v

kR^itvA vivAha.n tu kurupravIrAs 
tadAbhimanyormuditasvapakShAH . 
vishramya chatvAryuShasaH pratItAH 
sabhA.n virATasya tato.abhijagmuH .. 1..\\
sabhA tu sA matsyapateH samR^iddhA 
maNipravekottama ratnachitrA . 
nyastAsanA mAlyavatI sugandhA 
tAmabhyayuste nararAja varyAH .. 2..\\
athAsanAnyAvishatAM purastAd 
ubhau virATadrupadau narendrau . 
vR^iddhashcha mAnyaH pR^ithivIpatInAM 
pitAmaho rAma janArdanAbhyAm .. 3..\\
pA~nchAlarAjasya samIpatastu 
shinipravIraH saha rauhiNeyaH . 
matsyasya rAGYastu susaMnikR^iShTau 
janArdanashchaiva yudhiShThirash cha .. 4..\\
sutAshcha sarve drupadasya rAGYo 
bhImArjunau mAdravatIsutau cha . 
pradyumna sAmbau cha yudhi pravIrau 
virATa putrashcha sahAbhimanyuH .. 5..\\
sarve cha shUrAH pitR^ibhiH samAnA 
vIryeNa rUpeNa balena chaiva . 
upAvishandraupadeyAH kumArAH 
suvarNachitreShu varAsaneShu .. 6..\\
tathopaviShTeShu mahAratheShu 
vibhrAjamAnAmbara bhUShaNeShu . 
rarAja sA rAjavatI samR^iddhA 
grahairiva dyaurvimalairupetA .. 7..\\
tataH kathAste samavAya yuktAH 
kR^itvA vichitrAH puruShapravIrAH . 
tasthurmuhUrtaM parichintayantaH 
kR^iShNaM nR^ipAste samudIkShamANAH .. 8..\\
kathAntamAsAdya cha mAhavena 
sa~NghaTTitAH pANDava kAryahetoH . 
te rAjasi.nhAH sahitA hyashR^iNvan 
vAkyaM mahArtha.n cha mahodayaM cha .. 9..\\
sarvairbhavadbhirvidita.n yathAyaM 
yudhiShThiraH saubalenAkShavatyAm . 
jito nikR^ityApahR^ita.n cha rAjyaM 
punaH pravAse samayaH kR^itash cha .. 10..\\
shaktairvijetu.n tarasA mahIM cha 
satye sthitaistachcharita.n yathAvat . 
pANDoH sutaistadvratamugrarUpaM 
varShANi ShaTsapta cha bhAratAgryaiH .. 11..\\
trayodashash chaiva sudustaro.ayam 
aGYAyamAnairbhavatA.n samIpe . 
kleshAnasahyAMshcha titikShamANair 
yathoShita.n tadviditaM cha sarvam .. 12..\\
eva~Ngate dharmasutasya rAGYo 
duryodhanasyApi cha yaddhita.n syAt . 
tachchintayadhva.n kurupANDavAnAM 
dharmya.n cha yuktaM cha yashaH karaM cha .. 13..\\
adharmayukta.n cha na kAmayeta 
rAjya.n surANAmapi dharmarAjaH . 
dharmArthayukta.n cha mahIpatitvaM 
grAme.api kasmiMshchidayaM bubhUShet .. 14..\\
pitrya.n hi rAjyaM viditaM nR^ipANAM 
yathApakR^iShTa.n dhR^itarAShTra putraiH . 
mithyopachAreNa tathApyanena 
kR^ichchhraM mahatprAptamasahya rUpam .. 15..\\
na chApi pArtho vijito raNe taiH 
svatejasA dhR^itarAShTrasya putraiH . 
tathApi rAjA sahitaH suhR^idbhir 
abhIpsate.anAmayameva teShAm .. 16..\\
yattatsvayaM pANDusutairvijitya 
samAhR^itaM bhUmipatInnipIDya . 
tatprArthayante puruShapravIrAH 
kuntIsutA mAdravatIsutau cha .. 17..\\
bAlAstvime tairvividhaurupAyaiH 
samprArthitA hantumamitrasAhAH . 
rAjya.n jihIrShadbhirasadbhirugraiH 
sarva.n cha tadvo vidita.n yathAvat .. 18..\\
teShA.n cha lobhaM prasamIkShya vR^iddhaM 
dharmAtmatA.n chApi yudhiShThirasya . 
sambandhitA.n chApi samIkShya teShAM 
mati.n kurudhva.n sahitAH pR^ithakcha .. 19..\\
ime cha satye.abhiratAH sadaiva 
taM pArayitvA samaya.n yathAvat . 
ato.anyathA tairupacharyamANA 
hanyuH sametAndhR^itarAShTra putrAn .. 20..\\
tairviprakAra.n cha nishamya rAGYaH 
suhR^ijjanAstAnparivArayeyuH . 
yuddhena bAdheyurimA.nstathaiva 
tairvadhyamAnA yudhitAMshcha hanyuH .. 21..\\
tathApi neme.alpatayA samarthAs 
teShA.n jayAyeti bhavenmata.n vaH . 
sametya sarve sahitAH suhR^idbhis 
teShA.n vinAshAya yateyureva .. 22..\\
duryodhanasyApi mata.n yathAvan 
na GYAyate kiM nu kariShyatIti . 
aGYAyamAne cha mate parasya 
ki.n syAtsamArabhyatamaM mataM vaH .. 23..\\
tasmAdito gachchhatu dharmashIlaH 
shuchiH kulInaH puruSho.apramattaH . 
dUtaH samarthaH prashamAya teShAM 
rAjyArdha dAnAya yudhiShThirasya .. 24..\\
nishamya vAkya.n tu janArdanasya 
dharmArthayuktaM madhura.n sama.n cha . 
samAdade vAkyamathAgrajo.asya 
sampUjya vAkya.n tadatIva rAjan .. 25..\\
\medskip\hrule\medskip\centerline{\Largedvng 2}
 baladeva

shrutaM bhavadbhirgada pUrvajasya 
vAkya.n yathA dharmavadarthavachcha . 
ajAtashatroshcha hita.n hita.n cha 
duryodhanasyApi tathaiva rAGYaH .. 1..\\
ardha.n hi rAjyasya visR^ijya vIrAH 
kuntIsutAstasya kR^ite yatante . 
pradAya chArdha.n dhR^itarAShTra putraH 
sukhI sahAsmAbhiratIva modet .. 2..\\
labdhvA hi rAjyaM puruShapravIrAH 
samyakpravR^itteShu pareShu chaiva . 
dhruvaM prashAntAH sukhamAvisheyus 
teShAM prashAntishcha hitaM prajAnAm .. 3..\\
duryodhanasyApi mata.n cha vettuM 
vaktu.n cha vAkyAni yudhiShThirasya . 
priyaM mama syAdyadi tatra kash chid 
vrajechchhamArtha.n kurupANDavAnAm .. 4..\\
sa bhIShmamAmantrya kurupravIraM 
vaichitra vIrya.n cha mahAnubhAvam . 
droNa.n saputraM vidura.n kR^ipaM cha 
gAndhArarAja.n cha sasUtaputram .. 5..\\
sarve cha ye.anye dhR^itarAShTra putrA 
balapradhAnA nigama pradhAnAH . 
sthitAshcha dharmeShu yathA svakeShu 
lokapravIrAH shrutakAlavR^iddhAH .. 6..\\
eteShu sarveShu samAgateShu 
paureShu vR^iddheShu cha sa~NgateShu . 
bravItu vAkyaM praNipAta yuktaM 
kuntIsutasyArtha kara.n yathA syAt .. 7..\\
sarvAsvavasthAsu cha te na kauTyAd 
grasto hi so.artho balamAshritaistaiH . 
priyAbhyupetasya yudhiShThirasya 
dyUte pramattasya hR^ita.n cha rAjyam .. 8..\\
nivAryamANashcha kurupravIraiH 
sarvaiH suhR^idbhirhyayamapyatajGYaH . 
gAndhArarAjasya sutaM matAkShaM 
samAhvayeddevitumAjamIDhaH .. 9..\\
durodarAstatra sahasrasho.anye 
yudhiShThiro yAnviShaheta jetum . 
utsR^ijya tAnsaubalameva chAyaM 
samAhvayattena jito.akShavatyAm .. 10..\\
sa dIvyamAnaH pratidevanena 
akSheShu nitya.n suparA~NmukheShu . 
sa.nrambhamANo vijitaH prasahya 
tatrAparAdhaH shakunerna kash chit .. 11..\\
tasmAtpraNamyaiva vacho bravItu 
vaichitravIryaM bahu sAma yuktam . 
tathA hi shakyo dhR^itarAShTra putraH 
svArthe niyoktuM puruSheNa tena .. 12..\\

 v

evaM bruvatyeva madhu pravIre 
shinipravIraH sahasotpapAta . 
tachchApi vAkyaM parinindya tasya 
samAdade vakyamida.n samanyuH .. 13..\\
\medskip\hrule\medskip\centerline{\Largedvng 3}
 saatyaki

yAdR^ishaH puruShasyAtmA tAdR^isha.n samprabhAShate . 
yathA rUpo.antarAtmA te tathArUpaM prabhAShase .. 1..\\
santi vai puruShAH shUrAH santi kApuruShAstathA . 
ubhAvetau dR^iDhau pakShau dR^ishyete puruShAnprati .. 2..\\
ekasminneva jAyete kule klIba mahArathau . 
phalAphalavatI shAkhe yathaikasminvanaspatau .. 3..\\
nAbhyasUyAmi te vAkyaM bruvato lA~Ngaladhvaja . 
ye tu shR^iNvanti te vAkya.n tAnasUyAmi mAdhava .. 4..\\
katha.n hi dharmarAjasya doShamalpamapi bruvan . 
labhate pariShanmadhye vyAhartumakutobhayaH .. 5..\\
samAhUya mahAtmAna.n jitavanto.akShakovidAH . 
anakShaGYa.n yathAshraddha.n teShu dharmajayaH kutaH .. 6..\\
yadi kuntIsuta.n gehe krIDantaM bhrAtR^ibhiH saha . 
abhigamya jayeyuste tatteShA.n dharmato bhavet .. 7..\\
samAhUya tu rAjAna.n kShatradharmarata.n sadA . 
nikR^ityA jitavantaste kiM nu teShAM para.n shubham .. 8..\\
kathaM praNipatechchAyamiha kR^itvA paNaM param . 
vanavAsAdvimuktastu prAptaH paitAmahaM padam .. 9..\\
yadyayaM paravittAni kAmayeta yudhiShThiraH . 
evamapyayamatyantaM parAnnArhati yAchitum .. 10..\\
katha.n cha dharmayuktAste na cha rAjyaM jihIrShavaH . 
nivR^ittavAsAnkaunteyAnya AhurviditA iti .. 11..\\
anunItA hi bhIShmeNa droNena cha mahAtmanA . 
na vyavasyanti pANDUnAM pradAtuM paitR^ika.n vasu .. 12..\\
aha.n tu tA~nshatairbANairanunIya raNe balAt . 
pAdayoH pAtayiShyAmi kaunteyasya mahAtmanaH .. 13..\\
atha te na vyavasyanti praNipAtAya dhImataH . 
gamiShyanti sahAmAtyA yamasya sadanaM prati .. 14..\\
na hi te yuyudhAnasya sa.nrabdhasya yuyutsataH . 
vega.n samarthAH sa.nsoDhuM vajrasyeva mahIdharAH .. 15..\\
ko hi gANDIvadhanvAna.n kashcha chakrAyudha.n yudhi . 
mA.n chApi viShahetko nu kashcha bhImaM durAsadam .. 16..\\
yamau cha dR^iDhadhanvAnau yama kalpau mahAdyutI . 
ko jijIviShurAsIdeddhR^iShTadyumna.n cha pArShatam .. 17..\\
pa~nchemAnpANDaveyAMshcha draupadyAH kIrtivardhanAn . 
samapramANAnpANDUnA.n samavIryAnmadotkaTAn .. 18..\\
saubhadra.n cha maheShvAsamamarairapi duHsaham . 
gada pradyumna sAmbAMshcha kAlavajrAnalopamAn .. 19..\\
te vaya.n dhR^itarAShTrasya putra.n shakuninA saha . 
karNena cha nihatyAjAvabhiShekShyAma pANDavam .. 20..\\
nAdharmo vidyate kashchichchhatrUnhatvAtatAyinaH . 
adharmyamayashasya.n cha shAtravANAM prayAchanam .. 21..\\
hR^idgatastasya yaH kAmasta.n kurudhvamatandritAH . 
nisR^iShTa.n dhR^itarAShTreNa rAjyaM prApnotu pANDavaH .. 22..\\
adya pANDusuto rAjya.n labhatAM vA yudhiShThiraH . 
nihatA vAraNe sarve svapsyanti vasudhAtale .. 23..\\
\medskip\hrule\medskip\centerline{\Largedvng 4}
 drupada

evametanmahAbAho bhaviShyati na saMshayaH . 
na hi duryodhano rAjyaM madhureNa pradAsyati .. 1..\\
anuvartsyati ta.n chApi dhR^itarAShTraH sutapriyaH . 
bhIShmadroNau cha kArpaNyAnmaurkhyAdrAdheya saubalau .. 2..\\
baladevasya vAkya.n tu mama GYAne na yujyate . 
etaddhi puruSheNAgre kArya.n sunayamichchhatA .. 3..\\
na tu vAchyo mR^idu vacho dhArtarAShTraH katha.n chana . 
na hi mArdavasAdhyo.asau pApabuddhirmato mama .. 4..\\
gardabhe mArdava.n kuryAdgoShu tIkShNa.n samAcharet . 
mR^idu duryodhane vAkya.n yo brUyAtpApachetasi .. 5..\\
mR^idu vai manyate pApo bhAShya mANamashaktijam . 
jitamartha.n vijAnIyAdabudho mArdave sati .. 6..\\
etachchaiva kariShyAmo yatnashcha kriyatAm iha . 
prasthApayAma mitrebhyo balAnyudyojayantu naH .. 7..\\
shalyasya dhR^iShTaketoshcha jayatsenasya chAbhibhoH . 
kekayAnA.n cha sarveShAM dUtA gachchhantu shIghragAH .. 8..\\
sa tu duryodhano nUnaM preShayiShyati sarvashaH . 
pUrvAbhipannAH santashcha bhajante pUrvachodakam .. 9..\\
tattvaradhvaM narendrANAM pUrvameva prachodane . 
mahaddhi kArya.n voDhavyamiti me vartate matiH .. 10..\\
shalyasya preShyatA.n shIghraM ye cha tasyAnugA nR^ipAH . 
bhagadattAya rAGYe cha pUrvasAgaravAsine .. 11..\\
amitaujase tathogrAya hArdikyAyAhukAya cha . 
dIrghapraGYAya mallAya rochamAnAya chAbhibho .. 12..\\
AnIyatAM bR^ihantashcha senA bindushcha pArthivaH . 
pApajitprativindhyashcha chitravarmA suvAstukaH .. 13..\\
bAhlIko mu~nja keshashcha chaidyAdhipatireva cha . 
supArshvashcha subAhushcha pauravashcha mahArathaH .. 14..\\
shakAnAM pahlavAnA.n cha daradAnAM cha ye nR^ipAH . 
kAmbojA R^iShikA ye cha pashchimAnUpakAsh cha ye .. 15..\\
jayasenashcha kAshyashcha tathA pa~nchanadA nR^ipAH . 
krAtha putrashcha durdharShaH pArvatIyAshcha ye nR^ipAH .. 16..\\
jAnakishcha susharmA cha maNimAnpautimatsyakaH . 
pA.nsurAShTrAdhipashchaiva dhR^iShTaketushcha vIryavAn .. 17..\\
auDrashcha daNDadhArashcha bR^ihatsenashcha vIryavAn . 
aparAjito niShAdashcha shreNimAnvasumAnapi .. 18..\\
bR^ihadbalo mahaujAshcha bAhuH parapura~njayaH . 
samudraseno rAjA cha saha putreNa vIryavAn .. 19..\\
adArishcha nadIjashcha karNa vR^iShTashcha pArthivaH . 
samarthashcha suvIrashcha mArjAraH kanyakastathA .. 20..\\
mahAvIrashcha kadrushcha nikarastumulaH krathaH . 
nIlashcha vIradharmA cha bhUmipAlashcha vIryavAn .. 21..\\
durjayo dantavaktrashcha rukmI cha janamejayaH . 
AShADho vAyuvegashcha pUrvapAlI cha pArthivaH .. 22..\\
bhUri tejA devakashcha ekalavyasya chAtmajaH . 
kArUShakAshcha rAjAnaH kShemadhUrtishcha vIryavAn .. 23..\\
udbhavaH kShemakashchaiva vATadhAnashcha pArthivaH . 
shrutAyushcha dR^iDhAyushcha shAlva putrashcha vIryavAn .. 24..\\
kumArashcha kali~NgAnAmIshvaro yuddhadurmadaH . 
eteShAM preShyatA.n shIghrametaddhi mama rochate .. 25..\\
aya.n cha brAhmaNaH shIghraM mama rAjanpurohitaH . 
preShyatA.n dhR^itarAShTrAya vAkyamasminsamarpyatAm .. 26..\\
yathA duryodhano vAchyo yathA shAntanavo nR^ipaH . 
dhR^itarAShTro yathA vAchyo droNashcha viduShA.n varaH .. 27..\\
\medskip\hrule\medskip\centerline{\Largedvng 5}
 vaasu

upapannamida.n vAkyaM somakAnA.n dhuraM dhure . 
arthasiddhi kara.n rAGYaH pANDavasya mahaujasaH .. 1..\\
etachcha pUrvakAryaM naH sunItamabhikA~NkShatAm . 
anyathA hyAcharankarma puruShaH syAtsubAlishaH .. 2..\\
ki.n tu sambandhakaM tulyamasmAkaM kuru pANDuShu . 
yatheShTa.n vartamAneShu pANDaveShu cha teShu cha .. 3..\\
te vivAhArthamAnItA vaya.n sarve yathA bhavAn . 
kR^ite vivAhe muditA gamiShyAmo gR^ihAnprati .. 4..\\
bhavAnvR^iddhatamo rAGYA.n vayasA cha shrutena cha . 
shiShyavatte vaya.n sarve bhavAmeha na saMshayaH .. 5..\\
bhavanta.n dhR^itarAShTrashcha satataM bahu manyate . 
AchAryayoH sakhA chAsi droNasya cha kR^ipasya cha .. 6..\\
sa bhavAnpreShayatvadya pANDavArtha kara.n vachaH . 
sarveShAM nishchita.n tannaH preShayiShyati yadbhavAn .. 7..\\
yadi tAvachchhama.n kuryAnnyAyena kurupu~NgavaH . 
na bhavetkuru pANDUnA.n saubhrAtreNa mahAnkShayaH .. 8..\\
atha darpAnvito mohAnna kuryAddhR^itarAShTrajaH . 
anyeShAM preShayitvAchcha pashchAdasmAnsamAhvayeH .. 9..\\
tato duryodhano mandaH sahAmAtyaH sa bAndhavaH . 
niShTAmApatsyate mUDhaH kruddhe gANDIvadhanvani .. 10..\\

 v

tataH satkR^itya vArShNeya.n virATaH pR^ithivIpatiH . 
gR^ihAnprasthApayAmAsa sagaNa.n saha bAndhavam .. 11..\\
dvArakA.n tu gate kR^iShNe yudhiShThirapurogamAH . 
chakruH sA~NgrAmika.n sarvaM virATashcha mahIpatiH .. 12..\\
tataH sampreShayAmAsa virATaH saha bAndhavaiH . 
sarveShAM bhUmipAlAnA.n druvapashcha mahIpatiH .. 13..\\
vachanAtkuru si.nhAnAM matsyapA~nchAlayosh cha te . 
samAjagmurmahIpAlAH samprahR^iShTA mahAbalAH .. 14..\\
tachchhrutvA pANDuputrANA.n samAgachchhanmahadbalam . 
dhR^itarAShTra sutashchApi samAninye mahIpatIn .. 15..\\
samAkulA mahI rAjankurupANDavakAraNAt . 
tadA samabhavatkR^itsnA samprayANe mahIkShitAm .. 16..\\
balAni teShA.n vIrANAmAgachchhanti tatastataH . 
chAlayantIva gA.n devI.n sa parvata vanAmimAm .. 17..\\
tataH praGYA vayovR^iddhaM pA~nchAlyaH svapurohitam . 
kurubhyaH preShayAmAsa yudhiShThira mate tadA .. 18..\\
\medskip\hrule\medskip\centerline{\Largedvng 6}
 drupada

bhUtAnAM prANinaH shreShThAH prANinAM buddhijIvinaH . 
buddhimatsu narAH shreShThA narANA.n tu dvijAtayaH .. 1..\\
dvijeShu vaidyAH shreyA.nso vaidyeShu kR^itabuddhayaH . 
sa bhavAnkR^itabuddhInAM pradhAna iti me matiH .. 2..\\
kulena cha vishiShTo.asi vayasA cha shrutena cha . 
praGYayAnavamashchAsi shukreNA~Ngirasena cha .. 3..\\
vidita.n chApi te sarva.n yathAvR^itthaH sa kauravaH . 
pANDavashcha yathAvR^ittaH kuntIputro yudhiShThiraH .. 4..\\
dhR^itarAShTasya vidite va~nchitAH pANDavAH paraiH . 
vidureNAnunIto.api putramevAnuvartate .. 5..\\
shakunirbuddhipUrva.n hi kuntIputraM samAhvayat . 
anakShaGYaM matAkShaH sankShatravR^itte sthita.n shuchim .. 6..\\
te tathA va~nchayitvA tu dharmaputra.n yudhiShThiram . 
na kasyA.n chidavasthAyA.n rAjyaM dAsyanti vai svayam .. 7..\\
bhavA.nstu dharmasa.nyukta.n dhR^itarAShTraM bruvanvachaH . 
manA.nsi tasya yodhAnA.n dhruvamAvartayiShyati .. 8..\\
vidurashchApi tadvAkya.n sAdhayiShyati tAvakam . 
bhIShmadroNakR^ipANA.n cha bhedya.n sa~njanayiShyati .. 9..\\
amAtyeShu cha bhinneShu yodheShu vimukheShu cha . 
punarekAgrakaraNa.n teShAM karma bhaviShyati .. 10..\\
etasminnantare pArthAH sukhamekAgrabuddhayaH . 
senA karma kariShyanti dravyANA.n chaiva sa~ncayam .. 11..\\
bhidyamAneShu cha sveShu lambamAne cha vai tvayi . 
na tathA te kariShyanti senA karma na saMshayaH .. 12..\\
etatprayojana.n chAtra prAdhAnyenopalabhyate . 
sa~NgatyA dhR^itarAShTrashcha kuryAddharmya.n vachastava .. 13..\\
sa bhavAndharmayuktashcha dharmya.n teShu samAcharan . 
kR^ipAluShu parikleshAnpANDavAnAM prakIrtayan .. 14..\\
vR^iddheShu kuladharma.n cha bruvanpUrvairanuShThitam . 
vibhetsyati manA.nsyeShAmiti me nAtra saMshayaH .. 15..\\
na cha tebhyo bhaya.n te.asti brAhmaNo hyasi vedavit . 
dUta karmaNi yuktashcha sthavirashcha visheShataH .. 16..\\
sa bhavAnpuShyayogena muhUrtena jayena cha . 
kauraveyAnprayAtvAshu kaunteyasyArtha siddhaye .. 17..\\
tathAnushiShTaH prayayau drupadena mahAtmanA . 
purodhA vR^ittasampanno nagaraM nAgasAhvayam .. 18..\\
\medskip\hrule\medskip\centerline{\Largedvng 7}
 v

gate dvAravatI.n kR^iShNe baladeve cha mAdhave . 
saha vR^iShNyandhakaiH sarvairbhojaishcha shatashastathA .. 1..\\
sarvamAgamayAmAsa pANDavAnA.n vicheShTitam . 
dhR^itarAShTrAtmajo rAjA dUtaiH praNihitaishcharaiH .. 2..\\
sa shrutvA mAdhava.n yAtaM sadashvairanilopamaiH . 
balena nAtimahatA dvArakAmabhyayAtpurIm .. 3..\\
tameva divasa.n chApi kaunteyaH pANDunandanaH . 
AnartanagarI.n ramyA.n jagAmAshu dhana~njayaH .. 4..\\
tau yAtvA puruShavyAghrau dvArakA.n kurunandanau . 
supta.n dadR^ishatuH kR^iShNa.n shayAnaM chopajagmatuH .. 5..\\
tataH shayAne govinde pravivesha suyodhanaH . 
uchchhIrShatashcha kR^iShNasya niShasAda varAsane .. 6..\\
tataH kirITI tasyAnu pravivesha mahAmanAH . 
prashchArdhe cha sa kR^iShNasya prahvo.atiShThatkR^itA~njaliH .. 7..\\
pratibuddhaH sa vArShNeyo dadarshAgre kirITinam . 
sa tayoH svAgata.n kR^itvA yathArthaM pratipUjya cha . 
tadAgamanaja.n hetuM paprachchha madhusUdanaH .. 8..\\
tato duryodhanaH kR^iShNamuvAcha prahasanniva . 
vigrahe.asminbhavAnsAhyaM mama dAtumihArhati .. 9..\\
sama.n hi bhavataH sakhyaM mayi chaivArjune.api cha . 
tathA sambandhaka.n tulyamasmAkaM tvayi mAdhava .. 10..\\
aha.n chAbhigataH pUrvaM tvAmadya madhusUdana . 
pUrva.n chAbhigata.n santo bhajante pUrvasAriNaH .. 11..\\
tva.n cha shreShThatamo loke satAmadya janArdana . 
satata.n saMmatashchaiva sadvR^ittamanupAlaya .. 12..\\
bhavAnabhigataH pUrvamatra me nAsti saMshayaH . 
dR^iShTastu prathama.n rAjanmayA pArtho dhana~njayaH .. 13..\\
tava pUrvAbhigamanAtpUrva.n chApyasya darshanAt . 
sAhAyyamubhayoreva kariShyAmi suyodhana .. 14..\\
pravAraNa.n tu bAlAnAM pUrvaM kAryamiti shrutiH . 
tasmAtpravAraNaM pUrvamarhaH pArtho dhana~njayaH .. 15..\\
matsa.nhanana tulyAnA.n gopAnAmarbudaM mahat . 
nArAyaNA iti khyAtAH sarve sa~NgrAmayodhinaH .. 16..\\
te vA yudhi durAdharShA bhavantvekasya sainikAH . 
ayudhyamAnaH sa~NgrAme nyastashastro.ahamekataH .. 17..\\
AbhyAmanyataraM pArtha yatte hR^idyataraM matam . 
tadvR^iNItAM bhavAnagre pravAryastva.n hi dharmataH .. 18..\\
evamuktastu kR^iShNena kuntIputro dhana~njayaH . 
ayudhyamAna.n sa~NgrAme varayAmAsa keshavam .. 19..\\
sahasrANA.n sahasra.n tu yodhAnAM prApya bhArata . 
kR^iShNa.n chApahR^ita.n GYAtvA samprApa paramAM mudam .. 20..\\
duryodhanastu tatsainya.n sarvamAdAya pArthivaH . 
tato.abhyayAdbhImabalo rauhiNeyaM mahAbalam .. 21..\\
sarva.n chAgamane hetu.n sa tasmai saMnyavedayat . 
pratyuvAcha tataH shaurirdhArtarAShTramida.n vachaH .. 22..\\
vidita.n te naravyAghra sarvaM bhavitumarhati . 
yanmayokta.n virATasya purA vaivAhike tadA .. 23..\\
nigR^ihyokto hR^iShIkeshastvadartha.n kurunandana . 
mayA sambandhaka.n tulyamiti rAjanpunaH punaH .. 24..\\
na cha tadvAkyamukta.n vai keshavaH pratyapadyata . 
na chAhamutsahe kR^iShNa.n vinA sthAtumapi kShaNam .. 25..\\
nAha.n sahAyaH pArthAnAM nApi duryodhanasya vai . 
iti me nishchitA buddirvAsudevamavekShya ha .. 26..\\
jAto.asi bhArate vaMshe sarvapArthivapUjite . 
gachchha yudhyasva dharmeNa kShAtreNa bharatarShabha .. 27..\\
ityevamuktaH sa tadA pariShvajya halAyudham . 
kR^iShNa.n chApahR^ita.n GYAtvA yuddhAnmene jitaM jayam .. 28..\\
so.abhyayAtkR^itavarmANa.n dhR^itarAShTra suto nR^ipaH . 
kR^itavarmA dadau tasya senAmakShauhiNI.n tadA .. 29..\\
sa tena sarvasainyena bhImena kurunandanaH . 
vR^itaH pratiyayau hR^iShTaH suhR^idaH sampraharShayan .. 30..\\
gate duryodhane kR^iShNaH kirITinamathAbravIt . 
ayudhyamAnaH kAM buddhimAsthAyAha.n tvayA vR^itaH .. 31..\\
bhavAnsamarthastAnsarvAnnihantuM nAtra saMshayaH . 
nihantumahamapyekaH samarthaH puruShottama .. 32..\\
bhavA.nstu kIrtimA.Nlloke tadyashastvA.n gamiShyati . 
yashasA chAhamapyarthI tasmAdasi mayA vR^itaH .. 33..\\
sArathya.n tu tvayA kAryamiti me mAnasa.n sadA . 
chirarAtrepsita.n kAmaM tadbhavAnkartumarhati .. 34..\\
upapannamidaM pArtha yatspardhethA mayA saha . 
sArathya.n te kariShyAmi kAmaH sampadyatAM tava .. 35..\\
evaM pramuditaH pArthaH kR^iShNena sahitastadA . 
vR^ito dAshArha pravaraiH punarAyAdyudhiShThiram .. 36..\\
\medskip\hrule\medskip\centerline{\Largedvng 8}
 v

shalyaH shrutvA tu dUtAnA.n sainyena mahatA vR^itaH . 
abhyayAtpANDavAnrAjansaha putrairmahArathaiH .. 1..\\
tasya senAnivesho.abhUdadhyardhamiva yojanam . 
tathA hi bahulA.n senAM sa bibharti nararShabhaH .. 2..\\
vichitrakavachAH shUrA vichitradhvajakArmukAH . 
vichitrAbharaNAH sarve vichitrarathavAhanAH .. 3..\\
svadeshaveShAbharaNA vIrAH shatasahasrashaH . 
tasya senA praNetAro babhUvuH kShatriyarShabhAH .. 4..\\
vyathayanniva bhUtAni kampayanniva medinIm . 
shanairvishrAmayansenA.n sa yayau yena pANDavaH .. 5..\\
tato duryodhanaH shrutvA mahAsenaM mahAratham . 
upAyAntamabhidrutya svayamAnarcha bhArata .. 6..\\
kArayAmAsa pUjArtha.n tasya duryodhanaH sabhAH . 
ramaNIyeShu desheShu ratnachitrAH svala~NkR^itAH .. 7..\\
sa tAH sabhAH samAsAdya pUjyamAno yathAmaraH . 
duryodhanasya sachivairdeshe deshe yathArhataH . 
AjagAma sabhAmanyA.n devAvasatha varchasam .. 8..\\
sa tatra viShayairyuktaH kalyANairatimAnuShaiH . 
mene.abhyadhikamAtmAnamavamene purandaram .. 9..\\
paprachchha sa tataH preShyAnprahR^iShTaH kShatriyarShabhaH . 
yudhiShThirasya puruShAH ke nu chakruH sabhA imAH . 
AnIyantA.n sabhA kArAH pradeyArhA hi me matAH .. 10..\\
gUDho duryodhanastatra darshayAmAsa mAtulam . 
ta.n dR^iShTvA madrarAjastu GYAtvA yatnaM cha tasya tam . 
pariShvajyAbravItprIta iShTo.artho gR^ihyatAm iti .. 11..\\
satyavAgbhava kalyANa varo vai mama dIyatAm . 
sarvasenA praNetA me bhavAnbhavitumarhati .. 12..\\
kR^itamityabravIchchhalyaH kimanyatkriyatAm iti . 
kR^itamityeva gAndhAriH pratyuvAcha punaH punaH .. 13..\\
sa tathA shalyamAmantrya punarAyAtsvakaM puram . 
shalyo jagAma kaunteyAnAkhyAtu.n karma tasya tat .. 14..\\
upaplavya.n sa gatvA tu skandhAvAraM pravishya cha . 
pANDavAnatha tAnsarvA~nshalyastatra dadarsha ha .. 15..\\
sametya tu mahAbAhuH shalyaH pANDusutaistadA . 
pAdyamarghya.n cha gAM chaiva pratyagR^ihNAdyathAvidhi .. 16..\\
tataH kushalapUrva.n sa madrarAjo.arisUdanaH . 
prItyA paramayA yuktaH samAshliShya yudhiShThiram .. 17..\\
tathA bhImArjunau hR^iShTau svasrIyau cha yamAvubhau . 
Asane chopaviShTastu shalyaH pArthamuvAcha ha .. 18..\\
kushala.n rAjashArdUla kachchitte kurunandana . 
araNyavAsAddiShTyAsi vimukto jayatA.n vara .. 19..\\
suduShkara.n kR^ita.n rAjannirjane vasatA vane . 
bhrAtR^ibhiH saha rAjendra kR^iShNayA chAnayA saha .. 20..\\
aGYAtavAsa.n ghoraM cha vasatA duShkaraM kR^itam . 
duHkhameva kutaH saukhya.n rAjyabhraShTasya bhArata .. 21..\\
duHkhasyaitasya mahato dhArtarAShTra kR^itasya vai . 
avApsyasi sukha.n rAjanhatvA shatrUnparantapa .. 22..\\
vidita.n te mahArAja lokatattvaM narAdhipa . 
tasmAllobhakR^ita.n kiM chittava tAta na vidyate .. 23..\\
tato.asyAkathayadrAjA duyodhana samAgamam . 
tachcha shushrUShita.n sarvaM varadAna.n cha bhArata .. 24..\\
sukR^ita.n te kR^ita.n rAjanprahR^iShTenAntarAtmanA . 
duryodhanasya yadvIra tvayA vAchA pratishrutam . 
eka.n tvichchhAmi bhadraM te kriyamANaM mahIpate .. 25..\\
bhavAniha mahArAja vAsudeva samo yudhi . 
karNArjunAbhyA.n samprApte dvairathe rAjasattama . 
karNasya bhavatA kArya.n sArathyaM nAtra saMshayaH .. 26..\\
tatra pAlyo.arjuno rAjanyadi matpriyamichchhasi . 
tejovadhashcha te kAryaH sauterasmajjayA vahaH . 
akartavyamapi hyetatkartumarhasi mAtula .. 27..\\
shR^iNu pANDava bhadra.n te yadbravIShi durAtmanaH . 
tejovadhanimittaM mA.n sUtaputrasya sa.nyuge .. 28..\\
aha.n tasya bhaviShyAmi sa~NgrAme sArathirdhruvam . 
vAsudevena hi samaM nityaM mA.n sa hi manyate .. 29..\\
tasyAha.n kurushArdUla pratIpamahita.n vachaH . 
dhruva.n sa~NkathayiShyAmi yoddhukAmasya sa.nyuge .. 30..\\
yathA sa hR^itadarpashcha hR^itatejAshcha pANDava . 
bhaviShyati sukha.n hantuM satyametadbravImi te .. 31..\\
evametatkariShyAmi yathA tAta tvamAttha mAm . 
yachchAnyadapi shakShyAmi tatkariShyAmi te priyam .. 32..\\
yachcha duHkha.n tvayA prAptaM dyUte vai kR^iShNayA saha . 
paruShANi cha vAkyAni sUtaputra kR^itAni vai .. 33..\\
jaTAsurAtparikleshaH kIchakAchcha mahAdyute . 
draupadyAdhigata.n sarva.n damayantyA yathAshubham .. 34..\\
sarva.n duHkhamida.n vIra sukhodarkaM bhaviShyati . 
nAtra manyustvayA kAryo vidhirhi balavattaraH .. 35..\\
duHkhAni hi mahAtmAnaH prApnuvanti yudhiShThira . 
devairapi hi duHkhAni prAptAni jagatIpate .. 36..\\
indreNa shrUyate rAjansabhAryeNa mahAtmanA . 
anubhUtaM mahadduHkha.n devarAjena bhArata .. 37..\\
\medskip\hrule\medskip\centerline{\Largedvng 9}
 y

kathamindreNa rAjendra sabhAryeNa mahAtmanA . 
duHkhaM prAptaM para.n ghorametadichchhAmi veditum .. 1..\\

 z

shR^iNu rAjanpurAvR^ittamitihAsaM purAtanam . 
sabhAryeNa yathA prApta.n duHkhamidnreNa bhArata .. 2..\\
tvaShTA prajApatirhyAsIddeva shreShTho mahAtapAH . 
saputra.n vai trishirasamindra drohAtkilAsR^ijat .. 3..\\
aindra.n sa prArthayatsthAnaM vishvarUpo mahAdyutiH . 
taistribhirvadanairghoraiH sUryendu jvalanopamaiH .. 4..\\
vedAnekena so.adhIte surAmekena chApibat . 
ekena cha dishaH sarvAH pibanniva nirIkShate .. 5..\\
sa tapasvI mR^idurdAnto dharme tapasi chodyataH . 
tapo.atapyanmahattIvra.n sudushcharamarindama .. 6..\\
tasya dR^iShTvA tapo vIrya.n sattva.n chAmitatejasaH . 
viShAdamagamachchhakra indryo.ayaM mA bhavediti .. 7..\\
katha.n sajjeta bhogeShu na cha tapyenmahattapaH . 
vivardhamAnastrishirAH sarva.n tribhuvanaM graset .. 8..\\
iti sa~ncintya bahudhA buddhimAnbharatarShabha . 
AGYApayatso.apsarasastvaShTR^iputra pralobhane .. 9..\\
yathA sa sajjettrishirAH kAmabhogeShu vai bhR^isham . 
kShipra.n kuruta gachchhadhvaM pralobhayata mAchiram .. 10..\\
shR^i~NgAraveShAH sushroNyo bhAvairyuktA manoharaiH . 
pralobhayata bhadra.n vaH shamayadhvaM bhayaM mama .. 11..\\
asvastha.n hyAtmanAtmAnaM lakShayAmi varA~NganAH . 
bhayametanmahAghora.n kShipraM nAshayatAbalAH .. 12..\\
tathA yatna.n kariShyAmaH shakra tasya pralobhane . 
yathA nAvApsyasi bhaya.n tasmAdbalaniShUdana .. 13..\\
nirdahanniva chakShurbhyA.n yo.asAvAste tapo nidhiH . 
taM pralobhayitu.n deva gachchhAmaH sahitA vayam . 
yatiShyAmo vashe kartu.n vyapanetu.n cha te bhayam .. 14..\\
indreNa tAstvanuGYAtA jagmustrishiraso.antikam . 
tatra tA vividhairbhAvairlobhayantyo varA~NganAH . 
nR^itya.n sandarshayantyashcha tathaivA~NgeShu sauShThavam .. 15..\\
vicheruH sampraharSha.n cha nAbhyagachchhanmahAtapAH . 
indriyANi vashe kR^itvA pUrNasAgara saMnibhaH .. 16..\\
tAstu yatnaM para.n kR^itvA punaH shakramupasthitAH . 
kR^itA~njalipuTAH sarvA devarAjamathAbruvan .. 17..\\
na sa shakyaH sudurdharSho dhairyAchchAlayituM prabho . 
yatte kAryaM mahAbhAga kriyatA.n tadanantaram .. 18..\\
sampUjyApsarasaH shakro visR^ijya cha mahAmatiH . 
chintayAmAsa tasyaiva vadhopAyaM mahAtmanaH .. 19..\\
sa tUShNI.n chintayanvIro devarAjaH pratApavAn . 
vinishchita matirdhImAnvadhe trishiraso.abhavat .. 20..\\
vajramasya kShipAmyadya sa kShipraM na bhaviShyati . 
shatruH pravR^iddho nopekShyo durbalo.api balIyasA .. 21..\\
shAstrabuddhyA vinishchitya kR^itvA buddhi.n vadhe dR^iThAm . 
atha vaishvAnara nibha.n ghorarUpaM bhayAvaham . 
mumocha vajra.n sa~NkruddhaH shakrastrishirasaM prati .. 22..\\
sa papAta hatastena vajreNa dR^iDhamAhataH . 
parvatasyeva shikharaM praNunnaM medinI tale .. 23..\\
ta.n tu vajrahataM dR^iShTvA shayAnamachalopamam . 
na sharma lebhe devendro dIpitastasya tejasA . 
hato.api dIptatejAH sa jIvanniva cha dR^ishyate .. 24..\\
abhitastatra takShANA.n ghaTamAna.n shachIpatiH . 
apashyadabravIchchaina.n sa tvaraM pAkashAsanaH . 
kShipra.n chhindhi shirA.nsyasya kuruShva vachanaM mama .. 25..\\
mahAskandho bhR^isha.n hyeSha parashurna tariShyati . 
kartu.n chAhaM na shakShyAmi karma sadbhirvigarhitam .. 26..\\
mA bhaistva.n kShiprametadvai kuruShva vachanaM mama . 
matprasAdAddhi te shastravarja kalpaM bhaviShyati .. 27..\\
kaM bhavantamaha.n vidyA.n ghorakarmANamadya vai . 
etadichchhAmyaha.n shrotu.n tattvena kathayasva me .. 28..\\
ahamindro devarAjastakShanviditamastu te . 
kuruShvaitadyathoktaM me takShanmA tva.n vichAraya .. 29..\\
krUreNa nApatrapase katha.n shakreha karmaNA . 
R^iShiputramima.n hatvA brahmahatyA bhayaM na te .. 30..\\
pashchAddharma.n chariShyAmi pAvanArtha.n sudushcharam . 
shatrureSha mahAvIryo vajreNa nihato mayA .. 31..\\
adyApi chAhamudvignastakShannasmAdbibhemi vai . 
kShipra.n chhindhi shirA.nsi tvaM kariShye.anugrahaM tava .. 32..\\
shiraH pashoste dAsyanti bhAga.n yaGYeShu mAnavAH . 
eSha te.anugrahastakShankShipra.n kuru mama priyam .. 33..\\
etachchhrutvA tu takShA sa mahendra vachana.n tadA . 
shirA.nsyatha trishirasaH kuThAreNAchhinattadA .. 34..\\
nikR^itteShu tatasteShu niShkrAma.nstrishirAstvatha . 
kapi~njalAstittirAshcha kalavi~NkAshcha sarvashaH .. 35..\\
yena vedAnadhIte sma pibate somameva cha . 
tasmAdvaktrAnniviShpetuH kShipra.n tasya kapi~njalAH .. 36..\\
yena sarvA disho rAjanpIbanniva nirIkShate . 
tasmAdvaktrAdviniShpetustittirAstasya pANDava .. 37..\\
yatsurApa.n tu tasyAsIdvaktraM trishirasastadA . 
kalavi~NkA viniShpetustenAsya bharatarShabha .. 38..\\
tatasteShu nikR^itteShu vijvaro maghavAnabhUt . 
jagAma tridiva.n hR^iShTastakShApi svagR^ihAnyayau .. 39..\\
tvaShTA prajApatiH shrutvA shakreNAtha hata.n sutam . 
krodhasa.nraktanayana ida.n vachanamabravIt .. 40..\\
tapyamAna.n taponityaM kShAntaM dAntaM jitendriyam . 
anAparAdhinamyasmAtputra.n hi.nsitavAnmama .. 41..\\
tasmAchchhakra vadhArthAya vR^itramutpAdayAmyaham . 
lokAH pashyantu me vIrya.n tapasashcha balaM mahat . 
sa cha pashyatu devendro durAtmA pApachetanaH .. 42..\\
upaspR^ishya tataH kruddhastapasvI sumahAyashAH . 
agni.n hutvA samutpAdya ghoraM vR^itramuvAcha ha . 
indrashatro vivardhasva prabhAvAttapaso mama .. 43..\\
so.avardhata diva.n stabdhvA sUryavaishvAnaropamaH . 
ki.n karomIti chovAcha kAlasUrya ivoditaH . 
shakra.n jahIti chApyukto jagAma tridivaM tataH .. 44..\\
tato yuddha.n samabhavadvR^itravAsavayostadA . 
sa~NkruddhayormahAghoraM prasakta.n kurusattama .. 45..\\
tato jagrAha devendra.n vR^itro vIraH shatakratum . 
apAvR^itya sa jagrAsa vR^itraH krodhasamanvitaH .. 46..\\
graste vaktreNa shakre tu sambhrAntAstridashAstadA . 
asR^ija.nste mahAsattvA jR^imbhikA.n vR^itranAshinIm .. 47..\\
vijR^imbhamANasya tato vR^itrasyAsyAdapAvR^itAt . 
svAnya~NgAnyabhisa~NkShipya niShkrAnto balasUdanaH . 
tataH prabhR^iti lokeShu jR^imbhikA prANisaMshritA .. 48..\\
jahR^iShushcha surAH sarve dR^iShTvA shakra.n viniHsR^itam . 
tataH pravavR^ite yuddha.n vR^itravAsavayoH punaH . 
sa.nrabdhayostadA ghora.n suchiraM bharatarShabha .. 49..\\
yadA vyavardhata raNe vR^itro balasamanvitaH . 
tvaShTustapobalAdvidvA.nstadA shakro nyavartata .. 50..\\
nivR^itte tu tadA devA viShAdamagamanparam . 
sametya shakreNa cha te tvaShTustejo vimohitAH . 
amantrayanta te sarve munibhiH saha bhArata .. 51..\\
ki.n kAryamiti te rAjanvichintya bhayamohitAH . 
jagmuH sarve mahAtmAnaM manobhirviShNumavyayam . 
upaviShTA mandarAgre sarve vR^itravadhepsavaH .. 52..\\
\medskip\hrule\medskip\centerline{\Largedvng 10}
 i

sarva.n vyAptamida.n devA vR^itreNa jagadavyayam . 
na hyasya sadR^isha.n kiM chitpratighAtAya yadbhavet .. 1..\\
samartho hyabhavaM pUrvamasamartho.asmi sAmpratam . 
katha.n kuryAM nu bhadra.n vo duShpradharShaH sa me mataH .. 2..\\
tejasvI cha mahAtmA cha yuddhe chAmitavikramaH . 
grasettribhuvana.n sarvaM sa devAsuramAnuSham .. 3..\\
tasmAdvinishchayamima.n shR^iNudhvaM me divaukasaH . 
viShNoH kShayamupAgamya sametya cha mahAtmanA . 
tena saMmantrya vetsyAmo vadhopAya.n durAtmanaH .. 4..\\
evamukte maghavatA devAH sarShigaNAstadA . 
sharaNya.n sharaNa.n devaM jagmurviShNuM mahAbalam .. 5..\\
Uchushcha sarve devesha.n viShNuM vR^itra bhayArditAH . 
tvayA lokAstrayaH krAntAstribhirvikramaNaiH prabho .. 6..\\
amR^ita.n chAhR^ita.n viShNo daityAshcha nihatA raNe . 
baliM baddhvA mahAdaitya.n shakro devAdhipaH kR^itaH .. 7..\\
tvaM prabhuH sarvalokAnA.n tvayA sarvamidaM tatam . 
tva.n hi devamahAdevaH sarvalokanamaskR^itaH .. 8..\\
gatirbhava tva.n devAnA.n sendrANAm amarottama . 
jagadvyAptamida.n sarvaM vR^itreNAsurasUdana .. 9..\\
avashya.n karaNIyaM me bhavatA.n hitamuttamam . 
tasmAdupAya.n vakShyAmi yathAsau na bhaviShyati .. 10..\\
gachchhadhva.n sarShigandharvA yatrAsau vishvarUpadhR^ik . 
sAma tasya prayu~njadhva.n tata ena.n vijeShyatha .. 11..\\
bhaviShyati gatirdevAH shakrasya mama tejasA . 
adR^ishyashcha pravekShyAmi vajramasyAyudhottamam .. 12..\\
gachchhadhvamR^iShibhiH sArdha.n gandharvaishcha surottamAH . 
vR^itrasya saha shakreNa sandhi.n kuruta mAchiram .. 13..\\
evamuktAstu devena R^iShayastridashAstathA . 
yayuH sametya sahitAH shakra.n kR^itvA puraHsaram .. 14..\\
samIpametya cha tadA sarva eva mahaujasaH . 
ta.n tejasA prajvalitaM pratapantaM disho dasha .. 15..\\
grasantamiva lokA.nstrInsUryA chandramasau yathA . 
dadR^ishustatra te vR^itra.n shakreNa sahadevatAH .. 16..\\
R^iShayo.atha tato.abhyetya vR^itramUchuH priya.n vachaH . 
vyApta.n jagadida.n sarvaM tejasA tava durjaya .. 17..\\
na cha shaknoShi nirjetu.n vAsavaM bhUrivikramam . 
yudhyatoshchApi vA.n kAlo vyatItaH sumahAniha .. 18..\\
pIDyante cha prajAH sarvAH sa devAsuramAnavAH . 
sakhyaM bhavatu te vR^itra shakreNa saha nityadA . 
avApsyasi sukha.n tvaM cha shakra lokAMshcha shAshvatAn .. 19..\\
R^iShivAkyaM nishamyAtha sa vR^itraH sumahAbalaH . 
uvAcha tA.nstadA sarvAnpraNamya shirasAsuraH .. 20..\\
sarve yUyaM mahAbhAgA gandharvAshchaiva sarvashaH . 
yadbrUta tachchhruta.n sarvaM mamApi shR^iNutAnaghAH .. 21..\\
sandhiH katha.n vai bhavitA mama shakrasya chobhayoH . 
tejasorhi dvayordevAH sakhya.n vai bhavitA katham .. 22..\\

 rsayah

sakR^itsatA.n sa~NgataM lipsitavyaM 
tataH paraM bhavitA bhavyameva . 
nAtikrametsatpuruSheNa sa~NgataM 
tasmAtsatA.n sa~NgataM lipsitavyam .. 23..\\
dR^iDha.n satAM sa~Ngata.n chApi nityaM 
brUyAchchArtha.n hyarthakR^ichchhreShu dhIraH . 
mahArthavatsatpruSheNa sa~NgataM 
tasmAtsantaM na jighA.nseta dhIraH .. 24..\\
indraH satA.n saMmatashcha nivAsashcha mahAtmanAm . 
satyavAdI hyadInashcha dharmavitsuvinishchitaH .. 25..\\
tena te saha shakreNa sandhirbhavatu shAshvataH . 
eva.n vishvAsamAgachchha mA te bhUdbuddhiranyathA .. 26..\\
maharShivachana.n shrutvA tAnuvAcha mahAdyutiH . 
avashyaM bhagavanto me mAnanIyAstapasvinaH .. 27..\\
bravImi yadaha.n devAstatsarvaM kriyatAm iha . 
tataH sarva.n kariShyAmi yadUchurmAM dvijarShabhAH .. 28..\\
na shuShkeNa na chArdreNa nAshmanA na cha dAruNA . 
na shasreNa na vajreNa na divA na tathA nishi .. 29..\\
vadhyo bhaveya.n viprendrAH shakrasya saha daivataiH . 
evaM me rochate sandhiH shakreNa saha nityadA .. 30..\\
bADhamityeva R^iShayastamUchurbharatarShabha . 
eva.n kR^ite tu sandhAne vR^itraH pramudito.abhavat .. 31..\\
yattaH sadAbhavachchApi shakro.amarShasamanvitaH . 
vR^itrasya vadhasa.nyuktAnupAyAnanuchintayan . 
randhrAnveShI samudvignaH sadAbhUdbalavR^itrahA .. 32..\\
sa kadA chitsamudrAnte tamapashyanmahAsuram . 
sandhyAkAla upAvR^itte muhUrte ramyadAruNe .. 33..\\
tataH sa~ncintya bhagavAnvaradAnaM mahAtmanaH . 
sandhyeya.n vartate raudrA na rAtrirdivasaM na cha . 
vR^itrashchApashya vadhyo.ayaM mama sarvaharo ripuH .. 34..\\
yadi vR^itraM na hanmyadya va~nchayitvA mahAsuram . 
mahAbalaM mahAkAyaM na me shreyo bhaviShyati .. 35..\\
eva.n sa~ncintayanneva shakro viShNumanusmaran . 
atha phena.n tadApashyatsamudre parvatopamam .. 36..\\
nAya.n shuShko na chArdro.ayaM na cha shastramida.n tathA . 
ena.n kShepsyAmi vR^itrasya kShaNAdeva nashiShyati .. 37..\\
savajramatha phena.n taM kShipra.n vR^itre nisR^iShTavAn . 
pravishya phena.n ta.n viShNuratha vR^itraM vyanAshayat .. 38..\\
nihate tu tato vR^itre disho vitimirAbhavan . 
pravavau cha shivo vAyuH prajAshcha jahR^iShustadA .. 39..\\
tato devAH sa gandharvA yakSharAkShasa pannagAH . 
R^iShayashcha mahendra.n tamastuvanvividhaiH stavaiH .. 40..\\
namaskR^itaH sarvabhUtaiH sarvabhUtAni sAntvayan . 
hatashatruH prahR^iShTAtmA vAsavaH saha daivataiH . 
viShNu.n tribhuvanashreShThaM pUjayAmAsa dharmavit .. 41..\\
tato hate mahAvIrye vR^itre devabhaya~Nkare . 
anR^itenAbhibhUto.abhUchchhakraH paramadurmanAH . 
traishIrShayAbhibhUtashcha sa pUrvaM brahmahatyayA .. 42..\\
so.antamAshritya lokAnAM naShTasa~nj~no vichetanaH . 
na prAGYAyata devendrastvabhibhUtaH svakalmaShaiH . 
pratichchhanno vasatyapsu cheShTamAna ivoragaH .. 43..\\
tataH pranaShTe devendre brahmahatyA bhayArdite . 
bhUmiH pradhvasta sa~NkAshA nirvR^ikShA shuShkakAnanA . 
vichchhinnasrotaso nadyaH sarA.nsyanudakAni cha .. 44..\\
sa~NkShobhashchApi sattvAnAmakR^ito.abhavat . 
devAshchApi bhR^isha.n trastAstathA sarve maharShayaH .. 45..\\
arAjaka.n jagatsarvamabhibhUtamupadravaiH . 
tato bhItAbhavandevAH ko no rAjA bhavediti .. 46..\\
divi devarShayashchApi devarAjavinAkR^itAH . 
na cha sma kashchiddevAnA.n rAjyAya kurute manaH .. 47..\\
\medskip\hrule\medskip\centerline{\Largedvng 11}
 z

R^iShayo.athAbruvansarve devAshcha tridasheshvarAH . 
aya.n vai nahuShaH shrImAndevarAjye.abhiShichyatAm . 
te gatvAthAbruvansarve rAjA no bhava pArthiva .. 1..\\
sa tAnuvAcha nahuSho devAnR^iShigaNA.nstathA . 
pitR^ibhiH sahitAnrAjanparIpsanhitamAtmanaH .. 2..\\
durbalo.ahaM na me shaktirbhavatAM paripAlane . 
balavA~njAyate rAjA bala.n shakre hi nityadA .. 3..\\
tamabruvanpunaH sarve devAH sarShipurogamAH . 
asmAka.n tapasA yuktaH pAhi rAjyaM triviShTape .. 4..\\
parasparabhaya.n ghoramasmAka.n hi na saMshayaH . 
abhiShichyasva rAjendra bhava rAjA triviShTape .. 5..\\
devadAnava yakShANAmR^iShINA.n rakShasA.n tathA . 
pitR^igandharvabhUtAnA.n chakShurviShayavartinAm . 
teja AdAsyase pashyanbalavAMshcha bhaviShyasi .. 6..\\
dharmaM puraskR^itya sadA sarvalokAdhipo bhava . 
brahmarShIMshchApi devAMshcha gopAyasva triviShTape .. 7..\\
sudurlabha.n varaM labdhvA prApya rAjya.n triviShTape . 
dharmAtmA satataM bhUtvA kAmAtmA samapadyata .. 8..\\
devodyAneShu sarveShu nandanopavaneShu cha . 
kailAse himavatpR^iShThe mandare shvetaparvate . 
sahye mahendre malaye samudreShu saritsu cha .. 9..\\
apsarobhiH parivR^ito devakanyA samAvR^itaH . 
nahuSho devarAjaH sankrIDanbahuvidha.n tadA .. 10..\\
shR^iNvandivyA bahuvidhAH kathAH shrutimanoharAH . 
vAditrANi cha sarvANi gIta.n cha madhurasvaram .. 11..\\
vishvAvasurnAradashcha gandharvApsarasA.n gaNAH . 
R^itavaH ShaTcha devendraM mUrtimanta upasthitAH . 
mArutaH surabhirvAti manoGYaH sukhashItalaH .. 12..\\
eva.n hi krIDatastasya nahuShasya mahAtmanaH . 
samprAptA darshana.n devI shakrasya mahiShI priyA .. 13..\\
sa tA.n sandR^ishya duShTAtmA prAha sarvAnsabhAsadaH . 
indrasya mahiShI devI kasmAnmAM nopatiShThati .. 14..\\
ahamindro.asmi devAnA.n lokAnA.n cha tatheshvaraH . 
Agachchhatu shachI mahya.n kShipramadya niveshanam .. 15..\\
tachchhrutvA durmanA devI bR^ihaspatimuvAcha ha . 
rakSha mAM nahuShAdbrahma.nstavAsmi sharaNa.n gatA .. 16..\\
sarvalakShaNasampannAM brahmastvaM mAM prabhAShase . 
devarAjasya dayitAmatyantasukhabhAginIm .. 17..\\
avaidhavyena sa.nyuktAmekapatnIM pativratAm . 
uktavAnasi mAM pUrvamR^itA.n tAM kuru vai giram .. 18..\\
noktapUrva.n cha bhagavanmR^iShA te kiM chidIshvara . 
tasmAdetadbhavetsatya.n tvayoktaM dvijasattama .. 19..\\
bR^ihaspatirathovAcha indrANIM bhayamohitAm . 
yaduktAsi mayA devi satya.n tadbhavitA dhruvam .. 20..\\
drakShyase devarAjAnamindra.n shIghramihAgatam . 
na bhetavya.n cha nahuShAtsatyametadbravImi te . 
samAnayiShye shakreNa nachirAdbhavatIm aham .. 21..\\
atha shushrAva nahuSha indrANI.n sharaNa.n gatAm . 
bR^ihaspatera~Ngirasashchukrodha sa nR^ipastadA .. 22..\\
\medskip\hrule\medskip\centerline{\Largedvng 12}
 z

kruddha.n tu nahuSha.n GYAtvA devAH sarShipurogamAH . 
abruvandevarAjAnaM nahuSha.n ghoradarshanam .. 1..\\
devarAjajahi krodha.n tvayi kruddhe jagadvibho . 
trasta.n sAsuragandharvaM sa kiMnaramahoragam .. 2..\\
jahi krodhamima.n sAdho na krudhyanti bhavadvidhAH . 
parasya patnI sA devI prasIdasva sureshvara .. 3..\\
nivartaya manaH pApAtparadArAbhimarshanAt . 
devarAjo.asi bhadra.n te prajA dharmeNa pAlaya .. 4..\\
evamukto na jagrAha tadvachaH kAmamohitaH . 
atha devAnuvAchedamindraM prati surAdhipaH .. 5..\\
ahalyA dharShitA pUrvamR^iShipatnI yashasvinI . 
jIvato bharturindreNa sa vaH kiM na nivAritaH .. 6..\\
bahUni cha nR^isha.nsAni kR^itAnIndreNa vai purA . 
vaidharmyANyupadhAshchaiva sa vaH kiM na nivAritaH .. 7..\\
upatiShThatu mA.n devI etadasyA hitaM param . 
yuShmAka.n cha sadA devAH shivamevaM bhaviShyati .. 8..\\
indrANImAnayiShyAmo yathechchhasi divaH pate . 
jahi krodhamima.n vIra prIto bhava sureshvara .. 9..\\
ityuktvA te tadA devA R^iShibhiH saha bhArata . 
jagmurbR^ihaspati.n vaktumindrANI.n chAshubhaM vachaH .. 10..\\
jAnImaH sharaNaM prAptamindrANI.n tava veshmani . 
dattAbhayA.n cha viprendra tvayA devarShisattama .. 11..\\
te tvA.n devAH sa gandharvA R^iShayashcha mahAdyute . 
prasAdayanti chendrANI nahuShAya pradIyatAm .. 12..\\
indrAdvishiShTo nahuSho devarAjo mahAdyutiH . 
vR^iNotviya.n varArohA bhartR^itve varavarNinI .. 13..\\
evamukte tu sA devI bAShpamutsR^ijya sasvaram . 
uvAcha rudatI dInA bR^ihaspatimida.n vachaH .. 14..\\
nAhamichchhAmi nahuShaM patimanvAsya taM prabhum . 
sharaNAgatAsmi te brahma.nstrAhi mAM mahato bhayAt .. 15..\\
sharaNAgatAM na tyajeyamindrANi mama nishchitam . 
dharmaGYA.n dharmashIlAM cha na tyaje tvAm anindite .. 16..\\
nAkArya.n kartumichchhAmi brAhmaNaH sanvisheShataH . 
shrutadharmA satyashIlo jAnandharmAnushAsanam .. 17..\\
nAhametatkariShyAmi gachchhadhva.n vai surottamAH . 
asmiMshchArthe purA gItaM brahmaNA shrUyatAm idam .. 18..\\
na tasya bIja.n rohati bIjakAle 
na chAsya varSha.n varShati varShakAle . 
bhItaM prapannaM pradadAti shatrave 
na so.antara.n labhate trANamichchhan .. 19..\\
moghamanna.n vindati chApyachetAH 
svargAllokAdbhrashyati naShTacheShTaH . 
bhItaM prapannaM pradadAti yo vai 
na tasya havyaM pratigR^ihNanti devAH .. 20..\\
pramIyate chAsya prajA hyakAle 
sadA vivAsaM pitaro.asya kurvate . 
bhItaM prapannaM pradadAti shatrave 
sendrA devAH praharantyasya vajram .. 21..\\
etadeva.n vijAnanvai na dAsyAmi shachImimAm . 
indrANI.n vishrutAM loke shakrasya mahiShIM priyAm .. 22..\\
asyA hitaM bhavedyachcha mama chApi hitaM bhavet . 
kriyatA.n tatsurashreShThA na hi dAsyAmyaha.n shachIm .. 23..\\
atha devAstamevAhurguruma~NgirasA.n varam . 
katha.n sunIta.n tu bhavenmantrayasva bR^ihaspate .. 24..\\
nahuSha.n yAchatA.n devI kiM chitkAlAntaraM shubhA . 
indrANI hitametaddhi tathAsmAkaM bhaviShyati .. 25..\\
bahuvighnakaraH kAlaH kAlaH kAlaM nayiShyati . 
darpito balavAMshchApi nahuSho varasaMshrayAt .. 26..\\
tatastena tathokte tu prItA devAstamabruvan . 
brahmansAdhvidamukta.n te hita.n sarvadivaukasAm . 
evametaddvijashreShTha devI cheyaM prasAdyatAm .. 27..\\
tataH samastA indrANI.n devAH sAgnipurogamAH . 
UchurvachanamavyagrA lokAnA.n hitakAmyayA .. 28..\\
tvayA jagadida.n sarva.n dhR^itaM sthAvaraja~Ngamam . 
ekapatnyasi satyA cha gachchhasva nahuShaM prati .. 29..\\
kShipra.n tvAmabhikAmashcha vinashiShyati pArthivaH . 
nahuSho devi shakrashcha suraishvaryamavApsyati .. 30..\\
eva.n vinishchaya.n kR^itvA indrANI kAryasiddhaye . 
abhyagachchhata savrIDA nahuSha.n ghoradarshanam .. 31..\\
dR^iShTvA tAM nahuShashchApi vayo rUpasamanvitAm . 
samahR^iShyata duShTAtmA kAmopahata chetanaH .. 32..\\
\medskip\hrule\medskip\centerline{\Largedvng 13}
 z

atha tAmabravIddR^iShTvA nahuSho devarATtadA . 
trayANAmapi lokAnAmahamindraH shuchismite . 
bhajasva mA.n varArohe patitve varavarNini .. 1..\\
evamuktA tu sA devI nahuSheNa pativratA . 
prAvepata bhayodvignA pravAte kadalI yathA .. 2..\\
namasya sA tu brahmANa.n kR^itvA shirasi chA~njalim . 
devarAjamathovAcha nahuSha.n ghoradarshanam .. 3..\\
kAlamichchhAmyaha.n labdhu.n kiM chittvattaH sureshvara . 
na hi viGYAyate shakraH prAptaH ki.n vA kva vA gataH .. 4..\\
tattvametattu viGYAya yadi na GYAyate prabho . 
tato.aha.n tvAmupasthAsye satyametadbravImi te . 
evamuktaH sa indrANyA nahuShaH prItimAnabhUt .. 5..\\
evaM bhavatu sushroNiyathA mAmabhibhAShase . 
GYAtvA chAgamana.n kArya.n satyametadanusmareH .. 6..\\
nahuSheNa visR^iShTA cha nishchakrAma tataH shubhA . 
bR^ihaspatiniketa.n sA jagAma cha tapasvinI .. 7..\\
tasyAH saMshrutya cha vacho devAH sAgnipurogamAH . 
mantrayAmAsurekAgrAH shakrArtha.n rAjasattama .. 8..\\
devadevena sa~Ngamya viShNunA prabhaviShNunA . 
Uchushchaina.n samudvignA vAkyaM vAkyavishAradAH .. 9..\\
brahmahatyAbhibhUto vai shakraH suragaNeshvaraH . 
gatishcha nastva.n devesha pUrvajo jagataH prabhuH . 
rakShArtha.n sarvabhUtAnAM viShNutvamupajagmivAn .. 10..\\
tvadvIryAnnihate vR^itre vAsavo brahmahatyayA . 
vR^itaH suragaNashreShTha mokSha.n tasya vinirdisha .. 11..\\
teShA.n tadvachana.n shrutvA devAnAM viShNurabravIt . 
mAmeva yajatA.n shakraH pAvayiShyAmi vajriNam .. 12..\\
puNyena hayamedhena mAmiShTvA pAkashAsanaH . 
punareShyati devAnAmindratvamakutobhayaH .. 13..\\
svakarmabhishcha nahuSho nAsha.n yAsyati durmatiH . 
ka.n chitkAlamimaM devA marShayadhvamatandritAH .. 14..\\
shrutvA viShNoH shubhA.n satyA.n tAM vANImamR^itopamAm . 
tataH sarve suragaNAH sopAdhyAyAH saharShibhiH . 
yatra shakro bhayodvignasta.n deshamupachakramuH .. 15..\\
tatrAshvamedhaH sumahAnmahendrasya mahAtmanaH . 
vavR^ite pAvanArtha.n vai brahmahatyApaho nR^ipa .. 16..\\
vibhajya brahmahatyA.n tu vR^ikSheShu cha nadIShu cha . 
parvateShu pR^ithivyA.n cha strIShu chaiva yudhiShThira .. 17..\\
sa.nvibhajya cha bhUteShu visR^ijya cha sureshvaraH . 
vijvaraH pUtapApmA cha vAsavo.abhavadAtmavAn .. 18..\\
akampyaM nahuSha.n sthAnAddR^iShTvA cha balasUdanaH . 
tejo ghna.n sarvabhUtAnAM varadAnAchcha duHsaham .. 19..\\
tataH shachIpatirvIraH punareva vyanashyata . 
adR^ishyaH sarvabhUtAnA.n kAlAkA~NkShI chachAra ha .. 20..\\
pranaShTe tu tataH shakre shachI shokasamanvitA . 
hA shakreti tadA devI vilalApa suduHkhitA .. 21..\\
yadi datta.n yadi huta.n guravastoShitA yadi . 
ekabhartR^itvamevAstu satya.n yadyasti vA mayi .. 22..\\
puNyA.n chemAmahaM divyAM pravR^ittAmuttarAyaNe . 
devI.n rAtriM namasyAmi sidhyatAM me manorathaH .. 23..\\
prayatA chanishA.n devImupAtiShThata tatra sA . 
pativratAtvAtsatyena sopashrutimathAkarot .. 24..\\
yatrAste devarAjo.asau ta.n deshaM darshayasva me . 
ityAhopashruti.n devI satya.n satyena dR^ishyatAm .. 25..\\
\medskip\hrule\medskip\centerline{\Largedvng 14}
 z

athainA.n rupiNIM sAdhvImupAtiShThadupashrutiH . 
tA.n vayo rUppa sampannA.n dR^iShTvA devImupasthitAm .. 1..\\
indrANI samprahR^iShTA sA sampUjyainAmapR^ichchhata . 
ichchhAmi tvAmaha.n GYAtu.n kA tvaM brUhi varAnane .. 2..\\
upashrutiraha.n devi tavAntikamupAgatA . 
darshana.n chaiva samprAptA tava satyena toShitA .. 3..\\
pativratAsi yuktA cha yamena niyamena cha . 
darshayiShyAmi te shakra.n deva.n vR^itraniShUdanam . 
kShipramanvehi bhadra.n te drakShyase surasattamam .. 4..\\
tatastAM prasthitA.n devImindrANI sA samanvagAt . 
devAraNyAnyatikramya parvatAMshcha bahU.nstataH . 
himavantamatikramya uttaraM pArshvamAgamat .. 5..\\
samudra.n cha samAsAdya bahuyojanavistR^itam . 
AsasAda mahAdvIpaM nAnAdrumalatA vR^itam .. 6..\\
tatrApashyatsaro divyaM nAnAshakunibhirvR^itam . 
shatayojanavistIrNa.n tAvadevAyata.n shubham .. 7..\\
tatra divyAni padmAni pa~ncha varNAni bhArata . 
ShaTpadairupagItAni praphullAni sahasrashaH .. 8..\\
padmasya bhittvA nAla.n cha vivesha sahitA tayA . 
visa tantu praviShTa.n cha tatrApashyachchhatakratum .. 9..\\
ta.n dR^iShTvA cha susUkShmeNa rUpeNAvasthitaM prabhum . 
sUkShmarUpadharA devI babhUvopashrutishcha sA .. 10..\\
indra.n tuShTAva chendrANI vishrutaiH pUrvakarmabhiH . 
stUyamAnastato devaH shachImAha purandaraH .. 11..\\
kimarthamasi samprAptA viGYAtashcha katha.n tvaham . 
tataH sA kathayAmAsa nahuShasya vicheShTitam .. 12..\\
indratva.n triShu lokeShu prApya vIryamadAnvitaH . 
darpAviShTashcha duShTAtmA mAmuvAcha shatakrato . 
upatiShTha mAmiti krUraH kAla.n cha kR^itavAnmama .. 13..\\
yadi na trAsyasi vibho kariShyati sa mA.n vashe . 
etena chAha.n santaptA prAptA shakra tavAntikam . 
jahi raudraM mahAbAho nahuShaM pApanishchayam .. 14..\\
prakAshayasva chAtmAna.n daityadAnava sUdana . 
tejaH samApnuhi vibho devarAjyaM prashAdhi cha .. 15..\\
\medskip\hrule\medskip\centerline{\Largedvng 15}
 z

evamuktaH sa bhagavA~nshachyA punarathAbravIt . 
vikramasya na kAlo.ayaM nahuSho balavattaraH .. 1..\\
vivardhitashcha R^iShibhirhavyaiH kavyaishcha bhAmini . 
nItimatra vidhAsyAmi devi tA.n kartumarhasi .. 2..\\
guhya.n chaitattvayA kAryaM nAkhyAtavya.n shubhe kva chit . 
gatvA nahuShamekAnte bravIhi tanumadhyame .. 3..\\
R^iShiyAnena divyena mAm upaihi jagatpate . 
eva.n tava vashe prItA bhaviShyAmIti ta.n vada .. 4..\\
ityuktA devarAjena patnI sA kamalekShaNA . 
evamastvityathoktvA tu jagAma nahuShaM prati .. 5..\\
nahuShastA.n tato dR^iShTvA vismito vAkyamabravIt . 
svAgata.n te varArohe kiM karomi shuchismite .. 6..\\
bhaktaM mAM bhaja kalyANi kimichchhasi manasvini . 
tava kalyANi yatkArya.n tatkariShye sumadhyame .. 7..\\
na cha vrIDA tvayA kAryA sushroNi mayi vishvasa . 
satyena vai shape devi kartAsmi vachana.n tava .. 8..\\
yo me tvayA kR^itaH kAlastamAkA~NkShe jagatpate . 
tatastvameva bhartA me bhaviShyasi surAdhipa .. 9..\\
kArya.n cha hR^idi me yattaddevarAjAvadhAraya . 
vakShyAmi yadi me rAjanpriyametatkariShyasi . 
vAkyaM praNayasa.nyukta.n tataH syA.n vashagA tava .. 10..\\
indrasya vAjino vAhA hastino.atha rathAstathA . 
ichchhAmyahamihApUrva.n vAhana.n te surAdhipa . 
yanna viShNorna rudrasya nAsurANAM na rakShasAm .. 11..\\
vahantu tvAM mahArAja R^iShayaH sa~NgatA vibho . 
sarve shibikayA rAjannetaddhi mama rochate .. 12..\\
nAsureShu na deveShu tulyo bhavitumarhasi . 
sarveShA.n teja Adatsva svena vIryeNa darshanAt . 
na te pramukhataH sthAtu.n kashchidichchhati vIryavAn .. 13..\\
evamuktastu nahuShaH prAhR^iShyata tadA kila . 
uvAcha vachana.n chApi surendrastAmaninditAm .. 14..\\
apUrva.n vAhanamida.n tvayoktaM varavarNini . 
dR^iDhaM me ruchita.n devi tvadvasho.asmi varAnane .. 15..\\
na hyalpavIryo bhavati yo vAhAnkurute munIn . 
aha.n tapasvI balavAnbhUtabhavya bhavatprabhuH .. 16..\\
mayi kruddhe jaganna syAnmayi sarvaM pratiShThitam . 
devadAnavagandharvAH kiMnaroragarAkShasAH .. 17..\\
na me kruddhasya paryAptAH sarve lokAH shuchismite . 
chakShuShA yaM prapashyAmi tasya tejo harAmyaham .. 18..\\
tasmAtte vachana.n devi kariShyAmi na saMshayaH . 
saptarShayo mA.n vakShyanti sarve brahmarShayastathA . 
pashya mAhAtmyamasmAkamR^iddhi.n cha varavarNini .. 19..\\
evamuktvA tu tA.n devI.n visR^ijya cha varAnanAm . 
vimAne yojayitvA sa R^iShInniyamamAsthitAn .. 20..\\
abrahmaNyo balopeto matto varamadena cha . 
kAmavR^ittaH sa duShTAtmA vAhayAmAsa tAnR^iShIn .. 21..\\
nahuSheNa visR^iShTA cha bR^ihaspatimuvAcha sA . 
samayo.alpAvasheSho me nahuSheNeha yaH kR^itaH . 
shakraM mR^igaya shIghra.n tvaM bhaktAyAH kuru me dayAm .. 22..\\
bADhamityeva bhagavAnbR^ihaspatiruvAcha tAm . 
na bhetavya.n tvayA devi nahuShAdduShTachetasaH .. 23..\\
na hyeSha sthAsyati chira.n gata eSha narAdhamaH . 
adharmaGYo maharShINA.n vAhanAchcha hataH shubhe .. 24..\\
iShTi.n chAhaM kariShyAmi vinAshAyAsya durmateH . 
shakra.n chAdhigamiShyAmi mA bhaistvaM bhadramastu te .. 25..\\
tataH prajvAlya vidhivajjuhAva parama.n haviH . 
bR^ihaspatirmahAtejA devarAjopalabdhaye .. 26..\\
tasmAchcha bhagavAndevaH svayameva hutAshanaH . 
strI veShamadbhuta.n kR^itvA sahasAntaradhIyata .. 27..\\
sa dishaH pradishashchaiva parvatAMshcha vanAni cha . 
pR^ithivI.n chAntarikShaM cha vichIyAtimano gatiH . 
nimeShAntaramAtreNa bR^ihaspatimupAgamat .. 28..\\
bR^ihaspate na pashyAmi devarAjamaha.n kva chit . 
ApaH sheShAH sadA chApaH praveShTuM notsahAmyaham . 
na me tatra gatirbrahmankimanyatkaravANi te .. 29..\\
tamabravIddeva gururapo visha mahAdyute .. 30..\\
nApaH praveShTu.n shakShyAmi kShayo me.atra bhaviShyati . 
sharaNa.n tvAM prapanno.asmi svasti te.astu mahAdyute .. 31..\\
adbhyo.agnirbrahmataH kShatramashmano lohamutthitam . 
teShA.n sarvatraga.n tejaH svAsu yoniShu shAmyati .. 32..\\
\medskip\hrule\medskip\centerline{\Largedvng 16}
 br

tvamagne sarvadevAnAM mukha.n tvamasi havyavAT . 
tvamantaH sarvabhUtAnA.n gUDhashcharasi sAkShivat .. 1..\\
tvAmAhureka.n kavayastvAmAhustrividhaM punaH . 
tvayA tyakta.n jagachcheda.n sadyo nashyeddhutAshana .. 2..\\
kR^itvA tubhyaM namo viprAH svakarma vijitA.n gatim . 
gachchhanti saha patnIbhiH sutairapi cha shAshvatIm .. 3..\\
tvamevAgne havyavAhastvameva parama.n haviH . 
yajanti satraistvAmeva yaGYaishcha paramAdhvare .. 4..\\
sR^iShTvA lokA.nstrInimAnhavyavAha 
prApte kAle pachasi punaH samiddhaH . 
sarvasyAsya bhuvanasya prasUtis 
tvamevAgre bhavasi punaH pratiShThA .. 5..\\
tvAmagne jaladAnAhurvidyutash cha tvameva hi . 
dahanti sarvabhUtAni tvatto niShkramya hAyanAH .. 6..\\
tvayyApo nihitAH sarvAstvayi sarvamida.n jagat . 
na te.astvavidita.n kiM chittriShu lokeShu pAvaka .. 7..\\
svayoniM bhajate sarvo vishasvApo.avisha~NkitaH . 
aha.n tvA.n vardhayiShyAmi brAhmairmantraiH sanAtanaiH .. 8..\\
eva.n stuto havyavAho bhagavAnkaviruttamaH . 
bR^ihaspatimathovAcha prItimAnvAkyamuttamam . 
darshayiShyAmi te shakra.n satyametadbravImi te .. 9..\\
pravishyApastato vahniH sa samudrAH sa palvalAH . 
AjagAma sarastachcha gUDho yatra shatakratuH .. 10..\\
atha tatrApi padmAni vichinvanbharatarShabha . 
anvapashyatsa devendra.n visamadhyagataM sthitam .. 11..\\
Agatya cha tatastUrNa.n tamAchaShTa bR^ihaspateH . 
aNu mAtreNa vapuShA padmatantvAshritaM prabhum .. 12..\\
gatvA devarShigandharvaiH sahito.atha bR^ihaspatiH . 
purANaiH karmabhirdeva.n tuShTAva balasUdanam .. 13..\\
mahAsuro hataH shakra namuchirdAruNastvayA . 
shambarashcha balash chaiva tathobhau ghoravikramau .. 14..\\
shatakrato vivardhasva sarvA~nshatrUnniShUdaya . 
uttiShTha vajrinsampashya devarShIMshcha samAgatAn .. 15..\\
mahendra dAnavAnhatvA lokAstrAtAstvayA vibho . 
apAM phena.n samAsAdya viShNutejopabR^i.nhitam . 
tvayA vR^itro hataH pUrva.n devarAjajagatpate .. 16..\\
tva.n sarvabhUteShu vareNya IDyas 
tvayA sama.n vidyate neha bhUtam . 
tvayA dhAryante sarvabhUtAni shakra 
tva.n devAnAM mahimAnaM chakartha .. 17..\\
pAhi devAnsa lokAMshcha mahendra balamApnuhi . 
eva.n sa.nstUyamAnashcha so.avardhata shanaiH shanaiH .. 18..\\
sva.n chaiva vapurAsthAya babhUva sabalAnvitaH . 
abravIchcha guru.n devo bR^ihaspatimupasthitam .. 19..\\
ki.n kAryamavashiShTa.n vo hatastvAShTro mahAsuraH . 
vR^itrashcha sumahAkAyo grastu.n lokAniyeSha yaH .. 20..\\
mAnuSho nahuSho rAjA devarShigaNatejasA . 
devarAjyamanuprAptaH sarvAnno bAdhate bhR^isham .. 21..\\
kathaM nu nahuSho rAjya.n devAnAM prApa durlabham . 
tapasA kena vA yuktaH ki.n vIryo vA bR^ihaspate .. 22..\\
devA bhItAH shakramakAmayanta 
tvayA tyaktaM mahadaindraM pada.n tat . 
tadA devAH pitaro.atharShayash cha 
gandharvasa~NghAsh cha sametya sarve .. 23..\\
gatvAbruvannahuSha.n shakra tatra 
tvaM no rAjA bhava bhuvanasya goptA . 
tAnabravInnahuSho nAsmi shakra 
ApyAyadhva.n tapasA tejasA cha .. 24..\\
evamuktairvardhitashchApi devai 
rAjAbhavannahuSho ghoravIryaH . 
trailokye cha prApya rAjya.n tapasvinaH 
kR^itvA vAhAnyAti lokAndurAtmA .. 25..\\
tejo hara.n dR^iShTiviSha.n sughoraM 
mA tvaM pashyernahuSha.n vai kadA chit . 
devAshcha sarve nahuShaM bhayArtA 
na pashyanto gUDharUpAsh charanti .. 26..\\
eva.n vadatya~NgirasAM variShThe 
bR^ihaspatau lokapAlaH kuberaH . 
vaivasvatashchaiva yamaH purANo 
devashcha somo varuNashchAjagAma .. 27..\\
te vai samAgamya mahendramUchur 
diShTyA tvAShTro nihatashchaiva vR^itraH . 
diShTyA cha tvA.n kushalinamakShataM cha 
pashyAmo vai nihatAri.n cha shakra .. 28..\\
sa tAnyathAvatpratibhAShya shakraH 
sa~ncodayannahuShasyAntareNa . 
rAjA devAnAM nahuSho ghorarUpas 
tatra sAhya.n dIyatAM me bhavadbhiH .. 29..\\
te chAbruvannahuSho ghorarUpo 
dR^iShTI viShastasya bibhIma deva . 
tva.n chedrAjannahuShaM parAjayes 
tadvai vayaM bhAgamarhAma shakra .. 30..\\
indro.abravIdbhavatu bhavAnapAM patir 
yamaH kuberashcha mahAbhiShekam . 
samprApnuvantvadya sahaiva tena 
ripu.n jayAmo nahuShaM ghoradR^iShTim .. 31..\\
tataH shakra.n jvalano.apyAha bhAgaM 
prayachchha mahya.n tava sAhyaM kariShye . 
tamAha shakro bhavitAgne tavApi 
aindrAgno vai bhAga eko mahAkratau .. 32..\\
eva.n sa~ncintya bhagavAnmahendraH pAkashAsanaH . 
kubera.n sarvayakShANA.n dhanAnAM cha prabhuM tathA .. 33..\\
vaivasvataM pitR^INA.n cha varuNaM chApyapAM tathA . 
Adhipatya.n dadau shakraH satkR^itya varadastadA .. 34..\\
\medskip\hrule\medskip\centerline{\Largedvng 17}
 z

atha sa~ncintayAnasya devarAjasya dhImataH . 
nahuShasya vadhopAya.n lokapAlaiH sahaiva taiH . 
tapasvI tatra bhagavAnagastyaH pratyadR^ishyata .. 1..\\
so.abravIdarchya devendra.n diShTyA vai vardhate bhavAn . 
vishvarUpavinAshena vR^itrAsuravadhena cha .. 2..\\
diShTyA cha nahuSho bhraShTo devarAjyAtpurandara . 
diShTyA hatAriM pashyAmi bhavantaM balasUdana .. 3..\\
svAgata.n te maharShe.astu prIto.ahaM darshanAttava . 
pAdyamAchamanIya.n cha gAmarghyaM cha pratIchchha me .. 4..\\
pUjita.n chopaviShTaM tamAsane munisattamam . 
paryapR^ichchhata deveshaH prahR^iShTo brAhmaNarShabham .. 5..\\
etadichchhAmi bhagavankathyamAna.n dvijottama . 
paribhraShTaH katha.n svargAnnahuShaH pApanishchayaH .. 6..\\
shR^iNu shakra priya.n vAkyaM yathA rAjA durAtmavAn . 
svargAdbhraShTo durAchAro nahuSho baladarpitaH .. 7..\\
shramArtAstu vahantastaM nahuShaM pApakAriNam . 
devarShayo mahAbhAgAstathA brahmarShayo.amalAH . 
paprachchhuH saMshaya.n deva nahuShaM jayatA.n vara .. 8..\\
ya ime brahmaNA proktA mantrA vai prokShaNe gavAm . 
ete pramANaM bhavata utAho neti vAsava . 
nahuSho neti tAnAha tamasA mUDha chetanaH .. 9..\\
adharme sampravR^ittastva.n dharmaM na pratipadyase . 
pramANametadasmAkaM pUrvaM proktaM maharShibhiH .. 10..\\
tato vivadamAnaH sa munibhiH saha vAsava . 
atha mAmaspR^ishanmUrdhni pAdenAdharmapIDitaH .. 11..\\
tenAbhUddhuta tejAH sa niHshrIkashcha shachIpate . 
tatastamahamAvignamavochaM bhayapIDitam .. 12..\\
yasmAtpUrvaiH kR^itaM brahma brahmarShibhiranuShThitam . 
aduShTa.n dUShayasi vai yachcha mUrdhnyaspR^ishaH padA .. 13..\\
yachchApi tvamR^iShInmUDha brahmakalpAndurAsadAn . 
vAhAnkR^itvA vAhayasi tena svargAddhataprabhaH .. 14..\\
dhva.nsa pApaparibhraShTaH kShINapuNyo mahItalam . 
dashavarShasahasrANi sarparUpadharo mahAn . 
vichariShyasi pUrNeShu punaH svargamavApsyasi .. 15..\\
evaM bhraShTo durAtmA sa devarAjyAdarindama . 
diShTyA vardhAmahe shakra hato bAhmaNa kaNTakaH .. 16..\\
triviShTapaM prapadyasva pAhi lokA~nshachIpate . 
jitendriyo jitAmitraH stUyamAno maharShibhiH .. 17..\\
tato devA bhR^iSha.n tuShTA maharShigaNasa.nvR^itAH . 
pitarashchaiva yakShAshcha bhujagA rAkShasAstathA .. 18..\\
gandharvA devakanyAshcha sarve chApsarasA.n gaNAH . 
sarA.nsi saritaH shailAH sAgarAshcha vishAM pate .. 19..\\
upagamyAbruvansarve diShTyA vardhasi shatruhan . 
hatashcha nahuShaH pApo diShTyAgastyena dhImatA . 
diShTyA pApasamAchAraH kR^itaH sarpo mahItale .. 20..\\
\medskip\hrule\medskip\centerline{\Largedvng 18}
 z

tataH shakraH stUyamAno gandharvApsarasA.n gaNaiH . 
airAvata.n samAruhya dvipendraM lakShaNairyutam .. 1..\\
pAvakashcha mahAtejA maharShishcha bR^ihaspatiH . 
yamashcha varuNashchaiva kuberashcha dhaneshvaraH .. 2..\\
sarvairdevaiH parivR^itaH shakro vR^itraniShUdanaH . 
gandharvairapsarobhishcha yAtastribhuvanaM prabhuH .. 3..\\
sa sametya mahendrANyA devarAjaH shatakratuH . 
mudA paramayA yuktaH pAlayAmAsa devarAT .. 4..\\
tataH sa bhagavA.nstatra a~NgirAH samadR^ishyata . 
atharvaveda mantraishcha devendra.n samapUjayat .. 5..\\
tatastu bhagavAnindraH prahR^iShTaH samapadyata . 
vara.n cha pradadau tasmai atharvA~Ngirase tadA .. 6..\\
atharvA~NgirasaM nAma asminvede bhaviShyati . 
udAharaNametaddhi yaGYabhAga.n cha lapsyase .. 7..\\
eva.n sampUjya bhagavAnatharvA~Ngirasa.n tadA . 
vyasarjayanmahArAja devarAjaH shatakratuH .. 8..\\
sampUjya sarvA.nstridashAnR^iShIMshchApi tapodhanAn . 
indraH pramudito rAjandharmeNApAlayatprajAH .. 9..\\
eva.n duHkhamanuprAptamindreNa saha bhAryayA . 
aGYAtavAsashcha kR^itaH shatrUNA.n vadhakA~NkShayA .. 10..\\
nAtra manyustvayA kAryo yatkliShTo.asi mahAvane . 
draupadyA saha rAjendra bhrAtR^ibhishcha mahAtmabhiH .. 11..\\
eva.n tvamapi rAjendra rAjyaM prApsyasi bhArata . 
vR^itra.n hatvA yathA prAptaH shakraH kauravanandana .. 12..\\
durAchArashcha nahuSho brahma dviTpApachetanaH . 
agastyapAshAbhihato vinaShTaH shAshvatI.n samAH .. 13..\\
eva.n tava durAtmAnaH shatravaH shatrusUdana . 
kShipraM nAsha.n gamiShyanti karNaduryodhanAdayaH .. 14..\\
ataH sAgaraparyantAM bhokShyase medinImimAm . 
bhrAtR^ibhiH sahito vIra draupadyA cha sahAbhibho .. 15..\\
upAkhyAnamida.n shakra vijayaM veda saMmitam . 
rAGYA vyUDheShvanIkeShu shrotavya.n jayamichchhatA .. 16..\\
tasmAtsaMshrAvayAmi tvA.n vijaya.n jayatAM vara . 
sa.nstUyamAnA vardhante mahAtmAno yudhiShThira .. 17..\\
kShatriyANAmabhAvo.aya.n yudhiShThira mahAtmanAm . 
duryodhanAparAdhena bhImArjunabalena cha .. 18..\\
AkhyAnamindra vijaya.n ya idaM niyataH paThet . 
dhUtapApmA jitasvargaH sa pretyeha cha modate .. 19..\\
na chArijaM bhaya.n tasya na chAputro bhavennaraH . 
nApadaM prApnuyAtkA.n chiddIrghamAyush cha vindati . 
sarvatra jayamApnoti na kadA chitparAjayam .. 20..\\
evamAshvAsito rAjA shalyena bharatarShabha . 
pUjayAmAsa vidhivachchhalya.n dharmabhR^itA.n varaH .. 21..\\
shrutvA shalyasya vachana.n kuntIputro yudhiShThiraH . 
pratyuvAcha mahAbAhurmadrarAjamida.n vachaH .. 22..\\
bhavAnkarNasya sArathya.n kariShyati na saMshayaH . 
tatra tejovadhaH kAryaH karNasya mama sa.nstavaiH .. 23..\\
evametatkariShyAmi yathA mA.n samprabhAShase . 
yachchAnyadapi shakShyAmi tatkariShyAmyaha.n tava .. 24..\\
tata Amantrya kaunteyA~nshalyo madrAdhipastadA . 
jagAma sabalaH shrImAnduryodhanamarindamaH .. 25..\\
\medskip\hrule\medskip\centerline{\Largedvng 19}
 v

yuyudhAnastato vIraH sAtvatAnAM mahArathaH . 
mahatA chatura~NgeNa balenAgAdyudhiShThiram .. 1..\\
tasya yodhA mahAvIryA nAnAdeshasamAgatAH . 
nAnApraharaNA vIrAH shobhayA.n chakrire balam .. 2..\\
parashvadhairbhiNDa bAlaiH shaktitomaramudgaraiH . 
shaktyR^iShTi parashu prAsaiH karavAlaishcha nirmalaiH .. 3..\\
khaDgakArmukaniryUhaiH sharaish cha vividhairapi . 
tailadhautaiH prakAshadbhistadashobhata vai balam .. 4..\\
tasya meghaprakAshasya shastraistaiH shobhitasya cha . 
babhUva rUpa.n sainyasya meghasyeva sa vidyutaH .. 5..\\
akShauhiNI hi senA sA tadA yaudhiShThiraM balam . 
pravishyAntardhadhe rAjansAgara.n kunadI yathA .. 6..\\
tathaivAkShauhiNI.n gR^ihya chedInAmR^iShabho balI . 
dhR^iShTaketurupAgachchhatpANDavAnamitaujasaH .. 7..\\
mAgadhashcha jayatseno jarAsandhirmahAbalaH . 
akShauhiNyaiva sainyasya dharmarAjamupAgamat .. 8..\\
tathaiva pANDyo rAjendra sAgarAnUpavAsibhiH . 
vR^ito bahuvidhairyodhairyudhiShThiramupAgamat .. 9..\\
tasya sainyamatIvAsIttasminbalasamAgame . 
prekShaNIyatara.n rAjansuveShaM balavattadA .. 10..\\
drupadasyApyabhUtsenA nAnAdeshasamAgataiH . 
shobhitA puruShaiH shUraiH putraishchAsya mahArathaiH .. 11..\\
tathaiva rAjA matsyAnA.n virATo vAhinIpatiH . 
pArvatIyairmahIpAlaiH sahitaH pANDavAniyAt .. 12..\\
itashchetashcha pANDUnA.n samAjagmurmahAtmanAm . 
akShauhiNyastu saptaiva vividhadhvajasa~NkulAH . 
yuyutsamAnAH kurubhiH pANDavAnsamaharShayan .. 13..\\
tathaiva dhArtarAShTrasya harSha.n samabhivardhayan . 
bhagadatto mahIpAlaH senAmakShauhiNI.n dadau .. 14..\\
tasya chInaiH kirAtaishcha kA~nchanairiva sa.nvR^itam . 
babhau balamanAdhR^iShya.n karNikAravana.n yathA .. 15..\\
tathA bhUrishravAH shUraH shalyash cha kurunandana . 
duryodhanamupAyAtAvakShauhiNyA pR^ithakpR^ithak .. 16..\\
kR^itavarmA cha hArdikyo bhojAndhakabalaiH saha . 
akShauhiNyaiva senAyA duryodhanamupAgamat .. 17..\\
tasya taiH puruShavyAghrairvanamAlA dharairbalam . 
ashobhata yathAmattairvanaM prakrIDitairgajaiH .. 18..\\
jayadratha mukhAshchAnye sindhusauvIravAsinaH . 
AjagmuH pR^ithivIpAlAH kampayanta ivAchalAn .. 19..\\
teShAmakShauhiNI senA bahulA vibabhau tadA . 
vibhUyamAnA vAtena bahurUpA ivAmbudAH .. 20..\\
sudakShiNashcha kAmbojo yavanaishcha shakaistathA . 
upAjagAma kauravyamakShauhiNyA vishAM pate .. 21..\\
tasya senA samAvAyaH shalabhAnAmivAbabhau . 
sa cha samprApya kauravya.n tatraivAntardadhe tadA .. 22..\\
tathA mAhiShmatI vAsI nIlo nIlAyudhaiH saha . 
mahIpAlo mahAvIryairdakShiNApathavAsibhiH .. 23..\\
Avantyau cha mahIpAlau mahAbalasu sa.nvR^itau . 
pR^ithagakShauhiNIbhyA.n tAvabhiyAtau suyodhanam .. 24..\\
kekayAshcha naravyAghrAH sodaryAH pa~ncha pArthivAH . 
sa.nharShayantaH kauravyamakShauhiNyA samAdravan .. 25..\\
itashchetashcha sarveShAM bhUmipAnAM mahAtmanAm . 
tisro.anyAH samavartanta vAhinyo bharatarShabha .. 26..\\
evamekAdashAvR^ittAH senA duryodhanasya tAH . 
yuyutsamAnAH kaunteyAnnAnA dhvajasamAkulAH .. 27..\\
na hAstinapure rAjannavakAsho.abhavattadA . 
rAGYA.n sabalamukhyAnAM prAdhAnyenApi bhArata .. 28..\\
tataH pa~nchanada.n chaiva kR^itsnaM cha kurujA~Ngalam . 
tathA rohita kAraNyaM maru bhUmishcha kevalA .. 29..\\
ahichchhatra.n kAlakUTaM ga~NgAkUlaM cha bhArata . 
vAraNA vATadhAna.n cha yAmunashchaiva parvataH .. 30..\\
eSha deshaH suvistIrNaH prabhUtadhanadhAnyavAn . 
babhUva kauraveyANAM balena susamAkulaH .. 31..\\
tatra sainya.n tathAyuktaM dadarsha sa purohitaH . 
yaH sapA~nchAlarAjena preShitaH kauravAnprati .. 32..\\
\medskip\hrule\medskip\centerline{\Largedvng 20}
 v

sa tu kauravyamAsAdya drupadasya purohitaH . 
satkR^ito dhR^itarAShTreNa bhIShmeNa vidureNa cha .. 1..\\
sarva.n kaushalyamuktvAdau pR^iShTvA chaivamanAmayam . 
sarvasenApraNetR^INAM madhye vAkyamuvAcha ha .. 2..\\
sarvairbhavadbhirvidito rAjadharmaH sanAtanaH . 
vAkyopAdAna hetostu vakShyAmi vidite sati .. 3..\\
dhR^itaraShTrashcha pANDushcha sutAvekasya vishrutau . 
tayoH samAna.n draviNaM paitR^ikaM nAtra saMshayaH .. 4..\\
dhR^itarAShTrasya ye putrAste prAptAH paitR^ika.n vasu . 
pANDuputrAH kathaM nAma na prAptAH paitR^ika.n vasu .. 5..\\
eva~Ngate pANDaveyairvidita.n vaH purA yathA . 
na prAptaM paitR^ika.n dravyaM dhArtarAShTreNa sa.nvR^itam .. 6..\\
prANAntikairapyupAyaiH prayatadbhiranekashaH . 
sheShavanto na shakitA nayitu.n yamasAdanam .. 7..\\
punashcha vardhita.n rAjyaM svabalena mahAtmabhiH . 
chhadmanApahR^ita.n kShudrairdhArtarAShTraH sa saubalaiH .. 8..\\
tadapyanumata.n karma tathAyuktamanena vai . 
vAsitAshcha mahAraNye varShANIha trayodasha .. 9..\\
sabhAyA.n kleshitairvIraiH saha bhAryaistathA bhR^isham . 
araNye vividhAH kleshAH samprAptAstaiH sudAruNAH .. 10..\\
tathA virATanagare yonyantaragatairiva . 
prAptaH paramasa~Nklesho yathA pApairmahAtmabhiH .. 11..\\
te sarve pR^iShThataH kR^itvA tatsarvaM pUrvakilbiSham . 
sAmaiva kurubhiH sArdhamichchhanti kurupu~NgavAH .. 12..\\
teShA.n cha vR^ittamAGYAya vR^ittaM duryodhanasya cha . 
anunetumihArhanti dhR^itarAShTra.n suhR^ijjanAH .. 13..\\
na hi te vigraha.n vIrAH kurvanti kurubhiH saha . 
avinAshena lokasya kA~NkShante pANDavAH svakam .. 14..\\
yashchApi dhArtarAShTrasya hetuH syAdvigrahaM prati . 
sa cha heturna mantavyo balIyA.nsastathA hi te .. 15..\\
akShauhiNyo hi saptaiva dharmaputrasya sa~NgatAH . 
yuyutsamAnAH kurubhiH pratIkShante.asya shAsanam .. 16..\\
apare puruShavyAghrAH sahasrAkShauhiNI samAH . 
sAtyakirbhImasenashcha yamau cha sumahAbalau .. 17..\\
ekAdashaitAH pR^itanA ekatashcha samAgatAH . 
ekatashcha mahAbAhurbahurUpo dhana~njayaH .. 18..\\
yathA kirITI senAbhyaHsarvAbhyo vyatirichyate . 
evameva mahAbAhurvAsu devo mahAdyutiH .. 19..\\
bahulatva.n cha senAnA.n vikramaM cha kirITinaH . 
buddhimattA.n cha kR^iShNasya buddhvA yudhyeta ko naraH .. 20..\\
te bhavanto yathA dharma.n yathA samayameva cha . 
prayachchhantu pradAtavyaM mA vaH kAlo.atyagAdayam .. 21..\\
\medskip\hrule\medskip\centerline{\Largedvng 21}
 v

tasya tadvachana.n shrutvA praGYAvR^iddho mahAdyutiH . 
sampUjyaina.n yathAkAlaM bhIShmo vachanamabravIt .. 1..\\
diShTyA kushalinaH sarve pANDavAH saha bAndhavaiH . 
diShTyA sahAyavantashcha diShTyA dharme cha te ratAH .. 2..\\
diShTyA cha sandhikAmAste bhrAtaraH kurunandanAH . 
diShTyA na yuddhamanasaH saha dAmodareNa te .. 3..\\
bhavatA satyamukta.n cha sarvametanna saMshayaH . 
atitIkShNa.n tu te vAkyaM brAhmaNyAditi me matiH .. 4..\\
asaMshaya.n kleshitAste vane cheha cha pANDavAH . 
prAptAshcha dharmataH sarvaM piturdhanamasaMshayam .. 5..\\
kirITI balavAnpArthaH kR^itAstrashcha mahAbalaH . 
ko hi pANDusuta.n yuddhe viShaheta dhana~njayam .. 6..\\
api vajradharaH sAkShAtkimutAnye dhanurbhR^itaH . 
trayANAmapi lokAnA.n samartha iti me matiH .. 7..\\
bhIShme bruvati tadvAkya.n dhR^iShTamAkShipya manyumAn . 
duryodhana.n samAlokya karNo vachanamabravIt .. 8..\\
na tanna viditaM brahma.Nlloke bhUtena kena chit . 
punaruktena ki.n tena bhAShitena punaH punaH .. 9..\\
duryodhanArthe shakunirdyUte nirjitavAnpurA . 
samayena gato.araNyaM pANDuputro yudhiShThiraH .. 10..\\
na ta.n samayamAdR^itya rAjyamichchhati paitR^ikam . 
balamAshritya matsyAnAM pA~nchAlAnA.n cha pArthivaH .. 11..\\
duryodhano bhayAdvidvanna dadyAtpadamantataH . 
dharmatastu mahI.n kR^itsnAM pradadyAchchhatrave.api cha .. 12..\\
yadi kA~NkShanti te rAjyaM pitR^ipaitAmahaM punaH . 
yathApratiGYa.n kAlaM taM charantu vanamAshritAH .. 13..\\
tato duryodhanasyA~Nke vartantAmakutobhayAH . 
adhArmikAmimAM buddhi.n kuryurmaurkhyAddhi kevalam .. 14..\\
atha te dharmamutsR^ijya yuddhamichchhanti pANDavAH . 
AsAdyemAnkurushreShThAnsmariShyanti vacho mama .. 15..\\
kiM nu rAdheya vAchA te karma tatsmartumarhasi . 
eka eva yadA pArthaH ShaDrathA~njitavAnyudhi .. 16..\\
na chedeva.n kariShyAmo yadayaM brAhmaNo.abravIt . 
dhruva.n yudhi hatAstena bhakShayiShyAma pA.nsukAn .. 17..\\
dhR^itarAShTrastato bhIShmamanumAnya prasAdya cha . 
avabhartsya cha rAdheyamida.n vachanamabravIt .. 18..\\
asmaddhitamida.n vAkyaM bhIShmaH shAntanavo.abravIt . 
pANDavAnA.n hita.n chaiva sarvasya jagatastathA .. 19..\\
chintayitvA tu pArthebhyaH preShayiShyAmi sa~njayam . 
sa bhavAnpratiyAtvadya pANDavAneva mAchiram .. 20..\\
sa ta.n satkR^itya kauravyaH preShayAmAsa pANDavAn . 
sabhAmadhye samAhUya sa~njaya.n vAkyamabravIt .. 21..\\
\medskip\hrule\medskip\centerline{\Largedvng 22}
 dhr

prAptAnAhuH sa~njaya pANDuputrAn 
upaplavye tAnvijAnIhi gatvA . 
ajAtashatru.n cha sabhAjayethA 
diShTyAnagha grAmamupasthitastvam .. 1..\\
sarvAnvadeH sa~njaya svastimantaH 
kR^ichchhra.n vAsamatadarhA niruShya . 
teShA.n shAntirvidyate.asmAsu shIghraM 
mithyopetAnAmupakAriNA.n satAm .. 2..\\
nAha.n kva chitsa~njaya pANDavAnAM 
mithyAvR^itti.n kAM chana jAtvapashyam . 
sarvA.n shriyaM hyAtmavIryeNa labdhvA 
paryAkArShuH pANDavA mahyameva .. 3..\\
doSha.n hyeShAM nAdhigachchhe parikShan 
nitya.n kaM chidyena garheya pArthAn . 
dharmArthAbhyA.n karma kurvanti nityaM 
sukhapriyA nAnurudhyanti kAmAn .. 4..\\
dharma.n shIta.n kShutpipAse tathaiva 
nidrA.n tandrIM krodhaharShau pramAdam . 
dhR^ityA chaiva praGYayA chAbhibhUya 
dharmArthayogAnprayatanti pArthAH .. 5..\\
tyajanti mitreShu dhanAni kAle 
na sa.nvAsAjjIryati maitrameShAm . 
yathArha mAnArtha karA hi pArthAs 
teShA.n dveShTA nAstyAjamIDhasya pakShe .. 6..\\
anyatra pApAdviShamAnmandabuddher 
duryodhanAtkShudratarAchcha karNAt . 
teShA.n hIme hInasukhapriyANAM 
mahAtmanA.n sa~njanayanti tejaH .. 7..\\
utthAnavIryaH sukhamedhamAno 
duryodhanaH sukR^itaM manyate tat . 
teShAM bhAga.n yachcha manyeta bAlaH 
shakya.n hartu.n jIvatAM pANDavAnAm .. 8..\\
yasyArjunaH padavI.n keshavash cha 
vR^ikodaraH sAtyako.ajAtashatroH . 
mAdrIputrau sR^i~njayAshchApi sarve 
purA yuddhAtsAdhu tasya pradAnam .. 9..\\
sa hyevaikaH pR^ithivI.n savyasAchI 
gANDIvadhanvA praNudedrathasthaH . 
tathA viShNuH keshavo.apyapradhR^iShyo 
lokatrayasyAdhipatirmahAtmA .. 10..\\
tiShTheta kastasya martyaH purastAd 
yaH sarvadeveShu vareNya IDyaH . 
parjanyaghoShAnpravapa~nsharaughAn 
pata~Ngasa~NghAniva shIghravegAn .. 11..\\
disha.n hyudIchImapi chottarAnkurUn 
gANDIvadhanvaika ratho jigAya . 
dhana.n chaiShAmAharatsavyasAchI 
senAnugAnbalidAMsh chaiva chakre .. 12..\\
yashchaiva devAnkhANDave savyasAchI 
gANDIvadhanvA prajigAya sendrAn . 
upAharatphalguno jAtavedase 
yasho mAna.n vardhayanpANDavAnAm .. 13..\\
gadA bhR^itAM nAdya samo.asti 
bhImAddhastyAroho nAsti samash cha tasya . 
rathe.arjunAdAhurahInamenaM 
bAhvorbale chAyuta nAgavIryam .. 14..\\
sushikShitaH kR^itavairastarasvI 
dahetkruddhastarasA dhArtarAShTrAn . 
sadAtyamarShI balavAnna shakyo 
yuddhe jetu.n vAsavenApi sAkShAt .. 15..\\
suchetasau balinau shIghrahastau 
sushikShitau bhrAtarau phalgunena . 
shyenau yathA pakShipUgAnrujantau 
mAdrIputrau neha kurUnvishetAm .. 16..\\
teShAM madhye vartamAnastarasvI 
dhR^iShTadyumnaH pANDavAnAmihaikaH . 
sahAmAtyaH somakAnAM prabarhaH 
santyaktAtmA pANDavAnA.n jayAya .. 17..\\
sahoShitashcharitArtho vayaH sthaH 
shAlveyAnAmadhipo vai virATaH . 
saha putraiH pANDavArthe cha shashvad 
yudhiShThiraM bhakta iti shrutaM me .. 18..\\
avaruddhA balinaH kekayebhyo 
maheShvAsA bhrAtaraH pa~ncha santi . 
kekayebhyo rAjyamAkA~NkShamANA 
yuddhArthinashchAnuvasanti pArthAn .. 19..\\
sarve cha vIrAH pR^ithivIpatInAM 
samAnItAH pANDavArthe niviShTAH . 
shUrAnahaM bhaktimataH shR^iNomi 
prItyA yuktAnsaMshritAndharmarAjam .. 20..\\
giryAshrayA durga nivAsinash cha 
yodhAH pR^ithivyA.n kulajA vishuddhAH . 
mlechchhAshcha nAnAyudha vIryavantaH 
samAgatAH pANDavArthe niviShTAH .. 21..\\
pANDyashcha rAjAmita indrakalpo 
yudhi pravIrairbahubhiH sametaH . 
samAgataH pANDavArthe mahAtmA 
lokapravIro.aprativIrya tejAH .. 22..\\
astra.n droNAdarjunAdvAsudevAt 
kR^ipAdbhIShmAdyena kR^ita.n shR^iNomi . 
ya.n taM kArShNi pratimaM prAhurekaM 
sa sAtyakiH pANDavArthe niviShTaH .. 23..\\
apAshritAshchedikarUShakAsh cha 
sarvotsAhairbhUmipAlaiH sametAH . 
teShAM madhye sUryamivAtapantaM 
shriyA vR^ita.n chedipatiM jvalantam .. 24..\\
astambhanIya.n yudhi manyamAnaM 
jyA karShatA.n shreShThatamaM pR^ithivyAm . 
sarvotsAha.n kShatriyANAM nihatya 
prasahya kR^iShNastarasA mamarda .. 25..\\
yasho mAnau vardhayanyAdavAnAM 
purAbhinachchhishupAla.n samIke . 
yasya sarve vardhayanti sma mAnaM 
karUSha rAjapramukhA narendrAH .. 26..\\
tamasahya.n keshavaM tatra matvA 
sugrIva yuktena rathena kR^iShNam . 
samprAdravaMshchedipati.n vihAya 
si.nha.n dR^iShTvA kShudramR^igA ivAnye .. 27..\\
yastaM pratIpastarasA pratyudIyAd 
Asha.nsamAno dvairathe vAsudevam . 
so.asheta kR^iShNena hataH parAsur 
vAtenevonmathitaH karNikAraH .. 28..\\
parAkramaM me yadavedayanta 
teShAmarthe sa~njaya keshavasya . 
anusmara.nstasya karmANi viShNor 
gAvalgaNe nAdhigachchhAmi shAntim .. 29..\\
na jAtu tA~nshatruranyaH saheta 
yeShA.n sa syAdagraNIrvR^iShNisi.nhaH . 
pravepate me hR^idayaM bhayena 
shrutvA kR^iShNAvekarathe sametau .. 30..\\
no chedgachchhetsa~NgaraM mandabuddhis 
tAbhyA.n suto me viparItachetAH . 
no chetkurUnsa~njaya nirdahetAm 
indrA viShNU daitya senA.n yathaiva . 
mato hi me shakrasamo dhana~njayaH 
sanAtano vR^iShNivIrashcha viShNuH .. 31..\\
dharmArAmo hrIniShedhastarasvI 
kuntIputraH pANDavo.ajAtashatruH . 
duryodhanena nikR^ito manasvI 
no chetkruddha pradaheddhArtarAShTrAn .. 32..\\
nAha.n tathA hyarjunAdvAsudevAd 
bhImAdvApi pradaheddhArtarAShTrAn . 
yathA rAGYaH krodhadIptasya sUta 
manyorahaM bhItataraH sadaiva .. 33..\\
ala.n tapo brahmacharyeNa yuktaH 
sa~Nkalpo.ayaM mAnasastasya sidhyet . 
tasya krodha.n sa~njayAhaM simIke 
sthAne jAnabhR^ishamasmyadya bhItaH .. 34..\\
sa gachchha shIghraM prahito rathena 
pA~nchAlarAjasya chamUM paretya . 
ajAtashatru.n kushala.n sma pR^ichchheH 
punaH punaH prItiyukta.n vadestvam .. 35..\\
janArdana.n chApi sametya tAta 
mahAmAtra.n vIryavatAmudAram . 
anAmayaM madvachanena pR^ichchher 
dhR^itarAShTraH pANDavaiH shAntimIpsuH .. 36..\\
na tasya ki.n chidvachanaM na kuryAt 
kuntIputro vAsudevasya sUta . 
priyashchaiShAmAtmasamashcha kR^iShNo 
vidvAMshchaiShA.n karmaNi nityayuktaH .. 37..\\
samAnIya pANavAnsR^i~njayAMsh cha 
janArdana.n yuyudhAnaM virATam . 
anAmayaM madvachanena pR^ichchheH 
sarvA.nstathA draupadeyAMshcha pa~ncha .. 38..\\
yadyattatra prAptakAlaM parebhyas 
tvaM manyethA bhAratAnA.n hita.n cha . 
tattadbhAShethAH sa~njaya rAjamadhye 
na mUrchhayedyanna bhavechcha yuddham .. 39..\\
\medskip\hrule\medskip\centerline{\Largedvng 23}
 v

rAGYastu vachana.n shrutvA dhR^itarAShTrasya sa~njayaH . 
upaplavya.n yayau draShTuM pANDavAnamitaujasaH .. 1..\\
sa tu rAjAnamAsAdya dharmAtmAna.n yudhiShThiram . 
praNipatya tataH pUrva.n sUtaputro.abhyabhAShata .. 2..\\
gAvalgaNiH sa~njaya sUta sUnur 
ajAtashatrumavadatpratItaH . 
diShTyA rAja.nstvAmarogaM prapashye 
sahAyavanta.n cha mahendrakalpam .. 3..\\
anAmayaM pR^ichchhati tvAmbikeyo 
vR^iddho rAjA dhR^itarAShTro manIShI . 
kachchidbhImaH kushalI pANDavAgryo 
dhana~njayastau cha mAdrI tanUjau .. 4..\\
kachchitkR^iShNA draupadI rAjaputrI 
satyavratA vIra patnI saputrA . 
manasvinI yatra cha vA~nchhasi tvam 
iShTAnkAmAnbhArata svasti kAmaH .. 5..\\
gAvalgaNe sa~njaya svAgata.n te 
prItAtmAha.n tvAbhivadAmi sUta . 
anAmayaM pratijAne tavAhaM 
sahAnujaiH kushalI chAsmi vidvan .. 6..\\
chirAdida.n kushalaM bharatasya 
shrutvA rAGYaH kuruvR^iddhasya sUta . 
manye sAkShAddR^iShTamahaM narendraM 
dR^iShTvaiva tvA.n sa~njaya prItiyogAt .. 7..\\
pitAmaho naH sthaviro manasvI 
mahApraGYaH sarvadharmopapannaH . 
sa kauravyaH kushalI tAta bhIShmo 
yathApUrva.n vR^ittirapyasya kachchit .. 8..\\
kachchidrAjA dhR^itarAShTraH saputro 
vaichitra vIryaH kushalI mahAtmA . 
mahArAjo bAhlikaH prAtipeyaH 
kachchidvidvAnkushalI sUtaputra .. 9..\\
sa somadattaH kushalI tAta kachchid 
bhUrishravAH satyasandhaH shalash cha . 
droNaH saputrashcha kR^ipash cha vipro 
maheShvAsAH kachchidete.apyarogAH .. 10..\\
mahAprAGYAH sarvashAstrAvadAtA 
dhanurbhR^itAM mukhyatamAH pR^ithivyAm . 
kachchinmAna.n tAta labhanta ete 
dhanurbhR^itaH kachchidete.apyarogAH .. 11..\\
sarve kurubhyaH spR^ihayanti sa~njaya 
dhanurdharA ye pR^ithivyA.n yuvAnaH . 
yeShA.n rAShTre nivasati darshanIyo 
maheShvAsaH shIlavAndroNaputraH .. 12..\\
vaishyAputraH kushalI tAta kachchin 
mahAprAGYo rAjaputro yuyutsuH . 
karNo.amAtyaH kushalI tAta kachchit 
suyodhano yasya mando vidheyaH .. 13..\\
striyo vR^iddhA bhAratAnA.n jananyo 
mahAnasyo dAsabhAryAshcha sUta . 
vadhvaH putrA bhAgineyA bhaginyo 
dauhitrA vA kachchidapyavyalIkAH .. 14..\\
kachchidrAjA bAhmaNAnA.n yathAvat 
pravartate pUrvavattAta vR^ittim . 
kachchiddAyAnmAmakAndhArtarAShTro 
dvijAtInA.n sa~njaya nopahanti .. 15..\\
kachchidrAjA dhR^itarAShTraH saputra 
upekShate brAhmaNAtikramAnvai . 
kachchinna hetoriva vartma bhUta 
upekShate teShu sa nyUna vR^ittim .. 16..\\
etajjyotiruttama.n jIvaloke 
shuklaM prajAnA.n vihitaM vidhAtrA . 
te chellobhaM na niyachchhanti mandAH 
kR^itsno nAsho bhavitA kauravANAm .. 17..\\
kachchidrAjA dhR^itarAShTraH saputro 
bubhUShate vR^ittimamAtyavarge . 
kachchinna bhedena jijIviShanti 
suhR^idrUpA durhR^idashchaikamitrAH .. 18..\\
kachchinna pApa.n kathayanti tAta 
te pANDavAnA.n kuravaH sarva eva . 
kachchiddR^iShTvA dasyu sa~NghAnsametAn 
smaranti pArthasya yudhAM praNetuH .. 19..\\
maurvI bhujAgra prahitAnsma tAta 
dodhUyamAnena dhanurdhareNa . 
gANDIvamuktAnstanayitnughoShAn 
ajihmagAnkachchidanusmaranti .. 20..\\
na hyapashya.n kaM chidahaM pR^ithivyAM 
shruta.n samaM vAdhikamarjunena . 
yasyaika ShaShTirnishitAstIkShNadhArAH 
suvAsasaH saMmato hastavApaH .. 21..\\
gadApANirbhImasenastarasvI 
pravepaya~nshatrusa~NghAnanIke . 
nAgaH prabhinna iva naDvalAsu 
cha~Nkramyate kachchidena.n smaranti .. 22..\\
mAdrIputraH sahadevaH kali~NgAn 
samAgatAnajayaddantakUre . 
vAmenAsyandakShiNenaiva yo vai 
mahAbala.n kachchidena.n smaranti .. 23..\\
udyannayaM nakulaH preShito vai 
gAvalgaNe sa~njaya pashyataste . 
dishaM pratIchI.n vashamAnayanme 
mAdrI suta.n kachchidena.n smaranti .. 24..\\
abhyAbhavo dvaitavane ya AsId 
durmantrite ghoShayAtrA gatAnAm . 
yatra mandA~nshatruvashaM prayAtAn 
amochayadbhImaseno jayash cha .. 25..\\
ahaM pashchAdarjunamabhyarakShaM 
mAdrIputrau bhImasenash cha chakre . 
gANDIvabhR^ichchhatrusa~NghAnudasya 
svastyAgamatkachchidena.n smaranti .. 26..\\
na karmaNA sAdhunaikena nUnaM 
kartu.n shakyaM bhavatIha sa~njaya . 
sarvAtmanA parijetu.n vaya.n chen 
na shaknumo dhR^itarAShTrasya putram .. 27..\\
\medskip\hrule\medskip\centerline{\Largedvng 24}
 samjaya

yathArhase pANDava tattathaiva 
kurUnkurushreShTha jana.n cha pR^ichchhasi . 
anAmayAstAta manasvinaste 
kurushreShThAnpR^ichchhasi pArtha yA.nstvam .. 1..\\
santyeva vR^iddhAH sAdhavo dhArtarAShTre 
santyeva pApAH pANDava tasya viddhi . 
dadyAdriposhchApi hi dhArtarAShTraH 
kuto dAyA.NllopayedbrAhmaNAnAm .. 2..\\
yadyuShmAka.n vartate.asau na dharmyam 
adrugdheShu drugdhavattanna sAdhu . 
mitra dhruksyAddhR^itarAShTraH saputro 
yuShmAndviShansAdhu vR^itAnasAdhuH .. 3..\\
na chAnujAnAti bhR^isha.n cha tapyate 
shochatyantaH sthaviro.ajAtashatro . 
shR^iNoti hi brAhmaNAnA.n sametya 
mitradrohaH pAtakebhyo garIyAn .. 4..\\
smaranti tubhyaM naradeva.n sa~Ngame 
yuddhe cha jiShNoshcha yudhAM praNetuH . 
samutkR^iShTe dundubhisha~Nkhashabde 
gadApANiM bhImasena.n smaranti .. 5..\\
mAdrI sutau chApi raNAjimadhye 
sarvA dishaH sampatantau smaranti . 
senA.n varShantau sharavarShairajasraM 
mahArathau samare duShprakampyau .. 6..\\
na tveva manye puruShasya rAjann 
anAgata.n GYAyate yadbhaviShyam . 
tva.n chedima.n sarvadharmopapannaH 
prAptaH kleshaM pANDava kR^ichchhrarUpam .. 7..\\
tvamevaitatsarvamatashcha bhUyaH 
samIkuryAH praGYayAjAta shatro . 
na kAmArtha.n santyajeyurhi dharmaM 
pANDoH sutAH sarva evendra kalpAH .. 8..\\
tvamevaitatpraGYayAjAta shatro 
shama.n kuryA yena sharmApnuyuste . 
dhArtarAShTrAH pANDavAH sR^i~njayAsh cha 
ye chApyanye pArthivAH saMniviShTAH .. 9..\\
yanmAbravIddhR^itarAShTro nishAyAm 
ajAtashatro vachanaM pitA te . 
sahAmAtyaH saha putrashcha rAjan 
sametya tA.n vAchamimAM nibodha .. 10..\\
\medskip\hrule\medskip\centerline{\Largedvng 25}
 y

samAgatAH pANDavAH sR^i~njayAsh cha 
janArdano yuyudhAno virATaH . 
yatte vAkya.n dhR^itarAShTrAnushiShTaM 
gAvalgaNe brUhi tatsUtaputra .. 1..\\
ajata shatru.n cha vR^ikodaraM cha 
dhana~njayaM mAdravatIsutau cha . 
Amantraye vAsudeva.n cha shauriM 
yuyudhAna.n chekitAna.n virATam .. 2..\\
pA~nchAlAnAmadhipa.n chaiva vR^iddhaM 
dhR^iShTadyumnaM pArShata.n yAGYasenim . 
sarve vAcha.n shR^iNutemAM madIyAM 
vakShyAmi yAM bhUtimichchhankurUNAm .. 3..\\
shama.n rAjA dhR^itarAShTro.abhinandann 
ayojayattvaramANo rathaM me . 
sa bhrAtR^iputra svajanasya rAGYas 
tadrochatAM pANDavAnA.n shamo.astu .. 4..\\
sarvairdharmaiH samupetAH stha pArthAH 
prasthAnena mArdavenArjavena . 
jAtAH kule anR^isha.nsA vadAnyA 
hrIniShedhAH karmaNAM nishchayaGYAH .. 5..\\
na yujyate karma yuShmasu hInaM 
sattva.n hi vastAdR^ishaM bhImasenAH . 
udbhAsate hya~njana binduvattach 
chhukle vastre yadbhavetkilbiSha.n vaH .. 6..\\
sarvakShayo dR^ishyate yatra kR^itsnaH 
pApodayo nirayo.abhAva sa.nsthaH . 
kastatkuryAjjatu karma prajAnan 
parAjayo yatra samo jayash cha .. 7..\\
te vai dhanya yaiH kR^ita.n GYAtikAryaM 
ye vaH putrAH suhR^ido bAndhavAsh cha . 
upakruShTa.n jIvita.n santyajeyus 
tataH kurUNAM niyato vai bhavaH syAt .. 8..\\
te chetkurUnanushAsya stha pArthA 
ninIya sarvAndviShato nigR^ihya . 
sama.n vastajjIvitaM mR^ityunA syAd 
yajjIvadhva.n GYAtivadhe na sAdhu .. 9..\\
ko hyeva yusmAnsaha keshavena 
sa chekitAnAnpArShata bAhuguptAn . 
sa sAtyakInviShaheta prajetuM 
labdhvApi devAnsachivAnsahendrAn .. 10..\\
ko vA kurUndroNa bhIShmAbhiguptAn 
ashvatthAmnA shalya kR^ipAdibhish cha . 
raNe prasoDhu.n viShaheta rAjan 
rAdheya guptAnsaha bhUmipAlaiH .. 11..\\
mahadbala.n dhArtarAShTrasya rAGYaH 
ko vai shakto hantumakShIyamANaH . 
so.aha.n jaye chaiva parAjaye cha 
niHshreyasaM nAdhigachchhAmi ki.n chit .. 12..\\
katha.n hi nIchA iva dauShkuleyA 
nirdharmArtha.n karma kuryushcha pArthAH . 
so.ahaM prasAdya praNato vAsudevaM 
pA~nchAlAnAmadhipa.n chaiva vR^iddham .. 13..\\
kR^itA~njaliH sharaNa.n vaH prapadye 
katha.n svasti styAtkurusR^i~njayAnAm . 
na hyeva te vachana.n vAsudevo 
dhana~njayo vA jAtu ki.n chinna kuryAt .. 14..\\
prANAnAdau yAchyamAnaH kuto.anyad 
etadvidvansAdhanArthaM bravImi . 
etadrAGYo bhIShma purogamasya 
mata.n yadvaH shAntirihottamA syAt .. 15..\\
\medskip\hrule\medskip\centerline{\Largedvng 26}
 y

kAM nu vAcha.n sa~njaya me shR^iNoShi 
yuddhaiShiNI.n yena yuddhAdbibheShi . 
ayuddha.n vai tAta yuddhAdgarIyaH 
kastallabdhvA jAtu yudhyeta sUta .. 1..\\
akurvatashchetpuruShasya sa~njaya 
sidhyetsa~Nkalpo manasA ya.n yamichchhet . 
na karma kuryAdviditaM mamaitad 
anyatra yuddhAdbahu yallaghIyaH .. 2..\\
kuto yuddha.n jAtu naraH prajAnan 
ko daivashapto.abhivR^iNIta yuddham . 
sukhaiShiNaH karma kurvanti pArthA 
dharmAdahIna.n yachcha lokasya pathyam .. 3..\\
karmodaya.n sukhamAsha.nsamAnaH 
kR^ichchhropAya.n tattvataH karma duHkham . 
sukhaprepsurvijighA.nsushcha duHkhaM 
yendriyANAM prItivashAnugAmI . 
kAmAbhidhyA svasharIra.n dunoti 
yayA prayukto.anukaroti duHkham .. 4..\\
yathedhyamAnasya samiddha tejaso 
bhUyo bala.n vardhate pAvakasya . 
kAmArthalAbhena tathaiva bhUyo 
na tR^ipyate sarviShevAgniriddhaH . 
sampashyemaM bhogachayaM mahAntaM 
sahAsmAbhirdhR^itarAShTrasya rAGYaH .. 5..\\
nAshreyasAmIshvaro vigrahANAM 
nAshreyasA.n gItashabda.n shR^iNoti . 
nAshreyasaH sevate mAlyagandhAn 
na chApyashreyA.nsyanulepanAni .. 6..\\
nAshreyasaH prAvarAnadhyavaste 
katha.n tvasmAnsampraNudetkurubhyaH . 
atraiva cha syAdavadhUya eSha 
kAmaH sharIre hR^idaya.n dunoti .. 7..\\
svaya.n rAjA viShamasthaH pareShu 
sAmasthyamanvichchhati tanna sAdhu . 
yathAtmanaH pashyati vR^ittameva 
tathA pareShAm api so.abhyupaiti .. 8..\\
Asannamagni.n tu nidAghakAle 
gambhIrakakShe gahane visR^ijya . 
yathA vR^iddha.n vAyuvashena shochet 
kShemaM mumukShuH shishira vyapAye .. 9..\\
prAptaishvaryo dhR^itarAShTro.adya rAjA 
lAlapyate sa~njaya kasya hetoH . 
pragR^ihya durbuddhimanArjave rataM 
putraM mandaM mUDhamamantriNa.n tu .. 10..\\
anAptaH sannAptatamasya vAchaM 
suyodhano vidurasyAvamanya . 
sutasya rAjA dhR^itarAShTraH priyaiShI 
sambudhyamAno vishate.adharmameva .. 11..\\
medhAvina.n hyarthakAma.n kurUNAM 
bahushruta.n vAgminaM shIlavantam . 
sUta rAjA dhR^itarAShTraH kurubhyo 
na so.asmaradviduraM putrakAmyAt .. 12..\\
mAnaghnasya AtmakAmasya cherShyoH 
sa.nrambhiNashchArthadharmAtigasya . 
durbhAShiNo manyuvashAnugasya 
kAmAtmano durhR^ido bhAvanasya .. 13..\\
aneyasyAshreyaso dIrghamanyor 
mitra druhaH sa~njaya pApabuddheH . 
sutasya rAjA dhR^itarAShTraH priyaiShI 
prapashyamAnaH prajahAddharmakAmau .. 14..\\
tadaiva me sa~njaya dIvyato.abhUn 
no chetkurUnAgataH syAdabhAvaH . 
kAvyA.n vAchaM virudo bhAShamANo 
na vindate dhR^itarAShTrAtprasha.nsAm .. 15..\\
kShatturyadA anvavartanta buddhiM 
kR^ichchhra.n kurUnna tadAbhyAjagAma . 
yAvatpraGYAm anvavartanta tasya 
tAvatteShA.n rAShTravR^iddhirbabhUva .. 16..\\
tadarthalubdhasya nibodha me.adya 
ye mantriNo dhArtarAShTrasya sUta . 
duHshAsanaH shakuniH sUtaputro 
gAvalgaNe pashya saMmohamasya .. 17..\\
so.ahaM na pashyAmi parIkShamANaH 
katha.n svasti syAtkurusR^i~njayAnAm . 
Attaishvaryo dhR^itarAShTraH parebhyaH 
pravrAjite vidure dIrghadR^iShTau .. 18..\\
Asha.nsate vai dhR^itarAShTraH saputro 
mahArAjyamasapatnaM pR^ithivyAm . 
tasmi~nshamaH kevalaM nopalabhyo 
atyAsannaM madgataM manyate.artham .. 19..\\
yattatkarNo manyate pAraNIyaM 
yuddhe gR^ihItAyudhamarjunena . 
AsaMshcha yuddhAni purA mahAnti 
katha.n karNo nAbhavaddvIpa eShAm .. 20..\\
karNashcha jAnAti suyodhanash cha 
droNashcha jAnAti pitAmahash cha . 
anye cha ye kuravastatra santi 
yathArjunAnnAstyaparo dhanurdharaH .. 21..\\
jAnantyete kuravaH sarva eva 
ye chApyanye bhUmipAlAH sametAH . 
duryodhana.n chAparAdhe charantam 
arindame phalgune.avidyamAne .. 22..\\
tenArtha baddhaM manyate dhArtarAShTraH 
shakya.n hartuM pANDavAnAM mamatvam . 
kirITinA tAlamAtrAyudhena 
tadvedinA sa.nyuga.n tatra gatvA .. 23..\\
gANDIvavisphArita shabdamAjAv 
ashR^iNvAnA ghArtarAShTrA dhriyante . 
kruddhasya chedbhImasenasya vegAt 
suyodhano manyate siddhamartham .. 24..\\
indro.apyetannotsahettAta hartum 
aishvaryaM no jIvati bhImasene . 
dhana~njaye nakule chaiva sUta 
tathA vIre sahadeve madIye .. 25..\\
sa chedetAM pratipadyeta buddhiM 
vR^iddho rAjA saha putreNa sUta . 
eva.n raNe pANDava kopadagdhA 
na nashyeyuH sa~njaya dhArtarAShTrAH .. 26..\\
jAnAsi tva.n kleshamasmAsu vR^ittaM 
tvAM pUjayansa~njayAha.n kShameyam . 
yachchAsmAka.n kauravairbhUtapUrvaM 
yA no vR^ittirdhArtarAShTre tadAsIt .. 27..\\
adyApi tattatra tathaiva vartatAM 
shAnti.n gamiShyAmi yathA tvamAttha . 
indraprasthe bhavatu mamaiva rAjyaM 
suyodhano yachchhatu bhAratAgryaH .. 28..\\
\medskip\hrule\medskip\centerline{\Largedvng 27}
 s

dharme nityA pANDava te vicheShTA 
loke shrutA dR^ishyate chApi pArtha . 
mahAsrAva.n jIvitaM chApyanityaM 
sampashya tvaM pANDava mA vinInashaH .. 1..\\
na chedbhAga.n kuravo.anyatra yuddhAt 
prayachchhante tubhyamajAtashatro . 
bhaikSha charyAmandhakavR^iShNirAjye 
shreyo manye na tu yuddhena rAjyam .. 2..\\
alpakAla.n jIvita.n yanmanuShye 
mahAsrAvaM nityaduHkha.n chalaM cha . 
bhUyashcha tadvayaso nAnurUpaM 
tasmAtpApaM pANDava mA prasArShIH .. 3..\\
kAmA manuShyaM prasajanta eva 
dharmasya ye vidhna mUlaM narendra . 
pUrvaM narastAndhR^itimAnvinighna.Nl 
loke prasha.nsA.n labhate.anavadyAm .. 4..\\
nibandhanI hyarthatR^iShNeha pArtha 
tAmeShato bAdhyate dharma eva . 
dharma.n tu yaH pravR^iNIte sa buddhaH 
kAme gR^iddho hIyate.arthAnurodhAt .. 5..\\
dharma.n kR^itvA karmaNAM tAta mukhyaM 
mahApratApaH saviteva bhAti . 
hAnena dharmasya mahImapImAM 
labdhvA naraH sIdati pApabuddhiH .. 6..\\
vedo.adhItashcharitaM brahmacharyaM 
yaGYairiShTaM brAhmaNebhyash cha dattam . 
para.n sthAnaM manyamAnena bhUya 
AtmA datto varShapUga.n sukhebhyaH .. 7..\\
sukhapriye sevamAno.ativelaM 
yogAbhyAse yo na karoti karma . 
vittakShaye hInasukho.ativelaM 
duHkha.n shete kAmavegapraNunnaH .. 8..\\
evaM punararthacharyA prasakto 
hitvA dharma.n yaH prakarotyadharmam . 
ashraddadhatparalokAya mUDho 
hitvA deha.n tapyate pretya mandaH .. 9..\\
na karmaNA.n vipraNAsho.asyamutra 
puNyAnA.n vApyatha vA pApakAnAm . 
pUrva.n karturgachchhati puNyapApaM 
pashchAttvetadanuyAtyeva kartA .. 10..\\
nyAyopetaM brAhmaNebhyo yadannaM 
shraddhA pUta.n gandharasopapannam . 
anvAhAryeShUttama dakShiNeShu 
tathArUpa.n karma vikhyAyate te .. 11..\\
iha kShetre kriyate pArtha kAryaM 
na vai ki.n chidvidyate pretya kAryam . 
kR^ita.n tvayA pAralokyaM cha kAryaM 
puNyaM mahatsadbhiranuprashastam .. 12..\\
jahAti mR^ityu.n cha jarAM bhayaM cha 
na kShutpipAse manasashchApriyANi . 
na kartavya.n vidyate tatra ki.n chid 
anyatra vA indriyaprINanArthAt .. 13..\\
eva.nrUpa.n karmaphalaM narendra 
mAtrAvatA hR^idayasya priyeNa . 
sakrodhajaM pANDava harShaja.n cha 
lokAvubhau mA prahAsIshchirAya .. 14..\\
anta.n gatvA karmaNA.n yA prasha.nsA 
satya.n damashchArjavamAnR^isha.nsyam . 
ashvamedho rAjasUyastatheShTaH 
pApasyAnta.n karmaNo mA punargAH .. 15..\\
tachchedeva.n desharUpeNa pArthAH 
kariShyadhva.n karma pApaM chirAya . 
nivasadhva.n varShapUgAnvaneShu 
duHkha.n vAsaM pANDavA dharmahetoH .. 16..\\
apravrajye yojayitvA purastAd 
AtmAdhIna.n yadbala.n te tadAsIt . 
nityaM pA~nchAlAH sachivAstaveme 
janArdano yuyudhAnashcha vIraH .. 17..\\
matsyo rAjA rukmarathaH saputraH 
prahAribhiH saha putrairvirATaH . 
rAjAnashcha ye vijitAH purastAt 
tvAmeva te saMshrayeyuH samastAH .. 18..\\
mahAsahAyaH pratapanbalasthaH 
puraskR^ito vAsudevArjunAbhyAm . 
varAnhaniShyandviShato ra~Ngamadhye 
vyaneShyathA dhArtarAShTrasya darpam .. 19..\\
bala.n kasmAdvarhayitvA parasya 
nijAnkasmAtkarshayitvA sahAyAn . 
niruShya kasmAdvarShapUgAnvaneShu 
yuyutsase pANDava hInakAlam .. 20..\\
apraGYo vA pANDava yudhyamAno 
adharmaGYo vA bhUtipathAdvyapaiti . 
praGYAvAnvA budhyamAno.api dharmaM 
sa.nrambhAdvA so.api bhUterapaiti .. 21..\\
nAdharme te dhIyate pArtha buddhir 
na sa.nrambhAtkarma chakartha pApam . 
addhA ki.n tatkAraNa.n yasya hetoH 
praGYA viruddha.n karma chikIrShasIdam .. 22..\\
avyAdhija.n kaTuka.n shIrSha rogaM 
yasho muShaM pApaphalodaya.n cha . 
satAM peya.n yanna pibantyasanto 
manyuM mahArAja piba prashAmya .. 23..\\
pApAnubandha.n ko nu taM kAmayeta 
kShamaiva te jyAyasI nota bhogAH . 
yatra bhIShmaH shAntanavo hataH syAd 
yatra droNaH saha putro hataH syAt .. 24..\\
kR^ipaH shalyaH saumadattirvikarNo 
viviMshatiH karNaduryodhanau cha . 
etAnhatvA kIdesha.n tatsukha.n syAd 
yadvindethAstadanubrUhi pArtha .. 25..\\
labdhvApImAM pR^ithivI.n sAgarAntAM 
jarAmR^ityU naiva hi tvaM prajahyAH . 
priyApriye sukhaduHkhe cha rAjann 
eva.n vidvAnnaiva yuddha.n kuruShva .. 26..\\
amAtyAnA.n yadi kAmasya hetor 
eva.n yukta.n karma chikIrShasi tvam . 
apAkrameH sampradAya svamebhyo 
mA gAstva.n vA deva yAnAtpatho.adya .. 27..\\
\medskip\hrule\medskip\centerline{\Largedvng 28}
 y

asaMshaya.n sa~njaya satyametad 
dharmo varaH karmaNA.n yattvamAttha . 
GYAtvA tu mA.n sa~njaya garhayestvaM 
yadi dharma.n yadyadharma.n charAmi .. 1..\\
yatrAdharmo dharmarUpANi bibhrad 
dharmaH kR^itsno dR^ishyate.adharmarUpaH . 
tathA dharmo dhArayandharmarUpaM 
vidvA.nsasta.n samprapashyanti buddhyA .. 2..\\
evametAvApadi li~Ngametad 
dharmAdharmau vR^itti nityau bhajetAm . 
Adya.n li~NgaM yasya tasya pramANam 
Apaddharma.n sa~njaya taM nibodha .. 3..\\
luptAyA.n tu prakR^itau yena karma 
niShpAdayettatparIpsedvihInaH . 
prakR^itisthashchApadi vartamAna 
ubhau garhyau bhavataH sa~njayaitau .. 4..\\
avilopamichchhatAM brAhmaNAnAM 
prAyashchitta.n vihitaM yadvidhAtrA . 
ApadyathAkarmasu vartamAnAn 
vikarmasthAnsa~njaya garhayeta .. 5..\\
manIShiNA.n tattvavichchhedanAya 
vidhIyate satsu vR^ittiH sadaiva . 
abrAhmaNAH santi tu ye na vaidyAH 
sarvochchheda.n sAdhu manyeta tebhyaH .. 6..\\
tadarthA naH pitaro ye cha pUrve 
pitAmahA ye cha tebhyaH pare.anye . 
praGYaiShiNo ya cha hi karma chakrur 
nAstyantato nAsti nAstIti manye .. 7..\\
yatki.n chidetadvittamasyAM pR^ithivyAM 
yaddevAnA.n tridashAnAM paratra . 
prAjApatya.n tridivaM brahmalokaM 
nAdharmataH sa~njaya kAmaye tat .. 8..\\
dharmeshvaraH kushalo nItimAMshchApy 
upAsitA brAhmaNAnAM manIShI . 
nAnAvidhAMshchaiva mahAbalAMsh cha 
rAjanya bhojanAnanushAsti kR^iShNaH .. 9..\\
yadi hyaha.n visR^ijansyAm agarhyo 
yudhyamAno yadi jahyA.n svadharmam . 
mahAyashAH keshavastadbravItu 
vAsudevastUbhayorarthakAmaH .. 10..\\
shaineyA hi chaitrakAshchAndhakAsh cha 
vArShNeya bhojAH kaukurAH sR^i~njayAsh cha . 
upAsInA vAsudevasya buddhiM 
nigR^ihya shatrUnsuhR^ido nandayanti .. 11..\\
vR^iShNyandhakA hyugrasenAdayo vai 
kR^iShNa praNItAH sarvaivendra kalpAH . 
manasvinaH satyaparAkramAsh cha 
mahAbalA yAdavA bhogavantaH .. 12..\\
kAshyo babhruH shriyamuttamA.n gato 
labdhvA kR^itNaM bhrAtaramIshitAram . 
yasmai kAmAnvarShati vAsudevo 
grIShmAtyaye megha iva prajAbhyaH .. 13..\\
IdR^isho.aya.n keshavastAta bhUyo 
vidmo hyena.n karmaNAM nishchayaGYam . 
priyashcha naH sAdhutamashcha kR^iShNo 
nAtikrame vachana.n keshavasya .. 14..\\
\medskip\hrule\medskip\centerline{\Largedvng 29}
 v

avinAsha.n sa~njaya pANDavAnAm 
ichchhAmyahaM bhUtimeShAM priya.n cha . 
tathA rAGYo dhR^itarAShTrasya sUta 
sadAsha.nse bahuputrasya vR^iddhim .. 1..\\
kAmo hi me sa~njaya nityameva 
nAnyadbrUyA.n tAnprati shAmyateti . 
rAGYashcha hi priyametachchhR^iNomi 
manye chaitatpANDavAnA.n samartham .. 2..\\
suduShkarashchAtra shamo hi nUnaM 
pradarshitaH sa~njaya pANDavena . 
yasmingR^iddho dhR^itarAShTraH saputraH 
kasmAdeShA.n kalaho nAtra mUrchchhet .. 3..\\
tattva.n dharma.n vicharansa~njayeha 
mattashcha jAnAsi yudhiShThirAchcha . 
atho kasmAtsa~njaya pANDavasya 
utsAhinaH pUrayataH svakarma . 
yathAkhyAtamAvasataH kuTumbaM 
purAkalpAtsAdhu vilopamAttha .. 4..\\
asminvidhau vartamAne yathAvad 
uchchAvachA matayo brAhmaNAnAm . 
karmaNAhuH siddimeke paratra 
hitvA karma vidyayA siddhimeke . 
nAbhu~njAno bhakShyabhojyasya tR^ipyed 
vidvAnapIha viditaM brAhmaNAnAm .. 5..\\
yA vai vidyAH sAdhayantIha karma 
tAsAM phala.n vidyate netarAsAm . 
tatreha vai dR^iShTaphala.n tu karma 
pItvodaka.n shAmyati tR^iShNayArtaH .. 6..\\
so.aya.n vidhirvihitaH karmaNaiva 
tadvartate sa~njaya tatra karma . 
tatra yo.anyatkarmaNaH sAdhu manyen 
mogha.n tasya lapitaM durbalasya .. 7..\\
karmaNAmI bhAnti devAH paratra 
karmaNaiveha plavate mAtarishvA . 
ahorAtre vidadhatkarmaNaiva 
atandrito nityamudeti sUryaH .. 8..\\
mAsArdha mAdAnatha nakShatrayogAn 
atandritashchandramA abhyupaiti . 
atandrito dahate jAtavedAH 
samidhyamAnaH karma kurvanprajAbhyaH .. 9..\\
atandritA bhAramimaM mahAntaM 
bibharti devI pR^ithivI balena . 
atandritAH shIghramapo vahanti 
santarpayantyaH sarvabhUtAni nadyaH .. 10..\\
atandrito varShati bhUri tejAH 
saMnAdayannantarikSha.n divaM cha . 
atandrito brahmacharya.n chachAra 
shreShThatvamichchhanbalabhiddevatAnAm .. 11..\\
hitvA sukhaM manasashcha priyANi 
tena shakraH karmaNA shraiShThyamApa . 
satya.n dharmapAlayannapramatto 
dama.n titikShA.n samatAM priyaM cha . 
etAni sarvANyupasevamAno 
devarAjyaM maghavAnprApa mukhyam .. 12..\\
bR^ihaspatirbrahmacharya.n chachAra 
samAhitaH saMshitAtmA yathAvat . 
hitvA sukhaM pratirudhyendriyANi 
tena devAnAmagamadgaurava.n saH .. 13..\\
nakShatrANi karmaNAmutra bhAnti 
rudrAdityA vasavo.athApi vishve . 
yamo rAjA vaishravaNaH kubero 
gandharvayakShApsarasashcha shubhrAH . 
brahmacharya.n vedavidyAH kriyAsh cha 
niShevamANA munayo.amutra bhAnti .. 14..\\
jAnannima.n sarvalokasya dharmaM 
brAhmaNAnA.n kShatriyANA.n vishAM cha . 
sa kasmAttva.n jAnatA.n GYAnavAnsan 
vyAyachchhase sa~njaya kauravArthe .. 15..\\
AmnAyeShu nityasa.nyogamasya 
tathAshvamedhe rAjasUye cha viddhi . 
sampUjyate dhanuShA varmaNA cha 
hastatrANai rathashastraishcha bhUyaH .. 16..\\
te chedime kauravANAmupAyam 
adhigachchheyuravadhenaiva pArthAH . 
dharmatrANaM puNyameShA.n kR^ita.n syAd 
Arye vR^itre bhImasenaM nigR^ihya .. 17..\\
te chetpitrye karmaNi vartamAnA 
ApadyerandiShTa vashena mR^ityum . 
yathAshaktyA pUrayantaH svakarma 
tadapyeShAM nidhana.n syAtprashastam .. 18..\\
utAho tvaM manyase sarvameva 
rAGYA.n yuddhe vartate dharmatantram . 
ayuddhe vA vartate dharmatantraM 
tathaiva te vAchamimA.n shR^iNomi .. 19..\\
chAturvarNyasya prathama.n vibhAgam 
avekShya tva.n sa~njaya sva.n cha karma . 
nishamyAtho pANDavAnA.n svakarma 
prasha.nsa vA ninda vA yA matiste .. 20..\\
adhIyIta brAhmaNo.atho yajeta 
dadyAdiyAttIrthamukhyAni chaiva . 
adhyApayedyAjayechchApi yAjyAn 
pratigrahAnvA viditAnpratIchchhet .. 21..\\
tathA rAjanyo rakShaNa.n vai prajAnAM 
kR^itvA dharmeNApramatto.atha dattvA . 
yaGYairiShTvA sarvavedAnadhItya 
dArAnkR^itvA puNyakR^idAvasedgR^ihAn .. 22..\\
vaishyo.adhItya kR^iShigorakSha puNyair 
vitta.n chinvanpAlayannapramattaH . 
priya.n kurvanbrAhmaNakShatriyANAM 
dharmashIlaH puNyakR^idAvasedgR^ihAn .. 23..\\
paricharyA vandanaM brAhmaNAnAM 
nAdhIyIta pratiShiddho.asya yaGYaH . 
nityotthito bhUtaye.atandritaH syAd 
eSha smR^itaH shUdra dharmaH purANaH .. 24..\\
etAnrAjA pAlayannapramatto 
niyojayansarvavarNAnsvadharme . 
akAmAtmA samavR^ittiH prajAsu 
nAdhArmikAnanurudhyeta kAmAn .. 25..\\
shreyA.nstasmAdyadi vidyeta kash chid 
abhiGYAtaH sarvadharmopapannaH . 
sa ta.n duShTamanushiShyAtprajAnan 
na chedgR^idhyediti tasminna sAdhu .. 26..\\
yadA gR^idhyetparabhUmiM nR^isha.nso 
vidhiprakopAdbalamAdadAnaH . 
ato rAGYAM bhavitA yuddhametat 
tatra jAta.n varma shastra.n dhanush cha . 
indreNeda.n dasyuvadhAya karma 
utpAdita.n varma shastra.n dhanush cha .. 27..\\
steno haredyatra dhana.n hyadR^iShTaH 
prasahya vA yatra hareta dR^iShTaH . 
ubhau garhyau bhavataH sa~njayaitau 
ki.n vai pR^ithaktva.n dhR^itarAShTrasya putre . 
yo.aya.n lobhAnmanyate dharmametaM 
yamichchhate manuvashAnugAmI .. 28..\\
bhAgaH punaH pANDavAnAM niviShTas 
taM no.akasmAdAdadIranpare vai . 
asminpade yudyatAM no vadho.api 
shlaghyaH pitryaH pararAjyAdvishiShTaH . 
etAndharmAnkauravANAM purANAn 
AchakShIthAH sa~njaya rAjyamadhye .. 29..\\
ye te mandA mR^ityuvashAbhipannAH 
samAnItA dhArtarAShTreNa mUDhAH . 
idaM punaH karma pApIya eva 
sabhAmadhye pashya vR^itta.n kurUNAm .. 30..\\
priyAM bhAryA.n draupadIM pANDavAnAM 
yashasvinI.n shIlavR^ittopapannAm . 
yadupekShanta kuravo bhIShma mukhyAH 
kAmAnugenoparuddhA.n rudantIm .. 31..\\
ta.n chettadA te sa kumAra vR^iddhA 
avArayiShyankuravaH sametAH . 
mama priya.n dhR^itarAShTro.akariShyat 
putrANA.n cha kR^itamasyAbhaviShyat .. 32..\\
duHshAsanaH prAtilomyAnninAya 
sabhAmadhye shvashurANA.n cha kR^iShNAm . 
sA tatra nItA karuNAnyavochan 
nAnya.n kShatturnAthamadR^iShTakaM chit .. 33..\\
kArpaNyAdeva sahitAstatra rAGYo 
nAshaknuvanprativaktu.n sabhAyAm . 
ekaH kShattA dharmyamarthaM bruvANo 
dharmaM buddhvA pratyuvAchAlpa buddhim .. 34..\\
anuktvA tva.n dharmameva.n sabhAyAm 
athechchhase pANDavasyopadeShTum . 
kR^iShNA tvetatkarma chakAra shuddhaM 
suduShkara.n taddhi sabhA.n sametya . 
yena kR^ichchhrAtpANDavAnujjahAra 
tathAtmAnaM nauriva sAgaraughAt .. 35..\\
yatrAbravItsUtaputraH sabhAyAM 
kR^iShNA.n sthitAM shvashurANAM samIpe . 
na te gatirvidyate yAGYaseni 
prapadyedAnI.n dhArtarAShTrasya veshma . 
parAjitAste patayo na santi 
pati.n chAnyaM bhAmini tva.n vR^iNIShva .. 36..\\
yo bIbhatsorhR^idaye prauDha AsId 
asthi prachchhinmarmaghAtI sughoraH . 
karNAchchharo vAnmayastigmatejAH 
pratiShThito hR^idaye phalgunasya .. 37..\\
kR^iShNAjinAni paridhitsamAnAn 
duHshAsanaH kaTukAnyabhyabhAShat . 
ete sarve ShaNDhatilA vinaShTAH 
kShaya.n gatA narakaM dIrghakAlam .. 38..\\
gAndhArarAjaH shakunirnikR^ityA 
yadabravIddyUtakAle sa pArthAn . 
parAjito nakulaH ki.n tavAsti 
kR^iShNayA tva.n dIvya vai yAGYasenyA .. 39..\\
jAnAsi tva.n sa~njaya sarvametad 
dyUte.avAchya.n vAkyamevaM yathoktam . 
svaya.n tvahaM prArthaye tatra gantuM 
samAdhAtu.n kAryametadvipannam .. 40..\\
ahApayitvA yadi pANDavArthaM 
shama.n kurUNAm atha chechchareyam . 
puNya.n cha me syAchcharitaM mahodayaM 
muchyeraMshcha kuravo mR^ityupAshAt .. 41..\\
api vAchaM bhAShamANasya kAvyAM 
dharmArAmAmarthavatImahi.nsrAm . 
avekSherandhArtarAShTrAH samakShaM 
mA.n cha prAptaM kuravaH pUjayeyuH .. 42..\\
ato.anyathA rathinA phalgunena 
bhImena chaivAhava daMshitena . 
parAsiktAndhArtarAShTrA.nstu viddhi 
pradahyamAnAnkarmaNA svena mandAn .. 43..\\
parAjitAnpANDaveyA.nstu vAcho 
raudrarUpA bhAShate dhArtarAShTraH . 
gadAhasto bhImaseno.apramatto 
duryodhana.n smArayitvA hi kAle .. 44..\\
suyodhano manyumayo mahAdrumaH 
skandhaH karNaH shakunistasya shAkhAH . 
duHshAsanaH puShpaphale samR^iddhe 
mUla.n rAjA dhR^itarAShTro.amanIShI .. 45..\\
yudhiShThiro dharmamayo mahAdrumaH 
skandho.arjuno bhImaseno.asya shAkhAH . 
mAdrIputrau puShpaphale samR^iddhe 
mUla.n tvahaM brahma cha brAhmaNAsh cha .. 46..\\
vana.n rAjA dhR^itarAShTraH saputro 
vyAghrA vane sa~njaya pANDaveyAH . 
mA vana.n chhindhi sa vyAghraM mA vyAghrAnnInasho vanAt .. 47..\\
nirvano vadhyate vyAghro nirvyAghra.n chhidyate vanam . 
tasmAdvyAghro vana.n rakShedvanaM vyAghra.n cha pAlayet .. 48..\\
latA dharmA dhArtarAShTrAH shAlAH sa~njaya pANDavAH . 
na latA vardhate jAtu anAshritya mahAdrumam .. 49..\\
sthitAH shushrUShituM pArthAH sthitA yoddhumarindamAH . 
yatkR^itya.n dhR^itarAShTrasya tatkarotu narAdhipaH .. 50..\\
sthitAH shame mahAtmAnaH pANDavA dharmachAriNaH . 
yodhAH samR^iddhAstadvidvannAchakShIthA yathAtatham .. 51..\\
\medskip\hrule\medskip\centerline{\Largedvng 30}
 s

