iNuyAdyadi kalyANi kR^itsna.n jahyAtsa jIvitam .. 5..\\
dhana~njayo vA sushroNi yamau vA tanumadhyame . 
lokAntara gateShveShu nAha.n shakShyAmi jIvitum .. 6..\\
sukanyA nAma shAryAtI bhArgava.n chyachana.n vane . 
valmIka bhUta.n shAmyantamanvapadyata bhAminI .. 7..\\
nADdAyanI chendrasenA rUpeNa yadi te shrutA . 
patimanvacharadvR^iddhaM purA varShasahasriNam .. 8..\\
duhitA janakasyApi vaidehI yadi te shrutA . 
patimanvacharatsItA mahAraNyanivAsinam .. 9..\\
rakShasA nigrahaM prApya rAmasya mahiShI priyA . 
klishyamAnApi sushroNI rAmamevAnvapadyata .. 10..\\
lopAmudrA tathA bhIru vayo rUpasamanvitA . 
agastyamanvayAddhitvA kAmAnsarvAnamAnuShAn .. 11..\\
yathaitAH kIrtitA nAryo rUpavatyaH pativratAH . 
tathA tvamapi kalyANi sarvaiH samuditA guNaiH .. 12..\\
mA dIrgha.n kShama kAlaM tvaM mAsamadhyardhasaMmitam . 
pUrNe trayodashe varShe rAGYo rAGYI bhaviShyasi .. 13..\\

 drau

ArtayaitanmayA bhImakR^itaM bAShpavimokShaNam . 
apArayantyA duHkhAni na rAjAnamupAlabhe .. 14..\\
vimuktena vyatItena bhImasena mahAbala . 
pratyupasthita kAlasya kAryasyAnantaro bhava .. 15..\\
mameha bhImakaikeyI rUpAbhibhava sha~NkayA . 
nityamudjivate rAjA kathaM neyAdimAmitI .. 16..\\
tasyA viditvA taM bhAva.n svaya.n chAnR^ita darshanaH . 
kIchako.aya.n suduShTAtmA sadA prArthayate hi mAm .. 17..\\
tamaha.n kupitA bhIma punaH kopaM niyamya cha . 
abruva.n kAmasaMmUDhamAtmAna.n rakSha kIchaka .. 18..\\
gandharvANAmahaM bhAryA pa~nchAnAM mahiShI priyA . 
te tvAM nihanyurdurdharShAH shUrAH sAhasa kAriNaH .. 19..\\
evamuktaH sa duShTAtmA kIchakaH pratyuvAcha ha . 
nAhaM bibhemi sairandhirgandharvANA.n shuchismite .. 20..\\
shata.n sahasramapi vA gandharvANAmahaM raNe . 
samAgata.n haniShyAmi tvaM bhIru kuru me kShaNam .. 21..\\
ityukte chAbruva.n sUta.n kAmAturamahaM punaH . 
na tvaM pratibalasteShA.n gandharvANA.n yashasvinAm .. 22..\\
dharme sthitAsmi satata.n kulashIlasamanvitA . 
nechchhAmi ka.n chidvadhyantaM tena jIvasi kIchaka .. 23..\\
evamuktaH sa duShTAtmA prahasya svanavattadA . 
na tiShThati sma sanmArge na cha dharmaM bubhUShati .. 24..\\
pApAtmA pApabhAvashcha kAmarAgavashAnugaH . 
avinItashcha duShTAtmA pratyAkhyAtaH punaH punaH . 
darshane darshane hanyAttathA jahyA.n cha jIvitam .. 25..\\
taddharme yatamAnAnAM mahAndharmo nashiShyati . 
samaya.n rakShamANAnAM bhAryA vo na bhaviShyati .. 26..\\
bhAryAyA.n rakShyamANAyAM prajA bhavati rakShitA . 
prajAyA.n rakShyamANAyAmAtmA bhavati rakShitaH .. 27..\\
vadatA.n varNadharmAMshcha brAhmaNAnAM hi me shrutam . 
kShatriyasya sadA dharmo nAnyaH shatrunibarhaNAt .. 28..\\
pashyato dharmarAjasya kIchako mAM padAvadhIt . 
tava chaiva samakSha.n vai bhImasena mahAbala .. 29..\\
tvayA hyahaM paritrAtA tasmAdghorAjjaTAsurAt . 
jayadratha.n tathaiva tva majaiShIrbhrAtR^ibhiH saha .. 30..\\
jahImamapi pApa.n tva.n yo.ayaM mAm avamanyate . 
kIchako rAjavAllabhyAchchhokakR^inmama bhArata .. 31..\\
tameva.n kAmasaMmmattaM bhindhi kumbhamivAshmani . 
yo nimittamanarthAnAM bahUnAM mama bhArata .. 32..\\
ta.n chejjIvantamAdityaH prAtarabhyudayiShyati . 
viShamAloDya pAsyAmi mA.n kIchaka vashaM gamam . 
shreyo hi maraNaM mahyaM bhImasena tavAgrataH .. 33..\\

 vai

ityuktvA prArudatkR^iShNA bhImasyoraH samAshritA . 
bhImashcha tAM pariShvajya mahatsAntvaM prayujya cha . 
kIchakaM manasAgachchhatsR^ikkiNI parisa.nlihan .. 34..\\
\medskip\hrule\medskip\centerline{\Largedvng 21}
 bhiimas

tathA bhadre kariShyAmi yathA tvaM bhIru bhAShase . 
adya ta.n sUdayiShyAmi kIchakaM saha bAndhavam .. 1..\\
asyAH pradoShe sharvaryAH kuruShvAnena sa~Ngamam . 
duHkha.n shoka.n cha nirdhUya yAGYaseni shuchismite .. 2..\\
yaiShA nartana shAlA vai matsyarAjena kAritA . 
divAtra kanyA nR^ityanti rAtrau yAnti yathA gR^iham .. 3..\\
tatrAsti shayanaM bhIru dR^ijDhA~Nga.n supratiShThitam . 
tatrAsya darshayiShyAmi pUrvapretAnpitAmahAn .. 4..\\
yathA cha tvAM na pashyeyuH kurvANA.n tena sa.nvidam . 
kuryAstathA tva.n kalyANi yathA saMnihito bhavet .. 5..\\

 vai

tathA tau kathayitvA tu bAShpamutsR^ijya duHkhitau . 
rAtrisheSha.n tadatyugraM dhArayAmAsaturhR^idA .. 6..\\
tasyA.n rAtryAM vyatItAyAM prAtarutthAya kIchakaH . 
gatvA rAjakulAyaiva draupadImidamabravIt .. 7..\\
sabhAyAM pashyato rAGYaH pAtayitvA padAhanam . 
na chaivAlabhathAstrANamabhipannA balIyasA .. 8..\\
pravAdena hi matsyAnA.n rAjA nAmnAyamuchyate . 
ahameva hi matsyAnA.n rAjA vai vAhinIpatiH .. 9..\\
sA sukhaM pratipadyasva dAsabhIru bhavAmi te . 
ahnAya tava sushroNishataM niShkAndadAmyaham .. 10..\\
dAsI shata.n cha te dadyAM dAsAnAmapi chAparam . 
ratha.n chAshvatarI yuktamastu nau bhIru sa~NgamaH .. 11..\\

 drau

ekaM me samaya.n tvadya pratipadyasva kIchaka . 
na tvA.n sakhA vA bhrAtA vA jAnIyAtsa~NgataM mayA .. 12..\\
avabodhAddhi bhItAsmi gandharvANA.n yashasvinAm . 
evaM me pratijAnIhi tato.aha.n vashagA tava .. 13..\\

 kiicaka

evametatkariShyAmi yathA sushroNi bhAShase . 
eko bhadre gamiShyAmi shUnyamAvasatha.n tava .. 14..\\
samAgamArtha.n rambhoru tvayA madanamohitaH . 
yathA tvAM nAvabhotsyanti gandharvAH sUryavarchasaH .. 15..\\

 drau

yadidaM nartanAgAraM matsyarAjena kAritam . 
divAtra kanyA nR^ityanti rAtrau yAnti yathA gR^iham .. 16..\\
tamisre tatra gachchhethA gandharvAstanna jAnate . 
tatra doShaH parihR^ito bhaviShyati na saMshayaH .. 17..\\

 vai

tamarthaM pratijalpantyAH kR^iShNAyAH kIchakena ha . 
divasArdha.n samabhavanmAsenaiva samaM nR^ipa .. 18..\\
kIchako.atha gR^iha.n gatvA bhR^isha.n harShapariplutaH . 
sairandhrI rUpiNaM mUDho mR^ityu.n taM nAvabuddhavAn .. 19..\\
gandhAbharaNa mAlyeShu vyAsaktaH sa visheShataH . 
ala.n chakAra so.a.atmAna.n sa tvaraH kAmamohitaH .. 20..\\
tasya tatkurvataH karmakAlo dIrgha ivAbhavat . 
anuchintayatashchApi tAmevAyata lochanAm .. 21..\\
AsIdabhyadhikA chAsya shrIH shriyaM pramumukShataH . 
nirvANakAle dIpasya vartImiva didhakShataH .. 22..\\
kR^itasampratyayastatra kIchakaH kAmamohitaH . 
nAjAnAddivasa.n yAnta.n chintayAnaH samAgamam .. 23..\\
tatastu draupadI gatvA tadA bhImaM mahAnase . 
upAtiShThata kalyANI kauravyaM patimantikAt .. 24..\\
tamuvAcha sukeshAntA kIchakasya mayA kR^itaH . 
sa~Ngamo nartanAgAre yathAvochaH parantapa .. 25..\\
shUnya.n sa nartanAgAramAgamiShyati kIchakaH . 
eko nishi mahAbAho kIchaka.n taM niShUdaya .. 26..\\
ta.n sUtaputra.n kaunteya kIchakaM madadarpitam . 
gatvA tvaM nartanAgAraM nirjIva.n kurupANDava .. 27..\\
darpAchcha sUtaputro.asau gandharvAnavamanyate . 
ta.n tvaM praharatA.n shreShTha naDaM nAga ivoddhara .. 28..\\
ashruduHkhAbhibhUtAyA mama mArjasva bhArata . 
Atmanashchaiva bhadra.n te kuru mAnaM kulasya cha .. 29..\\

 bhiimas

svAgata.n te varArohe yanmA.n vedayase priyam . 
na hyasya ka.n chidichchhAmi sahAya.n varavarNini .. 30..\\
yA me prItistvayAkhyAtA kIchakasya samAgame . 
hatvA hiDimba.n sA prItirmamAsIdvaravarNini .. 31..\\
satyaM bhratR^IMshcha dharma.n cha puraskR^itya bravImi te . 
kIchakaM nihaniShyAmi vR^itra.n devapatiryathA .. 32..\\
ta.n gahvare prakAshe vA pothayiShyAmi kIchakam . 
atha chedavabhotsyanti ha.nsye matsyAnapi dhruvam .. 33..\\
tato duryodhana.n hatvA pratipatsye vasundharAm . 
kAmaM matsyamupAstA.n hi kuntIputro yudhiShThiraH .. 34..\\

 drau

yathA na santyajethAstva.n satyaM vai matkR^ite vibho . 
nigUDhastva.n tathA vIra kIchaka.n vinipAtaya .. 35..\\

 bhiimas

evametatkariShyAmi yathA tvaM bhIru bhAShate . 
adR^ishyamAnastasyAdya tamasvinyAm anindite .. 36..\\
nAgo bilvamivAkramya pothayiShyAmyaha.n shiraH . 
alabhyAmichchhatastasya kIchakasya durAtmanaH .. 37..\\

 vai

bhImo.atha prathama.n gatvA rAtrau chhanna upAvishat . 
mR^iga.n haririvAdR^ishyaH pratyAkA~NkShatsa kIchakam .. 38..\\
kIchakashchApyala.n kR^ityayathAkAmamupAvrajat . 
tA.n velAM nartanAgAre pA~nchAlI sa~NgamAshayA .. 39..\\
manyamAnaH sa sa~NketamAgAraM prAvishachcha tam . 
pravishya cha sa tadveshma tamasA sa.nvR^itaM mahat .. 40..\\
pUrvAgata.n tatastatra bhImamapratimaujasam . 
ekAntamAsthita.n chainamAsasAda sudurmatiH .. 41..\\
shayAna.n shayane tatra mR^ityuM sUtaH parAmR^ishat . 
jAjvalyamAna.n kopena kR^iShNA dharShaNajena ha .. 42..\\
upasa~Ngamya chaivaina.n kIchakaH kAmamohitaH . 
harShonmathita chittAtmA smayamAno.abhyabhAShata .. 43..\\
prApita.n te mayA vittaM bahurUpamanantakam . 
satsarva.n tvA.n samuddishya sahasA samupAgataH .. 44..\\
nAkasmAnmAM prasha.nsanti sadA gR^ihagatAH striyaH . 
suvAsA darshanIyashcha nAnyo.asti tvA dR^ishaH pumAn .. 45..\\

 bhiimas

diShTyA tva.n darshanIyo.asi diShTyAtmAnaM prasha.nsasi . 
IdR^ishastu tvayA sparshaH spR^iShTapUrvo na karhi chit .. 46..\\

 vai

ityuktvA taM mahAbAhurbhImo bhImaparAkramaH . 
samutpatya cha kaunteyaH prahasya cha narAdhamam . 
bhImo jagrAha kesheShu mAlyavatsu sugandhiShu .. 47..\\
sa kesheShu parAmR^iShTo balena balinA.n varaH . 
AkShipya keshAnvegena bAhvorjagrAha pANDavam .. 48..\\
bAhuyuddha.n tayorAsItkruddhayornarasi.nhayoH . 
vasante vAsitA hetorbalavadgajayoriva .. 49..\\
IShadAgalita.n chApi krodhAchchala pada.n sthitam . 
kIchako balavAnbhIma.n jAnubhyAmAkShipadbhuvi .. 50..\\
pAtito bhuvi bhImastu kIchakena balIyasA . 
utpapAtAtha vegena daNDAhata ivoragaH .. 51..\\
spardhayA cha balonmattau tAvubhau sUta pANDavau . 
nishIthe paryakarShetAM balinau nishi nirjane .. 52..\\
tatastadbhavanashreShThaM prAkampata muhurmuhuH . 
balavachchApi sa~NkruddhAvanyonya.n tAvagarjatAm .. 53..\\
talAbhyA.n tu sa bhImena vakShasyabhihato balI . 
kIchako roShasantaptaH padAnna chalitaH padam .. 54..\\
muhUrta.n tu sa ta.n vegaM sahitvA bhuvi duHsaham . 
balAdahIyata tadA sUto bhImabalArditaH .. 55..\\
ta.n hIyamAnaM viGYAya bhImaseno mahAbalaH . 
vakShasyAnIya vegena mamanthaina.n vichetasam .. 56..\\
krodhAviShTo viniHshvasya punashchaina.n vR^ikodaraH . 
jagrAha jayatA.n shreShThaH kesheShveva tadA bhR^isham .. 57..\\
gR^ihItvA kIchakaM bhImo virurAva mahAbalaH . 
shArdUlaH pishitAkA~NkShI gR^ihItveva mahAmR^igam .. 58..\\
tasya pAdau cha pANI cha shirogrIvA.n cha sarvashaH . 
kAye praveshayAmAsa pashoriva pinAka dhR^ik .. 59..\\
ta.n saMmathita sarvA~NgaM mA.nsapiNDopama.n kR^itam . 
kR^iShNAyai darshayAmAsa bhImaseno mahAbalaH .. 60..\\
uvAcha cha mahAtejA draupadIM pANDunandanaH . 
pashyainamehi pA~nchAli kAmuko.aya.n yathA kR^itaH .. 61..\\
tathA sa kIchaka.n hatvA gatvA roShasya vai shamam . 
Amantrya draupadI.n kR^iShNAM kShipramAyAnmahAnasam .. 62..\\
kIchaka.n ghAtayitvA tu draupadI yoShitA.n varA . 
prahR^iShTA gatasantApA sabhA pAlAnuvAcha ha .. 63..\\
kIchako.aya.n hataH shete gandharvaiH patibhirmama . 
parastrI kAmasaMmattaH samAgachchhata pashyata .. 64..\\
tachchhrutvA bhAShita.n tasyA nartanAgAra rakShiNaH . 
sahasaiva samAjagmurAdAyokAH sahasrashaH .. 65..\\
tato gatvAtha tadveshma kIchaka.n vinipAtitam . 
gatAsu.n dadR^ishurbhUmau rudhireNa samukShitam .. 66..\\
kvAsya grIvA kva charaNau kva pANI kva shirastathA . 
iti sma taM parIkShante gandharveNa hata.n tadA .. 67..\\
\medskip\hrule\medskip\centerline{\Largedvng 22}
 vai

tasminkAle samAgamya sarve tatrAsya bAndhavAH . 
ruruduH kIchaka.n dR^iShTvA parivArya samantataH .. 1..\\
sarve sa.nhR^iShTaromANaH santrastAH prekShya kIchakam . 
tathA sarvA~Ngasambhugna.n kUrma.n sthala ivoddhR^itam .. 2..\\
pothitaM bhImasenena tamindreNeva dAnavam . 
sa.nskArayitumichchhanto bahirnetuM prachakramuH .. 3..\\
dadR^ishuste tataH kR^iShNA.n sUtaputrAH samAgatAH . 
adUrAdanavadyA~NgI.n stambhamAli~Ngya tiShThatIm .. 4..\\
samaveteShu sUteShu tAnuvAchopakIchakaH . 
hanyatA.n shIghramasatI yatkR^ite kIchako hataH .. 5..\\
atha vA neha hantavyA dahyatA.n kAminA saha . 
mR^itasyApi priya.n kArya.n sUtaputrasya sarvathA .. 6..\\
tato virATamUchuste kIchako.asyAH kR^ite hataH . 
sahAdyAnena dahyeta tadanuGYAtumarhasi .. 7..\\
parAkrama.n tu sUtAnAM matvA rAjAnvamodata . 
sairandhryAH sUtaputreNa saha dAha.n vishAM pate .. 8..\\
tA.n samAsAdya vitrastA.n kR^iShNAM kamalalochanAm . 
momuhyamAnA.n te tatra jagR^ihuH kIchakA bhR^isham .. 9..\\
tatastu tA.n samAropya nibadhya cha sumadhyamAm . 
jagmurudyamya te sarve shmashAnamabhitastadA .. 10..\\
hriyamANA tu sA rAjansUtaputrairaninditA . 
prAkroshannAthamichchhantI kR^iShNA nAthavatI satI .. 11..\\

 drau

jayo jayanto vijayo jayatseno yajadbalaH . 
te me vAcha.n vijAnantu sUtaputrA nayanti mAm .. 12..\\
yeShA.n jyAtalanirghoSho visphUrjitamivAshaneH . 
vyashrUyata mahAyuddhe bhImaghoShastarasvinAm .. 13..\\
rathaghoShashcha balavAngandharvANA.n yashasvinAm . 
te me vAcha.n vijAnantu sUtaputrA nayanti mAm .. 14..\\

 vai

tasyAstAH kR^ipaNA vAchaH kR^iShNAyAH paridevitAH . 
shrutvaivAbhyapatadbhImaH shayanAdavichArayan .. 15..\\

 bhiimas

aha.n shR^iNomi te vAcha.n tvayA sairandhi bhAShitAm . 
tasmAtte sUtaputrebhyo na bhayaM bhIru vidyate .. 16..\\

 vai

ityuktvA sa mahAbAhurvijajR^imbhe jighA.nsayA . 
tataH sa vyAyata.n kR^itvA veSha.n viparivartya cha . 
advAreNAbhyavaskandya nirjagAma bahistadA .. 17..\\
sa bhImasenaH prAkArAdArujya tarasA drumam . 
shmashAnAbhimukhaH prAyAdyatra te kIchakA gatAH .. 18..\\
sa ta.n vR^ikSha.n dashavyAmaM sa skandhaviTapaM balI . 
pragR^ihyAbhyadravatsUtAndaNDapANirivAntakaH .. 19..\\
Uruvegena tasyAtha nyagrodhAshvattha kiMshukAH . 
bhUmau nipatitA vR^ikShAH sa~Nghashastatra sherate .. 20..\\
ta.n si.nhamiva sa~Nkruddha.n dR^iShTvA gandharvamAgatam . 
vitresuH sarvataH sUtA viShAdabhayakampitAH .. 21..\\
tamantakamivAyAnta.n gandharvaM prekShya te tadA . 
didhakShantastadA jyeShThaM bhrAtara.n hyupakIchakAH . 
parasparamathochuste viShAdabhayakampitAH .. 22..\\
gandharvo balavAneti kruddha udyamya pAdapam . 
sairandhrI muchyatA.n shIghraM mahanno bhayamAgatam .. 23..\\
te tu dR^iShTvA tamAviddhaM bhImasenena pAdapam . 
vimuchya draupadI.n tatra prAdravannagaraM prati .. 24..\\
dravatastA.nstu samprekShya savajrI dAnavAniva . 
shataM pa~nchAdhikaM bhImaH prAhiNodyamasAdanam .. 25..\\
tata AshvAsayatkR^iShNAM pravimuchya vishAM pate . 
uvAcha cha mahAbAhuH pA~nchAlI.n tatra draupadIm . 
ashrupUrNamukhI.n dInAM durdharShaH sa vR^ikodaraH .. 26..\\
eva.n te bhIru vadhyante ye tvAM kliShyantyanAgasam . 
praihi tvaM nagara.n kR^iShNe na bhaya.n vidyate tava . 
anyenAha.n gamiShyAmi virATasya mahAnasam .. 27..\\
pa~nchAdhika.n shata.n tachcha nihataM tatra bhArata . 
mahAvanamiva chhinna.n shishye vigalitadrumam .. 28..\\
eva.n te nihatA rAja~nshataM pa~ncha cha kIchakAH . 
sa cha senApatiH sUrvamityetatsUta ShaTShatam .. 29..\\
taddR^iShTvA mahadAshcharyaM narA nAryashcha sa~NgatAH . 
viShmayaM parama.n gatvA nochuH kiM chana bhArata .. 30..\\
\medskip\hrule\medskip\centerline{\Largedvng 23}
 vai

te dR^iShTvA nihatAnsUtAnrAGYe gatvA nyavedayan . 
gandharvairnihatA rAjansUtaputrAH paraHshatAH .. 1..\\
yathA vajreNa vai dIrNaM parvatasya mahachchhiraH . 
vinikIrNaM pradR^ishyeta tathA sUtA mahItale .. 2..\\
sairandhrI cha vimuktAsau punarAyAti te gR^iham . 
sarva.n saMshayitaM rAjannagara.n te bhaviShyati .. 3..\\
tathArUpA hi sairandhrI gandharvAshcha mahAbalAH . 
pu.nsAmiShTashcha viShayo maithunAya na saMshayaH .. 4..\\
yathA sairandhri veSheNa na te rAjannidaM puram . 
vinAshameti vai kShipra.n tathA nItirvidhIyatAm .. 5..\\
teShA.n tadvachana.n shrutvA virATo vAhinIpatiH . 
abravItkriyatAmeShA.n sUtAnAM paramakriyA .. 6..\\
ekasminneva te sarve susamiddhe hutAshane . 
dahyantA.n kIchakAH shIghra.n ratnairgandhaishcha sarvashaH .. 7..\\
sudeShNA.n chAbravIdrAjA mahiShIM jAtasAdhvasaH . 
sairandhrImAgatAM brUyA mamaiva vachanAdidam .. 8..\\
gachchha sairandhri bhadra.n te yathAkAmaM charAbale . 
bibheti rAjA sushroNi gandharvebhyaH parAbhavAt .. 9..\\
na hi tAmutsahe vaktu.n svaya.n gandharvarakShitAm . 
striyastvadoShAstA.n vaktumatastvAM prabravImyaham .. 10..\\
atha muktA bhayAtkR^iShNA sUtaputrAnnirasya cha . 
mokShitA bhImasenena jagAma nagaraM prati .. 11..\\
trAsiteva mR^igI bAlA shArdUlena manasvinI . 
gAtrANi vAsasI chaiva prakShAlya salilena sA .. 12..\\
tA.n dR^iShTvA puruShA rAjanprAdravanta disho dasha . 
gandharvANAM bhayatrastAH ke chiddR^iShTIrnyamIlayan .. 13..\\
tato mahAnasa dvAri bhImasenamavasthitam . 
dadarsha rAjanpA~nchAlI yathAmattaM mahAdvipam .. 14..\\
ta.n vismayantI shanakaiH sa~nj~nAbhiridamabravIt . 
gandharvarAjAya namo yenAsmi parimochitA .. 15..\\

 bhiimas

ye yasyA vicharantIha puruShA vashavartinaH . 
tasyAste vachana.n shrutvA anR^iNA vicharantyuta .. 16..\\

 vai

tataH sA nartanAgAre dhana~njayamapashyata . 
rAGYaH kanyA virATasya nartayAnaM mahAbhujam .. 17..\\
tatastA nartanAgArAdvinishkramya sahArjunAH . 
kanyA dadR^ishurAyAntI.n kR^iShNAM kliShTAmanAgasam .. 18..\\

 kanyaah

diShTyA sairandhri muktAsi diShTyAsi punarAgatA . 
diShTyA vinihatAH sUtA ye tvA.n klishyantyanAgasam .. 19..\\

 brhan

katha.n sairandhri muktAsi kathaM pApAshcha te hatAH . 
ichchhAmi vai tava shrotu.n sarvameva yathAtatham .. 20..\\

 sair

bR^ihannaDe kiM nu tava sairandhryA kAryamadya vai . 
yA tva.n vasasi kalyANi sadA kanyA pure sukham .. 21..\\
na hi duHkha.n samApnoShi sairandhrI yadupAshnute . 
tena mA.n duHkhitAmevaM pR^ichchhase prahasanniva .. 22..\\

 brhan

bR^ihannaDApi kalyANi duHkhamApnotyanuttamam . 
tiryagyonigatA bAle na chainAm avabudhyase .. 23..\\

 vai

tataH sahaiva kanyAbhirdraupadI rAjaveshma tat . 
pravivesha sudeShNAyAH samIpamapalAyinI .. 24..\\
tAmabravIdrAjaputrI virATa vachanAdidam . 
sairandhri gamyatA.n shIghraM yatra kAmayase gatim .. 25..\\
rAjA bibheti bhadra.n te gandharvebhyaH parAbhavAt . 
tva.n chApi taruNI subhru rUpeNApratimA bhuvi .. 26..\\

 sair

trayodashAha mAtraM me rAjA kShamatu bhAmini . 
kR^itakR^ityA bhaviShyanti gandharvAste na saMshayaH .. 27..\\
tato mA.n te.apaneShyanti kariShyanti cha te priyam . 
dhruva.n cha shreyasA rAjA yoShkyate saha bAndhavaiH .. 28..\\
\medskip\hrule\medskip\centerline{\Largedvng 24}
 vai

kIchakasya tu ghAtena sAnujasya vishAM pate . 
atyAhita.n chintayitvA vyasmayanta pR^ithagjanAH .. 1..\\
tasminpure janapade sa~njalpo.abhUchcha sarvashaH . 
shauryAddhi vallabho rAGYo mahAsattvashcha kIchakaH .. 2..\\
AsItprahartA cha nR^iNA.n dArAmarshI cha durmatiH . 
sa hataH khalu pApAtmA gandharvairduShTapUruShaH .. 3..\\
ityajalpanmahArAjanparAnIka vishAtanam . 
deshe deshe manuShyAshcha kIchaka.n duShpradharShaNam .. 4..\\
atha vai dhArtarAShTreNa prayuktA ya bahishcharAH . 
mR^igayitvA bahUngrAmAnrAShTrANi nagarANi cha .. 5..\\
sa.nvidhAya yathAdiShTa.n yathA deshapradarshanam . 
kR^itachintA nyavartanta te cha mAga puraM prati .. 6..\\
tatra dR^iShTvA tu rAjAna.n kauravyaM dhR^itarAShTra jam . 
dorNa karNa kR^ipaiH sArdhaM bhIShmeNa cha mahAtmanA .. 7..\\
sa~NgataM bhrAtR^ibhishchApi trigartaishcha mahArathaiH . 
duryodhana.n sabhAmadhye AsInamidamabruvan .. 8..\\
kR^ito.asmAbhiH paro yatnasteShAmanveShaNe sadA . 
pANDavAnAM manuShyendra tasminmahati kAnane .. 9..\\
nirjane mR^igasa~NkIrNe nAnAdrumalatAvR^ite . 
latApratAna bahule nAnAgulmasamAvR^ite .. 10..\\
na cha vidmo gatA yena pArthAH syurdR^iDhavikramAH . 
mArgamANAH padanyAsa.n teShu teShu tathA tathA .. 11..\\
girikUTeShu tu~NgeShu nAnAjanapadeShu cha . 
janAkIrNeShu desheShu kharvaTeShu pareShu cha .. 12..\\
narendra bahusho.anviShTA naiva vidmashcha pANDavAn . 
atyantabhAvaM naShTAste bhadra.n tubhyaM nararShabha .. 13..\\
vartmAnyanviShyamANAstu rathAnA.n rathasattama . 
ka.n chitkAlaM manuShyendra sUtAnAmanugA vayam .. 14..\\
mR^igayitvA yathAnyAya.n viditArthAH sma tattvataH . 
prAptA dvAravatI.n sUtA R^ite pArthaiH parantapa .. 15..\\
na tatra pANDavA rAjannApi kR^iShNA pativratA . 
sarvathA vipranaShTAste namaste bharatarShabha .. 16..\\
na hi vidmo gati.n teShA.n vAsaM vApi mahAtmanAm . 
pANDavAnAM pravR^itti.n vA vidmaH karmApi vA kR^itam . 
sa naH shAdhi manuShyendra ata Urdhva.n vishAM pate .. 17..\\
anveShaNe pANDavAnAM bhUyaH ki.n karavAmahe . 
imA.n cha naH priyAmIkSha vAchaM bhadravatI.n shubhAm .. 18..\\
yena trigarttA nikR^itA balena mahatA nR^ipa . 
sUtena rAGYo matsyasya kIchakena mahAtmanA .. 19..\\
sa hataH patitaH shete gandharvairnishi bhArata . 
adR^ishyamAnairduShTAtmA saha bhrAtR^ibhirachyuta .. 20..\\
priyametadupashrutya shatrUNA.n tu parAbhavam . 
kR^itakR^ityash cha kauravya vidhatsva yadanantaram .. 21..\\
\medskip\hrule\medskip\centerline{\Largedvng 25}
 vai

