j

tamapratimasattvaujo balavIryaparAkramam . 
hata.n devavrata.n shrutvA pA~nchAlyena shikhaNDinA .. 1..\\
dhR^itarAShTrastadA rAjA shokavyAkula chetanaH . 
kimacheShTata viprarShe hate pitari vIryavAn .. 2..\\
tasya putro hi bhagavanbhIShmadroNamukhai rathaiH . 
parAjitya maheShvAsAnpANDavAnrAjyamichchhati .. 3..\\
tasminhate tu bhagavanketau sarvadhanuShmatA . 
yadacheShTata kauravyastanme brUhi dvijottama .. 4..\\

 v

nihataM pitara.n shrutvA dhR^itarAShTro janAdhipaH . 
lebhe na shAnti.n kauravyashchintAshokaparAyaNaH .. 5..\\
tasya chintayato duHkhamanishaM pArthivasya tat . 
AjagAma vishuddhAtmA punargAvalgaNistadA .. 6..\\
shibirAtsa~njayaM prAptaM nishi gAnAhvayaM puram . 
Ambikeyo mahArAja dhR^itarAShTro.anvapR^ichchhata .. 7..\\
shruvA bhIShmasya nidhanamaprahR^iShTamanA bhR^isham . 
putrANA.n jayamAkA~NkShanvilalApAturo yathA .. 8..\\

 dhr

sa.nsAdhya tu mahAtmAnaM bhIShmaM bhImaparAkramam . 
kimakArShuH para.n tAta kuravaH kAlachoditAH .. 9..\\
tasminvinihate shUre durAdharShe mahaujasi . 
kiM nu svitkuravo.akArShurnimagnAH shokasAgare .. 10..\\
tadudIrNaM mahatsainya.n trailokyasyApi sa~njaya . 
bhayamutpAdayettIvraM pANDavAnAM mahAtmanAm .. 11..\\
devavrate tu nihate kurUNAmR^iShabhe tadA . 
yadakArShurnR^ipatayastanmamAchakShva sa~njaya .. 12..\\

 s

shR^iNu rAjannekamanA vachanaM bruvato mama . 
yatte putrAstadAkArShurhate devavrate mR^idhe .. 13..\\
nihate tu tadA bhIShme rAjansatyaparAkrame . 
tAvakAH pANDaveyAshcha prAdhyAyanta pR^ithakpR^ithak .. 14..\\
vismitAshcha prahR^iShTAshcha kShatradharmaM nishAmya te . 
svadharmaM nindamAnAshcha praNipatya mahAtmane .. 15..\\
shayana.n kalpayAmAsurbhIShmAyAmita tejase . 
sopadhAnaM naravyAghra sharaiH saMnataparvabhiH .. 16..\\
vidhAya rakShAM bhIShmAya samAbhAShya parasparam . 
anumAnya cha gA~Ngeya.n kR^itvA chApi pradakShiNam .. 17..\\
krodhasa.nraktanayanAH samavekShya parasparam . 
punaryuddhAya nirjagmuH kShatriyAH kAlachoditAH .. 18..\\
tatastUryaninAdaishcha bherINA.n cha mahAsvanaiH . 
tAvakAnAmanIkAni pareShA.n chApi niryayuH .. 19..\\
vyAvR^itte.ahani rAjendra patite jAhnavIsute . 
amarShavashamApannAH kAlopahatachetasaH .. 20..\\
anAdR^itya vachaH pathya.n gA~Ngeyasya mahAtmanaH . 
niryayurbharatashreShThaH shastrANyAdAya sarvashaH .. 21..\\
mohAttava saputrasya vadhAchchhAntanavasya cha . 
kauravyA mR^ityusAdbhUtAH sahitAH sarvajArabhiH .. 22..\\
ajAvaya ivAgopA vane shvApada sa~Nkule . 
bhR^ishamudvignamanaso hInA devavratena te .. 23..\\
patite bharatashreShThe babhUva kuru vAhinI . 
dyaurivApeta nakShatrA hIna.n khamiva vAyunA .. 24..\\
vipannasasyeva mahI vAkchaivAsa.nskR^itA yathA . 
AsurIva yathA senA nigR^ihIte purA balau .. 25..\\
vidhaveva varArohA shuShkatoyeva nimnagA . 
vR^ikairiva vane ruddhA pR^iShatI hatayUthapA .. 26..\\
svAdharSha hatasi.nheva mahatI girikandarA . 
bhAratI bharatashreShTha patite jAhnavIsute .. 27..\\
viShvagvAtahatA rugNA naurivAsInmahArNave . 
balibhiH pANDavairvIrairlabdhalakShairbhR^ishArditA .. 28..\\
sA tadAsIdbhR^isha.n senA vyAkulAshvarathadvipA . 
viShaNNabhUyiShTha narA kR^ipaNA draShTumAbabhau .. 29..\\
tasyA.n trastA nR^ipatayaH sainikAshcha pR^ithagvidhAH . 
pAtAla iva majjanto hInA deva vatena te . 
karNa.n hi kuravo.asmArShuH sa hi devavratopamaH .. 30..\\
sarvashastrabhR^itA.n shreShThaM rochamAnamivAtithim . 
bandhumApadgatasyeva tamevopAgamanmanaH .. 31..\\
chukrushuH karNa karNeti tatra bhArata pArthivAH . 
rAdheya.n hitamasmAkaM sUtaputra.n tanutyajam .. 32..\\
sa hi nAyudhyata tadA dashAhAni mahAyashAH . 
sAmAtyabandhuH karNo vai tamAhvayata mAchiram .. 33..\\
bhIShmeNa hi mahAbAhuH sarvakShatrasya pashyataH . 
ratheShu gaNyamAneShu balavikrama shAliShu . 
sa~NkhyAto.ardharathaH karNo dviguNaH sannararShabhaH .. 34..\\
rathAtiratha sa~NkhAyA.n yo.agraNIH shUra saMmataH . 
pitR^ivittAmbudeveShAnapi yo yoddhumutsahet .. 35..\\
sa tu tenaiva kopena rAjangA~NgeyamuktavAn . 
tvayi jIvati kauravya nAha.n yotsye katha.n chana .. 36..\\
tvayA tu pANDaveyeShu nihateShu mahAmR^idhe . 
duryodhanamanuGYApya vana.n yAsyAmi kaurava .. 37..\\
pANDavairvA hate bhIShme tvayi svargamupeyuShi . 
hantAsmyekarathenaiva kR^itsnAnyAnmanyase rathAn .. 38..\\
evamuktvA mahArAja dashAhAni mahAyashAH . 
nAyudhyata tataH karNaH putrasya tava saMmate .. 39..\\
bhIShmaH samaravikrAntaH pANDaveyasya pArthiva . 
jaghAna samare yodhAnasa~NkhyeyaparAkramaH .. 40..\\
tasmi.nstu nihate shUre satyasandhe mahaujasi . 
tvatsutAH karNamasmArShustartukAmA iva plavam .. 41..\\
tAvakAstava putrAshcha sahitAH sarvarAjabhiH . 
kA karNa iti chAkrandankAlo.ayamiti chAbruvan .. 42..\\
jAmadagnyAbhyanuGYAtamastre durvAra pauruSham . 
agamanno manaHkarNaM bandhumAtyayikeShviva .. 43..\\
sa hi shakto raNe rAja.nstrAtumasmAnmahAbhayAt . 
tridashAniva govindaH satata.n sumahAbhayAt .. 44..\\

 v

tathA karNa.n yudhi vara.n kIrtayantaM punaH punaH . 
AshIviShavaduchchhvasya dhR^itarAShTro.abravIdidam .. 45..\\
yattadvaikartana.n karNamagamadvo manastadA . 
apyapashyata rAdheya.n sUtaputra.n tanutyajam .. 46..\\
api tanna mR^iShAkArShIdyudhi satyaparAkramaH . 
sambhrAntAnA.n tadArtAnAM trastAnAM trANamichchhatAm .. 47..\\
api tatpUrayA.n chakre dhanurdhara varo yudhi . 
yattadvinihate bhIShme kauravANAmapAvR^itam .. 48..\\
tatkhaNDaM pUrayAmAsa pareShAmAdadhadbhayam . 
kR^itavAnmama putrANA.n jayAshA.n saphalAm api .. 49..\\
\medskip\hrule\medskip\centerline{\Largedvng 2}
 s

hataM bhIShmamAdhirathirviditvA 
bhinnAM nAvamivAtyagAdhe kurUNAm . 
sodaryavadvyasanAtsUtaputraH 
santArayiShya.nstava putrasya senAm .. 1..\\
shrutvA tu karNaH puruShendramachyutaM 
nipAtita.n shAntanavaM mahAratham . 
athopAyAttUrNamamitrakarshano 
dhanurdharANAM pravarastadA vR^iShaH .. 2..\\
hate tu bhIShme rathasattame parair 
nimajjatIM nAvamivArNave kurUn . 
piteva putrA.nstvarito.abhyayAttataH 
santArayiShya.nstava putrasya senAm .. 3..\\

 karna

yasmindhR^itirbuddhiparAkramaujo 
damaH satya.n vIra gaNAsh cha sarve . 
astrANi divyAnyatha saMnatirhrIr 
priyA cha vAganapAyIni bhIShme .. 4..\\
brahma dviShaghne satata.n kR^itaGYe 
sanAtana.n chandramasIva lakShma . 
sa chetprashAntaH paravIra hantA 
manye hatAneva hi sarvayodhAn .. 5..\\
neha dhruva.n kiM chana jAtu vidyate 
asmi.Nlloke karmaNo.anitya yogAt . 
sUryodaye ko hi vimuktasaMshayo 
bhAva.n kurvItAdya mahAvrate hate .. 6..\\
vasu prabhAve vasu vIryasambhave 
gate vasUneva vasundharAdhipe . 
vasUni putrAMshcha vasundharA.n tathA 
kurUMshcha shochadhvamimA.n cha vAhinIm .. 7..\\

 s

mahAprabhAve varade nipAtite 
lokashreShThe shAntanave mahaujasi . 
parAjiteShu bharateShu durmanAH 
karNo bhR^ishaM nyashvasadashruvartayan .. 8..\\
ida.n tu rAdheya vacho nishamya te 
sutAshcha rAja.nstava sainikAsh cha ha . 
paraspara.n chukrushurArtijaM bhR^ishaM 
tadAshru netrairmumuchurhi shabdavat .. 9..\\
pravartamAne tu punarmahAhave 
vigAhyamAnAsu chamUShu pArthivaiH . 
athAbravIddharSha kara.n vachastadA 
ratharShabhAnsarvamahAratharShabhaH .. 10..\\

 k

jagatyanitye satataM pradhAvati 
prachintayannasthiramadya lakShaye . 
bhavatsu tiShThatsviha pAtito raNe 
giriprakAshaH kurupu~NgavaH katham .. 11..\\
nipAtite shAntanave mahArathe 
divAkare bhUtalamAsthite yathA . 
na pArthivAH soDhumala.n dhana~njayaM 
giripravoDhAramivAnila.n drumAH .. 12..\\
hatapradhAna.n tvidamArtarUpaM 
parairhatotsAhamanAthamadya vai . 
mayA kurUNAM paripAlyamAhave 
bala.n yathA tena mahAtmanA tathA .. 13..\\
samAhita.n chAtmani bhAramIdR^ishaM 
jagattathAnityamida.n cha lakShaye . 
nipAtita.n chAhavashauNDamAhave 
kathaM nu kuryAmahamAhave bhayam .. 14..\\
aha.n tu tAnkuru vR^iShabhAnajihmagaiH 
praverayanyama sadana.n raNe charan . 
yashaH para.n jagati vibhAvya vartitA 
parairhato yudhi shayitAtha vA punaH .. 15..\\
yudhiShThiro dhR^itimatidharmatattvavAn 
vR^ikodaro gajashatatulyavikramaH . 
tathArjunastridashavarAtmajo yato 
na tadbala.n sujayamathAmarairapi .. 16..\\
yamau raNe yatra yamopamau bale 
sa sAtyakiryatra cha devakI sutaH . 
na tadbala.n kApuruSho.abhyupeyivAn 
nivartate mR^ityumukhAdivAsakR^it .. 17..\\
tapo.abhyudIrNa.n tapasaiva gamyate 
balaM balenApi tathA manasvibhiH . 
manashcha me shatrunivAraNe dhruvaM 
svarakShaNe chAchalavadvyavasthitam .. 18..\\
eva.n chaiShAM budhyamAnaH prabhAvaM 
gatvaivAha.n tA~njayAmyadya sUta . 
mitradroho marShaNIyo na me.ayaM 
bhagne sainye yaH sahAyaH sa mitram .. 19..\\
kartAsmyetatsatpuruShArya karma 
tyaktvA prANAnanuyAsyAmi bhIShmam . 
sarvAnsa~Nkhye shatrusa~NghAnhaniShye 
hatastairvA vIraloka.n gamiShye .. 20..\\
samprAkruShTe ruditastrI kumAre 
parAbhUte pauruShe dhArtarAShTre . 
mayA kR^ityamiti jAnAmi sUta 
tasmAchchhatrUndhArtarAShTrasya jeShye .. 21..\\
kurUnrakShanpANDuputrA~njighA.nsa.ns 
tyaktvA prANAngora rUpe raNe.asmin . 
sarvAnsa~Nkhye shatrusa~NghAnnihatya 
dAsyAmyaha.n dhArtarAShTrAya rAjyam .. 22..\\
nibadhyatAM me kavacha.n vichitraM 
haima.n shubhraM maNiratnAvabhAsi . 
shirastrANa.n chArkasamAnabhAsaM 
dhanuH sharAMshchApi viShAhi kalpAn .. 23..\\
upAsangAnShoDasha yojayantu 
dhanUMShi divyAni tathAharantu . 
asIMshcha shaktIshcha gadAshcha gurvIH 
sha~Nkha.n cha jAmbUnadachitrabhAsam .. 24..\\
etA.n raukmIM nAgakakShyA.n cha jaitrIM 
jaitra.n cha me dhvajamindIvarAbham . 
shlakShNairvastrairvipramR^ijyAnayasva 
chitrAM mAlA.n chAtra baddhvA sa jAlAm .. 25..\\
ashvAnagryAnpANDurAbhraprakAshAn 
puShTAnsnAtAnmantrapUtAbhiradbhiH . 
taptairbhANDaiH kA~nchanairabhyupetA~n 
shIghrA~nshIghra.n sUtaputrAnayasva .. 26..\\
ratha.n chAgrya.n hemajAlAvanaddhaM 
ratraishchitra.n chandrasUryaprakAshaiH . 
dravyairyukta.n samprahAropapannair 
vAhairyukta.n tUrNamAvartayasva .. 27..\\
chitrANi chApAni cha vegavanti 
jyAshchottamAH sa.nhananopapannAH . 
tUrNAMshcha pUrNAnmahataH sharANAm 
Asajya gAtrAvaraNAni chaiva .. 28..\\
prAyAtrika.n chAnayatAshu sarvaM 
kanyAH pUrNa.n vIra kA.nsya.n cha haimam . 
AnIya mAlAmavabadhya chA~Nke 
pravAdayantvAshu jayAya bherIH .. 29..\\
prayAhi sUtAshu yataH kirITI 
vR^ikodaro dharmasuto yamau cha . 
tAnvA haniShyAmi sametya sa~Nkhye 
bhIShmAya vaiShyAmi hato dviShadbhiH .. 30..\\
yasminrAjA satyadhR^itiryudhiShThiraH 
samAsthito bhImasenArjunau cha . 
vAsudevaH sAtyakiH sR^i~njayAsh cha 
manye bala.n tadajayyaM mahIpaiH .. 31..\\
ta.n chenmR^ityuH sarvaharo.abhirakShet 
sadA pramattaH samare kirITinam . 
tathApi hantAsmi sametya sa~Nkhye 
yAsyAmi vA bhIShma pathA yamAya .. 32..\\
na tvevAhaM na gamiShyAmi teShAM 
madhye shUrANA.n tattathAhaM bravImi . 
mitra druho durbalabhaktayo ye 
pApAtmAno na mamaite sahAyAH .. 33..\\

 s

sa siddhimanta.n rathamuttama.n dR^iDhaM 
sa kUbara.n hemapariShkR^itaM shubham . 
patAkina.n vAtajavairhayottamair 
yukta.n samAsthAya yayau jayAya .. 34..\\
sampUjyamAnaH kurubhirmahAtmA 
ratharShabhaH pANDuravAjiyAtA . 
yayau tadAyodhanamugradhanvA 
yatrAvasAnaM bharatarShabhasya .. 35..\\
varUthinA mahatA sa dhvajena 
suvarNamuktA maNivajra shAlinA . 
sadashvayuktena rathena karNo 
meghasvanenArka ivAmitaujAH .. 36..\\
hutAshanAbhaH sa hutAshanaprabhe 
shubhaH shubhe vai svarathe dhanurdharaH . 
sthito rarAjAdhirathirmahArathaH 
svaya.n vimAne surarADiva sthitaH .. 37..\\
\medskip\hrule\medskip\centerline{\Largedvng 3}
 s

sharatalpe mahAtmAna.n shayAnamamitaujasam . 
mahAvAtasamUhena samudramiva shoShitam .. 1..\\
divyairastrairmaheShvAsaM pAtita.n savyasAchinA . 
jayAshA.n tava putrANA.n sambhagnAM sharma varma cha .. 2..\\
apArANAmiva dvIpamagAdhe gAdhamichchhatAm . 
srotasA yAmuneneva sharaugheNa pariplutam .. 3..\\
mahAntamiva mainAkamasahyaM bhuvi pAtitam . 
nabhashchyutamivAdityaM patita.n dharaNItale .. 4..\\
shatakratorivAchintyaM purA vR^itreNa nirjayam . 
mohana.n sarvasainyasya yudhi bhIShmasya pAtanam .. 5..\\
kakuda.n sarvasainyAnAM lakShma sarvadhanuShmatAm . 
dhana~njaya sharavyAptaM pitara.n te mahAvratam .. 6..\\
ta.n vIrashayane vIraM shayAnaM puruSharShabham . 
bhIShmamAdhirathirdR^iShTvA bharatAnAm amadhyamam .. 7..\\
avatIrya rathAdarto bAShpavyAkulitAkSharam . 
abhivAdyA~njaliM baddhvA vandamAno.abhyabhAShata .. 8..\\
karNo.ahamasmi bhadra.n te adya mA vada bhArata . 
puNyayA kShemayA vAchA chakShuShA chAvalokaya .. 9..\\
na nUna.n sukR^itasyeha phala.n kashchitsamashnute . 
yatra dharmaparo vR^iddhaH shete bhuvi bhavAniha .. 10..\\
koshasa~njanane mantre vyUha praharaNeShu cha . 
nAthamanyaM na pashyAmi kurUNA.n kurusattama .. 11..\\
buddhyA vishuddhayA yukto yaH kurU.nstArayedbhayAt . 
yodhA.nstvamaplave hitvA pitR^iloka.n gamiShyasi .. 12..\\
adya prabhR^iti sa~NkruddhA vyAghrA iva mR^igakShayam . 
pANDavA bharatashreShTha kariShyanti kuru kShayam .. 13..\\
adya gANDIvaghoShasya vIryaGYAH savyasAchinaH . 
kuravaH santrasiShyanti vajrapANerivAsurAH .. 14..\\
adya gANDIvamuktAnAmashanInAmiva svanaH . 
trAsayiShyati sa~NgrAme kurUnanyAMshcha pArthivAn .. 15..\\
samiddho.agniryathA vIra mahAjvAlo drumAndahet . 
dhArtarAShTrAnpradhakShyanti tathA bANAH kirITinaH .. 16..\\
yena yena prasarato vAyvagnI sahitau vane . 
tena tena pradahato bhagavantau yadichchhataH .. 17..\\
yAdR^isho.agniH samiddho hi tAdR^ikpArtho na saMshayaH . 
yathA vAyurnaravyAghra tathA kR^iShNo na saMshayaH .. 18..\\
nadataH pA~nchajanyasya rasato gANDivasya cha . 
shrutvA sarvANi sainyAni trAsa.n yAsyanti bhArata .. 19..\\
kapidhvajasya chotpAte rathasyAmitra karshinaH . 
shabda.n soDhuM na shakShyanti tvAmR^ite vIrapArthivAH .. 20..\\
ko hyarjuna.n raNe yoddhu.n tvadanyaH pArthivo.arhati . 
yasya divyAni karmANi pravadanti manIShiNaH .. 21..\\
amAnuShashcha sa~NgrAmastryambakena cha dhImataH . 
tasmAchchaiva varaH prApto duShprApashchAkR^itAtmabhiH .. 22..\\
tamadyAhaM pANDava.n yuddhashauNDam 
amR^iShyamANo bhavatAnushiShTaH . 
AshIviSha.n dR^iShTihara.n sughoram 
iyAM puraskR^itya vadha.n jaya.n vA .. 23..\\
\medskip\hrule\medskip\centerline{\Largedvng 4}
 s

tasya lAlapyataH shrutvA vR^iddhaH kurupitAmahaH . 
deshakAlochita.n vAkyamabravItprItimAnasaH .. 1..\\
samudra iva sundhUnA.n jyotiShAmiva bhAskaraH . 
satyasya cha yathA santo bIjAnAmiva chorvarA .. 2..\\
parjanya iva bhUtAnAM pratiShThA suhR^idAM bhava . 
bAndhavAstvAnujIvantu sahasrAkShamivAmarAH .. 3..\\
svabAhubalavIryeNa dhArtarAShTra priyaiShiNA . 
karNa rAjapura.n gatvA kAmpojA nihatAstvayA .. 4..\\
girivraja gatAshchApi nagnajitpramukhA nR^ipAH . 
ambaShThAshcha videhAshcha gAndhArAshcha jitAstvayA .. 5..\\
himavaddurga nilayAH kirAtA raNakarkashAH . 
duryodhanasya vashagAH kR^itAH karNa tvayA purA .. 6..\\
tatra tatra cha sa~NgrAme duryodhanahitaiShiNA . 
bahavashcha jitA vIrAstvayA karma mahaujasA .. 7..\\
yathA duryodhanastAta sa GYAtikulabAndhavaH . 
tathA tvamapi sarveShA.n kauravANAM gatirbhava .. 8..\\
shivenAbhivadAmi tvA.n gachchha yudhyasva shatrubhiH . 
anushAdhi kurUnsa~Nkhye dhatsva duryodnane jayam .. 9..\\
bhavAnpautra samo.asmAka.n yathA duryodhanastathA . 
tavApi dharmataH sarve yathA tasya vaya.n tathA .. 10..\\
yaunAtsambandhakAlloke vishiShTa.n sa~NgataM satAm . 
sadbhiH saha narashreShTha pravadanti manIShiNaH .. 11..\\
sa satyasa~Ngaro bhUtvA mamedamiti nishchitam . 
kurUNAM pAlaya bala.n yathA duryodhanastathA .. 12..\\
iti shrutvA vachaH so.atha charaNAvabhivAdya cha . 
yayau vaikartanaH karNastUrNamAyodhanaM prati .. 13..\\
so.abhivIkShya naraughANA.n sthAnamapratimaM mahat . 
vyUDhapraharaNoraska.n sainya.n tatsamabR^i.nhayat .. 14..\\
karNa.n dR^iShTvA maheShvAsa.n yuddhAya samavasthitam . 
kShveDitAsphoTita ravaiH si.nhanAda ravairapi . 
dhanuH shabdaishcha vividhaiH kuravaH samapUjayan .. 15..\\
\medskip\hrule\medskip\centerline{\Largedvng 5}
 s

rathasthaM puruShavyAghra.n dR^iShTvA karNamavasthitam . 
hR^iShTo duryodhano rAjannida.n vachanamabravIt .. 1..\\
sa nAthamidamatyarthaM bhavatA pAlitaM balam . 
manye ki.n tu samartha.n yaddhitaM tatsampradhAryatAm .. 2..\\

 k

brUhi tatpuruShavyAghra tva.n hi prAGYatamo nR^ipa . 
yathA chArthapatiH kR^ityaM pashyate na tathetaraH .. 3..\\
te sma sarve tava vachaH shrotukAmA nareshvara . 
nAnyAyya.n hi bhavAnvAkyaM brUyAditi matirmama .. 4..\\

 dur

bhIShmaH senA praNetAsIdvayasA vikrameNa cha . 
shrutena cha susampannaH sarvairyodhaguNaistathA .. 5..\\
tenAtiyashasA karNa ghnatA shatrugaNAnmama . 
suyuddhena dashAhAni pAlitAH smo mahAtmanA .. 6..\\
tasminnasukara.n karmakR^itavatyAsthite divam . 
kaM nu senA praNetAraM manyase tadanantaram .. 7..\\
na R^ite nAyaka.n senA muhUrtamapi tiShThati . 
AhaveShvAhavashreShTha netR^ihIneva naurjale .. 8..\\
yathA hyakarNadhArA nau rathashchAsArathiryathA . 
dravedyatheShTa.n tadvatsyAdR^ite senApatiM balam .. 9..\\
sa bhavAnvIkShya sarveShu mAmakeShu mahAtmasu . 
pashya senApati.n yuktamanu shAntanavAdiha .. 10..\\
ya.n hi senA praNetAraM bhavAnvakShyati sa.nyuge . 
ta.n vayaM sahitAH sarve prakariShyAma mAriSha .. 11..\\

 k

sarva eva mahAtmAna ime puruShasattamAH . 
senApatitvamarhanti nAtra kAryA vichAraNA .. 12..\\
kulasa.nhanana GYAnairbalavikrama buddhibhiH . 
yuktAH kR^itaGYA hrImanta AhaveShvanivartinaH .. 13..\\
yugapanna tu te shakyAH kartu.n sarve puraHsarAH . 
eka evAtra kartavya.n yasminvaishekikA guNAH .. 14..\\
anyonyasparthinA.n teShA.n yadyekaM satkariShyasi . 
sheShA vimanaso vyaktaM na yotsyante hi bhArata .. 15..\\
aya.n tu sarvayodhAnAmAchAryaH sthaviro guruH . 
yuktaH senApatiH kartu.n droNaH shastrabhR^itA.n varaH .. 16..\\
ko hi tiShThati durdharShe droNe brahmaviduttame . 
senApatiH syAdanyo.asmAchchhukrA~Ngirasa darshanAt .. 17..\\
na cha sa hyasti te yodhaH sarvarAjasu bhArata . 
yo droNa.n samare yAntaM nAnuyAsyati sa.nyuge .. 18..\\
eSha senA praNetR^INAmeSha shastrabhR^itAm api . 
eSha buddhimatA.n chaiva shreShTho rAjangurush cha te .. 19..\\
eva.n duryodhanAchAryamAshu senApatiM kuru . 
jigIShanto.asurAnsa~Nkhye kArttikeyamivAmarAH .. 20..\\

 s

karNasya vachana.n shrutvA rAjA duryodhanastadA . 
senA madhyagata.n droNamida.n vachanamabravIt .. 21..\\
varNashraiShThyAtkulotpattyA shrutena vayasA dhiyA . 
vIryAddAkShyAdadhR^iShyatvAdarthaGYAnAnnayAjjayAt .. 22..\\
tapasA cha kR^itaGYatvAdvR^iddhaH sarvaguNairapi . 
yukto bhavatsamo goptA rAGYAm anyo na vidyate .. 23..\\
sa bhavAnpAtu naH sarvAnvibudhAniva vAsavaH . 
bhavannetrAH parA~njetumichchhAmo dvijasattama .. 24..\\
rudrANAmiva kApAlI vasUnAmiva pAvakaH . 
kubera iva yakShANAM marutAmiva vAsavaH .. 25..\\
vaShiShTha iva viprANA.n tejasAmiva bhAskaraH . 
pitR^INAmiva dharmo.atha AdityAnAmivAmburAT .. 26..\\
nakShatrANAmiva shashI dijitAnAmivoshanaH . 
shreShThaH senA praNetR^INA.n sa naH senApatirbhava .. 27..\\
akShauhiNyo dashaikA cha vashagAH santu te.anagha . 
tAbhiH shatrUnprativyUhya jahIndro dAnavAniva .. 28..\\
prayAtu no bhavAnagre devAnAmiva pAvakiH . 
anuyAsyAmahe tvAjau saurabheyA ivarShabham .. 29..\\
ugradhanvA maheShvAso divya.n visphArayandhanuH . 
agre bhavanta.n dR^iShTvA no nArjuhaH prasahiShyate .. 30..\\
dhruva.n yudhiShThiraM sa~Nkhye sAnubandhaM sa bAndhavam . 
jeShyAmi puruShavyAghra bhavAnsenApatiryadi .. 31..\\
evamukte tato droNe jayetyUchurnarAdhipAH . 
si.nhanAdena mahatA harShayantastavAtmajam .. 32..\\
sainikAshcha mudA yuktA vardhayanti dvijottamam . 
duryodhanaM puraskR^itya prArthayanto mahadyashaH .. 33..\\

 drn

veda.n ShaDa~NgaM vedAhamarthavidyA.n cha mAnavIm . 
traiyyambakamatheShvastramastrANi vividhAni cha .. 34..\\
ye chApyuktA mayi guNA bhavadbhirjayakA~NkShibhiH . 
chikIrShurtAnaha.n satyAnyodhayiShyAmi pANDavAn .. 35..\\

 s

sa evamabhyanuGYAtashchakre senApati.n tataH . 
droNa.n tava suto rAjanvidhidR^iShTtena karmaNA .. 36..\\
athAbhiShiShichurdroNa.n duryodhanamukhA nR^ipAH . 
senApatye yathA skandaM purA shakra mukhAH surAH .. 37..\\
tato vAditraghoSheNa saha pu.nsAM mahAsvanaiH . 
prAdurAsItkR^ite droNe harShaH senApatau tadA .. 38..\\
tataH puNyAhaghoSheNa svasti vAdasvanena cha . 
sa.nstavairgItashabdaishcha sUtamAgadhabandinAm .. 39..\\
jayashabdairdvijAgryANA.n subhagAnartitairtathA . 
satkR^itya vidhivaddroNa.n jitAnmanyanta pANDavAn .. 40..\\
\medskip\hrule\medskip\centerline{\Largedvng 6}
 s

senApatya.n tu samprApya bhAradvAjo mahArathaH . 
yuyutsurvyUhya sainyAni prAyAttava sutaiH saha .. 1..\\
saindhavashcha kali~Ngashcha vikarNashcha tavAtmajaH . 
dakShiNaM parshvamasthAya samatiShThanta daMshitAH .. 2..\\
prapakShaH shakunisteShAM pravarairhayasAdibhiH . 
yayau gAndhArakaiH sArdha.n vimalaprAsayodhibhiH .. 3..\\
kR^ipashcha kR^itavarmA cha chitraseno viviMshatiH . 
duHshAsana mukhA yattAH savyaM pArshvamapAlayan .. 4..\\
teShAM prapakShAH kAmbojAH sudakShiNa puraHsarAH . 
yayurashvairmahAvegaiH shakAshcha yavanaiH saha .. 5..\\
madrAstrigartAH sAmbaShThAH pratIchyochIdyavAsinaH . 
shibayaH shUrasenAshcha shUdrAshcha maladaiH saha .. 6..\\
sauvIrAH kitavAH prAchyA dAkShiNAtyAshcha sarvashaH . 
tavAtmajaM puraskR^itya sUtaputrasya pR^iShThataH .. 7..\\
harShayansarvasainyAni baleShu balamAdadhat . 
yayau vaikartanaH karNaH pramukhe sarvadhanvinAm .. 8..\\
tasya dIpto mahAkAyaH svAnyanIkAni harShayan . 
hastikakShyA mahAketurbabhau sUryasamadyutiH .. 9..\\
na bhIShma vyasana.n kashchiddR^iShTvA karNamamanyata . 
vishokAshchAbhavansarve rAjAnaH kurubhiH saha .. 10..\\
hR^iShTAshcha bahavo yodhAstatrAjalpanta sa~NgatAH . 
na hi karNa.n raNe dR^iShTvA yudhi sthAsyanti pANDavAH .. 11..\\
karNo hi samare shakto jetu.n devAnsa vAsavAn . 
kimu pANDusutAnyuddhe hInavIryaparAkramAn .. 12..\\
bhIShmeNa tu raNe pArthAH pAlitA bAhushAlinA . 
tA.nstu karNaH sharaistIkShNairnAshayiShyatyasaMshayam .. 13..\\
evaM bruvantaste.anyonya.n hR^iShTarUpA vishAM pate . 
rAdheyaM pUjayantashcha prasha.nsantashcha niryayuH .. 14..\\
asmAka.n shakaTavyUho droNena vihito.abhavat . 
pareShA.n krau~ncha evAsIdvyUho rAjanmahAtmanAm . 
prIyamANena vihito dharmarAjena bhArata .. 15..\\
vyUha pramukhatasteShA.n tasthatuH puruSharShabhau . 
vAnaradhvajamuchchhritya viShvaksenadhana~njayau .. 16..\\
kakuda.n sarvasainyAnAM lakShma sarvadhanuShmatAm . 
AdityapathagaH ketuH pArthasyAmita tejasaH .. 17..\\
dIpayAmAsa tatsainyaM pANDavasya mahAtmanaH . 
yathA prajvalitaH sUryo yugAnte vai vasundharAm .. 18..\\
asyatAmarjunaH shreShTho gANDIva.n dhanuShA.n varam . 
vAsudevashcha bhUtAnA.n chakrANAM cha sudarshanam .. 19..\\
chatvAryetAni tejA.nsi vaha~nshvetahayo rathaH . 
pareShAmagratastasthau kAlachakramivodyatam .. 20..\\
evametau mahAtmAnau balasenAgragAvubhau . 
tAvakAnAM mukha.n karNaH pareShAM cha dhana~njayaH .. 21..\\
tato jAtAbhisa.nrambhau parasparavadhaiShiNau . 
avekShetA.n tadAnyonya.n samare karNa pANDavau .. 22..\\
tataH prayAte sahasA bhAdarvAje mahArathe . 
antarnAdena ghoreNa vasudhAsamakampata .. 23..\\
tatastumulamAkAshamAvR^iNotsa divAkaram . 
vAtoddhUta.n rajastIvra.n kausheyanikaropamam .. 24..\\
anabhre pravavarSha dyaurmA.nsAsthi rudhirANyuta . 
gR^idhrAH shyenA baDAH ka~NkA vAyasAshcha sahasrashaH . 
uparyupari senA.n te tadA paryapatannR^ipaH .. 25..\\
gomAyavashcha prAkroshanbhayadAndAruNAnravAn . 
akArShurapasavya.n cha bahushaH pR^itanAM tava . 
chikhAdiShanto mA.nsAni pipAsantashcha shoNitam .. 26..\\
apataddIpyamAnA cha sa nirghAtA sa kampanA . 
ujlA jvalantI sa~NgrAme puchchhenAvR^itya sarvashaH .. 27..\\
pariveSho mahAMshchApi sa vidyutstanayitnumAn . 
bhAskarasyAbhavadrAjanprayAte vAhinIpatau .. 28..\\
ete chAnye cha bahavaH prAdurAsansudAruNAH . 
utpAtA yudhi vIrANA.n jIvitakShayakArakAH .. 29..\\
tataH pravavR^ite yuddhaM parasparavadhaiShiNAm . 
kurupANDavasainyAnA.n shabdenAnAdayajjagat .. 30..\\
te tvanyonya.n susa.nrabdhAH pANDavAH kauravaiH saha . 
pratyaghnannishitairbANairjaya gR^iddhAH prahAriNaH .. 31..\\
sa pANDavAnAM mahatIM maheShvAso mahAdyutiH . 
vegenAbhyadravatsenA.n kira~nsharashataiH shitaiH .. 32..\\
droNamabhyudyata.n dR^iShTvA pANDavAH saha sR^i~njayaiH . 
pratyagR^ihNa.nstadA rAja~nsharavarShaiH pR^ithakpR^ithak .. 33..\\
sa~NkShobhyamANA droNena bhidyamAnA mahAchamUH . 
vyashIryata sapA~nchAlA vAteneva balAhakAH .. 34..\\
bahUnIha vikurvANo divyAnyastrANi sa.nyuge . 
apIDayatkShaNenaiva droNaH pANDava sR^i~njayAn .. 35..\\
te vadhyamAnA droNena vAsaveneva dAnavAH . 
pA~nchAlAH samakampanta dhR^iShTadyumnapurogamAH .. 36..\\
tato divyAstravichchhUro yAGYasenirmahArathaH . 
abhinachchharavarSheNa droNAnIkamanekadhA .. 37..\\
droNasya sharavarShaistu sharavarShANi bhAgashaH . 
saMnivArya tataH senA.n kurUnapyavadhIdbalI .. 38..\\
sa.nhR^itya tu tato droNaH samavasthApya chAhave . 
svamanIkaM mahAbAhuH pArShata.n samupAdravat .. 39..\\
sa bANavarSha.n sumahadasR^ijatpArShataM prati . 
maghavAnsamabhikruddhaH sahasA dAnaveShviva .. 40..\\
te kampyamAnA droNena bANaiH pANDava sR^i~njayAH . 
punaH punarabhajyanta si.nhenevetare mR^igAH .. 41..\\
atha paryapataddroNaH pANDavAnAM balaM balI . 
alAtachakravadrAja.nstadadbhutamivAbhavat .. 42..\\
khachara nagarakalpa.n kalpita.n shAstradR^iShTyA 
chaladanilapatAka.n hrAdinaM valgitAshvam . 
sphaTikavimalaketu.n tApana.n shAtravANAM 
rathavaramadhirUDhaH sa~njahArAri senAm .. 43..\\
\medskip\hrule\medskip\centerline{\Largedvng 7}
 s

tathA droNamabhighnanta.n sa shvasUta rathadvipAn . 
vyathitAH pANDavA dR^iShTvA na chainaM paryavArayan .. 1..\\
tato yudhiShThiro rAjA dhR^iShTadyumna dhana~njayau . 
abravItsarvato yattaiH kumbhayonirnivAryatAm .. 2..\\
tatrainamarjunashchaiva pArShatashcha sahAnugaH . 
paryagR^ihNa.nstataH sarve samAyAntaM mahArathAH .. 3..\\
kekayA bhimasenashcha saubhadro.atha ghaTotkachaH . 
yudhiShThiro yamau matsyA drupadasyAtmajAstathA .. 4..\\
draupadeyAshcha sa.nhR^iShTA dhR^iShTaketuH sa sAtyakiH . 
chekitAnashcha sa~Nkruddho yuyutsushcha mahArathaH .. 5..\\
ye chAnye pArthivA rAjanpANDavasyAnuyAyinaH . 
kulavIryAnurUpANi chakruH karmANyanekashaH .. 6..\\
sa~NgR^ihyamANA.n tAM dR^iShTvA pANDavairvAhinI.n raNe . 
vyAvR^itya chakShuShI kopAdbhAradvAjo.anvavaikShata .. 7..\\
sa tIvra.n kopamAsthAya rathe samaradurmadaH . 
vyadhamatpANDavAnIkamabhrANIva sadAgatiH .. 8..\\
rathAnashvAnnarAnnAgAnabhidhAva.nstatastataH . 
chachAronmattavaddroNo vR^iddho.api taruNo yathA .. 9..\\
tasya shoNitadigdhA~NgAH shoNAste vAtara.nhasaH . 
AjAneyA hayA rAjannavibhrAntAH shriya.n dadhuH .. 10..\\
tamantakamiva kruddhamApatanta.n yatavratam . 
dR^iShTvA samprAdravanyodhAH pANDavasya tatastataH .. 11..\\
teShAM pradravatAM bhImaH punarAvartatAm api . 
vIkShatA.n tiShThatAM chAsIchchhabdaH paramadAruNaH .. 12..\\
shUrANA.n harShajanano bhIrUNAM bhayavardhanaH . 
dyAvApR^ithivyorvivaraM pUrayAmAsa sarvataH .. 13..\\
tataH punarapi droNo nAma vishrAvayanyudhi . 
akarodraudramAtmAna.n kira~nsharashataiH parAn .. 14..\\
sa tathA tAnyanIkAni pANDaveyasya dhImataH . 
kAlavannyavadhIddroNo yuveva sthaviro balI .. 15..\\
utkR^itya cha shirA.nsyugro bAhUnapi subhUShaNAn . 
kR^itvA shUnyAnrathopasthAnudakroshanmahArathaH .. 16..\\
tasya harShapraNAdena bANavegena chAbhibho . 
prAkampanta raNe yodhA gAvaH shItArditA iva .. 17..\\
droNasya rathaghoSheNa maurvI niShpeShaNena cha . 
dhanuH shabdena chAkAshe shabdaH samabhavanmahAn .. 18..\\
athAsya bahusho bANA nishcharantaH sahasrashaH . 
vyApya sarvA dishaH peturgajAshvarathapattiShu .. 19..\\
ta.n kArmukamahAvegamastrajvalita pAvakam . 
droNamAdAsayA.n chakruH pA~nchAlAH pANDavaiH saha .. 20..\\
tAnvai sa rathahastyashvAnprAhiNodyamasAdanam . 
droNo.achireNAkarochcha mahI.n shoNitakardamAm .. 21..\\
tanvatA paramAstrANi sharAnsatatamasyatA . 
droNena vihita.n dikShu bANajAlamadR^ishyata .. 22..\\
padAtiShu rathAshveShu vAraNeShu cha sarvashaH . 
tasya vidyudivAbhreShu charanketuradR^ishyata .. 23..\\
sa kekayAnAM pravarAMshcha pa~ncha 
pA~nchAlarAja.n cha sharaiH pramR^idya . 
yudhiShThirAnIkamadInayodhI 
droNo.abhyayAtkArmukabANapANiH .. 24..\\
taM bhImasenashcha dhana~njayash cha 
shineshcha naptA drupadAtmajash cha . 
shaibyAtmajaH kAshipatiH shibish cha 
hR^iShTA nadanto vyakira~nsharaughaiH .. 25..\\
teShAmatho droNa dhanurvimuktAH 
patatriNaH kA~nchanachitrapu~NkhAH . 
bhittvA sharIrANi gajAshvayUnAM 
jagmurmahI.n shoNitadigdha vAjAH .. 26..\\
sA yodhasa~Nghaishcha rathaishcha bhUmiH 
sharairvibhinnairgajavAjibhish cha . 
prachchhAdyamAnA patitairbabhUva 
samantato dyauriva kAlameghaiH .. 27..\\
shaineya bhImArjunavAhinIpA~n 
shaibyAbhimanyU saha kAshirAGYA . 
anyAMshcha vIrAnsamare pramR^idnAd 
droNaH sutAnA.n tava bhUtikAmaH .. 28..\\
etAni chAnyAni cha kauravendra 
karmANi kR^itvA samare mahAtmA . 
pratApya lokAniva kAlasUryo 
droNo gataH svargamito hi rAjan .. 29..\\
eva.n rukmarathaH shUro hatvA shatasahasrashaH . 
pANDavAnA.n raNe yodhAnpArShatena nipAtitaH .. 30..\\
akShauhiNImabhyadhikA.n shUrANAmanivartinAm . 
nihatya pashchAddhR^itimAnagachchhatparama.n gatim .. 31..\\
pANDavaiH saha pA~nchAlairashivaiH krUrakarmabhiH . 
hato rukmaratho rAjankR^itvA karma suduShkaram .. 32..\\
tato ninAdo bhUtAnAmAkAshe samajAyata . 
sainyAnA.n cha tato rAjannAchArye nihate yudhi .. 33..\\
dyA.n dharAM khaM disho vAri pradishashchAnunAdayan . 
aho dhigiti bhUtAnA.n shabdaH samabhavanmahAn .. 34..\\
devatAH pitarashchaiva pUrve ye chAsya bAndhavAH . 
dadR^ishurnihata.n tatra bhAradvAjaM mahAratham .. 35..\\
pANDavAstu jaya.n labdhvA si.nhanAdAnprachakrire . 
tena nAdena mahatA samakampata medinI .. 36..\\
\medskip\hrule\medskip\centerline{\Largedvng 8}
 dhr

ki.n kurvANa.n raNe droNaM jaghnuH pANDava sR^i~njayAH . 
tathA nipuNamastreShu sarvashastrabhR^itAm api .. 1..\\
rathabha~Ngo babhUvAsya dhanurvAshIryatAsyataH . 
pramatto vAbhavaddroNastato mR^ityumupeyivAn .. 2..\\
kathaM nu pArShatastAta shatrubhirduShpradharShaNam . 
kirantamiShusa~NghAtAnrukmapu~NkhAnanekashaH .. 3..\\
kShiprahasta.n dvijashreShThaM kR^itinaM chitrayodhinam . 
dUreShu pAtina.n dAntamastrayuddhe cha pAragam .. 4..\\
pA~nchAla putro nyavadhIddiShTyA sa varamachyutam . 
kurvANa.n dAruNaM karma raNe yattaM mahAratham .. 5..\\
vyakta.n diShTa.n hi balavatpauruShAditi me matiH . 
yaddruNo nihataH shUraH pArShatena mahAtmanA .. 6..\\
astra.n chaturvidha.n vIre yasminnAsItpratiShThitam . 
tamiShvastravarAchArya.n droNa.n sha.nsasi me hata .. 7..\\
shrutvA hata.n rukmarathaM vaiyAghraparivAraNam . 
jAtarUpapariShkAraM nAdya shokamapAnude .. 8..\\
na nUnaM paraduHkhena kashchinmriyati sa~njaya . 
yatra droNamaha.n shrutvA hata.n jIvAmi na mriye .. 9..\\
ashmasAramayaM nUna.n hR^idayaM sudR^iDhaM mama . 
yachchhrutvA nihata.n droNa.n shatadhA na vidIryate .. 10..\\
brAhme vede tatheShvastre yamupAsanguNArthinaH . 
brAhmaNA rAjaputrAshcha sa kathaM mR^ityunA hataH .. 11..\\
shoShaNa.n sAgarasyeva meroriva visarpaNam . 
patanaM bhAskarasyeva na mR^iShye droNa pAtanam .. 12..\\
dR^iptAnAM pratiSheddhAsIddhArmikAnA.n cha rakShitA . 
yo.atyAkShItkR^ipaNasyArthe prANAnapi parantapaH .. 13..\\
mandAnAM mama putrANA.n jayAshA yasya vikrame . 
bR^ihaspatyushanastulyo buddhyA sa nihataH katham .. 14..\\
te cha shoNA bR^ihanto.ashvAH saindhavA hemamAlinaH . 
rathe vAtajayA yuktAH sarvashabdAtigA raNe .. 15..\\
balino ghoShiNo dAntAH saindhavAH sAdhu vAhinaH . 
dR^iDhAH sa~NgrAmamadhyeShu kachchidAsanna vihvalAH .. 16..\\
kariNAM bR^i.nhatA.n yuddhe sha~Nkhadundubhinisvanam . 
jyA kShepa sharavarShANA.n shastrANA.n cha sahiShNavaH .. 17..\\
Asha.nsantaH parA~njetu.n jitashvAsA jitavyathAH . 
hayAH prajavitAH shIghrA bhAradvAja rathodvahAH .. 18..\\
te sma rukmarathe yuktA naravIra samAhitAH . 
kathaM nAbhyatara.nstAta pANDavAnAmanIkinIm .. 19..\\
jAtarUpapariShkAramAsthAya rathamuttamam . 
bhAradvAjaH kimakarochchhUraH sa~Nkrandano yudhi .. 20..\\
vidyA.n yasyopajIvanti sarvalokadhanurbhR^itaH . 
sa satyasandho balavAndroNaH kimakarodyudhi .. 21..\\
divi shakramiva shreShThaM mahAmAtra.n dhanurbhR^itAm . 
ke nu ta.n raudrakarmANaM yuddhe pratyudyayU rathAH .. 22..\\
nanu rukmaratha.n dR^iShTvA pradravanti sma pANDavAH . 
divyamastra.n vikurvANaM senA.n kShiNvantamavyayam .. 23..\\
utAho sarvasainyena dharmarAjaH sahAnujaH . 
pA~nchAlya pragraho droNa.n sarvataH samavArayat .. 24..\\
nUnamAvarayatpArtho rathino.anyAnajihmagaiH . 
tato droNa.n samArohatpArShataH pApakarmakR^it .. 25..\\
na hyanyaM paripashyAmi vadhe ka.n chana shuShmiNaH . 
dhR^iShTadyumnAdR^ite raudrAtpAlyamAnAtkirITinA .. 26..\\
tairvR^itaH sarvataH shUraiH pA~nchAlyApasadastataH . 
kekayairshchedikArUShairmatsyairanyaishcha bhUmipaiH .. 27..\\
vyAkulIkR^itamAchAryaM pipIlairuraga.n yathA . 
karmaNya sukare sakta.n jaghAneti matirmama .. 28..\\
yo.adhItya chaturo vedAnsarvAnAkhyAna pa~nchamAn . 
brAhmaNAnAM pratiShThAsItsrotasAmiva sAgaraH . 
sa kathaM brAhmaNo vR^iddhaH shastreNa vadhamAptavAn .. 29..\\
amarShaNo marShitavAnklishyamAnaH sadA mayA . 
anarhamANaH kaunteyaH karmaNastasya tatphalam .. 30..\\
yasya karmAnujIvanti loke sarvadhanurbhR^itaH . 
sa satyasandhaH sukR^itI shrIkAmairnihataH katham .. 31..\\
divi shakra iva shreShTho mahAsattvo mahAbalaH . 
sa kathaM nihataH pArthaiH kShudramatsyairyathA timiH .. 32..\\
kShiprahastashcha balavAndR^iDhadhanvAri mardanaH . 
na yasya jIvitAkA~NkShI viShayaM prApya jIvati .. 33..\\
ya.n dvau na jahataH shabdau jIvamAnaM kadA chana . 
brAhmashcha veda kAmAnA.n jyAghoShashcha dhanurbhR^itAm .. 34..\\
nAhaM mR^iShye hata.n droNa.n si.nhadviradavikramam . 
katha.n sa~njaya durdharShamanAdhR^iShya yashobalam .. 35..\\
ke.arakShandakShiNa.n chakra.n savyaM ke cha mahAtmanaH . 
purastAtke cha vIrasya yudhyamAnasya sa.nyuge .. 36..\\
ke cha tatra tanu.n tyaktvA pratIpaM mR^ityumAvrajan . 
droNasya samare vIrAH ke.akurvanta parA.n dhR^itim .. 37..\\
etadAryeNa kartavya.n kR^ichchhrAsvApatsu sa~njaya . 
parAkramedyathAshakthyA tachcha tasminpratiShThitam .. 38..\\
muhyate me manastAta kathA tAvannivartyatAm . 
bhUyastu labdhasa~nj~nastvA pariprakShyAmi sa~njaya .. 39..\\
\medskip\hrule\medskip\centerline{\Largedvng 9}
 v

evaM pR^iShTvA sUtaputra.n hR^ichchhokenArdito bhR^isham . 
jaye nirAshaH putrANA.n dhR^itarAShTro.apatatkShitau .. 1..\\
ta.n visa~nj~naM nipatitaM siShuchuH parichArakAH . 
jalenAtyartha shItena vIjantaH puNyagandhinA .. 2..\\
patita.n chainamAGYAya samantAdbharata striyaH . 
parivavrurmahArAjamaspR^ishaMshchaiva pANibhiH .. 3..\\
utthApya chaina.n shanakai rAjAnaM pR^ithivItalAt . 
AsanaM prApayAmAsurbAShpakaNThyo varA~NganAH .. 4..\\
AsanaM prApya rAjA tu mUrchhayAbhipariplutaH . 
nishcheShTo.atiShThata tadA vIjyamAnaH samantataH .. 5..\\
sa labdhvA shanakaiH sa~nj~nA.n vepamAno mahIpatiH . 
punargAvalgaNi.n sUtaM paryapR^ichchhadyathAtatham .. 6..\\
yattadudyannivAdityo jyotiShA praNuda.nstamaH . 
AyAdajAtashatrurvai kasta.n droNAdavArayat .. 7..\\
prabhinnamiva mAta~Nga.n tatha kruddhaM tarasvinam . 
Asaktamanasa.n dIptaM prati dviradaghAtinam . 
vAshitA sa~Ngame yadvadajayyaM pratiyUthapaiH .. 8..\\
ati chAnyAnraNe yodhAnvIraH puruShasattamaH . 
yo hyeko hi mahAbAhurnirdahedghorachakShuShA . 
kR^itsna.n duryodhana balaM dhR^itimAnsatyasa~NgaraH .. 9..\\
chakShurhaNa.n jaye saktamiShvAsa vararakShitam . 
dAntaM bahumata.n loke ke shUrAH paryavArayan .. 10..\\
ke duShpradharSha.n rAjAnamiShvAsa varamachyutam . 
samAsedurnaravyAghra.n kaunteyaM tatra mAmakAH .. 11..\\
tarasaivAbhipatyAtha yo vai droNamupAdravat . 
taM bhImasenamAyAnta.n ke shUrAH paryavArayan .. 12..\\
yadAyAjjaladaprakhyo rathaH paramavIryavAn . 
parjanya iva bIbhatsustumulAmashani.n sR^ijan .. 13..\\
vavarSha sharavarShANi varShANi maghavAniva . 
iShusambAdhamAkAsha.n kurvankapivaradhvajaH . 
avasphUrjandishaH sarvAstalanemi svanena cha .. 14..\\
chApavidyutprabho ghoro rathagulma balAhakaH . 
rathanemi ghoShastanitaH sharashabdAtibandhuraH .. 15..\\
roShanirjita jImUto mano.abhiprAya shIghragaH . 
marmAtigo bANadhArastumulaH shoNitodakaH .. 16..\\
samphAlvayanmahI.n varShAM mAnavairAstara.nstadA . 
ganA niShTanito raudro duryodhanakR^itodyamaH .. 17..\\
yuddhe.abhyaShi~nchadvijayo gArdhrapatriH shilAshitaiH . 
gANDIva.n dhArayandhImAnkIdR^isha.n vo manastadA .. 18..\\
kachchidgANDIvashabdena na praNashyata vai balam . 
yadvaH sa bhairava.n kurvannarjuno bhR^ishamabhyagAt .. 19..\\
kachchinnApAnudaddroNAdiShubhirvo dhana~njayaH . 
vAto meghAnivAvidhyanpravA~nsharavanAnilah . 
ko hi gANDIvadhanvAnaM naraH soDhu.n raNe.arhati .. 20..\\
yatsenAH samakampanta yadvIrAnaspR^ishadbhayam . 
ke tatra nAjahurdroNa.n ke kShudrAH prAdravanbhayAt .. 21..\\
ke vA tatra tanUstyaktvA pratIpaM mR^ityumAvrajan . 
amAnuShANA.n jetAra.n yuddheShvapi dhana~njayam .. 22..\\
na cha vega.n sitAshvasya vishakShyantIha mAmakAH . 
gANDIvasya cha nirghoShaM prAvR^iD jaladanisvanam .. 23..\\
viShvakseno yasya yantA yoddhA chaiva dhana~njayaH . 
ashakyaH sa ratho jetuM manye devAsurairapi .. 24..\\
sukumAro yuvA shUro darshanIyashcha pANDavaH . 
medhAvI nipuNo dhImAnyudhi satyaparAkramaH .. 25..\\
ArAva.n vipula.n kurvanvyathayansarvakauravAn . 
yadAyAnnakulo dhImAnke shUrAH paryavArayan .. 26..\\
AshIviSha iva kruddhaH sahadevo yadAbhyayAt . 
shatrUNA.n kadanaM jurva~njetAsau durjayo yudhi .. 27..\\
Arya vratamamogheShu.n hrImantamaparAjitam . 
droNAyAbhimukha.n yAnta.n ke shUrAH paryavArayan .. 28..\\
yaH sa sauvIrarAjasya pramathya mahatI.n chamUm . 
Adatta mahiShIM bhojyA.n kAmyA.n sarvA~NgashobhanAm .. 29..\\
satya.n dhR^itishcha shauryaM cha brahmacharyaM cha kevalam . 
sarvANi yuyudhAne.asminnityAni puruSharShabhe .. 30..\\
balina.n satyakarmANamadInamaparAjitam . 
vAsudeva sama.n yuddhe vAsudevAdanantaram .. 31..\\
yukta.n dhana~njaya preShye shUramAchArya karmaNi . 
pArthena samamastreShu kasta.n droNAdavArayat .. 32..\\
vR^iShNInAM pravara.n vIraM shUraM sarvadhanuShmatAm . 
rAmeNa samamastreShu yashasA vikrameNa cha .. 33..\\
satya.n dhR^itirdamaH shauryaM brahmacharyamanuttamam . 
sAtvate tAni sarvANi trailokyamiva keshave .. 34..\\
tameva.n guna sampannaM durvAramapi daivataiH . 
samAsAdya maheShvAsa.n ke vIrAH paryavArayan .. 35..\\
pA~nchAleShUttama.n shUramuttamAbhijana priyam . 
nityamuttamakarmANamuttamaujasamAhave .. 36..\\
yukta.n dhana~njaya hite mamAnarthAya chottamam . 
yama vaishravaNAditya mahendravaruNopamam .. 37..\\
mahArathasamAkhyAta.n droNAyodyantamAhave . 
tyajanta.n tumule prANAnke shUrAH paryavArayan .. 38..\\
eko.apasR^itya chedibhyaH pANDavAnyaH samAshritaH . 
dhR^iShTaketu.n tamAyAntaM droNAtkaH samavArayat .. 39..\\
yo.avadhItketumA~nshUro rAjaputra.n sudarshanam . 
aparAnta giridvAre kasta.n droNAdavArayat .. 40..\\
strIpUrvo yo naravyAghro yaH sa veda guNAguNAn . 
shikhaNDina.n yAGYasenimamlAna manasaM yudhi .. 41..\\
devavratasya samare hetuM mR^ityormahAtmanaH . 
droNAyAbhimukha.n yAnta.n ke vIrAH paryavArayan .. 42..\\
yasminnabhyadhikA vIre guNAH sarve dhana~njayAt . 
yasminnastrANi satya.n cha brahmacharyaM cha nityadA .. 43..\\
vAsudeva sama.n vIrye dhana~njaya samaM bale . 
tejasAdityasadR^ishaM bR^ihaspatisamaM matau .. 44..\\
abhimanyuM mahAtmAna.n vyAttAnanamivAntakam . 
droNAyAbhimukha.n yAnta.n ke vIrAH paryavArayan .. 45..\\
taruNastvaruNaprakhyaH saubhadraH paravIrahA . 
yadAbhyAdravata droNa.n tadAsIdvo manaH katham .. 46..\\
draupadeyA naravyAghrAH samudramiva sindhavaH . 
yaddroNamAdravansa~Nkhye ke vIrAstAnavArayan .. 47..\\
ye te dvAdasha varShANi krIDAmutsR^ijya bAlakAH . 
astrArthamavasanbhIShme bibhrato vratamuttamam .. 48..\\
kShatra.n jayaH kShatradevaH kShatradharmA cha mAninaH . 
dhR^iShTadyumnAtmajA vIrAH ke tAndroNAdavArayan .. 49..\\
shatAdvishiShTa.n yaM yuddhe samapashyanta vR^iShNayaH . 
chekitAnaM maheShvAsa.n kastaM droNAdavArayat .. 50..\\
vArdhakShemiH kali~NgAnA.n yaH kanyAmAharadyudhi . 
anAdhR^iShTiradInAtmA kasta.n droNAdavArayat .. 51..\\
bhrAtaraH pa~ncha kaikeyA dhArmikAH satyavikramAH . 
indra gopaka varNAshcha raktavarmAyudha dhvajAH .. 52..\\
mAtR^iShvasuH sutA vIrAH pANDavAnA.n jayArthinaH . 
tAndroNa.n hantumAyAtAnke vIrAH paryavArayan .. 53..\\
ya.n yodhayanto rAjAno nAjayanvAraNAvate . 
ShaNmAsAnabhisa.nrabdhA jighA.nsanto yudhAM patim .. 54..\\
dhanuShmatA.n varaM shUraM satyasandhaM mahAbalam . 
droNAtkastaM naravyAghra.n yuyutsuM pratyavArayat .. 55..\\
yaH putra.n kAshirAjasya vArANasyAM mahAratham . 
samare strIShu gR^idhyantaM bhallenApaharadrathAt .. 56..\\
dhR^iShTadyumnaM maheShvAsaM pArthAnAM mantradhAriNam . 
yukta.n duryodhanAnarthe sR^iShTaM droNa vadhAya cha .. 57..\\
nirdahanta.n raNe yodhAndArayanta.n cha sarvashaH . 
droNAyAbhimukha.n yAnta.n ke vIrAH paryavArayan .. 58..\\
utsa~Nga iva sa.nvR^iddha.n drupadasyAstravittamam . 
shaikhaNDina.n kShatradevaM ke taM droNAdavArayan .. 59..\\
ya imAM pR^ithivI.n kR^itsnAM charma vatsamaveShTayat . 
mahatA rathavaMshena mukhyArighno mahArathaH .. 60..\\
dashAshvameghAnAjahre svannapAnApta dakShiNAn . 
nirargalAnsarvamedhAnputravatpAlayanprajAH .. 61..\\
pibantyo dakShiNA.n yasya ga~NgA srotaH samApiban . 
tAvatIrgA dadau vIra ushInara suto.adhvare .. 62..\\
na pUrve nApare chakrurida.n ke chana mAnavAH . 
iti sa~ncukrushurdevAH kR^ite karmaNi duShkare .. 63..\\
pashyAmastriShu lokeShu na ta.n sa.nsthAsnuchAriShu . 
jAta.n vApi janiShyaM vA dvitIyaM vApi samprati .. 64..\\
anyamaushInarAchchhaibyAddhuro voDhAramityuta . 
gati.n yasya na yAsyanti mAnuShA lokavAsinaH .. 65..\\
tasya naptAramAyAnta.n shaibya.n kaH samavArayat . 
droNAyAbhimukha.n yAntaM vyAttAnanamivAntakam .. 66..\\
virATasya rathAnIkaM matsyasyAmitra dhAtinaH . 
prepsanta.n samare droNa.n ke vIrAH paryavArayan .. 67..\\
sadyo vR^ikodarAjjAto mahAbalaparAkramaH . 
mAyAvI rAkShaso ghoro yasmAnmama mahadbhayam .. 68..\\
pArthAnA.n jaya kAmaM taM putrANAM mama kaNTakam . 
ghaTotkachaM mahAbAhu.n kastaM droNAdavArayat .. 69..\\
ete chAnye cha bahavo yeShAmarthAya sa~njaya . 
tyaktAraH sa.nyuge prANAnki.n teShAmajita.n yudhi .. 70..\\
yeShA.n cha puruShavyAghraH shAr~NgadhanvA vyapAshrayaH . 
hitArthI chApi pArthAnA.n kathaM teShAM parAjayaH .. 71..\\
lokAnA.n gururatyanta.n lokanAthaH sanAtanaH . 
nArAyaNo raNe nAtho divyo divyAtmavAnprabhuH .. 72..\\
yasya divyAni karmANi pravadanti manIShiNaH . 
tAnyaha.n kIrtayiShyAmi bhaktyA sthairyArthamAtmanaH .. 73..\\
\medskip\hrule\medskip\centerline{\Largedvng 10}
 dhr

shR^iNu divyAni karmANi vAsudevasya sa~njaya . 
kR^itavAnyAni govindo yathA nAnyaH pumAnkva chit .. 1..\\
sa.nvardhatA gopa kule bAlenaiva mahAtmanA . 
vikhyApitaM balaM bAhvostriShu lokeShu sa~njaya .. 2..\\
uchchhaiH shravastulyabala.n vAyuvegasama.n jave . 
jaghAna hayarAja.n yo yamunAvanavAsinam .. 3..\\
dAnava.n ghorakarmANaM gavAM mR^ityumivotthitam . 
vR^iSharUpadharaM bAlye bhujAbhyAM nijaghAna ha .. 4..\\
pralambaM naraka.n jambhaM pIThaM chApi mahAsuram . 
muru.n chAchalasa~NkAshamavadhItpuShkarekShaNaH .. 5..\\
tathA ka.nso mahAtejA jarAsandhena pAlitaH . 
vikrameNaiva kR^iShNena sagaNaH shAtito raNe .. 6..\\
sunAmA nAma vikrAntaH samagrAkShauhiNI patiH . 
bhojarAjasya madhyastho bhrAtA ka.nsasya vIryavAn .. 7..\\
baladeva dvitIyena kR^iShNenAmitra ghAtinA . 
tarasvI samare dagdhaH sa sainyaH shUrasenarAT .. 8..\\
durvAsA nAma viprarShistathA paramakopanaH . 
ArAdhitaH sadAreNa sa chAsmai pradadau varAn .. 9..\\
tathA gAndhArarAjasya sutA.n vIraH svaya.nvare . 
nirjitya pR^ithivIpAlAnavahatpuShkarekShaNaH .. 10..\\
amR^iShyamANA rAjAno yasya jAtyA hayA iva . 
rathe vaivAhike yuktAH pratodena kR^itavraNAH .. 11..\\
jarAsandhaM mahAbAhumupAyena janArdanaH . 
pareNa ghAtayAmAsa pR^ithagakShauhiNIpatim .. 12..\\
chedirAja.n cha vikrAnta.n rAjasenApatiM balI . 
arghe vivadamAna.n cha jaghAna pashuvattadA .. 13..\\
saubha.n daitya pura.n svasthaM shAlva guptaM durAsadam . 
samudrakukShau vikramya pAtayAmAsa mAdhavaH .. 14..\\
a~NgAnva~NgAnkali~NgAMshcha mAgadhAnkAshikosalAn . 
vatsa garga karUShAMshcha puNDrAMshchApyajayadraNe .. 15..\\
AvantyAndAkShiNAtyAMshcha pArvatIyAndasherakAn . 
kAshmIrakAnaurasakAnpishAchAMshcha sa mandarAn .. 16..\\
kAmbojAnvATadhAnAMshcha cholAnpANDyAMshcha sa~njaya . 
trigartAnmAlavAMshchaiva daradAMshcha sudurjayAn .. 17..\\
nAnAdigbhyashcha samprAptAnvrAtAnashvashakAnprati . 
jitavAnpuNDarIkAkSho yavanAMshcha sahAnugAn .. 18..\\
pravishya makarAvAsa.n yAdobhirabhisa.nvR^itam . 
jigAya varuNa.n yuddhe salilAntargataM purA .. 19..\\
yudhi pa~nchajana.n hatvA pAtAlatalavAsinam . 
pA~nchajanya.n hR^iShIkesho divyaM sha~NkhamavAptavAn .. 20..\\
khANDave pArtha sahitastoShayitvA hutAshanam . 
Agneyamastra.n durdharShaM chakra.n lebhe mahAbalaH .. 21..\\
vainateya.n samAruhya trAsayitvAmarAvatIm . 
mahendrabhavanAdvIraH pArijAtamupAnayat .. 22..\\
tachcha marShitavA~nshakro jAna.nstasya parAkramam . 
rAGYA.n chApyajitaM kaM chitkR^iShNeneha na shushruma .. 23..\\
yachcha tanmahadAshcharya.n sabhAyAM mama sa~njaya . 
kR^itavAnpuNDarIkAkShaH kastadanya ihArhati .. 24..\\
yachcha bhaktyA prapanno.ahamadrAkSha.n kR^iShNamIshvaram . 
tanme suvidita.n sarvaM pratyakShamiva chAgamat .. 25..\\
nAnto vikramayuktasya buddhyA yuktasya vA punaH . 
karmaNaH shakyate gantu.n hR^iShIkeshasya sa~njaya .. 26..\\
tathA gadashcha sAmbashcha pradyumno.atha vidUrathaH . 
AgAvaho.aniruddhashcha chArudeShNashcha sAraNaH .. 27..\\
ulmuko nishaThashchaiva jhallI babhrushcha vIryavAn . 
pR^ithushcha vipR^ithushchaiva samIko.athArimejayaH .. 28..\\
ete vai balavantashcha vR^iNi vIrAH prahAriNaH . 
katha.n chitpANDavAnIka.n shrayeyuH samare sthitAH .. 29..\\
AhUtA vR^iShNivIreNa keshavena mahAtmanA . 
tataH saMshayita.n sarvaM bhavediti matirmama .. 30..\\
nAgAyuta balo vIraH kailAsashikharopamaH . 
vanamAlI halI rAmastatra yatra janArdanaH .. 31..\\
yamAhuH sarvapitara.n vAsudeva.n dvijAtayaH . 
api vA hyeSha pANDUnA.n yotsyate.arthAya sa~njaya .. 32..\\
sa yadA tAta saMnahyetpANDavArthAya keshavaH . 
na tadA pratyanIkeShu bhavitA tasya kash chana .. 33..\\
yadi sma kuravaH sarve jayeyuH sarvapANDavAn . 
vArShNeyo.arthAya teShA.n vai gR^ihNIyAchchhastramuttamam .. 34..\\
tataH sarvAnnaravyAghro hatvA narapatInraNe . 
kauravAMshcha mahAbAhuH kuntyai dadyAtsa medinIm .. 35..\\
yasya yantA hR^iShIkesho yoddhA yasya dhana~njayaH . 
rathasya tasya kaH sa~Nkhye pratyanIko bhavedrathaH .. 36..\\
na kena chidupAyena kurUNA.n dR^ishyate jayaH . 
tasmAnme sarvamAchakShva yathA yuddhamavartata .. 37..\\
arjunaH keshavasyAtmA kR^iShNo.apyAtmA kirITinaH . 
arjune vijayo nitya.n kR^iShNe kIrtishcha shAshvatI .. 38..\\
prAdhAnyena hi bhUyiShThamameyAH keshave guNAH . 
mohAdduryodhanaH kR^iShNa.n yanna vettIha mAdhavam .. 39..\\
mohito daivayogena mR^ityupAshapuraskR^itaH . 
na veda kR^iShNa.n dAshArhamarjunaM chaiva pANDavam .. 40..\\
pUrvadevau mahAtmAnau naranArAyaNAvubhau . 
ekAtmAnau dvidhA bhUtau dR^ishyete mAnavairbhuvi .. 41..\\
manasApi hi durdharShau senAmetA.n yashasvinau . 
nAshayetAmihechchhantau mAnuShatvAttu nechchhataH .. 42..\\
yugasyeva viparyAso lokAnAm iva mohanam . 
bhIShmasya cha vadhastAta droNasya cha mahAtmanaH .. 43..\\
na hyeva brahmacharyeNa na vedAdhyayanena cha . 
na kriyAbhirna shastreNa mR^ityoH kash chidvimuchyate .. 44..\\
lokasambhAvitau vIrau kR^itAstrau yuddhadurmadau . 
bhIShmadroNau hatau shrutvA kiM nu jIvAmi sa~njaya .. 45..\\
yA.n tA.n shriyamasUyAmaH purA yAtAM yudhiShThire . 
adya tAmanujAnImo bhIShmadroNavadhena cha .. 46..\\
tathA cha matkR^ite prAptaH kurUNAmeSha sa~NkShayaH . 
pakvAnA.n hi vadhe sUta vajrAyante tR^iNAnyapi .. 47..\\
ananyamidamaishvarya.n loke prApto yudhiShThiraH . 
yasya kopAnmaheShvAsau bhIShmadroNau nipAtitau .. 48..\\
prAptaH prakR^itito dharmo nAdharmo mAnavAnprati . 
krUraH sarvavinAshAya kAlaH samativartate .. 49..\\
anyathA chintitA hyarthA naraistAta manasvibhiH . 
anyathaiva hi gachchhanti daivAditi matirmama .. 50..\\
tasmAdaparihArye.arthe samprApte kR^ichchhra uttame . 
apAraNIye dushchintye yathA bhUtaM prachakShva me .. 51..\\
\medskip\hrule\medskip\centerline{\Largedvng 11}
 s

hanta te varNayiShyAmi sarvaM pratyakShadarshivAn . 
yathA sa nyapataddroNaH sAditaH pANDusR^i~njayaiH .. 1..\\
senApatitva.n samprApya bhAradvAjo mahArathaH . 
madhye sarvasya sainyasya putra.n te vAkyamabravIt .. 2..\\
yatkauravANAmR^iShabhAdApageyAdanantaram . 
senApatyena mA.n rAjannadya satkR^itavAnasi .. 3..\\
sadR^isha.n karmaNastasya phalaM prApnuhi pArthiva . 
karomi kAma.n kaM te.adya pravR^iNIShva yamichchhasi .. 4..\\
tato duryodhanashchintya karNa duHshAsanAdibhiH . 
tamathovAcha durdharShamAchArya.n jayatA.n varam .. 5..\\
dadAsi chedvaraM mahya.n jIvagrAha.n yudhiShThiram . 
gR^ihItvA rathinA.n shreShThaM matsamIpamihAnaya .. 6..\\
tataH kurUNAmAchAryaH shrutvA putrasya te vachaH . 
senAM praharShayansarvAmida.n vachanamabravIt .. 7..\\
dhanyaH kuntIsuto rAjA yasya grahaNamichchhasi . 
na vadhArtha.n sudurdharSha varamadya prayAchasi .. 8..\\
kimartha.n cha naravyAghra na vadhaM tasya kA~NkShasi . 
nAsha.nsasi kriyAmetAM matto duryodhana dhruvam .. 9..\\
Aho sviddharmaputrasya dveShTA tasya na vidyate . 
yadichchhasi tva.n jIvantaM kula.n rakShasi chAtmani .. 10..\\
atha vA bharatashreShTha nirjitya yudhi pANDavAn . 
rAjyAMshaM pratidattvA cha saubhrAtra.n kartumichchhasi .. 11..\\
dhanyaH kuntIsuto rAjA sujAtA chAsya dhImataH . 
ajAtashatrutA satyA tasya yatsnihyate bhavAn .. 12..\\
droNena tvevamuktasya tava putrasya bhArata . 
sahasA niHsR^ito bhAvo yo.asya nityaM pravartate .. 13..\\
nAkAro gUhita.n shakyo bR^ihaspatisamairapi . 
tasmAttava suto rAjanprahR^iShTo vAkyamabravIt .. 14..\\
vadhe kuntIsutasyAjau nAchArya vijayo mama . 
hate yudhiShThire pArtho hanyAtsarvAnhi no dhruvam .. 15..\\
na cha shakyo raNe sarvairnihantumamarairapi . 
ya eva chaiShA.n sheShaH syAtsa evAsmAnna sheShayet .. 16..\\
satyapratiGYe tvAnIte punardyUtena nirjite . 
punaryAsyantyaraNyAya kaunteyAstamanuvratAH .. 17..\\
so.ayaM mama jayo vyakta.n dIrghakAlaM bhaviShyati . 
ato na vadhamichchhAmi dharmarAjasya karhi chit .. 18..\\
tasya jihmamabhiprAya.n GYAtvA droNo.arthatattvavit . 
ta.n varaM sAntara.n tasmai dadau sa~ncintya buddhimAn .. 19..\\

 drn

na chedyudhiShThira.n vIra pAlayedarjuno yudhi . 
manyasva pANDava.n jyeShThamAnIta.n vashamAtmanaH .. 20..\\
na hi pArtho raNe shakyaH sendrairdevAsurairapi . 
pratyudyAtumatastAta naitadAmarShayAmyaham .. 21..\\
asaMshaya.n sa shiShyo me matpUrvashchAstrakarmaNi . 
taruNaH kIrtiyuktashcha ekAyanagatashcha saH .. 22..\\
astrANIndrAchcha rudrAchcha bhUyA.nsi samavAptavAn . 
amarShitashcha te rAja.nstena nAmarShayAmyaham .. 23..\\
sa chApakramyatA.n yuddhAdyenopAyena shakyate . 
apanIte tataH pArthe dharmarAjo jitastvayA .. 24..\\
grahaNa.n chejjayaM tasya manyase puruSharShabha . 
etena chAbhyupAyena dhruva.n grahaNameShyati .. 25..\\
aha.n gR^ihItvA rAjAna.n satyadharmaparAyaNam . 
AnayiShyAmi te rAjanvashamadya na saMshayaH .. 26..\\
yadi sthAsyati sa~NgrAme muhUrtamapi me.agrataH . 
apanIte naravyAghre kuntIputre dhana~njaye .. 27..\\
phalgunasya samakSha.n tu na hi pArtho yudhiShThiraH . 
grahItu.n samare shakyaH sendrairapi surAsuraiH .. 28..\\

 s

sAntara.n tu pratiGYAte rAGYo droNena nigrahe . 
gR^ihIta.n tamamanyanta tava putrAH subAlishAH .. 29..\\
pANDaveShu hi sApekSha.n droNaM jAnAti te sutaH . 
tataH pratiGYA sthairyArtha.n sa mantro bahulIkR^itaH .. 30..\\
tato duryodhanenApi grahaNaM pANDavasya tat . 
sainyasthAneShu sarveShu vyAghoShitamarindama .. 31..\\
\medskip\hrule\medskip\centerline{\Largedvng 12}
 s

tataste sainikAH shrutvA ta.n yudhiShThira nigraham . 
sinha nAdaravAMshchakrurbANasha~NkharavaiH saha .. 1..\\
tattu sarva.n yathAvR^itta.n dharmarAjena bhArata . 
AptairAshu pariGYAtaM bhAradvAja chikIrShitam .. 2..\\
tataH sarvAnsamAnAyya bhrAtR^InsainyAMshcha sarvashaH . 
abravIddharmarAjastu dhana~njayamida.n vachaH .. 3..\\
shruta.n te puruShavyAghra droNasyAdya chikIrShitam . 
yathA tanna bhavetsatya.n tathA nItirvidhIyatAm .. 4..\\
sAntara.n hi pratiGYAta.n droNenAmitrakarshana . 
tachchAntaramamogheShau tvayi tena samAhitam .. 5..\\
sa tvamadya mahAbAho yudhyasva madanantaram . 
yathA duryodhanaH kAmaM nema.n droNAdavApnuyAt .. 6..\\

 arj

yathA me na vadhaH karya AchAryasya katha.n chana . 
tathA tava parityAgo na me rAjaMshchikIrShitaH .. 7..\\
apyevaM pANDava prANAnutsR^ijeyamaha.n yudhi . 
pratIyAM nAhamAchArya tvAM na jahyA.n kathaM chana .. 8..\\
tvAM nigR^ihyAhave rAjandhArtarAShTro yamichchhati . 
na sa ta.n jIvaloke.asminkAmaM prAptaH kathaM chana .. 9..\\
prapateddyauH sa nakShatrA pR^ithivI shakalIbhavet . 
na tvA.n droNo nigR^ihNIyAjjIvamAne mayi dhruvam .. 10..\\
yadi tasya raNe sAhya.n kurute vajrabhR^itsvayam . 
devairvA sahito daityairna tvAM prApsyatyasau mR^idhe .. 11..\\
mayi jIvati rAjendra na bhaya~Nkartumarhasi . 
droNAdastrabhR^itA.n shreShThAtsarvashastrabhR^itAm api .. 12..\\
na smarAmyanR^itA.n vAchaM na smarAmi parAjayam . 
na smarAmi pratishrutya ki.n chidapyanapAkR^itam .. 13..\\

 s

tataH sha~NkhAshcha bheryashcha mR^ida~NgAshchAnakaiH saha . 
prAvAdyanta mahArAja pADavAnAM niveshane .. 14..\\
si.nhanAdashcha sa~njaGYe pANDavAnAM mahAtmanAm . 
dhanurjyAtalashabdashcha gaganaspR^iksubhairavaH .. 15..\\
ta.n shrutvA sha~NkhanirghoShaM pANDavasya mahAtmanaH . 
tvadIyeShvapyanIkeShu vAditrANyabhijaghnire .. 16..\\
tato vyUDhAnyanIkAni tava teShA.n cha bhArata . 
shanairupeyuranyonya.n yotsyamAnAni sa.nyuge .. 17..\\
tataH pravavR^ite yuddha.n tumula.n lomaharShaNam . 
pANDavAnA.n kurUNAM cha droNa pA~nchAlyayorapi .. 18..\\
yatamAnAH prayatnena droNAnIka vishAtane . 
na shekuH sR^i~njayA rAja.nstaddhi droNena pAlitam .. 19..\\
tathaiva tava putrasya rathodArAH prahAriNaH . 
na shekuH pANDavI.n senAM pAlyamAnA.n kirITinA .. 20..\\
AstA.n te stimite sene rakShyamANe parasparam . 
samprasupte yathA nakta.n vararAjyau supuShpite .. 21..\\
tato ruka ratho rAjannarkeNeva virAjatA . 
varUthinA viniShpatya vyacharatpR^itanAntare .. 22..\\
tamudyata.n rathenaikamAshu kAriNamAhave . 
anekamiva santrAsAnmenire pANDusR^i~njayAH .. 23..\\
tena muktAH sharA ghorA vicheruH sarvatodisham . 
trAsayanto mahArAja pANDaveyasya vAhinIm .. 24..\\
madhya.n dinamanuprApto gabhastishatasa.nvR^itaH . 
yathAdR^ishyata gharmAMshustathA droNo.apyadR^ishyata .. 25..\\
na chainaM pANDaveyAnA.n kashchichchhaknoti mAriSha . 
vIkShitu.n samare kruddhaM mahendramiva dAnavAH .. 26..\\
mohayitvA tataH sainyaM bhAradvAjaH pratApavAn . 
dhR^iShTadyumna bala.n tUrNa.n vyadhamannishitaiH sharaiH .. 27..\\
sa dishaH sarvato ruddhvA sa.nvR^itya khamajihmagaiH . 
pArShato yatra tatraiva mamR^ide pANDuvAhinIm .. 28..\\
\medskip\hrule\medskip\centerline{\Largedvng 13}
 s

tataH sa pANDavAnIke janaya.nstumulaM mahat . 
vyacharatpANDavAndroNo dahankakShamivAnalaH .. 1..\\
nirdahantamanIkAni sAkShAdagnimivotthitam . 
dR^iShTvA rukmaratha.n yuddhe samakampanta sR^i~njayAH .. 2..\\
pratata.n chAsyamAnasya dhanuSho.asyAshu kAriNaH . 
jyAghoShaH shrUyate.atyartha.n visphUrjitamivAshaneH .. 3..\\
rathinaH sAdinashchaiva nAgAnashvAnpadAtinaH . 
raudrA hastavatA muktAH pramathnanti sma sAyakAH .. 4..\\
nAnadyamAnaH parjanyaH sAnilaH shuchi sa~NkShaye . 
ashmavarShamivAvarShatpareShAmAvahadbhayam .. 5..\\
vyacharatsa tadA rAjansenA.n vikShobhayanprabhuH . 
vardhayAmAsa santrAsa.n shAtravANAmamAnuSham .. 6..\\
tasya vidyudivAbhreShu chApa.n hemapariShkR^itam . 
bhramadrathAmbude tasmindR^ishyate sma punaH punaH .. 7..\\
sa vIraH satyavAnprAGYo dharmanityaH sudAruNaH . 
yugAntakAle yanteva raudrAM prAskandayannadIm .. 8..\\
amarShavegaprabhavA.n kravyAdagaNasa~NkulAm . 
balaughaiH sarvataH pUrNA.n vIra vR^ikShApahAriNIm .. 9..\\
shoNitodA.n rathAvartAM hastyashvakR^itarodhasam . 
kavachoDupa sa.nyuktAM mA.nsapa~Nka samAkulAm .. 10..\\
modo majjAsthi sikatAmuShNISha varaphenilAm . 
sa~NgrAmajaladApUrNAM prAsamatsyasamAkulAm .. 11..\\
naranAgAshvasambhUtA.n sharavegaughavAhinIm . 
sharIradAru shR^i~NgATAM bhujanAgasamAkulAm .. 12..\\
uttamA~Ngopala talAM nistriMshajhaShasevitAm . 
rathanAgahradopetAM nAnAbharaNanIrajAm .. 13..\\
mahArathashatAvartAM bhUmireNUrmi mAlinIm . 
mahAvIryavatA.n sa~Nkhye sutarAM bhIru dustarAm .. 14..\\
shUra vyAlasamAkIrNAM prANivANija sevitAm . 
chhinnachchhatramahAha.nsAM mukuTANDaja sa~NkulAm .. 15..\\
chakrakUrmA.n gadA nakrA.n sharakShudra jhaShAkulAm . 
baDa gR^idhrasR^igAlAnA.n ghorasa~NghairniShevitAm .. 16..\\
nihatAnprANinaH sa~Nkhye droNena balinA sharaiH . 
vahantIM pitR^ilokAya shatasho rAjasattama .. 17..\\
sharIrashatasambAdhA.n keshashaivalashAdvalAm . 
nadIM prAvartayadrAjanbhIrUNAM bhayavardhinIm .. 18..\\
ta.n jayantamanIkAni tAni tAnyeva bhArata . 
sarato.abhyadravandroNa.n yudhiShThirapurogamAH .. 19..\\
tAnabhidravataH shUrA.nstAvakA dR^iDhakArmukAH . 
sarvataH pratyagR^ihNanta tadabhUllomaharShaNam .. 20..\\
shatamAyustu shakuniH sahadeva.n samAdravat . 
sa niyantR^idhvajaratha.n vivyAdha nishitaiH sharaiH .. 21..\\
tasya mAdrI sutaH ketu.n dhanuH sUta.n hayAnapi . 
nAtikruddhaH sharaishchhittvA ShaShTyA vivyAdha mAtulam .. 22..\\
saubalastu gadA.n gR^ihya prachaskanda rathottamAt . 
sa tasya gadayA rAjanrathAtsUtamapAtayat .. 23..\\
tatastau virathau rAjangadAhastau mahAbalau . 
chikrIDatU raNe shUrau sa shR^i~NgAviva parvatau .. 24..\\
droNaH pA~nchAlarAjAna.n viddhvA dashabhirAshugaiH . 
bahubhistena chAbhyastasta.n vivyAdha shatAdhikaiH .. 25..\\
viviMshatiM bhImaseno viMshatyA nishitaiH sharaiH . 
viddhvA nAkampayadvIrastadadbhutamivAbhavat .. 26..\\
viviMshatistu sahasA vyashva ketusharAsanam . 
bIma.n chakre mahArAja tataH sainyAnya pUjayan .. 27..\\
sa tanna mamR^iShe vIraH shatrorvijayamAhave . 
tato.asya gadayA dAntAnhayAnsarvAnapAtayat .. 28..\\
shalyastu nakula.n vIraH svasrIyaM priyamAtmanaH . 
vivyAdha prahasanbANairlADayankopayanniva .. 29..\\
tasyAshvAnAtapatra.n cha dhvaja.n sUtamatho dhanuH . 
nipAtya nakulaH sa~Nkhye sha~Nkha.n dadhmau pratApavAn .. 30..\\
dhR^iShTaketuH kR^ipenAstAMshchhittvA bahuvidhA~nsharAn . 
kR^ipa.n vivyAdha saptatyA lakShma chAsyAharattribhiH .. 31..\\
ta.n kR^ipaH sharavarSheNa mahatA samavAkirat . 
nivArya cha raNe vipro dhR^iShTaketumayodhayat .. 32..\\
sAtyakiH kR^itavarmANaM nArAchena stanAntare . 
viddhvA vivyAdha saptatyA punaranyaiH smayanniva .. 33..\\
sapta saptatibhirbhojasta.n viddhvA nishitaiH sharaiH . 
nAkampayata shaineya.n shIghro vAyurivAchalam .. 34..\\
senApatiH susharmANa.n shIghraM marmasvatADayat . 
sa chApi ta.n tomareNa jatru deshe atADayat .. 35..\\
vaikartana.n tu samare virATaH pratyavArayat . 
saha matsyairmahAvIryaistadadbhutamivAbhavat .. 36..\\
tatpauruShamabhUttatra sUtaputrasya dAruNam . 
yatsainya.n vArayAmAsa sharaiH saMnataparvabhiH .. 37..\\
drupadastu svaya.n rAjA bhagadattena sa~NgataH . 
tayoryuddhaM mahArAja chitrarUpamivAbhavat . 
bhUtAnA.n trAsajananaM chakrAte.astravishAradau .. 38..\\
bhUrishravA raNe rAjanyAGYaseniM mahAratham . 
mahatA sAyakaughena chhAdayAmAsa vIryavAn .. 39..\\
shikhaNDI tu tataH kruddhaH saumadatti.n vishAM pate . 
navatyA sAyakAnA.n tu kampayAmAsa bhArata .. 40..\\
rAkShasau bhImakarmANau haiDimbAlambusAvubhau . 
chakrAte.atyadbhuta.n yuddhaM parasparavadhaiShiNau .. 41..\\
mAyA shatasR^ijau dR^iptau mAyAbhiritaretaram . 
antarhitau cheratustau bhR^isha.n vismayakAriNau .. 42..\\
chekitAno.anuvindena yuyudhe tvatibhairavam . 
yathA devAsure yuddhe balashakrau mahAbalau .. 43..\\
lakShmaNaH kShatradevena vimardamakarodbhR^isham . 
yathA viShNuH purA rAjanhiraNyAkSheNa sa.nyuge .. 44..\\
tataH prajavitAshvena vidhivatkalpitena cha . 
rathenAbhyapatadrAjansaubhadraM pauravo nadan .. 45..\\
tato.abhiyAya tvarito yuddhAkA~NkShI mahAbalaH . 
tena chakre mahadyuddhamabhimanyurarindamaH .. 46..\\
pauravastvatha saubhadra.n sharavrAtairavAkirat . 
tasyArjunirdhvaja.n chhatraM dhanushchorvyAmapAtayat .. 47..\\
saubhadraH paurava.n tvanyairviddhvA saptabhirAshugaiH . 
pa~nchabhistasya vivyAdha hayAnsUta.n cha sAyakaiH .. 48..\\
tataH sa.nharShayansenA.n si.nhavadvinadanmuhuH . 
samAdattArjunistUrNaM pauravAnta kara.n sharam .. 49..\\
dvAbhyA.n sharAbhyAM hArdikyashchakarta sa shara.n dhanuH . 
tadutsR^ijya dhanushchhinna.n saubhadraH paravIrahA . 
udbabarha sita.n khaDgamAdadAnaH sharAvaram .. 50..\\
sa tenAneka tAreNa charmaNA kR^itahastavat . 
bhrAntAsiracharanmArgAndarshayanvIryamAtmanaH .. 51..\\
bhrAmitaM punarudbhrAntamAdhUtaM punaruchchhritam . 
charma nistriMshayo rAjannirvisheShamadR^ishyata .. 52..\\
sa paurava rathasyeShAmAplutya sahasA nadan . 
paurava.n rathamasthAya keshapakShe parAmR^ishat .. 53..\\
jaghAnAsya padA sUtamasinApAtayaddhvajam . 
vikShobhyAmbho nidhi.n tArkShyastaM nAgamiva chAkShipat .. 54..\\
tamAkalitakeshAnta.n dadR^ishuH sarvapArthivAH . 
ukShANamiva si.nhena pAtyamAnamachetanam .. 55..\\
tamArjunivashaM prApta.n kR^iShyamANamanAthavat . 
pauravaM patita.n dR^iShTvA nAmR^iShyata jayadrathaH .. 56..\\
sa barhiNamahAvAja.n ki~NkiNIshatajAlavat . 
charma chAdAya khaDga.n cha nadna paryapatadrathAt .. 57..\\
tataH saindhavamAlokya kArShNirutsR^ijya pauravam . 
utpapAta rathAttUrNa.n shyenavannipapAta cha .. 58..\\
prAsapaTTishanistriMshA~nshatrubhiH sampraveritAn . 
chichchhedAthAsinA kArShNishcharmaNA sa.nrurodha cha .. 59..\\
sa darshayitvA sainyAnA.n svabAhulbalamAtmanaH . 
tamudyamya mahAkhaDga.n charma chAtha punarbalI .. 60..\\
vR^iddhakShatrasya dAyAdaM pituratyantavairiNam . 
sasArAbhimukhaH shUraH shArdUla iva ku~njaram .. 61..\\
tau parasparamAsAdya khaDgadanta nakhAyudhau . 
hR^iShTavatsamprajahrAte vyAghrakesariNAviva .. 62..\\
sampAteShvabhipAteShu nipAteShvasi charmaNoH . 
na tayorantara.n kashchiddadarsha narasi.nhayoH .. 63..\\
avakShepo.asi nirhrAdaH shastrAntara nidarshanam . 
bAhyAntara nipAtashcha nirvisheShamadR^ishyata .. 64..\\
bAhyamAbhyantara.n chaiva charantau mArgamuttamam . 
dadR^ishAte mahAtmAnau sa pakShAviva parvatau .. 65..\\
tato vikShipataH khaDga.n saubhadrasya yashasvinaH . 
sharAvaraNa pakShAnte prajahAra jayadrathaH .. 66..\\
rukmapakShAntare saktastasmiMshcharmaNi bhAsvare . 
sindhurAjabalodhUtaH so.abhajyata mahAnasiH .. 67..\\
bhagnamAGYAya nistriMshamavaplutya paDAni ShaT . 
so.adR^ishyata nimeSheNa svarathaM punarAsthitaH .. 68..\\
ta.n kArShNi.n samarAnmuktamAsthitaM rathamuttamam . 
sahitAH sarvarAjAnaH parivavruH samantataH .. 69..\\
tatashcharma cha khaDga.n cha samutkShipya mahAbalaH . 
nanAdArjuna dAyAdaH prekShamANo jayadratham .. 70..\\
sindhurAjaM parityajya saubhadraH paravIrahA . 
tApayAmAsa tatsainyaM bhuvanaM bhAskaro yathA .. 71..\\
tasya sarvAyasI.n shaktiM shalyaH kanakabhUShaNAm . 
chikShepa samare ghorA.n dIptAmagnishikhAm iva .. 72..\\
tAmavaplutya jagrAha sa kosha.n chAradorasim . 
vainateyo yathA kArShNiH patantamuragottamam .. 73..\\
tasya lAghavamAGYAya satta.n chAmitatejasaH . 
sahitAH sarvarAjAnaH si.nhanAdamathAnadan .. 74..\\
tatastAmeva shalyasya saubhadraH paravIrahA . 
mumocha bhujavIryeNa vaiDUrya vikR^itAjirAm .. 75..\\
sA tasya rathamAsAdya nirmuktabhujagopamA . 
jaghAna sUta.n shalyasya rathAchchainamapAtayat .. 76..\\
tato virATadrupadau dhR^iShTaketuryudhiShThiraH . 
sAtyakiH kekayA bhImo dhR^iShTadyumna shikhaNDinau . 
yamau cha draupadeyAshcha sAdhu sAdhviti chukrushuH .. 77..\\
bANashabdAshcha vividhAH si.nhanAdAshcha puShkalAH . 
prAdurAsanharShayantaH saubhadramapalAyinam . 
tannAmR^iShyanta putrAste shatrorvijayalakShaNam .. 78..\\
athaina.n sahasA sarve samantAnnishitaiH sharaiH . 
abhyAkiranmahArAja jaladA iva parvatam .. 79..\\
teShA.n cha priyamanvichchhansUtasya cha parAbhavAt . 
ArtAyaniramitraghnaH kruddhaH saubhadramAbhyayAt .. 80..\\
\medskip\hrule\medskip\centerline{\Largedvng 14}
 dhr

bahUni suvichitrANi dvandva yuddhAni sa~njaya . 
tvayoktAni nishamyAha.n spR^ihayAmi sa chakShuShAm .. 1..\\
AshcharyabhUta.n lokeShu kathayiShyanti mAnavAH . 
kurUNAM pANDavAnA.n cha yuddhaM devAsuropamam .. 2..\\
na hi me tR^iptirastIha shR^iNvato yuddhamuttamam . 
tasmAdArtAyaneryuddha.n saubhadrasya cha sha.nsa me .. 3..\\

 s

sAditaM prekShya yantAra.n shalyaH sarvAyaShI.n gadAm . 
samutkShipya nadankruddhaH prachaskanda rathottamAt .. 4..\\
ta.n dIptamiva kAlAgniM daNDahastamivAntakam . 
javenAbhyapatadbhImaH pragR^ihya mahatI.n gadAm .. 5..\\
saubhadro.apyashaniprakhyAM pragR^ihya mahatI.n gadAm . 
ehyehItyabravIchchhalya.n yatnAdbhImena vAritaH .. 6..\\
vArayitvA tu saubhadraM bhImasenaH pratApavAn . 
shalyamAsAdya samare tasthau giririvAchalaH .. 7..\\
tathaiva madrarAjo.api bhIma.n dR^iShTvA mahAbalam . 
sasArAbhimukhastUrNa.n shArdUla iva ku~njaram .. 8..\\
tatastUryaninAdAshcha sha~NkhAnA.n cha sahasrashaH . 
si.nhanAdAshcha sa~njaGYurbherINA.n cha mahAsvanAH .. 9..\\
pashyatA.n shatasho hyAsIdanyonyasamachetasAm . 
pANDavAnA.n kurUNAM cha sAdhu sAdhviti nisvanaH .. 10..\\
na hi madrAdhipAdanyaH sarvarAjasu bhArata . 
soDhumutsahate vegaM bhImasenasya sa.nyuge .. 11..\\
tathA madrAdhipasyApi gadA vegaM mahAtmanaH . 
soDhumutsahate loke ko.anyo yudhi vR^ikodarAt .. 12..\\
paTTairjAmbUnadairbaddhA babhUva janaharShiNI . 
prajajvAla tathA viddhA bhImena mahatI gadA .. 13..\\
tathaiva charato mArgAnmaNDalAni vicheratuH . 
mahAvidyutpratIkAshA shalyasya shushubhe gadA .. 14..\\
tau vR^iShAviva nardantau maNDalAni vicheratuH . 
AvarjitagadA shR^i~NgAvubhau shalya vR^ikodarau .. 15..\\
maNDalAvarta mArgeShu gadA viharaNeShu cha . 
nirvisheShamabhUdyuddha.n tayoH puruShasi.nhayoH .. 16..\\
tADitA bhImasenena shalyasya mahatI gadA . 
sAgnijvAlA mahAraudrA gadA chUrNamashIryata .. 17..\\
tathaiva bhImasenasya dviShatAbhihatA gadA . 
varShA pradoShe khadyotairvR^ito vR^ikSha ivAbabhau .. 18..\\
gadA kShiptA tu samare madrarAjena bhArata . 
vyoma sandIpayAnA sA sasR^ije pAvakaM bahu .. 19..\\
tathaiva bhImasenena dviShate preShitA gadA . 
tApayAmAsa tatsainyaM maholkA patatI yathA .. 20..\\
te chaivobhe gade shreShThe samAsAdya parasparam . 
shvasantyau nAgakanyeva sasR^ijAte vibhAvasum .. 21..\\
nakhairiva mahAvyAghrau dantairiva mahAgajau . 
tau vicheraturAsAdya gadAbhyA.n cha parasparam .. 22..\\
tato gadAgrAbhihatau kShaNena rudhirokShitau . 
dadR^ishAte mahAtmAnau puShpitAviva kiMshukau .. 23..\\
shushruve dikShu sarvAsu tayoH puruShasi.nhayoH . 
gadAbhighAta sa.nhrAdaH shakrAshanirivopamaH .. 24..\\
gadayA madrarAjena savyadakShiNamAhataH . 
nAkampata tadA bhImo bhidyamAna ivAchalaH .. 25..\\
tathA bhIma gadA vegaistADyamAno mahAbalaH . 
dhairyAnmadrAdhipastasthau vajrairgiririvAhataH .. 26..\\
ApetaturmahAvegau samuchchhritamahAgadau . 
punarantaramArgasthau maNDalAni vicheratuH .. 27..\\
athAplutya padAnyaShTau saMnipatya gajAviva . 
sahasA lohadaNDAbhyAmanyonyamabhijaghnatuH .. 28..\\
tau parasparavegAchcha gadAbhyA.n cha bhR^ishAhatau . 
yugapatpetaturvIrau kShitAvindradhvajAviva .. 29..\\
tato vihvalamAna.n taM niHshvasantaM punaH punaH . 
shalyamabhyapatattUrNa.n kR^itavarmA mahArathaH .. 30..\\
dR^iShTvA chainaM mahArAja gadayAbhinipIDitam . 
vicheShTanta.n yathA nAgaM mUrchhayAbhipariplutam .. 31..\\
tataH sagadamAropya madrANAmadhipa.n ratham . 
apovAha raNAttUrNa.n kR^itavarmA mahArathaH .. 32..\\
kShIbavadvihvalo vIro nimeShAtpunarutthitaH . 
bhImo.api sumahAbAhurgadApANiradR^ishyata .. 33..\\
tato madrAdhipa.n dR^iShTvA tava putrAH parA~Nmukham . 
sa nAgarathapattyashvAH samakampanta mAriSha .. 34..\\
te pANDavairardyamAnAstAvakA jitakAshibhiH . 
bhItA disho.anvapadyanta vAtanunnA dhanA iva .. 35..\\
nirjitya dhArtarAShTrA.nstu pANDaveyA mahArathAH . 
vyarochanta raNe rAjandIpyamAnA yashasvinaH .. 36..\\
si.nhanAdAnbhR^isha.n chakruH sha~NkhAndadhmushcha harShitAH . 
bherIshcha vArayAmAsurmR^ida~NgAMshchAnakaiH saha .. 37..\\
\medskip\hrule\medskip\centerline{\Largedvng 15}
 s

tadbala.n sumahaddIrNa.n tvadIyaM prekShya vIryavAn . 
dadhAraiko raNe pANDUnvR^iShaseno.astramAyayA .. 1..\\
sharA dasha disho muktA vR^iShasenena mAriSha . 
vicheruste vinirbhidyanara vAjirathadvipAn .. 2..\\
tasya dIptA mahAbANA vinishcheruH sahasrashaH . 
bhAnoriva mahAbAho grIShma kAle marIchayaH .. 3..\\
tenArditA mahArAja rathinaH sAdhinastathA . 
nipetururvyA.n sahasA vAtanunnA iva drumAH .. 4..\\
hayaughAMshcha rathaughAMshcha gajaughAMshcha samantataH . 
apAtayadraNe rAja~nshatasho.atha sahasrashaH .. 5..\\
dR^iShTvA tameva.n samare vicharantamabhItavat . 
sahitAH sarvarAjAnaH parivavruH samantataH .. 6..\\
nAkulistu shatAnIko vR^iShasena.n samabhyayAt . 
vivyAdha chaina.n dashabhirnArAchairmarmabhedibhiH .. 7..\\
tasya karNAtmajashchApa.n chhittvA ketumapAtayat . 
taM bhrAtaraM parIpsanto draupadeyAH samabhyayuH .. 8..\\
karNAtmaja.n sharavrAtaishchakrushchAdR^ishyama~njasA . 
tAnnadanto.abhyadhAvanta droNaputra mukhA rathAH .. 9..\\
chhAdayanto mahArAja draupadeyAnmahArathAn . 
sharairnAnAvidhaistUrNaM parvatA~njaladA iva .. 10..\\
tAnpANDavAH pratyagR^ihNa.nstvaritAH putragR^iddhinaH . 
pA~nchAlAH kekayA matsyAH sR^i~njayAMshchodyatAyudhAH .. 11..\\
tadyuddhamabhavadghora.n tumula.n lomaharShaNam . 
tvadIyaiH pANDuputrANA.n devAnAmiva dAnavaiH .. 12..\\
evamuttamasa.nrambhA yuyudhuH kurupANDavAH . 
parasparamudIkShantaH parasparakR^itAgasaH .. 13..\\
teShA.n dadR^ishire kopAdvapUMShyamitatejasAm . 
yuyutsUnAmivAkAshe patatrivarabhoginAm .. 14..\\
bhImakarNa kR^ipa droNa drauNipArShata sAtyakaiH . 
babhAse sa raNoddeshaH kAlasUryairivoditaiH .. 15..\\
tadAsIttumula.n yuddhaM nighnatAm itaretaram . 
mahAbalAnAM balibhirdAnavAnA.n yathA suraiH .. 16..\\
tato yudhiShThirAnIkamuddhUtArNava nisvanam . 
tvadIyamavadhItsainya.n sampradruta mahAratham .. 17..\\
tatprabhagnaM bala.n dR^iShTvA shatrubhirbhR^ishamarditam . 
ala.n drutena vaH shUrA iti droNo.abhyabhAShata .. 18..\\
tataH shoNa hayaH kruddhashchaturdanta iva dvipaH . 
pravishya pANDavAnIka.n yudhiShThiramupAdravat .. 19..\\
tamavidhyachchhitairbANaiH ka~NkapatrairyudhiShThiraH . 
tasya droNo dhanushchhittvA ta.n druta.n samupAdravat .. 20..\\
chakrarakShaH kumArastu pA~nchAlAnA.n yashaH karaH . 
dadhAra droNamAyAnta.n veleva saritAM patim .. 21..\\
droNaM nivArita.n dR^iShTvA kumAreNa dvijarShabham . 
si.nhanAda ravo hyAsItsAdhu sAdhviti bhAShatAm .. 22..\\
kumArastu tato droNa.n sAyakena mahAhave . 
vivyAdhorasi sa~NkruddhaH si.nhavachchAnadanmuhuH .. 23..\\
sa.nvArya tu raNe droNaH kumAra.n vai mahAbalaH . 
sharairanekasAhasraiH kR^itahasto jitaklamaH .. 24..\\
ta.n shUramArya vratinamastrArtha kR^itanishramam . 
chakrarakShamapAmR^idnAtkumAra.n dvijasattamaH .. 25..\\
sa madhyaM prApya senAyAH sarvAH paricharandishaH . 
tava sainyasya goptAsIdbhAradvAjo ratharShabhaH .. 26..\\
shikhaNDina.n dvAdashabhirviMshatyA chottamaujasam . 
nakulaM pa~nchabhirviddhvA sahadeva.n cha saptabhiH .. 27..\\
yudhiShThira.n dvAdashabhirdraupadeyA.nstribhistribhiH . 
sAtyakiM pa~nchabhirviddhvA matsya.n cha dashabhiH sharaiH .. 28..\\
vyakShobhayadraNe yodhAnyathAmukhyAnabhidravan . 
abhyavartata samprepsuH kuntIputra.n yudhiShThiram .. 29..\\
yugandharastato rAjanbhAradvAjaM mahAratham . 
vArayAmAsa sa~Nkruddha.n vAtoddhUtamivArNavam .. 30..\\
yudhiShThira.n sa viddhvA tu sharaiH saMnataparvabhiH . 
yugandhara.n cha bhallena rathanIDAdapAharat .. 31..\\
tato virATadrupadau kekayAH sAtyakiH shibiH . 
vyAghradattashcha pA~nchAlyaH si.nhasenashcha vIryavAn .. 32..\\
ete chAnye cha bahavaH parIpsanto yudhiShThiram . 
Avavrustasya panthAna.n kirantaH sAyakAnbahUn .. 33..\\
vyAghradattashcha pA~nchAlyo droNa.n vivyAdha mArgaNaiH . 
pa~nchAshadbhiH shitai rAja.nstata uchchukrushurjanAH .. 34..\\
tvarita.n si.nhasenastu droNaM viddhvA mahAratham . 
prAhasatsahasA hR^iShTastrAsayanvai yatavratam .. 35..\\
tato visphArya nayane dhanurjyAmavamR^ijya cha . 
talashabdaM mahatkR^itvA droNasta.n samupAdravat .. 36..\\
tatastu si.nhasenasya shiraH kAyAtsakuNDalam . 
vyAghradattasya chAkramya bhallAbhyAmaharadbalI .. 37..\\
tAnpramR^idya sharavrAtaiH pANDavAnAM mahArathAn . 
yudhiShThira samabhyAshe tasthau mR^ityurivAntakaH .. 38..\\
tato.abhavanmahAshabdo rAjanyaudhiShThire bale . 
hR^ito rAjeti yodhAnA.n samIpasthe yatavrate .. 39..\\
abruvansainikAstatra dR^iShTvA droNasya vikramam . 
adya rAjA dhArtarAShTraH kR^itArtho vai bhaviShyati . 
AgamiShyati no nUna.n dhArtarAShTrasya sa.nyuge .. 40..\\
eva.n sa~njalpatA.n teShAM tAvakAnAM mahArathaH . 
AyAjjavena kauneyo rathaghoSheNa nAdayan .. 41..\\
shoNitodA.n rathAvartA.n kR^itvA vishasane nadIm . 
shUrAsthi chayasa~NkIrNAM pretakUlApahAriNIm .. 42..\\
tA.n sharaughamahAphenAM prAsamatsyasamAkulAm . 
nadImuttIrya vegena kurUnvidrAvya pANDavaH .. 43..\\
tataH kirITI sahasA droNAnIkamupAdravat . 
chhAdayanniShujAlena mahatA mohayanniva .. 44..\\
shIghramabhyasyato bANAnsandadhAnasya chAnisham . 
nAntara.n dadR^ishe kashchitkaunteyasya yashasvinaH .. 45..\\
na disho nAntarikSha.n cha na dyaurnaiva cha medinI . 
adR^ishyata mahArAja bANabhUtamivAbhavat .. 46..\\
nAdR^ishyata tadA rAja.nstatra ki.n chana sa.nyuge . 
bANAndha kAre mahati kR^ite gANDIvadhanvanA .. 47..\\
sUrye chAstamanuprApte rajasA chAbhisa.nvR^ite . 
nAGYAyata tadA shatrurna suhR^inna cha ki.n chana .. 48..\\
tato.avahAra.n chakruste droNaduryodhanAdayaH . 
tAnviditvA bhR^isha.n trastAnayuddhamanasaH parAn .. 49..\\
svAnyanIkAni bIbhatsuH shanakairavahArayat . 
tato.abhituShTuvuH pArthaM prahR^iShTAH pANDusR^i~njayAH . 
pA~nchAlAshcha manoGYAbhirvAgbhiH sUryamivarShayaH .. 50..\\
eva.n svashibiraM prAyAjjitvA shatrUndhana~njayaH . 
pR^iShThataH sarvasainyAnAM mudito vai sa keshavaH .. 51..\\
masAragalvarkasuvarNarUpyair 
vajrapravAla sphaTikaishcha mukhyaiH . 
chitre rathe pANDusuto babhAse 
nakShatrachire viyatIva chandraH .. 52..\\
\medskip\hrule\medskip\centerline{\Largedvng 16}
 s

te sene shibira.n gatvA nyavishetA.n vishAM pate . 
yathAbhAga.n yathAnyAyaM yathA gulma.n cha sarvashaH .. 1..\\
kR^itvAvahAra.n sainyAnA.n droNaH paramadurmanAH . 
duryodhanamabhiprekShya savrIDamidamabravIt .. 2..\\
uktametanmayA pUrvaM na tiShThati dhana~njaye . 
shakyo grahItu.n sa~NgrAme devairapi yudhiShThiraH .. 3..\\
iti tadvaH prayatatA.n kR^itaM pArthena sa.nyuge . 
mAtisha~NkIrvacho mahyamajeyau kR^iShNa pANDavau .. 4..\\
apanIte tu yogena kena chichchhveta vAhane . 
tata eShyati te rAjanvashamadya yudhiShThiraH .. 5..\\
kashchidAhvayatA.n sa~Nkhye deshamanyaM prakarShatu . 
tamajitvA tu kaunteyo na nivartetkatha~ncanan .. 6..\\
etasminnantare shUnye dharmarAjamahaM nR^ipa . 
grahIShyAmi chamUM bhittvA dhR^iShTadyumnasya pashyataH .. 7..\\
arjunena vihInastu yadi notsR^ijate raNam . 
mAmupAyAntamAlokya gR^ihItamiti viddhi tam .. 8..\\
eva.n te sahasA rAjandharmaputra.n yudhiShThiram . 
samAneShyAmi sagaNa.n vashamadya na saMshayaH .. 9..\\
yadi tiShThati sa~NgrAme muhUrtamapi pANDavaH . 
athApayAti sa~NgrAmAdvijayAttadvishiShyate .. 10..\\
droNasya tu vachaH shrutvA trigartAdhipatistataH . 
bhrAtR^ibhiH sahito rAjannida.n vachanamabravIt .. 11..\\
vaya.n vinikR^itA rAjansadA gANDIvadhanvanA . 
anAgaHsvapi chAgaskR^idasmAsu bharatarShabha .. 12..\\
te vaya.n smaramANAstAnvinikArAnpR^ithagvidhAn . 
krodhAgninA dahyamAnA na shemahi sadA nishAH .. 13..\\
sa no divyAstrasampannashchakShurviShayamAgataH . 
kartAraH sma vaya.n sarvaM yachchikIrShAma hR^idgatam .. 14..\\
bhavatashcha priya.n yatsyAdasmAka.n cha yashaH karam . 
vayamena.n haniShyAmo nikR^iShyAyodhanAdbahiH .. 15..\\
adyAstvanarjunA bhUmiratrigartAtha vA punaH . 
satya.n te pratijAnImo naitanmithyA bhaviShyati .. 16..\\
eva.n satyarathashchoktvA satyadharmA cha bhArata . 
satyavarmA cha satyeShuH satyakarmA tathaiva cha .. 17..\\
sahitA bhrAtaraH pa~ncha rathAnAm ayutena cha . 
nyavartanta mahArAja kR^itvA shapathamAhave .. 18..\\
mAlavAstuNDikerAshcha rathAnAmayutaistribhiH . 
susharmA cha naravyAghrastrigartaH prasthalAdhipaH .. 19..\\
mAchellakairlalitthaish cha sahito madrakairapi . 
rathAnAmayutenaiva so.ashapadbhrAtR^ibhiH saha .. 20..\\
nAnAjanapadebhyashcha rathAnAmayutaM punaH . 
samutthita.n vishiShTAnAM saMshapArthamupAgatam .. 21..\\
tato jvalanamAdAya hutvA sarve pR^ithakpR^ithak . 
jagR^ihuH kushachIrANi chitrANi kavachAni cha .. 22..\\
te cha baddhatanu trANA ghR^itAktAH kushachIriNaH . 
maurvI mekhalino vIrAH sahasrashatadakShiNAH .. 23..\\
yajvAnaH putriNo lokyAH kR^itakR^ityAstanutyajaH . 
yokShyamANAstadAtmAna.n yashasA vijayena cha .. 24..\\
brahmacharya shrutimukhaiH kratubhishchAptadakShiNaiH . 
prApya lokAnsuyuddhena kShiprameva yiyAsavaH .. 25..\\
brAhmaNA.nstarpayitvA cha niShkAndattvA pR^ithakpR^ithak . 
gAshcha vAsA.nsi cha punaH samAbhAShya parasparam .. 26..\\
prajvAlya kR^iShNa vartmAnamupAgamya raNe vratam . 
tasminnagnau tadA chakruH pratiGYA.n dR^iDhanishchayAH .. 27..\\
shR^iNvatA.n sarvabhUtAnAmuchchairvAchaH sma menire . 
dhR^itvA dhana~njaya vadhe pratiGYA.n chApi chakrire .. 28..\\
ye vai lokAshchAnR^itAnA.n ya chaiva brahma ghAtinAm . 
panapasya cha ye lokA guru dAraratasya cha .. 29..\\
brahma svahAriNashchaiva rAjapiNDApahAriNaH . 
sharaNAgata.n cha tyajato yAchamAnaM tathA ghnataH .. 30..\\
agAra dAhinA.n ye cha ye cha gAM nighnatAm api . 
apachAriNA.n cha ye lokA ye cha brahma dviShAm api .. 31..\\
jAyA.n cha R^itukAle vai ye mohAdabhigachchhatAm . 
shrAddhasa~NgatikAnA.n cha ye chApyAtmApahAriNAm .. 32..\\
nyAsApahAriNA.n ye cha shrutaM nAshayatA.n cha ye . 
kopena yudhyamAnAnA.n ye cha nIchAnusAriNAm .. 33..\\
nAstikAnA.n cha ye lokA ye.agnihorA pitR^ityajAm . 
tAnApnuyAmahe lokAnye cha pApakR^itAm api .. 34..\\
yadyahatvA vaya.n yuddhe nivartema dhana~njayam . 
tena chAbhyarditAstrAsAdbhavema hi parA~NmukhAH .. 35..\\
yadi tvasukara.n loke karma kuryAma sa.nyuge . 
iShTAnpuNyakR^itA.n lokAnprApnuyAma na saMshayaH .. 36..\\
evamuktvA tato rAja.nste.abhyavartanta sa.nyuge . 
Ahvayanto.arjuna.n vIrAH pitR^ijuShTA.n dishaM prati .. 37..\\
AhUtastairnaravyAghraiH pArthaH parapura~njayaH . 
dharmarAjamida.n vAkyamapadAntaramabravIt .. 38..\\
AhUto na nivarteyamiti me vratamAhitam . 
saMshaptakAshcha mA.n rAjannAhvayanti punaH punaH .. 39..\\
eSha cha bhrAtR^ibhiH sArdha.n susharmAhvayate raNe . 
vadhAya sagaNasyAsya mAmanuGYAtumarhasi .. 40..\\
naitachchhaknomi sa.nsoDhumAhvAnaM puruSharShabha . 
satya.n te pratijAnAmi hatAnviddhi parAnyudhi .. 41..\\

 y

shrutametattvayA tAta yaddroNasya chikIrShitam . 
yathA tadanR^ita.n tasya bhavettadvatsamAchara .. 42..\\
droNo hi balavA~nshUraH kR^itAstrashcha jitashramaH . 
pratiGYAta.n cha tenaitadgrahaNaM me mahAratha .. 43..\\

 arj

aya.n vai satyajidrAjannadya te rakShitA yudhi . 
dhriyamANe hi pA~nchAlye nAchAryaH kAmamApsyati .. 44..\\
hate tu puruShavyAghre raNe satyajiti prabho . 
sarvairapi sametairvA na sthAtavya.n kathaM chana .. 45..\\

 s

anuGYAtastato rAGYA pariShvaktashcha phalgunaH . 
premNA dR^iShTashcha bahudhA AshiShA cha prayojitaH .. 46..\\
vihAyaina.n tataH pArthastrigartAnpratyayAdbalI . 
kShudhitaH kShudvighAtArtha.n si.nho mR^igagaNAniva .. 47..\\
tato dauryodhana.n sainyaM mudA paramayA yutam . 
gate.arjune bhR^isha.n kruddhaM karma rAjasya nigrahe .. 48..\\
tato.anyonyena te sene samAjagmaturojasA . 
ga~NgA sarayvorvegena prAvR^iShIvolbaNodake .. 49..\\
\medskip\hrule\medskip\centerline{\Largedvng 17}
 s

tataH saMshaptakA rAjansame deshe vyavasthitAH . 
vyUhyAnIka.n rathaireva chandrArdhAkhyaM mudAnvitAH .. 1..\\
te kirITinamAyAnta.n dR^iShTvA harSheNa mAriSha . 
udakroshannaravyAghrAH shabdena mahatA tadA .. 2..\\
sa shabdaH pradishaH sarvA dishaH kha~nca samAvR^iNot . 
AvR^itatvAchcha lokasya nAsIttatra pratisvanaH .. 3..\\
atIva samprahR^iShTA.nstAnupalabhya dhana~njayaH . 
ki.n chidabhyutsmayankR^iShNamida.n vachanamabravIt .. 4..\\
pashyaitAndevakI mAturmumUrShUnadya sa.nyuge . 
bhrAtR^I.nstraigartakAneva.n roditavye praharShitAn .. 5..\\
atha vA harShakAlo.aya.n traigartAnAmasaMshayam . 
kunarairduravApAnhi lokAnprApsyantyanuttamAn .. 6..\\
evamuktvA mahAbAhurhR^iShIkesha.n tato.arjunaH . 
AsasAda raNe vyUDhA.n traigartAnAmanIkinIm .. 7..\\
sa devadattamAdAya sha~Nkha.n hemapariShkR^itam . 
dadhmau vegena mahatA phalgunaH pUrayandishaH .. 8..\\
tena shabdena vitrastA saMshaptakavarUthinI . 
nishcheShTAvasthitA sa~Nkye ashmasAramayI yathA .. 9..\\
vAhAsteShA.n vivR^ittAkShAH stabdhakarNa shirodharAH . 
viShTabdha charaNA mUtra.n rudhira.n cha prasusruvuH .. 10..\\
upalabhya cha te sa~nj~nAmavasthApya cha vAhinIm . 
yugapatpANDuputrAya chikShipuH ka~NkapatriNaH .. 11..\\
tAnyarjunaH sahasrANi dasha pa~nchaiva chAshugaiH . 
anAgatAnyeva sharaishchichchhedAshu parAkramaH .. 12..\\
tato.arjuna.n shitairbANairdashabhirdashabhiH punaH . 
pratyavidhya.nstataH pArthastAnavidhyattribhistribhiH .. 13..\\
ekaikastu tataH pArtha.n rAjanvivyAdha pa~nchabhiH . 
sa cha tAnprativivyAdha dvAbhyA.n dvAbhyAM parAkramI .. 14..\\
bhUya eva tu sa.nrabdhAste.arjuna.n saha keshavam . 
ApUraya~nsharaistIkShNaistaTAkamiva vR^iShTibhiH .. 15..\\
tataH sharasahasrANi prApatannarjunaM prati . 
bhramarANAmiva vrAtAH phulladrumagaNe vane .. 16..\\
tataH subAhustriMshadbhiradrisAramayairdR^iDhaiH . 
avidhyadiShubhirgADha.n kirITe savyasAchinam .. 17..\\
taiH kirITI kirITasthairhemapu~NkhairajihmagaiH . 
shAtakumbhamayApIDo babhau yUpa ivochchhritaH .. 18..\\
hastAvApa.n subAhostu bhallena yudhi pANDavaH . 
chichchheda ta.n chaiva punaH sharavarShairavAkirat .. 19..\\
tataH susharmA dashabhiH surathashcha kirITinam . 
sudharmA sudhanushchaiva subAhush cha samarpayan .. 20..\\
tA.nstu sarvAnpR^ithagbANairvAnarapravara dhvajaH . 
pratyavidhyaddhvajAMshchaiShAM bhallaishchichchheda kA~nchanAn .. 21..\\
sudhanvano dhanushchhittvA hayAnvai nyavadhIchchharaiH . 
atrAsya sashirastrANa.n shiraH kAyAdapAharat .. 22..\\
tasmi.nstu patite vIre trastAstasya padAnugAH . 
vyadravanta bhayAdbhItA yena dauryodhanaM balam .. 23..\\
tato jaghAna sa~Nkruddho vAsavistAM mahAchamUm . 
sharajAlairavichchhinnaistamaH sUrya ivAMshubhiH .. 24..\\
tato bhagne bale tasminviprayAte samantataH . 
savyasAchini sa~Nkruddhe traigartAnbhayamAvishat .. 25..\\
te vadhyamAnAH pArthena sharaiH saMnataparvabhiH . 
amuhya.nstatra tatraiva trastA mR^igagaNA iva .. 26..\\
tatastrigartarATkruddhastAnuvAcha mahArathAn . 
ala.n drutena vaH shUrA na bhaya~Nkartumarhatha .. 27..\\
shaptvA tu shapathAnghorAnsarvasainyasya pashyataH . 
gatvA dauryoghana.n sainya.n kiM vA vakShyatha mukhyagAH .. 28..\\
nAvahAsyAH katha.n loke karmaNAnena sa.nyuge . 
bhavema sahitAH sarve nivartadhva.n yathAbalam .. 29..\\
evamuktAstu te rAjannudakroshanmuhurmuhuH . 
sha~NkhAMshcha dadhmire vIrA harShayantaH parasparam .. 30..\\
tataste saMnyavartanta saMshaptakagaNAH punaH . 
nArAyaNAshcha gopAlAH kR^itvA mR^ityuM nivartanam .. 31..\\
\medskip\hrule\medskip\centerline{\Largedvng 18}
 s

dR^iShTvA tu saMnivR^ittA.nstAnsaMshaptakagaNAnpunaH . 
vAsudevaM mahAtmAnamarjunaH samabhAShata .. 1..\\
chodayAshvAnhR^iShIkesha saMshaptakagaNAnprati . 
naite hAsyanti sa~NgrAma.n jIvanta iti me matiH .. 2..\\
pashya me.astrabala.n ghoraM bAhvoriShvasanasya cha . 
adyaitAnpAtayiShyAmi kruddho rudraH pashUniva .. 3..\\
tataH kR^iShNaH smita.n kR^itvA pariNandya shivena tam . 
prAveshayata durdharSho yatra yatraichchhadarjunaH .. 4..\\
babhrAje sa ratho.atyarthamuhyamAno raNe tadA . 
uhyamAnamivAkAshe vimAnaM pANDurairhayaiH .. 5..\\
maNDalAni tatashchakre gatapratyAgatAni cha . 
yathA shakra ratho rAjanyuddhe devAsure purA .. 6..\\
atha nArAyaNAH kruddhA vividhAyudhapANayaH . 
chhAdayantaH sharavrAtaiH parivavrurdhana~njayam .. 7..\\
adR^ishya.n cha muhUrtena chakruste bharatarShabha . 
kR^iNena sahita.n yuddhe kuntIputra.n dhana~njayam .. 8..\\
kruddhastu phalgunaH sa~Nkhye dviguNIkR^itavikramaH . 
gANDIvamupasaMmR^ijya tUrNa.n jagrAha sa.nyuge .. 9..\\
baddhvA cha bhR^ikuTI.n vaktre krodhasya pratilakShaNam . 
devadattaM mahAsha~NkhaM pUrayAmAsa pANDavaH .. 10..\\
athAstramarisa~Nghaghna.n tvAShTramabhyasyadarjunaH . 
tato rUpasahasrANi prAdurAsanpR^ithakpR^ithak .. 11..\\
AtmanaH pratirUpaistairnAnArUpairvimohitAH . 
anyonyamarjunaM matvA svamAtmAna.n cha jaghnire .. 12..\\
ayamarjuno.aya.n govindemau yAdava pANDavau . 
iti bruvANAH saMmUdhA jaghnuranyonyamAhave .. 13..\\
mohitAH paramAstreNa kShaya.n jagmuH parasparam . 
ashobhanta raNe yodhAH puShpitA iva kiMshukAH .. 14..\\
tataH sharasahasrANi tairvimuktAni bhasmasAt . 
kR^itvA tadastra.n tAnvIrAnanayadyamasAdanam .. 15..\\
atha prahasya bIbhatsurlalitthAnmAlavAnapi . 
mAchellakA.nstrigartAMshchcha yaudheyAMshchArdayachchharaiH .. 16..\\
te vadhyamAnA vIreNa kShatriyAH kAlachoditAH . 
vyasR^ija~nsharavarShANi pArthe nAnAvidhAni cha .. 17..\\
tato naivArjunastatra na ratho na cha keshavaH . 
pratyadR^ishyata ghoreNa sharavarSheNa sa.nvR^itaH .. 18..\\
tataste labdhalakShyatvAdanyonyamabhichukrushuH . 
hatau kR^iShNAviti prItA vAsA.nsyAdudhuvustadA .. 19..\\
bherImR^ida~Ngasha~NkhAMshcha dadhmurvIrAH sahasrashaH . 
si.nhanAda ravAMshchogrAMshchakrire tatra mAriSha .. 20..\\
tataH prasiShvide kR^iShNaH khinnashchArjunamabravIt . 
kvAsi pArtha na pashye tvA.n kachchijjIvasi shatruhan .. 21..\\
tasya taM mAnuShaM bhAvaM bhAvaGYo.a.aGYAya pANDavaH . 
vAyavyAstreNa tairastA.n sharavR^iShTimapAharat .. 22..\\
tataH saMshaptakavrAtAnsAshvadvipa rathAyudhAn . 
uvAha bhagavAnvAyuH shuShkaparNachayAniva .. 23..\\
uhyamAnAstu te rAjanbahvashobhanta vAyunA . 
praDInAH pakShiNaH kAle vR^ikShebhya iva mAriSha .. 24..\\
tA.nstathA vyAkulIkR^itya tvaramANo dhana~njayaH . 
jaghAna nishitairbANaiH sahasrANi shatAni cha .. 25..\\
shirA.nsi bhallairaharadbAhUnapi cha sAyudhAn . 
hastihastopamAMshchorU~nsharairurvyAmapAtayat .. 26..\\
pR^iShThachchhinnAnvicharaNAnvimastiShkeShaNA~NgulIn . 
nAnA~NgAvayavairhInAMshchakArArIndhana~njayaH .. 27..\\
gandharvanagarAkArAnvidhivatkalpitAnrathAn . 
sharairvishakalIkurvaMshchakre vyashva rathadvipAn .. 28..\\
muNDatAlavanAnIva tatra tatra chakAshire . 
chhinnadhvajarathavrAtAH ke chitke chitkva chitkva chit .. 29..\\
sottarAyudhino nAgAH sa patAkA~NkushAyudhAH . 
petuH shakrAshanihatA drumavanta ivAchalAH .. 30..\\
chAmarApIDa kavachAH srastAntra nayanAsavaH . 
sArohAsturagAH petuH pArtha bANahatAH kShitau .. 31..\\
vipraviddhAsi nakharAshchhinnavarmarShTi shaktayaH . 
pattayashchhinnavarmANaH kR^ipaNa.n sherate hatAH .. 32..\\
tairhatairhanyamAnaishcha patadbhiH patitairapi . 
bhramadbhirniShTanadbhishcha ghoramAyodhanaM babhau .. 33..\\
rajashcha mahadudbhUta.n shAntaM rudhiravR^iShTibhiH . 
mahI.n chApyabhavaddurgA kabandha shatasa~NkulA .. 34..\\
tadbabhau raudrabIbhatsaM bIbhatsoryAnamAhave . 
AkrIDa iva rudrasya ghnataH kAlAtyaye pashUn .. 35..\\
te vadhyamAnAH pArthena vyAkulAshvarathadvipAH . 
tamevAbhimukhAH kShINAH shakrasyAtithitA.n gatAH .. 36..\\
sA bhUmirbharatashreShTha nihataistairmahArathaiH . 
AstIrNA sambabhau sarvA pretI bhUtaiH samantataH .. 37..\\
etasminnantare chaiva pramatte savyasAchini . 
vyUDhAnIkastato droNo yudhiShThiramupAdravat .. 38..\\
taM pratyagR^ihNa.nstvarito vyUDhAnIkAH prahAriNaH . 
yudhiShThiraM parIpsantastadAsIttumulaM mahat .. 39..\\
\medskip\hrule\medskip\centerline{\Largedvng 19}
 s

pariNAmya nishA.n tAM tu bhAradvAjo mahArathaH . 
bahUktvA cha tato rAjanrAjAna.n cha suyodhanam .. 1..\\
vidhAya yogaM pArthena saMshaptakagaNaiH saha . 
niShkrAnte cha raNAtpArthe saMshaptakavadhaM prati .. 2..\\
vyUDhAnIkastato droNaH pANDavAnAM mahAchamUm . 
abhyayAdbharatashreShTha dharmarAja jighR^ikShayA .. 3..\\
vyUha.n dR^iShTvA suparNaM tu bhAradvAja kR^itaM tadA . 
vyUhena maDalArdhena pratyavyUhadyudhiShThiraH .. 4..\\
mukhamAsItsuparNasya bhAradvAjo mahArathaH . 
shiro duryodhano rAjA sodaryaiH sAnugaiH saha .. 5..\\
chakShuShI kR^itavarmA cha gautamashchAsyatAmvaraH . 
bhUtavarmA kShemasharmA karakarShashcha vIryavAn .. 6..\\
kali~NgAH si.nhalAH prAchyAH shUrAbhIrA dasherakAH . 
shakA yavanakAmbojAstathA ha.nsapadAsh cha ye .. 7..\\
grIvAyA.n shUrasenAshcha daradA madrakekayAH . 
gajAshvarathapattyaughAstasthuH shatasahasrashaH .. 8..\\
bhUrishravAH shalaH shalyaH somadattashcha bAhlikaH . 
akShauhiNyA vR^itA vIrA dakShNiNaM pakShamAshritAH .. 9..\\
vindAnuvindAvAvantyau kAmbojashcha sudakShiNaH . 
vAmaM pakSha.n samAshritya droNaputrAgragAH sthitAH .. 10..\\
pR^iShThe kali~NgAH sAmbaShThA mAgadhAH paundra madrakAH . 
gAndhArAH shakuniprAgyAH pArvatIyA vasAtayaH .. 11..\\
puchchhe vaikartanaH karNaH saputraGYAti bAndhanaH . 
mahatyA senayA tasthau nAnA dhvajasamutthayA .. 12..\\
jayadratho bhImarathaH sAmyAtrika sabho jayaH . 
bhUmi.n jayo vR^iShakrAtho naiShadhashcha mahAbalaH .. 13..\\
vR^itA balena mahatA brahmalokapuraskR^itAH . 
vyUhasyopari te rAjansthitA yuddhavishAradAH .. 14..\\
droNena vihito vyUhaH padAtyashvarathadvipaiH . 
vAtoddhUtArNavAkAraH pravR^itta iva lakShyate .. 15..\\
tasya pakShaprapakShebhyo niShpatanti yuyutsavaH . 
sa vidyutstanitA meghAH sarvadigbhya ivoShNage .. 16..\\
tasya prAgjyotiSho madhye vidhivatkalpita.n gajam . 
AsthitaH shushubhe rAjannaMshumAnudaye yathA .. 17..\\
mAlyadAmavatA rAjA shvetachchhatreNa dhAryatA . 
kR^ittikA yogayuktena paurNamAsyAmivendunA .. 18..\\
nIlA~njanachaya prakhyo madAndho dvirado babhau . 
abhivR^iShTo mahAmeghairyathA syAtparvato mahAn .. 19..\\
nAnA nR^ipatibhirvIrairvividhAyudhabhUShaNaiH . 
samanvitaH pArvatIyaiH shakro devagaNairiva .. 20..\\
tato yudhiShThiraH prekShya vyUha.n tamatimAnuSham . 
ajayyamaribhiH sa~Nkhye pArShata.n vAkyamabravIt .. 21..\\
brAhmaNasya vashaM nAhamiyAmadya yathA prabho . 
pArAvata savarNAshva tathA nItirvidhIyatAm .. 22..\\

 dhrsta

droNasya yatamAnasya vashaM naiShyasi suvrata . 
ahamAvArayiShyAmi droNamadya sahAnugam .. 23..\\
mayi jIvati kauravya nodvega.n kartumarhasi . 
na hi shakto raNe droNo vijetuM mA.n kathaM chana .. 24..\\

 s

evamuktvA kiranbANAndrupadasya suto balI . 
pArAvata savarShAshvaH svaya.n droNamupAdravat .. 25..\\
aniShTa darshana.n dR^iShTvA dhR^iShTadyumnamavasthitam . 
kShaNenaivAbhavaddroNo nAtihR^iShTamanA iva .. 26..\\
ta.n tu samprekShya putraste durmukhaH shatrukarshanaH . 
priya.n chikIrShandroNasya dhR^iShTadyumnamavArayat .. 27..\\
sa samprahArastumulaH samarUpa ivAbhavat . 
pArShatasya cha shUrasya durmukhasya cha bhArata .. 28..\\
pArShataH sharajAlena kShipraM prachchhAdya durmukham . 
bhAradvAja.n sharaugheNa mahatA samavArayat .. 29..\\
droNamAvArita.n dR^iShTvA bhR^ishAyastastavAtmajaH . 
nAnA li~NgaiH sharavrAtaiH pArShata.n samamohayat .. 30..\\
tayorviShaktayorsa~Nkhye pA~nchAlya kurumukhyayoH . 
droNo yaudhiShThira.n sainyaM bahudhA vyadhamachchharaiH .. 31..\\
anilena yathAbhrANi vichchhinnAni samantataH . 
tathA pArthasya sainyAni vichchhinnAni kva chitkva chit .. 32..\\
muhUrtamiva tadyuddhamAsInmadhuradarshanam . 
tata unmattavadrAjannirmaryAdamavartata .. 33..\\
naiva sve na pare rAjannaGYAyanta parasparam . 
anumAnena sa~nj~nAbhiryuddha.n tatsamavartata .. 34..\\
chUDAmaNiShu niShkeShu bhUShaNeShvasi charmasu . 
teShAmAdityavarNAbhA marIchyaH prachakAshire .. 35..\\
tatprakIrNapatAkAnA.n rathavAraNavAjinAm . 
balAkA shabalAbhrAbha.n dadR^ishe rUpamAhave .. 36..\\
narAneva narA jaghnurudagrAshcha hayA hayAn . 
rathAMshcha rathino jaghnurvAraNA varavAraNAn .. 37..\\
samuchchhritapatAkAnA.n gajAnAM paramadvipaiH . 
kShaNena tumulo ghoraH sa~NgrAhaH samavartata .. 38..\\
teShA.n sa.nsaktagAtrANA.n karShatAm itaretaram . 
dantasa~NghAta sa~NgharShAtsa dhUmo.agnirajAyata .. 39..\\
viprakIrNapatAkAste viShANa janitAgnayaH . 
babhUvuH kha.n samAsAdya sa vidyuta ivAmbudAH .. 40..\\
vikSharadbhirnadadbhishcha nipatadbhishcha vAraNaiH . 
sambabhUva mahI kIrNA meghairdyauriva shAradI .. 41..\\
teShAmAhanyamAnAnAM bANatomara vR^iShTibhiH . 
vAraNAnA.n ravo jaGYe meghAnAmiva samplave .. 42..\\
tomarAbhihatAH ke chidbANaishcha paramadvipAH . 
vitresuH sarvabhUtAnA.n shabdamevApare.avrajan .. 43..\\
viShANAbhihatAshchApi ke chittatra gajA gajaiH . 
chakrurArtasvara.n ghoramutpAtajaladA iva .. 44..\\
pratIpa.n hriyamANAshcha vAraNA varavAraNaiH . 
unmathya punarAjahruH preritAH paramA~NkushaiH .. 45..\\
mahAmAtrA mahAmAtraistADitAH sharatomaraiH . 
gajebhyaH pR^ithivI.n jagmurmuktapraharaNA~NkushAH .. 46..\\
nirmanuShyAshcha mAta~NgA vinadantastatastataH . 
chhinnAbhrANIva sampetuH sampravishya parasparam .. 47..\\
hatAnparivahantashcha yantritAH paramAyudhaiH . 
disho jagmurmahAnAgAH ke chidekacharA iva .. 48..\\
tADitAstADyamAnAshcha tomararShTi parashvadhaiH . 
peturArtasvara.n kR^itvA tadA vishasane gajAH .. 49..\\
teShA.n shailopamaiH kAryairnipatadbhiH samantataH . 
AhatA sahasA bhUmishchakampe cha nanAda cha .. 50..\\
sAditaiH sa gajArohaiH sa patAkaiH samantataH . 
mAta~NgaiH shushubhe bhUmirvikIrNairiva parvataiH .. 51..\\
gajasthAshcha mahAmAtrA nirbhinnahR^idayA raNe . 
rathibhiH pAtitA ballairvikIrNA~Nkusha tomarAH .. 52..\\
krau~nchavadvinadanto.anyanArAchAbhihatA gajAH . 
parAnsvAMshchApi mR^idnantaH paripeturdisho dasha .. 53..\\
gajAshvarathasa~NghAnA.n sharIraughasamAvR^itA . 
babhUva pR^ithivI rAjanmA.nrashoNita kardamA .. 54..\\
pramathya cha viShANAgraiH samutkShipya cha vAraNaiH . 
sachakrAshcha vichakrAshcha rathaireva mahArathAH .. 55..\\
rathAshcha rathibhirhInA nirmanuShyAshcha vAjinaH . 
hatArohAshcha mAta~NgA disho jagmuH sharAturAH .. 56..\\
jaghAnAtra pitA putraM putrashcha pitara.n tathA . 
ityAsIttumula.n yuddhaM na praGYAyata ki.n chana .. 57..\\
A gulphebhyo.avasIdanta narAH shoNitakardame . 
dIpyamAnaiH parikShiptA dAvairiva mahAdrumAH .. 58..\\
shoNitaiH sichyamAnAni vastrANi kavachAni cha . 
chhatrANi cha patAkAshcha sarva.n raktamadR^ishyata .. 59..\\
hayaughAshcha rathaughAshcha naraughAshcha nipAtitAH . 
sa.nvR^ittAH punarAvR^ittA bahudhA rathanemibhiH .. 60..\\
sa gajaughamahAvegaH parAsu narashaivalaH . 
rathaughatumulAvartaH prababhau sainyasAgaraH .. 61..\\
ta.n vAhana mahAnaubhiryodhA jaya dhanaiShiNaH . 
avagAhyAvamajjante naiva mohaM prachakrire .. 62..\\
sharavarShAbhivR^iShTeShu yodheShvajita lakShmasu . 
na hi svachittatA.n lebhe kashchidAhata lakShaNaH .. 63..\\
vartamAne tathA yuddhe ghorarUpe bhaya~Nkare . 
mohayitvA parAndroNo yudhiShThiramupAdravan .. 64..\\
\medskip\hrule\medskip\centerline{\Largedvng 20}
 s

tato yudhiShThiro droNa.n dR^iShTvAntikamupAgatam . 
mahatA sharavarSheNa pratyagR^ihNAdabhItavat .. 1..\\
tato halahalAshabda AsIdyaudhiShThire bale . 
jighR^ikShati mahAsi.nhe gajAnAmiva yUthapam .. 2..\\
dR^iShTvA droNa.n tataH shUraH satyajitsatyavikramaH . 
yudhiShThiraM pariprepsumAchArya.n samupAdravat .. 3..\\
tata AchArya pA~nchAlyau yuyudhAte parasparam . 
vikShobhayantau tatsainyamindra vairochanAviva .. 4..\\
tataH satyajita.n tIkShNairdashabhirmarmabhedibhiH . 
avidhyachchhIghramAchAryashchhittvAsya sa shara.n dhanuH .. 5..\\
sa shIghrataramAdAya dhanuranyatpratApavAn . 
droNa.n so.abhijaghAnAshu viMshadbhiH ka~NkapatribhiH .. 6..\\
GYAtvA satyajitA droNa.n grasyamAnamivAhave . 
vR^ikaH sharashatairtIkShNaiH pA~nchAlyo droNamardayat .. 7..\\
sa~nchAdyamAna.n samare droNa.n dR^iShTvA mahAratham . 
chukrushuH pANDavA rAjanvastrANi dudhuvush cha ha .. 8..\\
vR^ikastu paramakruddho droNa.n ShaShTyA stanAntare . 
vivyAdha balavAnrAja.nstadadbhutamivAbhavat .. 9..\\
droNastu sharavarSheNa chhAdyamAno mahArathaH . 
vega.n chakre mahAvegaH krodhAdudvR^itya chakShuShI .. 10..\\
tataH satyajitashchApa.n chhittvA droNo vR^ikasya cha . 
ShaDbhiH sasUta.n sahayaM sharairdroNo.avadhIdvR^ikam .. 11..\\
athAnyaddhanurAdAya satyajidvegavattaram . 
sAshva.n sasUtaM vishikhairdroNaM vivyAdha sa dhvajam .. 12..\\
sa tanna mamR^iShe droNaH pA~nchAlyenArdanaM mR^idhe . 
tatastasya vinAshAya sa tvara.n vyasR^ijachchharAn .. 13..\\
hayAndhvaja.n dhanurmuShTimubhau cha pArShNisArathI . 
avAkirattato droNaH sharavarShaiH sahasrashaH .. 14..\\
tathA sa~nchidyamAneShu kArmukeShu punaH punaH . 
pA~nchAlyaH paramAstraGYaH shoNAshva.n samayodhayat .. 15..\\
sa satyajitamAlakShya tathodIrNaM mahAhave . 
ardhachandreNa chichchheda shirastasya mahAtmanaH .. 16..\\
tasminhate mahAmAtre pA~nchAlAnA.n ratharShabhe . 
apAyAjjavanairashvairdroNAttrasto yudhiShThiraH .. 17..\\
pA~nchAlAH kekayA matsyAshchedikArUSha kosalAH . 
yudhiShThiramudIkShanto hR^iShTA droNamupAdravan .. 18..\\
tato yudhiShThirA prepsurAchAryaH shatrupUgahA . 
vyadhamattAnyanIkAni tUlarAshimivAnilaH .. 19..\\
nirhadantamanIkAni tAni tAni punaH punaH . 
droNaM matsyAdavarajaH shatAnIko.abhyavartata .. 20..\\
sUryarashmi pratIkAshaiH karmAra parijArjitaiH . 
ShaDbhiH samUta.n sahaya.n droNaM viddhvAnadadbhR^isham .. 21..\\
tasya nAnadato droNaH shiraH kAyAtsakuNDalam . 
kShureNApAharattUrNa.n tato matsyAH pradudruvuH .. 22..\\
matsyA~njitvAjayachchedInkArUShAnkekayAnapi . 
pA~nchAlAnsR^i~njayAnpANDUnbhAradvAjaH punaH punaH .. 23..\\
ta.n dahantamanIkAni kruddhamagni.n yathA vanam . 
dR^iShTvA rukmaratha.n kruddha.n samakampanta sR^i~njayAH .. 24..\\
uttama.n hyAdadhAnasya dhanurasyAshu kAriNaH . 
jyAghoSho nighnato.amitrAndikShu sarvAsu shushruve .. 25..\\
nAgAnashvAnpadAtIMshcha rathino gajasAdinaH . 
raudrA hastavatA muktAH pramathnanti sma sAyakAH .. 26..\\
nAnadyamAnaH parjanyo mishravAto himAtyaye . 
ashmavarShamivAvarShatpareShAM bhayamAdadhat .. 27..\\
sarvA dishaH samacharatsainya.n vikShobhayanniva . 
balI shUro maheShvAso mitrANAmabhaya~NkaraH .. 28..\\
tasya vidyudivAbhreShu chApa.n hemapariShkR^itam . 
dikShu sarvAsvapashyAma droNasyAmita tejasaH .. 29..\\
droNastu pANDavAnIke chakAra kadanaM mahat . 
yathA daitya gaNe viShNuH surAsuranamaskR^itaH .. 30..\\
sa shUra satyavAkprAGYo balavAnsatyavikramaH . 
mahAnubhAvaH kAlAnte raudrIM bhIru vibhIShaNAm .. 31..\\
kavachormidhvajAvartAM martyakUlApahAriNIm . 
gajavAjimahAgrAhAmasi mInA.n durAsadA .. 32..\\
vIrAsthi sharkarA.n raudrAM bherI murajakachchhapAm . 
charma varma plavA.n ghorAM keshashaivalashADvalAm .. 33..\\
sharaughiNI.n dhanuH srotAM bAhupannaga sa~NkulAm . 
raNabhUmivahA.n ghorAM kurusR^i~njaya vAhinIm . 
manuShyashIrSha pAShANA.n shaktimInA.n gadoDupAm .. 34..\\
uShNISha phenavasanAM niShkIrNAntra sarIsR^ipAm . 
vIrApahAriNImugrAM mA.nsashoNitakardamAm .. 35..\\
hastigrAhA.n ketuvR^ikShAM kShatriyANAM nimajjanIm . 
krUrA.n sharIrasa~NghATAM sAdinakrA.n duratyayAm . 
droNaH prAvartayattatra nadImantakagAminIm .. 36..\\
kravyAdagaNasa~NghuShTA.n shvashR^igAla gaNAyutAm . 
niShevitAM mahAraudraiH pishitAshaiH samantataH .. 37..\\
ta.n dahantamanIkAni rathodAraM kR^itAntavat . 
sarvato.abhyadravandroNa.n kuntIputra purogamAH .. 38..\\
tA.nstu shUrAnmaheShvAsA.nstAvakAbhyudyatAyudhAH . 
rAjAno rAjaputrAshcha samantAtparyavArayan .. 39..\\
tato droNaH satyasandhaH prabhinna iva ku~njaraH . 
abhyatItya rathAnIka.n dR^iDhasenamapAtayat .. 40..\\
tato rAjAnamAsAdya praharantamabhItavat . 
avidhyannavabhiH kShema.n sa hataH prApatadrathAt .. 41..\\
sa madhyaM prApya sainyAnA.n sarvAH pravicharandishaH . 
trAtA hyabhavadanyeShAM na trAtavyaH katha.n chana .. 42..\\
shikhaNDina.n dvAdashabhirviMshatyA chottamaujasA . 
vasu dAna.n cha bhallena preShayadyamasAdanam .. 43..\\
ashItyA kShatravarmANa.n ShaDviMshatyA sudakShiNam . 
kShatradeva.n tu bhallena rathanIDAdapAharat .. 44..\\
yudhAmanyu.n chatuHShaShTyA triMshatA chaiva sAtyakim . 
viddhvA rukmarathastUrNa.n yudhiShThiramupAdravat .. 45..\\
tato yudhiShThiraH kShipra.n kitavo rAjasattamaH . 
apAyAjjavanairashvaiH pA~nchAlyo droNamabhyayAt .. 46..\\
ta.n droNa.n sadhanuShkaM tu sAshvayantAramakShiNot . 
sa hataH prApatadbhUmau rathAjjyotirivAmbarAt .. 47..\\
tasminhate rAjaputre pA~nchAlAnA.n yashaH kare . 
hatadroNa.n hatadroNamityAsIttumulaM mahat .. 48..\\
tA.nstathA bhR^ishasa~NkruddhAnpA~nchAlAnmatsyakekayAn . 
sR^i~njayAnpANDavAMshchaiva droNo vyakShobhayadbalI .. 49..\\
sAtyaki.n chekitAnaM cha dhR^iShTadyumna vikhaNDinau . 
vArdhakShemi.n chitrasena.n senA binduM suvarchasam .. 50..\\
etAMshchAnyAMshcha subahUnnAnAjanapadeshvarAn . 
sarvAndroNo.ajayadyuddhe kurubhiH parivAritaH .. 51..\\
tAvakAstu mahArAja jaya.n labdhvA mahAhave . 
pANDaveyAnraNe jagnurdravamANAnsamantataH .. 52..\\
te dAnavA ivendreNa vadhyamAnA mahAtmanA . 
pA~nchAlAH kekayA matsyAH samakampanta bhArata .. 53..\\
\medskip\hrule\medskip\centerline{\Largedvng 21}
 dhr

bhAradvAjena bhagneShu pANDaveShu mahAmR^idhe . 
pA~nchAleShu cha sarveShu kash chidanyo.abhyavartata .. 1..\\
AryA.n yuddhe mati.n kR^itvA kShatriyANAM yashaskarIm . 
asevitA.n kApuruShaiH sevitAM puruSharShabhaiH .. 2..\\
sa hi vIro naraH sUta yo bhagneShu nivartate . 
aho nAsItpumAnkashchiddR^iShTvA droNa.n vyavasthitam .. 3..\\
jR^imbhamANamiva vyAghraM prabhinnamiva ku~njaram . 
tyajantamAhave prANAnsaMnaddha.n chitrayodhinam .. 4..\\
maheShvAsaM naravyAghra.n dviShatAm aghavardhanam . 
kR^itaGYa.n satyanirata.n duryodhanahitaiShiNam .. 5..\\
bhAradvAja.n tathAnIke dR^iShTvA shUramavasthitam . 
ke vIrAH saMnyavartanta tanmamAchakShva sa~njaya .. 6..\\

 s

tAndR^iShTvA chalitAnsa~Nkhye praNunnAndroNa sAyakaiH . 
pA~nchAlAnpANDavAnmatsyAnsR^i~njayAMshchedikekayAn .. 7..\\
droNa chApavimuktena sharaugheNAsu hAriNA . 
sindhoriva mahaughena hriyamANAnyathA plavAn .. 8..\\
kauravAH si.nhanAdena nAnAvAdya svanena cha . 
rathadvipa narAshaishcha sarvataH paryavArayan .. 9..\\
tAnpashyansainyamadhyastho rAjA svajanasa.nvR^itaH . 
duryodhano.abravItkarNaM prahR^iShTaH prahasanniva .. 10..\\
pashya rAdheya pA~nchAlAnpraNunnAndroNa sAyakaiH . 
si.nheneva mR^igAnvanyA.nstrAsitAndR^iDhadhanvanA .. 11..\\
naite jAtu punaryuddhamIheyuriti me matiH . 
yathA tu bhagnA droNena vAteneva mahAdrumAH .. 12..\\
ardyamAnAH sharairete rukmapu~NkhairmahAtmanA . 
pathA naikena gachchhanti ghUrNamAnAstatastataH .. 13..\\
saMniruddhAshcha kauravyairdroNena cha mahAtmanA . 
ete.anye maNDalIbhUtAH pAvakeneva ku~njarAH .. 14..\\
bhramarairiva chAviShTA droNasya nishitaiH sharaiH . 
anyonya.n samalIyanta palAyanaparAyaNAH .. 15..\\
eSha bhImo dR^iDhakrodho hInaH pANDava sR^i~njayaiH . 
madIyairAvR^ito yodhaiH karNa tarjayatIva mAm .. 16..\\
vyakta.n droNamaya.n lokamadya pashyati durmatiH . 
nirAsho jIvitAnnUnamadya rAjyAchcha pANDavaH .. 17..\\

 karna

naiSha jAtu mahAbAhurjIvannAhavamutsR^ijet . 
na chemAnpuruShavyAghra si.nhanAdAnvishakShyate .. 18..\\
na chApi pANDavA yuddhe bhajyeranniti me matiH . 
shUrAshcha balavantashcha kR^itAstrA yuddhadurmadAH .. 19..\\
viShAgnidyUtasa~NkleshAnvanavAsa.n cha pANDavAH . 
smaramANA na hAsyanti sa~NgrAmamiti me matiH .. 20..\\
nikR^ito hi mahAbAhuramitaujA vR^ikodaraH . 
varAnvarAnhi kaunteyo rathodArAnhaniShyati .. 21..\\
asinA dhanuShA shaktyA hayairnAgairnarai rathaiH . 
Ayasena cha daNDena vrAtAnvrAtAnhaniShyati .. 22..\\
tamete chAnuvartante sAtyakipramukhA rathAH . 
pA~nchAlAH kekayA matsyAH pANDavAshcha visheShataH .. 23..\\
shUrAshcha balavantashcha vikrAntAshcha mahArathAH . 
visheShatashcha bhImena sa.nrabdhenAbhichoditAH .. 24..\\
te droNamabhivartante sarvataH kurupu~NgavAH . 
vR^ikodaraM parIpsantaH sUryamabhragaNA iva .. 25..\\
ekAyanagatA hyete pIDayeyuryatavratam . 
arakShyamANa.n shalabhA yathA dIpaM mumUrShavaH . 
asaMshaya.n kR^itAstrAshcha paryAptAshchApi vAraNe .. 26..\\
atibhAra.n tvahaM manye bhAradvAje samAhitam . 
te shIghramanugachchhAmo yatra droNo vyavasthitaH . 
kAkA iva mahAnAgaM mA vai hanyuryatavratam .. 27..\\

 s

rAdheyasya vachaH shrutvA rAjA duryodhanastadA . 
bhrAtR^ibhiH sahito rAjanprAyAddroNa rathaM prati .. 28..\\
tatrArAvo mahAnAsIdeka.n droNaM jighA.nsatAm . 
pANDavAnAM nivR^ittAnAM nAnAvarNairhayottamaiH .. 29..\\
\medskip\hrule\medskip\centerline{\Largedvng 22}
 dhr

sarveShAmeva me brUhi rathachihnAni saMshaya . 
ye droNamabhyavartanta kruddhA bhIma purogamAH .. 1..\\

 s

R^ishya varNairhayairdR^iShTvA vyAyachchhanta.n vR^ikodaram . 
rajatAshvastataH shUraH shaineyaH saMnyavartata .. 2..\\
darshanIyAstu kAmbojAH shukapatraparichchhadAH . 
vahanto nakula.n shIghra.n tAvakAnabhidudruvuH .. 3..\\
kR^iShNAstu meghasa~NkAshAH sahadevamudAyudham . 
bhImavegA naravyAghramavahanvAtara.nhasaH .. 4..\\
hemottama pratichchhannairhayairvAtasamairjave . 
abhyavartanta sainyAni sarvANyeva yudhiShThiram .. 5..\\
rAGYastvanantara.n rAjA pA~nchAlyo drupado.abhavat . 
jAtarUpamayachchhatraH sarvaiH svairabhirakShitaH .. 6..\\
lalAmairharibhiryuktaiH sarvashabdakShamairyudhi . 
rAGYAM madhye maheShvAsaH shAntabhIrabhyavartata .. 7..\\
ta.n virATo.anvayAtpashchAtsaha shUrairmahArathaiH . 
kekayAshcha shikhaNDI cha dhR^iShTaketustathaiva cha . 
svaiH svaiH sainyaiH parivR^itA matsyarAjAnamanvayuH .. 8..\\
te tu pATala puShpANA.n samavarNA hayottamAH . 
vahamAnA vyarAjanta matsyasyAmitra ghAtinaH .. 9..\\
hAridra samavarShAstu javanA hemamAlinaH . 
putra.n virATa rAjasya sa tvarAH samudAvahan .. 10..\\
indragopaka varNaistu bhrAtaraH pa~ncha kekayAH . 
jAtarUpasamAbhAsaH seve lohitaka dhvajAH .. 11..\\
te hemamAlinaH shUrAH sarve yuddhavishAradAH . 
varShanta iva jImUtAH pratyadR^ishyanta daMshitAH .. 12..\\
AmapAtranibhAkArAH pA~nchAlyamamitaujasam . 
dAntAstAmrAruNA yuktAH shikhaNDinamudAvahan .. 13..\\
tathA dvAdasha sAhasrAH pA~nchAlAnAM mahArathAH . 
teShA.n tu ShaTsahasrANi ye shikhaNDinamanvayuH .. 14..\\
putra.n tu shishupAlasya narasi.nhasya mAriSha . 
AkrIDanto vahanti sma sAra~NgashabalA hayAH .. 15..\\
dhR^iShTaketushcha chedInAmR^iShabho.atibaloditaH . 
kAmbojaiH shabalairashvairabhyavartata durjayaH .. 16..\\
bR^ihatkShatra.n tu kaikeya.n sukumAraM hayottamAH . 
palAla dhUmavarNAbhAH saindhavAH shIghramAvahan .. 17..\\
mallikAkShAH padmavarNA bAhlijAtAH svala~NkR^itAH . 
shUra.n shikhaNDinaH putra.n kShatradevamudAvahan .. 18..\\
yuvAnamavahanyuddhe krau~nchavarNA hayottamAH . 
kAshyasyAbhibhuvaH putra.n sukumAraM mahAratham .. 19..\\
shvetAstu prativindhya.n taM kR^iShNa grIvA manojavAH . 
yantuH preShyakarA rAjanrAjaputramudAvahan .. 20..\\
suta soma.n tu yaM dhaumyAtpArthaH putramayAchata . 
mAShapuShpasavarNAstamavahanvAjino raNe .. 21..\\
sahasrasomapratimA babhUvuH 
pure kurUNAmudayendu nAmni . 
tasmi~njAtaH somasa~Nkrandamadhye 
yasmAttasmAtsuta somo.abhavatsaH .. 22..\\
nAkuli.n tu shatAnIka.n shAlapuShpanibhA hayAH . 
AdityataruNa prakhyAH shlAghanIyamudAvahan .. 23..\\
kA~nchanapratimairyoktrairmayUragrIva saMnibhAH . 
draupadeyaM naravyAghra.n shrutakarmANamAvahan .. 24..\\
shrutakIrti.n shrutanidhi.n draupadeyaM hayottamAH . 
UhuH pArtha sama.n yuddhe chASha patranibhA hayAH .. 25..\\
yamAhuradhyardhaguNa.n kR^iShNAtpArthAchcha sa.nyuge . 
abhimanyuM pisha~NgAsta.n kumAramavahanraNe .. 26..\\
ekastu dhArtarAShTrebhyaH pANDavAnyaH samAshritaH . 
taM bR^ihanto mahAkAyA yuyutsumavahanraNe .. 27..\\
palAla kANDavarNAstu bArdhakShemi.n tarasvinam . 
UhuH sutumule yuddhe hayA hR^iShTAH svala~NkR^itAH .. 28..\\
kumAra.n shiti pAdAstu rukmapatrairurashchhadaiH . 
sauchittimavahanyuddhe yantuH preShyakarA hayAH .. 29..\\
rukmapR^iShThAvakIrNAstu kausheyasadR^ishA hayAH . 
suvarNamAlinaH kShAntAH shreNimantamudAvahan .. 30..\\
rukmamAlA dharAH shUrA hemavarNAH svala~NkR^itAH . 
kAshirAja.n hayashreShThAH shlAghanIyamudAvahan .. 31..\\
astrANA.n cha dhanurvede brAhma vede cha pAragam . 
ta.n satyadhR^itimAyAntamaruNAH samudAvahan .. 32..\\
yaH sapA~nchAla senAnIrdroNamaMshamakalpayat . 
pArAvata savarNAshvA dhR^iShTadyumnamudAvahan .. 33..\\
tamanvayAtsatyadhR^itiH sauchittiryuddhadurmadaH . 
shreNimAnvasu dAnashcha putraH kAshyasya chAbhibho .. 34..\\
yuktaiH paramakAmbojairjavanairhemamAlibhiH . 
bhIShayanto dviShatsainya.n yama vaishravaNopamAH .. 35..\\
prabhadrakAstu pA~nchAlAH ShaTsahasrANyudAyudhAH . 
nAnAvarNairhayashreShThairhemachitrarathadhvajAH .. 36..\\
sharavrAtairvidhunvantaH shatrUnvitatakArmukAH . 
samAnamR^ityavo bhUtvA dhR^iShTadyumna.n samanvayuH .. 37..\\
babhru kausheyavarNAstu suvarNavaramAlinaH . 
UhuraglAna manasashchekitAna.n hayottamAH .. 38..\\
indrAyudhasavarNaistu kuntibhojo hayottamaiH . 
AyA suvashyaiH purujinmAtulaH savyasAchinaH .. 39..\\
antarikShasavarNAstu tArakA chitritA iva . 
rAjAna.n rochamAna.n te hayAH sa~Nkhye samAvahan .. 40..\\
karburAH shiti pAdAstu svarNajAlaparichchhadAH . 
jArA sandhi.n hayashreShThAH sahadevamudAvahan .. 41..\\
ye tu puShkara nAlasya samavarNA hayottamAH . 
jave shyenasamAshchitrAH sudAmAnamudAvahan .. 42..\\
shashalohita varmNAstu pANDurodgata rAjayaH . 
pA~nchAlya.n gopateH putra.n si.nhasenamudAvahan .. 43..\\
pA~nchAlAnAM naravyAghro yaH khyAto janamejayaH . 
tasya sarShapa puShpANA.n tulyavarNA hayottamAH .. 44..\\
mAShavarNAstu javanA bR^ihanto hemamAlinaH . 
dadhi pR^iShThAshchandra mukhAH pA~nchAlyamavahandrutam .. 45..\\
shUrAshchabhadrakAshchaiva sharakANDanibhA hayAH . 
padmaki~njalka varNAbhA daNDadhAramudAvahan .. 46..\\
bibhrato hemamAlAshcha chakravAkodarA hayAH . 
kosalAdhipateH putra.n sukShatraM vAjino.avahan .. 47..\\
shabalAstu bR^ihanto.ashvA dAntA jAmbUnadasrajaH . 
yuddhe satyadhR^iti.n kShaumimavahanprAMshavaH shubhAH .. 48..\\
ekavarNena sarveNa dhvajena kavachena cha . 
ashvaishcha dhanuShA chaiva shuklaiH shuklo nyavartata .. 49..\\
samudrasenaputra.n tu sAmudrA rudra tejasam . 
ashvAH shashA~NkasadR^ishAshchandra devamudAvahan .. 50..\\
nIlotpalasavarNAstu tapanIyavibhUShitAH . 
shaibya.n chitraratha.n yuddhe chitramAlyAvahanhayAH .. 51..\\
kalAya puShpavarNAstu shvetalohita rAjayaH . 
rathasena.n hayashreShThAH samUhuryuddhadurmadam .. 52..\\
ya.n tu sarvamanuShyebhyaH prAhuH shUrataraM nR^ipam . 
taM paTachchara hantAra.n shukavarNAvahanhayAH .. 53..\\
chitrAyudha.n chitramAlyaM chitravarmAyudha dhvajam . 
UhuH kiMshukapuShpANA.n tukya varNA hayottamAH .. 54..\\
ekavarNena sarveNa dhvajena kavachena cha . 
dhanuShA rathavAhaishcha nIlairnIlo.abhyavartata .. 55..\\
nAnArUpai ratnachitrairvarUtha dhvajakArmukaiH . 
vAjidhvajapatAkAbhishchitraish chitro.abhyavartata .. 56..\\
ye tu puShkara patrasya tulyavarNA hayottamAH . 
te rochamAnasya suta.n hemavarNamudAvahan .. 57..\\
yodhAshcha bhadrakArAshcha sharadaNDAnudanDajAH . 
shvetANDAH kukkuTANDAbhA daNDaketumudAvahan .. 58..\\
ATa rUShaka puShpAbhA hayAH pANDyAnuyAyinAm . 
avahanrathamukhyAnAmayutAni chaturdasha .. 59..\\
nAnArUpeNa varNena nAnAkR^iti mukhA hayAH . 
rathachakradhvaja.n vIra.n ghaTotkachamudAvahan .. 60..\\
suvarNavarNA dharmaGYamanIkastha.n yudhiShThiram . 
rAjashreShTha.n hayashreShThAH sarvataH pR^iShThato.anvayuH . 
varNaishchochchAvachairdivyaiH sadashvAnAM prabhadrakAH .. 61..\\
te yattA bhImasenena sahitAH kA~nchanadhvajAH . 
pratyadR^ishyanta rAjendra sendrA iva divaukasaH .. 62..\\
atyarochata tAnsarvAndhR^iShTadyumnaH samAgatAn . 
sarvANyapi cha sainyAni bhAradvAjo.atyarochata .. 63..\\
\medskip\hrule\medskip\centerline{\Largedvng 23}
 dhr

vyathayeyurime senA.n devAnAmapi sa.nyuge . 
Ahave ye nyavartanta vR^ikodara mukhA rathAH .. 1..\\
samprayuktaH kilaivAya.n diShTairbhavati pUruShaH . 
tasminneva tu sarvArthA dR^ishyante vai pR^ithagvidhAH .. 2..\\
dIrgha.n viproShitaH kAlamaraNye jaTilo.ajanI . 
aGYAtashchaiva lokasya vijahAra yudhiShThiraH .. 3..\\
sa eva mahatI.n senAM samAvartayadAhave . 
kimanyaddaivasa.nyogAnmama putrasya chAbhavat .. 4..\\
yukta eva hi bhAgyena dhruvamutpadyate naraH . 
sa tathAkR^iShyate tena na yathA svayamichchhati .. 5..\\
dyUtavyasanamAsAdya kleshito hi yudhiShThiraH . 
sa punarbhAgadheyena sahAyAnupalabdhavAn .. 6..\\
ardhaM me kekayA labdhAH kAshikAH kosalAsh cha ye . 
chedayashchApare va~NgA mAmeva samupAshritAH .. 7..\\
pR^ithivI bhUyasI tAta mama pArthasya no tathA . 
iti mAmabravItsUta mando duryodhanastadA .. 8..\\
tasya senA samUhasya madhye droNaH surakShitaH . 
nihataH pArShatenAjau kimanyadbhAgadheyataH .. 9..\\
madhye rAGYAM mahAbAhu.n sadA yuddhAbhinandinam . 
sarvAstrapAraga.n droNaM kathaM mR^ityurupeyivAn .. 10..\\
samanuprApta kR^ichchhro.aha.n saMmohaM parama.n gataH . 
bhIShmadroNau hatau shrutvA nAha.n jIvitumutsahe .. 11..\\
yanmA kShattAbhravIttAta prapashyanputragR^iddhinam . 
duryodhanena tatsarvaM prApta.n sUta mayA saha .. 12..\\
nR^isha.nsa.n tu paraM tatsyAttyaktvA duryodhana.n yadi . 
putra sheSha.n chikIrSheyaM kR^ichchhraM na maraNaM bhavet .. 13..\\
yo hi dharmaM parityajya bhavatyarthaparo naraH . 
so.asmAchcha hIyate lokAtkShudrabhAva.n cha gachchhati .. 14..\\
adya chApyasya rAShTrasya hatotsAhasya sa~njaya . 
avasheShaM na pashyAmi kakude mR^idite sati .. 15..\\
katha.n syAdavasheShaM hi dhuryayorabhyatItayoH . 
yau nityamanujIvAmaH kShamiNau puruSharShabhau .. 16..\\
vyaktameva cha me sha.nsa yathA yuddhamavartata . 
ke.ayudhyanke vyapAkarShanke kShudrAH prAdravanbhayAt .. 17..\\
dhana~njaya.n cha me sha.nsa yadyachchakre ratharShabhaH . 
tasmAdbhayaM no bhUyiShThaM bhrAtR^ivyAchcha visheShataH .. 18..\\
yathAsIchcha nivR^itteShu pANDaveShu cha sa~njaya . 
mama sainyAvasheShasya saMnipAtaH sudAruNaH . 
mAmakAnA.n cha ye shUrAH kA.nstatra samavArayan .. 19..\\
\medskip\hrule\medskip\centerline{\Largedvng 24}
 s

mahadbhairavamAsInnaH saMnivR^itteShu pANDuShu . 
dR^iShTvA droNa.n chhAdyamAnaM tairbhAskaramivAmbudaiH .. 1..\\
taishchoddhUta.n rajastIvramavachakre chamU.n tava . 
tato hatamamanyAma droNa.n dR^iShTipathe hate .. 2..\\
tA.nstu shUrAnmaheShvAsAnkrUra.n karma chikIrShataH . 
dR^iShTvA duryodhanastUrNa.n svasainyaM samachUchudat .. 3..\\
yathAshakti yathotsAha.n yathA sattvaM narAdhipAH . 
vArayadhva.n yathAyogaM pANDavAnAmanIkinIm .. 4..\\
tato durmarShaNo bhImamabhyagachchhatsutastava . 
ArAddR^iShTvA kiranbANairichchhandroNasya jIvitam .. 5..\\
taM bANairavatastAra kruddho mR^ityumivAhave . 
ta.n cha bhImo.atudadbANaistadAsIttumulaM mahat .. 6..\\
ta Ishvara samAdiShTAH prAGYAH shUrAH prahAriNaH . 
bAhyaM mR^ityubhaya.n kR^itvA pratyatiShThanparAnyudhi .. 7..\\
kR^itavarmA shineH putra.n droNa prepsu.n vishAM pate . 
paryavArayadAyAnta.n shUraM samitishobhanam .. 8..\\
ta.n shaineyaH sharavrAtaiH kruddhaH kruddhamavArayat . 
kR^itavarmA cha shaineyaM matto mattamiva dvipam .. 9..\\
saindhavaH kShatradharmANamApatanta.n sharaughiNam . 
ugradhanvA maheShvAsa.n yatto droNAdavArayat .. 10..\\
kShatradharmA sindhupateshchhittvA ketana kArmuke . 
nArAchairbahubhiH kruddhaH sarvamarmasvatADayat .. 11..\\
athAnyaddhanurAdAya saindhavaH kR^itahastavat . 
vivyAdha kShatradharmANa.n raNe sarvAyasaiH sharaiH .. 12..\\
yuyutsuM pANDavArthAya yatamAnaM mahAratham . 
subAhurbhrAtara.n shUraM yatto droNAdavArayat .. 13..\\
subAhoH sadhanurbANAvasyataH parighopamau . 
yuyutsuH shitapItAbhyA.n kShurAbhyAm achchhinadbhujau .. 14..\\
rAjAnaM pANDavashreShTha.n dharmAtmAna.n yudhiShThiram . 
veleva sAgara.n kShubdhaM madrarATsamavArayat .. 15..\\
ta.n dharmarAjo bahubhirmarmabhidbhiravAkirat . 
madreshasta.n chatuHShaShTyA sharairviddhvAnadadbhR^isham .. 16..\\
tasya nAnadataH ketumuchchakarta sa kArmukam . 
kShurAbhyAM pANDavashreShThastata uchchukrushurjanAH .. 17..\\
tathaiva rAjA bAhlIko rAjAna.n drupada.n sharaiH . 
Adravanta.n sahAnIkaM sahAnIko nyavArayat .. 18..\\
tadyuddhamabhavadghora.n vR^iddhayoH saha senayoH . 
yathA mahAyUthapayordvipayoH samprabhinnayoH .. 19..\\
vindAnuvindAvAvantyau virATaM matyamArchchhatAm . 
saha sainyau sahAnIka.n yathendrAgnI purA balim .. 20..\\
tadutpi~njalaka.n yuddhamAsIddevAsuropamam . 
matsyAnA.n kekayaiH sArdhamabhItAshvarathadvipam .. 21..\\
nAkuli.n tu shatAnIkaM bhUtakarmA sabhA patiH . 
asyantamiShujAlAni yAnta.n droNAdavArayat .. 22..\\
tato nakula dAyAdastribhirbhallaiH susaMshitaiH . 
chakre vibAhu shirasaM bhUtakarmANamAhave .. 23..\\
suta soma.n tu vikrAntamApatanta.n sharaughiNam . 
droNAyAbhimukha.n vIraM viviMshatiravArayat .. 24..\\
suta somastu sa~NkruddhaH svapitR^ivyamajihmagaiH . 
viviMshati.n sharairviddhvA nAbhyavartata daMshitaH .. 25..\\
atha bhIma rathaH shAlvamAshugairAyasaiH shitaiH . 
ShaDbhiH sAshvaniyantAramanayadyamasAdanam .. 26..\\
shrutakarmANamAyAntaM mayUrasadR^ishairhayaiH . 
chaitrasenirmahArAja tava pautro nyavArayat .. 27..\\
tau pautrau tava durdharShau parasparavadhaiShiNau . 
pitR^INAmarthasiddhyartha.n chakraturyuddhamuttamam .. 28..\\
tiShThantamagrato dR^iShTvA prativindhya.n tamAhave . 
druNirmAnaM pituH kurvanmArgaNaiH samavArayat .. 29..\\
ta.n kruddhaH prativivyAdha prativindhyaH shitaiH sharaiH . 
si.nhalA~NgUla lakShmANaM piturarthe vyavasthitam .. 30..\\
pravapanniva bIjAni bIjakAle nararShabha . 
drauNAyanirdraupadeya.n sharavarShairavAkirat .. 31..\\
yastu shUratamo rAjansenayorubhayormataH . 
taM paTachchara hantAra.n lakShmaNaH samavArayat .. 32..\\
sa lakShmaNasyeShvasana.n chhittvA lakShma cha bhArata . 
lakShmaNe sharajAlAni visR^ijanbahvashobhata .. 33..\\
vikarNastu mahAprAGYo yAGYaseni.n shikhaNDinam . 
paryavArayadAyAnta.n yuvAnaM samare yuvA .. 34..\\
tatastamiShujAlena yAGYaseniH samAvR^iNot . 
vidhUya tadbANajAlaM babhau tava suto balI .. 35..\\
a~Ngado.abhimukhaH shUramuttamaujasamAhave . 
droNAyAbhimukha.n yAntaM vatsadantairavArayat .. 36..\\
sa samprahArastumulastayoH puruShasi.nhayoH . 
sainikAnA.n cha sarveShAM tayoshcha prItivardhanaH .. 37..\\
durmukhastu maheShvAso vIraM puru jitaM balI . 
droNAyAbhimukha.n yAnta.n kuntibhojamavArayat .. 38..\\
sa durmukhaM bhruvormadhye nArAchena vyatADayat . 
tasya tadvibabhau vaktra.n sa nAlamiva pa~Nkajam .. 39..\\
karNastu kekayAnbhrAtR^Inpa~ncha lohitaka dhvajAn . 
droNAyAbhimukha.n yAtA~nsharavarShairavArayat .. 40..\\
te chainaM bhR^ishasa~NkruddhAH sharavrAtairavAkiran . 
sa cha tAMshchhAdayAmAsa sharajAlaiH punaH punaH .. 41..\\
naiva karNo na te pa~ncha dadR^ishurbANasa.nvR^itAH . 
sAshvasUta dhvajarathAH parasparasharAchitAH .. 42..\\
putraste durjayashchaiva jayashcha vijayash cha ha . 
nIla.n kAshyaM jaya.n shUrAstrayastrInpratyavArayan .. 43..\\
tadyuddhamabhavadghoramIkShitR^iprItivardhanam . 
si.nhavyAghra tarakShUNA.n yathebha mahiSharShabhaiH .. 44..\\
kShemadhUrti bR^ihantau tau bhrAtarau sAtvata.n yudhi . 
droNAyAbhimukha.n yAntaM sharaistIkShNaistatakShatuH .. 45..\\
tayostasya cha tadyuddhamatyadbhutamivAbhavat . 
si.nhasya dvipamukhyAbhyAM prabhinnAbhyA.n yathA vane .. 46..\\
rAjAna.n tu tathAmbaShThameka.n yuddhAbhinandinam . 
chedirAjaH sharAnasyankruddho droNAdavArayat .. 47..\\
tamambaShTho.asthi bhedinyA niravidhyachchhalAkayA . 
sa tyaktvA sa shara.n chApa.n rathAdbhUmimathApatat .. 48..\\
vArdhakShemi.n tu vArShNeyaM kR^ipaH shAradvataH sharaiH . 
akShudraH kShudrakairdroNAtkruddha rUpamavArayat .. 49..\\
yudhyantau kR^ipa vArShNeyau ye.apashyaMsh chitrayodhinau . 
te yuddhasaktamanaso nAnyA bubudhire kriyAH .. 50..\\
saumadatttistu rAjAnaM maNimantamatandritam . 
paryavArayadAyAnta.n yasho droNasya vardhayan .. 51..\\
sa saumadattestvaritashchhittveShvasana ketane . 
punaH patAkA.n sUta.n cha chhattraM chApAtayadrathAt .. 52..\\
athAplutya rathAttUrNa.n yUpaketuramitrahA . 
sAshvasUta dhvajaratha.n taM chakarta varAsinA .. 53..\\
ratha.n cha sva.n samAsthAya dhanurAdAya chAparam . 
svaya.n yachchhanhayAnrAjanvyadhamatpANDavI.n chamUm .. 54..\\
musalairmudgaraishchakrairbhiNDipAlaiH parashvadhaiH . 
pA.nsuvAtAgnisalilairbhasma loShTha tR^iNadrumaiH .. 55..\\
Arujanprarujanbha~njannighnanvidrAvayankShipan . 
senA.n vibhIShayannAyAddroNa prepsurghaTotchakaH .. 56..\\
ta.n tu nAnApraharaNairnAnA yuddhavisheShaNaiH . 
rAkShasa.n rAkShasaH kruddha samAjaghne hyalambusaH .. 57..\\
tayortadabhavadyuddha.n rakSho grAmaNi mukhyayoH . 
tAdR^igyAdR^ikpurAvR^itta.n shambarAmara rAjayoH .. 58..\\
eva.n dvandva shatAnyAsanrathavAraNavAjinAm . 
padAtInA.n cha bhadrante tava teShAM cha sa~Nkulam .. 59..\\
naitAdR^isho dR^iShTapUrvaH sa~NgrAmo naiva cha shrutaH . 
droNasyAbhAva bhAveShu prasaktAnA.n yathAbhavat .. 60..\\
ida.n ghoramidaM chitramida.n raudramiti prabho . 
tatra yuddhAnyadR^ishyanta pratatAni bahUni cha .. 61..\\
\medskip\hrule\medskip\centerline{\Largedvng 25}
 dhr

