v

tato droNe hate rAjanduryodhanamukhA nR^ipAH . 
bhR^ishamudvignamanaso droNaputramupAgaman .. 1..\\
te droNamupashochantaH kashmalAbhihataujasaH . 
paryupAsanta shokArtAstataH shAradvatI sutam .. 2..\\
muhUrta.n te samAshvAsya hetubhiH shAstrasaMmitaiH . 
rAtryAgame mahIpAlAH svAni veshmAni bhejire .. 3..\\
visheShataH sUtaputro rAjA chaiva suyodhanaH . 
duHshAsano.atha shakunirna nidrAm upalebhire .. 4..\\
te veshmasvapi kauravya pR^ithvIshA nApnuvansukham . 
chintayantaH kShaya.n tIvraM nidrAM naivopalebhire .. 5..\\
sahitAste nishAyA.n tu duryodhana niveshane . 
atiprachaNDAdvidveShAtpANDavAnAM mahAtmanAm .. 6..\\
yattaddyUtaparikliShTA.n kR^iShNAmAninyire sabhAm . 
tatsmaranto.anvatapyanta bhR^ishamudvignachetasaH .. 7..\\
chintayantashcha pArthAnA.n tAnkleshAndyUtakAritAn . 
kR^ichchhreNa kShaNadA.n rAjanninyurabda shatopamAm .. 8..\\
tataH prabhAte vimale sthitA diShTasya shAsane . 
chakrurAvashyaka.n sarve vidhidR^iShTena karmaNA .. 9..\\
te kR^itvAvashya kAryANi samAshvasya cha bhArata . 
yogamAGYApayAmAsuryuddhAya cha viniryayuH .. 10..\\
karNa.n senApati.n kR^itvA kR^itakautuka ma~NgalAH . 
vAchayitvA dvijashreShThAndadhi pAtraghR^itAkShataiH .. 11..\\
niShkairgobhirhiraNyena vAsobhishcha mahAdhanaiH . 
vardhyamAnA jayAshIrbhiH sUtamAgadhabandibhiH .. 12..\\
tathaiva pANDavA rAjankR^itasarvAhNika kriyAH . 
shibirAnniryayU rAjanyuddhAya kR^itanishchayAH .. 13..\\
tataH pravavR^ite yuddha.n tumula.n romaharShaNam . 
kurUNAM pANDavAnA.n cha parasparavadhaiShiNAm .. 14..\\
tayordve divase yuddha.n kurupANDavasenayoH . 
karNe senApatau rAjannabhUdadbhutadarshanam .. 15..\\
tataH shatrukShaya.n kR^itvA sumahAnta.n raNe vR^iShaH . 
pashyatA.n dhArtarAShTrANAM phalgunena nipAtitaH .. 16..\\
tatastatsa~njayaH sarva.n gatvA nAgAhvayaM puram . 
Achakhyau dhR^itarAShTrAya yadvR^itta.n kurujA~Ngale .. 17..\\

 j

Apageya.n hataM shrutvA droNa.n cha samare paraiH . 
yo jagAma parAmArti.n vR^iddho rAjAmbikA sutaH .. 18..\\
sa shrutvA nihata.n karNaM duryodhanahitaiShiNam . 
katha.n dvija varaprANAnadhArayata duHkhitaH .. 19..\\
yasmi~njayAshAM putrANAmamanyata sa pArthivaH . 
tasminhate sa kauravyaH kathaM prANAnadhArayat .. 20..\\
durmaraM bata manye.ahaM nR^iShA.n kR^ichchhre.api vartatAm . 
yatra karNa.n hataM shrutvA nAtyajajjIvitaM nR^ipaH .. 21..\\
tathA shAntanava.n vR^iddhaM brahmanbAhlikameva cha . 
droNa.n cha somadattaM cha bhUrishravasameva cha .. 22..\\
tathaiva chAnyAnsuhR^idaH putrapautrAMshcha pAtitAn . 
shrutvA yannAjahAtprANA.nstanmanye duShkara.n dvija .. 23..\\
etanme sarvamAchakShva vistareNa tapodhana . 
na hi tR^ipyAmi pUrveShA.n shR^iNvAnashcharitaM mahat .. 24..\\

 v

hate karNe mahArAja nishi gAvalgaNistadA . 
dIno yayau nAgapuramashvairvAtasamairjave .. 25..\\
sa hAstinapura.n gatvA bhR^ishamudvignamAnasaH . 
jagAma dhR^itarAShTrasya kShayaM prakShINabAndhavam .. 26..\\
sa samudvIkShya rAjAna.n kashmalAbhihataujasam . 
vavande prA~njalirbhUtvA mUrdhnA pAdau nR^ipasya ha .. 27..\\
sampUjya cha yathAnyAya.n dhR^itarAShTraM mahIpatim . 
hA kaShTamiti choktvA sa tato vachanamAdade .. 28..\\
sa~njayo.aha.n kShitipate kachchidAste sukhaM bhavAn . 
svadoSheNApadaM prApya kachchinnAdya vimuhyasi .. 29..\\
hitAnyuktAni vidura droNa gA~Ngeya keshavaiH . 
agR^ihItAnyanusmR^itya kachchinna kuruShe vyathAm .. 30..\\
rAma nArada kaNvaishcha hitamukta.n sabhA tale . 
na gR^ihItamanusmR^itya kachchinna kuruShe vyathAm .. 31..\\
suhR^idastvaddhite yuktAnbhIShmadroNamukhAnparaiH . 
nihatAnyudhi sa.nsmR^itya kachchinna kuruShe vyathAm .. 32..\\
tameva.n vAdinaM rAjA sUtaputra.n kR^itA~njalim . 
sudIrghamabhiniHshvasya duHkhArta idamabravIt .. 33..\\
gA~Ngeye nihate shUre divyAstravati sa~njaya . 
droNe cha parameShvAse bhR^ishaM me vyathitaM manaH .. 34..\\
yo rathAnA.n sahasrANi daMshitAnA.n dashaiva hi . 
ahanyahani tejasvI nijaghne vasu sambhavaH .. 35..\\
sa hato yaGYasenasya putreNeha shikhaNDinA . 
pANDaveyAbhiguptena bhR^ishaM me vyathitaM manaH .. 36..\\
bhArgavaH pradadau yasmai paramAstraM mahAtmane . 
sAkShAdrAmeNa yo bAlye dhanurveda upAkR^itaH .. 37..\\
yasya prasAdAtkaunteyA rAjaputrA mahAbalAH . 
mahArathatva.n samprAptAstathAnye vasudhAdhipAH .. 38..\\
ta.n droNaM nihata.n shrutvA dhR^iShTadyumnena sa.nyuge . 
satyasandhaM maheShvAsaM bhR^ishaM me vyathitaM manaH .. 39..\\
trailokye yasya shAstreShu na pumAnvidyate samaH . 
ta.n droNaM nihata.n shrutvA kimakurvata mAmakAH .. 40..\\
saMshaptakAnA.n cha bale pANDavena mahAtmanA . 
dhana~njayena vikramya gamite yamasAdanam .. 41..\\
nArAyaNAstre nihate droNaputrasya dhImataH . 
hatasheSheShvanIkeShu kimakurvata mAmakAH .. 42..\\
vipradrutAnahaM manye nimagnaH shokasAgare . 
pravamAnAnhate droNe sannanaukAnivArNave .. 43..\\
duryodhanasya karNasya bhojasya kR^itavarmaNaH . 
madrarAjasya shalyasya drauNeshchaiva kR^ipasya cha .. 44..\\
matputra sheShasya tathA tathAnyeShA.n cha sa~njaya . 
viprakIrNeShvanIkeShu mukhavarNo.abhavatkatham .. 45..\\
etatsarva.n yathAvR^itta.n tattvaM gAvalgaNe raNe . 
AchakShva pANDaveyAnAM mAmakAnA.n cha sarvashaH .. 46..\\

 s

pANDaveyairhi yadvR^itta.n kauraveyeShu mAriSha . 
tachchhrutvA mA vyathA.n kArShIdiShTe na vyathate manaH .. 47..\\
yasmAdabhAvI bhAvI vA bhavedartho naraM prati . 
aprAptau tasya vA prAptau na kashchidvyathate budhaH .. 48..\\

 dhr

na vyathA shR^iNvataH kA chidvidyate mama sa~njaya . 
diShTametatpurA manye kathayasva yathechchhakam .. 49..\\
\medskip\hrule\medskip\centerline{\Largedvng 2}
 s

hate droNe maheShvAse tava putrA mahArathAH . 
babhUvurAshvasta mukhA viShaNNA gatachetasaH .. 1..\\
avA~NmukhAH shastrabhR^itaH sarva eva vishAM pate . 
aprekShamANAH shokArtA nAbhyabhAShanparasparam .. 2..\\
tAndR^iShTvA vyathitAkArAnsainyAni tava bhArata . 
UrdhvamevAbhyavekShanta duHkhatrastAnyanekashaH .. 3..\\
shastrANyeShA.n cha rAjendra shoNitAktAnyasheShataH . 
prAbhrashyanta karAgrebhyo dR^iShTvA droNaM nipAtitam .. 4..\\
tAni baddhAnyaniShTAni lambamAnAni bhArata . 
adR^ishyanta mahArAja nakShatrANi yathA divi .. 5..\\
tathArta.n stimita.n dR^iShTvA gatasattvamiva sthitam . 
svaM bala.n tanmahArAja rAjA duryodhano.abravIt .. 6..\\
bhavatAM bAhuvIrya.n hi samAshritya mayA yudhi . 
pANDaveyAH samAhUtA yuddha.n chedaM pravartitam .. 7..\\
tadidaM nihate droNe viShaNNamiva lakShyate . 
yudhyamAnAshcha samare yodhA vadhyanti sarvataH .. 8..\\
jayo vApi vadho vApi yudhyamAnasya sa.nyuge . 
bhavetkimatra chitra.n vai yudhyadhvaM sarvato mukhAH .. 9..\\
pashyadhva.n cha mahAtmAnaM karNa.n vaikartanaM yudhi . 
pracharantaM maheShvAsa.n divyairastrairmahAbalam .. 10..\\
yasya vai yudhi santrAsAtkuntIputro dhana~njayaH . 
nivartate sadAmarShAtsi.nhAtkShudramR^igo yathA .. 11..\\
yena nAgAyuta prANo bhImaseno mahAbalaH . 
mAnuSheNaiva yuddhena tAmavasthAM praveshitaH .. 12..\\
yena divyAstravichchhUro mAyAvI sa ghaTotkachaH . 
amoghayA raNe shaktyA nihato bhairavaM nadan .. 13..\\
tasya duShpAra vIryasya satyasandhasya dhImataH . 
bAhvordraviNamakShayyamadya drakShyatha sa.nyuge .. 14..\\
droNaputrasya vikrAnta.n rAdheyasyaiva chobhayoH . 
pANDupA~nchAla sainyeShu drakShyathApi mahAtmanoH .. 15..\\
sarva eva bhavantashcha shUrAH prAGYAH kulodgatAH . 
shIlavantaH kR^itAstrAshcha drakShyathAdya parasparam .. 16..\\
evamukte mahArAja karNo vaikartano nR^ipaH . 
si.nhanAda.n vinadyochchaiH prAyudhyata mahAbalaH .. 17..\\
sa sR^i~njayAnA.n sarveShAM pA~nchAlAnA.n cha pashyatAm . 
kekayAnA.n videhAnAmakarotkadanaM mahat .. 18..\\
tasyeShu dhArAH shatashaH prAdurAsa~nsharAsanAt . 
agre pu~Nkhe cha sa.nsaktA yathA bhramarapa~NktayaH .. 19..\\
sa pIDayitvA pA~nchAlAnpANDavAMshcha tarasvinaH . 
hatvA sahasrasho yodhAnarjunena nipAtitaH .. 20..\\
\medskip\hrule\medskip\centerline{\Largedvng 3}
 vai

etachchhrutvA mahArAja dhR^itarAShTro.ambikA sutaH . 
shokasyAntamapashyanvai hataM matvA suyodhanam . 
vihvalaH patito bhUmau naShTachetA iva dvipaH .. 1..\\
tasminnipatite bhUmau vihvale rAjasattame . 
ArtanAdo mahAnAsItstrINAM bharatasattama .. 2..\\
sa shabdaH pR^ithivI.n sarvAM pUrayAmAsa sarvashaH . 
shokArNave mahAghore nimagnA bharata striyaH .. 3..\\
rAjAna.n cha samAsAdya gAndhArI bharatarShabha . 
niHsa~nj~nA patitA bhUmau sarvANyantaHpurANi cha .. 4..\\
tatastAH sa~njayo rAjansamAshvAsayadAturAH . 
muhyamAnAH subahusho mu~nchantyo vAri netrajam .. 5..\\
samAshvastAH striyastAstu vepamAnA muhurmuhuH . 
kadalya iva vAtena dhUyamAnAH samantataH .. 6..\\
rAjAna.n vidurashchApi praGYA chakShuShamIshvaram . 
AshvAsayAmAsa tadA si~ncha.nstoyena kauravam .. 7..\\
sa labdhvA shanakaiH sa~nj~nA.n tAshcha dR^iShTvA striyo nR^ipa . 
unmatta iva rAjA sa sthitastUShNI.n vishAM pate .. 8..\\
tato dhyAtvA chira.n kAlaM niHshvasaMshcha punaH punaH . 
svAnputrAngarhayAmAsa bahu mene cha pANDavAn .. 9..\\
garhayitvAtmano buddhi.n shakuneH saubalasya cha . 
dhyAtvA cha suchira.n kAla.n vepamAno muhurmuhuH .. 10..\\
sa.nstabhya cha mano bhUyo rAjA dhairyasamanvitaH . 
punargAvalgaNi.n sUtaM paryapR^ichchhata sa~njayam .. 11..\\
yattvayA kathita.n vAkyaM shrutaM sa~njaya tanmayA . 
kachchidduryodhanaH sUta na gato vai yamakShayam . 
brUhi sa~njaya tattvena punaruktA.n kathAmimAm .. 12..\\
evamukto.abravItsUto rAjAna.n janamejaya . 
hato vaikartano rAjansaha putrairmahArathaiH . 
bhrAtR^ibhishcha maheShvAsaiH sUtaputraistanutyajaiH .. 13..\\
duHshAsanashcha nihataH pANDavena yashasvinA . 
pIta.n cha rudhiraM kopAdbhImasenena sa.nyuge .. 14..\\
\medskip\hrule\medskip\centerline{\Largedvng 4}
 vai

etachchhrutvA mahArAja dhR^itarAShTro.ambikA sutaH . 
abravItsa~njaya.n sUtaM shokavyAkula chetanaH .. 1..\\
duShpraNItena me tAta manasAbhiplutAtmanaH . 
hata.n vaikartanaM shrutvA shoko marmANi kR^intati .. 2..\\
kR^itAstra paramAH shalye duHkhapAra.n titIrShavaH . 
kurUNA.n sR^i~njayAnA.n cha ke nu jIvanti ke mR^itAH .. 3..\\

 s

hataH shAntanavo rAjandurAdharShaH pratApavAn . 
hatvA pANDava yodhAnAmarbuda.n dashabhirdinaiH .. 4..\\
tato droNo maheShvAsaH pA~nchAlAnA.n rathavrajAn . 
nihatya yudhi durdharShaH pashchAdrukmaratho hataH .. 5..\\
hatashiShTasya bhIShmeNa droNena cha mahAtmanA . 
ardhaM nihatya sainyasya karNo vaikartano hataH .. 6..\\
viviMshatirmahArAja rAjaputro mahAbalaH . 
AnartayodhA~nshatasho nihatya nihato raNe .. 7..\\
atha putro vikarNaste kShatravratamanusmaran . 
kShINavAhAyudhaH shUraH sthito.abhimukhataH parAn .. 8..\\
ghorarUpAnparikleshAnduryodhanakR^itAnbahUn . 
pratiGYA.n smaratA chaiva bhImasenena pAtitaH .. 9..\\
vindAnuvindAvAvantyau rAjaputrau mahAbalau . 
kR^itvA na sukara.n karma gatau vaivasvatakShayam .. 10..\\
sindhurAShTramukhAnIha dasha rAShTrANi yasya vai . 
vashe tiShThanti vIrasya yaH sthitastava shAsane .. 11..\\
akShauhiNIrdashaikA.n cha nirjitya nishitaiH sharaiH . 
arjunena hato rAjanmahAvIryo jayadrathaH .. 12..\\
tathA duryodhana sutastarasvI yuddhadurmadaH . 
vartamAnaH pituH shAstre saubhadreNa nipAtitaH .. 13..\\
tathA dauHshAsanirvIro bAhushAlI raNotkaTaH . 
draupadeyena vikramya gamito yamasAdanam .. 14..\\
kirAtAnAmadhipatiH sAgarAnUpavAsinAm . 
devarAjasya dharmAtmA priyo bahumataH sakhA .. 15..\\
bhagadatto mahIpAlaH kShatradharmarataH sadA . 
dhana~njayena vikramya gamito yamasAdanam .. 16..\\
tathA kaurava dAyAdaH saumadattirmahAyashAH . 
hato bhUrishravA rAja~nshUraH sAtyakinA yudhi .. 17..\\
shrutAyurapi chAmbaShThaH kShatriyANA.n dhanurdharaH . 
charannabhItavatsa~Nkhye nihataH savyasAchinA .. 18..\\
tava putraH sadA sa~Nkhye kR^itAstro yuddhadurmadaH . 
duHshAsano mahArAja bhImasenena pAtitaH .. 19..\\
yasya rAjangajAnIkaM bahusAhasramadbhutam . 
sudakShiNaH sa sa~NgrAme nihataH savyasAchinA .. 20..\\
kosalAnAmadhipatirhatvA bahushatAnparAn . 
saubhadreNa hi vikramya gamito yamasAdanam .. 21..\\
bahusho yodhayitvA cha bhImasenaM mahArathaH . 
chitrasenastava suto bhImasenena pAtitaH .. 22..\\
madrarAjAtmajaH shUraH pareShAM bhayavardhanaH . 
asi charma dharaH shrImAnsaubhadreNa nipAtitaH .. 23..\\
samaH karNasya samare yaH sa karNasya pashyataH . 
vR^iShaseno mahAtejAH shIghrAstraH kR^itanishchayaH .. 24..\\
abhimanyorvadha.n smR^itvA pratiGYAmapi chAtmanaH . 
dhana~njayena vikramya gamito yamasAdanam .. 25..\\
nityaprasaktavairo yaH pANDavaiH pR^ithivIpatiH . 
vishrAvya vairaM pArthena shrutAyuH sa nipAtitaH .. 26..\\
shalya putrastu vikrAntaH sahadevena mAriSha . 
hato rukmaratho rAjanbhrAtA mAtulajo yudhi .. 27..\\
rAjA bhagIratho vR^iddho bR^ihatkShatrashcha kekayaH . 
parAkramantau vikrAntau nihatau vIryavattarau .. 28..\\
bhagadattasuto rAjankR^itapraGYo mahAbalaH . 
shyenavachcharatA sa~Nkhye nakulena nipAtitaH .. 29..\\
pitAmahastava tathA bAhlikaH saha bAhlikaiH . 
bhImasenena vikramya gamito yamasAdanam .. 30..\\
jayatsenastathA rAja~njArAsandhirmahAbalaH . 
mAgadho nihataH sa~Nkhye saubhadreNa mahAtmanA .. 31..\\
putraste durmukho rAjanduHsahashcha mahArathaH . 
gadayA bhImasenena nihatau shUramAninau .. 32..\\
durmarShaNo durviShaho durjayashcha mahArathaH . 
kR^itvA na sukara.n karma gatA vaivasvatakShayam .. 33..\\
sachivo vR^iShavarmA te sUtaH paramavIryavAn . 
bhImasenena vikramya gamito yamasAdanam .. 34..\\
nAgAyuta balo rAjA nAgAyuta balo mahAn . 
sagaNaH pANDuputreNa nihataH savyasAchinA .. 35..\\
vasAtayo mahArAja dvisAhasrAH prahAriNaH . 
shUrasenAshcha vikrAntAH sarve yudhi nipAtitAH .. 36..\\
abhIShAhAH kavachinaH praharanto mahotkaTAH . 
shibayashcha rathodArAH kali~Nga sahitA hatAH .. 37..\\
gokule nityasa.nvR^iddhA yuddhe paramakovidAH . 
shreNayo bahusAhasrAH saMshaptaka gaNAsh cha ye . 
te sarve pArthamAsAdya gatA vaivasvatakShayam .. 38..\\
syAlau tava mahArAja rAjAnau vR^iShakAchalau . 
tvadarthe samparAkrAntau nihatau savyasAchinA .. 39..\\
ugrakarmA maheShvAso nAmataH karmatastathA . 
shAlvarAjo mahArAja bhImasenena pAtitaH .. 40..\\
oghavAMshcha mahArAja bR^ihantaH sahito raNe . 
parAkramantau mitrArthe gatau vaivasvatakShayam .. 41..\\
tathaiva rathinA.n shreShThaH kShemadhUrtirvishAM pate . 
nihato gadayA rAjanbhImasenena sa.nyuge .. 42..\\
tathA rAjA maheShvAso jalasandho mahAbalaH . 
sumahatkadana.n kR^ittvA hataH sAtyakinA raNe .. 43..\\
alAyudho rAkShasendraH kharabandhura yAnagaH . 
ghaTotkachena vikramya gamito yamasAdanam .. 44..\\
rAdheyAH sUtaputrAshcha bhrAtarashcha mahArathAH . 
kekayAH sarvashashchApi nihatAH savyasAchinA .. 45..\\
mAlavA madrakAshchaiva draviDAshchogravikramAH . 
yaudheyAshcha lalitthAshcha kShudrakAshchApyushInarAH .. 46..\\
mAvellakAstuNDikerAH sAvitrI putra kA~nchalAh . 
prAchyodIchyAH pratIchyAshcha dAkShiNAtyAshcha mAriSha .. 47..\\
pattInAM nihatAH sa~NghA hayAnAmayutAni cha . 
rathavrajAshcha nihatA hatAshcha varavAraNAH .. 48..\\
sa dhvajAH sAyudhAH shUrAH sa varmAmbara bhUShaNAH . 
kAlena mahatA yattAH kule ye cha vivardhitAH .. 49..\\
te hatAH samare rAjanpArthenAkliShTa karmaNA . 
anye tathAmita balAH parasparavadhaiShiNaH .. 50..\\
ete chAnye cha bahavo rAjAnaH sagaNA raNe . 
hatAH sahasrasho rAjanyanmA.n tvaM paripR^ichchhasi . 
evameSha kShayo vR^ittaH karNArjuna samAgame .. 51..\\
mahendreNa yathA vR^itro yathA rAmeNa rAvaNaH . 
yathA kR^iShNena nihato muro raNanipAtitaH . 
kArtavIryashcha rAmeNa bhArgaveNa hato yathA .. 52..\\
sa GYAtibAndhavaH shUraH samare yuddhadurmadaH . 
raNe kR^itvA mahAyuddha.n ghoraM trailokyavishrutam .. 53..\\
tathArjunena nihato dvairathe yuddhadurmadaH . 
sAmAtyabAndhavo rAjankarNaH praharatA.n varaH .. 54..\\
jayAshA dhArtarAShTrANA.n vairasya cha mukhaM yataH . 
tIrNa.n tatpANDavai rAjanyatpurA nAvabudhyase .. 55..\\
uchyamAno mahArAja bandhubhirhitakA~NkShibhiH . 
tadida.n samanuprAptaM vyasana.n tvAM mahAtyayam .. 56..\\
putrANA.n rAjyakAmAnA.n tvayA rAjanhitaiShiNA . 
ahitAnIva chIrNAni teShA.n te phalamAgatam .. 57..\\

 dhr

AkhyAtA mAmakAstAta nihatA yudhi pANDavaiH . 
nihatAnpANDaveyAnAM mAmakairbrUhi sa~njaya .. 58..\\

 s

kuntayo yudhi vikrAntA mahAsattvA mahAbalAH . 
sAnubandhAH sahAmAtyA bhIShmeNa yudhi pAtitAH .. 59..\\
samaH kirITinA sa~Nkhye vIryeNa cha balena cha . 
satyajitsatyasandhena droNena nihato raNe .. 60..\\
tathA virATadrupadau vR^iddhau saha sutau nR^ipau . 
parAkramantau mitrArthe droNena nihatau raNe .. 61..\\
yo bAla eva samare saMmitaH savyasAchinA . 
keshavena cha durdharSho baladevena chAbhibhUH .. 62..\\
sa eSha kadana.n kR^itvA mahadraNavishAradaH . 
parivArya mahAmAtraiH ShaDbhiH paramakai rathaiH . 
ashaknuvadbhirbIbhatsumabhimanyurnipAtitaH .. 63..\\
ta.n kR^ita.n virathaM vIraM kShatradharme vyavasthitam . 
dauHshAsanirmahArAja saubhadra.n hatavAnraNe .. 64..\\
bR^ihantastu maheShvAsaH kR^itAstro yuddhadurmadaH . 
duHshAsanena vikramya gamito yamasAdanam .. 65..\\
maNimAndaNDadhArashcha rAjAnau yuddhadurmadau . 
parAkramantau mitrArthe droNena vinipAtitau .. 66..\\
aMshumAnbhojarAjastu saha sainyo mahArathaH . 
bhAradvAjena vikramya gamito yamasAdanam .. 67..\\
chitrAyudhashchitrayodhI kR^itvA tau kadanaM mahat . 
chitramArgeNa vikramya karNena nihatau yudhi .. 68..\\
vR^ikodara samo yuddhe dR^iDhaH kekayajo yudhi . 
kekayenaiva vikramya bhrAtrA bhrAtA nipAtitaH .. 69..\\
janamejayo gadAyudhI pArvatIyaH pratApavAn . 
durmukhena mahArAja tava putreNa pAtitaH .. 70..\\
rochamAnau naravyAghrau rochamAnau grahAviva . 
droNena yugapadrAjandiva.n sampreShitau sharaiH .. 71..\\
nR^ipAshcha pratiyudhyantaH parAkrAntA vishAM pate . 
kR^itvA na sukara.n karma gatA vaivasvatakShayam .. 72..\\
purujitkuntibhojashcha mAtulaH savyasAchinaH . 
sa~NgrAmanirjitA.NllokAngamito droNa sAyakaiH .. 73..\\
abhibhUH kAshirAjashcha kAshikairbahubhirvR^itaH . 
vasu dAnasya putreNa nyAsito dehamAhave .. 74..\\
amitaujA yudhAmanyuruttamaujAshcha vIryavAn . 
nihatya shatashaH shUrAnparairvinihatau raNe .. 75..\\
kShatradharmA cha pA~nchAlyaH kShatravarmA cha mAriSha . 
droNena parameShvAsau gamitau yamasAdanam .. 76..\\
shikhaNDitanayo yuddhe kShatradevo yudhAM patiH . 
lakShmaNena hato rAja.nstava pautreNa bhArata .. 77..\\
suchitrashchitradharmA cha pitA putrau mahArathau . 
pracharantau mahAvIryau droNena nihatau raNe .. 78..\\
vArdhakShemirmahArAja kR^itvA kadanamAhave . 
bAhlikena mahArAja kauraveNa nipAtitaH .. 79..\\
dhR^iShTaketurmahArAja chedInAM pravaro rathaH . 
kR^itvA na sukara.n karma gato vaivasvatakShayam .. 80..\\
tathA satyadhR^itistAta kR^itvA kadanamAhave . 
pANDavArthe parAkrAnto gamito yamasAdanam .. 81..\\
putrastu shishupAlasya suketuH pR^ithivIpate . 
nihatya shAtravAnsa~Nkhye droNena nihato yudhi .. 82..\\
tathA satyadhR^itirvIro madirAshvashcha vIryavAn . 
sUryadattashcha vikrAnto nihato droNa sAyakaiH .. 83..\\
shreNimAMshcha mahArAja yudhyamAnaH parAkramI . 
kR^itvA na sukara.n karma gato vaivasvatakShayam .. 84..\\
tathaiva yudhi vikrAnto mAgadhaH paravIrahA . 
bhIShmeNa nihato rAjanyudhyamAnaH parAkramI .. 85..\\
vasu dAnashcha kadana.n kurvANo.atIva sa.nyuge . 
bhAradvAjena vikramya gamito yamasAdanam .. 86..\\
ete chAnye cha bahavaH pANDavAnAM mahArathAH . 
hatA droNena vikramya yanmA.n tvaM paripR^ichchhasi .. 87..\\

 dhr

hatapravIre sainye.asminmAmake vadatA.n vara . 
ahatA~nsha.nsa me sUta ye.atra jIvanti ke chana .. 88..\\
eteShu nihateShvadya ye tvayA parikIrtitAH . 
ahatAnmanyase yA.nstva.n te.api svargajito matAH .. 89..\\

 s

yasminmahAstrANi samarpitAni 
chitrANi shubhrANi chaturvidhAni . 
divyAni rAjannihitAni chaiva 
droNena vIra dvijasattamena .. 90..\\
mahArathaH kR^itimAnkShiprahasto 
dR^iDhAyudho dR^iDhamuShTirdR^iDheShuH . 
sa vIryavAndroNaputrastarasvI 
vyavasthito yoddhukAmastvadarthe .. 91..\\
AnartavAsI hR^idikAtmajo.asau 
mahArathaH sAtvatAnA.n variShThaH . 
svayaM bhojaH kR^itavarmA kR^itAstro 
vyavasthito yoddhukAmastvadarthe .. 92..\\
shAradvato gautamashchApi rAjan 
mahAbalo bahu chitrAstra yodhI . 
dhanushchitra.n sumahadbhArasAhaM 
vyavasthito yotsyamAnaH pragR^ihya .. 93..\\
ArtAyaniH samare duShprakampyaH 
senAgraNIH prathamastAvakAnAm . 
svasreyA.nstAnpANDaveyAnvisR^ijya 
satyA.n vAcha.n tAM chikIrShustarasvI .. 94..\\
tejovadha.n sUtaputrasya sa~Nkhye 
pratishrutvAjAta shatroH purastAt . 
durAdharShaH shakrasamAnavIryaH 
shalyaH sthito yuddu kAmastvadarthe .. 95..\\
AjAneyaiH saindhavaiH pArvatIyair 
nadIja kAmbojavanAyu bAhlikaiH . 
gAndhArarAjaH svabalena yukto 
vyavasthito yoddhukAmastvadarthe .. 96..\\
tathA sutaste jvalanArkavarNaM 
ratha.n samAsthAya kurupravIra . 
vyavasthitaH kuru mitro narendra 
vyabhre sUryo bhrAjamAno yathA vai .. 97..\\
duryodhano nAgakulasya madhye 
mahAvIryaH saha sainyapravIraiH . 
rathena jAmbUnadabhUShaNena 
vyavasthitaH samare yoddhukAmaH .. 98..\\
sa rAjamadhye puruShapravIro 
rarAja jAmbUnadachitravarmA . 
padmaprabho vahnirivAlpadhUmo 
meghAntare sUrya iva prakAshaH .. 99..\\
tathA suSheNo.apyasi charma pANis 
tavAtmajaH satyasenashcha vIraH . 
vyavasthitau chitrasenena sArdhaM 
hR^iShTAtmAnau samare yoddhukAmau .. 100..\\
hrIniShedhA bharatA rAjaputrAsh 
chitrAyudhaH shrutakarmA jayash cha . 
shalashcha satyavrataduHshalau cha 
vyavasthitA balino yoddhukAmAH .. 101..\\
kaitavyAnAmadhipaH shUramAnI 
raNe raNe shatruhA rAjaputraH . 
patrI hayI nAgarathaprayAyI 
vyavasthito yoddhukAmastvadarthe .. 102..\\
vIraH shrutAyushcha shrutAyudhash cha 
chitrA~NgadashchitravarmA sa vIraH . 
vyavasthitA ye tu sainye narAgryAH 
prahAriNo mAninaH satyasandhAH .. 103..\\
karNAtmajaH satyaseno mahAtmA 
vyavasthitaH samare yoddhukAmaH . 
athAparau karNasutau varArhau 
vyavasthitau laghuhastau narendra . 
balaM mahaddurbhidamalpadhairyaiH 
samAshritau yotsyamAnau tvadarthe .. 104..\\
etaishcha mukhyairaparaishcha rAjan 
yodhapravIrairamitaprabhAvaiH . 
vyavasthito nAgakulasya madhye 
yathA mahendraH kururAjo jayAya .. 105..\\

 dhr

AkhyAtA jIvamAnA ye parebhyo.anye yathAtatham . 
itIdamabhigachchhAmi vyaktamarthAbhipattitaH .. 106..\\

 vai

evaM bruvanneva tadA dhR^itarAShTro.abmikA sutaH . 
hatapravIra.n vidhvasta.n kiM chichchheShaM svakaM balam . 
shrutvA vyAmohamagamachchhokavyAkulitendriyaH .. 107..\\
muhyamAno.abravIchchApi muhUrta.n tiShTha sa~njaya . 
vyAkulaM me manastAta shrutvA sumahadapriyam . 
naShTachittastataH so.atha babhUva jagatIpatiH .. 108..\\
\medskip\hrule\medskip\centerline{\Largedvng 5}
 j

shrutvA karNa.n hataM yuddhe putrAMshchaivApalAyinaH . 
narendraH ki.n chidAshvasto dvijashreShTha kimabravIt .. 1..\\
prAptavAnparama.n duHkhaM putravyasanajaM mahat . 
tasminyaduktavAnkAle tanmamAchakShva pR^ichchhataH .. 2..\\

 vai

shrutvA karNasya nidhanamashraddheyamivAdbhutam . 
bhUtasaMmohanaM bhImaM meroH paryasana.n yathA .. 3..\\
chittamohamivAyuktaM bhArgavasya mahAmateH . 
parAjayamivendrasya dviShadbhyo bhImakarmaNaH .. 4..\\
divaH prapatanaM bhAnorurvyAmiva mahAdyuteH . 
saMshoShaNamivAchintya.n samudrasyAkShayAmbhasaH .. 5..\\
mahI viyaddigIshAnA.n sarvanAshamivAdbhutam . 
karmaNoriva vaiphalyamubhayoH puNyapApayoH .. 6..\\
sa~ncintya nipuNaM buddhyA dhR^itarAShTro janeshvaraH . 
nedamastIti sa~ncintya karNasya nidhanaM prati .. 7..\\
prANinAmetadAtmatvAtsyAdapIti vinAshanam . 
shokAgninA dahyamAno dhamyamAna ivAshayaH .. 8..\\
vidhvastAtmA shvasandIno hAhetyuktvA suduHkhitaH . 
vilalApa mahArAja dhR^itarAShTro.ambikA sutaH .. 9..\\

 dhr

sa~njayAdhiratho vIraH si.nhadviradavikramaH . 
vR^iShamapratimaskandho vR^iShabhAkSha gatisvanaH .. 10..\\
vR^iShabho vR^iShabhasyeva yo yuddhe na nivartate . 
shatrorapi mahendrasya vajrasa.nhanano yuvA .. 11..\\
yasya jyAtalashabdena sharavR^iShTiraveNa cha . 
rathAshvanaramAta~NgA nAvatiShThanti sa.nyuge .. 12..\\
yamAshritya mahAbAhu.n dviShatsa~Nghaghnamachyutam . 
duryodhano.akarodvairaM pANDuputrairmahAbalaiH .. 13..\\
sa katha.n rathinAM shreShThaH karNaH pArthena sa.nyuge . 
nihataH puruShavyAghraH prasahyAsahya vikramaH .. 14..\\
yo nAmanyata vai nityamachyutaM na dhana~njayam . 
na vR^iShNInapi tAnanyAnsvabAhubalamAshritaH .. 15..\\
shAr~NgagANDIvadhanvAnau sahitAvaparAjitau . 
aha.n divyAdrathAdekaH pAtayiShyAmi sa.nyuge .. 16..\\
iti yaH satataM mandamavochallobhamohitam . 
duryodhanamapAdIna.n rAjyakAmukamAtulam .. 17..\\
yashchAjaiShIdatibalAnamitrAnapi durjayAn . 
gAndhArAnmadrakAnmatsyA.nstrigartA.nsta~NgaNA~nshakAn .. 18..\\
pA~nchAlAMshcha videhAMshcha kuNindAnkAshikosalAn . 
suhyAna~NgAMshcha puNDrAMshcha niShAdAnva~Nga kIchakAn .. 19..\\
vatsAnkali~NgA.nstaralAnashmakAnR^iShikA.nstathA . 
yo jitvA samare vIrashchakre balibhR^itaH purA .. 20..\\
uchchaiHshravA varo.ashvAnA.n rAGYAM vaishravaNo varaH . 
varo mahendro devAnA.n karNaH praharatA.n varaH .. 21..\\
ya.n labdhvA mAgadho rAjA sAntvamAnArtha gauravaiH . 
arautsItpArthiva.n kShatramR^ite kaurava yAdavAn .. 22..\\
ta.n shrutvA nihata.n karNaM dvairathe savyasAchinA . 
shokArNave nimagno.ahamaplavaH sAgare yathA .. 23..\\
IdR^ishairyadyaha.n duHkhairna vinashyAmi sa~njaya . 
vajrAddR^iDhataraM manye hR^idayaM mama durbhidam .. 24..\\
GYAtisambandhimitrANAmima.n shrutvA parAjayam . 
ko madanyaH pumA.Nlloke na jahyAtsUta jIvitam .. 25..\\
viShamagniM prapAta.n vA parvatAgrAdahaM vR^iNe . 
na hi shakShyAmi duHkhAni soDhu.n kaShTAni sa~njaya .. 26..\\

 s

shriyA kulena yashasA tapasA cha shrutena cha . 
tvAmadya santo manyante yayAtimiva nAhuSham .. 27..\\
shrute maharShipratimaH kR^itakR^ityo.asi pArthiva . 
paryavasthApayAtmAnaM mA viShAde manaH kR^ithAH .. 28..\\

 dhr

daivameva paraM manye dhikpauruShamanarthakam . 
yatra rAma pratIkAshaH karNo.ahanyata sa.nyuge .. 29..\\
hatvA yudhiShThirAnIkaM pA~nchAlAnA.n rathavrajAn . 
pratApya sharavarSheNa dishaH sarvA mahArathaH .. 30..\\
mohayitvA raNe pArthAnvajrahasta ivAsurAn . 
sa kathaM nihataH shete vAtarugNa iva drumaH .. 31..\\
shokasyAntaM na pashyAmi samudrasyeva viplukAH . 
chintA me vardhate tIvrA mumUrShA chApi jAyate .. 32..\\
karNasya nidhana.n shrutvA vijayaM phalgunasya cha . 
ashraddheyamahaM manye vadha.n karNasya sa~njaya .. 33..\\
vajrasAra mayaM nUna.n hR^idayaM sudR^iDhaM mama . 
yachchhrutvA puruShavyAghra.n hata.n karNaM na dIryate .. 34..\\
AyurnUna.n sudIrghaM me vihita.n daivataiH purA . 
yatra karNa.n hataM shrutvA jIvAmIha suduHkhitaH .. 35..\\
dhigjIvitamidaM me.adya suhR^iddhInasya sa~njaya . 
adya chAha.n dashAmetAM gataH sa~njaya garhitAm . 
kR^ipaNa.n vartayiShyAmi shochyaH sarvasya mandadhIH .. 36..\\
ahameva purA bhUtvA sarvalokasya satkR^itaH . 
paribhUtaH katha.n sUta punaH shakShyAmi jIvitum . 
duHkhAtsuduHkha.n vyasanaM prAptavAnasmi sa~njaya .. 37..\\
tasmAdbhIShma vadhe chaiva droNasya cha mahAtmanaH . 
nAtra sheShaM prapashyAmi sUtaputre hate yudhi .. 38..\\
sa hi pAraM mahAnAsItputrANAM mama sa~njaya . 
yuddhe vinihataH shUro visR^ijansAyakAnbahUn .. 39..\\
ko hi me jIvitenArthastamR^ite puruSharShabham . 
rathAdatiratho nUnamapatatsAyakArditaH .. 40..\\
parvatasyeva shikhara.n vajrapAta vidAritam . 
shayIta pR^ithivIM nUna.n shobhayanrudhirokShitaH . 
mAta~Nga iva mattena mAta~Ngena nipAtitaH .. 41..\\
yadbala.n dhArtarAShTrANAM pANDavAnA.n yato bhayam . 
so.arjunena hataH karNaH pratimAna.n dhanuShmatAm .. 42..\\
sa hi vIro maheShvAsaH putrANAmabhaya~NkaraH . 
shete vinihato vIraH shakreNeva yathAbalaH .. 43..\\
pa~NgorivAdhva gamana.n daridrasyeva kAmitam . 
duryodhanasya chAkUta.n tR^iShitasyeva piplukAH .. 44..\\
anyathA chintita.n kAryamanyathA tattu jAyate . 
aho nu balavaddaiva.n kAlashcha duratikramaH .. 45..\\
palAyamAnaH kR^ipaNa.n dInAtmA dInapauruShaH . 
kachchinna nihataH sUtaputro duHshAsano mama .. 46..\\
kachchinna nIchAcharita.n kR^itavA.nstAta sa.nyuge . 
kachchinna nihataH shUro yathA na kShatriyA hatAH .. 47..\\
yudhiShThirasya vachanaM mA yuddhamiti sarvadA . 
duryodhano nAbhyagR^ihNAnmUDhaH pathyamivauShadham .. 48..\\
sharatalpe shayAnena bhIShmeNa sumahAtmanA . 
pAnIya.n yAchitaH pArthaH so.avidhyanmedinI talam .. 49..\\
jalasya dhArA.n vihitA.n dR^iShTvA tAM pANDavena ha . 
abravItsa mahAbAhustAta saMshAmya pANDavaiH .. 50..\\
prashamAddhi bhavechchhAntirmadanta.n yuddhamastu cha . 
bhrAtR^ibhAvena pR^ithivIM bhu~NkShva pANDusutaiH saha .. 51..\\
akurvanvachana.n tasya nUna.n shochati me sutaH . 
tadida.n samanuprAptaM vachana.n dIrghadarshinaH .. 52..\\
aha.n tu nihatAmAtyo hataputrashcha sa~njaya . 
dyUtataH kR^ichchhramApanno lUnapakSha iva dvijaH .. 53..\\
yathA hi shakuni.n gR^ihya chhitvA pakShau cha sa~njaya . 
visarjayanti sa.nhR^iShTAH krIDamAnAH kumArakAH .. 54..\\
chhinnapakShatayA tasya gamanaM nopapadyate . 
tathAhamapi samprApto lUnapakSha iva dvijaH .. 55..\\
kShINaH sarvArthahInashcha nirbandhurGYAtivarjitaH . 
kA.n dishaM pratipatsyAmi dInaH shatruvashaM gataH .. 56..\\
duryodhanasya vR^iddhyarthaM pR^ithivI.n yo.ajayatprabhuH . 
sa jitaH pANDavaiH shUraiH samarthairvIryashAlibhiH .. 57..\\
tasminhate maheShvAse karNe yudhi kirITinA . 
ke vIrAH paryavartanta tanmamAchakShva sa~njaya .. 58..\\
kachchinnaikaH parityaktaH pANDavairnihato raNe . 
ukta.n tvayA purA vIra yathA vIrA nipAtitAH .. 59..\\
bhIShmamapratiyudhyanta.n shikhaNDI sAyakottamaiH . 
pAtayAmAsa samare sarvashastrabhR^itA.n varam .. 60..\\
tathA draupadinA droNo nyastasarvAyudho yudhi . 
yuktayogo maheShvAsaH sharairbahubhirAchitaH . 
nihataH khaDgamudyamya dhR^iShTadyumnena sa~njaya .. 61..\\
antareNa hatAvetau chhalena cha visheShataH . 
ashrauShamahametadvai bhIShmadroNau nipAtitau .. 62..\\
bhIShmadroNau hi samare na hanyAdvajrabhR^itsvayam . 
nyAyena yudhyamAnau hi tadvai satyaM bravImi te .. 63..\\
karNa.n tvasyantamastrANi divyAni cha bahUni cha . 
kathamindropama.n vIraM mR^ityuryuddhe samaspR^ishat .. 64..\\
yasya vidyutprabhA.n shakti.n divyAM kanakabhUShaNAm . 
prAyachchhaddviShatA.n hantrI.n kuNDalAbhyAM purandaraH .. 65..\\
yasya sarpamukho divyaH sharaH kanakabhUShaNaH . 
asheta nihataH patrI chandaneShvarisUdanaH .. 66..\\
bhIShmadroNamukhAnvIrAnyo.avamanya mahArathAn . 
jAmadagnyAnmahAghoraM brAhmamastramashikShata .. 67..\\
yashcha droNa mukhAndR^iShTvA vimukhAnarditA~nsharaiH . 
saubhadrasya mahAbAhurvyadhamatkArmuka.n sharaiH .. 68..\\
yashcha nAgAyuta prANa.n vAtara.nhasamachyutam . 
virathaM bhrAtara.n kR^itvA bhImasenamupAhasat .. 69..\\
sahadeva.n cha nirjitya sharaiH saMnataparvabhiH . 
kR^ipayA viratha.n kR^itvA nAhanaddharmavittayA .. 70..\\
yashcha mAyA sahasrANi dhva.nsayitvA raNotkaTam . 
ghaTotkacha.n rAkShasendraM shakra shaktyAbhijaghnivAn .. 71..\\
etAni divasAnyasya yuddhe bhIto dhana~njayaH . 
nAgamaddvairatha.n vIraH sa kathaM nihato raNe .. 72..\\
rathasa~Ngo na chettasya dhanurvA na vyashIryata . 
na chedastrANi nirNeshuH sa kathaM nihataH paraiH .. 73..\\
ko hi shakto raNe karNa.n vidhunvAnaM mahaddhanuH . 
vimu~nchanta.n sharAnghorAndivyAnyastrANi chAhave . 
jetuM puruShashArdUla.n shArdUlamiva vegitam .. 74..\\
dhruva.n tasya dhanushchhinna.n ratho vApi gato mahIm . 
astrANi vA pranaShTAni yathA sha.nsasi me hatam . 
na hyanyadanupashyAmi kAraNa.n tasya nAshane .. 75..\\
na hanyAmarjuna.n yAvattAvatpAdau na dhAvaye . 
iti yasya mahAghora.n vratamAsInmahAtmanaH .. 76..\\
yasya bhIto vane nitya.n dharmarAjo yudhiShThiraH . 
trayodasha samA nidrAM na lebhe puruSharShabhaH .. 77..\\
yasya vIryavato vIrya.n samAshritya mahAtmanaH . 
mama putraH sabhAM bhAryAM pANDUnAM nItavAnbalAt .. 78..\\
tatra chApi sabhAmadhye pANDavAnA.n cha pashyatAm . 
dAsabhAryeti pA~nchAlImabravItkurusa.nsadi .. 79..\\
yashcha gANDIvamuktAnA.n sparshamugramachintayan . 
apatirhyasi kR^iShNeti bruvanpArthAnavaikShata .. 80..\\
yasya nAsIdbhayaM pArthaiH saputraiH sajanArdanaiH . 
svabAhubalamAshritya muhUrtamapi sa~njaya .. 81..\\
tasya nAha.n vadhaM manye devairapi sa vAsavaiH . 
pratIpamupadhAvadbhiH kiM punastAta pANDavaiH .. 82..\\
na hi jyA.n spR^ishamAnasya talatre chApi gR^ihNataH . 
pumAnAdhiratheH kashchitpramukhe sthAtumarhati .. 83..\\
api syAnmedinI hInA somasUryaprabhAMshubhiH . 
na vadhaH puruShendrasya samareShvapalAyinaH .. 84..\\
yadi mandaH sahAyena bhrAtrA duHshAsanena cha . 
vAsudevasya durbuddhiH pratyAkhyAnamarochayat .. 85..\\
sa nUnamR^iShabhaskandha.n dR^iShTvA karNaM nipAtitam . 
duHshAsana.n cha nihataM manye shochati putrakaH .. 86..\\
hata.n vaikartanaM shrutvA dvairathe savyasAchinA . 
jayataH pANDavAndR^iShTvA ki.nsvidduryodhano.abravIt .. 87..\\
durmarShaNa.n hataM shrutvA vR^iShasena.n cha sa.nyuge . 
prabhagna.n cha balaM dR^iShTvA vadhyamAnaM mahArathaiH .. 88..\\
parA~NmukhA.nstathA rAGYaH palAyanaparAyaNAn . 
vidrutAnrathino dR^iShTvA manye shochati putrakaH .. 89..\\
aneyashchAbhimAnena bAla buddhiramarShaNaH . 
hatotsAhaM bala.n dR^iShTvA ki.nsvidduryodhano.abravIt .. 90..\\
bhrAtaraM nihata.n dR^iShTvA bhImasenena sa.nyuge . 
rudhiraM pIyamAnena ki.nsvidduryodhano.abravIt .. 91..\\
saha gAndhArarAjena sabhAyA.n yadabhAShata . 
karNo.arjuna.n raNe hantA hate tasminkimabravIt .. 92..\\
dyUta.n kR^itvA purA hR^iShTo va~nchayitvA cha pANDavAn . 
shakuniH saubalastAta hate karNe kimabravIt .. 93..\\
kR^itavarmA maheShvAsaH sAtvatAnAM mahArathaH . 
karNa.n vinihata.n dR^iShTvA hArdikyaH kimabhAShata .. 94..\\
brAhmaNAH kShatriyA vaishyA yasya shikShAmupAsate . 
dhanurveda.n chikIrShanto droNaputrasya dhImataH .. 95..\\
yuvA rUpeNa sampanno darshanIyo mahAyashAH . 
ashvatthAmA hate karNe kimabhAShata sa~njaya .. 96..\\
AchAryatva.n dhanurvede gataH paramatattvavit . 
kR^ipaH shAradvatastAta hate karNe kimabravIt .. 97..\\
madrarAjo maheShvAsaH shalyaH samitishobhanaH . 
diShTa.n tena hi tatsarva.n yathA karNo nipAtitaH .. 98..\\
ye cha ke chana rAjAnaH pR^ithivyA.n yoddhumAgatAH . 
vaikartana.n hata.n dR^iShTvA kimabhAShanta sa~njaya .. 99..\\
karNe tu nihate vIre rathavyAghre nararShabhe . 
ki.n vo mukhamanIkAnAmAsItsa~njaya bhAgashaH .. 100..\\
madrarAjaH katha.n shalyo niyukto rathinAM varaH . 
vaikartanasya sArathye tanmamAchakShva sa~njaya .. 101..\\
ke.arakShandakShiNa.n chakra.n sUtaputrasya sa.nyuge . 
vAma.n chakra.n rarakShurvA ke vA vIrasya pR^iShThataH .. 102..\\
ke karNa.n vAjahuH shUrAH ke kShudrAH prAdravanbhayAt . 
katha.n cha vaH sametAnA.n hataH karNo mahArathaH .. 103..\\
pANDavAshcha katha.n shUrAH pratyudIyurmahAratham . 
sR^ijanta.n sharavarShANi vAridhArA ivAmbudam .. 104..\\
sa cha sarpamukho divyo maheShu pravarastadA . 
vyarthaH katha.n samabhavattanmamAchakShva sa~njaya .. 105..\\
mAmakasyAsya sainyasya hR^itotsedhasya sa~njaya . 
avasheShaM na pashyAmi kakude mR^idite sati .. 106..\\
tau hi vIrau maheShvAsau madarthe kurusattamau . 
bhIShmadroNau hatau shrutvA ko nvartho jIvitena me .. 107..\\
na mR^iShyAmi cha rAdheya.n hatamAhavashobhinam . 
yasya bAhvorbala.n tulyaM ku~njarANA.n shataM shatam .. 108..\\
droNe hate cha yadvR^itta.n kauravANAM paraiH saha . 
sa~NgrAme naravIrANA.n tanmamAchakShva sa~njaya .. 109..\\
yathA cha karNaH kaunteyaiH saha yuddhamayojayat . 
yathA cha dviShatA.n hantA raNe shAntastaduchyatAm .. 110..\\
\medskip\hrule\medskip\centerline{\Largedvng 6}
 s

hate droNe maheShvAse tasminnahani bhArata . 
kR^ite cha moghasa~Nkalpe droNaputre mahArathe .. 1..\\
dravamANe mahArAja kauravANAM bale tathA . 
vyUhya pArthaH svaka.n sainyamatiShThadbhrAtR^ibhiH saha .. 2..\\
tamavasthitamAGYAya putraste bharatarShabha . 
dravachcha svabala.n dR^iShTvA pauruSheNa nyavArayat .. 3..\\
svamanIkamavasthApya bAhuvIrye vyavasthitaH . 
yuddhvA cha suchira.n kAlaM pANDavaiH saha bhArata .. 4..\\
labdhalakShaiH parairhR^iShTairvyAyachchhadbhishchira.n tadA . 
sandhyAkAla.n samAsAdya pratyAhAramakArayat .. 5..\\
kR^itvAvahAra.n sainyAnAM pravishya shibiraM svakam . 
kuravo.a.atmahitaM mantraM mantrayA.n chakrire tadA .. 6..\\
parya~NkeShu parArdhyeShu spardhyAstaraNavatsu cha . 
varAsaneShUpaviShTAH sukhashayyAsvivAmarAH .. 7..\\
tato duryodhano rAjA sAmnA paramavalgunA . 
tAnAbhAShya maheShvAsAnprAptakAlamabhAShata .. 8..\\
matiM matimatA.n shreShThAH sarve prabrUta mAchiram . 
eva~Ngate tu yatkAryaM bhavetkAryakaraM nR^ipAH .. 9..\\
evamukte narendreNa narasi.nhA yuyutsavaH . 
chakrurnAnAvidhAshcheShTAH si.nhAsanagatAstadA .. 10..\\
teShAM nishamye~NgitAni yuddhe prANA~njuhUShatAm . 
samudvIkShya mukha.n rAGYo bAlArkasamavarchasaH . 
AchArya putro medhAvI vAkyaGYo vAkyamAdade .. 11..\\
rAgo yogastathA dAkShyaM nayashchetyarthasAdhakAH . 
upAyAH paNDitaiH proktAH sarve daivasamAshritAH .. 12..\\
lokapravIrA ye.asmAka.n devakalpA mahArathAH . 
nItimantastathAyuktA dakShA raktAshcha te hatAH .. 13..\\
na tveva kAryaM nairAshyamasmAbhirvijayaM prati . 
sunItairiha sarvArthairdaivamapyanulomyate .. 14..\\
te vayaM pravaraM nR^INA.n sarvairguNaguNairyutam . 
karNa.n senApati.n kR^itvA pramathiShyAmahe ripUn .. 15..\\
tato duryodhanaH prItaH priya.n shrutvA vachastadA . 
prItisa.nskAra sa.nyukta.n tathyamAtmahita.n shubham .. 16..\\
svaM manaH samavasthApya bAhuvIryamupAshritaH . 
duryodhano mahArAja rAdheyamidamabbravIt .. 17..\\
karNa jAnAmi te vIrya.n sauhR^ida.n cha paraM mayi . 
tathApi tvAM mahAbAho pravakShyAmi hita.n vachaH .. 18..\\
shrutvA yatheShTa.n cha kuruvIra yattava rochate . 
bhavAnprAGYatamo nityaM mama chaiva parA gatiH .. 19..\\
bhIShmadroNAvatirathau hatau senApatI mama . 
senApatirbhavAnastu tAbhyA.n draviNavattaraH .. 20..\\
veddhau cha tau maheShvAsau sApekShau cha dhana~njaye . 
mAnitau cha mayA vIrau rAdheya vachanAttava .. 21..\\
pitAmahatva.n samprekShya pANDuputrA mahAraNe . 
rakShitAstAta bhIShmeNa divasAni dashaiva ha .. 22..\\
nyastashastre cha bhavati hato bhIShmaH pitAmahaH . 
shikhaNDinaM puraskR^itya phalgunena mahAhave .. 23..\\
hate tasminmahAbhAge sharatalpagate tadA . 
tvayokte puruShavyAghra droNo hyAsItpuraHsaraH .. 24..\\
tenApi rakShitAH pArthAH shiShyatvAdiha sa.nyuge . 
sa chApi nihato vR^iddho dhR^iShTadyumnena sa tvaram .. 25..\\
nihatAbhyAM pradhAnAbhyA.n tAbhyAm amitavikrama . 
tvatsama.n samare yoddhaM nAnyaM pashyAmi chintayan .. 26..\\
bhavAneva tu naH shakto vijayAya na saMshayaH . 
pUrvaM madhye cha pashchchAchcha tavaiva vidita.n hi tat .. 27..\\
sa bhavAndhuryavatsa~Nkhye duramudvoDhumarhasi . 
abhiShechaya senAnye svayamAtmAnamAtmanA .. 28..\\
devatAnA.n yathA skandaH senAnIH prabhuravyayaH . 
tathA bhavAnimA.n senA.n dhArtarAShTrIM bibhartu me . 
jahi shatrugaNAnsarvAnmahendra iva dAnavAn .. 29..\\
avasthita.n raNe GYAtvA pANDavAstvAM mahAratham . 
draviShyanti sa pA~nchAlA viShNu.n dR^iShTveva dAnavAH . 
tasmAttvaM puruShavyAghra prakarShethA mahAchamUm .. 30..\\
bhavatyavasthite yatte pANDavA gatachetasaH . 
bhaviShyanti sahAmAtyAH pA~nchAlaiH sR^i~njayaiH saha .. 31..\\
yathA hyabhyuditaH sUryaH pratapansvena tejasA . 
vyapohati tamastIvra.n tathA shatrUnvyapoha naH .. 32..\\

 karna

uktametanmayA pUrva.n gAndhare tava saMnidhau . 
jeShyAmi pANDavAnrAjansaputrAnsajanArdanAn .. 33..\\
senApatirbhaviShyAmi tavAhaM nAtra saMshayaH . 
sthiro bhava mahArAja jitAnviddhi cha pANDavAn .. 34..\\

 s

evamukto mahAtejAstato duryodhano nR^ipaH . 
uttasthau rAjabhiH sArdha.n devairiva shatakratuH . 
senApatyena satkartu.n karNa.n skandamivAmarAH .. 35..\\
tato.abhiShiShichustUrNa.n vidhidR^iShTena karmaNA . 
duryodhanamukhA rAjanrAjAno vijayaiShiNaH . 
shAtakaumbha mayaiH kumbhairmAheyaishchAbhimantritaiH .. 36..\\
toyapUrNairviShANaishcha dvIpikhaDgamaharShabhaiH . 
maNimuktA mayaishchAnyaiH puNyagandhaistathauShadhaiH .. 37..\\
audumbare samAsInamAsane kShaumasa.nvR^itam . 
shAstradR^iShTena vidhinA sambhAraishcha susambhR^itaiH .. 38..\\
jaya pArthAnsa govindAnsAnugA.nstvaM mahAhave . 
iti taM bandinaH prAhurdvijAshcha bharatarShabha .. 39..\\
jahi pArthAnsapA~nchAlAnrAdheya vijayAya naH . 
udyanniva sadA bhAnustamA.nsyugrairgabhastibhiH .. 40..\\
na hyala.n tvadvisR^iShTAnA.n sharANAM te sa keshavAH . 
kR^itaghnAH sUryarashmInA.n jvalatAmiva darshane .. 41..\\
na hi pArthAH sapA~nchAlAH sthAtu.n shaktAstavAgrataH . 
Attashastrasya samare mahendrasyeva dAnavAH .. 42..\\
abhiShiktastu rAdheyaH prabhayA so.amitaprabhaH . 
vyatyarichyata rUpeNa divAkara ivAparaH .. 43..\\
senApatyena rAdheyamabhiShichya sutastava . 
amanyata tadAtmAna.n kR^itArthaM kAlachoditaH .. 44..\\
karNo.api rAjansamprApya senApatyamarindamaH . 
yogamAGYApayAmAsa sUryasyodayanaM prati .. 45..\\
tava putrairvR^itaH karNaH shushubhe tatra bhArata . 
devairiva yathA skandaH sa~NgrAme tArakA maye .. 46..\\
\medskip\hrule\medskip\centerline{\Largedvng 7}
 dhr

senApatya.n tu samprApya karNo vaikartanastadA . 
tathoktashcha svaya.n rAGYA snigdhaM bhrAtR^isamaM vachaH .. 1..\\
yogamAGYApya senAyA Aditye.abhyudite tadA . 
akarotkiM mahAprAGYastanmamAchakShva sa~njaya .. 2..\\

 s

karNasya matamAGYAya putraste bharatarShabha . 
yogamAGYApayAmAsa nAndI tUryapuraHsaram .. 3..\\
mahatyapararAtre tu tava putrasya mAriSha . 
yogo gogeti sahasA prAdurAsInmahAsvanaH .. 4..\\
nAgAnA.n kalpamAnAnA.n rathAnAM cha varUthinAm . 
saMnahyatAM padAtInA.n vAjinA.n cha vishAM pate .. 5..\\
kroshatA.n chApi yodhAnAM tvaritAnAM parasparam . 
babhUva tumulaH shabdo divaspR^iksumahA.nstadA .. 6..\\
tataH shvetapatAkena bAlArkAkAra vAjinA . 
hemapR^iShThena dhanuShA hastikakShyeNa ketunA .. 7..\\
tUNena sharapUrNena sA~Ngadena varUthinA . 
shataghnI ki~NkiNI shaktishUlatomara dhAriNA .. 8..\\
kArmukeNopapannena vimalAditya varchasA . 
rathenAtipatAkena sUtaputro vyadR^ishyata .. 9..\\
dhamanta.n vArija.n tAta hemajAlavibhUShitam . 
vidhunvAnaM mahachchApa.n kArtasvaravibhUShitam .. 10..\\
dR^iShTvA karNaM maheShvAsa.n rathasthaM rathinAM varam . 
bhAnumantamivodyanta.n tamo ghnanta.n sahasrashaH .. 11..\\
na bhIShma vyasana.n ke chinnApi droNasya mAriSha . 
nAnyeShAM puruShavyAghra menire tatra kauravAH .. 12..\\
tatastu tvarayanyodhA~nsha~Nkhashabdena mAriSha . 
karNo niShkAsayAmAsa kauravANA.n varUthinIm .. 13..\\
vyUha.n vyUhya maheShvAso mAkaraM shatrutApanaH . 
pratyudyayau tadA karNaH pANDavAnvijigIShayA .. 14..\\
makarasya tu tuNDe vai karNo rAjanvyavasthitaH . 
netrAbhyA.n shakuniH shUra ulUkashcha mahArathaH .. 15..\\
droNaputrastu shirasi grIvAyA.n sarvasodarAH . 
madhye duryodhano rAjA balena mahatA vR^itaH .. 16..\\
vAme pAde tu rAjendra kR^itavarmA vyavasthitaH . 
nArAyaNa balairyukto gopAlairyuddhadurmadaH .. 17..\\
pAde tu dakShiNe rAjangautamaH satyavikramaH . 
trigartaishcha maheShvAsairdAkShiNAtyaishcha sa.nvR^itaH .. 18..\\
anupAdastu yo vAmastatra shalyo vyavasthitaH . 
mahatyA senayA sArdhaM madradeshasamutthayA .. 19..\\
dakShiNe tu mahArAja suSheNaH satyasa~NgaraH . 
vR^ito rathasahasraishcha dantinA.n cha shataistathA .. 20..\\
puchchhe AstAM mahAvIrau bhrAtarau pArthivau tadA . 
chitrasenashcha chitrashcha mahatyA senayA vR^itau .. 21..\\
tataH prayAte rAjendra karNe naravarottame . 
dhana~njayamabhiprekShya dharmarAjo.abravIdidam .. 22..\\
pashya pArtha mahAsenA.n dhArtarAShTrasya sa.nyuge . 
karNena nirmitA.n vIra guptAM vIrairmahArathaiH .. 23..\\
hatavIratamA hyeShA dhArtarAShTrI mahAchamUH . 
phalgu sheShA mahAbAho tR^iNaistulyA matA mama .. 24..\\
eko hyatra maheShvAsaH sUtaputro vyavasthitaH . 
sa devAsuragandharvaiH sa kiMnaramahoragaiH . 
charAcharaistribhirlokairyo.ajayyo rathinA.n varaH .. 25..\\
ta.n hatvAdya mahAbAho vijayastava phalgunA . 
uddhR^itashcha bhavechchhalyo mama dvAdasha vArShikaH . 
eva.n GYAtvA mahAbAho vyUhaM vyUha yathechchhasi .. 26..\\
bhrAtustadvachana.n shrutvA pANDavaH shvetavAhanaH . 
ardhachandreNa vyUhena pratyavyUhata tA.n chamUm .. 27..\\
vAmapArshve.abhavadrAjanbhImaseno vyavasthitaH . 
dakShiNe cha maheShvAso dhR^iShTadyumno mahAbalaH .. 28..\\
madhye vyUhasya sAkShAttu pANDavaH kR^iShNasArathiH . 
nakulaH sahadevashcha dharmarAjashcha pR^iShThataH .. 29..\\
chakrarakShau tu pA~nchAlyau yudhAmanyUttamaujasau . 
nArjuna.n jahaturyuddhe pAlyamAnau kirITinA .. 30..\\
sheShA nR^ipatayo vIrAH sthitA vyUhasya daMshitAH . 
yathA bhAva.n yathotsAhaM yathA sattva.n cha bhArata .. 31..\\
evametanmahAvyUha.n vyUhya bhArata pANDavAH . 
tAvakAshcha maheShvAsA yuddhAyaiva mano dadhuH .. 32..\\
dR^iShTvA vyUDhA.n tava chamU.n sUtaputreNa sa.nyuge . 
nihatAnpANDavAnmene tava putraH sahAnvayaH .. 33..\\
tathaiva pANDavI.n senAM vyUDhA.n dR^iShTvA yudhiShThiraH . 
dhArtarAShTrAnhatAnmene sa karNAnvai janAdhipa .. 34..\\
tataH sha~NkhAshcha bheryashcha paNavAnakagomukhAH . 
sahasaivAbhyahanyanta sa shabdAshcha samantataH .. 35..\\
senayorubhayo rAjanprAvAdyanta mahAsvanAH . 
si.nhanAdashcha sa~njaGYe shUrANA.n jaya gR^iddhinAm .. 36..\\
hayaheShita shabdAshcha vAraNAnA.n cha bR^i.nhitam . 
rathanemi svanAshchogrAH sambabhUvurjanAdhipa .. 37..\\
na droNa vyasana.n kashchijjAnIte bharatarShabha . 
dR^iShTvA karNaM maheShvAsaM mukhe vyUhasya daMshitam .. 38..\\
ubhe sene mahAsattve prahR^iShTanaraku~njare . 
yoddhukAme sthite rAjanhantumanyonyama~njasA .. 39..\\
tatra yattau susa.nrabdhau dR^iShTvAnyonya.n vyavasthitau . 
anIkamadhye rAjendra rejatuH karNapANDavau .. 40..\\
nR^ityamAne tu te sene sameyAtAM parasparam . 
tayoH pakShaiH prapakShaishcha nirjagmurvai yuyutsavaH .. 41..\\
tataH pravavR^ite yuddhaM naravAraNavAjinAm . 
rathinA.n cha mahArAja anyonyaM nighnatAM dR^iDham .. 42..\\
\medskip\hrule\medskip\centerline{\Largedvng 8}
 s

te sene.anyonyamAsAdya prahR^iShTAshvanaradvipe . 
bR^ihatyau samprajahrAte devAsurachamUpame .. 1..\\
tato gajA rathAshchAshvAH pattayashcha mahAhave . 
samprahAraM para.n chakrurdeva pApma praNAshanam .. 2..\\
pUrNachandrArka padmAnA.n kAnti tviDgandhataH samaiH . 
uttamA~NgairnR^isi.nhAnAM nR^isi.nhAstastarurmahIm .. 3..\\
ardhachandraistathA bhallaiH kShuraprairasi paTTishaiH . 
parashvadhaishchApyakR^intannuttamA~NgAni yudhyatAm .. 4..\\
vyAyatAyata bAhUnA.n vyAyatAyata bAhubhiH . 
vyAyatA bAhavaH petushchhinnamuShTyAyudhA~NgadAH .. 5..\\
taiH sphuradbhirmahI bhAti raktA~Nguli talaistadA . 
garuDa prahatairugraiH pa~nchAsyairiva pannagaiH .. 6..\\
hayasyandana nAgebhyaH peturvIrA dviShaddhatAH . 
vimAnebhyo yathA kShINe puNye svargasadastathA .. 7..\\
gadAbhiranyairgurvIbhiH parighairmusalairapi . 
pothitAH shatashaH peturvIrA vIratarai raNe .. 8..\\
rathA rathairvinihatA mattA mattairdvipairdvipAH . 
sAdinaH sAdibhishchaiva tasminparamasa~Nkule .. 9..\\
rathA vararathairnAgairashvArohAshcha pattibhiH . 
ashvArohaiH padAtAshcha nihatA yudhi sherate .. 10..\\
rathAshvapattayo nAgai rathairnAgAshcha pattayaH . 
rathapattidvipAshchAshvairnR^ibhishchAshvarathadvipAH .. 11..\\
rathAshvebha narANA.n cha narAshvebha rathaiH kR^itam . 
pANipAdaishcha shastraishcha rathaishcha kadanaM mahat .. 12..\\
tathA tasminbale shUrairvadhyamAne hate.api cha . 
asmAnabhyAgamanpArthA vR^ikodara purogamAH .. 13..\\
dhR^iShTadyumnaH shikhaNDI cha draupadeyAH prabhadrakAH . 
sAtyakishchekitAnashcha draviDaiH sainikaiH saha .. 14..\\
bhR^itA vittena mahatA pANDyAshchauDrAH sa keralAH . 
vyUDhoraskA dIrghabhujAH prAMshavaH priyadarshanAH .. 15..\\
ApIDino raktadantA mattamAta~NgavikramAH . 
nAnA virAga vasanA gandhachUrNAvachUrNitAH .. 16..\\
baddhAsayaH pAshahastA vAraNaprativAraNAH . 
samAnamR^ityavo rAjannanIkasthAH parasparam .. 17..\\
kalApinashchApahastA dIrghakeshAH priyAhavAH . 
pattayaH sAtyakerandhrA ghorarUpaparAkramAH .. 18..\\
athApare punaH shUrAshchedipA~nchAlakekayAH . 
karUShAH kosalAH kAshyA mAgadhAshchApi dudruvuH .. 19..\\
teShA.n rathAshcha nAgAshcha pravarAshchApi pattayaH . 
nAnAvidha ravairhR^iShTA nR^ityanti cha hasanti cha .. 20..\\
tasya sainyasya mahato mahAmAtravarairvR^itaH . 
madhya.n vR^ikodaro.abhyAgAttvadIyaM nAgadhUrgataH .. 21..\\
sa nAgapravaro.atyugro vidhivatkalpito babhau . 
udayAdryagryabhavana.n yathAbhyudita bhAskaram .. 22..\\
tasyAyasa.n varma varaM vararatnavibhUShitam . 
tArodbhAsasya nabhasaH shAradasya samatviSham .. 23..\\
sa tomaraprAsakarashchAru mauliH svala~NkR^itaH . 
charanmadhyandinArkAbhastejasA vyadahadripUn .. 24..\\
ta.n dR^iShTvA dviradaM dUrAtkShemadhUrtirdvipasthitaH . 
AhvayAno.abhidudrAva pramanAH pramanastaram .. 25..\\
tayoH samabhavadyuddha.n dvipayorugrarUpayoH . 
yadR^ichchhayA drumavatormahAparvatayoriva .. 26..\\
sa.nsaktanAgau tau vIrau tomarairitaretaram . 
balavatsUryarashmyAbhairbhittvA bhittvA vinedatuH .. 27..\\
vyapasR^itya tu nAgAbhyAM maDalAni vicheratuH . 
pragR^ihya chaiva dhanuShI jaghnaturvai parasparam .. 28..\\
kShveDitAsphoTita ravairbANashabdaishcha sarvashaH . 
tau janAnharShayitvA cha si.nhanAdAnprachakratuH .. 29..\\
samudyatakarAbhyA.n tau dvipAbhyAM kR^itinAvubhau . 
vAtoddhUta patAkAbhyA.n yuyudhAte mahAbalau .. 30..\\
tAvanyonyasya dhanuShI chhittvAnyonya.n vinedatuH . 
shaktitomara varSheNa prAvR^iNmeghAvivAmbubhiH .. 31..\\
kShemadhUrtistadA bhIma.n tomareNa stanAntare . 
nirbibheda tu vegena ShaDbhishchApyaparairnadan .. 32..\\
sa bhImasenaH shushubhe tomaraira~NgamAshritaiH . 
krodhadIptavapurmeghaiH sapta saptirivAMshumAn .. 33..\\
tato bhAskaravarNAbhama~njo gatimaya smayam . 
sasarja tomaraM bhImaH pratyamitrAya yatnavAn .. 34..\\
tataH kulUtAdhipatishchApamAyamya sAyakaiH . 
dashabhistomara.n chhittvA shaktyA vivyAdha pANDavam .. 35..\\
atha kArmukamAdAya mahAjalada nisvanam . 
riporabhyardayannAgamunmadaH pANDavaH sharaiH .. 36..\\
sa sharaughArdito nAgo bhImasenena sa.nyuge . 
nigR^ihyamANo nAtiShThadvAtadhvasta ivAmbudaH .. 37..\\
tAmabhyadhAvaddviradaM bhImasenasya nAgarAT . 
mahAvAteritaM megha.n vAtoddhUta ivAmbudaH .. 38..\\
saMnivartyAtmano nAga.n kShemadhUrtiH prayatnataH . 
vivyAdhAbhidrutaM bANairbhImasena.n sa ku~njaram .. 39..\\
tataH sAdhu visR^iShTena kShureNa puruSharShabhaH . 
chhittvA sharAsana.n shatrornAgamAmitramArdayat .. 40..\\
tataH khajA kayA bhIma.n kShemadhUrtiH parAbhinat . 
jaghAna chAsya dviradaM nArAchaiH sarvamarmasu .. 41..\\
purA nAgasya patanAdavaplutya sthito mahIm . 
bhImaseno ripornAga.n gadayA samapothayat .. 42..\\
tasmAtpramathitAnnAgAtkShemadhUrtimavadrutam . 
udyatAsimupAyAnta.n gadayAhanvR^ikodaraH .. 43..\\
sa papAta hataH sAsirvyasuH svamabhito dvipam . 
vajraprarugNamachala.n si.nho vajrahato yathA .. 44..\\
nihataM nR^ipati.n dR^iShTvA kulUtAnA.n yashaskaram . 
prAdravadvyathitA senA tvadIyA bharatarShabha .. 45..\\
\medskip\hrule\medskip\centerline{\Largedvng 9}
 s

tataH karNo maheShvAsaH pANDavAnAmanIkinIm . 
jaghAna samare shUraH sharaiH saMnataparvabhiH .. 1..\\
tathaiva pANDavA rAja.nstava putrasya vAhinIm . 
karNasya pramukhe kruddhA vinijaghnurmahArathAH .. 2..\\
karNo rAjanmahAbAhurnyavadhItpANDavI.n chamUm . 
nArAchairarkarashmyAbhaiH karmAra parimArjitaiH .. 3..\\
tatra bhArata karNena nArAchaistADitA gajAH . 
neduH sedushcha mamlushcha babhramushcha disho dasha .. 4..\\
vadhyamAne bale tasminsUtaputreNa mAriSha . 
nakulo.abhyadravattUrNa.n sUtaputraM mahAraNe .. 5..\\
bhImasenastathA drauNi.n kurvANaM karma duShkaram . 
vindAnuvindau kaikeyau sAtyakiH samavArayat .. 6..\\
shrutakarmANamAyAnta.n chitraseno mahIpatiH . 
prativindhya.n tathA chitrashchitraketana kArmukaH .. 7..\\
duryodhanastu rAjAna.n dharmaputra.n yudhiShThiram . 
saMshaptaka gaNAnkruddho abhyadhAvaddhana~njayaH .. 8..\\
dhR^iShTadyumnaH kR^ipa.n chAtha tasminvIravarakShaye . 
shikhaNDI kR^itavarmANa.n samAsAdayadachyutam .. 9..\\
shrutakIrtistathA shalyaM mAdrIputraH suta.n tava . 
duHshAsanaM mahArAja sahadevaH pratApavAn .. 10..\\
kekayau sAtyaki.n yuddhe sharavarSheNa bhAsvatA . 
sAtyakiH kekayau chaiva chhAdayAmAsa bhArata .. 11..\\
tAvenaM bhAratau vIra.n jaghnaturhR^idaye bhR^isham . 
viShANAbhyA.n yathA nAgau pratinAgaM mahAhave .. 12..\\
sharasambhinna varmANau tAvubhau bhrAtarau raNe . 
sAtyaki.n satyakarmANaM rAjanvivyadhatuH sharaiH .. 13..\\
tau sAtyakirmahArAja prahasansarvatodisham . 
chhAdaya~nsharavarSheNa vArayAmAsa bhArata .. 14..\\
vAryamANo tatastau tu shaineya sharavR^iShTibhiH . 
shaineyasya ratha.n tUrNaM chhAdayAmAsatuH sharaiH .. 15..\\
tayostu dhanuShI chitre chhittvA shaurirmahAhave . 
atha tau sAyakaistIkShNaishchhAdayAmAsa duHsahaiH .. 16..\\
athAnye dhanuShI mR^iShTe pragR^ihya cha mahAsharAn . 
sAtyakiM pUrayantau tau cheraturlaghu suShThu cha .. 17..\\
tAbhyAM muktA mahAbANAH ka~NkabarhiNa vAsasaH . 
dyotayanto dishaH sarvAH sampetuH svarNabhUShaNAH .. 18..\\
bANAndha kAramabhavattayo rAjanmahAhave . 
anyonyasya dhanushchaiva chichchhiduste mahArathAH .. 19..\\
tataH kruddho mahArAja sAtvato yuddhadurmadaH . 
dhanuranyatsamAdAya sa jya.n kR^itvA cha sa.nyuge . 
kShurapreNa sutIkShNena anuvinda shiro.aharat .. 20..\\
tachchhiro nyapatadbhUmau kuNDalotpIDitaM mahat . 
shambarasya shiro yadvannihatasya mahAraNe . 
shoShayankekayAnsarvA~njagAmAshu vasundharAm .. 21..\\
ta.n dR^iShTvA nihata.n shUraM bhrAtA tasya mahArathaH . 
sa jyamanyaddhanuH kR^itvA shaineyaM pratyavArayat .. 22..\\
sa shaktyA sAtyaki.n viddhvA svarNapu~NkhaiH shilAshitaiH . 
nanAda balavannAda.n tiShTha tiShTheti chAbravIt .. 23..\\
sa sAtyakiM punaH kruddhaH kekayAnAM mahArathaH . 
sharairagnishikhAkArairbAhvorurasi chArdayat .. 24..\\
sa sharaiH kShatasarvA~NgaH sAtvataH sattvakovidaH . 
rarAja samare rAjansa patra iva kiMshukaH .. 25..\\
sAtyakiH samare viddhaH kekayena mahAtmanA . 
kekayaM pa~nchaviMshatyA vivyAdha prahasanniva .. 26..\\
shatachandra chite gR^ihya charmaNI subhujau tu tau . 
vyarochetAM mahAra~Nge nistriMshavaradhAriNau . 
yathA devAsure yuddhe jambha shakrau mahAbalau .. 27..\\
maNDalAni tatastau cha vicharantau mahAraNe . 
anyonyamasibhistUrNa.n samAjaghnaturAhave .. 28..\\
kekayasya tatashcharma dvidhA chichchheda sAtvataH . 
sAtyakeshcha tathaivAsau charma chichchheda pArthivaH .. 29..\\
charma chhittvA tu kaikeyastArAgaNashatairvR^itam . 
chachAra maNDalAnyeva gatapratyAgatAni cha .. 30..\\
ta.n charantaM mahAra~Nge nistriMshavaradhAriNam . 
apahastena chichchheda shaineyastvarayAnvitaH .. 31..\\
sa varmA kekayo rAjandvidhA chhinno mahAhave . 
nipapAta maheShvAso vajranunna ivAchalaH .. 32..\\
taM nihatya raNe shUraH shaineyo rathasattamaH . 
yudhAmanyo ratha.n tUrNamAruroha parantapaH .. 33..\\
tato.anya.n rathamAsthAya vidhivatkalpitaM punaH . 
kekayAnAM mahatsainya.n vyadhamatsAtyakiH sharaiH .. 34..\\
sA vadhyamAnA samare kekayasya mahAchamUH . 
tamutsR^ijya ratha.n shatruM pradudrAva disho dasha .. 35..\\
\medskip\hrule\medskip\centerline{\Largedvng 10}
 s

shrutakarmA mahArAja chitrasenaM mahIpatim . 
Ajaghne samare kruddhaH pa~nchAshadbhiH shilImukhaiH .. 1..\\
abhisArastu ta.n rAjA navabhirnishitaiH sharaiH . 
shrutakarmANamAhatya sUta.n vivyAdha pa~nchabhiH .. 2..\\
shrutakarmA tataH kruddhashchitrasena.n chamUmukhe . 
nArAchena sutIkShNena marma deshe samardayat .. 3..\\
etasminnantare chaina.n shrutakIrtirmahAyashAH . 
navatyA jagatI pAla.n chhAdayAmAsa patribhiH .. 4..\\
pratilabya tataH sa~nj~nA.n chitraseno mahArathaH . 
dhanushchichchheda bhallena ta.n cha vivyAdha saptabhiH .. 5..\\
so.anyatkArmukamAdAya vegaghna.n rukmabhUShaNam . 
chitrarUpatara.n chakre chitrasena.n sharormibhiH .. 6..\\
sa sharaishchitrito rAjaMshchitramAlyadharo yuvA . 
yuveva samashobhatsa goShThImadhye svala~NkR^itaH .. 7..\\
shrutakarmANamatha vai nArAchena stanAntare . 
bibheda samare kruddhastiShTha tiShTheti chAbravIt .. 8..\\
shrutakarmApi samare nArAchena samarditaH . 
susrAva rudhiraM bhUri gaurikAmbha ivAchalaH .. 9..\\
tataH sa rudhirAktA~Ngo rudhireNa kR^itachchhaviH . 
rarAja samare rAjansa puShpa iva kiMshukaH .. 10..\\
shrutakarmA tato rAja~nshatrUNA.n samabhidrutaH . 
shatrusa.nvaraNa.n kR^itvA dvidhA chichchheda kArmukam .. 11..\\
athaina.n chhinnadhanvAnaM nArAchAnAM tribhiH shataiH . 
vivyAdha bharatashreShTha shrutakarmA mahAyashAH .. 12..\\
tato.apareNa bhallena bhR^isha.n tIShkNena sa tvaraH . 
jahAra sa shirastrANa.n shirastasya mahAtmanaH .. 13..\\
tachchhiro nyapatadbhUmau sumahachchitravarmaNaH . 
yadR^ichchhayA yathA chandrashchyutaH svargAnmahItale .. 14..\\
rAjAnaM nihata.n dR^iShTvA abhisAraM cha mAriSha . 
abhyadravanta vegena chitrasenasya sainikAH .. 15..\\
tataH kruddho maheShvAsastatsainyaM prAdravachchharaiH . 
antakAle yathA kruddhaH sarvabhUtAni pretarAT . 
drAvayanniShubhistUrNa.n shrutakarmA vyarochata .. 16..\\
prativindhyastatashchitraM bhittvA pa~nchabhirAshugaiH . 
sArathi.n tribhirAnarchchhaddhvajamekeShuNA tataH .. 17..\\
ta.n chitro navabhirbhallairbAhvorurasi chArdayat . 
svarNapu~NkhaiH shilA dhautaiH ka~NkabarhiNa vAjitaiH .. 18..\\
prativindhyo dhanustasya chhittvA bhArata sAyakaiH . 
pa~nchabhirnishitairbANairathaina.n samprajaghnivAn .. 19..\\
tataH shaktiM mahArAja hemadaNDA.n durAsadAm . 
prAhiNottava putrAya ghorAmagnishikhAm iva .. 20..\\
tAmApatantI.n sahasA shaktimulkAmivAmbarAt . 
dvidhA chichchheda samare prativindhyo hasanniva .. 21..\\
sA papAta tadA chhinnA prativindhya sharaiH shitaiH . 
yugAnte sarvabhUtAni trAsayantI yathAshaniH .. 22..\\
shakti.n tAM prahatAM dR^iShTvA chitro gR^ihya mahAgadAm . 
prativindhyAya chikShepa rukmajAlavibhUShitAm .. 23..\\
sA jaghAna hayA.nstasya sArathi.n cha mahAraNe . 
rathaM pramR^idya vegena dharaNIm anvapadyata .. 24..\\
etasminneva kAle tu rathAdAplutya bhArata . 
shakti.n chikShepa chitrAya svarNaghaNTAmala~NkR^itAm .. 25..\\
tAmApatantI.n jagrAha chitro rAjanmahAmanAH . 
tatastAmeva chikShepa prativindhyAya bhArata .. 26..\\
samAsAdya raNe shUraM prativindhyaM mahAprabhA . 
nirbhidya dakShiNaM bAhuM nipapAta mahItale . 
patitAbhAsayachchaiva ta.n deshamashaniryathA .. 27..\\
prativindhyastato rAja.nstomara.n hemabhUShitam . 
preShayAmAsa sa~Nkruddhashchitrasya vadhakAmyayA .. 28..\\
sa tasya devAvaraNaM bhittvA hR^idayameva cha . 
jagAma dharaNI.n tUrNaM mahoraga ivAshayam .. 29..\\
sa papAta tadA rAja.nstomareNa samAhataH . 
prasArya vipulau bAhU pInau parighasaMnibhau .. 30..\\
chitrma samprekShya nihata.n tAvakA raNashobhinaH . 
abhyadravanta vegena prativindhya.n samantataH .. 31..\\
sR^ijanto vividhAnbANA~nshataghnIshcha sa ki~NkiNIH . 
ta ena.n chhAdayAmAsuH sUryamabhragaNA iva .. 32..\\
tAnapAsya mahAbAhuH sharajAlena sa.nyuge . 
vyadrAvayattava chamU.n vajrahasta ivAsurIm .. 33..\\
te vadhyamAnAH samare tAvakAH pANDavairnR^ipa . 
viprakIryanta sahasA vAtanunnA ghanA iva .. 34..\\
vipradrute bale tasminvadhyamAne samantataH . 
drauNireko.abhyayAttUrNaM bhImasenaM mahAbalam .. 35..\\
tataH samAgamo ghoro babhUva sahasA tayoH . 
yathA devAsure yuddhe vR^itravAsavayorabhUt .. 36..\\
\medskip\hrule\medskip\centerline{\Largedvng 11}
 s