Amantraye tvA naradeva deva 
gachchhAmyahaM pANDava svasti te.astu . 
kachchinna vAchA vR^ijina.n hi ki.n chid 
uchchAritaM me manaso.abhiSha~NgAt .. 1..\\
janArdanaM bhImasenArjunau cha 
mAdrI sutau sAtyaki.n chekitAnam . 
Amantrya gachchhAmi shiva.n sukhaM vaH 
saumyena mAM pashyata chakShuShA nR^ipAH .. 2..\\
anuGYAtaH sa~njaya svasti gachchha 
na no.akArShIrapriya.n jAtu kiM chit . 
vidmashcha tvA te cha vaya.n cha sarve 
shuddhAtmAnaM madhyagata.n sabhastham .. 3..\\
Apto dUtaH sa~njaya supriyo.asi 
kalyANa vAkshIlavAndR^iShTimAMsh cha . 
na muhyestva.n sa~njaya jAtu matyA 
na cha krudhyeruchyamAno.api tathyam .. 4..\\
na marmagA.n jAtu vaktAsi rUkShAM 
nopastuti.n kaTukAM nota shuktAm . 
dharmArAmAmarthavatImahi.nsrAm 
etA.n vAcha.n tava jAnAmi sUta .. 5..\\
tvameva naH priyatamo.asi dUta 
ihAgachchhedviduro vA dvitIyaH . 
abhIkShNadR^iShTo.asi purA hi nastvaM 
dhana~njayasyAtma samaH sakhAsi .. 6..\\
ito gatvA sa~njaya kShiprameva 
upAtiShThethA brAhmaNAnye tadarhAH . 
vishuddhavIryAMshcharaNopapannAn 
kule jAtAnsarvadharmopapannAn .. 7..\\
svAdhyAyino brAhmaNA bhikShavash cha 
tapasvino ye cha nityA vaneShu . 
abhivAdyA vai madvachanena vR^iddhAs 
tathetareShA.n kushala.n vadethAH .. 8..\\
purohita.n dhR^itarAShTrasya rAGYa 
AchAryAshcha R^itvijo ye cha tasya . 
taishcha tva.n tAta sahitairyathArhaM 
sa~NgachchhethAH kushalenaiva sUta .. 9..\\
AchArya iShTo.anapago vidheyo 
vedAnIpsanbrahmacharya.n chachAra . 
yo.astra.n chatuShpAtpunareva chakre 
droNaH prasanno.abhivAdyo yathArham .. 10..\\
adhIta vidyashcharaNopapanno 
yo.astra.n chatuShpAtpunareva chakre . 
gandharvaputra pratima.n tarasvinaM 
tamashvatthAmAna.n kushala.n sma pR^ichchheH .. 11..\\
shAradvatasyAvasatha.n sma gatvA 
mahArathasyAstravidA.n varasya . 
tvaM mAmabhIkShNaM parikIrtayanvai 
kR^ipasya pAdau sa~njaya pANinA spR^isheH .. 12..\\
yasmi~nshauryamAnR^isha.nsya.n tapash cha 
praGYA shIla.n shrutisattve dhR^itish cha . 
pAdau gR^ihItvA kurusattamasya 
bhIShmasya mA.n tatra nivedayethAH .. 13..\\
praGYA chakShuryaH praNetA kurUNAM 
bahushruto vR^iddhasevI manIShI . 
tasmai rAGYe sthavirAyAbhivAdya 
AchakShIthAH sa~njaya mAm arogam .. 14..\\
jyeShThaH putroldhR^itarAShTrasya mando 
mUrkhaH shaThaH sa~njaya pApashIlaH . 
prashAstA vai pR^ithivI yena sarvA 
suyodhana.n kushalaM tAta pR^ichchheH .. 15..\\
bhrAtA kanIyAnapi tasya mandas 
tathAshIlaH sa~njaya so.api shashvat . 
maheShvAsaH shUratamaH kurUNAM 
duHshAsana.n kushalaM tAta pR^ichchheH .. 16..\\
vR^indAraka.n kavimartheShvamUDhaM 
mahApraGYa.n sarvadharmopapannam . 
na tasya yuddha.n rochate vai kadA chid 
vaishyAputra.n kushalaM tAta pR^ichchheH .. 17..\\
nikartane devane yo.advitIyash 
chhannopadhaH sAdhu devI matAkShaH . 
yo durjayo devitavyena sa~Nkhye 
sa chitrasenaH kushala.n tAta vAchyaH .. 18..\\
yasya kAmo vartate nityameva 
nAnyaH shamAdbhAratAnAm iti sma . 
sa bAhlIkAnAmR^iShabho manasvI 
purA yathA mAbhivadetprasannaH .. 19..\\
guNairanekaiH pravaraish cha yukto 
viGYAnavAnnaiva cha niShThuro yaH . 
snehAdamarSha.n sahate sadaiva 
sa somadattaH pUjanIyo mato me .. 20..\\
arhattamaH kuruShu saumadattiH 
sa no bhrAtA sa~njaya matsakhA cha . 
maheShvAso rathinAmuttamo yaH 
sahAmAtyaH kushala.n tasya pR^ichchheH .. 21..\\
ye chaivAnye kurumukhyA yuvAnaH 
putrAH pautrA bhrAtarashchaiva ye naH . 
ya.n yameShAM yena yenAbhigachchher 
anAmayaM madvachanena vAchyaH .. 22..\\
ye rAjAnaH pANDavAyodhanAya 
samAnItA dhArtarAShTreNa ke chit . 
vasAtayaH shAlvakAH kekayAsh cha 
tathAmbaShThA ye trigartAshcha mukhyAH .. 23..\\
prAchyodIchyA dAkShiNAtyAshcha shUrAs 
tathA pratIchyAH pArvatIyAsh cha sarve . 
anR^isha.nsAH shIlavR^ittopapannAs 
teShA.n sarveShA.n kushalaM tAta pR^ichchheH .. 24..\\
hastyArohA rathinaH sAdinash cha 
padAtayashchAryasa~NghA mahAntaH . 
AkhyAya mA.n kushalina.n sma teShAm 
anAmayaM paripR^ichchheH samagrAn .. 25..\\
tathA rAGYo hyarthayuktAnamAtyAn 
dauvArikAnye cha senAM nayanti . 
Ayavyaya.n ye gaNayanti yuktA 
arthAshcha ye mahatash chintayanti .. 26..\\
gAndhArarAjaH shakuniH pArvatIyo 
nikartane yo.advitIyo.akShadevI . 
mAna.n kurvandhArtarAShTrasya sUta 
mithyA buddheH kushala.n tAta pR^ichchheH .. 27..\\
yaH pANDavAneka rathena vIraH 
samutsahatyapradhR^iShyAnvijetum . 
yo muhyatAM mohayitAdvitIyo 
vaikartana.n kushalaM tAta pR^ichchheH .. 28..\\
sa eva bhaktaH sa guruH sa bhR^ityaH 
sa vai pitA sa cha mAtA suhR^ichcha . 
agAdha buddhirviduro dIrghadarshI 
sa no mantrI kushala.n tAta pR^ichchheH .. 29..\\
vR^iddhAH striyo yAshcha guNopapannA 
yA GYAyante sa~njaya mAtarastAH . 
tAbhiH sarvAbhiH sahitAbhiH sametya 
strIbhirvR^iddhAbhirabhivAda.n vadethAH .. 30..\\
kachchitputrA jIvaputrAH susamyag 
vartante vo vR^ittimanR^isha.nsa rUpAm . 
iti smoktvA sa~njaya brUhi pashchAd 
ajAtashatruH kushalI saputraH .. 31..\\
yA no bhAryAH sa~njaya vettha tatra 
tAsA.n sarvAsA.n kushalaM tAta pR^ichchheH . 
susa~NguptAH surabhayo.anavadyAH 
kachchidgR^ihAnAvasathApramattAH .. 32..\\
kachchidvR^itti.n shvashureShu bhadrAH 
kalyANI.n vartadhvamanR^isha.nsa rUpAm . 
yathA cha vaH syuH patayo.anukUlAs 
tathA vR^ittimAtmanaH sthApayadhvam .. 33..\\
yA naH snuShAH sa~njaya vettha tatra 
prAptA kulebhyashcha guNopapannAH . 
prajAvatyo brUhi sametya tAsh cha 
yudhiShThiro vo.abhyavadatprasannaH .. 34..\\
kanyAH svajethaH sadaneShu sa~njaya 
anAmayaM madvachanena pR^iShTvA . 
kalyANA vaH santu patayo.anukUlA 
yUyaM patInAM bhavatAnukUlAH .. 35..\\
ala~NkR^itA vastravatyaH sugandhA 
abIbhatsAH sukhitA bhogavatyaH . 
laghu yAsA.n darshana.n vAkcha ladhvI 
vesha striyaH kushala.n tAta pR^ichchheH .. 36..\\
dAsI putrA ye cha dAsAH kurUNAM 
tadAshrayA bahavaH kubja kha~njAH . 
AkhyAya mA.n kushalina.n sma tebhyo 
anAmayaM paripR^ichchherjaghanyam .. 37..\\
kachchidvR^ittirvartate vai purANI 
kachchidbhogAndhArtarAShTro dadAti . 
a~NgahInAnkR^ipaNAnvAmanAMsh cha 
AnR^isha.nsyAddhR^itarAShTro bibharti .. 38..\\
andhAshcha sarve sthavirAstathaiva 
hastAjIvA bahavo ye.atra santi . 
AkhyAya mA.n kushalina.n sma teShAm 
anAmayaM paripR^ichchherjaghanyam .. 39..\\
mA bhaiShTa duHkhena kujIvitena 
nUna.n kR^itaM paralokeShu pApam . 
nigR^ihya shatrUnsuhR^ido.anugR^ihya 
vAsobhirannena cha vo bhariShye .. 40..\\
santyeva me brAhmaNebhyaH kR^itAni 
bhAvInyatho no bata vartayanti . 
pashyAmyaha.n yuktarUpA.nstathaiva 
tAmeva siddhi.n shrAvayethA nR^ipa.n tam .. 41..\\
ye chAnAthA durbalAH sarvakAlam 
Atmanyeva prayatante.atha mUDhAH . 
tAMshchApi tva.n kR^ipaNAnsarvathaiva 
asmadvAkyAtkushala.n tAta pR^ichchheH .. 42..\\
ye chApyanye saMshritA dhArtarAShTrAn 
nAnAdigbhyo.abhyAgatAH sUtaputra . 
dR^iShTvA tAMshchaivArhatashchApi sarvAn 
sampR^ichchhethAH kushala.n chAvyayaM cha .. 43..\\
eva.n sarvAnAgatAbhyAgatAMsh cha 
rAGYo dUtAnsarvadigbhyo.abhyupetAn . 
pR^iShTvA sarvAnkushala.n tAMshcha sUta 
pashchAdaha.n kushalI teShu vAchyaH .. 44..\\
na hIdR^ishaH santyapare pR^ithivyAM 
ye yodhakA dhArtarAShTreNa labdhAH . 
dharmastu nityo mama dharma eva 
mahAbalaH shatrunibarhaNAya .. 45..\\
idaM punarvachana.n dhArtarAShTraM 
suyodhana.n sa~njaya shrAvayethAH . 
yaste sharIre hR^idaya.n dunoti 
kAmaH kurUnasapatno.anushiShyAm .. 46..\\
na vidyate yuktiretasya kA chin 
naiva.nvidhAH syAma yathA priya.n te . 
dadasva vA shakra puraM mamaiva 
yudhyasva vA bhAratamukhyavIra .. 47..\\
\medskip\hrule\medskip\centerline{\Largedvng 31}
 y

uta santamasanta.n cha bAla.n vR^iddhaM cha sa~njaya . 
utAbalaM balIyA.nsa.n dhAtA prakurute vashe .. 1..\\
uta bAlAya pANDityaM paNDitAyota bAlatAm . 
dadAti sarvamIshAnaH purastAchchhukramuchcharan .. 2..\\
ala.n viGYApanAya syAdAchakShIthA yathAtatham . 
atho mantraM mantrayitvA nayonyenAtihR^iShTavat .. 3..\\
gAvalgaNe kurUngatvA dhR^itarAShTraM mahAbalam . 
abhivAdyopasa~NgR^ihya tataH pR^ichchheranAmayam .. 4..\\
brUyAshchaina.n tvamAsInaM kurubhiH parivAritam . 
tavaiva rAjanvIryeNa sukha.n jIvanti pANDavAH .. 5..\\
tava prasAdAdbAlAste prAptA rAjyamarindama . 
rAjye tAnsthApayitvAgre nopekShIrvinashiShyataH .. 6..\\
sarvamapyetadekasya nAla.n sa~njaya kasya chit . 
tAta sa.nhatya jIvAmo mA dviShadbhyo vasha.n gamaH .. 7..\\
tathAbhIShma.n shAntanavaM bhAratAnAM pitAmaham . 
shirasAbhivadethAstvaM mama nAma prakIrtayan .. 8..\\
abhivAdya cha vaktavyastato.asmAkaM pitAmaha . 
bhavatA shantanorvaMsho nimagnaH punaruddhR^itaH .. 9..\\
sa tva.n kuru tathA tAta svamatena pitAmaha . 
yathA jIvanti te pautrAH prItimantaH parasparam .. 10..\\
tathaiva viduraM brUyAH kurUNAmmantradhAriNam . 
ayuddha.n saumya bhAShasva hitakAmo yudhiShThiraH .. 11..\\
atho suyodhanaM brUyA rAjaputramamarShaNam . 
madhye kurUNAmAsInamanunIya punaH punaH .. 12..\\
apashyanmAmupekShanta.n kR^iShNAmekA.n sabhA gatAm . 
tadduHkhamatitikShAma mA vadhIShma kurUniti .. 13..\\
evaM pUrvAparAnkleshAnatitikShanta pANDavAH . 
yathAbalIyasaH santastatsarva.n kuravo viduH .. 14..\\
yannaH prAvrAjayaH saumya ajinaiH prativAsitAn . 
tadduHkhamatitikShAma mA vadhIShma kurUniti .. 15..\\
yattatsabhAyAmAkramya kR^iShNA.n kesheShvadharShayat . 
duHshAsanaste.anumate tachchAsmAbhirupekShitam .. 16..\\
yathochita.n svakaM bhAgaM labhemahi parantapa . 
nivartaya paradravye buddhi.n gR^iddhAM nararShabha .. 17..\\
shAntirevaM bhavedrAjanprItish chaiva parasparam . 
rAjyaika deshamapi naH prayachchha shamamichchhatAm .. 18..\\
kusha sthala.n vR^ikasthalamAsandI vAraNAvatam . 
avasAnaM bhavedatra ki.n chideva tu pa~nchamam .. 19..\\
bhrAtR^INA.n dehi pa~nchAnAM grAmAnpa~ncha suyodhana . 
shAntirno.astu mahAprAGYa GYAtibhiH saha sa~njaya .. 20..\\
bhrAtA bhrAtaramanvetu pitA putreNa yujyatAm . 
smayamAnAH samAyAntu pA~nchAlAH kurubhiH saha .. 21..\\
akShatAnkurupA~nchAlAnpashyema iti kAmaye . 
sarve sumanasastAta shAmyAma bharatarShabha .. 22..\\
alameva shamAyAsmi tathA yuddhAya sa~njaya . 
dharmArthayorala.n chAhaM mR^idave dAruNAya cha .. 23..\\
\medskip\hrule\medskip\centerline{\Largedvng 32}
 v

anuGYAtaH pANDavena prayayau sa~njayastadA . 
shAsana.n dhR^itarAShTrasya sarvaM kR^itvA mahAtmanaH .. 1..\\
samprApya hAstinapura.n shIghra.n cha pravivesha ha . 
antaHpuramupasthAya dvAHstha.n vachanamabravIt .. 2..\\
AchakShva mA.n dhR^itarAShTrAya dvAHstha 
upAgataM pANDavAnA.n sakAshAt . 
jAgarti chedabhivadestva.n hi kShattaH 
pravisheya.n vidito bhUmipasya .. 3..\\
sa~njayo.ayaM bhUmipate namaste 
didR^ikShayA dvAramupAgataste . 
prApto dUtaH pANDavAnA.n sakAshAt 
prashAdhi rAjankimaya.n karotu .. 4..\\
AchakShva mA.nsukhina.n kAlyamasmai 
praveshyatA.n svAgataM sa~njayAya . 
na chAhametasya bhavAmyakAlyaH 
sa me kasmAddvAri tiShTheta kShattaH .. 5..\\
tataH pravishyAnumate nR^ipasya 
mahadveshma prAGYashUrArya guptam . 
si.nhAsanasthaM pArthivamAsasAda 
vaichitravIryaM prA~njaliH sUtaputraH .. 6..\\
sa~njayo.ahaM bhUmipate namaste 
prApto.asmi gatvA naradeva pANDavAn . 
abhivAdya tvAM pANDuputro manasvI 
yudhiShThiraH kushala.n chAnvapR^ichchhat .. 7..\\
sa te putrAnR^ipchchhati prIyamANaH 
kachchitputraiH prIyase naptR^ibhish cha . 
tathA sudhR^idbhiH sachivaishcha rAjan 
ye chApi tvAmupajIvanti taish cha .. 8..\\
abhyetya tvA.n tAta vadAmi sa~njaya 
ajAtashatru.n cha sukhena pArtham . 
kachchitsa rAjA kushalI saputraH 
sahAmAtyaH sAnujaH kauravANAm .. 9..\\
sahAmAtyaH kushalI pANDuputro 
bhUyashchAto yachcha te.agre mano.abhUt . 
nirNikta dharmArthakaro manasvI 
bahushruto dR^iShTimA~nshIlavAMsh cha .. 10..\\
para.n dharmAtpANDavasyAnR^isha.nsyaM 
dharmaH paro vittachayAnmato.asya . 
sukhapriye dharmahIne na pArtho 
anurudhyate bhArata tasya viddhi .. 11..\\
paraprayuktaH puruSho vicheShTate 
sUtraprotA dArumayIva yoShA . 
ima.n dR^iShTvA niyamapANDavasya 
manye para.n karaM daivaM manuShyAt .. 12..\\
ima.n cha dR^iShTvA tava karma doShaM 
pAdodarka.n ghoramavarNa rUpam . 
yAvannaraH kAmayate.atikAlyaM 
tAvannaro.aya.n labhate prasha.nsAm .. 13..\\
ajAtashatrustu vihAya pApaM 
jIrNA.n tvacha.n sarpa ivAsamarthAm . 
virochate.ahArya vR^ittena vIro 
yudhiShThirastvayi pApa.n visR^ijya .. 14..\\
a~NgAtmanaH karma nibodha rAjan 
dharmArthayuktAdArya vR^ittAdapetam . 
upakrosha.n cheha gato.asi rAjan 
noheshcha pApaM prasajedamutra .. 15..\\
sa tvamartha.n saMshayitaM vinA tair 
Asha.nsase putra vashAnugo.adya . 
adharmashabdashcha mahAnpR^ithivyAM 
neda.n karma tvatsamaM bhAratAgrya .. 16..\\
hInapraGYo dauShkuleyo nR^isha.nso 
dIrghavairI kShatravidyAsvadhIraH . 
eva.n dharmA nApadaH santitIrShed 
dhIna vIryo yashcha bhavedashiShTaH .. 17..\\
kule jAto dharmavAnyo yashasvI 
bahushrutaH sukhajIvI yatAtmA . 
dharmArthayorgrathitayorbibharti 
nAnyatra diShTasya vashAdupaiti .. 18..\\
katha.n hi mantrAgrya dharo manIShI 
dharmArthayorApadi sampraNetA . 
eva.n yuktaH sarvamantrairahIno 
anAnR^isha.nsya.n karma kuryAdamUDhaH .. 19..\\
tavApIme mantravidaH sametya 
samAsate karmasu nityayuktAH . 
teShAmayaM balavAnnishchayash cha 
kuru kShayArthe nirayo vyapAdi .. 20..\\
akAlika.n kuravo nAbhaviShyan 
pApena chetpApamajAtashatruH . 
ichchhejjAtu tvayi pApa.n visR^ijya 
nindA cheya.n tava loke.abhiviShyat .. 21..\\
kimanyatra viShayAdIshvarANAM 
yatra pArthaH paraloka.n dadarsha . 
atyakrAmatsa tathA saMmataH syAn 
na saMshayo nAsti manuShyakAraH .. 22..\\
etAnguNAnkarmakR^itAnavekShya 
bhAvAbhAvau vartamAnAvanityau . 
balirhi rAjA pAramavindamAno 
nAnyatkAlAtkAraNa.n tatra mene .. 23..\\
chakShuH shrotre nAsikA tvakcha jihvA 
GYAnasyaitAnyAyatanAni jantoH . 
tAni prItAnyeva tR^iShNA kShayAnte 
tAnyavyatho duHkhahInaH praNudyAt .. 24..\\
na tvevamanye puruShasya karma 
sa.nvartate suprayukta.n yathAvat . 
mAtuH pituH karmaNAbhiprasUtaH 
sa.nvardhate vidhivadbhojanena .. 25..\\
priyApriye sukhaduHkhe cha rAjan 
nindAprasha.nse cha bhajeta enam . 
parastvena.n garhayate.aparAdhe 
prasha.nsate sAdhuvR^itta.n tameva .. 26..\\
sa tvA garhe bhAratAnA.n virodhAd 
anto nUnaM bhavitAyaM prajAnAm . 
no chedida.n tava karmAparAdhAt 
kurUndahetkR^iShNa vartmeva kakSham .. 27..\\
tvamevaiko jAtaputreShu rAjan 
vasha.n gantA sarvaloke narendra . 
kAmAtmanA.n shlAghase dyUtakAle 
nAnyachchhamAtpashya vipAkamasya .. 28..\\
anAptAnAM pragrahAttvaM narendra 
tathAptAnAM nigrahAchchaiva rAjan . 
bhUmi.n sphItA.n durbalatvAdanantAM 
na shaktastva.n rakShitu.n kauraveya .. 29..\\
anuGYAto rathavegAvadhUtaH 
shrAnto nipadye shayanaM nR^isi.nha . 
prAtaH shrotAraH kuravaH sabhAyAm 
ajAtashatrorvachana.n sametAH .. 30..\\
\medskip\hrule\medskip\centerline{\Largedvng 33}
 v

dvAHsthaM prAha mahAprAGYo dhR^itarAShTro mahIpatiH . 
vidura.n draShTumichchhAmi tamihAnaya mAchiram .. 1..\\
prahito dhR^itarAShTreNa dUtaH kShattAramabravIt . 
IshvarastvAM mahArAjo mahAprAGYa didR^ikShati .. 2..\\
evamuktastu viduraH prApya rAjaniveshanam . 
abravIddhR^itarAShTrAya dvAHstha mAM prativedaya .. 3..\\
viduro.ayamanuprApto rAjendra tava shAsanAt . 
draShTumichchhati te pAdau ki.n karotu prashAdhi mAm .. 4..\\
praveshaya mahAprAGYa.n vidura.n dIrghadarshinam . 
aha.n hi vidurasyAsya nAkAlyo jAtu darshane .. 5..\\
pravishAntaH pura.n kShattarmahArAjasya dhImataH . 
na hi te darshane.akAlyo jAtu rAjA bravIti mAm .. 6..\\

 v

tataH pravishya viduro dhR^itarAShTra niveshanam . 
abravItprA~njalirvAkya.n chintayAnaM narAdhipam .. 7..\\
viduro.ahaM mahAprAGYa samprAptastava shAsanAt . 
yadi ki.n chana kartavyamayamasmi prashAdhi mAm .. 8..\\
sa~njayo vidura prApto garhayitvA cha mA.n gataH . 
ajAtashatroH shvo vAkya.n sabhAmadhye sa vakShyati .. 9..\\
tasyAdya kuruvIrasya na viGYAta.n vacho mayA . 
tanme dahati gAtrANi tadakArShItprajAgaram .. 10..\\
jAgrato dahyamAnasya shreyo yadiha pashyasi . 
tadbrUhi tva.n hi nastAta dharmArthakushalo hyasi .. 11..\\
yataH prAptaH sa~njayaH pANDavebhyo 
na me yathAvanmanasaH prashAntiH . 
savendriyANyaprakR^iti.n gatAni 
ki.n vakShyatItyeva hi me.adya chintA .. 12..\\
abhiyuktaM balavatA durbala.n hInasAdhanam . 
hR^itasva.n kAminaM choramAvishanti prajAgarAH .. 13..\\
kachchidetairmahAdoShairna spR^iShTo.asi narAdhipa . 
kachchinna paravitteShu gR^idhyanviparitapyase .. 14..\\
shrotumichchhAmi te dharmyaM paraM naiHshreyasa.n vachaH . 
asminrAjarShivaMshe hi tvamekaH prAGYasaMmataH .. 15..\\
niShevate prashastAni ninditAni na sevate . 
anAstikaH shraddadhAna etatpaNDita lakShaNam .. 16..\\
krodho harShashcha darpashcha hrIstambho mAnyamAnitA . 
yamarthAnnApakarShanti sa vai paNDita uchyate .. 17..\\
yasya kR^ityaM na jAnanti mantra.n vA mantritaM pare . 
kR^itamevAsya jAnanti sa vai paNDita uchyate .. 18..\\
yasya kR^ityaM na vighnanti shItamuShNaM bhaya.n ratiH . 
samR^iddhirasamR^iddhirvA sa vai paNDita uchyate .. 19..\\
yasya sa.nsAriNI praGYA dharmArthAvanuvartate . 
kAmAdartha.n vR^iNIte yaH sa vai paNDita uchyate .. 20..\\
yathAshakti chikIrShanti yathAshakti cha kurvate . 
na ki.n chidavamanyante paNDitA bharatarShabha .. 21..\\
kShipra.n vijAnAti chiraM shR^iNoti 
viGYAya chArthaM bhajate na kAmAt . 
nAsampR^iShTo vyaupayu~Nkte parArthe 
tatpraGYAnaM prathamaM paNDitasya .. 22..\\
nAprApyamabhivA~nchhanti naShTaM nechchhanti shochitum . 
Apatsu cha na muhyanti narAH paNDita buddhayaH .. 23..\\
nishchitya yaH prakramate nAntarvasati karmaNaH . 
avandhya kAlo vashyAtmA sa vai paNDita uchyate .. 24..\\
Arya karmaNi rAjyante bhUtikarmANi kurvate . 
hita.n cha nAbhyasUyanti paNDitA bharatarShabha .. 25..\\
na hR^iShyatyAtmasaMmAne nAvamAnena tapyate . 
gA~Ngo hrada ivAkShobhyo yaH sa paNDita uchyate .. 26..\\
tattvaGYaH sarvabhUtAnA.n yogaGYaH sarvakarmaNAm . 
upAyaGYo manuShyANAM naraH paNDita uchyate .. 27..\\
pravR^itta vAkchitrakatha UhavAnpratibhAnavAn . 
Ashu granthasya vaktA cha sa vai paNDita uchyate .. 28..\\
shrutaM praGYAnuga.n yasya praGYA chaiva shrutAnugA . 
asambhinnArya maryAdaH paNDitAkhyA.n labheta saH .. 29..\\
ashrutashcha samunnaddho daridrashcha mahAmanAH . 
arthAMshchAkarmaNA prepsurmUDha ityuchyate budhaiH .. 30..\\
svamartha.n yaH parityajya parArthamanutiShThati . 
mithyA charati mitrArthe yashcha mUDhaH sa uchyate .. 31..\\
akAmAnkAmayati yaH kAmayAnAnparidviShan . 
balavanta.n cha yo dveShTi tamAhurmUDhachetasam .. 32..\\
amitra.n kurute mitraM mitraM dveShTi hinasti cha . 
karma chArabhate duShTa.n tamAhurmUDhachetasam .. 33..\\
sa.nsArayati kR^ityAni sarvatra vichikitsate . 
chira.n karoti kShiprArthe sa mUDho bharatarShabha .. 34..\\
anAhUtaH pravishati apR^iShTo bahu bhAShate . 
vishvasatyapramatteShu mUDha chetA narAdhamaH .. 35..\\
para.n kShipati doSheNa vartamAnaH svayaM tathA . 
yashcha krudhyatyanIshaH sansa cha mUDhatamo naraH .. 36..\\
Atmano balamAGYAya dharmArthaparivarjitam . 
alabhyamichchhannaiShkarmyAnmUDha buddhirihochyate .. 37..\\
ashiShya.n shAsti yo rAjanyashcha shUnyamupAsate . 
kadaryaM bhajate yashcha tamAhurmUDhachetasam .. 38..\\
arthaM mahAntamAsAdya vidyAmaishvaryameva vA . 
vicharatyasamunnaddho yaH sa paNDita uchyate .. 39..\\
ekaH sampannamashnAti vaste vAsashcha shobhanam . 
yo.asa.nvibhajya bhR^ityebhyaH ko nR^isha.nsatarastataH .. 40..\\
ekaH pApAni kurute phalaM bhu~Nkte mahAjanaH . 
bhoktAro vipramuchyante kartA doSheNa lipyate .. 41..\\
eka.n hanyAnna vAhanyAdiShurmukto dhanuShmatA . 
buddhirbuddhimatotsR^iShTA hanyAdrAShTra.n sarAjakam .. 42..\\
ekayA dve vinishchitya trIMshchaturbhirvashe kuru . 
pa~ncha jitvA viditvA ShaTsapta hitvA sukhI bhava .. 43..\\
eka.n viSharaso hanti shastreNaikash cha vadhyate . 
sarAShTra.n sa prajaM hanti rAjAnaM mantravisravaH .. 44..\\
ekaH svAdu na bhu~njIta ekashchArthAnna chintayet . 
eko na gachchhedadhvAnaM naikaH supteShu jAgR^iyAt .. 45..\\
ekamevAdvitIya.n tadyadrAjannAvabudhyase . 
satya.n svargasya sopAnaM pArAvArasya nauriva .. 46..\\
ekaH kShamAvatA.n doSho dvitIyo nopalabhyate . 
yadena.n kShamayA yuktamashaktaM manyate janaH .. 47..\\
eko dharmaH para.n shreyaH kShamaikA shAntiruttamA . 
vidyaikA paramA dR^iShTirahi.nsaikA sukhAvahA .. 48..\\
dvAvimau grasate bhUmiH sarpo bilashayAniva . 
rAjAna.n chAviroddhAraM brAhmaNaM chApravAsinam .. 49..\\
dve karmaNI naraH kurvannasmi.Nlloke virochate . 
abruvanparuSha.n kiM chidasato nArthaya.nstathA .. 50..\\
dvAvimau puruShavyAghra parapratyaya kAriNau . 
striyaH kAmita kAminyo lokaH pUjita pUjakaH .. 51..\\
dvAvimau kaNTakau tIkShNau sharIraparishoShaNau . 
yashchAdhanaH kAmayate yashcha kupyatyanIshvaraH .. 52..\\
dvAvimau puruShau rAjansvargasya pari tiShThataH . 
prabhushcha kShamayA yukto daridrashcha pradAnavAn .. 53..\\
nyAyAgatasya dravyasya boddhavyau dvAvatikramau . 
apAtre pratipattishcha pAtre chApratipAdanam .. 54..\\
trayo nyAyA manuShyANA.n shrUyante bharatarShabha . 
kanIyAnmadhyamaH shreShTha iti vedavido viduH .. 55..\\
trividhAH puruShA rAjannuttamAdhamamadhyamAH . 
niyojayedyathAvattA.nstrividheShveva karmasu .. 56..\\
traya evAdhanA rAjanbhAryA dAsastathA sutaH . 
yatte samadhigachchhanti yasya te tasya taddhanam .. 57..\\
chatvAri rAGYA tu mahAbalena 
varjyAnyAhuH paNDitastAni vidyAt . 
alpapraGYaiH saha mantraM na kuryAn 
na dIrghasUtrairalasaishchAraNaish cha .. 58..\\
chatvAri te tAta gR^ihe vasantu 
shriyAbhijuShTasya gR^ihastha dharme . 
vR^iddho GYAtiravasannaH kulInaH 
sakhA daridro bhaginI chAnapatyA .. 59..\\
chatvAryAha mahArAja sadyaskAni bR^ihaspatiH . 
pR^ichchhate tridashendrAya tAnImAni nibodha me .. 60..\\
devatAnA.n cha sa~NkalpamanubhAvaM cha dhImatAm . 
vinaya.n kR^itavidyAnA.n vinAshaM pApakarmaNAm .. 61..\\
pa~nchAgnayo manuShyeNa paricharyAH prayatnataH . 
pitA mAtAgnirAtmA cha gurushcha bharatarShabha .. 62..\\
pa~nchaiva pUjaya.Nlloke yashaH prApnoti kevalam . 
devAnpitR^InmanuShyAMshcha bhikShUnatithipa~nchamAn .. 63..\\
pa~ncha tvAnugamiShyanti yatra yatra gamiShyasi . 
mitrANyamitrA madhyasthA upajIvyopajIvinaH .. 64..\\
pa~nchendriyasya martyasya chhidra.n chedekamindriyam . 
tato.asya sravati praGYA dR^iteH pAdAdivodakam .. 65..\\
ShaDdoShAH puruSheNeha hAtavyA bhUtimichchhatA . 
nidrA tandrI bhaya.n krodha AlasyaM dIrghasUtratA .. 66..\\
ShaDimAnpuruSho jahyAdbhinnAM nAvamivArNave . 
apravaktAramAchAryamanadhIyAnamR^itvijam .. 67..\\
arakShitAra.n rAjAnaM bhAryA.n chApriya vAdinIm . 
grAmakAra.n cha gopAla.n vanakAmaM cha nApitam .. 68..\\
ShaDeva tu guNAH pu.nsA na hAtavyAH kadA chana . 
satya.n dAnamanAlasyamanasUyA kShamA dhR^itiH .. 69..\\
ShaNNAmAtmani nityAnAmaishvarya.n yo.adhigachchhati . 
na sa pApaiH kuto.anarthairyujyate vijitendriyaH .. 70..\\
ShaDime ShaTsu jIvanti saptamo nopalabhyate . 
chorAH pramatte jIvanti vyAdhiteShu chikitsakAH .. 71..\\
pramadAH kAmayAneShu yajamAneShu yAjakAH . 
rAjA vivadamAneShu nityaM mUrkheShu paNDitAH .. 72..\\
sapta doShAH sadA rAGYA hAtavyA vyasanodayAH . 
prAyasho yairvinashyanti kR^itamUlAshcha pArthivAH .. 73..\\
striyo.akShA mR^igayA pAna.n vAkpAruShya.n cha pa~nchamam . 
mahachcha daNDapAruShyamarthadUShaNameva cha .. 74..\\
aShTau pUrvanimittAni narasya vinashiShyataH . 
brAhmaNAnprathama.n dveShTi brAhmaNaish cha virudhyate .. 75..\\
brAhmaNa svAni chAdatte brAhmaNAMshcha jighA.nsati . 
ramate nindayA chaiShAM prasha.nsAM nAbhinandati .. 76..\\
naitAnsmarati kR^ityeShu yAchitashchAbhyasUyati . 
etAndoShAnnaraH prAGYo buddhyA buddhvA vivarjayet .. 77..\\
aShTAvimAni harShasya nava nItAni bhArata . 
vartamAnAni dR^ishyante tAnyeva susukhAnyapi .. 78..\\
samAgamashcha sakhibhirmahAMshchaiva dhanAgamaH . 
putreNa cha pariShva~NgaH saMnipAtash cha maithune .. 79..\\
samaye cha priyAlApaH svayUtheShu cha saMnatiH . 
abhipretasya lAbhashcha pUjA cha janasa.nsadi .. 80..\\
navadvAramida.n veshma tristhUNaM pa~ncha sAkShikam . 
kShetraGYAdhiShThita.n vidvAnyo veda sa paraH kaviH .. 81..\\
dasha dharmaM na jAnanti dhR^itarAShTra nibodha tAn . 
mattaH pramatta unmattaH shrAntaH kruddho bubhukShitaH .. 82..\\
tvaramANashcha bhIrushcha lubdhaH kAmI cha te dasha . 
tasmAdeteShu bhAveShu na prasajjeta paNDitaH .. 83..\\
atraivodAharantImamitihAsaM purAtanam . 
putrArthamasurendreNa gIta.n chaiva sudhanvanA .. 84..\\
yaH kAmamanyU prajahAti rAjA 
pAtre pratiShThApayate dhana.n cha . 
visheShavichchhrutavAnkShiprakArI 
ta.n sarvalokaH kurute pramANam .. 85..\\
jAnAti vishvAsayituM manuShyAn 
viGYAta doSheShu dadhAti daNDam . 
jAnAti mAtrA.n cha tathA kShamAM cha 
ta.n tAdR^isha.n shrIrjuShate samagrA .. 86..\\
sudurbalaM nAvajAnAti ka.n chid 
yukto ripu.n sevate buddhipUrvam . 
na vigraha.n rochayate balasthaiH 
kAle cha yo vikramate sa dhIraH .. 87..\\
prApyApadaM na vyathate kadA chid 
udyogamanvichchhati chApramattaH . 
duHkha.n cha kAle sahate jitAtmA 
dhurandharastasya jitAH sapatnAH .. 88..\\
anarthaka.n vipra vAsa.n gR^ihebhyaH 
pApaiH sandhiM paradArAbhimarsham . 
dambha.n stainyaM paishunaM madya pAnaM 
na sevate yaH sa sukhI sadaiva .. 89..\\
na sa.nrambheNArabhate.arthavargam 
AkAritaH sha.nsati tathyameva . 
na mAtrArthe rochayate vivAdaM 
nApUjitaH kupyati chApyamUDhaH .. 90..\\
na yo.abhyasUyatyanukampate cha 
na durbalaH prAtibhAvya.n karoti . 
nAtyAha ki.n chitkShamate vivAdaM 
sarvatra tAdR^iglabhate prasha.nsAm .. 91..\\
yo noddhata.n kurute jAtu veShaM 
na pauruSheNApi vikatthate.anyAn . 
na mUrchchhitaH kaTukAnyAha ki.n chit 
priya.n sadA ta.n kurute jano.api .. 92..\\
na vairamuddIpayati prashAntaM 
na darmamArohati nAstameti . 
na durgato.asmIti karoti manyuM 
tamArya shIlaM paramAhuragryam .. 93..\\
na sve sukhe vai kurute praharShaM 
nAnyasya duHkhe bhavati pratItaH . 
dattvA na pashchAtkurute.anutApaM 
na katthate satpuruShArya shIlaH .. 94..\\
deshAchArAnsamayA~njAtidharmAn 
bubhUShate yastu parAvaraGYaH . 
sa tatra tatrAdhigataH sadaiva 
mahAjanasyAdhipatya.n karoti .. 95..\\
dambhaM mohaM matsaraM pApakR^ityaM 
rAjadviShTaM paishunaM pUgavairam . 
mattonmattairdurjanaishchApi vAdaM 
yaH praGYAvAnvarjayetsa pradhAnaH .. 96..\\
dama.n shaucha.n daivataM ma~NgalAni 
prAyashchitta.n vividhA.NllokavAdAn . 
etAni yaH kurute naityakAni 
tasyotthAna.n devatA rAdhayanti .. 97..\\
samairvivAha.n kurute na hInaiH 
samaiH sakhya.n vyavahAra.n kathAsh cha . 
guNairvishiShTAMshcha puro dadhAti 
vipashchitastasya nayAH sunItAH .. 98..\\
mitaM bhu~Nkte sa.nvibhajyAshritebhyo 
mita.n svapityamita.n karmakR^itvA . 
dadAtyamitreShvapi yAchitaH sa.ns 
tamAtmavantaM prajahAtyanarthAH .. 99..\\
chikIrShita.n viprakR^ita.n cha yasya 
nAnye janAH karma jAnanti ki.n chit . 
mantre gupte samyaganuShThite cha 
svalpo nAsya vyathate kashchidarthaH .. 100..\\
yaH sarvabhUtaprashame niviShTaH 
satyo mR^idurdAnakR^ichchhuddha bhAvaH . 
atIva sa~nj~nAyate GYAtimadhye 
mahAmaNirjAtya iva prasannaH .. 101..\\
ya AtmanApatrapate bhR^ishaM naraH 
sa sarvalokasya gururbhavatyuta . 
ananta tejAH sumanAH samAhitaH 
svatejasA sUrya ivAvabhAsate .. 102..\\
vane jAtAH shApadagdhasya rAGYaH 
pANDoH putrAH pa~ncha pa~nchendra kalpAH . 
tvayaiva bAlA vardhitAH shikShitAsh cha 
tavAdeshaM pAlayantyAmbikeya .. 103..\\
pradAyaiShAmuchita.n tAta rAjyaM 
sukhI putraiH sahito modamAnaH . 
na devAnAM nApi cha mAnuShANAM 
bhaviShyasi tva.n tarkaNIyo narendra .. 104..\\
\medskip\hrule\medskip\centerline{\Largedvng 34}
 dhr

jAgrato dahyamAnasya yatkAryamanupashyasi . 
tadbrUhi tva.n hi nastAta dharmArthakushalaH shuchiH .. 1..\\
tvaM mA.n yathAvadvidura prashAdhi 
praGYA pUrva.n sarvamajAtashatroH . 
yanmanyase pathyamadInasattva 
shreyaH karaM brUhi tadvai kurUNAm .. 2..\\
pApAsha~NgI pApameva naupashyan 
pR^ichchhAmi tvA.n vyAkulenAtmanAham . 
kave tanme brUhi sarva.n yathAvan 
manIShita.n sarvamajAtashatroH .. 3..\\
shubha.n vA yadi vA pApa.n dveShyaM vA yadi vA priyam . 
apR^iShTastasya tadbrUyAdyasya nechchhetparAbhavam .. 4..\\
tasmAdvakShyAmi te rAjanbhavamichchhankurUnprati . 
vachaH shreyaH kara.n dharmyaM bruvatastannibodha me .. 5..\\
mithyopetAni karmANi sidhyeyuryAni bhArata . 
anupAya prayuktAni mA sma teShu manaH kR^ithAH .. 6..\\
tathaiva yogavihitaM na sidhyetkarma yannR^ipa . 
upAyayuktaM medhAvI na tatra glapayenmanaH .. 7..\\
anubandhAnavekSheta sAnubandheShu karmasu . 
sampradhArya cha kurvIta na vegena samAcharet .. 8..\\
anubandha.n cha samprekShya vipAkAMshchaiva karmaNAm . 
utthAnamAtmanashchaiva dhIraH kurvIta vA na vA .. 9..\\
yaH pramANaM na jAnAti sthAne vR^iddhau tathA kShaye . 
koshe janapade daNDe na sa rAjyAvatiShThate .. 10..\\
yastvetAni pramANAni yathoktAnyanupashyati . 
yukto dharmArthayorGYAne sa rAjyamadhigachchhati .. 11..\\
na rAjyaM prAptamityeva vartitavyamasAmpratam . 
shriya.n hyavinayo hanti jarA rUpamivottamam .. 12..\\
bhakShyottama pratichchhannaM matsyo baDishamAyasam . 
rUpAbhipAtI grasate nAnubandhamavekShate .. 13..\\
yachchhakya.n grasituM grasyaM grastaM pariNamechcha yat . 
hita.n cha pariNAme yattadadyaM bhUtimichchhatA .. 14..\\
vanaspaterapakvAni phalAni prachinoti yaH . 
sa nApnoti rasa.n tebhyo bIjaM chAsya vinashyati .. 15..\\
yastu pakvamupAdatte kAle pariNataM phalam . 
phalAdrasa.n sa labhate bIjAchchaiva phalaM punaH .. 16..\\
yathA madhu samAdatte rakShanpuShpANi ShaTpadaH . 
tadvadarthAnmanuShyebhya AdadyAdavihi.nsayA .. 17..\\
puShpaM puShpa.n vichinvIta mUlachchhedaM na kArayet . 
mAlA kAra ivArAme na yathA~NgAra kArakaH .. 18..\\
kiM nu me syAdida.n kR^itvA kiM nu me syAdakurvataH . 
iti karmANi sa~ncintya kuryAdvA puruSho na vA .. 19..\\
anArabhyA bhavantyarthAH ke chinnitya.n tathAgatAH . 
kR^itaH puruShakAro.api bhavedyeShu nirarthakaH .. 20..\\
kAMshchidarthAnnaraH prAGYo labhu mUlAnmahAphalAn . 
kShipramArabhate kartuM na vighnayati tAdR^ishAn .. 21..\\
R^iju pashyati yaH sarva.n chakShuShAnupibanniva . 
AsInamapi tUShNIkamanurajyanti taM prajAH .. 22..\\
chakShuShA manasA vAchA karmaNA cha chaturvidham . 
prasAdayati loka.n yastaM loko.anuprasIdati .. 23..\\
yasmAttrasyanti bhUtAni mR^igavyAdhAnmR^igA iva . 
sAgarAntAmapi mahI.n labdhvA sa parihIyate .. 24..\\
pitR^ipaitAmaha.n rAjyaM prAptavAnsvena tejasA . 
vAyurabhramivAsAdya bhraMshayatyanaye sthitaH .. 25..\\
dharmamAcharato rAGYaH sadbhishcharitamAditaH . 
vasudhA vasusampUrNA vardhate bhUtivardhanI .. 26..\\
atha santyajato dharmamadharma.n chAnutiShThataH . 
pratisa.nveShTate bhUmiragnau charmAhita.n yathA .. 27..\\
ya eva yatnaH kriyate prara rAShTrAvamardane . 
sa eva yatnaH kartavyaH svarAShTra paripAlane .. 28..\\
dharmeNa rAjya.n vindeta dharmeNa paripAlayet . 
dharmamUlA.n shriyaM prApya na jahAti na hIyate .. 29..\\
apyunmattAtpralapato bAlAchcha parisarpataH . 
sarvataH sAramAdadyAdashmabhya iva kA~nchanam .. 30..\\
suvyAhR^itAni sudhiyA.n sukR^itAni tatastataH . 
sa~ncinvandhIra AsIta shilA hArI shila.n yathA .. 31..\\
gandhena gAvaH pashyanti vedaiH pashyanti brAhmaNAH . 
chAraiH pashyanti rAjAnashchakShurbhyAmitare janAH .. 32..\\
bhUyA.nsa.n labhate kleshaM yA gaurbhavati durduhA . 
atha yA suduhA rAjannaiva tA.n vinayantyapi .. 33..\\
yadataptaM praNamati na tatsantApayantyapi . 
yachcha svayaM nata.n dAru na tatsaMnAmayantyapi .. 34..\\
etayopamayA dhIraH saMnameta balIyase . 
indrAya sa praNamate namate yo balIyase .. 35..\\
parjanyanAthAH pashavo rAjAno mitra bAndhavAH . 
patayo bAndhavAH strINAM brAhmaNA veda bAndhavAH .. 36..\\
satyena rakShyate dharmo viyA yogena rakShyate . 
mR^ijayA rakShyate rUpa.n kula.n vR^ittena rakShyate .. 37..\\
mAnena rakShyate dhAnyamashvAnrakShyatyanukramaH . 
abhIkShNadarshanAdgAvaH striyo rakShyAH kuchelataH .. 38..\\
na kula.n vR^itti hInasya pramANamiti me matiH . 
antyeShvapi hi jAtAnA.n vR^ittameva vishiShyate .. 39..\\
ya IrShyuH paravitteShu rUpe vIrye kulAnvaye . 
sukhe saubhAgyasatkAre tasya vyAdhiranantakaH .. 40..\\
akArya karaNAdbhItaH kAryANA.n cha vivarjanAt . 
akAle mantrabhedAchcha yena mAdyenna tatpibet .. 41..\\
vidyAmado dhanamadastR^itIyo.abhijano madaH . 
ete madAvaliptAnAmeta eva satA.n damAH .. 42..\\
asanto.abhyarthitAH sadbhiH ki.n chitkAryaM kadA chana . 
manyante santamAtmAnamasantamapi vishrutam .. 43..\\
gatirAtmavatA.n santaH santa eva satA.n gatiH . 
asatA.n cha gatiH santo na tvasantaH satAM gatiH .. 44..\\
jitA sabhA vastravatA samAshA gomatA jitA . 
adhvA jito yAnavatA sarva.n shIlavatA jitam .. 45..\\
shIlaM pradhAnaM puruShe tadyasyeha praNashyati . 
na tasya jIvitenArtho na dhanena na bandhubhiH .. 46..\\
ADhyAnAM mA.nsaparamaM madhyAnA.n gorasottaram . 
lavaNottara.n daridrANAM bhojanaM bharatarShabha .. 47..\\
sampannataramevAnna.n daridrA bhu~njate sadA . 
kShutsvAdutA.n janayati sA chADhyeShu sudurlabhA .. 48..\\
prAyeNa shrImatA.n loke bhoktuM shaktirna vidyate . 
daridrANA.n tu rAjendra api kAShTha.n hi jIryate .. 49..\\
avR^ittirbhayamantyAnAM madhyAnAM maraNAdbhayam . 
uttamAnA.n tu martyAnAmavamAnAtparaM bhayam .. 50..\\
aishvaryamadapApiShThA madAH pAnamadAdayaH . 
aishvaryamadamatto hi nApatitvA vibudhyate .. 51..\\
indriyaurindriyArtheShu vartamAnairanigrahaiH . 
tairaya.n tApyate loko nakShatrANi grahairiva .. 52..\\
yo jitaH pa~nchavargeNa sahajenAtma karshinA . 
Apadastasya vardhante shuklapakSha ivoDurAD .. 53..\\
avijitya ya AtmAnamamAtyAnvijigIShate . 
amitrAnvAjitAmAtyaH so.avashaH parihIyate .. 54..\\
AtmAnameva prathama.n desharUpeNa yo jayet . 
tato.amAtyAnamitrAMshcha na mogha.n vijigIShate .. 55..\\
vashyendriya.n jitAmAtyaM dhR^itadaNDa.n vikAriShu . 
parIkShya kAriNa.n dhIramatyanta.n shrIrniShevate .. 56..\\
rathaH sharIraM puruShasya rAjan 
nAtmA niyantendriyANyasya chAshvAH . 
tairapramattaH kushalaH sadashvair 
dAntaiH sukha.n yAti rathIva dhIraH .. 57..\\
etAnyanigR^ihItAni vyApAdayitumapyalam . 
avidheyA ivAdAntA hayAH pathi kusArathim .. 58..\\
anarthamarthataH pashyannarta.n chaivApyanarthataH . 
indriyaiH prasR^ito bAlaH suduHkhaM manyate sukham .. 59..\\
dharmArthau yaH parityajya syAdindriyavashAnugaH . 
shrIprANadhanadArebhya kShipra.n sa parihIyate .. 60..\\
arthAnAmIshvaro yaH syAdindriyANAmanIshvaraH . 
indriyANAmanaishvaryAdaishvaryAdbhrashyate hi saH .. 61..\\
AtmanAtmAnamanvichchhenmano buddhIndriyairyataiH . 
Atmaiva hyAtmano bandhurAtmaiva ripurAtmanaH .. 62..\\
kShudrAkSheNeva jAlena jhaShAvapihitAvubhau . 
kAmashcha rAjankrodhashcha tau prAGYAna.n vilumpataH .. 63..\\
samavekShyeha dharmArthau sambhArAnyo.adhigachchhati . 
sa vai sambhR^ita sambhAraH satata.n sukhamedhate .. 64..\\
yaH pa~nchAbhyantarA~nshatrUnavijitya matikShayAn . 
jigIShati ripUnanyAnripavo.abhibhavanti tam .. 65..\\
dR^ishyante hi durAtmAno vadhyamAnAH svakarma bhiH . 
indriyANAmanIshatvAdrAjAno rAjyavibhramaiH .. 66..\\
asantyAgAtpApakR^itAmapApA.ns 
tulyo daNDaH spR^ishate mishrabhAvAt . 
shuShkeNArdra.n dahyate mishrabhAvAt 
tasmAtpApaiH saha sandhiM na kuryAt .. 67..\\
nijAnutpatataH shatrUnpa~ncha pa~ncha prayojanAn . 
yo mohAnna nighR^ihNAti tamApadgrasate naram .. 68..\\
anasUyArjava.n shauchaM santoShaH priyavAditA . 
damaH satyamanAyAso na bhavanti durAtmanAm .. 69..\\
AtmaGYAnamanAyAsastitikShA dharmanityatA . 
vAkchaiva guptA dAna.n cha naitAnyantyeShu bhArata .. 70..\\
Akrosha parivAdAbhyA.n vihi.nsantyabudhA budhAn . 
vaktA pApamupAdatte kShamamANo vimuchyate .. 71..\\
hi.nsA balamasAdhUnA.n rAGYA.n daNDavidhirbalam . 
shushrUShA tu bala.n strINA.n kShamAguNavatAM balam .. 72..\\
vAksa.nyamo hi nR^ipate suduShkaratamo mataH . 
arthavachcha vichitra.n cha na shakyaM bahubhAShitum .. 73..\\
abhyAvahati kalyANa.n vividhA vAksubhAShitA . 
saiva durbhAShitA rAjannanarthAyopapadyate .. 74..\\
sa.nrohati sharairviddha.n vanaM parashunA hatam . 
vAchA duruktaM bIbhatsaM na sa.nrohati vAkkShatam .. 75..\\
karNinAlIkanArAchA nirharanti sharIrataH . 
vAkshalyastu na nirhartu.n shakyo hR^idi shayo hi saH .. 76..\\
vAksAyakA vadanAnniShpatanti 
yairAhataH shochati ratryahAni . 
parasya nAmarmasu te patanti 
tAnpaNDito nAvasR^ijetpareShu .. 77..\\
yasmai devAH prayachchhanti puruShAya parAbhavam . 
buddhi.n tasyApakarShanti so.apAchInAni pashyati .. 78..\\
buddhau kaluSha bhUtAyA.n vinAshe pratyupasthite . 
anayo nayasa~NkAsho hR^idayAnnApasarpati .. 79..\\
seyaM buddhiH parItA te putrANA.n tava bhArata . 
pANDavAnA.n virodhena na chainAm avabudhyase .. 80..\\
rAjA lakShaNasampannastrailokyasyApi yo bhavet . 
shiShyaste shAsitA so.astu dhR^itarAShTra yudhiShThiraH .. 81..\\
atIva sarvAnputrA.nste bhAgadheya puraskR^itaH . 
tejasA praGYayA chaiva yukto dharmArthatattvavit .. 82..\\
AnR^isha.nsyAdanukroshAdyo.asau dharmabhR^itA.n varaH . 
gauravAttava rAjendra bahUnkleshA.nstitikShati .. 83..\\
\medskip\hrule\medskip\centerline{\Largedvng 35}
 dhr

brUhi bhUyo mahAbuddhe dharmArthasahita.n vachaH . 
shR^iNvato nAsti me tR^iptirvichitrANIha bhAShase .. 1..\\
sarvatIrtheShu vA snAna.n sarvabhUteShu chArjavam . 
ubhe ete same syAtAmArjava.n vA vishiShyate .. 2..\\
ArjavaM pratipadyasva putreShu satata.n vibho . 
iha kIrtiM parAM prApya pretya svargamavApsyasi .. 3..\\
yAvatkIrtirmanuShyasya puNyA lokeShu gIyate . 
tAvatsa puruShavyAghra svargaloke mahIyate .. 4..\\
atrApyudAharantImamitihAsaM purAtanam . 
virochanasya sa.nvAda.n keshinyarthe sudhanvanA .. 5..\\
kiM brAhmaNAH svichchhreyA.nso ditijAH svidvirochana . 
atha kena sma parya~Nka.n sudhanvA nAdhirohati .. 6..\\
prAjApatyA hi vai shreShThA vaya.n keshini sattamAH . 
asmAka.n khalvime lokAH ke devAH ke dvijAtayaH .. 7..\\
ihaivAssva pratIkShAva upasthAne virochana . 
sudhanvA prAtarAgantA pashyeya.n vAM samAgatau .. 8..\\
tathA bhadre kariShyAmi yathA tvaM bhIru bhAShase . 
sudhanvAna.n cha mAM chaiva prAtardraShTAsi sa~Ngatau .. 9..\\
anvAlabhe hiraNmayaM prAhrAde.aha.n tavAsanam . 
ekatvamupasampanno na tvAseya.n tvayA saha .. 10..\\
anvAharantu phalaka.n kUrcha.n vApyatha vA bR^isIm . 
sudhanvanna tvamarho.asi mayA saha samAsanam .. 11..\\
pitApi te samAsInamupAsItaiva mAmadhaH . 
bAlaH sukhaidhito gehe na tva.n kiM chana budhyase .. 12..\\
hiraNya.n cha gavAshvaM cha yadvittamasureShu naH . 
sudhanvanvipaNe tena prashnaM pR^ichchhAva ye viduH .. 13..\\
hiraNya.n cha gavAshvaM cha tavaivAstu virochana . 
prANayostu paNa.n kR^itvA prashnaM pR^ichchhAva ye viduH .. 14..\\
AvA.n kutra gamiShyAvaH prANayorvipaNe kR^ite . 
na hi deveShvaha.n sthAtA na manuShyeShu karhi chit .. 15..\\
pitara.n te gamiShyAvaH prANayorvipaNe kR^ite . 
putrasyApi sa hetorhi prahrAdo nAnR^ita.n vadet .. 16..\\

 prah

imau tau sampradR^ishyete yAbhyAM na charita.n saha . 
AshIviShAviva kruddhAvekamArgamihAgatau .. 17..\\
ki.n vai sahaiva charato na purA charataH saha . 
virochanaitatpR^ichchhAmi ki.n te sakhya.n sudhanvanA .. 18..\\
na me sudhanvanA sakhyaM prANayorvipaNAvahe . 
prahrAda tattvAmR^ipchchhAmi mA prashnamanR^ita.n vadIH .. 19..\\

 prah

udakaM madhuparka.n chApyAnayantu sudhanvane . 
brahmannabhyarchanIyo.asi shvetA gauH pIvarI kR^itA .. 20..\\
udakaM madhuparka.n cha patha evArpitaM mama . 
prahrAda tva.n tu nau prashnaM tathyaM prabrUhi pR^ichchhatoH .. 21..\\

 prah

purto vAnyo bhavAnbrahmansAkShye chaiva bhavetsthitaH . 
tayorvivadatoH prashna.n kathamasmadvibho vadet .. 22..\\
atha yo naiva prabrUyAtsatya.n vA yadi vAnR^itam . 
etatsudhanvanpR^ichchhAmi durvivaktA sma ki.n vaset .. 23..\\
yA.n rAtrimadhivinnA strI yA.n chaivAkSha parAjitaH . 
yA.n cha bhArAbhitaptA~Ngo durvivaktA sma tA.n vaset .. 24..\\
nagare pratiruddhaH sanbahirdvAre bubhukShitaH . 
amitrAnbhUyasaH pashyandurvivaktA sma tA.n vaset .. 25..\\
pa~ncha pashvanR^ite hanti dasha hanti gavAnR^ite . 
shatamashvAnR^ite hanti sahasraM puruShAnR^ite .. 26..\\
hanti jAtAnajAtAMshcha hiraNyArtho.anR^ita.n vadan . 
sarvaM bhUmyanR^ite hanti mA sma bhUmyanR^ita.n vadIH .. 27..\\

 prah

mattaH shreyAna~NgirA vai sudhanvA tvadvirochana . 
mAtAsya shreyasI mAtustasmAttva.n tena vai jitaH .. 28..\\
virochana sudhanvAyaM prANAnAmIshvarastava . 
sudhanvanpunarichchhAmi tvayA datta.n virochanam .. 29..\\
yaddharmamavR^iNIthAstvaM na kAmAdanR^ita.n vadIH . 
punardadAmi te tasmAtputraM prahrAda durlabham .. 30..\\
eSha prahrAda putraste mayA datto virochanaH . 
pAdaprakShAlana.n kuryAtkumAryAH saMnidhau mama .. 31..\\
tasmAdrAjendra bhUmyarthe nAnR^ita.n vaktumarhasi . 
mA gamaH sa sutAmAtyo.atyayaM putrAnanubhraman .. 32..\\
na devA yaShTimAdAya rakShanti pashupAlavat . 
ya.n tu rakShitumichchhanti buddhyA sa.nvibhajanti tam .. 33..\\
yathA yathA hi puruShaH kalyANe kurute manaH . 
tathA tathAsya sarvArthAH sidhyante nAtra saMshayaH .. 34..\\
na chhandA.nsi vR^ijinAttArayanti 
AyAvinaM mAyayA vartamAnam . 
nIDa.n shakuntA iva jAtapakShAsh 
chhandA.nsyenaM prajahatyantakAle .. 35..\\
mattApAna.n kalahaM pUgavairaM 
bhAryApatyorantara.n GYAtibhedam . 
rAjadviShTa.n strIpumA.nsorvivAdaM 
varjyAnyAhuryashcha panthAH praduShThaH .. 36..\\
sAmudrika.n vaNija.n chorapUrvaM 
shalAka dhUrta.n cha chikitsakaM cha . 
ari.n cha mitraM cha kushIlavaM cha 
naitAnsAkhyeShvadhikurvIta sapta .. 37..\\
mAnAgnihotramuta mAnamaunaM 
mAnenAdhItamuta mAnayaGYaH . 
etAni chatvAryabhaya~NkarANi 
bhayaM prayachchhantyayathA kR^itAni .. 38..\\
agAra dAhI garadaH kuNDAshI somavikrayI . 
parva kArashcha sUchI cha mitra dhrukpAradArikaH .. 39..\\
bhrUNahA guru talpI cha yashcha syAtpAnapo dvijaH . 
atitIkShNashcha kAkashcha nAstiko veda nindakaH .. 40..\\
sruva pragrahaNo vrAtyaH kInAshashchArthavAnapi . 
rakShetyuktashcha yo hi.nsyAtsarve brahmaNhaNaiH samAH .. 41..\\
tR^iNoklayA GYAyate jAtarUpaM 
yuge bhadro vyavahAreNa sAdhuH . 
shUro bhayeShvarthakR^ichchhreShu dhIraH 
kR^ichchhrAsvApatsu suhR^idashchArayash cha .. 42..\\
jarA rUpa.n harati hi dhairyamAshA 
mR^ityuH prANAndharmacharyAmasUyA . 
krodhaH shriya.n shIlamanArya sevA 
hriya.n kAmaH sarvamevAbhimAnaH .. 43..\\
shrIrma~NgalAtprabhavati prAgalbhyAtsampravardhate . 
dAkShyAttu kurute mUla.n sa.nyamAtpratitiShThati .. 44..\\
aShTau guNAH puruSha.n dIpayanti 
praGYA cha kaulya.n cha damaH shrutaM cha . 
parAkramashchAbahu bhAShitA cha 
dAna.n yathAshakti kR^itaGYatA cha .. 45..\\
etAnguNA.nstAta mahAnubhAvAn 
eko guNaH saMshrayate prasahya . 
rAjA yadA satkurute manuShyaM 
sarvAnguNAneSha guNo.atibhAti .. 46..\\
aShTau nR^ipemAni manuShyaloke 
svargasya lokasya nidarshanAni . 
chatvAryeShAmanvavetAni sadbhish 
chatvAryeShAmanvavayanti santaH .. 47..\\
yaGYo dAnamadhyayana.n tapash cha 
chatvAryetAnyanvavetAni sadbhiH . 
damaH satyamArjavamAnR^isha.nsyaM 
chatvAryetAnyanvavayanti santaH .. 48..\\
na sA sabhA yatra na santi vR^iddhA 
na te vR^iddhA ye na vadanti dharmam . 
nAsau harmo yatana satyamasti 
na tatsatya.n yachchhalenAnuviddham .. 49..\\
satya.n rUpaM shrutaM vidyA kaulyaM shIlaM bala.n dhanam . 
shaurya.n cha chirabhAShyaM cha dashaH sa.nsargayonayaH .. 50..\\
pApa.n kurvanpApakIrtiH pApamevAshnute phalam . 
puNya.n kurvanpuNyakIrtiH puNyamevAshnute phalam .. 51..\\
pApaM praGYAM nAshayati kriyamANaM punaH punaH . 
naShTapraGYaH pApameva nityamArabhate naraH .. 52..\\
puNyaM praGYA.n vardhayati kriyamANaM punaH punaH . 
vR^iddhapraGYaH puNyameva nityamArabhate naraH .. 53..\\
asUyako danda shUko niShThuro vairakR^innaraH . 
sa kR^ichchhraM mahadApnoto nachirAtpApamAcharan .. 54..\\
anasUyaH kR^itapraGYTaH shobhanAnyAcharansadA . 
akR^ichchhrAtsukhamApnoti sarvatra cha virAjate .. 55..\\
praGYAmevAgamayati yaH prAGYebhyaH sa paNDitaH . 
prAGYo hyavApya dharmArthau shaknoti sukhamedhitum .. 56..\\
divasenaiva tatkuryAdyena rAtau sukha.n vaset . 
aShTa mAsena tatkuryAdyena varShAH sukha.n vaset .. 57..\\
pUrve vayasi tatkuryAdyena vR^iddhasukha.n vaset . 
yAvajjIvena tatkuryAdyena pretya sukha.n vaset .. 58..\\
jIrNamannaM prasha.nsanti bhArya.n cha gatayauvanAm . 
shUra.n vigatasa~NgrAma.n gatapAraM tapasvinam .. 59..\\
dhanenAdharmalabdhena yachchhidramapidhIyate . 
asa.nvR^ita.n tadbhavati tato.anyadavadIryate .. 60..\\
gururAtmavatA.n shAstA shAsA rAjA durAtmanAm . 
atha prachchhannapApAnA.n shAstA vaivasvato yamaH .. 61..\\
R^iShINA.n cha nadInAM cha kulAnAM cha mahAmanAm . 
prabhavo nAdhigantavyaH strINA.n dushcharitasya cha .. 62..\\
dvijAtipUjAbhirato dAtA GYAtiShu chArjavI . 
kShatriyaH svargabhAgrAjaMshchiraM pAlayate mahIm .. 63..\\
suvarNapuShpAM pR^ithivI.n chinvanti puruShAstrayaH . 
shUrashcha kR^itavidyashcha yashcha jAnAti sevitum .. 64..\\
buddhishreShThAni karmANi bAhumadhyAni bhArata . 
tAni ja~NghA jaghanyAni bhArapratyavarANi cha .. 65..\\
duryodhane cha shakunau mUDhe duHshAsane tathA . 
karNe chaishvaryamAdhAya katha.n tvaM bhUtimichchhasi .. 66..\\
sarvairguNairupetAshcha pANDavA bharatarShabha . 
pitR^ivattvayi vartante teShu vartasva putravat .. 67..\\
\medskip\hrule\medskip\centerline{\Largedvng 36}
 vi

atraivodAharantImamitihAsaM purAtanam . 
Atreyasya cha sa.nvAda.n sAdhyAnA.n cheti naH shrutam .. 1..\\
charanta.n ha.nsarUpeNa maharShiM saMshitavratam . 
sAdhyA devA mahAprAGYaM paryapR^ichchhanta vai purA .. 2..\\
sAdhyA devA vayamasmo maharShe 
dR^iShTvA bhavantaM na shaknumo.anumAtum . 
shrutena dhIro buddhimA.nstvaM mato naH 
kAvyA.n vAchaM vaktumarhasyudArAm .. 3..\\
etatkAryamamarAH saMshrutaM me 
dhR^itiH shamaH satyadharmAnuvR^ittiH . 
granthi.n vinIya hR^idayasya sarvaM 
priyApriye chAtmavashaM nayIta .. 4..\\
AkrushyamAno nAkroshenmanyureva titikShitaH . 
AkroShTAraM nirdahati sukR^ita.n chAsya vindati .. 5..\\
nAkroshI syAnnAvamAnI parasya 
mitradrohI nota nIchopasevI . 
na chAtimAnI na cha hInavR^itto 
rUkShA.n vAchaM rushatIM varjayIta .. 6..\\
marmANyasthIni hR^idaya.n tathAsUn 
ghorA vAcho nirdahantIha pu.nsAm . 
tasmAdvAcha.n rushatIM rUkSharUpAM 
dharmArAmo nityasho varjayIta .. 7..\\
aru.n turaM paruSha.n rUkShavAchaM 
vAkkaNTakairvitudantaM manuShyAn . 
vidyAdalakShmIkatama.n janAnAM 
mukhe nibaddhAM nirR^iti.n vahantam .. 8..\\
parashchedenamadhividhyeta bANair 
bhR^isha.n sutIkShNairanalArka dIptaiH . 
virichyamAno.apyatirichyamAno 
vidyAtkaviH sukR^itaM me dadhAti .. 9..\\
yadi santa.n sevate yadyasantaM 
tapasvina.n yadi vA stenameva . 
vAso yathA ra~Nga vashaM prayAti 
tathA sa teShA.n vashamabhyupaiti .. 10..\\
vAda.n tu yo na pravadenna vAdayed 
yo nAhataH pratihanyAnna ghAtayet . 
yo hantukAmasya na pApamichchhet 
tasmai devAH spR^ihayantyAgatAya .. 11..\\
avyAhR^ita.n vyAhR^itAchchhreya AhuH 
satya.n vadedvyAhR^ita.n taddvitIyam . 
priya.nvadedvyAhR^ita.n tattR^itIyaM 
dharmya.n vadedvyAhR^ita.n tachchaturtham .. 12..\\
yAdR^ishaiH sa.nvivadate yAdR^ishAMsh chopasevate . 
yAdR^igichchhechcha bhavitu.n tAdR^igbhavati pUruShaH .. 13..\\
yato yato nivartate tatastato vimuchyate . 
nivartanAddhi sarvato na vetti duHkhamaNvapi .. 14..\\
na jIyate nota jigIShate.anyAn 
na vairakkR^ichchApratighAtakash cha . 
nindA prasha.nsAsu samasvabhAvo 
na shochate hR^iShyati naiva chAyam .. 15..\\
bhAvamichchhati sarvasya nAbhAve kurute matim . 
satyavAdI mR^idurdAnto yaH sa uttamapUruShaH .. 16..\\
nAnarthaka.n sAntvayati pratiGYAya dadAti cha . 
rAddhAparAddhe jAnAti yaH sa madhyamapUruShaH .. 17..\\
duHshAsanastUpahantA na shAstA 
nAvartate manyuvashAtkR^itaghnaH . 
na kasya chinmitramatho durAtmA 
kalAshchaitA adhamasyeha pu.nsaH .. 18..\\
na shraddadhAti kalyANaM parebhyo.apyAtmasha~NkitaH . 
nirAkaroti mitrANi yo vai so.adhama pUruShaH .. 19..\\
uttamAneva seveta prApte kAle tu madhyamAn . 
adhamA.nstu na seveta ya ichchhechchhreya AtmanaH .. 20..\\
prApnoti vai vittamasadbalena 
nityotthAnAtpraGYayA pauruSheNa . 
na tveva samyaglabhate prasha.nsAM 
na vR^ittamApnoti mahAkulAnAm .. 21..\\
mahAkulAnA.n spR^ihayanti devA 
dharmArthavR^iddhAshcha bahushrutAsh cha . 
pR^ichchhAmi tvA.n vidura prashnametaM 
bhavanti vai kAni mahAkulAni .. 22..\\
tamo damo brahmavittva.n vitAnAH 
puNyA vivAhAH satatAnna dAnam . 
yeShvevaite saptaguNA bhavanti 
samyagvR^ittAstAni mahAkulAni .. 23..\\
yeShAM na vR^itta.n vyathate na yonir 
vR^ittaprasAdena charanti dharmam . 
ye kIrtimichchhanti kule vishiShTAM 
tyaktAnR^itAstAni mahAkulAni .. 24..\\
anijyayAvivAhairshcha vedasyotsAdanena cha . 
kulAnyakulatA.n yAnti dharmasyAtikrameNa cha .. 25..\\
deva dravyavinAshena brahma svaharaNena cha . 
kulAnyakulatA.n yAnti brAhmaNAtikrameNa cha .. 26..\\
brAhmaNAnAM paribhavAtparivAdAchcha bhArata . 
kulAnyakulatA.n yAnti nyAsApaharaNena cha .. 27..\\
kulAni samupetAni gobhiH puruShato.ashvataH . 
kulasa~NkhyAM na gachchhanti yAni hInAni vR^ittataH .. 28..\\
vR^ittatastvavihInAni kulAnyalpadhanAnyapi . 
kulasa~NkhyA.n tu gachchhanti karShanti cha mayadyashaH .. 29..\\
mA naH kule vairakR^itkash chidastu 
rAjAmAtyo mA parasvApahArI . 
mitradrohI naikR^itiko.anR^itI vA 
pUrvAshI vA pitR^idevAtithibhyaH .. 30..\\
yashcha no brAhmaNa.n hanyAdyashcha no brAhmaNAndviShet . 
na naH sa samiti.n gachchhedyashcha no nirvapetkR^iShim .. 31..\\
tR^iNAni bhUmirudaka.n vAkchaturthI cha sUnR^itA . 
satAmetAni geheShu nochchhidyante kadA chana .. 32..\\
shraddhayA parayA rAjannupanItAni satkR^itim . 
pravR^ittAni mahAprAGYa dharmiNAM puNyakarmaNAm .. 33..\\
sUkShmo.api bhAraM nR^ipate syandano vai 
shakto voDhuM na tathAnye mahIjAH . 
eva.n yuktA bhArasahA bhavanti 
mahAkulInA na tathAnye manuShyAH .. 34..\\
na tanmitra.n yasya kopAdbibheti 
yadvA mitra.n sha~Nkitenopacharyam . 
yasminmitre pitarIvAshvasIta 
tadvai mitra.n sa~NgatAnItarANi .. 35..\\
yadi chedapyasambandho mitrabhAvena vartate . 
sa eva bandhustanmitra.n sA gatistatparAyaNam .. 36..\\
chalachittasya vai pu.nso vR^iddhAnanupasevataH . 
pAriplavamaternityamadhruvo mitra sa~NgrahaH .. 37..\\
chalachittamanAtmAnamindriyANA.n vashAnugam . 
arthAH samativartante ha.nsAH shuShka.n saro yathA .. 38..\\
akasmAdeva kupyanti prasIdantyanimittataH . 
shIlametadasAdhUnAmabhraM pAriplava.n yathA .. 39..\\
satkR^itAshcha kR^itArthAshcha mitrANAM na bhavanti ye . 
tAnmR^itAnapi kravyAdAH kR^itaghnAnnopabhu~njate .. 40..\\
arthayedeva mitrANi sati vAsati vA dhane . 
nAnarthayanvijAnAti mitrANA.n sAraphalgutAm .. 41..\\
santApAdbhrashyate rUpa.n santApAdbhrashyate balam . 
santApAdbhrashyate GYAna.n santApAdvyAdhimR^ichchhati .. 42..\\
anavApya.n cha shokena sharIraM chopatapyate . 
amitrAshcha prahR^iShyanti mA sma shoke manaH kR^ithAH .. 43..\\
punarnaro mriyate jAyate cha 
punarnaro hIyate vardhate punaH . 
punarnaro yAchati yAchyate cha 
punarnaraH shochati shochyate punaH .. 44..\\
sukha.n cha duHkhaM cha bhavAbhavau cha 
lAbhAlAbhau maraNa.n jIvitaM cha . 
paryAyashaH sarvamiha spR^ishanti 
tasmAddhIro naiva hR^iShyenna shochet .. 45..\\
chalAni hImAni ShaDindriyANi 
teShA.n yadyadvartate yatra yatra . 
tatastataH sravate buddhirasya 
chhidroda kumbhAdiva nityamambhaH .. 46..\\
tanuruchchhaH shikhI rAjA mithyopacharito mayA . 
mandAnAM mama putrANA.n yuddhenAnta.n kariShyati .. 47..\\
nityodvignamida.n sarvaM nityodvignamidaM manaH . 
yattatpadamanudvigna.n tanme vada mahAmate .. 48..\\
nAnyatra vidyA tapasornAnyatrendriya nigrahAt . 
nAnyatra lobhasantyAgAchchhAntiM pashyAma te.anagha .. 49..\\
buddhyA bhayaM praNudati tapasA vindate mahat . 
gurushushrUShayA GYAna.n shAnti.n tyAgena vindati .. 50..\\
anAshritA dAnapuNya.n veda puNyamanAshritAH . 
rAgadveShavinirmuktA vicharantIha mokShiNaH .. 51..\\
svadhItasya suyuddhasya sukR^itasya cha karmaNaH . 
tapasashcha sutaptasya tasyAnte sukhamedhate .. 52..\\
svAstIrNAni shayanAni prapannA 
na vai bhinnA jAtu nidrA.n labhante . 
na strIShu rAjanratimApnuvanti 
na mAgadhaiH stUyamAnA na sUtaiH .. 53..\\
na vai bhinnA jAtu charanti dharmaM 
na vai sukhaM prApnuvantIha bhinnAH . 
na vai bhinnA gauravaM mAnayanti 
na vai bhinnAH prashama.n rochayanti .. 54..\\
na vai teShA.n svadate pathyamuktaM 
yogakShema.n kalpate nota teShAm . 
bhinnAnA.n vai manujendra parAyaNaM 
na vidyate ki.n chidanyadvinAshAt .. 55..\\
sambhAvya.n goShu sampanna.n sambhAvyaM brAhmaNe tapaH . 
sambhAvya.n strIShu chApalyaM sambhAvyaM GYAtito bhayam .. 56..\\
tantavo.apyAyatA nitya.n tantavo bahulAH samAH . 
bahUnbahutvAdAyAsAnsahantItyupamA satAm .. 57..\\
dhUmAyante vyapetAni jvalanti sahitAni cha . 
dhR^itarAShTrolmukAnIva GYAtayo bharatarShabha .. 58..\\
brAhmaNeShu cha ye shUrAH strIShu GYAtiShu goShu cha . 
vR^intAdiva phalaM pakva.n dhR^itarAShTra patanti te .. 59..\\
mahAnapyekajo vR^ikSho balavAnsupratiShThitaH . 
prasahya eva vAtena shAkhA skandha.n vimarditum .. 60..\\
atha ye sahitA vR^ikShAH sa~NghashaH supratiShThitAH . 
te hi shIghratamAnvAtAnsahante.anyonyasaMshrayAt .. 61..\\
evaM manuShyamapyeka.n guNairapi samanvitam . 
shakya.n dviShanto manyante vAyurdrumamivaukajam .. 62..\\
anyonyasamupaShTambhAdanyonyApAshrayeNa cha . 
GYAtayaH sampravardhante sarasIvotpalAnyuta .. 63..\\
avadhyA brAhmaNA gAvo striyo bAlAshcha GYAtayaH . 
yeShA.n chAnnAni bhu~njIta ye cha syuH sharaNAgatAH .. 64..\\
na manuShye guNaH kashchidanyo dhanavatAm api . 
anAturatvAdbhadra.n te mR^itakalpA hi rogiNaH .. 65..\\
avyAdhija.n kaTuka.n shIrSha rogaM 
pApAnubandhaM paruSha.n tIkShNamugram . 
satAM peya.n yanna pibantyasanto 
manyuM mahArAja piba prashAmya .. 66..\\
rogArditA na phalAnyAdriyante 
na vai labhante viShayeShu tattvam . 
duHkhopetA rogiNo nityameva 
na budhyante dhanabhogAnna saukhyam .. 67..\\
purA hyukto nAkarostva.n vacho me 
dyUte jitA.n draupadIM prekShya rAjan . 
duryodhana.n vArayetyakShavatyAM 
kitavatvaM paNDitA varjayanti .. 68..\\
na tadbala.n yanmR^idunA virudhyate 
mishro dharmastarasA sevitavyaH . 
pradhva.nsinI krUrasamAhitA shrIr 
mR^iduprauDhA gachchhati putrapautrAn .. 69..\\
dhArtarAShTrAH pANDavAnpAlayantu 
pANDoH sutAstava putrAMshcha pAntu . 
ekArimitrAH kuravo hyekamantrA 
jIvantu rAjansukhinaH samR^iddhAH .. 70..\\
meDhIbhUtaH kauravANA.n tvamadya 
tvayyAdhIna.n kuru kulamAjamIDha . 
pArthAnbAlAnvanavAsa prataptAn 
gopAyasva sva.n yashastAta rakShan .. 71..\\
sandhatsva tva.n kauravAnpANDuputrair 
mA te.antara.n ripavaH prArthayantu . 
satye sthitAste naradeva sarve 
duryodhana.n sthApaya tvaM narendra .. 72..\\
\medskip\hrule\medskip\centerline{\Largedvng 37}
 vi

saptadashemAnrAjendra manuH svAyambhuvo.abravIt . 
vaichitravIrya puruShAnAkAshaM muShTibhirghnataH .. 1..\\
tAnevindrasya hi dhanuranAmyaM namato.abravIt . 
atho marIchinaH pAdAnanAmyAnnamatastathA .. 2..\\
yashchAshiShya.n shAsati yash cha kupyate 
yashchAtivelaM bhajate dviShantam . 
striyashcha yo.arakShati bhadramastu te 
yashchAyAchya.n yAchati yash cha katthate .. 3..\\
yashchAbhijAtaH prakarotyakAryaM 
yashchAbalo balinA nityavairI . 
ashraddadhAnAya cha yo bravIti 
yashchAkAmya.n kAmayate narendra .. 4..\\
vadhvA hAsa.n shvashuro yash cha manyate 
vadhvA vasannuta yo mAnakAmaH . 
parakShetre nirvapati yashcha bIjaM 
striya.n cha yaH parivadate.ativelam .. 5..\\
yashchaiva labdhvA na smarAmItyuvAcha 
dattvA cha yaH katthati yAchyamAnaH . 
yashchAsataH sAntvamupAsatIha 
ete.anuyAntyanilaM pAshahastAH .. 6..\\
yasminyathA vartate yo manuShyas 
tasmi.nstathA vartitavya.n sa dharmaH . 
mAyAchAro mAyayA vartitavyaH 
sAdhvAchAraH sAdhunA pratyudeyaH .. 7..\\
shatAyuruktaH puruShaH sarvavedeShu vai yadA . 
nApnotyatha cha tatsarvamAyuH keneha hetunA .. 8..\\
ativAdo.atimAnashcha tathAtyAgo narAdhipaH . 
krodhashchAtivivitsA cha mitradrohashcha tAni ShaT .. 9..\\
eta evAsayastIkShNAH kR^intantyAyUMShi dehinAm . 
etAni mAnavAnghnanti na mR^ityurbhadramastu te .. 10..\\
vishvastasyaiti yo dArAnyashchApi guru takpagaH . 
vR^iShalI patirdvijo yashcha pAnapashchaiva bhArata .. 11..\\
sharaNAgatahA chaiva sarve brahmahaNaiH samAH . 
etaiH sametya kartavyaM prAyashchittamiti shrutiH .. 12..\\
gR^ihI vadAnyo.anapaviddha vAkyaH 
sheShAnna bhokApyavihi.nsakash cha . 
nAnarthakR^ittyaktakaliH kR^itaGYaH 
satyo mR^iduH svargamupaiti vidvAn .. 13..\\
sulabhAH puruShA rAjansatataM priyavAdinaH . 
apriyasya tu pathyasya vaktA shrotA cha durlabhaH .. 14..\\
yo hi dharma.n vyapAshritya hitvA bhartuH priyApriye . 
apriyANyAha pathyAni tena rAjA sahAyavAn .. 15..\\
tyajetkulArthe puruSha.n grAmasyArthe kulaM tyajet . 
grAma.n janapadasyArthe AtmArthe pR^ithivIM tyajet .. 16..\\
Apadartha.n dhana.n rakSheddArAnrakSheddhanairapi . 
AtmAna.n satataM rakSheddArairapi dhanairapi .. 17..\\
uktaM mayA dyUtakAle.api rAjan 
naiva.n yuktaM vachanaM prAtipIya . 
tadauShadhaM pathyamivAturasya 
na rochate tava vaichitra vIrya .. 18..\\
kAkairimAMshchitrabarhAnmayUrAn 
parAjaiShThAH pANDavAndhArtarAShTraiH . 
hitvA si.nhAnkroShTu kAngUhamAnaH 
prApte kAle shochitA tvaM narendra .. 19..\\
yastAta na krudhyati sarvakAlaM 
bhR^ityasya bhaktasya hite ratasya . 
tasminbhR^ityA bhartari vishvasanti 
na chainamApatsu parityajanti .. 20..\\
na bhR^ityAnA.n vR^itti sa.nrodhanena 
bAhya.n jana.n sa~njighR^ikShedapUrvam . 
tyajanti hyenamuchitAvaruddhAH 
snigdhA hyamAtyAH parihInabhogAH .. 21..\\
kR^ityAni pUrvaM parisa~NkhyAya sarvANy 
AyavyayAvanurUpA.n cha vR^ittim . 
sa~NgR^ihNIyAdanurUpAnsahAyAn 
sahAyasAdhyAni hi duShkarANi .. 22..\\
abhiprAya.n yo viditvA tu bhartuH 
sarvANi kAryANi karotyatandrIH . 
vaktA hitAnAmanurakta AryaH 
shaktiGYa Atmeva hi so.anukampyaH .. 23..\\
vAkya.n tu yo nAdriyate.anushiShTaH 
pratyAha yashchApi niyujyamAnaH . 
praGYAbhimAnI pratikUlavAdI 
tyAjyaH sa tAdR^iktvarayaiva bhR^ityaH .. 24..\\
astabdhamaklIbamadIrghasUtraM 
sAnukrosha.n shlakShNamahAryamanyaiH . 
aroga jAtIyamudAravAkyaM 
dUta.n vadantyaShTa guNopapannam .. 25..\\
na vishvAsAjjAtu parasya gehaM 
gachchhennarashchetayAno vikAle . 
na chatvare nishi tiShThennigUDho 
na rAjanyA.n yoShitaM prArthayIta .. 26..\\
na nihnava.n satra gatasya gachchhet 
sa.nsR^iShTa mantrasya kusa~Ngatasya . 
na cha brUyAnnAshvasAmi tvayIti 
sa kAraNa.n vyapadesha.n tu kuryAt .. 27..\\
ghR^iNI rAjA puMshchalI rAjabhR^ityaH 
putro bhrAtA vidhavA bAla putrA . 
senA jIvI choddhR^ita bhakta eva 
vyavahAre vai varjanIyAH syurete .. 28..\\
guNA dasha snAnashIlaM bhajante 
bala.n rUpaM svaravarNaprashuddhiH . 
sparshashcha gandhashcha vishuddhatA cha 
shrIH saukumAryaM pravarAshcha nAryaH .. 29..\\
guNAshcha ShaNmitabhuktaM bhajante 
ArogyamAyushcha sukhaM bala.n cha . 
anAvila.n chAsya bhavedapatyaM 
na chainamAdyUna iti kShipanti .. 30..\\
akarma shIla.n cha mahAshanaM cha 
lokadviShTaM bahu mAyaM nR^isha.nsam . 
adeshakAlaGYamaniShTa veSham 
etAngR^ihe na prativAsayIta .. 31..\\
kadaryamAkroshakamashruta.n cha 
varAka sambhUtamamAnya mAninam . 
niShThUriNa.n kR^itavairaM kR^itaghnam 
etAnbhR^itArto.api na jAtu yAchet .. 32..\\
sa~NkliShTakarmANamatipravAdaM 
nityAnR^ita.n chAdR^iDha bhaktikaM cha . 
vikR^iShTarAgaM bahumAnina.n chApy 
etAnna seveta narAdhamAnShaT .. 33..\\
sahAyabandhanA hyarthAH sahAyAshchArthabandhanAH . 
anyonyabandhanAvetau vinAnyonyaM na sidhyataH .. 34..\\
utpAdya putrAnanR^iNAMshcha kR^itvA 
vR^itti.n cha tebhyo.anuvidhAya kAM chit . 
sthAne kumArIH pratipAdya sarvA 
araNyasa.nstho munivadbubhUShet .. 35..\\
hita.n yatsarvabhUtAnAmAtmanashcha sukhAvaham . 
tatkuryAdIshvaro hyetanmUla.n dharmArthasiddhaye .. 36..\\
buddhiH prabhAvastejashcha sattvamutthAnameva cha . 
vyavasAyashcha yasya syAttasyAvR^itti bhaya.n kutaH .. 37..\\
pashya doShAnpANDavairvigrahe tvaM 
yatra vyatherannapi devAH sa shakrAH . 
putrairvairaM nityamudvignavAso 
yashaH praNAsho dviShatA.n cha harShaH .. 38..\\
bhIShmasya kopastava chendra kalpa 
droNasya rAGYashcha yudhiShThirasya . 
utsAdayellokamimaM pravR^iddhaH 
shveto grahastiryagivApatankhe .. 39..\\
tava putrashata.n chaiva karNaH pa~ncha cha pANDavAH . 
pR^ithivImanushAseyurakhilA.n sAgarAmbarAm .. 40..\\
dhArtarAShTrA vana.n rAjanvyAghrAH pANDusutA matAH . 
mA vana.n chhindhi sa vyAghraM mA vyAghrAnnInasho vanAt .. 41..\\
na syAdvanamR^ite vyAghrAnvyAghrA na syurR^ite vanam . 
vana.n hi rakShyate vyAghrairvyAghrAnrakShati kAnanam .. 42..\\
na tathechchhantyakalyANAH pareShA.n veditu.n guNAn . 
yathaiShA.n GYAtumichchhanti nairguNyaM pApachetasaH .. 43..\\
arthasiddhiM parAmichchhandharmamevAditash charet . 
na hi dharmAdapaityarthaH svargalokAdivAmR^itam .. 44..\\
yasyAtmA virataH pApAtkalyANe cha niveshitaH . 
tena sarvamidaM buddhaM prakR^itirvikR^itirshcha yA .. 45..\\
yo dharmamartha.n kAmaM cha yathAkAlaM niShevate . 
dharmArthakAmasa.nyoga.n yo.amutreha cha vindati .. 46..\\
saMniyachchhati yo vegamutthita.n krodhaharShayoH . 
sa shriyo bhAjana.n rAjanyashchApatsu na muhyati .. 47..\\
balaM pa~ncha vidhaM nityaM puruShANAM nibodha me . 
yattu bAhubalaM nAma kaniShThaM balamuchyate .. 48..\\
amAtyalAbho bhadra.n te dvitIyaM balamuchyate . 
dhanalAbhastR^itIya.n tu balamAhurjigIShavaH .. 49..\\
yattvasya sahaja.n rAjanpitR^ipaitAmahaM balam . 
abhijAta balaM nAma tachchaturthaM bala.n smR^itam .. 50..\\
yena tvetAni sarvANi sa~NgR^ihItAni bhArata . 
yadbalAnAM bala.n shreShTha.n tatpraGYA balamuchyate .. 51..\\
mahate yo.apakArAya narasya prabhavennaraH . 
tena vaira.n samAsajya dUrastho.asmIti nAshvaset .. 52..\\
strIShu rAjasu sarpeShu svAdhyAye shatruseviShu . 
bhoge chAyuShi vishvAsa.n kaH prAGYaH kartumarhati .. 53..\\
praGYA shareNAbhihatasya jantosh 
chikitsakAH santi na chauShadhAni . 
na homamantrA na cha ma~NgalAni 
nAtharvaNA nApyagadAH susiddhAH .. 54..\\
sarpashchAgnishcha si.nhashcha kulaputrashcha bhArata . 
nAvaGYeyA manuShyeNa sarve te hyatitejasaH .. 55..\\
agnistejo mahalloke gUDhastiShThati dAruShu . 
na chopayu~Nkte taddAru yAvanno dIpyate paraiH .. 56..\\
sa eva khalu dArubhyo yadA nirmathya dIpyate . 
tadA tachcha vana.n chAnyannirdahatyAshu tejasA .. 57..\\
evameva kule jAtAH pAvakopama tejasaH . 
kShamAvanto nirAkArAH kAShThe.agniriva sherate .. 58..\\
latA dharmA tva.n saputraH shAlAH pANDusutA matAH . 
na latA vardhate jAtu mahAdrumamanAshritA .. 59..\\
vana.n rAja.nstvaM saputro.ambikeya 
si.nhAnvane pANDavA.nstAta viddhi . 
si.nhairvihIna.n hi vanaM vinashyet 
si.nhA vinashyeyurR^ite vanena .. 60..\\
\medskip\hrule\medskip\centerline{\Largedvng 38}
 vi

UrdhvaM prANA hyutkrAmanti yUnaH sthavira Ayati . 
pratyutthAnAbhivAdAbhyAM punastAnpatipadyate .. 1..\\
pITha.n dattvA sAdhave.abhyAgatAya 
AnIyApaH parinirNijya pAdau . 
sukhaM pR^iShTvA prativedyAtma sa.nsthaM 
tato dadyAdannamavekShya dhIraH .. 2..\\
yasyodakaM madhuparka.n cha gAM cha 
na mantravitpratigR^ihNAti gehe . 
lobhAdbhayAdarthakArpaNyato vA 
tasyAnartha.n jIvitamAhurAryAH .. 3..\\
chikitsakaH shakya kartAvakIrNI 
stenaH krUro madyapo bhrUNahA cha . 
senAjIvI shrutivikrAyakash cha 
bhR^ishaM priyo.apyatithirnodakArhaH .. 4..\\
avikreya.n lavaNaM pakvamanna.n dadhi 
kShIraM madhu taila.n ghR^itaM cha . 
tilA mA.nsaM mUlaphalAni shAkaM 
rakta.n vAsaH sarvagandhA guDash cha .. 5..\\
aroShaNo yaH samaloShTa kA~nchanaH 
prahINa shoko gatasandhi vigrahaH . 
nindA prasha.nsoparataH priyApriye 
charannudAsInavadeSha bhikShukaH .. 6..\\
nIvAra mUle~Nguda shAkavR^ittiH 
susa.nyatAtmAgnikAryeShvachodyaH . 
vane vasannatithiShvapramatto 
dhurandharaH puNyakR^ideSha tApasaH .. 7..\\
apakR^itvA buddhimato dUrastho.asmIti nAshvaset . 
dIrghau buddhimato bAhU yAbhyA.n hi.nsati hi.nsitaH .. 8..\\
na vishvasedavishvaste vishvaste nAtivishvaset . 
vishvAsAdbhayamutpannaM mUlAnyapi nikR^intati .. 9..\\
anIrShyurguptadAraH syAtsa.nvibhAgI priya.nvadaH . 
shlakShNo madhuravAkstrINAM na chAsA.n vashago bhavet .. 10..\\
pUjanIyA mahAbhAgAH puNyAshcha gR^ihadIptayaH . 
striyaH shriyo gR^ihasyoktAstasmAdrakShyA visheShataH .. 11..\\
piturantaHpura.n dadyAnmAturdadyAnmahAnasam . 
goShu chAtmasama.n dadyAtsvayameva kR^iShi.n vrajet . 
bhR^ityairvaNijyAchAra.n cha putraiH seveta brAhmaNAn .. 12..\\
adbhyo.agnirbrahmataH kShatramashmano lohamutthitam . 
teShA.n sarvatraga.n tejaH svAsu yoniShu shAmyati .. 13..\\
nitya.n santaH kule jAtAH pAvakopama tejasaH . 
kShamAvanto nirAkArAH kAShThe.agniriva sherate .. 14..\\
yasya mantraM na jAnanti bAhyAshchAbhyantarAsh cha ye . 
sa rAjA sarvatashchakShushchiramaishvaryamashnute .. 15..\\
kariShyanna prabhASheta kR^itAnyeva cha darshayet . 
dharmakAmArtha kAryANi tathA mantro na bhidyate .. 16..\\
giripR^iShThamupAruhya prAsAda.n vA rahogataH . 
araNye niHshalAke vA tatra mantro vidhIyate .. 17..\\
nAsuhR^itparamaM mantraM bhAratArhati veditum . 
apaNDito vApi suhR^itpaNDito vApyanAtmavAn . 
amAtye hyarthalipsA cha mantrarakShaNameva cha .. 18..\\
kR^itAni sarvakAryANi yasya vA pArShadA viduH . 
gUDhamantrasya nR^ipatestasya siddhirasaMshayam .. 19..\\
aprashastAni karmANi yo mohAdanutiShThati . 
sa teShA.n viparibhraMshe bhrashyate jIvitAdapi .. 20..\\
karmaNA.n tu prashastAnAmanuShThAna.n sukhAvaham . 
teShAmevAnanuShThAnaM pashchAttApakaraM mahat .. 21..\\
sthAnavR^iddha kShayaGYasya ShADguNya viditAtmanaH . 
anavaGYAta shIlasya svAdhInA pR^ithivI nR^ipa .. 22..\\
amoghakrodhaharShasya svaya.n kR^ityAnvavekShiNaH . 
Atmapratyaya koshasya vasudheya.n vasundharA .. 23..\\
nAmamAtreNa tuShyeta chhatreNa cha mahIpatiH . 
bhR^ityebhyo visR^ijedarthAnnaikaH sarvaharo bhavet .. 24..\\
brAhmaNo brAhmaNa.n veda bhartA veda striya.n tathA . 
amAtyaM nR^ipatirveda rAjA rAjAnameva cha .. 25..\\
na shatrura~NkamApanno moktavyo vadhyatA.n gataH . 
ahatAddhi bhaya.n tasmAjjAyate nachirAdiva .. 26..\\
daivateShu cha yatnena rAjasu brAhmaNeShu cha . 
niyantavyaH sadA krodho vR^iddhabAlAtureShu cha .. 27..\\
nirartha.n kalahaM prAGYo varjayenmUDha sevitam . 
kIrti.n cha labhate loke na chAnarthena yujyate .. 28..\\
prasAdo niShphalo yasya krodhashchApi nirarthakaH . 
na taM bhartAramichchhanti ShaNDhaM patimiva striyaH .. 29..\\
na buddhirdhanalAbhAya na jADyamasamR^iddhaye . 
lokaparyAya vR^ittAntaM prAGYo jAnAti netaraH .. 30..\\
vidyA shIlavayovR^iddhAnbuddhivR^iddhAMshcha bhArata . 
dhanAbhijana vR^iddhAMshcha nityaM mUDho.avamanyate .. 31..\\
anArya vR^ittamaprAGYamasUyakamadhArmikam . 
anarthAH kShipramAyAnti vAgduShTa.n krodhanaM tathA .. 32..\\
avisa.nvAdana.n dAna.n samayasyAvyatikramaH . 
Avartayanti bhUtAni samyakpraNihitA cha vAk .. 33..\\
avisa.nvAdako dakShaH kR^itaGYo matimAnR^ijuH . 
api sa~NkShINa kosho.api labhate parivAraNam .. 34..\\
dhR^itiH shamo damaH shaucha.n kAruNya.n vAganiShThurA . 
mitrANA.n chAnabhidrohaH sataitAH samidhaH shriyaH .. 35..\\
asa.nvibhAgI duShTAtmA kR^itaghno nirapatrapaH . 
tAdR^i~NnarAdhamo loke varjanIyo narAdhipa .. 36..\\
na sa rAtrau sukha.n shete sa sarpa iva veshmani . 
yaH kopayati nirdoSha.n sa doSho.abhyantara.n janam .. 37..\\
yeShu duShTeShu doShaH syAdyogakShemasya bhArata . 
sadA prasAdana.n teShAM devatAnAmivAcharet .. 38..\\
ye.arthAH strIShu samAsaktAH prathamotpatiteShu cha . 
ye chAnArya samAsaktAH sarve te saMshaya.n gatAH .. 39..\\
yatra strI yatra kitavo yatra bAlo.anushAsti cha . 
majjanti te.avashA deshA nadyAmashmaplavA iva .. 40..\\
prayojaneShu ye saktA na visheSheShu bhArata . 
tAnahaM paNDitAnmanye visheShA hi prasa~NginaH .. 41..\\
yaM prasha.nsanti kitavA yaM prasha.nsanti chAraNAH . 
yaM prasha.nsanti bandhakyo na sa jIvati mAnavaH .. 42..\\
hitvA tAnparameShvAsAnpANDavAnamitaujasaH . 
AhitaM bhArataishvarya.n tvayA duryodhane mahat .. 43..\\
ta.n drakShyasi paribhraShTaM tasmAttvaM nachirAdiva . 
aishvaryamadasaMmUDhaM bali.n lokatrayAdiva .. 44..\\
\medskip\hrule\medskip\centerline{\Largedvng 39}
 dhr

anIshvaro.ayaM puruSho bhavAbhave 
sUtraprotA dArumayIva yoShA . 
dhAtrA hi diShTasya vashe kilAyaM 
tasmAdvada tva.n shravaNe ghR^ito.aham .. 1..\\
aprAptakAla.n vachanaM bR^ihaspatirapi bruvan . 
labhate buddhyavaGYAnamavamAna.n cha bhArata .. 2..\\
priyo bhavati dAnena priyavAdena chAparaH . 
mantraM mUlabalenAnyo yaH priyaH priya eva saH .. 3..\\
dveShyo na sAdhurbhavati na medhAvI na paNDitaH . 
priye shubhAni karmANi dveShye pApAni bhArata .. 4..\\
na sa kShayo mahArAja yaH kShayo vR^iddhimAvahet . 
kShayaH sa tviha mantavyo ya.n labdhvA bahu nAshayet .. 5..\\
samR^iddhA guNataH ke chidbhavanti dhanato.apare . 
dhanavR^iddhAnguNairhInAndhR^itarAShTra vivarjayet .. 6..\\

 dhr

sarva.n tvamAyatI yuktaM bhAShase prAGYasaMmatam . 
na chotsahe suta.n tyaktu.n yato dharmastato jayaH .. 7..\\
svabhAvaguNasampanno na jAtu vinayAnvitaH . 
susUkShmamapi bhUtAnAmupamardaM prayokShyate .. 8..\\
parApavAda niratAH paraduHkhodayeShu cha . 
parasparavirodhe cha yatante satatothitAH .. 9..\\
sa doSha.n darshana.n yeShAM sa.nvAse sumahadbhayam . 
arthAdAne mahAndoShaH pradAne cha mahadbhayam .. 10..\\
ye pApA iti vikhyAtAH sa.nvAse parigarhitAH . 
yuktAshchAnyairmahAdoShairye narAstAnvivarjayet .. 11..\\
nivartamAne sauhArde prItirnIche praNashyati . 
yA chaiva phalanirvR^ittiH sauhR^ide chaiva yatsukham .. 12..\\
yatate chApavAdAya yatnamArabhate kShaye . 
alpe.apyapakR^ite mohAnna shAntimupagachchhati .. 13..\\
tAdR^ishaiH sa~NgataM nIchairnR^isha.nsairakR^itAtmabhiH . 
nishAmya nipuNaM buddhyA vidvAndUrAdvivarjayet .. 14..\\
yo GYAtimanugR^ihNAti daridra.n dInamAturam . 
saputrapashubhirvR^iddhi.n yashashchAvyayamashnute .. 15..\\
GYAtayo vardhanIyAstairya ichchhantyAtmanaH shubham . 
kulavR^iddhi.n cha rAjendra tasmAtsAdhu samAchara .. 16..\\
shreyasA yokShyase rAjankurvANo GYAtisatkriyAm . 
viguNA hyapi sa.nrakShyA GYAtayo bharatarShabha .. 17..\\
kiM punarguNavantaste tvatprasAdAbhikA~NkShiNaH . 
prasAda.n kuru dInAnAM pANDavAnA.n vishAM pate .. 18..\\
dIyantA.n grAmakAH ke chitteShA.n vR^ittyarthamIshvara . 
eva.n loke yashaHprApto bhaviShyatsi narAdhipa .. 19..\\
vR^iddhena hi tvayA kAryaM putrANA.n tAta rakShaNam . 
mayA chApi hita.n vAchyaM viddhi mA.n tvaddhitaiShiNam .. 20..\\
GYAtibhirvigrahastAta na kartavyo bhavArthinA . 
sukhAni saha bhojyAni GYAtibhirbharatarShabha .. 21..\\
sambhojana.n sa~NkathanaM samprItish cha parasparam . 
GYAtibhiH saha kAryANi na virodhaH katha.n chana .. 22..\\
GYAtayastArayantIha GYAtayo majjayanti cha . 
suvR^ittAstArayantIha durvR^ittA majjayanti cha .. 23..\\
suvR^itto bhava rAjendra pANDavAnprati mAnada . 
adharShaNIyaH shatrUNA.n tairvR^itastvaM bhaviShyasi .. 24..\\
shrImanta.n GYAtimAsAdya yo GYAtiravasIdati . 
digdhahastaM mR^iga iva sa enastasya vindati .. 25..\\
pashchAdapi narashreShTha tava tApo bhaviShyati . 
tAnvA hatAnsutAnvApi shrutvA tadanuchintaya .. 26..\\
yena khaTvA.n samArUDhaH paritapyeta karmaNA . 
AdAveva na tatkuryAdadhruve jIvite sati .. 27..\\
na kashchinnApanayate pumAnanyatra bhArgavAt . 
sheShasampratipattistu buddhimatsveva tiShThati .. 28..\\
duryodhanena yadyetatpApa.n teShu purA kR^itam . 
tvayA tatkulavR^iddhena pratyAneyaM nareshvara .. 29..\\
tA.nstvaM pade pratiShThApya loke vigatakalmaShaH . 
bhaviShyasi narashreShTha pUjanIyo manIShiNAm .. 30..\\
suvyAhR^itAni dhIrANAM phalataH pravichintya yaH . 
adhyavasyati kAryeShu chira.n yashasi tiShThati .. 31..\\
avR^itti.n vinayo hanti hantyanarthaM parAkramaH . 
hanti nitya.n kShamA krodhamAchAro hantyalakShaNam .. 32..\\
parichchhadena kShatreNa veshmanA paricharyayA . 
parIkSheta kula.n rAjanbhojanAchchhAdanena cha .. 33..\\
yayoshchittena vA chittaM naibhR^itaM naibhR^itena vA . 
sameti praGYayA praGYA tayormaitrI na jIryate .. 34..\\
durbuddhimakR^itapraGYa.n chhannaM kUpaM tR^iNairiva . 
vivarjayIta medhAvI tasminmaitrI praNashyati .. 35..\\
avalipteShu mUrkheShu raudrasAhasikeShu cha . 
tathaivApeta dharmeShu na maitrImAcharedbudhaH .. 36..\\
kR^itaGYa.n dhArmika.n satyamakShudraM dR^iDhabhaktikam . 
jitendriya.n sthitaM sthityAM mitramatyAgi cheShyate .. 37..\\
indriyANAmanutsargo mR^ityunA na vishiShyate . 
atyarthaM punarutsargaH sAdayeddaivatAnyapi .. 38..\\
mArdava.n sarvabhUtAnAmanasUyA kShamA dhR^itiH . 
AyuShyANi budhAH prAhurmitrANA.n chAvimAnanA .. 39..\\
apanIta.n sunItena yo.arthaM pratyAninIShate . 
matimAsthAya sudR^iDhA.n tadakApuruSha vratam .. 40..\\
AyatyAM pratikAraGYastadAtve dR^iDhanishchayaH . 
atIte kAryasheShaGYo naro.arthairna prahIyate .. 41..\\
karmaNA manasA vAchA yadabhIkShNaM niShevate . 
tadevApaharatyena.n tasmAtkalyANamAcharet .. 42..\\
ma~NgalAlambhana.n yogaH shrutamutthAnamArjavam . 
bhUtimetAni kurvanti satA.n chAbhIkShNa darshanam .. 43..\\
anirvedaH shriyo mUla.n duHkhanAshe sukhasya cha . 
mahAnbhavatyanirviNNaH sukha.n chAtyantamashnute .. 44..\\
nAtaH shrImattara.n kiM chidanyatpathyatamaM tathA . 
prabha viShNoryathA tAta kShamA sarvatra sarvadA .. 45..\\
kShamedashaktaH sarvasya shaktimAndharmakAraNAt . 
arthAnarthau samau yasya tasya nitya.n kShamA hitA .. 46..\\
yatsukha.n sevamAno.api dharmArthAbhyAM na hIyate . 
kAma.n tadupaseveta na mUDha vratamAcharet .. 47..\\
duHkhArteShu pramatteShu nAstikeShvalaseShu cha . 
na shrIrvasatyadAnteShu ye chotsAha vivarjitAH .. 48..\\
Arjavena nara.n yuktamArjavAtsavyapatrapam . 
ashaktimantaM manyanto dharShayanti kubuddhayaH .. 49..\\
atyAryamatidAtAramatishUramativratam . 
praGYAbhimAnina.n chaiva shrIrbhayAnnopasarpati .. 50..\\
agnihotraphalA vedAH shIlavR^ittaphala.n shrutam . 
ratiputra phalA dArA dattabhukta phala.n dhanam .. 51..\\
adharmopArjitairarthairyaH karotyaurdhva dehikam . 
na sa tasya phalaM pretya bhu~Nkte.arthasya durAgamAt .. 52..\\
kAnAra vanadurgeShu kR^ichchhrAsvApatsu sambhrame . 
udyateShu cha shastreShu nAsti sheShavatAM bhayam .. 53..\\
utthAna.n sa.nyamo dAkShyamapramAdo dhR^itiH smR^itiH . 
samIkShya cha samArambho viddhi mUlaM bhavasya tat .. 54..\\
tapobala.n tApasAnAM brahma brahmavidAM balam . 
hi.nsA balamasAdhUnA.n kShamAguNavatAM balam .. 55..\\
aShTau tAnyavrataghnAni Apo mUlaM phalaM payaH . 
havirbrAhmaNa kAmyA cha gurorvachanamauShadham .. 56..\\
na tatparasya sandadhyAtpratikUla.n yadAtmanaH . 
sa~NgraheNaiSha dharmaH syAtkAmAdanyaH pravartate .. 57..\\
akrodhena jayetkrodhamasAdhu.n sAdhunA jayet . 
jayetkadarya.n dAnena jayetsatyena chAnR^itam .. 58..\\
strI dhUrtake.alase bhIrau chaNDe puruShamAnini . 
chaure kR^itaghne vishvAso na kAryo na cha nAstike .. 59..\\
abhivAdanashIlasya nitya.n vR^iddhopasevinaH . 
chatvAri sampravardhante kIrtirAyuryashobalam .. 60..\\
atikleshena ye.arthAH syurdharmasyAtikrameNa cha . 
arervA praNipAtena mA sma teShu manaH kR^ithAH .. 61..\\
avidyaH puruShaH shochyaH shochyaM mithunamaprajam . 
nirAhArAH prajAH shochyAH shochya.n rAShTramarAjakam .. 62..\\
adhvA jarA dehavatAM parvatAnA.n jalaM jarA . 
asambhogo jarA strINA.n vAkshalyaM manaso jarA .. 63..\\
anAmnAya malA vedA brAhmaNasyAvrataM malam . 
kautUhalamalA sAdhvI vipravAsa malAH striyaH .. 64..\\
suvarNasya mala.n rUpyaM rUpyasyApi mala.n trapu . 
GYeya.n trapu mala.n sIsaM sIsasyApi malaM malam .. 65..\\
na svapnena jayennidrAM na kAmena striya.n jayet . 
nendhanena jayedagniM na pAnena surA.n jayet .. 66..\\
yasya dAnajitaM mitramamitrA yudhi nirjitAH . 
annapAnajitA dArAH saphala.n tasya jIvitam .. 67..\\
sahasriNo.api jIvanti jIvanti shatinastathA . 
dhR^itarAShTra.n vimu~nchechchhAM na katha.n chinna jIvyate .. 68..\\
yatpR^ithivyA.n vrIhi yavaM hiraNyaM pashavaH striyaH . 
nAlamekasya tatsarvamiti pashyanna muhyati .. 69..\\
rAjanbhUyo bravImi tvAM putreShu samamAchara . 
samatA yadi te rAjansveShu pANDusuteShu cha .. 70..\\
\medskip\hrule\medskip\centerline{\Largedvng 40}
 vi

yo.abhyarthitaH sadbhirasajjamAnaH 
karotyartha.n shaktimahApayitvA . 
kShipra.n yashastaM samupaiti santamalaM 
prasannA hi sukhAya santaH .. 1..\\
mahAntamapyarthamadharmayuktaM 
yaH santyajatyanupAkruShTa eva . 
sukha.n sa duHkhAnyavamuchya shete 
jIrNA.n tvacha.n sarpa ivAvamuchya .. 2..\\
anR^ita.n cha samutkarShe rAjagAmi cha paishunam . 
guroshchAlIka nirbandhaH samAni brahmahatyayA .. 3..\\
asUyaika padaM mR^ityurativAdaH shriyo vadhaH . 
ashushrUShA tvarA shlAghA vidyAyAH shatravastrayaH .. 4..\\
sukhArthinaH kuto vidyA nAsti vidyArthinaH sukham . 
sukhArthI vA tyajedvidyA.n vidyArthI vA sukha.n tyajet .. 5..\\
nAgnistR^ipyati kAShThAnAM nApagAnAM mahodadhiH . 
nAntakaH sarvabhUtAnAM na pu.nsA.n vAmalochanA .. 6..\\
AshA dhR^iti.n hanti samR^iddhimantakaH 
krodhaH shriya.n hanti yashaH kadaryatA . 
apAlana.n hanti pashUMshcha rAjann 
ekaH kruddho brAhmaNo hanti rAShTram .. 7..\\
ajashcha kA.nsya.n cha rathashcha nityaM 
madhvAkarShaH shakuniH shrotriyash cha . 
vR^iddho GYAtiravasanno vayasya 
etAni te santu gR^ihe sadaiva .. 8..\\
ajokShA chandana.n vINA Adarsho madhusarpiShI . 
viShamaudumbara.n sha~NkhaH svarNaM nAbhishcha rochanA .. 9..\\
gR^ihe sthApayitavyAni dhanyAni manurabravIt . 
deva brAhmaNa pUjArthamatithInA.n cha bhArata .. 10..\\
ida.n cha tvA.n sarvaparaM bravImi 
puNyaM pada.n tAta mahAvishiShTam . 
na jAtu kAmAnna bhayAnna lobhAd 
dharma.n tyajejjIvitasyApi hetoH .. 11..\\
nityo dharmaH sukhaduHkhe tvanitye 
nityo jIvo dhAturasya tvanityaH . 
tyaktvAnityaM pratitiShThasva nitye 
santuShya tva.n toSha paro hi lAbhaH .. 12..\\
mahAbalAnpashya manAnubhAvAn 
prashAsya bhUmi.n dhanadhAnya pUrNAm . 
rAjyAni hitvA vipulAMshcha bhogAn 
gatAnnarendrAnvashamantakasya .. 13..\\
mR^itaM putra.n duHkhapuShTaM manuShyA 
utkShipya rAjansvagR^ihAnnirharanti . 
taM muktakeshAH karuNa.n rudantash 
chitAmadhye kAShThamiva kShipanti .. 14..\\
anyo dhanaM pretagatasya bhu~Nkte 
vayA.nsi chAgnishcha sharIradhAtUn . 
dvAbhyAmaya.n saha gachchhatyamutra 
puNyena pApena cha veShTyamAnaH .. 15..\\
utsR^ijya vinivartante GYAtayaH suhR^idaH sutAH . 
agnau prAsta.n tu puruShaM karmAnveti svayaM kR^itam .. 16..\\
asmAllokAdUrdhvamamuShya chAdho 
mahattamastiShThati hyandhakAram . 
tadvai mahAmohanamindriyANAM 
budhyasva mA tvAM pralabheta rAjan .. 17..\\
ida.n vachaH shakShyasi chedyathAvan 
nishamya sarvaM pratipattumevam . 
yashaH paraM prApsyasi jIvaloke 
bhayaM na chAmutra na cheha te.asti .. 18..\\
AtmA nadI bhArata puNyatIrthA 
satyodakA dhR^itikUlA damormiH . 
tasyA.n snAtaH pUyate puNyakarmA 
puNyo hyAtmA nityamambho.ambha eva .. 19..\\
kAmakrodhagrAhavatIM pa~nchendriya jalAM nadIm . 
kR^itvA dhR^itimayIM nAva.n janma durgANi santara .. 20..\\
praGYA vR^iddha.n dharmavR^iddha.n svabandhuM 
vidyA vR^iddha.n vayasA chApi vR^iddham . 
kAryAkArye pUjayitvA prasAdya 
yaH sampR^ichchhenna sa muhyetkadA chit .. 21..\\
dhR^ityA shishnodara.n rakShetpANipAda.n cha chakShuShA . 
chakShuH shrotre cha manasA mano vAcha.n cha karmaNA .. 22..\\
nityodakI nityayaGYopavItI 
nityasvAdhyAyI patitAnna varjI . 
R^itaM bruvangurave karma kurvan 
na brAhmaNashchyavate brahmalokAt .. 23..\\
adhItya vedAnparisa.nstIrya chAgnIn 
iShTvA yaGYaiH pAlayitvA prajAsh cha . 
gobrAhmaNArthe shastrapUtAntarAtmA 
hataH sa~NgrAme kShatriyaH svargameti .. 24..\\
vaishyo.adhItya brAhmaNAnkShatriyAMsh cha 
dhanaiH kAle sa.nvibhajyAshritAMsh cha . 
tretA pUta.n dhUmamAghrAya puNyaM 
pretya svarge deva sukhAni bhu~Nkte .. 25..\\
brahmakShatra.n vaishya varNa.n cha shUdraH 
krameNaitAnnyAyataH pUjayAnaH . 
tuShTeShveteShvavyatho dagdhapApas 
tyaktvA deha.n svargasukhAni bhu~Nkte .. 26..\\
chAturvarNyasyaiSha dharmastavokto 
hetu.n chAtra bruvato me nibodha . 
kShAtrAddharmAddhIyate pANDuputras 
ta.n tva.n rAjanrAjadharme niyu~NkShva .. 27..\\
evametadyathA mA.n tvamanushAsati nityadA . 
mamApi cha matiH saumya bhavatyeva.n yathAttha mAm .. 28..\\
sA tu buddiH kR^itApyevaM pANDavAnrapti me sadA . 
duryodhana.n samAsAdya punarviparivartate .. 29..\\
na diShTamabhyatikrAntu.n shakyaM martyena kena chit . 
diShTameva kR^itaM manye pauruSha.n tu nirarthakam .. 30..\\
\medskip\hrule\medskip\centerline{\Largedvng 41}
 dhr

anukta.n yadi te ki.n chidvAchA vidura vidyate . 
tanme shushrUShave brUhi vichitrANi hi bhAShase .. 1..\\
dhR^itarAShTra kumAro vai yaH purANaH sanAtanaH . 
sanatsujAtaH provAcha mR^ityurnAstIti bhArata .. 2..\\
sa te guhyAnprakAshAMshcha sarvAnhR^idayasaMshrayAn . 
pravakShyati mahArAja sarvabuddhimatA.n varaH .. 3..\\
ki.n tvaM na veda tadbhUyo yanme brUyAtsanAtanaH . 
tvameva vidura brUhi praGYA sheSho.asti chettava .. 4..\\
shUdrayonAvaha.n jAto nAto.anyadvaktumutsahe . 
kumArasya tu yA buddhirveda tA.n shAshvatIm aham .. 5..\\
brAhmI.n hi yonimApannaH suguhyamapi yo vadet . 
na tena garhyo devAnA.n tasmAdetadbravImi te .. 6..\\
bravIhi vidura tvaM me purANa.n ta.n sanAtanam . 
kathametena dehena syAdihaiva samAgamaH .. 7..\\
chintayAmAsa vidurastamR^iShi.n saMshitavratam . 
sa cha tachchintita.n GYAtvA darshayAmAsa bhArata .. 8..\\
sa chainaM pratijagrAha vidhidR^iShTena karmaNA . 
sukhopaviShTa.n vishrAntamathainaM viduro.abravIt .. 9..\\
bhagavansaMshayaH kashchiddhR^itarAShTrasya mAnase . 
yo na shakyo mayA vaktu.n tamasmai vaktumarhasi . 
ya.n shrutvAyaM manuShyendraH sukhaduHkhAtigo bhavet .. 10..\\
lAbhAlAbhau priya dveShyau yathainaM na jarAntakau . 
viShaheranbhayAmarShau kShutpipAse madodbhavau . 
aratishchaiva tandrI cha kAmakrodhau kShayodayau .. 11..\\
\medskip\hrule\medskip\centerline{\Largedvng 42}
 v

tato rAjA dhR^itarAShTro manIShI 
sampUjya vAkya.n vidurerita.n tat . 
sanatsujAta.n rahite mahAtmA 
paprachchha buddhiM paramAM bubhUShan .. 1..\\
sanatsujAta yadIda.n shR^iNomi 
mR^ityurhi nAsIha tavopadesham . 
devAsurA hyAcharanbrahmacharyam 
amR^ityave tatkataranna satyam .. 2..\\

 san

amR^ityuH karmaNA ke chinmR^ityurnAstIti chApare . 
shR^iNu me bruvato rAjanyathaitanmA visha~NkithAH .. 3..\\
ubhe satye kShatriyAdya pravR^itte 
moho mR^ityuH saMmato yaH kavInAm . 
pramAda.n vai mR^ityumahaM bravImi 
sadApramAdamamR^itatvaM bravImi .. 4..\\
pramAdAdvai asurAH parAbhavann 
apramAdAdbrahmabhUtA bhavanti . 
na vai mR^ityurvyAghra ivAtti jantUn 
na hyasya rUpamupalabhyate ha .. 5..\\
yama.n tveke mR^ityumato.anyamAhur 
AtmAvasannamamR^itaM brahmacharyam . 
pitR^iloke rAjyamanushAsti devaH 
shivaH shivAnAmashivo.ashivAnAm .. 6..\\
AsyAdeSha niHsarate narANAM 
krodhaH pramAdo moharUpashcha mR^ityuH . 
te mohitAstadvashe vartamAnA 
itaH pretAstatra punaH patanti .. 7..\\
tatasta.n devA anu viplavante 
ato mR^ityurmaraNAkhyAm upaiti . 
karmodaye karmaphalAnurAgAs 
tatrAnu yAnti na taranti mR^ityum .. 8..\\
yo.abhidhyAyannutpatiShNUnnihanyAd 
anAdareNApratibudhyamAnaH . 
sa vai mR^ityurmR^ityurivAtti bhUtvA 
eva.n vidvAnyo vinihanti kAmAn .. 9..\\
kAmAnusArI puruShaH kAmAnanu vinashyati . 
kAmAnvyudasya dhunute yatki.n chitpuruSho rajaH .. 10..\\
tamo.aprakAsho bhUtAnAM narako.ayaM pradR^ishyate . 
gR^ihyanta iva dhAvanti gachchhantaH shvabhramunmukhAH .. 11..\\
abhidhyA vai prathama.n hanti chainaM 
kAmakrodhau gR^ihya chaina.n tu pashchAt . 
ete bAlAnmR^ityave prApayanti 
dhIrAstu dhairyeNa taranti mR^ityum .. 12..\\
amanyamAnaH kShatriya ki.n chidanyan 
nAdhIyate tArNa ivAsya vyAghraH . 
krodhAllobhAnmohamayAntarAtmA 
sa vai mR^ityustvachchharIre ya eShaH .. 13..\\
evaM mR^ityu.n jAyamAna.n viditvA 
GYAne tiShThanna bibhetIha mR^ityoH . 
vinashyate viShaye tasya mR^ityur 
mR^ityoryathA viShayaM prApya martyaH .. 14..\\
ye.asmindharmAnnAcharantIha ke chit 
tathA dharmAnke chidihAcharanti . 
dharmaH pApena pratihanyate sma 
utAho dharmaH pratihanti pApam .. 15..\\

 san

ubhayameva tatropabhujyate phalaM 
dharmasyaivetarasya cha . 
dharmeNAdharmaM praNudatIha vidvAn 
dharmo balIyAniti tasya viddhi .. 16..\\
yAnimAnAhuH svasya dharmasya lokAn 
dvijAtInAM puNyakR^itA.n sanAtanAn . 
teShAM parikramAnkathayantastato.anyAn 
naitadvidvannaiva kR^ita.n cha karma .. 17..\\

 san

yeShAM bale na vispardhA bale balavatAm iva . 
te brAhmaNA itaH pretya svargaloke prakAshate .. 18..\\
yatra manyeta bhUyiShThaM prAvR^iShIva tR^iNolapam . 
annaM pAna.n cha brAhmaNastajjIvannAnusa~njvaret .. 19..\\
yatrAkathayamAnasya prayachchhatyashivaM bhayam . 
atiriktamivAkurvansa shreyAnnetaro janaH .. 20..\\
yo vAkathayamAnasya AtmAnaM nAnusa~njvaret . 
brahma svaM nopabhu~njedvA tadanna.n saMmataM satAm .. 21..\\
yathA sva.n vAntamashnAti shvA vai nityamabhUtaye . 
eva.n te vAntamashnanti svavIryasyopajIvanAt .. 22..\\
nityamaGYAtacharyA me iti manyeta brAhmaNaH . 
GYAtInA.n tu vasanmadhye naiva vidyeta kiM chana .. 23..\\
ko hyevamantarAtmAnaM brAhmaNo hantumarhati . 
tasmAddhi ki.n chitkShatriya brahmAvasati pashyati .. 24..\\
ashrAntaH syAdanAdAnAtsaMmato nirupadravaH . 
shiShTo na shiShTavatsa syAdbrAhmaNo brahmavitkaviH .. 25..\\
anADhyA mAnuShe vitte ADhyA vedeShu ye dvijAH . 
te durdharShA duShprakampyA vidyAttAnbrahmaNastanum .. 26..\\
sarvAnsviShTakR^ito devAnvidyAdya iha kash chana . 
na samAno brAhmaNasya yasminprayatate svayam .. 27..\\
yama prayatamAna.n tu mAnayanti sa mAnitaH . 
na mAnyamAno manyeta nAmAnAdabhisa~njvaret .. 28..\\
vidvA.nso mAnayantIha iti manyeta mAnitaH . 
adharmaviduSho mUDhA lokashAstravishAradAH . 
na mAnyaM mAnayiShyanti iti manyedamAnitaH .. 29..\\
na vai mAna.n cha maunaM cha sahitau charataH sadA . 
aya.n hi loko mAnasya asau mAnasya tadviduH .. 30..\\
shrIH sukhasyeha sa.nvAsaH sA chApi paripanthinI . 
brahmI sudurlabhA shrIrhi praGYA hInena kShatriya .. 31..\\
dvArANi tasyA hivadanti santo 
bahuprakArANi durAvarANi . 
satyArjave hrIrdamashauchavidyAH 
ShaNmAnamohapratibAdhanAni .. 32..\\
\medskip\hrule\medskip\centerline{\Largedvng 43}
 dhr

