j

evaM nipatite karNe samare savyasAchinA . 
alpAvashiShTAH kuravaH kimakurvata vai dvija .. 1..\\
udIryamANa.n cha balaM dR^iShTvA rAjA suyodhanaH . 
pANDavaiH prAptakAla.n cha kiM prApadyata kauravaH .. 2..\\
etadichchhAmyaha.n shrotu.n tadAchakShva dvijottama . 
na hi tR^ipyAmi pUrveShA.n shR^iNvAnashcharitaM mahat .. 3..\\

 vai

tataH karNe hate rAjandhArtarAShTraH suyodhanaH . 
bhR^isha.n shokArNave magno nirAshaH sarvato.abhavat .. 4..\\
hA karNa hA karNa iti shochamAnaH punaH punaH . 
kR^ichchhrAtsvashibiraM prAyAddhatasheShairnR^ipaiH saha .. 5..\\
sa samAshvAsyamAno.api hetubhiH shAstranishchitaiH . 
rAjabhirnAlabhachchharma sUtaputra vadha.n smaran .. 6..\\
sa divaM balavanmatvA bhavitavya.n cha pArthivaH . 
sa~NgrAme nishchaya.n kR^itvA punaryuddhAya niryayau .. 7..\\
shalya.n senApati.n kR^itvA vidhivadrAjapu~NgavaH . 
raNAyaniryayau rAjA hatasheShairnR^ipaiH saha .. 8..\\
tataH sutumula.n yuddha.n kurupANDavasenayoH . 
babhUva bharatashreShTha devAsuraraNopamam .. 9..\\
tataH shalyo mahArAja kR^itvA kadanamAhave . 
pANDusainyasya madhyAhne dharmarAjena pAtitaH .. 10..\\
tato duryodhano rAjA hatabandhU raNAjirAt . 
apasR^itya hrada.n ghora.n vivesha ripujAdbhayAt .. 11..\\
athAparAhNe tasyAhnaH parivArya mahArathaiH . 
hradAdAhUya yogena bhImasenena pAtitaH .. 12..\\
tasminhate maheShvAse hatashiShTAstrayo rathAH . 
sa.nrabhAnnishi rAjendra jaghnuH pA~nchAla sainikAn .. 13..\\
tataH pUrvAhNasamaye shibirAdetya sa~njayaH . 
pravivesha purI.n dIno duHkhashokasamanvitaH .. 14..\\
pravishya cha pura.n tUrNaM bhujAvuchchhritya duHkhitaH . 
vepamAnastato rAGYaH pravivesha niveshanam .. 15..\\
ruroda cha naravyAghra hA rAjanniti duHkhitaH . 
aho bata vivignAH sma nidhanena mahAtmanaH .. 16..\\
aho subalavAnkAlo gatishcha paramA tathA . 
shakratulyabalAH sarve yatrAvadhyanta pArthivAH .. 17..\\
dR^iShTvaiva cha puro rAja~njanaH sArvaH sa sa~njayam . 
praruroda bhR^ishodvigno hA rAjanniti sasvaram .. 18..\\
AkumAraM naravyAghra tatpura.n vai samantataH . 
ArtanAdaM mahachchakre shrutvA vinihataM nR^ipam .. 19..\\
dhAvatashchApyapashyachcha tatra trInpuruSharShabhAn . 
naShTachittAnivonmattA~nshokena bhR^ishapIDitAn .. 20..\\
tathA sa vihvalaH sUtaH pravishya nR^ipatikShayam . 
dadarsha nR^ipatishreShThaM praGYA chakShuShamIshvaram .. 21..\\
dR^iShTvA chAsInamanagha.n samantAtparivAritam . 
snuShAbhirbharatashreShTha gAndhAryA vidureNa cha .. 22..\\
tathAnyaishcha suhR^idbhishcha GYAtibhishcha hitaiShibhiH . 
tameva chArtha.n dhyAyantaM karNasya nidhanaM prati .. 23..\\
rudannevAbravIdvAkya.n rAjAna.n janamejaya . 
nAtihR^iShTamanAH sUto bAShpasandigdhayA girA .. 24..\\
sa~njayo.ayaM naravyAghra namaste bharatarShabha . 
adrAdhipo hataH shalyaH shakuniH saubalastathA . 
ulUkaH puruShavyAghra kaitavyo dR^iDhavikramaH .. 25..\\
saMshaptakA hatAH sarve kAmbojAshcha shakaiH saha . 
mlechchhAshcha pArvatIyAshcha yavanAshcha nipAtitAH .. 26..\\
prAchyA hatA mahArAja dAkShiNAtyAshcha sarvashaH . 
udIchyA nihatAH sarve pratIchyAshcha narAdhipa . 
rAjAno rAjaputrAshcha sarvato nihatA nR^ipa .. 27..\\
duryodhano hato rAjanyathoktaM pANDavena cha . 
bhagnasaktho mahArAja shete pA.nsuShu rUShitaH .. 28..\\
dhR^iShTaddyumno hato rAja~nshikhANDI chAparAjitaH . 
uttamaujA yudhAmanyustathA rAjanprabhadrakAH .. 29..\\
pA~nchAlAshcha naravyAghrAshchedayashcha niShUditAH . 
tava putrA hatAH sarve draupadeyAshcha bhArata . 
karNa putro hataH shUro vR^iShA seno mahAbalaH .. 30..\\
narA vinihatAH sarve gajAshcha vinipAtitAH . 
rathinashcha naravyAghra hayAshcha nihatA yudhi .. 31..\\
ki.n chichchheShaM cha shibiraM tAvakAnAM kR^ita.n vibho . 
pANDavAnA.n cha shUrANA.n samAsAdya parasparam .. 32..\\
prAyaH strI sheShamabhavajjagatkAlena mohitam . 
sApta pANDavataH sheShA dhArtarAShTrAstathA trayaH .. 33..\\
te chaiva bhrAtaraH pa~ncha vAsudevo.atha sAtyakiH . 
kR^ipashcha kR^itavarmA cha drauNishcha jayatA.n varaH .. 34..\\
tavApyete mahArAja rathino nR^ipasattama . 
akShauhiNInA.n sarvAsAM sametAnA.n janeshvara . 
ete sheShA mahArAja sarve.anye nidhana.n gatAH .. 35..\\
kAlena nihata.n sarva.n jagadvai bharatarShabha . 
duryodhana.n vai purataH kR^itvA vairasya bhArata .. 36..\\
etachchhrutvA vachaH krUra.n dhR^itarAShTro janeshvaraH . 
nipapAta mahArAja gatasattvo mahItale .. 37..\\
tasminnipatite bhUmau viduro.api mahAyashAH . 
nipapAta mahArAja rAjavyasanakarshitaH .. 38..\\
gAndhArI cha nR^ipashreShTha sarvAshcha kuru yoShitaH . 
patitAH sahasA bhUmau shrutvA krUra.n vachashcha tAH .. 39..\\
niHsa~nj~naM patitaM bhUmau tadAsIdrAjamaNDalam . 
pralApa yuktA mahatI kathA nyastA paTe yathA .. 40..\\
kR^ichchhreNa tu tato rAjA dhR^itarAShTro mahIpatiH . 
shanairalabhata prANAnputravyasanakarshitaH .. 41..\\
labdhvA tu sa nR^ipaH sa~nj~nA.n vepamAnaH suduHkhitaH . 
udIkShya cha dishaH sarvAH kShattAra.n vAkyamabravIt .. 42..\\
vidvankShattarmahAprAGYa tva.n gatirbharatarShabha . 
mamAnAthasya subhR^ishaM putrairhInasya sarvashaH . 
evamuktvA tato bhUyo visa~nj~no nipapAta ha .. 43..\\
ta.n tathA patitaM dR^iShTvA bAndhavA ye.asya ke chana . 
shItaistu siShichustoyairvivyajurvyajanairapi .. 44..\\
sa tu dIrgheNa kAlena pratyAshvasto mahIpatiH . 
tUShNI.n dadhyau mahIpAlaH putravyasanakarshitaH . 
niHshvasa~njihmaga iva kumbhakShipto vishAM pate .. 45..\\
sa~njayo.apyarudattatra dR^iShTvA rAjAnamAturam . 
tathA sarvAH striyashchaiva gAndhArI cha yashasvinI .. 46..\\
tato dIrgheNa kAlena vidura.n vAkyamabravIt . 
dhR^itarAShTro naravyAghro muhyamAno muhurmuhuH .. 47..\\
gachchhantu yoShitaH sarvA gAndhArI cha yashasvinI . 
tatheme suhR^idaH sarve bhrashyate me mano bhR^isham .. 48..\\
evamuktastataH kShattA tAH striyo bharatarShabha . 
visarjayAmAsa shanairvepamAnaH punaH punaH .. 49..\\
nishchakramustataH sarvAstAH striyo bharatarShabha . 
suhR^idashcha tataH sarve dR^iShTvA rAjAnamAturam .. 50..\\
tato narapati.n tatra labdhasa~nj~naM parantapa . 
avekShya sa~njayo dIno rodamAnaM bhR^ishAturam .. 51..\\
prA~njalirniHshvasanta.n cha taM narendraM muhurmuhuH . 
samAshvAsayata kShattA vachasA madhureNa ha .. 52..\\
\medskip\hrule\medskip\centerline{\Largedvng 2}
 vai

visR^iShTAsvatha nArIShu dhR^itarAShTro.ambikA sutaH . 
vilalApa mahArAja duHkhAdduHkhatara.n gataH .. 1..\\
sadhUmamiva niHshvasya karau dhunvanpunaH punaH . 
vichintya cha mahArAja tato vachanamabravIt .. 2..\\
aho bata mahadduHkha.n yadahaM pANDavAnraNe . 
kShemiNashchAvyayAMshchaiva tvattaH sUta shR^iNomi vai .. 3..\\
vajrasAra mayaM nUna.n hR^idayaM sudR^iDhaM mama . 
yachchhrutvA nihatAnputrAndIryate na sahasradhA .. 4..\\
intayitvA vachasteShAM bAla krIDA.n cha sa~njaya . 
adya shrutvA hatAnputrAnbhR^ishaM me dIryate manaH .. 5..\\
andhatvAdyadi teShA.n tu na me rUpanidarshanam . 
putrasneha kR^itA prItirnityameteShu dhAritA .. 6..\\
bAlabhAvamatikrAntAnyauvanasthAMshcha tAnaham . 
madhyaprAptA.nstathA shrutvA hR^iShTa Asa.n tathAnagha .. 7..\\
tAnadynihatana shrutvA hR^itaishvaryAnhR^itaujasaH . 
na labhe vai kva chichchhAntiM putrAdhibhirabhiplutaH .. 8..\\
ehyehi putra rAjendra mamAnAthasya sAmpratam . 
tvayA hIno mahAbAho kAM nu yAsyAmyaha.n gatim .. 9..\\
gatirbhUtvA mahArAja GYAtInA.n suhR^idA.n tathA . 
andha.n vR^iddha.n cha mAM vIra vihAya kva nu gachchhasi .. 10..\\
sA kR^ipA sA cha te prItiH sA cha rAjansumAnitA . 
katha.n vinihataH pArthaiH sa.nyugeShvaparAjitaH .. 11..\\
katha.n tvaM pR^ithivIpAlAnbhuktvA tAtha samAgatAn . 
sheShe vinihato bhUmau prAkR^itaH kunR^ipo yathA .. 12..\\
ko nu mAmutthita.n kAlye tAta tAteti vakShyati . 
mahArAjeti satata.n lokanAtheti chAsakR^it .. 13..\\
pariShvajya cha mA.n kaNThe snehenAklinna lochanaH . 
anushAdhIti kauravya tatsAdhu vada me vachaH .. 14..\\
nanu nAmAhamashrauSha.n vachana.n tava putraka . 
bhUyasI mama pR^ithvIya.n yathA pArthasya no tathA .. 15..\\
bhagadattaH kR^ipaH shalya Avantyo.atha jayadrathaH . 
bhUrishravAH somadatto mahArAjo.atha bAhlikaH .. 16..\\
ashvatthAmA cha bhojashcha mAgadhashcha mahAbalaH . 
bR^ihadbalashcha kAshIshaH shakunishchApi saubalaH .. 17..\\
mlechchhAshcha bahusAhasrAH shakAshcha yavanaiH saha . 
sudakShiNashcha kAmbojastrigartAdhipatistathA .. 18..\\
bhIShmaH pitAmahashchaiva bhAradvAjo.atha gautamaH . 
shrutAyushchAchyutAyushcha shatAyushchApi vIryavAn .. 19..\\
jalasandho.athArshyashR^i~NgI rAkShasashchApyalAyudhaH . 
alambuso mahAbAhuH subAhushcha mahArathaH .. 20..\\
ete chAnye cha bahavo rAjAno rAjasattama . 
madarthamudyatAH sarve prANA.nstyaktvA raNe prabho .. 21..\\
yeShAM madhye sthito yuddhe bhrAtR^ibhiH parivAritaH . 
yodhayiShyAmyahaM pArthAnpA~nchAlAMshchaiva sarvashaH .. 22..\\
chedIMshcha nR^ipashArdUla draupadeyAMshcha sa.nyuge . 
sAtyaki.n kuntibhojaM cha rAkShasaM cha ghaTotkacham .. 23..\\
eko.apyeShAM mahArAja samarthaH saMnivAraNe . 
samare pANDaveyAnA.n sa~Nkruddho hyabhidhAvatAm . 
kiM punaH sahitA vIrAH kR^itavairAshcha pANDavaiH .. 24..\\
atha vA sarva evaite pANDavasyAnuyAyibhiH . 
yotsyanti saha rAjaindra haniShyanti cha tAnmR^idhe .. 25..\\
karNastveko mayA sArdhaM nihaniShyati pANDavAn . 
tato nR^ipatayo vIrAH sthAsyanti mama shAsane .. 26..\\
yashcha teShAM praNetA vai vAsudevo mahAbalaH . 
na sa saMnahyate rAjanniti mAmabravIdvachaH .. 27..\\
tasyAha.n vadataH sUta bahusho mama saMnidhau . 
yuktito hyanupashyAmi nihatAnpANDavAnmR^idhe .. 28..\\
teShAM madhye sthitA yatra hanyante mama putrakAH . 
vyAyachchhamAnAH samare kimanyadbhAgadheyataH .. 29..\\
bhIShmashcha nihato yatra lokanAthaH pratApavAn . 
shikhaNDina.n samAsAdya mR^igendra iva jambukam .. 30..\\
droNashcha brAhmaNo yatra sArva shastrAstrapAragaH . 
nihataH pANDavaiH sa~Nkhye kimanyadbhAgadheyataH .. 31..\\
bhUri shvarA hato yatra somadattashcha sAmyuge . 
bAhlIkashcha mahArAja kimanyAdbhaga dheyataH .. 32..\\
sudakShiNo hato yatra jalasandhashcha kauravaH . 
shrutAyushchAchyutAyushcha kimanyadbhAgadheyataH .. 33..\\
bR^ihadbalo hato yatra magadhashcha mahAbalaH . 
Avantyo nihato yatra trigartashcha janAdhipaH . 
saMshaptakAshcha bahavaH kimanyadbhAgadheyataH .. 34..\\
alambusastathA rAjanrAkShAsashchApyalAyudhaH . 
ArshyashR^i~Ngashcha nihataH kimanyadbhAgadheyataH .. 35..\\
nArAyaNA hatA yatra gopAlA yuddhadurmadAH . 
mlechchhAshcha bahusAhasrAH kimanyadbhAgadheyataH .. 36..\\
shakuniH saubalo yatra kaitavyashcha mahAbalaH . 
nihataH sabalo vIraH kimanyadbhAgadheyataH .. 37..\\
rAjAno rAjaputrAshcha shUrAH parighabAhavaH . 
nihatA bahavo yatra kimanyadbhAgadheyataH .. 38..\\
nAnAdeshasamAvR^ittAH kShatriyA yatra sa~njaya . 
nihatAH samare sarve kimanyadbhAgadheyataH .. 39..\\
putrAshcha me vinihatAH pautrAshchaiva mahAbalAH . 
vayasyA bhrAtarashchaiva kimanyadbhAgadheyataH .. 40..\\
bhAgadheya samAyukto dhruvamutpadyate naraH . 
yashcha bhAgyasamAyuktaH sa shubhaM prApnuyAnnaraH .. 41..\\
aha.n viyuktaH svairbhAgyaiH putraishchaiveha sa~njaya . 
kathamadya bhaviShyAmi vR^iddhaH shatruvasha.n gataH .. 42..\\
nAnyadatra paraM manye vanavAsAdR^ite prabho . 
so.aha.n vana.n gamiShyAmi nirbandhurGYAtisa~NkShaye .. 43..\\
na hi me.anyadbhavechchhreyo vanAbhyupagamAdR^ite . 
imAmavasthAM prAptasya lUnapakShasya sa~njaya .. 44..\\
duryodhano hato yatra shalyash cha nihato yudhi . 
duHshAsano vishastashcha vikarNashcha mahAbalaH .. 45..\\
katha.n hi bhImasenasya shroShye.ahaM shabdamuttamam . 
ekena samare yena hataM putrashataM mama .. 46..\\
asakR^idvadatastasya duryodhana vadhena cha . 
duHkhashokAbhisantapto na shroShye paruShA giraH .. 47..\\
eva.n sa shokasantaptaH pArthivo hatabAndhavaH . 
muhurmuhurmuhyamAnaH putrAdhibhirabhiplutaH .. 48..\\
vilapya suchira.n kAlaM dhR^itarAShTro.ambikA sutaH . 
dIrghamuShNa.n cha niHshvasya chintayitvA parAbhavam .. 49..\\
duHkhena mahatA rAjA santapto bharatarShabha . 
punargAvalgaNi.n sUtaM paryapR^ichchhadyathAtatham .. 50..\\
bhIShmadroNau hatau shrutvA sUtaputra.n cha pAtitam . 
senApatiM praNetAra.n kimakurvata mAmakAH .. 51..\\
ya.n yaM senA praNetAraM yudhi kurvanti mAmakAH . 
achireNaiva kAlena ta.n taM nighnanti pANDavAH .. 52..\\
raNamUrdhni hato bhIShmaH pashyatA.n vaH kirITinA . 
evameva hato droNaH sarveShAmeva pashyatAm .. 53..\\
evameva hataH karNaH sUtaputraH pratApavAn . 
sA rAjakAnA.n sarveShAM pashyatAM vaH kirITinA .. 54..\\
pUrvamevAhamukto vai vidureNa mahAtmanA . 
duryodhanAparAdhena prajeya.n vinashiShyati .. 55..\\
ke chinna samyakpashyanti mUDhAH samyaktathApare . 
tadidaM mama mUDhasyA tathA bhUta.n vachaH sma ha .. 56..\\
yadabravInme dharmAtmA viduro dIrghadarshivAn . 
tattathA samanuprApta.n vachanaM satyavAdinaH .. 57..\\
daivopahatachittena yanmayApakR^itaM purA . 
anayasya phala.n tasya brUhi gAvalgaNe punaH .. 58..\\
ko vA mukhamanIkAnAmAsItkarNe nipAtite . 
arjuna.n vAsudeva.n cha ko vA pratyudyayau rathI .. 59..\\
ke.arakShandakShiNa.n chakraM madrarAjasya sa.nyuge . 
vAma.n cha yoddhukAmasya ke vA vIrasya pR^iShThataH .. 60..\\
katha.n cha vaH sametAnAM madrarAjo mahAbalaH . 
nihataH pANDavaiH sa~Nkhye putro vA mama sa~njaya .. 61..\\
brUhi sarva.n yathAtattvaM bharatAnAM mahAkShayam . 
yathA cha nihataH sa~Nkhye putro duryodhano mama .. 62..\\
pA~nchAlAshcha yathA sarve nihatAH sapadAnugAH . 
dhR^iShTadyumnaH shikhANDI cha draupadyAH pa~ncha chAtmajAH .. 63..\\
pANDavAshcha yathA muktAstathobhau sAtvatau yudhi . 
kR^ipashcha kR^itavarmA cha bhAradvAjasya chAtmajaH .. 64..\\
yadyathA yAdR^isha.n chaiva yuddha.n vR^ittaM cha sAmpratam . 
ahila.n shrotumichchhAmi kushalo hyasi sa~njaya .. 65..\\
\medskip\hrule\medskip\centerline{\Largedvng 3}
 s

shR^iNu rAjannavahito yathAvR^itto mahAnkShayaH . 
kurUNAM pANDavAnA.n cha samAsAdya parasparam .. 1..\\
nihate sUtaputre tu pANDavena mahAtmanA . 
vidruteShu cha sainyeShu samAnIteShu chAsakR^it .. 2..\\
vimukhe tava putre tu shokopahatachetasi . 
bhR^ishodvigneShu sainyeShu dR^iShTvA pArthasya vikramam .. 3..\\
dhyAyamAneShu sainyeShu duHkhaM prApteShu bhArata . 
balAnAM madhyamAnAnA.n shrutvA ninadamuttamam .. 4..\\
abhiGYAnaM narendrANA.n vikR^itaM prekShya sa.nyuge . 
patitAnrathanIDAMshcha rathAMshchApi mahAtmanAm .. 5..\\
raNe vinihatAnnAgAndR^iShTvA pattIMshcha mAriSha . 
Ayodhana.n chAtighora.n rudrasyAkrIDa saMnibham .. 6..\\
aprakhyAti.n gatAnAM tu rAGYA.n shatasahasrashaH . 
kR^ipAviShTaH kR^ipo rAjanvayaH shIlasamanvitaH .. 7..\\
abravIttatra tejasvI so.abhisR^itya janAdhipam . 
duryodhanaM manyuvashAdvachana.n vachanakShamaH .. 8..\\
duryodhana nibodheda.n yattvA vakShyAmi kaurava . 
shrutvA kuru mahArAja yadi te rochate.anagha .. 9..\\
na yuddhadharmAchchhreyAnvai panthA rAjendra vidyate . 
ya.n samAshritya yudhyante kShatriyAH kShatriyarShabha .. 10..\\
putro bhrAtA pitA chaiva svasreyo mAtulastathA . 
sambandhibandhavAshchaiva yodhyA vai kShatrajIvinA .. 11..\\
vadhe chaiva paro dharmastathAdharmaH palAyane . 
te sma ghorA.n samApannA jIvikA.n jIvitArthinaH .. 12..\\
tatra tvAM prativakShyAmi ki.n chideva hita.n vachaH . 
hate bhIShme cha droNe cha karNe chaiva mahArathe .. 13..\\
jayadrathe cha nihate tava bhrAtR^iShu chAnagha . 
lakShmaNe tava putre cha ki.n sheShaM paryupAsmahe .. 14..\\
yeShu bhAra.n samAsajya rAjye matimakurmahi . 
te santyajya tanUryAtAH shUrA brahma vidA.n gatim .. 15..\\
vaya.n tviha vinA bhUtA guNavadbhirmahArathaiH . 
kR^ipaNa.n vartayiShyAma pAtayitvA nR^ipAnbahUn .. 16..\\
sarvairapi cha jIvadbhirbIbhatsuraparAjitaH . 
kR^iShNa netro mahAbAhurdevairapi durAsadaH .. 17..\\
indra kArmukavajrAbhamindraketumivochchhritam . 
vAnara.n ketumAsAdya sa~ncachAla mahAchamUH .. 18..\\
si.nhanAdena bhImasya pA~nchajanya svanena cha . 
gANDIvasya cha nirghoShAtsa.nhR^iShyanti manA.nsi naH .. 19..\\
charantIva mahAvidyunmuShNanti nayanaprabhAm . 
alAtamiva chAviddha.n gANDIva.n samadR^ishyata .. 20..\\
jAmbUnadavichitra.n cha dhUyamAnaM mahaddhanuH . 
dR^ishyate dikShu sarvAsu vidyudabhraghaneShviva .. 21..\\
udyamAnashcha kR^iShNena vAyuneva balAhakaH . 
tAvaka.n tadbala.n rAjannarjuno.astravidAM varaH . 
gahana.n shishire kakSha.n dadAhAgnirivotthitaH .. 22..\\
gAhamAnamanIkAni mahendrasadR^ishaprabham . 
dhana~njayamapashyAma chaturdantamiva dvipam .. 23..\\
vikShobhayanta.n senA.n te trAsayantaM cha pArthivAn . 
dhana~njayamapashyAma nalinImiva ku~njaram .. 24..\\
trAsayanta.n tathA yodhAndhanurghoSheNa pANDavam . 
bhUya enamapashyAma si.nhaM mR^igagaNA iva .. 25..\\
sarvalokamaheShvAsau vR^iShabhau sarvadhanvinAm . 
Amuktakavachau kR^iShNau lokamadhye virejatuH .. 26..\\
adya sapta dashAhAni vartamAnasya bhArata . 
sa~NgrAmasyAtighorasya vadhyatA.n chAbhito yudhi .. 27..\\
vAyuneva vidhUtAni tavAnIkAni sarvashaH . 
sharadambhoda jAlAni vyashIryanta samantataH .. 28..\\
tAM nAvamiva paryastAM bhrAntavAtAM mahArNave . 
tava senAM mahArAja savyasAchI vyakampayat .. 29..\\
kva nu te sUtaputro.abhUtkva nu droNaH sahAnugaH . 
aha.n kva cha kva chAtmA te hArdikyashcha tathA kva nu . 
duHshAsanashcha bhrAtA te bhrAtR^ibhiH sahitaH kva nu .. 30..\\
bANagochara sampAptaM prekShya chaiva jayadratham . 
sambandhinaste bhrAtR^IMshcha sahAyAnmAtulA.nstathA .. 31..\\
sarvAnvikramya miShato lokAMshchAkramya mUrdhani . 
jayadratho hato rAjankiM nu sheShamupAsmahe .. 32..\\
ko veha sa pumAnasti yo vijeShyati pANDavam . 
tasya chAstrANi divyAni vividhAni mahAtmanaH . 
gANDIvasya cha nirghoSho vIryANi harate hi naH .. 33..\\
naShTachandrA yathA rAtriH seneya.n hatanAyakA . 
nAgabhagnadrumA shuShkA nadIvAkulatA.n gatA .. 34..\\
dhvajinyA.n hatanetrAyAM yatheShTaM shvetavAhanaH . 
chariShyati mahAbAhuH kakShe.agniriva sa~njvalan .. 35..\\
sAtyakeshchaiva yo vego bhImasenasya chobhayoH . 
darayeta girInsarvA~nshoShayeta cha sAgarAn .. 36..\\
uvAcha vAkya.n yadbhImaH sabhAmadhye vishAM pate . 
kR^ita.n ta sakalaM tena bhUyashchaiva kariShyati .. 37..\\
pramukhasthe tadA karNe balaM pANDava rakShitam . 
durAsada.n tathA guptaM gUDhaM gANDIvadhanvanA .. 38..\\
yuShmAbhistAni chIrNAni yAnyasAhUni sAdhuShu . 
akAraNakR^itAnyeva teShA.n vaH phalamAgatam .. 39..\\
Atmano.arthe tvayA loko yatnataH sarva AhR^itaH . 
sa te saMshayitastAta AtmA cha bharatarShabha .. 40..\\
rakSha duryodhanAtmAnamAtmA sarvasya bhAjanam . 
bhinne hi bhAjane tAta disho gachchhati tadgatam .. 41..\\
hIyamAnena vai sandhiH paryeShTavyaH samena cha . 
vigraho vardhamAnena nItireShA bR^ihaspateH .. 42..\\
te vayaM pANDuputrebhyo hInAH svabalashaktitaH . 
atra te pANDavaiH sArdha.n sandhiM manye kShamaM prabho .. 43..\\
na jAnIte hi yaH shreyaH shreyasashchAvamanyate . 
sa kShipraM bhrashyate rAjyAnna cha shreyo.anuvindati .. 44..\\
praNipatya hi rAjAna.n rAjyaM yadi labhemahi . 
shreyaH syAnna tu mauDhyena rAjangantuM parAbhavam .. 45..\\
vaichitravIrya vachanAtkR^ipA shIllo yudhiShThiraH . 
viniyu~njIta rAjye tvA.n govinda vachanena cha .. 46..\\
yadbrUyAddhi hR^iShIkesho rAjAnamaparAjitam . 
arjunaM bhImasena.n cha sarvaM kuryurasaMshayam .. 47..\\
nAtikramiShyate kR^iShNo vachana.n kauravasya ha . 
dhR^itarAShTrasya manye.ahaM nApi kR^iShNasya pANDavaH .. 48..\\
etatkShamamahaM manye tava pArthairavigraham . 
na tva bravImi kArpaNyAnna prANaparirakShaNAt . 
pathya.n rAjanbravImi tvA.n tatparAsuH smariShyasi .. 49..\\
iti vR^iddho vilapyaitatkR^ipaH shAradvato vachaH . 
dIrghamuShNa.n cha niHshvasya shushocha cha mumoha cha .. 50..\\
\medskip\hrule\medskip\centerline{\Largedvng 4}
 s

evamukto.ato rAjA gautamena yashasvinA . 
niHshvasya dIrghamuShNa.n cha tUShNImAsIdvishAM pate .. 1..\\
tato muhUrta.n sa dhyAtvA dhArtarAShTro mahAmanAH . 
kR^ipa.n shAradvataM vAkyamityuvAcha parantapaH .. 2..\\
yatki.n chitsuhR^idA vAchyaM tatsarva.n shrAvito hyaham . 
kR^ita.n cha bhavatA sarvaM prANAnsantyajya yudhyatA .. 3..\\
gAhamAnamanIkAni yudhyamAnaM mahArathaiH . 
pANDavairatitejobhirlokastvAmanudR^iShTavAn .. 4..\\
suhR^idA yadida.n vAchyaM bhavatA shrAvito hyaham . 
na mAM prINAti tatsarvaM mumUrShoriva bheShajam .. 5..\\
hetukAraNa sa.nyukta.n hitaM vachanamuttamam . 
uchyamAnaM mahAbAho na me viprAgrya rochchate .. 6..\\
rAjyAdvinikR^ito.asmAbhiH katha.n so.asmAsu vishvaset . 
akShadyUte cha nR^ipatirjito.asmAbhirmahAdhanaH . 
sa kathaM mama vAkyAni shraddadhyAdbhUya eva tu .. 7..\\
tathA dautyena samprAptaH kR^iShNaH pArtha hite rataH . 
pralabdhashcha hR^iShIkeshastachcha karma virodhitam . 
sa cha me vachanaM brahmankathamevAbhima.nsyate .. 8..\\
vilalApa hi yatkR^iShNA sabhAmadhye sameyuShI . 
na tanmarShayate kR^iShNo na rAjyaharaNa.n tathA .. 9..\\
ekaprANAvubhau kR^iShNAvanyonyaM prati sa.nhatau . 
purA yachchhrutamevAsIdadya pashyAmitatprabho .. 10..\\
svasrIya.n cha hata.n shrutvA duHkhasvapiti keshavaH . 
kR^itAgaso vaya.n tasya sa madarthaM kathaM kShamet .. 11..\\
abhimanyorvinAshena na sharma labhate.arjunaH . 
sa kathaM maddhite yatnaM prakariShyati yAchitaH .. 12..\\
madhyamaH pANDavastIkShNo bhImaseno mahAbalaH . 
pratiGYAtma cha tenogra.n sa bhAjyeta na saMnamet .. 13..\\
ubhau tau baddhanistriMshAvubhau chAbaddha ka~NkaTau . 
kR^itavairAvubhau vIrau yamAvapi yamopamau .. 14..\\
dhR^iShTadyumnaH shikhaNDI cha kR^itavairau mayA saha . 
tau kathaM maddhite yatnaM prakuryAtA.n dvijottama .. 15..\\
duHshAsanena yatkR^iShNA ekavastrA rajasvalA . 
parikliShTA sabhAmadhye sarvalokasya pashyataH .. 16..\\
tathA vivasanA.n dInA.n smarantyadyApi pANDavAH . 
na nivArayitu.n shakyAH sa~NgrAmAtte parantapAH .. 17..\\
yadA cha draupadI kR^iShNA madvinAshAya duHkhitA . 
ugra.n tepe tapaH kR^iShNA bhartR^INAm arthasiddhaye . 
sthaNDile nityadA shete yAvadvairasya yAtanA .. 18..\\
nikShipya mAna.n darpaM cha vAsudeva sahodarA . 
kR^iShNAyAH prekShyavadbhUtvA shushrUShA.n kurute sadA .. 19..\\
iti sarva.n samunnaddhaM na nirvAti katha.n chana . 
abhimanyorvinAshena sa sandheyaH kathaM mayA .. 20..\\
katha.n cha nAma bhuktvemAM pR^ithivI.n sAgarAmbarAm . 
pANDavAnAM prasAdena bhu~njIyA.n rAjyamalpakam .. 21..\\
uparyupari rAGYA.n vai jvalito bhAskaro yathA . 
yudhiShThira.n kathaM pashchAdanuyAsyAmi dAsavat .. 22..\\
kathaM bhuktvA svayaM bhogAndattvA dAyAMshcha puShkalAn . 
kR^ipaNa.n vartayiShyAmi kR^ipaNaiH saha jIvikAm .. 23..\\
nAbhyasUyAmi te vAkyamukta.n snigdhaM hita.n tvayA . 
na tu sandhimahaM manye prAptakAla.n kathaM chana .. 24..\\
sunItamanupashyAmi suyuddhena parantapa . 
nAya.n klIbayituM kAlaH sa.nyoddhuM kAla eva naH .. 25..\\
iShTaM me bahubhiryaGYairdattA vipreShu dakShNiNAH . 
prAptAH kramashrutA vedAH shatrUNAM mUrdhni cha sthitam .. 26..\\
bhR^ityame subhR^itAstAta dInashchAbhyuddhR^ito janaH . 
yAtAni pararAShTrANi svarAShTramanupAlitam .. 27..\\
bhuktAshcha vividhA bhogAstrivargaH sevito mayA . 
pitR^INA.n gatamAnR^iNyaM kShatradharmasya chobhayoH .. 28..\\
na dhruva.n sukhamastIha kuto rAjya.n kuto yashaH . 
iha kIrtirvidhAtavyA sA cha yuddhena nAnyathA .. 29..\\
gR^ihe yatkShatriyasyApi nidhana.n tadvigarhitam . 
adharmaH sumahAneSha yachchhayyA maraNa.n gR^ihe .. 30..\\
araNye yo vimu~ncheta sa~NgrAme vA tanuM naraH . 
kratUnAhR^itya mahato mahimAna.n sa gachchhati .. 31..\\
kR^ipaNa.n vipalannArto jarayAbhipariplutaH . 
mriyate rudatAM madhye GYAtInAM na sa pUruShaH .. 32..\\
tyaktvA tu vividhAnbhogAnprAptAnAM maramA.n gatim . 
apIdAnI.n suyuddhena gachchheyaM satsalokatAm .. 33..\\
shUrANAmArya vR^ittAnA.n sa~NgrameShvanivartinAm . 
dhImatA.n satyasandhAnAM sarveShA.n kratuyAjinAm .. 34..\\
shastrAvabhR^ithamAptAnA.n dhruva.n vAsastriviShTape . 
mudA nUnaM prapashyanti shubhrA hyapsarasA.n gaNAH .. 35..\\
pashyanti nUnaM pitaraH pUjitA~nshakra sa.nsadi . 
apsarobhiH parivR^itAnmodamAnA.nstriviShTape .. 36..\\
panthAnamamarairyAta.n shUraishchaivAnivartibhiH . 
api taiH sa~NgataM mArga.n vayamapyAruhemahi .. 37..\\
pitAmahena vR^iddhena tathAcharyeNa dhImatA . 
jayadrathena karNena tathA duHshAsanena cha .. 38..\\
ghaTamAnA madarthe.asminhatAH shUrA janAdhipAH . 
sherate lohitAktA~NgAH pR^ithivyA.n sharavikShatAH .. 39..\\
uttamAstravidaH shUrA yathoktakratuyAjinaH . 
tyaktvA prANAnyathAnyAyamindra sadmasu dhiShThitAH .. 40..\\
taistvaya.n rachitaH panthA durgamo hi punarbhavet . 
sampatadbhirmahAvegairito yAdbhish cha sadgatim .. 41..\\
ye madarthe hatAH shUrAsteShA.n kR^itamanusmaran . 
R^iNa.n tatpratimu~nchAno na rAjye mana Adadhe .. 42..\\
pAtayitvA vayasyAMshcha bhrAtR^Inatha pitAmahAn . 
jIvita.n yadi rakSheyaM loko mA.n garhayeddhruvam .. 43..\\
kIdR^isha.n cha bhavedrAjyaM mama hInasya bandhubhiH . 
sakhibhishcha suhR^idbhishcha praNipatya cha pANDavam .. 44..\\
so.ahametAdR^isha.n kR^itvA jagato.asya parAbhavam . 
suyuddhena tataH svargaM prApsyAmi na tadanyathA .. 45..\\
eva.n duryodhanenokta.n sarve sampUjya tadvachaH . 
sAdhu sAdhviti rAjAna.n kShatriyAH sambabhAShire .. 46..\\
parAjayamashochantaH kR^itachittAsh cha vikrame . 
sarve sunishchitA yoddhumudagramanaso.abhavan .. 47..\\
tato vAhAnsamAshvAsya sarve yuddhAbhinandinaH . 
Une dviyojane gatvA pratyatiShThanta kauravAH .. 48..\\
AkAshe vidrume puNye prasthe himavataH shubhe . 
aruNA.n sarasvatIM prApya papuH sasnush cha tajjalam .. 49..\\
tava putrAH kR^itotsAhAH paryavartanta te tataH . 
paryavasthApya chAtmAnamanyonyena punastadA . 
sarve rAjannyavartanta kShatriyAH kAlachoditAH .. 50..\\
\medskip\hrule\medskip\centerline{\Largedvng 5}
 s

atha haimavate prasthe sthitvA yuddhAbhinandinaH . 
sarva eva mahArAja yodhAstatra samAgatAH .. 1..\\
shalyashcha chitrasenashcha shakunishcha mahArathaH . 
ashvatthAmA kR^ipashchaiva kR^itavarmA cha sAtvataH .. 2..\\
suSheNo.ariShTasenashcha dhR^itasenashcha vIryavAn . 
jayatsenashcha rAjAnaste rAtrimuShitAstataH .. 3..\\
raNe karNe hate vIre trAsitA jitakAshibhiH . 
nAlabha~nsharma te putrA himavantamR^ite girim .. 4..\\
te.abruvansahitAstatra rAjAna.n sainyasaMnidhau . 
kR^itayatnA raNe rAjansAmpUjya vidhivattadA .. 5..\\
kR^itvA senA praNetAraM parA.nstva.n yoddhumarhasi . 
yenAbhiguptAH sa~NgrAme jayemAsu hR^ido vayam .. 6..\\
tato duryodhanaH sthitvA raNe rathavarottamam . 
sarvayuddhavibhAgaGYamantakapratima.n yudhi .. 7..\\
sva~NgaM prachchhannashirasa.n kambugrIvaM priya.nvadam . 
vyAkoshapadmAbhimukha.n vyAghrAsyaM merugauravam .. 8..\\
sthANorvR^iShasya sadR^isha.n skandhanetra gatisvaraiH . 
puShTashliShTAyata bhuja.n suvistIrNa ghanorasam .. 9..\\
jave bale cha sadR^ishamaruNAnuja vAtayoH . 
Adityasya tviShA tulyaM buddhyA choshanasA samam .. 10..\\
kAnti rUpamukhaishvaryaistribhish chandramasopamam . 
kA~nchanopala sa~NghAtaiH sadR^isha.n shliShTasandhikam .. 11..\\
suvR^ittoru kaTI ja~Ngha.n supAdaM sva~NgulInakham . 
smR^itvA smR^itvaiva cha guNAndhAtrA yatnAdvinirmitam .. 12..\\
sarvalakShaNasampannaM nipuNa.n shrutisAgaram . 
jetAra.n tarasArINAmajeya.n shatrubhirbalAt .. 13..\\
dashA~Nga.n yashchatuShpAdamiShvastraM veda tattvataH . 
sA~NgaMshcha chaturo vedAnsamyagAkhyAna pa~nchamAn .. 14..\\
ArAdhya tryambala.n yatnAdvratairugrairmahAtapAH . 
ayonijAyAmutpanno droNenAyonijena yaH .. 15..\\
tamapratimakarmANa.n rUpeNAsadR^ishaM bhuvi . 
pAraga.n sarvavidyAnA.n guNArNavamaninditam . 
tamabhyetyAtmajastubhyamashvatthAmAnamabravIt .. 16..\\
yaM purasH kR^ityasahitA yudhi jeShyAma pANDavAn . 
guruputro.adya sarveShAmasmAkaM paramA gatiH . 
bhavA.nstasmAnniyogAtte ko.astu senApatirmama .. 17..\\

 druani

aya.n kulena vIryeNa tejasA yashasA shriyA . 
sarvairguNaiH samuditaH shalyo no.astu chamUpatiH .. 18..\\
bhAgineyAnnijA.nstyaktvA kR^itaGYo.asmAnupAgataH . 
mahAseno mahAbAhurmahAsena ivAparaH .. 19..\\
ena.n senApati.n kR^itvA nR^ipatiM nR^ipasattama . 
shakyaH prAptu.n jayo.asmAbhirdevaiH skandamivAjitam .. 20..\\
tathokte droNaputreNa sarva eva narAdhipAH . 
parivArya sthitAH shalya.n jayashabdAMsh cha chakrire . 
yuddhAya cha mati.n chakrUrAveshaM cha para.n yayuH .. 21..\\
tato duryodhanaH shalyaM bhUmau sthitvA rathe sthitam . 
uvAcha prA~njalirbhUtvA rAma bhIShma sama.n raNe .. 22..\\
aya.n sa kAlaH samprApto mitrANAM mitravatsala . 
yatra mitramamitra.n vA parIkShante budhA janAH .. 23..\\
sa bhavAnastu naH shUraH praNetA vAhinImukhe . 
raNa.n cha yAte bhavati pANDavA mandachetasaH . 
bhaviShyanti sahAmAtyAH pA~nchAlAshcha nirudyamAH .. 24..\\

 zalya

yattu mAM manyase rAjankururAja karomi tat . 
tvatpriyArtha.n hi me sarvaM prANA rAjya.n dhanAni cha .. 25..\\

 dur

senApatyena varaye tvAmahaM mAtulAtulam . 
so.asmAnpAhi yudhA.n shreShTha skAndo devAnivAhave .. 26..\\
abhiShichyasva rAjendra devAnAmiva pAvakiH . 
jahi shatrUnraNe vIra mahendro dAnavAniva .. 27..\\
\medskip\hrule\medskip\centerline{\Largedvng 6}
 s

etachchhrutvA vacho rAGYo madrarAjaH pratApavAn . 
duryodhana.n tadA rAjanvAkyametaduvAcha ha .. 1..\\
duryodhana mahAbAho shR^iNu vAkyavidA.n vara . 
yAvetau manyase kR^iShNau rathasthau rathinA.n varau . 
na me tulyAvubhAvetau bAhuvIrye katha.n chana .. 2..\\
udyatAM pR^ithivI.n sarvAM sasurAsuramAnavAm . 
yodhayeya.n raNamukhe sa~NkruddhaH kimu pANDavAn . 
vijeShye cha raNe pArthAnsomakAMshcha samAgatAn .. 3..\\
aha.n senA praNetA te bhaviShyAmi na saMshayaH . 
ta.n cha vyUha.n vidhAsyAmi na tariShyanti yaM pare . 
iti satyaM bravImyeSha duryodhana na saMshayaH .. 4..\\
evamuktastato rAjA madrAdhipatima~njasA . 
abhyaShi~nchata senAyA madhye bharatasattama . 
vidhinA shastradR^iShTena hR^iShTarUpo vishAM pate .. 5..\\
abhiShikte tatastasminsi.nhanAdo mahAnabhUt . 
tava sainyeShvavAdyanta vAditrANi cha bhArata .. 6..\\
hR^iShTAshchAsa.nstadA yodhA madrakAshcha mahArathAH . 
tuShTuvushchaiva rAjAna.n shalyamAhavashobhinam .. 7..\\
jaya rAjaMshchira.n jIva jahi shatrUnsamAgatAn . 
tava bAhubalaM prApya dhArtarAShTrAmahA balAH . 
nikhilAM pR^ithivI.n sarvAM prashAsantu hatadviShaH .. 8..\\
tva.n hi shakto raNe jetuM sasurAsuramAnavAn . 
martyadharmANa iha tu kimu somaka sR^i~njayAn .. 9..\\
eva.n sa.nstUyamAnastu madrANAmadhipo balI . 
harShaM prApa tadA vIro durApamakR^itAtmabhiH .. 10..\\

 zalya

adyaivAha.n raNe sarvAnpA~nchAlAnsaha pANDavaiH . 
nihaniShyAmi rAjendra svarga.n yAsyAmi vA hataH .. 11..\\
adya pashyantu mA.n lokA vicharantamabhItavat . 
adya pANDusutAH sarve vAsudevaH sasAtyakiH .. 12..\\
pA~nchAlAshchedayashchaiva draupadeyAshcha sarvashaH . 
dhR^iShTadyumnaH shikhaNDI cha sarve chApi prabhadrakAH .. 13..\\
vikramaM mama pashyantu dhanuShash cha mahadbalam . 
lAghava.n chAstravIryaM cha bhujayoshcha bala.n yudhi .. 14..\\
adya pashyantu me pArthAH siddhAshcha sahachAraNaiH . 
yAdR^ishaM me balaM bAhvoH sAmpadastreShu yA cha me .. 15..\\
adya me vikrama.n dR^iShTvA pANDavAnAM mahArathAH . 
pratIkAra parA bhUtvA cheShTantA.n vividhAH kriyAH .. 16..\\
adya sainyAni pANDUnA.n drAvayiShye samantataH . 
droNa bhIShmAvati vibho sUtaputra.n cha sa.nyuge . 
vichariShye raNe yudhyanpriyArtha.n tava kaurava .. 17..\\

 s

abhiShikte tadA shalye tava sainyeShu mAnada . 
na karNa vyasana.n kiM chinmenire tatra bhArata .. 18..\\
hR^iShTAH sumanasashchaiva babhUvustatra sainikAH . 
menire nihatAnpArthAnmadrarAjavasha.n gatAn .. 19..\\
praharShaM prApya senA tu tAvakI bharatarShabha . 
tA.n rAtriM sukhinI suptA svasthachitteva sAbhavat .. 20..\\
sainyasya tava ta.n shabdaM shrutvA rAjA yudhiShThiraH . 
vArShNeyamabravIdvAkya.n sarva kShatrasya shR^iNvataH .. 21..\\
madrarAjaH kR^itaH shalyo dhArtarAShTreNa mAdhava . 
senApatirmaheShvAsaH sarvasainyeShu pUjitaH .. 22..\\
etachchhrutvA yathA bhUta.n kuru mAdhava yatkShamam . 
bhavAnnetAcha goptA cha vidhatsva yadanantaram .. 23..\\
tamabravInmahArAja vAsudevo janAdhipam . 
ArtAyanimaha.n jAne yathAtattvena bhArata .. 24..\\
vIryavAMshcha mahAtejA mahAtmA cha visheShataH . 
kR^itI cha chitrayodhI cha smayukto lAghavena cha .. 25..\\
yAdR^igbhIShmastathA droNo yAdR^ikkarNashcha sa.nyuge . 
tAdR^ishastadvishiShTo vA madrarAjo mato mama .. 26..\\
yudhyamAnasya tasyAjau chintayanneva bhArata . 
yoddhAraM nAdhigachchhAmi tulyarUpa.n janAdhipa .. 27..\\
shikhaNDyarjuna bhImAnA.n sAtvatasya cha bhArata . 
dhR^iShTadyumnasya cha tathA balenAbhyadhiko raNe .. 28..\\
madrarAjo mahArAja si.nhadviradavikramaH . 
vichariShyatyabhIH kAle kAlaH kruddhaH prajAsviva .. 29..\\
tasyAdya na prapashyAmi pratiyoddhAramAhave . 
tvAmR^ite puruShavyAghra shArdUlasamavikramam .. 30..\\
sadevaloke kR^itsne.asminnAnyastvattaH pumAnbhavet . 
madrarAja.n raNe kruddhaM yo hanyAtkurunandana . 
ahanyahani yudhyanta.n kShobhayantaM balaM tava .. 31..\\
tasmAjjahi raNe shalyaM maghavAniva shambaram . 
atipashchAdasau vIro dhArtarAShTreNa satkR^itaH .. 32..\\
tavaiva hi jayo nUna.n hate madreshvare yudhi . 
tasminhate hata.n sarva.n dhArtarAShTra balaM mahat .. 33..\\
etachchhrutvA mahArAja vachanaM mama sAmpratam . 
pratyudyAhi raNe pArtha madrarAjaM mahAbalam . 
jahi chainaM mahAbAho vAsavo namuchi.n yathA .. 34..\\
na chaivatra dayA kAryA mAtulo.ayaM mameti vai . 
kShatradharmaM puraskR^itya jahi madrajaneshvaram .. 35..\\
bhIShmadroNArNava.n tIrtvA karNa pAtAlasambhavam . 
mA nimajjasva sagaNaH shalyamAsAdya goShpadam .. 36..\\
yachcha te tapaso vIrya.n yachcha kShAtraM bala.n tava . 
taddarshaya raNe sarva.n jahi chainaM mahAratham .. 37..\\
etAvaduktvA vachana.n keshavaH paravIrahA . 
jagAma shibira.n sAyaM pUjyamAno.atha pANDavaiH .. 38..\\
keshave tu tadA yAte dharmarAjo yudhiShThiraH . 
visR^ijya sarvAnbhrAtR^IMshcha pA~nchAlAnatha somakAn . 
suShvApa rajanI.n tAM tu vishalya iva ku~njaraH .. 39..\\
te cha sarve maheShvAsAH pA~nchAlAH pANDavAstathA . 
karNasya nidhane hR^iShTAH suShupustAM nishA.n tadA .. 40..\\
gatajvaraM maheShvAsa.n tIrNapAraM mahAratham . 
babhUva pANDaveyAnA.n sainyaM pramuditaM nishi . 
sUtaputrasya nidhane jaya.n labdhvA cha mAriSha .. 41..\\
\medskip\hrule\medskip\centerline{\Largedvng 7}
 s

vyatItAyA.n rajanyA.n tu rAjA duryodhanastadA . 
abravIttAvakAnsarvAnsaMnahyantAM mahArathAH .. 1..\\
rAGYastu matamAGYAya sAmanahyata sA chamUH . 
ayojayanrathA.nstUrNaM paryadhAva.nstathApare .. 2..\\
akalpyanta cha mAta~NgAH samanahyanta pattayaH . 
hayAnAstaraNopetAMshchakruranye sahAsrashaH .. 3..\\
vAditrANA.n cha ninadaH prAdurAsIdvishAM pate . 
bodhanArtha.n hi yodhAnAM sainyAnA.n chApyudIryatAm .. 4..\\
tato balAni sarvANi senA shiShTAni bhArata . 
saMnaddhAnyeva dadR^ishurmR^ityu.n kR^itvA nivartanam .. 5..\\
shalya.n senApati.n kR^itvA madrarAjaM mahArathAH . 
pravibhajya bala.n sarvamanIkeShu vyavasthitAH .. 6..\\
tataH sarve samAgamya putreNa tava sainikAH . 
kR^ipashcha kR^itavarmA cha drauNiH shalyo.atha saubalaH .. 7..\\
anye cha pArthivAH sheShAH samaya.n chakrire tadA . 
na na ekena yoddhavya.n kathaM chidapi pANDavaiH .. 8..\\
yo hyekaH pANDavairyudhyedyo vA yudhyantamutsR^ijet . 
sa pa~nchabhirbhavedyuktaH pAtakaiH sopapAtakaiH . 
anyonyaM parirakShadbhiryoddhavya.n sahitaishcha naH .. 9..\\
eva.n te samayaM kR^itvA sarve tatra mahArathAH . 
madrarAjaM puraskR^itya tUrNamabhyadravanparAn .. 10..\\
tathaiva pANDavA rAjanvyUhya sainyaM mahAraNe . 
abhyayuH kauravAnsarvAnyotsyamAnAH samantataH .. 11..\\
tadbalaM bharatashreShTha kShubbdhArNava samasvanam . 
samuddhUtArNavAkAramuddhUta rathaku~njaram .. 12..\\

 dhr

droNasya bhIShmasya cha vai rAdheyasya cha me shrutam . 
pAtana.n sha.nsa me bhUyaH shalyasyAtha sutasya me .. 13..\\
katha.n raNe hataH shalyo dharmarAjena sa~njaya . 
bhImena cha mahAbAhuH putro duryodhano mama .. 14..\\

 s

kShayaM manuShyadehAnA.n rathanAgAshvasa~NkShayam . 
shR^iNu rAjansthiro bhUtvA sa~NgrAma.n sha.nsato mama .. 15..\\
AshA balavatI rAjanputrANA.n te.abhavattadA . 
hate bhIShme cha droNe cha sUtaputre cha pAtite . 
shalyaH pArthAnraNe sarvAnnihaniShyati mAriSha .. 16..\\
tAmAshA.n hR^idaye kR^itvA samAshvAsya cha bhArata . 
madrarAja.n cha samare samAshritya mahAratham . 
nAthavantamathAtmAnamamanyata sutastava .. 17..\\
yadA karNe hate pArthAH si.nhanAdaM prachakrire . 
tadA rAjandhArtarAShTrAnAvivesha mahadbhayam .. 18..\\
tAnsamAshvAsyatu tadA madrarAjaH pratApavAn . 
vyUhya vyUhaM mahArAja sarvatobhadramR^iddhimat .. 19..\\
pratyudyAto raNe pArthAnmadrarAjaH pratApavAn . 
vidhunvankArmuka.n chitraM bhAraghna.n vegavattaram .. 20..\\
rathapravaramAsthAya saindhavAshvaM mahArathaH . 
tasya sItA mahArAja rathasthAshobhayadratham .. 21..\\
sa tena sa.nvR^ito vIro rathenAmitrakarshanaH . 
tasthau shUro mahArAja putrANA.n te bhayapraNut .. 22..\\
prayANe madrarAjo.abhUnmukha.n vyUhasya daMshitaH . 
madrakaiH sahito vIraiH karNa putraishcha durjayaiH .. 23..\\
savye.abhUtkR^itavarmA cha trigartaiH parivAritaH . 
gautamo dakShiNe pArshve shakaishcha yavanaiH saha .. 24..\\
ashvatthAmA pR^iShThato.abhUtkAmbojaiH parivAritaH . 
duryodhano.abhavanmadhye rakShitaH kurupu~NgavaiH .. 25..\\
hayAnIkena mahatA saubalashchApi sa.nvR^itaH . 
prayayau sarvasainyena kaitavyashcha mahArathaH .. 26..\\
pANDavAshcha maheShvAsA vyUhya sainyamarindamAH . 
tridhA bhUtvA mahArAja tava sainyamupAdravan .. 27..\\
dhR^iShTadyumnaH shikhaNDI cha satyakishcha mahArathaH . 
shlayasya vAhinI.n tUrNamabhidudruvurAhave .. 28..\\
tato yudhiShThiro rAjA svenAnIkena sa.nvR^itaH . 
shalyamevAbhidudrAva jighA.nsurbharatarShabha .. 29..\\
hArdikya.n tu maheShvAsamarjunaH shatrupUgahA . 
saMshaptaka gaNAMsh chaiva vegato.abhividudruve .. 30..\\
gautamaM bhImaseno vai somakAshcha mahArathAH . 
abhyadravanta rAjendra jighA.nsantaH parAnyudhi .. 31..\\
mAdrIputrau tu shakunimulUka.n cha mahArathau . 
sasainyau sahasenau tAvupatasthaturAhave .. 32..\\
tathaivAyutasho yodhAstAvakAH pANDavAnraNe . 
abhyadravanta sa~NkruddhA vividhAyudhapANayaH .. 33..\\

 dhr

hate bhIShme maheShvAse droNe karNe mahArathe . 
kuru ShvalpAvashiShTeShu pANDaveShu cha sa.nyuge .. 34..\\
susa.nrabdheShu pArtheShu parAkrAnteShu sa~njaya . 
mAmakAnAM pareShA.n cha ki.n shiShTamabhavadbalam .. 35..\\

 s

yathA vayaM pare rAjanyuddhAya samavasthitAH . 
yAvachchAsIdbala.n shiShTaM sa~NgrAme tannibodha me .. 36..\\
ekAdasha sahasrANi rathAnAM bharatarShabha . 
dasha danti sahasrANi sapta chaiva shatAni cha .. 37..\\
pUrNe shatasahasre dve hayAnAM bharatarShabha . 
narakoTyastathA tisro balametattavAbhavat .. 38..\\
rathAnA.n ShaTsahasrANi ShaTsahasrAshcha ku~njarAH . 
dasha chAshvasahasrANi pattikoTI cha bhArata .. 39..\\
etadbalaM pANDavAnAmabhavachchheShamAhave . 
eta eva samAjagmuryuddhAya bharatarShabha .. 40..\\
eva.n vibhajya rAjendra madrarAjamate sthitAH . 
pANDavAnpratyudIyAma jaya gR^iddhAH pramanyavaH .. 41..\\
tathaiva pANDavAH shUrAH samare jitakAshinaH . 
upayAtA naravyAghrAH pA~nchAlAshcha yashasvinaH .. 42..\\
evamete balaughena parasparavadhaiShiNaH . 
upayAtA naravyAghrAH pUrvA.n sandhyAM prati prabho .. 43..\\
tataH pravavR^ite yuddha.n ghorarUpaM bhayAnakam . 
tAvakAnAM pareShA.n cha nighnatAm itaretaram .. 44..\\
\medskip\hrule\medskip\centerline{\Largedvng 8}
 s

tatha pravavR^ite yuddha.n kurUNAM bhayavardhanam . 
sR^i~njayaiH saha rAjendra ghora.n devAsuropamam .. 1..\\
narA rathA gajaughAshcha sAdinashcha sahasrashaH . 
vAjinashcha parAkrAntAH samAjagmuH parasparam .. 2..\\
nAgAnAM bhImarUpANA.n dravatAM nisvano mahAn . 
ashrUyata yathAkAle jaladAnAM nabhastale .. 3..\\
nAgairabhyAhatAH ke chitsarathA rathino.apatan . 
vyadravanta raNe vIrA drAvyamANA madotkaTaiH .. 4..\\
hayaughAnpAdarakShAMshcha rathinastatra shikShitAH . 
sharaiH sampreShayAmAsuH paralokAya bhArata .. 5..\\
sAdinaH shikShitA rAjanparivArya mahArathAn . 
vicharanto raNe.abhyaghnanprAsashaktyR^iShTibhistathA .. 6..\\
dhanvinaH puruShAH ke chitsaMnivArya mahArathAn . 
ekaM bahava AsAdya preShayeyuryamakShayam .. 7..\\
nAga.n rathavarAMshchAnye parivArya mahArathAH . 
sottarAyudhina.n jaghnurdravamANA mahAravam .. 8..\\
tathA cha rathina.n kruddha.n vikirantaM sharAnbahUn . 
nAgA jaghnurmahArAja parivArya samantataH .. 9..\\
nAgo nAgamabhidrutya rathI cha rathina.n raNe . 
shakto tomaranArAchairnijaghnustatra tatra ha .. 10..\\
pAdAtAnavamR^idnanto rathavAraNavAjinaH . 
raNamadhye vyadR^ishyanta kurvanto mahadAkulam .. 11..\\
hayAshcha paryadhAvanta chAmarairupashobhitAH . 
ha.nsA himavataH prasthe pibanta iva medinIm .. 12..\\
teShA.n tu vAjinAM bhUmiH khuraishchitrA vishAM pate . 
ashobhata yathA nArI karaja kShatavikShatA .. 13..\\
vAjinA.n khurashabdena rathe nemisvanena cha . 
pattInA.n chApi shabdena nAgAnAM bR^ihmitena cha .. 14..\\
vAditrANA.n cha ghoSheNa sha~NkhAnAM nisvanena cha . 
abhavannAditA bhUmirnirghAtiriva bhArata .. 15..\\
dhanuShA.n kUjamAnAnAM nistriMshAnAM cha dIpyatAm . 
kavachAnAM prabhAbhishcha na prAGYAyata ki.n chana .. 16..\\
bahavo bAhavashchhinnA nAgarAjakaropamAH . 
udveShTante viveShTante vega.n kurvanti dAruNam .. 17..\\
shirasA.n cha mahArAja patatA.n vasudhAtale . 
chyutAnAmiva tAlebhyaH phalAnA.n shrUyate svanaH .. 18..\\
shirobhiH patitairbhAti rudhirArdrairvasundharA . 
tapanIyanibhaiH kAle nalinairiva bhArata .. 19..\\
udvR^ittanayanaistaistu gatasattvaiH suvikShataiH . 
vyabhrAjata mahArAja puNDarIkairivAvR^itA .. 20..\\
bAhubhishchandanAdigdhaiH sakeyUrairmahAdhanaiH . 
patitairbhAti rAjendra mahI shakradhvajairiva .. 21..\\
Urubhishcha narendrANA.n vinikR^ittairmahAhave . 
hastihastopamairanyaiH sa.nvR^ita.n tadraNA~NgaNam .. 22..\\
kabandha shatasa~NkIrNa.n chhattra chAmarashobhitam . 
senA vana.n tachchhushubhe vanaM puShpAchita.n yathA .. 23..\\
tatra yodhA mahArAja vicharanto hyabhItavat . 
dR^ishyante rudhirAktA~NgAH puShpitA iva kiMshukAH .. 24..\\
mAta~NgAshchApyadR^ishyanta sharatomara pIDitAH . 
patantastatra tatraiva chhinnAbhra sadR^ishA raNe .. 25..\\
gajAnIkaM mahArAja vadhyamAnaM mahAtmabhiH . 
vyadIryata dishaH sarvA vAtanunnA ghanA iva .. 26..\\
te gajA ghanasa~NkAshAH peturuvyA.n samantataH . 
vajrarugNA iva babhuH parvatA yugasa~NkShaye .. 27..\\
hayAnA.n sAdibhiH sArdhaM patitAnAM mahItale . 
rAshayaH sampradR^ishyante girimAtrAstatastataH .. 28..\\
sa~njaGYe raNabhUmau tu paralokavahA nadI . 
shoNitodA rathAvartA dhvajavR^ikShAsthi sharkarA .. 29..\\
bhujanakrA dhanuH srotA hastishailA hayopalA . 
medo majjA kardaminI chhattra ha.nsA gadoDupA .. 30..\\
kavachoShNISha sa~nchannA patAkA ruchiradrumA . 
chakrachakrAvalI juShTA triveNU daNDakAvR^itA .. 31..\\
shUrANA.n harShajananI bhIrUNAM bhayavardhinI . 
prAvartata nadI raurA kurusR^i~njayasa~NkulA .. 32..\\
tAM nadIM pitR^ilokAya vahantImatibhairavAm . 
terurvAhana naubhiste shUrAH parighabAhavaH .. 33..\\
vartamAne tathA yuddhe nirmaryAde vishAM pate . 
chatura~NgakShaye ghore pUrva.n devAsuropame .. 34..\\
akroshanbAndhavAnanye tatra tatra parantapa . 
kroshadbhirbAndhavaishchAnye bhayArtA na nivartire .. 35..\\
nirmaryAde tathA yuddhe vartamAne bhayAnake . 
arjuno bhImasenashcha mohayA.n chakratuH parAn .. 36..\\
sA vadhyamAnA mahatI senA tava janAdhipa . 
amuhyattatra tatraiva yoShinmadavashAdiva .. 37..\\
mohayitvAcha tA.n senAM bhima senadhana~njayau . 
dadhmaturvArijau tatra si.nhanAda.n cha nedatuH .. 38..\\
shrutvaiva tu mahAshabda.n dhR^iShTadyumna shikhaNDinau . 
dharmarAjaM puraskR^itya madrarAjamabhidrutau .. 39..\\
tatrAshcharyamapashyAma ghorarUpa.n vishAM pate . 
shalyena sa~NgatAH shUrA yadayudhyanta bhAgashaH .. 40..\\
mAdrIputrau sarabhasau kR^itAstrau yuddhadurmadau . 
abhyayAtA.n tvarAyuktau jigIShantau balaM tava .. 41..\\
tato nyavartata bala.n tAvakaM bharatarShabha . 
sharaiH praNunnaM bahudhA pANDavairjitakAshibhiH .. 42..\\
vadyamAnA chamUH sA tu putrANAM prekShatA.n tava . 
bheje disho mahArAja praNunnA dR^iDhadhanvibhiH . 
hAhAkAro mahA~njaGYe yodhAnA.n tava bhArata .. 43..\\
tiShTha tiShTheti vAgAsIddrAvitAnAM mahAtmanAm . 
kShatriyANA.n tadAnyonya.n sa.nyuge jayamichchhatAm . 
Adravanneva bhagnAste pANDavastava sainikAH .. 44..\\
tyaktvA yuddhi priyAnputrAnbhrAtR^Inatha pitAmahAn . 
mAtulAnbhAgineyAMshcha tathA sambandhibAndhavAn .. 45..\\
hayAndvipA.nstvarayanto yodhA jagmuH samantataH . 
AtmatrANa kR^itotsAhAstAvakA bharatarShabha .. 46..\\
\medskip\hrule\medskip\centerline{\Largedvng 9}
 s