teShveva.n saMnivR^itteShu pratyudyAteShu bhAgashaH . 
katha.n yuyudhire pArthA mAmakAshcha tarasvinaH .. 1..\\
kimarjunashchApyakarotsaMshaptakabalaM prati . 
saMshaptakA vA pArthasya kimakurvata sa~njaya .. 2..\\

 s

tathA teShu nivR^itteShu pratyudyAteShu bhAgashaH . 
svayamabhyadravadbhImaM nAgAnIkena te sutaH .. 3..\\
sa nAga iva nAgena govR^iSheNeva govR^iShaH . 
samAhUtaH svaya.n rAGYA nAgAnIkamupAdravat .. 4..\\
sa yuddhakushalaH pArtho bAhuvIryeNa chAnvitaH . 
abhinatku~njarAnIkamachireNaiva mAriSha .. 5..\\
te gajA girisa~NkAshAH kSharantaH sarvato madam . 
bhImasenasya nArAchairvimukhA vimadI kR^itAH .. 6..\\
vidhamedabhrajAlAni yathA vAyuH samantataH . 
vyadhamattAnyanIkAni tathaiva pavanAtmajaH .. 7..\\
sa teShu visR^ijanbANAnbhImo nAgeShvashobhata . 
bhuvaneShviva sarveShu gabhastInudito raviH .. 8..\\
te bhIma bANaiH shatashaH sa.nsyUtA vibabhurgajAH . 
gabhastibhirivArkasya vyomni nAnA balAhakAH .. 9..\\
tathA gajAnA.n kadanaM kurvANamanilAtmajam . 
kruddho duryodhano.abhyetya pratyavidhyachchhitaiH sharaiH .. 10..\\
tataH kShaNena kShitipa.n kShatajapratimekShaNaH . 
kShayaM ninIShurnishitairbhImo vivyAdha patribhiH .. 11..\\
sa sharArpita sarvA~NgaH kruddho vivyAdha pANDavam . 
nArAchairarkarashmyAbhairbhImasena.n smayanniva .. 12..\\
tasya nAgaM maNimaya.n ratnachitra.n dhvaje sthitam . 
bhallAbhyA.n kArmukaM chaiva kShipraM chichchheda pANDavaH .. 13..\\
duryodhanaM pIDyamAna.n dR^iShTvA bhImena mAriSha . 
chukShobhayiShurabhyAgAda~Ngo mAta~NgamAsthitaH .. 14..\\
tamApatantaM mAta~Ngamambudapratimasvanam . 
kumbhAntare bhImaseno nArAchenArdayadbhR^isham .. 15..\\
tasya kAya.n vinirbhidya mamajja dharaNItale . 
tataH papAta dvirado vajrAhata ivAchalaH .. 16..\\
tasyAvarjitanAgasya mechchhasyAvapatiShyataH . 
shirashchichchheda bhallena kShiprakArI vR^ikodaraH .. 17..\\
tasminnipatite vIre samprAdravata sA chamUH . 
sambhrAntAshvadviparathA padAtInavamR^idnatI .. 18..\\
teShvanIkeShu sarveShu vidravatsu samantataH . 
prAgjyotiShastato bhIma.n ku~njareNa samAdravat .. 19..\\
yena nAgena maghavAnajayaddaityadAnavAn . 
sa nAgapravaro bhIma.n sahasA samupAdravat .. 20..\\
shravaNAbhyAmatho padbhyA.n sa.nhatena kareNa cha . 
vyAvR^ittanayanaH kruddhaH pradahanniva pANDavam .. 21..\\
tataH sarvasya sainyasya nAdaH samabhavanmahAn . 
hAhA vinihato bhImaH ku~njareNeti mAriSha .. 22..\\
tena nAdena vitrastA pANDavAnAmanIkinI . 
samahAbhyadravadrAjanyatra tasthau vR^ikodaraH .. 23..\\
tato yudhiShThiro rAjA hataM matvA vR^ikodaram . 
bhagadatta.n sapA~nchAlaH sarvataH samavArayat .. 24..\\
ta.n rathai rathinAM shreShThAH parivArya samantataH . 
avAkira~nshairastIkShNaiH shatasho.atha sahasrashaH .. 25..\\
sa vighAtaM pR^iShatkAnAma~Nkushena samAcharan . 
gajena pANDupA~nchAlAnvyadhamatparvateshvaraH .. 26..\\
tadadbhutamapashyAma bhagadattasya sa.nyuge . 
tathA vR^iddhasya charita.n ku~njareNa vishAM pate .. 27..\\
tato rAjA dashArNAnAM prAgjyotiShamupAdravat . 
tiryagyAtena nAgena sa madenAshu gAminA .. 28..\\
tayoryuddha.n samabhavannAgayorbhImarUpayoH . 
sa pakShayoH parvatayoryathA sa drumayoH purA .. 29..\\
prAgjyotiShapaternAgaH saMnipatyApavR^itya cha . 
pArshve dashArNAdhipaterbhittvA nAgamapAtayat .. 30..\\
tomaraiH sUryarashmyAbhairbhagadatto.atha sampabhiH . 
jaghAna dviradastha.n ta.n shatruM prachalitAsanam .. 31..\\
upasR^itya tu rAjAnaM bhagadatta.n yudhiShThiraH . 
rathAnIkena mahatA sarvataH paryavArayat .. 32..\\
sa ku~njarastho rathibhiH shushubhe sarvatovR^itaH . 
parvate vanamadhyastho jvalanniva hutAshanaH .. 33..\\
maNDala.n sarvataH shliShTaM rathinAmugradhanvinAm . 
kiratA.n sharavarShANi sa nAgaH paryavartata .. 34..\\
tataH prAgjyotiSho rAjA parigR^ihya dviparShabham . 
preShayAmAsa sahasA yuyudhAnarathaM prati .. 35..\\
shineH pautrasya tu rathaM parigR^ihya mahAdvipaH . 
abhichikShepa vegena yuyudhAnastvapAkramat .. 36..\\
bR^ihataH saindhavAnashvAnsamutthApya tu sArathiH . 
tasthau sAtyakimAsAdya samplutasta.n rathaM punaH .. 37..\\
sa tu labdhvAntaraM nAgastvarito rathamaNDalAt . 
nishchakrAma tataH sarvAnparichikShepa pArthivAn .. 38..\\
te tvAshugatinA tena trAsyamAnA nararShabhAH . 
tameka.n dvirada.n sa~Nkhye menire shatasho nR^ipAH .. 39..\\
te jagasthena kAlyante bhagadattena pANDavAH . 
airAvatasthena yathA devarAjena dAnavAH .. 40..\\
teShAM pradravatAM bhImaH pA~nchAlAnAmitastataH . 
gajavAjikR^itaH shabdaH sumahAnsamajAyata .. 41..\\
bhagadattena samare kAlyamAneShu pANDuShu . 
prAgjyotiShamabhikruddhaH punarbhImaH samabhyayAt .. 42..\\
tasyAbhidravato vAhAnhastamuktena vAriNA . 
siktvA vyatrAsayannAgaste pArthamahara.nstataH .. 43..\\
tatastamabhyayAttUrNa.n ruchi parvAkR^itI sutaH . 
samukSha~nsharavarSheNa rathastho.antakasaMnibhaH .. 44..\\
tato ruchiraparvANa.n shareNa nataparvaNA . 
suparvA parvata patirninye vaivasvatakShayam .. 45..\\
tasminnipatite vIre saubhadro draupadI sutAH . 
chekitAno dhR^iShTaketuryuyutsushchArdayandvipam .. 46..\\
ta ena.n sharadhArAbhirdhArAbhiriva toyadAH . 
siShichurbhairavAnnAdAnvinadanto jighA.nsavaH .. 47..\\
tataH pArShNya~NkushA~NguShThaiH kR^itinA chodito dvipaH . 
prasArita karaH prAyAtstabdhakarNekShaNo drutam .. 48..\\
so.adhiShThAya padA vAhAnyuyutsoH sUtamArujat . 
putrastu tava sambhrAntaH saubhadrasyApluto ratham .. 49..\\
sa ku~njarastho visR^ijanniShUnariShu pArthivaH . 
babhau rashmInivAdityo bhuvaneShu samutsR^ijan .. 50..\\
tamArjunirdvAdashabhiryuyutsurdashabhiH sharaiH . 
tribhistribhirdraupadeyA dhR^iShTaketushcha vivyadhuH .. 51..\\
so.ariyatnArpitairbANairAchito dvirado babhau . 
sa.nsyUta iva sUryasya rashmibhirjalado mahAn .. 52..\\
niyantuH shilpayatnAbhyAM preShito.arisharArditaH . 
parichikShepa tAnnAgaH sa ripUnsavyadakShiNam .. 53..\\
gopAla iva daNDena yathA pashugaNAnvane . 
AveShTayata tA.n senAM bhagadattastathA muhuH .. 54..\\
kShipra.n shyenAbhipannAnAM vAyasAnAmiva svanaH . 
babhUva pANDaveyAnAM bhR^isha.n vidravatAM svanaH .. 55..\\
sa nAgarAjaH pravarA~NkushAhataH 
purA sa pakSho.adrivaro yathA nR^ipa . 
bhaya.n tathA ripuShu samAdadhadbhR^ishaM 
vaNiggaNAnA.n kShubhito yathArNavaH .. 56..\\
tato dhvanirdviradarathAshvapArthivair 
bhayAddravadbhirjanito.atibhairavaH . 
kShiti.n viyaddyAM vidisho dishastathA 
samAvR^iNotpArthivasa.nyuge tadA .. 57..\\
sa tena nAgapravareNa pArthivo 
bhR^isha.n jagAhe dviShatAmanIkinIm . 
purA suguptA.n vibudhairivAhave 
virochano devavarUthinIm iva .. 58..\\
bhR^isha.n vavau jvalanasakho viyadrajaH 
samAvR^iNonmuhurapi chaiva sainikAn . 
tamekanAga.n gaNasho yathA gajAH 
samantato drutamiva menire janAH .. 59..\\
\medskip\hrule\medskip\centerline{\Largedvng 26}
 s

yanmAM pArthasya sa~NgrAme karmANi paripR^ichchhasi . 
tachchhR^iNuShva mahArAja pArtho yadakaronmR^idhe .. 1..\\
rajo dR^iShTvA samudbhUta.n shrutvA cha gajanisvanam . 
bhajyatAM bhagadattena kaunteyaH kR^iShNamabravIt .. 2..\\
yathA prAgjyotiSho rAjA gajena madhusUdana . 
tvaramANo.abhyatikrAnto dhruva.n tasyaiSha nisvanaH .. 3..\\
indrAdanavaraH sa~Nkhye gajayAnavishAradaH . 
prathamo vA dvitIyo vA pR^ithivyAmiti me matiH .. 4..\\
sa chApi dviradashreShThaH sadA pratigajo yudhi . 
sarvashabdAtigaH sa~Nkhye kR^itakarmA jitaklamaH .. 5..\\
sahaH shastranipAtAnAmagnisparshasya chAnagha . 
sa pANDava bala.n vyaktamadyaiko nAshayiShyati .. 6..\\
na chAvAbhyAmR^ite.anyo.asti shaktastaM pratibAdhitum . 
tvaramANastato yAhi yataH prAgjyotiShAdhipaH .. 7..\\
shakra sakhyAddvipabalairvayasA chApi vismitam . 
adyainaM preShayiShyAmi balahantuH priyAtithim .. 8..\\
vachanAdatha kR^iShNastu prayayau savyasAchinaH . 
dAryate bhagadattena yatra pANDava vAhinI .. 9..\\
taM prayAnta.n tataH pashchAdAhvayanto mahArathAH . 
saMshaptakAH samArohansahasrANi chaturdasha .. 10..\\
dashaiva tu sahasrANi trigartAnAM narAdhipa . 
chatvAri tu sahasrANi vAsudevasya ye.anugAH .. 11..\\
dAryamANA.n chamUM dR^iShTvA bhagadattena mAriSha . 
AhUyamAnasya cha tairabhavaddhR^idaya.n dvidhA .. 12..\\
kiM nu shreyaH kara.n karma bhavediti vichintayan . 
ito vA vinivarteya.n gachchheya.n vA yudhiShThiram .. 13..\\
tasya buddhyA vichAryaitadarjunasya kurUdvaha . 
abhavadbhUyasI buddhiH saMshaptakavadhe sthirA .. 14..\\
sa saMnivR^ittaH sahasA kapipravara ketanaH . 
eko rathasahasrANi nihantu.n vAsavI raNe .. 15..\\
sA hi duryodhanasyAsInmatiH karNasya chobhayoH . 
arjunasya vadhopAye tena dvaidhamakalpayat .. 16..\\
sa tu sa.nvartayAmAsa dvaidhI bhAvena pANDavaH . 
rathena tu rathAgryANAmakarottAM mR^iShA tadA .. 17..\\
tataH shatasahasrANi sharANAM nataparvaNAm . 
vyasR^ijannarjune rAjansaMshaptakamahArathAH .. 18..\\
naiva kuntIsutaH pArtho naiva kR^iShNo janArdanaH . 
na hayA na ratho rAjandR^ishyante sma sharaishchitAH .. 19..\\
yadA mohamanuprAptaH sa svedashcha janArdanaH . 
tatastAnprAyashaH pArtho vajrAstreNa nijaghnivAn .. 20..\\
shatashaH pANayashchhinnAH seShu jyAtalakArmukAH . 
ketavo vAjinaH sUtA rathinashchApatankShitau .. 21..\\
drumAchalAgrAmbudharaiH samarUpAH sukalpitAH . 
hatArohAH kShitau peturdvipAH pArtha sharAhatAH .. 22..\\
vipra viddha kuthA valgAshchhinnabhANDAH parAsavaH . 
sArohAsturagAH peturmathitAH pArtha mArgaNaiH .. 23..\\
sarShTi charmAsi nakharAH sa mudgaraparashvadhAH . 
sa~nchinnA bAhavaH peturnR^iNAM bhallaiH kirITinA .. 24..\\
bAlAdityAmbujendUnA.n tulyarUpANi mAriSha . 
sa~nchinnAnyarjuna sharaiH shirA.nsyurvIM prapedire .. 25..\\
jajvAlAla~NkR^itaiH senApatribhiH prANabhojanaiH . 
nAnA li~NgairadAmitrAnkruddhe nighnati phalgune .. 26..\\
kShobhayanta.n tadA senAM dviradaM nalinIm iva . 
dhana~njayaM bhUtagaNAH sAdhu sAdhvityapUjayan .. 27..\\
dR^iShTvA tatkarma pArthasya vAsavasyeva mAdhavaH . 
vismayaM parama.n gatvA talamAhatya pUjayat .. 28..\\
tataH saMshaptakAnhatvA bhUyiShTha.n ye vyavasthitAH . 
bhagadattAya yAhIti pArthaH kR^iShNamachodayat .. 29..\\
\medskip\hrule\medskip\centerline{\Largedvng 27}
 s

yiyAsatastataH kR^iShNaH pArthasyAshvAnmanojavAn . 
apraiShIddhemasa~nchannAndroNAnIkAya pANDurAn .. 1..\\
taM prayAnta.n kurushreShTha.n svA.nstrAtuM droNa tApitAn . 
susharmA bhrAtR^ibhiH sArdha.n yuddhArthI pR^iShThato.anvayAt .. 2..\\
tataH shvetahayaH kR^iShNamabravIdajita.n jayaH . 
eSha mAM bhrAtR^ibhiH sArdha.n susharmAhvayate.achyuta .. 3..\\
dIryate chottareNaitatsainyaM naH shatrusUdana . 
dvaidhI bhUtaM mano me.adya kR^ita.n saMshaptakairidam .. 4..\\
kiM nu saMshaptakAnhanmi svAnrakShAmyahitArditAn . 
iti me tvaM mata.n vettha tatra kiM sukR^itaM bhavet .. 5..\\
evamuktastu dAshArhaH syandanaM pratyavartayat . 
yena trigartAdhipatiH pANDava.n samupAhvayat .. 6..\\
tato.arjunaH susharmANa.n viddhvA saptabhirAshugaiH . 
dhvaja.n dhanushchAsya tathA kShurAbhyA.n samakR^intata .. 7..\\
trigartAdhipateshchApi bhrAtara.n ShaDbhirAyasaiH . 
sAshva.n sasUta.n tvaritaH pArthaH praiShIdyamakShayam .. 8..\\
tato bhujaga sa~NkAshA.n susharmA shaktimAyasIm . 
chikShepArjunamAdishya vAsudevAya tomaram .. 9..\\
shakti.n tribhiH sharaishchhittvA tomaraM tribhirarjunaH . 
susharmANa.n sharavrAtairmohayitvA nyavartata .. 10..\\
ta.n vAsavamivAyAntaM bhUri varShasharaughiNam . 
rAja.nstAvaka sainyAnAM nogra.n kashchidavArayat .. 11..\\
tato dhana~njayo bANaistata eva mahArathAn . 
AyAdvinighnankauravyAndahankakShamivAnalaH .. 12..\\
tasya vegamasahya.n tu kuntIputrasya dhImataH . 
nAshaknuva.nste sa.nsoDhu.n sparshamagneriva prajAH .. 13..\\
sa.nveShTayannanIkAni sharavarSheNa pANDavaH . 
suparNapAtavadrAjannAyAtprAgjyotiShaM prati .. 14..\\
yattadAnAmaya~njiShNurbharatAnAmapAyinAm . 
dhanuH kShemakara.n sa~Nkhye dviShatAmashruvardhanam .. 15..\\
tadeva tava putrasya rAjandurdyUta devinaH . 
kR^ite kShatravinAshAya dhanurAyachchhadarjunaH .. 16..\\
tathA vikShobhyamANA sA pArthena tava vAhinI . 
vyadIryata mahArAja naurivAsAdya parvatam .. 17..\\
tato dashasahasrANi nyavartanta dhanuShmatAm . 
mati.n kR^itvA raNe kruddhA vIrA jayaparAjaye .. 18..\\
vyapetahR^idayatrAsa ApaddharmAtigo rathaH . 
ArchhatpArtho guruM bhAra.n sarvabhAra saho yudhi .. 19..\\
yathA naDa vana.n kruddhaH prabhinnaH ShaShTihAyanaH . 
mR^idnIyAttadvadAyastaH pArtho.amR^idnAchchamU.n tava .. 20..\\
tasminpramathite sainye bhagadatto narAdhipaH . 
tena nAgena sahasa dhana~njayamupAdravat .. 21..\\
ta.n rathena naravyAghraH pratyagR^ihNAdabhItavat . 
sa saMnipAtastumulo babhUva rathanAgayoH .. 22..\\
kalpitAbhyA.n yathAshAstraM rathena cha gajena cha . 
sa~NgrAme cheraturvIrau bhagadatta dhana~njayau .. 23..\\
tato jImUtasaMshAkAnnAgAdindra ivAbhibhUH . 
abhyavarShachchharaugheNa bhagadatto dhana~njayam .. 24..\\
sa chApi sharavarSha.n tachchharavarSheNa vAsaviH . 
aprAptameva chichchheda bhagadattasya vIryavAn .. 25..\\
tataH prAgjyotiSho rAjA sharavarShaM nivArya tat . 
sharairjaghne mahAbAhuM pArtha.n kR^iShNaM cha bhArata .. 26..\\
tataH sa sharajAlena mahatAbhyavakIrya tau . 
chodayAmAsa taM nAga.n vadhAyAchyutapArthayoH .. 27..\\
tamApatanta.n dviradaM dR^iShTvA kruddhamivAntakam . 
chakre.apasavya.n tvaritaH syandanena janArdanaH .. 28..\\
samprAptamapi neyeSha parAvR^ittaM mahAdvipam . 
sArohaM mR^ityusAtkartu.n smarandharma.n dhana~njayaH .. 29..\\
sa tu nAgo dviparathAnhayAMshchArujya mAriSha . 
prAhiNonmR^ityulokAya tato.akrudhyaddhana~njayaH .. 30..\\
\medskip\hrule\medskip\centerline{\Largedvng 28}
 dhr

tathA kruddhaH kimakarodbhagadattasya pANDavaH . 
prAgjyotiSho vA pArthasya tanme sha.nsa yathAtatham .. 1..\\

 s

prAgjyotiSheNa sa.nsaktAvubhau dAshArha pANDavau . 
mR^ityorivAntikaM prAptau sarvabhUtAni menire .. 2..\\
tathA hi sharavarShANi pAtayatyanishaM prabho . 
bhagadatto gajaskandhAtkR^iShNayoH syandanasthayoH .. 3..\\
atha kArShNAyasairbANaiH pUrNakArmukaniHsR^itaiH . 
avidhyaddevakIputra.n hemapu~NkhaiH shilAshitaiH .. 4..\\
agnisparsha samAstIkShNA bhagadattena choditAH . 
nirbhidya devakIputra.n kShitiM jagmuH sharAstataH .. 5..\\
tasya pArtho dhanushchhittvA sharAvApaM nihatya cha . 
lADayanniva rAjAnaM bhagadattamayodhayat .. 6..\\
so.arkarashmi nibhA.nstIkShNA.nstomarAnvai chaturdasha . 
prerayatsavyasAchI tA.nstridhaikaikamathAchchhinat .. 7..\\
tato nAgasya tadvarma vyadhamatpAkashAsaniH . 
sharajAlena sa babhau vyabhraH parvatarAD iva .. 8..\\
tataH prAgjyotiShaH shakti.n hemadaNDAmayasmayIm . 
vyasR^ijadvAsudevAya dvidhA tAm arjuno.achchhinat .. 9..\\
tatashchhatra.n dhvajaM chaiva chhittvA rAGYo.arjunaH sharaiH . 
vivyAdha dashabhistUrNamutsmayanparvatAdhipam .. 10..\\
so.atividdho.arjuna sharaiH supu~NkhaiH ka~NkapatribhiH . 
bhagadattastataH kruddhaH pANDavasya mahAtmanaH .. 11..\\
vyasR^ijattomarAnmUrdhni shvetAshvasyonnanAda cha . 
tairarjunasya samare kirITaM parivartitam .. 12..\\
parivR^itta.n kirITaM ta.n yamayanneva phalgunaH . 
sudR^iShTaH kriyatA.n loka iti rAjAnamabravIt .. 13..\\
evamuktastu sa~NkruddhaH sharavarSheNa pANDavam . 
abhyavarShatsa govinda.n dhanurAdAya bhasvaram .. 14..\\
tasya pArtho dhanushchhittvA tUNIrAnsaMnikR^itya cha . 
tvaramANo dvisaptatyA sarvamarmasvatADayat .. 15..\\
viddhastathApyavyathito vaiShNavAstramudIrayan . 
abhimantryA~Nkusha.n kruddho vyasR^ijatpANDavorasi .. 16..\\
visR^iShTaM bhagadattena tadastra.n sarvaghAtakam . 
urasA pratijagrAha pArtha.n sa~nchAdya keshavaH .. 17..\\
vaijayantyabhavanmAlA tadastra.n keshavorasi . 
tato.arjunaH klAntamanAH keshavaM pratyabhAShata .. 18..\\
ayudhyamAnasturagAnsa.nyantAsmi janArdana . 
ityuktvA puNDarIkAkSha pratiGYA.n svAM na rakShasi .. 19..\\
yadyAha.n vyasanI vA syAmashakto vA nivAraNe . 
tatastvayaiva.n kArya.n syAnna tu kAryaM mayi sthite .. 20..\\
sa bANaH sadhanushchAha.n sa surAsuramAnavAn . 
shakto lokAnimA~njetu.n tachchApi viditaM tava .. 21..\\
tato.arjuna.n vAsudevaH pratyuvAchArthavadvachaH . 
shR^iNu guhyamidaM pArtha yathAvR^ittaM purAnagha .. 22..\\
chaturmUrtiraha.n shashvallokatrANArthamudyataH . 
AtmAnaM pravibhajyeha lokAnA.n hitamAdadhe .. 23..\\
ekA mUrtistapashcharyA.n kurute me bhuvi sthitA . 
aparA pashyati jagatkurvANa.n sAdhvasAdhunI .. 24..\\
aparA kurute karma mAnuSha.n lokamAshritA . 
shete chaturthI tvaparA nidrA.n varShasahasrikAm .. 25..\\
yAsau varShasahasrAnte mUrtiruttiShThate mama . 
varArhebhyo varA~nshreShThA.nstasminkAle dadAti sA .. 26..\\
ta.n tu kAlamanuprApta.n viditvA pR^ithivI tadA . 
prAyAchata vara.n yaM mAM narakArthAya taM shR^iNu .. 27..\\
devAnAmasurANA.n cha avadhyastanayo.astu me . 
upeto vaiShNavAstreNa tanme tva.n dAtumarhasi .. 28..\\
eva.n varamahaM shrutvA jagatyAstanaye tadA . 
amoghamastramadada.n vaiShNava.n tadahaM purA .. 29..\\
avocha.n chaitadastra.n vai hyamoghaM bhavatu kShame . 
narakasyAbhirakShArthaM naina.n kashchidvadhiShyati .. 30..\\
anenAstreNa te guptaH sutaH parabalArdanaH . 
bhaviShyati durAdharShaH sarvalokeShu sarvadA .. 31..\\
tathetyuktvA gatA devI kR^itakAmA manasvinI . 
sa chApyAsIddurAdharSho narakaH shatrutApanaH .. 32..\\
tasmAtprAgjyotiShaM prApta.n tadastraM pArtha mAmakam . 
nAsyAvadhyo.asti lokeShu sendrarudreShu mAriSha .. 33..\\
tanmayA tvatkR^itenaitadanyathA vyapanAshitam . 
viyuktaM paramAstreNa jahi pArtha mahAsuram .. 34..\\
vairiNa.n yudhi durdharShaM bhagadattaM suradviSham . 
yathAha.n jaghnivAnpUrva.n hitArthaM narakaM tathA .. 35..\\
evamuktastataH pArthaH keshavena mahAtmanA . 
bhagadatta.n shitairbANaiH sahasA samavAkirat .. 36..\\
tataH pArtho mahAbAhurasambhrAnto mahAmanAH . 
kumbhayorantare nAgaM nArAchena samArpayat .. 37..\\
samAsAdya tu taM nAgaM bANo vajra ivAchalam . 
abhyagAtsaha pu~Nkhena valmIkamiva pannagaH .. 38..\\
sa tu viShTabhya gAtrANi dantAbhyAmavani.n yayau . 
nadannArtasvaraM prANAnutsasarja mahAdvipaH .. 39..\\
tatashchandrArdhabimbena shareNa nataparvaNA . 
bibheda hR^idaya.n rAGYo bhagadattasya pANDavaH .. 40..\\
sa bhinnahR^idayo rAjA bhagadattaH kirITinA . 
sharAsana.n sharAMshchaiva gatAsuH pramumocha ha .. 41..\\
shirasastasya vibhraShTaH papAta cha varA~NkushaH . 
nAlatADana vibhraShTaM palAshaM nalinAdiva .. 42..\\
sa hemamAlI tapanIyabhANDAt 
papAta nAgAdgirisaMnikAshAt . 
supuShpito mArutavegarugNo 
mahIdharAgrAdiva karNikAraH .. 43..\\
nihatya taM narapatimindra vikramaM 
sakhAyamindrasya tathaindrirAhave . 
tato.aparA.nstava jayakA~NkShiNo narAn 
babha~nja vAyurbalavAndrumAniva .. 44..\\
\medskip\hrule\medskip\centerline{\Largedvng 29}
 s

priyamindrasya satata.n sakhAyamamitaujasam . 
hatvA prAgjyotiShaM pArthaH pradakShiNamavartata .. 1..\\
tato gAndhArarAjasya sutau parapura~njayau . 
ArchhetAmarjuna.n sakhye bhrAtarau vR^iShakAchalau .. 2..\\
tau sametyArjuna.n vIrau puraH pashchAchcha dhanvinau . 
avidhyetAM mahAvegairnishitairAshugairbhR^isham .. 3..\\
vR^iShakasya hayAnsUta.n dhanushchhatra.n rathaM dhvajam . 
tilasho vyadhamatpArthaH saubalasya shitaiH sharaiH .. 4..\\
tato.arjunaH sharavrAtairnAnApraharaNairapi . 
gAndhArAnvyAkulAMshchakre saubala pramukhAnpunaH .. 5..\\
tataH pa~nchashatAnvIrAngAndhArAnudyatAyudhAn . 
prAhiNonmR^ityulokAya kruddho bANairdhana~njayaH .. 6..\\
hatAshvAttu rathAttUrNamavatIrya mahAbhujaH . 
Aruroha rathaM bhrAturanyachcha dhanurAdade .. 7..\\
tAvekarathamArUDhau bhrAtarau vR^iShakAchalau . 
sharavarSheNa bIbhatsumavidhyetAM punaH punaH .. 8..\\
syAlau tava mahAtmAnau rAjAnau vR^iShakAchalau . 
bhR^ishaM nijaghnatuH pArthamindra.n vR^itrabalAviva .. 9..\\
labdhalakShyau tu gAndhArAvahatAM pANDavaM punaH . 
nidAghavArShikau mAsau loka.n gharmAmbubhiryathA .. 10..\\
tau rathasthau naravyAghrau rAjAnau vR^iShakAchalau . 
saMshliShTA~Ngau sthitau rAja~njaghAnaikeShuNArjunaH .. 11..\\
tau rathAtsmiha sa~NkAshau lohitAkShau mahAbhujau . 
gatAsU petaturvIrau sodaryAvekalakShaNau .. 12..\\
tayordehau rathAdbhUmi.n gatau bandhujanapriyau . 
yasho dasha dishaH puNya.n gamayitvA vyavasthitau .. 13..\\
dR^iShTvA vinihatau sa~Nkhye mAtulAvapalAyinau . 
bhR^ishaM mumuchurashrUNi putrAstava vishAM pate .. 14..\\
nihatau bhrAtarau dR^iShTvA mAyA shatavishAradaH . 
kR^iShNau saMmohayanmAyA.n vidadhe shakunistataH .. 15..\\
laguNAyo guDAshmAnaH shataghnyashcha sa shaktayaH . 
gadAparighanistriMsha shUlamudgara pATTishAH .. 16..\\
sa kampanarShTi nakharA musalAni parashvadhAH . 
kShurAH kShura pranAlIkA vatsadantAstrisandhinaH .. 17..\\
chakrANi vishikhAH prAsA vividhAnyAyudhAni cha . 
prapetuH sarvato digbhyaH pradigbhyashchArjunaM prati .. 18..\\
kharoShTramahiShAH si.nhA vyAghrAH sR^imara chillikAH . 
R^ikShAH sAlAvR^ikA gR^idhrAH kapayo.atha sarIsR^ipAH .. 19..\\
vividhAni cha rakShA.nsi kShudhitAnyarjunaM prati . 
sa~NkruddhAnyabhyadhAvanta vividhAni vayA.nsi cha .. 20..\\
tato divyAstravichchhUraH kuntIputro dhana~njayaH . 
visR^ijanniShujAlAni sahasA tAnyatADayat .. 21..\\
te hanyamAnAH shUreNa pravaraiH sAyakairdR^iDhaiH . 
viruvanto mahArAvAnvineshuH sarvato hatAH .. 22..\\
tatastamaH prAdurabhUdarjunasya rathaM prati . 
tasmAchcha tamaso vAchaH krUrAH pArthamabhartsayan .. 23..\\
tattamo.astreNa mahatA jyotiSheNArjuno.avadhIt . 
hate tasmi~njalaughAstu prAdurAsanbhayAnakAH .. 24..\\
ambhasastasya nAshArthamAdityAstramathArjunaH . 
prAyu~NktAmbhastatastena prAyasho.astreNa shoShitam .. 25..\\
evaM bahuvidhA mAyAH saubalasya kR^itAH kR^itAH . 
jaghAnAstra balenAshu prahasannarjunastadA .. 26..\\
tathA hatAsu mAyAsu trasto.arjuna sharAhataH . 
apAyAjjavanairashvaiH shakuniH prAkR^ito yathA .. 27..\\
tato.arjuno.astravichchhraiShThya.n darshayannAtmano.ariShu . 
abhyavarShachchharaugheNa kauravANAmanIkinIm .. 28..\\
sA hanyamAnA pArthena putrasya tava vAhinI . 
dvaidhI bhUtA mahArAja ga~NgevAsAdya parvatam .. 29..\\
droNamevAnvapadyanta ke chittatra mahArathAH . 
ke chidduryodhana.n rAjannardyamAnAH kirITinA .. 30..\\
nApashyAma tatastvetatsainya.n vai tamasAvR^itam . 
gANDIvasya cha nirghoShaH shruto dakShiNato mayA .. 31..\\
sha~NkhadundubhinirghoSha.n vAditrANA.n cha nisvanam . 
gANDIvasya cha nirghoSho vyatikramyAspR^ishaddivam .. 32..\\
tataH punardakShiNataH sa~NgrAmashchitrayodhinAm . 
suyuddhamarjunasyAsIdaha.n tu droNamanvagAm .. 33..\\
nAnAvidhAnyanIkAni putrANA.n tava bhArata . 
arjuno vyadhamatkAle divIvAbhrANi mArutaH .. 34..\\
ta.n vAsavamivAyAntaM bhUrivarShasharaughiNam . 
maheShvAsaM naravyAghraM nogra.n kashchidavArayat .. 35..\\
te hanyamAnAH pArthena tvadIyA vyathitA bhR^isham . 
svAneva bahavo jaghnurvidravantastatastataH .. 36..\\
te.arjunena sharA muktAH ka~NkapatrAstanuchchhidaH . 
shalabhA iva sampetuH sa.nvR^iNvAnA disho dasha .. 37..\\
turaga.n rathinaM nAgaM padAtimapi mAriSha . 
vinirbhidya kShiti.n jagmurvalmIkamiva pannagAH .. 38..\\
na cha dvitIya.n vyasR^ijatku~njarAshvanareShu saH . 
pR^ithagekasharArugNA nipetuste gatAsavaH .. 39..\\
hatairmanuShyaisturagaishcha sarvataH 
sharAbhivR^iShTairdviradaishcha pAtitaiH . 
tadA shvagomAyu baDAbhinAditaM 
vichitramAyodha shiro babhUva ha .. 40..\\
pitA suta.n tyajati suhR^idvara.n suhR^it 
tathaiva putraH pitara.n sharAturaH . 
svarakShaNe kR^itamatayastadA janAs 
tyajanti vAhAnapi pArtha pIDitAH .. 41..\\
\medskip\hrule\medskip\centerline{\Largedvng 30}
 dhr

teShvanIkeShu bhagneShu pANDuputreNa sa~njaya . 
chalitAnA.n drutAnAM cha kathamAsInmano hi vaH .. 1..\\
anIkAnAM prabhagnAnA.n vyavasthAnamapashyatAm . 
duShkaraM patisandhAna.n tanmamAchakShva sa~njaya .. 2..\\

 s

tathApi tava putrasya priyakAmA vishAM pate . 
yashaH pravIrA lokeShu rakShanto droNamanvayuH .. 3..\\
samudyateShu shastreShu samprApte cha yudhiShThire . 
akurvannArya karmANi bhairave satyabhItavat .. 4..\\
antaraM bhImasenasya prApatannamitaujasaH . 
sAtyakeshchaiva shUrasya dhR^iShTadyumnasya chAbhibho .. 5..\\
droNa.n droNamiti krUrAH pA~nchAlAH samachodayan . 
mA droNamiti putrAste kurUnsarvAnachodayan .. 6..\\
droNa.n droNamiti hyeke mA droNamiti chApare . 
kurUNAM pANDavAnA.n cha droNa dyUtamavartata .. 7..\\
ya.n yaM sma bhajate droNaH pA~nchAlAnAM rathavrajam . 
tatra tatra sma pA~nchAlyo dhR^iShTadyumno.atha dhIyate .. 8..\\
yathAbhAgaviparyAse sa~NgrAme bhairave sati . 
vIrAH samAsadanvIrAnagachchhanbhIravaH parAn .. 9..\\
akampanIyAH shatrUNAM babhUvustatra pANDavAH . 
akampaya.nstvanIkAni smarantaH kleshamAtmanaH .. 10..\\
te tvamarShavashaM prAptA hrImantaH svattva choditAH . 
tyaktvA prANAnnyavartanta ghnanto droNaM mahAhave .. 11..\\
ayasAmiva sampAtaH shilAnAmiva chAbhavat . 
dIvyatA.n tumule yuddhe prANairamitatejasAm .. 12..\\
na tu smaranti sa~NgrAmamapi vR^iddhAstathAvidham . 
dR^iShTapUrvaM mahArAja shrutapUrvamathApi vA .. 13..\\
prAkampateva pR^ithivI tasminvIrAvasAdane . 
pravartatA balaughena mahatA bhArapIDitA .. 14..\\
ghUrNato hi balaughasya diva.n stabdhveva nisvanaH . 
ajAtashatroH kruddhasya putrasya tava chAbhavat .. 15..\\
samAsAdya tu pANDUnAmanIkAni sahasrashaH . 
droNena charatA sa~Nkhye prabhagnAni shitaiH sharaiH .. 16..\\
teShu pramathyamAneShu droNenAdbhuta karmaNA . 
paryavArayadAsAdya droNa.n senApatiH svayam .. 17..\\
tadadbhutamabhUdyuddha.n droNa pA~nchAlyayostadA . 
naiva tasyopamA kA chitsambhavediti me matiH .. 18..\\
tato nIlo.analaprakhyo dadAha kuru vAhinIm . 
sharasphuli~NgashchApArchirdahankakShamivAnalaH .. 19..\\
ta.n dahantamanIkAni droNaputraH pratApavAn . 
pUrvAbhibhAShI sushlakShNa.n smayamAno.abhyabhAShata .. 20..\\
nIlakiM bahubhirdagdhaistava yodhaiH sharArchiShA . 
mayaikena hi yudhyasva kruddhaH praharachAshugaiH .. 21..\\
taM padmanikarAkAraM padmapatra nibhekShaNam . 
vyAkoshapadmAbha mukhaM nIlo vivyAdha sAyakaiH .. 22..\\
tenAtividdhaH sahasA drauNirbhallaiH shitaistribhiH . 
dhanurdhvaja.n cha chhatraM cha dviShataH sa nyakR^intata .. 23..\\
sotplutya syandanAttasmAnnIlashcharma varAsidhR^ik . 
droNAyaneH shiraH kAyAddhartumaichchhatpatatrivat .. 24..\\
tasyodyatAseH sunasa.n shiraH kAyAtsakuNDalam . 
bhallenApAharaddrauNiH smayamAna ivAnagha .. 25..\\
sampUrNachandrAbhamukhaH padmapatra nibhekShaNaH . 
prAMshurutpalagarbhAbho nihato nyapatatkShitau .. 26..\\
tataH pravivyathe senA pANDavI bhR^ishamAkulA . 
AchArya putreNa hate nIle jvalitatejasi .. 27..\\
achintayaMshcha te sarve pANDavAnAM mahArathAH . 
kathaM no vAsavistrAyAchchhatrubhya iti mAriSha .. 28..\\
dakShiNena tu senAyAH kurute kadanaM balI . 
saMshaptakAvasheShasya nArAyaNa balasya cha .. 29..\\
\medskip\hrule\medskip\centerline{\Largedvng 31}
 s

pratighAta.n tu sainyasya nAmR^iShyata vR^ikodaraH . 
so.abhinadbAhlika.n ShaShTyA karNa.n cha dashabhiH sharaiH .. 1..\\
tasya droNaH shitairbANaistIkShNadhArairayasmayaiH . 
jIvitAntamabhiprepsurmarmaNyAshu jaghAna ha .. 2..\\
karNo dvAdashabhirbANairashvatthAmA cha saptabhiH . 
ShaDbhirduryodhano rAjA tata enamavAkirat .. 3..\\
bhImaseno.api tAnsarvAnpratyavidhyanmahAbalaH . 
droNaM pa~nchAshateShUNA.n karmaM cha dashabhiH sharaiH .. 4..\\
duryodhana.n dvAdashabhirdrauNiM chAShTAbhirAshugaiH . 
ArAva.n tumulaM kurvannabhyavartata tAnraNe .. 5..\\
tasminsantyajati prANAnmR^ityusAdhAraNI kR^ite . 
ajAtashatrustAnyodhAnbhIma.n trAtetyachodayat .. 6..\\
te yayurbhImasenasya samIpamamitaujasaH . 
yuyudhAnaprabhR^itayo mAdrIputrau cha pANDavau .. 7..\\
te sametya susa.nrabdhAH sahitAH puruSharShabhAH . 
maheShvAsa varairgupta.n droNAnIkaM bibhitsavaH .. 8..\\
samApeturmahAvIryA bhImaprabhR^itayo rathAH . 
tAnpartyagR^ihNAdavyagro droNo.api rathinA.n varaH .. 9..\\
mahAbalAnatirathAnvIrAnsamarashobhinaH . 
bAhyaM mR^ityubhaya.n kR^itvA tAvakAH pANDavAnyayuH .. 10..\\
sAdinaH sAdino.abhyaghna.nstathaiva rathino rathAn . 
AsIchchhaktyasi sampAto yuddhamAsItparashvadhaiH .. 11..\\
nikR^iShTamasiyuddha.n cha babhUva kaTukodayam . 
ku~njarANA~nca sa~NghAtairyuddhamAsItsudAruNam .. 12..\\
apatatku~njarAdanyo hayAdanyastvavAkshirAH . 
naro bANena nirbhinno rathAdanyashcha mAriSha .. 13..\\
tatrAnyasya cha saMmarde patitasya vivarmaNaH . 
shiraH pradhva.nsayAmAsa vakShasyAkramya ku~njaraH .. 14..\\
apare.apyaparA~njaghnurvAraNAH patitAnnarAn . 
viShANaishchAvani.n gatvA vyabhindanrathino bahUn .. 15..\\
narAntraiH ke chidapare viShANAlagna sa.nsravaiH . 
babhramuH shatasho nAgA mR^idnantaH shatasho narAn .. 16..\\
kA.nsyAyasa tanutrANAnnarAshvarathaku~njarAn . 
patitAnpothayA.n chakrurdvipAH sthUlanaDAniva .. 17..\\
gR^idhrapatrAdhivAsA.nsi shayanAni narAdhipAH . 
hrImantaH kAlasampakvAH suduHkhAnyadhisherate .. 18..\\
hanti smAtra pitA putra.n rathenAbhyativartate . 
putrashcha pitaraM mohAnnirmaryAdamavartata .. 19..\\
akSho bhagno dhvajashchhinnashchhatramurvyAM nipAtitam . 
yugArdha.n chhinnamAdAya pradudrAva tathA hayaH .. 20..\\
sAsirbAhurnipatitaH shirashchhinna.n sakuNDalam . 
gajenAkShipya balinA rathaH sa~ncUrNitaH kShitau .. 21..\\
rathinA tADito nAgo nArAchenApatadvyasuH . 
sArohashchApatadvAjI gajenAtADito bhR^isham .. 22..\\
nirmaryAdaM mahadyuddhamavartata sudAruNam . 
hA tAta hA putra sakhe kvAsi tiShTha kva dhAvasi .. 23..\\
praharAhara jahyena.n smitakShveDita garjitaiH . 
ityevamuchcharantyaH sma shrUyante vividhA giraH .. 24..\\
narasyAshvasya nAgasya samasajjata shoNitam . 
upAshAmyadrajo bhaumaM bhIrUnkashmalamAvishat .. 25..\\
AsItkeshaparAmarsho muShTiyuddha.n cha dAruNam . 
nakhairdantaishcha shUrANamAdvIpe dvIpamichchhatAm .. 26..\\
tatrAchchhidyata vIrasya sa khaDgo bAhurudyataH . 
sadhanushchAparasyApi sa sharaH sA~NkushastathA .. 27..\\
prAkroshadanyamanyo.atra tathAnyo vimukho.adravat . 
anyaH prAptasya chAnyasya shiraH kAyAdapAharat .. 28..\\
shabdamabhyadravachchAnyaH shabdAdanyo.adravadbhR^isham . 
svAnanyo.atha parAnanyo jaghAna nishitaiH sharaiH .. 29..\\
girishR^i~NgopamashchAtra nArAchena nipAtitaH . 
mAta~Ngo nyapatadbhUmau nadI rodha ivoShNage .. 30..\\
tathaiva rathinaM nAgaH kSharangiririvArujat . 
adhyatiShThatpadA bhUmau sahAshva.n saha sArathim .. 31..\\
shUrAnpraharato dR^iShTvA kR^itAstrAnrudhirokShitAn . 
bahUnapyAvishanmoho bhIrUnhR^idayadurbalAn .. 32..\\
sarvamAvignamabhavanna prAGYAyata ki.n chana . 
sainye cha rajasA dhvaste nirmaryAdamavartata .. 33..\\
tataH senApatiH shIghramaya.n kAla iti bruvan . 
nityAbhitvaritAneva tvarayAmAsa pANDavAn .. 34..\\
kurvantaH shAsana.n tasya pANDaveyA yashasvinaH . 
saro ha.nsA ivApeturghnanto droNa rathaM prati .. 35..\\
gR^ihNItAdravatAnyonya.n vibhItA vinikR^intata . 
ityAsIttumulaH shabdo durdharShasya rathaM prati .. 36..\\
tato droNaH kR^ipaH karNo drauNI rAjA jayadrathaH . 
vindAnuvindAvavantyau shalyashchainAnavArayat .. 37..\\
te tvArya dharmasa.nrabdhA durnivAryA durAsadAH . 
sharArtA na juhurdroNaM pA~nchAlAH pANDavaiH saha .. 38..\\
tato droNo.abhisa~Nkruddho visR^ija~nshatashaH sharAn . 
chedipA~nchAlapANDUnAmakarotkadanaM mahat .. 39..\\
tasya jyAtalanirghoShaH shushruve dikShu mAriSha . 
vajrasa~NghAta sa~NkAshastrAsayanpANDavAnbahUn .. 40..\\
etasminnantare jiShNurhatvA saMshaptakAnbalI . 
abyayAttatra yatra sma droNaH pANDunpramardati .. 41..\\
ta.n sharaughamahAvartaM shoNitodaM mahAhradam . 
tIrNaH saMshaptakAnhatvA pratyadR^ishyata phalgunaH .. 42..\\
tasya kIrtimato lakShma sUryapratima tejasaH . 
dIpyamAnamapashyAma tejasA vAnaradhvajam .. 43..\\
saMshaptakasamudra.n tamuchchhoShyAstra gabhastibhiH . 
sa pANDava yugAntArkaH kurUnapyabhyatItapat .. 44..\\
pradadAha kurUnsarvAnarjunaH shasra tejasA . 
yugAnte sarvabhUtAni dhUmaketurivotthitaH .. 45..\\
tena bANasahasraughairgajAshvarathayodhinaH . 
tADyamAnAH kShiti.n jagmurmuktashastrAH sharArditAH .. 46..\\
ke chidArtasvara.n chakrurvinedurapare punaH . 
pArtha bANahatA ekchinnipeturvigatAsavaH .. 47..\\
teShAmutpatatA.n kAMshchitpatitAMshcha parA~NmukhAn . 
na jaghAnArjuno yodhAnyodhavratamanusmaran .. 48..\\
te vishIrNarathAshvebhAH prAyashashcha parA~NmukhAH . 
kuravaH karNa karNeti hAheti cha vichukrushuH .. 49..\\
tamAdhirathirAkranda.n viGYAya sharaNaiShiNAm . 
mA bhaiShTeti pratishrutya yayAvabhimukho.arjunam .. 50..\\
sa bhArata rathashreShThaH sarvabhArata harShaNaH . 
prAdushchakre tadAgneyamastramastravidA.n varaH .. 51..\\
tasya dIptasharaughasya dIpachApa dharasya cha . 
sharaughA~nsharajAlena vidudhAva dhana~njayaH . 
astramastreNa sa.nvArya prANadadvisR^ija~nsharAn .. 52..\\
dhR^iShTadyumnashcha bhImashcha sAtyakishcha mahArathaH . 
vivyadhuH karNamAsAdya tribhistribhirajihmagaiH .. 53..\\
arjunAstra.n tu rAdheyaH sa.nvArya sharavR^iShTibhiH . 
teShA.n trayANAM chApAni chichchheda vishikhaistribhiH .. 54..\\
te nikR^ittAyudhAH shUrA nirviShA bhujagA iva . 
rathashaktIH samutkShipya bhR^isha.n si.nhA ivAnadan .. 55..\\
tA bhujAgrairmahAvegA visR^iShTA bhujagopamAH . 
dIpyamAnA mahAshaktyo jagmurAdhirathiM prati .. 56..\\
tA nikR^itya shitairbANaistribhistribhirajihmagaiH . 
nanAda balavAnkarNaH pArthAya visR^ija~nsharAn .. 57..\\
arjunashchApi rAdheya.n viddhvA saptabhirAshugaiH . 
karNAdavarajaM bANairjaghAna nishitaistribhiH .. 58..\\
tataH shatru~njaya.n hatvA pArthaH ShaDbhirajihmagaiH . 
jahAra sadyo bhallena vipATasya shiro rathAt .. 59..\\
pashyatA.n dhArtarAShTrANAmekenaiva kirITinA . 
pramukhe sUtaputrasya sodaryA nihatAstrayaH .. 60..\\
tato bhImaH samutpatya svarathAdvainateyavat . 
varAsinA karNa pakShA~njaghAna dasha pa~ncha cha .. 61..\\
punaH svarathamAsthAya dhanurAdAya chAparam . 
vivyAdha dashabhiH karNa.n sUtamashvAMshcha pa~nchabhiH .. 62..\\
dhR^iShTadyumno.ayasi vara.n karma chAdAya bhAsvaram . 
jaghAna chandra varmANaM bR^ihatkShatra.n cha pauravam .. 63..\\
tataH svarathamAsthAya pA~nchAlyo.anyachcha kArmukam . 
AdAya karNa.n vivyAdha trisaptatyA nadanraNe .. 64..\\
shaineyo.apyanyadAdAya dhanurindrAyudhadyuti . 
sUtaputra.n chatuHShaShTyA viddhvA si.nha ivAnadat .. 65..\\
bhallabhyA.n sAdhu muktAbhyA.n chhittvA karNasya kArmukam . 
punaH karNa.n tribhirbANairbAhvorurasi chArpayat .. 66..\\
tato duryoghano droNo rAjA chaiva jayadrathaH . 
nimajjamAna.n rAdheyamujjahruH sAtyakArNavAt .. 67..\\
dhR^iShTadyumnashcha bhImash cha saubhadro.arjuna eva cha . 
nakulaH sahadevashcha sAtyaki.n jugupU raNe .. 68..\\
evameSha mahAraudraH kShayArtha.n sarvadhanvinAm . 
tAvakAnAM pareShA.n cha tyaktvA prANAnabhUdraNaH .. 69..\\
padAtirathanAgAshvairgajAshvarathapattayaH . 
rathino nAgapattyashvai rathapattI rathadvipaiH .. 70..\\
ashvairashvA gajairnAgA rathino rathibhiH saha . 
sa.nsaktAH samadR^ishyanta pattayashchApi pattibhiH .. 71..\\
eva.n sukalilaM yuddhamAsItkravyAdaharShaNam . 
mahadbhistairabhItAnA.n yama rAShTravivardhanam .. 72..\\
tato hatA nararathavAji ku~njarair 
anekasho dviparathavAji pattayaH . 
gajairgajA rathibhirudAyudhA rathA 
hayairhayAH pattigaNaishcha pattayaH .. 73..\\
rathairdvipA dviradavarairmahAhayA 
hayairnarA vararathibhishcha vAjinaH . 
nirastajihvA dashanekShaNAH kShitau 
kShaya.n gatAH pramathita varma bhUShaNAH .. 74..\\
tathA parairbahu karaNairvarAyudhair 
hatA gatAH pratibhaya darshanAH kShitim . 
vipothitA hayagajapAdatADitA 
bhR^ishAkulA rathakhura nemibhirhatAH .. 75..\\
pramodane shvApada pakShirakShasAM 
janakShaye vartati tatra dAruNe . 
mahAbalAste kupitAH parasparaM 
niShUdayantaH pravicherurojasA .. 76..\\
tato bale bhR^ishalulite parasparaM 
nirIkShamANe rudhiraughasamplute . 
divAkare.asta.n girimAsthite shanair 
ubhe prayAte shibirAya bhArata .. 77..\\
\medskip\hrule\medskip\centerline{\Largedvng 32}
 s

pUrvamasmAsu bhagneShu phalgunenAmitaujasA . 
droNe cha moghasa~Nkalpe rakShite cha yudhiShThire .. 1..\\
sarve vidhvastakavachAstAvakA yudhi nirjitAH . 
rajasvalA bhR^ishodvignA vIkShamANA disho dasha .. 2..\\
avahAra.n tataH kR^itvA bhAradvAjasya saMmate . 
labdhalakShyaiH parairdInA bhR^ishAvahasitA raNe .. 3..\\
shlAghamAneShu bhUteShu phalgunasyAmitAnguNAn . 
keshavasya cha sauhArde kIrtyamAne.arjunaM prati . 
abhishastA ivAbhUvandhyAnamUkatvamAsthitAH .. 4..\\
tataH prabhAtasamaye droNa.n duryodhano.abravIt . 
praNayAdabhimAnAchcha dviShadvR^iddhyA cha durmanAH . 
shR^iNvatA.n sarvabhUtAnAM sa.nrabdho vAkyakovidaH .. 5..\\
nUna.n vayaM vadhya pakShe bhavato brahmavittama . 
tathA hi nAgrahIH prApta.n samIpe.adya yudhiShThiram .. 6..\\
ichchhataste na muchyeta chakShuH prApto raNe ripuH . 
jighR^ikShato rakShyamANaH sAmarairapi pANDavaiH .. 7..\\
vara.n dattvA mama prItaH pashchAdvikR^itavAnasi . 
AshA bha~NgaM na kurvanti bhaktasyAryAH katha.n chana .. 8..\\
tato.aprItistathoktaH sa bhAradvAjo.abravInnR^ipam . 
nArhase mAnyathA GYAtu.n ghaTamAnaM tava priye .. 9..\\
sa surAsuragandharvAH sa yakShoraga rAkShasAH . 
nAla.n lokA raNe jetuM pAlyamAna.n kirITinA .. 10..\\
vishvasR^igyatra govindaH pR^itanAristahArjunaH . 
tatra kasya bala.n krAmedanyatra tryambakAtprabhoH .. 11..\\
satya.n tu te bravImyadya naitajjAtvanyathA bhavet . 
adyaiShAM pravara.n vIraM pAtayiShye mahAratham .. 12..\\
ta.n cha vyUha.n vidhAsyAmi yo.abhedyastridashairapi . 
yogena kena chidrAjannarjunastvapanIyatAm .. 13..\\
na hyaGYAtamasAdhya.n vA tasya sa~Nkhye.asti ki.n chana . 
tena hyupAttaM balavatsarvaGYAnamitastataH .. 14..\\
droNena vyAhR^ite tveva.n saMshaptakagaNAH punaH . 
Ahvayannarjuna.n sa~Nkhye dakShiNAmabhito disham .. 15..\\
tatrArjunasyAtha paraiH sArdha.n samabhavadraNaH . 
tAdR^isho yAdR^isho nAnyaH shruto dR^iShTo.api vA kva chit .. 16..\\
tato droNena vihito rAjanvyUho vyarochata . 
charanmadhya.n dine sUryaH pratapanniva durdR^ishaH .. 17..\\
ta.n chAbhimanyurvachanAtpiturjyeShThasya bhArata . 
bibheda durbhida.n sa~Nkhye chakravyUhamanekadhA .. 18..\\
sa kR^itvA duShkara.n karmahatvA vIrAnsahasrashaH . 
ShaTsu vIreShu sa.nsakto dauHshAsani vasha~NgataH .. 19..\\
vayaM paramasa.nhR^iShTAH pANTavAH shokakarshitAH . 
saubhadre nihate rAjannavahAramakurvata .. 20..\\

 dhr

putraM puruShasi.nhasya sa~njayAprApta yauvanam . 
raNe vinihata.n shrutvA bhR^ishaM me dIryate manaH .. 21..\\
dAruNaH kShatradharmo.aya.n vihito dharmakartR^ibhiH . 
yatra rAjyepsavaH shUrA bAle shastramapAtayan .. 22..\\
bAlamatyantasukhina.n vicharantamabhItavat . 
kR^itAstrA bahavo jaghnurbrUhi gAvalgaNe katham .. 23..\\
bibhitsatA rathAnIka.n saubhadreNAmitaujasA . 
vikrIDita.n yathA sa~Nkhye tanmamAchakShva sa~njaya .. 24..\\

 s

yanmAM pR^ichchhasi rAjendra saubhadrasya nipAtanam . 
tatte kArtsnyena vakShyAmi shR^iNu rAjansamAhitaH . 
vikrIDita.n kumAreNa yathAnIkaM bibhitsatA .. 25..\\
dAvAgnyabhiparItAnAM bhUri gulmatR^iNadrume . 
vanaukasAmivAraNye tvadIyAnAmabhUdbhayam .. 26..\\
\medskip\hrule\medskip\centerline{\Largedvng 33}
 s

samare.atyugra karmANaH karmabhirvya~njita shramAH . 
sa kR^iShNAH pANDavAH pa~ncha devairapi durAsadAH .. 1..\\
sattvakarmAnvayairbuddhyA prakR^ityA yashasA shriyA . 
naiva bhUto na bhavitA kR^iShNa tulyaguNaH pumAn .. 2..\\
satyadharmaparo dAtA vipra pUjAdibhirguNaiH . 
sadaiva tridivaM prApto rAjA kila yudhiShThiraH .. 3..\\
yugAnte chAntako rAja~njAmadagnyashcha vIryavAn . 
raNastho bhImasenashcha kathyante sadR^ishAstrayaH .. 4..\\
pratiGYA karma dakShasya raNe gANDIvadhanvanaH . 
upamAM nAdhigachchhAmi pArthasya sadR^ishI.n kShitau .. 5..\\
guru vAtsalyamatyantaM naibhR^itya.n vinayo damaH . 
nakule.aprAtirUpya.n cha shaulyaM cha niyatAni ShaT .. 6..\\
shrutagAmbhIryamAdhuryasattvavIryaparAkramaiH . 
sadR^isho devayorvIraH sahadevaH kilAshvinoH .. 7..\\
ye cha kR^iShNe guNAH sphItAH pANDaveShu cha ye guNAH . 
abhimanyau kilaikasthA dR^ishyante guNasa~ncayAH .. 8..\\
yudhiShThirasya dhairyeNa kR^iShNasya charitena cha . 
karmabhirbhImasenasya sadR^isho bhImakarmaNaH .. 9..\\
dhana~njayasya rUpeNa vikrameNa shrutena cha . 
vinayAtsahadevasya sadR^isho nakulasya cha .. 10..\\

 dhr

abhimanyumaha.n sUta saubhadramaparAjitam . 
shrotumichchhAmi kArtsnyena kathamAyodhane hataH .. 11..\\

 s

chakravyUho mahArAja AchAryeNAbhikalpitaH . 
tatra shakropamAH sarve rAjAno viniveshitAH .. 12..\\
sa~NghAto rAjaputrANA.n sarveShAmabhavattadA . 
kR^itAbhisamayAH sarve suvarNavikR^itadhvajAH .. 13..\\
raktAmbaradharAH sarve sarve raktavibhUShaNAH . 
sarve raktapatAkAshcha sarve vai hemamAlinaH .. 14..\\
teShA.n dashasahasrANi babhUvurdR^iDhadhanvinAm . 
pautra.n tava puraskR^itya lakShmaNaM priyadarshanam .. 15..\\
anyonyasamaduHkhAste anyonyasamasAhasAH . 
anyonya.n spardhamAnAshcha anyonyasya hite ratAH .. 16..\\
karNa duHshAsana kR^ipairvR^ito rAjA mahArathaiH . 
devarAjopamaH shrImA~nshvetachchhatrAbhisa.nvR^itaH . 
chAmaravyajanAkShepairudayanniva bhAskaraH .. 17..\\
pramukhe tasya sainyasya droNo.avasthita nAyake . 
sindhurAjastathAtiShThachchhrImAnmerurivAchalaH .. 18..\\
sindhurAjasya pArshvasthA ashvathAma purogamAH . 
sutAstava mahArAja triMshattridashasaMnibhAH .. 19..\\
gAndhArarAjaH kitavaH shalyo bhUrishravAstathA . 
pArshvataH sindhurAjasya vyarAjanta mahArathAH .. 20..\\
\medskip\hrule\medskip\centerline{\Largedvng 34}
 s

tadanIkamanAdhR^iShyaM bhAradvAjena rakShitam . 
pArthAH samabhyavartanta bhImasenapurogamAH .. 1..\\
sAtyakishchekitAnashcha dhR^iShTadyumnashcha pArShataH . 
kuntibhojashcha vikrAnto drupadashcha mahArathaH .. 2..\\
ArjuniH kShatradharmA cha bR^ihatkShatrashcha vIryavAn . 
chedipo dhR^iShTaketushcha mAdrIputrau ghaTotkachaH .. 3..\\
yudhAmanyushcha vikrAntaH shikhaNDI chAparAjitaH . 
uttamaujAshcha durdharSho virATashcha mahArathaH .. 4..\\
draupadeyAshcha sa.nrabdhAH shaishupAlishcha vIryavAn . 
kekayAshcha mahAvIryAH sR^i~njayAshcha sahasrashaH .. 5..\\
ete chAnye cha sagaNAH kR^itAstrA yuddhadurmadAH . 
samabhyadhAvansahasA bhAradvAja.n yuyutsavaH .. 6..\\
samavetA.nstu tAnsarvAnbhAradvAjo.api vIryavAn . 
asambhrAntaH sharaugheNa mahatA samavArayat .. 7..\\
mahaughAH salilasyeva girimAsAdya durbhidam . 
droNa.n te nAbhyavartanta velAmiva jalAshayAH .. 8..\\
pIDyamAnAH sharai rAjandroNa chApaviniHsR^itaiH . 
na shekuH pramuhe sthAtuM bhAradvAjasya pANDavAH .. 9..\\
tadadbhutamapashyAma droNasya bhujayorbalam . 
yadenaM nAbhyavartanta pA~nchAlAH sR^i~njayaiH saha .. 10..\\
tamAyAntamabhikruddha.n droNaM dR^iShTvA yudhiShThiraH . 
bahudhA chintayAmAsa droNasya prativAraNam .. 11..\\
ashakya.n tu tamanyena droNaM matvA yudhiShThiraH . 
aviShahya guruM bhAra.n saubhadre samavAsR^ijat .. 12..\\
vAsudevAdanavaraM phalgunAchchAmitaujasam . 
abravItparavIraghnamabhimanyumida.n vachaH .. 13..\\
etya no nArjuno garhedyathA tAta tathA kuru . 
chakravyUhasya na vaya.n vidma bheda.n kathaM chana .. 14..\\
tva.n vArjuno vA kR^iShNo vA bhindyAtpradyumna eva vA . 
chakravyUhaM mahAbAho pa~nchamo.anyo na vidyate .. 15..\\
abhimanyo vara.n tAta yAchatAM dAtumarhasi . 
pitR^INAM mAtulAnA.n cha sainyAnAM chaiva sarvashaH .. 16..\\
dhana~njayo hi nastAta garhayedetya sa.nyugAt . 
kShipramastra.n samAdAya droNAnIkaM vishAtaya .. 17..\\

 abhi

droNasya dR^iDhamavyagramanIka pravara.n yudhi . 
pitR^INA.n jayamAkA~NkShannavagAhe bhinadmi cha .. 18..\\
upadiShTo hi me pitrA yogo.anIkasya bhedane . 
notsahe tu vinirgantumaha.n kasyAM chidApadi .. 19..\\

 y

bhindhyanIka.n yudhA shreShTha dvAraM sa~njanayasva naH . 
vaya.n tvAnugamiShyAmo yena tvaM tAta yAsyasi .. 20..\\
dhana~njaya sama.n yuddhe tvAM vaya.n tAta sa.nyuge . 
praNidhAyAnuyAsyAmo rakShantaH sarvato mukhAH .. 21..\\

 bhm

aha.n tvAnugamiShyAmi dhR^iShTadyumno.atha sAtyakiH . 
pA~nchAlAH kekayA matsyAstathA sarve prabhadrakAH .. 22..\\
sakR^idbhinna.n tvayA vyUhaM tatra tatra punaH punaH . 
vayaM pradhva.nsayiShyAmo nighnamAnA varAnvarAn .. 23..\\

 abhi

ahametatpravekShyAmi droNAnIka.n durAsadam . 
pata~Nga iva sa~Nkruddho jvalita.n jAtavedasam .. 24..\\
tatkarmAdya kariShyAmi hita.n yadvaMshayordvayoH . 
mAtulasya cha yA prItirbhaviShyati pitush cha me .. 25..\\
shishunaikena sa~NgrAme kAlyamAnAni sa~NghashaH . 
adya drakShyanti bhUtAni dviShatsainyAni vai mayA .. 26..\\

 y

eva.n te bhAShamANasya bala.n saubhadra vardhatAm . 
yastvamutsahase bhettu.n droNAnIka.n sudurbhidam .. 27..\\
rakShitaM puruShavyAghrairmaheShvAsaiH prahAribhiH . 
sAdhya rudra marutkalpairvasvagnyAdityavikramaiH .. 28..\\

 s

tasya tadvachana.n shrutvA sa yantAramachodayat . 
sumitrashvAnraNe kShipra.n droNAnIkAya chodaya .. 29..\\
\medskip\hrule\medskip\centerline{\Largedvng 35}
 s

saubhadrastu vachaH shrutvA dharmarAjasya dhImataH . 
achodayata yantAra.n droNAnIkAya bhArata .. 1..\\
tena sa~ncodyamAnastu yAhi yAhIti sArathiH . 
pratyuvAcha tato rAjannabhimanyumida.n vachaH .. 2..\\
atibhAro.ayamAyuShmannAhitastvayi pANDavaiH . 
sampradhArya kShamaM buddhyA tatastva.n yoddhumarhasi .. 3..\\
AchArya hi kR^itI droNaH paramAstre kR^itashramaH . 
atyantasukhasa.nvR^iddhastva.n cha yuddhavishAradaH .. 4..\\
tato.abhimanyuH prahasansArathi.n vAkyamabravIt . 
sArathe ko nvaya.n droNaH samagraM kShatrameva vA .. 5..\\
airAvata gata.n shakraM sahAmara gaNairaham . 
yodhayeya.n raNamukhe na me kShatre.adya vismayaH . 
na mamaitaddviShatsainya.n kalAmarhati ShoDashIm .. 6..\\
api vishvajita.n viShNuM mAtulaM prApya sUtaja . 
pitara.n chArjuna.n sa~Nkhye na bhIrmAmupayAsyati .. 7..\\
tato.abhimanyustA.n vAcha.n kadarthI kR^ityasAratheH . 
yAhItyevAbravIdena.n droNAnIkAya mAchiram .. 8..\\
tataH sa~ncodayAmAsa hayAnasya trihAyanAn . 
nAtihR^iShTta manAH sUto hemabhANDa parichchhadAn .. 9..\\
te preShitAH sumitreNa droNAnIkAya vAjinaH . 
droNamabhyadravanrAjanmahAvegaparAkramAH .. 10..\\
tamudIkShya tathA yAna.n sarve droNa purogamAH . 
abhyavartanta kauravyAH pANDavAshcha tamanvayuH .. 11..\\
sa karNikArapravarochchhritadhvajaH 
suvarNavarmArjunirarjunAdvaraH . 
yuyutsayA droNa mukhAnmahArathAn 
samAsadatsi.nhashishuryathA gajAn .. 12..\\
te viMshatipade yattAH samprahAraM prachakrire . 
AsIdgA~Nga ivAvarto muhUrtamudadheriva .. 13..\\
shUrANA.n yudhyamAnAnAM nighnatAm itaretaram . 
sa~NgrAmastumulo rAjanprAvartata sudAruNaH .. 14..\\
pravartamAne sa~NgrAme tasminnatibhaya.n kare . 
droNasya miShato vyUhaM bhittvA prAvishadArjuniH .. 15..\\
taM praviShTaM parAnghnanta.n shatrumadhye mahAbalam . 
hastyashvarathapattyaughAH parivavrurudAyudhAH .. 16..\\
nAnA vAditraninadaiH kShveDitotkruShTa garjitaiH . 
hu~NkAraiH si.nhanAdaishcha tiShTha tiShTheti nisvanaiH .. 17..\\
ghorairhalahalAshabdairmA gAstiShThaihi mAm iti . 
asAvahamamutreti pravadanto muhurmuhuH .. 18..\\
bR^i.nhitaiH shi~njitairhAsaiH khuranemisvanairapi . 
saMnAdayanto vasudhAmabhidudruvurArjunim .. 19..\\
teShAmApatatA.n vIraH pUrvaM shIghramatho dR^iDham . 
kShiprAstro nyavadhIdvrAtAnmarmaGYo marmabhedibhiH .. 20..\\
te hanyamAnAshcha tathA nAnA li~NgaiH shitaiH sharaiH . 
abhipetustamevAjau shalabhA iva pAvakam .. 21..\\
tatasteShA.n sharIraishcha sharIrAvayavaishcha saH . 
santastAra kShiti.n kShipraM kushairvedimivAdhvare .. 22..\\
baddhagodhA~NgulitrANAnsa sharAvara kArmukAn . 
sAsi charmA~NkushAbhIshUnsa tomaraparashvadhAn .. 23..\\
sa guDAyo mukhaprAsAnsarShTi tomarapaTTishAn . 
sa bhiNDipAla parighAnsa shaktivarakampanAn .. 24..\\
sa pratodamahAsha~NkhAnsa kuntAnsa kacha grahAn . 
sa mudgarakShepaNIyAnsa pAshaparighopalAn .. 25..\\
sa keyUrA~NgadAnbAhUnhR^idya gandhAnulepanAn . 
sa~ncichchhedArjunirvR^ittA.nstvadIyAnA.n sahasrashaH .. 26..\\
taiH sphuradbhirmahArAja shushubhe lohitokShitaiH . 
pa~nchAsyaiH pannagaishchhinnairgaruDeneva mAriSha .. 27..\\
sunAsAnana keshAntairavraNaishchArukuNDalaiH . 
sandaShTauShTha puTaiH krodhAtkSharadbhiH shoNitaM bahu .. 28..\\
chArusra~NmukuToShNIShairmaNiratnavirAjitaiH . 
vinAla nalinAkArairdivAkarashashiprabhaiH .. 29..\\
hitapriya.nvadaiH kAle bahubhiH puNyagandhibhiH . 
dviShachchhirobhiH pR^ithivImavatastAra phAlguNiH .. 30..\\
gandharvanagarAkArAnvidhivatkalpitAnrathAn . 
vIShA mukhAnvitriveNUnvyastadaNDakabandhurAn .. 31..\\
vija~Ngha kUbarAkShAMshcha vinemInanarAnapi . 
vichakropaskaropasthAnbhagnopakaraNAnapi .. 32..\\
prashAtitopakaraNAnhatayodhAnsahasrashaH . 
sharairvishakalIkurvandikShu sarvAsvadR^ishyata .. 33..\\
punardvipAndvipArohAnvaijayantya~Nkusha dhvajAn . 
tUNAnvarmANyatho kakShyAgraiveyAnatha kambalAn .. 34..\\
ghaNTAH shuNDAnviShANAgrAnkShura pAlAnpadAnugAn . 
sharairnishitadhArAgraiH shAtravANAmashAtayat .. 35..\\
vanAyujAnpArvatIyAnkAmbojAraTTa bAhlikAn . 
sthiravAladhi karNAkShA~njanavAnsAdhu vAhinaH .. 36..\\
svArUDhA~nshikhitairyodhaiH shaktyR^iShTi prAsayodhibhiH . 
vidhvastachAmara kuthAnviprakIrNaprakIrNakAn .. 37..\\
nirastajihvA nayanAnniShkIrNAntrayakR^iddhanAn . 
hatArohAnbhinnabhANDAnkravyAdagaNamodanAn .. 38..\\
nikR^ittavarma kavachA~nshakR^inmUtrAsR^igAplutAn . 
nipAtayannashvavarA.nstAvakAnso.abhyarochata .. 39..\\
eko viShNurivAchintyaH kR^itvA prAkkarma duShkaram . 
tathA vimathita.n tena trya~NgaM tava balaM mahat . 
vyahanatsa padAtyoghA.nstvadIyAneva bhArata .. 40..\\
evamekena tA.n senAM saubhadreNa shitaiH sharaiH . 
bhR^isha.n viprahatA.n dR^iShTvAskandenevAsurIM chamUm .. 41..\\
tvadIyAstava putrAshcha vIkShamANA disho dasha . 
saMshuShkAsyAshchalannetrAH prasvinnA lomaharShaNAH .. 42..\\
palAyanakR^itotsAhA nirutsAhA dviShajjave . 
gotra nAmabhiranyonya.n krandantau jIvitaiShiNaH .. 43..\\
hatAnputrA.nstathA pitR^InsuhR^itsambandhibAndhavAn . 
prAtiShThanta samutsR^ijya tvarayanto hayadvipAn .. 44..\\
\medskip\hrule\medskip\centerline{\Largedvng 36}
 s

tAM prabhagnA.n chamUM dR^iShTvA saubhadreNAmitaujasA . 
duryodhano bhR^isha.n kruddhaH svaya.n saubhadramabhyayAt .. 1..\\
tato rAjAnamAvR^itta.n saubhadraM prati sa.nyuge . 
dR^iShTvA droNo.abravIdyodhAnparyApnuta narAdhipam .. 2..\\
purAbhimanyurlakShyaM naH pashyatA.n hanti vIryavAn . 
tamAdravata mA bhaiShTa kShipra.n rakShata kauravam .. 3..\\
tataH kR^itaGYA balinaH suhR^ido jitakAshinaH . 
trAsyamAnA bhayAdvIraM parivavrustavAtmajam .. 4..\\
dromo drauNiH kR^ipaH karNaH kR^itavarmA cha saubalaH . 
bR^ihadbalo madrarAjo bhUrirbhUrishravAH shalaH .. 5..\\
pauravo vR^iShasenashcha visR^ijantaH shitA~nsharAn . 
saubhradra.n sharavarSheNa mahatA samavAkiran .. 6..\\
saMmohayitvA tamatha duryodhanamamochayan . 
AsyAdgrAsamivAkShiptamamR^iShe nArjunAtmajaH .. 7..\\
tA~nsharaugheNa mahatA sAshvasUtAnmahArathAn . 
vimukhIkR^itya saubhadraH si.nhanAdamathAnadat .. 8..\\
tasya nAda.n tataH shrutvA si.nhasyevAmiShaiShiNaH . 
nAmR^iShyanta susa.nrabdhAH punardroNa mukhA rathAH .. 9..\\
ta ena.n koShThakI kR^ityarathavaMshena mAriSha . 
vyasR^ijanniShujAlAni nAnA li~NgAni sa~NghashaH .. 10..\\
tAnyantarikShe chichchheda pautrastava shitaiH sharaiH . 
tAMshchaiva prativivyAdha tadadbhutamivAbhavat .. 11..\\
tataste kopitAstena sharairAshIviShopamaiH . 
parivavrurjighA.nsantaH saubhadramapalAyinam .. 12..\\
samudramiva paryasta.n tvadIyaM tadbalArNavam . 
abhimanyurdadhAraiko veleva makarAlayam .. 13..\\
shUrANA.n yudhyamAnAnAM nighnatAm itaretaram . 
abhimanyoH pareShA.n cha nAsItkashchitparA~NmukhaH .. 14..\\
tasmi.nstu ghore sa~NgrAme vartamAne bhaya~Nkare . 
duHsaho navabhirbANairabhimanyumavidhyata .. 15..\\
duHshAsano dvAdashabhiH kR^ipaH shAradvatastribhiH . 
droNastu sapta dashabhiH sharairAshIviShopamaiH .. 16..\\
viviMshatistu viMshatyA kR^itavarmA cha saptabhiH . 
bR^ihadbalastathAShTAbhirashvatthAmA cha saptabhiH .. 17..\\
bhUrishravAstribhirbANairmadreshaH ShaDbhirAshugaiH . 
dvAbhyA.n sharAbhyAM shakunistribhirduryodhano nR^ipaH .. 18..\\
sa tu tAnprativivyAdha tribhistribhirajihmagaiH . 
nR^ityanniva mahArAja chApahastaH pratApavAn .. 19..\\
tato.abhimanyuH sa~NkruddhastApyamAnastavAtmajaiH . 
vidarshayanvai sumahachchhikShaurasa kR^itaM balam .. 20..\\
garuDAnilara.nhobhiryanturvAkyakarairhayaiH . 
dAntairashmaka dAyAda.n tvaramANo.abhyahArayat . 
vivyAdha chaina.n dashabhirbANaistiShTheti chAbravIt .. 21..\\
tasyAbhimanyurdashabhirbANaiH sUta.n hayAndhvajam . 
bAhU dhanuH shirashchorvyA.n smayamAno.abhyapAtayat .. 22..\\
tatastasminhate vIre saubhadreNAshmakeshvare . 
sa~ncachAla bala.n sarvaM palAyanaparAyaNam .. 23..\\
tataH karNaH kR^ipo droNo drauNirgAndhArarATshalaH . 
shalyo bhUrishravAH krAthaH somadatto viviMshatiH .. 24..\\
vR^iShasenaH suSheNashcha kuNDa bhedI pratardanaH . 
vR^indArako lalitthashcha prabAhurdIrghalochanaH . 
duryodhanashcha sa~NkruddhaH sharavarShairavAkiran .. 25..\\
so.atikruddho maheShvAsairabhimanyurajihmagaiH . 
sharamAdatta karNAya parakAyAvabhedanam .. 26..\\
tasya bhittvA tanutrANa.n dehaM nirbhidya chAshugaH . 
prAvishaddharaNI.n rAjanvalmIkamiva pannagaH .. 27..\\
sa tenAtiprahAreNa vyathito vihvalanniva . 
sa~ncachAla raNe karNaH kShitikampe yathAchalaH .. 28..\\
athAnyairnishitairbANaiH suSheNa.n dIrghalochanam . 
kuNDa bhedi.n cha sa~NkruddhastribhistrInavadhIdbalI .. 29..\\
karNastaM pa~nchaviMshatyA nArAchAnA.n samarpayat . 
ashvatthAmA cha viMshatyA kR^itavarmA cha saptabhiH .. 30..\\
sa sharArdita sarvA~NgaH kruddhaH shakrAtmajAtmajaH . 
vicharandR^ishyate sainye pAshahasta ivAntakaH .. 31..\\
shalya.n cha bANavarSheNa samIpasthamavAkirat . 
udakroshanmahAbAhustava sainyAni bhIShayan .. 32..\\
tataH sa viddho.astravidA marmabhidbhirajihmagaiH . 
shalyo rAjanrathopasthe niShasAda mumoha cha .. 33..\\
ta.n hi viddha.n tathA dR^iShTvA saubhadreNa yashasvinA . 
samprAdravachchamUH sarvA bhAradvAjasya pashyataH .. 34..\\
prekShantastaM mahAbAhu.n rukmapu~NkhaiH samAvR^itam . 
tvadIyAshcha palAyante mR^igAH si.nhArditA iva .. 35..\\
sa tu raNayashasAbhipUjyamAnaH 
pitR^isurachAraNa siddhayakShasa~NghaiH . 
avani talagataishcha bhUtasa~Nghair 
ativibabhau hutabhugyathAjya siktaH .. 36..\\
\medskip\hrule\medskip\centerline{\Largedvng 37}
 dhr

tathA pramathamAna.n taM maheShvAsamajihmagaiH . 
ArjuniM mAmakAH sarve ke tvena.n samavAkiran .. 1..\\

 s

shR^iNu rAjankumArasya raNe vikrIDitaM mahat . 
bibhitsayo rathAnIkaM bhAradvAjena rakShitam .. 2..\\
madresha.n sAdita.n dR^iShTvA saubhAdreNAshugai raNe . 
shalyAdavarajaH kruddhaH kiranbANAnsamabhyayAt .. 3..\\
sa viddhvA dashabhirbANaiH sAshvayantAramArjunim . 
udakroshanmahAshabda.n tiShTha tiShTheti chAbravIt .. 4..\\
tasyArjuniH shirogrIvaM pANipAda.n dhanurhayAn . 
chhatra.n dhvajaM niyantAraM triveNu.n shamyu paskaram .. 5..\\
chakre yugeShA.n tUNIrAnanukarShaM cha sAyakaiH . 
patAkA.n chakragoptArau sarvopakaraNAni cha . 
vyadhamallAghavAttachcha dadR^ishe nAsya kash chana .. 6..\\
sa papAta kShitau kShINaH praviddhAbharaNAmbaraH . 
vAyuneva mahAchaityaH sambhagno.amitatejasA . 
anugAshchAsya vitrastAH prAdravansarvatodisham .. 7..\\
ArjuneH karma taddR^iShTva praNedushcha samantataH . 
nAdena sarvabhUtAni sAdhu sAdhviti bhArata .. 8..\\
shalya bhrAtaryathArugNe bahushastasya sainikAH . 
kulAdhivAsanAmAni shrAvayanto.arjunAtmajam .. 9..\\
abhyavartanta sa~NkruddhA vividhAyudhapANayaH . 
rathairashvairgajaishchAnye pAdAtaishcha balotkaTAH .. 10..\\
bANashabdena mahatA khuranemisvanena cha . 
hu~NkAraiH kShveDitotkruShTaiH si.nhanAdaiH sa garjitaiH .. 11..\\
jyAtalatra svanairanye garjanto.arjunanandanam . 
bruvantashcha na no jIvanmokShyase jIvitAm iti .. 12..\\
tA.nstathA bruvato dR^iShTvA saubhadraH prahasanniva . 
yo yaH sma prAharatpUrva.n taM ta.n vivyAdha patribhiH .. 13..\\
sandarshayiShyannastrANi chitrANi cha laghUni cha . 
ArjuniH samare shUro mR^idupUrvamayudhyata .. 14..\\
vAsudevAdupAtta.n yadyadastra.n cha dhana~njayAt . 
adarshayata tatkArShNiH kR^iShNAbhyAmavisheShayan .. 15..\\
dUramAsyanguruM bhAra.n sAdhayaMshcha punaH punaH . 
sandadhadvisR^ijaMshcheShUnnirvisheShamadR^ishyata .. 16..\\
chApamaNDalamevAsya visphuraddikShvadR^ishyata . 
tamo ghnataH sudIptasya saviturmaNDala.n yathA .. 17..\\
jyAshabdaH shushruve tasya talashabdashcha dAruNaH . 
mahAshanimuchaH kAle payodasyeva nisvanaH .. 18..\\
hrImAnamarShI saubhadro mAnakR^itpriyadarshanaH . 
saMminAmayiShurvIrAniShvAsAMshchApyayudhyata .. 19..\\
mR^idurbhUtvA mahArAja dAruNaH samapadyata . 
varShAbhyatIto bhagavA~nsharadIva divAkaraH .. 20..\\
sharAnvichitrAnmahato rukmapu~NkhA~nshilAshitAn . 
mumocha shatashaH kruddho gabhastIniva bhAskaraH .. 21..\\
kShuraprairvatsadantaishcha vipAThaishcha mahAyashAH . 
nArAchairdhananArAchairbhallairaGYalikairapi .. 22..\\
avAkiradrathAnIkaM bhAradvAjasya pashyataH . 
tatastatsainyamabhavadvimukha.n sharapIDitam .. 23..\\
\medskip\hrule\medskip\centerline{\Largedvng 38}
 dhr

dvaidhIbhavati me chitta.n hriyA tuShTyA cha sa~njaya . 
mama putrasya yatsainya.n saubhadraH samavArayat .. 1..\\
vistareNaiva me sha.nsa sarva.n gAvalgaNe punaH . 
vikrIDita.n kumArasya skandasyevAsuraiH saha .. 2..\\

 s

hanta te sampravakShyAmi vimardamatidAruNam . 
ekasya cha bahUnA.n cha yathAsIttumulo raNaH .. 3..\\
abhimanyuH kR^itotsAhaH kR^itotsAhAnarindamAn . 
rathastho rathinaH sarvA.nstAvakAnapyaharShayat .. 4..\\
droNa.n karNaM kR^ipa.n shalyaM drauNiM bhojaM bR^ihadbalam . 
duryodhana.n saumadattiM shakuni.n cha mahAbalam .. 5..\\
nAnA nR^ipAnnR^ipasutAnsainyAni vividhAni cha . 
alAtachakravatsarvAMshcharanbANaiH samabhyayAt .. 6..\\
nighnannamitrAnsaubhadraH paramAstraH pratApavAn . 
adarshayata tejasvI dikShu sarvAsu bhArata .. 7..\\
taddR^iShTvA charita.n tasya saubhadrasyAmitaujasaH . 
samakampanta sainyAni tvadIyAni punaH punaH .. 8..\\
athAbravInmahAprAGYo bhAradvAjaH pratApavAn . 
harSheNotphulla nayanaH kR^ipamAbhAShya sa tvaram .. 9..\\
ghaTTayanniva marmANi tava putrasya mAriSha . 
abhimanyu.n raNe dR^iShTvA tadA raNavishAradam .. 10..\\
eSha gachchhati saubhadraH pArthAnAmagrato yuvA . 
nandayansuhR^idaH sarvAnrAjAna.n cha yudhiShThiram .. 11..\\
nakula.n sahadeva.n cha bhImasenaM cha pANDavam . 
bandhUnsambandhinashchAnyAnmadhyasthAnsuhR^idastathA .. 12..\\
nAsya yuddhe samaM manye ka.n chidanyaM dhanurdharam . 
ichchhanhanyAdimA.n senA.n kimarthamapi nechchhati .. 13..\\
droNasya prItisa.nyukta.n shrutvA vAkya.n tavAtmajaH . 
ArjuniM prati sa~Nkruddho droNa.n dR^iShTvA smayanniva .. 14..\\
atha duryodhanaH karNamabravIdbAhlika.n kR^ipam . 
duHsAsanaM madrarAja.n tA.nstAMshchAnyAnmahArathAn .. 15..\\
sarvamUrdhAvasiktAnAmAchAryo brahmachittamaH . 
arjunasya sutaM mUDhaM nAbhihantumihechchhati .. 16..\\
na hyasya samare muchyedantako.apyAtatAyinaH . 
kima~NgapunarevAnyo martyaH satyaM bravImi vaH .. 17..\\
arjunasya suta.n tveSha shiShyatvAdabhirakShati . 
putrAH shiShyAshcha dayitAstadapatya.n cha dharmiNAm .. 18..\\
sa.nrakShyamANo droNena manyate vIryamAtmanaH . 
AtmasambhAvito mUDhastaM pramathnIta mAchiram .. 19..\\
evamuktAstu te rAGYA sAtvatI putramabhyayuH . 
sa.nrabdhAsta.n jighA.nsanto bhAradvAjasya pashyataH .. 20..\\
duHshAsanastu tachchhrutvA duryodhana vachastadA . 
abravItkurushArdUlo duryodhanamida.n vachaH .. 21..\\
ahamena.n haniShyAmi mahArAja bravImi te . 
miShatAM pANDuputrANAM pA~nchAlAnA.n cha pashyatAm . 
prasiShyAmyatha saubhadra.n yathA rAhurdivAkaram .. 22..\\
utkrushya chAbravIdvAkya.n kururAjamidaM punaH . 
shrutvA kR^iShNau mayA grasta.n saubhadramatimAninau . 
gamiShyataH pretaloka.n jIvalokAnna saMshayaH .. 23..\\
tau cha shrutvA mR^itau vyaktaM pANDoH kShetrodbhavAH sutAH . 
ekAhnA sasuhR^idvargAH klaibyAddhAsyanti jIvitam .. 24..\\
tasmAdasminhate shatrau hatAH sarve.ahitAstava . 
shivena dhyAhi mA rAjanneSha hanmi ripu.n tava .. 25..\\
evamuktvA nadanrAjanputro duHshAsanastava . 
saubhadramabhyayAtkruddhaH sharavarShairavAkiran .. 26..\\
tamabhikruddhamAyAnta.n tava putramarindamaH . 
abhimanyuH sharaistikShNaiH ShaTviMshatyA samarpayat .. 27..\\
duHshAsanastu sa~NkruddhaH prabhinna iva ku~njaraH . 
ayodhayata saubhadramabhimanyushcha ta.n raNe .. 28..\\
tau maNDalAni chitrANi rathAbhyA.n savyadakShiNam . 
charamANAvayudhyetA.n rathashikShA vishAradau .. 29..\\
atha paNavamR^ida~NgadundubhInAM 
kR^ikara mahAnaka bheri jharjharANAm . 
ninadamatibhR^ishaM narAH prachakrur 
lavaNajalodbhava si.nhanAda mishram .. 30..\\
\medskip\hrule\medskip\centerline{\Largedvng 39}
 s

sharavikShatagAtrastu pratyamitramavasthitam . 
abhimanyuH smayandhImAnduHshAsanamathAbravIt .. 1..\\
diShTyA pashyAmi sa~NgrAme mAnina.n shatrumAgatam . 
niShThura.n tyaktadharmANamAkroshanaparAyaNam .. 2..\\
yatsabhAyA.n tvayA rAGYo dhR^itarAShTrasya shR^iNvataH . 
kopitaH paruShairvAkyairdharmarAjo yudhiShThiraH . 
jayonmattena bhImashcha bahvabaddhaM prabhAShatA .. 3..\\
paravittApahArasya krodhasyAprashamasya cha . 
lobhasya GYAnanAshasya drohasyAtyAhitasya cha .. 4..\\
pitR^INAM mama rAjyasya haraNasyogra dhanvinAm . 
tattvAmidamanuprApta.n tatkopAdvai mahAtmanAm .. 5..\\
sadyashchogramadharmasya phalaM prAphnuhi durmate . 
shAsitAsmyadya te bANaiH sarvasainyasya pashyataH .. 6..\\
adyAhamanR^iNastasya kopasya bhavitA raNe . 
amarShitAyAH kR^iShNAyAH kA~NkShitasya cha me pituH .. 7..\\
adya kauravya bhImasya bhavitAsmyanR^iNo yudhi . 
na hi me mokShyase jIvanyadi notsR^ijase raNam .. 8..\\
evamuktvA mahAbAhurbANa.n duHshAsanAntakam . 
sandadhe paravIraghnaH kAlAgnyanila varchasam .. 9..\\
tasyorastUrNamAsAdya jatru deshe vibhidya tam . 
athainaM pa~nchaviMshatyA punash chaiva samarpayat .. 10..\\
sa gADhaviddho vyathito rathopastha upAvishat . 
duHshAsano mahArAja kashmala.n chAvishanmahat .. 11..\\
sArathistvaramANastu duHshAsanamachetasam . 
raNamadhyAdapovAha saubhadrasharapIDitam .. 12..\\
pANDavA draupadeyAshcha virATashcha samIkShya tam . 
pA~nchAlAH kekayAshchaiva si.nhanAdamathAnadan .. 13..\\
vAditrANi cha sarvANi nAnA li~Ngani sarvashaH . 
prAvAdayanta sa.nhR^iShTAH pANDUnA.n tatra sainikAH .. 14..\\
pashyantaH smayamAnAshcha saubhadrasya vicheShTitam . 
atyantaviriNa.n dR^iptaM dR^iShTvA shatruM parAjitam .. 15..\\
dharmamAruta shakrANAmAshvinoH pratimAstathA . 
dhArayanto dhvajAgreShu draupadeyA mahArathAH .. 16..\\
sAtyakishchekitAnashcha dhR^iShTadyumnashikhaNDinau . 
kekayA dhR^iShTaketushcha matsyapA~nchAla sR^i~njayAH .. 17..\\
pANDavAshcha mudA yuktA yudhiShThira purogamAH . 
abhyavartanta sahitA droNAnIkaM bibhitsavaH .. 18..\\
tato.abhavanmahadyuddha.n tvadIyAnAM paraiH saha . 
jayamAkA~NkShamANAnA.n shUrANAmanivartinAm .. 19..\\
duryodhano mahArAja rAdheyamidamabravIt . 
pashya duHshAsana.n vIramabhimanyuvasha~Ngatam .. 20..\\
pratapantamivAdityaM nighnanta.n shAtravAnraNe . 
saubhadramudyatAstrAtumabhidhAvanti pANDavAH .. 21..\\
tataH karNaH sharaistIkShNairabhimanyu.n durAsadam . 
abhyavarShata sa~NkruddhaH putrasya hitakR^ittavam .. 22..\\
tasya chAnucharA.nstIkShNairvivyAdha parameShubhiH . 
avaGYA pUrvaka.n vIraH saubhadrasya raNAjire .. 23..\\
abhimanyustu rAdheya.n trisaptatyA shilImukhaiH . 
avidhyattvarito rAjandroNaM prepsurmahAmanAH .. 24..\\
ta.n tadA nAshakatkashchiddroNAdvArayitu.n raNe . 
Arujanta.n rathashreShThAnvajrahastamivAsurAn .. 25..\\
tataH karNo jaya prepsurmAnI sarvadhanurbhR^itAm . 
saubhadra.n shatasho.avidhyaduttamAstrANi darshayan .. 26..\\
so.astrairastravidA.n shreShTho rAma shiShyaH pratApavAn . 
samare shatrudurdharShamabhimanyumapIDayat .. 27..\\
sa tathA pIDyamAnAstu rAdheyenAstra vR^iShTibhiH . 
samare.amarasa~NkAshaH saubhadro na vyaShIdata .. 28..\\
tataH shilAshitaistIkShNairbhallaiH saMnataparvabhiH . 
chhittvA dhanUMShi shUrANAmArjuniH karNamArdayat .. 29..\\
tataH kR^ichchhragata.n karNaM dR^iShTvA karNAdanantaraH . 
saubhadramabhyayAttUrNa.n dR^iDhamudyamya kArmukam .. 30..\\
tata uchchukrushuH pArthAsteShA.n chAnucharA janAH . 
vAditrANi cha sa~njaghnuH saubhadra.n chApi tuShTuvuH .. 31..\\
\medskip\hrule\medskip\centerline{\Largedvng 40}
 s

so.abhigarjandhanuShpANirjyA.n vikarShanpunaH punaH . 
tayormahAtmanostUrNa.n rathAntaramavApatat .. 1..\\
so.avidhyaddashabhirbANairabhimanyu.n durAsadam . 
sachchhattra dhvajayantAra.n sAshvamAshu smayanniva .. 2..\\
pitR^ipaitAmaha.n karma kurvANamatimAnuSham . 
dR^iShTvArdita.n sharaiH kArShNi.n tvadIyA hR^iShitAbhavan .. 3..\\
tasyAbhimanyurAyamya smayannekena patriNA . 
shiraH prachyAvayAmAsa sa rathAtprapatadbhuvi .. 4..\\
karNikAramivoddhUta.n vAtena mathitaM nagAt . 
bhrAtaraM nihata.n dR^iShTvA rAjankarNo vyathA.n yayau .. 5..\\
vimukhIkR^itya karNa.n tu saubhadraH ka~NkapatribhiH . 
anyAnapi maheShvAsA.nstUrNamevAbhidudruve .. 6..\\
tatastadvitata.n jAla.n hastyashvarathapattimat . 
jhaShaH kruddha ivAbhindadabhimanyurmahAyashAH .. 7..\\
karNastu bahubhirbANairardyamAno.abhimanyunA . 
apAyAjjavanairashvaistato.anIkamabhidyata .. 8..\\
shalabhairiva chAkAshe dhArAbhiriva chAvR^ite . 
abhimanyoH sharai rAjanna prAGYAyata ki.n chana .. 9..\\
tAvakAnA.n tu yodhAnA.n vadhyatAM nishitaiH sharaiH . 
anyatra saindhavAdrAjanna sma kashchidatiShThata .. 10..\\
saubhadrastu tataH sha~NkhaM pradhmApya puruSharShabhaH . 
shIghramabhyapatatsenAM bhAratIM bharatarShabha .. 11..\\
sa kakShe.agnirivotsR^iShTo nirdaha.nstarasA ripUn . 
madhye bhArata sainyAnAmArjuniH paryavartata .. 12..\\
rathanAgAshvamanujAnardayannishitaiH sharaiH . 
sa pravishyAkarodbhUmi.n kabandha gaNasa~NkulAm .. 13..\\
saubhadra chApaprabhavairnikR^ittAH parameShubhiH . 
svAnevAbnimukhAnghantaH pradravajjIvitArthinaH .. 14..\\
te ghorA raudrakarmANo vipAThAH pR^ithavaH shitAH . 
nighnanto ragha nAgAshvA~njagmurAshu vasundharAm .. 15..\\
sAyudhAH sA~Nguli trANAH sa khaDgAH sA~NgadA raNe . 
dR^ishyante bAhavashchhinnA hemAbharaNa bhUShitAH .. 16..\\
sharAshchApAni khaDgAshcha sharIrANi shirA.nsi cha . 
sakuNDalAni sragvINi bhUmAvAsansahasrashaH .. 17..\\
apaskarairadhiShThAnairIShA daNDakabandhuraiH . 
akShairvimathitaishchakrairbhagnaishcha bahudhA rathaiH . 
shaktichApAyudhaishchApi patipaishcha mahAdhvajaiH .. 18..\\
nihataiH kShatriyairashvairvAraNaishcha vishAM pate . 
agamyakalpA pR^ithivI kShaNenAsItsudAruNA .. 19..\\
vadhyatA.n rAjaputrANA.n krandatAm itaretaram . 
prAdurAsInmahAshabdo bhIrUNAM bhayavardhanaH . 
sa shabdo bharatashreShTha dishaH sarvA vyanAdayat .. 20..\\
saubhadrashchAdravatsenAM nighnannashvarathadvipAn . 
vyacharatsa dishaH sarvAH pradishashchAhitAnrujan .. 21..\\
ta.n tadA nAnupashyAma sainyena rajasAvR^itam . 
AdadAna.n gajAshvAnAM nR^iNAM chAyUMShi bhArata .. 22..\\
kShaNena bhUyo.apashyAma sUryaM madhya.n dine yathA . 
abhimanyuM mahArAja pratapanta.n dviShadgaNAn .. 23..\\
sa vAsava samaH sa~Nkhye vAsavasyAtmajAtmajaH . 
abhimanyurmahArAja sainyamadhye vyarochata .. 24..\\
\medskip\hrule\medskip\centerline{\Largedvng 41}
 dhr

bAlamatyantasuhinamavArya baladarpitam . 
yuddheShu kushala.n vIra.n kulaputraM tanutyajam .. 1..\\
gAhamAnamanIkAni sadashvaista.n trihAyanaiH . 
api yaudhiShThirAtsainyAtkashchidanvapatadrathI .. 2..\\

 s

yudhiShThiro bhImasenaH shikhaNDI sAtyakiryamau . 
dhR^iShTadyumno virATashcha drupadashcha sa kekayaH . 
dhR^iShTaketushcha sa.nrabdho matsyAshchAnvapatanraNe .. 3..\\
abhyadravanparIpsanto vyUDhAnIkAH prahAriNaH . 
tAndR^iShTvA dravataH shUrA.nstvadIyA vimukhAbhavan .. 4..\\
tatastadvimukha.n dR^iShTvA tava sUnormahadbalam . 
jAmAtA tava tejasvI viShTambhayiShurAdravat .. 5..\\
saindhavasya mahArAja putro rAjA jayadrathaH . 
sa putragR^iddhinaH pArthAnsaha sainyAnavArayat .. 6..\\
ugradhanvA maheShvAso divyamastramudIrayan . 
vArdha kShatrirupAsedhatpravaNAdiva ku~njarAn .. 7..\\

 dhr

atibhAramahaM manye saindhave sa~njayAhitam . 
yadekaH pANDavAnkruddhAnputragR^iddhInavArayat .. 8..\\
atyadbhutamidaM manye bala.n shaurya.n cha saindhave . 
tadasya brUhi me vIrya.n karma chAgryaM mahAtmanaH .. 9..\\
ki.n datta.n hutamiShTaM vA sutaptamatha vA tapaH . 
sindhurAjena yenaikaH kruddhAnpArthAnavArayat .. 10..\\

 s

draupadIharaNe yattadbhImasenena nirjitaH . 
mAnAtsa taptavAnrAjA varArthI sumahattapaH .. 11..\\
indrayANIndriyArthebhyaH priyebhyaH saMnivartya saH . 
kShutpipAsA tapa sahaH kR^isho dhamani santataH . 
devamArAdhayachchharva.n gR^iNanbrahma sanAtanam .. 12..\\
bhaktAnukampI bhagavA.nstasya chakre tato dayAm . 
svapnAnte.apyatha chaivAha haraH sindhupateH sutam . 
vara.n vR^iNIShva prIto.asmi jayadrathakimichchhasi .. 13..\\
evamuktastu sharveNa sindhurAjo jayadrathaH . 
uvAcha praNato rudraM prAGYalirniyatAtmavAn .. 14..\\
pANDaveyAnaha.n sa~Nkhye bhImavIryaparAkramAn . 
eko raNe dhArayeya.n samastAniti bhArata .. 15..\\
evamuktastu devesho jayadrathamathAbravIt . 
dadAmi te vara.n saumya vinA pArtha.n dhana~njayam .. 16..\\
dhArayiShyasi sa~NgrAme chaturaH pANDunandanAn . 
evamastviti deveshamuktvAbudhyata pArthivaH .. 17..\\
sa tena varadAnena divyenAstra balena cha . 
ekaH sandhArayAmAsa pANDavAnAmanIkinIm .. 18..\\
tasya jyAtalaghoSheNa kShatriyAnbhayamAvishat . 
parA.nstu tava sainyasya harShaH paramako.abhavat .. 19..\\
dR^iShTvA tu kShatriyA bhAra.n saindhave sarvamarpitam . 
utkrushyAbhyadravanrAjanyena yaudhiShThiraM balam .. 20..\\
\medskip\hrule\medskip\centerline{\Largedvng 42}
 s

yanmA pR^ichchhasi rAjendra sindhurAjasya vikramam . 
shR^iNu tatsarvamAkhyAsye yathA pANDUnayodhayat .. 1..\\
tamUhuH sArathervashyAH saindhavAH sAdhu vAhinaH . 
vikurvANA bR^ihanto.ashvAH shvasanopama ra.nhasaH .. 2..\\
gandharvanagarAkAra.n vidhivatkalpitaM ratham . 
tasyAbhyashobhayatketurvArAho rAjato mahAn .. 3..\\
shvetachchhatrapatAkAbhishchAmaravyajanena cha . 
sa babhau rAjali~NgaistaistArApatirivAmbare .. 4..\\
muktA vajramaNisvarNairbhUShita.n tadayasmayam . 
varUtha.n vibabhau tasya jyotirbhiH khamivAvR^itam .. 5..\\
sa visphArya mahachchApa.n kiranniShuguNAnbahUn . 
tatkhaNDaM pUrayAmAsa yadvyAdarayadArjuniH .. 6..\\
sa sAtyaki.n tribhirbANairaShTabhishcha vR^ikodaram . 
dhR^iShTadyuman.n tathA ShaShTyA virATaM dashabhiH sharaiH .. 7..\\
drupadaM pa~nchabhistIkShNairdashabhishcha shikhaNDinam . 
kekayAnpa~nchaviMshatyA draupadeyA.nstribhistribhiH .. 8..\\
yudhiShThira.n cha saptatyA tataH shenAnapAnudat . 
iShujAlena mahatA tadadbhutamivAbhavat .. 9..\\
athAsya shitapItena bhallenAdishya kArmukam . 
chichchheda prahasanrAjA dharmaputraH pratApavAn .. 10..\\
akShNornimeSha mAtreNa so.anyadAdAya kArmukam . 
vivyAdha dashabhiH pArtha tAMshchaivAnyA.nstribhistribhiH .. 11..\\
tasya tallAghava.n GYAtvA bhImo bhallaistribhiH punaH . 
dhanurdhvaja.n cha chhatraM cha kShitau kShiptamapAtayat .. 12..\\
so.anyadAdAya balavAnsajya.n kR^itvA cha kArmukam . 
bhImasyApothayatketu.n dhanurashvAMshcha mAriSha .. 13..\\
sa hatAshvAdavaplutya chhinnadhanvA rathottamAt . 
sAtyakerApluto yAna.n giryagramiva kesarI .. 14..\\
tatastvadIyAH sa.nhR^iShTAH sAdhu sAdhviti chukrushuH . 
sindhurAjasya tatkarma prekShyAshraddheyamuttamam .. 15..\\
sa~NkruddhAnpANDavAneko yaddadhArAstra tejasA . 
tattasya karma bhUtAni sarvANyevAbhyapUjayan .. 16..\\
saubhadreNa hataiH pUrva.n sottarAyudhibhirdvipaiH . 
pANDUnA.n darshitaH panthAH saindhavena nivAritaH .. 17..\\
yatamAnAstu te vIrA matsyapA~nchAla kekayAH . 
pANDavAshchAnvapadyanta pratyaikashyena saindhavam .. 18..\\
yo yo hi yatate bhettu.n droNAnIkaM tavAhitaH . 
ta.n taM devavaraprAptyA saindhavaH pratyavArayat .. 19..\\
\medskip\hrule\medskip\centerline{\Largedvng 43}
 s

saindhavena niruddheShu jayagR^iddhiShu pANDuShu . 
sughoramabhavadyuddha.n tvadIyAnAM pariH saha .. 1..\\
pravishya tvArjuniH senA.n satyasandho durAsadAm . 
vyakShobhayata tejasvI makaraH sAgara.n yathA .. 2..\\
ta.n tathA sharavarSheNa kShobhayantamarindamam . 
yathA pradhAnAH saubhadramabhyayuH kurusattamAH .. 3..\\
teShA.n tasya cha saM mardo dAruNaH samapadyata . 
sR^ijatA.n sharavarNAni prasaktamamitaujasAm .. 4..\\
rathavrajena sa.nruddhastairamitrairathArjuniH . 
vR^iShasenasya yantAra.n hatvA chichchheda kArmukam .. 5..\\
tasya vivyAdha balavA~nsharairashvAnajihmagaiH . 
vAtAyamAnairatha tairashvairapahR^ito raNAt .. 6..\\
tenAntareNAbhimanyoryanApAsArayadratham . 
rathavrajAstato hR^iShTAH sAdhu sAdhviti chukrushuH .. 7..\\
ta.n si.nhamiva sa~NkruddhaM pramathnantaM sharairarIn . 
ArAdAyAntamabhyetya vasAtIyo.abhyayAddrutam .. 8..\\
so.abhimanyu.n sharaiH ShaShTyA rukmapu~NkhairavAkirat . 
abravIchcha na me jIva~njIvato yudhi mokShyase .. 9..\\
tamayasmaya varmANamiShuNA Ashu pAtinA . 
vivyAdha hR^idi saubhadraH sa papAta vyasuH kShitau .. 10..\\
vasAtyaM nihata.n dR^iShTvA kruddhAH kShatriyapu~NgavAH . 
parivavrustadA rAja.nstava pautra.n jighA.nsavaH .. 11..\\
visphArayantashchApAni nAnArUpANyanekashaH . 
tadyuddhamabhavadraudra.n saubhadrasyAribhiH saha .. 12..\\
teShA.n sharAnseShvasanA~nsharIrANi shirA.nsi cha . 
sakuNDalAni sragvINi kruddhashchichchheda phAlguniH .. 13..\\
sa khaDgAH sA~Nguli trANAH sa paTTishaparashvadhAH . 
adR^ishyanta bhujAshchhinnA hemAbharaNabhUShitAH .. 14..\\
sragbhirAbharaNairvastraiH patitaishcha mahAdhvajaiH . 
varmabhishcharmabhirhArairmukuTaishchhatrachAmaraiH .. 15..\\
apaskarairadhiShThAnairIShAdaNDa kabandhuraiH . 
akShairvimathitaishchakrairbhagnaishcha bahudhA yugaiH .. 16..\\
anukarShaiH patAkAbhistathA sArathivAjibhiH . 
rathaishcha bhagnairnAgaishcha hataiH kIrNAbhavanmahI .. 17..\\
nihataiH kShatriyaiH shUrairnAnAjanapadeshvaraiH . 
jaya gR^iddhairvR^itA bhUmirdAruNA samapadyata .. 18..\\
disho vicharatastasya sarvAshcha pradishastathA . 
raNe.abhimanyoH kruddhasya rUpamantaradhIyata .. 19..\\
kA~nchana.n yadyadasyAsIdvarma chAbharaNAni cha . 
dhanuShashcha sharANA.n cha tadapashyAma kevalam .. 20..\\
ta.n tadA nAshakatkashchichchakShurbhyAmabhivIkShitum . 
AdadAna.n sharairyodhAnmadhye sUryamiva sthitam .. 21..\\
\medskip\hrule\medskip\centerline{\Largedvng 44}
 s

AdadAnastu shUrANAmAyUMShyabhavadArjuniH . 
antakaH sarvabhUtAnAM prANAnkAla ivAgate .. 1..\\
sa shakra iva vikrAntaH shakrasUnoH suto balI . 
abhimanyustadAnIka.n loDayanbahvashobhata .. 2..\\
pravishyaiva tu rAjendra kShatriyendrAntakopamaH . 
satyashravasamAdatta vyAghro mR^igamivolbaNam .. 3..\\
satyashravasi chAkShipte tvaramANA mahArathAH . 
pragR^ihya vipula.n shastramabhimanyumupAdravan .. 4..\\
ahaM pUrvamahaM pUrvamiti kShatriya pu~NgavAH . 
spardhamAnAH samAjagmurjighA.nsanto.arjunAtmajam .. 5..\\
kShatriyANAmanIkAni pradrutAnyabhidhAvatAm . 
jagrAsa timirAsAdya kShudramatsyAnivArNave .. 6..\\
ye ke chana gatAstasya samIpamapalAyinaH . 
na te pratinyavartanta samudrAdiva sandhavaH .. 7..\\
mahAgrAhagR^ihIteva vAtavegabhayArditA . 
samakampata sA senA vibhraShTA naurivArNave .. 8..\\
atha rukmaratho nAma madreshvara suto balI . 
trastAmAshvAsayansenAmatrasto vAkyamabravIt .. 9..\\
ala.n trAsena vaH shUrA naiSha kash chinmayi sthite . 
ahamena.n grahIShyAmi jIvagrAhaM na saMshayaH .. 10..\\
evamuktvA tu saubhadramabhidudrAva vIryavAn . 
sukalpitenohyamAnaH syandanena virAjatA .. 11..\\
so.abhimanyu.n tribhirbANairviddhvA vakShasyathAnadat . 
tribhishcha dakShiNe bAhau savye cha nishitaistribhiH .. 12..\\
sa tasyeShvasana.n chhittvA phAlguNiH savyadakShiNau . 
bhujau shirashcha svakShibhrukShitau kShipramapAtayat .. 13..\\
dR^iShTvA rukmaratha.n rugNaM putraM shalyasya mAninam . 
jIvagrAha.n jighR^ikShanta.n saubhadreNa yashasvinA .. 14..\\
sa~NgrAmadurmadA rAjanrAjaputrAH prahAriNaH . 
vayasyAH shalya putrasya suvarNavikR^itadhvajAH .. 15..\\
tAlamAtrANi chApAni vikarShanto mahArathAH . 
Arjuni.n sharavarSheNa samantAtparyavArayan .. 16..\\
sharaiH shikShA balopetaistaruNairatyamarShaNaiH . 
dR^iShTvaika.n samare shUraM saubhadramaparAjitam .. 17..\\
chhAdyamAna.n sharavrAtairhR^iShTo duryodhano.abhavat . 
vaivasvatasya bhavana.n gatamenamamanyata .. 18..\\
suvarNapu~NkhairiShubhirnAnA li~NgaistribhistribhiH . 
adR^ishyamArjuni.n chakrurnimeShAtte nR^ipAtmajAH .. 19..\\
sasUtAshvadhvaja.n tasya syandanaM taM cha mAriSha . 
Achita.n samapashyAma shvAvidhaM shalalairiva .. 20..\\
sa gADhaviddhaH kruddhashcha tottrairgaja ivArditaH . 
gAndharvamastramAyachchhadrathamAyA.n cha yojayat .. 21..\\
arjunena tapastaptvA gandharvebhyo yadAhR^itam . 
tumburu pramukhebhyo vai tenAmohayatAhitAn .. 22..\\
ekaH sa shatadhA rAjandR^ishyate sma sahasradhA . 
alAtachakravatsa~Nkhye kShipramastrANi darshayan .. 23..\\
rathacharyAstra mAyAbhirmohayitvA parantapaH . 
bibheda shatadhA rAja~nsharIrANi mahIkShitAm .. 24..\\
prANAH prANabhR^itA.n sa~Nkhye preShitA nishitaiH sharaiH . 
rAjanprApuramu.n lokaM sharIrANyavaniM yayuH .. 25..\\
dhanUMShyashvAnniyantR^IMshcha dhvajAnbAhUMshcha sA~NgadAn . 
shirA.nsi cha shitairbhallaisteShA.n chichchheda phAlguniH .. 26..\\
chUtArAmo yathA bhagnaH pa~nchavarShaphalopagaH . 
rAjaputra shata.n tadvatsaubhadreNApataddhatam .. 27..\\
kruddhAshIviSha sa~NkAshAnsukumArAnsukhochitAn . 
ekena nihatAndR^iShTvA bhImo duryodhano.abhavat .. 28..\\
rathinaH ku~njarAnashvAnpadAtIMshchAvamarditAn . 
dR^iShTvA duryodhanaH kShipramupAyAttamamarShitaH .. 29..\\
tayoH kShaNamivApUrNaH sa~NgrAmaH samapadyata . 
athAbhavatte vimukhaH putraH sharashatArditaH .. 30..\\
\medskip\hrule\medskip\centerline{\Largedvng 45}
 dhr

yathA vadasi me sUta ekasya bahubhiH saha . 
sa~NgrAma.n tumulaM ghoraM jayaM chaiva mahAtmanaH .. 1..\\
ashraddheyamivAshcharya.n saubhadrasyAtha vikramam . 
ki.n tu nAtyadbhutaM teShA.n yeShAM dharmo vyapAshrayaH .. 2..\\
duryodhane.atha vimukhe rAjaputra shate hate . 
saubhadre pratipatti.n kAM pratyapadyanta mAmakAH .. 3..\\

 s

saMshuShkAsyAshchalannetrAH prasvinnA loma harShiNaH . 
palAyanakR^itotsAhA nirutsAhA dviShajjaye .. 4..\\
hatAnbhrAtR^InpitR^InputrAnsuhR^itsambandhibAndhavAn . 
utsR^ijyotsR^ijya samiyustvarayanto hatadvipAn .. 5..\\
tAnprabhagnA.nstathA dR^iShTvA droNo drauNirbR^ihadbalaH . 
kR^ipo duryodhanaH karNaH kR^itavarmAtha saubalaH .. 6..\\
abhidrutAH susa~NkruddhAH saubhadramaparAjitam . 
te.api pautreNa te rAjanprAyasho vimukhIkR^itAH .. 7..\\
ekastu sukhasa.nvR^iddho bAlyAddarpAchcha nirbhayaH . 
iShvastravinmahAtejA lakShmaNo.a.arjunimabhyayAt .. 8..\\
tamanvagevAsya pitA putragR^iddhI nyavartata . 
anu duryodhana.n chAnye nyavartanta mahArathAH .. 9..\\
ta.n te.abhiShiShichurbANairmeghA girimivAmbubhiH . 
sa cha tAnpramamAthaiko viShvagvAto yathAmbudAn .. 10..\\
pautra.n tu tava durdharSha.n lakShmaNaM priyadarshanam . 
pituH samIpe tiShThanta.n shUramudyatakArmukam .. 11..\\
atyantasukhasa.nvR^iddha.n dhaneshvara sutopamam . 
AsasAda raNe kArShNirmatto mattamiva dvipam .. 12..\\
lakShmaNena tu sa~Ngamya saubhadraH paravIrahA . 
sharaiH sunishitaistIkShNairbAhvorurasi chArpitaH .. 13..\\
sa~Nkruddho vai mahAbAhurdaNDAhata ivoragaH . 
pautrastava mahArAja tava pautramabhAShata .. 14..\\
sudR^iShTaH kriyatA.n loko amuM loka.n gamiShyasi . 
pashyatAM bAndhavAnA.n tvAM nayAmi yamasAdanam .. 15..\\
evamuktvA tato bhalla.n saubhadraH paravIrahA . 
udbabarha mahAbAhurnirmuktoraga saMnibham .. 16..\\
sa tasya bhujanirmukto lakShNamasya sudarshanam . 
sunasa.n subhru keshAntaM shoro.ahArShItsakuNDalam . 
lakShmaNaM nihata.n dR^iShTvA hAhetyuchchukrushurjanAH .. 17..\\
tato duryodhanaH kruddhaH priye putre nipAtite . 
hatainamiti chukrosha kShatriyAnkShatriyarShabhaH .. 18..\\
tato droNaH kR^ipaH karNo droNaputro bR^ihadbalaH . 
kR^itavarmA cha hArdikyaH ShaDrathAH paryavArayan .. 19..\\
sa tAnviddhvA shitairbANairvimukhIkR^itya chArjuniH . 
vegenAbhyapatatkruddhaH saindhavasya mahadbalam .. 20..\\
Avavrustasya panthAna.n gajAnIkena saMshitAH . 
kali~NgAshcha niShAdAshcha krAtha putrashcha vIryavAn . 
tatprasaktamivAtyartha.n yuddhamAsIdvishAM pate .. 21..\\
tatastatku~njarAnIka.n vyadhamaddhR^iShTamArjuniH . 
yathA vivAnnityagatirjaladA~nshatasho.ambare .. 22..\\
tataH krAthaH sharavrAtairArjuni.n samavAkirat . 
athetare saMnivR^ittAH punardroNa mukhA rathAH . 
paramAstrANi dhunvAnAH saubhadramabhidudruvuH .. 23..\\
tAnnivAryArjunirbANaiH krAtha putramathArdayat . 
sharaugheNAprameyeNa tvaramANo jighA.nsayA .. 24..\\
sadhanurbANakeyUrau bAhU samukuTa.n shiraH . 
chhatra.n dhvajaM niyantAramashvAMshchAsya nyapAtayat .. 25..\\
kulashIta shrutabalaiH kIrtyA chAstrabalena cha . 
yukte tasminhate vIrAH prAyasho vimukhAbhavan .. 26..\\
\medskip\hrule\medskip\centerline{\Largedvng 46}
 dhr

tathA praviShTa.n taruNa.n saubhadramaparAjitam . 
kulAnurUpa.n kurvANa.n sa~NgrAmeShvapalAyinam .. 1..\\
AjaneyaiH subalibhiryuktamashvaistrihAyanaiH . 
plavamAnamivAkAshe ke shUrAH samavArayan .. 2..\\

 s

abhimanyuH pravishyaiva tAvakAnnishitaiH sharaiH . 
akarodvimukhAnsarvAnpArthivAnpANDunandanaH .. 3..\\
ta.n tu droNaH kR^ipaH karNo drauNishcha sa bR^ihadbalaH . 
kR^itavarmA cha hArdikyaH ShaDrathAH paryavArayan .. 4..\\
dR^iShTvA tu saindhave bhAramatimAtra.n samAhitam . 
sainya.n tava mahArAja yudhiShThiramupAdravat .. 5..\\
saubhadramitare vIramabhyavarSha~nsharAmbubhiH . 
tAlamAtrANi chApAni vikarShanto mahArathAH .. 6..\\
tA.nstu sarvAnmaheShvAsAnsarvavidyAsu niShThitAn . 
vyaShTambhayadraNe bANaiH saubhadraH paravIrahA .. 7..\\
droNaM pra~nchAshatA viddhvA viMshatyA cha bR^ihadbalam . 
ashItyA kR^itavarmANa.n kR^ipa.n ShaShTyA shilImukhaiH .. 8..\\
rukmapu~NkhairmahAvegairAkarNasamachoditaiH . 
avidhyaddashabhirbANairashvatthAmAnamArjuniH .. 9..\\
sa karNa.n karNinA karNe pItena nishitena cha . 
phAlgunirdviShatAM madhye vivyAdha parameShuNA .. 10..\\
pAtayitvA kR^ipasyAshvA.nstathobhau pArShNisArathI . 
athaina.n dashabhirbANaiH pratyavidhyatstanAntare .. 11..\\
tato vR^indAraka.n vIra.n kurUNAM kIrtivardhanam . 
putrANA.n tava vIrANAM pashyatAmavadhIdbalI .. 12..\\
ta.n drauNiH pa~nchaviMshatyA kShudrakANA.n samarpayat . 
vara.n varamamitrANAmArujantamabhItavat .. 13..\\
sa tu bANaiH shitaistUrNaM pratyavidhyata mAriSha . 
pashyatA.n dhArtarAShTrANAmashvatthAmAnamArjuniH .. 14..\\
ShaShTyA sharANA.n taM drauNistigmadhAraiH sutejanaiH . 
ugrairnAkampayadviddhvA mainAkamiva parvatam .. 15..\\
sa tu drauNi.n trisaptatyA hemapu~NkhairajihmagaiH . 
pratyavidhyanmahAtejA balavAnapakAriNam .. 16..\\
tasmindroNo bANashataM putragR^iddhI nyapAtayat . 
ashvatthAmA tathAShTau cha parIpsanpitara.n raNe .. 17..\\
karNo dvAviMshatiM bhallAnkR^itavarmA chaturdasha . 
bR^ihadbalastu pa~nchAshatkR^ipaH shAradvato dasha .. 18..\\
tA.nstu pratyavadhItsarvAndashabhirdashabhiH sharaiH . 
tairardyamAnaH saubhadraH sarvato nishitaiH sharaiH .. 19..\\
ta.n kosalAnAmadhipaH karNinAtADayaddhR^idi . 
sa tasyAshvAndhvaja.n chApa.n sUtaM chApAtayatkShitau .. 20..\\
atha kosala rAjastu virathaH khaDgacharmadhR^it . 
iyeSha phAlguneH kAyAchchhiro hartu.n sakuNDalam .. 21..\\
sa kosalAnAM bhartAra.n rAjaputraM bR^ihadbalam . 
hR^idi vivyAdha bANena sa bhinnahR^idayo.apatat .. 22..\\
babha~nja cha sahasrANi dasha rAjanmahAtmanAm . 
sR^ijatAmashivA vAchaH khaDgakArmukadhAriNAm .. 23..\\
tathA bR^ihadbala.n hatvA saubhadro vyacharadraNe . 
viShTambhayanmaheShvAsAnyodhA.nstava sharAmbubhiH .. 24..\\
\medskip\hrule\medskip\centerline{\Largedvng 47}
 s

sa karNa.n karNinA karNe punarvivyAdha phAlguniH . 
sharaiH pa~nchAshatA chainamavidhyatkopayanbhR^isham .. 1..\\
prativivyAdha rAdheyastAvadbhiratha taM punaH . 
sa tairAchitasarvA~Ngo bahvashobhata bhArata .. 2..\\
karNa.n chApyakarotkruddho rudhirotpIDa vAhinam . 
karNo.api vibabhau shUraH sharaishchitro.asR^igAplutaH .. 3..\\
tAvubhau sharachitrA~Ngau rudhireNa samukShitau . 
babhUvaturmahAtmAnau puShpitAviva kiMshukau .. 4..\\
atha karNasya sachivAnShaTshUrAMshchitrayodhinaH . 
sAshvasUta dhvajarathAnsaubhadro nijaghAna ha .. 5..\\
athetarAnmaheShvAsAndashabhirdashabhiH sharaiH . 
pratyavidhyadasambhrAntastadadbhutamivAbhavat .. 6..\\
mAgadhasya punaH putra.n hatvA ShaDbhirajihmagaiH . 
sAshva.n sasUta.n taruNamashvaketumapAtayat .. 7..\\
mArtikAvatakaM bhoja.n tataH ku~njaraketanam . 
kShurapreNa samunmathya nanAda visR^ija~nsharAn .. 8..\\
tasya dauHshAsanirviddhvA chaturbhishchaturo hayAn . 
sUtamekena vivyAdha dashabhishchArjunAtmajam .. 9..\\
tato dauHshAsani.n kArShNirviddhvA saptabhirAshugaiH . 
sa.nrambhAdraktanayano vAkyamuchchairathAbravIt .. 10..\\
pitA tavAhava.n tyaktvA gataH kApuruSho yathA . 
diShTyA tvamapi jAnIShe yoddhuM na tvadya mokShyase .. 11..\\
etAvaduktvA vachana.n karmAra parimArjitam . 
nArAcha.n visasarjAsmai ta.n drauNistribhirAchchhinat .. 12..\\
tasyArjunirdhvaja.n chhittvA shalyaM tribhiratADayat . 
ta.n shalyo navabhirbANairgArdhrapatrairatADayat .. 13..\\
tasyArjunirdhvaja.n chhittvA ubhau cha pArShNisArathI . 
ta.n vivyAdhAyasaiH ShaDbhiH so.apakrAmadrathAntaram .. 14..\\
shatru~njaya.n chandraketuM meghavega.n suvarchasam . 
sUryabhAsa.n cha pa~nchaitAnhatvA vivyAdha saubalam .. 15..\\
ta.n saubalastribhirviddhvA duryodhanamathAbravIt . 
sarva enaM pramathnImaH puraikaika.n hinasti naH .. 16..\\
athAbravIttadA droNa.n karNo vaikartano vR^iShA . 
purA sarvAnpramathnAti brUhyasya vadhamAshu naH .. 17..\\
tato droNo maheShvAsaH sarvA.nstAnpratyabhAShata . 
asto vo.asyAntara.n kashchitkumArasya prapashyati .. 18..\\
anvasya pitara.n hyadya charataH sarvatodisham . 
shIghratAM narasi.nhasya pANDaveyasya pashyata .. 19..\\
dhanurmaNDalamevAsya rathamArgeShu dR^ishyate . 
sandadhAnasya vishikhA~nshIghra.n chaiva vimu~nchataH .. 20..\\
Arujanniva me prANAnmohayannapi sAyakaiH . 
praharShayati mA bhUyaH saubhadraH paravIrahA .. 21..\\
ati mA nandayatyeSha saubhadro vicharanraNe . 
antara.n yasya sa.nrabdhA na pashyanti mahArathAH .. 22..\\
asyato laghuhastasya dishaH sarvA maheShubhiH . 
na visheShaM prapashyAmi raNe gANDIvadhanvanaH .. 23..\\
atha karNaH punardroNamAhArjunisharArditaH . 
sthAtavyamiti tiShThAmi pIDyamAno.abhimanyunA .. 24..\\
tejasvinaH kumArasya sharAH paramadAruNAH . 
kShiNvanti hR^idayaM me.adya ghorAH pAvakatejasaH .. 25..\\
tamAchAryo.abravItkarNa.n shanakaiH prahasanniva . 
abhedyamasya kavacha.n yuvA chAshu parAkramaH .. 26..\\
upadiShTA mayA asya pituH kavachadhAraNA . 
tAmeSha nikhilA.n vetti dhruvaM parapura~njayaH .. 27..\\
shakya.n tvasya dhanushchhettuM jyAM cha bANaiH samAhitaiH . 
abhIshavo hayAshchaiva tathobhau pArShNisArathI .. 28..\\
etatkuru maheShvAsa rAdheya yadi shakyate . 
athaina.n vimukhIkR^itya pashchAtpraharaNa.n kuru .. 29..\\
sadhanuShko na shakyo.ayamapi jetu.n surAsuraiH . 
viratha.n vidhanuShka.n cha kuruShvainaM yadIchchhasi .. 30..\\
tadAchAryavachaH shrutvA karNo vaikartanastvaran . 
asyato laghuhastasya pR^iShatkairdhanurAchchhinat .. 31..\\
ashvAnasyAvadhIdbhojo gautamaH pArShNisArathI . 
sheShAstu chhinnadhanvAna.n sharavarShairavAkiran .. 32..\\
tvaramANAstvarA kAle viratha.n ShaNmahArathAH . 
sharavarShairakaruNA bAlamekamavAkiran .. 33..\\
sa chhinnadhanvA virathaH svadharmamanupAlayan . 
khaDgacharma dharaH shrImAnutpapAta vihAyasam .. 34..\\
mArgaiH sa kaishikAdyaishcha lAghavena balena cha . 
Arjunirvyacharadvyomni bhR^isha.n vai pakShirAD iva .. 35..\\
mayyeva nipatatyeSha sAsirityUrdhvadR^iShTayaH . 
vivyadhustaM maheShvAsAH samare chhidradarshinaH .. 36..\\
tasya droNo.achhinanmuShTau khaDgaM maNimaya tsarum . 
rAdheyo nishitairbANairvyadhamachcharma chottamam .. 37..\\
vyasi charmeShu pUrNA~NgaH so.antarikShAtpunaH kShitim . 
Asthitashchakramudyamya droNa.n kruddho.abhyadhAvata .. 38..\\
sachakrareNUjjvala shobhitA~Ngo 
babhAvati ivonnata chakrapANiH . 
raNe.abhimanyuH kShaNadA subhadraH 
sa vAsubhadrAnukR^itiM prakurvan .. 39..\\
sruta rudhirakR^itaika rAgavaktro 
bhrukuTi puTAkuTilo.atisi.nha nAdaH . 
prabhuramitabalo raNe.abhimanyur 
nR^ipa varamadhya gato bhR^isha.n vyarAjat .. 40..\\
\medskip\hrule\medskip\centerline{\Largedvng 48}
 s

viShNoH svasAnandi karaH sa viShNvAyudha bhIShitaH . 
rarAjAtirathaH sa~Nkhye janArdana ivAparaH .. 1..\\
mArutoddhUta keshAntamudyatAri varAyudham . 
vapuH samIkShya pR^ithvIshA duHsamIkShya.n surairapi .. 2..\\
tachchakraM bhR^ishamudvignAH sa~ncichchhiduranekadhA . 
mahArathastataH kArShNiH sa~njagrAha mahAgadAm .. 3..\\
vidhanuH syandanAsistairvichakrashchAribhiH kR^itaH . 
abhimanyurgadApANirashvatthAmAnamAdravat .. 4..\\
sagadAmudyatA.n dR^iShTvA jvalantImashanIm iva . 
apAkrAmadrathopasthAdvikramA.nstrInnararShabhaH .. 5..\\
tasyAshvAngadayA hatvA tathobhau pArShNisArathI . 
sharAchitA~NgaH saubhadraH shvAvidvatpratyadR^ishyata .. 6..\\
tataH subala dAyAda.n kAlakeyamapothayat . 
jaghAna chAsyAnucharAngAndhArAnsapta saptatim .. 7..\\
punarbrahma vasAtIyA~njaghAna rathino dasha . 
kekayAnA.n rathAnsapta hatvA cha dasha ku~njarAn . 
dauHshAsani ratha.n sAshva.n gadayA samapothayat .. 8..\\
tato dauHshAsaniH kruddho gadAmudyamya mAriSha . 
abhidudrAva saubhadra.n tiShTha tiShTheti chAbravIt .. 9..\\
tAvudyatagadau vIrAvanyonyavadhakA~NkShiNau . 
bhrAtR^ivyau samprajahrAte pureva tryambakAntakau .. 10..\\
tAvanyonya.n gadAgrAbhyA.n sa.nhatya patitau kShitau . 
indradhvajAvivotsR^iShTau raNamadhye parantapau .. 11..\\
dauHshAsanirathotthAya kurUNA.n kIrtivardhanaH . 
prottiShThamAna.n saubhadra.n gadayA mUrdhnyatADayat .. 12..\\
gadA vegena mahatA vyAyAmena cha mohitaH . 
vichetA nyapatadbhUmau saubhadraH paravIrahA . 
eva.n vinihato rAjanneko bahubhirAhave .. 13..\\
kShobhayitvA chamU.n sarvAM nalinImiva ku~njaraH . 
ashobhata hato vIro vyAdhairvanagajo yathA .. 14..\\
tantathA patita.n shUra.n tAvakAH paryavArayan . 
dAva.n dagdhvA yathA shAntaM pAvaka.n shishirAtyaye .. 15..\\
vimR^idya tarushR^i~NgANi saMnivR^ittamivAnilam . 
asta.n gatamivAdityaM taptvA bhArata vAhinIm .. 16..\\
upapluta.n yathA somaM saMshuShkamiva sAgaram . 
pUrNachandrAbhavadana.n kAkapakSha vR^itAkShakam .. 17..\\
taM bhUmau patita.n dR^iShTvA tAvakAste mahArathAH . 
mudA paramayA yuktAshchukrushuH si.nhavanmuhuH .. 18..\\
AsItparamako harShastAvakAnA.n vishAM pate . 
itareShA.n tu vIrANAM netrebhyaH prApatajjalam .. 19..\\
abhikroshanti bhUtAni antarikShe vishAM pate . 
dR^iShTvA nipatita.n vIra.n chyutaM chandramivAmbarAt .. 20..\\
droNakarNamukhaiH ShaDbhirdhArtarAShTrairmahArathaiH . 
eko.ayaM nihataH shete naiSha dharmo mato hi naH .. 21..\\
tasmi.nstu nihate vIre bahvashobhata medinI . 
dyauryathA pUrNachandreNa nakShatragaNamAlinI .. 22..\\
rukmapu~Nkhaishcha sampUrNA rudhiraughapariplutA . 
uttamA~Ngaishcha vIrANAM bhrAjamAnaiH sakuNDalaiH .. 23..\\
vichitraishcha paristomaiH patAkAbhishcha sa.nvR^itA . 
chAmaraishcha kuthAbhishcha praviddhaishchAmbarottamaiH .. 24..\\
rathAshvanaranAgAnAmAla~NkAraishcha suprabhaiH . 
khaDgaishcha nishitaiH pItairnirmuktairbhujagairiva .. 25..\\
chApaishcha vishikhaishchhinnaiH shaktyR^iShTi prAsakampanaiH . 
vividhairAyudhaishchAnyaiH sa.nvR^itA bhUrashobhata .. 26..\\
vAjibhishchApi nirjIvaiH svapadbhiH shoNitokShitaiH . 
sArohairviShamA bhUmiH saubhadreNa nipAtitaiH .. 27..\\
sA~NkushaiH sa mahAmAtraiH sa varmAyudhaketubhiH . 
parvatairiva vidhvastairvishikhonmathitairgajaiH .. 28..\\
pR^ithivyAmanukIrNaishcha vyashva sArathiyodhibhiH . 
hradairiva prakShubhitairhatanAgai rathottamaiH .. 29..\\
padAtisa~Nghaishcha hatairvividhAyudhabhUShaNaiH . 
bhIrUNA.n trAsajananI ghorarUpAbhavanmahI .. 30..\\
ta.n dR^iShTvA patitaM bhUmai chandrArkasadR^ishadyutim . 
tAvakAnAM parA prItiH pANDUnA.n chAbhavadvyathA .. 31..\\
abhimanyau hate rAja~nshishuke.aprAptayauvane . 
samprAdravachchamUH sarvA dharmarAjasya pashyataH .. 32..\\
dIryamANaM bala.n dR^iShTvA saubhadre vinipAtite . 
ajAtashatruH svAnvIrAnida.n vachanamabravIt .. 33..\\
svargameSha gataH shUro yo hato na parA~NmukhaH . 
sa.nstambhayata mA bhaiShTa vijeShyAmo raNe ripUn .. 34..\\
ityeva.n sa mahAtejA duHkhitebhyo mahAdyutiH . 
dharmarAjo yudhA.n shreShTho bruvanduHkhamapAnudat .. 35..\\
yuddhe hyAshIviShAkArAnrAjaputrAnraNe bahUn . 
pUrvaM nihatya sa~NgrAme pashchAdArjuniranvagAt .. 36..\\
hatvA dashasahasrANi kausalya.n cha mahAratham . 
kR^iShNArjuna samaH kArShNiH shakra sadma gato dhruvam .. 37..\\
rathAshvanaramAta~NgAnvinihatya sahasrashaH . 
avatR^iptaH sa sa~NgrAmAdashochyaH puNyakarmakR^it .. 38..\\
vaya.n tu pravara.n hatvA teShAM taiH sharapIDitAH . 
niveshAyAbhyupAyAma sAyAhne rudhirokShitAH .. 39..\\
nirIkShamANAstu vayaM pare chAyodhana.n shanaiH . 
apayAtA mahArAja glAniM prAptA vichetasaH .. 40..\\
tato nishAyA divasasya chAshivaH 
shivA rutaH sandhiravartatAdbhutaH . 
kusheshayApIDa nibhe divAkare 
vilambamAne.astamupetya parvatam .. 41..\\
varAsi shaktyR^iShTi varUtha charmaNAM 
vibhUShaNAnA.n cha samAkShipanprabhAm . 
diva.n cha bhUmiM cha samAnayanniva 
priyA.n tanuM bhAnurupaiti pAvakam .. 42..\\
mahAbhrakUTAchalashR^i~NgasaMnibhair 
gajairanekairiva vajrapAtitaiH . 
sa vaijayantya~Nkusha varma yantR^ibhir 
nipAtitairniShTanatIva gaushchitA .. 43..\\
hateshvaraishchUrNita pattyupaskarair 
hatAshvasUtairvipatAka ketubhiH . 
mahArathairbhUH shushubhe vichUrNitaiH 
purairivAmitra hatairnarAdhipa .. 44..\\
rathAshvavR^indaiH saha sAdibhirhataiH 
praviddha bhANDAbharaNaiH pR^ithagvidhaiH . 
nirastajihvA dashanAntra lochanair 
dharA babhau ghoravirUpa darshanA .. 45..\\
praviddha varmAbharaNA varAyudhA 
vipannahastyashvarathAnugA narAH . 
mahArhashayyAstaraNochitAH sadA 
kShitAvanAthA iva sherate hatAH .. 46..\\
atIva hR^iShTAH shvasR^igAla vAyasA 
baDAH suparNAshcha vR^ikAstarakShavaH . 
vayA.nsyasR^ikpAnyatha rakShasA.n gaNAH 
pishAchasa~NghAshcha sudAruNA raNe .. 47..\\
tvacho vinirbhidya pibanvasAmasR^ik 
tathaiva majjAM pishitAni chAshnuvan . 
vapA.n vilumpanti hasanti gAnti cha 
prakarShamANAH kuNapAnyanekashaH .. 48..\\
sharIrasa~NghATa vahA asR^igjalA 
rathoDupA ku~njarashailasa~NkaTA . 
manuShyashIrShopala mA.nsakardamA 
praviddha nAnAvidha shastramAlinI .. 49..\\
mahAbhayA vaitaraNIva dustarA 
pravartitA yodhavaraistadA nadI . 
uvAha madhyena raNAjiraM bhR^ishaM 
bhayAvahA jIva mR^itapravAhinI .. 50..\\
pibanti chAshnanti cha yatra durdR^ishAH 
pishAchasa~NghA vividhAH subhairavAH . 
sunanditAH prANabhR^itAM bhaya~NkarAH 
samAnabhakShAH shvasR^igAla pakShiNaH .. 51..\\
tathA tadAyodhanamugradarshanaM 
nishAmukhe pitR^ipatirAShTra saMnibham . 
nirIkShamANAH shanakairjahurnarAH 
samutthitAruNDa kulopasa~Nkulam .. 52..\\
apetavidhvastamahArha bhUShaNaM 
nipAtita.n shakrasamaM mahAratham . 
raNe.abhimanyu.n dadR^ishustadA janA 
vyapoDha havya.n sadasIva pAvakam .. 53..\\
\medskip\hrule\medskip\centerline{\Largedvng 49}
 s

tasmi.nstu nihate vIre saubhadre rathayUthape . 
vimuktarathasaMnAhAH sarve nikShiptakArmukAH .. 1..\\
upopaviShTA rAjAnaM parivArya yudhiShThiram . 
tadeva duHkha.n dhyAyantaH saubhadra gatamAnasAH .. 2..\\
tato yudhiShThiro rAjA vilalApa suduHkhitaH . 
abhimanyau hate vIre bhrAtuH putre mahArathe .. 3..\\
droNAnIkamasambAdhaM mama priyachikIrShayA . 
bhittvA vyUhaM praviShTo.asau gomadhyamiva kesarI .. 4..\\
yasya shUrA maheShvAsAH pratyanIka gatA raNe . 
prabhagnA vinivartante kR^itAstrA yuddhadurmadAH .. 5..\\
atyantashatrurasmAka.n yena duHshAsanaH sharaiH . 
kShipra.n hyabhimukhaH sa~Nkye visa~nj~no vimukhIkR^itaH .. 6..\\
sa tIrtvA dustara.n vIro droNAnIka mahArNavam . 
prApya dauHshAsani.n kArShNiryAto vaivasvatakShayam .. 7..\\
katha.n drakShyAmi kaunteya.n saubhadre nihate.arjunam . 
subhadrA.n vA mahAbhAgAM priyaM putramapashyatIm .. 8..\\
ki.n svidvayamapetArthamashliShTamasama~njasam . 
tAvubhau prativakShyAmo hR^iShIkesha dhana~njayau .. 9..\\
ahameva subhadrAyAH keshavArjunayorapi . 
priyakAmo jayAkA~NkShI kR^itavAnidamapriyam .. 10..\\
na lubdho budhyate doShAnmohAllobhaH pravartate . 
madhu pipsurhi nApashyaM prapAtamidamIdR^isham .. 11..\\
yo hi bhojye puraskAryo yAneShu shayaneShu cha . 
bhUShaNeShu cha so.asmAbhirbAlo yudhi puraskR^itaH .. 12..\\
katha.n hi bAlastaruNo yuddhAnAmavishAradaH . 
sadashva iva sambAdhe viShame kShemamarhati .. 13..\\
yo cheddhi vayamapyenaM mahImanushayImahi . 
bIbhatsoH kopadIptasya dagdhAH kR^ipaNa chakShuShA .. 14..\\
alubdho matimAnhrImAnkShamAvAnrUpavAnbalI . 
vapuShmAnmAnakR^idvIraH priyaH satyaparAyaNaH .. 15..\\
yasya shlAghanti vibudhAH karmANyUrjitakarmaNaH . 
nivAtakavachA~njaghne kAlakeyAMshcha vIryavAn .. 16..\\
mahendrashatravo yena hiraNyapuravAsinaH . 
akShNornimeSha mAtreNa paulomAH sagaNA hatAH .. 17..\\
parebhyo.apyabhayArthibhyo yo dadAtyabhaya.n vibhuH . 
tasyAsmAbhirna shakitastrAtumadyAtmajo bhayAt .. 18..\\
bhaya.n tu sumahatprAptaM dhArtarAShTraM mahadbalam . 
pArthaH putravadhAtkruddhaH kauravA~nshoShayiShyati .. 19..\\
kShudraH kShudrasahAyashcha svapakSha kShayamAturaH . 
vyakta.n duryodhano dR^iShTvA shochanhAsyati jIvitam .. 20..\\
na me jayaH prItikaro na rAjyaM 
na chAmaratvaM na suraiH sa lokatA . 
ima.n samIkShyAprativIrya pauruShaM 
nipAtita.n devavarAtmajAtmajam .. 21..\\
\medskip\hrule\medskip\centerline{\Largedvng 50}
 s

tasminnahani nirvR^itte ghore prANabhR^itA.n kShaye . 
Aditye.asta.n gate shrImAnsandhyAkAla upasthite .. 1..\\
vyapayAteShu sainyeShu vAsAya bharatarShabha . 
hatvA saMshaptakavrAtAndivyairastraiH kapidhvajaH .. 2..\\
prAyAtsvashibira.n jiShNurjaitramAsthAya ta.n ratham . 
gachchhanneva cha govinda.n sannakaNTho.abhyabhAShata .. 3..\\
kiM nu me hR^idaya.n trasta.n vAkyaM sajjati keshava . 
spandanti chApyaniShTAni gAtra.n sIdati chApyuta .. 4..\\
aniShTa.n chaiva me shliShTa.n hR^idayAnnApasarpati . 
bhuvi yaddikShu chApyugrA utpAtAstrAsayanti mAm .. 5..\\
bahuprakArA dR^ishyante sarva evAgha sha.nsinaH . 
api svasti bhavedrAGYaH sAmAtyasya gurormama .. 6..\\

 vaasu

vyakta.n shiva.n tava bhrAtuH sAmAtyasya bhaviShyati . 
mA shuchaH ki.n chidevAnyattatrAniShTaM bhaviShyati .. 7..\\

 s

tataH sandhyAmupAsyaiva vIrau vIrAvasAdane . 
kathayantau raNe vR^ittaM prayAtau rathamAsthitau .. 8..\\
tataH svashibiraM prAptau hatAnanda.n hatatviSham . 
vAsudevo.arjunashchaiva kR^itvA karma suduShkaram .. 9..\\
dhvastAkAra.n samAlakShya shibiraM paravIrahA . 
bIbhatsurabravItkR^iShNamasvasthahR^idayastataH .. 10..\\
nAdya nandanti tUryANi ma~NgalyAni janArdana . 
mishrA dundubhinirghoShaH sha~NkhAshchADambaraiH saha . 
vINA vA nAdya vAdyante shamyA tAlasvanaiH saha .. 11..\\
ma~NgalyAni cha gItAni na gAyanti paThanti cha . 
stutiyuktAni ramyANi mamAnIkeShu bandinaH .. 12..\\
yodhAshchApi hi mA.n dR^iShTvA nivartante hyadhomukhAH . 
karmANi cha yathApUrva.n kR^itvA nAbhivadanti mAm .. 13..\\
api svasti bhavedadya bhrAtR^ibhyo mama mAdhava . 
na hi shudhyati me bhAvo dR^iShTvA svajanamAkulam .. 14..\\
api pA~nchAlarAjasya virATasya cha mAnada . 
sarveShA.n chaiva yodhAnA.n sAmagryaM syAnmamAchyuta .. 15..\\
na cha mAmadya saubhadraH prahR^iShTo bhrAtR^ibhiH saha . 
raNAdAyAntamuchitaM pratyudyAti hasanniva .. 16..\\
eva.n sa~Nkathayantau tau praviShTau shibiraM svakam . 
dadR^ishAte bhR^ishAsvasthAnpANDavAnnaShTachetasaH .. 17..\\
dR^iShTvA bhrAtR^IMshcha putrAMshcha vimanA vAnaradhvajaH . 
apashyaMshchaiva saubhadramida.n vachanamabravIt .. 18..\\
mukhavarNo.aprasanno vaH sarveShAmeva lakShyate . 
na chAbhimanyuM pashyAmi na cha mAM pratinandatha .. 19..\\
mayA shrutashcha droNena chakravyUho vinirmitaH . 
na cha vastasya bhettAsti R^ite saubhadramAhave .. 20..\\
na chopadiShTastasyAsInmayAnIka vinirgamaH . 
kachchinna bAlo yuShmAbhiH parAnIkaM praveshitaH .. 21..\\
bhittvAnIkaM maheShvAsaH pareShAM bahusho yudhi . 
kachchinna nihataH shete saubhadraH paravIrahA .. 22..\\
lohitAkShaM mahAbAhu.n jAta.n si.nhamivAdriShu . 
upendra sadR^ishaM brUta kathamAyodhane hataH .. 23..\\
sukumAraM maheShvAsa.n vAsavasyAtmajAtmajam . 
sadA mama priyaM brUta kathamAyodhane hataH .. 24..\\
vArShNeyI dayita.n shUraM mayA satatalAlitam . 
ambAyAshcha priyaM nitya.n ko.avadhItkAlachoditaH .. 25..\\
sadR^isho vR^iShNisi.nhasya keshavasya mahAtmanaH . 
vikramashrutamAhAtmyaiH kathamAyodhane hataH .. 26..\\
subhadrAyAH priyaM nitya.n draupadyAH keshavasya cha . 
yadi putraM na pashyAmi yAsyAmi yamasAdanam .. 27..\\
mR^idu ku~nchitakeshAntaM bAlaM bAla mR^igekShaNam . 
mattadviradavikrAnta.n shAlapotamivodgatam .. 28..\\
smitAbhibhAShaNa.n dAntaM guruvAkyakara.n sadA . 
bAlye.apyabAla karmANaM priyavAkyamamatsaram .. 29..\\
mahotsAhaM mahAbAhu.n dIrgharAjIva lochanam . 
bhaktAnukampina.n dAntaM na cha nIchAnusAriNam .. 30..\\
kR^itaGYa.n GYAnasampanna.n kR^itAstramanivartinam . 
yuddhAbhinandinaM nitya.n dviShatAm aghavardhanam .. 31..\\
sveShAM priyahite yuktaM pitR^INA.n jaya gR^iddhinam . 
na cha pUrvaprahartAra.n sa~NgrAme naShTasambhramam . 
yadi putraM na pashyAmi yAsyAmi yamasAdanam .. 32..\\
sulalATa.n sukeshAntaM subhrvakShidashanachchhadam . 
apashyatastadvadana.n kA shAntirhR^idayasya me .. 33..\\
tantrI svanasukha.n ramyaM pu.nskokola samadhvanim . 
ashR^iNvataH svana.n tasya kA shAntirhR^idayasya me .. 34..\\
rUpa.n chApratirUpaM tantridasheShvapi durlabham . 
apashyato.adya vIrasya kA shAntirhR^idayasya me .. 35..\\
abhivAdanadakSha.n taM pitR^INA.n vachane ratam . 
nAdyAha.n yadi pashyAmi kA shAntirhR^idayasya me .. 36..\\
sukumAraH sadA vIro mahArhashayanochitaH . 
bhUmAvanAthavachchhete nUnaM nAthavatA.n varaH .. 37..\\
shayAna.n samupAsanti yaM purA paramastriyaH . 
tamadya vipraviddhA~NgamupAsantyashivAH shivAH .. 38..\\
yaH purA bodhyate suptaiH sUtamAgadhabandibhiH . 
bodhayantyadya taM nUna.n shvApadA vikR^itaiH svaraiH .. 39..\\
chhatrachchhAyA samuchita.n tasya tadvadana.n shubham . 
nUnamadya rajodhvasta.n raNe reNuH kariShyati .. 40..\\
hA putrakAvitR^iptasya satataM putradarshane . 
bhAgyahInasya kAlena yathA me nIyase balAt .. 41..\\
sAdya sa.nyamanI nUna.n sadA sukR^itinA.n gatiH . 
svabhAbhirbhAsitA ramyA tvayAtyartha.n virAjate .. 42..\\
nUna.n vaivasvatashcha tvA varuNashcha priyAtithiH . 
shatakraturdhaneshashcha prAptamarchantyabhIrukam .. 43..\\
eva.n vilapya bahudhA bhIna poto vaNigyathA . 
duHkhena mahatAviShTo yudhiShThiramapR^ichchhata .. 44..\\
kachchitsa kadana.n kR^itvA pareShAM pANDunandana . 
svargato.abhimukhaH sa~Nkhye yudhyamAno nararShabhaH .. 45..\\
sa nUnaM bahubhiryattairyudhyamAno nararShabhaiH . 
asahAyaH sahAyArthI mAmanudhyAtavAndhruvam .. 46..\\
pIDyamAnaH sharairbAlastAta sAdhvabhidhAva mAm . 
iti vipralapanmanye nR^ishai.nsairbahubhirhataH .. 47..\\
atha vA matprasUtashcha svasrIyo mAdhavasya cha . 
subhadrAyA.n cha sambhUto naiva.n vaktumihArhati .. 48..\\
vajrasAramayaM nUna.n hR^idayaM sudR^iDhaM mama . 
apashyato dIrghabAhu.n raktAkShaM yanna dIryate .. 49..\\
kathaM bAle maheShvAse nR^isha.nsA marmabhedinaH . 
svasrIye vAsudevasya mama putrAkShipa~nsharAn .. 50..\\
yo mAM nityamadInAtmA pratyudgamyAbhinandati . 
upayAnta.n ripUnhatvA so.adya mA.n kiM na pashyati .. 51..\\
nUna.n sa patitaH shete dharaNyAM rudhirokShitaH . 
shobhayanmedinI.n gAtrairAditya iva pAtitaH .. 52..\\
raNe vinihata.n shrutvA shokArtA vai vina~NkShyati . 
subhadrA vakShyate kiM mAmabhimanyumapashyatI . 
draupadI chaiva duHkhArte te cha vakShyAmi kiM nvaham .. 53..\\
vajrasAramayaM nUna.n hR^idayaM yanna yAsyati . 
sahasradhA vadhU.n dR^iShTvA rudatI.n shokakarshitAm .. 54..\\
hR^iShTAnA.n dhArtarAShTrANA.n si.nhanAdo mayA shrutaH . 
yuyutsushchApi kR^iShNena shruto vIrAnupAlabhan .. 55..\\
ashaknuvanto bIbhatsuM bAla.n hatvA mahArathAH . 
kiM nadadhvamadharmaGYAH pArthe vai dR^ishyatAM balam .. 56..\\
ki.n tayorvipriyaM kR^itvA keshavArjunayormR^idhe . 
si.nhavannadata prItAH shokakAla upasthite .. 57..\\
AgamiShyati vaH kShipraM phalaM pApasya karmaNaH . 
adharmo hi kR^itastIvraH katha.n syAdaphalash chiram .. 58..\\
iti tAnrapti bhAShanvai vaishyAputro mahAmatiH . 
apAyAchchhastramutsR^ijya kopaduHkhasamanvitaH .. 59..\\
kimarthametannAkhyAta.n tvayA kR^iShNa raNe mama . 
adhakShya.n tAnaha.n sarvA.nstadA krUrAnmahArathAn .. 60..\\
nigR^ihya vAsudevastaM putrAdhibhirabhiplutam . 
maivamityabravItkR^iShNastIvrashokasamanvitam .. 61..\\
sarveShAmeSha vai panthAH shUrANAmanivartinAm . 
kShatriyANA.n visheSheNa yeShAM yuddhena jIvikA .. 62..\\
eShA vai yudhyamAnAnA.n shUrANAmanivartinAm . 
vihitA dharmashAstraGYairgatirgatimatA.n vara .. 63..\\
dhruva.n yuddhe hi maraNaM shUrANAmanivartinAm . 
gataH puNyakR^itA.n lokAnabhimanyurna saMshayaH .. 64..\\
etachcha sarvavIrANA.n kA~NkShitaM bharatarShabha . 
sa~NgrAme.abhimukhA mR^ityuM prapnuyAmeti mAnada .. 65..\\
sa cha vIrAnraNe hatvA rAjaputrAnmahAbalAn . 
vIrairAkA~NkShitaM mR^ityu.n samprApto.abhimukho raNe .. 66..\\
mA shuchaH puruShavyAghra pUrvaireSha sanAtanaH . 
dharmakR^idbhiH kR^ito dharmaH kShatriyANA.n raNe kShayaH .. 67..\\
ime te bhrAtaraH sarve dInA bharatasattama . 
tvayi shokasamAviShTe nR^ipAshcha suhR^idastava .. 68..\\
etA.nstva.n vachasA sAmnA samAshvAsaya mAnada . 
vidita.n veditavya.n te na shokaM kartumarhasi .. 69..\\
evamAshvAsitaH pArthaH kR^iShNenAdbhuta karmaNA . 
tato.abravIttadA bhrAtR^InsarvAnpArthaH sagadgadAn .. 70..\\
sa dIrghabAhuH pR^ithva.nso dIrgharAjIva lochanaH . 
abhimanyuryathAvR^ittaH shrotumichchhAmyaha.n tathA .. 71..\\
sa nAgasyandanahayAndrakShyadhvaM nihatAnmayA . 
sa~NgrAme sAnubandhA.nstAnmama putrasya vairiNaH .. 72..\\
katha.n cha vaH kR^itAstrANA.n sarveShAM shastrapANinAm . 
saubhadro nidhana.n gachchhedvajriNApi samAgataH .. 73..\\
yadyevamahamaGYAsyamashaktAnrakShaNe mama . 
putrasya pANDupA~nchAlAnmayA gupto bhavettataH .. 74..\\
katha.n cha vo rathasthAnA.n sharavarShANi mu~nchatAm . 
nIto.abhimanyurnidhana.n kadarthI kR^ityavaH paraiH .. 75..\\
aho vaH pauruShaM nAsti na cha vo.asti parAkramaH . 
yatrAbhimanyuH samare pashyatA.n vo nipAtitaH .. 76..\\
AtmAnameva garheya.n yadahaM vaH sudurbalAn . 
yuShmAnAGYAya niryAto bhIrUnakR^itanishramAn .. 77..\\
Aho svidbhUShaNArthAya varma shastrAyudhAni vaH . 
vAchashcha vaktu.n sa.nsatsu mama putramarakShatAm .. 78..\\
evamuktvA tato vAkya.n tiShThaMshchApavarAsimAn . 
na smAshakyata bIbhatsuH kena chitprasamIkShitum .. 79..\\
tamantakamiva kruddhaM niHshvasantaM muhurmuhuH . 
putrashokAbhisantaptamashrupUrNamukha.n tadA .. 80..\\
nAbhibhAShTu.n shaknuvanti draShTuM vA suhR^ido.arjunam . 
anyatra vAsudevAdvA jyeShTAdvA pANDunandanAt .. 81..\\
sarvAsvavasthAsu hitAvarjunasya mano.anugau . 
bahumAnAtpriyatvAchcha tAvena.n vaktumarhataH .. 82..\\
tatastaM putrashokena bhR^ishaM pIDita mAnasam . 
rAjIvalochana.n kruddha.n rAjA vachanamabravIt .. 83..\\
\medskip\hrule\medskip\centerline{\Largedvng 51}
 y

tvayi yAte mahAbAho saMshaptakabalaM prati . 
prayatnamakarottIvramAchAryo grahaNe mama .. 1..\\
vyADhAnIka.n vaya.n droNaM varayAmaH sma sarvashaH . 
prativyUhya rathAnIka.n yatamAna.n tathA raNe .. 2..\\
sa vAryamANo rathibhI rakShitena mayA tathA . 
asmAnapi jaghAnAshu pIDayannishitaiH sharaiH .. 3..\\
te pIDyamAnA droNena droNAnIkaM na shaknumaH . 
prativIkShitumapyAjau bhettu.n tatkuta eva tu .. 4..\\
vaya.n tvapratima.n vIrye sarve saubhadramAtmajam . 
uktavantaH sma te tAta bhindhyanIkamiti prabho .. 5..\\
sa tathA chodito.asmAbhiH sadashva iva vIryavAn . 
asahyamapi taM bhAra.n voDhumevopachakrame .. 6..\\
sa tavAstropadeshena vIryeNa cha samanvitaH . 
prAvishattadbalaM bAlaH suparNa iva sAgaram .. 7..\\
te.anuyAtA vaya.n vIraM sAtvatI putramAhave . 
praveShTu kAmAstenaiva yena sa prAvishachchamUm .. 8..\\
tataH saindhavako rAjA kShudrastAta jayadrathaH . 
varadAnena rudrasya sarvAnnaH samavArayat .. 9..\\
tato droNaH kR^ipaH karNo drauNishcha sa bR^ihadbalaH . 
kR^itavarmA cha saubhadra.n ShaDrathAH paryavArayan .. 10..\\
parivArya tu taiH sarvairyudhi bAlo mahArathaiH . 
yatamAnaH para.n shaktyA bahubhirvirathI kR^itaH .. 11..\\
tato dauHshAsaniH kShipra.n tathA tairvirathI kR^itam . 
saMshayaM paramaM prApya diShTAntenAbhyayojayat .. 12..\\
sa tu hatvA sahasrANi dvipAshvarathasAdinAm . 
rAjaputra shata.n chAgrya.n vIrAMshchAlakShitAnbahUn .. 13..\\
bR^ihadbala.n cha rAjAna.n svargeNAjau prayojya ha . 
tataH paramadharmAtmA diShTAntamupajagmivAn .. 14..\\
etAvadeva nirvR^ittamasmAka.n shokavardhanam . 
sa chaivaM puruShavyAghraH svargalokamavAptavAn .. 15..\\

 s

tato.arjuno vachaH shrutvA dharmarAjena bhAShitam . 
hA putra iti niHshvasya vyathito nyapatadbhuvi .. 16..\\
viShaNNavadanAH sarve parigR^ihya dhana~njayam . 
netrairanimiShairdInAH pratyavekShanparasparam .. 17..\\
pratilabhya tataH sa~nj~nA.n vAsaviH krodhamUrchhitaH . 
kampamAno jvareNeva niHshvasaMshcha muhurmuhuH .. 18..\\
pANiM pANau viniShpiShya shvasamAno.ashrunetravAn . 
unmatta iva viprekShannida.n vachanamabravIt .. 19..\\
satya.n vaH pratijAnAmi shvAsti hantA jayadratham . 
na chedvadhabhayAdbhIto dhartarAShTrAnprahAsyati .. 20..\\
na chAsmA~nsharaNa.n gachchhetkR^iShNa.n vA puruShottamam . 
bhavanta.n vA mahArAja shvo.asmi hantA jayadratham .. 21..\\
dhArtarAShTra priyakaraM mayi vismR^ita sauhR^idam . 
pApaM bAlavadhe hetu.n shvo.asmi hantA jayadratham .. 22..\\
rakShamANAshcha ta.n sa~Nkhye ye mAM yotsyanti ke chana . 
api droNa kR^ipau vIrau chhAdayiShyAmi tA~nsharaiH .. 23..\\
yadyetadeva.n sa~NgrAme na kuryAM puruSharShabhAH . 
mA sma puNyakR^itA.n lokAnprApnuyAM shUra saMmatAn .. 24..\\
ye lokA mAtR^ihantR^INA.n ye chApi pitR^ighAtinAm . 
guru dAragAminA.n ye cha pishunAnA.n cha ye tathA .. 25..\\
sAdhUnasUyatA.n ye cha ye chApi parivAdinAm . 
ye cha nikShepa hartR^INA.n ye cha vishvAsaghAtinAm .. 26..\\
bhuktapUrvA.n striyaM ye cha nindatAmagha sha.nsinAm . 
brahmaghnAnA.n cha ye lokA ye cha goghAtinAm api .. 27..\\
pAyasa.n vA yavAnnaM vA shAka.n kR^isarameva vA . 
sa.nyAvApUpa mA.nsAni ye cha lokA vR^ithAshnatAm . 
tAnahnaivAdhigachchheyaM na cheddhanyA.n jayadratham .. 28..\\
vedAdhyAyinamatyartha.n saMshitaM vA dvijottamam . 
avamanyamAno yAnyAti vR^iddhAnsAdhU.nstathA gurUn .. 29..\\
spR^ishatAM brAhmaNa.n gAM cha pAdenAgniM cha yA.n labhet . 
yApsu shreShma purISha.n vA mUtraM vA mu~nchatA.n gatiH . 
tA.n gachchheyaM gatiM ghorAM na cheddhanyAM jayadratham .. 30..\\
nagnasya snAyamAnasya yA cha vandhyAtithergatiH . 
utkochinAM mR^iShoktInA.n va~nchakAnA.n cha yA gatiH . 
AtmApahAriNA.n yA cha yA cha mithyAbhisha.nsinAm .. 31..\\
bhR^ityaiH sandR^ishyamAnAnAM putradArAshritaistathA . 
asa.nvibhajya kShudrANA.n yA gatirmR^iShTamashnatAm . 
tA.n gachchheyaM gatiM ghorAM na cheddhanyAM jayadratham .. 32..\\
saMshrita.n vApi yastyaktvA sAdhu.n tadvachane ratam . 
na bibharti nR^isha.nsAtmA nindate chopakAriNam .. 33..\\
arhate prAtiveshyAya shrAddha.n yo na dadAti cha . 
anarhate cha yo dadyAdvR^iShalI patyureva cha .. 34..\\
madyapo bhinnamaryAdaH kR^itaghno bhrAtR^inindakaH . 
teShA.n gatimiyAM kShipraM na cheddhanyAM jaradratham .. 35..\\
dharmAdapetA ye chAnye mayA nAtrAnukIrtitAH . 
ye chAnukIrtitAH kShipra.n teShAM gatimavApnuyAm . 
yadi vyuShTAmimA.n rAtriM shvo na hanyA.n jayadratham .. 36..\\
imA.n chApyaparAM bhUyaH pratiGYAM me nibodhata . 
yadyasminnahate pApe sUryo.astamupayAsyati . 
ihaiva sampraveShTAha.n jvalitaM jAtavedasam .. 37..\\
asurasuramanuShyAH pakShiNo voragA vA 
pitR^iraja nicharA vA brahma devarShayo vA . 
charamacharamapIda.n yatpara.n chApi tasmAt 
tadapi mama ripu.n rakShituM naiva shaktAH .. 38..\\
yadi vishati rasAtala.n tadagryaM 
viyadapi devapura.n diteH pura.n vA . 
tadapi sharashatairahaM prabhAte 
bhR^ishamabhipatya ripoH shiro.abhihartA .. 39..\\
evamuktvA vichikShepa gANDIva.n savyadakShiNam . 
tasya shabdamatikramya dhanuH shabdo.aspR^ishaddivam .. 40..\\
arjunena pratiGYAte prA~nchajanya.n janArjanaH . 
pradadhmau tatra sa~Nkruddho devadatta.n dhana~njayaH .. 41..\\
sa pA~nchajanyo.achyutavaktravAyunA 
bhR^isha.n suparNodara niHsR^ita dhvaniH . 
jagatsa pAtAlaviyaddigIshvaraM 
prakampayAmAsa yugAtyaye yathA .. 42..\\
tato vAditraghoShAshcha prAdurAsansamantataH . 
si.nhanAdAshcha pANDUnAM pratiGYAte mahAtmanA .. 43..\\
\medskip\hrule\medskip\centerline{\Largedvng 52}
 s

shrutvA tu taM mahAshabdaM pANDUnAM putragR^iddhinAm . 
chAraiH pravedite tatra samutthAya jayadrathaH .. 1..\\
shokasaMmUDhahR^idayo duHkhenAbhihato bhR^isham . 
majjamAna ivAgAdhe vipule shokasAgale .. 2..\\
jagAma samiti.n rAGYAM saindhavo vimR^ishanbahu . 
sa teShAM naradevAnA.n sakAshe paridevayan .. 3..\\
abhimanyoH piturbhItaH savrIDo vAkyamabravIt . 
yo.asau pANDoH kila kShetre jAtaH shakreNa kAminA .. 4..\\
sa ninIShati durbuddhirmA.n kilaika.n yamakShayam . 
tastvasti vo.astu yAsyAmi svagR^iha.n jIvitepsayA .. 5..\\
atha vA stha pratibalAstrAtuM mA.n kShatriyarShabhAH . 
pArthena prArthita.n vIrAste dadantu mamAbhayam .. 6..\\
droNaduryodhanakR^ipAH karNamadreshabAhlikAH . 
duHshAsanAdayaH shaktAstrAtumapyantakAdritam .. 7..\\
kima~Ngapunarekena phalgunena jighA.nsatA . 
na trAyeyurbhavanto mA.n samastAH patayo kShiteH .. 8..\\
praharShaM pANDaveyAnA.n shrutvA mama mahadbhayam . 
sIdantIva cha me.a~NgAni mumUrShoriva pArthivAH .. 9..\\
vadho nUnaM pratiGYAto mama gANDIvadhanvanA . 
tathA hi hR^iShTAH kroshanti shokakAle.api pANDavAH .. 10..\\
na devA na cha gandharvA nAshuroraga rAkShasAH . 
utsahante.anyathA kartu.n kuta eva narAdhipAH .. 11..\\
tasmAnmAmanujAmIta bhadra.n vo.astu nararShabhAH . 
adarshana.n gamiShyAmi na mAM drakShyanti pANDavAH .. 12..\\
eva.n vilapamAna.n taM bhayAdvyAkulachetasam . 
AtmakAryagarIyastvAdrAjA duryodhano.abravIt .. 13..\\
na bhetavyaM naravyAghra ko hi tvA puruSharShabha . 
madhye kShatriya vIrANA.n tiShThantaM prArthayedyudhi .. 14..\\
aha.n vaikartanaH karNashchitraseno viviMshatiH . 
bhUrishravAH shalaH shalyo vR^iShaseno durAsadaH .. 15..\\
purumitro jayo bhojaH kAmbojashcha sudakShiNaH . 
satyavrato mahAbAhurvikarNo durmukhaH sahaH .. 16..\\
duHshAsanaH subAhushcha kali~NgashchApyudAyudhaH . 
vindAnuvindAvAvantyau droNo drauNiH sa saubalaH .. 17..\\
tva.n chApi rathinA.n shreShThaH svayaM shUro.amitadyutiH . 
sa kathaM pANDaveyebhyo bhayaM pashyasi saindhava .. 18..\\
akShauhiNyo dashaikA cha madIyAstava rakShaNe . 
yattA yotsyanti mAM bhaistva.n saindhava vyetu te bhayam .. 19..\\
evamAshvAsito rAjanputreNa tava saindhavaH . 
duryodhanena sahito droNa.n rAtrAvupAgamat .. 20..\\
upasa~NgrahaNa.n kR^itvA droNAya sa vishAM pate . 
upopavishya praNataH paryapR^ichchhadida.n tadA .. 21..\\
nimitte dUrapAtitve laghutve dR^iDhavedhane . 
mama bravItu bhagavAnvisheShaM phalgunasya cha .. 22..\\
vidyA visheShamichchhAmi GYAtumAchArya tattvataH . 
mamArjunasya cha vibho yathAtattvaM prachakShva me .. 23..\\

 drn

samamAchAryaka.n tAta tava chaivArjunasya cha . 
yogAdduHkhochitatvAchcha tasmAttvatto.adhiko.arjunaH .. 24..\\
na tu te yudhi santrAsaH kAryaH pArthAtkatha.n chana . 
aha.n hi rakShitA tAta bhayAttvAM nAtra saMshayaH .. 25..\\
na hi madbAhuguptasya prabhavantyamarA api . 
vyUhiShyAmi cha ta.n vyUhaM yaM pArtho na tariShyati .. 26..\\
tasmAdyudhyasva mA bhaistva.n svadharmamanupAlaya . 
pitR^ipaitAmahaM mArgamanuyAhi narAdhipa .. 27..\\
adhItya vidhivadvedAnagnayaH suhutAstvayA . 
iShTa.n cha bahubhiryaGYairna te mR^ityubhayAdbhayam .. 28..\\
durlabhaM mAnuShairmandairmahAbhAgyamavApya tu . 
bhujavIryArjitA.NllokAndivyAnprApsyasyanuttamAn .. 29..\\
kuravaH pANDavAshchaiva vR^iShNayo.anye cha mAnavAH . 
aha.n cha saha putreNa adhruvA iti chintyatAm .. 30..\\
paryAyeNa vaya.n sarve kAlena balinA hatAH . 
paraloka.n gamiShyAmaH svaiH svaiH karmabhiranvitAH .. 31..\\
tapastaptvA tu yA.NllokAnprApnuvanti tapasvinaH . 
kShatradharmAshritAH shUrAH kShatriyAH prApnuvanti tAn .. 32..\\

 s

evamAshvAsito rAjanbhAradvAjena saindhavaH . 
apAnudadbhayaM pArthAdyuddhAya cha mano dadhe .. 33..\\
\medskip\hrule\medskip\centerline{\Largedvng 53}
 s