tato duryodhano rAjA shrutvA teShA.n vachastadA . 
chiramantarmanA bhUtvA pratyuvAcha sabhA sadaH .. 1..\\
suduHkhA khalu kAryANA.n gatirviGYAtumantataH . 
tasmAtsarve udIkShadhva.n kva nu syuH pANDavA gatAH .. 2..\\
alpAvashiShTa.n kAlasya gatabhUyiShThamantataH . 
teShAmaGYAtacharyAyAmasminvarShe trayodashe .. 3..\\
asya varShasya sheSha.n chedvyatIyuriha pANDavAH . 
nivR^ittasamayAste hi satyavrataparAyaNAH .. 4..\\
kSharanta iva nAgendrAH sarva AshIviShopamAH . 
duHkhA bhaveyuH sa.nrabdhAH kauravAnprati te dhruvam .. 5..\\
arvAkkAlasya viGYAtAH kR^ichchhrarUpadharAH punaH . 
pravisheyurjitakrodhAstAvadeva punarvanam .. 6..\\
tasmAtkShipraM bubhutsadhva.n yathA no.atyantamavyayam . 
rAjyaM nirdvandvamavyagraM niHsapatna.n chiraM bhavet .. 7..\\
athAbravIttataH karNaH kShipra.n gachchhantu bhArata . 
anye dhUrtatarA dakShA nibhR^itAH sAdhukAriNaH .. 8..\\
charantu deshAnsa.nvItAH sphItA~njanapadAkulAn . 
tatra goShThIShvathAnyAsu siddhapravrajiteShu cha .. 9..\\
parichAreShu tIrtheShu vividheShvAkareShu cha . 
viGYAtavyA manuShyaistaistarkayA suvinItayA .. 10..\\
vividhaistatparaiH samyaktajGYairnipuNa sa.nvR^itaiH . 
anveShTavyAshcha nipuNaM pANDavAshchhannavAsinaH .. 11..\\
nadI ku~njeShu tIrtheShu grAmeShu nagareShu cha . 
AshrameShu cha ramyeShu parvateShu guhAsu cha .. 12..\\
athAgrajAnantarajaH pApabhAvAnurAgiNam . 
jyeShTha.n duHshAsanastatra bhrAtA bhrAtaramabravIt .. 13..\\
etachcha karNo yatprAha sarvamIkShAmahe tathA . 
yathoddiShTa.n charAH sarve mR^igayantu tatastataH . 
ete chAnye cha bhUyA.nso deshAddesha.n yathAvidhi .. 14..\\
na tu teShA.n gatirvAsaH pravR^ittish chopalabhyate . 
atyAhita.n vA gUDhAste pAraM vormimato gatAH .. 15..\\
vyAlairvApi mahAraNye bhakShitAH shUramAninaH . 
atha vA viShamaM prApya vinaShTAH shAshvatIH samAH .. 16..\\
tasmAnmAnasamavyagra.n kR^itvA tvaM kurunandana . 
kuru kArya.n yathotsAhaM manyase yannarAdhipa .. 17..\\
\medskip\hrule\medskip\centerline{\Largedvng 26}
 vai

athAbravInmahAvIryo droNastattvArtha darshivAn . 
na tAdR^ishA vinashyanti nApi yAnti parAbhavam .. 1..\\
shUrAshcha kR^itavidyAshcha buddhimanto jitendriyAH . 
dharmaGYAshcha kR^itaGYAshcha dharmarAjamanuvratAH .. 2..\\
nItidharmArthatattvaGYaM pitR^ivachcha samAhitam . 
dharme sthita.n satyadhR^iti.n jyeShThaM jyeShThApachAyinam .. 3..\\
anuvratA mahAtmAnaM bhrAtaraM bhrAtaro nR^ipa . 
ajAtashatru.n hrImanta.n taM cha bhrAtR^Inanuvratam .. 4..\\
teShA.n tathAvidheyAnAM nibhR^itAnAM mahAtmanAm . 
kimarthaM nItimAnpArthaH shreyo naiShA.n kariShyati .. 5..\\
tasmAdyatnAtpratIkShante kAlasyodayamAgatam . 
na hi te nAshamR^ichchheyuriti pashyAmyaha.n dhiyA .. 6..\\
sAmprata.n chaiva yatkAryaM tachcha kShipramakAlikam . 
kriyatA.n sAdhu sa~ncintya vAsashchaiShAM prachintyatAm .. 7..\\
yathAvatpANDuputrANA.n sarvArtheShu dhR^itAtmanAm . 
durGYeyAH khalu shUrAste apApAstapasA vR^itAH .. 8..\\
shuddhAtmA guNavAnpArthaH satyavAnnItimA~nshuchiH . 
tejorAshirasa~Nkhyeyo gR^ihNIyAdapi chakShurI .. 9..\\
viGYAya kriyatA.n tasmAdbhUyashcha mR^igayAmahe . 
brAhmaNaishchArakaiH siddhairye chAnye tadvido janAH .. 10..\\
\medskip\hrule\medskip\centerline{\Largedvng 27}
 vai

tataH shAntanavo bhIShmo bharatAnAM pitAmahaH . 
shrutavAndeshakAlaGYastattvaGYaH sarvadharmavit .. 1..\\
AchArya vAkyoparame tadvAkyamabhisandadhat . 
hitArtha.n sa uvAchemAM bhAratIM bhAratAnprati .. 2..\\
yudhiShThire samAsaktA.n dharmaGYe dharmasaMshritAm . 
asatsu durlabhAM nitya.n satA.n chAbhimatAM sadA . 
bhIShmaH samavadattatra gira.n sAdhubhirarchitAm .. 3..\\
yathaiSha brAhmaNaH prAha droNaH sarvArthavattva vit . 
sarvalakShaNasampannA nAshaM nArhanti pANDavAH .. 4..\\
shrutavR^ittopasampannA sAdhuvratasamanvitAH . 
vR^iddhAnushAsane magnAH satyavrataparAyaNAH .. 5..\\
samaya.n samayaGYAste pAlayantaH shuchivratAH . 
nAvasIditumarhanti udvahantaH satA.n dhuram .. 6..\\
dharmatashchaiva guptAste svavIryeNa cha pANDavAH . 
na nAshamadhigachchheyuriti me dhIyate matiH .. 7..\\
tatra buddhiM praNeShyAmi pANDavAnprati bhArata . 
na tu nItiH sunItasya shakyate.anveShituM paraiH .. 8..\\
yattu shakyamihAsmAbhistAnvai sa~ncintya pANDavAn . 
buddhyA pravaktuM na drohAtpravakShyAmi nibodha tat .. 9..\\
sA tviya.n sAdhu vaktavyA na tvanItaH katha.n chana . 
vR^iddhAnushAsane tAta tiShThataH satyashIlinaH .. 10..\\
avashya.n tviha dhIreNa satAM madhye vivakShatA . 
yathAmativivaktavya.n sarvasho dharmalipsayA .. 11..\\
tatra nAha.n tathA manye yathAyamitaro janaH . 
pure janapade vApi yatra rAjA yudhiShThiraH .. 12..\\
nAsUyako na chApIrShurnAtivAdI na matsarI . 
bhaviShyati janastatra sva.n sva.n dharmamanuvrataH .. 13..\\
brahmaghoShAshcha bhUyA.nsaH pUrNAhutyastathaiva cha . 
kratavashcha bhaviShyanti bhUyA.nso bhUridakShiNAH .. 14..\\
sadA cha tatra parjanyaH samyagvarShI na saMshayaH . 
sampannasasyA cha mahI nirItIkA bhaviShyati .. 15..\\
rasavanti cha dhAnyAni guNavanti phalAni cha . 
gandhavanti cha mAlyAni shubhashabdA cha bhAratI .. 16..\\
vAyushcha sukhasa.nsparsho nispratIpa.n cha darshanam . 
bhayaM nAbhyAvishettatra yatra rAjA yudhiShThiraH .. 17..\\
gAvashcha bahulAstatra na kR^ishA na cha durduhAH . 
payA.nsi dadhi sarpIMShi rasavanti hitAni cha .. 18..\\
guNavanti cha pAnAni bhojyAni rasavanti cha . 
tatra deshe bhaviShyanti yatra rAjA yudhiShThiraH .. 19..\\
rasAH sparshAshcha gandhAshcha shabdAshchApi guNAnvitAH . 
dR^ishyAni cha prasannAni yatra rAjA yudhiShThiraH .. 20..\\
svairsvairguNaiH susa.nyuktAstasminvarShe trayodashe . 
deshe tasminbhaviShyanti tAta pANDava sa.nyute .. 21..\\
samprItimA~njanastatra santuShTaH shuchiravyayaH . 
devatAtithipUjAsu sarvabhUtAnurAgavAn .. 22..\\
iShTadAno mahotsAhaH shashvaddharmaparAyaNaH . 
ashubha dvichchhubhaprepsurnityayaGYaH shubhavrataH . 
bhaviShyati janastatra yatra rAjA yudhiShThiraH .. 23..\\
tyaktavAkyAnR^itastAta shubhakalyANa ma~NgalaH . 
shubhArthepShuH shubhamatiryatra rAjA yudhiShThiraH . 
bhaviShyati janastatra nitya.n cheShTa priyavrataH .. 24..\\
dharmAtmA sa tadAdR^ishyaH so.api tAta dvijAtibhiH . 
kiM punaH prAkR^itaiH pArthaH shakyo viGYAtumantataH .. 25..\\
yasminsatya.n dhR^itirdAnaM parA shAntirdhruvA kShamA . 
hrIH shrIH kIrtiH para.n teja AnR^isha.nsyamathArjavam .. 26..\\
tasmAttatra nivAsa.n tu chhanna.n satreNa dhImataH . 
gati.n vA paramA.n tasya notsahe vaktumanyathA .. 27..\\
evametattu sa~ncintya yatkR^itaM manyase hitam . 
tatkShipra.n kuru kauravya yadyeva.n shraddadhAsi me .. 28..\\
\medskip\hrule\medskip\centerline{\Largedvng 28}
 vai

tataH shAradvato vAkyamityuvAcha kR^ipastadA . 
yuktaM prApta.n cha vR^iddhena pANDavAnprati bhAShitam .. 1..\\
dharmArthasahita.n shlakShNa.n tattvatash cha sa hetumat . 
tatrAnurUpaM bhIShmeNa mamApyatra gira.n shR^iNu .. 2..\\
teShA.n chaiva gatistIrthairvAsashchaiShAM prachintyatAm . 
nItirvidhIyatA.n chApi sAmprata.n yA hitA bhavet .. 3..\\
nAvaGYeyo ripustAta prAkR^ito.api bubhUShatA . 
kiM punaH pANDavAstAta sarvAstrakushalA raNe .. 4..\\
tasmAtsatraM praviShTeShu pANDaveShu mahAtmasu . 
gUDhabhAveShu chhanneShu kAle chodayamAgate .. 5..\\
svarAShTra pararAShTreShu GYAtavyaM balamAtmanaH . 
udaye pANDavAnA.n cha prApte kAle na saMshayaH .. 6..\\
nivR^ittasamayAH pArthA mahAtmAno mahAbalAH . 
mahotsAhA bhaviShyanti pANDavA hyati tejasaH .. 7..\\
tasmAdbala.n cha koshaM cha nItishchApi vidhIyatAm . 
yathAkAlodaye prApte samyaktaiH sandadhAmahe .. 8..\\
tAta manyAmi tatsarvaM budhyasva balamAtmanaH . 
niyata.n sarvamitreShu balavatsvabaleShu cha .. 9..\\
uchchAvachaM bala.n GYAtvA madhyastha.n chApi bhArata . 
prahR^iShTamaprahR^iShTa.n cha sandadhAma tathA paraiH .. 10..\\
sAmnA bhedena dAnena daNDena balikarmaNA . 
nyAyenAnamya cha parAnbalAchchAnamya durbalAn .. 11..\\
sAntvayitvA cha mitrANi bala.n chAbhAShyatA.n sukham . 
sakosha balasa.nvR^iddhaH samyaksiddhimavApsyasi .. 12..\\
yotsyase chApi balibhiraribhiH pratyupasthitaiH . 
anyaistvaM pANDavairvApi hInasvabalavAhanaiH .. 13..\\
eva.n sarvaM vinishchitya vyavasAyaM svadharmataH . 
yathAkAlaM manuShyendra chira.n sukhamavApsyasi .. 14..\\
\medskip\hrule\medskip\centerline{\Largedvng 29}
 vai

atha rAjA trigartAnA.n susharmA rathayUthapaH . 
prAptakAlamida.n vAkyamuchAva tvarito bhR^isham .. 1..\\
asakR^innikR^itaH pUrvaM matsyaiH sAlveyakaiH saha . 
sUtena chaiva matsyasya kIchakena punaH punaH .. 2..\\
bAdhito bandhubhiH sArdhaM balAdbalavatA vibho . 
sa karNamabhyudIkShyAtha duryodhanamabhAShata .. 3..\\
asakR^inmatsyarAGYA me rAShTraM bAdhitamojasA . 
praNetA kIchakashchAsya balavAnabhavatpurA .. 4..\\
krUro.amarShI sa duShTAtmA bhuvi prakhyAtavikramaH . 
nihatastatra gandharvaiH pApakarmA nR^isha.nsavAn .. 5..\\
tasmiMshcha nihate rAjanhInadarpo nirAshrayaH . 
bhaviShyati nirutsAho virATa iti me matiH .. 6..\\
tatra yAtrA mama matA yadi te rochate.anagha . 
kauravANA.n cha sarveShAM karNasya cha mahAtmanaH .. 7..\\
etatprAptamahaM manye kAryamAtyayika.n hitam . 
rAShTra.n tasyAbhiyAtvAshu bahu dhAnyasamAkulam .. 8..\\
AdadAmo.asya ratnAni vividhAni vasUni cha . 
grAmAnrAShTrANi vA tasya hariShyAmo vibhAgashaH .. 9..\\
atha vA gosahasrANi bahUni cha shubhAni cha . 
vividhAni hariShyAmaH pratipIDya puraM balAt .. 10..\\
kauravaiH saha sa~Ngamya trigartaishcha vishAM pate . 
gAstasyApaharAmAshu saha sarvaiH susa.nhatAH .. 11..\\
sandhi.n vA tena kR^itvA tu nibadhnImo.asya pauruSham . 
hatvA chAsya chamU.n kR^itsnA.n vashamanvAnayAmahe .. 12..\\
ta.n vashe nyAyataH kR^itvA sukhaM vatsyAmahe vayam . 
bhavato balavR^iddhishcha bhaviShyati na saMshayaH .. 13..\\
tachchhrutvA vachana.n tasya karNo rAjAnamabravIt . 
sUkta.n susharmaNA vAkyaM prAptakAlaM hita.n cha naH .. 14..\\
tasmAtkShipra.n viniryAmo yojayitvA varUthinIm . 
vibhajya chApyanIkAni yathA vA manyase.anagha .. 15..\\
praGYAvAnkuruvR^iddho.aya.n sarveShAM naH pitAmahaH . 
AchAryashcha tathA droNaH kR^ipaH shAradvatastathA .. 16..\\
manyante te yathA sarve tathA yAtrA vidhIyatAm . 
saMmantrya chAshu gachchhAmaH sAdhanArthaM mahIpateH .. 17..\\
ki.n cha naH pANDavaiH kArya.n hInArthabalapauruShaiH . 
atyartha.n vA pranaShTAste prAptA vApi yamakShayam .. 18..\\
yAmo rAjannanudvignA virATa viShaya.n vayam . 
AdAsyAmo hi gAstasya vividhAni vasUmi cha .. 19..\\
tato duryodhano rAjA vAkyamAdAya tasya tat . 
vaikartanasya karNasya kShipramAGYApayatsvayam .. 20..\\
shAsane nityasa.nyukta.n duHshAsanamanantaram . 
saha vR^iddhaistu saMmantrya kShipra.n yojaya vAhinIm .. 21..\\
yathoddesha.n cha gachchhAmaH sahitAH sarvakauravaiH . 
susharmA tu yathoddiShTa.n desha.n yAtu mahArathaH .. 22..\\
trigartaiH sahito rAjA samagrabalavAhanaH . 
prAgeva hi susa.nvIto matsyasya viShayaM prati .. 23..\\
jaghanyato vaya.n tatra yAsyAmo divasAntaram . 
viShayaM matsyarAjasya susamR^iddha.n susa.nhatAH .. 24..\\
te yAtvA sahasA tatra virATanagaraM prati . 
kShipra.n gopAnsamAsAdya gR^ihNantu vipulaM dhanam .. 25..\\
gavA.n shatasahasrANi shrImanti guNavanti cha . 
vayamapi nigR^ihNImo dvidhAkR^itvA varUthinIm .. 26..\\
sa sma gatvA yathoddiShTA.n disha.n vahnermahIpatiH . 
Adatta gAH susharmAtha gharmapakShasya saptamIm .. 27..\\
apara.n divasa.n sarve rAjansambhUya kauravAH . 
aShTamyA.n tAnyagR^ihNanta gokulAni sahasrashaH .. 28..\\
\medskip\hrule\medskip\centerline{\Largedvng 30}
 vai

tatasteShAM mahArAja tatraivAmita tejasAm . 
chhadma li~NgapraviShTAnAM pANDavAnAM mahAtmanAm .. 1..\\
vyatItaH samayaH samyagvasatA.n vai purottame . 
kurvatA.n tasya karmANi virATasya mahIpateH .. 2..\\
tatastrayodashasyAnte tasya varShasya bhArata . 
susharmaNA gR^ihIta.n tu godhanaM tarasA bahu .. 3..\\
tato javena mahatA gopAH puramathAvrajat . 
apashyanmatsyarAja.n cha rathAtpraskandya kuNDalI .. 4..\\
shUraiH parivR^ita.n yodhaiH kuNDalA~Ngada dhAribhiH . 
sadbhishcha mantribhiH sArdhaM pANDavaishcha nararShabhaiH .. 5..\\
ta.n sabhAyAM mahArAjamAsInaM rAShTravardhanam . 
so.abravIdupasa~Ngamya virATaM praNatastadA .. 6..\\
asmAnyudhi vinirjitya paribhUya sa bAndhavAn . 
gavA.n shatasahasrANi trigartAH kAlayanti te . 
tAnparIpsa manuShyendra mA neshuH pashavastava .. 7..\\
tachchhrutvA nR^ipatiH senAM matsyAnA.n samayojayat . 
rathanAgAshvakalilAM pattidhvajasamAkulAm .. 8..\\
rAjAno rAjaputrAshcha tanutrANyatra bhejire . 
bhAnumanti vichitrANi sUpasevyAni bhAgashaH .. 9..\\
savajrAyasa garbha.n tu kavachaM taptakA~nchanam . 
virATasya priyo bhrAtA shatAnIko.abhyahArayat .. 10..\\
sarvapAra sava.n varma kalyANa paTala.n dR^iDham . 
shatAnIkAdavarajo madirAshvo.abhyahArayat .. 11..\\
shatasUrya.n shatAvartaM shatabindu shatAkShimat . 
abhedyakalpaM matsyAnA.n rAjA kavachamAharat .. 12..\\
utsedhe yasya padmAni shata.n saugandhikAni cha . 
suvarNapR^iShTha.n sUryAbhaM sUryadattAbhyahArayat .. 13..\\
dR^iDhamAyasa garbha.n tu shveta.n varma shatAkShimat . 
virATasya suto jyeShTho vIraH sha~Nkho.abhyahArayat .. 14..\\
shatashashcha tanutrANi yathA svAni mahArathAH . 
yotsyamAnAbhyanahyanta devarUpAH prahAriNaH .. 15..\\
sUpaskareShu shubhreShu mahatsu cha mahArathAH . 
pR^ithakkA~nchanasaMnAhAnratheShvashvAnayojayan .. 16..\\
sUryachandra pratIkAsho rathe divye hiraNmayaH . 
mahAnubhAvo matsyasya dhvaja uchchhishriye tadA .. 17..\\
athAnyAnvividhAkArAndhvajAnhemavibhUShitAn . 
yathA sva.n kShatriyAH shUrA ratheShu samayojayan .. 18..\\
atha matsyo.abravIdrAjA shatAnIka.n jaghanyajam . 
ka~Nkaballava gopAlA dAma granthishcha vIryavAn . 
yudhyeyuriti me buddhirvartate nAtra saMshayaH .. 19..\\
eteShAmapi dIyantA.n rathA dhvajapatAkinaH . 
kavachAni vichitrANi dR^iDhAni cha mR^idUni cha . 
pratimu~nchantu gotreShu dIyantAmAyudhAni cha .. 20..\\
vIrA~NgarUpAH puruShA nAgarAjakaropamAH . 
neme jAtu na yudhyeranniti me dhIyate matiH .. 21..\\
etachchhrutvA tu nR^ipatervAkya.n tvaritamAnasaH . 
shatAnIkastu pArthebhyo rathAnrAjansamAdishat . 
sahadevAya rAGYe cha bhImAya nakulAya cha .. 22..\\
tAnprahR^iShTAstataH sUtA rAjabhaktipuraskR^itAH . 
nirdiShTAnnaradevena rathA~nshIghramayojayan .. 23..\\
kavachAni vichitrANi dR^iDhAni cha mR^idUni cha . 
virATaH prAdishadyAni teShAmakliShTakarmaNAm . 
tAnyAmuchya sharIreShu daMshitAste parantapAH .. 24..\\
tarasvinashchhinnarUpAH sarve yuddhavishAradAH . 
virATamanvayuH pashchAtsahitAH kurupu~NgavAH . 
chatvAro bhrAtaraH shUrAH pANDavAH satyavikramAH .. 25..\\
bhImAshcha mattamAta~NgAH prabhinnakaraTA mukhAH . 
kSharanta iva jImUtAH sudantAH ShaShTihAyanAH .. 26..\\
svArUDhA yuddhakushalaiH shikShitairhastisAdibhiH . 
rAjAnamanvayuH pashchAchchalanta iva parvatAH .. 27..\\
vishAradAnA.n vashyAnAM hR^iShTAnA.n chAnuyAyinAm . 
aShTau rathasaraHsrANi dashanAgashatAni cha . 
paShTishchAshvasahasrANi matsyAnAmabhiniryayuH .. 28..\\
tadanIka.n virATasya shushubhe bharatarshabha . 
samprayAtaM mahArAja ninIShanta.n gavAM padam .. 29..\\
tadbalAgrya.n virATasya samprasthitamashobhata . 
dR^iDhAyudha janAkIrNa.n jagAshvarathasa~Nkulam .. 30..\\
\medskip\hrule\medskip\centerline{\Largedvng 31}
 vai

niryAya nagarAchchhUrA vyUDhAnIkAH prahAriNaH . 
trigartAnaspR^ishanmatsyAH sUrye pariNate sati .. 1..\\
te trigartAshcha matsyAshcha sa.nrabdhA yuddhadurmadAH . 
anyonyamabhigarjanto goShu gR^iddhA mahAbalAH .. 2..\\
bhImAshcha mattamAta~NgAstomarA~NkushachoditAH . 
grAmaNIyaiH samArUDhAH kushalairhastisAdibhiH .. 3..\\
teShA.n samAgamo ghorastumulo lomaharShaNaH . 
devAsurasamo rAjannAsItsUryevilambati .. 4..\\
udatiShThadrajo bhaumaM na praGYAyata ki.n chana . 
pakShiNashchApatanbhUmau sainyena rajasAvR^itAH .. 5..\\
iShubhirvyatisa.nyadbhirAdityo.antaradhIyata . 
khadyotairiva sa.nyuktamantarikSha.n vyarAjata .. 6..\\
rukmapR^iShThAni chApAni vyatiShaktAni dhanvinAm . 
patatA.n lokavIrANAM savyadakShiNamasyatAm .. 7..\\
rathA rathaiH samAjagmuH pAdAtaishcha padAtayaH . 
sAdibhiH sAdinashchaiva gajaishchApi mahAgajAH .. 8..\\
asibhiH paTTishaiH prAsaiH shaktibhistomarairapi . 
sa.nrabdhAH samare rAjannijaghnuritaretaram .. 9..\\
nighnantaH samare.anyonya.n shUrAH parighabAhavaH . 
na shekurabhisa.nrabdhAH shUrAnkartuM parA~NmukhAn .. 10..\\
kL^iptottarauShTha.n sunasa.n kL^ipta keshamalaM kR^itam . 
adR^ishyata shirashchhinna.n rajodhvastaM sakuNDalam .. 11..\\
adR^ishya.nstatra gAtrANi sharaishchhinnAni bhAgashaH . 
shAlaskandhanikAshAni kShatriyANAM mahAmR^idhe .. 12..\\
nAgabhoganikAshaishcha bAhubhishchandanokShitaiH . 
AkIrNA vasudhA tatra shiro bhishcha sakuNDalaiH .. 13..\\
upashAmyadrajo bhauma.n rudhireNa prasarpatA . 
kashmalaM prAvishadghoraM nirmaryAdamavartata .. 14..\\
shatAnIkaH shata.n hatvA vishAlAkShashchatuHshatam . 
praviShTau mahatI.n senA.n trigartAnAM mahArathau . 
ArchchhetAM bahu sa.nrabdhau keshAkeshi nakhAnakhi .. 15..\\
lakShayitvA trigartAnA.n tau praviShTau rathavrajam . 
jagmatuH sUryadattashcha madirAshvashcha pR^iShThataH .. 16..\\
virATastatra sa~NgrAme hatvA pa~nchashatAnrathAn . 
hayAnA.n cha shatAnyatra hatvA pa~ncha mahArathAn .. 17..\\
charansa vividhAnmArgAnratheShu rathayUthapaH . 
trigartAnA.n susharmANamArchchhadrukmarathaM raNe .. 18..\\
tau vyAvaharatA.n tatra mahAtmAnau mahAbalau . 
anyonyamabhigarjantau goShThe govR^iShabhAviva .. 19..\\
tato rathAbhyA.n rathinau vyatiyAya samantataH . 
sharAnvyasR^ijatA.n shIghra.n toyadhArA ghanAviva .. 20..\\
anyonya.n chAtisa.nrabdhau vicheraturamarShaNau . 
kR^itAstrau nishitairbANairasi shaktigadA bhR^itau .. 21..\\
tato rAjA susharmANa.n vivyAdha dashabhiH sharaiH . 
pa~nchabhiH pa~nchabhishchAsya vivyAdha chaturo hayAn .. 22..\\
tathaiva matsyarAjAna.n susharmA yuddhadurmadaH . 
pa~nchAshatA shitairbANairvivyAdha paramAstra vit .. 23..\\
tataH sainya.n samAvR^itya matsyarAjasusharmaNoH . 
nAbhyajAna.nstadAnyonyaM pradoShe rajasAvR^ite .. 24..\\
\medskip\hrule\medskip\centerline{\Largedvng 32}
 vai

tamasAbhiplute loke rajasA chaiva bhArata . 
vyatiShThanvai muhUrta.n tu vyUDhAnIkAH prahAriNaH .. 1..\\
tato.andhakAraM praNudannudatiShThata chandramAH . 
kurvANo vimalA.n rAtriM nandayankShatriyAnyudhi .. 2..\\
tataH prakAshamAsAdya punaryuddhamavartata . 
ghorarUpa.n tataste sma nAvekShanta parasparam .. 3..\\
tataH susharmA traigartaH saha bhrAtrA yavIyasA . 
abhyadravanmatsyarAja.n rathavrAtena sarvashaH .. 4..\\
tato rathAbhyAM praskandya bhrAtarau kShatriya rShabhau . 
gadApANI susa.nrabdhau samabhyadravatA.n hayAn .. 5..\\
tathaiva teShA.n tu balAni tAni 
kruddhAnyathAnyonyamabhidravanti . 
gadAsikhaDgaishcha parashvadhaish cha 
prAsaishcha tIkShNAgrasupItadhAraiH .. 6..\\
bala.n tu matsyasya balena rAjA 
sarva.n trigartAdhipatiH susharmA . 
pramathya jitvA cha prasahya matsyaM 
virATamojasvinamabhyadhAvat .. 7..\\
tau nihatya pR^ithagdhuryAvubhau cha pArShNisArathI . 
virathaM matsyarAjAna.n jIvagrAhamagR^ihNatAm .. 8..\\
tamunmathya susharmA tu rudatI.n vadhukAm iva . 
syandana.n svaM samAropya prayayau shIghravAhanaH .. 9..\\
tasmingR^ihIte virathe virATe balavattare . 
prAdravanta bhayAnmatsyAstrigartairarditA bhR^isham .. 10..\\
teShu santrAsyamAneShu kuntIputro yudhiShThiraH . 
abhyabhAShanmahAbAhuM bhImasenamarindamam .. 11..\\
matsyarAjaH parAmR^iShTastrigartena susharmaNA . 
taM mokShaya mahAbAho na gachchheddviShatA.n vasham .. 12..\\
uShitAH smaH sukha.n sarve sarvakAmaiH supUjitAH . 
bhImasena tvayA kAryA tasya vAsasya niShkR^itiH .. 13..\\

 bhiimas

ahamenaM paritrAsye shAsanAttava pArthiva . 
pashya me sumahatkarma yudhyataH saha shatrubhiH .. 14..\\
svabAhubalamAshritya tiShTha tvaM bhrAtR^ibhiH saha . 
ekAntamAshrito rAjanpashya me.adya parAkramam .. 15..\\
suskandho.ayaM mahAvR^ikSho gadA rUpa iva sthitaH . 
enameva samArujya drAvayiShyAmi shAtravAn .. 16..\\