tatprAbhagnaM bala.n dR^iShTvA madrarAjaH pratApavAn . 
uvAcha sArathi.n tUrNaM chodayAshvAnmahAjavAn .. 1..\\
eSha tiShThati vai rAjA pANDuputro yudhiShThiraH . 
chhattreNa dhriyamANena pANDureNa virAjatA .. 2..\\
atra mAM prApaya kShipraM pashyA me sArathe balam . 
na samarthA hi me kShipraM pashya me sArathe balam . 
na samarthA hi me pArthAH sthAtumadya puro yudhi .. 3..\\
evamuktastataH prAyAnmadrarAjasya sArathiH . 
yatra rAjA satyasandho dharmarAjo yudhiShThiraH .. 4..\\
Apatanta.n cha sahasA pANDavAnAM mahadbalam . 
dadhAraiko raNe shalyo velevoddhR^itamarNavam .. 5..\\
pANDavAnAM balaughastu shalyamAsAdya mAriSha . 
vyatiShThata tadA yuddhe sindhorvega ivAchalam .. 6..\\
madrarAja.n tu samare dR^iShTvA yuddhAya viShThitam . 
kuravaH saMnyavartanta mR^ityu.n kR^itvA nivartanAm .. 7..\\
teShu rAjannivR^itteShu vyUDhAnIkeShu bhAgashaH . 
prAvartata mahAraudraH sa~NgrAmaH shoNitodakaH . 
samArchchhachchchitrasenena nakulo yuddhadurmadaH .. 8..\\
tau parasparamAsAdya chitrakArmukadhAriNau . 
meghAviva yathodvR^ittau dakShiNottara varShiNau .. 9..\\
sharatoyaiH siShichatustau parasparamAhave . 
nAntara.n tatra pashyAmi pANDavasyetarasya vA .. 10..\\
ubhau kR^itAstrau balinau rathacharyA vishAradau . 
parasparavadhe yattau chhidrAnveShaNatatparau .. 11..\\
chitrasenastu bhallena pItenA nishitena cha . 
nakulasya mahArAja muShTideshe.achchhinaddhanuH .. 12..\\
athaina.n chhinnadhanvAna.n rukmapu~NkhaiH shilAshitaiH . 
tribhiH sharairasambhrAnto lalATe vai samarpayat .. 13..\\
hayAMshchAsya sharaistIkShNaiH preShayAmAsa mR^ityave . 
tathA dhvaja.n sArathi.n cha tribhistribhirapAtayat .. 14..\\
sa shatrubhuja nirmuktairlalATasthastribhiH sharaiH . 
nakulaH shushubhe rAja.nstrishR^i~Nga iva parvataH .. 15..\\
sa chhinnadhanvA virathaH khaDgamAdAya charma cha . 
rathAdavataradvIraH shailAgrAdiva kesarI .. 16..\\
padbhyAmApatatastasya sharavR^iShTimavAsR^ijat . 
nakulo.apyagrasattA.n vai charmANA laghuvikramaH .. 17..\\
chitrasenarathaM prApya chitrayodhI jitashramaH . 
Aruroha mahAbAhuH sarvasainyasya pashyataH .. 18..\\
sakuNDala.n samukuTaM sunasaM svAyatekShaNam . 
chitrasenashiraH kAyAdapAharata pANDavaH . 
sa papAta rathopasthAddivAkarasamaprabhaH .. 19..\\
chitrasena.n vishasta.n tu dR^iShTvA tatra mahArathAH . 
sAddhu vAdasvanAMshchakruH si.nhanAdAMshcha puShkalAn .. 20..\\
vishastaM bhrAtara.n dR^iShTvA karNa putrau mahArathau . 
suSheNaH satyasenashcha mu~nchantau nishitA~nsharAn .. 21..\\
tato.abhyadhAvatA.n tUrNaM pANDava.n rathinAM varam . 
jighA.nsantau yathA nAga.n vyAghrau rAjanmahAvane .. 22..\\
tAvabhyadhAvatA.n tIkShNau dvAvapyenaM mahAratham . 
sharaughAnsamyagasyantau jImUtau salila.n yathA .. 23..\\
sa sharaiH sarvato viddhaH prahR^iShTa iva pANDavaH . 
anyatkArmukamAdAya rathamAruhya vIryavAn . 
atiShThata raNe vIraH kruddha rUpa ivAntakaH .. 24..\\
tasya tau bhrAtarau rAja~nsharaiH saMnataparvabhiH . 
ratha.n vishakalIkartuM samArabdhau vishAM pate .. 25..\\
tataH prahasya nakulashchaturbhishchaturo raNe . 
jaghAna nishitaistIkShNaiH satyasenasya vAjinaH .. 26..\\
tataH sandhAya nArAcha.n rukmapu~NkhaM shilAshitam . 
dhanushchichchheda rAjendra satyasenasya pANDavaH .. 27..\\
athAnya.n rathamAsthAya dhanurAdAya chAparam . 
satyasenaH suSheNashcha pANDavaM paryadhAvatAm .. 28..\\
avidhyattAvasambhrAntau mAdrIputraH pratApavAn . 
dvAbhyA.n dvAbhyAM mahArAja sharAbhyA.n raNamUrdhani .. 29..\\
suSheNastu tataH kruddhaH pANDavasya mahaddhanuH . 
chichchheda prahasanyuddhe kShurapreNa mahArathaH .. 30..\\
athAnyaddhanurAdAya nakulaH krodhamUrchchhitaH . 
suSheNaM pa~nchabhirviddhvA dhvajamekena chichchhide .. 31..\\
satyasenasya cha dhanurhastAvApa.n cha mAriSha . 
chichchheda tarasA yuddhe tata uchchukrushurjanAH .. 32..\\
athAnyaddhanurAdAya vegaghnaM bhArasAdhanam . 
sharaiH sa~nchAdayAmAsa samantAtpANDunandanam .. 33..\\
saMnivArya tu tAnbANAnnakulaH paravIrahA . 
satyasena.n suSheNa.n cha dvAbhyAM dvAbhyAm avidhyata .. 34..\\
tAvenaM pratyavidhyetAM pR^ithakpR^ithagajihmagaiH . 
sArathi.n chAsya rAjendra sharairvivyadhatuH shitaiH .. 35..\\
satyaseno ratheShA.n tu nakulasyA dhanustathA . 
pR^ithaksharAbhyA.n chichchheda kR^itahastaH pratApavAn .. 36..\\
sa rathe.atirathastiShThanrathashaktiM parAmR^ishat . 
svarNadaNDAmakuNThAgrA.n tailadhautA.n sunirmalAm .. 37..\\
lelihAnAmiva vibho nAgakanyAM mahAviShAm . 
samudyamya cha chikShepa satyasenasya sa.nyuge .. 38..\\
sA tasya hR^idaya.n sa~Nkhye bibheda shatadhA nR^ipa . 
sa papAta rathAdbhUmau gatasattvo.alpachetanaH .. 39..\\
bhrAtaraM nihata.n dR^iShTvA suSheNaH krodhamUrchhitaH . 
abhyavarShachchharaistUrNaM padAtiM pANDunandanam .. 40..\\
nakula.n viratha.n dR^iShTvA draupadeyo mahAbalaH . 
suta somo.abhidudrAva parIpsanpitara.n raNe .. 41..\\
tato.adhiruhya nakulaH suta somasya ta.n ratham . 
shushubhe bharatashreShTho giristha iva kesarI . 
so.anyatkArmukamAdAya suSheNa.n samayodhayat .. 42..\\
tAvubhau sharavarShAbhyA.n samAsAdya parasparam . 
parasparavadhe yatna.n chakratuH sumahArathau .. 43..\\
suSheNastu tataH kruddhaH pANDava.n vishikhaistribhiH . 
suta soma.n cha viMshatyA bAhvorurasi chArpayat .. 44..\\
tataH kruddho mahArAja nakulaH paravIrahA . 
sharaistasya dishaH sarvAshchhAdayAmAsa vIryavAn .. 45..\\
tato gR^ihItvA tIkShNAgramardhachandra.n sutejanam . 
sa vegayukta.n chikShepa karNa putrasya sa.nyuge .. 46..\\
tasya tenA shiraH kAyAjjahAra nR^ipasattama . 
pashyatA.n sarvasainyAnA.n tadadbhutamivAbhavat .. 47..\\
sa hataH prApatadrAjannakulena mahAtmanA . 
nadIvegAdivArugNastIrajaH pAdapo mahAn .. 48..\\
karNa putravadha.n dR^iShTvA nakulasya cha vikramam . 
pradudrAva bhayAtsenA tAvakI bharatarShabha .. 49..\\
tA.n tu senAM mahArAja madrarAjaH pratApavAn . 
apAlayadraNe shUraH senApatirarindamaH .. 50..\\
vibhIstasthau mahArAja vyavasthApya cha vAhinIm . 
si.nhanAdaM bhR^isha.n kR^itvA dhanuH shabdaM cha dAruNam .. 51..\\
tAvakAH samare rAjanrakShitAdR^iDha dhanvanA . 
pratyudyayurarAtI.nste samantAdvigatavyathAH .. 52..\\
madrarAjaM maheShvAsaM parivArya samantataH . 
sthitA rAjanmahAsenA yoddhukAmAH samantataH .. 53..\\
sAtyakirbhima senashcha mAdrIputrau cha pANDavau . 
yudhiShThiraM puraskR^itya hrIneShedhamarindamam .. 54..\\
parivArya raNe vIrAH si.nhanAdaM prachakrire . 
bANashabdaravAMshchogrAnkShveDA.n cha vividhAndadhuH .. 55..\\
tathaiva tAvakAH sarve madrAdhipatima~njasA . 
parivArya susa.nrabdhAH punaryuddhAm arochchayan .. 56..\\
tataH pravavR^ite yuddhaM bhIrUNAM bhayavardhanam . 
tAvakAnAM pareShA.n cha mR^ityuM kR^itvA nivartanam .. 57..\\
yathA devAsura.n yuddhaM pUrvamAsIdvishAM pate . 
abhItAnA.n tathA rAjanyama rAShTravivardhanam .. 58..\\
tataH kapidhvajo rAjanhatvA saMshaptakAnraNe . 
abhyadravata tA.n senA.n kauravIM pANDunandanaH .. 59..\\
tathaiva pANDavAH sheShA dhR^iShTadyumnapurogamAH . 
abhyadhAvanta tA.n senAM visR^ijantaH shitA~nsharAn .. 60..\\
pANDavairavakIrNAnA.n sAMmohaH samajAyata . 
na cha jAGYuranIkAni disho vA pradishastathA .. 61..\\
ApUryamANA nishitaiH sharaiH pANDava choditaiH . 
hatapravIrA vidhvastA kIryamANA samantataH . 
kauravyavadhyata chamUH pANDuputrairmahArathaiH .. 62..\\
tathaiva pANDavI senA sharai rAjansamantataH . 
raNe.ahanyata putraiste shatasho.atha sahasrashaH .. 63..\\
te sene bhR^ishasantapte vadhyamAne parasparam . 
vyAkule samapadyetA.n varShAsu saritAviva .. 64..\\
Avivesha tatastIvra.n tAvakAnAM mahadbhayam . 
pANDavAnA.n cha rAjendra tathA bhUte mahAhave .. 65..\\
\medskip\hrule\medskip\centerline{\Largedvng 10}
 s

tasminvilulite sainye vadhyamAne parasparam . 
dravamANeShu yodheShu ninadatsu cha dantiShu .. 1..\\
kUjatA.n stanatA.n chaiva padAtInAM mahAhave . 
vidruteShu mahArAja hayeShu bahudhA tadA .. 2..\\
prakShaye dAruNe jAte sa.nhAre sarvadehinAm . 
nAnAshastrasamAvApe vyatiShakta rathadvipe .. 3..\\
harShaNe yuddhashauNDAnAM bhIrUNAM bhayavardhane . 
gAhamAneShu yodheShu parasparavadhaiShiShu .. 4..\\
prANAdAne mahAghore vartamAne durodare . 
sa~NgrAme ghorarUpe tu yama rAShTravivardhane .. 5..\\
pANDavAstAvaka.n sainyaM vyadhamannishitaiH sharaiH . 
tathaiva tAvakA yodhA jagnuH pANDavasainikAn .. 6..\\
tasmi.nstathA vartamAne yuddhe bhIru bhayAvahe . 
pUrvAhNe chaiva samprApte bhAskarodayanaM prati .. 7..\\
labdhalakShAH pare rAjanrakShitAshcha mahAtmanA . 
ayodhaya.nstava balaM mR^ityu.n kR^itvA nivartanam .. 8..\\
balibhiH pANDavairdR^iptairlabdhalakShaiH prahAribhiH . 
kauravyasIdatpR^itanA mR^igIvAgnisamAkulA .. 9..\\
tA.n dR^iShTvA sIdatI.n senAM pa~Nke gAmiva durbalAm . 
ujjihIrShustadA shalyaH prAyatpANDuchamUM prati .. 10..\\
madrarAjastu sa~Nkruddho gR^ihItvA dhanuruttamam . 
abhyadravata sa~NgrAme pANDavAnAtatAyinaH .. 11..\\
pANDavAshcha mahArAja samare jitakAshinaH . 
madrarAja.n samAsAdya vivyadhurnishitaiH sharaiH .. 12..\\
tataH sharashataistIkShNairmadrarAjo mahAbalaH . 
ardayAmAsa tA.n senA.n dharmarAjasya pashyataH .. 13..\\
prAdurAsa.nstato rAjannAnArUpaNyanekashaH . 
chachAla shabda.n kurvANA mahI chApi saparvatA .. 14..\\
sadaNDa shUlA dIptAgrAH shIryamANAH samantataH . 
ulkA bhUmi.n divaH peturAhatya ravimaNDalam .. 15..\\
mR^igashcha mAhiShAshchApi pakShiNashcha vishAM pate . 
apasavya.n tadA chakruH senAM te bahusho nR^ipa .. 16..\\
tatastadyuddhamatyugramabhavatsa~NghachAriNAm . 
tatha sarvANyanIkAni saMnipatya janAdhipa . 
abhyayuH kauravA rAjanpANDavAnAmanIkinIm .. 17..\\
shalyastu sharavarSheNa varShanniva sahasradR^ik . 
abhyavarShadadInAtmA kuntIputra.n yudhiShThiram .. 18..\\
bhImasena.n sharaishchApi rukmapu~NkhaiH shilAshitaH . 
draupadeyA.nstathA sarvAnmAdrIputrau cha pANDavau .. 19..\\
dhR^iShTadyumna.n cha shaineya.n shikhaNDinamathApi cha . 
ekaika.n dashabhirbANairvivyAdha cha mahAbalaH . 
tato.asR^ijadbANavarSha.n gharmAnte maghavAniva .. 20..\\
tataH prabhadrakA rAjansomakAshcha sahasrashaH . 
patitAH pAtyamAnAshcha dR^ishyante shalya sAyakaiH .. 21..\\
bhramarANAmiva vrAtAH shalabhAnAmiva vrajAH . 
hrAdinya iva meghebhyaH shalyasya nyapata~nsharAH .. 22..\\
dviradAsturagAshchArtAH pattayo rathinastathA . 
shalyasya bANairnyapatanbabhramurvyanada.nstathA .. 23..\\
AviShTa iva madresho manyunA pauruSheNa cha . 
prAchchhAdayadarInsa~Nkhye kAlasR^iShTa ivAntakaH . 
vinardamAno madresho meghahrAdo mahAbalaH .. 24..\\
sa vadhyamAnA shalyena pANDavAnAmanIkinI . 
ajAtashatru.n kaunteyamabhyadhAvadyudhiShThiram .. 25..\\
tA.n samarpya tataH sa~Nkhye laghuhastaH shitaiH sharaiH . 
sharavarSheNa mahatA yudhiShThiramapIDayat .. 26..\\
tamApatantaM pattyashvaiH kruddho rAjA yudhiShThiraH . 
avArayachchharaistIkShNairmatta.n dvipamivA~NkushaiH .. 27..\\
tasya shalyaH shara.n ghoraM mumochAshIviShopamam . 
so.abhyavidhyanmahAtmAna.n vegenAbhyapatachcha gAm .. 28..\\
tato vR^ikodaraH kruddhaH shalya.n vivyAdha saptabhiH . 
pa~nchabhiH sahadevastu nakulo dashabhiH sharaiH .. 29..\\
draupadeyAshcha shatrughna.n shUramArtAyaniM sharaiH . 
abhyavarShanmahAbhAgaM meghA iva mahIdharam .. 30..\\
tato dR^iShTvA tudyamAna.n shalyaM pArthaiH samantataH . 
kR^itavarmA kR^ipashchaiva sa~NkruddhAvabhyadhAvatAm .. 31..\\
ulUkashcha patatrI cha shakunishchApi saubalaH . 
smayamAnashcha shanakairashvatthAmA mahArathaH . 
tava putrAshcha kArtsnyena jugupuH shalyamAhave .. 32..\\
bhImasena.n tribhirviddhvA kR^itavarmA shilImukhaiH . 
bANavarNeNa mahatA kruddha rUpamavArayat .. 33..\\
dhR^iShTadyumna.n kR^ipaH kruddho bANavarNairapIDayat . 
draupadeyAMshcha shakuniryamau cha drauNirabhyayAt .. 34..\\
duryodhano yudhA.n shreShThAvAhave keshavArjunau . 
samabhyayAdugratejAH sharaishchAbhyahanadbalI .. 35..\\
eva.n dvandva shatAnyAsa.nstvadIyAnAM pariH saha . 
ghorarUpANi chitrANi tatra tatra vishAM pate .. 36..\\
R^ishya varNA~njaghAnAshvAnbhojo bhImasya sa.nyuge . 
so.avatIrya rathopasthAddhatAshvaH pANDunandanaH . 
kAlo daNDamivodyamya gadApANirayudhyata .. 37..\\
pramukhe sahadevasya jaghAnAshvAMshcha madrarAT . 
tataH shalyasya tanaya.n sahadevo.asinAvadhIt .. 38..\\
gautamaH punarAchAryo dhR^iShTadyumnamayodhayat . 
asambhrAntamasambhrAnto yatnavAnyatnavattaram .. 39..\\
draupadeyA.nstathA vIrAnekaika.n dashabhiH sharaiH . 
avidhyadAchArya suto nAtikruddhaH smayanniva .. 40..\\
shalyo.api rAjansa~Nkruddho nighnansomaka pANDavAn . 
punareva shitairbANairyudhiShThiramapIDayat .. 41..\\
tasya bhImo raNe kruddhaH sandaShTa dashanachchhadaH . 
vinAshAyAbhisandhAya gadAmAdatta vIryavAn .. 42..\\
yamadaNDapratIkAshA.n kalarAtrimivodyatAm . 
gajavAjimanuShyANAM prANAnta karaNIm api .. 43..\\
hemapaTTa parikShiptAmulkAM prajvalitAm iva . 
shaikyA.n vyAlImivAtyugrAM vajrakalpAmayo mayIm .. 44..\\
chandanAgurupa~NkAktAM pramadAmIpsitAm iva . 
vasA medo mR^igAdigdhA.n jihvA.n vaivasvatIm iva .. 45..\\
paTu ghaNTA rava shatA.n vAsavImashanIm iva . 
nirmuktAshIviShAkArAM pR^iktA.n gajamadairapi .. 46..\\
trAsanI.n ripusainyAnAM svasainyapariharShiNIm . 
manuShyaloke vikhyAtA.n girishR^i~NgavidAriNIm .. 47..\\
yayA kaulAsa bhavane maheshvara sakhaM balI . 
AhvayAmAsa kaunteyaH sa~NkruddhamalakAdhipam .. 48..\\
yayA mAyAvino dR^iptAnsubahUndhanadAlaye . 
jaghAna guhyakAnkruddho mandArArthe mahAbalaH . 
nivAryamANo bahubhirdraupadyAH priyamAsthitaH .. 49..\\
tA.n vajraM maNiratnaughAmaShTAshriM vajragauravAm . 
samudyamya mahAbAhuH shalyamabhyaddravadraNe .. 50..\\
gadayA yuddhakushalastayA dAruNanAdayA . 
poThayAmAsa shalyasya chaturo.ashvAnmahAjavAn .. 51..\\
tataH shalyo raNe kruddhaH pIne vakShasi tomaram . 
nichakhAna nadanvIro varma bhittvA cha so.abhyagAt .. 52..\\
vR^ikodarastvasmabhrAtastamevoddhR^itya tomaram . 
yantAraM madrarAjasya nirbibheda tato hR^idi .. 53..\\
sa bhinnavarmA rudhira.n vamanvitrastamAnasaH . 
papAtAbhimuho dIno madrarAjastvapAkramat .. 54..\\
kR^itapratikR^ita.n dR^iShTvA shalyo vismitamAnasaH . 
gadAmAshritya dhIrAtmA pratyamitramavaikShata .. 55..\\
tataH sumanasaH pArthA bhImasenamapUjayan . 
taddR^iShTvA karmasa~NgrAme ghoramakliShTakarmaNaH .. 56..\\
\medskip\hrule\medskip\centerline{\Largedvng 11}
 s

patitaM prekShya yantAra.n shalyaH sarvAyasI.n gadAm . 
AdAya tarasA rAja.nstasthau giririvAchalaH .. 1..\\
ta.n dIptamiva kAlAgniM pAshahastamivAntakam . 
sashR^i~Ngamiva kaulAsa.n savajramiva vAsavam .. 2..\\
sashUlamiva haryakSha.n vane mattamiva dvipam . 
javenAbhyapatadbhImaH pragR^ihya mahatI.n gadAm .. 3..\\
tataH sha~NkhapraNAdashcha tUryANA.n cha sahasrashaH . 
si.nhanAdashcha sa~njaGYe shUrANA.n harShavardhanaH .. 4..\\
prekShantaH sarvatastau hi yodhA yodhamahAdvipau . 
tAvakAshcha pare chaiva sAdhu sAdhvityathAbruvan .. 5..\\
na hi madrAdhipAdanyo rAmAdvA yadunandanAt . 
soDhumutsahate vegaM bhImasenasya sa.nyuge .. 6..\\
tathA madrAdhipasyApi gadA vegaM mahAtmanaH . 
soDhumutsahate nAnyo yodho yudhi vR^ikodarAt .. 7..\\
tau vR^iShAviva nardantau maNDalAni vicheratuH . 
Avalgitau gadAhastau madrarAjavR^ikodarau .. 8..\\
maNDalAvarta mArgeShu gadA viharaNeShu cha . 
nirvisheShamabhUdyuddha.n tayoH puruShasi.nhayoH .. 9..\\
taptahemamayaiH shubhrairbabhUva bhayavardhanI . 
agnijvAlairivAviddhA paTTaiH shalyasya sA gadA .. 10..\\
tathaiva charato mArgAnmaNDaleShu mahAtmanaH . 
vidyudabhrapratIkAshA bhImasya shushubhe gadA .. 11..\\
tADitA madrarAjena bhImasya gadayA gadA . 
dIpyamAneva vai rAjansasR^ije pAvakArchiShaH .. 12..\\
tathA bhImena shalyasya tADitA gadayA gadA . 
a~NgAravarShaM mumuche tadadbhutamivAbhavat .. 13..\\
dantairiva mahAnAgau shR^i~Ngairiva maharShabhau . 
tottrairiva tadAnyonya.n gadA grAbhyAM nijaghnatuH .. 14..\\
tau gadA nihatairgAtraiH kShaNena rudhirokShitau . 
prekShaNIyatarAvAstAM puShpitAviva kiMshukau .. 15..\\
gadayA madrarAjena savyadakShiNamAhataH . 
bhImaseno mahAbAhurna chachAlAchalo yathA .. 16..\\
tathA bhIma gadA vegaistADyamAno muhurmuhuH . 
shalyo na vivyathe rAjandantinevAhato giriH .. 17..\\
shushruve dikShu sarvAsu tayoH puruShasi.nhayoH . 
gadA nipAtasa.nhrAdo vajrayoriva nisvanaH .. 18..\\
nivR^itya tu mahAvIryau samuchchhritagadAvubhau . 
punarantaramArgasthau maNDalAni vicheratuH .. 19..\\
athAbhyetya padAnyaShTau saMnipAto.abhavattayoH . 
udyamya lohadaNDAbhyAmatimAnuSha karmaNoH .. 20..\\
prArthayAnau tadAnyo.anyaM maNDalAni vicheratuH . 
kriyAvisheSha.n kR^itinau darshayAmAsatustadA .. 21..\\
athodyamya gade ghore sashR^i~NgAviva parvatau . 
tAvAjaghnAturanyonya.n yathA bhUmichalo.achalau .. 22..\\
tau parasparavegAchcha gadAbhyA.n cha bhR^ishAhatau . 
yugapatpetaturvIrAvubhAvindradhvajAviva .. 23..\\
ubhayoH senayorvIrAstadA hAhAkR^ito.abhavan . 
bhR^ishaM marmaNyabhihatAvubhAvAstA.n suvihvalau .. 24..\\
tataH sagadamAropya madrANAmR^iShabha.n rathe . 
apovAha kR^ipaH shalya.n tUrNamAyodhanAdapi .. 25..\\
kShIbavadvihvalatvAttu nimeShAtpunarutthitaH . 
bhImaseno gadApANiH samAhvayata madrapam .. 26..\\
tatastu tAvakAH shUrA nAnAshastrasamAyutAH . 
nAnA vAditrashabdena pANDusenAm ayodhayan .. 27..\\
bhujAvuchchhritya shastra.n cha shabdena mahatA tataH . 
abhyadravanmahArAja duryodhana purogamAH .. 28..\\
tadanIkamabhiprekShya tataste pANDunandanAH . 
prayayuH si.nhanAdena duryodhana vadhepsayA .. 29..\\
teShAmApatatA.n tUrNaM putraste bharatarShabha . 
prAsena chekitAna.n vai vivyAdha hR^idaye bhR^isham .. 30..\\
sa papAta rathopasthe tava putreNa tADitaH . 
rudhiraughapariklinnaH pravishya vipula.n tamaH .. 31..\\
chekitAna.n hata.n dR^iShTvA pANDavAnAM mahArathAH . 
prasaktamabhyavarShanta sharavarShANi bhAgashaH .. 32..\\
tAvakAnAmanIkeShu pANDavA jitakAshinaH . 
vyacharanta mahArAja prekShaNIyAH samantataH .. 33..\\
kR^ipashcha kR^itavarmA cha saubalashcha mahAbalaH . 
ayodhayandharmarAjaM madrarAjapuraskR^itAH .. 34..\\
bhAradvAjasya hantAraM bhUri vIryaparAkramam . 
duryodhano mahArAja dhR^iShTadyumnamayodhayat .. 35..\\
trisAhasrA rathA rAja.nstava putreNa choditAH . 
ayodhayanta vijaya.n droNaputra puraskR^itAH .. 36..\\
vijaye dhR^itasa~NkAlpAH samabhityaktajIvitAH . 
prAvisha.nstAvakA rAjanha.nsA iva mahatsaraH .. 37..\\
tato yuddhamabhUdghoraM parasparavadhaiShiNAm . 
anyonyavadhasa.nyuktamanyonyaprItivardhanam .. 38..\\
tasminpravR^itte sa~NgrAme rAjanvIravarakShaye . 
anilenerita.n ghoramuttasthau pArthiva.n rajaH .. 39..\\
shravaNAnnAmadheyAnAM pANDavAnA.n cha kIrtanAt . 
paraspara.n vijAnImo ye chAyudhyannabhItavat .. 40..\\
tadrajaH puruShavyAghra shoNitena prashAmitam . 
dishashcha vimalA jaGYustasminrajasi shAmite .. 41..\\
tathA pravR^itte sa~NgrAme ghorarUpe bhayAnake . 
tAvakAnAM pareShA.n cha nAsItkashchitparA~NmukhaH .. 42..\\
brahmalokaparA bhUtvA prArthayanto jaya.n yudhi . 
suyuddhena parAkrAntA narAH svargamabhipsavaH .. 43..\\
bhartR^ipiNDa vimokSharthaM bhartR^ikAryavinishchitAH . 
svargasa.nsaktamanaso yodhA yuyudhire tadA .. 44..\\
nAnArUpANi shastrANi visR^ijanto mahArathAH . 
anyonyamabhigarjantaH praharantaH parasparam .. 45..\\
hatavidhyata gR^ihNIta praharadhvaM nikR^intata . 
iti sma vAchaH shrUyante tava teShA.n cha vai bale .. 46..\\
tataH shalyo mahArAja dharmarAja.n yudhiShThiram . 
vivyAdha nishitairbANairhantukAmo mahAratham .. 47..\\
tasya pArtho mahArAja nArAchAnvai mahAratham . 
marmANyuddishya marmaGYo nichakhAna hasanniva .. 48..\\
ta.n vArya pANDavaM bANairhantukAmo mahAyashAH . 
vivyAdha samare kruddho bahubhiH ka~NkapatribhiH .. 49..\\
atha bhUyo mahArAja shareNa nataparvaNA . 
yudhiShThira.n samAjaghne sarvasainyasya pashyataH .. 50..\\
dharmarAjo.api sa~Nkruddho madrarAjaM mahAyashAH . 
vivyAdha nishitairbANaiH ka~NkabarhiNa vAjitaiH .. 51..\\
chandra sena.n cha saptatyA sUtaM cha navabhiH sharaiH . 
drumasena.n chatuHShaShTyA nijaghAna mahArathaH .. 52..\\
chakrarakShe hate shalyaH pANDavena mahAtmanA . 
nijaghAna tato rAjaMshchedInvai pa~nchaviMshatim .. 53..\\
sAtyakiM pa~nchaviMshatyA bhImasena.n cha pa~nchabhiH . 
mAdrIputrau shatenAjau vivyAdha nishitaiH sharaiH .. 54..\\
eva.n vicharatastasya sa~NgrAme rAjasattama . 
sampreShayachchhitAnpArtaH sharAnAshIviShopamAn .. 55..\\
dhvajAgra.n chAsya samare kuntIputro yudhiShThiraH . 
pramukhe vartamAnasya bhallenApaharadrathAt .. 56..\\
pANDuputreNa vai tasya ketu.n chhinnaM mahAtmanA . 
nipatantamapashyAma girishR^i~NgamivAhatam .. 57..\\
dhvajaM nipatita.n dR^iShTvA pANDavaM cha vyavasthitam . 
sa~Nkruddho madrarAjo.abhUchchharavarShaM mumocha ha .. 58..\\
shalyaH sAyakavarSheNa parjanya iva vR^iShTimAn . 
abhyavarShadameyAtmA kShatriya.n kShatriyarShabhaH .. 59..\\
sAtyakiM bhImasena.n cha mAdrIputrau cha pANDavau . 
ekaikaM pa~nchabhirviddhvA yudhiShThiramapIDayat .. 60..\\
tato bANamaya.n jAla.n vitataM pANDavorasi . 
apashyAma mahArAja meghajAlamivodgatam .. 61..\\
tasyA shalyo raNe kruddho bANaiH saMnataparvabhiH . 
dishaH prachchhAdayAmAsa pradishashcha mahArathaH .. 62..\\
tato yudhiShThiro rAjA bANajAlena pIDitaH . 
babhUva hR^itavikrAnto jambho vR^itra haNA yathA .. 63..\\
\medskip\hrule\medskip\centerline{\Largedvng 12}
 s

pIDite dharmarAje tu madrarAjena mAriSha . 
sAtyakirbhImasenashcha mAdrIputrau cha pANDavau . 
parivArya rathaiH shalyAM pIDayAmAsurAhave .. 1..\\
tamekaM bahubhirdR^iShTva pIDyamAnaM mahArathaiH . 
sAdhuvAdo mahA~njaGYe siddhAshchAsanpraharShitAH . 
AsharyamityabhAShAnta munayashchApi sa~NgatAH .. 2..\\
bhImaseno raNe shalya.n shalya bhUtaM parA~Nkrame . 
ekena viddhvA bANena punarvivyAdha saptabhiH .. 3..\\
sAtyakishcha shatenaina.n dharmaputra parIpsayA . 
madreshvaramavAkIrya si.nhanAdamathAnadat .. 4..\\
nakulaH pa~nchabhishchainA.n sahadevashcha saptabhiH . 
viddhvA ta.n tu tatastUrNaM punarvivyAdha saptabhiH .. 5..\\
sa tu shUro raNe yattaH pIDitastairmahArathaiH . 
vikR^iShya kArmuka.n ghora.n vegaghnAM bhArasAdhanam .. 6..\\
sAtyakiM pa~nchaviMshatyA shalyo vivyAdha mAriShA . 
bhImasena.n trisAptatyA nakula.n saptabhistathA .. 7..\\
tataH savishikha.n chApa.n sahadevasya dhanvinaH . 
chhittvA bhallena samare vivyAdhaina.n trisaptabhiH .. 8..\\
sahadevastu samare matulaM bhUri varchasam . 
sajyamanyaddhanuH kR^itvA pa~nchabhiH samatADayat . 
sharairAshIviShAkArairjvalajjvalanasaMnibhaiH .. 9..\\
sArathi.n chAsya samare shareNAnataparvaNA . 
vIvyAdha bhR^ishasa~Nkruddhasta.n cha bhUyastribhiH sharaiH .. 10..\\
bhImasenastrisaptatyA sAtyakirnavabhiH sharaiH . 
dharmarAjastathA ShaShTyA gate shalya.n samarpayat .. 11..\\
tataH shalyo mahArAja nirviddhastairmahArathaiH . 
susrAva rudhira.n gAtrairgairikaM parvato yathA .. 12..\\
tAMshcha sarvAnmaheShvAsAnpa~nchabhiH pa~nchabhiH sharaiH . 
vivyAdha tarasA rAja.nstadadbhutamivAbhavat .. 13..\\
tato.apareNa bhallena dharmaputrasya mAriSha . 
dhAnushchichchheda samare sAjyA.n sa sumahArathaH .. 14..\\
athAnyaddhanurAdAya dharmaputro mahArathaH . 
sAshvasUta dhvajaratha.n shalyaM prAchchhAdayachchharaiH .. 15..\\
sachchhAdyamAnaH samare dharmaputrasya sAyakaiH . 
yudhiShThiramathAvidhyaddashabhirnishitaiH sharaiH .. 16..\\
sAtyakistu tataH kruddho dharmA putre sharArdite . 
madrANAmadhipa.n shUraM sharaughaiH samavArayat .. 17..\\
sa sAtyakeH prachichchheda kShurapreNa mahaddhanuH . 
bhImasenamukhA.nstAMshcha tribhistribhiratADayat .. 18..\\
tasya kruddho mahArAja sAtyakiH satyavikramaH . 
tomaraM preShayAmAsa svarNA daNDaM mahAdhanam .. 19..\\
bhImaseno.atha nArAcha.n jvalantamiva pannagam . 
nakulaH samare shakti.n sahadevo gadAM shubhAm . 
dharmarAjaH shataghnI.n tu jigghA.nsuH shalyamAhave .. 20..\\
tAnApatata evAshu pa~nchAnA.n vai bhujachyutAn . 
sAtyakiprahita.n shalyo bhallaish chichchheda tomaram .. 21..\\
bhImena prahita.n chApi sharaM kanakabhUShaNam . 
dvidhA chichchheda samare kR^itahastaH pratApavAn .. 22..\\
nakula preShitA.n shaktiM hemadaNDAM bhayAvahAm . 
gadA.n cha sahadevena sharaughaiH samavArayat .. 23..\\
sharAhyA.n cha shataghnIM tA.n rAGYashchichchheda bhArata . 
pashyatAM pANDuputrANA.n si.nhanAdaM nanAda cha . 
nAmR^iShyatta.n tu shaineyaH shatrorvijayamAhave .. 24..\\
athAnyaddhanurAdAya sAtyakiH krodhamUrchhitaH . 
dvAbhyAM madreshvara.n viddhvA sArathi.n cha tribhiH sharaiH .. 25..\\
tataH shalyo mahArAja sarvA.nstAndashabhiH sharaiH . 
vivyAdha subhR^isha.n kruddhastottrairiva mahAdvipAn .. 26..\\
te vAryamANAH samare madrarAGYA mahArathAH . 
na shekuH pramukhe sthAtu.n tasya shatruniShUdanAH .. 27..\\
tato duryodhano rAjA dR^iShTvA shalyasya vikramam . 
nihatAnpANDavAnmene pA~nchAlAnatha sR^i~njayAn .. 28..\\
tato rAjanmahAbAhurbhImasenaH pratApavAn . 
santyajya manasA prANAnmadrAdhipamayodhayat .. 29..\\
nakulaH sahadevashcha sAtyakishcha mahArathaH . 
parivArya tadA shalya.n samantAdvyakira~nsharaiH .. 30..\\
sa chaturbhirmaheShvAsaiH pANDavAnAM mahArathaiH . 
vR^itastAnyodhayAmAsA madrarAjaH pratApavAn .. 31..\\
tasya dharmasuto rAjankShurapreNa mahAhave . 
chakrarakSha.n jaghAnAshu madrarAjasya pArthiva .. 32..\\
tasmi.nstu nihate shUre chakrarakShe mahArathe . 
madrarAjo.atibalavAnsainikAnAstR^iNochchharaiH .. 33..\\
samAchchhannA.nstatastA.nstu rAjanvIkShya sa sainikAn . 
chintayAmAsa samare dharmarAjo yudhiShThiraH .. 34..\\
kathaM nu na bhavetsatya.n tanmAdhava vacho mahat . 
na hi kruddho raNe rAjA kShapayeta balaM mama .. 35..\\
tataH saratha nAgAshvAH pANDavAH paNDu pUrvaja . 
madreshvara.n samAseduH pIDayantaH samantataH .. 36..\\
nAnAshastraughabahulA.n shastravR^iShTiM samutthitAm . 
vyadhamatsamare rAjanmahAbhrANIva mArutaH .. 37..\\
tataH kanakapu~NkhA.n tA.n shalya kShiptAM viyadgatAm . 
sharavR^iShTimapashyAma shalabhAnAmivAtatim .. 38..\\
te sharA madrarAjena preShitA raNamUrdhani . 
sampatantaH sma dR^ishyante shalabhAnA.n vrajA iva .. 39..\\
madrarAjadhanurmuktaiH sharaiH kanakabhUShaNaiH . 
nirantaramivAkAsha.n sambabhUva janAdhipa .. 40..\\
na pANDavAnAM nAsmAka.n tatra kashchidvyadR^ishyata . 
bANAndha kAre mahati kR^ite tatra mahAbhaye .. 41..\\
madrarAjena balinA lAghavAchchharavR^iShTibhiH . 
loDyamAna.n tathA dR^iShTvA pANDavAnAM balArNavam . 
vismayaM parama.n jagmurdevagandharvadAnavAH .. 42..\\
sa tu tAnsarvato yattA~nsharaiH sampIDya mAriSha . 
dharmarAjamavachchhAdya si.nhavadvyanadanmuhuH .. 43..\\
te chhannAH samare tena pANDavAnAM mahArathAH . 
na shekusta.n tadA yuddhe pratyudyAtaM mahAratham .. 44..\\
dharmarAja purogAstu bhImasenamukhA rathAH . 
na jahuH samare shUra.n shalyamAhavashobhinam .. 45..\\
\medskip\hrule\medskip\centerline{\Largedvng 13}
 s

arjuno drauNinA viddho yuddhe bahubhirAyasaiH . 
tasya chAnucharaiH shUraistrigartAnAM mahArathaiH . 
drauNi.n vivyAdha samare tribhireva shilA mukhaiH .. 1..\\
tathetarAnmaheShvAsAndvAbhyA.n dvAbhyAM dhana~njayaH . 
bhUyashchaiva mahAbAhuH sharavarShairavAkirat .. 2..\\
sharakaNTakitAste tu tAvakA bharatarShabha . 
na jAhuH sAmare pArtha.n vadhyamAnAH shitaiH sharaiH .. 3..\\
te.arjuna.n rathavaMshena droNaputra purogamAH . 
ayodhayanta samare parivArya mahArathAH .. 4..\\
taistu kShiptAH sharA rAjankArtasvaravibhUShitAH . 
arjunasya rathopasthaM pUrayAmAsura~njasA .. 5..\\
tathA kR^iShNau maheShvAsau vR^iShabhau sarvadhanvinAm . 
sharairvIkShya vitunnA~Ngau prahR^iShTau yuddhadurmadau .. 6..\\
kUbara.n rathachakrANi IShA yoktrANi chAbhibho . 
yuga.n chaivAnukarShaM cha sharabhUtamabhUttadA .. 7..\\
naitAdR^isha.n dR^iShTapUrva.n rAjannaiva cha naH shrutam . 
yAdR^isha.n tatra pArthasya tAvakAH samprachakrire .. 8..\\
sa rathaH sarvato bhAti chitrapu~NkhaiH shitaiH sharaiH . 
ulkA shataiH sampradIpta.n vimAnamiva bhUtale .. 9..\\
tato.arjuno mahArAja sharaiH saMnataparvabhiH . 
avAkirattAM pR^itanAM megho vR^iShTyA yathAchalam .. 10..\\
te vadhyamAnAH samare pArthA nAmA~NkitaiH sharaiH . 
pArtha bhUtamamanyanta prekShAmANAstathAvidham .. 11..\\
tato.adbhutasharajvAlo dhanuH shabdAnilo mahAn . 
senendhana.n dadAhAshu tAvakaM pArtha pAvakaH .. 12..\\
chakrANAM pAtatA.n chaiva yugAnAM cha dharAtale . 
tUNIrANAM patAkAnA.n dhvajAnAM cha rathaiH saha .. 13..\\
IShANAmanukarShANA.n triveNUnAM cha bhArata . 
akShANAmatha yoktrANAM pratodAnA.n cha sarvashaH .. 14..\\
shirasAM patatA.n chaiva kuNDaloShNISha dhAriNAm . 
bhujAnA.n cha mahArAja skandhAnAM cha samantataH .. 15..\\
chhattrANA.n vyajanaiH sArdhaM mukuTAnA.n cha rAshayaH . 
samadR^ishyanta pArthasya rathamArgeShu bhArata .. 16..\\
agamyarUpA pR^ithivI mA.nsashoNitakardamA . 
babhUva bharatashreShTha rudrasyAkrIDana.n yathA . 
bhIrUNA.n trAsajananI shUrANA.n harShavardhanI .. 17..\\
hatvA tu samare pArthaH sahasre dve parantapa . 
rathAnA.n savarUthAnAM vidhUmo.agniriva jvalan .. 18..\\
yathA hi bhagavAnagnirjagaddagdhvA charAcharam . 
vidhUmo dR^ishyate rAja.nstathA pArtho mahArathaH .. 19..\\
drauNistu samare dR^iShTvA pANDavasya parAkramam . 
rathenAtipatAkena pANDavaM pratyavArayat .. 20..\\
tAvubhau puruShavyAghrau shvetAshvau dhanvinA.n varau . 
samIyatustadA tUrNaM parasparavadhaiShiNau .. 21..\\
tayorAsInmahArAja bANavarSha.n sudAruNam . 
jImUtAnA.n yathA vR^iShTirtapAnte bharatarShabha .. 22..\\
anyonyaspardhinau tau tu sharaiH saMnataparvabhiH . 
tatakShaturmR^idhe.anyonya.n shR^i~NgAbhyAM vR^iShabhAviva .. 23..\\
tayoryuddhaM mahArAja chira.n samamivAbhavat . 
astrANA.n sa~Ngamashchaiva ghorastatrAbhavanmahAn .. 24..\\
tato.arjuna.n dvAdashabhI rukmapu~NkhaiH sutejanaiH . 
vAsudeva.n cha dashabhirdrauNirvivyAdha bhArata .. 25..\\
tataH prahasya bIbhatsurvyAkShipadgANDiva.n dhanuH . 
mAnayitvA muhUrta.n cha guruputraM mahAhave .. 26..\\
vyashva sUta ratha.n chakre savyasAchI mahArathaH . 
mR^idupUrva.n tatashchainaM tribhirvivyAdha sAyakaiH .. 27..\\
hatAshve tu rathe tiShThandroNaputrastvayo mayam . 
musalaM pANDuputrAya chikShepa parighopamam .. 28..\\
tamApatanta.n sahasA hemapaTTa vibhUShitam . 
chichchheda saptadhA vIraH pArtaH shatrunibarhaNaH .. 29..\\
sa chchhinnaM musala.n dR^iShTvA drauNiH paramakopanaH . 
Adade parigha.n ghoraM nagendrashikharopamam . 
chikShepa chaiva pArthAya drauNiryuddhavishAradaH .. 30..\\
tamantakamiva kruddhaM parighaM prekShya pANDavaH . 
arjunastvarito jaghne pa~nchabhiH sAyakottamaiH .. 31..\\
sa chchhinnaH patito bhUmau pArtha bANairmahAhave . 
dArayanpR^ithivIndrANAM manaH shabdena bhArata .. 32..\\
tato.aparaistribhirbANairdrauNi.n vivyAdha pANDavaH . 
so.atividdho balavatA pArthena sumahAbalaH . 
na sambhrAntastadA drauNiH pauruShe sve vyavasthitaH .. 33..\\
sudharmA tu tato rAjanbhAradvAjaM mahAratham . 
avAkirachchharavrAtaiH sarvakShatrasya pashyataH .. 34..\\
tatastu suratho.apyAjau pA~nchAlAnAM mahArathaH . 
rathena meghaghoSheNa drauNimevAbhyadhAvata .. 35..\\
vikarShanvai dhanuHshreShTha.n sarvabhAra saha.n dR^iDham . 
jvalanAshIviShanibhaiH sharaishchainamavAkirat .. 36..\\
suratha.n tu tataH kruddhamApatantaM mahAratham . 
chukopa samare drauNirdaNDAhata ivoragaH .. 37..\\
trishikhAM bhrukuTI.n kR^itvA sR^ikkiNI parilelihan . 
udvIkShya suratha.n roShAddhanurjyAmavamR^ijya cha . 
mumocha tIShNaM nArAcha.n yamadaNDasamadyutim .. 38..\\
sa tasya hR^idayaM bhittvA praviveshAtivegataH . 
shakrAshanirivotsR^iShTA vidArya dharaNItalam .. 39..\\
tatastaM patitaM bhUmau nArAchena samAhatam . 
vajreNeva yathA shR^i~NgaM parvatasya mahAdhanam .. 40..\\
tasmi.nstu nihate vIre droNaputraH pratApavAn . 
Aruroha ratha.n tUrNaM tameva rathinA.n varaH .. 41..\\
tataH sajjo mahArAja drauNirAhavadurmadaH . 
arjuna.n yodhayAmAsa saMshaptaka vR^ito raNe .. 42..\\
tatra yuddhaM mahachchAsIdarjunasya paraiH saha . 
madhyandinagate sUrye yama rAShTravivardhanam .. 43..\\
tatrAshcharyamapashyAma dR^iShTvA teShAM parAkramam . 
yadeko yugapadvIrAnsamayodhayadarjunaH .. 44..\\
vimardastu mahAnAsIdarjunasya paraiH saha . 
shatakratoryathApUrvaM mahatyA daitya senayA .. 45..\\
\medskip\hrule\medskip\centerline{\Largedvng 14}
 s

duryodhano mahArAja dhR^iShTadyumnashcha parShataH . 
chakratuH sumahadyuddhA.n sharashaktisamAkulam .. 1..\\
tayorAsanmahArAja sharadhArAH sahasrashaH . 
ambudAnA.n yathAkAle jaladhArAH samantataH .. 2..\\
rAjA tu pArShata.n viddhvA sharaiH pa~nchabhirAyasaiH . 
droNa hantAramugreShuH punarvivyAdha saptabhiH .. 3..\\
dhR^iShTadyumnastu samare balavAndR^iDhavikramaH . 
saptatyA vishikhAnA.n vai duryodhanamapIDayat .. 4..\\
pIDitaM prekShya rAjAna.n sodaryA bharatarShabha . 
mahatyA senayA sArdhaM parivavruH sma pArShatam .. 5..\\
sa taiH parivR^ito shUraiH sarvato.atirathairbhR^isham . 
vyacharatsamare rAjandarshayanhastalAghavam .. 6..\\
shikhaNDI kR^itavarmANa.n gautamaM cha mahAratham . 
prabhadrakaiH samAyukto yodhayAmAsa dhanvinau .. 7..\\
tatrApi sumahadyuddha.n ghorarUpa.n vishAM pate . 
prANAnsantyajatA.n yuddhe prANadyUtAbhidevane .. 8..\\
shalyastu sharavarShANi vimu~nchansarvatodisham . 
pANDavAnpIDayAmAsa sasAtyaki vR^ikodarAn .. 9..\\
tathobhau cha yamau yuddhe yama tulyaparAkramau . 
yodhayAmAsa rAjendra vIryeNa cha balena cha .. 10..\\
shalya sAyakanunnAnAM pANDavAnAM mahAmR^idhe . 
trAtAraM nAdhyagachchhanta kechchittatra mahArathAH .. 11..\\
tatastu nakulaH shUro dharmarAje prapIDite . 
abhidudrAva vegena mAtulaM mAdrinandanaH .. 12..\\
sa~nchAdya samare shalyaM nakulaH paravIrahA . 
vivyAdha chaina.n dashabhiH smayamAnaH stanAntare .. 13..\\
sarvapArashavairbANaiH karmAra parimArjitaiH . 
svarNapu~NkhaiH shilA dhautairdhanuryantraprachoditaiH .. 14..\\
shalyastu pIDitastena svastrIyeNa mahAtmanA . 
nakulaM pIDayAmAsa svasrIyeNa mahAtmanA .. 15..\\
tato yudhiShThiro rAjA bhImaseno.atha sAtyakiH . 
sahadevashcha mAdreyo madrarAjamupAdravan .. 16..\\
tAnApatata evAshu pUrayAnAnrataH svanaiH . 
dishashcha pradishashchaiva kampayAnAMshcha medinIm . 
pratijagrAha samare senApatiramitrajit .. 17..\\
yudhiShThira.n tribhirviddhvA bhImasenaM cha saptabhiH . 
sAtyaki.n cha shatenAjau sahadevaM tribhiH sharaiH .. 18..\\
tatastu sashara.n chApaM nakulasya mahAtmanaH . 
madreshvaraH kShurapreNa tadA chichchheda mAriSha . 
tadashIryata vichchhinna.n dhanuH shalyasya sAyakaiH .. 19..\\
athAnyaddhanurAdAya mAdrIputro mahArathaH . 
madrarAjaratha.n tUrNaM pUrayAmAsa patribhiH .. 20..\\
yudhiShThirastu madresha.n sahadevashcha mAriSha . 
dashabhirdashabhirbANairurasyenamavidhyatAm .. 21..\\
bhImasenastataH ShaShTyA sAtyakirnavabhiH sharaiH . 
madrarAjamabhidrutya jaghnatuH ka~NkapatribhiH .. 22..\\
madrarAjastataH kruddhaH sAtyakiM navabhiH sharaiH . 
vivyAdha bhUyaH saptatyA sharANAM nataparvaNAm .. 23..\\
athAsya sashara.n chApaM muShTau chichchheda mAriSha . 
hayAMshcha chaturaH sa~Nkhye preShayAmAsa mR^ityave .. 24..\\
viratha.n sAtyaki.n kR^itvA madrarAjo mahAbalaH . 
vishikhAnA.n shatenainamAjaghAna samantataH .. 25..\\
mAdrIputrau tu sa.nrabdhau bhImasena.n cha pANDavam . 
yudhiShThira.n cha kauravya vivyAdha dashabhiH sharaiH .. 26..\\
tatrAdbhutamapashyAma madrarAjasya pauruSham . 
yadena.n sahitAH pArthA nAbhyavartanta sa.nyuge .. 27..\\
athAnya.n rathamAsthAya sAtyakiH satyavikramaH . 
pIDitAnpANDavAndR^iShTvA madrarAjavasha.n gatAn . 
abhidudrAva vegena madrANAmadhipaM balI .. 28..\\
Apatanta.n ratha.n tasya shalyaH samitishobhanaH . 
pratyudyatau rathenaiva matto mattamiva dvipam .. 29..\\
sa saMnipAtastumulo babhUvAdbhutadarshanaH . 
sAtyakeshchaiva shUrasya madrANAm adhipasya cha . 
yAdR^isho vai purAvR^ittaH shambarAmara rAjayoH .. 30..\\
sAtyakiH prekShya samare madrarAja.n vyavasthitam . 
vivyAdha dashabhirbANaistiShTha tiShTheti chAbravIt .. 31..\\
madrarAjastu subhR^isha.n viddhastena mahAtmanA . 
sAtyakimM prativivyAdha chitrapu~NkhaiH shitaiH sharaiH .. 32..\\
tataH pArthA maheShvAsAH sAtvatAbhisR^itaM nR^ipam . 
abhyadravanrathaistUrNaM mAtula.n vadhakAmyayA .. 33..\\
tata AsItparAmardastumulaH shoNitodakaH . 
shUrANA.n yudhyamAnAnAM si.nhAnAmiva nardatAm .. 34..\\
teShAmAsInmahArAja vyatikShepaH parasparam . 
si.nhAnAmAmiShepsUnA.n kUjatAmiva sa.nyuge .. 35..\\
teShAM bANasahasraughairAkIrNA vasudhAbhavat . 
antarikSha.n cha sahasA bANabhUtamabhUttadA .. 36..\\
sharAndhakAraM bahudhA kR^ita.n tatra samantataH . 
abbhrachchhAyeva sa~njaGYe sharairmuktairmahAtmabhiH .. 37..\\
tatra rAja~nsharairmuktairnirmuktairiva pannagaiH . 
svarNapu~NkhaiH prakAshadbhirvyarochanta dishastathA .. 38..\\
tatrAdbhutaM para.n chakre shalyaH shatrunibarhaNaH . 
yadekaH samare shUro yodhayAmAsa vai bahUn .. 39..\\
madrarAjabhujotsR^iShTaiH ka~NkabarhiNa vAjitaiH . 
sampatadbhiH sharairghorairavAkIryata medinI .. 40..\\
tatra shalya ratha.n rAjanvicharantaM mahAhave . 
apashyAma yathApUrva.n shakrasyAsurasa~NkShaye .. 41..\\
\medskip\hrule\medskip\centerline{\Largedvng 15}
 s

tatha sainyAstava vibho madrarAjapuraskR^itAH . 
punarabhyadravanpArthAnvegena mahatA raNe .. 1..\\
pIDitAstAvakAH sarve pradhAvanto raNotkaTAH . 
kShaNenaiva cha pArthA.nste bahutvAtsamaloDayan .. 2..\\
te vadhyamAnAH kurubhiH pANDavA nAvatasthire . 
nivAryamANA bhImena pashyatoH kR^iShNa pArthayoH .. 3..\\
tato dhana~njayaH kruddhAH kR^ipa.n saha padAnugaiH . 
avAkirachchharaugheNa kR^itavarmANameva cha .. 4..\\
shakuni.n sahadevastu saha sainyamavArayat . 
nakulaH pArshvataH sthitvA madrarAjamavaikShata .. 5..\\
draupadeyA narendrAMshcha bhUyiShTha.n samavArayan . 
droNaputra.n cha pA~nchAlyaH shikhANDI samavArayat .. 6..\\
bhImasenastu rAjAna.n gadApANiravArayat . 
shalya.n tu saha sainyena kuntIputro yudhiShThiraH .. 7..\\
tataH samabhavadyuddha.n sa.nsakta.n tatra tatra ha . 
tAvakAnAM pareShA.n cha sa~NgrAmeShvanivartinAm .. 8..\\
tatra pashyAmahe karma shalyasyAtimahadraNe . 
yadekaH sarvasainyAni pANDavAnAm ayudhyata .. 9..\\
vyadR^ishyata tadA shalyo yudhiShThira samIpataH . 
raNe chandrasamo.abhyAshe sharaishchara iva grahaH .. 10..\\
pIDayitvA tu rAjAna.n sharairAshIviShopamaiH . 
abhyadhAvatpunarbhIma.n sharavarShairavAkirat .. 11..\\
tasya tallAghava.n dR^iShTvA tathaiva cha kR^itAstratAm . 
apUjayannanIkAni pareShA.n tAvakAni cha .. 12..\\
pIDyamAnAstu shalyena pANDavA bhR^ishavikShatAH . 
prAdravanta raNa.n hitvA kroshamAne yudhiShThire .. 13..\\
vadhyamAneShvanIkeShu madrarAjena pANDavaH . 
amarShavashamApanno dharmarAjo yudhiShThiraH . 
tataH pauruShamAsthAya madrarAjamapIDayat .. 14..\\
jayo vAstu vadho veti kR^itabuddhirmahArathaH . 
samAhUyAbravItsarvAnbhrAtR^InkR^iShNa.n cha mAdhavam .. 15..\\
bhIShmo droNashcha karNashcha ye chAnye pR^ithivIkShitaH . 
kauravArthe parAkrAntAH sa~NgrAme nidhana.n gatAH .. 16..\\
yathAbhAga.n yathotsAhaM bhavantaH kR^itapauruShAH . 
bhAgo.avashiShTa eko.ayaM mama shalyo mahArathaH .. 17..\\
so.ahamadya yudhA jetumAsha.nse madrakeshvaram . 
tatra yanmAnasaM mahya.n tatsArvaM nigadAmi vaH .. 18..\\
chakrarakShAvimau shUrau mama mAdravatIsutau . 
ajeyau vAsavenApi samare vIra saMmatau .. 19..\\
sAdhvimau mAtula.n yuddhe kShatradharmapuraskR^itau . 
madarthaM pratiyudhyetAM mAnArhau satyasa~Ngarau .. 20..\\
mA.n vA shalyo raNe hantA taM vAhaM bhadramastu vaH . 
iti satyAmimA.n vANIM lokavIrA nibodhata .. 21..\\
yotsye.ahaM mAtulenAdya kShatradharmeNa pArthivAH . 
svaya.n samabhisandhAya vijayAyetarAya vA .. 22..\\
tasya me.abhyadhika.n shastraM sarvopakaraNAni cha . 
sa.nyu~njantu raNe kShipra.n shAstravadrathayojakAH .. 23..\\
shaineyo dakShiNa.n chakraM dhR^iShTadyumnastathottaram . 
pR^iShThagopo bhavatvadya mama pArtho dhana~njayaH .. 24..\\
puraHsaro mamAdyAstu bhImaH shastrabhR^itA.n varaH . 
evamabhyadhikaH shalyAdbhaviShyAmi mahAmR^idhe .. 25..\\
evamuktAstathA chakruH sarve rAGYaH priyaiShiNaH . 
tatha praharShaH sainyAnAM punarAsIttadA nR^ipa .. 26..\\
pA~nchAlAnA.n somakAnAM matsyAnA.n cha visheShataH . 
pratiGYA.n tAM cha sa~NgrAme dharmarAjasya pUrayan .. 27..\\
tataH sha~NkhAMshcha bherIshcha shatashashchaiva puShkarAn . 
avAdayanta pA~nchAlAH si.nhanAdAMsh cha nedire .. 28..\\
te.abhyadhAvanta sa.nrabdhA madrarAja.n tarasvinaH . 
mahatA harShajenAtha nAdena kurupu~NgavAH .. 29..\\
hrAdena gajaghaNTAnA.n sha~NkhAnAM ninadena cha . 
tUryashabdena mahatA nAdayantashcha medinIm .. 30..\\
tAnpratyagR^ihNAtputraste madrarAjashcha vIryavAn . 
mahAmeghAniva bahU~nshailAvastodayAvubhau .. 31..\\
shalyastu samarashlAghI dharmarAjamarindamam . 
vavarSha sharavarSheNa varSheNa maghavAniva .. 32..\\
tathaiva kururAjo.api pragR^ihya ruchira.n dhanuH . 
droNopadeshAnvividhAndarshayAno mahAmanAH .. 33..\\
vavarShA sharavarShANi chitra.n laghu cha suShThu cha . 
na chAsya vivara.n kashchiddadarsha charato raNe .. 34..\\
tAvubhau vividhairbANaistatakShAte parasparam . 
shArdUlAvAmiSha prepShU parAkrAntAvivAhave .. 35..\\
bhImastu tava putreNa raNashauNDena sa~NgataH . 
pA~nchAlyaH sAtyakishchaiva mAdrIputrau cha pANDavau . 
shakunipramukhAnvIrAnpratyagR^ihNansamantataH .. 36..\\
tadAsIttumula.n yuddhaM punareva jayaiShiNAm . 
tAvakAtAM pareShA.n cha rAjandurmantrite tava .. 37..\\
duryodhanastu bhImasya shareNAnataparvaNA . 
chichchhedAdishya sa~NgrAme dhvaja.n hemavibhUShitam .. 38..\\
saki~NkiNika jAlena mahatA chArudarshanaH . 
papAta ruchiraH si.nho bhImasenasya nAnadan .. 39..\\
punashchAsya dhanushchitra.n gajarAjakaropamam . 
kShureNa shitadhAreNa prachakarta narAdhipaH .. 40..\\
sachchhinnadhanvA tejasvI rathashaktyA suta.n tava . 
bibhedorasi vikramya sa rathopastha Avishat .. 41..\\
tasminmohamanuprApte punareva vR^ikodaraH . 
yantureva shiraH kAyAtkShurapreNAharattadA .. 42..\\
hatasUtA hayAstasya rathamAdAya bhArata . 
vyadravanta disho rAjanhAhAkArastadAbhavat .. 43..\\
tamabhyadhAvattrANArtha.n droNaputro mahArathaH . 
kR^ipashcha kR^itavarmA cha putra.n te.abhiparIpsavaH .. 44..\\
tasminvilulite sainye trastAstasya padAnugAH . 
gANDIvadhanvA visphArya dhanustAnahanachchharaiH .. 45..\\
yudhiShThirastu madreshamabhyadhAvadamarShitaH . 
svaya.n sa~ncodayannashvAndantavarNAnmanojavAn .. 46..\\
tatrAdbhutamapashyAma kuntIputre yudhiShThire . 
purA bhUtvA mR^idurdAnto yattadA dAruNo.abhavat .. 47..\\
vivR^itAkShashcha kaunteyo vepamAnashcha manyunA . 
chichchheda yodhAnnishitaiH sharaiH shatasahasrashaH .. 48..\\
yA.n yAM pratyudyayau senA.n tAM tAM jyeShThaH sa pANDavaH . 
sharairapAtayadrAjangirInvajrairivottamaiH .. 49..\\
sAshvasUta dhvajarathAnrathinaH pAtayanbahUn . 
AkrIDadeko balavAnpavanastoyadAniva .. 50..\\
sAshvArohAMshcha turagAnpattIMshchaiva sahasrashaH . 
vyapothayata sa~NgrAme kruddho rudraH pashUniva .. 51..\\
shUnyamAyodhana.n kR^itvA sharavarShaiH samantataH . 
abhyadravata madresha.n tiShTha shalyeti chAbravIt .. 52..\\
tasya tachcharita.n dR^iShTvA sa~NgrAme bhImakarmaNaH . 
vitresustAvakAH sarve shalyastvena.n samabhyayAt .. 53..\\
tatastau tu susa.nrabdhau pradhmApya salilodbhavau . 
sAmAhUya tadAnyonyaM bhartsayantau samIyatuH .. 54..\\
shalyastu sharavarSheNa yudhiShThiramavAkirat . 
madrarAja.n cha kaunteyaH sharavarShairavAkirat .. 55..\\
vyadR^ishyetA.n tadA rAjanka~NkapatribhirAhave . 
udbhinna rudhirau shUrau madrarAjayudhiShThirau .. 56..\\
puShpitAviva rejAte vane shalmali kiMshukA . 
dIpyAmAnau mahAtmAnau prANayoryuddhadurmadau .. 57..\\
dR^iShTvA sarvANi sainyAni nAdhyavasya.nstayorjayam . 
hatvA madrAdhipaM pArtho bhokShyate.adya vasundharAm .. 58..\\
shalyo vA pANDava.n hatvA dadyAdduryodhanAya gAm . 
itIva nishchayo nAbhUdyodhAnA.n tatra bhArata .. 59..\\
pradakShiNamabhUtsarva.n dharmarAjasya yudhyataH .. 60..\\
tataH sharashata.n shalyo mumochAshu yudhiShThire . 
dhanushchAsya shitAgreNa bANena nirakR^intata .. 61..\\
so.anyatkArmukamAdAya shalya.n sharashataistribhiH . 
avidhyatkArmuka.n chAsya kShureNa nirakR^intata .. 62..\\
athAsya nijaghAnAshvAMshchaturo nataparvabhiH . 
dvAbhyAmatha shitAgrAbhyAmubhau cha pArShNisArathI .. 63..\\
tato.asya dIpyamAnena pItena nishitena cha . 
pramukhe vartamAnasya bhallenApAharaddhvajam . 
tataH prabhagna.n tatsainyaM dauryodhanamarindama .. 64..\\
tato madrAdhipa.n drauNirabhyadhAvattathA kR^itam . 
Aropya chaina.n svaratha.n tvaramANaH pradudruve .. 65..\\
muhUrtamiva tau gatvA nardamAne yudhiShThire . 
sthitvA tato madrapatiranya.n syandanamAsthitaH .. 66..\\
vidhivatkalpita.n shubhraM mahAmbuda ninAdinam . 
sajjayantropakaraNa.n dviShatA.n lomaharShaNam .. 67..\\
\medskip\hrule\medskip\centerline{\Largedvng 16}
 s