pratiGYAte tu pArthena sindhurAjavadhe tadA . 
vAsudevo mahAbAhurdhana~njayamabhAShata .. 1..\\
bhrAtR^INAM matamAGYAya tvayA vAchA pratishrutam . 
saindhava.n shvo.asmi hanteti tatsAhasatama.n kR^itam .. 2..\\
asaMmantrya mayA sArdhamatibhAro.ayamudyataH . 
kathaM nu sarvalokasya nAvahAsyA bhavemahi .. 3..\\
dhArtarAShTrasya shibire mayA praNihitAshcharAH . 
ta ime shIghramAgamya pravR^itti.n vedayanti naH .. 4..\\
tvayA vai sampratiGYAte sindhurAjavadhe tadA . 
si.nhanAdaH sa vAditraH sumahAniha taiH shrutaH .. 5..\\
tena shabdena vitrastA dhArtarAShTrAH sa saindhavAH . 
nAkasmAtsi.nhanAdo.ayamiti matvA vyavasthitAH .. 6..\\
sumahA~nshabdasampAtaH kauravANAM mahAbhuja . 
AsInnAgAshvapattInA.n rathaghoShashcha bhairavaH .. 7..\\
abhimanyuvadha.n shrutvA dhruvamArto dhana~njayaH . 
rAtrau niryAsyati krodhAditi matvA vyavasthitAH .. 8..\\
tairyatadbhiriya.n satyA shrutA satyavatastava . 
pratiGYA sindhurAjasya vadhe rAjIvalochana .. 9..\\
tato vimanasaH sarve trastAH kShudramR^igA iva . 
AsansuyodhanAmAtyAH sa cha rAjA jayadrathaH .. 10..\\
athotthAya sahAmAtyairdInaH shibiramAtmanaH . 
AyAtsauvIrasindhUnAmIshvaro bhR^ishaduHkhitaH .. 11..\\
sa mantrakAle saMmantrya sarvA naiHshreyasIH kriyAH . 
suyodhanamida.n vAkyamabravIdrAjasa.nsadi .. 12..\\
mAmasau putra hanteti shvo.abhiyAtA dhana~njayaH . 
pratiGYAto hi senAyA madhye tena vadho mama .. 13..\\
tAM na devA na gandharvA nAsuroraga rAkShasAH . 
utsahante.anyathA kartuM pratiGYA.n savyasAchinaH .. 14..\\
te mA.n rakShata sa~NgrAme mA vo mUrdhni dhana~njayaH . 
pada.n kR^itvApnuyAllakShyaM tasmAdatra vidhIyatAm .. 15..\\
atha rakShA na me sa~Nkhye kriyate kurunandana . 
anujAnIhi mA.n rAjangamiShyAmi gR^ihAnprati .. 16..\\
evamuktastvavAkshIrSho vimanAH sa suyodhanaH . 
shrutvAbhishaptavanta.n tvAM dhyAnamevAnvapadyata .. 17..\\
tamArtamabhisamprekShya rAjA kila sa saindhavaH . 
mR^idu chAtmahita.n chaiva sApekShamidamuktavAn .. 18..\\
nAhaM pashyAmi bhavatA.n tathA vIryaM dhanurdharam . 
yo.arjunasyAstramastreNa pratihanyAnmahAhave .. 19..\\
vAsudevasahAyasya gANDIva.n dhunvato dhanuH . 
ko.arjunasyAgratastiShThetsAkShAdapi shatakratuH .. 20..\\
maheshvaro.api pArthena shrUyate yodhitaH purA . 
padAtinA mahAtejA girau himavati prabhuH .. 21..\\
dAnavAnA.n sahasrANi hiraNyapuravAsinAm . 
jaghAnekarathenaiva devarAjaprachoditaH .. 22..\\
samAyukto hi kauneyo vAsudevena dhImatA . 
sAmarAnapi lokA.nstrInnihanyAditi me matiH .. 23..\\
so.ahamichchhAmyanuGYAtu.n rakShituM vA mahAtmanA . 
droNena saha putreNa vIreNa yadi mansyase .. 24..\\
sa rAGYA svayamAchAryo bhR^ishamAkrandito.arjuna . 
sa.nvidhAna.n cha vihita.n rathAshcha kila sajjitAH .. 25..\\
karNo bhUrishravA drauNirvR^iShasenashcha durjayaH . 
kR^ipashcha madrarAjashcha ShaDete.asya purogamAH .. 26..\\
shakaTaH padmapashchArdho vyUho droNena kalpitaH . 
padmakarNikamadhyasthaH sUchI pAshe jayadrathaH . 
sthAsyate rakShito vIraiH sindhurADyuddhadurmadaiH .. 27..\\
dhanuShyastre cha vIrye cha prANe chaiva tathorasi . 
aviShahyatamA hyete nishchitAH pArtha ShaDrathAH . 
etAnajitvA sagaNAnnaiva prApyo jayadrathaH .. 28..\\
teShAmekaikasho vIrya.n ShaNNA.n tvamanuchintaya . 
sahitA hi naravyAghrA na shakyA jetuma~njasA .. 29..\\
bhUyashcha chintayiShyAmi nItimAtmahitAya vai . 
mantraGYaiH sachivaiH sArdha.n suhR^idbhiH kAryasiddhaye .. 30..\\

 arj

ShaDrathAndhArtarAShTrasya manyase yAnbalAdhikAn . 
teShA.n vIryaM mamArdhena na tulyamiti lakShaye .. 31..\\
astramastreNa sarveShAmeteShAM madhusUdana . 
mayA drakShyasi nirbhinna.n jayadrathavadhaiShiNA .. 32..\\
droNasya miShataH so.aha.n sagaNasya vilapsyataH . 
mUrdhAna.n sindhurAjasya pAtayiShyAmi bhUtale .. 33..\\
yadi sAdhyAshcha rudrAshcha vasavashcha sahAshvinaH . 
marutashcha sahendreNa vishve devAstathAsurAH .. 34..\\
pitaraH saha gandharvAH suparNAH sAgarAdrayaH . 
dyaurviyatpR^ithivI cheya.n dishashcha sa digIshvarAH .. 35..\\
grAmyAraNyAni bhUtAni sthAvarANi charANi cha . 
trAtAraH sindhurAjasya bhavanti madhusUdana .. 36..\\
tathApi bANairnihata.n shvo draShTAsi raNe mayA . 
satyena te shape kR^iShNa tathaivAyudhamAlabhe .. 37..\\
yashcha goptA maheShvAsastasya pApasya durmateH . 
tameva prathama.n droNamabhiyAsyAmi keshava .. 38..\\
tasmindyUtamidaM baddhaM manyate sma suyodhanaH . 
tasmAttasyaiva senAgraM bhittvA yAsyAmi saindhavam .. 39..\\
draShTAsi shvo maheShvAsAnnArAchaistigmatejanaiH . 
shR^i~NgANIva girervarjairdAryamANAnmayA yudhi .. 40..\\
naranAgAshvadehebhyo visraviShyati shoNitam . 
patadbhyaH patitebhyashcha vibhinnebhyaH shitaiH sharaiH .. 41..\\
gANDIvapreShitA bANA mano.anilasamA jave . 
nR^inAgAshvAnvidehAsUnkartArashcha sahasrashaH .. 42..\\
yamAtkuberAdvaruNAdrudrAdindrAchcha yanmayA . 
upAttamastra.n ghora.n vai taddraShTAro narA yudhi .. 43..\\
brAhmeNAstreNa chAstrANi hanyamAnAni sa.nyuge . 
mayA draShTAsi sarveShA.n saindhavasyAbhirakShiNAm .. 44..\\
sharavegasamutkR^ittai rAGYA.n keshava mUrdhabhiH . 
AstIryamANAM pR^ithivI.n draShTAsi shvo mayA yudhi .. 45..\\
kravyAdA.nstarpayiShyAmi drAvayiShyAmi shAtravAn . 
suhR^ido nandayiShyAmi pAtayiShyAmi saindhavam .. 46..\\
bahvAgaskR^itkusambandhI pApadeshasamudbhavaH . 
mayA saindhavako rAjA hataH svA~nshochayiShyati .. 47..\\
sarvakShIrAnna bhoktAraH pApAchArA raNAjire . 
mayA sarAjakA bANairnunnA na~NkShyanti saindhavAH .. 48..\\
tathA prabhAte kartAsmi yathA kR^iShNa suyodhanaH . 
nAnya.n dhanurdhara.n loke ma.nsyate matsamaM yudhi .. 49..\\
gANDIva.n cha dhanurdivya.n yoddhA chAhaM nararShabha . 
tva.n cha yantA hR^iShIkesha kiM nu syAdajitaM mayA .. 50..\\
yathA hi lakShma chandre vai samudre cha yathA jalam . 
evametAM pratiGYAM me satyA.n viddhi janArdana .. 51..\\
mAvama.nsthA mamAstrANi mAvama.nsthA dhanurdR^iDham . 
mAvama.nsthA balaM bAhvormAvama.nsthA dhana~njayam .. 52..\\
yathA hi yAtvA sa~NgrAme na jIye vijayAmi cha . 
tena satyena sa~NgrAme hata.n viddhi jayadratham .. 53..\\
dhruva.n vai brAhmaNe satya.n dhruvA sAdhuShu saMnatiH . 
shrIrdhruvA chApi dakSheShu dhruvo nArAyaNe jayaH .. 54..\\

 s

evamuktvA hR^iShIkesha.n svayamAtmAnamAtmanA . 
sandideshArjuno nardanvAsaviH keshavaM prabhum .. 55..\\
yathA prabhAtA.n rajanI.n kalpitaH syAdratho mama . 
tathA kArya.n tvayA kR^iShNa kArya.n hi mahadudyatam .. 56..\\
\medskip\hrule\medskip\centerline{\Largedvng 54}
 s

tAM nishA.n duHkhashokArtau shvasantAviva choragau . 
nidrAM naivopalebhAte vAsudevadhana~njayau .. 1..\\
naranArAyaNau kruddhau GYAtvA devAH savAsavAH . 
vyathitAshchintayAmAsuH ki.n kvidetadbhaviShyati .. 2..\\
vavushcha dAruNA vAtA rUkShA gorAbhisha.nsinaH . 
sa kabandhastathAditye parighaH samadR^ishyata .. 3..\\
shuShkAshanyashcha niShpetuH sa nirghAtAH sa vidyutaH . 
chachAla chApi pR^ithivI sa shailavanakAnanA .. 4..\\
chukShubhushcha mahArAja sAgarA makarAlayAH . 
pratisrotaH pravR^ittAshcha tathA gantu.n samudragAH .. 5..\\
rathAshvanaranAgAnAM pravR^ittamadharottaram . 
kravyAdAnAM pramodArtha.n yama rAShTravivR^iddhaye .. 6..\\
vAhanAni shakR^inmUtre mumuchU rurudush cha ha . 
tAndR^iShTvA dAruNAnsarvAnutpAtA.NllomaharShaNAn .. 7..\\
sarve te vyathitAH sainyAstvadIyA bharatarShabha . 
shrutvA mahAbalasyogrAM pratiGYA.n savyasAchinaH .. 8..\\
atha kR^iShNaM mahAbAhurabravItpAkashAsaniH . 
AshvAsaya subhadrA.n tvaM bhaginI.n snuShayA saha .. 9..\\
snuShA shvashvrAnaghAyaste vishoke kuru mAdhava . 
sAmnA satyena yuktena vachasAshvasaya prabho .. 10..\\
tato.arjuna gR^iha.n gatvA vAsudevaH sudurmanAH . 
bhaginIM putrashokArtAmAshvAsayata duHkhitAm .. 11..\\
mA.n shoka.n kuru vArShNeyi kumAraM prati sa snuShA . 
sarveShAM prANinAM bhIru niShThaiShA kAlanirmitA .. 12..\\
kule jatasya vIrasya kShatriyasya visheShataH . 
sadR^ishaM maraNa.n hyetattava putrasya mA shuchaH .. 13..\\
diShTyA mahAratho vIraH pitustulyaparAkramaH . 
kShAtreNa vidhinA prApto vIrAbhilasitA.n gatim .. 14..\\
jitvA subahushaH shatrUnpreShayitvA cha mR^ityave . 
gataH puNyakR^itA.n lokAnsarvakAmaduho.akShayAn .. 15..\\
tapasA brahmacharyeNa shrutena praGYayApi cha . 
santo yA.n gatimichchhanti prAptastAM tava putrakaH .. 16..\\
vIrasUrvIra patnI tva.n vIra shvashura bAndhavA . 
mA shuchastanayaM bhadre gataH sa paramA.n gatim .. 17..\\
prApsyate chApyasau kShudraH saindhavo bAla ghAtakaH . 
asyAvalepasya phala.n sasuhR^idgaNabAndhavaH .. 18..\\
vyuShTAyA.n tu varArohe rajanyAM pApakarmakR^it . 
na hi mokShyati pArthAtsa praviShTo.apyamarAvatIm .. 19..\\
shvaH shiraH shroShyase tasya saindhavasya raNe hR^itam . 
samantapa~nchakAdbAhya.n vishokA bhava mA rudaH .. 20..\\
kShatradharmaM puraskR^itya gataH shUraH satA.n gatim . 
yA.n vayaM prApnuyAmeha ye chAnye shastrajIvinaH .. 21..\\
vyUDhorasko mahAbAhuranivartI varapraNut . 
gatastava varArohe putraH svarga.n jvaraM jahi .. 22..\\
anu jAtashcha pitaraM mAtR^ipakSha.n cha vIryavAn . 
sahasrasho ripUnhatvA hataH shUro mahArathaH .. 23..\\
AshvAsaya snuShA.n rAGYi mA shuchaH kShatriye bhR^iSham . 
shvaH priya.n sumahachchhrutvA vishokA bhava nandini .. 24..\\
yatpArthena pratiGYAta.n tattathA na tadanyathA . 
chikIrShita.n hi te bharturna bhavejjAtu niShphalam .. 25..\\
yadi cha manujapannagAH pishAchA 
rajanicharAH patagAH surAsurAsh cha . 
raNagatamabhiyAnti sindhurAjaM 
na sa bhavitA saha tairapi prabhAte .. 26..\\
\medskip\hrule\medskip\centerline{\Largedvng 55}
 s

etachchhrutvA vachastasya keshavasya mahAtmanaH . 
subhadrA putrashokArtA vilalApa suduHkhitA .. 1..\\
hA putra mama mandAyAH katha.n sa.nyugametya ha . 
nidhanaM prAptavA.nstAta pitR^itulyaparAkramaH .. 2..\\
kathamindIvarashyAma.n sudaMShTra.n chArulochanam . 
mukha.n te dR^ishyate vatsa guNThita.n raNareNunA .. 3..\\
nUna.n shUraM nipatita.n tvAM pashyantyanivartinam . 
sushiro grIva bAhva.nsa.n vyUDhoraskaM nirUdaram .. 4..\\
chArUpachita sarvA~Nga.n svakShaM shastrakShatAchitam . 
bhUtAni tvA nirIkShante nUna.n chandramivoditam .. 5..\\
shayanIyaM purA yasya spardhyAstaraNa sa.nvR^itam . 
bhUmAvadya katha.n sheShe vipra viddhaH sukhochitaH .. 6..\\
yo.anvAsyata purA vIro varastrIbhirmahAbhujaH . 
kathamanvAsyate so.adya shivAbhiH patito mR^idhe .. 7..\\
yo.astUyata purA hR^iShTaiH sUtamAgadhabandibhiH . 
so.adya kravyAdgaNairghorairvinadadbhirupAsyate .. 8..\\
pANDaveShu cha nAtheShu vR^iShNivIreShu chAbhibho . 
pA~nchAleShu cha vIreShu hataH kenAsyanAthavat .. 9..\\
atR^ipta darshanA putradarshanasya tavAnagha . 
mandabhAgyA gamiShyAmi vyaktamadya yamakShayam .. 10..\\
vishAlAkSha.n sukeshAnta.n chAru vAkyaM sugandhi cha . 
tava putra kadA bhUyo mukha.n drakShyAmi nirvraNam .. 11..\\
dhigbalaM bhImasenasya dhikpArthasya dhanuShmatAm . 
dhigvIrya.n vR^iShNivIrANAM pA~nchAlAnA.n cha dhigbalam .. 12..\\
dhikkekayA.nstathA chedInmatsyAMshchaivAtha sR^i~njayAn . 
ye tvA raNe gata.n vIraM na jAnanti nipAtitam .. 13..\\
adya pashyAmi pR^ithivI.n shUnyAmiva hatatviSham . 
abhimanyumapashyantI shokavyAkula lochanA .. 14..\\
svasrIya.n vAsudevasya putra.n gANDIvadhanvanaH . 
katha.n tvA viratha.n vIraM drakShyAmyanyairnipAtitam .. 15..\\
hA vIra dR^iShTo naShTashcha dhana.n svapna ivAsi me . 
aho hyanityaM mAnuShya.n jalabudbuda cha~nchalam .. 16..\\
imA.n te taruNIM bhAryAM tvadAdhibhirabhiplutAm . 
katha.n sandhArayiShyAmi vivatsAmiva dhenukAm .. 17..\\
aho hyakAle prasthAna.n kR^itavAnasi putraka . 
vihAya phalakAle mA.n sugR^iddhA.n tava darshane .. 18..\\
nUna.n gatiH kR^itAntasya prAGYairapi sudurvidA . 
yatra tva.n keshave nAthe sa~NgrAme.anAthavaddhataH .. 19..\\
yajvanA.n dAnashIlAnAM brAhmaNAnAM kR^itAtmanAm . 
charitabrahma charyANAM puNyatIrthAvagAhinAm .. 20..\\
kR^itaGYAnA.n vadAnyAnA.n gurushushrUShiNAm api . 
sahasradakShiNAnA.n cha yA gatistAmavApnuhi .. 21..\\
yA gatiryudhyamAnAnA.n shUrANAmanivartinAm . 
hatvArInnihatAnA.n cha sa~NgrAme tAM gati.n vraja .. 22..\\
gosahasrapradAtR^INA.n kratudAnAM cha yA gatiH . 
naiveshika.n chAbhimataM dadatA.n yA gatiH shubhA .. 23..\\
brahmacharyeNa yA.n yAnti munayaH saMshitavratA . 
ekapatnyashcha yA.n yAnti tA.n gatiM vraja putraka .. 24..\\
rAGYA.n sucharitairyA cha gatirbhavati shAshvatI . 
chaturAshramiNAM puNyaiH pAvitAnA.n surakShitaiH .. 25..\\
dInAnukampinA.n yA cha satataM sa.nvibhAginAm . 
paishunyAchcha nivR^ittAnA.n tAM gati.n vraja putraka .. 26..\\
vratinA.n dharmashIlAnAM gurushushrUShiNAm api . 
amoghAtithinA.n yA cha tA.n gatiM vraja putraka .. 27..\\
R^itukAle svakAM patnI.n gachchhatA.n yA manasvinAm . 
na chAnyadArasevInA.n tAM gati.n vraja putraka .. 28..\\
sAmnA ye sarvabhUtAni gachchhanti gatamatsarAH . 
nAruntudAnA.n kShamiNA.n yA gatistAmavApnuhi .. 29..\\
madhu mA.nsanivR^ittAnAM madAddambhAttathAnR^itAt . 
paropatApa tyaktAnA.n tAM gati.n vraja putraka .. 30..\\
hrImantaH sarvashAstraGYA GYAnatR^iptA jitendriyAH . 
yA.n gati.n sAdhavo yAnti tAM gatiM vraja putraka .. 31..\\
eva.n vilapatI.n dInAM subhadrAM shokakarshitAm . 
abhyapadyata pA~nchAlI vairAtI sahitA tadA .. 32..\\
tAH prakAma.n ruditvA cha vipalya cha suduHkhitAH . 
unmattavattadA rAjanvisa~nj~nA nyapatankShitau .. 33..\\
sopachArastu kR^iShNastA.n duHkhitAM bhR^ishaduHkhitaH . 
siktvAmbhasA samAshvAsya tattaduktvA hita.n vachaH .. 34..\\
visa~nj~nakalpA.n rudatImapaviddhAM pravepatIm . 
bhaginIM puNDarIkAkSha ida.n vachanamabravIt .. 35..\\
subhadre mA shuchaH putraM pA~nchAlyAshvAsayottarAm . 
gato.abhimanyuH prathitA.n gatiM kShatriya pu~NgavaH .. 36..\\
ye chAnye.api kule santi puruShA no varAnane . 
sarve te vai gati.n yAntu abhimanyoryashasvinaH .. 37..\\
kuryAma tadvaya.n karma kriyAsuH suhR^idashcha naH . 
kR^itavAnyAdR^igadyaikastava putro mahArathaH .. 38..\\
evamAshvAsya bhaginI.n draupadImapi chottarAm . 
pArthasyaiva mahAbAhuH pArshvamAgAdarindamaH .. 39..\\
tato.abhyanuGYAya nR^ipAnkR^iShNo bandhU.nstathAbhibhUH . 
viveshAntaHpura.n rAja.nste.anye jagmuryathAlayam .. 40..\\
\medskip\hrule\medskip\centerline{\Largedvng 56}
 s

tato.arjunasya bhavanaM pravishyApratima.n vibhuH . 
spR^iShTvAmbhaH puNDarIkAkShaH sthaNDile shubhalakShaNe . 
santastAra shubhA.n shayyA.n darbhairvaiDUrya saMnibhaiH .. 1..\\
tato mAlyena vidhivallAjairgandhaiH suma~NgalaiH . 
ala~ncakAra tA.n shayyAM parivAryAyudhottamaiH .. 2..\\
tataH spR^iShTodakaM pArtha.n vinItAH parichArakAH . 
darshayAM naityaka.n chakrurnaishaM traiyambakaM balim .. 3..\\
tataH prItamanAH pArtho gandhairmAlyaishcha mAdhavam . 
ala~NkR^ityopahAra.n ta naishamasmai nyavedayat .. 4..\\
smayamAnastu govindaH phalgunaM pratyabhAShata . 
supyatAM pArtha bhadra.n te kalyANAya vrajAmyaham .. 5..\\
sthApayitvA tato dvAHsthAngoptR^IMshchAttAyudhAnnarAn . 
dArukAnugataH shrImAnvivesha shibira.n svakam . 
shishye cha shayane shubhre bahu kR^itya.n vichintayan .. 6..\\
na pANDavAnA.n shibire kashchitsuShvApa tAM nishAm . 
prajAgaraH sarvajanamAvivesha vishAM pate .. 7..\\
putrashokAbhibhUtena pratiGYAto mahAtmanA . 
sahasA sindhurAjasya vadho gANDIvadhanvanA .. 8..\\
tatkathaM nu mahAbAhurvAsaviH paravIrahA . 
pratiGYA.n saphalA.n kuryAditi te samachintayan .. 9..\\
kaShTa.n hIdaM vyavasitaM pANDavena mahAmanA . 
putrashokAbhitaptena pratiGYA mahatI kR^itA .. 10..\\
bhrAtarashchApi vikrAntA bahulAni balAni cha . 
dhR^itarAShTrasya putreNa sarva.n tasmai niveditam .. 11..\\
sa hatvA saindhava.n sa~Nkhye punaretu dhana~njayaH . 
jitvA ripugaNAMshchaiva pArayatvarjuno vratam .. 12..\\
ahatvA sindhurAja.n hi dhUmaketuM pravekShyati . 
na hyetadanR^ita.n kartumarhaH pArtho dhana~njayaH .. 13..\\
dharmaputraH katha.n rAjA bhaviShyati mR^ite.arjune . 
tasminhi vijayaH kR^itsnaH pANDavena samAhitaH .. 14..\\
yadi naH sukR^ita.n kiM chidyadi datta.n hutaM yadi . 
phalena tasya sarvasya savyasAchI jayatvarIn .. 15..\\
eva.n kathayatAM teShAM jayamAsha.nsatAM prabho . 
kR^ichchhreNa mahatA rAjanrajanI vyatyavartata .. 16..\\
tasyA.n rajanyAM madhye tu pratibuddho janArdanaH . 
smR^itvA pratiGYAM pArthasya dArukaM pratyabhAShata .. 17..\\
arjunena pratiGYAtamArtena hatabandhunA . 
jayadratha.n haniShyAmi shvobhUta iti dAruka .. 18..\\
tattu druyodhanaH shrutvA mantribhirmantrayiShyati . 
yathA jayadrathaM pArtho na hanyAditi sa.nyuge .. 19..\\
akShauhiNyo hi tAH sarvA rakShiShyanti jayadratham . 
droNashcha saha putreNa sarvAstravidhipAragaH .. 20..\\
eko vIraH sahasrAkSho daityadAnava marditA . 
so.api taM notsahetAjau hantu.n droNena rakShitam .. 21..\\
so.aha.n shvastatkariShyAmi yathA kuntIsuto.arjunaH . 
aprApte.asta.n dinakare haniShyati jayadratham .. 22..\\
na hi dArA na mitrANi GYAtayo na cha bAndhavAH . 
kashchinnAnyaH priyataraH kuntIputrAnmamArjunAt .. 23..\\
anarjunamima.n lokaM muhUrtamapi dAruka . 
udIkShituM na shakto.ahaM bhavitA na cha tattathA .. 24..\\
aha.n dhvajinyaH shatrUNA.n sahayAH sa rathadvipAH . 
arjunArthe haniShyAmi sa karNAH sa suyodhanAH .. 25..\\
shvo nirIkShantu me vIrya.n trayo lokA mahAhave . 
dhana~njayArtha.n samare parAkrAntasya dAruka .. 26..\\
shvo narendra sahasrANi rAjaputra shatAnicha . 
sAshvadvipa rathAnyAjau vidraviShyanti dAruka .. 27..\\
shvastA.n chakrapramathitAM drakShyase nR^ipa vAhinIm . 
mayA kruddena samare pANDavArthe nipAtitAm .. 28..\\
shvaH sa devAH sa gandharvAH pishAchoragarAkShasAH . 
GYAsyanti lokAH sarve mA.n suhR^idaM savyasAchinaH .. 29..\\
yasta.n dveShTi sa mAM dveShTi yastamanu sa mAm anu . 
iti sa~NkalpyatAM buddhyA sharIrArdhaM mamArjunaH .. 30..\\
yathA tvamaprabhAtAyAmasyAM nishi rathottamam . 
kalpayitvA yathAshAstramAdAya vratasa.nyataH .. 31..\\
gadA.n kaumodakIM divyA.n shaktiM chakraM dhanuH sharAn . 
Aropya vai rathe sUta sarvopakaraNAni cha .. 32..\\
sthAna.n hi kalpayitvA cha rathopasthe dhvajasya me . 
vainateyasya vIrasya samare rathashobhinaH .. 33..\\
chhatra.n jAmbUnadairjAlairarkajvalana saMnibhaiH . 
vishvakarma kR^itairdivyairashvAnapi cha bhUShitAn .. 34..\\
balAhakaM meghapuShpa.n sainyaM sugrIvameva cha . 
yuktvA vAjivarAnyattaH kavachI tiShTha dAruka .. 35..\\
pA~nchajanyasya nirghoShamArShabheNaiva pUritam . 
shrutvA tu bhairavaM nAradmupayAyA javena mAm .. 36..\\
ekAhnAhamamarSha.n cha sarvaduHkhAni chaiva ha . 
bhrAtuH pitR^iShvaseyasya vyapaneShyAmi dAruka .. 37..\\
sarvopAyairyatiShyAmi yathA bIbhatsurAhave . 
pashyatA.n dhArtarAShTrANA.n haniShyati jayadratham .. 38..\\
yasya yasya cha bIbhatsurvadhe yatna.n kariShyati . 
Asha.nse sArathe tatra bhavitAsya dhruvo jayaH .. 39..\\

 daaruka

jaya eva dhruvastasya kuta eva parAjayaH . 
yasya tvaM puruShavyAghra sArathyamupajagmivAn .. 40..\\
eva.n chaitatkariShyAmi yathA mAmanushAsasi . 
suprabhAtAmimA.n rAtri.n jayAya vijayasya hi .. 41..\\
\medskip\hrule\medskip\centerline{\Largedvng 57}
 s

kuntIputrastu taM mantra.n smaranneva dhana~njayaH . 
pratiGYAmAtmano rakShanmumohAchintya vikramaH .. 1..\\
ta.n tu shokena santapta.n svapne kapivaradhvajam . 
AsasAda mahAtejA dhyAyanta.n garuDa dhvajaH .. 2..\\
pratyutthAna.n tu kR^iShNasya sarvAvasthaM dhana~njayaH . 
nAlopayata dharmAtmA bhaktyA premNA cha sarvadA .. 3..\\
pratyutthAya cha govinda.n sa tasmAyAsana.n dadau . 
na chAsane svayaM buddhiM bIbhatsurvyadadhAttadA .. 4..\\
tataH kR^iShNo mahAtejA jAnanpArthasya nishchayam . 
kuntIputramida.n vAkyamAsInaH sthitamabravIt .. 5..\\
mA viShAde manaH pArtha kR^ithAH kAlo hi durjayaH . 
kAlaH sarvANi bhUtAni niyachchhati pare vidhau .. 6..\\
kimartha.n cha viShAdaste tadbrUhi vadatA.n vara . 
na shochitavya.n viduShA shokaH kAryavinAshanaH .. 7..\\
shochannandayate shatrUnkarshayatyapi bAndhavAn . 
kshIyate cha narastasmAnna tva.n shochitumarhasi .. 8..\\
ityukto vAsudevena bIbhatsuraparAjitaH . 
AbabhAShe tadA vidvAnida.n vachanamarthavat .. 9..\\
mayA pratiGYA mahatI jayadrathavadhe kR^itA . 
shvo.asmi hantA durAtmAnaM putraghnamiti keshava .. 10..\\
matpratiGYAvighAtArtha.n dhArtarAShTraiH kilAchyuta . 
pR^iShThataH saindhavaH kAryaH sarvairgupto mahArathaiH .. 11..\\
dasha chaikA cha tAH kR^iShNa akShauhiNyaH sudurjayAH . 
pratiGYAyA.n cha hInAyAM kathaM jIveta madvidhaH .. 12..\\
duHkhopAyasya me vIra vikA~NkShA parivartate . 
druta.n cha yAti savitA tata etadbravImyaham .. 13..\\
shokasthAna.n tu tachchhrutvA pArthasya dvija ketanaH . 
sa.nspR^ishyAmbhastataH kR^iShNaH prA~NmukhaH samavasthitaH .. 14..\\
ida.n vAkyaM mahAtejA babhAShe puShkarekShaNaH . 
hitArthaM pANDuputrasya saindhavasya vadhe vR^itaH .. 15..\\
pArtha pAshupataM nAma paramAstra.n sanAtanam . 
yena sarvAnmR^idhe daityA~njaghne devo maheshvaraH .. 16..\\
yadi tadvidita.n te.adya shvo hantAsi jayadratham . 
atha GYAtuM prapadyasva manasA vR^iShabhadhvajam .. 17..\\
ta.n devaM manasA dhyAya~njoShamAssva dhana~njaya . 
tatastasya prasAdAttvaM bhaktaH prApsyasi tanmahat .. 18..\\
tataH kR^iShNa vachaH shrutvA sa.nspR^ishyAmbho dhana~njayaH . 
bhUmAvAsIna ekAgro jagAma manasA bhavam .. 19..\\
tataH praNihite brAhme muhUrte shubhalakShaNe . 
AtmAnamarjuno.apashyadgagane saha keshavam .. 20..\\
jyotirbhishcha samAkIrNa.n siddhachAraNasevitam . 
vAyuvegagatiH pArthaH khaM bheje saha keshavaH .. 21..\\
keshavena gR^ihItaH sa dakShiNe vibhunA bhuje . 
prekShamANo bahUnbhAvA~njagAmAdbhuta darshanAn .. 22..\\
udIchyA.n dishi dharmAtmA so.apashyachchhveta parvatam . 
kuberasya vihAre cha nalinIM padmabhUShitAm .. 23..\\
sarichchhreShThA.n cha tAM ga~NgA.n vIkShamANo bahUdakAm . 
sadA puShpaphalairvR^ikShairupetA.n sphaTikopalAm .. 24..\\
si.nhavyAghra samAkIrNAM nAnAmR^igagaNAkulAm . 
puNyAshramavatI.n ramyAM nAnAmR^igagaNAkulAm .. 25..\\
mandarasya pradeshAMshcha kiMnarodgIta nAditAn . 
hemarUpyamayaiH shR^i~NgairnAnauShadhi vidIpitAn . 
tathA mandAravR^ikShaishcha puShpitairupashobhitAn .. 26..\\
snigdhA~njanachayAkAra.n samprAptaH kAlaparvatam . 
puNya.n himavataH pAdaM maNimanta.n cha parvatam . 
brahma tu~NgaM nadIshchAnyAstathA janapadAnapi .. 27..\\
sushR^i~Nga.n shatashR^i~Nga.n cha sharyAti vanameva cha . 
puNyamashvashiraH sthAna.n sthAnamArtharvaNasya cha .. 28..\\
vR^iShadaMsha.n cha shailendraM mahAmandarameva cha . 
apsarobhiH samAkIrNa.n kiMnaraishchopashobhitam .. 29..\\
tAMshcha shailAnvrajanpArthaH prekShate saha keshavaH . 
shubhaiH prasravaNairjuShTAnhemadhAtuvibhUShitAn .. 30..\\
chandrarashmiprakAshA~NgIM pR^ithivIM puramAlinIm . 
samudrAMshchAdbhutAkArAnapashyadbahulAkarAn .. 31..\\
viyaddyAM pR^ithivI.n chaiva pashyanviShNupade vrajan . 
vismitaH saha kR^iShNena kShipto bANa ivAtyagAt .. 32..\\
grahanakShatrasomAnA.n sUryAgnyoshcha samatviSham . 
apashyata tadA pArtho jvalantamiva parvatam .. 33..\\
samAsAdya tu ta.n shailaM shailAgre samavasthitam . 
taponityaM mahAtmAnamapashyadvR^iShabhadhvajam .. 34..\\
sahasramiva sUryANA.n dIpyamAna.n svatejasA . 
shUlina.n jaTilaM gaura.n valkalAjinavAsasam .. 35..\\
nayAnAmnA.n sahasraishcha vichitrA~NgaM mahaujasam . 
pArtavyA sahita.n devaM bhUtasa~Nghaishcha bhAsvaraiH .. 36..\\
gItavAditrasa.nhrAdaistAlalAsya samanvitam . 
valgitAsphoTitotkruShTaiH puNyagandhaish cha sevitam .. 37..\\
stUyamAna.n stavairdivyairmunibhirbrahmavAdibhiH . 
goptAra.n sarvabhUtAnAmiShvAsa dharamachyutam .. 38..\\
vAsudevastu ta.n dR^iShTvA jagAma shirasA kShitim . 
pArthena sahadharmAtmA gR^iNanbrahma sanAtanam .. 39..\\
lokAdi.n vishvakarmANamajamIshAnamavyayam . 
manasaH paramA.n yoni.n khaM vAyuM jyotiShAM nidhim .. 40..\\
sraShTAra.n vAridhArANAM bhuvashcha prakR^itiM parAm . 
devadAnava yakShANAM mAnavAnA.n cha sAdhanam .. 41..\\
yoginAM paramaM brahma vyaktaM brahmavidAM nidhim . 
charAcharasya sraShTAraM pratihartArameva cha .. 42..\\
kAlakopaM mahAtmAna.n shakra sUryaguNodayam . 
avandata tadA kR^iShNo vA~NmanobuddhikarmabhiH .. 43..\\
yaM prapashyanti vidvA.nsaH sUkShmAdhyAtma padaiShiNaH . 
tamaja.n kAraNAtmAnaM jagmatuH sharaNaM bhavam .. 44..\\
arjunashchApi ta.n devaM bhUyo bhUyo.abhyavandata . 
GYAtvaikaM bhUtabhavyAdi.n sarvabhUtabhavodbhavam .. 45..\\
tatastAvAgatau sharvaH provAcha prahasanniva . 
svAgata.n vAM narashreShThAvuttiShThetA.n gataklamau . 
ki.n cha vAmIpsita.n vIrau manasaH kShipramuchyatAm .. 46..\\
yena kAryeNa samprAptau yuvA.n tatsAdhayAmi vAm . 
vriyatAmAtmanaH shreyastatsarvaM pradadAni vAm .. 47..\\
tatastadvachana.n shrutvA pratyutthAya kR^itA~njalI . 
vAsudevArjunau sharva.n tuShTuvAte mahAmatI .. 48..\\
namo bhavAya sharvAya rudrAya varadAya cha . 
pashUnAM pataye nityamugrAya cha kapardine .. 49..\\
mahAdevAya bhImAya tryambakAya cha shambhave . 
IshAnAya bhagaghnAya namo.astvandhakaghAtine .. 50..\\
kumAra gurave nityaM nIlagrIvAya vedhase . 
vilohitaya dhUmrAya vyAdhAyAnaparAjite .. 51..\\
nityaM nIlashikhaNDAya shUline divyachakShuShe . 
hantre goptre trinetrAya vyAdhAya vasuretase .. 52..\\
achintyAyAmbikA bhartre sarvadeva stutAya cha . 
vR^iShadhvajAya pi~NgAya jaTine brahmachAriNe .. 53..\\
tapyamAnAya salile brahmaNyAyAjitAya cha . 
vishvAtmane vishvasR^ije vishvamAvR^itya tiShThate .. 54..\\
namo namaste sevyAya bhUtAnAM prabhave sadA . 
brahma vaktrAya sharvAya sha~NkarAya shivAya cha .. 55..\\
namo.astu vAchaspataye prajAnAM pataye namaH . 
namo vishvasya pataye mahataM pataye namaH .. 56..\\
namaH sahasrashirase sahasrabhuja manyave . 
sahasranetra pAdAya namo.asa~NkhyeyakarmaNe .. 57..\\
namo hiraNyavarNAya hiraNyakavachAya cha . 
bhaktAnukampine nitya.n sidhyatAM nau varaH prabho .. 58..\\
eva.n stutvA mahAdevaM vAsudevaH sahArjunaH . 
prasAdayAmAsa bhava.n tadA hyastropalabdhaye .. 59..\\
tato.arjunaH prItamanA vavande vR^iShabhadhvajam . 
dadarshotphulla nayanaH samasta.n tejasA.n vidhim .. 60..\\
ta.n chopahAra.n svakR^itaM naishaM naityakamAtmanaH . 
dadarsha tryambakAbhyAshe vAsudeva niveditam .. 61..\\
tato.abhipUjya manasA sharva.n kR^iShNaM cha pANDavaH . 
ichchhAmyaha.n divyamastramityabhAShata sha~Nkaram .. 62..\\
tataH pArthasya viGYAya varArthe vachanaM prabhuH . 
vAsudevArjunau devaH smayamAno.abhyabhAShata .. 63..\\
saro.amR^itamaya.n divyamabhyAshe shatrusUdanau . 
tatra me taddhanurdivya.n sharashcha nihitaH purA .. 64..\\
yena devArayaH sarve mayA yudhi nipAtitAH . 
tata AnIyatA.n kR^iShNau sa sharaM dhanuruttamam .. 65..\\
tathetyuktvA tu tau vIrau ta.n sharvaM pArShadaiH saha . 
prasthitau tatsaro divya.n divyAshcharya shatairvR^itam .. 66..\\
nirdiShTa.n yadvR^iShA~Nkena puNyaM sarvArthasAdhakam . 
tajjagmaturasambhrAntau naranArAyaNAvR^iShI .. 67..\\
tatastu tatsaro gatvA sUryamaNDala saMnibham . 
nAgamantarjale ghora.n dadR^ishAte.arjunAchyutau .. 68..\\
dvitIya.n chAparaM nAga.n sahasrashirasaM varam . 
vamanta.n vipulA.n jvAlAM dadR^ishAte.agnivarchasam .. 69..\\
tataH kR^iShNashcha pArthashcha sa.nspR^ishyApaH kR^itA~njalI . 
tau nAgAvupatasthAte namasyantau vR^iShadhvajam .. 70..\\
gR^iNantau vedaviduShau tadbrahma shatarudriyam . 
aprameyaM praNamantau gatvA sarvAtmanA bhavam .. 71..\\
tatastau rudra mAhAtmyAddhitvA rUpaM mahoragau . 
dhanurbANashcha shatrughna.n taddvandva.n samapadyata .. 72..\\
tato jagR^ihatuH prItau dhanurbANa.n cha suprabham . 
AjahraturmahAtmAnau dadatushcha mahAtmane .. 73..\\
tataH pArshvAdvR^iShA~Nkasya brahma chArI nyavartata . 
pi~NgAkShastapasaH kShetraM balavAnnIlalohitaH .. 74..\\
sa tadgR^ihya dhanuHshreShTha.n tasthau sthAna.n samAhitaH . 
vyakarShachchApi vidhivatsa shara.n dhanuruttamam .. 75..\\
tasya maurvI.n cha muShTiM cha sthAnaM chAlakShya pANDavaH . 
shrutvA mantraM bhava prokta.n jagrAhAchintya vikramaH .. 76..\\
sarasyeva cha taM bANaM mumochAtibalaH prabhuH . 
chakAra cha punarvIrastasminsarasi taddhanuH .. 77..\\
tataH prItaM bhava.n GYAtvA smR^itimAnarjunastadA . 
varamAraNyaka.n dattaM darshana.n sha~Nkarasya cha . 
manasA chintayAmAsa tanme sampadyatAm iti .. 78..\\
tasya tanmatamAGYAya prItaH prAdAdvaraM bhavaH . 
tachcha pAshupata.n ghoraM pratiGYAyAshcha pAraNam .. 79..\\
sa.nhR^iShTaromA durdharShaH kR^ita.n kAryamamanyata . 
vavandatushcha sa.nhR^iShTo shirobhyA.n tau maheshvaram .. 80..\\
anuGYAtau kShaNe tasminbhavenArjuna keshavau . 
prAptau svashibira.n vIrau mudA paramayA yutau . 
indrA viShNU yathA prItau jambhasya vadhakA~NkShiNau .. 81..\\
\medskip\hrule\medskip\centerline{\Largedvng 58}
 s

tayoH sa.nvadatoreva kR^iShNa dArukayostadA . 
sAtyagAdrajanI rAjannatha rAjAnvabudhyata .. 1..\\
paThanti pANisvanikA mAgadhA madhuparkikAH . 
vailAtikAshcha sUtAshcha tuShTuvuH puruSharShabham .. 2..\\
nartakAshchApyanR^ityanta jagurgItAni gAyakAH . 
kuruvaMshasvatArthAni madhura.n raktakaNThinaH .. 3..\\
mR^ida~NgA jharjharA bheryaH paNavAnakagomukhAH . 
ADambarAshcha sha~NkhAshcha dundubhyashcha mahAsvanAH .. 4..\\
evametAni sarvANi tathAnyAnyapi bhArata . 
vAdayanti sma sa.nhR^iShTAH kushalAH sAdhu shikShitAH .. 5..\\
sa meghasamanirghoSho mahA~nshabdo.aspR^ishaddivam . 
pArthiva pravara.n suptaM yudhiShThiramabodhayat .. 6..\\
pratibuddhaH sukha.n supto mahArhe shayanottame . 
utthAyAvashyakAyArtha.n yayau snAnagR^iha.n tataH .. 7..\\
tataH shuklAmbarAH snAtAstaruNAShTottara.n shatam . 
snApakAH kA~nchanairkumbhaiH pUrNaiH samupatasthire .. 8..\\
bhadrAsane sUpaviShTaH paridhAyAmbara.n laghu . 
sasnau chandanasa.nyuktaiH pAnIyairabhimantritaiH .. 9..\\
utsAditaH kaShAyeNa balavadbhiH sushikShitaiH . 
AplutaH sAdhivAsena balena cha sugandhinA .. 10..\\
hariNA chandanenA~Ngamanulipya mahAbhujaH . 
sragvI chAkliShTavasanaH prA~NmukhaH prA~njaliH sthitaH .. 11..\\
jajApa japya.n kaunteyaH satAM mArgamanuShThitaH . 
tato.agnisharaNa.n dIptaM pravivesha vinItavat .. 12..\\
samiddha.n sa pavitrAbhiragnimAhutibhistathA . 
mantrapUtAbhirarchitvA nishchakrAma gR^ihAttataH .. 13..\\
dvitIyAM puruShavyAghraH kakShyAM niShkramya pArthivaH . 
tatra vedavido viprAnapashyadbrAhmaNarShabhAn .. 14..\\
dAntAnveda vratasnAtAnsnAtAnavabhR^itheShu cha . 
sahasrAnucharAnsaurAnaShTau dashashatAni cha .. 15..\\
akShataiH sumanobhishcha vAchayitvA mahAbhujaH . 
tAndvijAnmadhu sarpirbhyAM phalaiH shreShThaiH suma~NgalaiH .. 16..\\
prAdAtkA~nchanamekaikaM niShka.n viprAya pANDavaH . 
ala~NkR^ita.n chAshvashata.n vAsA.nsIShTAshcha dakShiNAH .. 17..\\
tathA gAH kapilA dogdhrIH sarShabhAH pANDunandanaH . 
hemashR^i~NgI rUpyakharA dattvA chakre pradakShiNam .. 18..\\
svastikAnvardhamAnAMshcha nandyAvartAMshcha kA~nchanA . 
mAlya.n cha jalakumbhAMshcha jvalitaM cha hutAshanam .. 19..\\
pUrNAnyakShata pAtrANi ruchakAnrochanA.nstathA . 
svala~NkR^itAH shubhAH kanyA dadhi sarpirmadhUdakam .. 20..\\
pa~NgalyAnpakShiNashchaiva yachchAnyadapi pUjitam . 
dR^iShTvA spR^iShTvA cha kaunteyo bAhya.n kakShyAmagAttataH .. 21..\\
tatastasya mahAbAhostiShThataH parichArakAH . 
sauvarNa.n sarvatobhadraM muktA vaiDUrya maNDitam .. 22..\\
parArdhyAstaraNAstIrNa.n sottarachchhadamR^iddhimat . 
vishvakarma kR^ita.n divyamupajahrurvarAsanam .. 23..\\
tatra tasyopaviShTasya bhUShaNAni mahAtmanaH . 
upajahrurmahArhANi preShyAH shubhrANi sarvashaH .. 24..\\
yuktAbharaNa veShasya kaunteyasya mahAtmanaH . 
rUpamAsInmahArAja dviShatA.n shokavardhanam .. 25..\\
pANDaraishchandrarashmyAbhairhemadaNDaishcha chAmaraiH . 
dodhUyamAnaH shushubhe vidyudbhiriva toyadaH .. 26..\\
sa.nstUyamAnaH sUtaishcha vandyamAnashcha bandibhiH . 
upagIyamAno gandharvairAste sma kurunandanaH .. 27..\\
tato muhUrtAdAsIttu bandhinAM nisvano mahAn . 
nemighoShashcha rathinA.n khuraghoShashcha vAjinAm .. 28..\\
hrAdena gajaghaNTAnA.n sha~NkhAnAM ninadena cha . 
narANAM padashabdaishcha kampatIva sma medinI .. 29..\\
tataH shuddhAntamAsAdya jAnubhyAM bhUtale sthitaH . 
shirasA vandanIya.n tamabhivandya jagatpatim .. 30..\\
kuNDalI baddhanistriMshaH saMnaddha kavacho yuvA . 
abhipraNamya shirasA dvAHstho dharmAtmajAya vai . 
nyavedayaddhR^iShIkeshamupayAtaM mahAtmane .. 31..\\
so.abravItpuruShavyAghraH svAgatenaiva mAdhavam . 
arghya.n chaivAsanaM chAsmai dIyatAM paramArchitam .. 32..\\
tataH praveshya vArShNeyamupaveshya varAsane . 
satkR^itya satkR^itastena paryapR^ichchhadyudhiShThiraH .. 33..\\
\medskip\hrule\medskip\centerline{\Largedvng 59}
 y

mukhena rajanI vyuShTA kachchitte madhusUdana . 
kachchijGYAnAni sarvANi prasannAni tavAchyuta .. 1..\\

 s

vAsudevo.api tadyuktaM paryapR^ichchhadyudhiShThiram . 
tataH kShattA prakR^itayo nyavedayadupasthitAH .. 2..\\
anuGYAtashcha rAGYA sa prAveshayata ta.n janam . 
virATaM bhImasena.n cha dhR^iShTadyumnaM cha sAtyakim .. 3..\\
shikhaNDina.n yamau chaiva chekitAna.n cha kekayAn . 
yuyutsu.n chaiva kauravyaM pA~nchAlyaM chottamaujasam .. 4..\\
ete chAnye cha bahavaH kShatriyAH ShatriyarShabham . 
upatasthurmahAtmAna.n vivishushchAsaneShu te .. 5..\\
ekasminnAsane vIrAvupaviShTau mahAbalau . 
kR^iShNashcha yuyudhAnashcha mahAtmAnau mahAdyutI .. 6..\\
tato yudhiShThirasteShA.n shR^iNvatAM madhusUdanam . 
abravItpuNDarIkAkShamAbhAShya madhura.n vachaH .. 7..\\
eka.n tvA.n vayamAshritya sahasrAkShamivAmarAH . 
prArthayAmo jaya.n yuddhe shAshvatAni sukhAni cha .. 8..\\
tva.n hi rAjyavinAsha.n cha dviShadbhishcha nirAkriyAm . 
kleshAMshcha vividhAnkR^iShNa sarvA.nstAnapi vettha naH .. 9..\\
tvayi sarvesha sarveShAmasmAkaM bhakta vatsala . 
sukhamAyattamatyartha.n yAtrA cha madhusUdana .. 10..\\
sa tathA kuru vArShNeya yathA tvayi mano mama . 
arjunasya yathAsatyA pratiGYA syAchchikIrShitA .. 11..\\
sa bhavA.nstArayatvasmAdduHkhAmarSha mahArNavAt . 
pAra.n titIrShatAmadya phalvo no bhava mAdhava .. 12..\\
na hi tatkurute sa~Nkhye kArtavIrya samastvapi . 
rathI yatkurute kR^iShNasArathiryatnamAsthitaH .. 13..\\

 vaasu

sAmareShvapi lokeShu sarveShu cha tathAvidhaH . 
sharAsanadharaH kashchidyathA pArtho dhana~njayaH .. 14..\\
vIryavAnastrasampannaH parAkrAnonmahAbalaH . 
yuddhashauNDaH sadAmarShI tejasA paramo nR^iNAm .. 15..\\
sa yuvA vR^iShabhaskandho dIrghabAhurmahAbalaH . 
si.nharShabha gatiH shrImAndviShataste haniShyati .. 16..\\
aha.n cha tatkariShyAmi yathA kuntIsuto.arjunaH . 
dhArtarAShTrasya sainyAni dhakShyatyagnirivotthitaH .. 17..\\
adya taM pApakarmANa.n kShudra.n saubhadra ghAtinam . 
apunardarshanaM mArgamiShubhiH kShepsyate.arjunaH .. 18..\\
tasyAdya gR^idhrAH shyenAshcha vaDa gomAyavastathA . 
bhakShayiShyanti mA.nsAni ye chAnye puruShAdakAH .. 19..\\
yadyasya devA goptAraH sendrAH sarve tathApyasau . 
rAjadhAnI.n yamasyAdya hataH prApsyati sa~Nkule .. 20..\\
nihatya saindhava.n jiShNuradya tvAmupayAsyati . 
vishoko vijvaro rAjanbhava bhUtipuraskR^itaH .. 21..\\
\medskip\hrule\medskip\centerline{\Largedvng 60}
 s

tathA sambhAShatA.n teShAM prAdurAsIddhana~njayaH . 
dudR^ikShurbharatashreShTha.n rAjAnaM sasuhR^idgaNam .. 1..\\
taM praviShTa.n shubhA.n kakShyAmabhivAdyAgrataH sthitam . 
samutthAyArjunaM premNA sasvaje pANDavarShabhaH .. 2..\\
mUrdhni chainamupAghrAya pariShvajya cha bAhunA . 
AshiShaH paramAH prochya smayamAno.abhyabhAShata .. 3..\\
vyaktamarjuna sa~NgrAme dhruvaste vijayo mahAn . 
yAdR^igrUpA hi te chhAyA prasannashcha janArdanaH .. 4..\\
tamabravIttato jiShNurmahadAshcharyamuttamam . 
dR^iShTavAnasmi bhadra.n te keshavasya prasAdajam .. 5..\\
tatastatkathayAmAsa yathAdR^iShTa.n dhana~njayaH . 
AshvAsanArtha.n suhR^idA.n tryambakenasamAgamam .. 6..\\
tataH shirobhiravani.n spR^iShTvA sarve cha vismitAH . 
namaskR^itya vR^iShA~NkAya sAdhu sAdhvityathAbruvan .. 7..\\
anuGYAtAstataH sarve suhR^ido dharmasUnunA . 
tvaramANAH susaMnaddhA hR^iShTA yuddhAna niryayuH .. 8..\\
abhivAdya tu rAjAna.n yuyudhAnAchyutArjunAH . 
hR^iShTA viniryayuste vai yudhiShThira niveshanAt .. 9..\\
rathenaikena durdharShau yuyudhAna janArdanau . 
jagmatuH sahitau vIrAvarjunasya niveshanam .. 10..\\
tatra gatvA hR^iShIkeshaH kalpayAmAsa sUtavat . 
ratha.n rathavarasyAjau vAnararShabha lakShaNam .. 11..\\
sa meghasamanirghoShastaptakA~nchanasaprabhaH . 
babhau rathavaraH kL^iptaH shishurdivasakR^idyathA .. 12..\\
tataH puruShashArdUlaH sajjaH sajjaM puraHsaraH . 
kR^itAhnikAya pArthAya nyavedayata ta.n ratham .. 13..\\
ta.n tu loke varaH pu.nsAM kirITI hemavarmabhR^it . 
bANavANAsanI vAhaM pradakShiNamavartata .. 14..\\
tato vidyA vayovR^iddhaiH kriyAvadbhirjitendriyaiH . 
stUyamAno jayAshIbhirAruroha mahAratham .. 15..\\
jaitraiH sA~NgrAmikairmantraiH pUrvameva rathottamam . 
abhimantritamarchiShmAnudayaM bhAskaro yathA .. 16..\\
sa rathe rathinA.n shreShThaH kA~nchane kA~nchanAvR^itaH . 
vibabhau vimalo.archiShmAnmerAviva divAkaraH .. 17..\\
anvArurohatuH pArtha.n yuyudhAna janArdanau . 
sharyAteryaGYamAyAnta.n yathendra.n devamashvinau .. 18..\\
atha jagrAha govindo rashmInrashmivatA.n varaH . 
mAtalirvAsavasyeva vR^itra.n hantuM prayAsyataH .. 19..\\
sa tAbhyA.n sahitaH pArtho rathapravaramAsthitaH . 
sahitau bubha shukrAbhyA.n tamo nighnanyathA shashI .. 20..\\
saindhavasya vadhaprepsuH prayAtaH shatrupUgahA . 
sahAmbupatimitrAbhyA.n yathendrastArakAmaye .. 21..\\
tato vAditranirghoShairma~Ngalyaishcha stavaiH shubhaiH . 
prayAntamarjuna.n sUtA mAgadhAshchaiva tuShTuvuH .. 22..\\
sa jayAshIH sa puNyAhaH sUtamAgadha nisvanaH . 
yukto vAditraghoSheNa teShA.n ratikaro.abhavat .. 23..\\
tamanuprayato vAyuH puNyagandhavahaH shuchiH . 
vavau sa.nharShayanpArtha.n dviShatashchApi shoShayan .. 24..\\
prAdurAsannimittAni vijayAya bahUni cha . 
pANDavAnA.n tvadIyAnA.n viparItAni mAriSha .. 25..\\
dR^iShTvArjuno nimittAni vijayAya pradakShiNam . 
yuyudhAnaM maheShvAsamida.n vachanamabravIt .. 26..\\
yuyudhAnAdya yuddhe me dR^ishyate vijayo dhruvaH . 
yathA hImAni li~NgAni dR^ishyante shinipu~Ngava .. 27..\\
so.aha.n tatra gamiShyAmi yatra saindhavako nR^ipaH . 
yiyAsuryama lokAya mama vIryaM pratIkShate .. 28..\\
yathA paramaka.n kR^itya.n saindhavasya vadhe mama . 
tathaiva sumahatkR^itya.n dharmarAjasya rakShaNe .. 29..\\
sa tvamadya mahAbAho rAjAnaM paripAlaya . 
yathaiva hi mayA guptastvayA gupto bhavettathA .. 30..\\
tvayi chAhaM parAshvasya pradyumne vA mahArathe . 
shaknuyA.n saindhavaM hantumanapekSho nararShabha .. 31..\\
mayyapekShA na kartavyA katha.n chidapi sAtvata . 
rAjanyeva parA guptiH kAryA sarvAtmanA tvayA .. 32..\\
na hi yatra mahAbAhurvAsudevo vyavasthitaH . 
ki.n chidvyApadyate tatra yatrAhamapi cha dhruvam .. 33..\\
evamuktastu pArthena sAtyakiH paravIrahA . 
tathetyuktvAgamattatra yatra rAjA yudhiShThiraH .. 34..\\
\medskip\hrule\medskip\centerline{\Largedvng 61}
 dhr

shvobhUte kimakArShuste duHkhashokasamanvitAH . 
abhimanyau hate tatra ke vAyudhyanta mAmakAH .. 1..\\
jAnantastasya karmANi kuravaH savyasAchinaH . 
katha.n tatkilbiShaM kR^itvA nirbhayA brUhi mAmakAH .. 2..\\
putrashokAbhisantapta.n kruddhaM mR^ityumivAntakam . 
AyAntaM puruShavyAghra.n kathaM dadR^ishurAhave .. 3..\\
kapirAjadhvaja.n sa~Nkhye vidhunvAnaM mahaddhanuH . 
dR^iShTvA putra paridyUna.n kimakurvanta mAmakAH .. 4..\\
kiM nu sa~njaya sa~NgrAme vR^itta.n duryodhanaM prati . 
paridevo mahAnatra shruto me nAbhinandanam .. 5..\\
babhUvurye manogrAhyAH shabdAH shrutisukhAvahAH . 
na shrUyante.adya te sarve saindhavasya niveshane .. 6..\\
stuvatAM nAdya shrUyante putrANA.n shibire mama . 
sUtamAgadha sa~NghAnAM nartakAnA.n cha sarvashaH .. 7..\\
shabdena nAditAbhIkShNamabhavadyatra me shrutiH . 
dInAnAmadya ta.n shabdaM na shR^iNomi samIritam .. 8..\\
niveshane satyadhR^iteH somadattasya sa~njaya . 
AsIno.ahaM purA tAta shabdamashrauShamuttamam .. 9..\\
tadadya hInapuNyo.ahamArtasvaraninAditam . 
niveshana.n hatotsAhaM putrANAM mama lakShaye .. 10..\\
viviMshaterdurmukhasya chitrasenavikarNayoH . 
anyeShA.n cha sutAnAM me na tathA shrUyate dhvaniH .. 11..\\
brAhmaNAH kShatriyA vaishyA ya.n shiShyAH paryupAsate . 
droNaputraM maheShvAsaM putrANAM me parAyaNam .. 12..\\
vitaNDAlApa sa.nlApairhutayAchita vanditaiH . 
gItaishcha vividhairiShTai ramaye yo divAnisham .. 13..\\
upAsyamAno bahubhiH kurupANDavasAtvataiH . 
sUta tasya gR^ihe shabdho nAdya drauNeryathA purA .. 14..\\
droNaputraM maheShvAsa.n gAyanA nartakAsh cha ye . 
atyarthamupatiShThanti teShAM na shrUyate dhvaniH .. 15..\\
vindAnuvindayoH sAya.n shibire yo mahAdhvaniH . 
shrUyate so.adya na tathA kekayAnA.n cha veshmasu .. 16..\\
nityapramuditAnA.n cha tAlagIta svano mahAn . 
nR^ityatA.n shrUyate tAta gaNAnAM so.adya na dhvaniH .. 17..\\
sapta tantUnvitanvAnA yamupAsanti yAjakAH . 
saumadatti.n shrutanidhi.n teShAM na shrUyate dhvaniH .. 18..\\
jyAghoSho brahmaghoShashcha toramAsi rathadhvaniH . 
droNasyAsIdavirato gR^ihe tanna shR^iNomyaham .. 19..\\
nAnAdeshasamutthAnA.n gItAnA.n yo.abhavatsvanaH . 
vAditranAditAnA.n cha so.adya na shrUyate mahAn .. 20..\\
yadA prabhR^ityupaplavyAchchhAntimichchha~njanArdanaH . 
AgataH sarvabhUtAnAmanukampArthamachyutaH .. 21..\\
tato.ahamabruva.n sUta manda.n duryodhanaM tadA . 
vAsudevena tIrthena putra saMshAmya pANDavaiH .. 22..\\
kAlaprAprtamahaM manye mA tva.n duryodhanAtigAH . 
shame chedyAchamAna.n tvaM pratyAkhyAsyasi keshavam . 
hitArthamabhijalpantaM na tathAstyaparAjayaH .. 23..\\
pratyAchaShTa sa dAshArhamR^iShabha.n sarvadhanvinAm . 
anuneyAni jalpantamanayAnnAnvapadyata .. 24..\\
tato duHshAsanasyaiva karNasya cha mata.n dvayoH . 
anvavartata hitvA mA.n kR^iShTaH kAlena durmatiH .. 25..\\
na hyaha.n dyUtamichchhAmi viduro na prasha.nsati . 
saindhavo nechchhate dyUtaM bhIShmo na dyUtamichchhati .. 26..\\
shalyo bhUrishravAshchaiva purumitro jayastathA . 
ashvatthAmA kR^ipo droNo dyUtaM nechchhanti sa~njaya .. 27..\\
eteShAM matamAGYAya yadi varteta putrakaH . 
sa GYAtimitraH sa suhR^ichchira.n jIvedanAmayaH .. 28..\\
shlakShNA madhurasambhAShA GYAtimadhye priya.nvadAH . 
kulInAH samatAH prAGYAH sukhaM prApsyanti pANDavAH .. 29..\\
dharmApekSho naro nitya.n sarvatra labhate sukham . 
pretya bhAve cha kalyANaM prasAdaM pratipadyate .. 30..\\
arhantyardhaM pR^ithivyAste bhoktu.n sAmarthya sAdhanAH . 
teShAmapi samudrAntA pitR^ipaitAmahI mahI .. 31..\\
niyujyamAnAH sthAsyanti pANDavA dharmavartmani . 
santi no GYAtayastAta yeShA.n shroShyanti pANDavAH .. 32..\\
shalyasya somadattasya bhIShmasya cha mahAtmanaH . 
droNasyAtha vikarNasya bAhlikasya kR^ipasya cha .. 33..\\
anyeShA.n chaiva vR^iddhAnAM bharatAnAM mahAtmanAm . 
tvadarthaM bruvatA.n tAtaH kariShyanti vacho hitam .. 34..\\
ka.n vA tvaM manyase teShAM yastvA brUyAdato.anyathA . 
kR^iShNo na dharma.n sa~njahyAtsarve te cha tvadanvayAH .. 35..\\
mayApi choktAste vIrA vachana.n dharmasa.nhitam . 
nAnyathA prakariShyanti dharmAtmAno hi pANDavAH .. 36..\\
ityaha.n vilapansUta bahushaH putramuktavAn . 
na cha me shrutavAnmUDho manye kAlasya paryayam .. 37..\\
vR^ikodarArjunau yatra vR^iShNivIrashcha sAtyakiH . 
uttamaujAshcha pA~nchAlyo yudhAmanyushcha durjayaH .. 38..\\
dhR^iShTadyumnashcha durdharShaH shikhaNDI chAparAjitaH . 
ashmakAH kekayAshchaiva kShatradharmA cha saumakiH .. 39..\\
chaidyashcha chekitAnashcha putraH pAshyasya chAbhibhuH . 
draupadeyA virATashcha drupadashcha mahArathaH . 
yamau cha puruShavyAghrau mantrI cha madhusUdanaH .. 40..\\
ka etA~njAtu yudhyeta loke.asminvai jijIviShuH . 
divyamastra.n vikurvANAnsa.nhareyurarindamAH .. 41..\\
anyo duryodhanAtkarNAchchhakuneshchApi saubalAt . 
duHshAsanachaturthAnAM nAnyaM pashyAmi pa~nchamam .. 42..\\
yeShAmabhIshu hastaH syAdviShvakseno rathe sthitaH . 
saMnaddhashchArjuno yodhA teShAM nAsti parAjayaH .. 43..\\
teShAM mama vilApAnAM na hi duryodhanaH smaret . 
hatau hi puruShavyAghrau bhIShmadroNau tvamAttha me .. 44..\\
teShA.n vidura vAkyAnAmuktAnA.n dIrghadarshinAm . 
dR^iShTvemAM phalanirvR^ittiM manye shochanti putrakAH .. 45..\\
himAtyaye yathA kakSha.n shuShkaM vAterito mahAn . 
agnirdahettathA senAM mAmikA.n sadhana~njayaH .. 46..\\
AchakShva taddhi naH sarva.n kushalo hyasi sa~njaya . 
yadupAyAttu sAyAhne kR^itvA pArthasya kilbiSham . 
abhimanyau hate tAta kathamAsInmano hi vaH .. 47..\\
na jAtu tasya karmANi yudhi gANDIvadhanvanaH . 
apakR^itvA mahattAta soDhu.n shakShyanti mAmakAH .. 48..\\
kiM nu duryodhanaH kR^itya.n karNaH kR^ityaM kimabravIt . 
duHshAsanaH saubalashcha teShAmeva~Ngate api . 
sarveShA.n samavetAnAM putrANAM mama sa~njaya .. 49..\\
yadvR^itta.n tAta sa~NgrAme mandasyApanayairbhR^isham . 
lobhAnugata durbuddheH krodhena vikR^itAtmanaH .. 50..\\
rAjyakAmasya mUDhasya rAgopahata chetasaH . 
durnIta.n vA sunItaM vA tanmamAchakShva sa~njaya .. 51..\\
\medskip\hrule\medskip\centerline{\Largedvng 62}
 s

hanta te sampravakShyAmi sarvaM pratyakShadarshivAn . 
shushrUShasva sthiro bhUtvA tava hyapanayo mahAn .. 1..\\
gatodake setubandho yAdR^iktAdR^igaya.n tava . 
vilApo niShphalo rAjanmA shucho bharatarShabha .. 2..\\
anatikramaNIyo.aya.n kR^itAntasyAdbhuto vidhiH . 
mA shucho bharatashreShTha diShTametatpurAtanam .. 3..\\
yadi hi tvaM purA dyUtAtkunti putra.n yudhiShThiram . 
nivartayethAH putrAMshcha na tvA.n vyasanamAvrajet .. 4..\\
yuddhakAle punaH prApte tadaiva bhavatA yadi . 
nivartitAH syuH sa.nrabdhA na tvA.n vyasanamAvrajet .. 5..\\
duryodhana.n chAvidheyyaM badhnIteti purA yadi . 
kurUnachodayiShyastvaM na tvA.n vyasanamAvrajet .. 6..\\
tatte buddhivyabhIchAramupalapsyanti pANDavAH . 
pA~nchAlA vR^iShNayaH sarve ye chAnye.api mahAjanAH .. 7..\\
sa kR^itvA pitR^ikarma tvaM putra.n sa.nsthApya satpathe . 
vartethA yadi dharmeNa na tvA.n vyasanamAvrajet .. 8..\\
tva.n tu prAGYatamo loke hitvA dharma.n sanAtanam . 
duryodhanasya karNasya shakuneshchAnvagA matam .. 9..\\
tatte vilapita.n sarvaM mayA rAjannishAmitam . 
arthe nivishamAnasya viShamishra.n yathA madhu .. 10..\\
na tathA manyate kR^iShNo rAjAnaM pANDavaM purA . 
na bhIShmaM naiva cha droNa.n yathA tvAmmanyate nR^ipa .. 11..\\
vyAjAnata yadA tu tvA.n rAjadharmAdadhash chyutam . 
tadA prabhR^iti kR^iShNastvAM na tathA bahu manyate .. 12..\\
paruShANyuchyamAnAMshcha yathA pArthAnupekShase . 
tasyAnubandhaH prAptastvAM putrANA.n rAjyakAmukam .. 13..\\
pitR^ipaitAmaha.n rAjyamapavR^itta.n tadAnagha . 
atha pArthairjitA.n kR^itsnAM pR^ithivIM pratyapadyathAH .. 14..\\
pANDunAvarjita.n rAjya.n kauravANAM yashastathA . 
tatashchAbhyadhikaM bhUyaH pANDavairdharmachAribhiH .. 15..\\
teShA.n tattAdR^ishaM karma tvAmAsAdya suniShphalam . 
yatpitryAdbhraMshitA rAjyAttvayehAmiSha gR^iddhinA .. 16..\\
yatpunaryuddhakAle tvaM putrAngarhayase nR^ipa . 
bahudhA vyAharandoShAnna tadadyopapadyate .. 17..\\
na hi rakShanti rAjAno yudhyanto jIvita.n raNe . 
chamU.n vigAhya pArthAnAM yudhyante kShatriyarShabhAH .. 18..\\
yA.n tu kR^iShNArjunau senA.n yAM sAtyakivR^ikodarau . 
rakSheranko nu tA.n yudhyechchamUmanyatra kauravaiH .. 19..\\
yeShA.n yodhA guDAkesho yeShAM mantrI janArdanaH . 
yeShA.n cha sAtyakirgoptA yeShAM goptA vR^ikodaraH .. 20..\\
ko hi tAnviShahedyoddhuM martyadharmA dhanurdharaH . 
anyatra kauraveyebhyo ye vA teShAM padAnugAH .. 21..\\
yAvattu shakyate kartumanuraktairjanAdhipaiH . 
kShatradharmarataiH shUraistAvatkurvanti kauravAH .. 22..\\
yathA tu puruShavyAghrairyuddhaM paramasa~NkaTam . 
kurUNAM pANDavaiH sArdha.n tatsarva.n shR^iNu tattvataH .. 23..\\
\medskip\hrule\medskip\centerline{\Largedvng 63}
 s

tasyAM nishAyA.n vyuShTAyA.n droNaH shastrabhR^itAM varaH . 
svAnyanIkAni sarvANi prAkrAmadvyUhitu.n tatha .. 1..\\
shUrANA.n garjatA.n rAjansa~NkruddhAnAmamarShiNAm . 
shrUyante sma girishchitrAH parasparavadhaiShiNAm .. 2..\\
visphArya cha dhanUMShyAjau jyAH karaiH parimR^ijya cha . 
viniHshvasantaH prAkroshankvedAnI.n sadhana~njayaH .. 3..\\
vikoshAnsutsarUnanye kR^itadhArAnsamAhitAn . 
pItAnAkAshasa~NkAshAnasInke chichcha chikShipuH .. 4..\\
charantastvasi mArgAMshcha dhanurmArgAMshcha shikShayA . 
sa~NgrAmamanasaH shUrA dR^ishyante sma sahasrashaH .. 5..\\
sa ghaNTAshchandanAdigdhAH svarNavarja vibhUShitAH . 
samutkShipya gadAshchAnye paryapR^ichchhanta pANDavam .. 6..\\
anye balamadonmattAH parighairbAhushAlinaH . 
chakruH sabAdhamAkAshamuchchhritendra dhvajopamaiH .. 7..\\
nAnApraharaNaishchAnye vichitrasragala~NkR^itAH . 
sa~NgrAmamanasaH shUrAstatra tatra vyavasthitAH .. 8..\\
kvArjunaH kva cha govindaH kva cha mAnI vR^ikodaray . 
kva cha te suhR^idasteShAmAhvayanto raNe tadA .. 9..\\
tataH sha~NkhamupAdhmAya tvarayanvAjinaH svayam . 
itastatastAnrachayandroNashcha rativegitaH .. 10..\\
teShvanIkeShu sarveShu sthiteShvAhavanandiShu . 
bhAradvAjo mahArAja jayadrathamathAbravIt .. 11..\\
tva.n chaiva saumadattishcha karNashchaiva mahArathaH . 
ashvatthAmA cha shalyashcha vR^iShasenaH kR^ipastathA .. 12..\\
shata.n chAshvasahasrANA.n rathAnAmayutAni ShaT . 
dviradAnAM prabhinnAnA.n sahasrANi chaturdasha .. 13..\\
padAtInA.n sahasrANi daMshitAnyekaviMshatiH . 
gavyUtiShu trimAtreShu mAmanAsAdya tiShThata .. 14..\\
tatrastha.n tvAM na sa.nsoDhu.n shaktA devAH sa vAsavAH . 
kiM punaH pANDavAH sarve samAshvasihi saindhava .. 15..\\
evamuktaH samAshvastaH sindhurAjo jayadrathaH . 
samprAyAtsaha gAndhArairvR^itastaishcha mahArathaiH . 
varmibhiH sAdibhiryattaiH prAsapANibhirAsthitaiH .. 16..\\
chAmarApIDinaH sarve jAmbUnadavibhUShitAH . 
jayadrathasya rAjendra hayAH sAdhu pravAhinaH . 
te chaiva sapta sAhasrA dvisAhasrAshcha saindhavAH .. 17..\\
mattAnAmadhirUDhAnA.n hastyArohairvishAradaiH . 
nAgAnAM bhImarUpANA.n varmiNAM raudrakarmiNAm .. 18..\\
adhyardhena sahasreNa putro durmarShaNastava . 
agrataH sarvasainyAnA.n yotsyamAno vyavasthitaH .. 19..\\
tato duHshAsanashchaiva vikarNashcha tavAtmajau . 
sindhurAjArtha siddhyarthamagrAnIke vyavasthitau .. 20..\\
dIrgho dvAdasha gavyUtiH pa~nchArdhe pa~ncha vistR^itaH . 
vyUhaH sachakrashakaTo bhAradvAjena nirmitaH .. 21..\\
nAnA nR^ipatibhirvIraistatra tatra vyavasthitaiH . 
rathAshvagajapattyoghairdroNena vihitaH svayam .. 22..\\
pashchArde tasya padmastu garbhavyUhaH sudurbhidaH . 
sUchI padmasya madhyastho gUDho vyUhaH punaH kR^itaH .. 23..\\
evametaM mahAvyUha.n vyUhya droNo vyavasthitaH . 
sUchImukhe maheShvAsaH kR^itavarmA vyavasthitaH .. 24..\\
anantara.n cha kAmbojo jalasandhashcha mAriSha . 
duryodhanaH sahAmAtyastadanantarameva cha .. 25..\\
tataH shatasahasrANi yodhAnAmanivartinAm . 
vyavasthitAni sarvANi shakaTe sUchi rakShiNaH .. 26..\\
teShA.n cha pR^iShThato rAjabalena mahatA vR^itaH . 
jayadrathastato rAjansUchi pAshe vyavasthitaH .. 27..\\
shakaTasya tu rAjendrabhAradvAjo mukhe sthitaH . 
anu tasyAbhavadbhojo jugopaina.n tataH svayam .. 28..\\
shvetavarmAmbaroShNISho vyUDhorasko mahAbhujaH . 
dhanurvisphArayandroNastasthau kruddha ivAntakaH .. 29..\\
patAkina.n shoNa hayaM vedI kR^iShNAjinadhvajam . 
droNasya rathamAlokya prahR^iShTAH kuravo.abhavan .. 30..\\
siddhachAraNasa~NghAnA.n vismayaH sumahAnabhUt . 
droNena vihita.n dR^iShTvA vyUhaM kShubdhArNavopama .. 31..\\
sa shailasAgara vanAM nAnAjanapadAkulAm . 
grasedvyUhaH kShiti.n sarvAmiti bhUtAni menire .. 32..\\
bahu rathamanujAshvapattinAgaM 
pratibhaya nisvanamadbhutAbha rUpam . 
ahitahR^idayabhedanaM mahadvai 
shakaTamavekShya kR^itaM nananda rAjA .. 33..\\
\medskip\hrule\medskip\centerline{\Largedvng 64}
 s

tato vyUDheShvanIkeShu samutkruShTeShu mAriSha . 
tADyamAnAsu bherIShu mR^ida~NgeShu nadatsu cha .. 1..\\
anIkAnA.n cha sa.nhrAde vAditrANAM cha nisvane . 
pradhmApiteShu sha~NkheShu saMnAde lomaharShaNe .. 2..\\
abhihArayatsu shanakairbharateShu yuyutsuShu . 
raudre muhUrte samprApte savyasAchI vyadR^ishyata .. 3..\\
vaDAnA.n vAyasAnA.n cha purastAtsavyasAchinaH . 
bahulAni sahasrANi prAkrIDa.nstatra bhArata .. 4..\\
bR^igAshcha ghorasaMnAdAH shivAshchAshiva darshanAH . 
dakShiNena prayAtAnAmasmAkaM prANada.nstathA .. 5..\\
sa nirghAtA jvalantyashcha peturulkAH samantataH . 
chachAla cha mahIkR^itsnA bhaye ghore samutthite .. 6..\\
viShvagvAtAH sa nirghAtA rUkShAH sharkara varShiNaH . 
vavyurAyAti kauneye sa~NgrAme samupasthite .. 7..\\
nAkulistu shatAnIko dhR^iShTadyumnashcha pArShataH . 
pANDavAnAmanIkAni prAGYau tau vyUhatustadA .. 8..\\
tato rathasahasreNa dviradAnA.n shatena cha . 
tribhirashvasahasraishcha padAtInA.n shataiH sharaiH .. 9..\\
adhyardhamAtre dhanuShA.n sahasre tanayastava . 
agrataH sarvasainyAnA.n sthitvA durmarShaNo.abravIt .. 10..\\
adya gANDIvadhanvAna.n tapanta.n yuddhadurmadam . 
ahamAvArayiShyAmi veleva makarAlayam .. 11..\\
adya pashyantu sa~NgrAme dhana~njayamamarShaNam . 
viShaktaM mayi durdharShamashmakUTamivAshmani .. 12..\\
evaM bruvanmahArAja mahAtmA sa mahAmatiH . 
maheShvAsairvR^ito rAjanmaheShvAso vyavasthitaH .. 13..\\
tato.antaka iva kruddhaH sa varja iva vAsavaH . 
daNDapANirivAsahyo mR^ityuH kAlena choditaH .. 14..\\
shUlapANirivAkShobhyo varuNaH pAshavAniva . 
yugAntAgnirivArchiShmAnpradhakShyanvai punaH prajAH .. 15..\\
krodhAmarShabaloddhUto nivAtakavachAntakaH . 
jayo jetA sthitaH satye pArayiShyanmahAvratam .. 16..\\
AmuktakavachaH khaDgI jAmbUnadakirITabhR^it . 
shubhra varmAmbara dharaH sva~NgadI chArukuNDalI .. 17..\\
rathapravaramAsthAya naro nArAyaNAnugaH . 
vidhunvangANDiva.n sa~Nkhye babhau sUrya ivoditaH .. 18..\\
so.agrAnIkasya mahata iShupAte dhana~njayaH . 
vyavasthApya ratha.n sajjaM sha~Nkha.n dadhmau pratApavAn .. 19..\\
atha kR^iShNo.apyasambhrAntaH pArthena saha mAriSha . 
prAdhmApayatpA~nchajanya.n sha~NkhapravaramojasA .. 20..\\
tayoH sha~NkhapraNAdena tava sainye vishAM pate . 
Asansa.nhR^iShTaromANaH kampitA gatachetasaH .. 21..\\
yathA trasanti bhUtAni sarvANyashaninisvanAt . 
tathA sha~NkhapraNAdena vitresustava sainikAH .. 22..\\
prasusruvuH shakR^inmUtra.n vAhanAni cha sarvashaH . 
eva.n sa vAhanaM sarvamAvignamabhavadbalam .. 23..\\
vyaShIdanta narA rAja~nsha~Nkhashabdena mAriSha . 
visa~nj~nAshchAbhavanke chitke chidrAjanvitatrasuH .. 24..\\
tataH kapirmahA nAda.n saha bhUtairdhvajAlayaiH . 
akarodvyAditAsyashcha bhIShaya.nstava sainikAn .. 25..\\
tatha sha~NkhAshcha bheryashcha mR^ida~NgAshchAnakaiH saha . 
punarevAbhyahanyanta tava sainyapraharShaNAH .. 26..\\
nAnA vAditrasa.nhrAdaiH kShveDitAsphoTitAkulaiH . 
si.nhanAdaiH sa vAditraiH samAhUtairmahArathaiH .. 27..\\
tasminsutumule shabde bhIrUNAM bhayavardhane . 
atIva hR^iShTo dAshArhamabravItpAkashAsaniH .. 28..\\
chodayAshvAnhR^iShIkesha yatra durmarShaNaH sthitaH . 
etadbhittvA gajAnIkaM pravekShyAmyarivAhinIm .. 29..\\
evamukto mahAbAhuH keshavaH savyasAchinA . 
achodayaddhayA.nstatra yatra durmarShaNaH sthitaH .. 30..\\
sa samprahArastumulaH sampravR^ittaH sudAruNaH . 
ekasya cha bahUnA.n cha rathanAganarakShayaH .. 31..\\
tataH sAyakavarSheNa parjanya iva vR^iShTimAn . 
parAnavAkiratpArthaH parvatAniva nIradaH .. 32..\\
te chApi rathinaH sarve tvaritAH kR^itahastavat . 
avAkiranbANajAlaistataH kR^iShNa dhana~njayau .. 33..\\
tataH kruddho mahAbAhurvAryamANaH parairyudhi . 
shirA.nsi rathinAM pArthaH kAyebhyo.apAharachchharaiH .. 34..\\
udbhrAntanayanairvaktraiH sandaShTauShTha puTaiH shubhaiH . 
sakuNDalashirastrANairvasudhAsamakIryata .. 35..\\
puNDarIkavanAnIva vidhvastAni samantataH . 
vinikIrNAni yodhAnA.n vadanAni chakAshire .. 36..\\
tapanIyavichitrANi siktAni rudhireNa cha . 
adR^ishyanta yathA rAjanmeghasa~NghAH sa vidyutaH .. 37..\\
shirasAM patatA.n rAja~nshabdo.abhUtpR^ithivItale . 
kAlena paripakvAnA.n tAlAnAM patatAm iva .. 38..\\
tataH kabandhaH kashchittu dhanurAlambya tiShThati . 
kashchitkhaDga.n viniShkR^iShya bhujenodyamya tiShThati .. 39..\\
nAnAnanta shirA.nsyurvyAM patitAni nararShabhAH . 
amR^iShyamANAH kaunteya.n sa~NgrAme jaya gR^iddhinaH .. 40..\\
hayAnAmuttamA~Ngaishcha hastihastaishcha medinI . 
bAhubhishcha shirobhishcha vIrANA.n samakIryata .. 41..\\
ayaM pArthaH kutaH pArtha eSha pArtha iti prabho . 
tava sainyeShu yodhAnAM pArtha bhUtamivAbhavat .. 42..\\
anyonyamapi chAjaghnurAtmAnamapi chApare . 
pArtha bhUtamamanyanta jagatkAlena mohitAH .. 43..\\
niShTanantaH sa rudhirA visa~nj~nA gADhavedanAH . 
shayAnA bahavo vIrAH kIrtayantaH suhR^ijjanam .. 44..\\
sa bhiNDipAlAH sa prAsAH sa shaktyR^iShTi parashvadhAH . 
sa niryUhAH sanistriMshAH sa sharAsanatomarAH .. 45..\\
sa bANavarmAbharaNAH sagadAH sA~NgadA raNe . 
mahAbhujaga sa~NkAshA bAhavaH parighopamAH .. 46..\\
udveShTanti vicheShTanti sa.nveShTanti cha sarvashaH . 
vega.n kurvanti sa.nrabdhA nikR^ittAH parameShubhiH .. 47..\\
yo yaH sma samare pArthaM pratisa.nrabhate naraH . 
tasya tasyA~Nkato bANaH sharIramupasarpati .. 48..\\
nR^ityato rathamArgeShu dhanurvyAyachchhatastathA . 
na kashchittatra pArthasya dadarshAntaramaNvapi .. 49..\\
yattasya ghaTamAnasya kShipra.n vikShipataH sharAn . 
lAghavAtpANDuputrasya vyasmayanta pare janAH .. 50..\\
hastina.n hastiyantAramashvamAshvikameva cha . 
abhinatphalguno bANai rathina.n cha sa sArathim .. 51..\\
AvartamAnamAvR^itta.n yudhyamAna.n cha pANDavaH . 
pramukhe tiShThamAna.n cha na kaM chinna nihanti saH .. 52..\\
yathodayanvai gagane sUryo hanti mahattamaH . 
tathArjuno gajAnIkamavadhItka~NkapatribhiH .. 53..\\
hastibhiH patitairbhinnaistava sainyamadR^ishyata . 
antakAle yathA bhUmirvinikIrNairmahIdharaiH .. 54..\\
yathA madhya.n dine sUryo duShprekShyaH prANibhiH sadA . 
tathA dhana~njayaH kruddho duShprekShyo yudhi shatrubhiH .. 55..\\
tattathA tava putrasya sainya.n yudhi parantapa . 
prabhagna.n drutamAvignamatIva sharapIDitam .. 56..\\
mAruteneva mahatA meghAnIka.n vidhUyatA . 
prakAlyamAna.n tatsainyaM nAshakatprativIkShitum .. 57..\\
pratodaishchApakoTIbhirhu~NkAraiH sAdhuvAhitaiH . 
kashA pArShNyabhighAtaishcha vAgbhirugrAbhireva cha .. 58..\\
chodayanto hayA.nstUrNaM palAyante sma tAvakAH . 
sAdino rathinashchaiva pattayashchArjunArditAH .. 59..\\
pArShNya~NguNThA~NkushairnAgAMshchodayantastathApare . 
sharaiH saMmohitAshchAnye tamevAbhimukhA yayau . 
tava yodhA hatotsAhA vibhrAnta manasastadA .. 60..\\
\medskip\hrule\medskip\centerline{\Largedvng 65}
 dhr

tasminprabhagne sainyAgre vadhyamAne kirITinA . 
ke nu tatra raNe vIrAH pratyudIyurdhana~njayam .. 1..\\
Aho svichchhakaTa vyUhaM praviShTA moghanishchayAH . 
droNamAshritya tiShThantaH prAkAramakutobhayAH .. 2..\\

 s

tathArjunena sambhagne tasmi.nstava bale tadA . 
hatavIre hatotsAhe palAyanakR^itakShaNe .. 3..\\
pAkashAsaninAbhIkShNa.n vadhyamAne sharottamaiH . 
na tatra kashchitsa~NgrAme shashAkArjunamIkShitum .. 4..\\
tatastava suto rAjandR^iShTvA sainya.n tathAgatam . 
duHshAsano bhR^isha.n kruddho yuddhAyArjunamabhyayAt .. 5..\\
sa kA~nchanavichitreNa kavachena samAvR^itaH . 
jAmbUnadashirastrANaH shUrastIvraparAkramaH .. 6..\\
nAgAnIkena mahatA grasanniva mahImimAm . 
duHshAsano mahArAja savyasAchinamAvR^iNot .. 7..\\
hrAdena gajaghaNTAnA.n sha~NkhAnAM ninadena cha . 
jyA kShepa ninadaishchaiva virAveNa cha dantinAm .. 8..\\
bhUrdishashchAntarikSha.n cha shabdenAsItsamAvR^itam . 
sa muhUrtaM pratibhayo dAruNaH samapadyata .. 9..\\
tAndR^iShTvA patatastUrNama~NkushairabhichoditAn . 
vyAlamba hastAnsa.nrabdhAnsapakShAniva parvatAn .. 10..\\
si.nhanAdena mahatA narasi.nho dhana~njayaH . 
gajAnIkamamitrANAmabhito vyadhamachchharaiH .. 11..\\
mahormiNamivoddhUta.n shvasanena mahArNavam . 
kirITI tadgajAnIkaM prAvishanmakaro yathA .. 12..\\
kAShThAtIta ivAdityaH pratapanyugasa~NkShaye . 
dadR^ishe dikShu sarvAsu pArthaH parapura~njayaH .. 13..\\
khurashabdena chAshvAnAM nemighoSheNa tena cha . 
tena chotkruShTa shabdena jyA ninAdena tena cha . 
devadattasya ghoSheNa gANDIvaninadena cha .. 14..\\
mandavegatarA nAgA babhUvuste vichetasaH . 
sharairAshIviShasparshairnibhinnAH savyasAchinA .. 15..\\
te gajA vishikhaistIkShNairyudhi gANDIvachoditaiH . 
anekashatasAhasraiH sarvA~NgeShu samarpitAH .. 16..\\
ArAvaM parama.n kR^itvA vadhyamAnAH kirITinA . 
nipeturanishaM bhUmau chhinnapakShA ivAdrayaH .. 17..\\
apare dantaveShTeShu kambheShu cha kaTeShu cha . 
sharaiH samarpitA nAgAH krau~nchavadvyanadanmuhuH .. 18..\\
gajaskandhagatAnA cha puruShANA.n kirITinA . 
AchchhidyantottamA~NgAni bhallaiH saMnataparvabhiH .. 19..\\
sakuNDalAnAM patatA.n shirasA.n dharaNItale . 
padmAnAmiva sa~NghAtaiH pArthash chakre nivedanam .. 20..\\
yantrabaddhA vikavachA vraNArtA rudhirokShitAH . 
bhramatsu yudhi nAgeShu manuShyA vilalambire .. 21..\\
ke chidekena bANena sumuktena patatriNA . 
dvau trayashcha vinirbhinnA nipeturdharaNItale .. 22..\\
maurvI.n dhanurdhvajaM chaiva yugAnIShAstathaiva cha . 
rathinA.n kuTTayAmAsa bhallaiH saMnataparvabhiH .. 23..\\
na sandadhanna chApyasyanna vimu~nchanna choddharan . 
maNDalenaiva dhanuShA nR^ityanpArthaH sma dR^ishyate .. 24..\\
atividdhAshcha nArAchairvamanto rudhiraM mukhaiH . 
muhUrtAnnipatantyanye vAraNA vasudhAtale .. 25..\\
uthitAnyagaNeyAni kabandhAni samantataH . 
adR^ishyanta mahArAja tasminparamasa~Nkule .. 26..\\
sa chApAH sA~NgulitrANAH sa khaDgAH sA~NgadA raNe . 
adR^ishyanta bhujAshchhinnA hemAbharaNa bhUShitAH .. 27..\\
sUpaskarairadhiShThAnairIShA daNDakabandhuraiH . 
chakrairvimathitairakShai bhagnaishcha bahudhA yugaiH .. 28..\\
varma chApasharaishchaiva vyavakIrNairtatastataH . 
sragbhirAbharaNairvastraiH patitaishcha mahAdhvajaiH .. 29..\\
nihatairvAraNairashvaiH kShatriyaishcha nipAtitaiH . 
adR^ishyata mahI tatra dAruNapratidarshanAH .. 30..\\
eva.n duHshAsana bala.n vadhyamAnaM kirITinA . 
samprAdravanmahArAja vyathita.n vai sanAyakam .. 31..\\
tato duHshAsanastrastaH sahAnIkaH sharArditaH . 
droNa.n trAtAramAkA~NkSha~nshakaTavyUhamabhyagAt .. 32..\\
\medskip\hrule\medskip\centerline{\Largedvng 66}
 s

duHshAsana bala.n hatvA savyasAchI dhana~njayaH . 
sindhurAjaM parIpsanvai droNAnIkamupAdravat .. 1..\\
sa tu droNa.n samAsAdya vyUhasya pramukhe sthitam . 
kR^itA~njalirida.n vAkya.n kR^iShNasyAnumate.abravIt .. 2..\\
shivena dhyAhi mAM brahma svasti chaiva vadasva me . 
bhavatprasAdAdichchhAmi praveShTu.n durbhidAM chamUm .. 3..\\
bhavAnpitR^isamo mahya.n dharmarAja samo.api cha . 
tathA kR^iShNa samashchaiva satyametadbravImi te .. 4..\\
ashvatthAmA yathA tAta rakShaNIyastavAnagha . 
tathAhamapi te rakShyaH sadaiva dvijasattama .. 5..\\
tava prasAdAdichchhAmi sindhurAjAnamAhave . 
nihantu.n dvipadA.n shreShTha pratiGYAM rakSha me vibho .. 6..\\
evamuktastadAchAryaH pratyuvAcha smayanniva . 
mAmajitvA na bIbhatso shakyo jetu.n jayadrathaH .. 7..\\
etAvaduktvA ta.n droNaH sharavrAtairavAkirat . 
sa rathAshvadhvaja.n tIkShNaiH prahasanvai sa sArathim .. 8..\\
tato.arjunaH sharavrAtAndroNasyAvArya sAyakaiH . 
droNamabhyardayadbANaghorarUpairmahattaraiH .. 9..\\
vivyAdha cha raNe droNamanumAnya vishAM pate . 
kShatradharma.n samAsthAya navabhiH sAyakaiH punaH .. 10..\\
tasyeShUniShubhishchhittvA droNo vivyAdha tAvubhau . 
viShAgnijvalanaprakhyairiShubhiH kR^iShNa pANDavau .. 11..\\
iyeSha pANDavastasya bANaishchhettu.n sharAsanam . 
tasya chintayatastvevaM phalgunasya mahAtmanaH . 
droNaH sharairasambhrAnto jyA.n chichchhedAshu vIryavAn .. 12..\\
vivyAdha cha hayAnasya dhvaja.n sArathimeva cha . 
arjuna.n cha sharairvIra.n smayamAno.abhyavAkirat .. 13..\\
etasminnantare pArthaH sajja.n kR^itvA mahaddhanuH . 
visheShayiShyannAchArya.n sarvAstraviduShAM varam . 
mumocha ShaTshatAnbANAngR^ihItvaikamiva drutam .. 14..\\
punaH saptashatAnanyAnsahasra.n chAnivartinAm . 
chikShepAyutashashchAnyA.nste.aghnandroNasya tA.n chamUm .. 15..\\
taiH samyagastairbalinA kR^itinA chitrayodhinA . 
manuShyavAji mAta~NgA viddhAH peturgatAsavaH .. 16..\\
vidrutAshcha raNe petuH sa~nchinnAyudha jIvitAH . 
rathino rathamukhyebhyaH sahayAH sharapIDitAH .. 17..\\
chUrNitAkShipta dagdhAnA.n vajrAnilahutAshanaiH . 
tulyarUpA gajAH peturgiryagrAmbuda veshmanAm .. 18..\\
peturashvasahasrANi prahatAnyarjuneShubhiH . 
ha.nsA himavataH pR^iShThe vAri viprahatA iva .. 19..\\
rathAshvadvipapattyoghAH salilaughA ivAdbhutAH . 
yugAntAdityarashmyAbhaH pANDavAsta sharairhatAH .. 20..\\
taM pANDavAditya sharAMshu jAlaM 
kurupravIrAnyudhi niShTapantam . 
sa droNa meghaH sharavarSha vegaiH 
prAchchhAdayanmegha ivArka rashmIn .. 21..\\
athAtyartha viShR^iShTtena dviShatAmasu bhojinA . 
Ajaghne vakShasi droNo nArAchena dhana~njayam .. 22..\\
sa vahvalita sarvA~NgaH kShitikampe yathAchalaH . 
dhairyamAlambya bIbhatsurdroNa.n vivyAdha patribhiH .. 23..\\
droNastu pa~nchabhirbANairvAsudevamatADayat . 
arjuna.n cha trisaptatyA dhvajaM chAsya tribhiH sharaiH .. 24..\\
visheShayiShya~nshiShya.n cha dromo rAjanparAkramI . 
adR^ishyamarjuna.n chakre nimeShAchchharavR^iShTibhiH .. 25..\\
prasaktAnaptato.adrAkShma bhAradvAjasya sAyakAn . 
maNDalIkR^itamevAsya dhanushchAdR^ishyatAdbhutam .. 26..\\
te.abhyayuH samare rAjanvAsudevadhana~njayau . 
droNa sR^iShTAH subahavaH ka~Nkapatra parichchhadAH .. 27..\\
taddR^iShTvA tAdR^isha.n yuddha.n droNa pANDavayostadA . 
vAsudevo mahAbuddhiH kAryavattAm achintayat .. 28..\\
tato.abravIdvAsudevo dhana~njayamida.n vachaH . 
pArtha pArtha mahAbAho na naH kAlAtyayo bhavet .. 29..\\
droNamutsR^ijya gachchhAmaH kR^ityametanmahattaram . 
pArthashchApyabravItkR^iShNa.n yatheShTamiti keshava .. 30..\\
tataH pradakShiNa.n kR^itvA droNaM prAyAnmahAbhujaH . 
parivR^ittashcha bIbhatsuragachchhadvisR^ija~nsharAn .. 31..\\
tato.abravItsmayandroNaH kvedaM pANDava gamyate . 
nanu nAma raNe shatrumajitvA na nivartase .. 32..\\

 arj

gururbhavAnanme shatruH shiShyaH putrasamo.asmi te . 
na chAsmi sa pumA.Nlloke yastvA.n yudhi parAjayet .. 33..\\

 s

evaM bruvANo bIbhatsurjayadrathavadhotsukaH . 
tvarAyukto mahAbAhustatsainya.n samupAdravat .. 34..\\
ta.n chakrarakShau pA~nchAlyau yudhAmanyUttamaujasau . 
anvayAtAM mahAtmAnau vishanta.n tAvakaM balam .. 35..\\
tato jayo mahArAja kR^itavarmA cha sAttvataH . 
kAmbojashcha shrutAyushcha dhana~njayamavArayan .. 36..\\
teShA.n dashasahasrANi rathAnAmanuyAyinAm . 
abhIShAhAH shUrasenAH shibayo.atha vasAtayaH .. 37..\\
mAchellakA lalitthAshcha kekayA madrakAstathA . 
nArAyaNAshcha gopAlAH kAmbojAnA.n cha ye gaNAH .. 38..\\
karNena vijitAH pUrva.n sa~NgrAme shUra saMmatAH . 
bhAradvAjaM puraskR^itya tyaktAtmAno.arjunaM prati .. 39..\\
putrashokAbhisantapta.n kruddhaM mR^ityumivAntakam . 
tyajanta.n tumule prANAnsaMnaddhaM chitrayodhinam .. 40..\\
gAhamAnamanIkAni mAta~Ngamiva yUthapam . 
maheShvAsaM parAkrAntaM naravyAghramavArayan .. 41..\\
tataH pravavR^ite yuddha.n tumula.n lomaharShaNam . 
anyonya.n vai prArthayatAM yodhAnAm arjunasya cha .. 42..\\
jayadratha vadhaprepsumAyAntaM puruSharShabham . 
nyavArayanta sahitAH kriyA vyAdhimivotthitam .. 43..\\
\medskip\hrule\medskip\centerline{\Largedvng 67}
 s

saMniruddhastu taiH pArtho mahAbalaparAkramaH . 
druta.n samanuyAtashcha droNena rathinAM varaH .. 1..\\
kiranniShugaNA.nstikShNAnsvarashmIniva bhAskaraH . 
tApayAmAsa tatsainya.n deha.n vyAdhigaNo yathA .. 2..\\
ashvo viddho dhvajashchhinnaH sArohaH patito gajaH . 
chhatrANi chApaviddhAni rathAshchakrairvinAkR^itAH .. 3..\\
vidrutAni cha sainyAni sharArtAni samantataH . 
ityAsIttumula.n yuddhaM na prAGYAyata ki.n chana .. 4..\\
teShAmAyachchhatA.n sa~Nkhye parasparamajihmagaiH . 
arjuno dhvajinI.n rAjannabhIkShNaM samakampayat .. 5..\\
satyA.n chikIrShamANastu pratiGYA.n satyasa~NgaraH . 
abhyadravadrathashreShTha.n shoNAshvaM shvetavAhanaH .. 6..\\
ta.n droNaH pa~nchaviMshatyA marmabhidbhirajihmagaiH . 
antevAsinamAchAryo maheShvAsa.n samardayat .. 7..\\
ta.n tUrNamiva bIbhatsuH sarvashastrabhR^itA.n varaH . 
abhyadhAvadiShUnasyanniShuvegavighAtakAn .. 8..\\
tasyAshu kShipato bhallAnbhallaiH saMnataparvabhiH . 
pratyavidhyadameyAtmA brahmAstra.n samudIrayan .. 9..\\
tadadbhutamapashyAma droNasyAchAryaka.n yudhi . 
yatamAno yuvA nainaM pratyavidhyadyadarjunaH .. 10..\\
kSharanniva mahAmegho vAridhArAH sahasrashaH . 
droNa meghaH pArtha shaila.n vavarSha sharavR^iShTibhiH .. 11..\\
arjunaH sharavarSha.n tadbrahmAstreNaiva mAriSha . 
pratijagrAha tejasvI bANairbANAnvishAtayan .. 12..\\
droNastu pa~nchaviMshatyA shvetavAhanamArdayat . 
vAsudeva.n cha saptatyA bAhvorurasi chAshugaiH .. 13..\\
pArthastu prahasandhImAnAchArya.n sa sharaughiNam . 
visR^ijanta.n shitAnbANAnavArayata taM yudhi .. 14..\\
atha tau vadhyamAnau tu droNena rathasattamau . 
AvarjayetA.n durdharSha.n yugAntAgnimivotthitam .. 15..\\
varjayannishitAnbANAndroNa chApaviniHsR^itAn . 
kirITamAlI kaunteyo bhojAnIkaM nyapAtayat .. 16..\\
so.antarA kR^itavarmANa.n kAmbojaM cha sudakShiNam . 
abhyayAdvarjayandroNaM mainAkamiva parvatam .. 17..\\
tato bhojo naravyAghra.n duHsahaH kurusattama . 
avidhyattUrNamavyagro dashabhiH ka~NkapatribhiH .. 18..\\
tamarjunaH shitenAjau rAjanvivyAdha patriNA . 
punashchAnyaistribhirbANairmohayanniva sAtvatam .. 19..\\
bhojastu prahasanpArtha.n vAsudeva.n cha mAdhavam . 
ekaikaM pa~nchaviMshatyA sAyakAnA.n samArpayat .. 20..\\
tasyArjuno dhanushchhittvA vivyAdhaina.n trisaptabhiH . 
sharairagnishikhAkAraiH kruddhAshIviSha saMnibhaiH .. 21..\\
athAnyaddhanurAdAya kR^itavarmA mahArathaH . 
pa~nchabhiH sAyakaistUrNa.n vivyAdhorasi bhArata .. 22..\\
punashcha nishitairbANaiH pArtha.n vivyAdha pa~nchabhiH . 
taM pArtho navabhirbANairAjaghAna stanAntare .. 23..\\
viShakta.n dR^ishyakauneyaM kR^itavarma rathaM prati . 
chintayAmAsa vArShNeyo na naH kAlAtyayo bhavet .. 24..\\
tataH kR^iShNo.abravItpArtha.n kR^itavarmaNi mA dayAm . 
kuru sAmbandhika.n kR^itvA pramathyaina.n vishAtaya .. 25..\\
tataH sa kR^itavarmANaM mohayitvArjunaH sharaiH . 
abhyagAjjavanairashvaiH kAmbojAnAmanIkinIm .. 26..\\
amarShitastu hArdikhyaH praviShTe shvetavAhane . 
vidhunvansa shara.n chApaM pA~nchAlyAbhyA.n samAgataH .. 27..\\
chakrarakShau tu pA~nchAlyAvarjunasya padAnugau . 
paryavArayadAyAntau kR^itavarmA ratheShubhiH .. 28..\\
tAvavidhyattato bhojaH sarvapArashavaiH sharaiH . 
tribhireva yudhAmanyu.n chaturbhish chottamaujasam .. 29..\\
tAvapyena.n vivyadhaturdashabhirdashabhiH sharaiH . 
sa~ncichchhidaturapyasya dhvaja.n kArmukameva cha .. 30..\\
athAnyaddhanurAdAya hArdikyaH krodhamUrchhitaH . 
kR^itvA vidhanuShau vIrau sharavarShairavAkirat .. 31..\\
tAvanye dhanuShI sajye kR^itvA bhoja.n vijaghnatuH . 
tenAntareNa bIbhatsurviveshAmitra vAhinIm .. 32..\\
na lebhAte tu tau dvAra.n vAritau kR^itavarmaNA . 
dhArtarAShTreShvanIkeShu yatamAnau nararShabhau .. 33..\\
anIkAnyardayanyuddhe tvaritaH shvetavAhanaH . 
nAvadhItkR^itavarmANaM prAptamapyarisUdanaH .. 34..\\
ta.n dR^iShTvA tu tathAyAnta.n shUro rAjA shrutAyudhaH . 
abhyadravatsusa~Nkruddho vidhunvAno mahaddhanuH .. 35..\\
sa pArtha.n tribhirAnarchhatsaptatyA cha janArdanam . 
kShurapreNa sutIkShNena pArtha ketumatADayat .. 36..\\
tamarjuno navatyA tu sharANAM nataparvaNAm . 
AjaghAna bhR^isha.n kruddhastottrairiva mahAdvipam .. 37..\\
sa tanna mamR^iShe rAjanpANDaveyasya vikramam . 
athaina.n sapta saptatyA nArAchAnAM samArpayat .. 38..\\
tasyArjuno dhanushchhittvA sharAvApaM nikR^itya cha . 
AjaghAnurasi kruddhaH saptabhirnataparvabhiH .. 39..\\
athAnyaddhanurAdAya sa rAjA krodhamUrhitaH . 
vAsaviM navabhirbANairbAhvorurasi chArpayat .. 40..\\
tato.arjunaH smayanneva shrutAyudhamarindamaH . 
sharairanekasAhasraiH pIDayAmAsa bhArata .. 41..\\
ashvAMshchAsyAvadhIttUrNa.n sArathi.n cha mahArathaH . 
vivyAdha chaina.n saptatyA nArAchAnAM mahAbalaH .. 42..\\
hatAshva.n rathamutsR^ijya sa tu rAjA shrutAyudhaH . 
abhyadravadraNe pArtha.n gadAmudyamya vIryavAn .. 43..\\
varuNasyAtmajo vIraH sa tu rAjA shrutAyudhaH . 
parNAshA jananI yasya shItatoyA mahAnadI .. 44..\\
tasya mAtAbravIdvAkya.n varuNaM putrakAraNAt . 
avadhyo.ayaM bhavelloke shatrUNA.n tanayo mama .. 45..\\
varuNastvabravItprIto dadAmyasmai vara.n hitam . 
divyamastra.n sutaste.ayaM yanAvadhyo bhaviShyati .. 46..\\
nAsti chApyamaratva.n vai manuShyasya katha.n chana . 
sarveNAvashya martavya.n jAtena saritA.n vare .. 47..\\
durdharShastveSha shatrUNA.n raNeShu bhavitA sadA . 
astrasyAsya prabhAvAdvai vyetu te mAnaso jvaraH .. 48..\\
ityuktvA varuNaH prAdAdgadAM mantrapuraskR^itAm . 
yAmAsAdya durAdharShaH sarvaloke shrutAyudhaH .. 49..\\
uvAcha chainaM bhagavAnpunareva jaleshvaraH . 
ayudhyati na bhoktavyA sa tvayyeva patediti .. 50..\\
sa tayA vIra ghAtinyA janArdanamatADayat . 
pratijagrAha tA.n kR^iShNaH pInenA.nsena vIryavAn .. 51..\\
nAkampayata shauri.n sA vindhya.n girimivAnilaH . 
pratyabhyayAtta.n viproDhA kR^ityeva duradhiShThitA .. 52..\\
jaghAna chAsthita.n vIraM shrutAyudhamamarShaNam . 
hatvA shrutAyudha.n vIra.n jagatIm anvapadyata .. 53..\\
hAhAkAro mahA.nstatra sainyAnA.n samajAyata . 
svenAstreNa hata.n dR^iShTvA shrutAyudhamarindamam .. 54..\\
ayudhyamAnAya hi sA keshavAya narAdhipa . 
kShiptA shrutAyudhenAtha tasmAttamavadhIdgadA .. 55..\\
yathokta.n varuNenAjau tathA sa nidhana.n gataH . 
vyasushchApyapatadbhUmau prekShatA.n sarvadhanvinAm .. 56..\\
patamAnastu sa babhau parNAshAyAH priyaH sutaH . 
sambhagna iva vAtena bahushAkho vanaspatiH .. 57..\\
tataH sarvANi sainyAni senAmukhyAshcha sarvashaH . 
prAdravanta hata.n dR^iShTvA shrutAyudhamarindamam .. 58..\\
tatha kAmbojarAjasya putraH shUraH sudakShiNaH . 
abhyayAjjavanairashvaiH phalguna.n shatrusUdanam .. 59..\\
tasya pArthaH sharAnsapta preShayAmAsa bhArata . 
te ta.n shUraM vinirbhidya prAvishandharaNItalam .. 60..\\
so.atividdhaH sharaistIkShNairgANDIvapreShitairmR^idhe . 
arjunaM prativivyAdha dashabhirka~NkapatribhiH .. 61..\\
vAsudeva.n tribhirviddhvA punaH pArthaM cha pa~nchabhiH . 
tasya pArtho dhanushchhittvA ketu.n chichchheda mAriSha .. 62..\\
bhallAbhyAM bhR^ishatIkShNAbhyA.n taM cha vivyAdha pANDavaH . 
sa tu pArtha.n tribhirviddhvA si.nhanAdamathAnadat .. 63..\\
sarvapArashavI.n chaiva shakti.n shUraH sudakShiNaH . 
sa ghaNTAM prAhiNodghorA.n kruddho gANDIvadhanvane .. 64..\\
sA jvalantI maholkeva tamAsAdya mahAratham . 
sa visphuli~NgA nirbhidya nipapAta mahItale .. 65..\\
ta.n chaturdashabhiH pArtho nArAchaiH ka~NkapatribhiH . 
sAshvadhvajadhanuH sUta.n vivyAdhAchintya vikramaH . 
ratha.n chAnyaiH subahubhishchakre vishakala.n sharaiH .. 66..\\
sudakShiNa.n tu kAmbojaM moghasa~Nkalpavikramam . 
bibheda hR^idi bANena pR^ithu dhAreNa pANDavaH .. 67..\\
sa bhinnamarmA srastA~NgaH prabhraShTa mukuTA~NgadaH . 
papAtAbhimukhaH shUro yantramukta iva dhvajaH .. 68..\\
gireH shikha rajaH shrImAnsushAkhaH supratiShThitaH . 
nirbhagna iva vAtena karNikAro himAtyaye .. 69..\\
shete sma nihato bhUmau kAmbojAstaraNochitaH . 
sudarshanIyastAmrAkShaH karNinA sa sudakShiNaH . 
putraH kAmbojarAjasya pArthena vinipAtitaH .. 70..\\
tataH sarvANi sainyAni vyadravanta sutasya te . 
hata.n shrutAyudha.n dR^iShTvA kAmbojaM cha sudakShiNam .. 71..\\
\medskip\hrule\medskip\centerline{\Largedvng 68}
 s

hate sudakShiNe rAjanvIre chaiva shrutAyudhe . 
javenAbhyadravanpArtha.n kupitAH sainikAstava .. 1..\\
abhIShAhA shUrasenAH shibayo.atha vasAtayaH . 
abhyavarSha.nstato rAja~nsharavarShairdhana~njayam .. 2..\\
teShA.n ShaShTishatAnAryAnprAmathnatpANDavaiH sharaiH . 
te sma bhItAH palAyanta vyAghrAtkShudramR^igA iva .. 3..\\
te nivR^itya punaH pArtha.n sarataH paryavArayan . 
raNe sapatnAnnighnanta.n jigIShantanparAnyudhi .. 4..\\
teShAmApatatA.n tUrNaM gANDIvapreShitaiH sharaiH . 
shirA.nsi pAtayAmAsa bAhUMshchaiva dhana~njayaH .. 5..\\
shirobhiH patitaistatra bhUmirAsInnirantarA . 
abhrachchhAyeva chaivAsIddhvA~NkSha gR^idhravaDairyudhi .. 6..\\
teShu tUtsAdyamAneShu krodhAmarShasamanvitau . 
shrutAyushchAchyutAyushcha dhana~njayamayudhyatAm .. 7..\\
balinau sparthinau vIrau kulajau bAhushAlinau . 
tAvena.n sharavarShANi savyadakShiNamasyatAm .. 8..\\
tvarAyuktau mahArAja prArthayAnau mahadyashaH . 
arjunasya vadhaprepsU putrArthe tava dhanvinau .. 9..\\
tAvarjuna.n sahasreNa patriNAM nataparvaNAm . 
pUrayAmAsatuH kruddhau taDAga.n jaladau yathA .. 10..\\
shrutAyushcha tataH kruddhastomareNa dhana~njayam . 
AjaghAna rathashreShThaH pItena nishitena cha .. 11..\\
so.atividdho balavatA shatruNA shatrukarshanaH . 
AjagAma paraM mohaM mohayankeshava.n raNe .. 12..\\
etasminneva kAle tu so.achyutAyurmahArathaH . 
shUlena bhR^ishatIkShNena tADayAmAsa pANDavam .. 13..\\
kShate kShAra.n sa hi dadau pANDavasya mahAtmanaH . 
pArtho.api bhR^ishasa.nviddho dhvajayaShTi.n samAshritaH .. 14..\\
tataH sarvasya sainyasya tAvakasya vishAM pate . 
si.nhanAdo mahAnAsIddhataM matvA dhana~njayam .. 15..\\
kR^iShNashcha bhR^ishasantapto dR^iShTvA pArtha.n vichetasam . 
AshvAsayatsuhR^idyAbhirvAgbhistatra dhana~njayam .. 16..\\
tatastau rathinA.n shreShThau labdhalakShau dhana~njayam . 
vAsudeva.n cha vArShNeya.n sharavarShaiH samantataH .. 17..\\
sachakrakUbara ratha.n sAshvadhvajapatAkinam . 
adR^ishya.n chakraturyuddhe tadadbhutamivAbhavat .. 18..\\
pratyAshvastastu bIbhatsuH shanakairiva bhArata . 
pretarAjapuraM prApya punaH pratyAgato yathA .. 19..\\
sa~nchanna.n sharajAlena ratha.n dR^iShTvA sa keshavam . 
shatrU chAbhimukhau dR^iShTvA dIpyamAnAvivAnalau .. 20..\\
prAdushchakre tataH pArthaH shAkramastraM mahArathaH . 
tasmAdAsansahasrANi sharANAM nataparvaNAm .. 21..\\
te jaghnustau maheShvAsau tAbhyA.n sR^iShTAMshcha sAyakAn . 
vicherurAkAshagatAH pArtha bANavidAritAH .. 22..\\
pratihatya sharA.nstUrNa.n sharavegena pANDavaH . 
pratasthe tatra tatraiva yodhayanvai mahArathAn .. 23..\\
tau cha phalguna bANaughairvibAhu shirasau kR^itau . 
vasudhAmanvapadyetA.n vAtanunnAviva drumau .. 24..\\
shrutAyuShashcha nidhana.n vadhashchaivAchyutAyuShaH . 
lokavismApanamabhUtsamudrasyeva shoShaNam .. 25..\\
tayoH padAnugAnhatvA punaH pa~nchashatAnrathAn . 
abhyagAdbhAratI.n senAM nighnanpArtho varAnvarAn .. 26..\\
shrutAyuSha.n cha nihataM prekShya chaivAchyutAyuSham . 
ayutAyushcha sa~Nkruddho dIrghAyushchaiva bhArata .. 27..\\
putrau tayornarashreShThau kaunteyaM pratijagmatuH . 
kirantau vividhAnbANAnpitR^ivyasanakarshitau .. 28..\\
tAvarjuno muhUrtena sharaiH saMnataparvabhiH . 
preShayatparamakruddho yamasya sadanaM prati .. 29..\\
loDayantamanIkAni dvipaM padmasaro yathA . 
nAshaknuvanvArayituM pArtha.n kShatriya pu~NgavAH .. 30..\\
agnAstu gajavAreNa pANDavaM paryavArayan . 
kruddhAH sahasrasho rAja~nshikhitA hastisAdinaH .. 31..\\
duryodhana samAdiShTAH ku~njaraiH parvatopamaiH . 
prAchyAshcha dAkShiNAtyAshcha kali~Nga pramukhA nR^ipAH .. 32..\\
teShAmApatatA.n shIghra.n gANDIvapreShitaiH sharaiH . 
nichakarta shirA.nsyugrau bAhUnapi subhUShaNAn .. 33..\\
taiH shirobhirmahI kIrNA bAhubhishcha sahA~NgadaiH . 
babhau kanakapAShANA bhujagairiva sa.nvR^itA .. 34..\\
bAhavo vishikhaishchhinnAH shirA.nsyunmathitAni cha . 
chyavamAnAnyadR^ishyanta drumebhya iva pakShiNaH .. 35..\\
sharaiH sahasrasho viddhA dvipAH prasruta shoNitAH . 
vyadR^ishyantAdrayaH kAle gairikAmbusravA iva .. 36..\\
nihatAH sherate smAnye bIbhatsornishitaiH sharaiH . 
gajapR^iShTha gatA mlechchhA nAnA vikR^itadarshanAH .. 37..\\
nAnAveShadharA rAjannAnAshastraughasa.nvR^itAH . 
rudhireNAnuliptA~NgA bhAnti chitraiH sharairhatAH .. 38..\\
shoNitaM nirvamanti sma dvipAH pArtha sharAhatAH . 
sahasrashashchhinnagAtrAH sArohAH sapadAnugAH .. 39..\\
chukrushushcha nipetushcha babhramushchApare dishaH . 
bhR^isha.n trasAshcha bahudhA svAnena mamR^idurgajAH . 
sAntarAyudhikA mattA dvipAstIkShNaviShopamAH .. 40..\\
vidantyasuramAyA.n ye sughorA ghorachakShuShaH . 
yavanAH pAradAshchaiva shakAshcha sunikaiH saha .. 41..\\
yo yoniprabhavA mlechchhAH kAlakalpAH prahAriNaH . 
dArvAbhisArA daradAH puNDrAshcha saha bAhlikaiH .. 42..\\
na te sma shakyAH sa~NkhyAtu.n vrAtAH shatasahasrashaH . 
vR^iShTistathAvidhA hyAsIchchhalabhAnAmivAyatiH .. 43..\\
abhrachchhAyAmiva sharaiH sainye kR^itvA dhana~njayaH . 
muNDArdha muNDajaTilAnashuchI~njaTilAnanAn . 
mlechchhAnashAtayatsarvAnsametAnastramAyayA .. 44..\\
sharaishcha shatasho viddhAste sa~NghAH sa~NghachAriNaH . 
prAdravanta raNe bhItA girigahvaravAsinaH .. 45..\\
gajAshvasAdi mlechchhAnAM patitAnA.n shataiH sharaiH . 
vaDAH ka~NkA vR^ikA bhUmAvapivanrudhiraM mudA .. 46..\\
pattyashvarathanAgaishcha prachchhannakR^itasa~NkramAm . 
sharavarSha plavA.n ghorAM keshashaivalashADvalAm . 
prAvartayannadImugrA.n shoNitaughatara~NgiNIm .. 47..\\
shirastrANakShudramatsyA.n yugAnte kAlasambhR^itAm . 
akarodgajasambAdhAM nadImuttarashoNitAm . 
dehebhyo rAjaputrANAM nAgAshvarathasAdinAm .. 48..\\
yathA sthala.n cha nimnaM cha na syAdvarShati vAsave . 
tathAsItpR^ithivI sarvA shoNitena pariplutA .. 49..\\
ShaTsahasrAnvarAnvIrAnpunardashashatAnvarAn . 
prAhiNonmR^ityulokAya kShatriyAnkShatriyarShabhaH .. 50..\\
sharaiH sahasrasho viddhA vidhivatkalpitA dvipAH . 
sherate bhUmimAsAdya shailA vajrahatA iva .. 51..\\
sa vAjirathamAta~NgAnnighnanvyacharadarjunaH . 
prabhinna iva mAta~Ngo mR^idnannaDa vanamyathA .. 52..\\
bhUri drumalatA gulma.n shuShkendhanatR^iNolapam . 
nirdahedanalo.araNya.n yathA vAyusamIritaH .. 53..\\
sainyAraNya.n tava tathA kR^iShNAnila samIritaH . 
sharArchiradahatkruddhaH pANDavAgnirdhana~njayaH .. 54..\\
shUnyAnkurvanrathopasthAnmAnavaiH sa.nstaranmahIm . 
prAnR^ityadiva sambAdhe chApahasto dhana~njayaH .. 55..\\
vajrakalpaiH sharairbhUmi.n kurvannuttarashoNitAm . 
prAvishadbhAratI.n senAM sa~Nkruddho vai dhana~njayaH . 
ta.n shrutAyustathAmbaShTho vrajamAnaM nyavArayat .. 56..\\
tasyArjunaH sharaistIkShNaiH ka~Nkapatra parichchhadaiH . 
nyapAtayaddhayA~nshIghra.n yatamAnasya mAriSha . 
dhanushchAsyAparaishchhittvA sharaiH pArtho vichakrame .. 57..\\
ambaShThastu gadA.n gR^ihya krodhaparyAkulekShaNaH . 
AsasAda raNe pArtha.n keshavaM cha mahAratham .. 58..\\
tataH sa prahasanvIro gadAmudyamya bhArata . 
rathamAvArya gadayA keshava.n samatADayat .. 59..\\
gadayA tADita.n dR^iShTvA keshavaM paravIrahA . 
arjuno bhR^ishasa~NkruddhaH so.ambaShThaM prati bhArata .. 60..\\
tataH sharairhemapu~NkhaiH sagada.n rathinAM varam . 
chhAdayAmAsa samare meghaH sUryamivoditam .. 61..\\
tato.aparaiH sharaishchApi gadA.n tasya mahAtmanaH . 
achUrNayattadA pArthastadadbhutamivAbhavat .. 62..\\
atha tAM patitA.n dR^iShTvA gR^ihyAnyAM mahatIM gadAm . 
arjuna.n vAsudeva.n cha punaH punaratADayat .. 63..\\
tasyArjunaH kShuraprAbhyA.n sagadAvudyatau bhujau . 
chichchhedendra dhvajAkArau shirashchAnyena patriNA .. 64..\\
sa papAta hato rAjanvasudhAmanunAdayan . 
indradhvaja ivotsR^iShTo yantranirmukta bandhanaH .. 65..\\
rathAnIkAvagADhashcha vAraNAshvashatairvR^itaH . 
so.adR^ishyata tadA pArtho ghanaiH sUrya ivAvR^itaH .. 66..\\
\medskip\hrule\medskip\centerline{\Largedvng 69}
 s

tataH praviShTe kaunteye sindhurAjajighA.nsayA . 
droNAnIka.n vinirbhidya bhojAnIka.n cha dustaram .. 1..\\
kAmbojasya cha dAyAde hate rAjansudakShiNe . 
shrutAyudhe cha vikrAnte nihate savyasAchinA .. 2..\\
vipradruteShvanIkeShu vidhvasteShu samantataH . 
prabhagna.n svabala.n dR^iShTvA putraste droNamabhyayAt .. 3..\\
tvarannekarathenaiva sametya droNamabravIt . 
gataH sa puruShavyAghraH pramathyemAM mahAchamUm .. 4..\\
atra buddhyA samIkShasva kiM nu kAryamanantaram . 
arjunasya vighAtAya dAruNe.asmi~njanakShaye .. 5..\\
yathA sa puruShavyAghro na hanyeta jayadrathaH . 
tathAvidhatsva bhadra.n te tva.n hi naH paramA gatiH .. 6..\\
asau dhana~njayAgnirhi kopamAruta choditaH . 
senA kakSha.n dahati me vahniH kakShamivotthitaH .. 7..\\
atikrAnte hi kaunteye bhittvA sainyaM parantapa . 
jayadrathasya goptAraH saMshayaM parama.n gatAH .. 8..\\
sthirA buddihrnarendrANAmAsIdbrahmavidA.n vara . 
nAtikramiShyati droNa.n jAtu jIvandhana~njayaH .. 9..\\
so.asau pAtho vyatikrAnto miShataste mahAdyute . 
sarva.n hyadyAturaM manye naitadasti balaM mama .. 10..\\
jAnAmi tvAM mahAbhAga pANDavAnA.n hite ratam . 
tathA muhyAmi cha brahmankAryavattA.n vichintayan .. 11..\\
yathAshakti cha te brahmanvartaye vR^ittimuttamAm . 
prINAmi cha yathAshakti tachcha tvaM nAvabudhyase .. 12..\\
asmAnna tva.n sadA bhaktAnichchhasyamitavikrama . 
pANDavAnsatataM prINAsyasmAka.n vipriye ratAn .. 13..\\
asmAnevopajIva.nstvamasmAka.n vipriye rataH . 
na hyaha.n tvA.n vijAnAmi madhu digdhamiva kShuram .. 14..\\
nAdAsyachchedvaraM mahyaM bhavAnpANDava nigrahe . 
nAvArayiShya.n gachchhantamaha.n sindhupatiM gR^ihAn .. 15..\\
mayA tvAsha.nsamAnena tvattastrANamabuddhinA . 
AshvAsitaH sindhupatirmohAddattashcha mR^ityave .. 16..\\
yama daMShTrAntaraM prApto muchyetApi hi mAnavaH . 
nArjunasya vashaM prApto muchyetAjau jayadrathaH .. 17..\\
sa tathA kuru shoNAshva yathA rakShyeta saindhavaH . 
mama chArtapralApAnAM mA krudhaH pAhi saindhavam .. 18..\\

 drn

nAbhyasUyAmi te vAchamashvatthAmnAsi me samaH . 
satya.n tu te pravakShyAmi tajjuShasva vishAM pate .. 19..\\
sArathiH pravaraH kR^iShNaH shIghrAshchAsya hayottamAH . 
alpa.n cha vivaraM kR^itvA tUrNa.n yAti dhana~njayaH .. 20..\\
kiM nu pashyasi bANaughAnkroshamAtre kirITinaH . 
pashchAdrathasya patitAnkShiptA~nshIghra.n hi gachchhataH .. 21..\\
na chAha.n shIghrayAne.adya samartho vayasAnvitaH . 
senAmukhe cha pArthAnAm etadbalamupasthitam .. 22..\\
yudhiShThirashcha me grAhyo miShatA.n sarvadhanvinAm . 
evaM mayA pratiGYAta.n kShatramadhye mahAbhuja .. 23..\\
dhana~njayena chotsR^iShTo vartate pramukhe mama . 
tasmAdvyUha mukha.n hitvA nAhaM yAsyAmi phalgunam .. 24..\\
tulyAbhijanakarmANa.n shatrumekaM sahAyavAn . 
gatvA yodhaya mA bhaistva.n tva.n hyasya jagataH patiH .. 25..\\
rAjA shUraH kR^itI dakShau vairamutpAdya pANDavaiH . 
vIra svayaM prayAhyAshu yatra yAto dhana~njayaH .. 26..\\

 dur

katha.n tvAmapyatikrAntaH sarvashastrabhR^itA.n varaH . 
dhana~njayo mayA shakya AchArya pratibAdhitum .. 27..\\
api shakyo raNe jetu.n vajrahastaH purandaraH . 
nArjunaH samare shakyo jetuM parapura~njayaH .. 28..\\
yena bhojashcha hArdikyo bhavAMshcha tridashopamaH . 
astrapratApena jitau shrutAyushcha nibarhitaH .. 29..\\
sudakShiNashcha nihataH sa cha rAjA shrutAyudhaH . 
shrutAyushchAchyutAyushcha mlechchhAshcha shatasho hatAH .. 30..\\
ta.n kathaM pANDava.n yuddhe dahantamahitAnbahUn . 
pratiyotsyAmi durdharSha.n tanme sha.nsAstra kovida .. 31..\\
kShama.n chenmanyase yuddhaM mama tenAdya shAdhi mAm . 
paravAnasmi bhavati preShyakR^idrakSha me yashaH .. 32..\\

 drn

satya.n vadasi kauravya kurAdharSho dhana~njayaH . 
aha.n tu tatkariShyAmi yathainaM prasahiShyasi .. 33..\\
adbhuta.n chAdya pashyantu loke sarvadhanurdharAH . 
viShakta.n tvayi kaunteya.n vAsudevasya pashyataH .. 34..\\
eSha te kavacha.n rAja.nstathA badhnAmi kA~nchanam . 
yathA na bANA nAstrANi viShahiShyanti te raNe .. 35..\\
yadi tvA.n sAsurasurAH sa yakShoraga rAkShasAH . 
yodhayanti trayo lokAH sa narA nAsti te bhayam .. 36..\\
na kR^iShNo na cha kauneyo na chAnyaH shastrabhR^idraNe . 
sharAnarpayitu.n kashchitkavache tava shakShyati .. 37..\\
sa tva.n kavachamAsthAya kruddhamadya raNe.arjunam . 
tvaramANaH svaya.n yAhi na chAsau tvAM sahiShyate .. 38..\\

 s

evamuktvA tvarandroNaH spR^iShTvAmbho varma bhAsvaram . 
AbabandhAdbhutatama.n japanmantra.n yathAvidhi .. 39..\\
raNe tasminsumahati vijayAya sutasya te . 
visismApayiShurloka.n vidyayA brahmavittamaH .. 40..\\

 drn

karotu svasti te brahmA svasti chApi dvijAtayaH . 
sarIsR^ipAshcha ye shreShThAstebhyaste svasti bhArata .. 41..\\
yayAtirnahuShashchaiva dhundhumAro bhagIrathaH . 
tubhya.n rAjarShayaH sarve svasti kurvantu sarvashaH .. 42..\\
svasti te.astvekapAdebhyo bahu pAdebhya eva cha . 
svastyastvapAdakebhyashcha nitya.n tava mahAraNe .. 43..\\
svAhA svadhA shachI chaiva svasti kurvantu te sadA . 
lakShNIrarundhatI chaiva kurautA.n svasti te.anagha .. 44..\\
asito devalashchaiva vishvAmitrastathA~NgirAH . 
vasiShThaH kashyapashchaiva svasti kurvantu te nR^ipa .. 45..\\
dhAtA vidhAtA lokesho dishashcha sa digIshvarAH . 
svasti te.adya prayachchhantu kArttikeyashcha ShaNmukhaH .. 46..\\
vivasvAnbhagavAnsvasti karotu tava sarvashaH . 
diggajAshchaiva chatvAraH kShitiH kha.n gaganaM grahAH .. 47..\\
adhastAddharaNI.n yo.asau sadA dhArayate nR^ipa . 
sa sheShaH pannagashreShThaH svasti tubhyaM prayachchhatu .. 48..\\
gAndhAre yudhi vikramya nirjitAH surasattamAH . 
purA vR^itreNa daityena bhinnadehAH sahasrashaH .. 49..\\
hR^itatejobalAH sarve tadA sendrA divaukasaH . 
brahmANa.n sharaNa.n jagmurvR^itrAdbhItA mahAsurAt .. 50..\\

 devaah

pramarditAnA.n vR^itreNa devAnA.n deva sattama . 
gatirbhava sura shreShTha trAhi no mahato bhayAt .. 51..\\

 drn

atha pArshve sthita.n viShNuM shakrAdIMshcha surottamAn . 
prAha tathyamida.n vAkyaM viShaNNAnsurasattamAn .. 52..\\
rakShyA me satata.n devAH sahendrAH sa dvijAtayaH . 
tvaShTuH sudurdhara.n tejo yana vR^itro vinirmitaH .. 53..\\
tvaShTrA purA tapastaptvA varShAyutashata.n tadA . 
vR^itro vinirmito devAH prApyAnuGYAM maheshvarAt .. 54..\\
sa tasyaiva prasAdAdvai hanyAdeva ripurbalI . 
nAgatvA sha~Nkara sthAnaM bhagavAndR^ishyate haraH .. 55..\\
dR^iShTvA haniShyatha ripu.n kShipraM gachchhata mandaram . 
yatrAste tapasA.n yonirdakShayaGYavinAshanaH . 
pinAkI sarvabhUtesho bhaga netranipAtanaH .. 56..\\
te gatvA sahitA devA brahmaNA saha mandaram . 
apashya.nstejasA.n rAshiM sUryakoTi samaprabham .. 57..\\
so.abravItsvAgata.n devA brUta kiM karavANyaham . 
amogha.n darshanaM mahyamAmaprAptirato.astu vaH .. 58..\\
evamuktAstu te sarve pratyUchusta.n divaukasaH . 
tejo hR^itaM novR^itreNa gatirbhava divaukasAm .. 59..\\
mUrtIrIkShaShva no deva prahArairjarjarIkR^itAH . 
sharaNa.n tvAM prapannAH sma gatirbhava maheshvara .. 60..\\

 mahezvara

viditaM me yathA devAH kR^ityeya.n sumahAbalA . 
tvaShTustejo bhavA ghorA durnivAryAkR^itAtmabhiH .. 61..\\
avashya.n tu mayA kArya.n sAhyaM sarvadivaukasAm . 
mameda.n gAtraja.n shakra kavachaM gR^ihya bhAsvaram . 
badhAnAnena mantreNa mAnasena sureshvara .. 62..\\

 drn

ityuktvA varadaH prAdAdvarmatanmantrameva cha . 
sa tena varmaNA guptaH prAyAdvR^itra chamUM prati .. 63..\\
nAnAvidhaishcha shastraughaiH pAtyamAnairmahAraNe . 
na sandhiH shakyate bhettu.n varma bandhasya tasya tu .. 64..\\
tato jaghAna samare vR^itra.n devapatiH svayam . 
ta.n cha matramayaM bandha.n varma chA~Ngirase dadau .. 65..\\
a~NgirAH prAha putrasya mantraGYasya bR^ihaspateH . 
bR^ihaspatirathovAcha agniveshyAya dhImate .. 66..\\
agniveshyo mama prAdAttena badhnAmi varma te . 
tavAdya deharakShArthaM mantreNa nR^ipasattama .. 67..\\
evamuktvA tato droNastava putraM mahAdyutiH . 
punareva vachaH prAha shanairAchArya pu~NgavaH .. 68..\\
brahmasUtreNa badhnAmi kavacha.n tava pArthiva . 
hiraNyagarbheNa yathA yaddha.n viShNoH purA raNe .. 69..\\
yathA cha brahmaNA baddha.n sa~NgrAme tArakAmaye . 
shakrasya kavacha.n divyaM tathA badhnAmyahaM tava .. 70..\\
baddhvA tu kavacha.n tasya mantreNa vidhipUrvakam . 
preShayAmAsa rAjAna.n yuddhAya mahate dvijaH .. 71..\\
sa saMnaddho mahAbAhurAchAryeNa mahAtmanA . 
rathAnA.n cha sahasreNa trigartAnAM prahAriNAm .. 72..\\
tathA danti sahasreNa mattAnA.n vIryashAlinAm . 
ashvAnAmayutenaiva tathAnyaishcha mahArathaiH .. 73..\\
vR^itaH prAyAnmahAbAhurarjunasya rathaM prati . 
nAnA vAditraghoSheNa yathA vairochanistathA .. 74..\\
tataH shabdo mahAnAsItsainyAnA.n tava bhArata . 
agAdhaM prasthita.n dR^iTShTvA samudramiva kauravam .. 75..\\
\medskip\hrule\medskip\centerline{\Largedvng 70}
 s

praviShTayormahArAja pArtha vArShNeyayostadA . 
duryodhane prayAte cha pR^iShThataH puruSharShabhe .. 1..\\
javenAbhyadravandroNaM mahatA nisvanena cha . 
pANDavAH somakaiH sArdha.n tato yuddhamavartata .. 2..\\
tadyuddhamabhavadghora.n tumula.n lomaharShaNam . 
pA~nchAlAnA.n kurUNAM cha vyUhasya purato.adbhutam .. 3..\\
rAjankadA chinnAsmAbhirdR^iShTa.n tAdR^i~Nna cha shrutam . 
yAdR^i~Nmadhyagate sUrye yuddhamAsIdvishAM pate .. 4..\\
dhR^iShTadyumnamukhAH pArthA vyUDhAnIkAH prahAriNaH . 
droNasya sainya.n te sarve sharavarShairavAkiran .. 5..\\
vaya.n droNaM puraskR^itya sarvashastrabhR^itA.n varam . 
pArShata pramukhAnpArthAnabhyavarShAma sAyakaiH .. 6..\\
mahAmeghAvivodIrNau mishravAtau himAtyaye . 
senAgre viprakAshete ruchire rathabhUShite .. 7..\\
sametya tu mahAsene chakraturvegamuttamam . 
jAhnavI yamune nadyau prAvR^iShIvolbaNodake .. 8..\\
nAnAshastrapuro vAto dvipAshvarathasa.nvR^itaH . 
gadA vidyunmahAraudraH sa~NgrAmajalado mahAn .. 9..\\
bhAradvAjAniloddhUtaH sharadhArA sahasravAn . 
abhyavarShanmahAraudraH pANDusenAgnimuddhatam .. 10..\\
samudramiva gharmAnte vivAnghoro mahAnilaH . 
vyakShobhayadanIkAni pANDavAnA.n dvijottamaH .. 11..\\
te.api sarvaprayatnena droNameva samAdravan . 
bibhitsanto mahAsena.n vAryaughAH prabalA iva .. 12..\\
vArayAmAsa tAndroNo jalaughAnachalo yathA . 
pANDavAnsamare kruddhAnpA~nchAlAMshcha sa kekayAn .. 13..\\
athApare.api rAjAnaH parAvR^itya samantataH . 
mahAbAlA raNe shUrAH pA~nchAlAnanvavArayan .. 14..\\
tato raNe naravyAghraH pArShataH pANDavaiH saha . 
sa~njaghAnAsakR^iddroNaM bibhitsurarivAhinIm .. 15..\\
yathaiva sharavarShANi droNo varShati pArShate . 
tathaiva sharavarShANi dhR^iShTadyumno.abhyavarShata .. 16..\\
sanistriMshapuro vAtaH shaktiprAsarShTi sa.nvR^itaH . 
jyA vidyuchchApasa.nhrAdo dhR^iShTadyumna balAhakaH .. 17..\\
sharadhArAshma varShANi vyasR^ijatsarvatodisham . 
nighnanrathavarAshvaughAMshchhAdayAmAsa vAhinIm .. 18..\\
ya.n yamArchhachchharairdroNaH pANDavAnAM rathavrajam . 
tatastataH sharairdroNamapAkarShata pArShataH .. 19..\\
tathA tu yatamAnasya droNasya yudhi bhArata . 
dhR^iShTadyumna.n samAsAdya tridhA sainyamabhidyata .. 20..\\
bhojameke nyavartanta jalasandhamathApare . 
pANDavairhanyamAnAshcha droNamevApare.avrajan .. 21..\\
sainyAnyaghaTayadyAni droNastu rathinA.n varaH . 
vyadhamachchApi tAnyasya ghR^iShTadyumno mahArathaH .. 22..\\
dhArtarAShTAstridhA bhUtA vadhyante pANDusR^i~njayaiH . 
agopAH pashavo.araNye bahubhiH shvApadairiva .. 23..\\
kAlaH sa~Ngrasate yodhAndhR^iShTadyumnena mohitAn . 
sa~NgrAme tumule tasminniti saMmenire janAH .. 24..\\
kunR^ipasya yathA rAShTra.n durbhikShavyAdhitaskaraiH . 
drAvyate tadvadApannA pANDavaistava vAhinI .. 25..\\
arkarashmi prabhinneShu shastreShu kavacheShu cha . 
chakShUMShi pratihanyante sainyena rajasA tathA .. 26..\\
tridhA bhUteShu sainyeShu vadhyamAneShu pANDavaiH . 
amarShitastato droNaH pA~nchAlAnvyadhamachchharaiH .. 27..\\
mR^idnatastAnyanIkAni nighnatashchApi sAyakaiH . 
babhUva rUpa.n droNasya kAlAgneriva dIpyataH .. 28..\\
rathaM nAga.n haya.n chApi pattinashcha vishAM pate . 
ekaikeneShuNA sa~Nkhye nirbibheda mahArathaH .. 29..\\
pANDavAnA.n tu sainyeShu nAsti kashchitsa bhArata . 
dadhAra yo raNe bANAndroNa chApachyutA~nshitAn .. 30..\\
tatpachyamAnamarkeNa droNa sAyakatApitam . 
babhrAma pArShata.n sainya.n tatra tatraiva bhArata .. 31..\\
tathaiva pArShatenApi kAlyamAnaM bala.n tava . 
abhavatsarvato dIpta.n shuShkaM vanamivAgninA .. 32..\\
vadhyamAneShu sainyeShu droNa pArShata sAyakaiH . 
tyaktvA prANAnpara.n shaktyA prAyudhyanta sma sainikAH .. 33..\\
tAvakAnAM pareShA.n cha yudhyatAM bharatarShabha . 
nAsItkashchinmahArAja yo.atyAkShItsa.nyugaM bhayAt .. 34..\\
bhImasena.n tu kaunteya.n sodaryAH paryavArayan . 
viviMshatishchitraseno vikarNashcha mahArathaH .. 35..\\
vindAnuvindAvAvantyau kShemadhUrtishcha vIryavAn . 
trayANA.n tava putrANAM traya evAnuyAyinaH .. 36..\\
bAhlIka rAjastejasvI kulaputro mahArathaH . 
saha senaH sahAmAtyo drApadeyAnavArayat .. 37..\\
shabyo govAsano rAjA yodhairdashashatAvaraiH . 
kAshyasyAbhibhuvaH putraM parAkrAntamavArayat .. 38..\\
ajAtashatru.n kaunteyaM jvalantamiva pAvakam . 
madrANameshvaraH shalyo rAjA rAjAnamAvR^iNot .. 39..\\
duHshAsanastvavasthApya svamanIkamamarShaNaH . 
sAtyakiM prayayau kruddhaH shUro rathavara.n yudhi .. 40..\\
svakenAhamanIkena saMnaddha kavachAvR^itaH . 
chatuHshatairmaheShvAsaishchekitAnamavArayam .. 41..\\
shakunistu sahAnIko mAdrIputramavArayat . 
gAndhArakaiH saptashataishchApashaktisharAsibhiH .. 42..\\
vindAnuvindAvAvantyau virATaM matsyamArchhatAm . 
prANA.nstyaktvA maheShvAsau mitrArthe.abhyudyatau yudhi .. 43..\\
shikhaNDina.n yAGYaseniM rundhAnamaparAjitam . 
bAhlikaH pratisa.nyattaH parAkrAnamavArayat .. 44..\\
dhR^iShTadyumna.n cha pA~nchAlyaM krUraiH sArdhaM prabhadrakaiH . 
AvantyaH saha sauvIraiH kruddha rUpamavArayat .. 45..\\
ghaTotkacha.n tathA shUra.n rAkShasaM krUra yodhinam . 
alAyudho.adravattUrNa.n kruddhamAyAntamAhave .. 46..\\
alambusa.n rAkShasendra.n kuntibhojo mahArathaH . 
sainyena mahatA yuktaH kruddha rUpamavArayat .. 47..\\
saindhavaH pR^iShThatastvAsItsarvasainyasya bhArata . 
rakShitaH parameShvAsaiH kR^ipaprabhR^itibhI rathaiH .. 48..\\
tasyAstA.n chakrarakShau dvau saindhavasya bR^ihattamau . 
drauNirdakShiNato rAjansUtaputrashcha vAmataH .. 49..\\
pR^iShThagopAstu tasyAsansaumadatti purogamAH . 
kR^ipashcha vR^iShasenashcha shalaH shalyashcha durjayaH .. 50..\\
nItimanto maheShvAsAH sarve yuddhavishAradAH . 
saindhavasya vidhAyaiva.n rakShAM yuyudhire tadA .. 51..\\
\medskip\hrule\medskip\centerline{\Largedvng 71}
 s

rAjansa~NgrAmamAshcharya.n shR^iNu kIrtayato mama . 
kurUNAM pANDavAnA.n cha yathA yuddhamavartata .. 1..\\
bhAradvAja.n samAsAdya vyUhasya pramukhe sthitam . 
ayodhayanraNe pArthA droNAnIkaM bibhitsavaH .. 2..\\
rakShamANAH svaka.n vyUha.n droNasyApi cha sainikAH . 
ayodhayanraNe pArthAnprArthayanto mahadyashaH .. 3..\\
vindAnuvindAvAvantyau virATa.n dashabhiH sharaiH . 
AjaghnatuH susa~Nkruddhau tava putrahitaiShiNau .. 4..\\
virATashcha mahArAja tAvubhau samare sthitau . 
parAkrAntamparAkramya yodhayAmAsa sAnugau .. 5..\\
teShA.n yuddhaM samabhavaddAruNaM shoNitodakam . 
si.nhasya dvipamukhyAbhyAM prabhinnAbhyA.n yathA vane .. 6..\\
bAhlIka.n rabhasaM yuddhe yAGYasenirmahAbalaH . 
Ajaghne vishikhaistIkShNairghorairmarmAsthi bhedibhiH .. 7..\\
bAhlIko yAGYaseni.n tu hemapu~NkhaiH shilAshitaiH . 
AjaghAna bhR^isha.n kruddho navabhirnataparvabhiH .. 8..\\
tadyuddhamabhavadghora.n sharashaktisamAkulam . 
bhIrUNA.n trAsajanana.n shUrANAM harShavardhanam .. 9..\\
tAbhyA.n tatra sharairmuktairantarikShaM dishastathA . 
abhavatsa.nvR^ita.n sarvaM na prAGYAyata ki.n chana .. 10..\\
shaibyo govAsano yuddhe kAshya putraM mahAratham . 
sa sainyo yodhayAmAsa gajaH pratigaja.n yathA .. 11..\\
bAhlIka rAjaH sa.nrabdho draupadeyAnmahArathAn . 
manaH pa~nchendriyANIva shushubhe yodhayanraNe .. 12..\\
ayodhaya.nste cha bhR^isha.n ta.n sharaughaiH samantataH . 
indriyArthA yathA deha.n shashvaddehabhR^itAM vara .. 13..\\
vArShNeya.n sAtyakiM yuddhe putro duHshAsanastava . 
Ajaghne sAyakaistIkShNairnavabhirnataparvabhiH .. 14..\\
so.atividdho balavatA maheShvAsena dhanvinA . 
IShanmUrchhA.n jagAmAshu sAtyakiH satyavikramaH .. 15..\\
samAshvastastu vArShNeyastava putraM mahAratham . 
vivyAdha dashabhistUrNa.n sAyakaiH ka~NkapatribhiH .. 16..\\
tAvanyonya.n dR^iDha.n viddhAvanyonyasharavikShatau . 
rejatuH samare rAjanpuShpitAviva kiMshukau .. 17..\\
alambusastu sa~NkruddhaH kuntibhojasharArditaH . 
ashobhata para.n lakShmyA puShpADhya iva kiMshukaH .. 18..\\
kuntibhoja.n tato rakSho viddhvA bahubhirAyasaiH . 
anadadbhairavaM nAda.n vAhinyAH pramukhe tava .. 19..\\
tatastau samare shUrau yodhayantau parasparam . 
dadR^ishuH sarvabhUtAni shakra jambhau yathA purA .. 20..\\
shakuni.n rabhasaM yuddhe kR^itavaira.n cha bhArata . 
mAdrIputrau cha sa.nrabdhau sharairardayatAM mR^idhe .. 21..\\
tanmUlaH sa mahArAja prAvartata janakShayaH . 
tvayA sa~njanito.atyartha.n karNena cha vivardhitaH .. 22..\\
uddhukShitashcha putreNa tava krodhahutAshanaH . 
ya imAM pR^ithivI.n rAjandagdhuM sarvAM samudyataH .. 23..\\
shakuniH pANDuputrAbhyA.n kR^itaH sa vimukhaH sharaiH . 
nAbhyajAnata kartavya.n yudhi ki.n chitparAkramam .. 24..\\
vimukha.n chainamAlokya mAdrIputrau mahArathau . 
vavarShatuH punarbANairyathA meghau mahAgirim .. 25..\\
sa vadhyamAno bahubhiH sharaiH saMnataparvabhiH . 
samprAyAjjavanairashvairdroNAnIkAya saubalaH .. 26..\\
ghaTotkachastathA shUra.n rAkShasma tamalAyudham . 
abhyayAdrabhasa.n yuddhe vegamAsthAya madhyamam .. 27..\\
tayoryuddhaM mahArAja chitrarUpamivAbhavat . 
yAdR^isha.n hi purAvR^ittaM rAmarAvaNayormR^idhe .. 28..\\
tato yudhiShThiro rAjA madrarAjAnamAhave . 
viddhvA pa~nchAshatA bANaiH punarvivyAdha saptabhiH .. 29..\\
tataH pravavR^ite yuddha.n tayoratyadbhutaM nR^ipa . 
yathApUrvaM mahadyuddha.n shambarAmara rAjayoH .. 30..\\
viviMshatishchitraseno vikarNashcha tavAtmajaH . 
ayodhayanbhImasenaM mahatyA senayA vR^itAH .. 31..\\
\medskip\hrule\medskip\centerline{\Largedvng 72}
 s

tathA tasminpravR^itte tu sa~NgrAme lomaharShaNe . 
kauraveyA.nstridhA bhUtAnpANDavAH samupAdravan .. 1..\\
jalasandhaM mahAbAhurbhImaseno nyavArayat . 
yudhiShThiraH sahAnIkaH kR^itavarmANamAhave .. 2..\\
kiranta.n sharavarShANi rochamAna ivAMshumAn . 
dhR^iShTadyumno mahArAja droNamabhyadravadraNe .. 3..\\
tataH pravavR^ite yuddha.n tvaratA.n sarvadhanvinAm . 
kurUNA.n somakAnA.n cha sa~NkruddhAnAM parasparam .. 4..\\
sa~NkShaye tu tathA bhUte vartamAne mahAbhaye . 
dvandvI bhUteShu sainyeShu yudhyamAneShvabhItavat .. 5..\\
droNaH pA~nchAla putreNa balI balavatA saha . 
vichikShepa pR^iShatkaughA.nstadadbhutamivAbhavat .. 6..\\
puNDarIkavanAnIva vidhvastAni samantataH . 
chakrAte droNa pA~nchAlyau nR^iNA.n shIrShANyanekashaH .. 7..\\
vinikIrNAni vIrANAmanIkeShu samantataH . 
vastrAbharaNa shastrANi dhvajavarmAyudhAni cha .. 8..\\
tapanIyavichitrA~NgAH sa.nsiktA rudhireNa cha . 
sa.nsaktA iva dR^ishyante meghasa~NghAH sa vidyutaH .. 9..\\
ku~njarAshvanarAnsa~Nkhye pAtayantaH patatribhiH . 
tAlamAtrANi chApAni vikarShanto mahArathAH .. 10..\\
asi charmANi chApAni shirA.nsi kavachAni cha . 
viprakIryanta shUrANA.n samprahAre mahAtmanAm .. 11..\\
utthitAnyagaNeyAni kabandhAni samantataH . 
adR^ishyanta mahArAja tasminparamasa~Nkule .. 12..\\
gR^idhrAH ka~NkA vaDAH shyenA vAyasA jambukAstathA . 
bahavaH pishitAshAshcha tatrAdR^ishyanta mAriSha .. 13..\\
bhakShayantaH sma mA.nsAni pibantashchApi shoNitam . 
vilumpantaH sma keshAMshcha majjAshcha bahudhA nR^ipa .. 14..\\
AkarShantaH sharIrANi sharIrAvayavA.nstathA . 
narAshvagajasa~NghAnA.n shirA.nsi cha tatastataH .. 15..\\
kR^itAstrA raNadIkShAbhirdIkShitAH sharadhAriNaH . 
raNe jayaM prArthayanto bhR^isha.n yuyudhire tadA .. 16..\\
asi mArgAnbahuvidhAnvicherustAvakA raNe . 
R^iShTibhiH shaktibhiH prAsaiH shUlatomara paTTishaiH .. 17..\\
gadAbhiH parighaishchAnye vyAyudhAsh cha bhujairapi . 
anyonya.n jaghnire kruddhA yuddhara~Nga gatA narAH .. 18..\\
rathino rathibhiH sArdhamashvArohAshcha sAdibhiH . 
mAta~NgA varamAta~NgaiH padAtAshcha padAtibhiH .. 19..\\
kShIbA ivAnye chonmattA ra~NgeShviva cha chAraNAH . 
uchchukrushustathAnyonya.n jaghnuranyonyamAhave .. 20..\\
vartamAne tathA yuddhe nirmaryAde vishAM pate . 
dhR^iShTadyumno hayAnashvairdroNasya vyatyamishrayat .. 21..\\
te hayA sAdhvashobhanta vimishrA vAtara.nhasaH . 
pArAvata savarNAshcha raktashoNAshcha sa.nyuge . 
hayAH shushubhire rAjanmeghA iva sa vidyutaH .. 22..\\
dhR^iShTadyumnashcha samprekShya droNamabhyAshamAgatam . 
asi charmAdade vIro dhanurutsR^ijya bhArata .. 23..\\
chikIrShurduShkara.n karma pArShataH paravIrahA . 
IShayA samatikramya droNasya rathamAvishat .. 24..\\
atiShThadyugamadhye sa yugasaMnahaneShu cha . 
jaghAnArdheShu chAshvAnA.n tatsainyAnyabhyapUjayan .. 25..\\
khaDgena charatastasya shoNAshvAnadhitiShThataH . 
na dadarshAntara.n droNastadadbhutamivAbhavat .. 26..\\
yathA shyenasya patana.n vaneShvAmiSha gR^iddhinaH . 
tathaivAsIdabhIsArastasya droNa.n jighA.nsataH .. 27..\\
tataH sharashatenAsya shatachandra.n samAkShipat . 
droNo drupadaputrasya khaDga.n cha dashabhiH sharaiH .. 28..\\
hayAMshchaiva chatuHShaShTyA sharANA.n jaghnivAnbalI . 
dhvaja.n chhatraM cha bhallAbhyAM tathobhau pArShNisArathI .. 29..\\
athAsmai tvarito bANamapara.n jIvitAntakam . 
AkarNapUrNa.n chikShepa vajra.n vajradharo yathA .. 30..\\
ta.n chaturdashabhirbANairbANaM chichchheda sAtyakiH . 
prastamAchArya mukhyena dhR^iShTadyumnamamochayat .. 31..\\
si.nheneva mR^iga.n grastaM narasi.nhena mAriSha . 
droNena mochayAmAsa pA~nchAlya.n shinipu~NgavaH .. 32..\\
sAtyakiM prekShya goptAraM pA~nchAlyasya mahAhave . 
sharANA.n tvarito droNaH ShaDviMshatyA samarpayat .. 33..\\
tato droNa.n shineH pautro grasantamiva sR^i~njayAn . 
pratyavidhyachchhitairbANaiH ShaDviMshatyA stanAnare .. 34..\\
tataH sarve rathAstUrNaM pA~nchAlA jaya gR^iddhinaH . 
sAtvatAbhisR^ite droNe dhR^iShTadyumnamamochayan .. 35..\\
\medskip\hrule\medskip\centerline{\Largedvng 73}
 dhr

bANe tasminnikR^itte tu dhR^iShTadyumne cha mokShite . 
tena vR^iShNipravIreNa yuyudhAnena sa~njaya .. 1..\\
amarShito maheShvAsaH sarvashastrabhR^itA.n varaH . 
naravyAghraH shineH pautre droNaH kimakarodyudhi .. 2..\\

 s

sampradrutaH krodhaviSho vyAditAsya sharAsanaH . 
tIkShNadhAreShu dashanaH shitanArAcha daMShTravAn .. 3..\\
sa.nrambhAmarSha tAmrAkSho mahAhiriva niHshvasan . 
naravIra pramuditaiH shoNairashvairmahAjavaiH .. 4..\\
utpatadbhirivAkAsha.n kramadbhiriva sarvataH . 
rukmapu~NkhA~nsharAnasyanyuyudhAnamupAdravat .. 5..\\
sharapAta mahAvarSha.n rathaghoShabalAhakam . 
kArmukAkarSha vikShiptaM nArAchabahu vidyutam .. 6..\\
shaktikhaDgAshani dhara.n krodhavegasamutthitam . 
droNa meghamanAvArya.n hayamAruta choditam .. 7..\\
dR^iShTvaivAbhipatanta.n ta.n shUraH parapura~njayaH . 
uvAcha sUta.n shaineyaH prahasanyuddhadurmadaH .. 8..\\
eta.n vai brAhmaNa.n krUraM svakarmaNyanavasthitam . 
Ashraya.n dhArtarAShTrasya rAGYo duHkhabhayAvaham .. 9..\\
shIghraM prajavitairashvaiH pratyudyAhi prahR^iShTavat . 
AchArya.n rAjaputrANAM satataM shUramAninam .. 10..\\
tato rajatasa~NkAshA mAdhavasya hayottamAH . 
droNasyAbhimukhAH shIghramagachchhanvAtara.nhasaH .. 11..\\
iShujAlAvR^ita.n ghoramandhakAramanantaram . 
anAdhR^iShyamivAnyeShA.n shUrANAmabhavattadA .. 12..\\
tataH shIghrAstra viduShordroNa sAtvatayostadA . 
nAntarma sharavR^iShTInA.n dR^ishyate narasi.nhayoH .. 13..\\
iShUNA.n saMnipAtena shabdo dhArAbhighAtajaH . 
shushruve shakramuktAnAmashanInAmiva svanaH .. 14..\\
nArAchairatividdhAnA.n sharANAM rUpamAbabhau . 
AshIviShavidaShTAnA.n sarpANAmiva bhArata .. 15..\\
tayorjyAtalanirghoSho vyashrUyata sudAruNaH . 
ajasra.n shailashR^i~NgANAM vajreNAhanyatAm iva .. 16..\\
ubhayostau rathau rAja.nste chAshvAstau cha sArathI . 
rukmapu~NkhaiH sharaishchhannAshchitrarUpA babhustadA .. 17..\\
nirmalAnAmajihmAnAM nArAchAnA.n vishAM pate . 
nirmuktAshIviShAbhAnA.n sampAto.abhUtsudAruNaH .. 18..\\
ubhayoH patite chhattra.n tathaiva patitau dhvajau . 
ubhau rudhirasiktA~NgAvubhau cha vijayaiShiNau .. 19..\\
sravadbhiH shoNita.n gAtraiH prasrutAviva vAraNau . 
anyonyamabhividhyetA.n jIvitAntakaraiH sharaiH .. 20..\\
garjitotkruShTa saMnAdAH sha~NkhadundubhinisvanAH . 
upAramanmahArAja vyAjahAra na kash chana .. 21..\\
tUShNImbhUtAnyanIkAni yodhA yuddhAdupAraman . 
dadR^ishe dvairatha.n tAbhyAM jAtakautUhalo janaH .. 22..\\
rathino hastiyantAro hayArohAH padAtayaH . 
avaikShantAchalairnetraiH parivArya ratharShabhau .. 23..\\
hastyanIkAnyatiShThanta tahAnIkAni vAjinAm . 
tathaiva rathavAhinyaH prativyUhya vyavasthitAH .. 24..\\
muktA vidrumachitraishcha maNikA~nchanabhUShitaiH . 
dhvajairAbharaNaishchitraiH kavachaishcha hiraNmayaiH .. 25..\\
vaijayantI patAkAbhiH paristomA~NgakambalaiH . 
vimalairnishitaiH shastrairhayAnA.n cha prakIrNakaiH .. 26..\\
jAtarUpamayIbhishcha rAjatIbhishcha mUrdhasu . 
gajAnA.n kumbhamAlAbhirdantaveShTaishcha bhArata .. 27..\\
sabalAkAH sa khadyotAH sairAvata shatahradAH . 
adR^ishyantoShNa paryAye meghAnAmiva vAgurAH .. 28..\\
apashyannasmadIyAshcha te cha yaudhiShThirAH sthitAH . 
tadyuddha.n yuyudhAnasya droNasya cha mahAtmanaH .. 29..\\
vimAnAgragatA devA brahma shakrapurogamAH . 
siddhachAraNasa~NghAshcha vidyAdharamahoragAH .. 30..\\
gatapratyAgatAkShepaishchitraiH shastravighAtibhiH . 
vividhairvismaya.n jagmustayoH puruShasi.nhayoH .. 31..\\
hastalAghavamastreShu darshayantau mahAbalau . 
anyonya.n samavidhyetAM sharaistau droNa sAtyakI .. 32..\\
tato droNasya dAshArhaH sharAMshchichchheda sa.nyuge . 
patribhiH sudR^iDhairAshu dhanushchaiva mahAdyute .. 33..\\
nimeShAntaramAtreNa bhAradvAjo.apara.n dhanuH . 
sajya.n chakAra tachchAshu chichchhedAsya sa sAtyakiH .. 34..\\
tatastvaranpunardroNo dhanurhasto vyatiShThata . 
sajya.n sajyaM punashchAsya chichchheda nishitaiH sharaiH .. 35..\\
tato.asya sa.nyuge droNo dR^iShTvA karmAtimAnuSham . 
yuyudhAnasya rAjendra manasedamachintayat .. 36..\\
etadastrabala.n rAme kArtavIrye dhana~njaye . 
bhIShme cha puruShavyAghre yadida.n sAtvatAM vare .. 37..\\
ta.n chAsya manasA droNaH pUjayAmAsa vikramam . 
lAghava.n vAsavasyeva samprekShya dvijasattamaH .. 38..\\
tutoShAstravidA.n shreShThastathA devAH sa vAsavAH . 
na tAmAlakShayAmAsurlaghutA.n shIghrakAriNaH .. 39..\\
devAshcha yuyudhAnasya gandharvAshcha vishAM pate . 
siddhachAraNasa~NghAshcha vidurdroNasya karma tat .. 40..\\
tato.anyaddhanurAdAya droNaH kShatriya mardanaH . 
astrairastravidA.n shreShTho yodhayAmAsa bhArata .. 41..\\
tasyAstrANyastramAyAbhiH pratihanya sa sAtyakiH . 
jaghAna nishitairbANaistadadbhutamivAbhavat .. 42..\\
tasyAtimAnuSha.n karma dR^iShTvAnyairasama.n raNe . 
yukta.n yogena yogaGYAstAvakAH samapUjayan .. 43..\\
yadastramasyati droNastadevAsyati sAtyakiH . 
tamAchAryo.apyasambhrAnto.ayodhayatlshatru tApanaH .. 44..\\
tataH kruddho mahArAja dhanurvedasya pAragaH . 
vadhAya yuyudhAnasya divyamastramudairayat .. 45..\\
tadAgneyaM mahAghora.n vipughnamupalakShya saH . 
astra.n divyaM maheShvAso vAruNa.n samudairayat .. 46..\\
hAhAkAro mahAnAsIddR^iShTvA divyAstradhAriNau . 
na vicherustadAkAshe bhUtAnyAkAshagAnyapi .. 47..\\
astre te vAruNAgneye tAbhyAM bANasamAhite . 
na tAvadabhiShajyete vyAvartadatha bhAskaraH .. 48..\\
tato yudhiShThiro rAjA bhImasenashcha pANDavaH . 
nakulaH sahadevashcha paryarakShanta sAtyakim .. 49..\\
dhR^iShTvadyumna mukhaiH sArdha.n virATashcha sa kekayaH . 
matsyAH shAlveya senAshcha droNamAjagmura~njasA .. 50..\\
duHshAsanaM puraskR^itya rAjaputraH sahasrashaH . 
droNamabhyupapadyanta sapatnaiH parivAritam .. 51..\\
tato yuddhamabhUdrAja.nstava teShA.n cha dhanvinAm . 
rajasA sa.nvR^ite loke sharajAlasamAvR^ite .. 52..\\
sarvamAvignamabhavanna prAGYAyata ki.n chana . 
sainyena rajasA dhvaste nirmaryAdamavartata .. 53..\\
\medskip\hrule\medskip\centerline{\Largedvng 74}
 s

parivartamAne tvAditye tatra sUryasya rashmibhiH . 
rajasA kIryamANAshcha mandI bhUtAshcha sainikAH .. 1..\\
tiShThatA.n yudhyamAnAnAM punarAvartatAm api . 
bhajyatA.n jayatAM chaiva jagAma tadahaH shanaiH .. 2..\\
tathA teShu viShakteShu sainyeShu jaya gR^iddhiShu . 
arjuno vAsudevashcha saindhavAyaiva jagmatuH .. 3..\\
rathamArga pramANa.n tu kaunteyo nishitaiH sharaiH . 
chakAra tatra panthAna.n yayau yena janArdanaH .. 4..\\
yatra yatra ratho yAti pANDavasya mahAtmanaH . 
tatra tatraiva dIryante senAstava vishAM pate .. 5..\\
rathashikShA.n tu dAshArho darshayAmAsa vIryavAn . 
uttamAdhamamadhyAni maNDalAni vidarshayan .. 6..\\
te tu nAmA~NkitAH pItAH kAlajvalana saMnibhAH . 
snAyu naddhAH suparvANaH pR^ithavo dIrghagAminaH .. 7..\\
vaiNavAyasmaya sharAH svAyatA vividhAnanAH . 
rudhiraM patagaiH sArdhaM prANinAM papurAhave .. 8..\\
rathasthiraH kroshamAtre yAnasyatyarjunaH sharAn . 
rathe kroshamatikrAnte tasya te ghnanti shAtravAn .. 9..\\
tArkShya mAruta ra.nhobhirvAjibhiH sAdhu vAhibhiH . 
tathAgachchhaddhR^iShIkeshaH kR^itsna.n vismApaya~n jagat .. 10..\\
na tathA gachchhati rathastapanasya vishAM pate . 
nendrasya na cha rudrasya nApi vaishravaNasya cha .. 11..\\
nAnyasya samare rAjangatapUrvastathA rathaH . 
yathA yayAvarjunasya mano.abhiprAya shIghragaH .. 12..\\
pravishya tu raNe rAjankeshavaH paravIrahA . 
senA madhye hayA.nstUrNa.n chodayAmAsa bhArata .. 13..\\
tatastasya rathaughasya madhyaM prApya hayottamAH . 
kR^ichchhreNa rathamUhusta.n kShutpipAsAshramAnvitAH .. 14..\\
kShatAshcha bahubhiH shastrairyuddhashauNDairanekashaH . 
maNDalAni vichitrANi vicheruste muhurmuhuH .. 15..\\
hatAnA.n vAjinAgAnAM rathAnA.n cha naraiH saha . 
upariShTAdatikrAntAH shailAbhAnA.n sahasrashaH .. 16..\\
etasminnantare vIrAvAvantyau bhrAtarau nR^ipa . 
sahasenau samArchhetAM pANDava.n klAntavAhanam .. 17..\\
tAvarjuna.n chatuHShaShTyA saptatyA cha janArdanam . 
sharANA.n cha shatenAshvAnavidhyetAM mudAnvitau .. 18..\\
tAvarjuno mahArAja navabhirnataparvabhiH . 
AjaghAna raNe kruddho marmaGYo marmabhedibhiH .. 19..\\
tatastau tu sharaugheNa bIbhatsu.n saha keshavam . 
AchchhAdayetA.n sa.nrabdhau si.nhanAda.n cha nedatuH .. 20..\\
tayostu dhanuShI chitre bhallAbhyA.n shvetavAhanaH . 
chichchheda samare tUrNa.n dhvajau cha kanakojjvalau .. 21..\\
athAnye dhanuShI rAjanpragR^ihya samare tadA . 
pANDavaM bhR^ishasa~NkruddhAvardayAmAsatuH sharaiH .. 22..\\
tayostu bhR^ishasa~NkruddhaH sharAbhyAM pANDunandanaH . 
chichchheda dhanuShI tUrNaM bhUya eva dhana~njayaH .. 23..\\
tathAnyairvishikhaistUrNa.n hemapu~NkhaiH shilAshitaiH . 
jaghAnAshvAnsapadAtA.nstathobhau pArShNisArathI .. 24..\\
jyeShThasya cha shiraH kAyAtkShurapreNa nyakR^intata . 
sa papAta hataH pR^ithvyA.n vAtarugNa iva drumaH .. 25..\\
vinda.n tu nihataM dR^iShTvA anuvindaH pratApavAn . 
hatAshva.n rathamutsR^ijya gadA.n gR^ihya mahAbalaH .. 26..\\
abhyadravata sa~NgrAme bhrAturvadhamanusmaran . 
gadayA gadinA.n shreShTho nR^ityanniva mahArathaH .. 27..\\
anuvindastu dagayA lalATe madhusUdanam . 
spR^iShTvA nAkampayatkruddho mainAkamiva parvatam .. 28..\\
tasyArjunaH shariH ShaDbhirgrIvAM pAdau bhujau shiraH . 
nichakarta sa sa~nchinnaH papAtAdrichayo yathA .. 29..\\
tatastau nihatau dR^iShTvA tayo rAjanpadAnugAH . 
abhyadravanta sa~NkruddhAH kirantaH shatashaH sharAn .. 30..\\
tAnarjunaH sharaistUrNaM nihatya bharatarShabha . 
vyarochata yathA vahnirdAva.n dagdhvA himAtyaye .. 31..\\
tayoH senAmatikramya kR^ichchhrAnniryAddhana~njayaH . 
vibabhau jaladAnbhittvA divAkara ivoditaH .. 32..\\
ta.n dR^iShTvA kuravastrastAH prahR^iShTAshchAbhavanpunaH . 
abhyavarSha.nstadA pArtha.n samantAdbharatarShabha .. 33..\\
shrAnta.n chaina.n samAlakShya GYAtvA dUre cha saindhavam . 
si.nhanAdena mahatA sarvataH paryavArayan .. 34..\\
tA.nstu dR^iShTvA susa.nrabdhAnutsmayanpuruSharShabhaH . 
shanakairiva dAshArhamarjuno vAkyamabravIt .. 35..\\
sharArditAshcha glAnAshcha hayA dUre cha saindhavaH . 
kimihAnantara.n kAryaM jyAyiShThaM tava rochate .. 36..\\
brUhi kR^iShNa yathAtattva.n tva.n hi prAGYatamaH sadA . 
bhavannetrA raNe shatrUnvijeShyantIha pANDavAH .. 37..\\
mama tvanantarma kR^itya.n yadvai tatsaMnibodha me . 
hayAnvimuchya hi sukha.n vishalyAnkuru mAghava .. 38..\\
evamuktastu pArthena keshavaH pratyuvAcha tam . 
mamApyetanmataM pAtha yadida.n te prabhAShitam .. 39..\\

 arj

ahamAvArayiShyAmi sarvasainyAni keshava . 
tvamapyatra yathAnyAya.n kuru kAyamanantaram .. 40..\\

 s

so.avatIrya rathopasthAdasambhrAnto dhana~njayaH . 
gANDIva.n dhanurAdAya tasthau giririvAchalaH .. 41..\\
tamabhyadhAvankroshantaH kShatriyA jayakA~NkShiNaH . 
ida.n chhidramiti GYAtvA dharaNIsthaM dhana~njayam .. 42..\\
tameka.n rathavaMshena mahatA paryavArayan . 
vikarShantashcha chApAni visR^ijantashcha sAyakAn .. 43..\\
astrANi cha vichitrANi kruddhAstatra vyadarshayan . 
chhAdayantaH sharaiH pArthaM meghA iva divAkaram .. 44..\\
abhyadravanta vegena kShatriyAH kShatriyarShabham . 
rathasi.nha.n rathodArAH si.nhaM mattA iva dvipAH .. 45..\\
tatra pArthasya bhujayormahadbalamadR^ishyata . 
yatkruddho bahulAH senAH sarvataH samavArayat .. 46..\\
astrairastrANi sa.nvArya dviShatA.n sarvato vibhuH . 
iShubhirbahubhistUrNa.n sarvAneva samAvR^iNot .. 47..\\
tatrAntarikShe bANAnAM pragADhAnA.n vishAM pate . 
sa~NgharSheNa mahArchiShmAnpAvakaH samajAyata .. 48..\\
tatra tatra maheShvAsaiH shvasadbhiH shoNidukShitaiH . 
hayairnAgaishcha sambhinnairnadadbhishchAri karshanaiH .. 49..\\
sa.nrabdhaishchAribhirvIraiH prArthayadbhirjayaM mR^idhe . 
ekasthairbahubhiH kruddhairUShmA va samajAyata .. 50..\\
sharormiNa.n dhvajAvartaM nAganakraM duratyayam . 
padAtimatsya kalila.n sha~Nkhadundubhinisvanam .. 51..\\
asa~NkhyeyamapAra.n cha rajo.a.abhIlamatIva cha . 
uShNISha kamaThachchhannaM patAkAphena mAlinam .. 52..\\
rathasAgaramakShobhyaM mAta~NgA~NgashilA chitam . 
velA bhUtAstadA pArthaH patribhiH samavArayat .. 53..\\
tato janArdanaH sa~Nkhye priyaM puruShasattamam . 
asambhrAnto mahAbAhurarjuna.n vAkyamabravIt .. 54..\\
udapAnamihAshvAnAM nAlamasti raNe.arjune . 
parIpsante jala.n cheme peyaM cha tvavagAhanam .. 55..\\
idamastItyasambhrAnto bruvannastreNa medinIm . 
abhihatyArjunashchakre vAjipAna.n saraH shubham .. 56..\\
sharavaMsha.n sharasthUNaM sharAchchhAdanamadbhutam . 
sharaveshmAkarotpArthastvaShTevAdbhuta karmakR^it .. 57..\\
tataH prahasya govindaH sAdhu sAdhvityathAbravIt . 
sharaveshmani pArthena kR^ite tasminmahAraNe .. 58..\\
\medskip\hrule\medskip\centerline{\Largedvng 75}
 s

salile janite tasminkaunteyena mahAtmanA . 
nivArite dviShatsainye kR^ite cha sharaveshmani .. 1..\\
vAsudevo rathAttUrNamavatIrya mahAdyutiH . 
mochayAmAsa turagAnvitunnAnka~NkapatribhiH .. 2..\\
adR^iShTapUrva.n taddR^iShTvA si.nhanAdo mahAnabhUt . 
siddhachAraNasa~NghAnA.n sainikAnA.n cha sarvashaH .. 3..\\
padAtina.n tu kaunteya.n yudhyamAnaM nararShabhAH . 
nAshaknuvanvArayitu.n tadadbhutamivAbhavat .. 4..\\
Apatatsu rathaugheShu prabhUtagajavAjiShu . 
nAsambhramattadA pArthastadasya puruShAnati .. 5..\\
vyasR^ijanta sharaughA.nste pANDavaM prati pArthivAH . 
na chAvyathata dharmAtmA vAsaviH paravIrahA .. 6..\\
sa tAni sharajAlAni gadAH prAsAMshcha vIryavAn . 
AgatAnagrasatpArthaH saritaH sAgato yathA .. 7..\\
astravegena mahatA pArtho bAhubalena cha . 
sarveShAM pArthivendrANAmagrasattA~nsharottamAn .. 8..\\
tattu pArthasya vikrAnta.n vAsudevasya chobhayoH . 
apUjayanmahArAja kauravAH paramAdbhutam .. 9..\\
kimadbhutatara.n loke bhavitApyatha vApyabhUt . 
yadashvAnpArtha govindau mochayAmAsatU raNe .. 10..\\
bhaya.n vipulamasmAsu tAvadhattAM narottamau . 
tejo vidadhatushchogra.n visrabdhau raNamUrdhani .. 11..\\
athotsmayanhR^iShIkeshaH strImadhya iva bhArata . 
arjunena kR^ite sa~Nkhye sharagarbhagR^ihe tadA .. 12..\\
upAvartayadavyagrastAnashvAnpuShkarekShaNaH . 
miShatA.n sarvasainyAnA.n tvadIyAnAM vishAM pate .. 13..\\
teShA.n shrama.n cha glAniM cha vepathuM vamathuM vraNAn . 
sarva.n vyapAnudatkR^iShNaH kushalo hyashvakarmaNi .. 14..\\
shalyAnuddhR^itya pANibhyAM parimR^ijya cha tAnhayAn . 
upAvR^itya yathAnyAyaM pAyayAmAsa vAri saH .. 15..\\
sa tA.NllabdhodakAnsnAtA~njagdhAnnAnvigataklamAn . 
yojayAmAsa sa.nhR^iShTaH punareva rathottame .. 16..\\
sa ta.n rathavaraM shauriH sarvashastrabhR^itAM varaH . 
samAsthAya mahAtejAH sArjunaH prayayau drutam .. 17..\\
ratha.n rathavarasyAjau yuktaM labdhodakairhayaiH . 
dR^iShTvA kuru balashreShThAH punarvimanaso.abhavan .. 18..\\
viniHshvasantaste rAjanbhagnadaMShTrA ivoragAH . 
dhigaho dhiggataH pArthaH kR^iShNashchetyabruvanpR^ithak .. 19..\\
sarvakShatrasya miShato rathenaikena daMshitau . 
bAla krIDanakeneva kadarthI kR^ityano balam .. 20..\\
kroshatA.n yatamAnAnAmasa.nsaktau parantapau . 
darshayitvAtmano vIryaM prayAtau sarvarAjasu .. 21..\\
tau prayAtau punardR^iShTvA tadAnye sainikAbruvan . 
tvaradhva.n kuravaH sarve vadhe kR^iShNa kirITinoH .. 22..\\
ratha.n yuktvA hi dAshArho miShatAM sarvadhanvinAm . 
jayadrathAya yAtyeSha kadarthI kR^ityano raNe .. 23..\\
tatra ke chinmitho rAjansamabhAShanta bhUmipAH . 
adR^iShTapUrva.n sa~NgrAme taddR^iShTvA mahadadbhutam .. 24..\\
sarvasainyAni rAjA cha dhR^itaraShTro.atyaya.n gataH . 
duryodhanAparAdhena kShatra.n kR^itsnA cha medinI .. 25..\\
vilaya.n samanuprAptA tachcha rAjA na budhyate . 
ityeva.n kShatriyAstatra bruvantyanye cha bhArata .. 26..\\
sindhurAjasya yatkR^itya.n gatasya yamasAdanam . 
tatkarotu vR^ithA dR^iShTirdhArtarAShTro.anupAyavit .. 27..\\
tataH shIghrataraM prAyAtpANDavaH saindhavaM prati . 
nivartamAne tigmAMshau hR^iShTaiH pItodakairhayaiH .. 28..\\
taM prayAntaM mahAbAhu.n sarvashastrabhR^itAM varam . 
nAshaknuvanvArayitu.n yodhAH kruddhamivAntakam .. 29..\\
vidrAvya tu tataH sainyaM pANDavaH shatrutApanaH . 
yathA mR^igagaNAnsi.nhaH saindhavArthe vyaloDayat .. 30..\\
gAhamAnastvanIkAni tUrNamashvAnachodayat . 
balAka varNAndAshArhaH pAchajanya.n vyanAdayat .. 31..\\
kaunteyenAgrataH sR^iShTA nyapatanpR^iShThataH sharAH . 
tUrNAttUrNatara.n hyashvAste.avahanvAtara.nhasaH .. 32..\\
vAtoddhUta patAkAnta.n ratha.n jaladanisvanam . 
ghora.n kapidhvajaM dR^iShTvA viShaNNA rathino.abhavan .. 33..\\
divAkare.atha rajasA sarvataH sa.nvR^ite bhR^isham . 
sharArtAshcha raNe yodhA na kR^iShNau shekurIkShitum .. 34..\\
tato nR^ipatayaH kurddhAH parivavrurdhana~njayam . 
kShatriyA bahavashchAnye jayadrathavadhaiShiNam .. 35..\\
apanIyatsu shalyeShu dhiShThitaM puruSharShabham . 
duryodhanastvagAtpArtha.n tvaramANo mahAhave .. 36..\\
\medskip\hrule\medskip\centerline{\Largedvng 76}
 s