bhImasena.n tato drauNI rAjanvivyAdha patriNA . 
tvarayA parayA yukto darshayannastralAghavam .. 1..\\
athainaM punarAjaghne navatyA nishitaiH sharaiH . 
sarvamarmANi samprekShya marmaGYo laghuhastavat .. 2..\\
bhImasenaH samAkIrNo drauNinA nishitaiH sharaiH . 
rarAja samare rAjanrashmivAniva bhAskaraH .. 3..\\
tataH sharasahasreNa suprayuktena pANDavaH . 
droNaputramavachchhAdya si.nhanAdamamu~nchata .. 4..\\
sharaiH sharA.nstato drauNiH sa.nvArya yudhi pANDavam . 
lalATe.abhyahanadrAjannArAchena smayanniva .. 5..\\
lalATastha.n tato bANaM dhArayAmAsa pANDavaH . 
yathA shR^i~Nga.n vane dR^iptaH khaDgo dhArayate nR^ipa .. 6..\\
tato drauNi.n raNe bhImo yatamAnaM parAkramI . 
tribhirvivyAdha nArAchairlalATe vismayanniva .. 7..\\
lalATasthaistato bANairbrAhmaNaH sa vyarochata . 
prAvR^iShIva yathA siktastrishR^i~NgaH parvatottamaH .. 8..\\
tataH sharashatairdrauNirmadayAmAsa pANDavaH . 
na chaina.n kampayAmAsa mAtarishveva parvatam .. 9..\\
tathaiva pANDava.n yuddhe drauNiH sharashataiH shitaiH . 
nAkampayata sa.nhR^iShTo vAryogha iva parvatam .. 10..\\
tAvanyonya.n sharairghoraishchhAdayAnau mahArathau . 
rathacharyA gatau shUrau shushubhAte raNotkaTau .. 11..\\
AdityAviva sandIptau lokakShayakarAvubhau . 
svarashmibhirivAnyonya.n tApayantau sharottamaiH .. 12..\\
kR^itapratikR^ite yatna.n kurvANau cha mahAraNe . 
kR^itapratikR^ite yatna.n chakrAte tAvabhItavat .. 13..\\
vyAghrAviva cha sa~NgrAme cheratustau mahArathau . 
sharadaMShTrau durAdharShau chApavyAttau bhayAnakau .. 14..\\
abhUtA.n tAvadR^ishyau cha sharajAlaiH samantataH . 
meghajAlairiva chchhannau gagane chandrabhAskarau .. 15..\\
prakAshau cha muhUrtena tatraivAstAmarindamau . 
vimuktau meghajAlena shashisUryau yathA divi .. 16..\\
apasavya.n tatashchakre drauNistatra vR^ikodaram . 
kira~nsharashatairugrairdhArAbhiriva parvatam .. 17..\\
na tu tanmamR^iShe bhImaH shatrorvijayalakShaNam . 
pratichakre cha ta.n rAjanpANDavo.apyapasavyataH .. 18..\\
maNDalAnA.n vibhAgeShu gatapratyAgateShu cha . 
babhUva tumula.n yuddha.n tayostatra mahAmR^idhe .. 19..\\
charitvA vividhAnmArgAnmaNDala.n sthAnameva cha . 
sharaiH pUrNAyatotsR^iShTairanyonyamabhijaghnatuH .. 20..\\
anyonyasya vadhe yatna.n chakratustau mahArathau . 
IShaturviratha.n chaiva kartumanyonyamAhave .. 21..\\
tato drauNirmahAstrANi prAdushchakre mahArathaH . 
tAnyastraireva samare pratijaghne.asya pANDavaH .. 22..\\
tato ghoraM mahArAja astrayuddhamavartata . 
grahayuddha.n yathA ghoraM prajAsa.nharaNe abhUt .. 23..\\
te bANAH samasajjanta kShiptAstAbhyA.n tu bhArata . 
dyotayanto dishaH sarvAstachcha sainya.n samantataH .. 24..\\
bANasa~NghAvR^ita.n ghoramAkAsha.n samapadyata . 
uklA pAtakR^ita.n yadvatprajAnAM sa~NkShaye nR^ipa .. 25..\\
bANAbhighAtAtsa~njaGYe tatra bhArata pAvakaH . 
sa visphuli~Ngo dIptArchiH so.adahadvAhinI dvayam .. 26..\\
tatra siddhA mahArAja sampatanto.abruvanvachaH . 
ati yuddhAni sarvANi yuddhametattato.adhikam .. 27..\\
sarvayuddhAni chaitasya kalAM nArhanti ShoDashIm . 
naitAdR^ishaM punaryuddhaM na bhUtaM na bhaviShyati .. 28..\\
aho GYAnena sa.nyuktAvubhau chograparAkramau . 
aho bhIme balaM bhImametayoshcha kR^itAstratA .. 29..\\
aho vIryasya sAratvamaho sauShThavametayoH . 
sthitAvetau hi samare kAlAntakayamopamau .. 30..\\
rudrau dvAviva sambhUtau yathA dvAviva bhAskarau . 
yamau vA puruShavyAghrau ghorarUpAvimau raNe .. 31..\\
shrUyante sma tadA vAchaH siddhAnA.n vai muhurmuhuH . 
si.nhanAdashcha sa~njaGYe sametAnA.n divaukasAm . 
adbhuta.n chApyachintyaM cha dR^iShTvA karma tayormR^idhe .. 32..\\
tau shUrau samare rAjanparasparakR^itAgasau . 
parasparamudaikShetA.n krodhAdudvR^itya chAkShuShI .. 33..\\
krodharaktekShaNau tau tu krodhAtprasphuritAdharau . 
krodhAtsandaShTa dashanau sandaShTa dashanachchhadau .. 34..\\
anyonya.n chhAdayantau sma sharavR^iShTyA mahArathau . 
sharAmbudhArau samare shastravidyutprakAshinau .. 35..\\
tAvanyonya.n dhvajau viddhvA sArathI cha mahArathau . 
anyonyasya hayAnviddhvA bibhidAte parasparam .. 36..\\
tataH kruddhau mahArAja bANau gR^ihya mahAhave . 
ubhau chikShipatustUrNamanyonyasya vadhaiShiNau .. 37..\\
tau sAyakau mahArAja dyotamAnau chamUmukhe . 
AjaghrAte samAsAdya vajravegau durAsadau .. 38..\\
tau parasparavegAchcha sharAbhyA.n cha bhR^ishAhatau . 
nipetaturmahAvIrau svarathopasthayostadA .. 39..\\
tatastu sArathirGYAtvA droNaputramachetanam . 
apovAha raNAdrAjansarvakShatrasya pashyataH .. 40..\\
tathaiva pANDava.n rAjanvihvalantaM muhurmuhuH . 
apovAha rathenAjau sArathiH shatrutApanam .. 41..\\
\medskip\hrule\medskip\centerline{\Largedvng 12}
 dhr

yathA saMshaptakaiH sArdhamarjunasyAbhavadraNaH . 
anyeShA.n cha madIyAnAM pANDavaistadbravIhi me .. 1..\\

 s

shR^iNu rAjanyathAvR^itta.n sa~NgrAmaM bruvato mama . 
vIrANA.n shatrubhiH sArdha.n dehapApma praNAshanam .. 2..\\
pArthaH saMshaptaka gaNaM pravishyArNava saMnibham . 
vyakShobhayadamitraghno mahAvAta ivArNavam .. 3..\\
shirA.nsyunmathya vIrANA.n shitairbhallairdhana~njayaH . 
pUrNachandrAbhavaktrANi svakShibhrU dashanAni cha . 
santastAra kShiti.n kShipra.n vinAlairnalinairiva .. 4..\\
suvR^ittAnAyatAnpuShTAMshchandanAgurubhUShitAn . 
sAyudhAnsa tanutrANAnpa~nchAsyoraga saMnibhAn . 
bAhUnkShurairamitrANA.n vichakartArjuno raNe .. 5..\\
dhuryAndhuryatarAnsUtAndhvajAMshchApAni sAyakAn . 
pANInaratnAnasakR^idbhallaishchichchheda pANDavaH .. 6..\\
dvipAnhayAnrathAMshchaiva sArohAnarjuno raNe . 
sharairanekasAhasrai rAjanninye yamakShayam .. 7..\\
taM pravIraM pratIyAtA nardamAnA ivarShabhAH . 
vAshitArthamabhikruddhA hu~NkR^itvA chAbhidudruvuH . 
nighnantamabhijaghnuste sharaiH shR^i~NgairivarShabhAH .. 8..\\
tasya teShA.n cha tadyuddhamabhavallomaharShaNam . 
trailokyavijaye yAdR^igdaityAnA.n saha vajriNA .. 9..\\
astrairastrANi sa.nvArya dviShatA.n sarvato.arjunaH . 
iShubhirbahubhistUrNa.n viddhvA prANAnrarAsa saH .. 10..\\
chhinnatriveNuchakrAkShAnhatayodhAshvasArathIn . 
vidhvastAyudha tUNIrAnsamunmathita ketanAn .. 11..\\
sa~nchinnayoktra rashmIkAnvi triveNUnvi kUbarAn . 
vidhvastabandhurayugAnvishastAyudha maNDalAn . 
rathAnvishakalIkurvanmahAbhrANIva mArutaH .. 12..\\
vismApayanprekShaNIya.n dviShAtAM bhayavardhanam . 
mahArathasahasrasya sama.n karmArjuno.akarot .. 13..\\
siddhadevarShisa~NghAshcha chAraNAshchaiva tuShTuvuH . 
devadundubhayo neduH puShpavarShANi chApatan . 
keshavArjunayormUrdhni prAha vAkchAsharIriNI .. 14..\\
chandrArkAnila vahnInA.n kAnti dIptibaladyutIH . 
yau sadA bibhraturvIrau tAvimau keshavArjunau .. 15..\\
brahmeshAnAvivAjayyau vIrAvekarathe sthitau . 
sarvabhUtavarau vIrau naranArAyaNAvubhau .. 16..\\
ityetanmahadAshcharya.n dR^iShTvA shrutvA cha bhArata . 
ashvatthAmA susa.nyattaH kR^iShNAvabhyadravadraNe .. 17..\\
atha pANDavamasyanta.n yama kAlAntakA~nsharAn . 
seShuNA pANinAhUya hasandrauNirathAbravIt .. 18..\\
yadi mAM manyase vIra prAptamarhamivAtithim . 
tataH sarvAtmanAdya tva.n yuddhAtithyaM prayachchha me .. 19..\\
evamAchArya putreNa samAhUto yuyutsayA . 
bahu mene.arjuno.a.atmAnamida.n chAha janArdanam .. 20..\\
saMshaptakAshcha me vadhyA drauNirAhvayate cha mAm . 
yadatrAnantaraM prAptaM prashAdhi tvaM mahAbhuja .. 21..\\
evamukto.avahatpArtha.n kR^iShNo droNAtmajAntikam . 
jaitreNa vidhinAhUta.n vAyurindramivAdhvare .. 22..\\
tamAmantryaika manasA keshavo drauNimabravIt . 
ashvatthAmansthiro bhUtvA praharAshu sahasva cha .. 23..\\
nirveShTuM bhartR^ipiNDa.n hi kAlo.ayamupajIvinAm . 
sUkShmo vivAdo viprANA.n sthUlau kShAtrau jayAjayau .. 24..\\
yAM na sa~NkShamase mohAddivyAM pArthasya satkriyAm . 
tAmAptumichchhanyudhyasva sthiro bhUtvAdya pANDavam .. 25..\\
ityukto vAsudevena tathetyuktvA dvijottamaH . 
vivyAdha keshava.n ShaShTyA nArAchairarjuna.n tribhiH .. 26..\\
tasyArjunaH susa~NkruddhastribhirbhallaiH sharAsanam . 
chichchhedAthAnyadAdatta drauNirghoratara.n dhanuH .. 27..\\
sa jya.n kR^itvA nimeShAttadvivyAdhArjuna keshavau . 
tribhiH sharairvAsudeva.n sahasreNa cha pANDavam .. 28..\\
tataH sharasahasrANi prayutAnyarbudAni cha . 
sasR^ije drauNirAyastaH sa.nstabhya cha raNe.arjunam .. 29..\\
iShudherdhanuSho jyAyA a~NgulIbhyashcha mAriSha . 
bAhvoH karAbhyAmuraso vadanaghrANanetrataH .. 30..\\
karNAbhyA.n shiraso.a~Ngebhyo loma vartmabhya eva cha . 
rathadhvajebhyashcha sharA niShpeturbrahmavAdinaH .. 31..\\
sharajAlena mahatA viddhvA keshava pANDavau . 
nanAda mudito drauNirmahAmeghaughanisvanaH .. 32..\\
tasya nAnadataH shrutvA pANDavo.achyutamabravIt . 
pashya mAdhava daurAtmya.n droNaputrasya mAM prati .. 33..\\
vadhaprAptau manyate nau praveshya sharaveshmani . 
eSho.asya hanmi sa~Nkalpa.n shikShayA cha balena cha .. 34..\\
ashvatthAmnaH sharAnastAMshchhittvaikaika.n tridhA tridhA . 
vyadhamadbharatashreShTho nIhAramiva mArutaH .. 35..\\
tataH saMshaptakAnbhUyaH sAshvasUta rathadvipAn . 
dhvajapattigaNAnugrairbANairvivyAdha pANDavaH .. 36..\\
ye ye dadR^ishire tatra yadyadrUpa.n yathA yathA . 
te te tattachchharairvyAptaM menire.a.atmAnameva cha .. 37..\\
te gANDIvapraNuditA nAnArUpAH patatriNaH . 
kroshe sAgre sthitAnghnanti dvipAMshcha puruShAnraNe .. 38..\\
bhallaishchhinnAH karAH petuH kariNAM madakarShiNAm . 
chhinnA yathA parashubhiH pravR^iddhAH sharadi drumAH .. 39..\\
pashchAttu shailavatpetuste gajAH saha sAdibhiH . 
vajrivajrapramathitA yathaivAdrichayAstathA .. 40..\\
gandharvanagarAkArAnvidhivatkalpitAnrathAn . 
vinItajavanAnyuktAnAsthitAnyuddhadurmadAn .. 41..\\
sharairvishakalIkurvannamitrAnabhyavIvR^iShat . 
ala~NkR^itAnashvasAdInpatiMshchAhandhana~njayaH .. 42..\\
dhana~njaya yugAntArkaH saMshaptaka mahArNavam . 
vyashoShayata duHshoSha.n tIvraiH sharagabhastibhiH .. 43..\\
punardrauNimahAshailaM nArAchaiH sUryasaMnibhaiH . 
nirbibheda mahAvegaistvaranvajrIva parvatam .. 44..\\
tamAchArya sutaH kruddhaH sAshvayantAramAshugaiH . 
yuyutsurnAshakadyoddhuM pArthastAnantarAchchhinat .. 45..\\
tataH paramasa~NkruddhaH kANDakoshAnavAsR^ijat . 
ashvatthAmAbhirUpAya gR^ihAnatithaye yathA .. 46..\\
atha saMshaptakA.nstyaktvA pANDavo drauNimabhyayAt . 
apA~Nkteyamiva tyaktvA dAtA pA~Nkteyamarthinam .. 47..\\
tataH samabhavadyuddha.n shukrA~Ngirasa varchasoH . 
nakShatramabhito vyomni shukrA~Ngirasayoriva .. 48..\\
santApayantAvanyonya.n dIptaiH sharagabhastibhiH . 
lokatrAsa karAvAstA.n vimArgasthau grahAviva .. 49..\\
tato.avidhyadbhruvormadhye nArAchenArjuno bhR^isham . 
sa tena vibabhau drauNirUrdhvarashmiryathA raviH .. 50..\\
atha kR^iShNau sharashatairashvatthAmnArditau bhR^isham . 
sarashmi jAlanikarau yugAntArkAvivAsatuH .. 51..\\
tato.arjunaH sarvato dhAramastram 
avAsR^ijadvAsudevAbhiguptaH . 
drauNAyani.n chAbhyahanatpR^iShatkair 
vajrAgnivaivasvatadaNDakalpaiH .. 52..\\
sa keshava.n chArjunaM chAtitejA 
vivyAdha marmasvatiraudra karmA . 
bANaiH sumuktairatitIvra vegair 
yairAhato mR^ityurapi vyatheta .. 53..\\
drauNeriShUnarjunaH saMnivArya 
vyAyachchhatastaddviguNaiH supu~NkhaiH . 
ta.n sAshvasUta dhvajamekavIram 
AvR^itya saMshaptaka sainyamArchhat .. 54..\\
dhanUMShi bANAniShudhIrdhanurjyAH 
pANInbhujAnpANigata.n cha shastram . 
chhatrANi ketU.nsturagAnathaiShAM 
vastrANi mAlyAnyatha bhUShaNAni .. 55..\\
charmANi varmANi manorathAMsh cha 
priyANi sarvANi shirA.nsi chaiva . 
chichchheda pArtho dviShatAM pramuktair 
bANaiH sthitAnAmaparA~NmukhAnAm .. 56..\\
sukalpitAH syandanavAjinAgAH 
samAsthitAH kR^itayatnairnR^ivIraiH . 
pArtheritairbANagaNairnirastAs 
taireva sArdhaM nR^ivarairnipetuH .. 57..\\
padmArka pUrNendusamAnanAni 
kirITamAlA mukuTotkaTAni . 
bhallArdha chandra kShura hi.nsitAni 
prapetururvyAM nR^ishirA.nsyajasram .. 58..\\
atha vipairdevapatidvipAbhair 
devAri darpolbaNa manyudarpaiH . 
kali~Nga va~NgA~NganiShAdavIrA 
jighA.nsavaH pANDavamabhyadhAvan .. 59..\\
teShA.n dvipAnA.n vichakarta pArtho 
varmANi marmANi karAnniyantR^In . 
dhvajAH patAkAshcha tataH prapetur 
vajrAhatAnIva gireH shirA.nsi .. 60..\\
teShu prarugNeShu gurostanUjaM 
bANaiH kirITI nava sUryavarNaiH . 
prachchhAdayAmAsa mahAbhrajAlair 
vAyuH samudyuktamivAMshumantam .. 61..\\
tato.arjuneShUniShubhirnirasya 
drauNiH sharairarjuna vAsudevau . 
prachchhAdayitva divi chandrasUryau 
nanAda so.ambhoda ivAtapAnte .. 62..\\
tamarjunastAMshcha punastvadIyAn 
abhyarditastairavikR^itta shastraiH . 
bANAndha kAra.n sahasaiva kR^itvA 
vivyAdha sarvAniShubhiH supu~NkhaiH .. 63..\\
nApyAdadatsandadhannaiva mu~nchan 
bANAnraNe.adR^ishyata savyasAchI . 
hatAMshcha nAgA.nsturagAnpadAtIn 
sa.nsyUta dehAndadR^ishU rathAMsh cha .. 64..\\
sandhAya nArAchavarAndashAshu 
drauNistvarannekamivotsasarja . 
teShA.n cha pa~nchArjunamabhyavidhyan 
pa~nchAchyutaM nirbibhiduH sumuktAH .. 65..\\
tairAhatau sarvamanuShyamukhyAv 
asR^ikkSharantau dhanadendra kalpau . 
samAptavidyena yathAbhibhUtau 
hatau svidetau kimu menire.anye .. 66..\\
athArjunaM prAha dashArha nAthaH 
pramAdyase ki.n jahi yodhametam . 
kuryAddhi doSha.n samupekShito.asau 
kaShTo bhavedvyAdhirivAkriyAvAn .. 67..\\
tatheti choktvAchyutamapramAdI 
drauNiM prayatnAdiShubhistatakSha . 
chhittvAshvarashmI.nsturagAnavidhyat 
te ta.n raNAdUhuratIva dUram .. 68..\\
AvR^itya neyeSha punastu yuddhaM 
pArthena sArdhaM matimAnvimR^ishya . 
jAna~njayaM niyata.n vR^iShNivIre 
dhana~njaye chA~NgirasA.n variShThaH .. 69..\\
pratIpa kAye tu raNAdashvatthAmni hR^ite hayaiH . 
mantrauShadhikriyA dAnairvyAdhau dehAdivAhR^ite .. 70..\\
saMshaptakAnabhimukhau prayAtau keshavArjunau . 
vAtoddhUta patAkena syandanenaughanAdinA .. 71..\\
\medskip\hrule\medskip\centerline{\Largedvng 13}
 s

athottareNa pANDUnA.n senAyA.n dhvanirutthitaH . 
rathanAgAshvapattInA.n daNDadhAreNa vadhyatAm .. 1..\\
nivartayitvA tu ratha.n keshavo.arjunamabravIt . 
vAhayanneva turagAngaruDAnilara.nhasaH .. 2..\\
mAgadho.athApyatikrAnto dviradena pramAthinA . 
bhagadattAdanavaraH shikShayA cha balena cha .. 3..\\
ena.n hatvA nihantAsi punaH saMshaptakAniti . 
vAkyAnte prApayatpArtha.n daNDadhArAntikaM prati .. 4..\\
sa mAgadhAnAM pravaro.a~Nkusha graho 
graheShvasahyo vikacho yathA grahaH . 
sapatnasenAM pramamAtha dAruNo 
mahI.n samagrAM vikacho yathA grahaH .. 5..\\
sukalpita.n dAnava nAgasaMnibhaM 
mahAbhrasa.nhrAdamamitramardanam . 
rathAshvamAta~NgagaNAnsahasrashaH 
samAsthito hanti sharairdvipAnapi .. 6..\\
rathAnadhiShThAya sa vAjisArathIn 
rathAMsh cha padbhistvarito vyapothayat . 
dvipAMshcha padbhyA.n charaNaiH kareNa cha 
dvipAsthito hanti sa kAlachakravat .. 7..\\
narAMshcha kArShNAyasa varma bhUShaNAn 
nipAtya sAshvAnapi pattibhiH saha . 
vyapothayaddanti vareNa shuShmiNA 
sa shabdavatsthUlanaDAnyathAtathA .. 8..\\
athArjuno jyAtalanemi nisvane 
mR^ida~NgabherIbahu sha~NkhanAdite . 
narAshvamAta~NgasahasranAditai 
rathottamenAbhyapataddvipottamam .. 9..\\
tato.arjuna.n dvAdashabhiH sharottamair 
janArdana.n ShoDashabhiH samArdayat . 
sa daNDadhArasturagA.nstribhistribhis 
tato nanAda prajahAsa chAsakR^it .. 10..\\
tato.asya pArthaH sa guNeShu kArmukaM 
chakarta bhallairdhvajamapyala~NkR^itam . 
punarniyantR^Insaha pAdagoptR^ibhis 
tatastu chukrodha girivrajeshvaraH .. 11..\\
tato.arjunaM bhinnakaTena dantinA 
ghanAghanena anilatulyara.nhasA . 
atIva chukShobhayiShurjanArdanaM 
dhana~njaya.n chAbhijaghAna tomaraiH .. 12..\\
athAsya bAhU dvipahastasaMnibhau 
shirashcha pUrNendunibhAnana.n tribhiH . 
kShuraiH prachichchheda sahaiva pANDavas 
tato dvipaM bANashataiH samArdayat .. 13..\\
sa pArtha bANaistapanIyabhUShaNaiH 
samAruchatkA~nchanavarma bhR^iddvipaH . 
tathA chakAshe nishi parvato yathA 
davAgninA prajvalitauShadhi drumaH .. 14..\\
sa vedanArto.ambudanisvano nadaMsh 
chalanbhramanpraskhalito.a.aturo dravan . 
papAta rugNaH saniyantR^ikastathA 
yathA girirvajranipAta chUrNitaH .. 15..\\
himAvadAtena suvarNamAlinA 
himAdrikUTapratimena dantinA . 
hate raNe bhrAtari daNDa Avrajaj 
jighA.nsurindrAvaraja.n dhana~njayam .. 16..\\
sa tomarairarkakaraprabhaistribhir 
janArdanaM pa~nchabhireva chArjunam . 
samarpayitvA vinanAda chArdaryas 
tato.asya bAhU vichakarta pANDavaH .. 17..\\
kShura prakR^ittau subhR^isha.n sa tomarau 
chyutA~Ngadau chandanarUShitau bhujau . 
gajAtpatantau yugapadvirejatur 
yathAdrishR^i~NgAtpatitau mahoragau .. 18..\\
athArdhachandreNa hR^ita.n kirITinA 
papAta daNDasya shiraH kShiti.n dvipAt . 
tachchhoNitAbhaM nipatadvireje 
divAkaro.astAdiva pashchimA.n disham .. 19..\\
atha dvipa.n shvetanagAgra saMnibhaM 
divAkarAMshu pratimaiH sharottamaiH . 
bibheda pArtaH sa papAta nAnadan 
himAdrikUTaH kulishAhato yathA .. 20..\\
tato.apare tatppratimA jagottamA 
jigIShavaH sa.nyati savyasAchinam . 
tathA kR^itAstena yathaiva tau dvipau 
tataH prabhagna.n sumahadriporbalam .. 21..\\
gajA rathAshvAH puruShAshcha sa~NghashaH 
parasparaghnAH paripeturAhave . 
parasparapraskhalitAH samAhatA 
bhR^isha.n cha tattatkulabhAShiNo hatAH .. 22..\\
athArjuna.n sve parivArya sainikAH 
purandara.n devagaNA ivAbruvan . 
abhaiShma yasmAnmaraNAdiva prajAH 
sa vIra diShTyA nihatastvayA ripuH .. 23..\\
na chetparitrAsya imA~njanAnbhayAd 
dviShadbhirevaM balibhiH prapIDitAn . 
tathAbhaviShyaddviShatAM pramodanaM 
yathA hateShveShviha no.ariShu tvayA .. 24..\\
itIva bhUyashcha suhR^idbhirIritA 
nishamya vAchaH sumanAstato.arjunaH . 
yathAnurUpaM pratipUjya ta.n janaM 
jagAma saMshaptaka sa~NghahA punaH .. 25..\\
\medskip\hrule\medskip\centerline{\Largedvng 14}
 s

pratyAgatya punarjiShNurahansaMshaptakAnbahUn . 
vakrAnuvakra gamanAda~NgAraka iva grahaH .. 1..\\
pArtha bANahatA rAjannarAshvarathaku~njarAH . 
vichelurbabhramurneduH peturmamlushcha mAriSha .. 2..\\
dhurya.n dhuryatarAnsUtAnrathAMshcha parisa~NkShipan . 
pANInpANigata.n shastraM bAhUnapi shirA.nsi cha .. 3..\\
bhallaiH kShurairardhachandrairvatsadantaishcha pANDavaH . 
chichchhedAmitra vIrANA.n samare pratiyudhyatAm .. 4..\\
vAshitArthe yuyutsanto vR^iShabhA vR^iShabha.n yathA . 
Apatantyarjuna.n shUrAH shatasho.atha sahasrashaH .. 5..\\
teShA.n tasya cha tadyuddhamabhavallomaharShaNam . 
trailokyavijaye yAdR^igdaityAnA.n saha vajriNA .. 6..\\
tamavidhyattribhirbANairdanda shUkairivAhibhiH . 
ugrAyudhastatastasya shiraH kAyAdapAharat .. 7..\\
te.arjuna.n sarvataH kruddhA nAnAshastrairavIvR^iShan . 
marudbhiH preShitA meghA himavantamivoShNage .. 8..\\
astrairastrANi sa.nvArya dviShatA.n sarvato.arjunaH . 
samyagastaiH sharaiH sarvAnsahitAnahanadbahUn .. 9..\\
chhinnatriveNuja~NgheShAnnihatapArShNi sArathIn . 
sa~nchinnarashmi yoktrAkShAnvyanukarSha yugAnrathAn . 
vidhvastasarvasaMnAhAnbANaish chakre.arjunastvaran .. 10..\\
te rathAstatra vidhvastAH parArdhyA bhAntyanekashaH . 
dhaninAmiva veshmAni hatAnyagnyanilAmbubhiH .. 11..\\
dvipAH sambhinnamarmANo vajrAshanisamaiH sharaiH . 
peturgiryagraveshmAni vajravAtAgnibhiryathA .. 12..\\
sArohAsturagAH peturbahavo.arjuna tADitAH . 
nirjihvAntrAH kShitau kShINA rudhirArdrAH sudurdR^ishaH .. 13..\\
narAshvanAgA nArAchaiH sa.nsyUtAH savyasAchinA . 
babhramushchaskhaluH peturnedurmamlushcha mAriSha .. 14..\\
aNakaishcha shilA dhAtairvajrAshaniviShopamaiH . 
sharairnijaghnivAnpArtho mahendra iva dAnavAn .. 15..\\
mahArhavarmAbharaNA nAnArUpAmbarAyudhAH . 
sa rathAH sa dhvajA vIrA hatAH pArthena sherate .. 16..\\
vijitAH puNyakarmANo vishiShTAbhijana shrutAH . 
gatAH sharIrairvasudhAmUrjitaiH karmabhirdivam .. 17..\\
athArjuna ratha.n vIrAstvadIyAH samupAdravan . 
nAnAjanapadAdhyakShAH sagaNA jAtamanyavaH .. 18..\\
uhyamAnA rathAshvaiste pattayashcha jighA.nsavaH . 
samabhyadhAvannasyanto vividha.n kShipramAyudham .. 19..\\
tadAyudha mahAvarSha.n kShipta.n yodhamahAmbudaiH . 
vyadhamannishitairbANaiH kShipramarjuna mArutaH .. 20..\\
sAshvapattidviparathaM mahAshastraughamaplavam . 
sahasA santitIrShantaM pArtha.n shastrAstrasetunA .. 21..\\
athAbravIdvAsudevaH pArtha.n kiM krIDase.anagha . 
saMshaptakAnpramathyaitA.nstataH karNavadhe tvara .. 22..\\
tathetyuktvArjunaH kShipra.n shiShTAnsaMshaptakA.nstadA . 
AkShipya shastreNa balAddaityAnindra ivAvadhIt .. 23..\\
AdadhatsandadhannAShUndR^iShTaH kaishchidraNe.arjunaH . 
vimu~nchanvA sharA~nshIghra.n dR^ishyate sma hi kairapi .. 24..\\
Ashcharyamiti govindo bruvannashvAnachodayat . 
ha.nsA.nsa gaurAste senA.n ha.nsAH sara ivAvishan .. 25..\\
tataH sa~NgrAmabhUmi.n tA.n vartamAne janakShaye . 
avekShamANo govindaH savyasAchinamabravIt .. 26..\\
eSha pArtha mahAraudro vartate bharatakShayaH . 
pR^ithivyAM pArthivAnA.n vai duryodhanakR^ite mahAn .. 27..\\
pashya bhArata chApAni rukmapR^iShThAni dhanvinAm . 
mahatAmapaviddhAni kalApAniShudhIstathA .. 28..\\
jAtarUpamayaiH pu~NkhaiH sharAMshcha nataparvaNaH . 
tailadhautAMshcha nArAchAnnirmuktAniva pannagAn .. 29..\\
hastidanta tsarUnkhaDgA~njAtarUpapariShkR^itAn . 
AkIrNA.nstomarAMshchApAMshchitrAnhemavibhUShitAn .. 30..\\
varmANi chApaviddhAni rukmapR^iShThAni bhArata . 
suvarNavikR^itAnprAsA~nshaktIH kanakabhUShitAH .. 31..\\
jAmbUnadamayaiH paTTairbaddhAshcha vipulA gadAH . 
jAtarUpamayIshcharShTIH paTTishAnhemabhUShitAn .. 32..\\
daNDaiH kanakachitraishcha vipraviddhAnparashvadhAn . 
ayaH kushAntAnpatitAnmusalAni gurUNi cha .. 33..\\
shataghnIH pashya chitrAshcha vipulAnparighA.nstathA . 
chakrANi chApaviddhAni mudgarAMshcha bahUnraNe .. 34..\\
nAnAvidhAni shastrANi pragR^ihya jaya gR^iddhinaH . 
jIvanta iva lakShyante gatasattvAstarasvinaH .. 35..\\
gadA vimathitairgAtrairmusalairbhinnamastakAn . 
gajavAjirathakShuNNAnpashya yodhAnsahasrashaH .. 36..\\
manuShyagajavAjInA.n sharashaktyR^iShTitomaraiH . 
nistriMshaiH paTTishaiH prAsairnakharairlaguDairapi .. 37..\\
sharIrairbahudhA bhinnaiH shoNitaughapariplutaiH . 
gatAsubhiramitraghna sa.nvR^itA raNabhUmayaH .. 38..\\
bAhubhishchandanAdigdhaiH sA~NgadaiH shubhabhUShaNaiH . 
sa talatraiH sa keyUrairbhAti bhArata medinI .. 39..\\
sA~NgulitrairbhujAgraishcha vipraviddhairala~NkR^itaiH . 
hastihastopamaishchhinnairUrubhishcha tarasvinAm .. 40..\\
baddhachUDA maNivaraiH shirobhishcha sakuNDalaiH . 
nikR^ittairvR^iShabhAkShANA.n virAjati vasundharA .. 41..\\
kabandhaiH shoNitAdigdhaishchhinnagAtrashiro dharaiH . 
bhUrbhAti bharatashreShTha shAntArchirbhirivAgnibhiH .. 42..\\
rathAnbahuvidhAnbhagnAnhemaki~NkiNinaH shubhAn . 
ashvAMshcha bahudhA pashya shoNitena pariplutAn .. 43..\\
yodhAnA.n cha mahAsha~NkhAnpANDurAMshcha prakIrNakAn . 
nirastajihvAnmAta~NgA~nshayAnAnparvatopamAn .. 44..\\
vaijayantI vichitrAMshcha hatAMshcha gajayodhinaH . 
vAraNAnAM paristomAnsuyuktAmbara kambalAn .. 45..\\
vipATinA vichitrAshcha rUpachitrAH kuthAstathA . 
bhinnAshcha bahudhA ghaNTAH patadbhishchUrNitA gajaiH .. 46..\\
vaiDUrya maNidaNDAMshcha patitAna~NkushAnbhuvi . 
baddhAH sAdidhvajAgreShu suvarNavikR^itAH kashAH .. 47..\\
vichitrAnmaNichitrAMshcha jAtarUpapariShkR^itAn . 
ashvAstara paristomAnrA~NkavAnpatitAnbhuvi .. 48..\\
chUDAmaNInnarendrANA.n vichitrAH kA~nchanasrajaH . 
chhatrANi chApaviddhAni chAmAra vyajanAni cha .. 49..\\
chandra nakShatrabhAsaishcha vadanaishchArukuNDalaiH . 
kL^ipta shmashrubhiratyartha.n vIrANAM samala~NkR^itaiH . 
vadanaiH pashya sa~nchannAM mahI.n shoNitakardamAm .. 50..\\
sa jIvAMshcha narAnpashya kUjamAnAnsamantataH . 
upAsyamAnAnbahubhirnyastashastrairvishAM pate .. 51..\\
GYAtibhiH sahitaistatra rodamAnairmuhurmuhuH . 
vyutkrAntAnaparAnyodhAMshchhAdayitvA tarasvinaH . 
punaryuddhAya gachchhanti jaya gR^iddhAH pramanyavaH .. 52..\\
apare tatra tatraiva paridhAvanti mAninaH . 
GYAtibhiH patitaiH shUrairyAchyamAnAstathodakam .. 53..\\
jalArtha.n cha gatAH ke chinniShprANA bahavo.arjuna . 
saMnivR^ittAshcha te shUrAstAndR^iShTvaiva vichetasaH .. 54..\\
jala.n dR^iShTvA pradhAvanti kroshamAnAH parasparam . 
jalaM pItvA mR^itAnpashya pibato.anyAMshcha bhArata .. 55..\\
parityajya priyAnanye bAndhavAnbAndhavapriya . 
vyutkrAntAH samadR^ishyanta tatra tatra mahAraNe .. 56..\\
pashyAparAnnarashreShTha sandaShTauShTha puTAnpunaH . 
bhrukuTI kuTilairvaktraiH prekShamANAnsamantataH .. 57..\\
etattavaivAnurUpa.n karmArjuna mahAhave . 
divi vA devarAjasya tvayA yatkR^itamAhave .. 58..\\
eva.n tAM darshayankR^iShNo yuddhabhUmiM kirITine . 
gachchhannevAshR^iNochchhabda.n duryodhana bale mahat .. 59..\\
sha~NkhadundubhinirghoShAnbherI paNavamishritAn . 
rathAshvagajanAdAMshcha shasttra shabdAMshcha dAruNAn .. 60..\\
pravishya tadbala.n kR^iShNasturagairvAtavegibhiH . 
pANDyenAbhyarditA.n senA.n tvadIyAM vIkShya dhiShThitaH .. 61..\\
sahi nAnAvidhairbANairiShvAsa pravaro yudhi . 
nyahanaddviShatA.n vrAtAngatAsUnantako yathA .. 62..\\
gajavAjimanuShyANA.n sharIrANi shitaiH sharaiH . 
bhittvA praharatA.n shreShTho videhAsUMshchakAra saH .. 63..\\
shatrupravIrairastAni nAnAshastrANi sAyakaiH . 
bhittvA tAnahanatpANDyaH shatrU~nshakra ivAsurAn .. 64..\\
\medskip\hrule\medskip\centerline{\Largedvng 15}
 dhr

proktastvayA pUrvameva pravIro lokavishrutaH . 
na tvasya karmasa~NgrAme tvayA sa~njaya kIrtitam .. 1..\\
tasya vistarato brUhi pravIrasyAdya vikramam . 
shikShAM prabhAva.n vIrya.n cha pramANaM darpameva cha .. 2..\\

 s

droNa bhIShma kR^ipa drauNikarNArjuna janArdanAn . 
samAptavidyAndhanuShi shreShThAnyAnmanyase yudhi .. 3..\\
tulyatA karNa bhIShmAbhyAmAtmano yena dR^ishyate . 
vAsudevArjunAbhyA.n cha nyUnatAM nAtmanIchchhati .. 4..\\
sa pANDyo nR^ipatishreShThaH sarvashastrabhR^itA.n varaH . 
karNasyAnIkamavadhItparibhUta ivAntakaH .. 5..\\
tadudIrNarathAshva.n cha pattipravara ku~njaram . 
kulAla chakravadbhrAntaM pANDyenAdhiShThitaM balam .. 6..\\
vyashva sUta dhvajarathAnvipraviddhAyudhAnripUn . 
samyagastaiH sharaiH pANDyo vAyurmeghAnivAkShipat .. 7..\\
dviradAnprahata prothAnvipatAka dhvajAyudhAn . 
sa pAdarakShAnavadhIdvajreNArInivArihA .. 8..\\
sa shaktiprAsa tUNIrAnashvArohAnhayAnapi . 
pulinda khasha bAhlIkAnniShAdAndhraka ta~NgaNAn .. 9..\\
dAkShiNAtyAMshcha bhojAMshcha krUrAnsa~NgrAmakarkashAn . 
vishastra kavachAnbANaiH kR^itvA pANDyo.akarodvyasUn .. 10..\\
chatura~NgaM balaM bANairnighnantaM pANDyamAhave . 
dR^iShTvA drauNirasambhrAntamasambhrAntataro.abhyayAt .. 11..\\
AbhAShya chainaM madhuramabhi nR^ityannabhItavat . 
prAha praharatA.n shreShThaH smitapUrvaM samAhvayan .. 12..\\
rAjankamalapatrAkSha pradhAnAyudha vAhana . 
vajrasa.nhanana prakhyapradhAnabalapauruSha .. 13..\\
muShTishliShTAyudhAbhyA.n cha vyAyatAbhyAM mahaddhanuH . 
dorbhyA.n visphArayanbhAsi mahAjaladavadbhR^isham .. 14..\\
sharavarShairmahAvegairamitrAnabhivarShataH . 
madanyaM nAnupashyAmi prativIra.n tavAhave .. 15..\\
rathadviradapattyashvAnekaH pramathase bahUn . 
mR^igasa~NghAnivAraNye vibhIrbhImabalo hariH .. 16..\\
mahatA rathaghoSheNa divaM bhUmi.n cha nAdayan . 
varShAnte sasyahA pItho bhAbhirApUrayanniva .. 17..\\
sa.nspR^ishAnaH sharA.nstIkShNA.nstUNAdAshIviShopamAn . 
mayaivaikena yudhyasva tryambakeNAndhako yathA .. 18..\\
evamuktastathetyuktvA prahareti cha tADitaH . 
karNinA droNa tanaya.n vivyAdha malayadhvajaH .. 19..\\
marmabhedibhiratyugrairbANairagnishikhopamaiH . 
smayannabhyahanaddrauNiH pANDyamAchArya sattamaH .. 20..\\
tato navAparA.nstIkShNAnnArAchAnka~NkavAsasaH . 
gatyA dashamyA sa.nyuktAnashvatthAmA vyavAsR^ijat .. 21..\\
teShAM pa~nchAchchhinatpANDyaH pa~nchabhirnishitaiH sharaiH . 
chatvAro.abhyAhananvAhAnAshu te vyasavo.abhavan .. 22..\\
atha droNasutasyeShU.nstAMshchhittvA nishitaiH sharaiH . 
dhanurjyA.n vitatAM pANDyashchichchhedAditya varchasaH .. 23..\\
vijya.n dhanurathAdhijyaM kR^itvA drauNiramitrahA . 
tataH sharasahasrANi preShayAmAsa pANDyataH . 
iShusambAdhamAkAshamakaroddisha eva cha .. 24..\\
tatastAnasyataH sarvAndrauNerbANAnmahAtmanaH . 
jAnAno.apyakShayAnpANDyo.ashAtayatpuruSharShabhaH .. 25..\\
prahitA.nstAnprayatnena chhittvA drauNeriShUnariH . 
chakrarakShau tatastasya prANudannishitaiH sharaiH .. 26..\\
athArerlAghava.n dR^iShTvA maNDalIkR^itakArmukaH . 
prAsyaddroNasuto bANAnvR^iShTiM pUShAnujo yathA .. 27..\\
aShTAvaShTa gavAnyUhuH shakaTAni yadAyudham . 
ahnastadaShTa bhAgena drauNishchikShepa mAriSha .. 28..\\
tamantakamiva kruddhamantakAlAntakopamam . 
ye ye dAdR^ishire tatra visa~nj~nAH prAyasho.abhavan .. 29..\\
parjanya iva gharmAnte vR^iShTyA sAdridrumAM mahIm . 
AchArya putrastA.n senAM bANavR^iShTyAbhyavIvR^iShat .. 30..\\
drauNiparjanyamuktA.n tAM bANavR^iShTi.n suduHsahAm . 
vAyavyAstreNa sa kShipra.n ruddhvA pANDyAnilo.anadat .. 31..\\
tasya nAnadataH ketu.n chandanAgurubhUShitam . 
malayapratimadrauNishchhittvAshvAMsh chaturo.ahanat .. 32..\\
sUtamekeShuNA hatvA mahAjalada nisvanam . 
dhanushchhittvArdha chandreNa vyadhamattilasho ratham .. 33..\\
astrairastrANi sa.nvArya chhittvA sarvAyudhAni cha . 
prAptamapyahita.n drauNirna jaghAna raNepsayA .. 34..\\
hateshvaro danti varaH sukalpitas 
tvarAbhisR^iShTaH pratisharmago balI . 
tamadhyatiShThanmalayeshvaro mahAn 
yathAdrishR^i~Nga.n harirunnada.nstathA .. 35..\\
sa tomaraM bhAskararashmisaMnibhaM 
balAstra sargottama yatnamanyubhiH . 
sasarja shIghraM pratipIDayangajaM 
guroH sutAyAdripatIshvaro nadan .. 36..\\
maNipratAnottama vajrahATakair 
ala~NkR^ita.n chAMshuka mAlyamauktikaiH . 
hato.asyasAvityasakR^inmudA nadan 
parAbhinaddrauNivarA~NgabhUShaNam .. 37..\\
tadarkachandra grahapAvakatviShaM 
bhR^ishAbhighAtAtpatita.n vichUrNitam . 
mahendravajrAbhihataM mahAvanaM 
yathAdrishR^i~Nga.n dharaNItale tathA .. 38..\\
tataH prajajvAla pareNa manyunA 
padAhato nAgapatiryathAtathA . 
samAdadhe chAntaka daNDasaMnibhAn 
iShUnamitrAnta karAMshchaturdasha .. 39..\\
dvipasya pAdAgra karAnsa pa~nchabhir 
nR^ipasya bAhU cha shiro.atha cha tribhiH . 
jaghAna ShaDbhiH ShaDR^itUttama tviShaH 
sa pANDya rAjAnucharAnmahArathAn .. 40..\\
sudIrgha vR^ittau varachandanokShitau 
suvarNamuktA maNivajra bhUShitau . 
bhujau dharAyAM patitau nR^ipasya tau 
viveShTaturtArkShya hatAvivoragau .. 41..\\
shirashcha tatpUrNashashiprabhAnanaM 
saroShatAmrAyata netramunnasam . 
kShitau vibabhrAja patatsakuNDalaM 
vishAkhayormadhyagataH shashI yathA .. 42..\\
samAptavidya.n tu guroH sutaM nR^ipaH 
samAptakarmANamupetya te sutaH . 
suhR^idvR^ito.atyarthamapUjayanmudA 
jite balau viShNumivAmareshvaraH .. 43..\\
\medskip\hrule\medskip\centerline{\Largedvng 16}
 dhr

pANDye hate kimakarodarjuno yudhi sa~njaya . 
ekavIreNa karNena drAviteShu pareShu cha .. 1..\\
samAptavidyo balavAnyukto vIrashcha pANDavaH . 
sarvabhUteShvanuGYAtaH sha~NkareNa mahAtmanA .. 2..\\
tasmAnmahadbhaya.n tIvramamitraghnAddhana~njayAt . 
sa yattatrAkarotpArthastanmamAchakShva sa~njaya .. 3..\\

 s

hate pANDye.arjuna.n kR^iShNastvarannAha vacho hitam . 
pashyAtimAnya.n rAjAnamapayAtAMshcha pANDavAn .. 4..\\
ashvatthAmnashcha sa~NkalpAddhatAH karNena sR^i~njayAH . 
tathAshvanaranAgAnA.n kR^itaM cha kadanaM mahat . 
ityAchaShTa sudurdharSho vAsudevaH kirITine .. 5..\\
etachchhrutvA cha dR^iShTvA cha bhrAturghore mahadbhayam . 
vAhayAshvAnhR^iShIkesha kShipramityAha pANDavaH .. 6..\\
tataH prAyAddhR^iShIkesho rathenApratiyodhinA . 
dAruNashcha punastatra prAdurAsItsamAgamaH .. 7..\\
tataH pravavR^ite bhUyaH sa~NgrAmo rAjasattama . 
karNasya pANDavAnA.n cha yama rAShTravivardhanaH .. 8..\\
dhanUMShi bANAnparighAnasi tomarapaTTishAn . 
musalAni bhushuNDIshcha shakti.DShTi parashvadhAn .. 9..\\
gadAH prAsAnasInkuntAnbhiNDipAlAnmahA~NkushAn . 
pragR^ihya kShipramApetuH parasparajigIShayA .. 10..\\
bANajyA talashabdena dyA.n dishaH pradisho viyat . 
pR^ithivIM nemighoSheNa nAdayanto.abhyayuH parAn .. 11..\\
tena shabdena mahatA sa.nhR^iShTAshchakrurAhavam . 
vIrA vIrairmahAghora.n kalahAntaM titIrShavaH .. 12..\\
jyAtalatra dhanuH shabdAH ku~njarANA.n cha bR^i.nhitam . 
tADitAnA.n cha patatAM ninAdaH sumahAnabhUt .. 13..\\
bANashabdAMshcha vividhA~nshUrANAmabhigarjatAm . 
shrutvA shabdaM bhR^isha.n tresurjaghnurmamlushcha bhArata .. 14..\\
teShAM nAnadyatA.n chaiva shastravR^iShTiM cha mu~nchatAm . 
bahUnAdhirathiH karNaH pramamAtha raNeShubhiH .. 15..\\
pa~ncha pA~nchAla vIrANA.n rathAndasha cha pa~ncha cha . 
sAshvasUta dhvajAnkarNaH sharairninye yamakShayam .. 16..\\
yodhamukhyA mahAvIryAH pANDUnA.n karNamAhave . 
shIghrAstrA divamAvR^itya parivavruH samantataH .. 17..\\
tataH karNo dviShatsenA.n sharavarShairviloDayan . 
vijagAhe.aNDajApUrNAM padminImiva yUthapaH .. 18..\\
dviShanmadhyamavaskandya rAdheyo dhanuruttamam . 
vidhunvAnaH shitairbANaiH shirA.nsyunmathya pAtayat .. 19..\\
charma varmANi sa~nchindya nirvApamiva dehinAm . 
viShehurnAsya samparka.n dvitIyasya patatriNaH .. 20..\\
varma dehAsu mathanairdhanuShaH prachyutaiH sharaiH . 
maurvyA talatrairnyavadhItkashayA vAjino yathA .. 21..\\
pANDusR^i~njaya pA~nchAlA~nsharagocharamAnayat . 
mamarda karNastarasA si.nho mR^igagaNAniva .. 22..\\
tataH pA~nchAla putrAshcha draupadeyAshcha mAriSha . 
yamau cha yuyudhAnashcha sahitAH karNamabhyayuH .. 23..\\
vyAyachchhamAnAH subhR^isha.n kurupANDavasR^i~njayAH . 
priyAnasUnraNe tyaktvA yodhA jagmuH parasparam .. 24..\\
susaMnaddhAH kavachinaH sa shirastrANabhUShaNAH . 
gadAbhirmusalairchAnye parighairshcha mahArathAH .. 25..\\
samabhyadhAvanta bhR^isha.n devA daNDairivodyataiH . 
nadantashchAhvayantashcha pravalgantashcha mAriSha .. 26..\\
tato nijaghnuranyonyaM petushchAhavatADitAH . 
vamanto rudhira.n gAtrairvimastiShkekShaNA yudhi .. 27..\\
dantapUrNaiH sa rudhirairvaktrairdADima saMnibhaiH . 
jIvanta iva chApyete tasthuH shastropabR^i.nhitAH .. 28..\\
paraspara.n chApyapare paTTishairasibhistathA . 
shaktibhirbhiNDipAlaishcha nakharaprAsatomaraiH .. 29..\\
tatakShushchichchhidushchAnye bibhidushchikShipustathA . 
sa~ncakartushcha jaghnushcha kruddhA nirbibhidush cha ha .. 30..\\
peturanyonyanihatA vyasavo rudhirokShitAH . 
kSharantaH svarasa.n raktaM prakR^itAshchandanA iva .. 31..\\
rathai rathA vinihatA hastinashchApi hastibhiH . 
narA naravaraiH peturashvAshchAshvaiH sahasrashaH .. 32..\\
dhvajAH shirA.nsi chchhatrANi dvipahastA nR^iNAM bhujAH . 
kShurairbhallArdha chandraishcha chhinnAH shastrANi tatyajuH .. 33..\\
narAMshcha nAgAMshcha rathAnhayAnmamR^idurAhave . 
ashvArohairhatAH shUrAshchhinnahastAshcha dantinaH .. 34..\\
sa patAkAdhvajAH peturvishIrNA iva parvatAH . 
pattibhishcha samAplutya dviradAH syandanAstathA .. 35..\\
prahatA hanyamAnAshcha patitAshchaiva sarvashaH . 
ashvArohAH samAsAdya tvaritAHpattibhirhatAH . 
sAdibhiH pattisa~NghAshcha nihatA yudhi sherate .. 36..\\
mR^iditAnIva padmAni pramlAnA iva cha srajaH . 
hatAnA.n vadanAnyAsangAtrANi cha mahAmate .. 37..\\
rUpANyatyartha kAmyAni dviradAshvanR^iNAM nR^ipa . 
samunnAnIva vastrANi prApurdurdarshatAM param .. 38..\\
\medskip\hrule\medskip\centerline{\Largedvng 17}
 s

hastibhistu mahAmAtrAstava putreNa choditAH . 
dhR^iShTadyumna.n jighA.nsantaH kruddhAH pArShatamabhyayuH .. 1..\\
prAchyAshcha dAkShiNAtyAshcha pravIrA gajayodhinaH . 
a~NgA va~NgAshcha puNDrAshcha mAgadhAstAmraliptakAH .. 2..\\
mekalAH koshalA madrA dashArNA niShadhAstathA . 
gajayuddheShu kushalAH kali~NgaiH saha bhArata .. 3..\\
sharatomara nArAchairvR^iShTimanta ivAmbudAH . 
siShichuste tataH sarve pA~nchAlAchalamAhave .. 4..\\
tAnsaMmimardiShurnAgAnpArShNya~NguShThA~NkushairbhR^isham . 
pothitAnpArShato bANairnArAchaishchAbhyavIvR^iShat .. 5..\\
ekaika.n dashabhiH ShaDbhiraShTAbhirapi bhArata . 
dviradAnabhivivyAdha kShiptairgirinibhA~nsharaiH . 
prachchhAdyamAno dviradairmeghairiva divAkaraH .. 6..\\
paryAsuH pANDupA~nchAlA nadanto nishitAyudhAH . 
tAnnAgAnabhivarShanto jyAtantrI sharanAditaiH .. 7..\\
nakulaH sahadevashcha draupadeyAH prabhadrakAH . 
sAtyakishcha shikhaNDI cha chekitAnashcha vIryavAn .. 8..\\
te mlechchhaiH preShitA nAgA narAnashvAnrathAnapi . 
hastairAkShipya mamR^iduH padbhishchApyatimanyavaH .. 9..\\
bibhidushcha viShANAgraiH samAkShipya cha vikShipuH . 
viShANa lagnaishchApyanye paripeturvibhIShaNAH .. 10..\\
pramukhe vartamAna.n tu dvipa.n va~Ngasya sAtyakiH . 
nArAchenogra vegena bhittvA marmaNyapAtayat .. 11..\\
tasyAvarjitanAgasya dviradAdutpatiShyataH . 
nArAchenAbhinadvakShaH so.apatadbhuvi sAtyakeH .. 12..\\
puNDrasyApatato nAga.n chalantamiva parvatam . 
sahadevaH prayatnAttairnArAchairvyahanattribhiH .. 13..\\
vipatAka.n viyantAraM vivarma dhvajajIvitam . 
ta.n kR^itvA dviradaM bhUyaH sahadevo.a~NgamabhyagAt .. 14..\\
sahadeva.n tu nakulo vArayitvA~NgamArdayat . 
nArAchairyamadaNDAbhaistribhirnAga.n shatena cha .. 15..\\
divAkarakaraprakhyAna~NgashchikShepa tomarAn . 
nakulAya shatAnyaShTau tridhaikaika.n tu so.achchhinat .. 16..\\
tathArdha chandreNa shirastasya chichchheda pANDavaH . 
sa papAta hato mlechchhastenaiva saha dantinA .. 17..\\
AchArya putre nihate hastishikShA vishArade . 
a~NgAH kruddhA mahAmAtrA nAgairnakulamabhyayuH .. 18..\\
chalatpatAkaiH pramukhairhemakakShyA tanuchchhadaiH . 
mimardishantastvaritAH pradIptairiva parvataiH .. 19..\\
mekalotkala kAli~NgA niShAdAstAmraliptakAH . 
sharatomara varShANi vimu~nchanto jighA.nsavaH .. 20..\\
taishchhAdyamAnaM nakula.n divAkaramivAmbudaiH . 
pari petuH susa.nrabdhAH pANDupA~nchAla somakAH .. 21..\\
tatastadabhavadyuddha.n rathinAM hastibhiH saha . 
sR^ijatA.n sharavarShANi tomarAMshcha sahasrashaH .. 22..\\
nAgAnAM prasphuTuH kumbhA marmANi vividhAni cha . 
dantAshchaivAtividdhAnAM nArAchairbhUShaNAni cha .. 23..\\
teShAmaShTau mahAnAgAMshchatuHShaShTyA sutejanaiH . 
sahadevo jaghAnAshu te petuH saha sAdibhiH .. 24..\\
a~njo gatibhirAyamya prayatnAddhanuruttamam . 
nArAchairahanannAgAnnakulaH kuranandana .. 25..\\
tataH shaineya pA~nchAlyau draupadeyAH prabhadrakAH . 
shikhaNDI cha mahAnAgAnsiShichuH sharavR^iShTibhiH .. 26..\\
te pANDuyodhAmbudharaiH shatrudviradaparvatAH . 
bANavarShairhatAH peturvajravarShairivAchalAH .. 27..\\
eva.n hatvA tava gajA.nste pANDunaraku~njarAH . 
druta.n senAmavaikShanta bhinnakUlAmivApagAm .. 28..\\
te tA.n senAmavAlokya pANDuputrasya sainikAH . 
vikShobhayitvA cha punaH karNamevAbhidudruvuH .. 29..\\
sahadeva.n tataH kruddhaM dahantaM tava vAhinIm . 
duHshAsano mahArAja bhrAtA bhrAtaramabhyayAt .. 30..\\
tau sametau mahAyuddhe dR^iShTvA tatra narAdhipAH . 
si.nhanAda ravAMshchakrurvAsA.nsyAdudhuvush cha ha .. 31..\\
tato bhArata kruddhena tava putreNa dhanvinA . 
pANDuputrastribhirbANairvakShasyabhihato balI .. 32..\\
sahadevastato rAjannArAchena tavAtmajam . 
viddhvA vivyAdha saptatyA sArathi.n cha tribhistribhiH .. 33..\\
duHshAsanastadA rAjaMshchhittvA chApaM mahAhave . 
sahadeva.n trisaptatyA bAhvorurasi chArdayat .. 34..\\
sahadevastataH kruddhaH khaDga.n gR^ihya mahAhave . 
vyAvidhyata yudhA.n shreShThaH shrImA.nstava sutaM prati .. 35..\\
sa mArgaNagaNa.n chApaM chhittvA tasya mahAnasiH . 
nipapAta tato bhUmau chyutaH sarpa ivAmbarAt .. 36..\\
athAnyaddhanurAdAya sahadevaH pratApavAn . 
duHshAsanAya chikShepa bANamantakara.n tataH .. 37..\\
tamApatanta.n vishikhaM yamadaNDopamatviSham . 
khaDgena shitadhAreNa dvidhA chichchheda kauravaH .. 38..\\
tamApatanta.n sahasA nistriMshaM nishitaiH sharaiH . 
pAtayAmAsa samare sahadevo hasanniva .. 39..\\
tato bANAMshchatuHShaShTi.n tava putro mahAraNe . 
sahadeva rathe tUrNaM pAtayAmAsa bhArata .. 40..\\
tA~nsharAnsamare rAjanvegenApatato bahUn . 
ekaikaM pa~nchabhirbANaiH sahadevo nyakR^intata .. 41..\\
sa nivArya mahAbANA.nstava putreNa preShitAn . 
athAsmai subahUnbbANA.nrmAdrIputraH samAchinot .. 42..\\
tataH kruddho mahArAja sahadevaH pratAvanA . 
samAdhatta shara.n ghoraM mR^ityukAlAntakopamam . 
vikR^iShya balavachchApa.n tava putrAya so.asR^ijat .. 43..\\
sa taM nirbhidya vegena bhittvA cha kavachaM mahat . 
prAvishaddharaNI.n rAjanvalmIkamiva pannagaH . 
tataH sa mumuhe rAja.nstava putro mahArathaH .. 44..\\
mUDha.n chaina.n samAlakShya sArathistvarito ratham . 
apovAha bhR^isha.n trasto vadhyamAna.n shitaiH sharaiH .. 45..\\
parAjitya raNe ta.n tu pANDavaH pANDupUrvaja . 
duryodhana bala.n hR^iShTaH prAmathadvai samantataH .. 46..\\
pipIlikA puTa.n rAjanyathAmR^idnAnnaro ruShA . 
tathA sA kauravI senA mR^iditA tena bhArata .. 47..\\
nakula.n rabhasaM yuddhe dArayantaM varUthinIm . 
karNo vaikartano rAjanvArayAmAsa vai tadA .. 48..\\
nakulashcha tadA karNaM prahasannidamabravIt . 
chirasya bata dR^iShTo.aha.n daivataiH saumya chakShuShA .. 49..\\
yasya me tva.n raNe pApachakShurviShayamAgataH . 
tva.n hi mUlamanarthAnAM vairasya kalahasya cha .. 50..\\
tvaddoShAtkuravaH kShINAH samAsAdya parasparam . 
tvAmadya samare hatvA kR^itakR^ityo.asmi vijvaraH .. 51..\\
evamuktaH pratyuvAcha nakula.n sUtanandanaH . 
sadR^isha.n rAjaputrasya dhanvinashcha visheShataH .. 52..\\
praharasva raNe bAla pashyAmastava pauruSham . 
karmakR^itvA raNe shUra tataH katthitumarhasi .. 53..\\
anuktvA samare tAta shUrA yudhyanti shaktitaH . 
sa yudhyasva mayA shaktyA vineShye darpamadya te .. 54..\\
ityuktvA prAharattUrNaM pANDuputrAya sUtajaH . 
vivyAdha chaina.n samare trisaptatyA shilImukhaiH .. 55..\\
nakulastu tato viddhaH sUtaputreNa bhArata . 
ashItyAshIviShaprakhyaiH sUtaputramavidhyata .. 56..\\
tasya karNo dhanushchhittvA svarNapu~NkhaiH shilAshitaiH . 
triMshatA parameShvAsaH sharaiH pANDavamArdayat .. 57..\\
te tasya kavachaM bhittvA papuH shoNitamAhave . 
AshIviShA yathA nAgA bhittvA gA.n salilaM papuH .. 58..\\
athAnyaddhanurAdAya hemapR^iShTha.n durAsadam . 
karNa.n vivyAdha viMshatyA sArathi.n cha tribhiH sharaiH .. 59..\\
tataH kruddho mahArAja nakulaH paravIrahA . 
kShurapreNa sutIkShNena karNasya dhanurachchhinat .. 60..\\
athaina.n chhinnadhanvAna.n sAyakAnAM shataistribhiH . 
Ajaghne prahasanvIraH sarvalokamahAratham .. 61..\\
karNamabhyardita.n dR^iShTvA pANDuputreNa mAriSha . 
vismayaM parama.n jagmU rathinaH saha daivataiH .. 62..\\
athAnyaddhanurAdAya karNo vaikartanastadA . 
nakulaM pa~nchabhirbANairjatru deshe samArdayat .. 63..\\
uraHsthairatha tairbANairmAdrIputro vyarochata . 
svarashmibhirivAdityo bhuvane visR^ijanprabhAm .. 64..\\
nakukastu tataH karNa.n viddhvA saptabhirAyasaiH . 
athAsya dhanuShaH koTiM punashchichchheda mAriSha .. 65..\\
so.anyatkArmukamAdAya samare vegavattaram . 
nakulasya tato bANaiH sarvato.avArayaddishaH .. 66..\\
sa~nchAdyamAnaH sahasA karNa chApachyutaiH sharaiH . 
chichchheda sa sharA.nstUrNa.n sharaireva mahArathaH .. 67..\\
tato bANamaya.n jAla.n vitataM vyomnyadR^ishyata . 
khadyotAnA.n gaNaireva.n sampatadbhiryathA nabhaH .. 68..\\
tairvimuktaiH sharashataishchhAdita.n gaganaM tadA . 
shalabhAnA.n yathA vrAtaistadvadAsItsamAkulam .. 69..\\
te sharA hemavikR^itAH sampatanto muhurmuhuH . 
shreNI kR^itA abhAsanta ha.nsAH shreNI gatA iva .. 70..\\
bANajAlAvR^ite vyomni chhAdite cha divAkare . 
samasarpattato bhUta.n kiM chideva vishAM pate .. 71..\\
niruddhe tatra mArge tu sharasa~NghaiH samantataH . 
vyarochatAM mahAbhAgau bAlasUryAvivoditau .. 72..\\
karNa chApachyutairbANairvadhyamAnAstu somakAH . 
avAlIyanta rAjendra vedanArtAH sharArditAH .. 73..\\
nakulasya tathA bANairvadhyamAnA chamUstava . 
vyashIryata disho rAjanvAtanunnA ivAmbudAH .. 74..\\
te sene vadhyamAne tu tAbhyA.n divyairmahAsharaiH . 
sharapAtamapakramya tataH prekShakavatsthite .. 75..\\
protsArite jane tasminkarNa pANDavayoH sharaiH . 
vivyAdhAte mahAtmAnAvanyonya.n sharavR^iShTibhiH .. 76..\\
nidarshayantau tvastrANi divyAni raNamUrdhani . 
chhAdayantau cha sahasA parasparavadhaiShiNau .. 77..\\
nakulena sharA muktAH ka~NkabarNiNa vAsasaH . 
te tu karNamavachchhAdya vyatiShThanta yathA pure .. 78..\\
sharaveshma praviShTau tau dadR^ishAte na kaish chana . 
chandrasUryau yathA rAjaMshchhAdyamAnau jalAgame .. 79..\\
tataH kruddho raNe karNaH kR^itvA ghoratara.n vapuH . 
pANDava.n chhAddayAmAsa samantAchchharavR^iShTibhiH .. 80..\\
sachchhAdyamAnaH samare sUtaputreNa pANDavaH . 
na chakAra vyathA.n rAjanbhAskaro jaladairyathA .. 81..\\
tataH prahasyAdhirathiH sharajAlAni mAriSha . 
preShayAmAsa samare shatasho.atha sahasrashaH .. 82..\\
ekachchhAyamabhUtsarva.n tasya bANairmahAtmanaH . 
abhrachchhAyeva sa~njaGYe sampatadbhiH sharottamaiH .. 83..\\
tataH karNo mahArAja dhanushchhittvA mahAtmanaH . 
sArathiM pAtayAmAsa rathanIDAddhasanniva .. 84..\\
tathAshvAMshchaturashchAsya chaturbhirnishitaiH sharaiH . 
yamasya sadana.n tUrNaM preShayAmAsa bhArata .. 85..\\
athAsya ta.n ratha.n tUrNaM tilasho vyadhamachchharaiH . 
patAkA.n chakrarakShau cha dhvajaM khaDgaM cha mAriSha . 
shatachandra.n tatashcharma sarvopakaraNAni cha .. 86..\\
hatAshvo virathashchaiva vivarmA cha vishAM pate . 
avatIrya rathAttUrNaM parigha.n gR^ihya viShThitaH .. 87..\\
tamudyataM mahAghoraM parigha.n tasya sUtajaH . 
vyahanatsAyakai rAja~nshatasho.atha sahasrashaH .. 88..\\
vyAyudha.n chainamAlakShya sharaiH saMnataparvabhiH . 
ArdayadbahushaH karNo na chaina.n samapIDayat .. 89..\\
sa vadhyamAnaH samare kR^itAstreNa balIyasA . 
prAdravatsahasA rAjannakulo vyAkulendriyaH .. 90..\\
tamabhidrutya rAdheyaH prahasanvai punaH punaH . 
sa jyamasya dhanuH kaNThe so.avAsR^ijata bhArata .. 91..\\
tataH sa shushubhe rAjankaNThAsaktamahAdhanuH . 
pariveShamanuprApto yathA syAdvyomni chandramAH . 
yathaiva cha sito meghaH shakrachApena shobhitaH .. 92..\\
tamabravIttadA karNo vyartha.n vyAhR^itavAnasi . 
vadedAnIM punarhR^iShTo vadhyaM mA.n tvaM punaH punaH .. 93..\\
mA yotsIrgurubhiH sArdhaM balavadbhishcha pANDava . 
sadR^ishaistAta yudhyasva vrIDAM mA kuru pANDava . 
gR^iha.n vA gachchha mAdreya yatra vA kR^iShNa phalgunau .. 94..\\
evamuktvA mahArAja vyasarjayata ta.n tataH . 
vadhaprApta.n tu ta.n rAjannAvadhItsUtanandanaH . 
smR^itvA kuntyA vacho rAja.nstata ena.n vyasarjayat .. 95..\\
visR^iShTaH pANDavo rAjansUtaputreNa dhanvinA . 
vrIDanniva jagAmAtha yudhiShThira rathaM prati .. 96..\\
Aruroha ratha.n chApi sUtaputra pratApinaH . 
niHshvasanduHkhasantaptaH kumbhe kShipta ivoragaH .. 97..\\
ta.n visR^ijya raNe karNaH pA~nchAlA.nstvarito yayau . 
rathenAtipatAkena chandra varNahayena cha .. 98..\\
tatrAkrando mahAnAsItpANDavAnA.n vishAM pate . 
dR^iShTvA senApati.n yAntaM pA~nchAlAnAM rathavrajAn .. 99..\\
tatrAkaronmahArAja kadana.n sUtanandanaH . 
madhya.n gate dinakare chakravatpracharanprabhuH .. 100..\\
bhagnachakrai rathaiH kechchichchhannadhvajapatAkibhiH . 
sasUtairhatasUtaishcha bhagnAkShaishchaiva mAriSha . 
hriyamANAnapashyAma pA~nchAlAnA.n rathavrajAn .. 101..\\
tatra tatra cha sambhrAntA vichcherurmattaku~njarAH . 
davAgninA parItA~NgA yathaiva syurmahAvane .. 102..\\
bhinnakumbhA virudhirAshchhinnahastAshcha vAraNAH . 
bhinnagAtravarAshchaiva chhinnavAlAshcha mAriSha . 
chhinnAbbhrANIva sampeturvadhyamAnA mahAtmanA .. 103..\\
apare trAsitA nAgA nArAchashatatomaraiH . 
tamevAbhimukhA yAnti shalabhA iva pAvakam .. 104..\\
apare niShTanantaH sma vyadR^ishyanta mahAdvipAH . 
kSharantaH shoNita.n gAtrairnagA iva jalaplavam .. 105..\\
urashchhadairvimuktAshcha vAlabandhaishcha vAjinaH . 
rAjataishcha tathA kA.nsyaiH sauvarNaishchaiva bhUShaNaiH .. 106..\\
hInA AstaraNaishchaiva khalInaishcha vivarjitAH . 
chAmaraishcha kuthAbhishcha tUNIraiH patitairapi .. 107..\\
nihataiH sAdibhishchaiva shUrairAhavashobhibhiH . 
apashyAma raNe tatra bhrAmyamANAnhayottamAn .. 108..\\
prAsaiH khaDgaishcha sa.nsyUtAnR^iShTibbhishcha narAdhipa . 
hayayodhAnapashyAma ka~nchukoShNISha dhAriNaH .. 109..\\
rathAnhemapariShkArAnsuyuktA~njavanairhayaiH . 
bhramamANAnapashyAma hateShu rathiShu drutam .. 110..\\
bhagnAkShakUbarAnkAMshchichchhinnachakrAMshcha mAriSha . 
vipatAkAdhvajAMshchAnyA~nchhinneShAyuga bandhurAn .. 111..\\
vihInAnrathinastatra dhAvamAnAnsamantataH . 
sUryaputra sharaistrastAnapashyAma vishAM pate .. 112..\\
vishastrAMshcha tathaivAnyAnsashastrAMshcha bahUnhatAn . 
tAvakA~njAlasa~nchannAnuro ghaNTA vibhUShitAn .. 113..\\
nAnAvarNavichitrAbhiH patAkAbhirala~NkR^itAn . 
padAtInanvapashyAma dhAvamAnAnsamantataH .. 114..\\
shirA.nsi bAhUnUrUMshcha chhinnAnanyA.nstathA yudhi . 
karNa chApa chyutairbANairapashyAma vinAkR^itAn .. 115..\\
mahAnvyatikaro raudro yodhAnAmanvadR^ishyata . 
karNa sAyakanunnAnA.n hatAnAM nishitaiH sharaiH .. 116..\\
te vadhyamAnAH samare sUtaputreNa sR^i~njayAH . 
tamevAbhimukhA yAnti pata~NgA iva pAvakam .. 117..\\
ta.n dahantamanIkAni tatra tatra mahAratham . 
kShatriyA varjayAmAsuryugAntAgnimivolbaNam .. 118..\\
hatasheShAstu ye vIrAH pA~nchAlAnAM mahArathAH . 
tAnprabhagnAndrutAnkarNaH pR^iShThato vikira~nsharaiH . 
abhyadhAvata tejasvI vishIrNakavachadhvajAn .. 119..\\
tApayAmAsa tAnbANaiH sUtaputro mahArathaH . 
madhyandinamanuprApto bhUtAnIva tamonudaH .. 120..\\
\medskip\hrule\medskip\centerline{\Largedvng 18}
 s

yuyutsu.n tava putraM tu prAdravantaM mahadbalam . 
ulUko.abhyapatattUrNa.n tiShTha tiShTheti chAbravIt .. 1..\\
yuyutsustu tato rAja~nshitadhAreNa patriNA . 
ulUka.n tADayAmAsa vajreNendra ivAchalam .. 2..\\
ulUkastu tataH kruddhastava putrasya sa.nyuge . 
kShurapreNa dhanushchhittvA tADayAmAsa karNinA .. 3..\\
tadapAsya dhanushchhinna.n yuyutsurvegavattaram . 
anyadAdatta sumahachchApa.n sa.nraktalochanaH .. 4..\\
shAkuni.n cha tataH ShaShTyA vivyAdha bharatarShabha . 
sArathi.n tribhirAnarchhattaM cha bhUyo vyavidhyata .. 5..\\
ulUkasta.n tu viMshatyA viddhvA hemavibhUShitaiH . 
athAsya samare kruddho dhvaja.n chichchheda kA~nchanam .. 6..\\
sachchhinnayaShTiH sumahA~nshIryamANo mahAdhvajaH . 
papAta pramukhe rAjanyuyutsoH kA~nchanojjvalaH .. 7..\\
dhvajamunmathita.n dR^iShTvA yuyutsuH krodhamUrchhitaH . 
ulUkaM pa~nchabhirbANairAjaghAna stanAntare .. 8..\\
ulUkastasya bhallena tailadhautena mAriSha . 
shirashchichchheda sahasA yanturbharatasattama .. 9..\\
jaghAna chaturo.ashvAMshcha ta.n cha vivyAdha pa~nchabhiH . 
so.atividdho balavatA pratyapAyAdrathAntaram .. 10..\\
taM nirjitya raNe rAjannulUkastvarito yayau . 
pA~nchAlAnsR^i~njayAMshchaiva vinighnannishitaiH sharaiH .. 11..\\
shatAnIkaM mahArAja shrutakarmA sutastava . 
vyashva sUta ratha.n chakre nimeShArdhAdasambhramam .. 12..\\
hatAshve tu rathe tiShTha~nshatAnIko mahAbalaH . 
gadA.n chikShepa sa~Nkruddhastava putrasya mAriSha .. 13..\\
sA kR^itvA syandanaM bhasma hayAMshchaiva sasArathIn . 
papAta dharaNI.n tUrNaM dArayantIva bhArata .. 14..\\
tAvubhau viratho vIrau kurUNA.n kIrtivardhanau . 
apAkrametA.n yuddhArtau prekShamANau parasparam .. 15..\\
putrastu tava sambhrAnto vivitso rathamAvishat . 
shatAnIko.api tvaritaH prativindhya ratha.n gataH .. 16..\\
suta somastu shakuni.n vivyAdha nishitaiH sharaiH . 
nAkampayata sa.nrabdho vAryogha iva parvatam .. 17..\\
suta somastu ta.n dR^iShTvA pituratyantavairiNam . 
sharairanekasAhasraishchhAdayAmAsa bhArata .. 18..\\
tA~nsharA~nshakunistUrNa.n chichchhedAnyaiH patatribhiH . 
ladhvastrashchitrayodhI cha jitakAshI cha sa.nyuge .. 19..\\
nivArya samare chApi sharA.nstAnnishitaiH sharaiH . 
AjaghAna susa~NkruddhaH suta soma.n tribhiH sharaiH .. 20..\\
tasyAshvAnketana.n sUta.n tilasho vyadhamachchharaiH . 
syAlastava mahAvIryastataste chukrushurjanAH .. 21..\\
hatAshvo virathashchaiva chhinnadhanvA cha mAriSha . 
dhanvI dhanurvara.n gR^ihya rathAdbhUmAvatiShThata . 
vyasR^ijatsAyakAMshchaiva svarNapu~NkhA~nshilAshitAn .. 22..\\
chhAdayAmAsuratha te tava syAlasya ta.n ratham . 
pata~NgAnAmiva vrAtAH sharavrAtA mahAratham .. 23..\\
rathopasthAnsamIkShyApi vivyathe naiva saubalaH . 
pramR^idnaMshcha sharA.nstA.nstA~nsharavrAtairmahAyashAH .. 24..\\
tatrAtuShyanta yodhAshcha siddhAshchApi divi sthitAH . 
suta somasya tatkarma dR^iShTvAshraddheyamadbhutam . 
rathasthaM nR^ipati.n taM tu padAtiH sannayodhayat .. 25..\\
tasya tIkShNairmahAvegairbhallaiH saMnataparvabhiH . 
vyahanatkArmuka.n rAjA tUNIra.n chaiva sarvashaH .. 26..\\
sachchhinnadhanvA samare khaDgamudyamya nAnadan . 
vaiDUryotpala varNAbha.n hastidanta maya tsarum .. 27..\\
bhrAmyamANa.n tatastaM tu vimalAmbbara varchasam . 
kAlopama tato mene suta somasya dhImataH .. 28..\\
so.acharatsahasA khaDgI maNDalAni sahasrashaH . 
chaturviMshanmahArAja shikShA balasamanvitaH .. 29..\\
saubalastu tatastasya sharAMshchikShepa vIryavAn . 
tAnApatata evAshu chichchheda paramAsinA .. 30..\\
tataH kruddho mahArAja saubalaH paravIrahA . 
prAhiNotsuta somasya sharAnAshIviShopamAn .. 31..\\
chichchheda tAMshcha khaDgena shikShayA cha balena cha . 
darshaya.NllAghava.n yuddhe tArkShya vIryasamadyutiH .. 32..\\
tasya sa~ncarato rAjanmaNDalAvartane tadA . 
kShurapreNa sutIkShNena khaDga.n chichchheda suprabham .. 33..\\
sachchhinnaH sahasA bhUmau nipapAta mahAnasiH . 
avashasya sthita.n haste ta.n khaDgaM satsaruM tadA .. 34..\\
chhinnamAGYAya nistriMshamavaplutya padAni ShaT . 
prAvidhyata tataH sheSha.n suta somo mahArathaH .. 35..\\
sachchhittvA saguNa.n chApa.n raNe tasya mahAtmanaH . 
papAta dharaNI.n tUrNa.n svarNavajravibhUShitaH . 
suta somastato.agachchhachchhruta kIrtermahAratham .. 36..\\
saubalo.api dhanurgR^ihya ghoramanyatsuduHsaham . 
abhyayAtpANDavAnIkaM nighna~nshatrugaNAnbahUn .. 37..\\
tatra nAdo mahAnAsItpANDavAnA.n vishAM pate . 
saubala.n samare dR^iShTvA vicharantamabhItavat .. 38..\\
tAnyanIkAni dR^iptAni shastravanti mahAnti cha . 
drAvyamANAnyadR^ishyanta saubalena mahAtmanA .. 39..\\
yathA daitya chamU.n rAjandevarAjo mamarda ha . 
tathaiva pANDavI.n senAM saubaleyo vyanAshayat .. 40..\\
dhR^iShTadyumna.n kR^ipo rAjanvArayAmAsa sa.nyuge . 
yathA dR^ipta.n vane nAgaM sharabho vArayedyudhi .. 41..\\
niruddhaH pArShatastena gautamena balIyasA . 
padAtpada.n vichalituM nAshaknottatra bhArata .. 42..\\
gautamasya vapurdR^iShTvA dhR^iShTadyumna rathaM prati . 
vitresuH sarvabhUtAni kShayaM prApta.n cha menire .. 43..\\
tatrAvochanvimanaso rathinaH sAdinastathA . 
droNasya nidhane nUna.n sa~Nkruddho dvipadAM varaH .. 44..\\
shAradvato mahAtejA divyAstravidudAradhIH . 
api svasti bhavedadya dhR^iShTadyumnasya gautamAt .. 45..\\
apIya.n vAhinI kR^itsnA muchyeta mahato bhayAt . 
apyayaM brAhmaNaH sarvAnna no hanyAtsamAgatAn .. 46..\\
yAdR^isha.n dR^ishyate rUpamantakapratimaM bhR^isham . 
gamiShyatyadya padavIM bhAradvAjasya sa.nyuge .. 47..\\
AchAryaH kShiprahastashcha vijayI cha sadA yudhi . 
astravAnvIryasampannaH krodhena cha samanvitaH .. 48..\\
pArShatashcha bhR^isha.n yuddhe vimukho.adyApi lakShyate . 
ityeva.n vividhA vAchastAvakAnAM paraiH saha .. 49..\\
viniHshvasya tataH kruddhaH kR^ipaH shAradvato nR^ipa . 
pArShata.n chhAdayAmAsa nishcheShTa.n sarvamarmasu .. 50..\\
sa vadhyamAnaH samare gautamena mahAtmanA . 
kartavyaM na prajAnAti mohitaH paramAhave .. 51..\\
tamabravIttato yantA kachchitkShemaM nu pArShata . 
IdR^isha.n vyasanaM yuddhe na te dR^iShTa.n kadA chana .. 52..\\
daivayogAttu te bANA nAtaranmarmabhedinaH . 
preShitA dvijamukhyena marmANyuddishya sarvashaH .. 53..\\
vyAvartaye tatra rathaM nadIvegamivArNavAt . 
avadhyaM brAhmaNaM manye yena te vikramo hataH .. 54..\\
dhR^iShTadyumnastato rAja~nshanakairabravIdvachaH . 
muhyate me manastAta gAtre svedashcha jAyate .. 55..\\
vepathu.n cha sharIre me romaharShaM cha pashya vai . 
varjayanbrAhmaNa.n yuddhe shanairyAhi yato.achyutaH .. 56..\\
arjunaM bhImasena.n vA samare prApya sArathe . 
kShemamadya bhavedyantariti me naiShThikI matiH .. 57..\\
tataH prAyAnmahArAja sArathistvarayanhayAn . 
yato bhImo maheShvAso yuyudhe tava sainikaiH .. 58..\\
pradruta.n tu rathaM dR^iShTvA dhR^iShTadyumnasya mAriSha . 
kira~nsharashatAnyeva gautamo.anuyayau tadA .. 59..\\
sha~Nkha.n cha pUrayAmAsa muhurmuhurarindamaH . 
pArShataM prAdravadyantaM mahendra iva shambaram .. 60..\\
shikhaNDina.n tu samare bhIShmamR^ityuM durAsadam . 
hArdikyo vArayAmAsa smayanniva muhurmuhuH .. 61..\\
shikhaNDI cha samAsAdya hR^idikAnAM mahAratham . 
pa~nchabhirnishitairbhallairjatru deshe samArdayat .. 62..\\
kR^itavarmA tu sa~Nkruddho bhittvA ShaShTibhirAshugaiH . 
dhanurekena chichchheda hasanrAjanmahArathaH .. 63..\\
athAnyaddhanurAdAya drupadasyAtmajo balI . 
tiShTha tiShTheti sa~Nkruddho hArdikyaM pratyabhAShata .. 64..\\
tato.asya navatiM bANAnrukmapu~NkhAnsutejanAn . 
preShayAmAsa rAjendra te.asyAbhrashyanta varmaNaH .. 65..\\
vitathA.nstAnsamAlakShya patitAMshcha mahItale . 
kShurapreNa sutIkShNena kArmuka.n chichchhide balI .. 66..\\
athaina.n chhinnadhanvAnaM bhagnashR^i~NgamivarShabham . 
ashItyA mArgaNaiH kruddho bAhvorurasi chArdayat .. 67..\\
kR^itavarmA tu sa~Nkruddho mArgaNaiH kR^itavikShataH . 
dhanuranyatsamAdAya samArgaNa gaNaM prabho . 
shikhaNDinaM bANavaraiH skandhadeshe.abhyatADayat .. 68..\\
skandhadeshe sthitairbANaiH shikhaNDI cha rarAja ha . 
shAkhA pratAnairvimalaiH sumahAnsa yathA drumaH .. 69..\\
tAvanyonyaM bhR^isha.n viddhvA rudhireNa samukShitau . 
anyonyashR^i~NgAbhihatau rejaturvR^iShabhAviva .. 70..\\
anyonyasya vadhe yatna.n kurvANau tau mahArathau . 
rathAbhyA.n cheratustatra maNDalAni sahasrashaH .. 71..\\
kR^itavarmA mahArAja pArShataM nishitaiH sharaiH . 
raNe vivyAdha saptatyA svarNapu~NkhaiH shilAshitaiH .. 72..\\
tato.asya samare bANaM bhojaH praharatA.n varaH . 
jIvitAntakara.n ghora.n vyasR^ijattvarayAnvitaH .. 73..\\
sa tenAbhihato rAjanmUrchhAmAshu samAvishat . 
dhvajayaShTi.n cha sahasA shishriye kashmalAvR^itaH .. 74..\\
apovAha raNAtta.n tu sArathI rathinA.n varam . 
hArdikya sharasantaptaM niHshvasantaM punaH punaH .. 75..\\
parAjite tataH shUre drupadasya sute prabho . 
prAdravatpANDavI senA vadhyamAnA samantataH .. 76..\\
\medskip\hrule\medskip\centerline{\Largedvng 19}
 s