athAnyaddhanurAdAya balavadvegavattaram . 
yudhiShThiraM madrapatirviddhvA si.nha ivAnadat .. 1..\\
tataH sa sharavarSheNa parjanya iva vR^iShTimAn . 
abhyavarShadameyAtmA kShatriyAnkShatriyarShabhaH .. 2..\\
sAtyaki.n dashabhirviddhvA bhImasenaM tribhiH sharaiH . 
sahadeva.n tribhirviddhvA yudhiShThiramapIDayat .. 3..\\
tA.nstAnanyAnmaheShvAsAnsAshvAnsaratha ku~njarAn . 
ku~njarAnku~njarArohAnashvAnashvaprayAyinaH . 
rathAMshcha rathibhiH sArdha.n jaghAna rathinA.n varaH .. 4..\\
bAhUMshchichchheda cha tathA sAyudhAnketanAni cha . 
chakAra cha mahI.n yodhaistIrNAM vedI.n kushairiva .. 5..\\
tathA tamarisainyAni ghnantaM mR^ityumivAntakam . 
parivavrurbhR^isha.n kruddhAH pANDupA~nchAla somakAH .. 6..\\
taM bhImasenashcha shineshcha naptA 
mAdhryAshcha putrau puruShapravIrau . 
samAgataM bhImabalena rAGYA 
paryApuranyonyamathAhvayantaH .. 7..\\
tatastu shUrAH samare narendraM 
madreshvaraM prApya yudhA.n variShTham . 
AvAryA chaina.n samare nR^ivIrA 
jaghnuH sharaiH patribhirugravegaiH .. 8..\\
sa.nrakShito bhImasenena rAjA 
mAdrI sutAbhyAmatha mAdhavena . 
madrAdhipaM patribhirugravegaiH 
stanAntare dhArma suto nijaghne .. 9..\\
tato raNe tAvakanA.n rathaughAH 
sAmIkShya madrAdhipati.n sharArtam . 
paryAvavruH pravarAH sarvashash cha 
duryodhanasyAnumate samantAt .. 10..\\
tato drutaM madrajanAdhipo raNe 
yudhiShThira.n saptabhirabhyavidhyat . 
ta.n chApi pArtho navabhiH pR^iShatkair 
vivyAdha rAja.nstumule mahAtmA .. 11..\\
AkarNapUrNAyata samprayuktaiH 
sharaistadA sa.nyati tailadhautaiH . 
anyonyamAchchhAdayatAM mahArathau 
madrAdhipashchApi yudhiShThirash cha .. 12..\\
tatastu tUrNa.n samare mahArathau 
parasparasyAntaramIkShamANau . 
sharairbhR^isha.n vivyadhaturnR^ipottamau 
mahAbalau shatrubhirapradhR^iShyau .. 13..\\
tayordhanurjyAtalanisvano mahAn 
mahendravajrAshanitulyanisvanaH . 
parasparaM bANagaNairmahAtmanoH 
pravarShatormadrapa pANDuvIrayoH .. 14..\\
tau cheraturvyAghrashishu prakAshau 
mahAvaneShvAmiSha gR^iddhinAviva . 
viShANinau nAgavarAvivobhau 
tatakShatuH sa.nyugajAtadarpau .. 15..\\
tatastu madrAdhipatirmahAtmA 
yudhiShThiraM bhImabalaM prasahya . 
vivyAdha vIra.n hR^idaye.ativegaM 
shareNa sUryAgnisamaprabheNa .. 16..\\
tato.atividdho.atha yudhiShThiro.api 
susamprayuktena shareNa rAjan . 
jaghAna madrAdhipatiM mahAtmA 
muda.n cha lebhe R^iShabhaH kurUNAm .. 17..\\
tato muhUrtAdiva pArthivendro 
labdhvA sa~nj~nA.n krodhA sa.nraktanetraH . 
shatena pArtha.n tvarito jaghAna 
sahasranetra pratimaprabhAvaH .. 18..\\
tvara.nstato dharmasuto mahAtmA 
shalyasya kruddho navabhiH pR^iShatkaiH . 
bhittvA hyurastapanIya.n cha varma 
jaghAna ShaDbhistvaparaiH pR^iShAtkaiH .. 19..\\
tatastu madrAdhipatiH prahR^iShTo 
dhanurvikR^iShya vyasR^ijatpR^iShatkAn . 
dvAbhyA.n kShurAbhyAM cha tathaiva rAGYash 
chichchheda chApa.n kurupu~Ngavasya .. 20..\\
nava.n tato.anyatsAmare pragR^ihya 
rAjA dhanurghorataraM mahAtmA . 
shalya.n tu viddhvA nishitaiH samantad 
yathA mahendro namuchi.n shitAgraiH .. 21..\\
tatastu shalyo navabhiH pR^iShatkair 
bhImasya rAGYashcha yudhiShThirasya . 
nikR^itya raukme paTu varmaNI tayor 
vidArayAmAsa bhujau mahAtmA .. 22..\\
tato.apareNa jvalitArka tejasA 
kShureNa rAGYo dhanurunmamAtha . 
kR^ipashcha tasyaiva jaghAna sUtaM 
ShaDbhiH sharaiH so.abhimukhaM papAta .. 23..\\
madrAdhipashchApi yudhiShThirasya 
sharaishchaturbhirnijaghAna vAhAn . 
vAhAMshcha hatvA vyakaronmahAtmA 
yodhakShaya.n dharmasutasya rAGYaH .. 24..\\
tathA kR^ite rAjani bhImaseno 
madrAdhipasyAshu tato mahAtmA . 
chhittvA dhanurvegavatA shareNa 
dvAbhyAmavidhyatsubhR^ishaM narendram .. 25..\\
athApareNAsya jahAra yantuH 
kAyAchchhiraH saMnahanIyamadhyAt . 
jaghAna chAshvAMshchaturaH sa shIghraM 
tathA bhR^isha.n kupito bhImasenaH .. 26..\\
tamagraNIH sarvadhanurdharANAm 
eka.n charanta.n sAmare.ativegam . 
bhImaH shatena vyakirachchharANAM 
mAdrIputraH sahadevastathaiva .. 27..\\
taiH sAyakairmohita.n vIkShya shalyaM 
bhImaH sharairasya chakarta varma . 
sa bhImasenena nikR^ittavarmA 
madrAdhipashcharma sahasratAram .. 28..\\
pragR^ihya khaDga.n cha rathAnmahAtmA 
praskandya kuntIsutamabhyadhAvat . 
chhittva ratheShAM nakulasya so.atha 
yudhiShThiraM bhImabalo.abbhyadhAvat .. 29..\\
ta.n chApi rAjAnamathotpatantaM 
kruddhA.n yathaivAntakamApatantam . 
dhR^iShTadyumno draupadeyAH shikhaNDI 
shineshcha naptA sahasA parIyuH .. 30..\\
athAsya charmApratimaM nyakR^intad 
bhImo mahAtmA dashabhiH pR^iShatkaH . 
khaDga.n cha bhallairnichakarta muShTau 
nadanprahR^iShTastava sinyamadhye .. 31..\\
tatkarma bhImasya samIkShya hR^iShTAs 
te pANDavAnAM pravarA rathaughAH . 
nAda.n cha chakrurbhR^ishamutsmayantaH 
sha~NkhAMshcha dadhmuH shashisaMnikAshAn .. 32..\\
tenAtha shabdena vibhIShaNena 
tavAbhitaptaM balamaprahR^iShTam . 
svedAbhibhUta.n rudhirokShitA~NgaM 
visa~nj~nakalpa.n cha tathA viShANNam .. 33..\\
sa madrarAjaH sahasAvakIrNo 
bhImAgragaiH pANDava yodhamukhyaiH . 
yudhiShThirasyAbhimukha.n javena 
si.nho yathA mR^igahetoH prayAtaH .. 34..\\
sa dharmarAjo nihatAshvasUtaM 
krodhena dIptajvalana prakAsham . 
dR^iShTvA tu madrAdhipati.n sa tUrNaM 
samabhyadhAvattamariM balena .. 35..\\
govinda vAkya.n tvarita.n vichintya 
dadhre mati.n shalya vinAshanAya . 
sa dharmarAjo nihatAshvasUte 
rathe tiShTha~nshaktimevAbhikA~NkShan .. 36..\\
tachchApi shalyasyA nishamya karma 
mahAtmano bhagamathAvashiShTam . 
smR^itvA mAnaH shalya vadhe yatAtmA 
yathoktamindrAvarajasya chakre .. 37..\\
sa dharmarAjo maNihemadaNDAM 
jagrAha shakti.n kanakaprakAshAm . 
netre cha dIpte sahasA vivR^itya 
madrAdhipa.n kruddhA manA niraikShat .. 38..\\
nirIkShito vai naradeva rAGYA 
pUtAtmanA nirhR^ita kalmaSheNa . 
abhUnna yadbhasmasAnmadrarAjas 
tadadbhutaM me pratibhAti rAjan .. 39..\\
tatastu shakti.n ruchirogra daNDAM 
maNipravalojjvalitAM pradIptAm . 
chikShepa vegAtsubhR^ishaM mahAtmA 
madrAdhipAya pravaraH kurUNAm .. 40..\\
dIptAmathainAM mahatA balena 
savisphu li~NgA.n sahasA patantIm . 
praikShanta sarve kuravaH sametA 
yathA yugAnte mahatImivolkAm .. 41..\\
tA.n kAlarAtrImiva pAshahastAM 
yamasya dhatrImiva chograrUpAm . 
sabrahma daNDapratimAmamoghAM 
sasarja yatto yudhi dharmarAjaH .. 42..\\
gandhasragagryAsana pAnabhojanair 
abhyarchitAM pANDusutaiH prayatnAt . 
sa.nvartakAgnipratimA.n jvalantIM 
kR^ityAmatharvA~NgirasImivogrAm .. 43..\\
IshAna hetoH pratinirmitA.n tAM 
tvaShTA ripUNAmasudeha bhakShAm . 
bhUmyantarikShAdi jalAshayAni 
prasahya bhUtAni nihantumIshAm .. 44..\\
ghaNTA patAkA maNivajra bhAjaM 
vaiDUrya chitrA.n tapanIyadaNDAm . 
tvaShTrA prayatnAnniyamena kL^iptAM 
brahma dviShAmantakarImamoghAm .. 45..\\
balaprayatnAdadhirUDha vegAM 
mantraishcha ghorairabhimantrayitvA . 
sasarja mArgeNa cha tAM pareNa 
vadhAya madrAdhipatertadAnIm .. 46..\\
hato.asyasAvityabhigarjamAno 
rudro.antakAyAnta kara.n yatheShum . 
prasArya bAhu.n sudR^iDhaM supANiM 
krodhena nR^ityannivA dhArma rAjaH .. 47..\\
tA.n sarvashaktyA prahitAM sa shaktiM 
yudhiShThireNAprati vArya vIryAm . 
pratigrahAyAbhinanarda shalyaH 
samyagghutAmagnirivAjya dhArAm .. 48..\\
sA tasya marmANi vidArya shubhram 
uro vishAla.n cha tathaiva varma . 
vivesha gA.n toyamivAprasaktA 
yasho vishAlaM nR^ipaterdahantI .. 49..\\
nAsAkShi karNAsya viniHsR^itena 
prasyandatA cha vraNasambhavena . 
sa.nsikta gAtro rudhireNa so.abhUt 
krau~ncho yathA skanda hato mahAdriH .. 50..\\
prasArya bAhU sa rathAdgato gAM 
sa~nchinnavarmA kurunandanena . 
mahendra vAhapratimo mahAtmA 
vajrAhata.n shR^i~NgamivAchalasya .. 51..\\
bAhU prasAryAbhimukho dharmarAjasya madrarAT . 
tato nipatito bhUmAvindradhvaja ivochchhritaH .. 52..\\
sa tathA bhinnasarvA~Ngo rudhireNa samukShitaH . 
pratyudgata iva premNA bhUmyA sA narapu~NgavaH .. 53..\\
priyayA kAntayA kAntaH patamAna ivorasi . 
chiraM bhuktvA vasumatIM priyA.n kAntAmiva prabhuH . 
sarvaira~NgaiH samAshliShya prasupta iva so.abhavat .. 54..\\
dharmye dharmAtmanA yuddhe nihato dharmasUnunA . 
samyagghuta iva sviShTaH prashAnto.agnirivAdhvare .. 55..\\
shaktyA vibhinnahR^idaya.n vipra viddhAyudha dhvajam . 
saMshAntamapi madresha.n lakShmIrnaiva vyamu~nchata .. 56..\\
tato yudhiShThirashchApamAdAyendra dhanuShprabham . 
vyadhamaddviShataH sa~Nkhye khaga rADiva pannagAn . 
dehAsUnnishitairbhallai ripUNAM nAshayankShaNAt .. 57..\\
tataH prArthasya bANaughairAvR^itAH sainikAstava . 
nimIlitAkShAH kShiNvanto bhR^ishamanyonyamarditAH . 
saMnyastakavachA dehairvipatrAyudha jIvitAH .. 58..\\
tataH shalye nipatite madrarAjAnujo yuvA . 
bhrAtuH sarvairguNaistulyo rathI pANDavamabhyayAt .. 59..\\
vivyAdha cha narashreShTho nArAchairbahubhistvaran . 
hatasyApachitiM bhrAtushchikIrShuryuddhadurmadaH .. 60..\\
ta.n vivyAdhAshugaiH ShaDbhirdharmarAjastvaranniva . 
kArmuka.n chAsya chichchheda kShurAbhyAM dhvajameva cha .. 61..\\
tato.asya dIpyamAnena sudR^iDhena shitena cha . 
pramukhe vartamAnasya bhallenApAharachchhiraH .. 62..\\
sukuNDala.n taddadR^ishe patamAna.n shiro rathAt . 
puNyakShayamiva prApya patanta.n svargavAsinam .. 63..\\
tasyApakR^iShTa shIrSha.n tachchharIraM patita.n rathAt . 
rudhireNAvasiktA~Nga.n dR^iShTvA sainyamabhajyata .. 64..\\
vichitrakavache tasminhate madranR^ipAnuje . 
hAhAkAra.n vikurvANAH kuravo vipradudruvuH .. 65..\\
shalyAnuja.n hata.n dR^iShTvA tAvakAstyaktajIvitAH . 
vitresuH pANDava bhayAdrajodhvastAsstathA bhR^iSham .. 66..\\
tA.nstathA bhajyatastrastAnkauravAnbharatarShabha . 
shinernaptA kiranbANairabhyavartata sAtyakiH .. 67..\\
tamAyAntaM maheShvAsamaprasahya.n durAsadam . 
hArdikyastvarito rAjanpratyagR^ihNAdabhItavat .. 68..\\
tau sametau mahAtmAnau vArShNeyAvaparAjitau . 
hArdikyaH sAtyakishchaiva si.nhAviva madotkaTau .. 69..\\
iShubhirvimalAbhAsaishchhAdayantau parasparam . 
archirhiriva sUryasya divAkarasamaprabhau .. 70..\\
chApamArgabaloddhUtAnmArgaNAnvR^iShNisi.nhayoH . 
AkAshe samapashyAma pata~NgAniva shIghragAn .. 71..\\
sAtyaki.n dashabhirviddhvA hayAMshchAsya tribhiH sharaiH . 
chApamekena chichchheda hArdikyo nataparvaNA .. 72..\\
tannikR^itta.n dhanuHshreShThamapAsya shinipu~NgavaH . 
anyadAdatta vegena vegavattaramAyudham .. 73..\\
tadAdAya dhanuHshreShTha.n variShThaH sarvadhanvinAm . 
hArdikya.n dashabhirbANaiH pratyavidhyatstanAntare .. 74..\\
tato ratha.n yugeShA.n cha chhittvA bhallaiH susa.nyataiH . 
ashvA.nstasyAvadhIttUrNamubhau cha pArShNisArathI .. 75..\\
madrarAje hate rAjanvirathe kR^itavarmaNi . 
duryodhana bala.n sarvaM punarAsItparA~Nmukham .. 76..\\
tatpare nAvabudhyanta sainyena rajasA vR^ite . 
bala.n tu hatabhUyiShThaM tattadAsItparA~Nmukham .. 77..\\
tato muhUrtAtte.apashyanrajo bhauma.n samutthitam . 
vividhaiH shoNitasrAvaiH prashAntaM puruSharShabha .. 78..\\
tato duryodhano dR^iShTvA bhagna.n svabalamantikAt . 
javenApatataH pArthAnekaH sarvAnavArayat .. 79..\\
pANDavAnsarathAndR^iShTvA dhR^iShTadyumna.n cha pArShatam . 
Anarta.n cha durAdharSha.n shitairbANairavAkirat .. 80..\\
taM pare nAbhyavartanta martyA mR^ityumivAgatam . 
athAnya.n rathamAsthAya hArdikyo.api nyavartata .. 81..\\
tato yudhiShThiro rAjA tvaramANo mahArathaH . 
chaturbhirnijaghAnAshvAnpatribhiH kR^itavarmaNaH . 
vivyAdha gautama.n chApi ShaDbhirbhallaiH sutejanaiH .. 82..\\
ashvatthAmA tato rAGYA hatAshva.n virathI kR^itam . 
samapovAha hArdikya.n svarathena yudhiShThirAt .. 83..\\
tataH shAradvato.aShTAbhiH pratyavidhyadyudhiShThiram . 
vivyAdha chAshvAnnishitaistasyAShTAbhiH shilImukhaiH .. 84..\\
evametanmahArAja yuddhasheShamavartata . 
tava durmantrite rAjansahaputrasya bhArata .. 85..\\
tasminmaheShvAsa vare vishaste 
sa~NgrAmamadhye kurupu~Ngavena . 
parthAH sametAH paramaprahR^iShTAH 
sha~NkhAnpradadhmurhatamIkShya shalyam .. 86..\\
yudhiShThira.n cha prashasha.nsurAjau 
purA surA vR^itravadhe yathendram . 
chakrushcha nAnAvidha vAdya shabdAn 
ninAdayanto vasudhA.n samantAt .. 87..\\
\medskip\hrule\medskip\centerline{\Largedvng 17}
 s

shalye tu nihate rAjanmadrarAjapadAnugAH . 
rathAH saptashatA vIrA niryayurmahato balAt .. 1..\\
duryodhanastu dviradamAruhyAchalasaMnibham . 
chhattreNa dhriyamANena vIjyamAnashcha chAmaraiH . 
na gantavyaM na gantavyamiti madrAnavArayat .. 2..\\
duryodhanena te vIrA vAryamANAH punaH punaH . 
yudhiShThira.n jighA.nsantaH pANDUnAM prAvishanbalam .. 3..\\
te tu shUrA mahArAja kR^itachittAH sma yodhane . 
dhanuH shabdaM mahatkR^itvA sahAyudhyanta pANDavaiH .. 4..\\
shrutvA tu nihata.n shalya.n dharmaputraM cha pIDitam . 
madrarAjapriye yuktairmadrakANAM mahArathaiH .. 5..\\
AjagAma tataH pArtho gANDIva.n vikShipandhanuH . 
pUrayanrathaghoSheNa dishaH sarvA mahArathaH .. 6..\\
tato.arjunashcha bhImashcha mAdrIputrau cha pANDavau . 
sAtyakishcha naravyAghro draupadeyAshcha sarvashaH .. 7..\\
dhR^iShTadyumnaH shikhaNDI cha pA~nchAlAH saha somakaiH . 
yudhiShThiraM parIpsantaH samantAtparyavArayan .. 8..\\
te samantAtparivR^itAH pANDavaiH puruSharShabhAH . 
kShobhayanti sma tA.n senAM makarAH sAgaraM yathA .. 9..\\
puro vAtena ga~Ngeva kShobhyamAnA mahAnadI . 
akShobhyata tadA rAjanpANDUnA.n dhvajinI punaH .. 10..\\
praskandya senAM mahatI.n tyaktAtmAno mahArathAH . 
vR^ikShAniva mahAvAtAH kampayanti sma tAvakAH .. 11..\\
bahavashchukrushustatra kva sa rAjA yudhiShThiraH . 
bhrAtaro vAsya te shUrA dR^ishyante na ha ke chana .. 12..\\
pA~nchAlAnAM mahAvIryAH shikhaNDI cha mahArathaH . 
dhR^iShTadyumno.atha shaineyo draupadeyAshcha sarvashaH .. 13..\\
eva.n tAnvAdinaH shUrAndraupadeyA mahArathAH . 
ahyaghnanyuyudhAnashcha madrarAjapadAnugAn .. 14..\\
chakrairvimathitaiH ke chitke chichchhinnairmaha dhvajaiH . 
pratyadR^ishyanta samare tAvakA nihatAH paraiH .. 15..\\
Alokya pANDavAnyuddhe yodhA rAjansamantataH . 
vAryamANA yayurvegAttava putreNa bhArata .. 16..\\
duryodhanastu tAnvIrAnvArayAmAsa sAntvayan . 
na chAsya shAsana.n kashchittatra chakre mahArathaH .. 17..\\
tato gAndhArarAjasya putraH shakunirabravIt . 
duryodhanaM mahArAja vachana.n vachanakShamaH .. 18..\\
kiM naH samprekShamANAnAM madrANA.n hanyate balam . 
na yuktametatsamare tvayi tiShThati bhArata .. 19..\\
sahitairnAma yoddhavyamityeShA samayaH kR^itaH . 
atha kasmAtparAneva ghnato marShayase nR^ipa .. 20..\\

 dur

vAryamANA mayA pUrvaM naite chakrurvacho mama . 
ete hi nihatAH sarve praskannAH pANDuvAhinIm .. 21..\\

 zakuni

na bhartuH shAsana.n vIrA raNe kurvantyamarShitAH . 
ala.n kroddhuM tathaiteShAM nAyaM kAla upekShitum .. 22..\\
yAmaH sarve.atra sambhUya savAjirathaku~njarAH . 
paritrAtuM maheShvAsAnmadrarAjapadAnugAn .. 23..\\
anyonyaM parirakShAmo yatnena mahatA nR^ipa . 
eva.n sarve.anusa~ncintya prayayuryatra sainikAH .. 24..\\

 s

evamuktastato rAjA balenA mahatA vR^itaH . 
prayayau si.nhanAdena kampayanvai vasundharAm .. 25..\\
hatavidhyata gR^ihNIta praharadhvaM nikR^intata . 
ityAsIttumulaH shabdastava sainyasya bhArata .. 26..\\
pANDavAstu raNe dR^iShTvA madrarAjapadAnugAn . 
sahitAnabhyavartanta gulmamAsthAya madhyamam .. 27..\\
te muhUrtAdraNe vIrA hastAhasta.n vishAM pate . 
nihatAH pratyadR^ishyanta madrarAjapadAnugAH .. 28..\\
tato naH samprayAtAnA.n hatAmitrAstarasvinaH . 
hR^iShTAH kilakilA shabdamakurvansahitAH pare .. 29..\\
athotthitAni ruNDAni samadR^ishyanta sarvashaH . 
papAta mahatI cholkA madhyenAdhitya maNDalam .. 30..\\
rathairbhagnairyugAkShaishcha nihataishcha mahArathaiH . 
ashvairnipatitaishchaiva sa~nchannAbhUdvasundharA .. 31..\\
vAtAyamAnaisturagairyugAsaktaistura~NgamaiH . 
adR^ishyanta mahArAja yodhAstatra raNAjire .. 32..\\
bhagnachakrAnrathAnke chidavaha.nsturagA raNe . 
rathArtha.n ke chidAdAya disho dashavibabhramuH . 
tatra tatra cha dR^ishyante yoktraiH shliShTAH sma vAjinaH .. 33..\\
rathinaH patamAnAshcha vyadR^ishyanta narottama . 
gaganAtprachyutAH siddhAH puNyAnAmiva sa~NkShaye .. 34..\\
nihateShu cha shUreShu madrarAjAnugeShu cha . 
asmAnApatatashchApi dR^iShTvA pArtha mahArathAH .. 35..\\
abhyavartanta vegena jaya gR^idhrAH prahAriNaH . 
bANashabdaravAnkR^itvA vimishrA~nsha~NkhanisvanaiH .. 36..\\
asmA.nstu punarAsAdya labdhalakShAH prahAriNaH . 
sharAsanAni dhunvAnAH si.nhanAdAnprachukrushuH .. 37..\\
tato hatamabhiprekShya madrarAjabalaM mahat . 
madrarAja.n cha samare dR^iShTvA shUraM nipAtitam . 
duryodhana bala.n sarvaM punarAsItparA~Nmukham .. 38..\\
vadhyamAnaM mahArAja pANDavairjitakAshibhiH . 
disho bhede.atha sambhrAnta.n trAsitaM dR^iDhadhanvibhiH .. 39..\\
\medskip\hrule\medskip\centerline{\Largedvng 18}
 s

pAtite yudhi durdharSho madrarAje mahArathe . 
tAvakAstava putrAshcha prAyasho vimukhAbhavan .. 1..\\
vaNijo nAvi bhinnAyA.n yathAgAdhe.aplave.arNave . 
apAre pAramichchhanto hate shUre mahAtmani .. 2..\\
madrarAje mahArAja vitrastAH sharavikShatAH . 
anAthA nAthamichchhanto mR^igAH si.nhArditA iva .. 3..\\
vR^iShA yathA bhagnashR^i~NgAH shIrNadantA gajA iva . 
madhyAhne pratyapAyAma nirjitA dharmasUnunA .. 4..\\
na sandhAtumanIkAni na cha rAjanparAkrame . 
AsIdbuddhirhate shalye tava yodhasya kasya chit .. 5..\\
bhIShme droNe cha nihate sUtaputre cha bhArata . 
yadduHkha.n tava yodhAnAM bhayaM chAsIdvishAM pate . 
tadbhaya.n sa cha naH shoko bhUya evAbhyavartata .. 6..\\
nirashAshcha jaye tasminhate shalye mahArathe . 
hatapravIrA vidhvastA vikR^ittAshcha shitaiH sharaiH . 
madrarAje hate rAjanyodhAste prAdravanbhayAt .. 7..\\
ashvAnanye gajAnanye rathAnanye mahArathAH . 
Aruhya javasampannAH pAdAtAH prAdravanbhayAt .. 8..\\
dvisAhasrAshcha mAta~NgA girirUpAH prahAriNaH . 
samprAdravanhate shalye a~NkushA~NguShTha choditAH .. 9..\\
te raNAdbharatashreShTha tAvakAH prAdravandishaH . 
dhAvantashchApyadR^ishyanta shvasamAnAH sharAtulAH .. 10..\\
tAnprabhagnAndrutAndR^iShTvA hatotsAhAnparAjitAn . 
abhyadravanta pA~nchAlAH pANDavAshcha jayaiShiNaH .. 11..\\
bANashabdaravashchApi si.nhanAdashcha puShkalaH . 
sha~Nkhashabdashcha shUrANA.n dAruNaH samapadyata .. 12..\\
dR^iShTvA tu kaurava.n sainyaM bhayatrastaM pravidrutam . 
anyonya.n samabhAShanta pA~nchAlAH pANDavaiH saha .. 13..\\
adya rAjA satyadhR^itirjitAmitro yudhiShThiraH . 
adya duryodhano hInA dIptayA nR^ipatishriyA .. 14..\\
adya shrutvA hataM putra.n dhR^itarAShTro janeshvaraH . 
niHsa~nj~naH patito bhUmau kilbiShaM pratipadyatAm .. 15..\\
adya jAnAtu kaunteya.n samarthaM sarvadhanvinAm . 
adyAtmAna.n cha durmedhA garhayiShyati pApakR^it . 
adya kShatturvachaH satya.n smaratAM bruvato hitam .. 16..\\
adya prabhR^iti pArthAMshcha preShyabhUta upAcharan . 
vijAnAtu nR^ipo duHkha.n yatprAptaM pANDunandanaiH .. 17..\\
adya kR^iShNasya mAhAtmya.n jAnAtu sa mahIpatiH . 
adyArjuna dhanurghoSha.n ghoraM jAnAtu sa.nyuge .. 18..\\
astrANA.n cha bala.n sarvaM bAhvoshcha balamAhave . 
adya GYAsyati bhImasya bala.n ghoraM mahAtmanaH .. 19..\\
hate duryodhane yuddhe shakreNevAsure maye . 
yatkR^itaM bhImasenena duHkhAsana vadhe tadA . 
nAnyaH kartAsti loke tadR^ite bhImaM mahAbalam .. 20..\\
jAnItAmadya jyeShThasya pANDavasya parAkramam . 
madrarAja.n hataM shrutvA devairapi suduHsaham .. 21..\\
adya GYAsyati sa~NgrAme mAdrIputrau mahAbalau . 
nihate saubale shUre gAndhAreShu cha sarvashaH .. 22..\\
katha.n teShAM jayo na syAdyeShA.n yoddhA dhana~njayaH . 
sAtyakirbhImasenashcha dhR^iShTadyumnashcha pArShataH .. 23..\\
draupadyAstanayAH pa~ncha mAdrIputrau cha pANDavau . 
shikhaNDI cha maheShvAso rAjA chaiva yudhiShThiraH .. 24..\\
yeShA.n cha jagatAM nAtho nAthaH kR^iShNo janArdanaH . 
katha.n teShAM jayo na syAdyeShAM dharmo vyapAshrayaH .. 25..\\
bhIShma.n droNaM cha karNaM cha madrarAjAnameva cha . 
tahAnyannR^ipatInvIrA~nshatasho.atha sahasrashaH .. 26..\\
ko.anyaH shakto raNe jetumR^ite pArtha.n yudhiShThiram . 
yasya nAtho hR^iShIkeshaH sadA dharmayasho nidhiH .. 27..\\
ityeva.n vadamAnAste harSheNa mahatA yutAH . 
prabhagnA.nstAvakAnrAjansR^i~njayAH pR^iShThato.anvayuH .. 28..\\
dhana~njayo rathAnIkamabhyavartata vIryavAn . 
mAdrIputrau cha shakuni.n sAtyakishcha mahArathaH .. 29..\\
tAnprekShya dravataH sarvAnbhImasenabhayArditAn . 
duryodhanastadA sUtamabravIdutsmayanniva .. 30..\\
na mAtikramate pArtho dhanuShpANimavasthitam . 
jaghane sarvasainyAnAM mamAshvAnpratipAdaya .. 31..\\
jaghane yudhyamAna.n hi kaunteyo mA.n dhana~njayaH . 
notsahetAbhyatikrAntu.n velAmiva mahodadhiH .. 32..\\
pashya sainyaM mahatsUta pANDavaiH samabhidrutam . 
sainyareNu.n samuddhUtaM pashyasvainaM samantataH .. 33..\\
si.nhanAdAMshcha bahushaH shR^iNu ghorAnbhayAnakAn . 
tasmAdyAhi shanaiH sUta jaghanaM paripAlaya .. 34..\\
mayi sthite cha samare niruddheShu cha pANDuShu . 
punarAvartate tUrNaM mAmakaM balamojasA .. 35..\\
tachchhrutvA tava putrasya shUrAgrya sadR^isha.n vachaH . 
sArathirhemasa~nchannA~nshanairashvAnachodayat .. 36..\\
gajAshvarathibhirhInAstyaktAtmAnaH padAtayaH . 
ekaviMshatisAhasrAH sa.nyugAyAvatasthire .. 37..\\
nAnAdeshasamudbhUtA nAna ra~njita vAsasaH . 
avasthitAstadA yodhAH prArthayanto mahadyashaH .. 38..\\
teShAmApatatA.n tatra sa.nhR^iShTAnAM parasparam . 
saMmardaH sumahA~njaGYe ghorarUpo bhayAnakaH .. 39..\\
bhImasena.n tadA rAjanghR^iShTadyumnaM cha pArShatam . 
balena chatura~NgeNa nAnAdeshyA nyavArayan .. 40..\\
bhImamevAbhyavartanta raNe.anye tu padAtayaH . 
prakShveDyAsphoTya sa.nhR^iShTA vIraloka.n yiyAsavaH .. 41..\\
AsAdya bhImasena.n tu sa.nrabdhA yuddhadurmadAH . 
dhArtarAShTrA vinedurhi nAnyA.n chAkathayankathAm . 
parivArya raNe bhImaM nijaghnurte samantataH .. 42..\\
sa vadhyamAnaH samare padAtigaNasa.nvR^itaH . 
na chachAla rathopasthe mainAka iva parvataH .. 43..\\
te tu kruddhA mahArAja pANDavasya mahAratham . 
nigrahItuM prachakrurhi yodhAMshchAnyAnavArayan .. 44..\\
akrudhyata raNe bhImastaistadA paryavasthitaiH . 
so.avatIrya rathAttUrNaM padAtiH samavasthitaH .. 45..\\
jAtarUpaparichchhannAM pragR^ihya mahatI.n gadAm . 
avadhIttAvakAnyodhAndaNDapANirivAntakaH .. 46..\\
rathAshvadvipahInA.nstu tAnbhImo gadayA balI . 
ekaviMshatisAhasrAnpadAtInavapothayat .. 47..\\
hatvA tatpuruShAnIkaM bhImaH satyaparAkramaH . 
dhR^iShTadyumnaM puraskR^itya nachirAtpratyadR^ishyata .. 48..\\
pAdAtA nihatA bhUmau shishyire rudhirokShitAH . 
sambhagnA iva vAtena karNikArAH supuShpitAH .. 49..\\
nAnApuShpasrajopetA nAnA kuNDaladhAriNaH . 
nAnA jAtyA hatAstatra nAdA deshasamAgatAH .. 50..\\
patAkAdhvajasa~nchannaM padAtInAM mahadbalam . 
nikR^itta.n vibabhau tatra ghorarUpaM bhayAnakam .. 51..\\
yudhiShThirapurogAstu sarvasainyamahArathAH . 
abhyadhAvanmahAtmAnaM putra.n duryodhanaM tava .. 52..\\
te sarve tAvakAndR^iShTvA maheShvAsAnparA~NmukhAn . 
nAbhyavartanta te putra.n veleva makalAlayam .. 53..\\
tadadbhutamapashyAma tava putrasya pauruSham . 
yadeka.n sahitAH pArthA na shekurativartitum .. 54..\\
nAtidUrApayAta.n tu kR^itabuddhiM palAyane . 
duryodhanaH svaka.n sainyamabravIdbhR^ishavikShatam .. 55..\\
na ta.n deshaM prapashyAmi pR^ithivyAM parvateShu vA . 
yatra yAtAnna vo hanyuH pANDavAH ki.n sR^itena vaH .. 56..\\
alpa.n cha balameteShAM kR^iShNau cha bhR^ishavikShatau . 
yadi sarve.atra tiShThAmo dhruvo no vijayo bhavet .. 57..\\
viprayAtA.nstu vo bhinnAnpANDavAH kR^itakilbiShAn . 
anusR^itya haniShyanti shreyo naH samare sthitam .. 58..\\
shR^iNudhva.n kShatriyAH sarve yAvantaH stha samAgatAH . 
yadA shUra.n cha bhIruM cha mArayatyantakaH sadA . 
ko nu mUDho na yudhyeta puruShaH kShatriya bruvaH .. 59..\\
shreyo no bhImasenasya kruddhasya pramukhe sthitam . 
sukhaH sA~NgrAmiko mR^ityuH kShatradharmeNa yudhyatAm . 
jitveha sukhamApnoti hataH pretya mahatphalam .. 60..\\
na yuddhadharmAchchhreyAnvai panthAH svargasya kauravAH . 
achireNa jitA.NllokAnhato yuddhe samashnute .. 61..\\
shrutvA tu vachana.n tasya pUjayitvA cha pArthivAH . 
punarevAnvavartanta pANDavAnAtatAyinaH .. 62..\\
tAnApatata evAshu vyUDhAnIkAH prahAriNaH . 
pratyudyayustadA pArthA jaya gR^idhrAH prahAriNaH .. 63..\\
dhana~njayo rathenAjAvabhyavartata vIryavAn . 
vishruta.n triShu lokeShu gANDIva.n vikShipandhanuH .. 64..\\
mAdrIputrau cha shakuni.n sAtyakishcha mahAbalaH . 
javenAbhyapatanhR^iShTA yato vai tAvakaM balam .. 65..\\
\medskip\hrule\medskip\centerline{\Largedvng 19}
 s

saMnivR^itte balaughe tu shAlvo mlechchha gaNAdhipaH . 
abhyavartata sa~NkruddhaH pANDUnA.n sumahadbalam .. 1..\\
AsthAya sumahAnAgaM prabhinnaM parvatopamam . 
dR^iptamairAvata prakhyamamitragaNamardanam .. 2..\\
yo.asau mahAbhadra kulaprasUtaH 
supUjito dhArtarAShTreNa nityam . 
sukalpitaH shAstravinishchayaGYaiH 
sadopavAhyaH samareShu rAjan .. 3..\\
tamAsthito rAjavaro babhUva 
yathodayasthaH savitA kShapAnte . 
sa tena nAgapravareNa rAjann 
abhyudyayau pANDusutAnsamantAt . 
shitaiH pR^iShAtkairvidadAra chApi 
mahendravajrapratimaiH sughoraiH .. 4..\\
tataH sharAnvai sR^ijato mahAraNe 
yodhAMshcha rAjannayato yamAya . 
nAsyAntara.n dadR^ishuH sve pare vA 
yathA purA vajradharasya daityAH .. 5..\\
te pANDavAH somakAH sR^i~njayAsh cha 
tameva nAga.n dadR^ishuH samantAt . 
sahasrasho vai vicharantamekaM 
yathA mahendrasya gaja.n samIpe .. 6..\\
sandrAvyamANa.n tu balaM pareShAM 
parItakalpa.n vibabhau samantAt . 
naivAvatasthe samare bhR^ishaM bhayAd 
vimardamAna.n tu parasparaM tadA .. 7..\\
tataH prabhagnA sahasA mahAchamUH 
sA pANDavI tena narAdhipena . 
dishashchatasraH sahasA pradhAvitA 
gajendra vega.n tamapArayantI .. 8..\\
dR^iShTvA cha tA.n vegavatA prabhagnAM 
sarve tvadIyA yudhi yodhamukhyAH . 
apUjaya.nstatra narAdhipa.n taM 
dadhmushcha sha~NkhA~nshashisaMnikAshAn .. 9..\\
shrutvA ninAda.n tvatha kauravANAM 
harShAdvimukta.n saha sha~NkhashabdaiH . 
senApatiH pANDava sR^i~njayAnAM 
pA~nchAla putro na mamarSha roShAt .. 10..\\
tatastu ta.n vai dviradaM mahAtmA 
pratyudyayau tvaramANau jayAya . 
jambho yathA shakrasamAgame vai 
nAgendramairAvaNamindra vAhyam .. 11..\\
tamApatanta.n sahasA tu dR^iShTvA 
pA~nchAlarAja.n yudhi rAjasi.nhaH . 
ta.n vai dvipaM preShayAmAsa tUrNaM 
vadhAya rAjandrupadAtmajasya .. 12..\\
sa ta.n dvipa.n sahasAbhyApatantam 
avidhyadarkapratimaiH pR^iShatkaiH . 
karmAra dhautairnishitairjvaladbhir 
nArAchamukhyaistribhirugravegaiH .. 13..\\
tato.aparAnpa~ncha shitAnmahAtmA 
nArAchamukhyAnvisasarja kumbhe . 
sa taistu viddhaH paramadvipo raNe 
tadA parAvR^itya bhR^ishaM pradudruve .. 14..\\
taM nAgarAja.n sahasA praNunnaM 
vidrAvyamANa.n cha nigR^ihya shAlvaH . 
tottrA~NkushaiH preShayAmAsa tUrNaM 
pA~nchAlarAjasya rathaM pradishya .. 15..\\
dR^iShTvApatanta.n sahasA tu nAgaM 
dhR^iShTadyumnaH svarathAchchhIghrameva . 
gadAM pragR^ihyAshu javena vIro 
bhUmiM prapanno bhayavihvalA~NgaH .. 16..\\
sa ta.n rathaM hemavibhUShitA~NgaM 
sAshva.n sasUtaM sahasA vimR^idya . 
utkShipya hastena tadA mahAdvipo 
vipothayAmAsa vasundharA tale .. 17..\\
pA~nchAlarAjasya suta.n sa dR^iShTvA 
tadArditaM nAgavareNa tena . 
tamabhyadhAvatsahasA javena 
bhImaH shikhaNDI cha shineshcha naptA .. 18..\\
sharaishcha vega.n sahasA nigR^ihya 
tasyAbhito.abhyApatato gajasya . 
sa sa~NgR^ihIto rathibhirgajo vai 
chachAla tairvAryamANashcha sa~Nkhye .. 19..\\
tataH pR^iShatkAnpravavarSha rAjA 
sUryo yathA rashmijAla.n samantAt . 
tenAshugairvadhyamAnA rathaughAH 
pradudruvustatra tatastu sarve .. 20..\\
tatkarmashAlvasya samIkShya sarve 
pA~nchAla matsyA nR^ipa sR^i~njayAsh cha . 
hAhAkArairnAdayantaH sma yuddhe 
dvipa.n samantAdrurudhurnarAgryAH .. 21..\\
pA~nchAlarAjastvaritastu shUro 
gadAM pragR^ihyAchalashR^i~NgakalpAm . 
asambhramaM bhArata shatrughAtI 
javena viro.anusasAra nAgam .. 22..\\
tato.atha nAga.n dharaNIdharAbhaM 
mada.n sravanta.n jaladaprakAsham . 
gadA.n samAvidhya bhR^isha.n jaghAna 
pA~nchAlarAjasya sutastarasvI .. 23..\\
sa bhinnakunbhaH sahasA vinadya 
mukhAtprabhUta.n kShataja.n vimu~nchan . 
papAta nAgo dharaNIdharAbhaH 
kShitiprakampAchchalito yathAdriH .. 24..\\
nipAtyamAne tu tadA gajendre 
hAhAkR^ite tava putrasya sainye . 
sa shAlvarAjasya shinipravIro 
jahAra bhallena shiraH shitena .. 25..\\
hR^itottamA~Ngo yudhi sAtvatena 
papAta bhUmau saha nAgaraGYA . 
yathAdrishR^i~Nga.n sumahatpraNunnaM 
vajreNa devAdhipa choditena .. 26..\\
\medskip\hrule\medskip\centerline{\Largedvng 20}
 s

tasmi.nstu nihate shUre shAlve samitishobhane . 
tavAbhajyadbala.n vegAdvAteneva mahAdrumaH .. 1..\\
tatprabhagnaM bala.n dR^iShTvA kR^itavarmA mahArathaH . 
dadhAra samare shUraH shatrusainyaM mahAbalaH .. 2..\\
saMnivR^ittAstu te shUrA R^iShTvA sAtvatamAhave . 
shaulopama.n sthitaM rAjankIryamANaM sharairyudhi .. 3..\\
tatha pravavR^ite yuddha.n kurUNAM pANDavaiH saha . 
nivR^ittAnAM mahArAja mR^ityu.n kR^itvA nivartanam .. 4..\\
tatrAshcharyamabhUdyuddhA.n sAtvatasya paraiH saha . 
yadeko vArayAmAsa pANDusenA.n durAsadAm .. 5..\\
teShAmanyonyasuhR^idA.n kR^ite karmaNi duShkare . 
si.nhanAdaH prahR^iShTAnA.n divaH spR^iksumahAnabhUt .. 6..\\
tena shabdena vitrastAnpA~nchAlAnbharatarShabha . 
shinernaptA mahAbAhuranvapadyata sAtyakiH .. 7..\\
sa samAsAdya rAjAna.n kShemadhUrtiM mahAbalam . 
saptabhirnishitairbANairanayadyamasAdanam .. 8..\\
tamAyAntaM mahAbAhuM pravapanta.n shitA~nsharAn . 
javenAbhyapataddhImAnhArdikyaH shinipu~Ngavam .. 9..\\
tau si.nhAviva nardantau dhanvinau rathinA.n varau . 
anyonyamabhyadhAvetA.n shastrapravara dhAriNau .. 10..\\
pANDavAH saha pA~nchAlairyodhAshchAnye nR^ipottamAH . 
prekShakAH samapadyanta tayoH puruShasi.nhayoH .. 11..\\
nArAchairvatsadantaishcha vR^iShNyandhakamahArathau . 
abhijaghnaturanyonyaM prahR^iShTAviva ku~njarau .. 12..\\
charantau vividhAnmArgAnhArdikya shinipu~Ngavau . 
muhurantardadhAte tau bANavR^iShTyA parasparam .. 13..\\
chApavegabaloddhUtAnmArgaNAnvR^iShNisi.nhayoH . 
AkAshe samapashyAma pata~NgAniva shIghragAn .. 14..\\
tameka.n satyakarmANamAsAdya hR^idikAtmajaH . 
avidhyannishitairbANaishchaturbhishaturo hayAn .. 15..\\
sa dIrghabAhuH sa~NkruddhastottrArdita iva dvipaH . 
aShTAbhiH kR^itavarmANamavidhyatparameShubhiH .. 16..\\
tataH pUrNAyatotsR^iShTaiH kR^itavarmA shilAshitaiH . 
sAtyaki.n tribhirAhatya dhanurekana chichchhide .. 17..\\
nikR^itta.n taddhanuHshreShThamapAsya shinipu~NgavaH . 
anyadAdatta vegena shaineyaH sashara.n dhanuH .. 18..\\
tadAdAya dhanuHshreShTha.n variShThaH sarvadhanvinAm . 
Aropya cha mahAvIryo mahAbuddhirmahAbalaH .. 19..\\
amR^iShyamANo dhanuShashchhedana.n kR^itavarmaNA . 
kupito.atirathaH shIghra.n kR^itavarmANamabhyayAt .. 20..\\
tataH sunishitairbANairdashabhiH shinipu~NgavaH . 
jaghAna sUtamashvAMshcha dhvaja.n cha kR^itavarmaNaH .. 21..\\
tato rAjanmaheShvAsaH kR^itavarmA mahArathaH . 
hatAshvasUta.n samprekShya rathaM hemapariShkR^itam .. 22..\\
roSheNa mahatAviShTaH shUlamudyamya mAriSha . 
chikShepa bhujavegena jighA.nsuH shinipu~Ngavam .. 23..\\
tachchhUla.n sAtvato hyAjau nirbhidya nishitaiH sharaiH . 
chUrNitaM pAtayAmAsa mohayanniva mAdhavam . 
tato.apareNa bhallena hR^idyena.n samatADayat .. 24..\\
sa yuddhe yuyudhAnena hatAshvo hatasArathiH . 
kR^itavarmA kR^itAstreNa dharaNIm anvapadyata .. 25..\\
tasminsAtyakinA vIre dvairathe virathI kR^ite . 
samapadyata sarvepShA.n sainyAnAM sumahadbhayam .. 26..\\
putrasya tava chAtyartha.n viShAdaH samapadyata . 
hatasUte hatAshve cha virathe kR^itavarmaNi .. 27..\\
hatAshva.n cha samAlakShya hatasUtamarindamam . 
abhyadhAvatkR^ipo rAja~njighA.nsuH shinipu~Ngavam .. 28..\\
tamAropya rathopasthe miShatA.n sarvadhanvinAm . 
apovAha mahAbAhustUrNamAyodhanAdapi .. 29..\\
shaineye.adhiShThite rAjanvirathe kR^itavarmaNi . 
duryodhana bala.n sarvaM punarAsItparA~Nmukham .. 30..\\
tatpare nAvabudhyanta sainyena rajasAvR^ite . 
tAvakAH pradrutA rAjanduryodhanamR^ite nR^ipam .. 31..\\
duryodhanastu samprekShya bhagna.n svabalamantikAt . 
javenAbhyapatattUrNa.n sarvAMshchaiko nyavArayat .. 32..\\
pANDUMshcha sarvAnsa~Nkruddho dhR^iShTadyumna.n cha pArShatam . 
shikhaNDina.n draupadeyAnpA~nchAlAnAM cha ye gaNAH .. 33..\\
kekayAnsomakAMshchaiva pA~nchAlAMshchaiva mAriSha . 
asambhrama.n durAdharShaH shitairastrairavArayat .. 34..\\
atiShThadAhave yattaH putrastava mahAbalaH . 
yathA yaGYe mahAnagnirmatra pUtaH prakAshayan .. 35..\\
taM pare nAbhyavartanta martyA mR^ityumivAhave . 
athAnya.n rathamAsthAya hArdikyaH samapadyata .. 36..\\
\medskip\hrule\medskip\centerline{\Largedvng 21}
 s

putrastu te mahArAja rathastho rathinA.n varaH . 
durutsaho babhau yuddhe yathA rudraH pratApavAn .. 1..\\
tasya bANasahasraistu prachchhannA hyabhavanmahI . 
parAMshcha siShiche bANairdhArAbhiriva parvatAn .. 2..\\
na cha so.asti pumAnkashchchinpANDavAnAM mahAhave . 
hayo gajo ratho vApi yo.asya bANairavikShataH .. 3..\\
ya.n yaM hi samare yodhaM prapashyAmi vishAM pate . 
sa sa bANaishchito.abhUdvai putreNa tava bhArata .. 4..\\
yathA sainyena rajasA samuddhUtena vAhinI . 
pratyadR^ishyata sa~nchannA tathA bANairmahAtmanaH .. 5..\\
bANabhUtAmapashyAma pR^ithivIM pR^ithivIpate . 
duryodhanena prakR^itA.n kShiprahastena dhanvinA .. 6..\\
teShu yodhasahasreShu tAvakeShu pareShu cha . 
eko duryodhano hyAsItpumAniti matirmama .. 7..\\
tatrAdbhutamapashyAma tava putrasya vikramam . 
yadeka.n sahitAH pArthA nAtyavartanta bhArata .. 8..\\
yudhiShThira.n shatenAjau vivyAdha bharatarShabha . 
bhImasena.n cha saptatyA sahadevaM cha saptabhiH .. 9..\\
nakula.n cha chatuHShaShTyA dhR^iShTadyumnaM cha pa~nchabhiH . 
saptabhirdraupadeyAMshcha tribhirvivyAdha sAtyakim . 
dhanushchichchheda bhallena sahadevasya mAriSha .. 10..\\
tadapAsya dhanushchhinnaM mAdrIputraH pratApavAn . 
abhyadhAvata rAjAnaM pragR^ihyAnyAnmahaddhanuH . 
tato duryodhana.n sa~Nkhye vivyAdha dashabhiH sharaiH .. 11..\\
nakulashcha tato vIro rAjAnaM navabhiH sharaiH . 
ghorarUpairmaheShvAso vivyAdha cha nanAda cha .. 12..\\
sAtyakishchApi rAjAna.n shareNAnataparvaNA . 
draupadeyAstrisaptatyA dharmarAjashcha saptabhiH . 
ashItyA bhImasenashcha sharai rAjAnamArdayat .. 13..\\
samantAtkIryamANastu bANasa~NghairmahAtmabhiH . 
na chachAla mahArAja sarvasainyasya pashyataH .. 14..\\
lAghava.n sauShThava.n chApi vIryaM chaiva mahAtmanaH . 
ati sarvANi bhUtAni dadR^ishuH sarvamAnavAH .. 15..\\
dhArtarAShTrAstu rAjendra yAtvA tu svalpamantaram . 
apashyamAnA rAjAnaM paryavartanta daMshitAH .. 16..\\
teShAmApatatA.n ghorastumulaH samajAyata . 
kShubdhasya hi samudrasya prAvR^iTkAle yathA nishi .. 17..\\
samAsAdya raNe te tu rAjAnamaparAjitam . 
pratyudyayurmaheShvAsAH pANDavAnAtatAyinaH .. 18..\\
bhImasena.n raNe kruddha.n droNaputro nyavArayat . 
tato bANairmahArAja pramuktaiH sarvatodisham . 
nAGYAyanta raNe vIrA na dishaH pradishastathA .. 19..\\
tAvubhau krUrakarmANAvubhau bhArata duHsahau . 
ghorarUpamayudhyetA.n kR^itapratikR^itaiShiNau . 
trAsayantau jagatsarva.n jyA kShepa vihatatvachau .. 20..\\
shakunistu raNe vIro yudhiShThiramapIDayat . 
tasyAshvAMshchaturo hatvA subalasya suto vibhuH . 
nAda.n chakAra balavAnsarvasainyAni kampayan .. 21..\\
etasminnantare vIra.n rAjAnamaparAjitam . 
apovAha rathenAjau sahadevaH pratApavAn .. 22..\\
athAnya.n rathamAsthAya dharmarAjo yudhiShThiraH . 
shakuniM navabhirviddhvA punarvivyAdha pa~nchabhiH . 
nanAda cha mahAnAdaM pravaraH sarvadhanvinAm .. 23..\\
tadyuddhamabhavachchitra.n ghorarUpaM cha mAriSha . 
IkShitR^iprItijanana.n siddhachAraNasevitam .. 24..\\
ulUkastu maheShvAsaM nakula.n yuddhadurmadam . 
abhyadravadameyAtmA sharavarShaiH samantataH .. 25..\\
tathaiva nakulaH shUraH saubalasya suta.n raNe . 
sharavarSheNa mahatA samantAtparyavArayat .. 26..\\
tau tatra samare vIrau kulaputrau mahArathau . 
yodhayantAvapashyetAM parasparakR^itAgasau .. 27..\\
tathaiva kR^itavarmA tu shaineya.n shatrutApanam . 
yodhaya~nshushubhe rAjanbala.n shakra ivAhave .. 28..\\
duryodhano dhanushchhittvA dhR^iShTadyumnasya sa.nyuge . 
athaina.n chhinnadhanvAna.n vivyAdha nishitaiH sharaiH .. 29..\\
dhR^iShTadyumno.api samare pragR^ihya paramAyudham . 
rAjAna.n yodhayAmAsa pashyatAM sarvadhanvinAm .. 30..\\
tayoryuddhaM mahachchAsItsa~NgrAme bharatarShabha . 
prabhinnayoryathA saktaM mattayorvarahastinoH .. 31..\\
gautamastu raNe kruddho draupadeyAnmahAbalAn . 
vivyAdha bahubhiH shUraH sharaiH saMnataparvabhiH .. 32..\\
tasya tairabhavadyuddhamindriyairiva dehinaH . 
ghora rUpamasa.nvAryaM nirmaryAdamatIva cha .. 33..\\
te cha taM pIDayAmAsurindriyANIva bAlisham . 
sa cha tAnpratisa.nrabdhaH pratyayodhayadAhave .. 34..\\
eva.n chitramabhUdyuddhaM tasya taiH saha bhArata . 
utthAyotthAya hi yathA dehinAm indriyairvibho .. 35..\\
narAshchaiva naraiH sArdha.n dantino dantibhistathA . 
hayA hayaiH samAsaktA rathino rathibhistathA . 
sa~Nkula.n chAbhavadbhUyo ghorarUpa.n vishAM pate .. 36..\\
ida.n chitramidaM ghoramida.n raudramiti prabho . 
yuddhAnyAsna mahArAja ghorANi cha bahUni cha .. 37..\\
te samAsAdya samare parasparamarindamAH . 
vivyadhushchaiva jaghnushcha samAsAdya mahAhave .. 38..\\
teShA.n shatra samudbhUtaM rajastIvramadR^ishyata . 
pravAtenoddhata.n rAjandhAvadbhishchAshvasAdibhiH .. 39..\\
rathanemi samudbhUtaM niHshvAsaishchApidantinAm . 
rajaH sandhyAbhrakapila.n divAkarapatha.n yayau .. 40..\\
rajasA tena sampR^ikte bhAskare niShprabhI kR^ite . 
sa~nchAditAbhavadbhUmiste cha shUrA mahArathAH .. 41..\\
muhUrtAdiva sa.nvR^ittaM nIrajaska.n samantatha . 
vIra shoNitasiktAyAM bhUmau bharatasattama . 
upAshAmyattatastIvra.n tadrajo ghoradarshanam .. 42..\\
tato.apashyaM mahArAja dvandva yuddhAni bhArata . 
yathA pragrya.n yathA jyeShThaM madhyAhne vai sudAruNe . 
varmaNA.n tatra rAjendra vyadR^ishyantojjvalAH prabhAH .. 43..\\
shabdaH sutumulaH sa~Nkhye sharANAM patatAmabhUt . 
mahAveNuvanasyeva dahyamAnasya sarvataH .. 44..\\
\medskip\hrule\medskip\centerline{\Largedvng 22}
 s

vartamAne tathA yuddhe ghorarUpe bhayAnake . 
abhajyata bala.n tatra tava putrasya pANDavaiH .. 1..\\
tA.nstu yatnena mahatA saMnivArya mahArathAn . 
putraste yodhayAmAsa pANDavAnAmanIkinIm .. 2..\\
nivR^ittAH sahasA yodhAstava putra priyaiShiNaH . 
saMnivR^itteShu teShveva.n yuddhamAsItsudAruNam .. 3..\\
tAvakAnAM pareShA.n cha devAsuraraNopamam . 
pareShA.n tava sainye cha nAsItkashchitparA~NmukhaH .. 4..\\
anumAnena yudhyante sa~nj~nAbhish cha parasparam . 
teShA.n kShayo mahAnAsIdyudhyatAm itaretaram .. 5..\\
tato yudhiShThiro rAjA krodhena mahatA yutaH . 
jigIShamANaH sa~NgrAme dhArtarAShTrAnsarAjakAn .. 6..\\
tribhiH shAradvata.n viddhvA rukmapu~NkhaiH shilAshitaiH . 
chaturbhirnijaghAnAshvAnkalyANAnkR^itavarmaNaH .. 7..\\
ashvatthAmA tu hArdikyamapovAha yashasvinam . 
atha shAradvato.aShTAbhiH pratyavidhyadyudhiShThiram .. 8..\\
tato duryodhano rAjA rathAnsaptashatAnraNe . 
preShayadyatra rAjAsau dharmaputro yudhiShThiraH .. 9..\\
te rathA rathibhiryuktA manomArutara.nhasaH . 
abhyadravanta sa~NgrAme kaunteyasya rathaM prati .. 10..\\
te samantAnmahArAja parivArya yudhiShThiram . 
adR^ishya.n sAyakaishchakrurmeghA iva divAkaram .. 11..\\
nAmR^iShyanta susa.nrabdhAH shikhaNDipramukhA rathAH . 
rathairagryajavairyuktaiH ki~NkiNIjAlasa.nvR^itaiH . 
AjagmurabhirakShantaH kuntIputra.n yudhiShThiram .. 12..\\
tathA pravavR^ite raudraH sa~NgrAmaH shoNitodakaH . 
pANDavAnA.n kurUNAM cha yama rAShTravivardhanaH .. 13..\\
rathAnsaptashatAnhatvA kurUNAmAtatAyinAm . 
pANDavAH saha pA~nchAlaiH punarevAbhyavArayan .. 14..\\
tatra yuddhaM mahachchAsIttava putrasya pANDavaiH . 
na cha nastAdR^isha.n dR^iShTaM naiva chApi parishrutam .. 15..\\
vartamAne tathA yuddhe nirmaryAde samantataH . 
vadhyamAneShu yodheShu tAvakeShvitareShu cha .. 16..\\
ninadatsu cha yodheShu sha~Nkhavaryaishcha pUritaiH . 
utkR^iShTaiH si.nhanAdaishcha garjitena cha dhanvinAm .. 17..\\
atipravR^iddhe yuddhe cha chhidyamAneShu marmasu . 
dhAvamAneShu yodheShu jaya gR^iddhiShu mAriSha .. 18..\\
sa.nhAre sarvato jAte pR^ithivyA.n shokasambhave . 
bahvInAmuttamastrINA.n sImantoddharaNe tathA .. 19..\\
nirmaryAde tathA yuddhe vartamAne sudAruNe . 
prAdurAsanvinAshAya tadotpAtAH sudAruNAH . 
chachAla shabda.n kurvANA saparvatavanA mahI .. 20..\\
sadaNDAH solmukA rAja~nshIryamANAH samantataH . 
ulkAH peturdivo bhUmAvAhatya ravimaNDalam .. 21..\\
viShvagvAtAH prAdurAsannIchaiH sharkara varShiNaH . 
ashrUNi mumuchurnAgA vepathushchAspR^ishadbhR^isham .. 22..\\
etAnghorAnanAdR^itya samutpAtAnsudAruNAn . 
punaryuddhAya saMmantrya kShatriyAstasthuravyathAH . 
ramaNIye kurukShetre puNye svarga.n yiyAsavaH .. 23..\\
tato gAndhArarAjasya putraH shakunirabravIt . 
yudhyadhvamagrato yAvatpR^iShThato hanmi pANDavAn .. 24..\\
tato naH samprayAtAnAM madrayodhAstarasvinaH . 
hR^iShTAH kilakilA shabdamakurvantApare tathA .. 25..\\
asmA.nstu punarAsAdya labdhalakShA durAsadAH . 
sharAsanAni dhunvantaH sharavarShairavAkiran .. 26..\\
tato hataM paraistatra madrarAjabala.n tadA . 
duryodhana bala.n dR^iShTvA punarAsItparA~Nmukham .. 27..\\
gAndhArarAjastu punarvAkyamAha tato balI . 
nivartadhvamadharmaGYA yudhyadhva.n ki.n sR^itena vaH .. 28..\\
anIka.n dashasAhasramashvAnAM bharatarShabha . 
AsIdgAndhArarAjasya vimalaprAsayodhinAm .. 29..\\
balena tena vikramya vartamAne janakShaye . 
pR^iShThataH pANDavAnIkamabhyaghnannishitaiH sharaiH .. 30..\\
tadabhramiva vAtena kShipyamANa.n samantataH . 
abhajyata mahArAja pANDUnA.n sumahadbalam .. 31..\\
tato yudhiShThiraH prekShya bhagna.n svabalamantikAt . 
abhyachodayadavyagraH sahadevaM mahAbalam .. 32..\\
asau subala putro no jaghanaM pIDya daMshitaH . 
senAM nisUdayantyeSha pashya pANDava durmatim .. 33..\\
gachchha tva.n draupadeyAshcha shakuni.n saubalaM jahi . 
rathAnIkamaha.n rakShye pA~nchAla sahito.anagha .. 34..\\
gachchhantu ku~njarAH sarve vAjinashcha saha tvayA . 
pAdAtAshcha trisAhasrAH shakuni.n saubala.n jahi .. 35..\\
tato gajAH saptashatAshchApapANibhirAsthitAH . 
pa~ncha chAshvasahasrANi sahadevashcha vIryavAn .. 36..\\
pAdAtAshcha trisAhasrA draupadeyAshcha sarvashaH . 
raNe hyabhyadrava.nste tu shakuni.n yuddhadurmadam .. 37..\\
tatastu saubalo rAjannabbhyatikramya pANDavAn . 
jaghAna pR^iShThataH senA.n jaya ghR^idhraH pratApavAn .. 38..\\
ashvArohAstu sa.nrabdhAH pANDavAnA.n tarasvinAm . 
prAvishansaubalAnIkamabhyatikramya tAnrathAn .. 39..\\
te tatra sadinaH shUrAH saubalasya mahadbalam . 
gamamadhye.avatiShThantaH sharavarShairavAkiran .. 40..\\
tadudyatagadA prAsamakApuruSha sevitam . 
prAvartata mahadyuddha.n rAjandurmantrite tava .. 41..\\
upAramanta jyAshabdAH prekShakA rathino.abhavan . 
na hi sveShAM pareShA.n vA visheShaH pratyadR^ishyata .. 42..\\
shUra bAhuvisR^iShTAnA.n shaktInAM bharatarShabha . 
jyotiShAmiva sampAtamapashyankurupANDavAH .. 43..\\
R^iShTibhirvimalAhishcha tatra tatra vishAM pate . 
sampatantIbhirAkAshamAvR^itaM bahvashobhata .. 44..\\
prAsAnAmpatatA.n rAjanrUpamAsItsamantataH . 
shalabhAnAmivAkAshe tadA bharatasattama .. 45..\\
rudhirokShitasarvA~NgA vipraviddhairniyantR^ibhiH . 
hayAH paripatanti sma shatasho.atha sahasrashaH .. 46..\\
anyonyaparipiShTAshcha samAsAdya parasparam . 
avikShatAH sma dR^ishyante vamanto rudhiraM mukhaiH .. 47..\\
tato.abhavattamo ghora.n sainyena rajasA vR^ite . 
tAnapAkramato.adrAkSha.n tasmAddeshAdarindamAn . 
ashvAnrAjanmanuShyAMshcha rajasA sa.nvR^ite sati .. 48..\\
bhUmau nipatitAshchAnye vamanto rudhiraM bahu . 
keshA keshi samAlagnA na shekushcheShTitu.n janAH .. 49..\\
anyonyamashvapR^iShThebhyo vikarShanto mahAbalAH . 
mallA iva samAsAdya nijaghnuritaretaram . 
ashvaishcha vyapakR^iShyanta vahavo.atra gatAsavaH .. 50..\\
bhUmau nipatitashchAnye bahavo vijayaiShiNaH . 
tatra tatra vyadR^ishyanta puruShAH shUramAninaH .. 51..\\
raktokShitaishchhinnabhujairapakR^iShTa shiroruhaiH . 
vyadR^ishyata mahI kIrNA shatasho.atha sahasrashaH .. 52..\\
dUraM na shakya.n tatrAsIdgantumashvena kena chit . 
sAshvArohairhatairashvairAvR^ite vasudhAtale .. 53..\\
rudhirokShita saMnAhairAttashastrairudAyudhaiH . 
nAnApraharaNairghoraiH parasparavadhaiShibhiH . 
susaMnikR^iShTaiH sa~NgrAme hatabhUyiShTha sainikaiH .. 54..\\
sa muhUrta.n tato yuddhvA saubalo.atha vishAM pate . 
ShaTsahasrairhayaiH shiShTairapAyAchchhakunistataH .. 55..\\
tathaiva pANDavAnIka.n rudhireNa samukShitam . 
ShaTsahasrairhayaiH shiShTairapAyAchchhrAntavAhanam .. 56..\\
ashvArohAstu pANDUnAmabruvanrudhirokShitAH . 
susaMnikR^iShTAH sa~NgrAme bhUyiShTha.n tyaktajIvitAH .. 57..\\
neha shakya.n rathairyoddhu.n kuta eva mahAgajaiH . 
rathanaiva rathA yAntu ku~njarAH ku~njarAnapi .. 58..\\
pratiyAto hi shakuniH svamanIkamavasthitaH . 
na punaH saubalo rAjA yuddhamabhyAgamiShyati .. 59..\\
tatastu draupadeyAshcha te cha mattA mahAdvipAH . 
prayayuryatra pA~nchAlyo dhR^iShTadyumno mahArathaH .. 60..\\
sahadevo.api kauravya rajomeghe samutthite . 
ekAkI prayayau tatra yatra rAjA yudhiShThiraH .. 61..\\
tatasteShu prayAteShu shakuniH saubalaH punaH . 
pArshvato.abhyahanatkruddho dhR^iShTadyumnasya vAhinIm .. 62..\\
tatpunastumula.n yuddhaM prANA.nstyaktvAbhyavartata . 
tAvakAnAM pareShA.n cha parasparavadhaiShiNAm .. 63..\\
te hyanyonyamavekShanta tasminvIra samAgame . 
yodhAH paryapatanrAja~nshatasho.atha sahasrashaH .. 64..\\
asibhishchhidyamAnAnA.n shirasAM lokasa~NkShaye . 
prAdurAsInmahAshabdastAlAnAM patatAm iva .. 65..\\
vimuktAnA.n sharIrANAM bhinnAnAM patatAM bhuvi . 
sAyudhAnA.n cha bAhUnAmurUNAM cha vishAM pate . 
AsItkaTakaTA shabdaH sumahA.NllomaharShaNaH .. 66..\\
nighnanto nishitaiH shastrairbhrAtR^InputrAnsakhInapi . 
yodhAH paripatanti sma yathAmiSha kR^ite khagAH .. 67..\\
anyonyaM pratisa.nrabdhAH samAsAdya parasparam . 
ahaM pUrvamahaM pUrvamiti nyaghnansahasrashaH .. 68..\\
sa~NghAtairAsanabhraShTairashvArohairgatAsubhiH . 
hayAH paripatanti sma shatasho.atha sahasrashaH .. 69..\\
sphuratAM pratipiShTAnAmashvAnA.n shIghrasAriNAm . 
stanatA.n cha manuShyANA.n saMnaddhAnAM vishAM pate .. 70..\\
shaktyR^iShTi prAsashabdashcha tumulaH samajAyata . 
bhindatAM paramarmANi rAjandurmantrite tava .. 71..\\
shramAbhibhUtAH sa.nrabdhAH shrAntavAhAH pipAsitAH . 
vikShatAshcha shitaiH shastrairabhyavartanta tAvakAH .. 72..\\
mattA rudhiragandhena bahavo.atra vichetasaH . 
jaghnuH parAnsvakAMshchaiva prAptAnprAptAnanantarAn .. 73..\\
bahavashcha gataprANAH kShatriyA jaya gR^iddhinaH . 
bhUmAvabhyapatanrAja~nsharavR^iShTibhirAvR^itAH .. 74..\\
vR^ikagR^idhrashR^igAlAnA.n tumule modane.ahani . 
AsIdbalakShayo ghorastava putrasya pashyataH .. 75..\\
narashvakAyasa~nchannA bhUmirAsIdvishAM pate . 
rudhiraudaka chitrA cha bhIrUNAM bhayavardhinI .. 76..\\
asibhiH paTTishaiH shUraistakShamANAH punaH punaH . 
tAvakAH pANDavAshchaiva nAbhyavartanta bhArata .. 77..\\
praharanto yathAshakti yAvatprANasya dhAraNam . 
yodhAH paripatanti sma vamanto rudhira.n vraNaiH .. 78..\\
shiro gR^ihItvA kesheShu kabandhaH samadR^ishyata . 
udyamya nishita.n khaDga.n rudhireNa samukShitam .. 79..\\
athotthiteShu bahuShu kabandheShu janAdhipa . 
tathA rudhiragandhena yodhAH kashmalamAvishan .. 80..\\
mandI bhUte tataH shabde pANDavAnAM mahadbalam . 
alpAvashiShTaisturagairabhyavartata saubalaH .. 81..\\
tato.abhyadhAva.nstvaritAH pANDavA jaya gR^iddhinaH . 
padAtayashcha nAgAshcha sAdinashchodyatAyudhAH .. 82..\\
koShTakI kR^ityachApyenaM parikShipya cha sarvashaH . 
shastrairnAnAvidhairjaghnuryuddhapAra.n titIrShavaH .. 83..\\
tvadIyAstA.nstu samprekShya sarvataH samabhidrutAn . 
sAshvapattidviparathAH pANDavAnabhidudruvuH .. 84..\\
ke chitpadAtayaH padbhirmuShTibhish cha parasparam . 
nijaghnuH samare shUrAH kShINashastrAstato.apatan .. 85..\\
rathebhyo rathinaH peturdvipebhyo hastisAdinaH . 
vimAnebhya iva bhraShTAH siddhAH puNyakShayAdyathA .. 86..\\
evamanyonyamAyastA yodhA jaghnurmahAmR^idhe . 
pitR^InbhrAtR^InvayasyAMshcha putrAnapi tathApare .. 87..\\
evamAsIdamaryAda.n yuddhaM bharatasattama . 
prAsAsibANakalile vartamAne sudAruNe .. 88..\\
\medskip\hrule\medskip\centerline{\Largedvng 23}
 s