sra.nsanta iva majjAnastAvakAnAM bhayAnnR^ipa . 
tau dR^iShTvA samatikrAntau vAsudevadhana~njayau .. 1..\\
sarve tu pratisa.nrabdhA hrImantaH sattvachoditAH . 
sthirI bUtA mahAtmAnaH pratyagachchhandhana~njayam .. 2..\\
ye gatAH pANDava.n yuddhe krodhAmarShasamanvitAH . 
te.adyApi na nivartante sindhavaH sAgarAdiva .. 3..\\
asantastu nyavartanta vedebhya iva nAstikAH . 
narakaM bhajamAnAste pratyapadyanta kilbiSham .. 4..\\
tAvatItya rathAnIka.n vimuktau puruSharShabhau . 
dadR^ishAte yathA rAhorAsyAnmuktau prabhA karau .. 5..\\
matsyAviva mahAjAla.n vidArya vigatajvarau . 
tathA kR^iShNAvadR^ishyetA.n senA jAlaM vidArya tat .. 6..\\
vimuktau shastrasambAdhAddroNAnIkAtsudurbhidAt . 
adR^ishyetAM mahAtmAnau kAlasUryAvivoditau .. 7..\\
astrasambAdha nirmuktau vimuktau shastrasa~NkaTAt . 
adR^ishyetAM mahAtmAnau shatrusambAdha kAriNau .. 8..\\
vimuktau jvalanasparshAnmakarAsyAjjhaShAviva . 
vyakShobhayetA.n senA.n tau samudraM makarAviva .. 9..\\
tAvakAstava putrAshcha droNAnIkasthayostayoH . 
naitau tariShyato droNamiti chakrustadA matim .. 10..\\
tau tu dR^iShTvA vyatikrAntau droNAnIkaM mahAdyutI . 
nAshasha.nsurmahArAja sindhurAjasya jIvitam .. 11..\\
AshA balavatI rAjanputrANAm abhavattava . 
droNa hArdikyayoH kR^iShNau na mokShyete iti prabho .. 12..\\
tAmAshA.n viphalA.n kR^itvA nistIrNau tau parantapau . 
droNAnIkaM mahArAja bhojAnIka.n cha dustaram .. 13..\\
atha dR^iShTvA vyatikrAntau jvalitAviva pAvakau . 
nirAshAH sindhurAjasya jIvitaM nAshasha.nsire .. 14..\\
mithashcha samabhAShetAmabhItau bhayavardhanau . 
jayadratha vade vAchastAstAH kR^iShNa dhana~njayau .. 15..\\
asau madhye kR^itaH ShaDbhirdhArtarAShTrairmahArathaiH . 
chakShurviShayasamprApto na nau mokShyati saindhavaH .. 16..\\
yadyasya samare goptA shakro devagaNaiH saha . 
tathApyena.n haniShyAva iti kR^iShNAvabhAShatAm .. 17..\\
iti kR^iShNau mahAbAhU mithaH kathayatA.n tadA . 
sindhurAjamavekShantau tatputrAstava shushruvuH .. 18..\\
atItya maru dhanveva prayAntau tR^iShitau gajau . 
pItvA vAri samAshvastau tathaivAstAmarindamau .. 19..\\
vyAghrasi.nhagajAkIrNAnatikramyeva parvatAn . 
adR^ishyetAM mahAbAhU yathA mR^ityujarAtigau .. 20..\\
tathA hi mukhavarNo.ayamanayoriti menire . 
tAvakA dR^ishyamuktau tau vikroshanti sma sarvataH .. 21..\\
doNAdAshIviShAkArAjjvalitAdiva pAvakAt . 
anyebhyaH pArthivebhyashcha bhAsvantAviva bhAskarau .. 22..\\
tau muktau sAgaraprakhyAddroNAnIkAdarindamau . 
adR^ishyetAM mudA yuktau samuttIryArNava.n yathA .. 23..\\
shastraughAnmahato muktau droNa hArdikya rakShitAn . 
rochamAnAvadR^ishyetAmindrAgnyoH sadR^ishau raNe .. 24..\\
udbhinna rudhirau kR^iShNau bhAradvAjasya sAyakaiH . 
shitaishchitau vyarochetA.n karNikArairivAchalau .. 25..\\
droNa grAhahradAnmuktau shaktyAshIviShasa~NkaTAt . 
ayaH sharogramakarotkShatriya pravarAmbhasaH .. 26..\\
jyAghoShatalanirhrAdAdgadA nistriMshavidyutaH . 
droNAstra meghAnnirmuktau sUryendU timirAdiva .. 27..\\
bAhubhyAmiva santIrNau sindhuShaShThAH samudragAH . 
tapAnte saritaH pUrNA mahAgrAhasamAkulAH .. 28..\\
iti kR^iShNA maheShvAsau yashasA lokavishrutau . 
sarvabhUtAnyamanyanta droNAstra balavismayAt .. 29..\\
jayadratha.n samIpasthamavekShantau jighA.nsayA . 
ruruM nipAne lipsantau vyAghravattAvatiShThatAm .. 30..\\
yathA hi mukhavarNo.ayamanayoriti menire . 
tava yodhA mahArAja hatameva jayadratham .. 31..\\
lohitAkShau mahAbAhU sa.nyattau kR^iShNa pANDavau . 
sindhurAjamabhiprekShya hR^iShTau vyanadatAM muhuH .. 32..\\
shaurerabhIshu hastasya pArthasya cha dhanuShmataH . 
tayorAsItpratibhrAjaH sUryapAvakayoriva .. 33..\\
harSha eva tayorAsIddroNAnIka pramuktayoH . 
samIpe saindhava.n dR^iShTvA shyenayorAmiSha.n yathA .. 34..\\
tau tu saindhavamAlokya vartamAnamivAntike . 
sahasA petatuH kruddhau kShipra.n shyenAvivAmiShe .. 35..\\
tau tu dR^iShTvA vyatikrAntau hR^iShIkesha dhana~njayau . 
sindhurAjasya rakShArthaM parAkrAntaH sutastava .. 36..\\
droNenAbaddha kavacho rAjA duryodhanastadA . 
yayAvekarathenAjau hayasa.nskAravitprabho .. 37..\\
kR^iShNa pArthau maheShvAsau vyatikramyAtha te sutaH . 
agrataH puNDarIkAkShaM pratIyAya narAdhipa .. 38..\\
tataH sarveShu sainyeShu vAditrANi prahR^iShTavat . 
prAvAdyansamatikrAnte tava putre dhana~njayam .. 39..\\
si.nhanAda ravAshchAsa~nsha~NkhadundubhimishritAH . 
dR^iShTvA duryodhana.n tatra kR^iShNayoH pramukhe sthitam .. 40..\\
ye cha te sindhurAjasya goptAraH pAvakopamAH . 
te prahR^iShyanta samare dR^iShTvA putra.n tavAbhibho .. 41..\\
dR^iShTvA duryodhana.n kR^iShNastvatikrAnta.n sahAnugam . 
abravIdarjuna.n rAjanprAptakAlamidaM vachaH .. 42..\\
\medskip\hrule\medskip\centerline{\Largedvng 77}
 vaasu

suyodhanamatikrAntamenaM pashya dhana~njaya . 
ApadgatamimaM manye nAstyasya sadR^isho rathaH .. 1..\\
dUrapAtI maheShvAsaH kR^itAstro yuddhadurmadaH . 
dR^iDhAstrashchitrayodhI cha dhArtarAShTro mahAbalaH .. 2..\\
atyantasukhasa.nvR^iddo mAnitashcha mahArathaiH . 
kR^itI cha satataM pArtha nitya.n dveShTi cha pANDavAn .. 3..\\
tena yuddhamahaM manye prAptakAla.n tavAnagha . 
atra vo dyUtamAyAta.n vijayAyetarAya vA .. 4..\\
atra krodhaviShaM pArtha vimu~ncha chirasambhR^itam . 
eSha mUlamanarthAnAM pANDavAnAM mahArathaH .. 5..\\
so.ayaM prAptastavAkShepaM pashya sAphalyamAtmanaH . 
katha.n hi rAjA rAjyArthI tvayA gachchheta sa.nyugam .. 6..\\
diShTyA tvidAnI.n samprApta eSha te bANagocharam . 
sa yathA jIvita.n jahyAttathA kuru dhana~njaya .. 7..\\
aishvaryamadasaMmUDho naiSha duHkhamupeyivAn . 
na cha te sa.nyuge vIrya.n jAnAti puruSharShabha .. 8..\\
tvA.n hi lokAstrayaH pArtha sa surAsuramAnuShAH . 
notsahante raNe jetu.n kimutaikaH suyodhanaH .. 9..\\
sa diShTyA samanuprAptastava pArtharathAntikam . 
jahyena.n vai mahAbAho yathA vR^itraM purandaraH .. 10..\\
eSha hyanarthe satataM parAkrAntastavAnagha . 
nikR^ityA dharmarAja.n cha dyUte va~nchitavAnayam .. 11..\\
bahUni sunR^isha.nsAni kR^itAnyetena mAnada . 
yuShmAsu pApamatinA apApeShveva nityadA .. 12..\\
tamanArya.n sadA kShudraM puruSha.n kAmachAriNam . 
AryA.n yuddhe mati.n kR^itvA jahi pArthAvichArayan .. 13..\\
nikR^ityA rAjyaharaNa.n vanavAsa.n cha pANDava . 
pariklesha.n cha kR^iShNAyA hR^idi kR^itvA parAkrama .. 14..\\
diShTyaiSha tava bANAnA.n gochare parivartate . 
pratighAtAya kAryasya diShTyA cha yatate.agrataH .. 15..\\
diShTyA jAnAti sa~NgrAme yoddhavya.n hi tvayA saha . 
diShTyA cha saphalAH pArtha sarve kAmA hi kAmitAH .. 16..\\
tasmAjjahi raNe pArtha dhArtarAShTra.n kulAdhamam . 
yathendreNa hataH pUrva.n jambho devAsure mR^idhe .. 17..\\
asminhate tvayA sainyamanAthaM bhidyatAm idam . 
vairasyAsyAstvavabhR^itho mUla.n chhindhi durAtmanAm .. 18..\\

 s

ta.n tathetyabravItpArthaH kR^ityarUpamidaM mama . 
sarvamanyadanAdR^itya gachchha yatra suyodhanaH .. 19..\\
yenaitaddIrghakAlaM no bhukta.n rAjyamakaNTakam . 
apyasya yudhi vikramya chhindyAM mUrdhAnamAhave .. 20..\\
api tasyA anarhAyAH parikleshasya mAdhava . 
kR^iShNAyAH shaknuyA.n gantuM padaM keshapradharShaNe .. 21..\\
ityeva.n vAdinau hR^iShTau hR^iShNau shvetAnhayottamAn . 
preShayAmAsatuH sa~Nkhye prepsantau taM narAdhipam .. 22..\\
tayoH samIpa.n samprApya putraste bharatarShabha . 
na chakAra bhayaM prApte bhaye mahati mAriSha .. 23..\\
tadasya kShatriyAstatra sarva evAbhyapUjayan . 
yadarjuna hR^iShIkeshau pratyudyAto.avichArayan .. 24..\\
tataH sarvasya sainyasya tAvakasya vishAM pate . 
mahAnnAdo hyabhUttatra dR^iShTvA rAjAnamAhave .. 25..\\
tasmi~njanasamunnAde pravR^itte bhairave sati . 
kadarthI kR^ityate putraH pratyamitramavArayat .. 26..\\
AvAritastu kaunteyastava putreNa dhanvinA . 
sa.nrambhamagamadbhUyaH sa cha tasminparantapaH .. 27..\\
tau dR^iShTvA pratisa.nrabdhau duryodhana dhana~njayau . 
abhyavaikShanta rAjAno bhImarUpAH samantataH .. 28..\\
dR^iShTvA tu pArtha.n sa.nrabdhaM vAsudeva.n cha mAriSha . 
prahasanniva putraste yoddhukAmaH samAhvayat .. 29..\\
tataH prahR^iShTo dAshArhaH pANDavashcha dhana~njayaH . 
vyAkroshetAM mahAnAda.n dadhmatushchAmbujottamau .. 30..\\
tau hR^iShTarUpau samprekShya kauraveyAshcha sarvashaH . 
nirAshAH samapadyanta putrasya tava jIvite .. 31..\\
shokamIyuH para.n chaiva kuravaH sarva eva te . 
amanyanta cha putra.n te vaishvAnara mukhe hutam .. 32..\\
tathA tu dR^iShTvA yodhAste prahR^iShTau kR^iShNa pANDavau . 
hato rAjA hato rAjetyUchurevaM bhayArditAH .. 33..\\
janasya saMninAda.n tu shrutvA duryodhano.abravIt . 
vyetu vo bhIraha.n kR^iShNau preShayiShyAmi mR^ityave .. 34..\\
ityuktvA sainikAnsarvA~njayApekShI narAdhipaH . 
pArthamAbhAShya sa.nrambhAdida.n vachanamabravIt .. 35..\\
pArtha yachchhikShita.n te.astraM divyaM mAnuShameva cha . 
taddarshaya mayi kShipra.n yadi jAto.asi pANDunA .. 36..\\
yadbala.n tava vIryaM cha keshavasya tathaiva cha . 
tatkuruShva mayi kShipraM pashyAmastava pauruSham .. 37..\\
asmatparokSha.n karmANi pravadanti kR^itAni te . 
svAmisatkArayuktAni yAni tAnIha darshaya .. 38..\\
\medskip\hrule\medskip\centerline{\Largedvng 78}
 s

evamuktvArjuna.n rAjA tribhirmarmAtigaiH sharaiH . 
pratyavidhyanmahAvegaishchaturbhishaturo hayAn .. 1..\\
vAsudeva.n cha dashabhiH pratyavidhyatstanAntare . 
patoda.n chAsya bhallena chhittvA bhUmAvapAtayat .. 2..\\
ta.n chaturdashabhiH pArthashchitrapu~NkhaiH shilAshitaiH . 
avidhyattUrNamavyagraste.asyAbhrashyanta varmaNaH .. 3..\\
teShA.n vaiphalyamAlokya punarnava cha pa~ncha cha . 
prAhiNonnishitAnbANA.nste chAbhrashyanta varmaNaH .. 4..\\
aShTAviMshattu tAnbANAnastAnviprekShya niShphalAn . 
abravItparavIraghnaH kR^iShNo.arjunamida.n vachaH .. 5..\\
adR^iShTapUrvaM pashyAmi shilAnAmiva sarpaNam . 
tvayA sampreShitAH pArtha nArtha.n kurvanti patriNaH .. 6..\\
kachchidgANDIvataH prANAstathaiva bharatarShabha . 
muShTishcha te yathApUrvaM bhujayoshcha bala.n tava .. 7..\\
na chedvidheraya.n kAlaH prAptaH syAdadya pashchimaH . 
tava chaivAsya shatroshcha tanmamAchakShva pR^ichchhataH .. 8..\\
vismayo me mahAnpArtha tava dR^iShTvA sharAnimAn . 
vyarthAnnipatataH sa~Nkhye duryodhana rathaM prati .. 9..\\
vajrAshanisamA ghorAH parakAyAvabhedinaH . 
sharAH kurvanti te nArthaM pArtha kAdya viDanbanA .. 10..\\

 arj

droNenaiShA matiH kR^iShNa dhArtarAShTre niveshitAH . 
ante vihitamastrANAmetatkavachadhAraNam .. 11..\\
asminnantarhita.n kR^iShNa trailokyamapi varmaNi . 
eko droNo hi vedaitadaha.n tasmAchcha sattamAt .. 12..\\
na shakyametatkavachaM bANairbhettu.n kathaM chana . 
api vajreNa govinda svayaM maghavatA yudhi .. 13..\\
jAna.nstvamapi vai kR^iShNa mA.n vimohayase katham . 
yadvR^itta.n triShu lokeShu yachcha keshava vartate .. 14..\\
tathA bhaviShyadyachchaiva tatsarva.n vidita.n tava . 
na tveva.n veda vai kashchidyathA tvaM madhusUdana .. 15..\\
eSha duryodhanaH kR^iShNa droNena vihitAmimAm . 
tiShThatyabhItavatsa~Nkhye bibhratkavachadhAraNAm .. 16..\\
yattvatra vihita.n kAryaM naiSha tadvetti mAdhava . 
strIvadeSha bibhartyetA.n yuktA.n kavachadhAraNAm .. 17..\\
pashya bAhvoshcha me vIrya.n dhanuShashcha janArdana . 
parAjayiShye kauravya.n kavachenApi rakShitam .. 18..\\
idama~Ngirase prAdAddevesho varma bhAsvaram . 
punardadau surapatirmahya.n varma sa sa~Ngraham .. 19..\\
daiva.n yadyasya varmaitadbrahmaNA vA svaya.n kR^itam . 
naitadgopsyati durbuddhimadya bANahataM mayA .. 20..\\

 s

evamuktvArjuno bANAnabhimantrya vyakarShayat . 
vikR^iShyamANA.nstenaiva.n dhanurmadhya gatA~nsharAn . 
tAnasyAstreNa chichchheda drauNiH sarvAstraghAtinA .. 21..\\
tAnnikR^ittAniShUndR^iShTvA dUrato brahmavAdinA . 
nyavedayatkeshavAya vismitaH shvetavAhanaH .. 22..\\
naitadastraM mayA shakya.n dviH prayoktuM janArdana . 
astraM mAmeva hanyAddhi pashya tvadya balaM mama .. 23..\\
tato duryodhanaH kR^iShNau navabhirnataparvabhiH . 
avidhyata raNe rAja~nsharairAshIviShopamaiH . 
bhUya evAbhyavarShachcha samare kR^iShNa pANDavau .. 24..\\
sharavarSheNa mahatA tato.ahR^iShyanta tAvakAH . 
chakrurvAditraninadAnsi.nhanAda ravA.nstathA .. 25..\\
tatha kruddho raNe pArthaH sR^ikkaNI parisa.nhihan . 
nApashyata tato.asyA~Nga.n yanna syAdvarma rakShitam .. 26..\\
tato.asya nishitairbANaiH sumuktairantakopamaiH . 
hayAMshchakAra nirdehAnubhau cha pArShNisArathI .. 27..\\
dhanurasyAchchhinachchitra.n hastAvApa.n cha vIryavAn . 
ratha.n cha shakalIkartu.n savyasAchI prachakrame .. 28..\\
duryodhana.n cha bANAbhyAM tikShNAbhyA.n virathI kR^itam . 
avidhyaddhasta talayorubhayorarjunastadA .. 29..\\
ta.n kR^ichchhrAmApadaM prAptaM dR^iShTvA paramadhanvinaH . 
samApetuH parIpsanto dhana~njaya sharArditam .. 30..\\
te rathairbahusAhasraiH kalpitaiH ku~njarairhayaiH . 
padAtyoghaishcha sa.nrabdhaiH parivavrurdhana~njayam .. 31..\\
atha nArjuna govindau rathau vApi vyadR^ishyata . 
astravarSheNa mahatA janaughaishchApi sa.nvR^itau .. 32..\\
tato.arjuno.astravIryeNa nijaghne tA.n varUthinIm . 
tatra vya~NgI kR^itAH petuH shatasho.atha rathadvipAH .. 33..\\
te hatA hanyamAnAshcha nyagR^ihNa.nsta.n rathottamam . 
sa rathastambhitastasthau kroshamAtra.n samantataH .. 34..\\
tato.arjuna.n vR^iShNivIrastvarito vAkyamabravIt . 
dhanurvisphArayAtyarthamaha.n dhmAsyAmi chAmbujam .. 35..\\
tato visphArya balavadgANDIva.n jaghnivAnripUn . 
mahatA sharavarSheNa talashabdena chArjunaH .. 36..\\
pA~nchajanya.n cha balavaddadhmau tAreNa keshavaH . 
rajasA dhvastapakShmAntaH prasvinnavadano bhR^isham .. 37..\\
tasya sha~Nkhasya nAdena dhanuSho nisvanena cha . 
niHsattvAshcha sa sattAshcha kShitau peturtadA janAH .. 38..\\
tairvimukto ratho reje vAyvIrita ivAmbudaH . 
jayadrathasya goptArastataH kShubdhAH sahAnugAH .. 39..\\
te dR^iShTvA sahasA pArtha.n goptAraH saindhavasya tu . 
chakrurnAdAnbahuvidhAnkampayanto vasundharAm .. 40..\\
bANashabdaravAMshchogrAnvimishrA~nsha~NkhanisvanaiH . 
prAdushchakrurmahAtmAnaH si.nhanAda ravAnapi .. 41..\\
ta.n shrutvA ninada.n ghoraM tAvakAnAM samutthitam . 
pradadhmatustadA sha~Nkhau vAsudevadhana~njayau .. 42..\\
tena shabdena mahatA pUriteya.n vasundharA . 
sa shailA sArNava dvIpA sa pAtAlA vishAM pate .. 43..\\
sa shabdo bharatashreShTha vyApya sarvA disho dasha . 
pratisasvAna tatraiva kurupANDavayorbale .. 44..\\
tAvakA rathinastatra dR^iShTvA kR^iShNa dhana~njayau . 
sa.nrambhaM paramaM prAptAstvaramANA mahArathAH .. 45..\\
atha kR^iShNau mahAbhAgau tAvakA dR^ishyadaMshitau . 
abhyadravanta sa~NkruddhAstadadbhutamivAbhavat .. 46..\\
\medskip\hrule\medskip\centerline{\Largedvng 79}
 s

tAvakAstu samIkShyaiva vR^iShNyandhakakurUttamau . 
prAgatvara~njighA.nsantastathaiva vijayaH parAn .. 1..\\
suvarNachitrairvaiyAghraiH svanavadbhirmahArathaiH . 
dIpayanto dishaH sarvA jvaladbhiriva pAvakaiH .. 2..\\
rukmapR^iShThaishcha duShprekShyaiH kArmukaiH pR^ithivIpate . 
kUjadbhiratulAnnAdAnroShitairuragairiva .. 3..\\
bhUrishravAH shalaH karNo vR^iShaseno jayadrathaH . 
kR^ipashcha madrarAjashcha drauNishcha rathinA.n varaH .. 4..\\
te pibanta ivAkAshamashvairaShTau mahArathAH . 
vyarAjayandasha disho vaiyAghrairhemachandrakaiH .. 5..\\
te daMshitAH susa.nrabdhA rathairmeghaughanisvanaiH . 
samAvR^iNvandishaH sarvAH pArtha.n cha vishikhaiH shitaiH .. 6..\\
kaulUtakA hayAshchitrA vahantastAnmahArathAn . 
vyashobhanta tadA shIghrA dIpayanto disho dasha .. 7..\\
AjAneyairmahAvegairnAnAdeshasamutthitaiH . 
pArvatIyairnadIjaishcha saindhavaishcha hayottamaiH .. 8..\\
kuru yodhavarA rAja.nstava putraM parIpsavaH . 
dhana~njayaratha.n shIghraM sarvataH samupAdravan .. 9..\\
te pragR^ihya mahAsha~NkhAndadhmuH puruShasattamAH . 
pUrayanto diva.n rAjanpR^ithivI.n cha sa sAragAm .. 10..\\
tathaiva dadhmatuH sha~Nkhau vAsudevadhana~njayau . 
pravarau sarvabhUtAnA.n sarvasha~Nkhavarau bhuvi . 
devadatta.n cha kaunteyaH pA~nchajanyaM cha keshavaH .. 11..\\
shabdastu devadattasya dhana~njaya samIritaH . 
pR^ithivI.n chAntarikShaM cha dishashchaiva samAvR^iNot .. 12..\\
tathaiva pA~nchajanyo.api vAsudeva samIritaH . 
sarvashabdAnatikramya pUrayAmAsa rodasI .. 13..\\
tasmi.nstathA vartamAne dAruNe nAdasa~Nkule . 
bhIrUNA.n trAsajanane shUrANA.n harShavardhane .. 14..\\
pravAditAsu bherIShu jharjhareShvAnakeShu cha . 
mR^ida~NgeShu cha rAjendra vAdyamAneShvanekashaH .. 15..\\
mahArathasamAkhyAta duryodhanahitaiShiNaH . 
amR^iShyamANAsta.n shabda.n kruddhAH paramadhanvinaH . 
nAnAdeshyA mahIpAlAH svasainyaparirakShiNaH .. 16..\\
amarShitA mahAsha~NkhAndadhmurvIrA mahArathAH . 
kR^ite pratikariShyantaH keshavasyArjunasya cha .. 17..\\
babhUva tava tatsainya.n sha~NkhashabdasamIritam . 
udvignarathanAgAshvamasvasthamiva chAbhibho .. 18..\\
tatprayuktamivAkAsha.n shUraiH sha~NkhaninAditam . 
babhUva bhR^ishamudvignaM nirghAtairiva nAditam .. 19..\\
sa shabdaH sumahAnrAjandishaH sarvA vyanAdayat . 
trAsayAmAsa tatsainya.n yugAnta iva sambhR^itaH .. 20..\\
tato duryodhano.aShTau cha rAjAnaste mahArathAH . 
jayadrathasya rakShArthaM pANDavaM paryavArayan .. 21..\\
tato drauNistrisaptatyA vAsudevamatADayat . 
arjuna.n cha tribhirbhallairdhvajamashvAMshcha pa~nchabhiH .. 22..\\
tamarjunaH pR^iShatkAnA.n shataiH ShaDbhiratADayat . 
atyarthamiva sa~NkruddhaH pratividdhe janArdane .. 23..\\
karNa.n dvAdashabhirviddhvA vR^iShasenaM tribhistathA . 
shalyasya sa shara.n chApaM muShTau chichchheda vIryavAn .. 24..\\
gR^ihItvA dhanuranyattu shalyo vivyAdha pANDavam . 
bhUrishravAstribhirbANairhemapu~NkhaiH shilAshitaiH .. 25..\\
karNo dvAtrishatA chaiva vR^iShasenashcha pa~nchabhiH . 
jayadrathastrisaptatyA kR^ipashcha dashabhiH sharaiH . 
madrarAjashcha dashabhirvivyadhuH phalguna.n raNe .. 26..\\
tataH sharANA.n ShaShTyA tu drauNiH pArthamavAkirat . 
vAsudeva.n cha saptatyA punaH pArthaM cha pa~nchabhiH .. 27..\\
prahasa.nstu naravyAghraH shvetAshvaH kR^iShNasArathiH . 
pratyavidhyatsa tAnsarvAndarshayanpANilAghavam .. 28..\\
karNa.n dvAdashabhirviddhvA vR^iShasenaM tribhiH sharaiH . 
shalyasya samare chApaM muShTideshe nyakR^intata .. 29..\\
saumadatti.n tribhirviddhvA shalyaM cha dashabhiH sharaiH . 
shitairagnishikhAkArairdrauNi.n vivyAdha chAShabhiH .. 30..\\
gautamaM pa~nchaviMshatyA shaindhava.n cha shatena ha . 
punardrauNi.n cha saptatyA sharANA.n so.abhyatADayat .. 31..\\
bhUri shvarAstu sa~NkruddhaH pratoda.n chichchhide hareH . 
arjuna.n cha trisaptatyA bANAnAmAjaghAna ha .. 32..\\
tataH sharashataistIkShNaistAnarI~nshvetavAhanaH . 
pratyaShedhaddruta.n kruddho mahAvAto ghanAniva .. 33..\\
\medskip\hrule\medskip\centerline{\Largedvng 80}
 dhr

dhvajAnbahuvidhAkArAnbhrAjamAnAnatishriyA . 
pArthAnAM mAmakAnA.n cha tAnmamAchakShva sa~njaya .. 1..\\

 s

dhvajAnbahuvidhAkArA~nshR^iNu teShAM mahAtmanAm . 
rUpato varNatashchaiva nAmatash cha nibodha me .. 2..\\
teShA.n tu rathamuhyAnA.n ratheShu vividhA dhvajAH . 
pratyadR^ishyanta rAjendra jvalitA iva pAvalAH .. 3..\\
kA~nchanAH kA~nchanApIDAH kA~nchanasragala~NkR^itAH . 
kA~nchanAnIva shR^i~NgANi kA~nchanasya mahAgireH .. 4..\\
te dhvajAH sa.nvR^itAsteShAM patAkAbhiH samantataH . 
nAnAvarNavirAgAbhirvibabhuH sarvatovR^itAH .. 5..\\
patAkAshcha tatastAstu shvasanena samIritAH . 
nR^ityamAnA vyadR^ishyanta ra~Ngamadhye vilAsikAH .. 6..\\
indrAyudhasavarNAbhAH patAkA bharatarShabha . 
dodhUyamAnA rathinA.n shobhayanti mahArathAn .. 7..\\
sinha lA~NgUlamugrAsya.n dhaja.n vAnaralakShaNam . 
dhana~njayasya sa~NgrAme pratyapashyama bhairavam .. 8..\\
sa vAnaravaro rAjanpatAkAbhirala~NkR^itaH . 
trAsayAmAsa tatsainyamdhvajo gANDIvadhanvanaH .. 9..\\
tathaiva si.nhalA~NgUla.n droNaputrasya bhArata . 
dhvajAgra.n samapashyAma bAlasUryasamaprabham .. 10..\\
kA~nchanaM pavanoddhUta.n shakradhvajasamaprabham . 
nandana.n kauravendrANAM drauNerlakShaNamuchchhritam .. 11..\\
hastikakShyA punarhaimI babhUvAdhiratherdhvaje . 
Ahave khaM mahArAja dadR^ishe pUrayanniva .. 12..\\
patAkI kA~nchanasragvI dhvajaH karNasya sa.nyuge . 
nR^ityatIva rathopasthe shvasanena samIritaH .. 13..\\
AchAryasya cha pANDUnAM brAhmaNasya yashasvinaH . 
govR^iSho gautamasyAsItkR^ipasya supariShkR^itaH .. 14..\\
sa tena bhrAjate rAjangovR^iSheNa mahArathaH . 
tripuraghna ratho yadvadgovR^iSheNa virAjate .. 15..\\
mayUro vR^iShasenasya kA~nchano maNiratnavAn . 
vyAhariShyannivAtiShThatsenAgramapi shobhayan .. 16..\\
tena tasya ratho bhAti mayUreNa mahAtmanaH . 
yathA sthandasya rAjendra mayUreNa virAjatA .. 17..\\
madrarAjasya shalyasya dhvajAgre.agnishikhAm iva . 
sauvarNIM pratipashyAma sItAmapratimA.n shubhAm .. 18..\\
sA sItA bhrAjate tasya rathamAsthAya mAriSha . 
sarvabIjavirUDheva yathA sItA shriyA vR^itA .. 19..\\
varAhaH sindhurAjasya rAjato.abhivirAjate . 
dhvajAgre.alohitArkAbho hemajAlapariShkR^itaH .. 20..\\
shushubhe ketunA tena rAjatena jayadrathaH . 
yathA devAsure yuddhe purA pUShA sma shobhate .. 21..\\
saumadatteH punaryUpo yaGYashIlasya dhImataH . 
dhvajaH sUrya ivAbhAti somashchAtra pradR^ishyate .. 22..\\
sa yUpaH kA~nchano rAjansaumadattervirAjate . 
rAjasUye makhashreShThe yathA yUpaH samuchchhritaH .. 23..\\
shalasya tu mahArAja rAjato dvirado mahAn . 
ketuH kA~nchanachitrA~NgairmayUrairupashobhitaH .. 24..\\
sa ketuH shobhayAmAsa sainya.n te bharatarShabha . 
yathA shveto mahAnAgo devarAjachamU.n tathA .. 25..\\
nAgo maNimayo rAGYo dhvajaH kanakasa.nvR^itaH . 
ki~NkiNIshatasa.nhrAdo bhrAjaMsh chitre rathottame .. 26..\\
vyabhrAjata bhR^isha.n rAjanputrastava vishAM pate . 
dhvajena mahatA sa~Nkhye kurUNAmR^iShabhastadA .. 27..\\
navaite tava vAhinyAmuchchhritAH paramadhvajAH . 
vyadIpaya.nste pR^itanA.n yugAntAdityasaMnibhAH .. 28..\\
dashamastvarjunasyAsIdeka eva mahAkapiH . 
adIpyatArjuno yena himavAniva vahninA .. 29..\\
tatashchitrANi shubhrANi sumahAnti mahArathAH . 
kArmukANyAdadustUrNamarjunArthe parantapAH .. 30..\\
tathaiva dhanurAyachchhatpArthaH shatruvinAshanaH . 
gANDIva.n divyakarmA tadrAjandurmantrite tava .. 31..\\
tavAparAdhAddhi narA nihatA bahudhA yudhi . 
nAnAdigbhyaH samAhUtAH sahayAH sa rathadvipAH .. 32..\\
teShAmAsIdvyatikShepo garjatAm itaretaram . 
duryodhanamukhAnA.n cha pANDUnAmR^iShabhasya cha .. 33..\\
tatrAdbhutaM para.n chakrje kaunteyaH kR^iShNasArathiH . 
yadeko bahubhiH sArdha.n samAgachchhadabhItavat .. 34..\\
ashobhata mahAbAhurgANDIva.n vikShipandhanuH . 
jigIShustAnnaravyAghrA~njighA.nsush cha jayadratham .. 35..\\
tatrArjuno mahArAja sharairmuktaiH sahasrashaH . 
adR^ishyAnakarodyodhA.nstAvakA~nshatrutApanaH .. 36..\\
tataste.api naravyAghrAH pArtha.n sarve mahArathAH . 
adR^ishya.n samare chakruH sAyakaughaiH samantataH .. 37..\\
sa.nvR^ite narasi.nhaistaiH kurUNAmR^iShabhe.arjune . 
mahAnAsItsamuddhUtastasya sainyasya nisvanaH .. 38..\\
\medskip\hrule\medskip\centerline{\Largedvng 81}
 dhr

arjune saidhavaM prApte bhAradvAjena sa.nvR^itAH . 
pA~nchAlAH kurubhiH sArdha.n kimakurvata sa~njaya .. 1..\\

 s

aparAhNe mahArAja sa~NgrAme lomaharShaNe . 
pA~nchAlAnA.n kurUNAM cha droNe dyUtamavartata .. 2..\\
pA~nchAlA hi jighA.nsanto droNa.n sa.nhR^iShTachetasaH . 
abhyavarShanta garjantaH sharavarShANi mAriSha .. 3..\\
tataH sutumulasteShA.n sa~NgrAmo.avartatAdbhutaH . 
pA~nchAlAnA.n kurUNAM cha ghoro devAsuropamaH .. 4..\\
sarve droNa rathaM prApya pA~nchAlAH paNDavaiH saha . 
tadanIkaM bibhitsanto mahAstrANi vyadarshayan .. 5..\\
droNasya rathaparyanta.n rathino rathamAsthitAH . 
kampayanto.abhyavartanta vegamAsthAya madhyamam .. 6..\\
tamabhyagAdbR^ihatkShatraH kekayAnAM mahArathaH . 
pravapannishitAnbANAnmahendrAshanisaMnibhAn .. 7..\\
ta.n tu pratyudiyAchchhIghraM kShemadhUrtirmahAyashAH . 
vimu~nchannishitAnbANA~nshatasho.atha sahasrashaH .. 8..\\
dhR^iShTaketushcha chedInAmR^iShabho.atibaloditaH . 
tvarito.abhyadravaddroNaM mahendra iva shambaram .. 9..\\
tamApatanta.n sahasA vyAditAsyamivAntakam . 
vIra dhanvA maheShvAsastvaramANaH samabhyayAt .. 10..\\
yudhiShThiraM mahArAja jigIShu.n samavasthitam . 
sahAnIka.n tato droNo nyavArayata vIryavAn .. 11..\\
nakula.n kushala.n yuddhe parAkrAntaM parAkramI . 
abhyagachchhatsamAyAnta.n vikarNaste sutaH prabho .. 12..\\
sahadeva.n tathAyAntaM durmukhaH shatrukarshanaH . 
shanairanekasAhasraiH samavAkiradAshugaiH .. 13..\\
sAtyaki.n tu naravyAghra.n vyAghradattastvavArayat . 
sharaiH sunishitaistIkShNaiH kampayanvai muhurmuhuH .. 14..\\
draupadeyAnnaravyAghrAnmu~nchataH sAyakottamAn . 
sa.nrabdhAnrathinA.n shreShThAnsaumadattiravArayat .. 15..\\
bhImasena.n tathA kruddhaM bhImarUpo bhayAnakam . 
pratyavArayadAyAntamArShyashR^i~NgirmahArathaH .. 16..\\
tayoH samabhavadyuddhaM nararAkShasayormR^idhe . 
yAdR^igeva purAvR^itta.n rAmarAvaNayornR^ipa .. 17..\\
tato yudhiShThiro droNaM navatyA nataparvaNAm . 
Ajaghne bharatashreShTha sarvamarmasu bhArata .. 18..\\
ta.n droNaH pa~nchaviMshatyA nijaghAna stanAntare . 
roShito bharatashreShTha kaunteyena yashasvinA .. 19..\\
bhUya eva tu viMshatyA sAyakAnA.n samAchinot . 
sAshvasUta dhvaja.n droNaH pashyatA.n sarvadhanvinAm .. 20..\\
tA~nsharAndroNa muktA.nstu sharavarSheNa pANDavaH . 
avArayata dharmAtmA darshayanpANilAghavam .. 21..\\
tato droNo bhR^isha.n kruddho dharmarAjasya sa.nyuge . 
chichchheda sahasA dhanvI dhanustasya mahAtmanaH .. 22..\\
athaina.n chhinnadhanvAnaM tvaramANo mahArathaH . 
sharairanekasAhasraiH purayAmAsa sarvataH .. 23..\\
adR^ishya.n dR^ishyarAjAnaM bhAradvAjasya sAyakaiH . 
sarvabhUtAnyamanyanta hatameva yudhiShThiram .. 24..\\
ke chichchainamamanyanta tathA vai vimukhIkR^itam . 
hR^ito rAjeti rAjendra brAhmaNena yashasvinA .. 25..\\
sa kR^ichchhraM paramaM prApto dharmarAjo yudhiShThiraH . 
tyaktvA tatkArmuka.n chhinnaM bhAradvAjena sa.nyuge . 
Adade.anyaddhanurdivyaM bhAraghna.n vegavattaram .. 26..\\
tatastAnsAyakAnsarvAndroNa muktAnsahasrashaH . 
chichchheda samare vIrastadadbhutamivAbhavat .. 27..\\
chhittvA cha tA~nsharAnrAjA krodhasa.nraktalochanaH . 
shakti.n jagrAha samare girINAmapi dAraNIm . 
svarNadaNDAM mahAghorAmaShTaghaNTAM bhayAvahAm .. 28..\\
samutkShipya cha tA.n hR^iShTo nanAda balavadbalI . 
nAdena sarvabhUtAni trAsayanniva bhArata .. 29..\\
shakti.n samudyatA.n dR^iShTvA dharmarAjena sa.nyuge . 
svasti droNAya sahasA sarvabhUtAnyathAbruvan .. 30..\\
sA rAjabhuja nirmuktA nirmuktaraga saMnibhA . 
prajvAlayantI gagana.n dishashcha vidishastathA . 
droNAntikamanuprAptA dIptAsyA pannagI yathA .. 31..\\
tAmApatantI.n sahasA prekShya droNo vishAM pate . 
prAdushchakre tato brAhmamastramastravidA.n varaH .. 32..\\
tadastraM bhasmasAtkR^itvA tA.n shakti.n ghoradarshanAm . 
jagAma syandana.n tUrNaM pANDavasya yashasvinaH .. 33..\\
tato yudhiShThiro rAjA droNAstra.n tatsamudyatam . 
ashAmayanmahAprAGYo brahmAstreNaiva bhArata .. 34..\\
vivyAdha cha raNe droNaM pa~nchabhirnataparvabhiH . 
kShurapreNa cha tIkShNena chichchhedAsya mahaddhanuH .. 35..\\
tadapAsya dhanushchhinna.n droNaH kShatriya mardanaH . 
gadA.n chikShepa sahasA dharmaputrAya mAriSha .. 36..\\
tAmApatantI.n sahasA gadA.n dR^iShTvA yudhiShThiraH . 
gadAmevAgrahItkruddhashchikShepa cha parantapaH .. 37..\\
te gade sahasA mukte samAsAdya parasparam . 
sa~NgharShAtpAvakaM muktvA sameyAtAM mahItale .. 38..\\
tato droNo bhR^isha.n kruddho dharmarAjasya mAriSha . 
chaturbhirnishitaistIkShNairhayA~njaghne sharottamaiH .. 39..\\
dhanushchaikena bANena chichchhedendra dhvajopamam . 
ketumekena chichchheda pANDava.n chArdayattribhiH .. 40..\\
hayAshvattu rathAttUrNamavaplutya yudhiShThiraH . 
tasthAvUrdhvabhujo rAjA vyAyudho bharatarShabha .. 41..\\
viratha.n ta.n samAlokya vyAyudhaM cha visheShataH . 
droNo vyamohayachchhatrUnsarvasainyAni chAbhibho .. 42..\\
mu~nchanniShugaNA.nstIkShNA.Nllaghuhasto dR^iDhavrataH . 
abhidudrAva rAjAna.n si.nho mR^igamivolbaNaH .. 43..\\
tamabhidrutamAlokya droNenAmitra ghAtinA . 
hAheti sahasA shabdaH pANDUnA.n samajAyata .. 44..\\
hR^ito rAjA hR^ito rAjA bhAradvAjena mAriSha . 
ityAsItsumahA~nshabdaH pANDusainyasya sarvataH .. 45..\\
tatastvaritamAruhya sahadeva rathaM nR^ipaH . 
apAyAjjavanairashvaiH kuntIputro yudhiShThiraH .. 46..\\
\medskip\hrule\medskip\centerline{\Largedvng 82}
 s

bR^ihatkShatramathAyAnta.n kekayaM dR^iDhavikramam . 
kShemadhUrtirmahArAja vivyAdhorasi mArgaNaiH .. 1..\\
bR^ihatkShatrastu ta.n rAjA navatyA nataparvaNAm . 
Ajaghne tvarito yuddhe droNAnIka bibhitsayA .. 2..\\
kShemadhUrtistu sa~NkruddhaH kekayasya mahAtmanaH . 
dhanushchichchheda bhallena pItena nishitena cha .. 3..\\
athaina.n chhinnadhanvAna.n shareNa nataparvaNA . 
vivyAdha hR^idaye tUrNaM pravara.n sarvadhanvinAm .. 4..\\
athAnyaddhanurAdAya bR^ihatkShatro hasanniva . 
vyashva sUta dhvaja.n chakre kShemadhUrtiM mahAratham .. 5..\\
tato.apareNa bhallena pItena nishitena cha . 
jahAra nR^ipateH kAyAchchhiro jvalitakuNDalam .. 6..\\
ta chhinna.n sahasA tasya shiraH ku~nchitamUrdhajam . 
sa kirITaM mahIM prApya babhau jyotirivAmbarAt .. 7..\\
taM nihatya raNe hR^iShTo bR^ihatkShatro mahArathaH . 
sahasAbhyapatatsainya.n tAvakaM pArtha kAraNAt .. 8..\\
dhR^iShTaketumathAyAnta.n droNa hetoH parAkramI . 
vIra dhanvA maheShvAso vArayAmAsa bhArata .. 9..\\
tau parasparamAsAdya sharadaMShTrau tarasvinau . 
sharairanekasAhasrairanyonyamabhijaghnatuH .. 10..\\
tAvubhau narashArdUlau yuyudhAte parasparam . 
mahAvane tIvramadau vAraNAviva yUthapau .. 11..\\
girigahvaramAsAdya shArdUlAviva roShitau . 
yuyudhAte mahAvIryau parasparajighA.nsayA .. 12..\\
tadyuddhamAsIttumulaM prekShaNIya.n vishAM pate . 
siddhachAraNasa~NghAnA.n vismayAdbhuta darshanam .. 13..\\
vIra dhanvA tataH kruddho dhR^iShTaketoH sharAsanam . 
dvidhA chichchheda bhallena prahasanniva bhArata .. 14..\\
tadutsR^ijya dhanushchhinna.n chedirAjo mahArathaH . 
shakti.n jagrAha vipulA.n rukmadaNDAmayasmayIm .. 15..\\
tA.n tu shaktiM mahAvIryAM dorbhyAmAyamya bhArata . 
chikShepa sahasA yatto vIra dhanva rathaM prati .. 16..\\
sa tayA vIra ghAtinyA shaktyA tvabhihato bhR^isham . 
nirbhinnahR^idayastUrNaM nipapAta rathAnmahIm .. 17..\\
tasminvinihate shUre trigartAnAM mahArathe . 
bala.n te.abhajyata vibho pANDaveyaiH samantataH .. 18..\\
sahadeve tataH ShaShTi.n sAyakAndurmukho.akShipat . 
nanAda cha mahAnAda.n tarjayanpANDava.n raNe .. 19..\\
madreyastu tataH kruddho durmukha.n dashabhiH sharaiH . 
bhrAtA bhrAtaramAyAnta.n vivyAdha prahasanniva .. 20..\\
ta.n raNe rabhasa.n dR^iShTvA sahadevaM mahAbalam . 
durmukho navabhirbANaistADayAmAsa bhArata .. 21..\\
durmukhasya tu bhallena chhitvA ketuM mahAbalaH . 
jaghAna chaturo vAhAMshchaturbhirnishitaiH sharaiH .. 22..\\
athApareNa bhallena pItena nishitena cha . 
chichchheda sAratheH kAyAchchhiro jvalitakuNDalam .. 23..\\
kShurapreNa cha tIkShNena kauravyasya mahaddhanuH . 
sahadevo raNe chhittvA ta.n cha vivyAdha pa~nchabhiH .. 24..\\
hatAshva.n tu rathaM tyaktvA durmukho vimanAstadA . 
Aruroha ratha.n rAjanniramitrasya bhArata .. 25..\\
sahadevastataH kruddho niramitraM mahAhave . 
jaghAna pR^itanA madhye bhallena paravIrahA .. 26..\\
sa papAta rathopasthanniramitro janeshvaraH . 
trigartarAjasya suto vyathaya.nstava vAhinIm .. 27..\\
ta.n tu hatvA mahAbAhuH sahadevo vyarochata . 
yathA dAsharathI rAmaH khara.n hatvA mahAbalam .. 28..\\
hAhAkAro mahAnAsIttrigartAnA.n janeshvara . 
rAjaputra.n hata.n dR^iShTvA niramitraM mahAbalam .. 29..\\
nakulaste suta.n rAjanvikarNaM pR^ithulochanam . 
muhUrtAjjitavAnsa~Nkhye tadadbhutamivAbhavat .. 30..\\
sAtyaki.n vyAghradattastu sharaiH saMnataparvabhiH . 
chakre.adR^ishya.n sAshvasUtaM sa dhvajaM pR^itanAntare .. 31..\\
tAnnivArya sharA~nshUraH shaineyaH kR^itahastavat . 
sAshvasUta dhvajaM bANairvyAghradattamapAtayat .. 32..\\
kumAre nihate tasminmagadhasya sute prabho . 
mAgadhAH sarvato yattA yuyudhAnamupAdravan .. 33..\\
visR^ijantaH sharAMshchaiva tomarAMshcha sahasrashaH . 
bhiNDipAlA.nstathA prAsAnmudgarAnmusalAnapi .. 34..\\
ayodhayanraNe shUrAH sAtvata.n yuddhadurmadam . 
tA.nstu sarvAnsabalavAnsAtyaktiryuddhadurmadaH . 
nAtikR^ichchhrAddhasanneva vijigye puruSharShabha .. 35..\\
mAgadhandravato dR^iShTvA hatasheShAnsamantataH . 
bala.n te.abhajyata vibho yuyudhAna sharArditam .. 36..\\
nAshayitvA raNe sainya.n tvadIyaM mAdhavottamaH . 
vidhunvAno dhanuHshreShTha.n vyabhrAjata mahAyashAH .. 37..\\
bhajyamAnaM bala.n rAjansAtvatena mahAtmanA . 
nAbhyavartata yuddhAya trAsita.n dIrghabAhunA .. 38..\\
tato droNo bhR^isha.n kruddhaH sahasodvR^itya chakShuShI . 
sAtyaki.n satyakarmANaM svayamevAbhidudruve .. 39..\\
\medskip\hrule\medskip\centerline{\Largedvng 83}
 s

draupadeyAnmaheShvAsAnsaumadattirmahAyashAH . 
ekaikaM pa~nchabhirviddhvA punarvivyAdha saptabhiH .. 1..\\
te pIDitA bhR^isha.n tena raudreNa sahasA vibho . 
pramUDhA naiva vividurmR^idhe kR^itya.n sma ki.n chana .. 2..\\
nAkulistu shatAnIkaH saumadattiM nararShabham . 
dvAbhyA.n viddhvAnadaddhR^iShTaH sharAbhyAM shatrutApanaH .. 3..\\
tathetare raNe yattastribhistribhirajihmagaiH . 
vivyadhuH samare tUrNa.n saumadattimamarShaNam .. 4..\\
sa tAnprati mahArAja chikShipe pa~ncha sAyakAn . 
ekaika.n hR^idi chAjaghne ekaikena mahAyashAH .. 5..\\
tataste bhrAtaraH pa~ncha sharairviddhA mahAtmanA . 
parivArya rathairvIrai.n vivyadhuH sAyakairbhR^isham .. 6..\\
Arjunistu hayA.nstasya chaturbhirnishitaiH sharaiH . 
preShayAmAsa sa~Nkruddho yamasya sadanaM prati .. 7..\\
bhaimasenirdhanushchhittvA saumadattermahAtmanaH . 
nanAda balavannAda.n vivyAdha cha shitaiH sharaiH .. 8..\\
yaudhiShThiro dhvaja.n tasya chhittvA bhUmAvapAtayat . 
nAkulishchAshvayantAram.n rathanIDAdapAharat .. 9..\\
sAhadevistu ta.n GYAtvA bhrAtR^ibhirvimukhIkR^itam . 
kShurapreNa shiro rAjannichakarta mahAmanAH .. 10..\\
tachchhiro nyapatadbhUmau tapanIyavibhUShitam . 
bhrAjayanta.n raNoddeshaM bAlasUryasamaprabham .. 11..\\
saumadatteH shiro dR^iShTvA nipatattanmahAtmanaH . 
vitrastAstAvakA rAjanpradudruvuranekadhA .. 12..\\
alambusastu samare bhImasenaM mahAbalam . 
yodhayAmAsa sa~Nkruddho lakShmaNa.n rAvaNiryathA .. 13..\\
samprayuddhau raNe dR^iShTvA tAvubhau nararAkShasau . 
vismayaH sarvabhUtAnAM praharShashchAbhavattadA .. 14..\\
ArShyashR^i~Ngi.n tato bhImo navabhirnishitaiH sharaiH . 
vivyAdha prahasanrAjanrAkShasendramamarShaNam .. 15..\\
tadrakShaH samare viddha.n kR^itvA nAdaM bhayAvaham . 
abhyadravattato bhIma.n ye cha tasya padAnugAH .. 16..\\
sa bhImaM pa~nchabhirviddhvA sharaiH saMnataparvabhiH . 
bhImAnugA~njaghAnAshu rathA.nstriMshadarindamaH . 
punashchatuHshatAnhatvA bhIma.n vivyAdha patriNA .. 17..\\
so.atividdhastadA bhImo rAkShasena mahAbalaH . 
niShasAda rathopasthe mUrchhayAbhipariplutaH .. 18..\\
pratilabhya tataH sa~nj~nAM mArutiH krodhamUrchhitaH . 
vikR^iShya kArmuka.n ghoraM bhArasAdhanamuttamam . 
alambusa.n sharaistIkShNairardayAmAsa sarvataH .. 19..\\
sa viddho bahubhirbANairnIlA~njanachayopamaH . 
shushubhe sarvato rAjanpradIpta iva kiMshukaH .. 20..\\
sa vadhyamAnaH samare bhImachApachyutaiH sharaiH . 
smaranbhrAtR^ivadha.n chaiva pANDavena mahAtmanA .. 21..\\
ghora.n rUpamatho kR^itvA bhImasenamabhAShata . 
tiShThedAnI.n raNe pArtha pashya me.adya parAkramam .. 22..\\
bako nAma sudurbuddhe rAkShasa pravaro balI . 
parokShaM mama tadvR^itta.n yadbhrAtA me hatastvayA .. 23..\\
evamuktvA tato bhImamantardhAnagatastadA . 
mahAtA sharavarSheNa bhR^isha.n ta.n samavAkirat .. 24..\\
bhImastu samare rAjannadR^ishye rAkShase tadA . 
AkAshaM pUrayAmAsa sharaiH saMnataparvabhiH .. 25..\\
sa vadhyamAno bhImena nimeShAdrathamAsthitaH . 
jagAma dharaNI.n kShudraH khaM chaiva sahasAgamat .. 26..\\
uchchAvachAni rUpANi chakAra subahUni cha . 
uchchAvachAstathA vAcho vyAjahAra samantataH .. 27..\\
tena pANDavasainyAnAM mR^iditA yudhi vAraNAH . 
hayAshcha bahavo rAjanpattayashcha tathA punaH . 
rathebhyo rathinaH petustasya nunnAH sma sAyakaiH .. 28..\\
shoNitodA.n rathAvartAM hastigrAhasamAkulAm . 
chhatraha.nsA.n kardaminIM bAhupannaga sa~NkulAm .. 29..\\
nadIM pravartayAmAsa rakShogaNasamAkulAm . 
vahantIM bahudhA rAjaMshchedipA~nchAlasR^i~njayAn .. 30..\\
ta.n tathA samare rAjanvicharantamabhItavat . 
pANDavA bhR^ishasa.nvignAH prApashya.nstatsya vikramam .. 31..\\
tAvakAnA.n tu sainyAnAM praharShaH samajAyata . 
vAditraninadashchograH sumahA.NllomaharShaNaH .. 32..\\
ta.n shrutvA ninada~Nghora.n tava sainyasya pANDavaH . 
nAmR^iShyata yathA nAgastalashabda.n samIritam .. 33..\\
tataH krodhAbhitAmrAkSho nirdahanniva pAvakaH . 
sandadhe tvAShTramastra.n sa svaya.n tvaShTeva mAriSha .. 34..\\
tataH sharasahasrANi prAdurAsansamantataH . 
taiH sharaistava sainyasya vidrAvaH sumahAnabhUt .. 35..\\
tadastraM preShita.n tena bhImasenena sa.nyuge . 
rAkShasasya mahAmAyA.n hatvA rAkShasamArdayat .. 36..\\
sa vadhyamAno bahudhA bhImasenena rAkShasaH . 
santyajya sa.nyuge bhIma.n droNAnIkamupAdravat .. 37..\\
tasmi.nstu nirjite rAjanrAkShasendre mahAtmanA . 
anAdayansi.nhanAdaiH pANDavAH sarvatodisham .. 38..\\
apUjayanmAruti~nca sa.nhR^iShTAste mahAbalam . 
prahrAda.n samare jitvA yathA shakraM marudgaNAH .. 39..\\
\medskip\hrule\medskip\centerline{\Largedvng 84}
 s

alambusa.n tathA yuddhe vicharantamabhItavat . 
haiDimbaH prayayau tUrNa.n vivyAdha cha shitaiH sharaiH .. 1..\\
tayoH pratibhaya.n yuddhamAsIdrAkShasasi.nhayoH . 
kurvatorvividhA mAyAH shakrashambarayoriva .. 2..\\
alambuso bhR^isha.n kruddho ghaTotkachamatADayat . 
ghaTotkachastu viMshatyA nArAchAnA.n stanAntare . 
alambusamatho viddhvA si.nhA vadvyanadanmuhuH .. 3..\\
tathaivAlambuso rAjanhaiDimba.n yuddhadurmadam . 
viddhvA viddhvAnadaddhR^iShTaH pUrayankha.n samantataH .. 4..\\
tathA tau bhR^ishasa~Nkruddhau rAkShasendrau mahAbalau . 
nirvisheShamayudhyetAM mAyAbhiritaretaram .. 5..\\
mAyA shatasR^ijau dR^iptau mohayantau parasparam . 
mAyAyuddhe sukushalau mAyAyuddhamayudhyatAm .. 6..\\
yA.n yA.n ghaTotkacho yuddhe mAyAM darshayate nR^ipa . 
tA.n tAmalambuso rAjanmAyayaiva nijaghnivAn .. 7..\\
ta.n tathA yudhyamAnaM tu mAyAyuddhavishAradam . 
alambusa.n rAkShasendra.n dR^iShTvAkrudhyanta pANDavAH .. 8..\\
ta enaM bhR^ishasa~NkruddhAH sarvataH pravarA rathaiH . 
abhyadravanta sa~NkruddhA bhImasenAdayo nR^ipa .. 9..\\
ta ena.n koShThakI kR^ityarathavaMshena mAriSha . 
sarvato vyakiranbANairulkAbhiriva ku~njaram .. 10..\\
sa teShAmastravega.n taM pratihatyAstra mAyayA . 
tasmAdrathavrajAnmukto vanadAhAdiva dvipaH .. 11..\\
sa visphArya dhanurghoramindrAshanisamasvanam . 
mArutiM pa~nchaviMshatyA bhaimaseni.n cha pa~nchabhiH . 
yudhiShThira.n tribhirviddhvA sahadevaM cha saptabhiH .. 12..\\
nakula.n cha trisaptatyA drupadeyAMshcha mAriSha . 
pa~nchabhiH pa~nchabhirviddhvA ghoraM nAdaM nanAda ha .. 13..\\
taM bhImaseno navabhiH sahadevashcha pa~nchabhiH . 
yudhiShThiraH shatenaiva rAkShasaM pratyavidhyata . 
nakulashcha chatuHShaShTyA draupadeyAstribhistribhiH .. 14..\\
haiDimbo rAkShasa.n viddhvA yuddhe pa~nchAshatA sharaiH . 
punarvivyAdha saptatyA nanAda cha mahAbalaH .. 15..\\
so.Atividdho maheShvAsaH sarvatastairmahArathaiH . 
prativivyAdha tAnsarvAnpa~nchabhiH pa~nchabhiH sharaiH .. 16..\\
ta.n kruddha.n rAkShasaM yuddhe pratikruddhastu rAkShasaH . 
haiDimbo bharatashreShTha sharairvivyAdha saptabhiH .. 17..\\
so tividdho balavatA rAkShasendro mahAbalaH . 
vyasR^ijatsAyakA.nstUrNa.n svarNapu~NkhA~nshilAshitAn .. 18..\\
te sharA nataparvANo vivishU rAkShasa.n tadA . 
ruShitAH pannagA yadvadgirimugrA mahAbalAH .. 19..\\
tataste pANDavA rAjansamantAnnishitA~nsharAn . 
preShayAmAsurudvignA haiDimbashcha ghaTotkachaH .. 20..\\
sa vadhyamAnaH samare pADavairjitakAshibhiH . 
dagdhAdrikUTashR^i~NgAbhaM bhinnA~njanachayopamam .. 21..\\
samutkShipya cha bAhubhyAmAvidhya cha punaH punaH . 
niShpipeSha kShitau kShipraM pUrNakumbhamivAshmani .. 22..\\
balalAghava sampannaH sampanno virameNa cha . 
bhaimasenI raNe kruddha sarvasainyAnyabhIShayat .. 23..\\
sa visphuTita sarvA~NgashchUrNitAsthi vibhUShaNaH . 
ghaTotkachena vIreNa hataH sAlakaTa~NkaTah .. 24..\\
tataH sumanasaH pArthA hate tasminnishAchare . 
chukrushuH si.nhanAdAMshcha vAsA.nsyAdudhuvush cha ha .. 25..\\
tAvakAshcha hata.n dR^iShTvA rAkShasendraM mahAbalam . 
alambusaM bhImarUpa.n vishIrNamiva parvatam . 
hAhAkAramakurvanta sainyAni bharatarShabha .. 26..\\
janAshcha taddadR^ishire rakShaH kautUhalAnvitAH . 
yadR^ichchhayA nipatitaM bhUmAva~NgAraka.n yathA .. 27..\\
ghaTotkachastu taddhatvA rakShobalavatA.n varam . 
mumocha balavannAdaM bala.n hatveva vAsavaH .. 28..\\
sa pUjyamAnaH pitR^ibhiH sa bAnhavair 
ghaTotkachaH karNami duShkare kR^ite . 
ripuM nihatyAbhinananda vai tadA 
alambusaM pakvamalambusa.n yathA .. 29..\\
tato ninAdaH sumahAnsamutthitaH 
sa sha~NkhanAnAvidha bANaghoShavAn . 
nishamya taM pratyanada.nstu kauravAs 
tato dhvanirbhuvanamathAspR^ishadbhR^isham .. 30..\\
\medskip\hrule\medskip\centerline{\Largedvng 85}
 dhr

bhAradvAja.n kathe.n yuddhe yuyudhAno.abhyavArayat . 
sa~njayAchakShva tattvena para.n kautUhala.n hi me .. 1..\\

 s

shR^iNu rAjanmahAprAGYa sa~NgrAma.n lomaharShaNam . 
droNasya pANDavaiH sArdha.n yuyudhAna purogamaiH .. 2..\\
vadhyamAnaM bala.n dR^iShTvA yuyudhAnena mAriSha . 
abhyadravatsvaya.n droNaH sAtyaki.n satyavikramam .. 3..\\
tamApatanta.n sahasA bhAradvAjaM mahAratham . 
sAtyakiH pa~nchaviMshatyA kShudrakANA.n samArpayat .. 4..\\
droNo.api yudhi vikrAnto yuyudhAna.n samAhitaH . 
avidhyatpa~nchabhistUrNa.nhema pu~NkhaiH shilAshitaiH .. 5..\\
te varma bhittvA sudR^iDha.n dviShatpishita bhojanAH . 
abhyagurdharaNI.n rAja~nshvasanta iva pannagAH .. 6..\\
dIrghabAhurabhikruddhastottrArdita iva dvipaH . 
droNaM pa~nchAshatAvidhyannArAchairagnisaMnibhaiH .. 7..\\
bhAradvAjo raNe viddho yuyudhAnena sa tvaram . 
sAtyakiM bahubhirbANairyatamAnamavidhyata .. 8..\\
tataH kruddho maheShvAso bhUya eva mahAbalaH . 
sAtvataM pIDayAmAsa shatena nataparvaNA .. 9..\\
sa vadhyamAnaH samare bhAradvAjena sAtyakiH . 
nAbhyapadyata kartavya.n kiM chideva vishAM pate .. 10..\\
viShaNNavadanashchApi yuyudhAno.abhavannR^ipa . 
bhAradvAja.n raNe dR^iShTvA visR^ijantaM shitA~nsharAn .. 11..\\
ta.n tu samprekShya te putrAH sainikAshcha vishAM pate . 
prahR^iShTamanaso bhUtvA si.nhavadvyanadanmuhuH .. 12..\\
ta.n shrutvA ninada.n ghoraM pIDyamAnaM cha mAdhavam . 
yudhiShTiro.abravIdrAjansarvasainyAni bhArata .. 13..\\
eSha vR^iShNivaro vIraH sAtyakiH satyakarmakR^it . 
grasyate yudhi vIreNa bhAnumAniva rAhuNA . 
abhidravata gachchhadhva.n sAtyakiryatra yudhyate .. 14..\\
dhR^iShTadyumna.n cha pA~nchAlyamidamAha janAdhipa . 
abhidrava druta.n droNaM kiM nu tiShThasi pArShata . 
na pashyasi bhaya.n ghoraM droNAnnaH samupasthitam .. 15..\\
asau droNo maheShvAso yuyudhAnena sa.nyuge . 
krIDate sUtrabaddhena pakShiNA bAlako yathA .. 16..\\
tatraiva sarve gachchhantu bhImasenamukhA rathAH . 
tvayaiva sahitA yattA yuyudhAna rathaM prati .. 17..\\
pR^iShThato.anugamiShyAmi tvAmaha.n saha sainikaH . 
sAtyakiM mokShayasvAdya yama daMShTrAntara.n gatam .. 18..\\
evamuktvA tato rAjA sarvasainyena pANDavaH . 
abhyadravadraNe droNa.n yuyudhAnasya kAraNAt .. 19..\\
tatrArAvo mahAnAsIddroNameka.n yuyutsatAm . 
pANDavAnA.n cha bhadraM te sR^i~njayAnAM cha sarvashaH .. 20..\\
te sametya naravyAghrA bhAradvAjaM mahAratham . 
abhyavarSha~nsharaistIkShNaiH ka~NkabarhiNa vAjitaH .. 21..\\
smayanneva tu tAnvIrAndroNaH pratyagrahItsvayam . 
atithInAgatAnyadvatsalilenAsanena cha .. 22..\\
tarpitAste sharaistasya bhAradvAjasya dhanvinaH . 
Atitheya gR^ihaM prApya nR^ipate.atithayo yathA .. 23..\\
bhAradvAja.n cha te sarve na shekuH prativIkShitum . 
madhya.n dinamanuprApta.n sahasrAMshumiva prabho .. 24..\\
tA.nstu sarvAnmaheShvAsAndroNaH shastrabhR^itA.n varaH . 
atApayachchharavrAtairgabhastibhirivAMshumAn .. 25..\\
vadhyamAnA raNe rAjanpANDavAH sR^i~njayAstathA . 
trAtAraM nAdhyagachchhanta pa~NkamagnA iva dvipAH .. 26..\\
droNasya cha vyadR^ishyanta visarpanto mahAsharAH . 
ghabhastaya ivArkasya pratapantaH samantataH .. 27..\\
tasmindroNena nihatAH pA~nchAlAH pa~nchaviMshatiH . 
mahArathasamAkhyAtA dhR^iShTadyumnasya saMmatAH .. 28..\\
pANDUnA.n sarvasainyeShu pA~nchAlAnA.n tathaiva cha . 
droNa.n sma dadR^ishuH shUraM vinighnantaM varAnvarAn .. 29..\\
kekayAnA.n shataM hatvA vidrAvya cha samantataH . 
droNastasthau mahArAja vyAditAsya ivAntakaH .. 30..\\
pA~nchAlAnsR^i~njayAnmatsyAnkekayAnpANDavAnapi . 
droNo.ajayanmahAbAhuH shatasho.atha sahasrashaH .. 31..\\
teShA.n samabhavachchhabdo vadhyatA.n droNa sAyakaiH . 
vanaukasAmivAraNye dahyatA.n dhUmaketunA .. 32..\\
tatra devAH sa gandharvAH pitarashchAbruvannR^ipa . 
ete dravanti pA~nchAlAH pANDavAshcha sa sainikAH .. 33..\\
ta.n tathA samare droNaM nighnanta.n somakAnraNe . 
na chApyabhiyayuH ke chidapare naiva vivyadhuH .. 34..\\
vartamAne tathA raudre tasminvIravarakShaye . 
ashR^iNotsahasA pArthaH pA~nchajanyasya nisvanam .. 35..\\
pUrito vAsudevena sha~NkharATsvanate bhR^isham . 
yudhyamAneShu vIreShu saindhavasyAbhirakShiShu . 
nadatsu dhArtarAShTreShu vijayasya rathaM prati .. 36..\\
gANDIvasya cha nirghoShe vipranaShTe samantataH . 
kashmalAbhihato rAjA chintayAmAsa pANDavaH .. 37..\\
na nUna.n svasti pArthasya yathA nadati sha~NkharAT . 
kauravAshcha yathA hR^iShTA vinadanti muhurmuhuH .. 38..\\
eva.n sa~ncintayitvA tu vyAkulenAntarAtmanA . 
ajAtashatruH kaunteyaH sAtvataM pratyabhAShata .. 39..\\
bAShpagadgadayA vAchA muhyamAno muhurmuhuH . 
kR^ityasyAnantarApekShI shaineya.n shinipu~Ngavam .. 40..\\
yaH sa dharmaH purA dR^iShTaH sadbhiH shaineya shAshvataH . 
sAmparAye suhR^itkR^itye tasya kAlo.ayamAgataH .. 41..\\
sarveShvapi cha yodheShu chintaya~nshinipu~Ngava . 
tvattaH suhR^ittama.n kaM chinnAbhijAnAmi sAtyake .. 42..\\
yo hi prItamanA nitya.n yashcha nityamanuvrataH . 
sa kArye sAmparAye tu niyojya iti me matiH .. 43..\\
yathA cha keshavo nityaM pANDavAnAM parAyaNam . 
tathA tvamapi vArShNeya kR^iShNa tulyaparAkramaH .. 44..\\
so.ahaM bhAra.n samAdhAsye tvayi taM voDhumarhasi . 
abhiprAya.n cha me nityaM na vR^ithA kartumarhasi .. 45..\\
sa tvaM bhrAturvayasyasya gurorapi cha sa.nyuge . 
kuru kR^ichchhrasahAyArthamarjunasya nararShabha .. 46..\\
tva.n hi satyavrataH shUro mitrANAmabhaya~NkaraH . 
loke vikhyAyase vIrakarmabhiH satyavAgiti .. 47..\\
yo hi shaineya mitrArthe yudhyamAnastyajettanum . 
pR^ithivI.n vA dvijAtibhyo yo dadyAtsamameva tat .. 48..\\
shrutAshcha bahavo.asmAbhI rAjAno ye diva.n gatAH . 
dattvemAM pR^ithivI.n kR^itsnAM brAhmaNebhyo yathAvidhi .. 49..\\
eva.n tvAmapi dharmAtmanprayAche.ahaM kR^itA~njaliH . 
pR^ithivI dAnatulya.n syAdadhikaM vA phalaM vibho .. 50..\\
eka eva sadA kR^iShNo mitrANAmabhaya~NkaraH . 
raNe santyajati prANAndvitIyastva.n cha sAtyake .. 51..\\
vikrAntasya cha vIrasya yuddhe prArthayate yashaH . 
shUra eva sahAyaH syAnnetaraH prAkR^ito janaH .. 52..\\
IdR^ishe tu parAmarde vartamAnasya mAdhava . 
tvadanyo hi raNe goptA vijayasya na vidyate .. 53..\\
shlAghanneva hi karmANi shatashastava pANDavaH . 
mama sa~njanayanharShaM punaH punarakIrtayat .. 54..\\
laghvastrashchitrayodhI cha tathA laghuparAkramaH . 
prAGYaH sarvAstravichchhUro muhyate na cha sa.nyuge .. 55..\\
mahAskandho mahorasko mahAbAhurmahAdhanuH . 
mahAbalo mahAvIryaH sa mahAtmA mahArathaH .. 56..\\
shiShyo mama sakhA chaiva priyo.asyAhaM priyash cha me . 
yuyudhAnaH sahAyo me pramathiShyati kauravAn .. 57..\\
asmadartha.n cha rAjendra saMnahyedyadi keshavaH . 
rAmo vApyaniruddho vA pradyumno vA mahArathaH .. 58..\\
gado vA sAraNo vApi sAmbo vA saha vR^iShNibhiH . 
sahAyArthaM mahArAja sa~NgrAmottama mUrdhani .. 59..\\
tathApyahaM naravyAghra.n shaineyaM satyavikramam . 
sAhAyye viniyokShyAmi nAsinme.anyo hi tatsamaH .. 60..\\
iti dvaitavane tAta mAmuvAcha dhana~njayaH . 
parokSha.n tvadguNA.nstathyAnkathayannArya sa.nsadi .. 61..\\
tasya tvameva.n sa~NkalpaM na vR^ithA kartumarhasi . 
dhana~njayasya vArShNeya mama bhImasya chobhayoH .. 62..\\
yachchApi tIrthAni charannagachchha.n dvArakAM prati . 
tatrAhamapi te bhaktimarjunaM prati dR^iShTavAn .. 63..\\
na tatsauhR^idamanyeShu mayA shaineya lakShitam . 
yathA tamasmAnbhajase vartamAnAnupaplave .. 64..\\
so.abhijAtyA cha bhaktyA cha sakhyasyAchAryakasya cha . 
sauhR^idasya cha vIryasya kulInatvasya mAdhava .. 65..\\
satyasya cha mahAbAho anukampArthameva cha . 
anurUpaM maheShvAsa karma tva.n kartumarhasi .. 66..\\
soyodhano hi sahasA gato droNena daMshitaH . 
pUrvameva tu yAtAste kauravANAM mahArathAH .. 67..\\
sumahAnninadaMshchaiva shrUyate vijayaM prati . 
sa shaineya javenAtra gantumarhasi mAdhava .. 68..\\
bhImaseno vaya.n chaiva sa.nyattAH saha sainikAH . 
droNamAvArayiShyAmo yadi tvAM prati yAsyati .. 69..\\
pashya shaineya sainyAni dravamANAni sa.nyuge . 
mahAnta.n cha raNe shabdaM dIryamANAM cha bhAratIm .. 70..\\
mahAmAruta vegena samudramiva parvasu . 
dhArtarAShTra bala.n tAta vikShipta.n savyasAchinA .. 71..\\
rathairviparidhAvadbhirmanuShyaishcha hayaish cha ha . 
sainya.n rajaH samuddhUtameta samparivartate .. 72..\\
sa.nvR^itaH sindhusauvIrairnakharaprAsayodhibhi . 
atyantApachitaiH shUraiH phalgunaH paravIrahA .. 73..\\
naitadbalamasa.nvArya shakyo hantu.n jayadrathaH . 
ete hi saindhavasyArthe sarve santyaktajIvitAH .. 74..\\
sharashaktidhvajavana.n hayanAgasamAkulam . 
pashyaitaddhArtarAShTrANAmanIka.n sudurAsadam .. 75..\\
shR^iNu dundubhinirghoSha.n sha~NkhashabdAMshcha puShkalAn . 
si.nhanAda ravAMshchaiva rathanemi svanA.nstathA .. 76..\\
nAgAnA.n shR^iNu shabda.n cha pattInAM cha sahasrashaH . 
sAdinA.n dravatAM chaiva shR^iNu kampayatAM mahIm .. 77..\\
purastAtsaundhavAnIka.n droNAnIkasya pR^iShThataH . 
bahutvAddhi naravyAghra devendramapi pIDayet .. 78..\\
aparyante bale magno jahyAdapi cha jIvitam . 
tasmiMshcha nihate yuddhe katha.n jIveta mAdR^ishaH . 
sarvathAhamanuprAptaH sukR^ichchhraM balajIvitam .. 79..\\
shyAmo yuvA guDAkesho darshanIyashcha pANDavaH . 
laghvastrashchitrayodhI cha praviShTastAta bhAratIm .. 80..\\
sUryodaye mahAbAhurdivasashchAtivartate . 
tanna jAnAmi vArShNeya yadi jIvati vA na vA . 
kurUNA.n chApi tatsainya.n sAgarapratimaM mahat .. 81..\\
eka eva cha bIbhatsuH praviShTastAta bhAratIm . 
aviShahyAM mahAbAhuH surairapi mahAmR^idhe .. 82..\\
na cha me vartate buddhiradya yuddhe katha.n chana . 
droNo.api rabhaso yuddhe mama pIDayate balam . 
pratyakSha.n te mahAbAho yathAsau charati dvijaH .. 83..\\
yugapachcha sametAnA.n kAryANAM tva.n vichakShaNaH . 
mahArtha.n laghu sa.nyukta.n kartumarhasi mAdhava .. 84..\\
tasya me sarvakAryeShu kAryametanmata.n sadA . 
arjunasya paritrANa.n kartavyamiti sa.nyuge .. 85..\\
nAha.n shochAmi dAshArha.n goptAraM jagataH prabhum . 
sa hi shakto raNe tAta trI.NllokAnapi sa~NgatAn .. 86..\\
vijetuM puruShavyAghra satyametadbravImi te . 
kiM punardhArtarAShTrasya balametatsudurbalam .. 87..\\
arjunastveva bArShNeya pIDito bahubhiryudhi . 
prajahyAtsamare prANA.nstasmAdvindAmi kashmalam .. 88..\\
tasya tvaM padavI.n gachchha gachchheyustvAdR^ishA yathA . 
tvAdR^ishasyedR^ishe kAle mAdR^ishenAbhichoditaH .. 89..\\
raNe vR^iShNipravIrANA.n dvAvevAtirathau smR^itau . 
pradyumnashcha mahAbAhustva.n cha sAtvata vishrutaH .. 90..\\
astre nArAyaNa samaH sa~NkarShaNa samo bale . 
vIratAyAM naravyAghra dhana~njaya samo hyasi .. 91..\\
bhIShmadroNAvatikramya sarvayuddhavishAradam . 
tvAmadya puruShavyAghra.n loke santaH prachakShate .. 92..\\
nAsAdhya.n vidyate loke sAtyakeriti mAdhava . 
tattvA.n yadabhivakShyAmi tatkuruShva mahAbala .. 93..\\
sambhAvanA hi lokasya tava pArthasya chobhayoH . 
nAnyathA tAM mahAbAho samprakartumihArhasi .. 94..\\
parityajya priyAnprANAnraNe vichara vIravat . 
na hi shaineya dAshArhA raNe rakShanti jIvitam .. 95..\\
ayuddhamanavasthAna.n sa~NgrAme cha palAyanam . 
bhIrUNAmasatAM mArgo naiSha dAshArha sevitaH .. 96..\\
tavArjuno gurustAta dharmAtmA shinipu~Ngava . 
vAsudevo gurushchApi tava pArthasya dhImataH .. 97..\\
kAraNadvayametaddhi jAnAnastvAhamabruvam . 
mAvama.nsthA vacho mahya.n gurustava gurorhyaham .. 98..\\
vAsudeva mata.n chaitanmama chaivArjunasya cha . 
satyametanmayokta.n te yAhi yatra dhana~njayaH .. 99..\\
etadvachanamAGYAya mama satyaparAkrama . 
pravishaitadbala.n tAta dhArtarAShTrasya durmateH .. 100..\\
pravishya cha yathAnyAya.n sa~Ngamya cha mahArathaiH . 
yathArhamAtmanaH karma raNe sAtvata darshaya .. 101..\\
\medskip\hrule\medskip\centerline{\Largedvng 86}
 s

prItiyukta.n cha hR^idyaM cha madhurAkSharameva cha . 
kAlayukta.n cha chitraM cha svatayA chAbhibhAShitam .. 1..\\
dharmarAjasya tadvAkyaM nishamya shinipu~NgavaH . 
sAtyakirbharatashreShTha pratyuvAcha yudhiShThiram .. 2..\\
shruta.n te gadato vAkya.n sarvametanmayAchyuta . 
nyAyayukta.n cha chitraM cha phalgunArthe yashaH karam .. 3..\\
eva.nvidhe tathA kAle madR^ishaM prekShya saMmatam . 
vaktumarhasi rAjendra yathA pArtha.n tathaiva mAm .. 4..\\
na me dhana~njayasyArthe prANA rakShyAH katha.n chana . 
tvatprayuktaH punaraha.n kiM na kuryAM mahAhave .. 5..\\
lokatraya.n yodhayeyaM sa devAsuramAnuSham . 
tvatprayukto narendreha kimutaitatsudurbalam .. 6..\\
suyodhana bala.n tvadya yodhayiShye samantataH . 
vijeShye cha raNe rAjansatyametadbravImi te .. 7..\\
kushalyaha.n kushalina.n samAsAdya dhana~njayam . 
hate jayadrathe rAjanpunareShyAmi te.antikam .. 8..\\
avashya.n tu mayA sarva.n viGYApyastvaM narAdhipa . 
vAsudevasya yadvAkyaM phalgunasya cha dhImataH .. 9..\\
dR^iDha.n tvabhiparIto.ahamarjunena punaH punaH . 
madhye sarvasya sainyasya vAsudevasya shR^iNvataH .. 10..\\
adya mAdhava rAjAnamapramatto.anupAlaya . 
AryA.n yuddhe mati.n kR^itvA yAvaddhanmi jayadratham .. 11..\\
tvayi vAhaM mahAbAho pradyumne vA mahArathe . 
nR^ipaM nikShipya gachchheyaM nirapekSho jayadratham .. 12..\\
jAnIShe hi raNe droNa.n rabhasaM shreShTha saMmatam . 
pratiGYA chApi te nitya.n shrutA droNasya mAdhava .. 13..\\
grahaNa.n dharmarAjasya bhAradvAjo.anugR^idhyati . 
shaktashchApi raNe droNo nigR^ihItu.n yudhiShThiram .. 14..\\
eva.n tvayi samAdhAya dharmarAjaM narottamam . 
ahamadya gamiShyAmi saindhavasya vadhAya hi .. 15..\\
jayadrathamaha.n hatvA dhruvameShyAmi mAdhava . 
dharmarAja.n yathA droNo nigR^ihNIyAdraNe balAt .. 16..\\
nigR^ihIte narashreShThe bhAradvAjena mAdhava . 
saindhavasya vadho na syAnmanAprItistathA bhavet .. 17..\\
eva~Ngate narashreShTha pANDave satyavAdini . 
asmAka.n gamana.n vyaktaM vanaM prati bhavetpunaH .. 18..\\
so.ayaM mama jayo vyakta.n vyartha eva bhaviShyati . 
yadi droNo raNe kruddho nigR^ihNIyAdyudhiShThiram .. 19..\\
sa tvamadya mahAbAho priyArthaM mama mAdhava . 
jayArtha.n cha yasho.arthaM cha rakSha rAjAnamAhave .. 20..\\
sa bhavAnmayi nikShepo nikShiptaH savyasAchinA . 
bhAradvAjAdbhayaM nityaM pashyamAnena te prabho .. 21..\\
tasyApi cha mahAbAho nityaM pashyati sa.nyuge . 
nAnya.n hi pratiyoddhAraM raukmiNeyAdR^ite prabho . 
mA.n vApi manyate yuddhe bhAradvAjasya dhImataH .. 22..\\
so.aha.n sambhAvanA.n chaitAmAchArya vachanaM cha tat . 
pR^iShThato notsahe kartu.n tvA.n vA tyaktuM mahIpate .. 23..\\
AchAryo laghuhastatvAdabhedyakavachAvR^itaH . 
upalabhya raNe krIDedyathA shakuninA shishuH .. 24..\\
yadi kArShNirdhanuShpANiriha syAnmakaradhvajaH . 
tasmai tvA.n visR^ijeyaM vai sa tvAM rakShedyathArjunaH .. 25..\\
kuru tvamAtmano gupti.n kaste goptA gate mayi . 
yaH pratIyAdraNe droNa.n yAvadgachchhAmi pANDavam .. 26..\\
mA cha te bhayamadyAstu rAjannarjuna sambhavam . 
na sa jAtu mahAbAhurbhAramudyamya sIdati .. 27..\\
ye cha sauvIrakA yodhAstathA saindhava pauravAH . 
udIchyA dAkShiNAtyAshcha ye chAnye.api mahArathAH .. 28..\\
ye cha karNa mukhA rAjanrathodArAH prakIrtitAH . 
ete.arjunasya kruddhasya kalAM nArhanti ShoDashIm .. 29..\\
udyuktA pR^ithivI sarvA sa surAsuramAnuShA . 
sa rAkShasagaNA rAjansa kiMnaramahoragA .. 30..\\
ja~NgamAH sthAvaraiH sArdhaM nAlaM pArthasya sa.nyuge . 
eva.n GYAtvA mahArAja vyetu te bhIrdhana~njaye .. 31..\\
yatra vIrau maheShvAsau kR^iShNau satyaparAkramau . 
na tatra karmaNo vyApatkatha.n chidapi vidyate .. 32..\\
daiva.n kR^itAstratA.n yogamamarShamapi chAhave . 
kR^itaGYatA.n dayAM chaiva bhrAtustvamanuchintaya .. 33..\\
yami chApyapayAte vai gachchhamAne.arjunaM prati . 
droNe chitrAstratA.n sa~Nkhye rAja.nstvamanuchintaya .. 34..\\
AchAryo hi bhR^isha.n rAjannigrahe tava gR^idhyati . 
pratiGYAmAtmano rakShansatyA.n kartuM cha bhArata .. 35..\\
kuruShvAdyAtmano gupti.n kaste goptA gate mayi . 
yasyAhaM paryayAtpArtha gachchheyaM phalgunaM prati .. 36..\\
na hyaha.n tvA mahArAja anikShipya mahAhave . 
kva chidyAsyAmi kauravya satyametadbravImi te .. 37..\\
etadvichArya bahusho buddhyA buddhimatA.n vara . 
dR^iShTvA shreyaH paraM buddhyA tato rAjanprashAdhi mAm .. 38..\\

 y

evametanmahAbAho yathA vadasi mAdhava . 
na tu me shudhyate bhAvaH shvetAshvaM prati mAriSha .. 39..\\
kariShye parama.n yatnamAtmano rakShaNaM prati . 
gachchha tva.n samanuGYAto yatra yAto dhana~njayaH .. 40..\\
Atmasa.nrakShaNa.n sa~Nkhye gamana.n chArjunaM prati . 
vichAryaitaddvayaM buddhyA gamana.n tatra rochaye .. 41..\\
sa vamAtiShTha yAnAya yatra yAto dhana~njayaH . 
mamApi rakShaNaM bhImaH kariShyati mahAbalaH .. 42..\\
pArShatashcha sasodaryaH pArthivAshcha mahAbalAH . 
draupadeyAshcha mA.n tAta rakShiShyanti na saMshayaH .. 43..\\
kekayA bhrAtaraH pa~ncha rAkShasashcha ghaTotkachaH . 
virATo drupadashchaiva shikhaNDI cha mahArathaH .. 44..\\
dhR^iShTaketushcha balavAnkuntibhojashcha mAriSha . 
nakulaH sahadevashcha pA~nchAlAH sR^i~njayAstathA . 
ete samAhitAstAta rakShiShyanti na saMshayaH .. 45..\\
na droNaH saha sainyena kR^itavarmA cha sa.nyuge . 
samAsAdayitu.n shakto na cha mA.n dharShayiShyati .. 46..\\
dhR^iShTadyumnashcha samare droNa.n kruddhaM parantapaH . 
vArayiShyati vikramya veleva makarAlayam .. 47..\\
yatra sthAsyati sa~NgrAme pArShataH paravIrahA . 
na droNa sainyaM balavatkrAmettatra katha.n chana .. 48..\\
eSha droNa vinAshAya samutpanno hutAshanAt . 
kavachI sa sharI khaDgI dhanvI cha varabhUShaNaH .. 49..\\
vishrabdho gachchha shaineya mA kArShIrmayi sambhramam . 
dhR^iShTadyumno raNe kruddho droNamAvArayiShyati .. 50..\\
\medskip\hrule\medskip\centerline{\Largedvng 87}
 s

dharmarAjasya tadvAkyaM nishamya shinipu~NgavaH . 
pArthAchcha bhayamAsha~NkanparityAgAnmahIpateH .. 1..\\
apavAda.n hyAtmanashcha lokAdrakShanvisheShataH . 
na mAM bhIta iti brUyurAyAntaM phalgunaM prati .. 2..\\
nishchitya bahudhaiva.n sa sAtyakiryuddhadurmadaH . 
dharmarAjamida.n vAkyamabravItpuruSharShabha .. 3..\\
kR^itA.n chenmanyase rakShA.n svasti te.astu vishAM pate . 
anuyAsyAmi bIbhatsu.n kariShye vachanaM tava .. 4..\\
na hi me pANDavAtkashchittriShu lokeShu vidyate . 
yo vai priyataro rAjansatyametadbravImi te .. 5..\\
tasyAhaM padavI.n yAsye sandeshAttava mAnada . 
tvatkR^ite na cha me ki.n chidakartavyaM kathaM chana .. 6..\\
yathA hi me gurorvAkya.n vishiShTa.n dvipadAM vara . 
tathA tavApi vachana.n vishiShTatarameva me .. 7..\\
priye hi tava vartete bhrAtarau kR^iShNa pANDavau . 
tayoH priye sthita.n chaiva viddhi mA.n rAjapu~Ngava .. 8..\\
tavAGYA.n shirasA gR^ihya pANDavArthamahaM prabho . 
bhittveda.n durbhida.n sainyaM prayAsye narasattama .. 9..\\
droNAnIka.n vishAmyeSha kruddho jhaSha ivArNavam . 
tatra yAsyAmi yatrAsau rAjanrAjA jayadrathaH .. 10..\\
yatra senA.n samAshritya bhItastiShThati pANDavAt . 
guptau rathavarashreShThairdrauNikarNa kR^ipAdibhiH .. 11..\\
itastriyojanaM manye tamadhvAna.n vishAM pate . 
yatra tiShThati pArtho.asau jayadrathavadhodyataH .. 12..\\
triyojanagatasyApi tasya yAsyAmyahaM padam . 
Asaindhava vadhAdrAjansudR^iDhenAntarAtmanA .. 13..\\
anAdiShTastu guruNA ko nu yudhyeta mAnavaH . 
AdiShTastu tvayA rAjanko nu yudhyeta mAdR^ishaH . 
abhijAnAmi ta.n desha.n yatra yAsyAmyahaM prabho .. 14..\\
huDa shaktigaDA prAsakhaDgacharmarShTi tomaram . 
iShvastravarasambAdha.n kShobhayiShye balArNavam .. 15..\\
yadetatku~njarAnIka.n sAhasramanupashyasi . 
kulama~njanakaM nAma yatraite vIryashAlinaH .. 16..\\
AsthitA bahubhirmlechchhairyuddhashauNDaiH prahAribhiH . 
nAgA meghanibhA rAjankSharanta iva toyadAH .. 17..\\
naite jAtu nivarteranpreShitA hastisAdibhiH . 
anyatra hi vadhAdeShAM nAsti rAjanparAjayaH .. 18..\\
atha yAnrathino rAjansamantAdanupashyasi . 
ete rukmarathA nAma rAjaputrA mahArathAH .. 19..\\
ratheShvastreShu nipuNA nAgeShu cha vishAM pate . 
dhanurvede gatAH pAraM muShTiyuddhe cha kovidAH .. 20..\\
gadAyuddhavisheShaGYA niyuddha kushalAstathA . 
khaDgapraharaNe yuktAH sampAte chAsi charmaNoH .. 21..\\
shUrAshcha kR^itavidyAsh cha spardhante cha parasparam . 
nitya.n cha samare rAjanvijigIShanti mAnavAn .. 22..\\
karNena vijitA rAjanduHshAsanamanuvratAH . 
etA.nstu vAsudevo.api rathodArAnprasha.nsati .. 23..\\
satataM priyakAmAshcha karNasyaite vashe sthitAH . 
tasyaiva vachanAdrAjannivR^ittAH shvetavAhanAt .. 24..\\
te na kShatA na cha shrAntA dR^iDhAvaraNakArmukAH . 
madartha.n viShThitA nUna.n dhArtarAShTrasya shAsanAt .. 25..\\
etAnpramarthya sa~NgrAme priyArtha.n tava kaurava . 
prayAsyAmi tataH pashchAtpadavI.n savyasAchinaH .. 26..\\
yA.nstvetAnaparAnrAjannAgAnsaptashatAni cha . 
prekShase varma sa~nchannAnkirAtaiH samadhiShThitAn .. 27..\\
kirAta rAjo yAnprAdAdgR^ihItaH savyasAchinA . 
svala~NkR^itA.nstathA preShyAnichchha~njIvitamAtmanaH .. 28..\\
Asannete purA rAja.nstava karma karA dR^iDham . 
tvAmevAdya yuyutsante pashya kAlasya paryayam .. 29..\\
teShAmete mahAmAtrAH kirAtA yuddhadurmadAH . 
hastishikShAvidashchaiva sarve chaivAgniyonayaH .. 30..\\
ete vinirjitAH sarve sa~NgrAme savyasAchinA . 
madarthamadya sa.nyattA duryodhana vashAnugAH .. 31..\\
etAnbhittvA sharai rAjankirAtAnyuddhadurmadAn . 
saindhavasya vadhe yuktamanuyAsyAmi pANDavam .. 32..\\
ye tvete sumahAnAgA a~njanasya kulodbhavAH . 
karkashAshcha vinItAshcha prabhinnakaraTA mukhAH .. 33..\\
jAmbUnadamayaiH sarvairvarmabhiH suvibhUShitAH . 
labdhalakShmyA raNe rAjannairAvaNa samA yudhi .. 34..\\
uttarAtparvatAdete tIkShNairdasyubhirAsthitAH . 
karkashaiH pravarairyodhaiH kArShNAyasa tanuchchhadaiH .. 35..\\
santi goyonayashchAtra santi vAnarayonayaH . 
anekayonayashchAnye tathA mAnuShayonayaH .. 36..\\
anIkamasatAmetaddhUmavarNamudIryate . 
mlechchhAnAM pApakartR^INA.n himavaddurgavAsinAm .. 37..\\
etadduryodhano labdhvA samagraM nAgamaNDalam . 
kR^ipa.n cha saumadattiM cha droNaM cha rathinA.n varam .. 38..\\
sindhurAja.n tathA karNamavamanyata pANDavAn . 
kR^itArthamatha chAtmAnaM manyate kAlachoditaH .. 39..\\
te cha sarve.anusamprAptA mama nArAchagocharam . 
na vimokShyanti kaunteya yadyapi syurmanojavAH .. 40..\\
tena sambhAvitA nityaM paravIryopajIvinA . 
vinAshamupayAsyanti machchharaughanipIDitAH .. 41..\\
ye tvete rathino rAjandR^ishyante kA~nchanadhvajAH . 
ete durvAraNA nAma kAmbojA yadi te shrutAH .. 42..\\
shUrAshcha kR^itavidyAshcha dhanurvede cha niShThitAH . 
sa.nhatAshcha bhR^isha.n hyete anyonyasya hitaiShiNaH .. 43..\\
akShauhiNyashcha sa.nrabdhA dhArtarAShTrasya bhArata . 
yattA madartha.n tiShThanti kuruvIrAbhirakShitAH .. 44..\\
apramattA mahArAja mAmeva pratyupasthitAH . 
tA.nstvahaM pramathiShyAmi tR^iNAnIva hutAshanaH .. 45..\\
tasmAtsarvAnupAsa~NgAnsarvopakaraNAni cha . 
rathe kurvantu me rAjanyathAvadrathakalpakAH .. 46..\\
asmi.nstu khalu sa~NgrAme grAhya.n vividhamAyudham . 
yathopadiShTamAchAryaiH kAryaH pa~ncha guNo rathaH .. 47..\\
kAmbojairhi sameShyAmi kruddhairAshIviShopamaiH . 
nAnAshastrasamAvApairvividhAyudhayodhibhiH .. 48..\\
kirAtaishcha sameShyAmi viShakalpaiH prahAribhiH . 
lAlitaiH satata.n rAGYA duryodhana hitaiShibhiH .. 49..\\
shakaishchApi sameShyAmi shakratulyaparAkramaiH . 
agnikalpairdurAdharShaiH pradIptairiva pAvakaiH .. 50..\\
tathAnyairvividhairyodhaiH kAlakalpairdurAsadaiH . 
sameShyAmi raNe rAjanbahubhiryuddhadurmadaiH .. 51..\\
tasmAdvai vAjino mukhyA vishrAntAH shubhalakShaNAH . 
upAvR^ittAshcha pItAsh cha punaryujyantu me rathe .. 52..\\
tasya sarvAnupAsa~NgAnsarvopakaraNAni cha . 
rathe prAsthApayadrAjA shastrANi vividhAni cha .. 53..\\
tatastAnsarvato muktvA sadashvAMshchaturo janAH . 
rasavatpAyayAmAsuH pAnaM madasamIriNam .. 54..\\
pItopavR^ittAnsnAtAMshcha jagdhAnnAnsamala~NkR^itAn . 
vinItashalyA.nsturagAMshchaturo hemamAlinaH .. 55..\\
tAnyattAnrukmavarNAbhAnvinItA~nshIghragAminaH . 
sa.nhR^iShTamanaso.avyagrAnvidhivatkalpite rathe .. 56..\\
mahAdhvajena si.nhena hemakesara mAlinA . 
sa.nvR^ite ketanairhemairmaNividruma chitritaiH . 
pANDurAbhraprakAshAbhiH patAkAbhirala~NkR^ite .. 57..\\
hemadaNDochchhritachchhatre bahu shasta parichchhade . 
yojayAmAsa vidhivaddhemabhANDa vibhUShitAn .. 58..\\
dArukasyAnujo bhrAtA sUtastasya priyaH sakhA . 
nyavedayadratha.n yuktaM vAsavasyeva mAtaliH .. 59..\\
tataH snAtaH shuchirbhUtvA kR^itakautuka ma~NgalaH . 
snatakAnA.n sahasrasya svarNaniShkAnadApayat . 
AshIrvAdaiH pariShvaktaH sAtyakiH shrImatA.n varaH .. 60..\\
tataH sa madhuparkArhaH pItvA kailAvataM madhu . 
lohitAkSho babhau tatra madavihvala lochanaH .. 61..\\
Alabhya vIra kA.nsya.n cha harSheNa mahatAnvitaH . 
dviguNIkR^itatejA hi prajvalanniva pAvakaH . 
utsa~Nge dhanurAdAya sa shara.n rathinAM varaH .. 62..\\
kR^itasvastyayano vipraiH kavachI samala~NkR^itaH . 
lAjairgandhaistathA mAlyaiH kanyAbhishchAbhinanditaH .. 63..\\
yudhiShThirasya charaNAvabhivAdya kR^itA~njaliH . 
tena mUrdhanyupAghrAta Aruroha mahAratham .. 64..\\
tataste vAjino hR^iShTAH supuShTA vAtara.nhasaH . 
ajayyA jaitramUhusta.n vikurvantaH sma saindhavAH .. 65..\\
atha harShaparItA~NgaH sAtyakirbhImamabravIt . 
tvaM bhIma rakSha rAjAnametatkAryatama.n hi te .. 66..\\
ahaM bhittvA pravekShyAmi kAlapakvamidaM balam . 
AyatyA.n cha tadAtve cha shreyo rAGYo.abhirakShaNam .. 67..\\
jAnIShe mama vIrya.n tvaM tava chAhamarindama . 
tasmAdbhIma nivartasva mama chedichchhasi priyam .. 68..\\
tathoktaH sAtyakiM prAha vraja tva.n kAryasiddhaye . 
aha.n rAGYaH kariShyAmi rakShAM puruShasattama .. 69..\\
evamuktaH pratyuvAcha bhImasena.n sa mAdhavaH . 
gachchha gachchha drutaM pArtha dhruvo.adya vijayo mama .. 70..\\
yanme snigdho.anuraktashcha tvamadya vashagaH sthitaH . 
nimittAni cha dhanyAni yathA bhImavadanti me .. 71..\\
nihate saindhave pApe pANDavena mahAtmanA . 
pariShvajiShye rAjAna.n dharmAtmAnaM na saMshayaH .. 72..\\
etAvaduktvA bhIma.n tu visR^ijya cha mahAmanAH . 
sampraikShattAvaka.n sainyaM vyAghormR^igagaNAniva .. 73..\\
ta.n dR^iShTvA pravivikShanta.n sainyaM tava janAdhipa . 
bhUya evAbhavanmUDha.n subhR^isha.n chApyakampata .. 74..\\
tataH prayAtaH sahasA sainya.n tava sa sAtyakiH . 
didR^ikShurarjuna.n rAjandharmarAjasya shAsanAt .. 75..\\
\medskip\hrule\medskip\centerline{\Largedvng 88}
 s

prayAte tava sainya.n tu yuyudhAne yuyutsayA . 
dharmarAjo mahArAja svenAnIkena sa.nvR^itaH . 
prAyAddroNa rathaprepsuryuyudhAnasya pR^iShThataH .. 1..\\
tataH pA~nchAlarAjasya putraH samaradurmadaH . 
prAkroshatpANDavAnIke vasu dAnashcha pArthivaH .. 2..\\
Agachchhata praharata druta.n viparidhAvata . 
yathAsukhena gachchheta sAtyakiryuddhadurmadaH .. 3..\\
mahArathA hi bahavo yatiShyantyasya nirjaye . 
iti bruvanto vegena samApeturbala.n tava .. 4..\\
vayaM pratijigIShantastatra tAnsamabhidrutAH . 
tataH shabdo mahAnAsIdyuyudhAna rathaM prati .. 5..\\
prakampyamAnA mahatI tava putrasya vAhinI . 
sAtvatena mahArAja shatadhAbhivyadIryata .. 6..\\
tasyA.n vidIryamANAyAM shineH pautro mahArathaH . 
sapta vIrAnmaheShvAsAnagrAnIke vyapothayat .. 7..\\
te bhItA mR^idyamAnAshcha pramR^iShTA dIrghabAhunA . 
Ayodhana.n jahurvIrA dR^iShTvA tamatimAnuSham .. 8..\\
rathairvimathitAkShaishcha bhagnanIDaishcha mAriSha . 
chakrairvimathitaishchhinnairdhvajaishcha vinipAtitaiH .. 9..\\
anukarShaiH patAkAbhiH shirastrANaiH sa kA~nchanaiH . 
bAhubhishchandanAdigdhaiH sA~Ngadaishcha vishAM pate .. 10..\\
hastihastopamaishchApi bhujagAbhoga saMnibhaiH . 
UrubhiH pR^ithivI chhannA manujAnAM narottama .. 11..\\
shashA~NkasaMnikAshaishcha vadanaishchArukuNDalaiH . 
patitairvR^iShabhAkShANAM babhau bhArata medinI .. 12..\\
gajaishcha bahudhA chhinnaiH shayAnaiH parvatopamaiH . 
rarAjAtibhR^ishaM bhUmirvikIrNairiva parvataiH .. 13..\\
tapanIyamayairyoktrairmuktA jAlavibhUShitaiH . 
urashchhadairvichitraishcha vyashobhanta tura~NgamAH . 
gatasattvA mahIM prApya pramR^iShTA dIrghabAhunA .. 14..\\
nAnAvidhAni sainyAni tava hatvA tu sAtvataH . 
praviShTastAvaka.n sainya.n drAvayitvA chamUM bhR^isham .. 15..\\
tatastenaiva mArgeNa yena yAto dhana~njayaH . 
iyeSha sAtyakirgantu.n tato droNena vAritaH .. 16..\\
bharadvAja.n samAsAdya yuyudhAnastu mAriSha . 
nAbhyavartata sa~Nkruddho velAmiva jalA shayaH .. 17..\\
nivArya tu raNe droNo yuyudhAnaM mahAratham . 
vivyAdha nishitairbANaiH pa~nchabhirmarmabhedibhiH .. 18..\\
sAtyakistu raNe droNa.n rAjanvivyAdha saptabhiH . 
hemapu~NkhaiH shilA dhautaiH ka~NkabarhiNa vAjitaiH .. 19..\\
ta.n ShaDbhiH sAyakairdroNaH sAshvayantAramArdayat . 
sa taM na mamR^iShe droNa.n yuyudhAno mahArathaH .. 20..\\
si.nhanAda.n tataH kR^itvA droNa.n vivyAdha sAtyakiH . 
dashabhiH sAyakaishchAnyaiH ShaDbhiraShTAbhireva cha .. 21..\\
yuyudhAnaH punardroNa.n vivyAdha dashabhiH sharaiH . 
ekena sArathi.n chAsya chaturbhishchaturo hayAn . 
dhvajamekena bANena vivyAdha yudhi mAriSha .. 22..\\
ta.n droNaH sAshvayantAra.n sa rathadhvajamAshugaiH . 
tvaranprAchchhAdayadbANaiH shalabhAnAmiva vrajaiH .. 23..\\
tathaiva yuyudhAno.api droNaM bahubhirAshugaiH . 
prAchchhAdayadasambhrAntastato droNa uvAcha ha .. 24..\\
tavAchAryo raNa.n hitvA gataH kApuruSho yathA . 
yudhyamAna.n hi mAM hitvA pradakShiNamavartata .. 25..\\
tva.n hi me yudhyato nAdya jIvanmokShyasi mAdhava . 
yadi mA.n tva.n raNe hitvA na yAsyAchAryavaddrutam .. 26..\\

 saatyaki

dhana~njayasya padavI.n dharmarAjasya shAsanAt . 
gachchhAmi svasti te brahmanna me kAlAtyayo bhavet .. 27..\\

 s

etAvaduktvA shaineya AchAryaM parivarjayan . 
prayAtaH sahasA rAjansArathi.n chedamabravIt .. 28..\\
droNaH kariShyate yatna.n sarvathA mama vAraNe . 
yatto yAhi raNe sUta shR^iNu cheda.n vachaH param .. 29..\\
etadAlokyate sainyamAvantyAnAM mahAprabham . 
asyAnantaratastvetaddAkShiNAtyaM mahAbalam .. 30..\\
tadanantarametachcha bAhlikAnAM balaM mahat . 
bAhlikAbhyAshato yukta.n karNasyApi mahadbalam .. 31..\\
anyonyena hi sainyAni bhinnAnyetAni sArathe . 
anyonya.n samupAshritya na tyakShyanti raNAjiram .. 32..\\
etadantaramAsAdya chodayAshvAnprahR^iShTavat . 
madhyama.n javamAsthAya vaha mAmatra sArathe .. 33..\\
bAhlikA yatra dR^ishyante nAnApraharaNodyatAH . 
dAkShiNAtyAshcha bahavaH sUtaputra purogamAH .. 34..\\
hastyashvarathasambAdha.n yachchAnIkaM vilokyate . 
nAnAdeshasamutthaishcha padAtibhiradhiShThitam .. 35..\\
etAvaduktvA yantAraM brahmANaM parivarjayan . 
sa vyatIyAya yatrogra.n karNasya sumahadbalam .. 36..\\
ta.n droNo.anuyayau kruddho vikiranvishikhAnbahUn . 
yuyudhAnaM mahAbAhu.n gachchhantamanivartinam .. 37..\\
karNasya sainya.n sumahadabhihatya shitaiH sharaiH . 
prAvishadbhAratI.n senAmaparyantAM sa sAtyakiH .. 38..\\
praviShTe yuyudhAne tu sainikeShu druteShu cha . 
amarShI kR^itavarmA tu sAtyakiM paryavArayat .. 39..\\
tamApatanta.n vishikhaiH ShaDbhirAhatya sAtyakiH . 
chaturbhishchaturo.asyAshvAnAjaghAnAshu vIryavAn .. 40..\\
tataH punaH ShoDashabhirnataparvabhirAshugaiH . 
sAtyakiH kR^itavarmANaM pratyavidhyatstanAntare .. 41..\\
sa tudyamAno vishikhairbahubhistigmatejanaiH . 
sAtvatena mahArAja kR^itavarmA na chakShame .. 42..\\
sa vatsadanta.n sandhAya jihmagAnala saMnibham . 
AkR^iShya rAjannAkarNAdvivyAdhorasi sAtyakim .. 43..\\
sa tasya devAvaraNaM bhittvA deha.n cha sAyakaH . 
sa patrapu~NkhaH pR^ithivI.n vivesha rudhirokShitaH .. 44..\\
athAsya bahubhirbANairachchhinatparamAstravit . 
samArgaNa guNa.n rAjankR^itavarmA sharAsanam .. 45..\\
vivyAdha cha raNe rAjansAtyaki.n satyavikramam . 
dashabhirvishikhaistIkShNairabhikruddhaH stanAntare .. 46..\\
tataH prashIrNe dhanuShi shaktyA shaktimatA.n varaH . 
abhyahandakShiNaM bAhu.n sAtyakiH kR^itavarmaNaH .. 47..\\
tato.anyatsudR^iDha.n vIro dhanurAdAya sAtyakiH . 
vyasR^ijadvishikhA.nstUrNa.n shatasho.atha sahasrashaH .. 48..\\
sa ratha.n kR^itavarmANa.n samantAtparyavAkirat . 
chhAdayitvA raNe.atyartha.n hArdikya.n tu sa sAtyakiH .. 49..\\
athAsya bhallena shiraH sAratheH samakR^intata . 
sa papAta hataH sUto hArdikyasya mahArathAt . 
tataste yantari hate prAdrava.nsturagA bhR^isham .. 50..\\
atha bhojastvasambhrAnto nigR^ihya turagAnsvayam . 
tasthau sharadhanuShpANistatsainyAnyabhyapUjayan .. 51..\\
sa muhUrtamivAshvasya sadashvAnsamachodayat . 
vyapetabhIramitrANAmAvahatsumahadbhayam . 
sAtyakishchAbhyagAttasmAtsa tu bhImamupAdravat .. 52..\\
yuyudhAno.api rAjendra droNAnIkAdviniHsR^itaH . 
prayayau tvaritastUrNa.n kAmbojAnAM mahAchamUm .. 53..\\
sa tatra bahubhiH shUraiH saMniruddho mahArathaiH . 
na chachAla tadA rAjansAtyakiH satyavikramaH .. 54..\\
sandhAya cha chamU.n droNo bhoje bhAraM niveshya cha . 
anvadhAvadraNe yatto yuyudhAna.n yuyutsayA .. 55..\\
tathA tamanudhAvanta.n yuyudhAnasya pR^iShThataH . 
nyavArayanta sa~NkruddhAH pANDusainye bR^ihattamAH .. 56..\\
samAsAdya tu hArdikya.n rathAnAM parvaraM ratham . 
pA~nchAlA vigatotsAhA bhImasenapurogamAH . 
vikramya vAritA rAjanvIreNa kR^itavarmaNA .. 57..\\
yatamAnA.nstu tAnsarvAnIShadvigatachetasaH . 
abhitastA~nsharaugheNa klAntavAhAnavArayat .. 58..\\
nigR^ihItAstu bhojena bhojAnIkepsavo raNe . 
atiShThannAryavadvIrAH prArthayanto mahadyashaH .. 59..\\
\medskip\hrule\medskip\centerline{\Largedvng 89}
 dhr

evaM bahuvidha.n sainyamevaM pravichitaM varam . 
vyUDhameva.n yathAnyAyamevaM bahu cha sa~njaya .. 1..\\
nityaM pUjitamasmAbhirabhikAma.n cha naH sadA . 
prauDhamityadbhutAkAraM purastAddR^iDhavikramam .. 2..\\
nAtivR^iddhamabAla.n cha na kR^ishaM nAtipIvaram . 
laghuvR^ittAyataprANa.n sAragAtramanAmayam .. 3..\\
AttasaMnAhasampannaM bahushastraparichchhadam . 
shastragrahaNavidyAsu bahvIShu pariniShThitam .. 4..\\
Arohe paryavaskande saraNe sAntaraplute . 
samyakpraharaNe yAne vyapayAne cha kovidam .. 5..\\
nAgeShvashveShu bahusho ratheShu cha parIkShitam . 
parIkShya cha yathAnyAya.n vetanenopapAditam .. 6..\\
na goShThyA nopachAreNa na sambandha nimittataH . 
nAnAhUto na hyabhR^ito mama sainye babhUva ha .. 7..\\
kulInArya janopeta.n tuShTapuShTamanuddhatam . 
kR^itamAnopakAramcha yashasvi cha manasvi cha .. 8..\\
sachivaishchAparairmukhyairbahubhirmukhyakarmabhiH . 
lokapAlopamaistAta pAlitaM narasattamaiH .. 9..\\
bahubhiH pArthivairguptamasmatpriyachikIrShubhiH . 
asmAnabhisR^itaiH kAmAtsabalaiH sapadAnugaiH .. 10..\\
mahodadhimivApUrNamApagAbhiH samantataH . 
apakShaiH pakShisa~NkAshai rathairashvaishcha sa.nvR^itam .. 11..\\
yodhAkShayya jalaM bhIma.n vAhanormitara~NgiNam . 
kShepaNyasigadAshaktisharaprAsajhaShAkulam .. 12..\\
dhvajabhUShaNasambAdha.n ratnapaTTena sa~ncitam . 
vAhanairapi dhAvadbhirvAyuvegavikampitam .. 13..\\
droNa gambhIrapAtAla.n kR^itavarma mahAhradam . 
jalasandha mahAgrAha.n karNa chandrodayoddhatam .. 14..\\
gate sainyArNavaM bhittvA tarasA pANDavarShabhe . 
sa~njayaika rathenaiva yuyudhAne cha mAmakam .. 15..\\
tatra sheShaM na pashyAmi praviShTe savyasAchini . 
sAtvate cha rathodAre mama sainyasya sa~njaya .. 16..\\
tau tatra samatikrAntau dR^iShTvAbhItau tarasvinau . 
sindhurAja.n cha samprekShya gANDIvasyeShu gochare .. 17..\\
ki.n tadA kuravaH kR^itya.n vidadhuH kAlachoditAH . 
dAruNaikAyane kAle katha.n vA pratipedire .. 18..\\
grastAnhi kauravAnmanye mR^ityunA tAta sa~NgatAn . 
vikramo hi raNe teShAM na tathA dR^ishyate.adya vai .. 19..\\
akShatau sa.nyuge tatra praviShTau kR^iShNa pANDavau . 
na cha vArayitA kashchittayorastIha sa~njaya .. 20..\\
bhR^itAshcha bahavo yodhAH parIkShyaiva mahArathAH . 
vetanena yathAyogyaM priyavAdena chApare .. 21..\\
akAraNabhR^itastAta mama sainye na vidyate . 
karmaNA hyanurUpeNa labhyate bhakta vetanam .. 22..\\
na cha yodho.abhavatkashchinmama sainye tu sa~njaya . 
alpadAnabhR^itastAta na kupya bhR^itako naraH .. 23..\\
pUjitA hi yathAshaktyA dAnamAnAsanairmayA . 
tathA putraishcha me tAta GYAtibhishcha sa bAndhavaiH .. 24..\\
te cha prApyaiva sa~NgrAme nirjitAH savyasAchinA . 
shaineyena parAmR^iShTAH kimanyadbhAgadheyataH .. 25..\\
rakShyate yashcha sa~NgrAme ye cha sa~njaya rakShiNaH . 
ekaH sAdhAraNaH panthA rakShyasya saha rakShibhiH .. 26..\\
arjuna.n samare dR^iShTvA saindhavasyAgrataH sthitam . 
putro mama bhR^ishaM mUDhaH ki.n kAryaM pratyapadyata .. 27..\\
sAtyaki.n cha raNe dR^iShTvA pravishantamabhItavat . 
kiM nu duryodhanaH kR^ityaM prAptakAlamamanyata .. 28..\\
sarvashastrAtigau senAM praviShTau rathasattamau . 
dR^iShTvA kA.n vai dhR^itiM yuddhe pratyapadyanta mAmakAH .. 29..\\
dR^iShTvA kR^iShNa.n tu dAshArhamarjunArthe vyavasthitam . 
shinInAmR^iShabha.n chaiva manye shochanti putrakAH .. 30..\\
dR^iShTvA senA.n vyatikrAntAM sAtvatenArjunena cha . 
palAyamAnAMshcha kurUnmanye shochanti putrakAH .. 31..\\
vidrutAnrathino dR^iShTvA nirutsAhAndviShajjaye . 
palAyane kR^itotsAhAnmanye shochanti putrakAH .. 32..\\
shUnyAnkR^itAnrathopasthAnsAtvatenArjunena cha . 
hatAMshcha yodhAnsandR^ishya manye shochanti putrakAH .. 33..\\
vyashva nAgarathAndR^iShTvA tatra vIrAnsahasrashaH . 
dhAvamAnAnraNe vyagrAnmanye shochanti putrakAH .. 34..\\
vivIrAMshcha kR^itAnAshvAnvirathAMshcha kR^itAnnarAn . 
tatra sAtyakipArthAbhyAM manye shochanti putrakAH .. 35..\\
pattisa~NghAnraNe dR^iShTvA dhAvamAnAMshcha sarvashaH . 
nirAshA vijaye sarve manye shochanti putrakAH .. 36..\\
droNasya samatikrAntAvanIkamaparAjitau . 
kShaNena dR^iShTvA tau vIrau manye shochanti putrakAH .. 37..\\
saMmUDho.asmi bhR^isha.n tAta shrutvA kR^iShNa dhana~njayau . 
praviTau mAmaka.n sainyaM sAtvatena sahAchyutau .. 38..\\
tasminpraviShTe pR^itanA.n shinInAM pravare rathe . 
bhojAnIka.n vyatikrAnte kathamAsanhi kauravAH .. 39..\\
tathA droNena samare nigR^ihIteShu pANDuShu . 
katha.n yuddhamabhUttatra tanmamAchakShva sa~njaya .. 40..\\
droNo hi balavA~nshUraH kR^itAstro dR^iDhavikramaH . 
pA~nchAlAstaM maheShvAsaM pratyayudhyankatha.n raNe .. 41..\\
baddhavairAstathA droNe dharmarAja jayaiShiNaH . 
bhAradvAjastathA teShu kR^itavairo mahArathaH .. 42..\\
arjunashchApi yachchakre sindhurAjavadhaM prati . 
tanme sarva.n samAchakShva kushalo hyasi sa~njaya .. 43..\\
\medskip\hrule\medskip\centerline{\Largedvng 90}
 s

AtmAparAdhAtsambhUta.n vyasanaM bharatarShabha . 
prApya prAkR^itavadvIra na tva.n shochitumarhasi .. 1..\\
tava nirguNatA.n GYAtvA pakShapAtaM suteShu cha . 
dvaidhI bhAva.n tathA dharme pANDaveShu cha matsaram . 
ArtapralApAMshcha bahUnmanujAdhipa sattama .. 2..\\
sarvalokasya tattvaGYaH sarvalokaguNaH prabhu . 
vAsudevastato yuddha.n kurUNAm akaronmahat .. 3..\\
AtmAparAdhAtsumahAnprAptaste vipulaH kShayaH . 
na hi te sukR^ita.n kiM chidAdau madhye cha bhArata . 
dR^ishyate pR^iShThatashchaiva tvanmUko hi parAjayaH .. 4..\\
tasmAdadya sthiro bhUtvA GYAtvA lokasya nirNayam . 
shR^iNu yuddha.n yathAvR^itta.n ghoraM devAsuropamam .. 5..\\
praviShTe tava sainya.n tu shaineye satyavikrame . 
bhImasenamukhAH pArthAH pratIyurvAhinI.n tava .. 6..\\
AgachchhatastAnsahasa kruddha rUpAnsahAnugAn . 
dadhAraiko raNe pANDUnkR^itavarmA mahArathaH .. 7..\\
yathodvR^itta.n dhArayate velA vai salilArNavam . 
pANDusainya.n tathA sa~Nkhye hArdikyaH samavArayat .. 8..\\
tatrAdbhutamamanyanta hArdikyasya parAkramam . 
yadena.n sahitAH pArthA nAtichakramurAhave .. 9..\\
tato bhImastribhirviddhvA kR^itavarmANamAyasaiH . 
sha~Nkha.n dadhmau mahAbAhurharShayansarvapANDavAn .. 10..\\
sahadevastu viMshatyA dharmarAjashcha pa~nchabhiH . 
shatena nakulashchApi hArdikya.n samavidhyata .. 11..\\
draupadeyAstrisaptatyA saptabhishcha ghaTotkachaH . 
dhR^iShTadyumnastribhishchApi kR^itavarmANamArdayat . 
virATo drupadashchaiva yAGYasenishcha pa~nchabhiH .. 12..\\
shikhaNDI chApi hArdikya.n viddhvA pa~nchabhirAshugaiH . 
punarvivyAdha viMshatyA sAyakAnA.n hasanniva .. 13..\\
kR^itavarmA tato rAjansarvatastAnmahArathAn . 
ekaikaM pa~nchabhirviddhvA bhIma.n vivyAdha saptabhiH . 
dhanurdhvaja.n cha sa.nyatto rathAdbhUmAvapAtayat .. 14..\\
athaina.n chhinnadhanvAnaM tvaramANo mahArathaH . 
AjaghAnorasi kruddhaH saptatyA nishitaiH sharaiH .. 15..\\
sa gADhaviddho balavAnhArdikyasya sharottamaiH . 
chachAla rathamadhyasthaH kShitikampe yathAchalaH .. 16..\\
bhImasena.n tathA dR^iShTvA dharmarAja purogamAH . 
visR^ijantaH sharAnghorAnkR^itavarmANamArdayan .. 17..\\
ta.n tathA koShThakI kR^ityarathavaMshena mAriSha . 
vivyadhuH sAyakairhR^iShTA rakShArthaM mArutermR^idhe .. 18..\\
pratilabhya tataH sa~nj~nAM bhImaseno mahAbalaH . 
shakti.n jagrAha samare hemadaNDAmayasmayIm . 
chikShepa cha rathAttUrNa.n kR^itavarma rathaM prati .. 19..\\
sA bhIma bhujanirmuktA nirmuktoraga saMnibhA . 
kR^itavarmANamabhitaH prajajvAla sudAruNA .. 20..\\
tAmApatantI.n sahasA yugAntAgnisamaprabhAm . 
dvAbhyA.n sharAbhyAM hArdikyo nichakarta dvidhA tadA .. 21..\\
sA chhinnA patitA bhUmau shaktiH kanakabhUShaNA . 
dyotayantI disho rAjanmaholkeva divashchyutA . 
shakti.n vinihatA.n dR^iShTvA bhImashchukrodha vai bhR^isham .. 22..\\
tato.anyaddhanurAdAya vegavatsumahAsvanam . 
bhImaseno raNe kruddho hArdikya.n samavArayat .. 23..\\
athainaM pa~nchabhirbANairAjaghAna stanAntare . 
bhImo bhImabalo rAja.nstava durmantritena ha .. 24..\\
bhojastu kShatasarvA~Ngo bhImasenena mAriSha . 
raktAshoka ivotphullo vyabhrAjata raNAjire .. 25..\\
tataH kruddhastribhirbANairbhImasena.n hasanniva . 
abhihatya dR^iDha.n yuddhe tAnsarvAnpratyavidhyata .. 26..\\
tribhistribhirmaheShvAso yatamAnAnmahArathAn . 
te.api taM pratyavidhyanta saptabhiH saptabhiH sharaiH .. 27..\\
shikhaNDinastataH kruddhaH kShurapreNa mahArathaH . 
dhanushchichchheda samare prahasanniva bhArata .. 28..\\
shikhaNDI tu tataH kruddhashchhinne dhanuShi satvaram . 
asi.n jagrAha samare shatachandraM cha bhAsvaram .. 29..\\
bhramayitvA mahAcharma chAmIkaravibhUShitam . 
tamasiM preShayAmAsa kR^itavarma rathaM prati .. 30..\\
sa tasya sa shara.n chApaM chhittvA sa~Nkhye mahAnasiH . 
abhyagAddharaNI.n rAjaMshchyuta.n jyotirivAmbarAt .. 31..\\
etasminneva kAle tu tvaramANA mahArathAH . 
vivyadhuH sAyakairgADha.n kR^itavarmANamAhave .. 32..\\
athAnyaddhanurAdAya tyaktvA tachcha mahaddhanuH . 
vishIrNaM bharatashreShTha hArdikyaH paravIrahA .. 33..\\
vivyAdha pANDavAnyuddhe tribhistribhirajihmagaiH . 
shikhaNDina.n cha vivyAdha tribhiH pa~nchabhireva cha .. 34..\\
dhanuranyatsamAdAya shikhaNDI tu mahAyashAH . 
avArayatkUrmanakhairAshugairhR^idikAtmajam .. 35..\\
tataH kruddho raNe rAjanhR^idikasyAtma sambhavaH . 
abhidudrAva vegena yAGYaseniM mahAratham .. 36..\\
bhIShmasya samare rAjanmR^ityorhetuM mahAtmanaH . 
vidarshayanbala.n shUraH shArdUla iva ku~njaram .. 37..\\
tau dishAgajasa~NkAshau jvalitAviva pAvakau . 
samAsedaturanyonya.n sharasa~Nghairarindamau .. 38..\\
vidhunvAnau dhanuHshreShThe sandadhAnau cha sAyakAn . 
visR^ijantau cha shatasho gabhastIniva bhAskarau .. 39..\\
tApayantau sharaistIkShNairanyonya.n tau mahArathau . 
yugAntapratimau vIrau rejaturbhAskarAviva .. 40..\\
kR^itavarmA tu rabhasa.n yAGYaseniM mahAratham . 
viddhveShUNA.n trisaptatyA punarvivyAdha saptabhiH .. 41..\\
sa gADhaviddho vyathito rathopastha upAvishat . 
visR^ijansashara.n chApaM mUrchhayAbhipariplutaH .. 42..\\
ta.n viShaNNaM rathe dR^iShTvA tAvakA bharatarShabha . 
hArdikyaM pUjayAmAsurvAsA.nsyAdudhuvush cha ha .. 43..\\
shikhaNDina.n tathA GYAtvA hArdikya sharapIDitam . 
apovAha raNAdyantA tvaramANo mahAratham .. 44..\\
sAdita.n tu rathopasthe dR^iShTvA pArthAH shikhaNDinam . 
parivavrU rathaistUrNa.n kR^itavarmANamAhave .. 45..\\
tatrAdbhutaM para.n chakre kR^itavarmA mahArathaH . 
yadekaH samare pArthAnvArayAmAsa sAnugAn .. 46..\\
pArthA~njitvAjayachchedInpA~nchAlAnsR^i~njayAnapi . 
kekayAMshcha mahAvIryAnkR^itavarmA mahArathaH .. 47..\\
te vadhyamAnAH samare hArdikyena sma pANDavAH . 
itashchetashcha dhAvanto naiva chakrurdhR^iti.n raNe .. 48..\\
jitvA pANDusutAnyuddhe bhImasenapurogamAn . 
hArdikyaH samare.atiShThadvidhUma iva pAvakaH .. 49..\\
te drAvyamANAH samare hArdikyena mahArathAH . 
vimukhAH samapadyanta sharavR^iShTibhirarditAH .. 50..\\
\medskip\hrule\medskip\centerline{\Largedvng 91}
 s

shR^iNuShvaika manA rAjanyanmA.n tvaM paripR^ichchhasi . 
drAvyamANe bale tasminhArdikyena mahAtmanA .. 1..\\
lajjayAvanate chApi prahR^iShTaushchaiva tAvakaH . 
dvIpo ya AsItpANDUnAmagAdhe gAdhamichchhatAm .. 2..\\
shrutvA tu ninadaM bhIma.n tAvakAnAM mahAhave . 
shaineyastvarito rAjankR^itavarmANamabhyayAt .. 3..\\
kR^itavarmA tu hArdikyaH shaineyaM nishitaiH sharaiH . 
avAkiratsusa~Nkruddhastato.akrudhyata sAtyakiH .. 4..\\
tataH sunishitaM bhalla.n shaineyaH kR^itavarmaNe . 
preShayAmAsa samare sharAMshcha chaturo.aparAn .. 5..\\
te tasya jaghnire vAhAnbhallenAsyAchhinaddhanuH . 
pR^iShTharakSha.n tathA sUtamavidhyannishitaiH sharaiH .. 6..\\
tatasta.n viratha.n kR^itvA sAtyakiH satyavikramaH . 
senAmasyArdayAmAsa sharaiH saMnataparvabhiH .. 7..\\
sAbhajyatAtha pR^itanA shaineya sharapIDitA . 
tataH prAyAdvai tvaritaH sAtyakiH satyavikramaH .. 8..\\
shR^iNu rAjanyadakarottava sainyeShu vIryavAn . 
atItya sa mahArAja droNAnIka mahArNavam .. 9..\\
parAjitya cha sa.nhR^iShTaH kR^itavarmANamAhave . 
yantAramabravIchchhUraH shanairyAhItyasambhramam .. 10..\\
dR^iShTvA tu tava tatsainya.n rathAshvadvipasa~Nkulam . 
padAtijanasampUrNamabravItsArathiM punaH .. 11..\\
yadetanmeghasa~NkAsha.n droNAnIkasya savyataH . 
sumahatku~njarAnIka.n yasya rukmaratho mukham .. 12..\\
ete hi bahavaH sUta durnivAryAshcha sa.nyuge . 
duryodhana samAdiShTA madarthe tyaktajIvitAH . 
rAjaputrA maheShvAsAH sarve vikrAntayodhinaH .. 13..\\
trigartAnA.n rathodArAH suvarNavikR^itadhvajAH . 
mAmevAbhimukhA vIrA yotsyamAnA vyavasthitAH .. 14..\\
atra mAM prApaya kShipramashvAMshchodaya sArathe . 
trigartaiH saha yotsyAmi bhAradvAjasya pashyataH .. 15..\\
tataH prAyAchchhanaiH sUtaH sAtvatasya mate sthitaH . 
rathenAdityavarNena bhAsvareNa patAkinA .. 16..\\
tamUhuH sArathervashyA valgamAnA hayottamAH . 
vAyuvegasamAH sa~Nkhye kundendu rajataprabhAH .. 17..\\
Apatanta.n ratha.n taM tu sha~NkhavarNairhayottamaiH . 
parivavrustataH shUrA gajAnIkena sarvataH . 
kiranto vividhA.nstIkShNAnsAyakA.NllaghuvedhinaH .. 18..\\
sAtvato.api shitairbANairgajAnIkamayodhayat . 
parvatAniva varSheNa tapAnte jalado mahAn .. 19..\\
vajrAshanisamasparshairvadhyamAnAH sharairgajAH . 
prAdravanraNamutsR^ijya shinivIryasamIritaiH .. 20..\\
shIrNadantA virudhirA bhinna mastakapiNDakAH . 
vishIrNakarNAsya karA viniyantR^ipatAkinaH .. 21..\\
sambhinnavarma ghaNTAshcha saMnikR^itta mahAdhvajAH . 
hatArohA disho rAjanbhejire bhraShTakambalAH .. 22..\\
ruvanto vividhAnrAvA~njaladopama nisvanAH . 
nArAchairvatsadantaishcha sAtvatena vidAritAH .. 23..\\
tasmindrute gajAnIke jalasandho mahArathaH . 
yattaH samprApayannAga.n rajatAshvarathaM prati .. 24..\\
rukmavarma karaH shUrastapanIyA~NgadaH shuchiH . 
kuNDalI mukuTI sha~NkhI raktachandana rUShitaH .. 25..\\
shirasA dhArayandIptA.n tapanIyamayI.n srajam . 
urasA dhArayanniShka.n kaNThasUtraM cha bhAsvaram .. 26..\\
chApa.n cha rukmavikR^ita.n vidhunvangajamUrdhani . 
ashobhata mahArAja sa vidyudiva toyadaH .. 27..\\
tamApatanta.n sahasA mAgadhasya gajottamam . 
sAtyakirvArayAmAsa velevodvR^ittamarNavam .. 28..\\
nAgaM nivArita.n dR^iShTvA shaineyasya sharottamaiH . 
akrudhyata raNe rAja~njalasandho mahAbalaH .. 29..\\
tataH kruddho maheShvAso mArgaNairbhArasAdhanaiH . 
avidhyata shineH pautra.n jalasandho mahorasi .. 30..\\
tato.apareNa bhallena pItena nishitena cha . 
asyato vR^iShNivIrasya nichakarta sharAsanam .. 31..\\
sAtyaki.n chhinnadhanvAnaM prahasanniva bhArata . 
avidhyanmAgadho vIraH pa~nchabhirnishitaiH sharaiH .. 32..\\
sa viddho bahubhirbANairjalasandhena vIryavAn . 
nAkampata mahAbAhustadadbhutamivAbhavat .. 33..\\
achintayanvai sa sharAnnAtyartha.n sambhramAdbalI . 
dhanuranyatsamAdAya tiShTha tiShThetyuvAcha ha .. 34..\\
etAvaduktvA shaineyo jalasandhaM mahorasi . 
vivyAdha ShaShTyA subhR^isha.n sharANAM prahasanniva .. 35..\\
kShurapreNa cha pItena muShTideshe mahaddhanuH . 
jalasandhasya chichchheda vivyAdha cha tribhiH sharaiH .. 36..\\
jalasandhastu tattyaktvA sa shara.n vai sharAsanam . 
tomara.n vyasR^ijattUrNaM sAtyakiM prati mAriSha .. 37..\\
sa nirbhidya bhuja.n savyaM mAdhavasya mahAraNe . 
abhyagAddharaNI.n ghoraH shvasanniva mahoragaH .. 38..\\
nirbhinne tu bhuje savye sAtyakiH satyavikramaH . 
triMshadbhirvishikhaistIkShNairjalasandhamatADayat .. 39..\\
pragR^ihya tu tataH khaDga.n jalasandho mahAbalaH . 
ArShabha.n charma cha mahachchhatachandramala~NkR^itam . 
tata Avidhya ta.n khaDga.n sAtvatAyotsasarja ha .. 40..\\
shaineyasya dhanushchhittvA sa khaDgo nyapatanmahIm . 
alAtachakravachchaiva vyarochata mahi.n gataH .. 41..\\
athAnyaddhanurAdAya sarvakAyAvadAraNam . 
shAlaskandhapratIkAshamindrAshanisamasvanam . 
visphArya vivyadhe kruddho jalasandha.n shareNa ha .. 42..\\
tataH sAbharaNo bAhU kShurAbhyAM mAdhavottamaH . 
sA~Ngadau jalasandhasya chichchheda prahasanniva .. 43..\\
tau bAhU parighaprakhyau petaturgajasattamAt . 
vasundhara dharAdbhraShTau pa~nchashIrShAvivoragau .. 44..\\
tataH sudaMShTra.n suhanu chArukuNDalamunnasam . 
kShureNAsya tR^itIyena shirashchichchheda sAtyakiH .. 45..\\
tatpAtita shiro bAhukabandhaM bhImadarshanam . 
dvirada.n jalasandhasya rudhireNAbhyaShi~nchata .. 46..\\
jalasandhaM nihatyAjau tvaramANastu sAtvataH . 
naiShAdiM pAtayAmAsa gajaskandhAdvishAM pate .. 47..\\
rudhireNAvasiktA~Ngo jalasandhasya ku~njaraH . 
vilambamAnamavahatsaMshliShTaM paramAsanam .. 48..\\
sharArditaH sAtvatena mardamAnaH svavAhinIm . 
ghoramArtasvara.n kR^itvA vidudrAva mahAgajaH .. 49..\\
hAhAkAro mahAnAsIttava sainyasya mAriSha . 
jalasandha.n hata.n dR^iShTvA vR^iShNInAmR^iShabheNa ha .. 50..\\
vimukhAshchAbhyadhAvanta tava yodhAH samantataH . 
palAyane kR^itotsAhA nirutsAhA dviShajjaye .. 51..\\
etasminnantare rAjandroNaH shastrabhR^itA.n varaH . 
abhyayAjjavanairashvairyuyudhAnaM mahAratham .. 52..\\
tamudIrNa.n tathA dR^iShTvA shaineyaM kurupu~NgavAH . 
droNenaiva saha kruddhAH sAtyakiM paryavArayan .. 53..\\
tataH pravavR^ite yuddha.n kurUNA.n sAtvatasya cha . 
droNasya cha raNe rAjanghora.n devAsuropamam .. 54..\\
\medskip\hrule\medskip\centerline{\Largedvng 92}
 s

te kirantaH sharavrAtAnsarve yattAH prahAriNaH . 
tvaramANA mahArAja yuyudhAnamayodhayan .. 1..\\
ta.n droNaH sapta saptatyA jaghAna nishitaiH sharaiH . 
durmarShaNo dvAdashabhirduHsaho dashabhiH sharaiH .. 2..\\
vikarNashchApi nishitaistriMshadbhiH ka~NkapatribhiH . 
vivyAdha savye pArshve tu stanAbhyAmantare tathA .. 3..\\
durmukho dashabhirbANaistathA duHshAsano.aShTabhiH . 
chitrasenashcha shaineya.n dvAbhyA.n vivyAdha mAriSha .. 4..\\
duryodhanashcha mahatA sharavarSheNa mAdhavam . 
apIDayadraNe rAja~nshUrAshchAnye mahArathAH .. 5..\\
sarvataH pratividdhastu tava putrairmahArathaiH . 
tAnpratyavidhyachchhaineyaH pR^ithakpR^ithagajihmagaiH .. 6..\\
bhAradvAja.n tribhirbANairduHsahaM navabhistathA . 
vikarNaM pa~nchaviMshatyA chitrasena.n cha saptabhiH .. 7..\\
durmarShaNa.n dvAdashabhishchaturbhishcha viviMshatim . 
satyavrata.n cha navabhirvijayaM dashabhiH sharaiH .. 8..\\
tato rukmA~Ngada.n chApa.n vidhunvAno mahArathaH . 
abhyayAtsAtyakistUrNaM putra.n tava mahAratham .. 9..\\
rAjAna.n sarvalokasya sarvashastrabhR^itAM varam . 
sharairabhyAhanadgADha.n tato yuddhamabhUttayoH .. 10..\\
vimu~nchantau sharA.nstIkShNAnsandadhAnau cha sAyakAn . 
adR^ishya.n samare.anyonya.n chakratustau mahArathau .. 11..\\
sAtyakiH kururAjena nirviddho bahvashobhata . 
asravadrudhiraM bhUri svarasa.n chandano yathA .. 12..\\
sAtvatena cha bANaughairnirviddhastanayastava . 
shAtakumbhamayApIDo babhau yUpa ivochchhritaH .. 13..\\
mAdhavastu raNe rAjankururAjasya dhanvinaH . 
dhanushchichchheda sahasA kShurapreNa hasanniva . 
athaina.n chhinnadhanvAna.n sharairbahubhirAchinot .. 14..\\
nirbhinnashcha sharaistena dviShatA kShiprakAriNA . 
nAmR^iShyata raNe rAjA shatrorvijayalakShaNam .. 15..\\
athAnyaddhanurAdAya hemapR^iShTha.n durAsadam . 
vivyAdha sAtyaki.n tUrNa.n sAyakAnAM shatena ha .. 16..\\
so.atividdho balavatA putreNa tava dhanvinA . 
amarShavashamApannastava putramapIDayat .. 17..\\
pIDitaM nR^ipati.n dR^iShTvA tava putrA mahArathAH . 
sAtvata.n sharavarSheNa chhAdayAmAsura~njasA .. 18..\\
sa chhAdyamAno bahubhistava putrairmahArathaiH . 
ekaikaM pa~nchabhirviddhvA punarvivyAdha saptabhiH .. 19..\\
duryodhana.n cha tvarito vivyAdhAShTabhirAshugaiH . 
prahasaMshchAsya chichchheda kArmuka.n ripumIShaNam .. 20..\\
nAgaM maNimaya.n chaiva sharairdhvajamapAtayat . 
hatvA tu chaturo vAhAMshchaturbhirnishitaiH sharaiH . 
sArathiM pAtayAmAsa kShurapreNa mahAyashAH .. 21..\\
etasminnantare chaiva kururAjaM mahAratham . 
avAkirachchharairhR^iShTo bahubhirmarmabhedibhiH .. 22..\\
sa vadhyamAnaH samare shaineyasya sharottamaiH . 
prAdravatsahasA rAjanputro duryodhanastava . 
Aplutashcha tato yAna.n chitrasenasya dhanvinaH .. 23..\\
hAhAbhUta.n jagachchAsIddR^iShTvA rAjAnamAhave . 
grasyamAna.n sAtyakinA khe somamiva rAhuNA .. 24..\\
ta.n tu shabdaM mahachchhrutvA kR^itavarmA mahArathaH . 
abhyayAtsahasA tatra yatrAste mAdhavaH prabhuH .. 25..\\
vidhunvAno dhanuHshreShTha.n chodayaMshchaiva vAjinaH . 
bhartsayansArathi.n chogra.n yAhi yAhIti sa tvaraH .. 26..\\
tamApatanta.n samprekShya vyAditAsyamivAntakam . 
yuyudhAno mahArAja yantAramidamabravIt .. 27..\\
kR^itavarmA rathenaiSha drutamApatate sharI . 
pratyudyAhi rathenainaM pravara.n sarvadhanvinAm .. 28..\\
tataH prajavitAshvena vidhivatkalpitena cha . 
AsasAda raNe bhojaM pratimAna.n dhanuShmatAm .. 29..\\
tataH paramasa~Nkruddhau jvalantAviva pAvakau . 
sameyAtAM naravyAghrau vyAghrAviva tarasvinau .. 30..\\
kR^itavarmA tu shaineya.n ShaDviMshatyA samArpayat . 
nishitaiH sAyakaistIkShNairyantAra.n chAsya saptabhiH .. 31..\\
chaturashcha hayodArAMshchaturbhiH parameShubhiH . 
avidhyatsAdhu dAntAnvai saindhavAnsAtvatasya ha .. 32..\\
rukmadhvajo rukmapR^iShThaM mahadvisphArya kArmukam . 
rukmA~NgadI rukmavarmA rukmapu~NkhAnavAkirat .. 33..\\
tato.ashIti.n shineH pautraH sAyakAnkR^itavarmaNe . 
prAhiNottvarayA yukto draShTukAmo dhana~njayam .. 34..\\
so.atividdho balavatA shatruNA shatrutApanaH . 
samakampata durdharShaH kShitikampe yathAchalaH .. 35..\\
triShaShTyA chaturo.asyAshvAnsaptabhiH sArathi.n sharaiH . 
vivyAdha nishitaistUrNa.n sAtyakiH kR^itavarmaNaH .. 36..\\
suvarNapu~Nkha.n vishikhaM samAdhAya sa sAtyakiH . 
vyasR^ijattaM mahAjvAla.n sa~Nkruddhamiva pannagam .. 37..\\
so.avishatkR^itavarmANa.n yamadaNDopamaH sharaH . 
jAmbUnadavichitra.n cha varma nirbhidya bhAnumat . 
abhyagAddharaNImugro rudhireNa samukShitaH .. 38..\\
sa~njAtarudhirashchAjau sAtvateShubhirarditaH . 
prachalandhanurutsR^ijya nyapatatsyandanottame .. 39..\\
sa si.nhadaMShTro jAnubhyAmApanno.amitavikramaH . 
sharArditaH sAtyakinA rathopasthe nararShabhaH .. 40..\\
sahasrabAhoH sadR^ishamakShobhyamiva sAgaram . 
nivArya kR^itavarmANa.n sAtyakiH prayayau tataH .. 41..\\
khaDgashakti dhanuH kIrNA.n jagAshvarathasa~NkulAm . 
pravartitogra rudhirA.n shatashaH kShatriyarShabhaiH .. 42..\\
prekShatA.n sarvasainyAnAM madhyena shinipu~NgavaH . 
abhyagAdvAhinIM bhittvA vR^itrahevAsurI.n chamUm .. 43..\\
samAshvAsya cha hArdikyo gR^ihya chAnyanmahaddhanuH . 
tasthau tatraiva balavAnvArayanyudhi pANDavAn .. 44..\\
\medskip\hrule\medskip\centerline{\Largedvng 93}
 s

kAlyamAneShu sainyeShu shaineyena tatastataH . 
bhAradvAjaH sharavrAtairmahadbhiH samavAkirat .. 1..\\
sa samprahArastumulo droNa sAtvatayorabhUt . 
pashyatA.n sarvasainyAnAM balivAsa vayoriva .. 2..\\
tato droNaH shineH pautra.n chitraiH sarvAyasaiH sharaiH . 
tribhirAshIviShAkArairlalATe samavidhyata .. 3..\\
tairlalATArpitairbANairyuyudhAnastvajihmagaiH . 
vyarochata mahArAja trishR^i~Nga iva parvataH .. 4..\\
tato.asya bANAnaparAnindrAshanisamasvanAn . 
bhAradvAjo.antaraprekShI preShayAmAsa sa.nyuge .. 5..\\
tAndroNa chApanirmuktAndAshArhaH patataH sharAn . 
dvAbhyA.n dvAbhyA.n supu~NkhAbhyAM chichchheda paramAstravit .. 6..\\
tAmasya laghutA.n droNaH samavekShya vishAM pate . 
prahasya sahasAvidhyadviMshatyA shinipu~Ngavam .. 7..\\
punaH pa~nchAshateShUNA.n shatena cha samArpayat . 
laghutA.n yuyudhAnasya lAghavena visheShayan .. 8..\\
samutpatanti valmIkAdyathA kruddhA mahoragAH . 
tathA droNa rathAdrAjannutpatanti tanuchchhidaH .. 9..\\
tathaiva yuyudhAnena sR^iShTAH shatasahasrashaH . 
avAkirandroNa ratha.n sharA rudhirabhojanAH .. 10..\\
lAghavAddvijamukhyasya sAtvatasya cha mAriSha . 
visheShaM nAdhyagachchhAma samAvAstAM nararShabhau .. 11..\\
sAtyakistu tato droNaM navabhirnataparvabhiH . 
AjaghAna bhR^isha.n kruddho dhvajaM cha nishitaiH sharaiH . 
sArathi.n cha shatenaiva bhAradvAjasya pashyataH .. 12..\\
lAghava.n yuyudhAnasya dR^iShTvA droNo mahAratha . 
saptatyA sAtyaki.n viddhvA turagAMshcha tribhistribhiH . 
dhvajamekena vivyAdha mAdhavasya rathe sthitam .. 13..\\
athApareNa bhallena hemapu~Nkhena patriNA . 
dhanushchichchheda samare mAdhavasya mahAtmanaH .. 14..\\
sAtyakistu tataH kruddho dhanustyaktvA mahArathaH . 
gadA.n jagrAha mahatIM bhAradvAjAya chAkShipat .. 15..\\
tAmApatantI.n sahasA paTTabaddhAmayasmayIm . 
nyavArayachchharairdroNo bahubhirbahurUpibhiH .. 16..\\
athAnyaddhanurAdAya sAtyakiH satyavikramaH . 
vivyAdha bahubhirvIraM bhAradvAja.n shilAshitaiH .. 17..\\
sa viddhvA samare droNa.n si.nhanAdamamu~nchata . 
ta.n vai na mamR^iShe droNaH sarvashastrabhR^itAM varaH .. 18..\\
tathaH shakti.n gR^ihItvA tu rukmadaNDAmayasmayIm . 
tarasA preShayAmAsa mAdhavasya rathaM prati .. 19..\\
anAsAdya tu shaineya.n sA shaktiH kAlasaMnibhA . 
bhittvA ratha.n jagAmogrA dharaNIM dAruNasvanA .. 20..\\
tato droNa.n shineH pautro rAjanvivyAdha patriNA . 
dakShiNaM bhujamAsAdya pIDayanbharatarShabha .. 21..\\
droNo.api samare rAjanmAdhavasya mahaddhanuH . 
ardhachandreNa chichchheda rathashaktyA cha sArathim .. 22..\\
mumoha sarathistasya rathashaktyA samAhataH . 
sa rathopasthamAsAdya muhUrta.n saMnyaShIdata .. 23..\\
chakAra sAtyakI rAja.nstatra karmAtimAnuSham . 
ayodhayachcha yaddroNa.n rashmI~njagrAha cha svayam .. 24..\\
tataH sharashatenaiva yuyudhAno mahArathaH . 
avidhyadbrAhmaNa.n sa~Nkhye hR^iShTarUpo vishAM pate .. 25..\\
tasya droNaH sharAnpa~ncha preShayAmAsa bhArata . 
te tasya kavachaM bhittvA papuH shoNitamAhave .. 26..\\
nirviddhastu sharairghorairakrudhyatsAtyakirbhR^isham . 
sAyakAnvyasR^ijachchApi vIro rukmarathaM prati .. 27..\\
tato droNasya yantAraM nipAtyaikeShuNA bhuvi . 
ashvAnvyadrAvayadbANairhatasUtAnmahAtmanaH .. 28..\\
sa rathaH pradrutaH sa~Nkhye maNDalAni sahasrashaH . 
chakAra rAjato rAjanbhrAjamAna ivAMshumAn .. 29..\\
abhidravata gR^ihNIta hayAndroNasya dhAvata . 
iti sma chukrushuH sarve rAjaputrAH sarAjakAH .. 30..\\
te sAtyakimapAsyAshu rAjanyudhi mahArathAH . 
yato droNastataH sarve sahasA samupAdravan .. 31..\\
tAndR^iShTvA pradrutAnsarvAnsAtvatena sharArditAn . 
prabhagnaM punarevAsIttava sainya.n samAkulam .. 32..\\
vyUhasyaiva punardvAra.n gatvA droNo vyavasthitaH . 
vAtAyamAnaistairashvairhR^ito vR^iShNisharArditaiH .. 33..\\
pANDupA~nchAla sambhagna.n vyUhamAlokya vIryavAn . 
shaineye nAkarodyatna.n vyUhasyaivAbhirakShaNe .. 34..\\
nivArya pANDupA~nchAlAndroNAgniH pradahanniva . 
tasthau krodhAgnisandIptaH kAlasUrya ivoditaH .. 35..\\
\medskip\hrule\medskip\centerline{\Largedvng 94}
 s

droNa.n sa jitvA puruShapravIras 
tathaiva hArdikya mukhA.nstvadIyAn . 
prahasya sUta.n vachanaM babhAShe 
shinipravIraH kurupu~NgavAgrya .. 1..\\
nimittamAtra.n vayamatra sUta 
dagdhArayaH keshava phalgunAbhyAm . 
hatAnnihanmeha nararShabheNa 
vaya.n sureshAtma samudbhavena .. 2..\\
tamevamuktvA shinipu~NgavastadA 
mahAmR^idhe so.agryadhanurdharo.arihA . 
kiransamantAtsahasA sharAnbalI 
samApatachchhayena ivAmiSha.n yathA .. 3..\\
ta.n yAntamashvaiH shashasha~NkhavarNair 
vigAhya sainyaM puruShapravIram . 
nAshaknuvanvArayitu.n samantAd 
AdityarashmipratimaM narAgryam .. 4..\\
asahya vikrAntamadIta sattvaM 
sarve gaNA bhArata durviShahyam . 
sahasranetrapratimaprabhAvaM 
divIva sUrya.n jaladavyapAye .. 5..\\
amarShapUrNastvatichitra yodhI 
sharAsanI kA~nchanavarma dhArI . 
sudarshanaH sAtyakimApatantaM 
nyavArayadrAjavaraH prasahya .. 6..\\
tayorabhUdbharata samprahAraH 
sudAruNasta.n samabhiprasha.nsan . 
yodhAstvadIyAshcha hi somakAsh cha 
vR^itrendrayoryuddhamivAmaraughAH .. 7..\\
sharaiH sutIkShNaiH shatasho.abhyavidhyat 
sudarshanaH sAtvata mukhyamAjau . 
anAgatAneva tu tAnpR^iShatkAMsh 
chichchheda bANaiH shinipu~Ngavo.api .. 8..\\
tathaiva shakra pratimo.api sAtyakiH 
sudarshane yAnkShipati sma sAyakAn . 
dvidhA tridhA tAnakarotsudarshanaH 
sharottamaiH syandanavaryamAsthitaH .. 9..\\
samprekShya bANAnnihatA.nstadAnIM 
sudarshanaH sAtyakibANavegaiH . 
krodhAddidhakShanniva tigmatejAH 
sharAnamu~nchattapanIyachitrAn .. 10..\\
punaH sa bANaistribhiragnikalpair 
AkarNapUrNairnishitaiH supu~NkhaiH . 
vivyAdha dehAvaraNa.n vibhidya 
te sAtyakerAvivishuH sharIram .. 11..\\
tathaiva tasyAvanipAlaputraH 
sandhAya bANairaparairjvaladbhiH . 
AjaghnivA.nstAnrajataprakAshAMsh 
chaturbhirashvAMshchaturaH prasahya .. 12..\\
tathA tu tenAbhihatastarasvI 
naptA shinerindrasamAnavIryaH . 
sudarshanasyeShu gaNaiH sutIkShNair 
hayAnnihatyAshu nanAda nAdam .. 13..\\
athAsya sUtasya shiro nikR^itya 
bhallena vajrAshanisaMnibhena . 
sudarshanasyApi shinipravIraH 
kShureNa chichchheda shiraH prasahya .. 14..\\
sakuNDalaM pUrNashashiprakAshaM 
bhrAjiShNu vaktraM nichakarta dehAt . 
yathA purA vajradharaH prasahya 
balasya sa~Nkhye.atibalasya rAjan .. 15..\\
nihatya taM pArthiva putrapautraM 
raNe yadUnAmR^iShabhastarasvI . 
mudA sametaH parayA mahAtmA 
rarAja rAjansurarAjakalpaH .. 16..\\
tato yayAvarjunameva yena 
nivArya sainya.n tava mArgaNaughaiH . 
sadashvayuktena rathena niryAl 
lokAnvisismApayiShurnR^ivIraH .. 17..\\
tattasya vismApayanIyamagryam 
apUjayanyodhavarAH sametAH . 
yadvartamAnAniShugochare.arIn 
dadAha bANairhutabhugyathaiva .. 18..\\
\medskip\hrule\medskip\centerline{\Largedvng 95}
 s

tataH sa sAtyakirdhImAnmahAtmA vR^iShNipu~NgavaH . 
sudarshanaM nihatyAjau yantAramidamabravIt .. 1..\\
rathAshvanAgakalila.n sharashaktyUrmimAlinam . 
khaDgamatsya.n gadA grAha.n shUrAyudha mahAsvanam .. 2..\\
prANApahAriNa.n raudraM vAditrotkruShTa nAditam . 
yodhAnAmasukhasparsha.n durdharShamajayaiShiNAm .. 3..\\
tIrNAH sma dustara.n tAta droNAnIka mahArNavam . 
jalasandha balenAjau puruShAdairivAvR^itam .. 4..\\
ato.anyaM pR^itanA sheShaM manye kunadikAm iva . 
tartavyAmalpasalilA.n chedayAshvAnasambhramam .. 5..\\
hastaprAptamahaM manye sAmprata.n savyasAchinam . 
nirjitya durdhara.n droNa.n sapadAnugamAhave .. 6..\\
hArdikya.n yodhavarya.n cha prAptaM manye dhana~njayam . 
na hi me jAyate trAso dR^iShTvA sainyAnyanekashaH . 
vahneriva pradIptasya grIShme shuShka.n tR^iNolapam .. 7..\\
pashya pANDavamukhyena yAtAM bhUmi.n kirITinA . 
pattyashvarathanAgaughaiH patitairviShamIkR^itAm .. 8..\\
abhyAshasthamahaM manye shvetAshva.n kR^iShNasArathim . 
sa eSha shrUyate shabdo gANDIvasyAmitaujasaH .. 9..\\
yAdR^ishAni nimittAni mama prAdurbhavanti vai . 
anasta.n gata Aditye hantA saindhavamarjunaH .. 10..\\
shanairvishrambhayannashvAnyAhi yatto.arivAhinIm . 
yatraite satanutrANAH suyodhanapurogamAH .. 11..\\
daMshitAH krUrakarmANaH kAmbojA yuddhadurmadAH . 
sharabANAsana dharA yavanAshcha prahAriNaH .. 12..\\
shakAH kirAtA daradA barbarAstAmraliptakAH . 
anye cha bahavo mlechchhA vividhAyudhapANayaH . 
mAmevAbhimukhAH sarve tiShThanti samarArthinaH .. 13..\\
etAnsarathanAgAshvAnnihatyAjau sa pattinaH . 
ida.n durgaM mahAghoraM tIrNamevopadhAraya .. 14..\\

 s

na sambhramo me vArShNeya vidyate satyavikrama . 
yadyapi syAtsusa~Nkruddho jAmadagnyo.agrataH sthitaH .. 15..\\
droNo vA rathinA.n shreShThaH kR^ipo madreshvaro.api vA . 
tathApi sambhramo na syAttvAmAshritya mahAbhuja .. 16..\\
tvayA suhavavo yuddhe nirjitAH shatrusUdana . 
na cha me sambhramaH kashchidbhUtapUrvaH kadA chana . 
kimu chaitatsamAsAdya vIra sa.nyugagoShpadam .. 17..\\
AyusmankatareNa tvA prApayAmi dhana~njayam . 
keShA.n kruddho.asi vArShNeya keShAM mR^ityurupasthitaH . 
keSha.n sa.nyamanImadya gantumutsahate manaH .. 18..\\
ke tvA.n yudhi parAkrAnta.n kAlAntakayamopamam . 
dR^iShTvA vikramasampanna.n vidraviShyanti sa.nyuge . 
keShA.n vaivasvato rAjA smarate.adya mahAbhuja .. 19..\\

 s

muNDAnetAnhaniShyAmi dAnavAniva vAsavaH . 
pratiGYAM pArayiShyAmi kAmbojAneva mA vaha . 
adyaiShA.n kadanaM kR^itvA kShipra.n yAsyAmi pANDavam .. 20..\\
adya drakShyanti me vIrya.n kauravAH sa suyodhanAH . 
muNDAnIke hate sUta sarvasainyeShu chAsakR^it .. 21..\\
adya kaurava sainyasya dIryamANasya sa.nyuge . 
shrutvA virAvaM bahudhA santapsyati suyodhanaH .. 22..\\
adya pANDavamukhyasya shvetAshvasya mahAtmanaH . 
AchAryaka kR^itaM mArga.n darshayiShyAmi sa.nyuge .. 23..\\
adya madbANanihatAnyodhamukhyAnsahasrashaH . 
dR^iShTvA duryodhano rAjA pashchAttApa.n gamiShyati .. 24..\\
adya me kShiprahastasya kShipataH sAyakottamAn . 
alAtachakrapratima.n dhanurdrakShyanti kauravAH .. 25..\\
matsAyakachitA~NgAnA.n rudhiraM sravatAM bahu . 
sainikAnA.n vadha.n dR^iShTvA santapsyati suyodhanaH .. 26..\\
adya me kruddha rUpasya nighnatashcha varAnvarAn . 
dvirarjunamima.n lokaM ma.nsyate sa suyodhanaH .. 27..\\
adya rAjasahasrANi nihatAni mayA raNe . 
dR^iShTvA duryodhano rAjA santapsyati mahAmR^idhe .. 28..\\
adya sneha.n cha bhaktiM cha pANDaveShu mahAtmasu . 
hatvA rAjasahasrANi darshayiShyAmi rAjasu .. 29..\\

 s

evamuktastadA sUtaH shikShitAnsAdhu vAhinaH . 
shashA~NkasaMnikAshAnvai vAjino.achUchudadbhR^isham .. 30..\\
te pibanta ivAkAsha.n yuyudhAnaM hayottamAH . 
prApayanyavanA~nshIghraM manaH pavanara.nhasaH .. 31..\\
sAtyaki.n te samAsAdya pR^itanAsvanivartinam . 
bahavo laghuhastAshcha sharavarShairavAkiran .. 32..\\
teShAmiShUnathAstrANi vegavannataparvabhiH . 
achchhinatsAtyakI rAjannaina.n te prApnuva~nsharAH .. 33..\\
rukmapu~NkhaiH sunishitairgArdhrapatrairajihmagaiH . 
uchchakarta shirA.nsyugro yavanAnAM bhujAnapi .. 34..\\
shaikyAyasAni varmANi kA.nsyAni cha samantataH . 
bhittvA dehA.nstathA teShA.n sharA jagmurmahItalam .. 35..\\
te hanyamAnA vIreNa mlechchhAH sAtyakinA raNe . 
shatasho nyapata.nstatra vyasavo vasudhAtale .. 36..\\
supUrNAyata muktaistAnavyavachchhinna piNDitaiH . 
pa~nchaShaTsapta chAShTau cha bibheda yavanA~nsharaiH .. 37..\\
kAmbojAnA.n sahasraistu shakAnA.n cha vishAM pate . 
shabarANA.n kirAtAnAM barbarANAM tathaiva cha .. 38..\\
agamyarUpAM pR^ithivIM mA.nsashoNitakardamAm . 
kR^itavA.nstatra shaineyaH kShapaya.nstAvakaM balam .. 39..\\
dasyUnA.n sa shirastrANaiH shirobhirlUnamUrdhajaiH . 
tatra tatra mahI kIrNA vibarhairaNDajairiva .. 40..\\
rudhirokShitasarvA~NgaistaistadAyodhanaM babhau . 
kabanhaiH sa.nvR^ita.n sarva.n tAmrAbhraiH khamivAvR^itam .. 41..\\
vajrAshanisamasparshaiH suparvabhirajihmagaiH . 
te sAshvayAnA nihatAH samAvavrurvasundharAm .. 42..\\
alpAvashiShTAH sambhagnAH kR^ichchhraprANA vichetasaH . 
jitAH sa~Nkhye mahArAja yuyudhAnena daMshitAH .. 43..\\
pArShNibhishcha kashAbhishcha tADayantastura~NgamAn . 
javamuttamamAsthAya sarvataH prAdravanbhayAt .. 44..\\
kAmbojasainya.n vidrAvya durjayaM yudhi bhArata . 
yavanAnA.n cha tatsainya.n shakAnAM cha mahadbalam .. 45..\\
sa tataH puruShavyAghraH sAtyakiH satyavikramaH . 
prahR^iShTastAvakA~njitvA sUta.n yAhItyachodayat .. 46..\\
ta.n yAntaM pR^iShThagoptAramarjunasya vishAM pate . 
chAraNAH prekShya sa.nhR^iShTAstvadIyAshchApyapUjayan .. 47..\\
\medskip\hrule\medskip\centerline{\Largedvng 96}
 s

jitvA yavanakAmbojAnyuyudhAnastato.arjunam . 
jagAma tava sainyasya madhyena rathinA.n varaH .. 1..\\
sharadaMShTro naravyAghro vichitrakavachachchhaviH . 
mR^igAnvyAghrajivAjighra.nstava sainyamabhIShayat .. 2..\\
sa rathena charanmArgAndhanurabhrAmayadbhR^isham . 
rukmapR^iShThaM mahAvega.n rukmachandraka sa~Nkulam .. 3..\\
rukmA~Ngada shirastrANo rukmavarma samAvR^itaH . 
rukmadhvajavaraH shUro merushR^i~Nga ivAbabhau .. 4..\\
sa danurmaNDalaH sa~Nkhye tejo bhAsvararashmivAn . 
sharadIvoditaH sUryo nR^isUryo virarAja ha .. 5..\\
vR^iShabhaskandhavikrAnto vR^iShabhAkSho nararShabhaH . 
tAvakAnAM babhau madhye gavAM madhye yathA vR^iShaH .. 6..\\
mattadviradasa~NkAshaM mattadviradagAminam . 
prabhinnamiva mAta~Nga.n yUthamadhye vyavasthitam . 
vyAghrA iva jighA.nsantastvadIyAbhyadravadraNe .. 7..\\
droNAnIkamatikrAntaM bhojAnIka.n cha dustaram . 
jalasandhArNava.n tIrtvA kAmbojAnAM cha vAhinIm .. 8..\\
hArdikya makarAnmukta.n tIrNa.n vai sainyasAgaram . 
parivavruH susa~NkruddhAstvadIyAH sAtyaki.n rathAH .. 9..\\
duryodhanashchitraseno duHshAsanaviviMshatI . 
shakunirduHsahashchaiva yuvA durmarShaNaH krathaH .. 10..\\
anye cha bahavaH shUrAH shastravanto durAsadAH . 
pR^iShThataH sAtyaki.n yAntamanvadhAvannamarShitAH .. 11..\\
atha shabdo mahAnAsIttava sainyasya mAriSha . 
mArutoddhUta vegasya sAgarasyeva parvaNi .. 12..\\
tAnabhidravataH sarvAnsamIkShya shinipu~NgavaH . 
shanairyAhIti yantAramabravItprahasanniva .. 13..\\
idameti samuddhUta.n dhArtarAShTrasya yadbalam . 
mAmevAbhimukha.n tUrNaM gajAshvarathapattimat .. 14..\\
nAdayanvai dishaH sarvA rathaghoSheNa sArathe . 
pR^ithivI.n chAntarikShaM cha kampayansAgarAnapi .. 15..\\
etadbalArNava.n tAta vArayiShye mahAraNe . 
paurNamAsyAmivoddhUta.n veleva salilAshayam .. 16..\\
pashya me sUta vikrAntamindrasyeva mahAmR^idhe . 
eSha sainyAni shatrUNA.n vidhamAni shitaiH sharaiH .. 17..\\
nihatAnAhave pashya padAtyashvarathadvipAn . 
machchharairagnisa~NkAshairvidehAsUnsahasrashaH .. 18..\\
ityevaM bruvatastasya sAtyakeramitaujasaH . 
samIpa.n sainikAste tu shIghramIyuryuyutsavaH . 
jahyAdravasva tiShTheti pashya pashyeti vAdinaH .. 19..\\
tAnevaM bruvato vIrAnsAtyakirnishitaiH sharaiH . 
jaghAna trishatAnashvAnku~njarAMshcha chatuHshatAn .. 20..\\
sa samprahArastumulastasya teShA.n cha dhanvinAm . 
devAsuraraNaprakhyaH prAvartata janakShayaH .. 21..\\
meghajAlanibha.n sainya.n tava putrasya mAriSha . 
pratyagR^ihNAchchhineH pautraH sharairAshIviShopamaiH .. 22..\\
prachchhAdyamAnaH samare sharajAlaiH sa vIryavAn . 
asambhramaM mahArAja tAvakAnavahIdbahUn .. 23..\\
Ashcharya.n tatra rAjendra sumahaddR^iShTavAnaham . 
na moghaH sAyakaH kashchitsAtyakerabhavatprabho .. 24..\\
rathanAgAshvakalilaH padAtyUrmi samAkulaH . 
shaineya velAmAsAdya sthitaH sainyamahArNavaH .. 25..\\
sambhrAntanaranAgAshvamAvartata muhurmuhuH . 
tatsainyamiShubhistena vadhyamAna.n samantataH . 
babhrAma tatra tatraiva gAvaH shItArditA iva .. 26..\\
padAtina.n rathaM nAgaM sAdina.n turagaM tathA . 
aviddha.n tatra nAdrAkSha.n yuyudhAnasya sAyakaiH .. 27..\\
na tAdR^ikkadana.n rAjankR^itavA.nstatra phalgunaH . 
yAdR^ikkShayamanIkAnAmakarotsAtyakirnR^ipa . 
atyarjuna.n shineH pautro yudhyate bharatarShabha .. 28..\\
tato duryodhano rAjA sAtvatasya tribhiH sharaiH . 
vivyAdha sUtaM nishitaishchaturbhishchaturo hayAn .. 29..\\
sAtyaki.n cha tribhirviddhvA punarvivyAdha so.aShTabhiH . 
duHshAsanaH ShoDashabhirvivyAdha shini pu~Ngavam .. 30..\\
shakuniH pa~nchaviMshatyA chitrasenashchapa~nchabhiH . 
duHsahaH pa~nchadashabhirvivyAdhorasi sAtyakim .. 31..\\
utsmayanvR^iShNishArdUlastathA bANaiH samAhataH . 
tAnavidhyanmahArAja sarvAneva tribhistribhiH .. 32..\\
gADhaviddhAnarIkkR^itvA mArgaNaiH so.atitejanaiH . 
shaineyaH shyenavatsa~Nkhye vyacharallaghuvikramaH .. 33..\\
saubalasya dhanushchhittvA hastAvApaM nikR^itya cha . 
duryodhana.n tribhirbANairabhyavidhyatstanAntare .. 34..\\
chitrasena.n shatenaiva dashabhirduHsaha.n tathA . 
duHshAsana.n cha viMshatyA vivyAdha shinipu~NgavaH .. 35..\\
athAnyaddhanurAdAya syAlastava vishAM pate . 
aShTabhiH sAtyaki.n viddhvA punarvivyAdha pa~nchabhiH .. 36..\\
duHshAsanashcha dashabhirduHsahashcha tribhiH sharaiH . 
durmukhashcha dvAdashabhI rAjanvivyAdha sAtyakim .. 37..\\
duryodhanastrisaptatyA viddhvA bhArata mAdhavam . 
tato.asya nishitairbANaistribhirvivyAdha sArathim .. 38..\\
tAnsarvAnsahitA~nshUrAnyatamAnAnmahArathAn . 
pa~nchabhiH pa~nchabhirbANaiH punarvivyAdha sAtyakiH .. 39..\\
tataH sa rathinA.n shreShThastava putrasya sArathim . 
AjaghAnAshu bhallena sa hato nyapatadbhuvi .. 40..\\
pAtite sArathau tasmi.nstava putra rathaH prabho . 
vAtAyamAnaistairashvairapAnIyata sa~NgarAt .. 41..\\
tatastava sutA rAjansainikAshcha vishAM pate . 
rAGYo rathamabhiprekShya vidrutAH shatasho.abhavan .. 42..\\
vidruta.n tatra tatsainyaM dR^iShTvA bhArata sAtyakiH . 
avAkirachchhairaistIkShNai rukmapu~NkhaiH shilAshitaiH .. 43..\\
vidrAvya sarvasainyAni tAvakAni samantataH . 
prayayau sAtyakI rAja~nshvetAshvasya rathaM prati .. 44..\\
ta.n sharAnAdadAna.n cha rakShamANaM cha sArathim . 
AtmAnaM mochayanta.n cha tAvakAH samapUjayan .. 45..\\
\medskip\hrule\medskip\centerline{\Largedvng 97}
 dhr

sampramR^idya mahatsainya.n yAntaM shaineyamarjunam . 
nirhrIkA mama te putrAH kimakurvata sa~njaya .. 1..\\
katha.n chaiShAM tathA yuddhe dhR^itirAsInmumUrShatAm . 
shaineya charita.n dR^iShTvA sadR^isha.n savyasAchinaH .. 2..\\
kiM nu vakShyanti te kShAtramainyamadhye parAjitAH . 
katha.n cha sAtyakiryuddhe vyatikrAnto mahAyashAH .. 3..\\
katha.n cha mama putrANAM jIvatAM tatra sa~njaya . 
shaineyo.abhiyayau yuddhe tanmamAchakShva tattvataH .. 4..\\
atyadbhutamida.n tAta tvatsakAshAchchhR^iNomyaham . 
ekasya bahubhiryuddha.n shatrubhirvai mahArathaiH .. 5..\\
viparItamahaM manye mandabhAgyAnsutAnprati . 
yatrAvadhyanta samare sAtvatena mahAtmanA .. 6..\\
ekasya hi na paryAptaM matsainya.n tasya sa~njaya . 
kruddhasya yuyudhAnasya sarve tiShThantu pANDavAH .. 7..\\
nirjitya samare droNa.n kR^itina.n yuddhadurmadam . 
yathA pashugaNAnsi.nho.advaddhantA sutAnmama .. 8..\\
kR^itavarmAdibhiH shUrairyatairbahubhirAhave . 
yuyudhAno na shakito hantu.n yaH puruSharShabhaH .. 9..\\
naitadIdR^ishaka.n yuddha.n kR^itavA.nstatra phalgunaH . 
yAdR^isha.n kR^itavAnyuddha.n shinernaptA mahAyashAH .. 10..\\

 s

tava durmantite rAjanduryodhanakR^itena cha . 
shR^iNuShvAvahito bhUtvA yatte vakShyAmi bhArata .. 11..\\
te punaH saMnyavartanta kR^itvA saMshaptakAnmithaH . 
parA.n yuddhe mati.n kR^itvA putrasya tava shAsanAt .. 12..\\
trINi sAdisahasrANi duryodhana purogamAH . 
shakAH kAmbojabAhlIkA yavanAH pAradAstathA .. 13..\\
kuNindAsta~NgaNAmbaShThAH paishAchAshcha sa mandarAH . 
abhyadravanta shaineya.n shalabhAH pAvakaM yathA .. 14..\\
yuktAshcha pArvatIyAnA.n rathAH pAShANa yodhinAm . 
shUrAH pa~nchashatA rAja~nshaineya.n samupAdravan .. 15..\\
tato rathasahasreNa mahArathashatena cha . 
dviradAnA.n sahasreNa dvisAhasraishcha vAjibhiH .. 16..\\
sharavarShANi mu~nchanto vividhAni mahArathAH . 
abhyadravanta shaineyamasa~NkhyeyAshcha pattayaH .. 17..\\
tAMshcha sa~ncodayansarvAnghnatainamiti bhArata . 
duHshAsano mahArAja sAtyaktiM paryavArayat .. 18..\\
tatrAdbhutamapashyAma shaineya charitaM mahat . 
yadeko bahubhiH sArdhamasambhrAntamayudhyata .. 19..\\
avadhIchcha rathAnIka.n dviradAnAM cha tadbalam . 
sAdinashchaiva tAnsarvAndasyUnapi cha sarvashaH .. 20..\\
tatra chakrairvimathitairmagnaishcha paramAyudhaiH . 
akShaishcha bahudhA bhagnairIShA daNDakabandhuraiH .. 21..\\
kUbarairmathitaishchApi dhvajaishchApi nipAtitaiH . 
varmabhishchAmaraishchaiva vyavakIrNA vasundharA .. 22..\\
sragbhirAbharaNairvastrairanukarShaishcha mAriSha . 
sa~nchannA vasudhA tatra dyaurgrahairiva bhArata .. 23..\\
girirUpadharAshchApi patitAH ku~njarottamAH . 
a~njanasya kule jAtA vAmanasya cha bhArata . 
supratIka kule jAtA mahApadmakule tathA .. 24..\\
airAvaNa kule chaiva tathAnyeShu kuleShu cha . 
jAtA danti varA rAja~nsherate bahavo hatAH .. 25..\\
vanAyujAnpArvatIyAnkAnbojAraTTa bAlhikAn . 
tathA hayavarAnrAjannijaghne tatra sAtyakiH .. 26..\\
nAnAdeshasamutthAMshcha nAnA jAtyAMshcha pattinaH . 
nijaghne tatra shaineyaH shatasho.atha sahasrashaH .. 27..\\
teShu prakAlyamAneShu dasyUnduHshAsano.abravIt . 
nivartadhvamadharmaGYA yudhyadhva.n ki.n sR^itena vaH .. 28..\\
tAMshchApi sarvAnsamprekShya putro duHshAsanastava . 
pAShANa yodhinaH shUrAnpArvatIyAnachodayat .. 29..\\
ashmayuddheShu kushalA naitajjAnAti sAtyakiH . 
ashmayuddhamajAnanta.n ghnataina.n yuddhakAmukam .. 30..\\
tathaiva kuravaH sarve nAshma yuddhavishAradAH . 
abhidravata mA bhaiShTa na vaH prApsyati sAtyakiH .. 31..\\
tato gajashishu prakhyairupalaiH shailavAsinaH . 
udyatairyuyudhAnasya sthitA maraNakA~NkShiNaH .. 32..\\
kShepaNIyaistathApyanye sAtvatasya vadhaiShiNaH . 
choditAstava putreNa rurudhuH sarvatodisham .. 33..\\
teShAmApatatAmeva shilA yuddha.n chikIrShatAm . 
sAtyakiH patisandhAya triMshataM prAhiNochchharAn .. 34..\\
tAmashmavR^iShTi.n tumulAM pArvatIyaiH samIritAm . 
bibhedoraga sa~NkAshairnArAchaiH shinipu~NgavaH .. 35..\\
tairashmachUrNairdIpyadbhiH khadyotAnAmiva vrajaiH . 
prAyaH sainyAnyavadhyanta hAhAbhUtAni mAriSha .. 36..\\
tataH pa~nchashatAH shUrAH samudyatamahAshilAH . 
nikR^ittabAhavo rAjannipeturdharaNItale .. 37..\\
pAShANa yodhinaH shUrAnyatamAnAnavasthitAn . 
avadhIdbahusAhasrA.nstadadbhutamivAbhavat .. 38..\\
tataH punarbasta mukhairashmavR^iShTi.n samantataH . 
ayo hastaiH shUlahastairdairadaiH khasha ta~NgaNaiH .. 39..\\
ambaShThaishcha kuNindaishcha kShiptA.n kShiptA.n sa sAtyakiH . 
nArAchaiH prativivyAdha prekShamANo mahAbalaH .. 40..\\
adrINAM bhidyamAnAnAmantarikShe shitaiH sharaiH . 
shabdena prAdravanrAjangajAshvarathapattayaH .. 41..\\
ashmapUrNaiH samAkIrNA manuShyAshcha vayA.nsi cha . 
nAshaknuvannavasthAtuM bhramarairiva daMshitAH .. 42..\\
hatashiShTA virudhirA bhinnamastaka piNDikAH . 
ku~njarAH sa.nyavartanta yuyudhAna rathaM prathi .. 43..\\
tataH shabdaH samabhavattava sainyasya mAriSha . 
mAdhavenArdyamAnasya sAgarasyeva dAruNaH .. 44..\\
ta.n shabda.n tumulaM shrutvA droNo yantAramabravIt . 
eSha sUta raNe kruddhaH sAtvatAnAM mahArathaH .. 45..\\
dArayanbahudhA sainya.n raNe charati kAlavat . 
yatraiSha shabdastumulastatra sUta rathaM naya .. 46..\\
pAShANa yodhibhirnUna.n yuyudhAnaH samAgataH . 
tathA hi rathinaH sarve hriyante vidrutairhayaiH .. 47..\\
vishastra kavachA rugNAstatra tatra patanti cha . 
na shaknuvanti yantAraH sa.nyantu.n tumule hayAn .. 48..\\
ityevaM bruvato rAjanbhAradvAjasya dhImataH . 
pratyuvAcha tato yantA droNa.n shastrabhR^itAM varam .. 49..\\
AyuShmandravate sainya.n kauraveya.n samantataH . 
pashya yodhAnraNe bhinnAndhAvamAnA.nstatastataH .. 50..\\
ete cha sahitAH shUrAH pA~nchAlAH pANDavaiH saha . 
tvAmeva hi jighA.nsantaH prAdravanti samantataH .. 51..\\
atra kArya.n samAdhatsva prAptakAlamarindama . 
sthAne vA gamane vApi dUra.n yAtashcha sAtyakiH .. 52..\\
tathaiva.n vadatastasya bhAradvAjasya mAriSha . 
pratyadR^ishyata shaineyo nighnanbahuvidhAnrathAn .. 53..\\
te vadhyamAnAH samare yuyudhAnena tAvakAH . 
yuyudhAna ratha.n tyaktvA droNAnIkAya dudruvuH .. 54..\\
yaistu duHshAsanaH sArdha.n rathaiH pUrvaM nyavartata . 
te bhItAstvabhyadhAvanta sarve droNa rathaM prati .. 55..\\
\medskip\hrule\medskip\centerline{\Largedvng 98}
 s