R^icho yajUMShyadhIte yaH sAmaveda.n cha yo dvijaH . 
pApAni kurvanpApena lipyate na sa lipyate .. 1..\\

 san

naina.n sAmAnyR^icho vApi na yajUMShi vichakShaNa . 
trAyante karmaNaH pApAnna te mithyA bravImyaham .. 2..\\
na chhandA.nsi vR^ijinAttArayanti 
mAyAvinaM mAyayA vartamAnam . 
nIDa.n shakuntA iva jAtapakShAsh 
chhandA.nsyenaM prajahatyantakAle .. 3..\\
na chedvedA vedavida.n shaktAstrAtuM vichakShaNa . 
atha kasmAtpralApo.ayaM brAhmaNAnA.n sanAtanaH .. 4..\\

 san

asmi.Nlloke tapastaptaM phalamanyatra dR^ishyate . 
brAhmaNAnAmime lokA R^iddhe tapasi sa.nyatAH .. 5..\\
katha.n samR^iddhamapyR^iddha.n tapo bhavati kevalam . 
sanatsujAta tadbrUhi yathA vidyAma tadvayam .. 6..\\

 san

krodhAdayo dvAdasha yasya doShAs 
tathA nR^isha.nsAdi ShaDatra rAjan . 
dharmAdayo dvAdasha chAtatAnAH 
shAstre guNA ye viditA dvijAnAm .. 7..\\
krodhaH kAmo lobhamohau vivitsA 
kR^ipAsUyA mAnashokau spR^ihA cha . 
IrShyA jugupsA cha manuShyadoShA 
varjyAH sadA dvAdashaite nareNa .. 8..\\
ekaikameta rAjendra manuShyAnparyupAsate . 
lipsamAno.antara.n teShAM mR^igANAmiva lubdhakaH .. 9..\\
vikatthanaH spR^ihayAlurmanasvI 
bibhratkopa.n chapalo.arakShaNash cha . 
ete prAptAH ShaNnarAnpApadharmAn 
prakurvate nota santaH sudurge .. 10..\\
sambhogasa.nviddviShamedhamAno 
dattAnutApI kR^ipaNo.abalIyAn . 
varga prasha.nsI vanitAsu dveShTA 
ete.apare sapta nR^isha.nsadharmAH .. 11..\\
dharmashcha satya.n cha damastapash cha 
amAtsarya.n hrIstitikShAnasUyA . 
yaGYashcha dAna.n cha dhR^itiH shrutaM cha 
mahAvratA dvAdasha brAhmaNasya .. 12..\\
yastvetabhyaH pravaseddvAdashebhyaH 
sarvAmapImAM pR^ithivIM prashiShyAt . 
tribhirdvAbhyAmekato vA vishiShTo 
nAsya svamastIti sa veditavyaH .. 13..\\
damastyAgo.apramAdashcha eteShvamR^itamAhitam . 
tAni satyamukhAnyAhurbrAhmaNA ye manIShiNaH .. 14..\\
damo.aShTAdasha doShaH syAtpratikUla.n kR^itAkR^ite . 
anR^ita.n chAbhyasUyA cha kAmArthau cha tathA spR^ihA .. 15..\\
krodhaH shokastathA tR^iShNA lobhaH paishunyameva cha . 
matsarashcha vivitsA cha paritApastathA ratiH .. 16..\\
apasmAraH sAtivAdastathA sambhAvanAtmani . 
etairvimukto doShairyaH sa damaH sadbhiruchyate .. 17..\\
shreyA.nstu ShaDvidhastyAgaH priyaM prApya na hR^iShyati . 
apriye tu samutpanne vyathA.n jAtu na chArchchhati .. 18..\\
iShTAndArAMshcha putrAMshcha na chAnya.n yadvacho bhavet . 
arhate yAchamAnAya pradeya.n tadvacho bhavet . 
apyavAchya.n vadatyeva sa tR^itIyo guNaH smR^itaH .. 19..\\
tyaktairdravyairyo bhavati nopayu~Nkte cha kAmataH . 
na cha karmasu taddhInaH shiShyabuddhirnaro yathA . 
sarvaireva guNairyukto dravyavAnapi yo bhavet .. 20..\\
apramAdo.aShTa doShaH syAttAndoShAnparivarjayet . 
indriyebhyashcha pa~nchabhyo manasashchaiva bhArata . 
atItAnAgatebhyashcha mukto hyetaiH sukhI bhavet .. 21..\\
doShairetairvimukta.n tu guNairetaiH samanvitam . 
etatsamR^iddhamapyR^iddha.n tapo bhavati kevalam . 
yanmAM pR^ichchhasi rAjendra kiM bhUyaH shrotumichchhasi .. 22..\\
AkhyAna pa~nchamairvedairbhUyiShTha.n kathyate janaH . 
tathaivAnye chaturvedAstrivedAshcha tathApare .. 23..\\
dvivedAshchaikavedAshcha anR^ichashcha tathApare . 
teShA.n tu katamaH sa syAdyamaha.n veda brAhmaNam .. 24..\\

 san

ekasya vedasyAGYAnAdvedAste bahavo.abhavan . 
satyasyaikasya rAjendra satye kashchidavasthitaH . 
eva.n vedamanutsAdya praGYAM mahati kurvate .. 25..\\
dAnamadhyayana.n yaGYo lobhAdetatpravartate . 
satyAtprachyavamAnAnA.n sa~Nkalpo vitatho bhavet .. 26..\\
tato yaGYaH pratAyeta satyasyaivAvadhAraNAt . 
manasAnyasya bhavati vAchAnyasyota karmaNA . 
sa~NkalpasiddhaH puruShaH sa~NkalpAnadhitiShThati .. 27..\\
anaibhR^ityena vai tasya dIkShita vratamAcharet . 
nAmaitaddhAtunirvR^itta.n satyameva satAM param . 
GYAna.n vai nAma pratyakShaM parokSha.n jAyate tapaH .. 28..\\
vidyAdbahu paThanta.n tu bahu pAThIti brAhmaNam . 
tasmAtkShatriya mA ma.nsthA jalpitenaiva brAhmaNam . 
ya eva satyAnnApaiti sa GYeyo brAhmaNastvayA .. 29..\\
chhandA.nsi nAma kShatriya tAnyatharvA 
jagau purastAdR^iShisarga eShaH . 
chhandovidaste ya u tAnadhItya 
na vedya vedasya vidurna vedyam .. 30..\\
na vedAnA.n veditA kash chidasti 
kashchidvedAnbudhyate vApi rAjan . 
yo veda vedAnna sa veda vedyaM 
satye sthito yastu sa veda vedyam .. 31..\\
abhijAnAmi brAhmaNamAkhyAtAra.n vichakShaNam . 
yashchhinnavichikitsaH sannAchaShTe sarvasaMshayAn .. 32..\\
tasya paryeShaNa.n gachchhetprAchInaM nota dakShiNam . 
nArvAchIna.n kutastirya~NnAdishaM tu kathaM chana .. 33..\\
tUShNImbhUta upAsIta na cheShTenmanasA api . 
abhyAvarteta brahmAsya antarAtmani vai shritam .. 34..\\
maunAddhi sa munirbhavati nAraNya vasanAnmuniH . 
akShara.n tattu yo veda sa muniH shreShTha uchyate .. 35..\\
sarvArthAnA.n vyAkaraNAdvaiyAkaraNa uchyate . 
pratyakShadarshI lokAnA.n sarvadarshI bhavennaraH .. 36..\\
satye vai brAhmaNastiShThanbrahma pashyati kShatriya . 
vedAnA.n chAnupUrvyeNa etadvidvanbravImi te .. 37..\\
\medskip\hrule\medskip\centerline{\Largedvng 44}
 dhr

sanatsujAta yadimAM parArthAM 
brAhmI.n vAchaM pravadasi vishvarUpAm . 
parA.n hi kAmeShu sudurlabhA.n kathAM 
tadbrUhi me vAkyametatkumAra .. 1..\\

 san

naitadbrahma tvaramANena labhyaM 
yanmAM pR^ichchhasyabhihR^iShyasyatIva . 
avyaktavidyAmabhidhAsye purANIM 
buddhyA cha teShAM brahmacharyeNa siddhAm .. 2..\\
avyaktavidyAmiti yatsanAtanIM 
bravIShi tvaM brahmacharyeNa siddhAm . 
anArabhyA vasatIhArya kAle 
kathaM brAhmaNyamamR^itatva.n labheta .. 3..\\

 san

ye.asmi.Nlloke vijayantIha kAmAn 
brAhmI.n sthitimanutitikShamANAH . 
ta AtmAnaM nirharantIha dehAn 
mu~njAdiShIkAmiva sattvasa.nsthAH .. 4..\\
sharIrametau kurutaH pitA mAtA cha bhArata . 
AchArya shAstA yA jAtiH sA satyA sAjarAmarA .. 5..\\
AchArya yonimiha ye pravishya 
bhUtvA garbhaM brahmacharya.n charanti . 
ihaiva te shAstrakArA bhavanti 
prahAya dehaM parama.n yAnti yogam .. 6..\\
ya AvR^iNotyavitathena karNA 
vR^ita.n kurvannamR^ita.n samprayachchhan . 
taM manyeta pitaraM mAtara.n cha 
tasmai na druhyetkR^itamasya jAnan .. 7..\\
guru.n shiShyo nityamabhimanyamAnaH 
svAdhyAyamichchhechchhuchirapramattaH . 
mAnaM na kuryAnna dadhIta roSham 
eSha prathamo brahmacharyasya pAdaH .. 8..\\
AchAryasya priya.n kuryAtprANairapi dhanairapi . 
karmaNA manasA vAchA dvitIyaH pAda uchyate .. 9..\\
samA gurau yathAvR^ittirguru patnyA.n tathA bhavet . 
yathoktakArI priyakR^ittR^itIyaH pAda uchyate .. 10..\\
nAchAryAyehopakR^itvA pravAdaM 
prAGYaH kurvIta naitadaha.n karomi . 
itIva manyeta na bhAShayeta 
sa vai chaturtho brahmacharyasya pAdaH .. 11..\\
eva.n vasantaM yadupaplaveddhanam 
AchAryAya tadanuprayachchhet . 
satA.n vR^iddhiM bahuguNAm evameti 
guroH putre bhavati cha vR^ittireShA .. 12..\\
eva.n vasansarvato vardhatIha 
bahUnputrA.Nllabhate cha pratiShThAm . 
varShanti chAsmai pradisho dishash cha 
vasantyasminbrahmacharye janAsh cha .. 13..\\
etana brahmacharyeNa devA devatvamApnuvan . 
R^iShayashcha mahAbhAgA brahmalokaM manIShiNaH .. 14..\\
gandharvANAmanenaiva rUpamapsarasAmabhUt . 
etena brahmacharyeNa sUryo ahnAya jAyate .. 15..\\
ya AshayetpATayechchApi rAjan 
sarva.n sharIra.n tapasA tapyamAnaH . 
etenAsau bAlyamatyeti vidvAn 
mR^ityu.n tathA rodhayatyantakAle .. 16..\\
antavantaH kShatriya te jayanti 
lokA~njanAH karmaNA nirmitena . 
brahmaiva vidvA.nstenAbhyeti sarvaM 
nAnyaH panthA ayanAya vidyate .. 17..\\
AbhAti shuklamiva lohitamiva 
atho kR^iShNamathA~njana.n kAdrava.n vA . 
tadbrAhmaNaH pashyati yo.atra vidvAn 
katha.nrUpa.n tadamR^itamakSharaM padam .. 18..\\
nAbhAti shuklamiva lohitamiva 
atho kR^iShNamAyasamarkavarNam . 
na pR^ithivyA.n tiShThati nAntarikShe 
naitatsamudre salilaM bibharti .. 19..\\
na tArakAsu na cha vidyudAshritaM 
na chAbhreShu dR^ishyate rUpamasya . 
na chApi vAyau na cha devatAsu 
na tachchandre dR^ishyate nota sUrye .. 20..\\
naivarkShu tanna yajuHShu nApyatharvasu 
na chaiva dR^ishyatyamaleShu sAmasu . 
rathantare bArhate chApi rAjan 
mahAvrate naiva dR^ishyeddhruva.n tat .. 21..\\
apAraNIya.n tamasaH parastAt 
tadantako.apyeti vinAshakAle . 
aNIya rUpa.n kShura dhArayA tan 
mahachcha rUpa.n tvapi parvatebhyaH .. 22..\\
sA pratiShThA tadamR^ita.n lokAstadbrahma tadyashaH . 
bhUtAni jaGYire tasmAtpralaya.n yAnti tatra cha .. 23..\\
anAmaya.n tanmahadudyata.n yasho 
vAcho vikArAnkavayo vadanti . 
tasmi~njagatsarvamidaM pratiShThitaM 
ye tadviduramR^itAste bhavanti .. 24..\\
\medskip\hrule\medskip\centerline{\Largedvng 45}
 san

yattachchhukraM mahajjyotirdIpyamAnaM mahadyashaH . 
tadvai devA upAsante yasmAdarko virAjate . 
yoginastaM prapashyanti bhagavanta.n sanAtanam .. 1..\\
shukrAdbrahma prabhavati brahma shukreNa vardhate . 
tachchhukra.n jyotiShAM madhye.ataptaM tapati tApanam . 
yoginastaM prapashyanti bhagavanta.n sanAtanam .. 2..\\
Apo.atha adbhyaH salilasya madhye 
ubhau devau shishriyAte.antarikShe . 
sa sadhrIchIH sa viShUchIrvasAnA 
ubhe bibharti pR^ithivI.n divaM cha . 
yoginastaM prapashyanti bhagavanta.n sanAtanam .. 3..\\
ubhau cha devau pR^ithivI.n divaM cha 
dishashcha shukraM bhuvanaM bibharti . 
tasmAddishaH saritash cha sravanti 
tasmAtsamudrA vihitA mahAntaH . 
yoginastaM prapashyanti bhagavanta.n sanAtanam .. 4..\\
chakre rathasya tiShThanta.n dhruvasyAvyaya karmaNaH . 
ketumanta.n vahantyashvAsta.n divyamajaraM divi . 
yoginastaM prapashyanti bhagavanta.n sanAtanam .. 5..\\
na sAdR^ishye tiShThati rUpamasya 
na chakShuShA pashyati kash chidenam . 
manIShayAtho manasA hR^idA cha 
yaiva.n viduramR^itAste bhavanti . 
yoginastaM prapashyanti bhagavanta.n sanAtanam .. 6..\\
dvAdasha pUgA.n sarita.n deva rakShitam . 
madhu IshantastadA sa~ncaranti ghoram . 
yoginastaM prapashyanti bhagavanta.n sanAtanam .. 7..\\
tadardhamAsaM pibati sa~ncitya bhramaro madhu . 
IshAnaH sarvabhUteShu havirbhUtamakalpayat . 
yoginastaM prapashyanti bhagavanta.n sanAtanam .. 8..\\
hiraNyaparNamashvatthamabhipatya apakShakAH . 
yoginastaM prapashyanti bhagavanta.n sanAtanam .. 9..\\
pUrNAtpUrNAnyuddharanti pUrNAtpUrNAni chakrire . 
haranti pUrNAtpUrNAni pUrNamevAvashiShyate . 
yoginastaM prapashyanti bhagavanta.n sanAtanam .. 10..\\
tasmAdvai vAyurAyAtastasmiMshcha prayataH sadA . 
tasmAdagnishcha somashcha tasmiMshcha prANa AtataH .. 11..\\
sarvameva tato vidyAttattadvaktuM na shaknumaH . 
yoginastaM prapashyanti bhagavanta.n sanAtanam .. 12..\\
apAna.n girati prANaH prANaM girati chandramAH . 
Adityo girate chandramAditya.n girate paraH . 
yoginastaM prapashyanti bhagavanta.n sanAtanam .. 13..\\
ekaM pAdaM notkShipati salilAddha.nsa uchcharan . 
ta.n chetsatatamR^itvijaM na mR^ityurnAmR^itaM bhavet . 
yoginastaM prapashyanti bhagavanta.n sanAtanam .. 14..\\
eva.n devo mahAtmA sa pAvakaM puruSho giran . 
yo vai taM puruSha.n veda tasyehAtmA na riShyate . 
yoginastaM prapashyanti bhagavanta.n sanAtanam .. 15..\\
yaH sahasra.n sahasrANAM pakShAnsantatya sampatet . 
madhyame madhya Agachchhedapi chetsyAnmanojavaH . 
yoginastaM prapashyanti bhagavanta.n sanAtanam .. 16..\\
na darshane tiShThati rUpamasya 
pashyanti chaina.n suvishuddhasattvAH . 
hito manIShI manasAbhipashyed 
ye ta.n shrayeyuramR^itAste bhavanti . 
yoginastaM prapashyanti bhagavanta.n sanAtanam .. 17..\\
gUhanti sarpA iva gahvarANi 
svashikShayA svena vR^ittena martyAH . 
teShu pramuhyanti janA vimUDhA 
yathAdhvAnaM mohayante bhayAya . 
yoginastaM prapashyanti bhagavanta.n sanAtanam .. 18..\\
sadA sadAsatkR^itaH syAnna mR^ityuramR^ita.n kutaH . 
satyAnR^ite satyasamAna bandhane 
satashcha yonirasatash chaika eva . 
yoginastaM prapashyanti bhagavanta.n sanAtanam .. 19..\\
na sAdhunA nota asAdhunA vA 
samAnametaddR^ishyate mAnuSheShu . 
samAnametadamR^itasya vidyAd 
eva.n yukto madhu tadvai parIpset . 
yoginastaM prapashyanti bhagavanta.n sanAtanam .. 20..\\
nAsyAtivAdA hR^idaya.n tApayanti 
nAnadhItaM nAhutamagnihotram . 
mano brAhmI.n laghutAmAdadhIta 
praGYAnamasya nAma dhIrA labhante . 
yoginastaM prapashyanti bhagavanta.n sanAtanam .. 21..\\
eva.n yaH sarvabhUteShu AtmAnamanupashyati . 
anyatrAnyatra yukteShu ki.n sa shochettataH param .. 22..\\
yathoda pAne mahati sarvataH samplutodake . 
eva.n sarveShu vedeShu brAhmaNasya vijAnataH .. 23..\\
a~NguShTha mAtraH puruSho mahAtmA 
na dR^ishyate.asau hR^idaye niviShTaH . 
ajashcharo divArAtramatandritash cha 
sa taM matvA kavirAste prasannaH .. 24..\\
ahamevAsmi vo mAtA pitA putro.asmyahaM punaH . 
AtmAhamapi sarvasya yachcha nAsti yadasti cha .. 25..\\
pitAmaho.asmi sthaviraH pitA putrashcha bhArata . 
mamaiva yUyamAtmasthA na me yUyaM na vo.apyaham .. 26..\\
Atmaiva sthAnaM mama janma chAtmA 
vedaprokto.ahamajara pratiShThaH .. 27..\\
aNoraNIyAnsumanAH sarvabhUteShu jAgR^imi . 
pitara.n sarvabhUtAnAM puShkare nihitaM viduH .. 28..\\
\medskip\hrule\medskip\centerline{\Largedvng 46}
 v

eva.n sanatsujAtena vidureNa cha dhImatA . 
sArdha.n kathayato rAGYaH sA vyatIyAya sharvarI .. 1..\\
tasyA.n rajanyAM vyuShTAyAM rAjAnaH sarva eva te . 
sabhAmAvivishurhR^iShTAH sUtasyopadidR^ikShayA .. 2..\\
shushrUShamANAH pArthAnA.n vacho dharmArthasa.nhitam . 
dhR^itarAShTra mukhAH sarve yayU rAjasabhA.n shubhAm .. 3..\\
sudhAvadAtA.n vistIrNA.n kanakAjira bhUShitAm . 
chandraprabhA.n suruchirAM siktAM paramavAriNA .. 4..\\
ruchirairAsanaiH stIrNA.n kA~nchanairdAravairapi . 
ashmasAramayairdAntaiH svAstIrNaiH sottarachchhadaiH .. 5..\\
bhIShmo droNaH kR^ipaH shalyaH kR^itavarmA jayadrathaH . 
ashvatthAmA vikarNashcha somadattashcha bAhlikaH .. 6..\\
vidurashcha mahAprAGYo yuyutsushcha mahArathaH . 
sarve cha sahitAH shUrAH pArthivA bharatarShabha . 
dhR^itarAShTraM puraskR^itya vivishustA.n sabhAM shubhAm .. 7..\\
duHshAsanashchitrasenaH shakunishchApi saubalaH . 
durmukho duHsahaH karNa ulUko.atha viviMshatiH .. 8..\\
kururAjaM puraskR^itya duryodhanamamarShaNam . 
vivishustA.n sabhAM rAjansurAH shakra sado yathA .. 9..\\
AvishadbhistadA rAja~nshUraiH parighabAhubhiH . 
shushubhe sA sabhA rAjansi.nhairiva girerguhA .. 10..\\
te pravishya maheShvAsAH sabhA.n samitishobhanAH . 
AsanAni mahArhANi bhejire sUryavarchasaH .. 11..\\
AsanastheShu sarveShu teShu rAjasu bhArata . 
dvAHstho nivedayAmAsa sUtaputramupasthitam .. 12..\\
aya.n sa ratha AyAti yo.ayAsItpANDavAnprati . 
dUto nastUrNamAyAtaH saindhavaiH sAdhu vAhibhiH .. 13..\\
upayAya tu sa kShipra.n rathAtpraskandya kuNDalI . 
pravivesha sabhAM pUrNAM mahIpAlairmahAtmabhiH .. 14..\\

 samjaya

prApto.asmi pANDavAngatvA tadvijAnIta kauravAH . 
yathA vayaH kurUnsarvAnpratinandanti pANDavAH .. 15..\\
abhivAdayanti vR^iddhAMshcha vayasyAMsh cha vayasyavat . 
yUnashchAbhyavadanpArthAH pratipUjya yathA vayaH .. 16..\\
yathAha.n dhR^itarAShTreNa shiShTaH pUrvamito gataH . 
abruvaM pANDavAngatvA tannibodhata pArthivAH .. 17..\\
\medskip\hrule\medskip\centerline{\Largedvng 47}
 dhr

pR^ichchhAmi tvA.n sa~njaya rAjamadhye 
kimabravIdvAkyamadInasattvaH . 
dhana~njayastAta yudhAM praNetA 
durAtmanA.n jIvitachchhinmahAtmA .. 1..\\
duryodhano vAchamimA.n shR^iNotu 
yadabravIdarjuno yotsyamAnaH . 
yudhiShThirasyAnumate mahAtmA 
dhana~njayaH shR^iNvataH keshavasya .. 2..\\
anvatrasto bAhuvIrya.n vidAna 
upahvare vAsudevasya dhIraH . 
avochanmA.n yotsyamAnaH kirITI 
madhye brUyA dhArtarAShTra.n kurUNAm .. 3..\\
ye vai rAjAnaH pANDavAyodhanAya 
samAnItAH shR^iNvatA.n chApi teShAm . 
yathA samagra.n vachanaM mayoktaM 
sahAmAtya.n shrAvayethA nR^ipa.n tam .. 4..\\
yathA nUna.n devarAjasya devAH 
shushrUShante vajrahastasya sarve . 
tathAshR^iNvanpANDavAH sR^i~njayAsh cha 
kirITinA vAchamuktA.n samarthAm .. 5..\\
ityabravIdarjuno yotsyamAno 
gANDIvadhanvA lohitapadmanetraH . 
na chedrAjyaM mu~nchati dhArtarAShTro 
yudhiShThirasyAjamIDhasya rAGYaH . 
asti nUna.n karmakR^itaM purastAd 
anirviShTaM pApaka.n dhArtarAShTraiH .. 6..\\
yeShA.n yuddhaM bhImasenArjunAbhyAM 
tathAshvibhyA.n vAsudevena chaiva . 
shaineyena dhruvamAttAyudhena 
dhR^iShTadyumnenAtha shikhaNDinA cha . 
yudhiShThireNendra kalpena chaiva 
yo.apadhyAnAnnirdahedgA.n divaM cha .. 7..\\
taishchedyuddhaM manyate dhArtarAShTro 
nirvR^itto.arthaH sakalaH pANDavAnAm . 
mA tatkArShIH pANDavArthAya hetor 
upaihi yuddha.n yadi manyase tvam .. 8..\\
yA.n tA.n vane duHkhashayyAmuvAsa 
pravrAjitaH pANDavo dharmachArI . 
AshiShyate duHkhatarAmanarthAm 
antyA.n shayyA.n dhArtarAShTraH parAsuH .. 9..\\
hriyA GYAnena tapasA damena 
krodhenAtho dharmaguptyA dhanena . 
anyAya vR^itAH kurupANDaveyAn 
adhyAtiShThaddhArtarAShTro durAtmA .. 10..\\
mAyopadhaH praNidhAnArjavAbhyAM 
tapo damAbhyA.n dharmaguptyA balena . 
satyaM bruvanprItiyuktyAnR^itena 
titikShamANaH klishyamAno.ativelam .. 11..\\
yadA jyeShThaH pANDavaH saMshitAtmA 
krodha.n yattaM varShapUgAnsughoram . 
avasraShTA kuruShUdvR^itta chetAs 
tadA yuddha.n dhArtarAShTro.anvatapsyat .. 12..\\
kR^iShNa vartmeva jvalitaH samiddho 
yathA dahetkakShamagnirnidAghe . 
eva.n dagdhA dhArtarAShTrasya senAM 
yudhiShThiraH krodhadIpto.anuvIkShya .. 13..\\
yadyA draShTA bhImasena.n raNasthaM 
gadAhasta.n krodhaviSha.n vamantam . 
durmarShaNaM pANDavaM bhImavegaM 
tadA yuddha.n dhArtarAShTro.anvatapsyat .. 14..\\
mahAsi.nho gAva iva pravishya 
gadApANirdhArtarAShTrAnupetya . 
yadA bhImo bhImarUpo nihantA 
tadA yuddha.n dhArtarAShTro.anvatapsyat .. 15..\\
mahAbhaye vItabhayaH kR^itAstraH 
samAgame shatrubalAvamardI . 
sakR^idrathena pratiyAdrathaughAn 
padAtisa~NghAngadayAbhinighnan .. 16..\\
sainyAnanekA.nstarasA vimR^idnan 
yadA kSheptA dhArtarAShTrasya sainyam . 
chhindanvanaM parashuneva shUras 
tadA yuddha.n dhArtarAShTro.anvatapsyat .. 17..\\
tR^iNaprAya.n jvalaneneva dagdhaM 
grAma.n yathA dhArtarAShTraH samIkShya . 
pakva.n sasyaM vaidyuteneva dagdhaM 
parAsikta.n vipulaM svaM balaugham .. 18..\\
hatapravIra.n vimukhaM bhayArtaM 
parA~NmukhaM prAyasho.adhR^iShTa yodham . 
shastrArchiShA bhImasenena dagdhaM 
tadA yuddha.n dhArtarAShTro.anvatapsyat .. 19..\\
upAsa~NgAduddharandakShiNena 
paraHshatAnnakulashchitrayodhI . 
yadA rathAgryo rathinaH prachetA 
tadA yuddha.n dhArtarAShTro.anvatapsyat .. 20..\\
sukhochito duHkhashayyA.n vaneShu 
dIrgha.n kAlaM nakulo yAmasheta . 
AshIviShaH kruddha iva shvasanbhR^ishaM 
tadA yuddha.n dhArtarAShTro.anvatapsyat .. 21..\\
tyaktAtmAnaH pArthivAyodhanAya 
samAdiShTA dharmarAjena vIrAH . 
rathaiH shubhraiH sainyamabhidravanto 
dR^iShTvA pashchAttapsyate dhArtarAShTraH .. 22..\\
shishUnkR^itAstrAnashishu prakAshAn 
yadA draShTA kauravaH pa~ncha shUrAn . 
tyaktvA prANAnkekayAnAdravantas 
tadA yuddha.n dhArtarAShTro.anvatapsyat .. 23..\\
yadA gatodvAhamakUjanAkShaM 
suvarNatAra.n rathamAtatAyI . 
dAntairyukta.n sahadevo.adhirUDhaH 
shirA.nsi rAGYA.n kShepsyate mArgaNaughaiH .. 24..\\
mahAbhaye sampravR^itte rathasthaM 
vivartamAna.n samare kR^itAstram . 
sarvA.n disha.n sampatantaM samIkShya 
tadA yuddha.n dhArtarAShTro.anvatapsyat .. 25..\\
hrIniShedho nipuNaH satyavAdI 
mahAbalaH sarvadharmopapannaH . 
gAndhArimArchchha.nstumule kShiprakArI 
kSheptA janAnsahadevastarasvI .. 26..\\
yadA draShTA draupadeyAnmaheShU~n 
shUrAnkR^itAstrAnrathayuddhakovidAn . 
AshIviShAnghoraviShAnivAyatas 
tadA yuddha.n dhArtarAShTro.anvatapsyat .. 27..\\
yadAbhimanyuH paravIra ghAtI 
sharaiH parAnmegha ivAbhivarShan . 
vigAhitA kR^iShNa samaH kR^itAstras 
tadA yuddha.n dhArtarAShTro.anvatapsyat .. 28..\\
yadA draShTA bAlamabAla vIryaM 
dviShachchamUM mR^ityumivApatantam . 
saubhadramindra pratima.n kR^itAstraM 
tadA yuddha.n dhArtarAShTro.anvatapsyat .. 29..\\
prabhadrakAH shIghratarA yuvAno 
vishAradAH si.nhasamAna vIryAH . 
yadA kSheptAro dhArtarAShTrAnsa sainyA.ns 
tadA yuddha.n dhArtarAShTro.anvatapsyat .. 30..\\
vR^iddhau virATadrupadau mahArathau 
pR^ithakchamUbhyAmabhivartamAnau . 
yadA draShTArau dhArtarAShTrAnsa sainyA.ns 
tadA yuddha.n dhArtarAShTro.anvatapsyat .. 31..\\
yadA kR^itAstro drupadaH prachinva~n 
shirA.nsi yUnA.n samare rathasthaH . 
kruddhaH sharaishchhetsyati chApamuktais 
tadA yuddha.n dhArtarAShTro.anvatapsyat .. 32..\\
yadA virATaH paravIra ghAtI 
marmAntare shatruchamUM praveShTA . 
matsyaiH sArdhamanR^isha.nsarUpais 
tadA yuddha.n dhArtarAShTro.anvatapsyat .. 33..\\
jyeShThaM mAtsyAnAmanR^isha.nsa rUpaM 
virATa putra.n rathinaM purastAt . 
yadA draShTA daMshitaM pANDavArthe 
tadA yuddha.n dhArtarAShTro.anvatapsyat .. 34..\\
raNe hate kauravANAM pravIre 
shikhaNDinA sattame shantanUje . 
na jAtu naH shatravo dhArayeyur 
asaMshaya.n satyametadbravImi .. 35..\\
yadA shikhaNDI rathinaH prachinvan 
bhIShma.n rathenAbhiyAtA varUthI . 
divyairhayairavamR^idnanrathaughA.ns 
tadA yuddha.n dhArtarAShTro.anvatapsyat .. 36..\\
yadA draShTA sR^i~njayAnAmanIke 
dhR^iShTadyumnaM pramukhe rochamAnam . 
astra.n yasmai guhyamuvAcha dhImAn 
droNastadA tapsyati dhArtarAShTraH .. 37..\\
yadA sa senApatiraprameyaH 
parAbhavanniShubhirdhArtarAShTrAn . 
droNa.n raNe shatrusaho.abhiyAtA 
tadA yuddha.n dhArtarAShTro.anvatapsyat .. 38..\\
hrImAnmanIShI balavAnmanasvI 
sa lakShmIvAnsomakAnAM prabarhaH . 
na jAtu ta.n shatravo.anye saheran 
yeShA.n sa syAdagraNIrvR^iShNisi.nhaH .. 39..\\
brUyAchcha mA pravR^iNIShveti loke 
yuddhe.advitIya.n sachivaM rathastham . 
shinernaptAraM pravR^iNIma sAtyakiM 
mahAbala.n vItabhaya.n kR^itAstram .. 40..\\
yadA shinInAmadhipo mayoktaH 
sharaiH parAnmegha iva pravarShan . 
prachchhAdayiShya~nsharajAlena yodhA.ns 
tadA yuddha.n dhArtarAShTro.anvatapsyat .. 41..\\
yadA dhR^iti.n kurute yotsyamAnaH 
sa dIrghabAhurdR^iDhadhanvA mahAtmA . 
si.nhasyeva gandhamAghrAya gAvaH 
sa.nveShTante shatravo.asyAdyathAgneH .. 42..\\
sa dIrghabAhurdR^iDhadhanvA mahAtmA 
bhindyAdgirInsa.nharetsarvalokAn . 
astre kR^itI nipuNaH kShiprahasto 
divi sthitaH sUrya ivAbhibhAti .. 43..\\
chitraH sUkShmaH sukR^ito yAvadasya 
astre yogo vR^iShNisi.nhasya bhUyAn . 
yathAvidha.n yogamAhuH prashastaM 
sarvairguNaiH sAtyakistairupetaH .. 44..\\
hiraNmaya.n shvetahayaish chaturbhir 
yadA yukta.n syandanaM mAdhavasya . 
draShTA yuddhe sAtyakervai suyodhanas 
tadA tapsyatyakR^itAtmA sa mandaH .. 45..\\
yadA ratha.n hemamaNiprakAshaM 
shvetAshvayukta.n vAnaraketumugram . 
draShTA raNe sa.nyata.n keshavena 
tadA tapsyatyakR^itAtmA sa mandaH .. 46..\\
yadA maurvyAstalaniShpeShamugraM 
mahAshabda.n vajraniShpeSha tulyam . 
vidhUyamAnasya mahAraNe mayA 
gANDIvasya shroShyati mandabuddhiH .. 47..\\
tato mUDho dhR^itarAShTrasya putras 
taptA yuddhe durmatirduHsahAyaH . 
dR^iShTvA sainyaM bANavarNAndha kAraM 
prabhajyanta.n gokulavadraNAgre .. 48..\\
balAhakAduchcharantIva vidyut 
sahasraghnI dviShatA.n sa~NgameShu . 
asthichchhido marmabhido vamechchharA.ns 
tadA yuddha.n dhArtarAShTro.anvatapsyat .. 49..\\
yadA draShTA jyA mukhAdvANa sa~NghAn 
gANDIvamuktAnpatataH shitAgrAn . 
nAgAnhayAnvarmiNashchAdadAnA.ns 
tadA yuddha.n dhArtarAShTro.anvatapsyat .. 50..\\
yadA mandaH parabANAnvimuktAn 
mameShubhirhriyamANAnpratIpam . 
tiryagvidvAMshchhidyamAnAnkShuraprais 
tadA yuddha.n dhArtarAShTro.anavapsyat .. 51..\\
yadA vipAThA madbhujavipramuktA 
dvijAH phalAnIva mahIruhAgrAt . 
prachchhettAra uttamA~NgAni yUnAM 
tadA yuddha.n dhArtarAShTro.anvatapsyat .. 52..\\
yadA draShTA patataH syandanebhyo 
mahAgajebhyo.ashvagatAMshcha yodhAn . 
sharairhatAnpAtitAMshchaiva ra~Nge 
tadA yuddha.n dhArtarAShTro.anvatasyat .. 53..\\
padAtisa~NghAnrathasa~NghAnsamantAd 
vyAttAnanaH kAla ivAtateShuH . 
praNotsyAmi jvalitairbANavarShaiH 
shatrU.nstadA tapsyati mandabuddhiH .. 54..\\
sarvA dishaH sampatatA rathena 
rajodhvasta.n gANDivenApakR^ittam . 
yadA draShTA svabala.n sampramUDhaM 
tadA pashchAttapsyati mandabuddhiH .. 55..\\
kA.n digbhUtaM chhinnagAtra.n visa~nj~naM 
duryodhano drakShyati sarvasainyam . 
hatAshvavIrAgrya narendra nAgaM 
pipAsita.n shrAntapatraM bhayArtam .. 56..\\
Artasvara.n hanyamAnaM hata.n cha 
vikIrNakeshAsthi kapAlasa~Ngham . 
prajApateH karma yathArdha niShThitaM 
tadA dR^iShTvA tapsyate mandabuddhiH .. 57..\\
yadA rathe gANDiva.n vAsudevaM 
divya.n sha~NkhaM pA~nchajanyaM hayAMsh cha . 
tUNAvakShayyau devadatta.n cha mAM cha 
draShTA yuddhe dhArtarAShTraH sametAn .. 58..\\
udvartayandasyu sa~NghAnsametAn 
pravartayanyugamanyadyugAnte . 
yadA dhakShyAmyagnivatkauraveyA.ns 
tadA taptA dhR^itarAShTraH saputraH .. 59..\\
saha bhrAtA saha putraH sa sainyo 
bhraShTaishvaryaH krodhavasho.alpachetAH . 
darpasyAnte vihite vepamAnaH 
pashchAnmandastapsyati dhArtarAShTraH .. 60..\\
pUrvAhne mA.n kR^itajapyaM kadA chid 
vipraH provAchodakAnte manoGYam . 
karavya.n te duShkaraM karma pArtha 
yoddhavya.n te shatrubhiH savyasAchin .. 61..\\
indro vA te harivAnvajrahastaH 
purastAdyAtu samare.arInvinighnan . 
sugrIva yuktena rathena vA te 
pashchAtkR^iShNo rakShatu vAsudevaH .. 62..\\
vavre chAha.n vajrahastAnmahendrAd 
asminyuddhe vAsudeva.n sahAyam . 
sa me labdho dasyuvadhAya kR^iShNo 
manye chaitadvihita.n daivatairme .. 63..\\
ayudhyamAno manasApi yasya 
jaya.n kR^iShNaH puruShasyAbhinandet . 
dhruva.n sarvAnso.abhyatIyAdamitrAn 
sendrAndevAnmAnuShe nAsti chintA .. 64..\\
sa bAhubhyA.n sAgaramuttitIrShen 
mahodadhi.n salilasyAprameyam . 
tejasvina.n kR^iShNamatyantashUraM 
yuddhena yo vAsudeva.n jigIShet .. 65..\\
giri.n ya ichchheta talena bhettuM 
shilochchaya.n shvetamati pramANam . 
tasyaiva pANiH sa nakho vishIryen 
na chApi ki.n chitsa girestu kuryAt .. 66..\\
agni.n samiddhaM shamayedbhujAbhyAM 
chandra.n cha sUryaM cha nivArayeta . 
hareddevAnAmamR^itaM prasahya 
yuddhena yo vAsudeva.n jigIShet .. 67..\\
yo rukmiNImekarathena bhojyAm 
utsAdya rAGYA.n viShayaM prasahya . 
uvAha bhAryA.n yashasA jvalantIM 
yasyA.n jaGYe rakmiNeyo mahAtmA .. 68..\\
aya.n gAndharA.nstarasA sampramathya 
jitvA putrAnnagna jitaH samagrAn . 
baddhaM mumocha vinadantaM prasahya 
sudarshanIya.n devatAnA.n lalAmam .. 69..\\
aya.n kavATe nijaghAna pANDyaM 
tathA kali~NgAndantakUre mamarda . 
anena dagdhA varShapUgAnvinAthA 
vArANasI nagarI sambabhUva .. 70..\\
ya.n sma yuddhe manyate.anyairajeyam 
ekalavyaM nAma niShAdarAjam . 
vegeneva shailamabhihatya jambhaH 
shete sa kR^iShNena hataH parAsuH .. 71..\\
tathograsenasya sutaM praduShTaM 
vR^iShNyandhakAnAM madhyagA.n tapantam . 
apAtayadbaladeva dvitIyo 
hatvA dadau chograsenAya rAjyam .. 72..\\
aya.n saubhaM yodhayAmAsa svasthaM 
vibhIShaNaM mAyayA shAlvarAjam . 
saubhadvAri pratyagR^ihNAchchhataghnIM 
dorbhyA.n ka ena.n viShaheta martyaH .. 73..\\
prAgjyotiShaM nAma babhUva durgaM 
pura.n ghoramasurANAm asahyam . 
mahAbalo narakastatra bhaumo 
jahArAdityA maNikuNDale shubhe .. 74..\\
na ta.n devAH saha shakreNa sehire 
samAgatAharaNAya bhItAH . 
dR^iShTvA cha te vikrama.n keshavasya 
bala.n tathaivAstramavAraNIyam .. 75..\\
jAnanto.asya prakR^iti.n keshavasya 
nyayojayandasyu vadhAya kR^iShNam . 
sa tatkarma pratishushrAva duShkaram 
aishvaryavAnsiddhiShu vAsudevaH .. 76..\\
nirmochane ShaTsahasrANi hatvA 
sa~nchidya pAshAnsahasA kShurAntAn . 
mura.n hatvA vinihatyaugharAkShasaM 
nirmochana.n chApi jagAma vIraH .. 77..\\
tatraiva tenAsya babhUva yuddhaM 
mahAbalenAtibalasya viShNoH . 
shete sa kR^iShNena hataH parAsur 
vAteneva mathitaH karNikAraH .. 78..\\
AhR^itya kR^iShNo maNikuNDale te 
hatvA cha bhaumaM narakaM mura.n cha . 
shriyA vR^ito yashasA chaiva dhImAn 
pratyAjagAmApratima prabhAvaH .. 79..\\
tasmai varAnadada.nstatra devA 
dR^iShTvA bhIma.n karma raNe kR^itaM tat . 
shramashcha te yudhyamAnasya na syAd 
AkAshe vA apsu chaiva kramaH syAt .. 80..\\
shastrANi gAtre cha na te kramerann 
ityeva kR^iShNashcha tataH kR^itArthaH . 
eva.nrUpe vAsudeve.aprameye 
mahAbale guNasampatsadaiva .. 81..\\
tamasahya.n viShNumanantavIryam 
Asha.nsate dhArarAShTro balena . 
yadA hyena.n tarkayate durAtmA 
tachchApyaya.n sahate.asmAnsamIkShya .. 82..\\
paryAgataM mama kR^iShNasya chaiva 
yo manyate kalaha.n samprayujya . 
shakya.n hartuM pANDavAnAM mamatvaM 
tadveditA sa.nyuga.n tatra gatvA .. 83..\\
namaskR^itvA shAntanavAya rAGYe 
droNAyAtho saha putrAya chaiva . 
shAradvatAyApratidvandvine cha 
yotsyAmyaha.n rAjyamabhIpsamAnaH .. 84..\\
dharmeNAstraM niyata.n tasya manye 
yo yotsyate pANDavairdharmachArI . 
mithyA ghale nirjitA vai nR^isha.nsaiH 
sa.nvatsarAndvAdasha pANDuputrAH .. 85..\\
avApya kR^ichchhra.n vihitaM hyaraNye 
dIrgha.n kAlaM chaikamaGYAtacharyAm . 
te hyakasmAjjIvitaM pANDavAnAM 
na mR^iShyante hArtarAShTrAH padasthAH .. 86..\\
te chedasmAnyudhyamAnA~n jayeyur 
devairapIndra pramukhaiH sahAyaiH . 
dharmAdadharmashcharito garIyAn 
iti dhruvaM nAsti kR^itaM na sAdhu .. 87..\\
na chedimaM puruSha.n karma baddhaM 
na chedasmAnmanyate.asau vishiShTAn . 
Asha.nse.aha.n vAsudeva dvitIyo 
duryodhana.n sAnubandhaM nihantum .. 88..\\
na chedida.n karma nareShu baddhaM 
na vidyate puruShasya svakarma . 
ida.n cha tachchApi samIkShya nUnaM 
parAjayo dhArtarAShTrasya sAdhuH .. 89..\\
pratyakSha.n vaH kuravo yadbravImi 
yudhyamAnA dhArtarAShTrA na santi . 
anyatra yuddhAtkuravaH parIpsan 
na yudhyatA.n sheSha ihAsti kash chit .. 90..\\
hatvA tvaha.n dhArtarAShTrAnsa karNAn 
rAjya.n kurUNAmavajetA samagram . 
yadvaH kArya.n tatkurudhva.n yathAsvam 
iShTAndArAnAtmajAMshchopabhu~Nkte .. 91..\\
apyevaM no brAhmaNAH santi vR^iddhA 
bahushrutAH shIlavantaH kulInAH . 
sA.nvatsarA jyotiShi chApi yuktA 
nakShatrayogeShu cha nishchayaGYAH .. 92..\\
uchchAvacha.n daivayukta.n rahasyaM 
divyAH prashnA mR^igachakrA muhUrtAH . 
kShayaM mahAnta.n kurusR^i~njayAnAM 
nivedayante pANDavAnA.n jayaM cha .. 93..\\
tathA hi no manyate.ajAtashatruH 
sa.nsiddhArtho dviShatAM nigrahAya . 
janArdanashchApyaparokSha vidyo 
na saMshayaM pashyati vR^iShNisi.nhaH .. 94..\\
aha.n cha jAnAmi bhaviShya rUpaM 
pashyAmi buddhyA svayamapramattaH . 
dR^iShTishcha me na vyathate purANI 
yudhyamAnA dhArtarAShTrA na santi .. 95..\\
anAlabdha.n jR^imbhati gANDivaM dhanur 
anAlabdhA kampati me dhanurjyA . 
bANAshcha me tUNamukhAdvisR^ijya 
muhurmuhurgantumushanti chaiva .. 96..\\
saikyaH koshAnniHsarati prasanno 
hitveva jIrNAmuragastvacha.n svAm . 
dhvaje vAcho raudrarUpA vadanti 
kadA ratho yokShyate te kirITin .. 97..\\
gomAyusa~NghAshcha vadanti rAtrau 
rakShA.nsyatho niShpatantyantarikShAt . 
mR^igAH shR^igAlAH shitikaNThAshcha kAkA 
gR^idhrA baDAshchaiva tarakShavash cha .. 98..\\
suparNapAtAshcha patanti pashchAd 
dR^iShTvA ratha.n shvetahayaprayuktam . 
aha.n hyekaH pArthivAnsarvayodhA~n 
sharAnvarShanmR^ityulokaM nayeyam .. 99..\\
samAdadAnaH pR^ithagastramArgAn 
yathAgniriddho gahanaM nidAghe . 
sthUNAkarNaM pAshupata.n cha ghoraM 
tathA brahmAstra.n yachcha shakro viveda .. 100..\\
vadhe dhR^ito vegavataH pramu~nchan 
nAhaM prajAH ki.n chidivAvashiShye . 
shAnti.n lapsye paramo hyeSha bhAvaH 
sthiro mama brUhi gAvalgaNe tAn .. 101..\\
nityaM punaH sachivairyairavochad 
devAnapIndra pramukhAnsahAyAn . 
tairmanyate kalaha.n samprayujya 
sa dhArtarAShTraH pashyata mohamasya .. 102..\\
vR^iddho bhIShmaH shAntanavaH kR^ipash cha 
droNaH saputro vidurashcha dhImAn . 
ete sarve yadvadante tadastu 
AyuShmantaH kuravaH santu sarve .. 103..\\
\medskip\hrule\medskip\centerline{\Largedvng 48}
 v

samaveteShu sarveShu teShu rAjasu bhArata . 
duryodhanamida.n vAkyaM bhIShmaH shAntanavo.abravIt .. 1..\\
bR^ihaspatishchoshanA cha brAhmaNaM paryupasthitau . 
marutashcha sahendreNa vasavashcha sahAshvinau .. 2..\\
AdityAshchaiva sAdhyAshcha ye cha saptarShayo divi . 
vishvAvasushcha gandharvaH shubhAshchAparasA.n gaNAH .. 3..\\
namaskR^itvopajagmuste lokavR^iddhaM pitAmaham . 
parivArya cha vishveshaM paryAsata divaukasaH .. 4..\\
teShAM manashcha tejashchApyAdadAnau divaukasAm . 
pUrvadevau vyatikrAntau naranArAyaNAvR^iShI .. 5..\\
bR^ihaspatishcha paprachchha brAhmaNa.n kAvimAviti . 
bhavantaM nopatiShThete tau naH sha.nsa pitAmaha .. 6..\\
yAvetau pR^ithivI.n dyAM cha bhAsayantau tapasvinau . 
jvalantau rochamAnau cha vyApyAtItau mahAbalau .. 7..\\
naranArAyaNAvetau lokAlloka.n samAsthitau . 
Urjitau svena tapasA mahAsattvaparAkramau .. 8..\\
etau hi karmaNA lokAnnandayAmAsaturdhruvau . 
asurANAmabhAvAya devagandharvapUjitau .. 9..\\
jagAma shakrastachchhrutvA yatra tau tepatustapaH . 
sArdha.n devagaNaiH sarvairbR^ihaspatipurogamaiH .. 10..\\
tadA devAsure ghore bhaye jAte divaukasAm . 
ayAchata mahAtmAnau naranArAyaNau varam .. 11..\\
tAvabrUtA.n vR^iNIShveti tadA bharatasattama . 
athaitAvabravIchchhakraH sAhyaM naH kriyatAm iti .. 12..\\
tatastau shakramabrUtA.n kariShyAvo yadichchhasi . 
tAbhyA.n sa sahitaH shakro vijigye daityadAnavAn .. 13..\\
nara indrasya sa~NgrAme hatvA shatrUnparantapaH . 
paulomAnkAlakha~njAMshcha sahasrANi shatAni cha .. 14..\\
eSha bhrAnte rathe tiShThanbhallenApaharachchhiraH . 
jambhasya grasamAnasya yaGYamarjuna Ahave .. 15..\\
eSha pAre samudrasya hiraNyapuramArujat . 
hatvA ShaShTisahasrANi nivAtakavachAnraNe .. 16..\\
eSha devAnsahendreNa jitvA parapura~njayaH . 
atarpayanmahAbAhurarjuno jAtavedasam . 
nArAyaNastathaivAtra bhUyaso.anyA~njaghAna ha .. 17..\\
evametau mahAvIryau tau pashyata samAgatau . 
vAsudevArjunau vIrau samavetau mahArathau .. 18..\\
naranArAyaNau devau pUrvadevAviti shrutiH . 
ajeyau mAnuShe loke sendrairapi surAsuraiH .. 19..\\
eSha nArAyaNaH kR^iShNaH phalgunastu naraH smR^itaH . 
nArAyaNo narashchaiva sattvameka.n dvidhAkR^itam .. 20..\\
etau hi karmaNA lokAnashnuvAte.akShayAndhruvAn . 
tatra tatraiva jAyete yuddhakAle punaH punaH .. 21..\\
tasmAtkarmaiva kartavyamiti hovAcha nAradaH . 
etaddhi sarvamAchaShTa vR^iShNichakrasya vedavit .. 22..\\
sha~NkhachakragadAhasta.n yadA drakShyasi keshavam . 
paryAdadAna.n chAstrANi bhImadhanvAnamarjunam .. 23..\\
sanAtanau mahAtmAnau kR^iShNAvekarathe sthitau . 
duryodhana tadA tAta smartAsi vachanaM mama .. 24..\\
no chedayamabhAvaH syAtkurUNAM pratyupasthitaH . 
arthAchcha tAta dharmAchcha tava buddhirupaplutA .. 25..\\
na chedgrahIShyase vAkya.n shrotAsi subahUnhatAn . 
tavaiva hi mata.n sarve kuravaH paryupAsate .. 26..\\
trayANAmeva cha mata.n tattvameko.anumanyase . 
rAmeNa chaiva shaptasya karNasya bharatarShabha .. 27..\\
durjAteH sUtaputrasya shakuneH saubalasya cha . 
tathA kShudrasya pApasya bhrAturduHshAsanasya cha .. 28..\\

 karna

naivamAyuShmatA vAchya.n yanmAmAttha pitAmaha . 
kShatradharme sthito hyasmi svadharmAdanapeyivAn .. 29..\\
ki.n chAnyanmayi durvR^itta.n yena mAM parigarhase . 
na hi me vR^ijina.n kiM chiddhArtarAShTrA viduH kva chit .. 30..\\
rAGYo hi dhR^itarAShTrasya sarva.n kAryaM priyaM mayA . 
tathA duryodhanasyApi sa hi rAjye samAhitaH .. 31..\\
karNasya tu vachaH shrutvA bhIShmaH shAntanavaH punaH . 
dhR^itarAShTraM mahArAjamAbhAShyeda.n vacho.abravIt .. 32..\\
yadaya.n katthate nitya.n hantAhaM pANDavAniti . 
nAya.n kalApi sampUrNA pANDavAnAM mahAtmanAm .. 33..\\
anayo yo.ayamAgantA putrANA.n te durAtmanAm . 
tadasya karma jAnIhi sUtaputrasya durmateH .. 34..\\
enamAshritya putraste mandabuddhiH suyodhanaH . 
avamanyata tAnvIrAndevaputrAnarindamAn .. 35..\\
ki.n chApyanena tatkarmakR^itaM pUrva.n suduShkaram . 
tairyathA pANDavaiH sarvairekaikena kR^itaM purA .. 36..\\
dR^iShTvA virATanagare bhrAtaraM nihataM priyam . 
dhana~njayena vikramya kimanena tadA kR^itam .. 37..\\
sahitAnhi kurUnsarvAnabhiyAto dhana~njayaH . 
pramathya chAchchhinadgAvaH kimayaM proShitastadA .. 38..\\
gandharvairghoShayAtrAyA.n hriyate yatsutastava . 
kva tadA sUtaputro.abhUdya idAnI.n vR^iShAyate .. 39..\\
nanu tatrApi pArthena bhImena cha mahAtmanA . 
yamAbhyAmeva chAgamya gandharvAste parAjitAH .. 40..\\
etAnyasya mR^iShoktAni bahUni bharatarShabha . 
vikatthanasya bhadra.n te sadA dharmArthalopinaH .. 41..\\
bhIShmasya tu vachaH shrutvA bhAradvAjo mahAmanAH . 
dhR^itarAShTramuvAcheda.n rAjamadhye.abhipUjayan .. 42..\\
yadAha bharatashreShTho bhIShmastatkriyatAM nR^ipa . 
na kAmamarthalipsUnA.n vachana.n kartumarhasi .. 43..\\
purA yuddhAtsAdhu manye pANDavaiH saha sa~Ngama . 
yadvAkyamarjunenokta.n sa~njayena niveditam .. 44..\\
sarva.n tadabhijAnAmi kariShyati cha pANDavaH . 
na hyasya triShu lokeShu sadR^isho.asti dhanurdharaH .. 45..\\
anAdR^itya tu tadvAkyamarthavaddroNa bhIShmayoH . 
tataH sa sa~njaya.n rAjA paryapR^ichchhata pANDavam .. 46..\\
tadaiva kuravaH sarve nirAshA jIvite.abhavan . 
bhIShmadroNau yadA rAjA na samyaganubhAShate .. 47..\\
\medskip\hrule\medskip\centerline{\Largedvng 49}
 dhr

kimasau pANDavo rAjA dharmaputro.abhyabhAShata . 
shrutvemA bahulAH senAH pratyarthena samAgatAH .. 1..\\
kimichchhatyabhisa.nrambhAdyotsyamAno yudhiShThiraH . 
kasya svidbhrAtR^iputrANA.n chintAsu mukhamIkShate .. 2..\\
ke svidena.n vArayanti shAmya yudhyeti vA punaH . 
nikR^ityA kopitaM mandairdharmaGYa.n dharmachAriNam .. 3..\\

 samjaya

rAGYo mukhamudIkShante pA~nchAlAH pANDavaiH saha . 
yudhiShThirasya bhadra.n te sa sarvAnanushAsti cha .. 4..\\
pR^ithagbUtAH pANDavAnAM pA~nchAlAnA.n rathavrajAH . 
AyAntamabhinandanti kuntIputra.n yudhiShThiram .. 5..\\
tamaH sUryamivodyanta.n kaunteyaM dIptatejasam . 
pA~nchAlAH pratinandanti tejorAshimivodyatam .. 6..\\
A gopAlAvi pAlebhyo nandamAna.n yudhiShThiram . 
pA~nchAlAH kekayA matsyAH pratinandanti pANDavam .. 7..\\
brAhmaNyo rAjaputryashcha vishA.n duhitarashcha yAH . 
krIDantyo.abhisamAyAnti pArtha.n saMnaddhamIkShitum .. 8..\\
sa~njayAchakShva kenAsmAnpANDavA abhyayu~njata . 
dhR^iShTadyumnena senAnyA somakAH kimbalA iva .. 9..\\
gAvalgaNistu tatpR^iShTaH sabhAyA.n kurusa.nsadi . 
niHshvasya subhR^isha.n dIrghaM muhuH sa~ncintayanniva . 
tatrAnimittato daivAtsUta.n kashmalamAvishat .. 10..\\
tadAchachakShe puruShaH sabhAyA.n rAjasa.nsadi . 
sa~njayo.ayaM mahArAja mUrchchhitaH patito bhuvi . 
vAchaM na sR^ijate kA~nciddhIna praGYo.alpachetanaH .. 11..\\
apashyatsa~njayo nUna.n kuntIputrAnmahArathAn . 
tairasya puruShavyAghrairbhR^ishamudvejitaM manaH .. 12..\\
sa~njayashchetanA.n labdhvA pratyAshvasyedamabravIt . 
dhR^itarAShTraM mahArAja sabhAyA.n kurusa.nsadi .. 13..\\
dR^iShTavAnasmi rAjendra kuntIputrAnmahArathAn . 
matsyarAjagR^ihAvAsAdavarodhena karshitAn . 
shR^iNu yairhi mahArAja pANDavA abhyayu~njata .. 14..\\
yo naiva roShAnna bhayAnna kAmAnnArthakAraNAt . 
na hetuvAdAddhamAtmA satya.n jahyAtkathaM chana .. 15..\\
yaH pramANaM mahArAja dharme dharmabhR^itA.n varaH . 
ajAtashatruNA tena pANDavA abhyayu~njata .. 16..\\
yasya bAhubale tulyaH pR^ithivyAM nAsti kash chana . 
yo vai sarvAnmahIpAlAnvashe chakre dhanurdharaH . 
tena vo bhImasenena pANDavA abhyayu~njata .. 17..\\
niHsR^itAnA.n jatu gR^ihAddhiDimbAtpuruShAdakAt . 
ya eShAmabhavaddvIpaH kuntIputro vR^ikodaraH .. 18..\\
yAGYasenImatho yatra sindhurAjo.apakR^iShTavAn . 
tatraiShAmabhavaddvIpaH kuntIputro vR^ikodaraH .. 19..\\
yashcha tAnsa~NgatAnsarvAnpANDavAnvAraNAvate . 
dahyato mochayAmAsa tena vaste.abhyayu~njata .. 20..\\
kR^iShNAyAshcharatA prIti.n yena krodhavashA hatAH . 
pravishya viShama.n ghoraM parvataM gandhamAdanam .. 21..\\
yasya nAmAyuta.n vIryaM bhujayoH sAramarpitam . 
tena vo bhImasenena pANDavA abhyayu~njata .. 22..\\
kR^iShNa dvitIyo vikramya tuShTyartha.n jAtavedasaH . 
ajayadyaH purA vIro yudhyamAnaM purandaram .. 23..\\
yaH sa sAkShAnmahAdeva.n girisha.n shUlapANinam . 
toShayAmAsa yuddhena devadevamumApatim .. 24..\\
yashcha sarvAnvashe chakre lokapAlAndhanurdharaH . 
tena vo vijayenAjau pANDavA abhyayu~njata .. 25..\\
yaH pratIchI.n dishaM chakre vashe mechchha ganAyutAm . 
sa tatra nakulo yoddhA chitrayodhI vyavasthitaH .. 26..\\
tena vo darshanIyena vIreNAti dhanurbhR^itA . 
mAdrIputreNa kauravya pANDavA abhyayu~njata .. 27..\\
yaH kAshIna~NgamagadhAnkali~NgAMshcha yudhAjayat . 
tena vaH sahadevena pANDavA abhyayu~njata .. 28..\\
yasya vIryeNa sadR^ishAshchatvAro bhuvi mAnavAH . 
ashvatthAmA dhR^iShTaketuH pradyumno rukmireva cha .. 29..\\
tena vaH sahadevena pANDavA abhyayu~njata . 
yavIyasA nR^ivIreNa mAdrI nandikareNa cha .. 30..\\
tapashchachAra yA ghora.n kAshikanyA purA satI . 
bhIShmasya vadhamichchhantI pretyApi bharatarShabha .. 31..\\
pA~nchAlasya sutA jaGYe daivAchcha sa punaH pumAn . 
strIpu.nsoH puruShavyAghra yaH sa veda guNAguNAn .. 32..\\
yaH kali~NgAnsamApede pA~nchAlo yuddhadurmadaH . 
shikhaNDinA vaH kuravaH kR^itAstreNAbhyayu~njata .. 33..\\
yA.n yakShaH puruSha.n chakre bhIShmasya nidhane kila . 
maheShvAsena raudreNa pANDavA abhyayu~njata .. 34..\\
maheShvAsA rAjaputrA bhArataH pa~ncha kekayAH . 
sumR^iShTakavachAH shUrAstaishcha vaste.abhyayu~njata .. 35..\\
yo dIrghabAhuH kShiprAstro dhR^itimAnsatyavikramaH . 
tena vo vR^iShNivIreNa yuyudhAnena sa~NgaraH .. 36..\\
ya AsIchchharaNa.n kAle pANDavAnAM mahAtmanAm . 
raNe tena virATena pANDavA abhyayu~njata .. 37..\\
yaH sa kAshipatI rAjA vArANasyAM mahArathaH . 
sa teShAmabhavadyodhA tena vaste.abhyayu~njata .. 38..\\
shishubhirdurjayaiH sa~Nkhye draupadeyairmahAtmabhiH . 
AshIviShasamasparshaiH pANDavA abhyayu~njata .. 39..\\
yaH kR^iShNa sadR^isho vIrye yudhiShThira samo dame . 
tenAbhimanyunA sa~Nkhye pANDavA abhyayu~njata .. 40..\\
yashchaivApratimo vIrye dhR^iShTaketurmahAyashAH . 
duHsahaH samare kruddhaH shaishupAlirmahArathaH . 
tena vashchedirAjena pANDavA abhyayu~njata .. 41..\\
yaH saMshrayaH pANDavAnA.n devAnAmiva vAsavaH . 
tena vo vAsudevena pANDavA abhyayu~njata .. 42..\\
tathA chedipaterbhrAtA sharabho bharatarShabha . 
karakarSheNa sahitastAbhyA.n vaste.abhyayu~njata .. 43..\\
jArA sandhiH sahadevo jayatsenashcha tAvubhau . 
drupadashcha mahAtejA balena mahatA vR^itaH . 
tyaktAtmA pANDavArthAya yotsyamAno vyavasthitaH .. 44..\\
ete chAnye cha bahavaH prAchyodIchyA mahIkShitaH . 
shatasho yAnapAshritya dharmarAjo vyavasthitaH .. 45..\\
\medskip\hrule\medskip\centerline{\Largedvng 50}
 dhr

sarva ete mahotsAhA ye tvayA parikIrtitAH . 
ekatastveva te sarve sametA bhIma ekataH .. 1..\\
bhImasenAddhi me bhUyo bhaya.n sa~njAyate mahat . 
kruddhAdamarShaNAttAta vyAghrAdiva mahAruroH .. 2..\\
jAgarmi rAtrayaH sarvA dIrghamuShNa.n cha niHshvasan . 
bhIto vR^ikodarAttAta si.nhAtpashurivAbalaH .. 3..\\
na hi tasya mahAbAhorakra pratimatejasaH . 
sainye.asminpratipashyAmi ya ena.n viShahedyudhi .. 4..\\
amarShaNashcha kaunteyo dR^iDhavairashcha pANDavaH . 
anarma hAsI sonmAdastiryakprekShI mahAsvanaH .. 5..\\
mahAvego mahotsAho mahAbAhurmahAbalaH . 
mandAnAM mama putrANA.n yuddhenAnta.n kariShyati .. 6..\\
UrugrAhagR^ihItAnA.n gadAM bibhradvR^ikodaraH . 
kurUNAmR^iShabho yuddhe daNDapANirivAntakaH .. 7..\\
saikyAyasamayI.n ghorAM gadAM kA~nchanabhUShitAm . 
manasAhaM prapashyAmi brahmadaNDamivodyatam .. 8..\\
yathA rurUNA.n yUtheShu si.nho jAtabalash charet . 
mAmakeShu tathA bhImo baleShu vichariShyati .. 9..\\
sarveShAM mama putrANA.n sa ekaH krUra vikramaH . 
bahvAshIvipratIpashcha bAlye.api rabhasaH sadA .. 10..\\
udvepate me hR^idaya.n yadA duryodhanAdayaH . 
bAlye.api tena yudhyanto vAraNeneva marditAH .. 11..\\
tasya vIryeNa sa~NkliShTA nityameva sutA mama . 
sa eva heturbhedasya bhImo bhImaparAkramaH .. 12..\\
grasamAnamanIkAni naravAraNavAjinAm . 
pashyAmIvAgrato bhIma.n krodhamUrchhitamAhave .. 13..\\
astre droNArjuna sama.n vAyuvegasama.n jave . 
sa~njayAchakShva me shUraM bhImasenamamarShaNam .. 14..\\
atilAbha.n tu manye.aha.n yattena ripughAtinA . 
tadaiva na hatAH sarve mama putrA manasvinA .. 15..\\
yena bhImabalA yakShA rAkShasAshcha samAhatAH . 
katha.n tasya raNe vegaM mAnuShaH prasahiShyati .. 16..\\
na sa jAtu vashe tasthau mama bAlo.api sa~njaya . 
kiM punarmama duShputraiH kliShTaH samprati pANDavaH .. 17..\\
niShThuraH sa cha naiShThuryAdbhajyedapi na saMnamet . 
tiryakprekShI sa.nhatabhrUH katha.n shAmyedvR^ikodaraH .. 18..\\
bR^ihada.nso.apratibalo gaurastAla ivodgataH . 
pramANato bhImasenaH prAdeshenAdhiko.arjunAt .. 19..\\
javena vAjino.atyeti balenAtyeti ku~njarAn . 
avyaktajalpI madhvakSho madhyamaH pANDavo balI .. 20..\\
iti bAlye shrutaH pUrvaM mayA vyAsa mukhAtpurA . 
rUpato vIryatashchaiva yAthAtathyena pANDavaH .. 21..\\
Ayasena sa daNDena rathAnnAgAnhayAnnarAn . 
haniShyati raNe kruddho bhImaH praharatA.n varaH .. 22..\\
amarShI nityasa.nrabdho raudraH krUraparAkramaH . 
mama tAta pratIpAni kurvanpUrva.n vimAnitaH .. 23..\\
niShkIrNAmAyasI.n sthUlAM suparvA.n kA~nchanIM gadAm . 
shataghnI.n shatanirhrAdA.n kathaM shakShyanti me sutAH .. 24..\\
apAramaplavAgAdha.n samudraM sharaveginam . 
bhImasenamaya.n durgaM tAta mandAstitIrShavaH .. 25..\\
kroshato me na shR^iNvanti bAlAH paNDitamAninaH . 
viShamaM nAvabudhyante prapAtaM madhu darshinaH .. 26..\\
sa.nyuga.n ye kariShyanti nararUpeNa vAyunA . 
niyata.n choditA dhAtrA si.nheneva mahAmR^igAH .. 27..\\
shaikyA.n tAta chatuShkiShku.n ShaD asrimamitaujasam . 
prahitA.n duHkhasa.nsparshAM katha.n shakShyanti me sutAH .. 28..\\
gadAM bhrAmayatastasya bhindato hastimastakAn . 
sR^ikkiNI lelihAnasya bAShpamutsR^ijato muhuH .. 29..\\
uddishya pAtAnpatataH kurvato bhairavAnravAn . 
pratIpAnpatato mattAnku~njarAnpratigarjataH .. 30..\\
vigAhya rathamArgeShu varAnuddishya nighnataH . 
agneH prajvalitasyeva api muchyeta me prajA .. 31..\\
vIthI.n kurvanmahAbAhurdrAvayanmama vAhinIm . 
nR^ityanniva gadApANiryugAnta.n darshayiShyati .. 32..\\
prabhinna iva mAta~NgaH prabha~njanpuShpitAndrumAn . 
pravekShyati raNe senAM putrANAM me vR^ikodaraH .. 33..\\
kurvanrathAnvipuruShAnvidhvajAnbhagnapuShkarAn . 
ArujanpuruShavyAghro rathinaH sAdinastathA .. 34..\\
ga~NgA vega ivAnUpA.nstIrajAnvividhAndrumAn . 
pravekShyati mahAsenAM putrANAM mama sa~njaya .. 35..\\
vashaM nUna.n gamiShyanti bhImasenabalArditAH . 
mama putrAshcha bhR^ityAshcha rAjAnashchaiva sa~njaya .. 36..\\
yena rAjA mahAvIryaH pravishyAntaHpuraM purA . 
vAsudevasahAyena jarAsandho nipAtitaH .. 37..\\
kR^itsneyaM pR^ithivI devI jarAsandhena dhImatA . 
mAgadhendreNa balinA vashe kR^itvA pratApitA .. 38..\\
bhIShma pratApAtkuravo nayenAndhakavR^iShNayaH . 
te na tasya vasha.n jagmuH kevalaM daivameva vA .. 39..\\
sa gatvA pANDuputreNa tarasA bAhushAlinA . 
anAyudhena vIreNa nihataH ki.n tato.adhikam .. 40..\\
dIrghakAlena sa.nsikta.n viShamAshIviSho yathA . 
sa mokShyati raNe tejaH putreShu mama sa~njaya .. 41..\\
mahendra iva vajreNa dAnavAndeva sattamaH . 
bhImaseno gadApANiH sUdayiShyati me sutAn .. 42..\\
aviShahyamanAvArya.n tIvravegaparAkramam . 
pashyAmIvAtitAmrAkShamApatanta.n vR^ikodaram .. 43..\\
agadasyApyadhanuSho virathasya vivarmaNaH . 
bAhubhyA.n yudhyamAnasya kastiShThedagrataH pumAn .. 44..\\
bhIShmo droNashcha vipro.aya.n kR^ipaH shAradvatastathA . 
jAnantyete yathaivAha.n vIryaGYastasya dhImataH .. 45..\\
Arya vrata.n tu jAnantaH sa~NgarAnna bibhitsavaH . 
senAmukheShu sthAsyanti mAmakAnAM nararShabhAH .. 46..\\
balIyaH sarvato diShTaM puruShasya visheShataH . 
pashyannapi jaya.n teShAM na niyachchhAmi yatsutAn .. 47..\\
te purANaM maheShvAsA mArgamaindra.n samAsthitAH . 
tyakShyanti tumule prANAnrakShantaH pArthiva.n yashaH .. 48..\\
yathaiShAM mAmakAstAta tathaiShAM pANDavA api . 
pautrA bhIShmasya shiShyAshcha droNasya cha kR^ipasya cha .. 49..\\
yattvasmadAshraya.n kiM chiddattamiShTaM cha sa~njaya . 
tasyApachitimAryatvAtkartAraH sthavirAstrayaH .. 50..\\
AdadAnasya shastra.n hi kShatradharmaM parIpsataH . 
nidhanaM brAhmaNasyAjau varamevAhuruttamam .. 51..\\
sa vai shochAmi sarvAnvai ye yuyutsanti pANDavAn . 
vikruShTa.n vidureNAdau tadetadbhayamAgatam .. 52..\\
na tu manye vighAtAya GYAna.n duHkhasya sa~njaya . 
bhavatyatibale hyetajGYAnamapyupaghAtakam .. 53..\\
R^iShayo hyapi nirmuktAH pashyanto lokasa~NgrahAn . 
sukhe bhavanti sukhinastathA duHkhena duHkhitAH .. 54..\\
kiM punaryo.ahamAsaktastatra tatra sahasradhA . 
putreShu rAjyadAreShu pautreShvapi cha bandhuShu .. 55..\\
saMshaye tu mahatyasminkiM nu me kShamamuttamam . 
vinAsha.n hyeva pashyAmi kurUNAm anuchintayan .. 56..\\
dyUtapramukhamAbhAti kurUNA.n vyasanaM mahat . 
mandenaishvaryakAmena lobhAtpApamida.n kR^itam .. 57..\\
manye paryAya dharmo.aya.n kAlasyAtyanta gAminaH . 
chakre pradhirivAsakto nAsya shakyaM palAyitum .. 58..\\
kiM nu kArya.n kathaM kuryAM kva nu gachchhAmi sa~njaya . 
ete nashyanti kuravo mandAH kAlavasha.n gatAH .. 59..\\
avasho.ahaM purA tAta putrANAM nihate shate . 
shroShyAmi ninada.n strINA.n kathaM mAM maraNaM spR^ishet .. 60..\\
yathA nidAghe jvalanaH samiddho 
dahetkakSha.n vAyunA chodyamAnaH . 
gadAhastaH pANDavastadvadeva 
hantA madIyAnsahito.arjunena .. 61..\\
\medskip\hrule\medskip\centerline{\Largedvng 51}
 dhr

yasya vai nAnR^itA vAchaH pravR^ittA anushushrumaH . 
trailokyamapi tasya syAdyodhA yasya dhana~njayaH .. 1..\\
tasyaiva cha na pashyAmi yudhi gANDIvadhanvanaH . 
anisha.n chintayAno.api yaH pratIyAdrathena tam .. 2..\\
asyataH karNinAlIkAnmArgaNAnhR^idayachchhidaH . 
pratyetA na samaH kashchidyudhi gANDIvadhanvanaH .. 3..\\
droNakarNau pratIyAtA.n yadi vIrau nararShabhau . 
mAhAtmyAtsaMshayo loke na tvasti vijayo mama .. 4..\\
ghR^iNI karNaH pramAdI cha AchAryaH sthaviro guruH . 
samartho balavAnpArtho dR^iDhadhanvA jitaklamaH . 
bhavetsutumula.n yuddhaM sarvasho.apyaparAjayaH .. 5..\\
sarve hyastravidaH shUrAH sarve prAptA mahadyashaH . 
api sarmAmaraishvarya.n tyajeyurna punarjayam . 
vadhe nUnaM bhavechchhAntistayorvA phalgunasya vA .. 6..\\
na tu jetArjunasyAsti hantA chAsya na vidyate . 
manyustasya katha.n shAmyenmandAnprati ya utthitaH .. 7..\\
anye.apyastrANi jAnanti jIyante cha jayanti cha . 
ekAntavijayastveva shrUyate phalgunasya ha .. 8..\\
trayastriMshatsamAhUya khANDave.agnimatarpayat . 
jigAya cha surAnsarvAnnAsya vedmi parAjayam .. 9..\\
yasya yantA hR^iShIkeshaH shIlavR^ittasamo yudhi . 
dhruvastasya jayastAta yathendrasya jayastathA .. 10..\\
kR^iShNAvekarathe yattAvadhijya.n gANDivaM dhanuH . 
yugapattrINi tejA.nsi sametAnyanushushrumaH .. 11..\\
naiva no.asti dhanustAdR^i~Nna yoddhA na cha sArathiH . 
tachcha mandA na jAnanti duryodhana vashAnugAH .. 12..\\
sheShayedashanirdIpto nipatanmUrdhni sa~njaya . 
na tu sheSha.n sharAH kuryurastAstAta kirITinA .. 13..\\
api chAsyannivAbhAti nighnanniva cha phalgunaH . 
uddharanniva kAyebhyaH shirA.nsi sharavR^iShTibhiH .. 14..\\
api bANamaya.n tejaH pradIptamiva sarvataH . 
gANDIveddha.n dahetAjau putrANAM mama vAhinIm .. 15..\\
api sA rathaghoSheNa bhayArtA savyasAchinaH . 
vitrastA bahulA senA bhAratI pratibhAti me .. 16..\\
yathA kakSha.n dahatyagniH pravR^iddhaH sarvatash charan . 
mahArchiraniloddhUtastadvaddhakShyati mAmakAn .. 17..\\
yadodvamannishitAnbANasa~NghAn 
sthAtAtatAyI samare kirITI . 
sR^iShTo.antakaH sarvaharo vidhAtrA 
yathA bhavettadvadavAraNIyaH .. 18..\\
yadA hyabhIkShNa.n subahUnprakArA~n 
shrotAsmi tAnAvasathe kurUNAm . 
teShA.n samantAchcha tathA raNAgre 
kShayaH kilAyaM bharatAnupaiti .. 19..\\
\medskip\hrule\medskip\centerline{\Largedvng 52}
 dhr

yathaiva pANDavAH sarve parAkrAntA jigIShavaH . 
tathaivAbhisarAsteShA.n tyaktAtmAno jaye dhR^itAH .. 1..\\
tvameva hi parAkrAntAnAchakShIthAH parAnmama . 
pA~nchAlAnkekayAnmatsyAnmAgadhAnvatsabhUmipAn .. 2..\\
yashcha sendrAnimA.NllokAnichchhankuryAdvashe balI . 
sa shreShTho jagataH kR^iShNaH pANDavAnA.n jaye dhR^itaH .. 3..\\
samastAmarjunAdvidyA.n sAtyakiH kShipramAptavAn . 
shaineyaH samare sthAtA bIjavatpravapa~nsharAn .. 4..\\
dhR^iShTadyumnashcha pA~nchAlyaH krUrakarmA mahArathaH . 
mAmakeShu raNa.n kartA baleShu paramAstravit .. 5..\\
yudhiShThirasya cha krodhAdarjunasya cha vikramAt . 
yamAbhyAM bhImasenAchcha bhayaM me tAta jAyate .. 6..\\
amAnuShaM manuShyendrairjAla.n vitatamantarA . 
mama senA.n haniShyanti tataH kroshAmi sa~njaya .. 7..\\
darshanIyo manasvI cha lakShmIvAnbrahma varchasI . 
medhAvI sukR^itapraGYo dharmAtmA pANDunandanaH .. 8..\\
mitrAmAtyaiH susampannaH sampanno yojya yojakaiH . 
bhrAtR^ibhiH shvashuraiH putrairupapanno mahArathaiH .. 9..\\
dhR^ityA cha puruShavyAghornaibhR^ityena cha pANDavaH . 
anR^isha.nso vadAnyashcha hrImAnsatyaparAkramaH .. 10..\\
bahushrutaH kR^itAtmA cha vR^iddhasevI jitendriyaH . 
ta.n sarvaguNasampannaM samiddhamiva pAvakam .. 11..\\
tapantamiva ko mandaH patiShyati pata~Ngavat . 
pANDavAgnimanAvAryaM mumUrShurmUDha chetanaH .. 12..\\
tanuruchchaH shikhI rAjA shuddhajAmbUnadaprabhaH . 
mandAnAM mama putrANA.n yuddhenAnta.n kariShyati .. 13..\\
tairayuddha.n sAdhu manye kuravastannibodhata . 
yuddhe vinAshaH kR^itsnasya kulasya bhavitA dhruvam .. 14..\\
eShA me paramA shAntiryayA shAmyati me manaH . 
yadi tvayuddhamiShTa.n vo vayaM shAntyai yatAmahe .. 15..\\
na tu naH shikShamANAnAmupekSheta yudhiShThiraH . 
jugupsati hyadharmeNa mAmevoddhishya kAraNam .. 16..\\
\medskip\hrule\medskip\centerline{\Largedvng 53}
 s

evametanmahArAja yathA vadasi bhArata . 
yuddhe vinAshaH kShatrasya gANDIvena pradR^ishyate .. 1..\\
ida.n tu nAbhijAnAmi tava dhIrasya nityashaH . 
yatputra vashamAgachchheH sattvaGYaH savyasAchinaH .. 2..\\
naiSha kAlo mahArAja tava shashvatkR^itAgamaH . 
tvayA hyevAditaH pArthA nikR^itA bharatarShabha .. 3..\\
pitA shreShThaH suhR^idyashcha samyakpraNihitAtmavAn . 
Asthyeya.n hi hita.n tena na drogdhA gururuchyate .. 4..\\
ida.n jitamida.n labdhamiti shrutvA parAjitAn . 
dyUtakAle mahArAja smayase sma kumAravat .. 5..\\
paruShANyuchyamAnAnsma purA pArthAnupekShase . 
kR^itsna.n rAjya.n jayantIti prapAtaM nAnupashyasi .. 6..\\
pitrya.n rAjyaM mahArAja kuravaste sa jA~NgalAH . 
atha vIrairjitAM bhUmimakhilAM pratyapadyathAH .. 7..\\
bAhuvIryArjitA bhUmistava pArthairniveditA . 
mayeda.n kR^itamityeva manyase rAjasattama .. 8..\\
grastAngandharvarAjena majjato hyaplave.ambhasi . 
AninAya punaH pArthaH putrA.nste rAjasattama .. 9..\\
kumAravachcha smayase dyUte vinikR^iteShu yat . 
pANDaveShu vana.n rAjanpravrajatsu punaH punaH .. 10..\\
pravarShataH sharavrAtAnarjunasya shitAnbahUn . 
apyarNavA vishuShyeyuH kiM punarmA.nsayonayaH .. 11..\\
asyatAM phalgunaH shreShTho gANDIva.n dhanuShA.n varam . 
keshavaH sarvabhUtAnA.n chakrANAM cha sudarshanam .. 12..\\
vAnaro rochamAnashcha ketuH ketumatA.n varaH . 
evametAni sa ratho vaha~nshvetahayo raNe . 
kShapayiShyati no rAjankAlachakramivodyatam .. 13..\\
tasyAdya vasudhA rAjannikhilA bharatarShabha . 
yasya bhImArjunau yodhau sa rAjA rAjasattama .. 14..\\
tathA bhIma hataprAyAM majjantI.n tava vAhinIm . 
duryodhanamukhA dR^iShTvA kShaya.n yAsyanti kauravAH .. 15..\\
na hi bhIma bhayAdbhItA lapsyante vijaya.n vibho . 
tava putrA mahArAja rAjAnashchAnusAriNaH .. 16..\\
matsyAstvAmadya nArjanti pA~nchAlAshcha sa kekayAH . 
shAlveyAH sharasenAshcha sarve tvAmavajAnate . 
pArtha.n hyete gatAH sarve vIryaGYAstasya dhImataH .. 17..\\
anarhAneva tu vadhe dharmayuktAnvikarmaNA . 
sarvopAyairniyantavyaH sAnugaH pApapUruShaH . 
tava putro mahArAja nAtra shochitumarhasi .. 18..\\
dyUtakAle mayA chokta.n vidureNa cha dhImatA . 
yadida.n te vilapitaM pANDavAnprati bhArata . 
anIsheneva rAjendra sarvametannirarthakam .. 19..\\
\medskip\hrule\medskip\centerline{\Largedvng 54}
 dur

na bhetavyaM mahArAja na shochyA bhavatA vayam . 
samarthAH sma parAnrAjanvijetu.n samare vibho .. 1..\\
vanaM pravrAjitAnpArthAnyadAyAnmadhusUdanaH . 
mahatA balachakreNa pararAShTrAvamardinA .. 2..\\
kekayA dhR^iShTaketushcha dhR^iShTadyumnashcha pArShataH . 
rAjAnashchAnvayuH pArthAnbahavo.anye.anuyAyinaH .. 3..\\
indraprasthasya chAdUrAtsamAjagmurmahArathAH . 
vyagarhayaMshcha sa~Ngamya bhavanta.n kurubhiH saha .. 4..\\
te yudhiShThiramAsInamajinaiH prativAsitam . 
kR^iShNa pradhAnAH sa.nhatya paryupAsanta bhArata .. 5..\\
pratyAdAna.n cha rAjyasya kAryamUchurnarAdhipAH . 
bhavataH sAnubandhasya samuchchheda.n chikIrShavaH .. 6..\\
shrutvA chaitanmayoktAstu bhIShmadroNakR^ipAstadA . 
GYAtikShayabhayAdrAjanbhItena bharatarShabha .. 7..\\
na te sthAsyanti samaye pANDavA iti me matiH . 
samuchchheda.n hi naH kR^itsnaM vAsudevashchikIrShati .. 8..\\
R^ite cha vidura.n sarve yUyaM vadhyA mahAtmanaH . 
dhR^itarAShTrashcha dharmaGYo na vadhyaH kurusattamaH .. 9..\\
samuchchheda.n cha kR^itsnaM naH kR^itvA tAta janArdanaH . 
ekarAjya.n kurUNA.n sma chikIrShati yudhiShThire .. 10..\\
tatra kiM prAptakAlaM naH praNipAtaH palAyanam . 
prANAnvA samparityajya pratiyudhyAmahe parAn .. 11..\\
pratiyuddhe tu niyataH syAdasmAkaM parAjayaH . 
yudhiShThirasya sarve hi pArthivA vashavartinaH .. 12..\\
virakta rAShTrAshcha vayaM mitrANi kupitAni naH . 
dhikkR^itAH pArthivaiH sarvaiH svajanena cha sarvashaH .. 13..\\
praNipAte tu doSho.asti bandhUnA.n shAshvatIH samAH . 
pitara.n tveva shochAmi praGYA netraM janeshvaram . 
matkR^ite duHkhamApanna.n kleshaM prAptamanantakam .. 14..\\
kR^ita.n hi tava putraishcha pareShAm avarodhanam . 
matpriyArthaM puraivaitadvidita.n te narottama .. 15..\\
te rAGYo dhR^itarAShTrasya sAmAtyasya mahArathAH . 
vairaM patikariShyanti kulochchhedena pANDavAH .. 16..\\
tato droNo.abravIdbhIShmaH kR^ipo drauNishcha bhArata . 
matvA mAM mahatI.n chintAmAsthita.n vyathitendriyam .. 17..\\
abhidrugdhAH pare chenno na bhetavyaM parantapa . 
asamarthAH pare jetumasmAnyudhi janeshvara .. 18..\\
ekaikashaH samarthAH smo vijetu.n sarvapArthivAn . 
Agachchhantu vineShyAmo darpameShA.n shitaiH sharaiH .. 19..\\
puraikena hi bhIShmeNa vijitAH sarvapArthivAH . 
mR^ite pitaryabhikruddho rathenaikena bhArata .. 20..\\
jaghAna subahU.nsteShA.n sa.nrabdhaH kurusattamaH . 
tataste sharaNa.n jagmurdevavratamimaM bhayAt .. 21..\\
sa bhIShmaH susamartho.ayamasmAbhiH sahito raNe . 
parAnvijetu.n tasmAtte vyetu bhIrbharatarShabha . 
ityeShAM nishchayo hyAsIttatkAlamamitaujasAm .. 22..\\
purA pareShAM pR^ithivI kR^itsnAsIdvashavartinI . 
asmAnpunaramI nAdya samarthA jetumAhave . 
chhinnapakShAH pare hyadya vIryahInAshcha pANDavAH .. 23..\\
asmatsa.nsthA cha pR^ithivI vartate bharatarShabha . 
ekArthAH sukhaduHkheShu mayAnItAshcha pArthivAH .. 24..\\
apyagniM pravisheyuste samudra.n vA parantapa . 
madarthe pArthivAH sarve tadviddhi kurusattama .. 25..\\
unmattamiva chApi tvAM prahasantIha duHkhitam . 
vilapantaM bahuvidhaM bhItaM paravikatthane .. 26..\\
eShA.n hyekaikasho rAGYAM samarthaH pANDavAnprati . 
AtmAnaM manyate sarvo vyetu te bhayamAgatam .. 27..\\
sarvA.n samagrAM senAM me vAsavo.api na shaknuyAt . 
hantumakShayya rUpeyaM brahmaNApi svayambhuvA .. 28..\\
yudhiShThiraH pura.n hitvA pa~ncha grAmAnsa yAchati . 
bhIto hi mAmakAtsainyAtprabhAvAchchaiva me prabho .. 29..\\
samarthaM manyase yachcha kuntIputra.n vR^ikodaram . 
tanmithyA na hi me kR^itsnaM prabhAva.n vettha bhArata .. 30..\\
matsamo hi gadAyuddhe pR^ithivyAM nAsti kash chana . 
nAsItkashchidatikrAnto bhavitA na cha kash chana .. 31..\\
yukto duHkhochitashchAha.n vidyA pAragatastathA . 
tasmAnna bhImAnnAnyebhyo bhayaM me vidyate kva chit .. 32..\\
duryodhana samo nAsti gadAyAmiti nishchayaH . 
sa~NkarShaNasya bhadra.n te yattadainamupAvasam .. 33..\\
yuddhe sa~NkarShaNa samo balenAbhyadhiko bhuvi . 
gadAprahAraM bhImo me na jAtu viShahedyudhi .. 34..\\
ekaM prahAra.n ya.n dadyAM bhImAya ruShito nR^ipa . 
sa evainaM nayedghora.n kShipra.n vaivasvatakShayam .. 35..\\
ichchheya.n cha gadAhasta.n rAjandraShTuM vR^ikodaram . 
suchiraM prArthito hyeSha mama nityaM manorathaH .. 36..\\
gadayA nihato hyAjau mama pArtho vR^ikodaraH . 
vishIrNagAtraH pR^ithivIM parAsuH prapatiShyati .. 37..\\
gadAprahArAbhihato himavAnapi parvataH . 
sakR^inmayA vishIryeta giriH shatasahasradhA .. 38..\\
sa chApyetadvijAnAti vAsudevArjunau tathA . 
duryodhana samo nAsti gadAyAmiti nishchayaH .. 39..\\
tatte vR^ikodaramayaM bhaya.n vyR^itu mahAhave . 
vyapaneShyAmyaha.n hyenaM mA rAjanvimanA bhava .. 40..\\
tasminmayA hate kShipramarjunaM bahavo rathAH . 
tulyarUpA vishiShTAshcha kShepsyanti bharatarShabha .. 41..\\
bhIShmo droNaH kR^ipo drauNiH karNo bhUrishravAstathA . 
prAgjyotiShAdhipaH shalyaH sindhurAjo jayadrathaH .. 42..\\
ekaika eShA.n shaktastu hantuM bhArata pANDavAn . 
samastAstu kShaNenaitAnneShyanti yamasAdanam .. 43..\\
samagrA pArthivI senA pArthameka.n dhana~njayam . 
kasmAdashaktA nirjetumiti heturna vidyate .. 44..\\
sharavrAtaistu bhIShmeNa shatasho.atha sahasrashaH . 
droNa drauNikR^ipaishchaiva gantA pArtho yamakShayam .. 45..\\
pitAmaho hi gA~NgeyaH shantanoradhi bhArata . 
brahmarShisadR^isho jaGYe devairapi durutsahaH . 
pitrA hyuktaH prasannena nAkAmastvaM mariShyasi .. 46..\\
brahmarSheshcha bharadvAjAddroNyA.n droNo vyajAyata . 
droNAjjaGYe mahArAja drauNishcha paramAstravit .. 47..\\
kR^ipashchAchAya mukhyo.ayaM maharShergautamAdapi . 
sharastambodbhavaH shrImAnavadhya iti me matiH .. 48..\\
ayonija.n traya.n hyetatpitA mAtA cha mAtulaH . 
ashvatthAmno mahArAja sa cha shUraH sthito mama .. 49..\\
sarva ete mahArAja devakalpA mahArathAH . 
shakrasyApi vyathA.n kuryuH sa.nyuge bharatarShabha .. 50..\\
bhIShmadroNakR^ipANA.n cha tulyaH karNo mato mama . 
anuGYAtashcha rAmeNa matsamo.asIti bhArata .. 51..\\
kuNDale ruchire chAstA.n karNasya sahaje shubhe . 
te shachyarthe mahendreNa yAchitaH sa parantapaH . 
amoghayA mahArAja shaktyA paramabhImayA .. 52..\\
tasya shaktyopagUDhasya kasmAjjIveddhana~njayaH . 
vijayo me dhruva.n rAjanphalaM pANAvivAhitam . 
abhivyaktaH pareShA.n cha kR^itsno bhuvi parAjayaH .. 53..\\
ahnA hyekena bhIShmo.ayamayuta.n hanti bhArata . 
tatsamAshcha maheShvAsA droNa drauNikR^ipA api .. 54..\\
saMshaptAni cha vR^indAni kShatriyANAM parantapa . 
arjuna.n vayamasmAnvA dhana~njaya iti sma ha .. 55..\\
tAMshchAlamiti manyante savyasAchi vadhe vibho . 
pArthivAH sa bhavAnrAjannakasmAdvyathate katham .. 56..\\
bhImasene cha nihate ko.anyo yudhyeta bhArata . 
pareShA.n tanmamAchakShva yadi vettha parantapa .. 57..\\
pa~ncha te bhrAtaraH sarve dhR^iShTadyumno.atha sAtyakiH . 
pareShA.n sapta ye rAjanyodhAH paramakaM balam .. 58..\\
asmAka.n tu vishiShTA ye bhIShmadroNakR^ipAdayaH . 
drauNirvaikartanaH karNaH somadatto.atha bAhlikaH .. 59..\\
prAgjyotiShAdhipaH shalya Avantyo.atha jayadrathaH . 
duHshAsano durmukhashcha duHsahashcha vishAM pate .. 60..\\
shrutAyushchitrasenashcha purumitro viviMshatiH . 
shalo bhUrishravAshchobhau vikarNashcha tavAtmajaH .. 61..\\
akShauhiNyo hi me rAjandashaikA cha samAhR^itAH . 
nyUnAH pareShA.n saptaiva kasmAnme syAtparAjayaH .. 62..\\
bala.n triguNato hIna.n yodhyaM prAha bR^ihaspatiH . 
parebhyastriguNA cheyaM mama rAjannanIkinI .. 63..\\
guNahInaM pareShA.n cha bahu pashyAmi bhArata . 
guNodayaM bahuguNamAtmanashcha vishAM pate .. 64..\\
etatsarva.n samAGYAya balAgryaM mama bhArata . 
nyUnatAM pANDavAnA.n cha na mohaM gantumarhasi .. 65..\\
ityuktvA sa~njayaM bhUyaH paryapR^ichchhata bhArata . 
vidhitsuH prAptakAlAni GYAtvA parapura~njayaH .. 66..\\
\medskip\hrule\medskip\centerline{\Largedvng 55}
 dur

akShauhiNIH sapta labdhvA rAjabhiH saha sa~njaya . 
ki.n svidichchhati kaunteyo yuddhaprepsuryudhiShThiraH .. 1..\\
atIva mudito rAjanyuddhaprepsuryudhiShThiraH . 
bhImasenArjunau chobhau yamAvapi na bibhyataH .. 2..\\
ratha.n tu divyaM kaunteyaH sarvA vibhrAjayandishaH . 
mantra.n jiGYAsamAnaH sanbIbhatsuH samayojayat .. 3..\\
tamapashyAma saMnaddhaM megha.n vidyutprabhaM yathA . 
sa mantrAnsamabhidhyAya hR^iShyamANo.abhyabhAShata .. 4..\\
pUrvarUpamidaM pashya vaya.n jeShyAma sa~njaya . 
bIbhatsurmA.n yathovAcha tathAvaimyahamapyuta .. 5..\\

 dur

prasha.nsasyabhinanda.nstAnpArthAnakShaparAjitAn . 
arjunasya rathe brUhi kathamashvAH katha.n dhvajaH .. 6..\\
bhauvanaH saha shakreNa bahu chitra.n vishAM pate . 
rUpANi kalpayAmAsa tvaShTA dhAtrA sahAbhibho .. 7..\\
dhvaje hi tasminrUpANi chakruste deva mAyayA . 
mahAdhanAni divyAni mahAnti cha laghUni cha .. 8..\\
sarvA disho yojanamAtramantaraM 
sa tiryagUrdhva.n cha rurodha vai dhvajaH . 
na sa.nsajjettarubhiH sa.nvR^ito.api 
tathA hi mAyAvihitA bhauvanena .. 9..\\
yathAkAshe shakradhanuHprakAshate 
na chaikavarNaM na cha vidma kiM nu tat . 
tathA dhvajo vihito bhauvanena 
bahvAkAra.n dR^ishyate rUpamasya .. 10..\\
yathAgnidhUmo divameti ruddhvA 
varNAnbibhrattaijasa.n tachchharIram . 
tathA dhvajo vihito bhauvanena 
na chedbhAro bhavitA nota rodhaH .. 11..\\
shvetAstasminvAtavegAH sadashvA 
divyA yuktAshchitrarathena dattAH . 
shata.n yattatpUryate nityakAlaM 
hata.n hata.n dattavaraM purastAt .. 12..\\
tathA rAGYo dantavarNA bR^ihanto 
rathe yuktA bhAnti tadvIryatulyAH . 
R^ishya prakhyA bhImasenasya vAhA 
raNe vAyostulyavegA babhUvuH .. 13..\\
kalmAShA~NgAstittiri chitrapR^iShThA 
bhrAtrA dattAH prIyatA phalgunena . 
bhrAturvIrasya svaistura~NgairvishiShTA 
mudA yuktAH sahadeva.n vahanti .. 14..\\
mAdrIputraM nakula.n tvAjamIDhaM 
mahendradattA harayo vAjimukhyAH . 
samA vAyorbalavantastarasvino 
vahanti vIra.n vR^itra shatruM yathendram .. 15..\\
tulyAshchaibhirvayasA vikrameNa 
javena chaivApratirUpAH sadashvAH . 
saubhadrAdIndraupadeyAnkumArAn 
vahantyashvA devadattA bR^ihantaH .. 16..\\
\medskip\hrule\medskip\centerline{\Largedvng 56}
 dhr

kA.nstatra sa~njayApashyaH pratyarthena samAgatAn . 
ye yotsyante pANDavArthe putrasya mama vAhinIm .. 1..\\
mukhyamandhakavR^iShNInAmapashya.n kR^iShNamAgatam . 
chekitAna.n cha tatraiva yuyudhAnaM cha satyakim .. 2..\\
pR^ithagakShauhiNIbhyA.n tau pANDavAnabhisaMshritau . 
mahArathau samAkhyAtAvubhau puruShamAninau .. 3..\\
akShauhiNyAtha pA~nchAlyo dashabhistanayairvR^itaH . 
satyajitpramukhairvIrairdhR^iShTadyumnapurogamaiH .. 4..\\
drupado vardhayanmAna.n shikhaNDiparipAlitaH . 
upAyAtsarvasainyAnAM pratichchhAdya tadA vapuH .. 5..\\
virATaH saha putrAbhyA.n sha~NkhenaivuttareNa cha . 
sUryadattAdibhirvIrairmadirAshvapurogamaiH .. 6..\\
sahitaH pR^ithivIpAlo bhrAtR^ibhistanayaistathA . 
akShauhiNyaiva sainyasya vR^itaH pArtha.n samAshritaH .. 7..\\
jArAsandhirmAgadhashcha dhR^iShTaketushcha chedirAT . 
pR^ithakpR^ithaganuprAptau pR^ithagakShauhiNI vR^itau .. 8..\\
kekayA bhrAtaraH pa~ncha sarve lohitaka dhvajAH . 
akShauhiNIparivR^itAH pANDavAnabhisaMshritAH .. 9..\\
etAnetAvatastatra yAnapashya.n samAgatAn . 
ye pANDavArthe yotsyanti dhArtarAShTrasya vAhinIm .. 10..\\
yo veda mAnuSha.n vyUha.n daivamAndharvamAsuram . 
sa tasya senA pramukhe dhR^iShTadyumno mahAmanAH .. 11..\\
bhIShmaH shAntanavo rAjanbhAgaH kL^iptaH shikhaNDinaH . 
ta.n virATo.anu sa.nyAtA saha matsyaiH prahAribhiH .. 12..\\
jyeShTaHsya pANDuputrasya bhAgo madrAdhipo balI . 
tau tu tatrAbruvanke chidviShamau no matAviti .. 13..\\
duryodhanaH saha sutaH sArdhaM bhrAtR^ishatena cha . 
prAchyAshcha dAkShiNAtyAshcha bhImasenasya bhAgataH .. 14..\\
arjunasya tu bhAgena karNo vaikartano mataH . 
ashvatthAmA vikarNashcha saindhavashcha jayadrathaH .. 15..\\
ashakyAshchaiva ye ke chitpR^ithivyA.n shUramAninaH . 
sarvA.nstAnarjunaH pArthaH kalpayAmAsa bhAgataH .. 16..\\
maheShvAsA rAjaputrA bhrAtaraH pa~ncha kekayAH . 
kekayAneva bhAgena kR^itvA yotsyanti sa.nyuge .. 17..\\
teShAmeva kR^ito bhAgo mAlavAH shAlva kekayAH . 
trigartAnA.n cha dvau mukhyau yau tau saMshaptakAviti .. 18..\\
duryodhana sutAH sarve tathA duHshAsanasya cha . 
saubhadreNa kR^ito bhAgo rAjA chaiva bR^ihadbalaH .. 19..\\
drupadeyA maheShvAsAH suvarNavikR^itadhvajAH . 
dhR^iShTadyumnamukhA droNamabhiyAsyanti bhArata .. 20..\\
chekitAnaH somadatta.n dvairathe yoddhumichchhati . 
bhoja.n tu kR^itavarmANa.n yuyudhAno yuyutsati .. 21..\\
sahadevastu mAdreyaH shUraH sa~Nkrandano yudhi . 
svamaMsha.n kalpayAmAsa shyAlaM te subalAtmajam .. 22..\\
ulUka.n chApi kaitavya.n ye cha sArasvatA gaNAH . 
nakulaH kalpayAmAsa bhAgaM mAdravatIsutaH .. 23..\\
ye chAnye pArthivA rAjanpratyudyAsyanti sa.nyuge . 
samAhvAnena tAMshchApi pANDuputrA akalpayan .. 24..\\
evameShAmanIkAni pravibhaktAni bhAgashaH . 
yatte kArya.n saputrasya kriyatA.n tadakAlikam .. 25..\\
na santi sarve putrA me mUDhA durdyUta devinaH . 
yeShA.n yuddhaM balavatA bhImena raNamUrdhani .. 26..\\
rAjAnaH pArthivAH sarve prokShitAH kAladharmaNA . 
gANDIvAgniM pravekShyanti pata~NgA iva pAvakam .. 27..\\
vidurtA.n vAhinIM manye kR^itavairairmahAtmabhiH . 
tA.n raNe ke.anuyAsyanti prabhagnAM pANDavairyudhi .. 28..\\
sarve hyatirathAH shUrAH kIrtimantaH pratApinaH . 
sUryapAvakayostulyAstejasA samiti~njayAH .. 29..\\
yeShA.n yudhiShThiro netA guptA cha madhusUdanaH . 
yodhau cha pANDavau vIrau savyasAchi vR^ikodarau .. 30..\\
nakulaH sahadevashcha dhR^iShTadyumnashcha pArShataH . 
sAtyakirdrupadashchaiva dhR^iShTadyumnasya chAtmajaH .. 31..\\
uttamaujAshcha pA~nchAlyo yudhAmanyushcha durjayaH . 
shikhaNDI kShatradevashcha tathA vairATiruttaraH .. 32..\\
kAshayashchedayashchaiva matsyAH sarve cha sR^i~njayAH . 
virATa putro babhrUshcha pA~nchAlAshcha prabhadrakAH .. 33..\\
yeShAmindro.apyakAmAnAM na haretpR^ithivImimAm . 
vIrANA.n raNadIrANAM ye bhindyuH parvatAnapi .. 34..\\
tAnsarvAnguNasampannAnamanuShyapratApinaH . 
kroshato mama duShputro yoddhumichchhati sa~njaya .. 35..\\

 dur

ubhau sva ekajAtIyau tathobhau bhUmigocharau . 
atha kasmAtpANDavAnAm ekato manyase jayam .. 36..\\
pitAmaha.n cha droNaM cha kR^ipaM karNaM cha durjayam . 
jayadratha.n somadattamashvatthAmAnameva cha .. 37..\\
suchetaso maheShvAsAnindro.api sahito.amaraiH . 
ashaktaH samare jetu.n kiM punartAta pANDavAH .. 38..\\
sarvA cha pR^ithivI sR^iShTA madarthe tAta pANDavAn . 
AryAndhR^itimataH shUrAnagnikalpAnprabAdhitum .. 39..\\
na mAmakAnpANDavAste samarthAH prativIkShitum . 
parAkrAnto hyahaM pANDUnsaputrAnyoddhumAhave .. 40..\\
matpriyaM pArthivAH sarve ye chikIrShanti bhArata . 
te tAnAvArayiShyanti aiNeyAniva tantunA .. 41..\\
mahatA rathavaMshena sharajAlaishcha mAmakaiH . 
abhidrutA bhaviShyanti pA~nchAlAH pAnavaiH saha .. 42..\\
unmatta iva me putro vilapatyeSha sa~njaya . 
na hi shakto yudhA jetu.n dharmarAja.n yudhiShThiram .. 43..\\
jAnAti hi sadA bhIShmaH pANDavAnA.n yashasvinAm . 
balavattA.n saputrANA.n dharmaGYAnAM mahAtmanAm .. 44..\\
yato nArochayamaha.n vigraha.n tairmahAtmabhiH . 
ki.n tu sa~njaya me brUhi punasteShA.n vicheShTitam .. 45..\\
kastA.nstarasvino bhUyaH sandIpayati pANDavAn . 
archiShmato mahaiShvAsAnhaviShA pAvakAniva .. 46..\\
dhR^iShTadyumnaH sadaivaitAnsandIpayati bhArata . 
yudhyadhvamiti mA bhaiShTa yuddhAdbharatasattamAH .. 47..\\
ye ke chitpArthivAstatra dhArtarAShTreNa sa.nvR^itAH . 
yuddhe samAgamiShyanti tumule kavachahrade .. 48..\\
tAnsarvAnAhave kruddhAnsAnubandhAnsamAgatAn . 
ahamekaH samAdAsye timirmatsyAnivaudakAn .. 49..\\
bhIShma.n droNaM kR^ipaM karNaM drauNi.n shalyaM suyodhanam . 
etAMshchApi nirotsyAmi veleva makarAlayam .. 50..\\
tathA bruvANa.n dharmAtmA prAha rAjA yudhiShThiraH . 
tava dhairya.n cha vIryaM cha pA~nchAlAH pANDavaiH saha . 
sarve samadhirUDhAH sma sa~NgrAmAnnaH samuddhara .. 51..\\
jAnAmi tvAM mahAbAho kShatradharme vyavasthitam . 
samarthamekaM paryApta.n kauravANA.n yuyutsatAm . 
bhavatA yadvidhAtavya.n tannaH shreyaH parantapa .. 52..\\
sa~NgrAmAdapayAtAnAM bhagnAnA.n sharaNaiShiNAm . 
pauruSha.n darshaya~nshUro yastiShThedagrataH pumAn . 
krINIyAtta.n sahasreNa nItimannAma tatpadam .. 53..\\
sa tva.n shUrashcha vIrashcha vikrAntashcha nararShabha . 
bhayArtAnAM paritrAtA sa.nyugeShu na saMshayaH .. 54..\\
evaM bruvati kaunteye dharmAtmani yudhiShThire . 
dhR^iShTadyumna uvAchedaM mA.n vacho gatasAdhvasaH .. 55..\\
sarvA~njanapadAnsUta yodhA duryodhanasya ye . 
sa bAhlIkAnkurUnbrUyAH prAtipeyA~nsharadvataH .. 56..\\
sUtaputra.n tathA droNa.n saha putraM jayadratham . 
duHshAsana.n vikarNa.n cha tathA duryodhanaM nR^ipam .. 57..\\
bhIShma.n chaiva brUhi gatvA tvamAshu 
yudhiShThira.n sAdhunaivAbhyupeta . 
mA vo vadhIdarjuno deva guptaH 
kShipra.n yAchadhvaM pANDavaM lokavIram .. 58..\\
naitAdR^isho hi yodho.asti pR^ithivyAmiha kash chana . 
yathAvidhaH savyasAchI pANDavaH shastravittamaH .. 59..\\
devairhi sambhR^ito divyo ratho gANDIvadhanvanaH . 
na sa jeyo manuShyeNa mA sma kR^idhvaM mano yudhi .. 60..\\
\medskip\hrule\medskip\centerline{\Largedvng 57}
 dhr

kShatratejA brahma chArI kaumArAdapi pANDavaH . 
tena sa.nyugameShyanti mandA vilapato mama .. 1..\\
duryodhana nivartasva yuddhAdbharatasattama . 
na hi yuddhaM prasha.nsanti sarvAvasthamarindama .. 2..\\
alamardhaM pR^ithivyAste sahAmAtyasya jIvitum . 
prayachchha pANDuputrANA.n yathochitamarindama .. 3..\\
etaddhi kuravaH sarve manyante dharmasa.nhitam . 
yattvaM prashAntimichchhethAH pANDuputrairmahAtmabhiH .. 4..\\
a~NgemA.n samavekShasva putra svAmeva vAhinIm . 
jAta eva tava srAvastva.n tu mohAnna budhyase .. 5..\\
na hyaha.n yuddhamichchhAmi naitadichchhati bAhlikaH . 
na cha bhIShmo na cha droNo nAshvatthAmA na sa~njayaH .. 6..\\
na somadatto na shalyo na kR^ipo yuddhamichchhati . 
satyavrataH purumitro jayo bhUrishravAstathA .. 7..\\
yeShu sampratitiShTheyuH kuravaH pIDitAH paraiH . 
te yuddhaM nAbhinandanti ta tubhya.n tAta rochatAm .. 8..\\
na tva.n karoShi kAmena karNaH kArayitA tava . 
duHshAsanashcha pApAtmA shakunishchApi saubalaH .. 9..\\
nAhaM bhavati na droNe nAshvatthAmni na sa~njaye . 
na vikarNe na kAmboje na kR^ipe na cha bAhlike .. 10..\\
satyavrate purumitre bhUrishravasi vA punaH . 
anyeShu vA tAvakeShu bhAra.n kR^itvA samAhvaye .. 11..\\
aha.n cha tAta karNashcha raNayaGYa.n vitatya vai . 
yudhiShThiraM pashu.n kR^itvA dIkShitau bharatarShabha .. 12..\\
ratho vedI sruvaH khaDgo gadA srukkavacha.n sadaH . 
chAturhotra.n cha dhuryo me sharA darbhA haviryashaH .. 13..\\
AtmayaGYena nR^ipate iShTvA vaivasvata.n raNe . 
vijitya svayameShyAvo hatAmitrau shriyA vR^itau .. 14..\\
aha.n cha tAta karNashcha bhrAtA duHshAsanash cha me . 
ete vaya.n haniShyAmaH pANDavAnsamare trayaH .. 15..\\
aha.n hi pANDavAnhatvA prashAstA pR^ithivImimAm . 
mA.n vA hatvA pANDuputrA bhoktAraH pR^ithivImimAm .. 16..\\
tyaktaM me jIvita.n rAjandhanaM rAjya.n cha pArthiva . 
na jAtu pANDavaiH sArdha.n vaseyamahamachyuta .. 17..\\
yAvaddhi sUchyAstIkShNAyA vidhyedagreNa mAriSha . 
tAvadapyaparityAjyaM bhUmernaH pANDavAnprati .. 18..\\
sarvAnvastAta shochAmi tyakto duryodhano mayA . 
ye mandamanuyAsyadhva.n yAntaM vaivasvatakShayam .. 19..\\
rurUNAmiva yUtheShu vyAghrAH praharatA.n varAH . 
varAnvarAnhaniShyanti sametA yudhi pANDavAH .. 20..\\
pratIpamiva me bhAti yuyudhAnena bhAratI . 
vyatA sImantinI trastA pramR^iShTA dIrghavAhunA .. 21..\\
sampUrNaM pUrayanbhUyo balaM pArthasya mAdhavaH . 
shaineyaH samare sthAtA bIjavatpravapa~nsharAn .. 22..\\
senAmukhe prayuddhAnAM bhImaseno bhaviShyati . 
ta.n sarve saMshrayiShyanti prAkAramakutobhayam .. 23..\\
yadA draShkyasi bhImena ku~njarAnvinipAtitAn . 
vishIrNadantAngiryAbhAnbhinnakumbhAnsa shoNitAn .. 24..\\
tAnabhiprekShya sa~NgrAme vishIrNAniva parvatAn . 
bhIto bhImasya sa.nsparshAtsmartAsi vachanasya me .. 25..\\
nirdagdhaM bhImasenena sainya.n hatarathadvipam . 
gatimagneriva prekShya smartAsi vachanasya me .. 26..\\
mahadvo bhayamAgAmi na chechchhAmyatha pANDavaiH . 
gadayA bhImasenena hatAH shamamupaiShyatha .. 27..\\
mahAvanamiva chhinna.n yadA drakShyasi pAtitam . 
bala.n kurUNA.n sa~NgrAme tadA smartAsi me vachaH .. 28..\\
etAvaduktvA rAjA tu sa sarvAnpR^ithivIpatIn . 
anubhAShya mahArAja punaH paprachchha sa~njayam .. 29..\\
\medskip\hrule\medskip\centerline{\Largedvng 58}
 dhr

yadabrUtAM mahAtmAnau vAsudevadhana~njayau . 
tanme brUhi mahAprAGYa shushrUShe vachana.n tava .. 1..\\
shR^iNu rAjanyathAdR^iShTau mayA kR^iShNa dhana~njayau . 
UchatushchApi yadvIrau tatte vakShyAmi bhArata .. 2..\\
pAdA~NgulIrabhiprekShanprayato.aha.n kR^itA~njaliH . 
shuddhAntaM prAvisha.n rAjannAkhyAtuM naradevayoH .. 3..\\
naivAbhimanyurna yamau ta.n deshamabhiyAnti vai . 
yatra kR^iShNau cha kR^iShNA cha satyabhAmA cha bhAminI .. 4..\\
ubhau madhvAsavakShIbAvubhau chandanarUShitau . 
sragviNau varavastrau tau divyAbharaNabhUShitau .. 5..\\
naikaratnavichitra.n tu kA~nchanaM mahadAsanam . 
vividhAstaraNAstIrNa.n yatrAsAtAmarindamau .. 6..\\
arjunotsa~Ngamau pAdau keshavasyopalakShaye . 
arjunasya cha kR^iShNAyA.n satyAyA.n cha mahAtmanaH .. 7..\\
kA~nchanaM pAdapITha.n tu pArtho me prAdishattadA . 
tadahaM pANinA spR^iShTvA tato bhUmAvupAvisham .. 8..\\
Urdhvarekha talau pAdau pArthasya shuba lakShaNau . 
pAdapIThAdahapR^itau tatrApashyamaha.n shubhau .. 9..\\
shyAmau bR^ihantau taruNau shAlaskandhAvivodgatau . 
ekAsana gatau dR^iShTvA bhayaM mAM mahadAvishat .. 10..\\
indra viShNusamAvetau mandAtmA nAvabudhyate . 
saMshrayAddroNa bhIShmAbhyA.n karNasya cha vikatthanAt .. 11..\\
nideshasthAvimau yasya mAnasastasya setsyate . 
sa~Nkalpo dharmarAjasya nishchayo me tadAbhavat .. 12..\\
satkR^itashchAnna pAnAbhyAmAchchhanno labdhasatkriyaH . 
a~njaliM mUrdhni sandhAya tau sandeshamachodayam .. 13..\\
dhanurbANochitenaika pANinA shubhalakShaNam . 
pAdamAnamayanpArthaH keshava.n samachodayat .. 14..\\
indraketurivotthAya sarvAbharaNabhUShitaH . 
indravIryopamaH kR^iShNaH sa.nviShTo mAbhyabhAShata .. 15..\\
vAcha.n sa vadatAM shreShTho hlAdinIM vachanakShamAm . 
trAsanI.n dhArtarAShTrANAM mR^idupUrvA.n sudAruNAm .. 16..\\
vAcha.n tA.n vachanArhasya shikShAkShara samanvitAm . 
ashrauShamahamiShTArthAM pashchAddhR^idaya shoShiNIm .. 17..\\

 vaasu

sa~njayeda.n vacho brUyA dhR^itarAShTraM manIShiNam . 
shR^iNvataH kurumukhyasya droNasyApi cha shR^iNvataH .. 18..\\
yajadhva.n vipulairyaGYairviprebhyo dattadakShiNAH . 
putrairdAraishcha modadhvaM mahadvo bhayamAgatam .. 19..\\
arthA.nstyajata pAtrebhyaH sutAnprApnuta kAmajAn . 
priyaM priyebhyashcharata rAjA hi tvarate jaye .. 20..\\
R^iNametatpravR^iddhaM me hR^idayAnnApasarpati . 
yadgovindeti chukrosha kR^iShNA mA.n dUravAsinam .. 21..\\
tejomaya.n durAdharShaM gANDIva.n yasya kArmukam . 
maddvitIyena teneha vaira.n vaH savyasAchinA .. 22..\\
maddvitIyaM punaH pArtha.n kaH prArthayitumichchhati . 
yo na kAlaparIto vApyapi sAkShAtpurandaraH .. 23..\\
bAhubhyAmudvahedbhUmi.n dahetkruddha imAH prajAH . 
pAtayettridivAddevAnyo.arjuna.n samare jayet .. 24..\\
devAsuramanuShyeShu yakShagandharvabhogiShu . 
na taM pashyAmyaha.n yuddhe pANDavaM yo.abhyayAdraNe .. 25..\\
yattadvirATanagare shrUyate mahadadbhutam . 
ekasya cha bahUnA.n cha paryAptaM tannidarshanam .. 26..\\
ekena pANDuputreNa virATanagare yadA . 
bhagnAH palAyanta dishaH paryApta.n tannidarshanam .. 27..\\
bala.n vIrya.n cha tejashcha shIghratA laghuhastatA . 
aviShAdashcha dhairya.n cha pArthAnnAnyatha vidyate .. 28..\\
ityabravIddhR^iShIkeshaH pArthamuddharShayangirA . 
garjansamayavarShIva gagane pAkashAsanaH .. 29..\\
keshavasya vachaH shrutvA kirITI shvetavAhanaH . 
arjunastanmahadvAkyamabravIllomaharShaNam .. 30..\\
\medskip\hrule\medskip\centerline{\Largedvng 59}
 v

sa~njayasya vachaH shrutvA praGYA chakShurnareshvaraH . 
tataH sa~NkhyAtumArebhe tadvacho guNadoShataH .. 1..\\
prasa~NkhyAya cha saukShmyeNa guNadoShAnvichakShaNaH . 
yathAvanmatitattvena jaya kAmaH sutAnprati .. 2..\\
balAbale vinishchitya yAthAtathyena buddhimAn . 
shakti.n sa~NkhyAtumArebhe tadA vai manujAdhipaH .. 3..\\
deva mAnuShayoH shaktyA tejasA chaiva pANDavAn . 
kurU~nshaktyAlpatarayA duryodhanamathAbravIt .. 4..\\
duryodhaneya.n chintA me shashvannApyupashAmyati . 
satya.n hyetadahaM manye pratyakShaM nAnumAnataH .. 5..\\
AtmajeShu para.n snehaM sarvabhUtAni kurvate . 
priyANi chaiShA.n kurvanti yathAshakti hitAni cha .. 6..\\
evamevopakartR^INAM prAyasho lakShayAmahe . 
ichchhanti bahula.n santaH pratikartuM mahatpriyam .. 7..\\
agniH sAchivya kartA syAtkhANDave tatkR^ita.n smaran . 
arjunasyAtibhIme.asminkuru pANDusamAgame .. 8..\\
jAtagR^idhyAbhipannAshcha pANDavAnAmanekashaH . 
dharmAdayo bhaviShyanti samAhUtA divaukasaH .. 9..\\
bhIShmadroNakR^ipAdInAM bhayAdashanisaMmitam . 
rirakShiShantaH sa.nrambha.n gamiShyantIti me matiH .. 10..\\
te deva sahitAH pArthA na shakyAH prativIkShitum . 
mAnuSheNa naravyAghrA vIryavanto.astrapAragAH .. 11..\\
durAsada.n yasya divya.n gANDIvaM dhanuruttamam . 
vAruNau chAkShayau divyau sharapUrNau maheShudhI .. 12..\\
vAnarashcha dhvajo divyo niHsa~Ngo dhUmavadgatiH . 
rathashcha chaturantAyA.n yasya nAsti samastviShA .. 13..\\
mahAmeghanibhashchApi nirghoShaH shrUyate janaiH . 
mahAshani samaH shabdaH shAtravANAM bhaya~NkaraH .. 14..\\
ya.n chAtimAnuSha.n vIrye kR^itsno loko vyavasyati . 
devAnAmapi jetAra.n yaM viduH pArthivA raNe .. 15..\\
shatAni pa~ncha chaiveShUnudvapanniva dR^ishyate . 
nimeShAntaramAtreNa mu~nchandUra.n cha pAtayan .. 16..\\
yamAha bhIShmo droNashcha kR^ipo drauNistathaiva cha . 
madrarAjastathA shalyo madhyasthA ye cha mAnavAH .. 17..\\
yuddhAyAvasthitaM pArthaM pArthivairatimAnuShaiH . 
ashakya.n rathashArdUlaM parAjetumarindamam .. 18..\\
kShipatyekena vegena pa~nchabANashatAni yaH . 
sadR^ishaM bAhuvIryeNa kArtavIryasya pANDavam .. 19..\\
tamarjunaM maheShvAsaM mahendropendra rakShitam . 
nighnantamiva pashyAmi vimarde.asminmahAmR^idhe .. 20..\\
ityeva.n chintayankR^itsnamahorAtrANi bhArata . 
anidro niHsukhashchAsmi kurUNA.n shama chintayA .. 21..\\
kShayodayo.aya.n sumahAnkurUNAM pratyupasthitaH . 
asya chetkalahasyAntaH shamAdanyo na vidyate .. 22..\\
shamo me rochate nityaM pArthaistAta na vigrahaH . 
kurubhyo hi sadA manye pANDavA~nshaktimattarAn .. 23..\\
\medskip\hrule\medskip\centerline{\Largedvng 60}
 v

pituretadvachaH shrutvA dhArtarAShTro.atyamarShaNaH . 
AdhAya vipula.n krodhaM punarevedamabravIt .. 1..\\
ashakyA deva sachivAH pArthAH syuriti yadbhavAn . 
manyate tadbhaya.n vyetu bhavato rAjasattama .. 2..\\
akAma dveShasa.nyogAdrohAllobhAchcha bhArata . 
upekShayA cha bhAvAnA.n devA devatvamApnuvan .. 3..\\
iti dvaipAyano vyAso nAradashcha mahAtapAH . 
jAmadagnyashcha rAmo naH kathAmakathayatpurA .. 4..\\
naiva mAnuShavaddevAH pravartante kadA chana . 
kAmAllobhAdanukroshAddveShAchcha bharatarShabha .. 5..\\
yadi hyagnishcha vAyushcha dharma indro.ashvinAvapi . 
kAmayogAtpravarteranna pArthA duHkhamApnuyuH .. 6..\\
tasmAnna bhavatA chintA kAryaiShA syAtkadA chana . 
daiveShvapekShakA hyete shashvadbhAveShu bhArata .. 7..\\
atha chetkAmasa.nyogAddveShAllobhAchcha lakShyate . 
deveShu deva prAmANyaM naiva tadvikramiShyati .. 8..\\
mayAbhimantritaH shashvajjAtavedAH prasha.nsati . 
didhakShuH sakalA.NllokAnparikShipya samantataH .. 9..\\
yadvA paramaka.n tejo yena yuktA divaukasaH . 
mamApyanupamaM bhUyo devebhyo viddhi bhArata .. 10..\\
pradIryamANA.n vasudhA.n girINAM shikharANi cha . 
lokasya pashyato rAjansthApayAmyabhimantraNAt .. 11..\\
chetanAchetanasyAsya ja~Ngama sthAvarasya cha . 
vinAshAya samutpannaM mahAghoraM mahAsvanam .. 12..\\
ashmavarSha.n cha vAyuM cha shamayAmIha nityashaH . 
jagataH pashyato.abhIkShNaM bhUtAnAmanukampayA .. 13..\\
stambhitAsvapsu gachchhanti mayA rathapadAtayaH . 
devAsurANAM bhAvAnAmahamekaH pravartitA .. 14..\\
akShauhiNIbhiryAndeshAnyAmi kAryeNa kena chit . 
tatrApo me pravartante yatra yatrAbhikAmaye .. 15..\\
bhayAni viShaye rAjanvyAlAdIni na santi me . 
mattaH suptAni bhUtAni na hi.nsanti bhaya~NkarAH .. 16..\\
nikAmavarNI parjanyo rAjanviShayavAsinAm . 
dharmiShThAshcha prajAH sarvA Itayash cha na santi me .. 17..\\
ashvinAvatha vAyvagnI marudbhiH saha vR^itrahA . 
dharmashchaiva mayA dviShTAnnotsahante.abhirakShitum .. 18..\\
yadi hyete samarthAH syurmaddviShastrAtumojasA . 
na sma trayodasha samAH pArthA duHkhamavApnuyuH .. 19..\\
naiva devA na gandharvA nAsurA na cha rAkShasAH . 
shaktAstrAtuM mayA dviShTa.n satyametadbravImi te .. 20..\\
yadabhidhyAmyaha.n shashvachchhubhaM vA yadi vAshubham . 
naitadvipannapUrvaM me mitreShvariShu chobhayoH .. 21..\\
bhaviShyatIdamiti vA yadbravImi parantapa . 
nAnyathA bhUtapUrva.n tatsatyavAgiti mA.n viduH .. 22..\\
lokasAkShikametanme mAhAtmya.n diShku vishrutam . 
AshvAsanArthaM bhavataH proktaM na shlAghayA nR^ipa .. 23..\\
na hyaha.n shlAghano rAjanbhUtapUrvaH kadA chana . 
asadAcharita.n hyetadyadAtmAnaM prasha.nsati .. 24..\\
pANDavAMshchaiva matsyAMshcha pA~nchAlAnkekayaiH saha . 
sAtyaki.n vAsudeva.n cha shrotAsi vijitAnmayA .. 25..\\
saritaH sAgaraM prApya yathA nashyanti sarvashaH . 
tathaiva te vina~NkShyanti mAmAsAdya sahAnvayAH .. 26..\\
parA buddhiH para.n tejo vIryaM cha paramaM mayi . 
parA vidyA paro yogo mama tebhyo vishiShyate .. 27..\\
pitAmahashcha droNashcha kR^ipaH shalyaH shalastathA . 
astreShu yatprajAnanti sarva.n tanmayi vidyate .. 28..\\
ityuktvA sa~njayaM bhUyaH paryapR^ichchhata bhArata . 
GYAtvA yuyutsuH kAryANi prAptakAlamarindama .. 29..\\
\medskip\hrule\medskip\centerline{\Largedvng 61}
 v