tasmi~nshabde mR^idau jAte pANDavairnihate bale . 
ashvaiH saptashataiH shiShTairupAvartata saubalaH .. 1..\\
sa yAtvA vAhinI.n tUrNamabravIttvarayanyudhi . 
yudhyadhvamiti sa.nhR^iShTAH punaH punararindamaH . 
apR^ichchhatkShatriyA.nstatra kva nu rAjA mahArathaH .. 2..\\
shakunestu vachaH shrutvA ta UchurbharatarShabha . 
asau tiShThati kauravyo raNamadhye mahArathaH .. 3..\\
yatraitatsumahachchhastraM pUrNachandra samaprabham . 
yatraite satala trANA rathAstiShThanti daMshitAH .. 4..\\
yatraiSha shabdastumulaH parjanyaninadopamaH . 
tatra gachchha druta.n rAja.nstato drakShyasi kauravam .. 5..\\
evamuktastu taiH shUraiH shakuniH saubalastadA . 
prayayau tatra yatrAsau putrastava narAdhipa . 
sarvataH sa.nvR^ito vIraiH samareShvanivartibhiH .. 6..\\
tato duryodhana.n dR^iShTvA rathAnIke vyavasthitam . 
sarathA.nstAvakAnsarvAnharShaya~nshakunistataH .. 7..\\
duryodhanamida.n vAkyaM hR^iShTarUpo vishAM pate . 
kR^itakAryamivAtmAnaM manyamAno.abravInnR^ipam .. 8..\\
jahi rAjanrathAnIkamashvAH sarve jitA mayA . 
nAtyaktvA jIvita.n sa~Nkhye shakyo jetuM yudhiShThiraH .. 9..\\
hate tasminrathAnIke pANDavenAbhipAlite . 
gajAnetAnhaniShyAmaH padAtIMshchetarA.nstathA .. 10..\\
shrutvA tu vachana.n tasya tAvakA jayagR^iddhinaH . 
javenAbhyapatanhR^iShTAH pANaDvAnAmanIkinIm .. 11..\\
sarve vivR^itatUNIrAH pragR^ihItasharAsanAH . 
sharAsanAni dhunvAnAH si.nhanAdaM prachakrire .. 12..\\
tato jyAtalanirghoShaH punarAsIdvishAM pate . 
prAdurAsIchchharANA.n cha sumuktAnA.n sudAruNaH .. 13..\\
tAnsamIpagatAndR^iShTvA javenodyata kArmukAn . 
uvAcha devakIputra.n kuntIputro dhana~njayaH .. 14..\\
chodayAshvAnasambhrAntaH pravishaitadbalArNavam . 
antamadya gamiShyAmi shatrUNAM nishitaiH sharaiH .. 15..\\
aShTAdasha dinAnyadya yuddhasyAsya janArdana . 
vartamAnasya mahataH samAsadya parasparam .. 16..\\
ananta kalpA dhvajinI bhUtvA hyeShAM mahAtmanAm . 
kShayamadya gatA yuddhe pashya daiva.n yathAvidham .. 17..\\
samudrakalpa.n tu balaM dhArtarAShTrasya mAdhava . 
asmAnAsAdya sa~njAtma goShpadopamamachyuta .. 18..\\
hate bhIShme cha sandadhyAchchhiva.n syAdiha mAdhava . 
na cha tatkR^itavAnmUDho dhArtarAShTraH subAlishaH .. 19..\\
uktaM bhIShmeNa yadvAkya.n hitaM pathya.n cha mAdhava . 
tachchApi nAsau kR^itavAnvItabuddhiH suyodhanaH .. 20..\\
tasmi.nstu patite bhIShme prachyute pR^ithivItale . 
na jAne kAraNa.n kiM nu yena yuddhamavartata .. 21..\\
mUDhA.nstu sarvathA manye dhArtarAShTrAnsubAlishAn . 
patite shantanoH putre ye.akArShuH sa.nyugaM punaH .. 22..\\
anantara.n cha nihate droNe brahma vidA.n vare . 
rAdheye cha vikarNe cha naivAshAmyata vaishasam .. 23..\\
alpAvashiShTe sainye.asminsUtaputre cha pAtite . 
saputre vai naravyAghre naivAshAmyata vaishasam .. 24..\\
shrutAyuShi hate shUre jalasandhe cha paurave . 
shrutAyudhe cha nR^ipatau naivAshAmyata vaishasam .. 25..\\
bhUrishravasi shalye cha shAlve chaiva janArdana . 
AvantyeShu cha vIreShu naivAshAmyata vaishasam .. 26..\\
jayadrathe cha nihate rAkShase chApyalAyudhe . 
bAhlike somadatte cha naivAshAmyata vaishasam .. 27..\\
bhagadatte hate shUre kAmboje cha sudakShiNe . 
duHshAsane cha nihate naivAshAmyata vaishasam .. 28..\\
dR^iShTvA cha nihatA~nshUrAnpR^ithanmANDalikAnnR^ipAn . 
balinashcha raNe kR^iShNa naivAshAmyata vaishasam .. 29..\\
akShauhiNIpatIndR^iShTvA bhImasenena pAtitAn . 
mohAdvA yadi vA lobhAnnaivAshAmyata vaishasam .. 30..\\
ko nu rAjakule jAtaH kauraveyo visheShataH . 
nirarthakaM mahadvaira.n kuryAdanyaH suyodhanAt .. 31..\\
guNato.abhyadhika.n GYatvA balataH shauryato.api vA . 
amUDhaH ko nu yudhyeta janAnprAGYo hitAhitam .. 32..\\
yanna tasya mano hyAsIttvayoktasya hita.n vachaH . 
prashame pANDavaiH sArdha.n so.anyasya shR^iNuyAtkatham .. 33..\\
yena shAntanavo bhIShmo droNo vidura eva cha . 
pratyAkhyAtAH shamasyArthe kiM nu tasyAdya bheShajam .. 34..\\
maurkhyAdyena pitA vR^iddhaH pratyAkhyAto janArdana . 
tathA mAtA hita.n vAkyaM bhAShamANA hitaiShiNI . 
pratyAkhyAtA hyasatkR^itya sa kasmai rochayedvachaH .. 35..\\
kulAntaka raNo vyakta.n jAta eSha janArdana . 
tathAsya dR^ishyate cheShTA nItishchaiva vishAM pate . 
naiSha dAsyati no rAjyamiti me matirachyuta .. 36..\\
ukto.ahaM bahushastAta vidureNa mahAtmanA . 
na jIvandAsyate bhAga.n dhArtarAShTraH kathaM chana .. 37..\\
yAvatprANA dhamiShyanti dhArtarAShTrasya mAnada . 
tAvadyuShmAsvapApeShu prachariShyati pAtakam .. 38..\\
na sa yukto.anyathA jetumR^ite vR^iddhena mAdhava . 
ityabravItsadA mA.n hi viduraH satyadarshanaH .. 39..\\
tatsarvamadya jAnAmi vyavasAya.n durAtmanaH . 
yadukta.n vachana.n tena vidureNa mahAtmanA .. 40..\\
yo hi shrutvA vachaH pathya.n jAmadagnyAdyathAtatham . 
avAmanyata durbuddhirdhruvaM nAsha mukhe sthitaH .. 41..\\
ukta.n hi bahubhiH siddhairjAtamAtre suyodhane . 
enaM prApya durAtmAna.n kShayaM kShatraM gamiShyati .. 42..\\
tadida.n vachana.n teShAM niruktaM vai janArdana . 
kShaya.n yAtA hi rAjAno duryodhanakR^ite bhR^isham .. 43..\\
so.adya sarvAnraNe yodhAnnihaniShyAmi mAdhava . 
kShatriyeShu hateShvAshu shUnye cha shibire kR^ite .. 44..\\
vadhAya chAtmano.asmAbhiH sa.nyuga.n rochayiShyati . 
tadanta.n hi bhavedvairamanumAnena mAdhava .. 45..\\
evaM pashyAmi vArShNeya chintayanpraGYayA svayA . 
vidurasya cha vAkyena cheShTayA cha durAtmanaH .. 46..\\
sa.nyAhi bharatI.n vIra yAvaddhanmi shitaiH sharaiH . 
duryodhana.n durAtmAna.n vAhinIM chAsya sa.nyuge .. 47..\\
kShemamadya kariShyAmi dharmarAjasya mAdhava . 
hatvaitaddurbala.n sainya.n dhArtarAShTrasya pashyataH .. 48..\\

 s

abhIshu hasto dAshArhastathoktaH savyasAchinA . 
tadbalaughamamitrANAmabhItaH prAvishadraNe .. 49..\\
sharAsanavara.n ghora.n shaktikaNTaka sa.nvR^itam . 
gadAparighapanthAna.n rathanAgamahAdrumam .. 50..\\
hayapattilatAkIrNa.n gAhamAno mahAyashAH . 
vyachcharattatra govindo rathenAtipatAkinA .. 51..\\
te hayAH pANDurA rAjanvahanto.arjunamAhave . 
diShku sarvAsvadR^ishyanta dAshArheNa prachoditAH .. 52..\\
tataH prAyAdrathenAjau savyasAchI parantapaH . 
kira~nsharashatA.nstIkShNAnvAridhArA ivAmbudaH .. 53..\\
prAdurAsInmahA~nshabdaH sharANAM nataparvaNAm . 
iShubhishchhAdyamAnAnA.n samare savyasAchinA .. 54..\\
asajjantastanutreShu sharaughAH prApatanbhuvi . 
indrAshanisamasparshA gANDIvapreShitAH sharAH .. 55..\\
narAnnAgAnsamAhatya hayAMshchApi vishAM pate . 
apatanta raNe bANAH pata~NgA iva ghoShiNaH .. 56..\\
AsItsarvamavachchhanna.n gANDIvapreShitaiH sharaiH . 
na prAGYAyanta samare disho vA pradisho.api vA .. 57..\\
sarvamAsIjjagatpUrNaM pArtha nAmA~NkitaiH sharaiH . 
rukmapu~NkhaistailadhautaiH karmAra parimArjitaiH .. 58..\\
te dahyamAnAH pArthena pAvakeneva ku~njarAH . 
samAsIdanta kauravyA vadhyamAnAH shitaiH sharaiH .. 59..\\
sharachApa dharaH pArthaH prajvajanniva bhArata . 
dadAha samare yodhAnkakShamagniriva jvalan .. 60..\\
yathA vanAnte vanapairvisR^iShTaH 
kakSha.n dahetkR^iShNa gatiH saghoShaH . 
bhUri druma.n shuShkalatA vitAnaM 
bhR^isha.n samR^iddho jvalanaH pratApI .. 61..\\
eva.n sa nArAchagaNapratApI 
sharArchiruchchAvachatigmatejAH . 
dadAha sarvA.n tava putra senAm 
amR^iShyamANastarasA tarasvI .. 62..\\
tasyeShavaH prANaharAH sumuktA 
nAsajjanvai varmasu rukmapu~NkhAH . 
na cha dvitIyaM pramumocha bANaM 
nare haye vA paramadvipe vA .. 63..\\
anekarUpAkR^itibhirhi bANair 
mahArathAnIkamanupravishya . 
sa eva ekastava putra senAM 
jaghAna daityAniva vajrapANiH .. 64..\\
\medskip\hrule\medskip\centerline{\Largedvng 24}
 s

asyatA.n yatamAnAnAM shUrANAmanivartinAm . 
sa~Nkalpamakaronmogha.n gANDIvena dhana~njayaH .. 1..\\
indrAshanisamasparshAnaviShahyAnmahaujasaH . 
visR^ijandR^ishyate bANAndhArA mu~nchannivAmbudaH .. 2..\\
tatsainyaM bharatashreShTha vadhyamAna.n kirItTinA . 
sampradudrAva sa~NgrAmAttava putrasya pashyataH .. 3..\\
hatadhuryA rathAH kechiddhatasUtAstathApare . 
bhagnAkShayugachakreShAH ke chidAsanvishAM pate .. 4..\\
anyeShA.n sAyakAH kShINAstathAnye sharapIDitAH . 
akShatA yugapatke chitprAdravanbhayapIDitAH .. 5..\\
ke chitputrAnupAdAya hatabhUyiShTha vAhanAH . 
vichukrushuH pitR^Inanye sahAyAnapare punaH .. 6..\\
bAndhavAMshcha naravyAghra bhrAtR^InsambandhinastathA . 
dudruvuH ke chidutsR^ijya tatra tatra vishAM pate .. 7..\\
bahavo.atra bhR^isha.n viddhA muhyamAnA mahArathAH . 
niShTanantaH sma dR^ishyante pArtha bANahatA narAH .. 8..\\
tAnanye rathamAropya samAshvAsya muhUrtakam . 
vishrAntAshcha vitR^iShNAshcha punaryuddhAya jagmire .. 9..\\
tAnapAsya gatAH ke chitpunareva yuyutsavaH . 
kurvantastava putrasya shAsana.n yuddhadurmadAH .. 10..\\
pAnIyamapare pItvA paryAshvAsya cha vAhanam . 
varmANi cha samAropya ke chidbharatasattama .. 11..\\
samAshvAsyApare bhrAtR^InnikShipya shibire.api cha . 
putrAnanye pitR^Inanye punaryuddhamarochayan .. 12..\\
sajjayitvA rathAnke chidyathAmukhya.n vishAM pate . 
Aplutya pANDavAnIkaM punaryuddhamarochayan .. 13..\\
te shUrAH ki~NkiNIjAlaiH samAchchhannA babhAsire . 
trailokyavijaye yuktA yathA daiteya dAnavAH .. 14..\\
Agamya sahasA ke chidrathaiH svarNavibhUShitaiH . 
pANDavAnAmanIkeShu dhR^iShTadyumnamayodhayan .. 15..\\
dhR^iShTadyumno.api pA~nchAlyaH shikhaNDI cha mahArathaH . 
nAkulishcha shatAnIko rathAnIkamayodhayan .. 16..\\
pA~nchAlyastu tataH kruddhaH sainyena mahatA vR^itaH . 
abhyadravatsusa.nrabdhastAvakAnhantumudyataH .. 17..\\
tatastvApatatastasya tava putro janAdhipa . 
bANasa~NghAnanekAnvai preShayAmAsa bhArata .. 18..\\
dhR^iShTadyumnastato rAja.nstava putreNa dhanvinA . 
nArAchairbahubhiH kShipraM bAhvorurasi chArpitaH .. 19..\\
so.atividdho maheShvAsastottrArdita iva dvipaH . 
tasyAshvAMshchaturo bANaiH preShayAmAsa mR^ityave . 
sAratheshchAsya bhallena shiraH kAyAdapAharat .. 20..\\
tato duryodhano rAjA pR^iShThAmArudhya vAjinaH . 
apAkrAmaddhataratho nAtidUramarindamaH .. 21..\\
dR^iShTvA tu hatavikrAnta.n svamanIkaM mahAbalaH . 
tava putro mahArAja prayayau yatra saubalaH .. 22..\\
tato ratheShu bhagneShu trisAhasrA mahAdvipAH . 
pANDavAnrathinaH pa~ncha samantatparyavArayan .. 23..\\
te vR^itAH samare pa~ncha gajAnIkena bhArata . 
ashobhanta naravyAghrA grahA vyAptA ghanairiva .. 24..\\
tato.arjuno mahArAja labdhalakSho mahAbhujaH . 
viniryayau rathenaiva shvetAshvaH kR^iShNasArathiH .. 25..\\
taiH samantAtparivR^itaH ku~njaraiH parvatopamaiH . 
nArAchairvimalaistIkShNairgajAnIkamapothayat .. 26..\\
tatraikabANanihatAnapashyAma mahAgajAn . 
patitAnpAtyamAnAMshcha vibhinnAnsavyasAchchinA .. 27..\\
bhImasenastu tAndR^iShTvA nAgAnmattagajopamaH . 
kareNa gR^ihya mahatI.n gadAmabhyapatadbalI . 
avaplutya rathAttUrNa.n daNDapANirivAntakaH .. 28..\\
tamudyatagada.n dR^iShTvA pANDavAnAM mahAratham . 
vitresustAvakAH sainyAH shakR^inmUtraM prasusruvuH . 
Avigna.n cha bala.n sarvaM gadAhaste vR^ikodare .. 29..\\
gadayA bhImasenena bhinnakumbhAnrajasvalAn . 
dhAvamAnAnapashyAma kunrajAnparvatopamAn .. 30..\\
pradhAvya ku~njarAste tu bhImasenagadA hatAH . 
peturArtasvara.n kR^itvA chhinnapakShA ivAdrayaH .. 31..\\
tAnbhinnakumbhAnsubahUndravamANAnitastataH . 
patamAnAMshcha samprekShya vitresustava sainikAH .. 32..\\
yudhiShThiro.api sa~Nkruddho mAdrIputrau cha pANDavau . 
gR^idhrapakShaiH shitairbANairjaghnurvai gajayodhinaH .. 33..\\
dhR^iShTadyumnastu samare parAjitya narAdhipam . 
apakrAnte tava sute hayapR^iShTha.n samAshrite .. 34..\\
dR^iShTvA cha pANDavAnsarvAnku~njaraiH parivAritAn . 
dhR^iShTadyumno mahArAja saha sarvaiH prabhadrakaiH . 
putraH pA~nchAlarAjasya jighA.nsuH ku~njarAnyayau .. 35..\\
adR^iShTvA tu rathAnIke duryodhanamarindamam . 
ashvatthAmA kR^ipashchaiva kR^itavarmA cha sAtvataH . 
apR^ichchhankShatriyA.nstatra kva nu duryodhano gataH .. 36..\\
apashyamAnA rAjAna.n vartamAne janakShaye . 
manvAnA nihata.n tatra tava putraM mahArathAH . 
viShaNNavadanA bhUtvA paryapR^ichchhanta te sutam .. 37..\\
AhuH kechchiddhate sUte prayAto yatra saubalaH . 
apare tvabruva.nstatra kShatriyA bhR^ishavikShitAH .. 38..\\
duryodhanena ki.n kAryaM drakShyadhva.n yadi jIvati . 
yudhyadhvA.n sahitAH sarve kiM vo rAjA kariShyati .. 39..\\
te kShatriyAH kShatairgAtrairhatabhUyuShTha vAhanAH . 
sharaiH sampIDyamAnAshcha nAtivyaktamivAbruvan .. 40..\\
ida.n sarvaM balaM hanmo yena sma parivAritAH . 
ete sarve gajAnhatvA upayAnti sma pANDavAH .. 41..\\
shrutvA tu vachana.n teShAmashvatthAmA mahAbalaH . 
hitvA pA~nchAlarAjasya tadanIka.n durutsaham .. 42..\\
kR^ipashcha kR^itavarmA cha prayayuryattra saubalaH . 
rathAnIkaM parityajya shUrAH sudR^iDha dhanvinaH .. 43..\\
tatasteShu prayAteShu dhR^iShTadyumnapurogamAH . 
AyayuH pANDavA rAjanvinighnAntaH sma tAvakAn .. 44..\\
dR^iShTvA tu tAnApatataH samprahR^iShTAnmahArathAn . 
parAkrAntA.nstato vIrAnnirAshA~njIvite tadA . 
vivarNamukha bhUyiShThamabhavattAvakaM balam .. 45..\\
parikShINAyudhAndR^iShTvA tAnahaM parivAritAn . 
rAjanbalena dvya~Ngena tyaktvA jIvitamAtmanaH .. 46..\\
AtmanA pa~nchamo.ayudhyaM pA~nchAlasya balena ha . 
tasmindeshe vyavasthApya yatra shAradvataH sthitaH .. 47..\\
samprayuddhA vayaM pa~ncha kirITisharapIDitAH . 
dhR^iShTAdyumnaM mahAnIka.n tatra no.abhUdraNo mahAn . 
jitAstena vaya.n sarve vyapayAma raNAttataH .. 48..\\
athApashyA.n satyaki.n tamupAyAntaM mahAratham . 
rathaishchatuHshatairvIro mA.n chAbhyadravadAhave .. 49..\\
dhR^iShTadyumnAdahaM muktaH katha.n chichchhAnta vAhanaH . 
patito mAdhavAnIka.n duShkR^itI naraka.n yathA . 
tatra yuddhamabhUdghoraM muhUrtamatidAruNam .. 50..\\
sAtyakistu mahAbAhurmama hatvA parichchhadam . 
jIvagrAhamagR^ihNAnmAM mUrchhitaM patitaM bhuvi .. 51..\\
tato muhUrtAdiva tadgajAnIkamavadhyata . 
gadayA bhImasenena nArAchairarjunena cha .. 52..\\
pratipiShTairmahAnAgaiH samantAtparvatopamaiH . 
nAtiprasiddheva gatiH pANDavAnAmajAyata .. 53..\\
rathamArgA.nstatashchakre bhImaseno mahAbalaH . 
pANDavAnAM mahArAja vyapakarShanmahAgajAn .. 54..\\
ashvatthAmA kR^ipashchaiva kR^itavarmA cha sAtvataH . 
apashyanto rathAnIke duryodhanamarindamam . 
rAjAnaM mR^igayAmAsustava putraM mahAratham .. 55..\\
parityajya cha pA~nchAlaM prayAtA yatra saubalaH . 
rAGYo.adarshana sa.nvignA vartamAne janakShaye .. 56..\\
\medskip\hrule\medskip\centerline{\Largedvng 25}
 s

gajAnIke hate tasminpANDuputreNa bhArata . 
vadhyamAne bale chaiva bhImasenena sa.nyuge .. 1..\\
charanta.n cha tathA dR^iShTvA bhImasenamarindamam . 
daNDahasta.n yathA krudddhamantakaM prANahAriNam .. 2..\\
sametya samare rAjanhatasheShAH sutAstava . 
adR^ishyamAne kauravye putre duryodhane tava . 
sodaryAH sahitA bhUtvA bhImasenamupAdravan .. 3..\\
durmarShaNo mahArAja jaitro bhUri balo raviH . 
ityete sahitA bhUtvA tatra putrAH samantataH . 
bhImasenamabhidrutya rurudhuH savato disham .. 4..\\
tato bhImo mahArAja svarathaM punarAsthitaH . 
mumocha nishitAnbANAnputrANA.n tava marmasu .. 5..\\
te kIryamANA bhImena putrAstava mahAraNe . 
bhImasenamapAsedhanpravaNAdiva ku~njaram .. 6..\\
tataH kruddho raNe bhImaH shiro durmarShaNasya ha . 
kShurapreNa pramathyAshu pAtayAmAsa bhUtale .. 7..\\
tato.apareNa bhallena sarvAvaraNabhedinA . 
shrutAntamavadhIdbhImastava putraM mahArathaH .. 8..\\
jayatsena.n tato viddhvA nArAchena hasanniva . 
pAtayAmAsa kauravya.n rathopasthAdarindamaH . 
sa papAta rathAdrAjanbhUmau tUrNaM mamAra cha .. 9..\\
shrutarvA tu tato bhIma.n kruddho vivyAdha mAriSha . 
shatena gR^idhravAjAnA.n sharANAM nataparvaNAm .. 10..\\
tataH kruddho raNe bhImo jaitraM bhUri bala.n ravim . 
trInetA.nstribhirAnarchhaddviShAgnipratimaiH sharaiH .. 11..\\
te hatA nyapatanbhUmau syandanebhyo mahArathaH . 
vasante puShpashabalA nikR^ittA iva kiMshukAH .. 12..\\
tato.apareNa tIkShNena nArAchchena parantapaH . 
durvimochanamAhatya preShayAmAsa mR^ityave .. 13..\\
sa hataH prApatadbhUmau svarathAdrathinA.n varaH . 
girestu kUTajo bhagno mAruteneva pAdapaH .. 14..\\
duShpradharSha.n tatashchaiva sujAtaM cha sutau tava . 
ekaikaM nyavadhItsa~Nkhye dvAbhyA.n dvAbhyAM chamUmukhe . 
tau shilImukhaviddhA~Ngau petatU rathasattamau .. 15..\\
tato yatantamaparamabhivIkShya suta.n tava . 
bhallena yudhi vivyAdha bhImo durviShaha.n raNe . 
sa papAta hato vAhAtpashyatA.n sarvadhanvinAm .. 16..\\
dR^iShTvA tu nihatAnbhrAtR^InbahUnekena sa.nyuge . 
amarShavashamApannaH shrutarvA bhImamabhyayAt .. 17..\\
vikShipansumahachchApa.n kArtasvaravibhUShitam . 
visR^ijansAyakAMshchaiva viShAgnipratimAnbahUn .. 18..\\
sa tu rAjandhanushchhittvA pANDavasya mahAmR^idhe . 
athaina.n chhinnadhanvAna.n viMshatyA samavAkirat .. 19..\\
tato.anyaddhanurAdAya bhImaseno mahArathaH . 
avAkirattava suta.n tiShTha tiShTheti chAbravIt .. 20..\\
mahadAsIttayoryuddha.n chitrarUpaM bhayAnakam . 
yAdR^isha.n samare pUrva.n jambha vAsavayorabhUt .. 21..\\
tayostatra sharairmuktairyamadaNDanibhaiH shubhaiH . 
samAchchhannA dharA sarvA kha.n cha sarvA dishastathA .. 22..\\
tataH shrutarvA sa~Nkruddho dhanurAyamya sAyakaiH . 
bhImasena.n raNe rAjanbAhvorurasi chArpayat .. 23..\\
so.atividdho mahArAja tava putreNa dhanvinA . 
bhImaH sa~ncukShubhe kruddhaH parvaNIva mahodadhiH .. 24..\\
tato bhImo ruShAviShTaH putrasya tava mAriSha . 
sArathi.n chaturashchAshvAnbANairninye yamakShayam .. 25..\\
viratha.n ta.n samAlakShya vishikhairlomavAhibhiH . 
avAkiradameyAtmA darshayanpANilAghavam .. 26..\\
shrutarvA viratho rAjannAdade khaDga charmaNI . 
athAsyAdadataH khaDga.n shatachandra.n cha bhAnumat . 
kShurapreNa shiraH kAyAtpAtayAmAsa pANDavaH .. 27..\\
chhinnottamA~Ngasya tataH kShurapreNa mahAtmanaH . 
papAta kAyaH sa rathAdvasudhAmanunAdayan .. 28..\\
tasminnIpatite vIre tAvakA bhayamohitAH . 
abhyadravanta sa~NgrAme bhImasena.n yuyutsavaH .. 29..\\
tAnApatata evAshu hatasheShAdbalArNavAt . 
daMshitaH pratijagrAha bhImasenaH pratApavAn . 
te tu ta.n vai samAsAdya parivavruH samantataH .. 30..\\
tatastu sa.nvR^ito bhImastAvAkairnishitaiH sharaiH . 
pIDayAmAsa tAnsarvAnsahasrAkSha ivAsurAn .. 31..\\
tataH pa~ncha shatAnhatvA savarUthAnmahArathAn . 
jaghAna ku~njarAnIkaM punaH saptashata.n yudhi .. 32..\\
hatvA dashasahasrANi pattInAM parameShubhiH . 
vAjinA.n cha shatAnyaShTau pANDavaH sma virAjate .. 33..\\
bhImasenastu kaunteyo hatvA yuddhe sutA.nstava . 
mene kR^itArtahmAtmAna.n saphala.n janma cha prabho .. 34..\\
ta.n tathA yudhyamAnaM cha vinighnantaM cha tAvakAn . 
IkShituM notsahante sma tava sainyAni bhArata .. 35..\\
vidrAvya tu kurUnsarvA.nstAMshcha hatvA padAnugAn . 
dorbhyA.n shabdA.n tatashchakre trAsayAno mahAdvipAn .. 36..\\
hatabhUyiShTha yodhA tu tava senA vishAM pate . 
ki.n chichchheShA mahArAja kR^ipaNA samapadyata .. 37..\\
\medskip\hrule\medskip\centerline{\Largedvng 26}
 s

duryodhano mahArAja sudarshashchApi te sutaH . 
hAta sheShau tadA sa~Nkhye vAjimadhye vyavasthitau .. 1..\\
tato duryodhana.n dR^iShTvA vAjimadhye vyavasthitam . 
uvAcha devakIputraH kuntIputra.n dhana~njayam .. 2..\\
shatravo hatabhUyiShThA GYAtayaH paripAlitAH . 
gR^ihItvA sa~njaya.n chAsau nivR^ittaH shinipu~NgavaH .. 3..\\
parishrAntashcha nakulaH sahadevashcha bhArata . 
yodhayitvA raNe pApAndhArtarAShTra padAnugAn .. 4..\\
suyodhanamabhityajya traya ete vyavasthitAH . 
kR^ipashcha kR^ipavarmA cha drauNishchaiva mahArathaH .. 5..\\
asau tiShThati pA~nchAlyaH shriyA paramayA yutaH . 
duryodhana bala.n hatvA saha sarvaiH prabhadrakaiH .. 6..\\
asau duryodhanaH pArtha vAjimadhye vyavasthitaH . 
chhattreNa dhriyamANena prekShamANo muhurmuhuH .. 7..\\
prativyUhya bala.n sarvaM raNamadhye vyavasthitaH . 
ena.n hatvA shitairbANaiH kR^itakR^ityo bhaviShyasi .. 8..\\
gajAnIka.n hata.n dR^iShTvA tvAM cha prAptamarindama . 
yAvanna vidravantyete tAvajjahi suyodhanam .. 9..\\
yAtu kashchittu pA~nchAlya.n kShipramAgamyatAm iti . 
parishrAnta balastAta naiSha muchyeta kilbiShI .. 10..\\
tava hatvA bala.n sarvaM sa~NgrAme dhR^itarAShTrajaH . 
jitAnpANDusutAnmatvA rUpa.n dhArayate mahat .. 11..\\
nihata.n svabala.n dR^iShTvA pIDitaM chApi pANDavaiH . 
dhruvameShyati sa~NgrAme vadhAyaivAtmano nR^ipaH .. 12..\\
evamuktaH phalgunastu kR^iShNa.n vachanamabravIt . 
dhR^itarAShTra sutAH sarve hatA bhImena mAnada . 
yAvetAvAsthitau kR^iShNa tAvadya na bhaviShyataH .. 13..\\
hato bhIShmo hato droNaH karNo vaikartano hataH . 
madrarAjo hataH shalyo hataH kR^iShNa jayadrathaH .. 14..\\
hayAH pa~nchashatAH shiShTAH shakuneH saubalasya cha . 
rathAnA.n tu shate shiShTe dve eva tu janArdana . 
dantinA.n cha shata.n sAgraM trisAhasrAH padAtayaH .. 15..\\
ashvatthAmA kR^ipashchaiva trigartAdhipatistathA . 
ulUkaH shakunishchaiva kR^itavarmA cha sAtvataH .. 16..\\
etadbalamabhUchchheSha.n dhArtarAShTrasya mAdhava . 
mokSho na nUna.n kAlAddhi vidyate bhuvi kasya chit .. 17..\\
tathA vinihate sainye pashya duryodhana.n sthitam . 
adyAhnA hi mahArAjo hatAmitro bhaviShyati .. 18..\\
na hi me mokShyate kashchitpareShAm iti chintaye . 
ye tvadya samara.n kR^iShNa na hAsyanti raNotkaTAH . 
tAnvai sarvAnhaniShyAmi yadyapi syuramAnuShAH .. 19..\\
adya yuddhe susa~Nkruddho dIrgha.n rAGYaH prajAgaram . 
apaneShyAmi gAndhAraM pAtayitvA shitaiH sharaiH .. 20..\\
nikR^ityA vai durAchAro yAni ratnAni saubalaH . 
sabhAyAmaharaddyUte punastAnyaharAmyaham .. 21..\\
adyA tA api vetsyanti sarvA nAgapurastriyaH . 
shrutvA patIMshcha putrAMshcha pANDavairnihatAnyudhi .. 22..\\
samAptamadya vai karNa sarva.n kR^iShNa bhaviShyati . 
adya duryodhano dIptA.n shriyaM prANAMshcha tyakShyati .. 23..\\
nApayAti bhayAtkR^iShNa sa~NgrAmAdyadi chenmama . 
nihata.n viddhi vArShNeya dhArtarAShTraM subAlisham .. 24..\\
mama hyetadashakta.n vai vAjivR^indamarindama . 
soDhu.n jyAtalanirghoShA.n yAhi yAvannihanmyaham .. 25..\\
evamuktastu dAshArhaH pANDavena yashasvinA . 
achodayaddhayAnrAjanduryodhana balaM prati .. 26..\\
tadanIkamabhiprekShya trayaH sajjA mahArathAH . 
bhImaseno.arjunashchaiva sahadevashcha mAriSha . 
prayayuH si.nhanAdena duryodhana jighA.nsayA .. 27..\\
tAnprekShya sahitAnsarvA~njavenodyata kArmukAn . 
saubalo.abhyadravadyuddhe pANDavAnAtatAyinaH .. 28..\\
sudarshanastava suto bhImasena.n samabhyayAt . 
susharmA shakunishchaiva yuyudhAte kirITinA . 
sahadeva.n tava suto hayapR^iShTha gato.abhyayAt .. 29..\\
tato hyayatnataH kShipra.n tava putro janAdhipa . 
prAsena sahadevasya shirasi prAharadbhR^isham .. 30..\\
sopAvishadrathopasthe tava putreNa tADitaH . 
rudhirApluta sarvA~Nga AshIviSha iva shvasan .. 31..\\
pratilabhya tataH sa~nj~nA.n sahadevo vishAM pate . 
duryodhana.n sharaistIkShNaiH sa~NkruddhaH samavAkirat .. 32..\\
pArtho.api yudhi vikramya kuntIputro dhana~njayaH . 
shUrANAmashvapR^iShThebhyaH shirA.nsi nichakarta ha .. 33..\\
tadanIka.n tadA pArtho vyadhamadbahubhiH sharaiH . 
pAtayitvA hayAnsarvA.nstrigartAnA.n rathAnyayau .. 34..\\
tataste sahitA bhUtvA trigartAnAM mahArathAH . 
arjuna.n vAsudeva.n cha sharavarShairavAkiran .. 35..\\
satyakarmANamAkShipya kShurapreNa mahAyashAH . 
tato.asya syandanasyeShA.n chichchhide pANDunandanaH .. 36..\\
shilAshitena cha vibho kShurapreNa mahAyashAH . 
shirashchichchheda prahasa.nstaptakuNDalabhUShaNam .. 37..\\
satyeShumatha chAdatta yodhAnAM miShatA.n tataH . 
yathA si.nho vane rAjanmR^igaM paribubhukShitaH .. 38..\\
taM nihatya tataH pArthaH susharmANa.n tribhiH sharaiH . 
viddhvA tAnahanatsarvAnrathAnrukmavibhUShitAn .. 39..\\
tatastu pratvaranpArtho dIrghakAla.n susambhR^itam . 
mu~nchankrodhaviSha.n tIkShNaM prasthalAdhipatiM prati .. 40..\\
tamarjunaH pR^iShAtkAnA.n shatena bharatarShabha . 
pUrayitvA tato vAhAnnyahanattasya dhanvinaH .. 41..\\
tataH shara.n samAdAya yamadaNDopamaM shitam . 
susharmANa.n samuddishya chikShepAshu hasanniva .. 42..\\
sa sharaH preShitastena krodhadIptena dhanvinA . 
susharmANa.n samAsAdya vibheda hR^idayaM raNe .. 43..\\
sa gatAsurmahArAja papAta dharaNItale . 
nandayanpANDavAnsarvAnvyathayaMshchApi tAvakAn .. 44..\\
susharmANa.n raNe hatvA putrAnasya mahArathAn . 
sapta chAShTau cha triMshachcha sAyakairanayatkShayam .. 45..\\
tato.asya nishitairbANaiH sarvAnhatvA padAnugAn . 
abhyagAdbhAratI.n senAM hatasheShAM mahArathaH .. 46..\\
bhImastu samare kruddhaH putra.n tava janAdhipa . 
sudarshanamadR^ishyanta.n sharaish chakre hasanniva .. 47..\\
tato.asyA prahasankruddhaH shiraH kAyAdapAharat . 
kShurapreNa sutIkShNena sa hAtaH prApatadbhuvi .. 48..\\
tasmi.nstu nihate vIre tatastasya padAnugAH . 
parivavrU raNe bhIma.n kiranto vishikhA~nshitAn .. 49..\\
tatastu nishitairbANaistadanIka.n vR^ikodaraH . 
indrAshanisamasparshaiH samantAtparyavAkirat . 
tataH kShaNena tadbhImo nyahanadbharatarShabha .. 50..\\
teShu tUtsAdyamAneShu senAdhyakShA mahAbalAH . 
bhImasena.n samAsAdya tato.ayudhyanta bhArata . 
tA.nstu sarvA~nsharairghorairavAkirata pANDavaH .. 51..\\
tathaiva tAvakA rAjanpANDaveyAnmahArathAn . 
sharavarSheNa mahatA samantAtparyavArayan .. 52..\\
vyAkula.n tadabhUtsarvaM pANDavAnAM paraiH saha . 
tAvakAnA.n cha samare pANDaveyairyuyutsatAm .. 53..\\
tatra yodhAstadA petuH parasparasamAhatAH . 
ubhayoH senayo rAjansaMshochantaH sma bAndhavAn .. 54..\\
\medskip\hrule\medskip\centerline{\Largedvng 27}
 s

tasminpravR^itte sa~NgrAme naravAji gajakShaye . 
shakuniH saubalo rAjansahadeva.n samabhyayAt .. 1..\\
tato.asyApatatastUrNa.n sahadevaH pratApavAn . 
sharaughAnpreShayAmAsa pata~NgAniva shIghragAn . 
ulUkashcha raNe bhIma.n vivyAdha dashabhiH sharaiH .. 2..\\
shakunistu mahArAja bhIma.n viddhvA tribhiH sharaiH . 
sAyakAnAM navatyA vai sahadevamavAkirat .. 3..\\
te shUrAH samare rAjansamAsAdya parasparam . 
vivyadhurnishitairbANaiH ka~NkabarhiNa vAjitaiH . 
svarNapu~NkhaiH shilA dhautairA karNAtprahitaiH sharaiH .. 4..\\
teShA.n chApA bhujotsR^iShTA sharavR^iShTirvishAM pate . 
AchchhAdayaddishaH sarvA dhArAbhiriva toyadaH .. 5..\\
tataH kruddho raNe bhImaH sahadevashcha bhArata . 
cheratuH kadana.n sa~Nkhye kurvantau sumahAbalau .. 6..\\
tAbhyA.n sharashataishchhanna.n tadbalaM tava bhArata . 
andhakAramivAkAshamabhavattatra tatra ha .. 7..\\
ashvairviparidhAvadbhiH sharachchhannairvishAM pate . 
tatra tatra kR^ito mArgo vikarShadbhirhatAnbahUn .. 8..\\
nihatAnA.n hayAnA.n cha sahaiva hayayodhibhiH . 
varmabhirvinikR^ittaishcha prAsaishchhinnaishcha mAriSha . 
sa~nchannA pR^ithivI jaGYe kusumaiH shabalA iva .. 9..\\
yodhAstatra mahArAja samAsAdya parasparam . 
vyacharanta raNe kruddhA vinighnantaH parasparam .. 10..\\
udvR^ittanayanai roShAtsandaShTauShTha puTairmukhaiH . 
sakuNDalairmahI chhannA padmaki~njalka saMnibhaiH .. 11..\\
bhujaishchhinairmahArAja nAgarAjakaropamaiH . 
sA~NgadaiH satanutraishcha sAsi prAsaparashvadhaiH .. 12..\\
kabandhairutthitaishchhinnairnR^ityadbhishchAparairyudhi . 
kravyAdagaNasa~NkIrNA ghorAbhutpR^ithivI vibho .. 13..\\
alpAvashiShTe sainye tu kauraveyAnmahAhave . 
prahR^iShTAH pANDavA bhUtvA ninyire yamasAdanam .. 14..\\
etasminnantare shUraH saubaleyaH pratApavAn . 
prAsena sAhadevasya shirasi prAharadbhR^isham . 
sa vihvalo mahArAja rathopastha upAvishat .. 15..\\
sahadeva.n tathA dR^iShTvA bhImasenaH pratApavAn . 
sarvasainyAni sa~Nkruddho vArayAmAsa bhArata .. 16..\\
nirbibheda cha nArAchaiH shatasho.atha sahasrashaH . 
vinirbhidyAkarochchaiva si.nhanAdamarindama .. 17..\\
tena shabdena vitrastAH sarve sahayavAraNAH . 
prAdravansahasA bhItAH shakuneshcha padAnugAH .. 18..\\
prabhagnAnatha tAndR^iShTvA rAjA duryodhano.abravIt . 
nivartadhvamadharmaGYA yudhyadhva.n ki.n sR^itena vaH .. 19..\\
iha kIrti.n samAdhAya pretya lokAnsamashnute . 
prANA~njahAti yo vIro yudhi pR^iShThamadarshayan .. 20..\\
evamuktAstu te rAGYA saubalasya padAnugAH . 
pANDavAnabhyavartanta mR^ityu.n kR^itvA nivartanam .. 21..\\
dravadbhistatra rAjendra kR^itaH shabdo.atidAruNaH . 
kShubdhasAgarasa~NkAshaH kShubhitaH sarvato.abhavat .. 22..\\
tA.nstadApatato dR^iShTvA saubalasya padAnugAn . 
pratyudyayurmahArAja pANDavA vijaye vR^itAH .. 23..\\
pratyAshvasya cha durdharShaH sahadevo vishAM pate . 
shakuni.n dashabhirviddhvA hayAMshchAsya tribhiH sharaiH . 
dhanushchichchheda cha sharaiH saubalasya hasanniva .. 24..\\
athAnyaddhanurAdAya shakuniryuddhadurmadaH . 
vivyAdha nakula.n ShaShTyA bhImasena.n cha saptabhiH .. 25..\\
ulUko.api mahArAja bhIma.n vivyAdha saptabhiH . 
sahadeva.n cha saptatyA parIpsanpitara.n raNe .. 26..\\
taM bhImasenaH samare vivyAdha nishitaiH sharaiH . 
shakuni.n cha chatuHShaShTyA pArshvasthAMshcha tribhistribhiH .. 27..\\
te hanyamAnA bhImena nArAchaistailapAyitaiH . 
sahadeva.n raNe kruddhAshchhAdaya~nsharavR^iShTibhiH . 
parvata.n vAridhArAbhiH savidyuta ivAmbudAH .. 28..\\
tato.asyApatataH shUraH sahadevaH pratApavAn . 
ulUkasya mahArAja bhallenApAharachchhiraH .. 29..\\
sa jagAma rathAdbhUmi.n sahadevena pAtitaH . 
rudhirApluta sarvA~Ngo nandayanpANDavAnyudhi .. 30..\\
putra.n tu nihataM dR^iShTvA shakunistatra bhArata . 
sAshrukaNTho viniHshvasya kShatturvAkyamanusmaran .. 31..\\
chintayitvA muhUrta.n sabAShpapUrNekShaNaH shvasan . 
sahadeva.n samAsAdya tribhirvivyAdha sAyakaiH .. 32..\\
tAnapAsya sharAnmuktA~nsharasa~NghaiH pratApavAn . 
sahadevo mahArAja dhanushchichchheda sa.nyuge .. 33..\\
chhinne dhanuShi rAjendra shakuniH saubalastadA . 
pragR^ihya vipula.n khaDga.n sahadevAya prAhiNot .. 34..\\
tamApatanta.n sahasA ghorarUpaM vishAM pate . 
dvidhA chichchheda samare saubalasya hasanniva .. 35..\\
asi.n dR^iShTvA dvidhA chhinnaM pragR^ihya mahatIM gadAm . 
prAhiNotsahasevAya sA moghA nyapatadbhuvi .. 36..\\
tataH shaktiM mahAghorA.n kAlarAtrimivodyatAm . 
preShayAmAsa sa~NkruddhaH pANDavaM prati saubalaH .. 37..\\
tAmApatantI.n sahasA sharaiH kA~nchanabhUShaNaiH . 
tridhA chichchheda samare sahadevo hasanniva .. 38..\\
sA papAta tridhA chhinnA bhUmau kanakabhUShaNA . 
shIryamANA yathA dIptA gaganAdvai shatahradA .. 39..\\
shakti.n vinihatA.n dR^iShTvA saubalaM cha bhayArditam . 
dudruvustAvakAH sarve bhaye jAte sasaubalAH .. 40..\\
athotkruShTaM mahaddhyAsItpANDavairjitakAshibhiH . 
dhArtarAShTrAstataH sarve prAyasho vimukhAbhavan .. 41..\\
tAnvai vimanaso dR^iShTvA mAdrIputraH pratApavAn . 
sharairanekasAhasrairvArayAmAsa sa.nyuge .. 42..\\
tato gAndhArakairguptaM pR^iShThairashvairjaye dhR^itam . 
AsasAda raNe yAnta.n sahadevo.atha saubalam .. 43..\\
svamaMshamavashiShTa.n sa sa.nsmR^itya shakuniM nR^ipa . 
rathena kA~nchanA~Ngena sahadevaH samabhyayAt . 
adhijyaM balavatkR^itvA vyAkShipansumahaddhanuH .. 44..\\
sa saubalamabhidrutya gR^idhrapatraiH shilAshitaiH . 
bhR^ishamabhyahanatkruddhastottrairiva mahAdvipam .. 45..\\
uvAcha chainaM medhAvI nigR^ihya smArayanniva . 
kShatradharme sthito bhUtvA yudhyasva puruSho bhava .. 46..\\
yattadA hR^iShyase mUDha glahannakShaiH sabhA tale . 
phalamadya prapadyasva karmaNastasya durmate .. 47..\\
nihatAste durAtmAno ye.asmAnavahasanpurA . 
duryodhanaH kulA~NgAraH shiShTastva.n tasya mAtulaH .. 48..\\
adya te vihaniShyAmi kShureNonmathita.n shiraH . 
vR^ikShAtphalamivoddhR^itya laguDena pramAthinA .. 49..\\
evamuktvA mahArAja sahadevo mahAbalaH . 
sa~Nkruddho narashArdUlo vegenAbhijagAma ha .. 50..\\
abhigamya tu durdharShaH sahadevo yudhAM patiH . 
vikR^iShya balavachchApa.n krodhena prahasanniva .. 51..\\
shakuni.n dashabhirviddhvA chaturbhishchAsya vAjinaH . 
chhattra.n dhvajaM dhanushchAsya chhittvA si.nha ivAnadat .. 52..\\
chhinnadhvajadhanushchhattraH sahadevena saubalaH . 
tato viddhashcha bahubhiH sarvamarmasu sAyakaiH .. 53..\\
tato bhUyo mahArAja sahadevaH pratApavAn . 
shakuneH preShayAmAsa sharavR^iShTi.n durAsadAm .. 54..\\
tatastu kruddhaH subalasya putro 
mAdrI suta.n sahadevaM vimarde . 
prAsena jAmbUnadabhUShaNena 
jighA.nsureko.abhipapAta shIghram .. 55..\\
mAdrI sutastasya samudyata.n taM 
prAsa.n suvR^ittau cha bhujau raNAgre . 
bhallaistribhiryugapatsa~ncakarta 
nanAda chochchaistarasAjimadhye .. 56..\\
tasyAshu kArI susamAhitena 
suvarNapu~Nkhena dR^iDhAyasena . 
bhallena sarvAvaraNAtigena 
shiraH sharIrAtpramamAtha bhUyaH .. 57..\\
shareNa kArtasvarabhUShitena 
divAkarAbhena susaMshitena . 
hR^itottamA~Ngo yudhi pANDavena 
papAta bhUmau subalasya putraH .. 58..\\
sa tachchhiro vegavatA shareNa 
suvarNapu~Nkhena shilAshitena . 
prAverayatkupitaH pANDuputro 
yattatkurUNAmanayasya mUlam .. 59..\\
hR^itottamA~Nga.n shakuniM samIkShya 
bhUmau shayAna.n rudhirArdragAtram . 
yodhAstvadIyA bhayanaShTa sattvA 
dishaH prajagmuH pragR^ihItashastrAH .. 60..\\
vipradrutAH shuShkamukhA visa~nj~nA 
gANDIvaghoSheNa samAhatAsh cha . 
bhayArditA bhagnarathAshvanAgAH 
padAtayashchaiva sadhArtarAShTrAH .. 61..\\
tato rathAchchhakuniM pAtayitvA 
mudAnvitA bhArata pANDaveyAH . 
sha~NkhAnpradadhmuH samare prahR^iShTAH 
sakeshavAH sai~NkikAnharShayantaH .. 62..\\
ta.n chApi sarve pratipUjayanto 
hR^iShTA bruvANAH sahadevamAjau . 
diShTyA hato naikR^itiko durAtmA 
sahAtmajo vIra raNe tvayeti .. 63..\\
\medskip\hrule\medskip\centerline{\Largedvng 28}
 s

tataH kruddhA mahArAja saubalasyA padAnugAH . 
tyaktvA jIvitamAkrande pANDavAnparyavArayan .. 1..\\
tAnarjunaH pratyagR^ihNAtsahadeva jaye dhR^itaH . 
bhImasenashcha tejasvI kruddhAshIviShadarshanaH .. 2..\\
shaktyR^iShTi prAsahastAnA.n sahaseva.n jighA.nsatAm . 
sa~Nkalpamakaronmogha.n gANDIvena dhana~njayaH .. 3..\\
pragR^ihItAyudhAnbAhUnyodhAnAmabhidhAvatAm . 
bhallaishchichchchheda bIbhatsuH shirA.nsyapi hayAnapi .. 4..\\
te hatA raptyapadyanta vasudhA.n vigatAsavaH . 
tvaritA lokavIreNa prahatAH savyasAchinA .. 5..\\
tato duryodhano rAjA dR^iShTvA svabalasa~NkShayam . 
hatasheShAnsamAnIya kroddho rathashatAnvibho .. 6..\\
ku~njarAMshcha hayAMshchaiva pAdAtaMshcha parantapa . 
uvAcha sahitAnsarvAndhArtarAShTra ida.n vachaH .. 7..\\
samAsAdya raNe sarvAnpANDavAnsasuhR^idgaNAn . 
pA~nchAlya.n chApi sabala.n hatvA shIghraM nivartata .. 8..\\
tasya te shirasA gR^ihya vachana.n yuddhadurmadAH . 
pratyudyayU raNe pArthA.nstava putrasya shAsanAt .. 9..\\
tAnabhyApatataH shIghra.n hatasheShAnmahAraNe . 
sharairAshIviShAkAraiH pANDavAH samavAkiran .. 10..\\
tatsainyaM bharatashreShTha muhUrtena mahAtmabhiH . 
avadhyata raNaM prApya trAtAraM nAbhyavindata . 
pratiShThamAna.n tu bhayAnnAvatiShThata daMshitam .. 11..\\
ashvairviparidhAvadbhiH sainyena rajasA vR^ite . 
na prAGYAyanta samare dishashcha pradishastathA .. 12..\\
tatastu pANDavAnIkAnniHsR^itya bahavo janAH . 
abhyaghna.nstAvakAnyuddhe muhUrtAdiva bhArata . 
tato niHsheShamabhavattatsainya.n tava bhArata .. 13..\\
akShauhiNyaH sametAstu tava putrasya bhArata . 
ekAdasha hatA yuddhe tAH prabho pANDusR^i~njayaiH .. 14..\\
teShu rAjasahasreShu tAvakeShu mahAtmasu . 
eko duryodhano rAjannadR^ishyata bhR^isha.n kShataH .. 15..\\
tato vIkShya dishaH sarvA dR^iShTvA shUnyA.n cha medinIm . 
vihInaH sarvayodhaishcha pANDavAnvIkShya sa.nyuge .. 16..\\
muditAnsarvasiddhArthAnnardamAnAnsamantataH . 
bANashabdaravAMshchaiva shrutvA teShAM mahAtmanAm .. 17..\\
duryodhano mahArAja kashmalenAbhisa.nvR^itaH . 
apayAne manashchakre vihInabalavAhanaH .. 18..\\

 dhr

nihate mAmake sainye niHsheShe shibire kR^ite . 
pANDavAnAM bala.n sUta kiM nu sheShamabhUttadA . 
etanme pR^ichchhato brUhi kushalo hyasi sa~njaya .. 19..\\
yachcha duryodhano mandaH kR^itavA.nstanayo mama . 
balakShaya.n tathA dR^iShTvA sa ekaH pR^ithivIpatiH .. 20..\\

 s

rathAnA.n dve sahasre tu sapta nAgashatAni cha . 
pa~ncha chAshvasahasrANi pattInA.n cha shata.n shatAH .. 21..\\
etachchheShamabhUdrAjanpANDavAnAM mahadbalam . 
parigR^ihya hi yadyuddhe dhR^iShTadyumno vyavasthitaH .. 22..\\
ekAkI bharatashreShTha tato duryodhano nR^ipaH . 
nApashyatsamare ka.n chitsahAya.n rathinAM varaH .. 23..\\
nardamAnAnparAMshchaiva svabalasya cha sa~NkShayam . 
hata.n svahayamutsR^ijya prA~NmukhaH prAdravadbhayAt .. 24..\\
ekAdasha chamU bhartA putro duryodhanastava . 
gadAmAdAya tejasvI padAtiH prathito hradam .. 25..\\
nAtidUra.n tato gatvA padbhyAmeva narAdhipaH . 
sasmAra vachana.n kShatturdharmashIlasya dhImataH .. 26..\\
idaM nUnaM mahAprAGYo viduro dR^iShTavAnpurA . 
mahadvaishasamasmAka.n kShatriyANAM cha sa.nyuge .. 27..\\
eva.n vichintayAnastu pravivikShurhradaM nR^ipaH . 
duHkhasantapta hR^idayo dR^iShTvA rAjanbalakShayam .. 28..\\
pANDavAshcha mahArAja dhR^iShTadyumnapurogamAH . 
abhyadhAvanta sa~NkruddhAstava rAjanbalaM prati .. 29..\\
shaktyR^iShTi prAsahastAnAM balAnAmabhigarjatAm . 
sa~Nkalpamakaronmogha.n gANDIvena dhana~njayaH .. 30..\\
tAnhatva nishitairbANaiH sAmAtyAnsaha bandhubhiH . 
rathe shvetahaye tiShThannarjuno bahvashobhata .. 31..\\
subalasyA hate putre savAjirathaku~njare . 
mahAvanamiva chhinnamabhavattAvakaM balam .. 32..\\
anekashatasAhasre bale duryodhanasya ha . 
nAnyo mahAratho rAja~njIvamAno vyadR^ishyata .. 33..\\
droNaputrAdR^ite vIrAttathaiva kR^itavarmaNaH . 
kR^ipAchcha gautamAdrAjanpArthivAchcha tavAtmajAt .. 34..\\
dhR^iShTadyumnastu mA.n dR^iShTvA hasansAtyakimabravIt . 
kimanena gR^ihItena nAnenArtho.asti jIvatA .. 35..\\
dhR^iShTadyumna vachaH shrutvA shinernaptA mahArathaH . 
udyamya nishita.n khaDga.n hantuM mAmudyatastadA .. 36..\\
tamAgamya mahAprAGYaH kR^iShNadvaipAyano.abravIt . 
muchyatA.n sa~njayo jIvanna hantavyaH katha.n chana .. 37..\\
dvaipAyana vachaH shrutvA shinernaptA kR^itA~njaliH . 
tato mAmabravInmuktvA svasti sa~njaya sAdhaya .. 38..\\
anuGYAtastvaha.n tena nyastavarmA nirAyudhaH . 
prAtiShTha.n yena nagaraM sAyAhne rudhirokShitaH .. 39..\\
kroshamAtramapakrAnta.n gadApANimavasthitam . 
eka.n duryodhana.n rAjannapashyaM bhR^ishavikShatam .. 40..\\
sa tu mAmashrupUrNAkSho nAshaknodabhivIkShitum . 
upapraikShata mA.n dR^iShTvA tadA dInamavasthitam .. 41..\\
ta.n chAhamapi shochantaM dR^iShTvaikAkinamAhave . 
muhUrtaM nAshaka.n vaktu.n kiM chidduHkhapariplutaH .. 42..\\
tato.asmai tadaha.n sarvamuktavAngrahaNa.n tadA . 
dvaipAyana prasAdAchcha jIvato mokShamAhave .. 43..\\
muhUrtamiva cha dhyAtvA pratilabhya cha chetanAm . 
bhrAtR^IMshcha sarvasainyAni paryapR^ichchhata mA.n tataH .. 44..\\
tasmai tadahamAchakSha.n sarvaM pratyakShadarshivAn . 
bhrAtR^IMshcha nihatAnsarvAnsainya.n cha vinipAtitam .. 45..\\
trayaH kila rathAH shiShTAstAvakAnAM narAdhipa . 
iti prasthAna kAle mA.n kR^iShNadvaipAyano.abravIt .. 46..\\
sa dIrghamiva niHshvasya viprekShya cha punaH punaH . 
a.nse mAM pANinA spR^iShTvA putraste paryabhAShata .. 47..\\
tvadanyo neha sa~NgrAme kashchijjIvati sa~njaya . 
dvitIyaM neha pashyAmi sasahAyAshcha pANDavAH .. 48..\\
brUyAH sa~njaya rAjAnaM praGYA chakShuShamIshvaram . 
duryodhanastava sutaH praviShTo hradamityuta .. 49..\\
suhR^idbhistAdR^ishairhInaH putrairbhrAtR^ibhireva cha . 
pANDavaishcha hR^ite rAjye ko nu jIvati mAdR^ishaH .. 50..\\
AchakShethAH sarvamidaM mA.n cha muktaM mahAhavAt . 
asmi.nstoyahrade supta.n jIvantaM bhR^ishavikShatam .. 51..\\
evamuktvA mahArAja prAvishatta.n hradaM nR^ipaH . 
astambhayata toya.n cha mAyayA manujAdhipaH .. 52..\\
tasminhradaM praviShTe tu trInrathA~nshrAntavAhanAn . 
apashya.n sahitAnekasta.n deshaM samupeyuShaH .. 53..\\
kR^ipa.n shAradvataM vIra.n drauNiM cha rathinAM varam . 
bhoja.n cha kR^itavarmANa.n sahitA~nsharavikShatAn .. 54..\\
te sarve mAmabhiprekShya tUrNamashvAnachodayan . 
upayAya cha mAmUchurdiShTyA jIvasi sa~njaya .. 55..\\
apR^ichchhaMshchaiva mA.n sarve putra.n tava janAdhipam . 
kachchidduryodhano rAjA sa no jIvati sa~njaya .. 56..\\
AkhyAtavAnaha.n tebhyastadA kushalinaM nR^ipam . 
tachchaiva sarvamAchakSha.n yanmA.n duryodhano.abravIt . 
hrada.n chaivAhamAchaShTa yaM praviShTo narAdhipaH .. 57..\\
ashvattAmA tu tadrAjannishamya vachanaM mama . 
ta.n hradaM vipulaM prekShya karuNaM paryadevayat .. 58..\\
aho dhinna sa jAnAti jIvato.asmAnnarAdhipaH . 
paryAptA hi vaya.n tena saha yodhayituM parAn .. 59..\\
te tu tatra chira.n kAla.n vilapya cha mahArathAH . 
prAdravanrathinA.n shreShThA dR^iShTvA pANDusutAnraNe .. 60..\\
te tu mA.n rathamAropya kR^ipasya supariShkR^itam . 
senAniveshamAjagmurhatasheShAstrayo rathAH .. 61..\\
tatra gulmAH paritrastAH sUrye chAstamite sati . 
sarve vichukrushuH shrutvA putrANA.n tava sa~NkShayam .. 62..\\
tato vR^iddhA mahArAja yoShitA.n rakShaNo narAH . 
rAjadArAnupAdAya prayayurnagaraM prati .. 63..\\
tatra vikroshatInA.n cha rudatInAM cha sarvashaH . 
prAdurAsInmahA~nshabdaH shrutvA tadbalasa~NkShayam .. 64..\\
tatastA yoShito rAjankrandantyo vai muhurmuhuH . 
kurarya iva shabdena nAdayantyo mahItalam .. 65..\\
AjaghnuH karajaishchApi pANibhishcha shirA.nsyuta . 
luluvushcha tadA keshAnkroshantyastatra tatra ha .. 66..\\
hAhAkAravinAdinyo vinighnantya urA.nsi cha . 
kroshantyastatra ruruduH krandamAnA vishAM pate .. 67..\\
tato duryodhanAmAtyAH sAshrukaNThA hR^ishAturAH . 
rAjadArAnupAdAya prayayurnagaraM prati .. 68..\\
vetrajarjhara hastAshcha dvArAdhyakShA vishAM pate . 
shayanIyAni shubhrANi spardhyAstaraNavanti cha . 
samAdAya yayustUrNaM nagara.n dArarakShiNaH .. 69..\\
AsthAyAshvatarI yuktAnsyandanAnapare janAH . 
svAnsvAndArAnupAdAya prayayurnagaraM prati .. 70..\\
adR^iShTapUrvA yA nAryo bhAskareNApi veshmasu . 
dAdR^ishustA mahArAja janA yAntIH puraM prati .. 71..\\
tAH striyo bharatashreShTha saukumArya samanvitAH . 
prayayurnagara.n tUrNa.n hatasvajanabAndhavAH .. 72..\\
A gopAlAvi pAlebhyo dravanto nagaraM prati . 
yayurmanuShyAH sambhrAntA bhImasenabhayArditAH .. 73..\\
api chaiShAM bhaya.n tIvraM pArthebhyo.abhUtsudAruNam . 
prekShamANAstadAnyonyamAdhAvannagaraM prati .. 74..\\
tasmi.nstadA vartamAne vidrave bhR^ishadAruNe . 
yuyutsuH shokasaMmUDhaH prAptakAlamachintayat .. 75..\\
jito duryodhanaH sa~Nkhye pANDavairbhImavikramaiH . 
ekAdasha chamU bhartA bhrAtarashchAsya sUditAH . 
hatAshcha kuravaH sarve bhIShmadroNapuraH sarAH .. 76..\\
ahameko vimuktastu bhAgyayogAdyadR^ichchhayA . 
vidrutAni cha sarvANi shibirANi samantataH .. 77..\\
duryodhanasya sachivA ye ke chidavasheShitAH . 
rAjadArAnupAdAya vyadhAvannagaraM prati .. 78..\\
prAptakAlamahaM manye pravesha.n taiH sahAbhibho . 
yudhiShThiramanuGYApya bhImasena.n tathaiva cha .. 79..\\
etamarthaM mahAbAhurubhayoH sa nyavedayat . 
tasya prIto.abhavadrAjA nitya.n karuNaveditA . 
pariShvajya mahAbAhurvaishyAputra.n vyasarjayat .. 80..\\
tataH sa rathamAsthAya drutamashvAnachodayat . 
asambhAvitavAMshchApi rAjadArAnpuraM prati .. 81..\\
taishchaiva sahitaH kShipramasta.n gachchhati bhAskare . 
praviShTo hAstinapuraM bAShpa kaNTho.ashrulochanaH .. 82..\\
apashyata mahAprAGYa.n viduraM sAshrulochanam . 
rAGYaH samIpAnniShkrAnta.n shokopahatachetasam .. 83..\\
tamabravItsatyadhR^itiH praNata.n tvagrataH sthitam . 
asminkuru kShaye vR^itte diShTyA tvaM putra jIvasi .. 84..\\
vinA rAGYaH praveshAdvai kimasi tvamihAgataH . 
etanme kAraNa.n sarvaM vistareNa nivedaya .. 85..\\

 yu

nihate shakunau tAta saGYAti sutabAndhave . 
hatasheSha parIvAro rAjA duryodhanastataH . 
svaka.n sahayamutsR^ijya prA~NmukhaH prAdravadbhayAt .. 86..\\
apakrAnte tu nR^ipatau skandhAvAraniveshanAt . 
bhayavyAkulita.n sarvaM prAdravannagaraM prati .. 87..\\
tato rAGYaH kalatrANi bhrAtR^INA.n chAsya sarvashaH . 
vAhaneShu samAropya stryadhyakShAH prAdravanbhayAt .. 88..\\
tato.aha.n samanuGYApya rAjAnaM sahakeshavam . 
praviShTo hAstinapura.n rakSha.NllokAddhi vAchyatAm .. 89..\\
etachchhrutvA tu vachana.n vaishyAputreNa bhAShitam . 
prAptakAlamiti GYAtvA viduraH sarvadharmavit . 
apUjayadameyAtmA yuyutsu.n vAkyakovidam .. 90..\\
prAptakAlamida.n sarvaM bhavato bharatakShaye . 
adya tvamiha vishrAntaH shvo.abhigantA yudhiShThiram .. 91..\\
etAvaduktvA vachana.n viduraH sarvadharmavit . 
yuyutsu.n samanuGYApya pravivesha nR^ipa kShayam . 
yuyutsurapi tA.n rAtriM svagR^ihe nyavasattadA .. 92..\\
\medskip\hrule\medskip\centerline{\Largedvng 29}
 dhr

hateShu sarvasainyeShu pANDuputrai raNAjire . 
mama sainyAvashiShTAste kimakurvata sa~njaya .. 1..\\
kR^itavarmA kR^ipashchaiva droNA putrashcha vIryavAn . 
duryodhanashcha mandAtmA rAjA kimakarottadA .. 2..\\

 s

samprAdravatsu dAreShu kShatriyANAM mahAtmanAm . 
vidrute shibire shUnye bhR^ishodvignAstrayo rathAH .. 3..\\
nishamya pANDuputrANA.n tadA vijayinA.n svanam . 
vidruta.n shibira.n dR^iShTvA sAyAhne rAjagR^iddhinaH . 
sthAnaM nArochaya.nstatra tataste hradamabhyayuH .. 4..\\
yudhiShThiro.api dharmAtmA bhrAtR^ibhiH sahito raNe . 
hR^iShTaH paryapatadrAjanduryodhana vadhepsayA .. 5..\\
mArgamANAstu sa~NkruddhAstava putra.n jayaiShiNaH . 
yatnato.anveShamANAstu naivApashya~njanAdhipam .. 6..\\
sa hi tIvreNa vegena gadApANirapAkramat . 
ta.n hradaM prAvishachchApi viShTabhyApaH svamAyayA .. 7..\\
yadAtu pANDavAH sarve suparishrAntavAhanAH . 
tataH svashibiraM prApya vyatiShThansAhasainikAH .. 8..\\
tataH kR^ipashcha drauNishcha kR^itavarmA cha sAtvataH . 
saMniviShTeShu pArtheShu prayAtAsta.n hradaM shanaiH .. 9..\\
te ta.n hrada samAsAdya yatra shete janAdhipaH . 
abhyabhAShanta durdharSha.n rAjAnaM suptamambhasi .. 10..\\
rAjannutthiShTha yudhyasva sahAsmAbhiryudhiShThiram . 
jitvA vA pR^ithivIM bhu~NkShva hato vA svargamApnuhi .. 11..\\
teShAmapi bala.n sarvaM hata.n duryodhana tvayA . 
pratirabdhAshcha bhUyiShTha.n ye shiShTAstatra sainikAH .. 12..\\
na te vega.n viShahituM shaktAstava vishAM pate . 
asmAbhirabhiguptasya tasmAduttiShTha bhArata .. 13..\\