 vai

taM mattamiva mAta~Nga.n vIkShamANaM vanaspatim . 
abravIdbhrAtara.n vIra.n dharmarAjo yudhiShThiraH .. 17..\\
mA bhIma sAhasa.n kArShIstiShThatveSha vanaspatiH . 
mA tvA vR^ikSheNa karmANi kurvANamati mAnuSham . 
janAH samavabudhyeranbhImo.ayamiti bhArata .. 18..\\
anyadevAyudha.n kiM chitpratipadyasva mAnuSham . 
chApa.n vA yadi vA shaktiM nistriMshaM vA parashvadham .. 19..\\
yadeva mAnuShaM bhIma bhavedanyairalakShitam . 
tadevAyudhamAdAya mokShayAshu mahIpatim .. 20..\\
yamau cha chakrarakShau te bhavitArau mahAbalau . 
vyUhataH samare tAta matsyarAjaM parIpsataH .. 21..\\
tataH samastAste sarve turagAnabhyachodayan . 
divyamastra.n vikurvANAstrigartAnpratyamarShaNAH .. 22..\\
tAnnivR^ittarathAndR^iShTvA pANDavAnsA mahAchamUH . 
vairATI paramakruddhA yuyudhe paramAdbhutam .. 23..\\
sahasraM nyavadhIttatra kuntIputro yudhiShThiraH . 
bhImaH saptashatAnyodhAnparalokamadarshayat . 
nakulashchApi saptaiva shatAni prAhiNochchharaiH .. 24..\\
shatAni trINi shUrANA.n sahadevaH pratApavAn . 
yudhiShThira samAdiShTo nijaghne puruSharShabhaH . 
bhittvA tAM mahatI.nsenA.n trigartAnAM nararShabha .. 25..\\
tato yudhiShThiro rAjA tvaramANo mahArathaH . 
abhidrutya suSharmANa.n sharairabhyatudadbhR^isham .. 26..\\
susharmApi susa~NkruddhastvaramANo yudhiShThiram . 
avidhyannavabhirbANaishchaturbhishchaturo hayAn .. 27..\\
tato rAjannAshu kArI kuntIputro vR^ikodaraH . 
samAsAdya susharmANamashvAnasya vyapothayat .. 28..\\
pR^iShThagopau cha tasyAtha hatvA paramasAyakaiH . 
athAsya sArathi.n kruddho rathopasthAdapAharat .. 29..\\
chakrarakShashcha shUrashcha shoNAshvo nAma vishrutaH . 
sa bhayAddvairatha.n dR^iShTvA traigartaM prAjahattadA .. 30..\\
tato virATaH praskandya rathAdatha susharmaNaH . 
gadAmasya parAmR^ishya tamevAjaghnivAnbalI . 
sa chachAra gadApANirvR^iddho.api taruNo yathA .. 31..\\
bhImastu bhImasa~NkAsho rathAtpraskandya kuNDalI . 
trigartarAjamAdatta si.nhakshudra mR^iga.n yathA .. 32..\\
tasmingR^ihIte virathe trigartAnAM mahArathe . 
abhajyata bala.n sarva.n traigartaM tadbhayAturam .. 33..\\
nivartya gAstataH sarvAH pANDuputrA mahAbalAH . 
avajitya susharmANa.n dhanaM chAdAya sarvashaH .. 34..\\
svabAhubalasampannA hrIniShedhA yatavratAH . 
sa~NgrAmashiraso madhye tA.n rAtriM sukhino.avasan .. 35..\\
tato virATaH kaunteyAnati mAnuShavikramAn . 
archayAmAsa vittena mAnena cha mahArathAn .. 36..\\

 viraata

yathaiva mama ratnAni yuShmAka.n tAni vai tathA . 
kArya.n kuruta taiH sarve yathAkAma.n yathAsukham .. 37..\\
dadAnyala.n kR^itAH kanyA vasUni vividhAni cha . 
manasashchApyabhipreta.n yadvaH shatrunibarhaNAH .. 38..\\
yuShmAka.n vikramAdadya mukto.ahaM svastimAniha . 
tasmAdbhavanto matsyAnAmIshvarAH sarva eva hi .. 39..\\

 vai

tathAbhivAdinaM matsya.n kauraveyAH pR^ithakpR^ithak . 
UchuH prA~njalayaH sarve yudhiShThirapurogamAH .. 40..\\
pratinandAma te vAkya.n sarva.n chaiva vishAM pate . 
etenaiva pratItAH smo yattvaM mukto.adya shatrubhiH .. 41..\\
athAbravItprItamanA matsyarAjo yudhiShThiram . 
punareva mahAbAhurvirATo rAjasattamaH . 
ehi tvAmabhiShekShyAmi matsyarAjo.astu no bhavAn .. 42..\\
manasashchApyabhipreta.n yatte shatrunibarhaNa . 
tatte.aha.n sampradAsyAmi sarvamarhati no bhavAn .. 43..\\
ratnAni gAH suvarNa.n cha maNimuktamathApi vA . 
vaiyAghrapadya viprendra sarvathaiva namo.astu te .. 44..\\
tvatkR^ite hyadya pashyAmi rAjyamAtmAnameva cha . 
yatashcha jAtaH sa.nrambhaH sa cha shatrurvasha~NgataH .. 45..\\
tato yudhiShThiro matsyaM punarevAbhyabhAShata . 
pratinandAmi te vAkyaM mano GYaM matsyabhAShase .. 46..\\
AnR^isha.nsya paro nitya.n susukhaH satataM bhava . 
gachchhantu dUtAstvaritaM nagara.n tava pArthiva . 
suhR^idAM priyamAkhyAtu.n ghoShayantu cha te jayam .. 47..\\
tatastadvachanAnmatsyo dUtAnrAjA samAdishat . 
AchakShadhvaM pura.n gatvA sa~NgrAme vijayaM mama .. 48..\\
kumArAH samala.n kR^ityaparyAgachchhantu me purAt . 
vAditrANi cha sarvANi gaNikAshcha svala.n kR^itAH .. 49..\\
te gatvA kevalA.n rAtrimatha sUryodayaM prati . 
virATasya purAbhyAshe dUtA jayamaghoShayan .. 50..\\
\medskip\hrule\medskip\centerline{\Largedvng 33}
 vai

yAte trigartaM matsye tu pashU.nstAnsvAnparIpsati . 
duryodhanaH sahAmAtyo virATamupayAdatha .. 1..\\
bhIShmo droNashcha karNashcha kR^ipashcha paramAstra vit . 
drauNishcha saubalashchaiva tathA duHkshAsanaH prabhuH .. 2..\\
viviMshatirvikarNashcha chitrasenashcha vIryavAn . 
durmukho duHsahashchaiva ye chaivAnye marA rathAH .. 3..\\
ete matsyAnupAgamya virATasya mahIpateH . 
ghoShAnvidrAvya tarasA godhana.n jahrurojasA .. 4..\\
ShaShTi.n gavA.n sahasrANi kuravaH kAlayanti te . 
mahatA rathavaMshena parivArya samantataH .. 5..\\
gopAlAnA.n tu ghoSheShu hanyatAM tarmahArathaiH . 
ArAvaH sumahAnAsItsamprahAre bhaya~Nkare .. 6..\\
gavAdhyakShastu santrasto rathamAsthAya sa tvaraH . 
jagAma nagarAyaiva parikrosha.nstadArtavat .. 7..\\
sa pravishya pura.n rAGYo nR^ipa veshmAbhyayAttataH . 
avatIrya rathAttUrNamAkhyAtuM pravivesha ha .. 8..\\
dR^iShTvA bhUmi~njayaM nAma putraM matsyasya mAninam . 
tasmai tatsarvamAchaShTa rAShTrasya pashukarShaNam .. 9..\\
ShaShTi.n gavA.n sahasrANi kuravaH kAlayanti te . 
tadvijetu.n samuttiShTha godhanaM rAShTravardhanam .. 10..\\
rAjaputra hitaprepsuH kShipraM niryAhi vai svayam . 
tvA.n hi matsyo mahIpAlaH shUnyapAlamihAkarot .. 11..\\
tvayA pariShado madhye shlAghate sa narAdhipaH . 
putro mamAnurUpashcha shUrashcheti kulodvahaH .. 12..\\
iShvastre nipuNo yodhaH sadA vIrashcha me sutaH . 
tasya tatsatyamevAstu manuShyendrasya bhAShitam .. 13..\\
Avartaya kurU~njitvA pashUnpashumatA.n vara . 
nirdahaiShAmanIkAni bhImena sharatejasA .. 14..\\
dhanushchyutai rukmapu~NkhaiH sharaiH saMnataparvabhiH . 
dviShatAM bhindhyanIkAni gajAnAmiva yUthapaH .. 15..\\
pAshopadhAnA.n jyAtantrIM chApadaNDAM mahAsvanAm . 
sharavarNA.n dhanurvINA.n shatrumadhye pravAdaya .. 16..\\
shvetA rajatasa~NkAshA rathe yujyantu te hayAH . 
dhvaja.n cha si.nha.n sauvarNamuchchhrayantu tavAbhibhoH .. 17..\\
rukmapa~NkhAH prasannAgrA muktA hastavatA tvayA . 
chhAdayantu sharAH sUrya.n rAGYAmAyurnirodhinaH .. 18..\\
raNe jitvA kurUnsarvAnvarja pANirivAsurAn . 
yasho mahadavApya tvaM pravishedaM puraM punaH .. 19..\\
tva.n hi rAShTrasya paramA gatirmatsyapateH sutaH . 
gatimanto bhavantvadya sarve viShayavAsinaH .. 20..\\
strImadhya uktastenAsau tadvAkyamabhaya~Nkaram . 
antaHpure shlAghamAna ida.n vachanamabravIt .. 21..\\
\medskip\hrule\medskip\centerline{\Largedvng 34}
 uttara

adyAhamanugachchheya.n dR^iDhadhanvA gavAM padam . 
yadi me sArathiH kashchidbhavedashveShu kovidaH .. 1..\\
tameva nAdhigachchhAmi yo me yantA bhavennaraH . 
pashyadhva.n sAradhi.n kShipraM mama yuktaM prayAsyataH .. 2..\\
aShTAviMshati rAtra.n vA mAsaM vA nUnamantataH . 
yattadAsI mahadyuddha.n tatra me sArathirhataH .. 3..\\
sa labheya.n yadi tvanyaM hara yAnavidaM naram . 
tvarAvAnadya yAtvAha.n samuchchhritamahAdhvajam .. 4..\\
vigAhya tatparAnIka.n gajavAjirathAkulam . 
shastrapratApa nirvIryAnkurU~njitvAnaye pashUn .. 5..\\
duryodhana.n shAntanava.n karNaM vaikartanaM kR^ipam . 
droNa.n cha saha putreNa maheShvAsAnsamAgatAn .. 6..\\
vitrAsayitvA sa~NgrAme dAnavAniva vajrabhR^it . 
anenaiva muhUrtena punaH pratyAnaye pashUn .. 7..\\
shUnyamAsAdya kuravaH prayAntyAdAya godhanam . 
kiM nu shakyaM mayA kartu.n yadaha.n tatra nAbhavam .. 8..\\
pashyeyuradya me vIrya.n kuravaste samAgatAH . 
kiM nu pArtho.arjunaH sAkShAdayamasmAnprabAdhate .. 9..\\

 vai

tasya tadvachana.n strIShu bhAShataH sma punaH punaH . 
nAmarShayata pA~nchAlI bIbhatsoH parikIrtanam .. 10..\\
athainamupasa~Ngamya strImadhyAtsA tapasvinI . 
vrIDamAneva shanakairida.n vachanamabravIt .. 11..\\
yo.asau bR^ihadvAraNAbho yuvA supriya darshanaH . 
bR^ihannaDeti vikhyAtaH pArthasyAsItsa sArathiH .. 12..\\
dhanuShyanavarashchAsIttasya shiShyo mahAtmanaH . 
dR^iShTapUrvo mayA vIra charantyA pANDavAnprati .. 13..\\
yadA tatpAvako dAvamadahatkhANDavaM mahat . 
arjunasya tadAnena sa~NgR^ihItA hayottamAH .. 14..\\
tena sArathinA pArthaH sarvabhUtAni sarvashaH . 
ajayatkhANDava prasthe na hi yantAsti tAdR^ishaH .. 15..\\
yeya.n kumArI sushroNI bhaginI te yavIyasI . 
asyAH sa vachana.n vIrakariShyati na saMshayaH .. 16..\\
yadi vai sArathiH sa syAtkurUnsarvAnasaMshayam . 
jitvA gAshcha samAdAya dhruvamAgamanaM bhavet .. 17..\\
evamuktaH sa sairandhyA bhaginIM pratyabhAShata . 
gachchha tvamanavadyA~Ngi tAmAnaya bR^ihannaDAm .. 18..\\
sA bhrAtrA preShitA shIghramagachchhannartanA gR^iham . 
yatrAste sa mahAbAhushchhannaH satreNa pANDavaH .. 19..\\
\medskip\hrule\medskip\centerline{\Largedvng 35}
 vai

sa tA.n dR^iShTvA vishAlAkShI.n rAjaputrIM sakhIM sakhA . 
prahasannabravIdrAjankutrAgamanamityuta .. 1..\\
tamabravIdrAjaputrI samupetya nararShabham . 
praNayaM bhAvayantI sma sakhImadhya ida.n vachaH .. 2..\\
gAvo rAShTrasya kurubhiH kAlyante no bR^ihannaDe . 
tAnvijetuM mama bhrAtA prayAsyati dhanurdharaH .. 3..\\
nachira.n cha hatastasya sa~NgrAme rathasArathiH . 
tena nAsti samaH sUto yo.asya sArathyamAcharet .. 4..\\
tasmai prayatamAnAya sArathyarthaM bR^ihannaDe . 
AchachakShe hayaGYAne sairandhrI kaushala.n tava .. 5..\\
sA sArathyaM mama bhrAtuH kuru sAdhu bR^ihannaDe . 
purA dUratara.n gAvo hriyante kurubhirhi naH .. 6..\\
athaitadvachanaM me.adya niyuktA na kariShyasi . 
praNayAduchyamAnA tvaM parityakShyAmi jIvitam .. 7..\\
evamuktastu sushroNyA tayA sakhyA parantapaH . 
jagAma rAjaputrasya sakAshamamitaujasaH .. 8..\\
ta.n sA vrajanta.n tvaritaM prabhinnamiva ku~njaram . 
anvagachchhadvishAlAkShI shishurgajavadhUriva .. 9..\\
dUrAdeva tu taM prekShya rAjaputrAbhyabhAShata . 
tvayA sArathinA pArthaH khANDave.agnimatarpayat .. 10..\\
pR^ithivImajayatkR^itsnA.n kuntIputro dhana~njayaH . 
sairandhrI tvA.n samAchaShTa sA hi jAnAti pANDavAn .. 11..\\
sa.nyachchha mAmakAnashvA.nstathaiva tvaM bR^ihannaDA . 
kurubhiryotsyamAnasya godhanAni parIpsataH .. 12..\\
arjunasya kilAsIstva.n sArathirdayitaH purA . 
tvayAjayatsahAyena pR^ithivIM pANDavarShabhaH .. 13..\\
evamuktA pratyuvAcha rAjaputraM bR^ihannaDA . 
kA shaktirmama sArathya.n kartu.n sa~NgrAmamUrdhani .. 14..\\
gIta.n vA yadi vA nR^ittaM vAditraM vA pR^ithagvidham . 
tatkariShyAmi bhadra.n te sArathyaM tu kuto mayi .. 15..\\

 uttara

bR^ihannaDe gAyano vA nartano vA punarbhava . 
kShipraM me rathamAsthAya nigR^ihNIShva hayottamAn .. 16..\\

 vai

sa tatra narma sa.nyuktamakarotpANDavo bahu . 
uttarAyAH pramukhataH sarva.n jAnannarindama .. 17..\\
UrdhvamutkShipya kavacha.n sharIre pratyamu~nchata . 
kumAryastatra ta.n dR^iShTvA prAhasanpR^ithulochanAH .. 18..\\
sa tu dR^iShTvA vimuhyanta.n svayamevottarastataH . 
kavachena mahArheNa samanahyadbR^ihannaDAm .. 19..\\
sa bibhratkavacha.n chAgrya.n svayamapyaMshumatprabham . 
dhvaja.n cha si.nhamuchchhritya sArathye samakalpayat .. 20..\\
dhanUMShi cha mahArhANi bANAMshcha ruchirAnbahUn . 
AdAya prayayau vIraH sa bR^ihannaDa sArathiH .. 21..\\
athottarA cha kanyAshcha sakhyastAmabruva.nstadA . 
bR^ihannaDe AnayethA vAsA.nsi ruchirANi naH .. 22..\\
pA~nchAli kArya.n sUkShmANi chitrANi vividhAni cha . 
vijitya sa~NgrAmagatAnbhIShmadroNamukhAnkurUn .. 23..\\
atha tA bruvatIH kanyAH sahitAH pANDunandanaH . 
pratyuvAcha hasanpArtho meghadundubhi niHsvanaH .. 24..\\
yadyuttaro.aya.n sa~NgrAme vijeShyati mahArathAn . 
athAhariShye vAsA.nsi divyAni ruchirANi cha .. 25..\\
evamuktvA tu bIbhatsustataH prAchodayaddhayAn . 
kurUnabhimukhA~nshUro nAnA dhvajapatAkinaH .. 26..\\
\medskip\hrule\medskip\centerline{\Largedvng 36}
 vai

sa rAjadhAnyA niryAya vairATiH pR^ithivI.n jayaH . 
prayAhItyabravItsUta.n yatra te kuravo gatAH .. 1..\\
samavetAnkurUnyAvajjigIshUnavajitya vai . 
gAshchaiShA.n kShipramAdAya punarAyAmi svaM puram .. 2..\\
tatastAMshchodayAmAsa sadashvAnpANDunandanaH . 
te hayA narasi.nhena choditA vAtara.nhasaH . 
Alikhanta ivAkAshamUhuH kA~nchanamAlinaH .. 3..\\
nAtidUramatho yAtvA matsyaputra dhana~njayau . 
avekShetAmamitraghnau kurUNAM balinAM balam . 
shmashAnamabhito gatvA AsasAda kurUnatha .. 4..\\
tadanIkaM mahatteShA.n vibabhau sAgarasvanam . 
sarpamANamivAkAshe vanaM bahula pAdapam .. 5..\\
dadR^ishe pArthivo reNurjanitastena sarpatA . 
dR^iShTipraNAsho bhUtAnA.n divaspR^ish narasattama .. 6..\\
tadanIkaM mahaddR^iShTvA jagAshvarathasa~Nkulam . 
karNaduryodhana kR^ipairgupta.n shAntanavena cha .. 7..\\
droNena cha saputreNa maheShvAsena dhImatA . 
hR^iShTaromA bhayodvignaH pArtha.n vairATirabravIt .. 8..\\
notsahe kurubhiryoddhu.n romaharShaM hi pashya me . 
bahu pravIramatyugra.n devairapi durAsadam . 
pratiyoddhuM na shakShyAmi kurusainyamanantakam .. 9..\\
nAsha.nse bhAratI.n senAM praveShTuM bhImakArmukAm . 
rathanAgAshvakalilAM pattidhvajasamAkulAm . 
dR^iShTvaiva hi parAnAjAvAtmA pravyathatIva me .. 10..\\
yatra droNashcha bhIShmashcha kR^ipaH karNo viviMshatiH . 
ashvatthAmA vikarNashcha somadatto.atha bAhlikaH .. 11..\\
duryodhanastathA vIro rAjA cha rathinA.n varaH . 
dyutimanto maheShvAsAH sarve yuddhavishAradAH .. 12..\\
dR^iShTvaiva hi kurUnetAnvyUDhAnIkAnprahAriNaH . 
hR^iShitAni cha romANI kashmala.n chAgataM mama .. 13..\\

 vai

aviyAto viyAtasya maurkhyAddhUrtasya pashyataH . 
paridevayate mandaH sakAshe savyasAchinaH .. 14..\\
trigartAnsa pitA yAtaH shUnye sampraNidhAya tAm . 
sarvA.n senAmupAdAya na me santIha sainikAH .. 15..\\
so.ahameko bahUnbAlaH kR^itAstrAnakR^itashramaH . 
pratiyoddhuM na shakyAmi nivartasva bR^ihannaDe .. 16..\\

 arj

bhayena dInarUpo.asi dviShatA.n harShavardhanaH . 
na cha tAvatkR^ita.n kiM chitparaiH karma raNAjire .. 17..\\
svayameva cha mAmAttha vaha mA.n kauravAnprati . 
so.aha.n tvAM tatra neShyAmi yatraite bahulA dhvajAH .. 18..\\
madhyaMmAmiSha gR^idhrANA.n kurUNAmAtatAyinAm . 
neShyAmi tvAM mahAbAho pR^ithivyAmapi yudhyatAm .. 19..\\
tathA strIShu pratishrutya pauruShaM puruSheShu cha . 
katthamAno.abhiniryAya kimarthaM na yuyutsase .. 20..\\
na chedvijitya gAstAstva.n gR^ihAnvai pratiyAsyasi . 
prahasiShyanti vIra tvAM narA nAryashcha sa~NgatAH .. 21..\\
ahamapyatra sairandhryA stutaH sArathya karmaNi . 
na hi shakShyAmyanirjitya gAH prayAtuM puraM prati .. 22..\\
stotreNa chaiva sairandhryAstava vAkyena tena cha . 
kathaM na yudhyeyamaha.n kurUnsarvAnsthiro bhava .. 23..\\

 uttara

kAma.n harantu matsyAnAM bhUyA.nsa.n kuravo dhanam . 
prahasantu cha mAM nAryo narA vApi bR^ihannaDe .. 24..\\

 vai

ityuktvA prAdravadbhIto rathAtpraskandya kuNDalI . 
tyaktvA mAna.n sa mantAtmA visR^ijya sa shara.n dhanuH .. 25..\\

 brhan

naiSha pUrvaiH smR^ito dharmaH kShatriyasya palAyanam . 
shreyaste maraNa.n yuddhe na bhItasya palAyanam .. 26..\\

 vai

evamuktvA tu kaunteyaH so.avaplutya rathottamAt . 
tamanvadhAvaddhAvanta.n rAjaputra.n dhana~njayaH . 
dIrghA.n veNIM vidhunvAnaH sAdhu rakte cha vAsasI .. 27..\\
vidhUya veNI.n dhAvantamajAnanto.arjunaM tadA . 
sainikAH prAhasanke chittathArUpamavekShya tam .. 28..\\
ta.n shIghramabhidhAvantaM samprekShya kuravo.abruvan . 
ka eSha veShaprachchhanno bhasmaneva hutAshanaH .. 29..\\
ki.n chidasya yathA pu.nsaH kiM chidasya yathA striyaH . 
sArUpyamarjunasyeva klIba rUpaM bibharti cha .. 30..\\
tadevaitachchhiro grIva.n tau bAhU parighopamau . 
tadvadevAsya vikrAntaM nAyamanyo dhana~njayAt .. 31..\\
amareShviva devendro mAnuSheShu dhana~njayaH . 
ekaH so.asmAnupAyAyAdanyo loke dhana~njayAt .. 32..\\
ekaH putro virATasya shUnye saMnihitaH pure . 
sa eSha kila niryAto bAlabhAvAnna pauruShAt .. 33..\\
satreNa nUna.n chhanna.n hi charantaM pArthamarjunam . 
uttaraH sArathi.n kR^itvA niryAto nagarAdbahiH .. 34..\\
sa no manye dhvajAndR^iShTvA bhIta eSha palAyati . 
taM nUnameSha dhAvanta.n jighR^ikShati dhana~njayaH .. 35..\\
iti sma kuravaH sarve vimR^ishantaH pR^ithakpR^ithak . 
na cha vyavasitu.n kiM chiduttara.n shaknuvanti te . 
chhanna.n tathA ta.n satreNa pANDavaM prekShya bhArata .. 36..\\
uttara.n tu pradhAvantamanudrutya dhana~njayaH . 
gatvA padashata.n tUrNaM keshapakShe parAmR^ishat .. 37..\\
so.arjunena parAmR^iShTaH paryadevayadArtavat . 
bahula.n kR^ipaNaM chaiva virATasya sutastadA .. 38..\\
shAtakumbhasya shuddhasya shataM niShkAndadAmite . 
maNIniShTau cha vaiDUryAnhemabaddhAnmahAprabhAn .. 39..\\
hemadaNDapratichchhanna.n rathaM yukta.n cha suvrajaiH . 
mattAMshcha dasha mAta~NgAnmu~ncha mA.n tvaM bR^ihaNNaDe .. 40..\\

 vai

evamAdIni vAkyAni vilapantamachetasam . 
prahasya puruShavyAghro rathasyAntikamAnayat .. 41..\\
athainamabravItpArtho bhayArtaM naShTachetasam . 
yadi notsahase yoddhu.n shatrubhiH shatrukarshana . 
ehi me tva.n hayAnyachchha yudhyamAnasya shatrubhiH .. 42..\\
prayAhyetadrathAnIkaM madbAhubalarakShitaH . 
apradhR^iShyatama.n ghoraM gupta.n vIrairmahArathaiH .. 43..\\
mA bhaistva.n rAjaputrAgrya kShatriyo.asi parantapa . 
aha.n vai kurubhiryotsyAmyavajeShyAmi te pashUn .. 44..\\
pravishyaitadrathAnIkamapradhR^iShya.n durAsadam . 
yantA bhUstvaM narashreShTha yotsye.aha.n kurubhiH saha .. 45..\\
evaM bruvANo bIbhatsurvairATimaparAjitaH . 
samAshvAsya muhUrta.n tamuttaraM bharatarShabha .. 46..\\
tata ena.n vicheShTantamakAmaM bhayapIDitam . 
rathamAropayAmAsa pArthaH praharatA.n varaH .. 47..\\
\medskip\hrule\medskip\centerline{\Largedvng 37}
 vai

ta.n dR^iShTvA klIva veSheNa rathasthaM narapu~Ngavam . 
shamImabhimukha.n yAntaM rathamAropya chottaram .. 1..\\
bhIShmadroNamukhAstatra kurUNA.n rathasattamAH . 
vitrastamanasaH sarve dhana~njaya kR^itAdbhayAt .. 2..\\
tAnavekShya hatotsAhAnutpAtAnapi chAdbhutAn . 
guruH shastrabhR^itA.n shreShTho bhAradvAjo.abhyabhAShata .. 3..\\
chalAshcha vAtAH sa.nvAnti rUkShAH paruShaniHsvanAH . 
bhasma varNaprakAshena tamasA sa.nvR^itaM nabhaH .. 4..\\
rUkShavarNAshcha jaladA dR^ishyante.adbhutadarshanAH . 
niHsaranti cha koshebhyaH ShastrANi vividhAni cha .. 5..\\
shivAshcha vinadantyetA dIptAyA.n dishi dAruNAH . 
hayAshchAshrUNi mu~nchanti dhvajAH kampantyakampitAH .. 6..\\
yAdR^ishAnyatra rUpANi sandR^ishyante bahUnyapi . 
yattA bhavantastiShThantu syAdyuddha.n samupasthitam .. 7..\\
rakShadhvamapi chAtmAna.n vyUhadhvaM vAhinIm api . 
vaishasa.n cha pratIkShadhva.n rakShadhvaM chApi godhanam .. 8..\\
eSha vIro maheShvAsaH sarvashastrabhR^itA.n varaH . 
AgataH klIba veSheNa pArtho nAstyatra saMshayaH .. 9..\\
sa eSha pArtho vikrAntaH savyasAchI parantapaH . 
nAyuddhena nivarteta sarvairapi marudgaNaiH .. 10..\\
kleshitashcha vane shUro vAsavena cha shikShitaH . 
amarShavashamApanno yotsyate nAtra saMshayaH .. 11..\\
nehAsya pratiyoddhAramahaM pashyAmi kauravAH . 
mahAdevo.api pArthena shrUyate yudhi toShitaH .. 12..\\

 karna

sadA bhavAnphalgunasya guNairasmAnvikatthase . 
na chArjunaH kalA pUrNA mama duryodhanasya vA .. 13..\\

 dur

yadyeSha pArtho rAdheya kR^ita.n kAryaM bhavenmama . 
GYAtAH punashchariShyanti dvAdashAnyAnhi vatsarAn .. 14..\\
athaiSha kashchidevAnyaH klIba veSheNa mAnavaH . 
sharairena.n sunishitaiH pAtayiShyAmi bhUtale .. 15..\\

 vai

tasminbruvati tadvAkya.n dhArtarAShTre parantape . 
bhIShmo droNaH kR^ipo drauNiH pauruSha.n tadapUjayan .. 16..\\
\medskip\hrule\medskip\centerline{\Largedvng 38}
 vai

tA.n shamImupasa~Ngamya pArtho vairATimabravIt . 
sukumAra.n samAGYAtaM sa~NgrAme nAtikovidam .. 1..\\
samAdiShTo mayA kShipra.n dhanUMShyavaharottara . 
nemAni hi tvadIyAni soDhu.n shakyanti me balam .. 2..\\
bhAra.n vApi guruM hartu.n ku~njaraM vA pramarditum . 
mama vA bAhuvikShepa.n shatrUniha vijeShyataH .. 3..\\
tasmAdbhUmi~njayAroha shamImetAM palAshinIm . 
asyA.n hi pANDuputrANA.n dhanUMShi nihitAnyuta .. 4..\\
yuthiShThirasya bhImasya bIbhatShoryamayostathA . 
dhvajAH sharAshcha shUrANA.n divyAni kavachAni cha .. 5..\\
atra chaitanmahAvIrya.n dhanuH pArthasya gANDivam . 
eka.n shatasahasreNa saMmitaM rAShTravardhanam .. 6..\\
vyAyAmasahamatyartha.n tR^iNarAjasamaM mahat . 
sarvAyudhamahAmAtra.n shatrusambAdha kArakam .. 7..\\
suvarNavikR^ita.n divya.n shlakShNamAyatamavraNam . 
alaM bhAra.n guru.n voDhuM dAruNaM chArudarshanam . 
tAdR^ishAnyeva sarvANi balavanti dR^iDhAni cha .. 8..\\