tathA tu pR^ichchhantamatIva pArthAn 
vaichitravIrya.n tamachintayitvA . 
uvAcha karNo dhR^itarAShTra putraM 
praharShayansa.nsadi kauravANAm .. 1..\\
mithyApratiGYAya mayA yadastraM 
rAmAddhR^itaM brahma puraM purastAt . 
viGYAya tenAsmi tadaivamuktas 
tavAnta kAle.apratibhAsyatIti .. 2..\\
mahAparAdhe hyapi saMnatena 
maharShiNAha.n guruNA cha shaptaH . 
shaktaH pradagdhu.n hyapi tigmatejAH 
sa sAgarAmapyavaniM maharShiH .. 3..\\
prasAdita.n hyasya mayA mano.abhUch 
chhushrUShayA svena cha pauruSheNa . 
tatastadastraM mama sAvasheShaM 
tasmAtsamartho.asmi mamaiSha bhAraH .. 4..\\
nimeSha mAtra.n tamR^iShiprasAdam 
avApya pA~nchAla karUShamatsyAn . 
nihatya pArthAMshcha saputrapautrA.Nl 
lokAnaha.n shastrajitAnprapatsye .. 5..\\
pitAmahastiShThatu te samIpe 
droNashcha sarve cha narendramukhyAH . 
yathApradhAnena balena yAtvA 
pArthAnhaniShyAmi mamaiSha bhAraH .. 6..\\
evaM bruvANa.n tamuvAcha bhIShmaH 
ki.n katthase kAlaparIta buddhe . 
na karNa jAnAsi yathA pradhAne 
hate hatAH syurdhR^itarAShTra putrAH .. 7..\\
yatkhANDava.n dAhayatA kR^ita.n hi 
kR^iShNa dvitIyena dhana~njayena . 
shrutvaiva tatkarma niyantumAtmA 
shakyastvayA vai saha bAndhavena .. 8..\\
yA.n chApi shaktiM tridashAdhipaste 
dadau mahAmA bhagavAnmahendraH . 
bhasmIkR^itA.n tAM patitA.n vishIrNAM 
chakrAhatA.n drakShyasi keshavena .. 9..\\
yaste sharaH sarpamukho vibhAti 
sadAgrya mAlyairmahitaH prayatnAt . 
sa pANDuputrAbhihataH sharaughaiH 
saha tvayA yAsyati karNa nAsham .. 10..\\
bANasya bhaumasya cha karNa hantA 
kirITina.n rakShati vAsudevaH . 
yastvAdR^ishAnA.n cha garIyasAM cha 
hantA ripUNA.n tumule pragADhe .. 11..\\

 karna

asaMshaya.n vR^iShNipatiryathoktas 
tathA cha bhUyashcha tato mahAtmA . 
aha.n yaduktaH paruSha.n tu kiM chit 
pitAmahastasya phala.n shR^iNotu .. 12..\\
nyasyAmi shastrANi na jAtu sa~Nkhye 
pitAmaho drakShyati mA.n sabhAyAm . 
tvayi prashAnte tu mama prabhAvaM 
drakShyanti sarve bhuvi bhUmipAlAH .. 13..\\
ityevamuktvA sa mahAdhanuShmAn 
hitvA sabhA.n svaM bhavana.n jagAma . 
bhIShmastu duryodhanameva rAjan 
madhye kurUNAM prahasannuvAcha .. 14..\\
satyapratiGYaH kila sUtaputras 
tathA sa bhAra.n viShaheta kasmAt . 
vyUhaM prativyUhya shirA.nsi bhittvA 
lokakShayaM pashyata bhImasenAt .. 15..\\
AvantyakAli~NgajayadratheShu 
vedidhvaje tiShThati bAhlike cha . 
aha.n haniShyAmi sadA pareShAM 
sahasrashashchAyutashashcha yodhAn .. 16..\\
yadaiva rAme bhagavatyanindye 
brahma bruvANaH kR^itavA.nstadastram . 
tadaiva dharmashcha tapashcha naShTaM 
vaikartanasyAdhama puruShasya .. 17..\\
athokta vAkye nR^ipatau tu bhIShme 
nikShipya shastrANi gate cha karNe . 
vaichitravIryasya suto.alpabuddhir 
duryodhanaH shAntanavaM babhAShe .. 18..\\
\medskip\hrule\medskip\centerline{\Largedvng 62}
 dur

sadR^ishAnAM manuShyeShu sarveShA.n tulyajanmanAm . 
kathamekAntatasteShAM pArthAnAM manyase jayam .. 1..\\
sarve sma samajAtIyAH sarve mAnuShayonayaH . 
pitAmaha vijAnIShe pArtheShu vijaya.n katham .. 2..\\
nAhaM bhavati na droNe na kR^ipe na cha bAhlike . 
anyeShu cha narendreShu parAkramya samArabhe .. 3..\\
aha.n vaikartanaH karNo bhrAtA duHshAsanash cha me . 
pANDavAnsamare pa~ncha haniShyAmaH shitaiH sharaiH .. 4..\\
tato rAjanmahAyaGYairvividhairbhUridakShiNaiH . 
brAhmaNA.nstarpayiShyAmi gobhirashvairdhanena cha .. 5..\\
shakunInAmihArthAya pAshaM bhUmAvayojayat . 
kashchichchhAkunikastAtha pUrveShAmiti shushruma .. 6..\\
tasmindvau shakunau baddhau yugapatsamapauruShau . 
tAvupAdAya taM pAsha.n jagmatuH khacharAvubhau .. 7..\\
tau vihAyasamAkrAntau dR^iShTvA shAkunikastadA . 
anvadhAvadanirviNNo yena yena sma gachchhataH .. 8..\\
tathA tamanudhAvantaM mR^igayu.n shakunArthinam . 
Ashramastho muniH kashchiddadarshAtha kR^itAhnikaH .. 9..\\
tAvantarikShagau shIghramanuyAntaM mahI charam . 
shlokenAnena kauravya paprachchha sa munistadA .. 10..\\
vichitramidamAshcharyaM mR^igahanpratibhAti me . 
plavamAnau hi khacharau padAtiranudhAvasi .. 11..\\

 zaakunika

pAshamekamubhAvetau sahitau harato mama . 
yatra vai vivadiShyete tatra me vashameShyataH .. 12..\\
tau vivAdamanuprAptau shakunau mR^ityusandhitau . 
vigR^ihya cha sudurbuddhI pR^ithivyA.n saMnipetatuH .. 13..\\
tau yudhyamAnau sa.nrabdhau mR^ityupAshavashAnugau . 
upasR^ityApariGYAto jagrAha mR^igayustadA .. 14..\\
eva.n ye GYAtayo.artheShu mitho gachchhanti vigraham . 
te.amitravashamAyAnti shakunAviva vigrahAt .. 15..\\
sambhojana.n sa~NkathanaM samprashno.atha samAgamaH . 
etAni GYAtikAryANi na virodhaH kadA chana .. 16..\\
yasminkAle sumanasaH sarve vR^iddhAnupAsate . 
si.nhaguptamivAraNyamapradhR^iShyA bhavanti te .. 17..\\
ye.artha.n santatamAsAdya dInA iva samAsate . 
shriya.n te samprayachchhanti dviShadbhyo bharatarShabha .. 18..\\
dhUmAyante vyapetAni jvalanti sahitAni cha . 
dhR^itarAShTrolmukAnIva GYAtayo bharatarShabha .. 19..\\
idamanyatpravakShyAmi yathAdR^iShTa.n girau mayA . 
shrutvA tadapi kauravya yathA shreyastathA kuru .. 20..\\
vaya.n kirAtaiH sahitA gachchhAmo girimuttaram . 
brAhmaNairdevakalpaishcha vidyA jambhaka vAtikaiH .. 21..\\
ku~nja bhUta.n giri.n sarvamabhito gandhamAdanam . 
dIpyamAnauShadhi gaNa.n siddhagandharvasevitam .. 22..\\
tatra pashyAmahe sarve madhu pItamamAkShikam . 
maru prapAte viShame niviShTa.n kumbhasaMmitam .. 23..\\
AshIviShai rakShyamANa.n kubera dayitaM bhR^isham . 
yatprAshya puruSho martyo amaratvaM nigachchhati .. 24..\\
achakShurlabhate chakShurvR^iddho bhavati vai yuvA . 
iti te kathayanti sma brAhmaNA jambha sAdhakAH .. 25..\\
tataH kirAtAstaddR^iShTvA prArthayanto mahIpate . 
vineshurviShame tasminsasarpe girigahvare .. 26..\\
tathaiva tava putro.ayaM pR^ithivIm eka ichchhati . 
madhu pashyati saMmohAtprapAtaM nAnupashyati .. 27..\\
duryodhano yoddhumanAH samare savyasAchinA . 
na cha pashyAmi tejo.asya vikrama.n vA tathAvidham .. 28..\\
ekena rathamAsthAya pR^ithivI yena nirjitA . 
pratIkShamANo yo vIraH kShamate vIkShita.n tava .. 29..\\
drupado matsyarAjashcha sa~Nkruddhashcha dhana~njayaH . 
na sheShayeyuH samare vAyuyuktA ivAgnayaH .. 30..\\
a~Nke kuruShva rAjAna.n dhR^itarAShTra yudhiShThiram . 
yudhyatorhi dvayoryuddhe naikAntena bhavejjayaH .. 31..\\
\medskip\hrule\medskip\centerline{\Largedvng 63}
 dhr

duryodhana vijAnIhi yattvA.n vakShyAmi putraka . 
utpathaM manyase mArgamanabhiGYa ivAdhvagaH .. 1..\\
pa~nchAnAM pANDuputrANA.n yattejaH pramimIShasi . 
pa~nchAnAmiva bhUtAnAM mahatA.n sumahAtmanAm .. 2..\\
yudhiShThira.n hi kaunteyaM para.n dharmamihAsthitam . 
parA.n gatimasamprekShya na tva.n vettumihArhasi .. 3..\\
bhImasena.n cha kaunteya.n yasya nAsti samo bale . 
raNAntaka.n tarkayase mahAvAtamiva drumaH .. 4..\\
sarvashastrabhR^itA.n shreShThaM meruM shikhariNAm iva . 
yudhi gANDIvadhanvAna.n ko nu yudhyeta buddhimAn .. 5..\\
dhR^iShTadyumnashcha pA~nchAlyaH kamivAdya na shAtayet . 
shatrumadhye sharAnmu~nchandevarADashanIm iva .. 6..\\
sAtyakishchApi durdharShaH saMmato.andhakavR^iShNiShu . 
dhva.nsayiShyati te senAM pANDaveya hite rataH .. 7..\\
yaH punaH pratimAnena trI.NllokAnatirichyate . 
ta.n kR^iShNaM puNDarIkAkShaM ko nu yudhyeta buddhimAn .. 8..\\
ekato hyasya dArAshcha GYAtayashcha sa bAndhavAH . 
AtmA cha pR^ithivI cheyamekatashcha dhana~njayaH .. 9..\\
vAsudevo.api durdharSho yatAtmA yatra pANDavaH . 
aviShahyaM pR^ithivyApi tadbala.n yatra keshavaH .. 10..\\
tiShTha tAta satA.n vAkye suhR^idAmarthavAdinAm . 
vR^iddha.n shAntanavaM bhIShma.n titikShasva pitAmaham .. 11..\\
mA.n cha bruvANa.n shushrUSha kurUNAmarthavAdinam . 
droNa.n kR^ipa.n vikarNaM cha mahArAjaM cha bAhlikam .. 12..\\
ete hyapi yathaivAhaM mantumarhasi tA.nstathA . 
sarve dharmavido hyete tulyasnehAshcha bhArata .. 13..\\
yattadvirATanagare saha bhrAtR^ibhiragrataH . 
utsR^ijya gAH susantrastaM bala.n te samashIryata .. 14..\\
yachchaiva tasminnagare shrUyate mahadadbhutam . 
ekasya cha bahUnA.n cha paryAptaM tannidarshanam .. 15..\\
arjunastattathAkArShItkiM punaH sarva eva te . 
sa bhrAtR^InabhijAnIhi vR^ittyA cha pratipAdaya .. 16..\\
\medskip\hrule\medskip\centerline{\Largedvng 64}
 v

evamuktvA mahAprAGYo dhR^itarAShTraH suyodhanam . 
punareva mahAbhAgaH sa~njayaM paryapR^ichchhata .. 1..\\
brUhi sa~njaya yachchheSha.n vAsudevAdanantaram . 
yadarjuna uvAcha tvAM para.n kautUhala.n hi me .. 2..\\
vAsudeva vachaH shrutvA kuntIputro dhana~njayaH . 
uvAcha kAle durdharSho vAsudevasya shR^iNvataH .. 3..\\
pitAmaha.n shAntanava.n dhR^itarAShTraM cha sa~njaya . 
droNa.n kR^ipaM cha karNaM cha mahArAjaM cha bAhlikam .. 4..\\
drauNi.n cha somadattaM cha shakuniM chApi saubalam . 
duHshAsana.n shala.n chaiva purumitraM viviMshatim .. 5..\\
vikarNa.n chitrasenaM cha jayatsenaM cha pArthivam . 
vindAnuvindAvAvantyau durmukha.n chApi kauravam .. 6..\\
saindhava.n duHsahaM chaiva bhUrishravasameva cha . 
bhagadatta.n cha rAjAnaM jalasandhaM cha pArthivam .. 7..\\
ye chApyanye pArthivAstatra yoddhuM 
samAgatAH kauravANAM priyArtham . 
mumUrShavaH pANDavAgnau pradIpte 
samAnItA dhArtarAShTreNa sUta .. 8..\\
yathAnyAya.n kaushala.n vandanaM cha 
samAgatA madvachanena vAchyAH . 
idaM brUyAH sa~njaya rAjamadhye 
suyodhanaM pApakR^itAM pradhAnam .. 9..\\
amarShaNa.n durmati.n rAjaputraM 
pApAtmAna.n dhArtarAShTra.n sulubdham . 
sarvaM mamaitadvachana.n samagraM 
sahAmAtya.n sa~njaya shrAvayethAH .. 10..\\
evaM pratiShThApya dhana~njayo mAM 
tato.arthavaddharmavachchApi vAkyam . 
provAcheda.n vAsudevaM samIkShya 
pArtho dhImA.NllohitAntAyatAkShaH .. 11..\\
yathA shruta.n te vadato mahAtmano 
madhu pravIrasya vachaH samAhitam . 
tathaiva vAchyaM bhavatA hi madvachaH 
samAgateShu kShitipeShu sarvashaH .. 12..\\
sharAgnidhUme rathanemi nAdite 
dhanuH sruveNAstra balApahAriNA . 
yathA na homaH kriyate mahAmR^idhe 
tathA sametya prayatadhvamAdR^itAH .. 13..\\
na chetprayachchhadhvamamitraghAtino 
yudhiShThirasyAMshamabhIpsita.n svakam . 
nayAmi vaH svAshvapadAtiku~njarAn 
dishaM pitR^INAmashivA.n shitaiH sharaiH .. 14..\\
tato.ahamAmantrya chaturbhuja.n hariM 
dhana~njaya.n chaiva namasya sa tvaraH . 
javena samprApta ihAmara dyute 
tavAntikaM prApayitu.n vacho mahat .. 15..\\
\medskip\hrule\medskip\centerline{\Largedvng 65}
 v

duryodhane dhArtarAShTre tadvacho.apratinandati . 
tUShNImbhUteShu sarveShu samuttasthurnareshvarAH .. 1..\\
utthiteShu mahArAja pR^ithivyA.n sarvarAjasu . 
rahite sa~njaya.n rAjA paripraShTuM prachakrame .. 2..\\
Asha.nsamAno vijaya.n teShAM putra vashAnugAH . 
Atmanashcha pareShA.n cha pANDavAnAM cha nishchayam .. 3..\\
gAvalgaNe brUhi naH sAraphalgu 
svasenAyA.n yAvadihAsti ki.n chit . 
tvaM pANDavAnAM nipuNa.n vettha sarvaM 
kimeShA.n jyAyaH kimu teShAM kanIyaH .. 4..\\
tvametayoH sAravitsarvadarshI 
dharmArthayornipuNo nishchayaGYaH . 
sa me pR^iShTaH sa~njaya brUhi sarvaM 
yudhyamAnAH katare.asminna santi .. 5..\\
na tvAM brUyA.n rahite jAtu ki.n chid 
asUyA hi tvAM prasaheta rAjan . 
Anayasva pitara.n saMshitavrataM 
gAndhArI.n cha mahiShImAjamIDha .. 6..\\
tau te.asuyA.n vinayetAM narendra 
dharmaGYau tau nipuNau nishchayaGYau . 
tayostu tvA.n saMmidhau tadvadeyaM 
kR^itsnaM mata.n vAsudevArjunAbhyAm .. 7..\\
tatastanmatamAGYAya sa~njayasyAtmajasya cha . 
abhyupetya mahAprAGYaH kR^iShNadvaipAyano.abravIt .. 8..\\
sampR^ichchhate dhR^itarAShTrAya sa~njaya 
AchakShva sarva.n yAvadeSho.anuyu~Nkte . 
sarva.n yAvadvettha tasminyathAvad 
yAthAtathya.n vAsudeve.arjune cha .. 9..\\
\medskip\hrule\medskip\centerline{\Largedvng 66}
 s

arjuno vAsudevashcha dhanvinau paramArchitau . 
kAmAdanyatra sambhUtau sarvAbhAvAya saMmitau .. 1..\\
dyAmantara.n samAsthAya yathA yuktaM manasvinaH . 
chakra.n tadvAsudevasya mAyayA vartate vibho .. 2..\\
sApahnavaM pANDaveShu pANDavAnA.n susaMmatam . 
sArAsAra bala.n GYAtvA tatsamAsena me shR^iNu .. 3..\\
naraka.n shambara.n chaiva ka.nsaM chaidyaM cha mAdhavaH . 
jitavAnghorasa~NkAshAnkrIDanniva janArdanaH .. 4..\\
pR^ithivI.n chAntarikShaM cha dyAM chaiva puruShottamaH . 
manasaiva vishiShTAtmA nayatyAtmavasha.n vashI .. 5..\\
bhUyo bhUyo hi yadrAjanpR^ichchhase pANDavAnprati . 
sArAsAra bala.n GYAtu.n tanme nigadataH shR^iNu .. 6..\\
ekato vA jagatkR^itsnamekato vA janArdanaH . 
sArato jagataH kR^itsnAdatirikto janArdanaH .. 7..\\
bhasma kuryAjjagadidaM manasaiva janArdanaH . 
na tu kR^itsna.n jagachchhaktaM bhasma kartuM janArdanam .. 8..\\
yataH satya.n yato dharmo yato hrIrArjavaM yataH . 
tato bhavati govindo yataH kR^iShNastato jayaH .. 9..\\
pR^ithivI.n chAntarikShaM cha divaM cha puruShottamaH . 
vicheShTayati bhUtAtmA krIDanniva janArdanaH .. 10..\\
sa kR^itvA pANDavAnsatra.n lokaM saMmohayanniva . 
adharmaniratAnmUDhAndagdhumichchhati te sutAn .. 11..\\
kAlachakra.n jagachchakra.n yugachakraM cha keshavaH . 
Atmayogena bhagavAnparivartayate.anisham .. 12..\\
kAlasya cha hi mR^ityoshcha ja~Ngama sthAvarasya cha . 
Ishate bhagavAnekaH satyametadbravImi te .. 13..\\
Ishannapi mahAyogI sarvasya jagato hariH . 
karmANyArabhate kartu.n kInAsha iva durbalaH .. 14..\\
tena va~nchayate lokAnmAyAyogena keshavaH . 
ye tameva prapadyante na te muhyanti mAnavAH .. 15..\\
\medskip\hrule\medskip\centerline{\Largedvng 67}
 dhr

katha.n tvaM mAdhava.n vettha sarvalokamaheshvaram . 
kathamenaM na vedAha.n tanmamAchakShva sa~njaya .. 1..\\
vidyA rAjanna te vidyA mama vidyA na hIyate . 
vidyA hInastamo dhvasto nAbhijAnAti keshavam .. 2..\\
vidyayA tAta jAnAmi triyugaM madhusUdanam . 
kartAramakR^ita.n devaM bhUtAnAM prabhavApyayam .. 3..\\
gAvalgaNe.atra kA bhaktiryA te nityA janArdane . 
yayA tvamabhijAnAsi triyugaM madhusUdanam .. 4..\\
mAyAM na seve bhadra.n te na vR^ithAdharmamAchare . 
shuddhabhAva.n gato bhaktyA shAstrAdvedmi janArdanam .. 5..\\
duryodhana hR^iShIkeshaM prapadyasva janArdanam . 
Apto naH sa~njayastAta sharaNa.n gachchha keshavam .. 6..\\
bhagavAndevakIputro loka.n chennihaniShyati . 
pravadannarjune sakhyaM nAha.n gachchhe.adya keshavam .. 7..\\

 tdhr

avAggAndhAri putrAste gachchhatyeSha sudurmatiH . 
IrShyurdurAtmA mAnI cha shreyasA.n vachanAtigaH .. 8..\\

 g

aishvaryakAmaduShTAtmanvR^iddhAnA.n shAsanAtiga . 
aishvaryajIvite hitvA pitaraM mA.n cha bAlisha .. 9..\\
vardhayandurhR^idAM prItiM mA.n cha shokena vardhayan . 
nihato bhImasenena smartAsi vachanaM pituH .. 10..\\
dayito.asi rAjankR^iShNasya dhR^itarAShTra nibodha me . 
yasya te sa~njayo dUto yastvA.n shreyasi yokShyate .. 11..\\
jAnAtyeSha hR^iShIkeshaM purANa.n yachcha vai navam . 
shushrUShamANamekAgraM mokShyate mahato bhayAt .. 12..\\
vaichitravIrya puruShAH krodhaharShatamo vR^itAH . 
sitA bahuvidhaiH pAshairye na tuShTAH svakairdhanaiH .. 13..\\
yamasya vashamAyAnti kAmamUDhAH punaH punaH . 
andhanetrA yathaivAndhA nIyamAnAH svakarmabhiH .. 14..\\
eSha ekAyanaH panthA yena yAnti manIShiNaH . 
ta.n dR^iShTvA mR^ityumatyeti mahA.nstatra na sajjate .. 15..\\
a~Ngasa~njaya me sha.nsa panthAnamakutobhayam . 
yena gatvA hR^iShIkeshaM prApnuyA.n shAntimuttamAm .. 16..\\
nAkR^itAtmA kR^itAtmAna.n jAtu vidyAjjanArdanam . 
Atmanastu kriyopAyo nAnyatrendriya nigrahAt .. 17..\\
indriyANAmudIrNAnA.n kAmatyAgo.apramAdataH . 
apramAdo.avihi.nsA cha GYAnayonirasaMshayam .. 18..\\
indriyANA.n yame yatto bhava rAjannatandritaH . 
buddhishcha mA te chyavatu niyachchhaitA.n yatastataH .. 19..\\
etajGYAna.n vidurviprA dhruvamindriyadhAraNam . 
etajGYAna.n cha panthAshcha yena yAnti manIShiNaH .. 20..\\
aprApyaH keshavo rAjannindriyaurajitairnR^ibhiH . 
AgamAdhigato yogAdvashItattve prasIdati .. 21..\\
\medskip\hrule\medskip\centerline{\Largedvng 68}
 dhr

bhUyo me puNDarIkAkSha.n sa~njayAchakShva pR^ichchhate . 
nAma karmArthavittAta prApnuyAM puruShottamam .. 1..\\
shrutaM me tasya devasya nAma nirvachana.n shubham . 
yAvattatrAbhijAne.ahamaprameyo hi keshavaH .. 2..\\
vasanAtsarvabhUtAnA.n vasutvAddeva yonitaH . 
vAsudevastato vedyo vR^iShatvAdvR^iShNiruchyate .. 3..\\
maunAddhyAnAchcha yogAchcha viddhi bhArata mAdhavam . 
sarvatattvalayAchchaiva madhuhA madhusUdanaH .. 4..\\
kR^iShirbhUvAchakaH shabdo Nashcha nirvR^iti vAchakaH . 
kR^iShNastadbhAvayogAchcha kR^iShNo bhavati shAshvataH .. 5..\\
puNDarIkaM para.n dhAma nityamakShayamakSharam . 
tadbhAvAtpuNDarIkAkSho dasyu trAsAjjanArdanaH .. 6..\\
yataH sattvaM na chyavate yachcha sattvAnna hIyate . 
sattvataH sAtvatastasmAdarShabhAdvR^iShabhekShaNaH .. 7..\\
na jAyate janitryA.n yadajastasmAdanIkajit . 
devAnA.n svaprakAshatvAddamAddAmodaraM viduH .. 8..\\
harShAtsaukhyAtsukhaishvaryAddhR^iShIkeshatvamashnute . 
bAhubhyA.n rodasI bibhranmahAbAhuriti smR^itaH .. 9..\\
adho na kShIyate jAtu yasmAttasmAdadhokShajaH . 
narANAmayanAchchApi tena nArAyaNaH smR^itaH . 
pUraNAtsadanAchchaiva tato.asau puruShottamaH .. 10..\\
asatashcha satashchaiva sarvasya prabhavApyayAt . 
sarvasya cha sadA GYAnAtsarvamenaM prachakShate .. 11..\\
satye pratiShThitaH kR^iShNaH satyamatra pratiShThitam . 
satyAtsatya.n cha govindastasmAtsatyo.api nAmataH .. 12..\\
viShNurvikramaNAdeva jayanAjjiShNuruchyate . 
shAshvatatvAdanantashcha govindo vedanAdgavAm .. 13..\\
atattva.n kurute tattvaM tena mohayate prajAH . 
eva.nvidho dharmanityo bhagavAnmunibhiH saha . 
AgantA himahA bAhurAnR^isha.nsyArthamachyutaH .. 14..\\
\medskip\hrule\medskip\centerline{\Largedvng 69}
 dhr

chakShuShmatA.n vai spR^ihayAmi sa~njaya 
drakShyanti ye vAsudeva.n samIpe . 
vibhrAjamAna.n vapuShA pareNa 
prakAshayantaM pardisho dishash cha .. 1..\\
IrayantaM bhAratIM bhAratAnAm 
abhyarchanIyA.n sha~NkarIM sR^i~njayAnAm . 
bubhUShadbhirgrahaNIyAmanindyAM 
parAsUnAmagrahaNIya rUpAm .. 2..\\
samudyanta.n sAtvatamekavIraM 
praNetAramR^iShabha.n yAdavAnAm . 
nihantAra.n kShobhaNa.n shAtravANAM 
muShNanta.n cha dviShatA.n vai yashA.nsi .. 3..\\
draShTAro hi kuravasta.n sametA 
mahAtmAna.n shatruhaNaM vareNyam . 
bruvanta.n vAchamanR^isha.nsa rUpAM 
vR^iShNishreShThaM mohayantaM madIyAn .. 4..\\
R^iShi.n sanAtanatamaM vipashchitaM 
vAchaH samudra.n kalasha.n yatInAm . 
ariShTanemi.n garuDa.n suparNaM 
patiM prajAnAM bhuvanasya dhAma .. 5..\\
sahasrashIrShaM puruShaM purANam 
anAdimadhyAntamananta kIrtim . 
shukrasya dhAtAramaja.n janitraM 
paraM parebhyaH sharaNaM prapadye .. 6..\\
trailokyanirmANa kara.n janitraM 
devAsurANAmatha nAgarakShasAm . 
narAdhipAnA.n viduShAM pradhAnam 
indrAnuja.n ta.n sharaNaM prapadye .. 7..\\
\medskip\hrule\medskip\centerline{\Largedvng 70}
 v

sa~njaye pratiyAte tu dharmarAjo yudhiShThiraH . 
abhyabhAShata dAshArhamR^iShabha.n sarvasAtvatAm .. 1..\\
aya.n sa kAlaH samprApto mitrANAM me janArdana . 
na cha tvadanyaM pashyAmi yo na Apatsu tArayet .. 2..\\
tvA.n hi mAdhava saMshritya nirbhayA mohadarpitam . 
dhArtarAShTra.n sahAmAtyaM svamaMshamanuyu~njmahe .. 3..\\
yathA hi sarvAsvApatsu pAsi vR^iShNInarindama . 
tathA te pANDavA rakShyAH pAhyasmAnmahato bhayAt .. 4..\\

 bhagavaan

ayamasmi mahAbAho brUhi yatte vivakShitam . 
kariShyAmi hi tatsarva.n yattvaM vakShyasi bhArata .. 5..\\
shruta.n te dhR^itarAShTrasya saputrasya chikIrShitam . 
etaddhi sakala.n kR^iShNa sa~njayo mA.n yadabravIt .. 6..\\
tanmata.n dhR^itarAShTrasya so.asyAtmA vivR^itAntaraH . 
yathokta.n dUta AchaShTe vadhyaH syAdanyathA bruvan .. 7..\\
apradAnena rAjyasya shAntimasmAsu mArgati . 
lubdhaH pApena manasA charannasamamAtmanaH .. 8..\\
yattaddvAdasha varShANi vane nirvyuShitA vayam . 
chhadmanA sharada.n chaikAM dhR^itarAShTrasya shAsanAt .. 9..\\
sthAtA naH samaye tasmindhR^itarAShTra iti prabho . 
nAhAsma samaya.n kR^iShNa taddhi no brAhmaNA viduH .. 10..\\
vR^iddho rAjA dhR^itarAShTraH svadharmaM nAnupashyati . 
pashyanvA putragR^iddhitvAnmandasyAnveti shAsanam .. 11..\\
suyodhana mate tiShThanrAjAsmAsu janArdana . 
mithyA charati lubdhaH saMshcharanpriyamivAtmanaH .. 12..\\
ito duHkhatara.n kiM nu yatrAhaM mAtaraM tataH . 
sa.nvidhAtuM na shaknomi mitrANA.n vA janArdana .. 13..\\
kAshibhishchedipA~nchAlairmatsyaishcha madhusUdana . 
bhavatA chaiva nAthena pa~ncha grAmA vR^itA mayA .. 14..\\
kusha sthala.n vR^ikasthalamAsandI vAraNAvatam . 
avasAna.n cha govinda kiM chidevAtra pa~nchamam .. 15..\\
pa~ncha nastAta dIyantA.n grAmA vA nagarANi vA . 
vasema sahitA yeShu mA cha no bharatA nashan .. 16..\\
na cha tAnapi duShTAtmA dhArtarAShTro.anumanyate . 
svAmyamAtmani matvAsAvato duHkhataraM nu kim .. 17..\\
kule jAtasya vR^iddhasya paravitteShu gR^idhyataH . 
lobhaH praGYAnamAhanti praGYA hanti hatA hriyam .. 18..\\
hrIrhatA bAdhate dharma.n dharmo hanti hataH shriyam . 
shrIrhatA puruSha.n hanti puruShasyAsvatA vadhaH .. 19..\\
asvato hi nivartante GYAtayaH suhR^idartvijaH . 
apuShpAdaphalAdvR^ikShAdyathA tAta patatriNaH .. 20..\\
etachcha maraNa.n tAta yadasmAtpatitAdiva . 
GYAtayo vinivartante pretasattvAdivAsavaH .. 21..\\
nAtaH pApIyasI.n kAM chidavasthA.n shambaro.abravIt . 
yatra naivAdya na prAtarbhojanaM patidR^ishyate .. 22..\\
dhanamAhuH para.n dharmaM dhane sarvaM pratiShThitam . 
jIvanti dhanino loke mR^itA ye tvadhanA narAH .. 23..\\
ye dhanAdapakarShanti nara.n svabalamAshritAH . 
te dharmamartha.n kAmaM cha pramathnanti naraM cha tam .. 24..\\
etAmavasthAM prApyaike maraNa.n vavrire janAH . 
grAmAyaike vanAyaike nAshAyaike pavavrajuH .. 25..\\
unmAdameke puShyanti yAntyanye dviShatA.n vasham . 
dAsyameke nigachchhanti pareShAmarthahetunA .. 26..\\
ApadevAsya maraNAtpuruShasya garIyasI . 
shriyo vinAshastaddhyasya nimitta.n dharmakAmayoH .. 27..\\
yadasya dharmyaM maraNa.n shAshvataM lokavartma tat . 
samantAtsarvabhUtAnAM na tadatyeti kash chana .. 28..\\
na tathA bAdhyate kR^iShNa prakR^ityA nirdhano janaH . 
yathA bhadrA.n shriyaM prApya tayA hInaH sukhaidhitaH .. 29..\\
sa tadAtmAparAdhena samprApto vyasanaM mahat . 
sendrAngarhayate devAnnAtmAna.n cha kathaM chana .. 30..\\
na chAsminsarvashAstrANi prataranti nigarhaNAm . 
so.abhikrudhyati bhR^ityAnA.n suhR^idashchAbhyasUyati .. 31..\\
ta.n tadA manyurevaiti sa bhUyaH sampramuhyati . 
sa mohavashamApannaH krUra.n karma niShevate .. 32..\\
pApakarmAtyayAyaiva sa~Nkara.n tena puShyati . 
sa~Nkaro narakAyaiva sA kAShThA pApakarmaNAm .. 33..\\
na chetprabudhyate kR^iShNa narakAyaiva gachchhati . 
tasya prabodhaH praGYaiva praGYA chakShurna riShyati .. 34..\\
praGYA lAbhe hi puruShaH shAstrANyevAnvavekShate . 
shAstranityaH punardharma.n tasya hrIra~Ngamuttamam .. 35..\\
hrImAnhi pApaM pradveShTi tasya shrIrabhivardhate . 
shrImAnsa yAvadbhavati tAvadbhavati pUruShaH .. 36..\\
dharmanityaH prashAntAtmA kAryayogavahaH sadA . 
nAdharme kurute buddhiM na cha pApeShu vartate .. 37..\\
ahrIko vA vimUDho vA naiva strI na punaH pumAn . 
nAsyAdhikAro dharme.asti yathA shUdrastathaiva saH .. 38..\\
hrImAnavati devAMshcha pitR^InAtmAnameva cha . 
tenAmR^itatva.n vrajati sA kAShThA puNyakarmaNAm .. 39..\\
tadidaM mayi te dR^iShTaM pratyakShaM madhusUdana . 
yathA rAjyAtparibhraShTo vasAmi vasatIrimAH .. 40..\\
te vayaM na shriya.n hAtumalaM nyAyena kena chit . 
atra no yatamAnAnA.n vadhashchedapi sAdhu tat .. 41..\\
tatra naH prathamaH kalpo yadvaya.n te cha mAdhava . 
prashAntAH samabhUtAshcha shriya.n tAnashnuvImahi .. 42..\\
tatraiShA paramA kAShThA raudrakarma kShayodayA . 
yadvaya.n hauravAnhatvA tAni rAShTrANyashImahi .. 43..\\
ye punaH syurasambaddhA anAryAH kR^iShNa shatravaH . 
teShAmapyavadhaH kAryaH kiM punarye syurIdR^ishAH .. 44..\\
GYAtayashcha hi bhUyiShThAH sahAyA guravashcha naH . 
teShA.n vadho.atipApIyAnkiM nu yuddhe.asti shobhanam .. 45..\\
pApaH kShatriya dharmo.aya.n vaya.n cha kShatrabAndhavAH . 
sa naH svadharmo.adharmo vA vR^ittiranyA vigarhitA .. 46..\\
shUdraH karoti shushrUShA.n vaishyA vipaNi jIvinaH . 
vaya.n vadhena jIvAmaH kapAlaM brAhmaNairvR^itam .. 47..\\
kShatriyaH kShatriya.n hanti matsyo matsyena jIvati . 
shvA shvAna.n hanti dAshArha pashya dharmo yathAgataH .. 48..\\
yuddhe kR^iShNa kalirnityaM prANAH sIdanti sa.nyuge . 
bala.n tu nItimAtrAya haThe jayaparAjayau .. 49..\\
nAtmachchhandena bhUtAnA.n jIvitaM maraNaM tathA . 
nApyakAle sukhaM prApya.n duHkha.n vApi yadUttama .. 50..\\
eko hyapi bahUnhanti ghnantyekaM bahavo.apyuta . 
shUra.n kApuruSho hanti ayashasvI yashasvinam .. 51..\\
jayashchaivobhayordR^iShTa ubhayoshcha parAjayaH . 
tathaivApachayo dR^iShTo vyapayAne kShayavyayau .. 52..\\
sarvathA vR^ijina.n yuddha.n ko ghnanna pratihanyate . 
hatasya cha hR^iShIkesha samau jayaparAjayau .. 53..\\
parAjayashcha maraNAnmanye naiva vishiShyate . 
yasya syAdvijayaH kR^iShNa tasyApyapachayo dhruvam .. 54..\\
antato dayita.n ghnanti ke chidapyapare janAH . 
tasyA~NgabalahInasya putrAnbhrAtR^InapashyataH . 
nirvedo jIvite kR^iShNa sarvatashchopajAyate .. 55..\\
ye hyeva vIrA hrImanta AryAH karuNavedinaH . 
ta eva yuddhe hanyante yavIyAnmuchyate janaH .. 56..\\
hatvApyanushayo nityaM parAnapi janArdana . 
anubandhashcha pApo.atra sheShashchApyavashiShyate .. 57..\\
sheShe hi balamAsAdya na sheShamavaSheShayet . 
sarvochchhede cha yatate vairasyAnta vidhitsayA .. 58..\\
jayo vairaM prasR^ijati duHkhamAste parAjitaH . 
sukhaM prashAntaH svapiti hitvA jayaparAjayau .. 59..\\
jAtavairashcha puruSho duHkha.n svapiti nityadA . 
anirvR^itena manasA sa sarpa iva veshmani .. 60..\\
utsAdayati yaH sarva.n yashasA sa viyujyate . 
akIrti.n sarvabhUteShu shAshvatIM sa niyachchhati .. 61..\\
na hi vairANi shAmyanti dIrghakAlakR^itAnyapi . 
AkhyAtArashcha vidyante pumAMsh chotpadyate kule .. 62..\\
na chApi vaira.n vaireNa keshava vyupashAmyati . 
haviShAgniryathA kR^iShNa bhUya evAbhivardhate .. 63..\\
ato.anyathA nAsti shAntirnityamantaramantataH . 
antara.n lipsamAnAnAmaya.n doSho nirantaraH .. 64..\\
pauruSheyo hi balavAnAdhirhR^idayabAdhanaH . 
tasya tyAgena vA shAntirnivR^ittyA manaso.api vA .. 65..\\
atha vA mUlaghAtena dviShatAM madhusUdana . 
phalanirvR^ittiriddhA syAttannR^isha.nsataraM bhavet .. 66..\\
yA tu tyAgena shAntiH syAttadR^ite vadha eva saH . 
saMshayAchcha samuchchhedAddviShatAmAtmanastathA .. 67..\\
na cha tyaktu.n tadichchhAmo na chechchhAmaH kulakShayam . 
atra yA praNipAtena shAntiH saiva garIyasI .. 68..\\
sarvathA yatamAnAnAmayuddhamabhikA~NkShatAm . 
sAntve pratihate yuddhaM prasiddhamaparAkramam .. 69..\\
pratighAtena sAntvasya dAruNa.n sampravartate . 
tachchhunAmiva gopAde paNDitairupalakShitam .. 70..\\
lA~NgUlachAlana.n kShveDaH pratirAvo vivartanam . 
dantadarshanamArAvastato yuddhaM pravartate .. 71..\\
tatra yo balavAnkR^iShNa jitvA so.atti tadAmiSham . 
evameva manuShyeShu visheSho nAsti kash chana .. 72..\\
sarvathA tvetaduchita.n durbaleShu balIyasAm . 
anAdaro virodhashcha praNipAtI hi durbalaH .. 73..\\
pitA rAjA cha vR^iddhashcha sarvathA mAnamarhati . 
tasmAnmAnyashcha pUjyashcha dhR^itarAShTro janArdana .. 74..\\
putrasnehastu balavAndhR^itarAShTrasya mAdhava . 
saputravashamApannaH praNipAtaM prahAsyati .. 75..\\
tatra kiM manyase kR^iShNa prAptakAlamanantaram . 
kathamarthAchcha dharmAchcha na hIyemahi mAdhava .. 76..\\
IdR^ishe hyarthakR^ichchhre.asminkamanyaM madhusUdana . 
upasampraShTumarhAmi tvAmR^ite puruShottama .. 77..\\
priyashcha priyakAmashcha gatiGYaH sarvakarmaNAm . 
ko hi kR^iShNAsti nastvAdR^iksarvanishchayavitsuhR^it .. 78..\\
evamuktaH pratyuvAcha dharmarAja.n janArdanaH . 
ubhayoreva vAmarthe yAsyAmi kurusa.nsadam .. 79..\\
shama.n tatra labheyaM chedyuShmadarthamahApayan . 
puNyaM me sumahadrAjaMshcharita.n syAnmahAphalam .. 80..\\
mochayeyaM mR^ityupAshAtsa.nrabdhAnkurusR^i~njayAn . 
pANDavAndhArtarAShTrAMshcha sarvA.n cha pR^ithivImimAm .. 81..\\
na mamaitanmata.n kR^iShNa yattva.n yAyAH kurUnprati . 
suyodhanaH sUktamapi na kariShyati te vachaH .. 82..\\
sametaM pArthiva.n kShatra.n suyodhana vashAnugam . 
teShAM madhyAvataraNa.n tava kR^iShNa na rochaye .. 83..\\
na hi naH prINayeddravyaM na devatva.n kutaH sukham . 
na cha sarvAmaraishvarya.n tava rodhena mAdhava .. 84..\\

 bhagavaan

jAnAmyetAM mahArAja dhArtarAShTrasya pApatAm . 
avAchyAstu bhaviShyAmaH sarvaloke mahIkShitAm .. 85..\\
na chApi mama paryAptAH sahitAH sarvapArthivAH . 
kruddhasya pramukhe sthAtu.n si.nhasyevetare mR^igAH .. 86..\\
atha chette pravarteranmayi ki.n chidasAmpratam . 
nirdaheya.n kurUnsarvAniti me dhIyate matiH .. 87..\\
na jAtu gamana.n tatra bhavetpArtha nirarthakam . 
arthaprAptiH kadA chitsyAdantato vApyavAchyatA .. 88..\\
yattubhya.n rochate kR^iShNa svasti prApnuhi kauravAn . 
kR^itArtha.n svastimanta.n tvAM drakShyAmi punarAgatam .. 89..\\
viShvaksena kurUngatvA bhAratA~nshamayeH prabho . 
yathA sarve sumanasaH saha syAmaH suchetasaH .. 90..\\
bhrAtA chAsi sakhA chAsi bIbhatsormama cha priyaH . 
sauhR^idenAvisha~Nkyo.asi svasti prApnuhi bhUtaye .. 91..\\
asmAnvettha parAnvettha vetthArtha.n vettha bhAShitam . 
yadyadasmaddhita.n kR^iShNa tattadvAchyaH suyodhanaH .. 92..\\
yadyaddharmeNa sa.nyuktamupapadyeddhita.n vachaH . 
tattatkeshava bhAShethAH sAntva.n vA yadi vetarat .. 93..\\
\medskip\hrule\medskip\centerline{\Largedvng 71}
 bhagavaan

sa~njayasya shruta.n vAkyaM bhavatashcha shrutaM mayA . 
sarva.n jAnAmyabhiprAyaM teShAM cha bhavatashcha yaH .. 1..\\
tava dharmAshritA buddhisteShA.n vairAshritA matiH . 
yadayuddhena labhyeta tatte bahumataM bhavet .. 2..\\
na cha tannaiShThika.n karma kShatriyasya vishAM pate . 
AhurAshramiNaH sarve yadbhaikSha.n kShatriyash charet .. 3..\\
jayo vadho vA sa~NgrAme dhAtrA diShTaH sanAtanaH . 
svadharmaH kShatriyasyaiSha kArpaNyaM na prashasyate .. 4..\\
na hi kArpaNyamAsthAya shakyA vR^ittiryudhiShThira . 
vikramasva mahAbAho jahi shatrUnarindama .. 5..\\
atigR^iddhAH kR^itasnehA dIrghakAla.n sahoShitAH . 
kR^itamitrAH kR^itabalA dhArtarAShTrAH parantapa .. 6..\\
na paryAyo.asti yatsAmya.n tvayi kuryurvishAM pate . 
balavattA.n hi manyante bhIShmadroNakR^ipAdibhiH .. 7..\\
yAvachcha mArdavenaitAnrAjannupachariShyasi . 
tAvadete hariShyanti tava rAjyamarindama .. 8..\\
nAnukroshAnna kArpaNyAnna cha dharmArthakAraNAt . 
ala.n kartuM dhArarAShTrAstava kAmamarindama .. 9..\\
etadeva nimitta.n te pANDavAstu yathA tvayi . 
nAnvatapyanta kaupIna.n tAvatkR^itvApi duShkaram .. 10..\\
pitAmahasya droNasya vidurasya cha dhImataH . 
pashyatA.n kurumukhyAnA.n sarveShAmeva tattvataH .. 11..\\
dAnashIlaM mR^idu.n dAntaM dharmakAmamanuvratam . 
yattvAmupadhinA rAjandyUtenAva~nchayattadA . 
na chApatrapate pApo nR^isha.nsastena karmaNA .. 12..\\
tathAshIra samAchAre rAjanmA praNaya.n kR^ithAH . 
vadhyAste sarvalokasya kiM punastava bhArata .. 13..\\
vAgbhistvapratirUpAbhiratudatsa kanIyasam . 
shlAghamAnaH prahR^iShTaH sanbhAShate bhrAtR^ibhiH saha .. 14..\\
etAvatpANDavAnA.n hi nAsti ki.n chidiha svakam . 
nAmadheya.n cha gotraM cha tadapyeShAM na shiShyate .. 15..\\
kAlena mahatA chaiShAM bhaviShyati parAbhavaH . 
prakR^iti.n te bhajiShyanti naShTaprakR^itayo janAH .. 16..\\
etAshchAnyAshcha paruShA vAchaH sa samudIrayan . 
shlAghate GYAtimadhye sma tvayi pavrajite vanam .. 17..\\
ye tatrAsansamAnItAste dR^iShTvA tvAmanAgasam . 
ashrukaNThA rudantashcha sabhAyAmAsate tadA .. 18..\\
na chainamabhyananda.nste rAjAno brAhmaNaiH saha . 
sarve duryodhana.n tatra nindanti sma sabhAsadaH .. 19..\\
kulInasya cha yA nindA vadhashchAmitrakarshana . 
mahAguNo vadho rAjanna tu nindA kujIvikA .. 20..\\
tadaiva nihato rAjanyadaiva nirapatrapaH . 
ninditashcha mahArAja pR^ithivyA.n sarvarAjasu .. 21..\\
IShatkAryo vadhastasya yasya chAritramIdR^isham . 
praskambhana pratistabdhashchhinnamUla iva drumaH .. 22..\\
vadhyaH sarpa ivAnAryaH sarvalokasya durmatiH . 
jahyena.n tvamamitraghna mA rAjanvichikitsithAH .. 23..\\
sarvathA tvatkShama.n chaitadrochate cha mamAnagha . 
yattvaM pitari bhIShme cha praNipAta.n samAchareH .. 24..\\
aha.n tu sarvalokasya gatvA chhetsyAmi saMshayam . 
yeShAmasti dvidhA bhAvo rAjanduryodhanaM prati .. 25..\\
madhye rAGYAmaha.n tatra prAtipauruShikAnguNAn . 
tava sa~NkIrtayiShyAmi ye cha tasya vyatikramAH .. 26..\\
bruvatastatra me vAkya.n dharmArthasahita.n hitam . 
nishamya pArthivAH sarve nAnAjanapadeshvarAH .. 27..\\
tvayi sampratipatsyante dharmAtmA satyavAgiti . 
tasmiMshchAdhigamiShyanti yathA lobhAdavartata .. 28..\\
garhayiShyAmi chaivainaM paurajAnapadeShvapi . 
vR^iddhabAlAnupAdAya chAturvarNyasamAgame .. 29..\\
shama.n chedyAchamAnastvaM na dharmaM tatra lapsyase . 
kurUnvigarhayiShyanti dhR^itarAShTra.n cha pArthivAH .. 30..\\
tasmi.Nllokaparityakte ki.n kAryamavashiShyate . 
hate duryodhane rAjanyadanyatkriyatAm iti .. 31..\\
yAtvA chAha.n kurUnsarvAnyuShmadarthamahApayan . 
yatiShye prashama.n kartu.n lakShayiShye cha cheShTitam .. 32..\\
kauravANAM pravR^itti.n cha gatvA yuddhAdhikArikAm . 
nishAmya vinivartiShye jayAya tava bhArata .. 33..\\
sarvathA yuddhamevAhamAsha.nsAmi paraiH saha . 
nimittAni hi sarvANi tathA prAdurbhavanti me .. 34..\\
mR^igAH shakuntAshcha vadanti ghoraM 
hastyashvamukhyeShu nishAmukheShu . 
ghorANi rUpANi tathaiva chAgnir 
varNAnbahUnpuShyati ghorarUpAn . 
manuShyalokakShapaNo.atha ghoro 
no chedanuprApta ihAntakaH syAt .. 35..\\
shastrANi patra.n kavachAnrathAMsh cha 
nAgAndhvajAMshcha pratipAdayitvA . 
yodhAshcha sarve kR^itanishramAste 
bhavantu hastyashvaratheShu yattAH . 
sA~NgrAmika.n te yadupArjanIyaM 
sarva.n samagra.n kuru tannarendra .. 36..\\
duryodhano na hyalamadya dAtuM 
jIva.nstavaitannR^ipate katha.n chit . 
yatte purastAdabhavatsamR^iddhaM 
dyUte hR^itaM pANDavamukhyarAjyam .. 37..\\
\medskip\hrule\medskip\centerline{\Largedvng 72}
 bhiima

yathA yathaiva shAntiH syAtkurUNAM madhusUdana . 
tathA tathaiva bhAShethA mA sma yuddhena bhIShayeH .. 1..\\
amarShI nityasa.nrabdhaH shreyo dveShI mahAmanAH . 
nogra.n duryodhano vAchyaH sAmnaivaina.n samAchareH .. 2..\\
prakR^ityA pApasattvashcha tulyachetAshcha dasyubhiH . 
aishvaryamadamattashcha kR^itavairashcha pANDavaiH .. 3..\\
adIrghadarshI niShThUrI kSheptA krUraparAkramaH . 
dIrghamanyuraneyashcha pApAtmA nikR^itipriyaH .. 4..\\
mriyetApi na bhajyeta naiva jahyAtsvakaM matam . 
tAdR^ishena shama.n kR^iShNa maye paramaduShkaram .. 5..\\
suhR^idAmapyavAchInastyaktadharmaH priyAnR^itaH . 
pratihantyeva suhR^idA.n vAchashchaiva manA.nsi cha .. 6..\\
sa manyuvashamApannaH svabhAva.n duShTamAsthitaH . 
svabhAvAtpApamanveti tR^iNaistunna ivoragaH .. 7..\\
duryodhano hi yatsenaH sarvathA viditastava . 
yachchhIlo yatsvabhAvashcha yadbalo yatparAkramaH .. 8..\\
purA prasannAH kuravaH saha putrAstathA vayam . 
indra jyeShThA ivAbhUma modamAnAH sa bAndhavAH .. 9..\\
duryodhanasya krodhena bhAratA madhusUdana . 
dhakShyante shishirApAye vanAnIva hutAshanaiH .. 10..\\
aShTAdasheme rAjAnaH prakhyAtA madhusUdana . 
ye samuchchichchhidurGYAtInsuhR^idashcha sa bAndhavAn .. 11..\\
asurANA.n samR^iddhAnA.n jvalatAmiva tejasA . 
paryAya kAle dharmasya prApte balirajAyata .. 12..\\
haihayAnAmudAvarto nIpAnA.n janamejayaH . 
bahulastAlaja~NghAnA.n kR^imINAmuddhato vasuH .. 13..\\
aja binduH suvIrANA.n surAShTrANA.n kusharddhikaH . 
arkajashcha balIhAnA.n chInAnAM dhautamUlakaH .. 14..\\
hayagrIvo videhAnA.n varaprashcha mahaujasAm . 
bAhuH sundara vegAnA.n dIptAkShANAM purUravAH .. 15..\\
sahajashchedimatsyAnAM prachetAnAM bR^ihadbalaH . 
dhAraNashchendra vatsAnAM mukuTAnA.n vigAhanaH .. 16..\\
shamashcha nandivegAnAmityete kulapA.nsanAH . 
yugAnte kR^iShNa sambhUtAH kuleShu puruShAdhamAH .. 17..\\
apyayaM naH kurUNA.n syAdyugAnte kAlasambhR^itaH . 
duryodhanaH kulA~NgAro jaghanyaH pApapUruShaH .. 18..\\
tasmAnmR^idu shanairenaM brUyA dharmArthasa.nhitam . 
kAmAnubandha bahulaM nogramugraparAkramam .. 19..\\
api duryodhana.n kR^iShNa sarve vayamadhashcharAH . 
nIchairbhUtvAnuyAsyAmo mA sma no bharatA nashan .. 20..\\
apyudAsInavR^ittiH syAdyathA naH kurubhiH saha . 
vAsudeva tathA kAryaM na kurUnanayaH spR^ishet .. 21..\\
vAchyaH pitAmaho vR^iddho ye cha kR^iShNa sabhAsadaH . 
bhrAtR^INAmastu saubhrAtra.n dhArtarAShTraH prashAmyatAm .. 22..\\
ahametadbravImyeva.n rAjA chaiva prasha.nsati . 
arjuno naiva yuddhArthI bhUyasI hi dayArjune .. 23..\\
\medskip\hrule\medskip\centerline{\Largedvng 73}
 vai

etachchhrutvA mahAbAhuH keshavaH prahasanniva . 
abhUtapUrvaM bhImasya mArdavopagata.n vachaH .. 1..\\
gireriva laghutva.n tachchhItatvamiva pAvake . 
matvA rAmAnujaH shauriH shAr~NgadhanvA vR^ikodaram .. 2..\\
santejaya.nstadA vAgbhirmAtarishveva pAvakam . 
uvAcha bhImamAsIna.n kR^ipayAbhipariplutam .. 3..\\
tvamanyadA bhImasena yuddhameva prasha.nsasi . 
vadhAbhinandinaH krUrAndhArtarAShTrAnmimardiShuH .. 4..\\
na cha svapiShi jAgarShi nyubjaH sheShe parantapa . 
ghorAmashAntA.n rushatIM sadA vAchaM prabhAShase .. 5..\\
niHshvasannagnivarNena sataptaH svena manyunA . 
aprashAnta manA bhIma sa dhUma iva pAvakaH .. 6..\\
ekAnte niShTana~nsheShe bhArArta iva durbalaH . 
api tvA.n ke chidunmattaM manyante.atadvido janAH .. 7..\\
Arujya vR^ikShAnnirmUlAngajaH paribhujanniva . 
nighnanpadbhiH kShitiM bhIma niShTananparidhAvasi .. 8..\\
nAsmi~njane.abhiramase rahaH kShiyasi pANDava . 
nAnyaM nishi divA vApi kadA chidabhinandasi .. 9..\\
akasmAtsmayamAnashcha rahasyAsse rudanniva . 
jAnvormUrdhAnamAdhAya chiramAsse pramIlitaH .. 10..\\
bhrukuTi.n cha punaH kurvannoShThau cha vilihanniva . 
abhIkShNa.n dR^ishyase bhIma sarvaM tanmanyukAritam .. 11..\\
yathA purastAtsavitA dR^ishyate shukramuchcharan . 
yathA cha pashchAnnirmukto dhruvaM paryeti rashmivAn .. 12..\\
tathA satyaM bravImyetannAsti tasya vyatikramaH . 
hantAha.n gadayAbhyetya duryodhanamamarShaNam .. 13..\\
iti sma madhye bhrAtR^INA.n satyenAlabhase gadAm . 
tasya te pashame buddhirdhIyate.adya parantapa .. 14..\\
aho yuddhapratIpAni yuddhakAla upasthite . 
pashyasIvApratIpAni ki.n tvAM bhIrbhIma vindati .. 15..\\
aho pArtha nimittAni viparItAni pashyasi . 
svapnAnte jAgarAnte cha tasmAtprashamamichchhasi .. 16..\\
aho nAsha.nsase ki.n chitpu.nstvaM klIba ivAtmani . 
kashmalenAbhipanno.asi tena te vikR^itaM manaH .. 17..\\
udvepate te hR^idayaM manaste praviShIdati . 
UrustambhagR^ihIto.asi tasmAtprashamamichchhasi .. 18..\\
anitya.n kila martyasya chittaM pArtha chalAchalam . 
vAtavegaprachalitA aShThIlA shAlmaleriva .. 19..\\
tavaiShA vikR^itA buddhirgavA.n vAgiva mAnuShI . 
manA.nsi pANDuputrANAM majjayatyaplavAniva .. 20..\\
idaM me mahadAshcharyaM parvatasyeva sarpaNam . 
yadIdR^ishaM prabhAShethA bhImasenAsama.n vachaH .. 21..\\
sa dR^iShTvA svAni karmANi kule janma cha bhArata . 
uttiShThasva viShAdaM mA kR^ithA vIra sthiro bhava .. 22..\\
na chaitadanurUpa.n te yatte glAnirarindama . 
yadojasA na labhate kShatriyo na tadashnute .. 23..\\
\medskip\hrule\medskip\centerline{\Largedvng 74}
 v

tathokto vAsudevena nityamanyuramarShaNaH . 
sadashvavatsamAdhAvadbabhAShe tadanantaram .. 1..\\
anyathA mA.n chikIrShantamanyathA manyase.achyuta . 
praNIta bhAvamatyanta.n yudhi satyaparAkramam .. 2..\\
vettha dAshArha sattvaM me dIrghakAla.n sahoShitaH . 
uta vA mAM na jAnAsi plavanhrada ivAlpavaH . 
tasmAdapratirUpAbhirvAgbhirmA.n tva.n samarchhasi .. 3..\\
katha.n hi bhImasenaM mA.n jAnankashchana mAdhava . 
brUyAdapratirUpANi yathA mA.n vaktumarhasi .. 4..\\
tasmAdidaM pravakShyAmi vachana.n vR^iShNinandana . 
AtmanaH pauruSha.n chaiva balaM cha na samaM paraiH .. 5..\\
sarvathA nArya karmaitatprasha.nsA svayamAtmanaH . 
ativAdApaviddhastu vakShyAmi balamAtmanaH .. 6..\\
pashyeme rodasI kR^iShNa yayorAsannimAH prajAH . 
achale chApyanante cha pratiShThe sarvamAtarau .. 7..\\
yadIme sahasA kruddhe sameyAtA.n shile iva . 
amamete nigR^ihNIyAM bAhubhyA.n sacharAchare .. 8..\\
pashyaitadantaraM bAhvormahAparighayoriva . 
ya etatprApya muchyeta na taM pashyAmi pUruSham .. 9..\\
himavAMshcha samudrashcha vajrI cha balabhitsvayam . 
mayAbhipanna.n trAyeranbalamAsthAya na trayaH .. 10..\\
yudhyeya.n kShatriyAnsarvAnpANDaveShvAtatAyinaH . 
adhaH pAdatalenaitAnadhiShThAsyAmi bhUtale .. 11..\\
na hi tvaM nAbhijAnAsi mama vikramamachyuta . 
yathA mayA vinirjitya rAjAno vashagAH kR^itAH .. 12..\\
atha chenmAM na jAnAsi sUryasyevodyataH prabhAm . 
vigADhe yudhi sambAdhe vetsyase mA.n janArdana .. 13..\\
kiM mAtyavAkShIH paruShairvraNa.n sUchyA ivAnagha . 
yathAmati bravImyetadviddhi mAmadhika.n tataH .. 14..\\
draShTAsi yudhi sambAdhe pravR^itte vaishase.ahani . 
mayA praNunnAnmAta~NgAnrathinaH sAdinastathA .. 15..\\
tathA narAnabhikruddhaM nighnanta.n kShatriyarShabhAn . 
draShTA mA.n tvaM cha lokashcha vikarShanta.n varAnvarAn .. 16..\\
na me sIdanti majjAno na mamodvepate manaH . 
sarvalokAdabhikruddhAnna bhaya.n vidyate mama .. 17..\\
ki.n tu sauhR^idamevaitatkR^ipayA madhusUdana . 
sarvA.nstitikShe sa~NkleshAnmA sma no bharatA nashan .. 18..\\
\medskip\hrule\medskip\centerline{\Largedvng 75}
 bhagavaan

bhAva.n jiGYAsamAno.ahaM praNayAdidamabruvam . 
na chAkShepAnna pANDityAnna krodhAnna vivakShayA .. 1..\\
vedAha.n tava mAhAtmyamuta te veda yadbalam . 
uta te veda karmANi na tvAM paribhavAmyaham .. 2..\\
yathA chAtmani kalyANa.n sambhAvayasi pANDava . 
sahasraguNamapyetattvayi sambhAvayAmyaham .. 3..\\
yAdR^ishe cha kule janma sarvarAjAbhipUjite . 
bandhubhishcha suhR^idbhishcha bhIma tvamasi tAdR^ishaH .. 4..\\
jiGYAsanto hi dharmasya sandigdhasya vR^ikodara . 
paryAyaM na vyavasyanti daivamAnuShayorjanAH .. 5..\\
sa eva heturbhUtvA hi puruShasyArtasiddhiShu . 
vinAshe.api sa evAsya sandigdha.n karma pauruSham .. 6..\\
anyathA paridR^iShTAni kavibhirdoShadarshibhiH . 
anyathA parivartante vegA iva nabhasvataH .. 7..\\
sumantrita.n sunIta.n cha nyAyatashchopapAditam . 
kR^itaM mAnuShyaka.n karma daivenApi virudhyate .. 8..\\
daivamapyakR^ita.n karma pauruSheNa vihanyate . 
shItamuShNa.n tathA varShaM kShutpipAse cha bhArata .. 9..\\
yadanyaddiShTa bhAvasya puruShasya svaya.n kR^itam . 
tasmAdanavarodhashcha vidyate tatra lakShaNam .. 10..\\
lokasya nAnyato vR^ittiH pANDavAnyatra karmaNaH . 
evaM buddhiH pravarteta phala.n syAdubhayAnvayAt .. 11..\\
ya eva.n kR^itabuddhiH sankarmasveva pravartate . 
nAsiddhau vyathate tasya na siddhau harShamashnute .. 12..\\
tatreyamarthamAtrA me bhImasena vivakShitA . 
naikAnta siddhirmantavyA kurubhiH saha sa.nyuge .. 13..\\
nAtipraNIta rashmiH syAttathA bhavati paryaye . 
viShAdamarchhedglAni.n vA etadarthaM bravImi te .. 14..\\
shvobhUte dhR^itarAShTrasya samIpaM prApya pANDava . 
yatiShye prashama.n kartu.n yuShmadarthamahApayan .. 15..\\
shama.n chette kariShyanti tato.ananta.n yasho mama . 
bhavatA.n cha kR^itaH kAmasteShAM cha shreya uttamam .. 16..\\
te chedabhinivekShyanti nAbhyupaiShyanti me vachaH . 
kuravo yuddhamevAtra raudra.n karma bhaviShyati .. 17..\\
asminyuddhe bhImasena tvayi bhAraH samAhitaH . 
dhUrarjunena dhAryA syAdvoDhavya itaro janaH .. 18..\\
aha.n hi yantA bIbhatsorbhavitA sa.nyuge sati . 
dhana~njayasyaiSha kAmo na hi yuddhaM na kAmaye .. 19..\\
tasmAdAsha~NkamAno.aha.n vR^ikodara mati.n tava . 
tudannaklIbayA vAchA tejaste samadIpayam .. 20..\\
\medskip\hrule\medskip\centerline{\Largedvng 76}
 arjuna

ukta.n yudhiShThireNaiva yAvadvAchya.n janArdana . 
tava vAkya.n tu me shrutvA pratibhAti parantapa .. 1..\\
naiva prashamamatra tvaM manyase sukaraM prabho . 
lobhAdvA dhR^itarAShTrasya dainyAdvA samupasthitAt .. 2..\\
aphalaM manyase chApi puruShasya parAkramam . 
na chAntareNa karmANi pauruSheNa phalodayaH .. 3..\\
tadidaM bhAShita.n vAkya.n tathA cha na tathaiva cha . 
na chaitadeva.n draShTavyamasAdhyamiti kiM chana .. 4..\\
ki.n chaitanmanyase kR^ichchhramasmAkaM pApamAditaH . 
kurvanti teShA.n karmANi yeShAM nAsti phalodayaH .. 5..\\
sampAdyamAna.n samyakcha syAtkarma saphalaM prabho . 
sa tathA kR^iShNa vartasva yathA sharma bhavetparaiH .. 6..\\
pANDavAnA.n kurUNAM cha bhavAnparamakaH suhR^it . 
surANAmasurANA.n cha yathA vIra prajApatiH .. 7..\\
kurUNAM pANDavAnA.n cha pratipatsva nirAmayam . 
asmaddhitamanuShThAtuM na manye tava duShkaram .. 8..\\
eva.n chetkAryatAmeti kAryaM tava janArdana . 
gamanAdevameva tva.n kariShyasi na saMshayaH .. 9..\\
chikIrShitamathAnyatte tasminvIra durAtmani . 
bhaviShyati tathA sarva.n yathA tava chikIrShitam .. 10..\\
sharma taiH saha vA no.astu tava vA yachchikIrShitam . 
vichAryamANo yaH kAmastava kR^iShNa sa no guruH .. 11..\\
na sa nArhati duShTAtmA vadha.n sasuta bAndhavaH . 
yena dharmasute dR^iShTvA na sA shrIrupamarShitA .. 12..\\
yachchApyapashyatopAya.n dharmiShThaM madhusUdana . 
upAyena nR^isha.nsena hR^itA durdyUta devinA .. 13..\\
katha.n hi puruSho jAtaH kShatriyeShu dhanurdharaH . 
samAhUto nivarteta prANatyAge.apyupasthite .. 14..\\
adhameNa jitAndR^iShTvA vane pravrajitA.nstathA . 
vadhyatAM mama vArShNeya nirgato.asau suyodhanaH .. 15..\\
na chaitadadbhuta.n kR^iShNa mitrArthe yachchikIrShasi . 
kriyA kathaM nu mukhyA syAnmR^idunA vetareNa vA .. 16..\\
atha vA manyase jyAyAnvadhasteShAm anantaram . 
tadeva kriyatAmAshu na vichAryamatastvayA .. 17..\\
jAnAsi hi yathA tena draupadI pApabuddhinA . 
parikliShTA sabhAmadhye tachcha tasyApi marShitam .. 18..\\
sa nAma samyagvarteta pANDaveShviti mAdhava . 
na me sa~njAyate buddhirbIjamuptamivoShare .. 19..\\
tasmAdyanmanyase yuktaM pANDavAnA.n cha yaddhitam . 
tadAshu kuru vArShNeya yannaH kAryamanantaram .. 20..\\
\medskip\hrule\medskip\centerline{\Largedvng 77}
 bhagavaan

evametanmahAbAho yathA vadasi pANDava . 
sarva.n tvida.n samAyattaM bIbhatso karmaNordvayoH .. 1..\\
kShetra.n hi rasavachchhuddha.n karShakeNopapAditam . 
R^ite varShaM na kaunteya jAtu nirvartayetphalam .. 2..\\
tatra vai pauruShaM brUyurAseka.n yatnakAritam . 
tatra chApi dhruvaM pashyechchhoShaNa.n daivakAritam .. 3..\\
tadidaM nishchitaM buddhyA pUrvairapi mahAtmabhiH . 
daive cha mAnuShe chaiva sa.nyukta.n lokakAraNam .. 4..\\
aha.n hi tatkariShyAmi paraM puruShakArataH . 
daiva.n tu na mayA shakyaM karma kartuM kathaM chana .. 5..\\
sa hi dharma.n cha satyaM cha tyaktvA charati durmatiH . 
na hi santapyate tena tathArUpeNa karmaNA .. 6..\\
tA.n chApi buddhiM pApiShThA.n vardhayantyasya mantriNaH . 
shakuniH sUtaputrashcha bhrAtA duHshAsanastathA .. 7..\\
sa hi tyAgena rAjyasya na shama.n samupeShyati . 
antareNa vadhAtpArtha sAnubandhaH suyodhanaH .. 8..\\
na chApi praNipAtena tyaktumichchhati dharmarAT . 
yAchyamAnastu rAjya.n sa na pradAsyati durmatiH .. 9..\\
na tu manye sa tadvAchyo yadyudhiShThira shAsanam . 
uktaM prayojana.n tatra dharmarAjena bhArata .. 10..\\
tathA pApastu tatsarvaM na kariShyati kauravaH . 
tasmiMshchAkriyamANe.asau lokavadhyo bhaviShyati .. 11..\\
mama chApi sa vadhyo vai jagatashchApi bhArata . 
yena kaumArake yUya.n sarve viprakR^itAstathA .. 12..\\
vipralupta.n cha vo rAjyaM nR^isha.nsena durAtmanA . 
na chopashAmyate pApaH shriya.n dR^iShTvA yudhiShThire .. 13..\\
asakR^ichchApyaha.n tena tvatkR^ite pArtha bheditaH . 
na mayA tadgR^ihIta.n cha pApaM tasya chikIrShitam .. 14..\\
jAnAsi hi mahAbAho tvamapyasya paraM matam . 
priya.n chikIrShamANaM cha dharmarAjasya mAm api .. 15..\\
sa jAna.nstasya chAtmAnaM mama chaiva paraM matam . 
ajAnanniva chAkasmAdarjunAdyAbhisha~Nkase .. 16..\\
yachchApi parama.n divyaM tachchApyavagataM tvayA . 
vidhAnavihitaM pArtha katha.n sharma bhavetparaiH .. 17..\\
yattu vAchA mayA shakya.n karmaNA chApi pANDava . 
kariShye tadahaM pArtha na tvAsha.nse shamaM paraiH .. 18..\\
katha.n goharaNe brUyAdichchha~nsharma tathAvidham . 
yAchyamAno.api bhIShmeNa sa.nvatsaragate.adhvani .. 19..\\
tadaiva te parAbhUtA yadA sa~NkalpitAstvayA . 
lavashaH kShaNashashchApi na cha tuShTaH suyodhanaH .. 20..\\
sarvathA tu mayA kArya.n dharmarAjasya shAsanam . 
vibhAvya.n tasya bhUyashcha karma pApaM durAtmanaH .. 21..\\
\medskip\hrule\medskip\centerline{\Largedvng 78}
 nakula

uktaM bahuvidha.n vAkya.n dharmarAjena mAdhava . 
dharmaGYena vadAnyena dharmayukta.n cha tattvataH .. 1..\\
matamAGYAya rAGYashcha bhImasenena mAdhava . 
saMshamo bAhuvIrya.n cha khyApitaM mAdhavAtmanaH .. 2..\\
tathaiva phalgunenApi yadukta.n tattvayA shrutam . 
Atmanashcha mata.n vIra kathitaM bhavatAsakR^it .. 3..\\
sarvametadatikramya shrutvA paramataM bhavAn . 
yatprAptakAlaM manyethAstatkuryAH puruShottama .. 4..\\
tasmi.nstasminnimitte hi mataM bhavati keshava . 
prAptakAlaM manuShyeNa svaya.n kAryamarindama .. 5..\\
anyathA chintito hyarthaH punarbhavati so.anyathA . 
anitya matayo loke narAH puruShasattama .. 6..\\
anyathA buddhayo hyAsannasmAsu vanavAsiShu . 
adR^ishyeShvanyathA kR^iShNa dR^ishyeShu punaranyathA .. 7..\\
asmAkamapi vArShNeya vane vicharatA.n tadA . 
na tathA praNayo rAjye yathA samprati vartate .. 8..\\
nivR^ittavanavAsAnnaH shrutvA vIra samAgatAH . 
akShauhiNyo hi saptemAstvatprasAdAjjanArdana .. 9..\\
imAnhi puruShavyAghrAnachintyabalapauruShAn . 
AttashastrAnraNe dR^iShTvA na vyathediha kaH pumAn .. 10..\\
sa bhavAnkurumadhye ta.n sAntvapUrvaM bhayAnvitam . 
brUyAdvAkya.n yathA mando na vyatheta suyodhanaH .. 11..\\
yudhiShThiraM bhImasenaM bIbhatsu.n chAparAjitam . 
sahadeva.n cha mAM chaiva tvAM cha rAmaM cha keshava .. 12..\\
sAtyaki.n cha mahAvIrya.n virATaM cha sahAtmajam . 
drupada.n cha sahAmAtyaM dhR^iShTadyumnaM cha pArShatam .. 13..\\
kAshirAja.n cha vikrAntaM dhR^iShTaketuM cha chedipam . 
mA.nsashoNitabhR^inmartyaH pratiyudhyeta ko yudhi .. 14..\\
sa bhavAngamanAdeva sAdhayiShyatyasaMshayam . 
iShTamarthaM mahAbAho dharmarAjasya kevalam .. 15..\\
vidurashchaiva bhIShmashcha droNashcha saha bAhlikaH . 
shreyaH samarthA viGYAtumuchyamAna.n tvayAnagha .. 16..\\
te chainamanuneShyanti dhR^itarAShTra.n janAdhipam . 
ta.n cha pApasamAchAra.n sahAmAtyaM suyodhanam .. 17..\\
shrotA chArthasya vidurastva.n cha vaktA janArdana . 
kamivArtha.n vivartantaM sthApayetAM na vartmani .. 18..\\
\medskip\hrule\medskip\centerline{\Largedvng 79}
 sahadeva

yadetatkathita.n rAGYA dharma eSha sanAtanaH . 
yathA tu yuddhameva syAttathA kAryamarindama .. 1..\\
yadi prashamamichchheyuH kuravaH pANDavaiH saha . 
tathApi yuddha.n dAshArha yojayethAH sahaiva taiH .. 2..\\
kathaM nu dR^iShTvA pA~nchAlI.n tathA kliShTA.n sabhA gatAm . 
avadhena prashAmyeta mama manyuH suyodhane .. 3..\\
yadi bhImArjunau kR^iShNa dharmarAjashcha dhArmikaH . 
dharmamutsR^ijya tenAha.n yoddhumichchhAmi sa.nyuge .. 4..\\

 saatyaki

satyamAha mahAbAho sahadevo mahAmatiH . 
duryodhana vadhe shAntistasya kopasya me bhavet .. 5..\\
jAnAsi hi yathAdR^iShTvA chIrAjinadharAnvane . 
tavApi manyurudbhUto duHkhitAnprekShya pANDavAn .. 6..\\
tasmAnmAdrI sutaH shUro yadAha puruSharShabhaH . 
vachana.n sarvayodhAnA.n tanmataM puruShottama .. 7..\\

 v

eva.n vadati vAkya.n tu yuyudhAne mahAmatau . 
subhImaH si.nhanAdo.abhUdyodhAnA.n tatra sarvashaH .. 8..\\
sarve hi sarvato vIrAstadvachaH pratyapUjayan . 
sAdhu sAdhviti shaineya.n harShayanto yuyutsavaH .. 9..\\
\medskip\hrule\medskip\centerline{\Largedvng 80}
 v

rAGYastu vachana.n shrutvA dharmArthasahitaM hitam . 
kR^iShNA dAshArhamAsInamabravIchchhokakarShitA .. 1..\\
sutA drupadarAjasya svasitAyata mUrdhajA . 
sampUjya sahadeva.n cha sAtyakiM cha mahAratham .. 2..\\
bhImasena.n cha saMshAntaM dR^iShTvA paramadurmanAH . 
ashrupUrNekShaNA vAkyamuvAchedaM manasvinI .. 3..\\
vidita.n te mahAbAho dharmaGYa madhusUdana . 
yathA nikR^itimAsthAya bhraMshitAH pANDavAH sukhAt .. 4..\\
dhR^itarAShTrasya putreNa sAmAtyena janArdana . 
yathA cha sa~njayo rAGYA mantra.n rahasi shrAvitaH .. 5..\\
yudhiShThireNa dAshArha tachchApi vidita.n tava . 
yathoktaH sa~njayashchaiva tachcha sarva.n shruta.n tvayA .. 6..\\
pa~ncha nastAta dIyantA.n grAmA iti mahAdyute . 
kusha sthala.n vR^ikasthalamAsandI vAraNAvatam .. 7..\\
avasAnaM mahAbAho ki.n chideva tu pa~nchamam . 
iti duryodhano vAchyaH suhR^idashchAsya keshava .. 8..\\
tachchApi nAkarodvAkya.n shrutvA kR^iShNa suyodhanaH . 
yudhiShThirasya dAshArha hrImataH sandhimichchhataH .. 9..\\
apradAnena rAjyasya yadi kR^iShNa suyodhanaH . 
sandhimichchhenna kartavyastatra gatvA katha.n chana .. 10..\\
shakShyanti hi mahAbAho pANDavAH sR^i~njayaiH saha . 
dhArtarAShTra bala.n ghoraM kruddhaM pratisamAsitum .. 11..\\
na hi sAmnA na dAnena shakyo.arthasteShu kash chana . 
tasmAtteShu na kartavyA kR^ipA te madhusUdana .. 12..\\
sAmnA dAnena vA kR^iShNa ye na shAmyanti shatravaH . 
moktavyasteShu daNDaH syAjjIvitaM parirakShatA .. 13..\\
tasmAtteShu mahAdaNDaH kSheptavyaH kShipramachyuta . 
tvayA chaiva mahAbAho pANDavaiH saha sR^iGYjayaiH .. 14..\\
etatsamarthaM pArthAnA.n tava chaiva yashaH karam . 
kriyamANaM bhavetkR^iShNa kShatrasya cha sukhAvaham .. 15..\\
kShatriyeNa hi hantavyaH kShatriyo lobhamAsthitaH . 
akShatriyo vA dAshArha svadharmamanutiShThatA .. 16..\\
anyatra brAhmaNAttAta sarvapApeShvavasthitAt . 
gururhi sarvavarNAnAM brAhmaNaH prasR^itAgra bhuj .. 17..\\
yathA vadhye bhaveddoSho vadhyamAne janArdana . 
sa vadhyasyAvadhe dR^iShTa iti dharmavido viduH .. 18..\\
yathA tvAM na spR^ishedeSha doShaH kR^iShNa tathA kuru . 
pANDavaiH saha dAshArha sR^i~njayaishcha sasainikaiH .. 19..\\
punarukta.n cha vakShyAmi vishrambheNa janArdana . 
kA nu sImantinI mAdR^ikpR^ithivyAmasti keshava .. 20..\\
sutA drupadarAjasya vedimadhyAtsamutthitA . 
dhR^iShTadyumnasya bhaginI tava kR^iShNa priyA sakhI .. 21..\\
AjamIDha kulaM prAptA snuShA pANDormahAtmanaH . 
mahiShI pANDuputrANAM pa~nchendra samavarchasAm .. 22..\\
sutA me pa~nchabhirvIraiH pa~ncha jAtA mahArathAH . 
abhimanyuryathA kR^iShNa tathA te tava dharmataH .. 23..\\
sAha.n keshagrahaM prAptA parikliShTA sabhAM gatA . 
pashyatAM pANDuputrANA.n tvayi jIvati keshava .. 24..\\
jIvatsu kauraveyeShu pA~nchAleShvatha vR^iShNiShu . 
dAsI bhUtAsmi pApAnA.n sabhAmadhye vyavasthitA .. 25..\\
nirAmarSheShvacheShTeShu prekShamANeShu pANDuShu . 
trAhi mAmiti govinda manasA kA~NkShito.asi me .. 26..\\
yatra mAM bhagavAnrAjA shvashuro vAkyamabravIt . 
vara.n vR^iNIShva pA~nchAli varArhAsi matAsi me .. 27..\\
adAsAH pANDavAH santu sarathAH sAyudhA iti . 
mayokte yatra nirmuktA vanavAsAya keshava .. 28..\\
eva.nvidhAnA.n duHkhAnAmabhiGYo.asi janArdana . 
trAhi mAM puNDarIkAkSha sabhartR^iGYAtibAndhavAm .. 29..\\
nanvaha.n kR^iShNa bhIShmasya dhR^itarAShTrasya chobhayoH . 
snuShA bhavAmi dharmeNa sAha.n dAsI kR^itAbhavam .. 30..\\
dhigbalaM bhImasenasya dhikpArthasya dhanuShmatAm . 
yatra duryodhanaH kR^iShNa muhUrtamapi jIvati .. 31..\\
yadi te.ahamanugrAhyA yadi te.asti kR^ipA mayi . 
dhArtarAShTreShu vai kopaH sarvaH kR^iShNa vidhIyatAm .. 32..\\
ityuktvA mR^idu sa.nhAra.n vR^ijinAgraM sudarshanam . 
sunIlamasitApA~NgI puNyagandhAdhivAsitam .. 33..\\
sarvalakShaNasampannaM mahAbhujaga varchasam . 
keshapakSha.n varArohA gR^ihya savyena pANinA .. 34..\\
padmAkShI puNDarIkAkShamupetya gajagAminI . 
ashrupUrNekShaNA kR^iShNA kR^iShNa.n vachanamabravIt .. 35..\\
aya.n te puNDarIkAkSha duHshAsana karoddhR^itaH . 
smartavyaH sarvakAleShu pareShA.n sandhimichchhatA .. 36..\\
yadi bhImArjunau kR^iShNa kR^ipaNau sandhikAmukau . 
pitA me yotsyate vR^iddhaH saha putrairmahArathaiH .. 37..\\
pa~ncha chaiva mahAvIryAH putrA me madhusUdana . 
abhimanyuM puraskR^itya yotsyanti kurubhiH saha .. 38..\\
duHshAsana bhuja.n shyAmaM sa~nchinnaM pA.nsuguNThitam . 
yadyaha.n taM na pashyAmi kA shAntirhR^idayasya me .. 39..\\
trayodasha hi varShANi pratIkShantyA gatAni me . 
nidhAya hR^idaye manyuM pradIptamiva pAvakam .. 40..\\
vidIryate me hR^idayaM bhIma vAkshalya pIDitam . 
yo.ayamadya mahAbAhurdharma.n samanupashyati .. 41..\\
ityuktvA bAShpasannena kaNThenAyata lochanA . 
ruroda kR^iShNA sotkampa.n sasvaraM bAShpagadgadam .. 42..\\
stanau pInAyatashroNI sahitAvabhivarShatI . 
dravI bhUtamivAtyuShNamutsR^ijadvAri netrajam .. 43..\\
tAmuvAcha mahAbAhuH keshavaH parisAntvayan . 
achirAddrakShyase kR^iShNe rudatIrbharata striyaH .. 44..\\
eva.n tA bhIru rotsyanti nihataGYAtibAndhavAH . 
hatamitrA hatabalA yeShA.n kruddhAsi bhAmini .. 45..\\
aha.n cha tatkariShyAmi bhIMmArjuna yamaiH saha . 
yudhiShThira niyogena daivAchcha vidhinirmitAt .. 46..\\
dhArtarAShTrAH kAlapakvA na chechchhR^iNvanti me vachaH . 
sheShyante nihatA bhUmau shvashR^igAlAdanI kR^itAH .. 47..\\
chaleddhi himavA~nshailo medinI shatadhA bhavet . 
dyauH patechcha sanakShatrA na me mogha.n vacho bhavet .. 48..\\
satya.n te pratijAnAmi kR^iShNe bAShpo nigR^ihyatAm . 
hatAmitrA~nshriyA yuktAnachirAddrakShyase patIn .. 49..\\
\medskip\hrule\medskip\centerline{\Largedvng 81}
 arjuna

kurUNAmadya sarveShAM bhavAnsuhR^idanuttamaH . 
sambandhI dayito nityamubhayoH pakShayorapi .. 1..\\
pANDavairdhArtarAShTrANAM pratipAdyamanAmayam . 
samartha prashama.n chaiShAM kartuM tvamasi keshava .. 2..\\
tvamitaH puNDarIkAkSha suyodhanamamarShaNam . 
shAntyarthaM bhArataM brUyA yattadvAchyamamitrahan .. 3..\\
tvayA dharmArthayukta.n chedukta.n shivamanAmayam . 
hitaM nAdAsyate bAlo diShTasya vashameShyati .. 4..\\

 bha

dharmyamasmaddhita.n chaiva kurUNA.n yadanAmayam . 
eSha yAsyAmi rAjAna.n dhR^itarAShTramabhIShpsayA .. 5..\\

 v

tato vyapete tamasi sUrye vimala udgate . 
maitre muhUrte samprApte mR^idvarchiShi divAkare .. 6..\\
kaumude mAsi revatyA.n sharadante himAgame . 
sphItasasyamukhe kAle kalyaH sattvavatA.n varaH .. 7..\\
ma~NgalyAH puNyanirghoShA vAchaH shR^iNvaMshcha sUnR^itAH . 
brAhmaNAnAM pratItAnAmR^iShINAmiva vAsavaH .. 8..\\
kR^itvA paurvAhNika.n kR^itya.n snAtaH shuchirala~NkR^itaH . 
upatasthe vivasvantaM pAvaka.n cha janArdanaH .. 9..\\
R^iShabhaM pR^iShTha Alabhya brAhmaNAnabhivAdya cha . 
agniM pradakShiNa.n kR^itvA pashyankalyANamagrataH .. 10..\\
tatpratiGYAya vachanaM pANDavasya janArdanaH . 
shinernaptAramAsInamabhyabhAShata sAtyakim .. 11..\\
ratha AropyatA.n sha~Nkhashchakra.n cha gadayA saha . 
upAsa~NgAshcha shaktyashcha sarvapraharaNAni cha .. 12..\\
duryodhano hi duShTAtmA karNashcha saha saubalaH . 
na cha shatruravaGYeyaH prAkR^ito.api balIyasA .. 13..\\
tatastanmatamAGYAya keshavasya puraHsarAH . 
prasasruryojayiShyanto ratha.n chakragadAbhR^itaH .. 14..\\
ta.n dIptamiva kAlAgnimAkAshagamivAdhvagam . 
chandrasUryaprakAshAbhyA.n chakrAbhyA.n samala~NkR^itam .. 15..\\
ardhachandraishcha chandraishcha matsyaiH samR^igapakShibhiH . 
puShpaishcha vividhaishchitraM maNiratnaishcha sarvashaH .. 16..\\
taruNAdityasa~NkAshaM bR^ihanta.n chArudarshanam . 
maNihemavichitrA~Nga.n sudhvajaM supatAkinam .. 17..\\
sUpaskaramanAdhR^iShya.n vaiyAghraparivAraNam . 
yashoghnaM pratyamitrANA.n yadUnAM nandivardhanam .. 18..\\
vAjibhiH sainyasugrIvamedha puShpabalAhakaiH . 
snAtaiH sampAdayA.n chakruH sampannaiH sarvasampadA .. 19..\\
mahimAna.n tu kR^iShNasya bhUya evAbhivardhayan . 
sughoShaH patagendreNa dhvajena yuyuje rathaH .. 20..\\
taM merushikharaprakhyaM meghadundubhi nisvanam . 
Aruroha ratha.n shaurirvimAnamiva puNyakR^it .. 21..\\
tataH sAtyakimAropya prayayau puruShottamaH . 
pR^ithivI.n chAntarikShaM cha rathagoSheNa nAdayan .. 22..\\
vyapoDhAbhra ghanaH kAlaH kShaNena samapadyata . 
shivashchAnuvavau vAyuH prashAntamabhavadraviH .. 23..\\
pradakShiNAnulomAshcha ma~NgalyA mR^igapakShiNaH . 
prayANe vAsudevasya babhUvuranuyAyinaH .. 24..\\
ma~NgalyArtha padaiH shabdairanvavartanta sarvashaH . 
sArasAH shatapatrAshcha ha.nsAshcha madhusUdanam .. 25..\\
mantrAhuti mahAhomairhUyamAnashcha pAvakaH . 
pradakShiNashikho bhUtvA vidhUmaH samapadyata .. 26..\\
vasiShTho vAmadevashcha bhUridyumno gayaH krathaH . 
shukranArada vAlmIkA marutaH kushiko bhR^iguH .. 27..\\
brahma devarShayashchaiva kR^iShNa.n yadusukhAvaham . 
pradakShiNamavartanta sahitA vAsavAnujam .. 28..\\
evametairmahAbhAgairmaharShigaNasAdhubhiH . 
pUjitaH prayayau kR^iShNaH kurUNA.n sadanaM prati .. 29..\\
taM prayAntamanuprAyAtkuntIputro yudhiShThiraH . 
bhImasenArjunau chobhau mAdrIputrau cha pANDavau .. 30..\\
chekitAnashcha vikrAnto dhR^iShTaketushcha chedipaH . 
drupadaH kAshirAjashcha shikhaNDI cha mahArathaH .. 31..\\
dhR^iShTadyumnaH saputrashcha virATaH kekayaiH saha . 
sa.nsAdhanArthaM prayayuH kShatriyAH kShatriyarShabham .. 32..\\
tato.anuvrajya govinda.n dharmarAjo yudhiShThiraH . 
rAGYA.n sakAshe dyutimAnuvAchedaM vachastadA .. 33..\\
yo naiva kAmAnna bhayAnna lobhAnnArthakAraNAt . 
anyAyamanuvarteta sthirabuddhiralolupaH .. 34..\\
dharmaGYo dhR^itimAnprAGYaH sarvabhUteShu keshavaH . 
IshvaraH sarvabhUtAnA.n devadevaH pratApavAn .. 35..\\
ta.n sarvaguNasampannaM shrIvatsa kR^italakShaNam . 
sampariShvajya kaunteyaH sandeShTumupachakrame .. 36..\\
yA sA bAlyAtprabhR^ityasmAnparyavardhayatAbalA . 
upavAsatapaH shIlA sadA svastyayane ratA .. 37..\\
devatAtithipUjAsu gurushushrUShaNe ratA . 
vatsalA priyaputrA cha priyAsmAka.n janArdana .. 38..\\
suyodhana bhayAdyA no.atrAyatAmitrakarshana . 
mahato mR^ityusambAdhAduttarannaurivArNavAt .. 39..\\
asmatkR^ite cha satata.n yayA duHkhAni mAdhava . 
anubhUtAnyaduHkhArhA tA.n sma pR^ichchheranAmayam .. 40..\\
bhR^ishamAshvAsayeshchainAM putrashokapariplutAm . 
abhivAdya svajethAshcha pANDavAnparikIrtayan .. 41..\\
UDhAtprabhR^iti duHkhAni shvashurANAmarindama . 
nikArAnatadarhA cha pashyantI duHkhamashnute .. 42..\\
api jAtu sa kAlaH syAtkR^iShNa duHkhaviparyayaH . 
yadahaM mAtara.n kliShTA.n sukhe dadhyAmarindama .. 43..\\
pravrajanto.anvadhAvatsA kR^ipaNA putragR^iddhinI . 
rudatImapahAyainAmupagachchhAma yadvanam .. 44..\\
na nUnaM mriyate duHkhaiH sA chejjIvati keshava . 
tathA putrAdhibhirgADhamArtA hyAnarta satkR^itA .. 45..\\
abhivAdyA tu sA kR^iShNa tvayA madvachanAdvibho . 
dhR^itarAShTrashcha kauravyo rAjAnashcha vayo.adhikAH .. 46..\\
bhIShma.n droNaM kR^ipaM chaiva mahArAjaM cha bAhlikam . 
drauNi.n cha somadattaM cha sarvAMshcha bharatAnpR^ithak .. 47..\\
vidura.n cha mahAprAGYaM kurUNAM mantradhAriNam . 
agAdha buddhi.n dharmaGYa.n svajethA madhusUdana .. 48..\\
ityuktvA keshava.n tatra rAjamadhye yudhiShThiraH . 
anuGYAto nivavR^ite kR^iShNa.n kR^itvA pradakShiNam .. 49..\\
vrajanneva tu bIbhatsuH sakhAyaM puruSharShabham . 
abravItparavIraghna.n dAshArhamaparAjitam .. 50..\\
yadasmAka.n vibho vR^ittaM purA vai mantranishchaye . 
ardharAjyasya govinda vidita.n sarvarAjasu .. 51..\\
tachcheddadyAdasa~Ngena satkR^ityAnavamanya cha . 
priyaM me syAnmahAbAho muchyeranmahato bhayAt .. 52..\\
atashchedanyathA kartA dhArtarAShTro.anupAyavit . 
antaM nUna.n kariShyAmi kShatriyANAM janArdana .. 53..\\
evamukte pANDavena paryahR^iShyadvR^ikodaraH . 
muhurmuhuH krodhavashAtpravepata cha pANDavaH .. 54..\\
vepamAnashcha kaunteyaH prAkroshanmahato ravAn . 
dhana~njaya vachaH shrutvA harShotsika manA bhR^isham .. 55..\\
tasya taM ninada.n shrutvA samprAvepanta dhanvinaH . 
vAhanAni cha sarvANi shakR^inmUtraM prasusruvuH .. 56..\\
ityuktvA keshava.n tatra tathA choktvA vinishchayam . 
anuGYAto nivavR^ite pariShvajya janArdanam .. 57..\\
teShu rAjasu sarveShu nivR^itteShu janArdanaH . 
tUrNamabhyapataddhR^iShTaH sainyasugrIva vAhanaH .. 58..\\
te hayA vAsudevasya dArukeNa prachoditAH . 
panthAnamAchemuriva grasamAnA ivAmbaram .. 59..\\
athApashyanmahAbAhurR^iShInadhvani keshavaH . 
brAhmyA shriyA dIpyamAnAnsthitAnubhayataH pathi .. 60..\\
so.avatIrya rathAttUrNamabhivAdya janArdanaH . 
yathAvattAnR^iShInsarvAnabhyabhAShata pUjayan .. 61..\\
kachchillokeShu kushala.n kachchiddharmaH svanuShThitaH . 
brAhmaNAnA.n trayo varNAH kachchittiShThanti shAsane .. 62..\\
tebhyaH prayujya tAM pUjAM provAcha madhusUdanaH . 
bhagavantaH kva sa.nsiddhAH kA vIthI bhavatAm iha .. 63..\\
ki.n vA bhagavatA.n kAryamahaM kiM karavANi vaH . 
kenArthenopasamprAptA bhagavanto mahItalam .. 64..\\
tamabravIjjAmadagnya upetya madhusUdanam . 
pariShvajya cha govindaM purA sucharite sakhA .. 65..\\
devarShayaH puNyakR^ito brAhmaNAshcha bahushrutAH . 
rAjarShayashcha dAshArha mAnayantastapasvinaH .. 66..\\
devAsurasya draShTAraH purANasya mahAdyute . 
sametaM pArthiva.n kShatraM didR^ikShantashcha sarvataH .. 67..\\
sabhAsadashcha rAjAnastvA.n cha satyaM janArdana . 
etanmahatprekShaNIya.n draShTuM gachchhAma keshava .. 68..\\
dharmArthasahitA vAchaH shrotumichchhAmi mAdhava . 
tvayochyamAnAH kuruShu rAjamadhye parantapa .. 69..\\
bhIShmadroNAdayashchaiva vidurashcha mahAmatiH . 
tva.n cha yAdava shArdUlasabhAyA.n vai sameShyatha .. 70..\\
tava vAkyAni divyAni tatra teShA.n cha mAdhava . 
shrotumichchhAmi govinda satyAni cha shubhAni cha .. 71..\\
ApR^iShTo.asi mahAbAho punardrakShyAmahe vayam . 
yAhyavighnena vai vIra drakShyAmastvA.n sabhA gatam .. 72..\\
\medskip\hrule\medskip\centerline{\Largedvng 82}
 v

prayAnta.n devakIputraM paravIra rujo dasha . 
mahArathA mahAbAhumanvayuH shastrapANayaH .. 1..\\
padAtInA.n sahasra.n cha sAdinAM cha parantapa . 
bhojya.n cha vipula.n rAjanpreShyAshcha shatasho.apare .. 2..\\

 j

kathaM prayAto dAshArho mahAtmA madhusUdanaH . 
kAni vA vrajatastasya nimittAni mahaujasaH .. 3..\\

 v

tasya prayANe yAnyAsannadbhutAni mahAtmanaH . 
tAni me shR^iNu divyAni daivAnyautpAtikAni cha .. 4..\\
anabhre.ashaninirghoShaH savidyutsamajAyata . 
anvageva cha parjanyaH prAvarShadvighane bhR^isham .. 5..\\
pratyagUhurmahAnadyaH prA~NmukhAH sindhusattamAH . 
vipArItA dishaH sarvA na prAGYAyata ki.n chana .. 6..\\
prAjvalannagnayo rAjanpR^ithivIsamakampata . 
udapAnAshcha kumbhAshcha prAsi~ncha~nshatasho jalam .. 7..\\
tamaH sa.nvR^itamapyAsItsarva.n jagadidaM tadA . 
na disho nAdisho rAjanpraGYAyante sma reNunA .. 8..\\
prAdurAsInmahA~nshabdaH khe sharIraM na dR^ishyate . 
sarveShu rAjandesheShu tadadbhutamivAbhavat .. 9..\\
prAmathnAddhAstina pura.n vAto dakShiNapashchimaH . 
ArujangaNasho vR^ikShAnparuSho bhImanisvanaH .. 10..\\
yatra yatra tu vArShNeyo vartate pathi bhArata . 
tatra tatra sukho vAyuH sarva.n chAsItpradakShiNam .. 11..\\
vavarSha puShpavarSha.n cha kamalAni cha bhUrishaH . 
samashcha panthA nirduHkho vyapetakusha kaNTakaH .. 12..\\
sa gachchhanbrAhmaNai rAja.nstatra tatra mahAbhujaH . 
archyate madhuparkaishcha sumanobhirvasu pradaH .. 13..\\
ta.n kiranti mahAtmAna.n vanyaiH puShpaiH sugandhibhiH . 
striyaH pathi samAgamya sarvabhUtahite ratam .. 14..\\
sa shAlibhavana.n ramyaM sarvasasya samAchitam . 
sukhaM paramadharmiShThamatyagAdbharatarShabha .. 15..\\
pashyanbahu pashUngrAmAnramyAnhR^idayatoShaNAn . 
purANi cha vyatikrAmanrAShTrANi vividhAni cha .. 16..\\
nityahR^iShTAH sumanaso bhAratairabhirakShitAH . 
nodvignAH parachakrANAmanayAnAmakovidAH .. 17..\\
upaplavyAdathAyAnta.n janAH puranivAsinaH . 
pathyatiShThanta sahitA viShvaksena didR^ikShayA .. 18..\\
te tu sarve sunAmAnamagnimiddhamiva prabhum . 
archayAmAsurarchya.n taM deshAtithimupasthitam .. 19..\\
vR^ikasthala.n samAsAdya keshavaH paravIrahA . 
prakIrNarashmAvAditye vimale lohitAyati .. 20..\\
avatIrya rathAttUrNa.n kR^itvA shaucha.n yathAvidhi . 
rathamochanamAdishya sandhyAmupavivesha ha .. 21..\\
dAruko.api hayAnmuktvA paricharya cha shAstrataH . 
mumocha sarva.n varmANi muktvA chainAnavAsR^ijat .. 22..\\
abhyatItya tu tatsarvamuvAcha madhusUdanaH . 
yudhiShThirasya kAryArthamiha vatsyAmahe kShapAm .. 23..\\
tasya tanmatamAGYAya chakrurAvasathaM narAH . 
kShaNena chAnna pAnAni guNavanti samArjayan .. 24..\\
tasmingrAme pradhAnAstu ya AsanbrAhmaNA nR^ipa . 
AryAH kulInA hrImanto brAhmI.n vR^ittimanuShThitAH .. 25..\\
te.abhigamya mahAtmAna.n hR^iShIkeshamarindamam . 
pUjA.n chakruryathAnyAyamAshIrma~Ngalasa.nyutAm .. 26..\\
te pUjayitvA dAshArha.n sarvalokeShu pUjitam . 
nyavedayanta veshmAni ratnavanti mahAtmane .. 27..\\
tAnprabhuH kR^itamityuktvA satkR^itya cha yathArhataH . 
abhyetya teShA.n veshmAni punarAyAtsahaiva taiH .. 28..\\
sumR^iShTaM bhojayitvA cha brAhmaNA.nstatra keshavaH . 
bhuktvA cha saha taiH sarvairavasattA.n kShapA.n sukham .. 29..\\
\medskip\hrule\medskip\centerline{\Largedvng 83}
 v

tathA dUtaiH samAGYAya AyAntaM madhusUdanam . 
dhR^itarAShTro.abravIdbhIShmamarchayitvA mahAbhujam .. 1..\\
droNa.n cha sa~njayaM chaiva viduraM cha mahAmatim . 
duryodhana.n cha sAmAtya.n hR^iShTaromAbravIdidam .. 2..\\
adbhutaM mahadAshcharya.n shrUyate kurunandana . 
striyo bAlAshcha vR^iddhAshcha kathayanti gR^ihe gR^ihe .. 3..\\
satkR^ityAchakShate chAnye tathaivAnye samAgatAH . 
pR^ithagvAdAshcha vartante chatvareShu sabhAsu cha .. 4..\\
upayAsyati dAshArhaH pANDavArthe parAkramI . 
sa no mAnyashcha pUjyashcha sarvathA madhusUdanaH .. 5..\\
tasminhi yAtrA lokasya bhUtAnAmIshvaro hi saH . 
tasmindhR^itishcha vIrya.n cha praGYA chaujashcha mAdhave .. 6..\\
sa mAnyatAM narashreShThaH sa hi dharmaH sanAtanaH . 
pUjito hi sukhAya syAdasukhaH syAdapUjitaH .. 7..\\
sa chettuShyati dAshArha upachArairarindamaH . 
kR^itsnAnsarvAnabhiprAyAnprApsyAmaH sarvarAjasu .. 8..\\
tasya pUjArthamadyaiva sa.nvidhatsva parantapa . 
sabhAH pathi vidhIyantA.n sarvakAmasamAhitAH .. 9..\\
yathA prItirmahAbAho tvayi jAyeta tasya vai . 
tathA kuruShva gAndhAre katha.n vA bhIShma manyase .. 10..\\
tato bhIShmAdayaH sarve dhR^itarAShTra.n janAdhipam . 
UchuH paramamityevaM pUjayanto.asya tadvachaH .. 11..\\
teShAmanumata.n GYAtvA rAjA duryodhanastadA . 
sabhA vAstUni ramyANi pradeShTumupachakrame .. 12..\\
tato desheShu desheShu ramaNIyeShu bhAgashaH . 
sarvaratnasamAkIrNAH sabhAshchakruranekashaH .. 13..\\
AsanAni vichitrANi yuktAni vividhairguNaiH . 
striyo gandhAnala~NkArAnsUkShmANi vasanAni cha .. 14..\\
guNavantyannapAnAni bhojyAni vividhAni cha . 
mAlyAni cha sugandhIni tAni rAjA dadau tataH .. 15..\\
visheShatashcha vAsArtha.n sabhA.n grAme vR^ikasthale . 
vidadhe kauravo rAjA bahuratnAM manoramAm .. 16..\\
etadvidhAya vai sarva.n devArhamatimAnuSham . 
Achakhyau dhR^itarAShTrAya rAjA duryodhanastadA .. 17..\\
tAH sabhAH keshavaH sarvA ratnAni vividhAni cha . 
asamIkShyaiva dAshArha upAyAtkuru sadma tat .. 18..\\
\medskip\hrule\medskip\centerline{\Largedvng 84}
 dhr

upaplavyAdiha kShattarupayAto janArdanaH . 
vR^ikasthale nivasati sa cha prAtarihaiShati .. 1..\\
AhukAnAmadhipatiH purogaH sarvasAtvatAm . 
mahAmanA mahAvIryo mahAmAtro janArdanaH .. 2..\\
sphItasya vR^iShNivaMshasya bhartA goptA cha mAdhavaH . 
trayANAmapi lokAnAM bhagavAnprapitAmahaH .. 3..\\
vR^iShNyandhakAH sumanaso yasya praGYAmupAsate . 
AdityA vasavo rudrA yathAbuddhiM bR^ihaspateH .. 4..\\
tasmai pUjAM prayokShyAmi dAshArhAya mahAtmane . 
pratyakSha.n tava dharmaGYa tanme kathayataH shR^iNu .. 5..\\
ekavarNaiH sukR^iShNA~NgairbAhlijAtairhayottamaiH . 
chaturyuktAnrathA.nstasmai raukmAndAsyAmi ShoDasha .. 6..\\
nityaprabhinnAnmAta~NgAnIShA dantAnprahAriNaH . 
aShTAnucharamekaikamaShTau dAsyAmi keshave .. 7..\\
dAsInAmaprajAtAnA.n shubhAnAM rukmavarchasAm . 
shatamasmai pradAsyAmi dAsAnAmapi tAvataH .. 8..\\
AvikaM bhahu susparshaM pArvatIyairupAhR^itam . 
tadapyasmai pradAsyAmi sahasrANi dashAShTa cha .. 9..\\
ajinAnA.n sahasrANi chIna deshodbhavAni cha . 
tAnyapyasmai pradAsyAmi yAvadarhati keshavaH .. 10..\\
divArAtrau cha bhAtyeSha sutejA vimalo maNiH . 
tamapyasmai pradAsyAmi tamapyarhati keshavaH .. 11..\\
ekenApi patatyahnA yojanAni chaturdasha . 
yAnamashvatarI yukta.n dAsye tasmai tadapyaham .. 12..\\
yAvanti vAhanAnyasya yAvantaH puruShAsh cha te . 
tato.aShTa guNamapyasmai bhojya.n dAsyAmyaha.n sadA .. 13..\\
mama putrAshcha pautrAshcha sarve duryodhanAdR^ite . 
pratyudyAsyanti dAshArha.n rathairmR^iShTairala~NkR^itAH .. 14..\\
svala~NkR^itAshcha kalyANyaH pAdaireva sahasrashaH . 
vAra mukhyA mahAbhAgaM prayudyAsyanti keshavam .. 15..\\
nagarAdapi yAH kAshchidgamiShyanti janArdanam . 
draShTu.n kanyAshcha kalyANyastAshcha yAsyantyanAvR^itAH .. 16..\\
sastrI puruShabAla.n hi nagaraM madhusUdanam . 
udIkShate mahAtmAnaM bhAnumantamiva prajAH .. 17..\\
mahAdhvajapatAkAshcha kriyantA.n sarvatodisham . 
jalAvasikto virajAH panthAstasyeti chAnvashAt .. 18..\\
duHshAsanasya cha gR^iha.n duryodhana gR^ihAdvaram . 
tadasya kriyatA.n kShipra.n susaMmR^iShTamala~NkR^itam .. 19..\\
etaddhi ruchirAkAraiH prAsAdairupashobhitam . 
shiva.n cha ramaNIyaM cha sarvartusu mahAdhanam .. 20..\\
sarvamasmingR^ihe ratnaM mama duryodhanasya cha . 
yadyadarhetsa vArShNeyastattaddeyamasaMshayam .. 21..\\
\medskip\hrule\medskip\centerline{\Largedvng 85}
 vi

rAjanbahumatashchAsi trailokyasyApi sattamaH . 
sambhAvitashcha lokasya saMmatashchAsi bhArata .. 1..\\
yattvameva~Ngate brUyAH pashchime vayasi sthitaH . 
shAstrAdvA supratarkAdvA susthiraH sthaviro hyasi .. 2..\\
lokhAshmanIva bhAH sUrye mahormiriva sAgare . 
dharmastvayi mahAnrAjanniti vyavasitAH prajAH .. 3..\\
sadaiva bhAvito loko guNaughaistava pArthiva . 
guNAnA.n rakShaNe nityaM prayatasva sabAndhavaH .. 4..\\
ArjavaM pratipadyasva mA bAlyAdbahudhA nashIH . 
rAjyaM putrAMshcha pautrAMshcha suhR^idashchApi supriyAn .. 5..\\
yattva.n ditsasi kR^iShNAya rAjannatithaye bahu . 
etadanyachcha dAshArhaH pR^ithivImapi chArhati .. 6..\\
na tu tva.n dharmamuddhishya tasya vA priyakAraNAt . 
etadichchhasi kR^iShNAya satyenAtmAnamAlabhe .. 7..\\
mAyaiShAtattvamevaitachchhadmaitadbhUridakShiNa . 
jAnAmi te mata.n rAjangUDhaM bAhyena karmaNA .. 8..\\
pa~ncha pa~nchaiva lipsanti grAmakAnpAnavA nR^ipa . 
na cha ditsasi tebhyastA.nstachchhama.n kaH kariShyati .. 9..\\
arthena tu mahAbAhu.n vArShNeya.n tvaM jihIrShasi . 
anenaivAbhyupAyena pANDavebhyo bibhitsasi .. 10..\\
na cha vittena shakyo.asau nodyamena na garhayA . 
anyo dhana~njayAtkartumetattattvaM bravImi te .. 11..\\
veda kR^iShNasya mAhAtmya.n vedAsya dR^iDhabhaktitAm . 
atyAjyamasya jAnAmi prANaistulya.n dhana~njayam .. 12..\\
anyatkumbhAdapAM purNAdanyatpAdAvasechanAt . 
anyatkushalasamprashnAnnaiShiShyati janArdanaH .. 13..\\
yattvasya priyamAtithyaM mAnArhasya mahAtmanaH . 
tadasmai kriyatA.n rAjanmAnArho hi janArdanaH .. 14..\\
Asha.nsamAnaH kalyANa.n kurUnabhyeti keshavaH . 
yenaiva rAjannarthena tadevAsmA upAkuru .. 15..\\
shamamichchhati dAshArhastava duryodhanasya cha . 
pANDavAnA.n cha rAjendra tadasya vachanaM kuru .. 16..\\
pitAsi rAjanputrAste vR^iddhastva.n shishavaH pare . 
vartasva pitR^ivatteShu vartante te hi putravat .. 17..\\
\medskip\hrule\medskip\centerline{\Largedvng 86}
 dur

yadAha virudaH kR^iShNe sarva.n tatsatyamuchyate . 
anurakto hyasa.nhAryaH pArthAnprati janArdanaH .. 1..\\
yattu satkArasa.nyukta.n deya.n vasu janArdane . 
anekarUpa.n rAjendra na taddeya.n kadA chana .. 2..\\
deshaH kAlastathAyukto na hi nArhati keshavaH . 
ma.nsyatyadhokShajo rAjanbhayAdarchati mAm iti .. 3..\\
avamAnashcha yatra syAtkShatriyasya vishAM pate . 
na tatkuryAdbudhaH kAryamiti me nishchitA matiH .. 4..\\
sa hi pUjyatamo devaH kR^iShNaH kamalalochanaH . 
trayANAmapi lokAnA.n viditaM mama sarvathA .. 5..\\
na tu tasminpradeya.n syAttathA kAryagatiH prabho . 
vigrahaH samupArabdho na hi shAmyatyavigrahAt .. 6..\\

 v

tasya tadvachana.n shrutvA bhIShmaH kurupitAmahaH . 
vaichitravIrya.n rAjAnamidaM vachanamabravIt .. 7..\\
satkR^ito.asatkR^ito vApi na krudhyeta janArdanaH . 
nAlamanyamavaGYAtumavaGYAto.api keshavaH .. 8..\\
yattu kAryaM mahAbAho manasA kAryatA.n gatam . 
sarvopAyairna tachchhakya.n kena chitkartumanyathA .. 9..\\
sa yadbrUyAnmahAbAhustatkAryamavisha~NkayA . 
vAsudevena tIrthena kShipra.n saMshAmya pANDavaiH .. 10..\\
dharmyamarthya.n sa dharmAtmA dhruvaM vaktA janArdanaH . 
tasminvAchyAH priyA vAcho bhavatA bAndhavaiH saha .. 11..\\

 dur

na paryAyo.asti yadrAja~nshriyaM niShkevalAm aham . 
taiH sahemAmupAshnIyA.n jIva~njIvaiH pitAmaha .. 12..\\
ida.n tu sumahatkArya.n shR^iNu me yatsamarthitam . 
parAyaNaM pANDavAnAM niya.nsyAmi janArdanam .. 13..\\
tasminbaddhe bhaviShyanti vR^iShNayaH pR^ithivI tathA . 
pANDavAshcha vidheyA me sa cha prAtarihaiShyati .. 14..\\
atropAya.n yathA samya~Nna budhyeta janArdanaH . 
na chApAyo bhavetkashchittadbhavAnprabravItu me .. 15..\\

 v

tasya tadvachana.n shrutvA ghora.n kR^iShNAbhisa.nhitam . 
dhR^itarAShTraH sahAmAtyo vyathito vimanAbhavat .. 16..\\
tato duryodhanamida.n dhR^itarAShTro.abravIdvachaH . 
maiva.n vochaH prajA pAla naiSha dharmaH sanAtanaH .. 17..\\
dUtashcha hi hR^iShIkeshaH sambandhI cha priyashcha naH . 
apApaH kauraveyeShu kathaM bandhanamarhati .. 18..\\

 bhiisma

parIto dhR^itarAShTrAya.n tava putraH sumandadhIH . 
vR^iNotyanarthaM natvartha.n yAchyamAnaH suhR^idgaNaiH .. 19..\\
imamutpathi vartantaM pApaM pApAnubandhinam . 
vAkyAni suhR^idA.n hitvA tvamapyasyAnuvartase .. 20..\\
kR^iShNamakliShTakarmANamAsAdyAya.n sudurmatiH . 
tava putraH sahAmAtyaH kShaNena na bhaviShyati .. 21..\\
pApasyAsya nR^isha.nsasya tyaktaharmasya durmateH . 
notsahe.anarthasa.nyuktA.n vAchaM shrotu.n kathaM chana .. 22..\\

 v

ityuktvA bharatashreShTho vR^iddhaH paramamanyumAn . 
utthAya tasmAtprAtiShThadbhIShmaH satyaparAkramaH .. 23..\\
\medskip\hrule\medskip\centerline{\Largedvng 87}
 v

prAtarutthAya kR^iShNastu kR^itavAnsarvamAhnikam . 
brAhmaNairabhyanuGYAtaH prayayau nagaraM prati .. 1..\\
taM prayAntaM mahAbAhumanuGYApya tato nR^ipa . 
paryavartanta te sarve vR^ikasthalanivAsinaH .. 2..\\
dhArtarAShTrAstamAyAntaM pratyujjagmuH svala~NkR^itAH . 
duryodhanamR^ite sarve bhIShmadroNakR^ipAdayaH .. 3..\\
paurAshcha bahulA rAjanhR^iShIkesha.n didR^ikShavaH . 
yAnairbahuvidhairanye padbhireva tathApare .. 4..\\
sa vai pathi samAgamya bhIShmeNAkliShTa karmaNA . 
droNena dhArtarAShTraishcha tairvR^ito nagara.n yayau .. 5..\\
kR^iShNa saMmAnanArtha.n cha nagara.n samala~NkR^itam . 
babhUvU rAjamArgAshcha bahuratnasamAchitAH .. 6..\\
na sma kashchidgR^ihe rAja.nstadAsIdbharatarShabha . 
na strI na vR^iddho na shishurvAsudeva didR^ikShayA .. 7..\\
rAjamArge narA na sma sambhavantyavani.n gatAH . 
tathA hi sumahadrAjanhR^iShIkesha praveshane .. 8..\\
AvR^itAni varastrIbhirgR^ihANi sumahAntyapi . 
prachalantIva bhAreNa dR^ishyante sma mahItale .. 9..\\
tathA cha gatimantaste vAsudevasya vAjinaH . 
pranaShTagatayo.abhUvanrAjamArge narairvR^ite .. 10..\\
sa gR^iha.n dhR^itarAShTrasya prAvishachchhatrukarshanaH . 
pANDuraM puNDarIkAkShaH prAsAdairupashobhitam .. 11..\\
tisraH kakShyA vyatikramya keshavo rAjaveshmanaH . 
vaichitra vIrya.n rAjAnamabhyagachchhadarindamaH .. 12..\\
ahyAgachchhati dAshArhe praGYA chakShurnareshvaraH . 
sahaiva droNa bhIShmAbhyAmudatiShThanmahAyashAH .. 13..\\
kR^ipashcha somadattashcha mahArAjashcha bAhlikaH . 
Asanebhyo.achalansarve pUjayanto janArdanam .. 14..\\
tato rAjAnamAsAdya dhR^itarAShTra.n yashasvinam . 
sa bhIShmaM pUjayAmAsa vArShNeyo vAgbhira~njasA .. 15..\\
teShu dharmAnupUrvI.n tAM prayujya madhusUdanaH . 
yathA vayaH samIyAya rAjabhistatra mAdhavaH .. 16..\\
atha droNa.n saputraM sa bAhlIka.n cha yashasvinam . 
kR^ipa.n cha somadattaM cha samIyAya janArdanaH .. 17..\\
tatrAsIdUrjitaM mR^iShTa.n kA~nchanaM mahadAsanam . 
shAsanAddhR^itarAShTrasya tatropAvishadachyutaH .. 18..\\
atha gAM madhuparka.n chApyudakaM cha janArdane . 
upajahruryathAnyAya.n dhR^itarAShTra purohitAH .. 19..\\
kR^itAtithyastu govindaH sarvAnparihasankurUn . 
Aste sambandhaka.n kurvankurubhiH parivAritaH .. 20..\\
so.archito dhR^itarAShTreNa pUjitashcha mahAyashAH . 
rAjAna.n samanuGYApya nirAkrAmadarindamaH .. 21..\\
taiH sametya yathAnyAya.n kurubhiH kurusa.nsadi . 
vidurAvasatha.n ramyamupAtiShThata mAdhavaH .. 22..\\
viduraH sarvakalyANairabhigamya janArdanam . 
archayAmAsa dAshArha.n sarvakAmairupasthitam .. 23..\\
kR^itAtithya.n tu govinda.n viduraH sarvadharmavit . 
kushalaM pANDuputrANAmapR^ichchhanmadhusUdanam .. 24..\\
prIyamANasya suhR^ido viduSho buddhisattamaH . 
dharmanityasya cha tadA gatadoShasya dhImataH .. 25..\\
tasya sarva.n savistAraM pANDavAnAM vicheShTitam . 
kShatturAchaShTa dAshArhaH sarvapratyakShadarshivAn .. 26..\\
\medskip\hrule\medskip\centerline{\Largedvng 88}
 v

athopagamya viduramapahAhNe janArdanaH . 
pitR^iShvasAra.n govindaH so.abhyagachchhadarindamaH .. 1..\\
sA dR^iShTvA kR^iShNamAyAntaM prasannAditya varchasam . 
kaNThe gR^ihItvA prAkroshatpR^ithA pArthAnanusmaran .. 2..\\
teShA.n sattvavatAM madhye govindaM sahachAriNam . 
chirasya dR^iShTvA vArShNeyaM bAShpamAhArayatpR^ithA .. 3..\\
sAbravItkR^iShNamAsIna.n kR^itAtithya.n yudhAM patim . 
bAShpagadgada pUrNena mukhena parishuShyatA .. 4..\\
ye te bAlyAtprabhR^ityeva gurushushrUShaNe ratAH . 
parasparasya suhR^idaH saMmatAH samachetasaH .. 5..\\
nikR^ityA bhraMshitA rAjyAjjanArhA nirjana.n gatAH . 
vinItakrodhaharshAshcha brahmaNyAH satyavAdinaH .. 6..\\
tyaktvA priya sukhe pArthA rudantImapahAya mAm . 
ahArShushcha vana.n yAntaH samUlaM hR^idayaM mama .. 7..\\
atadarhA mahAtmAnaH katha.n keshava pANDavAH . 
UShurmahAvane tAta si.nhavyAghra gajAkule .. 8..\\
bAlA vihInAH pitrA te mayA satatalAlitAH . 
apashyantaH svapitarau kathamUShurmahAvane .. 9..\\
sha~NkhadundubhinirghoShairmR^ida~NgairvaiNavairapi . 
pANDavAH samabodhyanta bAlyAtprabhR^iti keshava .. 10..\\
ye sma vAraNashabdena hayAnA.n heShitena cha . 
rathanemi ninAdaishcha vyabodhyanta sadA gR^ihe .. 11..\\
sha~NkhabherI ninAdena veNuvINAnunAdinA . 
puNyAhaghoShamishreNa pUjyamAnA dvijAtibhiH .. 12..\\
vastrai ratnairala~NkAraiH pUjayanto dvijanmanaH . 
gIrbhirma~NgalayuktAbhirbAhmaNAnAM mahAtmanAm .. 13..\\
architairarchanArhairshcha stubvadbhirabhinanditAH . 
prAsAdAgreShvabodhyanta rA~Nka vAjina shAyinaH .. 14..\\
te nUnaM ninada.n shrutvA shvApadAnAM mahAvane . 
na smopayAnti nidrA.n vai atadarhA janArdana .. 15..\\
bherImR^ida~NganinanaiH sha~NkhavaiNava nisvanaiH . 
strINA.n gItaninAdaishcha madhurairmadhusUdana .. 16..\\
bandi mAgadha sUtaishcha stuvadbhirbodhitAH katham . 
mahAvane vyabodhyanta shvApadAnA.n rutena te .. 17..\\
hrImAnsatyadhR^itirdAnto bhUtAnAmanukampitA . 
kAmadveShau vashe kR^itvA satA.n vartmAnuvartate .. 18..\\
ambarIShasya mAndhAturyayAternahuShasya cha . 
bharatasya dilIpasya shiberaushInarasya cha .. 19..\\
rAjarShINAM purANAnA.n dhuraM dhatte durudvahAm . 
shIlavR^ittopasampanno dharmaGYaH satyasa~NgaraH .. 20..\\
rAjA sarvaguNopetastrailokyasyApi yo bhavet . 
ajAtashatrurdharmAtmA shuddhajAmbUnadaprabhaH .. 21..\\
shreShThaH kuruShu sarveShu dharmataH shrutavR^ittataH . 
priyadarshano dIrghabhujaH katha.n kR^iShNa yudhiShThiraH .. 22..\\
yaH sa nAgAyuta prANo vAtara.nhA vR^ikodaraH . 
amarShI pANDavo nityaM priyo bhrAtuH priya.n karaH .. 23..\\
kIchakasya cha saGYAteryo hantA madhusUdana . 
shUraH krodhavashAnA.n cha hiDimbasya bakasya cha .. 24..\\
parAkrame shakrasamo vAyuvegasamo jave . 
maheshvara samaH krodhe bhImaH praharatA.n varaH .. 25..\\
krodhaM balamamarSha.n cha yo nidhAya parantapaH . 
jitAtmA pANDavo.amarShI bhrAtustiShThati shAsane .. 26..\\
tejorAshiM mahAtmAnaM balaughamamitaujasam . 
bhImaM pradarshanenApi bhImasena.n janArdana . 
taM mamAchakShva vArShNeya kathamadya vR^ikodaraH .. 27..\\
Aste parighabAhuH sa madhyamaH pANDavo.achyuta . 
arjunenArjuno yaH sa kR^iShNa bAhusahasriNA . 
dvibAhuH spardhate nityamatItenApi keshava .. 28..\\
kShipatyekena vegena pa~nchabANashatAni yaH . 
iShvastre sadR^ishe rAGYaH kArtavIryasya pANDavaH .. 29..\\
tejasAdityasadR^isho maharShipratimo dame . 
kShamayA pR^ithivI tulyaM mahendrasamavikramaH .. 30..\\
AdhirAjyaM mahaddIptaM prathitaM madhusUdana . 
AhR^ita.n yena vIryeNa kurUNAM sarvarAjasu .. 31..\\
yasya bAhubala.n ghoraM kauravAH paryupAsate . 
sa sarvarathinA.n shreShTha pANDavaH satyavikramaH .. 32..\\
yo.apAshrayaH pANDavAnA.n devAnAmiva vAsavaH . 
sa te bhrAtA sakhA chaiva kathamadya dhana~njayaH .. 33..\\
dayAvAnsarvabhUteShu hrIniShedho mahAstravit . 
mR^idushcha sukumArashcha dhArmikashcha priyash cha me .. 34..\\
sahadevo maheShvAsaH shUraH samitishobhanaH . 
bhrAtR^INA.n kR^iShNa shushrUShurdharmArthakushalo yuvA .. 35..\\
sadaiva sahadevasya bhrAtaro madhusUdana . 
vR^itta.n kalyANa vR^ittasya pUjayanti mahAtmanaH .. 36..\\
jyeShThApachAyina.n vIraM sahadevaM yudhAM patim . 
shushrUShuM mama vArShNeya mAdrIputraM prachakShva me .. 37..\\
sukumAro yuvA shUro darshanIyashcha pANDavaH . 
bhrAtR^INA.n kR^iShNa sarveShAM priyaH prANo bahishcharaH .. 38..\\
chitrayodhI cha nakulo maheShvAso mahAbalaH . 
kachchitsa kushalI kR^iShNa vatso mama sukhaidhitaH .. 39..\\
sukhochitamaduHkhArha.n sukumAraM mahAratham . 
api jAtu mahAbAho pashyeyaM nakulaM punaH .. 40..\\
pakShma sampAtaje kAle nakulena vinAkR^itA . 
na labhAmi sukha.n vIra sAdya jIvAmi pashya mAm .. 41..\\
sarvaiH putraiH priyatamA draupadI me janArdana . 
kulInA shIlasampannA sarvaiH samuditA guNaiH .. 42..\\
putra lokAtpatilokAnvR^iNvAnA satyavAdinI . 
priyAnputrAnparityajya pANDavAnanvapadyata .. 43..\\
mahAbhijana sampannA sarvakAmaiH supUjitA . 
IshvarI sarvakalyANI draupadI kathamachyuta .. 44..\\
patibhiH pa~nchabhiH shUrairagnikalpaiH prahAribhiH . 
upapannA maharShvAsairdraupadI duHkhabhAginI .. 45..\\
chaturdashamima.n varShaM yannApashyamarindama . 
putrAdhibhiH paridyUnA.n draupadI.n satyavAdinIm .. 46..\\
na nUna.n karmabhiH puNyairashnute puruShaH sukham . 
draupadI chettathA vR^ittA nAshnute sukhamavyayam .. 47..\\
na priyo mama kR^iShNAya bIbhatsurna yudhiShThiraH . 
bhImaseno yamau vApi yadapashya.n sabhA gatAm .. 48..\\
na me duHkhatara.n kiM chidbhUtapUrvaM tato.adhikam . 
yaddraupadIM nivAtasthA.n shvashurANAM samIpagAm .. 49..\\
AnAyitAmanAryeNa krodhalobhAnuvartinA . 
sarve praikShanta kurava ekavastrA.n sabhA gatAm .. 50..\\
tatraiva dhR^itarAShTrashcha mahArAjashcha bAhlikaH . 
kR^ipashcha somadattashcha nirviNNAH kuravastathA .. 51..\\
tasyA.n sa.nsadi sarvasyA.n kShattAraM pUjayAmyaham . 
vR^ittena hi bhavatyAryo na dhanena na vidyayA .. 52..\\
tasya kR^iShNa mahAbuddhergambhIrasya mahAmanaH . 
kShattuH shIlamala~NkAro lokAnviShTabhya tiShThati .. 53..\\
sA shokArtA cha hR^iShTA cha dR^iShTvA govindamAgatam . 
nAnAvidhAni duHkhAni sarvANyevAnvakIrtayat .. 54..\\
pUrvairAcharita.n yattatkurAjabhirarindama . 
akShadyUtaM mR^igavadhaH kachchideShA.n sukhAvaham .. 55..\\
tanmA.n dahati yatkR^iShNA sabhAyAM kuru saMnidhau . 
dhArtarAShTraiH parikliShTA yathA na kushala.n tathA .. 56..\\
nirvAsana.n cha nagarAtpravrajyA cha parantapa . 
nAnAvidhAnA.n duHkhAnAmAvAso.asmi janArdana . 
aGYAtacharyA bAlAnAmavarodhashcha keshava .. 57..\\
na sma kleshatamaM me syAtputraiH saha parantapa . 
duryodhanena nikR^itA varShamadya chaturdasham .. 58..\\
duHkhAdapi sukhaM na syAdyadi puNyaphalakShayaH . 
na me visheSho jAtvAsIddhArtarAShTreShu pANDavaiH .. 59..\\
tena satyena kR^iShNa tvA.n hatAmitraM shriyA vR^itam . 
asmAdvimukta.n sa~NgrAmAtpashyeyaM pANDavaiH saha . 
naiva shakyAH parAjetu.n sattvaM hyeShA.n tathAgatam .. 60..\\
pitara.n tveva garheyaM nAtmAnaM na suyodhanam . 
yenAha.n kuntibhojAya dhanaM dhUrtairivArpitA .. 61..\\
bAlAM mAmAryakastubhya.n krIDantIM kandu hastakAm . 
adadAtkuntibhojAya sakhA sakhye mahAtmane .. 62..\\
sAhaM pitrA cha nikR^itA shvashuraishcha parantapa . 
atyantaduHkhitA kR^iShNa ki.n jIvitaphalaM mama .. 63..\\
yanmA vAgabravInnakta.n sUtake savyasAchinaH . 
putraste pR^ithivI.n jetA yashashchAsya diva.n spR^ishet .. 64..\\
hatvA kurUngrAmajanye rAjyaM prApya dhana~njayaH . 
bhrAtR^ibhiH saha kaunteyastrInmedhAnAhariShyati .. 65..\\
nAha.n tAmabhyasUyAmi namo dharmAya vedhase . 
kR^iShNAya mahate nitya.n dharmo dhArayati prajAH .. 66..\\
dharmashchedasti vArShNeya tathA satyaM bhaviShyati . 
tva.n chApi tattathA kR^iShNa sarva.n sampAdayiShyasi .. 67..\\
na mAM mAdhava vaidhavyaM nArthanAsho na vairitA . 
tathA shokAya bhavati yathA putrairvinAbhavaH .. 68..\\
yAha.n gANDIvadhanvAna.n sarvashastrabhR^itAM varam . 
dhana~njayaM na pashyAmi kA shAntirhR^idayasya me .. 69..\\
ida.n chaturdasha.n varShaM yannApashyaM yudhiShThiram . 
dhana~njaya.n cha govinda yamau taM cha vR^ikodaram .. 70..\\
jIvanAshaM pranaShTAnA.n shrAddha.n kurvanti mAnavAH . 
arthataste mama mR^itAsteShA.n chAhaM janArdana .. 71..\\
brUyA mAdhava rAjAna.n dharmAtmAna.n yudhiShThiram . 
bhUyA.nste hIyate dharmo mA putraka vR^ithA kR^ithAH .. 72..\\
parAshrayA vAsudeva yA jIvAmi dhigastu mAm . 
vR^itteH kR^ipaNa labdhAyA apratiShThaiva jyAyasI .. 73..\\
atho dhana~njayaM brUyA nityodyukta.n vR^ikodaram . 
yadartha.n kShatriyA sUte tasya vo.atikramiShyati .. 74..\\
asmiMshchedAgate kAle kAlo vo.atikramiShyati . 
lokasambhAvitAH santaH sunR^isha.nsa.n kariShyatha .. 75..\\
nR^isha.nsena cha vo yuktA.nstyajeya.n shAshvatIH samAH . 
kAle hi samanuprApte tyaktavyamapi jIvitam .. 76..\\
mAdrIputrau cha vaktavyau kShatradharmaratau sadA . 
vikrameNArjitAnbhogAnvR^iNIta.n jIvitAdapi .. 77..\\
vikramAdhigatA hyarthAH kShatradharmeNa jIvataH . 
mano manuShyasya sadA prINanti puruShottama .. 78..\\
gatvA brUhi mahAbAho sarvashastrabhR^itA.n varam . 
arjunaM pANDava.n vIra.n draupadyAH padavIM chara .. 79..\\
viditau hi tavAtyanta.n kruddhAviva yathAntakau . 
bhImArjunau nayetA.n hi devAnapi parA.n gatim .. 80..\\
tayoshchaitadavaGYAna.n yatsA kR^iShNA sabhA.n gatA . 
duHshAsanashcha karNashcha paruShANyabhyabhAShatAm .. 81..\\
duryodhano bhImasenamabhyagachchhanmanasvinam . 
pashyatA.n kurumukhyAnAM tasya drakShyati yatphalam .. 82..\\
na hi vaira.n samAsAdya prashAmyati vR^ikodaraH . 
suchirAdapi bhImasya na hi vairaM prashAmyati . 
yAvadantaM na nayati shAtravA~nshatrukarshanaH .. 83..\\
na duHkha.n rAjyaharaNaM na cha dyUte parAjayaH . 
pravrAjana.n cha putrANAM na me tadduHkhakAraNam .. 84..\\
yattu sA bR^ihatI shyAmA ekavastrA sabhA.n gatA . 
ashR^iNotparuShA vAchastato duHkhataraM nu kim .. 85..\\
strI dharmiNI varArohA kShatradharmaratA sadA . 
nAdhyagachchhattathA nAtha.n kR^iShNA nAthavatI satI .. 86..\\
yasyA mama saputrAyAstvaM nAtho madhusUdana . 
rAmashcha balinA.n shreShThaH pradyumnashcha mahArathaH .. 87..\\
sAhameva.nvidha.n duHkha.n sahe.adya puruShottama . 
bhIme jIvati durdharShe vijaye chApalAyini .. 88..\\
tata AshvAsayAmAsa putrAdhibhirabhiplutAm . 
pitR^iShvasAra.n shochantIM shauriH pArtha sakhaH pR^ithAm .. 89..\\
kA nu sImantinI tvAdR^iglokeShvasti pitR^iShvasaH . 
shUrasya rAGYo duhitA AjamIDha kula.n gatA .. 90..\\
mahAkulInA bhavatI drahAddhradamivAgatA . 
IshvarI sarvakalyANI bhartA paramapUjitA .. 91..\\
vIrasUrvIra patnI cha sarvaiH samuditA guNaiH . 
sukhaduHkhe mahAprAGYe tvAdR^ishI soDhumarhati .. 92..\\
nidrA tandrI krodhaharShau kShutpipAse himAtapau . 
etAni pArthA nirjitya nitya.n vIrAH sukhe ratAH .. 93..\\
tyaktagrAmya sukhAH pArthA nitya.n vIra sukhapriyAH . 
na te svalpena tuShyeyurmahotsAhA mahAbalAH .. 94..\\
anta.n dhIrA niShevante madhyaM grAmyasukhapriyAH . 
uttamAMshcha parikleshAnbhogAMshchAtIva mAnuShAn .. 95..\\
anteShu remire dhIrA na te madhyeShu remire . 
antaprApti.n sukhAmAhurduHkhamantaramantayoH .. 96..\\
abhivAdayanti bhavatIM pANDavAH saha kR^iShNayA . 
AtmAna.n cha kushalinaM nivedyAhuranAmayam .. 97..\\
arogAnsarvasiddhArthAnkShipra.n drakShyasi pANDavAn . 
IshvarAnsarvalokasya hatAmitrA~nshriyA vR^itAn .. 98..\\
evamAshvAsitA kuntI pratyuvAcha janArdanam . 
putrAdhibhirabhidhvastA nigR^ihyAbuddhija.n tamaH .. 99..\\
yadyatteShAM mahAbAho pathya.n syAnmadhusUdana . 
yathA yathA tvaM manyethAH kuryAH kR^iShNa tathA tathA .. 100..\\
avilopena dharmasya anikR^ityA parantapa . 
prabhAvaGYAsmi te kR^iShNa satyasyAbhijanasya cha .. 101..\\
vyavasthAyA.n cha mitreShu buddhivikramayostathA . 
tvameva naH kule dharmastva.n satya.n tvaM tapo mahat .. 102..\\
tva.n trAtA tvaM mahadbrahma tvayi sarvaM pratiShThitam . 
yathaivAttha tathaivaitattvayi satyaM bhaviShyati .. 103..\\
tAmAmantrya cha govindaH kR^itvA chAbhipradakShiNam . 
prAtiShThata mahAbAhurduryodhana gR^ihAnprati .. 104..\\
\medskip\hrule\medskip\centerline{\Largedvng 89}
 v