shvetAshvo.api mahArAja vyadhamattAvakaM balam . 
yathA vAyuH samAsAdya tUlA rAshi.n samantataH .. 1..\\
pratyudyayustrigartAsta.n shibayaH kauravaiH saha . 
shAlvAH saMshaptakAshchaiva nArAyaNa bala.n cha yat .. 2..\\
satyasenaH satyakIrtirmitra devaH shruta.n jayaH . 
saushrutishchitrasenashcha mitra varmA cha bhArata .. 3..\\
trigartarAjaH samare bhrAtR^ibhiH parivAritaH . 
putraishchaiva maheShvAsairnAnAshastradharairyudhi .. 4..\\
te sR^ijantaH sharavrAtAnkiranto.arjunamAhave . 
abhyadravanta samare vAryoghA iva sAgaram .. 5..\\
te tvarjuna.n samAsAdya yodhAH shatasahasrashaH . 
agachchhanvilaya.n sarve tArkShya.n dR^iShTveva pannagAH .. 6..\\
te vadhyamAnAH samare nAjahuH pANDava.n tadA . 
dahyamAnA yathA rAja~nshalabhA iva pAvakam .. 7..\\
satyasenastribhirbANairvivyAdha yudhi pANDavam . 
mitra devastriShaShTyA cha chandra devashcha saptabhiH .. 8..\\
mitra varmA trisaptatyA saushrutishchApi pa~nchabhiH . 
shatru~njayashcha viMshatyA susharmA navabhiH sharaiH .. 9..\\
shatru~njaya.n cha rAjAna.n hatvA tatra shilAshitaiH . 
saushruteH sashirastrANa.n shiraH kAyAdapAharat . 
tvaritashchandra deva.n cha sharairninye yamakShayam .. 10..\\
athetarAnmahArAja yatamAnAnmahArathAn . 
pa~nchabhiH pa~nchabhirbANairekaikaM pratyavArayat .. 11..\\
satyasenastu sa~Nkruddhastomara.n vyasR^ijanmahat . 
samuddishya raNe kR^iShNa.n si.nhanAdaM nanAda cha .. 12..\\
sa nirbhidya bhuja.n savyaM mAdhavasya mahAtmanaH . 
ayo mayo mahAchaNDo jagAma dharaNI.n tadA .. 13..\\
mAdhavasya tu viddhasya tomareNa mahAraNe . 
pratodaH prApataddhastAdrashmayashcha vishAM pate .. 14..\\
sa pratodaM punargR^ihya rashmIMshchaiva mahAyashAH . 
vAhayAmAsa tAnashvAnsatyasenarathaM prati .. 15..\\
viShvaksena.n tu nirbhinnaM prekShya pArtho dhana~njayaH . 
satyasena.n sharaistIkShNairdArayitvA mahAbalaH .. 16..\\
tataH sunishitairbANai rAGYastasya mahachchhiraH . 
kuNDalopachita.n kAyAchchakarta pR^itanAntare .. 17..\\
taM nihatya shitairbANairmitra varmANamAkShipat . 
vatsadantena tIkShNena sArathi.n chAsya mAriSha .. 18..\\
tataH sharashatairbhUyaH saMshaptaka gaNAnvashI . 
pAtayAmAsa sa~NkruddhaH shatasho.atha sahasrashaH .. 19..\\
tato rajatapu~Nkhena rAGYaH shIrShaM mahAtmanaH . 
mitra devasya chichchheda kShurapreNa mahAyashAH . 
susharmANa.n cha sa~Nkruddho jatru deshe samArdayat .. 20..\\
tataH saMshaptakAH sarve parivArya dhana~njayam . 
shastraughairmamR^iduH kruddhA nAdayanto disho dasha .. 21..\\
abhyarditastu tairjiShNuH shakratulyaparAkramaH . 
aindramastramameyAtmA prAdushchakre mahArathaH . 
tataH sharasahasrANi prAdurAsanvishAM pate .. 22..\\
dhvajAnA.n chhidyamAnAnAM kArmukANAM cha sa.nyuge . 
rathAnA.n sapatAkAnA.n tUNIrANAM sharaiH saha .. 23..\\
akShANAmatha yoktrANA.n chakrANA.n rashmibhiH saha . 
kUbarANA.n varUthAnAM pR^iShatkAnA.n cha sa.nyuge .. 24..\\
ashmanAM patatA.n chaiva prAsAnAmR^iShTibhiH saha . 
gadAnAM parighANA.n cha shaktInAM tomaraiH saha .. 25..\\
shataghnInA.n sachakrANAM bhujAnAmUrubhiH saha . 
kaNThasUtrA~NgadAnA.n cha keyUrANAM cha mAriSha .. 26..\\
harANAmatha niShkANA.n tanutrANAM cha bhArata . 
chhatrANA.n vyajanAnA.n cha shirasAM mukuTaiH saha . 
ashrUyata mahA~nshabdastatra tatra vishAM pate .. 27..\\
sakuNDalAni svakShINi pUrNachandra nibhAni cha . 
shirA.nsyurvyAmadR^ishyanta tArAgaNa ivAmbare .. 28..\\
susragvINi suvAsA.nsi chandanenokShitAni cha . 
sharIrANi vyadR^ishyanta hatAnA.n cha mahItale . 
gandharvanagarAkAra.n ghoramAyodhanaM tadA .. 29..\\
nihatai rAjaputraishcha kShatriyaishcha mahAbalaiH . 
hastibhiH patitaishchaiva turagaishchAbhavanmahI . 
agamyamArgA samare vishIrNairiva parvataiH .. 30..\\
nAsIchchakrapathashchaiva pANDavasya mahAtmanaH . 
nighnataH shAtravAnbhallairhastyashva.n chAmitammahat .. 31..\\
A tumbAdavasIdanti rathachakrANi mAriSha . 
raNe vicharatastasya tasmi.Nllohitakardame .. 32..\\
sIdamAnAni chakrANi samUhusturagA bhR^isham . 
shrameNa mahatA yuktA manomArutara.nhasaH .. 33..\\
vadhyamAna.n tu tatsainyaM pANDuputreNa dhanvinA . 
prAyasho vimukha.n sarvaM nAvatiShThata sa.nyuge .. 34..\\
tA~njitvA samare jiShNuH saMshaptaka gaNAnbahUn . 
rarAja sa mahArAja vidhUmo.agniriva jvalan .. 35..\\
yudhiShThiraM mahArAja visR^ijanta.n sharAnbahUn . 
svaya.n duryodhano rAjA pratyagR^ihNAdabhItavat .. 36..\\
tamApatanta.n sahasA tava putraM mahAbalam . 
dharmarAjo druta.n viddhvA tiShTha tiShTheti chAbravIt .. 37..\\
sA cha taM prativivyAdha navabhirnishitaiH sharaiH . 
sArathi.n chAsya bhallena bhR^ishaM kruddho.abhyatADayat .. 38..\\
tato yudhiShThiro rAjA hemapu~NkhA~nshilImukhAn . 
duryodhanAya chikShepa trayodasha shilAshitAn .. 39..\\
chaturbhishchaturo vAhA.nstasya hatvA mahArathaH . 
pa~nchamena shiraH kAyAtsArathestu samAkShipat .. 40..\\
ShaShThena cha dhvaja.n rAGYaH saptamena cha kArmukam . 
aShTamena tathA khaDgaM pAtayAmAsa bhUtale . 
pa~nchabhirnR^ipati.n chApi dharmarAjo.ardayadbhR^isham .. 41..\\
hatAshvAttu rathAttasmAdavaplutya sutastava . 
uttama.n vyasanaM prApto bhUmAveva vyatiShThata .. 42..\\
ta.n tu kR^ichchhragataM dR^iShTvA karNa drauNikR^ipAdayaH . 
abhyavartanta sahitAH parIpsanto narAdhipam .. 43..\\
atha pANDusutAH sarve parivArya yudhiShThiram . 
abhyayuH samare rAja.nstato yuddhamavartata .. 44..\\
atha tUryasahasrANi prAvAdyanta mahAmR^idhe . 
kShveDAH kilalilA shabdAH prAdurAsanmahIpate . 
yadabhyagachchhansamare pA~nchAlAH kauravaiH saha .. 45..\\
narA naraiH samAjagmurvAraNA varavAraNaiH . 
rathAshcha rathibhiH sArdha.n hayAshcha hayasAdibhiH .. 46..\\
dvandvAnyAsanmahArAja prekShaNIyAni sa.nyuge . 
vismApanAnyachintyAni shastravantyuttamAni cha .. 47..\\
ayudhyanta mahAvegAH parasparavadhaiShiNaH . 
anyonya.n samare jaghnuryodhavratamanuShThitAH . 
na hi te samara.n chakruH pR^iShThato vai kathaM chana .. 48..\\
muhUrtameva tadyuddhamAsInmadhuradarshanam . 
tata unmattavadrAjannirmaryAdamavartata .. 49..\\
rathI nAga.n samAsAdya vicharanraNamUrdhani . 
preShayAmAsa kAlAya sharaiH saMnataparvabhiH .. 50..\\
nAgA hayAnsamAsAdya vikShipanto bahUnatha . 
drAvayAmAsuratyugrAstatra tatra tadA tadA .. 51..\\
vidrAvya cha bahUnashvAnnAgA rAjanbalotkaTAH . 
viShANaishchApare jaghnurmamR^idushchApare bhR^isham .. 52..\\
sAshvArohAMshcha turagAnviShANairbibhidU raNe . 
aparAMshchikShipurvegAtpragR^ihyAtibalAstathA .. 53..\\
pAdAtairAhatA nAgA vivareShu samantataH . 
chakrurArtasvara.n ghora.n vyadravanta disho dasha .. 54..\\
padAtInA.n tu sahasA pradrutAnAM mahAmR^idhe . 
utsR^ijyAbharaNa.n tUrNamavaplutya raNAjire .. 55..\\
nimittaM manyamAnAstu pariNamya mahAgajAH . 
jagR^ihurbibhidushchaiva chitrANyAbharaNAni cha .. 56..\\
pratimAneShu kumbheShu dantaveShTeShu chApare . 
nigR^ihItA bhR^ishaM nAgAH prAsatomara shaktibhiH .. 57..\\
nigR^ihya cha gadAH ke chitpArshvasthairbhR^ishadAruNaiH . 
rathAshvasAdibhistatra sambhinnA nyapatanbhuvi .. 58..\\
saratha.n sAdina.n tatra apare tu mahAgajAH . 
bhUmAvamR^idnanvegena savarmANaM patAkinam .. 59..\\
rathaM nAgAH samAsAdya dhuri gR^ihya cha mAriSha . 
vyAkShipansahasA tatra ghorarUpe mahAmR^idhe .. 60..\\
nArAchairnihatashchApi nipapAta mahAgajaH . 
parvatasyeva shikhara.n vajrabhagnaM mahItale .. 61..\\
yodhA yodhAnsamAsAdya muShTibhirvyahananyudhi . 
kesheShvanyonyamAkShipya chichchhidurbibhiduH saha .. 62..\\
udyamya cha bhujAvanyo nikShipya cha mahItale . 
padA choraH samAkramya sphurato vyahanachchhiraH .. 63..\\
mR^itamanyo mahArAja padbhyA.n tADitavA.nstadA . 
jIvatashcha tathaivAnyaH shastra.n kAye nyamajjayat .. 64..\\
muShTiyuddhaM mahachchAsIdyodhAnA.n tatra bhArata . 
tathA keshagrahashchogro bAhuyuddha.n cha kevalam .. 65..\\
samAsaktasya chAnyena aviGYAtastathAparaH . 
jahAra samare prANAnnAnAshastrairanekadhA .. 66..\\
sa.nsakteShu cha yodheShu vartamAne cha sa~Nkule . 
kabandhAnyutthitAni sma shatasho.atha sahasrashaH .. 67..\\
lohitaiH sichyamAnAni shastrANi kavachAni cha . 
mahAra~NgAnuraktAni vastrANIva chakAshire .. 68..\\
evametanmahAyuddha.n dAruNaM bhR^ishasa~Nkulam . 
unmattara~Ngapratima.n shabdenApUrayajjagat .. 69..\\
naiva sve na pare rAjanviGYAyante sharAturAH . 
yoddhavyamiti yudhyante rAjAno jaya gR^iddhinaH .. 70..\\
svAnsve jaghnurmahArAja parAMshchaiva samAgatAn . 
ubhayoH senayorvIrairvyAkula.n samapadyata .. 71..\\
rathairbhagnairmahArAja vAraNaishcha nipAtitaiH . 
hayaishcha patitaistatra naraishcha vinipAtitaiH .. 72..\\
agamyarUpA pR^ithivI mA.nsashoNitakardamA . 
kShaNenAsInmahArAja kShatajaughapravartinI .. 73..\\
pA~nchAlAnavadhItkarNastrigartAMshcha dhana~njayaH . 
bhImasenaH kurUnrAjanhastyanIka.n cha sarvashaH .. 74..\\
evameSha kShayo vR^ittaH kurupANDavasenayoH . 
aparAhNe mahArAja kA~NkShantyorvipula.n jayam .. 75..\\
\medskip\hrule\medskip\centerline{\Largedvng 20}
 dhr

atitIvrANi duHkhAni duHsahAni bahUni cha . 
tavAha.n sa~njayAshrauShaM putrANAM mama sa~NkShayam .. 1..\\
tathA tu me kathayase yathA yuddha.n tu vartate . 
na santi sUta kauravyA iti me naiShThikI matiH .. 2..\\
duryodhanastu virathaH kR^itastatra mahAraNe . 
dharmaputraH katha.n chakre tasminvA nR^ipatiH katham .. 3..\\
aparAhNe katha.n yuddhamabhavalloma hArShaNam . 
tanmamAchakShva tattvena kushalo hyasi sa~njaya .. 4..\\

 s

sa.nsakteShu cha sainyeShu yudhyamAneShu bhAgashaH . 
rathamanya.n samAsthAya putrastava vishAM pate .. 5..\\
krodhena mahatAviShTaH saviSho bhujago yathA . 
duryodhanastu dR^iShTvA vai dharmarAja.n yudhiShThiram . 
uvAcha sUta tvarita.n yAhi yAhIti bhArata .. 6..\\
atra mAM prApaya kShipra.n sArathe yatra pANDavaH . 
dhriyamANena chhatreNa rAjA rAjati daMshitaH .. 7..\\
sasUtashchodito rAGYA rAGYaH syandanamuttamam . 
yudhiShThirasyAbhimukhaM preShayAmAsa sa.nyuge .. 8..\\
tato yudhiShThiraH kruddhaH pramatta iva sadgavaH . 
sArathi.n chodayAmAsa yAhi yatra suyodhanaH .. 9..\\
tau samAjagmaturvIrau bhrAtarau rathasAttamau . 
sametya cha mahAvIryau saMnaddhau yuddhadurmadau . 
tatakShaturmaheShvAsau sharairanyonyamAhave .. 10..\\
tato duryodhano rAjA dharmashIlasya mAriSha . 
shilAshitena bhallena dhanushchichchheda sa.nyuge . 
taM nAmR^iShyata sa~Nkruddho vyavasAya.n yudhiShThiraH .. 11..\\
apavidhya dhanushchhinna.n krodhasa.nraktalochanaH . 
anyatkArmukamAdAya dharmaputrashchamUmukhe .. 12..\\
duryodhanasya chichchheda dhvaja.n kArmukameva cha . 
athAnyaddhanurAdAya pratyavidhyata pANDavam .. 13..\\
tAvanyonya.n susa.nrabdhau sharavarShANyamu~nchatAm . 
si.nhAviva susa~Nkruddhau parasparajigIShayA .. 14..\\
anyonya.n jaghnatushchaiva nardamAnau vR^iShAviva . 
anyonyaM prekShamANau cha cheratustau mahArathau .. 15..\\
tataH pUrNAyatotsR^iShTairanyonya.n sukR^itavraNau . 
virejaturmahArAja puShTitAviva kiMshukau .. 16..\\
tato rAjanpratibhayAnsi.nhanAdAnmuhurmuhuH . 
talayoshcha tathA shabdAndhanuShoshcha mahAhave .. 17..\\
sha~NkhashabdaravAMsh chaiva chakratustau rathottamau . 
anyonya.n cha mahArAja pIDayAM chakraturbhR^isham .. 18..\\
tato yudhiShThiro rAjA tava putra.n tribhiH sharaiH . 
AjaghAnorasi kruddho vajravego durAsadaH .. 19..\\
prativivyAdha ta.n tUrNaM tava putro mahIpatim . 
pa~nchabhirnishitairbANairhemapu~NkhaiH shilAshitaiH .. 20..\\
tato duryodhano rAjA shakti.n chikShepa bhArata . 
sarvapArashavI.n tIkShNAM maholkA pratimAM tadA .. 21..\\
tAmApatantI.n sahasA dharmarAjaH shilAshitaiH . 
tribhishchichchheda sahasA ta.n cha vivyAdha saptabhiH .. 22..\\
nipapAta tataH sAtha hemadaNDA mahAghanA . 
nipatantI maholkeva vyarAjachchhikhi saMnibhA .. 23..\\
shakti.n vinihatA.n dR^iShTvA putrastava vishAM pate . 
navabhirnishitairbhallairnijaghAna yudhiShThiram .. 24..\\
so.atividdho balavatAmagraNIH shatrutApanaH . 
duryodhana.n samuddishya bANa.n jagrAha satvaraH .. 25..\\
samAdhatta cha taM bANa.n dhanuShyugraM mahAbalaH . 
chikShepa cha tato rAjA rAGYaH kruddhaH parAkramI .. 26..\\
sa tu bANaH samAsAdya tava putraM mahAratham . 
vyamohayata rAjAna.n dharaNIM cha jagAma ha .. 27..\\
tato duryodhanaH kruddho gadAmudyamya vegitaH . 
vidhitsuH kalahasyAntamabhidudrAva pANDavam .. 28..\\
tamAlakShyodyata gada.n daNDahastamivAntakam . 
dharmarAjo mahAshaktiM prAhiNottava sUnave . 
dIpyamAnAM mahAvegAM maholkA.n jvalitAm iva .. 29..\\
rathasthaH sa tayA viddho varma bhittvA mahAhave . 
bhR^isha.n sa.nvignahR^idayaH papAta cha mumoha cha .. 30..\\
tatastvaritamAgatya kR^itavarmA tavAtmajam . 
pratyapadyata rAjAnaM magna.n vai vyasanArNave .. 31..\\
bhImo.api mahatI.n gR^ihya gadA.n hemapariShkR^itAm . 
abhidudrAva vegena kR^itavarmANamAhave . 
eva.n tadabhavadyuddhaM tvadIyAnAM paraiH saha .. 32..\\
\medskip\hrule\medskip\centerline{\Largedvng 21}
 s

tataH karNaM puraskR^itya tvadIyA yuddhadurmadAH . 
punarAvR^itya sa~NgrAma.n chakrurdevAsuropamam .. 1..\\
dviradarathanarAshvasha~NkhashabdaiH 
parihR^iShitA vividhaishcha shastrapAtaiH . 
dviradarathapadAtisArthavAhAH 
paripatitAbhimukhAH prajahrire te .. 2..\\
sharaparashu varAsi paTTishair 
iShubhiranekavidhaishcha sAditAH . 
dviradarathahayA mahAhave 
varapuruShaiH puruShAshcha vAhanaiH .. 3..\\
kamaladinakarendu saMnibhaiH 
sitadashanaiH sumukhAkShi nAsikaiH . 
ruchiramukuTa kuNDalairmahI 
puruShashirobhiravastR^itA babhau .. 4..\\
parighamusala shaktitomarair 
nakharabhushuNDi gadA shatairdrutAH . 
dviradanarahayAH sahasrasho 
rudhiranadI pravahAstadAbbhavan .. 5..\\
prahata nararathAshvaku~njaraM 
pratibhaya darshanamulbaNa.n tadA . 
tadahitanihataM babhau balaM 
pitR^iparirAShTramiva prajA kShaye .. 6..\\
atha tava naradeva sainikAs 
tava cha sutAH surasUnu saMnibhAH . 
amitabalapuraHsarA raNe 
kuru vR^iShabhAH shiniputramabhyayuH .. 7..\\
tadatiruchira bhImamAbabhau 
puruShavarAshvarathadvipAkulam . 
lavaNajalasamuddhata svanaM 
balamamarAsurasainyasaMnibham .. 8..\\
surapatisamavikramastatas 
tridashavarAvarajopama.n yudhi . 
dinakarakiraNa prabhaiH pR^iShatkair 
avitanayo.abhyahanachchhini pravIram .. 9..\\
tamapi saratha vAjisArathiM 
shinivR^iShabho vividhaiH sharaistvaran . 
bhujaga viShasamaprabhai raNe 
puruShavara.n samavAstR^iNottadA .. 10..\\
shinivR^iShabha sharaprapIDittaM 
tava suhR^ido vasuSheNamabhyayuH . 
tvaritamatirathA ratharShabhaM 
dviradarathAshvapadAtibhiH saha .. 11..\\
tamudadhi nibhamAdravadbalI 
tvaritataraiH samabhidrutaM paraiH . 
drupada suta sakhastadAkarot 
puruSharathAshvagajakShayaM mahat .. 12..\\
atha puruShavarau kR^itAhnikau 
bhavamabhipUjya yathAvidhi prabhum . 
arivadha kR^itanishchayau drutaM 
tava balamarjuna keshavau sR^itau .. 13..\\
jaladaninadanisvana.n rathaM 
pavanavidhUtapatAka ketanam . 
sitahayamupayAntamantikaM 
hR^itamanaso dadR^ishustadArayaH .. 14..\\
atha visphArya gANDIva.n raNe nR^ityannivArjunaH . 
sharasambAdhamakarotkha.n dishaH pradishastathA .. 15..\\
rathAnvimAnapratimAnsajjayantrAyudha dhvajAn . 
sasArathI.nstadA bANairabhrANIvAnilo.avadhIt .. 16..\\
gajAngajaprayantR^IMshcha vaijayantyayudha dhvajAn . 
sAdino.ashvAMshcha pattIMshcha sharairninye yamakShayam .. 17..\\
tamantakamiva kruddhamanivAryaM mahAratham . 
duryodhano.abhyayAdeko nighnanbANaiH pR^ithagvidhaiH .. 18..\\
tasyArjuno dhanuH sUta.n ketumashvAMshcha sAyakaiH . 
hatvA saptabhirekaika.n chhatraM chichchheda patriNA .. 19..\\
navama.n cha samAsAdya vyajR^ijatpratighAtinam . 
duryodhanAyeShu vara.n taM drauNiH saptadhAchchhinat .. 20..\\
tato drauNerdhanushchhittvA hatvA chAshvavarA~nsharaiH . 
kR^ipasyApi tathAtyugra.n dhanushchichchheda pANDavaH .. 21..\\
hArdikyasya dhanushchhittvA dhvaja.n chAshvaM tathAvadhIt . 
duHshAsanasyeShu vara.n chhittvA rAdheyamabhyayAt .. 22..\\
atha sAtyakimutsR^ijya tvarankarNo.arjuna.n tribhiH . 
viddhvA vivyAdha viMshatyA kR^iShNaM pArthaM punastribhiH .. 23..\\
atha sAtyakirAgatya karNa.n viddhvA shitaiH sharaiH . 
navatyA navabhishchograiH shatena punarArdayat .. 24..\\
tataH pravIrAH pANDUnA.n sarve karNamapIDayan . 
yudhAmanyuH shikhaNDI cha draupadeyAH prabhadrakAH .. 25..\\
uttamaujA yuyutsushcha yamau pArShata eva cha . 
chedikArUSha matsyAnA.n kekayAnAM cha yadbalam . 
chekitAnashcha balavAndharmarAjashcha suvrataH .. 26..\\
ete rathAshvadviradaiH pattibhishchogravikramaiH . 
parivArya raNe karNaM nAnAshastrairavAkiran . 
bhAShanto vAgbhirugrAbhiH sarve karNavadhe vR^itAH .. 27..\\
tA.n shastravR^iShTiM bahudhA chhittvA karNaH shitaiH sharaiH . 
apovAha sma tAnsarvAndrumAnbha~Nktveva mArutaH .. 28..\\
rathinaH samahA mAtrAngajAnashvAnsasAdinaH . 
sharavrAtAMshcha sa~Nkruddho nighnankarNo vyadR^ishyata .. 29..\\
tadvadhyamAnaM pANDUnAM bala.n karNAstra tejasA . 
vishastra kShatadeha.n cha prAya AsItparA~Nmukham .. 30..\\
atha karNAstramastreNa pratihatyArjunaH svayam . 
dishaH kha.n chaiva bhUmiM cha prAvR^iNochchharavR^iShTibhiH .. 31..\\
musalAnIva niShpetuH parighA iva cheShavaH . 
shataghnya iva chApyanye vajrANyugrANi vApare .. 32..\\
tairvadhyamAna.n tatsainya.n sapattyashvarathadvipam . 
nimIlitAkShamatyarthamudabhrAmyatsamantataH .. 33..\\
niShkaivalya.n tadA yuddhaM prApurashvanaradvipAH . 
vadhyamAnAH sharairanye tadA bhItAH pradudruvuH .. 34..\\
eva.n teShAM tadA yuddhe sa.nsaktAnAM jayaiShiNAm . 
girimasta.n samAsAdya pratyapadyata bhAnumAn .. 35..\\
tamasA cha mahArAja rajasA cha visheShataH . 
na ki.n chitpratyapashyAma shubha.n vA yadi vAshubham .. 36..\\
te trasanto maheShvAsA rAtriyuddhasya bhArata . 
apayAna.n tatashchakruH sahitAH sarvavAjibhiH .. 37..\\
kauraveShu cha yAteShu tadA rAjandinakShaye . 
jaya.n sumanasaH prApya pArthAH svashibiraM yayuH .. 38..\\
vAditrashabdairvividhaiH si.nhanAdaishcha nartitaiH . 
parAnavahasantashcha stuvantashchAchyutArjunau .. 39..\\
kR^ite.avahAre tairvIraiH sainikAH sarva eva te . 
AshiShaH pANDaveyeShu prAyujyanta nareshvarAH .. 40..\\
tataH kR^ite.avahAre cha prahR^iShTAH kurupANDavAH . 
nishAyA.n shibira.n gatvA nyavishanta nareshvarAH .. 41..\\
yakSharakShaHpishAchAshcha shvApadAni cha sa~NghashaH . 
jagmurAyodhana.n ghora.n rudrasyAnartanopamam .. 42..\\
\medskip\hrule\medskip\centerline{\Largedvng 22}
 dhr

svenachchhandena naH sarvAnnAvadhIdvyaktamarjunaH . 
na hyasyA samare muchyetAntako.apyAtatAyinaH .. 1..\\
pArtho hyeko.aharadbhadrAmekashchAgnimatarpayat . 
ekashchemAM mahI.n jitvA chakre balibhR^ito nR^ipAn .. 2..\\
eko nivAtakavachAnavadhIddivyakArmukaH . 
ekaH kirAta rUpeNa sthita.n sharvamayodhayat .. 3..\\
eko.abhyarakShadbharatAneko bhavamatoShayat . 
tenaikena jitAH sarve madIyA ugratejasaH . 
te na nindyAH prashasyAshcha yatte chakrurbravIhi tat .. 4..\\

 s

hataprahata vidhvastA vivarmAyudha vAhanAH . 
dInasvarA dUyamAnA mAninaH shatrubhirjitAH .. 5..\\
shibirasthAH punarmantraM mantrayanti sma kauravAH . 
bhagnadaMShTrA hataviShAH padAkrAntA ivoragAH .. 6..\\
tAnabravIttataH karNaH kruddhaH sarpa iva shvasan . 
kara.n kareNAbhipIDya prekShamANastavAtmajam .. 7..\\
yatto dR^iDhashcha dakShashcha dhR^itimAnarjunaH sadA . 
sa bodhayati chApyenaM prAptakAlamadhokShajaH .. 8..\\
sahasrAstra visargeNa vaya.n tenAdya va~njitAH . 
shvastvaha.n tasya sa~Nkalpa.n sarvaM hantA mahIpate .. 9..\\
evamuktastathetyuktvA so.anujaGYe nR^ipottamAn . 
sukhoShitAste rajanI.n hR^iShTA yuddhAya niryayuH .. 10..\\
te.apashyanvihita.n vyUha.n dharmarAjena durjayam . 
prayatnAtkurumukhyena bR^ihaspatyushano matAt .. 11..\\
atha pratIpa kartAra.n satataM vijitAtmanAm . 
sasmAra vR^iShabhaskandha.n karNaM duryodhanastadA .. 12..\\
purandarasama.n yuddhe marudgaNasamaM bale . 
kArtavIrya sama.n vIrye karNaM rAGYo.agamanmanaH . 
sUtaputraM maheShvAsaM bandhumAtyayikeShviva .. 13..\\

 dhr

yadvo.agamanmano mandAH karNa.n vaikartana.n tadA . 
apyadrAkShata ta.n yUyaM shItArtA iva bhAskaram .. 14..\\
kR^ite.avahAre sainyAnAM pravR^itte cha raNe punaH . 
katha.n vaikartanaH karNastatrAyudhyata sa~njaya . 
katha.n cha pANDavAH sarve yuyudhustatra sUtajam .. 15..\\
karNo hyeko mahAbAhurhanyAtpArthAnsasomakAn . 
karNasya bhujayorvIrya.n shakra viShNusamaM matam . 
tathAstrANi sughorANi vikramashcha mahAtmanaH .. 16..\\
duryodhana.n tadA dR^iShTvA pANDavena bhR^ishArditam . 
parAkrAntAnpANDusutAndR^iShTvA chApi mahAhave .. 17..\\
karNamAshritya sa~NgrAme darpo duryodhane punaH . 
jetumutsahate pArthAnsaputrAnsaha keshavAn .. 18..\\
aho bata mahadduHkha.n yatra pANDusutAnraNe . 
nAtaradrabhasaH karNo daivaM nUnaM parAyaNam . 
aho dyUtasya niShTheya.n ghorA samprati vartate .. 19..\\
aho duHkhAni tIvrANi duryodhanakR^itAnyaham . 
sahiShyAmi sughorANi shalya bhUtAni sa~njaya .. 20..\\
saubala.n cha tathA tAta nItimAniti manyate .. 21..\\
yuddheShu nAma divyeShu vartamAneShu sa~njaya . 
ashrauShaM nihatAnputrAnnityameva cha nirjitAn .. 22..\\
na pANDavAnA.n samare kashchidasti nivArakaH . 
strImadhyamiva gAhanti daiva.n hi balavattaram .. 23..\\

 s

atikrAnta.n hi yatkAryaM pashchAchchintayatIti cha . 
tachchAsya na bhavetkArya.n chintayA cha vinashyati .. 24..\\
tadida.n tava kAryaM tu dUraprApta.n vijAnatA . 
na kR^ita.n yattvayA pUrvaM prAptAprApta vichAraNe .. 25..\\
ukto.asi bahudhA rAjanmA yudhyasveti pANDavaiH . 
gR^ihNIShe na cha tanmohAtpANDaveShu vishAM pate .. 26..\\
tvayA pApAni ghorANi samAchIrNAni pANDuShu . 
tvatkR^ite vartate ghoraH pArthivAnA.n janakShayaH .. 27..\\
tattvidAnImatikramya mA shucho bharatarShabha . 
shR^iNu sarva.n yathAvR^itta.n ghoraM vaishasamachyuta .. 28..\\
prabhAtAyA.n rajanyA.n tu karNo rAjAnamabhyayAt . 
sametya cha mahAbAhurduryodhanamabhAShata .. 29..\\
adya rAjansameShyAmi pANDavena yashasvinA . 
haniShyAmi cha ta.n vIraM sa vA mAM nihaniShyati .. 30..\\
bahutvAnmama kAryANA.n tathA pArthasya pArthiva . 
nAbhUtsamAgamo rAjanmama chaivArjunasya cha .. 31..\\
ida.n tu me yathA praGYa.n shR^iNu vAkyaM vishAM pate . 
anihatya raNe pArthaM nAhameShyAmi bhArata .. 32..\\
hatapravIre sainye.asminmayi chaiva sthite yudhi . 
abhiyAsyati mAM pArthaH shakra shaktyA vinAkR^itam .. 33..\\
tataH shreyaH kara.n yatte tannibodha janeshvara . 
AyudhAnA.n cha yadvIryaM dravyANAm arjunasya cha .. 34..\\
kAyasya mahato bhede lAghave dUrapAtane . 
sauShThave chAstrayoge cha savyasAchI na matsamaH .. 35..\\
sarvAyudhamahAmAtra.n vijayaM nAma taddhanuH . 
indrArthamabhikAmena nirmita.n vishvakarmaNA .. 36..\\
yena daitya gaNAnrAja~njitavAnvai shatakratuH . 
yasya ghoSheNa daityAnA.n vimuhyanti disho dasha . 
tadbhArgavAya prAyachchhachchhakraH paramasaMmatam .. 37..\\
taddivyaM bhArgavo mahyamadadAddhanuruttamam . 
yena yotsye mahAbAhumarjuna.n jayatA.n varam . 
yathendraH samare sarvAndaiteyAnvai samAgatAn .. 38..\\
dhanurghora.n rAmadatta.n gANDIvAttadvishiShyate . 
triH saptakR^itvaH pR^ithivI dhanuShA tena nirjitA .. 39..\\
dhanuSho yasya karmANi divyAni prAha bhArgavaH . 
tadrAmo hyadadAnmahya.n yena yotsyAmi pANDavam .. 40..\\
adya duryodhanAha.n tvAM nandayiShye sabAndhavam . 
nihatya samare vIramarjuna.n jayatA.n varam .. 41..\\
saparvatavanadvIpA hatadviDbhiH sasAgarA . 
putrapautra pratiShThA te bhaviShyatyadya pArthiva .. 42..\\
nAsAdhya.n vidyate me.adya tvatpriyArthaM visheShataH . 
samyagdharmAnuraktasya siddhirAtmavato yathA .. 43..\\
na hi mA.n samare soDhuM sa shakto.agni.n taruryathA . 
avashya.n tu mayA vAchya.n yena hIno.asmi phalgunAt .. 44..\\
jyA tasya dhanuSho divyA tathAkShayyau maheShudhI . 
tasya divya.n dhanuHshreShThaM gANDIvamajara.n yudhi .. 45..\\
vijaya.n cha mahaddivyaM mamApi dhanuruttamam . 
tatrAhamadhikaH pArthAddhanuShA tena pArthiva .. 46..\\
mayA chAbhyadhiko vIraH pANDavastannibodha me . 
rashmigrAhashcha dAshArhaH sarvalokanamaskR^itaH .. 47..\\
agnidattashcha vai divyo rathaH kA~nchanabhUShaNaH . 
achchhedyaH sarvato vIra vAjinashcha manojavAH . 
dhvajashcha divyo dyutimAnvAnaro vismaya.n karaH .. 48..\\
kR^iShNashcha sraShTA jagato ratha.n tamabhirakShati . 
ebhirdravyairaha.n hIno yoddhumichchhAmi pANDavam .. 49..\\
aya.n tu sadR^isho vIraH shalyaH samitishobhanaH . 
sArathya.n yadi me kuryAddhruvaste vijayo bhavet .. 50..\\
tasya me sArathiH shalyo bhavatvasu karaH paraiH . 
nArAchAngArdhrapatrAMshcha shakaTAni vahantu me .. 51..\\
rathAshcha mukhyA rAjendra yuktA vAjibhiruttamaiH . 
AyAntu pashchAtsatataM mAmeva bharatarShabha .. 52..\\
evamabhyadhikaH pArthAdbhaviShyAmi guNairaham . 
shalyo hyabhyadhikaH kR^iShNAdarjunAdadhiko hyaham .. 53..\\
yathAshvahR^idaya.n veda dAshArhaH paravIrahA . 
tathA shalyo.api jAnIte hayAnA.n vai mahArathaH .. 54..\\
bAhuvIrye samo nAsti madrarAjasya kash chana . 
tathAstrairmatsamo nAsti kashchideva dhanurdharaH .. 55..\\
tathA shalya samo nAsti hayayAne ha kash chana . 
so.ayamabhyadhikaH pArthAdbhaviShyati ratho mama .. 56..\\
etatkR^itaM mahArAja tvayechchhAmi parantapa . 
eva.n kR^ite kR^itaM mahya.n sarvakAmairbhaviShyati .. 57..\\
tato draShTAsi samare yatkariShyAmi bhArata . 
sarvathA pANDavAnsarvA~njeShyAmyadya samAgatAn .. 58..\\

 dur

sarvametatkariShyAmi yathA tva.n karNa manyase . 
sopAsa~NgA rathAH sAshvA anuyAsyanti sUtaja .. 59..\\
nArAchAngArdhrapakShAMshcha shakaTAni vahantu te . 
anuyAsyAma karNa tvA.n vayaM sarve cha pArthivAH .. 60..\\

 s

evamuktvA mahArAja tava putrAH pratApavAn . 
abhigamyAbravIdrAjA madrarAjamida.n vachaH .. 61..\\
\medskip\hrule\medskip\centerline{\Largedvng 23}
 s

putrastava mahArAja madrarAjamida.n vachaH . 
vinayenopasa~Ngamya praNayAdvAkyamabravIt .. 1..\\
satyavrata mahAbhAga dviShatAm aghavardhana . 
madreshvara raNe shUra parasainyabhaya~Nkara .. 2..\\
shrutavAnasi karNasya bruvato vadatA.n vara . 
yathA nR^ipatisi.nhAnAM madhye tvA.n varayatyayam .. 3..\\
tasmAtpArtha vinAshArtha.n hitArthaM mama chaiva hi . 
sArathya.n rathinAM shreShTha sumanAH kartumarhasi .. 4..\\
asyAbhIshu graho loke nAnyo.asti bhavatA samaH . 
sa pAtu sarvataH karNaM bhavAnbrahmeva sha~Nkaram .. 5..\\
pArthasya sachivaH kR^iShNo yathAbhIshu graho varaH . 
tathA tvamapi rAdheya.n sarvataH paripAlaya .. 6..\\
bhIShmo droNaH kR^ipaH karNo bhavAnbhojashcha vIryavAn . 
shakuniH saubalo drauNirahameva cha no balam . 
eShAmeva kR^ito bhAgo navadhA pR^itanA pate .. 7..\\
naiva bhAgo.atra bhIShmasya droNasya cha mahAtmanaH . 
tAbhyAmatItya tau bhAgau nihatA mama shatravaH .. 8..\\
vR^iddhau hi tau naravyAghrau chhalena nihatau cha tau . 
kR^itvA nasukara.n karma gatau svargamito.anagha .. 9..\\
tathAnye puruShavyAghrAH parairvinihatA yudhi . 
asmadIyAshcha bahavaH svargAyopagatA raNe . 
tyaktvA prANAnyathAshakti cheShTAH kR^itvA cha puShkalAH .. 10..\\
karNo hyeko mahAbAhurasmatpriyahite rataH . 
bhavAMshcha puruShavyAghra sarvalokamahArathaH . 
tasmi~njayAshA vipulA mama madrajanAdhipa .. 11..\\
pArthasya samare kR^iShNo yathAbhIshu varagrahaH . 
tena yukto raNe pArtho rakShyamANashcha pArthiva . 
yAni karmANi kurute pratyakShANi tathaiva te .. 12..\\
pUrvaM na samare hyevamavadhIdarjuno ripUn . 
ahanyahani madresha drAvayandR^ishyate yudhi .. 13..\\
bhAgo.avashiShTaH karNasya tava chaiva mahAdyute . 
taM bhAga.n saha karNena yugapannAshayAhave .. 14..\\
sUryAruNau yathAdR^iShTvA tamo nashyati mAriSha . 
tathA nashyantu kaunteyAH sapA~nchAlAH sasR^i~njayAH .. 15..\\
rathAnAM pravaraH karNo yantR^INAM pravaro bhavAn . 
saMnipAtaH samo loke bhavatornAsti kash chana .. 16..\\
yathA sarvAsvavasthAsu vArShNeyaH pAti pANDavam . 
tathA bhavAnparitrAtu karNa.n vaikartanaM raNe .. 17..\\
tvayA sArathinA hyeSha apradhR^iShyo bhaviShyati . 
devatAnAmapi raNe sashakrANAM mahIpate . 
kiM punaH pANDaveyAnAM mAtisha~NkIrvacho mama .. 18..\\
duryodhana vachaH shrutvA shalyaH krodhasamanvitaH . 
trishikhAM bhrukuTI.n kR^itvA dhunvanhastau punaH punaH .. 19..\\
krodharakte mahAnetre parivartya mahAbhujaH . 
kulaishvaryashrutibalairdR^iptaH shalyo.abravIdidam .. 20..\\
avamanyase mA.n gAndhAre dhruvaM mAM parisha~Nkase . 
yanmAM bravIShi visrabdha.n sArathya.n kriyatAm iti .. 21..\\
asmatto.abhyadhika.n karNaM manyamAnaH prasha.nsasi . 
na chAha.n yudhi rAdheya.n gaNaye tulyamAtmanA .. 22..\\
AdishyatAmabhyadhiko mamAMshaH pR^ithivIpate . 
tamaha.n samare hatvA gamiShyAmi yathAgatam .. 23..\\
atha vApyeka evAha.n yotsyAmi kurunandana . 
pashya vIryaM mamAdya tva.n sa~NgrAme dahato ripUn .. 24..\\
na chAbhikAmAnkauravya vidhAya hR^idaye pumAn . 
asmadvidhaH pravarteta mA mA tvamatisha~NkithAH .. 25..\\
yudhi chApyavamAno me na kartavyaH katha.n chana . 
pashya hImau mama bhujau vajrasa.nhananopamau .. 26..\\
dhanuH pashya cha me chitra.n sharAMshchAshIviShopamAn . 
rathaM pashya cha me kL^ipta.n sadashvairvAtavegitaiH . 
gadA.n cha pashya gAndhAre hemapaTTa vibhUShitAm .. 27..\\
dArayeyaM mahI.n kruddho vikireyaM cha parvatAn . 
shoShayeya.n samudrAMshcha tejasA svena pArthiva .. 28..\\
tanmAmeva.nvidha.n jAnansamarthamarinigrahe . 
kasmAdyunakShi sArathye nyUnasyAdhirathernR^ipa .. 29..\\
na nAma dhuri rAjendra prayoktu.n tvamihArhasi . 
na hi pApIyasaH shreyAnbhUtvA preShyatvamutsahe .. 30..\\
yo hyabhyupagataM prItyA garIyA.nsa.n vashe sthitam . 
vashe pApIyaso dhatte tatpApamadharottaram .. 31..\\
brAhmaNA brahmaNA sR^iShTA mukhAtkShatramathorasaH . 
UrubhyAmasR^ijadvaishyA~nshUdrAnpadbhyAmiti shrutiH . 
tebhyo varNavisheShAshcha pratilomAnulomajAH .. 32..\\
athAnyonyasya sa.nyogAchchAturvarNyasya bhArata . 
goptAraH sa~NgrahItArau dAtAraH kShatriyAH smR^itAH .. 33..\\
yAjanAdhyApanairviprA vishuddhaishcha pratigrahaiH . 
lokasyAnugrahArthAya sthApitA brahmaNA bhuvi .. 34..\\
kR^iShishcha pAshupAlya.n cha vishAM dAnaM cha sarvashaH . 
brahmakShatravishA.n shUdrA vihitAH parichArakAH .. 35..\\
brahmakShatrasya vihitaH sUtA vai parichArakAH . 
na viTshUdrasya tatraiva shR^iNu vAkyaM mamAnagha .. 36..\\
so.ahaM mUrdhAvasiktaH sanrAjarShikulasambhavaH . 
mahArathaH samAkhyAtaH sevyaH stavyashcha bandinAm .. 37..\\
so.ahametAdR^isho bhUtvA nehAri kulamardana . 
sUtaputrasya sa~NgrAme sArathya.n kartumutsahe .. 38..\\
avamAnamahaM prApya na yotsyAmi katha.n chana . 
ApR^ichchhya tvAdya gAndhAre gamiShyAmi yathAgatam .. 39..\\
evamuktvA naravyAghraH shalyaH samitishobhanaH . 
utthAya prayayau tUrNa.n rAjamadhyAdamarShitaH .. 40..\\
praNayAdbahumAnAchcha taM nigR^ihya sutastava . 
abravInmadhura.n vAkyaM sAma sarvArthasAdhakam .. 41..\\
yathA shalya tvamAtthedamevametadasaMshayam . 
abhiprAyastu me kashchittaM nibodha janeshvara .. 42..\\
na karNo.abhyadhikastvattaH sha~Nke naiva katha.n chana . 
na hi madreshvaro rAjA kuryAdyadanR^itaM bhavet .. 43..\\
R^itameva hi pUrvAste vahanti puruShottamAH . 
tasmAdArtAyaniH prokto bhavAniti matirmama .. 44..\\
shalya bhUtashcha shatrUNA.n yasmAttvaM bhuvi mAnada . 
tasmAchchhalyeti te nAma kathyate pR^ithivIpate .. 45..\\
yadeva vyAhR^itaM pUrvaM bhavatA bhUridakShiNa . 
tadeva kuru dharmaGYa madartha.n yadyaduchyase .. 46..\\
na cha tvatto hi rAdheyo na chAhamapi vIryavAn . 
vR^iNImastvA.n hayAgryANAM yantAramiti sa.nyuge .. 47..\\
yathA hyabhyadhika.n karNaM guNaistAta dhana~njayAt . 
vAsudevAdapi tvA.n cha loko.ayamiti manyate .. 48..\\
karNo hyabhyadhikaH pArthAdastraireva nararShabha . 
bhavAnapyadhikaH kR^iShNAdashvayAne bale tathA .. 49..\\
yathAshvahR^idaya.n veda vAsudevo mahAmanAH . 
dviguNa.n tvaM tathA vettha madrarAja na saMshayaH .. 50..\\

 z

yanmA bravIShi gAndhAre madhye sainyasya kaurava . 
vishiShTa.n devakIputrAtprItimAnasmyahaM tvayi .. 51..\\
eSha sArathyamAtiShThe rAdheyasya yashasvinaH . 
yudhyataH pANDavAgryeNa yathA tva.n vIra manyase .. 52..\\
samayashcha hi me vIra kashchidvaikartanaM prati . 
utsR^ijeya.n yathAshraddhamahaM vAcho.asya saMnidhau .. 53..\\

 s

tatheti rAjanputraste saha karNena bhArata . 
abravInmadrarAjasya sutaM bharatasattama .. 54..\\
\medskip\hrule\medskip\centerline{\Largedvng 24}
 dur

bhUya eva tu madresha yatte vakShyAmi tachchhR^iNu . 
yathA purAvR^ittamida.n yuddhe devAsure vibho .. 1..\\
yaduktavAnpiturmahyaM mArkaNDeyo mahAnR^iShiH . 
tadasheSheNa bruvato mama rAjarShisattama . 
tvaM nibodha na chApyatra kartavyA te vichAraNA .. 2..\\
devAnAmasurANA.n cha mahAnAsItsamAgamaH . 
babhUva prathamo rAjansa~NgrAmastArakA mayaH . 
nirjitAshcha tadA daityA daivatairiti naH shrutam .. 3..\\
nirjiteShu cha daityeShu tArakasya sutAstrayaH . 
tArAkShaH kamalAkShashcha vidyunmAlI cha pArthiva .. 4..\\
tapa ugra.n samAsthAya niyame parame sthitAH . 
tapasA karshayAmAsurdehAnsvA~nshatrutApana .. 5..\\
damena tapasA chaiva niyamena cha pArthiva . 
teShAM pitAmahaH prIto varadaH pradadau varAn .. 6..\\
avadhyatva.n cha te rAjansarvabhUteShu sarvadA . 
sahitA varayAmAsuH sarvalokapitAmaham .. 7..\\
tAna bravIttadA devo lokAnAM prabhurIshvaraH . 
nAsti sarvAmaratva.n hi nivartadhvamato.asurAH . 
varamanya.n vR^iNIdhvaM vai yAdR^ishaM samprarochate .. 8..\\
tataste sahitA rAjansampradhAryAsakR^idbahu . 
sarvalokeshvara.n vAkyaM praNamyainamathAbruvan .. 9..\\
asmAka.n tva.n varaM deva prayachchhemaM pitAmaha . 
vayaM purANi trINyeva samAsthAya mahImimAm . 
vichariShyAma loke.asmi.nstvatprasAda puraskR^itAH .. 10..\\
tato varShasahasre tu sameShyAmaH parasparam . 
ekIbhAva.n gamiShyanti purANyetAni chAnagha .. 11..\\
samAgatAni chaitAni yo hanyAdbhagava.nstadA . 
ekeShuNA devavaraH sa no mR^ityurbhaviShyati . 
evamastviti tAndevaH pratyuktvA prAvishaddivam .. 12..\\
te tu labdhavarAH prItAH sampradhArya parasparam . 
puratraya visR^iShTyarthaM maya.n vavrurmahAsuram . 
vishvakarmANamajara.n daityadAnava pUjitam .. 13..\\
tato mayaH svatapasA chakre dhImAnpurANi ha . 
trINi kA~nchanameka.n tu raupyaM kArShNAyasaM tathA .. 14..\\
kA~nchana.n divi tatrAsIdantarikShe cha rAjatam . 
Ayasa.n chAbhavadbhUmau chakrasthaM pR^ithivIpate .. 15..\\
ekaika.n yojanashataM vistArAyAma saMmitam . 
gR^ihATTATTAlaka yutaM bR^ihatprAkAratoraNam .. 16..\\
guNaprasava sambAdhamasambAdhamanAmayam . 
prAsAdairvividhaishchaiva dvAraishchApyupashobhitam .. 17..\\
pureShu chAbhavanrAjanrAjAno vai pR^ithakpR^ithak . 
kA~nchana.n tArakAkShasya chitramAsInmahAtmanaH . 
rAjata.n kamalAkShasya vidyunmAlina Ayasam .. 18..\\
trayaste daitya rAjAnastrI.NllokAnAshu tejasA . 
Akramya tasthurvarShANAM pUgAnnAma prajApatiH .. 19..\\
teShA.n dAnavamukhyAnAM prayutAnyarbudAni cha . 
koTyashchAprativIrANA.n samAjagmustatastataH . 
mahadaishvaryamichchhantastripura.n durgamAshritAH .. 20..\\
sarveShA.n cha punasteShA.n sarvayogavaho mayaH . 
tamAshritya hi te sarve avartantAkuto bhayAH .. 21..\\
yo hi yaM manasA kAma.n dadhyau tripurasaMshrayaH . 
tasmai kAmaM mayasta.n ta.n vidadhe mAyayA tadA .. 22..\\
tArakAkSha sutashchAsIddharirnAma mahAbalaH . 
tapastepe paramaka.n yenAtuShyatpitAmahaH .. 23..\\
sa tuShTamavR^iNoddeva.n vApI bhavatu naH pure . 
shastrairvinihatA yatra kShiptAH syurbalavattarAH .. 24..\\
sa tu labdhvA vara.n vIrastArakAkSha suto hariH . 
sasR^ije tatra vApI.n tAM mR^itAnAM jIvanIM prabho .. 25..\\
yena rUpeNa daityastu yena veSheNa chaiva ha . 
mR^itastasyAM parikShiptastAdR^ishenaiva jaGYivAn .. 26..\\
tAM prApya traipurasthAstu sarvA.NllokAnbabAdhire . 
mahatA tapasA siddhAH surANAM bhayavardhanAH . 
na teShAmabhavadrAjankShayo yuddhe katha.n chana .. 27..\\
tataste lobhamohAbhyAmabhibhUtA vichetasaH . 
nirhrIkAH sa.nsthiti.n sarve sthApitAM samalUlupan .. 28..\\
vidrAvya sagaNAndevA.nstatra tatra tadA tadA . 
vicheruH svena kAmena varadAnena darpitAH .. 29..\\
devAraNyAni sarvANi priyANi cha divaukasAm . 
R^iShINAmAshramAnpuNyAnyUpA~njana padA.nstathA . 
vyanAshayanta maryAdA dAnavA duShTachAriNaH .. 30..\\
te devAH sahitAH sarve pitAmahamarindama . 
abhijagmustadAkhyAtu.n vipra kAraM suretaraiH .. 31..\\
te tattva.n sarvamAkhyAya shirasAbhipraNamya cha . 
vadhopAyamapR^ichchhanta bhagavantaM pitAmaham .. 32..\\
shrutvA tadbhagavAndevo devAnidamuvAcha ha . 
asurAshcha durAtmAnaste chApi vibhudha dviShaH . 
aparAdhyanti satata.n ye yuShmAnpIDayantyuta .. 33..\\
aha.n hi tulyaH sarveShAM bhUtAnAM nAtra saMshayaH . 
adhArmikAstu hantavyA ityahaM prabravImi vaH .. 34..\\
te yUya.n sthANumIshAna.n jiShNumakliShTakAriNam . 
yoddhAra.n vR^iNutAdityAH sa tAnhantA suretarAn .. 35..\\
iti tasya vachaH shrutvA devAH shakrapurogamAH . 
brahmANamagrataH kR^itvA vR^iShA~Nka.n sharaNaM yayuH .. 36..\\
tapaH para.n samAtasthurgR^iNanto brahma shAshvatam . 
R^iShibhiH sahadharmaGYA bhava.n sarvAtmanA gatAH .. 37..\\
tuShTuvurvAgbhirarthyAbhirbhayeShvabhayakR^ittamam . 
sarvAtmAnaM mahAtmAna.n yenAptaM sarvamAtmanA .. 38..\\
tapo visheShairbahubhiryoga.n yo veda chAtmanaH . 
yaH sA~NkhyamAtmano veda yasya chAtmA vashe sadA .. 39..\\
te ta.n dadR^ishurIshAnaM tejorAshimumApatim . 
ananyasadR^isha.n loke vratavantamakalmaSham .. 40..\\
eka.n cha bhagavantaM te nAnArUpamakalpayan . 
AtmanaH pratirUpANi rUpANyatha mahAtmani . 
parasparasya chApashyansarve paramavismitAH .. 41..\\
sarvabhUtamaya.n cheshaM tamajaM jagataH patim . 
devA brahmarShayashchaiva shirobhirdharaNI.n gatAH .. 42..\\
tAnsvasti vAkyenAbhyarchya samutthApya cha sha~NkaraH . 
brUta brUteti bhagavAnsmayamAno.abhyabhAShata .. 43..\\
tryambakeNAbhyanuGYAtAstataste.asvasthachetasaH . 
namo namaste.astu vibho tata ityabruvanbhavam .. 44..\\
namo devAtidevAya dhanvine chAtimanyave . 
prajApatimakhaghnAya prajApatibhirIDyase .. 45..\\
namaH stutAya stutyAya stUyamAnAya mR^ityave . 
vilohitAya rudrAya nIlagrIvAya shUline .. 46..\\
amoghAya mR^igAkShAya pravarAyudha yodhine . 
durvAraNAya shukrAya brahmaNe brahmachAriNe .. 47..\\
IshAnAyAprameyAya niyantre charma vAsase . 
taponityAya pi~NgAya vratine kR^itti vAsase .. 48..\\
kumAra pitre tryakShAya pravarAyudha dhAriNe . 
prapannArti vinAshAya brahma dviTsa~NghaghAtine .. 49..\\
vanaspatInAM pataye narANAM pataye namaH . 
gavA.n cha pataye nitya.n yaGYAnAM pataye namaH .. 50..\\
namo.astu te sasainyAya tryambakAyogra tejase . 
manovAkkarmabhirdeva tvAM prapannAnbhajasva naH .. 51..\\
tataH prasanno bhagavAnsvAgatenAbhinandya tAn . 
provAcha vyetu vastrAso brUta ki.n karavANi vaH .. 52..\\
pitR^idevarShisa~Nghebhyo vare datte mahAtmanA . 
satkR^itya sha~NkaraM prAha brahmA lokahita.n vachaH .. 53..\\
tavAtisargAddevesha prAjApatyamidaM padam . 
mayAdhitiShThatA datto dAnavebhyo mahAnvaraH .. 54..\\
tAnatikrAnta maryAdAnnAnyaH sa.nhartumarhati . 
tvAmR^ite bhUtabhavyesha tva.n hyeShAM pratyarirvadhe .. 55..\\
sa tva.n deva prapannAnA.n yAchatAM cha divaukasAm . 
kuru prasAda.n devesha dAnavA~njahi shUlabhR^it .. 56..\\

 bhag

hantavyAH shatravaH sarve yuShmAkamiti me matiH . 
na tveko.aha.n vadhe teShAM samartho vai suradviShAm .. 57..\\
te yUya.n sahitAH sarve madIyenAstra tejasA . 
jayadhva.n yudhi tA~nshatrUnsa~NghAto hi mahAbalaH .. 58..\\

 devaah

asmattejobala.n yAvattAvaddviguNameva cha . 
teShAmiti ha manyAmo dR^iShTatejobalA hi te .. 59..\\

 bhag

vadhyAste sarvataH pApA ye yuShmAsvaparAdhinaH . 
mama tejobalArdhena sarvA.nstAnghnata shAtravAn .. 60..\\

 devaah

bibhartu.n tejaso.ardhaM te na shakShyAmo maheshvara . 
sarveShAM no balArdhena tvameva jahi shAtravAn .. 61..\\

 dur

tatastatheti deveshastairukto rAjasattama . 
ardhamAdAya sarvebhyastejasAbhyadhiko.abhavat .. 62..\\
sa tu devo balenAsItsarvebhyo balavattaraH . 
mahAdeva iti khyAtastadA prabhR^iti sha~NkaraH .. 63..\\
tato.abravInmahAdevo dhanurbANadharastvaham . 
haniShyAmi rathenAjau tAnripUnvai divaukasaH .. 64..\\
te yUyaM me ratha.n chaiva dhanurbANaM tathaiva cha . 
pashyadhva.n yAvadadyaitAnpAtayAmi mahItale .. 65..\\

 devaah

mUrti sarvasvamAdAya trailokyasya tatastataH . 
ratha.n te kalpayiShyAma deveshvara mahaujasam .. 66..\\
tathaiva buddhyA vihita.n vishvakarma kR^itaM shubham . 
tato vibudhashArdUlAsta.n rathaM samakalpayan .. 67..\\
vandhuraM pR^ithivI.n devI.n vishAlapuramAlinIm . 
saparvatavanadvIpA.n chakrUrbhUtadharAM tadA .. 68..\\
mandaraM parvata.n chAkShaM ja~NghAstasya mahAnadIH . 
dishashcha pradishashchaiva parivAra.n rathasya hi .. 69..\\
anukarShAngrahAndIptAnvarUtha.n chApi tArakAH . 
dharmArthakAmasa.nyukta.n triveNuM chApi bandhuram . 
oShadhIrvividhAstatra nAnApuShpaphalodgamAH .. 70..\\
sUryA chandramasau kR^itvA chakre rathavarottame . 
pakShau pUrvAparau tatra kR^ite rAtryahanI shubhe .. 71..\\
dashanAgapatInIShAmdhR^itarAShTra mukhAndR^iDhAm . 
dyA.n yugaM yugacharmANi sa.nvartaka balAhakAn .. 72..\\
shamyA.n dhR^itiM cha meghAM cha sthiti.n saMnatimeva cha . 
grahanakShatratArAbhishcharma chitraM nabhastalam .. 73..\\
surAmbupretavittAnAM patI.NllokeshvarAnhayAn . 
sinIvAlImanumati.n kuhU.n rAkAM cha suvratAm . 
yoktrANi chakrurvAhAnA.n rohakAMshchApi kaNThakam .. 74..\\
karma satya.n tapo.arthashcha vihitAstatra rashmayaH . 
adhiShThAnaM manastvAsItparirathya.n sarasvatI .. 75..\\
nAnAvarNAshcha chitrAshcha patAkAH pavaneritAH . 
vidyudindra dhanurnaddha.n ratha.n dIptaM vyadIpayat .. 76..\\
eva.n tasminmahArAja kalpite rathasattame . 
devairmanujashArdUla dviShatAm abhimardane .. 77..\\
svAnyAyudhAni mukhyAni nyadadhAchchha~Nkaro rathe . 
rathayaShTi.n viyatkR^iShTAM sthApayAmAsa govR^iSham .. 78..\\
brahmadaNDaH kAladaNDo rudra daNDastathA jvaraH . 
pariskandA rathasyAsya sarvatodishamudyatAH .. 79..\\
atharvA~NgirasAvAstA.n chakrarakShau mahAtmanaH . 
R^igvedaH sAmavedashcha purANa.n cha puraHsarAH .. 80..\\
itihAsa yajurvedau pR^iShTharakShau babhUvatuH . 
divyA vAchashcha vidyAshcha paripArshva charAH kR^itAH .. 81..\\
tottrAdayashcha rAjendra vaShaTkArastathaiva cha . 
o~NkArashcha mukhe rAjannatishobhA karo.abhavat .. 82..\\
vichitramR^itubhiH ShaDbhiH kR^itvA sa.nvatsara.n dhanuH . 
tasmAnnR^INA.n kAlarAtrirjyA kR^itA dhanuSho.ajarA .. 83..\\
iShushchApyabhavadviShNurjvalanaH soma eva cha . 
agnI Shomau jagatkR^itsna.n vaiShNava.n chochyate jagat .. 84..\\
viShNushchAtmA bhagavato bhavasyAmita tejasaH . 
tasmAddhanurjyA sa.nsparshaM na viShehurharasya te .. 85..\\
tasmi~nshare tigmamanyurmumochAviShahaM prabhuH . 
bhR^igva~Ngiro manyubhava.n krodhAgnimatiduHsaham .. 86..\\
sa nIlalohito dhUmraH kR^ittivAsA bhaya~NkaraH . 
AdityAyuta sa~NkAshastejo jvAlAvR^ito jvalan .. 87..\\
dushchyAvashchyAvano jetA hantA brahma dviShA.n haraH . 
nitya.n trAtA cha hantA cha dharmAdharmAshritA~njanAn .. 88..\\
pramAthibhirghorarUpairbhImodagrairgaNairvR^itaH . 
vibhAti bhagavAnsthANustairevAtma guNairvR^itaH .. 89..\\
tasyA~NgAni samAshritya sthita.n vishvamida.n jagat . 
ja~NgamAja~Ngama.n rAja~nshushubhe.adbhutadarshanam .. 90..\\
dR^iShTvA tu ta.n ratha.n divyaM kavachI sa sharAsanI . 
bANamAdatta ta.n divya.n somaviShNvagnisambhavam .. 91..\\
tasya vAjA.nstato devAH kalpayA.n chakrire vibhoH . 
puNyagandhavaha.n rAja~nshvasanaM rAjasattama .. 92..\\
tamAsthAya mahAdevastrAsayandaivatAnyapi . 
Aruroha tadA yattaH kampayanniva rodasI .. 93..\\
sa shobhamAno varadaH khaDgI bANI sharAsanI . 
hasannivAravIddevo sArathiH ko bhaviShyati .. 94..\\
tamabruvandevagaNA yaM bhavAnsaMniyokShyate . 
sa bhaviShyati devesha sArathiste na saMshayaH .. 95..\\
tAnabravItpunardevo mattaH shreShThataro hi yaH . 
ta.n sArathi.n kurudhvaM me svayaM sa~ncintya mAchiram .. 96..\\
etachchhrutvA tato devA vAkyamuktaM mahAtmanA . 
gatvA pitAmaha.n devaM prasAdyaiva.n vacho.abruvan .. 97..\\
deva tvayeda.n kathitaM tridashArinibarhaNam . 
tathA cha kR^itamasmAbhiH prasanno vR^iShabhadhvajaH .. 98..\\
rathashcha vihito.asmAbhirvichitrAyudha sa.nvR^itaH . 
sArathi.n tu na jAnImaH kaH syAttasminrathottame .. 99..\\
tasmAdvidhIyatA.n kashchitsArathirdeva sattama . 
saphalA.n tAM giraM devakartumarhasi no vibho .. 100..\\
evamasmAsu hi purA bhagavannuktavAnasi . 
hita~NkartAsmi bhavatAm iti tatkartumarhasi .. 101..\\
sa deva yukto rathasattamo no 
durAvaro drAvaNaH shAtravANAm . 
pinAka pANirvihito.atra yoddhA 
vibhIShayandAnavAnudyato.asau .. 102..\\
tathaiva vedAshchaturo hayAgryA 
dharA sashailA cha ratho mahAtman . 
nakShatravaMsho.anugato varUthe 
yasminyoddhA sArathinAbhirakShyaH .. 103..\\
tatra sArathireShTavyaH sarvairetairvisheShavAn . 
tatpratiShTho ratho deva hayA yoddhA tathaiva cha . 
kavachAni cha shastrANi kArmuka.n cha pitAmaha .. 104..\\
tvAmR^ite sArathi.n tatra nAnyaM pashyAmahe vayam . 
tva.n hi sarvairguNairyukto devatAbhyo.adhikaH prabho . 
sArathye tUrNamAroha sa.nyachchha paramAnhayAn .. 105..\\
iti te shirasA natvA trilokeshaM pitAmaham . 
devAH prasAdayAmAsuH sArathyAyeti naH shrutam .. 106..\\

 brahmaa

nAtra ki.n chinmR^iShA vAkya.n yaduktaM vo divaukasaH . 
sa.nyachchhAmi hayAneSha yudhyato vai kapardinaH .. 107..\\
tataH sa bhagavAndevo lokasraShTA pitAmahaH . 
sArathye kalpito devairIshAnasya mahAtmanaH .. 108..\\
tasminnArohati kShipra.n syandanaM lokapUjite . 
shirobhiragama.nstUrNa.n te hayA vAtara.nhasaH .. 109..\\
maheshvare tvAruhati jAnubhyAmagamanmahIm .. 110..\\
abhIshUnhi trilokeshaH sa~NgR^ihya prapitAmahaH . 
tAnashvAMshchodayAmAsa manomArutara.nhasaH .. 111..\\
tato.adhirUDhe varade prayAte chAsurAnprati . 
sAdhu sAdhviti vishveshaH smayamAno.abhyabhAShata .. 112..\\
yAhi deva yato daityAshchodayAshvAnatandritaH . 
pashya bAhvorbalaM me.adya nighnataH shAtravAnraNe .. 113..\\
tatastAMshchodayAmAsa vAyuvegasamA~njave . 
yena tantripura.n rAjandaityadAnavarakShitam .. 114..\\
athAdhijya.n dhanuH kR^itvA sharvaH sandhAya ta.n sharam . 
yuktvA pAshupatAstreNa tripura.n samachintayat .. 115..\\
tasminsthite tadA rAjankruddhe vidhR^ita kArmuke . 
purANi tAni kAlena jagmurekatvatA.n tadA .. 116..\\
ekIbhAva.n gate chaiva tripure samupAgate . 
babhUva tumulo harSho daivatAnAM mahAtmanAm .. 117..\\
tato devagaNAH sarve siddhAshcha paramarShayaH . 
jayeti vAcho mumuchuH sa.nstuvanto mudAnvitAH .. 118..\\
tato.agrato prAdurabhUttripura.n jaghnuSho.asurAn . 
anirdeshyogra vapuSho devasyAsahya tejasaH .. 119..\\
sa tadvikR^iShya bhagavAndivya.n lokeshvaro dhanuH . 
trailokyasAra.n tamiShuM mumocha tripuraM prati . 
tatsAsuragaNa.n dagdhvA prAkShipatpashchimArNave .. 120..\\
eva.n tattripuraM dagdhaM dAnavAshchApyasheShataH . 
maheshvareNa kruddhena trailokyasya hitaiShiNA .. 121..\\
sa chAtmakrodhajo vahnirhAhetyuktvA nivAritaH . 
mA kArShIrbhasmasAllokAniti tryakSho.abravIchcha tam .. 122..\\
tataH prakR^itimApannA devA lokAstatharShayaH . 
tuShTuvurvAgbhirarthyAbhiH sthANumapratimaujasam .. 123..\\
te.anuGYAtA bhagavatA jagmuH sarve yathAgatam . 
kR^itakAmAH prasannena prajApatimukhAH surAH .. 124..\\
yathaiva bhagavAnbrahmA lokadhAtA pitA mahaH . 
sa.nyachchha tva.n hayAnasya rAdheyasya mahAtmanaH .. 125..\\
tva.n hi kR^iShNAchcha karNAchcha phalgunAchcha visheShataH . 
vishiShTo rAjashArdUla nAsti tatra vichAraNA .. 126..\\
yuddhe hyaya.n rudra kalpastva.n cha brahma samo.anagha . 
tasmAchchhaktau yuvA.n jetuM machchhatrU.nstAvivAsurAn .. 127..\\
yathA shalyAdya karNo.aya.n shvetAshva.n kR^iShNasArathim . 
pramathya hanyAtkaunteya.n tathA shIghra.n vidhIyatAm . 
tvayi karNashcha rAjya.n cha vayaM chaiva pratiShThitAH .. 128..\\
iMma.n chApyaparaM bhUya itihAsaM nibodha me . 
piturmama sakAshe yaM brAhmaNaH prAha dharmavit .. 129..\\
shrutvA chaitadvachashchitra.n hetukAryArtha sa.nhitam . 
kuru shalya vinishchitya mA bhUdatra vichAraNA .. 130..\\
bhArgavANA.n kule jAto jamadagnirmahAtapAH . 
tasya rAmeti vikhyAtaH putrastejo guNAnvitaH .. 131..\\
sa tIvra.n tapa AsthAya prasAdayitavAnbhavam . 
astrahetoH prasannAtmA niyataH sa.nyatendriyaH .. 132..\\
tasya tuShTo mahAdevo bhaktyA cha prashamena cha . 
hR^idgata.n chAsya viGYAya darshayAmAsa sha~NkaraH .. 133..\\

 izvara

rAma tuShTo.asmi bhadra.n te viditaM me tavepsitam . 
kuruShva pUtamAtmAna.n sarvametadavApsyasi .. 134..\\
dAsyAmi te tadAstrANi yadA pUto bhaviShyasi . 
apAtramasamartha.n cha dahantyastrANi bhArgava .. 135..\\
ityukto jAmadagnyastu devadevena shUlinA . 
pratyuvAcha mahAtmAna.n shirasAvanataH prabhum .. 136..\\
yadA jAnAsi devesha pAtraM mAmastradhAraNe . 
tadA shushrUShate.astrANi bhavAnme dAtumarhati .. 137..\\

 dur

tataH sa tapasA chaiva damena niyamena cha . 
pUjopahAra balibhirhomamantrapuraskR^itaiH .. 138..\\
ArAdhayitavA~nsharvaM bahUnvarShagaNA.nstadA . 
prasannashcha mahAdevo bhArgavasya mahAtmanaH .. 139..\\
abravIttasya bahusho guNAndevyAH samIpataH . 
bhaktimAneSha satataM mayi rAmo dR^iDhavrataH .. 140..\\
eva.n tasya guNAnprIto bahusho.akathayatprabhuH . 
devatAnAM pitR^INA.n cha samakShamarisUdanaH .. 141..\\
etasminneva kAle tu daityA AsanmahAbalAH . 
taistadA darpamohAndhairabAdhyanta divaukasaH .. 142..\\
tataH sambhUya vibudhAstAnhantu.n kR^itanishchayAH . 
chakruH shatruvadhe yatnaM na shekurjetumeva te .. 143..\\
abhigamya tato devA maheshvaramathAbruvan . 
prasAdayantastaM bhaktyA jahi shatrugaNAniti .. 144..\\
pratiGYAya tato devo devatAnA.n ripukShayam . 
rAmaM bhArgavamAhUya so.abhyabhAShata sha~NkaraH .. 145..\\
ripUnbhArgava devAnA.n jahi sarvAnsamAgatAn . 
lokAnA.n hitakAmArthaM matprItyartha.n tathaiva cha .. 146..\\

 raama

akR^itAstrasya devesha kA shaktirme maheshvara . 
nihantu.n dAnavAnsarvAnkR^itAstrAnyuddhadurmadAn .. 147..\\

 izvara

gachchha tvaM madanudhyAnAnnihaniShyasi dAnavAn . 
vijitya cha ripUnsarvAnguNAnprApsyasi puShkalAn .. 148..\\

 dur

etachchhrutvA cha vachanaM pratigR^ihya cha sarvashaH . 
rAmaH kR^itasvastyayanaH prayayau dAnavAnprati .. 149..\\
avadhIddevashatrU.nstAnmadadarpa balAnvitAn . 
vajrAshanisamasparshaiH prahAraireva bhArgavaH .. 150..\\
sa dAnavaiH kShatatanurjAmadagnyo dvijottamaH . 
sa.nspR^iShTaH sthANunA sadyo nirvraNaH samajAyata .. 151..\\
prItashcha bhagavAndevaH karmaNA tena tasya vai . 
varAnprAdAdbrahma vide bhArgavAya mahAtmane .. 152..\\
uktashcha devadevena prItiyuktena shUlinA . 
nipAtAttava shastrANA.n sharIre yAbhavadrujA .. 153..\\
tayA te mAnuSha.n karma vyapoDhaM bhR^igunandana . 
gR^ihANAstrANi divyAni matsakAshAdyathepsitam .. 154..\\
tato.astrANi samastAni varAMshcha manasepsitAn . 
labdhvA bahuvidhAnrAmaH praNamyA shirasA shivam .. 155..\\
anuGYAM prApya deveshA~njagAma sa mahAtapAH . 
evametatpurAvR^itta.n tadA kathitavAnR^iShiH .. 156..\\
bhArgavo.apyadadAtsarva.n dhanurvedaM mahAtmane . 
karNAya puruShavyAghra suprItenAntarAtmanA .. 157..\\
vR^ijina.n hi bhavetki.n chidyadi karNasya pArthiva . 
nAsmai hyastrANi divyAni prAdAsyadbhR^igunandanaH .. 158..\\
nApi sUta kule jAtma karNaM manye katha.n chana . 
devaputramahaM manye kShatriyANA.n kulodbhavam .. 159..\\
sakuNDala.n sakavacha.n dIrghabAhuM mahAratham . 
kathamAdityasadR^ishaM mR^igI vyAghra.n janiShyati .. 160..\\
pashya hyasya bhujau pInau nAgarAjakaropamau . 
vakShaH pashya vishAla.n cha sarvashatrunibarhaNam .. 161..\\
\medskip\hrule\medskip\centerline{\Largedvng 25}
 dur

eva.n sa bhagavAndevaH sarvalokapitAmahaH . 
sArathyamakarottatra yatra rudro.abhavadrathI .. 1..\\
rathinAbhyadhiko vIraH kartavyo rathasArathiH . 
tasmAttvaM puruShavyAghra niyachchha turagAnyudhi .. 2..\\

 s

tataH shalyaH pariShvajya suta.n te vAkyamabravIt . 
duryodhanamamitraghnaH prIto madrAdhipastadA .. 3..\\
eva.n chenmanyase rAjangAndhAre priyadarshana . 
tasmAtte yatpriya.n kiM chittatsarvaM karavANyaham .. 4..\\
yatrAsmi bharatashreShTha yogyaH karmaNi karhi chit . 
tatra sarvAtmanA yukto vakShye kAryadhura.n tava .. 5..\\
yattu karNamahaM brUyA.n hitakAmaH priyApriyam . 
mama tatkShamatA.n sarvaM bhavAnkarNashcha sarvashaH .. 6..\\

 karna

IshAnasya yathA brahmA yathA pArthasya keshavaH . 
tathA nitya.n hite yukto madrarAjabhajasva naH .. 7..\\

 zalya

AtmanindAtmapUjA cha paranindA parastavaH . 
anAcharitamAryANA.n vR^ittametachchaturvidham .. 8..\\
yattu vidvAnpravakShyAmi pratyayArthamaha.n tava . 
AtmanaH stavasa.nyukta.n tannibodha yathAtatham .. 9..\\
aha.n shakrasya sArathye yogyo mAtalivatprabho . 
apramAda prayogAchcha GYAnavidyA chikitsitaiH .. 10..\\
tataH pArthena sa~NgrAme yudhyamAnasya te.anagha . 
vAhayiShyAmi turagAnvijvaro bhava sUtaja .. 11..\\
\medskip\hrule\medskip\centerline{\Largedvng 26}
 dur

aya.n te karNa sArathyaM madrarAjaH kariShyati . 
kR^iShNAdabhyadhiko yantA devendrasyeva mAtaliH .. 1..\\
yathA harihayairyukta.n sa~NgR^ihNAti sa mAtaliH . 
shalyastava tathAdyAya.n sa.nyantA rathavAjinAm .. 2..\\
yodhe tvayi rathasthe cha madrarAje cha sArathau . 
rathashreShTho dhruva.n sa~Nkhye pArtho nAbhibhaviShyati .. 3..\\

 s

tato duryodhano bhUyo madrarAja.n tarasvinam . 
uvAcha rAjansa~NgrAme sa.nyachchhanta.n hayottamAn .. 4..\\
tvayAbhigupto rAdheyo vijeShyati dhana~njayam . 
ityukto rathamAsthAya tatheti prAha bhArata .. 5..\\
shalye.abhyupagate karNaH sArathi.n sumano.abravIt . 
sva.n sUta syandanaM mahya.n kalpayetyasakR^ittvaran .. 6..\\
tato jaitra.n rathavara.n gandharvanagaropamam . 
vidhivatkalpitaM bhartre jayetyuktvA nyavedayat .. 7..\\
ta.n rathaM rathinAM shreShThaH karNo.abhyarchya yathAvidhi . 
sampAditaM brahmavidA pUrvameva purodhasA .. 8..\\
kR^itvA pradakShiNa.n yatnAdupasthAya cha bhAskaram . 
samIpasthaM madrarAja.n samAropayadagrataH .. 9..\\
tataH karNasya durdharSha.n syandanapravaraM mahat . 
Aruroha mahAtejAH shalyaH si.nha ivAchalam .. 10..\\
tataH shalyAsthita.n rAjankarNaH svarathamuttamam . 
adhyatiShThadyathAmbhoda.n vidyutvanta.n divAkaraH .. 11..\\
tAvekarathamArUDhAvAdityAgnisamatviShau . 
vyabhrAjetA.n yathA meghaM sUryAgnI sahitau divi .. 12..\\
sa.nstUyamAnau tau vIrau tadAstA.n dyutimattarau . 
R^itviksadasyairindrAgnI hUyamAnAvivAdhvare .. 13..\\
sa shalya sa~NgR^ihItAshve rathe karNaH sthito.abhavat . 
dhanurvisphArayanghoraM pariveShIva bhAskaraH .. 14..\\
AsthitaH sa rathashreShTha.n karNaH sharagabhastimAn . 
prababhau puruShavyAghro mandarastha ivAMshumAn .. 15..\\
ta.n rathasthaM mahAvIraM yAnta.n chAmitatejasam . 
duryodhanaH sma rAdheyamida.n vachanamabravIt .. 16..\\
akR^ita.n droNa bhIShmAbhyAM duShkaraM karma sa.nyuge . 
kuruShvAdhirathe vIra miShatA.n sarvadhanvinAm .. 17..\\
manogataM mama hyAsIdbhIShmadroNau mahArathau . 
arjunaM bhImasena.n cha nihantArAviti dhruvam .. 18..\\
tAbhyA.n yadakR^itaM vIra vIrakarma mahAmR^idhe . 
tatkarma kuru rAdheya vajrapANirivAparaH .. 19..\\
gR^ihANa dharmarAja.n vA jahi vA tva.n dhana~njayam . 
bhImasena.n cha rAdheya mAdrIputrau yamAvapi .. 20..\\
jayashcha te.astu bhadra.n cha prayAhi puruSharShabha . 
pANDuputrasya sainyAni kuru sarvANi bhasmasAt .. 21..\\
tatastUryasahasrANi bherINAmayutAni cha . 
vAdyamAnAnyarochanta meghashabdA yathA divi .. 22..\\
pratigR^ihya tu tadvAkya.n rathastho rathasattamaH . 
abhyabhAShata rAdheyaH shalya.n yuddhavishAdaram .. 23..\\
chodayAshvAnmahAbAho yAvaddhanmi dhana~njayam . 
bhImasena.n yamau chobhau rAjAna.n cha yudhiShThiram .. 24..\\
adya pashyatu me shalya bAhuvIrya.n dhana~njayaH . 
asyataH ka~NkapatrANA.n sahasrANi shatAni cha .. 25..\\
adya kShepsyAmyaha.n shalya sharAnparamatejanAn . 
pANDavAnA.n vinAshAya duryodhana jayAya cha .. 26..\\

 zalya

sUtaputra kathaM nu tvaM pANDavAnavamanyase . 
sarvAstraGYAnmaheShvAsAnsarvAneva mahArathAn .. 27..\\
anivartino mahAbhAgAnajeyAnsatyavikramAn . 
api sa~njanayeyurye bhaya.n sAkShAchchhatakratoH .. 28..\\
yadA shroShyasi nirghoSha.n visphUrjitamivAshaneH . 
rAdheya gANDivasyAjau tadA naiva.n vadiShyasi .. 29..\\

 s

anAdR^itya tu tadvAkyaM madrarAjena bhAShitam . 
drakShyasyadyetyavochadvai shakya.n karNo nareshvara .. 30..\\
dR^iShTvA karNaM maheShvAsa.n yuyutsuM samavasthitam . 
chukrushuH kuravaH sarve hR^iShTarUpAH parantapa .. 31..\\
tato dundubhighoSheNa bherINAM ninadena cha . 
bANashabdaishcha vividhairgarjitaishcha tarasvinAm . 
niryayustAvakA yuddhe mR^ityu.n kR^itvA nivartanam .. 32..\\
prayAte tu tataH karNe yodheShu muditeShu cha . 
chachAla pR^ithivI rAjanrarAsa cha suvisvaram .. 33..\\
nishcharanto vyadR^ishyanta sUryAtsapta mahAgrahAH . 
ulkA pAtashcha sa~njaGYe dishA.n dAhastathaiva cha . 
tathAshanyashcha sampeturvavurvAtAshcha dAruNAH .. 34..\\
mR^igapakShigaNAshchaiva bahushaH pR^itanA.n tava . 
apasavya.n tadA chakrurvedayanto mahadbhayam .. 35..\\
prasthitasya cha karNasya nipetusturagA bhuvi . 
asthi varSha.n cha patitamantarikShAdbhayAnakam .. 36..\\
jajvalushchaiva shastrANi dhvajAsh chaiva chakampire . 
ashrUNi cha vyamu~nchanta vAhanAni vishAM pate .. 37..\\
ete chAnye cha bahava utpAtAstatra mAriSha . 
samutpeturvinAshAya kauravANA.n sudAruNAH .. 38..\\
na cha tAngaNayAmAsuH sarve te daivamohitAH . 
prasthita.n sUtaputra.n cha jayetyUchurnarA bhuvi . 
nirjitAnpANDavAMshchaiva menire tava kauravAH .. 39..\\
tato rathasthaH paravIra hantA 
bhIShmadroNAvAttavIryau nirIkShya . 
samajvaladbhArata pAvakAbho 
vaikartano.asau rathaku~njaro vR^iShaH .. 40..\\
sa shalyamAbhAShya jagAda vAkyaM 
pArthasya karmApratima.n cha dR^iShTvA . 
mAnena darpeNa cha dahyamAnaH 
krodhena dIpyanniva niHshvasitvA .. 41..\\
nAhaM mahendrAdapi vajravANeH 
kruddhAdbibhemyAttadhanU rathasthaH . 
dR^iShTvA tu bhIShma pramukhA~nshayAnAn 
na tveva mA.n sthiratA sa~njahAti .. 42..\\
mahendra viShNupratimAvaninditau 
rathAshvanAgapravara pramAthinau . 
avadhyakalpau nihatau yadA parais 
tato mamAdyApi raNe.asti sAdhvasam .. 43..\\
samIkShya sa~Nkhye.atibAlAnnarAdhipair 
narAshvamAta~NgarathA~nsharairhatAn . 
kathaM na sarvAnahitAnraNe.avadhIn 
mahAstravidbrAhmaNapu~Ngavo guruH .. 44..\\
sa sa.nsmarandroNa havaM mahAhave 
bravImi satya.n kuravo nibodhata . 
na vo madanyaH prasahedraNe.arjunaM 
kramAgataM mR^ityumivograrUpiNam .. 45..\\
shikShA prasAdashcha bala.n dhR^itish cha 
droNe mahAstrANi cha saMnatish cha . 
sa chedagAnmR^ityuvashaM mahAtmA 
sarvAnanyAnAturAnadya manye .. 46..\\
neha dhruva.n kiM chidapi prachintyaM 
vidurloke karmaNo.anitya yogAt . 
sUryodaye ko hi vimuktasaMshayo 
garva.n kurvItAdya gurau nipAtite .. 47..\\
na nUnamastrANi balaM parAkramaH 
kriyA sunItaM paramAyudhAni vA . 
alaM manuShyasya sukhAya vartituM 
tathA hi yuddhe nihataH parairguruH .. 48..\\
hutAshanAditya samAnatejasaM 
parAkrame viShNupurandaropamam . 
naye bR^ihaspatyushanaH sama.n sadA 
na chainamastra.n tadapAtsuduHsaham .. 49..\\
samprakruShTe ruditastrI kumAre 
parAbhUte pauruShe dhArtarAShTre . 
mayA kR^ityamiti jAnAmi shalya 
prayAhi tasmAddviShatAmanIkam .. 50..\\
yatra rAjA pANDavAH satyasandho 
vyavasthito bhImasenArjunau cha . 
vAsudevaH sR^i~njayAH sAtyakish cha 
yamau cha kastau viShahenmadanyaH .. 51..\\
tasmAtkShipraM madrapate prayAhi 
raNe pA~nchAlAnpANDavAnsR^i~njayAMsh cha . 
tAnvA haniShyAmi sametya sa~Nkhye 
yAsyAmi vA droNa mukhAya manye .. 52..\\
na tvevAhaM na gamiShyAmi madhyaM 
teShA.n shUrANAmiti mA shalyaviddhi . 
mitradroho marShaNIyo na me.ayaM 
tyaktvA prANAnanuyAsyAmi droNam .. 53..\\
prAGYasya mUDhasya cha jIvitAnte 
prANapramokSho.antakavaktragasya . 
ato vidvannabhiyAsyAmi pArthaM 
diShTaM na shakya.n vyativartituM vai .. 54..\\
kalyANa vR^ittaH satata.n hi rAjan 
vaichitravIryasya suto mamAsIt . 
tasyArthasiddhyarthamaha.n tyajAmi 
priyAnbhogAndustyaja.n jIvitaM cha .. 55..\\
vaiyAghracharmANamakUjanAkShaM 
haimatrikosha.n rajatatriveNum . 
rathaprabarha.n turagaprabarhair 
yuktaM prAdAnmahyamida.n hi rAmaH .. 56..\\
dhanUMShi chitrANi nirIkShya shalya 
dhvaja.n gadA.n sAyakAMshchograrUpAn . 
asi.n cha dIptaM paramAyudhaM cha 
sha~Nkha.n cha shubhra.n svanavantamugram .. 57..\\
patAkina.n vajranipAta nisvanaM 
sitAshvayukta.n shubhatUNa shobhitam . 
ima.n samAsthAya rathaM ratharShabhaM 
raNe haniShyAmyahamarjunaM balAt .. 58..\\
ta.n chenmR^ityuH sarvaharo.abhirakShate 
sadA pramattaH samare pANDuputram . 
ta.n vA haniShyAmi sametya yuddhe 
yAsyAmi vA bhIShma mukho yamAya .. 59..\\
yama varuNa kubera vAsavA vA 
yadi yugapatsagaNA mahAhave . 
jugupiShava ihaitya pANDavaM 
kimu bahunA saha tairjayAmi tam .. 60..\\
iti raNarabhasasya katthatas 
tadupanishamya vachaH sa madrarAT . 
avahasadavamanya vIryavAn 
pratiShiShidhe cha jAgAda chottaram .. 61..\\
virama virama karNa katthanAd 
atirabhaso.asyati chApyayuktavAk . 
kva cha hi naravaro dhana~njayaH 
kva punariha tvamupAramAbudha .. 62..\\
yadusadanamupendra pAlitaM 
tridivamivAmara rAjarakShitam . 
prasabhamiha vilokya ko haret 
puruShavarAvarajAmR^ite.arjunAt .. 63..\\
tribhuvana sR^ijamIshvareshvaraM 
ka iha pumAnbhavamAhvayedyudhi . 
mR^igavadha kalahe R^ite.arjunAt 
surapativIryasamaprabhAvataH .. 64..\\
asurasuramahoragAnnarAn 
garuDa pishAcha sayakSharAkShasAn . 
iShubhirajayadagnigauravAt 
svabhilaShita.n cha havirdadau jayaH .. 65..\\
smarasi nanu yadA parairhR^itaH 
sa cha dhR^itarAShTra suto vimokShitaH . 
dinakaraja narottamairyadA 
maruShu bahUnvinihatya tAnarIn .. 66..\\
prathamamapi palAyite tvayi 
priya kalahA dhR^itarAShTra sUnavaH . 
smarasi nanu yadA pramochitAH 
khachara gaNAnavajitya pANDavaiH .. 67..\\
samudita balavAhanAH punaH 
puruShavareNa jitAH stha gograhe . 
saguru guru sutAH sabhIShmakAH 
kimu na jitaH sa tadA tvayArjunaH .. 68..\\
idamaparamupasthitaM punas 
tava nidhanAya suyuddhamadya vai . 
yadi na ripubhayAtpalAyase 
samaragato.adya hato.asi sUtaja .. 69..\\

 s

iti bahu paruShaM prabhAShati 
pramanasi madrapatau ripustavam . 
bhR^ishamatiruShitaH para.n vR^iShaH 
kuru pR^itanA patirAha madrapam .. 70..\\
bhavatu bhavatu ki.n vikatthase 
nanu mama tasya cha yuddhamudyatam . 
yadi sa jayati mAM mahAhave 
tata idamastu sukatthita.n tava .. 71..\\
evamastviti madresha uktvA nottaramuktavAn . 
yAhi madresha chApyena.n karNaH prAha yuyutsayA .. 72..\\
sa rathaH prayayau shatrU~nshvetAshvaH shalya sArathiH . 
nighnannamitrAnsamare tamo ghnansavitA yathA .. 73..\\
tataH prAyAtprItimAnvai rathena 
vaiyAghreNa shvetayujAtha karNaH . 
sa chAlokya dhvajinIM pANDavAnAM 
dhana~njaya.n tvarayA paryapR^ichchhat .. 74..\\
\medskip\hrule\medskip\centerline{\Largedvng 27}
 s

prayAneva tadA karNo harShayanvAhinI.n tava . 
ekaika.n samare dR^iShTvA pANDavaM paryapR^ichchhata .. 1..\\
yo mamAdya mahAtmAna.n darshayechchhveta vAhanam . 
tasmai dadyAmabhipreta.n varaM yaM manasechchhati .. 2..\\
sa chettadabhimanyeta tasmai dadyAmahaM punaH . 
shaktaTa.n ratnasampUrNaM yo me brUyAddhana~njayam .. 3..\\
sa chettadabhimanyeta puruSho.arjuna darshivAn . 
anya.n tasmai punardadyA.n sauvarNaM hastiShaDgavam .. 4..\\
tathA tasmai punardadyA.n strINAM shatamala~NkR^itam . 
shyAmAnAM niShkakaNThInA.n gItavAdya vipashchitAm .. 5..\\
sa chettadabhimanyeta puruSho.arjuna darshivAn . 
anya.n tasmai varaM dadyA.n shvetAnpa~ncha shatAnhayAn .. 6..\\
hemabhANDa parichchhannAnsumR^iShTamaNikuNDalAn . 
sudAntAnapi chaivAha.n dadyAmaShTa shatAnparAn .. 7..\\
ratha.n cha shubhra.n sauvarNaM dadyAM tasmai svala~NkR^itam . 
yuktaM paramakAmbojairyo me brUyAddhana~njayam .. 8..\\
anya.n tasmai varaM dadyAM ku~njarANA.n shatAni ShaT . 
kA~nchanairvividhairbhANDairAchchhannAnhemamAlinaH . 
utpannAnaparAnteShu vinItAnhastishikShakaiH .. 9..\\
sa chettadabhimanyeta puruSho.arjuna darshivAn . 
anya.n tasmai varaM dadyA.n yamasau kAmayetsvayam .. 10..\\
putradArAnvihArAMsh cha yadanyadvittamasti me . 
tachcha tasmai punardadyA.n yadyatsa manasechchhati .. 11..\\
hatvA cha sahitau kR^iShNau tayorvittAni sarvashaH . 
tasmai dadyAmaha.n yo me prabrUyAtkeshavArjunau .. 12..\\
etA vAchaH subahushaH karNa uchchArayanyudhi . 
dadhmau sAgarasambhUta.n susvanaM sha~Nkhamuttamam .. 13..\\
tA vAchaH sUtaputrasya tathAyuktA nishamya tu . 
duryodhano mahArAja prahR^iShTaH sAnugo.abhavat .. 14..\\
tato dundubhinirghoSho mR^ida~NgAnA.n cha sarvashaH . 
si.nhanAdaH savAditraH ku~njarANAmanisvanaH .. 15..\\
prAdurAsIttadA rAja.nstvatsainye bharatarShabha . 
yodhAnA.n samprahR^iShTAnA.n tathA samabhavatsvanaH .. 16..\\
tathA prahR^iShTe sainye tu pravamAnaM mahAratham . 
vikatthamAna.n samare rAdheyamarikarshanam . 
madrarAjaH prahasyeva.n vachanaM prathyabhAShata .. 17..\\
mA sUtaputra mAnena sauvarNa.n hastiShaDgavam . 
prayachchha puruShAyAdya drakShyasi tva.n dhana~njayam .. 18..\\
bAlyAdiva tva.n tyajasi vasu vaishravaNo yathA . 
ayatnenaiva rAdheya draShTAsyadya dhana~njayam .. 19..\\
parAsR^ijasi mithyA ki.n kiM cha tvaM bahu mUDhavat . 
apAtra dAne ye doShAstAnmohAnnAvabudhyase .. 20..\\
yatpravedayase vittaM bahutvena khalu tvayA . 
shakyaM bahuvidhairyaGYairyaShTu.n sUta yajasva taiH .. 21..\\
yachcha prArthayase hantu.n kR^iShNau mohAnmR^iShaiva tat . 
na hi shushruma saMmarde kroShTrA si.nhau nipAtitau .. 22..\\
aprArthitaM prArthayase suhR^ido na hi santi te . 
ye tvAM na vArayantyAshu prapatanta.n hutAshane .. 23..\\
kAlakAryaM na jAnIShe kAlapakvo.asyasaMshayam . 
bahvabaddhamakarNIya.n ko hi brUyAjjijIviShuH .. 24..\\
samudrataraNa.n dorbhyAM kaNThe baddhvA yathA shilAm . 
giryagrAdvA nipatana.n tAdR^iktava chikIrShitam .. 25..\\
sahitaH sarvayodhaistva.n vyUDhAnIkaiH surakShitaH . 
dhana~njayena yudhyasva shreyashchetprAptumichchhasi .. 26..\\
hitArtha.n dhArtarAShTrasya bravImi tvA na hi.nsayA . 
shraddhatsvaitanmayA prokta.n yadi te.asti jijIviShA .. 27..\\