 uttara

asminvR^ikShe kilodbaddha.n sharIramiti naH shrutam . 
tadaha.n rAjaputraH sanspR^isheyaM pANinA katham .. 9..\\
naiva.nvidhaM mayA yuktamAlabdhu.n kShatrayoninA . 
mahatA rAjaputreNa mantrayaGYavidA satA .. 10..\\
spR^iShTavanta.n sharIraM mAM shavavAhamivAshuchim . 
katha.n vA vyavahAryaM vai kurvIthAstvaM bR^ihannaDe .. 11..\\

 brhan

vyavahAryashcha rAjendra shuchishchaiva bhaviShyasi . 
dhanUMShyetAni mAM bhaistva.n sharIraM nAtra vidyate .. 12..\\
dAyAdaM matsyarAjasya kule jAtaM manasvinam . 
katha.n tvA ninditaM karma kArayeyaM nR^ipAtmaja .. 13..\\

 vai

evamuktaH sa pArthena rathAtpraskandya kuNDalI . 
Aruroha shamI vR^ikSha.n vairATiravashastadA .. 14..\\
tamanvashAsachchhatrughno rathe tiShThandhana~njayaH . 
pariveShTanameteShA.n kShipraM chaiva vyapAnuda .. 15..\\
tathA saMnahanAnyeShAM parimuchya samantataH . 
apashyadgANDiva.n tatra chaturbhiraparaiH saha .. 16..\\
teShA.n vimuchyamAnAnA.n dhanurAmarkavarchasAm . 
vinishreruH prabhA divyA grahANAmudayeShviva .. 17..\\
sa teShA.n rUpamAlokya bhoginAmiva jR^imbhatAm . 
hR^iShTaromA bhayodvignaH kShaNena samapadyata .. 18..\\
sa.nspR^ishya tAni chApAni bhAnumanti bR^ihanti cha . 
vairATirarjuna.n rAjannidaM vachanamabravIt .. 19..\\

 uttara

bindavo jAtarUpasya shata.n yasminnipAtitAH . 
sahasrakoTi sauvarNAH kasyaitaddhanuruttamam .. 20..\\
vAraNA yasya sauvarNAH pR^iShThe bhAsanti daMshitAH . 
supArshva.n sugraha.n chaiva kasyaitaddhanuruttamam .. 21..\\
tapanIyasya shuddhasya ShaShTiryasyendragopakAH . 
pR^iShThe vibhaktAH shobhante kasyaitaddhanuruttamam .. 22..\\
sUryA yatra cha sauvarNAstrayo bhAsanti daMshitAH . 
tejasA prajvalanto hi kasyaitaddhanuruttamam .. 23..\\
shAlabhA yatra sauvarNAstapanIyavichitritAH . 
suvarNamaNichitra.n cha kasyaitaddhanuruttamam .. 24..\\
ime cha kasya nArAchAH sahasrA lomavAhinaH . 
samantAtkaladhautAgrA upAsa~Nge hiraNmaye .. 25..\\
vipAThAH pR^ithavaH kasya gArdhrapatrAH shilAshitAH . 
hAridravarNAH sunasAH pItAH sarvAyasAH sharAH .. 26..\\
kasyAyamasitAvApaH pa~ncha shArdUlalakShaNaH . 
varAhakarNa vyAmishraH sharAndhArayate dasha .. 27..\\
kasyeme pR^ithavo dIrghAH sarvapArashavAH sharAH . 
shatAnisapta tiShThanti nArAchA rudhirAshanAH .. 28..\\
kasyeme shukapatrAbhaiH pUrvairardhaiH suvAsasaH . 
uttarairAyasaiH pItairhemapu~NkhaiH shilAshitaiH .. 29..\\
kasyAya.n sAyako dIrghaH shilI pR^iShThaH shilImukhaH . 
vaiyAghrakoshe nihito hemachitratsarurmahAn .. 30..\\
suphalashchitrakoshashcha ki~NkiNI sAyako mahAn . 
kasya hematsarurdivyaH khaDgaH paramanirvraNaH .. 31..\\
kasyAya.n vimalaH khaDgo gavye koshe samarpitaH . 
hematsaruranAdhR^iShyo naiShadhyo bhArasAdhanaH .. 32..\\
kasya pA~ncha nakhe koshe sAyako hemavigrahaH . 
pramANa rUpasampannaH pIta AkAshasaMnibhaH .. 33..\\
kasya hemamaye koshe sutapte pAvakaprabhe . 
nistriMsho.aya.n guruH pItaH saikyaH paramanirvraNaH .. 34..\\
nirdishasva yathAtattvaM mayA pR^iShTA bR^ihannaDe . 
vismayo me paro jAto dR^iShTvA sarvamidaM mahat .. 35..\\

 brhan

yanmAM pUrvamihApR^ichchhaH shatrusenAnibarhaNam . 
gANDIvametatpArthasya lokeShu vidita.n dhanuH .. 36..\\
sarvAyudhamahAmAtra.n shAtakumbhapariShkR^itam . 
etattadarjunasyAsIdgANDIvaM paramAyudham .. 37..\\
yattachchhatasahasreNa saMmita.n rAShTravardhanam . 
yena devAnmanuShyAMshcha pArtho viShahate mR^idhe .. 38..\\
devadAnavagandharvaiH pUjita.n shAshvatIH samAH . 
etadvarShasahasra.n tu brahmA pUrvamadhArayat .. 39..\\
tato.anantaramevAtha prajApatiradhArayat . 
trINi pa~nchashata.n chaiva shakro.ashIti cha pa~ncha cha .. 40..\\
somaH pa~nchashata.n rAjA tathaiva varuNaH shatam . 
pArthaH pa~ncha cha ShaShTi.n cha varShANi shvetavAhanaH .. 41..\\
mahAvIryaM mahaddivyametattaddhanuruttamam . 
pUjita.n suramartyeShu bibharti paramaM vapuH .. 42..\\
supArshvaM bhImasenasya jAtarUpagraha.n dhanuH . 
yena pArtho.ajayatkR^itsnA.n dishaM prAchIM parantapaH .. 43..\\
indragopaka chitra.n cha yadetachchAru vigraham . 
rAGYo yudhiShThirasyaitadvairAte dhanuruttamam .. 44..\\
sUryA yasmi.nstu sauvarNAH prabhAsante prabhAsinaH . 
tejasA prajvalanto vai nakulasyaitadAyudham .. 45..\\
shalabhA yatra sauvarNAstapanIyavichitritAH . 
etanmAdrI sutasyApi sahadevasya kArmukam .. 46..\\
ye tvime kShura sa~NkAshAH sahasrA lomavAhinaH . 
etArjunasya vairAte sharAH sarpaviShopamAH .. 47..\\
ete jvalantaH sa~NgrAme tejasA shIghragAminaH . 
bhavanti vIrasyAkShayyA vyUhataH samare ripUn .. 48..\\
ye cheme pR^ithavo dIrghAshchandra bimbArdha darshanAH . 
ete bhImasya nishitA ripukShayakarAH sharAH .. 49..\\
hAridra varNA ye tvete hemapu~NkhAH shilAshitAH . 
nakulasya kalApo.ayaM pa~ncha shArdUlalakShaNaH .. 50..\\
yenAsau vyajayatkR^itsnAM pratIchI.n dishamAhave . 
kalApo hyeSha tasyAsInmAdrIputrasya dhImataH .. 51..\\
ye tvime bhAskarAkArAH sarvapArashavAH sharAH . 
ete chitrAH kriyopetAH sahadevasya dhImataH .. 52..\\
ye tvime nishitAH pItAH pR^ithavo dIrghavAsasaH . 
hemapu~NkhAstriparvANo rAGYa ete mahAsharAH .. 53..\\
yastvAya.n sAyako dIrghaH shilI pR^iShTaH shilImukhaH . 
arjunasyaiSha sa~NgrAme gurubhArasaho dR^iDhaH .. 54..\\
vaiyAghrakoshastu mahAnbhImasenasya sAyakaH . 
gurubhArasaho vidyaH shAtravANAM bhaya~NkaraH .. 55..\\
suphalashchitrakoshashcha hematsaruranuttamaH . 
nistriMshaH kauravasyaiSha dharmarAjasya dhImataH .. 56..\\
yastu pA~ncha nakhe koshe nihitash chitrasevane . 
nalukasyaiSha nistriMsho gurubhArasaho dR^iDhaH .. 57..\\
yastvaya.n vimalaH khaDgo gavye koshe samarpitaH . 
sahadevasya viddhyena.n sarvabhAra saha.n dR^iDham .. 58..\\
\medskip\hrule\medskip\centerline{\Largedvng 39}
 uttara

suvarNavikR^itAnImAnyAyudhAni mahAtmanAm . 
ruchirANi prakAshante pArthAnAmAshu kAriNAm .. 1..\\
kva nu svidarjunaH pArthaH pauravyo vA yudhiShThiraH . 
nakulaH sahadevashcha bhImasenashcha pANDavaH .. 2..\\
sarva eva mahAtmAnaH sarvAmitra vinAshanAH . 
rAjyamakShaiH parAkIrya na shrUyante kadA chana .. 3..\\
draupadI kva cha pA~nchAlI strIratnamiti vishrutA . 
jitAnakShaistadA kR^iShNA tAnevAnvagamadvanam .. 4..\\

 arj

ahamasmyarjunaH pArthaH sabhAstAro yudhiShThiraH . 
ballavo bhImasenastu pituste rasapAchakaH .. 5..\\
ashvabandho.atha nakulaH sahadevastu gokule . 
sairandhI.n draupadI.n viddhi yatkR^ite kIchakA hatAH .. 6..\\

 uttara

dasha pArthasya nAmAni yAni pUrva.n shrutAni me . 
prabrUyAstAni yadi me shraddadhyA.n sarvameva te .. 7..\\

 arj

hanta te.aha.n samAchakShe dasha nAmAni yAni me . 
arjunaH phalguno jiShNuH kirITI shvetavAhanaH . 
bIbhatsurvijayaH kR^iShNaH savyasAchI dhana~njayaH .. 8..\\

 uttara

kenAsi vijayo nAma kenAsi shvetavAhanaH . 
kirITI nAma kenAsi savyasAchI kathaM bhavAn .. 9..\\
arjunaH phalguno jiShNuH kR^iShNo bIbhatsureva cha . 
dhana~njayashcha kenAsi prabrUhi mama tattvataH . 
shrutA me tasya vIrasya kevalA nAma hetavaH .. 10..\\

 arj

sarvA~njanapadA~njitvA vittamAchchhidya kevalam . 
madhye dhanasya tiShThAmi tenAhurmA.n dhana~njayam .. 11..\\
abhiprayAmi sa~NgrAme yadaha.n yuddhadurmadA . 
nAjitvA vinivartAmi tena mA.n vijayaM viduH .. 12..\\
shvetAH kA~nchanasaMnAhA rathe yujyanti me hayAH . 
sa~NgrAme yudhyamAnasya tenAha.n shvetavAhanaH .. 13..\\
uttarAbhyA.n cha pUrvAbhyAM phalgunIbhyAmahaM divA . 
jAto himavataH pR^iShThe tena mAM phalguna.n viduH .. 14..\\
purA shakreNa me datta.n yudhyato dAnavarShabhaiH . 
kirITaM mUrdhni sUryAbha.n tena mAhuH kirITinam .. 15..\\
na kuryA.n karma bIbhatsa.n yudhyamAnaH kathaM chana . 
tena devamanuShyeShu bIbhatsuriti mA.n viduH .. 16..\\
ubhau me dakShiNau pANI gANDIvasya vikarShaNe . 
tena devamanuShyeShu savyasAchIti mA.n viduH .. 17..\\
pR^ithivyA.n chaturantAyA.n varNo me durlabhaH samaH . 
karomi karma shulka.n cha tena mAmarjuna.n viduH .. 18..\\
aha.n durApo durdharSho damanaH pAkashAsaniH . 
tena devamanuShyeShu jiShNu nAmAsmi vishrutaH .. 19..\\
kR^iShNa ityeva dashamaM nAma chakre pitA mama . 
kR^iShNAvadAtasya sataH priyatvAdbAlakasya vai .. 20..\\

 vai

tataH pArtha.n sa vairATirabhyavAdayadantikAt . 
ahaM bhUmi.n jayo nAma nAmnAhamapi chottaraH .. 21..\\
diShTyA tvAM pArtha pashyAmi svAgata.n te dhana~njaya . 
lohitAkSha mahAbAho nAgarAjakaropama . 
yadaGYAnAdavocha.n tvAM kShantumarhasi tanmama .. 22..\\
yatastvayA kR^itaM pUrva.n vichitra.n karma duShkaram . 
ato bhaya.n vyatItaM me prItishcha paramA tvayi .. 23..\\
\medskip\hrule\medskip\centerline{\Largedvng 40}
 uttara

AsthAya vipula.n vIra rathaM sArathinA mayA . 
katama.n yAsyase.anIkamukto yAsyAmyaha.n tvayA .. 1..\\

 arj

prIto.asmi puruShavyAghra na bhaya.n vidyate tava . 
sarvAnnudAmi te shatrUnraNe raNavishArada .. 2..\\
svastho bhava mahAbuddhe pashya mA.n shatrubhiH saha . 
yudhyamAna.n vimarde.asminkurvANaM bhairavaM mahat .. 3..\\
etAnsarvAnupAsa~NgAnkShipraM badhnIhi me rathe . 
eta.n chAhara nistriMshaM jAtarUpapariShkR^itam . 
aha.n vai kurubhiryotsyAmyavajeShyAmi te pashUn .. 4..\\
sa~NkalpapakSha vikShepaM bAhuprAkAratoraNam . 
tridaNDatUNa sambAdhamanekadhvajasa~Nkulam .. 5..\\
jyA kShepaNa.n krodhakR^itaM nemI ninadadundubhiH . 
nagara.n te mayA gupta.n rathopasthaM bhaviShyati .. 6..\\
adhiShThito mayA sa~Nkhye ratho gANDIvadhanvanA . 
ajeyaH shatrusainyAnA.n vairATe vyetu te bhayam .. 7..\\

 uttara

bibhemi nAhameteShA.n jAnAmi tvA.n sthiraM yudhi . 
keshavenApi sa~NgrAme sAkShAdindreNa vA samam .. 8..\\
ida.n tu chintayanneva parimuhyAmi kevalam . 
nishchaya.n chApi durmedhA na gachchhAmi kathaM chana .. 9..\\
eva.n vIrA~NgarUpasya lakShaNairuchitasya cha . 
kena karma vipAkena klIbatvamidamAgatam .. 10..\\
manye tvA.n klIba veSheNa charanta.n shUlapANinam . 
gandharvarAjapratima.n deva.n vApi shatakratum .. 11..\\

 arj

bhrAturniyogAjjyeShThasya sa.nvatsaramida.n vratam . 
charAmi brahmacharya.n vai satyametadbravImi te .. 12..\\
nAsmi klIbo mahAbAho paravAndharmasa.nyutaH . 
samAptavratamuttIrNa.n viddhi mA.n tvaM nR^ipAtmaja .. 13..\\

 uttara

paramo.anugraho me.adya yatpratarko na me vR^ithA . 
na hIdR^ishAH klIba rUpA bhavantIha narottamAH .. 14..\\
sahAyavAnasmi raNe yudhyeyamamarairapi . 
sAdhvasa.n tatpranaShTaM me kiM karomi bravIhi me .. 15..\\
aha.n te sa~NgrahIShyAmi hayA~nshatrurathArujaH . 
shikShito hyasmi sArathye tIrthataH puruSharShabha .. 16..\\
dAruko vAsudevasya yathA shakrasya mAtaliH . 
tathA mA.n viddhi sArathye shikShitaM narapu~Ngava .. 17..\\
yasya yAte na pashyanti bhUmau prAptaM padaM padam . 
dakShiNa.n yo dhuraM yuktaH sugrIva sadR^isho hayaH .. 18..\\
yo.aya.n dhuraM dhuryavaro vAma.n vahati shobhanaH . 
taM manye meghapuShpasya javena sadR^isha.n hayam .. 19..\\
yo.aya.n kA~nchanasaMnAhaH pArShNi.n vahati shobhanaH . 
vAma.n sainyasya manye ta.n javena balavattaram .. 20..\\
yo.aya.n vahati te pArShNi.n dakShiNAma~nchitodyataH . 
balAhakAdapi mataH sa jave vIryavattaraH .. 21..\\
tvAmevAya.n ratho voDhuM sa~NgrAme.arhati dhanvinam . 
tva.n chema.n rathamAsthAya yoddhumarho mato mama .. 22..\\

 vai

tato nirmuchya bAhubhyA.n valayAni sa vIryavAn . 
chitre dundubhisaMnAde pratyamu~nchattale shubhe .. 23..\\
kR^iShNAnbha~NgImataH keshA~nshvetenodgrathya vAsasA . 
adhijya.n tarasA kR^itvA gANDIva.n vyAkShipaddhanuH .. 24..\\
tasya vikShipyamANasya dhanuSho.abhUnmahAsvanaH . 
yathA shailasya mahataH shailenaivAbhijaghnuraH .. 25..\\
sa nirghatAbhavadbhUmirdikShu vAyurvavau bhR^isham . 
bhrAntadvija.n khaM tadAsItprakampitamahAdrumam .. 26..\\
ta.n shabda.n kuravo.ajAnanvisphoDamashaneriva . 
yadarjuno dhanuHshreShThaM bAhubhyAmAkShipadrathe .. 27..\\
\medskip\hrule\medskip\centerline{\Largedvng 41}
 vai

uttara.n sArathi.n kR^itvA shamIM kR^itvA pradakShiNam . 
Ayudha.n sarvamAdAya tataH prAyAddhana~njayaH .. 1..\\
dhvaja.n si.nhaM rathAttasmAdapanIya mahArathaH . 
praNidhAya shamI mUle prAyAduttarasArathiH .. 2..\\
daivIM mAyA.n rathe yuktvA vihitAM vishvakarmaNA . 
kA~nchana.n si.nhalA~NgUla.n dhvajaM vAnaralakShaNam .. 3..\\
manasA chintayAmAsa prasAdaM pAvakasya cha . 
sa cha tachchintita.n GYAtvA dhvaje bhUtAnyachodayat .. 4..\\
sa patAka.n vichitrA~NgaM sopAsa~NgaM mahArathaH . 
rathamAsthAya bIbhatsuH kaunteyaH shvetavAhanaH .. 5..\\
badhAsiH sa tanutrANaH pragR^ihItasharAsanaH . 
tataH prAyAdudIchI.n sa kapipravara ketanaH .. 6..\\
svanavantaM mahAsha~NkhaM balavAnarimardanaH . 
prAdhamadbalamAsthAya dviShatA.n lomaharShaNam .. 7..\\
tata te javanA dhuryA jAnubhyAmagamanmahIm . 
uttarashchApi santrasto rathopastha upAvishat .. 8..\\
sa.nsthApya chAshvAnkaunteyaH samudyamya cha rashmibhiH . 
uttara.n cha pariShvajya samAshvAsayadarjunaH .. 9..\\
mA bhaistva.n rAjaputrAgrya kShatriyo.asi parantapa . 
kathaM puruShashArdUla shatrumadhye viShIdasi .. 10..\\
shrutAste sha~NkhashabdAshcha bherIshabdAshcha puShkalAH . 
ku~njarANA.n cha nadatA.n vyUDhAnIkeShu tiShThatAm .. 11..\\
sa tva.n kathamihAnena sha~Nkhashabdena bhIShitaH . 
viShaNNarUpo vitrastaH puruShaH prAkR^ito yathA .. 12..\\

 uttara

shrutA me sha~NkhashabdAshcha bherIshabdAshcha puShkalAH . 
ku~njarANA.n cha ninadA vyUDhAnIkeShu tiShThatAm .. 13..\\
naiva.nvidhaH sha~NkhashabdaH purA jAtu mayA shrutaH . 
dhvajasya chApi rUpaM me dR^iShTapUrvaM na hIdR^isham . 
dhanurashchaiva nirghoShaH shrutapUrvo na me kva chit .. 14..\\
asya sha~Nkhasya shabdena dhanuSho nisvanena cha . 
rathasya cha ninAdena mano muhyati me bhR^isham .. 15..\\
vyAkulAshcha dishaH sarvA hR^idaya.n vyathatIva me . 
dhvajena pihitAH sarvA disho na pratibhAnti me . 
gANDIvasya cha shabdena kauNau me badhirI kR^itau .. 16..\\

 arj

ekAnte rathamAsthAya padbhyA.n tvamavapIDaya . 
dR^iDha.n cha rashmInsa.nyachchha sha~NkhaM dhmAsyAmyahaM punaH .. 17..\\

 vai

tasya sha~Nkhasya shabdena rathanemi svanena cha . 
gANDIvasya cha ghoSheNa pR^ithivIsamakampata .. 18..\\

 drona

yathA rathasya nirghoSho yathA sha~Nkha udIryate . 
kampate cha yathA bhUmirnaiSho.anyaH savyasAchinaH .. 19..\\
shastrANi na prakAshante na prahR^iShyanti vAjinaH . 
agnayashcha na bhAsante samiddhAstanna shobhanam .. 20..\\
pratyAditya.n cha naH sarve mR^igA ghorapravAdinaH . 
dhvajeShu cha nilIyante vAyasAstanna shobhanam . 
shakunAshchApasavyA no vedayanti mahadbhayam .. 21..\\
gomAyureSha senAyA ruvanmadhye.anudhAvati . 
anAhatashcha niShkrAnto mahadvedayate bhayam . 
bhavatA.n romakUpANi prahR^iShTAnyupalakShaye .. 22..\\
parAbhUtA cha vaH senA na kash chidyoddhumichchhati . 
vivarNamukha bhUyiShThAH sarve yoghA vichetasaH . 
gAH samprasthApya tiShThAmo vyUDhAnIkAH prahAriNaH .. 23..\\
\medskip\hrule\medskip\centerline{\Largedvng 42}
 vai

atha duryodhano rAjA samare bhIShmamabravIt . 
droNa.n cha rathashArdUlaM kR^ikpaM cha sumahAratham .. 1..\\
ukto.ayamartha AchAryo mayA karNena chAsakR^it . 
punareva cha vakShyAmi na hi tR^ipyAmi taM bruvan .. 2..\\
parAjitairhi vastavya.n taishcha dvAdasha vatsarAn . 
vane janapade.aGYAtaireSha eva paNo hi naH .. 3..\\
teShAM na tAvannirvR^itta.n vartate tu trayodasham . 
aGYAtavAsaM bIbhatsurathAsmAbhiH samAgataH .. 4..\\
anivR^itte tu nirvAse yadi bIbhatsurAgataH . 
punardvAdasha varShANi vane vatsyanti pANDavAH .. 5..\\
lobhAdvA te na jAnIyurasmAnvA moha Avishat . 
hInAtiriktameteShAM bhIShmo veditumarhati .. 6..\\
arthAnA.n tu punardvaidhe nityaM bhavati saMshayaH . 
anyathA chintito hyarthaH punarbhavati chAnyathA .. 7..\\
uttaraM mArgamANAnAM matsyasenA.n yuyutsatAm . 
yadi bIbhatsurAyAtasteShA.n kaH syAtparA~NmukhaH .. 8..\\
trigartAnA.n vayaM hetormatsyAnyoddhumihAgatAH . 
matsyAnA.n viprakArA.nste bahUnasmAnakIrtayan .. 9..\\
teShAM bhayAbhipannAnA.n tadasmAbhiH pratishrutam . 
prathama.n tairgrahItavyaM matsyAnAM godhanaM mahat .. 10..\\
saptamImaparAhNe vai tathA nastaiH samAhitam . 
aShTamyAM punarasmAbhirAdityasyodayaM prati .. 11..\\
te vA gAvo na pashyanti yadi va syuH parAjitAH . 
asmAnvApyatisandhAya kuryurmatsyena sa~Ngatam .. 12..\\
atha vA tAnupAyAto matsyo jAnapadaiH saha . 
sarvayA senayA sArdhamasmAnyoddhumupAgataH .. 13..\\
teShAmeva mahAvIryaH kashchideva puraHsaraH . 
asmA~njetumihAyAto matsyo vApi svayaM bhavet .. 14..\\
yadyeSha rAjA matsyAnA.n yadi bIbhatsurAgataH . 
sarvairyoddhavyamasmAbhiriti naH samayaH kR^itaH .. 15..\\
atha kasmAtsthitA hyete ratheShu rathasattamAH . 
bhIShmo droNaH kR^ipashchaiva vikarNo drauNireva cha .. 16..\\
sambhrAntamanasaH sarve kAle hyasminmahArathAH . 
nAnyatra yuddhAchchhreyo.asti tathAtmA praNidhIyatAm .. 17..\\
Achchhinne godhane.asmAkamapi devena varjiNA . 
yamena vApi sa~NgrAme ko hAstinapura.n vrajet .. 18..\\
sharairabhipraNunnAnAM bhagnAnA.n gahane vane . 
ko hi jIvetpadAtInAM bhavedashveShu saMshayaH . 
AchAryaM pR^iShThataH kR^itvA tathA nItirvidhIyatAm .. 19..\\
jAnAti hi mata.n teShAmatastrAsayatIva naH . 
arjunenAsya samprItimadhikAmupalakShaye .. 20..\\
tathA hi dR^iShTvA bIbhatsumupAyAntaM prasha.nsati . 
yathA senA na bhajyeta tathA nItirvidhIyatAm .. 21..\\
adeshikA mahAraNye grIShme shatruvasha.n gatA . 
yathA na vibhrametsenA tathA nItirvidhIyatAm .. 22..\\
ashvAnA.n heShitaM shrutvA kA prasha.nsA bhavetpare . 
sthAne vApi vrajanto vA sadA heShanti vAjinaH .. 23..\\
sadA cha vAyavo vAnti nitya.n varShati vAsavaH . 
stanayitnoshcha nirghoShaH shrUyate bahushastathA .. 24..\\
kimatra kAryaM pArthasya katha.n vA sa prashasyate . 
anyatra kAmAddveShAdvA roShAdvAsmAsu kevalAt .. 25..\\
AchAryA vai kAruNikAH prAGYAshchApAya darshinaH . 
naite mahAbhaye prApte sampraShTavyAH katha.n chana .. 26..\\
prAsAdeShu vichitreShu goShThIShvAvasatheShu cha . 
kathA vichitrAH kurvANAH piNDitAstatra shobhanAH .. 27..\\
bahUnyAshcharyarUpANi kurvanto janasa.nsadi . 
iShvastre chAru sandhAne paNDitAstatra shobhanAH .. 28..\\
pareShA.n vivara GYAne manuShyAchariteShu cha . 
annasa.nskAra doSheShu paNDitAstatra shobhanAH .. 29..\\
paNDitAnpR^iShThataH kR^itvA pareShA.n guNavAdinaH . 
vidhIyatA.n tathA nItiryatha vadhyeta vai paraH .. 30..\\
gAvashchaiva pratiShThantA.n senAM vyUhantu mAchiram . 
ArakShAshcha vidhIyantA.n yatra yotsyAmahe parAn .. 31..\\
\medskip\hrule\medskip\centerline{\Largedvng 43}
 karna

sarvAnAyuShmato bhItAnsantrastAniva lakShaye . 
ayuddhamanasashchaiva sarvAMshchaivAnavasthitAn .. 1..\\
yadyeSha rAjA matsyAnA.n yadi bIbhatsurAgataH . 
ahamAvArayiShyAmi veleva makarAlayam .. 2..\\
mama chApapramuktAnA.n sharANAM nataparvaNAm . 
nAvR^ittirgachchhatAmasti sarpANAmiva sarpatAm .. 3..\\
rukmapu~NkhAH sutIkShNAgrA muktA hastavatA mayA . 
chhAdayantu sharAH pArtha.n shalabhA iva pAdapam .. 4..\\
sharANAM pu~NkhasaktAnAM maurvyAbhihatayA dR^iDham . 
shrUyatA.n talayoH shabdo bheryorAhatayoriva .. 5..\\
samAhito hi bIbhatsurvarShANyaShTau cha pa~ncha cha . 
jAtasnehashcha yuddhasya mayi samprahariShyati .. 6..\\
pAtrI bhUtashcha kaunteyo brAhmaNo guNavAniva . 
sharaughAnpratigR^ihNAtu mayA muktAnsahasrashaH .. 7..\\
eSha chaiva maheShvAsastriShu lokeShu vishrutaH . 
aha.n chApi kurushreShThA arjunAnnAvaraH kva chit .. 8..\\
itashchetashcha nirmuktaiH kA~nchanairgArdhravAjitaiH . 
dR^ishyatAmadya vai vyoma khadyotairiva sa.nvR^itam .. 9..\\
adyAhamR^iNamakShayyaM purA vAchA pratishrutam . 
dhArtarAShTrasya dAsyAmi nihatya samare.arjunam .. 10..\\
antarA chhidyamAnAnAM pu~NkhAnA.n vyatishIryatAm . 
shalabhAnAmivAkAshe prachAraH sampradR^ishyatAm .. 11..\\
indrAshanisamasparshaM mahendrasamatejasam . 
ardayiShyAmyahaM pArthamulkAbhiriva ku~njaram .. 12..\\
tamagnimiva durdharShamasi shaktisharendhanam . 
pANDavAgnimaha.n dIptaM pradahantamivAhitAn .. 13..\\
ava vegapuro vAto rathaughastanayitnumAn . 
sharadhAro mahAmeghaH shamayiShyAmi pANDavam .. 14..\\
matkArmukavinirmuktAH pArthamAshIviShopamAH . 
sharAH samabhisarpantu valmIkamiva pannagAH .. 15..\\
jAmadagnyAnmayA hyastra.n yatprAptamR^iShisattamAt . 
tadupAshritya vIrya.n cha yudhyeyamapi vAsavam .. 16..\\
dhvajAgre vAnarastiShThanbhallena nihato mayA . 
adyaiva patatAM bhUmau vinadanbhairavAnravAn .. 17..\\
shatrormayAbhipannAnAM bhUtAnA.n dhvajavAsinAm . 
dishaH pratiShThamAnAnAmastu shabdo diva.n gataH .. 18..\\
adya duryodhanasyAha.n shalyaM hR^idi chirasthitam . 
sa mUlamuddhariShyAmi bIbhatsuM pAtayanrathAt .. 19..\\
hatAshva.n virathaM pArthaM pauruShe paryavasthitam . 
niHshvasanta.n yathA nAgamadya pashyantu kauravAH .. 20..\\
kAma.n gachchhantu kuravo dhanamAdAya kevalam . 
ratheShu vApi tiShThanto yuddhaM pashyantu mAmakam .. 21..\\
\medskip\hrule\medskip\centerline{\Largedvng 44}
 krpa