pR^ithAmAmantrya govindaH kR^itvA chApi pradakShiNam . 
duryodhana gR^iha.n shaurirabhyagachchhadarindamaH .. 1..\\
lakShmyA paramayA yuktaM purandara gR^ihopamam . 
tasya kakShyA vyatikramya tisro dvAHsthairavAritaH .. 2..\\
tato.abhraghanasa~NkAsha.n girikUTamivochchhritam . 
shriyA jvalantaM prAsAdamAruroha mahAyashAH .. 3..\\
tatra rAjasahasraishcha kurubhishchAbhisa.nvR^itam . 
dhArtarAShTraM mahAbAhu.n dadarshAsInamAsane .. 4..\\
duHshAsana.n cha karNaM cha shakuniM chApi saubalam . 
duryodhana samIpe tAnAsanasthAndadarsha saH .. 5..\\
abhyAgachchhati dAshArhe dhArtarAShTro mahAyashAH . 
udatiShThatsahAmAtyaH pUjayanmadhusUdanam .. 6..\\
sametya dhArtarAShTreNa sahAmAtyena keshavaH . 
rAjabhistatra vArShNeyaH samAgachchhadyathA vayaH .. 7..\\
tatra jAmbUnadamayaM parya~Nka.n supariShkR^itam . 
vividhAstaraNAstIrNamabhyupAvishadachyutaH .. 8..\\
tasmingAM madhuparka.n cha upahR^itya janArdane . 
nivedayAmAsa tadA gR^ihAnrAjya.n cha kauravaH .. 9..\\
tatra govindamAsInaM prasannAditya varchasam . 
upAsA.n chakrire sarve kuravo rAjabhiH saha .. 10..\\
tato duryodhano rAjA vArShNeya.n jayatA.n varam . 
nyamantrayadbhojanena nAbhyanandachcha keshavaH .. 11..\\
tato duryodhanaH kR^iShNamabravIdrAjasa.nsadi . 
mR^idupUrva.n shaThodarka.n karNamAbhAShya kauravaH .. 12..\\
kasmAdannAni pAnAni vAsA.nsi shayanAni cha . 
tvadarthamupanItAni nAgrahIstva.n janArdana .. 13..\\
ubhayoshchAdadaH sAhyamubhayoshcha hate rataH . 
sambandhI dayitashchAsi dhR^itarAShTrasya mAdhava .. 14..\\
tva.n hi govinda dharmArthau vettha tattvena sarvashaH . 
tatra kAraNamichchhAmi shrotu.n chakragadAdhara .. 15..\\
sa evamukto govindaH pratyuvAcha mahAmanAH . 
oghameghasvanaH kAle pragR^ihya vipulaM bhujam .. 16..\\
anambU kR^itamagrastamanirastamasa~Nkulam . 
rAjIvanetro rAjAna.n hetumadvAkyamuttamam .. 17..\\
kR^itArthA bhu~njate dUtAH pUjA.n gR^ihNanti chaiva hi . 
kR^itArthaM mA.n sahAmAtyastvamarchiShyasi bhArata .. 18..\\
evamuktaH pratyuvAcha dhArtarAShTro janArdanam . 
na yuktaM bhavatAsmAsu pratipattumasAmpratam .. 19..\\
kR^itArtha.n chAkR^itArthaM cha tvA.n vayaM madhusUdana . 
yatAmahe pUjayitu.n govinda na cha shaknumaH .. 20..\\
na cha tatkAraNa.n vidmo yasminno madhusUdana . 
pUjA.n kR^itAM prIyamANairnAma.nsthAH puruShottama .. 21..\\
vairaM no nAsti bhavatA govinda na cha vigrahaH . 
sa bhavAnprasamIkShyaitannedR^isha.n vaktumarhati .. 22..\\
evamuktaH pratyuvAcha dhArtarAShTra.n janArdanaH . 
abhivIkShya sahAmAtya.n dAshArhaH prahasanniva .. 23..\\
nAha.n kAmAnna sa.nrambhAnna dveShAnnArthakAraNAt . 
na hetuvAdAllobhAdvA dharma.n jahyAM kathaM chana .. 24..\\
samprIti bhojyAnyannAni ApadbhojyAni vA punaH . 
na cha samprIyase rAjanna chApyApadgatA vayam .. 25..\\
akasmAddviShase rAja~njanmaprabhR^iti pANDavAn . 
priyAnuvartino bhrAtR^InsarvaiH samuditAnguNaiH .. 26..\\
akasmAchchaiva pArthAnA.n dveShaNaM nopapadyate . 
dharme sthitAH pANDaveyAH kastAnki.n vaktumarhati .. 27..\\
yastAndveShTi sa mA.n dveShTi yastAnanu sa mAm anu . 
aikAtmyaM mA.n gata.n viddhi pANDavairdharmachAribhiH .. 28..\\
kAmakrodhAnuvartI hi yo mohAdvirurutsate . 
guNavanta.n cha yo dveShTi tamAhuH puruShAdhamam .. 29..\\
yaH kalyANa guNA~nGYAtInmohAllobhAddidR^ikShate . 
so.ajitAtmAjita krodho nachira.n tiShThati shriyam .. 30..\\
atha yo guNasampannAnhR^idayasyApriyAnapi . 
priyeNa kurute vashyAMshchira.n yashasi tiShThati .. 31..\\
sarvametadabhoktavyamanna.n duShTAbhisa.nhitam . 
kShatturekasya bhoktavyamiti me dhIyate matiH .. 32..\\
evamuktvA mahAbAhurduryodhanamamarShaNam . 
nishchakrAma tataH shubhrAddhArtarAShTra niveshanAt .. 33..\\
niryAya cha mahAbAhurvAsudevo mahAmanAH . 
niveshAya yayau veshma virudasya mahAtmanaH .. 34..\\
tamabhyagachchhaddroNashcha kR^ipo bhIShmo.atha bAhlikaH . 
kuravashcha mahAbAhu.n virudasya gR^ihe sthitam .. 35..\\
te.abhigamyAbruva.nstatra kuravo madhusUdanam . 
nivedayAmo vArShNeya saratnA.nste gR^ihAnvayam .. 36..\\
tAnuvAcha mahAtejAH kauravAnmadhusUdanaH . 
sarve bhavanto gachchhantu sarvA me.apachitiH kR^itA .. 37..\\
yAteShu kuruShu kShattA dAshArhamaparAjitam . 
abhyarchayAmAsa tadA sarvakAmaiH prayatnavAn .. 38..\\
tataH kShattAnna pAnAni shuchIni guNavanti cha . 
upAharadanekAni keshavAya mahAtmane .. 39..\\
tairtarpayitvA prathamaM brAhmaNAnmadhusUdanaH . 
vedavidbhyo dadau kR^iShNaH paramadraviNAnyapi .. 40..\\
tato.anuyAyibhiH sArdhaM marudbhiriva vAsavaH . 
vidurAnnAni bubhuje shuchIni guNavanti cha .. 41..\\
\medskip\hrule\medskip\centerline{\Largedvng 90}
 v

taM bhuktavantamAshvastaM nishAyA.n viduro.abravIt . 
neda.n samyagvyavasita.n keshavAgamanaM tava .. 1..\\
ardhadharmAtigo mUDhaH sa.nrambhI cha janArdana . 
mAnaghno mAnakAmashcha vR^iddhAnA.n shAsanAtigaH .. 2..\\
dharmashAstrAtigo mando durAtmA pragraha.n gataH . 
aneyaH shreyasAM pApo dhArtarAShTro janArdana .. 3..\\
kAmAtmA prAGYamAnI cha mitradhruksarvasha~NkitaH . 
akartA chAkR^itaGYashcha tyaktadharmaH priyAnR^itaH .. 4..\\
etaishchAnyaishcha bahubhirdoShaireSha samanvitaH . 
tvayochyamAnaH shreyo.api sa.nrambhAnna grahIShyati .. 5..\\
senA samudaya.n dR^iShTvA pArthivaM madhusUdana . 
kR^itArthaM manyate bAla AtmAnamavichakShaNaH .. 6..\\
ekaH karNaH parA~njetu.n samartha iti nishchitam . 
dhArtarAShTrasya durbuddheH sa shamaM nopayAsyati .. 7..\\
bhIShme droNe kR^ipe karNe droNaputre jayadrathe . 
bhUyasI.n vartate vR^ittiM na shame kurute manaH .. 8..\\
nishchita.n dhArtarAShTrANA.n sakarNAnAM janArdana . 
bhIShmadroNakR^ipAnpArthA na shaktAH prativIkShitum .. 9..\\
sa.nvichcha dhArtarAShTrANA.n sarveShAmeva keshava . 
shame prayatamAnasya tava saubhrAtra kA~NkShiNaH .. 10..\\
na pANDavAnAmasmAbhiH pratideya.n yathochitam . 
iti vyavasitAsteShu vachana.n syAnnirarthakam .. 11..\\
yatra sUkta.n duruktaM cha sama.n syAnmadhusUdana . 
na tatra pralapetprAGYo badhireShviva gAyanaH .. 12..\\
avijAnatsu mUDheShu nirmaryAdeShu mAdhava . 
na tva.n vAkyaM bruvanyuktashchANDAleShu dvijo yathA .. 13..\\
so.ayaM balastho mUDhashcha na kariShyati te vachaH . 
tasminnirarthaka.n vAkyamuktaM sampatsyate tava .. 14..\\
teShA.n samupaviShTAnAM sarveShAM pApachetasAm . 
tava madhyAvataraNaM mama kR^iShNa na rochate .. 15..\\
durbuddhInAmashiShTAnAM bahUnAM pApachetasAm . 
pratIpa.n vachanaM madhye tava kR^iShNa na rochate .. 16..\\
anupAsitavR^iddhatvAchchhriyA mohAchcha darpitaH . 
vayo darpAdamarShAchcha na te shreyo grahIShyati .. 17..\\
balaM balavadapyasya yadi vakShyasi mAdhava . 
tvayyasya mahatI sha~NkA na kariShyati te vachaH .. 18..\\
nedamadya yudhA shakyamindreNApi sahAmaraiH . 
iti vyavasitAH sarve dhArtarAShTrA janArdana .. 19..\\
teShvevamupapanneShu kAmakrodhAnuvartiShu . 
samarthamapi te vAkyamasamarthaM bhaviShyati .. 20..\\
madhye tiShThanhastyanIkasya mando 
rathAshvayuktasya balasya mUDhaH . 
duryodhano manyate vItamanyuH 
kR^itsnA mayeyaM pR^ithivI jiteti .. 21..\\
Asha.nsate dhR^itarAShTrasya putro 
mahArAjyamasapatnaM pR^ithivyAm . 
tasmi~nshamaH kevalo nopalabhyo 
baddha.n santamAgataM manyate.artham .. 22..\\
paryasteyaM pR^ithivI kAlapakvA 
duryodhanArthe pANDavAnyoddhukAmAH . 
samAgatAH sarvayodhAH pR^ithivyAM 
rAjAnashcha kShitipAlaiH sametAH .. 23..\\
sarve chaite kR^itavairAH purastAt 
tvayA rAjAno hR^itasArAshcha kR^iShNa . 
tavodvegAtsaMshritA dhArtarAShTrAn 
susa.nhatAH saha karNena vIrAH .. 24..\\
tyaktAtmAnaH saha duryodhanena 
sR^iShTA yoddhuM pANDavAnsarvayodhAH . 
teShAM madhye pravishethA yadi tvaM 
na tanmataM mama dAshArha vIra .. 25..\\
teShA.n samupaviShTAnAM bahUnA.n duShTachetasAm . 
kathaM madhyaM prapadyethAH shatrUNA.n shatrukarshana .. 26..\\
sarvathA tvaM mahAbAho devairapi durutsahaH . 
prabhAvaM pauruShaM buddhi.n jAnAmi tava shatruhan .. 27..\\
yA me prItiH pANDaveShu bhUyaH sA tvayi mAdhava . 
premNA cha bahumAnAchcha sauhR^idAchcha bravImyaham .. 28..\\
\medskip\hrule\medskip\centerline{\Largedvng 91}
 bha

yathA brUyAnmahAprAGYo yathA brUyAdvichakShaNaH . 
yathA vAchyastvadvidhena suhR^idA madvidhaH suhR^it .. 1..\\
dharmArthayukta.n tathyaM cha yathA tvayyupapadyate . 
tathA vachanamukto.asmi tvayaitatpitR^imAtR^ivat .. 2..\\
satyaM prApta.n cha yuktaM chApyevameva yathAttha mAm . 
shR^iNuShvAgamane hetu.n vidurAvahito bhava .. 3..\\
daurAtmya.n dhArtarAShTrasya kShatriyANAM cha vairitAm . 
sarvametadaha.n jAnankShattaH prApto.adya kauravAn .. 4..\\
paryastAM pR^ithivI.n sarvAM sAshvAM saratha ku~njarAm . 
yo mochayenmR^ityupAshAtprApnuyAddharmamuttamam .. 5..\\
dharmakArya.n yata~nshaktyA na chechchhaknoti mAnavaH . 
prApto bhavati tatpuNyamatra me nAsti saMshayaH .. 6..\\
manasA chintayanpApa.n karmaNA nAbhirochayan . 
na prApnoti phala.n tasya evaM dharmavido viduH .. 7..\\
so.aha.n yatiShye prashama.n kShattaH kartumamAyayA . 
kurUNA.n sR^i~njayAnA.n cha sa~NgrAme vinashiShyatAm .. 8..\\
seyamApanmahAghorA kuruShveva samutthitA . 
karNa duryodhana kR^itA sarve hyete tadanvayAH .. 9..\\
vyasanaiH klishyamAna.n hi yo mitraM nAbhipadyate . 
anunIya yathAshakti taM nR^isha.nsa.n vidurbudhAH .. 10..\\
A keshagrahaNAnmitramakAryAtsaMnivartayan . 
avAchyaH kasya chidbhavati kR^itayatno yathAbalam .. 11..\\
tatsamartha.n shubhaM vAkya.n dharmArthasahitaM hitam . 
dhArtarAShTraH sahAmAtyo grahItu.n vidurArhati .. 12..\\
hita.n hi dhArtarAShTrANAM pANDavAnA.n tathaiva cha . 
pR^ithivyA.n kShatriyANAM cha yatiShye.ahamamAyayA .. 13..\\
hite prayatamAnaM mA.n sha~Nkedduryodhano yadi . 
hR^idayasya cha me prItirAnR^iNya.n cha bhaviShyati .. 14..\\
GYAtInA.n hi mitho bhede yanmitraM nAbhipadyate . 
sarvayatnena madhyasthaM na tanmitra.n vidurbudhAH .. 15..\\
na mAM brUyuradharmaGYA mUDhA asuhR^idastathA . 
shakto nAvArayatkR^iShNaH sa.nrabdhAnkurupANDavAn .. 16..\\
ubhayoH sAdhayannarthamahamAgata ityuta . 
tatra yatnamaha.n kR^itvA gachchheyaM nR^iShvavAchyatAm .. 17..\\
mama dharmArthayukta.n hi shrutvA vAkyamanAmayam . 
na chedAdAsyate bAlo diShTasya vashameShyati .. 18..\\
ahApayanpANDavArtha.n yathAvach 
chhama.n kurUNA.n yadi chAchareyam . 
puNya.n cha me syAchcharitaM mahArthaM 
muchyeraMshcha kuravo mR^ityupAshAt .. 19..\\
api vAchaM bhAShamANasya kAvyAM 
dharmArAmAmarthavatImahi.nsrAm . 
avekSherandhArtarAShTrAH samarthAM 
mA.n cha prAptaM kuravaH pUjayeyuH .. 20..\\
na chApi mama paryAptAH sahitAH sarvapArthivAH . 
kruddhasya pramukhe sthAtu.n si.nhasyevetare mR^igAH .. 21..\\

 v

ityevamuktvA vachana.n vR^iShNInAmR^iShabhastadA . 
shayane sukhasa.nsparshe shishye yadusukhAvahaH .. 22..\\
\medskip\hrule\medskip\centerline{\Largedvng 92}
 v

tathA kathayatoreva tayorbuddhimatostadA . 
shivA nakShatrasampannA sA vyatIyAya sharvarI .. 1..\\
dharmArthakAmayuktAshcha vichitrArthapadAkSharAH . 
shR^iNvato vividhA vAcho vidurasya mahAtmanaH .. 2..\\
kathAbhiranurUpAbhiH kR^iShNasyAmita tejasaH . 
akAmasyeva kR^iShNasya sA vyatIyAya sharvarI .. 3..\\
tatastu svarasampannA bahavaH sUtamAgadhAH . 
sha~NkhadundubhinirghoShaiH keshavaM pratyabodhayan .. 4..\\
tata utthAya dAshArha R^iShabhaH sarvasAtvatAm . 
sarvamAvashyaka.n chakre prAtaH kAryaM janArdanaH .. 5..\\
kR^itoda kAryajapyaH sa hutAgniH samala~NkR^itaH . 
tata AdityamudyantamupAtiShThata mAdhavaH .. 6..\\
atha duryodhanaH kR^iShNa.n shakunishchApi saubalaH . 
sandhyA.n tiShThantamabhyetya dAshArhamaparAjitam .. 7..\\
AchakShetA.n tu kR^iShNasya dhR^itarAShTra.n sabhA gatam . 
kurUMshcha bhIShma pramukhAnrAGYaH sarvAMshcha pArthivAn .. 8..\\
tvAmarthayante govinda divi shakramivAmarAH . 
tAvabhyanandadgovindaH sAmnA paramavalgunA .. 9..\\
tato vimala Aditye brAhmaNebhyo janArdanaH . 
dadau hiraNya.n vAsA.nsi gAshchAshvAMshcha parantapaH .. 10..\\
visR^iShTavanta.n ratnAni dAshArhamaparAjitam . 
tiShThantamupasa~Ngamya vavande sArathistadA .. 11..\\
tamupasthitamAGYAya ratha.n divyaM mahAmanAH . 
mahAbhraghananirghoSha.n sarvaratnavibhUShitam .. 12..\\
agniM pradakShiNa.n kR^itvA brAhmaNAMshcha janArdanaH . 
kaustubhaM maNimAmuchya shriyA paramayA jvalan .. 13..\\
kurubhiH sa.nvR^itaH kR^iShNo vR^iShNibhishchAbhirakShitaH . 
AtiShThata ratha.n shauriH sarvayAdavanandanaH .. 14..\\
anvAruroha dAshArha.n viduraH sarvadharmavit . 
sarvaprANabhR^itA.n shreShThaM sarvadharmabhR^itAM varam .. 15..\\
tato duryodhanaH kR^iShNa.n shakunishchApi saubalaH . 
dvitIyena rathenainamanvayAtAM parantapam .. 16..\\
sAtyakiH kR^itavarmA cha vR^iShNInA.n cha mahArathAH . 
pR^iShThato.anuyayuH kR^iShNa.n rathairashvairgajairapi .. 17..\\
teShA.n hemapariShkArA yuktAH paramavAjibhiH . 
gachchhatA.n ghoShiNashchitrAshchAru babhrAjire rathAH .. 18..\\
saMmR^iShTasa.nsikta rajaH pratipede mahApatham . 
rAjarShicharita.n kAle kR^iShNo dhImA~nshriyA jvalan .. 19..\\
tataH prayAte dAshArhe prAvAdyantaika puShkarAH . 
sha~NkhAshcha dadhmire tatra vAdyAnyanyAni yAni cha .. 20..\\
pravIrAH sarvalokasya yuvAnaH si.nhavikramAH . 
parivArya ratha.n shaureragachchhanta parantapAH .. 21..\\
tato.anye bahusAhasrA vichitrAdbhuta vAsasaH . 
asi prAsAyudha dharAH kR^iShNasyAsanpuraHsarAH .. 22..\\
gajAH paraHshatAstatra varAshchAshvAH sahasrashaH . 
prayAntamanvayurvIra.n dAshArhamaparAjitam .. 23..\\
pura.n kurUNA.n sa.nvR^ittaM draShTukAmaM janArdanam . 
savR^iddhabAla.n sastrIkaM rathyA gatamarindamam .. 24..\\
vedikApAshritAbhishcha samAkrAntAnyanekashaH . 
prachalantIva bhAreNa yoShidbhirbhavanAnyuta .. 25..\\
sampUjyamAnaH kurubhiH saMshR^iNvanvividhAH kathAH . 
yathArhaM pratisatkurvanprekShamANaH shanairyayau .. 26..\\
tataH sabhA.n samAsAdya keshavasyAnuyAyinaH . 
sasha~NkhairveNunirghoShairdishaH sarvA vyanAdayan .. 27..\\
tataH sA samitiH sarvA rAGYAmamitatejasAm . 
samprAkampata harSheNa kR^iShNAgamana kA~NkShayA .. 28..\\
tato.abhyAshagate kR^iShNe samahR^iShyannarAdhipAH . 
shrutvA ta.n rathanirghoShaM paryaGYya ninadopamam .. 29..\\
AsAdya tu sabhA dvAramR^iShabhaH sarvasAtvatAm . 
avatIrya rathAchchhauriH kailAsashikharopamAt .. 30..\\
nagameghapratIkAshA.n jvalantImiva tejasA . 
mahendra sadana prakhyAM pravivesha sabhA.n tataH .. 31..\\
pANau gR^ihItvA vidura.n sAtyaki.n cha mahAyashAH . 
jyotIMShyAdityavadrAjankurUnprachchhAdaya~nshriyA .. 32..\\
agrato vAsudevasya karNaduryodhanAvubhau . 
vR^iShNayaH kR^itavarmA cha AsankR^iShNasya pR^iShThataH .. 33..\\
dhR^itarAShTraM puraskR^itya bhIShmadroNAdayastataH . 
Asanebhyo.achalansarve pUjayanto janArdanam .. 34..\\
abhyAgachchhati dAshArhe praGYA chakShurmahAmanAH . 
sahaiva bhIShmadroNAbhyAmudatiShThanmahAyashAH .. 35..\\
uttiShThati mahArAje dhR^itarAShTre janeshvare . 
tAni rAjasahasrANi samuttasthuH samantataH .. 36..\\
Asana.n sarvatobhadra.n jAmbUnadapariShkR^itam . 
kR^iShNArthe kalpita.n tatra dhR^itarAShTrasya shAsanAt .. 37..\\
smayamAnastu rAjAnaM bhIShmadroNau cha mAdhavaH . 
abhyabhAShata dharmAtmA rAGYashchAnyAnyathA vayaH .. 38..\\
tatra keshavamAnarchuH samyagabhyAgata.n sabhAm . 
rAjAnaH pArthivAH sarve kuravashcha janArdanam .. 39..\\
tatra tiShThansa dAshArho rAjamadhye parantapaH . 
apashyadantarikShasthAnR^iShInparapura~njayaH .. 40..\\
tatastAnabhisamprekShya nAradapramukhAnR^iShIn . 
abhyabhAShata dAshArho bhIShma.n shAntanavaM shanaiH .. 41..\\
pArthivI.n samiti.n draShTumR^iShayo.abhyAgatA nR^ipa . 
nimantryatAmAsanaishcha satkAreNa cha bhUyasA .. 42..\\
naiteShvanupaviShTeShu shakya.n kena chidAsitum . 
pUjA prayujyatAmAshu munInAM bhAvitAtmanAm .. 43..\\
R^iShI~nshAntanavo dR^iShTvA sabhA dvAramupasthitAn . 
tvaramANastato bhR^ityAnAsanAnItyachodayat .. 44..\\
AsanAnyatha mR^iShTAni mahAnti vipulAni cha . 
maNikA~nchanachitrANi samAjahrustatastataH .. 45..\\
teShu tatropaviShTeShu gR^ihItArdheShu bhArata . 
niShasAdAsane kR^iShNo rAjAnashcha yathAsanam .. 46..\\
duHshAsanaH sAtyakaye dadAvAsanamuttamam . 
viviMshatirdadau pITha.n kA~nchanaM kR^itavarmaNe .. 47..\\
avidUre.atha kR^iShNasya karNaduryodhanAvubhau . 
ekAsane mahAtmAnau niShIdaturamarShaNau .. 48..\\
gAndhArarAjaH shakunirgAndhArairabhirakShitaH . 
niShasAdAsane rAjA saha putro vishAM pate .. 49..\\
viduro maNipIThe tu shuklaspardhyAjinottare . 
sa.nspR^ishannAsana.n shaurermahAmatirupAvishat .. 50..\\
chirasya dR^iShTvA dAshArha.n rAjAnaH sarvapArthivAH . 
amR^itasyeva nAtR^ipyanprekShamANA janArdanam .. 51..\\
atasI puShpasa~NkAshaH pItavAsA janArdanaH . 
vyabhrAjata sabhAmadhye hemnIvopahito maNiH .. 52..\\
tatastUShNI.n sarvamAsIdgovinda gatamAnasam . 
na tatra kashchitki.n chiddhi vyAjahAra pumAnkva chit .. 53..\\
\medskip\hrule\medskip\centerline{\Largedvng 93}
 v

teShvAsIneShu sarveShu tUShNImbhUteShu rAjasu . 
vAkyamabhyAdade kR^iShNaH sudaMShTro dundubhisvanaH .. 1..\\
jImUta iva dharmAnte sarvA.n saMshrAvayansabhAm . 
dhR^itarAShTramabhiprekShya samabhAShata mAdhavaH .. 2..\\
kurUNAM pANDavAnA.n cha shamaH syAditi bhArata . 
aprayatnena vIrANAmetadyatitumAgataH .. 3..\\
rAjannAnyatpravaktavya.n tava niHshreyasa.n vachaH . 
vidita.n hyeva te sarvaM veditavyamarindama .. 4..\\
idamadya kula.n shreShThaM sarvarAjasu pArthiva . 
shrutavR^ittopasampanna.n sarvaiH samudita.n guNaiH .. 5..\\
kR^ipAnukampA kAruNyamAnR^isha.nsya.n cha bhArata . 
tathArjava.n kShamA satyaM kuruShvetadvishiShyate .. 6..\\
tasminneva.nvidhe rAjankule mahati tiShThati . 
tvannimitta.n visheSheNa neha yuktamasAmpratam .. 7..\\
tva.n hi vArayitA shreShThaH kurUNA.n kurusattama . 
mithyA pracharatA.n tAta bAhyeShvAbhyantareShu cha .. 8..\\
te putrAstava kauravya duryodhana purogamAH . 
dharmArthau pR^iShThataH kR^itvA pracharanti nR^isha.nsavat .. 9..\\
ashiShTA gatamaryAdA lobhena hR^itachetasaH . 
sveShu bandhuShu mukhyeShu tadvettha bharatarShabha .. 10..\\
seyamApanmahAghorA kuruShveva samutthitA . 
upekShyamANA kauravya pR^ithivI.n ghAtayiShyati .. 11..\\
shakyA cheya.n shamayitu.n tvaM chedichchhasi bhArata . 
na duShkaro hyatra shamo mato me bharatarShabha .. 12..\\
tvayyadhInaH shamo rAjanmayi chaiva vishAM pate . 
putrAnsthApaya kauravya sthApayiShyAmyahaM parAn .. 13..\\
AGYA tava hi rAjendra kAryA putraiH sahAnvayaiH . 
hitaM balavadapyeShA.n tiShThatAM tava shAsane .. 14..\\
tava chaiva hita.n rAjanpANDavAnAm atho hitam . 
shame prayatamAnasya mama shAsanakA~NkShiNAm .. 15..\\
svayaM niShkalamAlakShya sa.nvidhatsva vishAM pate . 
saha bhUtAstu bharatAstavaiva syurjaneshvara .. 16..\\
dharmArthayortiShTha rAjanpANDavairabhirakShitaH . 
na hi shakyAstathA bhUtA yatnAdapi narAdhipa .. 17..\\
na hi tvAM pANDavairjetu.n rakShyamANaM mahAtmabhiH . 
indro.api devaiH sahitaH prasaheta kuto nR^ipAH .. 18..\\
yatra bhIShmashcha droNashcha kR^ipaH karNo viviMshatiH . 
ashvatthAmA vikarNashcha somadatto.atha bAhlikaH .. 19..\\
saindhavashcha kali~Ngashcha kAmbojashcha sudakShiNaH . 
yudhiShThiro bhImasenaH savyasAchI yamau tathA .. 20..\\
sAtyakishcha mahAtejA yuyutsushcha mahAratha . 
ko nu tAnviparItAtmA yudhyeta bharatarShabha .. 21..\\
lokasyeshvaratAM bhUyaH shatrubhishchApradhR^iShyatAm . 
prApsyasi tvamamitraghna sahitaH kurupANDavaiH .. 22..\\
tasya te pR^ithivIpAlAstvatsamAH pR^ithivIpate . 
shreyA.nsashchaiva rAjAnaH sandhAsyante parantapa .. 23..\\
sa tvaM putraishcha pautraishcha bhrAtR^ibhiH pitR^ibhistathA . 
suhR^idbhiH sarvato guptaH sukha.n shakShyasi jIvitum .. 24..\\
etAneva purodhAya satkR^itya cha yathA purA . 
akhilAM bhikShyase sarvAM pR^ithivIM pR^ithivIpate .. 25..\\
etairhi sahitaH sarvaiH pANDavaiH svaishcha bhArata . 
anyAnvijeShyase shatrUneSha svArthastavAkhilaH .. 26..\\
tairevopArjitAM bhUmiM bhokShyase cha parantapa . 
yadi sampatsyase putraiH sahAmAtyairnarAdhipa .. 27..\\
sa.nyuge vai mahArAja dR^ishyate sumahAnkShayaH . 
kShaye chobhayato rAjanka.n dharmamanupashyasi .. 28..\\
pANDavairnihataiH sa~Nkhye putrairvApi mahAbalaiH . 
yadvindethAH sukha.n rAja.nstadbrUhi bharatarShabha .. 29..\\
shUrAshcha hi kR^itAstrAshcha sarve yuddhAbhikA~NkShiNaH . 
pANDavAstAvakAshchaiva tAnrakSha mahato bhayAt .. 30..\\
na pashyema kurUnsarvAnpANDavAMshchaiva sa.nyuge . 
kShINAnubhayataH shUrAnrathebhyo rathibhirhatAn .. 31..\\
samavetAH pR^ithivyA.n hi rAjAno rAjasattama . 
amarShavashamApannA nAshayeyurimAH prajAH .. 32..\\
trAhi rAjannima.n lokaM na nashyeyurimAH prajAH . 
tvayi prakR^itimApanne sheSha.n syAtkurunandana .. 33..\\
shuklA vadAnyA hrImanta AryAH puNyAbhijAtayaH . 
anyonyasachivA rAja.nstAnpAhi mahato bhayAt .. 34..\\
shiveneme bhUmipAlAH samAgamya parasparam . 
saha bhuktvA cha pItvA cha pratiyAntu yathA gR^iham .. 35..\\
suvAsasaH sragviNashcha satkR^itya bharatarShabha . 
amarShAMshcha nirAkR^itya vairANi cha parantapa .. 36..\\
hArda.n yatpANDaveShvAsItprApte.asminnAyuShaH kShaye . 
tadeva te bhavatyadya shashvachcha bharatarShabha .. 37..\\
bAlA vihInAH pitrA te tvayaiva parivardhitAH . 
tAnpAlaya yathAnyAyaM putrAMshcha bharatarShabha .. 38..\\
bhavataiva hi rakShyAste vyasaneShu visheShataH . 
mA te dharmastathaivArtho nashyeta bharatarShabha .. 39..\\
AhustvAM pANDavA rAjannabhivAdya prasAdya cha . 
bhavataH shAsanAdduHkhamanubhUta.n sahAnugaiH .. 40..\\
dvAdashemAni varShANi vane nirvyuShitAni naH . 
trayodasha.n tathAGYAtaiH sajane parivatsaram .. 41..\\
sthAtA naH samaye tasminpiteti kR^itanishchayAH . 
nAhAsma samaya.n tAta tachcha no brAhmaNA viduH .. 42..\\
tasminnaH samaye tiShTha sthitAnAM bharatarShabha . 
nitya.n sa~NkleshitA rAjansvarAjyAMshaM labhemahi .. 43..\\
tva.n dharmamartha.n yu~njAnaH samya~NnastrAtumarhasi . 
gurutvaM bhavati prekShya bahUnkleshA.nstitikShmahe .. 44..\\
sa bhavAnmAtR^ipitR^ivadasmAsu pratipadyatAm . 
gurorgarIyasI vR^ittiryA cha shiShyasya bhArata .. 45..\\
pitrA sthApayitavyA hi vayamutpathamAsthitAH . 
sa.nsthApaya pathiShvasmA.nstiShTha rAjansvavartmani .. 46..\\
AhushchemAM pariShadaM putrAste bharatarShabha . 
dharmaGYeShu sabhAsatsu neha yuktamasAmpratam .. 47..\\
yatra dharmo hyadharmeNa satya.n yatrAnR^itena cha . 
hanyate prekShamANAnA.n hatAstatra sabhAsadaH .. 48..\\
viddho dharmo hyadharmeNa sabhA.n yatra prapadyate . 
na chAsya shalya.n kR^intanti viddhAstatra sabhAsadaH . 
dharma etAnArujati yathA nadyanukUlajAn .. 49..\\
ye dharmamanupashyantastUShNI.n dhyAyanta Asate . 
te satyamAhurdharma.n cha nyAyyaM cha bharatarShabha .. 50..\\
shakya.n kimanyadvaktuM te dAnAdanyajjaneshvara . 
bruvantu vA mahIpAlAH sabhAyA.n ye samAsate . 
dharmArthau sampradhAryaiva yadi satyaM bravImyaham .. 51..\\
pramu~nchemAnmR^ityupAshAtkShatriyAnkShatriyarShabha . 
prashAmya bharatashreShTha mA manyuvashamanvagAH .. 52..\\
pitrya.n tebhyaH pradAyAMshaM pANDavebhyo yathochitam . 
tataH saputraH siddhArtho bhu~NkShva bhogAnparantapa .. 53..\\
ajAtashatru.n jAnIShe sthitaM dharme satA.n sadA . 
saputre tvayi vR^itti.n cha vartate yAM narAdhipa .. 54..\\
dAhitashcha nirastashcha tvAmevopAshritaH punaH . 
indraprastha.n tvayaivAsau saputreNa vivAsitaH .. 55..\\
sa tatra nivasansarvAnvashamAnIya pArthivAn . 
tvanmukhAnakarodrAjanna cha tvAm atyavartata .. 56..\\
tasyaiva.n vartamAnasya saubalena jihIrShatA . 
rAShTrANi dhanadhAnya.n cha prayuktaH paramopadhiH .. 57..\\
sa tAmavasthA.n samprApya kR^iShNAM prekShya sabhA gatAm . 
kShatradharmAdameyAtmA nAkampata yudhiShThiraH .. 58..\\
aha.n tu tava teShAM cha shreya ichchhAmi bhArata . 
dharmAdarthAtsukhAchchaiva mA rAjannInashaH prajAH .. 59..\\
anarthamarthaM manvAnA artha.n vAnarthamAtmanaH . 
lobhe.atiprasR^itAnputrAnnigR^ihNIShva vishAM pate .. 60..\\
sthitAH shushrUShituM pArthAH sthitA yoddhumarindamAH . 
yatte pathyatama.n rAja.nstasmi.nstiShTha parantapa .. 61..\\
tadvAkyaM pArthivAH sarve hR^idayaiH samapUjayan . 
na tatra kashchidvaktu.n hi vAchaM prAkAmadagrataH .. 62..\\
\medskip\hrule\medskip\centerline{\Largedvng 94}
 v

tasminnabhihite vAkye keshavena mahAtmanA . 
stimitA hR^iShTaromANa Asansarve sabhAsadaH .. 1..\\
kaH sviduttarametasmAdvaktumutsahate pumAn . 
iti sarve manobhiste chintayanti sma pArthivAH .. 2..\\
tathA teShu cha sarveShu tUShNImbhUteShu rAjasu . 
jAmadagnya ida.n vAkyamabravItkurusa.nsadi .. 3..\\
imAmekopamA.n rAja~nshR^iNu satyAmasha~NkitaH . 
tA.n shrutvA shreya Adatsva yadi sAdhviti manyase .. 4..\\
rAjA dambhodbhavo nAma sArvabhaumaH purAbhavat . 
akhilAM bubhuje sarvAM pR^ithivImiti naH shrutam .. 5..\\
sa sma nityaM nishApAye prAtarutthAya vIryavAn . 
brAhmaNAnkShatriyAMshchaiva pR^ichchhannAste mahArathaH .. 6..\\
asti kashchidvishiShTo vA madvidho vA bhavedyudhi . 
shudro vaishyaH kShatriyo vA brAhmaNo vApi shastrabhR^it .. 7..\\
iti bruvannanvacharatsa rAjA pR^ithivImimAm . 
darpeNa mahatA mattaH ka.n chidanyamachintayan .. 8..\\
ta.n sma vaidyA akR^ipaNA brAhmaNAH sarvato.abhayAH . 
pratyaShedhanta rAjAna.n shlAghamAnaM punaH punaH .. 9..\\
pratiShidhyamAno.apyasakR^itpR^ichchhatyeva sa vai dvijAn . 
abhimAnI shriyA mattastamUchurbrAhmaNAstadA .. 10..\\
tapasvino mahAtmAno veda vratasamanvitAH . 
udIryamANa.n rAjAna.n krodhadIptA dvijAtayaH .. 11..\\
anekajanana.n sakhyaM yayoH puruShasi.nhayoH . 
tayostvaM na samo rAjanbhavitAsi kadA chana .. 12..\\
evamuktaH sa rAjA tu punaH paprachchha tAndvijAn . 
kva tau vIrau kva janmAnau ki.n karmANau cha kau cha tau .. 13..\\

 braahmanaah

naro nArAyaNashchaiva tApasAviti naH shrutam . 
AyAtau mAnuShe loke tAbhyA.n yudhyasva pArthiva .. 14..\\
shrUyate tau mahAtmAnau naranArAyaNAvubhau . 
tapo ghoramanirdeshya.n tapyete gandhamAdane .. 15..\\

 raama

sa rAjA mahatI.n senAM yojayitvA ShaDa~NginIm . 
amR^iShyamANaH samprAyAdyatra tAvaparAjitau .. 16..\\
sa gatvA viShama.n ghoraM parvataM gandhamAdanam . 
mR^igayANo.anvagachchhattau tApasAvaparAjitau .. 17..\\
tau dR^iShTvA kShutpipAsAbhyA.n kR^ishau dhamani santatau . 
shItavAtAtapaishchaiva karshitau puruShottamau . 
abhigamyopasa~NgR^ihya paryapR^ichchhadanAmayam .. 18..\\
tamarchitvA mUlaphalairAsanenodakena cha . 
nyamantrayetA.n rAjAna.n kiM kAryaM kriyatAm iti .. 19..\\

 dambhaudbhava

bAhubhyAM me jitA bhUmirnihatAH sarvashatravaH . 
bhavadbhyA.n yuddhamAkA~NkShannupayAto.asmi parvatam . 
Atithya.n dIyatAmetatkA~NkShitaM me chiraM prati .. 20..\\

 naranaaraayanau

apetakrodhalobho.ayamAshramo rAjasattama . 
na hyasminnAshrame yuddha.n kutaH shastraM kuto.anR^ijuH . 
anyatra yuddhamAkA~NkShva bahavaH kShatriyA kShitau .. 21..\\

 r

uchyamAnastathApi sma bhUya evAbhyabhAShata . 
punaH punaH kShamyamANaH sAntvyamAnashcha bhArata . 
dambhodbhavo yuddhamichchhannAhvayatyeva tApasau .. 22..\\
tato narastviShIkANAM muShTimAdAya kaurava . 
abravIdehi yudhyasva yuddhakAmuka kShatriya .. 23..\\
sarvashastrANi chAdatsva yojayasva cha vAhinIm . 
aha.n hi te vineShyAmi yuddhashraddhAmitaH param .. 24..\\

 d

yadyetadastramasmAsu yukta.n tApasa manyase . 
etenApi tvayA yotsye yuddhArthI hyahamAgataH .. 25..\\

 r

ityuktvA sharavarSheNa sarvataH samavAkirat . 
dambhodbhavastApasa.n taM jighA.nsuH saha sainikaH .. 26..\\
tasya tAnasyato ghorAniShUnparatanuchchhidaH . 
kadarthI kR^ityasa muniriShIkAbhirapAnudat .. 27..\\
tato.asmai prAsR^ijadghoramaiShIkamaparAjitaH . 
astramapratisandheya.n tadadbhutamivAbhavat .. 28..\\
teShAmakShINi karNAMshcha nastakAMshchaiva mAyayA . 
nimittavedhI sa muniriShIkAbhiH samarpayat .. 29..\\
sa dR^iShTvA shvetamAkAshamiShIkAbhiH samAchitam . 
pAdayornyapatadrAjA svasti me.astviti chAbravIt .. 30..\\
tamabravInnaro rAja~nsharaNyaH sharaNaiShiNAm . 
brahmaNyo bhava dharmAtmA mA cha smaivaM punaH kR^ithAH .. 31..\\
mA cha darpasamAviShTaH kShepsIH kAMshchitkadA chana . 
alpIyA.nsa.n vishiShTaM vA tatte rAjanparaM hitam .. 32..\\
kR^itapraGYo vItalobho niraha~NkAra AtmavAn . 
dAntaH kShAnto mR^iduH kShemaH prajAH pAlaya pArthiva .. 33..\\
anuGYAtaH svasti gachchha maivaM bhUyaH samAchareH . 
kushalaM brAhmaNAnpR^ichchherAvayorvachanAdbhR^isham .. 34..\\
tato rAjA tayoH pAdAvabhivAdya mahAtmanoH . 
pratyAjagAma svapura.n dharmaM chaivAchinodbhR^isham .. 35..\\
sumahachchApi tatkarma yannareNa kR^itaM purA . 
tato guNaiH subahubhiH shreShTho nArAyaNo.abhavat .. 36..\\
tasmAdyAvaddhanuHshreShThe gANDIve.asvraM na yujyate . 
tAvattvaM mAnamutsR^ijya gachchha rAjandhana~njayam .. 37..\\
kAkudIka.n shukaM nAkamakShisantarjana.n tathA . 
santAnaM nartana.n ghoramAsyamodakamaShTamam .. 38..\\
etairviddhAH sarva eva maraNa.n yAnti mAnavAH . 
unmattAshcha vicheShTante naShTasa~nj~nA vichetasaH .. 39..\\
svapante cha plavante cha chhardayanti cha mAnavAH . 
mUtrayante cha satata.n rudanti cha hasanti cha .. 40..\\
asa~NkhyeyA guNAH pArthe tadvishiShTo janArdanaH . 
tvameva bhUyo jAnAsi kuntIputra.n dhana~njayam .. 41..\\
naranArAyaNau yau tau tAvevArjuna keshavau . 
vinAjIhi mahArAja pravIrau puruSharShabhau .. 42..\\
yadyetadeva.n jAnAsi na cha mAmatisha~Nkase . 
AryAM mati.n samAsthAya shAmya bhArata pANDavaiH .. 43..\\
atha chenmanyase shreyo na me bhedo bhavediti . 
prashAmya bharata shreShTho mA cha yuddhe manaH kR^ithAH .. 44..\\
bhavatA.n cha kurushreShTha kulaM bahumataM bhuvi . 
tattathaivAstu bhadra.n te svArthamevAnuchintaya .. 45..\\
\medskip\hrule\medskip\centerline{\Largedvng 95}
 v

jAmadagnyavachaH shrutvA kaNvo.api bhagavAnR^iShiH . 
duryodhanamida.n vAkyamabravItkurusa.nsadi .. 1..\\
akShayashchAvyayashchaiva brahmA lokapitAmahaH . 
tathaiva bhagavantau tau naranArAyaNAvR^iShI .. 2..\\
AdityAnA.n hi sarveShAM viShNurekaH sanAtanaH . 
ajayyashchAvyayashchaiva shAshvataH prabhurIshvaraH .. 3..\\
nimittamaraNAstvanye chandrasUryau mahI jalam . 
vAyuragnistathAkAsha.n grahAstArAgaNAstathA .. 4..\\
te cha kShayAnte jagato hitvA lokatraya.n sadA . 
kShaya.n gachchhanti vai sarve sR^ijyante cha punaH punaH .. 5..\\
muhUrtamaraNAstvanye mAnuShA mR^igapakShiNaH . 
triyagyonyashcha ye chAnye jIvalokacharAH smR^itAH .. 6..\\
bhUyiShThena tu rAjAnaH shriyaM bhuktvAyuShaH kShaye . 
maraNaM pratigachchhanti bhoktu.n sukR^itaduShkR^itam .. 7..\\
sa bhavAndharmaputreNa shama kartumihArhati . 
pANDavAH kuravashchaiva pAlayantu vasundharAm .. 8..\\
balavAnahamityeva na mantavya.n suyodhana . 
balavanto hi balibhirdR^ishyante puruSharShabha .. 9..\\
na balaM balinAM madhye balaM bhavati kaurava . 
balavanto hi te sarve pANDavA deva vikramAH .. 10..\\
atrApyudAharantImamitihAsaM purAtanam . 
mAtalerdAtukAmasya kanyAM mR^igayato varam .. 11..\\
matastrailokyarAjasya mAtalirnAma sArathiH . 
tasyaikaiva kule kanyA rUpato lokavishrutA .. 12..\\
guNakeshIti vikhyAtA nAmnA sA devarUpiNI . 
shriyA cha vapuShA chaiva striyo.anyAH sAtirichyate .. 13..\\
tasyAH pradAnasamayaM mAtaliH saha bhAryayA . 
GYAtvA vimamR^ishe rAja.nstatparaH parichintayan .. 14..\\
dhikkhalvalaghu shIlAnAmuchchhritAnA.n yashasvinAm . 
narANAmR^iddhasattvAnA.n kule kanyA prarohaNam .. 15..\\
mAtuH kulaM pitR^ikula.n yatra chaiva pradIyate . 
kulatraya.n saMshayita.n kurute kanyakA satAm .. 16..\\
deva mAnuShalokau dvau mAnasenaiva chakShuShA . 
avagAhyaiva vichitau na cha me rochate varaH .. 17..\\
na devAnnaiva ditijAnna gandharvAnna mAnuShAn . 
arochaya.n varakR^ite tathaiva bahulAnR^iShIn .. 18..\\
bhAryayA tu sa saMmantrya saha rAtrau sudharmayA . 
mAtalirnAgalokAya chakAra gamane matim .. 19..\\
na me devamanuShyeShu guNakeshyAH samo varaH . 
rUpato dR^ishyate kashchinnAgeShu bhavitA dhruvam .. 20..\\
ityAmantrya sudharmA.n sa kR^itvA chAbhipradakShiNam . 
kanyA.n shirasyupAghrAya pravivesha mahItalam .. 21..\\
\medskip\hrule\medskip\centerline{\Largedvng 96}
 kanva

mAtalistu vrajanmArge nAradena maharShiNA . 
varuNa.n gachchhatA draShTu.n samAgachchhadyadR^ichchhayA .. 1..\\
nArado.athAbravIdena.n kva bhavAngantumudyataH . 
svena vA sUta kAryeNa shAsanAdvA shatakratoH .. 2..\\
mAtalirnAradenaiva.n sampR^iShTaH pathi gachchhatA . 
yathAvatsarvamAchaShTa svakArya.n varuNaM prati .. 3..\\
tamuvAchAtha sa munirgachchhAvaH sahitAviti . 
salilesha didekShArthamahamapyudyato divaH .. 4..\\
aha.n te sarvamAkhyAsye darshayanvasudhAtalam . 
dR^iShTvA tatra vara.n kaM chidrochayiShyAva mAtale .. 5..\\
avagAhya tato bhUmimubhau mAtalinAradau . 
dadR^ishAte mahAtmAnau lokapAlamapAM patim .. 6..\\
tatra devarShisadR^ishIM pUjAM prApa sa nAradaH . 
mahendrasadR^ishI.n chaiva mAtaliH patyapadyata .. 7..\\
tAvubhau prItamanasau kAryavattAM nivedya ha . 
varuNenAbhyanuGYAtau nAgaloka.n vicheratuH .. 8..\\
nAradaH sarvabhUtAnAmantarbhUminivAsinAm . 
jAnaMshchakAra vyAkhyAna.n yantuH sarvamasheShataH .. 9..\\

 naarada

dR^iShTaste varuNastAta putrapautra samAvR^itaH . 
pashyodaka pateH sthAna.n sarvatobhadramR^iddhimat .. 10..\\
eSha putro mahAprAGYo varuNasyeha gopateH . 
eSha ta.n shIlavR^ittena shauchena cha vishiShyate .. 11..\\
eSho.asya putro.abhimataH puShkaraH puShkarekShaNaH . 
rUpavAndarshanIyashcha somaputryA vR^itaH patiH .. 12..\\
jyotsnA kAlIti yAmAhurdvitIyA.n rUpataH shriyam . 
Adityasyaiva goH putro jyeShTaH putraH kR^itaH smR^itaH .. 13..\\
bhavanaM pashya vAruNyA yadetatsarvakA~nchanam . 
yAM prApya suratAM prAptAH surAH surapateH sakhe .. 14..\\
etAni hR^itarAjyAnA.n daiteyAnA.n sma mAtale . 
dIpyamAnAni dR^ishyante sarvapraharaNAnyuta .. 15..\\
akShayANi kilaitAni vivartante sma mAtale . 
anubhAva prayuktAni surairavajitAni ha .. 16..\\
atra rAkShasa jAtyashcha bhUtajAtyashcha mAtale . 
divyapraharaNAshchAsanpUrvadaivatanirmitAH .. 17..\\
agnireSha mahArchiShmA~njAgarti varuNa hrade . 
vaiShNava.n chakramAviddha.n vidhUmena haviShmatA .. 18..\\
eSha gANDImayashchApo lokasa.nhAra sambhR^itaH . 
rakShyate daivatairnitya.n yatastadgANDiva.n dhanuH .. 19..\\
eSha kR^itye samutpanne tattaddhArayate balam . 
sahasrashatasa~Nkhyena prANena satata.n dhruvam .. 20..\\
ashAsyAnapi shAstyeSha rakSho bandhuShu rAjasu . 
sR^iShTaH prathamajo daNDo brAhmaNA brahmavAdinA .. 21..\\
etachchhatraM narendrANAM mahachchhakreNa bhAShitam . 
putrAH salilarAjasya dhArayanti mahodayam .. 22..\\
etatsalilarAjasya chhatra.n chhatragR^ihe sthitam . 
sarvataH salila.n shIta.n jImUta iva varShati .. 23..\\
etachchhatrAtparibhraShTa.n salilaM somanirmalam . 
tamasA mUrchhita.n yAti yena nArchhati darshanam .. 24..\\
bahUnyadbhutarUpANi draShTavyAnIha mAtale . 
tava kAryoparodhastu tasmAdgachchhAva mAchiram .. 25..\\
\medskip\hrule\medskip\centerline{\Largedvng 97}
 naarada

etattu nAgalokasya nAbhisthAne sthitaM puram . 
pAtAlamiti vikhyAta.n daityadAnava sevitam .. 1..\\
idamadbhiH samaM prAptA ye ke chiddhruvaja~NgamAH . 
pravishanto mahAnAdaM nadanti bhayapIDitAH .. 2..\\
atrAsuro.agniH satata.n dIpyate vAri bhojanaH . 
vyApAreNa dhR^itAtmAnaM nibaddha.n samabudhyata .. 3..\\
atrAmR^ita.n suraiH pItvA nihitaM nihatAribhiH . 
ataH somasya hAnishcha vR^iddhishchaiva pradR^ishyate .. 4..\\
atra divya.n hayashiraH kAle parvaNi parvaNi . 
uttiShThati suvarNAbha.n vArbhirApUraya~n jagat .. 5..\\
yasmAdatra samagrAstAH patanti jalamUrtayaH . 
tasmAtpAtAlamityetatkhyAyate puramuttamam .. 6..\\
airAvato.asmAtsalila.n gR^ihItvA jagato hitaH . 
megheShvAmu~nchate shIta.n yanmahendraH pravarShati .. 7..\\
atra nAnAvidhAkArAstimayo naikarUpiNaH . 
apsu somaprabhAM pItvA vasanti jalachAriNaH .. 8..\\
atra sUryAMshubhirbhinnAH pAtAlatalamAshritAH . 
mR^itA divasataH sUta punarjIvanti te nishi .. 9..\\
udaye nityashashchAtra chandramA rashmibhirvR^itaH . 
amR^ita.n spR^ishya sa.nsparshAtsa~njIvayati dehinaH .. 10..\\
atra te.adharmaniratA baddhAH kAlena pIDitAH . 
daiteyA nivasanti sma vAsavena hR^itashriyaH .. 11..\\
atra bhUtapatirnAma sarvabhUtamaheshvaraH . 
bhUtaye sarvabhUtAnAm acharattapa uttamam .. 12..\\
atra govratino viprAH svAdhyAyAmnAya karshitAH . 
tyaktaprANA jitasvargA nivasanti maharShayaH .. 13..\\
yatra tatra shayo nitya.n yena kena chidAshitaH . 
yena kena chidAchchhannaH sa govrata ihochyate .. 14..\\
airAvato nAgarAjo vAmanaH kumudo.a~njanaH . 
prasUtAH supratIkasya vaMshe vAraNasattamAH .. 15..\\
pashya yadyatra te kashchidrochate guNato varaH . 
varayiShyAva ta.n gatvA yatnamAsthAya mAtale .. 16..\\
aNDametajjale nyasta.n dIpyamAnamiva shriyA . 
A prajAnAM nisargAdvai nodbhidyati na sarpati .. 17..\\
nAsya jAtiM nisarga.n vA kathyamAnaM shR^iNomi vai . 
pitaraM mAtara.n vApi nAsya jAnAti kash chana .. 18..\\
ataH kila mahAnagnirantakAle samutthitaH . 
dhakShyate mAtale sarva.n trailokya.n sacharAcharam .. 19..\\

 kanva

mAtalistvabravIchchhrutvA nAradasyAtha bhAShitam . 
na me.atra rochate kashchidanyato vraja mAchiram .. 20..\\
\medskip\hrule\medskip\centerline{\Largedvng 98}
 n

hiraNyapuramityetatkhyAtaM puravaraM mahat . 
daityAnA.n dAnavAnAM cha mAyA shatavichAriNAm .. 1..\\
analpena prayatnena nirmita.n vishvakarmaNA . 
mayena manasA sR^iShTaM pAtAlatalamAshritam .. 2..\\
atra mAyA sahasrANi vikurvANA mahaujasaH . 
dAnavA nivasanti sma shUrA dattavarAH purA .. 3..\\
naite shakreNa nAnyena varuNena yamena vA . 
shakyante vashamAnetu.n tathaiva dhanadena cha .. 4..\\
asurAH kAlakha~njAshcha tathA viShNupadodbhavAH . 
nairR^itA yAtudhAnAshcha brahma vedodbhavAsh cha ye .. 5..\\
daMShTriNo bhImarUpAshcha nivasantyAtmarakShiNaH . 
mAyAvIryopasampannA nivasantyAtmarakShiNaH . 
nivAtakavachA nAma dAnavA yuddhadurmadAH .. 6..\\
jAnAsi cha yathA shakro naitA~nshaknoti vAdhitum .. 7..\\
bahusho mAtale tva.n cha tava putrashcha gomukhaH . 
nirbhagno devarAjashcha saha putraH shachIpatiH .. 8..\\
pashya veshmAni raukmANi mAtale rAjatAni cha . 
karmaNA vidhiyuktena yuktAnyupagatAni cha .. 9..\\
vaiDUrya haritAnIva pravAlaruchirANi cha . 
arkasphaTika shubhrANi varja sArojjvalAni cha .. 10..\\
pArthivAnIva chAbhAnti punarnagamayAni cha . 
shailAnIva cha dR^ishyante tArakANIva chApyuta .. 11..\\
sUryarUpANi chAbhAnti dIptAgnisadR^ishAni cha . 
maNijAlavichitrANi prAMshUni nibiDAni cha .. 12..\\
naitAni shakyaM nirdeShTu.n rUpato dravyatastathA . 
guNatashchaiva siddhAni pramANa guNavanti cha .. 13..\\
AkrIDAnpashya daityAnA.n tathaiva shayanAnyuta . 
ratnavanti mahArhANi bhAjanAnyAsanAni cha .. 14..\\
jaladAbhA.nstathA shailA.nstoyaprasravaNAnvitAn . 
kAmapuShpaphalAMshchaiva pAdapAnkAmachAriNaH .. 15..\\
mAtale kashchidatrApi ruchitaste varo bhavet . 
atha vAnyA.n dishaM bhUmergachchhAva yadi manyase .. 16..\\

 kanva

mAtalistvabravIdenaM bhAShamANa.n tathAvidham . 
devarShe naiva me kArya.n vipriya.n tridivaukasAm .. 17..\\
nityAnuShakta vairA hi bhrAtaro devadAnavAH . 
aripakSheNa sambandha.n rochayiShyAmyaha.n katham .. 18..\\
anyatra sAdhu gachchhAvo draShTuM nArhAmi dAnavAn . 
jAnAmi tu tathAtmAna.n ditsAtma kamala.n yathA .. 19..\\
\medskip\hrule\medskip\centerline{\Largedvng 99}
 n

aya.n lokaH suparNAnAM pakShiNAM pannagAshinAm . 
vikrame gamane bhAre naiShAmasti parishramaH .. 1..\\
vainateya sutaiH sUta ShaDbhistatamida.n kulam . 
sumukhena sunAmnA cha sunetreNa suvarchasA .. 2..\\
surUpa pakShirAjena subalena cha mAtale . 
varthitAni prasUtyA vai vinatA kulakartR^ibhiH .. 3..\\
pakShirAjAbhijAtyAnA.n sahasrANi shatAni cha . 
kashyapasya tato vaMshe jAtairbhUtivivardhanaiH .. 4..\\
sarve hyete shriyA yuktAH sarve shrIvatsa lakShaNAH . 
sarve shriyamabhIpsanto dhArayanti balAnyuta .. 5..\\
karmaNA kShatriyAshchaite nirghR^iNA bhogi bhojinaH . 
GYAtisa~NkShaya kartR^itvAdbrAhmaNyaM na labhanti vai .. 6..\\
nAmAni chaiShA.n vakShyAmi yathA prAdhAnyataH shR^iNu . 
mAtale shlAghyametaddhi kula.n viShNuparigraham .. 7..\\
daivata.n viShNureteShAM viShNureva parAyaNam . 
hR^idi chaiShA.n sadA viShNurviShNureva gatiH sadA .. 8..\\
suvarNachUDo nAgAshI dAruNashchaNDatuNDakaH . 
analashchAnilashchaiva vishAlAkSho.atha kuNDalI .. 9..\\
kAshyapirdhvajaviShkambho vainateyAtha vAmanaH . 
vAtavego dishA chakShurnimeSho nimiShastathA .. 10..\\
trivAraH sapta vArashcha vAlmIkirdvIpakastathA . 
daitya dvIpaH sariddvIpaH sArasaH padmakesaraH .. 11..\\
sumukhaH sukhaketushcha chitrabarhastathAnaghaH . 
meghakR^itkumudo dakShaH sarpAntaH somabhojanaH .. 12..\\
gurubhAraH kapotashcha sUryanetrashchirAntakaH . 
viShNudhanvA kumArashcha paribarho haristathA .. 13..\\
susvaro madhuparkashcha hemavarNastathaiva cha . 
malayo mAtarishvA cha nishAkaradivAkarau .. 14..\\
ete pradesha mAtreNa mayoktA garuDAtmajAH . 
prAdhAnyato.atha yashasA kIrtitAH prANatash cha te .. 15..\\
yadyatra na ruchiH kA chidehi gachchhAva mAtale . 
taM nayiShyAmi desha.n tvA.n ruchiM yatropalapsyase .. 16..\\
\medskip\hrule\medskip\centerline{\Largedvng 100}
 n

ida.n rasAtalaM nAma saptamaM pR^ithivItalam . 
yatrAste surabhirmAtA gavAmamR^itasambhavA .. 1..\\
kSharantI satata.n kShIraM pR^ithivI sArasambhavam . 
ShaNNA.n rasAnAM sAreNa rasamekamanuttamam .. 2..\\
amR^itenAbhitR^iptasya sAramudgirataH purA . 
pitAmahasya vadanAdudatiShThadaninditA .. 3..\\
yasyAH kShIrasya dhArAyA nipatantyA mahItale . 
hradaH kR^itaH kShIranidhiH pavitraM paramuttamam .. 4..\\
puShpitasyeva phenasya paryantamanuveShTitam . 
pibanto nivasantyatra phenapA munisattamAH .. 5..\\
phenapA nAma nAmnA te phenAhArAshcha mAtale . 
ugre tapasi vartante yeShAM bibhyati devatAH .. 6..\\
asyAshchatasro dhenvo.anyA dikShu sarvAsu mAtale . 
nivasanti dishApAlyo dhArayantyo dishaH smR^itAH .. 7..\\
pUrvA.n dishaM dhArayate surUpA nAma saurabhI . 
dakShiNA.n ha.nsakA nAma dhArayatyaparA.n disham .. 8..\\
pashchimA vAruNI dikcha dhAryate vai subhadrayA . 
mahAnubhAvayA nityaM mAtale vishvarUpayA .. 9..\\
sarvakAmadughA nAma dhenurdhArayate disham . 
uttarAM mAtale dharmyA.n tathailavila sa~nj~nitAm .. 10..\\
AsA.n tu payasA mishraM payo nirmathya sAgare . 
manthAnaM mandara.n kR^itvA devairasurasa.nhitaiH .. 11..\\
uddhR^itA vAruNI lakShmIramR^ita.n chApi mAtale . 
uchchaiHshravAshchAshvarAjo maNiratna.n cha kaustubham .. 12..\\
sudhA hAreShu cha sudhA.n svadhA bhojiShu cha svadhAm . 
amR^ita.n chAmR^itAsheShu surabhiH kSharate payaH .. 13..\\
atra gAthA purA gItA rasAtalanivAsibhiH . 
paurANI shrUyate loke gIyate yA manIShibhiH .. 14..\\
na nAgaloke na svarge na vimAne triviShTape . 
parivAsaH sukhastAdR^igrasAtalatale yathA .. 15..\\
\medskip\hrule\medskip\centerline{\Largedvng 101}
 n

iyaM bhogavatI nAma purI vAsukipAlitA . 
yAdR^ishI devarAjasya purI varyAmarAvatI .. 1..\\
eSha sheShaH sthito nAgo yeneya.n dhAryate sadA . 
tapasA lokamukhyena prabhAvamahatA mahI .. 2..\\
shvetochchaya nibhAkAro nAnAvidha vibhUShaNaH . 
sahasra.n dhArayanmUrdhnA jvAlA jihvo mahAbalaH .. 3..\\
iha nAnAvidhAkArA nAnAvidha vibhUShaNAH . 
surasAyAH sutA nAgA nivasanti gatavyathAH .. 4..\\
maNisvastika chakrA~NkAH kamaNDaluka lakShaNAH . 
sahasrasa~NkhyA balinaH sarve raudrAH svabhAvataH .. 5..\\
sahasrashirasaH ke chitke chitpa~nchashatAnanAH . 
shatashIrShAstathA ke chitke chittrishiraso.api cha .. 6..\\
dvipa~ncha shirasaH ke chitke chitsapta mukhAstathA . 
mahAbhogA mahAkAyAH parvatAbhogabhoginaH .. 7..\\
bahUnIha sahasrANi prayutAnyarbudAni cha . 
nAgAnAmekavaMshAnA.n yathA shreShThA.nstu me shR^iNu .. 8..\\
vAsukistakShakashchaiva karkoTaka dhana~njayau . 
kAlIyo nahuShashchaiva kambalAshvatarAvubhau .. 9..\\
bAhyakuNDo maNirnAgastathaivApUraNaH khagaH . 
vAmanashchaila patrashcha kukuraH kukuNastathA .. 10..\\
Aryako nandakashchaiva tathA kalashapotakau . 
kailAsakaH pi~njarako nAgashchairAvatastathA .. 11..\\
sumanomukho dadhimukhaH sha~Nkho nandopanandakau . 
AptaH koTanakashchaiva shikhI niShThUrikastathA .. 12..\\
tittirirhastibhadrashcha kumudo mAlyapiNDakaH . 
dvau padmau puNDarIkashcha puShpo mudgaraparNakaH .. 13..\\
karavIraH pITharakaH sa.nvR^itto vR^itta eva cha . 
piNDAro bilvapatrashcha mUShikAdaH shirIShakaH .. 14..\\
dilIpaH sha~NkhashIrShashcha jyotiShko.athAparAjitaH . 
kauravyo dhR^itarAShTrashcha kumAraH kushakastathA .. 15..\\
virajA dhAraNashchaiva subAhurmukharo jayaH . 
badhirAndhau vikuNDashcha virasaH surasastathA .. 16..\\
ete chAnye cha bahavaH kashyapasyAtmajAH smR^itAH . 
mAtale pashya yadyatra kashchitte rochate varaH .. 17..\\

 kanva

mAtalistvekamavyagraH satata.n saMnirIkShya vai . 
paprachchha nArada.n tatra prItimAniva chAbhavat .. 18..\\
sthito ya eSha purataH kauravyasyAryakasya cha . 
dyutimAndarshanIyashcha kasyaiSha kulanandanaH .. 19..\\
kaH pitA jananI chAsya katamasyaiSha bhoginaH . 
vaMshasya kasyaiSha mahAnketubhUta iva sthitaH .. 20..\\
praNidhAnena dhairyeNa rUpeNa vayasA cha me . 
manaH praviShTo devarShe guNakeshyAH patirvaraH .. 21..\\
mAtaliM prItimanasa.n dR^iShTvA sumukha darshanAt . 
nivedayAmAsa tadA mAhAtmya.n janma karma cha .. 22..\\
airAvata kule jAtaH sumukho nAma nAgarAT . 
Aryakasya mataH pautro dauhitro vAmanasya cha .. 23..\\
etasya hi pitA nAgashchikuro nAma mAtale . 
nachirAdvainateyena pa~nchatvamupapAditaH .. 24..\\
tato.abravItprItamanA mAtalirnArada.n vachaH . 
eSha me ruchitastAta jAmAtA bhujagottamaH .. 25..\\
kriyatAmatra yatno hi prItimAnasmyanena vai . 
asya nAgapaterdAtuM priyA.n duhitaraM mune .. 26..\\
\medskip\hrule\medskip\centerline{\Largedvng 102}
 naarada

sUto.ayaM mAtalirnAma shakrasya dayitaH suhR^it . 
shuchiH shIlaguNopetastejasvI vIryavAnbalI .. 1..\\
shakrasyAya.n sakhA chaiva mantrI sArathireva cha . 
alpAntaraprabhAvashcha vAsavena raNe raNe .. 2..\\
aya.n harisahasreNa yukta.n jaitraM rathottamam . 
devAsureShu yuddheShu manasaiva niyachchhati .. 3..\\
anena vijitAnashvairdorbhyA.n jayati vAsavaH . 
anena prahR^ite pUrvaM balabhitpraharatyuta .. 4..\\
asya kanyA varArohA rUpeNAsadR^ishI bhuvi . 
sattvashIlaguNopetA guNakeshIti vishrutA .. 5..\\
tasyAsya yatnAchcharatastrailokyamamara dyute . 
sumukho bhavataH pautro rochate duhituH patiH .. 6..\\
yadi te rochate saumya bhujagottama mAchiram . 
kriyatAmAryaka kShipraM buddhiH kanyA pratigrahe .. 7..\\
yathA viShNukule lakShmIryathA svAhA vibhAvasoH . 
kule tava tathaivAstu guNakeshI pratIchchhatu .. 8..\\
pautrasyArthe bhavA.nstasmAdguNakeshI pratIchchhatu . 
sadR^ishIM pratirUpasya vAsavasya shachIm iva .. 9..\\
pitR^ihInamapi hyena.n guNato varayAmahe . 
bahumAnAchcha bhavatastathaivairAvatasya cha . 
sumukhasya guNaishchaiva shIlashauchadamAdibhiH .. 10..\\
abhigamya svaya.n kanyAmayaM dAtu.n samudyataH . 
mAlatestasya saMmAna.n kartumarho bhavAnapi .. 11..\\
sa tu dInaH prahR^iShTashcha prAha nAradamAryakaH . 
vriyamANe tathA pautre putre cha nidhana.n gate .. 12..\\
na me naitadbahumata.n devarShe vachanaM tava . 
sakhA shakrasya sa.nyuktaH kasyAyaM nepsito bhavet .. 13..\\
kAraNasya tu daurbalyAchchintayAmi mahAmune . 
bhakShito vainateyena duHkhArtAstena vai vayam .. 14..\\
punareva cha tenokta.n vainateyena gachchhatA . 
mAsenAnyena sumukhaM bhakShayiShya iti prabho .. 15..\\
dhruva.n tathA tadbhavitA jAnImastasya nishchayam . 
tena harShaH pranaShTo me suparNavachanena vai .. 16..\\
mAtalistvabravIdenaM buddhiratra kR^itA mayA . 
jAmAtR^ibhAvena vR^itaH sumukhastava putrajaH .. 17..\\
so.ayaM mayA cha sahito nAradena cha pannagaH . 
trilokesha.n surapati.n gatvA pashyatu vAsavam .. 18..\\
sheSheNaivAsya kAryeNa praGYAsyAmyahamAyuShaH . 
suparNasya vighAte cha prayatiShyAmi sattama .. 19..\\
sumukhashcha mayA sArdha.n deveshamabhigachchhatu . 
kAryasa.nsAdhanArthAya svasti te.astu bhuja~Ngama .. 20..\\
tataste sumukha.n gR^ihya sarva eva mahaujasaH . 
dadR^ishuH shakramAsIna.n devarAjaM mahAdyutim .. 21..\\
sa~NgatyA tatra bhagavAnviShNurAsIchchaturbhujaH . 
tatastatsarvamAchakhyau nArado mAtaliM prati .. 22..\\
tataH purandara.n viShNuruvAcha bhuvaneshvaram . 
amR^ita.n dIyatAmasmai kriyatAmamaraiH samaH .. 23..\\
mAtalirnAradashchaiva sumukhashchaiva vAsava . 
labhantAM bhavataH kAmAtkAmameta.n yathepsitam .. 24..\\
purandaro.atha sa~ncintya vainateya parAkramam . 
viShNumevAbravIdenaM bhavAneva dadAtviti .. 25..\\
Ishastvamasi lokAnA.n charANAmacharAsh cha ye . 
tvayA dattamadatta.n kaH kartumutsahate vibho .. 26..\\
prAdAchchhakrastatastasmai pannagAyAyuruttamam . 
na tvenamamR^itaprAsha.n chakAra balavR^itrahA .. 27..\\
labdhvA vara.n tu sumukhaH sumukhaH sambabhUva ha . 
kR^itadAro yathAkAma.n jagAma cha gR^ihAnprati .. 28..\\
nAradastvAryakashchaiva kR^itakAryau mudA yutau . 
pratijagmaturabhyarchya devarAjaM mahAdyutim .. 29..\\
\medskip\hrule\medskip\centerline{\Largedvng 103}
 kanva

garuDastattu shushrAva yathAvR^ittaM mahAbalaH . 
AyuH pradAna.n shakreNa kR^itaM nAgasya bhArata .. 1..\\
pakShavAtena mahatA ruddhvA tribhuvana.n khagaH . 
suparNaH paramakruddho vAsava.n samupAdravat .. 2..\\
bhagavankimavaGYAnAtkShudhAM prati bhaye mama . 
kAmakAra vara.n dattvA punashchalitavAnasi .. 3..\\
nisargAtsarvabhUtAnA.n sarvabhUteshvareNa me . 
AhAro vihito dhAtrA kimartha.n vAryate tvayA .. 4..\\
vR^itashchaiSha mahAnAgaH sthApitaH samayash cha me . 
anena cha mayA deva bhartavyaH prasavo mahAn .. 5..\\
etasmi.nstvanyathA bhUte nAnya.n hi.nsitumutsahe . 
krIDase kAmakAreNa devarAjayathechchhakam .. 6..\\
so.ahaM prANAnvimokShyAmi tathA parijano mama . 
ye cha bhR^ityA mama gR^ihe prItimAnbhava vAsava .. 7..\\
etachchaivAhamarhAmi bhUyashcha balavR^itrahan . 
trailokyasyeshvaro yo.ahaM parabhR^ityatvamAgataH .. 8..\\
tvayi tiShThati devesha na viShNuH kAraNaM mama . 
trailokyA rAjarAjya.n hi tvayi vAsava shAshvatam .. 9..\\
mamApi dakShasya sutA jananI kashyapaH pitA . 
ahamapyutsahe lokAnsamastAnvoDhuma~njasA .. 10..\\
asahya.n sarvabhUtAnAM mamApi vipulaM balam . 
mayApi sumahatkarmakR^ita.n daiteya vigrahe .. 11..\\
shrutashrIH shrutasenashcha vivasvAnrochanA mukhaH . 
prasabhaH kAlakAkShAshcha mayApi ditijA hatAH .. 12..\\
yattu dhvajasthAna gato yatnAtparicharAmyaham . 
vahAmi chaivAnuja.n te tena mAm avamanyase .. 13..\\
ko.anyo bhArasaho hyasti ko.anyo.asti balavattaraH . 
mayA yo.aha.n vishiShTaH sanvahAmImaM sabAndhavam .. 14..\\
avaGYAya tu yatte.ahaM bhojanAdvyaparopitaH . 
tena me gauravaM naShTa.n tvattashchAsmAchcha vAsava .. 15..\\
adityA.n ya ime jAtA balavikrama shAlinaH . 
tvameShA.n kila sarveShA.n visheShAdbalavattaraH .. 16..\\
so.ahaM pakShaika deshena vahAmi tvA.n gataklamaH . 
vimR^isha tva.n shanaistAta ko nvatra balavAniti .. 17..\\
tasya tadvachana.n shrutvA khagasyodarka dAruNam . 
akShobhya.n kShobhaya.nstArkShyamuvAcha rathachakrabhR^it .. 18..\\
garutmanmanyasa AtmAnaM balavanta.n sudurbalam . 
alamasmatsamakSha.n te stotumAtmAnamaNDaja .. 19..\\
trailokyamapi me kR^itsnamashakta.n dehadhAraNe . 
ahamevAtmanAtmAna.n vahAmi tvA.n cha dhAraye .. 20..\\
ima.n tAvanmamaikaM tvaM bAhu.n savyetaraM vaha . 
yadyena.n dhArayasyeka.n saphalaM te vikatthitam .. 21..\\
tataH sa bhagavA.nstasya skandhe bAhu.n samAsajat . 
nipapAta sa bhArArto vihvalo naShTachetanaH .. 22..\\
yAvAnhi bhAraH kR^itsnAyAH pR^ithivyAH parvataiH saha . 
ekasyA dehashAkhAyAstAvadbhAramamanyata .. 23..\\
na tvenaM pIDayAmAsa balena balavattaraH . 
tato hi jIvita.n tasya na vyanInashadachyutaH .. 24..\\
vipakShaH srastakAyashcha vichetA vihvalaH khagaH . 
mumocha patrANi tadA gurubhAraprapIDitaH .. 25..\\
sa viShNu.n shirasA pakShI praNamya vinatAsutaH . 
vichetA vihvalo dInaH ki.n chidvachanamabravIt .. 26..\\
bhagava.NllokasArasya sadR^ishena vapuShmatA . 
bhujena svairamuktena niShpiShTo.asmi mahItale .. 27..\\
kShantumarhasi me deva vihvalasyAlpa chetasaH . 
baladAha vidagdhasya pakShiNo dhvajavAsinaH .. 28..\\
na viGYAtaM bala.n deva mayA te parama.n vibho . 
tena manyAmyaha.n vIryamAtmano.asadR^ishaM paraiH .. 29..\\
tatashchakre sa bhagavAnprasAda.n vai garutmataH . 
maivaM bhUya iti snehAttadA chainamuvAcha ha .. 30..\\
tathA tvamapi gAndhAre yAvatpANDusutAnraNe . 
nAsAdayasi tAnvIrA.nstAvajjIvasi putraka .. 31..\\
bhImaH praharatA.n shreShTho vAyuputro mahAbalaH . 
dhana~njayashchendra suto na hanyAtA.n tu ka.n raNe .. 32..\\
viShNurvAyushcha shakrashcha dharmastau chAshvinAvubhau . 
ete devAstvayA kena hetunA shakyamIkShitum .. 33..\\
tadala.n te virodhena shamaM gachchha nR^ipAtmaja . 
vAsudevena tIrthena kula.n rakShitumarhasi .. 34..\\
pratyakSho hyasya sarvasya nArado.ayaM mahAtapAH . 
mAhAtmya.n yattadA viShNuryo.aya.n chakragadAdharaH .. 35..\\
duryodhanastu tachchhrutvA niHshvasanbhR^ikuTI mukhaH . 
rAdheyamabhisamprekShya jahAsa svanavattadA .. 36..\\
kadarthI kR^ityatadvAkyamR^iSheH kaNvasya durmatiH . 
Uru.n gajakarAkAraM tADayannidamabravIt .. 37..\\
yathaiveshvara sR^iShTo.asmi yadbhAvi yA cha me gatiH . 
tathA maharShe vartAmi kiM pralApaH kariShyati .. 38..\\
\medskip\hrule\medskip\centerline{\Largedvng 104}
 j

anarthe jAtanirbandhaM parArthe lobhamohitam . 
anAryakeShvabhirataM maraNe kR^itanishchayam .. 1..\\
GYAtInA.n duHkhakartAraM bandhUnA.n shokavardhanam . 
suhR^idA.n kleshadAtAraM dviShatA.n harShavardhanam .. 2..\\
kathaM naina.n vimArgasthaM vArayantIha bAndhavAH . 
sauhR^idAdvA suhR^itsnigdho bhagavAnvA pitAmahaH .. 3..\\
uktaM bhagavatA vAkyamuktaM bhIShmeNa yatkShamam . 
uktaM bahuvidha.n chaiva nAradenApi tachchhR^iNu .. 4..\\
durlabho vai suhR^ichchhrotA durlabhashcha hitaH suhR^it . 
tiShThate hi suhR^idyatra na bandhustatra tiShThati .. 5..\\
shrotavyamapi pashyAmi suhR^idA.n kurunandana . 
na kartavyashcha nirbandho nirbandho hi sudAruNaH .. 6..\\
atrApyudAharantImamitihAsaM purAtanam . 
yathA nirbandhataH prApto gAlavena parAjayaH .. 7..\\
vishvAmitra.n tapasyantaM dharmo jiGYAsayA purA . 
abhyagachchhatsvayaM bhUtvA vasiShTho bhagavAnR^iShiH .. 8..\\
saptarShINAmanyatama.n veShamasthAya bhArata . 
bubhukShuH kShudhito rAjannAshrama.n kaushikasya ha .. 9..\\
vishvAmitro.atha sambhrAntaH shrapayAmAsa vai charu . 
paramAnnasya yatnena na cha sa pratyapAlayat .. 10..\\
anna.n tena yadA bhuktamanyairdattaM tapasvibhiH . 
atha gR^ihyAnnamatyuShNa.n vishvAmitro.abhyupAgamat .. 11..\\
bhuktaM me tiShTha tAvattvamityuktvA bhagavAnyayau . 
vishvAmitrastato rAjansthita eva mahAdyutiH .. 12..\\
bhaktaM pragR^ihya mUrdhnA tadbAhubhyAM pArshvato.agamat . 
sthitaH sthANurivAbhyAshe nishcheShTo mArutAshanaH .. 13..\\
tasya shushrUShaNe yatnamakarodgAlavo muniH . 
gauravAdbahumAnAchcha hArdena priyakAmyayA .. 14..\\
atha varShashate pUrNe dharmaH punarupAgamat . 
vAsiShTha.n veShamAsthAya kaushikaM bhojanepsayA .. 15..\\
sa dR^iShTvA shirasA bhakta.n dhriyamANaM maharShiNA . 
tiShThatA vAyubhakSheNa vishvAmitreNa dhImatA .. 16..\\
pratigR^ihya tato dharmastathaivoShNa.n tathA navam . 
bhuktvA prIto.asmi viprarShe tamuktvA sa munirgataH .. 17..\\
kShatrabhAvAdapagato vishvAmitrastadAbhavat . 
dharmasya vachanAtprIto vishvAmitrastadAbhavat .. 18..\\
vishvAmitrastu shiShyasya gAlavasya tapasvinaH . 
shushrUShayA cha bhaktyA cha prItimAnityuvAcha tam . 
anuGYAto mayA vatsa yatheShTa.n gachchha gAlava .. 19..\\
ityuktaH pratyuvAcheda.n gAlavo munisattamam . 
prIto madhurayA vAchA vishvAmitraM mahAdyutim .. 20..\\
dakShiNA.n kAM prayachchhAmi bhavate guru karmaNi . 
dakShiNAbhirupeta.n hi karma sidhyati mAnavam .. 21..\\
dakShiNAnA.n hi sR^iShTAnAmapavargeNa bhujyate . 
svarge kratuphala.n sadbhirdakShiNA shAntiruchyate . 
kimAharAmi gurvarthaM bravItu bhagavAniti .. 22..\\
jAnamAnastu bhagavA~njitaH shushrUShaNena cha . 
vishvAmitrastamasakR^idgachchha gachchhetyachodayat .. 23..\\
asakR^idgachchha gachchheti vishvAmitreNa bhAShitaH . 
ki.n dadAnIti bahusho gAlavaH pratyabhAShata .. 24..\\
nirbandhatastu bahusho gAlavasya tapasvinaH . 
ki.n chidAgatasa.nrambho vishvAmitro.abravIdidam .. 25..\\
ekataH shyAma karNAnA.n shatAnyaShTau dadasva me . 
hayAnA.n chandra shubhrANAM gachchha gAlava mAchiram .. 26..\\
\medskip\hrule\medskip\centerline{\Largedvng 105}
 n

evamuktastadA tena vishvAmitreNa dhImatA . 
nAste na shete nAhAra.n kurute gAlavastadA .. 1..\\
tvagasthi bhUto hariNashchintAshokaparAyaNaH . 
shochamAno.atimAtra.n sa dahyamAnashcha manyunA .. 2..\\
kutaH puShTAni mitrANi kuto.arthAH sa~ncayaH kutaH . 
hayAnA.n chandra shubhrANA.n shatAnyaShTau kuto mama .. 3..\\
kuto me bhojanashraddhA sukhashraddhA kutash cha me . 
shraddhA me jIvitasyApi chhinnA ki.n jIvitena me .. 4..\\
ahaM pAra.n samudrasya pR^ithivyA vA paraM parAt . 
gatvAtmAna.n vimu~nchAmi kiM phala.n jIvitena me .. 5..\\
adhanasyAkR^itArthasya tyaktasya vividhaiH phalaiH . 
R^iNa.n dhArayamANasya kutaH sukhamanIhayA .. 6..\\
suhR^idA.n hi dhanaM bhuktvA kR^itvA praNayamIpsitam . 
pratikartumashaktasya jIvitAnmaraNa.n varam .. 7..\\
pratishrutya kariShyeti kartavya.n tadakurvataH . 
mithyAvachanadagdhasya iShTApUrtaM praNashyati .. 8..\\
na rUpamanR^itasyAsti nAnR^itasyAsti santatiH . 
nAnR^itasyAdhipatya.n cha kuta eva gatiH shubhA .. 9..\\
kutaH kR^itaghnasya yashaH kutaH sthAna.n kutaH sukham . 
ashraddheyaH kR^itaghno hi kR^itaghne nAsti niShkR^itiH .. 10..\\
na jIvatyadhanaH pApaH kutaH pApasya tantraNam . 
pApo dhruvamavApnoti vinAshaM nAshayankR^itam .. 11..\\
so.ahaM pApaH kR^itaghnashcha kR^ipaNashchAnR^ito.api cha . 
guroryaH kR^itakAryaH sa.nstatkaromi na bhAShitam . 
so.ahaM prANAnvimokShyAmi kR^itvA yatnamanuttamam .. 12..\\
arthanA cha mayA kA chitkR^itapUrvA divaukasAm . 
mAnayanti cha mA.n sarve tridashA yaGYasa.nstare .. 13..\\
aha.n tu vibudhashreShThaM devaM tribhuvaneshvaram . 
viShNu.n gachchhAmyahaM kR^iShNaM gatiM gatimatA.n varam .. 14..\\
bhogA yasmAtpratiShThante vyApya sarvAnsurAsurAn . 
prayato draShTumichchhAmi mahAyoginamavyayam .. 15..\\
evamukte sakhA tasya garuDo vinatAtmajaH . 
darshayAmAsa taM prAha sa.nhR^iShTaH priyakAmyayA .. 16..\\
suhR^idbhavAnmama mataH suhR^idA.n cha mataH suhR^it . 
IpsitenAbhilASheNa yoktavyo vibhave sati .. 17..\\
vibhavashchAsti me vipra vAsavAvarajo dvija . 
pUrvamuktastvadartha.n cha kR^itaH kAmash cha tena me .. 18..\\
sa bhavAnetu gachchhAva nayiShye tvA.n yathAsukham . 
deshaM pAraM pR^ithivyA vA gachchha gAlava mAchiram .. 19..\\
\medskip\hrule\medskip\centerline{\Largedvng 106}
 suparna

anushiShTo.asmi devena gAlavAGYAta yoninA . 
brUhi kAmanusa.nyAmi draShTuM prathamato disham .. 1..\\
pUrvA.n vA dakShiNAM vAhamatha vA pashchimA.n disham . 
uttarA.n vA dvijashreShTha kuto gachchhAmi gAlava .. 2..\\
yasyAmudayate pUrva.n sarvalokaprabhAvanaH . 
savitA yatra sandhyAyA.n sAdhyAnAM vartate tapaH .. 3..\\
yasyAM pUrvaM matirjAtA yayA vyAptamida.n jagat . 
chakShuShI yatra dharmasya yatra chaiSha pratiShThitaH .. 4..\\
huta.n yato mukhairhavyaM sarpate sarvatodisham . 
etaddvAra.n dvijashreShTha divasasya tathAdhvanaH .. 5..\\
yatra pUrvaM prasUtA vai dAkShAyaNyaH prajAH striyaH . 
yasyA.n dishi pravR^iddhAshcha kashyapasyAtmasambhavAH .. 6..\\
yatomUlA surANA.n shrIryatra shakro.abhyaShichyatA . 
surarAjyena viprarShe devaishchAtra tapash chitam .. 7..\\
etasmAtkAraNAdbrahmanpUrvetyeShA duguchyate . 
yasmAtpUrvatare kAle pUrvameShAvR^itA suraiH .. 8..\\
ata eva cha pUrveShAM pUrvAmAshAmavekShatAm . 
pUrvakAryANi kAryANi daivAni sukhamIpsatA .. 9..\\
atra vedA~njagau pUrvaM bhagavA.NllokabhAvanaH . 
atraivoktA savitrAsItsAvitrI brahmavAdiShu .. 10..\\
atra dattAni sUryeNa yajUMShi dvijasattama . 
atra labdhavaraiH somaH suraiH kratuShu pIyate .. 11..\\
atra tR^iptA hutavahAH svA.n yonimupabhu~njate . 
atra pAtAlamAshritya varuNaH shriyamApa cha .. 12..\\
atra pUrva.n vasiShThasya paurANasya dvijarShabha . 
sUtishchaiva pratiShThA cha nidhana.n cha prakAshate .. 13..\\
o~NkArasyAtra jAyante sUtayo dashatIrdasha . 
pibanti munayo yatra havirdhAne sma somapAH .. 14..\\
prokShitA yatra bahavo varAhAdyA mR^igA vane . 
shakreNa yatra bhAgArthe daivateShu prakalpitAH .. 15..\\
atrAhitAH kR^itaghnAshcha mAnuShAshchAsurAsh cha ye . 
udaya.nstAnhi sarvAnvai krodhAddhanti vibhAvasuH .. 16..\\
etaddvAra.n trilokasya svargasya cha mukhasya cha . 
eSha pUrvo dishA bhAgo vishAvaina.n yadIchchhasi .. 17..\\
priya.n kArya.n hi me tasya yasyAsmi vachane sthitaH . 
brUhi gAlava yAsyAmi shR^iNu chApyaparA.n disham .. 18..\\
\medskip\hrule\medskip\centerline{\Largedvng 107}
 suparna

iya.n vivasvatA pUrvaM shrautena vidhinA kila . 
gurave dakShiNA dattA dakShiNetyuchyate.atha dik .. 1..\\
atra lokatrayasyAsya pitR^ipakShaH pratiShThitaH . 
atroShmapAnA.n devAnAM nivAsaH shrUyate dvija .. 2..\\
atra vishve sadA devAH pitR^ibhiH sArdhamAsate . 
ijyamAnAH sma lokeShu samprAptAstulyabhAgatAm .. 3..\\
etaddvitIya.n dharmasya dvAramAchakShate dvija . 
truTisho lavashashchAtra gaNyate kAlanishchayaH .. 4..\\
atra devarShayo nityaM pitR^ilokarShayastathA . 
tathA rAjarShayaH sarve nivasanti gatavyathAH .. 5..\\
atra dharmashcha satya.n cha karma chAtra nishAmyate . 
gatireShA dvijashreShTha karmaNAtmAvasAdinaH .. 6..\\
eShA diksA dvijashreShTha yA.n sarvaH pratipadyate . 
vR^itA tvanavabodhena sukha.n tena na gamyate .. 7..\\
nairR^itAnA.n sahasrANi bahUnyatra dvijarShabha . 
sR^iShTAni pratikUlAni draShTavyAnyakR^itAtmabhiH .. 8..\\
atra mandaraku~njeShu viprarShisadaneShu cha . 
gandharvA gAnti gAthA vai chittabuddhiharA dvija .. 9..\\
atra sAmAni gAthAbhiH shrutvA gItAni raivataH . 
gatadAro gatAmAtyo gatarAjyo vana.n gataH .. 10..\\
atra sAvarNinA chaiva yavakrItAtmajena cha . 
maryAdA sthApitA brahmanyA.n sUryo nAtivartate .. 11..\\
atra rAkShasarAjena paulasthyena mahAtmanA . 
rAvaNena tapashchIrtvA surebhyo.amaratA vR^itA .. 12..\\
atra vR^ittena vR^itro.api shakrashatrutvamIyivAn . 
atra sarvAsavaH prAptAH punargachchhanti pa~nchadhA .. 13..\\
atra duShkR^itakarmANo narAH pachyanti gAlava . 
atra vaitaraNI nAma nadI vitaraNairvR^itA . 
atra gatvA sukhasyAnta.n duHkhasyAntaM prapadyate .. 14..\\
atrAvR^itto dinakaraH kSharate surasaM payaH . 
kAShThA.n chAsAdya dhAniShThA.n himamutsR^ijate punaH .. 15..\\
atrAha.n gAlava purA kShudhArtaH parichintayan . 
labdhavAnyudhyamAnau dvau bR^ihantau gala kachchhapau .. 16..\\
atra shakradhanurnAma sUryAjjAto mahAnR^iShiH . 
vidurya.n kapilaM deva.n yenAttAH sagarAtmajAH .. 17..\\
atra siddhAH shivA nAma brAhmaNA vedapAragAH . 
adhItya sakhilAnvedAnAlabhante yamakShayam .. 18..\\
atra bhogavatI nAma purI vAsukipAlitA . 
takShakeNa cha nAgena tathaivairAvatena cha .. 19..\\
atra niryANakAleShu tamaH samprApyate mahat . 
abhedyaM bhAskareNApi svaya.n vA kR^iShNavartmanA .. 20..\\
eSha tasyApi te mArgaH paritApasya gAlava . 
brUhi me yadi gantavyaM pratIchI.n shR^iNu vA mama .. 21..\\
\medskip\hrule\medskip\centerline{\Largedvng 108}
 suparna

iya.n digdayitA rAGYo varuNasya tu gopateH . 
sadA salilarAjasya pratiShThA chAdireva cha .. 1..\\
atra pashchAdahaH sUryo visarjayati bhAH svayam . 
pashchimetyabhivikhyAtA digiya.n dvijasattama .. 2..\\
yAdasAmatra rAjyena salilasya cha guptaye . 
kashyapo bhagavAndevo varuNa.n smAbhyaShechayat .. 3..\\
atra pItvA samastAnvai varuNasya rasA.nstu ShaT . 
jAyate taruNaH somaH shuklasyAdau tamisrahA .. 4..\\
atra pashchAtkR^itA daityA vAyunA sa.nyatAstadA . 
niHshvasanto mahAnAgairarditAH suShupurdvija .. 5..\\
atra sUryaM praNayinaM pratigR^ihNAti parvataH . 
asto nAma yataH sandhyA pashchimA pratisarpati .. 6..\\
ato rAtrishcha nidrA cha nirgatA divasakShaye . 
jAyate jIvalokasya hartumardhamivAyuShaH .. 7..\\
atra devI.n diti.n suptAmAtmaprasava dhAriNIm . 
vigarbhAmakarochchhakro yatra jAto marudgaNaH .. 8..\\
atra mUla.n himavato mandaraM yAti shAshvatam . 
api varShasahasreNa na chAsyAnto.adhigamyate .. 9..\\
atra kA~nchanashailasya kA~nchanAmbuvahasya cha . 
udadhestIramAsAdya surabhiH kSharate payaH .. 10..\\
atra madhye samudrasya kabandhaH pratidR^ishyate . 
svarbhAnoH sUryakalpasya somasUryau jighA.nsataH .. 11..\\
suvarNashiraso.apyatra hariromNaH pragAyataH . 
adR^ishyasyAprameyasya shrUyate vipulo dhvaniH .. 12..\\
atra dhvajavatI nAma kumArI hari medhasaH . 
AkAshe tiShTha tiShTheti tasthau sUryasya shAsanAt .. 13..\\
atra vAyustathA vahnirApaH kha.n chaiva gAlava . 
Ahnika.n chaiva naishaM cha duHkhasparsha.n vimu~nchati . 
ataH prabhR^iti sUryasya tiryagAvartate gatiH .. 14..\\
atra jyotIMShi sarvANi vishantyAdityamaNDalam . 
aShTAviMshati rAtra.n cha cha~Nkramya saha bhAnunA . 
niShpatanti punaH sUryAtsomasa.nyogayogataH .. 15..\\
atra nitya.n sravantInAM prabhavaH sAgarodayaH . 
atra lokatrayasyApastiShThanti varuNAshrayAH .. 16..\\
atra pannagarAjasyApyanantasya niveshanam . 
anAdi nidhanasyAtra viShNoH sthAnamanuttamam .. 17..\\
atrAnala sakhasyApi pavanasya niveshanam . 
maharSheH kashyapasyAtra mArIchasya niveshanam .. 18..\\
eSha te pashchimo mArgo digdvAreNa prakIrtitaH . 
brUhi gAlava gachchhAvo buddhiH kA dvijasattama .. 19..\\
\medskip\hrule\medskip\centerline{\Largedvng 109}
 suparna

yasmAduttAryate pApAdyasmAnniHshreyaso.ashnute . 
tasmAduttAraNa phalAduttaretyuchyate budhaiH .. 1..\\
uttarasya hiraNyasya parivApasya gAlava . 
mArgaH pashchimapUrvAbhyA.n digbhyA.n vai madhyamaH smR^itaH .. 2..\\
asyA.n dishi variShThAyAmuttarAyAM dvijarShabha . 
nAsaumyo nAvidheyAtmA nAdharmyo vasate janaH .. 3..\\
atra nArAyaNaH kR^iShNo juShNushchaiva narottamaH . 
badaryAmAshramapade tathA brahmA cha shAshvataH .. 4..\\
atra vai himavatpR^iShThe nityamAste maheshvaraH . 
atra rAjyena viprANA.n chandramAshchAbhyaShichyata .. 5..\\
atra ga~NgAM mahAdevaH patantI.n gaganAchchyutAm . 
pratigR^ihya dadau loke mAnuShe brahmavittama .. 6..\\
atra devyA tapastaptaM maheshvara parIpsayA . 
atra kAmashcha roShashcha shailashchomA cha sambabhuH .. 7..\\
atra rAkShasa yakShANA.n gandharvANAM cha gAlava . 
Adhipatyena kailAse dhanado.apyabhiShechitaH .. 8..\\
atra chaitraratha.n ramyamatra vaikhAnasAshramaH . 
atra mandAkinI chaiva mandarashcha dvijarShabha .. 9..\\
atra saugandhika vanaM nairR^itairabhirakShyate . 
shADvala.n kadalI skandhamatra santAnakA nagAH .. 10..\\
atra sa.nyamanityAnA.n siddhAnAM svairachAriNAm . 
vimAnAnyanurUpANi kAmabhogyAni gAlava .. 11..\\
atra te R^iShayaH sapta devI chArundhatI tathA . 
atra tiShThati vai svAtiratrAsyA udayaH smR^itaH .. 12..\\
atra yaGYa.n samAruhya dhruvaM sthAtA pitAmaha . 
jyotIMShi chandrasUryau cha parivartanti nityashaH .. 13..\\
atra gAyantikA dvAra.n rakShanti dvijasattamAH . 
dhAmA nAma mahAtmAno munayaH satyavAdinaH .. 14..\\
na teShA.n GYAyate sUtirnAkR^itirna tapash chitam . 
aprivarta sahasrANi kAmabhogyAni gAlava .. 15..\\
yathA yathA pravishati tasmAtparataraM naraH . 
tathA tathA dvijashreShTha pravilIyati gAlava .. 16..\\
na tatkena chidanyena gatapUrva.n dvijarShabha . 
R^ite nArAyaNa.n devaM nara.n vA jiShNumavyayam .. 17..\\
atra kailAsamityukta.n sthAnamailavilasya tat . 
atra vidyutprabhA nAma jaGYire.apsaraso dasha .. 18..\\
atra viShNupadaM nAma kramatA viShNunA kR^itam . 
trilokavikrame brahmannuttarA.n dishamAshritam .. 19..\\
atra rAGYA maruttena yaGYeneShTa.n dvijottama . 
ushIrabIje viprarShe yatra jAmbUnada.n saraH .. 20..\\
jImUtasyAtra viprarSherupatasthe mahAtmanaH . 
sAkShAddhaimavataH puNyo vimalaH kamalAkaraH .. 21..\\
brAhmaNeShu cha yatkR^itsna.n svanta.n kR^itvA dhanaM mahat . 
vavre vanaM maharShiH sa jaimUta.n tadvanaM tataH .. 22..\\
atra nitya.n dishApAlAH sAyamprAtardvijarShabha . 
kasya kArya.n kimiti vai karikroshanti gAlava .. 23..\\
evameShA dvijashreShThaguNairanyairdiguttarA . 
uttareti parikhyAtA sarvakarmasu chottarA .. 24..\\
etA vistarashastAta tava sa~NkIrtitA dishaH . 
chatasraH kramayogena kAmAshA.n gantumichchhasi .. 25..\\
udyato.aha.n dvijashreShTha tava darshayituM dishaH . 
pR^ithivI.n chAkhilAM brahma.nstasmAdAroha mAM dvija .. 26..\\
\medskip\hrule\medskip\centerline{\Largedvng 110}
 gaalava

garutmanbhujagendrAre suparNavinatAtmaja . 
nayamA.n tArkShya pUrveNa yatra dharmasya chakShuShI .. 1..\\
pUrvametA.n dishaM gachchha yA pUrvaM parikIrtitA . 
daivatAnA.n hi sAMnidhyamatra kIrtitavAnasi .. 2..\\
atra satya.n cha dharmashcha tvayA samyakprakIrtitaH . 
ichchheya.n tu samAgantu.n samastairdaivatairaham . 
bhUyashcha tAnsurAndraShTumichchheyamaruNAnuja .. 3..\\
tamAha vinatA sUnurArohasveti vai dvijam . 
ArurohAtha sa munirgaruDa.n gAlavastadA .. 4..\\
kramamANasya te rUpa.n dR^ishyate pannagAshana . 
bhAskarasyeva pUrvAhNe sahasrAMshorvivasvataH .. 5..\\
pakShavAtapraNunnAnA.n vR^ikShANAmanugAminAm . 
prasthitAnAmiva samaM pashyAmIha gati.n khaga .. 6..\\
sasAgaravanAmurvI.n sashailavanakAnanAm . 
AkarShanniva chAbhAsi pakShavAtena khechara .. 7..\\
samInanAganakra.n cha khamivAropyate jalam . 
vAyunA chaiva mahatA pakShavAtena chAnisham .. 8..\\
tulyarUpAnanAnmatsyA.nstimimatsyA.nstimi~NgilAn . 
nAgAMshcha naravaktrAMshcha pashyAmyunmathitAniva .. 9..\\
mahArNavasya cha ravaiH shrotre me badhirI kR^ite . 
na shR^iNomi na pashyAmi nAtmano vedmi kAraNam .. 10..\\
shanaiH sAdhu bhavAnyAtu brahmahatyAm anusmaran . 
na dR^ishyate ravistAta na disho na cha kha.n khaga .. 11..\\
tama eva tu pashyAmi sharIra.n te na lakShaye . 
maNIva jAtyau pashyAmi chakShuShI te.ahamaNDaja .. 12..\\
sharIre tu na pashyAmi tava chaivAtmanash cha ha . 
pade pade tu pashyAmi salilAdagnimutthitam .. 13..\\
sa me nirvApya sahasA chakShuShI shAmyate punaH . 
tannivarta mahAnkAlo gachchhato vinatAtmaja .. 14..\\
na me prayojana.n kiM chidgamane pannagAshana . 
saMnivarta mahAvegana vega.n viShahAmi te .. 15..\\
gurave saMshrutAnIha shatAnyaShTau hi vAjinAm . 
ekataH shyAma karNAnA.n shubhrANA.n chandra varchasAm .. 16..\\
teShA.n chaivApavargAya mArgaM pashyAmi nANDaja . 
tato.aya.n jIvitatyAge dR^iShTo mArgo mayAtmanaH .. 17..\\
naiva me.asti dhana.n kiM chinna dhanenAnvitaH suhR^it . 
na chArthenApi mahatA shakyametadvyapohitum .. 18..\\
evaM bahu cha dIna.n cha bruvANaM gAlavaM tadA . 
pratyuvAcha vrajanneva prahasanvinatAtmajaH .. 19..\\
nAtipraGYo.asi viprarShe yo.a.atmAna.n tyaktumichchhasi . 
na chApi kR^itrimaH kAlaH kAlo hi parameshvaraH .. 20..\\
kimahaM pUrvameveha bhavatA nAbhichoditaH . 
upAyo.atra mahAnasti yenaitadupapadyate .. 21..\\
tadeSha R^iShabho nAma parvataH sAgarorasi . 
atra vishramya bhuktvA cha nivartiShyAva gAlava .. 22..\\
\medskip\hrule\medskip\centerline{\Largedvng 111}
 n

R^iShabhasya tataH shR^i~Nge nipatya dvija pakShiNau . 
shANDilIM brAhmaNI.n tatra dadR^ishAte tapo.anvitAm .. 1..\\
abhivAdya suparNastu gAlavashchAbhipUjya tAm . 
tayA cha svAgatenoktau viShTare saMniShIdatuH .. 2..\\
siddhamanna.n tayA kShipraM balimantropabR^i.nhitam . 
bhuktvA tR^iptAvubhau bhUmau suptau tAvannamohitau .. 3..\\
muhUrtAtpratibuddhastu suparNo gamanepsayA . 
atha bhraShTatanUjA~NgamAtmAna.n dadR^ishe khagaH .. 4..\\
mA.nsapiNDopamo.abhUtsa mukhapAdAnvitaH khagaH . 
gAlavasta.n tathA dR^iShTvA viShaNNaH paryapR^ichchhata .. 5..\\
kimidaM bhavatA prAptamihAgamanajaM phalam . 
vAso.ayamiha kAla.n tu kiyantaM nau bhaviShyati .. 6..\\
kiM nu te manasA dhyAtamashubha.n dharmadUShaNam . 
na hyayaM bhavataH svalpo vyabhichAro bhaviShyati .. 7..\\
suparNo.athAbravIdvipraM pradhyAta.n vai mayA dvija . 
imA.n siddhAmito netu.n tatra yatra prajApatiH .. 8..\\
yatra devo mahAdevo yatra viShNuH sanAtanaH . 
yatra dharmashcha yaGYashcha tatreyaM nivasediti .. 9..\\
so.ahaM bhagavatI.n yAche praNataH priyakAmyayA . 
mayaitannAma pradhyAtaM manasA shochatA kila .. 10..\\
tadevaM bahumAnAtte mayehAnIpsita.n kR^itam . 
sukR^ita.n duShkR^ita.n vA tvaM mAhAtmyAtkShantumarhasi .. 11..\\
sA tau tadAbravIttuShTA patagendra dvijarShabhau . 
na bhetavya.n suparNo.asi suparNa tyaja sambhramam .. 12..\\
ninditAsmi tvayA vatsa na cha nindA.n kShamAmyaham . 
lokebhyaH sa paribhrashyedyo mAM nindeta pApakR^it .. 13..\\
hInayAkalShaNaiH sarvaistathAninditayA mayA . 
AchAraM pratigR^ihNantyA siddhiH prApteyamuttamA .. 14..\\
AchArAllabhate dharmamAchArAllabhate dhanam . 
AchArAchchhriyamApnoti AchAro hantyalakShaNam .. 15..\\
tadAyuShmankhaga pate yatheShTa.n gamyatAmitaH . 
na cha te garhaNIyApi harhitavyAH striyaH kva chit .. 16..\\
bhavitAsi yathApUrvaM balavIryasamanvitaH . 
babhUvatustatastasya pakShau draviNavattarau .. 17..\\
anuGYAtashcha shANDilyA yathAgatamupAgamat . 
naiva chAsAdayAmAsa tathArUpA.nstura~NgamAn .. 18..\\
vishvAmitro.atha ta.n dR^iShTvA gAlavaM chAdhvani sthitam . 
uvAcha vadatA.n shreShTho vainateyasya saMnidhau .. 19..\\
yastvayA svayamevArthaH pratiGYAto mama dvija . 
tasya kAlo.apavargasya yathA vA manyate bhavAn .. 20..\\
pratIkShiShyAmyaha.n kAlametAvantaM tathA param . 
yathA sa.nsidhyate vipra sa mArgastu nishamyatAm .. 21..\\
suparNo.athAbravIddIna.n gAlavaM bhR^ishaduHkhitam . 
pratyakSha.n khalvidAnIM me vishvAmitro yaduktavAn .. 22..\\
tadAgachchha dvijashreShTha mantrayiShyAva gAlava . 
nAdattvA gurave shakya.n kR^itsnamarthaM tvayAsitum .. 23..\\
\medskip\hrule\medskip\centerline{\Largedvng 112}
 n

athAha gAlava.n dIna.n suparNaH patatAM varaH . 
nirmita.n vahninA bhUmau vAyunA vaidhita.n tathA . 
yasmAddhiraNmaya.n sarvaM hiraNya.n tena chochyate .. 1..\\
dhatte dhArayate chedametasmAtkAraNAddhanam . 
tadetattriShu lokeShu dhana.n tiShThati shAshvatam .. 2..\\
nityaM proShThapadAbhyA.n cha shukre dhanapatau tathA . 
manuShyebhyaH samAdatte shukrashchittArjita.n dhanam .. 3..\\
ajaika pAdahirbudhnyai rakShyate dhanadena cha . 
evaM na shakyate labdhumalabdhavya.n dvijarShabha .. 4..\\
R^ite cha dhanamashvAnAM nAvAptirvidyate tava . 
artha.n yAchAtra rAjAna.n kaM chidrAjarShivaMshajam . 
apIDya rAjA paurAnhi yo nau kuryAtkR^itAthinau .. 5..\\
asti somAnvavAye me jAtaH kashchinnR^ipaH sakhA . 
abhigachchhAvahe ta.n vai tasyAsti vibhavo bhuvi .. 6..\\
yayAtirnAma rAjarShirnAhuShaH satyavikramaH . 
sa dAsyati mayA chokto bhavatA chArthitaH svayam .. 7..\\
vibhavashchAsya sumahAnAsIddhanapateriva . 
eva.n sa tu dhanaM vidvAndAnenaiva vyashodhayat .. 8..\\
tathA tau kathayantau cha chintayantau cha yatkShamam . 
pratiShThAne narapati.n yayAtiM prayupasthitau .. 9..\\
pratigR^ihya cha satkAramarghAdiM bhojana.n varam . 
pR^iShTashchAgamane hetumuvAcha vinatAsutaH .. 10..\\
ayaM me nAhuSha sakhA gAlavastapaso nidhiH . 
vishvAmitrasya shiShyo.abhUdvarShANyayutasho nR^ipa .. 11..\\
so.aya.n tenAbhyanuGYAta upakArepsayA dvijaH . 
tamAha bhagavAnkA.n te dadAni guru dakShiNAm .. 12..\\
asakR^ittena choktena ki.n chidAgatamanyunA . 
ayamuktaH prayachchheti jAnatA vibhava.n laghu .. 13..\\
ekataH shyAma karNAnA.n shubhrANAM shuddhajanmanAm . 
aShTau shatAni me dehi hayAnA.n chandra varchasAm .. 14..\\
gurvartho dIyatAmeSha yadi gAlava manyase . 
ityevamAha sakrodho vishvAmitrastapodhanaH .. 15..\\
so.aya.n shokena mahatA tapyamAno dvijarShabhaH . 
ashaktaH pratikartu.n tadbhavanta.n sharaNaM gataH .. 16..\\
patigR^ihya naravyAghra tvatto bhikShA.n gatavyayaH . 
kR^itvApavarga.n gurave chariShyati mahattapaH .. 17..\\
tapasaH sa.nvibhAgena bhavantamapi yokShyate . 
svena rAjarShitapasA pUrNa.n tvAM pUrayiShyati .. 18..\\
yAvanti romANi haye bhavanti hi nareshvara . 
tAvato vAjidA lokAnprApnuvanti mahIpate .. 19..\\
pAtraM pratigrahasyAya.n dAtuM pAtraM tathA bhavAn . 
sha~Nkhe kShIramivAsaktaM bhavatvetattathopamam .. 20..\\
\medskip\hrule\medskip\centerline{\Largedvng 113}
 n

evamuktaH suparNena tathya.n vachanamuttamam . 
vimR^ishyAvahito rAjA nishchitya cha punaH punaH .. 1..\\
yaShTA kratusahasrANA.n dAtA dAnapatiH prabhuH . 
yayAtirvatsa kAshIsha ida.n vachanamabravIt .. 2..\\
dR^iShTvA priyasakha.n tArkShyaM gAlavaM cha dvijarShabham . 
nidarshana.n cha tapaso bhikShA.n shlAghyAM cha kIrtitAm .. 3..\\
atItya cha nR^ipAnanyAnAdityakulasambhavAn . 
matsakAshamanuprAptAvetau buddhimavekShya cha .. 4..\\
adya me saphala.n janma tAritaM chAdya me kulam . 
adyAya.n tArito desho mama tArkShya tvayAnagha .. 5..\\
vaktumichchhAmi tu sakhe yathA jAnAsi mAM purA . 
na tathA vittavAnasmi kShINa.n vittaM hi me sakhe .. 6..\\
na cha shakto.asmi te kartuM moghamAgamana.n khaga . 
na chAshAmasya viprarShervitathA.n kartumutsahe .. 7..\\
tattu dAsyAmi yatkAryamida.n sampAdayiShyati . 
abhigamya hatAsho hi nivR^itto dahate kulam .. 8..\\
nAtaH para.n vainateya ki.n chitpApiShThamuchyate . 
yathAshA nAshanamloke dehi nAstIti vA vachaH .. 9..\\
hatAsho hyakR^itArthaH sanhataH sambhAvito naraH . 
hinasti tasya putrAMshcha pautrAMshchAkurvato.arthinAm .. 10..\\
tasmAchchaturNA.n vaMshAnAM sthApayitrI sutA mama . 
iya.n surasuta prakhyA sarvadharmopachAyinI .. 11..\\
sadA devamanuShyANAmasurANA.n cha gAlava . 
kA~NkShitA rUpato bAlA sutA me pratigR^ihyatAm .. 12..\\
asyAH shulkaM pradAsyanti nR^ipA rAjyamapi dhruvam . 
kiM punaH shyAma karNAnA.n hayAnA.n dve chatuHshate .. 13..\\
sa bhavAnpratigR^ihNAtu mamemAM mAdhavI.n sutAm . 
aha.n dauhitravAnsyA.n vai vara eSha mama prabho .. 14..\\
pratigR^ihya cha tA.n kanyAM gAlavaH saha pakShiNA . 
punardrakShyAva ityuktvA pratasthe saha kanyayA .. 15..\\
upalabdhamida.n dvAramashvAnAmiti chANDajaH . 
uktvA gAlavamApR^ichchhya jagAma bhavana.n svakam .. 16..\\
gate patagarAje tu gAlavaH saha kanyayA . 
chintayAnaH kShama.n dAne rAGYA.n vai shulkato.agamat .. 17..\\
so.agachchhanmanasekShvAku.n haryashvaM rAjasattamam . 
ayodhyAyAM mahAvIrya.n chatura~Nga balAnvitam .. 18..\\
koshadhAnya balopetaM priya paura.n dvija priyam . 
prajAbhikAma.n shAmyanta.n kurvANaM tapa uttamam .. 19..\\
tamupAgamya vipraH sa haryashva.n gAlavo.abravIt . 
kanyeyaM mama rAjendra prasavaiH kulavardhinI .. 20..\\
iya.n shuklena bhAryArthe haryashvapratigR^ihyatAm . 
shulka.n te kIrtayiShyAmi tachchhrutvA sampradhAryatAm .. 21..\\
\medskip\hrule\medskip\centerline{\Largedvng 114}
 n

haryashvastvabravIdrAjA vichintya bahudhA tataH . 
dIrghamuShNa.n cha niHshvasya prajA hetornR^ipottamaH .. 1..\\
unnateShUnnatA ShaTsu sUkShmA sUkShmeShu saptasu . 
gambhIrA triShu gambhIreShviya.n raktA cha pa~nchasu .. 2..\\
bahu devAsurAlokA bahu gandharvadarshanA . 
bahu lakShaNasampannA bahu prasava dAriNI .. 3..\\
samartheya.n janayituM chakravartinamAtmajam . 
brUhi shulka.n dvijashreShTha samIkShya vibhavaM mama .. 4..\\
ekataH shyAma karNAnA.n shatAnyaShTau dadasva me . 
hayAnA.n chandra shubhrANAM deshajAnA.n vapuShmatAm .. 5..\\
tatastava bhavitrIyaM putrANA.n jananI shubhA . 
araNIva hutAshAnA.n yonirAyatalochanA .. 6..\\
etachchhrutvA vacho rAjA haryashvaH kAmamohitaH . 
uvAcha gAlava.n dIno rAjarShirR^iShisattamam .. 7..\\
dve me shate saMnihite hayAnA.n yadvidhAstava . 
eShTavyAH shatashastvanye charanti mama vAjinaH .. 8..\\
so.ahamekamapatya.n vai janayiShyAmi gAlava . 
asyAmetaM bhavAnkAma.n sampAdayatu me varam .. 9..\\
etachchhrutvA tu sA kanyA gAlava.n vAkyamabravIt . 
mama datto varaH kashchitkena chidbrahmavAdinA .. 10..\\
prasUtyante prasUtyante kanyaiva tvaM bhaviShyasi . 
sa tva.n dadasva mA.n rAGYe pratigR^ihya hayottamAn .. 11..\\
nR^ipebhyo hi chaturbhyaste pUrNAnyaShTau shatAni vai . 
bhaviShyanti tathA putrA mama chatvAra eva cha .. 12..\\
kriyatAM mama sa.nhAro gurvartha.n dvijasattama . 
eShA tAvanmama praGYA yathA vA manyase dvija .. 13..\\
evamuktastu sa muniH kanyayA gAlavastadA . 
haryashvaM pR^ithivIpAlamida.n vachanamabravIt .. 14..\\
iya.n kanyA narashreShTha haryashvapratigR^ihyatAm . 
chaturbhAgena shulkasya janayasvaikamAtmajam .. 15..\\
patigR^ihya sa tA.n kanyAM gAlavaM patinandya cha . 
samaye deshakAle cha labdhavAnsutamIpsitam .. 16..\\
tato vasu manA nAma vasubhyo vasumattaraH . 
vasu prakhyo narapatiH sa babhUva vasu pradaH .. 17..\\
atha kAle punardhImAngAlavaH patyupasthitaH . 
upasa~Ngamya chovAcha haryashvaM prItimAnasam .. 18..\\
jAto nR^ipasutaste.ayaM bAla bhAskarasaMnibhaH . 
kAlo gantuM narashreShTha bhikShArthamaparaM nR^ipam .. 19..\\
haryashvaH satyavachane sthitaH sthitvA cha pauruShe . 
durlabhatvAddhayAnA.n cha pradadau mAdhavIM punaH .. 20..\\
mAdhavI cha punardIptAM parityajya nR^ipa shriyam . 
kumArI kAmato bhUtvA gAlavaM pR^iShThato.anvagAt .. 21..\\
tvayyeva tAvattiShThantu hayA ityuktavAndvijaH . 
prayayau kanyayA sArdha.n divodAsaM prajeshvaram .. 22..\\
\medskip\hrule\medskip\centerline{\Largedvng 115}
 g

mahAvIryo mahIpAlaH kAshInAmIshvaraH prabhuH . 
divodAsa iti khyAto bhaimasenirnarAdhipaH .. 1..\\
tatra gachchhAvahe bhadre shanairAgachchha mA shuchaH . 
dhArmikaH sa.nyame yuktaH satyashchaiva janeshvaraH .. 2..\\
tamupAgamya sa munirnyAyatastena satkR^itaH . 
gAlavaH prasavasyArthe taM nR^ipaM pratyachodayat .. 3..\\
shrutametanmayA pUrva.n kimuktvA vistaraM dvija . 
kA~NkShito hi mayaiSho.arthaH shrutvaitaddvijasattama .. 4..\\
etachcha me bahumata.n yadutsR^ijya narAdhipAn . 
mAmevamupayAto.asi bhAvi chaitadasaMshayam .. 5..\\
sa eva vibhavo.asmAkamashvAnAmapi gAlava . 
ahamapyekamevAsyA.n janayiShyAmi pArthivam .. 6..\\
tathetyuktvA dvijashreShThaH prAdAtkanyAM mahIpateH . 
vidhipUrva.n cha tA.n rAjA kanyAM pratigR^ihItavAn .. 7..\\
reme sa tasyA.n rAjarShiH prabhAvatyAM yathA raviH . 
svAhAyA.n cha yathA vahniryathA shachyA.n sa vAsavaH .. 8..\\
yathA chandrashcha rohiNyA.n yathA dhUmorNayA yamaH . 
varuNashcha yathA gauryA.n yathA charddhyA.n dhaneshvaraH .. 9..\\
yathA nArAyaNo lakShyA.n jAhnavyAM cha yathodadhiH . 
yathA rudrashcha rudrANyA.n yathA vedyAM pitAmahaH .. 10..\\
adR^ishyantyA.n cha vAsiShTho vasiShThashchAkShamAlayA . 
chyavanashcha sukanyAyAM pulastyaH sandhyayA yathA .. 11..\\
agastyashchApi vaidarbhyA.n sAvitryAM satyavAnyathA . 
yathA bhR^iguH pulomAyAmadityA.n kashyapo yathA .. 12..\\
reNukAyA.n yatharchIko haimavatyA.n cha kaushikaH . 
bR^ihaspatishcha tArAyA.n shukrashcha shataparvayA .. 13..\\
yathA bhUmyAM bhUmipatirurvashyA.n cha purUravAH . 
R^ichIkaH satyavatyA.n cha sarasvatyA.n yathA manuH .. 14..\\
tathA tu ramamANasya divodAsasya bhUpateH . 
mAdhavI janayAmAsa putramekaM pratardanam .. 15..\\
athAjagAma bhagavAndivodAsa.n sa gAlavaH . 
samaye samanuprApte vachana.n chedamabravIt .. 16..\\
niryAtayatu me kanyAM bhavA.nstiShThantu vAjinaH . 
yAvadanyatra gachchhAmi shuklArthaM pR^ithivIpate .. 17..\\
divodAso.atha dharmAtmA samaye gAlavasya tAm . 
kanyAM niryAtayAmAsa sthitaH satye mahIpatiH .. 18..\\
\medskip\hrule\medskip\centerline{\Largedvng 116}
 n

tathaiva sA shriya.n tyaktvA kanyA bhUtvA yashasvinI . 
mAdhavI gAlava.n vipramanvayAtsatyasa~NgarA .. 1..\\
gAlavo vimR^ishanneva svakAryagatamAnasaH . 
jagAma bhojanagara.n draShTumaushInaraM nR^ipam .. 2..\\
tamuvAchAtha gatvA sa nR^ipati.n satyavikramam . 
iya.n kanyA sutau dvau te janayiShyati pArthivau .. 3..\\
asyAM bhavAnavAptArtho bhavati pretya cheha cha . 
somArka pratisa~NkAshau janayitvA sutau nR^ipa .. 4..\\
shulka.n tu sarvadharmaGYa hayAnAM chandra varchasAm . 
ekataH shyAma karNAnA.n deyaM mahyaM chatuHshatam .. 5..\\
gurvartho.aya.n samArambho na hayaiH kR^ityamasti me . 
yadi shakyaM mahArAja kriyatAM mA vichAryatAm .. 6..\\
anapatyo.asi rAjarShe putrau janaya pArthiva . 
pitR^Inputra plavena tvamAtmAna.n chaiva tAraya .. 7..\\
na putraphalabhoktA hi rAjarShe pAtyate divaH . 
na yAti naraka.n ghora.n yatra gachchhantyanAtmajAH .. 8..\\
etachchAnyachcha vividha.n shrutvA gAlava bhAShitam . 
ushInaraH pativacho dadau tasya narAdhipaH .. 9..\\
shrutavAnasmi te vAkya.n yathA vadasi gAlava . 
vidhistu balavAnbrahmanpravaNa.n hi mano mama .. 10..\\
shate dve tu mamAshvAnAmIdR^ishAnA.n dvijottama . 
itareShA.n sahasrANi subahUni charanti me .. 11..\\
ahamapyekamevAsyA.n janayiShyAmi gAlava . 
putra.n dvija gataM mArgaM gamiShyAmi parairaham .. 12..\\
mUlyenApi sama.n kuryAM tavAhaM dvijasattama . 
paurajAnapadArtha.n tu mamArtho nAtma bhogataH .. 13..\\
kAmato hi dhana.n rAjA pArakyaM yaH prayachchhati . 
na sa dharmeNa dharmAtmanyujyate yashasA na cha .. 14..\\
so.ahaM patigrahIShyAmi dadAtvetAM bhavAnmama . 
kumArI.n devagarbhAbhAmekaputra bhavAya me .. 15..\\
tathA tu bahukalyANamuktavantaM narAdhipam . 
ushInara.n dvijashreShTho gAlavaH pratyapUjayat .. 16..\\
ushInaraM pratigrAhya gAlavaH prayayau vanam . 
reme sa tA.n samAsAdya kR^itapuNya iva shriyam .. 17..\\
kandareShu cha shailAnAM nadInAM nirjhareShu cha . 
udyAneShu vichitreShu vaneShUpavaneShu cha .. 18..\\
harmyeShu ramaNIyeShu prAsAdashikhareShu cha . 
vAtAyanavimAneShu tathA garbhagR^iheShu cha .. 19..\\
tato.asya samaye jaGYe putro bAla raviprabhaH . 
shibirnAmnAbhivikhyAto yaH sa pArthiva sattamaH .. 20..\\
upasthAya sa ta.n vipro gAlavaH pratigR^ihya cha . 
kanyAM prayAtastA.n rAjandR^iShTavAnvinatAtmajam .. 21..\\
\medskip\hrule\medskip\centerline{\Largedvng 117}
 n

gAlava.n vainateyo.atha prahasannidamabravIt . 
diShTyA kR^itArthaM pashyAmi bhavantamiha vai dvija .. 1..\\
gAlavastu vachaH shrutvA vainateyena bhAShitam . 
chaturbhAgAvashiShTa.n tadAchakhyau kAryamasya hi .. 2..\\
suparNastvabravIdena.n gAlavaM patatA.n varaH . 
prayatnaste na kartavyo naiSha sampatsyate tava .. 3..\\
purA hi kanyakubje vai gAdheH satyavatI.n sutAm . 
bhAryArthe.avarayatkanyAmR^ichIkastena bhAShitaH .. 4..\\
ekataH shyAma karNAnA.n hayAnA.n chandra varchasAm . 
bhagavandIyatAM mahya.n sahasramiti gAlava .. 5..\\
R^ichIkastu tathetyuktvA varuNasyAlaya.n gataH . 
ashvatIrthe hayA.NllabdhvA dattavAnpArthivAya vai .. 6..\\
iShTvA te puNDarIkeNa dattA rAGYA dvijAtiShu . 
tebhyo dve dve shate krItvA prAptAste pArthivaistadA .. 7..\\
aparANyapi chatvAri shatAni dvijasattama . 
nIyamAnAni santAre hR^itAnyAsanvitastayA . 
evaM na shakyamaprApyaM prAptu.n gAlava karhi chit .. 8..\\
imAmashvashatAbhyA.n vai dvAbhya.n tasmai nivedaya . 
vishvAmitrAya dharmAtmanShaDbhirashvashataiH saha . 
tato.asi gatasaMmohaH kR^itakR^ityo dvijarShabha .. 9..\\
gAlavasta.n tathetyuktvA suparNasahitastataH . 
AdAyAshvAMshcha kanyA.n cha vishmAmitramupAgamat .. 10..\\
ashvAnA.n kA~NkShitArthAnA.n ShaDimAni shatAni vai . 
shatadvayena kanyeyaM bhavatA pratigR^ihyatAm .. 11..\\
asyA.n rAjarShibhiH putrA jAtA vai dhArmikAstrayaH . 
chaturtha.n janayatvekaM bhavAnapi narottama .. 12..\\
pUrNAnyeva.n shatAnyaShTau turagANAM bhavantu te . 
bhavato hyanR^iNo bhUtvA tapaH kuryA.n yathAsukham .. 13..\\

 n

vishvAmitrastu ta.n dR^iShTvA gAlava.n saha pakShiNA . 
kanyA.n cha tA.n varArohAmidamityabravIdvachaH .. 14..\\
kimiyaM pUrvameveha na dattA mama gAlava . 
putrA mamaiva chatvAro bhaveyuH kulabhAvanAH .. 15..\\
pratigR^ihNAmi te kanyAmekaputra phalAya vai . 
ashvAshchAshramamAsAdya tiShThantu mama sarvashaH .. 16..\\
sa tayA ramamANo.atha vishvAmitro mahAdyutiH . 
Atmaja.n janayAmAsa mAdhavI putramaShTakam .. 17..\\
jAtamAtra.n suta.n taM cha vishvAmitro mahAdyutiH . 
sa.nyojyArthaistathA dharmairashvaistaiH samayojayat .. 18..\\
athAShTakaH puraM prAyAttadA somapuraprabham . 
niryAtya kanyA.n shiShyAya kaushiko.api vanaM yayau .. 19..\\
gAlavo.api suparNena saha niryAtya dakShiNAm . 
manasAbhipratItena kanyAmidamuvAcha ha .. 20..\\
jAto dAnapatiH putrastvayA shUrastathAparaH . 
satyadharmaratashchAnyo yajvA chApi tathAparaH .. 21..\\
tadAgachchha varArohe tAritaste pitA sutaiH . 
chatvArashchaiva rAjAnastathAha.n cha sumadhyame .. 22..\\
gAlavastvabhyanuGYAya suparNaM pannagAshanam . 
piturniryAtya tA.n kanyAM prayayau vanameva ha .. 23..\\
\medskip\hrule\medskip\centerline{\Largedvng 118}
 n

sa tu rAjA punastasyAH kartukAmaH svaya.nvaram . 
upagamyAshramapada.n ga~NgA yamuna sa~Ngame .. 1..\\
gR^ihItamAlyadAmA.n tA.n rathamAropya mAdhavIm . 
pUruryadushcha bhaginImAshrame paryadhAvatAm .. 2..\\
nAgayakShamanuShyANAM patatrimR^igapakShiNAm . 
shailadruma vanaukAnAmAsIttatra samAgamaH .. 3..\\
nAnA puruShadeshAnAmIshvaraishcha samAkulam . 
R^iShibhirbrahmakalpaishcha samantAdAvR^ita.n vanam .. 4..\\
nirdishyamAneShu tu sA vareShu varavarNinI . 
varAnutkramya sarvA.nstAnvana.n vR^itavatI varam .. 5..\\
avatIrya rathAtkanyA namaskR^itvA cha bandhuShu . 
upagamya vanaM puNya.n tapastepe yayAtijA .. 6..\\
upavAsairshcha vividhairdIkShAbhirniyamaistathA . 
Atmano laghutA.n kR^itvA babhUva mR^igachAriNI .. 7..\\
vaiDUryA~Nkula kalpAni mR^idUni haritAni cha . 
charantI shaShpamukhyAni tiktAni madhurANi cha .. 8..\\
sravantInA.n cha puNyAnA.n surasAni shuchIni cha . 
pibantI vAri mukhyAni shItAni vimalAni cha .. 9..\\
vaneShu mR^igarAjeShu si.nhaviproShiteShu cha . 
dAvAgnivipramukteShu shUNyeShu gahaneShu cha .. 10..\\
charantI hariNaiH sArdhaM mR^igIva vanarAchiNI . 
chachAra vipula.n dharmaM brahmacharyeNa sa.nvR^itA .. 11..\\
yayAtirapi pUrveShA.n rAGYAM vR^ittamanuShThitaH . 
bahuvarShasahasrAyurayujatkAladharmaNA .. 12..\\
pUruryadushcha dvau vaMshau vardhamAnau narottamau . 
tAbhyAM pratiShThito loke paraloke cha nAhuShaH .. 13..\\
mahIyate narapatiryayAtiH svargamAsthitaH . 
maharShikalpo nR^ipatiH svargAgrya phalabhugvibhuH .. 14..\\
bahuvarShasahasrAkhye kAle bahuguNe gate . 
rAjarShiShu niShaNNeShu mahIyaHsu maharShiShu .. 15..\\
avamene narAnsarvandevAnR^iShigaNA.nstathA . 
yayAtirmUDha viGYAno vismayAviShTachetanaH .. 16..\\
tatastaM bubudhe devaH shakro balaniShUdanaH . 
te cha rAjarShayaH sarve dhigdhigityevamabruvan .. 17..\\
vichArashcha samutpanno nirIkShya nahuShAtmajam . 
ko nvaya.n kasya vA rAGYaH katha.n vA svargamAgataH .. 18..\\
karmaNA kena siddho.aya.n kva vAnena tapash chitam . 
katha.n vA GYAyate svarge kena vA GYAyate.apyuta .. 19..\\
eva.n vichArayantaste rAjAnaH svargavAsinaH . 
dR^iShTvA paprachchhuranyonya.n yayAtiM nR^ipatiM prati .. 20..\\
vimAnapAlAH shatashaH svargadvArAbhirakShiNaH . 
pR^iShTA AsanapAlAshcha na jAnImetyathAbruvan .. 21..\\
sarve te hyAvR^itaGYAnA nAbhyajAnanta taM nR^ipam . 
sa muhUrtAdatha nR^ipo hataujA abhavattadA .. 22..\\
\medskip\hrule\medskip\centerline{\Largedvng 119}
 n

atha prachalitaH sthAnAdAsanAchcha parichyutaH . 
kampitenaiva manasA dharShitaH shokavahninA .. 1..\\
mlAnasragbhraShTaviGYAnaH prabhraShTa mukuTA~NgadaH . 
vighUrNansrastasarvA~NgaH prabhraShTAbharaNAmbaraH .. 2..\\
adR^ishyamAnastAnpashyannapashyaMshcha punaH punaH . 
shUnyaH shUnyena manasA prapatiShyanmahItalam .. 3..\\
kiM mayA manasA dhyAtamashubha.n dharmadUShaNam . 
yenAha.n chalitaH sthAnAditi rAjA vyachintayat .. 4..\\
te tu tatraiva rAjAnaH siddhAshchApsarasastathA . 
apashyanta nirAlamba.n yayAti.n taM parichyutam .. 5..\\
athaitya puruShaH kashchitkShINapuNyanipAtakaH . 
yayAtimabravIdrAjandevarAjasya shAsanAt .. 6..\\
atIva madamattastvaM na ka.n chinnAvamanyase . 
mAnena bhraShTaH svargaste nArhastvaM pArthivAtmaja . 
na cha praGYAyase gachchha patasveti tamabravIt .. 7..\\
pateya.n satsviti vachastriruktvA nahuShAtmajaH . 
patiShyaMshchintayAmAsa gati.n gatimatA.n varaH .. 8..\\
etasminneva kAle tu naimiShe pArthivarShabhAn . 
chaturo.apashyata nR^ipasteShAM madhye papAta saH .. 9..\\
pratardano vasu manAH shibiraushInaro.aShTakaH . 
vAjapeyena yaGYena tarpayanti sureshvaram .. 10..\\
teShAmadhvaraja.n dhUma.n svargadvAramupasthitam . 
yayAtirupajighranvai nipapAta mahIM prati .. 11..\\
bhUmau svarge cha sambaddhAM nadI.n dhUmamayIM nR^ipaH . 
sa ga~NgAmiva gachchhantImAlambya jagatIpatiH .. 12..\\
shrImatsvavabhR^ithAgryeShu chaturShu pratibandhuShu . 
madhye nipatito rAjA lokapAlopameShu cha .. 13..\\
chaturShu hutakalpeShu rAjasi.nhamahAgniShu . 
papAta madhye rAjarShiryayAtiH puNyasa~NkShaye .. 14..\\
tamAhuH pArthivAH sarve pratimAnamiva shriyaH . 
ko bhavAnkasya vA bandhurdeshasya nagarasya vA .. 15..\\
yakSho vApyatha vA devo gandharvo rAkShaso.api vA . 
na hi mAnuSharUpo.asi ko vArthaH kA~NkShitastvayA .. 16..\\
yayAtirasmi rAjarShiH kShINapuNyashchyuto divaH . 
pateya.n satsviti dhyAyanbhavatsu patitastataH .. 17..\\
satyametadbhavatu te kA~NkShitaM puruSharShabha . 
sarveShAM naH kratuphala.n dharmashcha pratigR^ihyatAm .. 18..\\
nAhaM pratigraha dhano brAhmaNaH kShatriyo hyaham . 
na cha me pravaNA buddhiH parapuNyavinAshane .. 19..\\
etasminneva kAle tu mR^igacharyA kramAgatAm . 
mAdhavIM prekShya rAjAnaste.abhivAdyedamabruvan .. 20..\\
kimAgamanakR^itya.n te kiM kurvaH shAsanaM tava . 
AGYApyA hi vaya.n sarve tava putrAstapodhane .. 21..\\
teShA.n tadbhAShita.n shrutvA mAdhavI parayA mudA . 
pitara.n samupAgachchhadyayAtiM sA vavanda cha .. 22..\\
dR^iShTvA mUrdhnA natAnputrA.nstApasI vAkyamabravIt . 
dauhitrAstava rAjendra mama putrA na te parAH . 
ime tvA.n tArayiShyanti diShTametatpurAtanam .. 23..\\
aha.n te duhitA rAjanmAdhavI mR^igachAriNI . 
mayApyupachito dharmastato.ardhaM pratigR^ihyatAm .. 24..\\
yasmAdrAjannarAH sarve apatyaphalabhAginaH . 
tasmAdichchhanti dauhitrAnyathA tva.n vasudhAdhipa .. 25..\\
tataste pArthivAH sarve shirasA jananI.n tadA . 
abhivAdya namaskR^itya mAtAmahamathAbruvan .. 26..\\
uchchairanupamaiH snigdhaiH svarairApUya medinIm . 
mAtAmahaM nR^ipatayastArayanto divash chyutam .. 27..\\
atha tasmAdupagato gAlavo.apyAha pArthivam . 
tapaso me.aShTa bhAgena svargamArohatAM bhavAn .. 28..\\
\medskip\hrule\medskip\centerline{\Largedvng 120}
 n