 karna

svavIrye.ahaM parAshvasya prArthayAmyarjuna.n raNe . 
tva.n tu mitra mukhaH shatrurmAM bhIShayitumichchhasi .. 28..\\
na mAmasmAdabhiprAyAtkash chidadya nivartayet . 
apIndro vajramudyamya kiM nu martyaH kariShyati .. 29..\\

 s

iti karNasya vAkyAnte shalyaH prAhottara.n vachaH . 
chukopayiShuratyartha.n karNaM madreshvaraH punaH .. 30..\\
yadA vai tvAM phalguna veganunnA 
jyA choditA hastavatA visR^iShTAH . 
anvetAraH ka~NkapatrAH shitAgrAs 
tadA tapsyasyarjunasyAbhiyogAt .. 31..\\
yadA divya.n dhanurAdAya pArthaH 
prabhAsayanpR^itanA.n savyasAchI . 
tvAmardayeta nishitaiH pR^iShatkais 
tadA pashchAttapsyase sUtaputra .. 32..\\
bAlashchandraM mAtura~Nke shayAno 
yathA kashchitprArthayate.apahartum . 
tadvanmohAdyatamAno rathasthas 
tvaM prArthayasyarjunamadya jetum .. 33..\\
trishUlamAshliShya sutIkShNadhAraM 
sarvANi gAtrANi nigharShasi tvam . 
sutIkShNadhAropama karmaNA tvaM 
yuyutsase yo.arjunenAdya karNa .. 34..\\
siddha.n si.nha.n kesariNaM bR^ihantaM 
bAlo mUDhaH kShudramR^igastarasvI . 
samAhvayettadvadetattavAdya 
samAhvAna.n sUtaputrArjunasya .. 35..\\
mA sUtaputrAhvaya rAjaputraM 
mahAvIrya.n kesariNa.n yathaiva . 
vane sR^igAlaH pishitasya tR^ipto 
mA mArthamAsAdya vina~NkShyasi tvam .. 36..\\
IShAdantaM mahAnAgaM prabhinnakaraTA mukham . 
shashaka Ahvayase yuddhe karNa pArtha.n dhana~njayam .. 37..\\
bilastha.n kR^iShNasarpaM tvaM bAlyAtkAShThena vidhyasi . 
mahAviShaM pUrNakosha.n yatpArthaM yoddhumichchhasi .. 38..\\
si.nha.n kesariNaM kruddhamatikramyAbhinardasi . 
sR^igAla iva mUDhatvAnnR^isi.nha.n karNa pANDavam .. 39..\\
suparNaM patagashreShTha.n vainateya.n tarasvinam . 
laTvevAhvayase pAte karNa pArtha.n dhana~njayam .. 40..\\
sarvAmbho nilayaM bhImamUrmimanta.n jhaShAyutam . 
chandrodaye vivartantamaplavaH santitIrShasi .. 41..\\
R^iShabha.n dundubhigrIvaM tIkShNashR^i~NgaM prahAriNam . 
vatsa Ahvayase yuddhe karNa pArtha.n dhana~njayam .. 42..\\
mahAghoShaM mahAmegha.n darduraH pratinardasi . 
kAmatoya prada.n loke naraparjanyamarjunam .. 43..\\
yathA cha svagR^ihasthaH shvA vyAghra.n vanagataM bhaShet . 
tathA tvaM bhaShase karNa naravyAghra.n dhana~njayam .. 44..\\
sR^igAlo.api vane karNa shashaiH parivR^ito vasan . 
manyate si.nhamAtmAna.n yAvatsi.nhaM na pashyati .. 45..\\
tathA tvamapi rAdheya si.nhamAtmAnamichchhasi . 
apashya~nshatrudamanaM naravyAghra.n dhana~njayam .. 46..\\
vyAghra.n tvaM manyase.a.atmAna.n yAvatkR^iShNau na pashyasi . 
samAsthitAvekarathe sUryachandramasAviva .. 47..\\
yAvadgANDIvanirghoShaM na shR^iNoShi mahAhave . 
tAvadeva tvayA karNa shakya.n vaktuM yathechchhasi .. 48..\\
rathashabdadhanuH shabdairnAdayanta.n disho dasha . 
nardantamiva shArdUla.n dR^iShTvA kroShTA bhaviShyasi .. 49..\\
nityameva sR^igAjastvaM nitya.n si.nho dhana~njayaH . 
vIra pradveShaNAnmUDha nitya.n kroShTeva lakShyase .. 50..\\
yathAkhuH syAdbiDAlashcha shvA vyAghrashcha balAbale . 
yathA sR^igAlaH si.nhashcha yathA cha shashaku~njarau .. 51..\\
yathAnR^ita.n cha satyaM cha yathA chApi vR^iShAmR^ite . 
tathA tvamapi pArthashcha prakhyAtAvAtmakarmabhiH .. 52..\\

 s

adhikShiptastu rAdheyaH shalyenAmita tejasA . 
shalyamAha susa~Nkruddho vAkshalyamavadhArayan .. 53..\\
guNAnguNavataH shalya guNavAnvetti nAguNaH . 
tva.n tu nityaM guNairhInaH ki.n GYAsyasyaguNo guNAn .. 54..\\
arjunasya mahAstrANi krodha.n vIrya.n dhanuH sharAn . 
aha.n shalyAbhijAnAmi na tva.n jAnAsi tattathA .. 55..\\
evamevAtmano vIryamaha.n vIrya.n cha pANDave . 
jAnannevAhvaye yuddhe shalya nAgniM pata~Ngavat .. 56..\\
asti chAyamiShuH shalya supu~Nkho rathabhojanaH . 
ekatUNI shayaH patrI sudhautaH samala~NkR^itaH .. 57..\\
shete chandanapUrNena pUjito bahulAH samAH . 
Aheyo viShavAnugro narAshvadvipasa~NghahA .. 58..\\
ekavIro mahAraudrastanutrAsthi vidAraNaH . 
nirbhindyA.n yena ruShTo.ahamapi meruM mahAgirim .. 59..\\
tamaha.n jAtu nAsyeyamanyasminphalgunAdR^ite . 
kR^iShNAdvA devakIputrAtsatya.n chAtra shR^iNuShva me .. 60..\\
tenAhamiShuNA shalya vAsudevadhana~njayau . 
yotsye paramasa~Nkruddhastatkarma sadR^ishaM mama .. 61..\\
sarveShA.n vAsudevAnA.n kR^iShNe lakShmIH pratiShThitA . 
sarveShAM pANDuputrANA.n jayaH pArthe pratiShThitaH . 
ubhaya.n tatsamAsAdya ko.ativartitumarhati .. 62..\\
tAvetau puruShavyAghrau sametau syandane sthitau . 
mAmekamabhisa.nyAtau sujAta.n shalya pashya me .. 63..\\
pitR^iShvasA mAtulajau bhrAtarAvaparAjitau . 
maNI sUtra iva proktau draShTAsi nihatau mayA .. 64..\\
arjune gANDiva.n kR^iShNe chakraM tArkShya kapidhvajau . 
bhIrUNA.n trAsajananau shalya harShakarau mama .. 65..\\
tva.n tu duShprakR^itirmUDho mahAyuddheShvakovidaH . 
bhayAvatIrNaH santrAsAdabaddhaM bahu bhAShase .. 66..\\
sa.nstauShi tva.n tu kenApi hetunA tau kudeshaja . 
tau hatvA samare hantA tvAmaddhA sahabAndhavam .. 67..\\
pApadeshaja durbuddhe kShudrakShatriyapA.nsana . 
suhR^idbhUtvA ripuH kiM mA.n kR^iShNAbhyAM bhIShayannasi .. 68..\\
tau vA mamAdya hantArau hantAsmi samare sthitau . 
nAhaM bibhemi kR^iShNAbhyA.n vijAnannAtmano balam .. 69..\\
vAsudeva sahasra.n vA phalgunAnAM shatAni cha . 
ahameko haniShyAmi joShamAssva kudeshaja .. 70..\\
striyo bAlAshcha vR^iddhAshcha prAyaH krIDA gatA janAH . 
yA gAthAH sampragAyanti kurvanto.adhyayana.n yathA . 
tA gAthAH shR^iNu me shalya madrakeShu durAtmasu .. 71..\\
brAhmaNaiH kathitAH pUrva.n yathAvadrAjasaMnidhau . 
shrutvA chaikamanA mUDha kShama vA brUhi vottamam .. 72..\\
mitradhrunmadrako nitya.n yo no dveShTi sa madrakaH . 
madrake sa~NgataM nAsti kShudravAkye narAdhame .. 73..\\
durAtmA madrako nityaM nitya.n chAnR^itiko.anR^ijuH . 
yAvadanta.n hi daurAtmyaM madrakeShviti naH shrutam .. 74..\\
pitA mAtA cha putrashcha shvashrU shvashura mAtulAH . 
jAmAtA duhitA bhrAtA naptA te te cha bAndhavAH .. 75..\\
vayasyAbhyAgatAshchAnye dAsIdAsa.n cha sa~Ngatam . 
pumbhirvimishrA nAryashcha GYAtAGYAtAH svayechchhayA .. 76..\\
yeShA.n gR^iheShu shiShTAnA.n saktu manthAshinAM sadA . 
pItvA sIdhu.n sago mA.nsaM nardanti cha hasanti cha .. 77..\\
yAni chaivApyabaddhAni pravartante cha kAmataH . 
kAmapralApino.anyonya.n teShu dharmaH kathaM bhavet .. 78..\\
madrakeShu vilupteShu prakhyAtAshubha karmasu . 
nApi vairaM na sauhArdaM madrakeShu samAcharet .. 79..\\
madrake sa~NgataM nAsti madrako hi sachApalaH . 
madrakeShu cha duHsparsha.n shaucha.n gAndhArakeShu cha .. 80..\\
rAjayAjaka yAjyena naShTa.n datta.n havirbhavet .. 81..\\
shUdra sa.nskArako vipro yathA yAti parAbhavam . 
tathA brahma dviSho nitya.n gachchhantIha parAbhavam .. 82..\\
madrake sa~NgataM nAsti hata.n vR^ishchikato viSham . 
AtharvaNena mantreNa sarvA shAntiH kR^itA bhavet .. 83..\\
iti vR^ishchika daShTasya nAnA viShahatasya cha . 
kurvanti bheShajaM prAGYAH satya.n tachchApi dR^ishyate . 
eva.n vidva~njoShamAssva shR^iNu chAtrottaraM vachaH .. 84..\\
vAsA.nsyutsR^ijya nR^ityanti striyo yA madya mohitAH . 
mithune.asa.nyatAshchApi yathA kAmacharAshcha tAH . 
tAsAM putraH katha.n dharmaM madrako vaktumarhati .. 85..\\
yAstiShThantyaH pramehanti yathaivoShTrI dasherake . 
tAsA.n vibhraShTalajjAnAM nirlajjAnA.n tatastataH . 
tvaM putrastAdR^ishInA.n hi dharmaM vaktumihechchhasi .. 86..\\
suvIraka.n yAchyamAnA madrakA kaShati sphijau . 
adAtu kAmA vachanamida.n vadati dAruNam .. 87..\\
mA mA suvIraka.n kashchidyAchatAM dayito mama . 
putra.n dadyAM pratipadaM na tu dadyA.n suvIrakam .. 88..\\
nAryo bR^ihatyo nirhrIkA madrakAH kambalAvR^itAH . 
ghasmarA naShTashauchAshcha prAya ityanushushruma .. 89..\\
evamAdi mayAnyairvA shakya.n vaktuM bhavedbahu . 
A keshAgrAnnakhAgrAchcha vaktavyeShu kuvartmasu .. 90..\\
madrakAH sindhusauvIrA dharma.n vidyuH katha.n tviha . 
pApadeshodbhavA mlechchhA dharmANamavichakShaNAH .. 91..\\
eSha mukhyatamo dharmaH kShatriyasyeti naH shrutam . 
yadAjau nihataH shete sadbhiH samabhipUjitaH .. 92..\\
AyudhAnA.n samparAye yanmuchyeyamaha.n tataH . 
na me sa prathamaH kalpo nidhane svargamichchhataH .. 93..\\
so.ahaM priyaH sakhA chAsmi dhArtarAShTrasya dhImataH . 
tadarthe hi mama prANA yachcha me vidyate vasu .. 94..\\
vyakta.n tvamapyupahitaH pANDavaiH pApadeshaja . 
yathA hyamitravatsarva.n tvamasmAsu pravartase .. 95..\\
kAmaM na khalu shakyo.aha.n tvadvidhAnA.n shatairapi . 
sa~NgrAmAdvimukhaH kartu.n dharmaGYa iva nAstikaiH .. 96..\\
sAra~Nga iva gharmArtaH kAma.n vilapa shuShya cha . 
nAhaM bhIShayitu.n shakyaH kShatravR^itte vyavasthitaH .. 97..\\
tanu tyajAM nR^isi.nhAnAmAhaveShvanivartinAm . 
yA gatirguruNA prA~Nme proktA rAmeNa tA.n smara .. 98..\\
sveShA.n trANArthamudyukta.n vadhAya dviShatAm api . 
viddhi mAmAsthita.n vR^ittaM paurUrava samuttamam .. 99..\\
na tadbhUtaM prapashyAmi triShu lokeShu madraka . 
yo mAmasmAdabhiprAyAdvArayediti me matiH .. 100..\\
eva.n vidva~njoShamAssva trAsAtkiM bahu bhAShase . 
mA tvA hatvA pradAsyAmi kravyAdbhyo madrakAdhama .. 101..\\
mitra pratIkShayA shalya dhArtarAShTrasya chobhayoH . 
apavAdatitikShAbhistribhiretairhi jIvasi .. 102..\\
punashchedIddR^isha.n vAkyaM madrarAjavadiShyasi . 
shiraste pAtayiShyAmi gadayA vajrakalpayA .. 103..\\
shrotArastvidamadyeha draShTAro vA kudeshaja . 
karNa.n vA jaghnatuH kR^iShNau karNo vApi jaghAna tau .. 104..\\
evamuktvA tu rAdheyaH punareva vishAM pate . 
abravInmadrarAjAna.n yAhi yAhItyasambhramam .. 105..\\
\medskip\hrule\medskip\centerline{\Largedvng 28}
 s

mAriShAdhiratheH shrutvA vacho yuddhAbhinandinaH . 
shalyo.abravItpunaH karNaM nidarshanamudAharan .. 1..\\
yathaiva matto madyena tva.n tathA na cha vA tathA . 
tathAha.n tvAM pramAdyantaM chikitsAmi suhR^ittayA .. 2..\\
imA.n kAkopamAM karNa prochyamAnAM nibodha me . 
shrutvA yatheShTa.n kuryAstva.n vihInakulapA.nsana .. 3..\\
nAhamAtmani ki.n chidvai kilbiShaM karNa sa.nsmare . 
yena tvaM mAM mahAbAho hantumichchhasyanAgasam .. 4..\\
avashya.n tu mayA vAchyaM budhyatA.n yadi te hitam . 
visheShato rathasthena rAGYashchaiva hitaiShiNA .. 5..\\
sama.n cha viShamaM chaiva rathinashcha balAbalam . 
shramaH khedashcha satata.n hayAnAM rathinA saha .. 6..\\
Ayudhasya pariGYAna.n ruta.n cha mR^igapakShiNAm . 
bhArashchApyatibhArashcha shalyAnA.n cha pratikriyA .. 7..\\
astrayogashcha yuddha.n cha nimittAni tathaiva cha . 
sarvametanmayA GYeya.n rathasyAsya kuTumbinA . 
atastvA.n kathaye karNa nidarshanamidaM punaH .. 8..\\
vaishyaH kila samudrAnte prabhUtadhanadhAnyavAn . 
yajvA dAnapatiH kShAntaH svakarmastho.abhavachchhuchiH .. 9..\\
bahuputraH priyApatyaH sarvabhUtAnukampakaH . 
rAGYo dharmapradhAnasya rAShTre vasati nirbhayaH .. 10..\\
putrANA.n tasya bAlAnAM kumArANA.n yashasvinAm . 
kAko bahUnAmabhavaduchchiShTa kR^itabhojanaH .. 11..\\
tasmai sadA prayachchhanti vaishya putrAH kumArakAH . 
mA.nsaudana.n dadhi kShIraM pAyasaM madhusarpiShI .. 12..\\
sa chochchhiShTa bhR^itaH kAko vaishya putraiH kumArakaiH . 
sadR^ishAnpakShiNo dR^iptaH shreyasashchAvamanyate .. 13..\\
atha ha.nsAH samudrAnte kadA chidabhipAtitaH . 
garuDasya gatau tulyAshchakrA~NgA hR^iShTachetasaH .. 14..\\
kumArakAstato ha.nsAndR^iShTvA kAkamathAbruvan . 
bhavAneva vishiShTo hi patatribhyo viha~Ngama .. 15..\\
pratAryamANastu sa tairalpabuddhibhiraNDajaH . 
tadvachaH satyamityeva maurkhyAddarpAchcha manyate .. 16..\\
tAnso.abhipatya jiGYAsuH ka eShA.n shreShTha bhAgiti . 
uchchhiShTa darpitaH kAko bahUnA.n dUrapAtinAm .. 17..\\
teShA.n yaM pravaraM mene ha.nsAnA.n dUrapAtinAm . 
tamAhvayata durbuddhiH patAma iti pakShiNam .. 18..\\
tachchhrutvA prAhasanha.nsA ye tatrAsansamAgatAH . 
bhAShato bahu kAkasya balinaH patatA.n varAH . 
idamUchushcha chakrA~NgA vachaH kAka.n viha~NgamAH .. 19..\\
vaya.n ha.nsAshcharAmemAM pR^ithivIM mAnasaukasaH . 
pakShiNA.n cha vayaM nityaM dUrapAtena pUjitAH .. 20..\\
kathaM nu ha.nsaM balina.n vajrA~Nga.n dUrapAtinam . 
kAko bhUtvA nipatane samAhvAyasi durmate . 
katha.n tvaM patanaM kAka sahAsmAbhirbravIShi tat .. 21..\\
atha ha.nsavacho mUDhaH kutsayitvA punaH punaH . 
prajagAdottara.n kAkaH katthano jAtilAghavAt .. 22..\\
shatameka.n cha pAtAnAM patitAsmi na saMshayaH . 
shatayojanamekaika.n vichitraM vividha.n tathA .. 23..\\
uDDInamavaDIna.n cha praDInaM DInameva cha . 
niDInamatha saNDIna.n tiryakchAtigatAni cha .. 24..\\
viDInaM pariDIna.n cha parADIna.n suDInakam . 
atiDInaM mahADInaM niDInaM pariDInakam .. 25..\\
gatAgata pratigatA bahvIshcha nikuDInikAH . 
kartAsmi miShatA.n vo.adya tato drakShyatha me balam .. 26..\\
evamukte tu kAkena prahasyaiko viha~NgamaH . 
uvAcha ha.nsasta.n kAka.n vachanaM tannibodha me .. 27..\\
shatameka.n cha pAtAnAM tvaM kAkapatitA dhruvam . 
ekameva tu ye pAta.n viduH sarve viha~NgamAH .. 28..\\
tamahaM patitA kAkanAnya.n jAnAmi kaM chana . 
pata tvamapi raktAkSha yena vA tena manyase .. 29..\\
atha kAkAH prajahasurye tatrAsansamAgatAH . 
kathamekena pAtena ha.nsaH pAtashata.n jayet .. 30..\\
ekenaiva shatasyaikaM pAtenAbhibhaviShyati . 
ha.nsasya patita.n kAko balavAnAshu vikramaH .. 31..\\
prapetatuH spardhayAtha tatastau ha.nsavAyasau . 
ekapAtI cha chakrA~NgaH kAkaH pAtashatena cha .. 32..\\
petivAnatha chakrA~NkaH petivAna tha vAyasaH . 
visismApayiShuH pAtairAchakShANo.a.atmanaH kriyAm .. 33..\\
atha kAkasya chitrANi patitAnItarANi cha . 
dR^iShTvA pramuditAH kAkA vineduratha taiH svaraiH .. 34..\\
ha.nsAMshchAvahasanti sma prAvadannapriyANi cha . 
utpatyotpatya cha prAhurmuhUrtamiti cheti cha .. 35..\\
vR^ikShAgrebhyaH sthalebhyash cha nipatantyutpatanti cha . 
kurvANA vividhAnrAvAnAsha.nsantastadA jayam .. 36..\\
ha.nsastu mR^idukenaiva vikrAntumupachakrame . 
pratyahIyata kAkAchcha muhUrtamiva mAriSha .. 37..\\
avamanya raya.n ha.nsAnidaM vachanamabravIt . 
yo.asAvutpatito ha.nsaH so.asAveva prahIyate .. 38..\\
atha ha.nsaH sa tachchhrutvA prApatatpashchimA.n disham . 
uparyupari vegena sAgara.n varuNAlayam .. 39..\\
tato bhIH prAvishatkAka.n tadA tatra vichetasam . 
dvIpadrumAnapashyantaM nipatanta.n shramAnvitam . 
nipateya.n kva nu shrAnta iti tasmi~njalArNave .. 40..\\
aviShahyaH samudro hi bahu sattvagaNAlayaH . 
mahAbhUtashatodbhAsI nabhaso.api vishiShyate .. 41..\\
gAmbhIryAddhi samudrasya na visheShaH kulAdhama . 
digambarAmbhasA.n karNa samudrasthA hi durjayAH . 
vidUra pAtAttoyasya kiM punaH karNa vAyasaH .. 42..\\
atha ha.nso.abhyatikramya muhUrtamiti cheti cha . 
avekShamANasta.n kAkaM nAshaknodvyapasarpitum . 
atikramya cha chakrA~NgaH kAka.n ta.n samudaikShata .. 43..\\
ta.n tathA hIyamAnaM cha ha.nso dR^iShTvAbravIdidam . 
ujjihIrShurnimajjanta.n smaransatpuruShavratam .. 44..\\
bahUni patanAni tvamAchakShANo muhurmuhuH . 
patasyavyAharaMshchedaM na no guhyaM prabhAShase .. 45..\\
kiMnAma patana.n kAkayattvaM patasi sAmpratam . 
jala.n spR^ishasi pakShAbhyA.n tuNDena cha punaH punaH .. 46..\\
sa pakShAbhyA.n spR^ishannArtastuNDena jalamarNave . 
kAko dR^iDhaM parishrAntaH sahasA nipapAta ha .. 47..\\

 hamsa

shatameka.n cha pAtAnA.n yatprabhAShasi vAyasa . 
nAnAvidhAnIha purA tachchAnR^itamihAdya te .. 48..\\

 kaaka

uchchhiShTa darpito ha.nsa manye.a.atmAna.n suparNavat . 
avamanya bahUMshchAha.n kAkAnanyAMshcha pakShiNaH . 
prANairha.nsaprapadye tva.n dvIpAtnaM prApayasva mAm .. 49..\\
yadyaha.n svastimAnha.nsasvadeshaM prApnuyAM punaH . 
na ka.n chidavamanyeyamApado mA.n samuddhara .. 50..\\
tameva.n vAdina.n dInaM vilapantamachetanam . 
kAkakAketi vAshantaM nimajjantaM mahArNave .. 51..\\
tathaitya vAyasa.n ha.nso jalaklinnaM sudurdasham . 
padbhyAmutkShipya vepantaM pR^iShThamAropayachchhanaiH .. 52..\\
Aropya pR^iShTha.n kAkaM ta.n ha.nsaH karNa vichetasam . 
AjagAma punardvIpa.n spardhayA petaturyataH .. 53..\\
sa.nsthApya ta.n chApi punaH samAshvAsya cha khecharam . 
gato yathepsita.n desha.n ha.nso mana ivAshugaH .. 54..\\
uchchhiShTa bhojanAtkAko yathA vaishya kule tu saH . 
eva.n tvamuchchhiShTa bhR^ito dhArtarAShTrairna saMshayaH . 
sadR^ishA~nshreyasashchApi sarvAnkarNAtimanyase .. 55..\\
droNa drauNikR^ipairgupto bhIShmeNAnyaishcha kauravaiH . 
virATanagare pArthameka.n kiM nAvadhIstadA .. 56..\\
yatra vyastAH samastAshcha nirjitAH stha kirITinA . 
sR^igAlA iva si.nhena kva te vIryamabhUttadA .. 57..\\
bhrAtara.n cha hataM dR^iShTvA nirjitaH savyasAchinA . 
pashyatA.n kuruvIrANAM prathamaM tvaM palAyathAH .. 58..\\
tathA dvaitavane karNa gandharvaiH samabhidrutaH . 
kurUnsamagrAnutsR^ijya prathama.n tvaM palAyathAH .. 59..\\
hatvA jitvA cha gandharvAMshchitrasenamukhAnraNe . 
karNaduryodhanaM pArthaH sabhArya.n samamochayat .. 60..\\
punaH prabhAvaH pArthasya purANaH keshavasya cha . 
kathitaH karNa rAmeNa sabhAyA.n rAjasa.nsadi .. 61..\\
satata.n cha tadashrauShIrvachanaM droNa bhIShmayoH . 
avadhyau vadatoH kR^iShNau saMnidhau vai mahIkShitAm .. 62..\\
kiyanta.n tatra vakShyAmi yena yena dhana~njayaH . 
tvatto.atiriktaH sarvebhyo bhUtebhyo brAhmaNo yathA .. 63..\\
idAnImeva draShTAsi pradhane syandane sthitau . 
putra.n cha vasudevasya pANDavaM cha dhana~njayam .. 64..\\
devAsuramanuShyeShu prakhyAtau yau nararShabhau . 
prakAshenAbhivikhyAtau tva.n tu khadyotavannR^iShu .. 65..\\
eva.n vidvAnmAvama.nsthAH sUtaputrAchyutArjunau . 
nR^isi.nhau tau narashvA tva.n joShamAssva vikatthana .. 66..\\
\medskip\hrule\medskip\centerline{\Largedvng 29}
 s

madrAdhipasyAdhirathistadaivaM 
vacho nishamyApriyamapratItaH . 
uvAcha shalya.n viditaM mamaitad 
yathAvidhAvarjuna vAsudevau .. 1..\\
shaure ratha.n vAhayato.arjunasya 
balaM mahAstrANi cha pANDavasya . 
aha.n vijAnAmi yathAvadadya 
parokShabhUta.n tava tattu shalyal .. 2..\\
tau chApradhR^iShyau shastrabhR^itA.n variShThau 
vyapetabhIryodhayiShyAmi kR^iShNau . 
santApayatyabhyadhika.n tu rAmAch 
chhApo.adya mAM brAhmaNasattamAchcha .. 3..\\
avAtsa.n vai brAhmaNachchhadmanAhaM 
rAme purA divyamastra.n chikIrShuH . 
tatrApi me devarAjena vighno 
hitArthinA phalgunasyaiva shalya .. 4..\\
kR^ito.avabhedena mamorumetya 
pravishya kITasya tanu.n virUpAm . 
gurorbhayAchchApi na chelivAnahaM 
tachchAvabuddho dadR^ishe sa vipraH .. 5..\\
pR^iShThashchAha.n tamavochaM maharShiM 
sUto.ahamasmIti sa mA.n shashApa . 
sUtopadhAvAptamida.n tvayAstraM 
na karmakAle pratibhAsyati tvAm .. 6..\\
anyatra yasmAttava mR^ityukAlAd 
abrAhmaNe brahma na hi dhruva.n syAt . 
tadadya paryAptamatIva shastram 
asminsa~NgrAme tumule tAta bhIme .. 7..\\
apAM patirvegavAnaprameyo 
nimajjayiShyannivahAnprajAnAm . 
mahAnaga.n yaH kurute samudraM 
velaiva ta.n vArayatyaprameyam .. 8..\\
pramu~nchantaM bANasa~NghAnamoghAn 
marmachchhido vIra haNaH sapatrAn . 
kuntIputraM pratiyotsyAmi yuddhe 
jyA karShiNAm uttamamadya loke .. 9..\\
evaM balenAtibalaM mahAstraM 
samudrakalpa.n sudurApamugram . 
sharaughiNaM pArthivAnmajjayantaM 
veleva pArthamiShubhiH sa.nsahiShye .. 10..\\
adyAhave yasya na tulyamanyaM 
manye manuShya.n dhanurAdadAnam . 
surAsurAnvai yudhi yo jayeta 
tenAdya me pashya yuddha.n sughoram .. 11..\\
atimAnI pANDavo yuddhakAmo 
amAnuShaireShyati me mahAstraiH . 
tasyAstramastrairabhihatya sa~Nkhye 
sharottamaiH pAtayiShyAmi pArtham .. 12..\\
divAkareNApi sama.n tapantaM 
samAptarashmi.n yashasA jvalantam . 
tamonudaM megha ivAtimAtro 
dhana~njaya.n chhAdayiShyAmi bANaiH .. 13..\\
vaishvAnara.n dhUmashikhaM jvalantaM 
tejasvina.n lokamima.n dahantam . 
megho bhUtvA sharavarShairyathAgniM 
tathA pArtha.n shamayiShyAmi yuddhe .. 14..\\
pramAthinaM balavantaM prahAriNaM 
prabha~njanaM mAtarishvAnamugram . 
yuddhe sahiShye himavAnivAchalo 
dhana~njaya.n kruddhamamR^iShyamANam .. 15..\\
vishArada.n rathamArgeShvasaktaM 
dhuryaM nitya.n samareShu pravIram . 
loke vara.n sarvadhanurdharANAM 
dhana~njaya.n sa.nyuge sa.nsahiShye .. 16..\\
adyAhave yasya na tulyamanyaM 
madhye manuShya.n dhanurAdadAnam . 
sarvAmimA.n yaH pR^ithivIM saheta 
tathA vidvAnyotsyamAno.asmi tena .. 17..\\
yaH sarvabhUtAni sadevakAni 
prasthe.ajayatkhANDave savyasAchI . 
ko jIvita.n rakShamANo hi tena 
yuyutsate mAmR^ite mAnuSho.anyaH .. 18..\\
aha.n tasya pauruShaM pANDavasya 
brUyA.n hR^iShTaH samitau kShatriyANAm . 
ki.n tvaM mUrkhaH prabhaShanmUDha chetA 
mAmavochaH pauruShamarjunasya .. 19..\\
apriyo yaH paruSho niShThuro hi 
kShudraH kSheptA kShamiNashchAkShamAvAn . 
hanyAmaha.n tAdR^ishAnA.n shatAni 
kShamAmi tvA.n kShamayA kAlayogAt .. 20..\\
avochastvaM pANDavArthe.apriyANi 
pradharShayanmAM mUDhavatpApakarman . 
mayyArjave jihmagatirhatastvaM 
mitradrohI sapta pada.n hi mitram .. 21..\\
kAlastvayaM mR^ityumayo.atidAruNo 
duryodhano yuddhamupAgamadyat . 
tasyArthasiddhimabhikA~NkShamANas 
tamabhyeShye yatra naikAntyamasti .. 22..\\
mitraM midernandateH prIyatervA 
santrAyatermAnada modatervA . 
bravIti tachchAmuta vipra pUrvAt 
tachchApi sarvaM mama duryodhane.asti .. 23..\\
shatruH shadeH shAsateH shAyatervA 
shR^iNAtervA shvayatervApi sarge . 
upasargAdbahudhA sUdatesh cha 
prAyeNa sarva.n tvayi tachcha mahyam .. 24..\\
duryodhanArtha.n tava chApriyArthaM 
yasho.arthamAtmArthamapIshvarArtham . 
tasmAdahaM pANDava vAsudevau 
yotsye yatnAtkarma tatpashya me.adya .. 25..\\
astrANi pashyAdya mamottamAni 
brAhmANi divyAnyatha mAnuShANi . 
AsAdayiShyAmyahamugravIryaM 
dvipottamaM mattamivAbhimattaH .. 26..\\
astraM brAhmaM manasA taddhyajayyaM 
kShepsye pArthAyApratima.n jayAya . 
tenApi me naiva muchyeta yuddhe 
na chetpatedviShame me.adya chakram .. 27..\\
vaivasvatAddaNDahastAdvaruNAdvApi pAshinaH . 
sagadAdvA dhanapateH savarjAdvApi vAsavAt .. 28..\\
nAnyasmAdapi kasmAchchidbibhimo hyAtatAyinaH . 
iti shalya vijAnIhi yathA nAhaM bibhemyabhIH .. 29..\\
tasmAdbhayaM na me pArthAnnApi chaiva janArdanAt . 
adya yuddha.n hi tAbhyAM me samparAye bhaviShyati .. 30..\\
shvabhre te patatA.n chakramiti me brAhmaNo.avadat . 
yudhyamAnasya sa~NgrAme prAptasyaikAyane bhayam .. 31..\\
tasmAdbibhemi balavadbrAhmaNa vyAhR^itAdaham . 
ete hi somarAjAna IshvarAH sukhaduHkhayoH .. 32..\\
homadhenvA vatsamasya pramatta iShuNAhanam . 
charantamajane shalya brAhmaNAttapaso nidheH .. 33..\\
IShAdantAnsaptashatAndAsIdAsa shatAni cha . 
dadato dvijamukhyAya prasAdaM na chakAra me .. 34..\\
kR^iShNAnA.n shvetavatsAnAM sahasrANi chaturdasha . 
Aharanna labhe tasmAtprasAda.n dvijasattamAt .. 35..\\
R^iddha.n geha.n sarvakAmairyachcha me vasu kiM chana . 
tatsarvamasmai satkR^itya prayachchhAmi na chechchhati .. 36..\\
tato.abravInmA.n yAchantamaparAddhaM prayatnataH . 
vyAhR^ita.n yanmayA sUta tattathA na tadanyathA .. 37..\\
anR^itoktaM prajA hanyAttataH pApamavApnuyAt . 
tasmAddharmAbhirakShArthaM nAnR^ita.n vakktumutsahe .. 38..\\
mA tvaM brahma gati.n hi.nsyAH prAyashchitta.n kR^itaM tvayA . 
madvAkyaM nAnR^ita.n loke kashchitkuryAtsamApnuhi .. 39..\\
ityetatte mayA prokta.n kShiptenApi suhR^ittayA . 
jAnAmi tvAdhikShipanta.n joShamAssvottara.n shR^iNu .. 40..\\
\medskip\hrule\medskip\centerline{\Largedvng 30}
 s

tataH punarmahArAja madrarAjamarindamam . 
abhyabhAShata rAdheyaH saMnivAryottara.n vachaH .. 1..\\
yattvaM nidarshanArthaM mA.n shalya jalpitavAnasi . 
nAha.n shakyastvayA vAchA vibhIShayitumAhave .. 2..\\
yadi mA.n devatAH sarvA yodhayeyuH savAsavAH . 
tathApi me bhayaM na syAtkimu pArthAtsakeshavAt .. 3..\\
nAhaM bhIShayitu.n shakyo vAnmAtreNa katha.n chana . 
anya.n jAnIhi yaH shakyastvayA bhIShayitu.n raNe .. 4..\\
nIchasya balametAvatpAruShya.n yattvamAttha mAm . 
ashakto.asmadguNAnprAptu.n valgase bahu durmate .. 5..\\
na hi karNaH samudbhUto bhayArthamiha mAriSha . 
vikramArthamaha.n jAto yasho.arthaM cha tathaiva cha .. 6..\\
ida.n tu me tvamekAgraH shR^iNu madrajanAdhipa . 
saMnidhau dhR^itarAShTrasya prochyamAnaM mayA shrutam .. 7..\\
deshAMshcha vividhAMshchitrAnpUrvavR^ittAMshcha pArthivAn . 
brAhmaNAH kathayantaH sma dhR^itarAShThamupAsate .. 8..\\
tatra vR^iddhaH purAvR^ittAH kathAH kAshchiddvijottamaH . 
bAhlIka deshaM madrAMshcha kutsayanvAkyamabravIt .. 9..\\
bahiShkR^itA himavatA ga~NgayA cha tiraskR^itAH . 
sarasvatyA yamunayA kurukShetreNa chApi ye .. 10..\\
pa~nchAnA.n sindhuShaShThAnAM nadInAM ye.antarAshritAH . 
tAndharmabAhyAnashuchInbAhlIkAnparivarjayet .. 11..\\
govardhano nAma vaTaH subhANDaM nAma chatvaram . 
etadrAjakuladvAramAkumAraH smarAmyaham .. 12..\\
kAryeNAtyartha gADhena bAhlIkeShUShitaM mayA . 
tata eShA.n samAchAraH sa.nvAsAdvidito mama .. 13..\\
shAkalaM nAma nagaramApagA nAma nimnagA . 
jartikA nAma bAhlIkAsteShA.n vR^ittaM suninditam .. 14..\\
dhAnA gauDAsave pItvA gomA.nsa.n lashunaiH saha . 
apUpa mA.nsavATyAnAmAshinaH shIlavarjitAH .. 15..\\
hasanti gAnti nR^ityanti strIbhirmattA vivAsasaH . 
nagarAgAra vapreShu bahirmAlyAnulepanAH .. 16..\\
mattAvagItairvividhaiH kharoShTraninadopamaiH . 
AhuranyonyamuktAni prabruvANA madotkaTAH .. 17..\\
hAhate hAhatetyeva svAmibhartR^ihateti cha . 
AkroshantyaH pranR^ityanti mandAH parvasvasa.nyatAH .. 18..\\
teShA.n kilAvaliptAnAM nivasankurujA~Ngale . 
kashchidbAhlIka mukhyAnAM nAtihR^iShTamanA jagau .. 19..\\
sA nUnaM bR^ihatI gaurI sUkShmakambalavAsinI . 
mAmanusmaratI shete bAhlIka.n kuru vAsinam .. 20..\\
shatadruka nadI.n tIrtvA tAM cha ramyAmirAvatIm . 
gatvA svadesha.n drakShyAmi sthUlasha~NkhAH shubhAH striyaH .. 21..\\
manaHshilojjvalApA~NgA gauryastrikakudA~njanAH . 
kevalAjinasa.nvItAH kUrdantyaH priyadarshanAH .. 22..\\
mR^ida~NgAnaka sha~NkhAnAM mardalAnA.n cha nisvanaiH . 
kharoShTrAshvataraishchaiva mattA yAsyAmahe sukham .. 23..\\
shamI pIlu karIrANA.n vaneShu sukhavartmasu . 
apUpAnsaktu piNDIshcha khAdanto mathitAnvitAH .. 24..\\
pathiShu prabalA bhUtvA kadAsa mR^idite.adhvani . 
khalopahAra.n kurvANAstADayiShyAma bhUyasaH .. 25..\\
eva.n hIneShu vrAtyeShu bAhlIkeShu durAtmasu . 
kashchetayAno nivasenmuhUrtamapi mAnavaH .. 26..\\
IdR^ishA brAhmaNenoktA bAhlIkA moghachAriNaH . 
yeShA.n ShaDbhAgahartA tvamubhayoH shubhapApayoH .. 27..\\
ityuktvA brAhmaNaH sAdhuruttaraM punaruktavAn . 
bAhlIkeShvavinIteShu prochyamAnaM nibodhata .. 28..\\
tatra sma rAkShasI gAti sadA kR^iShNa chaturdashIm . 
nagare shAkale sphIte Ahatya nishi dundubhim .. 29..\\
kadA vA ghoShikA gAthAH punargAsyanti shAkale . 
gavyasya tR^iptA mA.nsasya pItvA gauDaM mahAsavam .. 30..\\
gaurIbhiH saha nArIbhirbR^ihatIbhiH svala~NkR^itAH . 
palANDu gANDUSha yutAnkhAdante chaiDakAnbahUn .. 31..\\
vArAha.n kaukkuTaM mA.nsaM gavyaM gArdabhamauShTrakam . 
aiDa.n cha ye na khAdanti teShAM janma nirarthakam .. 32..\\
iti gAyanti ye mattAH shIdhunA shAkalAvataH . 
sabAlavR^iddhAH kUrdantasteShu vR^itta.n kathaM bhavet .. 33..\\
iti shalya vijAnIhi hanta bhUyo bravImi te . 
yadanyo.apyuktavAnasmAnbrAhmaNaH kurusa.nsadi .. 34..\\
pa~ncha nadyo vahantyetA yatra pIlu vanAnyapi . 
shatadrushcha vipAshA cha tR^itIyerAvatI tathA . 
chandra bhAgA vitastA cha sindhuShaShThA bahirgatAH .. 35..\\
AraTTA nAma te deshA naShTadharmAnna tAnvrajet . 
vrAtyAnA.n dAsamIyAnA.n videhAnAmayajvanAm .. 36..\\
na devAH pratigR^ihNanti pitaro brAhmaNAstathA . 
teShAM pranaShTadharmANAM bAhlIkAnAmiti shrutiH .. 37..\\
brAhmaNena tathA prokta.n viduShA sAdhu sa.nsadi . 
kAShThakuNDeShu bAhlIkA mR^iNmayeShu cha bhu~njate . 
saktu vATyAvalipteShu shvAdi lIDheShu nirghR^iNAH .. 38..\\
Avika.n chauShTrikaM chaiva kShIraM gArdabhameva cha . 
tadvikArAMshcha bAhlIkAH khAdanti cha pibanti cha .. 39..\\
putra sa~NkariNo jAlmAH sarvAnnakShIra bhojanAH . 
AraTTA nAma bAhlIkA varjanIyA vipashchitA .. 40..\\
uta shalya vijAnIhi hanta bhUyo bravImi te . 
yadanyo.apyuktavAnsabhyo brAhmaNaH kurusa.nsadi .. 41..\\
yuga.n dhare payaH pItvA proShya chApyachyutasthale . 
tadvadbhUtilaye snAtvA katha.n svarga.n gamiShyati .. 42..\\
pa~ncha nadyo vahantyetA yatra niHsR^itya parvatAt . 
AraTTA nAma bAhlIkA na teShvAryo dvyaha.n vaset .. 43..\\
bahishcha nAma hlIkashcha vipAshAyAM pishAchakau . 
tayorapatyaM bAhlIkA naiShA sR^iShTiH prajApateH .. 44..\\
kAraH karAnmahiShakAnkali~NgAnkIkaTATavIn . 
karkoTakAnvIrakAMshcha durdharmAMsh cha vivarjayet .. 45..\\
iti tIrthAnusartAra.n rAkShasI kA chidabravIt . 
ekarAtrA shamI gehe maholUkhala mekhalA .. 46..\\
AraTTA nAma te deshA bAhlIkA nAma te janAH . 
vasAti sindhusauvIrA iti prAyo vikutsitAH .. 47..\\
uta shalya vijAnIhi hanta bhUyo bravImi te . 
uchyamAnaM mayA samyaktadekAgramanAH shR^iNu .. 48..\\
brAhmaNaH shilpino gehamabhyagachchhatpurAtithiH . 
AchAra.n tatra samprekShya prItaH shilpinamabravIt .. 49..\\
mayA himavataH shR^i~NgamekenAdhyuShita.n chiram . 
dR^iShTAshcha bahavo deshA nAnAdharmasamAkulAH .. 50..\\
na cha kena cha dharmeNa virudhyante prajA imAH . 
sarve hi te.abruvandharma.n yathoktaM vedapAragaiH .. 51..\\
aTatA tu sadA deshAnnAnAdharmasamAkulAn . 
AgachchhatA mahArAja bAhlIkeShu nishAmitam .. 52..\\
tatraiva brAhmaNo bhUtvA tato bhavati kShatriyaH . 
vaishyaH shUdrashcha bAhlIkastato bhavati nApitaH .. 53..\\
nApitashcha tato bhUtvA punarbhavati brAhmaNaH . 
dvijo bhUtvA cha tatraiva punardAso.api jAyate .. 54..\\
bhavatyekaH kule vipraH shiShTAnye kAmachAriNaH . 
gAndhArA madrakAshchaiva bAhlIkAH ke.apyachetasaH .. 55..\\
etanmayA shruta.n tatra dharmasa~NkarakArakam . 
kR^itsnAmaTitvA pR^ithivIM bAhlIkeShu viparyayaH .. 56..\\
uta shalya vijAnIhi hanta bhUyo bravImi te . 
yadapyanyo.abravIdvAkyaM bAhlIkAnA.n vikutsitam .. 57..\\
satI purA hR^itA kA chidAraTTA kila dasyubhiH . 
adharmatashchopayAtA sA tAnabhyashapattataH .. 58..\\
bAlAM bandhumatI.n yanmAmadharmeNopagachchhatha . 
tasmAnnAryo bhaviShyanti bandhakyo vai kuleShu vaH . 
na chaivAsmAtpramokShyadhva.n ghorAtpApAnnarAdhamAH .. 59..\\
kuravaH sahapA~nchAlAH shAlvA matsyAH sanaimiShAH . 
kosalAH kAshayo.a~NgAshcha kali~NgA magadhAstathA .. 60..\\
chedayashcha mahAbhAgA dharma.n jAnanti shAshvatam . 
nAnAdesheShu santashcha prAyo bAhyA layAdR^ite .. 61..\\
A matsyebhyaH kurupA~nchAladeshyA 
A naimiShAchchedayo ye vishiShTAH . 
dharmaM purANamupajIvanti santo 
madrAnR^ite pa~ncha nadAMshcha jihmAn .. 62..\\
eva.n vidvandharmakathAMshcha rAja.ns 
tUShNImbhUto jaDavachchhalya bhUyAh . 
tva.n tasya goptA cha janasya rAjA 
ShaDbhAgahartA shubhaduShkR^itasya .. 63..\\
atha vA duShkR^itasya tva.n hartA teShAmarakShitA . 
rakShitA puNyabhAgrAjA prajAnA.n tvaM tvapuNya bhAk .. 64..\\
pUjyamAne purA dharme sarvadesheShu shAshvate . 
dharmaM pA~nchanada.n dR^iShTvA dhigityAha pitAmahaH .. 65..\\
vrAtyAnA.n dAshamIyAnAM kR^ite.apyashubha karmaNAm . 
iti pA~nchanada.n dharmamavamene pitAmahaH . 
svadharmastheShu varNeShu so.apyetaM nAbhipUjayet .. 66..\\
uta shalya vijAnIhi hanta bhUyo bravImi te . 
kalmAShapAdaH sarasi nimajjanrAkShaso.abravIt .. 67..\\
kShatriyasya malaM bhaikShaM brAhmaNasyAnR^itaM malam . 
malaM pR^ithivyA bAhlIkAH strINAM madrastriyo malam .. 68..\\
nimajjamAnamuddhR^itya kashchidrAjA nishAcharam . 
apR^ichchhattena chAkhyAtma proktavAnyannibodha tat .. 69..\\
mAnuShANAM malaM mechchhA mechchhAnAM mauShTikA malam . 
mauShTikAnAM mala.n shaNDAH shaNDAnAM rAjayAjakAH .. 70..\\
rAjayAjaka yAjyAnAM madrakANA.n cha yanmalam . 
tadbhavedvai tava mala.n yadyasmAnna vimu~nchasi .. 71..\\
iti rakShopasR^iShTeShu viShavIryahateShu cha . 
rAkShasaM bheShajaM prokta.n sa.nsiddhaM vachanottaram .. 72..\\
brAhmaM pA~nchAlA kauraveyAH svadharmaH 
satyaM matsyAH shUrasenAshcha yaGYaH . 
prAchyA dAsA vR^iShalA dAkShiNAtyAH 
stenA bAhlIkAH sa~NkarA vai surAShTrAH .. 73..\\
kR^itaghnatA paravittApahAraH 
surA pAna.n guru dArAvamarshaH . 
yeShA.n dharmastAnprati nAstyadharma 
AraTTakAnpA~nchanadAndhigastu .. 74..\\
A pA~nchAlebhyaH kuravo naimiShAsh cha 
matsyAshchaivApyatha jAnanti dharmam . 
kali~NgakAshchA~NgakA mAgadhAsh cha 
shiShTAndharmAnupajIvanti vR^iddhAH .. 75..\\
prAchI.n disha.n shritA devA jAtavedaH purogamAH . 
dakShiNAM pitaro guptA.n yamena shubhakarmaNA .. 76..\\
pratIchI.n varuNaH pAti pAlayannasurAnbalI . 
udIchIM bhagavA.n somo brahmaNyo brAhmaNaiH saha .. 77..\\
rakShaHpishAchAnhimavAnguhyakAngandhamAdanaH . 
dhruvaH sarvANi bhUtAni viShNurlokA~njanArdanaH .. 78..\\
i~NgitaGYAshcha magadhAH prekShitaGYAshcha kosalAH . 
ardhoktAH kurupA~nchAlAH shAlvAH kR^itsnAnushAsanAH . 
pArvatIyAshcha viShamA yathaiva girayastathA .. 79..\\
sarvaGYA yavanA rAja~nshUrAshchaiva visheShataH . 
mlechchhAH svasa~nj~nA niyatA nAnukta itaro janaH .. 80..\\
pratirabdhAstu bAhlIkA na cha ke chana madrakAH . 
sa tvametAdR^ishaH shalya nottara.n vaktumarhasi .. 81..\\
etajGYAtvA joShamAssva pratIpaM mA sma vai kR^ithAH . 
sa tvAM pUrvamaha.n hatvA haniShye keshavArjunau .. 82..\\

 zalya

AturANAM parityAgaH svadArasuta vikrayaH . 
a~NgeShu vartate karNa yeShAmadhipatirbhavAn .. 83..\\
rathAtiratha sa~NkhyAyA.n yattvA bhIShmastadAbravIt . 
tAnviditvAtmano doShAnnirmanyurbhava mA krudhaH .. 84..\\
sarvatra brAhmaNAH santi santi sarvatra kShatriyAH . 
vaishyAH shUdrAstathA karNa striyaH sAdhvyashcha suvratAH .. 85..\\
ramante chopahAsena puruShAH puruShaiH saha . 
anyonyamavatakShanto deshe deshe samaithunAH .. 86..\\
paravAchyeShu nipuNaH sarvo bhavati sarvadA . 
AtmavAchyaM na jAnIte jAnannapi vimuhyati .. 87..\\

 s

karNo.api nottaraM prAha shalyo.apyabhimukhaH parAn . 
punaH prahasya rAdheyaH punaryAhItyachodayat .. 88..\\
\medskip\hrule\medskip\centerline{\Largedvng 31}
 s

tataH parAnIka bhida.n vyUhamapratimaM paraiH . 
samIkShya karNaH pArthAnA.n dhR^iShTadyumnAbhirakShitam .. 1..\\
prayayau rathaghoSheNa si.nhanAda raveNa cha . 
vAditrANA.n cha ninadaiH kampayanniva medinIm .. 2..\\
vepamAna iva krodhAdyuddhashauNDaH parantapaH . 
pativyUhya mahAtejA yathAvadbharatarShabha .. 3..\\
vyadhamatpANDavI.n senAmAsurIM maghavAniva . 
yudhiShThira.n chAbhibhavannasapavyaM chakAra ha .. 4..\\

 dhr

katha.n sa~njaya rAdheyaH pratyavyUhata pANDavAn . 
dhR^iShTadyumnamukhAnvIrAnbhImasenAbhirakShitAn .. 5..\\
ke cha prapakShau pakShau vA mama sainyasya sa~njaya . 
pravibhajya yathAnyAya.n katha.n vA samavasthitAH .. 6..\\
kathaM pANDusutashchApi pratyavyUhanta mAmakAn . 
katha.n chaitAnmahAyuddhaM prAvartata sudAruNam .. 7..\\
kva cha bIbhatsurabhavadyatkarNo.ayAdyudhiShThiram . 
ko hyarjunasya sAMnidhye shakto.abhyetu.n yudhiShThiram .. 8..\\
sarvabhUtAni yo hyekaH khANDave jitavAnpurA . 
kastamanyatra rAdheyAtpratiyudhyejjijIviShuH .. 9..\\

 s

shR^iNu vyUhasya rachanAmarjunashcha yathAgataH . 
paridAya nR^ipa.n tebhyaH sa~NgrAmashchAbhavadyathA .. 10..\\
kR^ipaH shAradvato rAjanmAgadhashcha tarasvinaH . 
sAtvataH kR^itavarmA cha dakShiNaM pakShamAshritAH .. 11..\\
teShAM prapakShe shakunirulUkashcha mahArathaH . 
sAdibhirvimalaprAsaistavAnIkamarakShatAm .. 12..\\
gAndhAribhirasambhrAntaiH pArvatIyaishcha durjayaiH . 
shalabhAnAmiva vrAtaiH pishAchairiva durdR^ishaiH .. 13..\\
chatustriMshatsahasrANi rathAnAmanivartinAm . 
saMshaptakA yuddhashauNDA vAmaM pArshvamapAlayan .. 14..\\
samuchchitAstava sutaiH kR^iShNArjuna jighA.nsavaH . 
teShAM prapakShaH kAmbojAH shakAshcha yavanaiH saha .. 15..\\
nideshAtsUtaputrasya sarathAH sAshvapattayaH . 
Ahvayanto.arjuna.n tasthuH keshavaM cha mahAbalam .. 16..\\
madhye senAmukha.n karNo vyavAtiShThata daMshitaH . 
chitravarmA~NgadaH sragvI pAlayandhvajjinI mukham .. 17..\\
rakShyamANaH susa.nrabdhaiH putraiH shastrabhR^itA.n varaH . 
vAhinI pramukha.n vIraH samprakarShannashobhata .. 18..\\
ayo.aratnirmahAbAhuH sUryavaishvAnara dyutiH . 
mahAdvipa skandhagataH pi~NgalaH priyadarshanaH . 
duHshAsano vR^itaH sainyaiH sthito vyUhasya pR^iShThyataH .. 19..\\
tamanvayAnmahArAja svaya.n duryodhano nR^ipaH . 
chitrAshvaishchitrasaMnAhaiH sodaryairabhirakShitaH .. 20..\\
rakShyamANo mahAvIryaiH sahitairmadrakekayaiH . 
ashobhata mahArAja devairiva shatakratuH .. 21..\\
ashvatthAmA kurUNA.n cha ye pravIrA mahArathAH . 
nityamattAshcha mAta~NgAH shUrairmlechchhairadhiShThitAH . 
anvayustadrathAnIka.n kSharanta iva toyadAH .. 22..\\
te dhvajairvaijayantIbhirjvaladbhiH paramAyudhaiH . 
sAdibhishchAsthitA rejurdrumavanta ivAchalAH .. 23..\\
teShAM padAtinAgAnAM pAdarakShAH sahasrashaH . 
paTTishAsi dharAH shUrA babhUvuranivartinaH .. 24..\\
sAdibhiH syandanairnAgairadhika.n samala~NkR^itaiH . 
sa vyUha rAjo vibabhau devAsurachamUpamaH .. 25..\\
bArhaspatyaH suvihito nAyakena vipashchitA . 
nR^ityatIva mahAvyUhaH pareShAmAdadhadbhayam .. 26..\\
tasya pakShaprapakShebhyo niShpatanti yuyutsavaH . 
pattyashvarathamAta~NgAH prAvR^iShIva balAhakAH .. 27..\\
tataH senAmukhe karNa.n dR^iShTvA rAjA yudhiShThiraH . 
dhana~njayamamitraghnamekavIramuvAcha ha .. 28..\\
pashyArjuna mahAvyUha.n karNena vihita.n raNe . 
yuktaM pakShaiH prapakShaishcha senAnIkaM prakAshate .. 29..\\
tadetadvai samAlokya pratyamitraM mahadbalam . 
yathA nAbhibhavatyasmA.nstathA nItirvidhIyatAm .. 30..\\
evamukto.arjuno rAGYA prA~njalirnR^ipamabravIt . 
yathA bhavAnAha tathA tatsarvaM na tadanyathA .. 31..\\
yastvasya vihito ghAtasta.n kariShyAmi bhArata . 
pradhAnavadha evAsya vinAshasta.n karomyaham .. 32..\\

 y

yasmAttvameva rAdheyaM bhImasenaH suyodhanam . 
vR^iShasena.n cha nakulaH sahadevo.api saubalam .. 33..\\
duHshAsana.n shatAnIko hArdikyaM shinipu~NgavaH . 
dhR^iShTadyumnastathA drauNi.n svayaM yAsyAmyaha.n kR^ipam .. 34..\\
draupadeyA dhArtarAShTrA~nshiShTAnsaha shikhaNDinA . 
te te cha tA.nstAnahitAnasmAka.n ghnantu mAmakAH .. 35..\\

 s

ityukto dharmarAjena tathetyuktvA dhana~njayaH . 
vyAdidesha svasainyAni svaya.n chAgAchchamUmukham .. 36..\\
atha ta.n rathamAyAnta.n dR^iShTvAtyadbhuta darshanam . 
uvAchAdhirathi.n shalyaH punastaM yuddhadurmadam .. 37..\\
aya.n sa ratha AyAti shvetAshvaH kR^iShNasArathiH . 
nighnannamitrAnkaunteyo ya.n ya.n tvaM paripR^ichchhasi .. 38..\\
shrUyate tumulaH shabdo rathanemi svano mahAn . 
eSha reNuH samudbhUto divamAvR^itya tiShThati .. 39..\\
chakranemi praNunnA cha kampate karNa medinI . 
pravAtyeSha mahAvAyurabhitastava vAhinIm . 
kravyAdA vyAharantyete mR^igAH kurvanti bhairavam .. 40..\\
pashya karNa mahAghoraM bhayada.n lomaharShaNam . 
kabandhaM meghasa~NkAshaM bhAnumAvR^itya sa.nsthitam .. 41..\\
pashya yUthairbahuvidhairmR^igANA.n sarvatodisham . 
balibhirdR^iptashArdUlairAdityo.abhinirIkShyate .. 42..\\
pashya ka~NkAMshcha gR^idhrAMshcha samavetAnsahasrashaH . 
sthitAnabhimukhAnghorAnanyonyamabhibhAShataH .. 43..\\
sitAshchAshvAH samAyuktAstava karNa mahArathe . 
pradarAH prajvalantyete dhvajash chaiva prakampate .. 44..\\
udIryato hayAnpashya mahAkAyAnmahAjavAn . 
plavamAnAndarshanIyAnAkAshe garuDAniva .. 45..\\
dhruvameShu nimitteShu bhImimAvR^itya pArthivAH . 
svapsyanti nihatAH karNa shatasho.atha sahasrashaH .. 46..\\
sha~NkhAnA.n tumulaH shabdaH shrUyate lomaharShaNaH . 
AnakAnA.n cha rAdheya mR^ida~NgAnAM cha sarvashaH .. 47..\\
bANashabdAnbahuvidhAnnarAshvarathanisvanA . 
jyAtalatreShu shabdAMshcha shR^iNu karNa mahAtmanAm .. 48..\\
hemarUpya pramR^iShTAnA.n vAsasAM shilpinirmitAH . 
nAnAvarNA rathe bhAnti shvasanena prakampitAH .. 49..\\
sahema chandra tArArkAH patAkAH ki~NkiNI yutAH . 
pashya karNArjunasyaitAH saudAminya ivAmbude .. 50..\\
dhvajAH kaNakaNAyante vAtenAbhisamIritAH . 
sapatAkA rathAshchApi pA~nchAlAnAM mahAtmanAm .. 51..\\
nAgAshvarathapattyaughA.nstAvakAnsamabhighnataH . 
dhvajAgra.n dR^ishyate tvasya jyAshabdashchApi shrUyate .. 52..\\
adya draShTAsi ta.n vIraM shvetAshva.n kR^iShNasArathim . 
nighnanta.n shAtravAnsa~Nkhye ya.n karNa paripR^ichchhasi .. 53..\\
adya tau puruShavyAghrau lohitAkShau parantapau . 
vAsudevArjunau karNa draShTAsyekarathasthitau .. 54..\\
sArathiryasya vArShNeyo gANDIva.n yasya kArmukam . 
ta.n cheddhantAsi rAdheya tvaM no rAjA bhaviShyasi .. 55..\\
eSha saMshaptakAhUtastAnevAbhimukho gataH . 
karoti kadana.n chaiShA.n sa~NgrAme dviShatAM balI . 
iti bruvANaM madresha.n karNaH prAhAtimanyumAn .. 56..\\
pashya saMshaptakaiH kruddhaiH sarvataH samabhidrutaH . 
eSha sUrya ivAmbhodairshchhannaH pArtho na dR^ishyate . 
etadanto.arjunaH shalya nimagnaH shokasAgare .. 57..\\

 zalya

varuNa.n ko.ambhasA hanyAdindhanena cha pAvakam . 
ko vAnilaM nigR^ihNIyAtpibedvA ko mahArNavam .. 58..\\
IdR^igrUpamahaM manye pArthasya yudhi nigraham . 
na hi shakyo.arjuno jetu.n sendraiH sarvaiH surAsuraiH .. 59..\\
athaivaM paritoShaste vAchoktvA sumanA bhava . 
na sa shakyo yudhA jetumanya.n kuru manoratham .. 60..\\
bAhubhyAmuddharedbhUmi.n dahetkruddha imAH prajAH . 
pAtayettridivAddevAnyo.arjuna.n samare jayet .. 61..\\
pashya kuntIsuta.n vIraM bhImamakliShTakAriNam . 
prabhAsantaM mahAbAhu.n sthitaM merumivAchalam .. 62..\\
amarShI nityasa.nrabdhashchira.n vairamanusmaran . 
eSha bhImo jaya prepsuryudhi tiShThati vIryavAn .. 63..\\
eSha dharmabhR^itA.n shreShTho dharmarAjo yudhiShThiraH . 
tiShThatyasukaraH sa~Nkhye paraiH parapura~njayaH .. 64..\\
etau cha puruShavyAghrAvashvinAviva sodarau . 
nakulaH sahadevashcha tiShThato yudhi durjayau .. 65..\\
dR^ishyanta ete kArShNeyAH pa~ncha pa~nchAchalA iva . 
vyavasthitA yotsyamAnAH sarve.arjuna samA yudhi .. 66..\\
ete drupadaputrAshcha dhR^iShTadyumnapurogamAH . 
hInAH satyajitA vIrAstiShThanti paramaujasaH .. 67..\\
iti sa.nvadatoreva tayoH puruShasi.nhayoH . 
te sene samasajjetA.n ga~NgA yamunavadbhR^iSham .. 68..\\
\medskip\hrule\medskip\centerline{\Largedvng 32}
 dhr

tathA vyUDheShvanIkeShu sa.nsakteShu cha sa~njaya . 
saMshaptakAnkathaM pArtho gataH karNashcha pANDavAn .. 1..\\
etadvistarato yuddhaM prabrUhi kushalo hyasi . 
na hi tR^ipyAmi vIrANA.n shR^iNvAno vikramAnraNe .. 2..\\

 s

tatsthAne samavasthApya pratyamitraM mahAbalam . 
avyUhatArjuno vyUhaM putrasya tava durnaye .. 3..\\
tatsAdinAgakalilaM padAtirathasa~Nkulam . 
dhR^iShTadyumnamukhairvyUDhamashobhata mahadbalam .. 4..\\
pArAvata savarNAshvashchandrAditya samadyutiH . 
pArShataH prababhau dhanvI kAlo vigrahavAniva .. 5..\\
pArShata.n tvabhi santasthurdraupadeyA yuyutsavaH . 
sAnugA bhImavapushashchandra.n tArAgaNA iva .. 6..\\
atha vyUDheShvanIkeShu prekShya saMshaptakAnraNe . 
kruddho.arjuno.abhidudrAva vyAkShipangANDiva.n dhanuH .. 7..\\
atha saMshaptakAH pArthamabhyadhAvanvadhaiShiNaH . 
vijaye kR^itasa~NkalpA mR^ityu.n kR^itvA nivartanam .. 8..\\
tadashvasa~Ngha bahulaM mattanAgarathAkulam . 
pattimachchhUra vIraughairdrutamarjunamAdravat .. 9..\\
sa samprahArastumulasteShAmAsItkirITinA . 
tasyaiva naH shruto yAdR^i~NnivAtakavachaiH saha .. 10..\\
rathAnashvAndhvajAnnAgAnpattInrathapatInapi . 
iShUndhanUMShi khaDgAMshcha chakrANi cha parashvadhAn .. 11..\\
sAyudhAnudyatAnbAhUnudyatAnyAyudhAni cha . 
chichchheda dviShatAM pArthaH shirA.nsi cha sahasrashaH .. 12..\\
tasminsainye mahAvarte pAtAlAvarta saMnibhe . 
nimagna.n ta.n rathaM matvA neduH saMshaptakA mudA .. 13..\\
sa purastAdarInhatvA pashchArdhenottareNa cha . 
dakShiNena cha bIbhatsuH kruddho rudraH pashUniva .. 14..\\
atha pA~nchAla chedInA.n sR^i~njayAnA.n cha mAriSha . 
tvadIyaiH saha sa~NgrAma AsItparamadAruNaH .. 15..\\
kR^ipashcha kR^itavarmA cha shakunishchApi saubalaH . 
hR^iShTasenAH susa.nrabdhA rathAnIkaiH prahAriNaH .. 16..\\
kosalaiH kAshimatsyaishcha kArUShaiH kekayairapi . 
shUrasenaiH shUra vIrairyuyudhuryuddhadurmadAH .. 17..\\
teShAmantakara.n yuddha.n dehapApma praNAshanam . 
shUdra viTkShatravIrANA.n dharmya.n svargyaM yashaH karam .. 18..\\
duryodhano.api sahito bhrAtR^ibhirbharatarShabha . 
guptaH kurupravIraishcha madrANA.n cha mahArathaiH .. 19..\\
pANDavaiH sahapA~nchAlaishchedibhiH sAtyakena cha . 
yudhyamAna.n raNe karNa.n kuruvIro.abhyapAlayat .. 20..\\
karNo.api nishitairbANairvinihatya mahAchamUm . 
pramR^idya cha rathashreShThAnyudhiShThiramapIDayat .. 21..\\
vipatrAyudha dehAsUnkR^itvA shatrUnsahasrashaH . 
yuktvA svargayashobhyA.n cha svebhyo mudamudAvahat .. 22..\\

 dhr

yattatpravishya pArthAnA.n senA.n kurva~njanakShayam . 
karNo rAjAnamabhyarchchhattanmamAchakShva sa~njaya .. 23..\\
ke cha pravIrAH pArthAnA.n yudhi karNamavArayan . 
kAMshcha pramathyAdhirathiryudhiShThiramapIDayat .. 24..\\

 s

dhR^iShTadyumnamukhAnpArthAndR^iShTvA karNo vyavasthitAn . 
samabhyadhAvattvaritaH pA~nchAlA~nshatrukarshanaH .. 25..\\
ta.n tUrNamabhidhAvantaM pA~nchAlA jitakAshinaH . 
pratyudyayurmahArAja ha.nsA iva mahArNavam .. 26..\\
tataH sha~NkhasahasrANAM nisvano hR^idaya~NgamaH . 
prAdurAsIdubhayato bherIshabdashcha dAruNaH .. 27..\\
nAnA vAditranAdashcha dvipAshvarathanisvanaH . 
si.nhanAdashcha vIrANAmabhavaddAruNastadA .. 28..\\
sAdri drumArNavA bhUmiH savAtAmbudamambaram . 
sArkendu grahanakShatrA dyaushcha vyakta.n vyaghUrNata .. 29..\\
ati bhUtAni ta.n shabdaM menire.ati cha vivyathuH . 
yAni chAplava sattvAni prAyastAni mR^itAni cha .. 30..\\
atha karNo bhR^isha.n kruddhaH shIghramastramudIrayan . 
jaghAna pANDavI.n senAmAsurIM maghavAniva .. 31..\\
sa pANDavarathA.nstUrNaM pravishya visR^ija~nsharAn . 
prabhadrakANAM pravarAnahanatsapta saptatim .. 32..\\
tataH supu~Nkhairnishitai rathashreShTho ratheShubhiH . 
avadhItpa~nchaviMshatyA pA~nchAlAnpa~nchaviMshatim .. 33..\\
suvarNapu~NkhairnArAchaiH parakAyavidAraNaiH . 
chedikAnavadhIdvIraH shatasho.atha sahasrashaH .. 34..\\
ta.n tathA samare karma kurvANamatimAnuSham . 
parivavrurmahArAja pA~nchAlAnA.n rathavrajAH .. 35..\\
tataH sandhAya vishikhAnpa~ncha bhArata duHsahAn . 
pA~nchAlAnavadhItpa~ncha karNo vaikartano vR^iShaH .. 36..\\
bhAnudeva.n chitrasena.n senA binduM cha bhArata . 
tapana.n shUrasena.n cha pA~nchAlAnavadhIdraNe .. 37..\\
pA~nchAleShu cha shUreShu vadhyamAneShu sAyakaiH . 
hAhAkAro mahAnAsItpA~nchAlAnAM mahAhave .. 38..\\
teShA.n sa~NkIryamANAnAM hAhAkArakR^itA dishaH . 
punareva cha tAnkarNo jaghAnAshu patatribhiH .. 39..\\
chakrarakShau tu karNasya putrau mAriSha durjayau . 
suSheNaH satyasenashcha tyaktvA prANAnayudhyatAm .. 40..\\
pR^iShThagopastu karNasya jyeShThaH putro mahArathaH . 
vR^iShasenaH svaya.n karNaM pR^iShThataH paryapAlayat .. 41..\\
dhR^iShTadyumnaH sAtyakishcha draupadeyA vR^ikodaraH . 
janamejayaH shikhaNDI cha pravIrAshcha prabhadrakAH .. 42..\\
chedikekayapA~nchAlA yamau matsyAshcha daMshitAH . 
samabhyadhAvanrAdheya.n jighA.nsantaH prahAriNaH .. 43..\\
ta ena.n vividhaiH shastraiH sharadhArAbhireva cha . 
abhyavarShanvimR^idnantaH prAvR^iShIvAmbudA girim .. 44..\\
pitara.n tu parIpsantaH karNa putrAH prahAriNaH . 
tvadIyAshchApare rAjanvIrA vIrAnavArayan .. 45..\\
suSheNo bhImasenasya chhittvA bhallena kArmukam . 
nArAchaiH saptabhirviddhvA hR^idi bhImaM nanAda ha .. 46..\\
athAnyaddhanurAdAya sudR^iDhaM bhImavikramaH . 
sajya.n vR^ikodaraH kR^itvA suSheNasyAchchhinaddhanuH .. 47..\\
vivyAdha chainaM navabhiH kruddho nR^ityanniveShubhiH . 
karNa.n cha tUrNa.n vivyAdha trisaptatyA shitaiH sharaiH .. 48..\\
satyasena.n cha dashabhiH sAshvasUtadhvajAyudham . 
pashyatA.n suhR^idAM madhye karNa putramapAtayat .. 49..\\
kShurapra Nunna.n tattasya shirashchandranibhAnanam . 
shubhadarshanamevAsInnAlabhraShTamivAmbujam .. 50..\\
hatvA karNasutaM bhImastAvakAnpunarArdayat . 
kR^ipa hArdikyayoshchhittvA chApe tAvapyathArdayat .. 51..\\
duHshAsana.n tribhirviddhvA shakuni.n ShaDbhirAyasaiH . 
ulUka.n cha patatriM cha chakAra virathAvubhau .. 52..\\
he suSheNa hato.asIti bruvannAdatta sAyakam . 
tamasya karNashchichchheda tribhishchainamatADayat .. 53..\\
athAnyamapi jagrAha suparvANa.n sutejanam . 
suSheNAyAsR^ijadbhImastamapyasyAchchhinadvR^iShaH .. 54..\\
punaH karNastrisaptatyA bhImasena.n ratheShubhiH . 
putraM parIpsanvivyAdha krUra.n krUrairjighA.nsayA .. 55..\\
suSheNastu dhanurgR^ihya bhArasAdhanamuttamam . 
nakulaM pa~nchabhirbANairbAhvorurasi chArdayat .. 56..\\
nakulasta.n tu viMshatyA viddhvA bhArasahairdR^iDhaiH . 
nanAda balavannAda.n karNasya bhayamAdadhat .. 57..\\
ta.n suSheNo mahArAja viddhvA dashabhirAshugaiH . 
chichchheda cha dhanuH shIghra.n kShurapreNa mahArathaH .. 58..\\
athAnyaddhanurAdAya nakulaH krodhamUrchchhitaH . 
suSheNaM bahubhirbANairvArayAmAsa sa.nyuge .. 59..\\
sa tu bANairdisho rAjannAchchhAdya paravIrahA . 
Ajaghne sArathi.n chAsya suSheNaM cha tatastribhiH . 
chichchheda chAsya sudR^iDha.n dhanurbhallaistribhistridhA .. 60..\\
athAnyaddhanurAdAya suSheNaH krodhamUrchhitaH . 
avidhyannakula.n ShaShTyA sahadeva.n cha saptabhiH .. 61..\\
tadyuddha.n sumahadghoramAsIddevAsuropamam . 
nighnatA.n sAyakaistUrNamanyonyasya vadhaM prati .. 62..\\
sAtyakirvR^iShasenasya hatvA sUta.n tribhiH sharaiH . 
dhanushchichchheda bhallena jaghAnAshvAMshcha saptabhiH . 
dhvajamekeShuNonmathya tribhista.n hR^idyatADayat .. 63..\\
athAvasannaH svarathe muhUrtAtpunarutthitaH . 
atho jighA.nsuH shaineya.n khaDgacharma bhR^idabhyayAt .. 64..\\
tasya chAplavataH shIghra.n vR^iShasenasya sAtyakiH . 
varAhakarNairdashabhiravidhyadasi charmaNI .. 65..\\
duHshAsanastu ta.n dR^iShTvA viratha.n vyAyudhaM kR^itam . 
Aropya svarathe tUrNamapovAha rathAntaram .. 66..\\
athAnya.n rathamAsthAya vR^iShaseno mahArathaH . 
karNasya yudhi durdharShaH punaH pR^iShThamapAlayat .. 67..\\
duHshAsana.n tu shaineyo navairnavabhirAshugaiH . 
visUtAshvaratha.n kR^itvA lalADe tribhirArpayat .. 68..\\
sa tvanya.n rathamAsthAya vidhivatkalpitaM punaH . 
yuyudhe pANDubhiH sArdha.n karNasyApyAyayanbalam .. 69..\\
dhR^iShTadyumnastataH karNamavidhyaddashabhiH sharaiH . 
draupadeyAstrisaptatyA yuyudhAnastu saptabhiH .. 70..\\
bhImasenashchatuHShaShTyA sahadevashcha pa~nchabhiH . 
nakulastriMshatA bANaiH shatAnIkashcha saptabhiH . 
shikhaNDI dashabhirvIro dharmarAjaH shatena tu .. 71..\\
ete chAnye cha rAjendra pravIrA jaya gR^iddhinaH . 
abhyardayanmaheShvAsa.n sUtaputraM mahAmR^idhe .. 72..\\
tAnsUtaputro vishikhairdashabhirdashabhiH shitaiH . 
rathe chAru charanvIraH patyavidhyadarindamaH .. 73..\\
tatrAstra vIrya.n karNasya lAghavaM cha mahAtmanaH . 
apashyAma mahArAja tadadbhutamivAbhavat .. 74..\\
na hyAdadAna.n dadR^ishuH sandadhAnaM cha sAyakAn . 
vimu~nchanta.n cha sa.nrambhAddadR^ishuste mahAratham .. 75..\\
dyaurviyadbhUrdishashchAshu praNunnA nishitaiH sharaiH . 
aruNAbhrAvR^itAkAra.n tasmindeshe babhau viyat .. 76..\\
nR^ityanniva hi rAdheyashchApahastaH pratApavAn . 
yairviddhaH pratyavidhyattAnekaika.n triguNaiH sharaiH .. 77..\\
dashabhirdashabhishchainAnpunarviddhvA nanAda ha . 
sAshvasUta dhvajachchhatrAstataste vivara.n daduH .. 78..\\
tAnpramR^idnanmaheShvAsAnrAdheyaH sharavR^iShTibhiH . 
rAjAnIkamasambAdhaM prAvishachchhatrukarshanaH .. 79..\\
sa rathA.nstrishatAnhatvA chedInAmanivartinAm . 
rAdheyo nishitairbANairtato.abhyArchchhadyudhiShThiram .. 80..\\
tataste pANDavA rAja~nshikhaNDI cha sasAtyakiH . 
rAdheyAtparirakShanto rAjAnaM paryavArayan .. 81..\\
tathaiva tAvakAH sarve karNa.n durvAraNa.n raNe . 
yattAH senA maheShvAsAH paryarakShanta sarvashaH .. 82..\\
nAnA vAditraghoShAshcha prAdurAsanvishAM pate . 
si.nhanAdashcha sa~njaGYe shUrANAmanivartinAm .. 83..\\
tataH punaH samAjagmurabhItAH kurupANDavAH . 
yudhiShThira mukhAH pArthAH sUtaputra mukhA vayam .. 84..\\
\medskip\hrule\medskip\centerline{\Largedvng 33}
 s

vidArya karNastA.n senA.n dharmarAjamupAdravat . 
rathahastyashvapattInA.n sahasraiH parivAritaH .. 1..\\
nAnAyudha sahasrANi preShitAnyaribhirvR^iShaH . 
chhittvA bANashatairugraistAna vidhyadasambhramaH .. 2..\\
nichakarta shirA.nsyeShAM bAhUnUrUMshcha sarvashaH . 
te hatA vasudhAM peturbhagnAshchAnye vidudruvuH .. 3..\\
draviDAndhra niShAdAstu punaH sAtyakichoditAH . 
abhyardaya~njighA.nsantaH pattayaH karNamAhave .. 4..\\
te vibAhu shirastrANAH prahatAH karNa sAyakaiH . 
petuH pR^ithivyA.n yugapachchhinnaM shAlavanaM yathA .. 5..\\
eva.n yodhashatAnyAjau sahasrANyayutAni cha . 
hatAnIyurmahI.n dehairyashasApUrayandishaH .. 6..\\
atha vaikartana.n karNa.n raNe kruddhamivAntakam . 
rurudhuH pANDupA~nchAlA vyAdhiM mantrauShadhairiva .. 7..\\
sa tAnpramR^idyAbhyapatatpunareva yudhiShThiram . 
mantrauShadhikriyAtIto vyAdhirityulbaNo yathA .. 8..\\
sa rAjagR^iddhibhI ruddhaH pANDupA~nchAla kekayaiH . 
nAshakattAnatikrAntuM mR^ityurbrahmavido yathA .. 9..\\
tato yudhiShThiraH karNamadUrasthaM nivAritam . 
abravItparavIraghnaH krodhasa.nraktalochanaH .. 10..\\
karNa karNa vR^ithA dR^iShTe sUtaputra vachaH shR^iNu . 
sadA spardhasi sa~NgrAme phalgunena yashasvinA . 
tathAsmAnbAdhase nitya.n dhArtarAShTra mate sthitaH .. 11..\\
yadbala.n yachcha te vIryaM pradveSho yashcha pANDuShu . 
tatsarva.n darshayasvAdya pauruShaM mahadAsthitaH . 
yuddhashraddhA.n sa te.adyAhaM vineShyAmi mahAhave .. 12..\\
evamuktvA mahArAja karNaM pANDusutastadA . 
suvarNapu~NkhairdashabhirvivyAdhAyo mayaiH shitaiH .. 13..\\
ta.n sUtaputro navabhiH pratyavidhyadarindamaH . 
vatsadantairmaheShvAsaH prahasanniva bhArata .. 14..\\
tataH kShurAbhyAM pA~nchAlyau chakrarakShau mahAtmanaH . 
jaghAna samare shUraH sharaiH saMnataparvabhiH .. 15..\\
tAvubhau dharmarAjasya pravIrau paripArshvataH . 
rathAbhyAshe chakAshete chandrasyeva punarvasU .. 16..\\
yudhiShThiraH punaH karNamavidhyattriMshatA sharaiH . 
suSheNa.n satyasena.n cha tribhistribhiratADayat .. 17..\\
shalyaM navatyA vivyAdha trisaptatyA cha sUtajam . 
tAMshchAsya goptR^InvivyAdha tribhistribhirajihmagaiH .. 18..\\
tataH prahasyAdhirathirvidhunvAnaH sa kArmukam . 
bhittvA bhallena rAjAna.n viddhvA ShaShTyAnadanmudA .. 19..\\
tataH pravIrAH pANDUnAmabhyadhAvanyudhiShThiram . 
sUtaputrAtparIpsantaH karNamabhyardaya~nsharaiH .. 20..\\
sAtyakishchekitAnashcha yuyutsuH pANDya eva cha . 
dhR^iShTadyumnaH shikhaNDI cha draupadeyAH prabhadrakAH .. 21..\\
yamau cha bhImasenashcha shishupAlasya chAtmajaH . 
kArUShA matsyasheShAshcha kekayAH kAshikosalAH . 
ete cha tvaritA vIrA vasuSheNamavArayan .. 22..\\
janamejayashcha pA~nchAlyaH karNa.n vivyAdha sAyakaiH . 
varAhakarNairnArAchairnAlIkairnishitaiH sharaiH . 
vatsadantairvipAThaishcha kShurapraishchaTakA mukhaiH .. 23..\\
nAnApraharaNaishchograi rathahastyashvasAdinaH . 
sarvato.abhyAdravankarNaM parivArya jighA.nsayA .. 24..\\
sa pANDavAnAM pravaraiH sarvataH samabhidrutaH . 
udairayadbrAhmamastra.n sharaiH sampUrayandishaH .. 25..\\
tathA sharamahAjvAlo vIryoShmA karNa pAvakaH . 
nirdahanpANDava vana.n chAru paryacharadraNe .. 26..\\
sa sa.nvArya mahAstrANi maheShvAso mahAtmanAm . 
prahasya puruShendrasya sharaishchichchheda kArmukam .. 27..\\
tatha sandhAya navatiM nimeShAnnataparvaNAm . 
bibheda kavacha.n rAGYo raNe karNaH shitaiH sharaiH .. 28..\\
tadvarma hemavikR^ita.n rarAja nipatattadA . 
savidyudabhra.n savituH shiShTaM vAtahataM yathA .. 29..\\
tada~NgaM puruShendrasya bhraShTavarma vyarochata . 
ratnairala~NkR^ita.n divyairvyabhraM nishi yathA nabhaH .. 30..\\
sa vivarmA sharaiH pArtho rudhireNa samukShitaH . 
kruddhaH sarvAyasI.n shakti.n chikShepAdhirathiM prati .. 31..\\
tA.n jvalantImivAkAshe sharaishchichchheda saptabhiH . 
sA chhinnA bhUmimapatanmaheShvAsasya sAyakaiH .. 32..\\
tato bAhvorlalATe cha hR^idi chaiva yudhiShThiraH . 
chaturbhistomaraiH karNa.n tADayitvA mudAnadat .. 33..\\
udbhinna rudhiraH karNaH kruddhaH sarpa iva shvasan . 
dhvaja.n chichchheda bhallena tribhirvivyAdha pANDavam . 
iShudhI chAsya chichchheda ratha.n cha tilasho.achchhinat .. 34..\\
evaM pArtho vyapAyAtsa nihataprArShTi sArathiH . 
ashaknuvanpramukhataH sthAtu.n karNasya durmanAH .. 35..\\
tamabhidrutya rAdheyaH skandha.n sa.nspR^ishya pANinA . 
abravItprahasanrAjankutsayanniva pANDavam .. 36..\\
kathaM nAma kule jAtaH kShatradharme vyavasthitaH . 
prajahyAtsamare shatrUnprANAnrakShanmahAhave .. 37..\\
na bhavAnkShatradharmeShu kushalo.asIti me matiH . 
brAhme bale bhavAnyuktaH svAdhyAye yaGYakarmaNi .. 38..\\
mA.n sma yudhyasva kaunteya mA cha vIrAnsamAsadaH . 
mA chainAnapriyaM brUhi mA cha vraja mahAraNam .. 39..\\
evamuktvA tataH pArtha.n visR^ijya cha mahAbalaH . 
nyahanatpANDavI.n senAM vajrahasta ivAsurIm . 
tataH prAyAddruta.n rAjanvrIDanniva janeshvaraH .. 40..\\
atha prayAnta.n rAjAnamanvayuste tadAchyutam . 
chedipANDava pA~nchAlAH sAtyakishcha mahAratha . 
draupadeyAstathA shUrA mAdrIputrau cha pANDavau .. 41..\\
tato yudhiShThirAnIka.n dR^iShTvA karNaH parA~Nmukham . 
kurubhiH sahito vIraiH pR^iShThagaiH pR^iShThamanvayAt .. 42..\\
sha~NkhabherI ninAdaishcha kArmukANA.n cha nisvanaiH . 
babhUva dhArtarAShTrANA.n si.nhanAda ravastadA .. 43..\\
yudhiShThirastu kauravya rathamAruhya satvaraH . 
shrutakIrtermahArAja dR^iShTavAnkarNa vikramam .. 44..\\
kAlyamAnaM bala.n dR^iShTvA dharmarAjo yudhiShThiraH . 
tAnyodhAnabravItkruddho hataina.n vai sahasrashaH .. 45..\\
tato rAGYAbhyanuGYAtAH pANDavAnAM mahArathAH . 
bhImasenamukhAH sarve putrA.nste pratyupAdravan .. 46..\\
abhavattumulaH shabdo yodhAnA.n tatra bhArata . 
hastyashvarathapattInA.n shastrANA.n cha tatastataH .. 47..\\
uttiShThata praharata praitAbhipatateti cha . 
iti bruvANA anyonya.n jaghnuryodhA raNAjire .. 48..\\
abhrachchhAyeva tatrAsIchchharavR^iShTibhirambare . 
samAvR^ittairnaravarairnighnadbhiritaretaram .. 49..\\
vipatAkA dhvajachchhatrA vyashva sUtAyudhA raNe . 
vya~NgA~NgAvayavAH petuH kShitau kShINA hateshvarAH .. 50..\\
pravarANIva shailAnA.n shikharANi dvipottamAH . 
sArohA nihatAH peturvajrabhinnA ivAdrayaH .. 51..\\
chhinnabhinna viparyastairvarmAla~NkAra vigrahaiH . 
sArohAsturagAH peturhatavIrAH sahasrashaH .. 52..\\
vipra viddhAyudhA~NgAshcha dviradAshvarathairhatAH . 
prativIraishcha saMmarde pattisa~NghAH sahasrashaH .. 53..\\
vishAlAyatatAmrAkShaiH padmendu sadR^ishAnanaiH . 
shirobhiryuddhashauNDAnA.n sarvataH sa.nstR^itA mahI .. 54..\\
tathA tu vitate vyomni nisvana.n shushruvurjanAH . 
vimAnairapsaraH sa~NghairgItavAditranisvanaiH .. 55..\\
hatAnkR^ittAnabhimukhAnvIrAnvIraiH sahasrashaH . 
AropyAropya gachchhanti vimAneShvapsarogaNAH .. 56..\\
taddR^iShTvA mahadAshcharyaM pratyakSha.n svargalipsayA . 
prahR^iShTamanasaH shUrAH kShipra.n jagmuH parasparam .. 57..\\
rathino rathibhiH sArdha.n chitra.n yuyudhurAhave . 
pattayaH pattibhirnAgA nAgaiH saha hayairhayAH .. 58..\\
evaM pravR^itte sa~NgrAme gajavAjijanakShaye . 
sainye cha rajasA vyApte sve svA~njaghnuH pare parAn .. 59..\\
kachAkachi babhau yuddha.n dantA danti nakhA nakhi . 
muShTiyuddhaM niyuddha.n cha dehapApma vinAshanam .. 60..\\
tathA vartati sa~NgrAme gajavAjijanakShaye . 
narAshvagajadehebhyaH prasR^itA lohitApagA . 
narAshvagajadehAnsA vyuvAha patitAnbahUn .. 61..\\
narAshvagajasambAdhe narAshvagajasAdinAm . 
lohitodA mahAghorA nadI lohitakardamA . 
narAshvagajadehAnsA vahantI bhIru bhIShaNI .. 62..\\
tasyAH paramapAra.n cha vrajanti vijayaiShiNaH . 
gAdhena cha plavantashcha nimajjyonmajjya chApare .. 63..\\
te tu lohitadigdhA~NgA raktavarmAyudhAmbarAH . 
sasnustasyAmpapushchAsR^inmamlushcha bharatarShabha .. 64..\\
rathAnashvAnnarAnnAgAnAyudhAbharaNAni cha . 
vasanAnyatha varmANi hanyamAnAnhatAnapi . 
bhUmi.n khaM dyAM dishashchaiva prAyaH pashyAma lohitam .. 65..\\
lohitasya tu gandhena sparshena cha rasena cha . 
rUpeNa chAtiriktena shabdena cha visarpatA . 
viShAdaH sumahAnAsItprAyaH sainyasya bhArata .. 66..\\
tattu viprahata.n sainyaM bhImasenamukhaistava . 
bhUyaH samAdravanvIrAH sAtyakipramukhA rathAH .. 67..\\
teShAmApatatA.n vegamaviShahya mahAtmanAm . 
putrANA.n te mahatsainyamAsIdrAjanparA~Nmukham .. 68..\\
tatprakIrNarathAshvebhaM naravAji samAkulam . 
vidhvastacharma kavachaM praviddhAyudha kArmukam .. 69..\\
vyadravattAvaka.n sainyaM loDyamAnaM samantataH . 
si.nhArditaM mahAraNye yathA gajakula.n tathA .. 70..\\
\medskip\hrule\medskip\centerline{\Largedvng 34}
 s