duHshAsana ratha.n dR^iShTvA samIpe paryavasthitam . 
bhAradvAjastato vAkya.n duHshAsanamathAbravIt .. 1..\\
duHshAsana rathAH sarve kasmAdete pravidrutAH . 
kachchitkShema.n tu nR^ipateH kachchijjIvati saindhavaH .. 2..\\
rAjaputro bhavAnatra rAjabhrAtA mahArathaH . 
kimartha.n dravase yuddhe yauvarAjyamavApya hi .. 3..\\
svaya.n vairaM mahatkR^itvA pA~nchAlaiH pANDavaiH saha . 
eka.n sAtyakimAsAdya kathaM bhIto.asi sa.nyuge .. 4..\\
na jAnIShe purA tva.n tu gR^ihNannakShAndurodare . 
sharA hyete bhaviShyanti dAruNAshIviShopamAH .. 5..\\
apriyANA.n cha vachanaM pANDaveShu visheShataH . 
draupadyAshcha parikleshastvanmUlo hyabhavatpurA .. 6..\\
kva te mAnashcha darpashcha kva cha tadvIra garjitam . 
AshIviShasamAnpArthAnkopayitvA kva yAsyasi .. 7..\\
shochyeyaM bhAratI senA rAjA chaiva suyodhanaH . 
yasya tva.n karkasho bhrAtA palAyanaparAyaNaH .. 8..\\
nanu nAma tvayA vIra dIryamANA bhayArditA . 
svabAhubalamAsthAya rakShitavyA hyanIkinI . 
sa tvamadya raNa.n tyaktvA bhIto harShayase parAn .. 9..\\
vidrute tvayi sainyasya nAyake shatrusUdana . 
ko.anyaH sthAsyati sa~NgrAme bhIto bhIte vyapAshraye .. 10..\\
ekena sAtvatenAdya yudhyamAnasya chAnagha . 
palAyane tava matiH sa~NgrAmAddhi pravartate .. 11..\\
yadA gANDIvadhanvAnaM bhImasena.n cha kaurava . 
yamau cha yudhi draShTAsi tadA tva.n kiM kariShyasi .. 12..\\
yudhi phalguna bANAnA.n sUryAgnisamatejasAm . 
na tulyAH sAtyakisharA yeShAM bhItaH palAyase .. 13..\\
yadi tAvatkR^itA buddhiH palAyanaparAyaNA . 
pR^ithivIdharmarAjasya shamenaiva pradIyatAm .. 14..\\
yAvatphalguna nArAchA nirmuktoraga saMnibhAH . 
nAvishanti sharIra.n te tAvatsaMshAmya pANDavaiH .. 15..\\
yAvatte pR^ithivIM pArthA hatvA bhrAtR^ishata.n raNe . 
nAkShipanti mahAtmAnastAvatsaMshAmya pANDavaiH .. 16..\\
yAvanna krudhyate rAjA dharmaputro yudhiShThiraH . 
kR^iShNashcha samarashlAghI tAvatsaMshAmya pANDavaiH .. 17..\\
yAvadbhImo mahAbAhurvigAhya mahatI.n chamUm . 
sodarA.nste na mR^idnAti tAvatsaMshamya pANDavaiH .. 18..\\
pUrvamuktashcha te bhrAtA bhIShmeNa sa suyodhanaH . 
ajeyAH pANDavAH sa~Nkhye saumya saMshAmya pANDavaiH . 
na cha tatkR^itavAnmandastava bhrAtA suyodhanaH .. 19..\\
sa yuddhe dhR^itimAsthAya yatto yudhyasva pANDavaiH . 
gachchha tUrNa.n rathenaiva tatra tiShThati sAtyakiH .. 20..\\
tvayA hInaM bala.n hyetadvidraviShyati bhArata . 
AtmArtha.n yodhaya raNe sAtyakiM satyavikramam .. 21..\\
evamuktastava suto nAbravItki.n chidapyasau . 
shruta.n chAshrutavatkR^itvA prAyAdyena sa sAtyakiH .. 22..\\
sainyena mahatA yukto mlechchhAnAmanivartinAm . 
AsAdya cha raNe yatto yuyudhAnamayodhayat .. 23..\\
droNo.api rathinA.n shreShThaH pA~nchAlAnpANDavA.nstathA . 
abhyadravata sa~Nkruddho javamAsthAya madhyamam .. 24..\\
pravishya cha raNe droNaH pA~nchAlAnA.n varUthinIm . 
dravayAmAsa yodhAnvai shatasho.atha sahasrashaH .. 25..\\
tato droNo mahArAja nAma vishrAvya sa.nyuge . 
pANDupA~nchAla matsyAnAM prachakre kadanaM mahat .. 26..\\
ta.n jayantamanIkAni bhAradvAjaM tatastataH . 
pA~nchAla putro dyutimAnvIra ketuH samabhyayAt .. 27..\\
sa droNaM pa~nchabhirviddhvA sharaiH saMnataparvabhiH . 
dhvajamekena vivyAdha sArathi.n chAsya saptabhiH .. 28..\\
tatrAdbhutaM mahArAja dR^iShTavAnasmi sa.nyuge . 
yaddroNo rabhasa.n yuddhe pA~nchAlyaM nAbhyavartata .. 29..\\
saMniruddha.n raNe droNaM pA~nchAlA vIkShya mAriSha . 
AvavruH sarvato rAjandharmaputra jayaiShiNaH .. 30..\\
te sharairagnisa~NkAshaistomaraishcha mahAdhanaiH . 
shastraishcha vividhai rAjandroNamekamavAkiran .. 31..\\
nihatya tAnbANagaNAndroNo rAjansamantataH . 
mahAjaladharAnvyomni mAtarishvA vivAniva .. 32..\\
tataH sharaM mahAghora.n sUryapAvaka saMnibham . 
sandadhe paravIraghno vIra keturathaM pati .. 33..\\
sa bhittvA tu sharo rAjanpA~nchAlya.n kulanandanam . 
abhyagAddharaNI.n tUrNa.n lohitArdro jvalanniva .. 34..\\
tato.apatadrathAttUrNaM pA~nchAlyaH kulanandanaH . 
parvatAgrAdiva mahAMshchampako vAyupIDitaH .. 35..\\
tasminhate maheShvAse rAjaputre mahAbale . 
pA~nchAlAstvaritA droNa.n samantAtparyavArayan .. 36..\\
chitraketuH sudhanvA cha chitravarmA cha bhArata . 
tathA chitrarathashchaiva bhrAtR^ivyasanakarShitAH .. 37..\\
abhyadravanta sahitA bhAradvAja.n yuyutsavaH . 
mu~nchantaH sharavarShANi tapAnte jaladA iva .. 38..\\
sa vadhyamAno bahudhA rAjaputrairmahArathaiH . 
vyashva sUta rathAMshchakre kumArAnkupito raNe .. 39..\\
tathAparaiH sunishitairbhallaisteShAM mahAyashAH . 
puShpANIva vichinvanhi sottamA~NgAnyapAtayat .. 40..\\
te rathebhyo hatAH petuH kShitau rAjansuvarchasaH . 
devAsure purA yuddhe yathA daiteya dAnavAH .. 41..\\
tAnnihatya raNe rAjanbhAradvAjaH pratApavAn . 
kArmukaM bhrAmayAmAsa hemapR^iShTha.n durAsadam .. 42..\\
pA~nchAlAnnihatAndR^iShTvA devakalpAnmahArathAn . 
dhR^iShTadyumno bhR^isha.n kruddho netrAbhyAM pAtaya~n jalam . 
abhyavartata sa~NgrAme kruddho droNa rathaM prati .. 43..\\
tato hAheti sahasA nAdaH samabhavannR^ipa . 
pA~nchAlyena raNe dR^iShTvA droNamAvArita.n sharaiH .. 44..\\
sa~nchAdyamAno bahudhA pArShatena mahAtmanA . 
na vivyathe tato droNaH smayannevAnvayudhyata .. 45..\\
tato droNaM mahArAja pA~nchAlyaH krodhamUrchhitaH . 
AjaghAnorasi kruddho navatyA nataparvaNAm .. 46..\\
sa gADhaviddho balinA bhAradvAjo mahAyashAH . 
niShasAda rathopasthe kashmala.n cha jagAma ha .. 47..\\
ta.n vai tathAgata.n dR^iShTvA dhR^iShTadyumnaH parAkramI . 
samutsR^ijya dhanustUrNamasi.n jagrAha vIryavAn .. 48..\\
avaplutya rathAchchApi tvaritaH sa mahArathaH . 
Aruroha ratha.n tUrNaM bhAradvAjasya mAriSha . 
hartumaichchhachchhiraH kAyAtkrodhasa.nraktalochanaH .. 49..\\
pratyAshvastastato droNo dhanurgR^ihya mahAbalaH . 
sharairvaitastikai rAjannityamAsanna yodhibhiH . 
yodhayAmAsa samare dhR^iShadyumnaM mahAratham .. 50..\\
te hi vaitastikA nAma sharA Asanna yodhinaH . 
droNasya viditA rAjandhR^iShTadyumnamavAkShipan .. 51..\\
sa vadhyamAno bahubhiH sAyakaistairmahAbalaH . 
avaplutya rathAttUrNaM bhagnavegaH parAkramI .. 52..\\
Aruhya svaratha.n vIraH pragR^ihya cha mahaddhanuH . 
vivyAdha samare droNa.n dhR^iShTadyumno mahArathaH .. 53..\\
tadadbhuta.n tayoryuddhaM bhUtasa~NghA hyapUjayan . 
katriyAshcha mahArAja ye chAnye tatra sainikAH .. 54..\\
avashya.n samare droNo dhR^iShTadyumnena sa~NgataH . 
vashameShyati no rAGYaH pA~nchAlA iti chukrushuH .. 55..\\
droNastu tvarito yuddhe dhR^iShTadyumnasya sAratheH . 
shiraH prachyAvayAmAsa phalaM pakva.n taroriva . 
tataste pradrutA vAhA rAja.nstasya mahAtmanaH .. 56..\\
teShu pradravamANeShu pA~nchAlAnsR^i~njayA.nstathA . 
vyadrAvayadraNe droNastatra tatra parAkramI .. 57..\\
vijitya pANDupA~nchAlAnbhAradvAjaH pratApavAn . 
sva.n vyUhaM punarAsthAya sthiro.abhavadarindamaH . 
na chainaM pANDavA yuddhe jetumutsahire prabho .. 58..\\
\medskip\hrule\medskip\centerline{\Largedvng 99}
 s

tato duHshAsano rAja~nshaineya.n samupAdravat . 
kira~nsharasahasrANi parjanya iva vR^iShTimAn .. 1..\\
sa viddhvA sAtyaki.n ShaShTyA tathA ShoDashabhiH sharaiH . 
nAkampayatsthita.n yuddhe mainAkamiva parvatam .. 2..\\
sa tu duHshAsana.n vIraH sAyakairAvR^iNodbhR^isham . 
mashaka.n samanuprAptamUrNa nAbhirivorNayA .. 3..\\
dR^iShTvA duHshAsana.n rAjA tathA sharashatAchitam . 
trigartAMshchodayAmAsa yuyudhAna rathaM prati .. 4..\\
te.agachchhanyuyudhAnasya samIpa.n krUra kAriNaH . 
trigartAnA.n trisAhasrA rathA yuddhavishAradAH .. 5..\\
te tu ta.n rathavaMshena mahatA paryavArayan . 
sthirA.n kR^itvA mati.n yuddhe bhUtvA saMshaptakA mithaH .. 6..\\
teShAM prayatatA.n yuddhe sharavarShANi mu~nchatAm . 
yodhAnpa~nchashatAnmukhyAnagrAnIke vyapothayat .. 7..\\
te.apatanta hatAstUrNa.n shinipravara sAyakaiH . 
mahAmAruta vegena rugNA iva mahAdrumAH .. 8..\\
rathaishcha bahudhA chhinnairdhvajaishchaiva vishAM pate . 
hayaishcha kanakApIDaiH patitaistata medinI .. 9..\\
shaineya sharasa~NkR^ittaiH shoNitaughapariplutaiH . 
ashobhata mahArAja kuMshukairiva puShpitaiH .. 10..\\
te vadhyamAnAH samare yuyudhAnena tAvakAH . 
trAtAraM nAdhyagachchhanta pa~NkamagnA iva dvipAH .. 11..\\
tataste paryavartanta sarve droNa rathaM prati . 
bhayAtpatagarAjasya gartAnIva mahoragAH .. 12..\\
hatvA pa~nchashatAnyodhA~nsharairAshIviShopamaiH . 
prAyAtsa shanakairvIro dhana~njayarathaM pati .. 13..\\
taM prayAntaM narashreShThaM putro duHshAsanastava . 
vivyAdha navabhistUrNa.n sharaiH saMnataparvabhiH .. 14..\\
sa tu taM prativivyAdha pa~nchabhirnishitaiH sharaiH . 
rukmapu~NkhairmaheShvAso gArdhrapatrairajihmagaiH .. 15..\\
sAtyaki.n tu mahArAja prahasanniva bhArata . 
duHshAsanastribhirviddhvA punarvivyAdha pa~nchabhiH .. 16..\\
shaineyastava putra.n tu viddhvA pa~nchabhirAshugaiH . 
dhanushchAsya raNe chhittvA vismayannarjuna.n yayau .. 17..\\
tato duHshAsanaH kruddho viShNi vIrAya gachchhate . 
sarvapArashavI.n shaktiM visasarja jighA.nsayA .. 18..\\
tA.n tu shaktiM tadA ghorAM tava putrasya sAtyakiH . 
chichchheda shatadhA rAjannishitaiH ka~NkapatribhiH .. 19..\\
athAnyaddhanurAdAya putrastava janeshvara . 
sAtyaki.n dashabhirviddhvA si.nhanAdaM nanAda ha .. 20..\\
sAtyakistu raNe kruddho mohayitvA suta.n tava . 
sharairagnishikhAkArairAjaghAna stanAntare . 
sarvAyasaistIkShNavaktrairaShTAbhirvivyadhe punaH .. 21..\\
duHshAsanastu viMshatyA sAtyakiM pratyavidhyata . 
sAtvato.api mahArAja ta.n vivyAdha stanAntare . 
tribhireva mahAvegaiH sharaiH saMnataparvabhiH .. 22..\\
tato.asya vAhAnnishitaiH sharairjaghne mahArathaH . 
sArathi.n cha susa~NkruddhaH sharaiH saMnataparvabhiH .. 23..\\
dhanurekena bhallena hastAvApa.n cha pa~nchabhiH . 
dhvaja.n cha rathashaktiM cha bhallAbhyAM paramAstravit . 
chichchheda vishikhaistIkShNaistathobhau pArShNisArathI .. 24..\\
sa chhinnadhanvA viratho hatAshvo hatasArathiH . 
trigartasenApatinA svarathenApavAhitaH .. 25..\\
tamabhidrutya shaineyo muhUrtamiva bhArata . 
na jaghAna mahAbAhurbhImasena vachaH smaran .. 26..\\
bhImasenena hi vadhaH sutAnA.n tava bhArata . 
pratiGYAtaH sabhAmadhye sarveShAmeva sa.nyuge .. 27..\\
tathA duHshAsana.n jitvA sAtyakiH sa.nyuge prabho . 
jagAma tvarito rAjanyena yAto dhana~njayaH .. 28..\\
\medskip\hrule\medskip\centerline{\Largedvng 100}
 dhr

ki.n tasyAM mama senAyAM nAsanke chinmahArathAH . 
ye tathA sAtyaki.n yAntaM naivAghnannApyavArayan .. 1..\\
eko hi samare karmakR^itavAnsatyavikramaH . 
shakratulyabalo yuddhe mahendro dAnaveShviva .. 2..\\
atha vA shUnyamAsIttadyena yAtaH sa sAtyakiH . 
eko vai bahulAH senAH pramR^idnanpuruSharShabhaH .. 3..\\
katha.n cha yudhyamAnAnAmapakrAnto mahAtmanAm . 
eko bahUnA.n shaineyastanmamAchakShva sa~njaya .. 4..\\

 s

rAjansenA samudyogo rathanAgAshvapattimAn . 
tumulastava sainyAnA.n yugAntasadR^isho.abhavat .. 5..\\
AhNikeShu samUheShu tava sainyasya mAnada . 
nAsti loke samaH kashchitsamUha iti me matiH .. 6..\\
tatra devAH sma bhAShante chAraNAshcha samAgatAH . 
etadantAH samUhA vai bhaviShyanti mahItale .. 7..\\
na chaiva tAdR^ishaH kashchidvyUha AsIdvishAM pate . 
yAdR^igjayadratha vadhe droNena vihito.abhavat .. 8..\\
chaNDavAtAbhipannAnA.n samaudrANAmiva svanaH . 
raNe.abhavadbalaughAnAmanyonyamabhidhAvatAm .. 9..\\
pArthivAnA.n sametAnAM bahUnyAsannarottama . 
tvadbale pANDavAnA.n cha sahasrANi shatAni cha .. 10..\\
sa.nrabdhAnAM pravIrANA.n samare dR^iDhakarmaNAm . 
tatrAsItsumahA~nshabdastumulo lomaharShaNaH .. 11..\\
athAkrandadbhImaseno dhR^iShTadyumnashcha mAriSha . 
nakulaH sahadevashcha dharmarAjashcha pANDavaH .. 12..\\
Agachchhata praharata balavatparidhAvata . 
praviShTAvarisenA.n hi vIrau mAdhava pANDavau .. 13..\\
yathA sukhena gachchhetA.n jayadrathavadhaM prati . 
tathA prakurute kShipramiti sainyAnyachodayat . 
tayorabhAve kuravaH kR^itArthAH syurvaya.n jitAH .. 14..\\
te yUya.n sahitA bhUtvA tUrNameva balArNavam . 
kShobhayadhvaM mahAvegAH pavanAH sAgara.n yathA .. 15..\\
bhImasenena te rAjanpA~nchAlyena cha choditAH . 
AjaghnuH kauravAnsa~Nkhye tyaktvAsUnAtmanaH priyAn .. 16..\\
ichchhanto nidhana.n yuddhe shastrairuttamatejasaH . 
svargArthaM mitrakAryArthaM nAbhyarakShanta jIvitam .. 17..\\
tathaiva tAvakA rAjanprArthayanto mahadyashaH . 
AryA.n yuddhe mati.n kR^itvA yuddhyAyaivopatasthire .. 18..\\
tasmi.nstu tumule yuddhe vartamAne mahAbhaye . 
hatvA sarvANi sainyAni prAyAtsAtyakirarjunam .. 19..\\
kavachAnAM prabhAstatra sUryarashmi vichitritAH . 
dR^iShTIH sa~Nkhye sainikAnAM pratijaghnuH samantataH .. 20..\\
tathA prayatamAneShu pANDaveyeShu nirbhayaH . 
duryodhano mahArAja vyagAhata mahadbalam .. 21..\\
sa saMnipAtastumulasteShA.n tasya cha bhArata . 
abhavatsarvasainyAnAmabhAva karaNo mahAn .. 22..\\

 dhr

tathAgateShu sainyeShu tathA kR^ichchhragataH svayam . 
kachchidduryodhanaH sUta nAkArShItpR^iShThato raNam .. 23..\\
ekasya cha bahUnA.n cha saMnipAto mahAhave . 
visheShato nR^ipatinA viShamaH pratibhAti me .. 24..\\
so.atyantasukhasa.nvR^iddho lakShmyA lokasya cheshvaraH . 
eko bahUnsamAsAdya kachchinnAsItparA~NmukhaH .. 25..\\

 s

rAjansagrAmamAshcharya.n tava putrasya bhArata . 
ekasya cha bahUnA.n cha shR^iNuShva gadato.adbhutam .. 26..\\
duryodhanena sahasA pANDavI pR^itanA raNe . 
nalinI dviradeneva samantAdvipraloDitA .. 27..\\
tathA senA.n kR^itAM dR^iShTvA tatra putreNa kaurava . 
bhImasenapurogAstaM pA~nchAlAH samupAdravan .. 28..\\
sa bhImasena.n dashabhirmAdrIputrau tribhistribhiH . 
virATadrupadau ShaDbhiH shatena cha shikhaNDinam .. 29..\\
dhR^iShTadyumna.n cha viMshatyA dharmaputraM cha saptabhiH . 
kekayAndashabhirviddhvA draupadeyA.nstribhistribhiH .. 30..\\
shatashashchAparAnyodhAnsadvipAMshcha rathAnraNe . 
sharairavachakartograiH kruddho.antaka iva prajAH .. 31..\\
na sandadhanvimu~nchanvA maNDalIkR^itakArmukaH . 
adR^ishyata ripUnnighna~nshikShayAstra balena cha .. 32..\\
tasya tAnnighnataH shatrUnhemapR^iShThaM mahaddhanuH . 
bhallAbhyAM pANDavo jyeShThastridhA chichchheda mAriSha .. 33..\\
vivyAdha chainaM bahubhiH samyagastaiH shitaiH sharaiH . 
varmANyAshu samAsAdya te bhagnAH kShitimAvishan .. 34..\\
tataH pramuditAH pArthAH parivavruryudhiShThiram . 
yathA vR^itravadhe devA mudA shakraM maharShibhiH .. 35..\\
atha duryodhano rAjA dR^iDhamAdAya kArmukam . 
tiShTha tiShTheti rAjAnaM bruvanpANDavamabhyayAt .. 36..\\
ta.n tathA vAdina.n rAja.nstava putraM mahAratham . 
pratyudyayuH pramuditAH pA~nchAlA jayagR^iddhinaH .. 37..\\
tAndroNaH pratijagrAha parIpsanyudhi pANDavam . 
chaNDavAtoddhutAnmeghAnsa jalAnachalo yathA .. 38..\\
tatra rAjanmahAnAsItsa~NgrAmo bhUrivardhanaH . 
rudrasyAkrIDa sa~NkAshaH sa.nhAraH sarvadehinAm .. 39..\\
\medskip\hrule\medskip\centerline{\Largedvng 101}
 s

aparAhNe mahArAja sa~NgrAmaH samapadyata . 
parjanyasamanirghoShaH punardroNasya somakaiH .. 1..\\
shoNAshva.n rathamAsthAya naravIraH samAhitaH . 
samare.abhyadravatpANDU~njavamAsthAya madhyamam .. 2..\\
tava priyahite yukto maheShvAso mahAbalaH . 
chitrapu~NkhaiH shitairbANaiH kalashottama sambhavaH .. 3..\\
varAnvarAnhi yodhAnA.n vichinvanniva bhArata . 
akrIData raNe rAjanbhAradvAjaH pratApavAn .. 4..\\
tamabhyayAdbR^ihatkShatraH kekayAnAM mahArathaH . 
bhrAtR^INA.n vIra pa~nchAnA.n jyeShThaH samarakarkashaH .. 5..\\
vimu~nchanvishikhA.nstIkShNAnAchArya.n chhAdayanbhR^isham . 
mahAmegho yathA varSha.n vimu~nchangandhamAdane .. 6..\\
tasya droNo mahArAja svarNapu~NkhA~nshilAshitAn . 
preShayAmAsa sa~NkruddhaH sAyakAndasha sapta cha .. 7..\\
tA.nstu droNa dhanurmuktAnghorAnAshIviShopamAn . 
ekaika.n dashabhirbANairyudhi chichchheda hR^iShTavat .. 8..\\
tasya tallAghava.n dR^iShTvA prahasandvijasattamaH . 
preShayAmAsa vishikhAnaShTau saMnataparvaNaH .. 9..\\
tAndR^iShTvA patataH shIghra.n droNa chApachyutA~nsharAn . 
avArayachchharaireva tAvadbhirnishitairdR^iDhaiH .. 10..\\
tato.abhavanmahArAja tava sainyasya vismayaH . 
bR^iha kShatreNa tatkarma kR^ita.n dR^iShTvA suduShkaram .. 11..\\
tato droNo mahArAja kekaya.n vai visheShayan . 
prAdushchakre raNe divyaM brAhmamastraM mahAtapAH .. 12..\\
tadasya rAjankaikeyaH pratyavArayadachyutaH . 
brAhmeNaiva mahAbAhurAhave samudIritam .. 13..\\
pratihanya tadastra.n tu bhAradvAjasya sa.nyuge . 
vivyAdha brAhmaNa.n ShaShTyA svarNapu~NkhaiH shilAshitaiH .. 14..\\
ta.n droNo dvipadA.n shreShTho nArAchena samarpayat . 
sa tasya kavachaM bhittvA prAvishaddharaNItalam .. 15..\\
kR^iShNasarpo yathA mukto valmIkaM nR^ipasattama . 
tathAbhyagAnmahIM bANo bhittvA kaikeyamAhave .. 16..\\
so.atividdho mahArAja droNenAstravidA bhR^isham . 
krodhena mahatAviShTo vyAvR^itya nayane shubhe .. 17..\\
droNa.n vivyAdha saptatyA svarNapu~NkhaiH shilAshitaiH . 
sArathi.n chAsya bhallena bAhvorurasi chArpayat .. 18..\\
droNastu bahudhA viddho bR^ihatkShatreNa mAriSha . 
asR^ijadvishikhA.nstIkShNAnkekayasya rathaM prati .. 19..\\
vyAkulIkR^itya ta.n droNo bR^ihatkShatraM mahAratham . 
vyasR^ijatsAyaka.n tIkShNaM kekayaM prati bhArata .. 20..\\
sa gADhaviddhastenAshu mahArAja stanAntare . 
rathAtpuruShashArdUlaH sambhinnahR^idayo.apatat .. 21..\\
bR^ihatkShatre hate rAjankekayAnAM mahArathe . 
shaishupAliH susa~Nkruddho yantAramidamabravIt .. 22..\\
sArathe yAhi yatraiSha droNastiShThati daMshitaH . 
vinighnankekayAnsarvAnpA~nchAlAnA.n cha vAhinIm .. 23..\\
tasya tadvachana.n shrutvA sArathI rathinAM varam . 
droNAya prApayAmAsa kAmbojairjavanairhayaiH .. 24..\\
dhR^iShTaketushcha chedInAmR^iShabho.atibaloditaH . 
sahasA prApataddroNaM pata~Nga iva pAvakam .. 25..\\
so.abhyavidhyattato droNa.n ShaShTyA sAshvarathadhvajam . 
punashchAnyaiH sharaistIkShNaiH supta.n vyAghra.n tudanniva .. 26..\\
tasya droNo dhanurmadhye kShurapreNa shitena ha . 
chichchheda rAGYo balino yatamAnasya sa.nyuge .. 27..\\
athAnyaddhanurAdAya shaishupAlirmahArathaH . 
vivyAdha sAyakairdroNaM punaH sunishitairdR^iDhaiH .. 28..\\
tasya droNo hayAnhatvA sArathi.n cha mahAbalaH . 
athainaM pa~nchaviMshatyA sAyakAnA.n samArpayat .. 29..\\
viratho vidhanuShkashcha chedirAjo.api sa.nyuge . 
gadA.n chikShepa sa~Nkruddho bhAradvAja rathaM prati .. 30..\\
tAmApatantI.n sahasA ghorarUpAM bhayAvahAm . 
ashmasAramayI.n gurvIM tapanIyavibhUShitAm . 
sharairanekasAhasrairbhAradvAjo nyapAtayat .. 31..\\
sA papAta gadA bhUmau bhAradvAjena sAditA . 
raktamAlyAmbaradharA tAreva nabhasastalAt .. 32..\\
gadA.n vinihatA.n dR^iShTvA dhR^iShTaketuramarShaNaH . 
tomara.n vyasR^ijattUrNaM shakti.n cha kanakojjvalAm .. 33..\\
tomara.n tu tribhirbANairdroNashchhittvA mahAmR^idhe . 
shakti.n chichchheda sahasA kR^itahasto mahAbalaH .. 34..\\
tato.asya vishikha.n tIkShNa.n vadhArthaM vadhakA~NkShiNaH . 
preShayAmAsa samare bhAradvAjaH pratApavAn .. 35..\\
sa tasya kavachaM bhittvA hR^idaya.n chAmitaujasaH . 
abhyagAddharaNIM bANo ha.nsaH padmasaro yathA .. 36..\\
pata~Nga.n hi grasechchASho yathA rAjanbubhukShitaH . 
tathA droNo.agrasachchhUro dhR^iShTaketuM mahAmR^idhe .. 37..\\
nihate chedirAje tu tatkhaNDaM pitryamAvishat . 
amarShavashamApannaH putro.asya paramAstravit .. 38..\\
tamapi prahasandroNaH sharairninye yamakShayam . 
mahAvyAghro mahAraNye mR^igashAva.n yathAbalI .. 39..\\
teShu prakShIyamANeShu pANDaveyeShu bhArata . 
jarAsandha suto vIraH svaya.n droNamupAdravat .. 40..\\
sa tu droNaM mahArAja chhAdayansAyakaiH shitaiH . 
adR^ishyamakarottUrNa.n jalado bhAskara.n yathA .. 41..\\
tasya tallAghava.n dR^iShTvA droNaH kShatriya mardanaH . 
vyasR^ijatsAyakA.nstUrNa.n shatasho.atha sahasrashaH .. 42..\\
chhAdayitvA raNe droNo rathastha.n rathinAM varam . 
jArAsandhimatho jaghne miShatA.n sarvadhanvinAm .. 43..\\
yo yaH sma lIyate droNa.n taM taM droNo.antakopamaH . 
Adatta sarvabhUtAni prApte kAle yathAntakaH .. 44..\\
tato droNo maheShvAso nAma vishrAvya sa.nyuge . 
sharairanekasAhasraiH pANDaveyAnvyamohayat .. 45..\\
tato droNA~NkitA bANAH svarNapu~NkhAH shilAshitAH . 
narAnnAgAnhayAMshchaiva nijaghnuH sarvato raNe .. 46..\\
te vadhyamAnA droNena shakreNeva mahAsurAH . 
samakampanta pA~nchAlA gAvaH shItArditA iva .. 47..\\
tato niShTAnako ghoraH pANDavAnAmajAyata . 
droNena vadhyamAneShu sainyeShu bharatarShabha .. 48..\\
mohitAH sharavarSheNa bhAradvAjasya sa.nyuge . 
UrugrAhagR^ihItA hi pA~nchAlAnAM mahArathAH .. 49..\\
chedayashcha mahArAja sR^i~njayAH somakAstathA . 
abhyadravanta sa.nhR^iShTA bhAradvAja.n yuyutsayA .. 50..\\
hata droNa.n hata droNamiti te droNamabhyayuH . 
yatantaH puruShavyAghrAH sarvashaktyA mahAdyutim . 
ninIShanto raNe droNa.n yamasya sadanaM prati .. 51..\\
yatamAnA.nstu tAnvIrAnbhAradvAjaH shilImukhaiH . 
yamAya preShayAmAsa chedimukhyAnvisheShataH .. 52..\\
teShu prakShIyamANeShu chedimukhyeShu bhArata . 
pA~nchAlAH samakampanta droNasAyakapIDitAH .. 53..\\
prAkroshanbhImasena.n te dhR^iShTadyumnarathaM prati . 
dR^iShTvA droNasya karmANi tathArUpANi mAriSha .. 54..\\
brAhmaNena tapo nUna.n charitaM dushcharaM mahat . 
tathA hi yudhi vikrAnto dahati kShatriyarShabhAn .. 55..\\
dharmo yuddha.n kShatriyasya brAhmaNasya parantapaH . 
tapasvI kR^itavidyashcha prekShitenApi nirdahet .. 56..\\
droNAstramagnisa.nsparshaM praviShTAH kShatriyarShabhAH . 
bahavo dustara.n ghora.n yatrAdahyanta bhArata .. 57..\\
yathAbala.n yathotsAhaM yathA sattvaM mahAdyutiH . 
mohayansarvabhUtAni droNo hanti balAni naH .. 58..\\
teShA.n tadvachana.n shrutvA kShatradharmA vyavasthitaH . 
ardhachandreNa chichchheda droNasya sa shara.n dhanuH .. 59..\\
sa sa.nrabdhataro bhUtvA droNaH kShatriya mardanaH . 
anyatkArmukamAdAya bhAsvara.n vegavattaram .. 60..\\
tatrAdhAya shara.n tIkShNaM bhAraghna.n vimalaM dR^iDham . 
AkarNapUrNamAchAryo balavAnabhyavAsR^ijat .. 61..\\
sa hatvA kShatradharmmANa.n jagAma dharaNItalam . 
sa bhinnahR^idayo vAhAdapatanmedinI tale .. 62..\\
tataH sainyAnyakampanta dhR^iShTadyumna sute hate . 
atha droNa.n samArohachchekitAno mahArathaH .. 63..\\
sa droNa.n dashabhirbANaiH pratyavidhyatstanAntare . 
chaturbhiH sArathi.n chAsya chaturbhishchaturo hayAn .. 64..\\
tasyAchAryaH ShoDashabhiravidhyaddakShiNaM bhujam . 
dhvaja.n ShoDashabhirbANairyantAra.n chAsya saptabhiH .. 65..\\
tasya sUte hate te.ashvA rathamAdAya vidrutAH . 
samare sharasa.nvItA bhAradvAjena mAriSha .. 66..\\
chekitAna ratha.n dR^iShTvA vidruta.n hatasArathim . 
pA~nchAlAnpANDavAMshchaiva mahadbhayamathAvishat .. 67..\\
tAnsametAnraNe shUrAMshchedipA~nchAlasR^i~njayAn . 
samantAddrAvayandroNo bahvashobhata mAriSha .. 68..\\
AkarNapalitaH shyAmo vayasAshItikAtparaH . 
raNe paryacharaddroNo vR^iddhaH ShoDashavarShavat .. 69..\\
atha droNaM mahArAja vicharantamabhItavat . 
vajrahastamamanyanta shatravaH shatrusUdanam .. 70..\\
tato.abravInmahArAja drupado buddhimAnnR^ipa . 
lubdho.aya.n kShatriyAnhanti vyAghraH kShudramR^igAniva .. 71..\\
kR^ichchhrAnduryodhano lokAnApaH prApsyati durmatiH . 
yasya lobhAdvinihatAH samare kShatriyarShabhAH .. 72..\\
shatashaH sherate bhUmau nikR^ittA govR^iShA iva . 
rudhireNa parItA~NgAH shvasR^igAlAdanI kR^itAH .. 73..\\
evamuktvA mahArAja drupado.akShauhiNIpatiH . 
puraskR^itya raNe pArthAndroNamabhyadravaddrutam .. 74..\\
\medskip\hrule\medskip\centerline{\Largedvng 102}
 s

vyUheShvAloDyamAneShu pANDavAnA.n tatastataH . 
sudUramanvayuH pArthAH pA~nchAlAH saha somakaiH .. 1..\\
vartamAne tathA raudre sa~NgrAme lomaharShaNe . 
prakShaye jagatastIvre yugAnta iva bhArata .. 2..\\
droNe yudhi parAkrAne nardamAne muhurmuhuH . 
pA~nchAleShu cha kShINeShu vadhyamAneShu pANDuShu .. 3..\\
nApashyachchharaNa.n kiM chiddharmarAjo yudhiShThiraH . 
chintayAmAsa rAjendra kathametadbhaviShyati .. 4..\\
tatrAvekShya dishaH sarvAH savyasAchi didR^iShTkayA . 
yudhiShThiro dadarshAtha naiva pArtha na mAdhavam .. 5..\\
so.apashyannarashArdUla.n vAnararShabha lakShaNam . 
gANDIvasya cha nirghoShamashR^iNvanvyathitendriyaH .. 6..\\
apashyansAtyaki.n chApi vR^iShNInAM pravara.n ratham . 
chintayAbhiparItA~Ngo dharmarAjo yudhiShThiraH . 
nAdhyagachchhattadA shAnti.n tAvapashyannararShabhau .. 7..\\
lokopakrosha bhIrutvAddharmarAjo mahAyashAH . 
achintayanmahAbAhuH shaineyasya rathaM prati .. 8..\\
padavIM preShitashchaiva phalgunasya mayA raNe . 
shaineyaH sAtyakiH satyo mitrANAmabhaya~NkaraH .. 9..\\
tadida.n hyekamevAsIddvidhA jAtaM mamAdya vai . 
sAtyakishcha hi me GYeyaH pANDavashcha dhana~njayaH .. 10..\\
sAtyakiM preShayitvA tu pANDavasya padAnugam . 
sAtvatasyApi ki.n yuddhe preShayiShye padAnugam .. 11..\\
kariShyAmi prayatnena bhrAturanveShaNa.n yadi . 
yuyudhAnamananviShya loko mA.n garhayiShyati .. 12..\\
bhrAturanveShaNa.n kR^itvA dharmarAjo yudhiShThiraH . 
parityajati vArShNeya.n sAtyakiM satyavikramam .. 13..\\
lokApavAdabhIrutvAtso.ahaM pArtha.n vR^ikodaram . 
padavIM preShayiShyAmi mAdhavasya mahAtmanaH .. 14..\\
yathaiva cha mama prItirarjune shatrusUdane . 
tathaiva vR^iShNivIre.api sAtvate yuddhadurmade .. 15..\\
atibhAre niyuktashcha mayA shaineyanandanaH . 
sa tu mitroparodhena gauravAchcha mahAbalaH . 
praviShTo bharatI.n senAM makaraH sAgaraM yathA .. 16..\\
asau hi shrUyate shabdaH shUrANAmanivartinAm . 
mithaH sa.nyudhyamAnAnA.n vR^iShNivIreNa dhImatA .. 17..\\
prAptakAla.n subalavannishchitya bahudhA hi me . 
tatraiva pANDaveyasya bhImasenasya dhanvinaH . 
gamana.n rochate mahyaM yatra yAtau mahArathau .. 18..\\
na chApyasahyaM bhImasya vidyate bhuvi ki.n chana . 
shakto hyeSha raNe yattAnpR^ithivyA.n sarvadhanvinaH . 
svabAhubalamAsthAya prativyUhituma~njasA .. 19..\\
yasya bAhubala.n sarve samAshritya mahAtmanaH . 
vanavAsAnnivR^ittAH sma na cha yuddheShu nirjitAH .. 20..\\
ito gate bhImasene sAtvataM prati pANDave . 
sa nAthau bhavitArau hi yudhi sAtvata phalgunau .. 21..\\
kAma.n tvashochanIyau tau raNe sAtvata phalgunau . 
rakShitau vAsudevena svaya.n chAstravishAradau .. 22..\\
avashya.n tu mayA kAryamAtmanaH shokanAshanam . 
tasmAdbhImaM niyokShyAmi sAtvatasya padAnugam . 
tataH pratikR^itaM manye vidhAna.n sAtyakiM prati .. 23..\\
evaM nishchitya manasA dharmaputro yudhiShThiraH . 
yantAramabravIdrAjanbhImaM prati nayasva mAm .. 24..\\
dharmarAja vachaH shrutvA sArathirhayakovidaH . 
ratha.n hemapariShkAraM bhImAntikamupAnayat .. 25..\\
bhImasenamanuprApya prAptakAlamanusmaran . 
kashmalaM prAvishadrAjA bahu tatra samAdishan .. 26..\\
yaH sa devAnsa gandharvAndaityAMsh chaikaratho.ajayat . 
tasya lakShma na pashyAmi bhImasenAnujasya te .. 27..\\
tato.abravIddharmarAjaM bhImasenastathAgatam . 
naivAdrAkShaM na chAshrauSha.n tava kashmalamIdR^isham .. 28..\\
purA hi duHkhadIrNAnAM bhavAngatirabhUddhi naH . 
uttiShThottiShTha rAjendra shAdhi ki.n karavANi te .. 29..\\
na hyasAdhyamakArya.n vA vidyate mama mAnada . 
AGYApaya kurushreShTha mA cha shoke manaH kR^ithAH .. 30..\\
tamabravIdashrupUrNaH kR^iShNasarpa iva shvasan . 
bhImasenamida.n vAkyaM pramlAna vadano nR^ipaH .. 31..\\
yathA sha~Nkhasya nirghoShaH pA~nchajanyasya shrUyate . 
prerito vAsudevena sa.nrabdhena yashasvinA . 
nUnamadya hataH shete tava bhrAtA dhana~njayaH .. 32..\\
tasminvinihate nUna.n yudhyate.asau janArdanaH . 
yasya sattvavato vIryamupajIvanti pANDavAH .. 33..\\
yaM bhayeShvabhigachchhanti sahasrAkShamivAmarAH . 
sa shUraH saindhava prepsuranvayAdbhAratI.n chamUm .. 34..\\
tasya vai gamana.n vidmo bhIma nAvartanaM punaH . 
shyAmo yuvA guDAkesho darshanIyo mahAbhujaH .. 35..\\
vyUDhorasko mahAskandho mattadviradavikramaH . 
chakora netrastAmrAkSho dviShatAmaghavardhanaH .. 36..\\
tadidaM mama bhadra.n te shokasthAnamarindama . 
arjunArthaM mahAbAho sAtvatasya cha kAraNAt .. 37..\\
vardhate haviShevAgniridhyamAnaH punaH punaH . 
tasya lakShma na pashyAmi tena vindAmi kashmalam .. 38..\\
ta.n viddhi puruShavyAghraM sAtvata.n cha mahAratham . 
sa taM mahArathaM pashchAdanuyAtastavAnujam . 
tamapashyanmahAbAhumaha.n vindAmi kashmalam .. 39..\\
tasmAtkR^iShNo raNe nUna.n yudhyate yuddhakovidaH . 
yasya vIryavato vIryamupajIvanti pANDavAH .. 40..\\
sa tatra gachchha kauneya yatra yAto dhana~njayaH . 
sAtyakishcha mahAvIryaH kartavya.n yadi manyase . 
vachanaM mama dharmaGYa jyeShTho bhrAtA bhavAmi te .. 41..\\
na te.arjunastathA GYeyo GYAtavyaH sAtyakiryathA . 
chikIrShurmatpriyaM pArtha prayAtaH savyasAchinaH . 
padavI.n durgamAM ghorAmagamyAmakR^itAtmabhiH .. 42..\\

 bhm

brahmeShAnendra varuNAnavahadyaH purA rathaH . 
tamAsthAya gatau kR^iShNau na tayorvidyate bhayam .. 43..\\
AGYA.n tu shirasA bibhradeSha gachchhAmi mA shuchaH . 
sametya tAnnaravyAghrA.nstava dAsyAmi sa.nvidam .. 44..\\

 s

etAvaduktvA prayayau paridAya yudhiShThiram . 
dhR^iShTadyumnAya balavAnsuhR^idbhyashcha punaH punaH . 
dhR^iShTadyumna.n chedamAha bhImaseno mahAbalaH .. 45..\\
vidita.n te mahAbAho yathA droNo mahArathaH . 
grahaNe dharmarAjasya sarvopAyena vartate .. 46..\\
na cha me gamane kR^itya.n tAdR^ikpArShata vidyate . 
yAdR^isha.n rakShaNe rAGYaH kAryamAtyayikaM hi naH .. 47..\\
evamukto.asmi pArthena prativaktu.n sma notsahe . 
prayAsye tatra yatrAsau mumUrShuH saindhavaH sthitaH . 
dharmarAjasya vachane sthAtavyamavisha~NkayA .. 48..\\
so.adya yatto raNe pArthaM parirakSha yudhiShThiram . 
etaddhi sarvakAryANAM parama.n kR^ityamAhave .. 49..\\
tamabravInmahArAja dhR^iShTadyumno vR^ikodaram . 
Ipsitena mahAbAho gachchha pArthAvichArayan .. 50..\\
nAhatvA samare droNo dhR^iShTadyumna.n kathaM chana . 
nigraha.n dharmarAjasya prakariShyati sa.nyuge .. 51..\\
tato nikShipya rAjAna.n dhR^iShTadyumnAya pANDavaH . 
abhivAdya guru.n jyeShThaM prayayau yatra phalgunaH .. 52..\\
pariShvaktastu kaunteyo dharmarAjena bhArata . 
AghrAtashcha tathA mUrdhni shrAvitashchAshiShaH shubhAH .. 53..\\
bhImaseno mahAbAhuH kavachI shubhakuNDalI . 
sA~NgadaH sa tanutrANaH sa sharI rathinA.n varaH .. 54..\\
tasya kArNShAyasa.n varma hemachitraM maharddhimat . 
vibabhau parvata shliShTaH sa vidyudiva toyadaH .. 55..\\
pItaraktAsita sitairvAsobhishcha suveShTitaH . 
kaNThatrANena cha babhau sendrAyudha ivAmbudaH .. 56..\\
prayAte bhImasene tu tava sainya.n yuyutsayA . 
pA~nchajanya ravo ghoraH punarAsIdvishAM pate .. 57..\\
ta.n shrutvA ninada.n ghoraM trailokyatrAsanaM mahat . 
punarbhImaM mahAbAhurdharmaputro.abhyabhAShata .. 58..\\
eSha vR^iShNipravIreNa dhmAtaH salilajo bhR^isham . 
pR^ithivI.n chAntarikShaM cha vinAdayati sha~NkharAT .. 59..\\
nUna.n vyasanamApanne sumahatsavyasAchini . 
kurubhiryudhyate sArdha.n sarvaishchakragadAdharaH .. 60..\\
nUnamAryA mahatkuntI pApamadya nidarshanam . 
draupadI tu subhadrA cha pashyanti saha bandhubhiH .. 61..\\
sa bhImastvarayA yukto yAhi yatra dhana~njayaH . 
muhyantIva hi me sarvA dhana~njaya didR^ikShayA . 
dishaH sa pradishaH pArtha sAtvatasya cha kAraNAt .. 62..\\
gachchha gachchheti cha punarbhImasenamabhAShata . 
bhR^isha.n sa prahito bhrAtrA bhrAtA bhrAtuH priya.n karaH . 
Ahatya dundubhiM bhImaH sha~NkhaM pradhmAya chAsakR^it .. 63..\\
vinadya si.nhanAda.n cha jyA.n vikarShanpunaH punaH . 
darshayanghoramAtmAnamamitrAnsahasAbhyayAt .. 64..\\
tamUhurjavanA dAntA vikurvANA hayottamAH . 
vishokenAbhisa.nyattA manomArutara.nhasaH .. 65..\\
ArujanvirujanpArtho jyA.n vikarShaMshcha pANinA . 
so.avakarShanvikarShaMshcha senAgra.n samaloDayat .. 66..\\
taM prayAntaM mahAbAhuM pA~nchAlAH saha somakAH . 
pR^iShThato.anuyayuH shUrA maghavantamivAmarAH .. 67..\\
ta.n sa senA mahArAja sodaryAH paryavArayan . 
duHshalashchitrasenashcha kuNDa bhedI viviMshatiH .. 68..\\
durmukho duHsahashchaiva vikarNashcha shalastathA . 
vindAnuvindau sumukho dIrghabAhuH sudarshanaH .. 69..\\
vR^indArakaH suhastashcha suSheNo dIrghalochanaH . 
abhayo raudrakarmA cha suvarmA durvimochanaH .. 70..\\
vividhai rathinA.n shreShThAH saha sainyaiH sahAnugaiH . 
sa.nyattAH samare shUrA bhImasenamupAdravan .. 71..\\
tAnsamIkShya tu kaunteyo bhImasenaH parAkramI . 
abhyavartata vegena si.nhaH kShudramR^igAniva .. 72..\\
te mahAstrANi divyAni tatra vIrA adarshayan . 
vArayantaH sharairbhImaM meghAH sUryamivoditam .. 73..\\
sa tAnatItya vegena droNAnIkamupAdravat . 
agratashcha gajAnIka.n sharavarShairavAkirat .. 74..\\
so.achireNaiva kAlena tadgajAnIkamAshugaiH . 
dishaH sarvAH samabhyasya vyadhamatpavanAtmajaH .. 75..\\
trAsitAH sharabhasyeva garjitena vane mR^igAH . 
pradravandviradAH sarve nadanto bhairavAnravAn .. 76..\\
punashchAtItya vegena droNAnIkamupAdravat . 
tamavArayadAchAryo velevodvR^ittamarNavam .. 77..\\
lalATe.atADayachchainaM nArAchena smayanniva . 
UrdhvarashmirivAdityo vibabhau tatra pANDavaH .. 78..\\
sa manyamAnastvAchAryo mamAyaM phalguno yathA . 
bhImaH kariShyate pUjAmityuvAcha vR^ikodaram .. 79..\\
bhImasena na te shakyaM praveShTumarivAhinIm . 
mAmanirjitya samare shatrumadhye mahAbala .. 80..\\
yadi te so.anujaH kR^iShNaH praviShTo.anumate mama . 
anIkaM na tu shakyaM bhoH praveShTumiha vai tvayA .. 81..\\
atha bhImastu tachchhrutvA gurorvAkyamapetabhIH . 
kruddhaH provAcha vai droNa.n raktatAmrekShaNaH shvasan .. 82..\\
tavArjuno nAnumate brahma bandho raNAjiram . 
praviShTaH sa hi durdharShaH shakrasyApi vishedbalam .. 83..\\
yena vai paramAM pUjA.n kurvatA mAnito hyasi . 
nArjuno.aha.n ghR^iNI droNa bhImaseno.asmi te ripuH .. 84..\\
pitA nastva.n gururbandhustathA putrA hi te vayam . 
iti manyAmahe sarve bhavantaM praNatAH sthitAH .. 85..\\
adya tadviparIta.n te vadato.asmAsu dR^ishyate . 
yadi shatru.n tvamAtmAnaM manyase tattathAstviha . 
eSha te sadR^isha.n shatroH karma bhImaH karomyaham .. 86..\\
athodbhrAmya gadAM bhImaH kAladaNDamivAntakaH . 
droNAyAvasR^ijadrAjansa rathAdavapupluve .. 87..\\
sAshvasUta dhvaja.n yAna.n droNasyApothayattadA . 
prAmR^idnAchcha bahUnyodhAnvAyurkR^iShNAnivaujasA .. 88..\\
taM punaH parivavruste tava putrA rathottamam . 
anya.n cha rathamAsthAya droNaH praharatA.n varaH .. 89..\\
tataH kruddormahArAja bhImasenaH parAkramI . 
agrataH syandanAnIka.n sharavarShairavAkirat .. 90..\\
te vadhyamAnAH samare tava putrA mahArathAH . 
bhImaM bhImabala.n yuddhe.ayodhaya.nstu jayaiShiNaH .. 91..\\
tato duHshAsanaH kruddho rathashakti.n samAkShipan . 
sarvapArashavI.n tIkShNAM jighA.nsuH pANDunandanam .. 92..\\
ApatantIM mahAshakti.n tava putra prachoditAm . 
dvidhA chichchheda tAM bhImastadadbhutamivAbhavat .. 93..\\
athAnyairnishitairbANaiH sa~NkruddhaH kuNDa bhedinam . 
suSheNa.n dIrghanetraM cha tribhistrInavadhIdbalI .. 94..\\
tato vR^indAraka.n vIra.n kurUNAM kIrtivardhanam . 
putrANA.n tava vIrANA.n yudhyatAmavadhItpunaH .. 95..\\
abhaya.n raudrakarmANa.n durvimochanameva cha . 
tribhistrInavadhIdbhImaH punareva sutA.nstava .. 96..\\
vadhyamAnA mahArAja putrAstava balIyasA . 
bhImaM praharatA.n shreShThaM samantAtparyavArayan .. 97..\\
vindAnuvindau sahitau suvarmANa.n cha te sutam . 
prahasanniva kauneyaH sharairninye yamakShayam .. 98..\\
tataH sudarshana.n vIraM putra.n te bharatarShabha . 
vivyAdha samare tUrNa.n sa papAta mamAra cha .. 99..\\
so chireNaiva kAlena tadrathAnIkamAshugaiH . 
dishaH sarvAH samabhyasya vyadhamatpANDunandanaH .. 100..\\
tato vai rathagoSheNa garjitena mR^igA iva . 
vadhyamAnAshcha samare putrAstava vishAM pate . 
prAdravansa rathAH sarve bhImasenabhayArditAH .. 101..\\
anuyAya tu kaunteyaH putrANA.n te mahadbalam . 
vivyAdha samare rAjankauraveyAnsamantataH .. 102..\\
vadhyamAnA mahArAja bhImasenena tAvakAH . 
tyaktvA bhIma.n raNe yanti chodayanto hayottamAn .. 103..\\
tA.nstu nirjitya samare bhImaseno mahAbalaH . 
si.nhanAda rava.n chakre bAhushabdaM cha pANDavaH .. 104..\\
talashabda.n cha sumahatkR^itvA bhImo mahAbalaH . 
vyatItya rathinashchApi droNAnIkamupAdravat .. 105..\\
\medskip\hrule\medskip\centerline{\Largedvng 103}
 s

tamuttIrNa.n rathAnIkAttamaso bhAskaraM yathA . 
didhArayiShurAchAryaH sharavarShairavAkirat .. 1..\\
pibanniva sharaughA.nstAndroNa chApavarAtigAn . 
so.abhyavartata sodaryAnmAyayA mohayanbalam .. 2..\\
taM mR^idhe vegamAsthAya paraM paramadhanvinaH . 
choditAstava putrai cha sarataH paryavArayan .. 3..\\
sa tathA sa.nvR^ito bhImaH prahasanniva bhArata . 
udayachchhadgadA.n tebhyo ghorAM tA.n si.nhavannadan . 
avAsR^ijachcha vegena teShu tAnpramathadbalI .. 4..\\
sendrAshanirivendreNa praviddhA sa.nhatAtmanA . 
ghoSheNa mahatA rAjanpUrayitveva medinIm . 
jvalantI tejasA bhImA trAsayAmAsa te sutAn .. 5..\\
tAM patantIM mahAvegA.n dR^iShTvA tejo.abhisa.nvR^itAm . 
prAdrava.nstAvakAH sarve nadanto bhairavAnravAn .. 6..\\
ta.n cha shabdamasa.nsahyaM tasyAH sa.nlakShya mAriSha . 
prApatanmanujAstatra rathebhyo rathinastadA .. 7..\\
sa tAnvidrAvya kaunteyaH sa~Nkhye.amitrAndurAsadaH . 
suparNa iva vegena pakShirADatyagAchchamUm .. 8..\\
tathA ta.n viprakurvANaM rathayUthapa yUthapam . 
bhAradvAjo mahArAja bhImasena.n samabhyayAt .. 9..\\
droNastu samare bhIma.n vArayitvA sharormibhiH . 
akarotsahasA nAdaM pANDUnAM bhayamAdadhat .. 10..\\
tadyuddhamAsItsumahadghora.n devAsuropamam . 
droNasya cha mahArAja bhImasya cha mahAtmanaH .. 11..\\
yadA tu vishikhaistIkShNairdroNa chApaviniHsR^itaiH . 
vadhyante samare vIrAH shatasho.atha sahasrashaH .. 12..\\
tato rathAdavaplutya vegamAsthAya pANDavaH . 
nimIlya nayane rAjanpadAtirdroNamabhyayAt .. 13..\\
yathA hi govR^iSho varShaM pratigR^ihNAti lIlayA . 
tathA bhImo naravyAghraH sharavarSha.n samagrahIt .. 14..\\
sa vadhyamAnaH samare ratha.n droNasya mAriSha . 
IShAyAM pANinA gR^ihya prachikShepa mahAbalaH .. 15..\\
droNastu sa tvaro rAjankShipto bhImena sa.nyuge . 
rathamanya.n samAsthAya vyUha dvAramupAyayau .. 16..\\
tasminkShaNe tasya yantA tUrNamashvAnachodayat . 
bhImasenasya kauravya tadadbhutamivAbhavat .. 17..\\
tataH svarathamAsthAya bhImaseno mahAbalaH . 
abhyavartata vegena tava putrasya vAhinIm .. 18..\\
sa mR^idnankShatriyAnAjau vAto kR^iShNAnivoddhataH . 
agachchhaddArayansenA.n sindhuvego nagAniva .. 19..\\
bhojAnIka.n samAsAdya hArdikyenAbhirakShitam . 
pramathya bahudhA rAjanbhImasenaH samabhyayAt .. 20..\\
santrAsayannanIkAni talashabdena mAriSha . 
ajayatsarvasainyAni shArdUla iva govR^iShAn .. 21..\\
bhojAnIkamatikramya kAmbojAnA.n cha vAhinIm . 
tathA mlechchha gaNAMshchAnyAnbahUnyuddhavishAradAn .. 22..\\
sAtyaki.n chApi samperkShya yudhyamAnaM nararShabham . 
rathena yattaH kaunteyo vegena prayayau tadA .. 23..\\
bhImaseno mahArAja draShTukAmo dhana~njayam . 
atItya samare yodhA.nstAvakAnpANDunandanaH .. 24..\\
so.apashyadarjuna.n tatra yudhyamAnaM nararShabham . 
saindhavasya vadhArtha.n hi parAkrAntaM parAkramI .. 25..\\
arjuna.n tatra dR^iShTvAtha chukrosha mahato ravAn . 
ta.n tu tasya mahAnAdaM pArthaH shushrAva nardataH .. 26..\\
tataH pArtho mahAnAdaM mu~nchanvai mAdhavash cha ha . 
abhyayAtAM mahArAja nardantau govR^iShAviva .. 27..\\
vAsudevArjunau shrutvA ninAda.n tasya shuShmiNaH . 
punaH punaH praNadatA.n didR^ikShantau vR^ikodaram .. 28..\\
bhImasenarava.n shrutvA phalgunasya cha dhanvinaH . 
aprIyata mahArAja dharmaputro yudhiShThiraH .. 29..\\
vishokashchAbhavadrAjA shrutvA taM ninadaM mahat . 
dhana~njayasya cha raNe jayamAshA stavAnvibhuH .. 30..\\
tathA tu nardamAne vai bhImasene raNotkaTe . 
smita.n kR^itvA mahAbAhurdharmaputro yudhiShThiraH .. 31..\\
hR^idgataM manasA prAha dhyAtvA dharmabhR^itA.n varaH . 
dattA bhIma tvayA sa.nvitkR^ita.n guruvachastathA .. 32..\\
na hi teShA.n jayo yuddhe yeShAM dveShTAsi pANDava . 
diShTyA jIvati sa~NgrAme savyasAchI dhana~njayaH .. 33..\\
diShTyA cha kushalI vIraH sAtyakiH satyavikramaH . 
diShTyA shR^iNomi garjantau vAsudevadhana~njayau .. 34..\\
yena shakra.n raNe jitvA tarpito havyavAhanaH . 
sa hantA dviShatA.n sa~Nkhye diShTyA jIvati phalgunaH .. 35..\\
yasya bAhubala.n sarve vayamAshritya jIvitAH . 
sa hantA ripusanyAnA.n diShTyA jIvati phalgunaH .. 36..\\
nivAtakavachA yena devairapi sudurjayAH . 
nirjitA rathinaikena diShTyA pArthaH sa jIvati .. 37..\\
kauravAnsahitAnsarvAngograhArthe samAgatAn . 
yo.ajayanmatsyanagare diShTyA pArthaH sa jIvati .. 38..\\
kAlakeya sahasrANi chaturdasha mahAraNe . 
yo.avadhIdbhujavIryeNa diShTyA pArthaH sa jIvati .. 39..\\
gandharvarAjaM balina.n duryodhanakR^itena vai . 
jitavAnyo.astravIryeNa diShTyA pArthaH sa jIvati .. 40..\\
kirITamAlI balavA~nshvetAshvaH kR^iShNasArathiH . 
mama priyashcha satata.n diShTyA jIvati phalgunaH .. 41..\\
putrashokAbhisantaptashchikIrShuH karma duShkaram . 
jayadrathavadhAnveShI pratiGYA.n kR^itavAnhi yaH . 
kachchitsa saindhava.n sa~Nkhye haniShyati dhana~njayaH .. 42..\\
kachchittIrNapratiGYa.n hi vAsudevena rakShitam . 
anastamita Aditye sameShyAmyahamarjunam .. 43..\\
kachchitsaindhavako rAjA duryodhana hite rataH . 
nandayiShyatyamitrANi phalgunena nipAtitaH .. 44..\\
kachchidduryodhano rAkA phalgunena nipAtitam . 
dR^iShTvA saindhavaka.n sa~Nkhye shamamasmAsu dhAsyati .. 45..\\
dR^iShTvA vinihatAnbhrAtR^InbhImasenena sa.nyuge . 
kachchidduryodhano mandaH shamamasmAsu dhAsyati .. 46..\\
dR^iShTvA chAnyAnbahUnyodhAnpAtitAndharaNItale . 
kachchidduryodhano mandaH pashchAttApa.n kariShyati .. 47..\\
kachchidbhIShmeNa no vairamekenaiva prashAmyati . 
sheShasya rakShaNArtha.n cha sandhAsyati suyodhanaH .. 48..\\
evaM bahuvidha.n tasya chintayAnasya pArthiva . 
kR^ipayAbhiparItasya ghora.n yuddhamavartata .. 49..\\
\medskip\hrule\medskip\centerline{\Largedvng 104}
 dhr

tathA tu nardamAna.n taM bhImasenaM mahAbalam . 
meghastanita nirghoSha.n ke vIrAH paryavArayan .. 1..\\
na hi pashyAmyaha.n ta.n vai triShu lokeShu sa~njayam . 
kruddhasya bhimasenasya yastiShThedagrato raNe .. 2..\\
gadAmudyachchhamAnasya kAlasyeva mahAmR^idhe . 
na hi pashyAmyaha.n tAta yastiShTheta raNAjire .. 3..\\
ratha.n rathena yo hanyAtku~njara.n ku~njareNa cha . 
kastasya samare sthAtA sAkShAdapi shatakratuH .. 4..\\
kruddhasya bhImasenasya mama putrA~njighA.nsataH . 
duryodhana hite yuktAH samatiShThanta ke.agrataH .. 5..\\
bhImasena davAgnestu mama putra tR^iNolapam . 
pradhakShyato raNamukhe ke vIrAH pramukhe sthitAH .. 6..\\
kAlyamAnAnhi me putrAnbhImenAvekShya sa.nyuge . 
kAleneva prajAH sarvAH ke bhImaM paryavArayan .. 7..\\
bhIma vahneH pradIptasya mama putrAndidhakShataH . 
ke shUrAH paryavartanta tanmamAchakShva sa~njaya .. 8..\\

 s

tathA tu nardamAna.n taM bhImasenaM mahAratham . 
tumulenaiva shabdena karNo.apyabhyapatadbalI .. 9..\\
vyAkShipanbalavachchApamatimAtramamarShaNaH . 
karNastu yuddhamAkA~NkShandarshayiShyanbalaM balI .. 10..\\
prAvepanniva gAtrANi karNa bhIma samAgame . 
rathinA.n sAdinA.n chaiva tayoH shrutvA talasvanam .. 11..\\
bhImasenasya ninada.n ghora.n shrutvA raNAjire . 
kha.n cha bhUmiM cha sambaddhAM menire kShatriyarShabhAH .. 12..\\
punarghoreNa nAdena pANDavasya mahAtmanaH . 
samare sarvayodhAnA.n dhanUMShyabhyapatankShitau .. 13..\\
vitrastAni cha sarvANi shakR^inmUtraM prasusruvuH . 
vAhanAni mahArAja babhUvurvimanA.nsi cha .. 14..\\
prAdurAsannimittAni ghorANi cha bahUni cha . 
tasmi.nstu tumule rAjanbhImakarNa samAgame .. 15..\\
tataH karNastu viMshatyA sharANAM bhImamArdayat . 
vivyAdha chAsya tvaritaH sUtaM pa~nchabhirAshugaiH .. 16..\\
prahasya bhImasenastu karNaM pratyarpayadraNe . 
sAyakAnA.n chatuHShaShTyA kShiprakArI mahAbalaH .. 17..\\
tasya karNo maheShvAsaH sAyakAMshchaturo.akShipat . 
asamprAptA.nstu tAnbhImaH sAyakairnataparvabhiH . 
chichchheda bahudhA rAjandarshayanpANilAghavam .. 18..\\
ta.n karNashchhAdayAmAsa sharavrAtairanekashaH . 
sa~nchAdyamAnaH karNena bahudhA pANDunandanaH .. 19..\\
chichchheda chApa.n karNasya muShTideshe mahArathaH . 
vivyAdha chainaM bahubhiH sAyakairnataparvabhiH .. 20..\\
athAnyaddhanurAdAya sajya.n kR^itvA cha sUtajaH . 
vivyAdha samare bhImaM bhImakarmA mahArathaH .. 21..\\
tasya bhImo bhR^isha.n kruddastrI~nsharAnnataparvaNaH . 
nichakhAnorasi tadA sUtaputrasya vegitaH .. 22..\\
taiH karNo.abhrAjata sharairuro madhyagataistadA . 
mahIdhara ivodagrastrishR^i~Ngo bharatarShabha .. 23..\\
susrAva chAsya rudhira.n viddhasya parameShubhiH . 
dhAtuprasyandinaH shailAdyathA gairikarAjayaH .. 24..\\
ki.n chidvichalitaH karNaH suprahArAbhipIDitaH . 
sa sAyaka.n dhanuH kR^itvA bhIma.n vivyAdha mAriSha . 
chikShepa cha punarbANA~nshatasho.atha sahasrashaH .. 25..\\
sa chhAdyamAnaH sahasA karNena dR^iDhadhanvinA . 
dhanurjyAmachchhinattUrNamutsmayanpANDunandanaH .. 26..\\
sArathi.n chAsya bhallena prAhiNodyamasAdanam . 
vAhAMshcha chatura.n sa~Nkhye vyasUMshchakre mahArathaH .. 27..\\
hatAshvAttu rathAtkarNaH samAplutya vishAM pate . 
syandana.n vR^iShasenasya samArohanmahArathaH .. 28..\\
nirjitya tu raNe karNaM bhImasenaH pratApavAn . 
nanAda sumahAnAdaM parjanyaninadopamam .. 29..\\
tasya taM ninada.n shrutvA prahR^iShTo.abhUdyudhiShThiraH . 
karNa.n cha nirjitaM matvA bhImasenena bhArata .. 30..\\
samantAchchha~NkhaninadaM pANDusenAkarottadA . 
shatrusenA dhvani.n shrutvA tAvakA hyapi nAnadan . 
gANDIvaM prAkShipatpArthaH kR^iShNo.apyabjamavAdayat .. 31..\\
tamantardhAya ninada.n dhvanirbhImasya nardataH . 
ashrUyata mahArAja sarvasainyeShu bhArata .. 32..\\
tato vyAyachchhatAmastraiH pR^ithakpR^ithagarindamau . 
mR^idupUrva.n cha rAdheyo dR^iDhapUrvaM cha pANDavaH .. 33..\\
\medskip\hrule\medskip\centerline{\Largedvng 105}
 s

tasminvilulite sainye saindhavAyArjune gate . 
sAtvate bhImasene cha putraste droNamabhyayAt . 
tvarannekarathenaiva bahu kR^itya.n vichintayan .. 1..\\
sa rathastava putrasya tvarayA parayA yutaH . 
tUrNamabhyapataddroNaM manomAruta vegavAn .. 2..\\
uvAcha chainaM putraste sa.nrambhAdraktalochanaH . 
arjuno bhImasenashcha sAtyakishchAparAjitaH .. 3..\\
vijitya sarvasainyAni sumahAnti mahArathAH . 
samprAptAH sindhurAjasya samIpamarikarshanAH . 
vyAyachchhanti cha tatrApi sarva evAparAjitAH .. 4..\\
yadi tAvadraNe pArtho vyatikrAnto mahArathaH . 
katha.n sAtyakibhImabhyAM vyatikrAnto.asi mAnada .. 5..\\
AshcharyabhUta.n loke.asminsamudrasyeva shoShaNam . 
nirjaya.n tava viprAgrya sAtvatenArjunena cha .. 6..\\
tathaiva bhImasenena lokaH sa.nvadate bhR^isham . 
katha.n droNo jitaH sa~Nkhye dhanurvedasya pAragaH .. 7..\\
nAsha eva tu me nUnaM mandabhAgyasya sa.nyuge . 
yatra tvAM puruShavyAghramatikrAntAstriyo rathAH .. 8..\\
eva~Ngate tu kR^itye.asminbrUhi yatte vivakShitam . 
yadgata.n gatameveha sheShaM chintaya mAnada .. 9..\\
yatkR^itya.n sindhurAjasya prAptakAlamanantaram . 
tadbravItu bhavAnkShipra.n sAdhu tatsa.nvidhIyatAm .. 10..\\

 drn

chintyaM bahu mahArAja kR^itya.n yattata me shR^iNu . 
trayo hi samatikrAntAH pANDavAnAM mahArathAH . 
yAvadeva bhayaM pashchAttAvadeShAM puraHsaram .. 11..\\
tadgarIyastaraM manye yatra kR^iShNa dhana~njayau . 
sA purastAchcha pashchAchcha gR^ihItA bhAratI chamUH .. 12..\\
tatra kR^ityamahaM manye saindhavasyAbhirakShaNam . 
sa no rakShyatamastAta kruddhAdbhIto dhana~njayAt .. 13..\\
gatau hi saindhava.n vIrau yuyudhAna vR^ikodarau . 
samprApta.n tadidaM dyUta.n yattachchhakuni buddhijam .. 14..\\
na sabhAyA.n jayo vR^itto nApi tatra parAjayaH . 
iha no glahamAnAnAmadya tAta jayAjayau .. 15..\\
yAnsma tAnglahate ghorA~nshakuniH kurusa.nsadi . 
akShAnsaMmanyamAnaH sa prAksharAste durAsadAH .. 16..\\
yatra te bahavastAta kuravaH paryavasthitAH . 
senA.n durodara.n viddhi sharAnakShAnvishAM pate .. 17..\\
glaha.n cha saindhava.n rAjannatra dyUtasya nishchayaH . 
saindhave hi mahAdyUta.n samAsaktaM paraiH saha .. 18..\\
atra sarve mahArAja tyaktvA jIvitamAtmanaH . 
saindhavasya raNe rakShA.n vidhivatkartumarhatha . 
tatra no glahamAnAnA.n dhruvau tAta jayAjayau .. 19..\\
yatra te parameShvAsA yattA rakShanti saindhavam . 
tatra yAhi svaya.n shIghra.n tAMshcha rakShasva rakShiNaH .. 20..\\
ihaiva tvahamAsiShye preShayiShyAmi chAparAn . 
nirotsyAmi cha pA~nchAlAnsahitAnpANDusR^i~njayaiH .. 21..\\
tato duryodhanaH prAyAttUrNamAchArya shAsanAt . 
udyamyAmAnamugrAya karmaNe sapadAnugaH .. 22..\\
chakrarakShau tu pA~nchAlyau yudhAmanyUttamaujasau . 
bAhyena senAmabhyetya jagmatuH savyasAchinam .. 23..\\
tau hi pUrvaM mahArAja vAritau kR^itavarmaNau . 
praviShTe tvarjune rAja.nstava sainya.n yuyutsayA .. 24..\\
tAbhyA.n duryodhanaH sArdhamagachchhadyuddhamuttamam . 
tvaritastvaramANAbhyAM bhrAtR^ibhyAM bhArato balI .. 25..\\
tAvabhidravatAmenamubhAvudyatakArmukau . 
mahArathasamAkhyAtau kShatriya pravarau yudhi .. 26..\\
yudhAmanyustu sa~NkruddhaH sharA.nstriMshatamAyasAn . 
vyasR^ijattava putrasya tvaramANaH stanAntare .. 27..\\
duryodhano.api rAjendra pA~nchAlyasyottamaujasaH . 
jaghAna chaturashchAshvAnubhau cha pArShNisArathI .. 28..\\
UtamaujA hatAshvastu hatasUtashcha sa.nyuge . 
Aruroha rathaM bhrAturyudhAmanyorabhitvaran .. 29..\\
sa rathaM prApya taM bhrAturduryodhana hayA~nsharaiH . 
bahubhistADayAmAsa te hatAH prApatanbhuvi .. 30..\\
hayeShu patiteShvasya chichchheda parameShuNA . 
yudhAmanyurdhanuH shIghra.n sharAvApa.n cha sa.nyuge .. 31..\\
hatAshvasUtAtsa rathAdavaplutya mahArathaH . 
gadAmAdAya te putraH pA~nchAlyAvabhyadhAvata .. 32..\\
tamApatanta.n samprekShya kruddhaM parapura~njayam . 
avaplutau rathopasthAdyudhAmanyUttamaujasau .. 33..\\
tataH sa hemachitra.n ta.n syandanapravaraM gadI . 
gadayA pothayAmAsa sAshvasUta dhvaja.n raNe .. 34..\\
hatvA chaina.n saputraste hatAshvo hatasArathiH . 
madrarAjaratha.n tUrNamAruroha parantapaH .. 35..\\
pA~nchAlAnA.n tu mukhyau tau rAjaputrau mahAbajau . 
rathamanya.n samAruhya dhana~njayamabhIyatuH .. 36..\\
\medskip\hrule\medskip\centerline{\Largedvng 106}
 dhr

yau tau karNashcha bhImashcha samprayuddhau mahAbalau . 
arjunasya rathopAnte kIdR^ishaH so.abhavadraNaH .. 1..\\
pUrva.n hi nirjitaH karNo bhImasenena sa.nyuge . 
kathaM bhUyastu rAdheyo bhImamAgAnmahArathaH .. 2..\\
bhImo vA sUta tanayaM pratyudyAtaH katha.n raNe . 
mahArathasamAkhyAtaM pR^ithivyAM pravara.n ratham .. 3..\\
bhIShmadroNAvatikramya dharmaputro yudhiShThiraH . 
nAnyato bhayamAdatta vinA karNa.n dhanurdharam .. 4..\\
bhayanna shete satata.n chintayanvai mahAratham . 
ta.n katha.n sUtaputraM hi bhImo.ayudhyata sa.nyuge .. 5..\\
brahmaNya.n vIryasampannaM samareShvanivartinam . 
katha.n karNa.n yudhAM shreShTahM bhImo.ayudhyata sa.nyuge .. 6..\\
yau tau samIyaturvIrAvarjunasya rathaM prati . 
kathaM nu tAvayudhyetA.n sUtaputra vR^ikodarau .. 7..\\
bhrAtR^itvadarshitaM pUrva.n ghR^iNI chApi sasUtajaH . 
kathaM bhImena yuyudhe kuntyA vAkyamanusmaran .. 8..\\
bhImo vA sUtaputreNa smaranvairaM purA kR^itam . 
so.ayudhyata katha.n vIraH karNena saha sa.nyuge .. 9..\\
AshAste cha sadA sUtaputro duryodhano mama . 
karNo jeShyati sa~NgrAme sahitAnpANDavAniti .. 10..\\
jayAshA yatra mandasya putrasya mama sa.nyuge . 
sa kathaM bhImakarmANaM bhImasenamayudhyata .. 11..\\
ya.n samAshritya putrairme kR^itaM vairaM mahArathaiH . 
ta.n sUta tanaya.n tAta kathaM bhImo hyayodhayat .. 12..\\
anekAnviprakArAMshcha sUtaputra samudbhavAn . 
smaramANaH kathaM bhImo yuyudhe sUta sUnunA .. 13..\\
yo.ajayatpR^ithivI.n sarvAM rathenaikena vIryavAn . 
ta.n sUta tanayaM yuddhe kathaM bhImo hyayodhayat .. 14..\\
yo jAtaH kuNDalAbhyA.n cha kavachena sahaiva cha . 
ta.n sUtaputraM samare bhImaH kathamayodhayat .. 15..\\
yathA tayoryuddhamabhUdyashchAsIdvijayI tayoH . 
tanmamAchakShva tattvena kushalo hyasi sa~njaya .. 16..\\

 s

bhImasenastu rAdheyamutsR^ijya rathinA.n varam . 
iyeSha gantu.n yatrAstAM vIrau kR^iShNa dhana~njayau .. 17..\\
taM prayAntamabhidrutya rAdheyaH ka~NkapatribhiH . 
abhyavarShanmahArAja megho vR^iShTyeva parvatam .. 18..\\
phullatA pa~Nkajeneva vaktreNAbhyutsmayanbalI . 
AjuhAva raNe yAntaM bhImamAdhirathistadA .. 19..\\
bhImasenastadAhvAna.n karNAnnAmarShayadyudhi . 
ardhamaNDalamAvR^itya sUtaputramayodhayat .. 20..\\
avakragAmibhirbANairabhyavarShanmahAyasaiH . 
dvairathe daMshita.n yattaM sarvashastrabhR^itAM varam .. 21..\\
vidhitsuH kalahasyAnta.n jighA.nsuH karNamakShiNot . 
ta.n cha hatvetarAnsarvAnhantukAmo mahAbalaH .. 22..\\
tasmai prAsR^ijadugrANi vividhAni parantapaH . 
amarShI pANDavaH kruddhaH sharavarShANi mAriSha .. 23..\\
tasya tAnIShu varShANi mattadviradagAminaH . 
sUtaputro.astramAyAbhiragrasatsumahAyashAH .. 24..\\
sa yathA vanmahArAja vidyayA vai supUjitaH . 
AchAryavanmaheShvAsaH karNaH paryacharadraNe .. 25..\\
sa.nrambheNa tu yudhyantaM bhImasena.n smayanniva . 
abhyapadyata rAdheyastamamarShI vR^ikodaram .. 26..\\
tannAmR^iShyata kaunteyaH karNasya smitamAhave . 
yudhyamAneShu vIreShu pashyatsu cha samantataH .. 27..\\
taM bhImasenaH samprApta.n vatsadantaiH stanAntare . 
vivyAdha balavAnkruddhastottrairiva mahAdvipam .. 28..\\
sUta.n tu sUtaputrasya supu~NkhairnishitaiH sharaiH . 
sumuktaishchitravarmANaM nirbibheda trisaptabhiH .. 29..\\
karNo jAmbUnadairjAlaiH sa~nchannAnvAtara.nhasaH . 
vivyAdha turagAnvIraH pa~nchabhiH pa~nchabhiH sharaiH .. 30..\\
tato bANamaya.n jAlaM bhImasenarathaM prati . 
karNena vihita.n rAjannimeShArdhAdadR^ishyata .. 31..\\
sa rathaH sa dhvajastatra sasUtaH pANDavastadA . 
prAchhAdyata mahArAja karNa chApachyutaiH sharaiH .. 32..\\
tasya karNashchatuHShaShTyA vyadhamatkavacha.n dR^iDham . 
kruddhashchApyahanatpArshve nArAchairmarmabhedibhiH .. 33..\\
tato.achintyamahAvegAnkarNa kArmukaniHsR^itAn . 
samAshliShyadasambhrAntaH sUtaputra.n vR^ikodaraH .. 34..\\
sa karNa chApaprabhavAniShUnAshIviShopamAn . 
bibhradbhImo mahArAja na jagAma vyathA.n raNe .. 35..\\
tato dvAtriMshatA bhallairnishitaistigmatejanaiH . 
vivyAdha samare karNaM bhImasenaH pratApavAn .. 36..\\
ayatnenaiva ta.n karNaH sharairupa samAkirat . 
bhImasenaM mahAbAhu.n saindhavasya vadhaiShiNam .. 37..\\
mR^idupUrva.n cha rAdheyo bhImamAjAvayodhayat . 
krodhapUrva.n tathA bhImaH pUrvavairamanusmaran .. 38..\\
taM bhImaseno nAmR^iShyadavamAnamamarShaNaH . 
sa tasmai vyasR^ijattUrNa.n sharavarShamamitrajit .. 39..\\
te sharAH preShitA rAjanbhImasenena sa.nyuge . 
nipetuH sarvato bhImAH kUjanta iva pakShiNaH .. 40..\\
hemapu~NkhA mahArAja bhImasenadhanushchyutAH . 
abhyadrava.nste rAdheya.n vR^ikAH kShudramR^igaM yathA .. 41..\\
karNastu rathinA.n shreShThashchhAdyamAnaH samantataH . 
rAjanvyasR^ijadugrANi sharavarShANi sa.nyuge .. 42..\\
tasya tAnashaniprakhyAniShUnsamarashobhinaH . 
chichchheda bahubhirbhallairasamprAptAnvR^ikodaraH .. 43..\\
punashcha sharavarSheNa chhAdayAmAsa bhArata . 
karNo vaikartano yuddhe bhImasenaM mahAratham .. 44..\\
tatra bhArata bhIma.n tu hR^iShTavantaH sma sAyakaiH . 
samAchita tanu.n sa~Nkhye shvAvidhaM shalilairiva .. 45..\\
hemapu~NkhA~nshilA dautAnkarNa chApachyutA~nsharAn . 
dadhAra samare vIraH svarashmIniva bhAskaraH .. 46..\\
rudhirokShitasarvA~Ngo bhImaseno vyarochata . 
tapanIyanibhaiH puShpaiH palAsha iva kAnane .. 47..\\
tattu bhImo mahArAja karNasya charita.n raNe . 
nAmR^iShyata maheShvAsaH krodhAdudvR^itya chakShuShI .. 48..\\
sa karNaM pa~nchaviMshatyA nArachAnA.n samArpayat . 
mahIdharamiva shveta.n gUDhapAdairviSholbaNaiH .. 49..\\
ta.n vivyAdha punarbhImaH ShaDbhiraShTAbhireva cha . 
marmasvamara vikrAntaH sUtaputraM mahAraNe .. 50..\\
tataH karNasya sa~Nkruddho bhImasenaH pratApavAn . 
chichchheda kArmuka.n tUrNa.n sarvopakaraNAni cha .. 51..\\
jaghAna chaturashchAshvAnsUta.n cha tvaritaH sharaiH . 
nArAchairarkarashmyAbhaiH karNa.n vivyAdha chorasi .. 52..\\
te jagmurdharaNI.n sarve karNaM nirbhidya mAriSha . 
yathA hi jaladaM bhittvA rAjansUryasya rashmayaH .. 53..\\
sa vaikalyaM mahatprApya chhinnadhanvA sharArditaH . 
tathA puruShamAnI sa pratyapAyAdrathAntaram .. 54..\\
\medskip\hrule\medskip\centerline{\Largedvng 107}
 dhr

yasmi~njayAshA satataM putrANAM mama sa~njaya . 
ta.n dR^iShTvA vimukha.n sa~Nkhye kiM nu duryodhano.abravIt . 
karNo vA samare tAta kimakArShIdataH param .. 1..\\

 s

bhImasena.n raNe dR^iShTvA jvalantamiva pAvakam . 
rathamanya.n samAsthAya vidhivatkalpitaM punaH . 
abhyayAtpANDava.n karNo vAtoddhUta ivArNavaH .. 2..\\
kruddhamAdhirathi.n dR^iShTvA putrAstava vishAM pate . 
bhImasenamamanyanta vaivasvatamukhe hutam .. 3..\\
chApashabdaM mahatkR^itvA talashabda.n cha bhairavam . 
abhyavartata rAdheyo bhImasenarathaM prati .. 4..\\
punareva tato rAjanmahAnAsItsudAruNaH . 
vimardaH sUtaputrasya bhImasya cha vishAM pate .. 5..\\
sa.nrabdhau hi mahAbAhU parasparavadhaiShiNau . 
anyonyamIkShA.n chakrAte dahantAviva lochanaiH .. 6..\\
krodharaktekShaNau kruddhau niHshvasantau mahArathau . 
yuddhe.anyonya.n samAsAdya tatakShaturarindamau .. 7..\\
vyAghrAviva susa.nrabdhau shyenAviva cha shIghragau . 
sharabhAviva sa~Nkruddhau yuyudhAte parasparam .. 8..\\
tato bhImaH smarankleshAnakShadyUte vane.api cha . 
virATanagare chaiva prApta.n duHkhamarindamaH .. 9..\\
rAShTrANA.n sphItaratnAnAM haraNa.n cha tavAtmajaiH . 
satata.n cha parikleshAnsaputreNa tvayA kR^itAn .. 10..\\
dagdhumaichchhashcha yatkuntI.n saputrA.n tvamanAgasam . 
kR^iShNAyAshcha pariklesha.n sabhAmadhye durAtmabhiH .. 11..\\
patimanyaM parIpsasva na santi patayastava . 
nakaraM patitAH pArthAH sarve ShaNDhatilopamAH .. 12..\\
samakSha.n tava kauravya yadUchuH kuravastadA . 
dAsI bhogena kR^iShNA.n cha bhoktukAmAH sutAstava .. 13..\\
yachchApi tAnpravrajataH kR^iShNAjinanivAsinaH . 
paruShANyuktavAnkarNaH sabhAyA.n saMnidhau tava .. 14..\\
tR^iNI kR^ityacha yatpArthA.nstava putro vavalga ha . 
viShamasthAnsamastho hi sa.nrambhAdgatachetasaH .. 15..\\
bAlyAtprabhR^iti chArighnastAni duHkhAni chintayan . 
niravidyata dharmAtmA jIvitena vR^ikodaraH .. 16..\\
tato visphArya sumahaddhemapR^iShTha.n durAsadam . 
chApaM bharatashArdUlastyaktAtmA karNamabhyayAt .. 17..\\
sa sAyakamayairjAlairbhImaH karNa rathaM prathi . 
bhAnumadbhiH shilA dhautairbhAnoH prachchhAdayatprabhAm .. 18..\\
tataH prahasyAdhirathistUrNamasya~nshitA~nsharAn . 
vyadhamadbhImasenasya sharajAlAni patribhiH .. 19..\\
mahAratho mahAbAhurmahAvegairmahAbalaH . 
vivyAdhAdhirathirbhImaM navabhirnishitaiH sharaiH .. 20..\\
sa tottrairiva mAta~Ngo vAryamANaH patatribhiH . 
abhyadhAvadasambhrAntaH sUtaputra.n vR^ikodaraH .. 21..\\
tamApatanta.n vegena rabhasaM pANDavarShabham . 
karNaH prayudyayau yoddhuM matto mattamiva dvipam .. 22..\\
tataH pradhmApya jalajaM bherI shataninAditam . 
akShubhyata bala.n harShAddudhUta iva sAgaraH .. 23..\\
taduddhUtaM bala.n dR^iShTva rathanAgAshvapattimat . 
bhImaH karNa.n samAsAdya chhAdayAmAsa sAyakaiH .. 24..\\
ashvAnR^ishya savarNA.nstu ha.nsavarNairhayottamaiH . 
vyAmishrayadraNe karNaH pANDava.n chhAdaya~nsharaiH .. 25..\\
R^ishya varNAnhayAnkarkairmishrAnmArutara.nhasaH . 
nirIkShya tava putrANA.n hAhAkR^itamabhUdbalam .. 26..\\
te hayA bahvashobhanta mishritA vAtara.nhasaH . 
sitAsitA mahArAja yathA vyomni balAhakAH .. 27..\\
sa.nrabdhau krodhatAmrAkShau prekShya karNa vR^ikodarau . 
santrastAH samakampanta tvadIyAnAM mahArathAH .. 28..\\
yama rAShThopama.n ghoramAsIdAyodhanaM tayoH . 
durdarshaM bharatashreShTha pretarAjapura.n yathA .. 29..\\
samAjamiva tachchitraM prekShamANA mahArathAH . 
nAlakShayajjaya.n vyaktamekaikasya nivAraNe .. 30..\\
tayoH praikShanta saMmarda.n saMnikR^iShTamahAstrayoH . 
tava durmantrite rAjansaputrasya vishAM pate .. 31..\\
chhAdayantau hi shatrughnAvanyonya.n sAyakaiH shitaiH . 
sharajAlAvR^ita.n vyoma chakrAte sharavR^iShTibhiH .. 32..\\
tAvanyonya.n jighA.nsantau sharaistIShNairmahArathau . 
prekShaNIyatarAvAstA.n vR^iShTimantAvivAmbudau .. 33..\\
suvarNavikR^itAnbANAnpramu~nchantAvarindamau . 
bhAsvara.n vyoma chakrAte vahnyulkAbhiriva prabho .. 34..\\
tAbhyAM muktA vyakAshanta ka~NkabarhiNa vAsasaH . 
pa~NktyaH sharadi mattAnA.n sArasAnAmivAmbare .. 35..\\
sa.nsakta.n sUtaputreNa dR^iShTvA bhImamarindamam . 
atibhAramamanyetAM bhIme kR^iShNa dhana~njayau .. 36..\\
tatrAdhirathi bhImAbhyA.n sharairmuktairdR^iDhAhatAH . 
iShupAtamatikramya peturashvanaradvipAH .. 37..\\
patadbhiH patitaishchAnyairgatAsubhiranekashaH . 
kR^ito mahAnmahArAja putrANA.n te janakShayaH .. 38..\\
manuShyAshvagajAnA.n cha sharIrairgatajIvitaiH . 
kShaNena bhUmiH sa~njaGYe sa.nvR^itA bharatarShabha .. 39..\\
\medskip\hrule\medskip\centerline{\Largedvng 108}
 dhr

atyadbhutamahaM manye bhImasenasya vikramam . 
yatkarNa.n yodhayAmAsa samare laghuvikramam .. 1..\\
tridashAnapi chodyuktAnsarvashastradharAnyudhi . 
vArayedyo raNe karNaH sa yakShasuramAnavAn .. 2..\\
sa kathaM pANDava.n yuddhe bhrAjamAnamiva shriyA . 
nAtaratsa.nyuge tAtastanmamAchakShva sa~njaya .. 3..\\
katha.n cha yuddhaM bhUyo.abhUttayoH prANadurodare . 
atra manye samAyatto jayo vAjaya eva vA .. 4..\\
karNaM prApya raNe sUta mama putraH suyodhanaH . 
jetumutsahate pArthAnsa govindAnsa sAtvatAn .. 5..\\
shrutvA tu nirjita.n karmamasakR^idbhImakarmaNA . 
bhImasenena samare moha AvishatIva mAm .. 6..\\
vinaShTAnkauravAnmanye mama putrasya durnayaiH . 
na hi karNo maheShvAsAnpArthA~njyeShyati sa~njaya .. 7..\\
kR^itavAnyAni yuddhAni karNaH pANDusutaiH saha . 
sarvatra pANDavAH karNamajayanta raNAjire .. 8..\\
ajayyAH pANDavAstAta devairapi sa vAsavaiH . 
na cha tadbudhyate mandaH putro duryodhano mama .. 9..\\
dhana.n dhaneshvarasyeva hR^itvA pArthasya me sutaH . 
madhu prepsurivAbuddhiH prapAtaM nAvabudhyate .. 10..\\
nikR^ityA nikR^itipraGYo rAjya.n hR^itvA mahAtmanAm . 
jitAnityeva manvAnaH pANDavAnavamanyate .. 11..\\
putrasnehAbhibhUtena mayA chApyakR^itAtmanA . 
dharme sthitA mahAtmAno nikR^itAH pANunandanAH .. 12..\\
shama kAmaH sadA pArtho dIrghaprekShI yudhiShThiraH . 
ashakta iti manvAnaiH putrairmama nirAkR^itaH .. 13..\\
tAni duHkhAnyanekAni viprakArAMshcha sarvashaH . 
hR^idi kR^itvA mahAbAhurbhImo.ayudhyata sUtajam .. 14..\\
tasmAnme sa~njaya brUhi karNa bhImau yathA raNe . 
ayudhyetA.n yudhi shreShThau parasparavadhaiShiNau .. 15..\\

 s

shR^iNu rAjanyathAvR^ittaH sa~NgrAmaH karNa bhImayoH . 
parasparavadha prepsvorvane ku~njarayoriva .. 16..\\
rAjanvaikartano bhIma.n kruddhaH kruddhamarindamam . 
parAkrAntaM parAkramya vivyAdha triMshatA sharaiH .. 17..\\
mahAvegaiH prasannAgraiH shAtakumbhapariShkR^itaiH . 
AhanadbharatashreShTha bhIma.n vaikartanaH sharaiH .. 18..\\
tasyAsyato dhanurbhImashchakarta nishitaistribhIH . 
rathanIDAchcha yantAraM bhallenApAtayatkShitau .. 19..\\
sa kA~NkShanbhImasenasya vadha.n vaikartano vR^iShaH . 
shakti.n kanakavaiDUrya chitradaNDAM parAmR^ishat .. 20..\\
pragR^ihya cha mahAshakti.n kAlashaktimivAparAm . 
samutkShipya cha rAdheyaH sandhAya cha mahAbalaH . 
chikShepa bhImasenAya jIvitAntakarIm iva .. 21..\\
shakti.n visR^ijya rAdheyaH purandara ivAshanim . 
nanAda sumahAnAdaM balavAnsUtanandanaH . 
ta.n cha nAdaM tataH shrutvA putrAste hR^iShitAbhavan .. 22..\\
tA.n karNa bhujanirmuktAmarkavaishvAnara prabhAm . 
shakti.n viyati chichchheda bhImaH saptabhirAshugaiH .. 23..\\
chhittvA shakti.n tato bhImo nirmuktoraga saMnibhAm . 
mArgamANa iva prANAnsUtaputrasya mAriSha .. 24..\\
prAhiNonnava sa.nrabdhaH sharAnbarhiNavAsasaH . 
svarNapu~NkhA~nshilA dhautAnyamadaNDopamAnmR^idhe .. 25..\\
karNo.apyanyaddhanurgR^ihya hemapR^iShTha.n durAsadam . 
vikR^iShya cha mahAtejA vyasR^ijatsAyakAnnava .. 26..\\
tAnpANDuputrashchichchheda navabhirnataparvabhiH . 
vasu SheNena nirmuktAnnava rAjanmahAsharAn . 
chhittvA bhImo mahArAja nAda.n si.nha ivAnadat .. 27..\\
tau vR^iShAviva nardantau balinau vAshitAntare . 
shArdUlAviva chAnyonyamatyartha.n cha hyagarjatAm .. 28..\\
anyonyaM prajihIrShantAvanyonyasyAntaraiShiNau . 
anyonyamabhivIkShantau goShTheShviva maharShabhau .. 29..\\
mahAgajAvivAsAdya viShANAgraiH parasparam . 
sharaiH pUrNAyatotsR^iShTairanyonyamabhijaghnatuH .. 30..\\
nirdahantau mahArAja sharavR^iShTyA parasparam . 
anyonyamabhivIkShantau kopAdvivR^italochanau .. 31..\\
prahasantau tathAnyonyaM bhartsayantau muhurmuhuH . 
sha~Nkhashabda.n cha kurvANau yuyudhAte parasparam .. 32..\\
tasya bhImaH punashchApaM muShTau chichchheda mAriSha . 
sha~NkhavarNAshcha tAnashvAnbANairninye yamakShayam .. 33..\\
tathA kR^ichchhragata.n dR^iShTvA karNaM duryodhano nR^ipaH . 
vepamAna iva krodhAdvyAdideshAtha durjayam .. 34..\\
gachchha durjaya rAdheyaM purA grasati pANDavaH . 
jahi tUbaraka.n kShipraM karNasya balamAdadhat .. 35..\\
evamuktastathetyuktvA tava putrastavAtmajam . 
abhyadravadbhImasena.n vyAsaktaM vikira~nsharAn .. 36..\\
sa bhImaM navabhirbANairashvAnaShTabhirardayat . 
ShaDbhiH sUta.n tribhiH ketuM punastaM chApi saptabhiH .. 37..\\
bhImaseno.api sa~NkruddhaH sAshvayantAramAshugaiH . 
durjayaM bhinnamarmANamanayadyamasAdanam .. 38..\\
svala~NkR^ita.n kShitau kShuNNaM cheShTamAna.n yathoragam . 
rudannArtastava suta.n karNashchakre pradakShiNam .. 39..\\
sa tu ta.n viratha.n kR^itvA smayannatyantavairiNam . 
samAchinodbANagaNaiH shataghnImiva sha~NkubhiH .. 40..\\
tathApyatirathaH karNo bhidyamAnaH sma sAyakaiH . 
na jahau samare bhIma.n druddha rUpaM parantapaH .. 41..\\
\medskip\hrule\medskip\centerline{\Largedvng 109}
 s

sa tathA virathaH karNaH punarbhImena nirjitaH . 
rathamanya.n samAsthAya sadyo vivyAdha pANDavam .. 1..\\
mahAgajAvivAsAdya viShANAgraiH parasparam . 
sharaiH pUrNAyatotShR^iShTairanyonyamabhijaghnatuH .. 2..\\
atha karNaH sharavrAtairbhImaM balavadardayat . 
nanAda balavannAdaM punarvivyAdha chorasi .. 3..\\
taM bhImo dashabhirbANaiH pratyavidhyadajihmagaiH . 
punarvivyAdha viMshatyA sharANAM nataparvaNAm .. 4..\\
karNastu navabhirbhIma.n viddhvA rAjanstanAntare . 
dhvajamekena vivyAdha sAyakena shitena ha .. 5..\\
sAyakAnA.n tataH pArthastriShaShTyA pratyavidhyata . 
tottrairiva mahAnAga.n kashAbhiriva vAjinam .. 6..\\
so.atividdho mahArAja pANDavena yashasvinA . 
sR^ikkiNI lelihanvIraH krodhasa.nraktalochanaH .. 7..\\
tataH sharaM mahArAja sarvakAyAvadhAraNam . 
prAhiNodbhImasenAya balAyendra ivAshanim .. 8..\\
sa nirbhidya raNe pArtha.n sUtaputra dhanushchyutaH . 
agachchhaddArayanbhUmi.n chitrapu~NkhaH shilImukhaH .. 9..\\
sarvashaikyA.n chatuShkiShkuM gurvI.n rukmA~NgadAM gadAm . 
prAhiNotsUtaputrAya ShaDastrAmavichArayan .. 10..\\
tayA jaghAnAdhiratheH sadashvAnsAdhu vAhinaH . 
gadayA bhArataH kruddho vajreNendra ivAsurAn .. 11..\\
tato bhImo mahAbAhuH kShurAbhyAM bharatarShabha . 
dhvajamAdhiratheshchhittvA sUtamabhyahanattadA .. 12..\\
hatAshvasUtamutsR^ijya ratha.n sa patitadhvajam . 
visphArayandhanuH karNastasthau bhArata durmanAH .. 13..\\
tatrAdbhutamapashyAma rAdheyasya parAkramam . 
viratho rathinA.n shreShTho vArayAmAsa yadripum .. 14..\\
viratha.n ta.n rathashreShThaM dR^iShTvAdhirathimAhave . 
duryodhanastato rAjannabhyabhAShata durmukham .. 15..\\
eSha durmukha rAdheyo bhImena virathI kR^itaH . 
ta.n rathena narashreShThaM sampAdaya mahAratham .. 16..\\
duryodhana vachaH shrutvA tato bhArata durmukhaH . 
tvaramANo.abyayAtkarNaM bhIma.n chAvArayachchharaiH .. 17..\\
durmukhaM prekShya sa~NgrAme sUtaputra padAnugam . 
vAyuputraH prahR^iShTo.abhUtsR^ikkiNI parilelihan .. 18..\\
tataH karNaM mahArAja vArayitvA shilImukhaiH . 
durmukhAya ratha.n shIghraM preShayAmAsa pANDavaH .. 19..\\
tasminkShaNe mahArAja navabhirnataparvabhiH . 
supu~NkhairdurmukhaM bhImaH sharairninye yamakShayam .. 20..\\
tatastamevAdhirathiH syandana.n durmukhe hate . 
AsthitaH prababhau rAjandIpyamAna ivAMshumAn .. 21..\\
shayAnaM bhinnamarmANa.n durmukha.n shoNitokShitam . 
dR^iShTvA karNo.ashrupUrNAkSho muhUrtaM nAbhyavartata .. 22..\\
ta.n gatAsumatikramya kR^itvA karNaH pradakShiNam . 
dIrghamuShNa.n shvasanvIro na ki.n chitpratyapadyata .. 23..\\
tasmi.nstu vivare rAjannArAchAngArdhravAsasaH . 
prAhiNotsUtaputrAya bhImasenashchaturdasha .. 24..\\
te tasya kavachaM bhittvA svarNapu~NkhA mahaujasaH . 
hemachitrA mahArAja dyotayanto disho dasha .. 25..\\
apibansUtaputrasya shoNita.n raktabhojanAH . 
kruddhA iva manuShyendra bhujagAH kAlachoditAH .. 26..\\
prasarpamANA medinyA.n te vyarochanta mArgaNAH . 
ardhapraviShTAH sa.nrabdhA bilAnIva mahoragAH .. 27..\\
taM pratyavidhyadrAdheyo jAmbUnadavibhUShitaiH . 
chaturdashabhiratyugrairnArAchairavichArayan .. 28..\\
te bhImasenasya bhuja.n savyaM nirbhidya patriNaH . 
prAvishanmedinIM bhImAH krau~nchaM patrarathA iva .. 29..\\
te vyarochanta nArAchAH pravishanto vasundharAm . 
gachchhatyasta.n dinakare dIpyamAnA ivAMshavaH .. 30..\\
sa nirbhinno raNe bhImo nArAchairmarmabhedibhiH . 
susrAva rudhiraM bhUri parvataH salila.n yathA .. 31..\\
sa bhImastribhirAyastaH sUtaputraM patatribhiH . 
suparNavegairvivyAdha sArathi.n chAsya saptabhiH .. 32..\\
sa vihvalo mahArAja karNo bhImabalArditaH . 
prAdravajjavanairashvai raNa.n hitvA mahAyashAH .. 33..\\
bhImasenastu visphArya chApa.n hemapariShkR^itam . 
Ahave.atiratho.atiShThajjvalanniva hutAshanaH .. 34..\\
\medskip\hrule\medskip\centerline{\Largedvng 110}
 dhr

daivameva paraM manye dhikpauruShamanarthakam . 
yatrAdhirathirAyasto nAtaratpANDava.n raNe .. 1..\\
karNaH pArthAnsa govindA~njetumutsahate raNe . 
na cha karNa sama.n yodhaM loke pashyAmi ka.n chana . 
iti duryodhanasyAhamashrauSha.n jalpato muhuH .. 2..\\
karNo hi balavA~nshUro dR^iDhadhanvA jitaklamaH . 
iti mAmabravItsUta mando duryodhanaH purA .. 3..\\
vasu SheNa sahAyaM mAM nAla.n devApi sa.nyuge . 
kimu pANDusutA rAjangatasattvA vichetasaH .. 4..\\
tatra taM nirjita.n dR^iShTvA bhuja~Ngamiva nirviSham . 
yuddhAtkarNamapakrAnta.n ki.n svidduryodhano.abravIt .. 5..\\
aho durmukhamevaika.n yuddhAnAmavishAradam . 
prAveshayadyuddhavahaM pata~Ngamiva mohitaH .. 6..\\
ashvatthAmA madrarAjaH kR^ipaH karNashcha sa~NgatAH . 
na shaktAH pramukhe sthAtuM nUnaM bhImasya sa~njaya .. 7..\\
te.api chAsya mahAghoraM balaM nAgAyutopamam . 
jAnanto vyavasAya.n cha krUraM mAruta tejasaH .. 8..\\
kimartha.n krUrakarmANa.n yama kAlAntakopamam . 
balasa.nrambha vIryaGYAH kopayiShyanti sa.nyuge .. 9..\\
karNastveko mahAbAhuH svabAhubalamAshritaH . 
bhImasenamanAdR^itya raNe.ayudhyata sUtajaH .. 10..\\
yo.ajayatsamare karNaM purandara ivAsuram . 
na sa pANDusuto jetu.n shakyaH kena chidAhave .. 11..\\
droNa.n yaH sampramathyaikaH praviShTo mama vAhinIm . 
bhImo dhana~njayAnveShI kastamarchhejjijIviShuH .. 12..\\
ko hi sa~njaya bhImasya sthAtumutsahate.agrataH . 
udyatAshani vajrasya mahendrasyeva dAnavaH .. 13..\\
pretarAjapuraM prApya nivartetApi mAnavaH . 
na bhImasena.n samprApya nivarteta kadA chana .. 14..\\
pata~NgA iva vahni.n te prAvishannalpachetasaH . 
ye bhImasena.n sa~NkruddhamabhyadhAvanvimohitAH .. 15..\\
yattatsabhAyAM bhImena mama putravadhAshrayam . 
shapta sa.nrambhiNogreNa kurUNA.n shR^iNvatA.n tadA .. 16..\\
tannUnamabhisa~ncintya dR^iShTvA karNa.n cha nirjitam . 
duHshAsanaH saha bhrAtrA bhayAdbhImAdupAramat .. 17..\\
yashcha sa~njaya durbuddhirabravItsamitau muhuH . 
karNo duHshAsano.aha.n cha jeShyAmo yudhi pANDavAn .. 18..\\
sa nUna.n viratha.n dR^iShTvA karNaM bhImena nirjitam . 
pratyAkhyAnAchcha kR^iShNasya bhR^isha.n tapyati sa~njaya .. 19..\\
dR^iShTvA bhrAtR^InhatAnyuddhe bhImasenena daMshitAn . 
AtmAparAdhAtsumahannUna.n tapyati putrakaH .. 20..\\
ko hi jIvitamanvichchhanpratIpaM pANDava.n vrajet . 
bhImaM bhImAyudha.n kruddha.n sAkShAtkAlamiva sthitam .. 21..\\
vaDavAmukhamadhyastho muchyetApi hi mAnavaH . 
na bhIma mukhasamprApto muchyeteti matirmama .. 22..\\
na pANDavA na pA~nchAlA na cha keshava sAtyakI . 
jAnanti yudhi sa.nrabdhA jIvitaM parirakShitum .. 23..\\

 s

yatsaMshochasi kauravya vartamAne janakShaye . 
tvamasya jagato mUla.n vinAshasya na saMshayaH .. 24..\\
svaya.n vairaM mahatkR^itvA putrANAM vachane sthitaH . 
uchyamAno na gR^ihNIShe martyaH pathyamivauShadham .. 25..\\
svayaM pItvA mahArAja kAlakUTa.n sudurjaram . 
tasyedAnIM phala.n kR^itsnamavApnuhi narottama .. 26..\\
yattu kutsayase yodhAnyudhyamAnAnyathAbalam . 
atra te varNayiShyAmi yathA yuddhamavartata .. 27..\\
dR^iShTvA karNa.n tu putrAste bhImasena parAjitam . 
nAmR^iShyanta maheShvAsAH sodaryAH pa~ncha mAriSha .. 28..\\
durmarShaNo duHsahashcha durmado durdharo jayaH . 
pANDava.n chitrasaMnAhAstaM pratIpamupAdravan .. 29..\\
te samantAnmahAbAhuM parivArya vR^ikodaram . 
dishaH sharaiH samAvR^iNva~nshalabhAnAmiva vrajaiH .. 30..\\
AgachchhatastAnsahasA kumArAndevarUpiNaH . 
pratijagrAha samare bhImaseno hasanniva .. 31..\\
tava dR^iShTvA tu tanayAnbhImasena samIpagAn . 
abhyavartata rAdheyo bhImasenaM mahAbalam .. 32..\\
visR^ijanvishikhAnrAjansvarNapu~NkhA~nshilAshitAn . 
ta.n tu bhImo.abhyayAttUrNa.n vAryamANaH sutaistava .. 33..\\
kuravastu tataH karNaM parivArya samantataH . 
avAkiranbhImasena.n sharaiH saMnataparvabhiH .. 34..\\
tAnbANaiH pa~nchaviMshatyA sAshvAnrAjannararShabhAn . 
sa sutAnbhIma dhanuSho bhImo ninye yamakShayam .. 35..\\
prApatansyandanebhyaste sArdha.n sUtairgatAsavaH . 
chitrapuShpadharA bhagnA vAteneva mahAdrumAH .. 36..\\
tatrAdbhutamapashyAma bhImasenasya vikramam . 
sa.nvAryAdhirathiM bANairyajjaghAna tavAtmajAn .. 37..\\
sa vAryamANo bhImena shitairbANaiH samantataH . 
sUtaputro mahArAja bhImasenamavaikShata .. 38..\\
taM bhImasenaH sa.nrambhAtkrodhasa.nraktalochanaH . 
visphArya sumahachchApaM muhuH karNamavaikShata .. 39..\\
\medskip\hrule\medskip\centerline{\Largedvng 111}
 s

tavAtmajA.nstu patitAndR^iShTvA karNaH pratApavAn . 
krodhena mahatAviShTo nirviNNo.abhUtsa jIvitAt .. 1..\\
AgaH kR^itamivAtmAnaM mene chAdhirathistadA . 
bhImasena.n tataH kruddhaH samAdravata sambhramAt .. 2..\\
sa bhImaM pa~nchabhirviddhvA rAdheyaH prahasanniva . 
punarvivyAdha saptatyA svarNapu~NkhaiH shilAshitaiH .. 3..\\
avahAsa.n tu taM pArtho nAmR^iShyata vR^ikodaraH . 
tato vivyAdha rAdheya.n shatena nataparvaNAm .. 4..\\
punashcha vishikhaistIkShNairviddhvA pa~nchabhirAshugaiH . 
dhanushchichchheda bhallena sUtaputrasya mAriSha .. 5..\\
athAnyaddhanurAdAya karNo bhArata durmanAH . 
iShubhishchhAdayAmAsa bhImasena.n samantataH .. 6..\\
tasya bhImo hayAnhatvA vinihatya cha sArathim . 
prajahAsa mahAhAsa.n kR^ite pratikR^itaM punaH .. 7..\\
iShubhiH kArmuka.n chAsya chakarta puruSharShabhaH . 
tatpapAta mahArAja svarNapR^iShThaM mahAsvanam .. 8..\\
avArohadrathAttasmAdatha karNo mahArathaH . 
gadA.n gR^ihItvA samare bhImasenAya chAkShipat .. 9..\\
tAmApatantI.n sahasA gadA.n dR^iShTvA vR^ikodaraH . 
sharairavArayadrAjansarvasainyasya pashyataH .. 10..\\
tato bANasahasrANi preShayAmAsa pANDavaH . 
sUtaputra vadhAkA~NkShI tvaramANaH parAkramI .. 11..\\
tAniShUniShubhiH karNo vArayitvA mahAmR^idhe . 
kavachaM bhImasenasya pAtayAmAsa sAyakaiH .. 12..\\
athainaM pa~nchaviMshatyA kShudrakANA.n samArpayat . 
pashyatA.n sarvabhUtAnA.n tadadbhutamivAbhavat .. 13..\\
tato bhImo mahArAja navabhirnataparvaNAm . 
raNe.apreShayata kruddhaH sUtaputrasya mAriSha .. 14..\\
te tasya kavachaM bhittvA tathA bAhu.n cha dakShiNam . 
abhyagurdharaNI.n tIkShNA valmIkamiva pannagAH .. 15..\\
rAdheya.n tu raNe dR^iShTvA padAtinamavasthitam . 
bhImasenena sa.nrabdha.n rAjA duryodhano.abravIt . 
tvaradhva.n sarvato yattA rAdheyasya rathaM prati .. 16..\\
tatastava sutA rAja~nshrutvA bhrAturvacho drutam . 
abhyayuH pANDava.n yuddhe visR^ijantaH shitA~nsharAn .. 17..\\
chitropachitrashchitrAkShashchAru chitraH sharAsanaH . 
chitrAyudhashchitravarmA samare chitrayodhinaH .. 18..\\
AgachchhatastAnsahasA bhImo rAjanmahArathaH . 
sAshvasUta dhvajAnyattAnpAtayAmAsa sa.nyuge . 
te hatA nyapatanbhUmau vAtanunnA iva drumAH .. 19..\\
dR^iShTvA vinihatAnputrA.nstava rAjanmahArathAn . 
ashrupUrNamukhaH karNaH kashmala.n samapadyata .. 20..\\
rathamanya.n samAsthAya vidhivatkalpitaM punaH . 
abhyayAtpANDava.n yuddhe tvaramANaH parAkramI .. 21..\\
tAvanyonya.n sharairviddhvA svarNapu~NkhaiH shilAshitaiH . 
vyabhrAjetAM mahArAja puShpitAviva kiMshukau .. 22..\\
ShaTtriMshadbhistato bhallairnishitaistigmatejanaiH . 
vyadhamatkavacha.n kruddhaH sUtaputrasya pANDavaH .. 23..\\
raktachandana digdhA~Ngau sharaiH kR^itamahAvraNau . 
shoNitAktau vyarAjetA.n kAlasUryAvivoditau .. 24..\\
tau shoNitokShitairgAtraiH sharaish chhinnatanuchchhadau . 
vivarmANau vyarAjetAM nirmuktAviva pannagau .. 25..\\
vyAghrAviva naravyAghrau daMShTrAbhiritaretaram . 
sharadaMShTrA vidhunvAnau tatakShaturarindamau .. 26..\\
vAraNAviva sa.nsaktau ra~Ngamadhye virejatuH . 
tudantau vishikhaistIkShNairmattavAraNavikramau .. 27..\\
prachchhAdayantau samare shala jAlaiH parasparam . 
rathAbhyAM nAdayantau cha dishaH sarvA vicheratuH .. 28..\\
tau rathAbhyAM mahArAja maNDalAvartanAdiShu . 
vyarochetAM mahAtmAnau vR^itra vajradharAviva .. 29..\\
sa hastAbharaNAbhyA.n tu bhujAbhyA.n vikShipandhanuH . 
vyarochata raNe bhImaH sa vidyudiva toyadaH .. 30..\\
sa chApaghoShastanitaH sharadhArAmbudo mahAn . 
bhIma megho mahArAja karNa parvatamabhyayAt .. 31..\\
tataH sharasahasreNa dhanurmuktena bhArata . 
pANDavo vyakiratkarNa.n ghano.adrimiva vR^iShTibhiH .. 32..\\
tatrAvaikShanta putrAste bhImasenasya vikramam . 
supu~NkhaiH ka~NkavAsobhiryatkarNa.n chhAdayachchharaiH .. 33..\\
sa nandayanraNe pArtha.n keshavaM cha yashasvinam . 
sAtyaki.n chakrarakShau cha bhImaH karNamayodhayat .. 34..\\
vikramaM bhujayorvIrya.n dhairyaM cha viditAtmanaH . 
putrAstava mahArAja dadR^ishuH pANDavasya ha .. 35..\\
\medskip\hrule\medskip\centerline{\Largedvng 112}
 s

bhImasenasya rAdheyaH shrutvA jyAtalanisvanam . 
nAmR^iShyata yathAmatto gajaH pratigaja svanam .. 1..\\
apakramya sa bhImasya muhUrta.n sharagocharAt . 
tava chAdhirathirdR^iShTvA syandanebhyashchyutAnsutAn .. 2..\\
bhImasenena nihatAnvimanA duHkhito.abhavat . 
niHshvasna dIrghamuShNa.n cha punaH pANDavamabhyayAt .. 3..\\
sa tAmranayanaH krodhAchchhvasanniva mahoragaH . 
babhau karNaH sharAnasyanrashmivAniva bhAskaraH .. 4..\\
rashmijAlairivArkasya vitatairbharatarShabhaH . 
karNa chApachyutairbANaiH prAchchhAdyata vR^ikodaraH .. 5..\\
karNa chApachyutAshchitrAH sharA barhiNavAsasaH . 
vivishuH sarvataH pArtha.n vAsAyevANDajA drumam .. 6..\\
karNa chApachyutA bANAH sampatantastatastataH . 
rukmapu~NkhA vyarAjanta ha.nsAH shreNI kR^itA iva .. 7..\\
chApadhvajopaskarebhyashchhatrAdIShA mukhAdyugAt . 
prabhavanto vyadR^ishyanta rAjannAdhiratheH sharAH .. 8..\\
khaM pUrayanmahAvegAnkhagamAnkhaga vAsasaH . 
suvarNavikR^itAMshchitrAnmumochAdhirathiH sharAn .. 9..\\
tamantakamivAyastamApatanta.n vR^ikodaraH . 
tyaktvA prANAnabhikrudhya vivyAdha navabhiH sharaiH .. 10..\\
tasya vegamasa.nsahya.n dR^iShTvA karNasya pANDavaH . 
mahatashcha sharaughA.nstAnnaivAvyathata vIryavAn .. 11..\\
tato vidhamyAdhiratheH sharajAlAni pANDavaH . 
vivyAdha karNa.n viMshatyA punaranyaiH shitaiH sharaiH .. 12..\\
yathaiva hi sharaiH pArthaH sUtaputreNa chhAditaH . 
tathaiva karNa.n samare chhAdayAmAsa pANDavaH .. 13..\\
dR^iShTvA tu bhImasenasya vikrama.n yudhi bhArata . 
abhyananda.nstadIyAshcha samprahR^iShTAshcha chAraNAH .. 14..\\
bhUrishravAH kR^ipo drauNirmadrarAjo jayadrathaH . 
uttamaujA yudhAmanyuH sAtyakiH keshavArjunau .. 15..\\
kurupANDavAnAM pravarA dasha rAjanmahArathAH . 
sAdhu sAdhviti vegena si.nhanAdamathAnadan .. 16..\\
tasmi.nstu tumule shabde pravR^itte lomaharShaNe . 
abhyabhAShata putrA.nste rAjanduryodhanastvaran .. 17..\\
rAGYashcha rAjaputrAMshcha sodaryAMshcha visheShataH . 
karNa.n gachchhata bhadra.n vaH parIpsanto vR^ikodarAt .. 18..\\
purA nighnanti rAdheyaM bhImachApachyutAH sharAH . 
te yatadhvaM maheShvAsAH sUtaputrasya rakShaNe .. 19..\\
duryodhana samAdiShTAH sodaryAH sapta mAriShaH . 
bhImasenamabhidrutya sa.nrabdhAH paryavArayan .. 20..\\
te samAsAdya kaunteyamAvR^iNva~nsharavR^iShTibhiH . 
parvata.n vAridhArAbhiH prAvR^iShIva balAhakAH .. 21..\\
te.apIDayanbhImasena.n kruddhAH sapta mahArathAH . 
prajAsa.nharaNe rAjansoma.n sapta grahA iva .. 22..\\
tato vAmena kauneyaH pIDayitvA sharAsanam . 
muShTinA pANDavo rAjandR^iDhena supariShkR^itam .. 23..\\
manuShyasamatA.n GYAtvA sapta sandhAya sAyakAn . 
tebhyo vyasR^ijadAyastaH sUryarashmi nibhAnprabhuH .. 24..\\
nirasyanniva dehebhyastanayAnAmasU.nstava . 
bhImaseno mahArAja pUrvavairamanusmaran .. 25..\\
te kShiptA bhImasenena sharA bhArata bhAratAn . 
vidArya kha.n samutpetuH svarNapu~NkhAH shilAshitAH .. 26..\\
teShA.n vidArya chetA.nsi sharA hemavibhUShitAH . 
vyarAjanta mahArAja suparNA iva khecharAH .. 27..\\
shoNitAdigdha vAjAgrAH sapta hemapariShkR^itAH . 
putrANA.n tava rAjendra pItvA shoNitamudgatAH .. 28..\\
te sharairbhinnamarmANo rathebhyaH prApatankShitau . 
girisAnu ruhA bhagnA dvipeneva mahAdrumAH .. 29..\\
shatru~njayaH shatrusahashchitrashchitrAyudho dR^iDhaH . 
chitraseno vikarNashcha saptaite vinipAtitAH .. 30..\\
tAnnihatya mahAbAhU rAdheyasyaiva pashyataH . 
si.nhanAda rava.n ghoramasR^ijatpANDunandanaH .. 31..\\
sa ravastasya shUrasya dharmarAjasya bhArata . 
AchakhyAviva tadyuddha.n vijaya.n chAtmano mahat .. 32..\\
ta.n shrutvA sumahAnAdaM bhImasenasya dhanvinaH . 
babhUva paramA prItirdharmarAjasya sa.nyuge .. 33..\\
tato hR^iShTo mahArAja vAditrANAM mahAsvanaiH . 
bhImasenaravaM pArthaH pratijagrAha sarvashaH .. 34..\\
abhyayAchchaiva samare droNamastrabhR^itA.n varam . 
harSheNa mahatA yuktaH kR^itasa~nj~ne vR^ikodare .. 35..\\
ekatriMshanmahArAja putrA.nstava mahArathAn . 
hatAnduryodhano dR^iShTvA kShattuH sasmAra tadvachaH .. 36..\\
tadida.n samanuprApta.n kShatturhitakaraM vachaH . 
iti sa~ncintya rAjAsau nottaraM pratyapadyata .. 37..\\
yaddyUtakAle durbuddhirabravIttanayastava . 
yachcha karNo.abravItkR^iShNA.n sabhAyAM paruShaM vachaH .. 38..\\
pramukhe pANDuputrANA.n tava chaiva vishAM pate . 
kauravANA.n cha sarveShAmAchAryasya cha saMnidhau .. 39..\\
vinaShTAH pANDavAH kR^iShNe shAshvataM naraka.n gatAH . 
patimanya.n vR^iNIShveti tasyedaM phalamAgatam .. 40..\\
yaH sma tAM pauruShANyAhuH sabhAmAnAyya draupadIm . 
pANDavAnugradhanuShaH krodhayantastavAtmajAH .. 41..\\
taM bhImasenaH krodhAgni.n trayodasha samAH sthitam . 
visR^ija.nstava putrANAmanta.n gachchhati kaurava .. 42..\\
vilapaMshcha bahu kShattA shamaM nAlabhata tvayi . 
saputro bharatashreShTha tasya bhu~NkShva phalodayam . 
ito vikarNo rAjendra chitrasenashcha vIryavAn .. 43..\\
pravarAnAtmajAnA.n te sutAMshchAnyAnmahArathAn . 
yAnyAMshcha dadR^ishe bhImashchakShurviShayamAgatAn . 
putrA.nstava mahAbAho tvarayA tA~njaghAna ha .. 44..\\
tvatkR^ite hyahamadrAkSha.n dahyamAnA.n varUthinIm . 
sahasrashaH sharairmuktaiH pANDavena vR^iSheNa cha .. 45..\\
\medskip\hrule\medskip\centerline{\Largedvng 113}
 dhr

mahAnapanayaH sUta mamaivAtra visheShataH . 
sa idAnImanuprApto manye sa~njaya shochataH .. 1..\\
yadgata.n tadgatamiti mamAsInmanasi sthitam . 
idAnImatra ki.n kAryaM prakariShyAmi sa~njaya .. 2..\\
yathA tveSha kShayo vR^itto mamApanaya sambhavaH . 
vIrANA.n tanmamAchakShva sthirI bhUto.asmi sa~njaya .. 3..\\

 s

karNa bhImau mahArAja parAkrAntau mahAhave . 
bANavarShANyavarShetA.n vR^iShTimantAvivAmbudau .. 4..\\
bhIma nAmA~NkitA bANAH svarNapu~NkhAH shilAshitAH . 
vivishuH karNamAsAdya bhindanta iva jIvitam .. 5..\\
tathaiva karNa nirmuktaiH sa viShairiva pannagaiH . 
akIryata raNe bhImaH shatasho.atha sahasrashaH .. 6..\\
tayoH sharairmahArAja sampatadbhiH samantataH . 
babhUva tava sainyAnA.n sa~NkShobhaH sAgaropamaH .. 7..\\
bhImachApachyutairbANaistava sainyamarindama . 
avadhyata chamUmadhye ghorairAshIviShopamaiH .. 8..\\
vAraNaiH patitai rAjanvAjibhishcha naraiH saha . 
adR^ishyata mahI kIrNA vAtanunnairdrumairiva .. 9..\\
te vadhyamAnAH samare bhImachApachyutaiH sharaiH . 
drAdrava.nstAvakA yodhAH kimetaditi chAbruvan .. 10..\\
tato vyudasta.n tatsainya.n sindhusauvIrakauravam . 
protsAritaM mahAvegaiH karNa pANDavayoH sharaiH .. 11..\\
te sharAtura bhUyiShThA hatAshvanaravAhanAH . 
utsR^ijya karNaM bhIma.n cha prAdravansarvatodisham .. 12..\\
nUnaM pArthArthamevAsmAnmohayanti divaukasaH . 
yatkarNa bhIma prabhavairvadhyate no bala.n sharaiH .. 13..\\
evaM bruvanto yodhAste tAvakA bhayapIDitAH . 
sharapAta.n samutsR^ijya sthitA yuddhadidR^ikShavaH .. 14..\\
tataH prAvartata nadI ghorarUpA mahAhave . 
babhUva cha visheSheNa bhIrUNAM bhayavardhinI .. 15..\\
vAraNAshvamanuShyANA.n rudhiraughasamudbhavA . 
sa.nvR^itA gatasattvaishcha manuShyagajavAjibhiH .. 16..\\
sAnukarSha patAkaishcha dvipAshvarathabhUShaNaiH . 
syandanairapaviddhaishcha bhagnachakrAkSha kUbaraiH .. 17..\\
jAtarUpapariShkArairdhanurbhiH sumahAdhanaiH . 
suvarNapu~NkhairiShubhirnArAchaishcha sahasrashaH .. 18..\\
karNa pANDava nirmuktairnirmuktairiva pannagaiH . 
prAsatomara sa~NghAtaiH khaDgaishcha saparashvadhaiH .. 19..\\
suvarNavikR^itaishchApi gadAmusalapaTTishaiH . 
vajraishcha vividhAkAraiH shaktibhiH parighairapi . 
shataghnIbhishcha chitrAbhirbabhau bhArata medinI .. 20..\\
kanakA~Ngada keyUraiH kuNDalairmaNibhiH shubhaiH . 
tanutraiH sa taratraishcha hArairniShkaishcha bhArata .. 21..\\
vastraishchhatraishcha vidhvastaishchAmarA vyajanairapi . 
jagAshvamaunajirbhinnaiH shastraiH syandanabhUShaNaiH .. 22..\\
taistaishcha vividhairbhAvaistatra tatra vasundharA . 
patitairapaviddhaishcha sambabhau dyauriva grahaiH .. 23..\\
achintyamadbhuta.n chaiva tayoH karmAtimAnuSham . 
dR^iShTvA chAraNasiddhAnA.n vismayaH samapadyata .. 24..\\
agnervAyusahAyasya gatiH kakSha ivAhave . 
AsIdbhIma sahAyasya raudramAdhirathergatam . 
nipAtitadhvajaratha.n hatavAji naradvipam .. 25..\\
gajAbhyA.n samprayuktAbhyAmAsInnaDavanaM yathA . 
tathA bhUtaM mahatsainyamAsIdbhArata sa.nyuge . 
vimardaH karNa bhImAbhyAmAsIchcha paramo raNe .. 26..\\
\medskip\hrule\medskip\centerline{\Largedvng 114}
 s

tataH karNo mahArAja bhIma.n viddhvA tribhiH sharaiH . 
mumocha sharavarShANi chitrANi cha bahUni cha .. 1..\\
vadhyamAno mahArAja sUtaputreNa pANDavaH . 
na vivyathe bhImaseno bhidyamAna ivAchalaH .. 2..\\
sa karNa.n karNinA karNe pItena nishitena cha . 
vivyAdha yudhi rAjendra bhImasenaH patatriNA .. 3..\\
sakuNDalaM maha tkarNAtkarNasyApAtayadbhuvi . 
tapanIyaM mahArAja dIpta.n jyotirivAmbarAt .. 4..\\
athApareNa bhallena sUtaputra.n stanAntare . 
AjaghAna bhR^ishaM bhImaH smayanniva mahAbalaH .. 5..\\
punarasya tvaranbhImo nArAchAndasha bhArata . 
raNe praiShInmahAvegAnyamadaNDopamA.nstathA .. 6..\\
te lalATa.n samAsAdya sUtaputrasya mAriSha . 
vivishushchoditAstena valmIkamiva pannagAH .. 7..\\
lalATasthaistu tairbANaiH sUtaputro vyarochata . 
nIlotpalamayIM mAlA.n dhArayansa purA yathA .. 8..\\
tataH kruddho raNe karNaH pIDito dR^iDhadhanvanA . 
vega.n chakre mahAvego bhImasenavadhaM prati .. 9..\\
tasmai karNaH shata.n rAjanniShUNA.n gArdhravAsasAm . 
amarShI balavAnkruddhaH preShayAmAsa bhArata .. 10..\\
tataH prAsR^ijadugrANi sharavarShANi pANDavaH . 
samare tamanAdR^itya nAsya vIryamachintayat .. 11..\\
tataH karNo mahArAja pANDavaM nishitaiH sharaiH . 
AjaghAnorasi kruddhaH kruddha rUpaM parantapaH .. 12..\\
jImUtAviva chAnyonya.n tau vavarShaturAhave . 
talashabdaravaishchaiva trAsayantau parasparam .. 13..\\
sharajAlaishcha vividhaishchhAdayAmAsaturmR^idhe . 
anyonya.n samare kruddhau kR^itapratikR^itaiShiNau .. 14..\\
tato bhImo mahAbAhU rAdheyasya mahAtmanaH . 
kShurapreNa dhanushchhittvA karNa.n vivyAdha patriNA .. 15..\\
tadapAsya dhanushchhinna.n sUtaputro mahAmanAH . 
anyatkArmukamAdatta vegaghnaM bhArasAdhanam .. 16..\\
dR^iShTvA cha kuru sauvIrai saindhavAnAM balakShayam . 
sa varma dhvajashastraishcha patitaiH sa.nvR^itAM mahIm .. 17..\\
hastyashvanaradehAMshcha gatAsUnprekShya sarvataH . 
sUtaputrasya sa.nrambhAddIpta.n vapurajAyata .. 18..\\
sa visphArya mahachchApa.n kArtasvaravibhUShitam . 
bhimaM praikShata rAdheyo rAjanghoreNa chakShuShA .. 19..\\
tataH kruddhaH sharAnasyansUtaputro vyarochata . 
madhyandinagato.archiShmA~nsharadIva divAkaraH .. 20..\\
marIchivikachasyeva rAjanbhAnumato vapuH . 
AsIdAdhiratherghora.n vapuH sharashatArchiShaH .. 21..\\
karAbhyAmAdadAnasya sandadhAnasya chAshugAn . 
vikarShato mu~nchato vA nAntara.n dadR^ishU raNe .. 22..\\
agnichakropama.n ghoraM maNDalIkR^itamAyudham . 
karNasyAsInmahArAja savyadakShiNamasyataH .. 23..\\
svarNapu~NkhAH sunishitAH karNa chApachyutAH sharAH . 
prAchchhAdayanmahArAja dishaH sUryasya cha prabhAm .. 24..\\
tataH kanakapu~NkhAnA.n sharANAM nataparvaNAm . 
dhanushchyutAnA.n viyati dadR^ishe bahudhA vrajaH .. 25..\\
sharAsanAdAdhiratheH prabhavantaH sma sAyakAH . 
shreNI kR^itA vyarAjanta rAjankrau~nchA ivAmbare .. 26..\\
gArdhrapatrA~nshilA dhautAnkArtasvaravibhUShitAn . 
mahAvegAnpradIptAgrAnmumochAdhirathiH sharAn .. 27..\\
te tu chApabaloddhUtAH shAtakumbhavibhUShitAH . 
ajasramanvakIryanta sharAH pArtharathaM prati .. 28..\\
te vyomni ratnavikR^itA vyakAshanta sahasrashaH . 
shalabhAnAmiva vrAtAH sharAH karNa samIritAH .. 29..\\
chApAdAdhirathermuktAH prapatantaH sma sAyakAH . 
eko dIrgha iva prAMshuH prabhavandR^ishyate sharaH .. 30..\\
parvata.n vAridhArAbhishchhAdayanniva toyadaH . 
karNaH prAchchhAdayatkruddho bhIma.n sAyakavR^iShTibhiH .. 31..\\
tatra bhArata bhImasya balavIryaparAkramam . 
vyavasAya.n cha putrAste praikShanta kurubhiH saha .. 32..\\
tA.n samudramivoddhUtAM sharavR^iShTiM samutthitAm . 
achintayitvA bhImastu kruddhaH karNamupAdravat .. 33..\\
rukmapR^iShThaM mahachchApaM bhImasyAsIdvishAM pate . 
AkarShanmaNDalIbhUta.n shakrachApamivAparam . 
tasmAchchharAH prAdurAsanpUrayanta ivAmbaram .. 34..\\
suvarNapu~NkhairbhImena sAyakairnataparvabhiH . 
gagane rachitA mAlA kA~nchanIva vyarAjata .. 35..\\
tato vyomni viShaktAni sharajAlAni bhAgashaH . 
AhatAni vyashIryanta bhImasenasya patribhiH .. 36..\\
karNasya sharajAlaughai bhImasenasya chobhayoH . 
agnisphuli~Nga sa.nsparshaira~njo gatibhirAhave . 
taistaiH kanakapu~NkhAnA.n dyaurAsItsa.nvR^itA vrajaiH .. 37..\\
sa bhIma.n chhAdayanbANaiH sUtaputraH pR^ithagvidhaiH . 
upArohadanAdR^itya tasya vIryaM mahAtmanaH .. 38..\\
tayorvisR^ijatostatra sharajAlAni mAriSha . 
vAyubhUtAnyadR^ishyanta sa.nsaktAnItaretaram .. 39..\\
tasmai karNaH shitAnbANAnkarmAra parimArjitAn . 
suvarNavikR^itAnkruddhaH prAhiNodvadhakA~NkShayA .. 40..\\
tAnantarikShe vishikhairtridhaikaikamashAtayat . 
visheShayansUtaputraM bhImastiShTheti chAbravIt .. 41..\\
punashchAsR^ijadugrANi sharavarShANi pANDavaH . 
amarShI balavAnkruddho didhakShanniva pAvakaH .. 42..\\
tasya tAnyAdade karNaH sarvANyastrANyabhItavat . 
yudhyataH pANDuputrasya sUtaputro.astramAyayA .. 43..\\
tasyeShudhI dhanurjyA~nca bANaiH saMnataparvabhiH . 
rashmInyoktrANi chAshvAnA.n karNo vaikartano.achchhinat .. 44..\\
athAsyAshvAnpunarhatvA tribhirvivyAdha sArathim . 
so.avaplutya druta.n sUto yuyudhAna rathaM yayau .. 45..\\
utsmayanniva bhImasya kruddhaH kAlAnalaprabhaH . 
dhvaja.n chichchheda rAdheyaH pAtakAshcha nyapAtayat .. 46..\\
sa vidhanvA mahArAja rathashaktiM parAmR^ishat . 
tAmavAsR^ijadAvidhya kruddhaH karNa rathaM prati .. 47..\\
tAmAdhirathirAyastaH shakti.n hemapariShkR^itAm . 
ApatantIM maholkAbhA.n chichchheda dashabhiH sharaiH .. 48..\\
sApataddashadhA rAjannikR^ittA karNa sAyakaiH . 
asyataH sUtaputrasya mitrArtha.n chitrayodhinaH .. 49..\\
sa charmAdatta kaunteyo jAtarUpapariShkR^itam . 
khaDga.n chAnyatara prepsurmR^ityoragre jayasya vA . 
tadasya sahasA karNo vyadhamatprahasanniva .. 50..\\
sa vicharmA mahArAja virathaH krodhamUrchhitaH . 
asiM prAsR^ijadAvidhya tvarankarNa rathaM prati .. 51..\\
sa dhanuH sUtaputrasya chhittvA jyA.n cha susaMshitaH . 
apatadbhuvi nistriMshashchyutaH sarpa ivAmbarAt .. 52..\\
tataH prahasyAdhirathiranyadAdatta kArmukam . 
shatrughna.n samare kruddho dR^iDhajyaM vegavattaram .. 53..\\
sa bhImasenaH kupito balavAnsatyavikramaH . 
vihAyasaM prAkramadvai karNasya vyathayanmanaH .. 54..\\
tasya tachcharita.n dR^iShTvA sa~NgrAme vijayaiShiNaH . 
layamAsthAya rAdheyo bhImasenamava~nchayat .. 55..\\
tamadR^iShTvA rathopasthe nilIna.n vyathitendriyam . 
dhvajamasya samAsAdya tasthau sa dharaNItale .. 56..\\
tadasya kuravaH sarve chAraNAshchAbhyapUjayan . 
yadiyeSha rathAtkarNa.n hantu.n tArkShya ivoragam .. 57..\\
sa chhinnadhanvA virathaH svadharmamanupAlayan . 
svarathaM pR^iShThataH kR^itvA yuddhAyaiva vyavasthitaH .. 58..\\
tadvihatyAsya rAdheyastata ena.n samabhyayAt . 
sa.nrabdhaH pANDava.n sa~Nkhye yuddhAya samupasthitam .. 59..\\
tau sametau mahAra~Nge spardhamAnau mahAbalau . 
jImUtAviva gharmAnte garjamAnau nabhastale .. 60..\\
tayorAsItsamprahAraH kruddhayornarasi.nhayoH . 
amR^iShyamANayoH sa~Nkhye devadAnavayoriva .. 61..\\
kShINashastrastu kaunteyaH karNena samabhidrutaH . 
dR^iShTvArjuna hatAnnAgAnpatitAnparvatopamAn . 
rathamArga vighAtArtha.n vyAyudhaH pravivesha ha .. 62..\\
hastinA.n vrajamAsAdya rathadurgaM pravishya cha . 
pANDavo jIvitAkA~NkShI rAdheyaM nAbhyahArayat .. 63..\\
vyavasthAnamathAkA~NkShandhana~njaya sharairhatam . 
udyamya ku~njaraM pArthastasthau parapura~njayaH .. 64..\\
tamasya vishikhaiH karNo vyadhamatku~njaraM punaH . 
hastya~NgAnyatha karNAya prAhiNotpANDavo nadan .. 65..\\
chakrANyashvA.nstathA vAhAnnyadyatpashyati bhUtale . 
tattadAdAya chikShepa kruddhaH karNAya pANDavaH .. 66..\\
tadasya sarva.n chichchheda kShiptaM kShipta.n shitaiH sharaiH . 
vyAyudhaM nAvadhIchchaina.n karNaH kuntyA vachaH smaran .. 67..\\
dhanuSho.agreNa ta.n karNastvabhidrutya parAmR^ishat . 
utsmayanniva rAdheyo bhImasenamuvAcha ha .. 68..\\
punaH punastUbaraka mUDha audariketi cha . 
akR^itAstraka mA yotsIrbAla sa~NgrAmakAtara .. 69..\\
yatra bhojyaM bahuvidhaM bhakShyaM peya.n cha pANDava . 
tatra tva.n durmate yogyo na yuddheShu kathaM chana .. 70..\\
munirbhUtvAtha vA bhIma phalAnyaddhi sudurmate . 
vanAya vraja kaunteya na tva.n yuddhavishAradaH .. 71..\\
phalamUlAshane yuktastva.n tathAtithi bhojane . 
na tvA.n shastrasamudyogo yogyaM manye vR^ikodara .. 72..\\
puShpamUlaphalAhAro vrateShu niyameShu cha . 
uchitastva.n vane bhIma na tvaM yuddhavishAradaH .. 73..\\
kva yuddha.n kva munitvaM cha vanaM gachchha vR^ikodara . 
na tva.n yuddhochitastAta vanavAsa ratirbhava .. 74..\\
sUdAnbhR^ityajanAndAsA.nstva.n gR^ihe tvarayanbhR^isham . 
yogyastADayitu.n krodhAdbhojanArtha.n vR^ikodara .. 75..\\
kaumAre yAni chApyAsannapriyANi vishAM pate . 
pUrvavR^ittAni chApyena.n rUkShANyashrAvayadbhR^isham .. 76..\\
athaina.n tatra sa.nlInamaspR^ishaddhanuShA punaH . 
prahasaMshcha punarvAkyaM bhImamAha vR^iShastadA .. 77..\\
yoddhavyamAvishanyatra na yoddhavya.n tu mAdR^ishaiH . 
mAdR^ishairyudhyamAnAnAmetachchAnyachcha vidyate .. 78..\\
gachchha vA yatra tau kR^iShNau tau tvA rakShiShyato raNe . 
gR^iha.n vA gachchha kauneya ki.n te yuddhena bAlaka .. 79..\\
eva.n ta.n virathaM kR^itvA karNo rAjanvyakatthata . 
pramukhe vR^iShNisi.nhasya pArthasya cha mahAtmanaH .. 80..\\
tato rAja~nshilA dhautA~nsharA~nshAkhAmR^igadhvajaH . 
prAhiNotsUtaputrAya keshavena prachoditaH .. 81..\\
tataH pArtha bhujotsR^iShTAH sharAH kA~nchanabhUShaNAH . 
gANDIvaprabhavAH karNa.n ha.nsAH krau~nchamivAvishan .. 82..\\
sa bhuja~NgairivAyastairgANDIvapreShitaiH sharaiH . 
bhImasenAdapAsedhatsUtaputra.n dhana~njayaH .. 83..\\
sa chhinnadhanvA bhImena dhana~njaya sharAhataH . 
karNo bhImAdapAyAsIdrathena mahatA drutam .. 84..\\
bhImo.api sAtyakervAha.n samAruhya nararShabhaH . 
anvayAdbhrAtara.n sa~Nkhye pANDavaM savyasAchinam .. 85..\\
tataH karNa.n samuddishya tvaramANo dhana~njayaH . 
nArAcha.n krodhatAmrAkShaH praiShInmR^ityumivAntakaH .. 86..\\
sa garutmAnivAkAshe prArthayanbhujagottamam . 
nArAcho.abhyapatatkarNa.n tUrNaM gANDIvachoditaH .. 87..\\
tamantarikShe nArAcha.n drauNishchichchheda patriNA . 
dhana~njaya bhayAtkarNamujjihIrShurmahArathaH .. 88..\\
tato drauNi.n chatuHShaShTyA vivyAdha kupito.arjunaH . 
shilImukhairmahArAja mA gAstiShTheti chAbravIt .. 89..\\
sa tu mattagajAkIrNamanIka.n rathasa~Nkulam . 
tUrNamabhyAvishaddrauNirdhana~njaya sharArditaH .. 90..\\
tataH suvarNapR^iShThAnA.n dhanuShAM kUjatA.n raNe . 
shabda.n gANDIvaghoSheNa kaunteyo.abhyabhavadbalI .. 91..\\
dhana~njayastathA yAntaM pR^iShThato drauNimabhyayAt . 
nAtidIrghamivAdhvAna.n sharaiH santrAsayanbalam .. 92..\\
vidArya dehAnnArAchairnaravAraNavAjinAm . 
ka~NkabarhiNa vAsobhirbala.n vyadhamadarjunaH .. 93..\\
tadbalaM bharatashreShTha sa vAjidvipa mAnavam . 
pAkashAsanirAyastaH pArthaH saMnijaghAna ha .. 94..\\
\medskip\hrule\medskip\centerline{\Largedvng 115}
 dhr

ahanyahani me dIpta.n yashaH patati sa~njaya . 
hatA me bahavo yodhA manye kAlasya paryayam .. 1..\\
dhana~njayastu sa~NkruddhaH praviShTo mAmakaM balam . 
rakShita.n droNakarNAbhyAmapraveshya.n surairapi .. 2..\\
tAbhyAmUrjitavIryAbhyAmApyAyita parAkramaH . 
sahitaH kR^iShNa bhImAbhyA.n shinInAmR^iShabheNa cha .. 3..\\
tadA prabhR^iti mA shoko dahatyagnirivAshayam . 
grastAnhi pratipashyAmi bhUmipAlAnsa saindhavAn .. 4..\\
apriya.n sumahatkR^itvA sindhurAjaH kirITinaH . 
chakShurviShayamApannaH kathaM muchyeta jIvitaH .. 5..\\
anumAnAchcha pashyAmi nAsti sa~njaya saindhavaH . 
yuddha.n tu tadyathAvR^ittaM tanmamAchakShva pR^ichchhataH .. 6..\\
yachcha vikShobhya mahatI.n senAM sa.nloDya chAsakR^it . 
ekaH praviShTaH sa~Nkruddho nalinImiva ku~njaraH .. 7..\\
tasya vR^iShNipravIrasya brUhi yuddha.n yathAtatham . 
dhana~njayArthe yattasya kushalo hyasi sa~njaya .. 8..\\

 s

tathA tu vaikartana pIDita.n taM 
bhImaM prayAntaM puruShapravIram . 
samIkShya rAjannaravIramadhye 
shinipravIro.anuyayau rathena .. 9..\\
nadanyathA vajradharastapAnte 
jvalanyathA jaladAnte cha sUryaH . 
nighnannanintrAndhanuShA dR^iDhena 
sa~Nkampaya.nstava putrasya senAm .. 10..\\
ta.n yAntamashvai rajataprakAshair 
Ayodhane naravIra.n charantam . 
nAshaknuvanvArayitu.n tvadIyAH 
sarve rathA bhArata mAdhavAgryam .. 11..\\
amarShapUrNastvanivR^itta yodhI 
sharAsanI kA~nchanavarma dhArI . 
alambusaH sAtyakiM mAdhavAgryam 
avArayadrAjavaro.abhipatya .. 12..\\
tayorabhUdbhArata samprahAras 
tathAgato naiva babhUva kash chit . 
praikShanta evAhava shobhinau tau 
yodhAstvadIyAsh cha pare cha sarve .. 13..\\
avidhyadena.n dashabhiH pR^iShatkair 
alambuso rAjavaraH prasahya . 
anAgatAneva tu tAnpR^iShatkAMsh 
chichchheda bANaiH shinipu~Ngavo.api .. 14..\\
punaH sa bANaistribhiragnikalpair 
AkarNapUrNairnishitaiH supu~NkhaiH . 
vivyAdha dehAvaraNa.n vidArya 
te sAtyakerAvivishuH sharIram .. 15..\\
taiH kAyamasyAgnyanilaprabhAvair 
vidArya bANairaparairjvaladbhiH . 
AjaghnivA.nstAnrajataprakAshAn 
ashvAMshchaturbhishchaturaH prasahya .. 16..\\
tathA tu tenAbhihatastarasvI 
naptA shineshchakradhara prabhAvaH . 
alambusasyottama vegavadbhir 
hayAMshchaturbhirnijaghAna bANaiH .. 17..\\
athAsya sUtasya shiro nikR^itya 
bhallena kAlAnalasaMnibhena . 
sakuNDalaM pUrNashashiprakAshaM 
bhrAjiShNu vaktraM nichakarta dehAt .. 18..\\
nihatya taM pArthivaputrapautraM 
sa~Nkhye madhUnAmR^iShabhaH pramAthI . 
tato.anvayAdarjunameva vIraH 
sainyAni rAja.nstava saMnivArya .. 19..\\
anvAgata.n vR^iShNivaraM samIkShya 
tathArimadhye parivartamAnam . 
ghnanta.n kurUNAmiShubhirbalAni 
punaH punarvAyurivAbhrapUgAn .. 20..\\
tato.avahansaindhavAH sAdhu dAntA 
gokShIrakundenduhimaprakAshAH . 
suvarNajAlAvatatAH sadashvA 
yato yataH kAmayate nR^isi.nhaH .. 21..\\
athAtmajAste sahitAbhipetur 
anye cha yodhAstvaritAstvadIyAH . 
kR^itvA mukhaM bhArata yodhamukhyaM 
duHshAsana.n tvatsutamAjamIDha .. 22..\\
te sarvataH samparivArya sa~Nkhye 
shaineyamAjaghnuranIka sAhAH . 
sa chApi tAnpravaraH sAtvatAnAM 
nyavArayadbANajAlena vIraH .. 23..\\
nivArya tA.nstUrNamamitraghAtI 
naptA shineH patribhiragnikalpaiH . 
duHshAsanasyApi jaghAna vAhAn 
udyamya bANAsanamAjamIDha .. 24..\\
\medskip\hrule\medskip\centerline{\Largedvng 116}
 s

tadudyataM mahAbAhu.n duHshAsana rathaM prati . 
tvarita.n tvaraNIyeShu dhana~njaya hitaiShiNam .. 1..\\
trigartAnAM maheShvAsAH suvarNavikR^itadhvajAH . 
senA samudramAviShTamAnartaM paryavArayan .. 2..\\
athaina.n rathavaMshena sarvataH saMnivArya te . 
avAkira~nsharavrAtaiH kruddhAH paramadhanvinaH .. 3..\\
ajayadrAjaputrA.nstAnyatamAnAnmahAraNe . 
ekaH pa~nchAshata.n shatrUnsAtyakiH satyavikramaH .. 4..\\
samprApya bhAratImadhya.n talaghoShasamAkulam . 
asi shaktigadA pUrNamaplava.n salilaM yathA .. 5..\\
tatrAdbhutamapashyAma shaineya charita.n raNe . 
pratIchyA.n dishi taM dR^iShTvA prAchyAM pashyAma lAghavAt .. 6..\\
udIchI.n dakShiNAM prAchIM pratIchIM prasR^itastathA . 
nR^ityannivAcharachchhUro yathA rathashata.n tathA .. 7..\\
taddR^iShTvA charita.n tasya si.nhavikrAnta gAminaH . 
trigartAH saMnyavartanta santaptAH svajanaM prati .. 8..\\
tamanye shUrasenAnA.n shUrAH sa~Nkhye nyavArayan . 
niyachchhantaH sharavrAtairmatta.n dvipamivA~NkushaiH .. 9..\\
tannyavArayadAyastAnmuhUrtamiva sAtyakiH . 
tataH kali~Ngairyuyudhe so.achintyabalavikramaH .. 10..\\
tA.n cha senAmatikramya kali~NgAnAM duratyayAm . 
atha pArthaM mahAbAhurdhana~njayamupAsadat .. 11..\\
taranniva jale shrAnto yathA sthalamupeyivAn . 
ta.n dR^iShTvA puruShavyAghra.n yuyudhAnaH samAshvasat .. 12..\\
tamAyAntamabhiprekShya keshavo.arjunamabravIt . 
asAvAyAti shaineyastava pArtha padAnugaH .. 13..\\
eSha shiShyaH sakhA chaiva tava satyaparAkramaH . 
sarvAnyodhA.nstR^iNI kR^ityavijigye puruSharShabhaH .. 14..\\
eSha kaurava yodhAnA.n kR^itvA ghoramupadravam . 
tava prANaiH priyataraH kirITinneti sAtyakiH .. 15..\\
eSha droNa.n tathA bhojaM kR^itavarmANameva cha . 
kadarthI kR^ityavishikaiH phalgunAbhyeti sAtyakiH .. 16..\\
dharmarAja priyAnveShI hatvA yodhAnvarAnvarAn . 
shUrashchaiva kR^itAstrashcha phalgunAbhyeti sAtyakiH .. 17..\\
kR^itvA suduShkara.n karma sainyamadhye mahAbalaH . 
tava darshanamanvichchhanpANDavAbhyeti sAtyakiH .. 18..\\
bahUnekarathenAjau yodhayitvA mahArathAn . 
AchArya pramukhAnpArtha AyAtyeSha hi sAtyakiH .. 19..\\
svabAhubalamAshritya vidArya cha varUthinIm . 
preShito dharmaputreNa parthaiSho.abhyeti sAtyakiH .. 20..\\
yasya nAsitsamo yodhaH kauraveShu katha~ncanan . 
so.ayamAyAti kaunteya sAtyakiH satyavikramaH .. 21..\\
kurusainyAdvimukto vai si.nho madhyAdgavAm iva . 
nihatya bahulAH senAH pArthaiSho.abhyeti sAtyakiH .. 22..\\
eSha rAjasahasrANA.n vaktraiH pa~Nkaja saMnibhaiH . 
AstIrya vasudhAM pArtha kShipramAyAti sAtyakiH .. 23..\\
eSha duryodhana.n jitvA bhrAtR^ibhiH sahita.n raNe . 
nihatya jalasandha.n cha kShipramAyAti sAtyakiH .. 24..\\
rudhiraughavatI.n kR^itvA nadI.n shoNitakardamAm . 
tR^iNavannyasya kauravyAneSha AdAti sAtyakiH .. 25..\\
tato.aprahR^iShTaH kaunteyaH keshava.n vAkyamabravIt . 
na me priyaM mahAbAho yanmAmabhyeti sAtyakiH .. 26..\\
na hi jAnAmi vR^ittAnta.n dharmarAjasya keshava . 
sAtvatena vihInaH sa yadi jIvati vAna vA .. 27..\\
etena hi mahAbAho rakShitavyaH sa pArthivaH . 
tameSha kathamutsR^ijya mama kR^iShNa padAnugaH .. 28..\\
rAjA droNAya chotsR^iShTaH saindhavashchAnipAtitaH . 
pratyudyAtashcha shaineyameSha bhUrishravA raNe .. 29..\\
so.aya.n gurutaro bhAraH saindhavAnme samAhitaH . 
GYAtavyashcha hi me rAjA rakShitavyashcha sAtyakiH .. 30..\\
jayadrathashcha hantavyo lambate cha divAkaraH . 
shrAntashchaiSha mahAbAhuralpaprANashcha sAmpratam .. 31..\\
parishrAntA hayAshchAsya hayayantA cha mAdhava . 
na cha bhUrishravAH shrAntaH sa sahAyashcha keshava .. 32..\\
apIdAnIM bhavedasya kShemamasminsamAgame . 
kachchinna sAgara.n tIrtvA sAtyakiH satyavikramaH . 
goShpadaM prApya sIdeta mahaujAH shinipu~NgavaH .. 33..\\
api kaurava mukhyena kR^itAstreNa mahAtmanA . 
sametya bhUrishravasA svastimAnsAtyakirbhavet .. 34..\\
vyatikramamimaM manye dharmarAjasya keshava . 
AchAryAdbhayamutsR^ijya yaH preShayati sAtyakim .. 35..\\
grahaNa.n dharmarAjasya khagaH shyena ivAmiSham . 
nityamAsha.nsate droNaH kachchitsyAtkushalI nR^ipaH .. 36..\\
\medskip\hrule\medskip\centerline{\Largedvng 117}
 s

tamApatanta.n samprekShya sAtvataM yuddhadurmadam . 
krodhAdbhUrishravA rAjansahasA samupAdravat .. 1..\\
tamabravInmahAbAhuH kauravyaH shinipu~Ngavam . 
adya prApto.asi diShTyA me chakShurviShayamityuta .. 2..\\
chirAbhilaShita.n kAmamadya prApsyAmi sa.nyuge . 
na hi me mokShyase jIvanyadi notsejase raNam .. 3..\\
adya tvA.n samare hatvA nityaM shUrAbhimAninam . 
nandayiShyAmi dAshArha kururAja.n suyodhanam .. 4..\\
adya madbANanirdagdhaM patita.n dharaNItale . 
drakShyatastvA.n raNe vIrau sahitau keshavArjunau .. 5..\\
adya dharmasuto rAjA shrutvA tvAM nihataM mayA . 
savrIDo bhavitA sadyo yenAsIha praveshitaH .. 6..\\
adya me vikramaM pArtho viGYAsyati dhana~njayaH . 
tvayi bhUmau vinihate shayAne rudhirokShite .. 7..\\
chirAbhilaShite hyadya tvayA saha samAgamaH . 
purA devAsure yuddhe shakrasya balinA yathA .. 8..\\
adya yuddhaM mahAghora.n tava dAsyAmi sAtvata . 
tato GYAsyasi tattvena madvIryabalapauruSham .. 9..\\
adya sa.nyamanI yAtA mayA tvaM nihato raNe . 
yathA rAmAnujenAjau rAvaNirlakShmaNena vai .. 10..\\
adya kR^iShNashcha pArthashcha dharmarAjashcha mAdhava . 
hate tvayi nirutsAhA raNa.n tyakShyantyasaMshayam .. 11..\\
adya te.apachiti.n kR^itvA shitairmAdhava sAyakaiH . 
tatstriyo nandayiShyAmi ye tvayA nihatA raNe .. 12..\\
chakShurviShayasamprApto na tvaM mAdhava mokShyase . 
si.nhasya viShayaM prApto yathA kShudramR^igastathA .. 13..\\
yuyudhAnastu ta.n rAjanpratyuvAcha hasanniva . 
kauraveya na santrAso vidyate mama sa.nyuge .. 14..\\
sa mAM nihanyAtsa~NgrAme yo mA.n kuryAnnirAyudham . 
samAstu shAshvatIrhanyAdyo mA.n hanyAddhi sa.nyuge .. 15..\\
kiM mR^iShoktena bahunA karmaNA tu samAchara . 
shAradasyeva meghasya garjitaM niShphala.n hi te .. 16..\\
shrutvaitadgarjita.n vIra hAsyaM hi mama jAyate . 
chirakAlepsita.n loke yuddhamadyAstu kaurava .. 17..\\
tvarate me matistAta tvayi yuddhAbhikA~NkShiNi . 
nAhatvA saMnivartiShye tvAmadya puruShAdhama .. 18..\\
anyonya.n tau tadA vAgbhistakShantau narapu~Ngavau . 
jighA.nsU paramakruddhAvabhijaghnaturAhave .. 19..\\
sametau tau naravyAghrau shuShmiNau spardhinau raNe . 
dviradAviva sa~Nkruddhau vAshitArthe madotkaTau .. 20..\\
bhIri shravAH sAtyakishcha vavarShaturarindamau . 
sharavarShANi bhImAni meghAviva parasparam .. 21..\\
saumadattistu shaineyaM prachchhAdyeShubhirAshugaiH . 
jighA.nsurbharatashreShTha vivyAdha nishitaiH sharaiH .. 22..\\
dashabhiH sAtyaki.n viddhvA saumadattirathAparAn . 
mumocha nishitAnbANA~njighA.nsuH shinipu~Ngavam .. 23..\\
tAnasya vishikhA.nstIkShNAnantarikShe vishAM pate . 
aprAptAnastramAyAbhiragrasatsAtyakiH prabho .. 24..\\
tau pR^ithaksharavarShAbhyAmavarShetAM parasparam . 
uttamAbhijanau vIrau kuru vR^iShNiyashaH karau .. 25..\\
tau nakhairiva shArdUlau dantairiva mahAdvipau . 
raktashaktibhiranyonya.n dantairiva mahAdvipau . 
rathashaktibhiranyonya.n vishikhaishchApyakR^intatAm .. 26..\\
nirbhidantau hi gAtrANi vikSharantau cha shoNitam . 
vyaShTambhayetAmanyonyaM prANadyUtAbhidevinau .. 27..\\
evamuttamakarmANau kuru vR^iShNiyashaH karau . 
parasparamayudhyetA.n vAraNAviva yUthapau .. 28..\\
tAvadIrgheNa kAlena brahmalokapuraskR^itau . 
jigIShantau para.n sthAnamanyonyamabhijaghnatuH .. 29..\\
sAtyakiH saumadattishcha sharavR^iShTyA parasparam . 
hR^iShTavaddhArtarAShTrANAM pashyatAma bhyavarShatAm .. 30..\\
sampraikShanta janAstatra yudhyamAnau yudhAM patI . 
yUthapau vAshitA hetoH prayuddhAviva ku~njarau .. 31..\\
anyonyasya hayAnhatvA dhanuShI vinikR^itya cha . 
virathAvasiyuddhAya sameyAtAM mahAraNe .. 32..\\
ArShabhe charmaNI chitre pragR^ihya vipule shubhe . 
vikoshau chApyasI kR^itvA samare tau vicheratuH .. 33..\\
charantau vividhAnmArgAnmaNDalAni cha bhAgashaH . 
muhurAjaghnatuH kruddhAvanyonyamarimardanau .. 34..\\
sa khaDgau chitravarmANau sa niShkA~NgadabhUShaNau . 
raNe raNotkaTau rAjannanyonyaM paryakarShatAm .. 35..\\
muhUrtamiva rAjendra parikR^iShya parasparam . 
pashyatA.n sarvasainyAnAM vIrAvAshvasatAM punaH .. 36..\\
asibhyA.n charmaNI shubhre vipule cha sharAvare . 
nikR^itya puruShavyAghrau bAhuyuddhaM prachakratuH .. 37..\\
vyUDhoraskau dIrghabhujau niyuddha kushalAvubhau . 
bAhubhiH samasajjetAmAyasaiH parighairiva .. 38..\\
tayorAsanbhujAgAtA nigrahapragrahau tathA . 
shikShA balasamudbhUtAH sarvayodhapraharShaNAH .. 39..\\
tayornR^ivarayo rAjansamare yudhyamAnayoH . 
bhImo.abhavanmahAshabdo vajraparvatayoriva .. 40..\\
dvipAviva viShANAgraiH shR^i~Ngairiva maharShabhau . 
yuyudhAte mahAtmAnau kuru sAtvata pu~Ngavau .. 41..\\
kShINAyudhe sAtvate yudhyamAne 
tato.abravIdarjuna.n vAsudevaH . 
pashyasvaina.n virathaM yudhyamAnaM 
raNe ketu.n sarvadhanurdharANAm .. 42..\\
praviShTo bhAratI.n senA.n tava pANDava pR^iShThataH . 
yodhitashcha mahAvIryaiH sarvairbhArata bhArataiH .. 43..\\
parishrAnto yudhA.n shreShThaH samprApto bhUridakShiNam . 
yuddhakA~NkShiNamAyAntaM naitatsamamivArjuna .. 44..\\
tato bhUrishravAH kruddhAH sAtyaki.n yuddhadurmadam . 
udyamya nyahanadrAjanmatto mattamiva dvipam .. 45..\\
rathasthayordvayoryuddhe kruddhayoryodhamukhyayoH . 
keshavArjunayo rAjansamare prekShamANayoH .. 46..\\
atha kR^iShNo mahAbAhurarjunaM pratyabhAShata . 
pashya vR^iShNyandhakavyAghra.n saumadatti vasha~Ngatam .. 47..\\
parishrAnta.n gataM bhUmau kR^itvA karma suduShkaram . 
tavAntevAsina.n shUraM pAlayArjuna sAtyakim .. 48..\\
na vasha.n yaGYashIlasya gachchhedeSha varArihan . 
tvatkR^ite puruShavyAghra tadAshu kriyatA.n vibho .. 49..\\
athAbravIddhR^iShTamanA vAsudeva.n dhana~njayaH . 
pashya vR^iShNipravIreNa krIDanta.n kurupu~Ngavam . 
mahAdvipeneva vane mattena hariyUthapam .. 50..\\
hAhAkAro mahAnAsItsainyAnAM bharatarShabha . 
yadudyamya mahAbAhuH sAtyakiM nyahanadbhuvi .. 51..\\
sa si.nha iva mAta~Nga.n vikarShanbhUridakShiNaH . 
vyarochata kurushreShThaH sAtvata pravara.n yudhi .. 52..\\
atha koshAdviniShkR^iShya khaDgaM bhUrishravA raNe . 
mUrdhajeShu nijagrAha padA chorasyatADayat .. 53..\\
tathA tu parikR^iShyanta.n dR^iShTvA sAtvatamAhave . 
vAsudevastato rAjanbhUyo.arjunamabhAShata .. 54..\\
pashya vR^iShNyandhakavyAghra.n saumadatti vasha~Ngatam . 
tava shiShyaM mahAbAho dhanuShyanavara.n tvayA .. 55..\\
asatyo vikramaH pArtha yatra bhUrishravA raNe . 
isheShayati vArShNeya.n sAtyakiM satyavikramam .. 56..\\
evamukto mahAbAhurvAsudevena pANDavaH . 
manasA pUjayAmAsa bhUrishravasamAhave .. 57..\\
vikarShansatvata shreShTha.n krIDamAna ivAhave . 
sa.nharShayati mAM bhUyaH kurUNA.n kIrtivardhanaH .. 58..\\
pravara.n vR^iShNivIrANAM yanna hanyAddhi sAtyakim . 
mahAdvipamivAraNye mR^igendra iva karShati .. 59..\\
eva.n tu manasA rAjanpArthaH sampUjya kauravam . 
vAsudevaM mahAbAhurarjunaH pratyabhAShata .. 60..\\
saindhavAsaktadR^iShTitvAnnainaM pashyAmi mAdhava . 
eSha tvasukara.n karma yAdavArthe karomyaham .. 61..\\
ityuktvA vachana.n kurvanvAsudevasya pANDavaH . 
sa khaDga.n yaGYashIlasya patriNA bAhumachchhinat .. 62..\\
\medskip\hrule\medskip\centerline{\Largedvng 118}
 s

sa bAhurapatadbhUmau sa khaDgaH sa shubhA~NgadaH . 
AdadhajjIvalokasya duHkhamuttamamuttamaH .. 1..\\
prahariShyanhR^ito bAhuradR^ishyena kirITinA . 
vegenAbhyapatadbhUmau pa~nchAsya iva pannagaH .. 2..\\
sa mogha.n kR^itamAtmAnaM dR^iShTvA pArthena kauravaH . 
utsR^ijya sAtyaki.n krodhAdgarhayAmAsa pANDavam .. 3..\\
nR^isha.nsaM bata kaunteya karmeda.n kR^itavAnasi . 
apashyato viShaktasya yanme bAhumachichchhidaH .. 4..\\
kiM nu vakShyasi rAjAna.n dharmaputra.n yudhiShThiram . 
ki.n kurvANo mayA sa~Nkhye hato bhUrishravA iti .. 5..\\
idamindreNa te sAkShAdupadiShTaM mahAtmanA . 
astra.n rudreNa vA pArtha droNenAtha kR^ipeNa vA .. 6..\\
nanu nAma svadharmaGYastva.n loke.abhyadhikaH paraiH . 
ayudhyamAnasya katha.n raNe prahR^ita vAnasi .. 7..\\
na pramattAya bhItAya virathAya prayAchate . 
vyasane vartamAnAya praharanti manasvinaH .. 8..\\
ida.n tu nIchAcharitamasatpuruShasevitam . 
kathamAcharitaM pArtha tvayA karma suduShkaram .. 9..\\
AryeNa sukara.n hyAhurArya karma dhana~njaya . 
anAryakarma tvAryeNa suduShkarataraM bhuvi .. 10..\\
yeShu yeShu naraH pArtha yatra yatra cha vartate . 
Ashu tachchhIlatAmeti tadida.n tvayi dR^ishyate .. 11..\\
katha.n hi rAjavaMshyastva.n kauraveyo visheShataH . 
kShatradharmAdapakrAntaH suvR^ittashcharitavrataH .. 12..\\
ida.n tu yadatikShudra.n vArShNeyArthe kR^itaM tvayA . 
vAsudeva mataM nUnaM naitattvayyupapadyate .. 13..\\
ko hi nAma pramattAya pareNa saha yudhyate . 
IdR^isha.n vyasana.n dadyAdyo na kR^iShNa sakho bhavet .. 14..\\
vrAtyAH saMshliShTa karmANaH prakR^ityaiva vigarhitAH . 
vR^iShNyandhakAH kathaM pArtha pramANaM bhavatA kR^itAH .. 15..\\
evamuktvA mahAbAhuryUpaketurmahAyashAH . 
yuyudhAnaM parityajya raNe prAyamupAvishat .. 16..\\
sharAnAstIrya savyena pANinA puNyalakShaNaH . 
yiyAsurbrahmalokAya prANAnprANeShvathAjuhot .. 17..\\
sUrye chakShuH samAdhAya prasanna.n salile manaH . 
dhyAyanmahopaniShada.n yogayukto.abhavanmuniH .. 18..\\
tataH sa sarvasenAyA.n janaH kR^iShNa dhana~njayau . 
garhayAmAsa ta.n chApi shasha.nsa puruSharShabham .. 19..\\
nindyamAnau tathA kR^iShNau nochatuH ki.n chidapriyam . 
prashasyamAnashcha tathA nAhR^iShyadyUpaketanaH .. 20..\\
tA.nrathA vAdino rAjanputrA.nstava dhana~njayaH . 
amR^iShyamANo manasA teShA.n tasya cha bhAShitam .. 21..\\
asa~Nkruddha manA vAchA smArayanniva bhArata . 
uvAcha pANDutanayaH sAkShepamiva phalgunaH .. 22..\\
mama sarve.api rAjAno jAnantyetanmahAvratam . 
na shakyo mAmako hantu.n yo me syAdbANagochare .. 23..\\
yUpaketo samIkShya tvaM na mA.n garhitumarhasi . 
na hi dharmamaviGYAya yukta.n garhayituM param .. 24..\\
Attashastrasya hi raNe vR^iShNivIra.n jighA.nsataH . 
yadahaM bAhumachchhaitsaM na sa dharmo vigarhitaH .. 25..\\
nyastashastrasya bAlasya virathasya vivarmaNaH . 
abhimanyorvadha.n tAta dhArmikaH ko na pUjayet .. 26..\\
evamuktastu pArthena shirasA bhUmimaspR^ishat . 
pANinA chaiva savyena prAhiNodasya dakShiNam .. 27..\\
etatpArthasya tu vachastatha shrutvA mahAdyutiH . 
yUpaketurmahArAja tUShNImAsIdavA~NmukhaH .. 28..\\

 arj

yA prItirdharmarAje me bhIme cha varadA.n vare . 
nakule sahadeve cha sA me tvayi shalAgraja .. 29..\\
mayA tu samanuGYAtaH kR^iShNena cha mahAtmanA . 
gachchha puNyakR^itA.NllokA~nshibiraushInarau yathA .. 30..\\

 s

tata utthAya shaineyo vimuktaH saumadattinA . 
khaDgamAdAya chichchhitsuH shirastasya mahAtmanaH .. 31..\\
nihataM pANDuputreNa pramattaM bhUridakShiNam . 
iyeSha sAtyakirhantu.n shalAgrajamakalmaSham .. 32..\\
nikR^ittabhujamAsIna.n chhinnahastamiva dvipam . 
kroshatA.n sarvasainyAnAM nindyamAnaH sudurmanAH .. 33..\\
vAryamANaH sa kR^iShNena pArthena cha mahAtmanA . 
bhImena chakrarakShAbhyAmashvatthAmnA kR^ipeNa cha .. 34..\\
karNena vR^iShasenena saindhavena tathaiva cha . 
vikroshatA.n cha sainyAnAmavadhItta.n yatavratam .. 35..\\
prAyopaviShTAya raNe pArthena chhinnabAhave . 
sAtyakiH kauravendrAya khaDgenApAharachchhiraH .. 36..\\
nAbhyanandanta tatsainyAH sAtyaki.n tena karmaNA . 
arjunena hataM pUrva.n yajjaghAna kurUdvaham .. 37..\\
sahasrAkShasama.n tatra siddhachAraNamAnavAH . 
bhUrishravasamAlokya yuddhe prAyagata.n hatam .. 38..\\
apUjayanta ta.n devA vismitAstasya karmabhiH . 
pakShavAdAMshcha bahushaH prAvada.nstasya sainikAH .. 39..\\
na vArShNeyasyAparAdho bhavitavya.n hi tattathA . 
tasmAnmanyurna vaH kAryaH krodho duHkhakaro nR^iNAm .. 40..\\
hantavyashchaiSha vIreNa nAtra kAryA vichAraNA . 
vihito hyasya dhAtraiva mR^ityuH sAtyakirAhave .. 41..\\

 saatyaki

na hantavyo na hantavya iti yanmAM prabhAShatha . 
dharmavAdairadharmiShThA dharmaka~nchukamAsthitAH .. 42..\\
yadA bAlaH subhadrAyAH sutaH shastravinAkR^itaH . 
yuShmAbhirnihato yuddhe tadA dharmaH kva vo gataH .. 43..\\
mayA tvetatpratiGYAta.n kShepe kasmiMsh chideva hi . 
yo mAM niShpiShya sa~NgrAme jIvanhanyAtpadA ruShA . 
sa me vadhyo bhavechchhatruryadyapi syAnmunivrataH .. 44..\\
cheShTamAnaM pratIghAte sa bhujaM mA.n sa chakShuShaH . 
manyadhvaM mR^itamityevametadvo buddhilAghavam . 
yukto hyasya pratIghAtaH kR^ito me kurupu~NgavAH .. 45..\\
yattu pArthena matsnehAtsvAM pratiGYA.n cha rakShatA . 
sakhaDgo.asya hR^ito bAhuretenaivAsmi va~nchitaH .. 46..\\
bhavitavya.n cha yadbhAvi daivaM cheShTayatIva cha . 
so.aya.n hato vimarde.asminkimatrAdharmacheShTitam .. 47..\\
api chAyaM purA gItaH shloko vAlmIkinA bhuvi . 
pIDAkaramamitrANA.n yatsyAtkartavyameva tat .. 48..\\

 s

evamukte mahArAja sarve kauravapANDavAH . 
na sma ki.n chidabhAShanta manasA samapUjayan .. 49..\\
mantrairhi pUtasya mahAdhvareShu 
yashasvino bhUrisahasradasya . 
munerivAraNya gatasya tasya 
na tatra kash chidvadhamabhyanandat .. 50..\\
sunIlakesha.n varadasya tasya 
shUrasya pArAvatalohitAkSham . 
ashvasya medhyasya shiro nikR^ittaM 
nyasta.n havirdhAnamivottareNa .. 51..\\
sa tejasA shastrahatena pUto 
mahAhave dehavara.n visR^ijya . 
AkrAmadUrdhva.n varado varArho 
vyAvR^itya dharmeNa pareNa rodasI .. 52..\\
\medskip\hrule\medskip\centerline{\Largedvng 119}
 dhr

ajito droNarAdheyavikarNakR^itavarmabhiH . 
tIrNaH sainyArNava.n vIraH pratishrutya yudhiShThire .. 1..\\
sa katha.n kauraveyeNa samareShvanivAritaH . 
nigR^ihya bhUrishravasA balAdbhuvi nipAtitaH .. 2..\\