pratyabhiGYAta mAtro.atha sadbhistairnarapu~NgavaH . 
yayAtirdivyasa.nsthAno babhUva vigatajvaraH .. 1..\\
divyamAlyAmbaradharo divyAbharaNabhUShitaH . 
divyagandhaguNopeto na pR^ithvImaspR^ishattadA .. 2..\\
tato vasu manAH pUrvamuchchairuchchArayanvachaH . 
khyAto dAnapatirloke vyAjahAra nR^ipa.n tadA .. 3..\\
prAptavAnasmi yalloke sarvavarNeShvagarhayA . 
tadapyatha cha dAsyAmi tena sa.nyujyatAM bhavAn .. 4..\\
yatphala.n dAnashIlasya kShamA shIlasya yatphalam . 
yachcha me phalamAdhAne tena sa.nyujyatAM bhavAn .. 5..\\
tataH pratardano.apyAha vAkya.n kShatriya pu~NgavaH . 
yathA dharmaratirnityaM nitya.n yuddhaparAyaNaH .. 6..\\
prAptavAnasmi yalloke kShatradharmodbhava.n yashaH . 
vIra shabdaphala.n chaiva tena sa.nyujyatAM bhavAn .. 7..\\
shibiraushInaro dhImAnuvAcha madhurA.n giram . 
yathA bAleShu nArIShu vaihAryeShu tathaiva cha .. 8..\\
sa~NgareShu nipAteShu tathApadvyasaneShu cha . 
anR^itaM noktapUrvaM me tena satyena kha.n vraja .. 9..\\
yathAprANAMshcha rAjya.n cha rAjankarma sukhAni cha . 
tyajeyaM na punaH satya.n tena satyena kha.n vraja .. 10..\\
yathAsatyena me dharmo yathAsatyena pAvakaH . 
prItaH shakrashcha satyena tena satyena kha.n vraja .. 11..\\
aShTakastvatha rAjarShiH kaushiko mAdhavI sutaH . 
anekashatayajvAna.n vachanaM prAha dharmavit .. 12..\\
shatashaH puNDarIkA me gosavAshcha chitAH prabho . 
kratavo vAjapeyAshcha teShAM phalamavApnuhi .. 13..\\
na me ratnAni na dhanaM na tathAnye parichchhadAH . 
kratuShvanupayuktAni tena satyena kha.n vraja .. 14..\\
yathA yathA hi jalpanti dauhitrAstaM narAdhipam . 
tathA tathA vasumatI.n tyaktvA rAjA diva.n yayau .. 15..\\
eva.n sarve samastAste rAjAnaH sukR^itaistadA . 
yayAti.n svargato bhraShTa.n tArayAmAsura~njasA .. 16..\\
dauhitrAH svena dharmeNa yaGYadAnakR^itena vai . 
chaturShu rAjavaMsheShu sambhUtAH kulavardhanAH . 
mAtAmahaM mahAprAGYa.n divamAropayanti te .. 17..\\
rAjadharmaguNopetAH sarvadharmaguNAnvitAH . 
dauhitrAste vaya.n rAjandivamAroha pArthivaH .. 18..\\
\medskip\hrule\medskip\centerline{\Largedvng 121}
 n

sadbhirAropitaH svargaM pArthivairbhUridakShiNaiH . 
abhyanuGYAya dauhitrAnyayAtirdivamAsthitaH .. 1..\\
abhivR^iShTashcha varSheNa nAnApuShpasugandhinA . 
pariShvaktashcha puNyena vAyunA puNyagandhinA .. 2..\\
achala.n sthAnamAruhya dauhitra phalanirjitam . 
karmabhiH svairupachito jajvAla parayA shriyA .. 3..\\
upagItopanR^ittashcha gandharvApsarasA.n gaNaiH . 
prItyA pratigR^ihItashcha svarge dundubhinisvanaiH .. 4..\\
abhiShTutashcha vividhairdevarAjarShichAraNaiH . 
architashchottamArgheNa daivatairabhinanditaH .. 5..\\
prAptaH svargaphala.n chaiva tamuvAcha pitAmahaH . 
nirvR^ita.n shAntamanasaM vachobhistarpayanniva .. 6..\\
chatuShpAdastvayA dharmashchito lokyena karmaNA . 
akShayastava loko.aya.n kIrtishchaivAkShayA divi . 
punastavAdya rAjarShe sukR^iteneha karmaNA .. 7..\\
AvR^ita.n tamasA chetaH sarveShA.n svargavAsinAm . 
yena tvAM nAbhijAnanti tato.aGYAtvAsi pAtitaH .. 8..\\
prItyaiva chAsi dauhitraistAritastvamihAgataH . 
sthAna.n cha pratipanno.asi karmaNA svena nirjitam . 
achala.n shAshvataM puNyamuttama.n dhruvamavyayam .. 9..\\
bhagavansaMshayo me.asti kashchitta.n chhettumarhasi . 
na hyanyamahamarhAmi praShTu.n lokapitAmaha .. 10..\\
bahuvarShasahasrAntaM prajApAlanavardhitam . 
anekakratudAnaughairarjitaM me mahatphalam .. 11..\\
katha.n tadalpakAlena kShINa.n yenAsmi pAtitaH . 
bhagavanvettha lokAMshcha shAshvatAnmama nirjitAn .. 12..\\
bahuvarShasahasrAntaM prajApAlanavardhitam . 
anekakratudAnaughairyattvayopArjitaM phalam .. 13..\\
tadanenaiva doSheNa kShINa.n yenAsi pAtitaH . 
abhimAnena rAjendra dhikkR^itaH svargavAsibhiH .. 14..\\
nAyaM mAnena rAjarShe na balena na hi.nsayA . 
na shAThyena na mAyAbhirloko bhavati shAshvataH .. 15..\\
nAvamAnyAstvayA rAjannavarotkR^iShTamadhyamAH . 
na hi mAnapradagdhAnA.n kashchidasti samaH kva chit .. 16..\\
patanArohaNamida.n kathayiShyanti ye narAH . 
viShamANyapi te prAptAstariShyanti na saMshayaH .. 17..\\
eSha doSho.abhimAnena purA prApto yayAtinA . 
nirbandhatashchAtimAtra.n gAlavena mahIpate .. 18..\\
shrotavya.n hitakAmAnAM suhR^idAM bhUtimichchhatAm . 
na kartavyo hi nirbandho nirbandho hi kShayodayaH .. 19..\\
tasmAttvamapi gAndhAre mAna.n krodhaM cha varjaya . 
sandhatsva pANDavairvIra sa.nrambha.n tyaja pArthiva .. 20..\\
dadAti yatpArthiva yatkaroti 
yadvA tapastapyati yajjuhoti . 
na tasya nAsho.asti na chApakarSho 
nAnyastadashnAti sa eva kartA .. 21..\\
idaM mahAkhyAnamanuttamaM mataM 
bahushrutAnA.n gataroSharAgiNAm . 
samIkShya loke bahudhA pradhAvitA 
trivargadR^iShTiH pR^ithivImupAshnute .. 22..\\
\medskip\hrule\medskip\centerline{\Largedvng 122}
 dhr

bhagavannevamevaitadyathA vadasi nArada . 
ichchhAmi chAhamapyevaM na tvIsho bhagavannaham .. 1..\\
evamuktvA tataH kR^iShNamabhyabhAShata bhArata . 
svargya.n lokya.n cha mAmAttha dharmyaM nyAyyaM cha keshava .. 2..\\
na tvaha.n svavashastAta kriyamANaM na me priyam . 
a~Ngaduryodhana.n kR^iShNa manda.n shAstrAtigaM mama .. 3..\\
anunetuM mahAbAho yatasva puruShottama . 
suhR^itkArya.n tu sumahatkR^itaM te syAjjanArdana .. 4..\\
tato.abhyAvR^itya vArShNeyo duryodhanamamarShaNam . 
abravInmadhurA.n vAchaM sarvadharmArthatattvavit .. 5..\\
duryodhana nibodhedaM madvAkya.n kurusattama . 
samartha.n te visheSheNa sAnubandhasya bhArata .. 6..\\
mahAprAGYa kule jAtaH sAdhvetatkartumarhasi . 
shrutavR^ittopasampannaH sarvaiH samudito guNaiH .. 7..\\
dauShkuleyA durAtmAno nR^iShaMshA nirapatrapAH . 
ta etadIdR^isha.n kuryuryathA tvaM tAta manyase .. 8..\\
dharmArthayuktA loke.asminpravR^ittirlakShyate satAm . 
asatA.n viparItA tu lakShyate bharatarShabha .. 9..\\
viparItA tviya.n vR^ittirasakR^illakShyate tvayi . 
adharmashchAnubandho.atra ghoraH prANaharo mahAn .. 10..\\
anekashastvannimittamayashasya.n cha bhArata . 
tamanarthaM pariharannAtmashreyaH kariShyasi .. 11..\\
bhrAtR^INAmatha bhR^ityAnAM mitrANA.n cha parantapa . 
adharmyAdayashasyAchcha karmaNastvaM pramokShyase .. 12..\\
prAGYaiH shUrairmahotsAhairAtmavadbhirbahushrutaiH . 
sandhatsva puruShavyAghra pANDavairbharatarShabha .. 13..\\
taddhita.n cha priyaM chaiva dhR^itarAShTrasya dhImataH . 
pitAmahasya droNasya vidurasya mahAmateH .. 14..\\
kR^ipasya somadattasya bAhlIkasya cha dhImataH . 
ashvatthAmno vikarNasya sa~njayasya vishAM pate .. 15..\\
GYAtInA.n chaiva bhUyiShThaM mitrANAM cha parantapa . 
shame sharma bhavettAta sarvasya jagatastathA .. 16..\\
hrImAnasi kule jAtaH shrutavAnanR^isha.nsavAn . 
tiShTha tAta pituH shAstre mAtushcha bharatarShabha .. 17..\\
etachchhreyo hi manyante pitA yachchhAsti bhArata . 
uttamApadgataH sarvaH pituH smarati shAsanam .. 18..\\
rochate te pitustAta pANDavaiH saha sa~NgamaH . 
sAmAtyasya kurushreShTha tattubhya.n tAta rochatAm .. 19..\\
shrutvA yaH suhR^idA.n shAstraM martyo na pratipadyate . 
vipAkAnte dahatyena.n kiM pAkamiva bhakShitam .. 20..\\
yastu niHshreyasa.n vAkyaM mohAnna pratipadyate . 
sa dIrghasUtro hInArthaH pashchAttApena yujyate .. 21..\\
yastu niHshreyasa.n shrutvA prAptamevAbhipadyate . 
Atmano matamutsR^ijya sa loke sukhamedhate .. 22..\\
yo.arthakAmasya vachanaM prAtikUlyAnna mR^iShyate . 
shR^iNoti pratikUlAni dviShatA.n vashameti saH .. 23..\\
satAM matamatikramya yo.asatA.n vartate mate . 
shochante vyasane tasya suhR^ido nachirAdiva .. 24..\\
mukhyAnamAtyAnutsR^ijya yo nihInAnniShevate . 
sa ghorAmApadaM prApya nottAramadhigachchhati .. 25..\\
yo.asatsevI vR^ithAchAro na shrotA suhR^idA.n sadA . 
parAnvR^iNIte svAndveShTi ta.n gauH shapati bhArata .. 26..\\
sa tva.n virudhya tairvIrairanyebhyastrANamichchhasi . 
ashiShTebhyo.asamarthebhyo mUDhebhyo bharatarShabha .. 27..\\
ko hi shakra.n samA~nGYAtInatikramya mahArathAn . 
anyebhyastrANamAsha.nsettvadanyo bhuvi mAnavaH .. 28..\\
janmaprabhR^iti kaunteyA nitya.n vinikR^itAstvayA . 
na cha te jAtu kupyanti dharmAtmAno hi pANDavAH .. 29..\\
mithyA pracharitAstAta janmaprabhR^iti pANDavAH . 
tvayi samya~NmahAbAho pratipannA yashasvinaH .. 30..\\
tvayApi pratipattavya.n tathaiva bharatarShabha . 
sveShu bandhuShu mukhyeShu mA manyuvashamanvagAH .. 31..\\
trivargayuktA prAGYAnAmArambhA bharatarShabha . 
dharmArthAvanurudhyante trivargAsambhave narAH .. 32..\\
pR^ithaktu viniviShTAnA.n dharmaM dhIro.anurudhyate . 
madhyamo.artha.n kaliM bAlaH kAmamevAnurudhyate .. 33..\\
indriyaiH prasR^ito lobhAddharma.n viprajahAti yaH . 
kAmArthAvanupAyena lipsamAno vinashyati .. 34..\\
kAmArthau lipsamAnastu dharmamevAditash charet . 
na hi dharmAdapaityarthaH kAmo vApi kadA chana .. 35..\\
upAya.n dharmamevAhustrivargasya vishAM pate . 
lipsamAno hi tenAshu kakShe.agniriva vardhate .. 36..\\
sa tva.n tAtAnupAyena lipsase bharatarShabha . 
AdhirAjyaM mahaddIptaM prathita.n sarvarAjasu .. 37..\\
AtmAna.n takShati hyeSha vanaM parashunA yathA . 
yaH samyagvartamAneShu mithyA rAjanpravartate .. 38..\\
na tasya hi mati.n chhindyAdyasya nechchhetparAbhavam . 
avichchhinnasya dhIrasya kalyANe dhIyate matiH .. 39..\\
tyaktAtmAnaM na bAdheta triShu lokeShu bhArata . 
apyanyaM prAkR^ita.n kiM chitkimu tAnpANDavarShabhAn .. 40..\\
amarShavashamApanno na ki.n chidbudhyate naraH . 
chhidyate hyAtata.n sarvaM pramANaM pashya bhArata .. 41..\\
shreyaste durjanAttAta pANDavaiH saha sa~NgamaH . 
tairhi samprIyamANastva.n sarvAnkAmAnavApsyasi .. 42..\\
pANDavairnirjitAM bhUmiM bhu~njAno rAjasattama . 
pANDavAnpR^iShThataH kR^itvA trANamAsha.nsase.anyatha .. 43..\\
duHshAsane durviShahe karNe chApi sasaubale . 
eteShvaishvaryamAdhAya bhUtimichchhasi bhArata .. 44..\\
na chaite tava paryAptA GYAne dharmArdhayostathA . 
vikrame chApyaparyAptAH pANDavAnprati bhArata .. 45..\\
na hIme sarvarAjAnaH paryAptAH sahitAstvayA . 
kruddhasya bhImasenasya prekShituM mukhamAhave .. 46..\\
ida.n saMnihita.n tAta samagraM pArthivaM balam . 
ayaM bhIShmastathA droNaH karNashchAya.n tathA kR^ipaH .. 47..\\
bhUrishravAH saumadattirashvatthAmA jayadrathaH . 
ashaktAH sarva evaite pratiyoddhu.n dhana~njayam .. 48..\\
ajeyo hyarjunaH kruddhaH sarvairapi surAsuraiH . 
mAnuShairapi gandharvairmA yuddhe cheta AdhithAH .. 49..\\
dR^ishyatA.n vA pumAnkashchitsamagre pArthive bale . 
yo.arjuna.n samare prApya svastimAnAvrajedgR^ihAn .. 50..\\
ki.n te janakShayeNeha kR^itena bharatarShabha . 
yasmi~njite jita.n te syAtpumAnekaH sa dR^ishyatAm .. 51..\\
yaH sa devAnsagandharvAnsayakShAsurapannagAn . 
ajayatkhANDava prasthe kasta.n yudhyeta mAnavaH .. 52..\\
tathA virATanagare shrUyate mahadadbhutam . 
ekasya cha bahUnA.n cha paryAptaM tannidarshanam .. 53..\\
tamajeyamanAdhR^iShya.n vijetu.n jiShNumachyutam . 
Asha.nsasIha samare vIramarjunamUrjitam .. 54..\\
maddvitIyaM punaH pArtha.n kaH prArthayitumarhati . 
yuddhe pratIpamAyAntamapi sAkShAtpurandaraH .. 55..\\
bAhubhyAmuddharedbhUmi.n dahetkruddha imAH prajAH . 
pAtayettridivAddevAnyo.arjuna.n samare jayet .. 56..\\
pashya putrA.nstathA bhrAtR^I~nGYAtInsambandhinastathA . 
tvatkR^ite na vinashyeyurete bharatasattama .. 57..\\
astu sheSha.n kauravANAM mA parAbhUdidaM kulam . 
kulaghna iti nochyethA naShTakIrtirnarAdhipa .. 58..\\
tvAmeva sthApayiShyanti yauvarAjye mahArathAH . 
mahArAjye cha pitara.n dhR^itarAShTraM janeshvaram .. 59..\\
mA tAta shriyamAyAntImavama.nsthAH samudyatAm . 
ardhaM pradAya pArthebhyo mahatI.n shriyamApsyasi .. 60..\\
pANDavaiH saMshama.n kR^itvA kR^itvA cha suhR^idA.n vachaH . 
samprIyamANo mitraishcha chiraM bhadrANyavApsyasi .. 61..\\
\medskip\hrule\medskip\centerline{\Largedvng 123}
 v

tataH shAntanavo bhIShmo duryodhanamamarShaNam . 
keshavasya vachaH shrutvA provAcha bharatarShabha .. 1..\\
kR^iShNena vAkyamukto.asi suhR^idA.n shamamichchhatA . 
anupashyasva tattAta mA manyuvashamanvagAH .. 2..\\
akR^itvA vachana.n tAta keshavasya mahAtmanaH . 
shreyo na jAtu na sukhaM na kalyANamavApsyasi .. 3..\\
dharmyamarthaM mahAbAhurAha tvA.n tAta keshavaH . 
tamarthamabhipadyasva mA rAjannInashaH prajAH .. 4..\\
imA.n shriyaM prajvalitAM bhAratIM sarvarAjasu . 
jIvato dhR^itarAShTrasya daurAtmyAdbhraMshayiShyasi .. 5..\\
AtmAna.n cha sahAmAtya.n saputrapashubAndhavam . 
saha mitramasadbuddhyA jIvitAdbhraMshayiShyasi .. 6..\\
atikrAmankeshavasya tathya.n vachanamarthavat . 
pitushcha bhatara shreShTha vidurasya cha dhImataH .. 7..\\
mA kulaghno.antapuruSho durmatiH kApatha.n gamaH . 
pitaraM mAtara.n chaiva vR^iddhau shokAya mA dadaH .. 8..\\
atha droNo.abravIttatra duryodhanamida.n vachaH . 
amarShavashamApanno niHshvasantaM punaH punaH .. 9..\\
dharmArthayukta.n vachanamAha tvA.n tAta keshavaH . 
tathA bhIShmaH shAntanavastajjuShasva narAdhipa .. 10..\\
prAGYau medhAvinau dAntAvarthakAmau bahushrutau . 
AhatustvA.n hitaM vAkya.n tadAdatsva parantapa .. 11..\\
anutiShTha mahAprAGYa kR^iShNa bhIShmau yadUchatuH . 
mA vacho laghu buddhInA.n samAsthAstvaM parantapa .. 12..\\
ye tvAM protsAhayantyete naite kR^ityAya karhi chit . 
vairaM pareShA.n grIvAyAM pratimokShyanti sa.nyuge .. 13..\\
mA kurU~njIghanaH sarvAnputrAnbhrAtR^I.nstathaiva cha . 
vAsudevArjunau yatra viddhyajeyaM bala.n hi tat .. 14..\\
etachchaiva mata.n satyaM suhR^idoH kR^iShNa bhIShmayoH . 
yadi nAdAsyase tAta pashchAttapsyasi bhArata .. 15..\\
yathokta.n jAmadagnyena bhUyAneva tato.arjunaH . 
kR^iShNo hi devakIputro devairapi durutsahaH .. 16..\\
ki.n te sukhapriyeNeha proktena bharatarShabha . 
etatte sarvamAkhyAta.n yathechchhasi tathA kuru . 
na hi tvAmutsahe vaktuM bhUyo bharatasattama .. 17..\\
tasminvAkyAntare vAkya.n kShattApi viduro.abravIt . 
duryodhanamabhiprekShya dhArtarAShTramamarShaNam .. 18..\\
duryodhana na shochAmi tvAmahaM bharatarShabha . 
imau tu vR^iddhau shochAmi gAndhArIM pitara.n cha te .. 19..\\
yAvanAthau chariShyete tvayA nAthena durhR^idA . 
hatamitrau hatAmAtyau lUnapakShAviva dvijau .. 20..\\
bhikShukau vichariShyete shochantau pR^ithivImimAm . 
kulaghnamIdR^ishaM pApa.n janayitvA kupUruSham .. 21..\\
atha duryodhana.n rAjA dhR^itarAShTro.abhyabhAShata . 
AsInaM bhrAtR^ibhiH sArdha.n rAjabhiH parivAritam .. 22..\\
duryodhana nibodheda.n shauriNoktaM mahAtmanA . 
Adatsva shivamatyanta.n yogakShemavadavyayam .. 23..\\
anena hi sahAyena kR^iShNenAkliShTa karmaNA . 
iShTAnsarvAnabhiprAyAnprApsyAmaH sarvarAjasu .. 24..\\
susa.nhitaH keshavena gachchha tAta yudhiShThiram . 
chara svastyayana.n kR^itShNaM bhAratAnAmanAmayam .. 25..\\
vAsudevena tIrthena tAta gachchhasva sa~Ngamam . 
kAlaprAptamidaM manye mA tva.n duryodhanAtigAH .. 26..\\
shama.n chedyAchamAnaM tvaM pratyAkhyAsyasi keshavam . 
tvadarthamabhijalpantaM na tavAstyaparAbhavaH .. 27..\\
\medskip\hrule\medskip\centerline{\Largedvng 124}
 v

dhR^itarAShTravachaH shrutvA bhIShmadroNau samarthya tau . 
duryodhanamida.n vAkyamUchatuH shAsanAtigam .. 1..\\
yAvatkR^iShNAvasaMnaddhau yAvattiShThati gANDivam . 
yAvaddhaumyo na senAgnau juhyotIha dviShadbalam .. 2..\\
yAvanna prekShate kruddhaH senA.n tava yudhiShThiraH . 
hrIniShedho maheShvAsastAvachchhAmyatu vaishasam .. 3..\\
yAvanna dR^iShyate pArthaH sveShvanIkeShvavasthitaH . 
bhImaseno mahaiShvAsastAvachchhAmyatu vaishasam .. 4..\\
yAvanna charate mArgAnpR^itanAmabhiharShayan . 
yAvanna shAtayatyAjau shirA.nsi gatayodninAm .. 5..\\
gadayA vIra ghAtinyA phalAnIva vanaspateH . 
kAlena paripakvAni tAvachchhAmyatu vaishasam .. 6..\\
nakulaH sahadevashcha dhR^iShTadyumnashcha pArShataH . 
virATashcha shikhaNDI cha shaishupAlishcha daMshitAH .. 7..\\
yAvanna pravishantyete nakrA iva mahArNavam . 
kR^itAstrAH kShipramasyantastAvachchhAmyatu vaishasam .. 8..\\
yAvanna sukumAreShu sharIreShu mahIkShitAm . 
gArdhrapatrAH patantyugrAstAvachchhAmyatu vaishasam .. 9..\\
chandanAgarudigdheShu hAraniShkadhareShu cha . 
noraHsu yAvadyodhAnAM maheShvAsairmaheShavaH .. 10..\\
kR^itAstraiH kShipramasyadbhirdUrapAtibhirAyasAH . 
abhilakShyairnipAtyante tAvachchhAmyatu vaishasam .. 11..\\
abhivAdayamAna.n tvA.n shirasA rAjaku~njaraH . 
pANibhyAM pratigR^ihNAtu dharmarAjo yudhiShThiraH .. 12..\\
dhvajA~Nkusha patAkA~Nka.n dakShiNaM te sudakShiNaH . 
skandhe nikShipatAM bAhu.n shAntaye bharatarShabha .. 13..\\
ratnauShadhi sametena ratnA~Nguli talena cha . 
upaviShTasya pR^iShTha.n te pANinA parimArjatu .. 14..\\
shAlaskandho mahAbAhustvA.n svajAno vR^ikodaraH . 
sAmnAbhivadatA.n chApi shAntaye bharatarShabha .. 15..\\
arjunena yamAbhyA.n cha tribhistairabhivAditaH . 
mUrdhni tAnsamupAghrAya premNAbhivada pArthiva .. 16..\\
dR^iShTvA tvAM pANDavairvIrairbhrAtR^ibhiH saha sa~Ngatam . 
yAvadAnandajAshrUNi pramu~nchantu narAdhipAH .. 17..\\
ghuShyatA.n rAjadhAnIShu sarvasampanmahIkShitAm . 
pR^ithivI bhrAtR^ibhAvena bhujyatA.n vijvaro bhava .. 18..\\
\medskip\hrule\medskip\centerline{\Largedvng 125}
 v

shrutvA duryodhano vAkyamapriya.n kurusa.nsadi . 
pratyuvAcha mahAbAhu.n vAsudevaM yashasvinam .. 1..\\
prasamIkShya bhavAnetadvaktumarhati keshava . 
mAmeva hi visheSheNa vibhAShya parigarhase .. 2..\\
bhaktivAdena pArthAnAmakasmAnmadhusUdana . 
bhavAngarhayate nitya.n ki.n samIkShya balAbalam .. 3..\\
bhavAnkShattA cha rAjA cha AchAryo vA pitAmahaH . 
mAmeva parigarhante nAnya.n kaM chana pArthivam .. 4..\\
na chAha.n lakShaye ka.n chidvyabhichAramihAtmanaH . 
atha sarve bhavanto mA.n vidviShanti sarAjakAH .. 5..\\
na chAha.n kaM chidatyarthamaparAdhamarindama . 
vichintayanprapashyAmi susUkShmamapi keshava .. 6..\\
priyAbhyupagate dyUte pANDavA madhusUdana . 
jitAH shakuninA rAjya.n tatra kiM mama duShkR^itam .. 7..\\
yatpunardraviNa.n kiM chittatrAjIyanta pANDavAH . 
tebhya evAbhyanuGYAta.n tattadA madhusUdana .. 8..\\
aparAdho na chAsmAka.n yatte hyakShaparAjitAH . 
ajeyA jayatA.n shreShTha pArthAH pravrAjitA vanam .. 9..\\
kena chApyapavAdena virudhyante.aribhiH saha . 
ashaktAH pANDavAH kR^iShNa prahR^iShTAH pratyamitravat .. 10..\\
kimasmAbhiH kR^ita.n teShAM kasminvA punarAgasi . 
dhArtarAShTrA~njighA.nsanti pANDavAH sR^i~njayaiH saha .. 11..\\
na chApi vayamugreNa karmaNA vachanena vA . 
vitrastAH praNamAmeha bhayAdapi shatakratoH .. 12..\\
na cha ta.n kR^iShNa pashyAmi kShatradharmamanuShThitam . 
utsaheta yudhA jetu.n yo naH shatrunibarhaNa .. 13..\\
na hi bhIShma kR^ipa droNAH sagaNA madhusUdana . 
devairapi yudhA jetu.n shakyAH kimuta pANDavaiH .. 14..\\
svadharmamanutiShThanto yadi mAdhava sa.nyuge . 
shastreNa nidhana.n kAle prApsyAmaH svargameva tat .. 15..\\
mukhyashchaivaiSha no dharmaH kShatriyANA.n janArdana . 
yachchhayImahi sa~NgrAme sharatalpagatA vayam .. 16..\\
te vaya.n vIrashayanaM prApsyAmo yadi sa.nyuge . 
apraNamyaiva shatrUNAM na nastapsyati mAdhava .. 17..\\
kashcha jAtu kule jAtaH kShatradharmeNa vartayan . 
bhayAdvR^itti.n samIkShyaivaM praNamediha kasya chit .. 18..\\
udyachchhedeva na namedudyamo hyeva pauruSham . 
apyaparvaNi bhajyeta na namediha kasya chit .. 19..\\
iti mAta~NgavachanaM parIpsanti hitepsavaH . 
dharmAya chaiva praNamedbrAhmaNebhyashcha madvidhaH .. 20..\\
achintayanka.n chidanya.n yAvajjIvaM tathAcharet . 
eSha dharmaH kShatriyANAM matametachcha me sadA .. 21..\\
rAjyAMshashchAbhyanuGYAto yo me pitrA purAbhavat . 
na sa labhyaH punarjAtu mayi jIvati keshava .. 22..\\
yAvachcha rAjA dhriyate dhR^itarAShTro janArdana . 
nyastashastrA vaya.n te vApyupajIvAma mAdhava .. 23..\\
yadyadeyaM purA datta.n rAjyaM paravato mama . 
aGYAnAdvA bhayAdvApi mayi bAle janArdana .. 24..\\
na tadadya punarlabhyaM pANDavai vR^iShNinandana . 
dhriyamANe mahAbAho mayi samprati keshava .. 25..\\
yAvaddhi sUchyAstIkShNAyA vidhyedagreNa mAdhava . 
tAvadapyaparityAjyaM bhUmernaH pANDavAnprati .. 26..\\
\medskip\hrule\medskip\centerline{\Largedvng 126}
 v

tataH prahasya dAshArhaH krodhaparyAkulekShaNaH . 
duryodhanamida.n vAkyamabravItkurusa.nsadi .. 1..\\
lapsyase vIrashayana.n kAmametadavApsyasi . 
sthiro bhava sahAmAtyo vimardo bhavitA mahAn .. 2..\\
yachcha vaM manyase mUDha na me kashchidvyatikramaH . 
pANDaveShviti tatsarvaM nibodhata narAdhipAH .. 3..\\
shriyA santapyamAnena pANDavAnAM mahAtmanAm . 
tvayA durmantrita.n dyUta.n saubalena cha bhArata .. 4..\\
katha.n cha GYAtayastAta shreyA.nsaH sAdhu saMmatAH . 
tathAnyAyyamupasthAtu.n jihmenAjihma chAriNaH .. 5..\\
akShadyUtaM mahAprAGYa satAmarati nAshanam . 
asatA.n tatra jAyante bhedAshcha vyasanAni cha .. 6..\\
tadida.n vyasana.n ghoraM tvayA dyUtamukhaM kR^itam . 
asamIkShya sadAchAraiH sArdhaM pApAnubandhanaiH .. 7..\\
kashchAnyo GYAtibhAryA.n vai viprakartu.n tathArhati . 
AnIya cha sabhA.n vaktuM yathoktA draupadI tvayA .. 8..\\
kulInA shIlasampannA prANebhyo.api garIyasI . 
mahiShI pANDuputrANA.n tathA vinikR^itA tvayA .. 9..\\
jAnanti kuravaH sarve yathoktAH kurusa.nsadi . 
duHshAsanena kaunteyAH pravrajantaH parantapAH .. 10..\\
samyagvR^itteShvalubdheShu satata.n dharmachAriShu . 
sveShu bandhuShu kaH sAdhushcharedevamasAmpratam .. 11..\\
nR^isha.nsAnAmanAryANAM paruShANA.n cha bhAShaNam . 
karNa duHshAsanAbhyA.n cha tvayA cha bahushaH kR^itam .. 12..\\
saha mAtrA pradagdhu.n tAnbAlakAnvAraNAvate . 
AsthitaH parama.n yatnaM na samR^iddha.n cha tattava .. 13..\\
UShushcha suchira.n kAlaM prachchhannAH pANDavAstadA . 
mAtrA sahaika chakrAyAM brAhmaNasya niveshane .. 14..\\
viSheNa sarpabandhairshcha yatitAH pANDavAstvayAH . 
sarvopAyairvinAshAya na samR^iddha.n cha tattava .. 15..\\
evaM buddhiH pANDaveShu mithyAvR^itthiH sadA bhavAn . 
katha.n te nAparAdho.asti pANDaveShu mahAtmasu .. 16..\\
kR^itvA bahUnyakAryANi pANDaveShu nR^isha.nsavat . 
mithyAvR^ittiranAryaH sannadya vipratipadyase .. 17..\\
mAtA pitR^ibhyAM bhIShmeNa droNena vidureNa cha . 
shAmyeti muhurukto.asi na cha shAmyasi pArthiva .. 18..\\
shame hi sumahAnarthastava pArthasya chobhayoH . 
na cha rochayase rAjankimanyadbuddhilAbhavAt .. 19..\\
na sharma prApsyase rAjannutkramya suhR^idA.n vachaH . 
adharmyamayashasya.n cha kriyate pArthiva tvayA .. 20..\\
evaM bruvati dAshArhe duryodhanamamarShaNam . 
duHshAsana ida.n vAkyamabravItkurusa.nsadi .. 21..\\
na chetsandhAsyase rAjansvena kAmena pANDavaiH . 
baddhvA kila tvA.n dAsyanti kuntIputrAya kauravAH .. 22..\\
vaikartana.n tvAM cha mAM cha trInetAnmanujarShabha . 
pANDavebhyaH pradAsyanti bhIShmo droNaH pitA cha te .. 23..\\
bhrAturetadvachaH shrutvA dhArtarAShTraH suyodhanaH . 
kruddhaH prAtiShThatotthAya mahAnAga iva shvasan .. 24..\\
vidura.n dhR^itarAShTraM cha mahArAjaM cha bAhlikam . 
kR^ipa.n cha somadattaM cha bhIShmaM droNaM janArdanam .. 25..\\
sarvAnetAnanAdR^itya durmatirnirapatrapaH . 
ashiShTavadamaryAdo mAnI mAnyAvamAnitA .. 26..\\
taM prasthitamabhiprekShya bhrAtaro manujarShabham . 
anujagmuH sahAmAtyA rAjAnashchApi sarvashaH .. 27..\\
sabhAyAmutthita.n kruddhaM prasthitaM bhrAtR^ibhiH saha . 
duryodhanamabhipreShkya bhIShmaH shAntanavo.abravIt .. 28..\\
dharmArthAvabhisantyajya sa.nrambha.n yo.anumanyate . 
hasanti vyasane tasya durhR^ido nachirAdiva .. 29..\\
dUrAtmA rAjaputrAya.n dhArtarAShTro nupAyavit . 
mithyAbhimAnI rAjyasya krodhalobha vashAnugaH .. 30..\\
kAlapakvamidaM manye sarvakShatra.n janArdana . 
sarve hyanusR^itA mohAtpArthivAH saha mantribhiH .. 31..\\
bhIShmasyAthavachaH shrutvA dAshArhaH puShkarekShaNaH . 
bhIShmadroNamukhAnsarvAnabhyabhAShata vIryavAn .. 32..\\
sarveShA.n kuruvR^iddhAnAM mahAnayamatikramaH . 
prasahya mandamaishvarye na niyachchhata yannR^ipam .. 33..\\
tatra kAryamahaM manye prAptakAlamarindamAH . 
kriyamANe bhavechchhreyastatsarva.n shR^iNutAnaghAH .. 34..\\
pratyakShametadbhavatA.n yadvakShyAmi hitaM vachaH . 
bhavatAmAnukUlyena yadi rocheta bhAratAH .. 35..\\
bhojarAjasya vR^iddhasya durAchAro hyanAtmavAn . 
jIvataH pituraishvarya.n hR^itvA manyuvasha.n gataH .. 36..\\
ugrasenasutaH ka.nsaH parityaktaH sa bAndhavaiH . 
GYAtInA.n hitakAmena mayA shasto mahAmR^idhe .. 37..\\
AhukaH punarasmAbhirGYAtibhishchApi satkR^itaH . 
ugrasenaH kR^ito rAjA bhojarAjanyavardhanaH .. 38..\\
ka.nsamekaM parityajya kulArthe sarvayAdavAH . 
sambhUya sukhamedhante bhAratAndhakavR^iShNayaH .. 39..\\
api chApyavadadrAjanparameShThI prajApatiH . 
vyUDhe devAsure yuddhe.abhyudyateShvAyudheShu cha .. 40..\\
dvaidhI bhUteShu lokeShu vinashyatsu cha bhArata . 
abravItsR^iShTimAndevo bhagavA.NllokabhAvanaH .. 41..\\
parAbhaviShyantyasurA daiteyA dAnavaiH saha . 
AdityA vasavo rudrA bhaviShyanti divaukasaH .. 42..\\
devAsuramanuShyAshcha gandharvoragarAkShasAH . 
asminyuddhe susa.nyattA haniShyanti parasparam .. 43..\\
iti matvAbravIddharmaM parameShThI prajApatiH . 
varuNAya prayachchhaitAnbaddhvA daiteya dAnavAn .. 44..\\
evamuktastato dharmo niyogAtparameShThinaH . 
varuNAya dadau sarvAnbaddhvA daityeya dAnavAn .. 45..\\
tAnbaddhvA dharmapAshaishcha svaishcha pAshairjaleshvaraH . 
varuNaH sAgare yatto nitya.n rakShati dAnavAn .. 46..\\
tathA duryodhana.n karNa.n shakuniM chApi saubalam . 
baddhvA duHshAsana.n chApi pANDavebhyaH prayachchhata .. 47..\\
tyajetkulArthe puruSha.n grAmasyArthe kulaM tyajet . 
grAma.n janapadasyArthe AtmArthe pR^ithivIM tyajet .. 48..\\
rAjanduryodhanaM baddhvA tataH saMshAmya pANDavaiH . 
tvatkR^ite na vinashyeyuH kShatriyAH kShatriyarShabha .. 49..\\
\medskip\hrule\medskip\centerline{\Largedvng 127}
 v

kR^iShNasya vachana.n shrutvA dhR^itarAShTro janeshvaraH . 
vidura.n sarvadharmaGYa.n tvaramANo.abhyabhAShata .. 1..\\
gachchha tAta mahAprAGYA.n gAndhArIM dIrghadarshinIm . 
Anayeha tayA sArdhamanuneShyAmi durmatim .. 2..\\
yadi sApi durAtmAna.n shamayedduShTachetasam . 
api kR^iShNAya suhR^idastiShThema vachane vayam .. 3..\\
api lobhAbhibhUtasya panthAnamanudarshayet . 
durbuddherduHsahAyasya samarthaM bruvatI vachaH .. 4..\\
api no vyasana.n ghoraM duryodhanakR^itaM mahat . 
shamayechchirarAtrAya yogakShemavadavyayam .. 5..\\
rAGYastu vachana.n shrutvA viduro dIrghadarshinIm . 
AnayAmAsa gAndhArI.n dhR^itarAShTrasya shAsanAt .. 6..\\
eSha gAndhAri putraste durAtmA shAsanAtigaH . 
aishvaryalobhAdaishvarya.n jIvitaM cha prahAsyati .. 7..\\
ashiShTavadamaryAdaH pApaiH saha durAtmabhiH . 
sabhAyA nirgato mUDho vyatikramya suhR^idvachaH .. 8..\\
sA bharturvachana.n shrutvA rAjaputrI yashasvinI . 
anvichchhantI mahachchhreyo gAndhArI vAkyamabravIt .. 9..\\
Anayeha suta.n kShipra.n rAjyakAmukamAturam . 
na hi rAjyamashiShTena shakya.n dharmArthalopinA .. 10..\\
tva.n hyevAtra bhR^isha.n garhyo dhR^itarAShTra sutapriyaH . 
yo jAnapApatAmasya tatpraGYAm anuvartase .. 11..\\
sa eSha kAmamanyubhyAM pralabdho mohamAsthitaH . 
ashakyo.adya tvayA rAjanvinivartayituM balAt .. 12..\\
rAjyapradAne mUDhasya bAlishasya durAtmanaH . 
duHsahAyasya lubdhasya dhR^itarAShTro.ashrute phalam .. 13..\\
katha.n hi svajane bhedamupekSheta mahAmatiH . 
bhinna.n hi svajanena tvAM prasahiShyanti shatravaH .. 14..\\
yA hi shakyA mahArAja sAmnA dAnena vA punaH . 
nistartumApadaH sveShu daNDa.n kastatra pAtayet .. 15..\\
shAsanAddhR^itarAShTrasya duryodhanamamarShaNam . 
mAtushcha vachanAtkShattA sabhAM prAveshayatpunaH .. 16..\\
sa mAturvachanAkA~NkShI pravivesha sabhAM punaH . 
abhitAmrekShaNaH krodhAnniHshvasanniva pannagaH .. 17..\\
taM praviShTamabhiprekShya putramutpathamAsthitam . 
vigarhamANA gAndhArI samartha.n vAkyamabravIt .. 18..\\
duryodhana nibodheda.n vachanaM mama putraka . 
hita.n te sAnubandhasya tathAyatyA.n sukhodayam .. 19..\\
bhIShmasya tu pitushchaiva mama chApachitiH kR^itA . 
bhaveddroNa mukhAnA.n cha suhR^idA.n shAmyatA tvayA .. 20..\\
na hi rAjyaM mahAprAGYa svena kAmena shakyate . 
avAptu.n rakShituM vApi bhoktuM vA bharatarShabha .. 21..\\
na hyavashyendriyo rAjyamashnIyAddIrghamantaram . 
vijitAtmA tu medhAvI sa rAjyamabhipAlayet .. 22..\\
kAmakrodhau hi puruShamarthyebhyo vyapakarShataH . 
tau tu shatrU vinirjitya rAjA vijayate mahIm .. 23..\\
lokeshvara prabhutva.n hi mahadetaddurAtmabhiH . 
rAjyaM nAmepsita.n sthAnaM na shakyamabhirakShitum .. 24..\\
indriyANi mahatprepsurniyachchhedarthadharmayoH . 
indriyairniyatairbuddhirvardhate.agnirivendhanaiH .. 25..\\
avidhyeyAni hImAni vyApAdayitumapyalam . 
avidheyA ivAdAntA hayAH pathi kusArathim .. 26..\\
avijitya ya AtmAnamamAtyAnvijigIShate . 
ajitAtmAjitAmAtyaH so.avashaH parihIyate .. 27..\\
AtmAnameva prathama.n desharUpeNa yo jayet . 
tato.amAtyAnamitrAMshcha na mogha.n vijigIShate .. 28..\\
vashyendriya.n jitAmAtyaM dhR^itadaNDa.n vikAriShu . 
parIkShya kAriNa.n dhIramatyanta.n shrIrniShevate .. 29..\\
kShudrAkSheNeva jAlena jhaShAvapihitAvubhau . 
kAmakrodhau sharIrasthau praGYAna.n tau vilumpataH .. 30..\\
yAbhyA.n hi devAH svaryAtuH svargasyApidadhurmukham . 
bibhyato.anuparAgasya kAmakrodhau sma vardhitau .. 31..\\
kAma.n krodhaM cha lobhaM cha dambhaM darpaM cha bhUmipaH . 
samyagvijetu.n yo veda sa samImabhijAyate .. 32..\\
satataM nigrahe yukta indriyANAM bhavennR^ipaH . 
Ipsannartha.n cha dharmaM cha dviShatAM cha parAbhavam .. 33..\\
kAmAbhibhUtaH krodhAdvA yo mithyA pratipadyate . 
sveShu chAnyeShu vA tasya na sahAyA bhavantyuta .. 34..\\
ekIbhUtairmahAprAGYaiH shUrairarinibarhaNaiH . 
pANDavaiH pR^ithivI.n tAta bhokShyase sahitaH sukhI .. 35..\\
yathA bhIShmaH shAntanavo droNashchApi mahArathaH . 
AhatustAta taH satyamajeyau kR^iShNa pANDavau .. 36..\\
prapadyasva mahAbAhu.n kR^iShNamakliShTakAriNam . 
prasanno hi sukhAya syAdubhayoreva keshavaH .. 37..\\
suhedAmarthakAmAnA.n yo na tiShThati shAsane . 
prAGYAnA.n kR^itavidyAnA.n sa naraH shatrunandanaH .. 38..\\
na yuddhe tAta kalyANaM na dharmArthau kutaH sukham . 
na chApi vijayo nityaM mA yuddhe cheta AdhithAH .. 39..\\
bhIShmeNa hi mahAprAGYa pitrA te bAhlikena cha . 
datto.aMshaH pANDuputrANAM bhedAdbhItairarindama .. 40..\\
tasya chaitatpradAnasya phalamadyAnupashyasi . 
yadbhu~NkShe pR^ithivI.n sarvAM shUrairnihatakaNTakAm .. 41..\\
prayachchha pANDuputrANAmyathochitamarindama . 
yadIchchhasi sahAmAtyo bhoktumardhaM mahIkShitAm .. 42..\\
alamardhaM pR^ithivyAste sahAmAtyasya jIvanam . 
suhR^idA.n vachane tiShThanyashaH prApsyasi bhArata .. 43..\\
shrImadbhirAtmavadbhirhi buddhimadbhirjitendriyaiH . 
pANDavairvigrahastAta bhraMshayenmahataH sukhAt .. 44..\\
nigR^ihya suhR^idAM manyu.n shAdhi rAjyaM yathochitam . 
svamaMshaM pANDuputrebhyaH pradAya bharatarShabha .. 45..\\
alamahnA nikAro.aya.n trayodasha samAH kR^itaH . 
shamayainaM mahAprAGYa kAmakrodhasamedhitam .. 46..\\
na chaiSha shaktaH pArthAnA.n yastvadarthamabhIpsati . 
sUtaputro dR^iDhakrodho bhrAtA duHshAsanash cha te .. 47..\\
bhIShme droNe kR^ipe karNe bhImasene dhana~njaye . 
dhR^iShTadyumne cha sa~Nkruddhe na syuH sarvAH prajA dhruvam .. 48..\\
amarShavashamApanno mA kurU.nstAta jIghanaH . 
sarvA hi pR^ithivI spR^iShTA tvatpANDava kR^ite vadham .. 49..\\
yachcha tvaM manyase mUDha bhIShmadroNakR^ipAdayaH . 
yotsyante sarvashaktyeti naitadadyopapadyate .. 50..\\
sama.n hi rAjyaM prItishcha sthAna.n cha vijitAtmanAm . 
pANDaveShvatha yuShmAsu dharmastvabhyadhikastataH .. 51..\\
rAjapiNDa bhayAdete yadi hAsyanti jIvitam . 
na hi shakShyanti rAjAna.n yudhiShThiramudIkShitum .. 52..\\
na lobhAdarthasampattirnarANAmiha dR^ishyate . 
tadala.n tAta lobhena prashAmya bharatarShabha .. 53..\\
\medskip\hrule\medskip\centerline{\Largedvng 128}
 v

tattu vAkyamanAdR^itya so.arthavanmAtR^ibhAShitam . 
punaH pratasthe sa.nrambhatsakAshamakR^itAtmanAm .. 1..\\
tataH sabhAyA nirgamya mantrayAmAsa kauravaH . 
saubalena matAkSheNa rAGYA shakuninA saha .. 2..\\
duryodhanasya karNasya shakuneH saubalasya cha . 
duHshAsanachaturthAnAmidamAsIdvicheShTitam .. 3..\\
purAyamasmAngR^ihNAti kShiprakArI janArdanaH . 
sahito dhR^itarAShTreNa rAGYA shAntanavena cha .. 4..\\
vayameva hR^iShIkeshaM nigR^ihNIma balAdiva . 
prasahya puruShavyAghramindro vairochani.n yathA .. 5..\\
shrutvA gR^ihIta.n vArShNeyaM pANDavA hatachetasaH . 
nirutsAhA bhaviShyanti bhagnadaMShTrA ivoragAH .. 6..\\
aya.n hyeShAM mahAbAhuH sarveShAM sharma varma cha . 
asmingR^ihIte varade R^iShabhe sarvasAtvatAm . 
nirudyamA bhaviShyanti pANDavAH somakaiH saha .. 7..\\
tasmAdvayamihaivaina.n keshavaM kShiprakAriNam . 
kroshato dhR^itarAShTrasya baddhvA yotsyAmahe ripUn .. 8..\\
teShAM pApamabhiprAyaM pApAnA.n duShTachetasAm . 
i~NgitaGYaH kaviH kShipramanvabudhyata sAtyakiH .. 9..\\
tadarthamabhiniShkramya hArdikyena sahAsthitaH . 
abravItkR^itavarmANa.n kShipra.n yojaya vAhinIm .. 10..\\
vyUDhAnIkaH sabhA dvAramupatiShThasva daMshitaH . 
yAvadAkhyAmyaha.n chaitatkR^iShNAyAkliShTa karmaNe .. 11..\\
sa pravishya sabhA.n vIraH si.nho giriguhAm iva . 
AchaShTa tamabhiprAya.n keshavAya mahAtmane .. 12..\\
dhR^itarAShTra.n tatashchaiva viduraM chAnvabhAShata . 
teShAmetamabhiprAyamAchachakShe smayanniva .. 13..\\
dharmAdapetamarthAchcha karma sAdhu vigarhitam . 
mandAH kartumihechchhanti na chAvApya.n kathaM chana .. 14..\\
purA vikurvate mUDhAH pApAtmAnaH samAgatAH . 
dharShitAH kAmamanyubhyA.n krodhalobha vashAnugAH .. 15..\\
ima.n hi puNDarIkAkSha.n jighR^ikShantyalpachetasaH . 
paTenAnigM prajvalita.n yathA bAlA yathA jaDAH .. 16..\\
sAtyakestadvachaH shrutvA viduro dIrghadarshivAn . 
dhR^itarAShTraM mahAbAhumabravItkurusa.nsadi .. 17..\\
rAjanparItakAlAste putrAH sarve parantapa . 
ayashasyamashakya.n cha karma kartu.n samudyatAH .. 18..\\
ima.n hi puNDarIkAkShamabhibhUya prasahya cha . 
nigrahItu.n kilechchhanti sahitA vAsavAnujam .. 19..\\
imaM puruShashArdUlamapradhR^iShya.n durAsadam . 
AsAdya na bhaviShyanti pata~NgA iva pAvakam .. 20..\\
ayamichchhanhi tAnsarvAnyatamAnA~njanArdanaH . 
si.nho mR^igAniva kruddho gamayedyamasAdanam .. 21..\\
na tvayaM nintida.n karma kuryAtkR^iShNaH kathaM chana . 
na cha dharmAdapakrAmedachyutaH puruShottamaH .. 22..\\
vidureNaivamukte tu keshavo vAkyamabravIt . 
dhR^itarAShTramabhiprekShya suhR^idA.n shR^iNvatAM mithaH .. 23..\\
rAjannete yadi kruddhA mAM nigR^ihNIyurojasA . 
ete vA mAmaha.n vainAnanujAnIhi pArthiva .. 24..\\
etAnhi sarvAnsa.nrabdhAnniyantumahamutsahe . 
na tvahaM nindita.n karma kuryAM pApaM kathaM chana .. 25..\\
pANDavArthe hi lubhyantaH svArthAddhAsyanti te sutAH . 
ete chedevamichchhanti kR^itakAryo yudhiShThiraH .. 26..\\
adyaiva hyahametAMshcha ye chaitAnanu bhArata . 
nigR^ihya rAjanpArthebhyo dadyA.n kiM duShkR^itaM bhavet .. 27..\\
ida.n tu na pravarteyaM ninditaM karma bhArata . 
saMnidhau te mahArAja krodhajaM pApabuddhijam .. 28..\\
eSha duryodhano rAjanyathechchhati tathAstu tat . 
aha.n tu sarvAnsamayAnanujAnAmi bhArata .. 29..\\
etachchhrutvA tu vidura.n dhR^itarAShTro.abhyabhAShata . 
kShipramAnaya taM pApa.n rAjyalubdhaM suyodhanam .. 30..\\
saha mitra.n sahAmAtyaM sasodaryaM sahAnugam . 
shaknuyA.n yadi panthAnamavatArayituM punaH .. 31..\\
tato duryodhana.n kShattA punaH prAveshayatsabhAm . 
akAmaM bhrAtR^ibhiH sArdha.n rAjabhiH parivAritam .. 32..\\
atha duryodhana.n rAjA dhR^itarAShTro.abhyabhAShata . 
karNa duHshAsanAbhyA.n cha rAjabhishchAbhisa.nvR^itam .. 33..\\
nR^isha.nsapApabhUyiShTha kShudrakarma sahAyavAn . 
pApaiH sahAyaiH sa.nhatya pApa.n karma chikIrShasi .. 34..\\
ashakyamayashasya.n cha sadbhishchApi vigarhitam . 
yathA tvAdR^ishako mUDho vyavasyetkulapA.nsanaH .. 35..\\
tvamimaM puNDarIkAkShamapradhR^iShya.n durAsadam . 
pApaiH sahAyaiH sa.nhatya nigrahItu.n kilechchhasi .. 36..\\
yo na shakyo balAtkartu.n devairapi savAsavaiH . 
ta.n tvaM prArthayase mandabAlashchandramasa.n yathA .. 37..\\
devairmanuShyairgandharvairasurairuragaishcha yaH . 
na soDhu.n samare shakyastaM na budhyasi keshavam .. 38..\\
durgrahaH pANinA vAyurduHsparshaH pANinA shashI . 
durdharA pR^ithivI mUrdhnA durgrahaH keshavo balAt .. 39..\\
ityukte dhR^itarAShTreNa kShattApi viduro.abravIt . 
duryodhanamabhiprekShya dhArtarAShTramamarShaNam .. 40..\\
saubhadvAre vAnarendro dvivido nAma nAmataH . 
shilA varSheNa mahatA chhAdayAmAsa keshavam .. 41..\\
grahItukAmo vikramya sarvayatnena mAdhavam . 
grahItuM nAshakattatra ta.n tvaM prArthayase balAt .. 42..\\
nirmochane ShaTsahasrAH pAshairbaddhvA mahAsurAH . 
grahItuM nAshakaMshchaina.n taM tvaM prArthayase balAt .. 43..\\
prAgjyotiSha gata.n shauriM narakaH saha dAnavaiH . 
grahItuM nAshakattatra ta.n tvaM prArthayase balAt .. 44..\\
anena hi hatA bAlye pUtanA shishunA tathA . 
govardhano dhAritashcha gavArthe bharatarShabha .. 45..\\
ariShTo dhenukashchaiva chANUrashcha mahAbalaH . 
ashvarAjashcha nihataH ka.nsashchAriShTamAcharan .. 46..\\
jarAsandhashcha vakrashcha shishupAlashcha vIryavAn . 
bANashcha nihataH sa~Nkhye rAjAna cha niShUditAH .. 47..\\
varuNo nirjito rAjA pAvakashchAmitaujasA . 
pArijAta.n cha haratA jitaH sAkShAchchhachI patiH .. 48..\\
ekArNave shayAnena hatau tau madhukaiTabhau . 
janmAntaramupAgamya hayagrIvastathA hataH .. 49..\\
aya.n kartA na kriyate kAraNaM chApi pauruShe . 
yadyadichchhedaya.n shauristattatkuryAdayatnataH .. 50..\\
taM na budhyasi govinda.n ghoravikramamachyutam . 
AshIviShamiva kruddha.n tejorAshimanirjitam .. 51..\\
pradharShayanmahAbAhu.n kR^iShNamakliShTakAriNam . 
pata~Ngo.agnimivAsAdya sAmAtyo na bhaviShyasi .. 52..\\
\medskip\hrule\medskip\centerline{\Largedvng 129}
 v

vidureNaivamukte tu keshavaH shatrupUgahA . 
duryodhana.n dhArtarAShTramabhyabhAShata vIryavAn .. 1..\\
eko.ahamiti yanmohAnmanyase mA.n suyodhana . 
paribhUya cha durbuddhe grahItuM mA.n chikIrShasi .. 2..\\
ihaiva pANDavAH sarve tathaivAndhakavR^iShNayaH . 
ihAdityAshcha rudrAshcha vasavashcha maharShibhiH .. 3..\\
evamuktvA jahAsochchaiH keshavaH paravIrahA . 
tasya sa.nsmayataH shaurervidyudrUpA mahAtmanaH . 
a~NguShTha mAtrAstridashA mumuchuH pAvakArchiShaH .. 4..\\
tasya brahmA lalATastho rudro vakShasi chAbhavat . 
lokapAlA bhujeShvAsannagnirAsyAdajAyata .. 5..\\
AdityAshchaiva sAdhyAshcha vasavo.athAshvinAvapi . 
marutashcha sahendreNa vishve devAstathaiva cha . 
babhUvushchaiva rUpANi yakShagandharvarakShasAm .. 6..\\
prAdurAstA.n tathA dorbhyA.n sa~NkarShaNa dhana~njayau . 
dakShiNe.athArjuno dhanvI halI rAmashcha savyataH .. 7..\\
bhImo yudhiShThirashchaiva mAdrIputrau cha pR^iShThataH . 
andhakA vR^iShNayashchaiva pradyumna pramukhAstataH .. 8..\\
agre babhUvuH kR^iShNasya samudyatamahAyudhAH . 
sha~NkhachakragadAshaktirshAr~NgalA~NgalanandakAH .. 9..\\
adR^ishyantodyatAnyeva sarvapraharaNAni cha . 
nAnA bAhuShu kR^iShNasya dIpyamAnAni sarvashaH .. 10..\\
netrAbhyAM nastatashchaiva shrotrAbhyA.n cha samantataH . 
prAdurAsanmahAraudrAH sadhUmAH pAvakArchiShaH . 
romakUpeShu cha tathA sUryasyeva marIchayaH .. 11..\\
ta.n dR^iShTvA ghoramAtmAnaM keshavasya mahAtmanaH . 
nyamIlayanta netrANi rAjAnastrastachetasaH .. 12..\\
R^ite droNa.n cha bhIShmaM cha viduraM cha mahAmatim . 
sa~njaya.n cha mahAbhAgamR^iShIMshchaiva tapodhanAn . 
prAdAtteShA.n sa bhagavAndivya.n chakShurjanArdanaH .. 13..\\
taddR^iShTvA mahadAshcharyaM mAdhavasya sabhA tale . 
devadundubhayo neduH puShpavarShaM papAta cha .. 14..\\
chachAla cha mahIkR^itsnA sAgarashchApi chukShubhe . 
vismayaM parama.n jagmuH pArthivA bharatarShabha .. 15..\\
tataH sa puruShavyAghraH sa~njahAra vapuH svakam . 
tA.n divyAmadbhutAM chitrAmR^iddhimattAmarindamaH .. 16..\\
tataH sAtyakimAdAya pANau hArdikyameva cha . 
R^iShibhistairanuGYAto niryayau madhusUdanaH .. 17..\\
R^iShayo.antarhitA jagmustataste nAradAdayaH . 
tasminkolAhale vR^itte tadadbhutamabhUttadA .. 18..\\
taM prasthitamabhiprekShya kauravAH saha rAjabhiH . 
anujagmurnaravyAghra.n devA iva shatakratum .. 19..\\
achintayannameyAtmA sarva.n tadrAjamaNDalam . 
nishchakrAma tataH shauriH sadhUma iva pAvakaH .. 20..\\
tato rathena shubhreNa mahatA ki~NkiNIkinA . 
hemajAlavichitreNa laghunA meghanAdinA .. 21..\\
sUpaskareNa shubhreNa vaiyAghreNa varUthinA . 
sainyasugrIva yuktena pratyadR^ishyata dArukaH .. 22..\\
tathaiva rathamAsthAya kR^itavarmA mahArathaH . 
vR^iShNInA.n saMmato vIro hArdikyaH pratyadR^ishyata .. 23..\\
upasthita ratha.n shauriM prayAsyantamarindamam . 
dhR^itarAShTro mahArAjaH punarevAbhyabhAShata .. 24..\\
yAvadbalaM me putreShu pashyasyetajjanArdana . 
pratyakSha.n te na te kiM chitparokSha.n shatrukarshana .. 25..\\
kurUNA.n shamamichchhantaM yatamAna.n cha keshava . 
viditvaitAmavasthAM me nAtisha~Nkitumarhasi .. 26..\\
na me pApo.astyabhiprAyaH pANDavAnprati keshava . 
GYAtameva hi te vAkya.n yanmayoktaH suyodhanaH .. 27..\\
jAnanti kuravaH sarve rAjAnashchaiva pArthivAH . 
shame prayatamAnaM mA.n sarvayatnena mAdhava .. 28..\\
tato.abravInmahAbAhurdhR^itarAShTra.n janeshvaram . 
droNaM pitAmahaM bhIShma.n kShattAraM bAhlikaM kR^ipam .. 29..\\
pratyakShametadbhavatA.n yadvR^itta.n kurusa.nsadi . 
yathA chAshiShTavanmando roShAdasakR^idutthitaH .. 30..\\
vadatyanIshamAtmAna.n dhR^itarAShTro mahIpatiH . 
ApR^ichchhe bhavataH sarvAngamiShyAmi yudhiShThiram .. 31..\\
Amantrya prasthita.n shauriM rathasthaM puruSharShabham . 
anujagmurmaheShvAsAH pravIrA bharatarShabhAH .. 32..\\
bhIShmo droNaH kR^ipaH kShattA dhR^itarAShTro.atha bAhlikaH . 
ashvatthAmA vikarNashcha yuyutsushcha mahArathaH .. 33..\\
tato rathena shubhreNa mahatA ki~NkiNIkinA . 
kurUNAM pashyatAM prAyAtpR^ithA.n draShTuM pitR^iShvasAm .. 34..\\
\medskip\hrule\medskip\centerline{\Largedvng 130}
 v

pravishyAtha gR^iha.n tasyAshcharaNAvabhivAdya cha . 
Achakhyau tatsamAsena yadvR^itta.n kurusa.nsadi .. 1..\\
uktaM bahuvidha.n vAkya.n grahaNIyaM sahetukam . 
R^iShibhishcha mayA chaiva na chAsau tadgR^ihItavAn .. 2..\\
kAlapakvamida.n sarva.n duryodhana vashAnugam . 
ApR^ichchhe bhavatI.n shIghraM prayAsye pANDavAnprati .. 3..\\
ki.n vAchyAH pANDaveyAste bhavatyA vananAnmayA . 
tadbrUhi tvaM mahAprAGYe shushrUShe vachana.n tava .. 4..\\
brUyAH keshava rAjAna.n dharmAtmAna.n yudhiShThiram . 
bhUyA.nste hIyate dharmo mA putraka vR^ithA kR^ithAH .. 5..\\
shrotriyasyeva te rAjanmandakasyAvipashchitaH . 
anuvAka hatA buddhirdharmamevaikamIkShate .. 6..\\
a~NgAvekShasva dharma.n tva.n yathA sR^iShTaH svayambhuvAm . 
urastaH kShatriyaH sR^iShTo bAhuvIryopajIvitA . 
krUrAya karmaNe nityaM prajAnAM paripAlane .. 7..\\
shR^iNu chAtropamAmekA.n yA vR^iddhebhyaH shrutA mayA . 
muchukundasya rAjarSheradadAtpR^ithivImimAm . 
purA vaishravaNaH prIto na chAsau tA.n gR^ihItavAn .. 8..\\
bAhuvIryArjita.n rAjyamashnIyAmiti kAmaye . 
tato vaishvaraNaH prIto vismitaH samapadyata .. 9..\\
muchukundastato rAjA so.anvashAsadvasundharAm . 
bAhuvIryArjitA.n samyakkShatradharmamanuvrataH .. 10..\\
ya.n hi dharma.n charantIha prajA rAGYA surakShitAH . 
chaturtha.n tasya dharmasya rAjA bhArata vindati .. 11..\\
rAjA charati cheddharma.n devatvAyaiva kalpate . 
sa chedadharma.n charati narakAyaiva gachchhati .. 12..\\
daNDanItiH svadharmeNa chAturvarNyaM niyachchhati . 
prayuktA svAminA samyagadharmebhyash cha yachchhati .. 13..\\
daNDanItyA.n yadA rAjA samyakkArtsnyena vartate . 
tadA kR^itayugaM nAma kAlaH shreShThaH pravartate .. 14..\\
kAlo vA kAraNa.n rAGYo rAjA vA kAlakAraNam . 
iti te saMshayo mA bhUdrAjA kAlasya kAraNam .. 15..\\
rAjA kR^itayugasraShTA tretAyA dvAparasya cha . 
yugasya cha chaturthasya rAjA bhavati kAraNam .. 16..\\
kR^itasya kAraNAdrAjA svargamatyantamashnute . 
tretAyAH kAraNAdrAjA svargaM nAtyantamashnute . 
pravartanAddvAparasya yathAbhAgamupAshnute .. 17..\\
tato vasati duShkarmA narake shAshvatIH samAH . 
rAjadoSheNa hi jagatspR^ishyate jagataH sa cha .. 18..\\
rAjadharmAnavekShasva pitR^ipaitAmahochitAn . 
naitadrAjarShivR^itta.n hi yatra tvaM sthAtumichchhasi .. 19..\\
na hi vaiklavya sa.nsR^iShTa AnR^isha.nsye vyavasthitaH . 
prajApAlanasambhUta.n kiM chitprApa phalaM nR^ipaH .. 20..\\
na hyetAmAshiShaM pANDurna chAhaM na pitAmahaH . 
prayuktavantaH pUrva.n te yayA charasi medhayA .. 21..\\
yaGYo dAna.n tapaH shauryaM prajA santAnameva cha . 
mAhAtmyaM balabhojashcha nityamAsha.nsitaM mayA .. 22..\\
nitya.n svAhA svadhA nitya.n dadurmAnuShadevatAH . 
dIrghamAyurdhanaM putrAnsamyagArAdhitAH shubhAH .. 23..\\
putreShvAshAsate nityaM pitaro daivatAni cha . 
dAnamadhyayana.n yaGYaM prajAnAM paripAlanam .. 24..\\
etaddharmamadharma.n vA janmanaivAbhyajAyathAH . 
te stha vaidyAH kule jAtA avR^ittyA tAta pIDitAH .. 25..\\
yattu dAnapati.n shUra.n kShudhitAH pR^ithivIcharAH . 
prApya tR^iptAH pratiShThante dharmaH ko.abhyadhikastataH .. 26..\\
dAnenAnyaM balenAnya.n tahA sUnR^itayAparam . 
sarvataH pratigR^ihNIyAdrAjyaM prApyeha dhArmikaH .. 27..\\
brAhmaNaH pracharedbhaikSha.n kShatriyaH paripAlayet . 
vaishyo dhanArjana.n kuryAchchhUdraH paricharechcha tAn .. 28..\\
bhaikSha.n vipratiShiddha.n te kR^iShirnaivopapadyate . 
kShatriyo.asi kShatAstrAtA bAhuvIryopajIvitA .. 29..\\
pitryamaMshaM mahAbAho nimagnaM punaruddhara . 
sAmnA dAnena bhedena daNDenAtha nayena cha .. 30..\\
ito duHkhatara.n kiM nu yadaha.n hInabAndhavA . 
parapiNDamudIkShAmi tvA.n sUtvAmitranandana .. 31..\\
yudhyasva rAjadharmeNa mA nimajjIH pitAmahAn . 
mA gamaH kShINapuNyastva.n sAnugaH pApikA.n gatim .. 32..\\
\medskip\hrule\medskip\centerline{\Largedvng 131}
 k

atrApyudAharantImamitihAsaM purAtanam . 
vidurAyAshcha sa.nvAdaM putrasya cha parantapa .. 1..\\
atra shreyashcha bhUyashcha yathA sA vaktumarhati . 
yashasvinI manumatI kule jAtA vibhAvarI .. 2..\\
kShatradharmaratA dhanyA vidurA dIrghadarshinI . 
vishrutA rAjasa.nsatsu shrutavAkyA bahushrutA .. 3..\\
vidurA nAma vai satyA jagarhe putramaurasam . 
nirjita.n sindhurAjena shayAna.n dInachetasam . 
anandanamadharmaGYa.n dviShatA.n harShavardhanam .. 4..\\
na mayA tvaM na pitrAsi jAtaH kvAbhyAgato hyasi . 
nirmanyurupashAkhIyaH puruShaH klIba sAdhanaH .. 5..\\
yAvajjIvaM nirAsho.asi kalyANAya dhura.n vaha . 
mAtmAnamavamanyasva mainamalpena bIbharaH . 
manaH kR^itvA sukalyANaM mA bhaistvaM pratisa.nstabha .. 6..\\
uttiShTha he kApuruSha mA sheShvaivaM parAjitaH . 
amitrAnnandayansarvAnnirmAno bandhushokadaH .. 7..\\
supUrA vai kunadikA supUro mUShikA~njaliH . 
susantoShaH kApuruShaH svalpakenApi tuShyati .. 8..\\
apyarerArujandaMShTrAmAshvA iva nidhana.n vraja . 
api vA saMshayaM prApya jIvite.api parAkrama .. 9..\\
apyareH shyenavachchhidraM pashyestva.n viparikraman . 
vinadanvAtha vA tUShNI.n vyomni vAparisha~NkitaH .. 10..\\
tvamevaM pretavachchheShe kasmAdvajrahato yathA . 
uttiShTha he kApuruSha mA sheShvaivaM parAjitaH .. 11..\\
mAsta.n gamastvaM kR^ipaNo vishrUyasva svakarmaNA . 
mA madhye mA jaghanye tvaM mAdho bhUstiShTha chorjitaH .. 12..\\
alAta.n tindukasyeva muhUrtamapi vijvala . 
mA tuShAgnirivAnarchiH kAkara~NkhA jijIviShuH . 
muhUrta.n jvalita.n shreyo na tu dhUmAyitaM chiram .. 13..\\
mA ha sma kasya chidgehe janI rAGYaH kharI mR^iduH . 
kR^itvA mAnuShyaka.n karma sR^itvAji.n yAvaduttamam . 
dharmasyAnR^iNyamApnoti na chAtmAna.n vigarhate .. 14..\\
alabdhvA yadi vA labdhvA nAnushochanti paNDitAH . 
Anantarya.n chArabhate na prANAnAM dhanAyate .. 15..\\
udbhAvayasva vIrya.n vA tAM vA gachchha dhruvA.n gatim . 
dharmaM putrAgrataH kR^itvA kiMnimitta.n hi jIvasi .. 16..\\
iShTApUrta.n hi te klIba kIrtishcha sakalA hatA . 
vichchhinnaM bhogamUla.n te kiMnimitta.n hi jIvasi .. 17..\\
shatrurnimajjatA grAhyo ja~NghAyAM prapatiShyatA . 
viparichchhinna mUlo.api na viShIdetkatha.n chana . 
udyamya duramutkarShedAjAneya kR^ita.n smaran .. 18..\\
kuru sattva.n cha mAnaM cha viddhi pauruShamAtmanaH . 
udbhAvaya kulaM magna.n tvatkR^ite svayameva hi .. 19..\\
yasya vR^ittaM na jalpanti mAnavA mahadadbhutam . 
rAshivardhana mAtra.n sa naiva strI na punaH pumAn .. 20..\\
dAne tapasi shaurye cha yasya na prathita.n yashaH . 
vidyAyAmarthalAbhe vA mAturuchchAra eva saH .. 21..\\
shrutena tapasA vApi shriyA vA vikrameNa vA . 
janAnyo.abhibhavatyanyAnkarNamA hi sa vai pumAn .. 22..\\
na tveva jAlmI.n kApAlI.n vR^ittimeShitumarhasi . 
nR^isha.nsyAmayashasyA.n cha duHkhAM kApuruShochitAm .. 23..\\
yamenamabhinandeyuramitrAH puruSha.n kR^isham . 
lokasya samavaGYAtaM nihItAshana vAsasam .. 24..\\
aho lAbhakara.n dInamalpajIvanamalpakam . 
nedR^ishaM bandhumAsAdya bAndhavaH sukhamedhate .. 25..\\
avR^ittyaiva vipatsyAmo vaya.n rAShTrAtpravAsitAH . 
sarvakAmarasairhInAH sthAnabhraShTA aki~ncanAH .. 26..\\
avarNa kAriNa.n satsu kulavaMshasya nAshanam . 
kaliM putra pravAdena sa~njaya tvAmajIjanam .. 27..\\
niramarShaM nirutsAhaM nirvIryamarinandanam . 
mA sma sImantinI kA chijjanayetputramIdR^isham .. 28..\\
mA dhUmAya jvalAtyantamAkramya jahi shAtravAn . 
jvala mUrdhanyamitrANAM muhUrtamapi vA kShaNam .. 29..\\
etAvAneva puruSho yadamarShI yadakShamI . 
kShamAvAnniramarshashcha naiva strI na punaH pumAn .. 30..\\
santoSho vai shriya.n hanti tathAnukrosha eva cha . 
anutthAna bhaye chobhe nirIho nAshnute mahat .. 31..\\
ebhyo nikR^itipApebhyaH pramu~nchAtmAnamAtmanA . 
Ayasa.n hR^idaya.n kR^itvA mR^igayasva punaH svakam .. 32..\\
pura.n viShahate yasmAttasmAtpuruSha uchyate . 
tamAhurvyarthanAmAna.n strIvadya iha jIvati .. 33..\\
shUrasyorjita sattvasya si.nhavikrAnta gAminaH . 
diShTa bhAva.n gatasyApi vighase modate prajA .. 34..\\
ya AtmanaH priya sukhe hitvA mR^igayate shriyam . 
amAtyAnAmatho harShamAdadhAtyachireNa saH .. 35..\\
kiM nu te mAmapashyantyAH pR^ithivyA api sarvayA . 
kimAbharaNakR^itya.n te kiM bhogairjIvitena vA .. 36..\\
kimadyakAnA.n ye lokA dviShantastAnavApnuyuH . 
ye tvAdR^itAtmanA.n lokAH suhR^idastAnvrajantu naH .. 37..\\
bhR^ityairvihIyamAnAnAM parapiNDopajIvinAm . 
kR^ipaNAnAmasattvAnAM mA vR^ittimanuvartithAH .. 38..\\
anu tvA.n tAta jIvantu brAhmaNAH suhR^idastathA . 
parjanyamiva bhUtAni devA iva shatakratum .. 39..\\
yamAjIvanti puruSha.n sarvabhUtAni sa~njaya . 
pakva.n drumamivAsAdya tasya jIvitamarthavat .. 40..\\
yasya shUrasya vikrAntairedhante bAndhavAH sukham . 
tridashA iva shakrasya sAdhu tasyeha jIvitam .. 41..\\
svabAhubalamAshritya yo.abhyujjIvati mAnavaH . 
sa loke labhate kIrtiM paratra cha shubhA.n gatim .. 42..\\
\medskip\hrule\medskip\centerline{\Largedvng 132}
 viduraa

athaitasyAmavasthAyAM pauruSha.n hAtumichchhasi . 
nihIna sevitaM mArga.n gamiShyasyachirAdiva .. 1..\\
yo hi tejo yathAshakti na darshayati vikramAt . 
kShatriyo jIvitAkA~NkShI stena ityeva ta.n viduH .. 2..\\
arthavantyupapannAni vAkyAni guNavanti cha . 
naiva samprApnuvanti tvAM mumUrShumiva bheShajam .. 3..\\
santi vai sindhurAjasya santuShTA bahavo janAH . 
daurbalyAdAsate mUDhA vyasanaughapratIkShiNaH .. 4..\\
sahAyochapaya.n kR^itvA vyavasAyya tatastataH . 
anuduShyeyurapare pashyantastava pauruSham .. 5..\\
taiH kR^itvA saha sa~NghAta.n giridurgAlayAMsh chara . 
kAle vyasanamAkA~NkShannaivAyamajarAmaraH .. 6..\\
sa~njayo nAmatashcha tvaM na cha pashyAmi tattvayi . 
anvartha nAmA bhava me putra mA vyarthanAmakaH .. 7..\\
samyagdR^iShTirmahAprAGYo bAla.n tvAM brAhmaNo.abravIt . 
ayaM prApya mahatkR^ichchhraM punarvR^iddhi.n gamiShyati .. 8..\\
tasya smarantI vachanamAsha.nse vijaya.n tava . 
tasmAttAta bravImi tvA.n vakShyAmi cha punaH punaH .. 9..\\
yasya hyarthAbhinirvR^ittau bhavantyApyAyitAH pare . 
tasyArthasiddhirniyatA nayeShvarthAnusAriNaH .. 10..\\
samR^iddihrasamR^iddhirvA pUrveShAM mama sa~njaya . 
eva.n vidvAnyuddhamanA bhava mA pratyupAhara .. 11..\\
nAtaH pApIyasI.n kAM chidavasthA shambaro.abravIt . 
yatra naivAdya na prAtra bhojanaM pratidR^ishyate .. 12..\\
patiputra vadhAdetatparama.n duHkhamabravIt . 
dAridryamiti yatproktaM paryAya maraNa.n hi tat .. 13..\\
ahaM mahAkule jAtA hradAddhradamivAgatA . 
IshvarI sarvakalyANairbhartrA paramapUjitA .. 14..\\
mahArhamAlyAbharaNA.n sumR^iShTAmbara vAsasam . 
purA dR^iShTvA suhR^idvargo mAmapashyatsudurgatAm .. 15..\\
yadA mA.n chaiva bhAryAM cha draShTAsi bhR^ishadurbale . 
na tadA jIvitenArtho bhavitA tava sa~njaya .. 16..\\
dAsakarma karAnbhR^ityAnAchAryartvikpurohitAn . 
avR^ittyAsmAnprajahato dR^iShTvA ki.n jIvitena te .. 17..\\
yadi kR^ityaM na pashyAmi tavAdyeha yathA purA . 
shlAghanIya.n yashasya.n cha kA shAntirhR^idayasya me .. 18..\\
neti chedbrAhmaNAnbrUyA.n dIryate hR^idayaM mama . 
na hyahaM na cha me bhartA neti brAhmaNamuktavAn .. 19..\\
vayamAshramaNIyAH sma nAshritAraH parasya cha . 
sAnyAnAshritya jIvantI parityakShyAmi jIvitam .. 20..\\
apAre bhava naH pAramaplave bhava naH plavaH . 
kuruShva sthAnamasthAne mR^itAnsa~njIvayasva naH .. 21..\\
sarve te shatravaH sahyA na chejjIvitumichchhasi . 
atha chedIdR^ishI.n vR^itti.n klIbAm abhyupapadyase .. 22..\\
nirviNNAtmA hatamanA mu~nchaitAM pApajIvikAm . 
ekashatruvadhenaiva shUro gachchhati vishrutim .. 23..\\
indro vR^itravadhenaiva mahendraH samapadyata . 
mAhendra.n cha graha.n lebhe lokAnAM cheshvaro.abhavat .. 24..\\
nAma vishrAvya vA sa~Nkhye shatrUrAhUya daMshitAn . 
senAgra.n vApi vidrAvya hatvA vA puruShaM varam .. 25..\\
yadaiva labhate vIraH suyuddhena mahadyashaH . 
tadaiva pravyathante.asya shatravo vinamanti cha .. 26..\\
tyaktvAtmAna.n raNe dakShaM shUra.n kApuruShA janAH . 
avashAH pUrayanti sma sarvakAmasamR^iddhibhiH .. 27..\\
rAjya.n vApyugravibhraMshaM saMshayo jIvitasya vA . 
pralabdhasya hi shatrorvai sheSha.n kurvanti sAdhavaH .. 28..\\
svargadvAropama.n rAjyamatha vApyamR^itopamam . 
ruddhamekAyane matvA patolmuka ivAriShu .. 29..\\
jahi shatrUnraNe rAjansvadharmamanupAlaya . 
mA tvA pashyetsukR^ipaNa.n shatruH shrImAnkadA chana .. 30..\\
asmadIyaishcha shochadbhirnadadbhishcha parairvR^itam . 
api tvAM nAnupashyeya.n dInA dInamavasthitam .. 31..\\
uShya sauvIrakanyAbhiH shlAghasvArthairyathA purA . 
mA cha saindhava kanyAnAmavansanno vasha.n gamaH .. 32..\\
yuvA rUpeNa sampanno vidyayAbhijanena cha . 
yastvAdR^isho vikurvIta yashasvI lokavishrutaH . 
voDhavye dhuryanaDuvanmanye maraNameva tat .. 33..\\
yadi tvAmanupashyAmi parasya priyavAdinam . 
pR^iShThato.anuvrajanta.n vA kA kAntirhR^idayasya me .. 34..\\
nAsmi~njAtu kule jAto gachchhedyo.anyasya pR^iShThataH . 
na tvaM parasyAnudhura.n tAta jIvitumarhasi .. 35..\\
aha.n hi kShatrahR^idayaM veda yatparishAshvatam . 
pUrvaiH pUrvataraiH proktaM paraiH paratarairapi .. 36..\\
yo vai kashchidihAjAtaH kShatriyaH kShatradharmavit . 
bhayAdvR^itti samIkSho vA na namediha kasya chit .. 37..\\
udyachchhedeva na namedudyamo hyeva pauruSham . 
apyaparvaNi bhajyeta na namediha kasya chit .. 38..\\
mAta~Ngo matta iva cha parIyAtsumahAmanAH . 
brAhmaNebhyo namennitya.n dharmAyaiva cha sa~njaya .. 39..\\
niyachchhannitarAnvarNAnvinighnansarvaduShkR^itaH . 
sasahAyo.asahAyo vA yAvajjIva.n tathA bhavet .. 40..\\
\medskip\hrule\medskip\centerline{\Largedvng 133}
 putra

kR^iShNAyasasyeva cha te sa.nhatya hR^idaya.n kR^itam . 
mama mAtastvakaruNe vairapraGYe hyamarShaNe .. 1..\\
aho kShatrasamAchAro yatra mAmapara.n yathA . 
IdR^isha.n vachanaM brUyAdbhavatI putramekajam .. 2..\\
kiM nu te mAmapashyantyAH pR^ithivyA api sarvayA . 
kimAbharaNakR^itya.n te kiM bhogairjIvitena vA .. 3..\\
sarvArambhA hi viduShA.n tAta dharmArthakAraNAt . 
tAnevAbhisamIkShyAha.n sa~njaya tvAmachUchudam .. 4..\\
sa samIkShya kramopeto mukhyaH kAlo.ayamAgataH . 
asmiMshchedAgate kAle kAryaM na pratipadyase . 
asambhAvita rUpastva.n sunR^isha.nsa.n kariShyasi .. 5..\\
ta.n tvAmayashasA spR^iShTaM na brUyA.n yadi sa~njaya . 
kharI vAtsalyamAhustanniH sAmarthyamahetukam .. 6..\\
sadbhirvigarhitaM mArga.n tyaja mUrkha niShevitam . 
avidyA vai mahatyasti yAmimA.n saMshritAH prajAH .. 7..\\
tava syAdyadi sadvR^itta.n tena me tvaM priyo bhaveH . 
dharmArthaguNayuktena netareNa katha.n chana . 
daivamAnuShayuktena sadbhirAcharitena cha .. 8..\\
yo hyevamavinItena ramate putra naptR^iNA . 
anutthAnavatA chApi mogha.n tasya prajA phalam .. 9..\\
akurvanto hi karmANi kurvanto ninditAni cha . 
sukhaM naiveha nAmutra labhante puruShAdhamAH .. 10..\\
yuddhAya kShatriyaH sR^iShTaH sa~njayeha jayAya cha . 
krUrAya karmaNe nityaM prajAnAM paripAlane . 
jayanvA vadhyamAno vA prApnotIndra salokatAm .. 11..\\
na shakra bhavane puNye divi tadvidyate sukham . 
yadamitrAnvashe kR^itvA kShatriyaH sukhamashnute .. 12..\\
manyunA dahyamAnena puruSheNa manasvinA . 
nikR^iteneha bahushaH shatrUnpratijigIShayA .. 13..\\
AtmAna.n vA parityajya shatrUnvA vinipAtya vai . 
ato.anyena prakAreNa shAntirasya kuto bhavet .. 14..\\
iha prAGYDo hi puruShaH svalpamapriyamichchhati . 
yasya svalpaM priya.n loke dhruva.n tasyAlpamapriyam .. 15..\\
priyAbhAvAchcha puruSho naiva prApnoti shobhanam . 
dhruva.n chAbhAvamabhyeti gatvA ga~Ngeva sAgaram .. 16..\\

 putra

neyaM matistvayA vAchyA mAtaH putre visheShataH . 
kAruNyamevAtra pashya bhUtveha jaDa mUkavat .. 17..\\
ato me bhUyasI nandiryadevamanupashyasi . 
chodyaM mA.n chodayasyetadbhR^isha.n vai chodayAmi te .. 18..\\
atha tvAM pUjayiShyAmi hatvA vai sarvasaindhavAn . 
ahaM pashyAmi vijaya.n kR^itsnaM bhAvinameva te .. 19..\\
akoshasyAsahAyasya kutaH svidvijayo mama . 
ityavasthA.n viditvemAmAtmanAtmani dAruNAm . 
rAjyAdbhAvo nivR^itto me tridivAdiva duShkR^iteH .. 20..\\
IdR^ishaM bhavatI ka.n chidupAyamanupashyati . 
tanme pariNata praGYe samyakprabrUhi pR^ichchhate . 
kariShyAmi hi tatsarva.n yathAvadanushAsanam .. 21..\\
putrAtmA nAvamantavyaH pUrvAbhirasamR^iddhibhiH . 
abhUtvA hi bhavantyarthA bhUtvA nashyanti chApare .. 22..\\
amarSheNaiva chApyarthA nArabdhavyAH subAlishaiH . 
sarveShA.n karmaNAM tAta phale nityamanityatA .. 23..\\
anityamiti jAnanto na bhavanti bhavanti cha . 
atha ye naiva kurvanti naiva jAtu bhavanti te .. 24..\\
aikaguNyamanIhAyAmabhAvaH karmaNAM phalam . 
atha dvaiguNyamIhAyAM phalaM bhavati vA na vA .. 25..\\
yasya prAgeva viditA sarvArthAnAmanityatA . 
nudedvR^iddhisamR^iddhI sa pratikUle nR^ipAtmaja .. 26..\\
utthAtavya.n jAgR^itavya.n yoktavyaM bhUtikarmasu . 
bhaviShyatItyeva manaH kR^itvA satatamavyathaiH . 
ma~NgalAni puraskR^itya brAhmaNaishcheshvaraiH saha .. 27..\\
prAGYasya nR^ipaterAshu vR^iddhirbhavati putraka . 
abhivartati lakShmIstaM prAchImiva divAkaraH .. 28..\\
nidarshanAnyupAyAMshcha bahUnyuddharShaNAni cha . 
anudarshita rUpo.asi pashyAmi kuru pauruSham . 
puruShArthamabhipreta.n samAhartumihArhasi .. 29..\\
kruddhA.NllubdhAnparikShINAnavakShiptAnvimAnitAn . 
spardhinashchaiva ye ke chittAnyukta upadhAraya .. 30..\\
etena tvaM prakAreNa mahato bhetsyase gaNAn . 
mahAvega ivoddhUto mAtarishvA balAhakAn .. 31..\\
teShAmagrapradAyI syAH kalyotthAyI priya.nvadaH . 
te tvAM priya.n kariShyanti puro dhAsyanti cha dhruvam .. 32..\\
yadaiva shatrurjAnIyAtsapatna.n tyaktajIvitam . 
tadaivAsmAdudvijate sarpAdveshma gatAdiva .. 33..\\
ta.n viditvA parAkrAntaM vashe na kurute yadi . 
nirvAdairnirvadedenamantatastadbhaviShyati .. 34..\\
nirvAdAdAspada.n labdhvA dhanavR^iddhirbhaviShyati . 
dhanavanta.n hi mitrANi bhajante chAshrayanti cha .. 35..\\
sphalitArthaM punastAta santyajantyapi bAndhavAH . 
apyasminnAshrayante cha jugupsanti cha tAdR^isham .. 36..\\
shatru.n kR^itvA yaH sahAya.n vishvAsamupagachchhati . 
ataH sambhAvyamevaitadyadrAjyaM prApnuyAditi .. 37..\\
\medskip\hrule\medskip\centerline{\Largedvng 134}
 m

naiva rAGYA daraH kAryo jAtu kasyA.n chidApadi . 
atha chedapi dIrNaH syAnnaiva varteta dIrNavat .. 1..\\
dIrNa.n hi dR^iShTvA rAjAnaM sarvamevAnudIryate . 
rAShTraM balamamAtyAshcha pR^ithakkurvanti te matim .. 2..\\
shatrUneke prapadyante prajahatyapare punaH . 
anveke prajihIrShanti ye purastAdvimAnitAH .. 3..\\
ya evAtyanta suhR^idasta enaM paryupAsate . 
ashaktayaH svasti kAmA baddhavatsA iDA iva . 
shochantamanushochanti pratItAniva bAndhavAn .. 4..\\
api te pUjitAH pUrvamapi te suhR^ido matAH . 
ye rAShTramabhimanyante rAGYo vyasanamIyuShaH . 
mA dIdarastva.n suhR^ido mA tvA.n dIrNaM prahAsiShuH .. 5..\\
prabhAvaM pauruShaM buddhi.n jiGYAsantyA mayA tava . 
ullapantyA samAshvAsaM balavAniva durbalam .. 6..\\
yadyetatsa.nvijAnAsi yadi samyagbravImyaham . 
kR^itvAsaumyamivAtmAna.n jayAyottiShTha sa~njaya .. 7..\\
asti naH koshanichayo mahAnaviditastava . 
tamaha.n veda nAnyastamupasampAdayAmi te .. 8..\\
santi naikashatA bhUyaH suhR^idastava sa~njaya . 
sukhaduHkhasahA vIra shatArhA anivartinaH .. 9..\\
tAdR^ishA hi sahAyA vai puruShasya bubhUShataH . 
IShadujjihataH ki.n chitsachivAH shatrukarshanAH .. 10..\\
kasya tvIdR^ishaka.n vAkyaM shrutvApi svalpa chetasaH . 
tamo na vyapahanyeta suchitrArtha padAkSharam .. 11..\\
udake dhUriya.n dhAryA sartavyaM pravaNe mayA . 
yasya me bhavatI netrI bhaviShyadbhUtadarshinI .. 12..\\
aha.n hi vachana.n tvattaH shushrUShuraparAparam . 
ki.n chitkiM chitprativada.nstUShNImAsaM muhurmuhuH .. 13..\\
atR^ipyannamR^itasyeva kR^ichchhrAllabdhasya bAndhavAt . 
udyachchhAmyeSha shatrUNAM niyamAya jayAya cha .. 14..\\
sadashva iva sa kShiptaH praNunno vAkyasAyakaiH . 
tachchakAra tathA sarva.n yathAvadanushAsanam .. 15..\\
idamuddharShaNaM bhIma.n tejovardhanamuttamam . 
rAjAna.n shrAvayenmantrI sIdantaM shatrupIDitam .. 16..\\
jayo nAmetihAso.aya.n shrotavyo vijigIShuNA . 
mahI.n vijayate kShipraM shrutvA shatrUMsh cha mardati .. 17..\\
idaM pu.nsavana.n chaiva vIrAjananameva cha . 
abhIkShNa.n garbhiNI shrutvA dhruva.n vIraM prajAyate .. 18..\\
vidyA shUra.n tapaH shUraM damashUraM tapasvinam . 
brAhmyA shriyA dIpyamAna.n sAdhuvAdena saMmatam .. 19..\\
archiShmantaM balopetaM mahAbhAgaM mahAratham . 
dhR^iShTavantamanAdhR^iShya.n jetAramaparAjitam .. 20..\\
niyantAramasAdhUnA.n goptAra.n harma chAriNAm . 
tadartha.n kShatriyA sUte vIra.n satyaparAkramam .. 21..\\
\medskip\hrule\medskip\centerline{\Largedvng 135}
 k

arjuna.n keshava brUyAstvayi jAte sma sUtake . 
upopaviShTA nArIbhirAshrame parivAritA .. 1..\\
athAntarikShe vAgAsIddivyarUpA manoramA . 
sahasrAkShasamaH kunti bhaviShyatyeSha te sutaH .. 2..\\
eSha jeShyati sa~NgrAme kurUnsarvAnsamAgatAn . 
bhImasenadvitIyashcha lokamudvartayiShyati .. 3..\\
putraste pR^ithivI.n jetA yashashchAsya divaspR^isham . 
hatvA kurUngrAmajanye vAsudevasahAyavAn .. 4..\\
pitryamaMshaM pranaShTa.n cha punarapyuddhariShyati . 
bhrAtR^ibhiH sahitaH shrImA.nstrInmedhAnAhariShyati .. 5..\\
ta.n satyasandhaM bIbhatsuM savyasAchinamachyuta . 
yathAhameva.n jAnAmi balavantaM durAsadam . 
tathA tadastu dAshArha yathA vAgabhyabhAShata .. 6..\\
dharmashchedasti vArShNeya tathA satyaM bhaviShyati . 
tva.n chApi tattathA kR^iShNa sarva.n sampAdayiShyasi .. 7..\\
nAha.n tadabhyasUyAmi yathA vAgabhyabhAShata . 
namo dharmAya mahate dharmo dhArayati prajAH .. 8..\\
etaddhana~njayo vAchyo nityodyukto vR^ikodaraH . 
yadartha.n kShatriyA sUte tasya kAlo.ayamAgataH . 
na hi vaira.n samAsAdya sIdanti puruSharShabhAH .. 9..\\
viditA te sadA buddhirbhImasya na sa shAmyati . 
yAvadantaM na kurute shatrUNA.n shatrukarshaNaH .. 10..\\
sarvadharmavisheShaGYA.n snuShAM pANDormahAtmanaH . 
brUyA mAdhava kalyANI.n kR^iShNAM kR^iShNa yashasvinIm .. 11..\\
yuktametanmahAbhAge kule jAte yashasvini . 
yanme putreShu sarveShu yathAvattvamavartithAH .. 12..\\
mAdrIputrau cha vaktavyau kShatradharmaratAvubhau . 
vikrameNArjitAnbhogAnvR^iNIta.n jIvitAdapi .. 13..\\
vikramAdhigatA hyarthAH kShatradharmeNa jIvataH . 
mano manuShyasya sadA prINanti puruShottama .. 14..\\
yachcha vaH prekShamANAnA.n sarvadharmopachAyinI . 
pA~nchAlI paruShANyuktA ko nutatkShantumarhati .. 15..\\
na rAjyaharaNa.n duHkhaM dyUte chApi parAjayaH . 
pravrAjana.n sutAnAM vA na me tadduHkhakAraNam .. 16..\\
yattu sA bR^ihatI shyAmA sabhAyA.n rudatI tadA . 
ashrauShItparuShA vAchastanme duHkhataraM matam .. 17..\\
strI dharmiNI varArohA kShatradharmaratA sadA . 
nAdhyagachchhattadA nAtha.n kR^iShNA nAthavatI satI .. 18..\\
ta.n vai brUhi mahAbAho sarvashastrabhR^itAM varam . 
arjunaM puruShavyAghra.n draupadyAH padavIM chara .. 19..\\
viditau hi tavAtyanta.n kruddhAviva yamAntakau . 
bhImArjunau nayetA.n hi devAnapi parA.n gatim .. 20..\\
tayoshchaitadavaGYAna.n yatsA kR^iShNA sabhA gatA . 
duHshAsanashcha yadbhIma.n kaTukAnyabhyabhAShata . 
pashyatA.n kuruvIrANAM tachcha sa.nsmArayeH punaH .. 21..\\
pANDavAnkushalaM pR^ichchheH saputrAnkR^iShNayA saha . 
mA.n cha kushalinIM brUyAsteShu bhUyo janArdana . 
ariShTa.n gachchha panthAnaM putrAnme paripAlaya .. 22..\\
abhivAdyAtha tA.n kR^iShNaH kR^itvA chAbhipradakShiNam . 
nishchakrAma mahAbAhuH si.nhakhela gatistataH .. 23..\\
tato visarjayAmAsa bhIShmAdInkurupu~NgavAn . 
Aropya cha rathe karNaM prAyAtsAtyakinA saha .. 24..\\
tataH prayAte dAshArhe kuravaH sa~NgatA mithaH . 
jajalpurmahadAshcharya.n keshave paramAdbhutam .. 25..\\
pramUDhA pR^ithivI sarvA mR^ityupAshasitA kR^itA . 
duryodhanasya bAlishyAnnaitadastIti chAbruvan .. 26..\\
tato niryAya nagarAtprayayau puruShottamaH . 
mantrayAmAsa cha tadA karNena suchira.n saha .. 27..\\
visarjayitvA rAdheya.n sarvayAdavanandanaH . 
tato javena mahatA tUrNamashvAnachodayat .. 28..\\
te pibanta ivAkAsha.n dArukeNa prachoditAH . 
hayA jagmurmahAvegA manomArutara.nhasaH .. 29..\\
te vyatItya tamadhvAna.n kShipra.n shyenA ivAshugAH . 
uchchaiH sUryamupaplavya.n shAr~NgadhanvAnamAvahan .. 30..\\
\medskip\hrule\medskip\centerline{\Largedvng 136}
 v

kuntyAstu vachana.n shrutvA bhIShmadroNau mahArathau . 
duryodhanamida.n vAkyamUchatuH shAsanAtigam .. 1..\\
shruta.n te puruShavyAghra kuntyAH kR^iShNasya saMnidhau . 
vAkyamarthavadavyagramukta.n dharmyamanuttamam .. 2..\\
tatkariShyanti kaunteyA vAsudevasya saMmatam . 
na hi te jAtu shAmyerannR^ite rAjyena kaurava .. 3..\\
kleshitA hi tvayA pArthA dharmapAshasitAstadA . 
sabhAyA.n draupadI chaiva taishcha tanmarShitaM tava .. 4..\\
kR^itAstra.n hyarjunaM prApya bhIma.n cha kR^itanishramam . 
gANDIva.n cheShudhI chaiva rathaM cha dhvajameva cha . 
sahAya.n vAsudeva.n cha na kSha.nsyati yudhiShThiraH .. 5..\\
pratyakSha.n te mahAbAho yathA pArthena dhImatA . 
virATanagare pUrva.n sarve sma yudhi nirjitAH .. 6..\\
dAnavAnghorakarmANo nivAtakavachAnyudhi . 
raudramastra.n samAdhAya dagdhavAnastravahninA .. 7..\\
karNaprabhR^itayashcheme tva.n chApi kavachI rathI . 
mokShitA ghoShayAtrAyAM paryApta.n tannidarshanam .. 8..\\
prashAmya bharatashreShTha bhrAtR^ibhiH saha pANDavaiH . 
rakShemAM pR^ithivI.n sarvAM mR^ityordaMShTrAntara.n gatAm .. 9..\\
jyeShTho bhrAtA dharmashIlo vatsalaH shlakShNavAkshuchiH . 
ta.n gachchha puruShavyAghra.n vyapanIyeha kilbiSham .. 10..\\
dR^iShTashchettvaM pANDavena vyapanItasharAsanaH . 
prasannabhrukuTiH shrImAnkR^itA shAntiH kulasya naH .. 11..\\
tamabhyetya sahAmAtyaH pariShvajya nR^ipAtmajam . 
abhivAdaya rAjAna.n yathApUrvamarindama .. 12..\\
abhivAdayamAna.n tvAM pANibhyAM bhIma pUrvajaH . 
pratigR^ihNAtu sauhArdAtkuntIputro yudhiShThiraH .. 13..\\
si.nhaskandhoru bAhustvA.n vR^ittAyatamahAbhujaH . 
pariShvajatu bAhubhyAM bhImaH praharatA.n varaH .. 14..\\
si.nhagrIvo guDAkeshastatastvAM puShkarekShaNaH . 
abhivAdayatAM pArthaH kuntIputro dhana~njayaH .. 15..\\
Ashvineyau naravyAghrau rUpeNApratimau bhuvi . 
tau cha tvA.n guruvatpremNA pUjayA pratyudIyatAm .. 16..\\
mu~nchantvAnandajAshrUNi dAshArha pramukhA nR^ipAH . 
sa~Ngachchha bhrAtR^ibhiH sArdhaM mAna.n santyajya pArthiva .. 17..\\
prashAdhi pR^ithivI.n kR^itsnAM tatastaM bhrAtR^ibhiH saha . 
samAli~Ngya cha harSheNa nR^ipA yAntu parasparam .. 18..\\
ala.n yuddhena rAjendra suhR^idAM shR^iNu kAraNam . 
dhruva.n vinAsho yuddhe hi kShatriyANAM pradR^ishyate .. 19..\\
jyotIMShi pratikUlAni dAruNA mR^igapakShiNaH . 
utpAtA vividhA vIra dR^ishyante kShatranAshanAH .. 20..\\
visheShata ihAsmAkaM nimittAni vinAshane . 
ulkAbhirhi pradIptAbhirvadhyate pR^itanA tava .. 21..\\
vAhanAnyaprahR^iShTAni rudantIva vishAM pate . 
gR^idhrAste paryupAsante sainyAni cha samantataH .. 22..\\
nagaraM na yathApUrva.n tathA rAjaniveshanam . 
shivAshchAshiva nirghoShA dIptA.n sevanti vai disham .. 23..\\
kuru vAkyaM piturmAturasmAka.n cha hitaiShiNAm . 
tvayyAyatto mahAbAho shamo vyAyAma eva cha .. 24..\\
na chetkariShyasi vachaH suhR^idAmarikarshana . 
tapsyase vAhinI.n dR^iShTvA pArtha bANaprapIDitAm .. 25..\\
bhImasya cha mahAnAdaM nadataH shuShmiNo raNe . 
shrutvA smartAsi me vAkya.n gANDIvasya cha nisvanam . 
yadyetadapasavya.n te bhaviShyati vacho mama .. 26..\\
\medskip\hrule\medskip\centerline{\Largedvng 137}
 v

evamuktastu vimanAstiryagdR^iShTiradhomukhaH . 
sa.nhatya cha bhruvormadhyaM na ki.n chidvyAjahAra ha .. 1..\\
ta.n vai vimanasa.n dR^iShTvA samprekShyAnyonyamantikAt . 
punarevottara.n vAkyamuktavantau nararShabhau .. 2..\\
shushrUShumanasUya.n cha brahmaNya.n satyasa~Ngaram . 
pratiyotsyAmahe pArthamato duHkhataraM nu kim .. 3..\\
ashvatthAmni yathA putre bhUyo mama dhana~njaye . 
bahumAnaH paro rAjansaMnatish cha kapidhvaje .. 4..\\
ta.n chetputrAtpriyataraM pratiyotsye dhana~njayam . 
kShatradharmamanuShThAya dhigastu kShatrajIvikAm .. 5..\\
yasya loke samo nAsti kashchidanyo dhanurdharaH . 
matprasAdAtsa bIbhatsuH shreyAnanyairdhanurdharaiH .. 6..\\
mitradhrugduShTabhAvashcha nAstiko.athAnR^ijuH shaThaH . 
na satsu labhate pUjA.n yaGYe mUrkha ivAgataH .. 7..\\
vAryamANo.api pApebhyaH pApAtmA pApamichchhati . 
chodyamAno.api pApena shubhAtmA shubhamichchhati .. 8..\\
mithyopacharitA hyete vartamAnA hyanu priye . 
ahitatvAya kalpante doShA bharatasattama .. 9..\\
tvamuktaH kuruvR^iddhena mayA cha vidureNa cha . 
vAsudevena cha tathA shreyo naivAbhipadyase .. 10..\\
asti me balamityeva sahasA tva.n titIrShasi . 
sagrAha nakramakara.n ga~NgA vegamivoShNage .. 11..\\
vAsa eva yathA hi tvaM prAvR^iNvAno.adya manyase . 
sraja.n tyaktAmiva prApya lobhAdyaudhiShThirI.n shriyam .. 12..\\
draupadI sahitaM pArtha.n sAyudhairbhrAtR^ibhirvR^itam . 
vanasthamapi rAjyasthaH pANDava.n ko.atijIvati .. 13..\\
nideshe yasya rAjAnaH sarve tiShThanti ki~NkarAH . 
tamailavilamAsAdya dharmarAjo vyarAjata .. 14..\\
kubera sadanaM prApya tato ratnAnyavApya cha . 
sphItamAkramya te rAShTra.n rAjyamichchhanti pANDavAH .. 15..\\
datta.n hutamadhIta.n cha brAhmaNAstarpitA dhanaiH . 
AvayorgatamAyushcha kR^itakR^ityau cha viddhi nau .. 16..\\
tva.n tu hitvA sukha.n rAjyaM mitrANi cha dhanAni cha . 
vigrahaM pANDavaiH kR^itvA mahadvyasanamApsyasi .. 17..\\
draupadI yasya chAshAste vijaya.n satyavAdinI . 
tapo ghoravratA devI na tva.n jeShyasi pANDavam .. 18..\\
mantrI janArdano yasya bhrAtA yasya dhana~njayaH . 
sarvashastrabhR^itA.n shreShTha.n kathaM jeShyasi pANDavam .. 19..\\
sahAyA brAhmaNA yasya dhR^itimanto jitendriyAH . 
tamugratapasa.n vIra.n kathaM jeShyasi pANDavam .. 20..\\
punarukta.n cha vakShyAmi yatkAryaM bhUtimichchhatA . 
suhR^idA majjamAneShu suhR^itsu vyasanArNave .. 21..\\
ala.n yuddhena tairvIraiH shAmya tva.n kuruvR^iddhaye . 
mA gamaH sasutAmAtyaH sabalashcha parAbhavam .. 22..\\
\medskip\hrule\medskip\centerline{\Largedvng 138}
 dhr

rAjaputraiH parivR^itastathAmAtyaishcha sa~njaya . 
upAropya rathe karNaM niryAto madhusUdanaH .. 1..\\
kimabravIdrathopasthe rAdheyaM paravIrahA . 
kAni sAntvAni govindaH sUtaputre prayuktavAn .. 2..\\
oghameghasvanaH kAle yatkR^iShNaH karNamabravIt . 
mR^idu vA yadi vA tIkShNa.n tanmamAchakShva sa~njaya .. 3..\\
AnupUrvyeNa vAkyAni shlakShNAni cha mR^idUni cha . 
priyANi dharmayuktAni satyAni cha hitAni cha .. 4..\\
hR^idayagrahaNIyAni rAdheyaM madhusUdanaH . 
yAnyabravIdameyAtmA tAni me shR^iNu bhArata .. 5..\\
upAsitAste rAdheya brAhmaNA vedapAragAH . 
tattvArthaM paripR^iShTAshcha niyatenAnasUyayA .. 6..\\
tvameva karNa jAnAsi vedavAdAnsanAtanAn . 
tva.n hyeva dharmashAstreShu sUkShmeShu pariniShThitaH .. 7..\\
kAnInashcha sahoDhashcha kanyAyA.n yashcha jAyate . 
voDhAraM pitara.n tasya prAhuH shAstravido janAH .. 8..\\
so.asi karNa tathA jAtaH pANDoH putro.asi dharmataH . 
nigrahAddharmashAstrANAmehi rAjA bhaviShyasi .. 9..\\
pitR^ipakShe hi te pArthA mAtR^ipakShe cha vR^iShNayaH . 
dvau pakShAvabhijAnIhi tvametau puruSharShabha .. 10..\\
mayA sArdhamito yAtamadya tvA.n tAta pANDavAH . 
abhijAnantu kaunteyaM pUrvajAta.n yudhiShThirAt .. 11..\\
pAdau tava grahIShyanti bhrAtaraH pa~ncha pANDavAH . 
draupadeyAstathA pa~ncha saubhadrashchAparAjitaH .. 12..\\
rAjAno rAjaputrAshcha pANDavArthe samAgatAH . 
pAdau tava grahIShyanti sarve chAndhakavR^iShNayaH .. 13..\\
hiraNmayAMshcha te kumbhAnrAjatAnpArthivA.nstathA . 
oShadhyaH sarvabIjAni sarvaratnAni vIrudhaH .. 14..\\
rAjanyA rAjakanyAshchApyAnayantvabhiShechanam . 
ShaShThe cha tvA.n tathA kAle draupadyupagamiShyati .. 15..\\
adya tvAmabhiShi~nchantu chAturvaidyA dvijAtayaH . 
purohitaH pANDavAnA.n vyAghracharmaNyavasthitam .. 16..\\
tathaiva bhrAtaraH pa~ncha pANDavAH puruSharShabhAH . 
draupadeyAstathA pa~ncha pA~nchAlAshchedayastathA .. 17..\\
aha.n cha tvAbhiShekShyAmi rAjAnaM pR^ithivIpatim . 
yuvarAjo.astu te rAjA kuntIputro yudhiShThiraH .. 18..\\
gR^ihItvA vyasana.n shveta.n dharmAtmA saMshitavrataH . 
upAnvArohatu ratha.n kuntIputro yudhiShThiraH .. 19..\\
chhatra.n cha te mahachchhvetaM bhImaseno mahAbalaH . 
abhiShiktasya kauneya kaunteyo dhArayiShyati .. 20..\\
ki~NkiNIshatanirghoSha.n vaiyAghraparivAraNam . 
ratha.n shvetahayairyuktamarjuno vAhayiShyati .. 21..\\
abhimanyushcha te nityaM pratyAsanno bhaviShyati . 
nakulaH sahadevashcha draupadeyAshcha pa~ncha ye .. 22..\\
pA~nchAlAstvAnuyAsyanti shikhaNDI cha mahArathaH . 
aha.n cha tvAnuyAsyAmi sarve chAndhakavR^iShNayaH . 
dAshArhAH parivArAste dAshArNAshcha vishAM pate .. 23..\\
bhu~NkShva rAjyaM mahAbAho bhrAtR^ibhiH saha pANDavaiH . 
japairhomaishcha sa.nyukto ma~Ngalaishcha pR^ithagvidhaiH .. 24..\\
purogamAshcha te santu draviDAH saha kuntalaiH . 
AndhrAstAlacharAshchaiva chUchupA veNupAstathA .. 25..\\
stuvantu tvAdya bahushaH stutibhiH sUtamAgadhAH . 
vijaya.n vasuSheNasya ghoShayantu cha pANDavAH .. 26..\\
sa tvaM parivR^itaH pArthairnakShatrairiva chandramAH . 
prashAdhi rAjya.n kaunteya kuntIM cha pratinandaya .. 27..\\
mitrANi te prahR^iShyantu vyathantu ripavastathA . 
saubhrAtra.n chaiva te.adyAstu bhrAtR^ibhiH saha pANDavaiH .. 28..\\
\medskip\hrule\medskip\centerline{\Largedvng 139}
 karna

asaMshaya.n sauhR^idAnme praNayAchchAttha keshava . 
sakhyena chaiva vArShNeya shreyaskAmatayA eva cha .. 1..\\
sarva.n chaivAbhijAnAmi pANDoH putro.asmi dharmataH . 
nigrahAddharmashAstrANA.n yathA tva.n kR^iShNa manyase .. 2..\\
kanyA garbha.n samAdhatta bhAskarAnmA.n janArdana . 
AdityavachanAchchaiva jAtaM mA.n sA vyasarjayat .. 3..\\
so.asmi kR^iShNa tathA jAtaH pANDoH putro.asmi dharmataH . 
kuntyA tvahamapAkIrNo yathA na kushala.n tathA .. 4..\\
sUto hi mAmadhiratho deShTvaiva anayadgR^ihAn . 
rAdhAyAshchaiva mAM prAdAtsauhArdAnmadhusUdana .. 5..\\
matsnehAchchaiva rAdhAyAH sadyaH kShIramavAtarat . 
sA me mUtraM purISha.n cha pratijagrAha mAdhava .. 6..\\
tasyAH piNDa vyapanaya.n kuryAdasmadvidhaH katham . 
dharmaviddharmashAstrANA.n shravaNe satataM ratha .. 7..\\
tathA mAmabhijAnAti sUtashchAdhirathaH sutam . 
pitara.n chAbhijAnAmi tamaha.n sauhR^idAtsadA .. 8..\\
sa hi me jAtakarmAdi kArayAmAsa mAdhava . 
shAstradR^iShTena vidhinA putra prItyA janArdana .. 9..\\
nAma me vasuSheNeti kArayAmAsa vai dvijaiH . 
bhAryAshchoDhA mama prApte yauvane tena keshava .. 10..\\
tAsu putrAshcha pautrAshcha mama jAtA janArdana . 
tAsu me hR^idaya.n kR^iShNa sa~njAtaM kAmabandhanam .. 11..\\
na pR^ithivyA sakalayA na suvarNasya rAshibhiH . 
harShAdbhayAdvA govinda anR^ita.n vaktumutsahe .. 12..\\
dhR^itarAShTra kule kR^iShNa duryodhana samAshrayAt . 
mayA trayodasha samA bhukta.n rAjyamakaNTakam .. 13..\\
iShTa.n cha bahubhiryaGYaiH saha sUtairmayAsakR^it . 
AvAhAshcha vivAhAshcha saha sUtaiH kR^itA mayA .. 14..\\
mA.n cha kR^iShNa samAshritya kR^itaH shastrasamudyamaH . 
duryodhanena vArShNeya vigrahashchApi pANDavaiH .. 15..\\
tasmAdraNe dvairathe mAM pratyudyAtAramachyuta . 
vR^itavAnparama.n hR^iShTaH pratIpaM savyasAchinaH .. 16..\\
vadhAdbandhAdbhayAdvApi lobhAdvApi janArdana . 
anR^itaM notsahe kartu.n dhArtarAShTrasya dhImataH .. 17..\\
yadi hyadya na gachchheya.n dvairatha.n savyasAchinA . 
akIrtiH syAddhR^iShIkesha mama pArthasya chobhayoH .. 18..\\
asaMshaya.n hitArthAya brUyAstvaM madhusUdana . 
sarva.n cha pANDavAH kuryustva vashitvAnna saMshayaH .. 19..\\
mantrasya niyama.n kuryAstvamatra puruShottama . 
etadatra hitaM manye sarvayAdavanandana .. 20..\\
yadi jAnAti mA.n rAjA dharmAtmA saMshitavrataH . 
kuntyAH prathamajaM putraM na sa rAjya.n grahIShyati .. 21..\\
prApya chApi mahadrAjya.n tadahaM madhusUdana . 
sphIta.n duryodhanAyaiva sampradadyAmarindama .. 22..\\
sa eva rAjA dharmAtmA shAshvato.astu yudhiShThiraH . 
netA yasya hR^iShIkesho yodhA yasya dhana~njayaH .. 23..\\
pR^ithivI tasya rAShTra.n cha yasya bhImo mahArathaH . 
nakulaH sahadevashcha draupadeyAshcha mAdhava .. 24..\\
uttamaujA yudhAmanyuH satyadharmA cha somakiH . 
chaidyashcha chekitAnashcha shikhaNDI chAparAjitaH .. 25..\\
indra gopaka varNAshcha kekayA bhrAtarastathA . 
indrAyudhasavarNashcha kuntibhojo mahArathaH .. 26..\\
mAtulo bhImasenasya senajichcha mahArathaH . 
sha~NkhaH putro virATasya nidhistva.n cha janArdana .. 27..\\
mahAnaya.n kR^iShNa kR^itaH kShatrasya samudAnayah . 
rAjyaM prAptamida.n dIptaM prathita.n sarvarAjasu .. 28..\\
dhArtarAShTrasya vArShNeya shastrayaGYo bhaviShyati . 
asya yaGYasya vettA tvaM bhaviShyasi janArdana . 
Adhvaryava.n cha te kR^iShNa kratAvasminbhaviShyati .. 29..\\
hotA chaivAtra bIbhatsuH saMnaddhaH sa kapidhvajaH . 
gANDIva.n sruktathAjya.n cha vIryaM pu.nsAM bhaviShyati .. 30..\\
aindraM pAshupataM brAhma.n sthUNAkarNa.n cha mAdhava . 
mantrAstatra bhaviShyanti prayuktAH savyasAchinA .. 31..\\
anuyAtashcha pitaramadhiko vA parAkrame . 
grAva stotra.n sa saubhadraH samyaktatra kariShyati .. 32..\\
udgAtAtra punarbhImaH prastotA sumahAbalaH . 
vinadansa naravyAghro nAgAnIkAntakR^idraNe .. 33..\\
sa chaiva tatra dharmAtmA shashvadrAjA yudhiShThiraH . 
japairhomaishcha sa.nyukto brahmatva.n kArayiShyati .. 34..\\
sha~NkhashabdAH samurajA bheryashcha madhusUdana . 
utkR^iShTasi.nhanAdAshcha subrahmaNyo bhaviShyati .. 35..\\
nakulaH sahadevashcha mAdrIputrau yashasvinau . 
shAmitra.n tau mahAvIryau samyaktatra kariShyataH .. 36..\\
kalmAShadaNDA govinda vimalA rathashaktayaH . 
yUpAH samupakalpantAmasminyaGYe janArdana .. 37..\\
karNinAlIkanArAchA vatsadantopabR^i.nhaNAH . 
tomarAH somakalashAH pavitrANi dhanUMShi cha .. 38..\\
asayo.atra kapAlAni puroDAshAH shirA.nsi cha . 
havistu rudhira.n kR^iShNa asminyaGYe bhaviShyati .. 39..\\
idhmAH paridhayashchaiva shaktyo.atha vimalA gadAH . 
sadasyA droNashiShyAshcha kR^ipasya cha sharadvataH .. 40..\\
iShavo.atra paristomA muktA gANDIvadhanvanA . 
mahArathaprayuktAshcha droNa drauNiprachoditAH .. 41..\\
prAtiprasthAnika.n karma sAtyakiH sa kariShyati . 
dIkShito dhArtarAShTro.atra patnI chAsya mahAchamUH .. 42..\\
ghaTotchako.atra shAmitra.n kariShyati mahAbalaH . 
atirAtre mahAbAho vitate yaGYakarmaNi .. 43..\\
dakShiNA tvasya yaGYasya dhR^iShTadyumnaH pratApavAn . 
vaitAne karmaNi tate jAto yaH kR^iShNa pAvakAt .. 44..\\
yadabruvamaha.n kR^iShNa kaTukAni sma pANDavAn . 
priyArtha.n dhArtarAShTrasya tena tapye.adya karmaNA .. 45..\\
yadA drakShyasi mA.n kR^iShNa nihata.n savyasAchinA . 
punashchitistadA chAsya yaGYasyAtha bhaviShyati .. 46..\\
duHshAsanasya rudhira.n yadA pAsyati pANDavaH . 
AnardaM nardataH samyaktadA sutyaM bhaviShyati .. 47..\\
yadA droNa.n cha bhIShmaM cha pA~nchAlyau pAtayiShyataH . 
tadA yaGYAvasAna.n tadbhaviShyati janArdana .. 48..\\
duryodhana.n yadA hantA bhImaseno mahAbalaH . 
tadA samApsyate yaGYo dhArtarAShTrasya mAdhava .. 49..\\
snuShAshcha prasnuShAshchaiva dhR^itarAShTrasya sa~NgatAH . 
hateshvarA hatasutA hatanAthAshcha keshava .. 50..\\
gAndhAryA saha rodantyaH shvagR^idhrakurarAkule . 
sa yaGYe.asminnavabhR^itho bhaviShyati janArdana .. 51..\\
vidyA vR^iddhA vayovR^iddhAH kShatriyAH kShatriyarShabha . 
vR^ithA mR^ityuM na kurvIra.nstvatkR^ite madhusUdana .. 52..\\
shastreNa nidhana.n gachchhetsamR^iddhaM kShatramaNDalam . 
kurukShetre puNyatame trailokyasyApi keshavan .. 53..\\
tadatra puNDarIkAkSha vidhatsva yadabhIpsitam . 
yathA kArtsnyena vArShNeya kShatra.n svargamavApnuyAt .. 54..\\
yAvatsthAsyanti girayaH saritashcha janArdana . 
tAvatkIrtibhavaH shabdaH shAshvato.ayaM bhaviShyati .. 55..\\
brAhmaNAH kathayiShyanti mahAbhAratamAhavam . 
samAgameShu vArShNeya kShatriyANA.n yashodharam .. 56..\\
samupAnaya kaunteya.n yuddhAya mama keshava . 
mantrasa.nvaraNa.n kurvannityameva parantapa .. 57..\\
\medskip\hrule\medskip\centerline{\Largedvng 140}
 samjaya

karNasya vachana.n shrutvA keshavaH paravIrahA . 
uvAcha prahasanvAkya.n smitapUrvamida.n tadA .. 1..\\
api tvAM na tapetkarNa rAjyalAbhopapAdanA . 
mayA dattA.n hi pR^ithivIM na prashAsitumichchhasi .. 2..\\
dhruvo jayaH pANDavAnAmitIdaM 
na saMshayaH kash chana vidyate.atra . 
jaya dhvajo dR^ishyate pANDavasya 
samuchchhrito vAnararAja ugraH .. 3..\\
divyA mAyAvihitA bhauvanena 
samuchchhritA indraketuprakAshA . 
divyAni bhUtAni bhayAvahAni 
dR^ishyanti chaivAtra bhayAnakAni .. 4..\\
na sajjate shailavanaspatibhya 
Urdhva.n tiryagyojanamAtrarUpaH . 
shrImAndhvajaH karNa dhana~njayasya 
samuchchhritaH pAvakatulyarUpaH .. 5..\\
yadA drakShyasi sa~NgrAme shvetAshva.n kR^iShNasArathim . 
aindramastra.n vikurvANamubhe chaivAgnimArute .. 6..\\
gANDIvasya cha nirghoSha.n visphUrjitamivAshaneH . 
na tadA bhavitA tretA na kR^ita.n dvAparaM na cha .. 7..\\
yadA drakShyasi sa~NgrAme kuntIputra.n yudhiShThiram . 
japahomasamAyukta.n svAM rakShantaM mahAchamUm .. 8..\\
Adityamiva durdharSha.n tapanta.n shatruvAhinIm . 
na tadA bhavitA tretA na kR^ita.n dvAparaM na cha .. 9..\\
yadA drakShyasi sa~NgrAme bhImasenaM mahAbalam . 
duHshAsanasya rudhiraM pItvA nR^ityantamAhave .. 10..\\
prabhinnamiva mAta~NgaM pratidviradaghAtinam . 
na tadA bhavitA tretA na kR^ita.n dvAparaM na cha .. 11..\\
yadA drakShyasi sa~NgrAme mAdrIputrau mahArathau . 
vAhinI.n dhArtarAShTrANAM kShobhayantau gajAviva .. 12..\\
vigADhe shastrasampAte paravIra rathA rujau . 
na tadA bhavitA tretA na kR^ita.n dvAparaM na cha .. 13..\\
yadA drakShyasi sa~NgrAme droNa.n shAntanava.n kR^ipam . 
suyodhana.n cha rAjAna.n saindhavaM cha jayadratham .. 14..\\
yuddhAyApatatastUrNa.n vAritAnsavyasAchinA . 
na tadA bhavitA tretA na kR^ita.n dvAparaM na cha .. 15..\\
brUyAH karNa ito gatvA droNa.n shAntanava.n kR^ipam . 
saumyo.aya.n vartate mAsaH suprApa yavasendhanaH .. 16..\\
pakvauShadhi vanasphItaH phalavAnalpamakShikaH . 
niShpa~Nko rasavattoyo nAtyuShNa shishiraH sukhaH .. 17..\\
saptamAchchApi divasAdamAvAsyA bhaviShyati . 
sa~NgrAma.n yojayettatra tAM hyAhuH shakra devatAm .. 18..\\
tathA rAGYo vadeH sarvAnye yuddhAyAbhyupAgatAH . 
yadvo manIShita.n tadvai sarva.n sampAdayAmi vaH .. 19..\\
rAjAno rAjaputrAshcha duryodhana vashAnugAH . 
prApya shastreNa nidhanaM prApsyanti gatimuttamAm .. 20..\\
\medskip\hrule\medskip\centerline{\Largedvng 141}
 s

keshavasya tu tadvAkya.n karNaH shrutvA hita.n shubham . 
abravIdabhisampUjya kR^iShNaM madhu niShUdanam . 
jAnanmA.n hiM mahAbAho saMmohayitumichchhasi .. 1..\\
yo.ayaM pR^ithivyAH kArtsnyena vinAshaH samupasthitaH . 
nimitta.n tatra shakunirahaM duHshAsanastathA . 
duryodhanashcha nR^ipatirdhR^itarAShTra suto.abhavat .. 2..\\
asaMshayamida.n kR^iShNa mahadyuddhamupasthitam . 
pANDavAnA.n kurUNAM cha ghora.n rudhirakardamam .. 3..\\
rAjAno rAjaputrAshcha duryodhana vashAnugAH . 
raNe shastrAgninA dagdhAH prApsyanti yamasAdanam .. 4..\\
svapnA hi bahavo ghorA dR^ishyante madhusUdana . 
nimittAni cha ghorANi tathotpAtAH sudAruNAH .. 5..\\
parAjaya.n dhArtarAShTre vijayaM cha yudhiShThire . 
sha.nsanta iva vArShNeya vividhA lomaharShaNAH .. 6..\\
prAjApatya.n hi nakShatra.n grahastIkShNo mahAdyutiH . 
shanaishcharaH pIDayati pIDayanprANino.adhikam .. 7..\\
kR^itvA chA~NgArako vakra.n jyeShThAyAM madhusUdana . 
anurAdhAM prArthayate maitra.n saMshamayanniva .. 8..\\
nUnaM maha bhaya.n kR^iShNa kurUNA.n samupasthitam . 
visheSheNa hi vArShNeya chitrAM pIDayate grahaH .. 9..\\
somasya lakShma vyAvR^itta.n rAhurarkamupeShyati . 
divashcholkAH patantyetAH sanirghAtAH sakampanAH .. 10..\\
niShTananti cha mAta~NgA mu~nchantyasrUNi vAjinaH . 
pAnIya.n yavasa.n chApi nAbhinandanti mAdhava .. 11..\\
prAdurbhUteShu chaiteShu bhayamAhurupasthitam . 
nimitteShu mahAbAho dAruNaM prANinAshanam .. 12..\\
alpe bhukte purISha.n cha prabhUtamiha dR^ishyate . 
vAjinA.n vAraNAnA.n cha manuShyANAM cha keshava .. 13..\\
dhArtarAShTrasya sainyeShu sarveShu madhusUdana . 
parAbhavasya talli~Ngamiti prAhurmanIShiNaH .. 14..\\
prahR^iShTa.n vAhana.n kR^iShNa pANDavAnAM prachakShate . 
pradakShiNA mR^igAshchaiva tatteShA.n jayalakShaNam .. 15..\\
apasavyA mR^igAH sarve dhArtarAShTrasya keshava . 
vAchashchApyasharIriNyastatparAbhava lakShaNam .. 16..\\
mayUrAH puShpashakunA ha.nsAH sArasachAtakAH . 
jIva.n jIvaka sa~NghAshchApyanugachchhanti pANDavAn .. 17..\\
gR^idhrAH kAkA baDAH shyenA yAtudhAnAH shalA vR^ikAH . 
makShikANA.n cha sa~NghAtA anugachchhanti kauravAn .. 18..\\
dhArtarAShTrasya sainyeShu bherINAM nAsti nisvanaH . 
anAhatAH pANDavAnAM nadanti paTahAH kila .. 19..\\
udapAnAshcha nardanti yathA govR^iShabhAstathA . 
dhArtarAShTrasya sainyeShu tatparAbhava lakShaNam .. 20..\\
mA.nsashoNitavarSha.n cha vR^iShTaM devena mAdhava . 
tathA gandharvanagaraM bhAnumantamupasthitam . 
saprAkAra.n saparikhaM savapra.n chArutoraNam .. 21..\\
kR^iShNashcha parighastatra bhAnumAvR^itya tiShThati . 
udayAstamaye sandhye vedayAno mahadbhayam . 
ekA sR^igvAshate ghora.n tatparAbhava lakShaNam .. 22..\\
kR^iShNa grIvAshcha shakunA kambamAnA bhayAnakAH . 
sandhyAmabhimukhA yAnti tatparAbhava lakShaNam .. 23..\\
brAhmaNAnprathama.n dveShTi gurUMshcha madhusUdana . 
bhR^ityAnbhaktimatashchApi tatparAbhava lakShaNam .. 24..\\
pUrvA diglohitAkArA shastravarNA cha dakShiNA . 
AmapAtrapratIkAshA pashchimA madhusUdana .. 25..\\
pradIptAshcha dishaH sarvA dhArtarAShTrasya mAdhava . 
mahadbhaya.n vedayanti tasminnutpAtalakShaNe .. 26..\\
sahasrapAdaM prAsAda.n svapnAnte sma yudhiShThiraH . 
adhirohanmayA dR^iShTaH saha bhrAtR^ibhirachyuta .. 27..\\
shvetoShNIShAshcha dR^ishyante sarve te shuklavAsasaH . 
AsanAni cha shubhrANi sarveShAmupalakShaye .. 28..\\
tava chApi mayA kR^iShNa svapnAnte rudhirAvilA . 
AntreNa pR^ithivI dR^iShTA parikShiptA janArdana .. 29..\\
asthi sa~ncayamArUDhashchAmitaujA yudhiShThiraH . 
suvarNapAtryA.n sa.nhR^iShTo bhuktavAnghR^itapAyasam .. 30..\\
yudhiShThiro mayA dR^iShTo grasamAno vasundharAm . 
tvayA dattAmimA.n vyaktaM bhokShyate sa vasundharAm .. 31..\\
uchchaM parvatamArUDho bhImakarmA vR^ikodaraH . 
gadApANirnaravyAghro vIkShanniva mahImimAm .. 32..\\
kShapayiShyati naH sarvAnsa suvyaktaM mahAraNe . 
viditaM me hR^iShIkesha yato dharmastato jayaH .. 33..\\
pANDura.n gamamArUDho gANDIvI sadhana~njayaH . 
tvayA sArdha.n hR^iShIkesha shriyA paramayA jvalan .. 34..\\
yUya.n sarvAnvadhiShyadhva.n tatra me nAsti saMshayaH . 
pArthivAnsamare kR^iShNa duryodhana purogamAn .. 35..\\
nakulaH sahadevashcha sAtyakishcha mahArathaH . 
shuddhakeyUra kaNThatrAH shuklamAlyAmbarAvR^itAH .. 36..\\
adhirUDhA naravyAghrA naravAhanamuttamam . 
traya ete mahAmAtrAH pANDurachchhatravAsasaH .. 37..\\
shvetoShNIShAshcha dR^ishyante traya eva janArdana . 
dhArtarAShTrasya sainyeShu tAnvijAnIhi keshava .. 38..\\
ashvatthAmA kR^ipashchaiva kR^itavarmA cha sAtvataH . 
raktoShNIShAshcha dR^ishyante sarve mAdhava pArthivAH .. 39..\\
uShTrayukta.n samArUDhau bhIShmadroNau janArdana . 
mayA sArdhaM mahAbAho dhArtarAShTreNa chAbhibho .. 40..\\
agastyashAstA.n cha dishaM prayAtAH sma janArdana . 
achireNaiva kAlena prApsyAmo yamasAdanam .. 41..\\
aha.n chAnye cha rAjAno yachcha tatkShatramaNDalam . 
gANDIvAgniM pravekShyAma iti me nAsti saMshayaH .. 42..\\
upasthita vinAsheyaM nUnamadya vasundharA . 
tathA hi me vachaH karNa nopaiti hR^idaya.n tava .. 43..\\
sarveShA.n tAta bhUtAnA.n vinAshe samupasthite . 
anayo nayasa~NkAsho hR^idayAnnApasarpati .. 44..\\
api tvA kR^iShNa pashyAma jIvanto.asmAnmahAraNAt . 
samuttIrNA mahAbAho vIra kShayavinAshanAt .. 45..\\
atha vA sa~NgamaH kR^iShNa svarge no bhavitA dhruvam . 
tatredAnI.n sameShyAmaH punaH sArdha.n tvayAnagha .. 46..\\
ityuktvA mAdhava.n karNaH pariShvajya cha pIDitam . 
visarjitaH keshavena rathopasthAdavAtarat .. 47..\\
tataH svarathamAsthAya jAmbUnadavibhUShitam . 
sahAsmAbhirnivavR^ite rAdhyeyo dInamAnasaH .. 48..\\
tataH shIghrataraM prAyAtkeshavaH saha sAtyakiH . 
punaruchchArayanvANI.n yAhi yAhIti sArathim .. 49..\\
\medskip\hrule\medskip\centerline{\Largedvng 142}
 v

asiddhAnunaye kR^iShNe kurubhyaH pANDavAngate . 
abhigamya pR^ithA.n kShattA shanaiH shochannivAbravit .. 1..\\
jAnAsi me jIvaputre bhAvaM nityamanugrahe . 
kroshato na cha gR^ihNIte vachanaM me suyodhanaH .. 2..\\
upapanno hyasau rAjA chedipA~nchAlakekayaiH . 
bhImArjunAbhyA.n kR^iShNena yuyudhAna yamairapi .. 3..\\
upaplavye niviShTo.api dharmameva yudhiShThiraH . 
kA~NkShate GYAtisauhArdAdbalavAndurbalo yathA .. 4..\\
rAjA tu dhR^itarAShTro.aya.n vayovR^iddho na shAmyati . 
mattaH putra madenaiva vidharme pathi vartate .. 5..\\
jayadrathasya karNasya tathA duHshAsanasya cha . 
saubalasya cha durbuddhyA mitho bhedaH pravartate .. 6..\\
adharmeNa hi dharmiShTha.n hR^itaM vai rAjyamIdR^isham . 
yeShA.n teShAmayaM dharmaH sAnubandho bhaviShyati .. 7..\\
hriyamANe balAddharme kurubhiH ko na sa~njvaret . 
asAmnA keshave yAte samudyokShyanti pANDavAH .. 8..\\
tataH kurUNAmanayo bhavitA vIra nAshanaH . 
chintayanna labhe nidrAmahaHsu cha nishAsu cha .. 9..\\
shrutvA tu kuntI tadvAkyamarthakAmena bhAShitam . 
aniShTanantI duHkhArtA manasA vimamarsha ha .. 10..\\
dhigastvartha.n yatkR^ite.ayaM mahA~nGYAtivadhe kShayaH . 
vartsyate suhR^idA.n hyeShAM yuddhe.asminvai parAbhavaH .. 11..\\
pANDavAshchedipA~nchAlA yAdavAshcha samAgatAH . 
bhAratairyadi yotsyanti kiM nu duHkhamataH param .. 12..\\
pashye doSha.n dhruva.n yuddhe tathA yuddhe parAbhavam . 
adhanasya mR^ita.n shreyo na hi GYAtikShaye jayaH .. 13..\\
pitAmahaH shAntanava AchAryashcha yudhAM patiH . 
karNashcha dhArtarAShTrArtha.n vardhayanti bhayaM mama .. 14..\\
nAchAryaH kAmavA~nshiShyairdroNo yudhyeta jAtuchit . 
pANDaveShu katha.n hArda.n kuryAnna cha pitAmahaH .. 15..\\
aya.n tveko vR^ithA dR^iShTirdhArtarAShTrasya durmateH . 
mohAnuvartI satataM pApo dveShTi cha pANDavAn .. 16..\\
mahatyanarthe nirbandhI balavAMshcha visheShataH . 
karNaH sadA pANDavAnA.n tanme dahati sAmpratam .. 17..\\
Asha.nse tvadya karNasya mano.ahaM pANDavAnprati . 
prasAdayitumAsAdya darshayantI yathAtatham .. 18..\\
toShito bhavagAnyatra durvAsA me vara.n dadau . 
AhvAna.n deva sa.nyukta.n vasantyAH pitR^iveshmani .. 19..\\
sAhamantaHpure rAGYaH kuntibhojapuraskR^itA . 
chintayantI bahuvidha.n hR^idayena vidUyatA .. 20..\\
balAbala.n cha mantrANAM brAhmaNasya cha vAgbalam . 
strIbhAvAdbAlabhAvAchcha nintayantI punaH punaH .. 21..\\
dhAtryA vishrabdhayA guptA sakhIjanavR^itA tadA . 
doShaM pariharantI cha pitushchAritrarakShiNI .. 22..\\
kathaM nu sukR^itaM me syAnnAparAdhavatI katham . 
bhaveyamiti sa~ncintya brAhmaNa.n taM namasya cha .. 23..\\
kautUhalAttu ta.n labdhvA bAlishyAdAchara.n tadA . 
kanyA satI devamarkamAsAdayamaha.n tataH .. 24..\\
yo.asau kAnIna garbho me putravatparivartitaH . 
kasmAnna kuryAdvachanaM pathyaM bhrAtR^ihita.n tathA .. 25..\\
iti kuntI vinishchitya kAryaM nishchitamuttamam . 
kAryArthamabhiniryAya yayau bhAgIrathIM prati .. 26..\\
Atmajasya tatastasya ghR^iNinaH satyasa~NginaH . 
ga~NgAtIre pR^ithAshR^iNvadupAdhyayana nisvanam .. 27..\\
prA~Nmukhasyordhva bAhoH sA paryatiShThata pR^iShThataH . 
japyAvasAna.n kAryArthaM pratIkShantI tapasvinI .. 28..\\
atiShThatsUryatApArtA karNasyottara vAsasi . 
kauravya patnI vArShNeyI padmamAleva shuShyatI .. 29..\\
A pR^iShThatApAjjaptvA sa parivR^itya yatavrataH . 
dR^iShTvA kuntImupAtiShThadabhivAdya kR^itA~njaliH . 
yathAnyAyaM mahAtejA mAnI dharmabhR^itA.n varaH .. 30..\\
\medskip\hrule\medskip\centerline{\Largedvng 143}
 karna

rAdheyo.ahamAdhirathiH karNastvAmabhivAdaye . 
prAptA kimarthaM bavatI brUhi ki.n karavANi te .. 1..\\
kaunteyastvaM na rAdheyo na tavAdhirathaH pitA . 
nAsi sUta kule jAtaH karNa tadviddhi me vachaH .. 2..\\
kAnInastvaM mayA jAtaH pUrvajaH kukShiNA dhR^itaH . 
kuntibhojasya bhavane pArthastvamasi putraka .. 3..\\
prakAshakarmA tapano yo.aya.n devo virochanaH . 
ajIjanattvAM mayyeSha karNa shastrabhR^itA.n varam .. 4..\\
kuNDalI baddhakavacho devagarbhaH shriyA vR^itaH . 
jAtastvamasi durdharSha mayA putra piturgR^ihe .. 5..\\
sa tvaM bhrAtR^InasambuddhvA mohAdyadupasevase . 
dhArtarAShTrAnna tadyukta.n tvayi putra visheShataH .. 6..\\
evaddharmaphalaM putra narANA.n dharmanishchaye . 
yattuShyantyasya pitaro mAtA chApyekadarshinI .. 7..\\
arjunenArjitAM pUrva.n hR^itAM lobhAdasAdhubhiH . 
Achchhidya dhArtarAShTrebhyo bhu~NkShva yaudhiShThirI.n shriyam .. 8..\\
adya pashyantu kuravaH karNArjuna samAgamam . 
saubhrAtreNa tadAlakShya saMnamantAmasAdhavaH .. 9..\\
karNArjunau vai bhavatA.n yathA rAma janArdanau . 
asAdhya.n kuM nu loke syAdyuvayoH sahitAtmanoH .. 10..\\
karNa shobhiShyase nUnaM pa~nchabhirbhrAtR^ibhirvR^itaH . 
vedaiH parivR^ito brahmA yathA vedA~Ngapa~nchamaiH .. 11..\\
upapanno guNaiH shreShTho jyeShThaH shreShTheShu bandhuShu . 
sUtaputreti mA shabdaH pArthastvamasi vIryavAn .. 12..\\
\medskip\hrule\medskip\centerline{\Largedvng 144}
 v

tataH sUryAnnishcharitA.n karNaH shushrAva bhAratIm . 
duratyayAM praNayinIM pitR^ivadbhAskareritAm .. 1..\\
satyamAha pR^ithA vAkya.n karNa mAtR^ivachaH kuru . 
shreyaste syAnnaravyAghra sarvamAcharatastathA .. 2..\\
evamuktasya mAtrA cha svayaM pitrA cha bhAnunA . 
chachAla naiva karNasya matiH satyadhR^itestadA .. 3..\\
na te na shraddadhe vAkya.n kShatriye bhAShitaM tvayA . 
dharmadvAraM mamaitatsyAnniyoga karaNa.n tava .. 4..\\
akaronmayi yatpApaM bhavatI sumahAtyayam . 
avakIrNo.asmi te tena tadyashaH kIrtinAshanam .. 5..\\
aha.n cha kShatriyo jAto na prAptaH kShatrasatkriyAm . 
tvatkR^ite kiM nu pApIyaH shatruH kuryAnmamAhitam .. 6..\\
kriyA kAle tvanukroshamakR^itvA tvamimaM mama . 
hInasa.nskAra samayamadya mA.n samachUchudaH .. 7..\\
na vai mama hitaM pUrvaM mAtR^ivachcheShTita.n tvayA . 
sA mA.n sambodhayasyadya kevalAtma hitaiShiNI .. 8..\\
kR^iShNena sahitAtko vai na vyatheta dhana~njayAt . 
ko.adya bhItaM na mA.n vidyAtpArthAnAM samiti.n gatam .. 9..\\
abhrAtA viditaH pUrva.n yuddhakAle prakAshitaH . 
pANDavAnyadi gachchhAmi kiM mA.n kShatra.n vadiShyati .. 10..\\
sarvakAmaiH sa.nvibhaktaH pUjitashcha sadA bhR^isham . 
aha.n vai dhArtarAShTrANA.n kuryAM tadaphalaM katham .. 11..\\
upanahya parairvaira.n ye mAM nityamupAsate . 
namaskurvanti cha sadA vasavo vAsava.n yathA .. 12..\\
mama prANena ye shatrU~nshaktAH pratisamAsitum . 
manyante.adya katha.n teShAmahaM bhindyAM manoratham .. 13..\\
mayA plavena sa~NgrAma.n titIrShanti duratyayam . 
apAre pArakAmA ye tyajeya.n tAnahaM katham .. 14..\\
aya.n hi kAlaH samprApto dhArtarAShTropajIvinAm . 
nirveShTavyaM mayA tatra prANAnaparirakShatA .. 15..\\
kR^itArthAH subhR^itA ye hi kR^ityakAla upasthite . 
anavekShya kR^itaM pApA vikurvantyanavasthitAH .. 16..\\
rAjakilbiShiNA.n teShAM bhartR^ipiNDApahAriNAm . 
naivAyaM na paro loko vidyate pApakarmaNAm .. 17..\\
dhR^itarAShTrasya putrANAmarthe yotsyAmi te sutaiH . 
bala.n cha shaktiM chAsthAya na vai tvayyanR^ita.n vade .. 18..\\
AnR^isha.nsyamatho vR^itta.n rakShansatpuruShochitam . 
ato.arthakaramapyetanna karomyadya te vachaH .. 19..\\
na tu te.aya.n samArambho mayi mogho bhaviShyati . 
vadhyAnviShahyAnsa~NgrAme na haniShyAmi te sutAn . 
yudhiShThira.n cha bhImaM cha yamau chaivArjunAdR^ite .. 20..\\
arjunena sama.n yuddhaM mama yaudhiShThire bale . 
arjuna.n hi nihantyAjau samprAptaM syAtphalaM mayA . 
yashasA chApi yujyeyaM nihataH savyasAchinA .. 21..\\
na te jAtu nashiShyanti putrAH pa~ncha yashasvini . 
nirarjunAH sakarNA vA sArjunA va hate mayi .. 22..\\
iti karNavachaH shrutvA kuntI duHkhAtpravepatI . 
uvAcha putramAshliShya karNa.n dhairyAdakampitam .. 23..\\
eva.n vai bhAvyametena kShayaM yAsyanti kauravaH . 
yathA tvaM bhAShase karNa daiva.n tu balavattaram .. 24..\\
tvayA chaturNAM bhrAtR^INAmabhaya.n shatrukarshana . 
datta.n tatpratijAnIhi sa~Ngara pratimochanam .. 25..\\
anAmaya.n svasti cheti pR^ithAtho karNamabravI . 
tA.n karNo.abhyavadatprItastatastau jagmatuH pR^ithak .. 26..\\
\medskip\hrule\medskip\centerline{\Largedvng 145}
 v