 dur

diShTyA pashyAmi vo muktAnIdR^ishAtpuruShakShayAt . 
pANDukaurava saMmardAjjIvamAnAnnararShabhAn .. 14..\\
vijeShyAmo vaya.n sarve vishrAntA vigataklamAH . 
bhavantashcha parishrAntA vaya.n cha bhR^ishavikShatAH . 
udIrNa.n cha balaM teShAM tena yuddhaM na rochaye .. 15..\\
na tvetadadbhuta.n vIrA yadvo mahadidaM manaH . 
asmAsu cha parA bhaktirna tu kAlaH parAkrame .. 16..\\
vishramyaikA nishAmadya bhavadbhiH sahito raNe . 
pratiyotsyAmyaha.n shatrU~nshvo na me.asyatra sAMshayaH .. 17..\\

 s

evamukto.abravIddrauNI rAjAna.n yuddhadurmadam . 
uttiShTha rAjanbhadra.n te vijeShyAmo raNe parAn .. 18..\\
iShTApUrtena dAnena satyena cha japena cha . 
shape rAjanyathA hyadya nihaniShyAmi somakAn .. 19..\\
mA sma yaGYakR^itAM prItiM prApnuyA.n sajjanochitam . 
yadImA.n rajanIM vyuShTAM na nihanmi parAnraNe .. 20..\\
nAhatvA sarvapA~nchAlAnvimokShye kavacha.n vibho . 
iti satyaM bravImyetattanme shR^iNu janAdhipa .. 21..\\
teShu sambhAShamANeShu vyAdhAsta.n deshamAyayuH . 
mA.nsabhAraparishrAntAH pAnIyArtha.n yadR^ichchhayA .. 22..\\
te hi nityaM mahArAja bhImasenasya lubdhakAH . 
mA.nsabhArAnupAjahrurbhaktyA paramayA vibho .. 23..\\
te tatra viShThitAsteShA.n sarva.n tadvachanaM rahaH . 
duryodhana vachashchaiva shushruvuH sa~NgatA mithaH .. 24..\\
te.api sarve maheShvAsA ayuddhArthini kaurave . 
nirbandhaM parama.n chakrustadA vai yuddhakA~NkShiNaH .. 25..\\
tA.nstathA samudIkShyAtha kauravANAM mahArathAn . 
ayuddhamanasa.n chaiva rAjAna.n sthitamambhasi .. 26..\\
teShA.n shrutvA cha sa.nvAdaM rAGYashcha salite sataH . 
vyAdhAbhyajAnanrAjendra salilastha.n suyodhanam .. 27..\\
te pUrvaM pANDuputreNa pR^iShTA hyAsansuta.n tava . 
yadR^ichchhopagatAstatra rAjAnaM parimArgitAH .. 28..\\
tataste pANDuputrasya smR^itvA tadbhAShita.n tadA . 
anyonyamabruvanrAjanmR^igavyAdhAH shanairidam .. 29..\\
duryodhana.n khyApayAmo dhanaM dAsyati pANDavaH . 
suvyaktamiti naH khyAto hrade duryodhano nR^ipaH .. 30..\\
tasmAdgachchhAmahe sarve yatra rAjA yudhiShThiraH . 
AkhyAtu.n salile supta.n duryodhanamamarShaNam .. 31..\\
dhR^itarAShTrAtmaja.n tasmai bhImasenAya dhImate . 
shayAna.n salile sarve kathayAmo dhanurbhR^ite .. 32..\\
sa no dAsyati suprIto dhanAni bahulAnyuta . 
kiM no mA.nsena shuShkeNa parikliShTena shoShiNA .. 33..\\
evamuktvA tato vyAdhAH samprahR^iShTA dhanArthinaH . 
mA.nsabhArAnupAdAya prayayuH shibiraM prati .. 34..\\
pANDavAshcha mahArAja labdhalakShAH prahAriNaH . 
apashyamAnAH samare duryodhanamavasthitam .. 35..\\
nikR^itestasya pApasya te pAra.n gamanepsavaH . 
chArAnsampreShayAmAsuH samantAttadraNAjiram .. 36..\\
Agamya tu tataH sarve naShTa.n duryodhanaM nR^ipam . 
nyavedayanta sahitA dharmarAjasya sainikAH .. 37..\\
teShA.n tadvachana.n shrutvA chArANAM bharatarShabha . 
chintAmabhyagamattIvrAM niHshashvAsa cha pArthivaH .. 38..\\
atha sthitAnAM pANDUnA.n dInAnAM bharatarShabha . 
tasmAddeshAdapakramya tvaritA lubdhakA vibho .. 39..\\
AjagmuH shibira.n hR^iShTA dR^iShTvAduryodhanaM nR^ipam . 
vAryamANAH praviShTAshcha bhImasenasya pashyataH .. 40..\\
te tu pANDavamAsAdya bhImasenaM mahAbalam . 
tasmai tatsarvamAchakhyuryadvR^itta.n yachcha vai shrutam .. 41..\\
tato vR^ikodaro rAjandattvA teShA.n dhanaM bahu . 
dharmarAjAya tatsArvamAchachakShe parantapaH .. 42..\\
asau duryodhano rAjanviGYAto mama lubdhakaiH . 
sa.nstabhya salila.n shete yasyArthe paritapsyase .. 43..\\
tadvacho bhImasenasyA priya.n shrutvA vishAM pate . 
ajAtashatruH kaunteyo hR^iShTo.abhUtsaha sodaraiH .. 44..\\
ta.n cha shrutvA maheShvAsaM praviShTa.n salilahradam . 
kShiprameva tato.agachchhatpuraskR^itya janArdanam .. 45..\\
tataH kilakilA shabdaH prAdurAsIdvishAM pate . 
pANDavAnAM prahR^iShTAnAM pA~nchAlAnA.n cha sarvashaH .. 46..\\
si.nhanAdA.nstatashchakruH kShveDAMshcha bharatarShabha . 
tvaritAH kShatriyA rAja~njagmurdvaipAyana.n hradam .. 47..\\
GYAtaH pApo dhArtarAShTro dR^iShTashchetyasakR^idraNe . 
prAkroshansomakAstatra hR^iShTarUpAH samantataH .. 48..\\
teShAmAshu prayAtAnA.n rathAnA.n tatra veginAm . 
babhUva tumulaH shabdo divaspR^ikpR^ithivIpate .. 49..\\
duryodhanaM parIpsantastatra tatra yudhiShThiram . 
anvayustvaritAste vai rAjAna.n shrAntavAhanAH .. 50..\\
arjuno bhImasenashcha mAdrIputrau cha pANDavau . 
dhR^iShTadyumnashcha pA~nchAlyaH shikhaNDI chAparAjitaH .. 51..\\
uttamaujA yudhAmanyuH sAtyakishchAparAjitaH . 
pA~nchAlAnA.n cha ye shiShTA draupadeyAshcha bhArata . 
hayAshcha sarve nAgAshcha shatashashcha padAtayaH .. 52..\\
tatha prApto mahArAja dharmaputro yudhiShThiraH . 
dvaipAyana hrada.n khyAta.n yatra duryodhano.abhavat .. 53..\\
shItAmala jala.n hR^idya.n dvitIyamiva sAgaram . 
mAyayA salila.n stabhya yatrAbhUtte sutaH sthitaH .. 54..\\
abhyadbhutena vidhinA daivayogena bhArata . 
salilAntargataH shete durdarshaH kasya chitprabho . 
mAnuShasya manuShyendra gadAhasto janAdhipaH .. 55..\\
tato duryodhano rAjA salitAntargato vasan . 
shushruve tumula.n shabda.n jaladopama niHsvanam .. 56..\\
yudhiShThirastu rAjendra hrada.n ta.n saha sodaraiH . 
AjagAma mahArAja tava putravadhAya vai .. 57..\\
a.nhatA sha~NkhanAdena rathanemi svanena cha . 
uddhunvaMshcha mahAreNu.n kampayaMshchApi medinIm .. 58..\\
yaudhiShThirasya sainyasya shrutvA shabdaM mahArathAH . 
kR^itavarmA kR^ipo drauNI rAjAnamidamabruvan .. 59..\\
ime hyAyAnti sa.nhR^iShTAH pANDavA jitakAshinaH . 
apayAsyAmahe tAvadanujAnAtu no bhavAn .. 60..\\
duryodhanastu tachchhrutvA teShA.n tatra yashasvinAm . 
tathetyuktvA hrada.n ta.n vai mAyayAstambhayatprabho .. 61..\\
te tvanuGYApya rAjAnaM bhR^isha.n shokaparAyaNAH . 
jagmurdUraM mahArAja kR^ipaprabhR^itayo rathAH .. 62..\\
te gatvA dUramadhvAnaM nyagrodhaM prekShya mAriSha . 
nyavishanta bhR^isha.n shrAntAshchintayantonR^ipAM prati .. 63..\\
viShTabhya salila.n supto dhArtarAShTro mahAbalaH . 
pANDavAshchApi samprAptAsta.n desha.n yuddhamIpsavaH .. 64..\\
kathaM nu yuddhaM bhavitA katha.n rAjA bhaviShyati . 
kathaM nu pANDavA rAjanpatipatsyanti kauravam .. 65..\\
ityeva.n chintayantaste rathebhyo.ashvAnvimuchya ha . 
tatrAsA.n chakrire rAjankR^ipaprabhR^itayo rathAH .. 66..\\
\medskip\hrule\medskip\centerline{\Largedvng 30}
 s

tatasteShvapayAteShu ratheShu triShu pANDavAH . 
ta.n hradaM pratyapadyanta yAtra duryodhano.abhavat .. 1..\\
AsAdya cha kuru shreShTha tadA dvaipAyana hradam . 
stambhita.n dhArtarAShTreNa dR^iShTvA ta.n salilAshayam . 
vAsudevamida.n vAkyamabravItkurunandanaH .. 2..\\
pashyemA.n dhArtarAShTreNa mAyAmapsu prayojitAm . 
viShTabhya salila.n shete nAsya mAnuShato bhayam .. 3..\\
daivIM mAyAmimA.n kR^itvA salilAntargato hyayam . 
nikR^ityA nikR^itipraGYo na me jIvanvimokShyate .. 4..\\
yadyasya samare sAhya.n kurute vajrabhR^itsvayam . 
tathApyena.n hataM yuddhe loko drakShyati mAdhava .. 5..\\

 vaa

mAyAvina imAM mAyAM mAyayA jahi bhArata . 
mAyAvI mAyayA vadhyaH satyametadyudhiShThira .. 6..\\
kiryAbhyupAyairbahulairmAyAm aspu prayojya ha . 
jahi tvaM bharatashreShTha pApAtmAna.n suyodhanam .. 7..\\
kiryAbhyupAyairindreNa nihatA daityadAnavAH . 
kriyAbhyupAyairbahubhirbalirbaddhomahAtmanA .. 8..\\
kriyAbhyupAyaiH pUrva.n hi hiraNyAkSho mahAsuraH . 
hiraNyakashipushchaiva kriyayaiva niShUditau . 
vR^itrashcha nihato rAjankriyayaiva na saMshayaH .. 9..\\
tathA paulastya tanayo rAvaNo nAma rAkShasaH . 
rAmeNa nihato rAjansAnubandhaH sahAnugaH . 
kriyayA yogamAsthAya tathA tvamapi vikrama .. 10..\\
kriyAbhyupAyairnihato mayA rAjanpurAtane . 
tArakashcha mahAdaityo viprachittishcha vIryavAn .. 11..\\
vAtApirilvalashchaiva trishirAshcha tathA vibho . 
sundopasundAvasurau kriyayaiva niShUditau .. 12..\\
kriyAbhyupAyairindreNa tridivaM bhujyate vibho . 
kriyA balavatI rAjannAnyatki.n chidyudhiShThira .. 13..\\
daityAshcha dAnavAshchaiva rAkShasAH pArthivAstathA . 
kriyAbhyupAyairnihatAH kriyA.n tasmAtsamAchara .. 14..\\

 s

ityukto vAsudevena pANDavaH saMshitavrataH . 
jalastha.n taM mahArAja tava putraM malA balam . 
abhyabhAShata kaunteyaH prahasanniva bhArata .. 15..\\
suyodhana kimartho.ayamArambho.aspu kR^itastvayA . 
sarva.n kShatraM ghAtayitvA svakulaM cha vishAM pate .. 16..\\
jalAshayaM praviShTo.adya vA~nchha~njIvitamAtmanaH . 
uttiShTha rAjanyudhyasva sahAsmAbhiH suyodhana .. 17..\\
sa cha darpo narashreShTha sa cha mAnaH kva te gataH . 
yastva.n sa.nstabhya salilaM bhIto rAjanvyavasthitaH .. 18..\\
sarve tvA.n shUra ityeva janA jalpanti sa.nsadi . 
vyartha.n tadbhavato manye shaurya.n salilashAyinaH .. 19..\\
uttiShTha rAjanyudhyasva kShatriyo.asi kulodbhavaH . 
kauraveyo visheSheNa kule janma cha sa.nsmara .. 20..\\
sa katha.n kaurave vaMshe prasha.nsa~njanma chAtmanaH . 
yuddhAdbhItastatastoyaM pravishya pratitiShThasi .. 21..\\
ayuddhamavyavasthAnaM naiSha dharmaH sanAtanaH . 
anAryajuShTamasvargya.n raNe rAjanpalAyanam .. 22..\\
kathaM pAramagatvA hi yuddhe tva.n vai jijIviShuH . 
imAnnipatitAndR^iShTvA putrAnbhrAtR^InpitR^I.nstathA .. 23..\\
sambandhino vayasyAMshcha mAtulAnbAndhavA.nstathA . 
ghAtayitvA katha.n tAta hrade tiShThasi sAmpratam .. 24..\\
shUramAnI na shUrastvaM mithyA vadasi bhArata . 
shUro.ahamiti durbuddhe sarvalokasya shR^iNvataH .. 25..\\
na hi shUrAH palAyante shatrUndR^iShTvA katha.n chana . 
brUhi vA tva.n yayA dhR^ityA shUra tyajasi sa~Ngaram .. 26..\\
sa tvamuttiShTha yudhyasva vinIya bhayamAtmanaH . 
ghAtayitvA sarvasainyaM bhrAtR^IMsh chaiva suyodhana .. 27..\\
nedAnI.n jIvite buddhiH kAryA dharmachikIrShayA . 
kShatradharmamapAshritya tvadvidhena suyodhana .. 28..\\
yattatkarNamupAshritya shakuni.n chApi saubalam . 
amartya iva saMmohAttvamAtmAnaM na buddhavAn .. 29..\\
tatpApa.n sumahatkR^itva pratiyudhyasva bhArata . 
katha.n hi tvadvidho mohAdrochayeta palAyanam .. 30..\\
kva te tatpauruSha.n yAta.n kva cha mAnaH suyodhana . 
kva cha vikrAntatA yAtA kva cha visphUrjitaM mahat .. 31..\\
kva te kR^itAstratA yAtA ki.n cha sheShe jalAshaye . 
sa tvamuttiShTha yudhyasvakShatra dharmeNa bhArata .. 32..\\
asmAnvA tvaM parAjitya prashAdhi pR^ithivImimAm . 
atha vA nihato.asmAbhirbhUmau svapsyasi bhArata .. 33..\\
eSha te prathamo dharmaH sR^iShTo dhAtrA mahAtmanA . 
ta.n kuruShva yathAtathya.n rAjA bhava mahAratha .. 34..\\

 dur

naitachchitraM mahArAja yadbhIH prANinamAvishat . 
na cha prANabhayAdbhIto vyapayAto.asmi bhArata .. 35..\\
arathashchAniSha~NgI cha nihataH pArShNisArathiH . 
ekashchApyagaNaH sa~Nkhye pratyAshvAsamarochayam .. 36..\\
na prANahetorna bhayAnna viShAdAdvishAM pate . 
idamambhaH praviShTo.asmi shramAttvidamanuShThitam .. 37..\\
tva.n chAshvasihi kaunteya ye chApyanugatAstava . 
ahamutthAya vaH sarvAnpratiyotsyAmi sa.nyuge .. 38..\\

 y

AshvastA eva sarve sma chira.n tvAM mR^igayAmahe . 
tadidAnI.n samuttiShTha yudhyasveha suyodhana .. 39..\\
hatvA vA samare pArthAnsphIta.n rAjyamavApnuhi . 
nihato vA raNe.asmAbhirvIralokamavApsyasi .. 40..\\

 dur

yadartha.n rAjyamichchhAmi kurUNA.n kurunandana . 
ta ime nihatAH sarve bhrAtaro me janeshvara .. 41..\\
kShINaratnA.n cha pR^ithivI.n hatakShatriya pu~NgavAm . 
nAbhyutsahAmyahaM bhoktu.n vidhavAmiva yoShitam .. 42..\\
adyApi tvahamAsha.nse tvA.n vijetuM yudhiShThira . 
bha~NktvA pA~nchAla pANDUnAmutsAhaM bharatarShabha .. 43..\\
na tvidAnImahaM manye kArya.n yuddhena karhi chit . 
droNe karNe cha saMshAnte nihate cha pitAmahe .. 44..\\
astvidAnImiya.n rAjankevalA pR^ithivI tava . 
asahAyo hi ko rAjA rAjyamichchhetprashAsitum .. 45..\\
suhR^idastAdR^ishAnhitvA putrAnbhrAtR^InpitR^Inapi . 
bhavadbhishcha hR^ite rAjye ko nu jIveta mAdR^ishaH .. 46..\\
aha.n vana.n gamiShyAmi hyajinaiH prativAsitaH . 
ratirhi nAsti me rAjye hatapakShasya bhArata .. 47..\\
hatabAndhava bhUyiShThA hatAshvA hataku~njarA . 
eShA te pR^ithivI rAjanbhu~NkShvainA.n vigatajvaraH .. 48..\\
vanameva gamiShyAmi vasAmo mR^igacharmaNI . 
na hi me nirjitasyAsti jIvite.adya spR^ihA vibho .. 49..\\
gachchha tvaM bhu~NkShva rAjendra pR^ithivIM nihateshvarAm . 
hatayodhAM naShTaratnA.n kShINavaprA.n yathAsukham .. 50..\\

 y

ArtapralApAnmA tAta salilasthaH prabhAShathAH . 
naitanmanasi me rAjanvAshita.n shakuneriva .. 51..\\
yadi chApi samarthaH syAstva.n dAnAya suyodhana . 
nAhamichchheyamavani.n tvayA dattAM prashAsitum .. 52..\\
adharmeNa na gR^ihNIyA.n tvayA dattAM mahImimAm . 
na hi dharmaH smR^ito rAjankShatriyasya pratigrahaH .. 53..\\
tvayA dattAM na chechchheyaM pR^ithivImakhilAm aham . 
tvA.n tu yuddhe vinirjitya bhoktAsmi vasudhAmimAm .. 54..\\
anIshvarashcha pR^ithivI.n kathaM tvaM dAtumichchhasi . 
tvayeyaM pR^ithivI rAjankiM na dattA tadaiva hi .. 55..\\
dharmato yAchamAnAnA.n shamArtha.n cha kulasya naH . 
vArShNeyaM prathama.n rAjanpratyAkhyAya mahAbalam .. 56..\\
kimidAnI.n dadAsi tvaM ko hi te chittavibhramaH . 
abhiyuktastu ko rAjA dAtumichchheddhi medinIm .. 57..\\
na tvamadya mahI.n dAtumIshaH kauravanandana . 
Achchhettu.n vA balAdrAjansa katha.n dAtumichchhasi . 
mA.n tu nirjitya sa~NgrAme pAlayemA.n vasundharAm .. 58..\\
sUchyagreNApi yadbhUmerapi dhrIyeta bhArata . 
tanmAtramapi no mahya na dadAti purA bhavAn .. 59..\\
sa kathaM pR^ithivImetAM pradadAsi vishAM pate . 
sUchyagraM nAtyajaH pUrva.n sa katha.n tyajasi kShitim .. 60..\\
evamaishvaryamAsAdya prashAsya pR^ithivImimAm . 
ko hi mUDho vyavasyeta shatrordAtu.n vasum.n dharAm .. 61..\\
tva.n tu kevalamaurkhyeNa vimUDho nAvabudhyase . 
pR^ithivI.n dAtukAmo.api jIvitenAdya mokShyase .. 62..\\
asmAnvA tvaM parAjitya prashAdhi pR^ithivImimAm . 
atha vA nihato.asmAbhirvraja lokAnanuttamAn .. 63..\\
AvayorjIvato rAjanmayi cha tvAyi cha dhruvam . 
saMshayaH sarvabhUtAnA.n vijaye no bhaviShyati .. 64..\\
jIvita.n tava duShpraGYa mayi samprati vartate . 
jIvayeya.n tvahaM kAmaM na tu tvaM jIvituM kShamaH .. 65..\\
dahane hi kR^ito yatnastvayAsmAsu visheShataH . 
AshIviShairviShaishchApi jale chApi praveshanaiH . 
tvayA vinikR^itA rAjanrAjyasya haraNena cha .. 66..\\
etasmAtkAraNAtpApajIvita.n te na vidyate . 
uttiShThottiShTha yudhyasva tatte shreyo bhaviShyati .. 67..\\

 s

eva.n tu vividhA vAcho jaya yuktAH punaH punaH . 
kIrtayanti sma te vIrAstatra tatra janAdhipa .. 68..\\
\medskip\hrule\medskip\centerline{\Largedvng 31}
 dhr

eva.n santarjyamAnastu mama putro mahIpatiH . 
prakR^ityA manyumAnvIraH kathamAsItparantapaH .. 1..\\
na hi santarjanA tena shrutapUrvA kadA chana . 
rAjabhAvena mAnyash cha sarvalokasya so.abhavat .. 2..\\
iya.n cha pR^ithivI sarvA sa.nlechchhATavikA bhR^isham . 
prasAdAddhriyate yasya pratyakSha.n tava sa~njaya .. 3..\\
sa tathA tarjyamAnastu pANDuputrairvisheShataH . 
vihInashcha svakairbhR^ityairnirjane chAvR^ito bhR^isham .. 4..\\
shrutvA sa kaTukA vAcho jaya yuktAH punaH punaH . 
kimabravItpANDaveyA.nstanmamAchakShva sa~njaya .. 5..\\

 s

tarjyamAnastadA rAjannudakasthastavAtmajaH . 
yudhiShThireNa rAjendra bhrAtR^ibhiH sahitena ha .. 6..\\
shrutvA sa kaTukA vAcho viShamastho janAdhipaH . 
dIrghamuShNa.n cha niHshvasya salilasthaH punaH punaH .. 7..\\
salilAntargato rAjA dhunvanhastau punaH punaH . 
manashchakAra yuddhAya rAjAna.n chAbhyabhAShata .. 8..\\
yUya.n sasuhR^idaH pArthAH sarve saratha vAhanAH . 
ahamekaH paridyUno viratho hatavAhanaH .. 9..\\
Attashastrai rathagatairbahubhiH parivAritaH . 
kathamekaH padAtiH sannashastro yoddhumutsahe .. 10..\\
ekaikena tu mA.n yUyaM yodhayadhvaM yudhiShThira . 
na hyeko bahubhirvIrairnyAyya.n yodhayituM yudhi .. 11..\\
visheShato vikavachaH shrAntashchApaH samAshritaH . 
bhR^isha.n vikShata gAtrashcha shrAntavAhana sainikaH .. 12..\\
na me tvatto bhaya.n rAjanna cha pArthAdvR^ikodarAt . 
phalgunAdvAsudevAdvA pA~nchAlebhyo.atha vA punaH .. 13..\\
yamAbhyA.n yuyudhAnAdvA ye chAnye tava sainikAH . 
ekaH sarvAnaha.n kruddho na tAnyoddhumihotsahe .. 14..\\
dharmamUlA satA.n kIrtirmanuShyANAM janAdhipa . 
dharma.n chaiva ha kIrtiM cha pAlayanprabravImyaham .. 15..\\
ahamutthAya vaH sarvAnpratiyotsyAmi sa.nyuge . 
anvaMshAbhyAgatAnsarvAnR^itUnsa.nvatsaro yathA .. 16..\\
adya vaH sarathAnsAshvAnashastro viratho.api san . 
nakShatrANIva sarvANi savitA rAtrisa~NkShaye . 
tejasA nAshayiShyAmi sthirI bhavata pANDavAH .. 17..\\
adyAnR^iNya.n gamiShyAmi kShatriyANA.n yashAsvinAm . 
bAhlIka droNa bhIShmANA.n karNasya cha mahAtmanaH .. 18..\\
jayadrathasya shUrasya bhagadattasya chobhayoH . 
madrarAjasya shalyasya bhUrishravasa eva cha .. 19..\\
putrANAM bharatashreShTha shakuneH saubalasya cha . 
mitrANA.n suhR^idA.n chaiva bAndhavAnAM tathaiva cha .. 20..\\
AnR^iNyamadya gachchhAmi hatvA tvAM bhratR^ibhiH saha . 
etAvaduktvA vachana.n virarAma janAdhipaH .. 21..\\

 y

diShTyA tvamapi jAnIShe kShatradharma.n suyodhana . 
diShTyA te vartate buddhiryuddhAyaiva mahAbhuja .. 22..\\
diShTyA shUro.asi kauravya diShTyA jAnAsi sa~Ngaram . 
yastvameko hi naH sarvAnsa.nyuge yoddhumichchhasi .. 23..\\
eka ekena sa~Ngamya yatte saMmatamAyudham . 
tattvamAdAya yudhyasva prekShakAste vaya.n sthitAH .. 24..\\
ayamiShTa.n cha te kAma.n vIra bhUyo dadAmyaham . 
hatvaikaM bhavato rAjya.n hato vA svargamApnuhi .. 25..\\

 dur

ekashchedyoddhumAkrande varo.adya mama dIyate . 
AyudhAnAmiya.n chApi vR^itA tvatsaMmate gadA .. 26..\\
bhrAtR^INAM bhavatAmekaH shakyaM mA.n yo.abhimanyate . 
padAtirgadayA sa~Nkhye sa yudhyatu mayA saha .. 27..\\
vR^ittAni rathayuddhAni vichitrANi pade pade . 
idameka.n gadAyuddhaM bhavatvadyAdbhutaM mahat .. 28..\\
annAnAmapi paryAya.n kartumichchhanti mAnavAH . 
yuddhAnAmapi paryAyo bhavatvanumate tava .. 29..\\
gadayA tvAM mahAbAho vijeShyAmi sahAnujam . 
pA~nchAlAnsR^i~njayAMshchaiva ye chAnye tava sainikAH .. 30..\\

 y

uttiShThottiShTha gAndhAre mA.n yodhaya suyodhana . 
eka ekena sa~Ngamya sa.nyuge gadayA balI .. 31..\\
puruSho bhava gAndhAre yudhyasva susamAhitaH . 
adya te jIvitaM nAsti yadyapi tvaM manojavaH .. 32..\\

 s

etatsa narashArdUla nAmR^iShyata tavAtmajaH . 
salilAntargataH shvabhre mahAnAga iva shvasan .. 33..\\
tathAsau vAkpratodena tudyamAnaH punaH punaH . 
vAchaM na mAmR^iShe dhImAnuttamAshvaH kashAm iva .. 34..\\
sa~NkShobhya salila.n vegAdgadAmAdAya vIryavAn . 
adrisAramayI.n gurvIM kA~nchanA~NgadabhUShaNAm . 
antarjalAtsamuttasthau nAgendra iva niHshvasan .. 35..\\
sa bhittvA stambhita.n toya.n skandhe kR^itvAyasIM gadAm . 
udatiShThata putraste pratapanrashmimAniva .. 36..\\
tataH shaikyAyasI.n gurvIM jAtarUpapariShkR^itAm . 
gadAM parAmR^ishaddhImAndhArtarAShTro mahAbalaH .. 37..\\
gadAhasta.n tu taM dR^iShTvA sashR^i~Ngamiva parvatam . 
prajAnAmiva sa~Nkruddha.n shUlapANimavasthitam . 
sagado bharato bhAti pratapanbhAskaro yathA .. 38..\\
tamuttIrNaM mahAbAhu.n gadAhastamarindamam . 
menire sarvabhUtAni daNDahastamivAntakam .. 39..\\
vajrahasta.n yathA shakraM shUlahastaM yathA haram . 
dadR^ishuH sarvapA~nchAlAH putra.n tava janAdhipa .. 40..\\
tamuttIrNa.n tu samprekShya samahR^iShyanta sarvashaH . 
pA~nchAlAH pANDaveyAshcha te.anyonyasya talAndaduH .. 41..\\
avahAsa.n tu taM matvA putro duryodhanastava . 
udvR^itya nayane kruddho didhakShuriva pANDavAn .. 42..\\
trishikhAM bhrukuTI.n kR^itvA sandaShTa dashanachchhadaH . 
pratyuvAcha tatastAnvai pANDavAnsahakeshavAn .. 43..\\
avahAsasya vo.asyAdya prativaktAsmi pANDavAH . 
gamiShyatha hatAH sadyaH sapAnAlA yamakShayam .. 44..\\
utthitastu jalAttasmAtputro duryodhanastava . 
atiShThata gadApANI rudhireNa samukShitaH .. 45..\\
tasya shoNitadigdhasya salilena samukShitam . 
sharIra.n sma tadA bhAti sravanniva mahIdharaH .. 46..\\
tamudyatagada.n vIraM menire tatra pANDavAH . 
vaivasvatamiva kruddha.n ki~Nkarodyata pANinam .. 47..\\
sa meghaninado harShAnnadanniva cha govR^iShaH . 
AjuhAva tataH pArthAngadayA yudhi vIryavAn .. 48..\\

 dur

ekaikena cha mA.n yUyamAsIdata yudhiShThira . 
na hyeko bahubhirnyAyyo vIra yodhayitu.n yudhi .. 49..\\
nyastavarmA visheSheNa shrAntashchApsu pariplutaH . 
bhR^isha.n vikShata gAtrashcha hatavAhana sainikaH .. 50..\\

 y

nAbhUdiya.n tava praGYA kAthameva.n suyodhana . 
yadAbhimanyu bahavo jaghnuryudhi mahArathAH .. 51..\\
Amu~ncha kavacha.n vIra mUrdhajAnyamayasva cha . 
yachchchAnyadapi te nAsti tadapyAdatsva bhArata . 
imameka.n cha te kAma.n vIra bhUyo dadAmyaham .. 52..\\
pa~nchAnAM pANDaveyAnA.n yena yoddhumihechchhasi . 
ta.n hatvA vai bhavAnrAjA hato vA svargamApnuhi . 
R^ite cha jIvitAdvIra yuddhe ki.n kurma te priyam .. 53..\\

 s

tatastava suto rAjanvarma jagrAha kA~nchanam . 
vichitra.n cha shirastrANaM jAmbUnadapariShkR^itam .. 54..\\
so.avabaddha shirastrANaH shubhakA~nchanavarma bhR^it . 
rarAja rAjanputraste kA~nchanaH shailarAD iva .. 55..\\
saMnaddhaH sagadI rAjansajjaH sa~NgrAmamUrdhani . 
abravItpANDavAnsarvAnputro duryodhanastava .. 56..\\
bhrAtR^INAM bhavatAmeko yudhyatA.n gadayA mayA . 
sahadevena vA yotsye bhImena nakulena vA .. 57..\\
atha vA phalgunenAdya tvayA vA bharatarShabha . 
yotsye.aha.n sa~NgaraM prApya vijeShye cha raNAjite .. 58..\\
ahamadya gamiShyAmi vairasyAnta.n sudurgamAm . 
gadayA puruShavyAghra hemapaTTa vinaddhayA .. 59..\\
gadAyuddhe na me kashchitsadR^isho.astIti chintaya . 
gadayA vo haniShyAmi sarvAneva samAgatAn . 
gR^ihNAtu sagadA.n yo vai yudhyate.adya mayA saha .. 60..\\
\medskip\hrule\medskip\centerline{\Largedvng 32}
 s

eva.n duryodhano rAjangarjamAne muhurmuhuH . 
yudhiShThirasya sa~Nkruddho vAsudevo.abravIdidam .. 1..\\
yadi nAma hyaya.n yuddhe varayettvAM yudhiShThira . 
arjunaM nakula.n vApi sahadevamathApi vA .. 2..\\
kimida.n sAhasaM rAja.nstvayA vyAhR^itamIdR^isham . 
ekameva nihatyAjau bhava rAjA kuruShviti .. 3..\\
etena hi kR^itA yogyA varShANIha trayodasha . 
Ayase puruShe rAjanbhImasenajighA.nsayA .. 4..\\
kathaM nAma bhavetkAryamasmAbhirbharatarShabha . 
sAhasa.n kR^itavA.nstvaM tu hyanukroshAnnR^ipottama .. 5..\\
nAnyamasyAnupashyAmi pratiyoddhAramAhave . 
R^ite vR^ikodarAtpArthAtsa cha nAtikR^ita shramaH .. 6..\\
tadida.n dyUtamArabdhaM punareva yathA purA . 
viShama.n shakuneshchaiva tava chaiva vishAM pate .. 7..\\
balI bhImaH samarthashcha kR^itI rAjA suyodhanaH . 
balavAnvA kR^itI veti kR^itI rAjanvishiShyate .. 8..\\
so.aya.n rAma.nstvayA shatruH same pathi niveshitaH . 
nyastashchAtmA suviShame kR^ichchhramApAditA vayam .. 9..\\
ko nu sarvAnvinirjitya shatrUnekena vairiNA . 
paNitvA chaikapANena rochayedevamAhavam .. 10..\\
na hi pashyAmi ta.n loke gadAhastaM narottamam . 
yudhyedduryodhana.n sa~Nkhye kR^ititvAddhi visheShayet .. 11..\\
phalguna.n vA bhavantaM vA mAdrIputrAvathApi vA . 
na samarthAnahaM manye gadAhastasya sa.nyuge .. 12..\\
sa katha.n vadase shatruM yudhyasva gadayeti ha . 
eka.n cha no nihatyAjau bhava rAjeti bhArata .. 13..\\
vR^ikodara.n samAsAdya saMshayo vijaye hi naH . 
nyAyato yudhyamAnAnA.n kR^itI hyeSha mahAbalaH .. 14..\\

 bhm

madhusUdana mA kArShIrviShAda.n yadunandana . 
adya pAra.n gamiShyAmi vairasya bhR^ishadurgamam .. 15..\\
aha.n suyodhanaM sa~Nkhye haniShyAmi na saMshayaH . 
vijayo vai dhruva.n kR^iShNa dharmarAjasya dR^ishyate .. 16..\\
adhyardhena puneneya.n gadA gurutarI mama . 
na tathA dhArtarAShTrasya mA kArShIrmAdhava vyathAm .. 17..\\
sAmarAnapi lokA.nstrInnAnAshastradharAnyudhi . 
yodhayeya.n raNe hR^iShTaH kimutAdya suyodhanam .. 18..\\

 s

tathA sambhAShamANa.n tu vAsudevo vR^ikodaram . 
hR^iShTaH sampUjayAmAsa vachana.n chedamabravIt .. 19..\\
tvAmAshritya mahAbAho dharmarAjo yudhiShThiraH . 
nihatAriH svakA.n dIptA.n shriyaM prApto na saMshayaH .. 20..\\
tvayA vinihatAH sarve ghR^itarAShTra sutA raNe . 
rAjAno rAjaputrAshcha nAgAshcha vinipAtitAH .. 21..\\
kali~NgA mAgadhAH prAchyA gAndhArAH kuravastathA . 
tvAmAsAdya mahAyuddhe nihatAH pANDunandana .. 22..\\
hatvA duryodhana.n chApi prayachchhorvI.n sasAgarAm . 
dharmarAjasya kaunteya yathA viShNuH shachIpateH .. 23..\\
tvA.n cha prApya raNe pApo dhArtarAShTro vina~NkShyati . 
tvamasya sakthinI bha~NktvA pratiGYAM pArayiShyasi .. 24..\\
yatnena tu sadA pArtha yodddhavyo dhR^itarAShTrajaH . 
kR^itI cha balavAMshchaiva yuddhashauNDashcha nityadA .. 25..\\
tatastu sAtyakI rAjanpUjayAmAsa pANDavam . 
vividhAbhishcha tA.n vAgbhiH pUjayAmAsa mAdhavaH .. 26..\\
pA~nchAlAH pANDaveyAshcha dharmarAja purogamAH . 
tadvacho bhImasenasya sarva evAbhyapUjayan .. 27..\\
tato bhImabalo bhImo yudhiShThiramathAbravIt . 
sR^i~njayaiH saha tiShThanta.n tapantamiva bhAskaram .. 28..\\
ahametena sa~Ngamya sa.nyuge yoddhumutsahe . 
na hi shakto raNe jetuM mAmeSha puruShAdhamaH .. 29..\\
adya krodha.n vimokShyAmi nihitaM hR^idaye bhR^isham . 
suyodhane dhArtarAShTre khANDave.agnimivArjunaH .. 30..\\
shalyamadyoddhariShyAmi tava pANDava hR^ichchchhayam . 
nihatya gadayA pApamadya rAjansukhI bhava .. 31..\\
adya kIrtimayIM mAlAM pratimokShye tavAnagha . 
prANA~nshriya.n cha rAjyaM cha mokShyate.adya suyodhanaH .. 32..\\
rAjA cha dhR^itarAShTro.adya shrutvA putraM mayA hatam . 
smAriShyatyashubha.n karma yattachchhakuni buddhijam .. 33..\\
ityuktvA bharatashreShTho gadAmudyamya vIryavAn . 
udatiShThata yuddhAya shakro vR^itramivAhvayan .. 34..\\
tamekAkinamAsAdya dhArtarAShTraM mahAbalam . 
niryUthamiva mAta~Nga.n samahR^iShyanta pANDavAH .. 35..\\
tamudyatagada.n dR^iShTvA kailAsamiva shR^i~NgiNam . 
bhImasenastadA rAjanduryodhanamathAbravIt .. 36..\\
rAGYApi dhR^itarAShTreNa tvayA chAsmAsu yatkR^itam . 
smAra tadduShkR^ita.n karma yadvR^itta.n vAraNAvate .. 37..\\
draupadI cha parikliShTA sabhAmadhye rajasvalA . 
dyUte yadvijito rAjA shakunerbuddhinishchayAt .. 38..\\
yAni chAnyAni duShTAtmanpApAni kR^itavAnasi . 
anAgaHsu cha pArtheShu tasya pashya mahatphalam .. 39..\\
tvatkR^ite nihataH shete sharatalpe mahAyashAH . 
gA~Ngeyo bharatashreShThaH sarveShAM naH pitAmahaH .. 40..\\
hato droNashcha kArNashcha hataH shalyaH pratApavAn . 
vairasyA chAdi kartAsau shakunirnihato yudhi .. 41..\\
bhrAtaraste hatAH shUrAH putrAshcha sahasainikAH . 
rAjAnashcha hatAH shUrAH samareShvanivartinaH .. 42..\\
ete chAnye cha nihatA bahavaH kShatriyarShabhAH . 
prAtikAmI tathA pApo draupadyAH kleshakR^iddhataH .. 43..\\
avashiShTastvamevaikaH kulaghno.adhama pUruShaH . 
tvAmapyadya haniShyAmi gadayA nAtra saMshayaH .. 44..\\
adya te.aha.n raNe darpaM sarvaM nAshayitA nR^ipa . 
rAjyAshA.n vipulAM rAjanpANDaveShu cha duShkR^itam .. 45..\\

 dur

ki.n katthitena bahudhA yudhyasvAdya mayA saha . 
adya te.aha.n vineShyAmi yuddhashraddhAM vR^ikodara .. 46..\\
kiM na pashyasi mAM pApagadA yuddhe vyavasthitam . 
himavachchhikharAkArAM pragR^ihya mahatI.n gadAm .. 47..\\
gadina.n ko.adya mAM pApajetumutsahate ripuH . 
nyAyato yudhyamAnasya deveShvapi purandaraH .. 48..\\
mA vR^ithA garja kaunteya sharadAbhramivAjalam . 
darshayasva bala.n yuddhe yAvattatte.adya vidyate .. 49..\\
tasya tadvachana.n shrutvA pA~nchAlAH sahasR^i~njayAH . 
sarve sampUjayAmAsustadvacho vijigIShavaH .. 50..\\
taM mattamiva mAta~Nga.n talashabdena mAnavAH . 
bhUyaH sa.nharShayAmAsU rAjanduryodhanaM nR^ipam .. 51..\\
bR^ihanti ku~njarAstatra hayA heShanti chAsakR^it . 
shastrANi sampradIpyante pANDavAnA.n jayaiShiNAm .. 52..\\
\medskip\hrule\medskip\centerline{\Largedvng 33}
 s

tasminyuddhe mahArAja sampravR^itte sudAruNe . 
upaviShTeShu sarveShu pANDaveShu mahAtmasu .. 1..\\
tatastAladhvajo rAmastayoryuddha upasthite . 
shrutvA tachchhiShyayo rAjannAjagAma halAyudhaH .. 2..\\
ta.n dR^iShTvA marama prItAH pUjayitvA narAdhipAH . 
shiShyayoH kaushala.n yuddhe pashya rAmeti chAbruvan .. 3..\\
abravIchcha tadA rAmo dR^iShTvA kR^iShNa.n cha pANDavam . 
duryodhana.n cha kauravyaM gadApANimavasthitam .. 4..\\
chatvAriMshadahAnyadya dve cha me niHsR^itasya vai . 
puShyeNa samprayAto.asmi shravaNe punarAgataH . 
shiShyayorvai gadAyuddha.n draShTukAmo.asmi mAdhava .. 5..\\
tato yudhiShThiro rAjA pariShvajya halAyudham . 
svAgata.n kushalaM chAsmai paryapR^ichchhadyathAtatham .. 6..\\
kR^iShNau chApi maheShvAsAvabhivAdya halAyudham . 
sasvajAte pariprItau priyamANau yashasvinau .. 7..\\
mAdrIputrau tathA shUrau draupadyAH pa~ncha chAtmajAH . 
abhivAdya sthitA rAjanrauhiNeyaM mahAbalam .. 8..\\
bhImaseno.atha balavAnputrastava janAdhipa . 
tathaiva chodyata gadau pUjayAmAsaturbalam .. 9..\\
svAgatena cha te tatra pratipUjya punaH punaH . 
pashya yuddhaM mahAbAho iti te rAmamabruvan . 
evamUchurmahAtmAna.n rauhiNeyaM narAdhipAH .. 10..\\
pariShvajya tadA rAmaH pANDavAnsR^i~njayAnapi . 
apR^ichchhatkushala.n sarvAnpANDavAMshchAmitaujasaH . 
tathaiva te samAsAdya paprachchhustamanAmayam .. 11..\\
pratyabhyarchya halI sarvAnkShatriyAMshcha mahAmanAH . 
kR^itvA kushalasa.nyuktA.n sa.nvida.n cha yathA vayaH .. 12..\\
janArdana.n satyaki.n cha premNA sa pariShasvaje . 
mUrdhni chaitAvupAghrAya kushalaM paryapR^ichchhata .. 13..\\
tau chaina.n vidhivadrAjanpUjayAmAsaturgurum . 
brahmANamiva deveshamindropendrau mudA yutau .. 14..\\
tato.abravIddharmasuto rauhiNeyamarindamam . 
idaM bhrAtrormahAyuddhaM pashya rAmeti bhArata .. 15..\\
teShAM madhye mahAbAhuH shrImAnkeshava pUrvajaH . 
nyavishatparamaprItaH pUjyamAno mahArathaiH .. 16..\\
sa babhau rAjamadhyastho nIlavAsAH sitaprabhaH . 
divIva nakShatragaNaiH parikIrNo nishAkaraH .. 17..\\
tatastayoH saMnipAtastumulo lomaharShaNaH . 
AsIdantakaro rAjanvairasya tava putrayoH .. 18..\\
\medskip\hrule\medskip\centerline{\Largedvng 34}
 j

pUrvameva yadA rAmastasminyuddhe upasthite . 
Amantrya keshava.n yAto vR^iShNibhiH sahitaH prabhuH .. 1..\\
sAhAyya.n dhArtarAShTrasya na cha kartAsmi keshava . 
na chaiva pANDuputrANA.n gamiShyAmi yathAgatam .. 2..\\
evamuktvA tadA rAmo yAtaH shatrunibarhaNaH . 
tasya chAgamanaM bhUyo brahma~nsha.nsitumarhasi .. 3..\\
AkhyAhi me vistarataH katha.n rAma upasthitaH . 
katha.n cha dR^iShTavAnyuddhaM kushalo hyasi sattama .. 4..\\

 vai

upaplavye niviShTeShu pANDaveShu mahAtmasu . 
preShito dhR^itarAShTrasya samIpaM madhusUdanaH . 
shamaM prati mahAvAho hitArtha.n sarvadehinAm .. 5..\\
sa gatvA hAstinapura.n dhR^itarAShTra.n sametya cha . 
uktavAnvachana.n tathya.n hitaM chaiva visheShataH . 
na cha tatkR^itavAnrAjA yathAkhyAta.n hi te purA .. 6..\\
anavApya shama.n tatra kR^iShNaH puruShasattamaH . 
Agachchhata mahAbAhurupaplavya.n janAdhipa .. 7..\\
tataH pratyAgataH kR^iShNo dhArtarAShTra visarjitaH . 
akriyAyAM naravyAghra pANDavAnidamabravIt .. 8..\\
na kurvanti vacho mahya.n kuravaH kAlachoditAH . 
nirgachchhadhvaM pANDaveyAH puShyeNa sahitA mayA .. 9..\\
tato vibhajyamAneShu baleShu balinA.n varaH . 
provAcha bhrAtara.n kR^iShNa.n rauhiNeyo mahAmanAH .. 10..\\
teShAmapi mahAbAho sAhAyyaM madhusUdana . 
kriyatAmiti tatkR^iShNo nAsya chakre vachastadA .. 11..\\
tato manyuparItAtmA jagAma yadunandanaH . 
tIrthayAtrA.n haladharaH sarasvatyAM mahAyashAH . 
maitre nakShatrayoge sma sahitaH sarvayAdavaiH .. 12..\\
AshrayAmAsa bhojastu duryodnanamarindamaH . 
yuyudhAnena sahito vAsudevastu pANDavAn .. 13..\\
rauhiNeye gate shUre puShyeNa madhusUdanaH . 
pANDaveyAnpuraskR^itya yayAvabhimukhaH kurUn .. 14..\\
gachchhaneva pathisthastu rAmaH preShyAnuvAcha hA . 
sambhArA.nstIrthayAtrAyA.n sArvopakaraNAni cha . 
Anayadhva.n dvArakAyA agnInvai yAjakA.nstathA .. 15..\\
suvarNa.n rajata.n chaiva dhenurvAsA.nsi vAjinaH . 
ku~njarAMshcha rathAMshchaiva kharoShTra.n vAhanAni cha . 
kShipramAnIyatA.n sarva.n tIrthahetoH parichchhadam .. 16..\\
pratisrotaH sarasvatyA gachhadhva.n shIghragAminaH . 
R^itvijashchAnayadhva.n vai shatashashcha dvijarShabhAn .. 17..\\
eva.n sandishya tu preShyAnbaladevo mahAbalaH . 
tIrthayAtrA.n yayau rAjankurUNAM vaishase tadA . 
sarasvatIM pratisrotaH samudrAdabhijagmivAn .. 18..\\
R^itvigbhishcha suhR^idbhishcha tathAnyairdvijasattamaiH . 
rathagarjaistathAshvaishcha preShyaishcha bharatarShabha . 
gokharoShTra prayuktaishcha yAnaishcha bahubhirvR^itaH .. 19..\\
shrAntAnA.n klAntavapuShA.n shishUnAM vipulAyuShAm . 
tAni yAnAni desheShu pratIkShyante sma bhArata . 
bubhukShitAnAmarthAya kL^iptamanna.n samantataH .. 20..\\
yo yo yatra dvijo bhoktu.n kAmaM kAmayate tadA . 
tasya tasya tu tatraivamupajahrustadA nR^ipa .. 21..\\
tatra sthitA narA rAjanrauhiNeyasya shAsanAt . 
bhakShyapeyasya kurvanti rAshI.nstatra samantataH .. 22..\\
vAsA.nsi cha mahArhANi parya~NkAstaraNAni cha . 
pUjArtha.n tatra kL^iptAni viprANA.n sukhamichchhatAm .. 23..\\
yatra yaH svapate vipraH kShatriyo vApi bhArata . 
tatra tatra tu tasyaiva sarva.n kL^iptamadR^ishyata .. 24..\\
yathAsukha.n janaH sarvastiShThate yAti vA tadA . 
yAtu kAmasya yAnAni pAnAni tR^iShitasya cha .. 25..\\
bubhukShitasyA chAnnAni svAdUni bharatarShabha . 
upajahrurnarAstatra vastrANyAbharaNAni cha .. 26..\\
sa panthAH prababhau rAjansarvasyaiva sukhAvahaH . 
svargopamastadA vIra narANA.n tatra gachchhatAm .. 27..\\
nityapramuditopetaH svAdu bhakShaH shubhAnvitaH . 
vipaNyApaNa paNyAnAM nAnAjanashatairvR^itaH . 
nAnAdrumalatopeto nAnAratnavibhUShitaH .. 28..\\
tato mahAtmA niyame sthitAtmA 
puNyeShu tIrtheShu vasUni rAjan . 
dadau dvijebhyaH kratudakShiNAsh cha 
yadupravIro halabhR^itpratItaH .. 29..\\
dogbhrIshcha dhenUshcha sahasrasho vai 
suvAsasaH kA~nchanabaddhashR^i~NgIH . 
hayAMshcha nAnAvidha deshajAtAn 
yAnAni dAsIshcha tathA dvijebhyaH .. 30..\\
ratnAni muktAmaNividruma.n cha 
shR^i~NgI suvarNa.n rajata.n cha shubhram . 
ayo maya.n tAmramayaM cha bhANDaM 
dadau dvijAtipravareShu rAmaH .. 31..\\
eva.n sa vittaM pradadau mahAtmA 
sarasvatI tIrthavareShu bhUri . 
yayau krameNApratima prabhAvas 
tataH kurukShetramudAravR^ittaH .. 32..\\

 j

sArasvatAnA.n tIrthAnAM guNotpatti.n vadasva me . 
phala.n cha dvipadA.n shreShTha karma nirvR^ittimeva cha .. 33..\\
yathAkrama.n cha bhagava.nstIrthAnAmanupUrvashaH . 
brahmanbrahmavidA.n shreShTha para.n kautUhalaM hi me .. 34..\\

 vai

tIrthAnA.n vistaraM rAjanguNotpatti.n cha sarvashaH . 
mayochyamAnA.n shR^iNu vai puNyAM rAjendra kR^itsnashaH .. 35..\\
pUrvaM mahArAja yadupravIra 
R^itviksuhR^idvipra gaNaishcha sArdham . 
puNyaM prabhAsa.n samupAjagAma 
yatroDu rADyakShmaNA klishyamAnaH .. 36..\\
vimuktashApaH punarApya tejaH 
sarva.n jagadbhAsayate narendra . 
eva.n tu tIrthapravaraM pR^ithivyAM 
prabhAsanAttasya tataH prabhAsaH .. 37..\\

 j

kimarthaM bhagavAnsomo yakShmaNA samagR^ihyata . 
katha.n cha tIrthapravare tasmiMsh chandro nyamajjata .. 38..\\
kathamAplutya tasmi.nstu punarApyAyitaH shashI . 
etanme sarvamAchakShva vistareNa mahAmune .. 39..\\

 vai

dakShasya tanayA yAstAH prAdurAsanvishAM pate . 
sa sapta viMshati.n kanyA dakShaH somAya vai dadau .. 40..\\
nakShatrayoganiratAH sa~NkhyAnArtha.n cha bhArata . 
patnyo vai tasya rAjendra somasya shubhalakShaNAH .. 41..\\
tAstu sarvA vishAlAkShyo rUpeNApratimA bhuvi . 
atyarichyata tAsA.n tu rohiNI rUpasampadA .. 42..\\
tatastasyA.n sa bhagavAnprIti.n chakre nishAkaraH . 
sAsya hR^idya babhUvAdya tasmAttAM bubhuje sadA .. 43..\\
purA hi somo rAjendra rohiNyAm avasachchiram . 
tato.asya kupitAnyAsannakShatrANi mahAtmanaH .. 44..\\
tA gatvA pitaraM prAhuH prajApatimatandritAH . 
somo vasati nAsmAsu rohiNIM bhajate sadA .. 45..\\
tA vaya.n sahitAH sarvAstvatsakAshe prajeshvara . 
vatsyAmo niyatAhArAstapashcharaNatatparAH .. 46..\\
shrutvA tAsA.n tu vachanaM dakShaH somamathAbravIt . 
sama.n vartasya bhAryAsu mA tvAdharmo mahAnspR^ishet .. 47..\\
tAshcha sarvAbravIddakSho gachchhadhva.n somamantikAt . 
sama.n vatsyati sarvAsu chandramA mama shAsanAt .. 48..\\
visR^iShTAstAstadA jagmuH shItAMshubhavana.n tadA . 
tathApi somo bhagavAnpunareva mahIpate . 
rohiNIM nivasatyeva prIyamANo muhurmuhuH .. 49..\\
tatastAH sahitAH sarvA bhUyaH pitaramabruvan . 
tava shushrUShaNe yuktA vatsyAmo hi tavAshrame . 
somo vasati nAsmAsu nAkarodvachana.n tava .. 50..\\
tAsA.n tadvachana.n shrutvA dakShaH somamathAbravIt . 
sama.n vartasva bhAryAsu mA tvAM shapsye virochana .. 51..\\
anAdR^itya tu tadvAkya.n dakShasya bhagavA~nshashI . 
rohiNyA sArdhamavasattatastAH kupitAH punaH .. 52..\\
gatvA cha pitaraM prAhuH praNamya shirasA tadA . 
somo vasati nAsmAsu tasmAnnaH sharaNaM bhava .. 53..\\
rohiNyAmeva bhagavansadA vasati chandramAH . 
tasmAnnastrAhi sarvA vai yathA naH soma Avishet .. 54..\\
tachchhrutvA bhagavAnkruddho yakShmANaM pR^ithivIpate . 
sasarva roShAtsomAya sa choDu patimAvishat .. 55..\\
sa yakShmaNAbhibhUtAtmAkShIyatAharahaH shashI . 
yatna.n chApyakarodrAjanmokShArthaM tasya yakShmaNaH .. 56..\\
iShTveShTibhirmahArAja vividhAbhirnishAkaraH . 
na chAmuchyata shApAdvai kShaya.n chaivAbhyagachchhata .. 57..\\
kShIyamANe tataH some oShadhyo na prajaGYire . 
nirAsvAda rasAH sarvA hatavIryAshcha sarvashaH .. 58..\\
oShadhInA.n kShaye jAte prANinAmapi sa~NkShayaH . 
kR^ishAshchAsanprajAH sarvAH kShIyamANe nishAkare .. 59..\\
tato devAH samAgamya somamUchurmahIpate . 
kimidaM bhavato rUpamIdR^ishaM na prakAshate .. 60..\\
kAraNaM brUhi naH sarva.n yeneda.n te mahadbhayam . 
shrutvA tu vachana.n tvatto vidhAsyAmastato vayam .. 61..\\
evamuktaH pratyuvAcha sarvA.nstA~nshashalakShaNaH . 
shApa.n cha kAraNaM chaiva yakShmANaM cha tathAtmanaH .. 62..\\
devAstasya vachaH shrutvA gatvA dakShamathAbruvan . 
prasIda bhagavansome shApashchaiSha nivartyatAm .. 63..\\
asau hi chandramAH kShINaH ki.n chichchheSho hi lakShyate . 
kShayAchchaivAsya devesha prajAshchApi gatAH kShayam .. 64..\\
vIrudoShadhayashchaiva bIjAni vividhAni cha . 
tathA vaya.n lokaguro prasAda.n kartumarhasi .. 65..\\
evamuktastadA chintya prAha vAkyaM prajApatiH . 
naitachchhakyaM mama vacho vyAvartayitumanyathA . 
hetunA tu mahAbhAgA nivartiShyati kena chit .. 66..\\
sama.n vartatu sarvAsu shashI bhAryAsu nityashaH . 
sarasvatyA vare tIrthe unmajja~nshashalakShaNaH . 
punarvardhiShyate devAstadvai satya.n vacho mama .. 67..\\
mAsArdha.n cha kShaya.n somo nityameva gamiShyati . 
mAsArdha.n cha tadA vR^iddhi.n satyametadvacho mama .. 68..\\
sarasvatI.n tataH somo jagAma R^iShishAsanAt . 
prabhAsaM parama.n tIrtha.n sarasvatyA jagAma ha .. 69..\\
amAvAsyAM mahAtejAstatronmajjanmahAdyutiH . 
lokAnprabhAsayAmAsa shItAMshutvamavApa cha .. 70..\\
devAshcha sarve rAjendra prabhAsaM prApya puShkalam . 
somena sahitA bhUtvA dakShasya pramukhe.abhavan .. 71..\\
tataH prajApatiH sarvA visasarjAtha devatAH . 
soma.n cha bhagavAnprIto bhUyo vachanamabravIt .. 72..\\
mAvama.nsthAH striyaH putra mA cha viprAnkadA chana . 
gachchha yuktasadA bhUtvA kuru vai shAsanaM mama .. 73..\\
sa visR^iShTo mahArAja jagAmAtha svamAlayam . 
prajAshcha muditA bhUtvA bhojane cha yathA purA .. 74..\\
etatte sarvamAkhyAta.n yathA shapto nishAkaraH . 
prabhAsa.n cha yathA tIrthaM tIrthAnAM pravara.n hyabhUt .. 75..\\
amAvAsyAM mahArAja nityashaH shashalakShaNaH . 
snAtvA hyApyAyate shrImAnprabhAse tIrtha uttame .. 76..\\
atashchainaM prajAnanti prabhAsamiti bhUmipa . 
prabhA.n hi paramAM lebhe tasminnunmajjya chandramAH .. 77..\\
tatastu chamasodbhedamachyutastvagamadbalI . 
chamasodbheda ityeva.n ya.n janAH kathayantyuta .. 78..\\
tatra dattvA cha dAnAni vishiShTAni halAyudhaH . 
uShitvA rajanImekA.n snAtvA cha vidhivattadA .. 79..\\
udapAnamathAgachchhattvarAvAnkeshavAgrajaH . 
Adya.n svastyayana.n chaiva tatrAvApya mahatphalam .. 80..\\
snigdhatvAdoShadhInA.n cha bhUmesh cha janamejaya . 
jAnanti siddhA rAjendra naShTAmapi sarasvatIm .. 81..\\
\medskip\hrule\medskip\centerline{\Largedvng 35}
 vai

tasmAnnadI gata.n chApi udapAna.n yashasvinaH . 
tritasya cha mahArAja jagAmAtha halAyudhaH .. 1..\\
tatra dattvA bahudravyaM pUjayitvA tathA dvijAn . 
upaspR^ishya cha tatraiva prahR^iShTo musalAyudhaH .. 2..\\
tatra dharmaparo hyAsIttritaH sa sumahAtapAH . 
kUpe cha vasatA tena somaH pIto mahAtmanA .. 3..\\
tatra chaina.n samutsR^ijya bhrAtarau jagmaturgR^ihAn . 
tatastau vai shashApAtha trito brAhmaNasattamaH .. 4..\\

 j

udapAna.n kathaM brahmankathaM cha sumahAtapAH . 
patitaH ki.n cha santyakto bhrAtR^ibhyAM dvijasattamaH .. 5..\\
kUpe katha.n cha hitvainaM bhrAtarau jagmaturgR^ihAn . 
etadAchakShva me brahmanyadi shrAvya.n hi manyase .. 6..\\

 vai

AsanpUrvayuge rAjanmunayo bhrAtarastrayaH . 
ekatashcha dvitashchaiva tritashchAdityasaMnibhAH .. 7..\\
sarve prajApatisamAH prajAvantastathaiva cha . 
brahmalokajitaH sarve tapasA brahmavAdinaH .. 8..\\
teShA.n tu tapasA prIto niyamena damena cha . 
abhavadgautamo nityaM pitA dharmarataH sadA .. 9..\\
sa tu dIrgheNa kAlena teShAM prItimavApya cha . 
jagAma bhagavAnsthAnamanurUpamivAtmanaH .. 10..\\
rAjAnastasya ye pUrve yAjyA hyAsanmahAtmanaH . 
te sarve svargate tasmi.nstasya putrAnapUjayan .. 11..\\
teShA.n tu karmaNA rAja.nstathaivAdhyayanena cha . 
tritaH sa shreShThatAM prApa yathaivAsya pitA tathA .. 12..\\
ta.n sma sarve mahAbhAgA munayaH puNyalakShaNAH . 
apUjayanmahAbhAga.n tathA vidvattayaiva tu .. 13..\\
kadAchiddhi tato rAjanbhrAtarAvekata dvitau . 
yaGYArtha.n chakratushchittaM dhanArthaM cha visheShataH .. 14..\\
tayoshchintA samabhavattrita.n gR^ihya parantapa . 
yAjyAnsarvAnupAdAya pratigR^ihya pashU.nstataH .. 15..\\
somaM pAsyAmahe hR^iShTAH prApya yaGYaM mahAphalam . 
chakrushchaiva mahArAja bhrAtarastraya eva ha .. 16..\\
tathA tu te parikramya yAjyAnsarvAnpashUnprati . 
yAjayitvA tato yAjyA.NllabdhvA cha subahUnpashUn .. 17..\\
yAjyena karmaNA tena pratigR^ihya vidhAnataH . 
prAchI.n dishaM mahAtmAna Ajagmuste maharShayaH .. 18..\\
tritasteShAM mahArAja purastAdyAti hR^iShTavat . 
ekatashcha dvitashchaiva pR^iShThataH kAlayanpashUn .. 19..\\
tayoshchintA samabhavaddR^iShTvA pashugaNaM mahat . 
kathaM na syurimA gAva AvAbhyA.n vai vinA tritam .. 20..\\
tAvanyonya.n samAbhAShya ekatashcha dvitash cha ha . 
yadUchaturmithaH pApau tannibodha janeshvara .. 21..\\
trito yaGYeShu kushalastrito vedeShu niShThitaH . 
anyAstrito bahutarA gAvaH samupalapsyate .. 22..\\
tadAvA.n sahitau bhUtvA gAH prakAlya vrajAvahe . 
trito.api gachhatA.n kAmamAvAbhyA.n vai vinAkR^itaH .. 23..\\
teShAmAgachchhatA.n rAtrau pathi sthAne vR^iko.abhavat . 
tathA kUpe.avidUre.abhUtsarasvatyAstaTe mahAn .. 24..\\
atha trito vR^ika.n dR^iShTvA pathi tiShThantamagrataH . 
tadbhayAdapasarpanvai tasminkUpe papAta ha . 
agAdhe sumahAghore sarvabhUtabhaya~Nkare .. 25..\\
tritastato mahAbhAgaH kUpastho munisattamaH . 
ArtanAda.n tatashchakre tau tu shushruvaturmunI .. 26..\\
ta.n GYAtvA patita.n kUpe bhrAtarAvekata dvitau . 
vR^ikatrAsA cha lobhAchcha samutsR^ijya prajagmatuH .. 27..\\
bhrAtR^ibhyAM pashulubdhAbhyAmutsR^iShTaH sa mahAtapAH . 
udapAne mahArAja nirjale pA.nsusa.nvR^ite .. 28..\\
trita AtmAnamAlakShya kUpe vIruttR^iNAvR^ite . 
nimagnaM bharatashreShTha pApakR^innarake yathA .. 29..\\
buddhyA hyagaNayatprAGYo mR^ityorbhIto hyasomapaH . 
somaH kathaM nu pAtavya ihasthena mayA bhavet .. 30..\\
sa evamanusa~ncintya tasminkUpe mahAtapAH . 
dadarsha vIrudha.n tatra lambamAnA.n yadR^ichchhayA .. 31..\\
pA.nsugraste tataH kUpe vichintya salilaM muniH . 
agnInsa~NkalpayAmAsa hotre chAtmAnameva cha .. 32..\\
tatastA.n vIrudhaM somaM sa~Nkalpya sumahAtapAH . 
R^ichcho yajUMShi sAmAni manasA chintayanmuniH . 
grAhANaH sharkarAH kR^itvA prachakre.abhiShavaM nR^ipa .. 33..\\
Ajya.n cha salilaM chakre bhAgAMshcha tridivaukasAm . 
somasyAbhiShava.n kR^itvA chakAra tumulaM dhvanim .. 34..\\
sa chAvishaddiva.n rAjansvaraH shaikShastritasya vai . 
samavApa cha ta.n yaGYaM yathoktaM brahmavAdibhiH .. 35..\\
vartamAne tathA yaGYe tritasya sumahAtmanaH . 
Avigna.n tridiva.n sarvaM kAraNaM cha na budhyate .. 36..\\
tataH sutumula.n shabdaM shushrAvAtha bR^ihaspatiH . 
shrutvA chaivAbravIddevAnsarvAndevapurohitaH .. 37..\\
tritasya vartate yaGYastatra gachchhAmahe surAH . 
sa hi kruddhaH sR^ijedanyAndevAnapi mahAtapAH .. 38..\\
tachchhrutvA vachana.n tasya sahitAH sarvadevatAH . 
prayayustatra yatrAsau trita yaGYaH pravartate .. 39..\\
te tatra gatvA vibhudhAsta.n kUpa.n yatra sa tritaH . 
dadR^ishustaM mahAtmAna.n dIShkita.n yaGYakarmasu .. 40..\\
dR^iShTvA chainaM mahAtmAna.n shriyA paramayA yutam . 
UchushchAtha mahAbhAgaM prAptA bhAgArthino vayam .. 41..\\
athAbravIdR^iShirdevAnpashyadhvaM mA.n divaukasaH . 
asminpratibhaye kUpe nimagnaM naShTachetasam .. 42..\\
tatastrito mahArAja bhAgA.nsteShA.n yathAvidhi . 
mantrayuktAnsamadadAtte cha prItAstadAbhavan .. 43..\\
tato yathAvidhi prAptAnbhAgAnprApya divaukasaH . 
prItAtmAno dadustasmai varAnyAnmanasechchhati .. 44..\\
sa tu vavre vara.n devA.nstrAtumarhatha mAmitaH . 
yashchehopaspR^ishetkUpe sa somapa gati.n labhet .. 45..\\
tatra chormimatI rAjannutpapAta sarasvatI . 
tayotkShiptastritastasthau pUjaya.nstridivaukasaH .. 46..\\
tatheti choktvA vibudhA jagmU rAjanyathAgatam . 
tritashchApyagamatprItaH svameva nilaya.n tadA .. 47..\\
kruddhaH sa tu samAsAdya tAvR^iShI bhrAtarau tadA . 
uvAcha paruSha.n vAkyaM shashApa cha mahAtapAH .. 48..\\
pashulubdhau yuvA.n yasmAnmAmutsR^ijya pradhAvitau . 
tasmAdrUpeNa teShA.n vai daMShTriNNAmabhitash charau .. 49..\\
bhavitArau mayA shaptau pApenAnena karmaNA . 
prasavashchaiva yuvayorgolA~NgUlarShka vAnarAH .. 50..\\
ityukte tu tadA tena kShaNAdeva vishAM pate . 
tathA bhUtAvadR^ishyetA.n vachanAtsatyavAdinaH .. 51..\\
tatrApyamitavikrAntaH spR^iShTvA toya.n halAyudhaH . 
dattvA cha vividhAndAyAnpUjayitvA cha vai dvijAn .. 52..\\
udapAna.n cha taM dR^iShTvA prashasya cha punaH punaH . 
nadI gatamadInAtmA prApto vinashana.n tadA .. 53..\\
\medskip\hrule\medskip\centerline{\Largedvng 36}
 vai