tAnabhidravato dR^iShTvA pANDavA.nstAvakaM balam . 
kroshatastava putrasya na sma rAjannyavartata .. 1..\\
tataH pakShAtprapakShAchcha prapakShaishchApi dakShiNAt . 
udasta shastrAH kuravo bhImamabhyadravanraNe .. 2..\\
karNo.api dR^iShTvA dravato dhArtarAShTrAnparA~NmukhAn . 
ha.nsavarNAnhayAgryA.nstAnpraiShIdyatra vR^ikodaraH .. 3..\\
te preShitA mahArAja shalyenAhava shobhinA . 
bhImasenarathaM prApya samasajjanta vAjinaH .. 4..\\
dR^iShTvA karNa.n samAyAntaM bhImaH krodhasamanvitaH . 
mati.n dadhre vinAshAya karNasya bharatarShabha .. 5..\\
so.abravItsAtyaki.n vIra.n dhR^iShTadyumnaM cha pArShatam . 
ena.n rakShata rAjAna.n dharmAtmAnaM yudhiShThiram . 
saMshayAnmahato mukta.n kathaM chitprekShito mama .. 6..\\
agrato me kR^ito rAjA chhinnasarvaparichchhadaH . 
duryodhanasya prItyartha.n rAdheyena durAtmanA .. 7..\\
antamadya kariShyAmi tasya duHkhasya pArShata . 
hantA vAsmi raNe karNa.n sa vA mAM nihaniShyati . 
sa~NgrAmeNa sughoreNa satyametadbravImi vaH .. 8..\\
rAjAnamadya bhavatAM nyAsabhUta.n dadAmi vai . 
asya sa.nrakShaNe sarve yatadhva.n vigatajvarAH .. 9..\\
evamuktvA mahAbAhuH prAyAdAdhirathiM prati . 
si.nhanAdena mahatA sarvAH saMnAdayandishaH .. 10..\\
dR^iShTvA tvaritamAyAntaM bhIma.n yuddhAbhinandinam . 
sUtaputramathovAcha madrANAmIshvaro vibhuH .. 11..\\
pashya karNa mahAbAhu.n kruddhaM pANDavanandanam . 
dIrghakAlArjita.n krodhaM moktu kAmaM tvayi dhruvam .. 12..\\
IdR^ishaM nAsya rUpaM me dR^iShTapUrva.n kadA chana . 
abhimanyau hate karNe rAkShase vA ghaTotkache .. 13..\\
trailokyasya samastasya shaktaH kruddho nivAraNe . 
bibharti yAdR^isha.n rUpa.n kAlAgnisadR^ishaM shubham .. 14..\\
iti bruvati rAdheyaM madrANAmIshvare nR^ipa . 
abhyavartata vai karNa.n krodhadIpto vR^ikodaraH .. 15..\\
tathAgata.n tu samprekShya bhIma.n yuddhAbhinandinam . 
abravIdvachana.n shalyaM rAdheyaH prahasanniva .. 16..\\
yadukta.n vachanaM me.adya tvayA madrajaneshvara . 
bhImasenaM prati vibho tatsatyaM nAtra saMshayaH .. 17..\\
eSha shUrashcha vIrashcha krodhanashcha vR^ikodaraH . 
nirapekShaH sharIre cha prANatashcha balAdhikaH .. 18..\\
aGYAtavAsa.n vasatA virATanagare tadA . 
draupadyAH priyakAmena kevalaM bAhusaMshrayAt . 
gUDhabhAva.n samAshritya kIchakaH sagaNo hataH .. 19..\\
so.adya sa~NgrAmashirasi sannaddhaH krodhamUrchchhitaH . 
ki~Nkarodyata daNDena mR^ityunApi vrajedraNam .. 20..\\
chirakAlAbhilaShito mamAya.n tu manorathaH . 
arjuna.n samare hanyAM mAM vA hanyAddhana~njayaH . 
sa me kadA chidadyaiva bhavedbhIma samAgamAt .. 21..\\
nihate bhIma sete tu yadi vA virathI kR^ite . 
abhiyAsyati mAM pArthastanme sAdhu bhaviShyati . 
atra yanmanyase prApta.n tachchhIghra.n sampradhAraya .. 22..\\
etachchhrutvA tu vachana.n rAdheyasya mahAtmanaH . 
uvAcha vachana.n shalyaH sUtaputra.n tathAgatam .. 23..\\
abhiyAsi mahAbAho bhImasenaM mahAbalam . 
nirasya bhImasena.n tu tataH prApsyasi phalgunam .. 24..\\
yaste kAmo.abhilaShitashchirAtprabhR^iti hR^idgataH . 
sa vai sampatsyate karNa satyametadbravImi te .. 25..\\
evamukte tataH karNaH shalyaM punarabhAShata . 
hantAhamarjuna.n sa~Nkhye mAM vA hantA dhana~njayaH . 
yuddhe manaH samAdhAya yAhi yAhItyachodayat .. 26..\\
tataH prAyAdrathenAshu shalyastatra vishAM pate . 
yatra bhImo maheShvAso vyadrAvayata vAhinIm .. 27..\\
tatastUryaninAdashcha bherINA.n cha mahAsvanaH . 
udatiShThata rAjendra karNa bhIma samAgame .. 28..\\
bhImaseno.atha sa~Nkruddhastava sainya.n durAsadam . 
nArAchairvimalaistIkShNairdishaH prAdrAvayadbalI .. 29..\\
sa saMnipAtastumulo bhImarUpo vishAM pate . 
AsIdraudro mahArAja karNa pANDavayormR^idhe . 
tato muhUrtAdrAjendra pANDavaH karNamAdravat .. 30..\\
tamApatanta.n samprekShya karNo vaikartano vR^iShaH . 
AjaghAnorasi kruddho nArAchena stanAntare . 
punashchainamameyAtmA sharavarShairavAkirat .. 31..\\
sa viddhaH sUtaputreNa chhAdayAmAsa patribhiH . 
vivyAdha nishitaiH karNa navabhirnataparvabhiH .. 32..\\
tasya karNo dhanurmadhye dvidhA chichchheda patriNA . 
atha ta.n chhinnadhanvAnamabhyavidhyatstanAntare . 
nArAchena sutIkShNena sarvAvaraNabhedinA .. 33..\\
so.anyatkArmukamAdAya sUtaputra.n vR^ikodaraH . 
rAjanmarmasu marmaGYo viddhvA sunishitaiH sharaiH . 
nanAda balavannAda.n kampayanniva rodasI .. 34..\\
ta.n karNaH pa~nchaviMshatyA nArAchAnA.n samArdayat . 
madotkaTa.n vane dR^iptamulkAbhiriva ku~njaram .. 35..\\
tataH sAyakabhinnA~NgaH pANDavaH krodhamUrchchhitaH . 
sa.nrambhAmarSha tAmrAkShaH sUtaputra vadhechchhayA .. 36..\\
sa kArmuke mahAvegaM bhArasAdhanamuttamam . 
girINAmapi bhettAra.n sAyakaM samayojayat .. 37..\\
vIkR^iShya balavachchApamA karNAdatimArutiH . 
taM mumocha maheShvAsaH kruddhaH karNa jighA.nsayA .. 38..\\
sa visR^iShTo balavatA bANo vajrAshanisvanaH . 
adArayadraNe karNa.n vajravega ivAchalam .. 39..\\
sa bhImasenAbhihato sUtaputraH kurUdvahA . 
niShasAda rathopasthe visa~nj~naH pR^itanA patiH .. 40..\\
tato madrAdhipo dR^iShTvA visa~nj~na.n sUtanandanam . 
apovAha rathenAjau karNamAhavashobhinam .. 41..\\
tataH parAjite karNe dhArtarAShTrIM mahAchamUm . 
vyadrAvayadbhImaseno yathendro dAnavI.n chamUm .. 42..\\
\medskip\hrule\medskip\centerline{\Largedvng 35}
 dhr

suduShkaramida.n karmakR^itaM bhImena sa~njaya . 
yena karNo mahAbAhU rathopasthe nipAtitaH .. 1..\\
karNo hyeko raNe hantA sR^i~njayAnpANDavaiH saha . 
iti duryodhanaH sUta prAbravInmAM muhurmuhuH .. 2..\\
parAjita.n tu rAdheyaM dR^iShTvA bhImena sa.nyuge . 
tataH para.n kimakarotputro duryodhano mama .. 3..\\

 s

vibhrAntaM prekShya rAdheya.n sUtaputraM mahAhave . 
mahatyA senayA rAjansodaryAnsamabhAShata .. 4..\\
shIghra.n gachchhata bhadra.n vo rAdheyaM parirakShata . 
bhImasenabhayAgAdhe majjanta.n vyasanArNave .. 5..\\
te tu rAGYaH samAdiShTA bhImasenajighA.nsavaH . 
abhyavartanta sa~NkruddhAH pata~NgA iva pAvakam .. 6..\\
shrutAyurdurdharaH krAtho vivitsurvikaTaH samaH . 
niSha~NgI kavachI pAshI tathA nandopanandakau .. 7..\\
duShpradharShaH subAhushcha vAtavegasuvarchasau . 
dhanurgrAho durmadashcha tathA sattvasamaH sahaH .. 8..\\
ete rathaiH parivR^itA vIryavanto mahAbalAH . 
bhImasena.n samAsAdya samantAtparyavArayan . 
te vyamu~ncha~nsharavrAtAnnAnA li~NgAnsamantataH .. 9..\\
sa tairabhyardyamAnastu bhImaseno mahAbalaH . 
teShAmApatatA.n kShipra.n sutAnAM te narAdhipa . 
rathaiH pa~nchAshatA sArdhaM pa~nchAshannyahanadrathAn .. 10..\\
vivitsostu tataH kruddho bhallenApAharachchhiraH . 
sakuNDala shirastrANaM pUrNachandropama.n tadA . 
bhImena cha mahArAja sa papAta hato bhuvi .. 11..\\
ta.n dR^iShTvA nihata.n shUraM bhrAtaraH sarvataH prabho . 
abbhyadravanta samare bhImaM bhImaparAkramam .. 12..\\
tato.aparAbhyAM bhallAbhyAM putrayoste mahAhave . 
jahAra samare prANAnbhImo bhImaparAkramaH .. 13..\\
tau dharAmanvapadyetA.n vAtarugNAviva drumau . 
vikaTashcha samashchobhau devagarbhasamau nR^ipa .. 14..\\
tatastu tvarito bhImaH krAthaM ninye yamakShayam . 
nArAchena sutIkShNena sa hato nyapatadbhuvi .. 15..\\
hAhAkArastatastIvraH sambabhUva janeshvara . 
vadhyamAneShu te rAja.nstadA putreShu dhanviShu .. 16..\\
teShA.n sa.nlulite sainye bhImaseno mahAbalaH . 
nandopanandau samare prApayadyamasAdanam .. 17..\\
tataste prAdravanbhItAH putrAste vihvalI kR^itAH . 
bhImasena.n raNe dR^iShTvA kAlAntakayamopamam .. 18..\\
putrA.nste nihatAndR^iShTvA sUtaputro mahAmanAH . 
ha.nsavarNAnhayAnbhUyaH prAhiNodyatra pANDavaH .. 19..\\
te preShitA mahArAja madrarAjena vAjinaH . 
bhImasenarathaM prApya samasajjanta vegitAH .. 20..\\
sa saMnipAtastumulo ghorarUpo vishAM pate . 
AsIdraudro mahArAja karNa pANDavayormR^idhe .. 21..\\
dR^iShTvA mama mahArAja tau sametau mahArathau . 
AsIdbuddhiH kathaM nUnametadadya bhaviShyati .. 22..\\
tato muhUrtAdrAjendra nAtikR^ichchhrAddhasanniva . 
virathaM bhImakarmANaM bhIma.n karNashchakAra ha .. 23..\\
viratho bharatashreShThaH prahasannanilopamaH . 
gadAhasto mahAbAhurapatatsyandanottamAt .. 24..\\
nAgAnsaptashatAnrAjAnnISha dantAnprahAriNaH . 
vyadhamatsahasA bhImaH kruddha rUpAH parantapaH .. 25..\\
dantaveShTeShu netreShu kambheShu sa kaTeShu cha . 
marmasvapi cha marmaGYo ninadanvyadhamadbhR^isham .. 26..\\
tataste prAdravanbhItAH pratIpaM prahitAH punaH . 
mahAmAtraistamAvavrurmeghA iva divAkaram .. 27..\\
tAnsa saptashatAnnAgAnsArohAyudha ketanAn . 
bhUmiShTho gadayA jaghne sharanmeghAnivAnilaH .. 28..\\
tataH subala putrasya nAgAnatibalAnpunaH . 
pothayAmAsa kaunteyo dvApa~nchAshatamAhave .. 29..\\
tathA rathashata.n sAgraM pattIMshcha shatasho.aparAn . 
nyahanatpANDavo yuddhe tApaya.nstava vAhinIm .. 30..\\
pratApyamAna.n sUryeNa bhImena cha mahAtmanA . 
tava sainya.n sa~ncchukocha charma vahni gataM yathA .. 31..\\
te bhIma bhayasantrastAstAvakA bharatarShabha . 
vihAya samare bhIma.n dudruvurvai disho dasha .. 32..\\
rathAH pa~nchashatAshchAnye hrAdinashcharma varmiNaH . 
bhImamabhyadrava.nstUrNa.n sharapUgaiH samantataH .. 33..\\
tAnsasUta rathAnsarvAnsapatAkA dhvajAyudhAn . 
pothayAmAsa gadayA bhImo viShNurivAsurAn .. 34..\\
tataH shakuninirdiShTAH sAdinaH shUra saMmatAH . 
trisAhasrA yayurbhIma.n shaktyR^iShTi prAsapANayaH .. 35..\\
tAnpratyudgamya yavanAnashvArohAnvarArihA . 
vicharanvividhAnmArgAnghAtayAmAsa pothayan .. 36..\\
teShAmAsInmahA~nshabdastADitAnA.n cha sArvashaH . 
asibhishchhidyamAnAnAM naDAnAmiva bhArata .. 37..\\
eva.n subala putrasya trisAhasrAnhayottamAn . 
hatvAnya.n rathamAsthAya kruddho rAdheyamabhyayAt .. 38..\\
karNo.api samare rAjandharmaputramarindamam . 
sharaiH prachchhAdayAmAsa sArathi.n chApyapAtayat .. 39..\\
tataH saMmpradruta.n sa~Nkhye ratha.n dR^iShTvA mahArathaH . 
anvadhAvatkiranbANaiH ka~NkapatrairajihmagaiH .. 40..\\
rAjAnamabhi dhAvanta.n sharairAvR^itya rodasI . 
kruddhaH prachchhAdayAmAsa sharajAlena mArutiH .. 41..\\
saMnivR^ittastatastUrNa.n rAdheyaH shatrukarshanaH . 
bhImaM prachchhAdayAmAsa samantAnnishitaiH sharaiH .. 42..\\
bhImasenarathavyagra.n karNaM bhArata sAtyakiH . 
abhyardayadameyAtmA pArShNigrahaNakAraNAt . 
abhyavartata karNastamardito.api sharairbhR^isham .. 43..\\
tAvanyonya.n samAsAdya vR^iShAbhau sarvadhanvinAm . 
visR^ijantau sharAMshchitrAnvibhrAjetAM manasvinau .. 44..\\
tAbhyA.n viyati rAjendra vitataM bhImadarshanam . 
krau~nchapR^iShThAruNa.n raudraM bANajAlaM vyadR^ishyata .. 45..\\
naiva sUryaprabhA.n kha.n vA na dishaH pradishaH kutaH . 
prAGYAsiShma vaya.n tAbhyA.n sharairmuktaiH sahasrashaH .. 46..\\
madhyAhne tapato rAjanbhAskarasya mahAprabhAH . 
hR^itAH sarvAH sharaughaistaiH karNamAdhavayostadA .. 47..\\
saubala.n kR^itavarmANaM drauNimAdhirathiM kR^ipam . 
sa.nsaktAnpANDavairdR^iShTvA nivR^ittAH kuravaH punaH .. 48..\\
teShAmApatatA.n shabdastIvra AsIdvishAM pate . 
uddhUtAnA.n yathA vR^iShTyA sAgarANAM bhayAvahaH .. 49..\\
te sene bhR^ishasa.nvigne dR^iShTvAnyonyaM mahAraNe . 
harSheNa mahatA yukte parigR^ihya parasparam .. 50..\\
tataH pravavR^ite yuddhaM madhyaM prApte divAkare . 
yAdR^ishaM na kadAchiddhi dR^iShTapUrvaM na cha shrutam .. 51..\\
balaughastu samAsAdya balaugha.n sahasA raNe . 
upAsarpata vegena jalaugha iva sAgaram .. 52..\\
AsInninAdaH sumahAnbalaughAnAM parasparam . 
garjatA.n sAgaraughANAM yathA syAnnisvano mahAn .. 53..\\
te tu sene samAsAdya vegavatyau parasparam . 
ekIbhAvamanuprApte nadyAviva samAgame .. 54..\\
tataH pravavR^ite yuddha.n ghorarUpa.n vishAM pate . 
kurUNAM pANDavAnA.n cha lipsatA.n sumahadyashaH .. 55..\\
kurUNA.n garjatAM tatra avichchheda kR^itA giraH . 
shrUyante vividhA rAjannAmAnyuddishya bhArata .. 56..\\
yasya yaddhi raNe nya~NgaM pitR^ito mAtR^ito.api vA . 
karmataH shIlato vApi sa tachchhrAvayate yudhi .. 57..\\
tAndR^iShTvA samare shUrA.nstarjayAnAnparasparam . 
abbhavanme matI rAjanneShAmastIti jIvitam .. 58..\\
teShA.n dR^iShTvA tu kruddhAnA.n vapUMShyamitatejasAm . 
abhavanme bhaya.n tIvraM kathametadbhaviShyati .. 59..\\
tataste pANDavA rAjankauravAshcha mahArathAH . 
tatakShuH sAyakaistIkShNairnighnanto hi parasparam .. 60..\\
\medskip\hrule\medskip\centerline{\Largedvng 36}
 

kShatriyAste mahArAja parasparavadhaiShiNaH . 
anyonya.n samare jaghnuH kR^itavairAH parasparam .. 1..\\
rathaughAshcha hayaughAshcha naraughAshcha samantataH . 
gajaughAshcha mahArAja sa.nsaktAH sma parasparam .. 2..\\
gadAnAM parighANA.n cha kaNapAnAM cha sarpatAm . 
prAsAnAM bhiNDipAlAnAM bhushuNDInA.n cha sarvashaH .. 3..\\
sampAta.n chAnvapashyAma sa~NgrAme bhR^ishadAruNe . 
shalabhA iva sampetuH samantAchchharavR^iShTayaH .. 4..\\
nAgA nAgAnsamAsAdya vyadhamanta parasparam . 
hayA hayAMshcha samare rathino rathinastathA . 
pattayaH pattisa~Nghaishcha hayasa~NghairhayAstathA .. 5..\\
pattayo rathamAta~NgAnrathA hastyashvameva cha . 
nAgAshcha samare trya~NgaM mamR^iduH shIghragA nR^ipa .. 6..\\
patatA.n tatra shUrANAM kroshatAM cha parasparam . 
ghoramAyodhana.n jaGYe pashUnA.n vaishasaM yathA .. 7..\\
rudhireNa samAstIrNA bhAti bhArata medinI . 
shakra gopa gaNAkIrNA prAvR^iShIva yathA dharA .. 8..\\
yathA vA vAsasI shukle mahArajana ra~njite . 
bibhR^ityAdyuvatiH shyAmA tadvadAsIdvasundharA . 
mA.nsashoNitachitreva shAtakaumbhamayIva cha .. 9..\\
chhinnAnA.n chottamA~NgAnAM bAhUnAM chorubhiH saha . 
kuNDalAnAM praviddhAnAM bhUShaNAnA.n cha bhArata .. 10..\\
niShkANAmadhisUtrANA.n sharIrANA.n cha dhanvinAm . 
varmaNA.n sapatAkAnAM sa~NghAstatrApatanbhuvi .. 11..\\
gajAngajAH samAsAdya viShANAgrairadArayan . 
viShANAbhihatAste cha bhrAjante dviradA yathA .. 12..\\
rudhireNAvasiktA~NgA gairikaprasravA iva . 
yathA bhrAjanti syandantaH parvatA dhAtumaNDitAH .. 13..\\
tomarAngajibhirmuktAnpratIpAnAsthitAnbahUn . 
hastairvicheruste nAgA babha~njushchApare tathA .. 14..\\
nArAchaishchhinnavarmANo bhrAjante sma gajottamAH . 
himAgame mahArAja vyabhrA iva mahIdharAH .. 15..\\
sharaiH kanakapu~Nkhaistu chitA rejurgajottamAH . 
ulkAbhiH sampradIptAgrAH parvatA iva mAriSha .. 16..\\
kechchidabhyAhatA nAgA nAgairnaganibhA bhuvi . 
nipetuH samare tasminpakShavanta ivAdrayaH .. 17..\\
apare prAdravannAgAH shalyArtA vraNapIDitAH . 
pratimAnaishcha kumbhaishcha petururvyAM mahAhave .. 18..\\
niSheduH si.nhavachchAnye nadanto bhairavAnravAn . 
mamlushcha bahavo rAjaMshchukUjushchApare tathA .. 19..\\
hayAshcha nihatA bAkaiH svarNabhANDa parichchhadAH . 
niShedushchaiva mamlushcha babhramushcha disho dasha .. 20..\\
apare kR^iShyamANAshcha viveShTanto mahItale . 
bhAvAnbahuvidhAMshchakrustADitAH sharatomaraiH .. 21..\\
narAstu nihatA bhUmau kUjantastatra mAriSha . 
dR^iShTvA cha bAndhavAnanye pitR^Inanye pitAmahAn .. 22..\\
dhAvamAnAnparAMshchaiva dR^iShTvAnye tatra bhArata . 
gotra nAmAni khyAtAni shasha.nsuritaretaram .. 23..\\
teShA.n chhinnA mahArAja bhujAH kanakabhUShaNAH . 
udveShTante viveShTante patante chotpatanti cha .. 24..\\
nipatanti tathA bhUmau sphuranti cha sahasrashaH . 
vegAMshchAnye raNe chakruH sphuranta iva pannagAH .. 25..\\
te bhujA bhogi bhogAbhAshchandanAktA vishAM pate . 
lohitArdrA bhR^isha.n rejustapanIyadhvajA iva .. 26..\\
vartamAne tathA ghore sa~Nkule sarvatodisham . 
aviGYAtAH sma yudhyante vinighnantaH parasparam .. 27..\\
bhaumena rajasA kIrNe shastrasampAta sa~Nkule . 
naiva sve na pare rAjanvyaGYAyanta tamovR^ite .. 28..\\
tathA tadabhavadyuddha.n ghorarUpaM bhayAnakam . 
shoNitodA mahAnadyaH prasasrustatra chAsakR^it .. 29..\\
shIrSha pAShANa sa~nchannAH keshashaivalashAdvalAH . 
asthi sa~NghAtasa~NkIrNA dhanuH sharavarottamAH .. 30..\\
mA.nsakardama pa~NkAshcha shoNitaughAH sudAruNAH . 
nadIH pravartayAmAsuryama rAShTravivardhanIH .. 31..\\
tA nadyo ghorarUpAshcha nayantyo yamasAdanam . 
avagADhA majjayantyaH kShatrasyAjanayanbhayam .. 32..\\
kravyAdAnAM naravyAghra nardatA.n tatra tatra ha . 
ghoramAyodhana.n jaGYe pretarAjapuropamam .. 33..\\
utthitAnyagaNeyAni kabandhAni samantataH . 
nR^ityanti vai bhUtagaNAH santR^iptA mA.nsashoNitaiH .. 34..\\
pItvA cha shoNita.n tatra vasAM pItvA cha bhArata . 
medo majjA vasA tR^iptAstR^iptA mA.nsasya chaiva hi . 
dhAvamAnAshcha dR^ishyante kAkagR^idhrabalAstathA .. 35..\\
shUrAste samare rAjanbhaya.n tyaktvA sudustyajam . 
yodhavratasamAkhyAtAshchakruH karmANyabhItavat .. 36..\\
sharashaktisamAkIrNe kravyAdagaNasa~Nkule . 
vyacharanta gaNaiH shUrAH khyApayantaH svapauruSham .. 37..\\
anyonya.n shrAvayanti sma nAmagotrANi bhArata . 
pitR^inAmAni cha raNe gotra nAmAni chAbhitaH .. 38..\\
shrAvayanto hi bahavastatra yodhA vishAM pate . 
anyonyamavamR^idnantaH shaktitomarapaTTishaiH .. 39..\\
vartamAne tadA yuddhe ghorarUpe sudAruNe . 
vyaShIdatkauravI senA bhinnA nauriva sAgare .. 40..\\
\medskip\hrule\medskip\centerline{\Largedvng 37}
 s

vartamAne tadA yuddhe kShatriyANAM nimajjane . 
gANDIvasya mahAnghoShaH shushruve yudhi mAriSha .. 1..\\
saMshaptakAnA.n kadanamakarodyatra pANDavaH . 
kosalAnA.n tathA rAjannArAyaNa balasya cha .. 2..\\
saMshaptakAstu samare sharavR^iShTi.n samantataH . 
apAtayanpArtha mUrdhni jaya gR^iddhAH pramanyavaH .. 3..\\
tA.n vR^iShTiM sahasA rAja.nstarasA dhArayanprabhuH . 
vyagAhata raNe pArtho vinighnanrathinA.n varaH .. 4..\\
nigR^ihya tu rathAnIka.n ka~NkapatraiH shilAshitaiH . 
AsasAda raNe pArthaH susharmANaM mahAratham .. 5..\\
sa tasya sharavarShANi vavarSha rathinA.n varaH . 
tathA saMshaptakAshchaiva pArthasya samare sthitAH .. 6..\\
susharmA tu tataH pArthA.n viddhvA navabhirAshugaiH . 
janArdana.n tribhirbANairabhyahandakShiNe bhuje . 
tato.apareNa bhallena ketu.n vivyAdha mAriSha .. 7..\\
sa vAnaravaro rAjanvishvakarma kR^ito mahAn . 
nanAda sumahAnnAdaM bhIShayanvai nanarda cha .. 8..\\
kapestu ninada.n shrutvA santrastA tava vAhinI . 
bhaya.n vipulamAdAya nishcheShTA samapadyata .. 9..\\
tataH sA shushubhe senA nishcheShTAvasthitA nR^ipa . 
nAnApuShpasamAkIrNa.n yathA chaitrarathaM vanam .. 10..\\
pratilabhya tataH sa~nj~nA.n yodhAste kurusattama . 
arjuna.n siShichurbANaiH parvata.n jaladA iva . 
parivavrustadA sarve pANDavasya mahAratham .. 11..\\
te hayAnrathachakre cha ratheShAshchApi bhArata . 
nigR^ihya balavattUrNa.n si.nhanAdamathAnadan .. 12..\\
apare jagR^ihushchaiva keshavasya mahAbhujau . 
pArthamanye mahArAja rathastha.n jagR^ihurmudA .. 13..\\
keshavastu tadA bAhU vidhunvanraNamUrdhani . 
pAtayAmAsa tAnsarvAnduShTahastIva hastinaH .. 14..\\
tataH kruddho raNe pArthaH sa.nvR^itastairmahArathaiH . 
nigR^ihIta.n ratha.n dR^iShTvA keshavaM chApyabhidrutam . 
rathArUDhAMshcha subahUnpadAtIMshchApyapAtayat .. 15..\\
AsannAMshcha tato yodhA~nsharairAsanna yodhibhiH . 
chyAvayAmAsa samare keshava.n chedamabravIt .. 16..\\
pashya kR^iShNa mahAbAho saMshaptaka gaNAnmayA . 
kurvANAndAruNa.n karma vadhyamAnAnsahasrashaH .. 17..\\
rathabandhamida.n ghoraM pR^ithivyAM nAsti kash chana . 
yaH saheta pumA.Nlloke madanyo yadupu~Ngava .. 18..\\
ityevamuktvA bIbhatsurdevadattamathAdhamat . 
pA~nchajanya.n cha kR^iShNo.api pUrayanniva rodasI .. 19..\\
ta.n tu sha~Nkhasvana.n shrutvA saMshaptaka varUthinI . 
sa~ncachAla mahArAja vitrastA chAbhavadbhR^iSham .. 20..\\
padabandha.n tatashchakre pANDavaH paravIrahA . 
nAgamastraM mahArAja samprodIrya muhurmuhuH .. 21..\\
yAnuddishya raNe pArthaH padabandha.n chakAra ha . 
te baddhAH padabandhena pANDavena mahAtmanA . 
nishcheShTA abhavanrAjannashmasAramayA iva .. 22..\\
nishcheShTA.nstu tato yodhAnavadhItpANDunandanaH . 
yathenduH samare daityA.nstArakasya vadhe purA .. 23..\\
te vadhyamAnAH samare mumuchusta.n rathottamam . 
AyudhAni cha sarvANi visraShTumupachakramuH .. 24..\\
tataH susharmA rAjendra gR^ihItA.n vIkShya vAhinIm . 
sauparNamastra.n tvaritaH prAdushchakre mahArathaH .. 25..\\
tataH suparNAH sampeturbhakShayanto bhuja~NgamAn . 
te vai vidudruvurnAgA dR^iShTvA tAnkhacharAnnR^ipa .. 26..\\
babhau bala.n tadvimuktaM padabandhAdvishAM pate . 
meghavR^indAdyathA mukto bhAskarastApayanprajAH .. 27..\\
vipramuktAstu te yodhAH phalgunasya rathaM prati . 
sasR^ijurbANasa~NghAMshcha shastrasa~NghAMshcha mAriSha .. 28..\\
tAM mahAstra mayI.n vR^iShTiM sa~nchidya sharavR^iShTibhiH . 
vyavAtiShThattato yodhAnvAsaviH paravIrahA .. 29..\\
susharmA tu tato rAjanbANenAnata parvaNA . 
arjuna.n hR^idaye viddhvA vivyAdhAnyaistribhiH sharaiH . 
sa gADhaviddho vyathito rathopastha upAvishat .. 30..\\
pratilabhya tataH sa~nj~nA.n shvetAshvaH kR^iShNasArathiH . 
aindramastramameyAtmA prAdushchakre tvarAnvitaH . 
tato bANasahasrANi samutpannAni mAriSha .. 31..\\
sarvadikShu vyadR^ishyanta sUdayanto nR^ipa dvipAn . 
hayAnrathAMshcha samare shastraiH shatasahasrashaH .. 32..\\
vadhyamAne tataH sainye vipulA bhIH samAvishat . 
saMshaptaka gaNAnA.n cha gopAlAnAM cha bhArata . 
na hi kashchitpumA.nstatra yo.arjunaM pratyayudhyata .. 33..\\
pashyatA.n tatra vIrANAm ahanyata mahadbalam . 
hanyamAnamapashyaMshcha nishcheShTAH sma parAkrame .. 34..\\
ayuta.n tatra yodhAnA.n hatvA pANDusuto raNe . 
vyabhrAjata raNe rAjanvidhUmo.agniriva jvalan .. 35..\\
chaturdashasahasrANi yAni shiShTAni bhArata . 
rathAnAmayuta.n chaiva trisAhasrAshcha dantinaH .. 36..\\
tataH saMshaptakA bhUyaH parivavrurdhana~njayam . 
martavyamiti nishchitya jaya.n vApi nivartanam .. 37..\\
tatra yuddhaM mahaddhyAsIttAvakAnA.n vishAM pate . 
shUreNa balinA sArdhaM pANDavena kirITinA .. 38..\\
\medskip\hrule\medskip\centerline{\Largedvng 38}
 s

kR^itavarmA kR^ipo drauNiH sUtaputrashcha mAriSha . 
ulUkaH saubalashchaiva rAjA cha saha sodaraiH .. 1..\\
sIdamAnA.n chamUM dR^iShTvA pANDuputra bhayArditAm . 
samujjihIrShurvegena bhinnAM nAvamivArNave .. 2..\\
tato yuddhamatIvAsInmuhUrtamiva bhArata . 
bhIrUNA.n trAsajanana.n shUrANAM harShavardhanam .. 3..\\
kR^ipeNa sharavarShANi vipra muktAni sa.nyuge . 
sR^i~njayAH shAtayAmAsuH shalabhAnA.n vrajA iva .. 4..\\
shikhaNDI tu tataH kruddho gautama.n tvarito yayau . 
vavarSha sharavarShANi samantAdeva brAhmaNe .. 5..\\
kR^ipastu sharavarSha.n tadvinihatya mahAstravit . 
shikhaNDina.n raNe kruddho vivyAdha dashabhiH sharaiH .. 6..\\
tataH shikhaNDI kupItaH sharaiH saptabhirAhave . 
kR^ipa.n vivyAdha subhR^isha.n ka~NkapatrairajihmagaiH .. 7..\\
tataH kR^ipaH sharaistIkShNaiH so.atividdho mahArathaH . 
vyashva sUta ratha.n chakre pArShataM tu dvijottamaH .. 8..\\
hatAshvAttu tato yAnAdavaplutya mahArathaH . 
charmakhaDge cha sa~NgR^ihya satvaraM brAhmaNa.n yayau .. 9..\\
tamApatanta.n sahasA sharaiH saMnataparvabhiH . 
chhAdayAmAsa samare tadadbhutamivAbhavat .. 10..\\
tatrAdbhutamapashyAma shilAnAM plavana.n yathA . 
nishcheShTo yadraNe rAja~nshikhaNDI samatiShThata .. 11..\\
kR^ipeNa chhAdita.n dR^iShTvA nR^ipottama shikhaNDinam . 
pratyudyayau kR^ipa.n tUrNaM dhR^iShTadyumno mahAratha .. 12..\\
dhR^iShTadyumna.n tato yAnta.n shAradvata rathaM prati . 
pratijagrAha vegena kR^itavarmA mahArathaH .. 13..\\
yudhiShThiramathAyAnta.n shAradvata rathaM prati . 
saputra.n sahasena.n cha droNaputro nyavArayat .. 14..\\
nakula.n sahadeva.n cha tvaramANau mahArathau . 
pratijagrAha te putraH sharavarSheNa vArayan .. 15..\\
bhImasena.n karUShAMshcha kekayAnsahasR^i~njayAn . 
karNo vaikartano yuddhe vArayAmAsa bhArata .. 16..\\
shikhaNDinastato bANAnkR^ipaH shAradvato yudhi . 
prAhiNottvarayA yukto didhakShuriva mAriSha .. 17..\\
tA~nsharAnpreShitA.nstena samantAddhemabhUShaNAn . 
chichchheda khaDgamAvidhya bhrAmayaMshcha punaH punaH .. 18..\\
shatachandra.n tatashcharma gautamaH pArShatasya ha . 
vyadhamatsAyakaistUrNa.n tata uchchukrushurjanAH .. 19..\\
sa vicharmA mahArAja khaDgapANirupAdravat . 
kR^ipasya vashamApanno mR^ityorAsyamivAturaH .. 20..\\
shAradvata sharairgrasta.n klishyamAnaM mahAbalam . 
chitraketusuto rAjansuketustvarito yayau .. 21..\\
vikiranbrAhmaNa.n yuddhe bahubhirnishitaiH sharaiH . 
abhyApatadameyAtmA gautamasya rathaM prati .. 22..\\
dR^iShTvAviShahya.n ta.n yuddhe brAhmaNaM charitavratam . 
apayAtastatastUrNa.n shikhaNDI rAjasattama .. 23..\\
suketustu tato rAjangautamaM navabhiH sharaiH . 
viddhvA vivyAdha saptatyA punashchaina.n tribhiH sharaiH .. 24..\\
athAsya sashara.n chApaM punashchichchheda mAriSha . 
sArathi.n cha shareNAsya bhR^ishaM marmaNyatADayat .. 25..\\
gautamastu tataH kruddho dhanurgR^ihya nava.n dR^iDham . 
suketu.n triMshatA bANaiH sarvamarmasvatADayat .. 26..\\
sa vihvalitasarvA~NgaH prachachAla rathottame . 
bhUmichAle yathA vR^ikShashchalatyAkampito bhR^isham .. 27..\\
chalatastasya kAyAttu shiro jvalitakuNDalam . 
soShNISha.n sashirastrANa.n kShurapreNAnvapAtayat .. 28..\\
tachchhiraH prApatadbhUmau shyenAhR^itamivAmiSham . 
tato.asya kAyo vasudhAM pashchAtprApa tadA chyutaH .. 29..\\
tasminhate mahArAja trastAstasya padAnugAH . 
gautama.n samare tyaktvA dudruvuste disho dasha .. 30..\\
dhR^iShTadyumna.n tu samare saMnivArya mahAbalaH . 
kR^itavarmAbravIddhR^iShTastiShTha tiShTheti pArShatam .. 31..\\
tadabhUttumula.n yuddhaM vR^iShNipArShatayo raNe . 
AmiShArthe yathA yuddha.n shyenayorgR^iddhayornR^ipa .. 32..\\
dhR^iShTadyumnastu samare hArdikyaM navabhiH sharaiH . 
AjaghAnorasi kruddhaH pIDayanhR^idikAtmajam .. 33..\\
kR^itavarmA tu samare pArShatena dR^iDhAhataH . 
pArShata.n sarathaM sAshva.n chhAdayAmAsa sAyakaiH .. 34..\\
sarathashchhAdito rAjandhR^iShTadyumno na dR^ishyate . 
meghairiva parichchhanno bhAskaro jaladAgame .. 35..\\
vidhUya taM bANagaNa.n sharaiH kanakabhUShaNaiH . 
vyarochata raNe rAjandhR^iShTadyumnaH kR^itavraNaH .. 36..\\
tatastu pArShataH kruddhaH shastravR^iShTi.n sudAruNAm . 
kR^itavarmANamAsAdya vyasR^ijatpR^itanA patiH .. 37..\\
tAmApatantI.n sahasA shastravR^iShTiM nirantarAm . 
sharairanekasAhasrairhArdikyo vyadhamadyudhi .. 38..\\
dR^iShTvA tu dAritA.n yuddhe shastravR^iShTi.n duruttarAm . 
kR^itavarmANamabhyetya vArayAmAsa pArShataH .. 39..\\
sArathi.n chAsya tarasA prAhiNodyamasAdanam . 
bhallena shitadhAreNa sa hataH prApatadrathAt .. 40..\\
dhR^iShTadyumnastu balavA~njitvA shatruM mahAratham . 
kauravAnsamare tUrNa.n vArayAmAsa sAyakaiH .. 41..\\
tataste tAvakA yodhA dhR^iShTadyumnamupAdravan . 
si.nhanAda rava.n kR^itvA tato yuddhamavartata .. 42..\\
\medskip\hrule\medskip\centerline{\Largedvng 39}
 s

drauNiryudhiShThira.n dR^iShTvA shaineyenAbhirakShitam . 
draupadeyaistathA shUrairabhyavartata hR^iShTavat .. 1..\\
kiranniShugaNAnghorAnsvarNapu~NkhA~nshilAshitAn . 
darshayanvividhAnmArgA~nshikShArtha.n laghuhastavat .. 2..\\
tataH khaM pUrayAmAsa sharairdivyAstramantritaiH . 
yudhiShThira.n cha samare paryavArayadastravit .. 3..\\
drauNAyani sharachchhannaM na prAGYAyata ki.n chana . 
bANabhUtamabhUtsarvamAyodhana shiro hi tat .. 4..\\
bANajAla.n diviShThaM tatsvarNajAlavibhUShitam . 
shushubhe bharatashreShTha vitAnamiva viShThitam .. 5..\\
tena chhanne raNe rAjanbANajAlena bhAsvatA . 
abhrachchhAyeva sa~njaGYe bANaruddhe nabhastale .. 6..\\
tatrAshcharyamapashyAma bANabhUte tathAvidhe . 
na sma sampatate bhUmau dR^iShTvA drauNeH parAkramam .. 7..\\
lAghava.n droNaputrasya dR^iShTvA tatra mahArathAH . 
vyasmayanta mahArAja na chainaM prativIkShitum . 
shekuste sarvarAjAnastapantamiva bhAskaram .. 8..\\
sAtyakiryatamAnastu dharmarAjashcha pANDavaH . 
tathetarANi sainyAni na sma chakruH parAkramam .. 9..\\
vadhyamAne tataH sainye draupadeyA mahArathAH . 
sAtyakirdharmarAjashcha pA~nchAlAshchApi sa~NgatAH . 
tyaktvA mR^ityubhaya.n ghoraM drauNAyanimupAdravan .. 10..\\
sAtyakiH pa~nchaviMshatyA drauNi.n viddhvA shilA mukhaiH . 
punarvivyAdha nArAchaiH saptabhiH svarNabhUShitaiH .. 11..\\
yudhiShThirastrisaptatyA prativindhyashcha saptabhiH . 
shrutakarmA tribhirbANaiH shrutakIrtistu saptabhiH .. 12..\\
suta somashcha navabhiH shatAnIkashcha saptabhiH . 
anye cha bahavaH shUrA vivyadhusta.n samantataH .. 13..\\
so.atikruddhastato rAjannAshIviSha iva shvasan . 
sAtyakiM pa~nchaviMshatyA prAvidhyata shilAshitaiH .. 14..\\
shrutakIrti.n cha navabhiH suta somaM cha pa~nchabhiH . 
aShTabhiH shrutakarmANaM prativindhya.n tribhiH sharaiH . 
shatAnIka.n cha navabhirdharmaputraM cha saptabhiH .. 15..\\
athetarA.nstataH shUrAndvAbhyA.n dvAbhyAmatADayat . 
shrutakIrtestathA chApa.n chichchheda nishitaiH sharaiH .. 16..\\
athAnyaddhanurAdAya shrutakIrtirmahArathaH . 
drauNAyani.n tribhirviddhvA vivyAdhAnyaiH shitaiH sharaiH .. 17..\\
tato drauNirmahArAja sharavarSheNa bhArata . 
chhAdayAmAsa tatsainya.n samantAchcha sharairnR^ipAn .. 18..\\
tataH punarameyAtmA dharmarAjasya kArmukam . 
drauNishchichchheda vihasanvivyAdha cha sharaistribhiH .. 19..\\
tato dharmasuto rAjanpragR^ihyAnyanmahaddhanuH . 
drauNi.n vivyAdha saptatyA bAhvorurasi chArdayat .. 20..\\
sAtyakistu tataH kruddho drauNeH praharato raNe . 
ardhachandreNa tIkShNena dhanushchhittvAnadadbhR^isham .. 21..\\
chhinnadhanvA tato drauNiH shaktyA shaktimatA.n varaH . 
sArathiM pAtayAmAsa shaineyasya rathAddrutam .. 22..\\
athAnyaddhanurAdAya droNaputraH pratApavAn . 
shaineya.n sharavarSheNa chhAdayAmAsa bhArata .. 23..\\
tasyAshvAH pradrutAH sa~Nkhye patite rathasArathau . 
tatra tatraiva dhAvantaH samadR^ishyanta bhArata .. 24..\\
yudhiShThirapurogAste drauNi.n shastrabhR^itAM varam . 
abhyavarShanta vegena visR^ijantaH shitA~nsharAn .. 25..\\
AgachchhamAnA.nstAndR^iShTvA raudrarUpAnparantapaH . 
prahasanpratijagrAha droNaputro mahAraNe .. 26..\\
tataH sharashatajvAlaH senA kakShaMmahA rathaH . 
drauNirdadAha samare kakShamagniryathA vane .. 27..\\
tadbalaM pANDuputrasya droNaputra pratApitam . 
chukShubhe bharatashreShTha timineva nadI mukham .. 28..\\
dR^iShTvA te cha mahArAja droNaputra parAkramam . 
nihatAnmenire sarvAnpANDUndroNasutena vai .. 29..\\
yudhiShThirastu tvarito drauNi.n shliShya mahAratham . 
abravIddroNaputra.n tu roShAmarShasamanvitaH .. 30..\\
naiva nAma tava prItirnaiva nAma kR^itaGYatA . 
yatastvaM puruShavyAghra mAmevAdya jighA.nsasi .. 31..\\
brAhmaNena tapaH kArya.n dAnamadhyayanaM tathA . 
kShatriyeNa dhanurnAmya.n sa bhavAnbrAhmaNa bruvaH .. 32..\\
miShataste mahAbAho jeShyAmi yudhi kauravAn . 
kuruShva samare karma brahma bandhurasi dhruvam .. 33..\\
evamukto mahArAja droNaputraH smayanniva . 
yuktatva.n tachcha sa~ncintya nottaraM kiM chidabravIt .. 34..\\
anuktvA cha tataH ki.n chichchharavarSheNa pANDavam . 
chhAdayAmAsa samare kruddho.antaka iva prajAH .. 35..\\
sa~nchAdyamAnastu tadA droNaputreNa mAriSha . 
pArtho.apayAtaH shIghra.n vai vihAya mahatI.n chamUm .. 36..\\
apayAte tatastasmindharmaputre yudhiShThire . 
droNaputraH sthito rAjanpratyAdeshAnmahAtmanaH .. 37..\\
tato yudhiShThiro rAjA tyaktvA drauNiM mahAhave . 
prayayau tAvaka.n sainyaM yuktaH krUrAya karmaNe .. 38..\\
\medskip\hrule\medskip\centerline{\Largedvng 40}
 s

bhImasena.n sapA~nchAlya.n chedikekayasa.nvR^itam . 
vaikartanaH svaya.n ruddhvA varayAmAsa sAyakaiH .. 1..\\
tatastu chedikArUShAnsR^i~njayAMshcha mahArathAn . 
karNo jaghAna sa~Nkruddho bhImasenasya pashyataH .. 2..\\
bhImasenastataH karNa.n vihAya rathasattamam . 
prayayau kaurava.n sainya.n kakShamagniriva jvalan .. 3..\\
sUtaputro.api samare pA~nchAlAnkekayA.nstathA . 
sR^i~njayAMshcha maheShvAsAnnijaghAna sahasrashaH .. 4..\\
saMshaptakeShu pArthAshcha kauraveShu vR^ikodaraH . 
pA~nchAleShu tathA karNaH kShaya.n chakrUrmahArathAH .. 5..\\
te kShatriyA dahyamAnAstribhistaiH pAvakopamaiH . 
jagmurvinAsha.n samare rAjandurmantrite tava .. 6..\\
tato duryodhanaH kruddho nakulaM navabhiH sharaiH . 
vivyAdha bharatashreShTha chaturashchAsya vAjinaH .. 7..\\
tataH punarameyAtmA tava putro janAdhipaH . 
kShureNa sahadevasya dhvaja.n chichchheda kA~nchanam .. 8..\\
nakulastu tataH kruddhastava putra.n trisaptabhiH . 
jaghAna samare rAjansahadevashcha pa~nchabhiH .. 9..\\
tAvubhau bharatashreShThau shreShThau sarvadhanuShmatAm . 
vivyAdhorasi sa~NkruddhaH pa~nchabhiH pa~nchabhiH sharaiH .. 10..\\
tato.aparAbhyAM bhallAbhyA.n dhanuShI samakR^intata . 
yamayoH prahasanrAjanvivyAdhaiva cha saptabhiH .. 11..\\
tAvanye dhanuShI shreShThe shakrachApanibhe shubhe . 
pragR^ihya rejatuH shUrau devaputrasamau yudhi .. 12..\\
tatastau rabhasau yuddhe bhrAtarau bhrAtaraM nR^ipa . 
sharairvavarShaturghorairmahAmeghau yathAchalam .. 13..\\
tataH kruddho mahArAja tava putro mahArathaH . 
pANDuputrau maheShvAsau vArayAmAsa patribhiH .. 14..\\
dhanurmaNDalamevAsya dR^ishyate yudhi bhArata . 
sAyakAshchaiva dR^ishyante nishcharantaH samantataH .. 15..\\
tasya sAyakasa~nchannau chakAshetA.n cha pANDavau . 
meghachchhannau yathA vyomni chandrasUryau hataprabhau .. 16..\\
te tu bANA mahArAja hemapu~NkhAH shilAshitAH . 
AchhAdayandishaH sarvAH sUryasyevAMshavastadA .. 17..\\
bANabhUte tatastasminsa~nchanne cha nabhastale . 
yamAbhyA.n dadR^ishe rUpaM kAlAntakayamopamam .. 18..\\
parAkrama.n tu taM dR^iShTvA tava sUnormahArathAH . 
mR^ityorupAntikaM prAptau mAdrIputrau sma menire .. 19..\\
tataH senApatI rAjanpANDavasya mahAtmanaH . 
pArShataH prayayau tatra yatra rAjA suyodhanaH .. 20..\\
mAdrIputrau tataH shUrau vyatikramya mahArathau . 
dhR^iShTadyumnastava suta.n tADayAmAsa sAyakaiH .. 21..\\
tamavidhyadameyAtmA tava putro.atyamarShaNaH . 
pA~nchAlyaM pa~nchaviMshatyA prahasya puruSharShabha .. 22..\\
tataH punarameyAtmA putraste pR^ithivIpate . 
viddhvA nanAda pA~nchAlya.n ShaShTyA pa~nchabhireva cha .. 23..\\
athAsya sashara.n chApa.n hastAvApaM cha mAriSha . 
kShurapreNa sutIkShNena rAjA chichchheda sa.nyuge .. 24..\\
tadapAsya dhanushchhinnaM pA~nchAlyaH shakra karshanaH . 
anyadAdatta vegena dhanurbhArasahaM navam .. 25..\\
prajvalanniva vegena sa.nrambhAdrudhirekShaNaH . 
ashobhata maheShvAso dhR^iShTadyumnaH kR^itavraNaH .. 26..\\
sa pa~nchadasha nArAchA~nshvasataH pannagAniva . 
jighA.nsurbharatashreShTha.n dhR^iShTadyumno vyavAsR^ijat .. 27..\\
te varma hemavikR^itaM bhittvA rAGYaH shilAshitAH . 
vivishurvasudhA.n vegAtka~NkabarhiNa vAsasaH .. 28..\\
so.atividdho mahArAja putraste.ativyarAjata . 
vasante puShpashabalaH sapuShpa iva kiMshukaH .. 29..\\
sa chhinnavarmA nArAchaiH prahArairjarjarachchhaviH . 
dhR^iShTadyumnasya bhallena kruddhashchichchheda kArmukam .. 30..\\
athaina.n chhinnadhanvAnaM tvaramANo mahIpatiH . 
sAyakairdashabhI rAjanbhruvormadhye samArdayat .. 31..\\
tasya te.ashobhayanvaktra.n karmAra parimArjitAH . 
praphulla.n champaka.n yadvadbhramarA madhu lipsavaH .. 32..\\
tadapAsya dhanushchhinna.n dhR^iShTadyumno mahAmanAH . 
anyadAdatta vegena dhanurbhallAMshcha ShoDasha .. 33..\\
tato duryodhanasyAshvAnhatvA sUta.n cha pa~nchabhiH . 
dhanushchichchheda bhallena jAtarUpapariShkR^itam .. 34..\\
ratha.n sopaskara.n chhatraM shaktiM khaDgaM gadAM dhvajam . 
bhallaishchichchheda navabhiH putrasya tava pArShataH .. 35..\\
tapanIyA~Ngada.n chitraM nAgaM maNimaya.n shubham . 
dhvaja.n kurupateshchhinnaM dadR^ishuH sarvapArthivAH .. 36..\\
duryodhana.n tu virathaM chhinnasarvAyudha.n raNe . 
bhrAtaraH paryarakShanta sodaryA bharatarShabha .. 37..\\
tamAropya rathe rAjandaNDadhAro janAdhipam . 
apovAha cha sambhrAnto dhR^iShTadyumnasya pashyataH .. 38..\\
karNastu sAtyaki.n jitvA rAjagR^iddhI mahAbalaH . 
droNa hantAramugreShu.n sasArAbhimukhaM raNe .. 39..\\
taM pR^iShThato.abhyayAttUrNa.n shaineyo vituda~nsharaiH . 
vAraNa.n jaghanopAnte viShANAbhyAmiva dvipaH .. 40..\\
sa bhArata mahAnAsIdyodhAnA.n sumahAtmanAm . 
karNa pArShatayormadhye tvadIyAnAM mahAraNaH .. 41..\\
na pANDavAnAM nAsmAka.n yodhaH kashchchitparA~NmukhaH . 
pratyadR^ishyata yatkarNaH pA~nchAlA.nstvarito yayau .. 42..\\
tasminkShaNe narashreShTha gajavAjina rakShayaH . 
prAdurAsIdubhayato rAjanmadhya.n gate.ahani .. 43..\\
pA~nchAlAstu mahArAja tvaritA vijigIShavaH . 
sarvato.abhyadravankarNaM patatriNa iva drumam .. 44..\\
teShAmAdhirathiH kruddho yatamAnAnmanasvinaH . 
vichinvanneva bANAgraiH samAsAdayadagrataH .. 45..\\
vyAghraketu.n susharmANaM sha~Nku.n chograM dhana~njayam . 
shukla.n cha rochamAnaM cha si.nhasenaM cha durjayam .. 46..\\
te vIrA rathavegena parivavrurnarottaram . 
sR^ijanta.n sAyakAnkruddha.n karNamAhavashobhinam .. 47..\\
yudhyamAnA.nstu tA~nshUrAnmanujendraH pratApavAn . 
aShTAbhiraShTau rAdheyo nyahanannishitaiH sharaiH .. 48..\\
athAparAnmahArAja sUtaputraH pratApavAn . 
jaghAna bahusAhasrAnyodhAnyuddhavishAradaH .. 49..\\
viShNu.n cha viShNukarmANaM devApiM bhadrameva cha . 
daNDa.n cha samare rAjaMshchitraM chitrAyudha.n harim .. 50..\\
si.nhaketu.n rochamAnaM shalabha.n cha mahAratham . 
nijaghAna susa~NkruddhashchedInA.n cha mahArathAn .. 51..\\
teShAmAdadataH prANAnAsIdAdhirathervapuH . 
shoNitAbhyukShitA~Ngasya rudrasyevorjitaM mahat .. 52..\\
tatra bhArata karNena mAta~NgAstADitAH sharaiH . 
sarvato.abhyadravanbhItAH kurvanto mahadAkulam .. 53..\\
nipetururvyA.n samare karNa sAyakapIDitAH . 
kurvanto vividhAnnAdAnvajranunnA ivAchalAH .. 54..\\
gajavAjimanuShyaishcha nipatadbhiH samantataH . 
rathaishchAvagatairmArge paryastIryata medinI .. 55..\\
naiva bhIShmo na cha droNo nApyanye yudhi tAvakAH . 
chakruH sma tAdR^isha.n karma yAdR^isha.n vai kR^itaM raNe .. 56..\\
sUtaputreNa nAgeShu ratheShu cha hayeShu cha . 
nareShu cha naravyAghra kR^ita.n sma kadanaM mahat .. 57..\\
mR^igamadhye yathA si.nho dR^ishyate nirbhayash charan . 
pA~nchAlAnA.n tathA madhye karNo.acharadabhItavat .. 58..\\
yathA mR^igagaNA.nstrastAnsi.nho drAvayate dishaH . 
pA~nchAlAnA.n rathavrAtAnkarNo drAvayate tathA .. 59..\\
si.nhAsya.n cha yathA prApya na jIvanti mR^igAH kva chit . 
tathA karNamanuprApya na jIvanti mahArathAH .. 60..\\
vaishvAnara.n yathA dIpta.n dahyante prApya vai janAH . 
karNAgninA raNe tadvaddagdhA bhArata sR^i~njayAH .. 61..\\
karNena chediShvekena pA~nchAleShu cha bhArata . 
vishrAvya nAma nihatA bahavaH shUra saMmatAH .. 62..\\
mama chAsInmanuShyendra dR^iShTvA karNasya vikramam . 
naiko.apyAdhiratherjIvanpA~nchAlyo mokShyate yudhi .. 63..\\
pA~nchAlAnvidhamansa~Nkhye sUtaputraH pratApavAn . 
abhyadhAvata sa~Nkruddho dharmaputra.n yudhiShThiram .. 64..\\
dhR^iShTadyumnashcha rAjAna.n draupadeyAshcha mAriSha . 
parivavruramitraghna.n shatashashchApare janAH .. 65..\\
shikhaNDI sahadevashcha nakulo nAkulistathA . 
janamejayaH shinernaptA bahavashcha prabhadrakAH .. 66..\\
ete purogamA bhUtvA dhR^iShTadyumnasya sa.nyuge . 
karNamasyantamiShvastrairvicheruramitaujasaH .. 67..\\
tA.nstatrAdhirathiH sa~Nkhye chedipA~nchAlapANDavAn . 
eko bahUnabhyapatadgarutmanpAnnagAniva .. 68..\\
bhImasenastu sa~NkruddhaH kurUnmadrAnsakekayAn . 
ekaH sa~Nkhye maheShvAso yodhayanbahvashobhata .. 69..\\
tatra marmasu bhImena nArAchaistADitA gajAH . 
prapatanto hatArohAH kampayanti sma medinIm .. 70..\\
vAjinashcha hatArohAH pattayashcha gatAsavaH . 
sherate yudhi nirbhinnA vamanto rudhiraM bahu .. 71..\\
sahasrashashcha rathinaH patitAH patitAyudhAH . 
akShatAH samadR^ishyanta bhImAdbhItA gatAsavaH .. 72..\\
rathibhirvAjibhiH sUtaiH pattibhishcha tathA gajaiH . 
bhImasenasharachchhinnairAstIrNA vasudhAbhavat .. 73..\\
tatstambhitamivAtiShThadbhImasenabalArditam . 
duryodhana bala.n rAjannirutsAha.n kR^itavraNam .. 74..\\
nishcheShTa.n tumule dInaM babhau tasminmahAraNe . 
prasannasalilaH kAle yathA syAtsAgaro nR^ipa .. 75..\\
manyuvIryabalopetaM balAtparyavaropitam . 
abhavattava putrasya tatsainyamiShubhistadA . 
rudhiraughapariklinna.n rudhirArdraM babhUva ha .. 76..\\
sUtaputro raNe kruddhaH pANDavAnAmanIkinIm . 
bhImasenaH kurUMshchApi drAvayanbahvashobhata .. 77..\\
vartamAne tathA raudre sa~NgrAme.adbhutadarshane . 
nihatya pR^itanA madhye saMshaptaka gaNAnbahUn .. 78..\\
arjuno jayatA.n shreShTho vAsudevamathAbravIt . 
prabhagnaM balametaddhi yotsyamAna.n janArdana .. 79..\\
ete dhAvanti sagaNAH saMshaptaka mahArathAH . 
apArayanto madbANAnsi.nhashabdAnmR^igA iva .. 80..\\
dIryate cha mahatsainya.n sR^i~njayAnAM mahAraNe . 
hastikakShyo hyasau kR^iShNa ketuH karNasya dhImataH . 
dR^ishyate rAjasainyasya madhye vicharato muhuH .. 81..\\
na cha karNa.n raNe shaktA jetumanye mahArathAH . 
jAnIte hi bhavAnkarNa.n vIryavantaM parAkrame .. 82..\\
tatra yAhi yataH karNo drAvayatyeSha no balam .. 83..\\
varjayitvA raNe yAhi sUtaputraM mahAratham . 
shramo mA bAdhate kR^iShNa yathA vA tava rochate .. 84..\\
etachchhrutvA mahArAja govindaH prahasanniva . 
abravIdarjuna.n tUrNaM kauravA~njahi pANDava .. 85..\\
tatastava mahatsainya.n govinda preritA hayAH . 
ha.nsavarNAH pravivishurvahantaH kR^iShNa pANDavau .. 86..\\
keshava prahitairashvaiH shvetaiH kA~nchanabhUShaNaiH . 
pravishadbhistava bala.n chaturdishamabhidyata .. 87..\\
tau vidArya mahAsenA praviShTau keshavArjunau . 
kruddhau sa.nrambharaktAkShau vyabhrAjetAM mahAdyutI .. 88..\\
yuddhashauNDau samAhUtAvaribhistau raNAdhvaram . 
yajvabhirvidhinAhUtau makhe devAvivAshvinau .. 89..\\
kruddhau tau tu naravyAghrau vegavantaulbabhUvatuH . 
talashabdena ruShitau yathA nAgau mahAhave .. 90..\\
vigAhansa rathAnIkamashvasa~NghAMshcha phalgunaH . 
vyacharatpR^itanA madhye pAshahasta ivAntakaH .. 91..\\
ta.n dR^iShTvA yudhi vikrAnta.n senAyAM tava bhArata . 
saMshaptaka gaNAnbhUyaH putraste samachodayat .. 92..\\
tato rathasahasreNa dviradAnA.n tribhiH shataiH . 
chaturdashasahasraishcha turagANAM mahAhave .. 93..\\
dvAbhyA.n shatasahasrAbhyAM padAtInA.n cha dhanvinAm . 
shUrANAM nAma labdhAnA.n viditAnAM samantataH . 
abhyavartanta tau vIrau chhAdayanto mahArathAH .. 94..\\
sa chhAdyamAnaH samare sharaiH parabalArdanaH . 
darshayanraudramAtmAnaM pAshahasta ivAntakaH . 
nighnansaMshaptakAnpArthaH prekShaNIyataro.abhavat .. 95..\\
tato vidyutprabhairbANaiH kArtasvaravibhUShitaiH . 
nirantaramivAkAshamAsInnunnaiH kirITinA .. 96..\\
kirITibhujanirmuktaiH sampatadbhirmahAsharaiH . 
samAchchhannaM babhau sarva.n kAdraveyairiva prabho .. 97..\\
rukmapu~NkhAnprasannAgrA~nsharAnsaMnataparvaNaH . 
adarshayadameyAtmA dikShu sarvAsu pANDavaH .. 98..\\
hatvA dashasahasrANi pArthivAnAM mahAratha . 
saMshaptakAnA.n kaunteyaH prapakShaM tvarito.abhyayAt .. 99..\\
prapakSha.n sa samAsAdya pArthaH kAmbojarakShitam . 
pramamAtha balAdbANairdAnavAniva vAsavaH .. 100..\\
prachichchhedAshu bhallaishcha dviShatAmAtatAyinAm . 
shastrapANI.nstathA bAhU.nstathApi cha shirA.nsyuta .. 101..\\
a~NgA~NgAvayavaishchhinnairvyAyudhAste.apatankShitau . 
viShvagvAtAbhisambhagnA bahushAkhA iva drumAH .. 102..\\
hastyashvarathapattInA.n vrAtAnnighnantamarjunam . 
sudakShiNAdavarajaH sharavR^iShTyAbhyavIvR^iShat .. 103..\\
asyAsyato.ardhachandrAbhyA.n sa bAhU parighopamau . 
pUrNachandrAbhavaktra.n cha kShureNAbhyahanachchhiraH .. 104..\\
sa papAta tato vAhAtsvalohita parisravaH . 
manaHshilA gireH shR^i~Nga.n vajreNevAvadAritam .. 105..\\
sudakShiNAdavaraja.n kAmbojaM dadR^ishurhatam . 
prAMshu.n kamalapatrAkShamatyarthaM priyadarshanam . 
kA~nchanastambhasa~NkAshaM bhinna.n hemagiriM yathA .. 106..\\
tato.abhavatpunaryuddha.n ghoramadbhutadarshanam . 
nAnAvasthAshcha yodhAnAM babhUvustatra yudhyatAm .. 107..\\
eteShvAvarjitairashvaiH kAmbojairyavanaiH shakaiH . 
shoNitAktaistadA rakta.n sarvamAsIdvishAM pate .. 108..\\
rathai rathAshvasUtaishcha hatArohaishcha vAjibhiH . 
dviradaishcha hatArohairmahAmAtrairhatadvipaiH . 
anyonyena mahArAja kR^ito ghoro janakShayaH .. 109..\\
tasminprapakShe pakShe cha vadhyamAne mahAtmanA . 
arjuna.n jayatA.n shreShThaM tvarito drauNirAyayau .. 110..\\
vidhunvAno mahachchApa.n kArtasvaravibhUShitam . 
AdadAnaH sharAnghorAnsvA rashmIniva bhAskaraH .. 111..\\
taiH patadbhirmahArAja drauNimuktaiH samantataH . 
sa~nchAditau rathasthau tAvubhau kR^iShNa dhana~njayau .. 112..\\
tataH sharashataistIkShNairbhAradvAjaH pratAvapAn . 
nishcheShTau tAvubhau chakre yuddhe mAdhava pANDavau .. 113..\\
hAhAkR^itamabhUtsarva.n ja~Ngama.n sthAvaraM tathA . 
charAcharasya goptArau dR^iShTvA sa~nchAditau sharaiH .. 114..\\
siddhachAraNasa~NghAshcha sampeturvai samantataH . 
chintayanto bhavedadya lokAnA.n svastyapItyaha .. 115..\\
na mayA tAdR^isho rAjandR^iShTapUrvaH parAkramaH . 
sa~njaGYe yAdR^isho drauNeH kR^iShNau sa~nchAdayiShyataH .. 116..\\
drauNestu dhanuShaH shabdamahitatrAsana.n raNe . 
ashrauShaM bahusho rAjansi.nhasya nadato yathA .. 117..\\
jyA chAsya charato yuddhe savyadakShiNamasyataH . 
vidyudambudamadhyasthA bhrAjamAneva sAbhavat .. 118..\\
sa tathA kShiprakArI cha dR^iDhahastashcha pANDavaH . 
saMmohaM parama.n gatvA praikShata droNajaM tataH .. 119..\\
sa vikrama.n hR^itaM mene AtmAnaH sumahAtmanA . 
tathAsya samare rAjanvapurAsItsudurdR^isham .. 120..\\
drauNipANDavayoreva.n vatamAne mahAraNe . 
vardhamAne cha rAjendra droNaputre mahAbale . 
hIyamAne cha kaunteye kR^iShNa.n roShaH samabhyayAt .. 121..\\
saroShAnniHshvasanrAjannirdahanniva chakShuShA . 
drauNi.n hyapashyatsa~NgrAme phalguna.n cha muhurmuhuH .. 122..\\
tataH kruddho.abravItkR^iShNaH pArtha.n sapraNaya.n tadA . 
atyadbhutamidaM pArtha tava pashyAmi sa.nyuge . 
atishete hi yatra tvA droNaputro.adya bhArata .. 123..\\
kachchitte gANDiva.n haste rathe tiShThasi chArjuna . 
kachchitkushalinau bAhU kachchidvIrya.n tadeva te .. 124..\\
evamuktastu kR^iShNena kShiptvA bhallAMshchaturdasha . 
tvaramANastvarA kAle drauNerdhanurathAchchhinat . 
dhvaja.n chhatraM patAkAM cha rathA.n shaktiM gadAM tathA .. 125..\\
jatru deshe cha subhR^isha.n vatsadantairatADayat . 
sa pUrchchhAM paramA.n gatvA dhvajayaShTi.n samAshritaH .. 126..\\
ta.n visa~nj~naM mahArAja kirITibhayapIDitam . 
apovAha raNAtsUto rakShamANo dhana~njayAt .. 127..\\
etasminneva kAle tu vijayaH shatrutApanaH . 
nyavadhIttAvaka.n sainyaM shatasho.atha sahasrashaH . 
pashyatastava putrasya tasya vIrasya bhArata .. 128..\\
evameSha kShayo vR^ittastAvakAnAM paraiH saha . 
krUro vishasano ghoro rAjandurmantrite tava .. 129..\\
saMshaptakAMshcha kaunteyaH kurUMshchApi vR^ikodaraH . 
vasuSheNa.n cha pA~nchAlaH kR^itsnena vyadhamadraNe .. 130..\\
\medskip\hrule\medskip\centerline{\Largedvng 41}
 s

taramANaH punaH kR^iShNaH pArthamabhyavadachchhanaiH . 
pashya kauravya rAjAnamapayAtAMshcha pANDavAn .. 1..\\
karNaM pashya mahAra~Nge jvalantamiva pAvakam . 
asau bhImo maheShvAsaH saMnivR^itto raNaM prati .. 2..\\
tamete.anu nivartante dhR^iShTadyumnapurogamAH . 
pA~nchAlAnA.n sR^i~njayAnAM pANDavAnA.n cha yanmukham . 
nivR^ittaishcha tathA pArthairbhagna.n shatrubalaM mahat .. 3..\\
kauravAndravato hyeSha karNo dhArayate.arjuna . 
antakapratimo vege shakratulyaparAkramaH .. 4..\\
asau gachchhati kauravya drauNirastrabhR^itA.n varaH . 
tameSha pradrutaH sa~Nkhye dhR^iShTadyumno mahArathaH .. 5..\\
sarva.n vyAchaShTa durdharSho vAsudevaH kirITine . 
tato rAjanprAdurAsInmahAghoro mahAraNaH .. 6..\\
si.nhanAda ravAshchAtra prAdurAsansamAgame . 
ubhayoH senayo rAjanmR^ityu.n kR^itvA nivartanam .. 7..\\
\medskip\hrule\medskip\centerline{\Largedvng 42}
 s

tataH punaH samAjagmurabhItAH kurusR^i~njayAH . 
yudhiShThira mukhAH pArthA vaikartana mukhA vayam .. 1..\\
tataH pravavR^ite bhImaH sa~NgrAmo lomaharShaNaH . 
karNasya pANDavAnA.n cha yama rAShTravivardhanaH .. 2..\\
tasminpravR^itte sa~NgrAme tumule shoNitodake . 
saMshaptakeShu shUreShu ki.n chichchhiShTeShu bhArata .. 3..\\
dhR^iShTadyumno mahArAja sahitaH sarvarAjabhiH . 
karNamevAbhidudrAva pANDavAshcha mahArathAH .. 4..\\
AgachchhamAnA.nstAnsa~Nkhye prahR^iShTAnvijayaiShiNaH . 
dadhAraiko raNe karNo jalaughAniva parvataH .. 5..\\
tamAsAdya tu te karNa.n vyashIryanta mahArathaH . 
yathAchala.n samAsAdya jalaughAH sarvatodisham . 
tayorAsInmahArAja sa~NgrAmo lomaharShaNaH .. 6..\\
dhR^iShTadyumnastu rAdheya.n shareNa nataparvaNA . 
tADayAmAsa sa~NkruddhastiShTha tiShTheti chAbravIt .. 7..\\
vijaya.n tu dhanuHshreShTha.n vidhunvAno mahArathaH . 
pArShatasya dhanushchhittvA sharAnAshIviShopamAn . 
tADayAmAsa sa~NkruddhaH pArShataM navabhiH sharaiH .. 8..\\
te varma hemavikR^itaM bhittvA tasya mahAtmanaH . 
shoNitAktA vyarAjanta shakra gopA ivAnagha .. 9..\\
tadapAsya dhanushchhinna.n dhR^iShTadyumno mahArathaH . 
anyaddhanurupAdAya sharAMshchAshIviShopamAn . 
karNa.n vivyAdha saptatyA sharaiH saMnataparvabhiH .. 10..\\
tathaiva rAjankarNo.api pArShata.n shatrutApanam . 
droNa shatruM maheShvAso vivyAdha nishitaiH sharaiH .. 11..\\
tasya karNo mahArAja shara.n kanakabhUShaNam . 
preShayAmAsa sa~Nkruddho mR^ityudaNDamivAparam .. 12..\\
tamApatanta.n sahasA ghorarUpaM vishAM pate . 
chichchheda saptadhA rAja~nshaineyaH kR^itahastavat .. 13..\\
dR^iShTvA vinihitaM bANa.n sharaiH karNo vishAM pate . 
sAtyaki.n sharavarSheNa samantAtparyavArayat .. 14..\\
vivyAdha chaina.n samare nArAchaistatra saptabhiH . 
taM pratyavidhyachchhaineyaH sharairhemavibhUShitaiH .. 15..\\
tato yuddhamatIvAsIchchakShuH shrotrabhayAvaham . 
rAjanghora.n cha chitraM cha prekShaNIya.n samantataH .. 16..\\
sarveShA.n tatra bhUtAnA.n loma harSho vyajAyata . 
taddR^iShTvA samare karma karNa shaineyayornR^ipa .. 17..\\
etasminnantare drauNirabhyayAtsumahAbalam . 
pArShata.n shatrudamanaM shatruvIryAsu nAshanam .. 18..\\
abhyabhAShata sa~Nkruddho drauNirdUre dhana~njaye . 
tiShTha tiShThAdya brahmaghna na me jIvanvimokShyase .. 19..\\
ityuktvA subhR^isha.n vIraH shIghrakR^innishitaiH sharaiH . 
pArShata.n chhAdayAmAsa ghorarUpaiH sutejanaiH . 
yatamAnaM para.n shaktyA yatamAno mahArathaH .. 20..\\
yathA hi samare drauNiH pArShata.n vIkShya mAriSha . 
tathA drauNi.n raNe dR^iShTvA pArShataH paravIrahA . 
nAtihR^iShTamanA bhUtvA manyate mR^ityumAtmanaH .. 21..\\
drauNistu dR^iShTvA rAjendra dhR^iShTadyumna.n raNe sthitam . 
krodhena niHshvasanvIraH pArShata.n samupAdravat . 
tAvanyonya.n tu dR^iShTvaiva sa.nrambhaM jagmatuH param .. 22..\\
athAbravInmahArAja droNaputraH pratApavAn . 
dhR^iShTadyumna.n samIpastha.n tvaramANo vishAM pate . 
pA~nchAlApasadAdya tvAM preShayiShyAmi mR^ityave .. 23..\\
pApa.n hi yattvayA karma ghnatA droNaM purA kR^itam . 
adya tvA patsyate tadvai yathA hyakushala.n tathA .. 24..\\
arakShyamANaH pArthena yadi tiShThasi sa.nyuge . 
nApakramasi vA mUDha satyametadbravImi te .. 25..\\
evamuktaH pratyuvAcha dhR^iShTadyumnaH pratApavAn . 
prativAkya.n sa evAsirmAmako dAsyate tava . 
yenaiva te piturdatta.n yatamAnasya sa.nyuge .. 26..\\
yadi tAvanmayA droNo nihato brAhmaNa bruvaH . 
tvAmidAnI.n katha.n yuddhe na haniShyAmi vikramAt .. 27..\\
evamuktvA mahArAja senApatiramarShaNaH . 
nishitenAtha bANena drauNi.n vivyAdha pArShata .. 28..\\
tato droNiH susa~NkruddhaH sharaiH saMnataparvabhiH . 
prAchchhAdayaddisho rAjandhR^iShTadyumnasya sa.nyuge .. 29..\\
naivAntarikShaM na disho naiva yodhAH samantataH . 
dR^ishyante vai mahArAja sharaishchhannAH sahasrashaH .. 30..\\
tathaiva pArShato rAjandrauNimAhavashobhinam . 
sharaiH sa~nchAdayAmAsa sUtaputrasya pashyataH .. 31..\\
rAdheyo.api mahArAja pA~nchAlAnsaha pANDavaiH . 
draupadeyAnyudhAmanyu.n sAtyaki.n cha mahAratham . 
ekaH sa vArayAmAsa prekShaNIyaH samantataH .. 32..\\
dhR^iShTadyumno.api samare drauNeshchichchheda kArmukam . 
tadapAsya dhanushchhinnamanyadAdatta kArmukam . 
vegavatsamare ghora.n sharAMshchAshIviShopamAn .. 33..\\
sa pArShatasya rAjendra dhanuH shakti.n gadAM dhvajam . 
hayAnsUta.n ratha.n chaiva nimeShAdvyadhamachchharaiH .. 34..\\
sa chhinnadhanvA viratho hatAshvo hatasArathiH . 
khaDgamAdatta vipula.n shatachandra.n cha bhAnumat .. 35..\\
drauNistadapi rAjendra bhallaiH kShipraM mahArathaH . 
chichchheda samare vIraH kShiprahasto dR^iDhAyudhaH . 
rathAdanavarUDhasya tadadbhutamivAbhavat .. 36..\\
dhR^iShTadyumna.n tu viratha.n hatAshvaM chhinnakArmukam . 
sharaishcha bahudhA viddhamastraishcha shakalIkR^itam . 
nAtaradbharatashreShTha yatamAno mahArathaH .. 37..\\
tasyAntamiShubhI rAjanyadA drauNirna jagmivAn . 
atha tyaktvA dhanurvIraH pArShata.n tvarito.anvagAt .. 38..\\
AsIdAdravato rAjanvegastasya mahAtmanaH . 
garuDasyeva patato jighR^ikShoH pannagottamam .. 39..\\
etasminneva kAle tu mAdhavo.arjunamabravIt . 
pashya pArtha yathA drauNiH pArShatasya vadhaM prati . 
yatna.n karoti vipula.n hanyAchchainamasaMshayam .. 40..\\
taM mochaya mahAbAho pArShata.n shatrutApanam . 
drauNerAsyamanuprAptaM mR^ityorAsya gata.n yathA .. 41..\\
evamuktvA mahArAja vAsudevaH pratApavAn . 
praiShayattatra turagAnyatra drauNirvyavasthitaH .. 42..\\
te hayAshchandrasa~NkAshAH keshavena prachoditAH . 
pibanta iva tadvyoma jagmurdrauNi rathaM prathi .. 43..\\
dR^iShTvAyAntau mahAvIryAvubhau kR^iShNa dhana~njayau . 
dhR^iShTadyumna vadhe rAjaMshchakre yatnaM mahAbalaH .. 44..\\
vikR^iShyamANa.n dR^iShTvaiva dhR^iShTadyumnaM janeshvara . 
sharAMshchikShepa vai pArtho drauNiM prati mahAbalaH .. 45..\\
te sharA hemavikR^itA gANDIvapreShitA bhR^isham . 
drauNimAsAdya vivishurvalmIkamiva pannagAH .. 46..\\
sa viddhastaiH sharairghorairdroNaputraH pratApavAn . 
rathamAruruhe vIro dhana~njaya sharArditaH . 
pragR^ihya cha dhanuHshreShThaM pArtha.n vivyAdha sAyakaiH .. 47..\\
etasminnantare vIraH sahadevo janAdhipa . 
apovAha rathenAjau pArShata.n shatrutApanam .. 48..\\
arjuno.api mahArAja drauNi.n vivyAdha patribhiH . 
ta.n droNaputraH sa~Nkruddho bAhvorurasi chArdayat .. 49..\\
krodhitastu raNe pArtho nArAcha.n kAlasaMmitam . 
droNaputrAya chikShepa kAladaNDamivAparam . 
sa brAhmaNasyA.nsa deshe kAladaNDamivAparam .. 50..\\
sa vihvalo mahArAja sharavegena sa.nyuge . 
niShasAda rathopasthe vyAkShipadvijaya.n dhanuH .. 51..\\
arjuna.n samare kruddhaH prekShamANo muhurmuhuH . 
dvairatha.n chApi pArthena kAmayAno mahAraNe .. 52..\\
ta.n tu hitvA hata.n vIraM sArathiH shatrukarshanam . 
apovAha rathenAjau tvaramANo raNAjirAt .. 53..\\
athotkruShTaM mahA rAjapA~nchAlairjitakAshibhiH . 
mokShitaM pArShata.n dR^iShTvA droNaputraM cha pIDitam .. 54..\\
vAditrANi cha divyAni prAvAdyanta sahasrashaH . 
si.nhanAdashcha sa~njaGYe dR^iShTvA ghoraM mahAdbhutam .. 55..\\
eva.n kR^itvAbravItpArtho vAsudevaM dhana~njayaH . 
yAhi saMshaptakAnkR^iShNa kAryametatparaM mama .. 56..\\
tataH prayAto dAshArhaH shrutvA pANDava bhAShitam . 
rathenAtipatAkena manomArutara.nhasA .. 57..\\
\medskip\hrule\medskip\centerline{\Largedvng 43}
 s

etasminnantare kR^iShNaH pArtha.n vachanamabravIt . 
darshayanniva kaunteya.n dharmarAja.n yudhiShThiram .. 1..\\
eSha pANDava te bhrAtA dhArtarAShTrairmahAbalaiH . 
jighA.nsubhirmaheShvAsairdrutaM pArthAnusaryate .. 2..\\
tathAnuyAnti sa.nrabdhAH pA~nchAlA yuddhadurmadAH . 
yudhiShThiraM mahAtmAnaM parIpsanto mahAjavAH .. 3..\\
eSha duryodhanaH pArtharathAnIkena daMshitaH . 
rAjA sarvasya lokasya rAjAnamanudhAvati .. 4..\\
jighA.nsuH puruShavyAghraM bhrAtR^ibhiH sahito balI . 
AshIviShA samasparshaiH sarvayuddhavishAradaiH .. 5..\\
ete jighR^ikShavo yAnti dvipAshvarathapattayaH . 
yudhiShThira.n dhArtarAShTrA ratnottamamivArthinaH .. 6..\\
pashya sAtvata bhImAbhyAM niruddhAdhiShThitaH prabhuH . 
jihIrShavo.amR^ita.n daityAH shakrAgnibhyAmivAvashAH .. 7..\\
ete bahutvAttvaritAH punargachchhanti pANDavam . 
samudramiva vAryoghAH prAvR^iTkAle mahArathaH .. 8..\\
nadantaH si.nhanAdAMshcha dhamantashchApi vArijAn . 
balavanto maheShvAsA vidhunvanto dhanUMShi cha .. 9..\\
mR^ityormukhagataM manye kuntIputra.n yudhiShTShhiram . 
hutamagnau cha bhadra.n te duryodhana vasha~Ngatam .. 10..\\
yathA yuktamanIka.n hi dhArtarAShTrasya pANDava . 
nAsya shakro.api muchyeta samprApto bANagochcharam .. 11..\\
duryodhanasya shUrasya drauNeH shAradvatasya cha . 
karNasya cheShu vego vai parvatAnapi dArayet .. 12..\\
duryodhanasya shUrasya sharaughA~nshIghramasyataH . 
sa~NkruddhasyAntakasyeva ko vega.n sa.nsahedraNe .. 13..\\
karNena cha kR^ito rAjA vimukhaH shatrutApanaH . 
balavA.Nllaghu tastashcha kR^itI yuddhavishAradaH .. 14..\\
rAdheyaH pANDavashreShTha.n shaktaH pIDayituM raNe . 
sahito dhR^itarAShTrasya putraiH shUro mahAtmabhiH .. 15..\\
tasyaiva.n yudhyamAnasya sa~NgrAme sa.nyatAtmanaH . 
anyairapi cha pArthasya hR^ita.n varma mahArathaiH .. 16..\\
upavAsakR^isho rAjA bhR^ishaM bharatasattama . 
brAhme bale sthito hyeSha na kShatre.atibale vibho .. 17..\\
na jIvati mahArAjo manye pArtha yudhiShThiraH . 
yadbhImasenaH sahate si.nhanAdamamarShaNaH .. 18..\\
nardatA.n dhArtarAShTrANAM punaH punararindama . 
dhamatA.n cha mahAsha~NkhAnsa~NgrAme jitakarshinAm .. 19..\\
yudhiShThiraM pANDaveya.n hateti bharatarShabha . 
sa~ncodayatyasau karNo dhArtarAShTrAnmahAbalAn .. 20..\\
sthUNAkarNendu jAlena pArtha pAshupatena cha . 
prachchhAdayanto rAjAnamanuyAnti mahArathAH . 
Aturo me mato rAjA saMniShevyashcha bhArata .. 21..\\
yathainamanuvartante pA~nchAlAH saha pANDavaiH . 
tvaramANAstvarA kAle sarvashastrabhR^itA.n varAH . 
majjantamiva pAtAle balino.apyujjihIrShavaH .. 22..\\
na keturdR^ishyate rAGYaH karNena nihataH sharaiH . 
pashyatoryamayoH pArtha sAtyakeshcha shikhaNDinaH .. 23..\\
dhR^iShTadyumnasya bhImasya shatAnIkasya vA vibho . 
pA~nchAlAnA.n cha sarveShAM chedInAM chaiva bhArata .. 24..\\
eSha karNo raNe pArtha pANDavAnAmanIkinIm . 
sharairvidhva.nsayati vai nalinImiva ku~njaraH .. 25..\\
ete dravanti rathinastvadIyAH pANDunandana . 
pashya pashya yathA pArtha gachchhantyete mahArathAH .. 26..\\
ete bhArata mAta~NgAH karNenAbhihatA raNe . 
ArtanAdAnvikurvANA vidravanti disho dasha .. 27..\\
rathAnA.n dravatA.n vR^indaM pashya pArtha samantataH . 
drAvyamANa.n raNe chaiva karNenAmitra karshinA .. 28..\\
hastikakShyA.n raNe pashya charantI.n tatra tatra ha . 
rathastha.n sUtaputrasya ketu.n ketumatAM vara .. 29..\\
asau dhAvati rAdheyo bhImasenarathaM prati . 
kira~nsharashatAnIva vinighna.nstava vAhinIm .. 30..\\
etAnpashya cha pA~nchAlAndrAvyamANAnmahAtmanA . 
shakreNeva yathA daityAnhanyamAnAnmahAhave .. 31..\\
eSha karNo raNe jitvA pA~nchAlAnpANDusR^i~njayAn . 
disho viprekShate sarvAstvadarthamiti me matiH .. 32..\\
pashya pArthadhanuHshreShTha.n vikarShansAdhu shobhate . 
shatrU~njitvA yathA shakro devasa~NghaiH samAvR^itaH .. 33..\\
ete nadanti kauravyA dR^iShTvA karNasya vikramam . 
trAsayanto raNe pArthAnsR^i~njayAMshcha sahasrashaH .. 34..\\
eSha sarvAtmanA pANDU.nstrAsayitvA mahAraNe . 
abhibhAShati rAdheyaH sarvasainyAni mAnada .. 35..\\
abhidravata gachchhadhva.n drutaM dravata kauravAH . 
yathA jIvanna vaH kashchinmuchyate yudhi sR^i~njayaH .. 36..\\
tathA kuruta sa.nyattA vaya.n yAsyAma pR^iShThataH . 
evamuktvA yayAveSha pR^iShThato vikira~nsharaiH .. 37..\\
pashya karNa.n raNe pArtha shvetachchhavi virAjitam . 
udayaM parvata.n yadvachchhobhayanvai divAkaraH .. 38..\\
pUrNachandra nikAshena mUrdhni chhatreNa bhArata . 
dhriyamANena samare tathA shatashalAkinA .. 39..\\
eSha tvAM prekShate karNaH sakatAkSho vishAM pate . 
uttama.n yatnamAsthAya dhruvAmeShyati sa.nyuge .. 40..\\
pashya hyenaM mahAbAho vidhunvAnaM mahaddhanuH . 
sharAMshchAshIviShAkArAnvisR^ijantaM mahAbalam .. 41..\\
asau nivR^itto rAdheyo dR^ishyate vAnaradhvaja . 
vadhAya chAtmano.abhyeti dIpasya shalabho yathA .. 42..\\
karNamekAkina.n dR^iShTvA rathAnIkena bhArata . 
rirakShiShuH susa.nyatto dhArtarAShTro.abhivartate .. 43..\\
sArvaiH sahaibhirduShTAtmA vadhya eSha prayatnataH . 
tvayA yashashcha rAjya.n cha sukhaM chottamamichchhatA .. 44..\\
AtmAna.n cha kR^itAtmAna.n samIkShya bharatarShabha . 
kR^itAgasa.n cha rAdheyaM dharmAtmani yudhiShThire .. 45..\\
pratipadyasva rAdheyaM prAptakAlamanantaram . 
AryA.n yuddhe mati.n kR^itvA pratyehi rathayUthapam .. 46..\\
pa~ncha hyetAni mikhyAnA.n rathAnAM rathasattama . 
shatAnyAyAnti vegena balinAM bhIma tejasAm .. 47..\\
pa~ncha nAgasahasrANi dviguNA vAjinastathA . 
abhisa.nhatya kaunteya padAtiprayutAni cha . 
anyonyarakShita.n vIra bala.n tvAm abhivartate .. 48..\\
sUtaputre maheShvAse darshayAtmAnamAtmanA . 
uttama.n yatnamAsthAya pratyehi bharatarShabha .. 49..\\
asau karNaH susa.nrabdhaH pA~nchAlAnabhidhAvati . 
ketumasya hi pashyAmi dhR^iShTadyumna rathaM prati . 
samuchchhetsyati pA~nchAlAniti manye parantapa .. 50..\\
AchakShe te priyaM pArtha tadevaM bharatarShabha . 
rAjA jIvati kauravyo dharmaputro yudhiShThiraH .. 51..\\
asau bhimo mahAbAhuhlsaMnivR^ittashchamUmukhe . 
vR^itaH sR^i~njaya sainyena sAtyakena cha bhAtata .. 52..\\
vadhyanta ete samare kauravA nishitaiH sharaiH . 
bhImasenena kaunteya pA~nchAlaishcha mahAtmabhiH .. 53..\\
senA hi dhArtarAShTrasya vimukhA chAbhavadraNAt . 
vipradhAvati vegena bhImasya nihatA sharaiH .. 54..\\
vipannasasyeva mahI rudhireNa samukShitA . 
bhAratI bharatashreShTha senA kR^ipaNa darshanA .. 55..\\
nivR^ittaM pashya kaunteya bhImasena.n yudhAM patim . 
AshIviShamiva kruddha.n tasmAddravati vAhinI .. 56..\\
pItaraktAsita sitAstArA chandrArka maNDitAH . 
patAkAviprakIryante chhatrANyetAni chArjuna .. 57..\\
sauvarNA rAjatAshchaiva taijasAshcha pR^ithagvidhAH . 
ketavo vinipAtyante hastyashva.n viprakIryate .. 58..\\
rathebhyaH prapatantyete rathino vigatAsavaH . 
nAnAvarNairhatA bANaiH pA~nchAlairapalAyibhiH .. 59..\\
nirmanuShyAngajAnashvAnrathAMshchaiva dhana~njaya . 
samAdravanti pA~nchAlA dhArtarAShTrA.nstarasvinaH .. 60..\\
mR^idnanti cha naravyAghrA bhImasenavyapAshrayAt . 
balaM pareShA.n durdharShaM tyaktvA prANAnarindama .. 61..\\
ete nadanti pA~nchAlA dhamantyapi cha vArijAn . 
abhidravanti cha raNe nighnantaH sAyakaiH parAn .. 62..\\
pashya svargasya mAhAtmyaM pA~nchAlA hi parantapa . 
dhArtarAShTrAnvinighnanti kruddhAH si.nhA iva dvipAn .. 63..\\
sarvatashchAbhipannaiShA dhArtarAShTrI mahAchamUH . 
pA~nchAlairmAnasAdetya ha.nsairga~Ngeva vegitaiH .. 64..\\
subhR^isha.n cha parAkrAntAH pA~nchAlAnAM nivAraNe . 
kR^ipa karNAdayo vIrA R^iShabhANAmivarShabhAH .. 65..\\
sunimagnAMshcha bhImAstrairdhArtarAShTrAnmahArathAn . 
dhR^iShTadyumnamukhA vIrA ghnanti shatrUnsahasrashaH . 
viShaNNabhUyiShTha rathA dhArtarAShTrI mahAchamUH .. 66..\\
pashya bhImena nArAchaishchhinnA nAgAHpatantyamI . 
vajrivajrAhatAnIva shikharANi mahIbhR^itAm .. 67..\\
bhImasenasya nirviddhA bANaiH saMnataparvabhiH . 
svAnyanIkAni mR^idnanto dravatyete mahAgajAH .. 68..\\
nAbhijAnAsi bhImasya si.nhanAda.n durutsaham . 
nadato.arjuna sa~NgrAme vIrasya jitakAshinaH .. 69..\\
eSha naiShAdirabbhyeti dvipamukhyena pANDavam . 
jighA.nsustomaraiH kruddho daNDA pANirivAntakaH .. 70..\\
satomarAvasya bhujau chhinnau bhImena garjataH . 
tIkShNairagnishikhA prakhyairnArAchairdashabhirhataH .. 71..\\
hatvainaM punarAyAti nAgAnanyAnprahAriNaH . 
pashya nIlAmbudanibhAnmahAmAtrairadhiShThitAn . 
shaktitomarasa~NkAshairvinighnanta.n vR^ikodaram .. 72..\\
sapta sapta cha nAga.nstAnvaijayantIshcha sadhvajAH . 
nihatya nishitairbANaishchhinnAH pArthAgrajena te . 
dashabhirdashabhishchaiko nArAchairnihato gajaH .. 73..\\
na chAsau dhArtarAShTrANA.n shrUyate ninadastathA . 
purandarasame kruddhe nivR^itte bharatarShabhe .. 74..\\
akShauhiNyastathA tisro dhArtarAShTrasya sa.nhatAH . 
kruddhena narasi.nhena bhImasenena vAritAH .. 75..\\