sadaiva tava rAdheya yuddhe krUratarA matiH . 
nArthAnAM prakR^iti.n vettha nAnubandhamavekShase .. 1..\\
nayA hi bahavaH santi shAstrANyAshritya chintitAH . 
teShA.n yuddha.n tu pApiShThaM vedayanti purA vidaH .. 2..\\
deshakAlena sa.nyukta.n yuddhaM vijayadaM bhavet . 
hInakAla.n tadeveha phalavanna bhavatyuta . 
deshe kAle cha vikrAnta.n kalyANAya vidhIyate .. 3..\\
AnukUlyena kAryANAmantara.n sa.nvidhIyatAm . 
bhAra.n hi rathakArasya na vyavasyanti paNDitAH .. 4..\\
parichintya tu pArthena saMnipAto na naH kShamaH . 
ekaH kurUnabhyarakShadekashchAgnimatarpayat .. 5..\\
ekashcha pa~nchavarShANi brahmacharyamadhArayat . 
ekaH subhadrAmAropya dvairathe kR^iShNamAhvayat . 
asminneva vane kR^iShNo hR^itA.n kR^iShNAmavAjayat .. 6..\\
ekashcha pa~nchavarShANi shakrAdastrANyashikShata . 
ekaH sAmyaminI.n jitvA kurUNAmakarodyashaH .. 7..\\
eko gandharvarAjAna.n chitrasenamarindamaH . 
vijigye tarasA sa~Nkhye senA.n chAsya sudurjayAm .. 8..\\
tathA nivAtakavachAH kAlakha~njAshcha dAnavAH . 
daivatairapyavadhyAste ekena yudhi pAtitAH .. 9..\\
ekena hi tvayA karNa kiMnAmeha kR^itaM purA . 
ekaikena yathA teShAM bhUmipAlA vashIkR^itAH .. 10..\\
indro.api hi na pArthena sa.nyuge yoddhumarhati . 
yastenAsha.nsate yoddhu.n kartavyaM tasya bheShajam .. 11..\\
AshIviShasya kruddhasya pANimudyamya dakShiNam . 
avimR^ishya pradeshiNyA daMShTrAmAdAtumichchhasi .. 12..\\
atha vA ku~njaraM mattameka eva charanvane . 
ana~Nkusha.n samAruhya nagara.n gantumichchhasi .. 13..\\
samiddhaM pAvaka.n vApi ghR^itamedo vasA hutam . 
ghR^itAktashchIravAsAstvaM madhyenottartumichchhasi .. 14..\\
AtmAna.n yaH samudbadhya kaNDhe baddhvA mahAshilAm . 
samudraM pratareddorbhyA.n tatra kiMnAma pauruSham .. 15..\\
akR^itAstraH kR^itAstra.n vai balavantaM sudurbalaH . 
tAdR^isha.n karNa yaH pArtha.n yoddhumichchhetsa durmatiH .. 16..\\
asmAbhireSha nikR^ito varShANIha trayodasha . 
si.nhaH pAshavinirmukto na naH sheSha.n kariShyati .. 17..\\
ekAnte pArthamAsIna.n kUpe.agnimiva sa.nvR^itam . 
aGYAnAdabhyavaskandya prAptAH smo bhayamuttamam .. 18..\\
saha yudhyAmahe pArthamAgata.n yuddhadurmadam . 
sainyAstiShThantu saMnaddhA vyUDhAnIkAH prahAriNaH .. 19..\\
droNo duryodhano bhIShmo bhavAndrauNistathA vayam . 
sarve yudhyAmahe pArtha.n karNa mA sAhasaM kR^ithAH .. 20..\\
vaya.n vyavasitaM pArthaM vajrapANimivodyatam . 
ShaDrathAH pratiyudhyema tiShThema yadi sa.nhatAH .. 21..\\
vyUDhAnIkAni sainyAni yattAH paramadhanvinaH . 
yudhyAmahe.arjuna.n sa~Nkhye dAnavA vAsavaM yathA .. 22..\\
\medskip\hrule\medskip\centerline{\Largedvng 45}
 azvatth

na cha tAvajjitA gAvo na cha sImAntara.n gatAH . 
na hAstinapuraM prAptAstva.n cha karNa vikatthase .. 1..\\
sa~NgrAmAnsubahU~njitvA labdhvA cha vipula.n dhanam . 
vijitya cha parAM bhUmiM nAhuH ki.n chana pauruSham .. 2..\\
pachatyagniravAkyastu tUShNIM bhAti divAkaraH . 
tUShNI.n dhArayate lokAnvasudhA sa charAcharAn .. 3..\\
chAturvarNyasya karmANi vihitAni manIShibhiH . 
dhana.n yairadhigantavyaM yachcha kurvanna duShyati .. 4..\\
adhItya brAhmaNo vedAnyAjayeta yajeta cha . 
kShatriyo dhanurAshritya jayetaiva na yAjayet . 
vaishyo.adhigamya dravyANi brahmakarmANi kArayet .. 5..\\
vartamAnA yathAshAstraM prApya chApi mahImimAm . 
satkurvanti mahAbhAgA rugUnsuvigunAnapi .. 6..\\
prApya dyUtena ko rAjya.n kShatriyastoShTumarhati . 
tathA nR^isha.nsarUpeNa yathAnyaH prAkR^ito janaH .. 7..\\
tathAvApteShu vitteShuko vikatthedvichakShaNaH . 
nikR^ityA va~nchanA yogaishcharanvaita.nsiko yathA .. 8..\\
katamaddvairatha.n yuddhaM yatrAjaiShIrdhana~njayam . 
nakula.n sahadeva.n cha dhanaM yeShAM tvayA hR^itam .. 9..\\
yudhiShThiro jitaH kasminbhImashcha balinA.n varaH . 
indraprastha.n tvayA kasminsa~NgrAme nirjitaM purA .. 10..\\
kathaiva katama.n yuddhaM yasminkR^iShNA jitA tvayA . 
ekavastrA sabhAM nItA duShTakarmanrajasvalA .. 11..\\
mUlameShAM mahatkR^itta.n sArArthI chandanaM yathA . 
karma kArayithAH shUra tatva ki.n viduro.abravIt .. 12..\\
yathAshakti manuShyANA.n shamamAlakShayAmahe . 
anyeShA.n chaiva sattvAnAmapi kITa pipIlike .. 13..\\
draupadyAstaM parikleshaM na kShantuM pANDavo.arhati . 
duHkhAya dhArtarAShTrANAM prAdurbhUto dhana~njayaH .. 14..\\
tvaM punaH paNDito bhUtvA vAcha.n vaktumihechchhasi . 
vairAnta karaNo jiShNurna naH sheSha.n kariShyati .. 15..\\
naiSha devAnna gandharvAnnAsurAnna cha rAkShasAn . 
bhayAdiha na yudhyeta kuntIputro dhana~njayaH .. 16..\\
ya.n yameSho.abhisa~NkruddhaH sa~NgrAme.abhipatiShyati . 
vR^ikSha.n guruDa vegena vinihatya tameShyati .. 17..\\
tvatto vishiShTa.n vIryeNa dhanuShyamara rAT samam . 
vAsudeva sama.n yuddhe taM pArtha.n ko na pUjayet .. 18..\\
daiva.n daivena yudhyeta mAnuSheNa cha mAnuSham . 
astreNAstra.n samAhanyAtko.arjunena samaH pumAn .. 19..\\
putrAdanantaraH shiShya iti dharmavido viduH . 
etenApi nimittena priyo droNasya pANDavaH .. 20..\\
yathA tvamakarordyUtamindraprastha.n yathAharaH . 
yathAnaiShIH sabhA.n kR^iShNAM tathA yudhyasva pANDavam .. 21..\\
aya.n te mAtulaH prAGYaH kShatradharmasya kovidaH . 
durdyUta devI gAndhAraH shakuniryudhyatAm iha .. 22..\\
nAkShAnkShipati gANDIvaM na kR^ita.n dvAparaM na cha . 
jvalato nishitAnbANA.nstIkShNAnkShipati gANDivam .. 23..\\
na hi gANDIvanirmuktA gArdhrapatrAH sutejanAH . 
antareShvavatiShThanti girINAmapi dAraNAH .. 24..\\
antakaH shamano mR^ityustathAgnirvaDavAmukhaH . 
kuryurete kva chichchheShaM na tu kruddho dhana~njayaH .. 25..\\
yudhyatA.n kAmamAchAryo nAha.n yotsye dhana~njayam . 
matsyo hyasmAbhirAyodhyo yadyAgachchhedgavAM padam .. 26..\\
\medskip\hrule\medskip\centerline{\Largedvng 46}
 bhiisma

sAdhu pashyati vai droNaH kR^ipaH sAdhvanupashyati . 
karNastu kShatradharmeNa yathAvadyoddhumichchhati .. 1..\\
AchAryo nAbhiShaktavyaH puruSheNa vijAnatA . 
deshakAlau tu samprekShya yoddhavyamiti me matiH .. 2..\\
yasya sUryasamAH pa~ncha sapatnAH syuH prahAriNaH . 
kathamabhyudaye teShAM na pramuhyeta paNDitaH .. 3..\\
svArthe sarve vimuhyanti ye.api dharmavido janAH . 
tasmAdrAjanbravImyeSha vAkya.n te yadi rochate .. 4..\\
karNo yadabhyavochannastejaH sa~njananAya tat . 
AchArya putraH kShamatAM mahatkAryamupasthitam .. 5..\\
nAya.n kAlo virodhasya kaunteye samupasthite . 
kShantavyaM bhavatA sarvamAchAryeNa kR^ipeNa cha .. 6..\\
bhavatA.n hi kR^itAstratvaM yathAditye prabhA tathA . 
yathA chandramaso lakShma sarvathA nApakR^iShyate . 
evaM bhavatsu brAhmaNyaM brahmAstra.n cha pratiShThitam .. 7..\\
chatvAra ekato vedAH kShAtramekatra dR^ishyate . 
naitatsamastamubhaya.n kashmiMshchidanushushrumaH .. 8..\\
anyatra bhAratAchAryAtsaputrAditi me matiH . 
brahmAstra.n chaiva vedAshcha naitadanyatra dR^ishyate .. 9..\\
AchArya putraH kShamatAM nAya.n kAlaH svabhedane . 
sarve sa.nhatya yudhyAmaH pAkashAsanimAgatam .. 10..\\
balasya vyasanAnIha yAnyuktAni manIShibhiH . 
mukhyo bhedo hi teShA.n vai pApiShTho viduShAM mataH .. 11..\\

 azvatth

AchArya eva kShamatA.n shAntiratra vidhIyatAm . 
abhiShajyamAne hi gurau tadvR^itta.n roShakAritam .. 12..\\

 vai

tato duryodhano droNa.n kShamayAmAsa bhArata . 
saha karNena bhIShmeNa kR^ipeNa cha mahAtmanA .. 13..\\

 drona

yadeva prathama.n vAkyaM bhIShmaH shAntanavo.abravIt . 
tenaivAhaM prasanno vai pramamatra vidhIyatAm .. 14..\\
yathA duryodhane.ayatte nAgaH spR^ishati sainikAn . 
sAhasadyadi vA mohAttathA nItirvidhIyatAm .. 15..\\
vanavAse hyanirvR^itte darshayenna dhana~njayaH . 
dhana.n vAlabhamAno.atra nAdya naH kShantumarhati .. 16..\\
yathA nAya.n samAyujyAddhArtarAShTrAnkatha.n chana . 
yathA cha na parAjayyAttathA nItirvidhIyatAm .. 17..\\
ukta.n duryodhanenApi purastAdvAkyamIdR^isham . 
tadanusmR^itya gA~Ngeya yathAvadvaktumarhasi .. 18..\\
\medskip\hrule\medskip\centerline{\Largedvng 47}
 bhiisma

kalAMshAstAta yujyante muhUrtAshcha dinAni cha . 
ardhamAsAshcha mAsAshcha nakShatrANi grahAstathA .. 1..\\
R^itavashchApi yujyante tathA sa.nvatsarA api . 
eva.n kAlavibhAgena kAlachakraM pravartate .. 2..\\
teShA.n kAlAtirekeNa jyotiShAM cha vyatikramAt . 
pa~nchame pa~nchame varShe dvau mAsAvupajAyataH .. 3..\\
teShAmabhyadhikA mAsAH pa~ncha dvAdasha cha kShapAH . 
trayodashAnA.n varShANAmiti me vartate matiH .. 4..\\
sarva.n yathAvachcharitaM yadyadebhiH parishrutam . 
evametaddhruva.n GYAtvA tato bIbhatsurAgataH .. 5..\\
sarve chaiva mahAtmAnaH sarve dharmArthakovidAH . 
yeShA.n yudhiShThiro rAjA kasmAddharme.aparAdhnuyuH .. 6..\\
alubdhAshchaiva kaunteyAH kR^itavantashcha duShkaram . 
na chApi kevala.n rAjyamichchheyuste.anupAyataH .. 7..\\
tadaiva te hi vikrAntumIShuH kauravanandanAH . 
dharmapAshanibaddhAstu na cheluH kShatriya vratAt .. 8..\\
yachchAnR^ita iti khyAyedyachcha gachchhetparAbhavam . 
vR^iNuyurmaraNaM pArthA nAnR^itatva.n kathaM chana .. 9..\\
prApte tu kAle prAptavyaM notsR^ijeyurnararShabhAH . 
api vajrabhR^itA gupta.n tathA vIryA hi pANDavAH .. 10..\\
pratiyudhyAma samare sarvashastrabhR^itA.n varam . 
tasmAdyadatra kalyANa.n loke sadbhiranuShThitam . 
tatsa.nvidhIyatA.n kShipraM mA no hyartho.atigAtparAn .. 11..\\
na hi pashyAmi sa~NgrAme kadA chidapi kaurava . 
ekAntasiddhi.n rAjendra samprAptashcha dhana~njayaH .. 12..\\
sampravR^itte tu sa~NgrAme bhAvAbhAvau jayAjayau . 
avashyameka.n spR^ishato dR^iShTametadasaMshayam .. 13..\\
tasmAdyuddhAvacharika.n karma vA dharmasa.nhitam . 
kriyatAmAshu rAjendra samprApto hi dhana~njayaH .. 14..\\

 dur

nAha.n rAjyaM pradAsyAmi pANDavAnAM pitAmaha . 
yuddhAvachArika.n yattu tachchhIghraM sa.nvidhIyatAm .. 15..\\

 bhiisma

atra yA mAmakI buddhiH shrUyatA.n yadi rochate . 
kShipraM balachaturbhAga.n gR^ihya gachchha puraM prati . 
tato.aparashchaturbhAgo gAH samAdAya gachchhatu .. 16..\\
vaya.n tvardhena sainyena pratiyotsyAma pANDavam . 
matsya.n vA punarAyAtamatha vApi shatakratum .. 17..\\
AchAryo madhyatastiShThatvashvatthAmA tu savyataH . 
kR^ipaH shAradvato dhImAnpArshva.n rakShatu dakShiNam .. 18..\\
agrataH sUtaputrastu karNastiShThatu daMshitaH . 
aha.n sarvasya sainasya pashchAtsthAsyAmi pAlayan .. 19..\\
\medskip\hrule\medskip\centerline{\Largedvng 48}
 vai

tathA vyUDheShvanIkeShu kauraveyairmahArathaiH . 
upAyAdarjunastUrNa.n rathaghoSheNa nAdayan .. 1..\\
dadR^ishuste dhvajAgra.n vai shushruvush cha rathasvanam . 
dodhUyamAnasya bhR^isha.n gANDIvasya cha nisvanam .. 2..\\
tatastatsarvamAlokya droNo vachanamabravIt . 
mahArathamanuprApta.n dR^iShTvA gANDIvadhanvinam .. 3..\\
etaddhvajAgraM pArthasya dUrataH samprakAshate . 
eSha ghoShaH sa jalado roravIti cha vAnaraH .. 4..\\
eSha tiShThanrathashreShTho rathe rathavarapraNut . 
utkarShati dhanuHshreShTha.n gANDIvamashanisvanam .. 5..\\
imau hi bANau sahitau pAdayorme vyavasthitau . 
aparau chApyatikrAntau karNau sa.nspR^ishya me sharau .. 6..\\
niruShya hi vanevAsa.n kR^itvA karmAti mAnuSham . 
abhivAdayate pArthaH shrotre cha paripR^ichchhati .. 7..\\

 arj

iShupAte cha senAyA hayAnsa.nyachchha sArathe . 
yAvatsamIkShe sainye.asminkvAsau kuru kulAdhamaH .. 8..\\
sarvAnanyAnanAdR^itya dR^iShTvA tamati mAninam . 
tasya mUrdhni patiShyAmi tata ete parAjitAH .. 9..\\
eSha vyavasthito droNo drauNish cha tadanantaram . 
bhIShmaH kR^ipashcha karNashcha maheShvAsA vyavasthitAH .. 10..\\
rAjAnaM nAtra pashyAmi gAH samAdAya gachchhati . 
dakShiNaM mArgamAsthAya sha~Nke jIva parAyaNaH .. 11..\\
utsR^ijyaitadrathAnIka.n gachchha yatra suyodhanaH . 
tatraiva yotsye vairATe nAsti yuddhaM nirAmiSham . 
ta.n jitvA vinivartiShye gAH samAdAya vai punaH .. 12..\\

 vai

evamuktaH sa vairATirhayAnsa.nyamya yatnataH . 
niyamya cha tato rashmInyatra te kurupu~NgavAH . 
achodayattato vAhAnyato duryodhanastataH .. 13..\\
utsR^ijya rathavaMsha.n tu prayAte shvetavAhane . 
abhiprAya.n viditvAsya droNo vachanamabravIt .. 14..\\
naiSho.antareNa rAjAnaM bIbhatsuH sthAtumichchhati . 
tasya pArShNi.n grahIShyAmo javenAbhiprayAsyataH .. 15..\\
na hyenamabhisa~Nkruddhameko yudhyeta sa.nyuge . 
anyo devAtsahasrAkShAtkR^iShNAdvA devakI sutAt .. 16..\\
kiM no gAvaH kariShyanti dhana.n vA vipula.n tathA . 
duryodhanaH pArtha jale purA nauriva majjati .. 17..\\
tathaiva gatvA bIbhatsurnAma vishrAvya chAtmanaH . 
shalabhairiva tA.n senAM sharaiH shIghramavAkirat .. 18..\\
kIryamANAH sharaughaistu yodhAste pArtha choditaiH . 
nApashyannAvR^itAM bhUmimantarikSha.n cha patribhiH .. 19..\\
teShAM nAtmanino yuddhe nApayAne.abhavanmatiH . 
shIghratvameva pArthasya pUjayanti sma chetasA .. 20..\\
tataH sha~NkhaM pradadhmau sa dviShatA.n lomaharShaNam . 
visphArya cha dhanuHshreShTha.n dhvaje bhUtAnyachodayat .. 21..\\
tasya sha~Nkhasya shabdena rathanemi svanena cha . 
amAnuShANA.n teShAM cha bhUtAnAM dhvajavAsinAm .. 22..\\
UrdhvaM puchchhAnvidhunvAnA rebhamANAH samantataH . 
gAvaH pratinyavartanta dishamAsthAya dakShiNAm .. 23..\\
\medskip\hrule\medskip\centerline{\Largedvng 49}
 vai

sa shatrusenA.n tarasA praNudya 
gAstA vijityAtha dhanurdharAgryaH . 
duryodhanAyAbhimukhaM prayAto 
bhUyo.arjunaH priyamAjau chikIrShan .. 1..\\
goShu prayAtAsu javena matsyAn 
kirITina.n kR^itakAryaM cha matvA . 
duryodhanAyAbhimukhaM prayAntaM 
kurupravIrAH sahasAbhipetuH .. 2..\\
teShAmanIkAni bahUni gADDhaM 
vyUDhAni dR^iShTvA balula dhvajAni . 
matsyasya putra.n dviShatAM nihantA 
vairATimAmantrya tato.abhyuvAcha .. 3..\\
etena tUrNaM pratipAdayemA~n 
shvetAnhayAnkA~nchanarashmi yoktrAn . 
javena sarveNa kuru prayatnam 
AsAdayaitadrathasi.nhavR^indam .. 4..\\
gajo gajeneva mayA durAtmA 
yo yoddhumAkA~NkShati sUtaputraH . 
tameva mAM prApaya rAjaputra 
duryodhanApAshraya jAtadarpam .. 5..\\
sa tairhayairvAtajavairbR^ihadbhiH 
putro virATasya suvarNakakShyaiH . 
vidhva.nsaya.nstadrathinAmanIkaM 
tato.avahatpANDavamAjimadhye .. 6..\\
ta.n chitraseno vishikhairvipAThaiH 
sa~NgrAmajichchhatrusaho jayash cha . 
pratyudyayurbhAratamApatantaM 
mahArathAH karNamabhIpsamAnAH .. 7..\\
tataH sa teShAM puruShapravIraH 
sharAsanArchiH sharavegatApaH . 
vrAtAnrathAnAm adahatsa manyur 
vana.n yathAgniH kurupu~NgavAnAm .. 8..\\
tasmi.nstu yuddhe tumule pravR^itte 
pArtha.n vikarNo.atirathaM rathena . 
vipATha varSheNa kurupravIro 
bhImena bhImAnujamAsasAda .. 9..\\
tato vikarNasya dhanurvikR^iShya 
jAmbUnadAgryopachita.n dR^iDhajyam . 
apAtayaddhvajamasya pramathya 
chhinnadhvajaH so.apyapayAjjavena .. 10..\\
ta.n shAtravANA.n gaNabAdhitAraM 
karmANi kurvANamamAnuShANi . 
shatru.n tapaH kopamamR^iShyamANaH 
samarpayatkUrmanakhena pArtham .. 11..\\
sa tena rAGYAtirathena viddho 
vigAhamAno dhvajinI.n kurUNAm . 
shatru.n tapaM pa~nchabhirAshu viddhvA 
tato.asya sUta.n dashabhirjaghAna .. 12..\\
tataH sa viddho bharatarShabheNa 
bANena gAtrAvaraNAtigena . 
gatAsurAjau nipapAta bhUmau 
nago ganAgrAdiva vAtarugNaH .. 13..\\
ratharShabhAste tu ratharShabheNa 
vIrA raNe vIratareNa bhagnAH . 
chakampire vAtavashena kAle 
prakamiptAnIva mahAvanAni .. 14..\\
hatAstu pArthena narapravIrA 
bhUmau yuvAnaH suShupuH suveShAH . 
vasu pradA vAsavatulyavIryAH 
parAjitA vAsava jena sa~Nkhye . 
suvarNakArShNAyasa varma naddhA 
nAgA yathA haivavatAH pravR^iddhAH .. 15..\\
tathA sa shatrUnsamare vinighnan 
gANDIvadhanvA puruShapravIraH . 
chachAra sa~Nkhye pradisho dishash cha 
dahannivAgnirvanamAtapAnte .. 16..\\
prakIrNaparNAni yathA vasante 
vishAtayitvAtyanilo nudankhe . 
tathA sapatnAnvikirankirITI 
chachAra sa~Nkhye.ati ratho rathena .. 17..\\
shoNAshvavAhasya hayAnnihatya 
vaikartana bhrAturadInasattvaH . 
ekena sa~NgrAmajitaH shareNa 
shiro jahArAtha kirITamAlI .. 18..\\
tasminhate bhrAtari sUtaputro 
vaikartano vIryamathAdadAnaH . 
pragR^ihya dantAviva nAgarAjo 
maharShabha.n vyAghra ivAbhyadhAvat .. 19..\\
sa pANDava.n dvAdashabhiH pR^iShatkair 
vaikartanaH shIghramupAjaghAna . 
vivyAdha gAtreShu hayAMshcha sarvAn 
virATa putra.n cha sharairnijaghne .. 20..\\
sa hastinevAbhihato gajendraH 
pragR^ihya bhallAnnishitAnniSha~NgAt . 
A karNa pUrNa.n cha dhanurvikR^iShya 
vivyAdha bANairatha sUtaputram .. 21..\\
athAsya bAhUrushiro lalATaM 
grIvA.n rathA~NgAni parAvamardI . 
sthitasya bANairyudhi nirbibheda 
gANDIvamuktairashaniprakAshaiH .. 22..\\
sa pArtha muktairvishikhaiH praNunno 
gajo gajeneva jitastarasvI . 
vihAya sa~NgrAmashiraH prayAto 
vaikartanaH pANDava bANataptaH .. 23..\\
\medskip\hrule\medskip\centerline{\Largedvng 50}
 vai

apayAte tu rAdheye duryodhana purogamAH . 
anIkena yathA svena sharairArchchhanta pANDavam .. 1..\\
bahudhA tasya sainyasya vyUDhasyApatataH sharaiH . 
abhiyAnIyamAGYAya vairATiridamabravIt .. 2..\\
AsthAya ruchira.n jiShNo ratha.n sArathinA mayA . 
katamadyAsyase.anIka mukto yAsyAmyaha.n tvayA .. 3..\\

 arj

lohitAkShamariShTa.n yaM vaiyAghramanupashyasi . 
nIlAM patAkAmAshritya rathe tiShThantamuttara .. 4..\\
kR^ipasyaitadrathAnIkaM prApayasvaitadeva mAm . 
etasya darshayiShyAmi shIghrAstra.n dR^iDhadhanvinaH .. 5..\\
kamaNDalurdhvaje yasya shAtakumbhamayaH shubhaH . 
AchArya eSha vai droNaH sarvashastrabhR^itA.n varaH .. 6..\\
suprasannamanA vIra kuruShvainaM pradakShiNam . 
atraiva chAvirodhena eSha dharmaH sanAtanaH .. 7..\\
yadi me prathama.n droNaH sharIre prahariShyati . 
tato.asya prahariShyAmi nAsya kopo bhaviShyati .. 8..\\
asyAvidUre tu dhanurdhvajAgre yasya dR^ishyate . 
AchAryasyaiSha putro vai ashvatthAmA mahArathaH .. 9..\\
sadA mamaiSha mAnyashcha sarvashastrabhR^itAm api . 
etasya tva.n rathaM prApya nivartethAH punaH punaH .. 10..\\
ya eSha tu rathAnIke suvarNakavachAvR^itaH . 
senAgryeNa tR^itIyena vyavahAryeNa tiShThati .. 11..\\
yasya nAgo dhvajAgre vai hemaketana saMshritaH . 
dhR^itarAShTrAtmajaH shrImAneSha rAjA suyodhanaH .. 12..\\
etasyAbhimukha.n vIra rathaM pararathArujaH . 
prApayasvaiSha tejo.abhipramAthI yuddhadurmadaH .. 13..\\
eSha droNasya shiShyANA.n shIghrAstraH prathamo mataH . 
etasya darshayiShyAmi shIghrAstra.n vipulaM sharaiH .. 14..\\
nAgakakShyA tu ruchirA dhvajAgre yasya tiShThati . 
eSha vaikartanaH karNo viditaH pUrvameva te .. 15..\\
etasya rathamAsthAya rAdheyasya durAtmanaH . 
yatto bhavethAH sa~NgrAme spardhatyeSha mayA sadA .. 16..\\
yastu nIlAnusAreNa pa~ncha tAreNa ketunA . 
hastAvApI bR^ihaddhanvA rathe tiShThati vIryavAn .. 17..\\
yasya tArArka chitro.asau rathe dhvajavaraH sthitaH . 
yasyaitatpANDura.n chhatra.n vimalaM mUrdhni tiShThati .. 18..\\
mahato rathavaMshasya nAnA dhvajapatAkinaH . 
balAhakAgre sUryo vA ya eSha pramukhe sthitha .. 19..\\
haima.n chandrArkasa~NkAshaM kavacha.n yasya dR^ishyate . 
jAtarUpashirastrANastrAsayanniva me manaH .. 20..\\
eSha shAntanavo bhIShmaH sarveShAM naH pitAmahaH . 
rAjashriyAvabaddhastu duryodhana vashAnugaH .. 21..\\
pashchAdeSha prayAtavyo na me vighnakaro bhavet . 
etena yudhyamAnasya yattaH sa.nyachchha me hayAn .. 22..\\
tato.abhyavahadavyagro vairATiH savyasAchinam . 
yatrAtiShThatkR^ipo rAjanyotsyamAno dhana~njayam .. 23..\\
\medskip\hrule\medskip\centerline{\Largedvng 51}
 vai