tato vinashana.n rAjannAjagAma halAyudhaH . 
shUdrAbhIrAnprati dveShAdyatra naShTA sarasvatI .. 1..\\
yasmAtsA bharatashreShTha dveShAnnaShTA sarasvatI . 
tasmAttadR^iShayo nityaM prAhurvinashaneti ha .. 2..\\
tachchApyupaspR^ishya balaH sarasvatyAM mahAbalaH . 
subhUmika.n tato.agachchhatsarasvatyAstaTe vare .. 3..\\
tatra chApsarasaH shubhrA nityakAlamatandritAH . 
krIDAbhirvimalAbhishcha krIDanti vimalAnanAH .. 4..\\
tatra devAH sagandharvA mAsi mAsi janeshvara . 
abhigachchhanti tattIrthaM puNyaM brAhmaNa sevitam .. 5..\\
tatrAdR^ishyanta gandharvAstathaivApsarasA.n gaNAH . 
sametya sahitA rAjanyathA prApta.n yathAsukham .. 6..\\
tatra modanti devAshcha pitarashcha savIrudhaH . 
puNyaiH puShpaiH sadA divyaiH kIryamANAH punaH punaH .. 7..\\
AkrIDabhUmiH sA rAja.nstAsAmapsarasA.n shubhA . 
subhUmiketi vikhyAtA sarasvatyAstaTe vare .. 8..\\
tatra snAtvA cha dattvA cha vasu vipreShu mAdhavaH . 
shrutvA gItA.n cha taddivya.n vAditrANAM cha niHsvanam .. 9..\\
chhAyAshcha vipulA dR^iShTvA devagandharvarakShasAm . 
gandharvANA.n tatastIrthamAgachchhadrohiNI sutaH .. 10..\\
vishvAvasumukhAstatra gandharvAstapasAnvitAH . 
nR^ittavAditragIta.n cha kurvanti sumanoramam .. 11..\\
tatra dattvA haladharo viprebhyo vividha.n vasu . 
ajAvika.n gokharoShTra.n suvarNaM rajataM tathA .. 12..\\
bhojayitvA dvijAnkAmaiH santarpya cha mahAdhanaiH . 
prayayau sahito vipraiH stUyamAnashcha mAdhavaH .. 13..\\
tasmAdgandharvatIrthAchcha mahAbAhurarindamaH . 
garga sroto mahAtIrthamAjagAmaika kuNDalI .. 14..\\
yatra gargeNa vR^iddhena tapasA bhAvitAtmanA . 
kAlaGYAnagatishchaiva jyotiShA.n cha vyatikramaH .. 15..\\
utpAtA dAruNAshchaiva shubhAsh cha janamejaya . 
sarasvatyAH shubhe tIrthe vihitA vai mahAtmanA . 
tasya nAmnA cha tattIrtha.n garga srota iti smR^itam .. 16..\\
tatra garga mahAbhAgamR^iShayaH suvratA nR^ipa . 
upAsA.n chakrire nityaM kAlaGYAnaM prati prabho .. 17..\\
tatra gatvA mahArAja balaH shvetAnulepanaH . 
vidhivaddhi dhana.n dattvA munInAM bhAvitAtmanAm .. 18..\\
uchchAvachA.nstathA bhakShyAndvijebhyo vipradAya saH . 
nIlavAsAstato.agachchhachchha~NkhatIrthaM mahAyashAH .. 19..\\
tatrApashyanmahAsha~NkhaM mahAmerumivochchhritam . 
shvetaparvata sa~NkAshamR^iShisa~NghairniShevitam . 
sarasvatyAstaTe jAtaM naga.n tAladhvajo balI .. 20..\\
yakShA vidyAdharAshchaiva rAkShasAshchAmitaujasaH . 
pishAchAshchAmitabalA yatra siddhAH sahasrashaH .. 21..\\
te sarve hyashana.n tyaktvA phAlaM tasyA vanaspateH . 
vrataishcha niyamaishchaiva kAle kAle sma bhu~njate .. 22..\\
prAptaishcha niyamaistaistairvicharantaH pR^ithakpR^ithak . 
adR^ishyamAnA manujairvyacharanpuruSharShabha .. 23..\\
eva.n khyAto narapate loke.asminsa vanaspatiH . 
tatra tIrtha.n sarasvatyAH pAvanaM lokavishrutam .. 24..\\
tasmiMshcha yadushArdUlo dattvA tIrthe yashasvinAm . 
tAmrAyasAni bhANDAni vastrANi vividhAni cha .. 25..\\
pUjAyitvA dvijAMshchaiva pUjitashcha tapodhanaiH . 
puNya.n dvaitavana.n rAjannAjagAma halAyudhaH .. 26..\\
tatra gatvA munIndR^iShTvA nAnAveShadharAnbalaH . 
Aplutya salile chApi pUjayAmAsa vai dvijAn .. 27..\\
tathaiva dattvA viprebhyaH parobhogAnsupuShkalAn . 
tataH prAyAdbalo rAjandakShiNena sarasvatIm .. 28..\\
gatvA chaiva mahAbAhurnAtidUraM mahAyashAH . 
dharmAtmA nAgadhanvAna.n tIrthamAgamadachyutaH .. 29..\\
yatra pannagarAjasya vAsukeH saMniveshanam . 
mahAdyutermahArAja bahubhiH pannagairvR^itam . 
yatrAsannR^iShayaH siddhAH sahasrANi chaturdasha .. 30..\\
yatra devAH samAgamya vAsukiM pannagottamam . 
sarvapannaga rAjAnamabhyaShi~nchanyathAvidhi . 
pannagebhyo bhaya.n tatra vidyate na sma kaurava .. 31..\\
tatrApi vidhivaddattvA viprebhyo ratnasa~ncayAn . 
prAyAtprAchI.n disha.n rAjandIpyamAnaH svatejasA .. 32..\\
Aplutya bahusho hR^iShTasteShu tIrtheShu lA~NgalI . 
dattvA vasu dvijAtibhyo jagAmAti tapasvinaH .. 33..\\
tatrasthAnR^iShisa~NghA.nstAnahivAdya halAyudhaH . 
tato rAmo.agamattIrthamR^iShibhiH sevitaM mahat .. 34..\\
yatra bhUyo nivavR^ite prA~NmukhA vai sarasvatI . 
R^iShINAM naimiSheyANAmavekShArthaM mahAtmanAm .. 35..\\
nivR^ittA.n tA.n sarichchhreShThAM tatra dR^iShTvA tu lA~NgalI . 
babhUva vismito rAjanbalAH shvetAnulepanaH .. 36..\\

 j

kasmAtsArasvatI brahmannivR^ittA prA~NmukhI tataH . 
vyAkhyAtumetadichchhAmi sarvamadhvaryu sattama .. 37..\\
kasmiMshcha kAraNe tatra vismito yadunandanaH . 
vinivR^ittA sarichchhreShThA kathametaddvijottama .. 38..\\

 vai

pUrva.n kR^itayuge rAjannaimiSheyAstapasvinaH . 
vartamAne subahule satre dvAdasha vArShike . 
R^iShayo bahavo rAja.nstatra sampratipedire .. 39..\\
uShitvA cha mahAbhAgAstasminsatre yathAvidhi . 
nivR^itte naimiSheye vai satre dvAdasha vArShike . 
AjagmurR^iShayastatra bahavastIrthakAraNAt .. 40..\\
R^iShINAM bahulAtvAttu sarasvatyA vishAM pate . 
tIrthAni nagarAyante kUle vai dakShiNe tadA .. 41..\\
samantapa~nchaka.n yAvattAvatte dvijasattamAH . 
tIrthalobhAnnaravyAghra nadyAstIra.n samAshritAH .. 42..\\
juhvatA.n tatra teShAM tu munInAM bhAvitAtmanAm . 
svAdhyAyenApi mahatA babhUvuH pUritA dishaH .. 43..\\
agnihotraistatasteShA.n hUyamAnairmahAtmanAm . 
ashobhata sarichchhreShThA dIpyamAnaiH samantataH .. 44..\\
vAlakhilyA mahArAja ashmakuTTAshcha tApasAH . 
dantolUkhalinashchAnye samprakShAlAstathApare .. 45..\\
vAyubhakShA jalAhArAH parNabhakShAshcha tApasAH . 
nAnA niyamayuktAshcha tathA sthaNDilashAyinaH .. 46..\\
Asanvai munayastatra sarasvatyAH samIpataH . 
shobhayantaH sarichchhreShThA.n ga~NgAmiva divaukasaH .. 47..\\
tataH pashchAtsamApeturR^iShayaH satra yAjinaH . 
te.avakAshaM na dadR^ishuH kurukShetre mahAvratAH .. 48..\\
tato yaGYopavItaiste tattIrthaM nirmimAya vai . 
juhuvushchAgnihotrANi chakrushcha vividhAH kriyAH .. 49..\\
tatastamR^iShisA~NghAtaM nirAsha.n chintayAnvitam . 
darshayAmAsa rAjendra teShAmarthe sarasvatI .. 50..\\
tataH ku~njAnbahUnkR^itvA saMnivR^ittA saridvarA . 
R^iShINAM puNyatapasA.n kAruNyAjjanamejaya .. 51..\\
tato nivR^itya rAjendra teShAmarthe sarasvatI . 
bhUyaH pratIchyabhimukhI susrAva saritA.n varA .. 52..\\
amoghA gamana.n kR^itvA teShAM bhUyo vrajAmyaham . 
ityadbhutaM mahachchakre tato rAjanmahAnadI .. 53..\\
eva.n sa ku~njo rAjendra naimiSheya iti smR^itaH . 
kurukShetre kurushreShTha kuruShva mahatIH kriyAH .. 54..\\
tatra ku~njAnbahUndR^iShTvA saMnivR^ittA.n cha tAM nadIm . 
babhUva vismayastatra rAmasyAtha mahAtmanaH .. 55..\\
upaspR^ishya tu tatrApi vidhivadyadunandanaH . 
dattvA dAyAndvijAtibhyo bhANDAni vividhAni cha . 
bhakShyaM peya.n cha vividhaM brAhmaNAnpratyapAdayat .. 56..\\
tataH prAyAdbalo rAjanpUjyamAno dvijAtibhiH . 
sarasvatI tIrthavaraM nAnAdvija gaNAyutam .. 57..\\
badare~Nguda kAshmarya plakShAshvattha vibhItakaiH . 
panasaishcha palAshaishcha karIraiH pIlubhistathA .. 58..\\
sarasvatI tIraruhairbandhanaiH syandanaistathA . 
parUShaka vanaishchaiva bilvairAmrAtakaistathA .. 59..\\
atimukta kaShaNDaishcha pArijAtaishcha shobhitam . 
kadalI vanabhUyiShThamiShTa.n kAntaM manoramam .. 60..\\
vAyvambuphalaparNAdairdantolUkhalikairapi . 
tathAshma kuTTairvAneyairmunibhirbahubhirvR^itam .. 61..\\
svAdhyAyaghoShasa~NghuShTaM mR^igayUthashatAkulam . 
ahi.nsrairdharmaparamairnR^ityairatyantasevitam .. 62..\\
sapta sArasvata.n tIrthamAjagAma halAyudhaH . 
yatra ma~NkaNakaH siddhastapastepe mahAmuniH .. 63..\\
\medskip\hrule\medskip\centerline{\Largedvng 37}
 j

sapta sArasvata.n kasmAtkashcha ma~NkaNako muniH . 
katha.n siddhashcha bhagavAnkashchAsya niyamo.abhavat .. 1..\\
kasya vaMshe samutpannaH ki.n chAdhItaM dvijottama . 
etadichchhAmyaha.n shrotuM vidhivaddvijasattama .. 2..\\

 vai

rAjansapta sarasvatyo yAbhirvyAptamida.n jagat . 
AhUta balavadbhirhi tatra tatra sarasvatI .. 3..\\
suprabhA kA~nchanAkShI cha vishAlA mAnasahradA . 
sarasvatI oghavatI suveNurvimalodakAH .. 4..\\
pitAmahasya mahato vartamAne mahItale . 
vitate yaGYavATe vai sameteShu dvijAtiShu .. 5..\\
puNyAhaghoShairvimalairvedAnAM ninadaistathA . 
deveShu chaiva vyagreShu tasminyaGYavidhau tadA .. 6..\\
tatra chaiva mahArAja dIkShite prapitAmahe . 
yajatastatra sattreNa sarvakAmasamR^iddhinA .. 7..\\
manasA chintitA hyarthA dharmArthakushalaistadA . 
upatiShThanti rAjendra dvijAtI.nstatra tatra ha .. 8..\\
jagushcha tatra gandharvA nanR^itushchApsarogaNAH . 
vAditrANi cha divyAni vAdayAmAsura~njasA .. 9..\\
tasya yaGYasya sampattyA tutuShurdevatA api . 
vismayaM parama.n jagmuH kimu mAnuShayonayaH .. 10..\\
vartamAne tathA yaGYe puShkarasthe pitAmahe . 
abruvannR^iShayo rAjannAya.n yaGYo mahAphalaH . 
na dR^ishyate sarichchhreShThA yasmAdiha sarasvatI .. 11..\\
tachchhrutvA bhagavAnprItaH sasmArAtha sarasvatIm . 
pitAmahena yajatA AhUtA puShkareShu vai . 
suprabhA nAma rAjendra nAmnA tatra sarasvatI .. 12..\\
tA.n dR^iShTvA munayastuShTA vegayuktA.n sarasvatIm . 
pitAmahaM mAnayantI.n kratuM te bahu menire .. 13..\\
evameShA sarichchhreShThA puShkareShu sarasvatI . 
pitAmahArtha.n sambhUtA tuShTyartha.n cha manIShiNAm .. 14..\\
naimiShe munayo rAjansamAgamya samAsate . 
tatra chitrAH kathA hyAsanvedaM prati janeshvara .. 15..\\
tatra te munayo hyAsannAnAsvAdhyAyavedinaH . 
te samAgamya munayaH sasmarurvai sarasvatIm .. 16..\\
sA tu dhyAtA mahArAja R^iShibhiH satra yAjibhiH . 
samAgatAnA.n rAjendra sahAyArthaM mahAtmanAm . 
AjagAma mahAbhAgA tatra puNyA sarasvatI .. 17..\\
naimiShe kA~nchanAkShI tu munInA.n satra yAjinAm . 
AgatA saritA.n shreShThA tatra bhArata pUjitA .. 18..\\
gayasya yajamAnasya gayeShvevaM mahAkratum . 
AhUtA saritA.n shreShThA gaya yaGYe sarasvatI .. 19..\\
vishAlA.n tu gayeShvAhurR^iShayaH saMshitavratAH . 
saritsA himavatpArshvAtprasUtA shIghragAminI .. 20..\\
auddAlakestathA yaGYe yajatastatra bhArata . 
samete sarvataH sphIte munInAM maNDale tadA .. 21..\\
uttare kosalA bhAge puNye rAjanmahAtmanaH . 
auddAlakena yajatA pUrva.n dhyAtA sarasvatI .. 22..\\
AjagAma sarichchhreShThA ta.n deshamR^iShikAraNAt . 
pUjyamAnA munigaNairvalkalAjinasa.nvR^itaiH . 
mano hradeti vikyAtA sA hi tairmanasA hR^itA .. 23..\\
suveNurR^iShabhadvIpe puNye rAjarShisevite . 
kuroshcha yajamAnasya kurukShetre mahAtmanaH . 
AjagAma mahAbhAgA sarichchhreShThA sarasvatI .. 24..\\
oghavatyapi rAjendra vasiShThena mahAtmanA . 
samAhUtA kurukShetre divyatoyA sarasvatI .. 25..\\
dakSheNa yajatA chApi ga~NgA dvAre sarasvatI . 
vimalodA bhagavatI brahmaNA yajatA punaH . 
samAhUtA yayau tatra puNye haimavate girau .. 26..\\
ekIbhUtAstatastAstu tasmi.nstIrthe samAgatAH . 
sapta sArasvata.n tIrthaM tatastatprathitaM bhuvi .. 27..\\
iti sapta sarasvatyo nAmataH parikIrtitAH . 
sapta sArasvata.n chaiva tIrthaM puNyaM tathA smR^itam .. 28..\\
shR^iNu ma~NkaNakasyApi kaumAra brahmachAriNaH . 
ApagAmavagADhasya rAjanprakrIDitaM mahat .. 29..\\
dR^iShTvA yadR^ichchhayA tatra striyamambhasi bhArata . 
snAyantI.n ruchirApA~NgI.n digvAsasamaninditAm . 
sarasvatyAM mahArAja chaskande vIryamambhasi .. 30..\\
tadretaH sa tu jagrAha kalashe vai mahAtapAH . 
saptadhA pravibhAga.n tu kalashasthaM jagAma ha . 
tatrarShayaH saptajAtA jaGYire marutA.n gaNAH .. 31..\\
vAyuvego vAyubalo vAyuhA vAyumaNDalaH . 
vAyujvAlo vAyuretA vAyuchakrashcha vIryavAn . 
etamete samutpannA marutA.n janayiShNavaH .. 32..\\
idamanyachcha rAjendra shR^iNvAshcharyataraM bhuvi . 
maharShR^ishcharita.n yAdR^iktriShu lokeShu vishrutam .. 33..\\
purA ma~NkaNakaH siddhaH kushAgreNeti naH shrutam . 
kShataH kila kare rAja.nstasya shAkaraso.asravat . 
sa vi shAkarasa.n dR^iShTvA harShAviShTaH pranR^ittavAn .. 34..\\
tatastasminpranR^itte vai sthAvara.n ja~NgamaM cha yat . 
pranR^ittamubhaya.n vIra tejasA tasya mohitam .. 35..\\
brahmAdibhiH surai rAjannR^iShibhishcha tapodhanaiH . 
viGYapto vai mahAdeva R^iSherarthe narAdhipa . 
nAyaM nR^ityedyathA deva tathA tva.n kartumarhasi .. 36..\\
tato devo muni.n dR^iShTvA harShAviShTamatIva ha . 
surANA.n hitakAmArthaM mahAdevo.abhyabhAShata .. 37..\\
bho bho brAhmaNa dharmaGYa kimarthaM narinartsi vai . 
harShasthAna.n kimartha.n vai tavedaM munisattama . 
tapasvino dharmapathe sthitasya dvijasattama .. 38..\\

 rsi

kiM na pashyasi me brahmankarAchchhAka rasa.n shrutam . 
ya.n dR^iShTva vai pranR^itto.aha.n harSheNa mahatA vibho .. 39..\\
taM prahasyAbravIddevo muni.n rAgeNa mohitam . 
ahaM na vismaya.n vipra gachchhAmIti prapashya mAm .. 40..\\
evamuktvA munishreShThaM mahAdevena dhImatA . 
a~NgulyagreNa rAjendra svA~NguShThastADito.abhavat .. 41..\\
tato bhasma kShatAdrAjannirgata.n himasaMnibham . 
taddR^iShTvA vrIDito rAjansa muniH pAdayorgataH .. 42..\\

 rsi

nAnya.n devAdahaM manye rudrAtparataraM mahat . 
surAsurasya jagato gatistvamasi shUladhR^ik .. 43..\\
tvayA sR^iShTamida.n vishvaM vadantIha manIShiNaH . 
tvAmeva sarva.n vishati punareva yugakShaye .. 44..\\
devairapi na shakyastvaM pariGYAtu.n kuto mayA . 
tvayi sarve sma dR^ishyante surA brahmAdayo.anagha .. 45..\\
sarvastvamasi devAnA.n kartA kArayitA cha ha . 
tvatprasAdAtsurAH sarve modantIhAkuto bhayAH .. 46..\\
eva.n stutvA mahAdevaM sa R^iShiH praNato.abravIt . 
bhagava.nstvatprasAdAdvai tapo me na kSharediti .. 47..\\
tato devaH prItamanAstamR^iShiM punarabravIt . 
tapaste vardhatA.n vipra matprasAdAtsahasradhA . 
Ashrame cheha vatsyAmi tvayA sArdhamaha.n sadA .. 48..\\
sapta sArasvato chAsminyo mAmarchiShyate naraH . 
na tasya durlabha.n kiM chidbhaviteha paratra cha . 
sArasvata.n cha lokaM te gamiShyanti na saMshayaH .. 49..\\
etanma~NkaNakasyApi charitaM bhUri tejasaH . 
sa hi putraH sajanyAyAmutpanno mAtarishvanA .. 50..\\
\medskip\hrule\medskip\centerline{\Largedvng 38}
 vai

uShitvA tatra rAmastu sampUjyAshramavAsinaH . 
tathA ma~NkaNake prIti.n shubhA.n chakre halAyudhaH .. 1..\\
dattvA dAna.n dvijAtibhyo rajanIM tAmupoShya cha . 
pUjito munisa~Nghaishcha prAtarutthAya lA~NgalI .. 2..\\
anuGYApya munInsarvAnspR^iShTvA toya.n cha bhArata . 
prayayau tvarito rAja.nstIrthahetormahAbalaH .. 3..\\
tata aushanasa.n tIrthamAjagAma halAyudhaH . 
kapAlamochchanaM nAma yatra mukto mahAmuniH .. 4..\\
mahatA shirasA rAjangrastaja~Ngho mahodaraH . 
rAkShasasya mahArAja rAma kShiptasya vai purA .. 5..\\
tatra pUrva.n tapastaptaM kAvyena sumahAtmanA . 
yatrAsya nItirakhilA prAdurbhUtA mahAtmanaH . 
tatrasthashchintayAmAsa daityadAnava vigraham .. 6..\\
tatprApya cha balo rAja.nstIrthapravaramuttamam . 
vidhivaddhi dadau vittaM brAhmaNAnAM mahAtmanAm .. 7..\\

 j

kapAlamochanaM brahmankatha.n yatra mahAmuniH . 
muktaH katha.n chAsya shiro lagnaM kena cha hetunA .. 8..\\

 vai

purA vai daNDakAraNye rAghaveNa mahAtmanA . 
vasatA rAjashArdUla rAkShasAstatra hi.nsitAH .. 9..\\
janasthAne shirashchhinna.n rAkShasasya durAtmanaH . 
kShureNa shitadhAreNa tatpapAta mahAvane .. 10..\\
mahodarasya tallagna.n ja~NghAyA.n vai yadR^ichchhayA . 
vane vicharato rAjannasthi bhittvAsphurattadA .. 11..\\
sa tena lagnena tadA dvijAtirna shashAka ha . 
abhigantuM mahAprAGYastIrthAnyAyatanAni cha .. 12..\\
sa pUtinA visravatA vedanArto mahAmuniH . 
jagAma sarvatIrthAni pR^ithivyAmiti naH shrutam .. 13..\\
sa gatvA saritaH sarvAH samudrAMshcha mahAtapAH . 
kathayAmAsa tatsarvamR^iShINAM bhAvitAtmanAm .. 14..\\
AplutaH sarvatIrtheShu na cha mokShamavAptavAn . 
sa tu shushrAva viprendro munInA.n vachchanaM mahat .. 15..\\
sarasvatyAstIrthavara.n khyAtamaushanasaM tadA . 
sarvapApaprashamana.n siddhakShetramanuttamam .. 16..\\
sa tu gatvA tatastatra tIrthamaushanasa.n dvijaH . 
tata aushanase tIrthe tasyopaspR^ishatastadA . 
tachchhirashcharaNaM muktvA papAtAntarjale tadA .. 17..\\
tataH sa virujo rAjanpUtAtmA vItakalmaShaH . 
AjagAmAshramaM prItaH kR^itakR^ityo mahodaraH .. 18..\\
so.atha gatvAshramaM puNya.n vipramukto mahAtapAH . 
kathayAmAsa tatsarvamR^iShINAM bhavitAtmanAm .. 19..\\
te shrutvA vachana.n tasya tatastIrthasya mAnada . 
kapAlamochanamiti nAma chakruH samAgatAH .. 20..\\
tatra dattvA bahUndAyAnviprAnsampUjya mAdhavaH . 
jagAma vR^iShNipravaro ruSha~NgorAshrama.n tadA .. 21..\\
yatra tapta.n tapo ghoramArShTiSheNena bhArata . 
brAhmaNya.n labdhavA.nstatra vishvAmitro mahAmuniH .. 22..\\
tato haladharaH shrImAnbrAhmaNaiH parivAritaH . 
jagAma yatra rAjendra ruSha~Ngustanumatyajat .. 23..\\
ruSha~NgurbrAhmaNo vR^iddhastaponityashcha bhArata . 
dehanyAse kR^itamanA vichintya bahudhA bahu .. 24..\\
tataH sarvAnupAdAya tanayAnvai mahAtapAH . 
ruSha~NgurabravIttatra nayadhvaM mA pR^ithUdakam .. 25..\\
viGYAyAtIta vayasa.n ruSha~Ngu.n te tapodhanAH . 
ta.n vai tIrthamupAninyuH sarasvatyAstapodhanam .. 26..\\
sa taiH putraistadA dhImAnAnIto vai sarasvatIm . 
puNyA.n tIrthashatopetA.n vipra sa~NghairniShevitAm .. 27..\\
sa tatra vidhinA rAjannAplutaH sumahAtapAH . 
GYAtvA tIrthaguNAMshchaiva prAhedamR^iShisattamaH . 
suprItaH puruShavyAghra sarvAnputrAnupAsataH .. 28..\\
sarasvatyuttare tIre yastyajedAtmanastanum . 
pR^ithUdake japyaparo naina.n shvo maraNa.n tapet .. 29..\\
tatrAplutya sa dharmAtmA upaspR^ishya halAyudham . 
dattvA chaiva bahUndAyAnviprANA.n vipra vatsalaH .. 30..\\
sasarja tatra bhagavA.NllokA.NllokapitAmahaH . 
yatrArShTiSheNaH kauravya brAhmaNya.n saMshitavrataH . 
tapasA mahatA rAjanprAptavAnR^iShisattamaH .. 31..\\
sindhudvIpashcha rAjarShirdevApishcha mahAtapAH . 
brAhmaNya.n labdhavAnyatra vishvAmitro mahAmuniH . 
mahAtapasvI bhagavAnugratejA mahAtapAH .. 32..\\
tatrAjagAma balavAnbalabhadraH pratApavAn .. 33..\\
\medskip\hrule\medskip\centerline{\Largedvng 39}
 j

kathamArShTiSheNo bhagavAnvipula.n taptavA.nstapaH . 
sindhudvIpaH katha.n chApi brAhmaNya.n labdhavA.nstadA .. 1..\\
devApishcha kathaM brahmanvishvAmitrash cha sattama . 
tanmamAchakShva bhagavanpara.n kautUhala.n hi me .. 2..\\

 vai

purA kR^itayuge rAjannArShTiSheNo dvijottamaH . 
vasanguru kule nityaM nityamadhyayane rataH .. 3..\\
tasya rAjanguru kule vasato nityameva ha . 
samAptiM nAgamadvidyA nApi vedA vishAM pate .. 4..\\
sa nirviNNastato rAja.nstapastepe mahAtapAH . 
tato vai tapasA tena prApya vedAnanuttamAn .. 5..\\
sa vidvAnveda yuktashcha siddhashchApyR^iShisattamaH . 
tatra tIrthe varAnprAdAttrIneva sumahAtapAH .. 6..\\
asmi.nstIrthe mahAnadyA adya prabhR^iti mAnavaH . 
Apluto vAjimedhasya phalaM prApnoti puShkalam .. 7..\\
adya prabhR^iti naivAtra bhaya.n vyAlAdbhaviShyati . 
api chAlpena yatnena phalaM prApsyati puShkalam .. 8..\\
evamuktvA mahAtejA jagAma tridivaM muniH . 
eva.n siddhaH sa bhagavAnArShTiSheNaH pratApavAn .. 9..\\
tasminneva tadA tIrthe sindhudvIpaH pratApavAn . 
devApishcha mahArAja brAhmaNyaM prApaturmahat .. 10..\\
tathA cha kaushikastAta taponityo jitendriyaH . 
tapasA vai sutaptena brAhmaNatvamavAptavAn .. 11..\\
gAdhirnAma mahAnAsItkShatriyaH prathito bhuvi . 
tasya putro.abhavadrAjanvishvAmitraH pratApavAn .. 12..\\
sa rAjA kaushikastAta mahAyogyabhavatkila . 
saputramabhiShichyAtha vishvAmitraM mahAtapAH .. 13..\\
dehanyAse manashchakre tamUchuH praNatAH prajAH . 
na gantavyaM mahAprAGYa trAhi chAsmAnmahAbhayAt .. 14..\\
evamuktaH pratyuvAcha tato gAdhiH prajAstadA . 
vishvasya jagato goptA bhaviShyati suto mama .. 15..\\
ityuktvA tu tato gAdhirvishvAmitraM niveshya cha . 
jagAma tridiva.n rAjanvishvAmitro.abhavannR^ipaH . 
na cha shaknoti pR^ithivI.n yatnavAnapi rakShitum .. 16..\\
tataH shushrAva rAjA sa rAkShasebhyo mahAbhayam . 
niryayau nagarAchchApi chatura~Nga balAnvitaH .. 17..\\
sa gatvA dUramadhvAna.n vasiShThAshramamabhyayAt . 
tasya te sainikA rAjaMshchakrustatrAnayAnbahUn .. 18..\\
tatastu bhagavAnvipro vasiShTho.a.ashramamabhyayAt . 
dadR^ishe cha tataH sarvaM bhajyamAnaM mahAvanam .. 19..\\
tasya kruddho mahArAja vasiShTho munisattamaH . 
sR^ijasva shabarAnghorAniti svA.n gAmuvAcha ha .. 20..\\
tathoktA sAsR^ijaddhenuH puruShAnghoradarshanAn . 
te cha tadbalamAsAdya babha~njuH sarvatodisham .. 21..\\
taddR^iShTvA vidruta.n sainyamM vishvAmitrastu gAdhijaH . 
tapaH paraM manyamAnastapasyeva mano dadhe .. 22..\\
so.asmi.nstIrthavare rAjansarasvatyAH samAhitaH . 
niyamaishchopavAsaishcha karshayandehamAtmanaH .. 23..\\
jalAhAro vAyubhakShaH parNAhArash cha so.abhavat . 
tathA sthaNDilashAyI cha ye chAnye niyamAH pR^ithak .. 24..\\
asakR^ittasya devAstu vratavighnaM prachakrire . 
na chAsya niyamAdbuddhirapayAtimahAtmanaH .. 25..\\
tataH pareNa yatnena taptvA bahuvidha.n tapaH . 
tejasA bhAskarAkAro gAdhijaH samapadyata .. 26..\\
tapasA tu tathAyukta.n vishvAmitraM pitAmahaH . 
amanyata mahAtejA varado varamasya tat .. 27..\\
sa tu vavre vara.n rAjansyAmahaM brAhmaNastviti . 
tatheti chAbravIdbrahmA sarva lokapitAmahaH .. 28..\\
sa labdhvA tapasogreNa brAhmaNatvaM mahAyashAH . 
vichachAra mahI.n kR^itsnAM kR^itakAmaH suropamaH .. 29..\\
tasmi.nstIrthavare rAmaH pradAya vividha.n vasu . 
payasvinIstathA dhenUryAnAni shayanAni cha .. 30..\\
tathA vastrANyala~NkAraM bhakShyaM peya.n cha shobhanam . 
adadAnmudito rAjanpUjayitvA dvijottamAn .. 31..\\
yayau rAja.nstato rAmo bakasyAshramamantikAt . 
yatra tepe tapastIvra.n dAlbhyo baka iti shrutiH .. 32..\\
\medskip\hrule\medskip\centerline{\Largedvng 40}
 vai

brahmayonibhirAkIrNa.n jagAma yadunandanaH . 
yatra dAlbhyo bako rAjanpashvarthasumahA tapAH . 
juhAva dhR^itarAShTrasya rAShTra.n vaichitravIryiNaH .. 1..\\
tapasA ghorarUpeNakarshayandehamAtmanaH . 
krodhena mahatAviShTo dharmAtmA vai pratApavAn .. 2..\\
purA hi naimiSheyANA.n satre dvAdasha vArShike . 
vR^itte vishvajito.ante vai pA~nchAlAnR^iShayo.agaman .. 3..\\
tatreshvaramayAchanta dakShiNArthaM manIShiNaH . 
balAnvitAnvatsatarAnnirvyAdhInekaviMshatim .. 4..\\
tAnabravIdbako vR^iddho vibhajadhvaM pashUniti . 
pashUnetAnaha.n tyaktvA bhikShiShye rAjasattamam .. 5..\\
evamuktvA tato rAjannR^iShInsarvAnpratApavAn . 
jagAma dhR^itarAShTrasya bhavanaM brAhmaNottamaH .. 6..\\
sa samIpagato bhUtvA dhR^itarAShTra.n janeshvaram . 
ayAchata pashUndAlbhyaH sa chaina.n ruShito.abravIt .. 7..\\
yadR^ichchhayA mR^itA dR^iShTvA gAstadA nR^ipasattama . 
etAnpashUnnayakShipraM brahma bandho yadIchchhasi .. 8..\\
R^iShistvatha vachaH shrutvA chintayAmAsa dharmavit . 
aho bata nR^isha.nsa.n vai vAkyamukto.asmi sa.nsadi .. 9..\\
chintayitvA muhUrta.n cha roShAviShTo dvijottamaH . 
mati.n chakre vinAshAya dhR^itarAShTrasya bhUpateH .. 10..\\
sa utkR^itya mR^itAnA.n vai mA.nsAni dvijasattamaH . 
juhAva dhR^itarAShTrasya rAShTraM narapateH purA .. 11..\\
avakIrNe sarasvatyAstIrthe prajvAlya pAvakam . 
bako dAlbhyo mahArAja niyamaM paramAsthitaH . 
sa taireva juhAvAsya rAShTraM mA.nsairmahAtapAH .. 12..\\
tasmi.nstu vidhivatsatre sampravR^itte sudAruNe . 
akShIyata tato rAShTra.n dhR^itarAShTrasya pArthiva .. 13..\\
chhidyamAna yathAnanta.n vanaM parashunA vibho . 
babhUvApahata.n tachchApyavakIrNamachetanam .. 14..\\
dR^iTvA tadavakIrNa.n tu rAShTra.n sa manujAdhipaH . 
babhUva durmanA rAjaMshchintayAmAsa cha prabhuH .. 15..\\
mokShArthamakarodyatnaM brAhmaNaiH sahitaH purA . 
athAsau pArthivaH khinnaste cha viprAstadA nR^ipa .. 16..\\
yadA chApi na shaknoti rAShTraM mochayituM nR^ipa . 
atha vaiprAshnikA.nstatra paprachchha janamejaya .. 17..\\
tato vaiprAshnikAH prAhuH pashuviprakR^itastvayA . 
mA.nsairabhijuhotIti tava rAShTraM munirbakaH .. 18..\\
tena te hUyamAnasya rAShTrasyAsya kShayo mahAn . 
tasyaitattapasaH karma yena te hyanayo mahAn . 
apA.n ku~nje sarasvatyAstaM prasAdaya pArthiva .. 19..\\
sarasvatI.n tato gatvA sa rAjA bakamabravIt . 
nipatya shirasA bhUmau prA~njalirbharatarShabha .. 20..\\
prasAdaye tvA bhagavannaparAdha.n kShamasva me . 
mama dInasya lubdhasya maurkhyeNa hatachetasaH . 
tva.n gatistvaM cha me nAthaH prasAdaM kartumarhasi .. 21..\\
ta.n tathA vilapantaM tu shokopahatachetasam . 
dR^iShTvA tasya kR^ipA jaGYe rAShTra.n tachcha vyamochayat .. 22..\\
R^iShiH prasannastasyAbhUtsa.nrambha.n cha vihAya saH . 
mokShArtha.n tasya rAShTrasya juhAva punarAhutim .. 23..\\
mokShayitvA tato rAShTraM pratigR^ihya pashUnbahUn . 
hR^iShTAtmA naimiShAraNya.n jagAma punareva hi .. 24..\\
dhR^itarAShTro.api dharmAtmA svasthachetA mahAmanAH . 
svameva nagara.n rAjA pratipede maharddhimat .. 25..\\
tatra tIrthe mahArAja bR^ihaspatirudAradhIH . 
asurANAmabhAvAya bhAvAya cha divaukasAm .. 26..\\
mA.nsairapi juhAveShTimakShIyanta tato.asurAH . 
daivatairapi sambhagnA jitakAshibhirAhave .. 27..\\
tatrApi vidhivaddattvA brAhmaNebhyo mahAyashAH . 
vAjinaH ku~njarAMshchaiva rathAMshchAshvatarI yutAn .. 28..\\
ratnAni cha mahArhANi dhana.n dhAnyaM cha puShkalam . 
yayau tIrthaM mahAbAhuryAyAtaM pR^ithivIpate .. 29..\\
yatra yaGYe yayAtestu mahArAja sarasvatI . 
sarpiH payashcha susrAva nAhuShasya mahAtmanaH .. 30..\\
tatreShTvA puruShavyAghro yayAtiH pR^ithivIpatiH . 
AkrAmadUrdhvaM mudito lebhe lokAMshcha puShkalAn .. 31..\\
yayAteryajamAnasya yatra rAjansarasvatI . 
prasR^itA pradadau kAmAnbrAhmaNAnAM mahAtmanAm .. 32..\\
yatra yatra hi yo vipro yAnyAnkAmAnabhIpsati . 
tatra tatra sarichchhreShThA sasarja subahUnrasAn .. 33..\\
tatra devAH sagandharvAH prItA yaGYasya sampadA . 
vismitA mAnuShAshchAsandR^iShTvA tA.n yaGYasampadam .. 34..\\
tatastAlaketurmahAdharmasetur 
mahAtmA kR^itAtmA mahAdAnanityaH . 
vasiShThApavAhaM mahAbhIma vegaM 
dhR^itAtmA jitAtmA samabhyAjagAma .. 35..\\
\medskip\hrule\medskip\centerline{\Largedvng 41}
 j

vasiShThasyApavAho vai bhImavegaH kathaM nu saH . 
kimartha.n cha sarichchhreShThA tamR^iShiM pratyavAhayat .. 1..\\
kena chAsyAbhavadvaira.n kAraNaM kiM cha tatprabho . 
sha.nsa pR^iShTo mahAprAGYa na hi tR^ipyAmi kathyatAm .. 2..\\

 vai

vishvAmitrasya chaivarShervasiShThasya cha bhArata . 
bhR^isha.n vairamabhUdrAja.nstapaH spardhA kR^itaM mahat .. 3..\\
Ashramo vai vasiShThasya sthANutIrthe.abhavanmahAn . 
pUrvataH pashchimashchAsIdvishvAmitrasya dhImataH .. 4..\\
yatra sthANurmahArAja taptavAnsumahattapaH . 
yatrAsya karma tadghoraM pravadanti manIShiNaH .. 5..\\
yatreShTvA bhagavAnsthANuH pUjayitvA sarasvatIm . 
sthApayAmAsa tattIrtha.n sthANutIrthamiti prabho .. 6..\\
tatra sarve surAH skandamabhyaShi~nchannarAdhipa . 
senApatyena mahatA surArivinibarhaNam .. 7..\\
tasminsarasvatI tIrthe vishvAmitro mahAmuniH . 
vasiShTha.n chAlayAmAsa tapasogreNa tachchhR^iNu .. 8..\\
vishvAmitra vasiShThau tAvahanyahani bhArata . 
spardhA.n tapaH kR^itAM tIvrAM chakratustau tapodhanau .. 9..\\
tatrApyadhikasantApo vishvAmitro mahAmuniH . 
dR^iShTvA tejo vasiShThasya chintAmabhijagAma ha . 
tasya buddhiriya.n hyAsIddharmanityasya bhArata .. 10..\\
iya.n sarasvatI tUrNaM matsamIpa.n tapodhanam . 
AnayiShyati vegena vasiShTha.n japatA.n varam . 
ihAgata.n dvijashreShTha.n haniShyAmi na saMshayaH .. 11..\\
evaM nishchitya bhagavAnvishvAmitro mahAmuniH . 
sasmAra saritA.n shreShThA.n krodhasa.nraktalochanaH .. 12..\\
sA dhyAtA muninA tena vyAkulatva.n jagAma ha . 
jaGYe chainaM mahAvIryaM mahAkopa.n cha bhAminI .. 13..\\
tata ena.n vepamAnA vivarNA prA~njalistadA . 
upatasthe munivara.n vishvAmitraM sarasvatI .. 14..\\
hatavIrA yathA nArI sAbhavadduHkhitA bhR^isham . 
brUhi ki.n karavANIti provAcha munisattamam .. 15..\\
tAmuvAcha muniH kruddho vasiShTha.n shIghramAnaya . 
yAvadenaM nihanmyadya tachchhrutvA vyathitA nadI .. 16..\\
sA~njali.n tu tathA kR^itvA puNDarIkanibhekShaNA . 
vivyathe suvirUDheva latA vAyusamIritA .. 17..\\
tathAgatA.n tu tAM dR^iShTvA vepamAnAM kR^itA~njalim . 
vishvAmitro.abravItkrodho vasiShTha.n shIghramAnaya .. 18..\\
tato bhItA sarichchhreShThA chintayAmAsa bhArata . 
ubhayoH shApayorbhItA kathametadbhaviShyati .. 19..\\
sAbhigamya vasiShTha.n tu imamarthamachodayat . 
yaduktA saritA.n shreShThA vishvAmitreNa dhImatA .. 20..\\
ubhayoH shApayorbhItA vepamAnA punaH punaH . 
chintayitvA mahAshApamR^iShivitrAsitA bhR^isham .. 21..\\
tA.n kR^ishAM cha vivarNAM cha dR^iShTvA chintA samanvitAm . 
uvAcha rAjandharmAtmA vasiShTho dvipadA.n varaH .. 22..\\
trAhyAtmAna.n sarichchhreShThe vaha mAM shIghragAminI . 
vishvAmitraH shapeddhi tvAM mA kR^ithAstva.n vichAraNAm .. 23..\\
tasya tadvachana.n shrutvA kR^ipA shIlasya sA sarit . 
chintayAmAsa kauravya ki.n kR^ita.n sukR^itaM bhavet .. 24..\\
tasyAshchintA samutpannA vasiShTho mayyatIva hi . 
kR^itavAnhi dayAM nitya.n tasya kArya.n hitaM mayA .. 25..\\
atha kUle svake rAja~njapantamR^iShisattamam . 
juhvAna.n kaushikaM prekShya sarasvatyabhyachintayat .. 26..\\
idamantaramityeva tataH sA saritA.n varA . 
kUlApahAramakarotsvena vegena sA sarit .. 27..\\
tena kUlApahAreNa maitrAvaruNirauhyata . 
uhyamAnashcha tuShTAva tadA rAjansarasvatIm .. 28..\\
pitAmahasya sarasaH pravR^ittAsi sarasvati . 
vyApta.n chedaM jagatsarvaM tavaivAmbhobhiruttamaiH .. 29..\\
tvamevAkAshagA devi megheShUtsR^ijase payaH . 
sarvAshchApastvameveti tvatto vayamadhImahe .. 30..\\
puShTirdyutistathA kIrtiH siddhirvR^iddhirumA tathA . 
tvameva vANI svAhA tva.n tvayyAyattamidaM jagat . 
tvameva sarvabhUteShu vasasIha chaturvidhA .. 31..\\
eva.n sarasvatI rAjanstUyamAnA maharShiNA . 
vegenovAha ta.n vipraM vishvAmitrAshramaM prati . 
nyavedayata chAbhIkShNa.n vishvAmitrAya taM munim .. 32..\\
tamAnIta.n sarasvatyA dR^iShTvA kopasamanvitaH . 
athAnveShatpraharaNa.n vasiShThAnta kara.n tadA .. 33..\\
ta.n tu kruddhamabhiprekShya brahmahatyA bhayAnnadI . 
apovAha vasiShTha.n tu prAchIM dishamatandritA . 
ubhayoH kurvatI vAkya.n va~nchayitvA tu gAdhijam .. 34..\\
tato.apavAhita.n dR^iShTvA vasiShThamR^iShisattamam . 
abravIdatha sa~Nkruddho vishvAmitro hyamarShaNaH .. 35..\\
yasmAnmA tva.n sarichchhreShThe va~nchayitvA punargatA . 
shoNita.n vaha kalyANi rakSho grAmaNi saMmatam .. 36..\\
tataH sarasvatI shaptA vishvAmitreNa dhImatA . 
avahachchhoNitonmishra.n toya.n sa.nvatsaraM tadA .. 37..\\
atharShayashcha devAshcha gandharvApsarasastathA . 
sarasvatI.n tathA dR^iShTvA babhUvurbhR^ishaduHkhitAH .. 38..\\
eva.n vasiShThApavAho loke khyAto janAdhipa . 
Agachchhachcha punarmArga.n svameva saritAM varA .. 39..\\
\medskip\hrule\medskip\centerline{\Largedvng 42}
 s

sA shaptA tena kruddhena vishvAmitreNa dhImatA . 
tasmi.nstIrthavare shubhre shoNita.n samupAvahat .. 1..\\
athAjagmustato rAjanrAkShasAstatra bhArata . 
tatra te shoNita.n sarve pibantaH sukhamAsate .. 2..\\
tR^iptAshcha subhR^isha.n tena sukhitA vigatajvarAH . 
nR^ityantashcha hasantashcha yathA svargajitastathA .. 3..\\
kasya chittvatha kAlasya R^iShayaH satapo dhanAH . 
tIrthayAtrA.n samAjagmuH sarasvatyAM mahIpate .. 4..\\
teShu sarveShu tIrtheShu Aplutya munipu~NgavAH . 
prApya prItiM parA.n chApi tapo lubdhA vishAradAH . 
prayayurhi tato rAjanyena tIrtha.n hi tattathA .. 5..\\
athAgamya mahAbhAgAstattIrtha.n dAruNaM tadA . 
dR^iShTvA toya.n sarasvatyAH shoNitena pariplutam . 
pIyamAna.n cha rakShobhirbahubhirnR^ipasattama .. 6..\\
tAndR^iShTva rAkShasAnrAjanmunayaH saMshitavratAH . 
pAritrANe sarasvatyAH para.n yatnaM prachakrire .. 7..\\
te tu sarve mahAbhAgAH samAgamya mahAvratAH . 
AhUya saritA.n shreShThAmidaM vachanamabruvan .. 8..\\
kAraNaM brUhi kalyANi kimartha.n te hrado hyayam . 
evamAkulatA.n yAtaH shrutvA pAsyAmahe vayam .. 9..\\
tataH sA sarvamAchchaShTa yathAvR^ittaM pravepatI . 
duHkhitAmatha tA.n dR^iShTvA ta Uchurvai tapodhanAH .. 10..\\
kAraNa.n shrutamasmAbhiH shApAshchaiva shruto.anagha . 
kariShyanti tu yatprApta.n sarva eva tapodhanAH .. 11..\\
evamuktvA sarichchhreShThAmUchuste.atha parasparam . 
vimochayAmahe sarve shApAdetA.n sarasvatIm .. 12..\\
teShA.n tu vachanAdeva prakR^itisthA sarasvatI . 
prasAnna sAlilA jaGYe yathApUrva.n tathaiva hi . 
vimuktA cha sarichchhreShThA vibabhau sA yathA purA .. 13..\\
dR^iShTvA toya.n sarasvatyA munibhistaistathA kR^itam . 
kR^itA~njalIstato rAjanrAkShasAH kShudhayArditAH . 
UchustAnvai munI sarvAnkR^ipA yuktAnpunaH punaH .. 14..\\
vaya.n hi kShudhitAshchaiva dhArmAddhInAshcha shAshvatAt . 
na cha naH kAmakAro.aya.n yadvayaM pApakAriNaH .. 15..\\
yuShmAka.n chApramAdena duShkR^itena cha karmaNA . 
pakSho.aya.n vardhate.asmAkaM yataH sma brahmarAkShasAH .. 16..\\
eva.n hi vaishyashUdrANA.n kShatriyANAM tathaiva cha . 
ye brAhmaNAnpradviShAnti te bhavantIha rAkShasAH .. 17..\\
AchAryamR^itvija.n chaiva guru.n vR^iddhajanaM tathA . 
prANino ye.avamanyante te bhavantIha rAkShasAH . 
yoShitA.n chaiva pApAnA.n yonidoSheNa vardhate .. 18..\\
tatkurudhvamihAsmAka.n kAruNyaM dvijasattamAH . 
shaktA bhavantaH sarveShA.n lokAnAmapi tAraNe .. 19..\\
teShA.n te munayaH shrutvA tuShTuvustAM mahAnadIm . 
mokShArtha.n rakShasA.n teShAmUchuH prayata mAnasAH .. 20..\\
kShuta kITAvapanna.n cha yachchochchhiShTAshitaM bhavet . 
keshAvapannamAdhUtamArugNamapi yadbhavet . 
shvabhiH sa.nspR^iShTamanna.n cha bhAgo.asau rakShasAm iha .. 21..\\
tasmAjGYAtvA sadA vidvAnetAnyannAni varjayet . 
rAkShasAnnamasau bhu~Nkte yo bhu~Nkte hyannamIdR^isham .. 22..\\
shodhayitvA tatastIrthamR^iShayaste tapodhanAH . 
mokShArtha.n rAkShasAnA.n cha nadIM tAM pratyachodayan .. 23..\\
maharShINAM mata.n GYAtvA tataH sA saritAM varA . 
aruNAmAnayAmAsa svA.n tanuM puruSharShabha .. 24..\\
tasyA.n te rAkShasAH snAtvA tanUstyaktvA divaM gatAH . 
aruNAyAM mahArAja brahmahatyApahA hi sA .. 25..\\
etamarthamabhiGYAya devarAjaH shatakratuH . 
tasmi.nstIrthavare snAtvA vimuktaH pApmanA kila .. 26..\\

 j

kimarthaM bhagavA~nshakro brahmahatyAmavAptavAn . 
kathamasmiMshcha tIrthe vai AplutyAkalmasho.abhavat .. 27..\\

 vai

shR^iNuShvaitadupAkhyAna.n yathAvR^itta.n janeshvara . 
yathA bibheda samayaM namuchervAsavaH purA .. 28..\\
namuchirvAsavAdbhItaH sUryarashmi.n samAvishat . 
tenendraH sakhyamakarotsamaya.n chedamabravIt .. 29..\\
nArdreNa tvA na shuShkeNa na rAtrau nApi vAhani . 
vadhiShyAmyasurashreShTha sakhe satyena te shape .. 30..\\
eva.n sa kR^itvA samayaM sR^iShTvA nIhAramIshvaraH . 
chichchhedAsya shiro rAjannapAM phenena vAsavaH .. 31..\\
tachchhiro namucheshchhinnaM pR^iShThataH shakramanvayAt . 
he mitrahanpApa iti bruvANa.n shakramantikAt .. 32..\\
eva.n sa shirasA tena chodyamAnaH punaH punaH . 
pitAmahAya santapta evamarthaM nyavedayat .. 33..\\
tamabravIllokagururaruNAyA.n yathAvidhi . 
iShTopaspR^isha devendra brahmahatyApahA hi sA .. 34..\\
ityuktaH sA sarasvatyAH ku~nje vai janamejaya . 
iShTvA yathAvadbalabhiraruNAyAmupAsspR^ishat .. 35..\\
sa muktaH pApmanA tena brahmahatyA kR^itena ha . 
jagAma sa.nhR^iShTamanAstridiva.n tridasheshvaraH .. 36..\\
shirastachchApi namuchestatraivAplutya bhArata . 
lokAnkAmadughAnprAptamakShayAnrAjasattama .. 37..\\
tatrApyupaspR^ishya balo mahAtmA 
dattvA cha dAnAni pR^ithagvidhAni . 
avApya dharmaM paramArya karmA 
jagAma somasya mahatsa tIrtham .. 38..\\
yatrAjayadrAjasUyena somaH 
sAkShAtpurA vidhivatpArthivendra . 
atrirdhImAnvipramukhyo babhUva 
hotA yasminkratumukhye mahAtmA .. 39..\\
yasyAnte.abhUtsumahAndAnavAnAM 
daiteyAnA.n rAkShasAnA.n cha devaiH . 
sa sa~NgrAmastArakAkhyaH sutIvro 
yatra skandastArakAkhya.n jaghAna .. 40..\\
senApatya.n labdhavAndevatAnAM 
mahAseno yatra daityAnta kartA . 
sAkShAchchAtra nyavasatkArttikeyaH 
sadA kumAro yatra sa plakSharAjaH .. 41..\\
\medskip\hrule\medskip\centerline{\Largedvng 43}
 j

sarasvatyAH prabhAvo.ayamuktaste dvijasAttama . 
kumArasyAbhiSheka.n tu brahmanvyAkhyAtumarhasi .. 1..\\
yasminkAle cha deshe cha yathA cha vadatA.n vara . 
yaishchAbhiShikto bhagavAnvidhinA yena cha prabhuH .. 2..\\
skando yathA cha daityAnAmakarotkadanaM mahat . 
tathA me sarvamAchakShva para.n kautUhala.n hi me .. 3..\\

 vai

kuruvaMshasya sadR^ishamida.n kautUhalaM tava . 
harShAmutpAdayatyetadvacho me janamejaya .. 4..\\
hanta te kathayiShyAmi shR^iNvAnasya janAdhipa . 
abhiSheka.n kumArasya prabhAvaM cha mahAtmanaH .. 5..\\
tejo mAheshvara.n skannamagnau prapatitaM purA . 
tatsarvabhakSho bhagavAnnAshakaddagdhumakShayam .. 6..\\
tenAsIdati tejasvI dIptimAnhavyahAvanaH . 
na chaiva dhArayAmAsa garbha.n tejomayaM tadA .. 7..\\
sA ga~NgAmabhisA~Ngamya niyogAdbrahmaNaH prabhuH . 
garbhamAhitavAndivyaM bhAskaropama tejasam .. 8..\\
atha ga~NgApi ta.n garbhamasahantI vidhAraNe . 
utsasarja girau ramye himavatyamarArchite .. 9..\\
sa tatra vavR^idhe lokAnAvR^itya jvalanAtmajaH . 
dadR^ishurjvalanAkAra.n taM garbhamatha kR^ittikAH .. 10..\\
sharastambe mahAtmAnamanalAtmajamIshvaram . 
mamAyamiti tAH sarvAH putrArthinyo.abhichakramuH .. 11..\\
tAsA.n viditvA bhAva.n taM mAtR^INAM bhagavAnprabhuH . 
prasnutAnAM payaH ShaDbhirvadanairapibattadA .. 12..\\
taM prabhAva.n samAlakShya tasya bAlasya kR^ittikAH . 
para.n vismayamApannA devyo divyavapurdharAH .. 13..\\
yatrotsR^iShTaH sa bhagavAnga~NgayA girimUrdhani . 
sa shailaH kA~nchanaH sarvaH sambabhau kurusattama .. 14..\\
vardhatA chaiva garbheNa pR^ithivI tena ra~njitA . 
atashcha sarve sa.nvR^ittA girayaH kA~nchanAkarAH .. 15..\\
kumArashcha mahAvIryaH kArttikeya iti smR^itaH . 
gA~NgeyaH pUrvamabhavanmahAyogabalAnvitaH .. 16..\\
sa devastapasA chaiva vIryeNa cha samanvitaH . 
vavR^idhe.atIva rAjendra chandravatpriyadarshanaH .. 17..\\
sa tasminkA~nchane divye sharastambe shriyA vR^itaH . 
stUyamAnastadA shete gandharvairmunibhistathA .. 18..\\
tathainamanvanR^ityanta devakanyAH sahasrashaH . 
divyavAditra nR^ittaGYAH stuvantyashchArudarshanAH .. 19..\\
anvAste cha nadI deva.n ga~NgA vai saritA.n varA . 
dadhAra pR^ithivI chainaM bibhratI rUpamuttamam .. 20..\\
jAtakarmAdikAstasya kriyAshchakre bR^ihaspatiH . 
vedashchaina.n chaturmUrtirupatasthe kR^itA~njaliH .. 21..\\
dhanurvedashchatuShpAdaH shastragrAmaH sasa~NgrahaH . 
tathaina.n samupAtiShThAtsAkShAdvANI cha kevalA .. 22..\\
sa dadarsha mahAvIrya.n devadevamumApatim . 
shailaputryA sahAsInaM bhUtasa~Ngha shatairvR^itam .. 23..\\
nikAyA bhUtasa~NghAnAM paraMmAdbhuta darshanAH . 
vikR^itA vikR^itAkArA vikR^itAbharaNa dhvajAH .. 24..\\
vyAghrasi.nharkSha vadanA biDAla makarAnanAH . 
vR^iShadaMsha mukhAshchAnye gajoShTravadanAstathA .. 25..\\
ulUka vadanAH ke chidgR^idhragomAyudarshanAH . 
krau~nchapArAvata nibhairvadanai rA~Nkavairapi .. 26..\\
shvAvitshakyaka godhAnA.n kharaiDaka gavAM tathA . 
sAdR^ishAni vapUMShyanye tatra tatra vyadhArayan .. 27..\\
ke chichchhailAmbuda prakhyAshchakrAlAta gadAyudhAH . 
kechchida~njana pu~njAbhAH ke chichchhvetAchalaprabhAH .. 28..\\
sapta mAtR^igaNAshchaiva samAjagmurvishAM pate . 
sAdhyA vishve.atha maruto vasavaH pitarastathA .. 29..\\
rudrAdityAstathA siddhA bhujagA.n dAnavAH khagAH . 
brahmA svayambhUrbhagavAnsaputraH saha viShNunA .. 30..\\
shakrastathAbhyayAddraShTu.n kumAra varamachyutam . 
nAradapramukhAshchApi devagandharvasattamAH .. 31..\\
devarShayashcha siddhAshcha bR^ihaspatipurogamAH . 
R^ibbhavo nAma varadA devAnAmapi devatAH . 
te.api tatra samAjagmuryAmA dhAmAshcha sarvashaH .. 32..\\
sa tu bAlo.api bhagavAnmahAyogabalAnvitaH . 
abhyAjagAma devesha.n shUlahastaM pinAkinam .. 33..\\
tamArajantamAlakShya shivasyAsInmanogatam . 
yugapachchhailaputryAshcha ga~NgAyAH pAvakasya cha .. 34..\\
kiM nu pUrvamayaM bAlo gauravAdabhyupaiShyati . 
api mAmiti sarveShA.n teShAmAsInmanogatam .. 35..\\
teShAmetamabhiprAya.n chaturNAmupalakShya saH . 
yugapadyogamAsthAya sasArja vividhAstanUH .. 36..\\
tato.abhavachchaturmUrtiH kShaNena bhagavAnprabhuH . 
skandaH shAkho vishAkhashcha naigameShashcha pR^iShThataH .. 37..\\
eva.n sa kR^itvA hyAtmAna.n chaturdhA bhagavAnprabhuH . 
yato rudrastataH skando jagAmAdbhuta darshanaH .. 38..\\
vishAkhastu yayau yena devI girivarAtmajA . 
shAkho yayau cha bhagavAnvAyumUrtirvibhAvasum . 
naigameSho.agamadga~NgA.n kumAraH pAvakaprabhaH .. 39..\\
sarve bhAsvaradehAste chatvAraH samarUpiNaH . 
tAnsamabhyayuravyagrAstadadbhutamivAbhavat .. 40..\\
hAhAkAro mahAnAsIddevadAnavarakShasAm . 
taddR^iShTvA mahadAshcharyamadbhuta.n lomaharShaNam .. 41..\\
tato rudrashcha devI cha pAvakashcha pitAmaham . 
ga~NgayA sahitAH sarve praNipeturjagatpatim .. 42..\\
praNipatya tataste tu vidhivadrAjapu~Ngava . 
idamUchurvacho rAjankArttikeya priyepsayA .. 43..\\
asya bAlasya bhagavannAdhipatya.n yathepsitam . 
asminpriyArtha.n devesha sAdR^ishaM dAtumarhasi .. 44..\\
tataH sa bhagavAndhImAnsarvalokapitAmahaH . 
manasA chintayAmAsa kimaya.n labhatAm iti .. 45..\\
aishvaryANi hi sarvANi devagandharvarakShasAm . 
bhUtayakShaviha~NgAnAM pannagAnA.n cha sarvashaH .. 46..\\
pUrvamevAdideshAsau nikAyeShu mahAtmanAm . 
samartha.n cha tamaishvarye mahAmatiramanyata .. 47..\\
tato muhUrta.n sa dhyAtvA devAnAM shreyasi sthitaH . 
senApatya.n dadau tasmai sarvabhUteShu bhArata .. 48..\\
sarvadeva nikAyAnA.n ye rAjAnaH parishrutAH . 
tAnsarvAnvyAdideshAsmai sarvabhUtapitAmahaH .. 49..\\
tataH kumAramAdAya devA brahmapurogamAH . 
abhiShekArthamAjagmuH shailendra.n sahitAstataH .. 50..\\
puNyA.n haimavatI.n devIM sarichchhreShThAM sarasvatIm . 
samantapa~nchake yA vai triShu lokeShu vishrutA .. 51..\\
tatra tIre sarasvatyAH puNye sarvaguNAnvite . 
niShedurdevagandharvAH sarve sampUrNamAnasAH .. 52..\\
\medskip\hrule\medskip\centerline{\Largedvng 44}
 vai