Agamya hAstinapurAdupaplavyamarindamaH . 
pANDavAnA.n yathAvR^itta.n keshavaH sarvamuktavAn .. 1..\\
sambhAShya suchira.n kAlaM mantrayitvA punaH punaH . 
svamevAvasatha.n shaurirvishrAmArtha.n jagAma ha .. 2..\\
visR^ijya sarvAnnR^ipatInvirATa pramukhA.nstadA . 
pANDavA bhrAtaraH pa~ncha bhAnAvasta.n gate sati .. 3..\\
sandhyAmupAsya dhyAyantastameva gatamAnasAH . 
AnAyya kR^iShNa.n dAshArhaM punarmantramamantrayan .. 4..\\
tvayA nAgapura.n gatvA sabhAyAM dhR^itarAShTrajaH . 
kimuktaH puNDarIkAkSha tannaH sha.nsitumarhasi .. 5..\\
mayA nAgapura.n gatvA sabhAyAM dhR^itarAShTrajaH . 
tathyaM pathya.n hita.n chokto na cha gR^ihNAti durmatiH .. 6..\\
tasminnutpathamApanne kuruvR^iddhaH pitAmahaH . 
kimuktavAnhR^iShIkesha duryodhanamamarShaNam . 
AchAryo vA mahAbAho bhAradvAjaH kimabravIt .. 7..\\
pitA yavIyAnasmAka.n kShattA dharmabhR^itA.n varaH . 
putrashokAbhisantaptaH kimAha dhR^itarAShTrajam .. 8..\\
ki.n cha sarve nR^ipatayaH sabhAyA.n ye samAsate . 
uktavanto yathAtattva.n tadbrUhi tvaM janArdana .. 9..\\
uktavAnhi bhavAnsarva.n vachana.n kurumukhyayoH . 
kAmalobhAbhibhUtasya mandasya prAGYamAninaH .. 10..\\
apriya.n hR^idaye mahya.n tanna tiShThati keshava . 
teShA.n vAkyAni govinda shrotumichchhAmyahaM vibho .. 11..\\
yathA cha nAbhipadyeta kAlastAta tathA kuru . 
bhavAnhi no gatiH kR^iShNa bhavAnnAtho bhavAnguruH .. 12..\\
shR^iNu rAjanyathA vAkyamukto rAjA suyodhanaH . 
madhye kurUNA.n rAjendra sabhAyA.n tannibodha me .. 13..\\
mayA vai shrAvite vAkye jahAsa dhR^itarAShTrajaH . 
atha bhIShmaH susa~Nkruddha ida.n vachanamabravIt .. 14..\\
duryodhana nibodheda.n kulArthe yadbravImi te . 
tachchhrutvA rAjashArdUla svakulasya hita.n kuru .. 15..\\
mama tAta pitA rAja~nshantanurlokavishrutaH . 
tasyAhameka evAsaM putraH putravatA.n varaH .. 16..\\
tasya buddhiH samutpannA dvitIyaH syAtkatha.n sutaH . 
ekaputramaputra.n vai pravadanti manIShiNaH .. 17..\\
na chochchheda.n kula.n yAyAdvistIryeta kathaM yashaH . 
tasyAhamIpsitaM buddhvA kAlIM mAtaramAvaham .. 18..\\
pratiGYA.n kuShkarAM kR^itvA piturarthe kulasya cha . 
arAjA chordhvaretAshcha yathA suvidita.n tava . 
pratIto nivasAmyeSha pratiGYAmanupAlayan .. 19..\\
tasyA.n jaGYe mahAbAhuH shrImAnkurukulodvahaH . 
vichitravIryo dharmAtmA kanIyAnmama pArthivaH .. 20..\\
svaryAte.ahaM pitari ta.n svarAjye saMnyaveshayam . 
vichitravIrya.n rAjAnaM bhR^ityo bhUtvA hyadhashcharaH .. 21..\\
tasyAha.n sadR^ishAndArAnrAjendra samudAvaham . 
jitvA pArthiva sa~NghAtamapi te bahushaH shrutam .. 22..\\
tato rAmeNa samare dvandvayuddhamupAgamam . 
sa hi rAma bhayAdebhirnAgarairvipravAsitaH . 
dAreShvatiprasaktashcha yakShmANa.n samapadyata .. 23..\\
yadA tvarAjake rAShTre na vavarSha sureshvaraH . 
tadAbhyadhAvanmAmeva prajAH kShudbhayapIDitAH .. 24..\\
upakShINAH prajAH sarvA rAjA bhava bhavAya naH . 
Itayo nuda bhadra.n te shantanoH kulavardhana .. 25..\\
pIDyante te prajAH sarvA vyAdhibhirbhR^ishadAruNaiH . 
alpAvashiShTA gA~Ngeya tAH paritrAtumarhasi .. 26..\\
vyAdhInpraNudya vIra tvaM prajA dharmeNa pAlaya . 
tvayi jIvati mA rAShTra.n vinAshamupagachchhatu .. 27..\\
prajAnA.n kroshatInA.n vai naivAkShubhyata me manaH . 
pratiGYA.n rakShamANasya sadvR^ittaM smaratastathA .. 28..\\
tataH paurA mahArAja mAtA kAlI cha me shubhA . 
bhR^ityAH purohitAchAryA brAhmaNAshcha bahushrutAH . 
mAmUchurbhR^ishasantaptA bhava rAjeti santatam .. 29..\\
pratIpa rakShita.n rAShTra.n tvAM prApya vinashiShyati . 
sa tvamasmaddhitArtha.n vai rAjA bhava mahAmate .. 30..\\
ityuktaH prA~njalirbhUtvA duHkhito bhR^ishamAturaH . 
tebhyo nyavedayaM putra pratiGYAM pitR^igauravAt . 
UrdhvaretA hyarAjA cha kulasyArthe punaH punaH .. 31..\\
tato.ahaM prA~njalirbhUtvA mAtara.n samprasAdayam . 
nAmba shantanunA jAtaH kaurava.n vaMshamudvahan . 
pratiGYA.n vitathA.n kuryAmiti rAjanpunaH punaH .. 32..\\
visheShatastvadartha.n cha dhuri mA mAM niyojaya . 
ahaM preShyashcha dAsashcha tavAmba suta vatsale .. 33..\\
eva.n tAmanunIyAhaM mAtaraM janameva cha . 
ayAchaM bhrAtR^idAreShu tadA vyAsaM mahAmunim .. 34..\\
saha mAtrA mahArAja prasAdya tamR^iShi.n tadA . 
apatyArthamayAcha.n vai prasAda.n kR^itavAMshcha saH . 
trInsaputrAnajanayattadA bharatasattama .. 35..\\
andhaH karaNa hIneti na vai rAjA pitA tava . 
rAjA tu pANDurabhavanmahAtmA lokavishrutaH .. 36..\\
sa rAjA tasya te putrAH piturdAyAdya hAriNaH . 
mA tAta kalaha.n kArShI rAjyasyArdhaM pradIyatAm .. 37..\\
mayi jIvati rAjya.n kaH samprashAsetpumAniha . 
mAvama.nsthA vacho mahya.n shamamichchhAmi vaH sadA .. 38..\\
na visheSho.asti me putra tvayi teShu cha pArthiva . 
matametatpitustubhya.n gAndhAryAvidurasya cha .. 39..\\
shrotavya.n yadi vR^iddhAnAM mAtisha~NkIrvacho mama . 
nAshayiShyasi mA sarvamAtmAnaM pR^ithivI.n tathA .. 40..\\
\medskip\hrule\medskip\centerline{\Largedvng 146}
 vaasu

bhIShmeNokte tato droNo duryodhanamabhAShata . 
madhye nR^ipANAM bhadra.n te vachana.n vachanakShamaH .. 1..\\
pAtIpaH shantanustAta kurasyArthe yathotthitaH . 
tathA devavrato bhIShmaH kulasyArthe sthito.abhavat .. 2..\\
tataH pANDurnarapatiH satyasandho jitendriyaH . 
rAjA kurUNA.n dharmAtmA suvrataH susamAhitaH .. 3..\\
jyeShThAya rAjyamadadAddhR^itarAShTrAya dhImate . 
yavIyasastathA kShattuH kuruvaMshavivardhanaH .. 4..\\
tataH si.nhAsane rAjansthApayitvainamachyutam . 
vana.n jagAma kauravyo bhAryAbhyA.n sahito.anagha .. 5..\\
nIchaiH sthitvA tu vidura upAste sma vinItavat . 
preShyavatpuruShavyAghro vAlavyajanamutkShipan .. 6..\\
tataH sarvAH prajAstAta dhR^itarAShTra.n janeshvaram . 
anvapadyanta vidhivadyathA pANDuM narAdhipam .. 7..\\
visR^ijya dhR^itarAShTrAya rAjya.n sa vidurAya cha . 
chachAra pR^ithivIM pANDuH sarvAM parapura~njayaH .. 8..\\
koshasa~njanane dAne bhR^ityAnA.n chAnvavekShaNe . 
bharaNe chaiva sarvasya viduraH satyasa~NgaraH .. 9..\\
sandhivighraha sa.nyukto rAGYaH sa.nvAhana kriyAH . 
avaikShata mahAtejA bhIShmaH parapura~njayaH .. 10..\\
si.nhAsanastho nR^ipatirdhR^itarAShTro mahAbalaH . 
anvAsyamAnaH satata.n vidureNa mahAtmanA .. 11..\\
katha.n tasya kule jAtaH kulabheda.n vyavasyasi . 
sambhUya bhrAtR^ibhiH sArdhaM bhu~NkShva bhogA~njanAdhipa .. 12..\\
bravImyahaM na kArpaNyAnnArthahetoH katha.n chana . 
bhIShmeNa dattamashnAmi na tvayA rAjasattama .. 13..\\
nAha.n tvatto.abhikA~NkShiShye vR^ittyupAyaM janAdhipa . 
yato bhIShmastato droNo yadbhIShmastvAha tatkuru .. 14..\\
dIyatAM pANDuputrebhyo rAjyArdhamarikarshana . 
samamAchAryaka.n tAta tava teShAM cha me sadA .. 15..\\
ashvathAmA yathA mahya.n tathA shvetahayo mama . 
bahunA kiM pralApena yato dharmastato jayaH .. 16..\\
evamukte mahArAja droNenAmitatejasA . 
vyAjahAra tato vAkya.n viduraH satyasa~NgaraH . 
piturvadanamanvIkShya parivR^itya cha dharmavit .. 17..\\
devavrata nibodheda.n vachanaM mama bhAShataH . 
pranaShTaH kauravo vaMshastvayAyaM punaruddhR^itaH .. 18..\\
tanme vilapamAnasya vachana.n samupekShase . 
ko.aya.n duryodhano nAma kule.asminkulapA.nsanaH .. 19..\\
yasya lobhAbhibhUtasya mati.n samanuvartase . 
anAryasyAkR^itaGYasya lobhopahatachetasaH . 
atikrAmati yaH shAstraM piturdharmArthadarshinaH .. 20..\\
ete nashyanti kuravo duryodhanakR^itena vai . 
yathA te na praNashyeyurmahArAja tathA kuru .. 21..\\
mA.n chaiva dhR^itarAShTraM cha pUrvameva mahAdyute . 
chitrakAra ivAlekhya.n kR^itvA mA sma vinAshaya . 
prajApatiH prajAH sR^iShTvA yathA sa.nharate tathA .. 22..\\
nopekShasva mahAbAho pashyamAnaH kulakShayam . 
atha te.adya matirnaShTA vinAshe pratyupasthite . 
vana.n gachchha mayA sArdhaM dhR^itarAShTreNa chaiva ha .. 23..\\
baddhvA vA nikR^itipraGYa.n dhArtarAShTra.n sudurmatim . 
sAdhvida.n rAjyamadyAstu pANDavairabhirakShitam .. 24..\\
prasIda rAjashArdUla vinAsho dR^ishyate mahAn . 
pANDavAnA.n kurUNAM cha rAGYAM chAmitatejasAm .. 25..\\
virarAmaivamuktvA tu viduro dInamAnasaH . 
pradhyAyamAnaH sa tadA niHshvasaMshcha punaH punaH .. 26..\\
tato.atha rAGYaH subalasya putrI 
dharmArthayukta.n kulanAsha bhItA . 
duryodhanaM pApamatiM nR^isha.nsaM 
rAGYA.n samakShaM sutamAha kopAt .. 27..\\
ye pArthivA rAjasabhAM praviShTA 
brahmarShayo ye cha sabhAsado.anye . 
shR^iNvantu vakShyAmi tavAparAdhaM 
pApasya sAmAtyaparichchhadasya .. 28..\\
rAjya.n kurUNAmanupUrva bhogyaM 
kramAgato naH kuladharma eShaH . 
tvaM pApabuddhe.atinR^isha.nsa karman 
rAjya.n kurUNAmanayAdviha.nsi .. 29..\\
rAjye sthito dhR^itarAShTro manIShI 
tasyAnugo viduro dIrghadarshI . 
etAvatikramya kathaM nR^ipatvaM 
duryodhana prArthayase.adya mohAt .. 30..\\
rAjA cha kShattA cha mahAnubhAvau 
bhIShme sthite paravantau bhavetAm . 
aya.n tu dharmaGYatayA mahAtmA 
na rAjyakAmo nR^iparo nadIjaH .. 31..\\
rAjya.n tu pANDoridamapradhR^iShyaM 
tasyAdya putrAH prabhavanti nAnye . 
rAjya.n tadetannikhilaM pANDavAnAM 
paitAmahaM putrapautrAnugAmi .. 32..\\
yadvai brUte kurumukhyo mahAtmA 
devavrataH satyasandho manIShI . 
sarva.n tadasmAbhirahatya dharmaM 
grAhya.n svadharmaM paripAlayadbhiH .. 33..\\
anuGYayA chAtha mahAvratasya 
brUyAnnR^ipo yadvidurastathaiva . 
kAryaM bhavettatsuhR^idbhirniyujya 
dharmaM puraskR^itya sudIrgha kAlam .. 34..\\
nyAyAgata.n rAjyamida.n kurUNAM 
yudhiShThiraH shAstu vai dharmaputraH . 
prachodito dhR^itarAShTreNa rAGYA 
puraskR^itaH shAntanavena chaiva .. 35..\\
\medskip\hrule\medskip\centerline{\Largedvng 147}
 vaasu

evamukte tu gAndhAryA dhR^itarAShTro janeshvaraH . 
duryodhanamuvAchedaM nR^ipamadhye janAdhipa .. 1..\\
duryodhana nibodheda.n yadvAM vakShyAmi putraka . 
tathA tatkuru bhadra.n te yadyasti pitR^igauravam .. 2..\\
somaH prajApatiH pUrva.n kurUNA.n vaMshavardhanaH . 
somAdbabhUva ShaShTho vai yayAtirnahuShAtmajaH .. 3..\\
tasya putrA babhUvushcha pa~ncha rAjarShisattamAH . 
teShA.n yadurmahAtejA jyeShThaH samabhavatprabhuH .. 4..\\
pUruryavIyAMshcha tato yo.asmAka.n vaMshavardhanaH . 
sharmiShThAyAH samprasUto duhiturvR^iShaparvaNaH .. 5..\\
yadushcha bharatashreShTha deva yAnyAH suto.abhavat . 
dauhitrastAta shukrasya kAvyasyAmita tejasaH .. 6..\\
yAdavAnA.n kulakaro balavAnvIryasaMmataH . 
avamene sa tu kShatra.n darpapUrNaH sumandadhIH .. 7..\\
na chAtiShThatpituH shAstre baladarpa vimohitaH . 
avamene cha pitaraM bhrAtR^IMshchApyaparAjitaH .. 8..\\
pR^ithivyA.n chaturantAyA.n yadurevAbhavadbalI . 
vashe kR^itvA sa nR^ipatInavasannAgasAhvaye .. 9..\\
taM pitA paramakruddho yayAtirnahuShAtmajaH . 
shashApa putra.n gAndhAre rAjyA cha vyaparopayat .. 10..\\
ya chainamanvavartanta bhrAtaro baladarpitam . 
shashApa tAnapi kruddho yayAtistanayAnatha .. 11..\\
yavIyA.nsa.n tataH pUruM putra.n svavashavartinam . 
rAjye niveshayAmAsa vidheyaM nR^ipasattamaH .. 12..\\
eva.n jyeShTho.apyathotsikto na rAjyamabhijAyate . 
yavIyA.nso.abhijAyante rAjya.n vR^iddhopasevayA .. 13..\\
tathaiva sarvadharmaGYaH piturmama pitAmahaH . 
pratIpaH pR^ithivIpAlastriShu lokeShu vishrutaH .. 14..\\
tasya pArthiva si.nhasya rAjya.n dharmeNa shAsataH . 
trayaH prajaGYire putrA devakalpA yashasvinaH .. 15..\\
devApirabhavajjyeShTho bAhlIkastadanantaram . 
tR^itIyaH shantanustAta dhR^itimAnme pitAmahaH .. 16..\\
devApistu mahAtejAstvagdoShI rAjasattamaH . 
dhArmikaH satyavAdI cha pituH shushrUShaNe rataH .. 17..\\
paurajAnapadAnA.n cha saMmataH sAdhu satkR^itaH . 
sarveShAM bAlavR^iddhAnA.n devApirhR^idaya~NgamaH .. 18..\\
prAGYashcha satyasandhashcha sarvabhUtahite rataH . 
vartamAnaH pituH shAstre brAhmaNAnA.n tathaiva cha .. 19..\\
bAhlIkasya priyo bhrAtA shantanoshcha mahAtmanaH . 
saubhrAtra.n cha paraM teShA.n sahitAnAM mahAtmanAm .. 20..\\
atha kAlasya paryAye vR^iddho nR^ipatisattamaH . 
sambhArAnabhiShekArtha.n kArayAmAsa shAstrataH . 
ma~NgalAni cha sarvANi kArayAmAsa chAbhibhUH .. 21..\\
taM brAhmaNAshcha vR^iddhAshcha paurajAnapadaiH saha . 
sarve nivArayAmAsurdevAperabhiShechanam .. 22..\\
sa tachchhrutvA tu nR^ipatirabhiShekanivAraNam . 
ashrukaNTho.abhavadrAjA paryashochata chAtmajam .. 23..\\
eva.n vadAnyo dharmaGYaH satyasandhash cha so.abhavat . 
priyaH prajAnAmapi sa.nstvagdoSheNa pradUShitaH .. 24..\\
hInA~NgaM pR^ithivIpAlaM nAbhinandanti devatAH . 
iti kR^itvA nR^ipashreShThaM pratyaShedhandvijarShabhAH .. 25..\\
tataH pravyathitAtmAsau putrashokasamanvitaH . 
mamAra taM mR^ita.n dR^iTvA devApiH saMshrito vanam .. 26..\\
bAhlIko mAtulakule tyaktvA rAjya.n vyavasthitaH . 
pitR^ibhrAtR^Inparityajya prAptavAnpuramR^iddhimat .. 27..\\
bAhlIkena tvanuGYAtaH shantanurlokavishrutaH . 
pitaryuparate rAjanrAjA rAjyamakArayat .. 28..\\
tathaivAhaM matimatA parichintyeha pANDunA . 
jyeShThaH prabhraMshito rAjyAddhInA~Nga iti bhArata .. 29..\\
pANDustu rAjya.n samprAptaH kanIyAnapi sannR^ipaH . 
vinAshe tasya putrANAmida.n rAjyamarindama . 
mayyabhAgini rAjyAya katha.n tva.n rAjyamichchhasi .. 30..\\
yudhiShThiro rAjaputro mahAtmA 
nyAyAgata.n rAjyamida.n cha tasya . 
sa kauravasyAsya janasya bhartA 
prashAsitA chaiva mahAnubhAvaH .. 31..\\
sa satyasandhaH satatApramattaH 
shAstre sthito bandhujanasya sAdhuH . 
priyaH prajAnA.n suhR^ida anukampI 
jitendriyaH sAdhu janasya bhartA .. 32..\\
kShamA titikShA dama Arjava.n cha 
satyavratatva.n shrutamapramAdaH . 
bhUtAnukampA hyanushAsana.n cha 
yudhiShThire rAjaguNAH samastAH .. 33..\\
arAja putrastvamanArya vR^itto 
lubdhastathA bandhuShu pApabuddhiH . 
kramAgata.n rAjyamidaM pareShAM 
hartu.n katha.n shakShyasi durvinItaH .. 34..\\
prayachchha rAjyArthamapetamohaH 
savAhana.n tva.n saparichchhadaM cha . 
tato.avasheSha.n tava jIvitasya 
sahAnujasyaiva bhavennarendra .. 35..\\
\medskip\hrule\medskip\centerline{\Largedvng 148}
 vaasu

evamukte tu bhIShmeNa droNena vidureNa cha . 
gAndhAryA dhR^itarAShTreNa na cha mando.anvabudhyata .. 1..\\
avadhUyotthitaH kruddho roShAtsa.nraktalochanaH . 
anvadravanta taM pashchAdrAjAnastyaktajIvitAH .. 2..\\
aGYApayachcha rAGYastAnpArthivanduShTachetasaH . 
prayAdhva.n vai kurukShetraM puShyo.adyeti punaH punaH .. 3..\\
tataste pR^ithivIpAlAH prayayuH saha sainikAH . 
bhIShma.n senApati.n kR^itvA sa.nhR^iShTAH kAlachoditAH .. 4..\\
akShauhiNyo dashaikA cha pArthivAnA.n samAgatAH . 
tAsAM pramukhato bhIShmastAlaketurvyarochata . 
yadatra yuktaM prApta.n cha tadvidhatsva vishAM pate .. 5..\\
uktaM bhIShmeNa yadvAkya.n droNena vidureNa cha . 
gAndhAryA dhR^itarAShTreNa samakShaM mama bhArata . 
etatte kathita.n rAjanyadvR^itta.n kurusa.nsadi .. 6..\\
sAma dAdau prayuktaM me rAjansaubhrAtramichchhatA . 
abhedAtkuruvaMshasya prajAnA.n cha vivR^iddhaye .. 7..\\
punarbhedashcha me yukto yadA sAma na gR^ihyate . 
karmAnukIrtana.n chaiva deva mAnuShasa.nhitam .. 8..\\
yadA nAdriyate vAkya.n sAmapUrvaM suyodhanaH . 
tadA mayA samAnIya bheditAH sarvapArthivAH .. 9..\\
adbhutAni cha ghorANi dAruNAni cha bhArata . 
amAnuShANi karmANi darshitAni cha me vibho .. 10..\\
bhartsayitvA tu rAGYastA.nstR^iNI kR^ityasuyodhanam . 
rAdhyeyaM bhIShayitvA cha saubala.n cha punaH punaH .. 11..\\
nyUnatA.n dhArtarAShTrANAM nindAM chaiva punaH punaH . 
bhedayitvA nR^ipAnsarvAnvAgbhirmantreNa chAsakR^it .. 12..\\
punaH sAmAbhisa.nyukta.n sampradAnamathAbruvam . 
abhedAtkuruvaMshasya kAryayogAttathaiva cha .. 13..\\
te bAlA dhR^itarAShTrasya bhIShmasya vidurasya cha . 
tiShTheyuH pANDavAH sarve hitvA mAnamadhashcharAH .. 14..\\
prayachchhantu cha te rAjyamanIshAste bhavantu cha . 
yathAha rAjA gA~Ngeyo vidurashcha tathAstu tat .. 15..\\
sarvaM bhavatu te rAjyaM pa~ncha grAmAnvisarjaya . 
avashyaM bharaNIyA hi pituste rAjasattama .. 16..\\
evamuktastu duShTAtmA naiva bhAva.n vyamu~nchata . 
daNDa.n chaturthaM pashyAmi teShu pApeShu nAnyathA .. 17..\\
niryAtAshcha vinAshAya kurukShetraM narAdhipAH . 
etatte kathita.n sarvaM yadvR^itta.n kurusa.nsadi .. 18..\\
na te rAjyaM prayachchhanti vinA yuddhena pANDava . 
vinAshahetavaH sarve pratyupasthita mR^ityavaH .. 19..\\
\medskip\hrule\medskip\centerline{\Largedvng 149}
 v

janArdanavachaH shrutvA dharmarAjo yudhiShThiraH . 
bhrAtR^InuvAcha dharmAtmA samakSha.n keshavasya ha .. 1..\\
shrutaM bhavadbhiryadvR^itta.n sabhAyA.n kurusa.nsadi . 
keshavasyApi yadvAkya.n tatsarvamavadhAritam .. 2..\\
tasmAtsenA vibhAgaM me kurudhvaM narasattamAH . 
akShauhiNyastu saptaitAH sametA vijayAya vai .. 3..\\
tAsAM me patayaH sapta vikhyAtAstAnnibodhata . 
drupadashcha virATashcha dhR^iShTadyumna shikhaNDinau .. 4..\\
sAtyakishchekitAnashcha bhImasenashcha vIryavAn . 
ete senA praNetAro vIrAH sarve tanutyajaH .. 5..\\
sarve vedavidaH shUrAH sarve sucharitavratAH . 
hrImanto nItimantashcha sarve yuddhavishAradAH . 
iShvastrakushalAshchaiva tathA sarvAstrayodhinaH .. 6..\\
saptAnAmapi yo netA senAnAM pravibhAgavit . 
yaH saheta raNe bhIShma.n sharArchiH pAvakopamam .. 7..\\
tva.n tAvatsahadevAtra prabrUhi kurunandana . 
svamataM puruShavyAghra ko naH senApatiH kShamaH .. 8..\\
sa.nyukta ekaduHkhashcha vIryavAMshcha mahIpatiH . 
ya.n samAshritya dharmaGYaM svamaMshamanuyu~njmahe .. 9..\\
matsyo virATo balavAnkR^itAstro yuddhadurmadaH . 
prasahiShyati sa~NgrAme bhIShma.n tAMshcha mahArathAn .. 10..\\
tathokte sahadevena vAkye vAkyavishAradaH . 
nakulo.anantara.n tasmAdida.n vachanamAdade .. 11..\\
vayasA shAstrato dhairyAtkulenAbhijanena cha . 
hrImAnkulAnvitaH shrImAnsarvashAstravishAradaH .. 12..\\
veda chAstraM bharadvAjAddurdharShaH satyasa~NgaraH . 
yo nitya.n spardhate droNaM bhIShma.n chaiva mahAbalam .. 13..\\
shlAghyaH pArthiva sa~Nghasya pramukhe vAhinIpatiH . 
putrapautraiH parivR^itaH shatashAkha iva drumaH .. 14..\\
yastatApa tapo ghora.n sadAraH pR^ithivIpatiH . 
roShAddroNa vinAshAya vIraH samitishobhanaH .. 15..\\
pitevAsmAnsamAdhatte yaH sadA pArthivarShabhaH . 
shvashuro drupado.asmAka.n senAmagre prakarShatu .. 16..\\
sa droNa bhIShmAvAyAntau sahediti matirmama . 
sa hi divyAstravidrAjA sakhA chA~Ngiraso nR^ipaH .. 17..\\
mAdrI sutAbhyAmukte tu svamate kurunandanaH . 
vAsavirvAsava samaH savyasAchyabravIdvachaH .. 18..\\
yo.aya.n tapaH prabhAvena R^iShisantoShaNena cha . 
divyaH puruSha utpanno jvAlA varNo mahAbalaH .. 19..\\
dhanuShmAnkavachI kha~NgI rathamAruhya daMshitaH . 
divyairhayavarairyuktamagnikuNDAtsamutthitaH .. 20..\\
garhanniva mahAmegho rathaghoSheNa vIryavAn . 
si.nhasa.nhanano vIraH si.nhavikrAnta vikramaH .. 21..\\
si.nhorasko mahAbAhuH si.nhavakShA mahAvalaH . 
si.nhapragarjano vIraH si.nhaskandho mahAdyutiH .. 22..\\
subhrUH sudaMShTraH suhanuH subAhu sumukho.akR^ishaH . 
sujatruH suvishAlAkShaH supAdaH supratiShThitaH .. 23..\\
abhedyaH sarvashastrANAM prabhinna iva vAraNaH . 
jaGYe droNa vinAshAya satyavAdI jitendriyaH .. 24..\\
dhR^iShTadyumnamahaM manye sahedbhIShmasya sAyakAn . 
vajrAshanisamasparshAndIptAsyAnuragAniva .. 25..\\
yamadUta samAnvege nipAte pAvakopamAn . 
rAmeNAjau viShahitAnvajraniShpeSha dAruNAn .. 26..\\
puruSha.n taM na pashyAmi yaH saheta mahAvratam . 
dhR^iShTadyumnamR^ite rAjanniti me dhIyate matiH .. 27..\\
kShiprahastashchitrayodhI mataH senApatirmama . 
abhedyakavachaH shrImAnmAta~Nga iva yUthapaH .. 28..\\
vadhArtha.n yaH samutpannaH shikhaNDI drupadAtmajaH . 
vadanti siddhA rAjendra R^iShayashcha samAgatAH .. 29..\\
yasya sa~NgrAmamadhyeShu divyamastra.n vikurvataH . 
rUpa.n drakShyanti puruShA rAmasyeva mahAtmanaH .. 30..\\
na ta.n yuddheShu pashyAmi yo vibhindyAchchhikhaNDinam . 
shastreNa samare rAjansaMnaddha.n syandane sthitam .. 31..\\
dvairathe viShahennAnyo bhIShma.n rAjanmahAvratam . 
shikhaNDinamR^ite vIra.n sa me senApatirmataH .. 32..\\
sarvasya jagatastAta sArAsAraM balAbalam . 
sarva.n jAnAti dharmAtmA gatameShyachcha keshavaH .. 33..\\
yamAha kR^iShNo dAshArhaH so.astu no vAhinIpatiH . 
kR^itAstro hyakR^itAstro vA vR^iddho vA yadi vA yuvA .. 34..\\
eSha no vijaye mUlameSha tAta viparyaye . 
atra prANAshcha rAjya.n cha bhAvAbhAvau sukhAsukhe .. 35..\\
eSha dhAtA vidhAtA cha siddhiratra pratiShThitA . 
yamAha kR^iShNo dAshArhaH sa naH senApatiH kShamaH . 
bravItu vadatA.n shreShTho nishA samativartate .. 36..\\
tataH senApati.n kR^itvA kR^iShNasya vashavartinam . 
rAtrisheShe vyatikrAnte prayAsyAmo raNAjiram . 
adhivAsita shastrAshcha kR^itakautuka ma~NgalAH .. 37..\\
tasya tadvachana.n shrutvA dharmarAjasya dhImataH . 
abravItpuNDarIkAkSho dhana~njayamavekShya ha .. 38..\\
mamApyete mahArAja bhavadbhirya udAhR^itAH . 
netArastava senAyAH shUrA vikrAntayodhinaH . 
sarva ete samarthA hi tava shatrUnpramarditum .. 39..\\
indrasyApi bhaya.n hyete janayeyurmahAhave . 
kiM punardhArtarAShTrANA.n lubdhAnAM pApachetasAm .. 40..\\
mahApi hi mahAbAho tvatpriyArthamarindama . 
kR^ito yatno mahA.nstatra shamaH syAditi bhArata . 
dharmasya gatamAnR^iNyaM na sma vAchyA vivakShatAm .. 41..\\
kR^itArthaM manyate bAlaH so.a.atmAnamavichakShaNaH . 
dhArtarAShTro balastha.n cha manyate.a.atmAnamAturaH .. 42..\\
yujyatA.n vAhinI sAdhu vadhasAdhyA hi te matAH . 
na dhArtarAShTrAH shakShyanti sthAtu.n dR^iShTvA dhana~njayam .. 43..\\
bhImasena.n cha sa~Nkruddha.n yamau chApi yamopamau . 
yuyudhAna dvitIya.n cha dhR^iShTadyumnamamarShaNam .. 44..\\
abhimanyu.n draupadeyAnvirATadrupadAvapi . 
akShauhiNIpatIMshchAnyAnnarendrAndR^iDhavikramAn .. 45..\\
sAravadbalamasmAka.n duShpradharShaM durAsadam . 
dhArtarAShTra bala.n sa~Nkhye vadhiShyati na saMshayaH .. 46..\\
evamukte tu keShNena samprahR^iShyannarottamAH . 
teShAM prahR^iShTamanasAM nAdaH samabhavanmahAn .. 47..\\
yoga ityatha sainyAnA.n tvaratA.n sampradhAvatAm . 
hayavAraNashabdashcha nemighoShashcha sarvashaH . 
sha~NkhadundubhinirghoShastumulaH sarvato.abhavat .. 48..\\
prayAsyatAM pANDavAnA.n sasainyAnAM samantataH . 
ga~Ngeva pUrNA durdharShA samadR^ishyata vAhinI .. 49..\\
agrAnIke bhImaseno mAdrIputrau cha daMshitau . 
saubhadro draupadeyAshcha dhR^iShTadyumnashcha pArShataH . 
prabhadrakAshcha pA~nchAlA bhImasenamukhA yayuH .. 50..\\
tataH shabdaH samabhavatsamudrasyeva parvaNi . 
hR^iShTAnA.n samprayAtAnA.n ghoSho divamivAspR^ishat .. 51..\\
prahR^iShTA daMshitA yodhAH parAnIka vidAraNAH . 
teShAM madhye yayau rAjA kuntIputro yudhiShThiraH .. 52..\\
shakaTApaNa veshAshcha yAnayugya.n cha sarvashaH . 
koshayantrAyudha.n chaiva ye cha vaidyAshchikitsakAH .. 53..\\
phalgu yachcha bala.n kiM chittathaiva kR^isha durbalam . 
tatsa~NgR^ihya yayau rAjA ya chApi parichArakAH .. 54..\\
upaplavye tu pA~nchAlI draupadI satyavAdinI . 
saha strIbhirnivavR^ite dAsIdAsa samAvR^itA .. 55..\\
kR^itvA mUlapratIkArAngulmaiH sthAvaraja~NgamaiH . 
skandhAvAreNa mahatA prayayuH pANDunandanAH .. 56..\\
dadato gA.n hiraNya.n cha brAhmaNairabhisa.nvR^itAH . 
stUyamAnA yayU rAjanrathairmaNivibhUShitaiH .. 57..\\
kekayA dhR^iShTaketushcha putraH kAshyasya chAbhibhUH . 
shreNimAnvasu dAnashcha shikhaNDI chAparAjitaH .. 58..\\
hR^iShTAstuShTAH kavachinaH sashastrAH samala~NkR^itAH . 
rAjAnamanvayuH sarve parivArya yudhiShThiram .. 59..\\
jaghanArdhe virATashcha yaGYasenashcha somakiH . 
sudharmA kuntibhojashcha dhR^iShTadyumnasya chAtmajAH .. 60..\\
rathAyutAni chatvAri hayAH pa~ncha guNAstataH . 
pattisainya.n dashaguNa.n sAdinAmayutAni ShaT .. 61..\\
anAdhR^iShTishchekitAnashchedirAjo.atha sAtyakiH . 
parivArya yayuH sarve vAsudevadhana~njayau .. 62..\\
AsAdya tu kurukShetra.n vyUDhAnIkAH prahAriNaH . 
pANDavAH samadR^ishyanta nardanto vR^iShabhA iva .. 63..\\
te.avagAhya kurukShetra.n sha~NkhAndadhmurarindamAH . 
tathaiva dadhmatuH sha~Nkhau vAsudevadhana~njayau .. 64..\\
pA~nchajanyasya nirghoSha.n visphUrjitamivAshaneH . 
nishamya sarvasainyAni samahR^iShyanta sarvashaH .. 65..\\
sha~Nkhadundubhisa.nsR^iShTaH si.nhanAdastarasvinAm . 
pR^ithivI.n chAntarikShaM cha sAgarAMshchAnvanAdayat .. 66..\\
tado deshe same snigdhe prabhUtayavasendhane . 
niveshayAmAsa tadA senA.n rAjA yudhiShThiraH .. 67..\\
parihR^itya shmashAnAni devatAyatanAni cha . 
AshramAMshcha maharShINA.n tIrthAnyAyatanAni cha .. 68..\\
madhurAnUShare deshe shive puNye mahIpatiH . 
nivesha.n kArayAmAsa kuntIputro yudhiShThiraH .. 69..\\
tatashcha punarutthAya sukhI vishrAnta vAhanaH . 
prayayau pR^ithivIpAlairvR^itaH shatasahasrashaH .. 70..\\
vidrAvya shatasho gulmAndhArtarAShTrasya sainikAn . 
paryakrAmatsamantAchcha pArthena saha keshavaH .. 71..\\
shibiraM mApayAmAsa dhR^iShTadyumnashcha pArShataH . 
sAtyakishcha rathodAro yuyudhAnaH pratApavAn .. 72..\\
AsAdya saritaM puNyA.n kurukShetre hiraNvatIm . 
sUpatIrthAmshuchi jalA.n sharkarA pa~NkavarjitAm .. 73..\\
khAnayAmAsa parikhA.n keshavastatra bhArata . 
guptyarthamapi chAdishya bala.n tatra nyaveshayat .. 74..\\
vidhiryaH shibirasyAsItpANDavAnAM mahAtmanAm . 
tadvidhAni narendrANA.n kArayAmAsa keshavaH .. 75..\\
prabhUtajalakAShThAni durAdharShatarANi cha . 
bhakShyabhojyopapannAni shatasho.atha sahasrashaH .. 76..\\
shibirANi mahArhANi rAGYA.n tatra pR^ithakpR^ithak . 
vimAnAnIva rAjendra niviShTAni mahItale .. 77..\\
tatrAsa~nshilpinaH prAGYAH shatasho dattavetanAH . 
sarvaupakaraNairyuktA vaidyAshcha suvishAradAH .. 78..\\
jyA dhanurvarma shastrANA.n tathaiva madhusarpiShoH . 
sasarja rasapA.nsUnA.n rAshayaH parvatopamAH .. 79..\\
bahUdaka.n suyavasa.n tuShA~NgAra samanvitam . 
shibire shibire rAjA sa~ncakAra yudhiShThiraH .. 80..\\
mahAyantrANi nArAchAstomararShTi parashvadhAH . 
dhanUMShi kavachAdIni hR^idyabhUvannR^iNA.n tadA .. 81..\\
gajAH ka~NkaTa saMnAhA lohavarmottarachchhadAH . 
adR^ishya.nstatra giryAbhAH sahasrashatayodhinaH .. 82..\\
niviShTAnpANDavA.nstatra GYAtvA mitrANi bhArata . 
abhisasruryathoddesha.n sabalAH sahavAhanAH .. 83..\\
charitabrahma charyAste somapA bhUridakShiNAH . 
jayAya pANDuputrANA.n samAjagmurmahIkShitaH .. 84..\\
\medskip\hrule\medskip\centerline{\Largedvng 150}
 j

yudhiShThira.n sahAnIkamupayAntaM yuyutsayA . 
saMniviShTa.n kurukShetra.n vAsudevena pAlitam .. 1..\\
virATadrupadAbhyA.n cha saputrAbhyA.n samanvitam . 
kekayairvR^iShNibhishchaiva pArthivaiH shatasho vR^itam .. 2..\\
mahendramiva chAdityairabhiguptaM mahArathaiH . 
shrutvA duryodhano rAjA ki.n kAryaM pratyapadyata .. 3..\\
etadichchhAmya ha.n shrotuM vistareNa tapodhana . 
sambhrame tumule tasminyadAsItkurujA~Ngale .. 4..\\
vyathayeyurhi devAnA.n senAmapi samAgame . 
pANDavA vAsudevashcha virATadrupadau tathA .. 5..\\
dhR^iShTadyumnashcha pA~nchAlyaH shikhaNDI cha mahArathaH . 
yuyudhAnashcha vikrAnto devairapi durAsadaH .. 6..\\
etadichchhAmyaha.n shrotuM vistareNa tapodhana . 
kurUNAM pANDavAnA.n cha yadyadAsIdvicheShTitam .. 7..\\
pratiyAte tu dAshArhe rAjA duryodhanastadA . 
karNa.n duHshAsanaM chaiva shakuniM chAbravIdidam .. 8..\\
akR^itenaiva kAryeNa gataH pArthAnadhokShajaH . 
sa enAnmanyunAviShTo dhruva.n vakShyatyasaMshayam .. 9..\\
iShTo hi vAsudevasya pANDavairmama vigrahaH . 
bhImasenArjunau chaiva dAshArhasya mate sthitau .. 10..\\
ajAtashatrurapyadya bhImArjunavashAnugaH . 
nikR^itashcha mayA pUrva.n saha sarvaiH sahodaraiH .. 11..\\
virATadrupadau chaiva kR^itavairau mayA saha . 
tau cha senA praNetArau vAsudeva vashAnugau .. 12..\\
bhavitA vigrahaH so.aya.n tumulo lomaharShaNaH . 
tasmAtsA~NgrAmika.n sarva.n kArayadhvamatandritAH .. 13..\\
shibirANi kurukShetre kriyantA.n vasudhAdhipAH . 
suparyAptAvakAshAni durAdeyAni shatrubhiH .. 14..\\
Asanna jalakANThAni shatasho.atha sahasrashaH . 
achchhedyAhAra mArgANi ratnochchaya chitAni cha . 
vividhAyudhapUrNAni patAkAdhvajavanti cha .. 15..\\
samAshcha teShAM panthAnaH kriyantAM nagarAdbahiH . 
prayANa.n ghuShyatAmadya shvobhUta iti mAchiram .. 16..\\
te tatheti pratiGYAya shvobhUte chakrire tathA . 
hR^iShTarUpA mahAtmAno vinAshAya mahIkShitAm .. 17..\\
tataste pArthivAH sarve tachchhrutvA rAjashAsanam . 
Asanebhyo mahArhebhya udatiShThannamarShitAH .. 18..\\
bAhUnparighasa~NkAshAnsa.nskpR^ishantaH shanaiH shanaiH . 
kA~nchanA~NgadadIptAMshcha chandanAgarubhUShitAn .. 19..\\
uShNIShANi niyachchhanntaH puNDarIkanibhaiH karaiH . 
antarIyottarIyANi bhUShaNAni cha sarvashaH .. 20..\\
te rathAnrathinaH shreShThA hayAMshcha hayakovidAH . 
sajjayanti sma nAgAMshcha nAgashikShAsu niShThitAH .. 21..\\
atha varmANi chitrANi kA~nchanAni bahUni cha . 
vividhAni cha shastrANi chakruH sajjAni sarvashaH .. 22..\\
padAtayashcha puruShAH shastrANi vividhAni cha . 
upajahruH sharIreShu hemachitrANyanekashaH .. 23..\\
tadutsava ivodagra.n samprahR^iShTanarAvR^itam . 
nagara.n dhArtarAShTrasya bhAratAsItsamAkulam .. 24..\\
janaughasalilAvarto rathanAgAshvamInavAn . 
sha~NkhadundubhinirghoShaH koshasa~ncaya ratnavAn .. 25..\\
chitrAbharaNa varmormiH shastranirmala phenavAn . 
prAsAdamAlAdrivR^ito rathyApaNa mahAhradaH .. 26..\\
yodhachandrodayodbhUtaH kururAjamahArNavaH . 
adR^ishyata tadA rAjaMshchandrodaya ivArNavaH .. 27..\\
\medskip\hrule\medskip\centerline{\Largedvng 151}
 v

vAsudevasya tadvAkyamanusmR^itya yudhiShThiraH . 
punaH paprachchha vArShNeya.n kathaM mando.abravIdidam .. 1..\\
asminnabhyAgate kAle ki.n cha naH kShamamachyuta . 
katha.n cha vartamAnA vai svadharmAnna chyavemahi .. 2..\\
duryodhanasya karNasya shakuneH saubalasya cha . 
vAsudeva mataGYo.asi mama sabhrAtR^ikasya cha .. 3..\\
vidurasyApi te vAkya.n shrutaM bhIShmasya chobhayoH . 
kuntyAshcha vipulapraGYa praGYA kArtsnyena te shrutA .. 4..\\
sarvametadatikramya vichArya cha punaH punaH . 
ya naH kShamaM mahAbAho tadbravIhyavichArayan .. 5..\\
shrutvaitaddharmarAjasya dharmArthasahita.n vachaH . 
meghadundubhi nirghoShaH kR^iShNo vachanamabravIt .. 6..\\
uktavAnasmi yadvAkya.n dharmArthasahita.n hitam . 
na tu tannikR^itipraGYe kauravye pratitiShThati .. 7..\\
na cha bhIShmasya durmedhAH shR^iNoti vidurasya vA . 
mama vA bhAShita.n kiM chitsarvamevAtivartate .. 8..\\
na sa kAmayate dharmaM na sa kAmayate yashaH . 
jita.n sa manyate sarva.n durAtmA karNamAshritaH .. 9..\\
bandhamAGYApayAmAsa mama chApi suyodhanaH . 
na cha ta.n labdhavAnkAma.n durAtmA shAsanAtigaH .. 10..\\
na cha bhIShmo na cha droNo yukta.n tatrAhaturvachaH . 
sarve tamanuvartante R^ite viduramachyuta .. 11..\\
shakuniH saubalashchaiva karNa duHshAsanAvapi . 
tvayyayuktAnyabhAShanta mUDhA mUDhamamarShaNam .. 12..\\
ki.n cha tena mayoktena yAnyabhAShanta kauravAH . 
sa~NkShepeNa durAtmAsau na yukta.n tvayi vartate .. 13..\\
na pArthiveShu sarveShu ya ime tava sainikAH . 
yatpApa.n yanna kalyANaM sarva.n tasminpratiShThitam .. 14..\\
na chApi vayamatyarthaM parityAgena karhi chit . 
kauravaiH shamamichchhAmastatra yuddhamanantaram .. 15..\\
tachchhrutvA pArthivAH sarve vAsudevasya bhAShitam . 
abruvanto mukha.n rAGYaH samudaikShanta bhArata .. 16..\\
yudhiShThirastvabhiprAyamupalabhya mahIkShitAm . 
yogamAGYApayAmAsa bhImArjunayamaiH saha .. 17..\\
tataH kila kilA bhUtamanIkaM pANDavasya ha . 
AGYApite tadA yoge samahR^iShyanta sainikAH .. 18..\\
avadhyAnA.n vadhaM pashyandharmarAjo yudhiShThiraH . 
niShThananbhImasena.n cha vijayaM chedamabravIt .. 19..\\
yadartha.n vanavAsashcha prApta.n duHkhaM cha yanmayA . 
so.ayamasmAnupaityeva paro.anarthaH prayatnataH .. 20..\\
yasminyatnaH kR^ito.asmAbhiH sa no hInaH prayatnataH . 
akR^ite tu prayatne.asmAnupAvR^ittaH kalirmahAn .. 21..\\
katha.n hyavadhyaiH sa~NgrAmaH kAryaH saha bhaviShyati . 
katha.n hatvA gurUnvR^iddhAnvijayo no bhaviShyati .. 22..\\
tachchhutvA dharmarAjasya savyasAchI parantapaH . 
yadukta.n vAsudevena shrAvayAmAsa tadvachaH .. 23..\\
uktavAndevakIputraH kuntyAsh cha vidurasya cha . 
vachana.n ta tvayA rAjannikhilenAvadhAritam .. 24..\\
na cha tau vakShyato.adharmamiti me naiShThikI matiH . 
na chApi yukta.n kaunteya nivartitumayudhyataH .. 25..\\
tachchhrutvA vAsudevo.api savyasAchi vachastadA . 
smayamAno.abravItpArthamevametaditi bruvan .. 26..\\
tataste dhR^itasa~NkalpA yuddhAya saha sainikAH . 
pANDaveyA mahArAja tA.n rAtriM sukhamAvasan .. 27..\\
\medskip\hrule\medskip\centerline{\Largedvng 152}
 v

vyuShitAyA.n rajanyA.n tu rAjA duryodhanastataH . 
vyabhajattAnyanIkAni dasha chaika.n cha bhArata .. 1..\\
narahastirathAshvAnA.n sAraM madhya.n cha phalgu cha . 
sarveShveteShvanIkeShu sandidesha mahIpatiH .. 2..\\
sAnukarShAH satUNIrAH savarUthAH satomarAH . 
sopAsa~NgAH sashaktIkAH saniSha~NgAH sapothikAH .. 3..\\
sadhvajAH sapatAkAshcha sasharAsana tomarAH . 
rajjubhishcha vichitrAbhiH sapAshAH saparistarAH .. 4..\\
sakacha grahavikShepAH sataila guDa vAlukAH . 
sAshIviShaghaTAH sarve sasarja rasapA.nsavaH .. 5..\\
saghaNTA phalakAH sarve vAsI vR^ikShAdanAnvitAH . 
vyAghracharma parIvArA vR^itAshcha dvIpicharmabhiH .. 6..\\
savastayaH sashR^i~NgAshcha saprAsa vividhAyudhAH . 
sakuThArAH sakuddAlAH sataila kShaumasarpiShaH .. 7..\\
chitrAnIkAH suvapuSho jvalitA iva pAvakAH . 
tathA kavachinaH shUrAH shastreShu kR^itanishramAH .. 8..\\
kulInA hayayoniGYAH sArathye viniveshitAH . 
baddhAriShTA baddhakakShyA baddhadhvajapatAkinaH .. 9..\\
chaturyujo rathAH sarve sarve shastrasamAyutAH . 
sa.nhR^iShTavAhanAH sarve sarve shatasharAsanAH .. 10..\\
duryayorhayayorekastathAnyau pArShNisArathI . 
tau chApi rathinA.n shreShThau rathI cha hayavittathA .. 11..\\
nagarANIva guptAni durAdeyAni shatrubhiH . 
AsanrathasahasrANi hemamAlIni sarvashaH .. 12..\\
yathA rathAstathA nAgabaddhakakShyAH svala~NkR^itAH . 
babhUvuH sapta puruShA ratnavanta ivAdrayaH .. 13..\\
dvAva~Nkusha dharau teShu dvAvuttamadhanurdharau . 
dvau varAsi dharau rAjannekaH shaktipatAkadhR^ik .. 14..\\
gajairmattaiH samAkIrNa.n savarmAyudha koshakaiH . 
tadbabhUva bala.n rAjankauravyasya sahasrashaH .. 15..\\
vichitrakavachAmuktaiH sapatAkaiH svala~NkR^itaiH . 
sAdibhishchopasampannA Asannayutasho hayAH .. 16..\\
susa~NgrAhAH susantoShA hemabhANDa parichchhadAH . 
anekashatasAhasrAste cha sAdivashe sthitAH .. 17..\\
nAnArUpavikArAshcha nAnA kavachashastriNaH . 
padAtino narAstatra babhUvurhemamAlinaH .. 18..\\
rathasyAsandasha gajA gajasya dashavAjinaH . 
narA dasha hayasyAsanpAdarakShAH samantataH .. 19..\\
rathasya nAgAH pa~nchAshannAgasyAsa~nshata.n hayAH . 
hayasya puruShAH sapta bhinnasandhAna kAriNaH .. 20..\\
senA pa~nchashataM nAgA rathAstAvanta eva cha . 
dasha senA cha pR^itanA pR^itanA dashavAhinI .. 21..\\
vAhinI pR^itanA senA dhvajinI sAdinI chamUH . 
akShauhiNIti paryAyairniruktAtha varUthinI . 
eva.n vyUDhAnyanIkAni kauraveyeNa dhImatA .. 22..\\
akShauhiNyo dashaikA cha sa~NkhyAtAH sapta chaiva ha . 
akShauhiNyastu saptaiva pANDavAnAmabhUdbalam . 
akShauhiNyo dashaikA cha kauravANAmabhUdbalam .. 23..\\
narANAM pa~ncha pa~nchAshadeShA pattirvidhIyate . 
senAmukha.n cha tisrastA gulma ityabhisa~nj~nitaH .. 24..\\
dasha gulmA gaNastvAsIdgaNAstvayutasho.abhavan . 
duryodhanasya senAsu yotsyamAnAH prahAriNaH .. 25..\\
tatra duryodhano rAjA shUrAnbuddhimato narAn . 
prasamIkShya mahAbAhushchakre senApatI.nstadA .. 26..\\
pR^ithagakShauhiNInA.n cha praNetR^InnarasattamAn . 
vidhipUrva.n samAnIya pArthivAnabhyaShechayat .. 27..\\
kR^ipa.n droNaM cha shalyaM cha saindhavaM cha mahAratham . 
sudakShiNa.n cha kAmbojaM kR^itavarmANameva cha .. 28..\\
droNaputra.n cha karNaM cha bhUrishravasameva cha . 
shakuni.n saubala.n chaiva bAhlIkaM cha mahAratham .. 29..\\
divase divase teShAM prativela.n cha bhArata . 
chakre sa vividhAH sa~nj~nAH pratyakSha.n cha punaH punaH .. 30..\\
tathA viniyatAH sarve ye cha teShAM padAnugAH . 
babhUvuH sainikA rAjanrAGYaH priyachikIrShavaH .. 31..\\
\medskip\hrule\medskip\centerline{\Largedvng 153}
 v

tataH shAntanavaM bhIShmaM prA~njalirdhR^itarAShTrajaH . 
saha sarvairmahIpAlairida.n vachanamabravIt .. 1..\\
R^ite senA praNetAraM pR^itanA sumahatyapi . 
dIryate yuddhamAsAdya pipIlika puTa.n yathA .. 2..\\
na hi jAtu dvayorbuddhiH samA bhavati karhi chit . 
shaurya.n cha nAma netR^INA.n spardhate cha parasparam .. 3..\\
shrUyate cha mahAprAGYa haihayAnamitaujasaH . 
abhyayurbrAhmaNAH sarve samuchchhritakushadhvajAH .. 4..\\
tAnanvayustadA vaishyAH shUdrAshchaiva pitAmaha . 
ekatastu trayo varNA ekataH kShatriyarShabhAH .. 5..\\
te sma yuddheShvabhajyanta trayo varNAH punaH punaH . 
kShatriyAstu jayantyeva bahula.n chaikato balam .. 6..\\
tataste kShatriyAneva paprachchhurdvijasattamAH . 
tebhyaH shasha.nsurdharmaGYA yAthAtathyaM pitAmaha .. 7..\\
vayamekasya shR^iNumo mahAbuddhimato raNe . 
bhavantastu pR^ithaksarve svabuddhivashavartinaH .. 8..\\
tataste brAhmaNAshchakrureka.n senApati.n dvijam . 
nayeShu kushala.n shUramajayankShatriyA.nstataH .. 9..\\
eva.n ye kushalaM shUlaM hite sthitamakalmaSham . 
senApatiM prakurvanti te jayanti raNe ripUn .. 10..\\
bhavAnushanasA tulyo hitaiShI cha sadA mama . 
asa.nhAryaH sthito dharme sa naH senApatirbhava .. 11..\\
rashmIvatAmivAdityo vIrudhAmiva chandramAH . 
kubera iva yakShANAM marutAmiva vAsavaH .. 12..\\
parvatAnA.n yathA meruH suparNaH patatAm iva . 
kumAra iva bhUtAnA.n vasUnAmiva havyavAT .. 13..\\
bhavatA hi vaya.n guptAH shakreNeva divaukasaH . 
anAdhR^iShyA bhaviShyAmastridashAnAm api dhruvam .. 14..\\
prayAtu no bhavAnagre devAnAmiva pAvakiH . 
vaya.n tvAmanuyAsyAmaH saurabheyA ivarShabham .. 15..\\
evametanmahAbAho yathA vadasi bhArata . 
yathaiva hi bhavanto me tathaiva mama pANDavAH .. 16..\\
api chaiva maya shreyo vAchya.n teShAM narAdhipa . 
yoddhavya.n tu tavArthAya yathA sa samayaH kR^itaH .. 17..\\
na tu pashyAmi yoddhAramAtmanaH sadR^ishaM bhuvi . 
R^ite tasmAnnaravyAghrAtkuntIputrAddhana~njayAt .. 18..\\
sa hi veda mahAbAhurdivyAnyastrANi sarvashaH . 
na tu mA.n vivR^ito yuddhe jAtu yudhyeta pANDavaH .. 19..\\
aha.n sa cha kShaNenaiva nirmanuShyamida.n jagat . 
kuryA.n shastrabalenaiva sasurAsurarAkShasam .. 20..\\
na tvevotsAdanIyA me pANDoH putrA narAdhipa . 
tasmAdyodhAnhaniShyAmi prayogeNAyuta.n sadA .. 21..\\
evameShA.n kariShyAmi nidhanaM kurunandana . 
na chette mA.n haniShyanti pUrvameva samAgame .. 22..\\
senApatistvaha.n rAjansamayenApareNa te . 
bhaviShyAmi yathAkAma.n tanme shrotumihArhasi .. 23..\\
karNo vA yudhyatAM pUrvamaha.n vA pR^ithivIpate . 
spardhate hi sadAtyartha.n sUtaputro mayA raNe .. 24..\\
nAha.n jIvati gA~Ngeye yotsye rAjankathaM chana . 
hate bhIShme tu yotsyAmi saha gANDIvadhanvanA .. 25..\\
tataH senApati.n chakre vidhivadbhUridakShiNam . 
dhR^itarAShTrAtmajo bhIShma.n so.abhiShikto vyarochata .. 26..\\
tato bherIshcha sha~NkhAMshcha shatashashchaiva puShkarAn . 
vadayAmAsuravyagrAH puruShA rAjashAsanAt .. 27..\\
si.nhanAshAshcha vividhA vAhanAnA.n chanisvanAH . 
prAdurAsannanabhre cha varSha.n rudhirakardamam .. 28..\\
nirghAtAH pR^ithivI kampA gajabR^i.nhita nisvanAH . 
AsaMshcha sarvayodhAnAM pAtayanto manA.nsyuta .. 29..\\
vAchashchApyasharIriNyo divashcholkAH prapedire . 
shivAshcha bhayavedinyo nedurdIptasvarA bhR^isham .. 30..\\
senApatye yadA rAjA gA~NgeyamabhiShiktavAn . 
tadaitAnyugrarUpANi abhava~nshatasho nR^ipa .. 31..\\
tataH senApati.n kR^itvA bhIShmaM parabalArdanam . 
vAchayitvA dvijashreShThAnniShkairgobhishcha bhUrishaH .. 32..\\
vardhamAno jayAshIrbhirniryayau sainikairvR^itaH . 
ApageyaM puraskR^itya bhrAtR^ibhiH sahitastadA . 
skandhAvAreNa mahatA kurukShetra.n jagAma ha .. 33..\\
parikramya kurukShetra.n karNena saha kauravaH . 
shibiraM mApayAmAsa same deshe narAdhipaH .. 34..\\
madhurAnUShare deshe prabhUtayavasendhane . 
yathaiva hAstinapura.n tadvachchhibiramAbabhau .. 35..\\
\medskip\hrule\medskip\centerline{\Largedvng 154}
 j

ApageyaM mahAtmAnaM bhIShma.n shastrabhR^itAM varam . 
pitAmahaM bhAratAnA.n dhvaja.n sarvamahIkShitAm .. 1..\\
bR^ihaspatisamaM buddhyA kShamayA pR^ithivIsamam . 
samudramiva gAmbhIrye himavantamiva sthitam .. 2..\\
prajApatimivaudArye tejasA bhAskaropamam . 
mahendramiva shatrUNA.n dhva.nsana.n sharavR^iShTibhiH .. 3..\\
raNayaGYe pratibhaye svAbhIle lomaharShaNe . 
dIkShita.n chirarAtrAya shrutA rAjA yudhiShThiraH .. 4..\\
kimabravInmahAbAhuH sarvadharmavishAradaH . 
bhImasenArjunau vApi kR^iShNo vA pratyapadyata .. 5..\\
ApaddharmArthakushalo mahAbuddhiryudhiShThiraH . 
sarvAnbhrAtR^InsamAnIya vAsudeva.n cha sAtvatam . 
uvAcha vadatA.n shreShThaH sAntvapUrvamidaM vachaH .. 6..\\
paryAkrAmata sainyAni yattAstiShThata daMshitAH . 
pitAmahena vo yuddhaM pUrvameva bhaviShyati . 
tasmAtsaptasu senAsu praNetR^Inmama pashyata .. 7..\\
yathArhati bhavAnvaktumasminkAla upasthite . 
tathedamarthavadvAkyamukta.n te bharatarShabha .. 8..\\
rochate me mahAbAho kriyatA.n yadanantaram . 
nAyakAstava senAyAmabhiShichyantu sapta vai .. 9..\\
tato drupadamAnAyya virATa.n shinipu~Ngavam . 
dhR^iShTadyumna.n cha pA~nchAlyaM dhR^iShTaketuM cha pArthivam . 
shikhaNDina.n cha pA~nchAlya.n sahadevaM cha mAgadham .. 10..\\
etAnsapta mahaiShvAsAnvIrAnyuddhAbhinandinaH . 
senA praNetR^InvidhivadabhyaShi~nchadyudhiShThiraH .. 11..\\
sarvasenApati.n chAtra dhR^iShTadyumnamupAdishat . 
droNAnta hetorutpanno ya iddhA~njAtavedasaH .. 12..\\
sarveShAmeva teShA.n tu samastAnAM mahAtmanAm . 
senApatipati.n chakre guDAkeshaM dhana~njayam .. 13..\\
arjunasyApi netA cha sa.nyantA chava vAjinAm . 
sa~NkarShaNAnujaH shrImAnmahAbuddhirjanArdanaH .. 14..\\
taddR^iShTvopasthita.n yuddhaM samAsannaM mahAtyayam . 
prAvishadbhavana.n rAGYaH pANDavasya halAyudhaH .. 15..\\
sahAkrUraprabhR^itibhirgada sAmbolmukAdibhiH . 
raukmiNeyAhuka sutaishchArudeShNa purogamaiH .. 16..\\
vR^iShNimukhyairabhigatairvyAghrairiva balotkaTaiH . 
abhigupto mahAbAhurmarudbhiriva vAsavaH .. 17..\\
nIlakausheya vasanaH kaulAsa shikharopamaH . 
si.nhakhela gatiH shrImAnmadaraktAnta lochanaH .. 18..\\
ta.n dR^iShTvA dharmarAjashcha keshavashcha mahAdyutiH . 
udatiShThattadA pArtho bhImakarmA vR^ikodaraH .. 19..\\
gANDIvadhanvA ye chAnye rAjAnastatra ke chana . 
pUjayA.n chakrurabhyetya te sma sarve halAyudham .. 20..\\
tatastaM pANDavo rAjA kare pasparsha pANinA . 
vAsudeva purogAstu sarva evAbhyavAdayan .. 21..\\
virATadrupadau vR^iddhAvabhivAdya halAyudhaH . 
yudhiShThireNa sahita upAvishadarindamaH .. 22..\\
tatasteShUpaviShTeShu pArthiveShu samantataH . 
vAsudevamabhiprekShya rauhiNeyo.abhyabhAShata .. 23..\\
bhavitAyaM mahAraudro dAruNaH puruShakShayaH . 
diShTametaddhruvaM manye na shakyamativartitum .. 24..\\
asmAdyuddhAtsamuttIrNAnapi vaH sasuhR^ijjanAn . 
arogAnakShatairdehaiH pashyeyamiti me matiH .. 25..\\
sametaM pArthiva.n kShatraM kAlapakvamasaMshayam . 
vimardaH sumahAnbhAvI mA.nsashoNitakardamaH .. 26..\\
ukto mayA vAsudevaH punaH punarupahvare . 
sambandhiShu samA.n vR^ittiM vartasva madhusUdana .. 27..\\
pANDavA hi yathAsmAka.n tathA duryodhano nR^ipaH . 
tasyApi kriyatA.n yuktyA saparyeti punaH punaH .. 28..\\
tachcha me nAkarodvAkya.n tvadarthe madhusUdanaH . 
niviShTaH sarvabhAvena dhana~njayamavekShya cha .. 29..\\
dhruvo jayaH pANDavAnAmiti me nishchitA matiH . 
tathA hyabhinivesho.aya.n vAsudevasya bhArata .. 30..\\
na chAhamutsahe kR^iShNamR^ite lokamudIkShitum . 
tato.ahamanuvartAmi keShavasya chikIrShitam .. 31..\\
ubhau shiShyau hi me vIrau gadAyuddhavishAradau . 
tulyasneho.asmyato bhIme tathA duryodhane nR^ipe .. 32..\\
tasmAdyAsyAmi tIrthAni sarasvatyAniShevitum . 
na hi shakShyAmi kauravyAnnashyamAnAnupekShitum .. 33..\\
evamuktvA mahAbAhuranuGYAtashcha pANDavaiH . 
tIrthayAtrA.n yayau rAmo nivartya madhusUdanam .. 34..\\
\medskip\hrule\medskip\centerline{\Largedvng 155}
 v

etasminneva kAle tu bhIShmakasya mahAtmanaH . 
hiraNyalomno nR^ipateH sAkShAdindra sakhasya vai .. 1..\\
AhR^itInAmadhipaterbhojasyAtiyashasvinaH . 
dAkShiNAtya pateH putro dikShu rukmIti vishrutaH .. 2..\\
yaH kimpuruSha si.nhasya gandhamAdanavAsinaH . 
shiShyaH kR^itsna.n dhanurvedaM chatuShpAdamavAptavAn .. 3..\\
yo mAhendra.n dhanurlebhe tulyaM gANDIvatejasA . 
shAr~NgeNa cha mahAbAhuH saMmita.n divyamakShayam .. 4..\\
trINyevaitAni divyAni dhanUMShi divi chAriNAm . 
vAruNa.n gANDivaM tatra mAhendra.n vijayaM dhanuH .. 5..\\
shAr~Nga.n tu vaiShNavaM prAhurdivyaM tejomayaM dhanuH . 
dhArayAmAsa yatkR^iShNaH parasenA bhayAvaham .. 6..\\
gANDIvaM pAvakAllebhe khANDave pAkashAsaniH . 
drumAdrukmI mahAtejA vijayaM pratyapadyata .. 7..\\
sa~nchidya mauravAnpAshAnnihatya muramojasA . 
nirjitya narakaM bhaumamAhR^itya paNi kuNDale .. 8..\\
ShoDasha strIsahasrANi ratnAni vividhAni cha . 
pratipede hR^iShIkeshaH shAr~Nga.n cha dhanuruttamam .. 9..\\
rukmI tu vijaya.n labdhvA dhanurmeghasamasvanam . 
vibhIShayanniva jagatpANDavAnabhyavartata .. 10..\\
nAmR^iShyata purA yo.asau svabAhubaladarpitaH . 
rukmiNyA haraNa.n vIro vAsudevena dhImatA .. 11..\\
kR^itvA pratiGYAM nAhatvA nivartiShyAmi keshavam . 
tato.anvadhAvadvArShNeya.n sarvashastrabhR^itAM varam .. 12..\\
senayA chatura~NgiNyA mahatyA dUrapAtayA . 
vichitrAyudha varmiNyA ga~Ngayeva pravR^iddhayA .. 13..\\
sa samAsAdya vArShNeya.n gonAnAmIshvaraM prabhum . 
vya.nsito vrIDito rAjannAjagAma sa kuNDinam .. 14..\\
yatraiva kR^iShNena raNe nirjitaH paravIrahA . 
tatra bhojakaTaM nAma chakre nagaramuttamam .. 15..\\
sainyena mahatA tena prabhUtagajavAjinA . 
pura.n tadbhuvi vikhyAtma nAmna bhojakaTaM nR^ipa .. 16..\\
sa bhojarAjaH sainyena mahatA parivAritaH . 
akShauhiNyA mahAvIryaH pANDavAnsamupAgamat .. 17..\\
tataH sa kavachI khaDgI sharI dhanvI talI rathI . 
dhvajenAditya varNena pravivesha mahAchamUm .. 18..\\
viditaH pANDaveyAnA.n vAsudeva priyepsayA . 
yudhiShThirastu ta.n rAjA pratyudgamyAbhyapUjayat .. 19..\\
sa pUjitaH pANDusutairyathAnyAya.n susatkR^itaH . 
pratipUjya cha tAnsarvAnvishrAntaH saha sainikaH . 
uvAcha madhye vIrANA.n kuntIputraM dhana~njayam .. 20..\\
sahAyo.asmi sthito yuddhe yadi bhIto.asi pANDava . 
kariShyAmi raNe sAhyamasahya.n tava shatrubhiH .. 21..\\
na hi me vikrame tulyaH pumAnastIha kash chana . 
nihatya samare shatrU.nstava dAsyAmi phalguna .. 22..\\
ityukto dharmarAjasya keshavasya cha saMnidhau . 
shR^iNvatAM pArthivendrANAmanyeShA.n chaiva sarvashaH .. 23..\\
vAsudevamabhiprekShya dharmarAja.n cha pANDavam . 
uvAcha dhImAnkaunteyaH prahasya sakhipUrvakam .. 24..\\
yudhyamAnasya me vIra gandharvaiH sumahAbalaiH . 
sahAyo ghoShayAtrAyA.n kastadAsItsakhA mama .. 25..\\
tathA pratibhaye tasmindevadAnava sa~Nkule . 
khANDave yudhyamAnasya kaH sahAyastadAbhavat .. 26..\\
nivAtakavachairyuddhe kAlakeyaishcha dAnavaiH . 
tatra me yudhyamAnasya kaH sahAyastadAbhavat .. 27..\\
tathA virATanagare kurubhiH saha sa~Ngare . 
yudhyato bahubhistAta kaH sahAyo.abhavanmama .. 28..\\
upajIvya raNe rudra.n shakraM vaishvaraNaM yamam . 
varuNaM pAvaka.n chaiva kR^ipaM droNaM cha mAdhavam .. 29..\\
dhArayangANDiva.n divyaM dhanustejomayaM dR^iDham . 
akShayya sharasa.nyukto divyAstraparibR^i.nhitaH .. 30..\\
kauravANA.n kule jAtaH pANDoH putro visheShataH . 
droNa.n vyapadisha~nshiShyo vAsudevasahAyavAn .. 31..\\
kathamasmadvidho brUyAdbhIto.astItyayashaskaram . 
vachanaM narashArdUla vajrAyudhamapi svayam .. 32..\\
nAsmi bhIto mahAbAho sahAyArthashcha nAsti me . 
yathAkAma.n yathAyoga.n gachchha vAnyatra tiShTha vA .. 33..\\
vinivartya tato rukmI senA.n sAgarasaMnibhAm . 
duryodhanamupAgachchhattathaiva bharatarShabha .. 34..\\
tathaiva chAbhigamyainamuvAcha sa narAdhipaH . 
pratyAkhyAtashcha tenApi sa tadA shUramAninA .. 35..\\
dvAveva tu mahArAja tasmAdyuddhAdvyapeyatuH . 
rauhiNeyashcha vArShNeyo rukmI cha vasudhAdhipaH .. 36..\\
gate rAme tIrthayAtrAM bhIShmakasya sute tathA . 
upAvishanpANDaveyA mantrAya punareva hi .. 37..\\
samitirdharmarAjasya sA pArthiva samAkulA . 
shushubhe tArakA chitrA dyaushchandreNeva bhArata .. 38..\\
\medskip\hrule\medskip\centerline{\Largedvng 156}
 j

tathA vyUDheShvanIkeShu kurukShetre dvijarShabha . 
kimakurvanta kuravaH kAlenAbhiprachoditAH .. 1..\\
tathA vyUDheShvanIkeShu yatteShu bharatarShabha . 
dhR^itarAShTro mahArAja sa~njaya.n vAkyamabravIt .. 2..\\
ehi sa~njaya me sarvamAchakShvAnavasheShataH . 
senAniveshe yadvR^itta.n kurupANDavasenayoH .. 3..\\
diShTameva paraM manye pauruSha.n chApyanarthakam . 
yadaha.n jAnamAno.api yuddhadoShAnkShayodayAn .. 4..\\
tathApi nikR^itipraGYaM putra.n durdyUta devinam . 
na shaknomi niyantu.n vA kartuM vA hitamAtmanaH .. 5..\\
bhavatyeva hi me sUta buddhirdoShAnudarshinI . 
duryodhana.n samAsAdya punaH sA parivartate .. 6..\\
eva~Ngate vai yadbhAvi tadbhaviShyati sa~njaya . 
kShatradharmaH kila raNe tanutyAgo.abhipUjitaH .. 7..\\
tvadyukto.ayamanuprashno mahArAja yathArhasi . 
na tu duryodhane doShamimamAsaktumarhasi . 
shR^iNuShvAnavasheSheNa vadato mama pArthiva .. 8..\\
ya Atmano dushcharitAdashubhaM prApnuyAnnaraH . 
enasA na sa daiva.n vA kAlaM vA gantumarhati .. 9..\\
mahArAja manuShyeShu nindya.n yaH sarvamAcharet . 
sa vadhyaH sarvalokasya ninditAni samAcharan .. 10..\\
nikArA manujashreShTha pANDavaistvatpratIkShayA . 
anubhUtAH sahAmAtyairnikR^itairadhidevane .. 11..\\
hayAnA.n cha gajAnAM cha rAGYAM chAmitatejasAm . 
vaishasa.n samare vR^ittaM yattanme shR^iNu sarvashaH .. 12..\\
sthiro bhUtvA mahArAja sarvalokakShayodayam . 
yathA bhUtaM mahAyuddhe shrutvA mA vimanA bhava .. 13..\\
na hyeva kartA puruShaH karmaNoH shubhapApayoH . 
asvatantro hi puruShaH kAryate dAru yantravat .. 14..\\
ke chidIshvara nirdiShTAH ke chideva yadR^ichchhayA . 
pUrvakarmabhirapyanye traidhametadvikR^iShyate .. 15..\\
\medskip\hrule\medskip\centerline{\Largedvng 157}
 s

hiraNvatyAM niviShTeShu pANDaveShu mahAtmasu . 
duryodhano mahArAja karNena saha bhArata .. 1..\\
saubalena cha rAjendra tathA duHshAsanena cha . 
AhUyopahvare rAjannulUkamidamabravIt .. 2..\\
ulUka gachchha kaitavya pANDavAnsaha somakAn . 
gatvA mama vacho brUhi vAsudevasya shR^iNvataH .. 3..\\
ida.n tatsamanuprApta.n varShapUgAbhichintitam . 
pANDavAnA.n kurUNAM cha yuddha.n lokabhaya~Nkaram .. 4..\\
yadetatkatthanA vAkya.n sa~njayo mahadabravIt . 
madhye kurUNA.n kaunteya tasya kAlo.ayamAgataH . 
yathA vaH sampratiGYAta.n tatsarvaM kriyatAm iti .. 5..\\
amarSha.n rAjyaharaNaM vanavAsa.n cha pANDava . 
draupadyAshcha pariklesha.n sa.nsmaranpuruSho bhava .. 6..\\
yadartha.n kShatriyA sUte garbhaM tadidamAgatam . 
bala.n vIrya.n cha shauryaM cha paraM chApyastralAghavam . 
pauruSha.n darshayanyuddhe kopasya kuru niShkR^itim .. 7..\\
parikliShTasya dInasya dIrghakAloShitasya cha . 
na sphuTeddhR^idaya.n kasya aishvaryAdbhraMshitasya cha .. 8..\\
kule jAtasya shUrasya paravitteShu gR^idhyataH . 
Achchhinna.n rAjyamAkramya kopa.n kasya na dIpayet .. 9..\\
yattaduktaM mahadvAkya.n karmaNA tadvibhAvyatAm . 
akarmaNA katthitena santaH kupuruSha.n viduH .. 10..\\
amitrANA.n vashe sthAnaM rAjyasya cha punarbhavaH . 
dvAvarthau yudhyamAnasya tasmAtkuruta pauruSham .. 11..\\
asmAnvA tvaM parAjitya prashAdhi pR^ithivImimAm . 
atha vA nihato.asmAbhirvIraloka.n gamiShyasi .. 12..\\
rAShTrAtpravrAjana.n klesha.n vanavAsaM cha pANDava . 
kR^iShNAyAshcha pariklesha.n sa.nsmaranpuruSho bhava .. 13..\\
apriyANA.n cha vachane pravrajatsu punaH punaH . 
amarSha.n darshayAdya tvamamarSho hyeva pauruSham .. 14..\\
krodho bala.n tathA vIrya.n GYAnayogo.astralAghavam . 
iha te pArtha dR^ishyantA.n sa~NgrAme puruSho bhava .. 15..\\
ta.n cha tUbarakammUDhaM bahvAshinamavidyakam . 
ulUka madvacho brUyA asakR^idbhImasenakam .. 16..\\
ashaktenaiva yachchhapta.n sabhAmadhye vR^ikodara . 
duHshAsanasya rudhiraM pIyatA.n yadi shakyate .. 17..\\
lohAbhihAro nirvR^ittaH kurukShetramakardamam . 
puShTAste.ashvA bhR^itA yodhAH shvo yudhyasva sakeshavaH .. 18..\\
\medskip\hrule\medskip\centerline{\Largedvng 158}
 s

senAnivesha.n samprApya kaitavyaH pANDavasya ha . 
samAgataH pANDaveyairyudhiShThiramabhAShata .. 1..\\
abhiGYo dUtavAkyAnA.n yathoktaM bruvato mama . 
duryodhana samAdesha.n shrutvA na kroddhumarhasi .. 2..\\
ulUka na bhaya.n te.asti brUhi tva.n vigatajvaraH . 
yanmata.n dhArtarAShTrasya lubdhasyAdIrgha darshinaH .. 3..\\
tato dyutimatAM madhye pANDavAnAM mahAtmanAm . 
sR^i~njayAnA.n cha sarveShAM kR^iShNasya cha yashasvinaH .. 4..\\
drupadasya saputrasya virATasya cha saMnidhau . 
bhUmipAnA.n cha sarveShAM madhye vAkyaM jagAda ha .. 5..\\
ida.n tvAmabravIdrAjA dhArtarAShTro mahAmanAH . 
shR^iNvatA.n kuruvIrANAM tannibodha narAdhipa .. 6..\\
parAjito.asi dyUtena kR^iShNA chAnAyitA sabhAm . 
shakyo.amarSho manuShyeNa kartuM puruShamAninA .. 7..\\
dvAdashaiva tu varShANi vane dhiShNyAdvivAsitAH . 
sa.nvatsara.n virATasya dAsyamAsthAya choShitAH .. 8..\\
amarSha.n rAjyaharaNaM vanavAsa.n cha pANDava . 
draupadyAshcha pariklesha.n sa.nsmaranpuruSho bhava .. 9..\\
ashaktena cha yachchhaptaM bhImasenena pANDava . 
duHshAsanasya rudhiraM pIyatA.n yadi shakyate .. 10..\\
lohAbhihAro nirvR^ittaH kurukShetramakardamam . 
samaH panthA bhR^itA yodhAH shvo yudhyasva sakeshavaH .. 11..\\
asamAgamya bhIShmeNa sa.nyuge ki.n vikatthase . 
ArurukShuryathA mandaH parvata.n gandhamAdanam .. 12..\\
droNa.n cha yudhyatA.n shreShThaM shachIpatisamaM yudhi . 
ajitvA sa.nyuge pArtha rAjya.n kathamihechchhasi .. 13..\\
brAhme dhanuShi chAchArya.n vedayorantara.n dvayoH . 
yudhi dhuryamavikShobhyamanIka dharamachyutam .. 14..\\
droNaM mohAdyudhA pArtha yajjigIShasi tanmR^iShA . 
na hi shushruma vAtena merumunmathita.n girim .. 15..\\
anilo vA vahenmeru.n dyaurvApi nipatenmahIm . 
yuga.n vA parivarteta yadyevaM syAdyathAttha mAm .. 16..\\
ko hyAbhyA.n jIvitAkA~NkShI prApyAstramarimardanam . 
gajo vAjI naro vApi punaH svasti gR^ihAnvrajet .. 17..\\
kathamAbhyAmabhidhyAtaH sa.nsR^iShTo dAruNena vA . 
raNe jIvanmimuchyeta padA bhUmimupaspR^ishan .. 18..\\
ki.n darduraH kUpashayo yathemAM 
na budhyase rAjachamU.n sametAm . 
durAdharShA.n deva chamU prakAshAM 
guptAM narendraistridashairiva dyAm .. 19..\\
prAchyaiH pratIchyairatha dAkShiNAtyair 
udIchyakAmbojashakaiH khashaish cha . 
shAlvaiH samatsyaiH kurumadhyadeshair 
mlechchhaiH pulindairdraviDAndhra kA~nchyaiH .. 20..\\
nAnAjanaugha.n yudhi sampravR^iddhaM 
gA~Nga.n yathA vegamavAraNIyam . 
mA.n cha sthitaM nAgabalasya madhye 
yuyutsase mandakimalpabuddhe .. 21..\\
ityevamuktvA rAjAna.n dharmaputra.n yudhiShThiram . 
abhyAvR^itya punarjiShNumulUkaH pratyabhAShata .. 22..\\
akatthamAno yudhyasva katthase.arjuna kiM bahu . 
paryAyAtsiddhiretasya naitatsidhyati katthanAt .. 23..\\
yadIda.n katthanAtsidhyetkarma loke dhana~njaya . 
sarve bhaveyuH siddhArthA bahu kattheta durgataH .. 24..\\
jAnAmi te vAsudeva.n sahAyaM 
jAnAmi te gANDiva.n tAlamAtram . 
jAnAmyetattvAdR^isho nAsti 
yodhA rAjya.n cha te jAnamAno harAmi .. 25..\\
na tu paryAya dharmeNa siddhiM prApnoti bhUyasIm . 
manasaiva hi bhUtAni dhAtA prakurute vashe .. 26..\\
trayodasha samA bhukta.n rAjyaM vilapatastava . 
bhUyashchaiva prashAsiShye nihatya tvA.n sabAndhavam .. 27..\\
kva tadA gANDiva.n te.abhUdyattvaM dAsapaNe jitaH . 
kva tadA bhImasenasya balamAsIchcha phalguna .. 28..\\
sagadAdbhImasenAchcha pArthAchchaiva sagANDivAt . 
na vai mokShastadA vo.abhUdvinA kR^iShNAmaninditAm .. 29..\\
sA vo dAsya.n samApannAnmokShayAmAsa bhAminI . 
amAnuShya samAyuktAndAsya karmaNyavasthitAn .. 30..\\
avocha.n yatShaNDhatilAnahaM vastathyameva tat . 
dhR^itA hi veNI pArthena virATanagare tadA .. 31..\\
sUdakarmaNi cha shrAnta.n virATasya mahAnase . 
bhImasenena kaunteya yachcha tanmama pauruSham .. 32..\\
evameva sadA daNDa.n kShatriyAH kShatriye dadhuH . 
shreNyA.n kakShyAM cha veNyAM cha sa.nyuge yaH palAyate .. 33..\\
na bhayAdvAsudevasya na chApi tava phalguna . 
rAjyaM pratipradAsyAmi yudhyasva saha keshavaH .. 34..\\
na mAyA hIndra jAla.n vA kuhakA vA vibhIShaNI . 
Attashastrasya me yuddhe vahanti pratigarjanAH .. 35..\\
vAsudeva sahasra.n vA phalgunAnAM shatAni vA . 
AsAdya mAmamogheShu.n draviShyanti disho dasha .. 36..\\
sa.nyuga.n gachchha bhIShmeNa bhindhi tva.n shirasA girim . 
prataremaM mahAgAdhaM bAhubhyAM puruShodadhim .. 37..\\
shAradvata mahImAna.n viviMshati jhaShAkulam . 
bR^ihadbalasamuchchAla.n saumadatti timi~Ngilam .. 38..\\
duHshAsanaugha.n shala shalya matsyaM 
suSheNa chitrAyudhanAganakram . 
jayadrathAdriM purumitra gAdhaM 
durmarShaNoda.n shakuniprapAtam .. 39..\\
shastraughamakShayyamatipravR^iddhaM 
yadAvagAhya shramanaShTachetAH . 
bhaviShyasi tva.n hatasarvabAndhavas 
tadA manaste paritApameShyati .. 40..\\
tadA manaste tridivAdivAshucher 
nivartatAM pArtha mahI prashAsanAt . 
rAjyaM prashAstu.n hi sudurlabha.n tvayA 
bubhUShatA svarga ivAtapasvinA .. 41..\\
\medskip\hrule\medskip\centerline{\Largedvng 159}
 s

ulUkastvarjunaM bhUyo yathokta.n vAkyamabravIt . 
AshIviShamiva kruddha.n tudanvAkyashalAkayA .. 1..\\
tasya tadvachana.n shrutvA ruShitAH pANDavA bhR^isham . 
prAgeva bhR^ishasa~NkruddhAH kaitavyena pradharShitAH .. 2..\\
nAsaneShvavatiShThanta bahUMshchaiva vichikShipuH . 
AshIviShA iva kruddhA vIkShA.n chakruH parasparam .. 3..\\
avAkshirA bhImasenaH samudaikShata keshavam . 
netrAbhyA.n lohitAntAbhyAmAshIviSha iva shvasan .. 4..\\
Arta.n vAtAtmaja.n dR^iShTvA krodhenAbhihataM bhR^isham . 
utsmayanniva dAshArhaH kaitavyaM pratyabhAShata .. 5..\\
prayAhi shIghra.n kaitavya brUyAsh chaiva suyodhanam . 
shruta.n vAkya.n gR^ihIto.artho mataM yatte tathAstu tat .. 6..\\
madvachashchApi bhUyaste vaktavyaH sa suyodhanaH . 
shva idAnIM pradR^ishyethAH puruSho bhava durmate .. 7..\\
manyase yachcha mUDha tvaM na yotsyati janArdanaH . 
sArathyena vR^itaH pArthairiti tvaM na bibheShi cha .. 8..\\
jaghanyakAlamapyetadbhavedyatsarvapArthivAn . 
nirdaheyamaha.n krodhAtkR^iNAnIva hutAshanaH .. 9..\\
yudhiShThira niyogAttu phalgunasya mahAtmanaH . 
kariShye yudhyamAnasya sArathya.n viditAtmanaH .. 10..\\
yadyutpatasi lokA.nstrInyadyAvishasi bhUtalam . 
tatra tatrArjuna rathaM prabhAte drakShyase.agrataH .. 11..\\
yachchApi bhImasenasya manyase moghagarjitam . 
duHshAsanasya rudhiraM pItamityavadhAryatAm .. 12..\\
na tvA.n samIkShate pArtho nApi rAjA yudhiShThiraH . 
na bhImaseno na yamau pratikUlaprabhAShiNam .. 13..\\
\medskip\hrule\medskip\centerline{\Largedvng 160}
 s

duryodhanasya tadvAkyaM nishamya bharatarShabhaH . 
netrAbhyAmatitAmrAbhyA.n kaitavya.n samudaikShata .. 1..\\
sa keshavamabhiprekShya guDAkesho mahAyashAH . 
abhyabhAShata kaitavyaM pragR^ihya vipulaM bhujam .. 2..\\
svavIrya.n yaH samAshritya samAhvayati vai parAn . 
abhItaH pUraya~nshakti.n sa vai puruSha uchyate .. 3..\\
paravIrya.n samAshritya yaH samAhvayate parAn . 
kShatrabandhurashaktatvAlloke sa puruShAdhamaH .. 4..\\
sa tvaM pareShA.n vIryeNa manyase vIryamAtmanaH . 
svaya.n kApuruSho mUDhaH parAMshchakSheptumichchhasi .. 5..\\
yastva.n vR^iddhaM sarvarAGYAM hitabuddhi.n jitendriyam . 
maraNAya mahAbuddhi.n dIkShayitvA vikatthase .. 6..\\
bhAvaste vidito.asmAbhirdurbuddhe kulapA.nsana . 
na haniShyanti ga~NgeyaM pANDavAghR^iNayeti cha .. 7..\\
yasya vIrya.n samAshritya dhArtarAShTra vikatthase . 
hantAsmi prathamaM bhIShmaM miShatA.n sarvadhanvinAm .. 8..\\
kaitavya gatvA bharatAnsametya 
suyodhana.n dhArtarAShTraM bravIhi . 
tathetyAha arjunaH savyasAchI 
nishA vyapAye bhavitA vimardaH .. 9..\\
yadvo.abravIdvAkyamadInasattvo 
madhye kurUNA.n harShayansatyasandhaH . 
aha.n hantA pANDavAnAmanIkaM 
shAlveyakAMshcheti mamaiSha bhAraH .. 10..\\
hanyAmaha.n droNamR^ite hi lokaM 
na te bhaya.n vidyate pANDavebhyaH . 
tato hi te labdhatama.n cha rAjyaM 
kShaya.n gatAH pANDavAshcheti bhAvaH .. 11..\\
sa darpapUrNo na samIkShase tvam 
anarthamAtmanyapi vartamAnam . 
tasmAdaha.n te prathama.n samUhe 
hantA samakSha.n kuruvR^iddhameva .. 12..\\
sUryodaye yuktasenaH patIkShya 
dhvajI rathI rakSha cha satyasandham . 
aha.n hi vaH pashyatA.n dvIpamenaM 
rathAdbhIShmaM pAtayitAsmi bANaiH .. 13..\\
shvobhUte katthanA vAkya.n viGYAsyati suyodhanaH . 
ardita.n sharajAlena mayA dR^iShTvA pitAmaham .. 14..\\
yaduktashcha sabhAmadhye puruSho hrasvadarshanaH . 
kruddhena bhImasenena bhrAtA duHshAsanastava .. 15..\\
adharmaGYo nityavairI pApabuddhirnR^isha.nsakR^it . 
satyAM pratiGYAM nachirAdrakShyase tA.n suyodhana .. 16..\\
abhimAnasya darpasya krodhapAruShyayostathA . 
naiShThuryasyAvalepasya AtmasambhAvanasya cha .. 17..\\
nR^isha.nsatAyAstaikShNyasya dharmavidveShaNasya cha . 
adharmasyAtivAdasya vR^iddhAtikramaNasya cha .. 18..\\
darshanasya cha vakrasya kR^itsnasyApanayasya cha . 
drakShyasi tvaM phala.n tIvramachireNa suyodhana .. 19..\\
vAsudeva dvitIye hi mayi kruddhe narAdhipa . 
AshA te jIvite mUDha rAjye vA kena hetunA .. 20..\\
shAnte bhIShme tathA droNe sUtaputre cha pAtite . 
nirAsho jIvite rAjye putreShu cha bhaviShyasi .. 21..\\
bhrAtR^INAM nidhana.n dR^iShTvA putrANAM cha suyodhana . 
bhImasenena nihato duShkR^itAni smariShyasi .. 22..\\
na dvitIyAM pratiGYA.n hi pratiGYAsyati keshavaH . 
satyaM bravImyaha.n hyetatsarvaM satyaM bhaviShyati .. 23..\\
ityuktaH kaitavo rAja.nstadvAkyamupadhArya cha . 
anuGYAto nivavR^ite punareva yathAgatam .. 24..\\
upAvR^itya tu pANDubhyaH kaitavyo dhR^itarAShTrajam . 
gatvA yathokta.n tatsarvamuvAcha kurusa.nsadi .. 25..\\
keshavArjunayorvAkyaM nishamya bharatarShabhaH . 
duHshAsana.n cha karNaM cha shakuniM chAbhyabhAShata .. 26..\\
AGYApayata rAGYashcha balaM mitrabala.n tathA . 
yathA prAgu dayAtsarvA yuktA tiShThatyanIkinI .. 27..\\
tataH karNa samAdiShTA dUtAH pratvaritA rathaiH . 
uShTravAmIbhirapyanye sadashvairshcha mahAjavaiH .. 28..\\
tUrNaM pariyayuH senA.n kR^itsnAM karNasya shAsanAt . 
AGYApayanto rAGYastAnyogaH prAgudayAditi .. 29..\\
\medskip\hrule\medskip\centerline{\Largedvng 161}
 s

ulUkasya vachaH shrutvA kuntIputro yudhiShThiraH . 
senAM niryApayAmAsa dhR^iShTadyumnapurogamAm .. 1..\\
padAtinIM nAgavatI.n rathinImashvavR^indinIm . 
chaturvidha balAM bhImAmakampyAM pR^ithivIm iva .. 2..\\
bhImasenAdibhirguptA.n sArjunaishcha mahArathaiH . 
dhR^iShTadyumna vashA.n durgA.n sAgarastimitopamAm .. 3..\\
tasyAstvagre maheShvAsaH pA~nchAlyo yuddhadurmadaH . 
droNa prepsuranIkAni dhR^iShTadyumnaH prakarShati .. 4..\\
yathAbala.n yathotsAhaM rathinaH samupAdishat . 
arjuna.n sUtaputrAya bhIma.n duryodhanAya cha .. 5..\\
ashvatthAmne cha nakula.n shaibya.n cha kR^itavarmaNe . 
saindhavAya cha vArShNeya.n yuyudhAnamupAdishat .. 6..\\
shikhaNDina.n cha bhIShmAya pramukhe samakalpayat . 
sahadeva.n shakunaye chekitAnaM shalAya cha .. 7..\\
dhR^iShTaketu.n cha shalyAya gautamAyottamaujasam . 
draupadeyAMshcha pa~nchabhyastrigartebhyaH samAdishat .. 8..\\
vR^iShasenAya saubhadra.n sheShANA.n cha mahIkShitAm . 
samartha.n ta.n hi mene vai pArthAdabhyadhikaM raNe .. 9..\\
eva.n vibhajya yodhA.nstAnpR^ithakcha saha chaiva ha . 
jvAlA varNo maheShvAso droNamaMshamakalpayat .. 10..\\
dhR^iShTadyumno maheShvAsaH senApatipatistataH . 
vidhivadvyUDhya medhAvI yuddhAya dhR^itamAnasaH .. 11..\\
yathAdiShTAnyanIkAni pANDavAnAm ayojayat . 
jayAya pANDuputrANA.n yattastasthau raNAjire .. 12..\\
\medskip\hrule\medskip\centerline{\Largedvng 162}
 dhr

pratiGYAte phalgunena vadhe bhIShmasya sa~njaya . 
kimakurvanta me mandAH putrA duryodhanAdayaH .. 1..\\
hatameva hi pashyAmi gA~NgeyaM pitara.n raNe . 
vAsudevasahAyena pArthena dR^iDhadhanvanA .. 2..\\
sa chAparimita praGYastachchhrutvA pArtha bhAShitam . 
kimuktavAnmaheShvAso bhIShmaH praharatA.n varaH .. 3..\\
senApatya.n cha samprApya kauravANAM dhurandharaH . 
kimacheShTata gA~Ngeyo mahAbuddhiparAkramaH .. 4..\\
tatastatsa~njayastasmai sarvameva nyavedayat . 
yathokta.n kuruvR^iddhena bhIShmeNAmita tejasA .. 5..\\
senApatyamanuprApya bhIShmaH shAntanavo nR^ipa . 
duryodhanamuvAcheda.n vachanaM harShayanniva .. 6..\\
namaskR^itvA kumArAya senAnye shaktipANaye . 
aha.n senApatiste.adya bhaviShyAmi na saMshayaH .. 7..\\
senA karmaNyabhiGYo.asmi vyUheShu vividheShu cha . 
karma kArayitu.n chaiva bhR^itAnapyabhR^itA.nstathA .. 8..\\
yAtrA yAneShu yuddheShu labdhaprashamaneShu cha . 
bhR^isha.n veda mahArAja yathA veda bR^ihaspatiH .. 9..\\
vyUhAnapi mahArambhAndaivagAndharva mAnuShAn . 
tairahaM mohayiShyAmi pANDavAnvyetu te jvaraH .. 10..\\
so.aha.n yotsyAmi tattvena pAlaya.nstava vAhinIm . 
yathAvachchhAstrato rAjanvyetu te mAnaso jvaraH .. 11..\\
na vidyate me gA~Ngeya bhaya.n devAsureShvapi . 
samasteShu mahAbAho satyametadbravImi te .. 12..\\
kiM punastvayi durdharShe senApatye vyavasthite . 
droNe cha puruShavyAghre sthite yuddhAbhinandini .. 13..\\
bhavadbyAM puruShAgryAbhyA.n sthitAbhyAM vijayo mama . 
na durlabha.n kurushreShTha devarAjyamapi dhruvam .. 14..\\
rathasa~NkhyA.n tu kArtsnyena pareShAmAtmanastathA . 
tathaivAtirathAnA.n cha vettumichchhAmi kaurava .. 15..\\
pitAmaho hi kushalaH pareShAmAtmanastathA . 
shrotumichchhAmyaha.n sarvaiH sahaibhirvasudhAdhipaiH .. 16..\\
gAndhAre shR^iNu rAjendra rathasa~NkhyA.n svake bale . 
ye rathAH pR^ithivIpAla tathaivAtirathAsh cha ye .. 17..\\
bahUnIha sahasrANi prayutAnyarbudAni cha . 
rathAnA.n tava senAyA.n yathAmukhyaM tu me shR^iNu .. 18..\\
bhavAnagre rathodAraH saha sarvaiH sahodaraiH . 
duHshAsanaprabhR^itibhirbhrAtR^ibhiH shatasaMmitaiH .. 19..\\
sarve kR^itapraharaNAshchhedya bhedya vishAradAH . 
rathopasthe gajaskandhe gadAyuddhe.asi charmaNi .. 20..\\
sa.nyantAraH prahartAraH kR^itAstrA bhArasAdhanAH . 
iShvastre droNashiShyAshcha kR^ipasya cha sharadvataH .. 21..\\
ete haniShyanti raNe pA~nchAlAnyuddhadurmadAn . 
kR^itakilbiShAH pANDaveyairdhArtarAShTrA manasvinaH .. 22..\\
tato.ahaM bharatashreShTha sarvasenApatistava . 
shatrUnvidhva.nsayiShyAmi kadarthI kR^ityapANDavAn . 
na tvAtmano guNAnvaktumarhAmi vidito.asmi te .. 23..\\
kR^itavarmA tvatiratho bhojaH praharatA.n varaH . 
arthasiddhi.n tava raNe kariShyati na saMshayaH .. 24..\\
astravidbhiranAdhR^iShyo dUrapAtI dR^iDhAyudhaH . 
haniShyati rupU.nstubhyaM mahendro dAnavAniva .. 25..\\
madrarAjo maheShvAsaH shalyo me.atiratho mataH . 
spardhate vAsudevena yo vai nitya.n raNe raNe .. 26..\\
bhAgineyAnnijA.nstyaktvA shalyaste rathasattamaH . 
eSha yotsyati sa~NgrAme kR^iShNa.n chakragadAdharam .. 27..\\
sAgarormi samairvegaiH plAvayanniva shAtravAn . 
bhUrishravAH kR^itAstrashcha tava chApi hitaH suhR^it .. 28..\\
saumadattirmaheShvAso rathayUthapa yUthapaH . 
balakShayamamitrANA.n sumahAnta.n kariShyati .. 29..\\
sindhurAjo mahArAja mato me dviguNo rathaH . 
yotsyate samare rAjanvikrAnto rathasattamaH .. 30..\\
draupadI haraNe pUrvaM parikliShTaH sa pANDavaiH . 
sa.nsmara.nstaM pariklesha.n yotsyate paravIharA .. 31..\\
etena hi tadA rAja.nstapa AsthAya dAruNam . 
sudurlabho varo labdhaH pANDavAnyoddhumAhave .. 32..\\
sa eSha rathashArdUlastadvaira.n sa.nsmaranraNe . 
yotsyate pANDavA.n stAta prANA.nstyaktvA sudustyajAn .. 33..\\
\medskip\hrule\medskip\centerline{\Largedvng 163}
 bhiisma

sudakShiNastu kAmbojo ratha ekaguNo mataH . 
tavArtha siddhimAkA~NkShanyotsyate samare paraiH .. 1..\\
etasya rathasi.nhasya tavArthe rAjasattama . 
parAkrama.n yathendrasya drakShyanti kuravo yudhi .. 2..\\
etasya rathavaMsho hi tigmavegaprahAriNAm . 
kAmbojAnAM mahArAja shalabhAnAmivAyatiH .. 3..\\
nIlo mAhiShmatI vAsI nIlavarma dharastava . 
rathavaMshena shatrUNA.n kadana.n vai kariShyati .. 4..\\
kR^itavairaH purA chaiva sahadevena pArthivaH . 
yotsyate satata.n rAja.nstavArthe kurusattama .. 5..\\
vindAnuvindAvAvantyau sametau rathasattamau . 
kR^itinau samare tAta dR^iDhavIryaparAkramau .. 6..\\
etau tau puruShavyAghrau ripusainyaM pradhakShyataH . 
gadA prAsAsinArAchaistomaraishcha bhujachyutaiH .. 7..\\
yuddhAbhikAmau samare krIDantAviva yUthapau . 
yUthamadhye mahArAja vicharantau kR^itAntavat .. 8..\\
trigartA bhrAtaraH pa~ncha rathodArA matA mama . 
kR^itavairAshcha pArthena virATanagare tadA .. 9..\\
makarA iva rAjendra samuddhata tara~NgiNIm . 
ga~NgA.n vikShobhayiShyanti pArthAnAM yudhi vAhinIm .. 10..\\
te rathAH pa~ncha rAjendra yeShA.n satyaratho mukham . 
ete yotsyanti samare sa.nsmarantaH purA kR^itam .. 11..\\
vyalIkaM pANDaveyena bhImasenAnujena ha . 
disho vijayatA rAja~nshvetavAhena bhArata .. 12..\\
te haniShyanti pArthAnA.n samAsadya mahArathAn . 
varAnvarAnmaheShvAsAnkShatriyANA.n dhurandharAH .. 13..\\
lakShmaNastava putrastu tathA duHshAsanasya cha . 
ubhau tau puruShavyAghrau sa~NgrAmeShvanivartinau .. 14..\\
taruNau sukumArau cha rAjaputrau tarasvinau . 
yuddhAnA.n cha visheShaGYau praNetArau cha sarvashaH .. 15..\\
rathau tau rathashArdUla matau me rathasattamau . 
kShatradharmaratau vIrau mahatkarma kariShyataH .. 16..\\
daNDadhAro mahArAja ratha eko nararShabhaH . 
yotsyate samaraM prApya svena sainyena pAlitaH .. 17..\\
bR^ihadbalastathA rAjA kausalyo rathasattamaH . 
ratho mama matastAta dR^iDhavegaparAkramaH .. 18..\\
eSha yotsyati sa~NgrAme svA.n chamU.n sampraharShayan . 
ugrAyudho maheShvAso dhArtarAShTra hite rataH .. 19..\\
kR^ipaH shAradvato rAjanrathayUthapa yUthapaH . 
priyAnprANAnparityajya pradhakShyati ripU.nstava .. 20..\\
gautamasya maharSherya AchAryasya sharadvataH . 
kArtikeya ivAjeyaH sharastambAtsuto.abhavat .. 21..\\
eSha senAM bahuvidhA.n vividhAyudhakArmukAm . 
agnivatsamare tAta chariShyati vimardayan .. 22..\\
\medskip\hrule\medskip\centerline{\Largedvng 164}
 bhiisma

shakunirmAtulaste.asau ratha eko narAdhipa . 
prasajya pANDavairvaira.n yotsyate nAtra saMshayaH .. 1..\\
etasya sainyA durdharShAH samare.apratiyAyinaH . 
vikR^itAyudha bhUyiShThA vAyuvegasamA jave .. 2..\\
droNaputro maheShvAsaH sarveShAmati dhanvinAm . 
samare chitrayodhI cha dR^iDhAstrashcha mahArathaH .. 3..\\
etasya hi mahArAja yathA gANDIvadhanvanaH . 
sharAsanAdvinirmuktAH sa.nsaktA yAnti sAyakAH .. 4..\\
naiSha shakyo mayA vIraH sa~NkhyAtu.n rathasattamaH . 
nirdahedapi lokA.nstrInichchhanneSha mahAyashAH .. 5..\\
krodhastejashcha tapasA sambhR^ito.a.ashramavAsinA . 
droNenAnugR^ihItashcha divyairastrairudAradhIH .. 6..\\
doShastvasya mahAneko yenaiSha bharatarShabha . 
na me ratho nAtiratho mataH pArthiva sattama .. 7..\\
jIvitaM priyamatyarthamAyuShkAmaH sadA dvijaH . 
na hyasya sadR^ishaH kashchidubhayoH senayorapi .. 8..\\
hanyAdekarathenaiva devAnAmapi vAhinIm . 
vapuShmA.nstalaghoSheNa sphoTayedapi parvatAn .. 9..\\
asa~NkhyeyaguNo vIraH prahartA dAruNadyutiH . 
daNDapANirivAsahyaH kAlavatprachariShyati .. 10..\\
yugAntAgnisamaH krodhe si.nhagrIvo mahAmatiH . 
eSha bhArata yuddhasya pR^iShTha.n saMshamayiShyati .. 11..\\
pitA tvasya mahAtejA vR^iddho.api yuvabhirvaraH . 
raNe karma mahatkartA tatra me nAsti saMshayaH .. 12..\\
astravegAniloddhUtaH senA kaShNendhanotthitaH . 
pANDuputrasya sainyAni pradhakShyati jaye dhR^itaH .. 13..\\
rathayUthapa yUthAnA.n yUthapaH sa nararShabhaH . 
bhAradvAjAtmajaH kartA karma tIvra.n hitAya vaH .. 14..\\
sarvamUrdhAbhiShiktAnAmAchAryaH sthaviro guruH . 
gachchhedanta.n sR^i~njayAnAM priyastvasya dhana~njayaH .. 15..\\
naiSha jAtu maheShvAsaH pArthamakliShTakAriNam . 
hanyAdAchAryaka.n dIpta.n sa.nsmR^itya guNanirjitam .. 16..\\
shlAghatyeSha sadA vIraH pArthasya guNavistaraiH . 
putrAdabhyadhika.n chaiva bhAradvAjo.anupashyati .. 17..\\
hanyAdekarathenaiva devagandharvadAnavAn . 
ekIbhUtAnapi raNe divyairastraiH pratApavAn .. 18..\\
pauravo rAjashArdUlastava rAjanmahArathaH . 
mato mama ratho vIra paravIra rathArujaH .. 19..\\
svena sainyena sahitaH pratapa~nshatruvAhinIm . 
pradhakShyati sapA~nchAlAnkakSha.n kR^iShNa gatiryathA .. 20..\\
satyavrato rathavaro rAjaputro mahArathaH . 
tava rAjanripubale kAlavatprachariShyati .. 21..\\
etasya yodhA rAjendra vichitrakavachAyudhAH . 
vichariShyanti sa~NgrAme nighnantaH shAtravA.nstava .. 22..\\
vR^iShaseno rathAgryaste karNa putro mahArathaH . 
pradhakShyati ripUNA.n te balAni balinA.n varaH .. 23..\\
jalasandho mahAtejA rAjanrathavarastava . 
tyakShyate samare prANAnmAgadhaH paravIrahA .. 24..\\
eSha yotsyati sa~NgrAme gajaskandhavishAradaH . 
rathena vA mahAbAhuH kShapaya~nshatruvAhinIm .. 25..\\
ratha eSha mahArAja mato mama nararShabhaH . 
tvadarthe tyakShyati prANAnsaha sainyo mahAraNe .. 26..\\
eSha vikrAntayodhI cha chitrayodhI cha sa~Ngare . 
vItabhIshchApi te rAja~nshAtravaiH saha yotsyate .. 27..\\
bAhlIko.atirathashchaiva samare chAnivartitA . 
mama rAjanmato yuddhe shUro vaivasvatopamaH .. 28..\\
na hyeSha samaraM prApya nivarteta katha.n chana . 
yathA satatago rAjannAbhihatya parAnraNe .. 29..\\
senApatirmahArAja satyavA.nste mahArathaH . 
raNeShvadbhutakarmA cha rathaH pararathArujaH .. 30..\\
etasya samara.n dR^iShTvA na vyathAsti kathaM chana . 
utsmayannabhyupaityeSha parAnrathapathe sthitAn .. 31..\\
eSha chAriShu vikrAntaH karma satpuruShochitam . 
kartA vimarde sumahattvadarthe puruShottamaH .. 32..\\
alAyudho rAkShasendraH krUrakarmA mahAbalaH . 
haniShyati parAnrAjanpUrvavairamanusmaran .. 33..\\
eSha rAkShasasainyAnA.n sarveShAM rathasattamaH . 
mAyAvI dR^iDhavairashcha samare vichariShyati .. 34..\\
prAgjyotiShAdhipo vIro bhagadattaH pratApavAn . 
gajA~Nkusha dharashreShTho rathe chaiva vishAradaH .. 35..\\
etena yuddhamabhavatpurA gANDIvadhanvanaH . 
divasAnsubahUnrAjannubhayorjaya gR^iddhinoH .. 36..\\
tataH sakhAya.n gAndhAre mAnayanpAkashAsanam . 
akarotsa.nvida.n tena pANDavena mahAtmanA .. 37..\\
eSha yotsyati sa~NgrAme gajaskandhavishAradaH . 
airAvata gato rAjA devAnAmiva vAsavaH .. 38..\\
\medskip\hrule\medskip\centerline{\Largedvng 165}
 bhiisma

achalo vR^iShakashchaiva bhrAtarau sahitAvubhau . 
rathau tava durAdharShau shatrUnvidhva.nsayiShyataH .. 1..\\
balavantau naravyAghrau dR^iDhakrodhau prahAriNau . 
gAndhAramukhyau taruNau darshanIyau mahAbalau .. 2..\\
sakhA te dayito nitya.n ya eSha raNakarkashaH . 
protsAhayati rAja.nstvA.n vigrahe pANDavaiH saha .. 3..\\
paruShaH katthano nIchaH karNo vaikartanastava . 
mantrI netA cha bandhushcha mAnI chAtyantamuchchhritaH .. 4..\\
eSha naiva rathaH pUrNo nApyevAtiratho nR^ipa . 
viyuktaH kavachenaiSha sahajena vichetanaH . 
kuNDalAbhyA.n cha divyAbhyA.n viyuktaH satataM dhR^iNI .. 5..\\
abhishApAchcha rAmasya brAhmaNasya cha bhAShaNAt . 
karaNAnA.n viyogAchcha tena me.ardharatho mataH . 
naiSha phalgunamAsAdya punarjIvanvimokShyate .. 6..\\

 s

tato.abravInmahAbAhurdroNaH shastrabhR^itA.n varaH . 
evametadyathAttha tvaM na mithyAstIti ki.n chana .. 7..\\
raNe raNe.atimAnI cha vimukhashchaiva dR^ishyate . 
ghR^iNI karNaH pramAdI cha tena me.ardharatho mataH .. 8..\\
etachchhrutvA tu rAdheyaH krodhAdutphullalochanaH . 
uvAcha bhIShma.n rAjendra tudanvAgbhiH pratodavat .. 9..\\
pitAmaha yatheShTaM mA.n vAksharairupakR^intasi . 
anAgasa.n sadA dveShAdevameva pade pade . 
marShayAmi cha tatsarva.n duryodhanakR^itena vai .. 10..\\
tva.n tu mAM manyase.ashakta.n yathA pApuruShaM tathA . 
bhavAnardharatho mahyaM mato nAstyatra saMshayaH .. 11..\\
sarvasya jagatashchaiva gA~Ngeya na mR^iShA vade . 
kurUNAmahito nityaM na cha rAjAvabudhyate .. 12..\\
ko hi nAma samAneShu rAjasUdAtta karmasu . 
tejovadhamima.n kuryAdvibhedayiShurAhave . 
yathA tva.n guNanirdeshAdaparAdhaM chikIrShasi .. 13..\\
na hAyanairna palitairna vittairna cha bandhubhiH . 
mahArathatva.n sa~NkhyAtuM shakya.n kShatrasya kaurava .. 14..\\
balajyeShTha.n smR^ita.n kShatraM mantrajyeShThA dvijAtayaH . 
dhanajyeShThAH smR^itA vaishyAH shUdrAstu vayasAdhikAH .. 15..\\
yathechchhaka.n svaya.n grAhAdrathAnatirathA.nstathA . 
kAmadveShasamAyukto mohAtprakurute bhavAn .. 16..\\
duryodhana mahAbAho sAdhu samyagavekShyatAm . 
tyajyatA.n duShTabhAvo.ayaM bhIShmaH kilbiShakR^ittava .. 17..\\
bhinnA hi senA nR^ipate duHsandheyA bhavatyuta . 
mailApi puruShavyAghra kimu nAnA samutthitA .. 18..\\
eShA.n dvaidha.n samutpannaM yodhAnAM yudhi bhArata . 
tejovadho naH kriyate pratyakSheNa visheShataH .. 19..\\
rathAnA.n kva cha viGYAnaM kva cha bhIShmo.alpachetanaH . 
ahamAvArayiShyAmi pANDavAnAmanIkinIm .. 20..\\
AsAdya mAmamogheShu.n gamiShyanti disho dasha . 
pANDavAH saha pa~nchAlAH shArdUla.n vR^iShabhA iva .. 21..\\
kva cha yuddhavimardo vA mantrAH suvyAhR^itAni vA . 
kva cha bhIShmo gatavayA mandAtmA kAlamohitaH .. 22..\\
spardhate hi sadA nitya.n sarveNa jagatA saha . 
na chAnyaM puruSha.n kaM chinmanyate moghadarshanaH .. 23..\\
shrotavya.n khalu vR^iddhAnAmiti shAstranidarshanam . 
na tvevApyativR^iddhAnAM punarbAlA hi te matAH .. 24..\\
ahameko haniShyAmi pANDavAnnAtra saMshayaH . 
suyuddhe rAjashArdUla yasho bhIShma.n gamiShyati .. 25..\\
kR^itaH senApatistveSha tvayA bhIShmo narAdhipa . 
senApati.n guNo gantA na tu yodhAnkathaM chana .. 26..\\
nAha.n jIvati gA~Ngeye yotsye rAjankathaM chana . 
hate tu bhIShme yodhAsmi sarvaireva mahArathaiH .. 27..\\
\medskip\hrule\medskip\centerline{\Largedvng 166}
 bhiisma

samudyato.ayaM bhAro me sumahAnsAgaropamaH . 
dhArtarAShTrasya sa~NgrAme varShapUgAbhichintitaH .. 1..\\
tasminnabhyAgate kAle pratapte lomaharShaNe . 
mitho bhedo na me kAryastena jIvasi sUtaja .. 2..\\
na hyahaM nAdya vikramya sthaviro.api shishostava . 
yuddhashraddhA.n raNe chhindyA.n jIvitasya cha sUtaja .. 3..\\
jAmadagnyena rAmeNa mahAstrANi pramu~nchatA . 
na me vyathAbhavatkA chittva.n tu me kiM kariShyasi .. 4..\\
kAmaM naitatprasha.nsanti santo.a.atmabalasa.nstavam . 
vakShyAmi tu tvA.n santapto nihIna kulapA.nsana .. 5..\\
sametaM pArthiva.n kShatraM kAshirAGYaH svaya.nvare . 
nirjityaika rathenaiva yatkanyAstarasA hR^itAH .. 6..\\
IdR^ishAnA.n sahasrANi vishiShTAnAmatho punaH . 
mayaikena nirastAni sasainyAni raNAjire .. 7..\\
tvAM prApya vairapuruSha.n kurUNAmanayo mahAn . 
upasthito vinAshAya yatasva puruSho bhava .. 8..\\
yudhyasva pArtha.n samare yena vispardhase saha . 
drakShyAmi tvA.n vinirmuktamasmAdyuddhAtsudurmate .. 9..\\
tamuvAcha tato rAjA dhArtarAShTro mahAmanAH . 
mAmavekShasva gA~Ngeya kArya.n hi mahadudyatam .. 10..\\
chintyatAmidamevAgre mama niHshreyasaM param . 
ubhAvapi bhavantau me mahatkarma kariShyataH .. 11..\\
bhUyashcha shrotumichchhAmi pareShA.n rathasattamAn . 
ye chaivAtirathAstatra tathaiva rathayUthapAH .. 12..\\
balAbalamamitrANA.n shrotumichchhAmi kaurava . 
prabhAtAyA.n rajanyAM vai idaM yuddhaM bhaviShyati .. 13..\\
ete rathAste sa~NkhyAtAstathaivAtirathA nR^ipa . 
ya chApyardharathA rAjanpANDavAnAmataH shR^iNu .. 14..\\
yadi kautUhala.n te.adya pANDavAnAM bale nR^ipa . 
rathasa~NkhyAM mahAbAho sahaibhirvasudhAdhipaiH .. 15..\\
svaya.n rAjA rathodAraH pANDavaH kuntinandanaH . 
agnivatsamare tAta chariShyati na saMshayaH .. 16..\\
bhImasenastu rAjendra ratho.aShTa guNasaMmitaH . 
nAgAyuta balo mAnI tejasA na sa mAnuShaH .. 17..\\
mAdrIputrau tu rathinau dvAveva puruSharShabhau . 
ashvinAviva rUpeNa tejasA cha samanvitau .. 18..\\
ete chamUmukhagatAH smarantaH kleshamAtmanaH . 
rudravatprachariShyanti tatra me nAsti saMshayaH .. 19..\\
sarva eva mahAtmAnaH shAlaskandhA ivodgatAH . 
prAdeshenAdhikAH pumbhiranyaiste cha pramANataH .. 20..\\
si.nhasa.nhananAH sarve pANDuputrA mahAbalAH . 
charitabrahma charyAshcha sarve chAtitapasvinaH .. 21..\\
hrImantaH puruShavyAghrA vyAghrA iva balotkaTAH . 
jave prahAre saMmarde sarva evAtimAnuShAH . 
sarve jitamahIpAlA digjaye bharatarShabha .. 22..\\
na chaiShAM puruShAH ke chidAyudhAni gadAH sharAn . 
viShahanti sadA kartumadhijyAnyapi kaurava . 
udyantu.n vA gadA.n gurvIM sharAnvApi prakarShitum .. 23..\\
jave lakShyasya haraNe bhojye pA.nsuvikarShaNe . 
balairapi bhavantastaiH sarva eva visheShitAH .. 24..\\
te te sainya.n samAsAdya vyAghrA iva balotkaTAH . 
vidhva.nsayiShyanti raNe mA sma taiH saha sa~NgamaH .. 25..\\
ekaikashaste sa~NgrAme hanyuH sarvAnmahIkShitaH . 
pratyakSha.n tava rAjendra rAjasUye yathAbhavat .. 26..\\
draupadyAshcha pariklesha.n dyUte cha paruShA giraH . 
te sa.nsmarantaH sa~NgrAme vichariShyanti kAlavat .. 27..\\
lohitAkSho guDA kesho nArAyaNa sahAyavAn . 
ubhayoH senayorvIra ratho nAstIha tAdR^ishaH .. 28..\\
na hi deveShu vA pUrva.n dAnaveShUrageShu vA . 
rAkShaseShvatha yakSheShu nareShu kuta eva tu .. 29..\\
bhUto.atha va bhaviShyo vA rathaH kashchinmayA shrutaH . 
samAyukto mahArAja yathA pArthasya dhImataH .. 30..\\
vAsudevashcha sa.nyantA yodhA chaiva dhana~njayaH . 
gANDIva.n cha dhanurdivyaM te chAshvA vAtara.nhasaH .. 31..\\
abhedya.n kavachaM divyamakShayyau cha maheShudhI . 
astragrAmashcha mAhendro raudraH kaubera eva cha .. 32..\\
yAmyashcha vAruNashchaiva gadAshchograpradarshanAH . 
vajrAdIni cha mukhyAni nAnApraharaNAni vai .. 33..\\
dAnavAnA.n sahasrANi hiraNyapuravAsinAm . 
hatAnyekarathenAjau kastasya sadR^isho rathaH .. 34..\\
eSha hanyAddhi sa.nrambhI balavAnsatyavikramaH . 
tava senAM mahAbAhuH svA.n chaiva paripAlayan .. 35..\\
aha.n chainaM patyudiyAmAchAryo vA dhana~njayam . 
na tR^itIyo.asti rAjendra senayorubhayorapi . 
ya ena.n sharavarShANi varShantamudiyAdrathI .. 36..\\
jImUta iva gharmAnte mahAvAtasamIritaH . 
samAyuktastu kaunteyo vAsudevasahAyavAn . 
taruNashcha kR^itI chaiva jIrNAvAvAmubhAvapi .. 37..\\
etachchhrutvA tu bhIShmasya rAGYA.n dadhva.nsire tadA . 
kA~nchanA~NgadinaH pInA bhujAshchandanarUShitAH .. 38..\\
manobhiH saha sAvegaiH sa.nsmR^itya cha purAtanam . 
sAmarthyaM pANDaveyAnA.n yathA pratyakShadarshanAt .. 39..\\
\medskip\hrule\medskip\centerline{\Largedvng 167}
 bhiisma

draupadeyA mahArAja sarve pa~ncha mahArathAH . 
vairATiruttarashchaiva ratho mama mahAnmataH .. 1..\\
abhimanyurmahArAja rathayUthapa yUthapaH . 
samaH pArthena samare vAsudevena vA bhavet .. 2..\\
laghvastrashchitrayodhI cha manasvI dR^iDhavikramaH . 
sa.nsmaranvai pariklesha.n svapiturvikramiShyati .. 3..\\
sAtyakirmAdhavaH shUro rathayUthapa yUthapaH . 
eSha vR^iShNipravIrANAmamarShI jitasAdhvasaH .. 4..\\
uttamaujAstathA rAjanratho mama mahAnmataH . 
yudhAmanyushcha vikrAnto rathodAro nararShabhaH .. 5..\\
eteShAM bahusAhasrA rathA nAgA hayAstathA . 
yotsyante te tanu.n tyaktvA kuntIputra priyepsayA .. 6..\\
pANDavaiH saha rAjendra tava senAsu bhArata . 
agnimArutavadrAjannAhvayantaH parasparam .. 7..\\
ajeyau samare vR^iddhau virATadrupadAvubhau . 
mahArathau mahAvIryau matau me puruSharShabhau .. 8..\\
vayovR^iddhAvapi tu tau kShatradharmaparAyaNau . 
yatiShyete para.n shaktyA sthitau vIra gate pathi .. 9..\\
sambandhakena rAjendra tau tu vIryabalAnvayAt . 
Arya vR^ittau maheShvAsau snehapAshasitAvubhau .. 10..\\
kAraNaM prApya tu narAH sarva eva mahAbhujAH . 
shUrA vA kAtarA vApi bhavanti narapu~Ngava .. 11..\\
ekAyanagatAvetau pArthena dR^iDhabhaktikau . 
tyaktvA prANAnpara.n shaktyA ghaTitArau narAdhipa .. 12..\\
pR^ithagakShauhiNIbhyA.n tAvubhau sa.nyati dAruNau . 
sambandhibhAva.n rakShantau mahatkarma kariShyataH .. 13..\\
lokavIrau maheShvAsau tyaktAtmAnau cha bhArata . 
pratyayamparirakShantau mahatkarma kariShyataH .. 14..\\
\medskip\hrule\medskip\centerline{\Largedvng 168}
 bhiisma

pA~nchAlarAjasya suto rAjanparapura~njayaH . 
shikhaNDI rathamukhyo me mataH pArthasya bhArata .. 1..\\
eSha yotsyati sa~NgrAme nAshayanpUrvasa.nsthitim . 
para.n yasho viprathaya.nstava senAsu bhArata .. 2..\\
etasya bahulAH senAH pA~nchAlAshcha prabhadrakAH . 
tenAsau rathavaMshena mahatkarma kariShyati .. 3..\\
dhR^iShTadyumnashcha senAnIH sarvasenAsu bhArata . 
mato me.atiratho rAjandroNashiShyo mahArathaH .. 4..\\
eSha yotsyati sa~NgrAme sUdayanvai parAnraNe . 
bhagavAniva sa~NkruddhaH pinAkI yugasa~NkShaye .. 5..\\
etasya tadrathAnIka.n kathayanti raNapriyAH . 
bahutvAtsAgaraprakhya.n devAnAmiva sa.nyuge .. 6..\\
kShatradharmA tu rAjendra mato me.ardharatho nR^ipa . 
dhR^iShTadyumnasya tanayo bAlyAnnAtikR^ita shramaH .. 7..\\
shishupAla suto vIrashchedirAjo mahArathaH . 
dhR^iShTaketurmaheShvAsaH sambandhI pANDavasya ha .. 8..\\
eSha chedipatiH shUraH saha putreNa bhArata . 
mahArathenAsukaraM mahatkarma kariShyati .. 9..\\
kShatradharmarato mahyaM mataH parapura~njayaH . 
kShatradevastu rAjendra pANDaveShu rathottamaH . 
jayantashchAmitaujAshcha satyajichcha mahArathaH .. 10..\\
mahArathA mahAtmAnaH sarve pA~nchAla sattamAH . 
yotsyante samare tAta sa.nrabdhA iva ku~njarAH .. 11..\\
ajo bhojashcha vikrAntau pANDaveShu mahArathau . 
pANDavAnA.n sahAyArthe paraM shakthyA yatiShyataH . 
shIghrAstrau chitrayoddhArau kR^itinau dR^iDhavikramau .. 12..\\
kekayAH pa~ncha rAjendra bhrAtaro yuddhadurmadAH . 
sarva ete rathodArAH sarve lohitaka dhvajAH .. 13..\\
kAshikaH sukumArashcha nIlo yashchAparo nR^ipaH . 
sUryadattashcha sha~Nkhashcha madirAshvashcha nAmataH .. 14..\\
sarva ete rathodArAH sarve chAhavalakShaNAH . 
sarvAstraviduShaH sarve mahAtmAno matA mama .. 15..\\
vArdhakShemirmahArAja ratho mama mahAnmataH . 
chitrAyudhashcha nR^ipatirmato me rathasattamaH . 
sa hi sa~NgrAmashobhI cha bhaktashchApi kirITinaH .. 16..\\
chekitAnaH satyadhR^itiH pANDavAnAM mahArathau . 
dvAvimau puruShavyAghau rathodArau matau mama .. 17..\\
vyAghradattashcha rAjendra chandra senashcha bhArata . 
matau mama rathodArau pANDavAnAM na saMshayaH .. 18..\\
senA bindushcha rAjendra krodhahantA cha nAmataH . 
yaH samo vAsudevena bhImasenena chAbhibhUH . 
sa yotsyatIha vikramya samare tava sainikaiH .. 19..\\
mA.n droNaM cha kR^ipaM chaiva yathA saMmanyate bhavAn . 
tathA sa samarashlAghI mantavyo rathasattamaH .. 20..\\
kAshyaH paramashIghrAstraH shlAghanIyo rathottamaH . 
ratha ekaguNo mahyaM mataH parapura~njayaH .. 21..\\
aya.n cha yudhi vikrAnto mantavyo.aShTa guNo rathaH . 
satyajitsamarashlAghI drupadasyAtmajo yuvA .. 22..\\
gataH so.atirathatva.n hi dhR^iShTadyumnena saMmitaH . 
pANDavAnA.n yashaH kAmaH para.n karma kariShyati .. 23..\\
anuraktashcha shUrashcha ratho.ayamaparo mahAn . 
pANDya rAjo mahAvIryaH pANDavAnA.n dhurandharaH .. 24..\\
dR^iDhadhanvA maheShvAsaH pANDavAnA.n rathottamaH . 
shreNimAnkauravashreShTha vasu dAnashcha pArthivaH . 
ubhAvetAvatirathau matau mama parantapa .. 25..\\
\medskip\hrule\medskip\centerline{\Largedvng 169}
 bhiisma