tAnyanIkAnyadR^ishyanta kurUNAmugradhanvinAm . 
sa.nsarpanto yathA meghA gharmAnte mandamArutAH .. 1..\\
abhyAshe vAjinastasthuH samArUDhAH prahAribhiH . 
bhImarUpAshcha mAta~NgAstomarA~NkushachoditAH .. 2..\\
tataH shakraH suragaNaiH samAruhya sudarshanam . 
sahopAyAttadA rAjanvishvAshvi marutA.n gaNaiH .. 3..\\
taddeva yakShagandharvamahoragasamAkulam . 
shushubhe.abhravinirmukta.n grahairiva nabhastalam .. 4..\\
astrANA.n cha balaM teShAM mAnuSheShu prayujyatAm . 
tachcha ghoraM mahadyuddhaM bhIShmArjunasamAgame .. 5..\\
shata.n shatasahasrANAmyatra sthUNA hiraNmayAH . 
maNiratnamayAshchAnyAH prAsAdamupadhArayan .. 6..\\
tatra kAmagama.n divya.n sarvaratnavibhUShitam . 
vimAna.n devarAjasya shushubhe khecharaM tadA .. 7..\\
tatra devAstrayastriMshattiShThanti saha vAsavAH . 
gandharvA rAkShasAH sarpAH pitarashcha maharShibhiH .. 8..\\
tathA rAjA vasu manA balAkShaH supratardanaH . 
aShTakashcha shibishchaiva yayAtirnahuSho gayaH .. 9..\\
manuH kShepo raghurbhAnuH kR^ishAshvaH sagaraH shalaH . 
vimAne devarAjasya samadR^ishyanta suprabhAH .. 10..\\
agnerIshasya somasya varuNasya prajApateH . 
tathA dhAturvidhAtush cha kuberasya yamasya cha .. 11..\\
alambusograsenasya gardharvasya cha tumburoH . 
yathAbhAga.n yathoddeshaM vimAnAni chakAshire .. 12..\\
sarvadeva nikAyAshcha siddhAshcha paramarShayaH . 
arjunasya karUNA.n cha draShTu.n yuddhamupAgatAH .. 13..\\
divyAnA.n tatra mAlyAnAM gandhaH puNyo.atha sarvashaH . 
prasasAra vasantAgre vanAnAmiva puShpitAm .. 14..\\
raktAraktAni devAnA.n samadR^ishyanta tiShThatAm . 
AtapatrANi vAsA.nsi srajashcha vyajanAni cha .. 15..\\
upashAmyadrajo bhauma.n sarvaM vyAptaM marIchibhiH . 
divyAngandhAnupAdAya vAyuryodhAnasevata .. 16..\\
prabhAsitamivAkAsha.n chitrarUpamalaM kR^itam . 
sampatadbhiH sthitaishchaiva nAnAratnAvabhAsitaiH . 
vimAnairvividhaishchitrairupAnItaiH surottamaiH .. 17..\\
\medskip\hrule\medskip\centerline{\Largedvng 52}
 vai

etasminnantare tatra mahAvIryaparAkramaH . 
AjagAma mahAsattvaH kR^ipaH shastrabhR^itA.n varaH . 
arjunaM prati sa.nyoddhu.n yuddhArthI sa mahArathaH .. 1..\\
tau rathau sUryasa~NkAshau yotsyamAnau mahAbalau . 
shAradAviva jImUtau vyarochetA.n vyavasthitau .. 2..\\
pArtho.api vishruta.n loke gANDIvaM paramAyudham . 
vikR^iShya chikShepa bahUnnArAchAnmarmabhedinaH .. 3..\\
tAnaprAptA~nshitairbANairnArAchAnraktabhojanAn . 
kR^ipashchichchheda pArthasya shatasho.atha sahasrashaH .. 4..\\
tataH pArthashcha sa~NkruddhashchitrAnmArgAnpradarshayan . 
dishaH sa~nchAdayanbANaiH pradishashcha mahArathaH .. 5..\\
ekachhAyamivAkAshaM prakurvansarvataH prabhuH . 
pradhAdayadameyAtmA pArthaH sharashataiH kR^ipam .. 6..\\
sa sharairarpitaH kruddhaH shitairagnishikhopamaiH . 
tUrNa.n sharasahasreNa pArthamapratimaujasam . 
arpayitvA mahAtmAnaM nanAda samare kR^ipaH .. 7..\\
tataH kanakapu~NkhAgrairvIraH saMnataparvabhiH . 
tvarangANDIvanirmuktairarjunastasya vAjinaH . 
chaturbhishchaturastIkShNairavidhyatparameShubhiH .. 8..\\
te hayA nishitairviddhA jvaladbhiriva pannagaiH . 
utpetuH sahasA sarve kR^ipaH sthAnAdathAchyavat .. 9..\\
chyuta.n tu gautama.n sthAnAtsamIkShya kurunandanaH . 
nAvidhyatparavIraghno rakShamANo.asya gauravam .. 10..\\
sa tu labdhvA punaH sthAna.n gautamaH savyasAchinam . 
vivyAdha dashabhirbANaistvaritaH ka~NkapatribhiH .. 11..\\
tataH pArtho dhanustasya bhallena nishitena cha . 
chichchhedaikena bhUyashcha hastAchchApamathAharat .. 12..\\
athAsya kavachaM bANairnishitairmarmabhedibhiH . 
vyadhamanna cha pArtho.asya sharIramavapIDayat .. 13..\\
tasya nirmuchyamAnasya kavachAtkAya Ababhau . 
samaye muchyamAnasya sarpasyeva tanuryathA .. 14..\\
chhinne dhanuShi pArthena so.anyadAdAya kArmukam . 
chakAra gautamaH sajya.n tadadbhutamivAbhavat .. 15..\\
sa tadapyasya kaunteyashchichchheda nataparvaNA . 
evamanyAni chApAni bahUni kR^itahastavat . 
shAradvatasya chichchheda pANDavaH paravIhra hA .. 16..\\
sa chhinnadhanurAdAya atha shaktiM pratApavAn . 
prAhiNotpANDuputrAya pradIptAmashanIm iva .. 17..\\
tAmarjunastadAyAntI.n shaktiM hemavibhUShitAm . 
viyadgatAM maholkAbha.n chichchheda dashabhiH sharaiH . 
sApataddashadhA chhinnA bhUmau pArthena dhImatA .. 18..\\
yugamadhye tu bhallaistu tataH sa sadhanuH kR^ipaH . 
tamAshu nishitaiH pArthaM bibheda dashabhiH sharaiH .. 19..\\
tataH pArtho mahAtejA vishikhAnagnitejasaH . 
chikShepa samare kruddhastrayodasha shilAshitAn .. 20..\\
athAsya yugamekena chaturbhishchaturo hayAn . 
ShaShThena cha shiraH kAyAchchhareNa rathasAratheH .. 21..\\
tribhistriveNu.n samare dvAbhyAmakShau mahAbalaH . 
dvAdashena tu bhallena chakartAsya dhvaja.n tathA .. 22..\\
tato varja nikAshena phalgunaH prahasanniva . 
trayodashenendrasamaH kR^ipa.n vakShasyatADayat .. 23..\\
sa chhinnadhanvA viratho hatAshvo hatasArathiH . 
gadApANiravaplutya tUrNa.n chikShepa tAM gadAm .. 24..\\
sA tu muktA gadA gurvI kR^ipeNa supariShkR^itA . 
arjunena sharairnunnA prati mArgamathAgamat .. 25..\\
tato yodhAH parIpsantaH shAradvatamamarShaNam . 
sarvataH samare pArtha.n sharavarShairavAkiran .. 26..\\
tato virATasya sutaH savyamAvR^itya vAjinaH . 
yamakaM maNDala.n kR^itvA tAnyodhAnpratyavArayat .. 27..\\
tataH kR^ipamupAdAya viratha.n te nararShabhAH . 
ajAjahrurmahAvegAH kuntIputrAddhana~njayAt .. 28..\\
\medskip\hrule\medskip\centerline{\Largedvng 53}
 arj

yatraiShA kA~nchanI vedI pradIptAgnishikhopamA . 
uchchhritA kA~nchane daNDe patAkAbhirala.n kR^itA . 
tatra mA.n vaha bhadra.n te droNAnIkAya mAriSha .. 1..\\
ashvAH shoNAH prakAshante bR^ihantashchAru vAhinaH . 
snigdhavidruma sa~NkAshAstAmrAsyAH priyadarshanAH . 
yuktA rathavare yasya sarvashikShA vishAradAH .. 2..\\
dIrghabAhurmahAtejA balarUpasamanvitaH . 
sarvalokeShu vikhyAto bhAradvAjaH pratApavAn .. 3..\\
buddhyA tulyo hyushanasA bR^ihaspatisamo naye . 
vedAstathaiva chatvAro brahmacharya.n tathaiva cha .. 4..\\
sasa.nhArANi divyAni sarvANyastrANi mAriSha . 
dhanurvedashcha kArtsnyena yasminnityaM pratiShThitaH .. 5..\\
kShamA damashcha satya.n cha AnR^isha.nsyamathArjavam . 
ete chAnye cha bahavo guNA yasmindvijottame .. 6..\\
tenAha.n yoddhumichchhAmi mahAbhAgena sa.nyuge . 
tasmAttvaM prApayAchArya.n kShipramuttaravAhaya .. 7..\\

 vai

arjunenaivamuktastu vairATirhemabhUShitAn . 
chodayAmAsa tAnashvAnbhAradvAja rathaM prati .. 8..\\
tamApatanta.n vegena pANDavaM rathinAM varam . 
droNaH pratyudyayau pArthaM matto mattamiva dvipam .. 9..\\
tataH pradhmApayachchha~NkhaM bherI shataninAditam . 
prachukShubhe bala.n sarvamuddhUta iva sAgaraH .. 10..\\
atha shoNAnsadashvA.nstAnhansa varNairmanojavaiH . 
mishritAnsamare dR^iShTvA vyasmayanta raNe janAH .. 11..\\
tau rathau vIryasampannau dR^iShTvA sa~NgrAmamUrdhani . 
AchArya shiShyAvajitau kR^itavidhyau manasvinau .. 12..\\
samAshliShTau tadAnyonya.n droNapArthau mahAbalau . 
dR^iShTvA prAkampata muhurbharatAnAM mahadbalam .. 13..\\
harShayuktastathA pArthaH prahasanniva viryavAn . 
ratha.n rathena droNasya samAsAdya mahArathaH .. 14..\\
abhivAdya mahAbAhuH sAntvapUrvamida.n vachaH . 
uvAcha shlakShNayA vAchA kaunteyaH paravIra hA .. 15..\\
uShitAH sma vanevAsaM pratikarma chikIrShavaH . 
kopaM nArhasi naH kartu.n sadA samaradurjaya .. 16..\\
aha.n tu prahR^ite pUrvaM prahariShyAmi te.anagha . 
iti me vartate buddhistadbhavAnkartumarhati .. 17..\\
tato.asmai prAhiNoddroNaH sharAnadhikaviMshatim . 
aprAptAMshchaiva tAnpArthashchichchheda kR^itahastavat .. 18..\\
tataH sharasahasreNa rathapArthasya vIryavAn . 
avAkirattato droNaH shIghramastra.n vidarshayan .. 19..\\
evaM pravavR^ite yuddhaM bhAradvAja kirITinoH . 
sama.n vimu~nchatoH sa~Nkhye vishikhAndIptatejasaH .. 20..\\
tAvubhau khyAtakarmANAvubhau vAyusamau jave . 
ubhau divyAstraviduShAvubhAvuttamatejasau . 
kShipantau sharajAlAni mohayAmAsaturnR^ipAn .. 21..\\
vyasmayanta tato yodhAH sarve tatra samAgatAH . 
sharAnvisR^ijatostUrNa.n sAdhu sAdhviti pUjayan .. 22..\\
droNa.n hi samare ko.anyo yoddhumarhati phalgunAt . 
raudraH kShatriya dharmo.aya.n guruNA yadayudhyata . 
ityabruva~njanAstatra sa~NgrAmashirasi sthitAH .. 23..\\
vIrau tAvapi sa.nrabdhau saMnikR^iShTau mahArathau . 
chhAdayetA.n sharavrAtairanyonyamaparAjitau .. 24..\\
visphArya sumahachchApa.n hemapR^iShTha.n durAsadam . 
sa.nrabdho.atha bharadvAjaH phalgunaM pratyayudhyata .. 25..\\
sa sAyakamayairjAlairarjunasya rathaM prati . 
bhAnumatlbhiH shilA dhautairbhAnoH prachchhAdayatprabhAm .. 26..\\
pArtha.n cha sa mahAbAhurmahAvegairmahArathaH . 
vivyAdha nishitairbANairmegho vR^iShTyeva parvatam .. 27..\\
tathaiva divya.n gANDIvaM dhanurAdAya pANDavaH . 
shatrughna.n vegavaddhR^iShTo bhArasAdhanamuttamam . 
visasarja sharAMshchitrAnsuvarNavikR^itAnbahUn .. 28..\\
nAshaya~nsharavarShANi bhAradvAjasya vIryavAn . 
tUrNa.n chApanivirmuktaistadadbhutamivAbhavat .. 29..\\
sa rathena charanpArthaH prekShaNIyo dhana~njayaH . 
yugapaddikShu sarvAsu sarvashastrANyadarshayat .. 30..\\
ekachhAyamivAkAshaM bANaishchakre samantataH . 
nAdR^ishyata tadA droNo nIhAreNeva sa.nvR^itaH .. 31..\\
tasyAbhavattadA rUpa.n sa.nvR^itasya sharottamaiH . 
jAjvalyamAnasya yathA parvatasyeva sarvataH .. 32..\\
dR^iShTvA tu pArthasya raNe sharaiH svarathamAvR^itam . 
sa visphArya dhanushchitraM meghastanita nisvanam .. 33..\\
agnichakropama.n ghora.n vikarShanparamAyudham . 
vyashAtayachchharA.nstA.nstu droNaH samitishobhanaH . 
mahAnabhUttataH shabdo vaMshAnAmiva duhyatAm .. 34..\\
jAmbUnadamayaiH pu~NkhaishchitrachApavarAtigaiH . 
prAchchhAdayadameyAtmA dishaH sUryasya cha prabhAm .. 35..\\
tataH kanakapu~NkhAnA.n sharANAM nataparvaNAm . 
viyachcharANA.n viyati dR^ishyante bahushaH prajAH .. 36..\\
droNasya pu~NkhasaktAshcha prabhavantaH sharAsanAt . 
eko dIrgha ivAdR^ishyadAkAshe sa.nhataH sharaH .. 37..\\
eva.n tau svarNavikR^itAnvimu~nchantau mahAsharAn . 
AkAsha.n sa.nvR^itaM vIrAvulkAbhiriva chakratuH .. 38..\\
sharAstayoshcha vibabhuH ka~NkabarhiNa vAsasaH . 
pa~NktyaH sharadi khasthAnA.n ha.nsAnA.n charatAm iva .. 39..\\
yuddha.n samabhavattatra susa.nrabdhaM mahAtmanoH . 
droNa pANDavayorghora.n vR^itravAsavayoriva .. 40..\\
tau jagAviva chAsAdya viShANAgraiH parasparam . 
sharaiH pUrNAyatotsR^iShTairanyonyamabhijaghnatuH .. 41..\\
tau vyavAharatA.n shUrau sa.nrabdhau raNashobhinau . 
udIrayantau samare divyAnyastrANi bhAgashaH .. 42..\\
atha tvAchArya mukhyena sharAnsR^iShTA~nshilAshitAn . 
nyavArayachchhitairbAnairarjuno jayatA.n varaH .. 43..\\
darshayannaindrirAtmAnamugramugraparAkramaH . 
iShubhistUrNamAkAshaM bahubhishcha samAvR^iNot .. 44..\\
jighA.nsantaM naravyAghramarjuna.n tigmatejasam . 
AchArya mukhyaH samare droNaH shastrabhR^itA.n varaH . 
arjunena sahAkrIDachchharaiH saMnataparvabhiH .. 45..\\
divyAnyastrANi mu~nchantaM bhAradvAjaM mahAraNe . 
astrairastrANi sa.nvArya palgunaH samayodhayat .. 46..\\
tayorAsItsamprahAraH kruddhayornarasi.nhayoH . 
amarShiNostadAnyonya.n devadAnavayoriva .. 47..\\
aindra.n vAyavyamAgneyamastramastreNa pANDavaH . 
droNena muktaM mukta.n tu grasate sma punaH punaH .. 48..\\
eva.n shUrau maheShvAsau visR^ijantau shitA~nsharAn . 
ekachhAya.n chakratustAvAkAsha.n sharavR^iShTibhiH .. 49..\\
tato.arjunena muktAnAM patatA.n cha sharIriShu . 
parvateShviva varjANA.n sharANAM shrUyate svanaH .. 50..\\
tato nAgA rathAshchaiva sAdinashcha vishAM pate . 
shoNitAktA vyadR^ishyanta puShpitA iva kiMshukAH .. 51..\\
bAhubhishcha sa keyUrairvichitraishcha mahArathaiH . 
suvarNachitraiH kavachairdhvajaishcha vinipAtitaiH .. 52..\\
yodhaishchanihataistatra pArtha bANaprapIDitaiH . 
balamAsItsamudbhrAnta.n droNArjuna samAgame .. 53..\\
vidhunvAnau tu tau vIrau dhanurI bhArasAdhane . 
AchchhAyadetAmanyonya.n titakShantau raNeShubhiH .. 54..\\
athAntarikShe nAdo.abhUddroNa.n tatra prasha.nsatAm . 
duShkara.n kR^itavAndroNo yadarjunamayodhayat .. 55..\\
pramAthinaM mahAvIrya.n dR^iDhamuShTiM durAsadam . 
jetAra.n deva daityAnA.n sarpANAM cha mahAratham .. 56..\\
avishrama.n cha shikShAM cha lAghavaM dUrapAtitAm . 
pArthasya samare dR^iShTvA droNasyAbhUchcha vismayaH .. 57..\\
atha gANDIvamudyamya divya.n dhanuramarShaNaH . 
vichakarSha raNe pArtho bAhubhyAM bharatarShabha .. 58..\\
tasya bANamaya.n varShaM shalabhAnAmivAyatam . 
na cha bANAntare vAyurasya shaknoti sarpitum .. 59..\\
anisha.n sandadhAnasya sharAnutsR^ijatastadA . 
dadR^ishe nAntara.n kiM chitpArthasyAdadato.api cha .. 60..\\
tathA shIghrAstra yuddhe tu vartamAne sudAruNe . 
shIghrAchchhIghrataraM pArthaH sharAnanyAnudIrayat .. 61..\\
tataH shatasahasrANi sharANAM nataparvaNAm . 
yugapatprApata.nstatra droNasya rathamantikAt .. 62..\\
avakIryamANe droNe tu sharairgANDIvadhanvanA . 
hAhAkAro mahAnAsItsainyAnAM bharatarShabha .. 63..\\
pANDavasya tu shIghrAstraM maghavAnsamapUjayat . 
gandharvApsarasashchaiva ye cha tatra samAgatAH .. 64..\\
tato vR^indena mahatA rathAnA.n rathayUthapaH . 
AchArya putraH sahasA pANDavaM pratyavArayat .. 65..\\
ashvatthAmA tu tatkarma hR^idayena mahAtmanaH . 
pUjayAmAsa pArthasya kopa.n chAsyAkarodbhR^isham .. 66..\\
sa manyuvashamApannaH pArthamabhyadravadraNe . 
kira~nsharasahasrANi parjanya iva vR^iShTimAn .. 67..\\
AvR^itya tu mahAbAhuryato drauNistato hayAn . 
antaraM pradadau pArtho droNasya vyapasarpitum .. 68..\\
sa tu labdhvAntara.n tUrNamapAyAjjavanairhayaiH . 
chhinnavarma dhvajaH shUro nikR^ittaH parameShubhiH .. 69..\\
\medskip\hrule\medskip\centerline{\Largedvng 54}
 vai

taM pArthaH pratijagrAha vAyuvegamivoddhatam . 
sharajAlena mahatA varShamANamivAmbudam .. 1..\\
tayordevAsurasamaH saMnipAto mahAnabhUt . 
kiratoH sharajAlAni vR^itravAsavayoriva .. 2..\\
na sma sUryastadA bhAti na cha vAti samIraNaH . 
sharagADhe kR^ite vyomni chhAyA bhUte samantataH .. 3..\\
mahAMshchaTa chaTA shabdo yodhayorhanyamAnayoH . 
dahyatAmiva veNUnAmAsItparapura~njaya .. 4..\\
hayAnasyArjunaH sarvAnkR^itavAnalpajIvitAn . 
sa rAjananprajAnAti disha.n kAM chana mohitaH .. 5..\\
tato drauNirmahAvIryaH pArthasya vichariShyataH . 
vivara.n sUkShmamAlokya jyA.n chichchheda kShureNa ha . 
tadasyApUjayandevAH karma dR^iShTvAti mAnuSham .. 6..\\
tato drauNirdhanUMShyaShTau vyapakramya nararShabham . 
punarabhyAhanatpArtha.n hR^idaye ka~NkapatribhiH .. 7..\\
tataH pArtho mahAbAhuH prahasya svanavattadA . 
yojayAmAsa navayA maurvyA gANDIvamojasA .. 8..\\
tato.ardhachandramAvR^itya tena pArthaH samAgamat . 
vAraNeneva mattena matto vAraNayUthapaH .. 9..\\
tataH pravavR^ite yuddhaM pR^ithivyAmekavIrayoH . 
raNamadhye dvayoreva sumahallomaharShaNam .. 10..\\
tau vIrau kuravaH sarve dadR^ishurvismayAnvitAH . 
yudhyamAnau mahAtmAnau yUthapAviva sa~Ngatau .. 11..\\
tau samAjaghnaturvIrAvanyonyaM puruSharShabhau . 
sharairAshIvishAkArairjvaladbhiriva pannagaiH .. 12..\\
akShayyAviShudhI divyau pANDavasya mahAtmanaH . 
tena pArtho raNe shUrastasthau giririvAchalaH .. 13..\\
ashvatthAmnaH punarbANAH kShipramabhyasyato raNe . 
jagmuH parikShaya.n shIghramabhUttenAdhiko.arjunaH .. 14..\\
tataH karNo mahachchApa.n vikR^iShyAbhyadhikaM ruShA . 
avAkShipattataH shabdo hAhAkAro mahAnabhUt .. 15..\\
tatra chakShurdadhe pArtho yatra vispAryate dhanuH . 
dadarsha tatra rAdheya.n tasya kopo.atyavIvR^idhat .. 16..\\
saroShavashamApannaH karNameva jighA.nsayA . 
avaikShata vivR^ittAbhyAM netrAbhyA.n kurupu~NgavaH .. 17..\\
tathA tu vimukhe pArthe droNaputrasya sAyakAn . 
tvaritAH puruShA rAjannupAjahruH sahasrashaH .. 18..\\
utsR^ijya cha mahAbAhurdroNaputra.n dhana~njayaH . 
abhidudrAva sahasA karNameva sapatnajit .. 19..\\
tamabhidrutya kaunteyaH krodhasa.nraktalochanaH . 
kAmayandvairathe yuddhamida.n vachanamabravIt .. 20..\\
\medskip\hrule\medskip\centerline{\Largedvng 55}
 arj

karNa yatte sabhAmadhye bahu vAchA vikatthitam . 
na me yudhi samo.astIti tadidaM pratyupasthitam .. 1..\\
avochaH paruShA vAcho dharmamutsR^ijya kevalam . 
ida.n tu duShkaraM manye yadidaM te chikIrShitam .. 2..\\
yattvayA kathitaM pUrvaM mAmanAsAdya ki.n chana . 
tadadya kuru rAdheya kurumadhye mayA saha .. 3..\\
yatsabhAyA.n sma pA~nchAlIM lishyamAnA.n durAtmabhiH . 
dR^iShTavAnasi tasyAdya phalamApnuhi kevalam .. 4..\\
dharmapAshanibaddhena yanmayA marShitaM purA . 
tasya rAdheya kopasya vijayaM pashya me mR^idhe .. 5..\\
ehi karNa mayA sArdhaM pratipadyasva sAgaram . 
prekShakAH kuravaH sarve bhavantu saha sainikAH .. 6..\\

 karna

bravIShi vAchA yatpArtha karmaNA tatsamAchara . 
atishete hi vai vAcha.n karmeti prathitaM bhuvi .. 7..\\
yattvayA marShitaM pUrva.n tadashaktena marShitam . 
iti gR^ihNAmi tatpArtha tava dR^iShTvAparAkramam .. 8..\\
dharmapAshanibaddhena yadi te marShitaM purA . 
tathaiva baddhamAtmAnamabaddhamiva manyase .. 9..\\
yadi tAvadvanevAsA yathoktashcharitastvayA . 
tattva.n dharmArthavitkliShTaH samayaM bhettumichchhasi .. 10..\\
yadi shakraH svayaM pArtha yudhyate tava kAraNAt . 
tathApi na vyathA kA chinmama syAdvikramiShyataH .. 11..\\
aya.n kaunteya kAmaste nachirAtsamupasthitaH . 
yotsyase tvaM mayA sArdhamadya drakShyasi me balam .. 12..\\

 arj

idAnImeva tAvattvamapayAto raNAnmama . 
tena jIvasi rAdheyanihatastvanujastava .. 13..\\
bhrAtara.n ghAtayitvA cha tyaktvA raNashirashcha kaH . 
tvadanyaH puruShaH satsu brUyAdeva.n vyavasthitaH .. 14..\\

 vai

iti karNaM bruvanneva bIbhatsuraparAjitaH . 
abhyayAdvisR^ijanbANAnkAyAvaraNa bhedinaH .. 15..\\
pratijagrAha tAnkarNaH sharAnagnishikhopamAn . 
sharavarSheNa mahatA varShamANa ivAmbudaH .. 16..\\
utpetuH sharajAlAni ghorarUpANi sarvashaH . 
avidhyadashvAnbAhoshcha hastAvApaM pR^ithakpR^ithak .. 17..\\
so.amR^iShyamANaH karNasya niSha~NgasyAvalambanam . 
chichchheda nishitAgreNa shareNa nataparvaNA .. 18..\\
upAsa~NgAdupAdAya karNo bANAnathAparAn . 
vivyAdha pANDava.n haste tasya muShTirashIryata .. 19..\\
tataH pArtho mahAbAhuH karNasya dhanurachchhinat . 
sa shaktiM prAhiNottasmai tAM pArtho vyadhamachchharaiH .. 20..\\
tato.abhipeturbahavo rAdheyasya padAnugAH . 
tAMshcha gANDIvanirmuktaiH prAhiNodyamasAdanam .. 21..\\
tato.asyAshvA~nsharaistIkShNairbIbhatsurbhArasAdhanaiH . 
A karNa muktairabhyaghna.nste hatAH prApatanbhuvi .. 22..\\
athApareNa bANena jvalitena mahAbhujaH . 
vivyAdha karNa.n kaunteyastIkShNenorasi vIryavAn .. 23..\\
tasya bhittvA tanutrANa.n kAyamabhyapatachchhiraH . 
tataH sa tamasAviShTo na sma ki.n chitprajaGYivAn .. 24..\\
sa gADhavedano hitvA raNaM prAyAduda~NmukhaH . 
tato.arjuna upAkroshaduttarashcha mahArathaH .. 25..\\
\medskip\hrule\medskip\centerline{\Largedvng 56}
 vai

tato vaikartana.n jitvA pArtho vairATimabravIt . 
etanmAM prApayAnIka.n yatra tAlo hiraNmayaH .. 1..\\
atra shAntanavo bhIShmo rathe.asmAkaM pitAmahaH . 
kA~NkShamANo mayA yuddha.n tiShThatyamara darshanaH . 
AdAsyAmyahametasya dhanurjyAmapi chAhave .. 2..\\
asyanta.n divyamastraM mAM chitramadya nishAmaya . 
shatahradAmivAyAntI.n stanayitnorivAmbare .. 3..\\
suvarNapR^iShTha.n gANDIvaM drakShyanti kuravo mama . 
dakShiNenAtha vAmena katareNa svidasyati . 
iti mA.n sa~NgatAH sarve tarkayiShyanti shatravaH .. 4..\\
shoNitodA.n rathAvartAM nAganakrA.n duratyayAm . 
nadIM prasyandayiShyAmi paralokapravAhinIm .. 5..\\
pANipAdashiraH pR^iShThabAhushAkhA nirantaram . 
vana.n kurUNAM chhetsyAmi bhallaiH saMnataparvabhiH .. 6..\\
jayataH kauravI.n senAmekasya mama dhanvinaH . 
shataM mArgA bhaviShyanti pAvakasyeva kAnane . 
mayA chakramivAviddha.n sainya.n drakShyasi kevalam .. 7..\\
asambhrAnto rathe tiShTha sameShu viShameShu cha . 
divAmAvR^itya tiShThanta.n giriM bhetsyAmi dhAribhiH .. 8..\\
ahamindrasya vachanAtsa~NgrAme.abhyahanaM purA . 
paulomAnkAlakha~njAMshcha sahasrANi shatAni cha .. 9..\\
ahamindrAddR^iDhAM muShTiM brahmaNaH kR^itahastatAm . 
pragADha.n tumulaM chitramatividdhaM prajApateH .. 10..\\
ahaM pAre samudrasya hiraNyapuramArujam . 
jitvA ShaShTisahasrANi rathinAmugradhanvinAm .. 11..\\
dhvajavR^ikShaM pattitR^iNa.n rathasi.nhagaNAyutam . 
vanamAdIpayiShyAmi kurUNAmastratejasA .. 12..\\
tAnaha.n rathanIDebhyaH sharaiH saMnataparvabhiH . 
ekaH sa~NkAlayiShyAmi vajrapANirivAsurAn .. 13..\\
raudra.n rudrAdahaM hyastraM vAruNaM varuNAdapi . 
astramAgneyamagneshcha vAyavyaM mAtarishvanaH . 
vajrAdIni tathAstrANi shakrAdahamavAptavAn .. 14..\\
dhArtarAShTra vana.n ghoraM narasi.nhAbhirakShitam . 
ahamutpATayiShyAmi vairATe vyetu te bhayam .. 15..\\
evamAshvAsitastena vairATiH savyasAchinA . 
vyagAhata rathAnIkaM bhImaM bhIShmasya dhImataH .. 16..\\
tamAyAntaM mahAbAhu.n jigIShanta.n raNe parAn . 
abhyavArayadavyagraH krUrakarmA dhana~njayam .. 17..\\
ta.n chitramAlyAbharaNAH kR^itavidyA manasvinaH . 
AgachchhanbhImadhanvAnaM maurvIM paryasya bAhubhiH .. 18..\\
duHshAsano vikarNashcha duHsaho.atha viviMshatiH . 
Agatya bhImadhanvAnaM bIbhatsuM paryavArayan .. 19..\\
duHshAsanastu bhallena viddhvA vairATimuttaram . 
dvitIyenArjuna.n vIraH pratyavidhyatstanAntare .. 20..\\
tasya jiShNurupAvR^itya pR^ithu dhAreNa kArmukam . 
chakarta gArdhrapatreNa jAtarUpapariShkR^itam .. 21..\\
athainaM pa~nchabhiH pashchAtpratyavidhyatstanAntare . 
so.apayAto raNa.n hitvA pArtha bANaprapIDitaH .. 22..\\
ta.n vikarNaH sharaistIkShNairgArdhrapatrairajihma gaiH . 
vivyAdha paravIra ghnamarjuna.n dhR^itarAShTra jaH .. 23..\\
tatastamapi kaunteyaH shareNAnataparvaNA . 
lalATe.abhyahanattUrNa.n sa viddhaH prApatadrathAt .. 24..\\
tataH pArthamabhidrutya duHsahaH sa viviMshatiH . 
avAkirachchharaistIkShNaiH parIpsanbhrAtara.n raNe .. 25..\\
tAvubhau gArdhrapatrAbhyAM nishitAbhyA.n dhana~njayaH . 
viddhvA yugapadavyagrastayorvAhAnasUdayat .. 26..\\
tau hatAshvau vividdhA~Ngau dhR^itarAShTrAtma jAvubhau . 
abhipatya rathairanyairapanItau padAnugaiH .. 27..\\
sarvA dishashchAbhyapatadbIbhatsuraparAjitaH . 
kirITamAlI kaunteyo labdhalakSho mahAbalaH .. 28..\\
\medskip\hrule\medskip\centerline{\Largedvng 57}
 vai