tato.abhiShekA sambhArAnsarvAnsambhR^itya shAstrataH . 
bR^ihaspatiH samiddhe.agnau juhAvAjya.n yathAvidhi .. 1..\\
tato himavatA datte maNipravara shobhite . 
dIvya ratnAchite divye niShaNNaH paramAsane .. 2..\\
sarvama~Ngala sambhArairvidhimantrapuraskR^itam . 
AbhiShechanika.n dravyaM gR^ihItvA devatA gaNAH .. 3..\\
indrAviShNU mahAvIryau sUryAchandramasau tathA . 
dhAtA chaiva vidhAtA cha tathA chaivAnilAnalau .. 4..\\
pUShNA bhagenAryamNA cha aMshena cha vivasvatA . 
rudrashcha sahito dhImAnmitreNa varuNena cha .. 5..\\
rudrairvasubhirAdityairashvibhyA.n cha vR^itaH prabhuH . 
vishve devairmarudbhishcha sAdhyaishcha pitR^ibhiH saha .. 6..\\
gandharvairapsarobhishcha yakSharAkShasa pannagaiH . 
devarShibhirasa~NkhyeyaistathA brahmarShibhirvaraiH .. 7..\\
vaikhAnasairvAlakhilyairvAyvAhArairmarIchipaiH . 
bhR^igubhishchA~Ngirobhishcha yatibhishcha mahAtmabhiH . 
sarvairvidyAdharaiH puNyairyogasiddhaistathA vR^itaH .. 8..\\
pitAmahaH pulastyashcha pulahashcha mahAtapAH . 
a~NgirAH kashyapo.atrishcha marIchirbhR^igureva cha .. 9..\\
R^iturharaH prachetAshcha manurdakShastathaiva cha . 
R^itavashcha grahAshchaiva jyotIMShi cha vishAM pate .. 10..\\
mUrtimatyashcha sarito vedAshchaiva sanAtanAH . 
samudrAshcha hradAshchaiva tIrthAni vividhAni cha . 
pR^ithivI dyaurdishashchaiva pAdapAshcha janAdhipa .. 11..\\
aditirdeva mAtA cha hrIH shrIH svAhA sarasvatI . 
umA shachI sinIvAlI tathA chAnumatiH kuhUH . 
rAkA cha dhiShaNA chaiva patnyashchAnyA divaukasAm .. 12..\\
himavAMshchaiva vindhyashcha merushchAneka shR^i~NgavAn . 
airAvataH sAnucharaH kalAH kAShTAstathaiva cha . 
mAsArdha mAsA R^itavastathA rAtryahanI nR^ipa .. 13..\\
uchchaiHshravA hayashreShTho nAgarAjashcha vAmanaH . 
aruNo garuDashchaiva vR^ikShAshchauShadhibhiH saha .. 14..\\
dharmashcha bhagavAndevaH samAjagmurhi sa~NgatAH . 
kAlo yamashcha mR^ityushcha yamasyAnucharAsh cha ye .. 15..\\
bahulatvAchcha noktA ye vividhA devatA gaNAH . 
te kumArAbhiShekArtha.n samAjagmustatastataH .. 16..\\
jagR^ihuste tadA rAjansarva eva divaukasaH . 
AbhiShechanikaM bhANDaM ma~NgalAni cha sarvashaH .. 17..\\
divyasambhAra sa.nyuktaiH kalashaiH kA~nchanairnR^ipa . 
sarasvatIbhiH puNyAbhirdivyatoyabhireva tu .. 18..\\
abhyaShi~nchankumAra.n vai samprahR^iShTA divaukasaH . 
senApatiM mahAtmAnamasurANAM bhayAvaham .. 19..\\
purA yathA mahArAja varuNa.n vai jaleshvaram . 
tathAbhyaShi~nchadbhagavAnbrahmA lokapitAmahaH . 
kashyapashcha mahAtejA ye chAnye nAnukIrtitAH .. 20..\\
tasmai brahmA dadau prIto balino vAtara.nhasaH . 
kAmavIryadharAnsiddhAnmahApAriShadAnprabhuH .. 21..\\
nandiSheNa.n lohitAkSha.n ghaNDA karNaM cha saMmatam . 
chaturthamasyAnuchara.n khyAtaM kumudamAlinam .. 22..\\
tataH sthANuM mahAvegaM mahApAriShaDa.n kratum . 
mAyA shatadhara.n kAmaM kAmavIryabalAnvitam . 
dadau skandAya rAjendra surArivinibarhaNam .. 23..\\
sa hi devAsure yuddhe daityAnAM bhImakarmaNAm . 
jaghAna dorbhyA.n sa~NkruddhaH prayutAni chaturdasha .. 24..\\
tathA deva dadustasmai senAM nairR^itasA~NkulAm . 
devashatrukShayakarImajayyA.n vishvarUpiNIm .. 25..\\
jayashabda.n tatashchakrurdevAH sarve savAsavAH . 
gandharvayakShA rakShA.nsi munayaH pitarastathA .. 26..\\
yamaH prAdAdanucharau yama kAlopamAvubhau . 
unmAtha.n cha pramAthaM cha mahAvIryau mahAdyutI .. 27..\\
subhrAjo bhAskarashchaiva yau tau sUryAnuyAyinau . 
tau sUryaH kArttikeyAya dadau prItaH pratApavAn .. 28..\\
kailAsashR^i~Ngasa~NkAshau shvetamAlyAnulepanau . 
somo.apyanucharau prAdAnmaNi.n sumaNimeva cha .. 29..\\
jvAlA jihva.n tathA jyotirAtmajAya hutAshanaH . 
dadAvanucharau shUrau parasainyapramAthinau .. 30..\\
parigha.n cha vaTaM chaiva bhImaM cha sumahAbalam . 
dahati.n dahanaM chaiva prachaNDau vIryasaMmatau . 
aMsho.apyanucharAnpa~ncha dadau skandAya dhImate .. 31..\\
utkroshaM pa~Nkaja.n chaiva vajradaNDadharAvubhau . 
dadAvanala putrAya vAsavaH paravIrahA . 
tau hi shatrUnmahendrasya jaghnatuH samare bahUn .. 32..\\
chakra.n vikramaka.n chaiva sa~NkramaM cha mahAbalam . 
skandAya trInanucharAndadau viShNurmahAyashAH .. 33..\\
vardhanaM nandana.n chaiva sarvavidyA vishAradau . 
skandAya dadatuH prItAvashvinau bharatarShabha .. 34..\\
kundana.n kusumaM chaiva kumudaM cha mahAyashAH . 
DambarADambarau chaiva dadau dhAtA mahAtmane .. 35..\\
vakrAnuvakrau balinau meShavaktrau balotkaTau . 
dadau tvaShTA mahAmAyau skandAyAnucharau varau .. 36..\\
suvrata.n satyasandha.n cha dadau mitro mahAtmane . 
kumArAya mahAtmAnau tapo vidyAdharau prabhuH .. 37..\\
sudarshanIyau varadau triShu lokeShu vishrutau . 
suprabha.n cha mahAtmAna.n shubhakarmANameva cha . 
kArttikeyAya samprAdAdvidhAtA lokavishrutau .. 38..\\
pAlitaka.n kAlikaM cha mahAmAyAvinAvubhau . 
pUShA cha pArShadau prAdAtkArttikeyAya bhArata .. 39..\\
bala.n chAtibalaM chaiva mahAvaktrau mahAbalau . 
pradadau kArttikeyAya vAyurbharatasattama .. 40..\\
ghasa.n chAtighasaM chaiva timivaktrau mahAbalau . 
pradadau kArttikeyAya varuNaH satyasa~NgaraH .. 41..\\
suvarchchasaM mahAtmAna.n tathaivApyativarchasAm . 
himavAnpradadau rAjanhutAshanasutAya vai .. 42..\\
kA~nchana.n cha mahAtmAnaM meghamAlinameva cha . 
dadAvAnucharau meruragniputrAya bhArata .. 43..\\
sthira.n chAtisthiraM chaiva merurevAparau dadau . 
mahAtmane.agniputrAya mahAbalaparAkramau .. 44..\\
uchchhrita.n chAtishR^i~NgaM cha mahApAShANa yodhanau . 
pradadAvagniputrAya vindhyaH pAriShadAvubhau .. 45..\\
sa~Ngraha.n vigraha.n chaiva samudro.api gadAdharau . 
pradadAvagniputrAya mahApAriShadAvubhau .. 46..\\
unmAdaM puShpadanta.n cha sha~NkukarNaM tathaiva cha . 
pradadAvagniputrAya pArvatI shubhadarshanA .. 47..\\
jayaM mahAjaya.n chaiva nAgau jvalanasUnave . 
pradadau puruShavyAghra vAsukiH pannageshvaraH .. 48..\\
eva.n sAkhyAshcha rudrAshcha vasavaH pitarastathA . 
sAgarAH saritashchaiva girayashcha mahAbalAH .. 49..\\
daduH senAgaNAdhyakShA~nshUlapaTTishadhAriNaH . 
divyapraharaNopetAnnAnAveShavibhUShitAn .. 50..\\
shR^iNu nAmAni chAnyeShA.n ye.anye skandasya sainikAH . 
vividhAyudhasampannAshchitrAbharaNa varmiNaH .. 51..\\
sha~NkukarNo nikumbhashcha padmaH kumuda eva cha . 
ananto dvAdasha bhujastathA kR^iShNopakR^iShNakau .. 52..\\
droNa shravAH kapiskandhaH kA~nchanAkSho jala.n dhamaH . 
akShasantarjano rAjankunadIkastamo.abhrakR^it .. 53..\\
ekAkSho dvAdashAkShashcha tathaivaika jaTaH prabhuH . 
sahasrabAhurvikaTo vyAghrAkShaH kShitikampanaH .. 54..\\
puNyanAmA sunAmA cha suvaktraH priyadarshanaH . 
parishrutaH koka nadaH priya mAlyAnulepanaH .. 55..\\
ajodaro gajashirAH skandhAkShaH shatalochanaH . 
jvAlA jihvaH karAlashcha sitakesho jaTI hariH .. 56..\\
chaturdaMShTro.aShTa jihvashcha meghanAdaH pR^ithushravAH . 
vidyudakSho dhanurvaktro jaTharo mArutAshanaH .. 57..\\
udarAkSho jhaShAkShashcha vajranAbho vasu prabhaH . 
samudravego rAjendra shailakampI tathaiva cha .. 58..\\
putra meShaH pravAhashcha tathA nandopanandakau . 
dhUmraH shvetaH kali~Ngashcha siddhArtho varadastathA .. 59..\\
priyakashchaiva nandashcha gonandashcha pratApavAn . 
Anandashcha pramodashcha svastiko dhruvakastathA .. 60..\\
kShemavApaH sujAtashcha siddhayAtrashcha bhArata . 
govrajaH kanakApIDo mahApAriShadeshvaraH .. 61..\\
gAyano hasanashchaiva bANaH khaDgashcha vIryavAn . 
vaitAlI chAtitAlI cha tathA katika vAtikau .. 62..\\
ha.nsajaH pa~NkadigdhA~NgaH samudronmAdanash cha ha . 
raNotkaTaH prahAsashcha shvetashIrShashcha nandakaH .. 63..\\
kAlakaNThaH prabhAsashcha tathA kumbhANDako.aparaH . 
kAlakAkShaH sitashchaiva bhUtalonmathanastathA .. 64..\\
yaGYavAhaH pravAhashcha deva yAjI cha somapaH . 
sajAlashcha mahAtejAH kratha krAthau cha bhArata .. 65..\\
tuhanashcha tuhAnashcha chitradevashcha vIryavAn . 
madhuraH suprasAdashcha kirITI cha mahAbalaH .. 66..\\
vasavo madhuvarNashcha kalashodara eva cha . 
dhamanto manmathakaraH sUchIvaktrashcha vIryavAn .. 67..\\
shvetavaktraH suvaktrashcha chAru vaktrashcha pANDuraH . 
daNDabAhuH subAhushcha rajaH kokilakastathA .. 68..\\
achalaH kanakAkShashcha bAlAnAmayikaH prabhuH . 
sa~ncArakaH koka nado gR^idhravaktrashcha jambukaH .. 69..\\
lohAsha vaktro jaTharaH kumbhavaktrashcha kuNDakaH . 
madgugrIvashcha kR^iShNaujA ha.nsavaktrashcha chandra bhAH .. 70..\\
pANikUrmA cha shambUkaH pa~nchavaktrashcha shikShakaH . 
chASha vaktrashcha jambUkaH shAkavaktrashcha kuNDakaH .. 71..\\
yogayuktA mahAtmAnaH satataM brAhmaNa priyAH . 
paitAmahA mahAtmAno mahApAriShadAsh cha ha . 
yauvanasthAshcha bAlAshcha vR^iddhAsh cha janamejaya .. 72..\\
sahasrashaH pAriShadAH kumAramupatasthire . 
vaktrairnAnAvidhairye tu shR^iNu tA~n janamejaya .. 73..\\
kUrmakukkuTavaktrAshcha shasholUka mukhAstathA . 
kharoShTravadanAshchaiva varAhavadanAstathA .. 74..\\
manuShyameSha vaktrAshcha sR^igAlavadanAstathA . 
bhImA makara vaktrAshcha shishumAra mukhAstathA .. 75..\\
mArjArashashavaktrAshcha dIrghavaktrAshcha bhArata . 
nakulolUka vatrAshcha shvavAktrAshcha tathApare .. 76..\\
Akhu babhruka vaktrashcha mayUravadanAstathA . 
matsyameShAnanAshchAnye ajAvi mahiShAnanAH .. 77..\\
R^ikShashArdUla vaktrAshcha dvIpisi.nhAnanAstathA . 
bhImA gajAnanAshchaiva tathA nakramukhAH pare .. 78..\\
garuDAnanAH khaDgamukhA vR^ikakAkamukhAstathA . 
gokharoShTra mukhAshchAnye vR^iShadaMsha mukhAstathA .. 79..\\
mahAjaThara pAdA~NgAstArakAkshAshcha bhArata . 
pArAvata mukhAshchAnye tathA vR^iShamukhAH pare .. 80..\\
kokilA vadanAshchAnye shyenatittirikAnanAH . 
kR^ikalAsa mukhAshchaiva virajo.ambaradhAriNaH .. 81..\\
vyAlavaktrAH shUlamukhAshchaNDavaktrAH shatAnanAH . 
AshIviShAshchIradharA gonAsAvaraNAstathA .. 82..\\
sthUlodarAH kR^ishA~NgAshcha sthUlA~Ngashcha kR^ishodarAH . 
hrasvagrIvA mahAkarNA nAnAvyAlavibhUShitAH .. 83..\\
gajendra charma vasanAstathA kR^iShNAjinAmbarAH . 
skandhe mukhA mahArAja tathA hyudarato mukhAH .. 84..\\
pR^iShThe mukhA hanumukhAstathA ja~NghA mukhA api . 
pArshvAnanAshcha bahavo nAnAdeshamukhAstathA .. 85..\\
tathA kITa pata~NgAnA.n sadR^ishAsyA gaNeshvarAH . 
nAnAvyAlamukhAshchAnye bahu bAhushiro dharAH .. 86..\\
nAnAvR^ikShabhujAH kechchitkaTi shIrShAstathApare . 
bhuja~Ngabhoga vadanA nAnAgulmanivAsinaH .. 87..\\
chIrasa.nvR^ita gAtrAshcha tathA phalakavAsasaH . 
nAnAveShadharAshchaiva charma vAsasa eva cha .. 88..\\
uShNIShiNo mukuTinaH kambugrIvAH suvarchasaH . 
kirITinaH pa~ncha shikhAstathA kaThina mUrdhajAH .. 89..\\
trishiThA dvishikhAshchaiva tathA sapta shikhAH pare . 
shikhaNDino mukuTino muNDAshcha jaTilAstathA .. 90..\\
chitramAlyadharAH kechchitkechchidromAnanAstathA . 
divyamAlyAmbaradharAH satataM priyavigrahAH .. 91..\\
kR^iShNA nirmA.nsa vaktrAshcha dIrghapR^iShTA nirUdarAH . 
sthUlapR^iShThA hrasvapR^iShThAH pralambodara mehanAH .. 92..\\
mahAbhujA hrasvabhujA hrasvagAtrashcha vAmanAH . 
kubjAshcha dIrghaja~NghAshcha hastikarNa shirodharAH .. 93..\\
hastinAsAH kUrmanAsA vR^ikanAsAstathApare . 
dIrghauShThA dIrghajihvAshcha vikarAlA hyadhomukhAH .. 94..\\
mahAdaMShTrA hrasvadaMShTrAshchaturdaMShTrAstathApare . 
vAraNendra nibhAshchAnye bhImA rAjansahasrashaH .. 95..\\
suvibhaktasharIrAshcha dIptimantaH svala~NkR^itAH . 
pi~NgAkShAH sha~NkukarNAshcha vakranAsAshcha bhArata .. 96..\\
pR^ithu daMShTrAmahA daMShTrAH sthUlauShThA hari mUrdhajAH . 
nAnA pAdauShTha daMShTrAshcha nAhA hastashiro dharAH . 
nAnA varmabhirAchchhannA nAnA bhAShAshcha bhArata .. 97..\\
kushalA deshabhAShAsu jalpanto.anyonyamIshvarAH . 
hR^iShTAH paripatanti sma mahApAriShadAstathA .. 98..\\
dIrghagrIvA dIrghanakhA dIrghapAdashiro bhujAH . 
pi~NgAkShA nIlakaNThAshcha lambakarNAshcha bhArata .. 99..\\
vR^ikodara nibhAshchaiva ke chida~njanasaMnibhAH . 
shvetA~NgA lohitagrIvAH pi~NgAkShAshcha tathApare . 
kalmAShA bahavo rAjaMshchitravarNAshcha bhArata .. 100..\\
chAmarApIDaka nibhAH shvetalohita rAjayaH . 
nAnAvarNAH savarNAshcha mayUrasadR^ishaprabhAH .. 101..\\
punaH praharaNAnyeShA.n kIrtyamAnAni me shR^iNu . 
sheShaiH kR^itaM pAriShadairAyudhAnAM parigraham .. 102..\\
pAshodyata karAH ke chidvyAditAsyAH kharAnanAH . 
pR^ithvakShA nIlakaNThAshcha tathA parighabAhavaH .. 103..\\
shataghnI chakrahastAshcha tathA musalapANayaH . 
shUlAsihastAshcha tathA mahAkAyA mahAbalAH .. 104..\\
gadA bhushuNDi hastAshcha tathA tomarapANayaH . 
asi mudgarahastAshcha daNDahastAshcha bhArata .. 105..\\
AyudhairvividhairghorairmahAtmAno mahAjavAH . 
mahAbalA mahAvegA mahApAriShadAstathA .. 106..\\
abhiSheka.n kumArasya dR^iShTvA hR^iShTA raNapriyAH . 
ghaNTAjAlapinaddhA~NgA nanR^ituste mahaujasaH .. 107..\\
ete chAnye cha bahavo mahApAriShadA nR^ipa . 
upatasthurmahAtmAna.n kArttikeya.n yashasvinam .. 108..\\
divyAshchApyAntarikShAshcha pArthivAshchAnilopamAH . 
vyAdiShTA daivataiH shUrAH skandasyAnucharAbhavan .. 109..\\
tAdR^ishAnA.n sahasrANi prayutAnyarbudAni cha . 
abhiShiktaM mahAtmAnaM parivAryopatasthire .. 110..\\
\medskip\hrule\medskip\centerline{\Largedvng 45}
 vai

shR^iNu mAtR^igaNAnrAjankumArAnucharAnimAn . 
kIrtyamAnAnmayA vIra sapatnagaNasUdanAn .. 1..\\
yashasvinInAM mAtR^INA.n shR^iNu nAmAni bhArata . 
yAbhirvyAptAstrayo lokAH kalyANIbhishcharAcharAH .. 2..\\
prabhAvatI vishAlAkShI palitA gonasI tathA . 
shrImatI bahulA chaiva tathaiva bahuputrikA .. 3..\\
apsu jAtA cha gopAlI bR^ihadambAlikA tathA . 
jayAvatI mAlatikA dhruvaratnA bhaya~NkarI .. 4..\\
vasu dAmA sudAmA cha vishokA nandinI tathA . 
ekachUDA mahAchUDA chakranemishcha bhArata .. 5..\\
uttejanI jayatsenA kamalAkShyatha shobhanA . 
shatru~njayA tathA chaiva krodhanA shalabhI kharI .. 6..\\
mAdhavI shubhavaktrA cha tIrthanemishcha bhArata . 
gItapriyA cha kalyANI kadrulA chAmitAshanA .. 7..\\
meghasvanA bhogavatI subhrUshcha kanakAvatI . 
alAtAkShI vIryavatI vidyujjihvA cha bhArata .. 8..\\
padmAvatI sunakShatrA kandarA bahuyojanA . 
santAnikA cha kauravya kamalA cha mahAbalA .. 9..\\
sudAmA bahu dAmA cha suprabhA cha yashasvinI . 
nR^ityapriyA cha rAjendra shatolUkhala mekhalA .. 10..\\
shataghaNTA shatAnandA bhaga nandA cha bhAginI . 
vapuShmatI chandra shItA bhadra kAlI cha bhArata .. 11..\\
sa~NkArikA niShkuTikA bhramA chatvaravAsinI . 
suma~NgalA svastimatI vR^iddhikAmA jaya priyA .. 12..\\
dhanadA suprasAdA cha bhavadA cha jaleshvarI . 
eDI bheDI sumeDI cha vetAla jananI tathA . 
kaNDUtiH kAlikA chaiva deva mitrA cha bhArata .. 13..\\
lambasI ketakI chaiva chitrasenA tahA balA . 
kukkuTikA sha~NkhanikA tathA jarjarikA nR^ipa .. 14..\\
kuNDArikA kokalikA kaNDarA cha shatodarI . 
utkrAthinI jareNA cha mahAvegA cha ka~NkaNA .. 15..\\
manojavA kaNTakinI praghasA pUtanA tathA . 
khashayA churvyuTirvAmA kroshanAtha taDitprabhA .. 16..\\
maNDodarI cha tuNDA cha koTarA meghavAsinI . 
subhagA lambinI lambA vasu chUDA vikatthanI .. 17..\\
UrdhvaveNI dharA chaiva pi~NgAkShI lohamekhalA . 
pR^ithu vaktrA madhurikA madhu kumbhA tathaiva cha .. 18..\\
pakShAlikA manthanikA jarAyurjarjarAnanA . 
khyAtA dahadahA chaiva tathA dhamadhamA nR^ipa .. 19..\\
khaNDakhaNDA cha rAjendra pUShaNA maNikuNDalA . 
amochA chaiva kauravya tathA lambapayodharA .. 20..\\
veNuvINA dharA chaiva pi~NgAkShI lohamekhalA . 
shasholUka mukhI kR^iShNA kharaja~NghA mahAjavA .. 21..\\
shishumAra mukhI shvetA lohitAkShI vibhIShaNA . 
jaTAlikA kAmacharI dIrghajihvA balotkaTA .. 22..\\
kAleDikA vAmanikA mukuTA chaiva bhArata . 
lohitAkShI mahAkAyA hari piNDI cha bhUmipa .. 23..\\
ekAkSharA sukusumA kR^iShNa karNI cha bhArata . 
kShura karNI chatuShkarNI karNaprAvaraNA tathA .. 24..\\
chatuShpatha niketA cha gokarNI mahiShAnanA . 
kharakarNI mahAkarNI bherI svanamahAsvanA .. 25..\\
sha~Nkhakumbha svanA chaiva bha~NgadA cha mahAbalA . 
gaNA cha sugaNA chaiva tathAbhItyatha kAmadA .. 26..\\
chatuShpatha ratA chaiva bhUri tIrthA anyagocharA . 
pashudA vittadA chaiva sukhadA cha mahAyashAH . 
payodA gomahiShadA suviShANA cha bhArata .. 27..\\
pratiShThA supratiShThA cha rochamAnA surochanA . 
gokarNI cha sukarNIcha sasirA stherikA tathA . 
ekachakrA megharavA meghamAlA virochanA .. 28..\\
etAshchAnyAshcha bahavo mAtaro bharatarShabha . 
kArttikeyAnuyAyinyo nAnArUpAH sahasrashaH .. 29..\\
dIrghanakhyo dIrghadantyo dIrghatuNDyashcha bhArata . 
saralA madhurAshchaiva yauvanasthAH svala~NkR^itAH .. 30..\\
mAhAtmyena cha sa.nyuktAH kAmarUpadharAstathA . 
nirmA.nsa gAtryaH shvetAshcha tathA kA~nchanasaMnibhAH .. 31..\\
kR^iShNameghanibhAshchAnyA dhUmrAshcha bharatarShabha . 
aruNAbhA mahAbhAgA dIrghakeshyaH sitAmbarAH .. 32..\\
UrdhvaveNI dharAshchaiva pi~NgAkShyo lambamekhalAH . 
lambodaryo lambakarNAstathA lambaparo dharAH .. 33..\\
tAmrAkShyastAmravarNAshcha haryakShyashcha tathApare . 
varadAH kAmachAriNyo nityapramuditAstathA .. 34..\\
yAmyo raudryastathA saumyAH kauberyo.atha mahAbalAH . 
vAruNyo.atha cha mAhendryastathAgneyyaH parantapa .. 35..\\
vAyavyashchAtha kaumAryo brAhmyashcha bharatarShabaH . 
rUpeNApsarasA.n tulyA jave vAyusamAstathA .. 36..\\
parapuShTopamA vAkye tatharddhyA dhanadopamAH . 
shakra vIryopamAshchaiva dIptyA vahni samAstathA .. 37..\\
vR^ikShachatvaravAsinyashchatuShpatha niketanAH . 
guhA shmashAnavAsinyaH shailaprasravaNAlayAH .. 38..\\
nAnAbharaNadhAriNyo nAnA mAlyAmbarAstathA . 
nAnA vichchitra veShAshcha nAnA bhAShAstathaiva cha .. 39..\\
ete chAnye cha bahavo gaNAH shatrubhaya.n karAH . 
anujagmurmahAtmAna.n tridashendrasya saMmate .. 40..\\
tataH shaktyastramadadadbhagavAnpAkashAsanaH . 
guhAya rAjashArdUla vinAshAya suradviShAm .. 41..\\
mahAsvanAM mahAghaNTA.n dyotamAnA.n sitaprabhAm . 
taruNAdityavarNA.n cha patAkAM bharatarShabha .. 42..\\
dadau pashupatistasmai sarvabhUtamahAchamUm . 
ugrAM nAnApraharaNA.n tapo vIryabalAnvitAm .. 43..\\
viShNurdadau vaijayantIM mAlAM balavivardhinIm . 
umA dadau chArajasI vAsasI sUryasaprabhe .. 44..\\
ga~NgA.n kamaNDaluM divyamamR^itodbhavamuttamam . 
dadau prItyA kumArAya daNDa.n chaiva bR^ihaspatiH .. 45..\\
garuDo dayitaM putraM mayUra.n chitrabarhiNam . 
aruNastAmrachUDa.n cha pradadau charaNAyudham .. 46..\\
pasha.n tu varuNo rAjA balavIryasamanvitam . 
kR^iShNAjina.n tathA brahmA brahmaNyAya dadau prabhuH . 
samareShu jaya.n chaiva pradadau lokabhAvanaH .. 47..\\
senApatyamanuprApya skAndo devagaNasya ha . 
shushubhe jvalito.archiShmAndvitIyA iva pAvakaH . 
tataH pAriShadaishchaiva mAtR^ibhishcha samanvitaH .. 48..\\
sA senA nairR^itI bhImA saghaNTochchhritaketanA . 
sabherI sha~NkhamurajA sAyudhA sapatAkinI . 
shAradI dyaurivAbhAti jyotirbhirupashobhitA .. 49..\\
tato deva nikAyAste bhUtasenA gaNAstathA . 
vAdayAmAsuravyagrA bherIsha~NkhAMshcha puShkalAn .. 50..\\
paTahA~njharjharAMshchaiva kR^ikachAngoviShANikAn . 
ADambarAngomukhAMshchaDiDimAMshcha mahAsvanAn .. 51..\\
tuShTuvuste kumAra.n cha sarve devAH savAsavAH . 
jagushcha devagandharvA nanR^itushchApsarogaNAH .. 52..\\
tataH prIto mahAsenastridashebhyo vara.n dadau . 
ripUnhantAsmi samare ye vo vadhachikIrShavaH .. 53..\\
pratigR^ihya vara.n devAstasmAdvibudhasattamAt . 
prItAtmAno mahAtmAno menire nihatAnripUn .. 54..\\
sarveShAM bhUtasA~NghAnA.n harShAnnAdaH samutthitaH . 
apUrayata lokA.nstrInvare datte mahAtmanA .. 55..\\
sa niryayau mahAseno mahatyA senayA vR^itaH . 
vadhAya yudhi daityAnA.n rakShArtha.n cha divaukasAm .. 56..\\
vyavasAyo jayo dharmaH siddhirlakShmIrdhR^itiH smR^itiH . 
mahAsenasya sainyAnAmagre jagmurnarAdhipa .. 57..\\
sa tayA bhImayA devaH shUlamudgara hastayA . 
gadAmusalanArAchashaktitomara hastayA . 
dR^iptasi.nhaninAdinyA vinadya prayayau guhaH .. 58..\\
ta.n dR^iShTvA sarvadaiteyA rAkShasA dAnavAstathA . 
vyadravanta dishaH sarvA bhayodvignAH samantataH . 
abhyadravanta devAstAnvividhAyudhapANayaH .. 59..\\
dR^iShTvA cha sa tataH kruddhaH skandastejobalAnvitaH . 
shaktyastraM bhagavAnbhImaM punaH punaravAsR^ijat . 
AdadhachchAtmanastejo haviSheddha ivAnalaH .. 60..\\
abhyasyamAne shaktyastre skandenAmita tejasA . 
ulkA jvAlA mahArAja papAta vasudhAtale .. 61..\\
sa.nhrAdayantashcha tathA nirghAtAshchApatankShitau . 
yathAnta kAlasamaye sughorAH syustathA nR^ipa .. 62..\\
kShiptA hyekA tathA shaktiH sughorAnala sUnunA . 
tataH koTyo viniShpetuH shaktInAM bharatarShabha .. 63..\\
sa shaktyastreNa sa~NgrAme jaghAna bhagavAnprabhuH . 
daityendra.n tArakaM nAma mahAbalaparAkramam . 
vR^ita.n daityAyutairvIrairbalibhirdashabhirnR^ipa .. 64..\\
mahiSha.n chAShTabhiH padmairvR^ita.n sa~Nkhye nijaghnivAn . 
tripAda.n chAyuta shatairjaghAna dashabhirvR^itam .. 65..\\
hradodaraM nikharvaishcha vR^ita.n dashabhirIshvaraH . 
jaghAnAnucharaiH sArdha.n vividhAyudhapANibhiH .. 66..\\
tatrAkurvanta vipulaM nAdda.n vadhyatsu shatruShu . 
kumArAnucharA rAjanpUrayanto disho dasha .. 67..\\
shaktyastrasya tu rAjendra tato.archirbhiH samantataH . 
dagdhAH sahasrasho daityA nAdaiH skandasya chApare .. 68..\\
patAkayAvadhUtAshcha hatAH ke chitsuradviShaH . 
kechchIdghaNTA rava trastA nipeturvasudhAtale . 
ke chitpraharaNaishchhinnA vinipeturgatAsavaH .. 69..\\
eva.n suradviSho.anekAnbalavAnAtatAyinaH . 
jaghAna samare vIraH kArttikeyo mahAbalaH .. 70..\\
bANo nAmAtha daiteyo baleH putro mahAbalaH . 
krau~nchaM parvatamAsAdya devasa~NghAnabAdhata .. 71..\\
tamabhyayAnmahAsenaH surashatrumudAradhIH . 
sa kArttikeyasya bhayAtkrau~ncha.n sharaNameyivAn .. 72..\\
tataH krau~nchaM mahAmanyuH krau~nchanAda ninAditam . 
shaktyA bibheda bhagavAnkArttikeyo.agnidattayA .. 73..\\
sashAla skandhasarala.n trastavAnaravAraNam . 
pulinatrasta vihaga.n viniShpatita pannagam .. 74..\\
golA~NgUrarkSha sa~Nghaishcha dravadbhiranunAditam . 
kura~Nga gatinirghoShamudbhrAntasR^imarAchitam .. 75..\\
viniShpatadbhiH sharabhaiH si.nhaishcha sahasA drutaiH . 
shochyAmapi dashAM prApto rarAjaiva sa parvataH .. 76..\\
vidyAdharAH samutpetustasya shR^i~NganivAsinaH . 
kiMnarAshcha samudvignAH shaktipAta ravoddhatAH .. 77..\\
tato daityA viniShpetuH shatasho.atha sahasrashaH . 
pradIptAtparvatashreShThAdvichitrAbharaNa srajaH .. 78..\\
tAnnijaghnuratikramya kumArAnucharA mR^idhe . 
bibheda shaktyA krau~ncha.n cha pAvakiH paravIrahA .. 79..\\
bahudhA chaikadhA chaiva kR^itvAtmAnaM mahAtmanA . 
shaktiH kShiptA raNe tasya pANimeti punaH punaH .. 80..\\
evaM prabhAvo bhagavAnato bhUyashcha pAvakiH . 
krau~nchastena vinirbhinno daityAshcha shatasho hatAH .. 81..\\
tataH sa bhagavAndevo nihatya vibudhadviShaH . 
sabhAjyamAno vibudhaiH para.n harShamavApa ha .. 82..\\
tato dundubhayo rAjanneduH sha~NkhAshcha bhArata . 
mumuchurdeva yoShAshcha puShpavarShamanuttamam .. 83..\\
divyagandhamupAdAya vavau puNyashcha mArutaH . 
gandharvAstuShTuvushchaina.n yajvAnashcha maharShayaH .. 84..\\
ke chidena.n vyavasyanti pitAmahasutaM prabhum . 
sanatkumAra.n sarveShAM brahmayoni.n tamagrajam .. 85..\\
ke chinmaheshvara suta.n ke chitputra.n vibhAvasoH . 
umAyAH kR^ittikAnA.n cha ga~NgAyAsh cha vadantyuta .. 86..\\
ekadhA cha dvidhA chaiva chaturdhA cha mahAbalam . 
yoginAmIshvara.n deva.n shatasho.atha sahasrashaH .. 87..\\
etatte kathita.n rAjankArttikeyAbhiShechanam . 
shR^iNu chaiva sarasvatyAstIrthavaMshasya puNyatAm .. 88..\\
babhUva tIrthapravara.n hateShu surashatruShu . 
kumAreNa mahArAja triviShTapamivAparam .. 89..\\
aishvaryANi cha tatrastho dadAvIshaH pR^ithakpR^ithak . 
tadA nairR^itamukhyebhyastrailokye pAvakAtmajaH .. 90..\\
eva.n sa bhagavA.nstasmi.nstIrthe daitya kulAntakaH . 
abhiShikto mahArAja deva senApatiH suraiH .. 91..\\
aujasaM nAma tattIrtha.n yatra pUrvamapAM patiH . 
abhiShiktaH suragaNairvaruNo bharatarShabha .. 92..\\
tasmi.nstIrthavare snAtvA skanda.n chAbhyarchya lA~NgalI . 
brAhmaNebhyo dadau rukma.n vAsA.nsyAbharaNAni cha .. 93..\\
uShitvA rajanI.n tatra mAdhavaH paravIrahA . 
pUjya tIrthavara.n tachcha spR^iShTvA toyaM cha lA~NgalI . 
hR^iShTaH prItamanAshchaiva hyabhavanmAdhavottamaH .. 94..\\
etatte sarvamAkhyAta.n yanmA.n tvaM paripR^ichchhasi . 
yathAbhiShikto bhagavAnskando devaiH samAgataiH .. 95..\\
\medskip\hrule\medskip\centerline{\Largedvng 46}
 j

atyadbhutamidaM brahma~nshrutavAnasmi tattvataH . 
abhiSheka.n kumArasya vistareNa yathAvidhi .. 1..\\
yachchhrutvA pUtamAtmAna.n vijAnAmi tapodhana . 
prahR^iShTAni cha romANi prasanna.n cha mano mama .. 2..\\
abhiSheka.n kumArasya daityAnAM cha vadhaM tathA . 
shrutvA me paramA prItirbhUyaH kautUhala.n hi me .. 3..\\
apAM patiH katha.n hyasminnabhiShiktaH surAsuraiH . 
tanme brUhi mahAprAGYa kushalo hyasi sattama .. 4..\\

 vai

shR^iNu rAjannida.n chitraM pUrvakalpe yathAtatham . 
Adau kR^itayuge tasminvartamAne yathAvidhi . 
varuNa.n devatAH sarvAH sametyedamathAbruvan .. 5..\\
yathAsmAnsurarATshakro bhayebhyaH pAti sarvadA . 
tathA tvamapi sarvAsA.n saritAM vai patirbhava .. 6..\\
vAsashcha te sadA devasAgare makarAlaye . 
samudro.aya.n tava vashe bhaviShyati nadIpatiH .. 7..\\
somena sArdha.n cha tava hAni vR^iddhI bhaviShyataH . 
evamastviti tAndevAnvaruNo vAkyamabravIt .. 8..\\
samAgamya tataH sarve varuNa.n sAgarAlayam . 
apAM patiM prachakrurhi vidhidR^iShTena karmaNA .. 9..\\
abhiShichya tato devA varuNa.n yAdasAM pati . 
jagmuH svAnyeva sthAnAni pUjayitvA jaleshvaram .. 10..\\
abhiShiktastato devairvaruNo.api mahAyashAH . 
saritaH sAgarAMshchaiva nadAMshchaiva sarA.nsi cha . 
pAlayAmAsa vidhinA yathA devA~nshatakratuH .. 11..\\
tatastatrApyupaspR^ishya dattvA cha vividha.n vasu . 
agnitIrthaM mahAprAGYaH sa jagAma pralambahA . 
naShTo na dR^ishyate yatra shamI garbhe hutAshanaH .. 12..\\
lokAloka vinAshe cha prAdurbhUte tadAnagha . 
upatasthurmahAtmAna.n sarvalokapitAmaham .. 13..\\
agniH pranaShTo bhagavAnkAraNa.n cha na vidmahe . 
sarvalokakShayo mA bhUtsampAdayatu no.analam .. 14..\\

 j

kimarthaM bhagavAnagniH pranaShTo lokabhAvanaH . 
viGYAtashcha katha.n devaistanmamAchakShva tattvataH .. 15..\\

 vai

bhR^igoH shApAdbhR^ishaM bhIto jAtavedAH pratApavAn . 
shamI garbhamathAsAdya nanAsha bhagavA.nstataH .. 16..\\
pranaShTe tu tadA vahnau devAH sarve savAsavAH . 
anveShanta tadA naShTa.n jvalanaM bhR^ishaduHkhitAH .. 17..\\
tato.agnitIrthamAsAdya shamI garbhasthameva hi . 
dadR^ishurjvalana.n tatra vasamAna.n yathAvidhi .. 18..\\
devAH sarve naravyAghra bR^ihaspatipurogamAH . 
jvalana.n ta.n samAsAdya prItAbhUvansavAsavAH . 
punaryathAgata.n jagmuH sarvabhakShash cha so.abhavat .. 19..\\
bhR^igoH shApAnmahIpAla yaduktaM brahmavAdinA . 
tatrApyAplutya matimAnbrahmayoni.n jagAma ha .. 20..\\
sasarja bhagavAnyatra sarvalokapitAmahaH . 
tatrAplutya tato brahmA saha devaiH prabhuH purA . 
sasarja chAnnAni tathA devatAnA.n yathAvidhi .. 21..\\
tatra snAtvA cha dattvA cha vasUni vividhAni cha . 
kauberaM prayayau tIrtha.n tatra taptvA mahattapaH . 
dhanAdhipatya.n samprApto rAjannailabilaH prabhuH .. 22..\\
tatrasthameva ta.n rAjandhanAni nidhayastathA . 
upatasthurnarashreShTha tattIrtha.n lA~NgalI tataH . 
gatvA snAtvA cha vidhivadbrAhmaNebhyo dhana.n dadau .. 23..\\
dadR^ishe tatra tatsthAna.n kaubere kAnanottame . 
purA yatra tapastapta.n vipulaM sumahAtmanA .. 24..\\
yatra rAGYA kubereNa varA labdhAshcha puShkalAH . 
dhanAdhipatya.n sakhya.n cha rudreNAmita tejasA .. 25..\\
suratva.n lokapAlatvaM putra.n cha nalakUbaram . 
yatra lebhe mahAbAho dhanAdhipatira~njasA .. 26..\\
abhiShiktashcha tatraiva samAgamya marudgaNaiH . 
vAhana.n chAsya taddatta.n ha.nsayuktaM manoramam . 
vimAnaM puShpaka.n divyaM nairR^itaishvaryameva cha .. 27..\\
tatrAplutya balo rAjandattvA dAyAMshcha puShkalAn . 
jagAma tvarito rAmastIrtha.n shvetAnulepanaH .. 28..\\
niShevita.n sarvasattvairnAmnA badara pAchanam . 
nAnartuka vanopeta.n sadA puShpaphalaM shubham .. 29..\\
\medskip\hrule\medskip\centerline{\Largedvng 47}
 vai

tatastIrthavara.n rAmo yayau badara pAchanam . 
tapasvisiddhacharita.n yatra kanyA dhR^itavratA .. 1..\\
bharadvAjasya duhitA rUpeNApratimA bhuvi . 
sruchAvatI nAma vibho kumArI brahmachAriNI .. 2..\\
tapashchachAra sAtyugraM niyamairbahubhirnR^ipa . 
bhartA me devarAjaH syAditi nishchitya bhAminI .. 3..\\
samAstasyA vyatikrAntA bahvyaH kurukulodvaha . 
charantyA niyamA.nstA.nstAnstrIbhistIvrAnsudushcharAn .. 4..\\
tasyAstu tena vR^ittena tapasA cha vishAM pate . 
bhaktyA cha bhagavAnprItaH parayA pAkashAsanaH .. 5..\\
AjagAmAshrama.n tasyAstridashAdhipatiH prabhuH . 
AsthAya rUpa.n viprarShervasiShThasya mahAtmanaH .. 6..\\
sA ta.n dR^iShTvogra tapasa.n vasiShThaM tapatAM varam . 
AchArairmunibhirdR^iShTaiH pUjayAmAsa bhArata .. 7..\\
uvAcha niyamaGYA cha kalyANI sA priya.nvadA . 
bhagavanmunishArdUla kimAGYApayasi prabho .. 8..\\
sarvamadya yathAshakti tava dAsyAmi suvrata . 
shakra bhaktyA tu te pANiM na dAsyAmi katha.n chana .. 9..\\
vrataishcha niyamaishchaiva tapasA cha tapodhana . 
shakrastoShayitavyo vai mayA tribhuvaneshvaraH .. 10..\\
ityukto bhagavAndevaH smayanniva nirIkShya tAm . 
uvAcha niyamaGYA.n tA.n sAntvayanniva bhArata .. 11..\\
ugra.n tapashcharasi vai viditA me.asi suvrate . 
yadarthamayamArambhastava kalyANi hR^idgataH .. 12..\\
tachcha sarva.n yathA bhUtaM bhaviShyati varAnane . 
tapasA labhyate sarva.n sarva.n tapasi tiShThati .. 13..\\
yAni sthAnAni divyAni vibudhAnA.n shubhAnane . 
tapasA tAni prApyAni tapo mUlaM mahatsukham .. 14..\\
iha kR^itvA tapo ghora.n deha.n saMnyasya mAnavAH . 
devatva.n yAnti kalyANi shR^iNu chedaM vacho mama .. 15..\\
pachasvaitAni subhage badarANi shubhavrate . 
pachetyuktvA sa bhagavA~njagAma balasUdanaH .. 16..\\
Amantrya tA.n tu kalyANIM tato japyaM jajApa saH . 
avidUre tatastasmAdAshramAttIrthamuttame . 
indra tIrthe mahArAja triShu lokeShu vishrute .. 17..\\
tasyA jiGYAsanArtha.n sa bhagavAnpAkashAsanaH . 
badarANAmapachana.n chakAra vibudhAdhipaH .. 18..\\
tataH sa prayatA rAjanvAgyatA vigataklamA . 
tatparA shuchi sa.nvItA pAvake samadhishrayat . 
apachadrAjashArdUla badarANi mahAvratA .. 19..\\
tasyAH pachantyAH sumahAnkAlo.agAtpuruSharShabha . 
na cha sma tAnyapachyanta dina.n cha kShayamabhyagat .. 20..\\
hutAshanena dagdhashcha yastasyAH kAShThasa~ncayaH . 
akAShThamagni.n sA dR^iShTvA svasharIramathAdahat .. 21..\\
pAdau prakShipya sA pUrvaM pAvake chArudarshanA . 
dagdhau dagdhau punaH pAdAvupAvartayatAnaghA .. 22..\\
charaNau dahyamAnau cha nAchintayadaninditA . 
duHkha.n kamalapatrAkShI maharSheH priyakAmyayA .. 23..\\
atha tatkarma dR^iShTvAsyAH prItastribhuvaneshvaraH . 
tataH sandarshayAmAsa kanyAyai rUpamAtmanaH .. 24..\\
uvAcha cha surashreShThastA.n kanyA.n sudR^iDha vratAm . 
prIto.asmi te shubhe bhaktyA tapasA niyamena cha .. 25..\\
tasmAdyo.abhimataH kAmaH sa te sampatsyate shubhe . 
deha.n tyaktvA mahAbhAge tridive mayi vatsyasi .. 26..\\
ida.n cha te tIrthavara.n sthiraM loke bhaviShyati . 
sarvapApApaha.n subhru nAmnA badara pAchanam . 
vikhyAta.n triShu lokeShu brahmarShibhirabhiplutam .. 27..\\
asminkhalu mahAbhAge shubhe tIrthavare purA . 
tyaktvA saptarShayo jagmurhimavantamarundhatIm .. 28..\\
tataste vai mahAbhAgA gatvA tatra susaMshitAH . 
vR^ittyarthaM phalamUlAni samAhartu.n yayuH kila .. 29..\\
teShA.n vR^ittyarthinA.n tatra vasatAM himavadvane . 
anAvR^iShTiranuprAptA tadA dvAdasha vArShikI .. 30..\\
te kR^itvA chAshrama.n tatra nyavasanta tapasvinaH . 
arundhatyapi kalyANI taponityAbhavattadA .. 31..\\
arundhatI.n tato dR^iShTvA tIvraM niyamamAsthitAm . 
athAgamattrinayahaH suprIto varadastadA .. 32..\\
brAhma.n rUpa.n tataH kR^itvA mahAdevo mahAyashAH . 
tAmabhyetyAbravIddevo bhikShAmichchhAmyaha.n shubhe .. 33..\\
pratyuvAcha tataH sA taM brAhmaNa.n chArudarshanA . 
kShINo.annasa~ncayo vipra badarANIha bhakShaya . 
tato.abravInmahAdevaH pachasvaitAni suvrate .. 34..\\
ityuktA sApachattAni brAhmaNa priyakAmyayA . 
adhishritya samiddhe.agnau badarANi yashasvinI .. 35..\\
divyA manoramAH puNyAH kathAH shushrAva sA tadA . 
atItA sA tvanAvR^iShTirghorA dvAdasha vArShikI .. 36..\\
anashnantyAH pachantyAshcha shR^iNvantyAshcha kathAH shubhAH . 
ahaH samaH sa tasyAstu kAlo.atItaH sudAruNaH .. 37..\\
tataste munayaH prAptAH phalAnyAdAya parvatAt . 
tataH sa bhagavAnprItaH provAchArundhatI.n tadA .. 38..\\
upasarpasva dharmaGYe yathApUrvamimAnR^iShIn . 
prIto.asmi tava dharmaGYa tapasA niyamena cha .. 39..\\
tataH sandarshayAmAsa svarUpaM bhagavAnharaH . 
tato.abravIttadA tebhyastasyAstachcharitaM mahat .. 40..\\
bhavadbhirhimavatpR^iShThe yattapaH samupArjitam . 
asyAshcha yattapo viprA na sama.n tanmataM mama .. 41..\\
anayA hi tapasvinyA tapastapta.n sudushcharam . 
anashnantyA pachantyA cha samA dvAdasha pAritAH .. 42..\\
tataH provAcha bhagavA.nstAmevArundhatIM punaH . 
vara.n vR^iNIShva kalyANi yatte.abhilaShitaM hR^idi .. 43..\\
sAbravItpR^ithu tAmrAkShI deva.n saptarShisa.nsadi . 
bhagavAnyadi me prItastIrtha.n syAdidamuttamam . 
siddhadevarShidayitaM nAmnA badara pAchanam .. 44..\\
tathAsmindevadevesha trirAtramuShitaH shuchiH . 
prApnuyAdupavAsena phala.n dvAdasha vArShikam . 
evamastviti tA.n choktvA haro yAtastadA divam .. 45..\\
R^iShayo vismaya.n jagmustAM dR^iShTvA chApyarundhatIm . 
ashrAntA.n chAvi varNAM cha kShutpipAsA sahA.n satIm .. 46..\\
eva.n siddhiH parA prAptA arundhatyA vishuddhayA . 
yathA tvayA mahAbhAge madartha.n saMshitavrate .. 47..\\
visheSho hi tvayA bhadre vrate hyasminsamarpitaH . 
tathA cheda.n dadAmyadya niyamena sutoShitaH .. 48..\\
visheSha.n tava kalyANi prayachchhAmi vara.n vare . 
arundhatyA varastasyA yo datto vai mahAtmanA .. 49..\\
tasya chAhaM prasAdena tava kalyANi tejasA . 
pravakShyAmyaparaM bhUyo varamatra yathAvidhi .. 50..\\
yastvekA.n rajanI.n tIrthe vatsyate susamAhitaH . 
sa snAtvA prApsyate lokAndehanyAsAchcha durlabhAn .. 51..\\
ityuktvA bhagavAndevaH sahasrAkShaH pratApavAn . 
sruchAvatI.n tataH puNyAM jagAma tridivaM punaH .. 52..\\
gate vajradhare rAja.nstatra varShaM papAta ha . 
puShpANAM bharatashreShTha divyAnA.n divyagandhinAm .. 53..\\
nedurdundubhayashchApi samantAtsumahAsvanAH . 
mArutashcha vavau yuktyA puNyagandho vishAM pate .. 54..\\
utsR^ijya tu shubha.n dehaM jagAmendrasya bhAryatAm . 
tapasogreNa sA labdhvA tena reme sahAchyuta .. 55..\\

 j

kA tasyA bhagavanmAtA kva sa.nvR^iddhA cha shobhanA . 
shrotumichchhAmyahaM brahmanpara.n kautUhala.n hi me .. 56..\\

 vai

bhAradvAjasya viprarSheH skanna.n reto mahAtmanaH . 
dR^iShTvApsarasamAyAntI.n ghR^itAchIM pR^ithulochanAm .. 57..\\
sa tu jagrAha tadretaH kareNa japatA.n varaH . 
tadAvapatparNapuTe tatra sA sambhavachchhubhA .. 58..\\
tasyAstu jata karmAdi kR^itvA sarva.n tapodhanaH . 
nAma chAsyAH sa kR^itavAnbhAradvAjo mahAmuniH .. 59..\\
sruchAvatIti dharmAtmA tadarShigaNasa.nsadi . 
sa cha tAmAshrame nyasya jagAma himavadvanam .. 60..\\
tatrApyupaspR^ishya mahAnubhAvo 
vasUni dattvA cha mahAdvijebhyaH . 
jagAma tIrtha.n susamAhitAtmA 
shakrasya vR^iShNipravarastadAnIm .. 61..\\
\medskip\hrule\medskip\centerline{\Largedvng 48}
 vai

indra tIrtha.n tato gatvA yadUnAM pravaro balI . 
viprebhyo dhanaratnAni dadau snAtvA yathAvidhi .. 1..\\
tatra hyamara rAjo.asAvIje kratushatena ha . 
bR^ihaspateshcha deveshaH pradadau vipula.n dhanam .. 2..\\
nirargalAnsajArUthyAnsarvAnvividhadakShiNAn . 
AjahAra kratU.nstatra yathoktAnvedapAragaiH .. 3..\\
tAnkratUnbharatashreShTha shatakR^itvo mahAdyutiH . 
pUrayAmAsa vidhivattataH khyAtaH shatakratuH .. 4..\\
tasya nAmnA cha tattIrtha.n shivaM puNyaM sanAtanam . 
indra tIrthamiti khyAta.n sarvapApapramochanam .. 5..\\
upaspR^ishya cha tatrApi vidhivanmusalAyudhaH . 
brAhmaNAnpUjayitvA cha pAnAchchhAdana bhojanaiH . 
shubha.n tIrthavaraM tasmAdrAma tIrthaM jagAma ha .. 6..\\
yatra rAmo mahAbhAgo bhArgavaH sumahAtapAH . 
asakR^itpR^ithivI.n sarvAM hatakShatriya pu~NgavAm .. 7..\\
upAdhyAyaM puraskR^itya kashyapaM munisattamam . 
ajayadvAjapeyena so.ashvamedha shatena cha . 
pradadau dakShiNArtha.n cha pR^ithivI.n vai sasAgarAm .. 8..\\
rAmo dattvA dhana.n tatra dvijebhyo janamejaya . 
upaspR^ishya yathAnyAyaM pUjayitvA tathA dvijAn .. 9..\\
puNye tIrthe shubhe deshe vasu dattvA shubhAnanaH . 
munIMshchaivAbhivAdyAtha yamunAtIrthamAgamat .. 10..\\
yatrAnayAmAsa tadA rAjasUyaM mahIpate . 
putro.aditermahAbhAgo varuNo vai sitaprabhaH .. 11..\\
tatra nirjitya sa~NgrAme mAnuShAndaivatA.nstathA . 
vara.n kratu.n samAjahre varuNaH paravIrahA .. 12..\\
tasminkratuvare vR^itte sa~NgrAmaH samajAyata . 
devAnA.n dAnavAnAM cha trailokyasya kShayAvahaH .. 13..\\
rAjasUye kratushreShThe nivR^itte janamejaya . 
jAyate sumahAghoraH sa~NgrAmaH kShatriyAnprati .. 14..\\
sIrAyudhastadA rAmastasmi.nstIrthavare tadA . 
tatra snAtvA cha dattvA cha dvijebhyo vasu mAdhavaH .. 15..\\
vanamAlI tato hR^iShTaH stUyamAno dvijAtibhiH . 
tasmAdAdityatIrtha.n cha jagAma kamalekShaNaH .. 16..\\
yatreShTvA bhagavA~njyotirbhAskaro rAjasattama . 
jyotiShAmAdhipatya.n cha prabhAvaM chAbhyapadyata .. 17..\\
tasyA nadyAstu tIre vai sarve devAH savAsavAH . 
vishve devAH samaruto gandharvApsarasash cha ha .. 18..\\
dvaipAyanaH shukashchaiva kR^iShNashcha madhusUdanaH . 
yakShAshcha rAkShasAshchaiva pishAchAshcha vishAM pate .. 19..\\
ete chAnye cha bahavo yogasiddhAH sahasrashaH . 
tasmi.nstIrthe sarasvatyAH shive puNye parantapa .. 20..\\
tatra hatvA purA viShNurasurau madhu kauTabhau . 
Apluto bharatashreShTha tIrthapravara uttame .. 21..\\
dvaipAyanashcha dharmAtmA tatraivAplutya bhArata . 
samprAptaH parama.n yogaM siddhi.n cha paramAM gataH .. 22..\\
asito devalashchaiva tasminneva mahAtapAH . 
parama.n yogamAsthAya R^iShiryogamavAptavAn .. 23..\\
\medskip\hrule\medskip\centerline{\Largedvng 49}
 vai

tasminneva tu dharmAtmA vasati sma tapodhanaH . 
gArhasthya.n dharmamAsthAya asito devalaH purA .. 1..\\
dharmanityaH shuchirdAnto nyastadaNDo mahAtapAH . 
karmaNA manasA vAchA samaH sarveShu jantuShu .. 2..\\
akrodhano mahArAja tulyanindA priyApriyaH . 
kA~nchane loShTake chaiva samadarshI mahAtapAH .. 3..\\
devatAH pUjayannityamatithIMshcha dvijaiH saha . 
brahmacharya rato nitya.n sadA dharmaparAyaNaH .. 4..\\
tato.abhyetya mahArAja yogamAsthaya bhikShukaH . 
jaigIShavyo munirdhImA.nstasmi.nstIrthe samAhitaH .. 5..\\
devalasyAshrame rAjannyavasatsa mahAdyutiH . 
yoganityo mahArAja siddhiM prApto mahAtapAH .. 6..\\
ta.n tatra vasamAnaM tu jaigIShavyaM mahAmunim . 
devalo darshayanneva naivAyu~njata dharmataH .. 7..\\
eva.n tayormahArAja dIrghakAlo vyatikramat . 
jaigIShavyaM muni.n chaiva na dadarshAtha devalaH .. 8..\\
AhArakAle matimAnparivrAD janamejaya . 
upAtiShThata dharmaGYo bhaikSha kAle sa devalam .. 9..\\
sa dR^iShTvA bhikShurUpeNa prAptantatra mahAmunim . 
gauravaM parama.n chakre prItiM cha vipulAM tathA .. 10..\\
devalastu yathAshakti pUjayAmAsa bhArata . 
R^iShidR^iShTena vidhinA samA bahvyaH samAhitaH .. 11..\\
kadA chittasya nR^ipate devalasya mahAtmanaH . 
chintA sumahatI jAtA muni.n dR^iShTvA mahAdyutim .. 12..\\
samAstu samatikrAntA bahvyaH pUjayato mama . 
na chAyamalaso bhikShurabhyabhAShata ki.n chana .. 13..\\
eva.n vigaNayanneva sa jagAma mahodadhim . 
antarikShacharaH shrImAnkalasha.n gR^ihya devalaH .. 14..\\
gachchhanneva sa dharmAtmA samudra.n saritAM patim . 
jaigIShavya.n tato.apashyadgataM prAgeva bhArata .. 15..\\
tataH savismayashchintA.n jagAmAthAsitaH prabhuH . 
kathaM bhikShurayaM prAptaH samudre snAta eva cha .. 16..\\
ityeva.n chintayAmAsa maharShirasitastadA . 
snAtvA samudre vidhivachchhuchirjapya.n jajApa ha .. 17..\\
kR^itajapyAhnikaH shrImAnashrama.n cha jagAma ha . 
kalasha.n jalapUrNa.n vai gR^ihItvA janamejaya .. 18..\\
tataH sa pravishanneva svamAshramapadaM muniH . 
AsInamAshrame tatra jaigIShavyamapashyata .. 19..\\
na vyAharati chaivaina.n jaigIShavyaH kathaM chana . 
kAShThabhUto.a.ashrama pade vasati sma mahAtapAH .. 20..\\
ta.n dR^iShTvA chAplutaM toye sAgare sAgaropamam . 
praviShTamAshrama.n chApi pUrvameva dadarsha saH .. 21..\\
asito devalo rAjaMshchintayAmAsa buddhimAn . 
dR^iShTaH prabhAva.n tapaso jaigIShavyasya yogajam .. 22..\\
chintayAmAsa rAjendra tadA sa munisattamaH . 
mayA dR^iShTaH samudre cha Ashrame cha katha.n tvayam .. 23..\\
eva.n vigaNayanneva sa munirmantrapAragaH . 
utpapAtAshramAttasmAdantarikSha.n vishAM pate . 
jiGYAsArtha.n tadA bhikShorjaigIShavyasya devalaH .. 24..\\
so.antarikShacharAnsiddhAnsamapashyatsamAhitAn . 
jaigIShavya.n cha taiH siddhaiH pUjyamAnamapashyata .. 25..\\
tato.asitaH susa.nrabdho vyavasAyI dR^iDhavrataH . 
apashyadvai diva.n yAnta.n jaigIShavyaM sa devalaH .. 26..\\
tasmAchcha pitR^iloka.n ta.n vrajantaM so.anvapashyata . 
pitR^ilokAchcha ta.n yAntaM yAmyaM lokamapashyata .. 27..\\
tasmAdapi samutpatya somalokamabhiShTutam . 
vrajantamanvapashyatsa jaigIShavyaM mahAmunim .. 28..\\
lokAnsamutpatanta.n cha shubhAnekAntayAjinAm . 
tato.agnihotriNA.n lokA.nstebhyashchApyutpapAta ha .. 29..\\
darsha.n cha paurNamAsaM cha ye yajanti tapodhanAH . 
tebhyaH sa dadR^ishe dhImA.NllokebhyaH pashuyAjinAm . 
vrajanta.n lokamamalamapashyaddeva pUjitam .. 30..\\
chAturmAsyairbahuvidhairyajante ye tapodhanAH . 
teShA.n sthAna.n tathA yAntaM tathAgniShToma yAjinAm .. 31..\\
agniShTutena cha tathA ye yajanti tapodhanAH . 
tatsthAnamanusamprAptamanvapashyata devalaH .. 32..\\
vAjapeya.n kratuvaraM tathA bahusuvarNakam . 
Aharanti mahAprAGYAsteShA.n lokeShvapashyata .. 33..\\
yajante puNDarIkeNa rAjasUyena chaiva ye . 
teShA.n lokeShvapashyachcha jaigIShavyaM sa devalaH .. 34..\\
ashvamedha.n kratuvaraM naramedhaM tathaiva cha . 
Aharanti narashreShThAsteShA.n lokeShvapashyata .. 35..\\
sarvamedha.n cha duShprApaM tathA sautrAmaNiM cha ye . 
teShA.n lokeShvapashyachcha jaigIShavyaM sa devalaH .. 36..\\
dvAdashAhaishcha satrairye yajante vividhairnR^ipa . 
teShA.n lokeShvapashyachcha jaigIShavyaM sa devalaH .. 37..\\
mitrA varuNayorlokAnAdityAnA.n tathaiva cha . 
salokatAmanuprAptamapashyata tato.asitaH .. 38..\\
rudrANA.n cha vasUnAM cha sthAna.n yachcha bR^ihaspateH . 
tAni sarvaNyatIta.n cha samapashyattato.asitaH .. 39..\\
Aruhya cha gavA.n lokaM prayAntaM brahma satriNAm . 
lokAnapashyadgachchhanta.n jaigIShavyaM tato.asitaH .. 40..\\
trI.NllokAnaparAnvipramutpatanta.n svatejasA . 
pativratAnA.n lokAMshcha vrajantaM so.anvapashyata .. 41..\\
tato munivaraM bhUyo jaigIShavyamathAsitaH . 
nAnvapashyata yogasthamantarhitamarindama .. 42..\\
so.achintayanmahAbhAgo jaigIShavyasya devalaH . 
prabhAva.n suvratatva.n cha siddhiM yogasya chAtulAm .. 43..\\
asito.apR^ichchhata tadA siddhA.NllokeShu sattamAn . 
prayataH prA~njalirbhUtvA dhIrastAnbrahma satriNaH .. 44..\\
jaigIShavyaM na pashyAmi ta.n sha.nsata mahaujasam . 
etadichchhAmyaha.n shrotuM para.n kautUhalaM hi me .. 45..\\

 siddhaah

shR^iNu devala bhUtArtha.n sha.nsatAM no dR^iDhavrata . 
jaigIShavyo gato loka.n shAshvataM brahmaNo.avyayam .. 46..\\
sa shrutvA vachana.n teShA.n siddhAnAM brahma satriNAm . 
asito devalastUrNamutpapAta papAta cha .. 47..\\
tataH siddhAsta Uchurhi devalaM punareva ha . 
na devala gatistatra tava gantu.n tapodhana . 
brahmaNaH sadana.n vipra jaigIShavyo yadAptavAn .. 48..\\
teShA.n tadvachana.n shrutvA siddhAnAM devalaH punaH . 
AnupUrvyeNa lokA.nstAnsarvAnavatatAra ha .. 49..\\
svamAshramapadaM puNyamAjagAma pata~Ngavat . 
pravishanneva chApashyajjaigIShavya.n sa devalaH .. 50..\\
tato buddhyA vyagaNayaddevalo dharmayuktayA . 
dR^iShTvA prabhAva.n tapaso jaigIShavyasya yogajam .. 51..\\
tato.abravInmahAtmAna.n jaigIShavya.n sa devalaH . 
vinayAvanato rAjannupasarpya mahAmunim . 
mokShadharma.n samAsthAtumichchheyaM bhagavannaham .. 52..\\
tasya tadvachana.n shrutvA upadesha.n chakAra saH . 
vidhi.n cha yogasya paraM kAryAkAryaM cha shAstrataH .. 53..\\
saMnyAsakR^itabuddhi.n taM tato dR^iShTvA mahAtapAH . 
sarvAshchAsya kriyAshchakre vidhidR^iShTena karmaNA .. 54..\\
saMnyAsakR^itabuddhi.n taM bhUtAni pitR^ibhiH saha . 
tato dR^iShTvA praruruduH ko.asmAnsa.nvibhajiShyati .. 55..\\
devalastu vachaH shrutvA bhUtAnA.n karuNaM tathA . 
disho dashavyAharatAM mokSha.n tyaktuM mano dadhe .. 56..\\
tatastu phalamUlAni pavitrANi cha bhArata . 
puShpANyoShadhayashchaiva rorUyante sahasrashaH .. 57..\\
punarno devalaH kShudro nUna.n chhetsyati durmatiH . 
abhaya.n sarvabhUtebhyo yo dattA nAvabudhyate .. 58..\\
tato bhUyo vyagaNayatsvabuddhyA munisattamaH . 
mokShe gArhasthya dharme vA kiM nu shreyaH karaM bhavet .. 59..\\
iti nishchitya manasA devalo rAjasattama . 
tyaktvA gArhasthya dharma.n sa mokShadharmamarochayat .. 60..\\
evamAdIni sa~ncintya devalo nishchayAttataH . 
prAptavAnparamA.n siddhimparaM yoga.n cha bhArata .. 61..\\
tato devAH samAgamya bR^ihaspatipurogamAH . 
jaigIShavya.n tapashchAsya prasha.nsanti tapasvinaH .. 62..\\
athAbravIdR^iShivaro devAnvai nAradastadA . 
jaigIShavye tapo nAsti vismApayati yo.asitam .. 63..\\
tameva.n vAdina.n dhIraM pratyUchuste divaukasaH . 
maivamityeva sha.nsanto jaigIShavyaM mahAmunim .. 64..\\
tatrApyupaspR^ishya tato mahAtmA 
dattvA cha vitta.n halabhR^iddvijebhyaH . 
avApya dharmaM paramArya karmA 
jagAma somasya mahatsa tIrtham .. 65..\\
\medskip\hrule\medskip\centerline{\Largedvng 50}
 vai

yatrejivAnuDupatI rAjasUyena bhArata . 
tasminvR^itte mahAnAsItsa~NgrAmastArakAmayaH .. 1..\\
tatrApyupaspR^ishya balo dattvA dAnAni chAtmavAn . 
sArasvatasya dharmAtmA munestIrtha.n jagAma ha .. 2..\\
yatra dvAdasha vArShikyAmanAvR^iShTyA.n dvijottamAn . 
vedAnadhyApayAmAsa purA sArasvato muniH .. 3..\\

 j

katha.n dvAdasha vArShikyAmanAvR^iShTyAM tapodhanaH . 
vedAnadhyApayAmAsa purA sArasvato muniH .. 4..\\

 vai

AsItpUraM mahArAja munirdhImAnmahAtapAH . 
dadhIcha iti vikhyAto brahma chArI jitendriyaH .. 5..\\
tasyAtitapasaH shakro bibheti satata.n vibho . 
na sa lobhayitu.n shakyaH phalairbahuvidhairapi .. 6..\\
pralobhanArtha.n tasyAtha prahiNotpAkashAsanaH . 
divyAmapsarasaM puNyA.n darshanIyAmalambusAm .. 7..\\
tasya tarpayato devAnsarasvatyAM mahAtmanaH . 
samIpato mahArAja sopAtiShThata bhAminI .. 8..\\
tA.n divyavapuShaM dR^iShTvA tasyaiSherbhAvitAtmanaH . 
retaH skanna.n sarasvatyA.n tatsA jagrAha nimnagA .. 9..\\
kukShau chApyadadhaddR^iShTvA tadretaH puruSharShabha . 
sA dadhAra cha ta.n garbhaM putra hetormahAnadI .. 10..\\
suShuve chApi samaye putra.n sA sAritAM varA . 
jagAma putramAdAya tamR^iShiM prati cha prabho .. 11..\\
R^iShisa.nsadi ta.n dR^iShTvA sA nadI munisattamam . 
tataH provAcha rAjendra dadatI putramasya tam . 
brahmarShe tava putro.aya.n tvadbhaktyA dhArito mayA .. 12..\\
dR^iShTvA te.apsarasa.n reto yatskannaM prAgalambusAm . 
tatkukShiNA vai brahmarShe tvadbhaktyA dhR^itavatyaham .. 13..\\
na vinAshamida.n gachchhettvatteja iti nishchayAt . 
pratigR^ihNIShva putra.n svaM mayA dattamaninditam .. 14..\\
ityuktaH pratijagrAha prIti.n chAvApa uttamA . 
mantravachchopajighrattaM mUrdhni premNA dvijottamaH .. 15..\\
pariShvajya chira.n kAlaM tadA bharatasattama . 
sarasvatyai varaM prAdAtprIyamANo mahAmuniH .. 16..\\
vishve devAH sapitaro gandharvApsarasA.n gaNAH . 
tR^ipti.n yAsyanti subhage tarpyamANAstavAmbhasA .. 17..\\
ityuktvA sa tu tuShTAva vachobhirvai mahAnadIm . 
prItaH paramahR^iShTAtmA yathAvachchhR^iNu pArthiva .. 18..\\
prasR^itAsi mahAbhAge saraso brahmaNaH purA . 
jAnanti tvA.n sarichchhreShThe munayaH saMshitavratAH .. 19..\\
mama priyakarI chApi satataM priyadarshane . 
tasmAtsArasvataH putro mahA.nste varavarNini .. 20..\\
tavaiva nAmnA prathitaH putraste lokabhAvanaH . 
sArasvata iti khyAto bhaviShyati mahAtapAH .. 21..\\
eSha dvAdasha vArShikyAmanAvR^iShTyA.n dvijarShabhAn . 
sArasvato mahAbhAge vedAnadhyApayiShyati .. 22..\\
puNyAbhyashcha saridbhyastva.n sadA puNyatamA shubhe . 
bhaviShyasi mahAbhAge matprasAdAtsarasvati .. 23..\\
eva.n sA sa.nstutA tena varaM labdhvA mahAnadI . 
putramAdAya muditA jagAma bharatarShabha .. 24..\\
etasminneva kAle tu virodhe devadAnavaiH . 
shakraH praharaNAnveShI lokA.nstrInvichachAra ha .. 25..\\
na chopalebhe bhagavA~nshakraH praharaNa.n tadA . 
yadvai teShAM bhavedyogya.n vadhAya vibudhadviShAm .. 26..\\
tato.abravItsurA~nshakro na me shakyA mahAsurAH . 
R^ite.asthibhirdadhIchasya nihantu.n tridashadviShaH .. 27..\\
tasmAdgatvA R^iShishreShTho yAchyatA.n surasattamAH . 
dadhIchAsthIni dehIti tairvadhiShyAmahe ripUn .. 28..\\
sa devairyAchito.asthIni yatnAdR^iShivarastadA . 
prANatyAga.n kuruShveti chakAraivAvichArayan . 
sa lokAnakShayAnprApto devapriya karastadA .. 29..\\
tasyAsthibhiratho shakraH samprahR^iShTamanAstadA . 
kArayAmAsa divyAni nAnApraharaNAnyuta . 
vajrANi chakrANi gadA guru daNDAMshcha puShkalAn .. 30..\\
sA hi tIvreNa tapasA sambhR^itaH paramarShiNA . 
prajApatisutenAtha bhR^iguNA lokabhAvanaH .. 31..\\
atikAyaH sa tejasvI lokasAra vinirmitaH . 
jaGYe shailaguruH prAMshurmahimnA prathitaH prabhuH . 
nityamudvijate chAsya tejasA pAkashAsanaH .. 32..\\
tena vajreNa bhagavAnmantrayuktena bhArata . 
bhR^isha.n krodhaviShR^iShTena brahmatejo bhavena cha . 
daityadAnava vIrANA.n jaghAna navatIrnava .. 33..\\
atha kAle vyatikrante mahatyatibhaya.n kare . 
anAvR^iShTiranuprAptA rAjandvAdasha vArShikI .. 34..\\
tasyA.n dvAdasha vArShikyAmanAvR^iShTyAM maharShayaH . 
vR^ittyarthaM prAdravanrAjankShudhArtAH sArvato disham .. 35..\\
digbhyastAnpradrutAndR^iShTvA muniH sArasvatastadA . 
gamanAya mati.n chakre taM provAcha sarasvatI .. 36..\\
na gantavyamitaH putra tavAhAramaha.n sadA . 
dAsyAmi matsyapravarAnuShyatAmiha bhArata .. 37..\\
ityuktastarpayAmAsa sa pitR^IndevatAstathA . 
AhAramakaronnityaM prANAnvedAMshcha dhArayan .. 38..\\
atha tasyAmatItAyAmanAvR^iShTyAM maharShayaH . 
anyonyaM paripaprachchhuH punaH svAdhyAyakAraNAt .. 39..\\
teShA.n kShudhA parItAnAM naShTA vedA vidhAvatAm . 
sarveShAmeva rAjendrana kashchitpratibhAnavAn .. 40..\\
atha kashchidR^iShisteShA.n sArasvatamupeyivAn . 
kurvANa.n saMshidAtmAnaM svAdhyAyamR^iShisattamam .. 41..\\
sa gatvAchaShTa tebhyashcha sArasvatamatiprabham . 
svAdhyAyamamaraprakhya.n kurvANa.n vijane jane .. 42..\\
tataH sarve samAjagmustatra rAjanmaharShayaH . 
sArasvataM munishreShThamidamUchuH samAgatAH .. 43..\\
asmAnadhyApayasveti tanovAcha tato muniH . 
shiShyatvamupagachchhadhva.n vidhivadbho mametyuta .. 44..\\
tato.abravIdR^iShigaNo bAlastvamasi putraka . 
sa tAnAha na me dharmo nashyediti punarmunIn .. 45..\\
yo hyadharmeNa vibrUyAdgR^ihNIyAdvApyadharmataH . 
mriyatA.n tAvubhau kShipra.n syAtAM vA vairiNAvubhau .. 46..\\
na hAyanairna palitairna vittena na bandhubhiH . 
R^iShayashchakrire dharma.n yo.anUchAnaH sa no mahAn .. 47..\\
etachchhrutvA vachastasya munayaste vidhAnataH . 
tasmAdvedAnanuprApya punardharmaM prachakrire .. 48..\\
ShaShTirmunisahasrANi shiShyatvaM pratipedire . 
sArasvatasya viprarSherveda svAdhyAyakAraNAt .. 49..\\
muShTiM muShTi.n tataH sarve darbhANAM te.abhyupAharan . 
tasyAsanArtha.n viprarSherbAlasyApi vashe sthitAH .. 50..\\
tatrApi dattvA vasu rauhiNeyo 
mahAbalaH keshava pUrvajo.atha . 
jagAma tIrthaM muditaH krameNa 
khyAtaM mahadvR^iddhakanyA sma yatra .. 51..\\
\medskip\hrule\medskip\centerline{\Largedvng 51}
 j