 s

bhImasenena tatkarmakR^ita.n dR^iShTvA suduShkaram . 
arjuno vyadhamachchhiShTAnahitAnnishitaiH sharaiH .. 76..\\
te vadhyamAnAH samare saMshaptaka gaNAH prabho . 
shakrasyAtithitA.n gatvA vishokA hyabhavanmudA .. 77..\\
pArthashcha puruShavyAghraH sharaiH saMnataparvabhiH . 
jaghAna dhArtarAShTrasya chaturvidha balA.n chamUm .. 78..\\
\medskip\hrule\medskip\centerline{\Largedvng 44}
 dhr

nivR^itte bhImasene cha pANDave cha yudhiShThire . 
vadhyamAne bale chApi mAmake pANDusR^i~njayaiH .. 1..\\
dravamANe balaughe cha nirAkrande muhurmuhuH . 
kimakurvanta kuravastanmamAchakShva sa~njaya .. 2..\\

 s

dR^iShTvA bhImaM mahAbAhu.n sUtaputraH pratApavAn . 
krodharaktekShaNo rAjanbhImasenamupAdravat .. 3..\\
tAvaka.n cha balaM dR^iShTvA bhImasenAtparA~Nmukham . 
yatnena mahatA rAjanparyavasthApayadbalI .. 4..\\
vyavasthApya mahAbAhustava putrasya vAhinIm . 
pratyudyayau tadA karNaH pANDavAnyuddhadurmadAn .. 5..\\
pratyudyayustu rAdheyaM pANDavAnAM mahArathAH . 
dhunvAnAH kArmukANyAjau vikShipantashcha sAyakAn .. 6..\\
bhImasenaH sinernaptA shikhaNDI janamejayaH . 
dhR^iShTadyumnashcha balavAnsarve chApi prabhadrakAH .. 7..\\
pA~nchAlAshcha naravyAghrAH samantAttava vAhinIm . 
abhyadravanta sa~NkruddhAH samare jitakAshinaH .. 8..\\
tathaiva tAvakA rAjanpANDavAnAmanIkinIm . 
abhyadravanta tvaritA jighA.nsanto mahArathAH .. 9..\\
rathanAgAshvakalilaM pattidhvajasamAkulam . 
babhUva puruShavyAghra sainyamadbhutadarshanam .. 10..\\
shikhaNDI cha yayau karNa.n dhR^iShTadyumnaH sutaM tava . 
duHshAsanaM mahArAja mahatyA senayA vR^itam .. 11..\\
nakulo vR^iShasena.n cha chitrasena.n samabhyayAt . 
ulUka.n samare rAjansahadevaH samabhyayAt .. 12..\\
sAtyakiH shakuni.n chApi bhImasenashcha kauravAn . 
arjuna.n cha raNe yattaM droNaputro mahArathaH .. 13..\\
yudhAmanyuM maheShvAsa.n gautamo.abhyapatadraNe . 
kR^itavarmA cha balavAnuttamaujasamAdravat .. 14..\\
bhImasenaH kurUnsarvAnputrAMshcha tava mAriSha . 
sahAnIkAnmahAbAhureka evAbhyavArayat .. 15..\\
shikhaNDI cha tataH karNa.n vicharantamabhItavat . 
bhIShma hantA mahArAja vArayAmAsa patribhiH .. 16..\\
pratirabdhastataH karNo roShAtprasphuritAdharaH . 
shikhaNDina.n tribhirbANairbhruvormadhye vyatADayat .. 17..\\
dhAraya.nstu sa tAnbANA~nshikhaNDI bahvashobhata . 
rAjataH parvato yadvattribhiH shR^i~NgaiH samanvitaH .. 18..\\
so.atividdho maheShvAsaH sUtaputreNa sa.nyuge . 
karNa.n vivyAdha samare navatyA nishitaiH sharaiH .. 19..\\
tasya karNo hayAnhatvA sArathi.n cha tribhiH sharaiH . 
unmamAtha dhvaja.n chAsya kShuprapreNa mahArathaH .. 20..\\
hatAshvAttu tato yAnAdavaplutya mahArathaH . 
shakti.n chikShepa karNAya sa~NkruddhaH shatrutApanaH .. 21..\\
tA.n chhittvA samare karNastribhirbhArata sAyakaiH . 
shikhaNDinamathAvidhyannavabhirnishitaiH sharaiH .. 22..\\
karNa chApachyutAnbANAnvarjaya.nstu narottamaH . 
apayAtastatastUrNa.n shikhaNDI jayatAM varaH .. 23..\\
tataH karNo mahArAja pANDusainyAnyashAtayat . 
tUlarAshi.n samAsAdya yathA vAyurmahAjavaH .. 24..\\
dhR^iShTadyumno mahArAja tava putreNa pIDitaH . 
duHshAsana.n tribhirbANairabhyavidhyatstanAntare .. 25..\\
tasya duHshAsano bAhu.n savyaM vivyAdha mAriSha . 
shitena rukmapu~Nkhena bhallena nataparvaNA .. 26..\\
dhR^iShTadyumnastu nirviddhaH shara.n ghoramamarShaNaH . 
duHshAsanAya sa~NkruddhaH preShayAmAsa bhArata .. 27..\\
ApatantaM mahAvega.n dhR^iShTadyumna samIritam . 
sharaishchichchheda putraste tribhireva vishAM pate .. 28..\\
athAparaiH sapta dashairbhallaiH kanakabhUShaNaiH . 
dhR^iShTadyumna.n samAsAdya bAhvorurasi chArdayat .. 29..\\
tataH sa pArShataH kruddho dhanushchichchheda mAriSha . 
kShurapreNa sutIkShNena tata uchchukrushurjanAH .. 30..\\
athAnyaddhanurAdAya putraste bharatarShabha . 
dhR^iShTadyumna.n sharavrAtaiH samantAtparyavArayat .. 31..\\
tava putrasya te dR^iShTvA vikrama.n taM mahAtmanaH . 
vyahasanta raNe yodhAH siddhAshchApsarasA.n gaNAH .. 32..\\
tataH pravavR^ite yuddha.n tAvakAnAM paraiH saha . 
ghoraM prANabhR^itA.n kAle ghorarUpaM parantapa .. 33..\\
nakula.n vR^iShasenastu viddhvA pa~nchabhirAyasaiH . 
pituH samIpe tiShThanta.n tribhiranyairavidhyata .. 34..\\
nakulastu tataH kruddho vR^iShasena.n smayanniva . 
nArAchena sutIkShNena vivyAdha hR^idaye dR^iDham .. 35..\\
so.atividdho balavatA shatruNA shatrukarshanaH . 
shatru.n vivyAdha viMshatyA sa cha taM pa~nchabhiH sharaiH .. 36..\\
tataH sharasahasreNa tAvubhau puruSharShabhau . 
anyonyamAchchhAdayatAmathAbhajyata vAhinI .. 37..\\
dR^iShTvA tu pradrutA.n senA.n dhArtarAShTrasya sUtajaH . 
nivArayAmAsa balAdanupatya vishAM pate . 
nivR^itte tu tataH karNe nakulaH kauravAnyayau .. 38..\\
karNaputrastu samare hitvA nakulameva tu . 
jugopa chakra.n tvarita.n rAdheyasyaiva mAriSha .. 39..\\
ulUkastu raNe kruddhaH sahadevena vAritaH . 
tasyAshvAMshchaturo hatvA sahadevaH pratApavAn . 
sArathiM preShayAmAsa yamasya sadanaM prati .. 40..\\
ulUkastu tato yAnAdavaplutya vishAM pate . 
trigartAnAM balaM pUrNa.n jagAma pitR^inandanaH .. 41..\\
sAtyakiH shakuni.n viddhvA viMshatyA nishitaiH sharaiH . 
dhvaja.n chichchheda bhallena saubalasya hasanniva .. 42..\\
saubalastasya samare kruddho rAjanpratApavAn . 
vidArya kavachaM bhUyo dhvaja.n chichchheda kA~nchanam .. 43..\\
athainaM nishitairbANaiH sAtyakiH pratyavidhyata . 
sArathi.n cha mahArAja tribhireva samArdayat . 
athAsya vAhA.nstvaritaH sharairninye yamakShayam .. 44..\\
tato.avaplutya sahasA shakunirbharatarShabha . 
Aruroha ratha.n tUrNamulUkasya mahArathaH . 
apovAhAtha shIghra.n sa shaineyAdyuddhashAlinaH .. 45..\\
sAtyakistu raNe rAja.nstAvakAnAmanIkinIm . 
abhidudrAva vegena tato.anIkamabhidyata .. 46..\\
shaineya sharanunna.n tu tataH sainya.n vishAM pate . 
bheje dasha dishastUrNaM nyapatachcha gatAsuvat .. 47..\\
bhImasena.n tava suto vArayAmAsa sa.nyuge . 
ta.n tu bhImo muhUrtena vyashva sUta rathadhvajam . 
chakre lokeshvara.n tatra tenAtuShyanta chAraNAH .. 48..\\
tato.apAyAnnR^ipastatra bhImasenasya gocharAt . 
kurusainya.n tataH sarvaM bhImasenamupAdravat . 
tatra rAvo mahAnAsIdbhImameka.n jighA.nsatAm .. 49..\\
yudhAmanyuH kR^ipa.n viddhvA dhanurasyAshu chichchhide . 
athAnyaddhanurAdAya kR^ipaH shastrabhR^itA.n varaH .. 50..\\
yudhAmanyordhvaja.n sUta.n chhatraM chApAtayatkShitau . 
tato.apAyAdrathenaiva yudhAmanyurmahArathaH .. 51..\\
uttamaujAstu hArdikya.n sharairbhImaparAkramam . 
chhAdayAmAsa sahasA megho vR^iShTyA yathAchalam .. 52..\\
tadyuddha.n sumahachchAsIdghorarUpaM parantapa . 
yAdR^ishaM na mayA yuddha.n dR^iShTapUrva.n vishAM pate .. 53..\\
kR^itavarmA tato rAjannuttamaujasamAhave . 
hR^idi vivyAdha sa tadA rathopastha upAvishat .. 54..\\
sArathistamapovAha rathena rathinA.n varam . 
tatastu satvara.n rAjanpANDusainyamupAdravat .. 55..\\
\medskip\hrule\medskip\centerline{\Largedvng 45}
 s

drauNistu rathavaMshena mahatA parivAritaH . 
ApatatsahasA rAjanyatra rAjA vyavasthitha .. 1..\\
tamApatanta.n sahasA shUraH shauri sahAyavAn . 
dadhAra sahasA pArtho veleva makalAlayam .. 2..\\
tataH kruddho mahArAja droNaputraH pratAvavAn . 
arjuna.n vAsudeva.n cha chhAdayAmAsa patribhiH .. 3..\\
avachchhannau tataH kR^iShNau dR^iShTvA tatra mahArathAH . 
vismayaM parama.n gatvA praikShAnta kuravastadA .. 4..\\
arjunastu tato divyamastra.n chakre hasanniva . 
tadastraM brAhmaNo yuddhe vArayAmAsa bhArata .. 5..\\
yadyaddhi vyAkShipadyuddhe pANDavo.astra.n jighA.nsayA . 
tattadastraM maheShvAso droNaputro vyashAtayat .. 6..\\
astrayuddhe tato rAjanartamAne bhayAvahe . 
apashyAma raNe drauNi.n vyAttAnanamivAntakam .. 7..\\
sa disho vidishashchaiva chhAdayitvA vijihmagaiH . 
vAsudeva.n tribhirbANairavidhyaddakShiNe bhuje .. 8..\\
tato.arjuno hayAnhatvA sarvA.nstasya mahAtmanaH . 
chakAra samare bhUmi.n shoNitaughatara~NgiNIm .. 9..\\
nihatA rathinaH petuH pArtha chApachyutaiH sharaiH . 
hayAshcha paryadhAvanta muktayoktrAstatastataH .. 10..\\
taddR^iShTvA karma pArthasya drauNirAhavashobhinaH . 
avAkiradraNe kR^iShNa.n samantAnnishitaiH sharaiH .. 11..\\
tato.arjunaM mahArAja drauNirAyamya patriNA . 
vakSho deshe samAsAdya tADayAmAsa sa.nyuge .. 12..\\
so.atividdho raNe tena droNaputreNa bhArata . 
Adatta parigha.n ghoraM drauNeshchainamavAkShipat .. 13..\\
tamApatantaM parigha.n kArtasvaravibhUShitam . 
drauNishchichchheda sahasA tata uchchukrushurjanAH .. 14..\\
so.anekadhApatadbhUmau bhAradvAjasya sAyakaiH . 
vishIrNaH parvato rAjanyathA syAnmAtarishvanA .. 15..\\
tato.arjuno raNe drauNi.n vivyAdha dashabhiH sharaiH . 
sArathi.n chAsya bhallena rathanIDAdapAharat .. 16..\\
sa sa~NgR^ihya svaya.n vAhAnkR^iNau prAchchhAdayachchharaiH . 
tatrAdbhutamapashyAma drauNerAshu parAkramam .. 17..\\
ayachchhatturagAnyachcha phalguna.n chApyayodhayat . 
tadasya samare rAjansarve yodhA apUjayan .. 18..\\
yadA tvagrasyata raNe droNa putreNa phalgunaH . 
tato rashmInrathAshvAnA.n kShurapraishchichchhide jayaH .. 19..\\
prAdrava.nsturagAste tu sharavegaprabAdhitAH . 
tato.abhUnninado bhUyastava sainyasya bhArata .. 20..\\
pANDavAstu jaya.n labdhvA tava sainyamupAdravan . 
samantAnnishitAnbANAnvimu~nchanto jayaiShiNaH .. 21..\\
pANDavaistu mahArAja dhArtarAShTrI mahAchamUH . 
punaH punaratho vIrairabhajyata jayoddhataiH .. 22..\\
pashyatA.n te mahArAja putrANAM chitrayodhinAm . 
shakuneH saubaleyasya karNasya cha mahAtmanaH .. 23..\\
vAryamANA mahAsenA putraistava janeshvara . 
nAvatiShThata sa~NgrAme tADyamAnA samantataH .. 24..\\
tato yodhairmahArAja palAyadbhistatastataH . 
abhavadvyAkulaM bhItaiH putrANA.n te mahadbalam .. 25..\\
tiShTha tiShTheti satata.n sUtaputrasya jalpataH . 
nAvatiShThata sA senA vadhyamAnA mahAtmabhiH .. 26..\\
athotkraShTaM mahArAja pANDavairjitakAshibhiH . 
dhArtarAShTra bala.n dR^iShTvA dravamANa.n samantataH .. 27..\\
tato duryodhanaH karNamabravItpraNayAdiva . 
pashya karNa yathA senA pANDavairarditA bhR^isham .. 28..\\
tvayi tiShThati santrAsAtpalAyati samantataH . 
etajGYAtvA mahAbAho kuru prAptamarindama .. 29..\\
sahasrANi cha yodhAnA.n tvAmeva puruSharShabha . 
kroshanti samare vIra drAvyamANAni pANDavaiH .. 30..\\
etachchhrutvA tu rAdheyo duryodhana vacho mahat . 
madrarAjamida.n vAkyamabravItsUtanandanaH .. 31..\\
pashya me bhujayorvIryamastrANA.n cha janeshvara . 
adya hanmi raNe sarvAnpA~nchAlAnpANDubhiH saha . 
vAhayAshvAnnaravyAghra bhadreNaiva janeshvara .. 32..\\
evamuktvA mahArAja sUtaputraH pratApavAn . 
pragR^ihya vijaya.n vIro dhanuH shreShThaM purAtanam . 
sajya.n kR^itvA mahArAja saMmR^ijya cha punaH punaH .. 33..\\
saMnivArya cha yodhAnsvAnsAtyena shapathena cha . 
prAyojayadameyAtmA bhArgavAstraM mahAbalaH .. 34..\\
tato rAjansahasrANi prayutAnyarbudAni cha . 
koTishashcha sharAstIkShNA niragachhanmahAmR^idhe .. 35..\\
jvalitaistairmahAghoraiH ka~NkabarhiNa vAjitaiH . 
sa~nchannA pANDavI senA na prAGYAyata ki~ncchana .. 36..\\
hAhAkAro mahAnAsItpA~nchAlAnA.n vishAM pate . 
pIDitAnAM balavatA bhArgavAstreNa sa.nyuge .. 37..\\
nipatadbhirgajai rAjannaraishchApi sahasrashaH . 
rathaishchApi naravyAghra hayaishchApi samantataH .. 38..\\
prAkampata mahI rAjannihataistaistatastataH . 
vyAkula.n sarvamabhavatpANDavAnAM mahadbalam .. 39..\\
karNastveko yudhA.n shreShTho vidhUma iva pAvakaH . 
daha~nshatrUnnaravyAghra shushubhe sA parantapaH .. 40..\\
te vadhyamAnAH karNena pA~nchAlAshchedibhiH saha . 
tatra tatra vyamuhyanta vanadAhe yathA dvipAH . 
chukrushuste naravyAghra yathA prAgvA narottamAH .. 41..\\
teShA.n tu kroshatA.n shrutvA bhItAnAM raNamUrdhani . 
dhAvatA.n cha disho rAjanvitrastAna.n samantataH . 
ArtanAdo mahA.nstatra pretAnAmiva samplave .. 42..\\
vadhyamAnA.nstu tAndR^iShTvA sUtaputreNa mAriSha . 
vitresuH sarvabhUtAni tiryagyonigatAnyapi .. 43..\\
te vadhyamAnAH samare sUtaputreNa sR^i~njayAH . 
arjuna.n vAsudeva.n cha vyAkroshanta muhurmuhuH . 
pretarAjapure yadvatpretarAja.n vichetasaH .. 44..\\
athAbravIdvAsudeva.n kuntIputro dhana~njayaH . 
bhArgavAstraM mahAghora.n dR^iShTvA tatra sabhIritam .. 45..\\
pashya kR^iShNa mahAbAho bhArgavAstrasya vIkramam . 
naitadastra.n hi samare shakyaM hantu.n kathaM chana .. 46..\\
sUtaputra.n cha sa.nrabdhaM pashya kR^iShNa mahAraNe . 
antakapratima.n vIra.n kurvANaM karma dAruNam .. 47..\\
sutIkShNA.n chodayannashvAnprekate mAM muhurmuhuH . 
na cha pashyAmi samare karNasya prapalAyitam .. 48..\\
jIvanprApnoti puruShaH sa~Nkhye jayaparAjayau . 
jitasya tu hR^iShIkesha badha eva kuto jayaH .. 49..\\
tato janArdanaH prAyAddraShTumichchhanyudhiShThiram . 
shrameNa grAhayiShyaMshcha karNa.n yuddhena mAriSha .. 50..\\
arjuna.n chAbravItkR^iShNo bhR^isha.n rAjA parikShataH . 
tamAshvAsya kuru shreShTha tatAH karNa.n haniShyasi .. 51..\\
tato dhana~njayo draShTu.n rAjAnaM bANapIDitam . 
rathena prayayau kShipra.n sa~NgrAme keshavAGYayA .. 52..\\
gachchhanneva tu kaunteyo dharmarAja didR^ikShayA . 
sainyamAlokayAmAsa nApashyattatra chAgrajam .. 53..\\
yuddha.n kR^itvA tu kaunteyo droNaputreNa bhArata . 
duHsaha.n vAjiNA sa~Nkhye parAjigye bhR^igoH sutam .. 54..\\
drauNiM parAjitya tato.agradhanvA 
kR^itvA mahadduShkaramArya karma . 
AlokayAmAsa tataH svasainyaM 
dhana~njayaH shatrubhirapradhR^iShyaH .. 55..\\
sa yudhyamAnaH pR^itanA mukhasthA~n 
shUrA~nshUro harShayansavyasAchI . 
pUrvApadAnaiH prathitaiH prasha.nsan 
sthirAMshchakArAtma rathAnanIke .. 56..\\
apashyamAnastu kirITamAlI 
yudhi jyeShThaM bhrAtaramAjamIDham . 
uvAcha bhIma.n tarasAbhyupetya 
rAGYaH pravR^ittistviha keti rAjan .. 57..\\

 bhm

apayAta ito rAjA dharmaputro yudhiShThiraH . 
karNa bANavibhugnA~Ngo yadi jIvetkatha.n chana .. 58..\\

 arj

tasmAdbhavA~nshIghramitaH prayAtu 
rAGYaH pravR^ittyai kurusattamasya . 
nUna.n hi viddho.atibhR^ishaM pR^iShatkaiH 
karNena rAjA shibira.n gato.asau .. 59..\\
yaH samprahAre nishi sampravR^itte 
droNena viddho.atibhR^isha.n tarasvI . 
tasthau cha tatrApi jaya pratIkSho 
droNena yAvanna hataH kilAsIt .. 60..\\
sa saMshaya.n gamitaH pANDavAgryaH 
sa~Nkhye.adya karNena mahAnubhAvaH . 
GYAtuM prayAhyAshu tamadya bhIma 
sthAsyAmyaha.n shatrugaNAnnirudhya .. 61..\\

 bhm

tvAmeva jAnIhi mahAnubhAva 
rAGYaH pravR^ittiM bharatarShabhasya . 
aha.n hi yadyarjuna yAmi tatra 
vakShyanti mAM bhIta iti pravIrAH .. 62..\\
tato.abravIdarjuno bhImasenaM 
saMshaptakAH pratyanIka.n sthitA me . 
etAnahatvA na mayA tu shakyam 
ito.apayAtu.n ripusa~Ngha goShThAt .. 63..\\
athAbravIdarjunaM bhImasenaH 
svavIryamAshritya kurupravIra . 
saMshaptakAnpratiyotsyAmi sa~Nkhye 
sarvAnaha.n yAhi dhana~njayeti .. 64..\\
tadbhImasenasya vacho nishamya 
sudurvachaM bhrAturamitramadhye . 
draShTu.n kurushreShThamabhiprayAtuM 
provAcha vR^iShNipravara.n tadAnIm .. 65..\\
chodayAshvAnhR^iShIkesha vigAhyaita.n rathArNavam . 
ajAtashatru.n rAjAna.n draShTumichchhAmi keshava .. 66..\\
tato hayAnsarvadAshArha mukhyaH 
prAchodayadbhImamuvAcha chedam . 
naitachchitra.n tava karmAdya vIra 
yAsyAmahe jahi bhImAri sa~NghAn .. 67..\\
tato yayau hR^iShIkesho yatra rAjA yudhiShThiraH . 
shIghrAchchhIghratara.n rAjanvAjibhirgaruDopamaiH .. 68..\\
pratyanIke vyavasthApya bhImasenamarindamam . 
sandishya chaiva rAjendra yuddhaM prati vR^ikodaram .. 69..\\
tatastu gatvA puruShapravIrau 
rAjAnamAsAdya shayAnamekam . 
rathAdubhau pratyavaruhya tasmAd 
vavandaturdharmarAjasya pAdau .. 70..\\
tau dR^iShTvA puruShavyAghrau kShemiNau puruSharShabha . 
mudAbhyupagatau kR^iShNAvashvinAviva vAsavam .. 71..\\
tAvabhyanandadrAjA hi vivasvAnashvinAviva . 
hate mahAsure jambhe shakra viShNU yathA guruH .. 72..\\
manyamAno hata.n karNaM dharmarAjo yudhiShThiraH . 
harShagadgadayA vAchA prItaH prAha parantapau .. 73..\\
\medskip\hrule\medskip\centerline{\Largedvng 46}
 s

mahAsattvau tu tau dR^iShTvA sahitau keshavArjunau . 
hatamAdhirathiM mene sa~Nkhye gANDIvadhanvanA .. 1..\\
tAvabhyanandatkaunteyaH sAmnA paramavalgunA . 
smitapUrvamamitraghnaH pUjayanbharatarShabha .. 2..\\

 y

svAgatva.n devakIputra svAgataM te dhana~njaya . 
priyaM me darshanaM bADha.n yuvayorachyutArjunau .. 3..\\
akShatAbbhyAmariShTAbhyA.n katha.n yudhya mahAratha . 
AshIviShasama.n yuddhe sarvashastravishAradam .. 4..\\
agraga.n dhArtarAShTrANA.n saveShAM sharma varma cha . 
rakShita.n vR^iShasenena suSheNena cha dhanvinA .. 5..\\
anuGYAtaM mahAvIrya.n rameNAstreShu durjayam . 
trAtAra.n dhArtarAShTrANAM gantAra.n vAhinImukhe .. 6..\\
hantAramarisainyAnAmamitragaNamardanam . 
duryodhana hite yuktamasmadyuddhAya chodyatam .. 7..\\
apradhR^iShyaM mahAyuddhe devairapi savAsavaiH . 
analAnilayostulya.n tejasA cha balena cha .. 8..\\
pAtAlamiva gambhIra.n suhR^idAnandavardhanam . 
antakAbhamamitrANA.n karNa.n hatvA mahAhave . 
diShTyA yuvAmanuprAptau jitvAsuramivAmarau .. 9..\\
tena yuddhamadInena mayA hyadyAchyutArjunau . 
kupitenAntakeneva prajAH sarvA jighA.nsatA .. 10..\\
tena ketushcha me chhinno hatau cha pArShNisArathI . 
hatavAhaH kR^itashchAsmi yuyudhAnasya pashyataH .. 11..\\
dhR^iShTadyumnasya yamayorvIrasya cha shikhaNDinaH . 
pashyatA.n draupadeyAnAM pA~nchAlAnAM cha sarvashaH .. 12..\\
etA~njitvA mahAvIryAnkarNaH shatrugaNAnbahUn . 
jitavAnmAM mahAbAho yatamAnaM mahAraNe .. 13..\\
anusR^ijya cha mA.n yuddhe paruShANyuktavAnbahu . 
tatra tatra yudhA.n shreShThaH paribhUya na saMshayaH .. 14..\\
bhImasenaprabhAvAttu yajjIvAmi dhana~njaya . 
bahunAtra kimuktena nAha.n tatsoDhumutsahe .. 15..\\
trayodashAha.n varShANi yasmAdbhIto dhana~njaya . 
na sma nidrA.n labhe rAtrau na chAhani sukha.n kva chit .. 16..\\
tasya dveSheNa sa.nyuktaH paridahye dhana~njaya . 
Atmano maraNA.n jAnanvAdhrINasa iva dvipaH .. 17..\\
yasyAyamagamatkAlashchintayAnasya me vibho . 
katha.n shakyo mayA karNo yuddhe kShapayituM bhavet .. 18..\\
jAgratsvapaMshcha kaunteya karNameva sadA hyaham . 
pashyAmi tatra tatraiva karNa bhUtamida.n jagat .. 19..\\
yatra yatra hi gachchhAmi karNAdbhIto dhana~njaya . 
tatra tatra hi pashyAmi karNamevAgrataH sthitam .. 20..\\
so.aha.n tenaiva vIreNa samareShvapalAyinA . 
sahayaH sarathaH pArtha jitvA jIvanvisArjitaH .. 21..\\
ko nu me jIvitenArtho rAjyenArtho.atha vA punaH . 
mamaiva.n dhikkR^itasyeha karNenAhava shobhinA .. 22..\\
na prAptapUrva.n yadbhIShmAtkR^ipAddroNAchcha sa.nyuge . 
tatprAptamadya me yuddhe sUtaputrAnmahArathAt .. 23..\\
tattvA pR^ichchhAmi kaunteya yathA hyakushalastathA . 
tanmamAchakShva kArtsnyena yathA karNastvayA hataH .. 24..\\
shakra vIryasamo yuddhe yama tulyaparAkramaH . 
rAma tulyastathAstre yaH sa katha.n vai niShUditaH .. 25..\\
mahArathaH samAkhyAtaH sarvayuddhavishAradaH . 
dhanurdharANAM pravaraH sarveShAmekapUruShaH .. 26..\\
pUjito dhR^itarAShTreNa saputreNa vishAM pate . 
sadA tvadartha.n rAdheyaH sa kathaM nihatastvayA .. 27..\\
dhR^itarAShTro hi yodheShu sarveShveva sadArjuna . 
tava mR^ityu.n raNe karNaM manyate puruSharShabhaH .. 28..\\
sa tvayA puruShavyAghra katha.n yuddhe niShUditaH . 
taM mamAchakShva bIbhatso yathA karNo hatastvayA .. 29..\\
sotsedhamasya cha shiraH pashyatA.n suhR^idAM hR^itam . 
tvayA puruShashArdUla shArdUlena yathA ruroH .. 30..\\
yaH paryupAsItpradisho dishash cha 
tvA.n sUtaputraH samare parIpsan . 
ditsuH karNaH samare hastipUgaM 
sa hIdAnI.n ka~NkapatraiH sutIkShNaiH .. 31..\\
tvayA raNe nihataH sUtaputraH 
kachchichchhete bhUmitale durAtmA . 
kachchitpriyaM me parama.n tvayAdya 
kR^ita.n raNe sUtaputraM nihatya .. 32..\\
yaH sarvataH paryapatattvadarthe 
mahAnvito garvitaH sUtaputraH . 
sA shUramAnI samare sametya 
kachchittvayA nihataH sa.nyuge.adya .. 33..\\
raukma.n rathaM hastivaraishcha yuktaM 
ratha.n ditsuryaHparebhyastvadarthe . 
sAdA raNe spardhate yaH sa pApaH 
kachchittvayA nihatastAta yuddhe .. 34..\\
yo.asau nitya.n shUra madena matto 
vikatthate sa.nsadi kauravANAm . 
priyo.atyartha.n tasya suyodhanasya 
kachchitsa pApo nihatastvayAdya .. 35..\\
kachchitsamAgamya dhanuHpramuktais 
tvatpreShitairlohitArthairviha~NgaiH . 
shete.adya pApaH sa vibhinnagAtraH 
kachchidbhagno dhArtarAShTrasya bAhuH .. 36..\\
yo.asau sadA shlAghate rAjamadhye 
duryodhana.n harShayandarpapUrNaH . 
aha.n hantA phalgunasyeti mohAt 
kachchiddhatastasya na vai tathA rathaH .. 37..\\
nAhaM pAdau dhAvayiShye kadA chid 
yAvatsthitaH pArtha ityalpabuddhiH . 
vrata.n tasyaitatsarvadA shakrasUno 
kachchittvayA nihataH so.adya karNaH .. 38..\\
yo.asau kR^iShNAmabravIdduShTabuddhiH 
karNaH sabhAyA.n kuruvIramadhye . 
kiM pANDavA.nstvaM na jahAsi kR^iShNe 
sudurbalAnpatitAnhInasattvAn .. 39..\\
yattatkarNaH pratyajAnAttvadarthe 
nAhatvAha.n saha kR^iShNena pArtham . 
ihopayAteti sa pApabuddhiH 
kachchichchhete sharasambhinna gAtraH .. 40..\\
kachchitsa~NgrAme vidito vA tadAyaM 
samAgamaH sR^i~njaya kauravANAm . 
yatrAvasthAmIdR^ishIM prApito.ahaM 
kachchittvayA so.adya hataH sametya .. 41..\\
kachchittvayA tasya sumandabuddher 
gANDIvamuktairvishikhairjvaladbhiH . 
sakuNDalaM bhAnumaduttamA~NgaM 
kAyAtprakR^itta.n yudhi savyasAchin .. 42..\\
yattanmayA bANasamarpitena 
dhyAto.asi karNasya vadhAya vIra . 
tanme tvayA kachchidamoghamadya 
dhyAta.n kR^itaM karNa nipAtanena .. 43..\\
yaddarpapUrNaH sa suyodhano.asmAn 
avekShate karNa samAshrayeNa . 
kachchittvayA so.adya samAshrayo.asya 
bhagnaH parAkramya suyodhanasya .. 44..\\
yo naH purA ShaNDhatilAnavochat 
sabhAmadhye pArthivAnA.n samakSham . 
sa durmatiH kachchchidupetya sa~Nkhye 
tvayA hataH sUtaputro.atyamarShI .. 45..\\
yaH sUtaputraH prahasandurAtmA 
purAbravInnijitA.n saubalena . 
svayaM prasahyAnaya yAGYasenIm 
apIha kachchchitsa hatastvayAdya .. 46..\\
yaH shastrabhR^ichchhreShThatamaM pR^ithivyAM 
pitAmaha.n vyAkShipadalpachetAH . 
sa~NkhyAyamAno.ardharathaH sa kachchit 
tvayA hato.adyAdhirathirdurAtmA .. 47..\\
amarShaNaM nikR^itisamIraNeritaM 
hR^idi shrita.n jvalanamima.n sadA mama . 
hato mayA so.adya sametya pApadhIr 
iti bruvanprashamaya me.adya phalguna .. 48..\\
\medskip\hrule\medskip\centerline{\Largedvng 47}
 s

taddharmashIlasya vacho nishamya 
rAGYaH kruddhasyAdhirathau mahAtmA . 
uvAcha durdharShamadInasattvaM 
yudhiShThira.n jiShNuranantavIryaH .. 1..\\
saMshaptakairyudhyamAnasya me.adya 
senAgrayAyI kurusainyasya rAjan . 
AshIviShAbhAnkhagamAnpramu~nchan 
drauNiH purastAtsahasA vyatiShThat .. 2..\\
dR^iShTvA rathaM meghanibhaM mamemam 
ambaShTha senA maraNe vyatiShThat . 
teShAmahaM pa~ncha shatAni hatvA 
tato drauNimagamaM pArthivAgrya .. 3..\\
tato.aparAnbANasa~NghAnanekAn 
AkarNapUrNAyata vipramuktAn . 
sasarja shikShAstra balaprayatnair 
tathA yathA prAvR^iShi kAmameghaH .. 4..\\
naivAdadAnaM na cha sandadhAnaM 
jAnImahe katareNAsyati iti . 
vAmena vA yadi vA dakShiNena 
sa droNaputraH samare paryavartat .. 5..\\
avidhyanmAM pa~nchabhirdroNaputraH 
shitaiH sharaiH pa~nchabhirvAsudevam . 
aha.n tu taM triMshatA vajrakalpaiH 
samArdayaM nimiShasyAntareNa .. 6..\\
sa vikSharanrudhira.n sarvagAtrai 
rathAnIka.n sUta sUnorvivesha . 
mayAbhibhUtaH sainikAnAM prabarhAn 
asAvapashyanrudhireNa pradigdhAn .. 7..\\
tato.abhibhUta.n yudhi vIkShya sainyaM 
vidhvastayodha.n drutavAjinAgam . 
pa~nchAshatA rathamukhaiH sametaH 
karNastvaranmAmupAyAtpramAthI .. 8..\\
tAnsUdayitvAhamapAsya karNaM 
draShTuM bhavanta.n tvarayAbhiyAtaH . 
sarve pA~nchAlA hyudvijante sma karNAd 
gandhAdgAvaH kesariNo yathaiva .. 9..\\
mahAjhaShasyeva mukhaM prapannAH 
prabhadrakAH karNamabhi dravanti . 
mR^ityorAsya.n vyAttamivAnvapadyan 
prabhadrakAH karNamAsAdya rAjan .. 10..\\
AyAhi pashyAdya yuyutsamAnaM 
mA.n sUtaputra.n cha vR^itau jayAya . 
ShaTsAhasrA bhArata rAjaputrAH 
svargAya lokAya rathA nimagnAH .. 11..\\
sametyAha.n sUtaputreNa sa~Nkhye 
vR^itreNa vajrIva narendramukhya . 
yotsye bhR^ishaM bhArata sUtaputram 
asminsa~NgrAme yadi vai dR^ishyate.adya .. 12..\\
karNaM na chedadya nihanmi rAjan 
sabAndhava.n yudhyamAnaM prasahya . 
pratishrutyAkurvatA.n vai gatiryA 
kaShTA.n gachchheyaM tAmaha.n rAjasi.nha .. 13..\\
Amantraye tvAM brUhi jaya.n raNe me 
purA bhIma.n dhArtarAShTrA grasante . 
sauti.n haniShyAmi narendra si.nha 
sainya.n tathA shatrugaNAMshcha sarvAn .. 14..\\
\medskip\hrule\medskip\centerline{\Largedvng 48}
 s

shrutvA karNa.n kalyamudAravIryaM 
kruddhaH pArthaH phalgunasyAmitaujAH . 
dhana~njaya.n vAkyamuvAcha chedaM 
yudhiShThiraH karNa sharAbhitaptaH .. 1..\\
ida.n yadi dvaitavane hyavakShyaH 
karNa.n yoddhuM na prasahe nR^ipeti . 
vaya.n tadA prAptakAlAni sarve 
vR^ittAnyupaiShyAma tadaiva pArtha .. 2..\\
mayi pratishrutya vadha.n hi tasya 
balasya chAptasya tathaiva vIra . 
AnIya naH shatrumadhya.n sa kasmAt 
samutkShipya sthaNDile pratyapiMShThAh .. 3..\\
anvAshiShma vayamarjuna tvayi 
yiyAsavo bahukalyANamiShTam . 
tannaH sarva.n viphalaM rAjaputra 
phalArthinAM nichulevAtipuShpaH .. 4..\\
prachchhAditaM baDishamivAmiSheNa 
prachchhAdito gavaya ivApavAchA . 
anarthakaM me darshitavAnasi tvaM 
rAjyArthino rAjyarUpa.n vinAsham .. 5..\\
yattatpR^ithA.n vAguvAchAntarikShe 
saptAha jAte tvayi mandabuddhau . 
jAtaH putro vAsava vikramo.ayaM 
sarvA~nshUrA~nshAtravA~njeShyatIti .. 6..\\
aya.n jetA khANDave devasa~NghAn 
sarvANi bhUtAnyapi chottamaujAH . 
aya.n jetA madrakali~NgakekayAn 
aya.n kurUnhanti cha rAjamadhye .. 7..\\
asmAtparo na bhavitA dhanurdharo 
na vai bhUtaH kashchana jAtu jetA . 
ichchhannAryaH sarvabhUtAni kuryAd 
vashe vashIsarvasamApta vidyaH .. 8..\\
kAntyA shashA~Nkasya javena vAyoH 
sthairyeNa meroH kShamayA pR^ithivyAH . 
sUryasya bhAsA dhanadasya lakShmyA 
shauryeNa shakrasya bbalena viShNoH .. 9..\\
tulyo mahAtmA tava kunti putro 
jAto.aditerviShNurivAri hantA . 
sveShA.n jayAya dviShatA.n vadhAya 
khyAto.amitaujAH kulatantu kartA .. 10..\\
ityantarikShe shatashR^i~NgamUrdhni 
tapasvinA.n shR^iNvatAM vAguvAcha . 
eva.nvidha.n tvAM tachcha nAbhUttavAdya 
devA hi nUnamanR^ita.n vadanti .. 11..\\
tathApareShAmR^iShisattamAnAM 
shrutvA giraM pUjayatA.n sadaiva . 
na saMnatiM praiti suyodhanasya 
na tvA jAnAmyAdhiratherbhayArtam .. 12..\\
tvaShTA kR^ita.n vAhamakUjanAkShaM 
shubha.n samAsthAya kapidhvaja.n tvam . 
khaDga.n gR^ihItvA hemachitra.n samiddhaM 
dhanushcheda.n gANDivaM tAlamAtram . 
sa keshavenohyamAnaH kathaM nu 
karNAdbhIto vyapayAto.asi pArtha .. 13..\\
dhanushchaitatkeshavAya pradAya 
yantA bhaviShyastva.n raNe cheddurAtman . 
tato.ahaniShyatkeshavaH karNamugraM 
marutpatirvR^itramivAtta vajraH .. 14..\\
mAse.apatiShyaH pa~nchame tvaM prakR^ichchhre 
na vA garbho.apyabhaviShyaH pR^ithAyAH . 
tatte shramo rAjaputrAbhaviShyan 
na sa~NgrAmAdapayAtu.n durAtman .. 15..\\
\medskip\hrule\medskip\centerline{\Largedvng 49}
 s

yudhiShThireNaivamuktaH kaunteyaH shvetavAhanaH . 
asi.n jagrAha sa~Nkruddho jighA.nsurbharatarShabham .. 1..\\
tasya kopa.n samudvIkShya chittaGYaH keshavastadA . 
uvAcha kimidaM pArtha gR^ihItaH khaDga ityuta .. 2..\\
neha pashyAmi yoddhavya.n tava kiM chiddhana~njaya . 
te dhvastA dhArtarAShTrA hi sarve bhImena dhImatA .. 3..\\
apayAto.asi kaunteya rAjA draShTavya ityapi . 
sa rAjA bhavatA dR^iShTaH kushalI cha yudhiShThiraH .. 4..\\
ta.n dR^iShTvA nR^ipashArdUla shArdUla samavikramam . 
harShakAle tu samprApte kasmAttvA manyurAvishat .. 5..\\
na taM pashyAmi kaunteya yaste vadhyo bhavediha . 
kasmAdbhavAnmahAkhaDgaM parigR^ihNAti satvaram .. 6..\\
tattvA pR^ichchhAmi kaunteya kimida.n te chikIrShitam . 
parAmR^ishasi yatkruddhaH khaDgamadbhutavikrama .. 7..\\
evamuktastu kR^iShNena prekShamANo yudhiShThiram . 
arjunaH prAha govinda.n kruddhaH sarpa iva shvasan .. 8..\\
dada gANDIvamanyasmA iti mA.n yo.abhichodayet . 
chhindyAmaha.n shirastasya ityupAMshu vrataM mama .. 9..\\
tadukto.ahamadInAtmanrAGYAmita parAkrama . 
samakSha.n tava govinda na tatkShantumihotsahe .. 10..\\
tasmAdena.n vadhiShyAmi rAjAna.n dharmabhIrukam . 
pratiGYAM pAlayiShyAmi hatvemaM narasattamam . 
etadarthaM mayA khaDggo gR^ihIto yadunandana .. 11..\\
so.aha.n yudhiShThiraM hatvA satye.apyAnR^iNyatA.n gataH . 
vishoko vijvarashchApi bhaviShyAmi janArdana .. 12..\\
ki.n vA tvaM manyase prAptamasminkAle samutthite . 
tvamasya jagatastAta vettha sarva.n gatAgatam . 
tattathA prakariShyAmi yathA mA.n vakShyate bhavAn .. 13..\\

 k

idAnIM pAtha jAnAmi na vR^iddhAH sevitAstvayA . 
akAle puruShavyAghra sa.nrambhakriyayAnayA . 
na hi dharmavibhAgaGYaH kuryAdeva.n dhana~njaya .. 14..\\
akAryANA.n cha kAryANA.n sa.nyogaM yaH karoti vai . 
kAryANAmakriyANA.n cha sa pArtha puruShAdhamaH .. 15..\\
anusR^itya tu ye dharma.n kavayaH samupasthitAH . 
samAsa vistaravidAM na teShA.n vettha nishchayam .. 16..\\
anishchayaGYo hi naraH kAryAkAryavinishchaye . 
avasho muhyate pArtha yathA tvaM mUDha eva tu .. 17..\\
na hi kAryamakArya.n vA sukhaM GYAtu.n kathaM chana . 
shrutena GYAyate sarva.n tachcha tvaM nAvabudhyase .. 18..\\
aviGYAnAdbhavAnyachcha dharma.n rakShati dharmavit . 
prANinA.n hi vadhaM pArtha dhArmiko nAvabudhyate .. 19..\\
prANinAmavadhastAta sarvajyAyAnmato mama . 
anR^ita.n tu bhavedvAchyaM na cha hi.nsyAtkathaM chana .. 20..\\
sa kathaM bhrAtara.n jyeShTha.n rAjAnaM dharmakovidam . 
hanyAdbhavAnnarashreShTha prAkR^ito.anyaH pumAniva .. 21..\\
ayudhyamAnasya vadhastathAshastrasya bhArata . 
parA~Nmukhasya dravataH sharaNa.n vAbhigachchhataH . 
kR^itA~njaleH prapannasya na vadhaH pujyate budhaiH .. 22..\\
tvayA chaiva vrataM pArtha bAlenaiva kR^itaM purA . 
tasmAdadharmasa.nyuktaM mauDhyAtkarma vyavasyasi .. 23..\\
sa guruM pArtha kasmAttva.n hanyA dharmamanusmaran . 
asampradhArya dharmANA.n gati.n sUkShmAM duranvayAm .. 24..\\
ida.n dharmarahasyaM cha vakShyAmi bharatarShabha . 
yadbrUyAttava bhIShmo vA dharmaGYo vA yudhiShThiraH .. 25..\\
viduro vA tathA kShattA kuntI vApi yashasvinI . 
tatte vakShyAmi tattvena tannibodha dhana~njaya .. 26..\\
satyasya vachana.n sAdhu na satyAdvidyate param . 
tattvenaitatsudurGYeya.n yasya satyamanuShThitam .. 27..\\
bhavetsatyamavaktavya.n vaktavyamanR^itaM bhavet . 
sarvasvasyApahAre tu vaktavyamanR^itaM bhavet .. 28..\\
prANAtyaye vivAhe cha vaktavyamanR^itaM bhavet . 
yatrAnR^itaM bhavetsatya.n satya.n chApyanR^itaM bhavet .. 29..\\
tAdR^ishaM pashyate bAlo yasya satyamanuShThitam . 
satyAnR^ite vinishchityaltato bhavati dharmavit .. 30..\\
kimAshcharya.n kR^itapraGYaH puruSho.api sudAruNaH . 
sumahatprApnuyAtpuNyaM balAko.andhavadhAdiva .. 31..\\
kimAshcharyaM punarmUDho dharmakAmo.apyapaNDitaH . 
sumahatprApnuyAtpApamApagAmiva kaushikaH .. 32..\\

 arj

AchakShva bhagavannetadyathA vidyAmaha.n tathA . 
balAkAndhAbhisambaddhaM nadInA.n kaushikasya cha .. 33..\\

 k

mR^igavyAdho.abhavatkashchidbalAko nAma bhArata . 
yAtrArthaM putradArasya mR^igAnhanti na kAmataH .. 34..\\
so.andhau cha mAtA pitarau bibhartyanyAMshcha saMshritAn . 
svadharmanirato nitya.n satyavAganasUyakaH .. 35..\\
sa kadA chinmR^igA.NllipsurnAnvavindatprayatnavAn . 
athApashyatsa pItoda.n shvApada.n ghrANachakShuSham .. 36..\\
adR^iShTapUrvamapi tatsattva.n tena hataM tadA . 
anveva cha tato vyomnaH puShpavarShamavApatat .. 37..\\
apsarogItavAditrairnAdita.n cha manoramam . 
vimAnamAgamatsvargAnmR^igavyAdha ninIShayA .. 38..\\
tadbhUta.n sara bhUtAnAmabhAvAya kilArjuna . 
tapastaptvA varaM prApta.n kR^itamandha.n svayaM bhuvA .. 39..\\
taddhatvA sarvabhUtAnAmabhAva kR^itanishchayam . 
tato balAkaH svaragAdeva.n dharmaH sudurvidaH .. 40..\\
kaushiko.apyabhavadviprastapasvI na bahushrutaH . 
nadInA.n sa~Ngame grAmAdadUre sa kilAvasat .. 41..\\
satyaM mayA sadA vAchyamiti tasyAbhavadvratam . 
satyavAdIti vikhyAtaH sa tadAsIddhana~njaya .. 42..\\
atha dasyu bhayAtkechittadA tadvanamAvishan . 
dasyavo.api gatAH krUrA vyamArganta prayatnataH .. 43..\\
atha kaushikamabhyetya prAhusta.n satyavAdinam . 
katamena pathA yAtA bhagavanbahavo janAH . 
satyena pR^iShThaprabrUhi yadi tAnvettha sha.nsa naH .. 44..\\
sa pR^iShThaH kaushikaH satya.n vachana.n tAnuvAcha ha . 
bahuvR^ikSha latAgulmametadvanamupAshritAH . 
tataste tAnsamAsAdya krUrA jaghnuriti shrutiH .. 45..\\
tenAdharmeNa mahatA vAgduruktena kaushikaH . 
gataH sukaShTaM naraka.n sUkShmadharmeShvakovidaH . 
aprabhUta shruto mUDho dharmANAmavibhAgavit .. 46..\\
vR^iddhAnapR^iShTvA sandehaM mahachchhvabhramito.arhati . 
tatra te lakShaNoddeshaH kashchideva bhaviShyati .. 47..\\
duShkaraM paramaGYAna.n karteNAtra vyavasyati . 
shrutirdharma iti hyeke vadanti bahavo janAH .. 48..\\
na tvetatpratisUyAmi na hi sarva.n vidhIyate . 
prabhavArthAya bhUtAnA.n dharmapravachanaM kR^itam .. 49..\\
dhAraNAddharmamityAhurdharmo dhArayati prajAH . 
yaH syAddhAraNa sa.nyuktaH sa dharma iti nishchayaH .. 50..\\
ye.anyAyena jihIrShanto janA ichchhanti karhi chit . 
akUjanena chenmokSho nAtra kUjetkatha.n chana .. 51..\\
avashya.n kUjitavya.n vA sha~NkeranvApyakUjataH . 
shreyastatrAnR^ita.n vaktuM satyAditi vichAritam .. 52..\\
prANAtyaye vivAhe vA sarvaGYAti dhanakShaye . 
narmaNyabhipravR^itte vA pravaktavyaM mR^iShA bhavet . 
adharmaM nAtra pashyanti dharmatattvArtha darshinaH .. 53..\\
yaH stenaiH saha sambandhAnmuchyate shapathairapi . 
shreyastatrAnR^ita.n vaktu.n tatsatyamavichAritam .. 54..\\
na cha tebhyo dhana.n deya.n shakye sati kathaM chana . 
pApebhyo hi dhana.n deya.n shakye sati kathaM chana . 
tasmAddharmArthamanR^itamuktvA nAnR^ita vAgbhavet .. 55..\\
eSha te lakShaNoddeshaH samuddiShTo yathAvidhi . 
etachchhrutvA brUhi pArtha yadi vadhyo yudhiShThiraH .. 56..\\

 arj

yathA brUyAnmahAprAGYo yathA brUyAnmahAmatiH . 
hita.n chaiva yathAsmAkaM tathaitadvachanaM tava .. 57..\\
bhavAnmAtR^isamo.asmAka.n tathA pitR^isamo.api cha . 
gatishcha paramA kR^iShNa tena te vAkyamadbhutam .. 58..\\
na hi te triShu lokeShu vidyate.avidita.n kva chit . 
tasmAdbhavAnpara.n dharma.n veda sarvaM yathAtatham .. 59..\\
avadhyaM pANDavaM manye dharmarAja.n yudhiShThiram . 
yasminsamayasa.nyoge brUhi ki.n chidanugraham . 
ida.n chAparamatraiva shR^iNu hR^itstha.n vivakShitam .. 60..\\
jAnAmi dAshArha mama vrata.n tvaM 
yo mAM brUyAtkashchana mAnuSheShu . 
anyasmai tva.n gANDivaM dehi pArtha 
yastvatto.astrairbhavitA vA vishiShTaH .. 61..\\
hanyAmaha.n keshava taM prasahya 
bhImo hanyAttUbaraketi choktaH . 
tanme rAjA proktavA.nste samakShaM 
dhanurdehItyasakR^idvR^iShNisi.nha .. 62..\\
ta.n hatvA chetkeshava jIvaloke 
sthAtA kAlaM nAhamapyalpamAtram . 
sA cha pratiGYA mama lokaprabuddhA 
bhavetsatyA dharmabhR^itA.n variShTha . 
yathA jIvetpANDavo.aha.n cha kR^iShNa 
tathA buddhi.n dAtumadyArhasi tvam .. 63..\\

 vaa

rAjA shrAnto jagato vikShatash cha 
karNena sa~Nkhye nishitairbANasa~NghaiH . 
tasmAtpArtha tvAM paruShANyavochat 
karNe dyUta.nhyadya raNe nibaddham .. 64..\\
tasminhate kuravo nirjitAH syur 
evaM buddhiH pArthivo dharmaputraH . 
yadAvamAna.n labhate mahAntaM 
tadA jIvanmR^ita ityuchyate saH .. 65..\\
tanmAnitaH pArthivo.aya.n sadaiva 
tvayA sabhImena tathA yamAbhyAm . 
vR^iddhaishcha loke puruShapravIrais 
tasyAvamAna.n kalayA tvaM prayu~NkShva .. 66..\\
tvamityatra bhavanta.n tvaM brUhi pArtha yudhiShThiram . 
tvamityukto hi nihato gururbhavati bhArata .. 67..\\
evamAchara kaunteya dharmarAje yudhiShThire . 
adharmayukta.n sa.nyoga.n kuruShvaivaM kurUdvaha .. 68..\\
atharvA~NgirasI hyeShA shrutInAmuttamA shrutiH . 
avichAryaiva kAryaiShA shreyaH kAmairnaraiH sadA .. 69..\\
vadho hyayaM pANDava dharmarAGYas 
tvatto yukto vetsyate chaivameShaH . 
tato.asya pAdAvabhivAdya pashchAch 
chhamaM brUyAH sAntvapUrva.n cha pArtham .. 70..\\
bhrAtA prAGYastava kopaM na jAtu 
kuryAdrAjA ka.n chana pANDaveyaH . 
mukto.anR^itAdbhrAtR^ivadhAchcha pArtha 
hR^iShTaH karNa.n tvaM jahi sUtaputram .. 71..\\

 s

ityevamuktastu janArdanena 
pArthaH prashasyAtha suhR^idvadha.n tam . 
tato.abravIdarjuno dharmarAjam 
anuktapUrvaM paruShaM prasahya .. 72..\\
mA tva.n rAjanvyAhara vyAharatsu 
na tiShThase kroshamAtre raNArdhe . 
bhImastu mAmarhati garhaNAya 
yo dyudhyate sarvayodhapravIraH .. 73..\\
kAle hi shatrUnpratipIDya sa~Nkhye 
hatvA cha shUrAnpR^ithivIpatI.nstAn . 
yaH ku~njarANAmadhika.n sahasraM 
hatvAnadattumula.n si.nhanAdam .. 74..\\
suduShkara.n karma karoti vIraH 
kartu.n yathA nArhasi tva.n kadA chit . 
rathAdavaplutya gadAM parAmR^isha.ns 
tayA nihantyashvanaradvipAnraNe .. 75..\\
varAsinA vAjirathAshvaku~njarA.ns 
tathA rathA~NgairdhanuShA cha hantyarIn . 
pramR^idya padbhyAmahitAnnihanti yaH 
punashcha dorbhyA.n shatamanyuvikramaH .. 76..\\
mahAbalo vaishravaNAntakopamaH 
prasahya hantA dviShatA.n yathArham . 
sa bhImaseno.arhati garhaNAM me 
na tvaM nitya.n rakShyase yaH suhR^idbhiH .. 77..\\
mahArathAnnAgavarAnhayAMsh cha 
padAtimikhyAnapi cha pramathya . 
eko bhImo dhArtarAShTreShu magnaH 
sa mAmupAlabdhumarindamo.arhati .. 78..\\
kali~Nga va~Ngana~Nga niShAdamAgadhAn 
sadA madAnnIlabalAhakopamAn . 
nihanti yaH shatrugaNAnanekashaH 
sa mAbhivaktuM prabhavatyanAgasam .. 79..\\
suyuktamAsthAya ratha.n hi kAle 
dhanurvikarSha~nsharapUrNamuShTiH . 
sR^ijatyasau sharavarShANi vIro 
mahAhave megha ivAmbudhArAH .. 80..\\
bala.n tu vAchi dvijasattamAnAM 
kShAtraM budhA bAhubala.n vadanti . 
tva.n vAgbalo bhArata niShThurash cha 
tvameva mA.n vetsi yathAvidho.aham .. 81..\\
yatAmi nitya.n tava kartumiShTaM 
dAraiH sutairjIvitenAtmanA cha . 
eva.n cha mA.n vAgvishikhairniha.nsi 
tvattaH sukhaM na vaya.n vidma ki.n chit .. 82..\\
avAma.nsthA mA.n draupadI talpa sa.nstho 
mahArathAnpratihanmi tvadarthe . 
tenAtisha~NkI bhArata niShThuro.asi 
tvattaH sukhaM nAbhijAnAmi ki.n chit .. 83..\\
proktaH svaya.n satyasandhena mR^ityus 
tava priyArthaM nadadeva yuddhe . 
vIraH shikhaNDI draupado.asau mahAtmA 
mayAbhiguptena hatash cha tena .. 84..\\
na chAbhinandAmi tavAdhirAjyaM 
yatastamakSheShvahitAya saktaH . 
svaya.n kR^itvA pApamanAryajuShTam 
ebhiryuddhe tartumichchhasyarI.nstu .. 85..\\
akSheShu doShA bahavo vidharmAH 
shrutAstvayA sahadevo.abravIdyAn . 
tAnnaiShi sAntartumasAdhu juShTAn 
yena sma sarve nirayaM prapannAH .. 86..\\
tva.n devitA tvatkR^ite rAjyanAshas 
tvatsambhava.n vyasanaM no narendra . 
mAsmAnkrUrairvAkpratodaistuda tvaM 
bhUyo rAjankopayannalpabhAgyAn .. 87..\\
etA vAchaH paruShAH sAvya sAchI 
sthirapraGYa.n shrAvayitvA tatakSha . 
tadAnutepe surarAjaputro 
viniHshvasaMshchApyasimudbabarha .. 88..\\
tamAha kR^iShNAH kimidaM punarbhavAn 
vikoshamAkAshanibha.n karotyasim . 
prabrUhi satyaM puraruttara.n vidher 
vachaH pravakShyAmyahamarthasiddhaye .. 89..\\
ityeva pR^iShThaH puruShottamena 
suduHkhitaH keshavamAha vAkyam . 
aha.n haniShye svasharIrameva 
prasahya yenAhitamAchara.n vai .. 90..\\
nishamya tatpArtha vacho.abravIdidaM 
dhana~njaya.n dharmabhR^itA.n variShThaH . 
prabrUhi pArtha svaguNAnihAtmanas 
tathA svahArdaM bhavatIha sadyaH .. 91..\\
tathAstu kR^iShNetyabhinandya vAkyaM 
dhana~njayaH prAha dhanurvinAmya . 
yudhiShThira.n dharmabhR^itA.n variShThaM 
shR^iNuShva rAjanniti shakrasUnuH .. 92..\\
na mAdR^isho.anyo naradeva vidyate 
dhanurdharo devamR^ite pinAkinam . 
aha.n hi tenAnumato mahAtmanA 
kShaNena hanyA.n sacharAchara.n jagat .. 93..\\
mayA hi rAjansadigIshvarA disho 
vijitya sarvA bhavataH kR^itA vashe . 
sa rAjasUyashcha samAptadakShiNaH 
sabhA cha divyA bhavato mamaujasA .. 94..\\
pApau pR^iShatkA likhitA mameme 
dhanushcha sa~Nkhye vitata.n sabANam . 
pAdau cha me sasharau sahadhvajau 
na mAdR^isha.n yuddhagata.n jayanti .. 95..\\
hatA udIchyA nihatAH pratIchyAH 
prAchyA nirastA dAkShiNAtyA vishastAH . 
saMshaptakAnA.n kiM chidevAvashiShTaM 
sarvasya sainyasya hataM mayArdham .. 96..\\
shete mayA nihatA bhAratI cha 
chamU rAjandeva chamU prakAshA . 
ye nAstraGYAstAnaha.n hanmi shastrais 
tasmAllokaM neha karomi bhasmasAt .. 97..\\
ityevamuktvA punarAha pArtho 
yudhiShThira.n dharmabhR^itA.n variShTham . 
apyaputrA tena rAdhA bhavitrI 
kuntI mayA vA tadR^ita.n viddhi rAjan . 
prasIda rAjankShama yanmayoktaM 
kAle bhavAnvetsyati tannamaste .. 98..\\
prasAdya rAjAnamamitrasAhaM 
sthito.abravIchchainamabhiprapannaH . 
yAmyeSha bhIma.n samarAtpramoktuM 
sarvAtmanA sUtaputra.n cha hantum .. 99..\\
tava priyArthaM mama jIvita.n hi 
bravImi satya.n tadavehi rAjan . 
iti prAyAdupasa~NgR^ihya pAdau 
samutthito dIptatejAH kirITI . 
neda.n chirAtkShipramidaM bhaviShyaty 
Avartate.asAvabhiyAmi chainam .. 100..\\
etachchhrutvA pANDavo dharmarAjo 
bhrAturvAkyaM paruShaM phalgunasya . 
utthAya tasmAchchhayanAduvAcha 
pArtha.n tato duHkhaparIta chetAH .. 101..\\
kR^itaM mayA pArtha yathA na sAdhu 
yena prApta.n vyasanaM vaH sughoram . 
tasmAchchhirash chhinddhi mamedamadya 
kulAntakasyAdhama puruShasya .. 102..\\
pApasya pApavyasanAnvitasya 
vimUDhabuddheralasasya bhIroH . 
vR^iddhAvamantuH paruShasya chaiva 
ki.n te chiraM mAmanuvR^itya rUkSham .. 103..\\
gachchhAmyaha.n vanamevAdya pApaH 
sukhaM bhavAnvartatAM madvihInaH . 
yogyo rAjA bhImaseno mahAtmA 
klIbasya vA mama ki.n rAjyakR^ityam .. 104..\\
na chAsmi shaktaH paruShANi soDhuM 
punastavemAni ruShAnvitasya . 
bhImo.astu rAjA mama jIvitena 
ki.n kAryamadyAvamatasya vIra .. 105..\\
ityevamuktvA sahasotpapAta 
rAjA tatastachchhayana.n vihAya . 
iyeSha nirgantumatho vanAya 
ta.n vAsudevaH praNato.abhyuvAcha .. 106..\\
rAjanviditametatte yathA gANDIvadhanvanaH . 
pratiGYA satyasandhasya gANDIvaM prati vishrutA .. 107..\\
brUyAdya eva.n gANDIvaM dehyanyasmai tvamityuta . 
sa vadhyo.asya pumA.Nlloke tvayA chokto.ayamIdR^isham .. 108..\\
ataH satyAM pratiGYA.n tAM pArthena parirakShatA . 
machchhandAdavamAno.aya.n kR^itastava mahIpate . 
gurUNAmavamAno hi vadha ityabhidhIyate .. 109..\\
tasmAttva.n vai mahAbAho mama pArthasya chobhayoH . 
vyatikramamima.n rAjansa~NkShamasvArjunaM prati .. 110..\\
sharaNa.n tvAM mahArAja prapannau sva ubhAvapi . 
kShantumarhasi me rAjanpraNatasyAbhiyAchataH .. 111..\\
rAdheyasyAdya pApasya bhUmiH pAsyati shoNitam . 
satya.n te pratijAnAmi hata.n viddhyadya sUtajam . 
yasyechchhasi vadha.n tasya gatamevAdya jIvitam .. 112..\\
iti kR^iShNa vachaH shrutvA dharmarAjo yudhiShThiraH . 
sasambhrama.n hR^iShIkeshamutthApya praNata.n tadA . 
kR^itA~njalimida.n vAkyamuvAchAnantaraM vachaH .. 113..\\
evametadyathAttha tvamastyeSho.atikramo mama . 
anunIto.asmi govinda tAritashchAdya mAdhava . 
mokShitA vyasanAdghorAdvayamadya tvayAchyuta .. 114..\\
bhavantaM nAthamAsAdya AvA.n vyasanasAgarAt . 
ghorAdadya samuttIrNAvubhAvaGYAnamohitau .. 115..\\
tvadbuddhipravamAsAdya duHkhashokArNavAdvayam . 
samuttIrNAH sahAmAtyAH sanAthAH sma tvayAchyuta .. 116..\\
\medskip\hrule\medskip\centerline{\Largedvng 50}
 s

iti sma kR^iShNa vachanAtpratyuchchArya yudhiShThiram . 
babhUva vimanAH pArthaH ki.n chitkR^itveva pAtakam .. 1..\\
tato.abravIdvAsudevaH prahasanniva pANDavam . 
kathaM nAma bhavedetadyadi tvaM pArtha dharmajam . 
asinA tIkShNadhAreNa hanyA dharme vyavasthitam .. 2..\\
tvamityuktvaiva rAjAnameva.n kashmalamAvishaH . 
hatvA tu nR^ipatiM pArtha akariShyaH kimuttaram . 
eva.n sudurvido dharmo mandapraGYairvisheShataH .. 3..\\
sa bhavAndharmabhIrutvAddhruvamaiShyAnmahattapaH . 
naraka.n ghorarUpaM cha bhrAturjyeShThasya vai vadhAt .. 4..\\
sa tva.n dharmabhR^itA.n shreShThaM rAjAnaM dharmasa.nhitam . 
prasAdaya kurushreShThametadatra mataM mama .. 5..\\
prasAdya bhaktyA rAjAnaM prIta.n chaiva yudhiShThiram . 
prayAmastvaritA yoddhu.n sUtaputra rathaM prathi .. 6..\\
hatvA sudurjaya.n karNaM tvamadya nishitaiH sharaiH . 
vipulAM prItimAdhatsva dharmaputrasya mAnada .. 7..\\
etadatra mahAbAho prAptakAlaM mataM mama . 
eva.n kR^ite kR^itaM chaiva tava kAryabhaviShyati .. 8..\\
tato.arjuno mahArAja lajjayA vai samanvitaH . 
dharmarAjasya charaNau prapede shirasAnagha .. 9..\\
uvAcha bharatashreShTha prasIdeti punaH punaH . 
kShamasva rAjanyatprokta.n dharmakAmena bhIruNA .. 10..\\
pAdayoH patita.n dR^iShTvA dharmarAjo yudhiShThiraH . 
dhana~njayamamitraghna.n rudantaM bharatarShabha .. 11..\\
utthApya bhrAtara.n rAjA dharmarAjo dhana~njayam . 
samAshliShya cha sasnehaM praruroda mahIpatiH .. 12..\\
ruditvA tu chira.n kAlaM bhrAtarau sumahAdyutI . 
kR^itashauchau naravyAghrau prItimantau babhUvatuH .. 13..\\
tata AshliShya sa premNA mUrdhni chAgrAya pANDavam . 
prItyA paramayA yuktaH prasmayaMshchAbravIjjayam .. 14..\\
karNena me mahAbAho sarvasainyasya pashyataH . 
kavacha.n cha dhvajashchaiva dhanuH shaktirhayA gadA . 
sharaiH kR^ittA maheShvAsa yatamAnasya sa.nyuge .. 15..\\
so.aha.n GYAtvA raNe tasya karma dR^iShTvA cha phalguna . 
vyavasIdAmi duHkhena na cha me jIvitaM priyam .. 16..\\
tamadya yadi vai vIra na haniShyasi sUtajam . 
prANAneva parityakShye jIvitArtho hi ko mama .. 17..\\
evamuktaH pratyuvAcha vijayo bharatarShabha . 
satyena te shape rAjanprasAdena tavaiva cha . 
bhImena cha narashreShTha yamAbhyA.n cha mahIpate .. 18..\\
yathAdya samare karNa.n haniShyAmi hato.atha vA . 
mahItale patiShyAmi satyenAyudhamAlabhe .. 19..\\
evamAbhAShya rAjAnamabravInmAdhava.n vachaH . 
adya karNa.n raNe kR^iShNa sUdayiShye na saMshayaH . 
tadanudhyAhi bhadra.n te vadhaM tasya durAtmanaH .. 20..\\
evamukto.abravItpArtha.n keshavo rAjasattama . 
shakto.asmi bharatashreShTha yatna.n kartu.n yathAbalam .. 21..\\
eva.n chApi hi me kAmo nityameva mahAratha . 
kathaM bhavAnraNe karNaM nihanyAditi me matiH .. 22..\\
bhUyashchovAcha matimAnmAdhavo dharmanandanam . 
yudhiShThiremaM bIbhatsu.n tva.n sAntvayitumarhasi . 
anuGYAtu.n cha karNasya vadhAyAdya durAtmanaH .. 23..\\
shrutvA hyayamaha.n chaiva tvAM karNa sharapIDitam . 
pravR^itti.n GYAtumAyAtAviha pANDavanandana .. 24..\\
diShTyAsi rAjannirujo diShTyA na grahaNa.n gataH . 
parisAntvaya bIbhatsu.n jayamAshAdhi chAnagha .. 25..\\

 y

ehyehi pArtha bIbhatso mAM pariShvaja pANDava . 
vaktavyamukto.asmyahita.n tvayA kShAntaM cha tanmayA .. 26..\\
aha.n tvAmanujAnAmi jahi karNaM dhana~njaya . 
manyu.n cha mA kR^ithAH pArtha yanmayokto.asi dAruNam .. 27..\\

 s

tato dhana~njayo rAja~nshirasA praNatastadA . 
pAdau jagrAha pANibhyAM bhrAturjyeShThasya mAriSha .. 28..\\
samutthApya tato rAjA pariShvajya cha pIDitam . 
mUrdhnyupAghrAya chaivainamidaM punaruvAcha ha .. 29..\\
dhana~njaya mahAbAho mAnito.asmi dR^iDha.n tvayA . 
mAhAtmya.n vijaya.n chaiva bhUyaH prApnuhi shAshvatam .. 30..\\

 arj

adya taM pApakarmANa.n sAnubandhaM raNe sharaiH . 
nayAmyanta.n samAsAdya rAdheyaM balagarvitam .. 31..\\
yena tvaM pIDito bANairdR^iDhamAyamya kArmukam . 
tasyAdya karmaNaH karNaH phalaM prApsyati dAruNam .. 32..\\
adya tvAmahameShyAmi karNa.n hatvA mahIpate . 
sabhAjayitumAkrandAditi satyaM bravImi te .. 33..\\
nAhatvA vinivarte.aha.n karNamadya raNAjirAt . 
iti satyena te pAdau spR^ishAmi jagatIpate .. 34..\\

 s

prasAdya dharmarAjAnaM prahR^iShTenAntarAtmanA . 
pArthaH provAcha govinda.n sUtaputra vadhodyataH .. 35..\\
kalpyatA.n cha ratho bhUyo yujyantAM cha hayottamAH . 
AyudhAni cha sarvANi sajjyantA.n vai mahArathe .. 36..\\
upAvR^ittAshcha turagAH shikShitAshchAshvasAdinaH . 
rathopakaraNaiH sarvairupAyAntu tvarAnvitAH .. 37..\\
evamukte mahArAja phalgunena mahAtmanA . 
uvAcha dAruka.n kR^iShNaH kuru sarva.n yathAbravIt . 
arjuno bharatashreShThaH shreShThaH sarvadhanuShmatAm .. 38..\\
AGYaptastvatha kR^iShNena dAruko rAjasattama . 
yojayAmAsa sa ratha.n vaiyAghraM shatrutApanam .. 39..\\
yukta.n tu rathamAsthAya dArukeNa mahAtmanA . 
ApR^ichchhya dharmarAjAnaM brAhmaNAnsvasti vAchya cha . 
sama~Ngala svastyayanamAruroha rathottamam .. 40..\\
tasya rAjA mahAprAGYo dharmarAjo yudhiShThiraH . 
AshiSho.ayu~Nkta paramA yuktAH karNavadhaM prati .. 41..\\
taM prayAntaM maheShvAsa.n dR^iShTvA bhUtAni bhArata . 
nihataM menire karNaM pANDavena mahAtmanA .. 42..\\
babhUvurvimalAH sarvA disho rAjansamantataH . 
chAShAshcha shatapatrAshcha krau~nchAshchaiva janeshvara . 
pradakShiNamakurvanta tadA vai pANDunandanam .. 43..\\
bahavaH pakShiNo rAjanpuMnAmAnaH shubhAH shivAH . 
tvarayanto.arjuna.n yuddhe hR^iShTarUpA vavAshire .. 44..\\
ka~NkA gR^idhrA vaDAshchaiva vAyasAshcha vishAM pate . 
agratastasya gachchhanti bhakShyahetorbhayAnakAH .. 45..\\
nimittAni cha dhanyAni pArthasya prashasha.nsire . 
vinAshamarisainyAnA.n karNasya cha vadhaM tathA .. 46..\\
prayAtasyAtha pArthasya mahAnsvedo vyajAyata . 
chintA cha vipulA jaGYe kathaM nvetadbhaviShyati .. 47..\\
tato gANDIvadhanvAnamabravInmadhusUdanaH . 
dR^iShTvA pArtha.n tadAyastaM chintAparigataM tadA .. 48..\\
gANDIvadhanvansa~NgrAme ye tvayA dhanuShA jitAH . 
na teShAM mAnuSho jetA tvadanya iha vidyate .. 49..\\
dR^iShTA hi bahavaH shUrAH shakratulyaparAkramAH . 
tvAM prApya samare vIra.n ye gatAH paramA.n gatim .. 50..\\
ko hi droNa.n cha bhIShmaM cha bhagadattaM cha mAriSha . 
vindAnuvindAvAvantyau kAmboja.n cha sudakShiNam .. 51..\\
shrutAyuShaM mahAvIryamachyutAyuShameva cha . 
pratyudgamya bhavetkShemI yo na syAttvamiva kShamI .. 52..\\
tava hyastrANi divyAni lAghavaM balameva cha . 
vedhaH pAtashcha lakShashcha yogashchaiva tavArjuna . 
asaMmohashcha yuddheShu viGYAnasya cha saMnatiH .. 53..\\
bhavAndevAsurAnsarvAnhanyAtsahacharAcharAn . 
pR^ithivyA.n hi raNe pArtha na yoddhA tvatsamaH pumAn .. 54..\\
dhanurgrahA hi ye ke chitkShatriyA yuddhadurmadAH . 
A devAttvatsama.n teShAM na pashyAmi shR^iNomi vA .. 55..\\
brAhmaNA cha prajAH sR^iShTA gANDIva.n cha mahAdbhutam . 
yena tva.n yudhyase pArtha tasmAnnAsti tvayA samaH .. 56..\\
avashya.n tu mayA vAchya.n yatpathyaM tava pANDava . 
mAvama.nsthA mahAbAho karNamAhavashobhinam .. 57..\\
karNo hi balavAndhR^iShTaH kR^itAstrashcha mahArathaH . 
kR^itI cha chitrayodhI cha deshe kAle cha kovidaH .. 58..\\
tejasA vahni sadR^isho vAyuvegasamo jave . 
antakapratimaH krodhe si.nhasa.nhanano balI .. 59..\\
ayo ratnirmahAbAhurvyUDhoraskaH sudurjayaH . 
atimAnI cha shUrashcha pravIraH priyadarshanaH .. 60..\\
sarvairyodhaguNairyukto mitrANAmabhaya~NkaraH . 
satataM pANDava dveShI dhArtarAShTra hite rataH .. 61..\\
sarvairavadhyo rAdheyo devairapi savAsavaiH . 
R^ite tvAmiti me buddhistvamadya jahi sUtajam .. 62..\\
devairapi hi sa.nyattairbibhradbhirmA.nsashoNitam . 
ashakyaH samare jetu.n sarvairapi yuyutsubhiH .. 63..\\
durAtmAnaM pApamatiM nR^isha.nsaM 
duShTapraGYaM pANDaveyeShu nityam . 
hInasvArthaM pANDaveyairvirodhe 
hatvA karNa.n dhiShThitArtho bhavAdya .. 64..\\
vIraM manyata AtmAna.n yena pApaH suyodhanaH . 
tamadya mUlaM pApAnA.n jaya sautiM dhana~njaya .. 65..\\
\medskip\hrule\medskip\centerline{\Largedvng 51}
 s

tataH punarameyAtmA keshavo.arjunamabravIt . 
kR^itasa~NkalpamAyasta.n vadhe karNasya sarvashaH .. 1..\\
adya sapta dashAhAni vartamAnasya bhArata . 
vinAshasyAtighorasya naravAraNavAjinAm .. 2..\\
bhUtvA hi vipulA senA tAvakAnAM paraiH saha . 
anyonya.n samare prApya ki.n chichchheShA vishAM pate .. 3..\\
bhUtvA hi kauravyAH pArtha prabhUtagajavAjinaH . 
tvA.n vai shatruM samAsAdya vinaShTA raNamUrdhani .. 4..\\
ete cha sarve pA~nchAlAH sR^i~njayAshcha sahAnvayAH . 
tvA.n samAsAdya durdharShaM pANDavAshcha vyavasthitAH .. 5..\\
pA~nchAlaiH pANDavairmatsyaiH kArUShaishchedikekayaiH . 
tvayA guptairamitraghna kR^itaH shatrugaNakShayaH .. 6..\\
ko hi shakto raNe jetu.n kauravA.nstAta sa~NgatAn . 
anyatra pANDavAnyuddhe tvayA guptAnmahArathAn .. 7..\\
tva.n hi shakto raNe jetuM sa surAsuramAnuShAn . 
trI.NllokAnsamamudyuktAnkiM punaH kauravaM balam .. 8..\\
bhagadatta.n hi rAjAna.n ko.anyaH shaktastvayA vinA . 
jetuM puruShashArdUla yo.api syAdvAsavopamaH .. 9..\\
tathemA.n vipulAM senA.n guptAM pArtha tvayAnagha . 
na shekuH pArthivAH sarve chakShurbhirabhivIkShitum .. 10..\\
tathaiva satataM pArtha rakShitAbhyA.n tvayA raNe . 
dhR^iShTadyumna shikhaNDibhyAM bhIShmadroNau nipAtitau .. 11..\\
ko hi shakto raNe pArtha pA~nchAlAnAM mahArathau . 
bhIShmadroNau yudhA jetu.n shakratulyaparAkramau .. 12..\\
ko hi shAntanava.n sa~Nkhye droNaM vaikartana.n kR^ipam . 
drauNi.n cha saumadattiM cha kR^itavarmANameva cha . 
saundhavaM madrarAja.n cha rAjAnaM cha suyodhanam .. 13..\\
vIrAnkR^itAstrAnsamare sarvAnevAnuvartinaH . 
akShauhiNIpatInugrAnsa.nrabdhAnyuddhadurmadAn .. 14..\\
shreNyashcha bahulAH kShINAH pradIrNAshvarathadvipAH . 
nAnAjanapadAshchogrAH kShatriyANAmamarShiNAm .. 15..\\
govAsa dAsamIyAnA.n vasAtInA.n cha bhArata . 
vrAtyAnA.n vATadhAnAnAM bhojAnA.n chApi mAninAm .. 16..\\
udIrNAshcha mahAsenA brahmakShatrasya bhArata . 
tvA.n samAsAdya nidhana.n gatAH sAshvarathadvipAH .. 17..\\
ugrAshcha krUrakarmANastukhArA yavanAH khashAH . 
dArvAbhisArA daradAH shakA ramaTha ta~NgaNAH .. 18..\\
andhrakAshcha pulindAshcha kirAtAshchogravikramAH . 
mlechchhAshcha pArvatIyAshcha sAgarAnUpavAsinaH . 
sa.nrambhiNo yuddhashauNDA balino dR^ibdha pANayaH .. 19..\\
ete suyodhanasyArthe sa.nrabdhAH kurubhiH saha . 
na shakyA yudhi nirjetu.n tvadanyena parantapa .. 20..\\
dhArtarAShTramudagra.n hi vyUDha.n dR^iShTvA mahAbalam . 
yasya tvaM na bhavestrAtA pratIyAtko nu mAnavaH .. 21..\\
tatsAgaramivoddhUta.n rajasA sa.nvR^itaM balam . 
vidArya pANDavaiH kruddhaistvayA guptairhata.n vibho .. 22..\\
mAgadhAnAmadhipatirjayatseno mahAbalaH . 
adya saptaiva chAhAni hataH sa~Nkhye.abhimanyunA .. 23..\\
tado dashasahasrANi gajAnAM bhImakarmaNAm . 
jaghAna gadayA bhImastasya rAGYaH parichchhadam . 
tato.anye.api hatA nAgA rathAshcha shatasho balAt .. 24..\\
tadeva.n samare tAta vartamAne mahAbhaye . 
bhImasena.n samAsAdya tvA.n cha pANDava kauravAH . 
savAjirathanAgAshcha mR^ityulokamito gatAH .. 25..\\
tathA senAmukhe tatra nihate pArtha pADavaiH . 
bhIShmaH prAsR^ijadugrANi sharavarShANi mAriSha .. 26..\\
sa chedikAshipA~nchAlAnkarUShAnmatsyakekayAn . 
sharaiH prachchhAdya nidhanamanayatparuShAstravit .. 27..\\
tasya chApachyutairbANaiH paradehavidAraNaiH . 
pUrNamAkAshamabhavadrukmapu~NkharajihmagaiH .. 28..\\
gatyA dashamyA te gatvA jaghnurvAjirathadvipAn . 
hitvA nava gatIrduShTAH sa bANAnvyAyato.amuchat .. 29..\\
dinAni dasha bhIShmeNa nighnatA tAvakaM balam . 
shUnyAH kR^itA rathopasthA hatAshcha gajavAjinaH .. 30..\\
darshayitvAtmano rUpa.n rudropendra samaM yudhi . 
pANDavAnAmanIkAni pravigAhya vyashAtayat .. 31..\\
vinighnanpR^ithivIpAlAMshchedipA~nchAlakekayAn . 
vyadahatpANDavIM mandamujjihIrShuH suyodhanam .. 32..\\
tathA charanta.n samare tapantamiva bhAskaram . 
na shekuH sR^i~njayA draShTu.n tathaivAnye mahIkShitaH .. 33..\\
vicharanta.n tathA taM tu sa~NgrAme jitakAshinam . 
savAdyogena sahasA pANDavA samupAdravan .. 34..\\
sa tu vidrAvya samare pANDavAnsR^i~njayAnapi . 
eka eva raNe bhIShma eka vIratvamAgataH .. 35..\\
ta.n shikhaNDI samAsAdya tvayA gupto mahAratham . 
jaghAna puruShavyAghra.n sharaiH saMnataparvabhiH .. 36..\\
sa eSha patitaH shete sharatalpe pitAmahaH . 
tvAM prApya puruShavyAghra gR^idhraH prApyeva vAyasam .. 37..\\
droNaH pa~ncha dinAnyugro vidhamya ripuvAhinIH . 
kR^itvA vyUhaM mahAyuddhe pAtayitvA mahArathAn .. 38..\\
jayadrathasya samare kR^itvA rakShAM mahArathaH . 
antakapratimashchogrA.n rAtriM yuddhvAdahatprajAH .. 39..\\
adyeti dve dine vIro bhAradvAjaH pratApavAn . 
dhR^iShTadyumna.n samAsAdya sa gataH paramA.n gatim .. 40..\\
yadi chaiva parAnyyuddhe sUtaputra mukhAnrathAn . 
nAvArayiShyaH sa~NgrAme na sma droNo vyana~NkShyata .. 41..\\
bhavatA tu bala.n sarva.n dhArtarAShTrasya vAritam . 
tato droNo hato yuddhe pArShatena dhana~njaya .. 42..\\
ka ivAnyo raNe kuryAttvadanyaH kShatriyo yudhi . 
yAdR^isha.n te kR^itaM pArtha jayadrathavadhaM prati .. 43..\\
nivArya senAM mahatI.n hatvA shUrAMshcha pArthivAn . 
nihataH saindhavo rAjA tvayAstra balatejasA .. 44..\\
Ashcharya.n sindhurAjasya vadha.n jAnanti pArthivAH . 
anAshcharya.n hi tattvattastvaM hi pArtha mahArathaH .. 45..\\
tvA.n hi prApya raNe kShatramekAhAditi bhArata . 
tapyamAnamasa.nyuktaM na bhavediti me matiH .. 46..\\
seyaM pArtha chamUrghorA dhArtarAShTrasya sa.nyuge . 
hatA sasarva vIrA hi bhIShmadroNau yadA hatau .. 47..\\
shIrNapravara yodhA adya hatavAji naradvipA . 
hInA sUryendu nakShatrairdyaurivAbhAti bhAratI .. 48..\\
vidhvastA hi raNe pArtha seneyaM bhImavikramAt . 
AsurIva purA senA shakrasyeva parAkramaiH .. 49..\\
teShA.n hatAvashiShTAstu pa~ncha santi mahArathAH . 
ashvatthAmA kR^itavarmA karNo madrAdhipaH kR^ipaH .. 50..\\
tA.nstvamadya naravyAghra hatvA pa~ncha mahArathAn . 
hatAmitraH prayachchhorvI.n rAGYaH sadvIpa pattanAm .. 51..\\
sAkAsha jalapAtAlA.n saparvatamahAvanAm . 
prApnotvamitavIryashrIradya pArtho vasundharAm .. 52..\\
etAM purA viShNuriva hatvA daiteya dAnavAn . 
prayachchha medinI.n rAGYe shakrAyeva yathA hariH .. 53..\\
adya modantu pA~nchAlA nihateShvariShu tvayA . 
viShNunA nihateShveva dAnaveyeShu devatAH .. 54..\\
yadi vA dvipadA.n shreShTha droNaM mAnayato gurum . 
ashvatthAmni kR^ipA te.asti kR^ipe chAchArya gauravAt .. 55..\\
atyantopachitAnvA tvaM mAnayanbhrAtR^ibAndhavAn . 
kR^itavarmANamAsAdya na neShyAmi yamakShayam .. 56..\\
bhrAtaraM mAturAsAdya shalyaM madrajanAdhipam . 
yadi tvamaravindAkSha dayAvAnna jighA.nsasi .. 57..\\
imaM pApamati.n kShudramatyantaM pANDavAnprati . 
karNamadya narashreShTha jahyAshu nishitaiH sharaiH .. 58..\\
etatte sukR^ita.n karma nAtra kiM chinna yujyate . 
vayamapyatra jAnImo nAtra doSho.asti kash chana .. 59..\\
dahane yatsaputrAyA nishi mAtustavAnagha . 
dyUtArthe yachcha yuShmAsu prAvartata suyodhanaH . 
tatra sarvatra duShTAtmA karNo mUlamihArjuna .. 60..\\
karNAddhi manyate trANaM nityameva suyodhanaH . 
tato mAmapi sa.nrabdho nigrahItuM prachakrame .. 61..\\
sthirA buddhirnarendrasya dhArtarAShTrasya mAnada . 
karNaH pArthAnraNe sarvAnvijeShyati na saMshayaH .. 62..\\
karNamAshritya kaunteya dhArtarAShTreNa vigrahaH . 
rochito bhavatA sArdha.n jAnatApi balaM tava .. 63..\\
karNo hi bhAShate nityamahaM pArthAnsamAgatAn . 
vAsudeva.n sarAjAnaM vijeShyAmi mahAraNe .. 64..\\
protsAhayandurAtmAna.n dhArtarAShTra.n sudurmatiH . 
samatau garjate karNastamadya jahi bhArata .. 65..\\
yachcha yuShmAsu pApa.n vai dhArtarAShTraH prayuktavAn . 
tatra sarvatra duShTAtmA karNaH pApamatirmukham .. 66..\\
yachcha taddhArtarAShTrANA.n krUraiH ShaDbhirmahArathaiH . 
apashyaM nihata.n vIraM saubhadramR^iShabhekShaNam .. 67..\\
droNa drauNikR^ipAnvIrAnkampayanto mahArathAn . 
nirmanuShyAMshcha mAta~NgAnvirathAMshcha mahArathAn .. 68..\\
vyashvArohAMshcha turagAnpattInvyAyudha jIvitAn . 
kurvantamR^iShabhaskandha.n kuru vR^iShNiyashaH karam .. 69..\\
vidhamantamanIkAni vyathayantaM mahArathAn . 
manuShyavAji mAta~NgAnprahiNvanta.n yamakShayam .. 70..\\
sharaiH saubhadramAyasta.n dahantamiva vAhinIm . 
tanme dahati gAtrANi sakhe satyena te shape .. 71..\\
yattatrApi cha duShTAtmA karNo.abhyadruhyata prabho . 
ashaknuvaMshchAbhimanyoH karNaH sthAtu.n raNe.agrataH .. 72..\\
saubhadra sharanirbhinno visa~nj~naH shoNitokShitaH . 
niHshvasankrodhasandIpto vimukhaH sAyakArditaH .. 73..\\
apayAna kR^itotsAho nirAshashchApi jIvite . 
tasthau suvihvalaH sa~Nkhye prahAra janitashramaH .. 74..\\
atha droNasya samare tatkAlasadR^isha.n tadA . 
shrutvA karNo vachaH krUra.n tatashchichchheda kArmukam .. 75..\\
tatashchhinnAyudha.n tena raNe pa~ncha mahArathAH . 
sa chaiva nikR^itipraGYaH prAvadhIchchharavR^iShTibhiH .. 76..\\
yachcha karNo.abravItkR^iShNA.n sabhAyAM paruShaM vachaH . 
pramukhe pANDaveyAnA.n kurUNAM cha nR^isha.nsavat .. 77..\\
vinaShTAH pANDavAH kR^iShNe shAshvataM naraka.n gatAH . 
patimanyaM pR^ithushroNivR^iNIShva mita bhAShiNi .. 78..\\
lekhAbhru dhR^itarAShTrasya dAsI bhUtvA niveshanam . 
pravishArAla pakShmAkShi na santi patayastava .. 79..\\
ityuktavAnadharmaGYastadA paramadurmatiH . 
pApaH pApa.n vachaH karNaH shR^iNvatastava bhArata .. 80..\\
tasya pApasya tadvAkya.n suvarNavikR^itAH sharAH . 
shamayantu shilA dhautAstvayAstA jIvitachchhidaH .. 81..\\
yAni chAnyAni duShTAtmA pApAni kR^itavA.nstvayi . 
tAnyadya jIvita.n chAsya shamayantu sharAstava .. 82..\\
gANDIvaprahitAnghorAnadya gAtraiH spR^isha~nsharAn . 
karNaH smaratu duShTAtmA vachana.n droNa bhIShmayoH .. 83..\\
suvarNapu~NkhA nArAchAH shatrughnA vaidyuta prabhAH . 
tvayAstAstasya marmANi bhittvA pAsyanti shoNitam .. 84..\\
ugrAstvadbhujanirmuktA marma bhittvA shitAH sharAH . 
adya karNaM mahAvegAH preShayantu yamakShayam .. 85..\\
adya hAhAkR^itA dInA viShaNNAstvachchharArditAH . 
prapatanta.n rathA karNaM pashyantu vasudhAdhipAH .. 86..\\
adya svashoNite magna.n shayAnaM patitaM bhuvi . 
apaviddhAyudha.n karNaM pashyantu suhR^ido nijAH .. 87..\\
hastikakShyo mahAnasya bhallenonmathitastvayA . 
prakampamAnaH patatu bhUmAvAdhiratherdhvajaH .. 88..\\
tvayA sharashataishchhinna.n rathaM hemavibhUShitam . 
hatayodha.n samutsR^ijya bhItaH shalyaH palAyatAm .. 89..\\
tataH suyodhano dR^iShTvA hatamAdhirathi.n tvayA . 
nirAsho jIvite tvadya rAjye chaiva dhana~njaya .. 90..\\
ete dravanti pA~nchAlA vadhyamAnAH shitaiH sharaiH . 
karNena bharatashreShTha pANDavAnujjihIrShavaH .. 91..\\
pA~nchAlAndraupadeyAMshcha dhR^iShTadyumna shikhaNDinau . 
dhR^iShTadyumna tanUjAMshcha shatAnIka.n cha nAkulim .. 92..\\
nakula.n sahadeva.n cha durmukhaM janamejayam . 
suvarmANa.n sAtyaki.n cha viddhi karNa vasha~NgatAn .. 93..\\
abhyAhatAnA.n karNena pA~nchAlAnAM mahAraNe . 
shrUyate ninado ghorastadbandhUnAM parantapa .. 94..\\
na tveva bhItAH pA~nchAlAH katha.n chitsyuH parA~NmukhAH . 
na hi mR^ityuM maheShvAsA gaNayanti mahArathAH .. 95..\\
ya ekaH pANDavI.n senAM sharaughaiH samaveShTayat . 
ta.n samAsAdya pA~nchAlA bhIShmaM nAsAnparA~NmukhAH .. 96..\\
tathA jvalantamastrAgni.n guru.n sarvadhanuShmatAm . 
nirdahanta.n samArohandurdharSha.n droNamojasA .. 97..\\
te nityamuditA jetu.n yuddhe shatrUnarindamAH . 
na jAtvAdhiratherbhItAH pA~nchAlAH syuH parA~NmukhAH .. 98..\\
teShAmApatatA.n shUraH pA~nchAlAnA.n tarasvinAm . 
Adatte.asU~nsharaiH karNaH pata~NgAnAmivAnalaH .. 99..\\
tA.nstathAbhimukhAnvIrAnmitrArthe tyaktajIvitAn . 
kShayaM nayati rAdheyaH pA~nchAlA~nshatasho raNe .. 100..\\
astra.n hi rAmAtkarNena bhArgavAdR^iShisattamAt . 
yadupAttaM purA ghora.n tasya rUpamudIryate .. 101..\\
tApana.n sarvasainyAnA.n ghorarUpaM sudAruNam . 
samAvR^itya mahAsenA.n jvalati svena tejasA .. 102..\\
ete charanti sa~NgrAme karNa chApachyutAH sharAH . 
bhramarANAmiva vrAtAstApayantaH sma tAvakAn .. 103..\\
ete charanti pA~nchAlA dikShu sarvAsu bhArata . 
karNAstra.n samare prApya durnivAramanAtmabhiH .. 104..\\
eSha bhImo dR^iDhakrodho vR^itaH pArtha samantataH . 
sR^i~njayairyodhayankarNaM pIDyate sma shitaiH sharaiH .. 105..\\
pANDavAnsR^i~njayAMshchaiva pA~nchAlAMshchaiva bhArata . 
hanyAdupekShitaH karNo rogo dehamivAtataH .. 106..\\
nAnya.n tvatto.abhipashyAmi yodha.n yaudhiShThire bale . 
yaH samAsAdya rAdheya.n svastimAnAvrajedgR^iham .. 107..\\
tamadya nishitairbANairnihatya bharatarShabha . 
yathApratiGYaM pArtha tva.n kR^itvA kIrtimavApnuhi .. 108..\\
tva.n hi shakto raNe jetuM sakarNAnapi kauravAn . 
nAnyo yudhi yudhA.n shreShTha satyametadbravImi te .. 109..\\
eta kR^itvA mahatkarmahatvA karNaM mahAratham . 
kR^itArthaH saphalaH pArtha sukhI bhava narottama .. 110..\\
\medskip\hrule\medskip\centerline{\Largedvng 52}
 s