rochamAno mahArAja pANDavAnAM mahArathaH . 
yotsyate.amaravatsa~Nkhye parasainyeShu bhArata .. 1..\\
purujitkuntibhojashcha maheShvAso mahAbalaH . 
mAtulo bhImasenasya sa cha me.atiratho mataH .. 2..\\
eSha vIro maheShvAsaH kR^itI cha nipuNash cha ha . 
chitrayodhI cha shaktashcha mato me rathapu~NgavaH .. 3..\\
sa yotsyati hi vikramya maghavAniva dAnavaiH . 
yodhAshchAsya parikhyAtAH sarve yuddhavishAradAH .. 4..\\
bhAgineya kR^ite vIraH sa kariShyati sa~Ngare . 
sumahatkarma pANDUnA.n sthitaH priyahite nR^ipaH .. 5..\\
bhaimasenirmahArAja haiDimbo rAkShaseshvaraH . 
mato me bahu mAyAvI rathayUthapa yUthapaH .. 6..\\
yotsyate samare tAta mAyAbhiH samarapriyaH . 
ye chAsya rAkShasAH shUrAH sachivA vashavartinaH .. 7..\\
ete chAnye cha bahavo nAnAjanapadeshvarAH . 
sametAH pANDavasyArthe vAsudeva purogamAH .. 8..\\
ete prAdhAnyato rAjanpANDavasya mahAtmanaH . 
rathAshchAtirathAshchaiva ye chApyardharathA matAH .. 9..\\
neShyanti samare senAM bhImA.n yaudhiShThirIM nR^ipa . 
mahendreNeva vIreNa pAlyamAnA.n kirITinA .. 10..\\
tairaha.n samare vIra tvAmAyadbhirjayaiShibhiH . 
yotsyAmi jayamAkA~NkShannatha vA nidhana.n raNe .. 11..\\
pArtha.n cha vAsudevaM cha chakragANDIvadhAriNau . 
sandhyAgatAvivArkendU sameShye puruShottamau .. 12..\\
ye chaiva te rathodArAH pANDuputrasya sainikAH . 
saha sainyAnaha.n tAMshcha pratIyA.n raNamUrdhani .. 13..\\
ete rathAshchAtirathAshcha tubhyaM 
yathA pradhAnaM nR^ipa kIrtitA mayA . 
tathA rAjannardharathAsh cha ke chit 
tathaiva teShAm api kauravendra .. 14..\\
arjuna.n vAsudeva.n cha ye chAnye tatra pArthivAH . 
sarvAnAvArayiShyAmi yAvaddrakShyAmi bhArata .. 15..\\
pA~nchAlya.n tu mahAbAho nAha.n hanyAM shikhaNDinam . 
udyateShumabhiprekShya pratiyudhyantamAhave .. 16..\\
lokastadveda yadahaM pituH priyachikIrShayA . 
prApta.n rAjyaM parityajya brahmacharye dhR^itavrataH .. 17..\\
chitrA~Ngada.n kauravANAmaha.n rAjye.abhyaShechayam . 
vichitravIrya.n cha shishu.n yauvarAjye.abhyaShechayam .. 18..\\
devavratatva.n vikhyApya pR^ithivyAM sarvarAjasu . 
naiva hanyA.n striya.n jAtu na strIpUrvaM kathaM chana .. 19..\\
sa hi strIpUrvako rAja~nshikhaNDI yadi te shrutaH . 
kanyA bhUtvA pumA~njAto na yotsye tena bhArata .. 20..\\
sarvA.nstvanyAnhaniShyAmi pArthivAnbharatarShabha . 
yAnsameShyAmi samare na tu kuntIsutAnnR^ipa .. 21..\\
\medskip\hrule\medskip\centerline{\Largedvng 170}
 duryodhana uvAcha

kimarthaM bharatashreShTha na hanyAstva.n shikhaNDinam . 
udyateShumatho dR^iShTvA samareShvAtatAyinam .. 1..\\
pUrvamuktvA mahAbAho pANDavAnsaha somakaiH . 
vadhiShyAmIti gA~Ngeya tanme brUhi pitAmaha .. 2..\\

 bhIShma uvAcha

shR^iNu duryodhana kathA.n sahaibhirvasudhAdhipaiH . 
yadartha.n yudhi samprekShya nAhaM hanyAM shikhaNDinam .. 3..\\
mahArAjo mama pitA shantanurbharatarShabhaH . 
diShTAntaM prApa dharmAtmA samaye puruSharShabha .. 4..\\
tato.ahaM bharatashreShTha pratiGYAM paripAlayan . 
chitrA~NgadaM bhrAtara.n vai mahArAjye.abhyaShechayam .. 5..\\
tasmiMshcha nidhanaM prApte satyavatyA mate sthitaH . 
vichitravIrya.n rAjAnamabhyaShi~nchaM yathAvidhi .. 6..\\
mayAbhiShikto rAjendra yavIyAnapi dharmataH . 
vichitravIryo dharmAtmA mAmeva samudaikShata .. 7..\\
tasya dArakriyA.n tAta chikIrShurahamapyuta . 
anurUpAdiva kulAditi chintya mano dadhe .. 8..\\
tathAshrauShaM mahAbAho tisraH kanyAH svaya.nvare . 
rUpeNApratimAH sarvAH kAshirAjasutAstadA . 
ambA chaivAmbikA chaiva tathaivAmbAlikAparA .. 9..\\
rAjAnashcha samAhUtAH pR^ithivyAM bharatarShabha . 
ambA jyeShThAbhavattAsAmambikA tvatha madhyamA . 
ambAlikA cha rAjendra rAjakanyA yavIyasI .. 10..\\
so.ahamekarathenaiva gataH kAshipateH purIm . 
apashya.n tA mahAbAho tisraH kanyAH svala~NkR^itAH . 
rAGYashchaiva samAvR^ittAnpArthivAnpR^ithivIpate .. 11..\\
tato.aha.n tAnnR^ipAnsarvAnAhUya samare sthitAn . 
rathamAropayA.n chakre kanyAstA bharatarShabha .. 12..\\
vIryashulkAshcha tA GYAtvA samAropya ratha.n tadA . 
avochaM pArthivAnsarvAnaha.n tatra samAgatAn . 
bhIShmaH shAntanavaH kanyA haratIti punaH punaH .. 13..\\
te yatadhvaM para.n shaktyA sarve mokShAya pArthivAH . 
prasahya hi nayAmyeSha miShatA.n vo narAdhipAH .. 14..\\
tataste pR^ithivIpAlAH samutpeturudAyudhAH . 
yogo yoga iti kruddhAH sArathIMshchApyachodayan .. 15..\\
te rathairmeghasa~NkAshairgajaishcha gajayodhinaH . 
pR^iShThyaishchAshvairmahIpAlAH samutpeturudAyudhAH .. 16..\\
tataste mAM mahIpAlAH sarva eva vishAM pate . 
rathavrAtena mahatA sarvataH paryavArayan .. 17..\\
tAnaha.n sharavarSheNa mahatA pratyavArayam . 
sarvAnnR^ipAMshchApyajaya.n devarADiva dAnavAn .. 18..\\
teShAmAtapatA.n chitrAndhvajAnhemapariShkR^itAn . 
ekaikena hi bANena bhUmau pAtitavAnaham .. 19..\\
hayAMshchaiShA.n gajAMshchaiva sArathIMshchApyaha.n raNe . 
apAtaya.n sharairdIptaiH prahasanpuruSharShabha .. 20..\\
te nivR^ittAshcha bhagnAshcha dR^iShTvA tallAghavaM mama . 
athAha.n hAstinapuramAyA.n jitvA mahIkShitaH .. 21..\\
ato.aha.n tAshcha kanyA vai bhrAturarthAya bhArata . 
tachcha karma mahAbAho satyavatyai nyavedayam .. 22..\\
\medskip\hrule\medskip\centerline{\Largedvng 171}
 bhIShma uvAcha

tato.ahaM bharatashreShTha mAtara.n vIramAtaram . 
abhigamyopasa~NgR^ihya dAsheyIm idamabruvam .. 1..\\
imAH kAshipateH kanyA mayA nirjitya pArthivAn . 
vichitravIryasya kR^ite vIryashulkA upArjitAH .. 2..\\
tato mUrdhanyupAghrAya paryashrunayanA nR^ipa . 
Aha satyavatI hR^iShTA diShTyA putra jita.n tvayA .. 3..\\
satyavatyAstvanumate vivAhe samupasthite . 
uvAcha vAkya.n savrIDA jyeShThA kAshipateH sutA .. 4..\\
bhIShma tvamasi dharmaGYaH sarvashAstravishAradaH . 
shrutvA cha dharmya.n vachanaM mahya.n kartumihArhasi .. 5..\\
mayA shAlvapatiH pUrvaM manasAbhivR^ito varaH . 
tena chAsmi vR^itA pUrva.n rahasyavidite pituH .. 6..\\
kathaM mAmanyakAmA.n tva.n rAja~nshAstramadhItya vai . 
vAsayethA gR^ihe bhIShma kauravaH sanvisheShataH .. 7..\\
etadbuddhyA vinishchitya manasA bharatarShabha . 
yatkShama.n te mahAbAho tadihArabdhumarhasi .. 8..\\
sa mAM pratIkShate vyakta.n shAlvarAjo vishAM pate . 
kR^ipA.n kuru mahAbAho mayi dharmabhR^itA.n vara . 
tva.n hi satyavrato vIra pR^ithivyAmiti naH shrutam .. 9..\\
\medskip\hrule\medskip\centerline{\Largedvng 172}
 bhIShma uvAcha

tato.aha.n samanuGYApya kAlIM satyavatI.n tadA . 
mantriNashcha dvijAMshchaiva tathaiva cha purohitAn . 
samanuGYAsiSha.n kanyAM jyeShThAmambAM narAdhipa .. 1..\\
anuGYAtA yayau sA tu kanyA shAlvapateH puram . 
vR^iddhairdvijAtibhirguptA dhAtryA chAnugatA tadA . 
atItya cha tamadhvAnamAsasAda narAdhipam .. 2..\\
sA tamAsAdya rAjAna.n shAlvaM vachanamabravIt . 
AgatAhaM mahAbAho tvAmuddishya mahAdyute .. 3..\\
tAmabravIchchhAlvapatiH smayanniva vishAM pate . 
tvayAnyapUrvayA nAhaM bhAryArthI varavarNini .. 4..\\
gachchha bhadre punastatra sakAshaM bhAratasya vai . 
nAhamichchhAmi bhIShmeNa gR^ihItA.n tvAM prasahya vai .. 5..\\
tva.n hi nirjitya bhIShmeNa nItA prItimatI tadA . 
parAmR^ishya mahAyuddhe nirjitya pR^ithivIpatIn . 
nAha.n tvayyanyapUrvAyAM bhAryArthI varavarNini .. 6..\\
kathamasmadvidho rAjA parapUrvAM praveshayet . 
nArI.n viditaviGYAnaH pareShA.n dharmamAdishan . 
yatheShTa.n gamyatAM bhadre mA te kAlo.atyagAdayam .. 7..\\
ambA tamabravIdrAjannana~NgasharapIDitA . 
maiva.n vada mahIpAla naitadeva.n kathaM chana .. 8..\\
nAsmi prItimatI nItA bhIShmeNAmitrakarshana . 
balAnnItAsmi rudatI vidrAvya pR^ithivIpatIn .. 9..\\
bhajasva mA.n shAlvapate bhaktAM bAlAmanAgasam . 
bhaktAnA.n hi parityAgo na dharmeShu prashasyate .. 10..\\
sAhamAmantrya gA~Ngeya.n samareShvanivartinam . 
anuGYAtA cha tenaiva tavaiva gR^ihamAgatA .. 11..\\
na sa bhIShmo mahAbAhurmAmichchhati vishAM pate . 
bhrAtR^ihetoH samArambho bhIShmasyeti shrutaM mayA .. 12..\\
bhaginyau mama ye nIte ambikAmbAlike nR^ipa . 
prAdAdvichitravIryAya gA~Ngeyo hi yavIyase .. 13..\\
yathA shAlvapate nAnyaM nara.n dhyAmi kathaM chana . 
tvAmR^ite puruShavyAghra tathA mUrdhAnamAlabhe .. 14..\\
na chAnyapUrvA rAjendra tvAmaha.n samupasthitA . 
satyaM bravImi shAlvaitatsatyenAtmAnamAlabhe .. 15..\\
bhajasva mA.n vishAlAkSha svaya.n kanyAmupasthitAm . 
ananyapUrvA.n rAjendra tvatprasAdAbhikA~NkShiNIm .. 16..\\
tAmevaM bhAShamANA.n tu shAlvaH kAshipateH sutAm . 
atyajadbharatashreShTha tvacha.n jIrNAmivoragaH .. 17..\\
evaM bahuvidhairvAkyairyAchyamAnastayAnagha . 
nAshraddadhachchhAlvapatiH kanyAyA bharatarShabha .. 18..\\
tataH sA manyunAviShTA jyeShThA kAshipateH sutA . 
abravItsAshrunayanA bAShpavihvalayA girA .. 19..\\
tvayA tyaktA gamiShyAmi yatra yatra vishAM pate . 
tatra me santu gatayaH santaH satya.n yathAbruvam .. 20..\\
eva.n sambhAShamANA.n tu nR^isha.nsaH shAlvarATtadA . 
paryatyajata kauravya karuNaM paridevatIm .. 21..\\
gachchha gachchheti tA.n shAlvaH punaH punarabhAShata . 
bibhemi bhIShmAtsushroNi ta.n cha bhIShmaparigrahaH .. 22..\\
evamuktA tu sA tena shAlvenAdIrghadarshinA . 
nishchakrAma purAddInA rudatI kurarI yathA .. 23..\\
\medskip\hrule\medskip\centerline{\Largedvng 173}
 bhIShma uvAcha

sA niShkramantI nagarAchchintayAmAsa bhArata . 
pR^ithivyAM nAsti yuvatirviShamasthatarA mayA . 
bAndhavairviprahInAsmi shAlvena cha nirAkR^itA .. 1..\\
na cha shakyaM punargantuM mayA vAraNasAhvayam . 
anuGYAtAsmi bhIShmeNa shAlvamuddishya kAraNam .. 2..\\
kiM nu garhAmyathAtmAnamatha bhIShma.n durAsadam . 
AhosvitpitaraM mUDha.n yo me.akArShItsvaya.nvaram .. 3..\\
mamAya.n svakR^ito doSho yAhaM bhIShmarathAttadA . 
pravR^itte vaishase yuddhe shAlvArthaM nApataM purA . 
tasyeyaM phalanirvR^ittiryadApannAsmi mUDhavat .. 4..\\
dhigbhIShma.n dhikcha me mandaM pitaraM mUDhachetasam . 
yenAha.n vIryashulkena paNyastrIvatpraveritA .. 5..\\
dhi~NmA.n dhikshAlvarAjAnaM dhigdhAtAramathApi cha . 
yeShA.n durnItabhAvena prAptAsmyApadamuttamAm .. 6..\\
sarvathA bhAgadheyAni svAni prApnoti mAnavaH . 
anayasyAsya tu mukhaM bhIShmaH shAntanavo mama .. 7..\\
sA bhIShme pratikartavyamahaM pashyAmi sAmpratam . 
tapasA vA yudhA vApi duHkhahetuH sa me mataH . 
ko nu bhIShma.n yudhA jetumutsaheta mahIpatiH .. 8..\\
eva.n sA parinishchitya jagAma nagarAdbahiH . 
AshramaM puNyashIlAnA.n tApasAnAM mahAtmanAm . 
tatastAmavasadrAtri.n tApasaiH parivAritA .. 9..\\
Achakhyau cha yathAvR^itta.n sarvamAtmani bhArata . 
vistareNa mahAbAho nikhilena shuchismitA . 
haraNa.n cha visargaM cha shAlvena cha visarjanam .. 10..\\
tatastatra mahAnAsIdbrAhmaNaH saMshitavrataH . 
shaikhAvatyastapovR^iddhaH shAstre chAraNyake guruH .. 11..\\
ArtA.n tAmAha sa muniH shaikhAvatyo mahAtapAH . 
niHshvasantI.n satIM bAlA.n duHkhashokaparAyaNAm .. 12..\\
eva~Ngate kiM nu bhadre shakya.n kartuM tapasvibhiH . 
AshramasthairmahAbhAgaistaponityairmahAtmabhiH .. 13..\\
sA tvenamabravIdrAjankriyatAM madanugrahaH . 
pravrAjitumihechchhAmi tapastapsyAmi dushcharam .. 14..\\
mayaivaitAni karmANi pUrvadeheShu mUDhayA . 
kR^itAni nUnaM pApAni teShAmetatphala.n dhruvam .. 15..\\
notsaheyaM punargantu.n svajanaM prati tApasAH . 
pratyAkhyAtA nirAnandA shAlvena cha nirAkR^itA .. 16..\\
upadiShTamihechchhAmi tApasya.n vItakalmaShAH . 
yuShmAbhirdevasa~NkAshAH kR^ipA bhavatu vo mayi .. 17..\\
sa tAmAshvAsayatkanyA.n dR^iShTAntAgamahetubhiH . 
sAntvayAmAsa kArya.n cha pratijaGYe dvijaiH saha .. 18..\\
\medskip\hrule\medskip\centerline{\Largedvng 174}
 bhIShma uvAcha

tataste tApasAH sarve kAryavanto.abhava.nstadA . 
tA.n kanyAM chintayanto vai kiM kAryamiti dharmiNaH .. 1..\\
ke chidAhuH piturveshma nIyatAmiti tApasAH . 
ke chidasmadupAlambhe mati.n chakrurdvijottamAH .. 2..\\
ke chichchhAlvapati.n gatvA niyojyamiti menire . 
neti ke chidvyavasyanti pratyAkhyAtA hi tena sA .. 3..\\
eva~Ngate kiM nu shakyaM bhadre kartuM manIShibhiH . 
punarUchushcha te sarve tApasAH saMshitavratAH .. 4..\\
alaM pravrajiteneha bhadre shR^iNu hita.n vachaH . 
ito gachchhasva bhadra.n te pitureva niveshanam .. 5..\\
pratipatsyati rAjA sa pitA te yadanantaram . 
tatra vatsyasi kalyANi sukha.n sarvaguNAnvitA . 
na cha te.anyA gatirnyAyyA bhavedbhadre yathA pitA .. 6..\\
patirvApi gatirnAryAH pitA vA varavarNini . 
gatiH patiH samasthAyA viShame tu pitA gatiH .. 7..\\
pravrajyA hi suduHkheya.n sukumAryA visheShataH . 
rAjaputryAH prakR^ityA cha kumAryAstava bhAmini .. 8..\\
bhadre doShA hi vidyante bahavo varavarNini . 
Ashrame vai vasantyAste na bhaveyuH piturgR^ihe .. 9..\\
tatastu te.abruvanvAkyaM brAhmaNAstA.n tapasvinIm . 
tvAmihaikAkinI.n dR^iShTvA nijane gahane vane . 
prArthayiShyanti rAjendrAstasmAnmaivaM manaH kR^ithAH .. 10..\\

 ambovAcha

na shakya.n kAshinagarIM punargantuM piturgR^ihAn . 
avaGYAtA bhaviShyAmi bAndhavAnAM na saMshayaH .. 11..\\
uShitA hyanyathA bAlye piturveshmani tApasAH . 
nAha.n gamiShye bhadra.n vastatra yatra pitA mama . 
tapastaptumabhIpsAmi tApasaiH paripAlitA .. 12..\\
yathA pare.api me loke na syAdevaM mahAtyayaH . 
daurbhAgyaM brAhmaNashreShThAstasmAttapsyAmyaha.n tapaH .. 13..\\

 bhIShma uvAcha

ityeva.n teShu vipreShu chintayatsu tathA tathA . 
rAjarShistadvanaM prAptastapasvI hotravAhanaH .. 14..\\
tataste tApasAH sarve pUjayanti sma taM nR^ipam . 
pUjAbhiH svAgatAdyAbhirAsanenodakena cha .. 15..\\
tasyopaviShTasya tato vishrAntasyopashR^iNvataH . 
punareva kathA.n chakruH kanyAM prati vanaukasaH .. 16..\\
ambAyAstA.n kathA.n shrutvA kAshirAGYashcha bhArata . 
sa vepamAna utthAya mAturasyAH pitA tadA . 
tA.n kanyAma~NgamAropya paryAshvAsayata prabho .. 17..\\
sa tAmapR^ichchhatkArtsnyena vyasanotpattimAditaH . 
sA cha tasmai yathAvR^itta.n vistareNa nyavedayat .. 18..\\
tataH sa rAjarShirabhUdduHkhashokasamanvitaH . 
kArya.n cha pratipede tanmanasA sumahAtapAH .. 19..\\
abravIdvepamAnashcha kanyAmArtA.n suduHkhitaH . 
mA gAH pitR^igR^ihaM bhadre mAtuste janako hyaham .. 20..\\
duHkha.n chhetsyAmi te.aha.n vai mayi vartasva putrike . 
paryApta.n te manaH putri yadevaM parishuShyasi .. 21..\\
gachchha madvachanAdrAma.n jAmadagnyaM tapasvinam . 
rAmastava mahadduHkha.n shoka.n chApanayiShyati . 
haniShyati raNe bhIShmaM na kariShyati chedvachaH .. 22..\\
ta.n gachchha bhArgavashreShThaM kAlAgnisamatejasam . 
pratiShThApayitA sa tvA.n same pathi mahAtapAH .. 23..\\
tatastu sasvaraM bAShpamutsR^ijantI punaH punaH . 
abravItpitaraM mAtuH sA tadA hotravAhanam .. 24..\\
abhivAdayitvA shirasA gamiShye tava shAsanAt . 
api nAmAdya pashyeyamArya.n ta.n lokavishrutam .. 25..\\
katha.n cha tIvraM duHkhaM me haniShyati sa bhArgavaH . 
etadichchhAmyaha.n shrotumatha yAsyAmi tatra vai .. 26..\\
\medskip\hrule\medskip\centerline{\Largedvng 175}
 hotravAhana uvAcha

rAma.n drakShyasi vatse tvaM jAmadagnyaM mahAvane . 
ugre tapasi vartanta.n satyasandhaM mahAbalam .. 1..\\
mahendre vai girishreShThe rAmaM nityamupAsate . 
R^iShayo vedaviduSho gandharvApsarasastathA .. 2..\\
tatra gachchhasva bhadra.n te brUyAshchaina.n vacho mama . 
abhivAdya pUrva.n shirasA tapovR^iddha.n dR^iDhavratam .. 3..\\
brUyAshchainaM punarbhadre yatte kAryaM manIShitam . 
mayi sa~NkIrtite rAmaH sarva.n tatte kariShyati .. 4..\\
mama rAmaH sakhA vatse prItiyuktaH suhR^ichcha me . 
jamadagnisuto vIraH sarvashastrabhR^itA.n varaH .. 5..\\
evaM bruvati kanyA.n tu pArthive hotravAhane . 
akR^itavraNaH prAdurAsIdrAmasyAnucharaH priyaH .. 6..\\
tataste munayaH sarve samuttasthuH sahasrashaH . 
sa cha rAjA vayovR^iddhaH sR^i~njayo hotravAhanaH .. 7..\\
tataH pR^iShTvA yathAnyAyamanyonya.n te vanaukasaH . 
sahitA bharatashreShTha niSheduH parivArya tam .. 8..\\
tataste kathayAmAsuH kathAstAstA manoramAH . 
kAntA divyAshcha rAjendra prItiharShamudA yutAH .. 9..\\
tataH kathAnte rAjarShirmahAtmA hotravAhanaH . 
rAma.n shreShThaM maharShINAmapR^ichchhadakR^itavraNam .. 10..\\
kva samprati mahAbAho jAmadagnyaH pratApavAn . 
akR^itavraNa shakyo vai draShTu.n vedavidAM varaH .. 11..\\

 akR^itavraNa uvAcha

bhavantameva satata.n rAmaH kIrtayati prabho . 
sR^i~njayo me priyasakho rAjarShiriti pArthiva .. 12..\\
iha rAmaH prabhAte shvo bhaviteti matirmama . 
draShTAsyenamihAyAnta.n tava darshanakA~NkShayA .. 13..\\
iya.n cha kanyA rAjarShe kimartha.n vanamAgatA . 
kasya cheya.n tava cha kA bhavatIchchhAmi veditum .. 14..\\

 hotravAhana uvAcha

dauhitrIyaM mama vibho kAshirAjasutA shubhA . 
jyeShThA svaya.nvare tasthau bhaginIbhyA.n sahAnagha .. 15..\\
iyamambeti vikhyAtA jyeShThA kAshipateH sutA . 
ambikAmbAlike tvanye yavIyasyau tapodhana .. 16..\\
sametaM pArthiva.n kShatraM kAshipuryAM tato.abhavat . 
kanyAnimittaM brahmarShe tatrAsIdutsavo mahAn .. 17..\\
tataH kila mahAvIryo bhIShmaH shAntanavo nR^ipAn . 
avAkShipya mahAtejAstisraH kanyA jahAra tAH .. 18..\\
nirjitya pR^ithivIpAlAnatha bhIShmo gajAhvayam . 
AjagAma vishuddhAtmA kanyAbhiH saha bhArata .. 19..\\
satyavatyai nivedyAtha vivAhArthamanantaram . 
bhrAturvichitravIryasya samAGYApayata prabhuH .. 20..\\
tato vaivAhika.n dR^iShTvA kanyeya.n samupArjitam . 
abravIttatra gA~NgeyaM mantrimadhye dvijarShabha .. 21..\\
mayA shAlvapatirvIra manasAbhivR^itaH patiH . 
na mAmarhasi dharmaGYa parachittAM pradApitum .. 22..\\
tachchhrutvA vachanaM bhIShmaH saMmantrya saha mantribhiH . 
nishchitya visasarjemA.n satyavatyA mate sthitaH .. 23..\\
anuGYAtA tu bhIShmeNa shAlva.n saubhapati.n tataH . 
kanyeyaM muditA vipra kAle vachanamabravIt .. 24..\\
visarjitAsmi bhIShmeNa dharmaM mAM pratipAdaya . 
manasAbhivR^itaH pUrvaM mayA tvaM pArthivarShabha .. 25..\\
pratyAchakhyau cha shAlvo.api chAritrasyAbhisha~NkitaH . 
seya.n tapovanaM prAptA tApasye.abhiratA bhR^isham .. 26..\\
mayA cha pratyabhiGYAtA vaMshasya parikIrtanAt . 
asya duHkhasya chotpattiM bhIShmameveha manyate .. 27..\\

 ambovAcha

bhagavannevamevaitadyathAha pR^ithivIpatiH . 
sharIrakartA mAturme sR^i~njayo hotravAhanaH .. 28..\\
na hyutsahe svanagaraM pratiyAtu.n tapodhana . 
avamAnabhayAchchaiva vrIDayA cha mahAmune .. 29..\\
yattu mAM bhagavAnrAmo vakShyati dvijasattama . 
tanme kAryatama.n kAryamiti me bhagavanmatiH .. 30..\\
\medskip\hrule\medskip\centerline{\Largedvng 176}
 akR^itavraNa uvAcha

duHkhadvayamidaM bhadre katarasya chikIrShasi . 
pratikartavyamabale tattva.n vatse bravIhi me .. 1..\\
yadi saubhapatirbhadre niyoktavyo mate tava . 
niyokShyati mahAtmA ta.n rAmastvaddhitakAmyayA .. 2..\\
athApageyaM bhIShma.n ta.n rAmeNechchhasi dhImatA . 
raNe vinirjita.n draShTuM kuryAttadapi bhArgavaH .. 3..\\
sR^i~njayasya vachaH shrutvA tava chaiva shuchismite . 
yadatrAnantara.n kAryaM tadadyaiva vichintyatAm .. 4..\\

 ambovAcha

apanItAsmi bhIShmeNa bhagavannavijAnatA . 
na hi jAnAti me bhIShmo brahma~nshAlvagataM manaH .. 5..\\
etadvichArya manasA bhavAneva vinishchayam . 
vichinotu yathAnyAya.n vidhAna.n kriyatAM tathA .. 6..\\
bhIShme vA kurushArdUle shAlvarAje.atha vA punaH . 
ubhayoreva vA brahmanyadyukta.n tatsamAchara .. 7..\\
niveditaM mayA hyetadduHkhamUla.n yathAtatham . 
vidhAna.n tatra bhagavankartumarhasi yuktitaH .. 8..\\

 akR^itavraNa uvAcha

upapannamidaM bhadre yadeva.n varavarNini . 
dharmaM prati vacho brUyAH shR^iNu cheda.n vacho mama .. 9..\\
yadi tvAmApageyo vai na nayedgajasAhvayam . 
shAlvastvA.n shirasA bhIru gR^ihNIyAdrAmachoditaH .. 10..\\
tena tvaM nirjitA bhadre yasmAnnItAsi bhAmini . 
saMshayaH shAlvarAjasya tena tvayi sumadhyame .. 11..\\
bhIShmaH puruShamAnI cha jitakAshI tathaiva cha . 
tasmAtpratikriyA yuktA bhIShme kArayitu.n tvayA .. 12..\\

 ambovAcha

mamApyeSha mahAnbrahmanhR^idi kAmo.abhivartate . 
ghAtayeya.n yadi raNe bhIShmamityeva nityadA .. 13..\\
bhIShma.n vA shAlvarAjaM vA yaM vA doSheNa gachchhasi . 
prashAdhi taM mahAbAho yatkR^ite.aha.n suduHkhitA .. 14..\\

 bhIShma uvAcha

eva.n kathayatAmeva teShA.n sa divaso gataH . 
rAtrishcha bharatashreShTha sukhashItoShNamArutA .. 15..\\
tato rAmaH prAdurAsItprajvalanniva tejasA . 
shiShyaiH parivR^ito rAja~njaTAchIradharo muniH .. 16..\\
dhanuShpANiradInAtmA khaDgaM bibhratparashvadhI . 
virajA rAjashArdUla so.abhyayAtsR^i~njayaM nR^ipam .. 17..\\
tatasta.n tApasA dR^iShTvA sa cha rAjA mahAtapAH . 
tasthuH prA~njalayaH sarve sA cha kanyA tapasvinI .. 18..\\
pUjayAmAsuravyagrA madhuparkeNa bhArgavam . 
architashcha yathAyogaM niShasAda sahaiva taiH .. 19..\\
tataH pUrvavyatItAni kathayete sma tAvubhau . 
sR^i~njayashcha sa rAjarShirjAmadagnyashcha bhArata .. 20..\\
tataH kathAnte rAjarShirbhR^igushreShThaM mahAbalam . 
uvAcha madhura.n kAle rAma.n vachanamarthavat .. 21..\\
rAmeyaM mama dauhitrI kAshirAjasutA prabho . 
asyAH shR^iNu yathAtattva.n kAryaM kAryavishArada .. 22..\\
parama.n kathyatAM cheti tA.n rAmaH pratyabhAShata . 
tataH sAbhyagamadrAma.n jvalantamiva pAvakam .. 23..\\
sA chAbhivAdya charaNau rAmasya shirasA shubhA . 
spR^iShTvA padmadalAbhAbhyAM pANibhyAmagrataH sthitA .. 24..\\
ruroda sA shokavatI bAShpavyAkulalochanA . 
prapede sharaNa.n chaiva sharaNyaM bhR^igunandanam .. 25..\\

 rAma uvAcha

yathAsi sR^i~njayasyAsya tathA mama nR^ipAtmaje . 
brUhi yatte manoduHkha.n kariShye vachanaM tava .. 26..\\

 ambovAcha

bhagava~nsharaNa.n tvAdya prapannAsmi mahAvrata . 
shokapa~NkArNavAdghorAduddharasva cha mA.n vibho .. 27..\\

 bhIShma uvAcha

tasyAshcha dR^iShTvA rUpa.n cha vayashchAbhinavaM punaH . 
saukumAryaM para.n chaiva rAmashchintAparo.abhavat .. 28..\\
kimiya.n vakShyatItyevaM vimR^ishanbhR^igusattamaH . 
iti dadhyau chira.n rAmaH kR^ipayAbhipariplutaH .. 29..\\
kathyatAmiti sA bhUyo rAmeNoktA shuchismitA . 
sarvameva yathAtattva.n kathayAmAsa bhArgave .. 30..\\
tachchhrutvA jAmadagnyastu rAjaputryA vachastadA . 
uvAcha tA.n varArohAM nishchityArthavinishchayam .. 31..\\
preShayiShyAmi bhIShmAya kurushreShThAya bhAmini . 
kariShyati vacho dharmya.n shrutvA me sa narAdhipaH .. 32..\\
na chetkariShyati vacho mayokta.n jAhnavIsutaH . 
dhakShyAmyena.n raNe bhadre sAmAtyaM shastratejasA .. 33..\\
atha vA te matistatra rAjaputri nivartate . 
tAvachchhAlvapati.n vIraM yojayAmyatra karmaNi .. 34..\\

 ambovAcha

visarjitAsmi bhIShmeNa shrutvaiva bhR^igunandana . 
shAlvarAjagata.n cheto mama pUrvaM manIShitam .. 35..\\
saubharAjamupetyAhamabruva.n durvacha.n vachaH . 
na cha mAM pratyagR^ihNAtsa chAritraparisha~NkitaH .. 36..\\
etatsarva.n vinishchitya svabuddhyA bhR^igunandana . 
yadatraupayika.n kAryaM tachchintayitumarhasi .. 37..\\
mamAtra vyasanasyAsya bhIShmo mUlaM mahAvrataH . 
yenAha.n vashamAnItA samutkShipya balAttadA .. 38..\\
bhIShma.n jahi mahAbAho yatkR^ite duHkhamIdR^isham . 
prAptAhaM bhR^igushArdUla charAmyapriyamuttamam .. 39..\\
sa hi lubdhashcha mAnI cha jitakAshI cha bhArgava . 
tasmAtpratikriyA kartu.n yuktA tasmai tvayAnagha .. 40..\\
eSha me hriyamANAyA bhAratena tadA vibho . 
abhavaddhR^idi sa~Nkalpo ghAtayeyaM mahAvratam .. 41..\\
tasmAtkAmaM mamAdyema.n rAma sa.nvartayAnagha . 
jahi bhIShmaM mahAbAho yathA vR^itraM purandaraH .. 42..\\
\medskip\hrule\medskip\centerline{\Largedvng 177}
 bhIShma uvAcha

evamuktastadA rAmo jahi bhIShmamiti prabho . 
uvAcha rudatI.n kanyAM chodayantIM punaH punaH .. 1..\\
kAshye kAmaM na gR^ihNAmi shastra.n vai varavarNini . 
R^ite brahmavidA.n hetoH kimanyatkaravANi te .. 2..\\
vAchA bhIShmashcha shAlvashcha mama rAGYi vashAnugau . 
bhaviShyato.anavadyA~Ngi tatkariShyAmi mA shuchaH .. 3..\\
na tu shastra.n grahIShyAmi kathaM chidapi bhAmini . 
R^ite niyogAdviprANAmeSha me samayaH kR^itaH .. 4..\\

 ambovAcha

mama duHkhaM bhagavatA vyapaneya.n yatastataH . 
tattu bhIShmaprasUtaM me ta.n jahIshvara mAchiram .. 5..\\

 rAma uvAcha

kAshikanye punarbrUhi bhIShmaste charaNAvubhau . 
shirasA vandanArho.api grahIShyati girA mama .. 6..\\

 ambovAcha

jahi bhIShma.n raNe rAma mama chedichchhasi priyam . 
pratishruta.n cha yadi tatsatyaM kartumihArhasi .. 7..\\

 bhIShma uvAcha

tayoH sa.nvadatoreva.n rAjanrAmAmbayostadA . 
akR^itavraNo jAmadagnyamida.n vachanamabravIt .. 8..\\
sharaNAgatAM mahAbAho kanyAM na tyaktumarhasi . 
jahi bhIShma.n raNe rAma garjantamasuraM yathA .. 9..\\
yadi bhIShmastvayAhUto raNe rAma mahAmune . 
nirjito.asmIti vA brUyAtkuryAdvA vachana.n tava .. 10..\\
kR^itamasyA bhavetkArya.n kanyAyA bhR^igunandana . 
vAkya.n satya.n cha te vIra bhaviShyati kR^itaM vibho .. 11..\\
iya.n chApi pratiGYA te tadA rAma mahAmune . 
jitvA vai kShatriyAnsarvAnbrAhmaNeShu pratishrutam .. 12..\\
brAhmaNaH kShatriyo vaishyaH shUdrashchaiva raNe yadi . 
brahmadviDbhavitA ta.n vai haniShyAmIti bhArgava .. 13..\\
sharaNa.n hi prapannAnAM bhItAnA.n jIvitArthinAm . 
na shakShyAmi parityAga.n kartuM jIvankathaM chana .. 14..\\
yashcha kShatra.n raNe kR^itsnaM vijeShyati samAgatam . 
dR^iptAtmAnamaha.n taM cha haniShyAmIti bhArgava .. 15..\\
sa eva.n vijayI rAma bhIShmaH kurukulodvahaH . 
tena yudhyasva sa~NgrAme sametya bhR^igunandana .. 16..\\

 rAma uvAcha

smarAmyahaM pUrvakR^itAM pratiGYAmR^iShisattama . 
tathaiva cha kariShyAmi yathA sAmnaiva lapsyate .. 17..\\
kAryametanmahadbrahmankAshikanyAmanogatam . 
gamiShyAmi svaya.n tatra kanyAmAdAya yatra saH .. 18..\\
yadi bhIShmo raNashlAghI na kariShyati me vachaH . 
haniShyAmyenamudriktamiti me nishchitA matiH .. 19..\\
na hi bANA mayotsR^iShTAH sajjantIha sharIriNAm . 
kAyeShu vidita.n tubhyaM purA kShatriya sa~Ngare .. 20..\\

 bhIShma uvAcha

evamuktvA tato rAmaH saha tairbrahmavAdibhiH . 
prayANAya mati.n kR^itvA samuttasthau mahAmanAH .. 21..\\
tataste tAmuShitvA tu rajanI.n tatra tApasAH . 
hutAgnayo japtajapyAH pratasthurmajjighA.nsayA .. 22..\\
abhyagachchhattato rAmaH saha tairbrAhmaNarShabhaiH . 
kurukShetraM mahArAja kanyayA saha bhArata .. 23..\\
nyavishanta tataH sarve parigR^ihya sarasvatIm . 
tApasAste mahAtmAno bhR^igushreShThapuraskR^itAH .. 24..\\
\medskip\hrule\medskip\centerline{\Largedvng 178}
 bhIShma uvAcha

tatastR^itIye divase same deshe vyavasthitaH . 
preShayAmAsa me rAjanprApto.asmIti mahAvrataH .. 1..\\
tamAgatamaha.n shrutvA viShayAntaM mahAbalam . 
abhyagachchha.n javenAshu prItyA tejonidhiM prabhum .. 2..\\
gAM puraskR^itya rAjendra brAhmaNaiH parivAritaH . 
R^itvigbhirdevakalpaishcha tathaiva cha purohitaiH .. 3..\\
sa mAmabhigata.n dR^iShTvA jAmadagnyaH pratApavAn . 
pratijagrAha tAM pUjA.n vachana.n chedamabravIt .. 4..\\
bhIShma kAM buddhimAsthAya kAshirAjasutA tvayA . 
akAmeyamihAnItA punashchaiva visarjitA .. 5..\\
vibhraMshitA tvayA hIya.n dharmAvApteH parAvarAt . 
parAmR^iShTA.n tvayA hImAM ko hi gantumihArhati .. 6..\\
pratyAkhyAtA hi shAlvena tvayA nIteti bhArata . 
tasmAdimAM manniyogAtpratigR^ihNIShva bhArata .. 7..\\
svadharmaM puruShavyAghra rAjaputrI labhatviyam . 
na yuktamavamAno.aya.n kartu.n rAGYA tvayAnagha .. 8..\\
tatastaM nAtimanasa.n samudIkShyAhamabruvam . 
nAhamenAM punardadyAM bhrAtre brahmankatha.n chana .. 9..\\
shAlvasyAhamiti prAha purA mAmiha bhArgava . 
mayA chaivAbhyanuGYAtA gatA saubhapuraM prati .. 10..\\
na bhayAnnApyanukroshAnna lobhAnnArthakAmyayA . 
kShatradharmamaha.n jahyAmiti me vratamAhitam .. 11..\\
atha mAmabravIdrAmaH krodhaparyAkulekShaNaH . 
na kariShyasi chedetadvAkyaM me kurupu~Ngava .. 12..\\
haniShyAmi sahAmAtya.n tvAmadyeti punaH punaH . 
sa.nrambhAdabravIdrAmaH krodhaparyAkulekShaNaH .. 13..\\
tamaha.n gIrbhiriShTAbhiH punaH punararindamam . 
ayAchaM bhR^igushArdUlaM na chaiva prashashAma saH .. 14..\\
tamahaM praNamya shirasA bhUyo brAhmaNasattamam . 
abruva.n kAraNaM kiM tadyattva.n yoddhumihechchhasi .. 15..\\
iShvastraM mama bAlasya bhavataiva chaturvidham . 
upadiShTaM mahAbAho shiShyo.asmi tava bhArgava .. 16..\\
tato mAmabravIdrAmaH krodhasa.nraktalochanaH . 
jAnIShe mA.n guruM bhIShma na chemAM pratigR^ihNase . 
sutA.n kAshyasya kauravya matpriyArthaM mahIpate .. 17..\\
na hi te vidyate shAntiranyathA kurunandana . 
gR^ihANemAM mahAbAho rakShasva kulamAtmanaH . 
tvayA vibhraMshitA hIyaM bhartAraM nAbhigachchhati .. 18..\\
tathA bruvanta.n tamaha.n rAmaM parapura~njayam . 
naitadevaM punarbhAvi brahmarShe ki.n shrameNa te .. 19..\\
gurutva.n tvayi samprekShya jAmadagnya purAtanam . 
prasAdaye tvAM bhagava.nstyaktaiShA hi purA mayA .. 20..\\
ko jAtu parabhAvA.n hi nArIM vyAlImiva sthitAm . 
vAsayeta gR^ihe jAnanstrINA.n doShAnmahAtyayAn .. 21..\\
na bhayAdvAsavasyApi dharma.n jahyAM mahAdyute . 
prasIda mA vA yadvA te kArya.n tatkuru mAchiram .. 22..\\
aya.n chApi vishuddhAtmanpurANe shrUyate vibho . 
maruttena mahAbuddhe gItaH shloko mahAtmanA .. 23..\\
gurorapyavaliptasya kAryAkAryamajAnataH . 
utpathapratipannasya kAryaM bhavati shAsanam .. 24..\\
sa tva.n gururiti premNA mayA saMmAnito bhR^isham . 
guruvR^ittaM na jAnIShe tasmAdyotsyAmyaha.n tvayA .. 25..\\
guruM na hanyA.n samare brAhmaNa.n cha visheShataH . 
visheShatastapovR^iddhameva.n kShAntaM mayA tava .. 26..\\
yudyateShumatho dR^iShTvA brAhmaNa.n kShatrabandhuvat . 
yo hanyAtsamare kruddho yudhyantamapalAyinam . 
brahmahatyA na tasya syAditi dharmeShu nishchayaH .. 27..\\
kShatriyANA.n sthito dharme kShatriyo.asmi tapodhana . 
yo yathA vartate yasmi.nstathA tasminpravartayan . 
nAdharma.n samavApnoti naraH shreyash cha vindati .. 28..\\
arthe vA yadi vA dharme samartho deshakAlavit . 
anarthasaMshayApannaH shreyAnniHsaMshayena cha .. 29..\\
yasmAtsaMshayite.arthe.asminyathAnyAyaM pravartase . 
tasmAdyotsyAmi sahitastvayA rAma mahAhave . 
pashya me bAhuvIrya.n cha vikramaM chAtimAnuSham .. 30..\\
eva~Ngate.api tu mayA yachchhakyaM bhR^igunandana . 
tatkariShye kurukShetre yotsye vipra tvayA saha . 
dvandve rAma yatheShTa.n te sajjo bhava mahAmune .. 31..\\
tatra tvaM nihato rAma mayA sharashatAchitaH . 
lapsyase nirjitA.NllokA~nshastrapUto mahAraNe .. 32..\\
sa gachchha vinivartasva kurukShetra.n raNapriya . 
tatraiShyAmi mahAbAho yuddhAya tvA.n tapodhana .. 33..\\
api yatra tvayA rAma kR^ita.n shauchaM purA pituH . 
tatrAhamapi hatvA tvA.n shaucha.n kartAsmi bhArgava .. 34..\\
tatra gachchhasva rAma tva.n tvarita.n yuddhadurmada . 
vyapaneShyAmi te darpaM paurANaM brAhmaNabruva .. 35..\\
yachchApi katthase rAma bahushaH pariShatsu vai . 
nirjitAH kShatriyA loke mayaikeneti tachchhR^iNu .. 36..\\
na tadA jAyate bhIShmo madvidhaH kShatriyo.api vA . 
yaste yuddhamaya.n darpaM kAmaM cha vyapanAshayet .. 37..\\
so.aha.n jAto mahAbAho bhIShmaH parapura~njayaH . 
vyapaneShyAmi te darpa.n yuddhe rAma na saMshayaH .. 38..\\
\medskip\hrule\medskip\centerline{\Largedvng 179}
 bhIShma uvAcha

tato mAmabravIdrAmaH prahasanniva bhArata . 
diShTyA bhIShma mayA sArdha.n yoddhumichchhasi sa~Ngare .. 1..\\
aya.n gachchhAmi kauravya kurukShetraM tvayA saha . 
bhAShita.n tatkariShyAmi tatrAgachchheH parantapa .. 2..\\
tatra tvAM nihataM mAtA mayA sharashatAchitam . 
jAhnavI pashyatAM bhIShma gR^idhraka~NkabaDAshanam .. 3..\\
kR^ipaNa.n tvAmabhiprekShya siddhachAraNasevitA . 
mayA vinihata.n devI rodatAmadya pArthiva .. 4..\\
atadarhA mahAbhAgA bhagIrathasutA nadI . 
yA tvAmajIjananmanda.n yuddhakAmukamAturam .. 5..\\
ehi gachchha mayA bhIShma yuddhamadyaiva vartatAm . 
gR^ihANa sarva.n kauravya rathAdi bharatarShabha .. 6..\\
iti bruvANa.n tamaha.n rAmaM parapura~njayam . 
praNamya shirasA rAjannevamastvityathAbruvam .. 7..\\
evamuktvA yayau rAmaH kurukShetra.n yuyutsayA . 
pravishya nagara.n chAha.n satyavatyai nyavedayam .. 8..\\
tataH kR^itasvastyayano mAtrA pratyabhinanditaH . 
dvijAtInvAchya puNyAha.n svasti chaiva mahAdyute .. 9..\\
rathamAsthAya ruchira.n rAjataM pANDurairhayaiH . 
sUpaskara.n svadhiShThAnaM vaiyAghraparivAraNam .. 10..\\
upapannaM mahAshastraiH sarvopakaraNAnvitam . 
tatkulInena vIreNa hayashAstravidA nR^ipa .. 11..\\
yukta.n sUtena shiShTena bahusho dR^iShTakarmaNA . 
daMshitaH pANDureNAha.n kavachena vapuShmatA .. 12..\\
pANDura.n kArmukaM gR^ihya prAyAM bharatasattama . 
pANDureNAtapatreNa dhriyamANena mUrdhani .. 13..\\
pANDuraishchAmaraishchApi vIjyamAno narAdhipa . 
shuklavAsAH sitoShNIShaH sarvashuklavibhUShaNaH .. 14..\\
stUyamAno jayAshIrbhirniShkramya gajasAhvayAt . 
kurukShetra.n raNakShetramupAyAM bharatarShabha .. 15..\\
te hayAshchoditAstena sUtena paramAhave . 
avahanmAM bhR^isha.n rAjanmanomArutara.nhasaH .. 16..\\
gatvAha.n tatkurukShetra.n sa cha rAmaH pratApavAn . 
yuddhAya sahasA rAjanparAkrAntau parasparam .. 17..\\
tataH sandarshane.atiShTha.n rAmasyAtitapasvinaH . 
pragR^ihya sha~Nkhapravara.n tataH prAdhamamuttamam .. 18..\\
tatastatra dvijA rAja.nstApasAshcha vanaukasaH . 
apashyanta raNa.n divyaM devAH sarShigaNAstadA .. 19..\\
tato divyAni mAlyAni prAdurAsanmuhurmuhuH . 
vAditrANi cha divyAni meghavR^indAni chaiva ha .. 20..\\
tataste tApasAH sarve bhArgavasyAnuyAyinaH . 
prekShakAH samapadyanta parivArya raNAjiram .. 21..\\
tato mAmabravIddevI sarvabhUtahitaiShiNI . 
mAtA svarUpiNI rAjankimida.n te chikIrShitam .. 22..\\
gatvAha.n jAmadagnyaM taM prayAchiShye kurUdvaha . 
bhIShmeNa saha mA yotsIH shiShyeNeti punaH punaH .. 23..\\
mA maivaM putra nirbandha.n kuru vipreNa pArthiva . 
jAmadagnyena samare yoddhumityavabhartsayat .. 24..\\
kiM na vai kShatriyaharo haratulyaparAkramaH . 
viditaH putra rAmaste yatastva.n yoddhumichchhasi .. 25..\\
tato.ahamabruva.n devImabhivAdya kR^itA~njaliH . 
sarva.n tadbharatashreShTha yathAvR^itta.n svaya.nvare .. 26..\\
yathA cha rAmo rAjendra mayA pUrvaM prasAditaH . 
kAshirAjasutAyAshcha yathA kAmaH purAtanaH .. 27..\\
tataH sA rAmamabhyetya jananI me mahAnadI . 
madartha.n tamR^iShiM devI kShamayAmAsa bhArgavam . 
bhIShmeNa saha mA yotsIH shiShyeNeti vacho.abravIt .. 28..\\
sa cha tAmAha yAchantIM bhIShmameva nivartaya . 
na hi me kurute kAmamityaha.n tamupAgamam .. 29..\\

 sa~njaya uvAcha

tato ga~NgA sutasnehAdbhIShmaM punarupAgamat . 
na chAsyAH so.akarodvAkya.n krodhaparyAkulekShaNaH .. 30..\\
athAdR^ishyata dharmAtmA bhR^igushreShTho mahAtapAH . 
AhvayAmAsa cha punaryuddhAya dvijasattamaH .. 31..\\
\medskip\hrule\medskip\centerline{\Largedvng 180}
 bhIShma uvAcha

tamaha.n smayanniva raNe pratyabhAShaM vyavasthitam . 
bhUmiShThaM notsahe yoddhuM bhavanta.n rathamAsthitaH .. 1..\\
Aroha syandana.n vIra kavacha.n cha mahAbhuja . 
badhAna samare rAma yadi yoddhuM mayechchhasi .. 2..\\
tato mAmabravIdrAmaH smayamAno raNAjire . 
ratho me medinI bhIShma vAhA vedAH sadashvavat .. 3..\\
sUto me mAtarishvA vai kavacha.n vedamAtaraH . 
susa.nvIto raNe tAbhiryotsye.aha.n kurunandana .. 4..\\
evaM bruvANo gAndhAre rAmo mA.n satyavikramaH . 
sharavrAtena mahatA sarvataH paryavArayat .. 5..\\
tato.apashya.n jAmadagnya.n rathe divye vyavasthitam . 
sarvAyudhadhare shrImatyadbhutopamadarshane .. 6..\\
manasA vihite puNye vistIrNe nagaropame . 
divyAshvayuji saMnaddhe kA~nchanena vibhUShite .. 7..\\
dhvajena cha mahAbAho somAla~NkR^italakShmaNA . 
dhanurdharo baddhatUNo baddhagodhA~NgulitravAn .. 8..\\
sArathya.n kR^itavA.nstatra yuyutsorakR^itavraNaH . 
sakhA vedavidatyanta.n dayito bhArgavasya ha .. 9..\\
AhvayAnaH sa mA.n yuddhe mano harShayatIva me . 
punaH punarabhikroshannabhiyAhIti bhArgavaH .. 10..\\
tamAdityamivodyantamanAdhR^iShyaM mahAbalam . 
kShatriyAntakara.n rAmamekamekaH samAsadam .. 11..\\
tato.ahaM bANapAteShu triShu vAhAnnigR^ihya vai . 
avatIrya dhanurnyasya padAtirR^iShisattamam .. 12..\\
abhyagachchha.n tadA rAmamarchiShyandvijasattamam . 
abhivAdya chaina.n vidhivadabruvaM vAkyamuttamam .. 13..\\
yotsye tvayA raNe rAma vishiShTenAdhikena cha . 
guruNA dharmashIlena jayamAshAssva me vibho .. 14..\\

 rAma uvAcha

evametatkurushreShTha kartavyaM bhUtimichchhatA . 
dharmo hyeSha mahAbAho vishiShTaiH saha yudhyatAm .. 15..\\
shapeya.n tvAM na chedevamAgachchhethA vishAM pate . 
yudhyasva tva.n raNe yatto dhairyamAlambya kaurava .. 16..\\
na tu te jayamAshAse tvA.n hi jetumahaM sthitaH . 
gachchha yudhyasva dharmeNa prIto.asmi charitena te .. 17..\\

 bhIShma uvAcha

tato.aha.n taM namaskR^itya rathamAruhya satvaraH . 
prAdhmApaya.n raNe sha~NkhaM punarhemavibhUShitam .. 18..\\
tato yuddha.n samabhavanmama tasya cha bhArata . 
divasAnsubahUnrAjanparasparajigIShayA .. 19..\\
sa me tasminraNe pUrvaM prAharatka~NkapatribhiH . 
ShaShTyA shataishcha navabhiH sharANAmagnivarchasAm .. 20..\\
chatvArastena me vAhAH sUtashchaiva vishAM pate . 
pratiruddhAstathaivAha.n samare daMshitaH sthitaH .. 21..\\
namaskR^itya cha devebhyo brAhmaNebhyashcha bhArata . 
tamaha.n smayanniva raNe pratyabhAShaM vyavasthitam .. 22..\\
AchAryatA mAnitA me nirmaryAde hyapi tvayi . 
bhUyastu shR^iNu me brahmansampada.n dharmasa~Ngrahe .. 23..\\
ye te vedAH sharIrasthA brAhmaNya.n yachcha te mahat . 
tapashcha sumahattaptaM na tebhyaH praharAmyaham .. 24..\\
prahare kShatradharmasya ya.n tva.n rAma samAsthitaH . 
brAhmaNaH kShatriyatva.n hi yAti shastrasamudyamAt .. 25..\\
pashya me dhanuSho vIryaM pashya bAhvorbala.n cha me . 
eSha te kArmuka.n vIra dvidhA kurmi sasAyakam .. 26..\\
tasyAhaM nishitaM bhallaM prAhiNvaM bharatarShabha . 
tenAsya dhanuShaH koTishchhinnA bhUmimathAgamat .. 27..\\
nava chApi pR^iShatkAnA.n shatAni nataparvaNAm . 
prAhiNva.n ka~NkapatrANAM jAmadagnyarathaM prati .. 28..\\
kAye viShaktAstu tadA vAyunAbhisamIritAH . 
cheluH kSharanto rudhiraM nAgA iva cha te sharAH .. 29..\\
kShatajokShitasarvA~NgaH kSharansa rudhira.n vraNaiH . 
babhau rAmastadA rAjanmerurdhAtUnivotsR^ijan .. 30..\\
hemantAnte.ashoka iva raktastabakamaNDitaH . 
babhau rAmastadA rAjankva chitkiMshukasaMnibhaH .. 31..\\
tato.anyaddhanurAdAya rAmaH krodhasamanvitaH . 
hemapu~NkhAnsunishitA~nsharA.nstAnhi vavarSha saH .. 32..\\
te samAsAdya mA.n raudrA bahudhA marmabhedinaH . 
akampayanmahAvegAH sarpAnalaviShopamAH .. 33..\\
tato.aha.n samavaShTabhya punarAtmAnamAhave . 
shatasa~NkhyaiH sharaiH kruddhastadA rAmamavAkiram .. 34..\\
sa tairagnyarkasa~NkAshaiH sharairAshIviShopamaiH . 
shitairabhyardito rAmo mandachetA ivAbhavat .. 35..\\
tato.aha.n kR^ipayAviShTo vinindyAtmAnamAtmanA . 
dhigdhigityabruva.n yuddha.n kShatraM cha bharatarShabha .. 36..\\
asakR^ichchAbruva.n rAja~nshokavegapariplutaH . 
aho bata kR^itaM pApaM mayeda.n kShatrakarmaNA .. 37..\\
gururdvijAtirdharmAtmA yadevaM pIDitaH sharaiH . 
tato na prAharaM bhUyo jAmadagnyAya bhArata .. 38..\\
athAvatApya pR^ithivIM pUShA divasasa~NkShaye . 
jagAmAsta.n sahasrAMshustato yuddhamupAramat .. 39..\\
\medskip\hrule\medskip\centerline{\Largedvng 181}
 bhIShma uvAcha

Atmanastu tataH sUto hayAnA.n cha vishAM pate . 
mama chApanayAmAsa shalyAnkushalasaMmataH .. 1..\\
snAtopavR^ittaisturagairlabdhatoyairavihvalaiH . 
prabhAta udite sUrye tato yuddhamavartata .. 2..\\
dR^iShTvA mA.n tUrNamAyAntaM daMshita.n syandane sthitam . 
akarodrathamatyartha.n rAmaH sajjaM pratApavAn .. 3..\\
tato.aha.n rAmamAyAnta.n dR^iShTvA samarakA~NkShiNam . 
dhanuHshreShTha.n samutsR^ijya sahasAvataraM rathAt .. 4..\\
abhivAdya tathaivAha.n rathamAruhya bhArata . 
yuyutsurjAmadagnyasya pramukhe vItabhIH sthitaH .. 5..\\
tato mA.n sharavarSheNa mahatA samavAkirat . 
aha.n cha sharavarSheNa varShanta.n samavAkiram .. 6..\\
sa~Nkruddho jAmadagnyastu punareva patatriNaH . 
preShayAmAsa me rAjandIptAsyAnuragAniva .. 7..\\
tAnahaM nishitairbhallaiH shatasho.atha sahasrashaH . 
achchhida.n sahasA rAjannantarikShe punaH punaH .. 8..\\
tatastvastrANi divyAni jAmadagnyaH pratApavAn . 
mayi prachodayAmAsa tAnyahaM pratyaShedhayam .. 9..\\
astraireva mahAbAho chikIrShannadhikA.n kriyAm . 
tato divi mahAnnAdaH prAdurAsItsamantataH .. 10..\\
tato.ahamastra.n vAyavya.n jAmadagnye prayuktavAn . 
patyAjaghne cha tadrAmo guhyakAstreNa bhArata .. 11..\\
tato.astramahamAgneyamanumantrya prayuktavAn . 
vAruNenaiva rAmastadvArayAmAsa me vibhuH .. 12..\\
evamastrANi divyAni rAmasyAhamavArayam . 
rAmashcha mama tejasvI divyAstravidarindamaH .. 13..\\
tato mA.n savyato rAjanrAmaH kurvandvijottamaH . 
urasyavidhyatsa~Nkruddho jAmadagnyo mahAbalaH .. 14..\\
tato.ahaM bharatashreShTha saMnyaShIda.n rathottame . 
atha mA.n kashmalAviShTa.n sUtastUrNamapAvahat . 
gorutaM bharatashreShTha rAmabANaprapIDitam .. 15..\\
tato mAmapayAta.n vai bhR^ishaM viddhamachetasam . 
rAmasyAnucharA hR^iShTAH sarve dR^iShTvA prachukrushuH . 
akR^itavraNaprabhR^itayaH kAshikanyA cha bhArata .. 16..\\
tatastu labdhasa~nj~no.aha.n GYAtvA sUtamathAbruvam . 
yAhi sUta yato rAmaH sajjo.aha.n gatavedanaH .. 17..\\
tato mAmavahatsUto hayaiH paramashobhitaiH . 
nR^ityadbhiriva kauravya mArutapratimairgatau .. 18..\\
tato.aha.n rAmamAsAdya bANajAlena kaurava . 
avAkira.n susa.nrabdhaH sa.nrabdhaM vijigIShayA .. 19..\\
tAnApatata evAsau rAmo bANAnajihmagAn . 
bANairevAchchhinattUrNamekaika.n tribhirAhave .. 20..\\
tataste mR^iditAH sarve mama bANAH susaMshitAH . 
rAmabANairdvidhA chhinnAH shatasho.atha mahAhave .. 21..\\
tataH punaH shara.n dIpta.n suprabhaM kAlasaMmitam . 
asR^ija.n jAmadagnyAya rAmAyAhaM jighA.nsayA .. 22..\\
tena tvabhihato gADhaM bANachchhedavasha.n gataH . 
mumoha sahasA rAmo bhUmau cha nipapAta ha .. 23..\\
tato hAhAkR^ita.n sarvaM rAme bhUtalamAshrite . 
jagadbhArata sa.nvigna.n yathArkapatane.abhavat .. 24..\\
tata ena.n susa.nvignAH sarva evAbhidudruvuH . 
tapodhanAste sahasA kAshyA cha bhR^igunandanam .. 25..\\
ta ena.n sampariShvajya shanairAshvAsaya.nstadA . 
pANibhirjalashItaishcha jayAshIrbhish cha kaurava .. 26..\\
tataH sa vihvalo vAkya.n rAma utthAya mAbravIt . 
tiShTha bhIShma hato.asIti bANa.n sandhAya kArmuke .. 27..\\
sa mukto nyapatattUrNaM pArshve savye mahAhave . 
yenAhaM bhR^ishasa.nvigno vyAghUrNita iva drumaH .. 28..\\
hatvA hayA.nstato rAja~nshIghrAstreNa mahAhave . 
avAkiranmA.n vishrabdho bANaistairlomavAhibhiH .. 29..\\
tato.ahamapi shIghrAstra.n samare.aprativAraNam . 
avAsR^ijaM mahAbAho te.antarAdhiShThitAH sharAH . 
rAmasya mama chaivAshu vyomAvR^itya samantataH .. 30..\\
na sma sUryaH pratapati sharajAlasamAvR^itaH . 
mAtarishvAntare tasminmegharuddha ivAnadat .. 31..\\
tato vAyoH prakampAchcha sUryasya cha marIchibhiH . 
abhitApAtsvabhAvAchcha pAvakaH samajAyata .. 32..\\
te sharAH svasamutthena pradIptAshchitrabhAnunA . 
bhUmau sarve tadA rAjanbhasmabhUtAH prapedire .. 33..\\
tadA shatasahasrANi prayutAnyarbudAni cha . 
ayutAnyatha kharvANi nikharvANi cha kaurava . 
rAmaH sharANA.n sa~Nkruddho mayi tUrNamapAtayat .. 34..\\
tato.aha.n tAnapi raNe sharairAshIviShopamaiH . 
sa~nchidya bhUmau nR^ipate.apAtayaM pannagAniva .. 35..\\
eva.n tadabhavadyuddhaM tadA bharatasattama . 
sandhyAkAle vyatIte tu vyapAyAtsa cha me guruH .. 36..\\
\medskip\hrule\medskip\centerline{\Largedvng 182}
 bhIShma uvAcha

samAgatasya rAmeNa punarevAtidAruNam . 
anyedyustumula.n yuddha.n tadA bharatasattama .. 1..\\
tato divyAstravichchhUro divyAnyastrANyanekashaH . 
ayojayata dharmAtmA divase divase vibhuH .. 2..\\
tAnyaha.n tatpratIghAtairastrairastrANi bhArata . 
vyadhama.n tumule yuddhe prANA.nstyaktvA sudustyajAn .. 3..\\
astrairastreShu bahudhA hateShvatha cha bhArgavaH . 
akrudhyata mahAtejAstyaktaprANaH sa sa.nyuge .. 4..\\
tataH shaktiM prAhiNodghorarUpAm 
astrai ruddho jAmadagnyo mahAtmA . 
kAlotsR^iShTAM prajvalitAmivolkAM 
sandIptAgrA.n tejasAvR^itya lokAn .. 5..\\
tato.aha.n tAmiShubhirdIpyamAnaiH 
samAyAntImantakAlArkadIptAm . 
chhittvA tridhA pAtayAmAsa bhUmau 
tato vavau pavanaH puNyagandhiH .. 6..\\
tasyA.n chhinnAyAM krodhadIpto.atha rAmaH 
shaktIrghorAH prAhiNoddvAdashAnyAH . 
tAsA.n rUpaM bhArata nota shakyaM 
tejasvitvAllAghavAchchaiva vaktum .. 7..\\
ki.n tvevAha.n vihvalaH sampradR^ishya 
digbhyaH sarvAstA maholkA ivAgneH . 
nAnArUpAstejasogreNa dIptA 
yathAdityA dvAdasha lokasa~NkShaye .. 8..\\
tato jAlaM bANamaya.n vivR^itya 
sandR^ishya bhittvA sharajAlena rAjan . 
dvAdasheShUnprAhiNava.n raNe.ahaM 
tataH shaktIrvyadhama.n ghorarUpAH .. 9..\\
tato.aparA jAmadagnyo mahAtmA 
shaktIrghorAH prAkShipaddhemadaNDAH . 
vichitritAH kA~nchanapaTTanaddhA 
yathA mahoklA jvalitAstathA tAH .. 10..\\
tAshchApyugrAshcharmaNA vArayitvA 
khaDgenAjau pAtitA me narendra . 
bANairdivyairjAmadagnyasya sa~Nkhye 
divyAMshchAshvAnabhyavarSha.n sasUtAn .. 11..\\
nirmuktAnAM pannagAnA.n sarUpA 
dR^iShTvA shaktIrhemachitrA nikR^ittAH . 
prAdushchakre divyamastraM mahAtmA 
krodhAviShTo haihayeshapramAthI .. 12..\\
tataH shreNyaH shalabhAnAmivogrAH 
samApeturvishikhAnAM pradIptAH . 
samAchinochchApi bhR^isha.n sharIraM 
hayAnsUta.n saratha.n chaiva mahyam .. 13..\\
rathaH sharairme nichitaH sarvato.abhUt 
tathA hayAH sArathishchaiva rAjan . 
yuga.n ratheShA cha tathaiva chakre 
tathaivAkShaH sharakR^itto.atha bhagnaH .. 14..\\
tatastasminbANavarShe vyatIte 
sharaugheNa pratyavarSha.n guruM tam . 
sa vikShato mArgaNairbrahmarAshir 
dehAdajasraM mumuche bhUri raktam .. 15..\\
yathA rAmo bANajAlAbhitaptas 
tathaivAha.n subhR^isha.n gADhaviddhaH . 
tato yuddha.n vyaramachchAparAhNe 
bhAnAvastaM prArthayAne mahIdhram .. 16..\\
\medskip\hrule\medskip\centerline{\Largedvng 183}
 bhIShma uvAcha

tataH prabhAte rAjendra sUrye vimala udgate . 
bhArgavasya mayA sArdhaM punaryuddhamavartata .. 1..\\
tato bhrAnte rathe tiShThanrAmaH praharatA.n varaH . 
vavarSha sharavarShANi mayi shakra ivAchale .. 2..\\
tena sUto mama suhR^ichchharavarSheNa tADitaH . 
nipapAta rathopasthe mano mama viShAdayan .. 3..\\
tataH sUtaH sa me.atyartha.n kashmalaM prAvishanmahat . 
pR^ithivyA.n cha sharAghAtAnnipapAta mumoha cha .. 4..\\
tataH sUto.ajahAtprANAnrAmabANaprapIDitaH . 
muhUrtAdiva rAjendra mA.n cha bhIrAvishattadA .. 5..\\
tataH sUte hate rAjankShipatastasya me sharAn . 
pramattamanaso rAmaH prAhiNonmR^ityusaMmitAn .. 6..\\
tataH sUtavyasanina.n viplutaM mAM sa bhArgavaH . 
shareNAbhyahanadgADha.n vikR^iShya balavaddhanuH .. 7..\\
sa me jatrvantare rAjannipatya rudhirAshanaH . 
mayaiva saha rAjendra jagAma vasudhAtalam .. 8..\\
matvA tu nihata.n rAmastato mAM bharatarShabha . 
meghavadvyanadachchochchairjahR^iShe cha punaH punaH .. 9..\\
tathA tu patite rAjanmayi rAmo mudA yutaH . 
udakroshanmahAnAda.n saha tairanuyAyibhiH .. 10..\\
mama tatrAbhavanye tu kauravAH pArshvataH sthitAH . 
AgatA ye cha yuddha.n tajjanAstatra didR^ikShavaH . 
ArtiM paramikA.n jagmuste tadA mayi pAtite .. 11..\\
tato.apashyaM pAtito rAjasi.nha 
dvijAnaShTau sUryahutAshanAbhAn . 
te mA.n samantAtparivArya tasthuH 
svabAhubhiH parigR^ihyAjimadhye .. 12..\\
rakShyamANashcha tairviprairnAhaM bhUmimupAspR^isham . 
antarikShe sthito hyasmi tairviprairbAndhavairiva . 
svapannivAntarikShe cha jalabindubhirukShitaH .. 13..\\
tataste brAhmaNA rAjannabruvanparigR^ihya mAm . 
mA bhairiti sama.n sarve svasti te.astviti chAsakR^it .. 14..\\
tatasteShAmaha.n vAgbhistarpitaH sahasotthitaH . 
mAtara.n saritAM shreShThAmapashyaM rathamAsthitAm .. 15..\\
hayAshcha me sa~NgR^ihItAstayA vai 
mahAnadyA sa.nyati kauravendra . 
pAdau jananyAH pratipUjya chAhaM 
tathArShTiSheNa.n rathamabhyaroham .. 16..\\
rarakSha sA mama ratha.n hayAMshchopaskarANi cha . 
tAmahaM prA~njalirbhUtvA punareva vyasarjayam .. 17..\\
tato.aha.n svayamudyamya hayA.nstAnvAtara.nhasaH . 
ayudhya.n jAmadagnyena nivR^itte.ahani bhArata .. 18..\\
tato.ahaM bharatashreShTha vegavantaM mahAbalam . 
amu~ncha.n samare bANaM rAmAya hR^idayachchhidam .. 19..\\
tato jagAma vasudhAM bANavegaprapIDitaH . 
jAnubhyA.n dhanurutsR^ijya rAmo mohavashaM gataH .. 20..\\
tatastasminnipatite rAme bhUrisahasrade . 
AvavrurjaladA vyoma kSharanto rudhiraM bahu .. 21..\\
ulkAshcha shatashaH petuH sanirghAtAH sakampanAH . 
arka.n cha sahasA dIpta.n svarbhAnurabhisa.nvR^iNot .. 22..\\
vavushcha vAtAH paruShAshchalitA cha vasundharA . 
gR^idhrA baDAshcha ka~NkAshcha paripeturmudA yutAH .. 23..\\
dIptAyA.n dishi gomAyurdAruNaM muhurunnadat . 
anAhatA dundubhayo vinedurbhR^ishanisvanAH .. 24..\\
etadautpAtika.n ghoramAsIdbharatasattama . 
visa~nj~nakalpe dharaNI.n gate rAme mahAtmani .. 25..\\
tato ravirmandamarIchimaNDalo 
jagAmAstaM pA.nsupu~njAvagADhaH . 
nishA vyagAhatsukhashItamArutA 
tato yuddhaM pratyavahArayAvaH .. 26..\\
eva.n rAjanavahAro babhUva 
tataH punarvimale.abhUtsughoram . 
kAlya.n kAlya.n viMshatiM vai dinAni 
tathaiva chAnyAni dinAni trINi .. 27..\\
\medskip\hrule\medskip\centerline{\Largedvng 184}
 bhIShma uvAcha

tato.ahaM nishi rAjendra praNamya shirasA tadA . 
brahmaNAnAM pitR^INA.n cha devatAnAM cha sarvashaH .. 1..\\
nakta~ncarANAM bhUtAnA.n rajanyAshcha vishAM pate . 
shayanaM prApya rahite manasA samachintayam .. 2..\\
jAmadagnyena me yuddhamidaM paramadAruNam . 
ahAni subahUnyadya vartate sumahAtyayam .. 3..\\
na cha rAmaM mahAvIrya.n shaknomi raNamUrdhani . 
vijetu.n samare vipra.n jAmadagnyaM mahAbalam .. 4..\\
yadi shakyo mayA jetu.n jAmadagnyaH pratApavAn . 
daivatAni prasannAni darshayantu nishAM mama .. 5..\\
tato.ahaM nishi rAjendra prasuptaH sharavikShataH . 
dakShiNenaiva pArshvena prabhAtasamaye iva .. 6..\\
tato.aha.n vipramukhyaistairyairasmi patito rathAt . 
utthApito dhR^itashchaiva mA bhairiti cha sAntvitaH .. 7..\\
ta eva mAM mahArAja svapnadarshanametya vai . 
parivAryAbruvanvAkya.n tannibodha kurUdvaha .. 8..\\
uttiShTha mA bhairgA~Ngeya bhaya.n te nAsti kiM chana . 
rakShAmahe naravyAghra svasharIra.n hi no bhavAn .. 9..\\
na tvA.n rAmo raNe jetA jAmadagnyaH katha.n chana . 
tvameva samare rAma.n vijetA bharatarShabha .. 10..\\
idamatra.n sudayitaM pratyabhiGYAsyate bhavAn . 
vidita.n hi tavApyetatpUrvasmindehadhAraNe .. 11..\\
prAjApatya.n vishvakR^itaM prasvApaM nAma bhArata . 
na hIda.n veda rAmo.api pR^ithivyAM vA pumAnkva chit .. 12..\\
tatsmarasva mahAbAho bhR^isha.n sa.nyojayasva cha . 
na cha rAmaH kShaya.n gantA tenAstreNa narAdhipa .. 13..\\
enasA cha na yoga.n tvaM prApsyase jAtu mAnada . 
svapsyate jAmadagnyo.asau tvadbANabalapIDitaH .. 14..\\
tato jitvA tvamevainaM punarutthApayiShyasi . 
astreNa dayitenAjau bhIShma sambhodhanena vai .. 15..\\
eva.n kuruShva kauravya prabhAte rathamAsthitaH . 
prasupta.n vA mR^itaM vApi tulyaM manyAmahe vayam .. 16..\\
na cha rAmeNa martavya.n kadA chidapi pArthiva . 
tataH samutpannamidaM prasvApa.n yujyatAm iti .. 17..\\
ityuktvAntarhitA rAjansarva eva dvijottamAH . 
aShTau sadR^isharUpAste sarve bhAsvaramUrtayaH .. 18..\\
\medskip\hrule\medskip\centerline{\Largedvng 185}
 bhIShma uvAcha

tato rAtryA.n vyatItAyAM pratibuddho.asmi bhArata . 
ta.n cha sa~ncintya vai svapnamavApa.n harShamuttamam .. 1..\\
tataH samabhavadyuddhaM mama tasya cha bhArata . 
tumula.n sarvabhUtAnAM lomaharShaNamadbhutam .. 2..\\
tato bANamaya.n varShaM vavarSha mayi bhArgavaH . 
nyavArayamaha.n taM cha sharajAlena bhArata .. 3..\\
tataH paramasa~NkruddhaH punareva mahAtapAH . 
hyastanenaiva kopena shakti.n vai prAhiNonmayi .. 4..\\
indrAshanisamasparshA.n yamadaNDopamaprabhAm . 
jvalantImagnivatsa~Nkhye lelihAnA.n samantataH .. 5..\\
tato bharatashArdUla dhiShNyamAkAshaga.n yathA . 
sA mAmabhyahanattUrNama.nsadeshe cha bhArata .. 6..\\
athAsR^i~Nme.asravadghora.n girergairikadhAtuvat . 
rAmeNa sumahAbAho kShatasya kShatajekShaNa .. 7..\\
tato.aha.n jAmadagnyAya bhR^ishaM krodhasamanvitaH . 
preShayaM mR^ityusa~NkAshaM bANa.n sarpaviShopamam .. 8..\\
sa tenAbhihato vIro lalATe dvijasattamaH . 
ashobhata mahArAja sashR^i~Nga iva parvataH .. 9..\\
sa sa.nrabdhaH samAvR^itya bANa.n kAlAnakopamam . 
sandadhe balavatkR^iShya ghora.n shatrunibarhaNam .. 10..\\
sa vakShasi papAtograH sharo vyAla iva shvasan . 
mahI.n rAja.nstatashchAhamagachchhaM rudhirAvilaH .. 11..\\
avApya tu punaH sa~nj~nA.n jAmadagnyAya dhImate . 
prAhiNva.n vimalAM shakti.n jvalantImashanIm iva .. 12..\\
sA tasya dvijamukhyasya nipapAta bhujAntare . 
vihvalashchAbhavadrAjanvepathushchainamAvishat .. 13..\\
tata enaM pariShvajya sakhA vipro mahAtapAH . 
akR^itavraNaH shubhairvAkyairAshvAsayadanekadhA .. 14..\\
samAshvastastadA rAmaH krodhAmarShasamanvitaH . 
prAdushchakre tadA brAhmaM paramAstraM mahAvrataH .. 15..\\
tatastatpratighAtArthaM brAhamevAstramuttamam . 
mayA prayukta.n jajvAla yugAntamiva darshayat .. 16..\\
tayorbrahmAstrayorAsIdantarA vai samAgamaH . 
asamprApyaiva rAma.n cha mAM cha bhAratasattama .. 17..\\
tato vyomni prAdurabhUtteja eva hi kevalam . 
bhUtAni chaiva sarvANi jagmurArti.n vishAM pate .. 18..\\
R^iShayashcha sagandharvA devatAshchaiva bhArata . 
santApaM parama.n jagmurastratejo.abhipIDitAH .. 19..\\
tatashchachAla pR^ithivI saparvatavanadrumA . 
santaptAni cha bhUtAni viShAda.n jagmuruttamam .. 20..\\
prajajvAla nabho rAjandhUmAyante disho dasha . 
na sthAtumantarikShe cha shekurAkAshagAstadA .. 21..\\
tato hAhAkR^ite loke sadevAsurarAkShase . 
idamantaramityeva yoktukAmo.asmi bhArata .. 22..\\
prasvApamastra.n dayita.n vachanAdbrahmavAdinAm . 
chintita.n cha tadastraM me manasi pratyabhAttadA .. 23..\\
\medskip\hrule\medskip\centerline{\Largedvng 186}
 bhIShma uvAcha

tato halahalAshabdo divi rAjanmahAnabhUt . 
prasvApaM bhIShma mA srAkShIriti kauravanandana .. 1..\\
ayu~njameva chaivAha.n tadastraM bhR^igunandane . 
prasvApaM mAM prayu~njAnaM nArado vAkyamabravIt .. 2..\\
ete viyati kauravya divi devagaNAH sthitAH . 
te tvAM nivArayantyadya prasvApaM mA prayojaya .. 3..\\
rAmastapasvI brahmaNyo brAhmaNashcha gurush cha te . 
tasyAvamAna.n kauravya mA sma kArShIH kathaM chana .. 4..\\
tato.apashya.n diviShThAnvai tAnaShTau brahmavAdinaH . 
te mA.n smayanto rAjendra shanakairidamabruvan .. 5..\\
yathAha bharatashreShTha nAradastattathA kuru . 
etaddhi parama.n shreyo lokAnAM bharatarShabha .. 6..\\
tatashcha pratisa.nhR^itya tadastra.n svApanaM mR^idhe . 
brahmAstra.n dIpayAM chakre tasminyudhi yathAvidhi .. 7..\\
tato rAmo ruShito rAjaputra 
dR^iShTvA tadastra.n vinivartitaM vai . 
jito.asmi bhIShmeNa sumandabuddhir 
ityeva vAkya.n sahasA vyamu~nchat .. 8..\\
tato.apashyatpitara.n jAmadagnyaH 
pitustathA pitara.n tasya chAnyam . 
ta evaina.n samparivArya tasthur 
Uchushchaina.n sAntvapUrva.n tadAnIm .. 9..\\
mA smaiva.n sAhasaM vatsa punaH kArShIH katha.n chana . 
bhIShmeNa sa.nyuga.n gantuM kShatriyeNa visheShataH .. 10..\\
kShatriyasya tu dharmo.aya.n yadyuddhaM bhR^igunandana . 
svAdhyAyo vratacharyA cha brAhmaNAnAM para.n dhanam .. 11..\\
idaM nimitte kasmiMshchidasmAbhirupamantritam . 
shastradhAraNamatyugra.n tachcha kAryaM kR^itaM tvayA .. 12..\\
vatsa paryAptametAvadbhIShmeNa saha sa.nyuge . 
vimardaste mahAbAho vyapayAhi raNAditaH .. 13..\\
paryAptametadbhadra.n te tava kArmukadhAraNam . 
visarjayaitaddurdharSha tapastapyasva bhArgava .. 14..\\
eSha bhIShmaH shAntanavo devaiH sarvairnivAritaH . 
nivartasva raNAdasmAditi chaiva prachoditaH .. 15..\\
rAmeNa saha mA yotsIrguruNeti punaH punaH . 
na hi rAmo raNe jetu.n tvayA nyAyyaH kurUdvaha . 
mAna.n kuruShva gA~Ngeya brAhmaNasya raNAjire .. 16..\\
vaya.n tu guravastubhyaM tatastvA.n vArayAmahe . 
bhIShmo vasUnAmanyatamo diShTyA jIvasi putraka .. 17..\\
gA~NgeyaH shantanoH putro vasureSha mahAyashAH . 
katha.n tvayA raNe jetu.n rAma shakyo nivarta vai .. 18..\\
arjunaH pANDavashreShThaH purandarasuto balI . 
naraH prajApatirvIraH pUrvadevaH sanAtanaH .. 19..\\
savyasAchIti vikhyAtastriShu lokeShu vIryavAn . 
bhIShmamR^ityuryathAkAla.n vihito vai svayambhuvA .. 20..\\
evamuktaH sa pitR^ibhiH pitR^InrAmo.abravIdidam . 
nAha.n yudhi nivarteyamiti me vratamAhitam .. 21..\\
na nivartitapUrva.n cha kadA chidraNamUdhani . 
nivartyatAmApageyaH kAmayuddhAtpitAmahAH . 
na tvaha.n vinivartiShye yuddhAdasmAtkatha.n chana .. 22..\\
tataste munayo rAjannR^ichIkapramukhAstadA . 
nAradenaiva sahitAH samAgamyedamabruvan .. 23..\\
nivartasva raNAttAta mAnayasva dvijottamAn . 
netyavochamaha.n tAMshcha kShatradharmavyapekShayA .. 24..\\
mama vratamida.n loke nAhaM yuddhAtkatha.n chana . 
vimukho vinivarteyaM pR^iShThato.abhyAhataH sharaiH .. 25..\\
nAha.n lobhAnna kArpaNyAnna bhayAnnArthakAraNAt . 
tyajeya.n shAshvata.n dharmamiti me nishchitA matiH .. 26..\\
tataste munayaH sarve nAradapramukhA nR^ipa . 
bhAgIrathI cha me mAtA raNamadhyaM prapedire .. 27..\\
tathaivAttasharo dhanvI tathaiva dR^iDhanishchayaH . 
sthito.ahamAhave yoddhu.n tataste rAmamabruvan . 
sametya sahitA bhUyaH samare bhR^igunandanam .. 28..\\
nAvanIta.n hi hR^idayaM viprANAM shAmya bhArgava . 
rAma rAma nivartasva yuddhAdasmAddvijottama . 
avadhyo hi tvayA bhIShmastva.n cha bhIShmasya bhArgava .. 29..\\
evaM bruvantaste sarve pratirudhya raNAjiram . 
nyAsayA.n chakrire shastraM pitaro bhR^igunandanam .. 30..\\
tato.ahaM punarevAtha tAnaShTau brahmavAdinaH . 
adrAkSha.n dIpyamAnAnvai grahAnaShTAvivoditAn .. 31..\\
te mA.n sapraNayaM vAkyamabruvansamare sthitam . 
praihi rAmaM mahAbAho guru.n lokahita.n kuru .. 32..\\
dR^iShTvA nivartita.n rAmaM suhR^idvAkyena tena vai . 
lokAnA.n cha hitaM kurvannahamapyAdade vachaH .. 33..\\
tato.aha.n rAmamAsAdya vavande bhR^ishavikShataH . 
rAmashchAbhyutsmayanpremNA mAmuvAcha mahAtapAH .. 34..\\
tvatsamo nAsti loke.asminkShatriyaH pR^ithivIcharaH . 
gamyatAM bhIShma yuddhe.asmi.nstoShito.ahaM bhR^isha.n tvayA .. 35..\\
mama chaiva samakSha.n tAM kanyAmAhUya bhArgavaH . 
uvAcha dInayA vAchA madhye teShA.n tapasvinAm .. 36..\\
\medskip\hrule\medskip\centerline{\Largedvng 187}
 rAma uvAcha

pratyakShametallokAnA.n sarveShAmeva bhAmini . 
yathA mayA para.n shaktyA kR^itaM vai pauruShaM mahat .. 1..\\
na chaiva yudhi shaknomi bhIShma.n shastrabhR^itAM varam . 
visheShayitumatyarthamuttamAstrANi darshayan .. 2..\\
eShA me paramA shaktiretanme paramaM balam . 
yatheShTa.n gamyatAM bhadre kimanyadvA karomi te .. 3..\\
bhIShmameva prapadyasva na te.anyA vidyate gatiH . 
nirjito hyasmi bhIShmeNa mahAstrANi pramu~nchatA .. 4..\\

 bhIShma uvAcha

evamuktvA tato rAmo viniHshvasya mahAmanAH . 
tUShNImAsIttadA kanyA provAcha bhR^igunandanam .. 5..\\
bhagavannevamevaitadyathAha bhagavA.nstathA . 
ajeyo yudhi bhIShmo.ayamapi devairudAradhIH .. 6..\\
yathAshakti yathotsAhaM mama kArya.n kR^itaM tvayA . 
anidhAya raNe vIryamastrANi vividhAni cha .. 7..\\
na chaiSha shakyate yuddhe visheShayitumantataH . 
na chAhamena.n yAsyAmi punarbhIShma.n kathaM chana .. 8..\\
gamiShyAmi tu tatrAha.n yatra bhIShma.n tapodhana . 
samare pAtayiShyAmi svayameva bhR^igUdvaha .. 9..\\
evamuktvA yayau kanyA roShavyAkulalochanA . 
tapase dhR^itasa~NkalpA mama chintayatI vadham .. 10..\\
tato mahendra.n saha tairmunirbhirbhR^igusattamaH . 
yathAgata.n yayau rAmo mAmupAmantrya bhArata .. 11..\\
tato.aha.n rathamAruhya stUyamAno dvijAtibhiH . 
pravishya nagaraM mAtre satyavatyai nyavedayam . 
yathAvR^ittaM mahArAja sA cha mAM pratyanandata .. 12..\\
puruShAMshchAdishaM prAGYAnkanyAvR^ittAntakarmaNi . 
divase divase hyasyA gatajalpitacheShTitam . 
pratyAharaMshcha me yuktAH sthitAH priyahite mama .. 13..\\
yadaiva hi vanaM prAyAtkanyA sA tapase dhR^itA . 
tadaiva vyathito dIno gatachetA ivAbhavam .. 14..\\
na hi mA.n kShatriyaH kashchidvIryeNa vijayedyudhi . 
R^ite brahmavidastAta tapasA saMshitavratAt .. 15..\\
api chaitanmayA rAjannArade.api niveditam . 
vyAse chaiva bhayAtkArya.n tau chobhau mAmavochatAm .. 16..\\
na viShAdastvayA kAryo bhIShma kAshisutAM prati . 
daivaM puruShakAreNa ko nivartitumutsahet .. 17..\\
sA tu kanyA mahArAja pravishyAshramamaNDalam . 
yamunAtIramAshritya tapastepe.atimAnuSham .. 18..\\
nirAhArA kR^ishA rUkShA jaTilA malapa~NkinI . 
ShaNmAsAnvAyubhakShA cha sthANubhUtA tapodhanA .. 19..\\
yamunAtIramAsAdya sa.nvatsaramathAparam . 
udavAsaM nirAhArA pArayAmAsa bhAminI .. 20..\\
shIrNaparNena chaikena pArayAmAsa chAparam . 
sa.nvatsara.n tIvrakopA pAdA~NguShThAgradhiShThitA .. 21..\\
eva.n dvAdasha varShANi tApayAmAsa rodasI . 
nivartyamAnApi tu sA GYAtibhirnaiva shakyate .. 22..\\
tato.agamadvatsabhUmi.n siddhachAraNasevitAm . 
AshramaM puNyashIlAnA.n tApasAnAM mahAtmanAm .. 23..\\
tatra puNyeShu desheShu sAplutA~NgI divAnisham . 
vyacharatkAshikanyA sA yathAkAmavichAriNI .. 24..\\
nandAshrame mahArAja tatolUkAshrame shubhe . 
chyavanasyAshrame chaiva brahmaNaH sthAna eva cha .. 25..\\
prayAge devayajane devAraNyeShu chaiva ha . 
bhogavatyA.n tathA rAjankaushikasyAshrame tathA .. 26..\\
mANDavyasyAshrame rAjandilIpasyAshrame tathA . 
rAmahrade cha kauravya pailagArgyasya chAshrame .. 27..\\
eteShu tIrtheShu tadA kAshikanyA vishAM pate . 
AplAvayata gAtrANi tIvramAsthAya vai tapaH .. 28..\\
tAmabravItkauraveya mama mAtA jalotthitA . 
kimartha.n klishyase bhadre tathyametadbravIhi me .. 29..\\
sainAmathAbravIdrAjankR^itA~njaliraninditA . 
bhIShmo rAmeNa samare na jitashchArulochane .. 30..\\
ko.anyastamutsahejjetumudyateShuM mahIpatim . 
sAhaM bhIShmavinAshAya tapastapsye sudAruNam .. 31..\\
charAmi pR^ithivI.n devi yathA hanyAmahaM nR^ipam . 
etadvrataphala.n dehe parasminsyAdyathA hi me .. 32..\\
tato.abravItsAgaragA jihma.n charasi bhAmini . 
naiSha kAmo.anavadyA~Ngi shakyaH prAptu.n tvayAbale .. 33..\\
yadi bhIShmavinAshAya kAshye charasi vai vratam . 
vratasthA cha sharIra.n tva.n yadi nAma vimokShyasi . 
nadI bhaviShyasi shubhe kuTilA vArShikodakA .. 34..\\
dustIrthA chAnabhiGYeyA vArShikI nAShTamAsikI . 
bhImagrAhavatI ghorA sarvabhUtabhaya~NkarI .. 35..\\
evamuktvA tato rAjankAshikanyAM nyavartata . 
mAtA mama mahAbhAgA smayamAneva bhAminI .. 36..\\
kadA chidaShTame mAsi kadA chiddashame tathA . 
na prAshnItodakamapi punaH sA varavarNinI .. 37..\\
sA vatsabhUmi.n kauravya tIrthalobhAttatastataH . 
patitA paridhAvantI punaH kAshipateH sutA .. 38..\\
sA nadI vatsabhUmyA.n tu prathitAmbeti bhArata . 
vArShikI grAhabahulA dustIrthA kuTilA tathA .. 39..\\
sA kanyA tapasA tena bhAgArdhena vyajAyata . 
nadI cha rAjanvatseShu kanyA chaivAbhavattadA .. 40..\\
\medskip\hrule\medskip\centerline{\Largedvng 188}
 bhIShma uvAcha

tataste tApasAH sarve tapase dhR^itanishchayAm . 
dR^iShTvA nyavartaya.nstAta ki.n kAryamiti chAbruvan .. 1..\\
tAnuvAcha tataH kanyA tapovR^iddhAnR^iShI.nstadA . 
nirAkR^itAsmi bhIShmeNa bhraMshitA patidharmataH .. 2..\\
vadhArtha.n tasya dIkShA me na lokArthaM tapodhanAH . 
nihatya bhIShma.n gachchheya.n shAntimityeva nishchayaH .. 3..\\
yatkR^ite duHkhavasatimimAM prAptAsmi shAshvatIm . 
patilokAdvihInA cha naiva strI na pumAniha .. 4..\\
nAhatvA yudhi gA~NgeyaM nivarteya.n tapodhanAH . 
eSha me hR^idi sa~Nkalpo yadarthamidamudyatam .. 5..\\
strIbhAve parinirviNNA pu.nstvArthe kR^itanishchayA . 
bhIShme pratichikIrShAmi nAsmi vAryeti vai punaH .. 6..\\
tA.n devo darshayAmAsa shUlapANirumApatiH . 
madhye teShAM maharShINA.n svena rUpeNa bhAminIm .. 7..\\
chhandyamAnA vareNAtha sA vavre matparAjayam . 
vadhiShyasIti tA.n devaH pratyuvAcha manasvinIm .. 8..\\
tataH sA punarevAtha kanyA rudramuvAcha ha . 
upapadyetkatha.n deva striyo mama jayo yudhi . 
strIbhAvena cha me gADhaM manaH shAntamumApate .. 9..\\
pratishrutashcha bhUtesha tvayA bhIShmaparAjayaH . 
yathA sa satyo bhavati tathA kuru vR^iShadhvaja . 
yathA hanyA.n samAgamya bhIShmaM shAntanavaM yudhi .. 10..\\
tAmuvAcha mahAdevaH kanyA.n kila vR^iShadhvajaH . 
na me vAganR^itaM bhadre prAha satyaM bhaviShyati .. 11..\\
vadhiShyasi raNe bhIShmaM puruShatva.n cha lapsyase . 
smariShyasi cha tatsarva.n dehamanyaM gatA satI .. 12..\\
drupadasya kule jAtA bhaviShyasi mahArathaH . 
shIghrAstrashchitrayodhI cha bhaviShyasi susaMmataH .. 13..\\
yathoktameva kalyANi sarvametadbhaviShyati . 
bhaviShyasi pumAnpashchAtkasmAchchitkAlaparyayAt .. 14..\\
evamuktvA mahAtejAH kapardI vR^iShabhadhvajaH . 
pashyatAmeva viprANA.n tatraivAntaradhIyata .. 15..\\
tataH sA pashyatA.n teShAM maharShINAmaninditA . 
samAhR^itya vanAttasmAtkAShThAni varavarNinI .. 16..\\
chitA.n kR^itvA sumahatIM pradAya cha hutAshanam . 
pradIpte.agnau mahArAja roShadIptena chetasA .. 17..\\
uktvA bhIShmavadhAyeti pravivesha hutAshanam . 
jyeShThA kAshisutA rAjanyamunAmabhito nadIm .. 18..\\
\medskip\hrule\medskip\centerline{\Largedvng 189}
 duryodhana uvAcha

katha.n shikhaNDI gA~Ngeya kanyA bhUtvA satI tadA . 
puruSho.abhavadyudhi shreShTha tanme brUhi pitAmaha .. 1..\\

 bhIShma uvAcha

bhAryA tu tasya rAjendra drupadasya mahIpateH . 
mahiShI dayitA hyAsIdaputrA cha vishAM pate .. 2..\\
etasminneva kAle tu drupado vai mahIpatiH . 
apatyArthaM mahArAja toShayAmAsa sha~Nkaram .. 3..\\
asmadvadhArthaM nishchitya tapo ghora.n samAsthitaH . 
lebhe kanyAM mahAdevAtputro me syAditi bruvan .. 4..\\
bhagavanputramichchhAmi bhIShmaM pratichikIrShayA . 
ityukto devadevena strIpumA.nste bhaviShyati .. 5..\\
nivartasva mahIpAla naitajjAtvanyathA bhavet . 
sa tu gatvA cha nagaraM bhAryAmidamuvAcha ha .. 6..\\
kR^ito yatno mayA devi putrArthe tapasA mahAn . 
kanyA bhUtvA pumAnbhAvI iti chokto.asmi shambhunA .. 7..\\
punaH punaryAchyamAno diShTamityabravIchchhivaH . 
na tadanyaddhi bhavitA bhavitavya.n hi tattathA .. 8..\\
tataH sA niyatA bhUtvA R^itukAle manasvinI . 
patnI drupadarAjasya drupada.n sa.nvivesha ha .. 9..\\
lebhe garbha.n yathAkAlaM vidhidR^iShTena hetunA . 
pArShatAtsA mahIpAla yathA mAM nArado.abravIt .. 10..\\
tato dadhAra ta.n garbhaM devI rAjIvalochanA . 
tA.n sa rAjA priyAM bhAryA.n drupadaH kurunandana . 
putrasnehAnmahAbAhuH sukhaM paryacharattadA .. 11..\\
aputrasya tato rAGYo drupadasya mahIpateH . 
kanyAM pravararUpA.n tAM prAjAyata narAdhipa .. 12..\\
aputrasya tu rAGYaH sA drupadasya yashasvinI . 
khyApayAmAsa rAjendra putro jAto mameti vai .. 13..\\
tataH sa rAjA drupadaH prachchhannAyA narAdhipa . 
putravatputrakAryANi sarvANi samakArayat .. 14..\\
rakShaNa.n chaiva mantrasya mahiShI drupadasya sA . 
chakAra sarvayatnena bruvANA putra ityuta . 
na hi tA.n veda nagare kashchidanyatra pArShatAt .. 15..\\
shraddadhAno hi tadvAkya.n devasyAdbhutatejasaH . 
chhAdayAmAsa tA.n kanyAM pumAniti cha so.abravIt .. 16..\\
jAtakarmANi sarvANi kArayAmAsa pArthivaH . 
pu.nvadvidhAnayuktAni shikhaNDIti cha tA.n viduH .. 17..\\
ahamekastu chAreNa vachanAnnAradasya cha . 
GYAtavAndevavAkyena ambAyAstapasA tathA .. 18..\\
\medskip\hrule\medskip\centerline{\Largedvng 190}
 bhIShma uvAcha

chakAra yatna.n drupadaH sarvasminsvajane mahat . 
tato lekhyAdiShu tathA shilpeShu cha para.n gatA . 
iShvastre chaiva rAjendra droNashiShyo babhUva ha .. 1..\\
tasya mAtA mahArAja rAjAna.n varavarNinI . 
chodayAmAsa bhAryArtha.n kanyAyAH putravattadA .. 2..\\
tatastAM pArShato dR^iShTvA kanyA.n samprAptayauvanAm . 
striyaM matvA tadA chintAM prapede saha bhAryayA .. 3..\\

 drupada uvAcha

kanyA mameya.n samprAptA yauvanaM shokavardhinI . 
mayA prachchhAditA cheya.n vachanAchchhUlapANinaH .. 4..\\
na tanmithyA mahArAGYi bhaviShyati katha.n chana . 
trailokyakartA kasmAddhi tanmR^iShA kartumarhati .. 5..\\

 bhAryovAcha

yadi te rochate rAjanvakShyAmi shR^iNu me vachaH . 
shrutvedAnIM prapadyethAH svakAryaM pR^iShatAtmaja .. 6..\\
kriyatAmasya nR^ipate vidhivaddArasa~NgrahaH . 
satyaM bhavati tadvAkyamiti me nishchitA matiH .. 7..\\

 bhIShma uvAcha

tatastau nishchaya.n kR^itvA tasminkArye.atha dampatI . 
varayA.n chakratuH kanyAM dashArNAdhipateH sutAm .. 8..\\
tato rAjA drupado rAjasi.nhaH 
sarvAnrAGYaH kulataH saMnishAmya . 
dAshArNakasya nR^ipatestanUjAM 
shikhaNDine varayAmAsa dArAn .. 9..\\
hiraNyavarmeti nR^ipo yo.asau dAshArNakaH smR^itaH . 
sa cha prAdAnmahIpAlaH kanyA.n tasmai shikhaNDine .. 10..\\
sa cha rAjA dashArNeShu mahAnAsInmahIpatiH . 
hiraNyavarmA durdharSho mahAseno mahAmanAH .. 11..\\
kR^ite vivAhe tu tadA sA kanyA rAjasattama . 
yauvana.n samanuprAptA sA cha kanyA shikhaNDinI .. 12..\\
kR^itadAraH shikhaNDI tu kAmpilyaM punarAgamat . 
na cha sA veda tA.n kanyAM kaM chitkAla.n striyaM kila .. 13..\\
hiraNyavarmaNaH kanyA GYAtvA tA.n tu shikhaNDinIm . 
dhAtrINA.n cha sakhInAM cha vrIDamAnA nyavedayat . 
kanyAM pa~nchAlarAjasya sutA.n tA.n vai shikhaNDinIm .. 14..\\
tatastA rAjashArdUla dhAtryo dAshArNikAstadA . 
jagmurArtiM parA.n duHkhAtpreShayAmAsureva cha .. 15..\\
tato dashArNAdhipateH preShyAH sarvaM nyavedayan . 
vipralambha.n yathAvR^ittaM sa cha chukrodha pArthivaH .. 16..\\
shikhaNDyapi mahArAja pu.nvadrAjakule tadA . 
vijahAra mudA yuktaH strItvaM naivAtirochayan .. 17..\\
tathA katipayAhasya tachchhrutvA bharatarShabha . 
hiraNyavarmA rAjendra roShAdArti.n jagAma ha .. 18..\\
tato dAshArNako rAjA tIvrakopasamanvitaH . 
dUtaM prasthApayAmAsa drupadasya niveshane .. 19..\\
tato drupadamAsAdya dUtaH kA~nchanavarmaNaH . 
eka ekAntamutsArya raho vachanamabravIt .. 20..\\
dashArNarAjo rAja.nstvAmida.n vachanamabravIt . 
abhiSha~NgAtprakupito vipralabdhastvayAnagha .. 21..\\
avamanyase mAM nR^ipate nUna.n durmantritaM tava . 
yanme kanyA.n svakanyArthe mohAdyAchitavAnasi .. 22..\\
tasyAdya vipralambhasya phalaM prApnuhi durmate . 
eSha tvA.n sajanAmAtyamuddharAmi sthiro bhava .. 23..\\
\medskip\hrule\medskip\centerline{\Largedvng 191}
 bhIShma uvAcha

evamuktasya dUtena drupadasya tadA nR^ipa . 
chorasyeva gR^ihItasya na prAvartata bhAratI .. 1..\\
sa yatnamakarottIvra.n sambandhairanusAntvanaiH . 
dUtairmadhurasambhAShairnaitadastIti sandishan .. 2..\\
sa rAjA bhUya evAtha kR^itvA tattvata Agamam . 
kanyeti pA~nchAlasutA.n tvaramANo.abhiniryayau .. 3..\\
tataH sampreShayAmAsa mitrANAmamitaujasAm . 
duhiturvipralambha.n taM dhAtrINA.n vachanAttadA .. 4..\\
tataH samudraya.n kR^itvA balAnA.n rAjasattamaH . 
abhiyAne mati.n chakre drupadaM prati bhArata .. 5..\\
tatha saMmantrayAmAsa mitraiH saha mahIpatiH . 
hiraNyavarmA rAjendra pA~nchAlyaM pArthivaM prati .. 6..\\
tatra vai nishchita.n teShAmabhUdrAGYAM mahAtmanAm . 
tathya.n chedbhavati hyetatkanyA rAja~nshikhaNDinI . 
baddhvA pA~nchAlarAjAnamAnayiShyAmahe gR^ihAn .. 7..\\
anya.n rAjAnamAdhAya pA~nchAleShu nareshvaram . 
ghAtayiShyAma nR^ipati.n drupada.n sashikhaNDinam .. 8..\\
sa tadA dUtamAGYAya punaH kShattAramIshvaraH . 
prAsthApayatpArShatAya hanmIti tvA.n sthiro bhava .. 9..\\
sa prakR^ityA cha vai bhIruH kilbiShI cha narAdhipaH . 
bhaya.n tIvramanuprApto drupadaH pR^ithivIpatiH .. 10..\\
visR^ijya dUta.n dAshArNaM drupadaH shokakarshitaH . 
sametya bhAryA.n rahite vAkyamAha narAdhipaH .. 11..\\
bhayena mahatAviShTo hR^idi shokena chAhataH . 
pA~nchAlarAjo dayitAM mAtara.n vai shikhaNDinaH .. 12..\\
abhiyAsyati mA.n kopAtsambandhI sumahAbalaH . 
hiraNyavarmA nR^ipatiH karShamANo varUthinIm .. 13..\\
kimidAnI.n kariShyAmi mUDhaH kanyAmimAM prati . 
shikhaNDI kila putraste kanyeti parisha~NkitaH .. 14..\\
iti nishchitya tattvena samitraH sabalAnugaH . 
va~nchito.asmIti manvAno mA.n kiloddhartumichchhati .. 15..\\
kimatra tathya.n sushroNi kiM mithyA brUhi shobhane . 
shrutvA tvattaH shubhe vAkya.n sa.nvidhAsyAmyaha.n tathA .. 16..\\
aha.n hi saMshayaM prApto bAlA cheyaM shikhaNDinI . 
tva.n cha rAGYi mahatkR^ichchhra.n samprAptA varavarNini .. 17..\\
sA tva.n sarvavimokShAya tattvamAkhyAhi pR^ichchhataH . 
tathA vidadhyA.n sushroNi kR^ityasyAsya shuchismite . 
shikhaNDini cha mA bhaistva.n vidhAsye tatra tattvataH .. 18..\\
kriyayAha.n varArohe va~nchitaH putradharmataH . 
mayA dAshArNako rAjA va~nchitashcha mahIpatiH . 
tadAchakShva mahAbhAge vidhAsye tatra yaddhitam .. 19..\\
jAnatApi narendreNa khyApanArthaM parasya vai . 
prakAsha.n choditA devI pratyuvAcha mahIpatim .. 20..\\
\medskip\hrule\medskip\centerline{\Largedvng 192}
 bhIShma uvAcha

tataH shikhaNDino mAtA yathAtattvaM narAdhipa . 
AchachakShe mahAbAho bhartre kanyA.n shikhaNDinIm .. 1..\\
aputrayA mayA rAjansapatnInAM bhayAdidam . 
kanyA shikhaNDinI jAtA puruSho vai niveditaH .. 2..\\
tvayA chaiva narashreShTha tanme prItyAnumoditam . 
putrakarma kR^ita.n chaiva kanyAyAH pArthivarShabha . 
bhAryA choDhA tvayA rAjandashArNAdhipateH sutA .. 3..\\
tvayA cha prAgabhihita.n devavAkyArthadarshanAt . 
kanyA bhUtvA pumAnbhAvItyeva.n chaitadupekShitam .. 4..\\
etachchhrutvA drupado yaGYasenaH 
sarva.n tattvammantravidbhyo nivedya . 
mantra.n rAjA mantrayAmAsa rAjan 
yadyadyukta.n rakShaNe vai prajAnAm .. 5..\\
sambandhaka.n chaiva samarthya tasmin 
dAshArNake vai nR^ipatau narendra . 
svaya.n kR^itvA vipralambha.n yathAvan 
mantraikAgro nishchaya.n vai jagAma .. 6..\\
svabhAvaguptaM nagaramApatkAle tu bhArata . 
gopayAmAsa rAjendra sarvataH samala~NkR^itam .. 7..\\
Arti.n cha paramA.n rAjA jagAma saha bhAryayA . 
dashArNapatinA sArdha.n virodhe bharatarShabha .. 8..\\
katha.n sambandhinA sArdhaM na me syAdvigraho mahAn . 
iti sa~ncintya manasA daivatAnyarchayattadA .. 9..\\
ta.n tu dR^iShTvA tadA rAjandevI deva paraM tathA . 
archAM prayu~njAnamatho bhAryA vachanamabravIt .. 10..\\
devAnAM pratipattishcha satyA sAdhumatA sadA . 
sA tu duHkhArNavaM prApya naH syAdarchayatAM bhR^isham .. 11..\\
daivatAni cha sarvANi pUjyantAM bhUridakShiNaiH . 
agnayashchApi hUyantA.n dAshArNapratisedhane .. 12..\\
ayuddhena nivR^itti.n cha manasA chintayAbhibho . 
devatAnAM prasAdena sarvametadbhaviShyati .. 13..\\
mantribhirmantrita.n sArdha.n tvayA yatpR^ithulochana . 
purasyAsyAvinAshAya tachcha rAja.nstathA kuru .. 14..\\
daiva.n hi mAnuShopetaM bhR^ishaM sidhyati pArthiva . 
parasparavirodhAttu nAnayoH siddhirasti vai .. 15..\\
tasmAdvidhAya nagare vidhAna.n sachivaiH saha . 
archayasva yathAkAma.n daivatAni vishAM pate .. 16..\\
eva.n sambhAShamANau tau dR^iShTvA shokaparAyaNau . 
shikhaNDinI tadA kanyA vrIDiteva manasvinI .. 17..\\
tataH sA chintayAmAsa matkR^ite duHkhitAvubhau . 
imAviti tatashchakre matiM prANavinAshane .. 18..\\
eva.n sA nishchaya.n kR^itvA bhR^ishaM shokaparAyaNA . 
jagAma bhavana.n tyaktvA gahanaM nirjana.n vanam .. 19..\\
yakSheNarddhimatA rAjansthUNAkarNena pAlitam . 
tadbhayAdeva cha jano visarjayati tadvanam .. 20..\\
tatra sthUNasya bhavana.n sudhAmR^ittikalepanam . 
lAjollApikadhUmADhyamuchchaprAkAratoraNam .. 21..\\
tatpravishya shikhaNDI sA drupadasyAtmajA nR^ipa . 
anashnatI bahutitha.n sharIramupashoShayat .. 22..\\
darshayAmAsa tA.n yakShaH sthUNo madhvakShasa.nyutaH . 
kimartho.aya.n tavArambhaH kariShye brUhi mAchiram .. 23..\\
ashakyamiti sA yakShaM punaH punaruvAcha ha . 
kariShyAmIti chainA.n sa pratyuvAchAtha guhyakaH .. 24..\\
dhaneshvarasyAnucharo varado.asmi nR^ipAtmaje . 
adeyamapi dAsyAmi brUhi yatte vivakShitam .. 25..\\
tataH shikhaNDI tatsarvamakhilena nyavedayat . 
tasmai yakShapradhAnAya sthUNAkarNAya bhArata .. 26..\\
Apanno me pitA yakSha nachirAdvinashiShyati . 
abhiyAsyati sa~Nkruddho dashArNAdhipatirhi tam .. 27..\\
mahAbalo mahotsAhaH sa hemakavacho nR^ipaH . 
tasmAdrakShasva mA.n yakSha pitaraM mAtara.n cha me .. 28..\\
pratiGYAto hi bhavatA duHkhapratinayo mama . 
bhaveyaM puruSho yakSha tvatprasAdAdaninditaH .. 29..\\
yAvadeva sa rAjA vai nopayAti puraM mama . 
tAvadeva mahAyakSha prasAda.n kuru guhyaka .. 30..\\
\medskip\hrule\medskip\centerline{\Largedvng 193}
 bhIShma uvAcha

shikhaNDivAkya.n shrutvAtha sa yakSho bharatarShabha . 
provAcha manasA chintya daivenopanipIDitaH . 
bhavitavya.n tathA taddhi mama duHkhAya kaurava .. 1..\\
bhadre kAma.n kariShyAmi samayaM tu nibodha me . 
ki.n chitkAlAntaraM dAsye pu.nli~Nga.n svamidaM tava . 
Agantavya.n tvayA kAle satyametadbravImi te .. 2..\\
prabhuH sa~Nkalpasiddho.asmi kAmarUpI viha~NgamaH . 
matprasAdAtpura.n chaiva trAhi bandhUMshcha kevalAn .. 3..\\
strIli~Nga.n dhArayiShyAmi tvadIyaM pArthivAtmaje . 
satyaM me pratijAnIhi kariShyAmi priya.n tava .. 4..\\

 shikhaNDyuvAcha

pratidAsyAmi bhagava.Nlli~NgaM punarida.n tava . 
ki.n chitkAlAntara.n strItvaM dhArayasva nishAchara .. 5..\\
pratiprayAte dAshArNe pArthive hemavarmaNi . 
kanyaivAhaM bhaviShyAmi puruShastvaM bhaviShyasi .. 6..\\

 bhIShma uvAcha

ityuktvA samaya.n tatra chakrAte tAvubhau nR^ipa . 
anyonyasyAnabhidrohe tau sa~NkrAmayatA.n tataH .. 7..\\
strIli~Nga.n dhArayAmAsa sthUNo yakSho narAdhipa . 
yakSharUpa.n cha taddIpta.n shikhaNDI pratyapadyata .. 8..\\
tataH shikhaNDI pA~nchAlyaH pu.nstvamAsAdya pArthiva . 
vivesha nagara.n hR^iShTaH pitara.n cha samAsadat . 
yathAvR^itta.n tu tatsarvamAchakhyau drupadasya cha .. 9..\\
drupadastasya tachchhrutvA harShamAhArayatparam . 
sabhAryastachcha sasmAra maheshvaravachastadA .. 10..\\
tataH sampreShayAmAsa dashArNAdhipaternR^ipa . 
puruSho.ayaM mama sutaH shraddhattAM me bhavAniti .. 11..\\
atha dAshArNako rAjA sahasAbhyAgamattadA . 
pA~nchAlarAja.n drupadaM duHkhAmarShasamanvitaH .. 12..\\
tataH kAmpilyamAsAdya dashArNAdhipatirtadA . 
preShayAmAsa satkR^itya dUtaM brahmavidA.n varam .. 13..\\
brUhi madvachanAddUta pA~nchAlya.n taM nR^ipAdhamam . 
yadvai kanyA.n svakanyArthe vR^itavAnasi durmate . 
phala.n tasyAvalepasya drakShyasyadya na saMshayaH .. 14..\\
evamuktastu tenAsau brAhmaNo rAjasattama . 
dUtaH prayAto nagara.n dAshArNanR^ipachoditaH .. 15..\\
tata AsAdayAmAsa purodhA drupadaM pure . 
tasmai pA~nchAlako rAjA gAmarghya.n cha susatkR^itam . 
prApayAmAsa rAjendra saha tena shikhaNDinA .. 16..\\
tAM pUjAM nAbhyanandatsa vAkya.n chedamuvAcha ha . 
yadukta.n tena vIreNa rAGYA kA~nchanavarmaNA .. 17..\\
yatte.ahamadhamAchAra duhitrarthe.asmi va~nchitaH . 
tasya pApasya karaNAtphalaM prApnuhi durmate .. 18..\\
dehi yuddhaM narapate mamAdya raNamUrdhani . 
uddhariShyAmi te sadyaH sAmAtyasutabAndhavam .. 19..\\
tadupAlambhasa.nyukta.n shrAvitaH kila pArthivaH . 
dashArNapatidUtena mantrimadhye purodhasA .. 20..\\
abravIdbharatashreShTha drupadaH praNayAnataH . 
yadAha mAM bhavAnbrahmansambandhivachanAdvachaH . 
tasyottaraM prativacho dUta eva vadiShyati .. 21..\\
tataH sampreShayAmAsa drupado.api mahAtmane . 
hiraNyavarmaNe dUtaM brAhmaNa.n vedapAragam .. 22..\\
samAgamya tu rAGYA sa dashArNapatinA tadA . 
tadvAkyamAdade rAjanyadukta.n drupadena ha .. 23..\\
AgamaH kriyatA.n vyakta.n kumAro vai suto mama . 
mithyaitadukta.n kenApi tanna shraddheyamityuta .. 24..\\
tataH sa rAjA drupadasya shrutvA 
vimarshayukto yuvatIrvariShThAH . 
sampreShayAmAsa suchArurUpAH 
shikhaNDina.n strI pumAnveti vettum .. 25..\\
tAH preShitAstattvabhAva.n viditvA 
prItyA rAGYe tachchhasha.nsurhi sarvam . 
shikhaNDinaM puruSha.n kauravendra 
dashArNarAjAya mahAnubhAvam .. 26..\\
tataH kR^itvA tu rAjA sa AgamaM prItimAnatha . 
sambandhinA samAgamya hR^iShTo vAsamuvAsa ha .. 27..\\
shikhaNDine cha muditaH prAdAdvitta.n janeshvaraH . 
hastino.ashvAMshcha gAshchaiva dAsyo bahushatAstathA . 
pUjitashcha pratiyayau nivartya tanayA.n kila .. 28..\\
vinItakilbiShe prIte hemavarmaNi pArthive . 
pratiyAte tu dAshArNe hR^iShTarUpA shikhaNDinI .. 29..\\
kasya chittvatha kAlasya kubero naravAhanaH . 
lokAnuyAtrA.n kurvANaH sthUNasyAgAnniveshanam .. 30..\\
sa tadgR^ihasyopari vartamAna 
AlokayAmAsa dhanAdhigoptA . 
sthUNasya yakShasya nishAmya veshma 
svala~NkR^itaM mAlyaguNairvichitram .. 31..\\
lAjaishcha gandhaishcha tathA vitAnair 
abhyarchita.n dhUpanadhUpitaM cha . 
dhvajaiH patAkAbhirala~NkR^ita.n cha 
bhakShyAnnapeyAmiShadattahomam .. 32..\\
tatsthAna.n tasya dR^iShTvA tu sarvataH samala~NkR^itam . 
athAbravIdyakShapatistAnyakShAnanugA.nstadA .. 33..\\
svala~NkR^itamida.n veshma sthUNasyAmitavikramAH . 
nopasarpati mA.n chApi kasmAdadya sumandadhIH .. 34..\\
yasmAjjAnansumandAtmA mAm asau nopasarpati . 
tasmAttasmai mahAdaNDo dhAryaH syAditi me matiH .. 35..\\

 yakShA UchuH

drupadasya sutA rAjanrAGYo jAtA shikhaNDinI . 
tasmai nimitte kasmiMshchitprAdAtpuruShalakShaNam .. 36..\\
agrahIllakShaNa.n strINAM strIbhUtastiShThate gR^ihe . 
nopasarpati tenAsau savrIDaH strIsvarUpavAn .. 37..\\
etasmAtkAraNAdrAjansthUNo na tvAdya pashyati . 
shrutvA kuru yathAnyAya.n vimAnamiha tiShThatAm .. 38..\\

 bhIShma uvAsa

AnIyatA.n sthUNa iti tato yakShAdhipo.abravIt . 
kartAsmi nigraha.n tasyetyuvAcha sa punaH punaH .. 39..\\
so.abhyagachchhata yakShendramAhUtaH pR^ithivIpate . 
strIsvarUpo mahArAja tasthau vrIDAsamanvitaH .. 40..\\
ta.n shashApa susa~Nkruddho dhanadaH kurunandana . 
evameva bhavatvasya strItvaM pApasya guhyakAH .. 41..\\
tato.abravIdyakShapatirmahAtmA 
yasmAdadAstvavamanyeha yakShAn . 
shikhaNDine lakShaNaM pApabuddhe 
strIlakShaNa.n chAgrahIH pApakarman .. 42..\\
apravR^itta.n sudurbuddhe yasmAdetatkR^ita.n tvayA . 
tasmAdadya prabhR^ityeva tva.n strI sa puruShastathA .. 43..\\
tataH prasAdayAmAsuryakShA vaishravaNa.n kila . 
sthUNasyArthe kuruShvAnta.n shApasyeti punaH punaH .. 44..\\
tato mahAtmA yakShendraH pratyuvAchAnugAminaH . 
sarvAnyakShagaNA.nstAta shApasyAntachikIrShayA .. 45..\\
hate shikhaNDini raNe svarUpaM pratipatsyate . 
sthUNo yakSho nirudvego bhavatviti mahAmanAH .. 46..\\
ityuktvA bhagavAndevo yakSharAkShasapUjitaH . 
prayayau saha taiH sarvairnimeShAntarachAribhiH .. 47..\\
sthUNastu shApa.n samprApya tatraiva nyavasattadA . 
samaye chAgamatta.n vai shikhaNDI sa kShapAcharam .. 48..\\
so.abhigamyAbravIdvAkyaM prApto.asmi bhagavanniti . 
tamabravIttataH sthUNaH prIto.asmIti punaH punaH .. 49..\\
ArjavenAgata.n dR^iShTvA rAjaputra.n shikhaNDinam . 
sarvameva yathAvR^ittamAchachakShe shikhaNDine .. 50..\\

 yakSha uvAcha

shapto vaishravaNenAsmi tvatkR^ite pArthivAtmaja . 
gachchhedAnI.n yathAkAma.n chara lokAnyathAsukham .. 51..\\
diShTametatpurA manye na shakyamativartitum . 
gamana.n tava cheto hi paulastyasya cha darshanam .. 52..\\

 bhIShma uvAcha

evamuktaH shikhaNDI tu sthUNayakSheNa bhArata . 
pratyAjagAma nagara.n harSheNa mahatAnvitaH .. 53..\\
pUjayAmAsa vividhairgandhamAlyairmahAdhanaiH . 
dvijAtIndevatAshchApi chaityAnatha chatuShpathAn .. 54..\\
drupadaH saha putreNa siddhArthena shikhaNDinA . 
muda.n cha paramA.n lebhe pA~nchAlyaH saha bAndhavaiH .. 55..\\
shiShyArthaM pradadau chApi droNAya kurupu~Ngava . 
shikhaNDinaM mahArAja putra.n strIpUrviNa.n tathA .. 56..\\
pratipede chatuShpAda.n dhanurvedaM nR^ipAtmajaH . 
shikhaNDI saha yuShmAbhirdhR^iShTadyumnashcha pArShataH .. 57..\\
mama tvetachcharAstAta yathAvatpratyavedayan . 
jaDAndhabadhirAkArA ye yuktA drupade mayA .. 58..\\
evameSha mahArAja strIpumAndrupadAtmajaH . 
sambhUtaH kauravashreShTha shikhaNDI rathasattamaH .. 59..\\
jyeShThA kAshipateH kanyA ambA nAmeti vishrutA . 
drupadasya kule jAtA shikhaNDI bharatarShabha .. 60..\\
nAhamena.n dhanuShpANi.n yuyutsuM samupasthitam . 
muhUrtamapi pashyeyaM prahareyaM na chApyuta .. 61..\\
vratametanmama sadA pR^ithivyAmapi vishrutam . 
striyA.n strIpUrvake chApi strInAmni strIsvarUpiNi .. 62..\\
na mu~ncheyamahaM bANAniti kauravanandana . 
na hanyAmahametena kAraNena shikhaNDinam .. 63..\\
etattattvamaha.n veda janma tAta shikhaNDinaH . 
tato naina.n haniShyAmi samareShvAtatAyinam .. 64..\\
yadi bhIShmaH striya.n hanyAddhanyAdAtmAnamapyuta . 
naina.n tasmAddhaniShyAmi dR^iShTvApi samare sthitam .. 65..\\

 sa~njaya uvAcha

etachchhrutvA tu kauravyo rAjA duryodhanastadA . 
muhUrtamiva sa dhyAtvA bhIShme yuktamamanyata .. 66..\\
\medskip\hrule\medskip\centerline{\Largedvng 194}
 sa~njaya uvAcha

prabhAtAyA.n tu sharvaryAM punareva sutastava . 
madhye sarvasya sainyasya pitAmahamapR^ichchhata .. 1..\\
pANDaveyasya gA~Ngeya yadetatsainyamuttamam . 
prabhUtanaranAgAshvaM mahArathasamAkulam .. 2..\\
bhImArjunaprabhR^itibhirmaheShvAsairmahAbalaiH . 
lokapAlopamairgupta.n dhR^iShTadyumnapurogamaiH .. 3..\\
apradhR^iShyamanAvAryamudvR^ittamiva sAgaram . 
senAsAgaramakShobhyamapi devairmahAhave .. 4..\\
kena kAlena gA~Ngeya kShapayethA mahAdyute . 
AchAryo vA maheShvAsaH kR^ipo vA sumahAbalaH .. 5..\\
karNo vA samarashlAghI drauNirvA dvijasattamaH . 
divyAstraviduShaH sarve bhavanto hi bale mama .. 6..\\
etadichchhAmyaha.n GYAtuM para.n kautUhalaM hi me . 
hR^idi nityaM mahAbAho vaktumarhasi tanmama .. 7..\\

 bhIShma uvAcha

anurUpa.n kurushreShTha tvayyetatpR^ithivIpate . 
balAbalamamitrANA.n sveShA.n cha yadi pR^ichchhasi .. 8..\\
shR^iNu rAjanmama raNe yA shaktiH paramA bhavet . 
astravIrya.n raNe yachcha bhujayoshcha mahAbhuja .. 9..\\
Arjavenaiva yuddhena yoddhavya itaro janaH . 
mAyAyuddhena mAyAvI ityetaddharmanishchayaH .. 10..\\
hanyAmahaM mahAbAho pANDavAnAmanIkinIm . 
divase divase kR^itvA bhAgaM prAgAhnikaM mama .. 11..\\
yodhAnA.n dashasAhasraM kR^itvA bhAgaM mahAdyute . 
sahasra.n rathinAmekameSha bhAgo mato mama .. 12..\\
anenAha.n vidhAnena saMnaddhaH satatotthitaH . 
kShapayeyaM mahatsainya.n kAlenAnena bhArata .. 13..\\
yadi tvastrANi mu~ncheyaM mahAnti samare sthitaH . 
shatasAhasraghAtIni hanyAM mAsena bhArata .. 14..\\

 sa~njaya uvAcha

shrutvA bhIShmasya tadvAkya.n rAjA duryodhanastadA . 
paryapR^ichchhata rAjendra droNama~NgirasA.n varam .. 15..\\
AchArya kena kAlena pANDuputrasya sainikAn . 
nihanyA iti ta.n droNaH pratyuvAcha hasanniva .. 16..\\
sthaviro.asmi kurushreShTha mandaprANavicheShTitaH . 
astrAgninA nirdaheyaM pANDavAnAmanIkinIm .. 17..\\
yathA bhIShmaH shAntanavo mAseneti matirmama . 
eShA me paramA shaktiretanme paramaM balam .. 18..\\
dvAbhyAmeva tu mAsAbhyA.n kR^ipaH shAradvato.abravIt . 
drauNistu dasharAtreNa pratijaGYe balakShayam . 
karNastu pa~ncharAtreNa pratijaGYe mahAstravit .. 19..\\
tachchhrutvA sUtaputrasya vAkya.n sAgaragAsutaH . 
jahAsa sasvana.n hAsaM vAkya.n chedamuvAcha ha .. 20..\\
na hi tAvadraNe pArthaM bANakhaDgadhanurdharam . 
vAsudevasamAyukta.n rathenodyantamachyutam .. 21..\\
samAgachchhasi rAdheya tenaivamabhimanyase . 
shakyameva.n cha bhUyashcha tvayA vaktu.n yatheShTataH .. 22..\\
\medskip\hrule\medskip\centerline{\Largedvng 195}
 vaishampAyana uvAcha

etachchhrutvA tu kaunteyaH sarvAnbhrAtR^Inupahvare . 
AhUya bharatashreShTha ida.n vachanamabravIt .. 1..\\
dhArtarAShTrasya sainyeShu ye chArapuruShA mama . 
te pravR^ittiM prayachchhanti mamemA.n vyuShitAM nishAm .. 2..\\
duryodhanaH kilApR^ichchhadApageyaM mahAvratam . 
kena kAlena pANDUnA.n hanyAH sainyamiti prabho .. 3..\\
mAseneti cha tenokto dhArtarAShTraH sudurmatiH . 
tAvatA chApi kAlena droNo.api pratyajAnata .. 4..\\
gautamo dviguNa.n kAlamuktavAniti naH shrutam . 
drauNistu dasharAtreNa pratijaGYe mahAstravit .. 5..\\
tathA divyAstravitkarNaH sampR^iShTaH kurusa.nsadi . 
pa~nchabhirdivasairhantu.n sa sainyaM pratijaGYivAn .. 6..\\
tasmAdahamapIchchhAmi shrotumarjuna te vachaH . 
kAlena kiyatA shatrUnkShapayeriti sa.nyuge .. 7..\\
evamukto guDAkeshaH pArthivena dhana~njayaH . 
vAsudevamavekShyeda.n vachanaM prabhyabhAShata .. 8..\\
sarva ete mahAtmAnaH kR^itAstrAshchitrayodhinaH . 
asaMshayaM mahArAja hanyureva bala.n tava .. 9..\\
apaitu te manastApo yathAsatyaM bravImyaham . 
hanyAmekarathenAha.n vAsudevasahAyavAn .. 10..\\
sAmarAnapi lokA.nstrInsahasthAvaraja~NgamAn . 
bhUtaM bhavyaM bhaviShyachcha nimeShAditi me matiH .. 11..\\
yattadghoraM pashupatiH prAdAdastraM mahanmama . 
kairAte dvandvayuddhe vai tadidaM mayi vartate .. 12..\\
yadyugAnte pashupatiH sarvabhUtAni sa.nharan . 
prayu~Nkte puruShavyAghra tadidaM mayi vartate .. 13..\\
tanna jAnAti gA~Ngeyo na droNo na cha gautamaH . 
na cha droNasuto rAjankuta eva tu sUtajaH .. 14..\\
na tu yukta.n raNe hantu.n divyairastraiH pR^ithagjanam . 
Arjavenaiva yuddhena vijeShyAmo vayaM parAn .. 15..\\
tatheme puruShavyAghrAH sahAyAstava pArthiva . 
sarve divyAstraviduShaH sarve yuddhAbhinandinaH .. 16..\\
vedAntAvabhR^ithasnAtAH sarva ete.aparAjitAH . 
nihanyuH samare senA.n devAnAmapi pANDava .. 17..\\
shikhaNDI yuyudhAnashcha dhR^iShTadyumnashcha pArShataH . 
bhImaseno yamau chobhau yudhAmanyUttamaujasau .. 18..\\
virATadrupadau chobhau bhIShmadroNasamau yudhi . 
svaya.n chApi samartho.asi trailokyotsAdane api .. 19..\\
krodhAdyaM puruShaM pashyestva.n vAsavasamadyute . 
kShipraM na sa bhavedvyaktamiti tvA.n vedmi kaurava .. 20..\\
\medskip\hrule\medskip\centerline{\Largedvng 196}
 vaishampAyana uvAcha

tataH prabhAte vimale dhArtarAShTreNa choditAH . 
duryodhanena rAjAnaH prayayuH pANDavAnprati .. 1..\\
AplAvya shuchayaH sarve sragviNaH shuklavAsasaH . 
gR^ihItashastrA dhvajinaH svasti vAchya hutAgnayaH .. 2..\\
sarve vedavidaH shUrAH sarve sucharitavratAH . 
sarve karmakR^itashchaiva sarve chAhavalakShaNAH .. 3..\\
AhaveShu parA.NllokA~njigIShanto mahAbalAH . 
ekAgramanasaH sarve shraddadhAnAH parasya cha .. 4..\\
vindAnuvindAvAvantyau kekayA bAhlikaiH saha . 
prayayuH sarva evaite bhAradvAjapurogamAH .. 5..\\
ashvatthAmA shAntanavaH saindhavo.atha jayadrathaH . 
dAkShiNAtyAH pratIchyAshcha pArvatIyAshcha ye rathAH .. 6..\\
gAndhArarAjaH shakuniH prAchyodIchyAshcha sarvashaH . 
shakAH kirAtA yavanAH shibayo.atha vasAtayaH .. 7..\\
svaiH svairanIkaiH sahitAH parivArya mahAratham . 
ete mahArathAH sarve dvitIye niryayurbale .. 8..\\
kR^itavarmA sahAnIkastrigartAshcha mahAbalAH . 
duryodhanashcha nR^ipatirbhrAtR^ibhiH parivAritaH .. 9..\\
shalo bhUrishravAH shalyaH kausalyo.atha bR^ihadbalaH . 
ete pashchAdavartanta dhArtarAShTrapurogamAH .. 10..\\
te samena pathA yAtvA yotsyamAnA mahArathAH . 
kurukShetrasya pashchArdhe vyavatiShThanta daMshitAH .. 11..\\
duryodhanastu shibira.n kArayAmAsa bhArata . 
yathaiva hAstinapura.n dvitIya.n samala~NkR^itam .. 12..\\
na visheSha.n vijAnanti purasya shibirasya vA . 
kushalA api rAjendra narA nagaravAsinaH .. 13..\\
tAdR^ishanyeva durgANi rAGYAmapi mahIpatiH . 
kArayAmAsa kauravyaH shatasho.atha sahasrashaH .. 14..\\
pa~nchayojanamutsR^ijya maNDala.n tadraNAjiram . 
senAniveshAste rAjannAvisha~nshatasa~NghashaH .. 15..\\
tatra te pR^ithivIpAlA yathotsAha.n yathAbalam . 
vivishuH shibirANyAshu dravyavanti sahasrashaH .. 16..\\
teShA.n duryodhano rAjA sasainyAnAM mahAtmanAm . 
vyAdidesha sabAhyAnAM bhakShyabhojyamanuttamam .. 17..\\
sagajAshvamanuShyANA.n ye cha shilpopajIvinaH . 
ye chAnye.anugatAstatra sUtamAgadhabandinaH .. 18..\\
vaNijo gaNikA vArA ye chaiva prekShakA janAH . 
sarvA.nstAnkauravo rAjA vidhivatpratyavaikShata .. 19..\\
\medskip\hrule\medskip\centerline{\Largedvng 197}
 vaishampAyana uvAcha

tathaiva rAjA kaunteyo dharmaputro yudhiShThiraH . 
dhR^iShTadyumnamukhAnvIrAMshchodayAmAsa bhArata .. 1..\\
chedikAshikarUShANAM netAra.n dR^iDhavikramam . 
senApatimamitraghna.n dhR^iShTaketumathAdishat .. 2..\\
virATa.n drupadaM chaiva yuyudhAna.n shikhaNDinam . 
pA~nchAlyau cha maheShvAsau yudhAmanyUttamaujasau .. 3..\\
te shUrAshchitravarmANastaptakuNDaladhAriNaH . 
AjyAvasiktA jvalitA dhiShNyeShviva hutAshanAH . 
ashobhanta maheShvAsA grahAH prajvalitA iva .. 4..\\
so.atha sainya.n yathAyogaM pUjayitvA nararShabhaH . 
didesha tAnyanIkAni prayANAya mahIpatiH .. 5..\\
abhimanyuM bR^ihanta.n cha draupadeyAMshcha sarvashaH . 
dhR^iShTadyumnamukhAnetAnprAhiNotpANDunandanaH .. 6..\\
bhIma.n cha yuyudhAnaM cha pANDavaM cha dhana~njayam . 
dvitIyaM preShayAmAsa balaskandha.n yudhiShThiraH .. 7..\\
bhANDa.n samAropayatA.n charatAM sampradhAvatAm . 
hR^iShTAnA.n tatra yodhAnA.n shabdo divamivAspR^ishat .. 8..\\
svayameva tataH pashchAdvirATadrupadAnvitaH . 
tathAnyaiH pR^ithivIpAlaiH saha prAyAnmahIpatiH .. 9..\\
bhImadhanvAyanI senA dhR^iShTadyumnapuraskR^itA . 
ga~Ngeva pUrNA stimitA syandamAnA vyadR^ishyata .. 10..\\
tataH punaranIkAni vyayojayata buddhimAn . 
mohayandhR^itarAShTrasya putrANAM buddhinisravam .. 11..\\
draupadeyAnmaheShvAsAnabhimanyu.n cha pANDavaH . 
nakula.n sahadeva.n cha sarvAMshchaiva prabhadrakAn .. 12..\\
dasha chAshvasahasrANi dvisAhasra.n cha dantinaH . 
ayuta.n cha padAtInA.n rathAH pa~nchashatAstathA .. 13..\\
bhImasena.n cha durdharShaM prathamaM prAdishadbalam . 
madhyame tu virATa.n cha jayatsenaM cha mAgadham .. 14..\\
mahArathau cha pA~nchAlyau yudhAmanyUttamaujasau . 
vIryavantau mahAtmAnau gadAkArmukadhAriNau . 
anvayAtA.n tato madhye vAsudevadhana~njayau .. 15..\\
babhUvuratisa.nrabdhAH kR^itapraharaNA narAH . 
teShA.n viMshatisAhasrA dhvajAH shUrairadhiShThitAH .. 16..\\
pa~ncha nAgasahasrANi rathavaMshAshcha sarvashaH . 
padAtayashcha ye shUrAH kArmukAsigadAdharAH . 
sahasrasho.anyvayuH pashchAdagratashcha sahasrashaH .. 17..\\
yudhiShThiro yatra sainye svayameva balArNave . 
tatra te pR^ithivIpAlA bhUyiShThaM paryavasthitAH .. 18..\\
tatra nAgasahasrANi hayAnAmayutAni cha . 
tathA rathasahasrANi padAtInA.n cha bhArata . 
yadAshrityAbhiyuyudhe dhArtarAShTra.n suyodhanam .. 19..\\
tato.anye shatashaH pashchAtsahasrAyutasho narAH . 
nadantaH prayayusteShAmanIkAni sahasrashaH .. 20..\\
tatra bherIsahasrANi sha~NkhAnAmayutAni cha . 
vAdayanti sma sa.nhR^iShTAH sahasrAyutasho narAH .. 21..\\

##\end{multicols}##
##
\medskip\hrule\medskip
Last updated on \today ; Send corrections to sanskrit@cheerful.com
\end{document}