atha sa~Ngamya sarve tu kauravANAM mahArathAH . 
arjuna.n sahitA yattAH pratyayudhyanta bhArata .. 1..\\
sa sAyakamayairjAlaiH sarvatastAnmahArathAn . 
prAchhAdayadameyAtmA nIhAra iva parvatAn .. 2..\\
naradbhishcha mahAnAgairheShamANaishcha vAjibhiH . 
bherIsha~NkhaninAdaishcha sa shabdastumulo.abhavat .. 3..\\
narAshvakAyAnnirbhidya lohAni kavachAni cha . 
pArthasya sharajAlAni viniShpetuH sahasrashaH .. 4..\\
tvaramANaH sharAnasyAnpANDavaH sa babhau raNe . 
madhyandinagato.archiShmAnpANDavaH sa babhau raNe .. 5..\\
upaplavanta vitrastA rathebhyo rathinastadA . 
sAdinashchAshvapR^iShThebhyo bhUmau chApi padAtayaH .. 6..\\
sharaiH santADyamAnAnA.n kavachAnAM mahAtmanAm . 
tAmrarAjatalohAnAM prAdurAsInmahAsvanaH .. 7..\\
chhannamAyodhana.n sarvaM sharIrairgatachetasAm . 
gajAshvasAdibhistatra shitabANAtta jIvitaiH .. 8..\\
rathopasthAbhipatitairAstR^itA mAnavairmahI . 
pranR^ityadiva sa~NgrAme chApahasto dhana~njayaH .. 9..\\
shrutvA gANDIvanirghoSha.n visphUrjitamivAshaneH . 
trastAni sarvabhUtAni vyagachchhanta mahAhavAt .. 10..\\
kuNDaloShNISha dhArINi jAtarUpasrajAni cha . 
patitAni sma dR^ishyante shirA.nsi raNamUrdhani .. 11..\\
vishikhonmathitairgAtrairbAhubhishcha sa kArmukaiH . 
sa hastAbharaNaishchAnyaiH prachchhannA bhAti medinI .. 12..\\
shirasAM pAtyamAnAnAmantarA nishitaiH sharaiH . 
ashvavR^iShTirivAkAshAdabhavadbharatarShabha .. 13..\\
darshayitvA tathAtmAna.n raudraM rudra parAkramaH . 
avaruddhashcharanpArtho dashavarShANi trINi cha . 
krodhAgnimutsR^ijadghora.n dhArtarAShTreShu pANDavaH .. 14..\\
tasya taddahataH sainya.n dR^iShTvA chaiva parAkramam . 
sarve shAnti parA yodhA dhArtarAShTrasya pashyataH .. 15..\\
vitrAsayitvA tatsainya.n drAvayitvA mahArathAn . 
arjuno jayatA.n shreShThaH paryavartata bhArata .. 16..\\
prAvartayannadI.n ghorA.n shoNitaughatara~NgiNIm . 
asthi shaivalasambAdhA.n yugAnte kAlanirmitAm .. 17..\\
sharachApa plavA.n ghorAM mA.nsashoNitakardamAm . 
mahArathamahAdvIpA.n sha~NkhadundubhinisvanAm . 
chakAra mahatIM pArtho nadImuttarashoNitAm .. 18..\\
AdadAnasya hi sharAnsandhAya cha vimu~nchataH . 
vikarShatashcha gANDIvaM na ki.n chiddR^ishyate.antaram .. 19..\\
\medskip\hrule\medskip\centerline{\Largedvng 58}
 vai

atha duryodhanaH karNo duHshAsanaviviMshatI . 
droNashcha saha putreNa kR^ipashchAtiratho raNe .. 1..\\
punarIyuH susa.nrabdhA dhana~njaya jighA.nsayA . 
visphArayantashchApAnibalavanti dR^iDhAni cha .. 2..\\
tAnprakIrNapatAkena rathenAdityavarchasA . 
pratyudyayau mahArAjansamastAnvAnaradhvajaH .. 3..\\
tataH kR^ipashcha karNashcha droNashcha rathinA.n varaH . 
taM mahAstrairmahAvIryaM parivArya dhana~njayam .. 4..\\
sharaughAnsamyagasyanto jImUtA iva vArShikAH . 
vavarShuH sharavarShANi prapatanta.n kirITinam .. 5..\\
iShubhirbahubhistUrNa.n samare lomavAhibhiH . 
adUrAtparyavasthAya pUrayAmAsurAdR^itAH .. 6..\\
tathAvakIrNasya hi tairdivyairastraiH samantataH . 
na tasya dvya~Ngulamapi vivR^ita.n samadR^ishyata .. 7..\\
tataH prahasya bIbhatsurdivyamaindraM mahArathaH . 
astramAdityasa~NkAsha.n gANDIve samayojayat .. 8..\\
sa rashmibhirivAdityaH pratapansamare balI . 
kirITamAlI kaunteyaH sarvAnprAchchhAdayatkurUn .. 9..\\
yathAbalAhake vidyUtpAvako vA shilochchaye . 
tathA gANDIvamabhavadindrAyudhamivAtatam .. 10..\\
yathA varShati parjanye vidyudvibhrAjate divi . 
tathA dasha dishaH sarvAH patadgANDIvamAvR^iNot .. 11..\\
trastAshcha rathinaH sarve babhUvustatra sarvashaH . 
sarve shAnti parA bhUtvA svachittAni na lebhire . 
sa~NgrAmavimukhAH sarve yodhAste hatachetasaH .. 12..\\
eva.n sarvANi sainyAni bhagnAni bharatarShabha . 
prAdravanta dishaH sarvA nirAshAni svajIvite .. 13..\\
\medskip\hrule\medskip\centerline{\Largedvng 59}
 vai

tataH shAntanavo bhIShmo durAdharShaH pratApavAn . 
vadhyamAneShu yodheShu dhana~njayamupAdravat .. 1..\\
pragR^ihya kArmukashreShTha.n jAtarUpapariShkR^itam . 
sharAnAdAya tIkShNAgnAnmarmabheda pramAthinaH .. 2..\\
pANDureNAtapatreNa dhriyamANena mUrdhani . 
shushubhe sa naravyAghro giriH sUryodaye yathA .. 3..\\
pradhmAya sha~Nkha.n gA~Ngeyo dhArtarAShTrAnpraharShayan . 
pradakShiNamupAvR^itya bIbhatsu.n samavArayat .. 4..\\
tamudvIkShya tathAyAnta.n kaunteyaH paravIra hA . 
pratyagR^ihNAtprahR^iShTAtmA dhArA dharamivAchalaH .. 5..\\
tato bhIShmaH sharAnaShTau dhvaje pArthasya vIryavAn . 
samaparyanmahAvegA~nshvasamAnAnivoragAn .. 6..\\
te dhvajaM pANDuputrasya samAsAdya patatriNaH . 
jvalantaH kapimAjaghnurdhvajAgra nilayAMshcha tAn .. 7..\\
tato bhallena mahatA pR^ithu dhAreNa pANDavaH . 
chhatra.n chichchheda bhIShmasya tUrNaM tadapatadbhuvi .. 8..\\
dhvaja.n chaivAsya kaunteyaH sharairabhyahanaddR^iDham . 
shIghrakR^idrathavAhAMshcha tathobhau pArShNisArathI .. 9..\\
tayostadabhavadyuddha.n tumula.n lomaharShaNam . 
bhIShmasya saha pArthena balivAsavayoriva .. 10..\\
bhallairbhallAH samAgamya bhIShma pANDavayoryudhi . 
antarikShe vyarAjanta khadyotAH prAvR^iShIva hi .. 11..\\
agnichakramivAviddha.n savyadakShiNamasyataH . 
gANDIvamabhavadrAjanpArthasya sR^ijataH sharAn .. 12..\\
sa taiH sa~nchAdayAmAsa bhIShma.n sharashataiH shitaiH . 
parvata.n vAridhArAbhishchhAdayanniva toyadaH .. 13..\\
tA.n sa velAmivoddhUtAM sharavR^iShTiM samutthitAm . 
vyadhamatsAyakairbhIShmo arjuna.n saMnivArayat .. 14..\\
tatastAni nikR^ittAni sharajAlAni bhAgashaH . 
samare.abhivyashIryanta phalgunasya rathaM prati .. 15..\\
tataH kanakapu~NkhAnA.n sharavR^iShTiM samutthitAm . 
pANDavasya rathAttUrNa.n shalabhAnAMmivAyatim . 
vyadhamattAM punastasya bhIShmaH sharashataiH shitaiH .. 16..\\
tataste kuravaH sarve sAdhu sAdhviti chAbruvan . 
duShkara.n kR^itavAnbhIShmo yadarjunamayodhayat .. 17..\\
balavA.nstaruNo dakShaH kShiprakArI cha pANDavaH . 
ko.anyaH samarthaH pArthasya vega.n dhArayitu.n raNe .. 18..\\
R^ite shAntanavAdbhIShmAtkR^iShNAdvA devakI sutAt . 
AchArya pravarAdvApi bhAradvAjAnmahAbalAt . 
AchArya pravarAdvApi bhAradvAjAnmahAbalAt .. 19..\\
astrairastrANi sa.nvArya krIDataH puruSharShabhau . 
chakShUMShi sarvabhUtAnAM mohayantau mahAbalau .. 20..\\
prAjApatya.n tathaivaindramAgneyaM cha sudAruNam . 
vaubera.n vAruNa.n chaiva yAmya vAyavyameva cha . 
prayu~njAnau mahAtmAnau samare tau vicheratuH .. 21..\\
vismitAnyatha bhUtAni tau dR^iShTvA sa.nyuge tadA . 
sAdhu pArtha mahAbAho sAdhu bIShmeti chAbruvan .. 22..\\
neda.n yuktaM manuShyeShu yo.ayaM sandR^ishyate mahAn . 
mahAstrANA.n samprayogaH samare bhIShmapArthayoH .. 23..\\
eva.n sarvAstraviduShorastrayuddhamavartata . 
atha jiShNurupAvR^itya pR^ithu dhAreNa kArmukam . 
chakarta bhIShmasya tadA jAtarUpapariShkR^itam .. 24..\\
nimeShAntaramAtreNa bhIShmo.anyatkArmuka.n raNe . 
samAdAya mahAbAhuH sa jya.n chakre mahAbalaH . 
sharAMshcha subahUnkruddho mumochAshu dhana~njaye .. 25..\\
arjuno.api sharAMshchitrAnbhIShmAya nishitAnbahUn . 
chikShepa sumahAtejAstathA bhIShmashcha pANDave .. 26..\\
tayordivyAstraviduShorasyatoranisha.n sharAn . 
na visheShastadA rAja.NllakShyate sma mahAtmanoH .. 27..\\
athAvR^iNoddasha dishaH sharairati rathaistadA . 
kirITamAlI kaunteyaH shUraH shAntanavastathA .. 28..\\
atIva pANDavo bhIShmaM bhIShmashchAtIva pANDavam . 
babhUva tasminsa~NgrAme rAja.Nlloke tadadbhutam .. 29..\\
pANDavena hatAH shUrA bhIShmasya ratharakShiNaH . 
sherate sma tadA rAjankaunteyasyAbhito ratham .. 30..\\
tato gANDIvanirmuktA niramitra.n chikIrShavaH . 
Agachchhanpu~NkhasaMshliShTAH shvetavAhana patriNaH .. 31..\\
niShpatanto rathAttasya dhautA hairaNyavAsasaH . 
AkAshe samadR^ishyanta ha.nsAnAmiva pa~NktayaH .. 32..\\
tasya taddivyamastra.n hi pragADha.n chitramasyataH . 
prekShante smAntarikSha sthAH sarve devAH sa vAsavAH .. 33..\\
taddR^iShTvA paramaprIto gandharvash chitramadbhutam . 
shasha.nsa devarAjAya chitrasenaH pratApavAn .. 34..\\
pashyemAnarinirdArAnsa.nsaktAniva gachchhataH . 
chitrarUpamida.n jiShNordivyamastramudIryataH .. 35..\\
nedaM manuShyAH shraddadhyurna hIda.n teShu vidyate . 
paurANAnAM mahAstrANA.n vichitrAyaM samAgamaH .. 36..\\
madhyandinagata.n sUryaM pratapantamivAmbare . 
na shaknuvanti sainyAni pANDavaM prativIkShitum .. 37..\\
ubhau vishrutakarmANAvubhau yuddhavishAradau . 
ubhau sadR^ishakarmANAvubhau yudhi durAsadau .. 38..\\
ityukto devarAjastu pArtha bhIShma samAgamam . 
pUjayAmAsa divyena puShpavarSheNa bhArata .. 39..\\
tato bhIShmaH shAntanavo vAme pArshve samarpayat . 
asyataH pratisandhAya vivR^ita.n savyasAchinaH .. 40..\\
tataH prahasya bIbhatsuH pR^ithu dhAreNa kArmukam . 
nyakR^intadgArdhrapatreNa bhIShmasyAmitatejasaH .. 41..\\
athaina.n dashabhirbANairpratyavidhyatstanAntare . 
yatamAnaM parAkrAnta.n kuntIputro dhana~njayaH .. 42..\\
sa pIDito mahAbAhurgR^ihItvA rathakUbaram . 
gA~Ngeyo yudhi durdharShastasthau dIrghamivAturaH .. 43..\\
ta.n visa~nj~namapovAha sa.nyantA rathavAjinAm . 
upadeshamanusmR^itya rakShamANo mahAratham .. 44..\\
\medskip\hrule\medskip\centerline{\Largedvng 60}
 vai

bhIShme tu sa~NgrAmashiro vihAya 
palAyamAne dhetarAShTra putraH . 
uchchhritya ketu.n vinadanmahAtmA 
svaya.n vigR^ihyArjunamAsasAda .. 1..\\
sa bhImadhanvAnamudagravIryaM 
dhana~njaya.n shatrugaNe charantam . 
A karNa pUrNAyatachoditena 
bhallena vivyAdha lalATamadhye .. 2..\\
sa tena bANena samarpitena 
jAmbUnadAbhena susaMshitena . 
rarAja rAjanmahanIya karmA 
yathaika parvA ruchiraika shR^i~NgaH .. 3..\\
athAsya bANena vidAritasya 
prAdurbabhUvAsR^igajasramuShNam . 
sA tasya jAmbUnadapuShpachitrA 
mAleva chitrAbhivirAjate sma .. 4..\\
sa tena bANAbhihatastarasvI 
duryodhanenoddhata manyuvegaH . 
sharAnupAdAya viShAgnikalpAn 
vivyAdha rAjAnamadInasattvaH .. 5..\\
duryodhanashchApi tamugratejAH 
pArthashcha duryodhanamekavIraH . 
anyonyamAjau puruShapravIrau 
sama.n samAjaghnaturAjamIDhau .. 6..\\
tataH prabhinnena mahAgajena 
mahIdharAbhena punarvikarNaH . 
rathaishchaturbhirgajapAdarakShaiH 
kuntIsuta.n jiShNumathAbhyadhAvat .. 7..\\
tamApatanta.n tvaritaM gajendraM 
dhana~njayaH kumbhavibhAgamadhye . 
A karNa pUrNena dR^iDhAyasena 
bANena vivyAdha mahAjavena .. 8..\\
pArthena sR^iShTaH sa tu gArdhrapatra 
A pu~NkhadeshAtpravivesha nAgam . 
vidArya shailapravara prakAshaM 
yathAshaniH parvatamindra sR^iShTaH .. 9..\\
sharaprataptaH sa tu nAgarAjaH 
pravepitA~Ngo vyathitAntarAtmA . 
sa.nsIdamAno nipapAta mahyAM 
vajrAhata.n shR^i~NgamivAchalasya .. 10..\\
nipAtite dantivare pR^ithivyAM 
trAsAdvikarNaH sahasAvatIrya . 
tUrNaM padAnyaShTa shatAni gatvA 
viviMshateH syandanamAruroha .. 11..\\
nihatya nAga.n tu shareNa tena 
vajropamenAdrivarAmbudAbham . 
tathAvidhenaiva shareNa pArtho 
duryodhana.n vakShasi nirbibheda .. 12..\\
tato gaje rAjani chaiva bhinne 
bhagne vikarNe cha sa pAdarakShe . 
gANDIvamuktairvishikhaiH praNunnAs 
te yudha mukhyAH sahasApajagmuH .. 13..\\
dR^iShTvaiva bANena hata.n tu nAgaM 
yodhAMshcha sarvAndravato nishamya . 
ratha.n samAvR^itya kurupravIro 
raNAtpradudrAva yato na pArthaH .. 14..\\
taM bhImarUpa.n tvaritaM dravantaM 
duryodhana.n shatrusaho niSha~NgI . 
prAkShveDayadyoddhumanAH kirITI 
bANena viddha.n rudhiraM vamantam .. 15..\\

 arj

vihAya kIrti.n vipulaM yashash cha 
yuddhAtparAvR^itya palAyase kim . 
na te.adya tUryANi samAhatAni 
yathAvadudyAnti gatasya yuddhe .. 16..\\
yudhiShThirasyAsmi nideshakArI 
pArthastR^itIyo yudhi cha sthiro.asmi . 
tadarthamAvR^itya mukhaM prayachchha 
narendra vR^itta.n smara dhArtarAShTra .. 17..\\
mogha.n tavedaM bhuvi nAmadheyaM 
duryodhanetIha kR^itaM purastAt . 
na hIha duryodhanatA tavAsti 
palAyamAnasya raNa.n vihAya .. 18..\\
na te purastAdatha pR^iShThato vA 
pashyAmi duryodhana rakShitAram . 
paraihi yuddhena kurupravIra 
prANAnpriyAnpANDavato.adya rakSha .. 19..\\
\medskip\hrule\medskip\centerline{\Largedvng 61}
 vai

AhUyamAnastu sa tena sa~Nkhye 
mahAmanA dhR^itarAShTrasya putraH . 
nivartitastasya girA~Nkushena 
gajo yathAmatta ivA~Nkushena .. 1..\\
so.amR^iShyamANo vachasAbhimR^iShTo 
mahArathenAti rathastarasvI . 
paryAvavartAtha rathena vIro 
bhogI yathA pAdatalAbhimR^iShTaH .. 2..\\
taM prekShya karNaH parivartamAnaM 
nivartya sa.nstabhya cha viddha gAtraH . 
duryodhana.n dakShiNato.abhyagachchhat 
pArthaM nR^ivIro yudhi hemamAlI .. 3..\\
bhIShmastataH shAntanavo nivR^itya 
hiraNyakakShyA.nstvaraya.nstura~NgAn . 
duryodhanaM pashchimato.abhyarakShat 
pArthAnmahAbAhuradhijya dhanvA .. 4..\\
droNaH kR^ipashchaiva viviMshatish cha 
duHshAsanashchaiva nivR^itya shIghram . 
sarve purastAdvitateShu chApA 
duryodhanArtha.n tvaritAbhyupeyuH .. 5..\\
sa tAnyanIkAni nivartamAnAny 
Alokya pUrNaughanibhAni pArthaH . 
ha.nso yathA meghamivApatantaM 
dhana~njayaH pratyapatattarasvI .. 6..\\
te sarvataH samparivArya pArtham 
astrANi divyAni samAdadAnAH . 
vavarShurabhyetya sharaiH samantAn 
meghA yathA bhUdharamambuvegaiH .. 7..\\
tato.astramastreNa nivArya teShAM 
gANDIvadhanvA kurupu~NgavAnAm . 
saMmohana.n shatrusaho.anyadastraM 
prAdushchakAraindrirapAraNIyam .. 8..\\
tato dishashchAnudisho vivR^itya 
sharaiH sudhArairnishitaiH supu~NkhaiH . 
gANDIvaghoSheNa manA.nsi teShAM 
mahAbalaH pravyathayA.n chakAra .. 9..\\
tataH punarbhImaravaM pragR^ihya 
dorbhyAM mahAsha~NkhamudAraghoSham . 
vyanAdayatsa pradisho dishaH khaM 
bhuva.n cha pArtho dviShatAM nihantA .. 10..\\
te sha~NkhanAdena kurupravIrAH 
saMmohitAH pArtha samIritena . 
utsR^ijya chApAni durAsadAni 
sarve tadA shAnti parA babhUvuH .. 11..\\
tathA visa~nj~neShu pareShu pArthaH 
smR^itvA tu vAkyAni tathottarAyAH . 
niryAhi madhyAditi matsyaputram 
uvAcha yAvatkuravo visa~nj~nAH .. 12..\\
AchArya shAradvatayoH sushukle 
karNasya pIta.n ruchira.n cha vastram . 
drauNeshcha rAGYashcha tathaiva nIle 
vastre samAdatsva narapravIra .. 13..\\
bhIShmasya sa~nj~nA.n tu tathaiva manya 
jAnAti me.astrapratighAtameShaH . 
etasya vAhAnkuru savyatastvam 
eva.n hi yAtavyamamUDha sa~nj~naiH .. 14..\\
rashmInsamutsR^ijya tato mahAtmA 
rathAdavaplutya virATa putraH . 
vastrANyupAdAya mahArathAnAM 
tUrNaM punaH sva.n rathamAruroha .. 15..\\
tato.anvashAsachchaturaH sadashvAn 
putro virATasya hiraNyakakShyAn . 
te tadvyatIyurdhvajinAmanIkaM 
shvetA vahanto.arjunamAjimadhyAt .. 16..\\
tathA tu yAntaM puruShapravIraM 
bhIShmaH sharairabhyahanattarasvI . 
sa chApi bhIShmasya hayAnnihatya 
vivyAdha pArshve dashabhiH pR^iShatkaiH .. 17..\\
tato.arjuno bhIShmamapAsya yuddhe 
viddhvAsya yantAramariShTadhanvA . 
tasthau vimukto rathavR^indamadhyAd 
rAhu.n vidAryeva sahasrarashmiH .. 18..\\
labdhvA tu sa~nj~nA.n cha kurupravIraH 
pArtha.n samIkShyAtha mahendrakalpam . 
raNAdvimukta.n sthitamekamAjau 
sa dhArtarAShTrastvarito babhAShe .. 19..\\
aya.n katha.n svidbhavatAM vimuktas 
ta.n vai prabadhnIta yathA na muchyet . 
tamabravIchchhAntanavaH prahasya 
kva te gatA buddhirabhUtkva vIryam .. 20..\\
shAntiM parAshvasya yathA sthito.abhUr 
utsR^ijya bANAMshcha dhanush cha chitram . 
na tveva bIbhatsuralaM nR^isha.nsaM 
kartuM na pApe.asya mano niviShTam .. 21..\\
trailokyahetorna jahetsvadharmaM 
tasmAnna sarve nihatA raNe.asmin . 
kShipra.n kurUnyAhi kurupravIra 
vijitya gAshcha pratiyAtu pArthaH .. 22..\\
duryodhanastasya tu tannishamya 
pitAmahasyAtma hita.n vacho.atha . 
atItakAmo yudhi so.atyamarShI 
rAjA viniHshvasya babhUva tUShNIm .. 23..\\
tadbhIShma vAkya.n hitamIkShya sarve 
dhana~njayAgni.n cha vivardhamAnam . 
nivartanAyaiva mano nidadhyur 
duryodhana.n te parirakShamANAH .. 24..\\
tAnprasthitAnprItamanAH sa pArtho 
dhana~njayaH prekShya kurupravIrAn . 
AbhAShamANo.anuyayau muhUrtaM 
sampUjaya.nstatra gurUnmahAtmA .. 25..\\
pitAmaha.n shAntanavaM sa vR^iddhaM 
droNa.n guruM cha pratipUjya mUrdhnA . 
drauNi.n kR^ipaM chaiva gurUMshcha sarvA~n 
sharairvichitrairabhivAdya chaiva .. 26..\\
duryodhanasyottama ratnachitraM 
chichchheda pArtho mukuTa.n shareNa . 
Amantrya vIrAMshcha tathaiva mAnyAn 
gANDIvaghoSheNa vinAdya lokAn .. 27..\\
sa devadatta.n sahasA vinAdya 
vidArya vIro dviShatAM manA.nsi . 
dhvajena sarvAnabhibhUya shatrUn 
sa hemajAlena virAjamAnaH .. 28..\\
dR^iShTvA prayAtA.nstu kurUnkirITI 
hR^iShTo.abravIttatra sa matsyaputram . 
AvartayAshvAnpashavo jitAste 
yAtAH pare yAhi puraM prahR^iShTaH .. 29..\\
\medskip\hrule\medskip\centerline{\Largedvng 62}
 vai

tato vijitya sa~NgrAme kurUngovR^iShabhekShaNaH . 
samAnayAmAsa tadA virATasya dhanaM mahat .. 1..\\
gateShu cha prabhagneShu dhArtarAShTreShu sarvashaH . 
vanAnniShkramya gahanAdbahavaH kuru sainikAH .. 2..\\
bhayAtsantrastamanasaH samAjagmustatastataH . 
muktakeshA vyadR^ishyanta sthitAH prA~njalayastadA .. 3..\\
kShutpipAsAparishrAntA videsha sthA vichetasaH . 
UchuH praNamya sambhrAntAH pArtha ki.n karavAm ate .. 4..\\

 arj

svasti vrajata bhadra.n vo na bhetavya.n kathaM chana . 
nAhamArtA~njighA.nsAmi bhR^ishamAshvAsayAmi vaH .. 5..\\

 vai

tasya tAmabhayA.n vAchaM shrutvA yodhAH samAgatAH . 
AyuH kIrtiyasho dAbhistamAshirbhiranandayan .. 6..\\
tato nivR^ittAH kuravaH prabhagnA vashamAsthitAH . 
panthAnamupasa~Ngamya phalguno vAkyamabravIt .. 7..\\
rAjaputra pratyavekSha samAnItAni sarvashaH . 
gokulAni mahAbAho vIra gopAlakaiH saha .. 8..\\
tato.aharAhNe yAsyAmo virATanagaraM prati . 
AshvAsya pAyayitvA cha pariplAvya cha vAjinaH .. 9..\\
gachchhantu tvaritAshchaiva gopAlAH preShitAstvayA . 
nagare priyamAkhyAtu.n ghoShayantu cha te jayam .. 10..\\

 vai

uttarastvaramANo.atha dUtAnAGYApayattataH . 
vachanAdarjunasyaiva AchakShadhva.n jayaM mama .. 11..\\
\medskip\hrule\medskip\centerline{\Largedvng 63}
 vai