 s

shR^iNu rAjannihotpatti.n shaineyasya yathA purA . 
yathA cha bhUrishravaso yatra te saMshayo nR^ipa .. 3..\\
atreH putro.abhavatsomaH somasya tu budhaH smR^itaH . 
budhasyAsInmahendrAbhaH putra ekaH purUravAH .. 4..\\
purUravasa Ayustu AyuSho nahuShaH smR^itaH . 
najuShasya yayAtistu rAjarShirdevasaMmatiH .. 5..\\
yayAterdeva yAnyA.n tu yadurjyeShTho.abhavatsutaH . 
yadorabhUdanvavAye devamIDha iti shrutiH .. 6..\\
yAdavastasya cha sutaH shUrastrailokyasaMmataH . 
shUrasya shaurirnR^ivaro vasudevo mahAyashAH .. 7..\\
dhanuShyanAvaraH shUraH kArtavIryasamo yudhi . 
tadvIryashchApi tatraiva kule shinirabhUnnR^ipaH .. 8..\\
etasminneva kAle tu devakasya mahAtmanaH . 
duhituH svaya.nvare rAjansarvakShatrasamAgame .. 9..\\
tatra vai devakI.n devI.n vasudevArthamAptavAn . 
nirjitya pArthivAnsarvAnrathamAropayachchhiniH .. 10..\\
tA.n dR^iShTvA devakI.n shaure rathasthAM puruSharShabhaH . 
nAmR^iShyata mahAtejAH somadattaH shinernR^ipa .. 11..\\
tayoryuddhamabhUdrAjandinArdha.n chitramadbhutam . 
bAhuyuddha.n subalinoH shakra prahrAdayoriva .. 12..\\
shininA somadattastu prasahya bhuvi pAtitaH . 
asimudyamya kesheShu pragR^ihya cha padA hataH .. 13..\\
madhye rAjasahasrANAM prekShakANA.n samantataH . 
kR^ipayA cha punastena jIveti sa visarjitaH .. 14..\\
tadavasthaH kR^itastena somadatto.atha mAriSha . 
prasAdayanmahAdevamamarShavashamAsthitaH .. 15..\\
tasya tuShTo mahAdevo varANA.n varadaH prabhuH . 
vareNa chhandayAmAsa sa tu vavre varaM nR^ipaH .. 16..\\
putramichchhAmi bhagavanyo nihanyAchchhineH sutam . 
madhye rAjasahasrANAM padA hanyAchcha sa.nyuge .. 17..\\
tasya tadvachana.n shrutvA somadattasya pArthiva . 
evamastviti tatroktvA sa devo.antaradhIyata .. 18..\\
sa tena varadAnena labdhavAnbhUridakShiNam . 
nyapAtayachcha samare saumadattiH shineH sutam .. 19..\\
etatte kathita.n rAjanyanmA.n tvaM paripR^ichchhasi . 
na hi shakyA raNe jetu.n sAtvatA manujarShabha .. 20..\\
labdhalakShyAshcha sa~NgrAme bahavashchitrayodhinaH . 
devadAnavagandharvAnvijetAro hyavismitAH . 
svavIryavijaye yuktA naite paraparigrahAH .. 21..\\
na tulya.n vR^iShNibhiriha dR^ishyate ki.n chana prabho . 
bhUtaM bhavyaM bhaviShyachcha balena bharatarShabha .. 22..\\
na GYAtimavamanyante vR^iddhAnA.n shAsane ratAH . 
na devAsuragandharvA na yakShoraga rAkShasAH . 
jetAro vR^iShNivIrANAM na punarmAnuShA raNe .. 23..\\
brahma dravye guru dravye GYAtidravye.apyahi.nsakAH . 
eteShA.n rakShitArashcha ye syuH kasyA.n chidApadi .. 24..\\
arthavanto na chotsiktA brahmaNyAH satyavAdinaH . 
samarthAnnAvamanyante dInAnabhyuddharanti cha .. 25..\\
nitya.n deva parA dAntA dAtArashchAvikatthanAH . 
tena vR^iShNipravIrANA.n chakraM na pratihanyate .. 26..\\
api meru.n vahetkashchittaredvA makarAlayam . 
na tu vR^iShNipravIrANA.n sametyAntaM vrajennR^ipa .. 27..\\
etatte sarvamAkhyAta.n yatra te saMshayo vibho . 
kururAjanarashreShTha tava hyapanayo mahAn .. 28..\\
\medskip\hrule\medskip\centerline{\Largedvng 120}
 dhr

tadavasthe hate tasminbhUrishravasi kaurave . 
yathA bhUyo.abhavadyuddha.n tanmamAchakShva sa~njaya .. 1..\\

 s

bhUrishravasi sa~NkrAnte paralokAya bhArata . 
vAsudevaM mahAbAhurarjunaH samachUchudat .. 2..\\
chodayAshvAnbhR^isha.n kR^iShNa yato rAjA jayadrathaH . 
astameti mahAbAho tvaramANo divAkaraH .. 3..\\
etaddhi puruShavyAghra mahadabhyudyataM mayA . 
kArya.n sa.nrakShyate chaiSha kuru senA mahArathaiH .. 4..\\
nAstameti yathA sUryo yathAsatyaM bhavedvachaH . 
chodayAshvA.nstathA kR^iShNa yathA hanyA.n jayadratham .. 5..\\
tataH kR^iShNo mahAbAhU rajatapratimAnhayAn . 
hayaGYashchodayAmAsa jayadratharathaM prati .. 6..\\
taM prayAntamamogheShumutpatadbhirivAshugaiH . 
tvaramANA mahArAja senAmukhyAH samAvrajan .. 7..\\
duryodhanashcha karNashcha vR^iShaseno.atha madrarAT . 
ashvatthAmA kR^ipashchaiva svayameva cha saindhavaH .. 8..\\
samAsAdya tu bIbhatsuH saindhavaM pramukhe sthitam . 
netrAbhyA.n krodhadIptAbhyA.n sampraikShannirdahanniva .. 9..\\
tato duryodhano rAjA rAdheya.n tvarito.abravIt . 
arjuna.n vIkShya sa.nyAnta.n jayadratharathaM prati .. 10..\\
aya.n sa vaikartana yuddhakAlo 
vidarshayasvAtmabalaM mahAtman . 
yathA na vadhyeta raNe.arjunena 
jayadrathaH karNa tathA kuruShva .. 11..\\
alpAvashiShTa.n divasaM nR^ivIra 
vighAtayasvAdya ripu.n sharaughaiH . 
dinakShayaM prApya narapravIra 
dhruva.n hi naH karNajayo bhaviShyati .. 12..\\
saindhave rakShyamANe tu sUryasyAstamayaM prati . 
mithyApratiGYaH kaunteyaH pravekShyati hutAshanam .. 13..\\
anarjunAyA.n cha bhuvi muhUrtamapi mAnada . 
jIvituM notsaheranvai bhrAtaro.asya sahAnugAH .. 14..\\
vinaShTaiH pANDaveyaishcha sa shailavanakAnanAm . 
vasundharAmimA.n karNa bhokShyAmo hatakaNTakAm .. 15..\\
daivenopahataH pArtho viparItashcha mAnada . 
kAryAkAryamajAnanvai pratiGYA.n kR^itavAnraNe .. 16..\\
nUnamAtmavinAshAya pANDavena kirITinA . 
pratiGYeya.n kR^itA karNajayadrathavadhaM prati .. 17..\\
katha.n jIvati durdharShe tvayi rAdheya phalgunaH . 
anasta.n gata Aditye hanyAtsaindhavakaM nR^ipam .. 18..\\
rakShitaM madrarAjena kR^ipeNa cha mahAtmanA . 
jayadratha.n raNamukhe kathaM hanyAddhana~njayaH .. 19..\\
drauNinA rakShyamANa.n cha mayA duHshAsanena cha . 
kathaM prApsyati bIbhatsuH saindhava.n kAlachoditaH .. 20..\\
yudhyane bahavaH shUrA lambate cha divAkaraH . 
sha~Nke jayadrathaM pArtho naiva prApsyati mAnada .. 21..\\
sa tva.n karNa mayA sArdha.n shUraishchAnyairmahArathaiH . 
yudhyasva yatnamAsthAya paraM pArthena sa.nyuge .. 22..\\
evamuktastu rAdheyastava putreNa mAriSha . 
duryodhanamida.n vAkyaM pratyuvAcha kurUttamam .. 23..\\
dR^iDhalakShyeNa shUreNa bhImasenena dhanvinA . 
bhR^ishamudvejitaH sa~Nkhye sharajAlairanekashaH .. 24..\\
sthAtavyamiti tiShThAmi raNe samprati mAnada . 
naivA~Ngami~Ngati ki.n chinme santaptasya raNeShubhiH .. 25..\\
yotsyAmi tu tathA rAja~nshaktyAhaM parayA raNe . 
yathA pANDavamukhyo.asau na haniShyati saindhavam .. 26..\\
na hi me yudhyamAnasya sAyakAMshchAsyataH shitAn . 
saindhavaM prApsyate vIraH savyasAchI dhana~njayaH .. 27..\\
yattu shaktimatA kArya.n satataM hitakAriNA . 
tatkariShyAmi kauravya jayo daive pratiShThitaH .. 28..\\
adya yotsye.arjunamahaM pauruSha.n svaM vyapAshritaH . 
tvadarthaM puruShavyAghra jayo daive pratiShThitaH .. 29..\\
adya yuddha.n kurushreShTha mama pArthasya chobhayoH . 
pashyantu sarvabhUtAni dAruNa.n lomaharShaNam .. 30..\\
karNa kauravayoreva.n raNe sambhAShamANayoH . 
arjuno nishitairbANairjaghAna tava vAhinIm .. 31..\\
chichchheda tIkShNAgramukhaiH shUrANAmanivartinAm . 
bhujAnparighasa~NkAshAnhastihastopamAnraNe .. 32..\\
shirA.nsi cha mahAbAhushchichchheda nishitaiH sharaiH . 
hastihastAnhayagrIvA rathAkShAMshcha samantataH .. 33..\\
shoNitAkShAnhayArohAngR^ihItaprAsa tomarAn . 
kShuraishchichchheda bIbhatsurdvidhaikaika.n tridhaiva cha .. 34..\\
hayavAraNamuhyAshcha prApayanta sahasrashaH . 
dhvajAshchhatrANi chApAni chAmarANi shirA.nsi cha .. 35..\\
kakShamagnimivoddhUtaH pradaha.nstava vAhinIm . 
achireNa mahIM pArthashchakAra rudhirottarAm .. 36..\\
hatabhUyiShTha yodha.n tatkR^itvA tava balaM balI . 
AsasAda durAdharShaH saindhava.n satyavikramaH .. 37..\\
bIbhatsurbhImasenena sAtvatena cha rakShitaH . 
sa babhau bharatashreShTha jvalanniva hutAshanaH .. 38..\\
ta.n tathAvasthitaM dR^iShTvA tvadIyA vIryasaMmatAH . 
nAmR^iShyanta maheShvAsAH phalgunaM puruSharShabhAH .. 39..\\
duryodhanashcha karNashcha vR^iShaseno.atha madrarAT . 
ashvatthAmA kR^ipashchaiva svayameva cha saindhavaH .. 40..\\
sa.nrabdhAH saindhavasyArthe samAvR^iNvankirITinam . 
nR^ityanta.n rathamArgeShu dhanurjyAtalanisvanaiH .. 41..\\
sa~NgrAmakovidaM pArtha.n sarve yuddhavishAradAH . 
abhItAH paryavartanta vyAditAsyamivAntakam .. 42..\\
saindhavaM pR^iShThataH kR^itvA jighA.nsanto.arjunAchyutau . 
sUryAstamayamichchhanto lohitAyati bhAskare .. 43..\\
te bhujairbhogi bhogAbhairdhanUMShyAyamya sAyakAn . 
mumuchuH sUryarashmyAbhA~nshatashaH phalgunaM prati .. 44..\\
tAnastAnasyamAnAMshcha kirITI yuddhadurmadaH . 
dvidhA tridhAShTadhaikaika.n chhittvA vivyAdha tAnraNe .. 45..\\
si.nhalA~NgUla ketustu darshaya~nshaktimAtmanaH . 
shAradvatIsuto rAjannarjunaM pratyavArayat .. 46..\\
sa viddhvA dashabhiH pArtha.n vAsudeva.n cha saptabhiH . 
atiShThadrathamArgeShu saindhavaM paripAlayan .. 47..\\
athaina.n kauravashreShThAH sarva eva mahArathAH . 
mahatA rathavaMshena sarvataH paryavArayan .. 48..\\
visphArayantashchApAni visR^ijantashcha sAyakAn . 
saindhavaM paryarakShanta shAsanAttanayasya te .. 49..\\
tatra pArthasya shUrasya bAhvorbalamadR^ishyata . 
R^iShUNAmakShayatva.n cha dhanuSho gANDivasya cha .. 50..\\
astrairastrANi sa.nvArya drauNeH shAradvatasya cha . 
ekaikaM navabhirbANaiH sarvAneva samarpayat .. 51..\\
ta.n drauNiH pa~nchaviMshatyA vR^iShasenashcha saptabhiH . 
duryodhanashcha viMshatyA karNa shalyau tribhistribhiH .. 52..\\
ta enamabhigarjanto vidhyantashcha punaH punaH . 
vidhunvantashcha chApAni sarvataH paryavArayan .. 53..\\
shliShTa.n tu sarvatashchakrU rathamaNDalamAshu te . 
sUryAstamayamichchhantastravamANA mahArathAH .. 54..\\
ta enamabhinardanto vidhunvAnA dhanUMShi cha . 
siShichurmArgaNairghorairgiriM meghA ivAmbubhiH .. 55..\\
te mahAstrANi divyAni tatra rAjanvyadarshayan . 
dhana~njayasya gAtreShu shUrAH parighabAhavaH .. 56..\\
hatabhUyiShThayodha.n tatkR^itvA tava balaM balI . 
AsasAda durAdharShaH saindhava.n satyavikramaH .. 57..\\
ta.n karNaH sa.nyuge rAjanpratyavArayadAshugaiH . 
miShato bhImasenasya sAtvatasya cha bhArata .. 58..\\
taM pArtho dashabhirbANaiH pratyavidhyadraNAjire . 
sUtaputraM mahAbAhuH sarvasainyasya pashyataH .. 59..\\
sAtvatashcha tribhirbANaiH karNa.n vivyAdha mAriSha . 
bhImasenastribhishchaiva punaH pArthashcha saptabhiH .. 60..\\
tAnkarNaH prativivyAdha ShaShTyA ShaShTyA mahArathaH . 
tadyuddhamabhavadrAjankarNasya bahubhiH saha .. 61..\\
tatrAdbhutamapashyAma sUtaputrasya mAriSha . 
yadekaH samare kruddhastrInrathAnparyavArayat .. 62..\\
phalgunastu mahAbAhuH karNa.n vaikartanaM raNe . 
sAyakAnA.n shatenaiva sarvamarmasvatADayat .. 63..\\
rudhirokShitasarvA~NgaH sUtaputraH pratApavAn . 
sharaiH pa~nchAshatA vIraH phalgunaM pratyavidhyata . 
tasya tallAghava.n dR^iShTvA nAmR^iShyata raNe.arjunaH .. 64..\\
tataH pArtho dhanushchhittvA vivyAdhaina.n stanAntare . 
sAyakairnavabhirvIrastvaramANo dhana~njayaH .. 65..\\
vadhArtha.n chAsya samare sAyaka.n sUryavarchasam . 
chikShepa tvarayA yuktastvarA kAle dhana~njayaH .. 66..\\
tamApatanta.n vegena drauNishchichchheda sAyakam . 
ardhachandreNa tIkShNena sa chhinnaH prApatadbhuvi .. 67..\\
athAnyaddhanurAdAya sUtaputraH pratApavAn . 
karNo.api dviShatA.n hantA chhAdayAmAsa phalgunam . 
sAyakairbahusAhasraiH kR^itapratikR^itepsayA .. 68..\\
tau vR^iShAviva nardantau narasi.nhau mahArathau . 
sAyakaughapratichchhanna.n chakratuH khamajihmagaiH . 
adR^ishyau cha sharaughaistau nighnatAm itaretaram .. 69..\\
pArtho.ahamasmi tiShTha tva.n karNo.ahaM tiShTha phalguna . 
ityeva.n tarjayantau tau vAkshalyaistudatAM tathA .. 70..\\
yudhyetA.n samare vIrau chitraM laghu cha suShThu cha . 
prekShaNIyau chAbhavatA.n sarvayodhasamAgame .. 71..\\
prashasyamAnau samare siddhachAraNavAtikaiH . 
ayudhyetAM mahArAja parasparavadhaiShiNau .. 72..\\
tato duryodhano rAja.nstAvakAnabhyabhAShata . 
yattA rakShata rAdheyaM nAhatvA samare.arjunam . 
nivartiShyati rAdheya iti mAmuktavAnvR^iShaH .. 73..\\
etasminnantare rAjandR^iShTvA karNasya vikramam . 
AkarNamuktairiShubhiH karNasya chaturo hayAn . 
anayanmR^ityulokAya chaturbhiH sAyakottamaiH .. 74..\\
sArathi.n chAsya bhallena rathanIDAdapAharat . 
chhAdayAmAsa cha sharaistava putrasya pashyataH .. 75..\\
sa chhAdyamAnaH samare hatAshvo hatasArathiH . 
mohitaH sharajAlena kartavyaM nAbhyapadyata .. 76..\\
ta.n tathA virathaM dR^iShTvA rathamAropya svaM tadA . 
ashvatthAmA mahArAja bhUyo.arjunamayodhayat .. 77..\\
madrarAjastu kaunteyamavidhyattriMshatA sharaiH . 
shAradvatastu viMshatyA vAsudeva.n samArpayat . 
dhana~njaya.n dvAdashabhirAjaghAna shilImukhaiH .. 78..\\
chaturbhiH sindhurAjashcha vR^iShasenashcha saptabhiH . 
pR^ithakpR^ithanmahArAja kR^iShNa pArthAvavidhyatAm .. 79..\\
tathaiva tAnpratyavidhyatkuntIputro dhana~njayaH . 
droNaputra.n chatuHShaShTyA madrarAja.n shatena cha .. 80..\\
saindhava.n dashabhirbhallairvR^iShasenaM tribhiH sharaiH . 
shAradvata.n cha viMshatyA viddhvA pArthaH samunnadat .. 81..\\
te pratiGYApratIghAtamichchhantaH savyasAchinaH . 
sahitAstAvakAstUrNamabhipeturdhana~njayam .. 82..\\
athArjunaH sarvato dhAramastraM 
prAdushchakre trAsayandhArtarAShTrAn . 
taM pratyudIyuH kuravaH pANDusUnuM 
rathairmahArhaiH sharavarShANyavarShan .. 83..\\
tatastu tasmi.nstumule samutthite 
sudAruNe bhArata mohanIye . 
nAmuhyata prApya sa rAjaputraH 
kirITamAli visR^ijanpR^iShatkAn .. 84..\\
rAjyaprepsuH savyasAchI kurUNAM 
smarankleshAndvAdasha varShavR^ittAn . 
gANDIvamuktairiShubhirmahAtmA 
sarvA disho vyAvR^iNodaprameyaiH .. 85..\\
pradIptolkamabhavachchAntarikShaM 
deheShu bhUrINyapatanvayA.nsi . 
yatpi~Ngala jyena kirITamAlI 
kruddho ripUnAjagavena hanti .. 86..\\
kirITamAlI mahatA mahAyashAH 
sharAsanenAsya sharAnanIkajit . 
hayapravekottama nAgadhUrgatAn 
kurupravIrAniShubhirnyapAtayat .. 87..\\
gadAshcha gurvIH parighAnayasmayAn 
asIMshcha shaktIshcha raNe narAdhipAH . 
mahAnti shastrANi cha bhImadarshanAH 
pragR^ihya pArtha.n sahasAbhidudruvuH .. 88..\\
sa tAnudIrNAnsa rathAshvavAraNAn 
padAtisa~NghAMshcha mahAdhanurdharaH . 
vipannasarvAyudhajIvitAnraNe 
chakAra vIro yamarAShTravardhanAn .. 89..\\
\medskip\hrule\medskip\centerline{\Largedvng 121}
 s

sa raNe vyacharatpArthaH prekShaNIyo dhana~njayaH . 
yugapaddikShu sarvAsu chitrANyastrANi darshayan .. 1..\\
madhyandinagata.n sUryaM pratapantamivAmbare . 
na shekuH sarvabhUtAni pANDavaM prativIkShitum .. 2..\\
prasR^itA.nstasya gANDIvAchchharavrAtAnmahAtmanaH . 
sa~NgrAme samapashyAma ha.nsapa~NktIrivAmbare .. 3..\\
vinivArya sa vIrANAmastrairastrANi sarvashaH . 
darshayanraudramAtmAnamugre karNami dhiShThitaH .. 4..\\
sa tAnrathavarAnrAjannabhyatikrAmadarjunaH . 
mohayanniva nArAchairjayadrathavadhepsayA .. 5..\\
visR^ijandikShu sarvAsu sharAnasitasArathiH . 
sa raNe vyacharattUrNaM prekShaNIyo dhana~njayaH .. 6..\\
bhramanta iva shUrasya sharavrAtA mahAtmanaH . 
adR^ishyantAntarikShasthAH shatasho.atha sahasrashaH .. 7..\\
AdadAnaM maheShvAsa.n sandadhAna.n cha pANDavam . 
visR^ijanta.n cha kaunteyaM nAnupashyAmahe tadA .. 8..\\
tathA sarvA disho rAjansarvAshcha rathino raNe . 
AkulI kR^ityakaunteyo jayadrathamupAdravat . 
vivyAdha cha chatuHShaShTyA sharANAM nataparvaNAm .. 9..\\
saindhavastu tathA viddhaH sharairgANDIvadhanvanA . 
na chakShame susa~NkruddhastottrArdita iva dvipaH .. 10..\\
sa varAhadhvajastUrNa.n gArdhrapatrAnajihmagAn . 
AshIviShasamaprakhyAnkarmAra parimArjitAn . 
mumocha nishitAnsa~Nkhye sAyakAnsavyasAchini .. 11..\\
tribhistu viddhvA gANDIvaM nArAchaiH ShaDbhirarjunam . 
aShTAbhirvAjino.avidhyaddhvaja.n chaikena patriNA .. 12..\\
sa vikShipyArjunastIkShNAnsaindhava preShitA~nsharAn . 
yugapattasya chichheda sharAbhyA.n saindhavasya ha . 
sAratheshcha shiraH kAyAddhvaja.n cha samala~NkR^itam .. 13..\\
sa chhinnayaShTiH sumahA~nshIryamANaH sharAhataH . 
varAhaH sindhurAjasya papAtAgnishikhopamaH .. 14..\\
etasminneva kAle tu druta.n gachchhati bhAskare . 
abravItpANDava.n tatra tvaramANo janArdanaH .. 15..\\
dhana~njaya shirashchhindhi saindhavasya durAtmanaH . 
astaM mahIdhara shreShTha.n yiyAsati divAkaraH . 
shR^iNuShvaiva cha me vAkya.n jayadrathavadhaM prati .. 16..\\
vR^iddhakShatraH saindhavasya pitA jagati vishrutaH . 
sa kAleneha mahatA saindhavaM prAptavAnsutam .. 17..\\
jayadrathamamitraghna.n taM chovAcha tato nR^ipam . 
antarhitA tadA vANI meghadundubhi nisvanA .. 18..\\
tavAtmajo.ayaM martyeShu kulashIladamAdibhiH . 
guNairbhaviShyati vibho sadR^isho vaMshayordvayoH . 
kShatiya pravaro loke nitya.n shUrAbhisatkR^itaH .. 19..\\
shatrubhiryudhyamAnasya sa~NgrAme tvasya dhanvinaH . 
shirashchhetsyati sa~NkruddhaH shatrurnAlakShito bhuvi .. 20..\\
etachchhrutvA sindhurAjo dhyAtvA chiramarindamam . 
GYAtInsarvAnuvAchedaM putrasnehAbhipIDitaH .. 21..\\
sa~NgrAme yudhyamAnasya vahato mahatI.n dhuram . 
dharaNyAM mama putrasya pAtayiShyati yaH shiraH . 
tasyApi shatadhA mUrdhA phaliShyati na saMshayaH .. 22..\\
evamuktvA tato rAjye sthApayitvA jayadratham . 
vR^iddhakShatro vana.n yAtastapashcheShTaM samasthitaH .. 23..\\
so.aya.n tapyati tejasvI tapo ghoraM durAsadam . 
samantapa~nchakAdasmAdbahirvAnaraketana .. 24..\\
tasmAjjayadrathasya tva.n shirashchhittvA mahAmR^idhe . 
divyenAstreNa ripuhanghoreNAdbhuta karmaNA .. 25..\\
sakuNDala.n sindhupateH prabha~njanasutAnuja . 
utsa~Nge pAtayasvAshu vR^iddhakShatrasya bhArata .. 26..\\
atha tvamasya mUrdhAnaM pAtayiShyasi bhUtale . 
tavApi shatadhA mUrdhA phaliShyati na saMshayaH .. 27..\\
yathA chaitanna jAnIyAtsa rAjA pR^ithivIpatiH . 
tathA kuru kurushreShTha divyamastramupAshritaH .. 28..\\
na hyasAdhyamakArya.n vA vidyate tava ki.n chana . 
samasteShvapi lokeShu triShu vAsavanandana .. 29..\\
etachchhrutvA tu vachana.n sR^ikkiNI parisa.nlihan . 
indrAshanisamasparsha.n divyamantrAbhimantritam .. 30..\\
sarvabhAra saha.n shashvadgandhamAlyArchitaM sharam . 
visasarjArjunastUrNa.n saindhavasya vadhe vR^itaH .. 31..\\
sa tu gANDIvanirmuktaH sharaH shyena ivAshugaH . 
shakuntamiva vR^ikShAgrAtsaindhavasya shiro.aharat .. 32..\\
aharattatpunashchaiva sharairUrdhva.n dhana~njayaH . 
durhR^idAmapraharShAya suhR^idA.n harShaNAya cha .. 33..\\
sharaiH kadambakI kR^ityakAle tasmiMshcha pANDavaH . 
samantapa~nchakAdbAhya.n shirastadvyaharattataH .. 34..\\
etasminnekakAle tu vR^iddhakShatro mahIpatiH . 
sandhyAmupAste tejasvI sambandhI tava mAriSha .. 35..\\
upAsInasya tasyAtha kR^iShNa kesha.n sakuNDalam . 
sindhurAjasya mUrdhAnamutsa~Nge samapAtayat .. 36..\\
tasyotsa~Nge nipatita.n shirastachchArukuNDalam . 
vR^iddhakShatrasya nR^ipateralakShitamarindama .. 37..\\
kR^ipa japyasya tasyAtha vR^iddhakShatrasya dhImataH . 
uttiShThatastatsahasA shiro.agachchhaddharAtalam .. 38..\\
tatastasya narendrasya putra mUrdhani bhUtalam . 
gate tasyApi shatadhA mUrdhAgachchhadarindama .. 39..\\
tataH sarvANi bhUtAni vismaya.n jagmuruttamam . 
vAsudevashcha bIbhatsuM prashasha.nsa mahAratham .. 40..\\
tato dR^iShTvA vinihata.n sindhurAja.n jayadratham . 
putrANA.n tava netrebhyo duHkhAdbahvapatajjalam .. 41..\\
bhImaseno.api sa~NgrAme bodhayanniva pANDavam . 
si.nhanAdena mahatA pUrayAmAsa rodasI .. 42..\\
ta.n shrutvA tu mahAnAda.n dharmaputro yudhiShThiraH . 
saindhavaM nihataM mene phalgunena mahAtmanA .. 43..\\
tato vAditraghoSheNa svAnyodhAnabhiharShayan . 
abhyavartata sa~NgrAme bhAradvAja.n yuyutsayA .. 44..\\
tataH pravavR^ite rAjannasta.n gachchhati bhAskare . 
droNasya somakaiH sArdha.n sa~Ngramo lomaharShaNaH .. 45..\\
te tu sarvaprayatnena bhAradvAja.n jighA.nsavaH . 
saindhave nihate rAjannayudhyanta mahArathAH .. 46..\\
pANDavAstu jaya.n labdhvA saindhavaM vinihatya cha . 
ayodhaya.nstato droNa.n jayonmattAstatastataH .. 47..\\
arjuno.api raNe yodhA.nstAvakAnrathasattamAn . 
ayodhayanmahArAja hatvA saindhavakaM nR^ipam .. 48..\\
sa devashatrUniva devarAjaH 
kirITamAlI vyadhamatsamantAt . 
yathA tamA.nsyabhyuditastamoghnaH 
pUrvAM pratiGYA.n samavApya vIraH .. 49..\\
\medskip\hrule\medskip\centerline{\Largedvng 122}
 dhr

tasminvinihate vIre saindhave savyasAchinA . 
mAmakA yadakurvanta tanmamAchakShva sa~njaya .. 1..\\

 s

saindhavaM nihata.n dR^iShTvA raNe pArthena mAriSha . 
amarShavashamApannaH kR^ipaH shAradatastadA .. 2..\\
mahatA sharavarSheNa pANDava.n samavAkirat . 
drauNishchAbhyadravatpArtha.n rathamAsthAya phalgunam .. 3..\\
tAvena.n rathinAM shreShThau rathAbhyAM rathasattamam . 
ubhAvubhayatastIkShNairvishikhairabhyavarShatAm .. 4..\\
sa tathA sharavarShAbhyA.n sumahadbhyAM mahAbhujaH . 
pIDyamAnaH parAmArtimagamadrathinA.n varaH .. 5..\\
so.ajighA.nsurguru.n sa~Nkhye gurostanayameva cha . 
chakArAchAryaka.n tatra kuntIputro dhana~njayaH .. 6..\\
astrairastrANi sa.nvArya drauNeH shAradvatasya cha . 
mandavegAniShU.nstAbhyAmajighA.nsuravAsR^ijat .. 7..\\
te nAtibhR^ishamabhyaghnanvishikhA jaya choditAH . 
bahutvAttu parAmArti.n sharANA.n tAvagachchhatAm .. 8..\\
atha shAradvato rAjankaunteyasharapIDitaH . 
avAsIdadrathopasthe mUrchchhAmabhijagAma ha .. 9..\\
vihvala.n tamabhiGYAya bhartAra.n sharapIDitam . 
hato.ayamiti cha GYAtvA sArathistamapAvahat .. 10..\\
tasminsanne mahArAje kR^ipe shAradvate yudhi . 
ashvatthAmApyapAyAsItpANDaveyAdrathAntaram .. 11..\\
dR^iShTvA shAradvataM pArtho mUrchhita.n sharapIDitam . 
ratha eva maheShvAsaH kR^ipaNaM paryadevayat .. 12..\\
pashyannidaM mahAprAGYaH kShattA rAjAnamuktavAn . 
kulAntakaraNe pApe jAtamAtre suyodhane .. 13..\\
nIyatAM paralokAya sAdhvaya.n kulapA.nsanaH . 
asmAddhi kurumukhyAnAM mahadutpatsyate bhayam .. 14..\\
tadida.n samanuprAptaM vachanaM satyavAdinaH . 
tatkR^ite hyadya pashyAmi sharatalpagata.n kR^ipam .. 15..\\
dhigastu kShAtramAchAra.n dhigastu balapauruSham . 
ko hi brAhmaNamAchAryamabhidruhyeta mAdR^ishaH .. 16..\\
R^iShiputro mamAchAryo droNasya dayitaH sakhA . 
eSha shete rathopasthe madbANairabhipIDitaH .. 17..\\
akAmayAnena mayA vishikhairardito bhR^isham . 
avAsIdadrathopasthe prANAnpIDayatIva me .. 18..\\
sharArditena hi mayA prekShaNIyo mahAdyutiH . 
pratyasto bahubhirbANairdasha dharmagatena vai .. 19..\\
shochayatyeSha nipatanbhUyaH putravadhAddhi mAm . 
kR^ipaNa.n svarathe sannaM pashya kR^iShNa yathAgatam .. 20..\\
upAkR^itya tu vai vidyAmAchAryebhyo nararShabhAH . 
prayachchhantIha ye kAmAndevatvamupayAnti te .. 21..\\
ye tu vidyAmupAdAya gurubhyaH puruShAdhamAH . 
ghnanti tAneva durvR^ittAste vai nirayagAminaH .. 22..\\
tadidaM narakAyAdya kR^ita.n karma mayA dhruvam . 
AchArya.n sharavarSheNa rathe sAdayatA kR^ipam .. 23..\\
yattatpUrvamupAkurvannastraM mAmabravItkR^ipaH . 
na katha.n chana kauravya prahartavyaM gurAviti .. 24..\\
tadida.n vachanaM sAdhorAchAryasya mahAtmanaH . 
nAnuShThita.n tamevAjau vishikhairabhivarShatAN .. 25..\\
namastasmai supUjyAya gautamAyApalAyine . 
dhigastu mama vArShNeya yo hyasmai praharAmyaham .. 26..\\
tathA vipalamAne tu savyasAchini taM prati . 
saindhavaM nihata.n dR^iShTvA rAdheyaH samupAdravat .. 27..\\
upAyAnta.n tu rAdheyaM dR^iShTvA pArtho mahArathaH . 
prahasandevakIputramida.n vachanamabravIt .. 28..\\
eSha prayAtyAdhirathiH sAtyakeH syandanaM prati . 
na mR^iShyati hataM nUnaM bhUrishravasamAhave .. 29..\\
yatra yAtyeSha tatra tva.n chodayAshvA~njanArdana . 
mA somadatteH padavI.n gamayetsAtyaki.n vR^iShaH .. 30..\\
ekamukto mahAbAhuH keshavaH savyasAchinA . 
pratyuvAcha mahAtejAH kAlayuktamida.n vachaH .. 31..\\
alameSha mahAbAhuH karNAyaiko hi pANDava . 
kiM punardraupadeyAbhyA.n sahitaH sAtatarShabhaH .. 32..\\
na cha tAvatkShamaH pArtha karNena tava sa~NgaraH . 
prajvalantI maholkeva tiShThatyasya hi vAsavI . 
tvadarthaM pUjyamAnaiShA rakShyate paravIrahan .. 33..\\
ataH karNaH prayAtvatra sAtvatasya yathAtathA . 
aha.n GYAsyAmi kauravya kAlamasya durAtmanaH .. 34..\\

 dhw

yo.asau karNena vIreNa vArShNeyasya samAgamaH . 
hate tu bhUrishravasi saindhave cha nipAtite .. 35..\\
sAtyakishchApi virathaH ka.n samArUDhavAnratham . 
chakrarakShau cha pA~nchAlyau tanmamAchakShva sa~njaya .. 36..\\

 s

hanta te varNayiShyAmi yathAvR^ittaM mahAraNe . 
shushrUShasva sthiro bhUtvA durAcharitamAtmanaH .. 37..\\
pUrvameva hi kR^iShNasya manogatamidaM prabho . 
vijetavyo yathA vIraH sAtyakiryUpaketunA .. 38..\\
atItAnAgata.n rAjansa hi vetti janArdanaH . 
ataH sUta.n samAhUya dArukaM sandidesha ha . 
ratho me yujyatA.n kAlyamiti rAjanmahAbalaH .. 39..\\
na hi devA na gandharvA na yakShoraga rAkShasAH . 
mAnavA vA vijetAraH kR^iShNayoH santi ke chana .. 40..\\
pitAmahapurogAshcha devAH siddhAshcha ta.n viduH . 
tayoH prabhAvamatula.n shR^iNu yuddha.n cha tadyathA .. 41..\\
sAtyaki.n viratha.n dR^iShTvA karNaM chAbhyudyatAyudham . 
dadhmau sha~NkhaM mahAvegamArShabheNAtha mAdhavaH .. 42..\\
dAruko.avetya sandesha.n shrutvA sha~Nkhasya cha svanam . 
rathamanvAnayattasmai suparNochchhritaketanam .. 43..\\
sa keshavasyAnumate ratha.n dAruka sa.nyutam . 
Aruroha shineH pautro jvalanAditya saMnibham .. 44..\\
kAmagaiH sainyasugrIva meghapuShpabalAhakaiH . 
hayodagrairmahAvegairhemabhANDa vibhUShitaiH .. 45..\\
yukta.n samAruhya cha taM vimAnapratimaM ratham . 
abhyadravata rAdheyaM pravapansAyakAnbahUn .. 46..\\
chakrarakShAvapi tadA yudhAmanyUttamaujasau . 
dhana~njayaratha.n hitvA rAdheyaM pratyudIyayuH .. 47..\\
rAdheyo.api mahArAja sharavarSha.n samutsR^ijan . 
abhyadravatsusa~Nkruddho raNe shaineyamachyutam .. 48..\\
naiva daivaM na gAndharvaM nAsuroraga rAkShasam . 
tAdR^ishaM bhuvi vA yuddha.n divi vA shrutamityuta .. 49..\\
upAramata tatsainya.n sa rathAshvanaradvipam . 
tayordR^iShTvA mahArAja karma saMmUDhachetanam .. 50..\\
sarve cha samapashyanta tadyuddhamatimAnuSham . 
tayornR^ivarayo rAjansArathya.n dArukasya cha .. 51..\\
gatapratyAgatAvR^ittairmaNDalaiH saMnivartanaiH . 
sArathestu rathasthasya kAshyapeyasya vismitAH .. 52..\\
nabhastalagatAshchaiva devagandharvadAnavAH . 
atIvAvahitA draShTu.n karNa shaineyayo raNam .. 53..\\
mitrArthe tau parAkrAntau spardhinau shuShmiNau raNe . 
karNashchAmarasa~NkAsho yuyudhAnashcha sAtyakiH .. 54..\\
anyonya.n tau mahArAja sharavarShairavarShatAm . 
pramamAtha shineH pautra.n karNaH sAyakavR^iShTibhiH .. 55..\\
amR^iShyamANo nidhana.n kauravya jalasandhayoH . 
karNaH shokasamAviShTo mahoraga iva shvasan .. 56..\\
sa shaineya.n raNe kruddhaH pradahanniva chakShuShA . 
abhyadravata vegena punaH punararindamaH .. 57..\\
ta.n tu samprekShya sa~Nkruddha.n sAtyakiH pratyavidhyata . 
mahatA sharavarSheNa gajaH pratigaja.n yathA .. 58..\\
tau sametya naravyAghrau vyAghrAviva tarasvinau . 
anyonya.n santatakShAte raNe.anupama vikramau .. 59..\\
tataH karNa.n shineH pautraH sarvapArashavaiH sharaiH . 
vibheda sarvagAtreShu punaH punararindamaH .. 60..\\
sArathi.n chAsya bhallena rathanIDAdapAharat . 
ashvAMshcha chaturaH shvetAnnijaghne nishitaiH sharaiH .. 61..\\
chhittvA dhvaja.n shatenaiva shatadhA puruSharShabhaH . 
chakAra viratha.n karNaM tava putrasya pashyataH .. 62..\\
tato vimanaso rAja.nstAvakAH puruSharShabhAH . 
vR^iShasenaH karNasutaH shalyo madrAdhipastathA .. 63..\\
droNaputrashcha shaineya.n sarvataH paryavArayan . 
tataH paryAkula.n sarvaM na prAGYAyata ki.n chana .. 64..\\
tathA sAtyakinA vIre virathe sUtaje kR^ite . 
hAhAkArastato rAjansarvasainyeShu chAbhavat .. 65..\\
karNo.api vihvalo rAjansAtvatenArditaH sharaiH . 
duryodhana ratha.n rAjannAruroha viniHshvasan .. 66..\\
mAnaya.nstava putrasya bAlyAtprabhR^iti sauhR^idam . 
kR^itA.n rAjyapradAnena pratiGYAM paripAlayan .. 67..\\
tathA tu virathe karNe putrAnvai tava pArthiva . 
duHshAsana mukhA~nshUrAnnAvadhItsAtyakirvashI .. 68..\\
rakShanpratiGYA.n cha punarbhImasenakR^itAM purA . 
virathAnvihvalAMshchakre na tu prANairvyayojayat .. 69..\\
bhImasenena tu vadhaH putrANA.n te pratishrutaH . 
punardyUte cha pArthena vadhaH karNasya shaMshrutaH .. 70..\\
vadhe tvakurvanyatna.n te tasya karNa mukhAstadA . 
nAshaknuvaMshcha ta.n hantuM sAtyakiM pravarA rathAH .. 71..\\
drauNishcha kR^itavarmA cha tathaivAnye mahArathAH . 
nirjitA dhanuShaikena shatashaH kShatriyarShabhAH . 
kA~NkShatA paraloka.n cha dharmarAjasya cha priyam .. 72..\\
kR^iShNayoH sadR^isho vIrye sAtyakiH shatrukarshanaH . 
kR^iShNo vApi bhavelloke pArtho vApi dhanurdharaH . 
shaineyo vA naravyaghrash chaturtho nopalabhyate .. 73..\\

 dhr

ajayya.n rathamAsthAya vAsudevasya sAtyakiH . 
viratha.n kR^itavAnkarNa.n vAsudeva samo yuvA .. 74..\\
dArukeNa samAyukta.n svabAhubaladarpitaH . 
kachchidanya.n samArUDhaH sa rathaM sAtyakiH punaH .. 75..\\
etadichchhAmyaha.n shrotu.n kushalo hyasi bhAShitum . 
asahya.n tamahaM manye tanmamAchakShva sa~njaya .. 76..\\

 s

shR^iNu rAjanyathA tasya rathamanyaM mahAmatiH . 
dArukasyAnujastUrNa.n kalpanA vidhikalpitam .. 77..\\
AyasaiH kA~nchanairshchApi paTTairnaddha.n sa kUbaram . 
tArA sahasrakhachita.n si.nhadhvajapatAkinam .. 78..\\
ashvairvAtajavairyukta.n hemabhANDa parichchhadaiH . 
pANDurairindusa~NkAshaiH sarvashabdAtigairdR^iDhaiH .. 79..\\
chitrakA~nchanasaMnAhairvAjimukhyairvishAM pate . 
ghaNTAjAlAkula rava.n shaktitomaravidyutam .. 80..\\
vR^ita.n sA~NgrAmikairdravyairbahushastraparichchhadam . 
ratha.n sampAdayAmAsa meghagambhIra nisvanam .. 81..\\
ta.n samAruhya shaineyastava sainyamupAdravat . 
dAruko.api yathAkAmaM prayayau keshavAntikam .. 82..\\
karNasyApi mahArAja sha~NkhagokShIra pANDuraiH . 
chitrakA~nchanasaMnAhaiH sadashvairvegavattaraiH .. 83..\\
hemakakShyA dhvajopeta.n kL^ipta yantrapatAkinam . 
agrya.n rathaM suyantAraM bahushastraparichchhadam .. 84..\\
upAjahrustamAsthAya karNo.apyabhyadravadripUn . 
etatte saramAkhyAta.n yanmA.n tvaM paripR^ichchhasi .. 85..\\
bhUyashchApi nibodha tva.n tavApanayajaM kShayam . 
ekatriMshattava sutA bhImasenena pAtitAH .. 86..\\
durmukhaM pramukhe kR^itvA satata.n chitrayodhinam . 
shatasho nihatAH shUrAH sAtvatenArjunena cha .. 87..\\
bhIShmaM pramukhataH kR^itvA bhagadatta.n cha mAriSha . 
evameSha kShayo vR^itto rAjandurmantrite tava .. 88..\\
\medskip\hrule\medskip\centerline{\Largedvng 123}
 dhr

tathAgateShu shUreShu teShAM mama cha sa~njaya . 
ki.n vai bhImastadAkArShIttanmamAchakShva sa~njaya .. 1..\\

 s

viratho bhImaseno vai karNa vAkshalya pIDitaH . 
amarShavashamApannaH phalguna.n vAkyamabravIt .. 2..\\
punaH punastUbaraka mUDha audariketi cha . 
akR^itAstraka mA yodhIrbAla sa~NgrAmakAtara .. 3..\\
iti mAmabravItkarNaH pashyataste dhana~njaya . 
eva.n vaktA cha me vadhyastena chokto.asmi bhArata .. 4..\\
etadvrataM mahAbAho tvayA saha kR^itaM mayA . 
yathaitanmama kauneya tathA tava na saMshayaH .. 5..\\
tadvadhAya narashreShTha smaraitadvachanaM mama . 
yathA bhavati tatsatya.n tathA kuru dhana~njaya .. 6..\\
tachchhrutvA vachana.n tasya bhImasyAmita vikramaH . 
tato.arjuno.abravItkarNa.n kiM chidabhyetya sa.nyuge .. 7..\\
karNa karNa vR^ithA dR^iShTe sUtaputrAtma sa.nstuta . 
adharmabuddhe shR^iNu me yattvA vakShyAmi sAmpratam .. 8..\\
dvividha.n karma shUrANA.n yuddhe jayaparAjayau . 
tau chApyanityau rAdheya vAsavasyApi yudhyataH .. 9..\\
mumUrShuryuyudhAnena viratho.asi visarjitaH . 
yadR^ichchhayA bhImasena.n viratha.n kR^itavAnasi .. 10..\\
adharmastveSha rAdheya yattvaM bhImamavochathAH . 
yuddhadharma.n vijAnanvai yudhyantamapalAyinam . 
pUrayanta.n yathAshakti shUra karmAhave tathA .. 11..\\
pashyatA.n sarvasainyAnA.n keshavasya mamaiva cha . 
viratho bhImasenena kR^ito.asi bahusho raNe . 
na cha tvAM paruSha.n kiM chiduktavAnpaNDunandanaH .. 12..\\
yasmAttu bahu rUkSha.n cha shrAvitaste vR^ikodaraH . 
parokSha.n yachcha saubhadro yuShmAbhirnihato mama .. 13..\\
tasmAdasyAvalepasya sadyaH phalamavApnuhi . 
tvayA tasya dhanushchhinnamAtmanAshAya durmate .. 14..\\
tasmAdvadhyo.asi me mUDha sa bhR^ityabalavAhanaH . 
kuru tva.n sarvakR^ityAni mahatte bhayamAgatam .. 15..\\
hantAsmi vR^iShasena.n te prekShamANasya sa.nyuge . 
ye chAnye.apyupayAsyanti buddhimohena mAM nR^ipAH . 
tAMshcha sarvAnhaniShyAmi satyenAyudhamAlabhe .. 16..\\
tvA.n cha mUDhAkR^ita praGYamatimAninamAhave . 
dR^iShTvA duryodhano mando bhR^isha.n tapsyati pAtitam .. 17..\\
arjunena pratiGYAte vadhe karNasutasya tu . 
mahAnsutumulaH shabdo babhUva rathinA.n tadA .. 18..\\
tasminnAkulasa~NgrAme vartamAne mahAbhaye . 
mandarashmiH sahasrAMshurasta.n girimupAgamat .. 19..\\
tato rAjanhR^iShIkeshaH sa~NgrAmashirasi sthitam . 
tIrNapratiGYaM bIbhatsuM pariShvajyedamabravIt .. 20..\\
diShTyA sampAditA jiShNo pratiGYA mahatI tvayA . 
diShTyA cha nihataH pApo vR^iddhakShatraH sahAtmajaH .. 21..\\
dhArtarAShTra balaM prApya deva senApi bhArata . 
sIdeta samare jiShNo nAtra kAryA vichAraNA .. 22..\\
na taM pashyAmi lokeShu chintayanpuruSha.n kva chit . 
tvadR^ite puruShavyAghra ya etadyodhayedbalam .. 23..\\
mahAprabhAva bahavastvayA tulyAdhikApi vA . 
sametAH pR^ithivIpAlA dhArtarAShTrasya kAraNAt . 
te tvAM prApya raNe kruddhaM nAbhyavartanta daMshitAH .. 24..\\
tava vIryaM bala.n chaiva rudra shakrAntakopamam . 
nedR^isha.n shaknuyatkashchidraNe kartuM parAkramam . 
yAdR^isha.n kR^itavAnadya tvamekaH shatrutApanaH .. 25..\\
evameva hate karNe sAnubandhe durAtmani . 
vardhayiShyAmi bhUyastvA.n vijitAriM hatadviSham .. 26..\\
tamarjunaH pratyuvAcha prasAdAttava mAdhava . 
pratiGYeyaM mayottIrNA vibudhairapi dustarA .. 27..\\
anAshcharyo jayasteShA.n yeShAM nAtho.asi mAdhava . 
tvatprasAdAnmahI.n kR^itsnA.n samprApsyati yudhiShThiraH .. 28..\\
tavaiva bhAro vArShNeya tavaiva vijayaH prabho . 
vardhanIyAstava vayaM preShyAshcha madhusUdana .. 29..\\
evamuktaH smayankR^iShNaH shanakairvAhayanhayAn . 
darshayAmAsa pArthAya krUramAyodhanaM mahat .. 30..\\

 k

prArthayanto jaya.n yuddhe pratita.n cha mahadyashaH . 
pR^ithivyA.n sherate shUrAH parthivAstvachchharairhatAH .. 31..\\
vikIrNashastrAbharaNA vipannAshvarathadvipAH . 
sa~nchinnabhinna varmANo vaiklavyaM parama.n gatAH .. 32..\\
sa sattvagatasattvAshcha prabhayA parayA yutAH . 
sa jIvA iva lakShyante gatasattvA narAdhipAH .. 33..\\
teShA.n sharaiH svarNapu~NkhaiH shastraishcha vividhaiH shitaiH . 
vAhanairAyudhaishchaiva sampUrNAM pashya medinIm .. 34..\\
varmabhishcharmabhirhAraiH shirobhishcha sakuNDalaiH . 
uShNIShairmukuTaiH sragbhishchUDAmaNibhirambaraiH .. 35..\\
kaNThasUtraira~Ngadaishcha niShkairapi cha suprabhaiH . 
anyaishchAbrahaNaishchitrairbhAti bhArata medinI .. 36..\\
chAmarairvyajanaishchitrairdhvajaishchAshvarathadvipaiH . 
vividhaishcha paristomairashvAnA.n cha prakIrNakaiH .. 37..\\
kuthAbhishcha vichitrAbhirvarUthaishcha mahAdhanaiH . 
sa.nstIrNA.n vasudhAM pashya chitrapaTTairivAvR^itAm .. 38..\\
nAgebhyaH patitAnanyAnkalpitebhyo dvipaiH saha . 
si.nhAnvajrapraNunnebhyo giryagrebhya iva chyutAn .. 39..\\
sa.nsyUtAnvAjibhiH sArdha.n dharaNyAM pashya chAparAn . 
padAtisAdi sa~NghAMshcha kShatajaughapariplutAn .. 40..\\

 s

eva.n sandarshayankR^iShNo raNabhUmi.n kirITinaH . 
svaiH sametaH sa muditaH pA~nchajanya.n vyanAdayat .. 41..\\
\medskip\hrule\medskip\centerline{\Largedvng 124}
 s

tato yudhiShThiro rAjA rathAdAplutya bhArata . 
paryaShvajattadA kR^iShNAvAnandAshru pariplutaH .. 1..\\
pramR^ijya vadana.n shubhraM puNDarIkasamaprabham . 
abravIdvAsudeva.n cha pANDavaM cha dhana~njayam .. 2..\\
diShTyA pashyAmi sa~NgrAme tIrNabhArau mahArathau . 
diShTyA cha nihataH pApaH saindhavaH puruShAdhamaH .. 3..\\
kR^iShNa diShTyA mama prItirmahatI pratipAditA . 
diShTyA shatrugaNAshchaiva nimagnAH shokasAgare .. 4..\\
na teShA.n duShkaraM kiM chittriShu lokeShu vidyate . 
sarvalokagururyeShA.n tvaM nAtho madhusUdana .. 5..\\
tava prasAdAdgovinda vaya.n jeShyAmahe ripUn . 
yathApUrvaM prasAdAtte dAnavAnpAkashAsanaH .. 6..\\
pR^ithivI vijayo vApi trailokyavijayo.api vA . 
dhruvo hi teShA.n vArShNeya yeShA.n tuShTo.asi mAdhava .. 7..\\
na teShA.n vidyate pApaM sa~NgrAme vA parAjayaH . 
tridasheshvaranAthastva.n yeShA.n tuShTo.asi mAdhava .. 8..\\
tvatprasAdAddhR^iShIkesha shakraH suragaNeshvaraH . 
trailokyavijaya.n shrImAnprAptavAnraNamUrdhani .. 9..\\
tava chaiva prasAdena tridashAstridasheshvara . 
amaratva.n gatAH kR^iShNa lokAMshchAshnuvate.akShayAn .. 10..\\
tvatprasAda samutthena vikrameNAri sUdana . 
sureshatva.n gataH shakro hatvA daityAnsahasrashaH .. 11..\\
tvatprasAdAddhR^iShIkesha jagatsthAvaraja~Ngamam . 
svavartmani sthita.n vIra japahomeShu vartate .. 12..\\
ekArNavamidaM pUrva.n sarvamAsIttamomayam . 
tvatprasAdAtprakAshatva.n jagatprAptaM narottama .. 13..\\
sraShTAra.n sarvalokAnAM paramAtmAnamachyutam . 
ye prapannA hR^iShIkeshaM na te muhyanti karhi chit .. 14..\\
anAdi nidhana.n deva.n lokakartAramavyayam . 
tvAM bhaktA ye hR^iShIkesha durgANyatitaranti te .. 15..\\
paraM purANaM puruShaM purANAnAM para.n cha yat . 
prapadyatastaM paramaM parA bhUtirvidhIyate .. 16..\\
yo.agAta chaturo vedAnyashcha vedeShu gIyate . 
taM prapadya mahAtmAnaM bhUtimApnotyanuttamAm .. 17..\\
dhana~njaya sakhA yashcha dhana~njaya hitashcha yaH . 
ta.n dhana~njaya goptAraM prapadya sukhamedhate .. 18..\\
ityuktau tau mahAtmAnAvubhau keshava pANDavau . 
tAvabrUtA.n tadA hR^iShTau rAjAnaM pR^ithivIpatim .. 19..\\
tava kopAgninA dagdhaH pApo rAjA jayadrathaH . 
udIrNa.n chApi sumahaddhArtarAShTra bala.n raNe .. 20..\\
hanyate nihata.n chaiva vina~NkShyati cha bhArata . 
tava krodhahatA hyete kauravAH shatrusUdana .. 21..\\
tvA.n hi chakShurhaNaM vIra.n kopayitvA suyodhanaH . 
sa mitra bandhuH samare prANA.nstyakShyati durmatiH .. 22..\\
tava krodhahataH pUrva.n devairapi sudurjayaH . 
sharatalpagataH shete bhIShmaH kurupitAmahaH .. 23..\\
durlabho hi jayasteShA.n sa~NgrAme ripusUdana . 
yAtA mR^ityuvasha.n te vai yeShAM kroddho.asi pANDava .. 24..\\
rAjyaM prANAH priyAH putrAH saukhyAni vividhAni cha . 
achirAttasya nashyanti yeShA.n kruddo.asi mAnada .. 25..\\
vinaShTAnkauravAnmanye saputrapashubAndhavAn . 
rAjadharmapare nitya.n tvayi kruddhe yudhiShThira .. 26..\\
tato bhImo mahAbAhuH sAtyakishcha mahArathaH . 
abhivAdya guru.n jyeShThaM mArgaNaiH kShatavikShatau . 
sthitAvAstAM maheShvAsau pA~nchAlyaiH parivAritau .. 27..\\
tau dR^iShTva muditau vIrau prA~njalIchAgrataH sthitau . 
abhyanandata kaunteyastAvubhau bhIma sAtyakI .. 28..\\
diShTyA pashyAmi vA.n vIrau vimuktau sainyasAgarAt . 
droNa grAhAddurAdharShAddhArdikya makarAlayAt . 
diShTyA cha nirjitAH sa~Nkhye pR^ithivyA.n sarvapArthivAH .. 29..\\
yuvA.n vijayinau chApi diShTyA pashyAmi sa.nyuge . 
diShTyA droNo jitaH sa~Nkhye hArdikyashcha mahAbalaH .. 30..\\
sainyArNava.n samuttIrNau diShTyA pashyAmi chAnaghau . 
samarashlAghinau vIrau samareShvapalAyinau . 
mama prANasamau chaiva diShTyA pashyAmi vAm aham .. 31..\\
ityuktvA pANDavo rAjA yuyudhAna vR^ikodarau . 
sasvaje puruShavyAghrau harShAdbAShpaM mumocha ha .. 32..\\
tataH pramuditaH sarvaM balamAsIdvishAM pate . 
pANDavAnA.n jayaM dR^iShTvA yuddhAya cha mano dadhe .. 33..\\
\medskip\hrule\medskip\centerline{\Largedvng 125}
 s

saindhave nihate rAjanputrastava suyodhanaH . 
ashruklinna mukho dIno nirutsAho dviShajjaye . 
amanyatArjuna samo yodho bhuvi na vidyate .. 1..\\
na droNo na cha rAdheyo nAshvatthAmA kR^ipo na cha . 
kruddhasya pramukhe sthAtuM paryAptA iti mAriSha .. 2..\\
nirjitya hi raNe pArthaH sarvAnmama mahArathAn . 
avadhItsaindhava.n sa~Nkhye naina.n kashchidavArayat .. 3..\\
sarvathA hatamevaitatkauravANAM mahadbalam . 
na hyasya vidyate trAta sAkShAdapi purandaraH .. 4..\\
yamupAshritya sa~NgrAme kR^itaH shastrasamudyamaH . 
sa karNo nirjitaH sa~Nkhye hatashchaiva jayadrathaH .. 5..\\
paruShANi sabhAmadhye proktavAnyaH sma pANDavAn . 
sa karNo nirjitaH sa~Nkhye saindhavashcha nipAtitaH .. 6..\\
yasya vIrya.n samAshritya shamaM yAchantamachyutam . 
tR^iNavattamahaM manye sa karNo nirjito yudhi .. 7..\\
eva.n klAntamanA rAjannupAyAddroNamIkShitum . 
AgaskR^itsarvalokasya putraste bharatarShabha .. 8..\\
tatastatsarvamAchakhyau kurUNA.n vaishasaM mahat . 
parAnvijayatashchApi dhArtarAShTrAnnimajjataH .. 9..\\

 dur

pashya mUrdhAvasiktAnAmAchArya kadana.n kR^itam . 
kR^itvA pramukhataH shUraM bhIShmaM mama pitAmaham .. 10..\\
taM nihatya pralubdho.aya.n shikhaNDI pUrNamAnasaH . 
pA~nchAlaiH sahitaH sarvaiH senAgramabhikarShati .. 11..\\
aparashchApi durdharShaH shiShyaste savyasAchinA . 
akShauhiNI sapta hatvA hato rAjA jayadrathaH .. 12..\\
asmadvijayakAmAnA.n suhR^idAmupakAriNAm . 
gantAsmi kathamAnR^iNya.n gatAnA.n yamasAdanam .. 13..\\
ye madarthaM parIpsanti vasudhA.n vasudhAdhipAH . 
te hitvA vasudhaishvarya.n vasudhAmadhisherate .. 14..\\
so.aha.n kApuruShaH kR^itvA mitrANAM kShayamIdR^isham . 
nAshvamedhasahasreNa pAtumAtmAnamutsahe .. 15..\\
mama lubdhasya pApasya tathA dharmApachAyinaH . 
vyAyachchhanto jigIShantaH prAptA vaivasvatakShayam .. 16..\\
kathaM patitavR^ittasya pR^ithivI suhR^idA.n druhaH . 
vivaraM nAshakaddAtuM mama pArthiva sa.nsadi .. 17..\\
so.aha.n rudhirasiktA~NgaM rAGYAM madhye pitAmaham . 
shayAnaM nAshaka.n trAtuM bhIShmamAyodhane hatam .. 18..\\
taM mAmanArya puruShaM mitra druhamadhArmikam . 
ki.n sa vakShyati durdharShaH sametya paralokavit .. 19..\\
jalasandhaM maheShvAsaM pashya sAtyakinA hatam . 
madarthamudyata.n shUraM prANA.nstyaktvA mahAratham .. 20..\\
kAmbojaM nihata.n dR^iShTvA tathAlambusameva cha . 
anyAnbahUMshcha suhR^ido jIvitArtho.adya ko mama .. 21..\\
vyAyachchhanto hatAH shUrA madarthe ye.aparA~NmukhAH . 
yatamAnAH para.n shaktyA vijetumahitAnmama .. 22..\\
teShA.n gatvAhamAnR^iNyamadya shaktyA parantapa . 
tarpayiShyAmi tAneva jalena yamunAm anu .. 23..\\
satya.n te pratijAnAmi sarvashastrabhR^itA.n varam . 
iShTApUrtena cha shape vIryeNa cha sutairapi .. 24..\\
nihatya tAnraNe sarvAnpA~nchAlAnpANDavaiH saha . 
shAnti.n labdhAsmi teShAM vA raNe gantA sa lokatAm .. 25..\\
na hIdAnI.n sahAyA me parIpsantyanupaskR^itAH . 
shreyo hi pANDUnmanyante na tathAsmAnmahAbhuja .. 26..\\
svaya.n hi mR^ityurvihitaH satyasandhena sa.nyuge . 
bhavAnupekShA.n kurute sushiShyatvAddhana~njaye .. 27..\\
ato vinihatAH sarve ye.asmajjaya chikIrShavaH . 
karNameva tu pashyAmi sampratyasmajjayaiShiNam .. 28..\\
yo hi mitramaviGYAya yAthAtathyena mandadhIH . 
mitrArthe yojayatyena.n tasya so.artho.avasIdati .. 29..\\
tAdR^igrUpamida.n kAryaM kR^itaM mama suhR^idbruvaiH . 
mohAllubdhasya pApasya jihmAchAraistatastataH .. 30..\\
hato jayadrathashchaiva saumadattishcha vIryavAn . 
abhIShAhAH shUrasenAH shibayo.atha vasAtayaH .. 31..\\
so.ahamadya gamiShyAmi yatra te puruSharShabhAH . 
hatA madartha.n sa~NgrAme yudhyamAnAH kirITinA .. 32..\\
na hi me jIvitenArthastAnR^ite puruSharShabhAn . 
AchAryaH pANDuputrANAmanujAnAtu no bhavAn .. 33..\\
\medskip\hrule\medskip\centerline{\Largedvng 126}
 dhr

sindhurAje hate tAta samare savyasAchinA . 
tathaiva bhUrishravasi kimAsIdvo manastadA .. 1..\\
duryodhanena cha droNastathoktaH kurusa.nsadi . 
kimuktavAnpara.n tasmAttanmamAchakShva sa~njaya .. 2..\\

 s

niShTAnako mahAnAsItsainyAnA.n tava bhArata . 
saindhavaM nihata.n dR^iShTvA bhUrishravasameva cha .. 3..\\
mantrita.n tava putrasya te sarvamavamenire . 
yena mantreNa nihatAH shatashaH kShatriyarShabhAH .. 4..\\
droNastu tadvachaH shrutvA putrasya tava durmanAH . 
muhUrtamiva tu dhyAtvA bhR^ishamArto.abhyabhAShata .. 5..\\
duryodhana kimevaM mA.n vAksharairabhikR^intasi . 
ajayya.n samare nityaM bruvANaM savyasAchinam .. 6..\\
etenaivArjuna.n GYAtumala.n kaurava sa.nyuge . 
yachchhikhaNDyavadhIdbhIShmaM pAlyamAnaH kirITinA .. 7..\\
avadhyaM nihata.n dR^iShTvA sa.nyuge deva mAnuShaiH . 
tadaivAGYAsiShamahaM neyamastIti bhAratI .. 8..\\
yaM pu.nsA.n triShu lokeShu sarvashUramama.nsmahi . 
tasminvinihate shUre ki.n sheShaM paryupAsmahe .. 9..\\
yAnsma tAnglahate tAtaH shakuniH kurusa.nsadi . 
akShAnna te.akShA nishitA bANAste shatrutApanAH .. 10..\\
ta ete ghnanti nastAta vishikhA jaya choditAH . 
yA.nstadA khyApyamAnA.nstva.n vidureNa na budhyase .. 11..\\
tAstA vilapatashchApi vidurasya mahAtmanaH . 
dhIrasya vAcho nAshrauShIH kShemAya vadataH shivAH .. 12..\\
tadida.n vartate ghoramAgataM vaishasaM mahat . 
tasyAvamAnAdvAkyasya duryodhanakR^ite tava .. 13..\\
yachcha naH prekShamANAnA.n kR^iShNAmAnAyayaH sabhAm . 
anarhatI.n kule jAtA.n sarvadharmAnuchAriNIm .. 14..\\
tasyAdharmasya gAndhAre phalaM prAptamida.n tvayA . 
no chetpApaM pare loke tvamarchchhethAstato.adhikam .. 15..\\
yachcha tAnpANDavAndyUte viShameNa vijitya ha . 
prAvrAjayastadAraNye rauravAjinavAsasaH .. 16..\\
putrANAmiva chaiteShA.n dharmamAcharatA.n sadA . 
druhyetko nu naro loke madanyo brAhmaNa bruvaH .. 17..\\
pANDavAnAmaya.n kopastvayA shakuninA saha . 
AhR^ito dhR^itarAShTrasya saMmate kurusa.nsadi .. 18..\\
duHshAsanena sa.nyuktaH karNena parivardhitaH . 
kShatturvAkyamanAdR^itya tvayAbhyastaH punaH punaH .. 19..\\
yattatsarve parAbhUya paryavArayatArjunim . 
sindhurAjAnamAshritya sa vo madhye katha.n hataH .. 20..\\
katha.n tvayi cha karNe cha kR^ipe shalye cha jIvati . 
ashvatthAmni cha kauravya nidhana.n saindhavo.agamat .. 21..\\
yadvastatsarvarAjAnastejastigmamupAsate . 
sindhurAjaM paritrAtu.n sa vo madhye kathaM hataH .. 22..\\
mayyeva hi visheSheNa tathA duryodhana tvayi . 
Asha.nsata paritrANamarjunAtsa mahIpatiH .. 23..\\
tatastasminparitrANamalabdhavati phalgunAt . 
na ki.n chidanupashyAmi jIvitatrANamAtmanaH .. 24..\\
majjantamiva chAtmAna.n dR^iShTadyumnasya kilbiShe . 
pashyAmyahatvA pA~nchAlAnsaha tena shikhaNDinA .. 25..\\
tanmA kimabhitapyanta.n vAksharairabhikR^intasi . 
ashaktaH sindhurAjasya bhUtvA trANAya bhArata .. 26..\\
sauvarNa.n satyasandhasya dhvajamakliShTakarmaNaH . 
apashyanyudhi bhIShmasya kathamAsha.nsase jayam .. 27..\\
madhye mahArathAnA.n cha yatrAhanyata saindhavaH . 
hato bhUrishravAshchaiva ki.n sheSha.n tatra manyase .. 28..\\
kR^ipa eva cha durdharSho yadi jIvati pArthiva . 
yo nAgAtsindhurAjasya vartma taM pUjayAmyaham .. 29..\\
yachchApashya.n hataM bhIShmaM pashyataste.anujasya vai . 
duHshAsanasya kauravya kurvANa.n karma duShkaram . 
avadhyakalpa.n sa~NgrAme devairapi sa vAsavaiH .. 30..\\
na te vasundharAstIti tadaha.n chintaye nR^ipa . 
imAni pANDavAnA.n cha sR^i~njayAnAM cha bhArata . 
anIkAnyAdravante mA.n sahitAnyadya mAriSha .. 31..\\
nAhatvA sarvapA~nchAlAnkavachasya vimokShaNam . 
kartAsmi samare karma dhArtarAShTra hita.n tava .. 32..\\
rAjanbrUyAH sutaM me tvamashvatthAmAnamAhave . 
na somakAH pramoktavyA jIvitaM parirakShatA .. 33..\\
yachcha pitrAnushiShTo.asi tadvachaH paripAlaya . 
AnR^isha.nsye dame satye Arjave cha sthiro bhava .. 34..\\
dharmArthakAmakushalo dharmArthAvapyapIDayan . 
dharmapradhAnaH kAryANi kuryAshcheti punaH punaH .. 35..\\
chakShurmanobhyA.n santoShyA viprAH sevyAshcha shaktitaH . 
na chaiShA.n vipriya.n kAryaM te hi vahni shikhopamAH .. 36..\\
eSha tvahamanIkAni pravishAmyarisUdana . 
raNAya mahate rAja.nstvayA vAkshalya pIDitaH .. 37..\\
tva.n cha duryodhana bala.n yadi shaknoShi dhAraya . 
rAtrAvapi hi yotsyante sa.nrabdhAH kurusR^i~njayAH .. 38..\\
evamuktvA tataH prAyAddroNaH pANDava sR^i~njayAn . 
muShNankShatriya tejA.nsi nakShatrANAmivAMshumAn .. 39..\\
\medskip\hrule\medskip\centerline{\Largedvng 127}
 s

tato duryodhano rAjA droNenaivaM prachoditaH . 
amarShavashamApanno yuddhAyaiva mano dadhe .. 1..\\
abravIchcha tadA karNaM putro duryodhanastava . 
pashya kR^iShNa sahAyena pANDavena kirITinA . 
AchArya vihita.n vyUhaM bhinna.n devaiH sudurbhidam .. 2..\\
tava vyAyachchhamAnasya droNasya cha mahAtmanaH . 
miShatA.n yodhamukhyAnAM saindhavo vinipAtitaH .. 3..\\
pashya rAdheya rAjAnaH pR^ithivyaM pravarA yudhi . 
pArthenaikena nihatAH si.nhenevetarA mR^igAH .. 4..\\
mama vyAyachchhamAnasya samare shatrusUdana . 
alpAvasheSha.n sanyaM me kR^itaM shakrAtmajena ha .. 5..\\
katha.n hyanichchhamAnasya droNasya yudhi phalgunaH . 
bhindyAtsudurbhida.n vyUhaM yatamAno.api sa.nyuge .. 6..\\
priyo hi phalguno nityamAchAryasya mahAtmanaH . 
tato.asya dattavAndvAraM na yuddhenAri mardana .. 7..\\
abhaya.n saidhavasyAjau dattvA droNaH parantapaH . 
prAdAtkirITine dvAraM pashya nirguNatAM mama .. 8..\\
yadyadAsyamanuGYA.n vai pUrvameva gR^ihAnprati . 
sindhurAjasya samare nAbhabhiShyajjanakShayaH .. 9..\\
jayadratho jIvitArthI gachchhamAno gR^ihAnprati . 
mahAnAryeNa sa.nruddho droNAtprApyAbhaya.n raNe .. 10..\\
adya me bhrAtaraH kShINAshchitrasenAdayo yudhi . 
bhImasena.n samAsAdya pashyatAM no durAtmanAm .. 11..\\

 karna

AchAryaM mA vigarhasva shaktyA yudhyatyasau dvijaH . 
ajayyAnpANDavAnmanye droNenAstravidA mR^idhe .. 12..\\
tathA hyenamatikramya praviShTaH shvetavAhanaH . 
daivadR^iShTo.anyathA bhAvo na manye vidyate kva chit .. 13..\\
tato no yudhyamAnAnAM para.n shaktyA suyodhana . 
saindhavo nihato rAjandaivamatra para.n smR^itam .. 14..\\
para.n yatna.n kurvatAM cha tvayA sArdhaM raNAjire . 
hatvAsmAkaM pauruSha.n hi daivaM pashchAtkaroti naH . 
satata.n cheShTamAnAnAM nikR^ityA vikrameNa cha .. 15..\\
daivopasR^iShTaH puruSho yatkarma kurute kva chit . 
kR^ita.n kR^ita.n sma tattasya daivena vinihanyate .. 16..\\
yatkartavyaM manuShyeNa vyavasAyavatA satA . 
tatkAryamavisha~Nkena siddirdaive pratiShThitA .. 17..\\
nikR^ityA nikR^itAH pArthA viShayogaishcha bhArata . 
dagdhA jatu gR^ihe chApi dyUtena cha parAjitAH .. 18..\\
rAjanIti.n vyapAshritya prahitAshchaiva kAnanam . 
yatnena cha kR^ita.n yatte daivena vinipAtitam .. 19..\\
yudhyasva yatnamAsthAya mR^ityu.n kR^itvA nivartanam . 
yatatastava teShA.n cha daivaM mArgeNa yAsyati .. 20..\\
na teShAM matipUrva.n hi sukR^ita.n dR^ishyate kva chit . 
duShkR^ita.n tava vA vIra buddhyA hInaM kurUdvaha .. 21..\\
daivaM pramANa.n sarvasya sukR^itasyetarasya vA . 
ananyakarma daiva.n hi jAgarti svapatAm api .. 22..\\
bahUni tava sainyAni yodhAshcha bahavastathA . 
na tahA pANDuputrANAmeva.n yuddhamavartata .. 23..\\
tairalpairbahavo yUya.n kShayaM nItAH prahAriNaH . 
sha~Nke daivasya tatkarma pauruSha.n yena nAshitam .. 24..\\

 s

eva.n sambhAShamANAnAM bahu tattajjanAdhipa . 
pANDavAnAmanIkAni samadR^ishyanta sa.nyuge .. 25..\\
tataH pravavR^ite yuddha.n vyatiShakta rathadvipam . 
tAvakAnAM paraiH sArdha.n rAjandurmantrite tava .. 26..\\
\medskip\hrule\medskip\centerline{\Largedvng 128}
 s

tadudIrNagajAshvaughaM bala.n tava janAdhipa . 
pANDusenAmabhidrutya yodhayAmAsa sarvataH .. 1..\\
pA~nchAlAH kuravashchaiva yodhayantaH parasparam . 
yama rAShTrAya mahate paralokAya dIkShitAH .. 2..\\
shUrAH shUraiH samAgamya sharatomara shaktibhiH . 
vivyadhuH samare tUrNaM ninyushchaiva yamakShayam .. 3..\\
rathinA.n rathibhiH sArdhaM rudhirasrAvi dAruNam . 
prAvartata mahadyuddhaM nighnatAm itaretaram .. 4..\\
vAraNAshcha mahArAja samAsAdya parasparam . 
viShANairdArayAmAsuH sa~NkruddhAshcha mahotkaTAH .. 5..\\
hayArohAnharArohAH prAsashaktiparashvadhaiH . 
bibhidustumule yuddhe prArthayanto mayadyashaH .. 6..\\
pattayashcha mahAbAho shatashaH shastrapANayaH . 
anyonyamArdayanrAjannityayattAH parAkrame .. 7..\\
gotrANAM nAmadheyAnA.n kulAnAM chaiva mAriSha . 
shravaNAddhi vijAnImaH pA~nchAlAnkurubhiH saha .. 8..\\
anyonya.n samare yodhAH sharashaktiparashvadhaiH . 
preShayanparalokAya vicharanto hyabhItavat .. 9..\\
sharairdasha disho rAja.nsteShAM muktaiH sahasrashaH . 
na bhrAjanta yathApUrvaM bhAskare.asta.n gate.api cha .. 10..\\
tathA prayudhyamAneShu pANaveyeShu nirbhayaH . 
duryodhano mahArAja vyavagAhata tadbalam .. 11..\\
saindhavasya vadhenaiva bhR^isha.n duHkhasamanvitaH . 
martavyamiti sa~ncintya prAvishattu dviShadbalam .. 12..\\
nAdayanrathaghoSheNa kampayanniva medinIm . 
abhyavartata putraste pANDavAnAmanIkinIm .. 13..\\
sa saMnipAtastumulastasya teShA.n cha bhArata . 
abhavatsarvasainyAnAmabhAva karaNo mahAn .. 14..\\
mandhya.n dinagata.n sUryaM pratapantaM gabhastibhiH . 
tathA tava sutaM madhye pratapanta.n sharormibhiH .. 15..\\
na shekurbhArata.n yuddhe pANDavAH samavekShitum . 
palAyane kR^itotsAhA nirtusAhA dviShajjaye .. 16..\\
paryadhAvanta pA~nchAlA vadhyamAnA mahAtmanA . 
rukmapu~NkhaiH prasannAgraistava putreNa dhanvinA . 
ardyamAnAH sharaistUrNaM nyapatanpANDusainikAH .. 17..\\
na tAdR^isha.n raNe karmakR^itavantastu tAvakAH . 
yAdR^isha.n kR^itavAnrAjA putrastava vishAM pate .. 18..\\
putreNa tava sA senA pANDavI mathitA raNe . 
nalinI dviradeneva samantAtphullapa~NkajA .. 19..\\
kShINatoyAnilArkAbhyA.n hatatviDiva padminI . 
babhUva pANDavI senA tava putrasya tejasA .. 20..\\
pANDusenA.n hatA.n dR^iShTvA tava putreNa bhArata . 
bhImasenapurogAstu pA~nchAlAH samupAdravan .. 21..\\
sa bhImasena.n dashabhirmadrI putrau tribhistribhiH . 
virATadrupadau ShaDbhiH shatena cha shikhaNDinam .. 22..\\
dhR^iShTadyumna.n cha saptatyA dharmaputraM cha saptabhiH . 
kekayAMshchaiva chedIMshcha bahubhirnishitaiH sharaiH .. 23..\\
sAtvataM pa~nchabhirviddhvA draupadeyA.nstribhistribhiH . 
ghaTotkacha.n cha samare viddhvA si.nha ivAnadat .. 24..\\
shatashashchAparAnyodhAnsa dvipAshvarathAnraNe . 
sharairavachakartograiH kruddho.antaka iva prajAH .. 25..\\
tasya tAnnighnataH shatrUnrukmapR^iShThaM mahaddhanuH . 
bhallAbhyAM pANDavo jyeShThastridhA chichchheda mAriSha .. 26..\\
vivyAdha chaina.n dashabhiH samyagastaiH shitaiH sharaiH . 
marmANi bhittvA te sarve sambhagnAH kShitimAvishat .. 27..\\
tataH pramuditA yodhAH parivavruryudhiShThiram . 
vR^itra hatyai yathA devAH parivavruH purandaram .. 28..\\
tato yudhiShThiro rAjA tava putrasya mAriSha . 
sharaM paramadurvAraM preShayAmAsa sa.nyuge . 
sa tena bhR^ishasa.nviddho niShasAda rathottame .. 29..\\
tataH pA~nchAla sainyAnAM bhR^ishamAsIdravo mahAn . 
hato rAjeti rAjendra muditAnA.n samantataH .. 30..\\
bANashabdaravashchograH shushruve tatra mAriSha . 
atha droNo druta.n tatra pratyadR^ishyata sa.nyuge .. 31..\\
hR^iShTo duryodhanashchApi dR^iDhamAdAya kArmukam . 
tiShTha tiShTheti rAjAnaM bruvanpANDavamabhyayAt .. 32..\\
pratyudyayusta.n tvaritAH pA~nchAlA rAjagR^iddhinaH . 
tAndroNaH pratijagrAha parIpsankurusattamam . 
chaNDavAtoddhatAnmeghAnnighnanrashmimucho yathA .. 33..\\
tato rAjanmahAnAsItsa~NgrAmo bhUrivardhanaH . 
tAvakAnAM pareShA.n cha sametAnA.n yuyutsayA .. 34..\\
\medskip\hrule\medskip\centerline{\Largedvng 129}
 dhr

yattadA prAvishatpANDUnAchAryaH kupito vashI . 
utkvA duryodhana.n samya~Nmama shAstrAtigaM sutam .. 1..\\
pravishya vicharanta.n cha raNe shUramavasthitam . 
katha.n droNaM maheShvAsaM pANDavAH paryavArayan .. 2..\\
ke.arakShandakShiNa.n chakramAchAryasya mahAtmanaH . 
ke chottaramarakShanta nighnataH shAtravAnraNe .. 3..\\
nR^ityansa rathamArgeShu sarvashastrabhR^itA.n varaH . 
dhUmaketuriva kruddhaH kathaM mR^ityumupeyivAn .. 4..\\

 s

sAyAhne saindhava.n hatvA rAGYA pArthaH sametya cha . 
sAtyakishcha maheShvAso droNamevAbhyadhAvatAm .. 5..\\
tathA yudhiShThirastUrNaM bhImasenashcha pANDavaH . 
pR^ithakchamUbhyA.n sa.nsaktau droNamevAbhyadhAvatAm .. 6..\\
tathaiva nakulo dhImAnsahadevashcha durjayaH . 
dhR^iShTadyumnaH shatAnIko virATashcha sa kekayaH . 
matsyAH shAlveya senAshcha droNameva yayuryudhi .. 7..\\
drupadashcha tathA rAjA pA~nchAlairabhirakShitaH . 
dhR^iShTadyumna pitA rAjandroNamevAbhyavartata .. 8..\\
draupadeyA maheShvAsA rAkShasashcha ghaTotkachaH . 
sa senAste.abhyavartanta droNameva mahAdyutim .. 9..\\
prabhadrakashcha pA~nchAlAH ShaTsahasrAH prahAriNaH . 
droNamevAbhyavartanta puraskR^itya shikhaNDinam .. 10..\\
tathetare naravyAghrAH pANDavAnAM mahArathAH . 
sahitAH saMnyavartanta droNameva dvijarShabham .. 11..\\
teShu shUreShu yuddhAya gateShu bharatarShabha . 
babhUva rajanI ghorA bhIrUNAM bhayavardhinI .. 12..\\
yodhAnAmashivA raudrA rAjannantakagAminI . 
ku~njarAshvamanuShyANAM prANAnta karaNI tadA .. 13..\\
tasyA.n rajanyA.n ghorAyAM nadantyaH sarvataH shivAH . 
nyavedayanbhaya.n ghora.n sa jvAlakavalairmukhaiH .. 14..\\
ulUkAshchApyadR^ishyanta sha.nsanto vipulaM bhayam . 
visheShataH kauravANA.n dhvajinyAmatidAruNam .. 15..\\
tataH sainyeShu rAjendra shabdaH samabhavanmahAn . 
bherIshabdena mahatA mR^ida~NgAnA.n svanena cha .. 16..\\
gajAnA.n garjitaishchApi tura~NgANAM cha heShitaiH . 
khurashabdanipAtaishcha tumulaH sarvato.abhavat .. 17..\\
tataH samabhavadyuddha.n sandhyAyAmatidAruNam . 
droNasya cha mahArAja sR^i~njayAnA.n cha sarvashaH .. 18..\\
tamasA chAvR^ite loke na prAGYAyata ki.n chana . 
sainyena rajasA chaiva samantAdutthitena ha .. 19..\\
narasyAshvasya nAgasya samasajjata shoNitam . 
nApashyAma rajo bhauma.n kashmalenAbhisa.nvR^itAH .. 20..\\
rAtrau vaMshavanasyeva dahyamAnasya parvate . 
ghorashchATachaTA shabdaH shastrANAM patatAmabhUt .. 21..\\
naiva sve na pare rAjanprAGYAyanta tamovR^ite . 
unmattamiva tatsarvaM babhUva rajanI mukhe .. 22..\\
bhauma.n rajo.atha rAjendra shoNitena prashAmitam . 
shAtakaumbhaishcha kavachairbhUShaNaishcha tamo.abhyagAt .. 23..\\
tataH sA bhAratI senA maNihemavibhUShitA . 
dyurivAsItsa nakShatrA rajanyAM bharatarShabha .. 24..\\
gomAyubaDa sa~NghuShTA shaktidhvajasamAkulA . 
dAruNAbhirutA ghorA kShveDitotkruShTa nAditA .. 25..\\
tato.abhavanmahAshabdastumulo lomaharShaNaH . 
samAvR^iNvandishaH sarvA mahendrAshaninisvanaH .. 26..\\
sA nishIthe mahArAja senAdR^ishyata bhAratI . 
a~NgadaiH kuNDalairniShkaiH shastaishchaivAvabhAsitA .. 27..\\
tatra nAgA rathAshchaiva jAmbUnadavibhUShitAH . 
nishAyAM pratyadR^ishyanta meghA iva sa vidyutaH .. 28..\\
R^iShTishaktigadA bANamusala prAsapaTTishAH . 
sampatanto vyadR^ishyanta bhrAjamAnA ivAgnayaH .. 29..\\
duryodhana purovAtA.n rathanAgabalAhakAm . 
vAditraghoShastanitA.n chApavidyuddhvajairvR^itAm .. 30..\\
droNa pANDava parjanyA.n khaDgashakti gadAshanim . 
sharadhArAstra pavanAM bhR^isha.n shItoShNasa~NkulAm .. 31..\\
ghorA.n vismApanImugrA.n jIvitachchhidamaplavAm . 
tAM prAvishannatibhayA.n senAM yuddhachikIrShavaH .. 32..\\
tasminrAtrimukhe ghore mahAshabdaninAdite . 
bhIrUNA.n trAsajanane shUrANA.n harShavardhane .. 33..\\
rAtriyuddhe tadA ghore vartamAne sudAruNe . 
droNamabhyadravankruddhAH sahitAH pANDusR^i~njayAH .. 34..\\
ye ye pramukhato rAjannyavartanta mahAtmanaH . 
tAnsarvAnvimukhAMshchakre kAMshchinninye yamakShayam .. 35..\\
\medskip\hrule\medskip\centerline{\Largedvng 130}
 dhr

tasminpraviShTe durdharShe sR^i~njayAnamitaujasi . 
amR^iShyamANe sa.nrabdhe kA vo.abhUdvai matistadA .. 1..\\
duryodhana.n tathA putramuktvA shAstrAtigaM mama . 
yatprAvishadameyAtmA kiM pArthaH pratyapadyata .. 2..\\
nihate saindhave vIre bhUrishravasi chaiva hi . 
yadabhyagAnmahAtejAH pA~nchAlAnaparAjitha .. 3..\\
kimamanyata durdharShaH praviShTe shatrutApane . 
duryodhanashcha ki.n kR^ityaM prAptakAlamamanyata .. 4..\\
ke cha ta.n varadaM vIramanvayurdvijasattamam . 
ke chAsya pR^iShThato.agachchhanvIrAH shUrasya yudhyataH . 
ke purastAdayudhyanta nighnataH shAtravAnraNe .. 5..\\
manye.ahaM pADavAnsarvAnbhAradvAja sharArditAn . 
shishire kampamAnA vai kR^ishA gAva ivAbhibho .. 6..\\
pravishya sa maheShvAsaH pA~nchAlAnarimardanaH . 
kathaM nu puruShavyAghraH pa~nchatvamupajagmivAn .. 7..\\
sarveShu sainyeShu cha sa~NgateShu 
rAtrau sameteShu mahAratheShu . 
sa.nloDyamAneShu pR^ithagvidheShu 
ke vastadAnIM matimanta Asan .. 8..\\
hatAMshchaiva viShaktAMshcha parAbhUtAMshcha sha.nsati . 
rathino virathAMshchaiva kR^itAnyuddheShu mAmakAn .. 9..\\
kathameShA.n tadA tatra pArthAnAmapalAyinAm . 
prakAshamabhavadrAtrau katha.n kuruShu sa~njaya .. 10..\\

 s

rAtriyuddhe tadA rAjanvartamAne sudAruNe . 
droNamabhyadravanrAtrau pANDavAH saha sainikAH .. 11..\\
tato droNaH kekayAMshcha dhR^iShTadyumnasya chAtmajAn . 
preShayanmR^ityulokAya sarvAniShubhirAshugaiH .. 12..\\
tasya pramukhato rAjanye.avartanta mahArathAH . 
tAnsarvAnpreShayAmAsa paralokAya bhArata .. 13..\\
pramathnanta.n tadA vIraM bhAradvAjaM mahAratham . 
abhyavartata sa~NkruddhaH shibI rAjanpratApavAn .. 14..\\
tamApatanta.n samprekShya pANDavAnAM mahAratham . 
vivyAdha dashabhirdroNaH sarvapArashavaiH sharaiH .. 15..\\
ta.n shibiH prativivyAdha triMshatA nishitaiH sharaiH . 
sArathi.n chAsya bhallena smayamAno nyapAtayat .. 16..\\
tasya droNo hayAnhatvA sArathi.n cha mahAtmanaH . 
athAsya sa shirastrANa.n shiraH kAyAdapAharat .. 17..\\
kali~NgAnA.n cha sainyena kali~Ngasya suto raNe . 
pUrvaM pitR^ivadhAtkruddho bhImasenamupAdravat .. 18..\\
sa bhImaM pa~nchabhirviddhvA punarvivyAdha saptabhiH . 
vishoka.n tribhirAjaghne dhvajamekena patriNA .. 19..\\
kali~NgAnA.n tu ta.n shUraM kruddhaM kruddho vR^ikodaraH . 
rathAdrathamabhidrutya muShTinAbhijaghAna ha .. 20..\\
tasya muShTihatasyAjau pANDavena balIyasA . 
sarvANyasthIni sahasA prApatanvai pR^ithakpR^ithak .. 21..\\
ta.n karNo bhrAtarashchAsya nAmR^iShyanta mahArathAH . 
te bhImasenaM nArAchairjaghnurAshIviShopamaiH .. 22..\\
tatra shatruratha.n tyaktvA bhImo dhruvarathaM gataH . 
dhruva.n chAsyantamanishaM muShTinA samapothayat . 
sa tathA pANDuputreNa balinA nihato.apatat .. 23..\\
taM nihatya mahArAja bhImaseno mahAbalaH . 
jaya rAta rathaM prApya muhuH si.nha ivAnadat .. 24..\\
jaya rAtamathAkShipya nadansavyena pANinA . 
talena nAshayAmAsa karNasyaivAgrataH sthitam .. 25..\\
karNastu pANDave shakti.n kA~nchanI.n samavAsR^ijat . 
tatastAmeva jaghrAha prahasanpANDunandanaH .. 26..\\
karNAyaiva cha durdharShashchikShepAjau vR^ikodaraH . 
tAmantarikShe chichchheda shakunistailapAyinA .. 27..\\
tatastava sutA rAjanbhImasya rathamAvrajan . 
mahatA sharavarSheNa chhAdayanto vR^ikodaram .. 28..\\
durmadasya tato bhImaH prahasanniva sa.nyuge . 
sArathi.n cha hayAMshchaiva sharairninye yamakShayam . 
durmadastu tato yAna.n duShkarNasyAvapupluve .. 29..\\
tAvekarathamArUDhau bhrAtarau paratApanau . 
sa~NgrAmashiraso madhye bhIma.n dvAvabhyadhAvatAm . 
yathAmbupatimitrau hi tAraka.n daitya sattamam .. 30..\\
tatastu durmadashchaiva duShkarNashcha tavAtmajau . 
rathameka.n samAruhya bhImaM bANairavidhyatAm .. 31..\\
tataH karNasya miShato drauNerduryodhanasya cha . 
kR^ipasya somadattasya bAhlIkasya cha pANDavaH .. 32..\\
durmadasya cha vIrasya duShkarNasya cha ta.n ratham . 
pAdaprahAreNa dharAM prAveshayadarindamaH .. 33..\\
tataH sutau te balinau shUrau duShkarNa durmadau . 
muShTinAhatya sa~Nkruddho mamarda charaNena cha .. 34..\\
tato hAhAkR^ite sainye dR^iShTvA bhImaM nR^ipAbruvan . 
rudro.ayaM bhImarUpeNa dhArtarAShTreShu gR^idhyati .. 35..\\
evamuktvApalAyanta sarve bhArata pArthivAH . 
visa~nj~nAvAhayAnvAhAnna cha dvau saha dhAvataH .. 36..\\
tato bale bhR^ishalulite nishAmukhe 
supUjito nR^ipa vR^iShabhairvR^ikodaraH . 
mahAbalaH kamalavibuddhalochano 
yudhiShThiraM nR^ipatimapUjayadbalI .. 37..\\
tato yamau drupada virATa kekayA 
yudhiShThirashchApi parAM muda.n yayuH . 
vR^ikodaraM bhR^ishamabhipUjayaMsh cha te 
yathAndhake pratinihate hara.n surAH .. 38..\\
tataH sutAstava varuNAtmajopamA 
ruShAnvitAH saha guruNA mahatmanA . 
vR^ikodara.n sa rathapadAtiku~njarA 
yuyutsavo bhR^ishamabhiparyavArayan .. 39..\\
tato.abhavattimiraghanairivAvR^itaM 
mahAbhaye bhayadamatIva dAruNam . 
nishAmukhe baDa vR^ikagR^idhramodanaM 
mahAtmanAM nR^ipa varayuddhamadbhutam .. 40..\\
\medskip\hrule\medskip\centerline{\Largedvng 131}
 s

prAyopaviShTe tu hate putre sAtyakinA tataH . 
somadatto bhR^isha.n kruddhaH sAtyakti.n vAkyamabravIt .. 1..\\
kShatradharmaH purA dR^iShTo yastu devairmahAtmabhiH . 
ta.n tva.n sAtvata santyajya dasyu dharme kathaM rataH .. 2..\\
parA~NmukhAya dInAya nyastashastrAya yAchate . 
kShatradharmarataH prAGYaH kathaM nu praharedraNe .. 3..\\
dvAveva kila vR^iShNInA.n tatra khyAtau mahArathau . 
pradyumnashcha mahAbAhustva.n chaiva yudhi sAtvata .. 4..\\
kathaM prAyopaviShTAya pArthena chhinnabAhave . 
nR^isha.nsaM patanIya.n cha tAdR^ishaM kR^itavAnasi .. 5..\\
shape sAtvata putrAbhyAmiShTena sukR^itena cha . 
anatItAmimA.n rAtriM yadi tvAM vIra mAninam .. 6..\\
arakShyamANaM pArthena jiShNunA sa sutAnujam . 
na hanyAM niraye ghore pateya.n vR^iShNipA.nsana .. 7..\\
evamuktvA susa~NkruddhaH somadatto mahAbalaH . 
dadhmau sha~Nkha.n cha tAreNa si.nhanAdaM nanAda cha .. 8..\\
tataH kamalapatrAkShaH si.nhadaMShTro mahAbalaH . 
sAtvato bhR^ishasa~NkruddhaH somadattamathAbravIt .. 9..\\
hato bhUrishravA vIrastava putro mahArathaH . 
sharashchaiva tathA rAjanbhrAtR^ivyasanakarshitaH .. 10..\\
tvA.n chApyadya vadhiShyAmi saputrapashubAndhavam . 
tiShThedAnI.n raNe yattaH kauravo.asi visheShataH .. 11..\\
yasmindAna.n damaH shauchamahi.nsA hrIrdhR^itiH kShamA . 
anapAyIni sarvANi nitya.n rAGYi yudhiShThire .. 12..\\
mR^ida~Ngaketostasya tva.n tejasA nihataH purA . 
sa karNa saubalaH sa~Nkhye vinAsha.n samupeShyasi .. 13..\\
shape.aha.n kR^iShNa charaNairiShTApUrtena chaiva ha . 
yadi tvA.n sasutaM pApaM na hanyAM yudhi roShitaH . 
apayAsyasi chettyaktvA tato mukto bhaviShyasi .. 14..\\
evamAbhAShya chAnyonya.n krodhasa.nraktalochanau . 
pravR^ittau sharasampAta.n kartuM puruShasattamau .. 15..\\
tato gajasahasreNa rathAnAm ayutena cha . 
duryodhanaH somadattaM parivArya vyavasthitaH .. 16..\\
shakunishcha susa~NkruddhaH sarvashastrabhR^itA.n varaH . 
putrapautraiH parivR^ito bhrAtR^ibhishchendra vikramaiH . 
syAlastava mahAbAhurvajrasa.nhanano yuvA .. 17..\\
sAgra.n shatasahasra.n tu hayAnAM tasya dhImataH . 
somadattaM maheShvAsa.n samantAtparyarakShata .. 18..\\
rakShyamANashcha balibhishchhAdayAmAsa sAtyakim . 
ta.n chhAdyamAna.n vishikhairdR^iShTvA saMnataparvabhiH . 
dhR^iShTadyumno.abhyayAtkruddhaH pragR^ihya mahatI.n chamUm .. 19..\\
chaNDavAtAbhisR^iShTAnAmudadhInAmiva svanaH . 
AsIdrAjanbalaughAnAmanyonyamabhinighnatAm .. 20..\\
vivyAdha somadattastu sAtvataM navabhiH sharaiH . 
sAtyakirdashabhishchainamavadhItkurupu~Ngavam .. 21..\\
so.atividdho balavatA samare dR^iDhadhanvinA . 
rathopastha.n samAsAdya mumoha gatachetanaH .. 22..\\
ta.n vimUDhaM samAlakShya sArathistvarayAnvitaH . 
apovAha raNAdvIra.n somadattaM mahAratham .. 23..\\
ta.n visa~nj~naM samAlokya yuyudhAna sharArditam . 
drauNirabhyadravatkruddhaH sAtvata.n raNamUrdhani .. 24..\\
tamApatanta.n samprekShya shaineyasya rathaM prati . 
bhaimaseniH susa~NkruddhaH pratyamitramavArayat .. 25..\\
kArShNAyasamaya.n ghoramR^ikShacharmAvR^itaM mahat . 
yukta.n gajanibhairvAhairna hayairnApi vA gajaiH .. 26..\\
vikShiptamaShTachakreNa vivR^itAkSheNa kUjatA . 
dhvajenochchhritatuNDena gR^idhrarAjena rAjatA .. 27..\\
lohitArdra patAka.n tamantra mAlA vibhUShitam . 
aShTachakrasamAyuktamAsthAya vipula.n ratham .. 28..\\
shUlamudgara dhAriNyA shailapAdapa hastayA . 
rakShasA.n ghorarUpANAmakShaihiNyA samAvR^itaH .. 29..\\
tamudyatamahAchApaM nishAmya vyathitA nR^ipAH . 
yugAntakAlasamaye daNDahastamivAntakam .. 30..\\
bhayArditA pachukShobha putrasya tava vAhinI . 
vAyunA kShobhitAvartA ga~Ngevordhva tara~NgiNI .. 31..\\
gaTotkacha prayuktena si.nhanAdena bhIShitAH . 
prasusruvurgajA mUtra.n vivyathushcha narA bhR^isham .. 32..\\
tato.ashmavR^iShTiratyarthamAsIttatra samantataH . 
sandhyAkAlAdhika balaiH pramuktA rAkShasaiH kShitau .. 33..\\
AyasAni cha chakrANi bhushuNDyaH prAsatomarAH . 
patantyaviralAH shUlAH shataghnyaH paTTishAstathA .. 34..\\
tadugramatiraudra.n cha dR^iShTvA yuddhaM narAdhipAH . 
tanayAstava karNashcha vyathitAH prAdravandishaH .. 35..\\
tatraiko.astrabalashlAghI drauNirmAnI na vivyathe . 
vyadhamachcha sharairmAyA.n ghaTotkacha vinirmitAm .. 36..\\
nihatAyA.n tu mAyAyAmamarShI sa ghaTotkachaH . 
visasarja sharAnghorA.nste.ashvatthAmAnamAvishan .. 37..\\
bhujagA iva vegena valmIka.n krodhamUrchhitAH . 
te sharA rudhirAbhyaktA bhittvA shAradvatI sutam . 
vivishurdharaNI.n shIghrA rukmapu~NkhAH shilAshitAH .. 38..\\
ashvatthAmA tu sa~Nkruddho laghuhastaH pratApavAn . 
ghaTotkachamabhikruddhaM bibheda dashabhiH sharaiH .. 39..\\
ghaTotkacho.atividdhastu droNaputreNa marmasu . 
chakra.n shatasahasrAramagR^ihNAdvyathito bhR^isham .. 40..\\
kShurAntaM bAlasUryAbhaM maNivajra vibhUShitam . 
ashvatthAmnastu chikShepa bhaimasenirjighA.nsayA .. 41..\\
vegena mahatA gachchhadvikShipta.n drauNinA sharaiH . 
abhAgyasyeva sa~NkalpastanmoghaM nyapatadbhuvi .. 42..\\
ghaTotkachastatastUrNa.n dR^iShTvA chakraM nipAtitam . 
drauNiM prAchchhAdayadbANaiH svarbhAnuriva bhAskaram .. 43..\\
ghaTotkacha sutaH shrImAnbhinnA~njanachayopamaH . 
rurodha drauNimAyAntaM prabha~njanamivAdrirAT .. 44..\\
pautreNa bhImasenasya sharaiH so.a~njana parvaNA . 
babhau meghena dhArAbhirghirirmerurivArditaH .. 45..\\
ashvatthAmA tvasambhrAnto rudropendrendra vikramaH . 
dhvajamekena bANena chichchhedA~njanaparvaNaH .. 46..\\
dvAbhyA.n tu rathayantAraM tribhishchAsya triveNukam . 
dhanurekena chichchheda chaturbhishchaturo hayAn .. 47..\\
virathasyodyata.n hastAddhemabindubhirAchitam . 
vishikhena sutIkShNena khaDgamasya dvidhAkarot .. 48..\\
gadA hemA~NgadA rAja.nstUrNa.n haiDimba sUnunA . 
bhrAmyotkShiptA sharaiH sApi drauNinAbhyAhatApatat .. 49..\\
tato.antarikShamutpatya kAlamegha ivonnadan . 
vavarShA~njana parvA sa drumavarShaM nabhastalAt .. 50..\\
tato mAyAdhara.n drauNirghaTotkacha sutaM divi . 
mArgaNairabhivivyAdha dhana.n sUrya ivAMshubhiH .. 51..\\
so.avatIrya punastasthau rathe hemapariShkR^ite . 
mahIdhara ivAtyuchchaH shrImAna~njana parvataH .. 52..\\
tamayasmaya varmANa.n drauNirbhImAtmajAtmajam . 
jaghAnA~njana parvANaM maheshvara ivAndhakam .. 53..\\
atha dR^iShTvA hataM putramashvatthAmnA mahAbalam . 
drauNeH sakAshamabhyetya roShAtpachalitA~NgadaH .. 54..\\
prAha vAkyamasambhrAnto vIra.n shAradvatI sutam . 
dahantaM pANDavAnIka.n vanamagnimivoddhatam .. 55..\\
tiShTha tiShTha na me jIvandroNaputra gamiShyasi . 
tvAmadya nihaniShyAmi krau~nchamagnisuto yathA .. 56..\\

 azv

gachchha vatsa sahAnyaistva.n yudhyasvAmara vikrama . 
na hi putreNa haiDimbe pitA nyAyyaM prabAdhitum .. 57..\\
kAma.n khalu na me roSho haiDimbe vidyate tvayi . 
ki.n tu roShAnvito janturhanyAdAtmAnamapyuta .. 58..\\

 s

shrutvaitatkrudha tAmrAkShaH putrashokasamanvitaH . 
ashvatthAmAnamAyasto bhaimasenirabhAShata .. 59..\\
kimaha.n kAtaro drauNe pR^ithagjana ivAhave . 
bhImAtkhalvahamutpannaH kurUNA.n vipule kule .. 60..\\
pANDavAnAmahaM putraH samareShvanivartinAm . 
rakShasAmadhirAjo.aha.n dashagrIva samo bale .. 61..\\
tiShTha tiShTha na me jIvandroNaputra gamiShyasi . 
yuddhashraddhAmaha.n te.adya vineShyAmi raNAjire .. 62..\\
ityuktvA roShatAmrAkSho rAkShasaH sumahAbalaH . 
drauNimabhyadravatkruddho gajendramiva kesarI .. 63..\\
rathAkShamAtrairiShubhirabhyavarShadghaTotkachaH . 
rathinAmR^iShabha.n drauNiM dhArAbhiriva toyadaH .. 64..\\
sharavR^iShTi.n sharairdrauNiraprAptA.n tAM vyashAtayat . 
tato.antarikShe bANAnA.n sa~NgrAmo.anya ivAbhavat .. 65..\\
athAstra sa~NgharShakR^itairvisphuli~NgaiH samAbabhau . 
vibhAvarI mukhe vyoma khadyotairiva chitritam .. 66..\\
nishAmya nihataM mAyA.n drauNinA raNamAninA . 
ghaTotkachastato mAyA.n sasarjAntarhitaH punaH .. 67..\\
so.abhavadgirirityuchchaH shikharaistarusa~NkaTaiH . 
shUlaprAsAsi musalajalaprasravaNo mahAn .. 68..\\
tama~njana chayaprakhya.n drauNirdR^iShTvA mahIdharam . 
prapatadbhishcha bahubhiH shastrasa~Nghairna chukShubhe .. 69..\\
tataH smayanniva drauNirvajramastramudIrayat . 
sa tenAstreNa shailendraH kShiptaH kShipramanashyata .. 70..\\
tataH sa toyado bhUtvA nIlaH sendrAyudho divi . 
ashmavR^iShTibhiratyugro drauNimAchchhAdayadraNe .. 71..\\
atha sandhAya vAyavyamastramastravidA.n varaH . 
vyadhamaddroNa tanayo nIlamegha.n samutthitam .. 72..\\
sa mArgaNagaNairdrauNirdishaH prachchhAdya sarvataH . 
shata.n rathasahasrANA.n jaghAna dvipadAM varaH .. 73..\\
sa dR^iShTvA punarAyAnta.n rathenAyata kArmukam . 
ghaTotkachamasambhrAnta.n rAkShasairbahubhirvR^itam .. 74..\\
si.nhashArdUlasadR^ishairmattadviradavikramaiH . 
gajasthaishcha rathasthaishcha vAjipR^iShTha gatairapi .. 75..\\
vivR^itAsya shirogrIvairhaiDimbAnucharaiH saha . 
paulastyairyAtudhAnaishcha tAmasaishchogravikramaiH .. 76..\\
nAnAshastradharairvIrairnAnA kavachabhUShaNaiH . 
mahAbalairbhImaravaiH sa.nrambhodvR^itta lochanaiH .. 77..\\
upasthitaistato yuddhe rAkShasairyuddhadurmadaiH . 
viShaNNamabhisamprekShya putra.n te drauNirabravIt .. 78..\\
tiShTha duryodhanAdya tvaM na kAryaH sambhramastvayA . 
sahaibhirbhrAtR^ibhirvIraiH pArthivaishchendra vikramaiH .. 79..\\
nihaniShyAmyamitrA.nste na tavAsti parAjayaH . 
satya.n te pratijAnAmi paryAshvAsaya vAhinIm .. 80..\\

 dur

na tvetadadbhutaM manye yatte mahadidaM manaH . 
asmAsu cha parA bhaktistava gautaminandana .. 81..\\

 s

ashvatthAmAnamuktvaiva.n tataH saubalamabravIt . 
vR^itaH shatasahasreNa rathAnA.n raNashobhinAm .. 82..\\
ShaShTyA gajasahasraishcha prayAhi tva.n dhana~njayam . 
karNashcha vR^iShasenashcha kR^ipo nIlastathaiva cha .. 83..\\
udIchyAH kR^itavarmA cha purumitraH shrutArpaNaH . 
duHshAsano nikumbhashcha kuNDa bhedI uru kramaH .. 84..\\
pura~njayo dR^iDharathaH patAkI hemapa~NkajaH . 
shalyAruNIndra senAshcha sa~njayo vijayo jayaH .. 85..\\
kamalAkShaH puruH krAthI jaya varmA sudarshanaH . 
ete tvAmanuyAsyanti pattInAmayutAni ShaT .. 86..\\
jahi bhIma.n yamau chobhau dharmarAja.n cha mAtula . 
asurAniva devendro jayAshA me tvayi sthitA .. 87..\\
dAritAndrauNinA bANairbhR^isha.n vikShata vigrahAn . 
ajhi mAtulakaunteyAnasurAniva pAvakiH .. 88..\\
evamukto yayau shIghraM putreNa tava saubalaH . 
piprIShuste sutAnrAjandidhakShushchaiva pANDavAn .. 89..\\
atha pravavR^ite yuddha.n drauNirAkShasayormR^idhe . 
vibhAvaryA.n sutumulaM shakra prahrAdayoriva .. 90..\\
tato ghaTotkacho bANairdashabhirgautamI sutam . 
jaghAnorasi sa~Nkruddho viShAgnipratimairdR^iDhaiH .. 91..\\
sa tairabhyAhato gADha.n sharairbhImasuteritaiH . 
chachAla rathamadhyastho vAtoddhUta iva drumaH .. 92..\\
bhUyashchA~njalikenAsya mArgaNena mahAprabham . 
drauNihastasthita.n chApaM chichchhedAshu ghaTotkachaH .. 93..\\
tato.anyaddrauNirAdAya dhanurbhArasahaM mahat . 
vavarSha vishikhA.nstIkShNAnvAridhArA ivAmbudaH .. 94..\\
tataH shAradvatI putraH preShayAmAsa bhArata . 
suvarNapu~NkhA~nshatrughnAnkhacharAnkhacharAnprati .. 95..\\
tadbANairardita.n yUthaM rakShasAM pInavakShasAm . 
si.nhairiva babhau matta.n gajAnAmAkulaM kulam .. 96..\\
vidhamya rAkShasAnbANaiH sAshvasUta rathAnvibhuH . 
dadAha bhagavAnvahnirbhUtAnIva yugakShaye .. 97..\\
sa dagdhvAkShauhiNIM bANairnairR^itAnruruche bhR^isham . 
pureva tripura.n dagdhvA divi devo maheshvaraH .. 98..\\
yugAnte sarvabhUtAni dagdhveva vasurulbaNaH . 
rarAja jayatA.n shreShTho droNaputrastavAhitAn .. 99..\\
teShu rAjasahasreShu pANDaveyeShu bhArata . 
nainaM nirIkShitu.n kashchichchhaknoti drauNimAhave . 
R^ite ghaTotkachAdvIrAdrAkShasendrAnmahAbalAt .. 100..\\
sa punarbharatashreShTha krodhAdraktAntalochanaH . 
tala.n talena sa.nhatya sandashya dashanachchhadam . 
svasUtamabravItkruddho droNaputrAya mA.n vaha .. 101..\\
sa yayau ghorarUpeNa tena jaitra patAkinA . 
dvairatha.n droNa rUpeNa punarapyarisUdanaH .. 102..\\
sa chikShepa tataH kruddho droNaputrAya rAkShasaH . 
aShTachakrAM mahAraudrAmashanI.n rudra nirmitAm .. 103..\\
tAmavaplutya jagrAha drauNirnyasya rathe dhanuH . 
chikShepa chainA.n tasyaiva syandanAtso.avapupluve .. 104..\\
sAshvasUta dhvaja.n vAhaM bhasmakR^itvA mahAprabhA . 
vivesha vasudhaM bhittvA sAshanirbhR^ishadAruNA .. 105..\\
drauNestatkarma dR^iShTvA tu sarvabhUtAnyapUjayan . 
yadavaplutya jagrAha ghorA.n sha~Nkara nirmitAm .. 106..\\
dhR^iShTadyumna ratha.n gatvA bhaimasenistato nR^ipa . 
mumocha nishitAnbANAnpunardrauNermahorasi .. 107..\\
dhR^iShTadyumno.apyasambhrAnto mumochAshIviShopamAn . 
suvarNapu~NkhAnvishikhAndroNaputrasya vakShasi .. 108..\\
tato mumocha nArAchAndrauNistAbhyA.n sahasrashaH . 
tAvapyagnishikhA prakhyairjaghnatustasya mArgaNAn .. 109..\\
atitIvramabhUdyuddha.n tayoH puruShasi.nhayoH . 
yodhAnAM prItijanana.n drauNeshcha bharatarShabha .. 110..\\
tato rathasahasreNa dviradAnA.n shataistribhiH . 
ShaDbhirvAjisahasraishcha bhImasta.n deshamAvrajat .. 111..\\
tato bhImAtmaja.n rakSho dhR^iShTadyumna.n cha sAnugam . 
ayodhayata dharmAtmA drauNirakliShTakarmakR^it .. 112..\\
tatrAdbhutatama.n drauNirdarshayAmAsa vikramam . 
ashakya.n kartumanyena sarvabhUteShu bhArata .. 113..\\
nimeShAntaramAtreNa sAshvasUta rathadvipAm . 
akShauhiNI.n rAkShasAnAM shitairbANairashAtayat .. 114..\\
miShato bhImasenasya haiDimbeH pArShatasya cha . 
yamayordharmaputrasya vijayasyAchyutasya cha .. 115..\\
pragADhama~njo gatibhirnArAchairabhitADitAH . 
nipeturdviradA bhUmau dvishR^i~NgA iva parvatAH .. 116..\\
nikR^ittairhastihastaishcha vichaladbhiritastataH . 
rarAja vasudhA kIrNA visarpadbhirivoragaiH .. 117..\\
kShiptaiH kA~nchanadaNDaishcha nR^ipachchhatraiH kShitirbabhau . 
dyaurivodita chandrArkA grahAkIrNA yugakShaye .. 118..\\
pravR^iddhadhvajamaNDUkAM bherI vistIrNakachchapAm . 
chhatraha.nsAvalI juShTAM phenachAmaramAlinIm .. 119..\\
ka~NkagR^idhramahAgrAhAM naikAyudha jhaShAkulAm . 
rathakShipta mahAvaprAM patAkA ruchiradrumAm .. 120..\\
sharamInAM mahAraudrAM prAsashaktyugraDuNDubhAm . 
majjA mA.nsamahApa~NkA.n kabandhAvarjitoDupAm .. 121..\\
keshashaivalakalmAShAM bhIrUNA.n kashmalAvahAm . 
nAgendra hayayodhAnA.n sharIravyaya sambhavAm .. 122..\\
shoNitaughamahAvegA.n drauNiH prAvartayannadIm . 
yodhArtarava nirghoShA.n kShatajormi samAkulAm .. 123..\\
prAyAdatimahAghora.n yamakShayamahodadhim . 
nihatya rAkShasAnbANairdrauNirhaiDimbamArdayat .. 124..\\
punarapyatisa~NkruddhaH sa vR^ikodara pArShatAn . 
sa nArAchagaNaiH pArthAndrauNirviddhvA mahAbalaH .. 125..\\
jaghAna surathaM nAma drupadasya suta.n vibhuH . 
punaH shruta~njayaM nAma surathasyAnuja.n raNe .. 126..\\
balAnIka.n jayAnIkaM jayAshvaM chAbhijaghnivAn . 
shrutAhvaya.n cha rAjendra drauNirninye yamakShayam .. 127..\\
tribhishchAnyaiH sharaistIkShNaiH supu~Nkhai rukmamAlinAm . 
shatru~njaya.n cha balina.n shakra lokaM ninAya ha .. 128..\\
jaghAna sa pR^iShadhra.n cha chandra devaM cha mAninam . 
kuntibhojasutAMshchAjau dashabhirdasha jaghnivAn .. 129..\\
ashvatthAmA susa~NkruddhaH sandhAyogramajihmagam . 
mumochAkarNa pUrNena dhanuShA sharamuttamam . 
yamadaNDopama.n goramuddishyAshu ghaTotkacham .. 130..\\
sa bhittvA hR^idaya.n tasya rAkShasasya mahAsharaH . 
vivesha vasudhA.n shIghraM sa pu~NkhaH pR^ithivIpate .. 131..\\
ta.n hataM patitaM GYAtvA dhR^iShTadyumno mahArathaH . 
drauNeH sakAshAdrAjendra apaninye rathAntaram .. 132..\\
tathA parA~Nmukha ratha.n sainyaM yaudhiShThiraM nR^ipa . 
parAjitya raNe vIro droNaputro nanAda ha . 
pUjitaH sarvabhUtaishcha tava putraishcha bhArata .. 133..\\
atha sharashatabhinnakR^ittadehair 
hatapatitaiH kShaNadAcharaiH samantAt . 
nidhanamupagatairmahIkR^itAbhUd 
girishikharairiva durgamAtiraudrA .. 134..\\
ta.n siddhagandharvapishAchasa~NghA 
nAgAH suparNAH pitaro vayA.nsi . 
rakShogaNA bhUtagaNAshcha drauNim 
apUjayannapsarasaH surAsh cha .. 135..\\
\medskip\hrule\medskip\centerline{\Largedvng 132}
 s

drupadasyAtmajAndR^iShTvA kuntibhojasutA.nstathA . 
droNaputreNa nihatAnrAkShasAMshcha sahasrashaH .. 1..\\
yudhiShThiro bhImaseno dhR^iShTadyumnashcha pArShataH . 
yuyudhAnashcha sa.nyattA yuddhAyaiva mano dadhuH .. 2..\\
somadattaH punaH kurddho dR^iShTvA sAtyakimAhave . 
mahatA sharavarSheNa chhAdayAmAsa sarvataH .. 3..\\
tataH samabhavadyuddhamatIva bhayavardhanam . 
tvadIyAnAM pareShA.n cha ghora.n vijayakA~NkShiNAm .. 4..\\
dashabhiH sAtvatasyArthe bhImo vivyAdha kauravam . 
somadatto.api ta.n vIraM shatena pratyavidhyata .. 5..\\
sAtvatastvabhisa~NkruddhaH putrAdhibhirabhiplutam . 
vR^iddhamR^iddha.n guNaiH sarvairyayAtimiva nAhuSham .. 6..\\
vivyAdha dashabhistIkShNaiH sharairvajranipAtibhiH . 
shaktyA chainamathAhatya punarvivyAdha saptabhiH .. 7..\\
tatastu sAtyakerarthe bhImaseno nava.n dR^iDham . 
mumocha parigha.n ghora.n somadattasya mUrdhani .. 8..\\
sAtyakishchAgnisa~NkAshaM mumocha sharamuttamam . 
somadattorasi kruddhaH supatraM nishita.n yudhi .. 9..\\
yugapatpetaturatha ghorau parighamArgaNau . 
sharIre somadattasya sa papAta mahArathaH .. 10..\\
vyAmohite tu tanaye bAhlIkaH samupAdravat . 
visR^ija~nsharavarShANi kAlavarShIva toyadaH .. 11..\\
bhImo.atha sAtvatasyArthe bAhlIkaM navabhiH sharaiH . 
pIDayanvai mahAtmAna.n vivyAdha raNamUrdhani .. 12..\\
prAtipIyastu sa~NkruddhaH shaktiM bhImasya vakShasi . 
nichakhAna mahAbAhuH purandara ivAshanim .. 13..\\
sa tayAbhihato bhImash chakampe cha mumoha cha . 
prApya chetashcha balavAngadAm asmai sasarja ha .. 14..\\
sA pANDavena prahitA bAhlIkasya shiro.aharat . 
sa papAta hataH pR^ithvyA.n vajrAhata ivAdrirAT .. 15..\\
tasminvinihate vIre bAhlIke puruSharShabhe . 
putrAste.abhyardayanbhIma.n dasha dAsharatheH samAH .. 16..\\
nArAchairdashabhirbhImastAnnihatya tavAtmajAn . 
karNasya dayitaM putra.n vR^iShasenamavAkirat .. 17..\\
tato vR^iSharatho nAma bhrAtA karNasya vishrutaH . 
jaghAna bhImaM nArAchaistamapyabhyavadhIdbalI .. 18..\\
tataH sapta rathAnvIraH syAlAnA.n tava bhArata . 
nihatya bhImo nArAchaiH shatachandramapothayat .. 19..\\
amarShayanto nihata.n shatachandraM mahAratham . 
shakunerbhrAtaro vIrA gajAkShaH sharabho vibhuH . 
abhidrutya sharaistAkShNairbhImasenamatADayan .. 20..\\
sa tudyamAno nArAchairvR^iShTivegairivarShabhaH . 
jaghAna pa~nchabhirbANaiH pa~nchaivAtibalo rathAn . 
tAndR^iShTvA nihatAnvIrAnvichelurnR^ipasattamAH .. 21..\\
tato yudhiShThiraH kruddhastavAnIkamashAtayat . 
miShataH kumbhayoneshcha putrANA.n cha tavAnagha .. 22..\\
ambaShThAnmAlavA~nshUrA.nstrigartAnsa shibInapi . 
prAhiNonmR^ityulokAya gaNAnyuddhe yudhiShThiraH .. 23..\\
abhIShAhA~nshUrasenAnbAhlIkAnsa vasAtikAn . 
nikR^itya pR^ithivI.n rAjA chakre shoNitakardamAm .. 24..\\
yaudheyAraTTa rAjanya madrakANA.n gaNAnyudhi . 
prAhiNonmR^ityulokAya shUrAnbANairyudhiShThiraH .. 25..\\
hata Aharata gR^ihNIta vidhyata vyavakR^intata . 
ityAsIttumulaH shabdo yudhiShThira rathaM prati .. 26..\\
sainyAni drAvayanta.n taM droNo dR^iShTvA yudhiShThiram . 
choditastava putreNa sAyakairabhyavAkirat .. 27..\\
droNastu paramakruddho vayavyAstreNa pArthivam . 
vivyAdha so.asya taddivyamastramastreNa jaghnivAn .. 28..\\
tasminvinihate chAstre bhAradvAjo yudhiShThire . 
vAruNa.n yAmyamAgneya.n tvAShTraM sAvitrameva cha . 
chikShepa paramakruddho jighA.nsuH pANDunandanam .. 29..\\
kShiptAni kShipyamANAni tAni chAstrANi dharmajaH . 
jaghAnAstrairmahAbAhuH kumbhayoneravitrasan .. 30..\\
satyA.n chikIrShamANastu prathiGYAM kumbhasambhavaH . 
prAdushchakre.astramaindra.n vai prAjApatya.n cha bhArata . 
jighA.nsurdharmatanaya.n tava putra hite rataH .. 31..\\
patiH kurUNA.n gajasi.nhagAmI 
vishAlavakShAH pR^ithu lohitAkShaH . 
prAdushchakArAstramahIna tejA 
mAhendramanyatsa jaghAna te.astre .. 32..\\
vihanyamAneShvastreShu droNaH krodhasamanvitaH . 
yudhiShThira vadhaprepsurbrAhmamastramudairayat .. 33..\\
tato nAGYAsiSha.n kiM chidghoreNa tamasAvR^ite . 
sarvabhUtAni cha para.n trAsaM jagmurmahIpate .. 34..\\
brahmAstramudyata.n dR^iShTvA kuntIputro yudhiShThiraH . 
brahmAstreNaiva rAjendra tadastraM pratyavArayat .. 35..\\
tataH sainika mukhyAste prashasha.nsurnararShabhau . 
droNa pArthau maheShvAsau sarvayuddhavishAradau .. 36..\\
tataH pramuchya kaunteya.n droNo drupada vAhinIm . 
vyadhamadroShatAmrAkSho vAyavyAstreNa bhArata .. 37..\\
te hanyamAnA droNena pA~nchAlAH prAdravanbhayAt . 
pashyato bhImasenasya pArthasya cha mahAtmanaH .. 38..\\
tataH kirITI bhImashcha sahasA saMnyavartatAm . 
mahadbhyA.n rathavaMshAbhyAM parigR^ihya bala.n tava .. 39..\\
bIbhatsurdakShiNaM pArshvamuttara.n tu vR^ikodaraH . 
bhAradvAja.n sharaughAbhyAM mahadbhyAmabhyavarShatAm .. 40..\\
tau tadA sR^i~njayAshchaiva pA~nchAlAshcha mahaujasaH . 
anvagachchhanmahArAja matsyAshcha saha sAtvataiH .. 41..\\
tataH sA bhAratI senA vadhyamAnA kirITinA . 
droNena vAryamANAste svaya.n tava sutena cha . 
nAshakyanta mahArAja yodhA vArayitu.n tadA .. 42..\\
\medskip\hrule\medskip\centerline{\Largedvng 133}
 s

udIryamANa.n taddR^iShTvA pANDavAnAM mahadbalam . 
aviShahya.n cha manvAnaH karNaM duryodhano.abravIt .. 1..\\
aya.n sa kAlaH samprApto mitrANAM mitravatsala . 
trAyasva samare karNa sarvAnyodhAnmahAbala .. 2..\\
pA~nchAlairmatsyakaikeyaiH pANDavaishcha mahArathaiH . 
vR^itAnsamantAtsa~NkruddhairniHshvasadbhirivoragaiH .. 3..\\
ete nadanti sa.nhR^iShTAH pANDavA jitakAshinaH . 
shakropamAshcha bahavaH pA~nchAlAnA.n rathavrajAH .. 4..\\

 karna

paritrAtumiha prApto yadi pArtha purandaraH . 
tamapyAshu parAjitya tato hantAsmi pANDavam .. 5..\\
satya.n te pratijAnAmi samAshvasihi bhArata . 
hantAsmi pANDutanayAnpA~nchAlAMshcha samAgatAn .. 6..\\
jaya.n te pratijAnAmi vAsavasyeva pAvakiH . 
priya.n tava mayA kAryamiti jIvAmi pArthiva .. 7..\\
sarveShAmeva pArthAnAM phalguno balavattaraH . 
tasyAmoghA.n vimokShyAmi shaktiM shakra vinirmitAm .. 8..\\
tasminhate maheShvAse bhrAtarastasya mAnada . 
tava vashyA bhaviShyanti vana.n yAsyanti vA punaH .. 9..\\
mayi jIvati kauravya viShAdaM mA kR^ithAH kva chit . 
aha.n jeShyAmi samare sahitAnsarvapANDavAn .. 10..\\
pA~nchAlAnkekayAMshchaiva vR^iShNIMshchApi samAgatAn . 
bANaughaiH shakalIkR^itya tava dAsyAmi medinIm .. 11..\\

 s

evaM bruvANa.n karNaM tu kR^ipaH shAradvato.abravIt . 
smayanniva mahAbAhuH suta putramida.n vachaH .. 12..\\
shobhana.n shobhana.n karNa sa nAthaH kurupu~NgavaH . 
tvayA nAthena rAdheya vachasA yadi sidhyati .. 13..\\
bahushaH katthase karNa kauravyasya samIpataH . 
na tu te vikramaH kashchiddR^ishyate balameva vA .. 14..\\
samAgamaH pANDusutairdR^iShTaste bahusho yudhi . 
sarvatra nirjitashchAsi pANDavaiH sUtanandana .. 15..\\
hriyamANe tadA karNa gandharvairdhR^itarAShTraje . 
tadAyudhyanta sainyAni tvamekastu palAyathAH .. 16..\\
virATanagare chApi sametAH sarvakauravAH . 
pArthena nirjitA yuddhe tva.n cha karNa sahAnujaH .. 17..\\
ekasyApyasamarthastvaM phalgunasya raNAjire . 
kathamutsahase jetu.n sukR^iShNAnsarvapANDavAn .. 18..\\
abruvankarNa yudhyasva bahu katthasi sUtaja . 
anuktvA vikramedyastu tadvai satpuruShavratam .. 19..\\
garjitvA sUtaputra tva.n shAradAbhramivAjalam . 
niShphalo dR^ishyase karNa tachcha rAjA na budhyate .. 20..\\
tAvadgarjasi rAdheya yAvatpArthaM na pashyasi . 
purA pArtha.n hi te dR^iShTvA durlabha.n garjitaM bhavet .. 21..\\
tvamanAsAdya tAnbANAnphalgunasya vigarjasi . 
pArtha sAyakaviddhasya durlabha.n garjitaM bhavet .. 22..\\
bAhubhiH kShatriyAH shUrA vAgbhiH shUrA dvijAtayaH . 
dhanuShA phalgunaH shUraH karNaH shUro manorathaiH .. 23..\\
evaM paruShitastena tadA shAradvatena saH . 
karNaH praharatA.n shreShThaH kR^ipaM vAkyamathAbravIt .. 24..\\
shUrA garjanti satataM prAvR^iShIva balAhakAH . 
phala.n chAshu prayachchhanti bIjamuptamR^itAviva .. 25..\\
doShamatra na pashyAmi shUrANA.n raNamUrdhani . 
tattadvikatthamAnAnAM bhAra.n chodvahatAM mR^idhe .. 26..\\
yaM bhAraM puruSho voDhuM manasA hi vyavasyati . 
daivamasya dhruva.n tatra sAhAyyAyopapadyate .. 27..\\
vyavasAyadvitIyo.ahaM manasA bhAramudvahan . 
garjAmi yadyaha.n vipra tava ki.n tatra nashyati .. 28..\\
vR^ithA shUrA na garjanti sa jalA iva toyadAH . 
sAmarthyamAtmano GYAtvA tato garjanti paNDitAH .. 29..\\
so.ahamadya raNe yattaH sahitau kR^iShNa pANDavau . 
utsahe tarasA jetu.n tato garjAmi gautama .. 30..\\
pashya tva.n garjitasyAsya phalaM me vipra sAnugaH . 
hatvA pANDusutAnAjau saha kR^iShNAnsa sAtvatAn . 
duryodhanAya dAsyAmi pR^ithivI.n hatakaNTakAm .. 31..\\

 krpa

manorathapralApo me na grAhyastava sUtaja . 
yadA kShipasi vai kR^iShNau dharmarAja.n cha pANDavam .. 32..\\
dhruvastatra jayaH karNa yatra yuddhavishAradau . 
devagandharvayakShANAM manuShyoragarakShasAm . 
daMshitAnAmapi raNe ajeyau kR^iShNa pANDavau .. 33..\\
brahmaNyaH satyavAgdAnto guru daivatapUjakaH . 
nitya.n dharmaratashchaiva kR^itAstrashcha visheShataH . 
dhR^itimAMshcha kR^itaGYashcha dharmaputro yudhiShThiraH .. 34..\\
bhrAtarashchAsya balinaH sarvAstreShu kR^itashramAH . 
guruvR^itti ratAH prAGYA dharmanityA yashasvinaH .. 35..\\
sambandhinashchendra vIryAH svanuraktAH prahAriNaH . 
dhR^iShTadyumnaH shikhaNDI cha daurmukhirjanamejayaH .. 36..\\
chandra seno bhadra senaH kIrtidharmA dhruvo dharaH . 
vasu chandro dAma chandraH si.nhachandraH suvedhanaH .. 37..\\
drupadasya tathA putrA drupadashcha mahAstravit . 
yeShAmarthAya sa.nyatto matsyarAjaH sahAnugaH .. 38..\\
shatAnIkaH sudashanaH shrutAnIkaH shrutadhvajaH . 
balAnIko jayAnIko jayAshvo rathavAhanaH .. 39..\\
chandrodayaH kAmaratho virATa bhrAtaraH shubhAH . 
yamau cha draupadeyAshcha rAkShasashcha ghaTotkachaH . 
yeShAmarthAya yudhyante na teShA.n vidyate kShayaH .. 40..\\
kAma.n khalu jagatsarva.n sa devAsuramAnavam . 
sa yakSharAkShasa gaNa.n sa bhUtabhujaga dvipam . 
niHsheShamastravIryeNa kuryAtAM bhIma phalgunau .. 41..\\
yudhiShThirashcha pR^ithivIM nirdahedghorachakShuShA . 
aprameyabalaH shauriryeShAmarthe cha daMshitaH . 
katha.n tAnsa.nyuge karNa jetumutsahase parAn .. 42..\\
mahAnapanayastveSha tava nitya.n hi sUtaja . 
yastvamutsahase yoddhu.n samare shauriNA saha .. 43..\\

 s

evamuktastu rAdheyaH prahasanbharatarShabha . 
abravIchcha tadA karNo guru.n shAradvata.n kR^ipam .. 44..\\
satyamukta.n tvayA brahmanpANDavAnprati yadvachaH . 
ete chAnye cha bahavo guNAH pANDusuteShu vai .. 45..\\
ajayyAshcha raNe pArthA devairapi sa vAsavaiH . 
sa daitya yakShagandharvapishAchoragarAkShasaiH . 
tathApi pArthA~njeShyAmi shaktyA vAsava dattayA .. 46..\\
mamApyamoghA datteya.n shaktiH shakreNa vai dvija . 
etayA nihaniShyAmi savyasAchinamAhave .. 47..\\
hate tu pANDave kR^iShNo bhrAtarashchAsya sodarAH . 
anarjunA na shakShyanti mahIM bhoktu.n kathaM chana .. 48..\\
teShu naShTeShu sarveShu pR^ithivIya.n sasAgarA . 
ayatnAtkauraveyasya vashe sthAsyati gautama .. 49..\\
sunItairiha sarvArthAH sidhyante nAtra saMshayaH . 
etamarthamaha.n GYAtvA tato garjAmi gautama .. 50..\\
tva.n tu vR^iddhashcha viprashcha ashaktashchApi sa.nyuge . 
kR^itasnehashcha pArtheShu mohAnmAm avamanyase .. 51..\\
yadyeva.n vakShyase bhUyo mAm apriyamiha dvija . 
tataste khaDgamudyamya jihvA.n chhetsyAmi durmate .. 52..\\
yachchApi pANDavAnvipra stotumichchhasi sa.nyuge . 
bhIShayansarvasainyAni kauraveyANi durmate . 
atrApi shR^iNu me vAkya.n yathAvadgadato dvija .. 53..\\
duryodhanashcha droNashcha shakunirdurmukho jayaH . 
duHshAsano vR^iShaseno madrarAjastvameva cha . 
somadattashcha bhUrishcha tathA drauNirviviMshatiH .. 54..\\
tiShTheyurdaMshitA yatra sarve yuddhavishAradAH . 
jayedetAnraNe ko nu shakratulyabalo.apyariH .. 55..\\
shUrAshcha hi kR^itAstrAshcha balinaH svargalipsavaH . 
dharmaGYA yuddhakushalA hanyuryuddhe surAnapi .. 56..\\
ete sthAsyanti sa~NgrAme pANDavAnA.n vadhArthinaH . 
jayamAkA~NkShamANA hi kauraveyasya daMshitAH .. 57..\\
daivAyattamahaM manye jaya.n subalinAm api . 
yatra bhIShmo mahAbAhuH shete sharashatAchitaH .. 58..\\
vikarNashchitrasenashcha bAhlIko.atha jayadrathaH . 
bhUrishravA jayashchaiva jalasandhaH sudakShiNaH .. 59..\\
shalashcha rathinA.n shreShTho bhagadattashcha vIryavAn . 
ete chAnye cha rAjAno devairapi sudurjayAH .. 60..\\
nihatAH samare shUrAH pANDavairbalavattarAH . 
kimanyaddaivasa.nyogAnmanyase puruShAdhama .. 61..\\
yAMshcha tAnstauShi satata.n duryodhana ripUndvija . 
teShAmapi hatAH shUrAH shatasho.ataH sahasrashaH .. 62..\\
kShIyante sarvasainyAni kurUNAM pANDavaiH saha . 
prabhAvaM nAtra pashyAmi pANDavAnA.n kathaM chana .. 63..\\
yA.nstAnbalavato nityaM manyase tva.n dvijAdhama . 
yatiShye.aha.n yathAshakti yoddhu.n taiH saha sa.nyuge . 
duryodhanahitArthAya jayo daive pratiShThitaH .. 64..\\
\medskip\hrule\medskip\centerline{\Largedvng 134}
 s

tathA paruShita.n dR^iShTvA sUtaputreNa mAtulam . 
khaDgamudyamya vegena drauNirabhyapataddrutam .. 1..\\

 azv

karNa pashya sudurbuddhe tiShThedAnIM narAdhama . 
eSha te.adya shiraH kAyAduddharAmi sudurmate .. 2..\\

 s

tamutpatanta.n vegena rAjA duryodhanaH svayam . 
nyavArayanmahArAja kR^ipashcha dvipadA.n varaH .. 3..\\

 karna

shUro.aya.n samarashlAghI durmatishcha dvijAdhamaH . 
AsAdayatu madvIryaM mu~nchema.n kurusattama .. 4..\\

 azv

tavaitatkShamyate.asmAbhiH sUtAtmaja sudurmate . 
darpamutsiktametatte phalguno nAshayiShyati .. 5..\\

 dur

ashvatthAmanprasIdasva kShantumarhasi mAnada . 
kopaH khalu na kartavyaH sUtaputre katha.n chana .. 6..\\
tvayi karNe kR^ipe droNe madrarAje.atha saubale . 
mahatkArya.n samAyattaM prasIda dvijasattama .. 7..\\
ete hyabhimukhAH sarve rAdheyena yuyutsavaH . 
AyAnti pANDavA brahmannAhvayantaH samantataH .. 8..\\

 s

karNo.api rathinA.n shreShThashchApamudyamya vIryavAn . 
kauravAgryaiH parivR^itaH shakro devagaNairiva . 
paryatiShThata tejasvI svabAhubalamAshritaH .. 9..\\
tataH pravavR^ite yuddha.n karNasya saha pANDavaiH . 
sa.nrabdhasya mahArAja si.nhanAda vinAditam .. 10..\\
tataste pANDavA rAjanpA~nchAlAshcha yashasvinaH . 
dR^iShTvA karNaM mahAbAhumuchchaiH shabdamathAnadan .. 11..\\
aya.n karNaH kutaH karNastiShTha karNa mahAraNe . 
yudhyasva sahito.asmAbhirdurAtmanpuruShAdhama .. 12..\\
anye tu dR^iShTvA rAdheya.n krodharaktekShaNAbruvan . 
hanyatAmayamutsiktaH sUtaputro.alpachetanaH .. 13..\\
sarvaiH pArthivashArdUlairnAnenArtho.asti jIvatA . 
atyantavairI pArthAnA.n satataM pApapUruShaH .. 14..\\
eSha mUla.n hyanarthAnA.n duryodhana mate sthitaH . 
hatainamiti jalpantaH kShatriyAH samupAdravan .. 15..\\
mahatA sharavarSheNa chhAdayanto mahArathAH . 
vadhArdha.n sUtaputrasya pANDaveyena choditAH .. 16..\\
tA.nstu sarvA.nstathA dR^iShTvA dhAvamAnAnmahArathAn . 
na vivyathe sUra putro na cha trAsamagachchhata .. 17..\\
dR^iShTvA nagarakalpa.n tamuddhUta.n sainyasAgaram . 
piprIShustava putrANA.n sa~NgrAmeShvaparAjitaH .. 18..\\
sAyakaughena balavAnkShiprakArI mahAbalaH . 
vArayAmAsa tatsainya.n samantAdbharatarShabha .. 19..\\
tatastu sharavarSheNa pArthivAstamavArayan . 
dhanUMShi te vidhunvAnAH shatasho.atha sahasrashaH . 
ayodhayanta rAdheya.n shakra.n daitya gaNA iva .. 20..\\
sharavarSha.n tu tatkarNaH pArthivaiH samudIritam . 
sharavarSheNa mahatA samantAdvyakiratprabho .. 21..\\
tadyuddhamabhavatteShA.n kR^itapratikR^itaiShiNAm . 
yathA devAsure yuddhe shakrasya saha dAnavaiH .. 22..\\
tatrAdbhutamapashyAma sUtaputrasya lAghavam . 
yadena.n samare yattA nApnuvanta pare yudhi .. 23..\\
nivArya cha sharaughA.nstAnpArthivAnAM mahArathaH . 
yugeShvIShAsu chhatreShu dhvajeShu cha hayeShu cha . 
AtmanAmA~NkitAnbANAnrAdheyaH prAhiNochchhitAn .. 24..\\
tataste vyAkulIbhUtA rAjAnaH karNa pIDitAH . 
babhramustatra tatraiva gAvaH shItArditA iva .. 25..\\
hayAnA.n vadhyamAnAnA.n gajAnAM rathinAM tathA . 
tatra tatrAbhyavekShAmaH sa~NghAnkarNena pAtitAn .. 26..\\
shirobhiH patitau rAjanbAhubhishcha samantataH . 
AstIrNA vasudhA sarvA shUrANAmanivartinAm .. 27..\\
hataishcha hanyamAnaishcha niShTanadbhishcha sarvashaH . 
babhUvAyodhana.n raudraM vaivasvatapuropamam .. 28..\\
tato duryodhano rAjA dR^iShTvA karNasya vikramam . 
ashvatthAmAnamAsAdya tadA vAkyamuvAcha ha .. 29..\\
yudhyate.asau raNe karNo daMshitaH sarvapArthivaiH . 
pashyaitA.n dravatI.n senAM karNa sAyakapIDitAm . 
kArttikeyena vidhvastAmAsurIM pR^itanAm iva .. 30..\\
dR^iShTvainAM nirjitA.n senAM raNe karNena dhImatA . 
abhiyAtyeSha bIbhatsuH sUtaputra jighA.nsayA .. 31..\\
tadyathA pashyamAnAnA.n sUtaputraM mahAratham . 
na hanyAtpANDavaH sa~Nkhye tathA nItirvidhIyatAm .. 32..\\
tato drauNiH kR^ipaH shalyo hArdikyashcha mahArathaH . 
pratyudyayustadA pArtha.n sUtaputra parIpsayA .. 33..\\
AyAnta.n dR^ishyakaunteya.n vR^itraM deva chamUm iva . 
prayudyayau tadA karNo yathA shakraH pratApavAn .. 34..\\

 dhr

sa.nrabdhaM phalguna.n dR^iShTvA kAlAntakayamopamam . 
karNo vaikartanaH sUta pratyapadyatkimuttaram .. 35..\\
sa hyaspardhata pArthena nityameva mahArathaH . 
Asha.nsate cha bIbhatsu.n yuddhe jetuM sudAruNe .. 36..\\
sa tu ta.n sahasA prAptaM nityamatyantavairiNam . 
karNo vaikartanaH sUta kimuttaramapadyata .. 37..\\

 s

AyAntaM pANDava.n dR^iShTvA gajaH pratigaja.n yathA . 
asambhrAntataraH karNaH partyudIyAddhana~njayam .. 38..\\
tamApatanta.n vegena vaikartanamajihmagaiH . 
vArayAmAsa tejasvI pANDavaH shatrutApanaH .. 39..\\
ta.n karNaH sharajAlena chhAdayAmAsa mAriSha . 
vivyAdha cha susa~NkruddhaH sharaistribhirajihmagaiH .. 40..\\
tasya tallAghavaM pArtho nAmR^iShyata mahAbalaH . 
tasmai bANA~nshilA dhautAnprasannAgrAnajihmagAn .. 41..\\
prAhiNotsUtaputrAya triMshata.n shatrutApanaH . 
vivyAdha chaina.n sa.nrabdho bANenaikena vIryavAn .. 42..\\
savye bhujAgre balavAnnArAchena hasanniva . 
tasya viddhasya vegena karAchchApaM papAta ha .. 43..\\
punarAdAya tachchApaM nimeShArdhAnmahAbalaH . 
chhAdayAmAsa bANaughaiH phalguna.n kR^itahastavat .. 44..\\
sharavR^iShTi.n tu tAM muktA.n sUtaputreNa bhArata . 
vyadhamachchharavarSheNa smayanniva dhana~njayaH .. 45..\\
tau parasparamAsAdya sharavarSheNa pArthiva . 
chhAdayetAM maheShvAsau kR^ipa pratikR^itaiShiNau .. 46..\\
tadadbhutamabhUdyuddha.n karNa pANDavayormR^idhe . 
kruddhayorvAshitA hetorvanyayorgajayoriva .. 47..\\
tataH pArtho maheShvAso dR^iShTvA karNasya vikramam . 
muShTideshe dhanustasya chichchheda tvarayAnvitaH .. 48..\\
ashvAMshcha chaturo bhallairanayadyamasAdanam . 
sAratheshcha shiraH kAyAdaharachchhatrutApanaH .. 49..\\
athaina.n chhinnadhanvAna.n hatAshvaM hatasArathim . 
vivyAdha sAyakaiH pArtha chaturbhiH pANDunandanaH .. 50..\\
hatAshvAttu rathAttUrNamavaplutya nararShabhaH . 
Aruroha ratha.n tUrNaM kR^ipasya sharapIDitaH .. 51..\\
rAdheyaM nirjita.n dR^iShTvA tAvakA bharatarShabha . 
dhana~njaya sharairnunnAH prAdravanta disho dasha .. 52..\\
dravatastAnsamAlokya rAjA duryodhano nR^ipa . 
nivartayAmAsa tadA vAkya.n chedamuvAcha ha .. 53..\\
ala.n drutena vaH shUrAstiShThadhvaM kShatriyarShabhAH . 
eSha pArtha vadhAyAha.n svaya.n gachchhAmi sa.nyuge . 
ahaM pArthAnhaniShyAmi sapA~nchAlAnsa somakAn .. 54..\\
adya me yudhyamAnasya saha gANDIvadhanvanA . 
drakShyanti vikramaM pArthAH kAlasyeva yugakShaye .. 55..\\
adya madbANajAlAni vimuktAni sahasrashaH . 
drakShyanti samare yodhAH shalabhAnAmivAyatIH .. 56..\\
adya bANamaya.n varShaM sR^ijato mama dhanvinaH . 
jImUtasyeva gharmAnte drakShyanti yudhi sainikAH .. 57..\\
jeShyAmyadya raNe pArtha.n sAyakairnataparvabhiH . 
tiShThadhva.n samare shUrA bhaya.n tyajata phalgunAt .. 58..\\
na hi madvIryamAsAdya phalgunaH prasahiShyati . 
yathA velA.n samAsAdya sAgaro makarAlayaH .. 59..\\
ityuktvA prayayau rAjA sainyena mahatA vR^itaH . 
phalgunaM prati durdharShaH krodhasa.nraktalochanaH .. 60..\\
taM prayAntaM mahAbAhu.n dR^iShTvA shAradvatastadA . 
ashvatthAmAnamAsAdya vAkyametaduvAcha ha .. 61..\\
eSha rAjA mahAbAhuramarShI krodhamUrchhitaH . 
pata~NgavR^ittimAsthAya phalguna.n yoddhumichchhati .. 62..\\
yAvannaH pashyamAnAnAM prANAnpArthena sa~NgataH . 
na jahyAtpuruShavyAghrastAvadvAraya kauravam .. 63..\\
yAvatphalguna bANAnA.n gocharaM nAdhigachchhati . 
kauravaH pArthivo vIrastAvadvAraya ta.n drutam .. 64..\\
yAvatpArtha sharairghorairnirmuktoraga saMnibhaiH . 
na bhasmIkriyate rAjA tAvadyuddhAnnivAryatAm .. 65..\\
ayuktamiva pashyAmi tiShThastvasmAsu mAnada . 
svaya.n yuddhAya yadrAjA pArthaM yAtyasahAyavAn .. 66..\\
durlabha.n jIvitaM manye kauravyasya kirITinA . 
yudhyamAnasya pArthena shArdUleneva hastinaH .. 67..\\
mAtulenaivamuktastu drauNiH shastrabhR^itA.n varaH . 
duryodhanamida.n vAkya.n tvaritaM samabhAShata .. 68..\\
mayi jIvati gAndhAre na yuddha.n gantumarhasi . 
mAmanAdR^itya kauravya tava nitya.n hitaiShiNam .. 69..\\
na hi te sambhramaH kAryaH pArthasya vijayaM prati . 
ahamAvArayiShyAmi pArtha.n tiShTha suyodhana .. 70..\\

 dur

AchAryaH pANDuputrAnvai putravatparirakShati . 
tvamapyupekShA.n kuruShe teShu nityaM dvijottama .. 71..\\
mama vA mandabhAgyatvAnmandaste vikramo yudhi . 
dharmarAja priyArtha.n vA draupadyA vA na vidma tat .. 72..\\
dhigastu mama lubdhasya yatkR^ite sarvabAndhavAH . 
sukhArhAH parama.n duHkhaM prApnuvantyaparAjitAH .. 73..\\
ko hi shastrabhR^itAM mukhyo maheshvara samo yudhi . 
shatrUnna kShapayechchhakto yo na syAdgautamI sutaH .. 74..\\
ashvatthAmanprasIdasva nAshayaitAnmamAhitAn . 
tavAstragochare shaktAH sthAtu.n devApi nAnagha .. 75..\\
pA~nchAlAnsomakAMshchaiva jahi droNe sahAnugAn . 
vaya.n sheShAnhaniShyAmastvayaiva parirakShitAH .. 76..\\
ete hi somakA vipra pA~nchAlAshcha yashasvinaH . 
mama sainyeShu sa.nrabdhA vicharanti davAgnivat .. 77..\\
tAnvAraya mahAbAho kekayAMsh cha narottama . 
purA kurvanti niHsheSha.n rakShyamANAH kirITinA .. 78..\\
Adau vA yadi vA pashchAttaveda.n karma mAriSha . 
tvamutpanno mahAbAho pA~nchAlAnA.n vadhaM prati .. 79..\\
kariShyasi jagatsarvamapA~nchAla.n kilAchyuta . 
eva.n siddhAbruvanvAcho bhaviShyati cha tattathA .. 80..\\
na te.astragochare shaktAH sthAtu.n devAH sa vAsavAH . 
kimu pArthAH sapA~nchAlAH satyametadvacho mama .. 81..\\
\medskip\hrule\medskip\centerline{\Largedvng 135}
 s

duryodhanenaivamukto drauNirAhavadurmadaH . 
pratyuvAcha mahAbAho yathA vadasi kaurava .. 1..\\
priyA hi pANDavA nityaM mama chApi pitush cha me . 
tathaivAvAM priyau teShAM na tu yuddhe kurUdvaha . 
shaktitastAta yudhyAmastyaktvA prANAnabhItavat .. 2..\\
aha.n karNashcha shalyashcha kR^ipo hArdikya eva cha . 
nimeShAtpANDavI.n senA.n kShapayema nR^ipottama .. 3..\\
te chApi kauravI.n senAM nimeShArdhAtkurUdvaha . 
kShapayeyurmahAbAho na syAma yadi sa.nyuge .. 4..\\
yudhyatAM pANDavA~nshaktyA teShA.n chAsmAnyuyutsatAm . 
tejastu teja AsAdya prashama.n yAti bhArata .. 5..\\
ashakyA tarasA jetuM pANDavAnAmanIkinI . 
jIvatsu pANDuputreShu taddhi satyaM bravImi te .. 6..\\
AtmArtha.n yudhyamAnAste samarthAH pANDunandanAH . 
kimartha.n tava sainyAni na haniShyanti bhArata .. 7..\\
tva.n hi lubdhatamo rAjannikR^itiGYash cha kaurava . 
sarAtisha~NkI mAnI cha tato.asmAnatisha~Nkase .. 8..\\
aha.n tu yatnamAsthAya tvadarthe tyaktajIvitaH . 
eSha gachchhAmi sa~NgrAma.n tvatkR^ite kurunandana .. 9..\\
yotsye.aha.n shatrubhiH sArdha.n jeShyAmi cha varAnvarAn . 
pA~nchAlaiH saha yotsyAmi somakaiH kekayaistathA . 
pANDaveyaishcha sa~NgrAme tvatpriyArthamarindama .. 10..\\
adya madbANanirdagdhAH pA~nchAlAH somakAstathA . 
si.nhenevArditA gAvo vidraviShyanti sarvataH .. 11..\\
adya dharmasuto rAjA dR^iShTvA mama parAkramam . 
ashvatthAmamaya.n lokaM ma.nsyate saha somakaiH .. 12..\\
AgamiShyati nirveda.n dharmaputro yudhiShThiraH . 
dR^iShTvA vinihatAnsa~Nkhye pA~nchAlAnsomakaiH saha .. 13..\\
ye mA.n yuddhe.abhiyotsyanti tAnhaniShyAmi bhArata . 
na hi te vIra muchyeranmadbAhvantaramAgatAH .. 14..\\
evamuktvA mahAbAhuH putra.n duryodhanaM tava . 
abhyavartata yuddhAya drAvayansarvadhanvinaH . 
chikIrShustava putrANAM priyaM prANabhR^itA.n varaH .. 15..\\
tato.abravItsa kaikeyAnpA~nchAlAngautamI sutaH . 
praharadhvamitaH sarve mama gAtre mahArathAH . 
sthirI bhUtAshcha yudhyadhva.n darshayanto.astralAghavam .. 16..\\
evamuktAstu te sarve shastravR^iShTimapAtayan . 
drauNiM prati mahArAja jala.n jaladharA iva .. 17..\\
tAnnihatya sharAndrauNirdashavIrAnapothayat . 
pramukhe pANDuputrANA.n dhR^iShTadyumnasya chAbhibho .. 18..\\
te hanyamAnAH samare pA~nchAlAH sR^i~njayAstathA . 
parityajya raNe drauNi.n vyadravanta disho dasha .. 19..\\
tAndR^iShTvA dravataH shUrAnpA~nchAlAnsaha somakAn . 
dhR^iShTadyumno mahArAja drauNimabhyadravadyudhi .. 20..\\
tataH kA~nchanachitrANA.n sa jalAmbuda nAdinAm . 
vR^itaH shatena shUrANA.n rathAnAmanivartinAm .. 21..\\
putraH pA~nchAlarAjasya dhR^iShTadyumno mahArathaH . 
drauNimityabravIdvAkya.n dR^iShTvA yodhAnnipAtitAn .. 22..\\
AchArya putra durbuddhe kimanyairnihataistava . 
samAgachchha mayA sArdha.n yadi shUro.asi sa.nyuge . 
aha.n tvAM nihaniShyAmi tiShThedAnIM mamAgrataH .. 23..\\
tatastamAchArya suta.n dhR^iShTadyumnaH pratApavAn . 
marmabhidbhiH sharaistIkShNairjaghAna bharatarShabha .. 24..\\
te tu pa~NktI kR^itA drauNi.n sharA vivishurAshugAH . 
rukmapu~NkhAH prasannAgrAH sarvakAyAvadAraNAH . 
madhvarthina ivoddAmA bhramarAH puShpita.n drumam .. 25..\\
so.atividdho bhR^isha.n kruddhaH padAkrAnta ivoragaH . 
mAnI drauNirasambhrAnto bANapANirabhAShata .. 26..\\
dhR^iShTadyumna sthiro bhUtvA muhUrtaM pratipAlaya . 
yAvattvAM nishitairbANaiH preShayAmi yamakShayam .. 27..\\
drauNirevamathAbhAShya pArShataM paravIrahA . 
chhAdayAmAsa bANaughaiH samantAllaghuhastavat .. 28..\\
sa chhAdyamAnaH samare drauNinA yuddhadurmadaH . 
drauNiM pA~nchAla tanayo vAgbhirAtarjayattadA .. 29..\\
na jAnIShe pratiGYAM me viprotpatti.n tathaiva cha . 
droNa.n hatvA kila mayA hantavyastvaM sudurmate . 
tatastvAhaM na hanmyadya droNe jIvati sa.nyuge .. 30..\\
imA.n tu rajanIM prAptAmaprabhAtA.n sudurmate . 
nihatya pitara.n te.adya tatastvAmapi sa.nyuge . 
neShyAmi mR^ityulokAyetyevaM me manasi sthitam .. 31..\\
yaste pArtheShu vidveSho yA bhaktiH kauraveShu cha . 
tA.n darshaya sthiro bhUtvA na me jIvanvimokShyase .. 32..\\
yo hi brAhmaNyamutsR^ijya kShatradharmarato dvijaH . 
sa vadhyaH sarvalokasya yathA tvaM puruShAdhama .. 33..\\
ityuktaH paruSha.n vAkyaM pArShatena dvijottamaH . 
krodhamAhArayattIvra.n tiShTha tiShTheti chAbravIt .. 34..\\
nirdahanniva chakShurbhyAM pArShata.n so.abhyavaikShata . 
chhAdayAmAsa cha sharairniHshvasanpannago yathA .. 35..\\
sa chhAdyamAnaH samare drauNinA rAjasattama . 
sarvapA~nchAla senAbhiH sa.nvR^ito rathasattamaH .. 36..\\
nAkampata mahAbAhuH svadhairya.n samupAshritaH . 
sAyakAMshchaiva vividhAnashvatthAmni mumocha ha .. 37..\\
tau punaH saMnyavartetAM prANadyUtapare raNe . 
nivArayantau bANaughaiH parasparamamarShiNau . 
utsR^ijantau maheShvAsau sharavR^iShTIH samantataH .. 38..\\
drauNipArShatayoryuddha.n ghorarUpaM bhayAnakam . 
dR^iShTvA sampUjayAmAsuH siddhachAraNavAtikAH .. 39..\\
sharaughaiH pUrayantau tAvAkAshaM pradishastathA . 
alakShyau samayudhyetAM mahatkR^itvA sharaistamaH .. 40..\\
nR^ityamAnAviva raNe maNDalIkR^itakArmukau . 
parasparavadhe yattau parasparajayaiShiNau .. 41..\\
ayudhyetAM mahAbAhU chitra.n laghu cha suShThu cha . 
sampUjyamAnau samare yodhamukhyaiH sahasrashaH .. 42..\\
tau prayuddhau raNe dR^iShTvA vane vanyau gajAviva . 
ubhayoH senayorharShastumulaH samapadyata .. 43..\\
si.nhanAda ravAshchAsandadhmuH sha~NkhAMshcha mAriSha . 
vAditrANyabhyavAdyanta shatasho.atha sahasrashaH .. 44..\\
tasmi.nstu tumule yuddhe bhIrUNAM bhayavardhane . 
muhUrtamiva tadyuddha.n samarUpa.n tadAbhavat .. 45..\\
tato drauNirmahArAja pArShatasya mahAtmanaH . 
dhvaja.n dhanustathA chhatramubhau cha pArShNisArathI . 
sUtamashvAMshcha chaturo nihatyAbhyadravadraNe .. 46..\\
pA~nchAlAMshchaiva tAnsarvAnbANaiH saMnataparvabhiH . 
vyadrAvayadameyAtmA shatasho.atha sahasrashaH .. 47..\\
tataH pravivyathe senA pANDavI bharatarShabha . 
dR^iShTvA drauNermahatkarma vAsavasyeva sa.nyuge .. 48..\\
shatena cha shata.n hatvA pA~nchAlAnAM mahArathaH . 
tribhishcha nishitairbANairhatvA trInvai mahArathAn .. 49..\\
drauNirdrupadaputrasya phalgunasya cha pashyataH . 
nAshayAmAsa pA~nchAlAnbhUyiShTha.n ye vyavasthitAH .. 50..\\
te vadhyamAnAH pA~nchAlAH samare saha sR^i~njayaiH . 
agachchhandrauNimutsR^ijya viprakIrNarathadhvajAH .. 51..\\
sa jitvA samare shatrUndroNaputro mahArathaH . 
nanAda sumahAnAda.n tapAnte jalado yathA .. 52..\\
sa nihatya bahU~nshUrAnashvatthAmA vyarochata . 
yugAnte sarvabhUtAni bhasmakR^itveva pAvakaH .. 53..\\
sampUjyamAno yudhi kauraveyair 
vijitya sa~Nkhye.arigaNAnsahasrashaH . 
vyarochata droNasutaH pratApavAn 
yathA surendro.arigaNAnnihatya .. 54..\\
\medskip\hrule\medskip\centerline{\Largedvng 136}
 s

tato yudhiShThirashchaiva bhImasenashcha pANDavaH . 
droNaputraM mahArAja samantAtparyavArayan .. 1..\\
tato duryodhano rAjA bhAradvAjena sa.nvR^itaH . 
abhyayAtpANDavAnsa~Nkhye tato yuddhamavartata . 
ghorarUpaM mahArAja bhIrUNAM bhayavardhanam .. 2..\\
ambaShThAnmAlavAnva~NgA~nshibI.nstraigartakAnapi . 
prAhiNonmR^ityulokAya gaNAnkruddho yudhiShThiraH .. 3..\\
abhIShAhA~nshUrasenAnkShatriyAnyuddhadurmadAn . 
nikR^itya pR^ithivI.n chakre bhImaH shoNitakardamAm .. 4..\\
yaudheyAraTTa rAjanyAnmadrakAMshcha gaNAnyudhi . 
prAhiNonmR^ityulokAya kirITI nishitaiH sharaiH .. 5..\\
pragADhama~njo gatibhirnArAchairabhipIDitAH . 
nipeturdviradA bhUmau dvishR^i~NgA iva parvatAH .. 6..\\
nikR^ittairhastihastaishcha luThamAnaistatastataH . 
rarAja vasudhA kIrNA visarpadbhirivoragaiH .. 7..\\
kShiptaiH kanakachitraishcha nR^ipachchhatraiH kShitirbabhau . 
dyaurivAditya chandrAdyairgrahaiH kIrNA yugakShaye .. 8..\\
hatapraharatAbhItA vidhyata vyavakR^intata . 
ityAsIttumulaH shabdaH shoNAshvasya rathaM prati .. 9..\\
droNastu paramakruddho vAyavyAstreNa sa.nyuge . 
vyadhamattAnyathA vAyurmeghAniva duratyayaH .. 10..\\
te hanyamAnA droNena pA~nchAlAH prAdravanbhayAt . 
pashyato bhImasenasya pArthasya cha mahAtmanaH .. 11..\\
tataH kirITI bhImashcha sahasA saMnyavartatAm . 
mahatA rathavaMshena parigR^ihya bala.n tava .. 12..\\
bIbhatsurdakShiNaM pArshvamuttara.n tu vR^ikodaraH . 
bhAradvAja.n sharaughAbhyAM mahadbhyAmabhyavarShatAm .. 13..\\
tau tadA sR^i~njayAshchaiva pA~nchAlAshcha mahArathAH . 
anvagachchhanmahArAja matsyAshcha saha somakaiH .. 14..\\
tathaiva tava putrasya rathodArAH prahAriNaH . 
mahatyA senayA sArdha.n jagmurdroNa rathaM prati .. 15..\\
tataH sA bharatI senA vadhyamAnA kirITinA . 
tamasA nidrayA chaiva punareva vyadIryata .. 16..\\
droNena vAryamANAste svaya.n tava sutena cha . 
na shakyante mahArAja yodhA vArayitu.n tadA .. 17..\\
sA pANDuputrasya sharairdAryamANA mahAchamUH . 
tamasA sa.nvR^ite loke vyAdravatsarvato mukhI .. 18..\\
utsR^ijya shatasho vAhA.nstatra ke chinnarAdhipAH . 
prAdravanta mahArAja bhayAviShTAH samantataH .. 19..\\
\medskip\hrule\medskip\centerline{\Largedvng 137}
 s

somadatta.n tu samprekShya vidhunvAnaM mahaddhanuH . 
sAtyakiH prAha yantAra.n somadattAya mAM vaha .. 1..\\
na hyahatvA raNe shatruM bAhlIka.n kauravAdhamam . 
nivartiShye raNAtsUta satyametadvacho mama .. 2..\\
tataH sampreShayadyantA saindhavA.nstAnmahAjavAn . 
tura~NgamA~nsha~NkhavarNAnsarvashabdAtigAnraNe .. 3..\\
te.avahanyuyudhAna.n tu manomArutara.nhasaH . 
yathendra.n harayo rAjanpurA daityavadhodyatam .. 4..\\
tamApatanta.n samprekShya sAtvataM rabhasaM raNe . 
somadatto mahAbAhurasambhrAnto.abhyavartata .. 5..\\
vimu~ncha~nsharavarShANi parjanya iva vR^iShTimAn . 
chhAdayAmAsa shaineya.n jalado bhAskara.n yathA .. 6..\\
asambhrAntashcha samare sAtyakiH kurupu~Ngavam . 
chhAdayAmAsa bANaughaiH samantAdbharatarShabha .. 7..\\
somadattastu ta.n ShaShTyA vivyAdhorasi mAdhavam . 
sAtyakishchApi ta.n rAjannavidhyatsAyakaiH shitaiH .. 8..\\
tAvanyonya.n shariH kR^ittau vyarAjetAM nararShabhau . 
supuShpau puShpasamaye puShpitAviva kiMshukau .. 9..\\
rudhirokShitasarvA~Ngau kuru vR^iShNiyashaH karau . 
parasparamavekShetA.n dahantAviva lochanau .. 10..\\
rathamaNDala mArgeShu charantAvarimardanau . 
ghorarUpau hi tAvAstA.n vR^iShkimantAvivAmbudau .. 11..\\
sharasambhinna gAtrau tau sarvataH shakalIkR^itau . 
shvAvidhAviva rAjendra vyadR^iShyetA.n sharakShatau .. 12..\\
suvarNapu~NkhairiShubhirAchitau tau vyarochatAm . 
khadyotairAvR^itau rAjanprAvR^iShIva vanaspatI .. 13..\\
sampradIpita sarvA~Ngau sAyakaistau mahArathau . 
adR^ishyetA.n raNe kruddhAvulkAbhiriva ku~njarau .. 14..\\
tato yudhi mahArAja somadatto mahArathaH . 
ardhachandreNa chichchheda mAdhavasya mahaddhanuH .. 15..\\
athainaM pa~nchaviMshatyA sAyakAnA.n samArpayat . 
tvaramANastvarA kAle punashcha dashabhiH sharaiH .. 16..\\
athAnyaddhanurAdAya sAtyakirvegavattaram . 
pa~nchabhiH sAyakaistUrNa.n somadattamavidhyata .. 17..\\
tato.apareNa bhallena dhvaja.n chichchheda kA~nchanam . 
bAhlIkasya raNe rAjansAtyakiH prahasanniva .. 18..\\
somadattastvasambhrAnto dR^iShTvA ketuM nipAtitam . 
shaineyaM pa~nchaviMshatyA sAyakAnA.n samAchinot .. 19..\\
sAtvato.api raNe kruddhaH somadattasya dhanvinaH . 
dhanushchichchheda samare kShurapreNa shitena ha .. 20..\\
athaina.n rukmapu~NkhAnAM shatena nataparvaNAm . 
AchinodbahudhA rAjanbhagnadaMShTramiva dvipam .. 21..\\
athAnyaddhanurAdAya somadatto mahArathaH . 
sAtyaki.n chhAdayAmAsa sharavR^iShTyA mahAbalaH .. 22..\\
somadatta.n tu sa~Nkruddho raNe vivyAdha sAtyakiH . 
sAtyaki.n cheShu jAlena somadatto apIDayat .. 23..\\
dashabhiH sAtvatasyArthe bhImo.ahanbAhlikAtmajam . 
somadatto.apyasambhrAntaH shaineyamavadhIchchharaiH .. 24..\\
tatastu sAtvatasyArthe bhaimasenirnava.n dR^iDham . 
mumocha parigha.n ghora.n somadattasya vakShasi .. 25..\\
tamApatanta.n vegena parigha.n ghoradarshanam . 
dvidhA chichchheda samare prahasanniva kauravaH .. 26..\\
sa papAta dvidhA chhinna AyasaH parigho mahAn . 
mahIdharasyeva mahachchhikhara.n vajradAritam .. 27..\\
tatastu sAtyakI rAjansomadattasya sa.nyuge . 
dhanushchichchheda bhallena hastAvApa.n cha pa~nchabhiH .. 28..\\
chaturbhistu sharaistUrNa.n chaturasturagottamAn . 
samIpaM preShayAmAsa pretarAjasya bhArata .. 29..\\
sAratheshcha shiraH kAyAdbhallena nataparvaNA . 
jahAra rathashArdUlaH prahasa~nshinipu~NgavaH .. 30..\\
tataH sharaM mahAghora.n jvalantamiva pAvakam . 
mumocha sAtvato rAjansvarNapu~Nkha.n shilAshitam .. 31..\\
sa vimukto balavatA shaineyena sharottamaH . 
ghorastasyorasi vibho nipapAtAshu bhArata .. 32..\\
so.atividdho balavatA sAtvatena mahArathaH . 
somadatto mahAbAhurnipapAta mamAra cha .. 33..\\
ta.n dR^iShTvA nihataM tatra somadattaM mahArathAH . 
mahatA sharavarSheNa yuyudhAnamupAdravan .. 34..\\
chhAdyamAna.n sharairdR^iShTvA yuyudhAnaM yudhiShThiraH . 
mahatyA senayA sArdha.n droNAnIkamupAdravat .. 35..\\
tato yudhiShThiraH kruddhastAvakAnAM mahAbalam . 
sharairvidrAvayAmAsa bhAradvAjasya pashyataH .. 36..\\
sainyAni drAvayanta.n tu droNo dR^iShTvA yudhiShThiram . 
abhidudrAva vegena krodhasa.nraktalochanaH .. 37..\\
tataH sunishitairbANaiH pArtha.n vivyAdha saptabhiH . 
so.atividdho mahAbAhuH sR^ikkiNI parisa.nlihan . 
yudhiShThirasya chichchheda dhvaja.n kArmukameva cha .. 38..\\
sa chhinnadhanvA tvaritastvarA kAle nR^ipottamaH . 
anyadAdatta vegena kArmuka.n samare dR^iDham .. 39..\\
tataH sharasahasreNa droNa.n vivyAdha pArthivaH . 
sAshvasUta dhvajaratha.n tadadbhutamivAbhavat .. 40..\\
tato muhUrta.n vyathitaH sharaghAta prapIDitaH . 
niShasAda rathopasthe droNo bharatasattama .. 41..\\
pratilabhya tataH sa~nj~nAM muhUrtAddvijasattamaH . 
krodhena mahatAviShTo vAyavyAstramavAsR^ijat .. 42..\\
asambhrAntastataH pArtho dhanurAkR^iShya vIryavAn . 
tadastramastreNa raNe stambhayAmAsa bhArata .. 43..\\
tato.abravIdvAsudevaH kuntIputra.n yudhiShThiram . 
yudhiShThira mahAbAho yattvA vakShyAmi tachchhR^iNu .. 44..\\
upAramasva yuddhAya droNAdbharatasattama . 
gR^idhyate hi sadA droNo grahaNe tava sa.nyuge .. 45..\\
nAnurUpamahaM manye yuddhamasya tvayA saha . 
yo.asya sR^iShTo vinAshAya sa ena.n shvo haniShyati .. 46..\\
parivarjya guru.n yAhi yatra rAjA suyodhanaH . 
bhImashcha rathashArdUlo yudhyate kauravaiH saha .. 47..\\
vAsudeva vachaH shrutvA dharmarAjo yudhiShThiraH . 
muhUrta.n chintayitvA tu tato dAruNamAhavam .. 48..\\
prAyAddrutamamitraghno yatra bhImo vyavasthitaH . 
vinighna.nstAvakAnyodhAnvyAditAsya ivAntakaH .. 49..\\
rathaghoSheNa mahatA nAdayanvasudhAtalam . 
parjanya iva gharmAnte nAdayanvai disho dasha .. 50..\\
bhImasya nighnataH shatrUnpArShNi.n jagrAha pANDavaH . 
droNo.api pANDupA~nchAlAnvyadhamadrajanI mukhe .. 51..\\
\medskip\hrule\medskip\centerline{\Largedvng 138}
 s

vartamAne tathA yuddhe ghorarUpe bhayAvahe . 
tamasA sa.nvR^ite loke rajasA cha mahIpate . 
nApashyanta raNe yodhAH parasparamavasthitAH .. 1..\\
anumAnena sa~nj~nAbhiryuddha.n tadvavR^ite mahat . 
naranAgAshvamathanaM parama.n lomaharShaNam .. 2..\\
droNakarNakR^ipA vIrA bhImapArShata sAtyakAH . 
anyonya.n kShobhayAmAsuH sainyAni nR^ipasattamaH .. 3..\\
vadhyamAnAni sainyAni samantAttairmahArathaiH . 
tamasA rajasA chaiva samantAdvipradudruvuH .. 4..\\
te sarvato vidravanto yodhA vitrastachetasaH . 
ahanyanta mahArAja dhAvamAnAshcha sa.nyuge .. 5..\\
mahArataH sahasrANi jaghnuranyonyamAhave . 
andhe tamasi mUDhAni putrasya tava mantrite .. 6..\\
tataH sarvANi sainyAni senA gopAshcha bhArata . 
vyamuhyanta raNe tatra tamasA sa.nvR^ite sati .. 7..\\

 dhr

teShA.n sa.nloDyamAnAnAM pANDavairnihataujasAm . 
andhe tamasi magnAnAmAsIkkA vo matistadA .. 8..\\
kathaM prakAshasteShA.n vA mama sainyeShu vA punaH . 
babhUva loke tamasA tathA sa~njaya sa.nvR^ite .. 9..\\

 dhr

tataH sarvANi sainyAni hatashiShTAni yAni vai . 
senA goptR^InathAdishya punarvyUhamakalpayat .. 10..\\
droNaH purastAjjaghane tu shalyas 
tathA drauNiH pArshvataH saubalash cha . 
svaya.n tu sarvANi balAni rAjan 
rAjAbhyayAdgopayanvai nishAyAm .. 11..\\
uvAcha sarvAMshcha padAtisa~NghAn 
duryodhanaH pArthiva sAntvapUrvam . 
utsR^ijya sarve paramAyudhAni 
gR^ihNIta hastairjvalitAnpradIpAn .. 12..\\
te choditAH pArthiva sattamena 
tataH prahR^iShTA jagR^ihuH pradIpAn . 
sA bhUya eva dhvajinI vibhaktA 
vyarochatAbhiprabhayA nishAyAm .. 13..\\
mahAdhanairAbharaNaishcha divyaiH 
shastraiH pradIptairabhisampatadbhiH . 
kShaNena sarve vihitAH pradIpA 
vyadIpayaMshcha dhvajanI.n tadAshu .. 14..\\
sarvAstu senA vyatisevyamAnAH 
padAtibhiH pAvakatailahastaiH . 
prakAshyamAnA dadR^ishurnishAyAM 
yathAntarikShe jaladAstaDidbhiH .. 15..\\
prakAshitAyA.n tu tathA dhvajinyAM 
droNo.agnikalpaH pratapansamantAt . 
rarAja rAjendra suvarNavarmA 
madhya.n gataH sUrya ivAMshumAlI .. 16..\\
jAmbUnadeShvAbharaSheShu chaiva 
niShkeShu shuddheShu sharAvareShu . 
pIteShu shastreShu cha pAvakasya 
pratiprabhAstatra tato babhUvuH .. 17..\\
gadAshcha shaikyAH parighAshcha shubhrA 
ratheShu shaktyashcha vivartamAnAH . 
pratiprabhA rashmibhirAjamIDha 
punaH punaH sa~njanayanti dIptAH .. 18..\\
chhatrANi bAlavyajanAnuSha~NgA 
dIptA maholkAshcha tathaiva rAjan . 
vyAghUrNamAnAshcha suvarNamAlA 
vyAyachchhatA.n tatra tadA virejuH .. 19..\\
shastraprabhAbhishcha virAjamAnaM 
dIpaprabhAbhishcha tadA bala.n tat . 
prakAshita.n chAbharaNa prabhAbhir 
bhR^ishaM prakAshaM nR^ipate babhUva .. 20..\\
pItAni shastrANyasR^igukShitAni 
vIrAvadhUtAni tanu druhANi . 
dIptAM prabhAM prAjanayanta tatra 
tapAtyaye vidyudivAntarikShe .. 21..\\
prakampitAnAmabhighAta vegair 
abhighnatA.n chApatatAm javena . 
vaktrANyashobhanta tadA narANAM 
vAyvIritAnIva mahAmbujAni .. 22..\\
mahAvane dAva iva pradIpte 
yathA prabhA bhAskarasyApi nashyet . 
tathA tavAsIddhvajinI pradIptA 
mahAbhaye bhArata bhImarUpA .. 23..\\
tatsampradIptaM balamasmadIyaM 
nishAmya pArthastvaritAstathaiva . 
sarveShu sainyeShu padAtisa~NghAn 
achodaya.nste.atha chakruH pradIpAn .. 24..\\
gaje gaje sapta kR^itAH pradIpA 
rathe rathe chaiva dasha pradIpAH . 
dvAvashvapR^iShThe paripArshvato.anye 
dhvajeShu chAnye jaghaneShu chAnye .. 25..\\
senAsu sarvAsu cha pArshvato.anye 
pashchAtpurastAchcha samantatash cha . 
madhye tathAnye jvalitAgnihastAH 
senA dvaye.api sma narA vicheruH .. 26..\\
sarveShu sainyeShu padAtisa~NghA 
vyAmishritA hastirathAshvavR^indaiH . 
madhye tathAnye jvalitAgnihastA 
vyadIpayanpANDusutasya senAm .. 27..\\
tena pradIptena tathA pradIptaM 
bala.n tadAsIdbalavadbalena . 
bhAH kurvatA bhAnumatA graheNa 
divAkareNAgnirivAbhitaptaH .. 28..\\
tayoH prabhAH pR^ithivImantarikShaM 
sarvA vyatikramya dishashcha vR^iddhAH . 
tena prakAshena bhR^ishaM prakAshaM 
babhUva teShA.n tava chaiva sainyam .. 29..\\
tena prakAshena diva.n gamena 
sambodhitA devagaNAshcha rAjan . 
gandharvayakShAsurasiddhasa~NghAH 
samAgamannapsarasashcha sarvAH .. 30..\\
taddevagandharvasamAkula.n cha 
yakShAsurendrApsarasA.n gaNaish cha . 
hataishcha vIrairdivamAruhadbhir 
Ayodhana.n divyakalpaM babhUva .. 31..\\
rathAshvanAgAkula dIpadIptaM 
sa.nrabdha yodhAhata vidrutAshvam . 
mahadbala.n vyUDharathAshvanAgaM 
surAsuravyUha samaM babhUva .. 32..\\
tachchhakti sa~NghAkula chaNDavAtaM 
mahArathAbhra.n rathavAji ghoSham . 
shastraughavarSha.n rudhirAmbudhAraM 
nishi pravR^ittaM naradeva yuddham .. 33..\\
tasminmahAgnipratimo mahAtmA 
santApayanpANDavAnvipramukhyaH . 
gabhastibhirmadhyagato yathArko 
varShAtyaye tadvadabhUnnarendra .. 34..\\
\medskip\hrule\medskip\centerline{\Largedvng 139}
 s