sa keshavasyA bIbhatsuH shrutvA bhArata bhAShitam . 
vishokaH samprahR^iShTashcha kShaNena samapadyata .. 1..\\
tato jyAmanumR^ijyAshu vyAkShipadgANDiva.n dhanuH . 
dadhre karNa vinAshAya keshava.n chAbhyabhAShata .. 2..\\
tvayA nAthena govinda dhruva eSha jayo mama . 
prasanno yasya me.adya tvaM bhUtabhavya bhavatprabhuH .. 3..\\
tvatsahAyo hyaha.n kR^iShNa trI.NllokAnvai samAgatAn . 
prApayeyaM para.n loka.n kimu karNaM mahAraNe .. 4..\\
pashyAmi dravatI.n senAM pA~nchAlAnA.n janArdana . 
pashyAmi karNa.n samare vicharantamabhItavat .. 5..\\
bhArgavAstra.n cha pashyAmi vicharanta.n samantataH . 
sR^iShTa.n karNena vArShNeya shakreNeva mahAshanim .. 6..\\
aya.n khalu sa sa~NgrAmo yatra kR^iShNa mayA kR^itam . 
kathayiShyanti bhUtAni yAvadbhUmirdhariShyati .. 7..\\
adya kR^iShNa vikarNA me karNaM neShyanti mR^ityave . 
gANDIvamuktAH kShiNvanto mama hastaprachoditAH .. 8..\\
adya rAjA dhR^itarAShTraH svAM buddhimavama.nsyate . 
duryodhanamarAjyArha.n yayA rAjye.abhiShechayat .. 9..\\
adya rAjyAtsukhAchchaiva shriyo rAShTrAttathA purAt . 
putrebhyashcha mahAbAho dhR^itarAShTro viyokShyate .. 10..\\
adya duryodhano rAjA jIvitAchcha nirAshakaH . 
bhaviShyati hate karNe kR^iShNa satyaM bravImi te .. 11..\\
adya dR^iShTvA mayA karNa.n sharairvishakalIkR^itam . 
smaratA.n tava vAkyAni shamaM prati janeshvaraH .. 12..\\
adyAsau saubalaH kR^iShNa glaha.n jAnAtu vai sharAn . 
durodara.n cha gANDIvaM maNDalaM cha rathaM mama .. 13..\\
yo.asau raNe naraM nAnyaM pR^ithivyAm abhimanyate . 
tasyAdya sUtaputrasya bhUmiH pAsyati shoNitam . 
gANDIvasR^iShTA dAsyanti karNasya paramA.n gatim .. 14..\\
adya tapsyati rAdheyaH pA~nchAlI.n yattadAbravIt . 
sabhAmadhye vachaH krUra.n kutsayanpANDavAnprati .. 15..\\
ye vai ShaNDhatilAstatra bhavitAro.adya te tilAH . 
hate vaikartane karNe sUtaputre durAtmani .. 16..\\
aha.n vaH pANDuputrebhyastrAsyAmIti yadabravIt . 
anR^ita.n tatkariShyanti mAmakA nishitAH sharAH .. 17..\\
hantAhaM pANDavAnsarvAnsaputrAniti yo.abravIt . 
tamadya karNa.n hantAsmi miShatAM sarvadhanvinAm .. 18..\\
yasya vIrye samAshvasya dhArtarAShTro bR^ihanmanAH . 
avAmanyata durbuddhirnityamasmAndurAtmavAn . 
tamadya karNa.n rAdheyaM hantAsmi madhusUdana .. 19..\\
adya karNe hate kR^iShNa dhArtarAShTrAH sarAjakAH . 
vidravantu disho bhItAH si.nhatrastA mR^igA iva .. 20..\\
adya duryodhano rAjA pR^ithivImanvavekShatAm . 
hate karNe mayA sa~Nkhye saputre sasuhR^ijjane .. 21..\\
adya karNa.n hata.n dR^iShTvA dhArtarAShTro.atyamarShaNaH . 
jAnAtu mA.n raNe kR^iShNa pravaraM sarvadhanvinAm .. 22..\\
adyAhamanR^iNaH kR^iShNa bhaviShyAmidhanurbhR^itAm . 
krodhasya cha kurUNA.n cha sharANAM gANDivasya cha .. 23..\\
adya duHkhamahaM mokShye trayodasha samArjitam . 
hatvA karNa.n raNe kR^iShNa shambaraM maghavAniva .. 24..\\
adya karNe hate yuddhe somakAnAM mahArathAH . 
kR^ita.n kAryaM cha manyantAM mitrakAryepsavo yudhi .. 25..\\
na jAne cha kathaM prItiH shaineyasyAdya mAdhava . 
bhaviShyAnti hate karNe mayi chApi jayAdhike .. 26..\\
aha.n hatvA raNe karNaM putra.n chAsya mahAratham . 
prIti.n dAsyAmi bhImasya yamayoH sAtyakerapi .. 27..\\
dhR^iShTadyumna shikhaNDibhyAM pA~nchAlAnA.n cha mAdhava . 
adhyAnR^iNya.n gamiShyAmi hatvA karNaM mahAraNe .. 28..\\
adya pashyantu sa~NgrAme dhana~njayamamarShaNam . 
yudhyanta.n kauravAnsa~Nkhye pAtayantaM cha sUtajam . 
bhavatsakAshe vakShye cha punarevAtma sa.nstavam .. 29..\\
dhanurvede matsamo nAsti loke 
parAkrame vA mama ko.asti tulyaH . 
ko vApyanyo matsamo.asti kShamAyAM 
tathA krodhe sadR^isho.anyo na me.asti .. 30..\\
aha.n dhanuShmAnasurAnsurAMsh cha 
sarvANi bhUtAni cha sa~NgatAni . 
svabAhuvIryAdgamaye parAbhavaM 
matpauruSha.n viddhi paraH parebhyaH .. 31..\\
sharArchiShA gANDivenAhamekaH 
sarvAnkurUnbAhlikAMshchAbhipatya . 
himAtyaye kakShagato yathAgnis 
tahA daheya.n sagaNAnprasahya .. 32..\\
pANau pR^iShatkA likhitA mamaite 
dhanushcha savye nihita.n sabANam . 
pAdau cha me sarathau sadhvajau cha 
na mAdR^isha.n yuddhagata.n jayanti .. 33..\\
\medskip\hrule\medskip\centerline{\Largedvng 53}
 s

teShAmanIkAni bR^ihaddhvajAni 
raNe samR^iddhAni samAgatAni . 
garjanti bherI ninadonmukhAni 
meghairyathA meghagaNAstapAnte .. 1..\\
mahAgajAbhrAkulamastratoyaM 
vAditranemI talashabdavachcha . 
hiraNyachitrAyudha vaidyuta.n cha 
mahArathairAvR^itashabdavachcha .. 2..\\
tadbhImavega.n rudhiraughavAhi 
khaDgAkula.n kShatriya jIva vAhi . 
anArtava.n krUramaniShTa varShaM 
babhUva tatsa.nharaNaM prajAnAm .. 3..\\
rathAnsasUtAnsahayAngajAMsh cha 
sarvAnarInmR^ityuvasha.n sharaughaiH . 
ninye hayAMshchaiva tathA sasAdIn 
padAtisa~NghAMshcha tathaiva pArthaH .. 4..\\
kR^ipaH shikhaNDI cha raNe sametau 
duryodhana.n sAtyakirabhyagachchhata . 
shrutashravA droNasutena sArdhaM 
yudhAmanyushchitrasenena chApi .. 5..\\
karNasya putrastu rathI suSheNaM 
samAgataH sR^i~njayAMshchottamaujAH . 
gAndhArarAja.n sahadevaH kShudhArto 
maharShabha.n si.nha ivAbhyadhAvat .. 6..\\
shatAnIko nAkuliH karNa putraM 
yuvA yuvAna.n vR^iShasenaM sharaughaiH . 
samArdayatkarNasutashcha vIraH 
pA~nchAleya.n sharavarShairanekaiH .. 7..\\
ratharShabhaH kR^itavarmANamArchchhan 
mAdrIputro nakulashchitrayodhI . 
pA~nchAlAnAmadhipo yAGYaseniH 
senApati.n karNamArchchhatsasainyam .. 8..\\
duHshAsano bhArata bhAratI cha 
saMshaptakAnAM pR^itanA samR^iddhA . 
bhIma.n raNe shastrabhR^itAM variShThaM 
tadA samArchchhattamasahya vegam .. 9..\\
karNAtmaja.n tatra jaghAna shUras 
tathAchhinnachchottamaujAH prasahya . 
tasyottamA~NgaM nipapAta bhUmau 
GYinAdayadgAM ninadena kha.n cha .. 10..\\
suSheNa shIrShaM patitaM pR^ithivyAM 
vilokya karNo.atha tadArtarUpaH . 
krodhAddhayA.nstasya ratha.n dhvajaM cha 
bANaiH sudhArairnishitairnyakR^intat .. 11..\\
sa tUttamaujA nishitaiH pR^iShatkair 
vivyAdha khaDgena cha bhAsvareNa . 
pArShNi.n hayAMshchaiva kR^ipasya hatvA 
shikhaNDivAha.n sa tato.abhyarohat .. 12..\\
kR^ipa.n tu dR^iShTvA viratha.n rathastho 
naichchhachchharaistADayitu.n shikhaNDI . 
ta.n drauNirAvArya rathaM kR^ipa.n sma 
samujjahre pa~NkagatA.n yathA gAm .. 13..\\
hiraNyavarmA nishitaiH pR^iShatkais 
tavAtmajAnAmanilAtmajo vai . 
atApayatsainyamatIva bhImaH 
kAle shuchau madhyagato yathArkaH .. 14..\\
\medskip\hrule\medskip\centerline{\Largedvng 54}
 s

atha tvidAnI.n tumule vimarde 
dviShadbhireko bahubhiH samAvR^itaH . 
mahAbhaye sArathimityuvAcha 
bhImashchamU.n vArayandhArtarAShTrIm . 
tva.n sArathe yAhi javena vAhair 
nayAmyetAndhArtarAShTrAnyamAya .. 1..\\
sa~ncodito bhImasenena chaivaM 
sa sArathiH putrabala.n tvadIyam . 
prAyAttataH sArathirugravego 
yato bhImastadbala.n gantumaichchhat .. 2..\\
tato.apare nAgarathAshvapattibhiH 
pratyudyayuH kuravasta.n samantAt . 
bhImasya vAhAgryamudAravegaM 
samantato bANagaNairnijaghnuH .. 3..\\
tataH sharAnApatato mahAtmA 
chichchheda bANairtapanIyapu~NkhaiH . 
te vai nipetustapanIyapu~NkhA 
dvidhA tridhA bhIma sharairnikR^ittAH .. 4..\\
tato rAjannAra rathAshvayUnAM 
bhImAhatAnA.n tava rAjamadhye . 
ghoro ninAdaH prababhau narendra 
vajrAhatAnAmiva parvatAnAm .. 5..\\
te vadhyamAnAshcha narendramukhyA 
nirbhinnA vai bhImasenapravekaiH . 
bhIma.n samantAtsamare.adhyarohan 
vR^ikSha.n shakuntA iva puShpahetoH .. 6..\\
tato.abhipAta.n tava sainyamadhye 
prAdushchakre vegamivAtta vegaH . 
yathAnta kAle kShapayandidhakShur 
bhUtAnta kR^itkAla ivAtta daNDaH .. 7..\\
tasyAtivegasya raNe.ativegaM 
nAshaknuvandhArayitu.n tvadIyAH . 
vyAttAnanasyApatato yathaiva 
kAlasya kAle harataH prajA vai .. 8..\\
tato balaM bhArata bhAratAnAM 
pradahyamAna.n samare mahAtman . 
bhIta.n disho.akIryata bhIma nunnaM 
mahAnilenAbhra gaNo yathaiva .. 9..\\
tato dhImAnsArathimabravIdbalI 
sa bhImasenaH punareva hR^iShTaH . 
sUtAbhijAnIhi parAnsvakAnvA 
rathAndhvajAMshchApatataH sametAn . 
yudhyannahaM nAbhijAnAmi ki.n chin 
mA sainya.n sva.n chhAdayiShye pR^iShatkaiH .. 10..\\
arInvishokAbhinirIkShya sarvato 
manastu chintA pradunoti me bhR^isham . 
rAjAturo nAgamadyatkirITI 
bahUnduHkhAnyabhijAto.asmi sUta .. 11..\\
etadduHkha.n sArathe dharmarAjo 
yanmA.n hitvA yAtavA~nshatrumadhye . 
naina.n jIvannApi jAnAmyajIvan 
bIbhatsu.n vA tanmamAdyAtiduHkham .. 12..\\
so.aha.n dviShatsainyamudagrakalpaM 
vinAshayiShye paramapratItaH . 
etAnnihatyAjimadhye sametAn 
prIto bhaviShyAmi saha tvayAdya .. 13..\\
sarvA.nstUNIrAnmArgaNAnvAnvavekShya 
ki.n shiShTaM syAtsAyakAnAM rathe me . 
kA vAjAtiH kimpramANa.n cha teShAM 
GYAtvA vyakta.n tanmamAchakShva sUta .. 14..\\

 vizoka

ShaNmArgaNAnAmayutAni vIra 
kShurAshcha bhallAshcha tathAyutAkhyAH . 
nArAchAnA.n dve sahasre tu vIra 
trINyeva cha pradarANA.n cha pArtha .. 15..\\
astyAyudhaM pANDaveyAvashiShTaM 
na yadvahechchhakaTa.n ShaDgavIyam . 
etadvidvanmu~ncha sahasrasho.api 
gadAsibAhudraviNa.n cha te.asti .. 16..\\

 bhs

sUtAdyemaM pashya bhIma pramuktaiH 
sambhindadbhiH pArthivAnAshu vegaiH . 
ugrairbANairAhava.n ghorarUpaM 
naShTAdityaM mR^ityulokena tulyam .. 17..\\
adyaiva tadviditaM pArthivAnAM 
bhaviShyatiyAkumAra.n cha sUta . 
nimagno vA samare bhImasena 
ekaH kurUnvA samare vijetA .. 18..\\
sarve sa~Nkhye kuravo niShpatantu 
mA.n vA lokAH kIrtayantvAkumAram . 
savAnekastAnahaM pAtayiShye 
te vA sarve bhImasena.n tudantu .. 19..\\
AshAstAraH karma chApyuttama.n vA 
tanme devAH kevala.n sAdhayantu . 
AyAtvihAdyArjunaH shatrughAtI 
shakrastUrNa.n yaGYa ivopahUtaH .. 20..\\
IkShvasvaitAM bhAratI.n dIryamANAm 
ete kasmAdvidravante narendrAH . 
vyakta.n dhImAnsavyasAchI narAgryaH 
sainya.n hyetachchhAdayatyAshu bANaiH .. 21..\\
pashya dhvajAMshcha dravato vishoka 
nAgAnhayAnpattisa~NghAMshcha sa~Nkhye . 
rAthAnvishIrNA~nsharashaktitADitAn 
pashyasvaitAnrathinashchaiva sUta .. 22..\\
ApUryate kauravI chApyabhIkShNaM 
senA hyasau subhR^isha.n hanyamAnA . 
dhana~njayasyAshani tulyavegair 
grastA sharairbarhi suvarNavAjaiH .. 23..\\
ete dravanti sma rathAshvanAgAH 
padAtisa~NghAnavamardayantaH . 
saMmuhyamAnAH kauravAH sarva eva 
dravanti nAgA iva dAvabhItAH . 
hAhAkR^itAshchaiva raNe vishoka 
mu~nchanti nAdAnvipulAngajendrAH .. 24..\\

 vizoka

sarve kAmAH pANDava te samR^iddhAH 
kapidhvajo dR^ishyate hastisainye . 
nIlAddhanAdvidyutamuchcharantIM 
tathApashya.n visphuradvai dhanustat .. 25..\\
kapirhyasau vIkShyate sarvato vai 
dhvajAgramAruhya dhana~njayasya . 
divAkarAbbho maNireSha divyo 
vibhrAjate chaiva kirITasa.nsthaH .. 26..\\
pArshve bhImaM pANDurAbhraprakAshaM 
pashyema.n tvaM devadatta.n sughoSham . 
abhIshu hastasya janArdanasya 
vigAhamAnasya chamUM pareShAm .. 27..\\
raviprabha.n vajranAbha.n kShurAntaM 
pArshve sthitaM pashya janArdanasya . 
chakra.n yasho vardhayatkeshavasya 
sadArchita.n yadubhiH pashya vIra .. 28..\\

 bhm

dadAmi te grAmavarAMshchaturdasha 
priyAkhyAne sArathe suprasannaH . 
dasI shata.n chApi rathAMshcha viMshatiM 
yadarjuna.n vedayase vishoka .. 29..\\
\medskip\hrule\medskip\centerline{\Largedvng 55}
 s

shrutvA cha rathi nirghoSha.n si.nhanAda.n cha sa.nyuge . 
arjunaH prAha govinda.n shIghra.n chodaya vAjinaH .. 1..\\
arjunasya vachaH shrutvA govindo.arjunamabravIt . 
eSha gachchhAmi sukShipra.n yatra bhImo vyavasthitaH .. 2..\\
AyAntamashvairhimasha~NkhavarNaiH 
suvarNamuktA maNijAlanaddhaiH . 
jambha.n jighA.nsuM pragR^ihItavajraM 
jayAya devendramivogramanyum .. 3..\\
rathAshvamAta~NgapadAtisa~NghA 
bANasvanairnemikhura svanaish cha . 
saMnAdayanto vasudhA.n dishash cha 
kruddhA nR^isi.nhA jayamabhyudIyuH .. 4..\\
teShA.n cha pArthasya mahattadAsId 
dehAsu pApma kShapaNa.n suyuddham . 
trailokyahetorasurairyathAsId 
devasya viShNorjayatA.n varasya .. 5..\\
tairastamuchchAvachamAyudhaugham 
ekaH pratichchhede kirITamAlI . 
kShurArdhachandrairnishitaishcha bANaiH 
shirA.nsi teShAM bahudhA cha bAhUn .. 6..\\
chhatrANi vAlavyajanAni ketUn 
ashvAnrathAnpattigaNAndvipAMsh cha . 
te petururvyAM bahudhA virUpA 
vAtaprabhagnAni yathA vanAni .. 7..\\
suvarNajAlAvatatA mahAgajAH 
savaijayantI dhvajayodhakalpitAH . 
suvarNapu~NkhairiShubhiH samAchitAsh 
chakAshire prajvalitA yathAchalAH .. 8..\\
vidArya nAgAMshcha rathAMshcha vAjinaH 
sharottamairvAsava vajrasaMnibhaiH . 
druta.n yayau karNa jighA.nsayA tathA 
yathA marutvAnbalabhedane purA .. 9..\\
tataH sa puruShavyAghraH sUta sainyamarindama . 
pravivesha mahAbAhurmakaraH sAgara.n yathA .. 10..\\
ta.n dR^iShTvA tAvakA rAjanrathapattisamanvitAH . 
gajAshvasAdi bahulAH pANDava.n samupAdravan .. 11..\\
tatrAbhidravatAM pArthamArAvaH sumahAnabhUt . 
sAgarasyeva mattasya yathA syAtsalilasvanaH .. 12..\\
te tu taM puruShavyAghra.n vyAghrA iva mahArathAH . 
abhyadravanta sa~NgrAme tyaktvA prANakR^itaM bhayam .. 13..\\
teShAmApatatA.n tatra sharavarShANi mu~nchatAm . 
arjuno vyadhamatsainyaM mahAvAto ghanAniva .. 14..\\
te.arjuna.n sahitA bhUtvA rathavaMshaiH prahAriNaH . 
abhiyAya maheShvAsA vivyadhurnishitaiH sharaiH .. 15..\\
tato.arjunaH sahasrANi rathavAraNavAjinAm . 
preShayAmAsa vishikhairyamasya sadanaM prati .. 16..\\
te vadhyamAnAH samare pArtha chApachyutaiH sharaiH . 
tatra tatra sma lIyante bhaye jAte mahArathAH .. 17..\\
teShA.n chatuHshatAnvIrAnyatamAnAnmahArathAn . 
arjuno nishitairbANairanayadyamasAdanam .. 18..\\
te vadhyamAnAH samare nAnA li~NgaiH shitaiH sharaiH . 
arjuna.n samabhityajya dudruvurvai disho bhayAt .. 19..\\
teShA.n shabdo mahAnAsIddravatAM vAhinImukhe . 
mahaughasyeva bhadra.n te girimAsAdya dIryataH .. 20..\\
tA.n tu senAM bhR^isha.n viddhvA drAvayitvArjunaH sharaiH . 
prAyAdabhimukhaH pArthaH sUtAnIkAni mAriSha .. 21..\\
tasya shabdo mahAnAsItparAnabhimukhasya vai . 
garuDasyeva patataH pannagArthe yathA purA .. 22..\\
ta.n tu shabdamabhishrutya bhImaseno mahAbalaH . 
babhUva paramaprItaH pArtha darshanalAlasaH .. 23..\\
shrutvaiva pArthamAyAntaM bhImasenaH pratApavAn . 
tyaktvA prANAnmahArAja senA.n tava mamarda ha .. 24..\\
sa vAyuvegapratimo vAyuvegasamo jave . 
vAyuvadvyacharadbhImo vAyuputraH pratApavAn .. 25..\\
tenArdyamAnA rAjendra senA tava vishAM pate . 
vyabhrAmyata mahArAja bhinnA nauriva sAgare .. 26..\\
tA.n tu senAM tadA bhImo darshayanpANilAghavam . 
sharairavachakartograiH preShayiShyanyamakShayam .. 27..\\
tatra bhArata bhImasya bala.n dR^iShTvAtimAnuSham . 
vyatrasyanta raNe yodhAH kAlasyeva yugakShaye .. 28..\\
tathArditAnbhImabalAnbhImasenena bhArata . 
dR^iShTvA duryodhano rAjA ida.n vachanamabravIt .. 29..\\
sainikAnsa maheShvAso yodhAshcha bharatarShabha . 
samAdishadraNe sarvAnhatabhImamiti sma ha . 
tasminhate hataM manye sarvasainyamasheShataH .. 30..\\
pratigR^ihya cha tAmAGYA.n tava putrasya pArthivAH . 
bhImaM prachchhAdayAmAsuH sharavarShaiH samantataH .. 31..\\
gajAshcha bahulA rAjannarAshcha jaya gR^iddhinaH . 
rathA hayAshcha rAjendra parivavrurvR^ikodaram .. 32..\\
sa taiH parivR^itaH shUraiH shUro rAjansamantataH . 
shushubhe bharatashreShTha nakShatrairiva chandramAH .. 33..\\
sa rarAja tathA sa~Nkhye darshanIyo narottamaH . 
nirvisheShaM mahArAja yathA hi vijayastathA .. 34..\\
tatra te pArthivAH sarve sharavR^iShTI samAsR^ijan . 
krodharaktekShaNAH krUrA hantukAmA vR^ikodaram .. 35..\\
sa vidArya mahAsenA.n sharaiH saMnataparvabhiH . 
nishchakrAma raNAdbhImo matsyo jAlAdivAmbhasi .. 36..\\
hatvA dashasahasrANi gajAnAmanivartinAm . 
nR^iShA.n shatasahasre dve dve shate chaiva bhArata .. 37..\\
pa~ncha chAshvasahasrANi rathAnA.n shatameva cha . 
hatvA prAsyandayadbhImo nadI.n shoNitakardamA .. 38..\\
shoNitodA.n rathAvartAM hastigrAhasamAkulAm . 
naramInAmashvanakrA.n keshashaivalashAdvalAm .. 39..\\
sa~nchinnabhuja nAgendrAM bahuratnApahAriNIm . 
UrugrAhAM majja pa~NkA.n shIrShopala samAkulAm .. 40..\\
dhanuShkAshA.n sharAvApA.n gadAparighaketanAm . 
yodhavrAtavatI.n sa~Nkhye vahantIM yamasAdanam .. 41..\\
kShaNena puruShavyAghraH prAvartayata nimnagAm . 
yathA vaitaraNImugrA.n dustarAmakR^itAtmabhiH .. 42..\\
yato yataH pANDaveyaH pravR^itto rathasattamaH . 
tatastato.apAtayata yodhA~nshatasahasrashaH .. 43..\\
eva.n dR^iShTvA kR^itaM karma bhImasenena sa.nyuge . 
duryodhano mahArAja shakuni.n vAkyamabravIt .. 44..\\
jaya mAtulasa~NgrAme bhImasenaM mahAbalam . 
asmi~njite jitaM manye pANDaveyaM mahAbalam .. 45..\\
tataH prAyAnmahArAja saubaleyaH pratApavAn . 
raNAya mahate yukto bhrAtR^ibhiH parivAritaH . 
raNAya mahate yukto bhrAtR^ibhiH pArivAritaH .. 46..\\
sa samAsAdya sa~NgrAme bhImaM bhImaparAkramam . 
vArayAmAsa ta.n vIro veleva makarAlayam . 
sa nyavartata taM bhImo vAryamANaH shitaiH sharaiH .. 47..\\
shakunistasya rAjendra vAme pArshve stanAntare . 
preShayAmAsa nArAchAnrukmapu~NkhA~nshilAshitAn .. 48..\\
varma bhittvA tu sauvarNaM bANAstasya mahAtmanaH . 
nyamajjanta mahArAja ka~NkabarhiNa vAsasaH .. 49..\\
so.atividdho raNe bhImaH shara.n hemavibhUShitam . 
preShayAmAsa sahasA saubalaM prati bhArata .. 50..\\
tamAyAnta.n shara.n ghoraM shakuniH shatrutApanaH . 
chichchheda shatadhA rAjankR^itahasto mahAbalaH .. 51..\\
tasminnipatite bhUmau bhImaH kruddho vishAM pate . 
dhanush chichchheda bhallena saubalasya hasanniva .. 52..\\
tadapAsya dhanushchhinna.n saubaleyaH pratApavAn . 
anyadAdatta vegena dhanurbhallAMshcha ShoDasha .. 53..\\
taistasya tu mahArAja bhallaiH saMnataparvabhiH . 
chaturbhiH sArathi.n hyArchchhadbhImaM pa~nchabhireva cha .. 54..\\
dhvajamekena chichchheda chhatra.n dvAbhyA.n vishAM pate . 
chaturbhishchaturo vAhAnvivyAdha subalAtmajaH .. 55..\\
tataH kruddho mahArAja bhImasenaH pratApavAn . 
shakti.n chikShepa samare rukmadaNDAmayo mayIm .. 56..\\
sA bhIma bhujanirmuktA nAgajihveva cha~nchalA . 
nipapAta rathe tUrNa.n saubalasya mahAtmanaH .. 57..\\
tatastAmeva sa~NgR^ihya shakti.n kanakabhUShaNAm . 
bhImasenAya chikShepa kruddha rUpo vishAM pate .. 58..\\
sA nirbhidya bhuja.n savyaM pANDavasya mahAtmanaH . 
papAta cha tato bhUmau yathA vidyunnabhashchyutA .. 59..\\
athotkruShTaM mahArAja dhArtarAShTraiH samantataH . 
na tu taM mamR^iShe bhImaH si.nhanAda.n tarasvinAm .. 60..\\
sa sa~NgR^ihya dhanuH sajya.n tvaramANo mahArathaH . 
muhUrtAdiva rAjendra chhAdayAmAsa sAyakaiH . 
saubalasya bala.n sa~Nkhye tyaktvAtmAnaM mahAbalaH .. 61..\\
tasyAshvAMshchaturo hatvA sUta.n chaiva vishAM pate . 
dhvaja.n chichchheda mallena tvaramANaH parAkramI .. 62..\\
hatAshva.n rathamutsR^ijya tvaramANo narottamaH . 
tasthau visphArayaMshchApa.n krodharaktekShaNaH shvasan . 
sharaishcha bahudhA rAjanbhImamArchchhatsamantataH .. 63..\\
pratihatya tu vegena bhImasenaH pratApavAn . 
dhanushchichchheda sa~Nkruddho vivyAdha cha shitaiH sharaiH .. 64..\\
so.atividdho balavatA shatruNA shatrukarshanaH . 
nipapAta tato bhUmau ki.n chitprANo narAdhipa .. 65..\\
tatasta.n vihvalaM GYAtvA putrastava vishAM pate . 
apovAha rathenAjau bhImasenasya pashyataH .. 66..\\
rathasthe tu naravyAghre dhArtarAShTrAH parA~NmukhAH . 
pradudruvurdisho bhItA bhImA~njAte mahAbhaye .. 67..\\
saubale nirjite rAjanbhImasenena dhanvinA . 
bhayena mahatA bhagnaH putro duryodhanastava . 
apAyAjjavanairashvaiH sApekSho mAtulaM prati .. 68..\\
parA~Nmukha.n tu rAjAnaM dR^iShTvA sainyAni bhArata . 
viprajagmuH samutsR^ijya dvairathAni samantataH .. 69..\\
tAndR^iShTvAtirathAnsarvAndhArtarAShTrAnparA~NmukhAn . 
javenAbhyapatadbhImaH kira~nsharashatAnbahUn .. 70..\\
te vadhyamAnA bhImena dhArtarAShTrAH parA~NmukhAH . 
karNamAsAdya samare sthitA rAjansamantataH . 
sa hi teShAM mahAvIryo dvIpo.abhUtsumahAbalaH .. 71..\\
bhinnanaukA yathA rAjandvIpamAsAdya nirvR^itAH . 
bhavanti puruShavyAghra nAvikAH kAlaparyaye .. 72..\\
tathA karNa.n samAsAdya tAvakA bharatarShabha . 
samAshvastAH sthitA rAjansamprahR^iShTAH parasparam . 
samAjagmushcha yuddhAya mR^ityu.n kR^itvA nivartanam .. 73..\\
\medskip\hrule\medskip\centerline{\Largedvng 56}
 dhr

tato bhagneShu sainyeShu bhImasenena sa.nyuge . 
duryodhano.abravItkiM nu saubalo vApi sa~njaya .. 1..\\
karNo vA jayatA.n shreShTho yodhA vA mAmakA yudhi . 
kR^ipo vA kR^itavarmA cha drauNirduHshAsano.api vA .. 2..\\
atyadbhutamidaM manye pANDaveyasya vikramam . 
yathApratiGYa.n yodhAnAM rAdheyaH kR^itavAnapi .. 3..\\
kurUNAmapi sarveShA.n karNaH shatruniShUdanaH . 
sharma varma pratiShThA cha jIvitAshA cha sa~njaya .. 4..\\
tatprabhagnaM bala.n dR^iShTvA kaunteyenAmitaujasA . 
rAdheyAnAmadhirathaH karNaH kimakarodyudhi .. 5..\\
putrA vA mama durdharShA rAjAno vA mahArathAH . 
etanme sarvamAchakShva kushalo hyasi sa~njaya .. 6..\\

 s

aparAhNe mahArAja sUtaputraH pratApavAn . 
jaghAna somakAnsarvAnbhImasenasya pashyataH . 
bhImo.apyatibalaH sainya.n dhArtarAShTra.n vyapothayat .. 7..\\
drAvyamANaM bala.n dR^iShTvA bhImasenena dhImatA . 
yantAramabravItkarNaH pA~nchAlAneva mA vaha .. 8..\\
madrarAjastataH shalyaH shvetAnashvAnmahAjavAn . 
prAhiNochchedipA~nchAlAnkarUShAMshcha mahAbalaH .. 9..\\
pravishya cha sa tA.n senAM shalyaH parabalArdanaH . 
nyayachchhatturagAnhR^iShTo yatra yatraichchhadagraNIH .. 10..\\
ta.n ratahM meghasa~NkAshaM vaiyAghraparivAraNam . 
sandR^ishya pANDupA~nchAlAstrastA AsanvishAM pate .. 11..\\
tato rathasya ninadaH prAdurAsInmahAraNe . 
parjanyasamanirghoShaH parvatasyeva dIryataH .. 12..\\
tataH sharashataistIkShNaiH karNo.apyAkarNaniHsR^itaiH . 
jaghAna pANDava bala.n shatasho.atha sahasrashaH .. 13..\\
ta.n tathA samare karma kurvANamatimAnuSham . 
parivavrurmaheShvAsAH pANDavAnAM mahArathAH .. 14..\\
ta.n shikhaNDI cha bhImashcha dhR^iShTadyumnashcha pArShataH . 
nakulaH sahadevashcha draupadeyAH sasAtyakAH . 
parivavrurjighA.nsanto rAdheya.n sharavR^iShTibhiH .. 15..\\
sAtyakistu tataH karNa.n viMshatyA nishitaiH sharaiH . 
atADayadraNe shUro jatru deshe narottamaH .. 16..\\
shikhaNDI pa~nchaviMshatyA dhR^iShTadyumnashcha pa~nchabhiH . 
draupadeyAshchatuHShaShTyA sahadevashcha saptabhiH . 
nakulashcha shatenAjau karNa.n vivyAdha sAyakaiH .. 17..\\
bhImasenastu rAdheyaM navatyA nataparvaNAm . 
vivyAdha samare kruddho jatru deshe mahAbalaH .. 18..\\
tataH prahasyAdhirathirvikShipandhanuruttamam . 
mumocha nishitAnbANAnpIDayansumahAbalaH . 
tAnpratyavidhyadrAdheyaH pa~nchabhiH pa~nchabhiH sharaiH .. 19..\\
sAtyakestu dhanushchhittvA dhvaja.n cha puruSharShabhaH . 
athainaM navabhirbANairAjaghAna stanAntare .. 20..\\
bhImasenastu ta.n kruddho vivyAdha triMshatA sharaiH . 
sArathi.n cha tribhirbANairAjaghAna parantapaH .. 21..\\
virathAndraupadeyAMshcha chakAra puruSharShabhaH . 
akShNornimeSha mAtreNa tadadbhutamivAbhavat .. 22..\\
vimukhIkR^itya tAnsarvA~nsharaiH saMnataparvabhiH . 
pA~nchAlAnahanachchhUrashchedInA.n cha mahArathAn .. 23..\\
te vadhyamAnAH samare chedimatsyA vishAM pate . 
karNamekamabhidrutya sharasa~NghaiH samArdayan . 
tA~njaghAna shitairbANaiH sUtaputro mahArathaH .. 24..\\
etadatyadbhuta.n karNe dR^iShTavAnasmi bhArata . 
yadekaH samare shUrAnsUtaputraH pratApavAn .. 25..\\
yAtamAnAnpara.n shaktyAyodhayattAMshcha dhanvinaH . 
pANDaveyAnmahArAja sharairvAritavAnraNe .. 26..\\
tatra bhArata karNasya llAghavena mahAtmanaH . 
tutuShurdevatAH sarvAH siddhAshcha paramarShayaH .. 27..\\
apUjayanmaheShvAsA dhArtarAShTrA narottamam . 
karNa.n rathavarashreShThaM shreShThaM sarvadhanuShmatAm .. 28..\\
tataH karNo mahArAja dadAha ripuvAhinIm . 
kakShamiddho yathA vahnirnidAghe jvalito mahAn .. 29..\\
te vadhyamAnAH karNena pANDaveyAstatastataH . 
prAdravanta raNe bhItAH karNa.n dR^iShTvA mahAbalam .. 30..\\
tatrAkrando mahAnAsItpA~nchAlAnAM mahAraNe . 
vadhyatA.n sAyakaistIkShNaiH karNa chApavarachyutaiH .. 31..\\
tena shabdena vitrastA pANDavAnAM mahAchamUH . 
karNameka.n raNe yodhaM menire tatra shAtravAH .. 32..\\
tatrAdbhutaM para.n chakre rAdheyaH shatrukarshanaH . 
yadekaM pANDavAH sarve na shekurabhivIkShitum .. 33..\\
yathaughaH parvatashreShThamAsAdyAbhipradIryatel . 
tathA tatpANDava.n sainya.n karNamAssAdya dIryate .. 34..\\
karNo.api samare rAjanvidhUmo.agniriva jvalan . 
daha.nstasthau mahAbAhuH pANDavAnAM mahAchamUm .. 35..\\
shirA.nsi cha mahArAja karNAMshcha~nchala kuNDalAn . 
bAhUMshcha vIro vIrANA.n chichchheda laghu cheShubhiH .. 36..\\
hastidantAntsarUnkhaDgAndhvajA~nshaktIrhayAngajAn . 
rathAMshcha vividhAnrAjanpatAkAvyajanAni cha .. 37..\\
akSheShA yugayoktrANi chakrANi vividhAni cha . 
chichchheda shatadhA karNo yodhavratamanuShThitaH .. 38..\\
tatra bhArata karNena nihatairgajavAjibhiH . 
agamyarUpA pR^ithivI mA.nsashoNitakardamA .. 39..\\
viShama.n cha samaM chaiva hatairashvapadAtibhiH . 
rathaishcha ku~njaraishchaiva na praGYAyata ki.n chana .. 40..\\
nApi sve na pare yodhAH praGYAyanta parasparam . 
ghore sharAndhakAre tu karNAstre cha vijR^imbhite .. 41..\\
rAdheya chApanirmuktaiH sharaiH kA~nchanabhUShitaiH . 
sa~nchAditA mahArAja yatamAnA mahArathAH .. 42..\\
te pANDaveyAH samare karNena sma punaH punaH . 
abhajyanta mahArAja yatamAnA mahArathAH .. 43..\\
mR^igasa~NghAnyathA kruddhaH si.nho drAvayate vane . 
karNastu samare yodhA.nstatra tatra mahAyashAH . 
kAlayAmAsa tatsainya.n yathA pashugaNAnvR^ikaH .. 44..\\
dR^iShTvA tu pANDavI.n senA.n dhArtarAShTrAH parA~NmukhIm . 
abhijagmurmaheShvAsA ruvanto bhairavAnravAn .. 45..\\
duryodhano hi rAjendra mudA paramayA yutaH . 
vAdayAmAsa sa.nhR^iShTo nAnAvAdyAni sarvashaH .. 46..\\
pA~nchAlApi maheShvAsA bhagnabhagnA narottamAH . 
nyavartanta yathA shUrA mR^ityu.n kR^itvA nivartanam .. 47..\\
tAnnivR^ittAnraNe shUrAnrAdheyaH shatrutApanaH . 
anekasho mahArAja babha~nja puruSharShabhaH .. 48..\\
tatra bhArata karNena pA~nchAlA viMshatI rathAH . 
nihatAH sAdayaH krodhAchchedayashcha paraHshatAH .. 49..\\
kR^itvA shUnyAnrathopasthAnvAjipR^iShThAMshcha bhArata . 
nirmanuShyAngajaskandhAnpAdAtAMshchaiva vidrutAn .. 50..\\
Aditya iva madhyAhne durnirIkShyaH parantaha . 
kAlAntakavapuH krUdaH sUtaputrashchachAla ha .. 51..\\
evametAnmahArAja naravAji rathA dvipAn . 
hatvA tasthau maheShvAsaH karNo.arigaNasUdanaH .. 52..\\
yathA bhUtagaNAnhatvA kAlastiShThenmahAbalaH . 
tathA sa somakAnhatvA tasthAveko mahArathaH .. 53..\\
tatrAdbhutamapashyAma pA~nchAlAnAM parAkramam . 
vadhyamAnApi karNena nAjahU raNamUrdhani .. 54..\\
rAjA duHshAsanashchaiva kR^ipaH shAradvatastathA . 
ashvatthAmA kR^itavarmA shakunishchApi saubalaH . 
nyahananpANDavI.n senAM shatasho.atha sahasrashaH .. 55..\\
karNa putrau cha rAjendra bhrAtarau satyavikramau . 
anAshayetAM balinaH pA~nchAlAnvai tatastataH . 
tatra yuddha.n tadA hyAsItkrUra.n vishasanaM mahat .. 56..\\
tathaiva pANDavAH shUrA dhR^iShTadyumna shikhaNDinau . 
draupadeyAshcha sa~NkruddhA abhyaghna.nstAvakaM balam .. 57..\\
evameSha kShayo vR^ittaH pANDavAnA.n tatastataH . 
tAvakAnAmapi raNe bhImaM prApya mahAbalam .. 58..\\
\medskip\hrule\medskip\centerline{\Largedvng 57}
 s

arjunastu mahArAja kR^itvA sainyaM pR^ithagvidhAm . 
sUtaputra.n susa.nrabdha.n dR^iShTvA chaiva mahAraNe .. 1..\\
shoNitodAM mahI.n kR^itvA mA.nsamajjAsthi vAhinIm . 
vAsudevamida.n vAkyamabravItpuruSharShabha .. 2..\\
eSha ketU raNe kR^iShNa sUtaputrasya dR^ishyate . 
bhImasenAdayashchaite yodhayanti mahArathAn . 
ete dravanti pA~nchAlAH karNAstrastA janArdana .. 3..\\
eSha duryodhano rAjA shvetachchhatreNa bhAsvatA . 
karNena bhagnAnpA~nchAlAndrAvayanbahu shobhate .. 4..\\
kR^ipashcha kR^itavarmA cha drauNishchaiva mahAbalaH . 
ete rakShanti rAjAna.n sUtaputreNa rakShitAH . 
avadhyamAnAste.asmAbhirghAtayiShyanti somakAn .. 5..\\
eSha shalyo rathopasthe rashmisa~ncAra kovidaH . 
sUtaputra ratha.n kR^iShNa vAhayanbahu shobhate .. 6..\\
tatra me buddhirutpannA vAhayAtra mahAratham . 
nAhatvA samare karNaM nivartiShye katha.n chana .. 7..\\
rAdheyo.apyanyathA parthAnsR^i~njayAMshcha mahArathAn . 
niHsheShAnsamare kuryAtpashyAtornau janArdana .. 8..\\
tataH prAyAdrathenAshu keshavastava vAhinIm . 
karNaM prati maheShvAsa.n dvairathe savyasAchinA .. 9..\\
prayAtashcha mahAbAhuH pANDavAnuGYayA hariH . 
AshvAsayanrathenaiva pANDusainyAni sarvashaH .. 10..\\
rathaghoShaH sa sa~NgrAme pANDaveyasya sambabhau . 
vAsavAshani tulyasya mahaughasyeva mAriSha .. 11..\\
mahatA rathaghoSheNa pANDavaH satyavikramaH . 
abhyayAdaprameyAtmA vijayastava vAhinIm .. 12..\\
tamAyAnta.n samIkShyaiva shvetAshva.n kR^iShNasArathim . 
madrarAjo.abravItkR^iShNa.n ketuM dR^iShTvA mahAtmanaH .. 13..\\
aya.n sa ratha AyAti shvetAshvaH kR^iShNasArathiH . 
nighnannamitrAnsamare ya.n karNa paripR^ichchhasi .. 14..\\
eSha tiShThati kaunteyaH sa.nspR^ishangANDiva.n dhanuH . 
ta.n haniShyasi chedadya tannaH shreyo bhaviShyati .. 15..\\
eShA vidIryate senA dhArtarAShTrI samantataH . 
arjunasya bhayAttUrNaM nighnataH shAtravAnbahUn .. 16..\\
varjayansarvasainyAni tvarate hi dhana~njayaH . 
tvadarthamiti manye.aha.n yathAsyodIryate vapuH .. 17..\\
na hyavasthApyate pArtho yuyutsuH kena chitsaha . 
tvAmR^ite krodhadIpto hi pIDyamAne vR^ikodare .. 18..\\
viratha.n dharmarAjaM cha dR^iShTvA sudR^iDha vikShatam . 
shikhaNDina.n sAtyaki.n cha dhR^iShTadyumnaM cha pArShatam .. 19..\\
draupadeyAnyudhAmanyumuttamaujasameva cha . 
nakula.n sahadeva.n cha bhrAtarau dvau samIkShya cha .. 20..\\
sahasaika rathaH pArthastvAmabhyeti parantapa . 
krodharaktekShaNaH kruddho jighA.nsuH sarvadhanvinAm .. 21..\\
tvarito.abhipatatyasmA.nstyaktvA sainyAnyasaMshayam . 
tva.n karNa pratiyAhyenaM nAstyanyo hi dhanurdharaH .. 22..\\
na taM pashyAmi loke.asmi.nstvatto.apyanya.n dhanurdharam . 
arjuna.n samare kruddhAM yo velAmiva dhArayet .. 23..\\
na chAsya rakShAM pashyAmi pR^iShThato na cha pArshvataH . 
eka evAbhiyAti tvAM pashya sAphalyamAtmanaH .. 24..\\
tva.n hi kR^iShNau raNe shaktaH sa.nsAdhayitumAhave . 
tavaiSha bhAro rAdheya pratyudyAhi dhana~njayam .. 25..\\
tva.n kR^ito hyeva bhIShmeNa droNa drauNikR^ipairapi . 
savyasAchi pratirathastaM nivartata pANDavam .. 26..\\
lelihAna.n yathA sarpa.n garjantamR^iShabhaM yathA . 
layasthita.n yathA vyAghra.n jahi karNa dhana~njayam .. 27..\\
ete dravanti samare dhArtarAShTrA mahArathAH . 
arjunasyA bhayAttUrNaM nirapekShA janAdhipAH .. 28..\\
dravatAmatha teShA.n tu yudhi nAnyo.asti mAnavaH . 
bhayahA yo bhavedvIra tvAmR^ite sUtanandana .. 29..\\
ete tvA.n kuravaH sarve dIpamAsAdya sa.nyuge . 
viShThitAH puruShavyAghra tvAttaH sharaNa kA~NkShiNaH .. 30..\\
vaidehAmbaShTha kAmbojAstathA nagna jitastvayA . 
gAndhArAshcha yayA dhR^ityA jitAH sa~Nkhye sudurjayAH .. 31..\\
tA.n dhR^itiM kuru rAdheya tataH pratyehi pANDavam . 
vAsudeva.n cha vArShNeyaM prIyamANaM kirITinA .. 32..\\

 karna

prakR^itistho hi me shalya idAnI.n saMmatastathA . 
pratibhAsi mahAbAho vibhIshchaiva dhana~njayAt .. 33..\\
pashya bAhvorbalaM me.adya shikShitasya cha pashya me . 
eko.adya nihaniShyAmi pANDavAnAM mahAchamUm .. 34..\\
kR^iShNau cha puruShavyAghrau tachcha satyaM bravImi te . 
nAhatvA yudhi tau vIrAvapayAsye katha.n chana .. 35..\\
svapsye vA nihyatastAbhyAmasatyo hi raNe jayaH . 
kR^itArtho vA bhaviShyAmi hatvA tAvatha vA hataH .. 36..\\
naitAdR^isho jAtu babhUva loke 
rathottamo yAvadanushrutaM naH . 
tamIdR^ishaM pratiyotsyAmi pArthaM 
mahAhave pashya cha pauruShaM me .. 37..\\
rathe charatyeSha rathapravIraH 
shIghrairhayaiH kaurava rAjaputraH . 
sa vAdya mAM neShyati kR^ichchhrametat 
karNasyAntAdetadantAH stha sarve .. 38..\\
asvedinau rAjaputrasya hastAv 
avepinau jAtakiNau bR^ihantau . 
dR^iDhAyudhaH kR^itimAnkShiprahasto 
na pANDaveyena samo.asti yodhaH .. 39..\\
gR^ihNAtyanekAnapi ka~NkapatrAn 
eka.n yathA tAnkShitipAnpramathya . 
te kroshamAtraM nipatantyamoghAH 
kastena yodho.asti samaH pR^ithivyAm .. 40..\\
atoShayatpANDaveyo hutAshaM 
kR^iShNa dvitIyo.atirathastarasvI . 
lebhe chakra.n yatra kR^iShNo mahAtmA 
dhanurgANDIvaM pANDavaH svya sAchI .. 41..\\
shvetAshvayukta.n cha sughoShamagryaM 
rathaM mahAbAhuradInasattvaH . 
maheShudhI chAkShayau divyarUpau 
shastrANi divyAni cha havyavAhAt .. 42..\\
tathendra loke nijaghAna daityAn 
asa~NkhyeyAnkAlakeyAMshcha sarvAn . 
lebhe sha~Nkha.n devadatta.n sma tatra 
ko nAma tenAbhyadhikaH pR^ithivyAm .. 43..\\
mahAdeva.n toShayAmAsa chaiva 
sAkShAtsuyuddhena mahAnubhAvaH . 
lebhe tataH pAshupata.n sughoraM 
trailokyasa.nhAra karaM mahAstram .. 44..\\
pR^ithakpR^ithaglokapAlAH sametA 
dadurhyastrANyaprameyANi yasya . 
yaistA~njaghAnAshu raNe nR^isi.nhAn 
sa kAlakha~njAnasurAnsametAn .. 45..\\
tathA virATasya pure sametAn 
sarvAnasmAnekarathena jitvA . 
jahAra tadgodhanamAjimadhye 
vastrANi chAdatta mahArathebhyaH .. 46..\\
tamIdR^ishma vIryaguNopapannaM 
kR^iShNa dvitIya.n varaye raNAya . 
anantavIryeNa cha keshavena 
nArAyaNenApratimena guptam .. 47..\\
varShAyutairyasya guNA na shakyA 
vaktu.n sametairapi sarvalokaiH . 
mahAtmanaH sha~NkhachakrAsi pANer 
viShNorjiShNorvasudevAtmajasya . 
bhayaM me vai jAyate sAdhvasa.n cha 
dR^iShTvA kR^iShNAvekarathe sametau .. 48..\\
ubhau hi shUrau kR^itinau dR^iDhAstrau 
mahArathau sa.nhananopapannau . 
etAdR^ishau phalguna vAsudevau 
ko.anyaH pratIyAnmadR^ite nu shalya .. 49..\\
etAvaha.n yudhi vA pAtayiShye 
mA.n vA kR^iShNau nihaniShyato.adya . 
iti bruva~nshakyamamitrahantA 
karNo raNe megha ivonnanAda .. 50..\\
abhyetya putreNa tavAbhinanditaH 
sametya chovAcha kurupravIrAn . 
kR^ipa.n cha bhojaM cha mahAbhujAvubhau 
tathaiva gAndhAra nR^ipa.n sahAnujam . 
guroH suta.n chAvarajaM tathAtmanaH 
padAtino.atha dvipasAdino.anyAn .. 51..\\
nirundhatAbhidravatAchyutArjunau 
shrameNa sa.nyojayatAshu sarvataH . 
yathA bhavadbhirbhR^ishavikShatAvubhau 
sukhena hanyAmahamadya bhUmipAH .. 52..\\
tatheti choktvA tvaritAH sma te.arjunaM 
jighA.nsavo vIratamAH samabhyayuH . 
nadInadAnbhUri jalo mahArNavo 
yathAtathA tAnsamare.arjuno.agrasat .. 53..\\
na sandadhAno na tathA sharottamAn 
pramu~nchamAno ripubhiH pradR^ishyate . 
dhana~njayastasya sharaishcha dAritA 
hatAshcha peturnaravAji ku~njarAH .. 54..\\
sharArchiSha.n gANDivachAru maNDalaM 
yugAntasUryapratimAna tejasam . 
na kauravAH shekurudIkShitu.n jayaM 
yathA ravi.n vyAdhita chakShuSho janAH .. 55..\\
tamabhyadhAvadvisR^ija~nsharAnkR^ipas 
tathaiva bhojastava chAtmajaH svayam . 
jighA.nsubhistAnkushalaiH sharottamAn 
mahAhave sa~njavitAnprayatnataH . 
sharaiH prachichchheda cha pANDavastvaran 
parAbhinadvakShasi cha tribhistribhiH .. 56..\\
sa gANDivAbhyAyata pUrNamaNDalas 
tapanripUnarjuna bhAskaro babhau . 
sharogra rashmiH shuchi shukramadhyago 
yathaiva sUryaH pariveShagastathA .. 57..\\
athAgrya bANairdashabhirdhana~njayaM 
parAbhinaddroNasuto.achyuta.n tribhiH . 
chaturbhirashvAMshchaturaH kapi.n tathA 
sharaiH sa nArAchavarairavAkirat .. 58..\\
tathA tu tattatsphuradAttakArmukaM 
tribhiH sharairyantR^ishiraH kShureNa . 
hayAMshchaturbhishchaturastribhirdhvajaM 
dhana~njayo drauNirathAnnyapAtayat .. 59..\\
sa roShapUrNo.ashanivajrahATakair 
ala~NkR^ita.n takShaka bhogavarchasam . 
subandhana.n kArmukamanyadAdade 
yathA mahAhipravara.n girestathA .. 60..\\
svamAyudha.n chopavikIrya bhUtale 
dhanushcha kR^itvA saguNa.n guNAdhikaH . 
samAnayAnAvajitau narottamau 
sharottamairdrauNiravidhyadantikAt .. 61..\\
kR^ipashcha bhojashcha tathAtmajash cha te 
tamonuda.n vAridharA ivApatan . 
kR^ipasya pArthaH sashara.n sharAsanaM 
hayAndhvaja.n sArathimeva patribhiH .. 62..\\
sharaiH prachichchheda tavAtmajasya 
dhvaja.n dhanushcha prachakarta nardataH . 
jaghAna chAshvAnkR^itavarmaNaH shubhAn 
dhvaja.n cha chichchheda tataH pratApavAn .. 63..\\
savAjisUteShvasanAnsaketanA~n 
jaghAna nAgAshvarathA.nstvaraMshcha saH . 
tataH prakIrNa.n sumahadbala.n tava 
pradArita.n seturivAmbhasA yathA . 
tato.arjunasyAshu rathena keshavash 
chakAra shatrUnapasavya mAturAn .. 64..\\
tatha prayAnta.n tvaritaM dhana~njayaM 
shatakratu.n vR^itra nijaghnuShaM yathA . 
samanvadhAvanpunaruchchhritairdhvajai 
rathaiH suyuktairapare yuyutsavaH .. 65..\\
athAbhisR^itya prativArya tAnarIn 
dhana~njayasyAbhi rathaM mahArathAH . 
shikhaNDishaineya yamAH shitaiH sharair 
vidArayanto vyanadansubhauravam .. 66..\\
tato.abhijaghnuH kupitAH parasparaM 
sharaistadA~njo gatibhiH sutejanaiH . 
kurupravIrAH saha sR^i~njayairyathA 
asurAH purA devavarairayodhayan .. 67..\\
jayepsavaH svargamanAya chotsukAH 
patanti nAgAshvarathAH parantapa . 
jagarjuruchchairbalavachcha vivyadhuH 
sharaiH sumuktairitaretaraM pR^ithak .. 68..\\
sharAndhakAre tu mahAtmabhiH kR^ite 
mahAmR^idhe yodhavaraiH parasparam . 
babhurdashAshA na diva.n cha pArthiva 
prabhA cha sUryasya tamovR^itAbhavat .. 69..\\
\medskip\hrule\medskip\centerline{\Largedvng 58}
 s

rAjankurUNAM pravarairbalairbhImamabhidrutam . 
majjantamiva kaunteyamujjihIrShurdhana~njayaH .. 1..\\
vimR^idya sUtaputrasya senAM bhArata sAyakaiH . 
prAhiNonmR^ityulokAya paravIrAndhana~njayaH .. 2..\\
tato.asyAmbaramAvR^itya sharajAlAni bhAgashaH . 
adR^ishyanta tathAnye cha nighnantastava vAhinIm .. 3..\\
sa pakShisa~NghAcharitamAkAshaM pUraya~nsharaiH . 
dhana~njayo mahArAja kurUNAm antako.abhavat .. 4..\\
tato bhallaiH kShurapraishcha nArAchairnirmalairapi . 
gAtrANi prAkShiNotpArthaH shairA.nsi cha chakarta ha .. 5..\\
chhinnagAtrairvikavachairvishiraskaiH samantataH . 
patitaishchapatadbhishcha yodhairAsItsamAvR^itam .. 6..\\
dhana~njaya sharAbhyastaiH syandanAshvanaradvipaiH . 
raNabhUmirabhUdrAjanmahAvaitaraNI yathA .. 7..\\
iShA chakrAkShabha~Ngaishcha vyashvaiH sAshvaishcha yudhyatAm . 
sasUtairhatasUtaishcha rathaiH stIrNAbhavanmahI .. 8..\\
suvarNavarma saMnAhairyodhaiH kanakabhUShaNaiH . 
AsthitAH kR^itavarmANo bhadrA nityamadA dvipAH . 
kruddhAH kruddhairmahAmAtraiH preShitArjunamabhyayuH .. 9..\\
chatuHshatAH sharavarShairhatAH petuH kirITinA . 
paryastAnIva shR^i~NgANi sasattvAni mahAgireH .. 10..\\
dhana~njaya sharAbhyastaiH stIrNA bhUrvaravAraNaiH . 
abhipede.arjuna ratho ghanAnbhindannivAMshumAn .. 11..\\
hatairgajamanuShyAshvairbhagnaishcha bahudhA rathaiH . 
vishastra patrakavachairyuddhashauNDairgatAsubhiH . 
apaviddhAyudhairmArgaH stIrNo.abhUtphalgunena vai .. 12..\\
vyasphUrjayachcha gANDIva.n sumahadbhairavasvanam . 
ghoro vajraviniShpeShaH stanayitnorivAmbare .. 13..\\
tataH pradIryata chamUrdhana~njaya sharAhatA . 
mahAvAtasamAviddhA mahAnauriva sAgare .. 14..\\
nAnArUpAH praharaNAH sharA gANDIvachoditAH . 
alAtolkAshani prakhyAstava sainya.n vinirdahan .. 15..\\
mahAgirau veNuvanaM nishi prajvalita.n yathA . 
tathA tava mahatsainyaM prAsphurachchharapIDitam .. 16..\\
sampiShTa dagdhavidhvasta.n tava sainyaM kirITinA . 
hatampravihataM bANaiH sarvataH pradruta.n dishaH .. 17..\\
mahAvane mR^igagaNA dAvAgnigrasitA yathA . 
kuravaH paryavartanta nirdagdhAH savyasAchinA .. 18..\\
utsR^ijya hi mahAbAhuM bhImasena.n tadA raNe . 
bala.n kurUNAmudvigna.n sarvamAsItparA~Nmukham .. 19..\\
tataH kuruShu bhagneShu bIbhatsuraparAjitaH . 
bhImasena.n samAsAdya muhUrtaM so.abhyavartata .. 20..\\
samAgamya sa bhImena mantrayitvA cha phalgunaH . 
vishalyamaruja.n chAsmai kathayitvA yudhiShThiram .. 21..\\
bhImasenAbhyanuGYAtastataH prAyAddhana~njayaH . 
nAdayanrathaghoSheNa pR^ithivI.n dyAM cha bhArata .. 22..\\
tataH parivR^ito bhImairdashabhiH shatrupu~NgavaiH . 
duHshAsanAdavarajaistava putrairdhana~njayaH .. 23..\\
te tamabhyardayanbANairulkAbhiriva ku~njaram . 
AtateShvasanAH krUrA nR^ityanta iva bhArata .. 24..\\
apasavyA.nstu tAMshchakre rathena madhusUdanaH . 
tataste prAdrava~nshUrAH parA~Nmukha rathe.arjune .. 25..\\
teShAmApatatA.n ketUnrathAMshchApAni sAyakAn . 
nArAchairardhachandraishcha kShipraM pArtho nyapAtayat .. 26..\\
athAnyairdashabhirbhallaiH shirA.nsyeShAM nyapAtayat . 
roShasa.nrakta netrANi sandaShTauShThAni bhUtale . 
tAni vaktrANi vibabhurvyomni tArAgaNA iva .. 27..\\
tA.nstu bhallairmahAvegairdashabhirdasha kauravAn . 
rukmA~NgadAnrukmapu~NkhairviddhvA prAyAdamitrahA .. 28..\\
\medskip\hrule\medskip\centerline{\Largedvng 59}
 s

ta.n tu yAntaM mahAvegairashvaiH kapivaradhvajam . 
yuddhAyAbhyadravanvIrAH kurUNAM navatI rathAH . 
parivavrurnaravyAghrA naravyAghra.n raNe.arjunam .. 1..\\
kR^iShNaH shvetAnmahAvegAnashvAnkanakabhUShaNAn . 
muktAjAlapratichchhannAnpraiShItkarNa rathaM prati .. 2..\\
tataH karNa ratha.n yAntamarInghnanta.n dhana~njayam . 
bANavarShairabhighnantaH saMshaptaka rathA yayuH .. 3..\\
tvaramANA.nstu tAnsarvAnsasUteShvasana dhvajAn . 
jaghAna navati.n vIrAnarjuno nishitaiH sharaiH .. 4..\\
te.apatanta hatA bANairnAnArUpaiH kirITinA . 
savimAnA yathA siddhAH svargAtpuNyakShaye tathA .. 5..\\
tataH saratha nAgAshvAH kuravaH kurusattama . 
nirbhayA bharatashreShThamabhyavartanta phalgunam .. 6..\\
tadAyastamamuktAstramudIrNavaravAraNam . 
putrANA.n te mahatsainya.n samarautsIddhana~njayaH .. 7..\\
shaktyR^iShTi tomaraprAsairgadA nistriMshasAyakaiH . 
prAchchhAdayanmaheShvAsAH kuravaH kurunandanam .. 8..\\
tA.n kurUNAM pravitatA.n shastravR^iShTiM samudyatAm . 
vyadhamatpANDavo bANaistamaH sUrya ivAMshubhiH .. 9..\\
tato mlechchhAH sthitairmattaistrayodasha shatairgajaiH . 
pArshvato.abhyahananpArtha.n tava putrasya shAsanAt .. 10..\\
karNinAlIkanArAchaistomaraiH prAsashaktibhiH . 
kampanairbhiNDipAlaishcha rathasthaM pArthamArdayan .. 11..\\
tAmastravR^iShTiM prahitA.n dvipasthairyavanaiH smayan . 
chichchheda nishitairbhallairardhachandraishcha phalgunaH .. 12..\\
atha tAndviradAnsarvAnnAnA li~NgairmahAsharaiH . 
sapatAkAnsahArohAngirInvajrairivAbhinat .. 13..\\
te hemapu~NkhairiShubhirAchitA hemamAlinaH . 
hatAH peturmahAnAgAH sAgnijvAlA ivAdrayaH .. 14..\\
tato gANDIvanirghoSho mahAnAsIdvishAM pate . 
stanatA.n kUjatAM chaiva manuShyagajavAjinAm .. 15..\\
ku~njarAshcha hatA rAjanprAdrava.nste samantataH . 
ashvAMshcha paryadhAvanta hatArohA disho dasha .. 16..\\
rathA hInA mahArAja rathibhirvAjibhistathA . 
gandharvanagarAkArA dR^ishyante sma sahasrashaH .. 17..\\
ashvArohA mahArAja dhAvamAnAstatastataH . 
tatra tatraiva dR^ishyante patitAH pArtha sAyakaiH .. 18..\\
tasminkShaNe pANDavasya bAhvorbalamadR^ishyata . 
yatsAdino vAraNAMshcha rathAMsh chaiko.ajayadyudhi .. 19..\\
tatastrya~NgeNa mahatA balena bharatarShabha . 
dR^iShTvA parivR^ita.n rAjanbhImasenaH kirITinam .. 20..\\
hatAvasheShAnutsR^ijya tvadIyAnkati chidrathAn . 
javenAbhyadravadrAjandhana~njayarathaM prati .. 21..\\
tatastatprAdravatsainya.n hatabhUyiShThamAturam . 
dR^iShTvA yadarjunaM bhImo jagAma bhrAtaraM prati .. 22..\\
hatAvashiShTA.nsturagAnarjunena mahAjavAn . 
bhImo vyadhamadabhrAnto gadApANirmahAhave .. 23..\\
kAlarAtrimivAtyugrAM naranAgAshvabhojanAm . 
prAkArATTa puradvAra dAraNImatidAruNAm .. 24..\\
tato gadAM nR^inAgAshveShvAshu bhImo vyavAsR^ijat . 
sA jaghAna bahUnashvAnashvArohAMshcha mAriSha .. 25..\\
kA.nsyAyasa tanutrA.nstAnnarAnashvAMshcha pANDavaH . 
pothayAmAsa gadayA sashabdah.n te.apatanhatAH .. 26..\\
hatvA tu tadgajAnIkaM bhImaseno mahAbalaH . 
punaH svarathamAsthAya pR^iShThato.arjunamanvagAt .. 27..\\
hataM parA~Nmukha prAyaM nirutsAhaM paraM balam . 
vyAlambata mahArAja prAyashaH shastraveShTitam .. 28..\\
vilambamAna.n tatsainyamapragalbhamavasthitam . 
dR^iShTvA prAchchhAdayadbANairarjunaH prANatApanaiH .. 29..\\
tataH kurUNAmabhavadArtanAdo mahAmR^idhe . 
rathAshvanAgAsu harairvadhyatAmarjuneShubhiH .. 30..\\
hAhAkR^itaM bhR^isha.n tasthau lIyamAnaM parasparam . 
alAtachakravatsainya.n tadAbbhramata tAvakam .. 31..\\
AdIpta.n tava tatsainya.n sharaish chhinnatanuchchhadam . 
AsItsvashoNita klinnaM phullAshoka vana.n yathA .. 32..\\
taddR^iShTvA kuravastatra vikrAnta.n savyasAchinaH . 
nirAshAH samapadyanta sarve karNasya jIvite .. 33..\\
aviShahya.n tu pArthasya sharasampAtamAhave . 
matvA nyavartankuravo jitA gANDIvadhanvanA .. 34..\\
te hitvA samare pArtha.n vadhyamAnAshcha sAyakaiH . 
pradudruvurdisho bhItAshchukrushushchApi sUtajam .. 35..\\
abhyadravata tAnpArthaH kira~nsharashatAnbahUn . 
harShayanpANDavAnyodhAnbhImasenapurogamAn .. 36..\\
putrAstu te mahArAja jagmuH karNa rathaM prathi . 
agAdhe majjatA.n teShAM dvIpaH karNo.abhavattadA .. 37..\\
kuravo hi mahArAja nirviShAH pannagA iva . 
karNamevopalIyanta bhayAdgANDIvadhanvanaH .. 38..\\
yathA sarvANi bhUtAni mR^ityorbhItAni bhArata . 
dharmamevopalIyante karmavanti hi yAni cha .. 39..\\
tathA karNaM maheShvAsaM putrAstava narAdhipa . 
upAlIyanta santrAsAtpANDavasyamahAtmanaH .. 40..\\
tA~nshoNitapariklinnAnviShamasthA~nsharAturAn . 
mA bhaiShTetyabravItkarNo hyabhito mAm iteti cha .. 41..\\
sambhagna.n hi bala.n dR^iShTvA balAtpArthena tAvakam . 
dhanurvisphArayankarNastasthau shatrujighA.nsayA . 
pA~nchAlAnpunarAdhAvatpashyataH savyasAchinaH .. 42..\\
tataH kShaNena kShitipAH kShatajapratimekShaNAH . 
karNa.n vavarShurbANaughairyathA meghA mahIdharam .. 43..\\
tataH sharasahasrANi karNa muktAni mAriSha . 
vyayojayanta pA~nchAlAnprANaiH prANabhR^itA.n vara .. 44..\\
tato raNo mahAnAsItpA~nchAlAnA.n vishAM pate . 
vadhyatA.n sUtaputreNa mitrArthe.amitraghAtinAm .. 45..\\
\medskip\hrule\medskip\centerline{\Largedvng 60}
 s

tataH karNaH kuruShu pradruteShu 
varUthinA shvetahayena rAjan . 
pA~nchAla putrAnvyadhamatsUtaputro 
maheShubhirvAta ivAbhrasa~NghAn .. 1..\\
sUta.n rathAdaGYalikena pAtya 
jaghAna chAshvA~n janamejayasya . 
shatAnIka.n suta soma.n cha bhallair 
avAkiraddhanuShI chApyakR^intat .. 2..\\
dhR^iShTadyumnaM nirbibhedAtha ShaDbhir 
jaghAna chAshva.n dakShiNaM tasya sa~Nkhye . 
hatvA chAshvAnsAtyakeH sUtaputraH 
kaikeya putraM nyavadhIdvishokam .. 3..\\
tamabhyadhAvannihate kumAre 
kaikeya senApatirugradhanvA . 
sharairvibhinnaM bhR^ishamugravegaiH 
karNAtmaja.n so.abhyahanatsuSheNam .. 4..\\
tasyArdha chandraistribhiruchchakarta 
prasahya bAhU cha shirashcha karNaH . 
sa syandanAdgAmapatadgatAsuH 
parashvadhaiH shAla ivAvarugNaH .. 5..\\
hatAshvama~njo gatibhiH suSheNaH 
shinipravIraM nishitaiH pR^iShatkaiH . 
prachchhAdya nR^ityanniva sauti putraH 
shaineya bANAbhihataH papAta .. 6..\\
putre hate krodhaparIta chetAH 
karNaH shinInAmR^iShabha.n jighA.nsuH . 
hato.asi shaineya iti bruvansa 
vyavAsR^ijadbANamamitrasAham .. 7..\\
sa tasya chichchheda shara.n shikhaNDI 
tribhistribhishcha pratutoda karNam . 
shikhaNDinaH karmuka.n sa dhvaja.n cha 
chhittvA sharAbhyAmahanatsujAtam .. 8..\\
shikhaNDina.n ShaDbhiravidhyadugro 
dAnto dharShTadyumna shirash chakarta . 
athAbhinatsuta soma.n shareNa 
sa saMshitenAdhirathirmahAtmA .. 9..\\
athAkrande tumule vartamAne 
dhArShTadyumne nihate tatra kR^iShNaH . 
apA~nchAlya.n kriyate yAhi pArtha 
karNa.n jahItyabravIdrAjasi.nha .. 10..\\
tataH prahasyAshu narapravIro 
ratha.n rathenAdhiratherjagAma . 
bhaye teShA.n trANamichchhansubAhur 
abhyAhatAnA.n ratharUthapena .. 11..\\
visphArya gANDIvamathogra ghoShaM 
jyayA samAhatya tale bhR^isha.n cha . 
bANAndha kAra.n sahasaiva kR^itvA 
jaghAna nAgAshvarathAnnarAMsh cha .. 12..\\
taM bhImaseno.anu yayau rathena 
pR^iShThe rakShanpANDavamekavIram . 
tau rAjaputrau tvaritau rathAbhyAM 
karNAya yAtAvaribhirvimuktau .. 13..\\
atrAntare sumahatsUtaputrash 
chakre yuddha.n somakAnsampramR^idnan . 
rathAshvamAta~NgagaNA~njaghAna 
prachchhAdayAmAsa dishaH sharaish cha .. 14..\\
tamuttamaujA janamejayash cha 
kruddhau yudhAmanyushikhaNDinau cha . 
karNa.n vineduH sahitAH pR^iShatkaiH 
saMmardamAnAH saha pArShatena .. 15..\\
te pa~ncha pA~nchAla rathAH surUpair 
vaikartana.n karNamabhidravantaH . 
tasmAdrathAchchyAvayituM na shekur 
dhairyAtkR^itAtmAnamivendriyANi .. 16..\\
teShA.n dhanUMShi dhvajavAji sUtA.ns 
tUNaM patAkAshcha nikR^itya bANaiH . 
tAnpa~nchabhiH sa tvahanatpR^iShatkaiH 
karNastataH si.nha ivonnanAda .. 17..\\
tasyAsyatastAnabhinighnatash cha 
jyA bANahastasya dhanuH svanena . 
sAdri drumA syAtpR^ithivI vishIrNA 
ityeva matvA janatA vyaShIdat .. 18..\\
sa shakrachApapratimena dhanvanA 
bhR^ishAtatenAdhirathiH sharAnsR^ijan . 
babhau raNe dIptamarIchi maNDalo 
yathAMshu mAlI parivR^iShavA.nstathA .. 19..\\
shikhaNDina.n dvAdashabhiH parAbhinach 
chhitaiH sharaiH ShaDbhirathottamaujasam . 
trihiryudhAmanyumavidhyadAshugais 
tribhistribhiH somaka pArShatAtmajau .. 20..\\
parAjitAH pa~ncha mahArathAstu te 
mahAhave sUta sUtena mAriSha . 
nirudyamAstasthuramitramardanA 
yathendriyArthAtmavatA parAjitAH .. 21..\\
nimajjatastAnatha karNa sAgare 
vipannanAvo vaNijo yathArNave . 
uddadhrire naubhirivArNavAdrathaiH 
sukalpitairdraupadijAH svamAtulAn .. 22..\\
tataH shinInAmR^iShabaH shitaiH sharair 
nikR^itya karNa prahitAniShUnbahUn . 
vidArya karNaM nishitairayo mayais 
tavAtmaja.n jyeShThamavidhyadaShTabhiH .. 23..\\
kR^ipo.atha bhojashcha tavAtmajastathA 
svaya.n cha karNo nishitairatADayat . 
sa taishchaturbhiryuyudhe yadUttamo 
digIshvarairdaitya patiryathAtathA .. 24..\\
samAnateneShvasanena kUjatA 
bhR^ishAtatenAmita bANavarShiNA . 
babhUva durdharShataraH sa sAtyakiH 
sharannabho madhyagato yathA raviH .. 25..\\
punaH samAsAdya rathAnsudaMshitAH 
shinipravIra.n jugupuH parantapaH . 
sametya pA~nchAla rathA mahAraNe 
marudgaNAH shakramivAri nigrahe .. 26..\\
tato.abhavadyuddhamatIva dAruNaM 
tavAhitAnA.n tava sainikaiH saha . 
rathAshvamAta~NgavinAshana.n tathA 
yathA surANAmasuraiH purAbhavat .. 27..\\
rathadvipA vAjipadAtayo.api vA 
bhramanti nAnAvidha shastravR^iShTitAH . 
paraspareNAbhihatAsh cha chaskhalur 
vinedurArtA vyasavo.apatanta cha .. 28..\\
tathAgate bhIma bhIstavAtmajaH 
sasAra rAjAvarajaH kira~nsharaiH . 
tamabhyadhAvattvarito vR^ikodaro 
mahAruru.n si.nha ivAbhipetivAn .. 29..\\
tatastayoryuddhamatItamAnuShaM 
pradIvyatoH prANadurodare.abhavat . 
paraspareNAbhiniviShTa roShayor 
udagrayoH shambara shakrayoryathA .. 30..\\
sharaiH sharIrAntakaraiH sutejanair 
nijaghnatustAvitaretaraM bhR^isham . 
sakR^itprabhinnAviva vAshitAntare 
mahAgajau manmatha saktachetasau .. 31..\\
tavAtmajasyAtha vR^ikodarastvaran 
dhanuH kShurAbhyA.n dhvajameva chAchchhinat . 
lalATamapyasya bibheda patriNA 
shirashcha kAyAtprajahAra sAratheH .. 32..\\
sa rAjaputro.anyadavApya kArmukaM 
vR^ikodara.n dvAdashabhiH parAbhinat . 
svayaM niyachchha.nsturagAnajihmagaiH 
sharaishcha bhImaM punarabhyavIvR^iShat .. 33..\\
\medskip\hrule\medskip\centerline{\Largedvng 61}
 s

tatrAkarodduShkara.n rAjaputro 
duHshAsanastumule yudhyamAnaH . 
chichchheda bhImasya dhanuH kShureNa 
ShaDbhiH sharaiH sArathimapyavidhyat .. 1..\\
tato.abhinadbahubhiH kShiprameva 
vareShubhirbhImasenaM mahAtmA . 
sa vikSharannAga iva prabhinno 
gadAmasmai tumule prAhiNodvai .. 2..\\
tayAharaddasha dhanvantarANi 
duHshAsanaM bhImasenaH prasahya . 
tayA hataH patito vepamAno 
duHshAsano gadayA vegavatyA .. 3..\\
hayAH sasUtAshcha hatA narendra 
chUrNIkR^itashchAsya rataH patantyA . 
vidhvastavarmAbharaNAmbara srag 
vicheShTamAno bhR^ishavedanArtaH .. 4..\\
tataH smR^itvA bhImasenastarasvI 
sApatnaka.n yatprayuktaM sutaiste . 
rathAdavaplutya gataH sa bhUmau 
yatnena tasminpraNidhAya chakShuH .. 5..\\
asi.n samuddhR^itya shitaM sudhAraM 
kaNThe samAkramya cha vepamAnam . 
utkR^itya vakShaH patitasya bhUmAv 
athApibachchhoNitamasya koShNam . 
AsvAdya chAsvAdya cha vIkShamANaH 
kruddho.ativelaM prajagAda vAkyam .. 6..\\
stanyasya mAturmadhusarpiSho vA 
mAdhvIka pAnasya cha satkR^itasya . 
divyasya vA toyarasasya pAnAt 
payo dadhibhyAM mathitAchcha mukhyAt . 
sarvebhya evAbhyadhiko raso.ayaM 
mato mamAdyAhita lohitasya .. 7..\\
evaM bruvANaM punarAdravantam 
AsvAdya valgantamatiprahR^iShTam . 
ye bhImasena.n dadR^ishustadAnIM 
bhayena te.api vyathitA nipetuH .. 8..\\
ye chApi tatrApatitA manuShyAs 
teShA.n karebhyaH patitaM cha shastram . 
bhayAchcha sa~ncukrushuruchchakaiste 
nimIlitAkShA dadR^ishush cha tanna .. 9..\\
ye tatra bhIma.n dadR^ishuH samantAd 
dauHshAsana.n tadrudhiraM pibantam . 
sarve palAyanta bhayAbhipannA 
nAyaM manuShya iti bhAShamANAH .. 10..\\
shR^iNvatA.n lokavIrANAmidaM vachanamabravIt . 
eSha te rudhira.n kaNThAtpibAmi puruShAdhama . 
brUhIdAnI.n susa.nrabdhaH punargauriti gauriti .. 11..\\
pramANa koTyA.n shayana.n kAlakUTasya bhojanam . 
dashana.n chAhibhiH kaShTaM dAhaM cha jatu veshmani .. 12..\\
dyUtena rAjyaharaNamaraNye vasatishcha yA . 
iShvastrANi cha sa~NgrAmeShvasukhAni cha veshmani .. 13..\\
duHkhAnyetAni jAnImo na sukhAni kadA chana . 
dhR^itarAShTrasya daurAtmyAtsaputrasyA sadA vayam .. 14..\\
ityuktvA vachana.n rAja~njayaM prApya vR^ikodaraH . 
punarAha mahArAja smaya.nstau keshavArjunau .. 15..\\
duHshAsane yadraNe saMshrutaM me 
tadvai sarva.n kR^itamadyeha vIrau . 
adyaiva dAsyAmyapara.n dvitIyaM 
duryodhana.n yaGYapashuM vishasyA . 
shiromR^iditvA cha padA durAtmanaH 
shAnti.n lapsye kauravANAM samakSham .. 16..\\
etAvaduktvA vachanaM prahR^iShTo 
nanAdachochchai rudhirArdragAtraH . 
nanarta chaivAtibalo mahAtmA 
vR^itraM nihatyeva sahasranetraH .. 17..\\
\medskip\hrule\medskip\centerline{\Largedvng 62}
 s