avajitya dhana.n chApi virATo vAhinIpatiH . 
prAvishannagara.n hR^iShTashchaturbhiH saha pANDavaiH .. 1..\\
jitvA trigartAnsa~NgrAme gAshchaivAdAya kevalAH . 
ashobhata mahArAjaH saha pArthaiH shriyA vR^itaH .. 2..\\
tamAsanagata.n vIraM suhR^idAM prItivardhanam . 
upatasthuH prakR^itayaH samastA brAhmaNaiH saha .. 3..\\
sabhAjitaH sa sainyastu pratinandyAtha matsyarAj . 
visarjayAmAsa tadA dvijAMshcha prakR^itIstathA .. 4..\\
tataH sa rAjA matsyAnA.n virATo vAhinIpatiH . 
uttaraM paripaprachchha kva yAta iti chAbravIt .. 5..\\
Achakhyustasya sa.nhR^iShTAH striyaH kanyAshcha veshmani . 
antaHpura charAshchaiva kurubhirgodhana.n hR^itam .. 6..\\
vijetumabhisa.nrabdha eka evAti sAhasAt . 
bR^ihannaDA sahAyashcha niryAtaH pR^ithivI.n jayaH .. 7..\\
upayAtAnati rathAndroNa.n shAntanava.n kR^ipam . 
karNa.n duryodhanaM chaiva droNaputraM cha ShaDrathAn .. 8..\\
rAjA virATo.atha bhR^ishaM prataptaH 
shrutvA suta.n hyekarathena yAtam . 
bR^ihannaDA sArathimAjivardhanaM 
provAcha sarvAnatha mantrimukhyAn .. 9..\\
sarvathA kuravaste hi ye chAnye vasudhAdhipAH . 
trigartAnnirjitA~nshrutvA na sthAsyanti kadA chana .. 10..\\
tasmAdgachchhantu me yodhA baleNa mahatA vR^itAH . 
uttarasya parIpsArtha.n ye trigartairavikShatAH .. 11..\\
hayAMshcha nAgAMshcha rathAMshcha shIghraM 
padAtisa~NghAMshcha tataH pravIrAn . 
prasthApayAmAsa sutasya hetor 
vichitrashastrAbharaNopapannAn .. 12..\\
eva.n sa rAjA matsyAnAM virATo.akShauhiNIpatiH . 
vyAdideshAtha tA.n kShipra.n vAhinIM chaturagniNIm .. 13..\\
kumAramAshu jAnIta yadi jIvati vA na vA . 
yasya yantA gataH ShaNDho manye.ahaM na sa jIvati .. 14..\\
tamabravIddharmarAjaH prahasya 
virATamArta.n kurubhiH prataptam . 
bR^ihannaDA sArathish chennarendra 
pare na neShyanti tavAdya gAstAH .. 15..\\
sarvAnmahI pAnsahitAnkurUMsh cha 
tathaiva devAsurayakShanAgAn . 
ala.n vijetuM samare sutaste 
svanuShThitaH sArathinA hi tena .. 16..\\
athottareNa prahitA dUtAste shIghragAminaH . 
virATanagaraM prApya jayamAvedaya.nstadA .. 17..\\
rAGYastataH samAchakhyau mantrI vijayamuttamam . 
parAjaya.n kurUNAM chApyupAyAntaM tathottaram .. 18..\\
sarvA vinirjitA gAvaH kuravashcha parAjitAH . 
uttaraH saha sUtena kushalI cha parantapa .. 19..\\

 kanka

diShTyA te nirjitA gAvaH kuravashcha parAjitAH . 
diShTyA te jIvitaH putraH shrUyate pArthivarShabha .. 20..\\
nAdbhuta.n tveva manye.aha.n yatte putro.ajayatkurUn . 
dhruva eva jayastasya yasya yantA bR^ihannaDA .. 21..\\

 vai

tato virATo nR^ipatiH samprahR^iShTatanU ruhaH . 
shrutvA tu vijaya.n tasya kumArasyAmitaujasaH . 
AchhAdayitvA dUtA.nstAnmantriNaH so.abhyachodayat .. 22..\\
rAjamArgAH kriyantAM me patAkAbhirala.n kR^itAH . 
puShpopahArairarchyantA.n devatAshchApi sarvashaH .. 23..\\
kumArA yodhamukhyAshcha gaNikAshcha svala.n kR^itAH . 
vAditrANi cha sarvANi pratyudyAntu sutaM mama .. 24..\\
ghaNDA paNavakaH shIghraM mattamAruhya vAraNam . 
shR^i~NgATakeShu sarveShu AkhyAtu vijayaM mama .. 25..\\
uttarA cha kumArIbhirbahvIbhirabhisa.nvR^itA . 
shR^i~NgAraveShAbharaNA pratyudyAtu bR^ihannaDAm .. 26..\\
shrutvA tu tadvachanaM pArthivasya 
sarve punaH svastikapANayash cha . 
bheryashcha tUryANi cha vArijAsh cha 
veShaiH parArdhyaiH pramadAH shubhAsh cha .. 27..\\
tathaiva sUtAH saha mAgadhaish cha 
nandI vAdyAH praNavAstUryavAdyAH . 
purAdvirATasya mahAbalasya 
pratyudyayuH putramanantavIryam .. 28..\\
prasthApya senA.n kanyAshcha gaNikAshcha svala~NkR^itAH . 
matsyarAjo mahAprAGYaH prahR^iShTa idamabravIt . 
akShAnAhara sairandhirka~NkadyUtaM pravartatAm .. 29..\\
ta.n tathA vAdinaM dR^iShTvA pANDavaH pratyabhAShata . 
na devitavya.n hR^iShTena kitaveneti naH shrutam .. 30..\\
na tvAmadya mudA yuktamaha.n devitumutsahe . 
priya.n tu te chikIrShAmi vartatA.n yadi manyase .. 31..\\

 viraata

striyo gAvo hiraNya.n cha yachchAnyadvasu kiM chana . 
na me ki.n chittvayA rakShyamantareNApi devitum .. 32..\\

 kanka

ki.n te dyUtena rAjendra bahudoSheNa mAnada . 
devane bahavo doShAstasmAttatparivarjayet .. 33..\\
shrutaste yadi vA dR^iShTaH pANDavo vai yudhiShThiraH . 
sa rAjya.n sumahatsphItaM bhrAtR^IMshcha tridashopamAn .. 34..\\
dyUte hAritavAnsarva.n tasmAddyUtaM na rochaye . 
atha vA manyase rAjandIvyAva yadi rochate .. 35..\\

 vai

pravartamAne dyUte tu matsyaH pANDavamabravIt . 
pashya putreNa me yuddhe tAdR^ishAH kuravo jitAH .. 36..\\
tato.abravInmatsyarAja.n dharmaputro yudhiShThiraH . 
bR^ihannaDA yasya yantA katha.n sa na vijeShyati .. 37..\\
ityuktaH kupito rAjA matsyaH pANDavamabravIt . 
samaputreNa me ShaNDhaM brahma bandho prasha.nsati .. 38..\\
vAchyAvAchyaM na jAnIShe nUnaM mAm avamanyase . 
bhIShmadroNamukhAnsarvAnkasmAnna sa vijeShyati .. 39..\\
vayasyatvAttu te brahmannaparAdhamima.n kShame . 
nedR^isha.n te punarvAchya.n yadi jIvitumichchhasi .. 40..\\

 yudhisthira

yatra droNastathA bhIShmo drauNirvaikartanaH kR^ipaH . 
duryodhanashcha rAjendra tathAnye cha mahArathAH .. 41..\\
marudgaNaiH parivR^itaH sAkShAdapi shatakratuH . 
ko.anyo bR^ihannaDAyAstAnpratiyudhyeta sa~NgatAn .. 42..\\

 viraata

bahushaH pratiShiddho.asi na cha vAchaM niyachchhasi . 
niyantA chenna vidyeta na kashchiddharmamAcharet .. 43..\\

 vai

tataH prakupito rAjA tamakSheNAhanadbhR^isham . 
mukhe yudhiShThira.n kopAnnaivamityeva bhartsayan .. 44..\\
balavatpratividdhasya nastaH shoNitamAgamat . 
tadaprAptaM mahIM pArthaH pANibhyAM pratyagR^ihNata .. 45..\\
avaikShata cha dharmAtmA draupadIM pArshvataH sthitAm . 
sA veda tamabhiprAyaM bhartushchittavashAnugA .. 46..\\
pUrayitvA cha sauvarNaM pAtra.n kA.nsyamaninditA . 
tachchhoNitaM pratyagR^ihNAdyatprasusrAva pANavAt .. 47..\\
athottaraH shubhairgandhairmAlyaishcha vividhaistathA . 
avakIryamANaH sa.nhR^iShTo nagara.n svairamAgamat .. 48..\\
sabhAjyamAnaH pauraishcha strIbhirjAnapadaistathA . 
AsAdya bhavanadvAraM pitre sa pratyahArayat .. 49..\\
tato dvArsthaH pravishyaiva virATamidamabravIt . 
bR^ihannaDA sahAyaste putro dvAryuttaraH sthitaH .. 50..\\
tato hR^iShTo matsyarAjaH kShattAramidamabravIt . 
praveshyatAmubhau tUrNa.n darshanepsurahaM tayoH .. 51..\\
kShattAra.n kururAjastu shanaiH karNa upAjapat . 
uttaraH pravishatveko na preveshyA bR^ihannaDA .. 52..\\
etasya hi mahAbAho vratametatsamAhitam . 
yo mamA~Nge vraNa.n kuryAchchhoNita.n vApi darshayet . 
anyatra sa~NgrAmaganAnna sa jIvedasaMshayam .. 53..\\
na mR^iShyAdbhR^ishasa~Nkruddho mA.n dR^iShTvaiva sa shoNitam . 
virATamiha sAmAtya.n hanyAtsabalavAhanam .. 54..\\
\medskip\hrule\medskip\centerline{\Largedvng 64}
 vai

tato rAGYaH suto jyeShThaH prAvishatpR^ithivI.n jayaH . 
so.abhivAdya pituH pAdau dharmarAjamapashyata .. 1..\\
sa ta.n rudhirasa.nsiktamanekAgramanAgasam . 
bhUmAvAsInamekAnte sairandhryA samupasthitam .. 2..\\
tataH paprachchha pitara.n tvaramANa ivottaraH . 
kenAya.n tADito rAjankena pApamidaM kR^itam .. 3..\\

 viraata

mayAya.n tADito jihmo na chApyetAvadarhati . 
prashasyamAne yaH shUre tvayi ShaNDhaM prasha.nsati .. 4..\\

 uttara

akArya.n te kR^ita.n rAjankShiprameva prasAdyatAm . 
mA tvA brahma viSha.n ghora.n sa mUlamapi nirdahet .. 5..\\

 vai

saputrasya vachaH shrutvA virATo rAShTravardhanaH . 
kShamayAmAsa kaunteyaM bhasma chhannamivAnalam .. 6..\\
kShamayanta.n tu rAjAnaM pANDavaH pratyabhAShata . 
chira.n kShAntamida.n rAjanna manyurvidyate mama .. 7..\\
yadi hyetatpatedbhUmau rudhiraM mama nastataH . 
sarAShTrastvaM mahArAja vinashyethA na saMshayaH .. 8..\\
na dUShayAmi te rAjanyachcha hanyAdadUShakam . 
balavantaM mahArAja kShipra.n dAruNamApnuyAt .. 9..\\
shoNite tu vyatikrAnte pravivesha bR^ihannaDA . 
abhivAdya virATa.n cha ka~NkaM chApyupatiShThata .. 10..\\
kShamayitvA tu kauravya.n raNAduttaramAgatam . 
prashasha.nsa tato matsyaH shR^iNvataH savyasAchinaH .. 11..\\
tvayA dAyAdavAnasmi kaikeyInandivardhana . 
tvayA me sadR^ishaH putro na bhUto na bhaviShyati .. 12..\\
padaM padasahasreNa yashcharannAparAdhnuyAt . 
tena karNena te tAta kathamAsItsamAgamaH .. 13..\\
manuShyaloke sakale yasya tulyo na vidyate . 
yaH samudra ivAkShobhyaH kAlAgniriva duHsahaH . 
tena bhIShmeNa te tAta kathamAsItsamAgamaH .. 14..\\
AchAryo vR^iShNivIrANAM pANDavAnA.n cha yo dvijaH . 
sarvakShatrasya chAchAryaH sarvashasta bhR^itA.n varaH . 
tena droNena te tAta kathamAsItsamAgamaH .. 15..\\
AchArya putro yaH shUraH sarvashasta bhR^itAm api . 
ashvatthAmeti vikhyAtaH katha.n tena samAgamaH .. 16..\\
raNe yaM prekShya sIdanti hR^itasvA vaNijo yathA . 
kR^ipeNa tena te tAta kathamAsItsamAgamaH .. 17..\\
parvata.n yo.abhividhyeta rAjaputro maheShubhiH . 
duryodhanena te tAta kathamAsItsamAgamaH .. 18..\\

 uttara

na mayA nirjitA gAvo na mayA nirjitAH pare . 
kR^ita.n tu karma tatsarvaM devaputreNa kena chit .. 19..\\
sa hi bhIta.n dravantaM mAM devaputro nyavArayat . 
sa chAtiShThadrathopasthe vajrahastanibho yuvA .. 20..\\
tena tA nirjitA gAvastena te kuravo jitAH . 
tasya tatkarma vIrasya na mayA tAta tatkR^itam .. 21..\\
sa hi shAradvata.n droNaM droNaputraM cha vIryavAn . 
sUtaputra.n cha bhIShmaM cha chakAra vimukhA~nsharaiH .. 22..\\
duryodhana.n cha samare sa nAgamiva yUthapam . 
prabhagnamabravIdbhIta.n rAjaputraM mahAbalam .. 23..\\
na hAstinapure trANa.n tava pashyAmi kiM chana . 
vyAyAmena parIpsasva jIvita.n kauravAtma ja .. 24..\\
na mokShyase palAya.nstva.n rAjanyuddhe manaH kuru . 
pR^ithivIM bhokShyase jitvA hato vA svargamApsyasi .. 25..\\
sa nivR^itto naravyAghro mu~nchanvajranibhA~nsharAn . 
sachivaiH sa.nvR^ito rAjA rathe nAga iva shvasan .. 26..\\
tatra me romaharSho.abhUdUrustambhashcha mAriSha . 
yadabhraghanasa~NkAshamanIka.n vyadhamachchharaiH .. 27..\\
tatpraNudya rathAnIka.n si.nhasa.nhanano yuvA . 
kurU.nstAnprahasanrAjanvAsA.nsyapaharadbalI .. 28..\\
ekena tena vIreNa ShaDrathAH parivAritAH . 
shArdUleneva mattena mR^igAstR^iNacharA vane .. 29..\\

 viraata

kva sa vIro mahAbAhurdevaputro mahAyashAH . 
yo me dhanamavAjaiShItkurubhirgrastamAhave .. 30..\\
ichchhAmitamaha.n draShTumarchituM cha mahAbalam . 
yena me tva.n cha gAvashcha rakShitA deva sUnunA .. 31..\\

 uttara

antardhAna.n gatastAta devaputraH pratApavAn . 
sa tu shvo vA paraShvo vA manye prAdurbhaviShyati .. 32..\\

 vai

evamAkhyAyamAna.n tu chhanna.n satreNa pANDavam . 
vasanta.n tatra nAGYAsIdvirATaH pArthamarjunam .. 33..\\
tataH pArtho.abhyanuGYAto virATena mahAtmanA . 
pradadau tAnivAsA.nsi virATa duhituH svayam .. 34..\\
uttarA tu mahArhANi vividhAni tanUni cha . 
pratigR^ihyAbhavatprItA tani vAsA.nsi bhAminI .. 35..\\
mantrayitvA tu kaunteya uttareNa rahastadA . 
itikartavyatA.n sarvAM rAjanyatha yudhiShThire .. 36..\\
tatastathA tadvyadadhAdyathAvatpuruSharShabha . 
saha putreNa matsyasya prahR^iShTo bharatarShabhaH .. 37..\\
\medskip\hrule\medskip\centerline{\Largedvng 65}
 vai

tatastR^itIye divase bhrAtaraH pa~ncha pANDavAH . 
snAtAH shuklAmbara dharAH samaye charitavratAH .. 1..\\
yudhiShThiraM puraskR^itya sarvAbharaNabhUShitAH . 
abhipadmA yathA nAgA bhrAjamAnA mahArathAH .. 2..\\
virATasya sabhA.n gatvA bhUmipAlAsaneShvatha . 
niSheduH pAvakaprakhyAH sarve dhiShNyeShvivAgnayaH .. 3..\\
teShu tatropaviShTeShu virATaH pR^ithivIpatiH . 
AjagAma sabhA.n kartu.n rAjakAryANi sarvashaH .. 4..\\
shrImataH pANDavAndR^iShTvA jvalataH pAvakAniva . 
atha matsyo.abravItka~Nka.n devarUpamavasthitam . 
marudgaNairupAsIna.n tridashAnAmiveshvaram .. 5..\\
sa kilAkShAti vApastva.n sabhAstAro mayA kR^itaH . 
atha rAjAsane kasmAdupaviShTo.asyala.n kR^itaH .. 6..\\
parihAsepsayA vAkya.n virATasya nishamya ta . 
smayamAno.arjuno rAjannida.n vachanamabravIt .. 7..\\
indrasyApyAsana.n rAjannayamAroDhumarhati . 
brahmaNyaH shutavA.nstyAgI yaGYashIlo dR^iDhavrataH .. 8..\\
aya.n kurUNAmR^iShabhaH kuntIputro yudhiShThiraH . 
asya kIrtiH sthitA loke sUryasyevodyataH prabhA .. 9..\\
sa.nsaranti dishaH sarvA yashaso.asya gabhastayaH . 
uditasyeva sUryasya tejaso.anu gabhastayaH .. 10..\\
ena.n dashasahasrANi ku~njarANAM tarasvinAm . 
anvayuH pR^iShThato rAjanyAvadadhyAvasatkurUn .. 11..\\
triMshadena.n sahasrANi rathAH kA~nchanamAlinaH . 
sadashvairupasampannAH pR^itThato.anuyayuH sadA .. 12..\\
enamaShTa shatAH sUtAH sumR^iShTamaNikuNDalAH . 
astuvanmAgadhairsArdhaM purA shakramivarShayaH .. 13..\\
enaM nityamupAsandakuravaH ki~NkarA yathA . 
sarve cha rAjanrAjAno dhaneshvaramivAmarAH .. 14..\\
eSha sarvAnmahIpAlAnkaramAhArayattadA . 
vaishyAniva mahArAja vivashAnsvavashAnapi .. 15..\\
aShTAshIti sahasrANi snAtakAnAM mahAtmanAm . 
upajIvanti rAjAnamena.n sucharitavratam .. 16..\\
eSha vR^iddhAnanAthAMshcha vya~NgAnpa~NgUMshcha mAnavAn . 
putravatpAlayAmAsa prajA dharmeNa chAbhibho .. 17..\\
eSha dharme dame chaiva krodhe chApi yatavrataH . 
mahAprasAda brahmaNyaH satyavAdI cha pArthivaH .. 18..\\
shrIpratApena chaitasya tapyate sa suyodhanaH . 
sagaNaH saha karNena saubalenApi vA vibhuH .. 19..\\
na shakyante hyasyaguNAH prasa~NkhyAtuM nareshvara . 
eSha dharmaparo nityamAnR^isha.nsyashcha pANDavaH .. 20..\\
eva.n yukto mahArAjaH pANDavaH pArthivarShabhaH . 
kathaM nArhati rAjArhamAsanaM pR^ithivIpatiH .. 21..\\
\medskip\hrule\medskip\centerline{\Largedvng 66}
 viraata

yadyeSha rAjA kauravyaH kuntIputro yudhiShThiraH . 
katamo.asyArjuno bhrAtA bhImashcha katamo balI .. 1..\\
nakulaH sahadevo vA draupadI vA yashasvinI . 
yadA dyUte jitAH pArthA na praGYAyanta te kva chit .. 2..\\

 arj

ya eSha ballavo brUte sUdastava narAdhipa . 
eSha bhImo mahAbAhurbhImavegaparAkramaH .. 3..\\
eSha krodhavashAnhatvA parvate gandhamAdane . 
saugandhikAni divyAni kR^iShNArthe samupAharat .. 4..\\
ga~Ngharva eSha vai hantA kIchakAnA.n durAtmanAm . 
vyAghrAnR^ikShAnvarAhAMshcha hatavAnstrI pure tava .. 5..\\
yashchAsIdashvabandhaste nakulo.ayaM parantapaH . 
gosa~NkhyaH sahadevashcha mAdrIputrau mahArathau .. 6..\\
shR^i~NgAraveShAbharaNau rUpavantau yashasvinau . 
nAnA rathasahasrANA.n samarthau puruSharShabhau .. 7..\\
eShA padmapalAshAkShI sumadhyA chAruhAsinI . 
sairandhrI draupadI rAjanyatkR^ite kIchakA hatAH .. 8..\\
arjuno.ahaM mahArAja vyakta.n te shrotramAgataH . 
bhImAdavarajaH pArtho yamAbhyA.n chApi pUrvajaH .. 9..\\
uShitAH sma mahArAja sukha.n tava niveshane . 
aGYAtavAsamuShitA garbhavAsa iva prajAH .. 10..\\

 vai

yadArjunena te vIrAH kathitAH pa~ncha pANDavAH . 
tadArjunasya vairATiH kathayAmAsa vikramam .. 11..\\
aya.n sa dviShatAM madhye mR^igANAmiva kesarI . 
acharadrathavR^indeShu nighna.nsteShA.n varAnvarAn .. 12..\\
anena viddho mAta~Ngo mahAnekkeShuNA hataH . 
hiraNyakakShyaH sa~NgrAme dantAbhyAmagamanmahIm .. 13..\\
anena vijitA gAvo jitAsh cha kuravo yudhi . 
asya sha~NkhapraNAdena karNau me badhirI kR^itau .. 14..\\
tasya tadvachana.n shrutvA matsyarAjaH pratApavAn . 
uttaraM pratyuvAchedamabhipanno yudhiShThire .. 15..\\
prasAdanaM pANDavasya prAptakAla.n hi rochaye . 
uttarA.n cha prayachchhAmi pArthAya yadi te matam .. 16..\\

 uttara

archyAH pUjyAshcha mAnyAshcha prAptakAla.n cha me matam . 
pUjyantAM pUjanArhAshcha mahAbhAgAshcha pANDavAH .. 17..\\

 viraata

aha.n khalvapi sa~NgrAme shatrUNA.n vashamAgataH . 
mokShito bhImasenena gAvashcha vijitAstathA .. 18..\\
eteShAM bAhuvIryeNa yadasmAka.n jayo mR^idhe . 
vaya.n sarve sahAmAtyAH kuntIputraM yudhiShThiram . 
prasAdayAmo bhadra.n te sAnujaM pANDavarShabham .. 19..\\
yadasmAbhirajAnadbhiH ki.n chidukto narAdhipaH . 
kShantumarhati tatsarva.n dharmAtmA hyeSha pANDavaH .. 20..\\

 vai

tato virATaH paramAbhituShTaH 
sametya rAGYA samaya.n chakAra . 
rAjya.n cha sarva.n visasarja tasmai 
 sa daNDakosha.n sa puraM mahAtmA .. 21..\\
pANDavAMshcha tataH sarvAnmatsyarAjaH pratApavAn . 
dhana~njayaM puraskR^itya diShTyA diShTyeti chAbrachIt .. 22..\\
samupAghrAya mUrdhAna.n saMshliShya cha punaH punaH . 
yudhiShThira.n cha bhImaM cha mAdrIputrau cha pANDavau .. 23..\\
nAtR^ipyaddarshane teShA.n virATo vAhinIpatiH . 
samprIyamANo rAjAna.n yudhiShThiramathAbravIt .. 24..\\
diShTyA bhavantaH samprAptAH sarve kushalino vanAt . 
diShTyA cha pArita.n kR^ichchhramaGYAta.n vai durAtmabhiH .. 25..\\
ida.n cha rAjyaM naH pArthA yachchAnyadvasu kiM chana . 
pratigR^ihNantu satsarva.n kaunteyA avisha~NkayA .. 26..\\
uttarAM pratigR^ihNAtu savyasAchI dhana~njayaH . 
aya.n hyaupayiko bhartA tasyAH puruShasattamaH .. 27..\\
evamukto dharmarAjaH pArthamaikShaddhana~njayam . 
IkShitashchArjuno bhrAtrA matsya.n vachanamabravIt .. 28..\\
pratigR^ihNAmyaha.n rAjansnuShA.n duhitaraM tava . 
yuktashchAvA.n hi sambandho matsyabhAratasattamau .. 29..\\
\medskip\hrule\medskip\centerline{\Largedvng 67}
 virata

kimarthaM pANDavashreShTha bhAryA.n duhitaraM mama . 
pratigrahItuM nemA.n tvaM mayA dattAm ihechchhasi .. 1..\\

 arj

antaHpure.ahamuShitaH sadA pashyansutA.n tava . 
rahasya.n cha prakAshaM cha vishvastA pitR^ivanmayi .. 2..\\
priyo bahumatashchAhaM nartako gItakovidaH . 
AchAryavachcha mAM nityaM manyate duhitA tava .. 3..\\
vahaH sthayA tayA rAjansaha sa.nvatsaroShitaH . 
ati sha~NkA bhavetsthAne tava lokasya chAbhibho .. 4..\\
tasmAnnimantraye tvAha.n duhituH pR^ithivIpate . 
shuddho jitendriyo dAntastasyAH shuddhiH kR^itA mayA .. 5..\\
snuShAyA duhiturvApi putre chAtmani vA punaH . 
atra sha~NkAM na pashyAmi tenashuddhirbhaviShyati .. 6..\\
abhiSha~NgAdahaM bhIto mithyAchArAtparantapa . 
snuShArthamuttarA.n rAjanpratigR^ihNAmi te sutAm .. 7..\\
svasrIyo vAsudevasya sAkShAddeva shishuryathA . 
dayitashchakrahastasya bAla evAstra kovidaH .. 8..\\
abhimanyurmahAbAhuH putro mama vishAM patau . 
jAmAtA tava yukto vai bhartA cha duhitustava .. 9..\\

 viraata

upapanna.n kurushreShThe kuntIputre dhana~njaye . 
ya eva.n dharmanityashcha jAtaGYAnashcha pANDavaH .. 10..\\
yatkR^ityaM manyase pArtha kriyatA.n tadanantaram . 
sarve kAmAH samR^iddhA me sambandhI yasya me.arjunaH .. 11..\\

 vai

evaM bruvati rAjendre kuntIputro yudhiShThiraH . 
anvajAnAtsa sa.nyoga.n samaye matsyapArthayoH .. 12..\\
tato mitreShu sarveShu vAsudeve cha bhArata . 
preShayAmAsa kaunteyo virATashcha mahIpatiH .. 13..\\
tatastrayodashe varShe nivR^itte pa~ncha pANDavAH . 
upaplavye virATasya samapadyanta sarvashaH .. 14..\\
tasminvasaMshcha bIbhatsurAninAya janArdanam . 
Anartebhyo.api dAshArhAnabhimanyu.n cha pANDavaH .. 15..\\
kAshirAjashcha shaibyashcha prIyamANau yudhiShThire . 
akShauhiNIbhyA.n sahitAvAgatau pR^ithivIpate .. 16..\\
akShauhiNyA cha tejasvI yaGYaseno mahAbalaH . 
draupadyAshcha sutA vIrAH shikhaNDI chAparAjitaH .. 17..\\
dhR^iShTadyumnashcha durdharShaH sava shastrabhR^itA.n varaH . 
samastAkShauhiNI pAlA yajvAno bhUridakShiNAH . 
sarve shastrAstrasampannAH sarve shUrAstanutyajaH .. 18..\\
tAnAgatAnabhiprekShya matsyo dharmabhR^itA.n varaH . 
prIto.abhavadduhitara.n dattvA tAm abhimanyave .. 19..\\
tataH prayupayAteShu pArthiveShu tatastataH . 
tatrAgamadvAsudeva vanamAlI halAyudhaH . 
kR^itavarmA cha hArdikyo yuyudhAnashcha sAtyakiH .. 20..\\
anAdhR^iShTistathAkrUraH sAmbo nishaTha eva cha . 
abhimanyumupAdAya saha mAtrA parantapAH .. 21..\\
indrasenAdayashchaiva rathaistaiH susamAhitaiH . 
AyayuH sahitAH sarve parisa.nvatsaroShitAH .. 22..\\
dashanAgasahasrANi hayAnA.n cha shatAyutam . 
rathAnAmarbudaM pUrNaM nikharva.n cha padAtinAm .. 23..\\
vR^iShNyandhakAshcha bahavo bhojAshcha paramaujasaH . 
anvyayurvR^iShNishArdUla.n vAsudevaM mahAdyutim .. 24..\\
pAribarha.n dadau kR^iShNaH pANDavAnAM mahAtmanAm . 
striyo ratnAni vAsA.nsi pR^ithakpR^ithaganekashaH . 
tato vivAho vidhivadvavR^ite matsyapArthayoH .. 25..\\
tataH sha~NkhAshcha bheryashcha gomukhADambarAstathA . 
pArthaiH sa.nyujyamAnasya nedurmatsyasya veshmani .. 26..\\
uchchAvachAnmR^igA~njaghnurmedhyAMshcha shatashaH pashUn . 
surA maireya pAnAni prabhUtAnyabhyahArayan .. 27..\\
gAyanAkhyAna shIlAshcha naTA vaitAlikAstathA . 
stuvantastAnupAtiShThansUtAshcha saha mAgadhaiH .. 28..\\
sudeShNA.n cha puraskR^itya matsyAnAM cha varastriyaH . 
AjagmushchArusarvA~NgyaH sumR^iShTamaNikuNDalAH .. 29..\\
varNopapannAstA nAryo rUpavatyaH svala.n kR^itAH . 
sarvAshchAbhyabhavatkR^iShNA rUpeNa yashasA shriyA .. 30..\\
parivAryottarA.n tAstu rAjaputrImalaM kR^itAm . 
sutAmiva mahendrasya puraskR^ityopatasthire .. 31..\\
tAM pratyagR^ihNAtkaunteyaH sutasyArthe dhana~njayaH . 
saubhadrasyAnavadyA~NgI.n virATa tanayA.n tadA .. 32..\\
tatrAtiShThanmahArAjo rUpamindrasya dhArayan . 
snuShA.n tAM pratijagrAha kuntIputro yudhiShThiraH .. 33..\\
pratigR^ihya cha tAM pArthaH puraskR^itya janArdanam . 
vivAha.n kArayAmAsa saubhadrasya mahAtmanaH .. 34..\\
tasmai sapta sahasrANi hayAnA.n vAtara.nhasAm . 
dve cha nAgashate mukhye prAdAdbahudhana.n tadA .. 35..\\
kR^ite vivAhe tu tadA dharmaputro yudhiShThiraH . 
brAhmaNebhyo dadau vitta.n yadupAharadachyutaH .. 36..\\
gosahasrANi ratnAni vastrANi vividhAni cha . 
bhUShaNAni cha mukhyAni yAnAni shayanAni cha .. 37..\\
tanmahotsava sa~NkAsha.n hR^iShTapuShTa janAvR^itam . 
nagaraM matsyarAjasya shushubhe bharatarShabha .. 38..\\

##\end{multicols}##
##
\medskip\hrule\medskip
Last updated on \today ; Send corrections to sanskrit@cheerful.com
\end{document}