prakAshite tathA loke rajasA cha tamovR^ite . 
samAjagmuratho vIrAH parasparavadhaiShiNaH .. 1..\\
te sametya raNe rAja~nshastraprAsAsi dhAriNaH . 
parasparamudakShanta parasparakR^itAgasaH .. 2..\\
pradIpAnA.n sahasraishcha dIpyamAnaiH samantataH . 
virarAja tadA bhUmirdyaurgrahairiva bhArata .. 3..\\
ulkA shataiH prajvalitai raNabhUNirvyarAjata . 
dahyamAneva lokAnAmabhAve vai vasundharA .. 4..\\
pradIpyanta dishaH sarvAH pradIpaistaiH samantataH . 
varShA pradoShe khadyotairvR^itA vR^ikShA ivAbabhuH .. 5..\\
asajjanta tato vIrA vIreShveva pR^ithakpR^ithak . 
nAgA nAgaiH samAjagmusturagAH saha vAjibhiH .. 6..\\
rathA rathavaraireva samAjagmurmudAnvitAH . 
tasminrAtrimukhe ghore putrasya tava shAsanAt .. 7..\\
tato.arjuno mahArAja kauravANAmanIkinIm . 
vyadhamattvarayA yuktaH kShapayansarvapArthivAn .. 8..\\

 dhr

tasminpraviShTe sa.nrabdhe mama putrasya vAhinIm . 
amR^iShyamANe durdharShe ki.n va AsInmanastadA .. 9..\\
kimamanyanta sainyAni praviShTe shatrutApane . 
duryodhanashcha ki.n kR^ityaM prAptakAlamamanyata .. 10..\\
ke chaina.n samare vIraM pratyudyayurarindamam . 
ke.arakShandakShiNa.n chakraM ke cha droNasya savyataH .. 11..\\
ke pR^iShThato.asya hyabhavanvIrA vIrasya yudhyataH . 
ke purastAdagachchhanta nighnataH shAtravAnraNe .. 12..\\
yatprAvishanmaheShvAsaH pA~nchAlAnaparAjitaH . 
nR^ityanniva naravyAghro rathamArgeShu vIryavAn .. 13..\\
dadAha cha sharairdroNaH pA~nchAlAnA.n rathavrajAn . 
dhUmaketuriva kruddhaH sa kathaM mR^ityumIyivAn .. 14..\\
avyagrAneva hi parAnakthayasyaparAjitAn . 
hatAMshchaiva viShaNNAMshcha viprakIrNAMshcha sha.nsasi . 
rathino virathAMshchaiva kR^itAnyuddheShu mAmakAn .. 15..\\

 dhr

droNasya matamAGYAya yoddhukAmasya tAM nishAm . 
duyodhano mahArAja vashyAnbhrAtR^InabhAShata .. 16..\\
vikarNa.n chitrasenaM cha mahAbAhuM cha kauravam . 
durdharSha.n dIrghabAhuM cha ye cha teShAM padAnugAH .. 17..\\
droNa.n yattAH parAkrAntAH sarve rakShata pR^iShThataH . 
hArdikyo dakShiNa.n chakra.n shalyashchaivottaraM tathA .. 18..\\
trigartAnA.n cha ye shUrA hatashiShTA mahArathAH . 
tAMshchaiva sarvAnputraste samachodayadagrataH .. 19..\\
AchAryo hi susa.nyatto bhR^isha.n yattAshcha pANDavAH . 
ta.n rakShata susa.nyattA nighnantaM shAtravAnraNe .. 20..\\
droNo hi balavAnyuddhe kShiprahastaH parAkramI . 
nirjayettridashAnyuddhe kimu pArthAnsa somakAn .. 21..\\
te yUya.n sahitAH sarve bhR^ishaM yattA mahArathAH . 
droNa.n rakShata pA~nchAlyAddhR^iShTadyumnAnmahArathAt .. 22..\\
pANDaveyeShu sainyeShu yodhaM pashyAmyahaM na tam . 
yo jayeta raNe droNa.n dhR^iShTadyumnAdR^ite nR^ipAH .. 23..\\
tasya sarvAtmanA manye bhAradvAjasya rakShaNam . 
sa guptaH somakAnhanyAtsR^i~njayAMshcha sarAjakAn .. 24..\\
sR^i~njayeShvatha sarveShu nihateShu chamUmukhe . 
dhR^iShTadyumna.n raNe drauNirnAshayiShyatyasaMshayam .. 25..\\
tathArjuna.n raNe karNo vijeShyati mahArathaH . 
bhImasenamaha.n chApi yuddhe jeShyAmi daMshitaH .. 26..\\
so.ayaM mama jayo vyakta.n dIrghakAlaM bhaviShyati . 
tasmAdrakShata sa~NgrAme droNameva mahArathAH .. 27..\\
ityuktvA bharatashreShTha putro duryodhanastava . 
vyAdidesha tataH sainya.n tasmi.nstamasi dAruNe .. 28..\\
tataH pravavR^ite yuddha.n rAtrau tadbharatarShabha . 
ubhayoH senayorghora.n vijayaM prati kA~NkShiNoH .. 29..\\
arjunaH kaurava.n sainyamarjuna.n chApi kauravAH . 
nAnAshastrasamAvApairanyonyaM paryapIDayan .. 30..\\
drauNiH pA~nchAlarAjAnaM bhAradvAjashcha sR^i~njayAn . 
dhAdayAmAsatuH sa~Nkhye sharaiH saMnataparvabhiH .. 31..\\
pANDupA~nchAla senAnA.n kauravANAM cha mAriSha . 
AsInniShTAnako ghoro nighnatAm itaretaram .. 32..\\
naivAsmAbhirna pUrvairno dR^iShTaM pUrva.n tathAvidham . 
yuddha.n yAdR^ishamevAsIttAM rAtriM sumahAbhayam .. 33..\\
\medskip\hrule\medskip\centerline{\Largedvng 140}
 s

vartamAne tathA raudre rAtriyuddhe vishAM pate . 
sarvabhUtakShayakare dharmaputro yudhiShThiraH .. 1..\\
abravItpANDavAMshchaiva pA~nchAlAMshcha sa somakAn . 
abhyadravata gachchhadhva.n droNameva jighA.nsayA .. 2..\\
rAGYaste vachanAdrAjanpA~nchAlAH somakAstathA . 
droNamevAbhyavartanta nadanto bhairavAnravAn .. 3..\\
tAnvayaM pratigarjantaH pratyudyAtAstvamarShitAH . 
yathAshakti yathotsAha.n yathA sattva.n cha sa.nyuge .. 4..\\
kR^itavarmA cha hArdikyo yudhiShThiramupAdravat . 
droNaM prati jighA.nsantaM matto mattamiva dvipam .. 5..\\
shaineya.n sharavarShANi vikirantaM samantataH . 
abhyayAtkauravo rAjanbhUriH sa~NgrAmamUrdhani .. 6..\\
sahadevamathAyAnta.n droNa prepsuM mahAratham . 
karNo vaikartano rAjanvArayAmAsa pANDavam .. 7..\\
bhImasenamathAyAnta.n vyAditAsyamivAntakam . 
svaya.n duryodhano yuddhe pratIpaM mR^ityumAvrajat .. 8..\\
nakula.n cha yudhA.n shreShThaM sarvayuddhavishAradam . 
shakuniH saubalo rAjanvArayAmAsa sa tvaraH .. 9..\\
shikhaNDinamathAyAnta.n rathena rathinAM varam . 
kR^ipo shAradvato rAjanvArayAmAsa sa.nyuge .. 10..\\
prativindhyamathAyAntaM mayUrasadR^ishairhayaiH . 
duHshAsano mahArAja yatto yattamavArayat .. 11..\\
bhaimasenimathAyAntaM mAyA shatavishAradam . 
ashvatthAmA piturmAna.n kurvANaH pratyaShedhayat .. 12..\\
drupada.n vR^iShasenastu sa sainyaM sapadAnugam . 
vArayAmAsa samare droNa prepsuM mahAratham .. 13..\\
virATa.n drutamAyAntaM droNasya nidhanaM prati . 
madrarAjaH susa~Nkruddho vArayAmAsa bhArata .. 14..\\
shatAnIkamathAyAntaM nAkuli.n rabhasaM raNe . 
chitraseno rurodhAshu sharairdroNa vadhepsayA .. 15..\\
arjuna.n cha yudhA.n shreShThaM prAdravantaM mahAratham . 
alambuso mahArAja rAkShasendro nyavArayat .. 16..\\
tathA droNaM maheShvAsaM nighnanta.n shAtravAnraNe . 
dhR^iTadyumno.atha pA~nchAlyo hR^iShTarUpamavArayat .. 17..\\
tathAnyAnpANDuputrANA.n samAyAtAnmahArathAn . 
tAvakA rathino rAjanvArayAmAsurojasA .. 18..\\
gajArohA gajaistUrNa.n saMnipatya mahAmR^idhe . 
yodhayantaH sma dR^ishyante shatasho.atha sahasrashaH .. 19..\\
nishIthe turagA rAjannAdravantaH parasparam . 
samadR^ishyanta vegena pakShavanta ivAdrayaH .. 20..\\
sAdinaH sAdibhiH sArdhaM prAsashaktyR^iShTipANayaH . 
samAgachchhanmahArAja vinadantaH pR^ithakpR^ithak .. 21..\\
narAstu bahavastatra samAjagmuH parasparam . 
gadAbhirmusalaishchaiva nAnAshastraishcha sa~NghashaH .. 22..\\
kR^itavarmA tu hArdikyo dharmaputra.n yudhiShThiram . 
vArayAmAsa sa~Nkruddho velevodvR^ittamarNavam .. 23..\\
yudhiShThirastu hArdikya.n viddhvA pa~nchabhirAshugaiH . 
punarvivyAdha viMshatyA tiShTha tiShTheti chAbravIt .. 24..\\
kR^itavarmA tu sa~Nkruddho dharmaputrasya mAriSha . 
dhanushchichchheda bhallena ta.n cha vivyAdha saptabhiH .. 25..\\
athAnyaddhanurAdAya dharmaputro yudhiShThiraH . 
hArdikya.n dashabhirbANairbAhvorurasi chArpayat .. 26..\\
mAdhavastu raNe viddho dharmaputreNa mAriSha . 
prAkampata cha roSheNa saptabhishchArdayachchharaiH .. 27..\\
tasya pArtho dhanushchhittvA hastAvApaM nikR^itya cha . 
prAhiNonnishitAnbANAnpa~ncha rAja~nshilAshitAn .. 28..\\
te tasya kavachaM bhittvA hemachitraM mahAdhanam . 
prAvishandharaNImugrA valmIkamiva pannagAH .. 29..\\
akShNornimeSha mAtreNa so.anyadAdAya kArmukam . 
vivyAdha pANDava.n ShaShTyA sUta.n cha navabhiH sharaiH .. 30..\\
tasya shaktimameyAtmA pANDavo bhujagopamAm . 
chikShepa bharatashreShTha rathe nyasya mahaddhanuH .. 31..\\
sA hemachitrA mahatI pANDavena praveritA . 
nirbhidya dakShiNaM bAhuM prAvishaddharaNItalam .. 32..\\
etasminneva kAle tu gR^ihya pArthaH punardhanuH . 
hArdikya.n chhAdayAmAsa sharaiH saMnataparvabhiH .. 33..\\
tatastu samare shUro vR^iShNInAM pravaro rathI . 
vyashva sUta ratha.n chakre nimeShArdhAdyudhiShThiram .. 34..\\
tatastu pANDavo jyeShThaH khaDgacharma samAdade . 
tadasya nishitairbANairvyadhamanmAdhavo raNe .. 35..\\
tomara.n tu tato gR^ihya svarNadaNDaM durAsadam . 
preShayatsamare tUrNa.n hArdikyasya yudhiShThiraH .. 36..\\
tamApatanta.n sahasA dharmarAja bhujachyutam . 
dvidhA chichchheda hArdikyaH kR^itahastaH smayanniva .. 37..\\
tataH sharashatenAjau dharmaputramavAkirat . 
kavacha.n chAsya sa~NkruddhaH shairastIkShNairadArayat .. 38..\\
hArdikya sharasa~nchinna.n kavachaM tanmahAtmanaH . 
vyashIryata raNe rAja.nstArAjAlamivAmbarAt .. 39..\\
sa chhinnadhanvA virathaH shIrNavarmA sharArditaH . 
apAyAsIdraNAttUrNa.n dharmaputro yudhiShThiraH .. 40..\\
kR^itavarmA tu nirjitya dharmaputra.n yudhiShThiram . 
punardroNasya jugupe chakrameva mahAbalaH .. 41..\\
\medskip\hrule\medskip\centerline{\Largedvng 141}
 s

bhUristu samare rAja~nshaineya.n rathinAM varam . 
ApatantamapAsedhatprapAnAdiva ku~njaram .. 1..\\
athaina.n sAtyakiH kruddhaH pa~nchabhirnishitaiH sharaiH . 
vivyAdha hR^idaye tUrNaM prAsravattasya shoNitam .. 2..\\
tathaiva kauravo yuddhe shaineya.n yuddhadurmadam . 
dashabhirvishikhaistIkShNairavidhyata bhujAntare .. 3..\\
tAvanyonyaM mahArAja tatakShAte sharairbhR^isham . 
krodhasa.nraktanayanau krodhAdvisphArya kArmuke .. 4..\\
tayorAsInmahArAja shastravR^iShTiH sudAruNA . 
kruddhayoH sAyakamuchoryamAntakanikAshayoH .. 5..\\
tAvanyonya.n sharai rAjanprachchhAdya samare sthitau . 
muhUrta.n chaiva tadyuddha.n samarUpamivAbhavat .. 6..\\
tataH kruddho mahArAja shaineyaH prahasanniva . 
dhanushchichchheda samare kauravyasya mahAtmanaH .. 7..\\
athaina.n chhinnadhanvAnaM navabhirnishitaiH sharaiH . 
vivyAdha hR^idaye tUrNa.n tiShTha tiShTheti chAbravIt .. 8..\\
so.atividdho balavatA shatruNA shatrutApanaH . 
dhanuranyatsamAdAya sAtvataM pratyavidhyata .. 9..\\
sa viddhvA sAtvataM bANaistribhireva vishAM pate . 
dhanushchichchheda bhallena sutIkShNena hasanniva .. 10..\\
chhinnadhanvA mahArAja sAtyakiH krodhamUrchhitaH . 
prajahAra mahAvegA.n shakti.n tasya mahorasi .. 11..\\
sa tu shaktyA vibhinnA~Ngo nipapAta rathottamAt . 
lohitA~Nga ivAkAshAddIptarashmiryadR^ichchhayA .. 12..\\
ta.n tu dR^iShTvA taha.n shUramashvatthAmA mahArathaH . 
abhyadhAvata vegena shaineyaM prati sa.nyuge . 
abhyavarShachchharaugheNa meru.n vR^iShTyA yathAmbudaH .. 13..\\
tamApatanta.n sa.nrabdhaM shaineyasya rathaM prati . 
ghaTotkacho.abravIdrAjannAdaM muktvA mahArathaH .. 14..\\
tiShTha tiShTha na me jIvandroNaputra gamiShyasi . 
eSha tvAdya haniShyAmi mahiSha.n skanda rAD iva . 
yuddhashraddhAmaha.n te.adya vineShyAmi raNAjire .. 15..\\
ityuktvA roShatAmrAkSho rAkShasaH paravIrahA . 
drauNimabhyadravatkruddho gajendramiva kesarI .. 16..\\
rathAkShamAtrairiShubhirabhyavarShadghaTotkachaH . 
rathinAmR^iShabha.n drauNiM dhArAbhiriva toyadaH .. 17..\\
sharavR^iShTi.n tu tAM prAptA.n sharairAshIviShopamaiH . 
shAtayAmAsa samare tarasA drauNirutsmayan .. 18..\\
tataH sharashataistIkShNairmarmabhedibhirAshugaiH . 
samAchinodrAkShasendra.n ghaTotkachamarindama .. 19..\\
sa sharairAchitastena rAkShaso raNamUrdhani . 
vyakAshata mahArAja shvAvichchhalalito yathA .. 20..\\
tataH krodhasamAviShTo bhaimaseniH pratApavAn . 
sharairavachakartograirdrauNi.n vajrAshanisvanaiH .. 21..\\
kShuraprairardhachandraishcha nArAchaiH sa shilImukhaiH . 
varAhakarNairnAlIkaistIkShNaishchApi vikarNibhiH .. 22..\\
tA.n shastravR^iShTimatulAM vajrAshanisamasvanAm . 
patantImupari kruddho drauNiravyathitendriyaH .. 23..\\
suduHsahA.n sharairghorairdivyAstrapratimantritaiH . 
vyadhamatsa mahAtejA mahAbhrANIva mArutaH .. 24..\\
tato.antarikShe bANAnA.n sa~NgrAmo.anya ivAbhavat . 
ghorarUpo mahArAja yodhAnA.n harShavardhanaH .. 25..\\
tato.astrasa~NgharSha kR^itairvisphuli~NgaiH samantataH . 
babhau nishAmukhe vyoma khadyotairiva sa.nvR^itam .. 26..\\
sa mArgaNagaNairdrauNirdishaH prachchhAdya sarvataH . 
priyArtha.n tava putrANA.n rAkShasaM samavAkirat .. 27..\\
tataH pravavR^ite yuddha.n drauNirAkShasayormR^idhe . 
vigADhe rajanImadhye shakra prahrAdayoriva .. 28..\\
tato ghaTotkacho bANairdashabhirdrauNimAhave . 
jaghAnorasi sa~NkruddhaH kAlajvalana saMnibhaiH .. 29..\\
sa tairabhyAyatairviddho rAkShasena mahAbalaH . 
chachAla samare drauNirvAtanunna iva drumaH . 
sa mohamanusamprApto dhvajayaShTi.n samAshritaH .. 30..\\
tato hAhAkR^ita.n sainya.n tava sarvaM janAdhipa . 
hata.n sma menire sarve tAvakAstaM vishAM pate .. 31..\\
ta.n tu dR^iShTvA tathAvasthamashvatthAmAnamAhave . 
pA~nchAlAH sR^i~njayAshchaiva si.nhanAdaM prachakrire .. 32..\\
pratilabhya tataH sa~nj~nAmashvatthAmA mahAbalaH . 
dhanuH prapIDya vAmena kareNAmitrakarshanaH .. 33..\\
mumochAkarNa pUrNena dhanuShA sharamuttamam . 
yamadaNDopama.n ghoramuddishyAshu ghaTotkacham .. 34..\\
sa bhittvA hR^idaya.n tasya rAkShasasya sharottamaH . 
vivesha vasudhAmugraH supu~NkhaH pR^ithivIpate .. 35..\\
so.atividdho mahArAja rathopastha upAvishat . 
rAkShasendraH subalavAndrauNinA raNamAninA .. 36..\\
dR^iShTvA vimUDha.n haiDimbaM sArathistaM raNAjirAt . 
drauNeH sakAshAtsambhrAntastvapaninye tvarAnvitaH .. 37..\\
tathA tu samare viddhvA rAkShasendra.n ghaTotkacham . 
nanAda sumahAnAda.n droNaputro mahAbalaH .. 38..\\
pUjitastava putraishcha sarvayodhaishcha bhArata . 
vapuShA pratijajvAla madhyAhna iva bhAskaraH .. 39..\\
bhImasena.n tu yudhyantaM bhAradvAja rathaM prati . 
svaya.n duryodhano rAjA pratyavidhyachchhitaiH sharaiH .. 40..\\
taM bhImaseno navabhiH sharairvivyAdha mAriSha . 
duryodhano.api viMshatyA sharANAM pratyavidhyata .. 41..\\
tau sAyakairavachchhannAvadR^ishyetA.n raNAjire . 
meghajAlasamAchchhannau nabhasIvendu bhAskarau .. 42..\\
atha duryodhano rAjA bhIma.n vivyAdha patribhiH . 
pa~nchabhirbharatashreShTha tiShTha tiShTheti chAbravIt .. 43..\\
tasya bhImo dhanushchhittvA dhvaja.n cha navabhiH sharaiH . 
vivyAdha kauravashreShThaM navatyA nataparvaNAm .. 44..\\
tato duryodhanaH kruddho bhImasenasya mAriSha . 
chikShepa sa sharAnrAjanpashyatA.n sarvadhanvinAm .. 45..\\
tAnnihatya sharAnbhImo duryodhana dhanushchyutAn . 
kauravaM pa~nchaviMshatyA krudrakANA.n samArpayat .. 46..\\
duryodhanastu sa~Nkruddho bhImasenasya mAriSha . 
kShurapreNa dhanushchhittvA dashabhiH pratyavidhyata .. 47..\\
athAnyaddhanurAdAya bhImaseno mahAbalaH . 
vivyAdha nR^ipati.n tUrNa.n saptabhirnishitaiH sharaiH .. 48..\\
tadapyasya dhanuH kShipra.n chichchheda laghuhastavat . 
dvitIya.n cha tR^itIyaM cha chaturthaM pa~nchamaM tathA .. 49..\\
AttamAttaM mahArAja bhImasya dhanurAchchhinat . 
tava putro mahArAja jitakAshI madotkaTaH .. 50..\\
sa tadA chhidyamAneShu kArmukeShu punaH punaH . 
shakti.n chikShepa samare sarvapArashavI.n shubhAm .. 51..\\
aprAptAmeva tA.n shakti.n tridhA chichchheda kauravaH . 
pashyataH sarvalokasya bhImasya cha mahAtmanaH .. 52..\\
tato bhImo mahArAja gadA.n gurvIM mahAprabhAm . 
chikShepAvidhya vegena duryodhana rathaM prati .. 53..\\
tataH sa sahasA vAhA.nstava putrasya sa.nyuge . 
sArathi.n cha gadA gurvI mamarda bharatarShabha .. 54..\\
putrastu tava rAjendra rathAddhemapariShkR^itAt . 
AplutaH sahasA yAnaM nandakasya mahAtmanaH .. 55..\\
tato bhImo hataM matvA tava putraM mahAratham . 
si.nhanAdaM mahachchakre tarjayanniva kauravAn .. 56..\\
tAvakAH sainikAshchApi menire nihataM nR^ipam . 
tato vichukrushuH sarve hAheti cha samantataH .. 57..\\
teShA.n tu ninada.n shrutvA trastAnAM sarvayodninAm . 
bhImasenasya nAda.n cha shrutvA rAjanmahAtmanaH .. 58..\\
tato yudhiShThiro rAjA hataM matvA suyodhanam . 
abhyavartata vegena yatra pArtho vR^ikodaraH .. 59..\\
pA~nchAlAH kekayA matsyAH sR^i~njayAshcha vishAM pate . 
sarvodyogenAbhijagmurdroNameva yuyutsayA .. 60..\\
tatrAsItsumahadyuddha.n droNasyAtha paraiH saha . 
ghore tamasi magnAnAM nighnatAm itaretaram .. 61..\\
\medskip\hrule\medskip\centerline{\Largedvng 142}
 s

sahadevamathAyAnta.n droNa prepsu.n vishAM pate . 
karNo vaikartano yuddhe vArayAmAsa bhArata .. 1..\\
sahadevastu rAdheya.n viddhvA navabhirAshugaiH . 
punarvivyAdha dashabhirnishitairnataparvabhiH .. 2..\\
ta.n karNaH prativivyAdha shatena nataparvaNAm . 
sajya.n chAsya dhanuH shIghraM chichchheda laghuhastavat .. 3..\\
tato.anyaddhanurAdAya mAdrIputraH pratApavAn . 
karNa.n vivyAdha viMshatyA tadadbhutamivAbhavat .. 4..\\
tasya karNo hayAnhatvA sharaiH saMnataparvabhiH . 
sArathi.n chAsya bhallena drutaM ninye yamakShayam .. 5..\\
virathaH sahadevastu khaDga.n charma samAdade . 
tadapyasya sharaiH karNo vyadhamatprahasanniva .. 6..\\
tato gurvIM mahAghorA.n hemachitrAM mahAgadAm . 
preShayAmAsa samare vaikartana rathaM prati .. 7..\\
tAmApatantI.n sahasA sahadeva praveritAm . 
vyaShTambhayachchharaiH karNo bhUmau chainAmapAtayat .. 8..\\
gadA.n vinihatA.n dR^iShTvA sahadevastvarAnvitaH . 
shakti.n chikShepa karNAya tAmapyasyAchchhinachchharaiH .. 9..\\
sa sambhramastatastUrNamavaplutya rathottamAt . 
sahadevo mahArAja dR^iShTvA karNa.n vyavasthitam . 
rathachakra.n tato gR^ihya mumochAdhirathiM prati .. 10..\\
tamApatanta.n sahasA kAlachakramivodyatam . 
sharairanekasAhasrairachhinatsUtanandanaH .. 11..\\
tasmi.nstu vitathe chakre kR^ite tena mahAtmanA . 
vAryamANashcha vishikhaiH sahadevo raNa.n jahau .. 12..\\
tamabhidrutya rAdheyo muhUrtAdbharatarShabha . 
abravItprahasanvAkya.n sahadevaM vishAM pate .. 13..\\
mA yudhyasva raNe vIra vishiShTai rathibhiH saha . 
sadR^ishairyudhya mAdreya vacho me mA visha~NkitAH .. 14..\\
athaina.n dhanuSho.agreNa tudanbhUyo.abravIdvachaH . 
eSho.arjuno raNe yatto yudhyate kurubhiH saha . 
tatra gachchhasva mAdreya gR^iha.n vA yadi manyase .. 15..\\
evamuktvA tu ta.n karNo rathena rathinA.n varaH . 
prAyAtpA~nchAla pANDUnA.n sainyAni prahasanniva .. 16..\\
vadhaprApta.n tu mAdreyaM nAvadhItsamare.arihA . 
kuntyAH smR^itvA vacho rAjansatyasandho mahArathaH .. 17..\\
sahadevastato rAjanvimanAH sharapIDitaH . 
karNa vAkshalya taptashcha jIvitAnniravidyata .. 18..\\
Aruroha ratha.n chApi pA~nchAlyasya mahAtmana . 
janamejayasya samare tvarAyukto mahArathaH .. 19..\\
virATa.n saha sena.n tu droNArthe drutamAgatam . 
madrarAjaH sharaugheNa chhAdayAmAsa dhanvinam .. 20..\\
tayoH samabhavadyuddha.n samare dR^iDhadhanvinoH . 
yAdR^isha.n hyabhavadrAja~njambha vAsavayoH purA .. 21..\\
madrarAjo mahArAja virATa.n vAhinIpatim . 
Ajaghne tvarita.n tIkShNaiH shatena nataparvaNAm .. 22..\\
prativivyAdha ta.n rAjA navabhirnishitaiH sharaiH . 
punashchaiva trisaptatyA bhUyashchaiva shatena ha .. 23..\\
tasya madrAdhipo hatvA chaturo rathavAjinaH . 
sUta.n dhvajaM cha samare rathopasthAdapAtayat .. 24..\\
hatAshvAttu rathAttUrNamavaplutya mahArathaH . 
tasthau visphArayaMshchApa.n vimu~nchaMshcha shitA~nsharAn .. 25..\\
shatAnIkastato dR^iShTvA bhrAtara.n hatavAhanam . 
rathenAbhyapatattUrNa.n sarvalokasya pashyataH .. 26..\\
shatAnIkamathAyAntaM madrarAjo mahAmR^idhe . 
vishikhairbahubhirviddhvA tato ninye yamakShayam .. 27..\\
tasmi.nstu nihate vIre virATo rathasattamaH . 
Aruroha ratha.n tUrNaM tameva dhvajamAlinam .. 28..\\
tato visphArya nayane krodhAddviguNavikramaH . 
madrarAjaratha.n tUrNaM chhAdayAmAsa patribhiH .. 29..\\
tato madrAdhipaH kruddhaH shatena nataparvaNAm . 
AjaghAnorasi dR^iDha.n virATaM vAhinIpatim .. 30..\\
so.atividdho mahArAja rathopastha upAvishat . 
kashmala.n chAvishattIvra.n virATo bharatarShabha . 
sArathistamapovAha samare sharavikShatam .. 31..\\
tataH sA mahatI senA prAdravannishi bhArata . 
vadhyamAnA sharashataiH shalyenAhava shobhinA .. 32..\\
tA.n dR^iShTvA vidrutA.n senAM vAsudevadhana~njayau . 
prAyAtA.n tatra rAjendra yatra shalyo vyavasthitaH .. 33..\\
tau tu pratyudyayau rAjanrAkShasendro hyalambusaH . 
aShTachakrasamAyuktamAsthAya pravara.n ratham .. 34..\\
tura~Ngama mukhairyuktaM pishAchairghoradarshanaiH . 
lohitArdra patAka.n ta.n raktamAlyavibhUShitam . 
kArShNAyasamaya.n ghoramR^ikShacharmAvR^itaM mahat .. 35..\\
raudreNa chitrapakSheNa vivR^itAkSheNa kUjatA . 
dhvajenochchhritatuNDena gR^idhrarAjena rAjatA .. 36..\\
sa babhau rAkShaso rAjanbhinnA~njanachayopamaH . 
rurodhArjunamAyAntaM prabha~njanamivAdrirAT . 
kiranbANagaNAnrAja~nshatasho.arjunamUrdhani .. 37..\\
atitIvramabhUdyuddhaM nararAkShasayormR^idhe . 
draShTR^INAM prItijanana.n sarveShAM bharatarShabha .. 38..\\
tamarjunaH shatenaiva patriNAmabhyatADayat . 
navabhishcha shitairbANaish chichchheda dhvajamuchchhritam .. 39..\\
sArathi.n cha tribhirbANaistribhireva triveNukam . 
dhanurekena chichchheda chaturbhishchaturo hayAn . 
virathasyodyata.n khaDga.n shareNAsya dvidhAchhinat .. 40..\\
athainaM nishitairbANaishchaturbhirbharatarShabha . 
pArtho.ardayadrAkShasendra.n sa viddhaH prAdravadbhayAt .. 41..\\
ta.n vijityArjunastUrNa.n droNAntikamupAyayau . 
kira~nsharagaNAnrAjannaravAraNavAjiShu .. 42..\\
vadhyamAnA mahArAja pANDavena yashasvinA . 
sainikA nyapatannurvyA.n vAtanunnA iva drumAH .. 43..\\
teShu tUtsAdyamAneShu phalgunena mahAtmanA . 
samprAdravadbala.n sarvaM putrANA.n te vishAM pate .. 44..\\
\medskip\hrule\medskip\centerline{\Largedvng 143}
 s

shatAnIka.n sharaistUrNaM nirdahanta.n chamUM tava . 
chitrasenastava suto vArayAmAsa bhArata .. 1..\\
nAkulishchitrasena.n tu nArAchenArdayadbhR^isham . 
sa cha taM prativivyAdha dashabhirnishitaiH sharaiH .. 2..\\
chitraseno mahArAja shatAnIkaM punaryudhi . 
navabhirnishitairbANairAjaghAna stanAntare .. 3..\\
nAkulistasya vishikhairvarma saMnataparvabhiH . 
gAtrAtsa~ncyAvayAmAsa tadadbhutamivAbhavat .. 4..\\
so.apetavarmA putraste virarAja bhR^ishaM nR^ipa . 
utsR^ijya kAle rAjendra nirmokamiva pannagaH .. 5..\\
tato.asya nishitairbANairdhvaja.n chichchheda nAkuliH . 
dhanushchaiva mahArAja yatamAnasya sa.nyuge .. 6..\\
sa chhinnadhanvA samare vivarmA cha mahArathaH . 
dhanuranyanmahArAja jagrAhAri vidAraNam .. 7..\\
tatastUrNa.n chitraseno nAkuliM navabhiH sharaiH . 
vivyAdha samare kruddho bharatAnAM mahArathaH .. 8..\\
shatAnIko.atha sa~Nkruddhashchitrasenasya mAriSha . 
jaghAna chaturo vAhAnsArathi.n cha narottamaH .. 9..\\
avaplutya rathAttasmAchchitraseno mahArathaH . 
nAkuliM pa~nchaviMshatyA sharANAmArdayadbalI .. 10..\\
tasya tatkurvataH karma nakulasya suto raNe . 
ardhachandreNa chichchheda chApa.n ratnavibhUShitam .. 11..\\
sa chhinnadhanvA viratho hatAshvo hatasArathiH . 
Aruroha ratha.n tUrNa.n hArdikyasya mahAtmanaH .. 12..\\
drupada.n tu sahAnIkaM droNa prepsuM mahAratham . 
vR^iShaseno.abhyayAttUrNa.n kira~nsharashatairtadA .. 13..\\
yaGYasenastu samare karNa putraM mahAratham . 
ShaShTyA sharANA.n vivyAdha bAhvorurasi chAnagha .. 14..\\
vR^iShasenastu sa~Nkruddho yaGYasena.n rathe sthitam . 
bahubhiH sAyakaistIkShNairAjaghAna stanAntare .. 15..\\
tAvubhau sharanunnA~Ngau sharakaNTakinau raNe . 
vyabhrAjetAM mahArAja shvAvidhau shalalairiva .. 16..\\
rukmapu~NkhairajihmAgraiH sharaish chhinnatanuchchhadau . 
rudhiraughapariklinnau vyabhrAjetAM mahAmR^idhe .. 17..\\
tapanIyanibhau chitrau kalpavR^ikShAvivAdbhutau . 
kiMshukAviva chotphullau vyakAshetA.n raNAjire .. 18..\\
vR^iShasenastato rAjannavabhirdrupada.n sharaiH . 
viddhvA vivyAdha saptatyA punashchAnyaistribhiH sharaiH .. 19..\\
tataH sharasahasrANi vimu~nchanvibabhau tadA . 
karNa putro mahArAja varShamANa ivAmbudaH .. 20..\\
tatastu drupadAnIka.n sharaish chhinnatanuchchhadam . 
samprAdravadraNe rAjannishIthe bhairave sati .. 21..\\
pradIpairhi parityaktairjvaladbhistaiH samantataH . 
vyarAjata mahI rAjanvItAbhrA dyauriva grahaiH .. 22..\\
tathA~NgadairnipatitairvyarAjata vasundharA . 
prAvR^iTkAle mahArAja vidyudbhiriva toyadaH .. 23..\\
tataH karNasuta trastAH somakA vipradudruvuH . 
yathendra bhayavitrastA dAnavAstArakA maye .. 24..\\
tenArdyamAnAH samare dravamANAshcha somakAH . 
vyarAjanta mahArAja pradIpairavabhAsitAH .. 25..\\
tA.nstu nirjitya samare karNa putro vyarochata . 
madhyandinamanuprApto gharmAMshuriva bhArata .. 26..\\
teShu rAjasahasreShu tAvakeShu pareShu cha . 
eka eva jvala.nstasthau vR^iShasenaH pratApavAn .. 27..\\
sa vijitya raNe shUrAnsomakAnAM mahArathAn . 
jagAma tvaritastatra yatra rAjA yudhiShThiraH .. 28..\\
prativindhyamatha kruddhaM pradahanta.n raNe ripUn . 
duHshAsanastava sutaH pratyudgachchhanmahArathaH .. 29..\\
tayoH samAgamo rAjaMshchitrarUpo babhUva ha . 
vyapetajalade vyomni budha bhArgavayoriva .. 30..\\
prativindhya.n tu samare kurvANaM karma duShkaram . 
duHshAsanastribhirbANairlalATe samavidhyata .. 31..\\
so.atividdho balavatA putreNa tava dhanvinA . 
virarAja mahAbAhuH sa shR^i~Nga iva parvataH .. 32..\\
duHshAsana.n tu samare prativindhyo mahArathaH . 
navabhiH sAyakairviddhvA punarvivyAdha saptabhiH .. 33..\\
tatra bhArata putraste kR^itavAnkarma duShkaram . 
prativindhya hayAnugraiH pAtayAmAsa yachchharaiH .. 34..\\
sArathi.n chAsya bhallena dhvajaM cha samapAtayat . 
ratha.n cha shatasho rAjanvyadhamattasya dhanvinaH .. 35..\\
patAkAshcha sa tUNIrAnrashmInyoktrANi chAbhibho . 
chichchheda tilashaH kruddhaH sharaiH saMnataparvabhiH .. 36..\\
virathaH sa tu dharmAtmA dhanuShpANiravasthitaH . 
ayodhayattava suta.n kira~nsharashatAnbahUn .. 37..\\
kShurapreNa dhanustasya chichchheda kR^itahastavat . 
athaina.n dashabhirbhallaishchhinnadhanvAnamArdayat .. 38..\\
ta.n dR^iShTvA virathaM tatra bhArato.asya mahArathAH . 
anvavartanta vegena mahatyA senayA saha .. 39..\\
AplutaH sa tato yAna.n suta somasya bhAsvaram . 
dhanurgR^ihya mahArAja vivyAdha tanaya.n tava .. 40..\\
tatastu tAvakAH sarve parivArya suta.n tava . 
abhyavartanta sa~NgrAme mahatyA senayA vR^itAH .. 41..\\
tataH pravavR^ite yuddha.n tava teShAM cha bhArata . 
nishIthe dAruNe kAle yama rAShTravivardhanam .. 42..\\
\medskip\hrule\medskip\centerline{\Largedvng 144}
 s

nakula.n rabhasaM yuddhe nighnantaM vAhinI.n tava . 
abhyayAtsaubalaH kruddhastiShTha tiShTheti chAbravIt .. 1..\\
kR^itavairo tu tau vIrAvanyonyavadhakA~NkShiNau . 
sharaiH pUrNAyatotsR^iShTairanyonyamabhijaghnatuH .. 2..\\
yathaiva saubalaH kShipra.n sharavarShANi mu~nchati . 
tathaiva nakulo rAja~nshikShA.n sandarshayanyudhi .. 3..\\
tAvubhau samare shUrau sharakaNTakinau tadA . 
vyarAjetAM mahArAja kaNTakairiva shAlmalI .. 4..\\
sujihmaM prekShamANau cha rAjanvivR^italochanau . 
krodhasa.nraktanayanau nirdahantau parasparam .. 5..\\
syAlastu tava sa~Nkruddho mAdrIputra.n hasanniva . 
karNinaikena vivyAdha hR^idaye nishitena ha .. 6..\\
nakulastu bhR^isha.n viddhaH syAlena tava dhanvinA . 
niShasAda rathopasthe kashmala.n chainamAvishat .. 7..\\
atyantavairiNa.n dR^iptaM dR^iShTvA shatruM tathAgatam . 
nanAda shakunI rAja.nstapAnte jalado yathA .. 8..\\
pratilabhya tataH sa~nj~nAM nakulaH pANDunandanaH . 
abhyayAtsaubalaM bhUyo vyAttAnana ivAntakaH .. 9..\\
sa~NkruddhaH shakuni.n ShaShTyA vivyAdha bharatarShabha . 
punashchaiva shatenaiva nArAchAnA.n stanAntare .. 10..\\
tato.asya sa shara.n chApaM muShTideshe sa chichchhide . 
dhvaja.n cha tvaritaM chhittvA rathAdbhUmAvapAtayat .. 11..\\
so.atividdho mahArAja rathopastha upAvishat . 
ta.n visa~nj~naM nipatita.n dR^iShTvA syAlaM tavAnagha . 
apovAha rathenAshu sArathirdhvajinImukhAt .. 12..\\
tataH sa~ncukrushuH pArthA ye cha teShAM padAnugAH . 
nirjitya cha raNe shatrUnnakulaH shatrutApanaH . 
abravItsArathi.n kruddho droNAnIkAya mA.n vaha .. 13..\\
tasya tadvachana.n shrutvA mAdrIputrasya dhImataH . 
prAyAttena raNe rAjanyena droNo.anvayudhyata .. 14..\\
shikhaNDina.n tu samare droNa prepsu.n vishAM pate . 
kR^ipaH shAradvato yattaH pratyudgachchhatsuvegitaH .. 15..\\
gautama.n drutamAyAntaM droNAntikamarindamam . 
vivyAdha navabhirbhallaiH shikhaNDI prahasanniva .. 16..\\
tamAcharyo mahArAja viddhvA pa~nchabhirAshugaiH . 
punarvivyAdha viMshatyA putrANAM priyakR^ittava .. 17..\\
mahadyuddha.n tayorAsIdghorarUpa.n vishAM pate . 
yathA devAsure yuddhe shambarAmara rAjayoH .. 18..\\
sharajAlAvR^ita.n vyoma chakratustau mahArathau . 
prakR^ityA ghorarUpa.n tadAsIdghorataraM punaH .. 19..\\
rAtrishcha bharatashreShTha yodhAnA.n yuddhashAlinAm . 
kAlarAtri nibhA hyAsIdghorarUpA bhayAvahA .. 20..\\
shikhaNDI tu mahArAja gautamasya mahaddhanuH . 
ardhachandreNa chichchheda sajya.n sa vishikha.n tadA .. 21..\\
tasya kruddhaH kR^ipo rAja~nshakti.n chikShepa dAruNAm . 
svarNadaNDAmakuNThAgrA.n karmAra parimArjitAm .. 22..\\
tAmApatantI.n chichchheda shikhaNDI bahubhiH sharaiH . 
sApatanmedinI.n dIptA bhasayantI mahAprabhA .. 23..\\
athAnyaddhanurAdAya gautamo rathinA.n varaH . 
prAchchhAdayachchhitairbANairmahArAja shikhaNDinam .. 24..\\
sa chhAdyamAnaH samare gautamena yashasvinA . 
vyaShIdata rathopasthe shikhaNDI rathinA.n varaH .. 25..\\
sIdanta.n chainamAlokya kR^ipaH shAradvato yudhi . 
Ajaghne bahubhirbANairjighA.nsanniva bhArata .. 26..\\
vimukha.n ta.n raNe dR^iShTvA yAGYaseniM mahAratham . 
pA~nchAlAH somakAshchaiva parivavruH samantataH .. 27..\\
tathaiva tava putrAsh cha parivavrurdvijottamam . 
mahatyA senayA sArdha.n tato yuddhamabhUtpunaH .. 28..\\
rathAnA.n cha raNe rAjannanyonyamabhidhAvatAm . 
babhUva tumulaH shabdo meghAnAM nadatAm iva .. 29..\\
dravatA.n sAdinA.n chaiva gajAnAM cha vishAM pate . 
anyonyamabhito rAjankrUramAyodhanaM babhau .. 30..\\
pattInA.n dravatAM chaiva padashabdena medinI . 
akampata mahArAja bhayatrasteva chA~NganA .. 31..\\
rathA rathAnsamAsAdya pradrutA vegavattaram . 
nyagR^ihNanbahavo rAja~nshalabhAnvAyasA iva .. 32..\\
tathA gajAnprabhinnAMshcha suprabhinnA mahAgajAH . 
tasminneva pade yattA nigR^ihNanti sma bhArata .. 33..\\
sAdI sAdinamAsAdya padAtI cha padAtinam . 
samAsAdya raNe.anyonya.n sa.nrabdhA nAtichakramuH .. 34..\\
dhAvatA.n dravatAM chaiva punarAvartanAm api . 
babhUva tatra sainyAnA.n shabdaH sutumulo nishi .. 35..\\
dIpyamAnAH pradIpAshcha rathavAraNavAjiShu . 
adR^ishyanta mahArAja maholkA iva khAchchyutAH .. 36..\\
sA nishA bharatashreShTha pradIpairavabhAsitA . 
divasapratimA rAjanbabhUva raNamUrdhani .. 37..\\
Adityena yathA vyApta.n tamo loke praNashyati . 
tathA naShTa.n tamo ghoraM dIpairdIptairala~NkR^itam .. 38..\\
shastrANA.n kavachAnAM cha maNInAM cha mahAtmanAm . 
antardadhuH prabhAH sarvA dIpaistairavabhAsitAH .. 39..\\
tasminkolAhale yuddhe vartamAne nishAmukhe . 
avadhItsamare putraM pitA bharatasattama .. 40..\\
putrashcha pitaraM mohAtsakhAya.n cha sakhA tathA . 
sambandhina~nca sambandhI svasrIya.n chApi mAtulaH .. 41..\\
sve svAnpare parAMshchApi nijaghnuritaretaram . 
nirmaryAdamabhUdyuddha.n rAtrau ghoraM bhayAvaham .. 42..\\
\medskip\hrule\medskip\centerline{\Largedvng 145}
 s

tasminsutumule yuddhe vartamAne bhayAvahe . 
dhR^iShTadyumne mahArAja droNamevAbhyavartata .. 1..\\
saMmR^ijAno dhanuHshreShTha.n jyA.n vikarShanpunaH punaH . 
abhyavartata droNasya ratha.n rukmavibhUShitam .. 2..\\
dhR^iShTadyumna.n tadAyAntaM droNasyAnta chikIrShayA . 
parivavrurmahArAja pA~nchAlAH pANDavaiH saha .. 3..\\
tathA parivR^ita.n dR^iShTvA droNamAchArya sattamam . 
putrAstte sarvato yattA rarakShurdorNamAhave .. 4..\\
balArNavau tatastau tu sameyAtAM nishAmukhe . 
vAtoddhUtau kShubdhasattvau bhairavau sAgarAviva .. 5..\\
tato droNaM mahArAja pA~nchAlyaH pa~nchabhiH sharaiH . 
vivyAdha hR^idaye tUrNa.n si.nhanAdaM nanAda cha .. 6..\\
ta.n droNaM pa~nchaviMshatyA viddhvA bhArata sa.nyuge . 
chichchhedAnyena bhallena dhanurasya mahAprabham .. 7..\\
dhR^iShTadyumnastu nirviddho droNena bharatarShabha . 
utsasarja dhanustUrNa.n sandashya dashanachchhadam .. 8..\\
tataH kruddho mahArAja dhR^iShTadyumnaH pratApavAn . 
Adade.anyaddhanuHshreShTha.n droNasyAnta chikIrShayA .. 9..\\
vikR^iShya cha dhanushchitramAkarNAtparavIrahA . 
droNasyAnta kara.n ghora.n vyasR^ijatsAyakaM tataH .. 10..\\
sa visR^iShTo balavalA sharo ghoro mahAmR^idhe . 
bhAsayAmAsa tatsainya.n divAkara ivoditaH .. 11..\\
ta.n dR^iShTvA tu sharaM ghoraM devagandharvamAnavAH . 
svastyastu samare rAjandroNAyetyabruvanvachaH .. 12..\\
ta.n tu sAyakamaprAptamAchAryasya rathaM prati . 
karNo dvAdashadhA rAjaMshchichchheda kR^itahastavat .. 13..\\
sa chhinno bahudhA rAjansUtaputreNa mAriSha . 
nipapAta sharastUrNaM nikR^ittaH karNa sAyakaiH .. 14..\\
chhittvA tu samare bANa.n sharaiH saMnataparvabhiH . 
dhR^iShTadyumna.n raNe karNo vivyAdha dashabhiH sharaiH .. 15..\\
pa~nchabhirdroNaputrastu svaya.n droNashcha saptabhiH . 
shalyashcha navabhirbANaistribhirduHshAsanastathA .. 16..\\
duryodhanashcha viMshatyA shakunishchApi pa~nchabhiH . 
pA~nchAlya.n tvaritAvidhyansarva eva mahArathAH .. 17..\\
sa viddhaH saptabhirvIrairdroNa trANArthamAhave . 
sarvAnasambhramAdrAjanpratyavidhyattribhistribhiH . 
droNa.n drauNiM cha karNaM cha vivyAdha tava chAtmajam .. 18..\\
te viddhvA dhanvinA tena dhR^iShTadyumnaM punarmR^idhe . 
vivyadhuH pa~nchabhistUrNamekaiko rathinA.n varaH .. 19..\\
drumasenastu sa~Nkruddho rAjanvivyAdha patriNA . 
tribhishchAnyaiH sharaistUrNa.n tiShTha tiShTheti chAbravIt .. 20..\\
sa tu taM prativivyAdha tribhistIkShNairajihmagaiH . 
svarNapu~NkhaiH shilA dhautaiH prANAnta karaNairyudhi .. 21..\\
bhallenAnyena tu punaH suvarNojjvala kuNDalam . 
unmamAtha shiraH kAyAddrumasenasya vIryavAn .. 22..\\
tachchhiro nyapatadbhUmau sandaShTauShTha puTa.n raNe . 
mahAvAtasamuddhUtaM pakva.n tAlaphala.n yathA .. 23..\\
tAMshcha viddhvA punarvIrAnvIraH sunishitaiH sharaiH . 
rAdheyasyAchchhinadbhallaiH kArmuka.n chitrayodhinaH .. 24..\\
na tu tanmamR^iShe karNo dhanuShashchhedana.n tathA . 
nikartanamivAtyugro lA~NgUlasya yathA hariH .. 25..\\
so.anyaddhanuH samAdAya krodharaktekShaNaH shvasan . 
abhyavarShachchharaughaista.n dhR^iShTadyumnaM mahAbalam .. 26..\\
dR^iShTvA tu karNa.n sa.nrabdha.n te vIrAH ShaDratharShabhAH . 
pA~nchAlya putra.n tvaritAH parivavrurjighA.nsayA .. 27..\\
ShaNNA.n yodhapravIrANA.n tAvakAnAM puraskR^itam . 
mR^ityorAsyamanuprApta.n dhR^iShTadyumnamama.nsmahi .. 28..\\
etasminneva kAle tu dAshArho vikira~nsharAn . 
dhR^iShTadyumnaM parAkrAnta.n sAtyakiH pratyapadyata .. 29..\\
tamAyAntaM maheShvAsa.n sAtyakiM yuddhadurmadam . 
rAdheyo dashabhirbANaiH pratyavidhyadajihmagaiH .. 30..\\
ta.n sAtyakirmahArAja vivyAdha dashabhiH sharaiH . 
pashyatA.n sarvavIrANAM mAgAstiShTheti chAbravIt .. 31..\\
sa sAtyakestu balinaH karNasya cha mahAtmanaH . 
AsItsamAgamo ghoro balivAsavayoriva .. 32..\\
trAsaya.nstalaghoSheNa kShatriyAnkShatriyarShabhaH . 
rAjIvalochana.n karNa.n sAtyakiH pratyavidhyata .. 33..\\
kampayanniva ghoSheNa dhanuSho vasudhAM balI . 
sUtaputro mahArAja sAtyakiM pratyayodhayat .. 34..\\
vipATha karNinArAchairvatsa dAntaiH kShurairapi . 
karNaH sharashataishchApi shaineyaM pratyavidhyata .. 35..\\
tathaiva yuyudhAno.api vR^iShNInAM pravaro rathaH . 
abhyavarShachchharaiH karNa.n tadyuddhamabhavatsamam .. 36..\\
tAvakAshcha mahArAja karNa putrashcha daMshitaH . 
sAtyaki.n vivyadhustUrNaM samantAnnishitaiH sharaiH .. 37..\\
astrairastrANi sa.nvArya teShA.n karNasya chAbhibho . 
avidhyatsAtyakiH kruddho vR^iShasena.n stanAntare .. 38..\\
tena bANena nirviddho vR^iShaseno vishAM pate . 
nyapatatsa rathe mUDho dhanurutsR^ijya vIryavAn .. 39..\\
tataH karNo hataM matvA vR^iShasenaM mahArathaH . 
putrashokAbhisantaptaH sAtyakiM pratyapIDayat .. 40..\\
pIDyamAnastu karNena yuyudhAno mahArathaH . 
vivyAdha bahubhiH karNa.n tvaramANaH punaH punaH .. 41..\\
sa karNa.n dashabhirviddhvA vR^iShasenaM cha saptabhiH . 
sa hastAvApa dhanuShI tayoshchichchheda sAtvataH .. 42..\\
tAvanye dhanuShI sajye kR^itvA shatrubhaya.n kare . 
yuyudhAnamavidhyetA.n samantAnnishitaiH sharaiH .. 43..\\
vartamAne tu sa~NgrAme tasminvIravarakShaye . 
atIva shushruve rAjangANDIvasya mahAsvanaH .. 44..\\
shrutvA tu rathanirghoSha.n gANDIvasya cha nisvanam . 
sUtaputro.abravIdrAjanduryodhanamida.n vachaH .. 45..\\
eSha sarvA~nshibInhatvA mukhyashashcha nararShabhAn . 
pauravAMshcha maheShvAsAngANDIvaninado mahAn .. 46..\\
shrUyate rathaghoShashcha vAsavasyeva nardataH . 
karoti pANDavo vyakta.n karmaupayikamAtmanaH .. 47..\\
eShA vidIryate rAjanbahudhA bhAratI chamUH . 
viprakIrNAnyanIkAni nAvatiShThanti karhi chit .. 48..\\
vAteneva samuddhUtamabhrajAla.n vidIryate . 
savyasAchinamAsAdya bhinnA nauriva sAgare .. 49..\\
dravatA.n yodhamukhyAnA.n gANDIvapreShitaiH sharaiH . 
viddhAnA.n shatasho rAja~nshrUyate ninado mahAn . 
nishIthe rAjashArdUla stanayitnorivAmbare .. 50..\\
hAhAkAraravAMshchaiva si.nhanAdAMshcha puShkalAn . 
shR^iNu shabdAnbahuvidhAnarjunasya rathaM prati .. 51..\\
ayaM madhye sthito.asmAka.n sAtyakiH sAtvatAdhamaH . 
iha chellabhyate lakShya.n kR^itsnA~njeShyAmahe parAn .. 52..\\
eSha pA~nchAlarAjasya putro droNena sa~NgataH . 
sarvataH sa.nvR^ito yodhai rAjanpuruShasattamaiH .. 53..\\
sAtyaki.n yadi hanyAmo dhR^iTSha dyumna.n cha pArShatam . 
asaMshayaM mahArAja dhruvo no vijayo bhavet .. 54..\\
saubhadravadimau vIrau parivArya mahArathau . 
prayatAmo mahArAja nihantu.n vR^iShNipArShatau .. 55..\\
savyasAchI puro.abhyeti droNAnIkAya bhArata . 
sa.nsakta.n sAtyakiM GYAtvA bahubhiH kurupu~NgavaiH .. 56..\\
tatra gachchhantu bahavaH pravarA rathasattamAH . 
yAvatpArtho na jAnAti sAtyakiM bahubhirvR^itam .. 57..\\
te tvaradhva.n yathA shUrAH sharANAM mokShaNe bhR^isham . 
yathA tUrNa.n vrajatyeSha paralokaya mAdhavaH .. 58..\\
karNasya matamAGYAya putraste prAha saubalam . 
yathendraH samare rAjanprAha viShNu.n yashasvinam .. 59..\\
vR^itaH sahasrairdashabhirgajAnAmanivartinAm . 
rathaishcha dashasAhasrairvR^ito yAhi dhana~njayam .. 60..\\
duHshAsano durviShahaH subAhurduShpradharShaNaH . 
ete tvAmanuyAsyanti pattibhirbahubhirvR^itAH .. 61..\\
jahi kR^iShNau mahAvAho dharmarAja.n cha mAtula . 
nakula.n sahadeva.n cha bhImasenaM cha bhArata .. 62..\\
devAnAmiva devendre jayAshA me tvayi sthitA . 
jahi mAtulakaunteyAnasurAniva pAvakiH .. 63..\\
evamukto yayau pArthAnputreNa tava saubalaH . 
mahatyA senayA sArdha.n tava putraistathA vibho .. 64..\\
priyArtha.n tava putrANAM didhakShuH pANDunandanAn . 
tatra pravavR^ite yuddha.n tAvakAnAM paraiH saha .. 65..\\
prayAte saubale rAjanpANDavAnAmanIkinIm . 
balena mahatA yuktaH sUtaputrastu sAtvatam .. 66..\\
abhyayAttvarita.n yuddhe kira~nsharashatAnbahUn . 
tathaiva pANDavAH sarve sAtyakiM paryavArayan .. 67..\\
mahadyuddha.n tadAsIttu droNasya nishi bhArata . 
dhR^iShTadyumnena shUreNa pA~nchAlaishcha mahAtmanaH .. 68..\\
\medskip\hrule\medskip\centerline{\Largedvng 146}
 s

tataste prAdravansarve tvaritA yuddhadurmadAH . 
amR^iShyamANAH sa.nrabdhA yuyudhAna rathaM prati .. 1..\\
te rathaiH kalpitai rAjanhemarUpya vibhUShitaiH . 
sAdibhishcha gajaishchaiva parivavruH sma sAtvatam .. 2..\\
athaina.n koShThakI kR^ityasarvataste mahArathAH . 
si.nhanAdA.nstadA chakrustarjayantaH sma sAtyakim .. 3..\\
te.abhyavarSha~nsharaistIkShNaiH sAtyaki.n satyavikramam . 
tvaramANA mahAvIryA mAdhavasya vadhaiShiNaH .. 4..\\
tAndR^iShTvA patatastUrka.n shaineyaH paravIharAH . 
pratyagR^ihNAnmahAbAhuH pramu~nchanvishikhAnbahUn .. 5..\\
tatra vIro maheShvAsaH sAtyakiryuddhadurmadaH . 
nichakarta shirA.nsyugraiH sharaiH saMnataparvabhiH .. 6..\\
hastihastAnhayagrIvAnbAhUnapi cha sAyudhAn . 
kShurapraiH pAtayAmAsa tAvakAnA.n sa mAdhavaH .. 7..\\
patitaishchAmaraishchaiva shvetachchhatraishcha bhArata . 
babhUva dharaNI pUrNA nakShatrairdyauriva prabho .. 8..\\
teShA.n tu yuyudhAnena yudhyatA.n yudhi bhArata . 
babhUva tumulaH shabdaH pretAnAmiva krandatAm .. 9..\\
tena shabdena mahatA pUritAsIdvasundharA . 
rAtriH samabhavachchaiva tIvrarUpA bhayAvahA .. 10..\\
dIryamANaM bala.n dR^iShTvA yuyudhAna sharAhatam . 
shrutvA cha vipulaM nAdaM nishIthe lomaharShaNam .. 11..\\
sutastavAbravIdrAjansArathi.n rathinAM varaH . 
yatraiSha shabdastatrAshvAMshchodayeti punaH punaH .. 12..\\
tena sa~ncodyamAnastu tata tA.nsturagottamAn . 
sUtaH sa~ncodayAmAsa yuyudhAna rathaM prathi .. 13..\\
tato duryodhanaH kruddho dR^iDhadhanvA jitaklamaH . 
shIghrahastashchitrayodhI yuyudhAnamupAdravat .. 14..\\
tataH pUrNAyatotsR^iShTairmA.nsashoNitabhojanaiH . 
duryodhana.n dvAdashabhirmAdhavaH patyavidhyata .. 15..\\
duryodhanastena tathA pUrvamevArditaH sharaiH . 
shaineya.n dashabhirbANaiH pratyavidhyadamarShitaH .. 16..\\
tataH samabhavadyuddhamAkulaM bharatarShabha . 
pA~nchAlAnA.n cha sarveShAM bhAratAnAM cha dAruNam .. 17..\\
shaineyastu raNe kruddhastava putraM mahAratham . 
sAyakAnAmashItyA tu vivyAdhorasi bhArata .. 18..\\
tato.asya vAhAnsamare sharairninye yamakShayam . 
sArathi.n cha rathAttUrNaM pAtayAmAsa patriNA .. 19..\\
hatAshve tu rathe tiShThanputrastava vishAM pate . 
mumocha nishitAnbANA~nshaineyasya rathaM prati .. 20..\\
sharAnpa~nchAshatastA.nstu shaineyaH kR^itahastavat . 
chichchheda samare rAjanpreShitA.nstanayena te .. 21..\\
athApareNa bhallena muShTideshe mahaddhanuH . 
chichchheda rabhaso yuddhe tava putrasya mAriSha .. 22..\\
viratho vidhanuShkashcha sarvalokeshvaraH prabhuH . 
Aruroha ratha.n tUrNaM bhAsvaraM kR^itavarmaNaH .. 23..\\
duryodhane parAvR^itte shaineyastava vAhinIm . 
drAvayAmAsa vishikhairnishA madhye vishAM pate .. 24..\\
shakunishchArjuna.n rAjanparivArya samantatha . 
rathairanekasAhasrairgajaishchaiva sahasrashaH . 
tathA hayasahasraishcha tumula.n sarvato.akarot .. 25..\\
te mahAstrANi divyAni vikiranto.arjunaM prati . 
arjuna.n yodhayanti sma kShatriyAH kAlachoditAH .. 26..\\
tAnyarjunaH sahasrANi rathavAraNavAjinAm . 
pratyavArayadAyastaH prakurvanvipula.n kShayam .. 27..\\
tatastu samare shUraH shakuniH saubalastadA . 
vivyAdha nishitairbANairarjunaM prahasanniva .. 28..\\
punashchaiva shatenAsya sa.nrurodha mahAratham . 
tamarjunastu viMshatyA vivyAdha yudhi bhArata .. 29..\\
athetarAnmaheShvAsA.nstribhistribhiravidhyata . 
sa.nvArya tAnbANagaNairyudhi rAjandhana~njayaH . 
avadhIttAvakAnyodhAnvajrapANirivAsurAn .. 30..\\
bhujaishchhinnairmahArAja sharIraishcha sahasrashaH . 
samAstIrNA dharA tatra babhau puShpairivAchitAH .. 31..\\
sa viddhvA shakuniM bhUyaH pa~nchabhirnataparvabhiH . 
ulUka.n tribhirAjaghne tribhireva mahAyasaiH .. 32..\\
tamulUkastathA viddhvA vAsudevamatADayat . 
nanAda cha mahAnAdaM pUrayanvasudhAtalam .. 33..\\
arjunastu druta.n gatvA shakunerdhanurAchchhinat . 
ninye cha chaturo vAhAnyamasya sadanaM prati .. 34..\\
tato rathAdavaplutya saubalo bharatarShabha . 
ulUkasya ratha.n tUrNamAruroha vishAM pate .. 35..\\
tAvekarathamArUDhau pitA putrau mahArathau . 
pArtha.n siShichaturbANairgiriM meghAvivotthitau .. 36..\\
tau tu viddhvA mahArAja pANDavo nishitaiH sharaiH . 
vidrAvaya.nstava chamU.n shatasho vyadhamachchharaiH .. 37..\\
anilena yathAbhrANi vichchhinnAni samantataH . 
vichchhinnAni tathA rAjanbalAnyAsanvishAM pate .. 38..\\
tadbalaM bharatashreShTha vadhyamAna.n tathA nishi . 
pradudrAva dishaH sarvA vIkShamANaM bhayArditam .. 39..\\
utsR^ijya vAhAnsamare chodayantastathApare . 
sambhrAntAH paryadhAvanta tasmi.nstamasi dAruNe .. 40..\\
vijitya samare yodhA.nstAvakAnbharatarShabha . 
dadhmaturmuditau sha~Nkhau vAsudevadhana~njayau .. 41..\\
dhR^iShTadyumno mahArAja droNa.n viddhvA tribhiH sharaiH . 
chichchheda dhanuShastUrNa.n jyA.n shareNa shitena ha .. 42..\\
tannidhAya dhanurnIDe droNaH kShatriya mardanaH . 
Adade.anyaddhanuH shUro vegavatsAravattaram .. 43..\\
dhR^iShTadyumna.n tato droNo viddhvA saptabhirAshugaiH . 
sArathiM pa~nchabhirbANai rAjanvivyAdha sa.nyuge .. 44..\\
taM nivArya sharaistUrNa.n dhR^iShTadyumno mahArathaH . 
vyadhamatkauravI.n senAM shatasho.atha sahasrashaH .. 45..\\
vadhyamAne bale tasmi.nstava putrasya mAriSha . 
prAvartata nadI ghorA shoNitaughatara~NgiNI .. 46..\\
ubhayoH senayormadhye narAshvadvipavAhinI . 
yathA vaitaraNI rAjanyama rAShTrapuraM prati .. 47..\\
dravayitvA tu tatsainya.n dhR^iShTadyumnaH pratApavAn . 
atyarAjata tejasvI shakro devagaNeShviva .. 48..\\
atha dadhmurmahAsha~NkhAndhR^iShTadyumna shikhaNDinau . 
yamau cha yuyudhAnashcha pANDavashcha vR^ikodaraH .. 49..\\
jitvA rathasahasrANi tAvakAnAM mahArathAH . 
si.nhanAda ravAMshchakruH pANDavA jitakAshinaH .. 50..\\
pashyatastava putrasya karNasya cha madotkaTAH . 
tathA droNasya shUrasya drauNeshchaiva vishAM pate .. 51..\\
\medskip\hrule\medskip\centerline{\Largedvng 147}
 s

vidruta.n svabala.n dR^iShTvA vadhyamAnaM mahAtmabhiH . 
krodhena mahatAviShTaH putrastava vishAM pate .. 1..\\
abhyetya sahasA karNa.n droNaM cha jayatA.n varam . 
amarShavashamApanno vAkyaGYo vAkyamabravIt .. 2..\\
bhavadbhyAmiha sa~NgrAmo kruddhAbhyA.n sampravartitaH . 
Ahave nihata.n dR^iShTvA saindhava.n savyasAchinA .. 3..\\
nihanyamAnAM pANDUnAM balena mama vAhinIm . 
bhUtvA tadvijaye shaktAvashaktAviva pashyataH .. 4..\\
yadyahaM bhavatostyAjyo na vAchyo.asi.n tadaiva hi . 
AvAM pANDusutAnsa~Nkhye jeShyAva iti mAnadau .. 5..\\
tadaivAha.n vachaH shrutvA bhavadbhyAmanusaMmatam . 
kR^itavAnpANDavaiH sArdha.n vairaM yodhavinAshanam .. 6..\\
yadi nAhaM parityAjyo bhavadbhyAM puruSharShabhau . 
yudhyetAmanurUpeNa vikrameNa suvikramau .. 7..\\
vAkpratodena tau vIrau praNunnau tanayena te . 
prAvartayetA.n tau yuddhaM ghaTTitAviva pannagau .. 8..\\
tatastau rathinA.n shreShThau sarvalokadhanurdharau . 
shaineya pramukhAnpArthAnabhidudruvatU raNe .. 9..\\
tathaiva sahitAH pArthAH svena sainyena sa.nvR^itAH . 
abhyavartanta tau vIrau nardanmAnau muhurmuhuH .. 10..\\
atha droNo maheShvAso dashabhiH shinipu~Ngavam . 
avidhyattvarita.n kruddhaH sarvashastrabhR^itA.n varaH .. 11..\\
karNashcha dashabhirbANaiH putrashcha tava saptabhiH . 
dashabhirvR^iShasenashcha saubalashchApi saptabhiH . 
ete kaurava sa~Nkrande shaineyaM paryavArayan .. 12..\\
dR^iShTvA cha samare droNaM nighnantaM pANDavI.n chamUm . 
vivyadhuH somakAstUrNa.n samantAchchharavR^iShTibhiH .. 13..\\
tato droNo.aharatprANAnkShatriyANA.n vishAM pate . 
rashmibhirbhAskaro rAja.nstamasAmiva bhArata .. 14..\\
droNena vadhyamAnAnAM pA~nchAlAnA.n vishAM pate . 
shushruve tumulaH shabdaH kroshatAm itaretaram .. 15..\\
putrAnanye pitR^Inanye bhrAtR^Inanyacha mAtulAn . 
bhAgineyAnvayasyAMshcha tathA sambandhibAndhavAn . 
utsR^ijyotsR^ijya gachchhanti tvaritA jIvitepsavaH .. 16..\\
apare mohitA mohAttamevAbhimukhA yayuH . 
pANDavAnA.n raNe yodhAH paraloka.n tathApare .. 17..\\
sA tathA pANDavI senA vadhyamAnA mahAtmabhiH . 
nishi samprAdravadrAjannutsR^ijyolkAH sahasrashaH .. 18..\\
pashyato bhImasenasya vijayasyAchyutasya cha . 
yamayordharmaputrasya pArShatasya cha pashyataH .. 19..\\
tamasA sa.nvR^ite loke na prAGYAyata ki.n chana . 
kauravANAM prakAshena dR^ishyante tu drutAH pare .. 20..\\
dravamANa.n tu tatsainyaM droNakarNau mahArathau . 
jaghnatuH pR^iShThato rAjankirantau sAyakAnbahUn .. 21..\\
pA~nchAleShu prabhagneShu dIryamANeShu sarvashaH . 
janArdano dInamanAH pratyabhAShata phalgunam .. 22..\\
droNakarNau maheShvAsAvetau pArShata sAtyakI . 
pA~nchAlAMshchaiva sahitau jaghnatuH sAyakairbhR^isham .. 23..\\
etayoH sharavarSheNa prabhagnA no mahArathAH . 
vAryamANApi kaunteya pR^itanA nAvatiShThate .. 24..\\
etAvAvA.n sarvasainyairvyUDhaiH samyagudAyudhaiH . 
droNa.n cha sUtaputraM cha prayatAvaH prabAdhitum .. 25..\\
etau hi balinau shUrau kR^itAstrau jitakAshinau . 
upekShitau bala.n kruddhau nAshayetAM nishAmimAm . 
eSha bhImo.abhiyAtyugraH punarAvartya vAhinIm .. 26..\\
vR^ikodara.n tathAyAntaM dR^iShTvA tatra janArdanaH . 
punarevAbravIdrAjanharShayanniva pANDavam .. 27..\\
eSha bhImo raNashlAghI vR^itaH somaka pANDavaiH . 
ruShito.abhyeti vegena droNakarNau mahAbalau .. 28..\\
etena sahito yudhya pA~nchAlaishcha mahArathaiH . 
AshvAsanArtha.n sarveShAM sainyAnAM pANDunandana .. 29..\\
tatastau puruShavyAghrAvubhau mAdhava pANDavau . 
droNakarNau samAsAdya diShThitau raNamUrdhani .. 30..\\
tatastatpunarAvR^itta.n yudhiShThirabalaM mahat . 
tato droNashcha karNashcha parAnmamR^idaturyudhi .. 31..\\
sa samprahArastumulo nishi pratyabhavanmahAn . 
yathA sAgarayo rAjaMshchandrodayavivR^iddhayoH .. 32..\\
tata utsR^ijya pANibhyaH pradIpA.nstava vAhinI . 
yuyudhe pANDavaiH sArdhamunmattavadahaH kShaye .. 33..\\
rajasA tamasA chaiva sa.nvR^ite bhR^ishadAruNe . 
kevalaM nAmagotreNa prAyudhyanta jayaiShiNaH .. 34..\\
ashrUyanta hi nAmAni shrAvyamANAni pArthivaiH . 
praharadbhirmahArAja svaya.nvara ivAhave .. 35..\\
niHshabdamAsItsahasA punaH shabdo mahAnabhUt . 
kruddhAnA.n yudhyamAnAnA.n jayatAM jIyatAm api .. 36..\\
yatra yatra sma dR^ishyante pradIpAH kurusattama . 
tatra tatra sma te shUrA nipatanti pata~Ngavat .. 37..\\
tathA sa.nyudhyamAnAnA.n vigADhAhUnmahAnishA . 
pANDavAnA.n cha rAjendra kauravANAM cha sarvashaH .. 38..\\
\medskip\hrule\medskip\centerline{\Largedvng 148}
 s

tataH karNo raNe dR^iShTvA pArShataM paravIrahA . 
AjaghAnorasi sharairdashabhirmarmabhedibhiH .. 1..\\
prativivyAdha ta.n tUrNaM dhR^iShTadyumno.api mAriSha . 
pa~nchabhiH sAyakairhR^iShTastiShTha tiShTheti chAbravIt .. 2..\\
tAvanyonya.n sharaiH sa~Nkhye sa~nchAdya sumahArathau . 
punaH pUrNAyatotsR^iShTairvivyadhAte parasparam .. 3..\\
tataH pA~nchAla mukhyasya dhR^iShTadyumnasya sa.nyuge . 
sArathi.n chaturashchAshvAnkarNo vivyAdha sAyakaiH .. 4..\\
kArmukapravara.n chAsya prachichchheda shitaiH sharaiH . 
sArathi.n chAsya bhallena rathanIDAdapAtayat .. 5..\\
dhR^iShTadyumnastu viratho hatAshvo hatasArathiH . 
gR^ihItvA parigha.n ghoraM karNasyAshvAnapIpiShat .. 6..\\
viddhashcha bahubhistena sharairAshIviShopamaiH . 
tato yudhiShThirAnIkaM padbhyAmevAnvavartata . 
Aruroha ratha.n chApi sahadevasya mAriSha .. 7..\\
karNasyApi rathe vAhAnanyAnsUto nyayojayat . 
sha~NkhavarNAnmahAvegAnsaindhavAnsAdhu vAhinaH .. 8..\\
labdhalakShyastu rAdheyaH pA~nchAlAnAM mahArathAn . 
abhyapIDayadAyastaH sharairmegha ivAchalAn .. 9..\\
sA pIDyamAnA karNena pA~nchAlAnAM mahAchamUH . 
samprAdravatsusantrastA si.nhenevArditA mR^igI .. 10..\\
patitAsturagebhyashcha gajebhyashcha mahItale . 
rathebhyashcha narAstUrNamadR^ishyanta tatastataH .. 11..\\
dhAvamAnasya yodhasya kShurapraiH sa mahAmR^idhe . 
bAhU chichchheda vai karNaH shirashchaiva sakuNDalam .. 12..\\
UrU chichchheda chAnyasya gajasthasya vishAM pate . 
vAjipR^iShTha gatasyApi bhUmiShThasya cha mAriSha .. 13..\\
nAGYAsiShurdhAvamAnA bahavashcha mahArathAH . 
sa~nchinnAnyAtmagAtrANi vAhanAni cha sa.nyuge .. 14..\\
te vadhyamAnAH samare pA~nchAlAH sR^i~njayaiH saha . 
tR^iNapraspandanAchchApi sUtaputra.n sma menire .. 15..\\
api sva.n samare yodha.n dhAvamAnaM vichetasaH . 
karNamevAbhyamanyanta tato bhItA dravanti te .. 16..\\
tAnyanIkAni bhagnAni dravamANAni bhArata . 
abhyadravaddruta.n karNaH pR^iShThato vikira~nsharAn .. 17..\\
avekShamANAste.anyonya.n susaMmUDhA vichetasaH . 
nAshaknuvannavasthAtu.n kAlyamAnA mahAtmanA .. 18..\\
karNenAbhyAhatA rAjanpA~nchAlAH parameShubhiH . 
droNena cha dishaH sarvA vIkShamANAH pradudruvuH .. 19..\\
tato yudhiShThiro rAjA svasainyaM prekShya vidrutam . 
apayAne mati.n kR^itvA phalguna.n vAkyamabravIt .. 20..\\
pashya karNaM maheShvAsa.n dhanuShpANimavasthitam . 
nishIthe dAruNe kAle tapantamiva bhAskaram .. 21..\\
karNa sAyakanunnAnA.n kroshatAmeSha nisvanaH . 
anisha.n shrUyate pArtha tvadbandhUnAmanAthavat .. 22..\\
yathA visR^ijatashchAsya sandadhAnasya chAshugAn . 
pashyAmi jaya vikrAnta.n kShapayiShyati no dhruvam .. 23..\\
yadatrAnantara.n kAryaM prAptakAlaM prapashyasi . 
karNasya vadhasa.nyukta.n tatkuruShva dhana~njaya .. 24..\\
evamukto mahAbAhuH pArthaH kR^iShNamathAbravIt . 
bhItaH kuntIsuto rAjA rAdheyasyAtivikramAt .. 25..\\
eva~Ngate prAptakAla.n karNAnIke punaH punaH . 
bhavAnvyavasyatA.n kShipraM dravate hi varUthinI .. 26..\\
droNa sAyakanunnAnAM bhagnAnAM madhusUdana . 
karNena trAsyamAnAnAmavasthAnaM na vidyate .. 27..\\
pashyAmi cha tathA karNa.n vicharantamabhItavat . 
dravamANAnrathodArAnkiranta.n vishikhaiH shitaiH .. 28..\\
naitadasyotsahe soDhu.n charita.n raNamUrdhani . 
pratyakSha.n vR^iShNishArdUla pAdasparshamivoragaH .. 29..\\
sa bhavAnatra yAtvAshu yatra karNo mahArathaH . 
ahamena.n vadhiShyAmi mAM vaiSha madhusUdana .. 30..\\

 vaasu

pashyAmi karNa.n kaunteya devarAjamivAhave . 
vicharantaM naravyAghramatimAnuSha vikramam .. 31..\\
naitasyAnyo.asmi samare pratyudyAta dhana~njaya . 
R^ite tvAM puruShavyAghra rAkShasAdvA ghaTotkachAt .. 32..\\
na tu tAvadahaM manye prAptakAla.n tavAnagha . 
samAgamaM mahAbAho sUtaputreNa sa.nyuge .. 33..\\
dIpyamAnA maholkeva tiShThatyasya hi vAsavI . 
tvadartha.n hi mahAbAho raudrarUpaM bibharti cha .. 34..\\
ghaTotkachastu rAdheyaM pratyudyAtu mahAbalaH . 
sa hi bhImena balinA jAtaH suraparAkramaH .. 35..\\
tasminnastrANi divyAni rAkShasAnyasurANi cha . 
satata.n chAnurakto vo hitaiShI cha ghaTotkachaH . 
vijeShyati raNe karNamiti me nAtra saMshayaH .. 36..\\

 vaasu

evamuktvA mahAbAhuH pArthaM puShkara lochanaH . 
AjuhAvAtha tadrakShastachchAsItprAduragrataH .. 37..\\
kavachI sa sharI khaDgI sadhanvA cha vishAM pate . 
abhivAdya tataH kR^iShNaM pANDava.n cha dhana~njayam . 
abravItta.n tadA hR^iShTastvayamasmyanushAdhi mAm .. 38..\\
tatastaM meghasa~NkAsha.n dIptAsyaM dIptakuNDalam . 
abhyabhAShata haiDimba.n dAshArhaH prahasanniva .. 39..\\
ghaTotkacha vijAnIhi yattvA.n vakShyAmi putraka . 
prApto vikramakAlo.aya.n tava nAnyasya kasya chit .. 40..\\
sa bhavAnmajjamAnAnAM bandhUnA.n tvaM plavo yathA . 
vividhAni tavAstrANi santi mAyA cha rAkShasI .. 41..\\
pashya karNena haiDimba pANDavAnAmanIkinI . 
kAlyamAnA yathA gAvaH pAlena raNamUrdhani .. 42..\\
eSha karNo maheShvAso matimAndR^iDhavikramaH . 
pANDavAnAmanIkeShu nihanti kShatriyarShabhAn .. 43..\\
kirantaH sharavarShANi mahAnti dR^iDhadhanvinaH . 
na shaknuvantyavasthAtuM pIDyamAnAH sharArchiShA .. 44..\\
nishIthe sUtaputreNa sharavarSheNa pIDitAH . 
ete dravanti pA~nchAlAH si.nhasyeva bhayAnmR^igAH .. 45..\\
etasyaivaM pravR^iddhasya sUtaputrasya sa.nyuge . 
niSheddhA vidyate nAnyastvadR^ite bhImavikrama .. 46..\\
sa tva.n kuru mahAbAho karma yuktamihAtmanaH . 
mAtulAnAM pitR^INA.n cha tejaso.astrabalasya cha .. 47..\\
etadartha.n hi haiDimba putrAnichchhanti mAnavAH . 
kathaM nastArayedduHkhAtsa tva.n tAraya bAndhavAn .. 48..\\
tava hyastrabalaM bhImaM mAyAshcha tava dustarAH . 
sa~NgrAme yudhyamAnasya satataM bhImanandana .. 49..\\
pANDavAnAM prabhagnAnA.n karNena shitasAyakaiH . 
majjatA.n dhArtarAShTreShu bhava pAraM parantapa .. 50..\\
rAtrau hi rAkShasA bhUyo bhavantyamitavikramAH . 
balavantaH sudurdharShAH shUrA vikrAntachAriNaH .. 51..\\
jahi karNaM maheShvAsaM nishIthe mAyayA raNe . 
pArthA droNa.n vadhiShyanti dhR^iShTadyumnapurogamAH .. 52..\\
keshavasya vachaH shrutvA bIbhatsurapi rAkShasam . 
abhyabhAShata kauravya ghaTotkachamarindamam .. 53..\\
ghaTotkacha bhavAMshchaiva dIrghabAhushcha sAtyakiH . 
matau me sarvasainyeShu bhImasenashcha pANDavaH .. 54..\\
sa bhavAnyAtu karNena dvairatha.n yudhyatAM nishi . 
sAtyakiH pR^iShThagopaste bhaviShyati mahArathaH .. 55..\\
jahi karNa.n raNe shUraM sAtvatena sahAyavAn . 
yathendrastArakaM pUrva.n skandena saha jaghnivAn .. 56..\\

 gh

alamevAsmi karNAya droNAyAla.n cha sattama . 
anyeShA.n kShatriyANAM cha kR^itAstrANAM mahAtmanAm .. 57..\\
adya dAsyAmi sa~NgrAma.n sUtaputrAya taM nishi . 
ya.n janAH sampravakShyanti yAvadbhUmirdhariShyati .. 58..\\
na chAtra shUrAnmokShyAmi na bhItAnna kR^itA~njalIn . 
sarvAmeva vadhiShyAmi rAkShasa.n dharmamAsthitaH .. 59..\\

 gh

evamuktvA mahAbAhurhaiDimbaH paravIrahA . 
abhyayAttumule karNa.n tava sainya.n vibhIShayan .. 60..\\
tamApatanta.n sa~Nkruddha.n dIptAsyamiva pannagam . 
abhyasyanparameShvAsaH pratijagrAha sUtajaH .. 61..\\
tayoH samabhavadyuddha.n karNa rAkShasayornishi . 
garjato rAjashArdUla shakra prahrAdayoriva .. 62..\\
\medskip\hrule\medskip\centerline{\Largedvng 149}
 s

dR^iShTvA ghaTotkacha.n rAjansUtaputra rathaM prati . 
prayAnta.n tvayarA yuktaM jighA.nsuM karNamAhave .. 1..\\
abravIttava putrastu duHshAsanamida.n vachaH . 
etadrakShoraNe tUrNa.n dR^iShTvA karNasya vikramam .. 2..\\
abhiyAti druta.n karNaM tadvAraya mahAratham . 
vR^itaH sainyena mahatA yAhi yatra mahAbalaH .. 3..\\
karNo vaikartano yuddhe rAkShasena yuyutsati . 
rakSha karNa.n raNe yatto vR^itaH sainyena mAnada .. 4..\\
etasminnantare rAja~njaTAsurasuto balI . 
duryodhanamupAgamya prAha praharatA.n varaH .. 5..\\
duryodhana tavAmitrAnprakhyAtAnyuddhadurmadAn . 
pANDavAnhantumichchhAmi tvayAGYaptaH sahAnugAn .. 6..\\
jaTAsuro mama pitA rakShasAmagraNIH purA . 
prayujya karma rakShoghna.n kShudraiH pArthairnipAtitaH . 
tasyApachitimichchhAmi tvaddiShTo gantumIshvara .. 7..\\
tamabravIttato rAjA prIyamANaH punaH punaH . 
droNakarNAdibhiH sArdhaM paryApto.aha.n dviShadvadhe . 
tva.n tu gachchha mayAGYapto jahi yuddhaM ghaToktacham .. 8..\\
tathetyuktvA mahAkAyaH samAhUya ghaTotkacham . 
jaTAsurirbhaimaseniM nAnA shastairavAkirat .. 9..\\
alambala.n cha karNaM cha kurusainyaM cha dustaram . 
haiDimbaH pramamAthaiko mahAvAto.ambudAniva .. 10..\\
tato mAyAmaya.n dR^iShTvA rathaM tUrNamalambalaH . 
ghaTotkacha.n sharavrAtairnAnA li~NgaiH samArdayat .. 11..\\
viddhvA cha bahubhirbANairbhaimasenimalambalaH . 
vyadrAvayachchharavrAtaiH pANDavAnAmanIkinIm .. 12..\\
tena vidrAvyamANAni pANu sainyAni mAriSha . 
nishIthe viprakIryante vAtanunnA ghanA iva .. 13..\\
ghaTotkacha sharairnunnA tathaiva kuru vAhinI . 
nishIthe prAdravadrAjannutsR^ijyolkAH sahasrashaH .. 14..\\
alambalastataH kruddho bhaimaseniM mahAmR^idhe . 
Ajaghne nishitairbANaistottrairiva mahAdvipam .. 15..\\
tilashastasya tadyAna.n sUtaM sarvAyudhAni cha . 
ghaTotkachaH prachichchheda prANadachchAtidAruNam .. 16..\\
tataH karNa.n sharavrAtaiH kurUnanyAnsahasrashaH . 
alambala.n chAbhyavarShanmeghomerumivAchalam .. 17..\\
tataH sa~ncukShubhe sainya.n kurUNA.n rAkShasArditam . 
uparyupari chAnyonya.n chatura~NgaM mamarda ha .. 18..\\
jaTAsurirmahArAja viratho hatasArathiH . 
ghaTotkacha.n raNe kruddho muShTinAbhyahanaddR^iDham .. 19..\\
muShTinAbhihatastena prachachAla ghaTotkachaH . 
kShitikampe yathA shailaH sa vR^ikShagaNagulmavAn .. 20..\\
tataH sa parighAbhena dviTsa~Nghaghnena bAhunA . 
jaTAsuriM bhaimaseniravadhInmuShTinA bhR^isham .. 21..\\
taM pramathya tatha kruddhastUrNa.n haiDimbirAkShipat . 
dorbhyAmindradhvajAhAbhyAM niShpipeSha mahItale .. 22..\\
alambalo.api vikShipya samutkShipya cha rAkShasam . 
ghaTotkacha.n raNe roShAnniShpipeSha mahItale .. 23..\\
tayoH samabhavadyuddha.n garjatoratikAyayoH . 
ghaTotkachAlambalayostumula.n lomaharShaNam .. 24..\\
visheShayantAvanyonyaM mAyAbhiratimAyinau . 
yuyudhAte mahAvIryAvindra vairochanAviva .. 25..\\
pAvakAmbunidhI bhUtvA punargaruDa takShakau . 
punarmeghamahAvAtau punarvajramahAchalau . 
punaH ku~njarashArdUlau punaH svarbhAnu bhAskarau .. 26..\\
evaM mAyA shatasR^ijAvanyonyavadhakA~NkShiNau . 
bhR^isha.n chitramayudhyetAmalambala ghaTotkachau .. 27..\\
parighaishcha gadAbhishcha prAsamudgara paTTishaiH . 
musalaiH paratAgraishcha tAvanyonyaM nijaghnatuH .. 28..\\
hayAbhyA.n cha gajAbhyAM cha padAtirathinau punaH . 
yuyudhAte mahAmAyau rAkShasa pravarau yudhi .. 29..\\
tato ghaTotkachau rAjannalambala vadhepsayA . 
utpapAta bhR^isha.n kruddhaH shyenavannipapAta ha .. 30..\\
gR^ihItvA cha mahAkAya.n rAkShasendramalambalam . 
udyamya nyavadhIdbhUmau maya.n viShNurivAhave .. 31..\\
tato ghaTotkachaH khaDgamudgR^ihyAdbhuta darshanam . 
chakarta kAyAddhi shiro bhIma.n vikR^itadarshanam .. 32..\\
tachchhiro rudhirAbhyakta.n gR^ihya kesheShu rAkShasaH . 
ghaTotkacho yayAvAshu duryodhana rathaM prati .. 33..\\
abhyetya cha mahAbAhuH smayamAnaH sa rAkShasaH . 
rathe.asya nikShipya shiro vikR^itAnanamUrdhajam . 
prANadadbhairavaM nAdaM prAvR^iShIva balAhakaH .. 34..\\
abravIchcha tato rAjanduryodhanamida.n vachaH . 
eSha te nihato bandhustvayA dR^iShTo.asya vikramaH . 
punardraShTAsi karNasya niShThAmetA.n tathAtmanaH .. 35..\\
evamuktvA tataH prAyAtkarNaM prati janeshvara . 
kira~nsharashatA.nstIkShNAnvimu~nchankarNa mUrdhani .. 36..\\
tataH samabhavadyuddha.n ghorarUpaM bhayAnakam . 
vismApanaM mahArAja nararAkShasayormR^idhe .. 37..\\
\medskip\hrule\medskip\centerline{\Largedvng 150}
 dhr

yatra vaikartanaH karNo rAkShasashcha ghaTotkachaH . 
nishIthe samasajjetA.n tadyuddhamabhavatkatham .. 1..\\
kIdR^isha.n chAbhavadyuddhaM tasya ghorasya rakShasaH . 
rathashcha kIdR^ishastasya mAyAH sarvAyudhAni cha .. 2..\\
kimpramANA hayAstasya rathaketurdhanustathA . 
kIdR^isha.n varma chaivAsya kaNThatrANa.n cha kIdR^isham . 
pR^iShThastvametadAchakShva kushalo hyasisa~njaya .. 3..\\

 gh

lohitAkSho mahAkAyastAmrAsyo nimnitodaraH . 
UrdhvaromA hari shmashruH sha~NkukarNo mahAhanuH .. 4..\\
AkarNAddAritAsyashcha tIkShNadaMShTraH karAlavAn . 
sudIrgha tAmrajihvauShTho lambabhrUH sthUlanAsikaH .. 5..\\
nIlA~Ngo lohitagrIvo niri varShmA bhaya~NkaraH . 
mahAkAyo mahAbAhurmahAshIrSho mahAbalaH .. 6..\\
vikachaH paruShasparsho vikaTodbaddha piNDikaH . 
sthUlasphiggUDhanAbhishcha shithilopachayo mahAn .. 7..\\
tathaiva hastAbharaNI mahAmAyo.a~NgadI tathA . 
urasA dhArayanniShkamagnimAlA.n yathAchalaH .. 8..\\
tasya hemamaya.n chitraM bahurUpA~Ngashobhitam . 
toraNapratima.n shubhra.n kirITaM mUrdhnyashobhata .. 9..\\
kuNDale bAlasUryAbhe mAlA.n hemamayIM shubhAm . 
dhArayanvipula.n kA.nsyaM kavachaM cha mahAprabham .. 10..\\
ki~NkiNIshatanirghoSha.n raktadhvajapatAkinam . 
R^ikShacharmAvanaddhA~NgaM nalva mAtraM mahAratham .. 11..\\
sarvAyudhavaropetamAsthito dhvajamAlinam . 
aShTachakrasamAyuktaM meghagambhIra nisvanam .. 12..\\
tatra mAta~Ngasa~NkAshA lohitAkShA vibhIShaNAH . 
kAmavarNajavA yuktA balavanto.avahanhayAH .. 13..\\
rAkShaso.asya virUpAkShaH sUto dIptAsya kuNDalaH . 
rashmibhiH sUryarashmyAbhaiH sa~njagrAha hayAnraNe . 
sa tena sahitastasthAvaruNena yathA raviH .. 14..\\
sa.nsakta iva chAbhreNa yathAdrirmahatA mahAn . 
divaspR^iksumahAnketuH syandane.asya samuchchhritaH . 
rathottamAgnaH kravyAdo gR^idhraH paramabhIShaNaH .. 15..\\
vAsavAshani nirghoSha.n dR^iDhajyamabhivikShipan . 
vyakta.n kiShku parINAhaM dvAdashAratni kArmukam .. 16..\\
rathAkShamAtrairiShubhiH sarvAH prachchhAdayandishaH . 
tasyA.n vIrApahAriNyAM nishAyA.n karNamabhyayAt .. 17..\\
tasya vikShipatashchApa.n rathe viShTabhya tiShThataH . 
ashrUyata dhanurghoSho visphUrjitamivAshaneH .. 18..\\
tena vitrAsyamAnAni tava sainyAni bhArata . 
samakampanta sarvANi sindhoriva mahormayaH .. 19..\\
tamApatanta.n samprekShya virUpAkShaM vibhIShaNam . 
utsmayanniva rAdheyastvaramANo.abhyavArayat .. 20..\\
tataH karNo.abhyayAdenamasyannasyantamantikAt . 
mAta~Nga iva mAta~Nga.n yUtharShabha ivarShabham .. 21..\\
sa saMnipAtastumulastayorAsIdvishAM pate . 
karNa rAkShasayo rAjannindra shambarayoriva .. 22..\\
tau pragR^ihya mahAvege dhanuShI bhImanisvane . 
prAchchhAdayetAmanyonya.n takShamANau maheShubhiH .. 23..\\
tataH pUrNAyatotsR^iShTaiH sharaiH saMnataparvabhiH . 
nyavArayetAmanyonya.n kA.nsye nirbhidya varmaNI .. 24..\\
tau nakhairiva shArdUlau dantairiva mahAdvipau . 
rathashaktibhiranyonya.n vishikhaishcha tatakShatuH .. 25..\\
sa~nchindantau hi gAtrANi sandadhAnau cha sAyakAn . 
dhakShyamANau sharavrAtairnodIkShitumashaknutAm .. 26..\\
tau tu vikShata sarvAgnau rudhiraughapariplutau . 
vyabhrAjetA.n yathA vAri prasrutau gaurikAchalau .. 27..\\
tau sharAgra vibhinnA~Ngau nirbhindantau parasparam . 
nAkampayetAmanyonya.n yatamAnau mahAdyutI .. 28..\\
tatpravR^ittaM nishAyuddha.n chara.n samamivAbhavat . 
prANayordIvyato rAjankarNa rAkShasayormR^idhe .. 29..\\
tasya sandadhatastIkShNA~nsharAMshchAsaktamasyataH . 
dhanurghoSheNa vitrastAH sve pare cha tadAbhavan . 
ghaTotkacha.n yadA karNo visheShayati no nR^ipa .. 30..\\
tataH prAduShkaroddivyamastramastravidA.n varaH . 
karNena vihita.n dR^iShTvA divyamastraM ghaTotkachaH . 
prAdushchakre mahAmAyA.n rAkShasaH pANDunandanaH .. 31..\\
shUlamudgara dhAriNyA shailapAdapa hastayA . 
rakShasA.n ghorarUpANAM mahatyA senayA vR^itaH .. 32..\\
tamudyatamahAchApa.n dR^iShTvA te vyathitA nR^ipAH . 
bhUtAntakamivAyAnta.n kAladaNDogra dhAriNam .. 33..\\
ghaTotkacha pramuktena si.nhanAdena bhIShitAH . 
prasusruvurgajA mUtra.n vivyathushcha narA bhR^isham .. 34..\\
tato.ashmavR^iShTiratyugrA mahatyAsItsamantataH . 
ardharAtre.adhikabalairvimuktA rakShasAM balaiH .. 35..\\
AyasAni cha chakrANi bhushuNDyaH shaktitomarAH . 
patantyaviralAH shUlAH shatadhnyaH paTTishAstathA .. 36..\\
tadugramatiraudra.n cha dR^iTvA yuddhaM narAdhipAH . 
putrAshcha tava yodhAshcha vyathitA vipradudruvuH .. 37..\\
tatraiko.astrabalashlAghI karNo mAnI na vivyathe . 
vyadhamachcha sharairmAyA.n ghaTotkacha vinirmitAm .. 38..\\
mAyAyA.n tu prahINAyAmamarShAtsa ghaTotkachaH . 
visasarja sharAnghorAnsUtaputra.n ta Avishan .. 39..\\
tataste rudhirAbhaktA bhittvA karNaM mahAhave . 
vivishurdharaNIM bANAH sa~NkruddhA iva pannagAH .. 40..\\
sUtaputrastusa~Nkruddho laghuhastaH pratApavAn . 
ghaTotkachamatikramya bibheda dashabhiH sharaiH .. 41..\\
ghaTotkacho vinirbhinnaH sUtaputreNa marmasu . 
chakra.n divya.n sahasrAramagR^ihNAdvyathito bhR^isham .. 42..\\
kShurAntambAlasUryAbhaM maNiratnavibhUShitam . 
chikShepAdhiratheH kruddho bhaima senirjigha.nsayA .. 43..\\
praviddhamativegena vikShipta.n karNa sAyakaiH . 
abhAgyasyeva sa~Nkalpastanmoghamapatadbhuvi .. 44..\\
ghaTotkachastu sa~Nkruddho dR^iShTvA chakraM nipAtitam . 
karNaM prAchchhAdayadbANaiH svarbhAnuriva bhAskaram .. 45..\\
sUtaputrastvasambhrAnto rudropendrendra vikramaH . 
ghaTotkacha ratha.n tUrNaM chhAdayAmAsa patribhiH .. 46..\\
ghaTotkachena kruddhena gadA hemA~NgadA tadA . 
kShiptA bhrAmya sharaiH sApi karNenAbhyAhatApatat .. 47..\\
tato.antarikShamutpatya kAlamegha ivonnadan . 
pravavarSha mahAkAyo drumavarShaM nabhastalAt .. 48..\\
tato mAyAvina.n karNo bhImasena sutaM divi . 
mArgaNairabhivivyAdha dhana.n sUrya ivAMshubhiH .. 49..\\
tasya sarvAnhayAnhatvA sa~nchidya shatadhA ratham . 
abhyavarShachchharaiH karNaH parjanya iva vR^iShTimAn .. 50..\\
na chAsyAsIdanirbhinna.n gAtre dvya~Ngulamantaram . 
so.adR^ishyata muhUrtena shvAvichchhalalito yathA .. 51..\\
na hayAnna ratha.n tasya na dhvajaM na ghaTotkacham . 
dR^iShTavantaH sma samare sharaughairabhisa.nvR^itam .. 52..\\
sa tu karNasya taddivyamastramastreNa shAtayan . 
mAyAyuddhena mAyAvI sUtaputramayodhayat .. 53..\\
so.ayodhayattadA karNaM mAyayA lAghavena cha . 
alakShyamANo.atha divi sharajAleShu sampatan .. 54..\\
bhaimasenirmahAmAyo mAyayA kurusattama . 
prachakAra mahAmAyAM mohayanniva bhArata .. 55..\\
sa sma kR^itvA virUpANi vadanAnyashubhAnanaH . 
agrasatsUtaputrasya divyAnyastrANi mAyayA .. 56..\\
punashchApi mahAkAyaH sa~nchinnaH shatadhA raNe . 
gatasattvo nirutsAhaH patitaH khAdvyadR^ishyata . 
hata.n taM manyamAnAH sma prANadankurupu~NgavaH .. 57..\\
atha dehairnavairanyairdikShu sarvAsvadR^ishyata . 
punashchApi mahAkAyaH shatashIrShaH shatodaraH .. 58..\\
vyadR^ishyata mahAbAhurmainAka iva parvataH . 
a~NguShTha mAtro bhUtvA cha punareva sa rAkShasaH . 
sAgarormirivoddhUtastiryagUrdhvamavartata .. 59..\\
vasudhA.n dArayitvA cha punarapsu nyamajjata . 
adR^ishyata tadA tatra punarunmajjito.anyataH .. 60..\\
so.avatIrya punastasthau rathe hemapariShkR^ite . 
kShiti.n dyAM cha dishashchaiva mAyayAvR^itya daMshitaH .. 61..\\
gatvA karNa rathAbhyAsha.n vichalatkuNDalAnanaH . 
prAha vAkyamasambhrAntaH sUtaputra.n vishAM pate .. 62..\\
tiShThedAnIM na me jIvansUtaputra gamiShyasi . 
yuddhashraddhAmaha.n te.adya vineShyAmi raNAjire .. 63..\\
ityuktvA roShatAmrAkSha.n rakShaH krUraparAkramam . 
utpapAtAntarikSha.n cha jahAsa cha suvisvaram . 
karNamabhyAhanachchaiva gajendramiva kesarI .. 64..\\
rathAkShamAtrairiShubhirabhyavarShadghaTotkachaH . 
rathinAmR^iShabha.n karNaM dhArAbhiriva toyadaH . 
sharavR^iShTi.n cha tAM karNo dUraprAptAmashAtayat .. 65..\\
dR^iShTvA cha vihatAM mAyA.n karNena bharatarShabha . 
ghaTotkachastato mAyA.n sasarjAntarhitaH punaH .. 66..\\
so.abhavadgirirityuchchaH shikharaistarusa~NkaTaiH . 
shUlaprAsAsi musalajalaprasravaNo mahAn .. 67..\\
tama~njana chayaprakhya.n karNo dR^iShTvA mahIdharam . 
prapAtairAyudhAnyugrANyudvahantaM na chukShubhe .. 68..\\
smayanniva tataH karNo divyamastramudIrayat . 
tataH so.astreNa shailendro vikShipto vai vyanashyata .. 69..\\
tataH sa toyado bhUtvA nIlaH sendrAyudho divi . 
ashmavR^iShTibhiratyugraH sUtaputramavAkirat .. 70..\\
atha sandhAya vAyavyamastramastravidA.n varaH . 
vyadhamatkAlamegha.n taM karNo vaikartano vR^iShA .. 71..\\
sa mArgaNagaNaiH karNo dishaH prachchhAdya sarvashaH . 
jaghAnAstraM mahArAja ghaTotkacha samIritam .. 72..\\
tataH prahasya samare bhaimasenirmahAbalaH . 
prAdushchakre mahAmAyA.n karNaM prati mahAratham .. 73..\\
sa dR^iShTvA punarAyAnta.n rathena rathinAM varam . 
ghaTotkachamasambhrAnta.n rAkShasairbahubhirvR^itam .. 74..\\
si.nhashArdUlasadR^ishairmattadviradavikramaiH . 
gajasthaishcha rathasthaishcha vAjipR^iShTha gataistathA .. 75..\\
nAnAshastradharairghorairnAnA kavachabhUShaNaiH . 
vR^ita.n ghaTotkachaM krUrairmarudbhiriva vAsavam . 
dR^iShTvA karNo maheShvAso yodhayAmAsa rAkShasam .. 76..\\
ghaTotkachastataH karNa.n viddhvA pa~nchabhirAshugaiH . 
nanAda bhairavaM nAdaM bhIShayansarvapArthivAn .. 77..\\
bhUyashchA~njalikenAtha sa mArgaNagaNaM mahat . 
karNa hastasthita.n chApaM chichchhedAshu ghaTotkachaH .. 78..\\
athAnyaddhanurAdAya dR^iDhaM bhArasahaM mahat . 
vyakarShata balAtkarNa indrAyudhamivochchhritam .. 79..\\
tataH karNo mahArAja preShayAmAsa sAyakAn . 
suvarNapu~NkhA~nshatrughnAnkhacharAnrAkShasAnprati .. 80..\\
tadbANairardita.n yUthaM rakShasAM pInavakShasAm . 
si.nhenevArdita.n vanya.n gajAnAmAkulaM kulam .. 81..\\
vidhamya rAkShasAnbANaiH sAshvasUta gajAnvibhuH . 
dadAha bhagavAnvahnirbhUtAnIva yugakShaye .. 82..\\
sa hatvA rAkShasI.n senAM shushubhe sUtanandanaH . 
pureva tripura.n dagdhvA divi devo maheshvaraH .. 83..\\
teShu rAjasahasreShu pANDaveyeShu mAriSha . 
nainaM nirIkShitumapi kashchichchhaknoti pArthiva .. 84..\\
R^ite ghaTotkachAdrAjanrAkShasendrAnmahAbalAt . 
bhImavIryabalopetAtkruddhAdvaivasvatAdiva .. 85..\\
tasya kruddhasya netrAbhyAM pAvakaH samajAyata . 
maholkAbhyA.n yathA rAjansArchiShaH snehabindavaH .. 86..\\
tala.n talena sa.nhatya sandashya dashanachchhadam . 
rathamAsthAya cha punarmAyayA nirmitaM punaH .. 87..\\
yukta.n gajanibhairvAhaiH pishAchavachanaiH kharaiH . 
sasUtamabravItkruddhaH sUtaputrAya mA vaha .. 88..\\
sa yayau ghorarUpeNa rathena rathinA.n varaH . 
dvairatha.n sUtaputreNa punareva vishAM pate .. 89..\\
sa chikShepa punaH kruddhaH sUtaputrAya rAkShasaH . 
aShTachakrAM mahAghorAmashani.n rudra nirmitAm .. 90..\\
tAmavaplutya jagrAha karNo nyasya rathe dhanuH . 
chikShepa chainA.n tasyaiva syandanAtso.avapupluve .. 91..\\
sAshvasUta dhvaja.n yAnaM bhasmakR^itvA mahAprabhA . 
vivesha vasudhAM bhittvA surAstatra visismiyuH .. 92..\\
karNa.n tu sarvabhUtAni pUjayAmAsura~njasA . 
yadavaplutya jagrAha deva sR^iShTAM mahAshanim .. 93..\\
eva.n kR^itvA raNe karNa Aruroha rathaM punaH . 
tato mumocha nArAchAnsUtaputraH parantapaH .. 94..\\
ashakya.n kartumanyena sarvabhUteShu mAnada . 
yadakArShIttadA karNaH sa~NgrAme bhImadarshane .. 95..\\
sa hanyamAno nArAchairdhArAbhiriva parvataH . 
gandharvanagarAkAraH punarantaradhIyata .. 96..\\
eva.n sa vai mahAmAyo mAyayA lAghavena cha . 
astrANi tAni divyAni jaghAna ripusUdanaH .. 97..\\
nihanyamAneShvastreShu mAyayA tena rakShasA . 
asambhrAntastataH karNastadrakShaH pratyayudhyata .. 98..\\
tataH kruddho mahArAja bhaimasenirmahAbalaH . 
chakAra bahudhAtmAnaM bhIShayANo narAdhipAn .. 99..\\
tato digbhyaH samApetuH si.nhavyAghra tarakShavaH . 
agnijihvAshcha bhujagA vihagAshchApyayomukhAH .. 100..\\
sa kIryamANo nishitaiH karNa chApachyutaiH sharaiH . 
nagarAdrivanaprakhyastatraivAntaradhIyata .. 101..\\
rAkShasAshcha pishAchAshcha yAtudhAnAH shalAvR^ikAH . 
te karNaM bhakShayiShyantaH sarvataH samupAdravan . 
athaina.n vAgbhirugrAbhistrAsayA.n chakrire tadA .. 102..\\
udyatairbahubhirghorairAyudhaiH shoNitokShitaiH . 
teShAmanekairekaika.n karNo divyAdha chAshugaiH .. 103..\\
pratihatya tu tAM mAyA.n divyenAstreNa rAkShasIm . 
AjaghAna hayAnasya sharaiH saMnataparvabhiH .. 104..\\
te bhagnA vikR^itA~NgAshcha chhinnapR^iShThAshcha sAyakaiH . 
vasudhAmanvapadyanta pashyatastasya rakShasaH .. 105..\\
sa bhagnamAyo haiDimbaH karNa.n vaikartana.n tataH . 
eSha te vidadhe mR^ityumityuktvAntaradhIyata .. 106..\\
\medskip\hrule\medskip\centerline{\Largedvng 151}
 s

tasmi.nstathA vartamAne karNa rAkShasayormR^idhe . 
alAyudho rAkShasendro vIryavAnabhyavartata .. 1..\\
mahatyA senayA yuktaH suyodhanamupAgamat . 
rAkShasAnA.n virUpANAM sahasraiH parivAritaH . 
nAnArUpadharairvIraiH pUrvavairamanusmaran .. 2..\\
tasya GYAtirhi vikrAnto brAhmaNAdo bako hataH . 
kirmIrashcha mahAtejA hiDimbashcha sakhA tathA .. 3..\\
sa dIrghakAlAdhyuShitaM pUrvavairamanusmaran . 
viGYAyaitannishAyuddha.n jighA.nsurbhImamAhave .. 4..\\
sa matta iva mAta~NgaH sa~Nkruddha iva choragaH . 
duryodhanamida.n vAkyamabravIdyuddhalAlasaH .. 5..\\
vidita.n te mahArAja yathA bhImena rAkShasAH . 
hiDimbabakakirmIrA nihatA mama bAndhavAH .. 6..\\
parAmarshashcha kanyAyA hiDimbAyAH kR^itaH purA . 
kimanyadrAkShasAnanyAnasmAMshcha paribhUya ha .. 7..\\
tamaha.n sagaNaM rAjansa vAjirathaku~njaram . 
haiDimba.n cha sahAmAtya.n hantumabhyAgataH svayam .. 8..\\
adya kuntIsutAnsarvAnvAsudeva purogamAn . 
hatvA sambhakShayiShyAmi sarvairanucharaiH saha . 
nivAraya bala.n sarvaM vayaM yotsyAma pANDavAn .. 9..\\
tasya tadvachana.n shrutvA hR^iShTo duryodhanastadA . 
pratipUjyAbravIdvAkyaM bhrAtR^ibhiH parivAritaH .. 10..\\
tvAM puraskR^itya sagaNa.n vayaM yotsyAmahe parAn . 
na hi vairAnta manasaH sthAsyanti mama sainikAH .. 11..\\
evamastviti rAjAnamuktvA rAkShasapu~NgavaH . 
abhyayAttvarito bhIma.n sahitaH puruShAshanaiH .. 12..\\
dIpyamAnena vapuShA rathenAdityavarchasA . 
tAdR^ishenaiva rAjendra yAdR^ishena ghaTotkachaH .. 13..\\
tasyApyatulanirghoSho bahu toraNachitritaH . 
R^ikShacharmAvanaddhA~Ngo nalva mAtro mahArathaH .. 14..\\
tasyApi turagAH shIghrA hastikAyAH kharasvanAH . 
shata.n yuktA mahAkAyA mA.nsashoNitabhojanAH .. 15..\\
tasyApi rathanirghoSho mahAmegharavopamaH . 
tasyApi sumahachchApa.n dR^iDhajyaM balavattaram .. 16..\\
tasyApyakShasamA bANA rukmapu~NkhAH shilAshitAH . 
so.api vIro mahAbAhuryathaiva sa ghaTotkachaH .. 17..\\
tasyApi gomAyubaDAbhigupto 
babhUva keturjvalanArkatulyaH . 
sa chApi rUpeNa ghaTotkachasya 
shrImattamo vyAkuladIpitAsyaH .. 18..\\
dIptA~Ngado dIptakirITa mAlI 
baddhasraguShNISha nibaddhakhaDgaH . 
gadI bhushuNDI musalI harI cha 
sharAsanI vAraNatulyavarShmA .. 19..\\
rathena tenAnala varchasA cha 
vidrAvayanpANDava vAhinI.n tAm . 
rarAja sa~Nkhye parivartamAno 
vidyunmAlI megha ivAntarikShe .. 20..\\
te chApi sarve pravarA narendrA 
mahAbalA varmiNashcharmiNash cha . 
harShAnvitA yuyudhustatra rAjan 
samantataH pANDava yodhavIrAH .. 21..\\
\medskip\hrule\medskip\centerline{\Largedvng 152}
 s

tamAgatamabhiprekShya bhImakarmANamAhave . 
harShamAhArayA.n chakruH kuravaH sarva eva te .. 1..\\
tathaiva tava putrAste duryodhana purogamAH . 
aplavAH plavamAsAdya tartukAmA ivArNavam .. 2..\\
punarjAtamivAtmAnaM manvAnAH pArthivAstadA . 
alAyudha.n rAkShasendraM svAgatenAbhyapUjayan .. 3..\\
tasmi.nstvamAnuShe yuddhe vartamAne bhayAvahe . 
karNa rAkShasayornakta.n dAruNapratidarshane .. 4..\\
upapraikShanta pA~nchAlAH smayamAnAH sarAjakAH . 
tathaiva tAvakA rAjanghUrNamAnAstatastataH .. 5..\\
chukrushurnedamastIti droNa drauNikR^ipAdayaH . 
tatkarma dR^iShTvA sambhrAntA haiDimbasya raNAjire .. 6..\\
sarvamAvighnamabhavaddhAhA bhUtamachetanam . 
tava sainyaM mahArAja nirAsha.n karNa jIvite .. 7..\\
duryodhanastu samprekShya karNamArtiM parA.n gatam . 
alAyudha.n rAkShasendramAhUyedamathAbravIt .. 8..\\
eSha vaikartanaH karNo haiDimbena samAgataH . 
kurute karma sumahadyadasyaupayikaM mR^idhe .. 9..\\
pashyaitAnpArthivA~nshUrAnnihatAnbhaimaseninA . 
nAnAshastrairabhihatAnpAdapAniva dantinA .. 10..\\
tavaiSha bhAgaH samare rAjamadhye mayA kR^itaH . 
tavaivAnumate vIra ta.n vikramya nibarhaya .. 11..\\
purA vaikartana.n karNameSha pApo ghaTotkachaH . 
mAyAbalamupAshritya karshayatyarikarshanaH .. 12..\\
evamuktaH sa rAGYA tu rAkShasastIvravikramaH . 
tathetyuktvA mahAbAhurghaTotkachamupAdravat .. 13..\\
tataH karNa.n samutsR^ijya bhaimasenirapi prabho . 
pratyamitramupAyAntaM mardayAmAsa mArgaNaiH .. 14..\\
tayoH samabhavadyuddha.n kruddhayo rAkShasendrayoH . 
mattayorvAshitA hetordvipayoriva kAnane .. 15..\\
rakShasA vipramuktastu karNo.api rathinA.n varaH . 
abhyadravadbhImasena.n rathenAdityavarchasA .. 16..\\
tamAyAntamanAdR^itya dR^iShTvA grasta.n ghaTotkacham . 
alAyudhena samare si.nheneva gavAM patim .. 17..\\
rathenAdityavapuShA bhImaH praharatA.n varaH . 
kira~nsharaughAnprayayAvalAyudha rathaM prati .. 18..\\
tamAyAntamabhiprekShya sa tadAlAyudhaH prabho . 
ghaTotkacha.n samutsR^ijya bhImasenaM samAhvayat .. 19..\\
taM bhImaH sahasAbhyetya rAkShasAnta karaH prabho . 
sagaNa.n rAkShasendra.n taM sharavarShairavAkirat .. 20..\\
tathaivAlAyudho rAja~nshilA dhautairajihmagaiH . 
abhyavarShata kaunteyaM punaH punararindamaH .. 21..\\
tathA te rAkShasAH sarve bhImasenamupAdravan . 
nAnApraharaNA bhImAstvatsutAnA.n jayaiShiNaH .. 22..\\
sa tADyamAno balibhirbhImaseno mahAbalaH . 
pa~nchabhiH pa~nchabhiH sarvA.nstAnavidhyachchhitaiH sharaiH .. 23..\\
te vadhyamAnA hImena rAkShasAH kharayonayaH . 
vinedustumulAnnAdAndudruvushcha disho dasha .. 24..\\
tA.nstrAsyamAnAnbhImena dR^iShTvA rakSho mahAbalam . 
abhidudrAva vegena sharaishchainamavAkirat .. 25..\\
taM bhImasenaH samare tIkShNAgrairakShiNochchharaiH . 
alAyudhastu tAnastAnbhImena vishikhAnraNe . 
chichchheda kAMshchitsamare tvarayA kAMshchidagrahIt .. 26..\\
sa ta.n dR^iShTvA rAkShasendraM bhImo bhImaparAkramaH . 
gadA.n chikShepa vegena vajrapAtopamAM tadA .. 27..\\
tAmApatantI.n vegena gadA.n jvAlAkulAM tataH . 
gadayA tADayAmAsa sA gadA bhImamAvrajat .. 28..\\
sa rAkShasendra.n kaunteyaH sharavarShairavAkirat . 
tAnapyasyAkaronmoghAnrAkShaso nishitaiH sharaiH .. 29..\\
te chApi rAkShasAH sarve sainikA bhImarUpiNaH . 
shAsanAdrAkShasendrasya nijaghnU rathaku~njarAn .. 30..\\
pA~nchAlAH sR^i~njayAshchaiva vAjinaH paramadvipAH . 
na shAnti.n lebhire tatra rakShasairbhR^ishapIDitAH .. 31..\\
ta.n tu dR^iShTvA mahAghora.n vartamAnaM mahAhave . 
abravItpuruShashreShTho dhana~njayamida.n vachaH .. 32..\\
pashyaM bhImaM mahAbAho rAkShasendra vasha~Ngatam . 
padavImasya gachchha tvaM mA vichAraya pANDava .. 33..\\
dhR^iShTadyumnaH shikhaNDI cha yudhAmanyUttamaujasau . 
sahitA draupadeyAshcha karNa.n yAntu mahArathAH .. 34..\\
nakulaH sahadevashcha yuyudhAnashcha vIryavAn . 
itarAnrAkShasAnghnantu shAsanAttava pANDava .. 35..\\
tvamapImAM mahAbAho chamU.n droNa puraskR^itAm . 
vArayasva naravyAghra mahaddhi bhayamAgatam .. 36..\\
evamukte tu kR^iShNena yathoddiShTA mahArathAH . 
jagmurvaikartana.n karNa.n rAkShasAMshchetarAnraNe .. 37..\\
atha pUrNAyatotsR^iShTaiH sharairAshIviShopamaiH . 
dhanushchichchheda bhImasya rAkShasendraH pratApavAn .. 38..\\
hayAMshchAsya shitairbANaiH sArathi.n cha mahAbalaH . 
jaghAna miShataH sa~Nkhye bhImasenasya bhArata .. 39..\\
so.avatIrya rathopasthAddhatAshvo hatasArathiH . 
tasmai gurvI.n gadAM ghorA.n sa vinadyotsasarja ha .. 40..\\
tatastAM bhImanirghoShAmApatantIM mahAgadAm . 
gadayA rAkShaso ghoro nijaghAna nanAda cha .. 41..\\
taddR^iShTvA rAkShasendrasya ghora.n karma bhayAvaham . 
bhImasenaH prahR^iShTAtmA gadAmAshu parAmR^ishat .. 42..\\
tayoH samabhavadyuddha.n tumulaM nararakShasoH . 
gadA nipAtasa.nhrAdairbhuva.n kampayatorbhR^isham .. 43..\\
gadA vimuktau tau bhUyaH samAsadyetaretaram . 
muShTibhirvajrasa.nhrAdairanyonyamabhijaghnatuH .. 44..\\
rathachakrairyugairakShairadhiShThAnairupaskaraiH . 
yathAsannamupAdAya nijaghnaturamarShaNau .. 45..\\
tau vikSharantau rudhira.n samAsAdyetaretaram . 
mattAviva mahAnAgAvakR^iShyetAM punaH punaH .. 46..\\
tamapashyaddhR^iShIkeshaH pANDavAnA.n hite rataH . 
sa bhImasena rakShArtha.n haiDimbaM pratyachodayat .. 47..\\
\medskip\hrule\medskip\centerline{\Largedvng 153}
 s

samprekShya samare bhIma.n rakShasA grastamantikAt . 
vAsudevo.abravIdvAkya.n ghaTotkachamidaM tadA .. 1..\\
pashya bhImaM mahAbAho rakShasA grastamantikAt . 
pashyatA.n sarvasainyAnA.n tava chaiva mahAdyute .. 2..\\
sa karNa.n tva.n samutsR^ijya rAkShasendramalAyudham . 
jahi kShipraM mahAbAho pashchAtkarNa.n vadhiShyasi .. 3..\\
sa vArShNeya vachaH shrutvA karNamutsR^ijya vIryavAn . 
yuyudhe rAkShasendreNa bakabhrAtrA ghaTotkachaH . 
tayoH sutumula.n yuddhaM babhUva nishi rakShasoH .. 4..\\
alAyudhasya yodhA.nstu rAkShasAnbhImadarshanAn . 
vegenApatataH shUrAnpragR^ihItasharAsanAn .. 5..\\
AttAyudhaH susa~Nkruddho yuyudhAno mahArathaH . 
nakulaH sahadevashcha chichchhidurnishitaiH sharaiH .. 6..\\
sarvAMshcha samare rAjankirITI kShatriyarShabhAn . 
parichikShepa bIbhatsuH sarvatha prakShipa~nsharAn .. 7..\\
karNashcha samare rAjanvyadrAvayata pArthivAn . 
dhR^iShTadyumna shikhaNDyAdInpA~nchAlAnAM mahArathAn .. 8..\\
tAnvadhyamAnAndR^iShTvA tu bhImo bhImaparAkramaH . 
abhyayAttvaritaH karNa.n vishikhannvikiranraNe .. 9..\\
tataste.apyAyayurhatvA rAkShasAnyatra sUtajaH . 
nakulaH sahadevashcha sAtyakishcha mahArathaH . 
te karNa.n yodhayAmAsuH pA~nchAlA droNameva cha .. 10..\\
alAyudhastu sa~Nkruddho ghaTotkachamarindamam . 
parigheNAtikAyena tADayAmAsa mUrdhani .. 11..\\
sa tu tena prahAreNa bhaimasenirmahAbalaH . 
IShanmUrchhAnvito.a.atmAna.n sa.nstambhayata vIryavAn .. 12..\\
tato dIptAgnisa~NkAshA.n shataghaNTAmala~NkR^itAm . 
chikShepa samare tasmai gadA.n kA~nchanabhUShaNAm .. 13..\\
sA hayAnsArathi.n chaiva rathaM chAsya mahAsvanA . 
chUrNayAmAsa vegena visR^iShTA bhImakarmaNA .. 14..\\
sa bhagnahayachakrAkSho vishIrNadhvajakUbaraH . 
utpapAta rathAttUrNaM mAyAmAsthAya rAkShasIm .. 15..\\
sa samAsthAya mAyA.n tu vavarSha rudhiraM bahu . 
vidyudvibhrAjita.n chAsIttimirAbhrAkulaM nabhaH .. 16..\\
tato vajranipAtAshcha sAshanistanayitnavaH . 
mahAMshchaTachaTA shabdastatrAsIddhi mahAhave .. 17..\\
tAM prekShya vihitAM mAyA.n rAkShaso rAkShasena tu . 
Urdhvamutpatya haiDimbastAM mAyAM mAyayAvadhIt .. 18..\\
so.abhivIkShya hatAM mAyAM mAyAvI mAyayaiva hi . 
ashmavarSha.n sutumulaM visasarja ghaTotkache .. 19..\\
ashmavarSha.n sa tadghoraM sharavarSheNa vIryavAn . 
disho vidhva.nsayAmAsa tadadbhutamivAbhavat .. 20..\\
tato nAnApraharaNairanyonyamabhivarShatAm . 
AyasaiH parighaiH shUlairgadAmusalamudgalaiH .. 21..\\
pinAkaiH karavAlairshcha tomaraprAsakampanaiH . 
nArAchairnishitairbhallaiH sharaishchakraiH parashvadhaiH .. 22..\\
ayo guDairbhiNDipAlairgoshIrSholUkhalairapi . 
utpATya cha mahAshAkhairvividhairjagatI ruhaiH .. 23..\\
shamI pIlu karIraishcha shamyAkaishchaiva bhArata . 
i~NgudairbadarIbhishcha kovidAraishcha puShpitaiH .. 24..\\
palAshairarimedaishcha plakShanyagrodhapippalaiH . 
mayadbhiH samare tasminnanyonyamabhijaghnatuH .. 25..\\
vividhaiH parvatAgraishcha nAnAdhAtubhirAchitaiH . 
teShA.n shabdho mahAnAsIdvajrANAM bhidyatAm iva .. 26..\\
yuddha.n tadabhavadghoraM bhaimyalAyudhayornR^ipa . 
harIndrayoryathA rAjanvAlisugrIvayoH purA .. 27..\\
tau yuddhvA vividhairghorairAyudhairvishikhaistathA . 
pragR^ihya nishitau khaDgAvanyonyamabhijaghnatuH .. 28..\\
tAvanyonyamabhidrutya kesheShu sumahAbalau . 
bhujAbhyAM paryagR^ihNItAM mahAkAyau mahAbalau .. 29..\\
tau bhinnagAtrau prasveda.n susruvAte janAdhipa . 
rudhira.n cha mahAkAyAvabhivR^iShTAvivAchalau .. 30..\\
athAbhipatya vegena samudbhrAmya cha rAkShasam . 
balenAkShipya haiDimbashchakartAsya shiromahat .. 31..\\
so.apahR^itya shirastasya kuNDalAbhyA.n vibhUShitam . 
tadA sutumulaM nAdaM nanAda sumahAbalaH .. 32..\\
hata.n dR^iShTvA mahAkAyaM bakaGYAtimarindamam . 
pA~nchAlAH pANDavAshchaiva si.nhanAdAnvinedire .. 33..\\
tato bherIsahasrANi sha~NkhAnAmayutAni cha . 
avAdayanpANDaveyAstasminrakShasi pAtite .. 34..\\
atIva sA nishA teShAM babhUva vijayAvahA . 
vidyotamAnA vibabhau samantAddIpamAlinI .. 35..\\
alAyudhasya tu shiro bhaimasenirmahAbalaH . 
duryodhanasya pramukhe chikShepa gatachetanam .. 36..\\
atha duryodhano rAjA dR^iShTvA hatamalAyudham . 
babhUva paramodvignaH saha sainyena bhArata .. 37..\\
tena hyasya pratiGYAtaM bhImasenamaha.n yudhi . 
hanteti svayamAgamya smaratA vairamuttamam .. 38..\\
dhruva.n sa tena hantavya ityamanyanta pArthivaH . 
jIvita.n chirakAlAya bhrAtR^INAM chApyamanyata .. 39..\\
sa ta.n dR^iShTvA vinihataM bhImasenAtmajena vai . 
pratiGYAM bhImasenasya pUrNAmevAbhyamanyata .. 40..\\
\medskip\hrule\medskip\centerline{\Largedvng 154}
 s

nihatyAlAyudha.n rakShaH prahR^iShTAtmA ghaTotkachaH . 
nanAda vividhAnnAdAnvAhinyAH pramukhe sthitaH .. 1..\\
tasya ta.n tumula.n shabdaM shrutvA ku~njarakampanam . 
tAvakAnAM mahArAja bhayamAsItsudAruNam .. 2..\\
alAyudha viShakta.n tu bhaimaseniM mahAbalam . 
dR^iShTvA karNo mahAbAhuH pA~nchAlAnsamupAdravat .. 3..\\
dashabhirdashabhirbANairdhR^iShTadyumna shikhaNDinau . 
dR^iDhaiH pUrNAyatotsR^iShTairbibheda nataparvabhiH .. 4..\\
tataH paramanArAchairyudhAmanyUttamaujasau . 
sAtyaki.n cha rathodAraM kampayAmAsa mArgaNaiH .. 5..\\
teShAmabhyasyatA.n tatra sarveShA.n savyadakShiNam . 
maNDalAnyeva chApAni vyadR^ishyanta janAdhipa .. 6..\\
teShA.n jyAtalanirghoSho rathanemi svanash cha ha . 
meghAnAmiva gharmAnte babhUva tumulo nishi .. 7..\\
jyAnemighoShastanayitnumAnvai 
dhanustaDinmaNDalaketushR^i~NgaH . 
sharaughavarShAkula vR^iShTimAMsh cha 
sa~NgrAmameghaH sa babhUva rAjan .. 8..\\
tadudhata.n shaila ivAprakampyo 
varShaM mahachchhailasamAnasAraH . 
vidhva.nsayAmAsa raNe narendra 
vaikartanaH shatrugaNAvamardI .. 9..\\
tato.atulairvajranipAta kalpaiH 
shitaiH sharaiH kA~nchanachitrapu~NkhaiH . 
shatrUnvyapohatsamare mahAtmA 
vaikartanaH putra hite rataste .. 10..\\
sa~nchinnabhinna dhvajinash cha ke chit 
ke chichchharairardita bhinnadehAH . 
ke chidvisUtA vihayAsh cha ke chid 
vaikartanenAshu kR^itA babhUvuH .. 11..\\
avindamAnAstvatha sharma sa~Nkhye 
yaudhiShThira.n te balamanvapadyan . 
tAnprekShya bhagnAnvimukhIkR^itAMsh cha 
ghaTotkacho roShamatIva chakre .. 12..\\
AsthAya ta.n kA~nchanaratnachitraM 
rathottama.n si.nha ivonanAda . 
vaikartana.n karNamupetya chApi 
vivyAdha vajrapratimaiH pR^iShatkaiH .. 13..\\
tau karNinArAcha shilImukhaish 
cha nAlIkadaNDaishcha sa vatsadantaiH . 
varAhakarNaiH sa viShANa shR^i~NgaiH 
kShurapra varShaishcha vinedatuH kham .. 14..\\
tadbANadhArAvR^itamantarikShaM 
tiryaggatAbhiH samare rarAja . 
suvarNapu~Nkha jvalitaprabhAbhir 
vichitrapuShpAbhiriva srajAbhiH .. 15..\\
sama.n hi tAvApratima prabhAvAv 
anyonyamAjaghnaturuttamAstraiH . 
tayorhi vIrottamayorna kash chid 
dadarsha tasminsamare visheSham .. 16..\\
atIva tachchitramatIva rUpaM 
babhUva yuddha.n ravibhIma sUnvoH . 
samAkula.n shastranipAta ghoraM 
divIva rAhvaMshumatoH prataptam .. 17..\\
ghaTotkacho yadA karNaM na visheShayate nR^ipa . 
tadA prAdushchakArogramastramastravidA.n varaH .. 18..\\
tenAstreNa hayAnpUrva.n hatvA karNasya rAkShasaH . 
sArathi.n chaiva haiDimbaH kShipramantaradhIyata .. 19..\\

 dhr

tathA hyantarhite tasminkUTayodhini rAkShase . 
mAmakaiH pratipanna.n yattanmamAchakShva sa~njaya .. 20..\\

 s

antarhita.n rAkShasa.n taM viditvA 
samprAkroshankuravaH sarva eva . 
kathaM nAya.n rAkShasaH kUTayodhI 
hanyAtkarNa.n samare.adR^ishyamAnaH .. 21..\\
tataH karNo laghuchitrAstra yodhI 
sarvA disho vyAvR^iNodbANajAlaiH . 
na vai ki.n chidvyApatattatra bhUtaM 
tamo bhUte sAyakairantarikShe .. 22..\\
na chAdadAno na cha sandadhAno 
na cheShudhI spR^ishamAnaH karAgraiH . 
adR^ishyadvai lAghavAtsUtaputraH 
sarvaM bANaishchhAdayAno.antarikSham .. 23..\\
tato mAyA.n vihitAmantarikShe 
ghorAM bhImA.n dAruNA.n rAkShasena . 
sampashyAmo lohitAbhra prakAshAM 
dedIpyantImagnishikhAmivogrAm .. 24..\\
tatastasyA vidyutaH prAdurAsann 
ulkAshchApi jvalitAH kauravendra . 
ghoShashchAnyaH prAdurAsItsughoraH 
sahasrasho nadatA.n dundubhInAm .. 25..\\
tataH sharAH prApatanrukmapu~NkhAH 
shaktyAH prAsA musalAnyAyudhAni . 
parashvadhAstailadhautAshcha khaDgAH 
pradIptAgrAH paTTishAstomarAsh cha .. 26..\\
mayUkhinaH parighA lohabaddhA 
gadAshchitrAH shitadhArAshcha shUlAH . 
gurvyo gadA hemapaTTAvanaddhAH 
shataghnyashcha prAdurAsansamantAt .. 27..\\
mahAshilAshchApata.nstatra tatra 
sahasrashaH sAshanayaH savajrAH . 
chakrANi chAneka shatakShurANi 
prAdurbabhUvurjvalanaprabhANi .. 28..\\
tA.n shaktipAShANa parashvadhAnAM 
prAsAsivajrAshanimudgarANAm . 
vR^iShTi.n vishAlA.n jvalitAM patantIM 
karNaH sharaughairna shashAka hantum .. 29..\\
sharAhatAnAmatatA.n hayAnAM 
vajrAhatAnAM patatA.n gajAnAm . 
shilA hatAnA.n cha mahArathAnAM 
mahAnninAdaH patatAM babhUva .. 30..\\
subhIma nAnAvidha shastrapAtair 
ghaTotkachenAbhihata.n samantAt . 
dauryodhana.n tadbalamArtarUpam 
AvartamAna.n dadR^ishe bhramantam .. 31..\\
hAhAkR^ita.n samparivartamAnaM 
sa.nlIyamAna.n cha viShaNNarUpam . 
te tvArya bhAvAtpuruShapravIrAH 
parA~NmukhA na babhUvustadAnIm .. 32..\\
tA.n rAkShasI.n ghoratarAM subhImAM 
vR^iShTiM mahAshastramayIM patantIm . 
dR^iShTvA balaughAMshcha nipAtyamAnAn 
mahadbhaya.n tava putrAnvivesha .. 33..\\
shivAshcha vaishvAnaradIptajihvAH 
subhIma nAdAH shatasho nadantyaH . 
rakShogaNAnnardatashchAbhivIkShya 
narendra yodhA vyathitA babhUvuH .. 34..\\
te dIptajihvAnana tIkShNadaMShTrA 
vibhIShaNAH shailanikAsha kAyAH . 
nabhogatAH shaktiviShakta hastA 
meghA vyamu~nchanniva vR^iShTimArgam .. 35..\\
tairAhatAste sharashaktishUlair 
gadAbhirugraiH parighaishcha dIptaiH . 
vajraiH pinAkairashaniprahAraish 
chakraiH shataghnyunmathitAshcha petuH .. 36..\\
huDA bhushuNDyo.ashmaguDAH shatadhnyaH 
sthUNAshcha kArShNAyasa paTTanaddhAH . 
avAkira.nstava putrasya sainyaM 
tathA raudra.n kashmalaM prAdurAsIt .. 37..\\
niShkIrNAntrA vihatairuttamA~NgaiH 
sambhagnA~NgAH sherate tatra shUrAH . 
bhinnA hayAH ku~njarAshchAvabhagnAH 
sa~ncUrNitAshchaiva rathAH shilAbhiH .. 38..\\
evaM mahachchhastra varSha.n sR^ijantas 
te yAtudhAnA bhuvi ghorarUpAH . 
mAyAH sR^iShTAstatra ghaTotkachena 
nAmu~nchanvai yAchamAnaM na bhItam .. 39..\\
tasminghore kuruvIrAvamarde 
kAlotsR^iShTe kShatriyANAmabhAve . 
te vai bhagnAH sahasA vyadravanta 
prAkroshantaH kauravAH sarva eva .. 40..\\
palAyadhva.n kuravo naitadasti 
sendrA devA ghnanti naH pANDavArthe . 
tathA teShAM majjatAM bhAratAnAM 
na sma dvIpastatra kashchidbabhUva .. 41..\\
tasminsa~Nkrande tumule vartamAne 
sainye bhagne lIyamAne kurUNAm . 
anIkAnAM pravibhAge.aprakAshe 
na GYAyante kuravo netare vA .. 42..\\
nirmaryAde vidrave ghorarUpe 
sarvA dishaH prekShamANAH sma shUnyAH . 
tA.n shastravR^iShTimurasA gAhamAnaM 
karNa.n chaikaM tatra rAjannapashyam .. 43..\\
tato bANairAvR^iNodantarikShaM 
divyAM mAyA.n yodhayanrAkShasasya . 
hrImAnkurvanduShkaramArya karma 
naivAmuhyatsa.nyuge sUtaputraH .. 44..\\
tato bhItAH samudaikShanta karNaM 
rAjansarve saindhavA bAhlikAsh cha . 
asaMmohaM pUjayanto.asya sa~Nkhye 
sampashyanto vijaya.n rAkShasasya .. 45..\\
tenotsR^iShTA chakrayuktA shataghnI 
sama.n sarvAMshchaturo.ashvA~njaghAna . 
te jAnubhirjagatIm anvapadyan 
gatAsavo nirdashanAkShi jihvAH .. 46..\\
tato hatAshvAdavaruhya vAhAd 
antarmanAH kuruShu prAdravatsu . 
divye chAstre mAyayA vadhyamAne 
naimAmuhyachchintayanprAptakAlam .. 47..\\
tato.abruvankuravaH sarva eva 
karNa.n dR^iShTvA ghorarUpAM cha mAyAm . 
shaktyA rakSho jahi karNAdya tUrNaM 
nashyantyete kuravo dhArtarAShTrAH .. 48..\\
kariShyataH ki.n cha no bhIma pArthau 
patantamena.n jahi rakSho nishIthe . 
yo naH sa~NgrAmAdghorarUpAdvimuchyet 
sa naH pArthAnsamare yodhayeta .. 49..\\
tasmAdena.n rAkShasa.n ghorarUpaM 
jahi shaktyA dattayA vAsavena . 
mA kauravAH sarva evendra kalpA 
rAtrI mukhe karNa neshuH sa yodhAH .. 50..\\
sa vadhyamAno rakShasA vai nishIthe 
dR^iShTvA rAjannashyamAnaM bala.n cha . 
mahachcha shrutvA ninada.n kauravANAM 
mati.n dadhre shaktimokShAya karNaH .. 51..\\
sa vai kruddhaH si.nha ivAtyamarShI 
nAmarShayatpratighAta.n raNe tam . 
shakti.n shreShThAM vaijayantImasahyAM 
samAdade tasya vadha.n chikIrShan .. 52..\\
yAsau rAjannihitA varShapUgAn 
vadhAyAjau satkR^itA phalgunasya . 
yA.n vai prAdAtsUtaputrAya shakraH 
shakti.n shreShThA.n kuNDalAbhyAM nimAya .. 53..\\
tA.n vai shaktiM lelihAnAM pradIptAM 
pAshairyuktAmantakasyeva rAtrim . 
mR^ityoH svasAra.n jvalitAmivolkAM 
vaikartanaH prAhiNodrAkShasAya .. 54..\\
tAmuttamAM parakAyApahantrIM 
dR^iShTvA sauterbAhusa.nsthA.n jvalantIm . 
bhIta.n rakSho vipradudrAva rAjan 
kR^itvAtmAna.n vindhyapAdapramANam .. 55..\\
dR^iShTvA shakti.n karNa bAhvantarasthAM 
nedurbhUtAnyantarikShe narendra . 
vavurtAvAstumulAshchApi rAjan 
sa nirghAtA chAshAnirgA.n jagAma .. 56..\\
sA tAM mAyAM bhasmakR^itvA jvalantI 
bhittvA gADha.n hR^idayaM rAkShasasya . 
Urdhva.n yayau dIpyamAnA nishAyAM 
nakShatrANAmantarANyAvishantI .. 57..\\
yuddhvA chitrairvividhaiH shastrapUgair 
divyairvIro mAnuShai rAkShasaish cha . 
nadannAdAnvividhAnbhairavAMsh cha 
prANAniShTA.nstyAjitaH shakra shaktyA .. 58..\\
ida.n chAnyachchitramAshcharyarUpaM 
chakArAsau karma shatrukShayAya . 
tasminkAle shaktinirbhinna marmA 
babhau rAjanmeghashailaprakAshaH .. 59..\\
tato.antarikShAdapatadgatAsuH 
sa rAkShasendro bhuvi bhinnadehaH . 
avAkshirAH stabdhagAtro vijihvo 
ghaTotkacho mahadAsthAya rUpam .. 60..\\
sa tadrUpaM bhairavaM bhImakarmA 
bhIma.n kR^itvA bhaimaseniH papAta . 
hato.apyeva.n tava sainyekadesham 
apothayatkauravAnbhIShayANaH .. 61..\\
tato mishrAH prANadansi.nhanAdair 
bheryaH sha~NkhA murajAshchAnakAsh cha . 
dagdhAM mAyAM nihata.n rAkShasa.n cha 
dR^iShTvA hR^iShTAH prANadankauraveyAH .. 62..\\
tataH karNaH kurubhiH pUjyamAno 
yathA shakro vR^itravadhe marudbhiH . 
anvArUDhastava putra.n rathasyaM 
hR^iShTashchApi prAvishatsva.n sa sainyam .. 63..\\
\medskip\hrule\medskip\centerline{\Largedvng 155}
 s

haiDimbaM nihata.n dR^iShTvA vikIrNamiva parvatam . 
pANDavA dInamanasaH sarve bAShpAkulekShaNAH .. 1..\\
vAsudevastu harSheNa mahatAbhipariplutaH . 
nanAda si.nhavannAda.n vyathayanniva bhArata . 
vinadya cha mahAnAdaM paryaShvajata phalgunam .. 2..\\
sa vinadya mahAnAdamabhIshUnsaMniyamya cha . 
nanarta harShasa.nvIto vAtoddhUta iva drumaH .. 3..\\
tato vinirbhrAmya punaH pArthamAsphoTya chAsakR^it . 
rathopastha gato bhImaM prANadatpunarachyutaH .. 4..\\
prahR^iShTamanasa.n GYAtvA vAsudevaM mahAbalam . 
abravIdarjuno rAjannAtihR^iShTamanA iva .. 5..\\
atiharSho.ayamasthAne tavAdya madhusUdana . 
shokasthAne pare prApte haiDimbasya vadhena vai .. 6..\\
vimukhAni cha sainyAni hata.n dR^iShTvA ghaTotkacham . 
vaya.n cha bhR^ishamAvignA haiDimbasya nipAtanAt .. 7..\\
naitatkAraNamalpa.n hi bhaviShyati janArdana . 
tadadya sha.nsa me pR^iShTaH satya.n satyavatAM vara .. 8..\\
yadyetanna rahasya.n te vaktumarhasyarindama . 
dhairyasya vaikR^itaM brUhi tvamadya madhusUdana .. 9..\\
samudrasyeva sa~NkShobho meroriva visarpaNam . 
tathaitallAghavaM manye tava karma janArdana .. 10..\\

 vaasu

atiharShamimaM prApta.n shR^iNu me tva.n dhana~njaya . 
atIva manasaH sadyaH prasAdakaramuttamam .. 11..\\
shakti.n ghaTotkachenemA.n vya.nsayitvA mahAdyute . 
karNaM nihatamevAjau viddhi sadyo dhana~njaya .. 12..\\
shaktihastaM punaH karNa.n ko loke.asti pumAniha . 
ya enamabhitastiShThetkArttikeyamivAhave .. 13..\\
diShTyApanIta kavacho diShTyApahR^ita kuNDalaH . 
diShTyA cha vya.nsitA shaktiramoghasya ghaTotkache .. 14..\\
yadi hi styAtsa kavachastathaiva cha sakuNDalaH . 
sAmarAnapi lokA.nstrInekaH karNo jayedbalI .. 15..\\
vAsavo vA kubero vA varuNo vA jaleshvaraH . 
yamo vA notsahetkarNa.n raNe pratisamAsitum .. 16..\\
gANDIvamAyamya bhavAMshchakra.n vAhaM sudarshanam . 
na shaktau svo raNe jetu.n tathAyuktaM nararShabham .. 17..\\
tvaddhitArtha.n tu shakreNa mAyayA hR^itakuNDalaH . 
vihInakavachashchAya.n kR^itaH parapura~njayaH .. 18..\\
utkR^itya kavacha.n yasmAtkuNDale vimale cha te . 
prAdAchchhakrAya karNo vai tena vaikartanaH smR^itaH .. 19..\\
AshIviSha iva kruddhaH stambhito mantratejasA . 
tathAdya bhAti karNo me shAntajvAla ivAnalaH .. 20..\\
yadA prabhR^iti karNAya shaktirdattA mahAtmanA . 
vAsavena mahAbAho prAptA yAsau ghaTotkache .. 21..\\
kuNDalAbhyAM nimAyAtha divyena kavachena cha . 
tAM prApyAmanyata vR^iShA satata.n tvA.n hataM raNe .. 22..\\
eva~Ngate.api shakyo.aya.n hantuM nAnyena kena chit . 
R^ite tvA puruShavyAghra shape satyena chAnagha .. 23..\\
brahmaNyaH satyavAdI cha tapasvI niyatavrataH . 
ripuShvapi dayAvAMshcha tasmAtkarNo vR^iShA smR^ipaH .. 24..\\
yuddhashauNDo mahAbAhurnityodyata sharAsanaH . 
kesarIva vane mardanmattamAta~NgayUthapAn . 
vimadAnrathashArdUlAnkurute raNamUrdhani .. 25..\\
madhya.n gata ivAdityo yo na shakyo nirIkShitum . 
tvadIyaiH puruShavyAghra yodhamukhyairmahAtmabhiH . 
sharajAlasahasrAMshuH sharadIva divAkaraH .. 26..\\
tapAnte toyado yadvachchharadhArAH kSharatyasau . 
divyAstrajaladaH karNaH parjanya iva vR^iShTimAn . 
so.adya mAnuShatAM prApto vimuktaH shakradattayA .. 27..\\
eko hi yogo.asya bhavedvadhAya 
chhidre hyena.n svapramattaH pramattam . 
kR^ichchhraprApta.n rathachakre nimagne 
hanyAH pUrva.n tvaM tu sa~nj~nA.n vichArya .. 28..\\
jarAsandhashchedirAjo mahAtmA 
mahAbalashchaikalabyo niShAdaH . 
ekaikasho nihatAH sarva eva 
yogaistaistaistvaddhitArthaM mayaiva .. 29..\\
athApare nihatA rAkShasendrA 
hiDimbakirmIrabakapradhAnAH . 
alAyudhaH parasainyAvamardI 
ghaTotkachashchograkarmA tarasvI .. 30..\\
\medskip\hrule\medskip\centerline{\Largedvng 156}
 arj

kathamasmaddhitArtha.n te kaishcha yogairjanArdana . 
jarAsandhaprabhR^itayo ghAtitAH pR^ithivIShvarAH .. 1..\\

 vaasu

jarA sa~NghashchedirAjo naiShAdishcha mahAbalaH . 
yadi syurna hatAH pUrvamidAnI.n syurbhaya~NkarAH .. 2..\\
suyodhanastAnapashya.n kR^iShuyAdrathasattamAn . 
te.asmAbhirnityasanduShTAH saMshrayeyushcha kauravAn .. 3..\\
te hi vIrA mahAtmAnaH kR^itAstrA dR^iDhayodhinaH . 
dhArtarAShTrI.n chamUM kR^itsnA.n rakSheyuramarA iva .. 4..\\
sUtaputro jarAsandhashchedirAjo niShAdajaH . 
suyodhana.n samAshritya pateranpR^ithivImimAm .. 5..\\
yogairapi hatA yaiste tAnme shR^iNu dhana~njaya . 
ajayyA hi vinA yogairmR^idhe te daivatairapi .. 6..\\
ekaiko hi pR^ithakteShA.n samastAM suravAhinIm . 
yodhayetsamare pArtha lokapAlAbhirakShitAm .. 7..\\
jarAsandho hi ruShito rauhiNeya pradharShitaH . 
asmadvadhArtha.n chikShepa gadA.n vai lohitA mukhIm .. 8..\\
sImantamiva kurvANAM nabhasaH pAvakaprabhAm . 
vyadR^ishyatApatantI sA shakra muktA yathAshaniH .. 9..\\
tAmApatantI.n dR^iShTvaiva gadA.n rohiNinandanaH . 
pratighAtArthamastra.n vai sthUNAkarNamavAsR^ijat .. 10..\\
astravegapratihatA sA gadA prApatadbhuvi . 
dArayantI dharA.n devIM kampayantIva parvatAn .. 11..\\
tatra sma rAkShasI ghorA jarA nAmAshu vikramA . 
sandhayAmAsa ta.n jAtaM jarAlsandhamarindamam .. 12..\\
dvAbhyA.n jAto hi mAtR^ibhyAmardhadehaH pR^ithakpR^ithak . 
tayA sa sandhito yasmAjjarAsandhastataH smR^itaH .. 13..\\
sA tu bhUmigatA pArtha hatA sa sutabAndhavA . 
gadayA tena chAstreNa sthUNAkarNena rAkShasI .. 14..\\
vinA bhUtaH sagadayA jarAsandho mahAmR^idhe . 
nihato bhImasenena pashyataste dhana~njaya .. 15..\\
yadi hi syAdgadApANirjarAsandhaH pratApavAn . 
sendrA devA na ta.n hantuM raNe shaktA narottama .. 16..\\
tvaddhitArtha.n hi naiShAdira~NguShThena viyojitaH . 
droNenAchAryaka.n kR^itvA chhadmanA satyavikramaH .. 17..\\
sa tu baddhA~Nguli trANo naiShAdirdR^iDhavikramaH . 
asyanneko vanacharo babhau rAma ivAparaH .. 18..\\
ekalabya.n hi sA~NguShThamashaktA devadAnavAH . 
sa rAkShasoragAH pArtha vijetu.n yudhi karhi chit .. 19..\\
kimu mAnuShamAtreNa shakyaH syAtprativIkShitum . 
dR^iDhamuShTiH kR^itI nityamasyamAno divAnisham .. 20..\\
tvaddhitArtha.n tu sa mayA hataH sa~NgrAmamUdhani . 
chedirAjashcha vikrAntaH pratyakShaM nihatastava .. 21..\\
sa chApyashakyaH sa~NgrAme jetu.n sarvaiH surAsuraiH . 
vadhArtha.n tasya jAto.ahamanyeShAM cha suradviShAm .. 22..\\
tvatsahAyo naravyAghra lokAnA.n hitakAmyayA . 
hiDimbabakakirmIrA bhImasenena pAtitAH . 
rAvaNena samaprANA brahma yaGYavinAshanAH .. 23..\\
hatastathaiva mAyAvI haiDimbenApyalAyudhaH . 
haiDimbashchApyupAyena shaktyA karNena ghAtitaH .. 24..\\
yadi hyenaM nAhaniShyatkarNaH shaktyA mahAmR^idhe . 
mayA vadhyo.abhaviShyatsa bhaimasenirghaTotkachaH .. 25..\\
mayA na nihataH pUrvameSha yuShpatpriyepsayA . 
eSha hi brAhmaNa dveShI yaGYadveShI cha rAkShasaH .. 26..\\
dharmasya loptA pApAtmA tasmAdeSha nipAtitaH . 
vya.nsitA chApyupAyena shakradattA mayAnagha .. 27..\\
ye hi dharmasya loptAro vadhyAste mama pANDava . 
dharmasa.nsthApanArtha.n hi pratiGYaiShA mamAvyayA .. 28..\\
brahmasatya.n damaH shauchaM dharmo hrIH shrIrdhR^itiH kShamA . 
yatra tatra rame nityamaha.n satyena te shape .. 29..\\
na viShAdastvayA kAryaH karma vaikartanaM prati . 
upadekShyAmyupAya.n te yena taM prasahiShyasi .. 30..\\
suyodhana.n chApi raNe haniShyati vR^ikodaraH . 
tasya chApi vadhopAya.n vakShyAmi tava pANDavaH .. 31..\\
vardhate tumulastveSha shabdaH parachamUM prati . 
vidravanti cha sainyAni tvadIyAni disho dasha .. 32..\\
labdhalakShyA hi kauravyA vidhamanti chamU.n tava . 
dahatyeSha cha vaH sainya.n droNaH praharatA.n varaH .. 33..\\
\medskip\hrule\medskip\centerline{\Largedvng 157}
 dhr

ekavIra vadhe moghA shaktiH sUtAtmaje yadA . 
kasmAtsarvAnsamutsR^ijya sa tAM pArthe na muktavAn .. 1..\\
tasminhate hatA hi syuH sarve pANDava sR^i~njayAH . 
ekavIra vadhe kasmAnna yuddhe jayamAdadhat .. 2..\\
AhUto na nivarteyamiti tasya mahAvratam . 
svayamAhvayitavyaH sasUtaputreNa phalgunaH .. 3..\\
tato dvairathamAnIya phalguna.n shakradattayA . 
na jaghAna vR^iShA kasmAttanmamAchakShva sa~njaya .. 4..\\
nUnaM buddhivihInashchApyasahAyashcha me sutaH . 
shatrubhirvyasitopAyaH kathaM nu sa jayedarIn .. 5..\\
yA hyasya paramA shaktirjayasya cha parAyaNam . 
sA shaktirvAsudevena vya.nsitAsya ghaTotkache .. 6..\\
kuNeryathA hastagata.n hriyedbilvaM balIyasA . 
tathA shaktiramoghA sA moghI bhUtA ghaTotkache .. 7..\\
yathA varAhasya shunash cha yudhyatos 
tayorabhAve shvapachasya lAbhaH . 
manye vidvanvAsudevasya tadvad 
yuddhe lAbhaH karNa haiDimbayorvai .. 8..\\
ghaTotkacho yadi hanyAddhi karNaM 
paro lAbhaH sa bhavetpANDavAnAm . 
vaikartano vA yadi taM nihanyAt 
tathApi kR^itya.n shaktinAshAtkR^itaM syAt .. 9..\\
iti prAGYaH praGYayaitadvichArya 
ghaTotkacha.n sUtaputreNa yuddhe . 
ayodhayadvAsudevo nR^isi.nhaH 
priya.n kurvanpANDavAnA.n hitaM cha .. 10..\\
etachchikIrShita.n GYAtvA karNe madhunihA nR^ipa . 
niyojayAmAsa tadA dvairathe rAkShaseshvaram .. 11..\\
ghaTotkachaM mahAvIryaM mahAbuddhirjanArdanaH . 
amoghAyA vighAtArtha.n rAjandurmantrite tava .. 12..\\
tadaiva kR^itakAryA hi vaya.n syAma kurUdvaha . 
na rakShedyadi kR^iShNastaM pArtha.n karNAnmahArathAt .. 13..\\
sAshvadhvajarathaH sa~Nkhye dhR^itarAShTra patedbhuvi . 
vinA janArdanaM pArtho yogAnAmIshvaraM prabhum .. 14..\\
taistairupAyairbahubhI rakShyamANaH sa pArthiva . 
jayatyabhimukhaH shatrUnpArthaH kR^iShNena pAlitaH .. 15..\\
sa visheSha.n tvamoghAyAH kR^iShNo.arakShata pANDavam . 
hanyAtkShiptA hi kaunteya.n shaktirvR^ikShamivAshaniH .. 16..\\

 dhr

virodhI cha kumantrI cha prAGYamAnI mamAtmajaH . 
yasyaiSha samatikrAnto vadhopAyo jayaM prati .. 17..\\
tavApi samatikrAntametadgAvalgaNe katham . 
etamarthaM mahAbuddhe yattvayA nAvabodhitaH .. 18..\\

 s

duryodhanasya shakunermama duHshAsanasya cha . 
rAtrau rAtrau bhavatyeShA nityameva samarthanA .. 19..\\
shvaH sarvasainyAnutsR^ijya jahi karNa dhana~njayam . 
preShyavatpANDupA~nchAlAnupabhokShyAmahe tataH .. 20..\\
atha vA nihate pArthe pANDuShvanyatama.n tataH . 
sthApayedyudhi vArShNeyastasmAtkR^iShNo nipAtyatAm .. 21..\\
kR^iShNo hi mUlaM pANDUnAM pArthaH skandha ivodgataH . 
shAkhA ivetare pArthAH pA~nchAlAH patrasa~nj~nitAH .. 22..\\
kR^iShNAshrayAH kR^iShNa balAH kR^iShNa nAthAshcha pANDavAH . 
kR^iShNaH parAyaNa.n chaiShAM jyotiShAmiva chandramAH .. 23..\\
tasmAtparNAni shAkhAshcha skandha.n chotsR^ijya sUtaja . 
kR^iShNaM nikR^indhi pANDUnAM mUla.n sarvatra sarvadA .. 24..\\
hanyAdyadi hi dAshArha.n karNo yAdavanandanam . 
kR^itsnA vasumatI rAjanvashe te syAnna saMshayaH .. 25..\\
yadi hi sa nihataH shayIta bhUmau 
yadukulapANDavanandano mahAtmA . 
nanu tava vasudhA narendra sarvA 
sa girisamudra vanA vasha.n vrajeta .. 26..\\
sA tu buddhiH kR^itApyeva.n jAgrati tridasheshvare . 
aprameye hR^iShIkeshe yuddhakAle vyamuhyata .. 27..\\
arjuna.n chApi kaunteya.n sadA rakShati keshavaH . 
na hyenamaichchhatpramukhe sauteH sthApayitu.n raNe .. 28..\\
anyAMshchAsmai rathodArAnupasthApayadachyutaH . 
amoghA.n tAM katha.n shaktiM moghAM kuryAm iti prabho .. 29..\\
tataH kR^iShNaM mahAbAhuH sAtyakiH satyavikramaH . 
paprachchha rathashArdUla karNaM prati mahAratham .. 30..\\
aya.n cha pratyayaH karNe shaktyA chAmitavikrama . 
kimartha.n sUtaputreNa na muktA phalgune tu sA .. 31..\\

 vaasu

duHShAsanashcha karNashcha shakunishcha sa saindhavaH . 
satataM mantrayanti sma duryodhana purogamAH .. 32..\\
karNa karNa maheShvAsa raNe.amitaparAkrama . 
nAnyasya shaktireShA te moktavyA jayatA.n vara .. 33..\\
R^ite mahArathAtpArthAtkuntIputrAddhana~njayAt . 
sa hi teShAmatiyashA devAnAmiva vAsavaH .. 34..\\
tasminvinihate sarve pANDavAH sR^i~njayaiH saha . 
bhaviShyanti gatAtmAnaH surA iva niragnayaH .. 35..\\
tatheti cha pratiGYAta.n karNena shinipu~Ngava . 
hR^idi nitya.n tu karNasya vadho gANDIvadhanvanaH .. 36..\\
ahameva tu rAdheyaM mohayAmi yudhA.n vara . 
yato nAvasR^ijachchhaktiM pANDave shvetavAhane .. 37..\\
phalgunasya hi tAM mR^ityumavagamya yuyutsataH . 
na nidrA na cha me harSho manaso.asti yudhA.n vara .. 38..\\
ghaTotkache vya.nsitA.n tu dR^iShTvA tA.n shinipu~Ngava . 
mR^ityorAsyAntarAnmuktaM pashyAmyadya dhana~njayam .. 39..\\
na pitA na cha me mAtA na yUyaM bhrAtarastathA . 
na cha prANAstathA rakShyA yathA bIbhatsurAhave .. 40..\\
trailokyarAjyAdyatki.n chidbhavedanyatsudurlabham . 
nechchheya.n sAtvatAha.n tadvinA pArthaM dhana~njayam .. 41..\\
ataH praharShaH sumahAnyuyudhAnAdya me.abhavat . 
mR^itaM pratyAgatamiva dR^iShTvA pArtha.n dhana~njayam .. 42..\\
atashcha prahito yuddhe mayA karNAya rAkShasaH . 
na hyanyaH samare rAtrau shaktaH karNaM prabAdhitum .. 43..\\

 s

iti sAtyakaye prAha tadA devakinandanaH . 
dhana~njaya hite yuktastatpriye satata.n rataH .. 44..\\
\medskip\hrule\medskip\centerline{\Largedvng 158}
 dhr

karNaduryodhanAdInA.n shakuneH saubalasya cha . 
apanItaM mahattAta tava chaiva visheShataH .. 1..\\
yadAjAnIta tA.n shaktimekaghnIM satataM raNe . 
anivAryAmasahyA.n cha devairapi sa vAsavaiH .. 2..\\
sA kimarthaM na karNena pravR^itte samare purA . 
na devakI sute muktA phalgune vApi sa~njaya .. 3..\\

 s

sa~NgrAmAdvinivR^ittAnA.n sarveShAM yo vishAM pate . 
rAtrau kuru kulashreShTha mantro.aya.n samajAyata .. 4..\\
prabhAtamAtre shvobhUte keshavAyArjunAya vA . 
shaktireSha vimoktavyA karNa karNeti nityashaH .. 5..\\
tataH prabhAtasamaye rAjankarNasya daivataiH . 
anyeShA.n chaiva yodhAnA.n sA buddhirnashyate punaH .. 6..\\
daivameva paraM manye yatkarNo hastasa.nsthayA . 
na jaghAna raNe pArtha.n kR^iShaN.n vA devakI sutam .. 7..\\
tasya hastisthitA shaktiH kAlarAtririvodyatA . 
daivopahatabuddhitvAnna tA.n karNo vimuktavAn .. 8..\\
kR^iShNe vA devakIputre mohito deva mAyayA . 
pArthe vA shakra kalpe vai vadhArtha.n vAsavI prabho .. 9..\\

 dhr

daivenaiva hatA yUya.n svabuddhyA keshavasya cha . 
gatA hi vAsavI hatvA tR^iNabhUta.n ghaTotkacham .. 10..\\
karNashcha mama putrAshcha sarve chAnye cha pArthivAH . 
anena duShpraNItena gatA vaivasvatakShayam .. 11..\\
bhUya eva tu me sha.nsa yathA yuddhamavartata . 
kurUNAM pANDavAnA.n cha haiDimbe nihate tadA .. 12..\\
ye cha te.abhyadravandroNa.n vyADhAnIkAH prahAriNaH . 
sR^i~njayAH saha pA~nchAlaiste.apyakurvankatha.n raNam .. 13..\\
saumadattervadhAddroNamAyasta.n saidhavasya cha . 
amarShAjjIvita.n tyaktvA gAhamAna.n varUthinIm .. 14..\\
jR^imbhamANamiva vyAghra.n vyAttAnanamivAntakam . 
kathaM pratyudyayurdroNamasyantaM pANDusR^i~njayAH .. 15..\\
AchArya.n ye cha te.arakShanduryodhana purogamAH . 
drauNikarNakR^ipAstAta te.apyakurvankimAhave .. 16..\\
bhAradvAja.n jighA.nsantau savyasAchi vR^ikodarau . 
samArchhanmAmakA yuddhe katha.n sa~njaya sha.nsa me .. 17..\\
sindhurAjavadheneme ghaTotkacha vadhena te . 
amarShitAH susa~NkruddhA raNa.n chakruH kathaM nishi .. 18..\\

 s

hate ghaTotkache rAjankarNena nishi rAkShase . 
praNadatsu cha hR^iShTeShu tAvakeShu yuyutsuShu .. 19..\\
Apatatsu cha vegena vadhyamAne bale.api cha . 
vigADhAyA.n rajanyA.n cha rAjA dainyaM paraM gataH .. 20..\\
abravIchcha mahAbAhurbhImasenaM parantapaH . 
AvAraya mahAbAho dhArtarAShTrasya vAhinIm . 
haiDimbasyAbhighAtena moho mAmAvishanmahAn .. 21..\\
evaM bhIma.n samAdishya svarathe samupAvishat . 
ashrupUrNamukho rAjA niHshvasaMshcha punaH punaH . 
kashmalaM prAvishadghora.n dR^iShTvA karNasya vikramam .. 22..\\
ta.n tathA vyathitaM dR^iShTvA kR^iShNo vachanamabravIt . 
mA vyathA.n kuru kaunteya naitattvayyupapadyate . 
vaiklavyaM bharatashreShTha yathA prAkR^itapUruShe .. 23..\\
uttiShTha rAjanyudhyasva vaha gurvI.n dhura.n vibho . 
tvayi vaiklavyamApanno saMshayo vijaye bhavet .. 24..\\
shrutvA kR^iShNasya vachana.n dharmarAjo yudhiShThiraH . 
vimR^ijya netre pANibhyA.n kR^iShNa.n vachanamabravIt .. 25..\\
viditA te mahAbAho dharmANAM paramA gatiH . 
brahmahatyA phala.n tasya yaH kR^itaM nAvabudhyate .. 26..\\
asmAka.n hi vanasthAnAM haiDimbena mahAtmanA . 
balenApi satA tena kR^ita.n sAhya.n janArdana .. 27..\\
astrahetorgata.n GYAtvA pANDavaM shvetavAhanam . 
asau kR^iShNa maheShvAsaH kAmyake mAmupasthitaH . 
uShitashcha sahAsmAbhiryAvannAsIddhana~njayaH .. 28..\\
gandhamAdana yAtrAyA.n durgebhyashcha sma tAritAH . 
pA~nchAlI cha parishrAntA pR^iShThenoDhA mahAtmanA .. 29..\\
ArambhAchchaiva yuddhAnA.n yadeSha kR^itavAnprabho . 
madartha.n duShkaraM karmakR^itaM tena mahAtmanA .. 30..\\
svabhAvAdyA cha me prItiH sahadeve janArdana . 
saiva me dviguNA prItI rAkShasendre ghaTotkache .. 31..\\
bhaktashcha me mahAbAhuH priyo.asyAhaM priyash cha me . 
yena vindAmi vArShNeya kashmala.n shokatApitaH .. 32..\\
pashya sainyAni vArShNeya drAvyamANAni kauravaiH . 
droNakarNau cha sa.nyattau pashya yuddhe mahArathau .. 33..\\
nishIthe pANDava.n sainyamAbhyAM pashya pramarditam . 
gajAbhyAmiva mattAbhyA.n yathA naDavanaM mahat .. 34..\\
anAdR^itya balaM bAhvorbhImasenasya mAdhava . 
chitrAstratA.n cha pArthasya vikramante sma kauravAH .. 35..\\
eSha droNashcha karNashcha rAjA chaiva suyodhanaH . 
nihatya rAkShasa.n yuddhe hR^iShTA nardanti sa.nyuge .. 36..\\
kathamasmAsu jIvatsu tvayi chaiva janArdana . 
haiDimbaH prAptavAnmR^ityu.n sUtaputreNa sa~NgataH .. 37..\\
kadarthI kR^ityanaH sarvAnpashyataH savyasAchinaH . 
nihato rAkShasaH kR^iShNa bhaimasenirmahAbalaH .. 38..\\
yadAbhimanyurnihato dhArtarAShTrairdurAtmabhiH . 
nAsIttatra raNe kR^iShNa savyasAchI mahArathaH .. 39..\\
niruddhAshcha vaya.n sarve saindhavena durAtmanA . 
nimittamabhavaddroNaH saputrastatra karmaNi .. 40..\\
upadiShTo vadhopAyaH karNasya guruNA svayam . 
vyAyachchhatashcha khaDgena dvidhA khaDga.n chakAra ha .. 41..\\
vyasane vartamAnasya kR^itavarmA nR^isha.nsavat . 
ashvA~njaghAna sahasA tathobhau pArShNisArathI . 
tathetare maheShvAsAH saubhadra.n yudhyapAtayan .. 42..\\
alpe cha kAraNe kR^iShNe hato gANDIvadhanvanA . 
saindhavo yAdava shreShTha tachcha nAtipriyaM mama .. 43..\\
yadi shatruvadhe nyAyyo bhavetkartu.n cha pANDavaiH . 
droNakarNau raNe pUrva.n hantavyAviti me matiH .. 44..\\
etau mUla.n hi duHkhAnAmasmAkaM puruSharShabha . 
etau raNe samAsAdya parAshvastaH suyodhanaH .. 45..\\
yatra vadhyo bhaveddroNaH sUtaputrashcha sAnugaH . 
tatrAvadhInmahAbAhuH saindhava.n dUravAsinam .. 46..\\
avashya.n tu mayA kAryaH sUtaputrasya nigrahaH . 
tato yAsyAmyaha.n vIra svaya.n karNa jighA.nsayA . 
bhImaseno mahAbAhurdroNAnIkena sa~NgataH .. 47..\\
evamuktvA yayau tUrNa.n tvaramANo yudhiShThiraH . 
sa visphArya mahachchApa.n sha~NkhaM pradhmApya bhairavam .. 48..\\
tato rathasahasreNa gajAnA.n cha shataistribhiH . 
vAjibhiH pa~ncha sAhasraistrisAhasraiH prabhadrakaiH . 
vR^itaH shikhaNDI tvarito rAjAnaM pR^iShThato.anvayAt .. 49..\\
tato bherIH samAjaghnuH sha~NkhAndadhmushcha daMshitAH . 
pA~nchAlAH pANDavAshchaiva yudhiShThirapurogamAH .. 50..\\
tato.abravInmahAbAhurvAsudevo dhana~njayam . 
eSha prayAti tvarito krodhAviShTo yudhiShThiraH . 
jighA.nsuH sUtaputrasya tasyopekShA na yujyate .. 51..\\
evamuktvA hR^iShIkeshaH shIghramashvAnachodayat . 
dUra.n cha yAtma rAjAnamanvagachchhajjanArdanaH .. 52..\\
ta.n dR^iShTvA sahasA yAnta.n sUtaputra jighA.nsayA . 
shokopahatasa~Nkalpa.n dahyamAnamivAgninA . 
abhigamyAbravIdvyAso dharmaputra.n yudhiShThiram .. 53..\\
karNamAsAdya sa~NgrAme diShTyA jIvati phalgunaH . 
savyasAchi vadhAkA~NkShI shakti.n rakShitavAnhi saH .. 54..\\
na chAgAdvairatha.n jiShNurdiShTyA taM bharatarShabha . 
sR^ijetA.n spardhinAvetau divyAnyastrANi sarvashaH .. 55..\\
vadhyamAneShu chAstreShu pIDitaH sUtanandanaH . 
vAsavI.n samare shakti.n dhruvaM mu~nchedyudhiShThira .. 56..\\
tato bhavette vyasana.n ghoraM bharatasattama . 
diShTyA rakSho hata.n yuddhe sUtaputreNa mAnada .. 57..\\
vAsavI.n kAraNaM kR^itvA kAlenApahato hyasau . 
tavaiva kAraNAdrakSho nihata.n tAta sa.nyuge .. 58..\\
mA krudho bharatashreShTha mA cha shoke manaH kR^ithAH . 
prANinAmiha sarveShAmeShA niShThA yudhiShThira .. 59..\\
bhrAtR^ibhiH sahitaH sarvaiH pArthivaishcha mahAtmabhiH . 
kauravAnsamare rAjannabhiyudhyasva bhArata . 
pa~nchame divase chaiva pR^ithivI te bhaviShyati .. 60..\\
nitya.n cha puruShavyAghra dharmameva vichintaya . 
AnR^isha.nsya.n tapo dAnaM kShamA.n satyaM cha pANDava .. 61..\\
sevethAH paramaprIto yato dharmastato jayaH . 
ityuktvA pANDava.n vyAsattatraivAntaradhIyata .. 62..\\
\medskip\hrule\medskip\centerline{\Largedvng 159}
 s

ghaTotkache tu nihate sUtaputreNa tAM nishAm . 
duHkhAmarSha vashaM prApto dharmaputro yudhiShThiraH .. 1..\\
dR^iShTva bhImena mahatI.n vAryamANA.n chamUM tava . 
dhR^iShTadyumnamuvAcheda.n kumbhayoniM nivAraya .. 2..\\
tva.n hi droNa vinAshAya samutpanno hutAshanAt . 
sa sharaH kavachI khaDgI dhanvI cha paratApanaH . 
abhidrava raNe hR^iShTo na cha te bhIH katha.n chana .. 3..\\
janamejayaH shikhaNDI cha daurmukhishcha yasho dhanaH . 
abhidravantu sa.nhR^iShTAH kumbhayoni.n samantatAH .. 4..\\
nakulaH sahadevashcha draupadeyAH prabhadrakAH . 
drupadashcha virATashcha putrabhrAtR^isamanvitau .. 5..\\
sAtyakiH kekayAshchaiva pANDavashcha dhana~njayaH . 
abhidravantu vegena bhAradvAja vadhepsayA .. 6..\\
tathaiva rathinaH sarve hastyashva.n yachcha ki.n chana . 
pAdAtAshcha raNe droNaM prApayantu mahAratham .. 7..\\
tathAGYaptAstu te sarve pANDavena mahAtmanA . 
abhyadravanta vegena kumbhayoni.n yuyutsayA .. 8..\\
AgachchhatastAnsahasA sarvodyogena pANDavAn . 
pratijagrAha samare droNaH shastrabhR^itA.n varaH .. 9..\\
tato duryodhano rAjA sarvodyogena pANDavAn . 
abhyadravatsusa~Nkruddha ichchhandroNasya jIvitam .. 10..\\
tataH pravavR^ite yuddha.n shrAntavAhana sainikam . 
pANDavAnA.n kurUNAM cha garjatAm itaretaram .. 11..\\
nidrAndhAste mahArAja parishrAntAshcha sa.nyuge . 
nAbhyapadyanta samare kA.n chichcheShTAM mahArathAH .. 12..\\
triyAmA rajanI chaiShA ghorarUpA bhayAnakA . 
sahasrayAma pratimA babhUva prANahAriNI . 
vadhyatA.n cha tathA teShAM kShatAnAM cha visheShataH .. 13..\\
ahorAtriH samAjaGYe nidrAndhAnA.n visheShataH . 
sarve hyAsannirutsAhAH kShatriyA dInachetasaH . 
tava chaiva pareShA.n cha gatAstrA vigateShavaH .. 14..\\
te tathA parayantashcha hrImantashcha visheShataH . 
svadharmamanupashyanto na jahursvAmanIkinIm .. 15..\\
shastrANyanye samutsR^ijya nidrAndhAH sherate janAH . 
gajeShvanye ratheShvanye hayeShvanye cha bhArata .. 16..\\
nidhrAndhA no bubudhire kA.n chichcheShTAM narAdhipAH . 
te.anyonya.n samare yodhAH preShayanta yamakShayam .. 17..\\
svapnAyamAnAstvapare parAniti vichetasaH . 
AtmAna.n samare jaghnu svAneva cha parAnapi .. 18..\\
nAnA vAcho vimu~nchanto nidrAndhAste mahAraNe . 
yoddhavyamiti tiShThanto nidrA sa.nsaktalochanAH .. 19..\\
saMmardyAnye raNe ke chinnidrAndhAsh cha parasparam . 
jaghnuH shUrA raNe rAja.nstasmi.nstamasi dAruNe .. 20..\\
hanyamAna.n tathAtmAnaM parebhyo bahavo janAH . 
nAbhyajAnanta samare nidrayA mohitA bhR^isham .. 21..\\
teShAmetAdR^ishI.n cheShTA.n viGYAya puruSharShabhaH . 
uvAcha vAkyaM bIbhatsuruchchaiH saMnAdayandishaH .. 22..\\
shrAntA bhavanto nidrAndhAH sarva eva sa vAsavAH . 
tamasA chAvR^ite sainye rajasA bahulena cha .. 23..\\
te yUya.n yadi manyadhvamupAramata sainikAH . 
nimIlayata chAtraiva raNabhUmau muhUrtakam .. 24..\\
tato vinidra vishrAntAshchandramasyudite punaH . 
sa.nsAdhayiShyathAnyonya.n svargAya kurupANDavAH .. 25..\\
tadvachaH sarvadharmaGYA dhArmikasya nishamya te . 
arochayanta sainyAni tathA chAnyonyamabruvan .. 26..\\
chukrushuH karNa karNeti rAjanduryodhaneti cha . 
upAramata pANDUnA.n viratA hi varUthinI .. 27..\\
tathA vikroshamAnasya phalgunasya tatastataH . 
upAramata pANDUnA.n senA tava cha bhArata .. 28..\\
tAmasya vAcha.n devAshcha R^iShayashcha mahAtmanaH . 
sarvasainyAni chAkShudrAH prahR^iShTAH patyapUjayan .. 29..\\
tatsampUjya vacho.akrUra.n sarvasainyAni bhArata . 
muhUtamasvapanrAja~nshrAntAni bharatarShabha .. 30..\\
sA tu samprApya vishrAma.n dhvajinI tava bhArata . 
sukhamAptavatI vIramarjunaM pratyapUjayat .. 31..\\
tvayi vedAstathAstrANi tvayi buddhiparAkramau . 
dharmastvayi mahAbAho dayA bhUteShu chAnagha .. 32..\\
yachchAshvastAstavechchhAmaH sharma pArtha tadastu te . 
manasashcha priyAnarthAnvIra kShipramavApnuhi .. 33..\\
iti te taM naravyAghraM prasha.nsanto mahArathAH . 
nidrayA samavAkShiptAstUShNImAsanvishAM pate .. 34..\\
ashvapR^iShTheShu chApyanye rathanIDeShu chApare . 
gajaskandhagatAshchAnye sherate chApare kShitau .. 35..\\
sAyudhAH sagadAshchaiva sa khaDgAH sa parashvadhAH . 
sa prAsakavachAshchAnye narAH suptAH pR^ithakpR^ithak .. 36..\\
gajAste pannagAbhogairhastairbhUreNu rUShitaiH . 
nidrAndhA vasudhA.n chakrurghrANaniHshvAsashItalAm .. 37..\\
gajAH shushubhire tatra niHshvasanto mahItale . 
vishIrNA girayo yadvanniHshvasadbhirmahoragaiH .. 38..\\
samA.n cha viShamAM chakruH khurAgrairvikShatAM mahIm . 
hayAH kA~nchanayoktrAshcha kesarAlambibhiryugaiH . 
suShupustatra rAjendra yuktA vAheShu sarvashaH .. 39..\\
tattathA nidrayA bhagnamavAchamasvapadbalam . 
kushalairiva vinyastaM paTe chitramivAdbhutam .. 40..\\
te kShatriyAH kuNDalino yuvAnaH 
paraspara.n sAyakavikShatA~NgAH . 
kumbheShu lInAH suShupurgajAnAM 
kucheShu lagnA iva kAminInAm .. 41..\\
tataH kumudanAthena kAminI gaNDapANDunA . 
netrAnandena chandreNa mAhendrI digala~NkR^itA .. 42..\\
tato muhUrtAdbhagavAnpurastAchchhashalakShaNaH . 
aruNa.n darshayAmAsa grasa~njyotiH prabhaM prabhuH .. 43..\\
aruNasya tu tasyAnu jAtarUpasamaprabham . 
rashmijAlaM mahachchandro mandaM mandamavAsR^ijat .. 44..\\
utsArayantaH prabhayA tamaste chandrarashmayaH . 
paryagachchha~nshanaiH sarvA dishaH kha.n cha kShitiM tathA .. 45..\\
tato muhUrtAdbhuvana.n jyotirbhUtamivAbhavat . 
aprakhyamaprakAsha.n cha jagAmAshu tamastathA .. 46..\\
pratiprakAshite loke divA bhUte nishAkare . 
vicherurna vicherushcha rAjannakta~ncarAstataH .. 47..\\
bodhyamAna.n tu tatsainya.n rAjaMshchandrasya rashmibhiH . 
bubudhe shatapatrANA.n vanaM mahadivAmbhasi .. 48..\\
yathA chandrodayodbhUtaH kShubhitaH sAgaro bhavet . 
tathA chandrodayodbhUtaH sa babhUva balArNavaH .. 49..\\
tataH pravavR^ite yuddhaM punareva vishAM pate . 
loke lokavinAshAya para.n lokamabhIpsatAm .. 50..\\
\medskip\hrule\medskip\centerline{\Largedvng 160}
 s