duHshAsane tu nihate putrAstava mahArathAH . 
mahAkrodhaviShA vIrAH samareShvapalAyinaH . 
dasha rAjanmahAvIryo bhImaM prAchchhAdaya~nsharaiH .. 1..\\
kavachI niSha~NgI pAshI daNDadhAro dhanurdharaH . 
alolupaH shalaH sandho vAtavegasuvarchasau .. 2..\\
ete sametya sahitA bhrAtR^ivyasanakarshitAH . 
bhImasenaM mahAbAhuM mArgaNaiH samavArayan .. 3..\\
sa vAryamANo vishikhaiH samantAttairmahArathaiH . 
bhImaH krodhAbhiraktAkShaH kruddhaH kAla ivAbabhau .. 4..\\
tA.nstu bhallairmahAvegairdashabhirdashabhiH shitaiH . 
rukmA~Ngado rukmapu~NkhaiH pArtho ninye yamakShayam .. 5..\\
hateShu teShu vIreShu pradudrAva bala.n tava . 
pashyataH sUtaputrasya pANDavasya bhayArditam .. 6..\\
tataH karNo mahArAja pravivesha mahAraNam . 
dR^iShTvA bhImasya vikrAntamantakasya prajAsviva .. 7..\\
tasya tvAkAra bhAvaGYaH shalyaH samitishobhanaH . 
uvAcha vachana.n karNAM prapta kAlamarindama . 
mA vyathA.n kuru rAdheya naitattvayyupapadyate .. 8..\\
ete dravanti rAjAno bhImasenabhayArditAH . 
duryodhanashcha saMmUDho bhrAtR^ivyasanaduHkhitaH .. 9..\\
duHshAsanasya rudhire pIyamAne mahAtmanA . 
vyApanna chetasashchaiva shokopahatamanyavaH .. 10..\\
duryodhanamupAsante parivArya samantataH . 
kR^ipaprabhR^itayaH karNahatasheShAshcha sodarAH .. 11..\\
pANDavA labdhalakShAshcha dhana~njaya purogamAH . 
tvAmevAbhimukhAH shUrA yuddhAya samupAsthitAH .. 12..\\
sa taM puruShashArdUla pauruShe mahati sthitaH . 
kShatradharmaM puraskR^itya pratyudyAhi dhana~njayam .. 13..\\
bhAro hi dhArtarAShTreNa tvayi sarvaH samarpitaH . 
tamudvaha mahAbAho yathAshakti yathAbalam . 
jaye syAdvipulA kIrtirdhruvaH svargaH parAjaye .. 14..\\
vR^iShasenashcha rAdheya sa~Nkruddhastanayastava . 
tvayi mohasamApanne pANDavAnabhidhAvati .. 15..\\
etachchhrutvA tu vachana.n shalyasyAmita tejasaH . 
hR^idi mAnuShyakaM bhAva.n chakre yuddhAya susthiram .. 16..\\
tataH kruddho vR^iShaseno.abhyadhAvad 
AtasthivA.nsa.n svarathaM hatArim . 
vR^ikodara.n kAlamivAtta daNDaM 
gadAhastaM pothamAna.n tvadIyAn .. 17..\\
tamabhyadhAvannakulaH pravIro 
roShAdamitraM pratudanpR^iShatkaiH . 
karNasya putra.n samare prahR^iShTaM 
jiShNurjighA.nsurmaghaveva jambham .. 18..\\
tato dhvaja.n sphATikachitrakambuM 
chichchheda vIro nakulaH kShureNa . 
karNAtmajasyeShvasana.n cha chitraM 
bhallena jAmbUnadapaTTa naddham .. 19..\\
athAnyadAdAya dhanuH sushIghraM 
karNAtmajaH pANDavamabhyavidhyat . 
divyairmahAstrairnakulaM mahAstro 
duHshAsanasyApachiti.n yiyAsuH .. 20..\\
tataH kruddho nakulastaM mahAtmA 
sharairmaholkA pratimairavidhyat . 
divyairastrairabhyavidhyachcha so.api 
karNasyA putro nakula.n kR^itAstraH .. 21..\\
karNasyA putro nakulasya rAjan 
sarvAnashvAnakShiNoduttamAstraiH . 
vanAyujAnsukumArasya shubhrAn 
ala~NkR^itA~njAtarUpeNa shIghrAn .. 22..\\
tato hatAshvAdavaruhya yAnAd 
AdAya charma ruchira.n chAShTa chandram . 
AkAshasa~NkAshamasi.n gR^ihItvA 
poplUyamAnaH khagavachchachAra .. 23..\\
tato.antarikShe nR^ivarAshvanAgaMsh 
chichchheda mArgAnvicharanvichitrAn . 
te prApatannasinA gA.n vishastA 
yathAshvamedhe pashavaH shamitrA .. 24..\\
dvisAhasrA viditA yuddhashauNDA 
nAnAdeshyAH subhR^itAH satyasandhAH . 
ekena shIghraM nakulena kR^ittAH 
sArepsunA ivottama chandanAste .. 25..\\
tamApatantaM nakula.n so.abhipatya 
samantataH sAyakairabhyavidhyat . 
sa tudyamAno nakulaH pR^iShatkair 
vivyAdha vIra.n sa chukopa viddhaH .. 26..\\
ta.n karNa putro vidhamantamekaM 
narAshvamAta~NgarathapravekAn . 
krIDantamaShTAdashabhiH pR^iShatkair 
vivyAdha vIra.n sa chukopa viddhaH .. 27..\\
tato.abhyadhAvatsamare jighA.nsuH 
karNAtmajaM pANDusuto nR^ivIraH . 
tasyeShubhirvyadhamatkarNa putro 
mahAraNe charma sahasratAram .. 28..\\
tasyAyasaM nishita.n tIkShNadhAram 
asi.n vikosha.n gurubhArasAham . 
dviShachchharIrApahara.n sughoram 
AdhunvataH sarpamivograrUpam .. 29..\\
kShipra.n sharaiH ShaDbhiramitrasAhash 
chakarta khaDgaM nishitaiH sughoraiH . 
punashcha pItairnishitaiH pR^iShatkaiH 
stanAntare gADhamathAbhyavidhyat .. 30..\\
sa bhImasenasya ratah.n hatAshvo 
mAdrI sutaH karNasutAbhitaptaH . 
Apupluve si.nha ivAchalAgraM 
samprekShamANasya dhana~njayasya .. 31..\\
nakulamatha viditvA chhinnabANAsanAsiM 
virathamarisharArta.n karNa putrAstra bhagnam . 
pavanadhuta patAkA hrAdino valgitAshvA 
varapuruShaniyattAste rathAH shIghramIyuH .. 32..\\
drupada suta variShThAH pa~ncha shaineya ShaShThA 
drupada duhitR^iputrAH pa~ncha chAmitrasAhAH . 
dviradarathanarAshvAnsUdayantastvadIyAn 
bhujaga patinikAshairmArgaNairAttashastrAH .. 33..\\
atha tava rathamukhyAstAnpratIyustvaranto 
hR^idika suta kR^ipau cha drauNiduryodhanau cha . 
shakunishukavR^ikAshcha krAtha devAvR^idhau cha 
dviradajaladaghoShaiH syandanaiH kArmukaish cha .. 34..\\
tava naravaravaryAstAndashaika.n cha vIrAn 
pravara sharavarAgryaistADayanto.abhyarundhan . 
nava jaladasavarNairhastibhirtAnudIyur 
girishikharanikAshairbhImavegaiH kuNindAH .. 35..\\
sukalpitA haimavatA madotkaTA 
raNAbhikAmaiH kR^itibhiH samAsthitAH . 
suvarNajAlAvatatA babhurgajAs 
tathA yathA vai jaladAH savidyutaH .. 36..\\
kuNinda putro dashabhirmahAyasaiH 
kR^ipa.n sasUtAshvamapIDayadbhR^isham . 
tataH sharadvatsuta sAyakairhataH 
sahaiva nAgena papAta bhUtale .. 37..\\
kuNinda putrAvarajastu tomarair 
divAkarAMshu pratimairayo mayaiH . 
ratha.n cha vikShobhya nanAda nardatas 
tato.asya gAndhArapatiH shiro.aharat .. 38..\\
tataH kuNindeShu hateShu teShvatha 
prahR^iShTarUpAstava te mahArathAH . 
bhR^ishaM pradadhmurlavanAmbusambhavAn 
parAMshcha bANAsanapANayo.abhyayuH .. 39..\\
athAbhavadyuddhamatIva dAruNaM 
punaH kurUNA.n saha pANu sR^i~njayaiH . 
sharAsi shaktyR^iShTi gadA parashvadhair 
narAshvanAgAsu haraM bhR^ishAkulam .. 40..\\
rathAshvamAta~NgapadAtibhistataH 
paraspara.n viprahatApatankShitau . 
yathA savidyutstanitA balAhakAH 
samAsthitA digbhya ivogramArutaiH .. 41..\\
tataH shatAnIka hatAnmahAgajA.ns 
tathA rathAnpattigaNAMshcha tAvakAn . 
jaghAna bhojashcha hayAnathApatan 
vishastra kR^ittAH kR^itavarmaNA dvipAH .. 42..\\
athApare drauNisharAhatA dvipAs 
trayaH sasarvAyudha yodhaketavaH . 
nipetururvyA.n vyasavaH prapAtitAs 
tathA yathA vajrahatA mahAchalAH .. 43..\\
kuNinda rAjAvarajAdanantaraH 
stanAntare patrivarairatADayat . 
tavAtmaja.n tasya tavAtmajaH sharaiH 
shitaiH sharIraM bibhide dvipa.n cha tam .. 44..\\
sa nAgarAjaH saha rAjasUnunA 
papAta raktaM bahu sarvataH kSharan . 
shachIsha vajraprahato.amudAgame 
yathA jala.n gairikaparvatastathA .. 45..\\
kuNinda putra prahito.aparadvipaH 
shuka.n sasUtAshvarathaM vyapothayat . 
tato.apatatkrAtha sharAbhidAritaH 
saheshvaro vajrahato yathA giriH .. 46..\\
rathI dvipasthena hato.apatachchharaiH 
krAthAdhipaH parvatajena durjayaH . 
sa vAjisUteShvasanastathApatad 
yathA mahAvAtahato mahAdrumaH .. 47..\\
vR^iko dvipastha.n girirAjavAsinaM 
bhR^isha.n sharairdvAdashabhiH parAbhinat . 
tato vR^ika.n sAshvarathaM mahAjavaM 
tvaraMshchaturbhishcharaNe vyapothayat .. 48..\\
sa nAgarAjaH saniyantR^iko.apatat 
parAhato babhru suteShu bhirbhR^isham . 
sa chApi devAvR^idha sUnurarditaH 
papAta nunnaH sahadeva sUnunA .. 49..\\
viShANa potrAparagAtraghAtinA 
gajena hantu.n shakuneH kuNindajaH . 
jagAma vegena bhR^ishArdayaMshcha taM 
tato.asya gAndhArapatiH shiro.aharat .. 50..\\
tataH shatAnIka hatA mahAgajA 
hayA rathAH pattigaNAshcha tAvakAH . 
suparNavAtaprahatA yathA nagAs 
tathAgatA gAmavashA vichUrNitAH .. 51..\\
tato.abhyavidhyadbahubhiH shitaiH sharaiH 
kuNinda putro nakulAtmaja.n smayan . 
tato.asya kAyAnnichakarta nAkuliH 
shiraH kruSheNAmbuja saMnibhAnanam .. 52..\\
tataH shatAnIkamavidhyadAshugais 
tribhiH shitaiH karNasuto.arjuna.n tribhiH . 
tribhishcha bhImaM nakula.n cha saptabhir 
janArdana.n dvAdashabhishcha sAyakaiH .. 53..\\
tadasya karmAtimanuShya karmaNaH 
samIkShya hR^iShTAH kuravo.abhyapUjayan . 
parAkramaGYAstu dhana~njayasya te 
huto.ayamagnAviti ta.n tu menire .. 54..\\
tataH kirITI paravIra ghAtI 
hatAshvamAlokya narapravIram . 
tamabhyadhAvadvR^iShasenamAhave 
sasUtajasya pramukhe sthita.n tadA .. 55..\\
tamApatantaM naravIramugraM 
mahAhave bANasahasradhAriNam . 
abhyApatatkarNasuto mahAratho 
yathaiva chendraM namuchiH purAtane .. 56..\\
tato.adbhutenaika shatena pArthaM 
sharairviddhvA sUtaputrasya putraH . 
nanAda nAda.n sumahAnubhAvo 
viddhveva shakraM namuchiH purA vai .. 57..\\
punaH sa pArtha.n vR^iShasena ugrair 
bANairavidhyadbhujamUlamadhye . 
tathaiva kR^iShNaM navabhiH samArdayat 
punashcha pArtha.n dashabhiH shitAgraiH .. 58..\\
tataH kirITI raNamUrdhni kopAt 
kR^itvA trishAkhAM bhrukuTi.n lalATe . 
mumocha bANAnvishikhAnmahAtmA 
vadhAya rAjansUtaputrasya sa~Nkhye .. 59..\\
vivyAdha chaina.n dashabhiH pR^iShatkair 
marmasvasaktaM prasabha.n kirITI . 
chichchheda chAsyeShvasanaM bhujau cha 
kShurairchaturbhiH shira eva chograiH .. 60..\\
sa pArtha bANAbhihataH papAta 
rathAdvibAhurvishirA dharAyAm . 
supuShpitaH parNadharo.atikAyo 
vAteritaH shAla ivAdrishR^i~NgAt .. 61..\\
taM prekShya bANAbhihataM patantaM 
rathAtsuta.n sUtajaH kShiprakArI . 
ratha.n rathenAshu jagAma vegAt 
kirITinaH putra badhAbhitaptaH .. 62..\\
\medskip\hrule\medskip\centerline{\Largedvng 63}
 s

vR^iShasena.n hata.n dR^iShTvA shokAmarSha samanvitaH . 
muktvA shokodbhava.n vAri netrAbhyAM sahasA vR^iShaH .. 1..\\
rathena karNastejasvI jagAmAbhimukho ripUn . 
yuddhAyAmarSha tAmrAkShaH samAhUya dhana~njayam .. 2..\\
tau rathau sUryasa~NkAshau vaiyAghraparivAraNau . 
sametau dadR^ishustatra dvAvivArkau samAgatau .. 3..\\
shvetAshvau puruShAdityAvAsthitAvarimardanau . 
shushubhAte mahAtmAnau chandrAdityau yathA divi .. 4..\\
tau dR^iShTvA vismaya.n jagmuH sarvabhUtAni mAriSha . 
trailokyavijaye yattAvindra vairochanAviva .. 5..\\
rathajyA talanirhrAdairbANasha~Nkharavairapi . 
tau rathAvabhidhAvantau samAlokya mahIkShitAm .. 6..\\
dhvajau cha dR^iShTvA sa.nsaktau vismayaH samapadyata . 
hastikakShyA.n cha karNasya vAnaraM cha kirITinaH .. 7..\\
tau rathau samprasaktau cha dR^iShTvA bhArata pArthivAH . 
si.nhanAda ravAMshchakruH sAdhuvAdAMshcha puShkalAn .. 8..\\
shrutvA tu dvairatha.n tAbhyAM tatra yodhAH samantataH . 
chakrurbAhuvalamchaiva tathA chelA valaM mahat .. 9..\\
AjagmuH kuravastatra vAditrAnugatAstadA . 
karNaM praharShayantashcha sha~NkhAndadhmushcha puShkalAn .. 10..\\
tathaiva pANDavAH sarve harShayanto dhana~njayam . 
tUryasha~NkhaninAdena dishaH sarvA vyanAdayan .. 11..\\
kShveDitAsphoTitotkruShTaistumula.n sarvato.abhavat . 
bAhughoShAshcha vIrANA.n karNArjuna samAgame .. 12..\\
tau dR^iShTvA puruShavyAghrau rathasthau rathinA.n varau . 
pragR^ihItamahAchApau sharashaktigadAyudhau .. 13..\\
varmiNau baddhanistriMsho shetAshvau sha~Nkhashobhinau . 
tUNIravarasampannau dvAvapi sma sudarshanau .. 14..\\
raktachandana digdhA~Ngau samadau vR^iShabhAviva . 
AshIviShasamaprakhyau yama kAlAntakopamau .. 15..\\
indra vR^itrAviva kruddhau sUryA chAndramasa prabhau . 
mahAgrahAviva krUrau yugAnte samupasthitau .. 16..\\
devagarbhau devasamau devatulyau cha rUpataH . 
sametau puruShavyAghrau prekShya karNa dhana~njayau .. 17..\\
ubhau varAyudhadharAvubhau raNakR^itashramau . 
ubhau cha bAhushabdena nAdayantau nabhastalam .. 18..\\
ubhau vishruta karmANau pauruSheNA balena cha . 
ubhau cha sadR^ishau yuddhe shambarAmara rAjayoH .. 19..\\
kAtavIrya samau yuddhe tathA dAsharabheH samau . 
viShNuvIryasamau vIrye tathA bava samau yudhi .. 20..\\
ubhau shvetahayau rAjanrathapravara vAhinau . 
sArathI pravarau chaiva tayorAstAM mahAbalau .. 21..\\
tau tu dR^iShTvA mahArAja rAjamAnau mahArathau . 
siddhachAraNasa~NghAnA.n vismayaH samapadyata .. 22..\\
dhArtarAShTrAstataH karNa.n sabalA bharatarShabha . 
parivAvrurmahAtmAna.n kShipramAhavashobhinam .. 23..\\
tathaiva pANDavA hR^iShTA dhR^iShTadyumnapurogamAH . 
parivavrurmahAtmAnaM pArthamapratimA.n yudhi .. 24..\\
tAvakAnA.n raNe karNo glaha AsIdvishAM pate . 
tathaiva pANDaveyAnA.n glahaH pArtho.abhavadyudhi .. 25..\\
ta eva sabhyAstatrAsAnprekShakAshchAbhavansma te . 
tatraiShA.n glahamAnAnAM dhruvau jayaparAjayau .. 26..\\
tAbhyA.n dyUta.n samAyattaM vijayAyetarAya vA . 
asmAkaM paNDavAnA.n cha sthitAnA.n raNamUrdhani .. 27..\\
tau tu sthitau mahArAja samare yuddhashAlinau . 
anyonyaM pratisa.nrabdhAvanyonyasyA jayaiShiNau . 
anyonyaM pratisa.nrabdhAvanyonyasya jayaiShiNau .. 28..\\
tAvubhau pratihIrShetAmindra vR^itrAvivAbhitaH . 
bhImarUpA dharAvAstaM mahAdhUmAviva grahau .. 29..\\
tato.antarikShe sAkShepA vivAdA bharatarShabha . 
mitho bhedAshcha bhUtAnAmAsankarNAjunAntare . 
vyAshrayanta disho bhinnAH sarvalokAshcha mAriSha .. 30..\\
devadAnavagandharvAH pishAchchoraga rAkShasAH . 
pratipakSha graha.n chakruH karNArjuna samAgame .. 31..\\
dyaurAsItkkarNato vyagrA sanakShatrA vishAM pate . 
bhUmirvishAlA pArthasya mAtAputrasya bhArata .. 32..\\
saritaH sAgarAshchaiva girayash cha narottama . 
vR^ikShAshchauShadhayastatra vyAshrayanti kirITinam .. 33..\\
asurA yAtudhAnAshcha gruhyakAshcha parantapa . 
karNataH samapadyanta khe charANi vayA.nsi cha .. 34..\\
ratnAni nidhayaH sarve vedAshchAkhyAnapA~nchamAH . 
sopavedopaniShadaH sarahasyAH sasa~NgrahAH .. 35..\\
vAsukishchitrasenashcha takShAkashchopatakShakaH . 
parvatAshcha tathA sarve kAdraveyAshcha sAnvayAH . 
viShavanto mahAroShA nAgAshchArjunato.abhavan .. 36..\\
airAvatAH saurabheyA vaishAleyAshcha bhoginaH . 
ete.abhavannarjunataH kShudra sarpAstu karNataH .. 37..\\
IhAmR^igA vyADa mR^igA ma~NgalyAshcha mR^igadvijAH . 
pArthasya vijaya.n rAjansarva evAbhisaMshritAH .. 38..\\
vasavo marutaH sAdhyA rudrA vishve.ashvinau tathA . 
agnirindrashcha somashcha pavanashcha disho dasha . 
dhana~njayamupAjagmurAdityAH karNato.abhavan .. 39..\\
devAstu pitR^ibhiH sArdhA.n sagaNArjunato.abhavan . 
yamo vaishravaNashchaiva varuNashcha yato.arjunaH .. 40..\\
deva brahma nR^iparShINA.n gaNAH pANDavato.abhavan . 
tumburu pramukhA rAjangandharvAshcha yato.arjunaH .. 41..\\
prAveyAH sAha mauneyairgandharvApsarasA.n gaNAH . 
IhAmR^igavyADa mR^igairdvipAshcha rathapattibhiH .. 42..\\
uhyamAnAstathA meghairvAyunA cha manIShiNaH . 
didR^ikShavaH samAjagmuH karNArjuna samAgamam .. 43..\\
devadAnavagandharvA nAgA yakShAH patatriNaH . 
maharShayo veda vidaH pitarashcha svadhA bhujaH .. 44..\\
tapo vidyAstathauShadhyo nAnArUpAmbara tviShaH . 
antarikShe mahArAja vinadanto.avatasthire .. 45..\\
brahmA brahmarShibhiH sArdhaM prajApatibhireva cha . 
bhavenAvasthito yAna.n divyaM taM deshamAbhyayAt .. 46..\\
dR^iShTvA prajApati.n devAH svayaM bhuvamupAgaman . 
samo.astu deva vijaya etayornarasi.nhayoH .. 47..\\
tadupashrutya maghavA praNipatya pitAmaham . 
karNAjuna vinAshena mA nashyatvakhila.n jagat .. 48..\\
svayambho brUhi tadvAkya.n samo.astu vijayo.anayoH . 
tattathAstu namaste.astu prasIda bhagavanmama .. 49..\\
brahmeshAnAvatho vAkyamUchatustridasheshvaram . 
vijayo dhruva evAstu vijayasya mahAtmanaH .. 50..\\
manasvI balavA~nshUraH kR^itAstrashcha tapodhanaH . 
bibharti cha mahAtejA dhanurvedamasheShataH .. 51..\\
atikramechcha mAhAtmyAddiShTametasya paryayAt . 
atikrAnte cha lokAnAmabhAvo niyato bhavet .. 52..\\
na vidyate vyavasthAna.n kR^iShNayoH kruddhayoH kva chit . 
sraShTArau hyasatashchobhau satashcha puruSharShabhau .. 53..\\
naranArAyaNAvetau purANAvR^iShisattamau . 
aniyattau niyantArAvabhItau sma parantapau .. 54..\\
karNo lokAnayaM mukhyAnprAptnotu puruSharShabhaH . 
vIro vaikartanaH shUro vijayastvastu kR^iShNayoH .. 55..\\
vasUnA.n cha salokatvaM marutA.n vA samApnuyAt . 
sahito droNa bhIShmAbhyAM nAkaloke mahIyatAm .. 56..\\
ityukto devadevAbhyA.n sahasrAkSho.abravIdvachaH . 
Amantrya sarvabhUtAni brahmeshAnAnushAsanAt .. 57..\\
shrutaM bhavadbhiryAtproktaM bhagavAdbhyA.n jagaddhitam . 
tattathA nAnyathA taddhi tiShThadhva.n gatamanyavaH .. 58..\\
iti shrutvendra vachanA.n sarvabhUtAni mAriSha . 
vismitAnyabhavanrAjanpUjayA.n chakrire cha tat .. 59..\\
vyasR^ijAMshcha sugandhIni nAnArUpANi khAttathA . 
puShpavarShANi bibudhA deva tUryANyavAdayan .. 60..\\
didR^ikShavashchApratima.n dvairathaM narasi.nhayoH . 
devadAnavagandharvAH sarva evAvatasthire . 
rathau cha tau shvetahayau yuktaketU mahAsvanau .. 61..\\
samAgatA lokavIrAH sha~NkhAndadhmuH pR^ithakpR^ithak . 
vAsudevArjunau vIrau karNa shalyau cha bhArata .. 62..\\
tadbhIru santrAsa kara.n yuddhaM samabhavattadA . 
anyonyaspardhinorvIrye shakrashambarayoriva .. 63..\\
tayordhvajau vItamAlau shushubhAte rathasthitau . 
pR^ithagrUpau samArchhantau krodha.n yuddhe parasparam .. 64..\\
karNasyAshIviShanibhA ratnasAravatI dR^iDhA . 
purandara dhanuHprakhyA hastikakShyA vyarAjata .. 65..\\
kapishreShThastu pArthasya vyAditAsyo bhaya~NkaraH . 
bhIShayanneva daMShTrAbhirdurnirIkShyo raviryathA .. 66..\\
yudddhAbhilAShuko bhUtvA dhvajo gANDIvadhanvanaH . 
karNa dhvajamupAtiShThatso.avadIdabhinardayan .. 67..\\
utpatya cha mahAvegaH kakShyAm abhyahanatkapi . 
nakhaishcha dashanairshchaiva garuDaH pannaga.n yathA .. 68..\\
suki~NkiNIkAbharaNA kAlapAshopamAyasI . 
abhyadravatsusa~NkruddhA nAgakakShyA mahAkapim .. 69..\\
ubhayoruttame yuddhe dvairathe dyUta AhR^ite . 
prakurvAte dhvajau yuddhaM pratyaheShanhayAnhayAH .. 70..\\
avidhyatpuNDarIkAkShaH shalyaM nayanasAyakaiH . 
sa chApi puNDarIkAkSha.n tathaivAbhisamaikShata .. 71..\\
tatrAjayadvAsudevaH shalyaM nayanasAyakaiH . 
karNa.n chApyajayaddR^iShTyA kuntIputro dhana~njayaH .. 72..\\
athAbravItsUtaputraH shalyamAbhAShya sasmitam . 
yadi pArtho raNe hanyAdadya mAm iha karhi chit . 
kimuttara.n tadA te syAtsakhe satyaM bravIhi me .. 73..\\

 zalya

yadi karNa raNe hanyAdadya tvA.n shvetavAhanaH . 
ubhAvekarathenAha.n hanyAM mAdhava pANDavau .. 74..\\

 s

evameva tu govindamarjunaH pratyabhAShata . 
taM prahasyAbravItkR^iShNaH pArthaM paramida.n vachaH .. 75..\\
pateddivAkaraH sthAnAchchhIryetAnekadhA kShitiH . 
shaityamAgniriyAnna tvA karNo hanyAddhana~njayam .. 76..\\
yadi tveva.n kathaM chitsyAllokaparyasana.n yathA . 
hanyA.n karNaM tathA shalyaM bAhubhyAmeva sa.nyuge .. 77..\\
iti kR^iShNa vachaH shrutvA prahasankapiketanaH . 
arjunaH pratyuvAcheda.n kR^iShNamakliShTakAriNam . 
mamApyetAvaparyAptau karNa shalyau janArdana .. 78..\\
sapatAkA dhvaja.n karNa.n sashalya rathavAjinam . 
sachchhatra kavacha.n chaiva sashakti sharakArmukam .. 79..\\
draShTAsyadya sharaiH karNa.n raNe kR^ittamanekadhA . 
adyaina.n sarathaM sAshvaM sashakti kavachAyudham . 
na hi me shAmyate vaira.n kR^iShNA.n yatprAhasatpurA .. 80..\\
adya draShTAsi govindakarNamunmathitaM mayA . 
vAraNeneva mattena puShpita.n jagatI ruham .. 81..\\
adya tA madhurA vAchaH shrotAsi madhusUdana . 
adyAbhimanyu jananImanR^iNaH sAntvayiShyasi . 
kuntIM pitR^iShvasAra.n cha samprahR^iShTo janArdana .. 82..\\
adya bAShpamukhI.n kR^iShNA.n sAntvayiShyasi mAdhava . 
vAgbhishchAmR^itakalpAbhirdharmarAja.n yudhiShThiram .. 83..\\
\medskip\hrule\medskip\centerline{\Largedvng 64}
 s

taddeva nAgAsurasiddhasa~Nghair 
gandharvayakShApsarasA.n cha sa~NghaiH . 
brahmarShirAjarShisuparNajuShTaM 
babhau viyadvismayanIya rUpam .. 1..\\
nAnadyamAnaM ninadairmanoGYair 
vAditragItastutibhishcha nR^ittaiH . 
sarve.antarikShe dadR^ishurmanuShyAH 
khasthAMshcha tAnvismayanIya rUpAn .. 2..\\
tataH prahR^iShTAH kuru pANDuyodhA 
vAditrapatrAyudha si.nhanAdaiH . 
ninAdayanto vasudhA.n dishash cha 
svanena sarve dviShato nijaghnuH .. 3..\\
nAnAshvamAta~NgarathAyutAkulaM 
varAsi shaktyR^iShTi nipAtaduHsaham . 
abhIrujuShTa.n hatadehasa~NkulaM 
raNAjira.n lohitaraktamAbabhau .. 4..\\
tathA pravR^itte.astrabhR^itAM parAbhave 
dhana~njayashchAdhirathishcha sAyakaiH . 
dishashcha sainya.n cha shitairajihmagaiH 
parasparaM prorNuvatuH sma daMshitau .. 5..\\
tatastvadIyAshcha pare cha sAyakaiH 
kR^ite.andhakAre vividurna ki.n chana . 
bhayAttu tAveva rathau samAshraya.ns 
tamonudau khe prasR^itA ivAMshavaH .. 6..\\
tato.astramastreNa parasparasya tau 
vidhUya vAtAviva pUrvapashchimau . 
ghanAndhakAre vitate tamonudau 
yathoditau tadvadatIva rejatuH .. 7..\\
na chAbhimantavyamiti prachoditAH 
pare tvadIyAshcha tadAvatasthire . 
mahArathau tau parivArya sarvataH 
surAsurA vAsava shambarAviva .. 8..\\
mR^ida~NgabherIpaNavAnakasvanair 
ninAdite bhArata sha~NkhanisvanaiH . 
sasi.nha nAdau babhaturnarottamau 
shashA~NkasUryAviva meghasamplave .. 9..\\
mahAdhanurmaNDalA madhyagAvubhau 
suvarchasau bANasahasrarashminau . 
didhakShamANau sacharAchara.n jagad 
yugAsta sUryAviva duHsahau raNe .. 10..\\
ubhAvajeyAvahitAntakAvubhau 
jighA.nsatustau kR^itinau parasparam . 
mahAhave vIra varau samIyatur 
yathendra jambhAviva karNa pANDavau .. 11..\\
tato mahAstrANi mahAdhanurdharau 
vimu~nchamAnAviShubhirbhayAnakaiH . 
narAshvanAgAnamitau nijaghnatuH 
paraspara.n jaghnaturuttameShubhiH .. 12..\\
tato visasruH punararditAH sharair 
narottamAbhyA.n kurupANDavAshrayAH . 
sanAgapattyashvarathA disho gatAs 
tathA yathA si.nhabhayAdvanaukasaH .. 13..\\
tatastu duryodhana bhojasaubalAH 
kR^ipashcha shAradvata sUnunA saha . 
mahArathAH pa~ncha dhana~njayAchyutau 
sharaiH sharIrAntakarairatADayan .. 14..\\
dhanUMShi teShAmiShudhInhayAndhvajAn 
rathAMshcha sUtAMshcha dhana~njayaH sharaiH . 
sama.n cha chichchheda parAbhinachcha tA~n 
sharottamairdvAdashabhishcha sUtajam .. 15..\\
athAbhyadhAva.nstvaritAH shata.n rathAH 
shata.n cha nAgArjunamAtatAyinaH . 
shakAstukhArA yavanAshcha sAdinaH 
sahaiva kAmbojavarairjighA.nsavaH .. 16..\\
varAyudhAnpANigatAnkaraiH saha 
kShurairnyakR^inta.nstvaritAH shirA.nsi cha . 
hayAMshcha nAgAMshcha rathAMshcha yudhyatAM 
dhana~njayaH shatrugaNa.n tamakShiNot .. 17..\\
tato.antarikShe suratUrya nisvanAH 
sasAdhu vAdA hR^iShitaiH samIritAH . 
nipeturapyuttamapuShpapR^iShTayaH 
surUpa gandhAH pavaneritAH shivAH .. 18..\\
tadadbhuta.n devamanuShyasAkShikaM 
samIkShya bhUtAni visiShmiyurnR^ipa . 
tavAtmajaH sUta sUtashcha na vyathAM 
na vismaya.n jagmaturekanishchayau .. 19..\\
athAbravIddroNasutastavAtmajaM 
kara.n kareNa pratipIDya sAntvayan . 
prasIda duryodhana shAmya pANDavair 
ala.n virodhena dhigastu vigraham .. 20..\\
hato gururbrahma samo mahAstravit 
tathaiva bhIShma pramukhA nararShabhAH . 
aha.n tvavadhyo mama chApi mAtulaH 
prashAdhi rAjya.n sAha pANDavairchiram .. 21..\\
dhana~njayaH sthAsyati vArito mayA 
janArdano naiva virodhamichchhati . 
yudhiShThiro bhUtahite sadA rato 
vR^ikodarastadvashagastathA yamau .. 22..\\
tvayA cha pArthaishcha paraspareNa 
prajAH shivaM prApnuyurichchhati tvayi . 
vrajantu sheShAH svapurANi pArthivA 
nivR^ittavairAshcha bhavantu sainikAH .. 23..\\
na chedvachaH shroShyasi me narAdhipa 
dhruvaM prataptAsi hato.aribhiryudhi . 
ida.n cha dR^iShTaM jagatA saha tvayA 
kR^ita.n yadekena kirITimAlinA . 
yathA na kuryAdbalabhinna chAntako 
na cha prachetA bhagavAnna yakSharAT .. 24..\\
ato.api bhUyAMshcha guNairdhana~njayaH 
sa chAbhipatsyatyakhila.n vacho mama . 
tavAnuyAtrA.n cha tathA kariShyati 
prasIda rAja~njagataH shamAya vai .. 25..\\
mamApi mAnaH paramaH sadA tvayi 
bravImyatastvAM paramAchcha sauhR^idAt . 
nivArayiShyAmi hi karNamapyahaM 
yadA bhavAnsapraNayo bhaviShyati .. 26..\\
vadanti mitra.n sahajaM vichakShaNAs 
tathaiva sAmnA cha dhanena chArjitam . 
pratApatashchopanata.n chaturvidhaM 
tadasti sarva.n tvayi pANDaveShu cha .. 27..\\
nisargataste tava vIra bAndhavAH 
punashcha sAmnA cha samApnuhi sthiram . 
tvayi prasanne yadi mitratAm iyur 
dhruvaM narendrendra tathA tvamAchara .. 28..\\
sa evamuktaH suhR^idA vacho hitaM 
vichintya niHshvasya cha durmanAbravIt . 
yathA bhavAnAha sakhe tathaiva tan 
mamApi cha GYApayato vachaH shR^iNu .. 29..\\
nihatya duHshAsanamuktavAnbahu 
prasahya shArdUlavadeSha durmatiH . 
vR^ikodarastaddhR^idaye mama sthitaM 
na tatparokShaM bhavataH kutaH shamaH .. 30..\\
na chApi karNa.n guruputra sa.nstavAd 
upArametyarhasi vaktumachyuta . 
shrameNa yukto mahatAdya phalgunas 
tameSha karNaH prasAbha.n haniShyati .. 31..\\
tamevamuktvAbhyanunIya chAsakR^it 
tavAtmajaH svAnanushAsti sainikAn . 
samAghnatAbhidravatAhitAnimAn 
sabANashabdAnkimu joShamAsyate .. 32..\\
\medskip\hrule\medskip\centerline{\Largedvng 65}
 s

tau sha~NkhabherI ninade samR^iddhe 
samIyatuH shvetahayau narAgryau . 
vaikartanaH sUtaputro.arjunash cha 
durmantrite tava putrasya rAjan .. 1..\\
yathA gajau haimavatau prabhinnau 
pragR^ihya dantAviva vAshitArthe . 
tathA samAjagmaturugravegau 
dhana~njayashchAdhirathishcha vIrau .. 2..\\
balAhakeneva yathAbalAhako 
yadR^ichchhayA vA giriNA giriryathA . 
tathA dhanurjyAtalanemi nisvanau 
samIyatustAviShuvarShavarShiNau .. 3..\\
pravR^iddhashR^i~Ngadruma vIrudoShadhI 
pravR^iddhanAnAvidha parvataukasau . 
yathAchalau vA galitau mahAbalau 
tathA mahAstrairitaretara.n ghnataH .. 4..\\
sa saMnipAtastu tayormahAnabhUt 
suresha vairochchanayoryathA purA . 
sharairvibhugnA~NganiyantR^ivAhanaH 
suduHsaho.anyaiH paTu shoNitodakaH .. 5..\\
prabhUtapadmotpala matsyakachchhapau 
mahAhradau paNShi gaNAnunAditau . 
susaMnikR^iShTAvaniloddhatau yathA 
tathA rathau tau dhvajinau samIyatuH .. 6..\\
ubhau mahendrasya sAmAna vikramAv 
ubhau mahendrapratimau mahArathau . 
mahendravajrapratimaishcha sAyakair 
mahendra vR^itrAviva samprajahratuH .. 7..\\
sanAgapattyashvarathe ubhe bale 
vichitravarNAbharaNAmbara sraje . 
chakampatushchonnamataH sma vismayAd 
viyadgatAshchArjuna karNa sa.nyuge .. 8..\\
bhujAH savajrA~NgulayaH samuchchhritAH 
sasi.nha nAdA hR^iShitairdidR^ikShubhiH . 
yadArjunaM mattamiva dvipo dvipaM 
samabhyayAdAdhirathirjighA.nsayA .. 9..\\
abhyakroshansomakAstatra pArthaM 
varasva yAhyarjuna vidhya karNam . 
chhindhyasya mUrdhAnamala.n chireNa 
shraddhA.n cha rAjyAddhR^itarAShTra sUnoH .. 10..\\
tathAsmAkaM bahavastatra yodhAH 
karNa.n tadA yAhi yAhItyavochan . 
jahyarjuna.n karNa tataH sachIrAH 
punarvana.n yAntu chirAya pArthAH .. 11..\\
tataH karNaH prathama.n tatra pArthaM 
maheShubhirdashabhiH paryavidhyat . 
tamarjunaH pratyavidhyachchhitAgraiH 
kakShAntare dashabhiratIva kruddhaH .. 12..\\
paraspara.n tau vishikhaiH sutIkShNais 
tatakShatuH sUtaputro.arjunash cha . 
parasparasyAntarepsU vimarde 
subhImamabhyAyayatuH prahR^iShTau .. 13..\\
amR^iShyamANashcha mahAvimarde 
tatrAkrudhyadbhImaseno mahAtmA . 
athAbravItpANinA pANimAghnan 
sandaShTauShTha nR^ityati vAdayanniva . 
kathaM nu tvA.n sUtaputraH kirITin 
maheShubhirdashabhiravidhyadagre .. 14..\\
yayA dhR^ityA sarvabhUtAnyajaiShIr 
grAsa.n dadadvahnaye khANDave tvam . 
tayA dhR^ityA sUtaputra.n jahi tvam 
aha.n vaina.n gadayA pothayiShye .. 15..\\
athAbravIdvAsudevo.api pArthaM 
dR^iShTvA ratheShUnpratihanyamAnAn . 
amImR^idatsarvathA te.adya karNo 
hyastrairastrANi kimida.n kirITin .. 16..\\
sa vIra kiM muhyasi nAvadhIyase 
nadantyete kuravaH samprahR^iShTAH . 
karNaM puraskR^itya vidurhi sarve 
tvadastramastrairvinipAtyamAnam .. 17..\\
yayA dhR^ityA nihata.n tAmasAstraM 
yuge yuge rAkShasAshchApi ghorAH . 
dambhodbhavAshchAsurAshchAhaveShu 
tayA dhR^ityA tva.n jahi sUtaputram .. 18..\\
anenA vAsya kShura neminAdya 
sa~nchinddhi mUrdhAnamareH prasahya . 
mayA nisR^iShTena sudarshanena 
vajreNa shakro namucherivAreH .. 19..\\
kirAta rUpI bhagavAnyayA cha 
tvayA mahatyA paritoShito.abhUt . 
tA.n tvaM dhR^iti.n vIra punargR^ihItvA 
sahAnubandha.n jahi sUtaputram .. 20..\\
tato mahI.n sAgaramekhalA.n taM 
sapattanA.n grAmavatI.n samR^iddhAm . 
prayachchha rAGYe nihatAri sA~NghAM 
yashashcha pArthAtulamApnuhi tvam .. 21..\\
sa~ncodito bhIma janArdanabhyaM 
smR^itvA tadAtmAnamavekShya sattvam . 
mahAtmanashchAgamane viditvA 
prayojana.n keshavamityuvAcha .. 22..\\
prAduShkaromyeSha mahAstramugraM 
shivAya lokasya vadhAya sauteH . 
tanme.anujanAtu bhavAnsurAsh cha 
brahmA bhuvo brahma vidash cha sarve .. 23..\\
ityUchivAnbrAhmamasahyamastraM 
prAdushchakre manasA sa.nvidheyam . 
tato dishashcha pradishashcha sarvAH 
samAvR^iNotsAyakairbhUri tejAH . 
sa sarjabANAnbharatarShabho.api 
shata.n shatAnekavadAshu vegAn .. 24..\\
vaikartanenApi tathAjimadhye 
sahasrasho bANagaNA visR^iShTAH . 
te ghoShiNaH pANDavamabhyupeyuH 
pajanya muktA iva vAridhArAH .. 25..\\
sa bhImAsena.n cha janArdanaM cha 
kirITina.n chApyamanuShyakarmA . 
tribhistribhirbhImabalo nihatyA 
nanAda ghoraM mahatA svareNa .. 26..\\
sa karNa bANAbhihataH kirITI 
bhIma.n tathA prekShya janArdanaM cha . 
amR^iShyamANaH punAreva pArthaH 
sharAndashAShTau cha samudbabarha .. 27..\\
suSheNamekena shareNa viddhvA shalyAM 
chaturbhistribhireva karNam . 
tataH sumuktairdashabhirjaghAna 
sabhA pati.n kA~nchanavarma nAddham .. 28..\\
sA rAjaputro vishirA vibAhur 
vivAji sUto vidhanurviketuH . 
tato rathAgrAdapatatprabhagnaH 
parashvadhaiH shAla ivAbhikR^ittaH .. 29..\\
punashcha karNa.n tribhiraShTabhish cha 
dvAbhyA.n chaturbhirdashabhishcha viddhvA . 
chAtuH shatandviradAnsAyudhIyAn 
hatvA rathAnaShTa shata.n jaghAna . 
sahasramashvAMshcha punashcha sAdIn 
aShTau sahasrANi cha pAtti vIrAn .. 30..\\
dR^iShTvAji mukhyAvatha yudhyamAnau 
didR^ikShavaH shUra varAvarighnau . 
karNa.n cha pArthaM cha niyAmya vAhAn 
khasthA mahIsthAshcha janAvatasthuH .. 31..\\
tato dhanurjyA sahasAtikR^iShTA 
sughoShamAchchhidyata pANDavasya . 
tasminkShaNe sUtaputrastu pArthaM 
samAchchinotkShudrakANA.n shatena .. 32..\\
nirmuktasarpapratimaishcha tIkShNais 
tailapradhautaiH khaga pAtravAjaiH . 
ShaShTyA nArAchairvAsudevaM bibheda 
tadantara.n somakAH prAdravanta .. 33..\\
tato dhanurjyAmavadhamya shIghraM 
sharAnastAnAdhirathervidhamya . 
susa.nrabdhaH karNa sharakShatA~Ngo 
raNe pArthaH somakAnpratyagR^ihNAt . 
na pakShiNaH sAmpatantyantarikShe 
kShepIyasAstreNa kR^ite.andhakAre .. 34..\\
shalya.n cha pArtho dashabhiH pR^iShatkair 
bhR^isha.n tanutre prahasannavidhyat . 
tataH kArNa.n dvAdashabhiH sumuktair 
viddhvA punaH saptabhirabhyavidhyat .. 35..\\
sa pArtha bANAsanaveganunnair 
dR^iDhAhataH patribhirugravegaiH . 
vibhinnagAtraH kShatajokShitA~NgaH 
karNo babhau rudra ivAtateShuH .. 36..\\
tatastribhishcha tridAshAdhipopamaM 
sharairbibhedAdhirathirdhana~njayam . 
sharA.nstu pa~ncha jvalitAnivoragAn 
pravIrayAmAsa jighA.nsurachchyute .. 37..\\
te varma bhittvA puruShottamasya 
suvarNachitraM nyapatansumuktAH . 
vegena gAmAvivishuH suvegAH 
snAtvA cha karNAbhimukhAH pratIyuH .. 38..\\
tAnpa~ncha bhallaistvaritaiH sumuktais 
tridhA tridhaikaikamathochchakarta . 
dhana~njayaste nyapatanpR^ithivyAM 
mahAhayastakShaka putra pakShAH .. 39..\\
tataH prajajvAla kirITamAlI 
krodhena kakShaM pradahannivAgniH . 
sa karNamAkarNavikR^iShTasR^iShTaiH 
sharaiH sharIrAntakarairjvaladbhiH . 
marmasvavidhyatsa chachAla duHkhAd 
dhairyAttu tasthAvatimAtradhairyaH .. 40..\\
tataH sharaughaiH pradisho dishash cha 
raviprabhA karNa rathashcha rAjan . 
adR^ishya AsItkupite dhana~njaye 
tuShAranIhAravR^ita.n yathA nabhaH .. 41..\\
sachakrarakShAnatha pAdarakShAn 
puraHsarAnpR^iShThagopAMshcha sarvAn . 
duryodhanenAnumatAnarighnAn 
samuchchitAnsurathAnsArabhUtAn .. 42..\\
dvisAhasrAnsamare savyasAchI 
kurupravIrAnR^iShabhaH kurUNAm . 
kShaNena sarvAnsarathAshvasUtAn 
ninAya rAjankShAyamekavIraH .. 43..\\
athApalAyanta vihAya karNaM 
tavAtmajAH kuravashchAvashiShTAH . 
hatAnavakIrya sharakShatAMsh cha 
lAlapyamAnA.nstanayAnpitR^IMsh cha .. 44..\\
sA sarvataH prekShya disho vishUnyA 
bhayAvadIrNaiH kurubhirvihInaH . 
na vivyathe bhArata tatra karNaH 
pratIpamevArjunamabhyadhAvat .. 45..\\
\medskip\hrule\medskip\centerline{\Largedvng 66}
 s

tato.apayAtAH sharapAta mAtram 
avasthitAH kuravo bhinnasenAH . 
vidyutprakAsha.n dadR^ishuH samantAd 
dhana~njayAstra.n samudIryamANam .. 1..\\
tadarjunAstra.n grasate sma vIrAn 
viyattathAkAshamananta ghoSham . 
kruddhena pArthena tadAshu sR^iShTaM 
vadhAya karNasya mahAvimarde .. 2..\\
rAmAdupAttena mahAmahimnA 
AtharvaNenAri vinAshanena . 
tadarjunAstra.n vyadhamaddahantaM 
pArtha.n cha bANairnishitairnijaghne .. 3..\\
tato vimardaH sumahAnbabhUva 
tasyArjunasyAdhiratheshcha rAjan . 
anyonyamAsAdayatoH pR^iShatkair 
viShANa ghAtairdvipayorivograiH .. 4..\\
tato ripughna.n samadhatta karNaH 
susaMshita.n sarpamukha.n jvalantam . 
raudra.n sharaM sa.nyati supradhautaM 
pArthArthamatyartha chirAya guptam .. 5..\\
sadArchita.n chandanachUrNashAyinaM 
suvarNanAlI shayanaM mahAviSham . 
pradIptamairAvata vaMshasambhavaM 
shiro jihIrShuryudhi phalgunasya .. 6..\\
tamabravInmadrarAjo mahAtmA 
vaikartanaM prekShya hi sa.nhiteShum . 
na kArNa grIvAmiShureSha prApsyate 
sa.nlakShya sandhatsva shara.n shiroghnam .. 7..\\
athAbravItkrodhasa.nraktanetraH 
karNaH shalya.n sandhiteShuH prasahya . 
na sandhatte dviH shara.n shalya karNo 
na mAdR^ishAH shAThya yuktA bhavanti .. 8..\\
tathaivamuktvA visasArja ta.n sharaM 
balAhaka.n varShaghanAbhipUjitam . 
hato.asi vai phalguna ityavochat 
tatastvarannUrjitamutsasarja .. 9..\\
sandhIyamAnaM bhujaga.n dR^iShTvA karNena mAdhavaH . 
Akramya syandanaM padbhyAM balena balinA.n varaH .. 10..\\
avagADhe rathe bhUmau jAnubhyAmagamanhayAH . 
tataH sharaH so bhyahanatkirITa.n tasya dhImataH .. 11..\\
athArjunasyottamagAtrabhUShaNaM 
dharAviyaddyosalileShu vishrutam . 
balAsstra sargottama yatnamanyubhiH 
shareNa mUrdhnaH sA jahAra sUtajaH .. 12..\\
divAkarendu jvalanagrahatviShAM 
suvarNamuktA maNijAlabhUShitam . 
purandarArtha.n tapasA prayatnataH 
svaya.n kR^ita.n yadbhuvanasya sUnunA .. 13..\\
mahArharUpa.n dviShatAM bhaya~NkaraM 
vibhAti chAtyartha sukha.n sugandhi tat . 
nijaghnuShe devaripUnsureshvaraH 
svaya.n dadau yatsumanAH kirITine .. 14..\\
harAmbupAkhaNDala vittagoptR^ibhiH 
pinAka pAshAshani sAyakottamaiH . 
surottamairapyaviShahyamardituM 
prasAhya nAgena jahAra yadvR^iShaH .. 15..\\
taduttameShUnmathita.n viShAgninA 
pradIptamarchiShmadabhikShiti priyam . 
papAta pArthasya kirITamuttamaM 
divAkaro.astAdiva parvatAjjvalan .. 16..\\
tataH kirITaM bahuratnamaNDitaM 
jahAra nAgo.arjuna mUrdhato balAt . 
gireH sujAtA~Nkura puShpitadrumaM 
mahendravajraH shikhara.n yathottamam .. 17..\\
mahI viyaddyauH salilAni vAyunA 
yathA vibhinnAni vibhAnti bhArata . 
tathaiva shabdo bhuvaneShvabhUttadA 
janA vyavasyanvyathitAshcha chaskhaluH .. 18..\\
tataH sAmudgrathya sitena vAsasA 
svamUrdha jAnavyathitaH sthito.arjunaH . 
vibhAti sampUrNamarIchchi bhAsvatA 
shiro gatenodaya parvato yathA .. 19..\\
balAhakAH karNa bhujeritastato 
hutAshanArka pratimadyutirmahAn . 
mahoragaH kR^itavairo.arjunena 
kirITamAsAdya samutpapAta .. 20..\\
tamabravIdviddhi kR^itAgasaM me 
kR^iShNAdya mAturvadhajAtavairam . 
tataH kR^iShNaH pArthamuvAcha sa~Nkhye 
mahoraga.n kR^itavairaM jahi tvam .. 21..\\
sa evamukto madhusUdanena 
gANDIvadhanvA ripuShUgra dhanvA . 
uvAcha ko nveSha mamAdya nAgaH 
svaya.n ya AgAdgaruDasya vaktram .. 22..\\

 krsna

yo.asau tvayA khANDAve chitrabhAnuM 
santarpayAnena dhanurdhareNa . 
viyadgato bANanikR^itta deho 
hyanekarUpo nihatAsya mAtA .. 23..\\
tatastu jiShNuH parihR^itya sheShAMsh 
chichchheda ShaDbhirnishitaiH sudhAraiH . 
nAga.n viyattiryagivotpatantaM 
sa chhinnagAtro nipapAta bhUmau .. 24..\\
tasminmuhUrte dashabhiH pR^iShAtkaiH 
shilAshitairbarhiNavAjitaish cha . 
vivyAdha karNaH puruShapravIraM 
dhana~njaya.n tiryagavekShamANAm .. 25..\\
tato.arjuno dvAdashabhirvimuktair 
AkarNamuktairnishitaiH samarpya . 
nArAchamAshIviShatulyavegAm 
AkarNA pUrNAyatamutsasarja .. 26..\\
sa chitra varmeShu varo vidArya 
prANAnnirasyanniva sAdhu muktaH . 
karNasya pItvA rudhira.n vivesha 
vasundharA.n shoNitavAja digdhaH .. 27..\\
tato vR^iSho bANanipAta kopito 
mahorago daNDavighaTTito yathA . 
tathAshu kArI vyasR^ijachchharottamAn 
mahAviShaH sarpa ivottama.n viSham .. 28..\\
janardana.n dvAdashabhiH parAbhinan 
navairnavatyA cha sharaistathArjunam . 
shareNa ghoreNa punashcha pANDavaM 
vibhidya karNo.abhyanadajjahAsa cha .. 29..\\
tamasya harShaM mamR^iShe na pANDavo 
bibheda marmANi tato.asya marmavit . 
para.n sharaiH patribhirindra vikramas 
tathA yathendro balamojasAhanat .. 30..\\
tataH sharANAM navatIrnavArjunaH 
sasarja karNe.antakadaNDasaMnibhAH . 
sharairbhR^ishAyasta tanuH pravivyathe 
tathA yathA vajravidArito.achalaH .. 31..\\
maNipravekottama vajrahATakair 
ala.n kR^itaM chAsya varA~NgabhUShaNam . 
praviddhamurvyAM nipapAta patribhir 
dhana~njayenottama kuNDale.api cha .. 32..\\
mahAdhana.n shilpivaraiH prayatnataH 
kR^ita.n yadasyottama varma bhAsvaram . 
sudIrgha kAlena tadasya pANDavaH 
kShaNena bANairbahudhA vyashAtayat .. 33..\\
sa ta.n vivarmANamathottameShubhiH 
sharaishchaturbhiH kupitaH parAbhinat . 
sa vivyathe.atyarthamariprahArito 
yathAturaH pitta kaphAnila vraNaiH .. 34..\\
mahAdhanurmaNDalaniHsR^itaiH shitaiH 
kriyA prayatnaprahitairbalena cha . 
tatakSha karNaM bahubhiH sharottamair 
bibheda marmasvapi chArjunastvaran .. 35..\\
dR^iDhAhataH patribhirugravegaiH 
pArthena karNo vividhaiH shitAgraiH . 
babhau girirgairikadhAturaktaH 
kSharanprapAtairiva raktamambhaH .. 36..\\
sAshva.n tu karNa.n sarathaM kirITI 
sAmAchinodbhArata vatsadantaiH . 
prachchhAdayAmAsa dishashcha bANaiH 
sarvaprayatnAttapanIyapu~NkhaiH .. 37..\\
sa vatsadantaiH pR^ithu pInavakShAH 
samAchchitaH smAdhirathirvibhAti . 
supuShpitAshoka palAshashAlmAlir 
yathAchalaH spandana chandanAyutaH .. 38..\\
sharaiH sharIre bahudhA samarpitair 
vibhAti karNaH samare vishAM pate . 
mahIruhairAchitasAnu kandaro 
yathA mahendraH shubhakarNikAravAn .. 39..\\
sa bANasa~NghAndhanuShA vyavAsR^ijan 
vibhAti karNaH sharajAlarashmivAn . 
salohito raktagabhasti maNDalo 
divAkaro.astAbhimukho yathAtathA .. 40..\\
bAhvantarAdAdhirathervimuktAn 
bANAnmahAhIniva dIpyamAnAn . 
vyadhva.nsayannarjuna bAhumuktAH 
sharAH samAsAdya dishaH shitAgrAH .. 41..\\
tatashchakramapatattasya bhUmau 
sa vihvalaH sAmare sUtaputraH . 
ghUrNe rathe brAhmaNasyAbhishApAd 
ramAdupAtte.apratibhAti chAstre .. 42..\\
amR^iShyamANo vyasanAni tAni 
hastau vidhunvansa vigarhamANaH . 
dharmapradhAnAnabhipAti dharma 
ityabruvandharmavidaH sadaiva . 
mamApi nimno.adya na pAti bhaktAn 
manye na nityaM paripAti dhArmaH .. 43..\\
evaM bruvanpraskhalitAshvasUto 
vichAlyamAno.arjuna shastrapAtaiH . 
marmAbhighAtAchchalitaH kriyAsu 
punaH punardharmamagarhadAjau .. 44..\\
tataH sharairbhImatarairAvidhyattribhirAhave . 
haste karNastadA pArthamabhyavidhyachcha sAptabhiH .. 45..\\
tato.arjunaH sApta dasha tigmatejAnajihmagAn . 
indrAshanisamAnghorAnasR^ijatpAvakopamAn .. 46..\\
nirbhidya te bhImavegA nyapatanpR^ithivItale . 
kampitAtmA tathA karNaH shaktyA cheShTAmadarshayat .. 47..\\
balenAtha sa sa.nstabhya brahmAstra.n samudairayat . 
aindrAstramarjunashchApi taddR^iShTvAbhinyamantrayat .. 48..\\
gANDIva.n jyAM cha bANAMshcha anumantrya dhana~njayaH . 
asR^ijachchharavarShANi varShANIva purandaraH .. 49..\\
tatastejomayA bANA rathAtpArthasya niHsR^itAH . 
prAdurAsanmahAvIryAH karNasya rathamantikAt .. 50..\\
tAnkarNastvagrato.abhyastAnmoghAMshchakre mahArathaH . 
tato.abravIdvR^iShNi vIrastasminnastre vinAshite .. 51..\\
visR^ijAstraM paraM pArtha rAdheyo grasate sharAn . 
brahmAstramarjunashchApi saMmantryAtha prayojayat .. 52..\\
hAdayitvA tato bANaiH karNAM prabhrAmya chArjunaH . 
tasya karNaH sharaiH kruddhashchichchheda jyA.n sutejanaiH .. 53..\\
tato jyAmavadhAyAnyAmanumR^ijyA cha pANDavaH . 
sharairavAkiratkarNa.n dIpyamAnaiH sahasrashaH .. 54..\\
tasya jyAchchhedana.n karNo jyAvadhAnaM cha sa.nyuge . 
nAnvabudhyata shIghratvAttadadbhutamivAbhavat .. 55..\\
astrairastrANi rAdheyaH pratyahansavyasAchinaH . 
chakre chAbhyaddhikaM pArthAtsvavIryaM pratidArshayan .. 56..\\
tataH kR^iShNo.arjuna.n dR^iShTvA karNAstreNAbhipIDitam . 
abhyasyetyabravItpArthamAtiShThAstramanuttamam .. 57..\\
tato.anyamAgnisadR^isha.n sharaM sarpaviShopamam . 
ashmasAramaya.n divyamanumantrya dhana~njayaH .. 58..\\
raudramasstra.n samAdAya kSheptu kAmaH kirITivAn . 
tato.agrasanmahI chakra.n rAdheyasya mahAmR^idhe .. 59..\\
grasta chakrastu rAdheyaH kopAdashrUNyavartayat . 
so.abravIdarjuna.n chApi muhUrtaM kShama pANDava .. 60..\\
madhye chakramavagrasta.n dR^iShTvA daivAdidaM mama . 
pArtha kApuruShAchIrNamAbhisandhi.n vivarjaya .. 61..\\
prakIrNakesha.n vimukhe brAhmANe cha kR^itA~njalau . 
sharaNA gate nyastashastre tathA vyasanage.arjuna .. 62..\\
abANe bhraShTakavache bhraShTa bhagnAyudhe tathA . 
na shUrAH praharantyAjau na rAGYe pArthivAstathA . 
tva.n cha shUro.asi kaunteya tasmAtkShama muhUrtakam .. 63..\\
yAvachchakramidaM bhUmeruddharAmi dhana~njaya . 
na mA.n rathastho bhUmiShThamasajjaM hantumarhasi . 
na vAsudevAttvatto vA pANDaveya vibhemyaham .. 64..\\
tva.n hi kShatriya dAyAdo mahAkulavivardhanaH . 
smR^itvA dharmopadesha.n tvaM muhUrtaM kShama pANDava .. 65..\\
\medskip\hrule\medskip\centerline{\Largedvng 67}
 s

athAbravIdvAsudevo rathastho 
rAdheya diShTyA smarasIha dharmam . 
prAyeNa nIchA vyasaneShu magnA 
nindanti daiva.n kukR^itaM na tattat .. 1..\\
yaddraupadImekavastrA.n sabhAyAm 
AnAyya tva.n chaiva suyodhanash cha . 
duHshAsanaH shakuniH saubalash cha 
na te karNa pratyabhAttatra dharmaH .. 2..\\
yadA sabhAyA.n kaunteyamanakShaGYa.n yudhiShThiram . 
akShaGYaH shakunirjetA tadA dharmaH kva te gataH .. 3..\\
yadA rajasvalA.n kR^iShNAM duHshAsana vashe sthitAm . 
sabhAyAM prAhasaH karNa kva te dharmastadA gataH .. 4..\\
rAjyalubdhaH punaH karNa samAhvayasi pANDavam . 
gAndhArarAjamAshritya kva te dharmastadA gataH .. 5..\\
evamukte tu rAdheye vAsudevena pANDavam . 
manyurabhyAvishattIvraH smR^itvA tattaddhana~njayam .. 6..\\
tasyA krodhena sarvebhyaH srotobhyastejaso.archiShaH . 
prAdurAsanmahArAja tadadbhutamivAbhavat .. 7..\\
ta.n samIkShya tataH karNo brahmAstreNa dhana~njayam . 
abhyavarShatpunaryatnamakarodrathasarjane . 
tadastramastreNAvArya prajahArAsya pANDavaH .. 8..\\
tato.anyadastra.n kaunteyo dayitaM jAtavedasaH . 
mumocha karNamuddishya tatprajajvAla vai bhR^isham .. 9..\\
vAruNena tataH karNaH shamayAmAsa pAvakam . 
jImUtaishcha dishaH sarvAshchakre timiradurdinAH .. 10..\\
pANDaveyastvasambhrAnto vAyavyAstreNa vIryavAn . 
apovAha tadAbhrANi rAdheyasya prapashyataH .. 11..\\
ta.n hastikakShyA pravara.n cha bANaiH 
suvarNamuktA maNivajra mR^iShTam . 
kAlaprayatnottama shilpiyatnaiH 
kR^ita.n surUpaM vitamaskamuchchaiH .. 12..\\
UrjaH kara.n tava sainyasya nityam 
amitravitrAsanamIDya rUpam . 
vikhyAtamAdityasamasya loke 
tviShA samaM pAvakabhAnu chandraiH .. 13..\\
tataH kShureNAdhiratheH kirITI 
suvarNapu~Nkhena shitena yattaH . 
shriyA jvalanta.n dhvajamunmamAtha 
mahArathasyAdhirathermahAtmA .. 14..\\
yashashcha dharmashcha jayashcha mAriSha 
priyANi sarvANi cha tena ketunA . 
tadA kurUNA.n hR^idayAni chApatan 
babhUva hAheti cha nisvano mahAn .. 15..\\
atha tvarankarNavadhAya pANDavo 
mahendravajrAnala daNDasaMnibham . 
Adatta pArtho.a~njalikaM niSha~NgAt 
sahasrarashmeriva rashmimuttamam .. 16..\\
marmachchhida.n shoNitamA.nsadigdhaM 
vaishvAnarArka pratimaM mahArham . 
narAshvanAgAsu hara.n tryaratniM 
ShaDvAjamaGYo gatimugravegam .. 17..\\
sahasranetrAshani tulyatejasaM 
samAnakravyAdamivAtiduHsaham . 
pinAka nArAyaNa chakrasaMnibhaM 
bhaya~NkaraM prANabhR^itA.n vinAshanam .. 18..\\
yuktvA mahAstreNa pareNa mantravid 
vikR^iShya gANDIvamuvAcha sasvanam . 
ayaM mahAstro.apratimo dhR^itaH sharaH 
sharIrabhichchAsu harashcha durhR^idaH .. 19..\\
tapo.asti tapta.n guravashcha toShitA 
mayA yadiShTa.n suhR^idA.n tathA shrutam . 
anena satyena nihantvaya.n sharaH 
sudaMshitaH karNamariM mamAjitah .. 20..\\
ityUchchivA.nsta.n sA mumocha bANaM 
dhana~njayaH karNavadhAya ghoram . 
kR^ityAmatharvA~NgirasImivogrAM 
dIptAmasahyA.n yudhi mR^ityunApi .. 21..\\
bruvankirITI tamatiprahR^iShTo 
aya.n sharo me vijayAvaho.astu . 
jighA.nsurarkendusama prabhAvaH 
karNa.n samAptiM nayatAM yamAya .. 22..\\
teneShu varyeNa kirITamAlI 
prahR^iShTarUpo vijayAvahena . 
jighA.nsurarkendursamaprabheNa 
chakre viShakta.n ripumAtatAyI .. 23..\\
tadudyatAditya samAnavarchasaM 
sharannabho madhyaga bhAskaropamam . 
varA~NgamurvyAmapatachchamUpater 
divAkaro.astAdiva raktamaNDalaH .. 24..\\
tadasya dehI satata.n sukhoditaM 
svarUpamatyarthamudArakarmaNaH . 
pareNa kR^ichchhreNa sharIramatyajad 
gR^ihaM maharddhIva sasa~NgamIshvaraH .. 25..\\
sharairvibhugna.n vyasu tadvivarmaNaH 
papAta karNasya sharIramuchchhritam . 
sravadvraNa.n gairikatoya visravaM 
gireryathA vajrahata.n shirastathA .. 26..\\
dehAttu karNasya nipAtitasya 
tejo dIpta.n kha.n vigAhyAchireNa . 
tadadbhuta.n sarvamanuShyayodhAH 
pashyanti rAjannihate sma karNe .. 27..\\
ta.n somakAH prekShya hataM shayAnaM 
prItA nAda.n saha sainyairakurvan . 
tUryANi chAjaghnuratIva hR^iShTA 
vAsA.nsi chaivAdudhuvurbhujAMsh cha . 
balAnvitAshchApyapare hyanR^ityann 
anyonyamAshliShya nadanta UchuH .. 28..\\
dR^iShTvA tu karNaM bhuvi niShTanantaM 
hata.n rathAtsAyakenAvabhinnam . 
mahAnilenAgnimivApaviddhaM 
yaGYAvasAne shayane nishAnte .. 29..\\
sharairAchitasarvA~NgaH shoNitaughapariplutaH . 
vibhAti dehaH karNasya svarashmibhirivAMshumAn .. 30..\\
pratApya senAmAmitrI.n dIptaiH sharagabhasstibhiH . 
balinArjuna kAlena nIto.asta.n karNa bhAskaraH .. 31..\\
asta.n gachchhantyathAdityaH prabhAmAdAya gachchhati . 
eva.n jIvitamAdAya karNasyeShurjagAma ha .. 32..\\
aparAhNe parAhNasya sUtaputrasya mAriSha . 
chhinnama~njalikenAjau sotsedhamapatachchhiraH .. 33..\\
uparyupari sainyAnA.n tasya shatrostada~njasA . 
shiraH karNasya sotsedhamiShuH so.apAharaddrutam .. 34..\\

 s

karNa.n tu shUraM patitaM pR^ithivyAM 
sharAchita.n shoNitadigdha gAtram . 
dR^iShTvA shayAnaM bhuvi madrarAjash 
chhinnadhvajenApayayau rathena .. 35..\\
karNe hate kuravaH prAdravanta 
bhayArditA gADhaviddhAshcha sa~Nkhye . 
avekShamANA muhurarjunasya 
dhvajaM mahAnta.n vapuShA jvalantam .. 36..\\
sahasranetra pratimAnakarmaNaH 
sahasrapatra pratimAnana.n shubham . 
sahasrarashmirdinasa~NkShaye yathA 
tathApatattasya shiro vasundharAm .. 37..\\
\medskip\hrule\medskip\centerline{\Largedvng 68}
 s

shalyastu karNArjunayorvimarde 
balAni dR^iShTvA mR^iditAni bANaiH . 
duryodhana.n yAntamavekShamANo 
sandarshayadbhArata yuddhabhUmim .. 1..\\
nipAtitasyandanavAjinAgaM 
dR^iShTvA bala.n taddhatasUtaputram . 
duryodhano.ashruprati pUrNanetro 
muhurmuhurnyashvasadArtarUpaH .. 2..\\
karma.n tu shUraM patitaM pR^ithivyAM 
sharAchita.n shoNitadigdha gAtram . 
yadR^ichchhayA sUryamivAvanisthaM 
didR^ikShavaH samparivArya tasthuH .. 3..\\
prahR^iShTavitrasta viShaNNavismR^itAs 
tathApare shokagatA ivAbhavan . 
pare tvadIyAshcha paraspareNa 
yathA yathaiShAM prakR^itistathAbhavan .. 4..\\
praviddha varmAbharaNAmbarAyudhaM 
dhana~njayenAbhihata.n hataujasam . 
nishamya karNa.n kuravaH pradudruvur 
hatarShabhA gAva ivAkulAkulAH .. 5..\\
kR^itvA vimardaM bhR^ishamarjunena 
karNa.n hata.n kesariNeva nAgam . 
dR^iShTvA shayAnaM bhuvi madrarAjo 
bhIto.apasarpatsarathaH sushIghram .. 6..\\
madrAdhipashchApi vimUDhachetAs 
tUrNa.n rathenApahR^ita dhvajena . 
duryodhanasyAntikametya shIghraM 
sambhAShya duHkhArtamuvAcha vAkyam .. 7..\\
vishIrNanAgAshvarathapravIraM 
bala.n tvadiya.n yama rAShTrakalpam . 
anyonyamAsAdya hataM mahadbhir 
narAshvanAgairgirikUTa kalpaiH .. 8..\\
naitAdR^ishaM bhArata yuddhamAsId 
yathAdya karNArjunayorbabhUva . 
grastau hi karNena sametya kR^iShNAv 
anye cha sarve tava shatravo ye .. 9..\\
daiva.n tu yattatsvavashaM pravR^ittaM 
tatpANDavAnpAti hinasti chAsmAn . 
tavArtha siddhyarthakarA hi sarve 
prasahya vIrA nihatA dviShadbhiH .. 10..\\
kubera vaivasvatavAsavAnAM 
tulyaprabhAvAmbupateshcha vIrAH . 
vIryeNa shauryeNa balena chaiva 
taistaishcha yuktA vipulairguNaughaiH .. 11..\\
avadhyakalpA nihatA narendrAs 
tavArtha kAmA yudhi pANDaveyaiH . 
tanmA shucho bhArata diShTametat 
paryAya siddhirna sadAsti siddhiH .. 12..\\
etadvacho madrapaternishamya 
sva.n chApanItaM manasA nirIkShya . 
duryodhano dInamanA visa~nj~naH 
punaH punarnyashvasadArtarUpaH .. 13..\\
ta.n dhyAnamUkaM kR^ipaNaM bhR^ishArtam 
ArtAyanirdInamuvAcha vAkyam . 
pashyedamugraM naravAji nAgair 
Ayodhana.n vIra hataiH prapannam .. 14..\\
mahIdharAbhaiH patitairmahAgajaiH 
sakR^itpraviddhaiH sharaviddha marmabhiH . 
tairvihvaladbhishcha gatAsubhish cha 
pradhvasta yantrAyudha varma yodhaiH .. 15..\\
vajrApaviddhairiva chAchalendrair 
vibhinnapAShANa mR^igadrumauShadhaiH . 
praviddha ghaNTA~Nkusha tomaradhvajaiH 
sahema mAlai rudhiraughasamplutaiH .. 16..\\
sharAvabhinnaiH patitaishcha vAjibhiH 
shvasadbhiranyaiH kShataja.n vamadbhiH . 
dInaiH stanadbhiH parivR^ittanetrair 
mahI.n dashadbhiH kR^ipaNaM nadadbhiH .. 17..\\
tathApaviddhairgajavAjiyodhair 
mandAsubhishchaiva gatAsubhish cha . 
narAshvanAgaishcha rathaish cha marditair 
mahI mahAvaitaraNIva durdR^ishA .. 18..\\
gajairnikR^ittAparahastagAtrair 
udvepamAnaiH patitaiH pR^ithivyAm . 
yashasvibhirnAgarathAshvayodhibhiH 
padAtibhishchAbhimukhairhataiH paraiH . 
vishIrNavarmAbharaNAmbarAyudhair 
vR^itA nishAntairiva pAvakairmahI .. 19..\\
sharaprahArAbhihatairmahAbalair 
avekShyamANaiH patitaiH sahasrashaH . 
pranaShTasa~nj~naiH punaruchchhvasadbhir 
mahI babhUvAnugatairivAgnibhiH . 
divashchyutairbhUratidIptamadbhir 
nakta.n grahairdyauramaleva dIptaiH .. 20..\\
sharAstu karNArjuna bAhumuktA 
vidArya nAgAshvamanuShyadehAn . 
prANAnnirasyAshu mahImatIyur 
mahoragA vAsamivAbhito.astraiH .. 21..\\
hatairmanuShyAshvagajaishcha sa~Nkhye 
sharAvabhinnaishcha rathairbabhUva . 
dhana~njayasyAdhiratheshcha mArge 
gajairagamyA vasudhAtidurgA .. 22..\\
rathairvareShUnmathitaishcha yodhaiH 
sa.nsyUta sUtAshvavarAyudhadhvajaiH . 
vishIrNashastrairvinikR^ittabandhurair 
nikR^ittachakrAkSha yugatriveNubhiH .. 23..\\
vimuktayantrairnihatairayomayair 
hatAnuSha~NgairviniSha~Nga bandhuraiH . 
prabhagnanIDairmaNihemamaNDitaiH 
stR^itA mahI dyauriva shAradairghanaiH .. 24..\\
vikR^iShyamaNairjavanairala~NkR^itair 
hateshvarairAjirathaiH sukalpitaiH . 
manuShyamAta~NgarathAshvarAshibhir 
druta.n vrajanto bahudhA vichUrNitAH .. 25..\\
sahema paTTAH parighAH parashvadhAH 
kaDa~Nga rAyo musalAni paTTishAH . 
petushcha khaDgA vimalA vikoshA 
gadAshcha jAmbUnadapaTTa baddhAH .. 26..\\
chApAni rukmA~Ngada bhUShaNAni 
sharAshcha kArtasvarachitrapu~NkhAH . 
R^iShTyashcha pItA vimalA vikoshAH 
prAsAH sakhaDgAH kanakAvabhAsAH .. 27..\\
chhattrANi vAlavyajanAni sha~NkhAH 
srajashcha puShpottama hemachitrAH . 
kuthAH patAkAmbara veShTitAsh cha 
kirITamAlA mukuTAshcha shubhrAH .. 28..\\
prakIrNakA viprakIrNAH kuthAsh cha 
pradhAnamuktA taralAshcha hArAH . 
ApIDa keyUravarA~NgadAni 
graiveya niShkAH sasuvarNa sUtrAH .. 29..\\
maNyuttamA vajrasuvarNamuktA 
ratnAni chochchAvachama~NgalAni . 
gAtrANi chAtyanta sukhochitAni 
shirA.nsi chendu pratimAnanAni .. 30..\\
dehAMshcha bhogAMshcha parichchhadAMsh cha 
tyaktvA manoGYAni sukhAni chApi . 
svadharmaniShThAM mahatImavApya 
vyAptAMshcha lokAnyashasA samIyuH .. 31..\\
ityevamuktvA virarAma shalyo 
duryodhanaH shokaparIta chetAH . 
hA karNa hA karNa iti bruvANa 
Arto visa~nj~no bhR^ishamashrunetraH .. 32..\\
ta.n droNaputra pramukhA narendrAH 
sarve samAshvAsya saha prayAnti . 
nirIkShamANA muhurarjunasya 
dhvajaM mahAnta.n yashasA jvalantam .. 33..\\
narAshvamAta~NgasharIrajena 
raktena siktA rudhireNa bhUmiH . 
raktAmbarasraktapanIyayogAn 
nArI prakAshA iva sarvagamyA .. 34..\\
prachchhannarUpA rudhireNa rAjan 
raudre muhUrte.ativirAjamAnAH . 
naivAvatasthuH kuravaH samIkShya 
pravrAjitA devalokAsh cha sarve .. 35..\\
vadhena karNasya suduHkhitAste 
hA karNa hA karNa iti bruvANAH . 
drutaM prayAtAH shibirANi rAjan 
divAkara.n raktamavekShamANAH .. 36..\\
gANDIvamuktaistu suvarNapu~NkhaiH 
shitaiH sharaiH shoNitadigdha vAjaiH . 
sharaishchitA~Ngo bhuvi bhAti karNo 
hato.api sansUrya ivAMshumAlI .. 37..\\
karNasya deha.n rudhirAvasiktaM 
bhaktAnukampI bhagavAnvivasvAn . 
spR^iShTvA karairlohitaraktarUpaH 
siShNAsurabhyeti para.n samudram .. 38..\\
itIva sa~ncintya surarShisa~NghAH 
samprathitA yAnti yathAniketam . 
sa~ncintayitvA cha janA visasrur 
yathAsukha.n khaM cha mahItalaM cha .. 39..\\
tadadbhutaM prANabhR^itAM bhaya~NkaraM 
nishamya yuddha.n kuruvIramukhyayoH . 
dhana~njayasyAdhiratheshcha vismitAH 
prasha.nsamAnAH prayayustadA janAH .. 40..\\
sharaiH sa~NkR^ittavarmANa.n vIraM shivasane hatam . 
gatAsumapi rAdheyaM naiva lakShmIrvyamu~nchata .. 41..\\
nAnAbharaNavAnrAjanmR^iShTajAmbUnadA~NgadaH . 
hato vaikartanaH shete pAdapo.a~NkuravAniva .. 42..\\
kanakottama sa~NkAshaH pradIpta iva pAvakaH . 
saputraH puruShavyAghraH saMshAntaH pArtha tejasA . 
pratApya pANDavAnrAjanpA~nchAlAMshchAstratejasA .. 43..\\
dadAnItyeva yo.avochanna nAtItyarthito.arthibhiH . 
sadbhiH sadA satpuruShaH sa hato dvairathe vR^iShaH .. 44..\\
yasya brAhmaNasAtsarvamAtmArthaM na mahAtmanaH . 
nAdeyaM brAhmaNeShvAsIdyasya svamapi jIvitam .. 45..\\
sadA nR^INAM priyo dAtA priya dAno diva.n gataH . 
AdAya tava putrANA.n jayAshA.n sharma varma cha .. 46..\\
hate sma karNe sarito na sravanti 
jagAma chAsta.n kaluSho divAkaraH . 
grahashcha tiryagjvalitArkavarNo 
yamasya putro.abhyudiyAya rAjan .. 47..\\
nabhaH paphAlAtha nanAdachorvI 
vavushcha vAtAH paruShAtivelam . 
dishaH sadhUmAshcha bhR^ishaM prajajvalur 
mahArNavAshchukShubhire cha sasvanAH .. 48..\\
sakAnanAH sAdri chayAshchakampuH 
pravivyathurbhUtagaNAshcha mAriSha . 
bR^ihaspatI rohiNI.n samprapIDya 
babhUva chandrArkasamAnavarNaH .. 49..\\
hate karNe na disho viprajaGYus 
tamovR^itA dyaurvichachAla bhUmiH . 
papAta cholkA jvalanaprakAshA 
nishAcharAshchApyabhavanprahR^iShTAH .. 50..\\
shashiprakAshAnanamarjuno yadA 
kShureNa karNasya shiro nyapAtayat . 
athAntarikShe divi cheha chAsakR^id 
babhUva hAheti janasya nisvanaH .. 51..\\
sa devagandharvamanuShyapUjitaM 
nihatya karNa.n ripumAhave.arjunaH . 
rarAja pArthaH parameNa tejasA 
vR^itraM nihatyeva sahasralochanaH .. 52..\\
tato rathenAmbudavR^indanAdinA 
sharannabho madhyaga bhAskaratviShA . 
patAkinA bhIma ninAda ketunA 
himendu sha~NkhasphaTikAvabhAsinA . 
suvarNamuktA maNivajra vidrumair 
ala~NkR^itenApratimAna ra.nhasA .. 53..\\
narottamau pANDava keshi mardanAv 
udAhitAvagnidivAkaropamau . 
raNAjire vItabhayau virejatuH 
samAnayAnAviva viShNuvAsavau .. 54..\\
tato dhanurjyAtalanemi nisvanaiH 
prasahya kR^itvA cha ripUnhataprabhAn . 
sa.nsAdhayitvaiva kurU~nsharaughaiH 
kapidhvajaH pakShivaradhvajash cha . 
prasahya sha~Nkhau dhamatuH sughoShau 
manA.nsyariNAmavasAdayantau .. 55..\\
suvarNajAlAvatatau mahAsvanau 
himAvadAtau parigR^ihya pANibhiH . 
chuchumbatuH sha~Nkhavarau nR^iNA.n varau 
varAnanAbhyA.n yugapachcha dadhmatuH .. 56..\\
pA~nchajanyasya nirghoSho devadattasya chobhayoH . 
pR^ithivImantarikSha.n cha dyAmapashchApyapUrayat .. 57..\\
tau sha~Nkhashabdena ninAdayantau 
vananai shailAnsarito dishash cha . 
vitrAsayantau tava putra senAM 
yudhiShThiraM nandayataH sma vIrau .. 58..\\
tataH prayAtAH kuravo javena 
shrutvaiva sha~NkhasvanamIryamANam . 
vihAya madrAdhipatiM pati.n cha 
duryodhanaM bhArata bhAratAnAm .. 59..\\
mahAhave taM bahu shobhamAnaM 
dhana~njayaM bhUtagaNAH sametAH . 
tadAnvamodanta janArdana.n cha 
prabhAkarAvabhyuditau yathaiva .. 60..\\
samAchitau karNa sharaiH parantapAv 
ubhau vyabhAtA.n samare.achyutArjunau . 
tamo nihatyAbhyuditau yathAmalau 
shashA~NkasUryAviva rashmimAlinau .. 61..\\
vihAya tAnbANagaNAnathAgatau 
suhR^idvR^itAvapratimAna vikramau . 
sukhaM praviShTau shibira.n svamIshvarau 
sadasya hutAviva vAsavAchyutau .. 62..\\
sadevagandharvamanuShyachAraNair 
maharShibhiryakShamahoragairapi . 
jayAbhivR^iddhyA parayAbhipUjitau 
nihatya karNaM paramAhave tadA .. 63..\\
\medskip\hrule\medskip\centerline{\Largedvng 69}
 s

tathA nipAtite karNe tava sainye cha vidrute . 
AshliShya pArtha.n dAshArho harShAdvachanamabravIt .. 1..\\
hato balabhidA vR^itrastvayA karNo dhana~njaya . 
vadha.n vai karNa vR^itrAbhyA.n kathayiShyanti mAnavAH .. 2..\\
vajriNA nihato vR^itraH smayuge bhUri tejasA . 
tvayA tu nihataH karNo dhanuShA nishitaiH sharaiH .. 3..\\
tamima.n vikramaM loke prathita.n te yasho vaham . 
nivedayAvaH kaunteya dharmarAjAya dhImate .. 4..\\
vadha.n karNasya sa~NgrAme dIrghakAlachikIrShitam . 
nivedya dharmarAjasya tvamAnR^iNya.n gamiShyasi .. 5..\\
tathetyukte keshavastu pArthena yadupu~NgavaH . 
paryavartayadavyagro ratha.n rathavarasya tam .. 6..\\
dhR^iShTadyumna.n yudhAmanyuM mAdrIputrau vR^ikodaram . 
yuyudhAna.n cha govinda ida.n vachanamabravIt .. 7..\\
parAnabhimukhA yattAstiShThadhvaM bhadramastu vaH . 
yAvadAvedyate rAGYe hataH karNo.arjunena vai .. 8..\\
sa taiH shUrairanuGYAto yayau rAjaniveshanam . 
pArthamAdAya govindo dadarsha cha yudhiShThiram .. 9..\\
shayAna.n rAjashArdUla.n kA~nchane shayanottame . 
agR^ihNItA.n cha charaNau muditau pArthivasya tau .. 10..\\
tayoH praharShamAlAkShya prahArAMshchAtimAnuShAn . 
rAdheyaM nihataMmatvA samuttasthau yudhiShThiraH .. 11..\\
tato.asmai yAdyathAvR^itta.n vAsudevaH priya.nvadaH . 
kathayAmAsa karNasya nidhana.n yadunandanaH .. 12..\\
IShadutsmayamAnastu kR^iShNo rAjAnamabravIt . 
yudhiShThira.n hatAmitra.n kR^itA~njAlirathAchyutaH .. 13..\\
diShTyA gANDIvadhanvA cha pANDavashcha vR^ikodaraH . 
tva.n chApi kushalI rAjanmAdrIputrau cha pANDavau .. 14..\\
muktA vIra kShayAdasmAtsa~NgrAmAllomaharShaNAt . 
kShipramuttarakAlAni kuru kAryANi pArthiva .. 15..\\
hato vaikArtanaH krUraH sUtaputro mahAbalaH . 
diShTyA jayasi rAjendra diShTyA vardhasi pANDava .. 16..\\
yaH sa dyUtajitA.n kR^iShNAM prAha satpuruShAdhamaH . 
tasyAdya sUtaputrasya bhUmiH pibati shoNitam .. 17..\\
shete.asau sharadIrNA~NgaH shatruste kurupu~Ngava . 
taM pAshyA puruShavyAghra vibhinnaM bahudhA sharaiH .. 18..\\
yudhiShThirastu dAshArhaM prahR^iShTaH pratyapUjayat . 
diShTyA diShTyeti rAjendra prItyA chedamuvAcha ha .. 19..\\
naitachchitraM mahAbAho tvAyi devakinandana . 
tvayA sArathinA pArtho yatkuryAdadya pauruSham .. 20..\\
pragR^ihya cha kuru shreShThaH sA~Ngada.n dakShiNaM bhujam . 
uvAcha dharmabhR^itpArtha ubhau tau keshavArjunau .. 21..\\
naranArAyaNau devau kathitau nAradena ha . 
dharmasa.nsthApane yuktau purANau puruShottamau .. 22..\\
asakR^ichchApi medhAvI kR^iShNA dvaipAyano mama . 
kathAmetAM mahAbAho divyAmakathayatprabhuH .. 23..\\
tava kR^iShNa prabhAveNa gANDIvena dhana~njayaH . 
jayatyabhimukhA~nshatrUnna chAsIdvimukhaH kva chit .. 24..\\
jayashchaivA dhruvo.asmAkaM na tvasmAkaM parAjayaH . 
yadA tva.n yudhi pArthasya sArathyamupajagmivAn .. 25..\\
evamuktvA mahArAja ta.n rathaM hemabhUShitam . 
dantavarNairhayairyukta.n kAlavAlairmahArathaH .. 26..\\
AsthAya puruShavyAghraH svabalenAbhisa.nvR^itaH . 
kR^iShNArjunAbhyA.n vIrAbhyAmanumanya tataH priyam .. 27..\\
Agato bahu vR^ittAnta.n draShTumAyodhanaM tadA . 
AbhAShamANastau vIrAvubhau mAdhava phalgunau .. 28..\\
sa dadarsha raNe karNa.n shayAnaM puruSharShabham . 
gANDIvamuktairvishikhaiH sarvataH shakalIkR^itam .. 29..\\
saputraM nihata.n dR^iShTvA karNa.n rAjA yudhiShThiraH . 
prashasha.nsa naravyAghrAvubhau mAdhava pANDavau .. 30..\\
adya rAjAsmi govinda pR^ithivyAM bhrAtR^ibhiH saha . 
tvayA nAthena vIreNa viduShA paripAlitaH .. 31..\\
hata.n dR^iShTvA naravyAghra.n rAdheyamabhimAninam . 
nirAsho.adya durAtmAsau dhArtarAShTro bhaviShyati . 
jIvitAchchApi rAjyAchcha hate karNe mahArathe .. 32..\\
tvatprasAdAdvaya.n chaiva kR^itArthAH puruSharShabha . 
tva.n cha gANDIvadhanvA cha vijayI yadunandana . 
diShTyA jayasi govinda diShTyA karNo nipAtitaH .. 33..\\
eva.n sa bahusho hR^iShTaH prashasha.nsa janArdanam . 
arjuna.n chApi rAjendra dharmarAjo yudhiShThiraH .. 34..\\
tato bhImaprabhR^itibhiH sArvaishcha bhrAtR^ibhirvR^itam . 
vardhayanti sma rAjAna.n harSha yuktA mahArathAH .. 35..\\
nakulaH sAhadevashcha pANDAvashcha vR^ikodaraH . 
sAtyakishcha mahArAja vR^iShNInAM pravaro rathaH .. 36..\\
dhR^iShTadyumnaH shikhaNDI cha pANDupA~nchAla sR^i~njayAH . 
pUjayanti sma kaunteyaM nihate sUtanandane .. 37..\\
te vardhayitvA nR^ipatiM pANDuputra.n yudhiShThiram . 
jitakAshino labdhalakShA yuddhashauNDAH prahAriNaH .. 38..\\
stuvantaH stavayuktAbhirvAgbhiH kR^iShNau parantapau . 
jagmuH svashibirAyaiva mudA yuktA mahArathAH .. 39..\\
evameSha kShayo vR^ittaH sumahA.NllomaharShaNaH . 
tava durmantrite rAjannatIta.n kiM nu shochasi .. 40..\\

 vai

shrutvA tadapriya.n rAjandhR^itarAShTro mahIpatiH . 
papAta bhUmau nishcheShTaH kauravyaH paramArtivAn . 
tathA satyavratA devI gAndhArI dharmadarshinI .. 41..\\
taM pratyagR^ihNAdviduro nR^ipati.n sa~njayastathA . 
paryAshvAsayatashchaiva.n tAvubhAveva bhUmipam .. 42..\\
tathaivotthApayAmAsurgAndhArI.n rAjayoShitaH . 
tAbhyAmAshvasito rAjA tUShNImAsIdvichetanaH .. 43..\\

##\end{multicols}##
##
\medskip\hrule\medskip
Last updated on \today ; Send corrections to sanskrit@cheerful.com
\end{document}