tato duryodhano droNamabhigamyedamabravIt . 
amarShavashamApanno janayanharShatejasI .. 1..\\
na marShaNIyAH sa~NgrAme vishramantaH shramAnvitAH . 
sapatnA glAna manaso labdhalakShyA visheShataH .. 2..\\
tattu marShitamasmAbhirbhavataH priyakAmyayA . 
ta ete parivishrAntAH pANDavA balavattarAH .. 3..\\
sarvathA parihInAH sma tejasA cha balena cha . 
bhavatA pAlyamAnAste vivardhante punaH punaH .. 4..\\
divyAnyastrANi sarvANi brahmAstrAdIni yAnyapi . 
tAni sarvANi tiShThanti bhavatyeva visheShataH .. 5..\\
na pANDaveyA na vayaM nAnye loke dhanurdharAH . 
yudhyamAnasya te tulyAH satyametadbravImi te .. 6..\\
sa surAsuragandharvAnimA.NllokAndvijottama . 
sarvAstravidbhavAnhanyAddivyairastrairna saMshayaH .. 7..\\
sa bhavAnmarShayatyenA.nstvatto bhItAnvisheShataH . 
shiShyatva.n vA puraskR^itya mama vA mandabhAgyatAm .. 8..\\
evamuddharShito droNaH kopitashchAtmajena te . 
sa manyurabravIdrAjanduryodhanamida.n vachaH .. 9..\\
sthaviraH sanpara.n shaktyA ghaTe duryodhanAhave . 
ataH paraM mayA kArya.n kShudra.n vijayagR^iddhinA . 
anastravidaya.n sarvo hantavyo.astravidA janaH .. 10..\\
yadbhavAnmanyate chApi shubha.n vA yadi vAshubham . 
tadvai kartAsmi kauravya vachanAttava nAnyathA .. 11..\\
nihatya sarvapA~nchAlAnyuddhe kR^itvA parAkramam . 
vimokShye kavacha.n rAjansatyenAyudhamAlabhe .. 12..\\
manyase yachcha kaunteyamarjuna.n shrAntamAhave . 
tasya vIryaM mahAbAho shR^iNu satyena kaurava .. 13..\\
taM na devA na gandharvA na yakShA na cha rAkShasAH . 
utsahante raNe soDhu.n kupita.n savyasAchinam .. 14..\\
khANDave yena bhagavAnpratyudyAtaH sureshvaraH . 
sAyakairvAritashchApi varShamANo mahAtmanA .. 15..\\
yakShA nAgAstathA daityA ye chAnye balagarvitAH . 
nihatAH puruShendreNa tachchApi vidita.n tava .. 16..\\
gandharvA ghoShayAtrAyA.n chitrasenAdayo jitAH . 
yUya.n tairhriyamANAshcha mokShitA dR^iDhadhanvinA .. 17..\\
nivAtakavachAshchApi devAnA.n shatravastathA . 
surairavadhyAH sa~NgrAme tena vIreNa nirjitAH .. 18..\\
dAnavAnA.n sahasrANi hiraNyapuravAsinAm . 
vijigye puruShavyAghraH sa shakyo mAnuShaiH katham .. 19..\\
pratyakSha.n chaiva te sarva.n yathAbalamidaM tava . 
kShapitaM pANDuputreNa cheShTatAM no vishAM pate .. 20..\\
ta.n tathAbhiprasha.nsantamarjunaM kupitastadA . 
droNa.n tava suto rAjanpunarevedamabravIt .. 21..\\
aha.n duHshAsanaH karNaH shakunirmAtulash cha me . 
haniShyAmo.arjuna.n sa~Nkhye dvaidhI kR^ityAdya bhAratIm .. 22..\\
tasya tadvachana.n shrutvA bhAradvAjo hasanniva . 
anvavartata rAjAna.n svasti te.astviti chAbravIt .. 23..\\
ko hi gANDIvadhanvAna.n jvalantamiva tejasA . 
akShaya.n kShapayetkashchitkShatriyaH kShatriyarShabham .. 24..\\
taM na vittapatirnendro na yamo na jaleshvaraH . 
nAsuroraga rakShA.nsi kShapayeyuH sahAyudham .. 25..\\
mUDhAstvetAni bhAShante yAnImAnyAttha bhArata . 
yuddhe hyarjunamAsAdya svastimAnko vrajedgR^ihAn .. 26..\\
tva.n tu sarvAtisha~NkitvAnniShThuraH pApanishchayaH . 
shreyasastvaddhite yuktA.nstattadvaktumihechchhasi .. 27..\\
gachchha tvamapi kaunteyamAtmArthebhyo hi mAchiram . 
tvamapyAsha.nsase yoddhu.n kulajaH kShatriyo hyasi .. 28..\\
imAnkiM pArthivAnsarvAnghAtayiShyasyanAgasaH . 
tvamasya mUla.n vairasya tasmAdAsAdayArjunam .. 29..\\
eSha te mAtulaH prAGYaH kShatradharmamanuvrataH . 
dUrdyUta devI gAndhAriH prayAtvarjunamAhave .. 30..\\
eSho.akShakushalo jihmo dyUtakR^itkitavaH shaThaH . 
devitA nikR^itipraGYo yudhi jeShyati pANDavAn .. 31..\\
tvayA kathitamatyanta.n karNena saha hR^iShTavat . 
asakR^ichchhUnyavanmohAdghR^itarAShTrasya shR^iNvataH .. 32..\\
aha.n cha tAta karNashcha bhrAtA duHshAsanash cha me . 
pANDuputrAnhaniShyAmaH sahitAH samare trayaH .. 33..\\
iti te katthamAnasya shruta.n sa.nsadi sa.nsadi . 
anutiShTha pratiGYA.n tA.n satyavAgbhava taiH saha .. 34..\\
eSha te pANDavaH shatruraviShahyo.agrataH sthitaH . 
kShatradharmamavekShasva shlAghyastava vadho jayAt .. 35..\\
dattaM bhuktamadhIta.n cha prAptamaishvaryamIpsitam . 
kR^itakR^ityo.anR^iNashchAsi mA bhairyudhyasva pANDavam .. 36..\\
ityuktvA samare droNo nyavartata yataH pare . 
dvaidhI kR^ityatataH senA.n yuddhaM samabhavattadA .. 37..\\
\medskip\hrule\medskip\centerline{\Largedvng 161}
 s

tribhAgamAtrasheShAyA.n rAtryAM yuddhamavartata . 
kurUNAM pANDavAnA.n cha sa.nhR^iShTAnA.n vishAM pate .. 1..\\
atha chandraprabhAM muShNannAdiyasya puraHsaraH . 
aruNo.abhyudayA.n chakre tAmrI kurvannivAmbaram .. 2..\\
tato dvaidhI kR^ite sainye droNaH somaka pANDavAn . 
abhyadravatsapA~nchAlAnduryodhana purogamaH .. 3..\\
dvaidhI bhUtAnkurUndR^iShTvA mAdhavo.arjunamabravIt . 
sapatnAnsavyataH kurmi savyasAchinnimAnkurUn .. 4..\\
sa mAdhavamanuGYAya kuruShveti dhana~njayaH . 
droNakarNau maheShvAsau savyataH paryavartata .. 5..\\
abhiprAya.n tu kR^iShNasya GYAtvA parapura~njayaH . 
AjishIrSha gata.n dR^iShTvA bhImasena.n samAsadat .. 6..\\

 bhm

arjunArjuna bIbhatso shR^iNu me tattvato vachaH . 
yadartha.n kShatriyA sUte tasya kAlo.ayamAgataH .. 7..\\
asmiMshchedAgato kAle shreyo na pratipatsyase . 
asambhAvita rUpaH sannAnR^isha.nsya.n kariShyasi .. 8..\\
satyashrI dharmayashasA.n vIryeNAnR^iNyamApnuhi . 
bhindhyanIka.n yudhAM shreShTha savyasAchinnimAnkuru .. 9..\\

 s

sa savyasAchI bhImena choditaH keshavena cha . 
karNa droNAvatikramya samantAtparyavArayat .. 10..\\
tamAjishIrShamAyAnta.n dahantaM kShatriyarShabhAn . 
parAkrAntaM parAkramya yatantaH kShatriyarShabhAH . 
nAshaknuvanvArayitu.n vardhamAnamivAnalam .. 11..\\
atha duryodhanaH karNaH shakunishchApi saubalaH . 
abhyavarSha~nsharavrAtaiH kuntIputra.n dhana~njayam .. 12..\\
teShAmastrANi sarveShAmuttamAstravidA.n varaH . 
kadarthI kR^ityarAjendra sharavarShairavAkirat .. 13..\\
astrairastrANi sa.nvArya laghuhasto dhana~njayaH . 
sarvAnavidhyannishitairdashabhirdashabhiH sharaiH .. 14..\\
uddhUtA rajaso vR^iShTi.n sharavR^iShTistathaiva cha . 
tamashcha ghora.n shabdashcha tadA samabhavanmahAn .. 15..\\
na dyaurna bhUmirna dishaH prAGYAyanta tathAgate . 
sainyena rajasA mUDha.n sarvamandhamivAbhavat .. 16..\\
naiva te na vaya.n rAjanpraGYAsiShma parasparam . 
uddeshena hi tena sma samayudhyanta pArthivAH .. 17..\\
virathA rathino rAjansamAsAdya parasparam . 
keSheshu samasajjanta kavacheShu bhujeShu cha .. 18..\\
hatAshvA hatasUtAshcha nishcheShTA rathinastadA . 
jIvanta iva tatra sma vyadR^ishyanta bhayArditAH .. 19..\\
hatAngajAnsamAshliShya parvatAniva vAjinaH . 
gatasattvA vyadR^ishyanta tathaiva saha sAdibhiH .. 20..\\
tatastvabhyavasR^ityaiva sa~NgrAmAduttarA.n disham . 
atiShThadAhave droNo vidhUma iva pAvakaH .. 21..\\
tamAjishIrShAdekAntamapakrAntaM nishAmya tu . 
samakampanta sainyAni pANDavAnA.n vishAM pate .. 22..\\
bhrAjamAna.n shriyA yukta.n jvalantamiva tejasA . 
droNa.n dR^iShTvArayastresushchelurmamlushcha mAriSha .. 23..\\
AhvayantaM parAnIkaM prabhinnamiva vAraNam . 
naina.n shasha.nsire jetu.n dAnavA vAsavaM yathA .. 24..\\
ke chidAsannirutsAhAH ke chitkruddhA manasvinaH . 
vistmitAshchAbhavanke chitke chidAsannamarShitAH .. 25..\\
hastairhastAgramapare pratyapiMShannarAdhipAH . 
apare dashanairoShThAnadashankrodhamUrchhitAH .. 26..\\
vyAkShipannAyudhAnanye mamR^idushchApare bhujAn . 
anye chAnvapatandroNa.n tyaktAtmAno mahaujasaH .. 27..\\
pA~nchAlAstu visheSheNa droNa sAyakapIDitAH . 
samasajjanta rAjendra samare bhR^ishavedanAH .. 28..\\
tato virATadrupadau droNaM pratiyayU raNe . 
tathA charanta.n sa~NgrAme bhR^ishaM samaradurjayam .. 29..\\
drupadasya tataH pautrAstraya eva vishAM pate . 
chedayashcha maheShvAsA droNamevAbhyayuryudhi .. 30..\\
teShA.n drupada pautrANAM trayANAM nishitaiH sharaiH . 
tribhirdroNo.aharatprANA.nste hatA nyapatanbhuvi .. 31..\\
tato droNo.ajayadyuddhe chedikekayasR^i~njayAn . 
matsyAMshchaivAjayatsarvAnbhAradvAjo mahArathaH .. 32..\\
tatastu drupadaH krodhAchchharavarShamavAkirat . 
droNaM prati mahArAja virATashchaiva sa.nyuge .. 33..\\
tato droNaH supItAbhyAM bhallAbhyAmarimardanaH . 
drupada.n cha virATaM cha praiShIdvaivastavakShayam .. 34..\\
hate virATe drupade kekayeShu tathaiva cha . 
tathaiva chedimatsyeShu pA~nchAleShu tathaiva cha .. 35..\\
hateShu triShu vIreShu drupadasya cha naptR^iShu . 
droNasya karma taddR^iShTvA kopaduHkhasamanvitaH .. 36..\\
shashApa rathinAM madhye dhR^iShTadyumno mahAmanAH . 
iShTApUrtAttathA kShAtrAdbrAhmaNyAchcha sa nashyatu . 
droNo yasyAdya muchyeta yo vA droNAtparA~NmukhaH .. 37..\\
iti teShAM pratishrutya madhye sarvadhanuShmatAm . 
AyAddroNa.n sahAnIkaH pA~nchAlyaH paravIrahA . 
pA~nchAlAstvekato droNamabhyaghnanpANDavAnyataH .. 38..\\
duryodhanashcha karNashcha shakunishchApi saubalaH . 
sodaryAshcha yathAmukhyAste.arakShandroNamAhave .. 39..\\
rakShyamANa.n tathA droNa.n samare tairmahAtmabhiH . 
yatamAnApi pA~nchAlA na shekuH prativIkShitum .. 40..\\
tatrAkrudhyadbhImaseno dhR^iShTadyumnasya mAriSha . 
sa ena.n vAgbhirugrAbhistatakSha puruSharShabha .. 41..\\
drupadasya kule jAtaH sarvAstreShvastravittamaH . 
kaH kShatriyo manyamAnaH prekShetArimavasthitam .. 42..\\
pitR^iputra vadhaM prApya pumAnkaH parihApayet . 
visheShatastu shapatha.n shapitvA rAjasa.nsadi .. 43..\\
eSha vaishvAnara iva samiddhaH svena tejasA . 
sharachApendhano droNaH kShatra.n dahati tejasA .. 44..\\
purA karoti niHsheShAM pANDavAnAmanIkinIm . 
sthitAH pashyata me karma droNameva vrajAmyaham .. 45..\\
ityuktvA prAvishatkruddho droNAnIka.n vR^ikodaraH . 
dR^iDhaiH pUrNAyatotsR^iShTairdrAvaya.nstava vAhinIm .. 46..\\
dhR^iShTadyumno.api pA~nchAlyaH pravishya mahatI.n chamUm . 
AsasAda raNe droNa.n tadAsIttumulaM mahat .. 47..\\
naiva nastAdR^isha.n yuddha.n dR^iShTapUrvaM na cha shrutam . 
yathA sUryodaye rAjansamutpi~njo.abhavanmahAn .. 48..\\
sa.nsaktAni vyadR^ishyanta rathavR^indAni mAriSha . 
hatAni cha vikIrNAni sharIrANi sharIriNAm .. 49..\\
ke chidanyatra gachchhantaH pathi chAnyairupadrutAH . 
vimukhAH pR^iShThatashchAnye tADyante pArthivo.apare .. 50..\\
tathA sa.nsaktayuddha.n tadabhavadbhR^ishadAruNam . 
ataH sandhyAgataH sUryaH kShaNena samapadyata .. 51..\\
\medskip\hrule\medskip\centerline{\Largedvng 162}
 s

te tathaiva mahArAja daMshitA raNamUrdhani . 
sandhyAgata.n sahasrAMshumAdityamupatasthire .. 1..\\
udite tu sahasrAMshau taptakA~nchanasaprabhe . 
prakAshiteShu lokeShu punaryuddhamavartata .. 2..\\
dvandvAni yAni tatrAsansa.nsaktAni purodayAt . 
tAnyevAbhyudite sUrye samasajjanta bhArata .. 3..\\
rathairhayA hayairnAgAH pAdAtAshchApi ku~njaraiH . 
hayA hayaiH samAjagmuH pAdAtAshcha padAtibhiH . 
sa.nsaktAshcha viyuktAshcha yodhAH saMnyapatanraNe .. 4..\\
te rAtrau kR^itakarmANaH shrAntAH sUryasya tejasA . 
kShutpipAsAparItA~NgA visa~nj~nA bahavo.abhavan .. 5..\\
sha~Nkhabheri mR^ida~NgAnA.n ku~njarANAM cha garjatAm . 
visphArita vikR^iShTAnA.n kArmukANAM cha kUjatAm .. 6..\\
shabdaH samabhavadrAjandivispR^igbharatarShabha . 
dravatA.n cha padAtInA.n shastrANAM vinipAtyatAm .. 7..\\
hayAnA.n heShatA.n chaiva rathAnAM cha nivartatAm . 
kroshatA.n garjatAM chaiva tadAsIttumulaM mahat .. 8..\\
vivR^iddhastumulaH shabdo dyAmagachchhanmahAsvanaH . 
nAnAyudha nikR^ittAnA.n cheShTatAmAturaH svanaH .. 9..\\
bhUmAvashrUyata mahA.nstadAsItkR^ipaNaM mahat . 
patatAM patitAnA.n cha pattyashvarathahastinAm .. 10..\\
teShu sarveShvanIkeShu vyatiShakteShvanekashaH . 
sve svA~njaghnuH pare svAMshcha sve parAMshcha parAnpare .. 11..\\
vIrabAhuvisR^iShTAshcha yodheShu cha gajeShu cha . 
asayaH pratyadR^ishyanta vAsasAM nejaneShviva .. 12..\\
udyatapratipiShTAnA.n khaDgAnA.n vIrabAhubhiH . 
sa eva shabdastadrUpo vAsasAM nijyatAm iva .. 13..\\
ardhAsibhistathA khaDgaistomaraiH saparashvadhaiH . 
nikR^iShTa yuddha.n sa.nsaktaM mahadAsItsudAruNam .. 14..\\
gajAsha kAyaprabhavAM naradeva pravAhinIm . 
shastramatsya susampUrNAM mA.nsashoNitakardamAm .. 15..\\
ArtanAdasvanavatIM patAkAvastraphenilAm . 
nadIM prAvartayanvIrAH paralokapravAhinIm .. 16..\\
sharashaktyarditAH klAntA rAtrimUDhAlpa chetasaH . 
viShTabhya sarga gAtrANi vyatiShThangajavAjinaH . 
saMshukShka vadanA vIrAH shirobhishchArukuNDalaiH .. 17..\\
yuddhopakaraNaishchAnyairatra tatra prakAshitaiH . 
kravyAdasa~NghairAkIrNaM mR^itairardhamR^itairapi . 
nAsIdrathapathastatra sarvamAyodhanaM prati .. 18..\\
majjatsu chakreShu rathAnsattvamAsthAya vAjinaH . 
katha.n chidavaha~nshrAntA vepamAnAH sharArditAH . 
kulasattvabalopetA vAjino vAraNopamAH .. 19..\\
vihvala.n tatsamudbhrAnta.n sa bhayaM bhAratAturam . 
balamAsIttadA sarvamR^ite droNArjunAvubhau .. 20..\\
tAvevAstAM nilayana.n tAvArtAyanameva cha . 
tAvevAnye samAsAdya jagmurvaivastavakShayam .. 21..\\
Avighnamabhavatsarva.n kauravANAM mahadbalam . 
pA~nchAlAnA.n cha sa.nsaktaM na prAGYAyata kiM chana .. 22..\\
antakAkrIDa sadR^ishe bhIrUNAM bhayavardhane . 
pR^ithivyA.n rAjavaMshAnAmutthite mahati kShaye .. 23..\\
na tatra karNaM na droNaM nArjunaM na yudhiShThiram . 
na bhImasenaM na yamau na pA~nchAlyaM na sAtyakim .. 24..\\
na cha duHshAsana.n drauNiM na duryodhana saubalau . 
na kR^ipaM madrarAja.n vA kR^itavarmANameva cha .. 25..\\
na chAnyAnnaiva chAtmAnaM na kShitiM na dishastathA . 
pashyAma rAjansa.nsaktAnsainyena rajasAvR^itAn .. 26..\\
sambhrAnte tumule ghore rajo medhe samutthite . 
dvitIyAmiva samprAptAmamanyanta nishA.n tadA .. 27..\\
na GYAyante kauraveyA na pA~nchAlA na pANDavAH . 
na disho na divaM norvIM na sama.n viShama.n tathA .. 28..\\
hastasa.nsparshamApannAnparAnvApyatha vA svakAn . 
nyapAtaya.nstadA yuddhe narAH sma vijayaiShiNaH .. 29..\\
uddhUtatvAttu rajasaH prasekAchchhoNitasya cha . 
prashashAma rajo bhauma.n shIghratvAdanilasya cha .. 30..\\
tatra nAgA hayA yodhA rathino.atha padAtayaH . 
pArijAta vanAnIva vyarochanrudhirokShitAH .. 31..\\
tato duryodhanaH karNo droNo duHshAsanastathA . 
pANDavaiH samasajjanta chaturbhishchaturo rathAH .. 32..\\
duryodhanaH saha bhrAtrA yamAbhyA.n samasajjata . 
vR^ikodareNa rAdheyo bhAradvAjena chArjunaH .. 33..\\
tadghoraM mahadAshcharya.n sarve praikShansamantataH . 
ratharShabhANAmugrANA.n saMnipAtamamAnuSham .. 34..\\
rathamArgairvichitraishcha vichitrarathasa~Nkulam . 
apashyanrathino yuddha.n vichitra.n chitrayodhinAm .. 35..\\
yatamAnAH parAkrAntAH parasparajigIShavaH . 
jImUtA iva gharmAnte sharavarShairavAkiran .. 36..\\
te rathAnsUryasa~NkAshAnAsthitAH puruSharShabhAH . 
ashobhanta yathA meghAH shAradAH samupasthitAH .. 37..\\
spardhinaste maheShvAsAH kR^itayatnA dhanurdharAH . 
abhyagachchha.nstathAnyonyaM mattA gajavR^iShA iva .. 38..\\
na nUna.n dehabhedo.asti kAle tasminsamAgate . 
yatra sarve na yugapadvyashIryanta mahArathAH .. 39..\\
bAhubhishcharaNaishchhinnaiH shirobhishchArukuNDalaiH . 
kArmukairvishikhaiH prAsaiH khaDgaiH parashu paTTishaiH .. 40..\\
nAlIkakShura nArAchairnakharaiH shaktitomaraiH . 
anyaishcha vividhAkArairdhautaiH praharaNottamaiH .. 41..\\
chitraishcha vividhAkAraiH sharIrAvaraNairapi . 
vichitraishcha rathairbhagnairhataishcha gajavAjibhiH .. 42..\\
shUnyaishcha nagarAkArairhatayodhadhvajai rathaiH . 
amanuShyairhayairtrastaiH kR^iShyamANaistatastataH .. 43..\\
vAtAyamAnairasakR^iddhatavIrairala~NkR^itaiH . 
vyajanaiH ka~NkaTaishchaiva dhvajaishcha vinipAtitaiH .. 44..\\
chhatrairAbharaNairvastrairmAlyaishcha susugandhibhiH . 
hAraiH kirITairmukuTairuShNIShaiH ki~NkiNI gaNaiH .. 45..\\
urasyairmaNibhirniShkaishchUDAmaNibhireva cha . 
AsIdAyodhana.n tatra nabhastArAgaNairiva .. 46..\\
tato duryodhanasyAsInnakulena samAgamaH . 
amarShitena kruddhasya kruddhenAmarShitasya cha .. 47..\\
apasavya.n chakArAtha mAdrIputrastavAtmajam . 
kira~nsharashatairhR^iShTastatra nAdo mahAnabhUt .. 48..\\
apasavya.n kR^itaH sa~Nkhye bhrAtR^ivyenAtyamarShiNA . 
so.amarShitastamapyAjau pratichakre.apasavyataH .. 49..\\
tataH pratichikIrShantamapasavya.n tu te sutam . 
nyavArayata tejasvI nakulashchitramArgavit .. 50..\\
sarvato vinivAryaina.n sharajAlena pIDayan . 
vimukhaM nakulashchakre tatsainyAH samapUjayan .. 51..\\
tiShTha tiShTheti nakulo babhAShe tanaya.n tava . 
sa.nsmR^itya sarvaduHkhAni tava durmantritena cha .. 52..\\
\medskip\hrule\medskip\centerline{\Largedvng 163}
 s

tato duHshAsanaH kruddhaH sahadevamupAdravat . 
rathavegena tIvreNa kampayanniva medinIm .. 1..\\
tasyApatata evAshu bhallenAmitrakarshanaH . 
mAdrI sutaH shiro yantuH sa shirastrANamachchhinat .. 2..\\
naina.n duHshAsanaH sUtaM nApi kashchana sainikaH . 
hR^itotamAgnamAshutvAtsahasevena buddhavAn .. 3..\\
yadA tvasmagR^ihItatvAtprayAntyashvA yathAsukham . 
tato duHshAsanaH sUtaM buddhavAngatachetasam .. 4..\\
sahayAnsaMnigR^ihyAjau svaya.n hayavishAradaH . 
yuyudhe rathinA.n shreShThashchitraM laghu cha suShThu cha .. 5..\\
tadasyApUjayankarma sve pare chaiva sa.nyuge . 
hatasUta rathenAjau vyacharadyadabhItavat .. 6..\\
sahadevastu tAnashvA.nstIkShNairbANairavAkirat . 
pIDyamAnAH sharaishchAshu prAdrava.nste tatastataH .. 7..\\
sa rashmishu viShaktatvAdutsasarja sharAsanam . 
dhanuShA karma kurva.nstu rashmInsa punarutsR^ijat .. 8..\\
chhidreShu teShu taM bANairmAdrIputro.abhyavAkirat . 
parIpsa.nstvatsuta.n karNastadantaramavApatat .. 9..\\
vR^ikodaro.ataH karNa.n tribhirbhallaiH samAhitaiH . 
AkarNapUrNairabhyaghnanbAhvorurasi chAnadat .. 10..\\
saMnyavartata ta.n karNaH sa~NghaTTita ivoragaH . 
tadabhUttumula.n yuddhaM bhIma rAdheyayortadA .. 11..\\
tau vR^iShAviva sa~Nkruddhau vivR^ittanayanAvubhau . 
vegena mahatAnyonya.n sa.nrabdhAvabhipetatuH .. 12..\\
abhisaMshliShTayostatra tayorAhavashauNDayoH . 
abhinna sharapAtatvAdgayA yuddhamavartata .. 13..\\
gadayA bhImasenastu karNasya rathakUbaram . 
bibhedAshu tadA rAja.nstadadbhutamivAbhavat .. 14..\\
tato bhImasya rAdheyo gadAmAdAya vIryavAn . 
avAsR^ijadrathe tA.n tu bibheda gadayA gadAm .. 15..\\
tato bhImaH punargurvI.n chikShepAdhirathergadAm . 
tA.n sharairdashabhiH karNaH supu~NkhaiH susamAhitaiH . 
pratyavidhyatpunashchAnyaiH sA bhImaM punarAvrajat .. 16..\\
tasyAH pratinipAtena bhImasya vipulo dhvajaH . 
papAta sArathishchAsya mumoha gadayA hataH .. 17..\\
sa karNe sAyakAnaShTau vyasR^ijatkrodhamUrchhitaH . 
dhvaje sharAsane chaiva sharAvApe cha bhArata .. 18..\\
tataH punastu rAdheyo hayAnasya ratheShubhiH . 
R^iShyavarNA~njaghAnAshu tathobhau pArShNisArathI .. 19..\\
sa vipannaratho bhImo nakulasyApluto ratham . 
hariryathA gireH shR^i~Nga.n samAkrAmadarindamaH .. 20..\\
tathA droNArjunau chitramayudhyetAM mahArathau . 
AchArya shiShyau rAjendra kR^itapraharaNau yudhi .. 21..\\
laghu sandhAnayogAbhyA.n rathayoshcha raNena cha . 
mohayantau manuShyANA.n chakShUMShi cha manA.nsi cha .. 22..\\
upAramanta te sarve yoddhA asmAkaM pare tathA . 
adR^iShTapUrvaM pashyantastadyuddha.n guru shiShyayoH .. 23..\\
vichitrAnpR^itanA madhye rathamArgAnudIryataH . 
anyonyamapasavya.n cha kartu.n vIrau tadaiShitaH . 
parAkrama.n tayoryodhA dadR^ishusta.n suvismitAH .. 24..\\
tayoH samabhavadyuddha.n droNa pANDavayormahat . 
AmiShArthaM mahArAja gagane shyenayoriva .. 25..\\
yadyachchakAra droNastu kuntIputra jigIShayA . 
tattatpratijaghAnAshu prahasa.nstasya pANDavaH .. 26..\\
yadA droNo na shaknoti pANDavasya visheShaNe . 
tataH prAdushchakArAstramastramArga vishAradaH .. 27..\\
aindraM pAshupata.n tvAShTra.n vAyavyamatha vAruNam . 
muktaM mukta.n droNa chApAttajjaghAna dhana~njayaH .. 28..\\
astrANyastrairyadA tasya vidhivaddhanti pANDavaH . 
tato.astraiH paramairdivyairdroNaH pArthamavAkirat .. 29..\\
yadyadastra.n sa pArthAya prayu~Nkte vijigIShayA . 
tasyAstrasya vighAtArtha.n tattatsa kurute.arjunaH .. 30..\\
sa vadhyamAneShvastreShu divyeShvapi yathAvidhi . 
arjunenArjuna.n droNo manasaivAbhyapUjayat .. 31..\\
mene chAtmAnamadhikaM pR^ithivyAmapi bhArata . 
tena shiShyeNa sarvebhyaH shastravidbhyaH samantataH .. 32..\\
vAryamANastu pArthena tathA madhye mahAtmanAm . 
yatamAno.arjunaM prItyA pratyavArayadutsmayan .. 33..\\
tato.antarikShe devAshcha gandharvAshcha sahasrashaH . 
R^iShayaH siddhasa~NghAshcha vyatiShThanta didR^ikShayA .. 34..\\
tadapsarobhirAkIrNa.n yakSharAkShasa sa~Nkulam . 
shrImadAkAshamabhavadbhUyo meghAkula.n yathA .. 35..\\
tatra smAntarhitA vAcho vyacharanta punaH punaH . 
droNasya stavasa.nyuktAH pArthasya cha mahAtmanaH . 
visR^ijyamAneShvastreShu jvAlayatsu disho dasha .. 36..\\
naivedaM mAnuSha.n yuddhaM nAsuraM na cha rAkShasam . 
na daivaM na cha gAndharvaM brAhma.n dhruvamidaM param . 
vichitramidamAshcharyaM na no dR^iShTaM na cha shrutam .. 37..\\
ati pANDavamAchAryo droNa.n chApyati pANDavaH . 
nAnayorantara.n draShTu.n shakyamastreNa kena chit .. 38..\\
yadi rudro dvidhAkR^ityayudhyetAtmAnamAtmanA . 
tatra shakyopamA kartumanyatra tu na vidyate .. 39..\\
GYAnamekasthamAchArye GYAna.n yogashcha pANDave . 
shauryamekasthamAchArye bala.n shaurya.n cha pANDave .. 40..\\
nemau shakyau maheShvAsau raNe kShepayituM paraiH . 
ichchhamAnau punarimau hanyetA.n sAmara.n jagat .. 41..\\
ityabruvanmahArAja dR^iShTvA tau puruSharShabhau . 
antarhitAni bhUtAni prakAshAni cha sa~NghashaH .. 42..\\
tato droNo brAhmamastraM prAdushchakre mahAmatiH . 
santApayanraNe pArthaM bhUtAnyantarhitAni cha .. 43..\\
tatashchachAla pR^ithivI sa parvata vanadrumA . 
vavau cha viShamo vAyuH sAgarAshchApi chukShubhuH .. 44..\\
tatastrAso mahAnAsItkurupANDavasenayoH . 
sarveShA.n chaiva bhUtAnAmudyate.astre mahAtmanA .. 45..\\
tataH pArtho.apyasambhrAntastadastraM pratijaghnivAn . 
brahmAstreNaiva rAjendra tataH sarvamashIshamat .. 46..\\
yadA na gamyate pAra.n tayoranyatarasya vA . 
tataH sa~Nkulayuddhena tadyuddha.n vyakulI kR^itam .. 47..\\
nAGYAyata tataH ki.n chitpunareva vishAM pate . 
pravR^itte tumule yuddhe droNa pANDavayormR^idhe .. 48..\\
sharajAlaiH samAkIrNe meghajAlairivAmbare . 
na sma sampatate kashchidantarikShacharastadA .. 49..\\
\medskip\hrule\medskip\centerline{\Largedvng 164}
 s

tasmi.nstathA vartamAne narAshvagajasa~NkShaye . 
duHshAsano mahArAja dhR^iShTadyumnamayodhayat .. 1..\\
sa tu rukmarathAsakto duHshAsana sharArditaH . 
amarShAttava putrasya sharairvAhAnavAkirat .. 2..\\
kShaNena sa rathastasya sa dhvajaH saha sArathiH . 
nAdR^ishyata mahArAja pArShatasya sharaishchitaH .. 3..\\
duHshAsanastu rAjendra pA~nchAlyasya mahAtmanaH . 
nAshakatpramukhe sthAtu.n sharajAlaprapIDitaH .. 4..\\
sa tu duHshAsanaM bANairvimukhIkR^itya pArShataH . 
kira~nsharasahasrANi droNamevAbhyayAdraNe .. 5..\\
pratyapadyata hArdikyaH kR^itavarmA tadantaram . 
sodaryANA.n trayashchaiva ta enaM paryavArayan .. 6..\\
ta.n yamau pR^iShThato.anvaitAM rakShantau puruSharShabhau . 
droNAyAbhimukha.n yAnta.n dIpyamAnamivAnalam .. 7..\\
samprahAramakurva.nste sarve sapta mahArathAH . 
amarShitAH sattvavantaH kR^itvA maraNamagrataH .. 8..\\
shuddhAtmAnaH shuddhavR^ittA rAjansvargapuraskR^itAH . 
Arya.n yuddhamakurvanta parasparajigIShavaH .. 9..\\
shuklAbhijana karmANo matimanto janAdhipAH . 
dharmayuddhamayudhyanta prekShanto gatimuttamAm .. 10..\\
na tatrAsIdadharmiShThamashastra.n yuddhameva cha . 
nAtra karNI na nAlIko na lipto na cha vastakaH .. 11..\\
na sUchI kapisho nAtra na gavAsthirgajAsthikaH . 
iShurAsInna saMshliShTo na pUtirna cha jihmagaH .. 12..\\
R^ijUnyeva vishuddhAni sarve shastrANyadhArayan . 
suyuddhena parA.NllokAnIpsantaH kIrtimeva cha .. 13..\\
tadAsIttumula.n yuddhaM sarvadoShavivarjitam . 
chaturNA.n tava yodhAnAM taistribhiH pANDavaiH saha .. 14..\\
dhR^iShTadyumnastu tAnhitvA tava rAjanratharShabhAn . 
yamAbhyA.n vAritAndR^iShTvA shIghrAstro droNamabhyayAt .. 15..\\
nivAritAstu te vIrAstayoH puruShasi.nhayoH . 
samasajjanta chatvAro vAtAH parvatayoriva .. 16..\\
dvAbhyA.n dvAbhyA.n yamau sArdhaM rathAbhyAM rathapu~Ngavau . 
samAsaktau tato droNa.n dhR^iShTadyumno.abhyavartata .. 17..\\
dR^iShTvA droNAya pA~nchAlya.n vrajantaM yuddhadurmadam . 
yamAbhyA.n tAMshcha sa.nsaktA.nstadantaramupAdravat .. 18..\\
duryodhano mahArAja kira~nshoNitabhojanAn . 
ta.n sAtyakiH shIghrataraM punarevAbhyavartata .. 19..\\
tau parasparamAsAdya samippe kuru mAdhavau . 
hasamAnau nR^ishArdUlAvabhItau samagachchhatAm .. 20..\\
bAlye vR^ittAni sarvANi prIyamANau vichintya tau . 
anyonyaM prekShamANau cha hasamAnau punaH punaH .. 21..\\
atha duryodhano rAjA sAtyakiM pratyabhAShata . 
priya.n sakhAyaM satata.n garhayanvR^ittamAtmanaH .. 22..\\
dhikkrodha.n dhiksakhe lobhaM dhinmohaM dhigamarShitam . 
dhigastu kShAtramAchAra.n dhigastu balamaurasam .. 23..\\
yattvaM mAmabhisandhatse tvA.n chAha.n shinipu~Ngava . 
tva.n hi prANaiH priyataro mamAha.n cha sadA tava .. 24..\\
smarAmi tAni sarvANi bAlye vR^ittAni yAni nau . 
tAni sarvANi jIrNAni sAmprataM nau raNAjire . 
kimanyatkrodhalobhAbhyA.n yudhyAmi tvAdya sAtvata .. 25..\\
ta.n tathA vAdina.n rAjansAtyakiH pratyabhAShata . 
prahasanvishikhA.nstIkShNAnudyamya paramAstravit .. 26..\\
neya.n sabhA rAjaputra na chAchArya niveshanam . 
yatra krIDitamasmAbhistadA rAjansamAgataiH .. 27..\\

 dur

kva sA krIDA gatAsmAkaM bAlye vai shinipu~Ngava . 
kva cha yuddhamidaM bhUyaH kAlo hi duratikramaH .. 28..\\
kiM nu no vidyate kR^itya.n dhanena dhanalipsayA . 
yatra yudhyAmahe sarve dhanalobhAtsamAgatAH .. 29..\\

 samjaya

ta.n tathA vAdinaM tatra rAjAnaM mAdhavo.abravIt . 
eva.nvR^ittha.n sadA kShatraM yaddhantIha gurUnapi .. 30..\\
yadi te.ahaM priyo rAja~njahi mAM mAchira.n kR^ithAH . 
tvatkR^ite sukR^itA.NllokAngachchheyaM bharatarShabha .. 31..\\
yA te shaktirbala.n chaiva tatkShipraM mayi darshaya . 
nechchhAmyetadaha.n draShTuM mitrANA.n vyasanaM mahat .. 32..\\
ityeva.n vyaktamAbhAShya pratibhAShya cha sAtyakiH . 
abhyayAttUrNamavyagro nirapekSho vishAM pate .. 33..\\
tamAyAntamabhiprekShya pratyagR^ihNAttavAtmajaH . 
sharaishchAvAkiradrAja~nshaineya.n tanayastava .. 34..\\
tataH pravavR^ite yuddha.n kuru mAdhava si.nhayoH . 
anyonya.n kruddhayorghora.n yathA dviradasi.nhayoH .. 35..\\
tataH pUrNAyatotsR^iShTaiH sAtvata.n yuddhadurmadam . 
duryodhanaH pratyavidhyaddashabhirnishitaiH sharaiH .. 36..\\
ta.n sAtyakiH pratyaviddhattathaiva dashabhiH sharaiH . 
pa~nchAshatA punashchAjau triMshatA dashabhish cha ha .. 37..\\
tasya sandhadhatashcheShUnsa.nhiteShu.n cha kArmukam . 
achchhinatsAtyakistUrNa.n sharaishchaivAbhyavIvR^iShat .. 38..\\
sa gADhaviddho vyathitaH pratyapAyAdrathAntaram . 
duryodhano mahArAja dAshArha sharapIDitaH .. 39..\\
samAshvasya tu putraste sAtyakiM punarabhyayAt . 
visR^ijanniShujAlAni yuyudhAna rathaM prathi .. 40..\\
tathaiva sAtyakirbANAnduryodhana rathaM prati . 
pratata.n vyasR^ijadrAja.nstatsa~Nkulamavartata .. 41..\\
tatreShubhiH kShipyamANaiH patadbhishcha samantataH . 
agneriva mahAkakShe shabdaH samabhavanmahAn .. 42..\\
tatrAbhyadhikamAlakShya mAdhava.n rathasattamam . 
kShipramabhyapatatkarNaH parIpsa.nstanaya.n tava .. 43..\\
na tu taM marShayAmAsa bhImaseno mahAbalaH . 
abhyayAttvaritaH karNa.n visR^ijansAyakAnbahUn .. 44..\\
tasya karNaH shitAnbANAnpratihanya hasanniva . 
dhanuH sharAMshcha chichchheda sUta.n chAbhyahanachchharaiH .. 45..\\
bhImasenastu sa~Nkruddho gadAmAdAya pANDavaH . 
dhvaja.n dhanushcha sUtaM cha saMmamardAhave ripoH .. 46..\\
amR^iShyamANaH karNastu bhImasenamayudhyata . 
vividhairiShujAlaishcha nAnAshastraishcha sa.nyuge .. 47..\\
sa~Nkule vartamAne tu rAjA dharmasuto.abravIt . 
pA~nchAlAnAM naravyAghrAnmatsyAnA.n cha nararShabhAn .. 48..\\
ye naH prANAH shiro ye no ye no yodhA mahAbalAH . 
ta ete dhArtarAShTreShu viShaktAH puruSharShabhAH .. 49..\\
ki.n tiShThata yathA mUDhAH sarve vigatachetasaH . 
tatra gachchhata yatraite yudhyante mAmakA rathAH .. 50..\\
kShatradharmaM puraskR^itya sarva eva gatajvarAH . 
jayanto vadhyamAnA vA gatimiShTA.n gamiShyatha .. 51..\\
jitvA cha bahubhiryaGYairyakShyadhvaM bhUridakShiNaiH . 
hatA vA devasAdbhUtvA lokAnprApsyatha puShkalAn .. 52..\\
te rAGYA choditA vIrA yotsyamAnA mahArathAH . 
chaturdhA vahinI.n kR^itvA tvaritA droNamabhyayuH .. 53..\\
pA~nchAlAstvekato droNamabhyaghnanbahubhiH sharaiH . 
bhImasenapurogAshcha ekataH paryavArayan .. 54..\\
Asa.nstu pANDuputrANA.n trayo.ajihmA mahArathAH . 
yamau cha bhImasenashcha prAkroshanta dhana~njayam .. 55..\\
abhidravArjuna kShipra.n kurUndroNAdanAnuda . 
tata ena.n haniShyanti pA~nchAlA hatarakShiNam .. 56..\\
kauraveyA.nstataH pArthaH sahasA samupAdravat . 
pA~nchAlAneva tu droNo dhR^iShTadyumnapurogamAn .. 57..\\
pA~nchAlAnA.n tato droNo.apyakarotkadanaM mahat . 
yathA kruddho raNe shakro dAnavAnA.n kShayaM purA .. 58..\\
droNAstreNa mahArAja vadhyamAnAH pare yudhi . 
nAtrasanta raNe droNAtsattvavanto mahArathAH .. 59..\\
vadhyamAnA mahArAja pA~nchAlAH sR^i~njayAstathA . 
droNamevAbhyayuryuddhe mohayanto mahAratham .. 60..\\
teShA.n tUtsAdyamAnAnAM pA~nchAlAnA.n samantataH . 
abhavadbhairavo nAdo vadhyatA.n sharashaktibhiH .. 61..\\
vadhyamAneShu sa~NgrAme pA~nchAleShu mahAtmanA . 
udIryamANe droNAstre pANDavAnbhayamAvishat .. 62..\\
dR^iShTvAshvanarasa~NghAnA.n vipula.n cha kShayaM yudhi . 
pANDaveyA mahArAja nAsha.nsurvijaya.n tadA .. 63..\\
kachchiddroNo na naH sarvAnkShapayetparamAstravit . 
samiddhaH shishirApAye dahankakShamivAnalaH .. 64..\\
na chaina.n sa.nyuge kashchitsamarthaH prativIkShitum . 
na chainamarjuno jAtu pratiyudhyeta dharmavit .. 65..\\
trastAnkuntIsutAndR^iShTvA droNa sAyakapIDitAn . 
matimA~nshreyase yuktaH keshavo.arjunamabravIt .. 66..\\
naiSha yuddhena sa~NgrAme jetu.n shakyaH katha.n chana . 
api vR^itrahaNA yuddhe rathayUthapa yUthapaH .. 67..\\
AsthIyatA.n jaye yogo dharmamutsR^ijya pANDava . 
yathA vaH sa.nyuge sarvAnna hanyAdrukmavAhanaH .. 68..\\
ashvatthAmni hate naiSha yudhyediti matirmama . 
ta.n hataM sa.nyuge kashchidasmai sha.nsatu mAnavaH .. 69..\\
etannArochayadrAjankuntIputro dhana~njayaH . 
anye tvarochayansarve kR^ichchhreNa tu yudhiShThiraH .. 70..\\
tato bhImo mahAbAhuranIke sve mahAgajam . 
jaghAna gadayA rAjannashvatthAmAnamityuta .. 71..\\
bhImasenastu savrIDamupetya droNamAhave . 
ashvatthAmA hata iti shabdamuchchaishchakAra ha .. 72..\\
ashvattmAmeti hi gajaH khyAto nAmnA hato.abhavat . 
kR^itvA manasi taM bhImo mithyA vyAhR^itavA.nstadA .. 73..\\
bhImasena vachaH shrutvA droNastatparamapriyam . 
manasA sannagAtro.abhUdyathA saikatamambhasi .. 74..\\
sha~NkamAnaH sa tanmithyA vIryaGYaH svasutasya vai . 
hataH sa iti cha shrutvA naiva dhairyAdakampata .. 75..\\
sa labdhvA chetanA.n droNaH kShaNenaiva samAshvasat . 
anuchintyAtmanaH putramaviShahyamarAtibhiH .. 76..\\
sa pArShatamabhidrutya jighA.nsurmR^ityumAtmanaH . 
avAkiratsahasreNa tIkShNAnA.n ka~NkapatriNAm .. 77..\\
ta.n vai viMshatisAhasrAH pA~nchAlAnAM nararShabhAH . 
tathA charanta.n sa~NgrAme sarvato vyakirachchharaiH .. 78..\\
tataH prAduShkaroddroNo brAhmamastraM parantapaH . 
vadhAya teShA.n shUrANAM pA~nchAlAnAmamarShitaH .. 79..\\
tato vyarochata droNo vinighnansarvasomakAn . 
shirA.nsyapAtayachchApi pA~nchAlAnAM mahAmR^idhe . 
tathaiva parighAkArAnbAhUnkanakabhUShaNAn .. 80..\\
te vadhyamAnAH samare bhAradvAjena pArthivAH . 
medinyAmanvakIryanta vAtanunnA iva drumAH .. 81..\\
ku~njarANA.n cha patatA.n hayaughAnAM cha bhArata . 
agamyarUpA pR^ithivI mA.nsashoNitakardamA .. 82..\\
hatvA viMshatisAhasrAnpA~nchAlAnA.n rathavrajAn . 
atiShThadAhave droNo vidhUmo.agniriva jvalan .. 83..\\
tathaiva cha punaH kruddho bhAradvAjaH pratApavAn . 
vasu dAnasya bhallena shiraH kAyAdapAharat .. 84..\\
punaH pa~nchashatAnmastyAnShaTsahasrAMshcha sR^i~njayAn . 
hastinAmayuta.n hatvA jaghAnAshvAyutaM punaH .. 85..\\
kShatriyANAmabhAvAya dR^iShTvA droNamavasthitam . 
R^iShayo.abhyAgama.nstUrNa.n havyavAhapurogamAH .. 86..\\
vishvAmitro jamadagnirbhAradvAjo.atha gautamaH . 
vasiShThaH kashyapo.atrishcha brahmalokaM ninIShavaH .. 87..\\
sikatAH pR^ishnayo gargA bAlakhilyA marIchipAH . 
bhR^igavo.a~Ngirasashchaiva sUkShmAshchAnye maharShayaH .. 88..\\
ta enamabruvansarve droNamAhavashobhinam . 
adharmataH kR^ita.n yuddhaM samayo nidhanasya te .. 89..\\
nyasyAyudha.n raNe droNa sametyAsmAnavasthitAn . 
nAtaH krUratara.n karma punaH kartuM tvamarhasi .. 90..\\
vedavedA~NgaviduShaH satyadharmaparasya cha . 
brAhmaNasya visheSheNa tavaitannopapadyate .. 91..\\
nyasyAyudhamamogheSho tiShTha vartmani shAshvate . 
paripUrNashcha kAlaste vastu.n loke.adya mAnuShe .. 92..\\
iti teShA.n vachaH shrutvA bhImasena vachash cha tat . 
dhR^iShTadyumna.n cha samprekShya raNe sa vimanAbhavat .. 93..\\
sa dahyamAno vyathitaH kuntIputra.n yudhiShThiram . 
ahata.n vA hataM veti paprachchha sutamAtmanaH .. 94..\\
sthirA buddhirhi droNasya na pArtho vakShyate.anR^itam . 
trayANAmapi lokAnAmaishvaryArthe katha.n chana .. 95..\\
tasmAttaM paripaprachchha nAnya.n kaM chidvisheShataH . 
tasmi.nstasya hi satyAshA bAlyAtprabhR^iti pANDave .. 96..\\
tato niShpANDavAmurvI.n kariShyanta.n yudhAM patim . 
droNa.n GYAtvA dharmarAja.n govindo vyathito.abravIt .. 97..\\
yadyardhadivasa.n droNo yudhyate manyumAsthitaH . 
satyaM bravImi te senA vinAsha.n samupaiShyati .. 98..\\
sa bhavA.nstrAtuno droNAtsatyAjjyAyo.anR^itaM bhavet . 
anR^ita.n jIvitasyArthe vachanna spR^ishyate.anR^itaiH .. 99..\\
tayoH sa.nvadatorevaM bhImaseno.abravIdidam . 
shrutvaiva taM mahArAja vadhopAyaM mahAtmanaH .. 100..\\
gAhamAnasya te senAM mAlavasyendra varmaNaH . 
ashvatthAmeti vikhyAto gajaH shakra gajopamaH .. 101..\\
nihato yudhi vikramya tato.aha.n droNamabruvam . 
ashvatthAmA hato brahmannivartasvAhavAditi .. 102..\\
nUnaM nAshraddadhadvAkyameSha me puruSharShabhaH . 
sa tva.n govinda vAkyAni mAnayasva jayaiShiNaH .. 103..\\
droNAya nihata.n sha.nsa rAja~nshAradvatI sutam . 
tvayokto naiSha yudhyeta jAtu rAjandvijarShabhaH . 
satyavAnhi nR^iloke.asminbhavAnkhyAto janAdhipa .. 104..\\
tasya tadvachana.n shrutvA kR^iShNa vAkyaprachoditaH . 
bhAvitvAchcha mahArAja vaktu.n samupachakrame .. 105..\\
tamatathya bhaye magno jaye sakto yudhiShThiraH . 
avyaktamabravIdrAjanhataH ku~njara ityuta .. 106..\\
tasya pUrva.n rathaH pR^ithvyAshchatura~Ngula uttaraH . 
babhUvaiva.n tu tenokte tasya vAhAspR^ishanmahIm .. 107..\\
yudhiShThirAttu tadvAkya.n shrutvA droNo mahArathaH . 
putravyasanasantapto nirAsho jIvite.abhavat .. 108..\\
AgaH kR^itamivAtmAnaM pANDavAnAM mahAtmanAm . 
R^iShivAkya.n cha manvAnaH shrutvA cha nihata.n sutam .. 109..\\
vichetAH paramodvigno dhR^iShTadyumnamavekShya cha . 
yoddhuM nAshaknuvadrAjanyathApUrvamarindama .. 110..\\
ta.n dR^iShTvA paramodvigna.n shokopahatachetasam . 
pA~nchAlarAjasya suto dhR^iShTadyumnaH samAdravat .. 111..\\
ya iShTvA manujendreNa drupadena mahAmakhe . 
labdhvA droNa vinAshAya samiddhAddhavyavAhanAt .. 112..\\
sadhanurjaitramAdAya ghora.n jaladanisvanam . 
dR^iDhajyamajara.n divya.n sharAMshchAshIviShopamAn .. 113..\\
sandadhe kArmuke tasmi~nsharamAshIviShopamam . 
droNa.n jighA.nsuH pA~nchAlyo mahAjvAlamivAnalam .. 114..\\
tasya rUpa.n sharasyAsIddhanurjyA maNDalAntare . 
dyotato bhAskarasyeva ghanAnte pariveshinaH .. 115..\\
pArShatena parAmR^iShTa.n jvalantamiva taddhanuH . 
antakAlamiva prAptaM menire vIkShya sainikAH .. 116..\\
tamiShu.n sa.nhita.n tena bhAradvAjaH pratApavAn . 
dR^iShTvAmanyata dehasya kAlaparyAyamAgatam .. 117..\\
tataH sa yatnamAtiShThadAchAryastasya vAraNe . 
na chAsyAstrANi rAjendra prAdurAsanmahAtmanaH .. 118..\\
tasya tvahAni chatvAri kShapA chaikAsyato gatA . 
tasya chAhnastribhAgena kShaya.n jagmuH patatriNaH .. 119..\\
sa sharakShayamAsAdya putrashokena chArditaH . 
vividhAnA.n cha divyAnAmastrANAmaprasannatAm .. 120..\\
utsraShTukAmaH shastrANi vipravAkyAbhichoditaH . 
tejasA preryamANashcha yuyudhe so.atimAnuSham .. 121..\\
athAnyatsa samAdAya divyamA~Ngirasa.n dhanuH . 
sharAMshcha sharavarSheNa mahatA samavAkirat .. 122..\\
tatasta.n sharavarSheNa mahatA samavAkirat . 
vyashAtayachcha sa~Nkruddho dhR^iShTadyumnamamarShaNaH .. 123..\\
ta.n sharaM shatadhA chAsya droNashchichchheda sAyakaiH . 
dhvaja.n dhanushcha nishitaiH sArathiM chApyapAtayat .. 124..\\
dhR^iShTadyumnaH prahasyAnyatpunarAdAya kArmukam . 
shitena chainaM bANena pratyavidhyatstanAntare .. 125..\\
so.atividdho maheShvAsaH sambhrAnta iva sa.nyuge . 
bhallena shitadhAreNa chichchhedAsya mahaddhanuH .. 126..\\
yachchAsya bANa.n vikR^ita.n dhanUMShi cha vishAM pate . 
sarva.n sa~nchidya durdharSho gadA.n khaDgamathApi cha .. 127..\\
dhR^iShTadyumna.n tato.avidhyannavabhirnishitaiH sharaiH . 
jIvitAntakaraiH kruddhaiH kruddha rUpaM parantapaH .. 128..\\
dhR^iShTadyumna rathasyAshvAnsvarathAshvairmahArathaH . 
amishrayadameyAtmA brAhmamastramudIrayan .. 129..\\
te mishrA bahvashobhanta javanA vAtara.nhasaH . 
pArAvata savarNAshcha shoNAshcha bharatarShabha .. 130..\\
yathA sa vidyuto meghA nadanto jalalAgame . 
tathA rejurmahArAja mishritA raNamUrdhani .. 131..\\
IShA bandha.n chakrabandha.n rathabandhaM tathaiva cha . 
praNAshayadameyAtmA dhR^iShTadyumnasya sa dvijaH .. 132..\\
sa chhinnadhanvA viratho hatAshvo hatasArathiH . 
uttamAmApadaM prApya gadA.n vIraH parAmR^ishat .. 133..\\
tAmasya vishikhaistIkShNaiH kShipyamANAM mahArathaH . 
nijaghAna sharairdroNaH kruddhaH satyaparAkramaH .. 134..\\
tA.n dR^iShTvA tu naravyAghro droNena nihatA.n sharaiH . 
vimala.n khaDgamAdatta shatachandraM cha bhAnumat .. 135..\\
asaMshaya.n tathA bhUte pA~nchAlyaH sAdhvamanyata . 
vadhamAchArya mukhyasya prAptakAlaM mahAtmanaH .. 136..\\
tataH svarathanIDasthaH svarathasya ratheShayA . 
agachchhadasimudyamya shatachandra.n cha bhAnumat .. 137..\\
chikIrShurduShkara.n karma dhR^iShTadyumno mahArathaH . 
iyeSha vakSho bhettu.n cha bhAradvAjasya sa.nyuge .. 138..\\
so.atiShThadyugamadhye vai yugasaMnahaneShu cha . 
shoNAnA.n jaghanArdheShu tatsainyAH samapUjayan .. 139..\\
tiShThato yugapAlIShu shoNAnapyadhitiShThataH . 
nApashyadantara.n doNastadadbhutamivAbhavat .. 140..\\
kShipra.n shyenasya charato yathaivAmiSha gR^iddhinaH . 
tadvadAsIdabhIsAro droNaM prArthayato raNe .. 141..\\
tasyAshvAnrathashaktyAsau tadA kruddhaH parAkramI . 
sarvAnekaikasho droNaH kapotAbhAnajIghanat .. 142..\\
te hatA nyapatanbhUmau dhR^iShTadyumnasya vAjinaH . 
shoNAshcha paryamuchyanta rathabandhAdvishAM pate .. 143..\\
tAnhayAnnihatAndR^iShTvA dvijAgryeNa sa pArShataH . 
nAmR^iShyata yudhA.n shreShTho yAGYasenirmahArathaH .. 144..\\
virathaH sa gR^ihItvA tu khaDga.n khaDgabhR^itA.n varaH . 
droNamabhyapatadrAjanvainateya ivoragam .. 145..\\
tasya rUpaM babhau rAjanbhAradvAja.n jighA.nsataH . 
yathA rUpaM para.n viShNorhiraNyakashiporvadhe .. 146..\\
so.achiradvividhAnmArgAnprakArAnekaviMshatim . 
bhrAntamudbhrAntamAviddhamAplutaM prasR^ita.n sR^itam .. 147..\\
parivR^ittaM nivR^itta~nca khaDga.n charma cha dhArayan . 
sampAta.n samudIrNa.n cha darshayAmAsa pArShataH .. 148..\\
tataH sharasahasreNa shatachandramapAtayat . 
khaDga.n charma cha sambAdhe dhR^iShTadyumnasya sa dvijaH .. 149..\\
te tu vaitastikA nAma sharA hyAsanna ghAtinaH . 
nikR^iShTa yuddhe droNasya nAnyeShA.n santi te sharAH .. 150..\\
shAradvatasya pArthasya drauNervaikartanasya cha . 
pradyumna yuyudhAnAbhyAmabhimanyoshcha te sharAH .. 151..\\
athAsyeShu.n samAdhatta dR^iDhaM paramasaMshitam . 
antevAsinamAchAryo jighA.nsuH putra saMmitam .. 152..\\
ta.n sharairdashabhistIkShNaishchichchheda shinipu~NgavaH . 
pashyatastava putrasya karNasya cha mahAtmanaH . 
grastamAchArya mukhyena dhR^iTShadyumnamamochayat .. 153..\\
charanta.n rathamArgeShu sAtyakiM satyavikramam . 
droNakarNAntara gata.n kR^ipasyApi cha bhArata . 
apashyetAM mahAtmAnau viShvaksena dhana~njayau .. 154..\\
apUjayetA.n vArShNeyaM bruvANau sAdhu sAdhviti . 
divyAnyastrANi sarveShA.n yudhi nighnantamachyutam . 
abhipatya tataH senA.n viShvaksena dhana~njayau .. 155..\\
dhana~njayastataH kR^iShNamabravItpashya keshava . 
AchArya varamukhyAnAM madhye krIDanmadhUdvahaH .. 156..\\
Anandayati mAM bhUyaH sAtyakiH satyavikramaH . 
mAdrIputrau cha bhIma.n cha rAjAnaM cha yudhiShThiram .. 157..\\
yachchhikShayAnuddhataH sanraNe charati sAtyakiH . 
mahArathAnupakrIDanvR^iShNInA.n kIrtivardhanaH .. 158..\\
tamete pratinandanti siddhAH sainyAshcha vismitAH . 
ajayya.n samare dR^iShTvA sAhu sAdhviti sAtvatam . 
yodhAshchobhayataH sarve karmabhiH samapUjayan .. 159..\\
\medskip\hrule\medskip\centerline{\Largedvng 165}
 s

krUramAyodhana.n jaGYe tasminrAjasamAgame . 
rudrasyeva hi kruddhasya nighnatastu pashUnyathA .. 1..\\
hastAnAmuttamA~NgAnA.n kArmukANAM cha bhArata . 
chhatrANA.n chApaviddhAnAM chAmarANAM cha sa.nyuge .. 2..\\
bhagnachakrai rathaishchApi pAtitaishcha mahAdhvajaiH . 
sAdibhishcha hataiH shUraiH sa~NkIrNA vasudhAbhavat .. 3..\\
bANapAta nikR^ittAstu yodhAste kurusattama . 
cheShTanto vividhAshcheShTA vyadR^ishyanta mahAhave .. 4..\\
vartamAne tathA yuddhe ghore devAsuropame . 
abravItkShatriyA.nstatra dharmarAjo yudhiShThiraH . 
abhidravata sa.nyattAH kumbhayoniM mahArathAH .. 5..\\
eSha vai pArShato vIro bhAradvAjena sa~NgataH . 
ghaTate cha yathAshakti bhAradvAjasya nAshane .. 6..\\
yAdR^ishAni hi rUpANi dR^ishyante no mahAraNe . 
adya droNa.n raNe kruddhaH pAtayiShyati pArShataH . 
te yUya.n sahitA bhUtvA kumbhayoniM parIpsata .. 7..\\
yudhiShThira samAGYaptAH sR^i~njayAnAM mahArathAH . 
abhyadravanta sa.nyattA bhAradvAja.n jighA.nsavaH .. 8..\\
tAnsamApatataH sarvAnbhAradvAjo mahArathaH . 
abhyadravata vegena martavyamiti nishchitaH .. 9..\\
prayAte satyasandhe tu samakampata medinI . 
vavurvAtAH sa nirghAtAstrAsayanti varUthinIm .. 10..\\
papAta mahatI cholkA AdityAnnirgateva ha . 
dIpayantIva tApena sha.nsantIva mahadbhayam .. 11..\\
jajvalushchaiva shastrANi bhAradvAjasya mAriSha . 
rathAH svananti chAtyartha.n hayAshchAshrUNyavAsR^ijan .. 12..\\
hataujA iva chApyAsIdbhAradvAjo mahArathaH . 
R^iShINAM brahmavAdAnA.n svargasya gamanaM prati . 
suyuddhena tataH prANAnutsraShTumupachakrame .. 13..\\
tatashchaturdisha.n sainyairdrupadasyAbhisa.nvR^itaH . 
nirdahankShatriya vrAtAndroNaH paryacharadraNe .. 14..\\
hatvA viMshatisAhasrAnkShatriyAnarimardanaH . 
dashAyutAni tIkShNAgrairavadhIdvishikhaiH shitaiH .. 15..\\
so.atiShThadAhave yatto vidhUma iva pAvakaH . 
kShatriyANAmabhAvAya brAhmamAtmAnamAsthitaH .. 16..\\
pA~nchAlya.n virathaM bhImo hatasarvAyudhaM vashI . 
aviShaNNaM mahAtmAna.n tvaramANaH samabhyayAt .. 17..\\
tataH svarathamAropya pA~nchAlyamarimardanaH . 
abravIdabhisamprekShya droNamasyantamantikAt .. 18..\\
na tvadanya ihAchArya.n yoddhumutsahate pumAn . 
tvarasva prAgvadhAyaiva tvayi bhAraH samAhitaH .. 19..\\
sa tathokto mahAbAhuH sarvabhArasahaM navam . 
abhipatyAdade kShipramAyudhapravara.n dR^iDham .. 20..\\
sa.nrabdhashchasharAnasyandroNa.n durvAraNa.n raNe . 
vivArayiShurAchArya.n sharavarShairavAkirat .. 21..\\
tau nyavArayatA.n shreShThau sa.nrabdhau raNashobhinau . 
udIrayetAM brAhmANi divyAnyastrANyanekashaH .. 22..\\
sa mahAstrairmahArAja droNamAchchhAdayadraNe . 
nihatya sarvANyastrANi bhAradvAjasya pArShataH .. 23..\\
sa vasAtI~nshibIMshchaiva bAhlIkAnkauravAnapi . 
rakShiShyamANAnsa~NgrAme droNa.n vyadhamadachyutaH .. 24..\\
dhR^iShTadyumnastadA rAjangabhastibhirivAMshumAn . 
babhau prachchhAdayannAshAH sharajAlaiH samantataH .. 25..\\
tasya droNo dhanushchhittvA viddhvA chaina.n shilImukhaiH . 
marmANyabhyahanadbhUyaH sa vyathAM paramAmagAt .. 26..\\
tato bhImo dR^iDhakrodho droNasyAlshiShya ta.n ratham . 
shanakairiva rAjendra droNa.n vachanamabravIt .. 27..\\
yadi nAma na yudhyera~nshikShitA brahma bandhavaH . 
svakarmabhirasantuShTA na sma kShatra.n kShaya.n vrajet .. 28..\\
ahi.nsA sarvabhUteShu dharma.n jyAyastara.n viduH . 
tasya cha brAhmaNo mUlaM bhavAMshcha brahmavittamaH .. 29..\\
shvapAkavanmlechchha gaNAnhatvA chAnyAnpR^ithagvidhAn . 
aGYAnAnmUDhavadbrahmanputradAradhanepsayA .. 30..\\
ekasyArthe bahUnhatvA putrasyAdharmavidyathA . 
svakarmasthAnvikarmastho na vyapatrapase katham .. 31..\\
sa chAdya patitaH shete pR^iShTenAveditastava . 
dharmarAjena tadvAkyaM nAtisha~Nkitumarhasi .. 32..\\
evamuktastato droNo bhImenotsR^ijya taddhanuH . 
sarvANyastrANi dharmAtmA hAtu kAmo.abhyabhAShata . 
karNa karNa maheShvAsa kR^ipa duryodhaneti cha .. 33..\\
sa~NgrAme kriyatA.n yatno bravImyeSha punaH punaH . 
pANDavebhyaH shiva.n vo.astu shastramabhyutsR^ijAmyaham .. 34..\\
iti tatra mahArAja prAkroshaddrauNimeva cha . 
utsR^ijya cha raNe shastra.n rathopasthe niveshya cha . 
abhaya.n sarvabhUtAnAM pradadau yogayuktavAn .. 35..\\
tasya tachchhidramAGYAya dhR^iShTadyumnaH samutthitaH . 
khaDgI rathAdavaplutya sahasA droNamabhyayAt .. 36..\\
hAhAkR^itAni bhUtAni mAnuShANItarANi cha . 
droNa.n tathAgataM dR^iShTvA dhR^iShTadyumna vasha~Ngatam .. 37..\\
hAhAkAraM bhR^isha.n chakruraho dhigiti chAbruvan . 
droNo.api shastrANyutsR^ijya parama.n sAmyamAsthitaH .. 38..\\
tathoktvA yogamAsthAya jyotirbhUto mahAtapAH . 
divamAkrAmadAchAryaH sadbhiH saha durAkramam .. 39..\\
dvau sUryAviti no buddhirAsIttasmi.nstathAgate . 
ekAgramiva chAsIddhi jyotirbhiH pUritaM nabhaH . 
samapadyata chArkAbhe bhAradvAja nishAkare .. 40..\\
nimeSha mAtreNa cha tajjyotirantaradhIyata . 
AsItkilakilA shabdaH prahR^iShTAnA.n divaukasAm . 
brahmaloka.n gate droNe dhR^iShTadyumne cha mohite .. 41..\\
vayameva tadAdrAkShma pa~ncha mAnuShayonayaH . 
yogayuktaM mahAtmAna.n gachchhantaM paramAM gatim .. 42..\\
aha.n dhana~njayaH pArthaH kR^ipaH shAradvato dvijaH . 
vAsudevashcha vArShNeyo dharmarAjashcha pANDavaH .. 43..\\
anye tu sarve nApashyanbhAradvAjasya dhImataH . 
mahimAnaM mahArAja yogamuktasya gachchhataH .. 44..\\
gatiM paramikAM prAptamajAnanto nR^iyonayaH . 
nApashyangachchhamAna.n hi taM sArdhamR^iShipu~NgavaiH . 
AchArya.n yogamAsthAya brahmalokamarindamam .. 45..\\
vitunnA~Nga.n sharashatairnyastAyudhamasR^ikkSharam . 
dhikkR^itaH pArtaShasta.n tu sarvabhUtaiH parAmR^ishat .. 46..\\
tasya mUrdhAnamAlambya gatasattvasya dehinaH . 
ki.n chidabruvataH kAyAdvichakartAsinA shiraH .. 47..\\
harSheNa mahatA yukto bhAradvAje nipAtite . 
si.nhanAda rava.n chakre bhAmayankhaDgamAhave .. 48..\\
AkarNapalitaH shyAmo vayasAshIti pa~nchakaH . 
tvatkR^ite vyacharatsa~Nkhye sa tu ShoDada varShavat .. 49..\\
uktavAMshcha mahAbAhuH kuntIputro dhana~njayaH . 
jIvantamAnayAchAryaM mA vadhIrdrupadAtmajaH .. 50..\\
na hantavyo na hantavya iti te sainikAsh cha ha . 
utkroshannarjunashchaiva sAnukroshastamAdravat .. 51..\\
kroshamAne.arjune chaiva pArthiveShu cha sarvashaH . 
dhR^iShTadyumno.avadhIddroNa.n rathatalpe nararShabham .. 52..\\
shoNitena pariklinno rathAdbhUmimarindamaH . 
lohitA~Nga ivAdityo durdarshaH samapadyata . 
eva.n taM nihata.n sa~Nkhye dadR^ishe sainiko janaH .. 53..\\
dheShTadyumnastu tadrAjanbhAradvAja shiromahat . 
tAvakAnAM maheShvAsaH pramukhe tatsamAkShipat .. 54..\\
te tu dR^iShTvA shiro rAjanbhAradvAjasya tAvakAH . 
palAyanakR^itotsAhA dudruvuH sarvatodisham .. 55..\\
droNastu divamAsthAya nakShatrapathamAvishat . 
ahameva tadAdrAkSha.n droNasya nidhanaM nR^ipa .. 56..\\
R^iSheH prasAdAtkR^iShNasya satyavatyAH sutasya cha . 
vidhUmAmiva sa.nyAntImulkAM prajvalitAm iva . 
apashyAma diva.n stabdhvA gachchhanta.n taM mahAdyutim .. 57..\\
hate droNe nirutsAhAnkurUnpANDava sR^i~njayAH . 
abhyadravanmahAvegAstataH sainya.n vyadIryata .. 58..\\
nihatA hayabhUyiShThAH sa~NgrAme nishitaiH sharaiH . 
tAvakA nihate droNe gatAsava ivAbhavan .. 59..\\
parAjayamathAvApya paratra cha mahadbhayam . 
ubhayenaiva te hInA nAvindandhR^itimAtmanaH .. 60..\\
anvichchhantaH sharIra.n tu bhAradvAjasya pArthivAH . 
nAdhyagachchha.nstadA rAjankabandhAyuta sa~Nkule .. 61..\\
pANDavAstu jaya.n labdhvA paratra cha mahadyashaH . 
bANashabdaravAMshchakruH si.nhanAdAMshcha puShkalAn .. 62..\\
bhImasenastato rAjandhR^iShTadyumnashcha pArShataH . 
varUthinyAmanR^ityetAM pariShvajya parasparam .. 63..\\
abravIchcha tadA bhImaH pArShata.n shatrutApanam . 
bhUyo.aha.n tvA.n vijayinaM pariShvakShyAmi pArShata . 
sUtaputre hate pApe dhArtarAShTre cha sa.nyuge .. 64..\\
etAvaduktvA bhImastu harSheNa mahatA yutaH . 
bAhushabdena pR^ithivI.n kampayAmAsa pANDavaH .. 65..\\
tasya shabdena vitrastAH prAdrava.nstAvakA yudhi . 
kShatradharma.n samutsR^ijya palAyanaparAyaNAH .. 66..\\
pANDavAstu jaya.n labdhvA hR^iShTA hyAsanvishAM pate . 
arikShaya.n cha sa~NgrAme tena te sukhamApnuvan .. 67..\\
tato droNe hate rAjankuravaH shastrapIDitAH . 
hatapravIrA vidhvastA bhR^isha.n shokaparAyaNAH .. 68..\\
vichetaso hatotsAhAH kashmalAbhihataujasaH . 
ArtasvareNa mahatA putra.n te paryavArayan .. 69..\\
rajasvalA vepamAnA vIkShamANA disho dasha . 
ashrukaNThA yathA daityA hiraNyAkShe purA hate .. 70..\\
sa taiH parivR^ito rAjA trastaiH kShudramR^igairiva . 
ashaknuvannavasthAtumapAyAttanayastava .. 71..\\
kShutpipAsAparishrAntAste yodhAstava bhArata . 
Adityena cha santaptA bhR^isha.n vimanaso.abhavan .. 72..\\
bhAskarasyeva patana.n samudrasyeva shoShaNam . 
viparyAsa.n yathA merorvAsavasyeva nirjayam .. 73..\\
amarShaNIya.n taddR^iShTvA bhAradvAjasya pAtanam . 
trastarUpatarA rAjankauravAH prAdravanbhayAt .. 74..\\
gAndhArarAjaH shakunistrastastrastataraiH saha . 
hata.n rukmaratha.n dR^iShTvA prAdravatsahito rathaiH .. 75..\\
varUthinI.n vegavatIM vidrutAM sa patAkinIm . 
parigR^ihya mahAsenA.n sUtaputro.apayAdbhayAt .. 76..\\
rathanAgAshvakalilAM puraskR^itya tu vAhinIm . 
madrANAmIshvaraH shalyo vIkShamANo.apayAdbhayAt .. 77..\\
hatapravIrairbhUyiShTha.n dvipairbahu padAtibhiH . 
vR^itaH shAradvato.agachchhatkaShTa.n kathamiti bruvan .. 78..\\
bhojAnIkena shiShTena kali~NgAraTTa bAhlikaiH . 
kR^itavarmA vR^ito rAjanprAyAnsujavanairhayaiH .. 79..\\
padAtigaNasa.nyuktastrasto rAjanbhayArditaH . 
ulUkaH prAdravattatra dR^iShTvA droNaM nipAtitam .. 80..\\
darshanIyo yuvA chaiva shaurye cha kR^italakShaNaH . 
duHshAsano bhR^ishodvignaH prAdravadgajasa.nvR^itaH .. 81..\\
gajAshvarathasa.nyukto vR^itashchaiva padAtibhiH . 
duryodhano mahArAja prAyAttatra mahArathaH .. 82..\\
gajAnrathAnsamAruhya parasyApi hayA~njanAH . 
prakIrNakeshA vidhvastA na dvAvekatra dhAvataH .. 83..\\
nedamastIti puruShA hatotsAhA hataujasaH . 
utsR^ijya kavachAnanye prAdrava.nstAvakA vibho .. 84..\\
anyonya.n te samAkroshansainikA bharatarShabha . 
tiShTha tiShTheti na cha te svaya.n tatrAvatasthire .. 85..\\
dhuryAnpramuchya tu rathAddhatasUtAnsvala~NkR^itAn . 
adhiruhya hayAnyodhAH kShipraM padbhirachodayan .. 86..\\
dravamANe tathA sainye trastarUpe hataujasi . 
pratisrota iva grAho droNaputraH parAniyAt .. 87..\\
hatvA bahuvidhA.n senAM pANDUnAM yuddhadurmadaH . 
katha.n chitsa~NkaTAnmukto mattadviradavikramaH .. 88..\\
dravamANaM bala.n dR^iShTvA palAyanakR^itakShaNam . 
duryodhana.n samAsAdya droNaputro.abravIdidam .. 89..\\
kimiya.n dravate senA trastarUpeva bhArata . 
dravamANA.n cha rAjendra nAvasthApayase raNe .. 90..\\
tva.n chApi na yathA pUrvaM prakR^itistho narAdhipa . 
karNaprabhR^itayashcheme nAvatiShThanti pArthivAH .. 91..\\
anyeShvapi cha yuddheShu naiva senAdravattadA . 
kachchitkShemaM mahAbAho tava sainyasya bhArata .. 92..\\
kasminnida.n hate rAjanrathasi.nhe bala.n tava . 
etAmavasthA.n samprApta.n tanmamAchakShva kaurava .. 93..\\
tattu duryodhanaH shrutvA droNaputrasya bhAShitam . 
ghoramapriyamAkhyAtuM nAshakatpArthivarShabhaH .. 94..\\
bhinnA nauriva te putro nimagnaH shokasAgare . 
bAShpeNa pihito dR^iShTvA droNaputra.n rathe sthitam .. 95..\\
tataH shAradvata.n rAjA savrIDamidamabravIt . 
sha.nseha sarvaM bhadra.n te yathA sainyamidaM drutam .. 96..\\
ataH shAradvato rAjannArti.n gachchhanpunaH punaH . 
shasha.nsa droNaputrAya yathA droNo nipAtitaH .. 97..\\

 krpa

vaya.n droNaM puraskR^itya pR^ithivyAM pravara.n ratham . 
prAvartayAma sa~NgrAmaM pA~nchAlaireva kevalaiH .. 98..\\
tataH pravR^itte sa~NgrAme vimishrAH kuru somakAH . 
anyonyamabhigarjantaH shastrairdehAnapAtayan .. 99..\\
tato droNo brAhmamastra.n vikurvANo nararShabhaH . 
ahanachchhAtravAnbhallaiH shatasho.atha sahasrashaH .. 100..\\
pANDavAH kekayA matsyAH pA~nchAlAshcha visheShataH . 
sa~Nkhye droNa rathaM prApya vyanashankAlachoditAH .. 101..\\
sahasra.n rathasi.nhAnA.n dvisAhasraM cha dantinAm . 
droNo brahmAstra nirdagdhaM preShayAmAsa mR^ityave .. 102..\\
AkarNapalitaH shyAmo vayasAshIti pa~nchakaH . 
raNe paryacharaddroNo vR^iddhaH ShoDashavarShavat .. 103..\\
klishyamAneShu sainyeShu vadhyamAneShu rAjasu . 
amarShavashamApannAH pA~nchAlA vimukhAbhavan .. 104..\\
teShu ki.n chitprabhagneShu vimukheShu sapatnajit . 
divyamastra.n vikurvANo babhUvArka ivoditaH .. 105..\\
sa madhyaM prApya pANDUnA.n shararashmiH pratApavAn . 
madhya.n gata ivAdityo duShprekShyaste pitAbhavat .. 106..\\
te dahyamAnA droNena sUryeNeva virAjatA . 
dagdhavIryA nirutsAhA babhUvurgatachetasaH .. 107..\\
tAndR^iShTvA pIDitAnbANairdroNena madhusUdanaH . 
jayaiShI pANDuputrANAmida.n vachanamabravIt .. 108..\\
naiSha jAtu paraiH shakyo jetu.n shastrabhR^itAM varaH . 
api vR^itrahaNA sa~Nkhye rathayUthapa yUthapaH .. 109..\\
te yUya.n dharmamutsR^ijya jaya.n rakShata pANDavAH . 
yathA vaH sa.nyuge sarvAnna hanyAdrukmavAhanaH .. 110..\\
ashvatthAmni hate naiSha yudhyediti matirmama . 
hata.n ta.n sa.nyuge kashchidAkhyAtvasmai mR^iShA naraH .. 111..\\
etannArochayadvAkya.n kuntIputro dhana~njayaH . 
arochaya.nstu sarve.anye kR^ichchhreNa tu yudhiShThiraH .. 112..\\
bhImasenastu savrIDamabravItpitara.n tava . 
ashvatthAmA hata iti tachchAbudhyata te pitA .. 113..\\
sa sha~NkamAnastanmithyA dharmarAjamapR^ichchhata . 
hata.n vApyahataM vAjau tvAM pitA putravatsalaH .. 114..\\
tadatathya bhaye magno jaye sakto yudhiShThiraH . 
ashvatthAmAnamAheda.n hataH ku~njara ityuta . 
bhImena girivarShmANaM mAlavasyendra varmaNaH .. 115..\\
upasR^itya tadA droNamuchchairidamabhAShata . 
yasyArthe shastramAdhatse yamavekShya cha jIvasi . 
putraste dayito nitya.n sho.ashvatthAmA nipAtitaH .. 116..\\
tachchhruttA vimanAstatra AchAryo mahadapriyam . 
niyamya divyAnyastrANi nAyudhyata yathA purA .. 117..\\
ta.n dR^iShTvA paramodvigna.n shokopahatachetasam . 
pA~nchAlarAjasya sutaH krUrakarmA samAdravat .. 118..\\
ta.n dR^iShTvA vihitaM mR^ityu.n lokatattvavichakShaNaH . 
divyAnyastrANyathotsR^ijya raNe prAya upAvishat .. 119..\\
tato.asya keshAnsavyena gR^ihItvA pANinA tadA . 
pArShataH kroshamAnAnA.n vIrANAmachchhinachchhiraH .. 120..\\
na hantavyo na hantavya iti te sarvato.abruvan . 
tathaiva chArjuno vAhAdavaruhyainamAdravat .. 121..\\
udyamya bAhU tvarito bruvANashcha punaH punaH . 
jIvantamAnayAchAryaM mA vadhIriti dharmavit .. 122..\\
tathApi vAryamANena kauravairarjunena cha . 
hata eva nR^isha.nsena pitA tava nararShabha .. 123..\\
sainikAshcha tataH sarve prAdravanta bhayArditAH . 
vaya.n chApi nirutsAhA hate pitari te.anagha .. 124..\\

 s

tachchhrutvA droNaputrastu nidhanaM piturAhave . 
krodhamAhArayattIvraM padAhata ivoragaH .. 125..\\
\medskip\hrule\medskip\centerline{\Largedvng 166}
 dhr

adharmeNa hata.n shrutvA dhR^iShTadyumnena sa~njaya . 
brAhmaNaM pitara.n vR^iddhamashvatthAmA kimabravIt .. 1..\\
mAnuSha.n vAruNAgneyaM brAhmamastra.n cha vIryavAn . 
aindraM nArAyaNa.n chaiva yasminnityaM pratiShThitam .. 2..\\
tamadharmeNa dharmiShTha.n dhR^iShTadyumnena sa~njaya . 
shrutvA nihatamAchAryamashvatthAmA kimabravIt .. 3..\\
yena rAmAdavApyeha dhanurvedaM mahAtmanA . 
proktAnyastrANi divyAni putrAya guru kA~NkShiNe .. 4..\\
ekameva hi loke.asminnAtmano guNavattaram . 
ichchhanti putraM puruShA loke nAnya.n kathaM chana .. 5..\\
AchAryANAM bhavantyeva rahasyAni mahAtmanAm . 
tAni putrAya vA dadyuH shiShyAyAnugatAya vA .. 6..\\
sa shilpaM prApya tatsarva.n sa visheSha.n cha sa~njaya . 
shUraH shAradvatI putraH sa~Nkhye droNAdanantaraH .. 7..\\
rAmasyAnumataH shAstre purandarasamo yudhi . 
kArtavIrya samo vIrye bR^ihaspatisamo matau .. 8..\\
mahIdhara samo dhR^ityA tejasAgnisamo yuvA . 
samudra iva gAmbhIrye krodhe sarvaviShopamaH .. 9..\\
sa rathI prathamo loke dR^iDhadhanvA jitaklamaH . 
shIghro.anila ivAkrande charankruddha ivAntakaH .. 10..\\
asyatA yena sa~NgrAme dharaNyabhinipIDitA . 
yo na vyathati sa~NgrAme vIraH satyaparAkramaH .. 11..\\
veda snAto vratasnAto dhanurvede cha pAragaH . 
mahodadhirivAkShobhyo rAmo dAsharathiryathA .. 12..\\
tamadharmeNa dharmiShTha.n dhR^iShTadyumnena sa.nyuge . 
shrutvA nihatamAchAryamashvatthAmA kimabravIt .. 13..\\
dhR^iShTadyumnasya yo mR^ityuH sR^iShTastena mahAtmanA . 
yathA droNasya pA~nchAlyo yaGYasena suto.abhavat .. 14..\\
taM nR^isha.nsena pApena krUreNAtyalpa darshinA . 
shrutvA nihatamAchAryamashvatthAmA kimabravIt .. 15..\\

 s

chhadmanA nihata.n shrutvA pitaraM papa karmaNA . 
bAShpeNApUryata drauNI roSheNa cha nararShabha .. 16..\\
tasya kruddhasya rAjendra vapurdivyamadR^ishyata . 
antakasyeva bhUtAni jihIrShoH kAlaparyaye .. 17..\\
ashrupUrNe tato netre apamR^ijya punaH punaH . 
uvAcha kopAnniHshvasya duryodhanamida.n vachaH .. 18..\\
pitA mama yathA kShudraurnyastashastro nipAtitaH . 
dharmadhvajavatA pApa.n kR^itaM tadviditaM mama . 
anArya.n sunR^isha.nsasya dharmaputrasya me shrutam .. 19..\\
yuddheShvapi pravR^ittAnA.n dhruvau jayaparAjayau . 
dvayametadbhavedrAjanvadhastatra prashasyate .. 20..\\
nyAyavR^itto vadho yastu sa~NgrAme yudhyato bhavet . 
na sa duHkhAya bhavati tathA dR^iShTo hi sa dvijaH .. 21..\\
gataH sa vIralokAya pitA mama na saMshayaH . 
na shochyaH puruShavyAghrastathA sa nidhana.n gataH .. 22..\\
yattu dharmapravR^ittaH sankeshagrahaNamAptavAn . 
pashyatA.n sarvasainyAnA.n tanme marmANi kR^intati .. 23..\\
kAmAtkrodhAdavaGYAnAddarpAdbAlyena vA punaH . 
vaidharmikAni kurvanti tathA paribhavena cha .. 24..\\
tadidaM pArShateneha mahadAdharmikamkR^itam . 
avaGYAya cha mAM nUnaM nR^isha.nsena durAtmanA .. 25..\\
tasyAnubandha.n sa draShTA dhR^iShTadyumnaH sudAruNam . 
anAryaM parama.n kR^itvA mithyAvAdI cha pANDavaH .. 26..\\
yo hyasau chhadmanAchArya.n shastraM sanyAsayattadA . 
tasyAdya dharmarAjasya bhUmiH pAsyati shoNitam .. 27..\\
sarvopAyairyatiShyAmi pA~nchAlAnAmaha.n vadhe . 
dhR^iShTadyumne cha samare hantAhaM pApakAriNam .. 28..\\
karmaNA yena teneha mR^idunA dAruNena vA . 
pA~nchAlAnA.n vadha.n kR^itvA shAntiM labdhAsmi kaurava .. 29..\\
yadarthaM puruShavyAghra putramichchhanti mAnavAH . 
pretya cheha cha samprApta.n trANAya mahato bhayAt .. 30..\\
pitrA tu mama sAvasthA prAptA nirbandhunA yathA . 
mayi shailapratIkAshe putra shiShye cha jIvati .. 31..\\
dhinmamAstrANi divyAni dhigbAhU dhikparAkramam . 
yanmA.n droNaH sutaM prApya keshagrahaNamAptavAn .. 32..\\
sa tathAha.n kariShyAmi yathA bharatasattama . 
paralokagatasyApi gamiShyAmyanR^iNaH pituH .. 33..\\
AryeNa tu na vaktavyA kadA chitstutirAtmanaH . 
piturvadhamamR^iShya.nstu vakShyAmyadyeha pauruSham .. 34..\\
adya pashyantu me vIryaM pANDavAH sajanArdanAH . 
mR^idnataH sarvasainyAni yugAntamiva kurvataH .. 35..\\
na hi devA na gandharvA nAsurA na cha rAkShasAH . 
adya shaktA raNe jetu.n rathasthaM mAM nararShabha .. 36..\\
madanyo nAsti loke.asminnarjunAdvAstravittamaH . 
aha.n hi jvalatAM madhye mayUdhAnAmivAMshumAn . 
prayoktA deva sR^iShTAnAmastrANAM pR^itanA gataH .. 37..\\
kR^ishAshvatanayA hyadya matprayuktA mahAmR^idhe . 
darshayanto.a.atmano vIryaM pramathiShyanti pANDavAn .. 38..\\
adya sarvA disho rAjandhArAbhiriva sa~NkulAH . 
AvR^itAH patribhistIkShNairdraShTAro mAmakairiha .. 39..\\
kiranhi sharajAlAni sarvato bhairava svaram . 
shatrUnnipAtayiShyAmi mahAvAta iva drumAn .. 40..\\
na cha jAnAti bIbhatsustadastraM na janArdanaH . 
na bhImaseno na yamau na cha rAjA yudhiShThiraH .. 41..\\
na pArShato durtAmAsau na shikhaNDI na sAtyakiH . 
yadidaM mayi kauravya sa kalya.n sa nivartanam .. 42..\\
nArAyaNAya me pitrA praNamya vidhipUrvakam . 
upahAraH purA datto brahmarUpa upasthite .. 43..\\
ta.n svayaM pratigR^ihyAtha bhagavAnsa vara.n dadau . 
vavre pitA me paramamastraM nArAyaNa.n tataH .. 44..\\
athainamabravIdrAjanbhagavAndeva sattamaH . 
bhavitA tvatsamo nAnyaH kashchidyudhi naraH kva chit .. 45..\\
na tvida.n sahasA brahmanprayoktavya.n kathaM chana . 
na hyetadastramanyatra vadhAchchhatrornivartate .. 46..\\
na chaitachchhakyate GYAtu.n ko na vadhyediti prabho . 
avadhyamapi hanyAddhi tasmAnnaitatprayojayet .. 47..\\
vadhaH sa~Nkhye dravashchaiva shastrANA.n cha visarjanam . 
prayAchana.n cha shatrUNAM gamana.n sharaNasya cha .. 48..\\
ete prashamane yogA mahAstrasya parantapa . 
sarvathA pIDito hi syAdavadhyAnpIDayanraNe .. 49..\\
tajjagrAha pitA mahyamabravIchchaiva sa prabhuH . 
tva.n varShiShyasi divyAni shastravarShANyanekashaH . 
anenAstreNa sa~NgrAme tejasA cha jvaliShyasi .. 50..\\
evamuktvA sa bhagavAndivamAchakrame prabhuH . 
etannArAyaNAdastra.n tatprAptaM mama bandhunA .. 51..\\
tenAhaM pANDavAMshchaiva pA~nchAlAnmatsyakekayAn . 
vidrAvayiShyAmi raNe shachIpatirivAsurAn .. 52..\\
yathA yathAhamichchheya.n tathA bhUtvA sharA mama . 
nipateyuH sapatneShu vikramatsvapi bhArata .. 53..\\
yatheShTamashvavarSheNa pravarShiShye raNe sthitaH . 
ayomukhaishcha vihagairdrAvayiShye mahArathAn . 
parashvadhAMshcha vividhAnprasakShye.ahamasaMshayam .. 54..\\
so.ahaM nArAyaNAstreNa mahatA shatrutApana . 
shatrUnvidhva.nsayiShyAmi kadarthI kR^ityapANDavAn .. 55..\\
mitra brahma guru dveShI jAlmakaH suvigarhitaH . 
pA~nchAlApasadashchAdya na me jIvanvimokShyate .. 56..\\
tachchhrutvA droNaputrasya paryavartata vAhinI . 
tataH sarve mahAsha~NkhAndadhmuH puruShasattamAH .. 57..\\
bherIshchAbhyahananhR^iShTA diNDimAMshcha sahasrashaH . 
tathA nanAda vasudhA khuranemiprapIDitA . 
sa shabdastumulaH kha.n dyAM pR^ithivIM cha vyanAdayat .. 58..\\
ta.n shabdaM pANDavAH shrutvA parjanyaninadopamam . 
sametya rathinA.n shreShThAH sahitAH saMnyamantrayan .. 59..\\
tathoktvA droNaputro.api tathopaspR^ishya bhArata . 
prAdushchakAra taddivyamastraM nArAyaNa.n tadA .. 60..\\
\medskip\hrule\medskip\centerline{\Largedvng 167}
 s

prAdurbhUte tatastasminnastre nArAyaNe tadA . 
prAvAtsapR^iShato vAyuranabhre stanayitnumAn .. 1..\\
chachAla pR^ithivI chApi chukShubhe cha mahodadhiH . 
pratisrotaH pravR^ittAshcha gantu.n tatra samudragAH .. 2..\\
shikharANi vyadIryanta girINA.n tatra bhArata . 
apasavyaM mR^igAshchaiva pANDuputrAnprachakrire .. 3..\\
tamasA chAvakIryanta sUryashcha kaluSho.abhavat . 
sampatanti cha bhUtAni kravyAdAni prahR^iShTavat .. 4..\\
devadAnavagandharvAstrastA AsanvishAM pate . 
katha.n kathAbhavattIvrA dR^iShTvA tadvyAkulaM mahat .. 5..\\
vyathitAH sarvarAjAnastadA hyAsanvichetasaH . 
taddR^iShTvA ghorarUpa.n tu drauNerastraM bhayAvaham .. 6..\\

 dhr

nivartiteShu sainyeShu droNaputreNa sa.nyuge . 
bhR^isha.n shokAbhitaptena piturvadhamamR^iShyatA .. 7..\\
kurUnApatato dR^iShTvA dhR^iShTadyumnasya rakShaNe . 
ko mantraH pANDaveShvAsIttanmamAchakShva sa~njaya .. 8..\\

 s

prAgeva vidrutAndR^iShTvA dhArtarAShTrAnyudhiShThiraH . 
punashcha tumula.n shabdaM shrutvArjunamabhAShata .. 9..\\
AchArye nihate droNe dhR^iShTadyumnena sa.nyuge . 
nihate vajrahastena yathA vR^itre mahAsure .. 10..\\
nAsha.nsanta jaya.n yuddhe dInAtmAno dhana~njaya . 
AtmatrANe mati.n kR^itvA prAdravankuravo yathA .. 11..\\
ke chidbhrAntai rathaistUrNaM nihatapArShNi yantR^ibhiH . 
vipatAka dhvajachchhattraiH pArthivAH shIrNakUbaraiH .. 12..\\
bhagnanIDairAkulAshvairAruhyanye vichetasaH . 
bhItAH pAdairhayAnkechchittvarayantaH svaya.n rathaiH . 
yugachakrAkSha bhagnaishcha drutAH ke chidbhayAturAH .. 13..\\
gajaskandheShu sa.nsyUtA nArAchaishchalitAsanAH . 
sharArtairvidrutairnAgairhR^itAH ke chiddisho dasha .. 14..\\
vishastra kavachAshchAnye vAhanebhyaH kShiti.n gatAH . 
sa~nchannA nemiShu gatA mR^iditAshcha hayadvipaiH .. 15..\\
kroshantastAta putreti pAlayanto.apare bhayAt . 
nAbhijAnanti chAnyonya.n kashmalAbhihataujasaH .. 16..\\
putrAnpitR^InsakhInbhrAtR^InsamAropya dR^iDhakShatAn . 
jalena kledayantyanye vimuchya kavachAnyapi .. 17..\\
avasthA.n tAdR^ishIM prApya hate droNe drutaM balam . 
punarAvartita.n kena yadi jAnAsi sha.nsa me .. 18..\\
hayAnA.n heShatAM shabdaH ku~njarANA.n cha bR^i.nhatAm . 
rathanemi svanashchAtra vimishraH shrUyate mahAn .. 19..\\
ete shabdA bhR^isha.n tIvrAH pravR^ittAH kuru sAgare . 
muhurmuhurudIryantaH kampayanti hi mAmakAn .. 20..\\
ya eSha tumulaH shabdaH shrUyate lomaharShaNaH . 
sendrAnapyeSha lokA.nstrInbhu~njyAditi matirmama .. 21..\\
manye vajradharasyaiSha ninAdo bhairavasvanaH . 
droNe hate kauravArtha.n vyaktamabhyeti vAsavaH .. 22..\\
prahR^iShTaloma kUpAH sma sa.nvignarathaku~njarAH . 
dhana~njaya guru.n shrutvA tatra nAdaM subhIShaNam .. 23..\\
ka eSha kauravAndIrNAnavasthApya mahArathaH . 
nivartayati yuddhArthaM mR^idhe deveshvaro yathA .. 24..\\

 arjuna

udyamyAtmAnamugrAya karmaNe dhairyamAsthitAH . 
dhamanti kauravAH sha~NkhAnyasya vIryamupAshritAH .. 25..\\
yatra te saMshayo rAjannyastashastre gurau hate . 
dhArtarAShTrAnavasthApya ka eSha nadatIti ha .. 26..\\
hrImanta.n taM mahAbAhuM mattadviradagAminam . 
vyAkhyAsyAmyugrakarmANa.n kurUNAmabhaya~Nkaram .. 27..\\
yasmi~njAte dadau droNo gavA.n dashashataM dhanam . 
brAhmaNebhyo mahArhebhyaH so.ashvatthAmaiSha garjati .. 28..\\
jAtamAtreNa vIreNa yanochchaiHshravasA iva . 
heShatA kampitA bhUmirlokAshcha sakalAstrayaH .. 29..\\
tachchhrutvAntarhitaM bhUtaM nAma chAsyAkarottadA . 
ashvatthAmeti so.adyaiSha shUro nadati pANDava .. 30..\\
yo.adyAnAtha ivAkramya pArShatena hatastathA . 
karmaNA sunR^isha.nsena tasya nAtho vyavasthitaH .. 31..\\
guruM me yatra pA~nchAlyaH keshapakShe parAmR^ishat . 
tanna jAtu kShameddrauNirjAnanpauruShamAtmanaH .. 32..\\
upachIrNo gururmithyA bhavatA rAjyakAraNAt . 
dharmaGYena satA nAma so.adharmaH sumahAnkR^itaH .. 33..\\
sarvadharmopapanno.ayaM mama shishyashcha pANDavaH . 
nAya.n vakShyati mithyeti pratyaya.n kR^itavA.nstvayi .. 34..\\
sa satyaka~nchukaM nAma praviShTena tato.anR^itam . 
AchArya ukto bhavatA hataH ku~njara ityuta .. 35..\\
tataH shastra.n samutsR^ijya nirmamo gatachetanaH . 
AsItsa vihvalo rAjanyathAdR^iShTastvayA vibhuH .. 36..\\
sa tu shokena chAviShTo vimukhaH putravatsalaH . 
shAshvata.n dharmamutsR^ijya guruH shiShyeNa ghAtitaH .. 37..\\
nyastashastramadharmeNa ghAtayitvA guruM bhavAn . 
rakShatvidAnI.n sAmAtyo yadi shaknoShi pArShatam .. 38..\\
grastamAchArya putreNa kruddhena hatabandhunA . 
sarve vayaM paritrAtuM na shakShyAmo.adya pArShatam .. 39..\\
sauhArda.n sarvabhUteShu yaH karotyatimAtrashaH . 
so.adya keshagraha.n shrutvA piturdhakShyati no raNe .. 40..\\
vikroshamAne hi mayi bhR^ishamAchArya gR^iddhini . 
avakIrya svadharma.n hi shiShyeNa nihato guruH .. 41..\\
yadA gata.n vayo bhUyaH shiShTamalpatara.n cha naH . 
tasyedAnI.n vikAro.ayamadharmo yatkR^ito mahAn .. 42..\\
piteva nitya.n sauhArdAtpiteva sa hi dharmataH . 
so.alpakAlasya rAjyasya kAraNAnnihato guruH .. 43..\\
dhR^itarAShTreNa bhIShmAya droNAya cha vishAM pate . 
visR^iShTA pR^ithivI sarvA saha putraishcha tatparaiH .. 44..\\
sa prApya tAdR^ishI.n vR^ittiM satkR^itaH satataM paraiH . 
avR^iNIta sadA putrAnmAmevAbhyadhika.n guruH .. 45..\\
akShIyamANo nyastAstrastvadvAkyenAhave hataH . 
na tvena.n yudhyamAnaM vai hanyAdapi shatakratuH .. 46..\\
tasyAchAryasya vR^iddhasya droho nityopakAriNaH . 
kR^ito hyanAryairasmAbhI rAjyArthe laghu buddhibhiH .. 47..\\
putrAnbhrAtR^InpitR^IndArA~njIvita.n chaiva vAsaviH . 
tyajetsarvaM mama premNA jAnAtyetaddhi me guruH .. 48..\\
sa mayA rAjyakAmena hanyamAno.apyupekShitaH . 
tasmAdavAkshirA rAjanprApto.asmi naraka.n vibho .. 49..\\
brAhmaNa.n vR^iddhamAchAryaM nyastashastraM yathA munim . 
ghAtayitvAdya rAjyArthe mR^ita.n shreyo na jIvitam .. 50..\\
\medskip\hrule\medskip\centerline{\Largedvng 168}
 s

arjunasya vachaH shrutvA nochustatra mahArathAH . 
apriya.n vA priyaM vApi mahArAja dhana~njayam .. 1..\\
tataH kruddho mahAbAhurbhImaseno.abhyabhAShata . 
utsmayanniva kaunteyamarjunaM bharatarShabha .. 2..\\
muniryathAraNya gato bhAShase dharmasa.nhitam . 
nyastadaNDo yathA pArtha brAhmaNaH saMshitavrataH .. 3..\\
kShatAstrAtA kShatA~njIvankShAntastviShvapi sAdhuShu . 
kShatriyaH kShitimApnoti kShipra.n dharma.n yashaH shriyam .. 4..\\
sa bhavAnkShatriya guNairyuktaH sarvaiH kulodvahaH . 
avipashchidyathA vAkya.n vyAharannAdya shobhase .. 5..\\
parAkramaste kaunteya shakrasyeva shachIpateH . 
na chAtivartase dharma.n velAmiva mahodadhiH .. 6..\\
na pUjayettvA ko.anvadya yattrayodasha vArShikam . 
amarShaM pR^iShTataH kR^itvA dharmamevAbhikA~NkShase .. 7..\\
diShTyA tAta manaste.adya svadharmamanuvartate . 
AnR^isha.nsye cha te diShTyA buddhiH satatamachyuta .. 8..\\
yattu dharmapravR^ittasya hR^ita.n rAjyamadharmataH . 
draupadI cha parAmR^iShTA sabhAmAnIya shatrubhiH .. 9..\\
vanaM pravrAjitAshchAsma valkalAjinavAsasaH . 
anarhamANAstaM bhAva.n trayodasha samAH paraiH .. 10..\\
etAnyamarShasthAnAni marShitAni tvayAnagha . 
kShatradharmaprasaktena sarvametadanuShThitam .. 11..\\
tamadharmamapAkraShTumArabdhaH sahitastvayA . 
sAnubandhAnhaniShyAmi kShudrAnrAjyaharAnaham .. 12..\\
tvayA tu kathitaM pUrva.n yuddhAyAbhyAgatA vayam . 
ghaTAmashcha yathAshakti tva.n tu no.adya jugupsase .. 13..\\
svadharmaM nechchhase GYAtuM mithyAvachanameva te . 
bhayArditAnAmasmAka.n vAchA marmANi kR^intasi .. 14..\\
vapanvraNe kShAramiva kShatAnA.n shatrukarshana . 
vidIryate me hR^idaya.n tvayA vAkshalya pIDitam .. 15..\\
adharmametadvipula.n dhArmikaH sannabudhyase . 
yattvamAtmAnamasmAMshcha prasha.nsyAnna prasha.nsasi . 
yaH kalA.n ShoDashI.n tvatto nArhate taM prasha.nsasi .. 16..\\
svayamevAtmano vaktuM na yukta.n guNasa.nstavam . 
dArayeyaM mahI.n krodhAdvikireyaM cha parvatAn .. 17..\\
Avidhya cha gadA.n gurvIM bhImAM kA~nchanamAlinIm . 
giriprakAshAnkShitijAnbhu~njeyamanilo yathA .. 18..\\
sa tvameva.nvidha.n jAnanbhrAtaraM mAM nararShabha . 
droNaputrAdbhaya~NkartuM nArhasyamitavikrama .. 19..\\
atha vA tiShTha bIbhatso saha sarvairnararShabhaiH . 
ahamena.n gadApANirjeShyAmyeko mahAhave .. 20..\\
tataH pA~nchAlarAjasya putraH pArthamathAbravIt . 
sa~Nkruddhamiva nardanta.n hiraNyakashipuM hariH .. 21..\\
bIbhatso vipra karmANi viditAni manIShiNAm . 
yAjanAdhyApane dAna.n tathA yaGYapratigrahau .. 22..\\
ShaShThamadhyayanaM nAma teShA.n kasminpratiShThitaH . 
hato droNo mayA yattatkiM mAM pArtha vigarhase .. 23..\\
apakrAntaH svadharmAchcha kShatradharmamupAshritaH . 
amAnuSheNa hantyasmAnastreNa kShudrakarmakR^it .. 24..\\
tathA mAyAM prayu~njAnamasahyaM brAhmaNa bruvam . 
mAyayaiva nihanyAdyo na yuktaM pArtha tatra kim .. 25..\\
tasmi.nstathA mayA shaste yadi drauNAyanI ruShA . 
kurute bhairavaM nAda.n tatra kiM mama hIyate .. 26..\\
na chAdbhutamidaM manye yaddrauNiH shuddhagarjayA . 
ghAtayiShyati kauravyAnparitrAtumashaknuvan .. 27..\\
yachcha mA.n dhArmiko bhUtvA bravIShi guru ghAtinam . 
tadarthamahamutpannaH pA~nchAlyasya suto.analAt .. 28..\\
yasya kAryamakArya.n vA yudhyataH syAtsamaM raNe . 
ta.n kathaM brAhmaNaM brUyAH kShatriya.n vA dhana~njaya .. 29..\\
yo hyanastravido hanyAdbrahmAstraiH krodhamUrchhitaH . 
sarvopAyairna sa katha.n vadhyaH puruShasattama .. 30..\\
vidharmiNa.n dharmavidbhiH proktaM teShA.n viShopamam . 
jAnandharmArthatattvaGYaH kimarjuna vigarhase .. 31..\\
nR^isha.nsaH sa mayAkramya ratha eva nipAtitaH . 
tanmAbhinandyaM bIbhatso kimarthaM nAbhinandase .. 32..\\
kR^ite raNe kathaM pArtha jvalanArkaviShopamam . 
bhIma.n droNa shirashchhede prashasyaM na prasha.nsasi .. 33..\\
yo.asau mamaiva nAnyasya bAndhavAnyudhi jaghnivAn . 
chhittvApi tasya mUrdhAnaM naivAsmi vigatajvaraH .. 34..\\
tachcha me kR^intate marma yanna tasya shiromayA . 
niShAdaviShaye kShipta.n jayadratha shiro yathA .. 35..\\
avadhashchApi shatrUNAmadharmaH shiShyate.arjuna . 
kShatriyasya hyaya.n dharmo hanyAddhanyeta vA punaH .. 36..\\
sa shatrurnihataH sa~Nkhye mayA dharmeNa pANDava . 
yathA tvayA hataH shUro bhagadattaH pituH sakhA .. 37..\\
pitAmaha.n raNe hatvA manyase dharmamAtmanaH . 
mayA shatrau hate kasmAtpApe dharmaM na manyase .. 38..\\
nAnR^itaH pANDavo jyeShTho nAha.n vAdhArmiko.arjuna . 
shiShyadhru~NnihataH pApo yudhyasva vijayastava .. 39..\\
\medskip\hrule\medskip\centerline{\Largedvng 169}
 dhr

sA~NgA vedA yathAnyAya.n yenAdhItA mahAtmanA . 
yasminsAkShAddhanurvedo hrIniShedhe pratiShThitaH .. 1..\\
tasminnAkrushyati droNe maharShitanaye tadA . 
nIchAtmanA nR^isha.nsena krudreNa guru ghAtinA .. 2..\\
yasya prasAdAtkarmANi kurvanti puruSharShabhAH . 
amAnuShANi sa~NgrAme devairasukarANi cha .. 3..\\
tasminnAkrushyati droNe samakShaM pApakarmiNaH . 
nAmarSha.n tatra kurvanti dhikkShatraM dhigamarShitam .. 4..\\
pArthAH sarve cha rAjAnaH pR^ithivyA.n ye dhanurdharAH . 
shrutvA kimAhuH pA~nchAlya.n tanmamAchakShva sa~njaya .. 5..\\

 s

shrutvA drupadaputrasya tA vAchaH krUrakarmaNaH . 
tUShNIM babhUvU rAjAnaH sarva eva vishAM pate .. 6..\\
arjunastu kaTAkSheNa jihmaM prekShya cha pArShatam . 
sabAShpamabhiniHshvasya dhigdhigdhigiti chAbravIt .. 7..\\
yudhiShThirashcha bhImashcha yamau kR^iShNastathApare . 
AsansuvrIDitA rAjansAtyakiridamabravIt .. 8..\\
nehAsti puruShaH kashchidya imaM pApapUruSham . 
bhAShamANamakalyANa.n shIghraM hanyAnnarAdhamam .. 9..\\
katha.n cha shatadhA jihvA na te mUrdhA cha dIryate . 
gurumAkroshataH kShudrana chAdharmeNa pAtyase .. 10..\\
yApyastvamasi pArthaishcha sarvaishchAndhakavR^iShNibhiH . 
yatkarma kaluSha.n kR^itvA shlAghase janasa.nsadi .. 11..\\
akArya.n tAdR^ishaM kR^itvA punareva guruM kShipan . 
vadhyastvaM na tvayArtho.asti muhUrtamapi jIvatA .. 12..\\
kastvetadvyavasedAryastvadanyaH puruShAdhamaH . 
nigR^ihya kesheShu vadha.n gurordharmAtmanaH sataH .. 13..\\
saptAvare tathA pUrve bAndhavAste nipAtitAH . 
yashasA cha parityaktAstvAM prApya kulapA.nsanam .. 14..\\
uktavAMshchApi yatpArthaM bhIShmaM prati nararShabham . 
tathAnto vihitastena svayameva mahAtmanA .. 15..\\
tasyApi tava sodaryo nihantA pApakR^ittamaH . 
nAnyaH pA~nchAla putrebhyo vidyate bhuvi pApakR^it .. 16..\\
sa chApi sR^iShTaH pitrA te bhIShmasyAnta karaH kila . 
shikhaNDI rakShitastena sa cha mR^ityurmahAtmanaH .. 17..\\
pA~nchAlAshchalitA dharmAtkShudrA mitra guru druhaH . 
tvAM prApya saha sodarya.n dhikkR^ita.n sarvasAdhubhiH .. 18..\\
punashchedIdR^ishI.n vAchaM matsamIpe vadiShyasi . 
shiraste pAtayiShyAmi gadayA vajrakalpayA .. 19..\\
sAtvatenaivamAkShiptaH pArShataH paruShAkSharam . 
sa.nrabdhaH sAtyakiM prAha sa~NkruddhaH prahasanniva .. 20..\\
shrUyate shrUyate cheti kShamyate cheti mAdhava . 
na chAnArya shubha.n sAdhuM puruSha.n kSheptumarhasi .. 21..\\
kShamA prashasyate loke na tu pApo.arhati kShamAm . 
kShamAvanta.n hi pApAtmA jito.ayamiti manyate .. 22..\\
sa tva.n kShudrasamAchAro nIchAtmA pApanishchayaH . 
A keshAgrAnnakhAgrAchcha vaktavyo vaktumichchhasi .. 23..\\
yaH sa bhUrishravAshchhinne bhuje prAyagatastvayA . 
vAryamANena nihatastataH pApataraM nu kim .. 24..\\
vyUhamAno mayA droNo divyenAstreNa sa.nyuge . 
visR^iShTashastro nihataH ki.n tatra krUra duShkR^itam .. 25..\\
ayudhyamAna.n yastvAjau tathA prAyagataM munim . 
chhinnabAhuM parairhanyAtsAtyake sa kathaM bhavet .. 26..\\
nihatya tvA.n yadA bhUmau sa vikrAmati vIryavAn . 
ki.n tadA na niha.nsyenaM bhUtvA puruShasattamaH .. 27..\\
tvayA punaranAryeNa pUrvaM pArthena nirjitaH . 
yadA tadA hataH shUraH saumadattiH pratApavAn .. 28..\\
yatra yatra tu pANDUnA.n droNo drAvayate chamUm . 
kira~nsharasahasrANi tatra tatra prayAmyaham .. 29..\\
sa tvameva.nvidha.n kR^itvA karma chANDAlavatsvayam . 
vaktumichchhasi vaktavyaH kasmAnmAM paruShANyatha .. 30..\\
kartA tva.n karmaNograsya nAha.n vR^iShNikulAdhama . 
pApAnA.n cha tvamAvAsaH karmaNAM mA punarvada .. 31..\\
joShamAssva na mAM bhUyo vaktumarhasyataH param . 
adharottarametaddhi yanmA tva.n vaktumichchhasi .. 32..\\
atha vakShyasi mAM maurkhyAdbhUyaH paruShamIdR^isham . 
gamayiShyAmi bANaistvA.n yudhi vaivasvatakShayam .. 33..\\
na chaiva mUrkha dharmeNa kevalenaiva shakyate . 
teShAmapi hyadharmeNa cheShTita.n shR^iNu yAdR^isham .. 34..\\
va~nchitaH pANDavaH parvamadharmeNa yudhiShThiraH . 
draupadI cha parikliShTA tathAdharmeNa sAtyake .. 35..\\
pravrAjitA vana.n sarve pANDavAH saha kR^iShNayA . 
sarvasvamapakR^iShTa.n cha tathAdharmeNa bAlisha .. 36..\\
adharmeNApakR^iShTashcha madrarAjaH parairitaH . 
ito.apyadharmeNa hato bhIShmaH kurupitAmahaH . 
bhUrishravA hyadharmeNa tvayA dharmavidA hataH .. 37..\\
evaM parairAcharitaM pANDaveyaishcha sa.nyuge . 
rakShamANairjaya.n vIrairdharmaGYairapi sAtvata .. 38..\\
durGYeyaH paramo dharmastathAdharmaH sudurvidaH . 
yudhyasva kauravaiH sArdhaM mA gAH pitR^iniveshanam .. 39..\\
evamAdIni vAkyAni krUrANi paruShANi cha . 
shrAvitaH sAtyakiH shrImAnAkampita ivAbhavat .. 40..\\
tachchhrutvA krodhatAmrAkShaH sAtyakistvAdade gadAm . 
viniHshvasya yathA sarpaH praNidhAya rathe dhanuH .. 41..\\
tato.abhipatya pA~nchAlya.n sa.nrambheNedamabravIt . 
na tvA.n vakShyAmi paruShaM haniShye tvAM vadhakShamam .. 42..\\
tamApatanta.n sahasA mahAbalamamarShaNam . 
pA~nchAlyAyAbhisa~NkruddhamantakAyAntakopamam .. 43..\\
chodito vAsudevena bhImaseno mahAbalaH . 
avaplutya rathAttUrNaM bAhubhyA.n samavArayat .. 44..\\
dravamANa.n tathA kruddha.n sAtyakiM pANDavo balI . 
praskandamAnamAdAya jagAma balinaM balAt .. 45..\\
sthitvA viShTabhya charaNau bhImena shinipu~NgavaH . 
nigR^ihItaH pade ShaShThe balena balinA.n varaH .. 46..\\
avaruhya rathAtta.n tu hriyamANaM balIyasA . 
uvAcha shlakShNayA vAchA sahadevo vishAM pate .. 47..\\
asmAkaM puruShavyAghra mitramanyanna vidyate . 
paramandhakavR^iShNibhyaH pA~nchAlebhyashcha mAdhava .. 48..\\
tathaivAndhakavR^iShNInA.n tava chaiva visheShataH . 
kR^iShNasya cha tathAsmatto mitramanyanna vidyate .. 49..\\
pA~nchAlAnA.n cha vArShNeya samudrAntA.n vichinvatAm . 
nAnyadasti paraM mitraM manyate cha yathA bhavAn .. 50..\\
sa bhavAnIdR^ishaM mitraM manyate cha yathA bhavAn . 
bhavantashcha yathAsmAkaM bhavatA.n cha tathA vayam .. 51..\\
sa eva.n sarvadharmaGYo mitra dharmamanusmaran . 
niyachchha manyuM pA~nchAlyAtprashAmya shinipu~Ngava .. 52..\\
pArShatasya kShama tva.n vai kShamatA.n tava pArShataH . 
vaya.n kShamayitArashcha kimanyatra shamAdbhavet .. 53..\\
prashAmyamAne shaineye sahadevena mAriSha . 
pA~nchAlarAjasya sutaH prahasannidamabravIt .. 54..\\
mu~ncha mu~ncha shineH pautraM bhIma yuddhamadAnvitam . 
AsAdayatu mAmeSha dharAdharamivAnilaH .. 55..\\
yAvadasya shitairbANaiH sa.nrambha.n vinayAmyaham . 
yuddhashraddhA.n cha kaunteya jIvitasya cha sa.nyuge .. 56..\\
kiM nu shakyaM mayA kartu.n kArya.n yadidamudyatam . 
sumahatpANDuputrANAmAyAntyete hi kauravAH .. 57..\\
atha vA phalgunaH sarvAnvArayiShyati sa.nyuge . 
ahamapyasya mUrdhAnaM pAtayiShyAmi sAyakaiH .. 58..\\
manyate chhinnabAhuM mAM bhUrishravasamAhave . 
utsR^ijainamaha.n vainameSha mAM vA haniShyati .. 59..\\
shR^iNvanpA~nchAla vAkyAni sAtyakiH sarpavachchhvasan . 
bhIma bAhvantare sakto visphuratyanishaM balI .. 60..\\
tvarayA vAsudevashcha dharmarAjashcha mAriSha . 
yatnena mahatA vIrau vArayAmAsatustataH .. 61..\\
nivArya parameShvAsau krodhasa.nraktalochanau . 
yuyutsavaH parAnsa~Nkhye pratIyuH kShatriyarShabhAH .. 62..\\
\medskip\hrule\medskip\centerline{\Largedvng 170}
 s

tataH sa kadana.n chakre ripUNAM droNanandanaH . 
yugAnte sarvabhUtAnA.n kAlasR^iShTa ivAntakaH .. 1..\\
dhvajadruma.n shastrashR^i~NgaM hatanAgamahAshilam . 
ashvakimpuruShAkIrNa.n shatAsana latAvR^itam .. 2..\\
shUlakravyAda sa~NghuShTaM bhUtayakShagaNAkulam . 
nihatya shAtravAnbhallaiH so.achinoddehaparvatam .. 3..\\
tato vegena mahatA vinadya sa nararShabhaH . 
pratiGYA.n shrAvayAmAsa punareva tavAtmajam .. 4..\\
yasmAdyudhyantamAchArya.n dharmaka~nchukamAsthitaH . 
mu~ncha shastramiti prAha kuntIputro yudhiShThiraH .. 5..\\
tasmAtsampashyatastasya drAvayiShyAmi vAhinIm . 
vidrAvya satya.n hantAsmi pApaM pA~nchAlyameva tu .. 6..\\
sarvAnetAnhaniShyAmi yadi yotsyanti mA.n raNe . 
satya.n te pratijAnAmi parAvartaya vAnihIm .. 7..\\
tachchhrutvA tava putrastu vAhinIM paryavartayat . 
si.nhanAdena mahatA vyapohya sumahadbhayam .. 8..\\
tataH samAgamo rAjankurupANDavasenayoH . 
punarevAbhavattIvraH pUrNasAgarayoriva .. 9..\\
sa.nrabdhA hi sthirI bhUtA droNaputreNa kauravAH . 
udagrAH pANDupA~nchAlA droNasya nidhanena cha .. 10..\\
teShAM paramahR^iShTAnA.n jayamAtmani pashyatAm . 
sa.nrabdhAnAM mahAvegaH prAdurAsIdraNAjire .. 11..\\
yathA shilochchaye shailaH sAgare sAgaro yathA . 
pratihanyeta rAjendra tathAsankurupANDavAH .. 12..\\
tataH sha~NkhasahasrANi bherINAmayutAni cha . 
avAdayanta sa.nhR^iShTAH kurupANDavasainikAH .. 13..\\
tato nirmathyamAnasya sAgarasyeva nisvanaH . 
abhavattasya sainyasya sumahAnadbhutopamaH .. 14..\\
prAdushchakre tato drauNirastraM nArAyaNa.n tadA . 
abhisandhAya pANDUnAM pA~nchAlAnA.n cha vAhinIm .. 15..\\
prAdurAsa.nstato bANA dIptAgrAH khe sahasrashaH . 
pANDavAnbhakShayiShyanto dIptAsyA iva pannagAH .. 16..\\
te dishaH kha.n cha sainyaM cha samAvR^iNvanmahAhave . 
muhUrtAdbhAskarasyeva rAja.Nlloka.n gabhastayaH .. 17..\\
tathApare dyotamAnA jyotIMShIvAmbare.amale . 
prAdurAsanmahIpAla kArShNAyasamayA guDAH .. 18..\\
chaturdisha.n vichitrAshcha shataghnyo.atha hutAshadAH . 
chakrANi cha kShurAntAni maNDalAnIva bhAsvataH .. 19..\\
shastrAkR^itibhirAkIrNamatIva bharatarShabha . 
dR^iShTvAntarikShamAvignAH pANDupA~nchAla sR^i~njayAH .. 20..\\
yathA yathA hyayudhyanta pANDavAnAM mahArathAH . 
tathA tathA tadastra.n vai vyavardhata janAdhipa .. 21..\\
vadhyamAnAstathAstreNa tena nArAyaNena vai . 
dahyamAnAnaleneva sarvato.abhyarditA raNe .. 22..\\
yathA hi shishirApAye dahetkakSha.n hutAshanaH . 
tathA tadastraM pANDUnA.n dadAha dhvajinIM prabho .. 23..\\
ApUryamANenAstreNa sainye kShIyati chAbhibho . 
jagAma parama.n trAsaM dharmaputro yudhiShThiraH .. 24..\\
dravamANa.n tu tatsainyaM dR^iShTvA vigatachetanam . 
madhyasthatA.n cha pArthasya dharmaputro.abravIdidam .. 25..\\
dhR^iShTadyumna palAyasva saha pA~nchAla senayA . 
sAtyake tva.n cha gachchhasva vR^iShNyandhakavR^ito gR^ihAn .. 26..\\
vAsudevo.api dharmAtmA kariShyatyAtmanaH kShamam . 
upadeShTu.n samartho.ayaM lokasya kimutAtmanaH .. 27..\\
sa~NgrAmastu na kartavyaH sarvasainyAnbravImi vaH . 
aha.n hi saha sodaryaiH pravekShye havyavAhanam .. 28..\\
bhIShmadroNArNava.n tIrtvA sa~NgrAmaM bhIru dustaram . 
avasatsyAmyasalile sagaNo drauNigoShpade .. 29..\\
kAmaH sampadyatAmasya bIbhatsorAshu mAM prati . 
kalyANa vR^itta AchAryo mayA yudhi nipAtitaH .. 30..\\
yena bAlaH sa saubhadro yuddhAnAmavishAradaH . 
samarthairbahubhiH krUrairghAtito nAbhipAlitaH .. 31..\\
yenAvibruvatA prashna.n tathA kR^iShNA sabhAM gatA . 
upekShitA saputreNa dAsabhAvaM niyachchhatI .. 32..\\
jighA.nsurdhArtarAShTrashcha shrAnteShvashveShu phalgunam . 
kavachena tathAyukto rakShArtha.n saindhavasya cha .. 33..\\
yena brahmAstra viduShA pA~nchAlAH satyajinmukhAH . 
kurvANA majjaye yatna.n sa mUlA vinipAtitAH .. 34..\\
yena pravrAjyamAnAshcha rAjyAdvayamadharmataH . 
nivAryamANenAsmAbhiranugantu.n tadeShitAH .. 35..\\
yo.asAvatyantamasmAsu kurvANaH sauhR^idaM param . 
hatastadarthe maraNa.n gamiShyAmi sa bAndhavaH .. 36..\\
evaM bruvati kaunteye dAshArhastvaritastataH . 
nivArya sainyaM bAhubhyAmida.n vachanamabravIt .. 37..\\
shIghraM nyasyata shastrANi vAhebhyashchAvarohata . 
eSha yogo.atra vihitaH pratighAto mahAtmanA .. 38..\\
dvipAshvasyandanebhyashcha kShiti.n sarve.avarohata . 
evametanna vo hanyAdastraM bhUmau nirAyudhAn .. 39..\\
yathA yathA hi yudhyante yodhA hyastrabalaM prati . 
tathA tathA bhavantyete kauravA balavattarAH .. 40..\\
nikShepsyanti cha shastrANi vAhanebhyo.avaruhya ye . 
tAnnaitadastra.n sa~NgrAme nihaniShyati mAnavAn .. 41..\\
ye tvetatpratiyotsyanti manasApIha ke chana . 
nihaniShyati tAnsarvAnrasAtalagatAnapi .. 42..\\
te vachastasya tatlshrutvA vAsudevasya bhArata . 
IShuH sarve.astramutsraShTuM manobhiH karaNena cha .. 43..\\
tata utsraShTukAmA.nstAnastrANyAlakShya pANDavaH . 
bhImaseno.abravIdrAjannida.n sa.nharShayanvachaH .. 44..\\
na katha.n chana shastrANi moktavyAnIha kena chit . 
ahamAvArayiShyAmi droNaputrAstramAshugaiH .. 45..\\
atha vApyanayA gurvyA hemavigrahayA raNe . 
kAlavadvichariShyAmi drauNerastra.n vishAtayan .. 46..\\
na hi me vikrame tulyaH kashchidasti pumAniha . 
yathaiva savitustulya.n jyotiranyanna vidyate .. 47..\\
pashyadhvaM me dR^iDhau bAhU nAgarAjakaropamA . 
samarthau parvatasyApi shaishirasya nipAtane .. 48..\\
nAgAyuta samaprANo hyahameko nareShviha . 
shakro yathA pratidvandvo divi deveShu vishrutaH .. 49..\\
adya pashyata me vIryaM bAhvoH pInA.nsayoryudhi . 
jvalamAnasya dIptasya drauNerastrasya vAraNe .. 50..\\
yadi nArAyaNAstrasya pratiyoddhA na vidyate . 
adyainaM pratiyotsyAmi pashyatsu kuru pANDuShu .. 51..\\
evamuktvA tato bhImo droNaputramarindamaH . 
abhyayAnmeghaghoSheNa rathenAdityavarchasA .. 52..\\
sa enamiShujAlena laghutvAchchhIghra vikramaH . 
nimeSha mAtreNAsAdya kuntIputro.abhyavAkirat .. 53..\\
tato drauNiH prahasyainamudAsamabhibhAShya cha . 
avAkiratpradIptAgraiH sharaistairabhimantritaiH .. 54..\\
pannagairiva dIptAsyairvamadbhiranala.n raNe . 
avakIrNo.abhavatpArthaH sphuli~Ngairiva kA~nchanaiH .. 55..\\
tasya rUpamabhUdrAjanbhImasenasya sa.nyuge . 
khadyotairAvR^itasyeva parvatasya dinakShaye .. 56..\\
tadastra.n droNaputrasya tasminpratisamasyati . 
avardhata mahArAja yathAgniraniloddhataH .. 57..\\
vivardhamAnamAlakShya tadastraM bhImavikramam . 
pANDusainyamR^ite bhIma.n sumahadbhayamAvishat .. 58..\\
tataH shastrANi te sarve samutsR^ijya mahItale . 
avArohanrathebhyashcha hastyashvebhyashcha sarvashaH .. 59..\\
teShu nikShiptashastreShu vAnahebhyashchyuteShu cha . 
tadastravIrya.n vipulaM bhIma mUrdhanyathApatat .. 60..\\
hAhAkR^itAni bhUtAni pANDavAshcha visheShataH . 
bhImasenamapashyanta tejasA sa.nvR^ita.n tadA .. 61..\\
\medskip\hrule\medskip\centerline{\Largedvng 171}
 s

bhImasena.n samAkIrNa.n dR^iShTvAstreNa dhana~njayaH . 
tejasaH pratighAtArtha.n vAruNena samAvR^iNot .. 1..\\
nAlakShayata ta.n kashchidvAruNAsttreNa sa.nvR^itam . 
arjunasya laghutvAchcha sa.nvR^itatvAchcha tejasaH .. 2..\\
sAshvasUta ratho bhImo droNaputrAstra sa.nvR^itaH . 
agnAvagniriva nyasto jvAlAmAlI sudurdR^ishaH .. 3..\\
yathA rAtrikShaye rAja~njyotIMShyastagiriM prati . 
samApetustathA bANA bhImasenarathaM prati .. 4..\\
sa hi bhImo rathashchAsya hayAH sUtashcha mAriSha . 
sa.nvR^itA droNaputreNa pAvakAntargatAbhavan .. 5..\\
yathA dagdhvA jagatkR^itsna.n samaye sa charAcharam . 
gachchhedagnirvibhorAsya.n tathAstraM bhImamAvR^iNot .. 6..\\
sUryamagniH praviShTaH syAdyathA chAgni.n divAkaraH . 
tathA praviShTa.n tattejo na prAGYAyata kiM chana .. 7..\\
vikIrNamastra.n taddR^iShTvA tathA bhIma rathaM prati . 
sarvasainyAni pANDUnAM nyastashastrANyachetasaH .. 8..\\
udIryamANa.n drauNiM cha niShprati dvandvamAhave . 
yudhiShThirapurogAMshcha vimukhA.nstAnmahArathAn .. 9..\\
arjuno vAsudevashcha tvaramANau mahAdyutI . 
avaplutya rathAdvIrau bhImamAdravatA.n tataH .. 10..\\
tatastaddroNaputrasya tejo.astrabalasambhavam . 
vigAhya tau subalinau mAyayAvishatA.n tadA .. 11..\\
nyastashastrau tatastau tu nAdahadastrajo.analaH . 
vAruNAstra prayogAchcha vIryavattvAchcha kR^iShNayoH .. 12..\\
tatashchakR^iShaturbhIma.n tasya sarvAyudhAni cha . 
nArAyaNAstra shAntyarthaM naranArAyaNau balAt .. 13..\\
apakR^iShyamANaH kaunteyo nadatyeva mahArathaH . 
vardhate chaiva tadghora.n drauNerastra.n sudurjayam .. 14..\\
tamabravIdvAsudevaH kimidaM pANDunandana . 
vAryamANo.api kaunteya yadyuddhAnna nivartase .. 15..\\
yadi yuddhena jeyAH syurime kauravanandanAH . 
vayamapyatra yudhyema tathA cheme nararShabhAH .. 16..\\
rathebhyastvavatIrNAstu sarva eva sma tAvakAH . 
tasmAttvamapi kaunteya rathAttUrNamapAkrama .. 17..\\
evamuktvA tataH kR^iShNo rathAdbhUmimapAtayat . 
niHshvasanta.n yathA nAga.n krodhasa.nraktalochanam .. 18..\\
yadApakR^iShTaH sa rathAnnyAsitashchAyudhaM bhuvi . 
tato nArAyaNAstra.n tatprashAnta.n shatrutApanam .. 19..\\
tasminprashAnte vidhinA tadA tejasi duHsahe . 
babhUvurvimalAH sarvA dishaH pradisha eva cha .. 20..\\
pravavushcha shivA vAtAH prashAntA mR^igapakShiNaH . 
vAhanAni cha hR^iShTAni yodhAshcha manujeshvara .. 21..\\
vyapoDhe cha tato ghore tasmi.nstejasi bhArata . 
babhau bhImo nishApAye dhImAnsUrya ivoditaH .. 22..\\
hatasheShaM bala.n tatra pANDavAnAmatiShThata . 
astravyuparamAddhR^iShTa.n tava putra jighA.nsayA .. 23..\\
vyavasthite bale tasminastre pratihate tathA . 
duryodhano mahArAja droNaputramathAbravIt .. 24..\\
ashvatthAmanpunaH shIghramastrametatprayojaya . 
vyavasthitA hi pA~nchAlAH punareva jayaiShiNaH .. 25..\\
ashvatthAmA tathoktastu tava putreNa mAriSha . 
sudInamabhiniHshvasya rAjAnamidamabravIt .. 26..\\
naitadAvartate rAjannastra.n dvirnopapadyate . 
AvartayannihantyetatprayoktAraM na saMshayaH .. 27..\\
eSha chAstrapratIghAta.n vAsudevaH prayuktavAn . 
anyathA vihitaH sa~Nkhye vadhaH shatrorjanAdhipa .. 28..\\
parAjayo vA mR^ityurvA shreyo mR^ityurna nirjayaH . 
nirjitAshchArayo hyete shastrotsargAnmR^itopamAH .. 29..\\

 dur

AchArya putra yadyetaddvirastraM na prayujyate . 
anyairgurughnA vadhyantAmastrairastrAvidA.n vara .. 30..\\
tvayi hyastrANi divyAni yathA syustryambake tathA . 
ichchhato na hi te muchyetkruddhasyApi purandaraH .. 31..\\

 dhr

tasminnastre pratihate droNe chopadhinA hate . 
tathA duryodhanenokto drauNiH kimakarotpunaH .. 32..\\
dR^iShTvA pArthAMshcha sa~NgrAme yuddhAya samavasthitAn . 
nArAyaNAstra nirmuktAMshcharataH pR^itanA mukhe .. 33..\\

 s

jAnanpituH sa nidhana.n si.nhalA~NgUla ketanaH . 
sakrodho bhayamutsR^ijya abhidudrAva pArShatam .. 34..\\
abhidrutya cha viMshatyA kShudrakANAM nararShabhaH . 
pa~nchabhishchAtivegena vivyAdha puruSharShabham .. 35..\\
dhR^iShTadyumnastato rAja~njvalantamiva pAvakam . 
droNaputra.n triShaShTyA tu rAjanvivyAdha patriNAm .. 36..\\
sArathi.n chAsya viMshatyA svarNapu~NkhaiH shilAshitaiH . 
hayAMshcha chaturo.avidhyachchaturbhirnishitaiH sharaiH .. 37..\\
viddhvA viddhvAnadaddrauNiH kampayanniva medinIm . 
Adadatsarvalokasya prANAniva mahAraNe .. 38..\\
pArShatastu balI rAjankR^itAstraH kR^itanishramaH . 
drauNimevAbhidudrAva kR^itvA mR^ityuM nivartanam .. 39..\\
tato bANamaya.n varSha.n droNaputrasya mUrdhani . 
avAsR^ijadameyAtmA pA~nchAlyo rathinA.n varaH .. 40..\\
ta.n drauNiH samare kruddhashchhAdayAmAsa patribhiH . 
vivyAdha chaina.n dashabhiH piturvadhamanusmaran .. 41..\\
dvAbhyA.n cha suvikR^iShTAbhyAM kShurAbhyAM dhvajakArmuke . 
chhittvA pA~nchAlarAjasya drauNiranyaiH samArdayat .. 42..\\
vyashva sUta ratha.n chainaM drauNishchakre mahAhave . 
tasya chAnucharAnsarvAnkruddhaH prAchchhAdayachchharaiH .. 43..\\
pradrudrAva tataH sainyaM pA~nchAlAnA.n vishAM pate . 
sambhrAntarUpamArta.n cha sharavarSha parikShatam .. 44..\\
dR^iShTvA cha vimukhAnyodhAndhR^iShTadyumna.n cha pIDitam . 
shaineyo.achodayattUrNa.n raNa.n drauNirathaM prati .. 45..\\
aShTabhirnishitaishchaiva so.ashvatthAmAnamArdayat . 
viMshatyA punarAhatya nAnArUpairamarShaNam . 
vivyAdha cha tathA sUta.n chaturbhishchaturo hayAn .. 46..\\
so.atividdho maheShvAso nAnA li~NgairamarShaNaH . 
yuyudhAnena vai drauNiH prahasanvAkyamabravIt .. 47..\\
shaineyAbhyavapatti.n te jAnAmyAchArya ghAtinaH . 
na tvena.n trAsyasi mayA grastamAtmAnameva cha .. 48..\\
evamuktvArka rashmyAbha.n suparvANaM sharottamam . 
vyasR^ijatsAtvate drauNirvajra.n vR^itre yathA hariH .. 49..\\
sa taM nirbhidya tenAstaH sAyakaH sa sharAvaram . 
vivesha vasudhAM bhittvA shvasanbilamivoragaH .. 50..\\
sa bhinnakavachaH shUrastottrArdita iva dvipaH . 
vimuchya sa shara.n chApaM bhUri vraNaparisravaH .. 51..\\
sIdanrudhirasiktashcha rathopastha upAvishat . 
sUtenApahR^itastUrNa.n droNaputrAdrathAntaram .. 52..\\
athAnyena supu~Nkhena shareNa nataparvaNA . 
AjaghAna bhruvormadhye dhR^iShTadyumnaM parantapaH .. 53..\\
sa pUrvamatividdhashcha bhR^ishaM pashchAchcha pIDitaH . 
sasAda yudhi pA~nchAlyo vyapAshrayata cha dhvajam .. 54..\\
taM mattamiva si.nhena rAjanku~njaramarditam . 
javenAbhyadrava~nshUrAH pa~ncha pANDavato rathAH .. 55..\\
kirITI bhImasenashcha vR^iddhakShatrashcha pauravaH . 
yuvarAjashcha chedInAM mAlavashcha sudarshanaH . 
pa~nchabhiH pa~nchabhirbANairabhyaghnansarvataH samam .. 56..\\
AshIviShAbhairvishadbhiH pa~nchabhishchApi tA~nsharaiH . 
chichchheda yugapaddrauNiH pa~nchaviMshatisAyakAn .. 57..\\
saptabhishcha shitairbANaiH paurava.n drauNirArdayat . 
mAlava.n tribhirekena pArtha.n ShaDbhirvR^ikodaram .. 58..\\
tataste vivyadhuH sarve drauNi.n rAjanmahArathAH . 
yugapachcha pR^ithakchaiva rukmapu~NkhaiH shilAshitaiH .. 59..\\
yuvarAjastu viMshatyA drauNi.n vivyAdha patriNAm . 
pArthashcha punaraShTAbhistathA sarve tribhistribhiH .. 60..\\
tato.arjuna.n ShaDbhirathAjaghAna 
drauNAyanirdashabhirvAsudevam . 
bhIma.n dashArdhairyuvarAjaM chaturbhir 
dvAbhyA.n chhittvA kArmukaM cha dhvajaM cha . 
punaH pArtha.n sharavarSheNa viddhvA 
drauNirghora.n si.nhanAdaM nanAda .. 61..\\
tasyAsyataH sunishitAnpItadhArAn 
drauNeH sharAnpR^iShThatashchAgratash cha . 
dharA viyaddyauH pradisho dishash cha 
chhannA bANairabhavanghorarUpaiH .. 62..\\
AsInasya svaratha.n tUgra tejAH 
sudarshanasyendra ketuprakAshau . 
bhujau shirashchendra samAnavIryas 
tribhiH sharairyugapatsa~ncakarta .. 63..\\
sa paurava.n rathashaktyA nihatya 
chhittvA ratha.n tilashashchApi bANaiH . 
chhittvAsya bAhU varachandanAktau 
bhallena kAyAchchhira uchchakarta .. 64..\\
yuvAnamindIvaradAma varNaM 
chedipriya.n yuvarAjaM prahasya . 
bANaistvarAvA~njvalitAgnikalpair 
viddhvA prAdAnmR^ityave sAshvasUtam .. 65..\\
tAnnihatya raNe vIro droNaputro yudhAM patiH . 
dadhmau pramuditaH sha~NkhaM bR^ihantamaparAjitaH .. 66..\\
tataH sarve cha pA~nchAlA bhImasenashcha pANDavaH . 
dhR^iShTadyumna rathaM bhItAstyaktvA samprAdravandishaH .. 67..\\
tAnprabhagnA.nstathA drauNiH pR^iShThato vikira~nsharaiH . 
abhyavartata vegena kAlavatpANDuvAhinIm .. 68..\\
te vadhyamAnAH samare droNaputreNa kShatriyAH . 
droNaputraM bhayAdrAjandikShu sarvAsu menire .. 69..\\
\medskip\hrule\medskip\centerline{\Largedvng 172}
 s

tatprabhagnaM bala.n dR^iShTvA kuntIputro dhana~njayaH . 
nyavArayadameyAtmA droNaputra vadhepsayA .. 1..\\
tataste sainikA rAjannaiva tatrAvatasthire . 
sa.nsthApyamAnA yatnena govindenArjunena cha .. 2..\\
eka eva tu bIbhatsuH somakAvayavaiH saha . 
matsyairanyaishcha sandhAya kauravaiH saMnyavartata .. 3..\\
tato drutamatikramya si.nhalA~NgUla ketanam . 
savyasAchI maheShvAsamashvatthAmAnamabravIt .. 4..\\
yA shaktiryachcha te vIrya.n yajGYAnaM yachcha pauruSham . 
dhArtarAShTreShu yA prItiH pradveSho.asmAsu yash cha te . 
yachcha bhUyo.asti tejastatparamaM mama darshaya .. 5..\\
sa eva droNa hantA te darpaM bhetsyati pArShataH . 
kAlAnalasamaprakhyo dviShatAm antako yudhi . 
samAsAdaya pA~nchAlyaM mA.n chApi saha keshavam .. 6..\\

 dhr

AchArya putro mAnArho balavAMshchApi sa~njaya . 
prItirdhana~njaye chAsya priyashchApi sa vAsaveH .. 7..\\
na bhUtapUrvaM bIbhatsorvAkyaM paruShamIdR^isham . 
atha kasmAtsa kaunteyaH sakhAya.n rUkShamabravIt .. 8..\\

 s

yuvarAje hate chaiva vR^iddhakShatre cha paurave . 
iShvastravidhisampanne mAlave cha sudarshane .. 9..\\
dhR^iShTadyumne sAtyakau cha bhIme chApi parAjite . 
yudhiShThirasya tairvAkyairmarmaNyapi cha ghaTTite .. 10..\\
antarbhede cha sa~njAte duHkha.n sa.nsmR^itya cha prabho . 
abhUtapUrvo bIbhatsorduHkhAnmanyurajAyata .. 11..\\
tasmAdanarhamashlIlamapriya.n drauNimuktavAn . 
mAnyamAchArya tanaya.n rUkSha.n kApuruSho yathA .. 12..\\
evamuktaH shvasankrodhAnmaheShvAsatamo nR^ipa . 
pArthena paruSha.n vAkyaM sarvamarma ghnayA girA . 
drauNishchukopa pArthAya kR^iShNAya cha visheShataH .. 13..\\
sa tu yatto rathe sthitvA vAryupaspR^ishya vIryavAn . 
devairapi sudurdharShamastramAgneyamAdade .. 14..\\
dR^ishyAddR^ishyAnarigaNAnuddishyAchAryanandanaH . 
so.abhimantrya shara.n dIpta.n vidhUmamiva pAvakam . 
sarvataH krodhamAvishya chikShepa paravIrahA .. 15..\\
tatastumulamAkAshe sharavarNamajAyata . 
vavushcha shishirA vAtAH sUryo naiva tatApa cha .. 16..\\
chukrushurdAnavAshchApi dikShu sarvAsu bhairavam . 
rudhira.n chApi varShanto vinedustoyadAmbare .. 17..\\
pakShiNaH pashavo gAvo munayashchApi suvratAH . 
paramaM prayatAtmAno na shAntimupalebhire .. 18..\\
bhrAntasarvamahAbhUtamAvarjitadivAkaram . 
trailokyamabhisantapta.n jvarAviShTamivAturam .. 19..\\
sharatejo.abhisantaptA nAgA bhUmishayAstathA . 
niHshvasantaH samutpetustejo ghoraM mumukShavaH .. 20..\\
jalajAni cha sattvAni dahyamAnAni bhArata . 
na shAntimupajagmurhi tapyamAnairjalAshayaiH .. 21..\\
dishaH khaM pradishashchaiva bhuva.n cha sharavR^iShTayaH . 
uchchAvachA nipeturvai garuDAnilara.nhasaH .. 22..\\
taiH sharairdroNaputrasya vajravegasamAhitaiH . 
pradagdhAH shatravaH peturagnidagdhA iva drumAH .. 23..\\
dahyamAnA mahAnAgAH petururvyA.n samantataH . 
nadanto bhairavAnnAdA~njaladopama nisvanA .. 24..\\
apare pradrutAstatra dahyamAnA mahAgajAH . 
tresustathApare ghore vane dAvAgnisa.nvR^itAH .. 25..\\
drumANA.n shikharANIva dAvadagdhAni mAriSha . 
ashvavR^indAnyadR^ishyanta rathavR^indAni chAbhibho . 
apatanta rathaughAshcha tatra tatra sahasrashaH .. 26..\\
tatsainyaM bhagavAnagnirdadAha yudhi bhArata . 
yugAnte sarvabhUtAni sa.nvartaka ivAnakaH .. 27..\\
dR^iShTvA tu pANDavI.n senA.n dahyamAnAM mahAhave . 
prahR^iShTAstAvakA rAjansi.nhanAdAnvinedire .. 28..\\
tatastUryasahasrANi nAnA li~NgAni bhArata . 
tUrNamAjaghnire hR^iShTAstAvakA jitakAshinaH .. 29..\\
kR^itsnA hyakShauhiNI rAjansavyasAchI cha pANDavaH . 
tamasA sa.nvR^ite loke nAdR^ishyata mahAhave .. 30..\\
naiva nastAdR^isha.n rAjandR^iShTapUrvaM na cha shrutam . 
yAdR^isha.n droNaputreNa sR^iShTamastramamarShiNA .. 31..\\
arjunastu mahArAja brAhmamastramudairayat . 
sarvAstrapratighAtAya vihitaM padmayoninA .. 32..\\
tato muhUrtAdiva tattamo vyupashashAma ha . 
pravavau chAnilaH shIto dishashcha vimalAbhavan .. 33..\\
tatrAdbhutamapashyAma kR^itsnAmakShauhiNI.n hatAm . 
anabhiGYeya rUpA.n cha pradagdhAmastramAyayA .. 34..\\
tato vIrau maheShvAsau vimuktau keshavArjunau . 
sahitau sampradR^ishyetAM nabhasIva tamonudau .. 35..\\
sa patAka dhvajahayaH sAnukarSha varAyudhaH . 
prababhau sa ratho muktastAvakAnAM bhaya~NkaraH .. 36..\\
tataH kilakilA shabdaH sha~NkhabherI ravaiH saha . 
pANDavAnAM prahR^iShTAnA.n kShaNena samajAyata .. 37..\\
hatAviti tayorAsIdenayorubhayormatiH . 
tarasAbhyAgatau dR^iShTvA vimuktau keshavArjunau .. 38..\\
tAvakShatau pramuditau dadhmaturvArijottamau . 
dR^iShTvA pramuditAnpArthA.nstvadIyA vyathitAbhavan .. 39..\\
vimuktau cha mahAtmAnau dR^iShTvA drauNiH suduHkhitaH . 
muhUrta.n chintayAmAsa kiM tvetaditi mAriSha .. 40..\\
chintayitvA tu rAjendra dhyAnashokaparAyaNaH . 
niHshvasandIrghamuShNa.n cha vimanAshchAbhavattadA .. 41..\\
tato drauNirdhanurnyasya rathAtpraskandya vegitaH . 
dhigdhiksarvamidaM mithyetyuktvA samprAdravadraNAt .. 42..\\
tataH snigdhAmbudAbhAsa.n veda vyAsamakalmaSham . 
AvAsa.n cha sarasvatyAH sa vai vyAsaM dadarsha ha .. 43..\\
ta.n drauNiragrato dR^iShTvA sthitaM kurukulodvaha . 
sannakaNTho.abravIdvAkyamabhivAdya sudInavat .. 44..\\
bho bho mAyA yadR^ichchhA vA na vidmaH kimidaM bhavet . 
astra.n tvidaM kathaM mithyA mama kashcha vyatikramaH .. 45..\\
adharottarametadvA lokAnA.n vA parAbhavaH . 
yadimau jIvataH kR^iShNau kAlo hi duratikramaH .. 46..\\
nAsurAmara gandharvA na pishAchA na rAkShasAH . 
na sarpayakShapatagA na manuShyAH katha.n chana .. 47..\\
utsahante.anyathA kartumetadastraM mayeritam . 
tadida.n kevala.n hatvA yuktAmakShauhiNIM jvalat .. 48..\\
kenemau martyadharmANau nAvadhItkeshavArjunau . 
etatprabrUhi bhagavanmayA pR^iShTo yathAtatham .. 49..\\

 v

mahAntametadarthaM mA.n ya.n tvaM pR^ichchhasi vismayAt . 
tatpravakShyAmi te sarva.n samAdhAya manaH shR^iNu .. 50..\\
yo.asau nArAyaNo nAma pUrveShAmapi pUrvajaH . 
ajAyata cha kAryArthaM putro dharmasya vishvakR^it .. 51..\\
sa tapastIvramAtasthe mainAka.n girimAsthitaH . 
UrdhvabAhurmahAtejA jvalanAditya saMnibhaH .. 52..\\
ShaShTi.n varShasahasrANi tAvantyeva shatAni cha . 
ashoShayattadAtmAna.n vAyubhakSho.ambujekShaNaH .. 53..\\
athApara.n tapastaptvA dvistato.anyatpunarmahat . 
dyAvApR^ithivyorvivara.n tejasA samapUrayat .. 54..\\
sa tena tapasA tAta brahmabhUto yadAbhavat . 
tato vishveshvara.n yoniM vishvasya jagataH patim .. 55..\\
dadarsha bhR^ishadurdarsha.n sarvA devairapIshvaram . 
aNIyasAmaNIyA.nsaM bR^ihadbhyashcha bR^ihattaram .. 56..\\
rudramIshAnamR^iShabha.n chekitAnamajaM param . 
gachchhatastiShThato vApi sarvabhUtahR^idi sthitam .. 57..\\
durvAraNa.n durdR^ishaM tigmamanyuM 
mahAtmAna.n sarvaharaM prachetasam . 
divya.n chApamiShudhI chAdadAnaM 
hiraNyavarmANamanantavIryam .. 58..\\
pinAkina.n vajriNa.n dIptashUlaM 
parashvadhi.n gadina.n svAyatAsim . 
subhru.n jaTAmaNDalachandra mauliM 
vyAghrAjinamparigha.n daNDapANim .. 59..\\
shubhA~NgadaM nAgayaGYopavItiM 
vishvairgaNaiH shobhitaM bhUtasa~NghaiH . 
ekIbhUta.n tapasA.n saMnidhAnaM 
vayo.atigaiH suShThutamiShTavAgbhiH .. 60..\\
jala.n divaM khaM kShitiM chandrasUryau 
tathA vAyvagnI pratimAna.n jagachcha . 
nAla.n draShTu.n yamajaM bhinnavR^ittA 
brahma dviShaghnamamR^itasya yonim .. 61..\\
yaM pashyanti brAhmaNAH sAdhuvR^ittAH 
kShINe pApe manasA ye vishokAH . 
sa tanniShThastapasA dharmamIDyaM 
tadbhaktyA vai vishvarUpa.n dadarsha . 
dR^iShTvA chaina.n vAnmano buddhidehaiH 
sa.nhR^iShTAtmA mumude devadevam .. 62..\\
akShamAlA parikShipta.n jyotiShAM paramaM nidhim . 
tato nArAyaNo dR^iShTvA vavande vishvasambhavam .. 63..\\
varadaM pR^ithuchArva~NgyA pArvatyA sahitaM prabhum . 
ajamIshAnamavyagra.n kAraNAtmAnamachyutam .. 64..\\
abhivAdyAtha rudrAya sadyo.andhakanipAtine . 
padmAkShasta.n virUpAkShamabhituShTAva bhaktimAn .. 65..\\
tvatsambhUtA bhUtakR^ito vareNya 
goptAro.adya bhuvanaM pUrvadevAH . 
AvishyemA.n dharaNI.n ye.abhyarakShan 
purA purANA.n tava deva sR^iShTim .. 66..\\
surAsurAnnAgarakShaHpishAchAn 
narAnsuparNAnatha gandharvayakShAn . 
pR^ithagvidhAnbhUtasa~NghAMshcha vishvA.ns 
tvatsambhUtAnvidma sarvA.nstathaiva . 
aindra.n yAmyaM vAruNaM vaittapAlyaM 
maitra.n tvAShTraM karma saumyaM cha tubhyam .. 67..\\
rUpa.n jyotiH shabda AkAshavAyuH 
sparshaH svAdya.n salila.n gandha urvI . 
kAmo brahmA brahma cha brAhmaNAsh cha 
tvatsambhUta.n sthAsnu chariShNu chedam .. 68..\\
adbhyaH stokA yAnti yathA pR^ithaktvaM 
tAbhishchaikya.n sa~NkShaye yAnti bhUyaH . 
eva.n vidvAnprabhava.n chApyayaM cha 
hitvA bhUtAnA.n tatra sAyujyameti .. 69..\\
divyAvR^itau mAnasau dvau suparNAv 
avAkshAkhaH pippalaH sapta gopAH . 
dashApyanye ye pura.n dhArayanti 
tvayA sR^iShTAste hi tebhyaH parastvam . 
bhUtaM bhavyaM bhavitA chApyadhR^iShyaM 
tvatsambhUtA bhuvanAnIha vishvA .. 70..\\
bhakta.n cha mAM bhajamAnaM bhajasva 
mA rIriSho mAmahitAhitena . 
AtmAna.n tvAmAtmano.ananyabhAvo 
vidvAneva.n gachchhati brahma shukram .. 71..\\
astauSha.n tvAM tava saMmAnamichchhan 
vichinvanvai savR^iSha.n devavarya . 
sudurlabhAndehi varAnmameShTAn 
abhiShTutaH pratikArShIshcha mA mAm .. 72..\\
tasmai varAnachintyAtmA nIlakaNThaH pinAka dhR^ik . 
arhate deva mukhyAya prAyachchhadR^iShisa.nstutaH .. 73..\\

 niilakantha

matprasAdAnmanuShyeShu devagandharvayoniShu . 
aprameyabalAtmA tvaM nArAyaNa bhaviShyasi .. 74..\\
na cha tvA prasahiShyanti devAsuramahoragAH . 
na pishAchA na gandharvA na cha vishve viyonijAH .. 75..\\
na suparNAstathA nAgA na cha vishve viyonijAH . 
na kashchittvA.n cha devo.api samareShu vijeShyati .. 76..\\
na shastreNa na vajreNa nAgninA na cha vAyunA . 
nArdreNa na cha shuShkeNa trasena sthAvareNa vA .. 77..\\
kashchittava ruja.n kartA matprasAdAtkathaM chana . 
api chetsamara.n gatvA bhaviShyasi mamAdhikaH .. 78..\\

 v

evamete varA labdhAH purastAdviddhi shauriNA . 
sa eSha devashcharati mAyayA mohaya~n jagat .. 79..\\
tasyaiva tapasA jAtaM naraM nAma mahAmunim . 
tulyametena devena ta.n jAnIhyarjuna.n sadA .. 80..\\
tAvetau pUrvadevAnAM paramopachitAvR^iShI . 
lokayAtrA vidhAnArtha.n sa~njAyete yuge yuge .. 81..\\
tathaiva karmaNaH kR^itsnaM mahatastapaso.api cha . 
tejo manyushcha vidva.nstva.n jAto raudro mahAmate .. 82..\\
sa bhavAndevavatprAGYo GYAtvA bhava maya.n jagat . 
avAkarShastvamAtmAnaM niyamaistatpriyepsayA .. 83..\\
shubhamaurvaM nava.n kR^itvA mahApuruShavigraham . 
IjivA.nstva.n japairhomairupahAraishcha mAnada .. 84..\\
sa tathA pUjyamAnaste pUrvadevo.apyatUtuShat . 
puShkalAMshcha varAnprAdAttava vidvanhR^idi sthitAn .. 85..\\
janma karma tapoyogAstayostava cha puShkalAH . 
tAbhyA.n li~Nge.archito devastvayArchAyAM yuge yuge .. 86..\\
sarvarUpaM bhava.n GYAtvA li~Nge yo.archayati prabhum . 
AtmayogAshcha tasminvai shAstrayogAshcha shAshvatAH .. 87..\\
eva.n devA yajanto hi siddhAshcha paramarShayaH . 
prArthayanti para.n loke sthAnameva cha shAshvatam .. 88..\\
sa eSha rudra bhaktashcha keshavo rudra sambhavaH . 
kR^iShNa eva hi yaShTavyo yaGYaishchaiSha sanAtanaH .. 89..\\
sarvabhUtabhava.n GYAtvA li~Nge.archayati yaH prabhum . 
tasminnabhyadhikAM prIti.n karoti vR^iShabhadhvajaH .. 90..\\

 s

tasya tadvachana.n shrutvA droNaputro mahArathaH . 
namashchakAra rudrAya bahu mene cha keshavam .. 91..\\
hR^iShTalomA cha vashyAtmA namaskR^itya maharShaye . 
varUthinImabhipretya avahAramakArayat .. 92..\\
tataH pratyavahAro.abhUtpANDavAnA.n vishAM pate . 
kauravANA.n cha dInAnAM droNe yudhi nipAtite .. 93..\\
yuddha.n kR^itvA dinAnpa~ncha droNo hatvA varUthinIm . 
brahmaloka.n gato rAjanbrAhmaNo vedapAragaH .. 94..\\
\medskip\hrule\medskip\centerline{\Largedvng 173}
 dhr

tasminnatirathe droNe nihate tatra sa~njaya . 
mAmakAH pANDavAshchaiva kimakurvannataH param .. 1..\\

 s

tasminnatirathe droNe nihate pArShatena vai . 
kauraveShu cha bhagneShu kuntIputro dhana~njayaH .. 2..\\
dR^iShTvA sumahadAshcharyamAtmano vijayAvaham . 
yadR^ichchhayAgata.n vyAsaM paprachchha bharatarShabha .. 3..\\
sa~NgrAme nighnataH shatrU~nsharaughairvimalairaham . 
agrato lakShaye yAntaM puruShaM pAvakaprabham .. 4..\\
jvalanta.n shUlamudyamya yA.n dishaM pratipadyate . 
tasyA.n dishi vishIryante shatravo me mahAmune .. 5..\\
na padbhyA.n spR^ishate bhUmiM na cha shUlaM vimu~nchati . 
shUlAchchhUlasahasrANi niShpetustasya tejasA .. 6..\\
tena bhagnAnarInsarvAnmadbhagnAnmanyate janaH . 
tena dagdhAni sainyAni pR^iShThato.anudahAmyaham .. 7..\\
bhagava.nstanmamAchakShva ko vai sa puruShottamaH . 
shUlapANirmahAnkR^iShNa tejasA sUryasaMnibhaH .. 8..\\

 v

prajApatInAM prathama.n tejasaM puruSha.n vibhum . 
bhuvanaM bhUrbhuva.n deva.n sarvalokeshvaraM prabhum .. 9..\\
IshAna.n varadaM pArtha dR^iShTavAnasi sha~Nkaram . 
ta.n gachchha sharaNaM deva.n sarvAdiM bhuvaneshvaram .. 10..\\
mahAdevaM mahAtmAnamIshAna.n jaTila.n shivam . 
tryakShaM mahAbhuja.n rudraM shikhina.n chIravAsasam . 
dAtAra.n chaiva bhaktAnAM prasAdavihitAnvarAn .. 11..\\
tasya te pArShadA divyA rUpairnAnAvidhairvibhoH . 
vAmanA jaTilA muNDA hrasvagrIvA mahodarAH .. 12..\\
mahAkAyA mahotsAhA mahAkarNAstathApare . 
AnanairvikR^itaiH pAdaiH pArtha veShaishcha vaikR^itaiH .. 13..\\
IdR^ishaiH sa mahAdevaH pUjyamAno maheshvaraH . 
sa shivastAta tejasvI prasAdAdyAti te.agrataH . 
tasminghore tadA pArtha sa~NgrAme lomaharShaNe .. 14..\\
droNakarNakR^ipairguptAM maheShvAsaiH prahAribhiH . 
kastA.n senA.n tadA pArtha manasApi pradharShayet . 
R^ite devAnmaheShvAsAdbahurUpAnmaheshvarAt .. 15..\\
sthAtumutsahate kashchinna tasminnagrataH sthite . 
na hi bhUta.n sama.n tena triShu lokeShu vidyate .. 16..\\
gandhenApi hi sa~NgrAme tasya kruddhasya shatravaH . 
visa~nj~nA hatabhUyiShThA vepanti cha patanti cha .. 17..\\
tasmai namastu kurvanto devAstiShThanti vai divi . 
ye chAnye mAnavA loke ye cha svargajito narAH .. 18..\\
ye bhaktA varada.n deva.n shivaM rudramupA patim . 
iha loke sukhaM prApya te yAnti paramA.n gatim .. 19..\\
namaskuruShva kaunteya tasmai shAntAya vai sadA . 
rudrAya shitikaNThAya kaniShThAya suvarchase .. 20..\\
kapardine karAlAya haryakShNe varadAya cha . 
yAmyAyAvyakta keshAya sadvR^itte sha~NkarAya cha .. 21..\\
kAmyAya hari netrAya sthANave puruShAya cha . 
hari keshAya muNDAya kR^ishAyottaraNAya cha .. 22..\\
bhAskarAya sutIrthAya devadevAya ra.nhase . 
bahurUpAya sharvAya priyAya priyavAsase .. 23..\\
uShNIShiNe suvaktrAya sahasrAkShAya mIDhuShe . 
girishAya prashAntAya pataye chIravAsase .. 24..\\
hiraNyabAhave chaiva ugrAya pataye dishAm . 
parjanyapataye chaiva bhUtAnAM pataye namaH .. 25..\\
vR^ikShANAM pataye chaiva apA.n cha pataye tathA . 
vR^ikShairAvR^itakAyAya senAnye madhyamAya cha .. 26..\\
sruva hastAya devAya dhanvine bhArgavAya cha . 
bahurUpAya vishvasya pataye chIravAsase .. 27..\\
sahasrashirase chaiva sahasranayanAya cha . 
sahasrabAhave chaiva sahasracharaNAya cha .. 28..\\
sharaNaM prApya kaunteya varadaM bhuvaneshvaram . 
umApati.n virUpAkSha.n dakShayaGYanibarhaNam . 
prajAnAM patimavyagraM bhUtAnAM patimavyayam .. 29..\\
kapardina.n vR^iShAvartaM vR^iShanAbhaM vR^iShadhvajam . 
vR^iShadarpa.n vR^iShapatiM vR^iShashR^i~NgaM vR^iSharShabham .. 30..\\
vR^iShA~Nka.n vR^iShabhodAraM vR^iShabhaM vR^iShabhekShaNam . 
vR^iShAyudha.n vR^iShasharaM vR^iShabhUtaM maheshvaram .. 31..\\
mahodaraM mahAkAya.n dvIpicharma nivAsinam . 
lokesha.n varadaM muNDaM brahmaNyaM brAhmaNa priyam .. 32..\\
trishUlapANi.n varada.n khaDgacharma dharaM prabhum . 
pinAkina.n khaNDa parashu.n lokAnAM patimIshvaram . 
prapadye sharaNa.n deva.n sharaNyaM chIravAsasam .. 33..\\
namastasmai sureshAya yasya vaishvaraNaH sakhA . 
suvAsase namo nitya.n suvratAya sudhanvine .. 34..\\
sruva hastAya devAya sukhadhanvAya dhanvine . 
dhanvantarAya dhanuShe dhanvAchAryAya dhanvine .. 35..\\
ugrAyudhAya devAya namaH suravarAya cha . 
namo.astu bahurUpAya namash cha bahudhanvine .. 36..\\
namo.astu sthANave nitya.n suvratAya sudhanvine . 
namo.astu tripuraghnAya bhaga ghnAya cha vai namaH .. 37..\\
vanaspatInAM pataye narANAM pataye namaH . 
apA.n cha pataye nitya.n yaGYAnAM pataye namaH .. 38..\\
pUShNo dantavinAshAya tryakShAya varadAya cha . 
nIlakaNThAya pi~NgAya svarNakeshAya vai namaH .. 39..\\
karmANi chaiva divyAni mahAdevasya dhImataH . 
tAni te kIrtayiShyAmi yathA praGYa.n yathA shrutam .. 40..\\
na surA nAsurA loke na gandharvA na rAkShasAH . 
sukhamedhanti kupite tasminnapi guhA gatAH .. 41..\\
vivyAdha kupito yaGYaM nirbhayastu bhavastadA . 
dhanuShA bANamutsR^ijya sa ghoSha.n vinanAda cha .. 42..\\
te na sharma kutaH shAnti.n lebhire sma surAstadA . 
vidrute sahasA yaGYe kupite cha maheshvare .. 43..\\
tena jyAtalaghoSheNa sarve lokAH samAkulAH . 
babhUvurvashagAH pArtha nipetushcha surAsurAH .. 44..\\
ApashchukShubhire sarvAshchakampe cha vasundharA . 
parvatAshcha vyashIryanta disho nAgAshcha mohitAH .. 45..\\
andhAshcha tamasA lokA na prakAshanta sa.nvR^itAH . 
jaghnivAnsaha sUryeNa sarveNA.n jyotiShAM prabhAH .. 46..\\
chukrushurbhayabhItAshcha shAnti.n chakrustathaiva cha . 
R^iShayaH sarvabhUtAnAmAtmanashcha sukhaiShiNaH .. 47..\\
pUShANamabhyadravata sha~NkaraH prahasanniva . 
puroDAshaM bhakShayato dashanAnvai vyashAtayat .. 48..\\
tato nishchakramurdevA vepamAnA natAH sma tam . 
punashcha sandadhe dIpta.n devAnAM nishita.n sharam .. 49..\\
rudrasya yaGYabhAga.n cha vishiShTaM te nvakalpayan . 
bhayena tridashA rAja~nsharaNa.n cha prapedire .. 50..\\
tena chaivAtikopena sa yaGYaH sandhitastadA . 
yattAshchApi surA AsanyattAshchAdyApi taM prati .. 51..\\
asurANAM purANyAsa.nstrINi vIryavatA.n divi . 
Ayasa.n rAjata.n chaiva sauvarNamaparaM mahat .. 52..\\
Ayasa.n tArakAkShasya kamalAkShasya rAjatam . 
sauvarNaM parama.n hyAsIdvidyunmAlina eva cha .. 53..\\
na shaktastAni maghavAnbhettu.n sarvAyudhairapi . 
atha sarve.amarA rudra.n jagmuH sharaNamarditAH .. 54..\\
te tamUchurmahAtmAna.n sarve devAH sa vAsavAH . 
rudra raudrA bhaviShyanti pashavaH sarvakarmasu . 
nipAtayiShyase chainAnasurAnbhuvaneshvara .. 55..\\
sa tathoktastathetyuktvA devAnA.n hitakAmyayA . 
atiShThatsthANubhUtaH sa sahasraM parivatsarAn .. 56..\\
yadA trINi sametAni antarikShe purANi vai . 
triparvaNA trishalyena tena tAni bibheda saH .. 57..\\
purANi na cha ta.n shekurdAnavAH prativIkShitum . 
shara.n kAlAgnisa.nyukta.n viShNusomasamAyutam .. 58..\\
bAlama~Nkagata.n kR^itvA svayaM pa~ncha shikhaM punaH . 
umA jiGYAsamAnA vai ko yamityabravItsurAn .. 59..\\
bAhu.n savajraM shakrasya kruddhasyAstambhayatprabhu . 
sa eSha bhagavAndevaH sarvalokeshvaraH prabhuH .. 60..\\
na sambubudhire chaina.n devAstaM bhuvaneshvaram . 
sa prajApatayaH sarve bAlArkasadR^ishaprabham .. 61..\\
athAbhyetya tato brahmA dR^iShTvA cha sa maheshvaram . 
aya.n shreShTha iti GYAtvA vavande taM pitAmahaH .. 62..\\
tataH prasAdayAmAsurumA.n rudra.n cha te surAH . 
abhavachcha punarbAhuryathA prakR^itivajriNaH .. 63..\\
teShAM prasanno bhagavAnsapatnIko vR^iShadhvajaH . 
devAnA.n tridashashreShTho dakShayaGYavinAshanaH .. 64..\\
sa vai rudraH sa cha shivaH so.agniH sharvaH sa sarvavit . 
sa chendrashchaiva vAyushcha so.ashvinau sa cha vidyutaH .. 65..\\
sa bhavaH sa cha parjanyo mahAdevaH sa chAnaghaH . 
sa chandramAH sa cheshAnaH sa sUryo varuNashcha saH .. 66..\\
sa kAlaH so.antako mR^ityuH sa yamo rAtryahAni cha . 
mAsArdha mAsA R^itavaH sandhye sa.nvatsarashcha saH .. 67..\\
sa cha dhAtA vidhAtA cha vishvAtmA vishvakarmakR^it . 
sarvAsA.n devatAnAM cha dhArayatyavapurvapuH .. 68..\\
sarvairdevaiH stuto devaH saikadA bahudhA cha saH . 
shatadhA sahasradhA chaiva tathA shatasahasradhA .. 69..\\
IdR^ishaH sa mahAdevo bhUyashcha bhagavAnajaH . 
na hi sarve mayA shakyA vaktuM bhagavato guNAH .. 70..\\
sarvairgrahairgR^ihItAnvai sarvapApasamanvitAn . 
sa mochayati suprItaH sharaNyaH sharaNAgatAn .. 71..\\
AyurArogyamaishvarya.n vitta.n kAmAMshcha puShkalAn . 
sa dadAti manuShyebhyaH sa chaivAkShipate punaH .. 72..\\
sendrAdiShu cha deveShu tasya chaishvaryamuchyate . 
sa chaiva vyAhR^ite loke manuShyANA.n shubhAshubhe .. 73..\\
aishvaryAchchaiva kAmAnAmIshvaraH punaruchyate . 
maheshvarashcha bhUtAnAM mahatAmIshvarashcha saH .. 74..\\
bahubhirbahudhA rUpairvishva.n vyApnoti vai jagat . 
asya devasya yadvaktra.n samudre tadatiShThata .. 75..\\
eSha chaiva shmashAneShu devo vasati nityashaH . 
yajantyena.n janAstatra vIra sthAna itIshvaram .. 76..\\
asya dIptAni rUpANi ghorANi cha bahUni cha . 
loke yAnyasya kurvanti manuShyAH pravadanti cha .. 77..\\
nAmadheyAni lokeShu bahUnyatra yathArthavat . 
niruchyante mahattvAchcha vibhutvAtkarmabhistathA .. 78..\\
vede chAsya samAmnAta.n shatarudrIyamuttamam . 
nAmnA chAnanta rudreti upasthAnaM mahAtmanaH .. 79..\\
sa kAmAnAM prabhurdevo ye divyA ye cha mAnuShAH . 
sa vibhuH sa prabhurdevo vishva.n vyApnuvate mahat .. 80..\\
jyeShThaM bhUta.n vadantyenaM brAhmaNA munayastathA . 
prathamo hyeSha devAnAM mukhAdasyAnalo.abhavat .. 81..\\
sarvathA yatpashUnpAti taishcha yadramate punaH . 
teShAmadhipatiryachcha tasmAtpashupatiH smR^itaH .. 82..\\
nityena brahmacharyeNa li~Ngamasya yadA sthitam . 
mahayanti cha lokAshcha maheshvara iti smR^itaH .. 83..\\
R^iShayashchaiva devAshcha gandharvApsarasastathA . 
li~NgamasyArchayanti sma tachchApyUrdhva.n samAsthitam .. 84..\\
pUjyamAne tatastasminmodate sa maheshvaraH . 
sukhI prItashcha bhavati prahR^iShTashchaiva sha~NkaraH .. 85..\\
yadasya bahudhA rUpaM bhUtabhavya bhavatsthitam . 
sthAvara.n ja~NgamaM chaiva bahurUpastataH smR^itaH .. 86..\\
ekAkSho jAjvalannAste sarvato.akShimayo.api vA . 
krodhAdyashchAvishallokA.nstasmAchchharva iti smR^itaH .. 87..\\
dhUmra.n rUpa.n cha yattasya dhUrjaTistena uchyate . 
vishve devAshcha yattasminvishvarUpastataH smR^itaH .. 88..\\
tisro devIryadA chaiva bhajate bhuvaneshvaraH . 
dyAmapaH pR^ithivI.n chaiva tryambakashcha tataH smR^itaH .. 89..\\
samedhayati yannitya.n sarvArthAnsarvakarmasu . 
shivamichchhanmanuShyANA.n tasmAdesha shivaH smR^itaH .. 90..\\
sahasrAkSho.ayutAkSho vA sarvato.akShimayo.api vA . 
yachcha vishvaM mahatpAti mahAdevastataH smR^itaH .. 91..\\
dahatyUrdhva.n sthito yachcha prANotpattiH sthitish cha yat . 
sthitali~Ngashcha yannitya.n tasmAtsthANuriti smR^itaH .. 92..\\
viShamasthaH sharIreShu samashcha prANinAm iha . 
sa vAyurviShamastheShu prANApAnasharIriShu .. 93..\\
pUjayedvigraha.n yastu li~NgaM vApi samarchayet . 
li~NgaM pUjayitA nityaM mahatI.n shriyamashnute .. 94..\\
UrubhyAmardhamAgneya.n somArdha.n cha shivA tanuH . 
Atmano.ardha.n cha tasyAgniH somo.ardhaM punaruchyate .. 95..\\
taijasI mahatI dIptA devebhyashcha shivA tanuH . 
bhAsvatI mAnuSheShvasya tanurghorAgniruchyate .. 96..\\
brahmacharya.n charatyeSha shivA yAsya tanustayA . 
yAsya ghoratarA mUrtiH sarvAnatti tayeshvaraH .. 97..\\
yannirdahati yattIkShNo yadugro yatpratApavAn . 
mA.nsashoNitamajjAdo yattato rudra uchyate .. 98..\\
eSha devo mahAdevo yo.asau pArtha tavAgrataH . 
sa~NgrAme shAtravAnnighna.nstvayA dR^iShTaH pinAka dhR^ik .. 99..\\
eSha vai bhagavAndevaH sa~NgrAme yati te.agrataH . 
yena dattAni te.astrANi yaistvayA dAnavA hatAH .. 100..\\
dhanya.n yashasyamAyuShyaM puNyaM vedaishcha sa~nj~nitam . 
devadevasya te pArtha vyAkhyAtma shatarudriyam .. 101..\\
sarvArthasAdhakaM puNya.n sarvakilbiSha nAshanam . 
sarvapApaprashamana.n sarvaduHkhabhayApaham .. 102..\\
chaturvidhamida.n stotraM yaH shR^iNoti naraH sadA . 
vijitya sarvA~nshatrUnsa rudra loke mahIyate .. 103..\\
charitaM mahAtmano divya.n sA~NgrAmikamidaM shubham . 
paThanvai shatarudrIya.n shR^iNvaMshcha satatotthitaH .. 104..\\
bhakto vishveshvara.n devaM mAnuSheShu tu yaH sadA . 
varAnsa kAmA.Nllabhate prasanne tryambake naraH .. 105..\\
gachchha yudhyasva kaunteya na tavAsti parAjayaH . 
yasya mantrI cha goptA cha pArshvataste janArdanaH .. 106..\\

 s

evamuktvArjuna.n sa~Nkhye parAshara sutastadA . 
jagAma bharatashreShTha yathAgatamarindama .. 107..\\

##\end{multicols}##
##
\medskip\hrule\medskip
Last updated on \today ; Send corrections to sanskrit@cheerful.com
\end{document}