katha.n kumArI bhagava.nstapo yuktA hyabhUtpurA . 
kimartah.n cha tapastepe ko vAsyA niyamo.abhavat .. 1..\\
suduShkaramidaM brahma.nstvattaH shrutamanuttamam . 
AkhyAhi tattvamakhila.n yathA tapasi sA sthitA .. 2..\\

 vai

R^iShirAsInmahAvIryaH kuNirgArgyo mahAyashAH . 
sa taptvA vipula.n rAja.nstapo vai tapatAM varaH . 
mAnasI.n sa sutAM subhrUM samutpAditavAnvibhuH .. 3..\\
tA.n cha dR^iShTvA bhR^ishaM prItaH kuNirgArgyo mahAyashAH . 
jagAma tridiva.n rAjansantyajyeha kalevaram .. 4..\\
subhrUH sA hyatha kalyANI puNDarIkanibhekShaNA . 
mahatA tapasogreNa kR^itvAshramamaninditA .. 5..\\
upavAsaiH pUjayantI pitR^IndevaMshcha sA purA . 
tasyAstu tapasogreNa mahAnkAto.atyagAnnR^ipa .. 6..\\
sA pitrA dIyamAnApi bhartre naichchhadaninditA . 
AtmanaH sadR^isha.n sA tu bhartAraM nAnvapashyata .. 7..\\
tataH sA tapasogreNa pIDayitvAtmanastanum . 
pitR^idevArchana parA babhUva vijane vane .. 8..\\
sAtmAnaM manyamAnApi kR^itakR^itya.n shramAnvitA . 
vArdhakena cha rAjendra tapasA chaiva karshitA .. 9..\\
sA nAshakadyadA gantuM padAtpadamapi svayam . 
chakAra gamane buddhiM paralokAya vai tadA .. 10..\\
moktu kAmA.n tu tAM dR^iShTvA sharIraM nArado.abravIt . 
asa.nskR^itAyAH kanyAyAH kuto lokAstavAnaghe .. 11..\\
eva.n hi shrutamasmAbhirdevaloke mahAvrate . 
tapaH paramakaM prAptaM na tu lokAstvayA jitAH .. 12..\\
tannArada vachaH shrutvA sAbravIdR^iShisa.nsadi . 
tapaso.ardhaM prayachchhAmi pANigrAhasya sattamAH .. 13..\\
ityukte chAsyA jagrAha pANi.n gAlava sambhavaH . 
R^iShiH prAkshR^i~NgavAnnAma samaya.n chedamabravIt .. 14..\\
samayena tavAdyAhaM pANi.n sprakShyAmi shobhane . 
yadyekarAtra.n vastavya.n tvayA saha mayeti ha .. 15..\\
tatheti sA pratishrutya tasmai pANi.n dadau tadA . 
chakre cha pANigrahaNa.n tasyodvAhaM cha gAlaviH .. 16..\\
sA rAtrAvabhavadrAja.nstaruNI devavarNinI . 
divyAbharaNavastrA cha divyasraganulepanA .. 17..\\
tA.n dR^iShTvA gAlaviH prIto dIpayantImivAtmanA . 
uvAsa cha kShapAmekAM prabbhAte sAbravIchcha tam .. 18..\\
yastvayA samayo vipra kR^ito me tapatA.n vara . 
tenoShitAsmi bhadra.n te svasti te.astu vrajAmyaham .. 19..\\
sAnuGYAtAbravIdbhUyo yo.asmi.nstIrthe samAhitaH . 
vatsyate rajanImekA.n tarpayitvA divaukasaH .. 20..\\
chatvAriMshatamaShTau cha dve chAShTau samyagAcharet . 
yo brahmacharya.n varShANi phala.n tasya labheta saH . 
evamuktvA tataH sAdhvI deha.n tyaktvA divaM gatA .. 21..\\
R^iShirapyabhavaddInastasyA rUpa.n vichintayan . 
samayena tapo.ardha.n cha kR^ichchhrAtpratigR^ihItavAn .. 22..\\
sAdhayitvA tadAtmAna.n tasyAH sa gatimanvayAt . 
duHkhito bharatashreShTha tasyA rUpabalAtkR^itaH . 
etatte vR^iddhakanyAyA vyAkhyAta.n charitaM mahat .. 23..\\
tatrasthashchApi shushrAva hata.n shalyaM halAyudhaH . 
tatrApi dattvA dAnAni dvijAtibhyaH parantapa . 
shushocha shalya.n sa~NgrAme nihataM pANDavaistadA .. 24..\\
samantapa~nchaka dvArAttato niShkramya mAdhavaH . 
paprachchharShigaNAnrAmaH kurukShetrasya yatphalam .. 25..\\
te pR^iShTA yadusi.nhena kurukShetraphala.n vibho . 
samAchakhyurmahAtmAnastasmai sarva.n yathAtatham .. 26..\\
\medskip\hrule\medskip\centerline{\Largedvng 52}
 rsayah

prajApateruttamavediruchyate 
sanAtanA rAma samantapa~nchakam . 
samijire yatra purA divaukaso 
vareNa satreNa mahAvarapradAH .. 1..\\
purA cha rAjarShivareNa dhImatA 
bahUni varShANyamitena tejasA . 
prakR^iShTametatkuruNA mahAtmanA 
tataH kurukShetramitIha paprathe .. 2..\\

 raama

kimartha.n kuruNA kR^iShTaM kShetrametanmahAtmanA . 
etadichchhAmyaha.n shrotu.n kathyamAnaM tapodhanAH .. 3..\\

 rsayah

purA kila kuruM nAma kR^iShanta.n satatotthitam . 
abhyetya shakrastridivAtparyapR^ichchhata kAraNam .. 4..\\
kimida.n vartate rAjanprayatnena pareNa cha . 
rAjarShe kimabhipreta.n yeneya.n kR^iShyate kShitiH .. 5..\\

 kuru

iha ye puruShAH kShetre mariShyanti shatakrato . 
te gamiShyanti sukR^itA.NllokAnpApavivarjitAn .. 6..\\
avahasya tataH shakro jagAma tridivaM prabhuH . 
rAjarShirapyanirviNNaH karShatyeva vasundharAm .. 7..\\
AgamyAgamya chaivainaM bhUyo bhUyo.avahasya cha . 
shatakraturanirviNNaM pR^iShTvA pR^iShTvA jagAma ha .. 8..\\
yadA tu tapasogreNa chakarSha vasudhAM nR^ipa . 
tataH shakro.abravIddevAnrAjarSheryachchikIrShitam .. 9..\\
tachchhrutvA chAbruvandevAH sahasrAkShamida.n vachaH . 
vareNa chchhandyatA.n shakra rAjarShiryadi shakyate .. 10..\\
yadi hyatra pramItA vai svarga.n gachchhanti mAnavAH . 
asAnaniShTvA kratubhirbhAgo no na bhaviShyati .. 11..\\
Agamya cha tataH shakrastadA rAjarShimabravIt . 
ala.n khedena bhavataH kriyatA.n vachanaM mama .. 12..\\
mAnavA ye nirAhArA deha.n tyakShyantyatandritAH . 
yudhi vA nihatAH samyagapi tiryaggatA nR^ipa .. 13..\\
te svargabhAjo rAjendra bhavantvati mahAmate . 
tathAstviti tato rAjA kuruH shakramuvAcha ha .. 14..\\
tatastamabhyanuGYApya prahR^iShTenAntarAtmanA . 
jagAma tridivaM bhUyaH kShipraM balaniShUdanaH .. 15..\\
evametadyadushreShTha kR^iShTa.n rAjarShiNA purA . 
shakreNa chApyanuGYAtaM puNyaM prANAnvimu~nchatAm .. 16..\\
api chAtra svaya.n shakro jagau gAthAM surAdhipaH . 
kurukShetraM nibaddhA.n vai tAM shR^iNuShva halAyudha .. 17..\\
pA.nsavo.api kurukShetrAdvAyunA samudIritAH . 
api duShkR^itakarmANaM nayanti paramA.n gatim .. 18..\\
surarShAbhA brAhmaNasattamAsh cha 
tathA nR^igAdyA naradevamukhyAH . 
iShTvA mahArhaiH kratubhirnR^isi.nha 
saMnyasya dehAnsugatiM prapannAH .. 19..\\
tarantukArantukayoryadantaraM 
rAmahradAnA.n cha machakrukasya . 
etatkurukShetrasamantapa~nchakaM 
prajApateruttaravediruchyate .. 20..\\
shivaM mahatpuNyamida.n divaukasAM 
susaMmata.n svargaguNaiH samanvitam . 
atashcha sarve.api vasundharAdhipA 
hatA gamiShyanti mahatmanA.n gatim .. 21..\\
\medskip\hrule\medskip\centerline{\Largedvng 53}
 vai

kurukShetra.n tato dR^iShTvA dattvA dAyAMshcha sAtvataH . 
Ashrama.n sumahaddivyamagamajjanamejaya .. 1..\\
madhukAmra vanopetaM plakShanyagrodha sa~Nkulam . 
chiribilvayutaM puNyaM panasArjuna sa~Nkulam .. 2..\\
ta.n dR^iShTvA yAdava shreShThaH pravaraM puNyalakShaNam . 
paprachchha tAnR^iShInsarvAnkasyAshramavarastvayam .. 3..\\
te tu sarve mahAtmAnamUchU rAjanhalAyudham . 
shR^iNu vistarato rAma yasyAyaM pUrvamAshramaH .. 4..\\
atra viShNuH purA devastaptavA.nstapa uttamam . 
atrAsya vidhivadyaGYAH sarve vR^ittAH sanAtanAH .. 5..\\
atraiva brAhmaNI siddhA kaumAra brahmachAriNI . 
yogayuktA diva.n yAtA tapaHsiddhA tapasvinI .. 6..\\
babhUva shrImatI rAja~nshANDilyasya mahAtmanaH . 
sutA dhR^itavratA sAdhvI niyatA brahmachAriNI .. 7..\\
sA tu prApya para.n yoga.n gatA svargamanuttamam . 
bhuktvAshrame.ashvamedhasya phalaM phalavatA.n shubhA . 
gatA svargaM mahAbhAgA pUjitA niyatAtmabhiH .. 8..\\
abhigamyAshramaM puNya.n dR^iShTvA cha yadupu~NgavaH . 
R^iShI.nstAnabhivAdyAtha pArshve himavato.achyutaH . 
skandhAvArANi sarvANi nivartyAruruhe.achalam .. 9..\\
nAtidUra.n tato gatvA nagaM tAladhvajo balI . 
puNya.n tIrthavaraM dR^iShTvA vismayaM paramaM gataH .. 10..\\
prabhava.n cha sarasvatyAH plakShaprasravaNaM balaH . 
samprAptaH kArapachana.n tIrthapravaramuttamam .. 11..\\
halAyudhastatra chApi dattvA dAnaM mahAbalaH . 
AplutaH salile shIte tasmAchchApi jagAma ha . 
AshramaM paramaprIto mitrasya varuNasya cha .. 12..\\
indro.agniraryamA chaiva yatra prAkprItimApnuvan . 
ta.n deshaM kArapachanAdyamunAyAM jagAma ha .. 13..\\
snAtvA tatrApi dharmAtmA parA.n tuShTimavApya cha . 
R^iShibhishchaiva siddhaishcha sahito vai mahAbalaH . 
upaviShTaH kathAH shubhrAH shushrAva yadupu~NgavaH .. 14..\\
tathA tu tiShThatA.n teShAM nArado bhagavAnR^iShiH . 
AjagAmAtha ta.n desha.n yatra rAmo vyavastthitaH .. 15..\\
jaTAmaNDalasa.nvItaH svarNachIrI mahAtapAH . 
hemadaNDadharo rAjankamaNDAlu dharastathA .. 16..\\
kachchhapI.n sukhashabdA.n tAM gR^ihya vINAM manoramAm . 
nR^itye gIte cha kushalo deva brAhmaNa pUjitaH .. 17..\\
prakartA kalahAnA.n cha nityaM cha kalahapriyaH . 
ta.n deshamAgamadyatra shrImAnrAmo vyavasthitaH .. 18..\\
pratyutthAya tu te sarve pUjayitvA yatavratam . 
devarShirparyapR^ichchhanta yathAvR^itta.n kurUnprati .. 19..\\
tato.asyAkathayadrAjannAradaH sarvadharmavit . 
sarvameva yathAvR^ittamatIta.n kuru sa~NkShayam .. 20..\\
tato.abravIdrauhiNeyo nArada.n dInayA girA . 
kimavastha tu tatkShatra.n ye cha tatrAbhavannR^ipAH .. 21..\\
shrutametanmayA pUrva.n sarvameva tapodhana . 
vistara shravaNe jAta.n kautUhalamatIva me .. 22..\\

 naarada

pUrvameva hato bhIShmo droNaH sindhupatistathA . 
hato vaikartanaH karNaH putrAshchAsya mahArathAH .. 23..\\
bhUrishravA rauhiNeya madrarAjashcha vIryavAn . 
ete chAnye cha bahavastatra tatra mahAbalAH .. 24..\\
priyAnprANAnparityajya priyArtha.n kauravasya vai . 
rAjAno rAjaputrAshcha samareShvanivartinaH .. 25..\\
ahatA.nstu mahAbAho shR^iNu me tatra mAdhava . 
dhArtarAShTra bale sheShAH kR^ipo bhojashcha vIryavAn . 
ashvatthAmA cha vikrAnto bhagnasainyA disho gatAH .. 26..\\
duryodhano hate sainye pradruteShu kR^ipAdiShu . 
hrada.n dvaipAyanaM nAma vivesha bhR^ishaduHkhitaH .. 27..\\
shayAna.n dhArtarAShTraM tu stambhite salile tadA . 
pANDavAH saha kR^iShNena vAgbhirugrAbhirArdayan .. 28..\\
sa tudyamAno balavAnvAgbhI rAma samantataH . 
uttitaH prAgghradAdvIraH pragR^ihya mahatI.n gadAm .. 29..\\
sa chApyupagato yuddhaM bhImena saha sAmpratam . 
bhaviShyati cha tatsadyastayo rAma sudAruNam .. 30..\\
yadi kautUhala.n te.asti vraja mAdhava mAchiram . 
pashya yuddhaM mahAghora.n shiShyayoryadi manyase .. 31..\\

 vai

nAradasya vachaH shrutvA tAnabbhyarchya dvijarShabhAn . 
sarvAnvisarjayAmAsa ye tenAbhyAgatAH saha . 
gamyatA.n dvArakAM cheti so.anvashAdanuyAyinaH .. 32..\\
so.avatIryAchalashreShThAtprakSha prasvaraNAchchhubhAt . 
tataH prItamanA rAmaH shrutvA tIrthaphalaM mahat . 
viprANA.n saMnidhau shlokamagAyadidamachyutaH .. 33..\\
sarasvatI vAsasamA kuto ratiH 
sarasvatI vAsasamAH kuto guNAH . 
sarasvatIM prApya diva.n gatA janAH 
sadA smariShyanti nadI.n sarasvatIm .. 34..\\
sarasvatI sarvanadIShu puNyA 
sarasvatI lokasukhAvahA sadA . 
sarasvatIM prApya janAH suduShkR^itAH 
sadA na shochanti paratra cheha cha .. 35..\\
tato muhurmuhuH prItyA prekShamANaH sarasvatIm . 
hayairyukta.n rathaM shubhramAtiShThata parantapaH .. 36..\\
sa shIghragAminA tena rathena yadupu~NgavaH . 
didR^ikShurabhisamprAptaH shiShyayuddhamupasthitam .. 37..\\
\medskip\hrule\medskip\centerline{\Largedvng 54}
 vai

eva.n tadabhavadyuddhaM tumulaM janamejaya . 
yatra duHkhAnvito rAjA dhR^itarAShTro.abravIdidam .. 1..\\
rAma.n saMnihita.n dR^iShTvA gadAyuddha upasthite . 
mama putraH kathaM bhImAM pratyayudhyata sa~njaya .. 2..\\

 s

rAma sAMnidhyamAsAdya putro duryodhanastava . 
yuddhakAmo mahAbAhuH samahR^iShyata vIryavAn .. 3..\\
dR^iShTvA lA~Ngalina.n rAjA pratyutthAya cha bhArata . 
prItyA paramayA yukto yudhiShThiramathAbravIt .. 4..\\
samanta pa~nchaka.n kShipramito yAmavishAM pate . 
prathitottara vedI sA devaloke prajApateH .. 5..\\
tasminmahApuNyatame trailokyasya sanAtane . 
sa~NgrAme nidhanaM prApya dhruva.n svargo bhaviShyati .. 6..\\
tathetyuktvA mahArAja kuntIputro yudhiShThiraH . 
samantapa~nchaka.n vIraH prAyAdabhimukhaH prabhuH .. 7..\\
tato duryodhano rAjA pragR^ihya mahatI.n gadAm . 
padbhyAmamarShAddyutimAnagachchhatpANDavaiH saha .. 8..\\
tathA yAnta.n gadAhasta.n varmaNA chApi daMshitam . 
antarikShagatA devAH sAdhu sAdhvityapUjayan . 
vAtikAshcha narA ye.atra dR^iShTvA te harShamAgatAH .. 9..\\
sa pANDavaiH parivR^itaH kururAjastavAtmajaH . 
mattasyeva gajendrasya gatimAsthAya so.avrajat .. 10..\\
tataH sha~NkhaninAdena bherINA.n cha mahAsvanaiH . 
si.nhanAdaishcha shUrANA.n dishaH sarvAH prapUritAH .. 11..\\
pratIchyabhimukha.n desha.n yathoddiShTaM sutena te . 
gatvA cha taiH parikShipta.n samantAtsarvatodisham .. 12..\\
dakShiNena sarasvatyAH svayana.n tIrthamuttamam . 
tasmindeshe tvaniriNe tatra yuddhamarochayan .. 13..\\
tato bhImo mahAkoTi.n gadAM gR^ihyAtha varma bhR^it . 
bibhradrUpaM mahArAja sadR^isha.n hi garutmataH .. 14..\\
avabaddha shirastrANAH sa~Nkhye kA~nchanavarma bhR^it . 
rarAja rAjanputraste kA~nchanaH shailarAD iva .. 15..\\
varmabhyA.n sa.nvR^itau vIrau bhIma duryodhanAvubhau . 
sa.nyuge cha prakAshete sa.nrabdhAviva ku~njarau .. 16..\\
raNamaNDalamadhyasthau bhratarau tau nararShabhau . 
ashobhetAM mahArAja chandrasUryAvivoditau .. 17..\\
tAvanyonyaM nirIkShetA.n kruddhAviva mahAdvipau . 
dahantau lochanai rAjanparasparavadhaiShiNau .. 18..\\
samprahR^iShTamanA rAjangadAmAdAya kauravaH . 
sR^ikkiNI sa.nlihanrAjankrodharaktekShaNaH shvasan .. 19..\\
tato duryodhano rAjA gadAmAdAya vIryavAn . 
bhImasenamabhiprekShya gajo gajamivAhvayat .. 20..\\
adrisAramayIM bhImastathaivAdAya vIryavAn . 
AhvayAmAsa nR^ipati.n si.nhaH si.nhaM yathA vane .. 21..\\
tAvudyatagadApANI duryodhana vR^ikodarau . 
sa.nyuge sma prakAshete girI sashikharAviva .. 22..\\
tAvubhAvabhisa~NkruddhAvubhau bhImaparAkramau . 
ubhau shiShyau gadAyuddhe rauhiNeyasya dhImataH .. 23..\\
ubhau sadR^ishakarmANau yama vAsavayoriva . 
tathA sadR^ishakarmANau varuNasya mahAbalau .. 24..\\
vAsudevasya rAmasya tathA vaishravaNasya cha . 
sadR^ishau tau mahArAja madhukaiTabhayoryudhi .. 25..\\
ubhau sadR^ishakarmANau raNe sundopasundayoH . 
tathaiva kAlasya samau mR^ityoshchaiva parantapau .. 26..\\
anyonyamabhidhAvantau mattAviva mahAdvipau . 
vAshitA sa~Ngame dR^iptau sharadIva madotkaTau .. 27..\\
mattAviva jigIShantau mAta~Ngau bharatarShabhau . 
ubhau krodhaviSha.n dIpta.n vamantAvuragAviva .. 28..\\
anyonyamabhisa.nrabdhau prekShamANAvarindamau . 
ubhau bharatashArdUlau vikrameNa samanvitau .. 29..\\
si.nhAviva durAdharShau gadAyuddhe parantapau . 
nakhadaMShTrAyudhau vIrau vyAghrAviva durutsahau .. 30..\\
prajAsa.nharaNe kShubdhau samudrAviva dustarau . 
lohitA~NgAviva kruddhau pratapantau mahArathau .. 31..\\
rashmimantau mahAtmAnau dIptimantau mahAbalau . 
dadR^ishAte kurushreShThau kAlasUryAvivodditau .. 32..\\
vyAghrAviva susa.nrabdhau garjantAviva toyadau . 
jahR^iShAte mahAbAhU si.nhau kesariNAviva .. 33..\\
gajAviva susa.nrabdhau jvalitAviva pAvakau . 
dadR^ishustau mahAtmAnau sashR^i~NgAviva parvatau .. 34..\\
roShAtprasphuramANauShThau nirIkShantau parasparam . 
tau sametau mahAtmAnau gadAhastau narottamau .. 35..\\
ubhau paramasa.nhR^iShTAvubhau paramasaMmatau . 
sadashvAviva heShantau bR^i.nhantAviva ku~njarau .. 36..\\
vR^iShabhAviva garjantau duryodhana vR^ikodarau . 
daityAviva balonmattau rejatustau narottamau .. 37..\\
tato duryodhano rAjannidamAha yudhiShThiram . 
sR^i~njayaiH saha tiShThanta.n tapantamiva bhAskaram .. 38..\\
ida.n vyavasitaM yuddhaM mama bhImasya chobhayoH . 
upopaviShTAH pashyadhva.n vimardaM nR^ipasattamAH .. 39..\\
tataH samupaviShTa.n tatsumahadrAjamaNDalam . 
virAjamAna.n dadR^ishe divIvAdityamaNDalam .. 40..\\
teShAM madhye mahAbAhuH shrImAnkeshava pUrvajaH . 
upaviShTo mahArAja pUjyamAnaH samantataH .. 41..\\
shushubhe rAjamadhyastho nIlavAsAH sitaprabhaH . 
nakShatrairiva sampUrNo vR^ito nishi nishAkaraH .. 42..\\
tau tathA tu mahArAja gadAhastau durAsadau . 
anyonya.n vAgbhirugrAbhistakShamANau vyavasthitau .. 43..\\
apriyANi tato.anyonyamuktvA tau kurupu~Ngavau . 
udIkShantau sthitau vIrau vR^itra shakrAvivAhave .. 44..\\
\medskip\hrule\medskip\centerline{\Largedvng 55}
 vai

tato vAgyuddhamabhavattumula.n janamejaya . 
yatra duHkhAnvito rAjA dhR^itarAShTro.abravIdidam .. 1..\\
dhigastu khalu mAnuShya.n yasya niShTheyamIdR^ishI . 
ekAdasha chamU bhartA yatra putro mamAbhibhUH .. 2..\\
AGYApya sarvAnnR^ipatInbhuktvA chemA.n vasundharAm . 
gadAmAdAya vegena padAtiH prathito raNam .. 3..\\
bhUtvA hi jagato nAtho hyanAtha iva me sutaH . 
gadAmudyamya yo yAti kimanyadbhAgadheyataH .. 4..\\
aho duHkhaM mahatprAptaM putreNa mama sa~njaya . 
evamuktvA sa duHkhArto virarAma janAdhipaH .. 5..\\

 s

sa meghaninado harShAdvinadanniva govR^iShaH . 
AjuhAva tataH pArtha.n yuddhAya yudhi vIryavAn .. 6..\\
bhImamAhvayamAne tu kururAje mahAtmani . 
prAdurAsansughorANi rUpANi vividhAnyuta .. 7..\\
vavurvAtAH sanirghAtAH pA.nsuvarShaM papAta cha . 
babhUvushcha dishaH sarvAstimireNa samAvR^itAH .. 8..\\
mahAsvanAH sanirghAtAstumulA lomaharShaNAH . 
petustatholkAH shatashaH sphoTayantyo nabhastalam .. 9..\\
rAhushchAgrasadAdityamaparvaNi vishAM pate . 
chakampe cha mahAkampaM pR^ithivI savanadrumA .. 10..\\
rUkShAshcha vAtAH pravavurnIchaiH sharkara varShiNaH . 
girINA.n shikharANyeva nyapatanta mahItale .. 11..\\
mR^igA bahuvidhAkArAH sampatanti disho dasha . 
dIptAH shivAshchApyanadanghorarUpAH sudAruNAH .. 12..\\
nirghAtAshcha mahAghorA babhUvurlomaharShaNAH . 
dIptAyA.n dishi rAjendra mR^igAshchAshubha vAdinaH .. 13..\\
udapAnagatAshchApo vyavardhanta samantataH . 
asharIrA mahAnAdAH shrUyante sma tadA nR^ipa .. 14..\\
evamAdIni dR^iShTvAtha nimittAni vR^ikodaraH . 
uvAcha bhrAtara.n jyeShThaM dharmarAja.n yudhiShThiram .. 15..\\
naiSha shakto raNe jetuM mandAtmA mA.n suyodhanaH . 
adya krodha.n vimokShyAmi nigUDhaM hR^idaye chiram . 
suyodhane kauravendre khANDave pAvako yathA .. 16..\\
shalyamadyoddhariShyAmi tava pANDava hR^ichchhayam . 
nihatya gadayA pApamima.n kuru kulAdhamam .. 17..\\
adya kIrtimayIM mAlAM pratimokShyAmyaha.n tvayi . 
hatvemaM pApakarmANa.n gadayA raNamUrdhani .. 18..\\
adyAsya shatadhA dehaM bhinadmi gadayAnayA . 
nAyaM praveShTA nagaraM punarvAraNasAhvayam .. 19..\\
sarpotsargasya shayane viShadAnasya bhojane . 
pramANa koTyAM pAtasyA dAhasya jatu veshmani .. 20..\\
sabhAyAmavahAsasya sarvasvaharaNasya cha . 
varShamaGYAtavAsasya vanavAsasya chAnagha .. 21..\\
adyAntameShA.n duHkhAnAM gantA bharatasattama . 
ekAhnA vinihatyemaM bhaviShyAmyAtmano.anR^iNaH .. 22..\\
adyAyurdhArtarAShTrasya durmaterakR^itAtmanaH . 
samAptaM bharatashreShTha mAtApitroshcha darshanam .. 23..\\
adyAya.n kururAjasya shantanoH kulapA.nsanaH . 
prANA~nshriya.n cha rAjyaM cha tyaktvA sheShyati bhUtale .. 24..\\
rAjA cha dhR^itarAShTro.adya shrutvA putraM mayA hatam . 
smariShyatyashubha.n karma yattachchhakuni buddhijam .. 25..\\
ityuktvA rAjashArdUla gadAmAdAya vIryavAn . 
avAtiShThata yuddhAya shakro vR^itramivAhvayan .. 26..\\
tamudyatagadA.n dR^iShTvA kailAsamiva shR^i~NgiNam . 
bhImasenaH punaH kruddho duryodhanamuvAcha ha .. 27..\\
rAGYashcha dhR^itarAShTrasya tathA tvamapi chAtmanaH . 
smara tadduShkR^ita.n karma yadvR^itta.n vAraNAvate .. 28..\\
draupadI cha parikliShTA sabhAyA.n yadrajasvalA . 
dyUte cha va~nchito rAjA yattvayA saubalena cha .. 29..\\
vane duHkha.n cha yatprAptamasmAbhistvatkR^itaM mahat . 
virATanagare chaiva yonyantaragatairiva . 
tatsarva.n yAtayAmyadya diShTyA dR^iShTo.asi durmate .. 30..\\
tvatkR^ite.asau hataH shete sharatalpe pratApavAn . 
gA~Ngeyo rathinA.n shreShTho nihato yAGYaseninA .. 31..\\
hato droNashcha karNashcha tathA shalyaH pratApavAn . 
vairAgnerAdikartA cha shakuniH saubalo hataH .. 32..\\
prAtikAmI tathA pApo draupadyAH kleshakR^iddhataH . 
bhrAtaraste hatAH sarve shUrA vikrAntayodhinaH .. 33..\\
ete chAnye cha bahavo nihatAstvatkR^ite nR^ipAH . 
tvAmadya nihaniShyAmi gadayA nAtra saMshayaH .. 34..\\
ityevamuchchai rAjendra bhAShamANa.n vR^ikodaram . 
uvAcha vItabhI rAjanputraste satyavikramaH .. 35..\\
ki.n katthitena bahudhA yudhyasva tva.n vR^ikodara . 
adya te.aha.n vineShyAmi yuddhashraddhA.n kulAdhama .. 36..\\
naiva duryodhanaH kShudra kena chittvadvidhena vai . 
shaktyastrAsayitu.n vAchA yathAnyaH prAkR^ito naraH .. 37..\\
chirakAlepsita.n diShTyA hR^idayasthamidaM mama . 
tvayA saha gadAyuddha.n tridashairupapAditam .. 38..\\
ki.n vAchA bahunoktena katthitena cha durmate . 
vANI sampadyatAmeShA karmaNA mAchira.n kR^ithAH .. 39..\\
tasyA tadvachana.n shrutvA sarva evAbhyapUjayan . 
rAjAnaH somakAshchaiva ye tatrAsansamAgatAH .. 40..\\
tataH sampUjitaH sarvaiH samprahR^iShTatanU ruhaH . 
bhUyo dhIraM manashchakre yuddhAya kurunandanaH .. 41..\\
taM mattamiva mAta~Nga.n talatAlairnarAdhipAH . 
bhUyaH sa.nharShayA.n chakrurduryodhanamamarShaNam .. 42..\\
taM mahAtmA mahAtmAna.n gadAmudyamya pANDavaH . 
abhidudrAva vegena dhArtarAShTra.n vR^ikodaraH .. 43..\\
bR^i.nhanti ku~njarAstatra hayA heShanti chAsakR^it . 
shastrANi chApyadIpyanta pANDavAnA.n jayaiShiNAm .. 44..\\
\medskip\hrule\medskip\centerline{\Largedvng 56}
 s

tato duryodhano dR^iShTvA bhImasena.n tathAgatam . 
pratyudyayAvadInAtmA vegena mahatA nadan .. 1..\\
samApetaturAnadya shR^i~NgiNau vR^iShabhAviva . 
mahAnirghAta ghoShashcha samprahArastayorabhUt .. 2..\\
abhavachcha tayoryuddha.n tumula.n loma hArShaNam . 
jigIShatoryudhA anyonyamindra prahrAdayoriva .. 3..\\
rudhirokShitasarvA~Ngau gadAhastau manasvinau . 
dadR^ishAte mahAtmAnau puShpitAviva kuMshukau .. 4..\\
tathA tasminmahAyuddhe vartamAne sudAruNe . 
khadyotasa~Nghairiva kha.n darshanIya.n vyarochata .. 5..\\
tathA tasminvartamAne sa~Nkule tumule bhR^isham . 
ubhAvApi parishrAntau yudhyamAnAvarindamau .. 6..\\
tau muhUrta.n samAshvasya punareva parantapau . 
abhyahArayatA.n tatra sampragR^ihya gade shubhe .. 7..\\
tau tu dR^iShTvA mahAvIryau samAshvastau nararShabhau . 
balinau vAraNau yadvadvAshitArthe madotkaTau .. 8..\\
apAravIryau samprekShya pragR^ihItagadAvubhau . 
vismayaM parama.n jagmurdevagandharvadAnavAH .. 9..\\
pragR^ihItagadau dR^iShTvA duryodhana vR^ikodarau . 
sAMshayaH sarvabhUtAnA.n vijaye samapadyata .. 10..\\
samAgamya tato bhUyo bhrAtarau balinA.n varau . 
anyonyasyAntara prepsU prachakrAte.antaraM prati .. 11..\\
yamadaNDopamA.n gurvImindrAshanimivodyatAm . 
dadR^ishuH prekShakA rAjanraudrI.n vishasanI.n gadAm .. 12..\\
Avidhyato gadA.n tasya bhImasenasya sa.nyuge . 
shabdaH sutumulo ghoro muhUrta.n samapadyata .. 13..\\
AvidhyantamabhiprekShya dhArtarAShTro.atha pANDavam . 
gadAmalaghu vegA.n tA.n vismitaH sambabhUva ha .. 14..\\
charaMshcha vividhAnmArgAnmaNDalAni cha bhArata . 
ashobhata tadA vIro bhUya eva vR^ikodaraH .. 15..\\
tau parasparamAsAdya yattAvanyonyarakShaNe . 
mArjArAviva bhakShArthe tatakShAte muhurmuhuH .. 16..\\
acharadbhImasenastu mArgAnbahuvidhA.nstathA . 
maNDalAni vichitrANi sthAnAni vividhAni cha .. 17..\\
gomUtrikANi chitrANi gatapratyAgatAni cha . 
parimokShaM prahArANA.n varjanaM paridhAvanam .. 18..\\
abhidravaNamAkShepamavasthAna.n savigraham . 
parAvartana sa.nvartamavaplutamathAplutam . 
upanyastamapanyasta.n gadAyuddhavishAradau .. 19..\\
eva.n tau vicharantau tu nyaghnatA.n vai parasparam . 
va~nchayantau punashchaiva cheratuH kurusattamau .. 20..\\
vikrIDantau subalinau maNDalAni pracheratuH . 
gadAhastau tatastau tu maNDalAvasthitau balI .. 21..\\
dakShiNaM maNDala.n rAjandhArtarAShTro.abhyavartata . 
savya.n tu maNDalaM tatra bhImaseno.abhyavartata .. 22..\\
tathA tu charatastasya bhImasya raNamUrdhani . 
duryodhano mahArAja pArshvadeshe.abhyatADayat .. 23..\\
Ahatastu tadA bhImastava putreNa bhArata . 
Avidhyata gadA.n gurvIM prahAraM tamachintayan .. 24..\\
indrAshanisamA.n ghorA.n yamadaNDamivodyatAm . 
dadR^ishuste mahArAja bhImasenasya tA.n gadAm .. 25..\\
Avidhyanta.n gadAM dR^iShTvA bhImasenaM tavAtmajaH . 
samudyamyA gadA.n ghorAM pratyavidhyadarindamaH .. 26..\\
gadA mArutavegena tava putrasya bhArata . 
shabda AsItsutumulastejashcha samajAyata .. 27..\\
sa charanvividhAnmArgAnmaNDalAni cha bhAgashaH . 
samashobhata tejasvI bhUyo bhImAtsuyodhanaH .. 28..\\
AviddhA sarvavegena bhImena mahatI gadA . 
sadhUma.n sArchiSha.n chAgniM mumochogrA mahAsvanA .. 29..\\
AdhUtAM bhImasenena gadA.n dR^iShTvA suyodhanaH . 
adrisAramayI.n gurvImAvidhyanbahvashobhata .. 30..\\
gadA mArutavega.n hi dR^iShTvA tasya mahAtmanaH . 
bhaya.n vivesha pANDUnvai sarvAneva sasomakAn .. 31..\\
tau darshayantau samare yuddhakrIDA.n samantataH . 
gadAbhyA.n sahasAnyonyamAjaghnaturarindamau .. 32..\\
tau parasparamAsAdya daMShTrAbhyA.n dviradau yathA . 
ashobhetAM mahArAja shoNitena pariplutau .. 33..\\
eva.n tadabhavadyuddhaM ghorarUpamasa.nvR^itam . 
parivR^itte.ahani krUra.n vR^itravAsavayoriva .. 34..\\
dR^iShTvA vyavasthitaM bhIma.n tava putro mahAbalaH . 
charaMshchitratarAnmArgAnkaunteyamabhidudruve .. 35..\\
tasya bhImo mahAvegA.n jAmbUnadapariShkR^itAm . 
abhikruddhasya kruddhastu tADayAmAsa tA.n gadAm .. 36..\\
savisphuli~Ngo nirhrAdastayostatrAbhighAtajaH . 
prAdurAsInmahArAja sR^iShTayorvajrayoriva .. 37..\\
vegavatyA tayA tatra bhImasenapramuktayA . 
nipatantyA mahArAja pR^ithivIsamakampata .. 38..\\
tAM nAmR^iShyata kauravyo gadAM pratihatA.n raNe . 
matto dvipa iva kruddhaH pratiju~njara darshanAt .. 39..\\
sa savyaM maNDala.n rAjannudbhrAmya kR^itanishchayaH . 
Ajaghne mUrdhni kaunteya.n gadayA bhImavegayA .. 40..\\
tayA tvabhihato bhImaH putreNa tava pANDavaH . 
nAkampata mahArAja tadadbhutamivAbhavat .. 41..\\
Ashcharya.n chApi tadrAjansarvasainyAnyapUjayan . 
yadgadAbhihato bhImo nAkampata padAtpadam .. 42..\\
tato gurutarA.n dIptAM gadA.n hemapariShkR^itAm . 
duryodhanAya vyasR^ijadbhImo bhImaparAkramaH .. 43..\\
taM prahAramasambhrAnto lAghavena mahAbalaH . 
mogha.n duryodhanashchakre tatrAbhUdvismayo mahAn .. 44..\\
sA tu moghA gadA rAjanpatantI bhIma choditA . 
chAlayAmAsa pR^ithivIM mahAnirghAta nisvanA .. 45..\\
AsthAya kaushikAnmArgAnutpatansa punaH punaH . 
gadA nipAtaM praGYAya bhImasenamava~nchayat .. 46..\\
va~nchayitvA tathA bhIma.n gadayA kurusattamaH . 
tADayAmAsa sa~Nkruddho vakSho deshe mahAbalaH .. 47..\\
gadayAbhihato bhImo muhyamAno mahAraNe . 
nAbhyamanyata kartavyaM putreNAbhyAhatastava .. 48..\\
tasmi.nstathA vartamAne rAjansomaka pANDavAH . 
bhR^ishopahata sa~NkalpA nahR^iShTa manaso.abhavan .. 49..\\
sa tu tena prahAreNa mAta~Nga iva roShitaH . 
hastivaddhasti sa~NkAshamabhidudrAva te sutam .. 50..\\
tatastu rabhaso bhImo gadayA tanaya.n tava . 
abhidudrAva vegena si.nho vanagaja.n yathA .. 51..\\
upasR^itya tu rAjAna.n gadA mokShavishAradaH . 
Avidhyata gadA.n rAjansamuddishya suta.n tava .. 52..\\
atADayadbhImasenaH pArshve duryodhana.n tadA . 
sa vihvalaH prahAreNa jAnubhyAmagamanmahIm .. 53..\\
tasmi.nstu bharatashreShThe jAnubhyAmavanI.n gate . 
udatiShThattato nAdaH sR^i~njayAnA.n jagatpate .. 54..\\
teShA.n tu ninada.n shrutvA sR^i~njayAnAM nararShabhaH . 
amarShAdbharatashreShTha putraste samakupyata .. 55..\\
utthAya tu mahAbAhuH kruddho nAga iva shvasan . 
didhakShanniva netrAbhyAM bhImasenamavaikShata .. 56..\\
tataH sa bharatashreShTho gadApANirabhidravat . 
pramathiShyanniva shiro bhImasenasya sa.nyuge .. 57..\\
sa mahAtmA mahAtmAnaM bhImaM bhImaparAkramaH . 
atADayachchha~Nkhadeshe sa chachAlAchalopamaH .. 58..\\
sa bhUyaH shushubhe pArthastADito gadayA raNe . 
udbhinna rudhiro rAjanprabhinna iva ku~njaraH .. 59..\\
tato gadA.n vIra haNImayo mayIM 
pragR^ihya vajrAshanitulyanisvanAm . 
atADayachchhatrumamitrakarshano 
balena vikramya dhana~njayAgrajaH .. 60..\\
sa bhImasenAbhihatastavAtmajaH 
papAta sa~Nkampita dehabandhanaH . 
supuShpito mArutavegatADito 
mahAvane sAla ivAvaghUrNitaH .. 61..\\
tataH praNedurjahR^iShushcha pANDavAH 
samIkShya putraM patita.n kShitau tava . 
tatha sutaste pratilabhya chetanAM 
samutpapAta dvirado yathA hradAt .. 62..\\
sa pArthivo nityamamarShitastadA 
mahArathaH shikShitavatparibhraman . 
atADayatpANDavamagrataH sthitaM 
sa vihvalA~Ngo jagatImupAspR^ishat .. 63..\\
sa smiha nAdAnvinanAda kauravo 
nipAtya bhUmau yudhi bhImamojasA . 
bibheda chaivAshani tulyatejasA 
gadA nipAtena sharIrarakShaNam .. 64..\\
tato.antarikShe ninado mahAnabhUd 
divaukasAmapsarasA.n cha neduShAm . 
papAta chochchara mara praveritaM 
vichitrapuShpotkara varShamuttamam .. 65..\\
tataH parAnAvishaduttamaM bhayaM 
samIkShya bhUmau patitaM narottamam . 
ahIyamAna.n cha balena kauravaM 
nishamya bheda.n cha dR^iDhasya varmaNaH .. 66..\\
tato muhUrtAdupalabhya chetanAM 
pramR^ijya vaktra.n rudhirArdhamAtmanaH . 
dhR^iti.n samAlambya vivR^ittalochano 
balena sa.nstabhya vR^ikodaraH sthitaH .. 67..\\
\medskip\hrule\medskip\centerline{\Largedvng 57}
 s

samudIrNa.n tato dR^iShTvA sA~NgrAmaM kurumukhyayoH . 
athAbravIdarjunastu vAsudeva.n yashasvinam .. 1..\\
anayorvIrayoryuddhe ko jyAyAnbhavato mataH . 
kasya vA ko guNo bhUyAnetadvada janArdana .. 2..\\

 vaa

upadesho.anayostulyo bhImastu balavattaraH . 
kR^itayatnatarastveSha dhArtarAShTro vR^ikodarAt .. 3..\\
bhImasenastu dharmeNa yudhyamAno na jeShyati . 
anyAyena tu yudhyanvai hanyAdeSha suyodhanam .. 4..\\
mAyayA nirjitA devairasurA iti naH shrutam . 
virochanashcha shakreNa mAyayA nirjitaH sakhe . 
mAyayA chAkShipattejo vR^itrasya balasUdanaH .. 5..\\
pratiGYAta.n tu bhImena dyUtakAle dhana~njaya . 
UrU bhetsyAmi te sa~Nkhye gadayeti suyodhanam .. 6..\\
so.ayaM pratiGYA.n tAM chApi pArayitvAri karshanaH . 
mAyAvina.n cha rAjAnaM mAyayaiva nikR^intatu .. 7..\\
yadyeSha balamAsthAya nyAyena prahariShyati . 
viShAmasthastato rAjA bhaviShyati yudhiShThiraH .. 8..\\
punareva cha vakShyAmi pANDavedaM nibodha me . 
dharmarAjAparAdhena bhayaM naH punarAgatam .. 9..\\
kR^itvA hi sumahatkarmahatvA bhIShma mukhAnkurUn . 
jayaH prApto yashashchAgrya.n vaira.n cha pratiyAtitam . 
tadeva.n vijayaH prAptaH punaH saMshayitaH kR^itaH .. 10..\\
abuddhireShA mahatI dharmarAjasya pANDava . 
yadekavijaye yuddhe paNita.n kR^itamIdR^isham . 
suyodhanaH kR^itI vIra ekAyanagatastathA .. 11..\\
api choshanasA gItaH shrUyate.ayaM purAtanaH . 
shlokastattvArtha sahitastanme nigadataH shR^iNu .. 12..\\
punarAvartamAnAnAM bhagnAnA.n jIvitaiShiNAm . 
bhatavyamarisheShANAmekAyanagatA hi te .. 13..\\
suyodhanamimaM bhagna.n hatasainyaM hrada.n gatam . 
parAjita.n vanaprepsuM nirAshaM rAjyalambhane .. 14..\\
ko nveSha smayuge prAGYaH punardvandve samAhvayet . 
api vo nirjita.n rAjyaM na hareta suyodhanaH .. 15..\\
yastrayodasha varShANi gadayA kR^itanishramaH . 
charatyUrdhva.n cha tiryakcha bhImasenajighA.nsayA .. 16..\\
eva.n chenna mahAbAhuranyAyena haniShyati . 
eSha vaH kauravo rAjA dhArtarAShTro bhaviShyati .. 17..\\
dhana~njayastu shrutvaitatkeshavasya mahAtmanaH . 
prekShato bhImasenasya hastenorumatADayat .. 18..\\
gR^ihya sa~nj~nA.n tato bhImo gadayA vyacharadraNe . 
maNDalAni vichitrANi yamakAnItarANi cha .. 19..\\
dakShiNaM maNDala.n savya.n gomUtrakamathApi cha . 
vyacharatpANDavo rAjannari.n saMmohayanniva .. 20..\\
tathaiva tava putro.api gadA mArgavishAradaH . 
vyacharallaghuchitra.n cha bhImasenajighA.nsayA .. 21..\\
Adhunvantau gade ghore chandanAgarurUShite . 
vairasyAntaM parIpsantau raNe kruddhAvivAntakau .. 22..\\
anyonya.n tau jighA.nsantau pravIrau puruSharShabhau . 
yuyudhAte garutmantau yathA nAgAmiShaiShiNau .. 23..\\
maNDalAni vichitrANi charatornR^ipa bhImayoH . 
gadA sampAtajAstatra prajaGYuH pAvakArchiShaH .. 24..\\
samaM praharatostatra shUrayorbalinormR^idhe . 
kShubdhayorvAyunA rAjandvayoriva samaudrayoH .. 25..\\
tayoH praharatostulyaM mattaku~njarayoriva . 
gadA nirghAtasa.nhrAdaH prahArANAmajAyata .. 26..\\
tasmi.nstadA samprahAre dAruNe sa~Nkule bhR^isham . 
ubhAvapi parishrAntau yudhyamAnAvarindamau .. 27..\\
tau muhUrta.n samAshvasya punareva parantapau . 
abhyahArayatA.n kruddhau pragR^ihya mahatI gade .. 28..\\
tayoH samabhavadyuddha.n ghorarUpamasa.nvR^itam . 
gadA nipAtai rAjendra takShatorvai parasparam .. 29..\\
vyAyAmapradrutau tau tu vR^iShabhAkShau tarasvinau . 
anyonya.n jaghnaturvIrau pa~Nkasthau mahiShAviva .. 30..\\
jarjarIkR^itasarvA~Ngau rudhireNAbhisamplutau . 
dadR^ishAte himavati puShpitAviva kiMshukau .. 31..\\
duryodhanena pArthastu vivare sampradarshite . 
IShadutsmayamAnastu sahasA prasasAha ha .. 32..\\
tamabhyAshagataM prAGYo raNe prekShya vR^ikodaraH . 
avAkShipadgadA.n tasmai vegena mahatA balI .. 33..\\
avakShepa.n tu taM dR^iShTvA putrastava vishAM pate . 
apAsarpattataH sthAnAtsA moghA nyapatadbhuvi .. 34..\\
mokShayitvA prahAra.n ta.n sutastava sa sambhramAt . 
bhImasena.n cha gadayA prAharatkurusattamaH .. 35..\\
tasya viShyandamAnena rudhireNAmitaujasaH . 
prahAra guru pAtAchcha mUrchheva samajAyata .. 36..\\
duryodhanasta.n cha veda pIDitaM pANDava.n raNe . 
dhArayAmAsa bhImo.api sharIramatipIDitam .. 37..\\
amanyata sthita.n hyenaM prahariShyantamAhave . 
ato na prAharattasmai punareva tavAtmajaH .. 38..\\
tato muhUrtamAshvasya duryodhanamavasthitam . 
vegenAbhyadravadrAjanbhImasenaH pratApavAn .. 39..\\
tamApatanta.n samprekShya sa.nrabdhamamitaujasam . 
moghamasya prahAra.n taM chikIrShurbharatarShabha .. 40..\\
avasthAne mati.n kR^itvA putrastava mahAmanAH . 
iyeShotpatitu.n rAjaMshchhalayiShyanvR^ikodaram .. 41..\\
abudhyadbhImasenastadrAGYastasya chikIrShitam . 
athAsya samabhidrutya samutkramya cha si.nhavat .. 42..\\
sR^ityA va~nchayato rAjanpunarevotpatiShyataH . 
UrubhyAM prAhiNodrAja~NgadA.n vegena pANDavaH .. 43..\\
sA vajraniShpeSha samA prahitA bhImakarmaNA . 
UrU duryodhanasyAtha babha~nje priyadarshanau .. 44..\\
sa papAta naravyAghro vasudhAmanunAdayan . 
bhagnorurbhImasenena putrastava mahIpate .. 45..\\
vavurvAtAH sanirghAtAH pA.nsuvarShaM papAta cha . 
chachAla pR^ithivI chApi savR^ikShakShupa parvatA .. 46..\\
tasminnipatite vIre patyau sarvamahIkShitAm . 
mahAsvanA punardIptA sanirghAtA bhaya~NkarI . 
papAta cholkA mahatI patite pR^ithivIpatau .. 47..\\
tathA shoNitavarSha.n cha pA.nsuvarShaM cha bhArata . 
vavarSha maghavA.nstatra tava putre nipAtite .. 48..\\
yakShANA.n rAkShasAnA.n cha pishAchAnAM tathaiva cha . 
antarikShe mahAnAdaH shrUyate bharatarShabha .. 49..\\
tena shabdena ghoreNa mR^igANAmatha pakShiNAm . 
jaGYe ghoratamaH shabdo bahUnA.n sarvatodisham .. 50..\\
ye tatra vAjinaH sheShA gajAshcha manujaiH saha . 
mumuchuste mahAnAda.n tava putre nipAtite .. 51..\\
bherIsha~NkhamR^ida~NgAnAmabhavachcha svano mahAn . 
antarbhUmi gatashchaiva tava putre nipAtite .. 52..\\
bahu pAdairbahu bhujaiH kabandhairghoradarshanaiH . 
nR^ityadbhirbhayadairvyAptA dishastatrAbhavannR^ipa .. 53..\\
dhvajavanto.astravantashcha shastravantastathaiva cha . 
prAkampanta tato rAja.nstava putre nipAtite .. 54..\\
hradAH kUpAshcha rudhiramudvemurnR^ipasattama . 
nadyashcha sumahAvegAH pratisroto vahAbhavan .. 55..\\
pulli~NgA iva nAryastu strIli~NgAH puruShAbhavan . 
duryodhane tadA rAjanpatite tanaye tava .. 56..\\
dR^iShTvA tAnadbhutotpAtAnpA~nchAlAH pANDavaiH saha . 
AvignamanasaH sarve babhUvurbharatarShabha .. 57..\\
yayurdevA yathAkAma.n gandharvApsarasastathA . 
kathayanto.adbhuta.n yuddhaM sutayostava bhArata .. 58..\\
tathaiva siddhA rAjendra tathA vAtika chAraNAH . 
narasi.nhau prasha.nsantau viprajagmuryathAgatam .. 59..\\
\medskip\hrule\medskip\centerline{\Largedvng 58}
 s

taM pAtita.n tato dR^iShTvA mahAshAlamivodgatam . 
prahR^iShTamanasaH sarve babhUvustatra pANDavAH .. 1..\\
unmattamiva mAta~Nga.n si.nhena vinipAtitam . 
dadR^ishurhR^iShTaromANaH sarve te chApi somakAH .. 2..\\
tato duryodhana.n hatvAM bhImasenaH pratApavAn . 
patita.n kauravendraM tamupagamyedamabravIt .. 3..\\
gaurgauriti purA mandadraupadImekavAsasAm . 
yatsabhAyA.n hasannasmA.nstadA vadasi durmate . 
tasyAvahAsasya phalamadya tva.n samavApnuhi .. 4..\\
evamuktvA sa vAmena padA maulimupAspR^ishat . 
shirashcha rAjasi.nhasya pAdena samaloDayat .. 5..\\
tathaiva krodhasa.nrakto bhImaH parabalArdanaH . 
punarevAbravIdvAkya.n yattachchhR^iNu narAdhipa .. 6..\\
ye.asmAnpuro.apanR^ityanta punargauriti gauriti . 
tAnvayaM pratinR^ityAmaH punargauriti gauriti .. 7..\\
nAsmAkaM nikR^itirvahnirnAkSha dyUtaM na va~nchanA . 
svabAhubalamAshritya prabAdhAmo vaya.n ripUn .. 8..\\
so.avApya vairasya parasya pAraM 
vR^ikodaraH prAha shanaiH prahasya . 
yudhiShThira.n keshava sR^i~njayAMsh cha 
dhana~njayaM mAdravatIsutau cha .. 9..\\
rajasvalA.n draupadImAnayanye 
ye chApyakurvanta sadasya vastrAm . 
tAnpashyadhvaM pANDavairdhArtarAShTrAn 
raNe hatA.nstapasA yAGYasenyAH .. 10..\\
ye naH purA ShaNDhatilAnavochan 
krUrA rAGYo dhR^itarAShTrasya putrAH . 
te no hatAH sagaNAH sAnubandhAH 
kAma.n svargaM narakaM vA vrajAmaH .. 11..\\
punashcha rAGYaH patitastya bhUmau 
sa tA.n gadA.n skandhagatAM nirIkShya . 
vAmena pAdena shiraH pramR^idya 
duryodhanaM naikR^itiketyavochat .. 12..\\
hR^iShTena rAjankuru pArthivasya 
kShudrAtmanA bhImasenena pAdam . 
dR^iShTvA kR^itaM mUrdhani nAbhyanandan 
dharmAtmAnaH somakAnAM prabarhAH .. 13..\\
tava putra.n tathA hatvA katthamAna.n vR^ikodaram . 
nR^ityamAna.n cha bahusho dharmarAjo.abravIdidam .. 14..\\
mA shiro.asya padA mardIrmA dharmaste.atyagAnmahAn . 
rAjA GYAtirhatashchAyaM naitannyAyya.n tavAnagha .. 15..\\
vidhvasto.aya.n hatAmAtyo hatabhrAtA hataprajaH . 
utsannapiNDo bhrAtA cha naitannyAyya.n kR^itaM tvayA .. 16..\\
dhArmiko bhImaseno.asAvityAhustvAM purA janAH . 
sa kasmAdbhImasena tva.n rAjAnamadhitiShThasi .. 17..\\
dR^iShTvA duryodhana.n rAjA kuntIputrastathAgatam . 
netrAbhyAmashrupUrNAbhyAmida.n vachanamabravIt .. 18..\\
nUnametadbalavatA dhAtrAdiShTaM mahAtmanA . 
yadvaya.n tvAM jighA.nsAmastvaM chAsmAnkurusattama .. 19..\\
Atmano hyaparAdhena mahadvyasanamIdR^isham . 
prAptavAnasi yallobhAnmadAdbAlyAchcha bhArata .. 20..\\
ghAtayitvA vayasyAMshcha bhrAtR^Inatha pitR^I.nstathA . 
putrAnpautrA.nstathAchAryA.nstato.asi nidhana.n gataH .. 21..\\
tavAparAdhAdasmAbhirbhrAtaraste mahArathAH . 
nihatA GYAtayashchAnye diShTaM manye duratyayam .. 22..\\
snuShAshcha prasnuShAshchaiva dhR^itarAShTrasya vihvalAH . 
garhayiShyanti no nUna.n vidhavAH shokakarshitAH .. 23..\\
evamuktvA suduHkhArto nishashvAsa sa pArthivaH . 
vilalApa chira.n chApi dharmaputro yudhiShThiraH .. 24..\\
\medskip\hrule\medskip\centerline{\Largedvng 59}
 dhr

adharmeNa hata.n dR^iShTA rAjAnaM mAdhavottamaH . 
kimabravIttadA sUta baladevo mahAbalaH .. 1..\\
gadAyuddhavisheShaGYo gadAyuddhavishAradaH . 
kR^itavAnrauhiNeyo yattanmamAchakShva sa~njaya .. 2..\\

 s

shirasyabhihata.n dR^iShTvA bhImasenena te sutam . 
rAmaH praharatA.n shreShThashchukrodha balavadbalI .. 3..\\
tato madhye narendrANAmUrdhvabAhurhalAyudhaH . 
kurvanArtasvara.n ghoraM dhigdhigbhImetyuvAcha ha .. 4..\\
aho dhogyadadho nAbheH prahR^ita.n shuddhavikrame . 
naitaddR^iShTva.n gadAyuddhe kR^itavAnyadvR^ikodaraH .. 5..\\
adho nAbhyA na hantavyamiti shAstrasya nishchayaH . 
aya.n tvashAstravinmUDhaH svachchhandAtsampravartate .. 6..\\
tasya tattadbruvANasya roShaH samabhavanmahAn . 
tato lA~Ngalamudyamya bhImamabhyadravadbalI .. 7..\\
tasyordhva bAhoH sadR^isha.n rUpamAsInmahAtmanaH . 
bahudhAtuvichitrasya shvetasyeva mahAgireH .. 8..\\
tamutpatanta.n jagrAha keshavo vinayAnataH . 
bAhubhyAM pInavR^ittAbhyAM prayatnAdbalavadbalI .. 9..\\
sitAsitau yaduvarau shushubhAte.adhika.n tataH . 
nabhogatau yathA rAjaMshchandrasUryau dinakShaye .. 10..\\
uvAcha chaina.n sa.nrabdhaM shamayanniva keshavaH . 
AtmavR^iddhirmitra vR^iddhirmitra mitrodayastathA . 
viparIta.n dviShatsvetatShaDvidhA vR^iddhirAtmanaH .. 11..\\
Atmanyapi cha mitreShu viparIta.n yadA bhavet . 
tadA vidyAnmano jyAnimAshu shAnti karo bhavet .. 12..\\
asmAka.n sahajaM mitraM pANDavAH shuddhapauruShAH . 
svakAH pitR^iShvasuH putrAste parairnikR^itA bhR^isham .. 13..\\
pratiGYA pAraNa.n dharmaH kShatriyasyeti vettha ha . 
suyodhanasya gadayA bha~NktAsmyUrU mahAhave . 
iti pUrvaM pratiGYAtaM bhImena hi sabhA tale .. 14..\\
maitreyeNAbhishaptashcha pUrvameva maharShiNA . 
UrU bhetsyati te bhImo gadayeti parantapa . 
ato doShaM na pashyAmi mA krudhastvaM pralambahan .. 15..\\
yaunairhArdairshcha sambandhaiH sambaddhA smeha pANDavaiH . 
teShA.n vR^iddhyAbhivR^iddhirno mA krudhaH puruSharShabha .. 16..\\

 raama

dharmaH sucharitaH sadbhiH saha dvAbhyAM niyachchhati . 
arthashchAtyartha lubdhasya kAmashchAtiprasa~NginaH .. 17..\\
dharmArthau dharmakAmau cha kAmArthau chApyapIDayan . 
dharmArthakAmAnyo.abhyeti so.atyanta.n sukhamashnute .. 18..\\
tadida.n vyAkulaM sarva.n kR^itaM dharmasya pIDanAt . 
bhImasenena govinda kAma.n tvaM tu yathAttha mAm .. 19..\\

 vaa

aroShaNo hi dharmAtmA satata.n dharmavatsalaH . 
bhavAnprakhyAyate loke tasmAtsaMshAmya mA krudhaH .. 20..\\
prApta.n kaliyuga.n viddhi pratiGYAM prANDavasya cha . 
AnR^iNya.n yAtu vairasya pratiGYAyAshcha pANDavaH .. 21..\\

 s

dharmachchhalamapi shrutvA keshavAtsA vishAM pate . 
naiva prItamanA rAmo vachanaM prAha sa.nsadi .. 22..\\
hatvAdharmeNa rAjAna.n dharmAtmAna.n suyodhanam . 
jihmayodhIti loke.asminkhyAti.n yAsyati pANDavaH .. 23..\\
duryodhano.api dharmAtmA gati.n yAsyati shAshvatIm . 
R^iju yodhI hato rAjA dhArtarAShTro narAdhipaH .. 24..\\
yuddhadIkShAM pravishyAjau raNayaGYa.n vitatya cha . 
hutvAtmAnamamitrAgnau prApa chAvabhR^itha.n yashaH .. 25..\\
ityuktvA rathamAsthAya rauhiNeyaH pratApavAn . 
shvetAbhrashikharAkAraH prayayau dvArakAM prati .. 26..\\
pA~nchAlAshcha savArShNeyAH pANDavAshcha vishAM pate . 
rAme dvAravatI.n yAte nAtipramanaso.abhavan .. 27..\\
tato yudhiShThira.n dInaM chintAparamadhomukham . 
shokopahatasa~Nkalpa.n vAsudevo.abravIdidam .. 28..\\
dharmarAja kimartha.n tvamadharmamanumanyase . 
hatabandhoryadetasya patitasya vichetasaH .. 29..\\
duryodhanasya bhImena mR^idyamAna.n shiraH padA . 
upaprekShasi kasmAttva.n dharmaGYaH sannarAdhipa .. 30..\\

 y

na mamaita priya.n kR^iShNa yadrAjAna.n vR^ikodaraH . 
padA mUrdhnyaspR^ishatkrodhAnna cha hR^iShye kulakShaye .. 31..\\
nikR^ityA nikR^itA nitya.n dhR^itarAShTra sutairvayam . 
bahUni paruShANyuktvA vanaM prasthApitAH sma ha .. 32..\\
bhImasenasya tadduHkhamatIva hR^idi vartate . 
iti sa~ncintya vArShNeya mayaitatsamupekShitam .. 33..\\
tasmAddhatvAkR^ita praGYa.n lubdha.n kAmavashAnugam . 
labhatAM pANDavaH kAma.n dharme.adharme.api vA kR^ite .. 34..\\

 s

ityukte dharmarAjena vAsudevo.abravIdidam . 
kAmamastvevamiti vai kR^ichchhrAdyadukulodvahaH .. 35..\\
ityukto vAsudevena bhIma priyahitaiShiNA . 
anvamodata tatsarva.n yadbhImena kR^itaM yudhi .. 36..\\
bhImaseno.api hatvAjau tava putramamarShaNaH . 
abhivAdyAgrataH sthitvA samprahR^iShTaH kR^itA~njaliH .. 37..\\
provAcha sumahAtejA dharmarAja.n yudhiShThiram . 
harShAdutphullanayano jitakAshI vishAM pate .. 38..\\
tavAdya pR^ithivI rAjankShemA nihatakaNTakA . 
tAM prashAdhi mahArAja svadharmamanupAlayan .. 39..\\
yastu kartAsya vairasya nikR^ityA nikR^itipriyaH . 
so.aya.n vinihataH shete pR^ithivyAM pR^ithivIpate .. 40..\\
duHshAsanaprabhR^itayaH sarve te chogravAdinaH . 
rAdheyaH shakunishchApi nihatAstava shatravaH .. 41..\\
seya.n ratnasamAkIrNA mahI savanaparvatA . 
upAvR^ittA mahArAja tvAmadya nihatadviSham .. 42..\\

 y

gata.n vairasya nidhanaM hato rAjA suyodhanaH . 
kR^iShNasya matamAsthAya vijiteya.n vasundharA .. 43..\\
diShTyA gatastvamAnR^iNyaM mAtuH kopasya chobhayoH . 
diShTyA jayasi durdharSha.n diShTyA shatrurnipAtitaH .. 44..\\
\medskip\hrule\medskip\centerline{\Largedvng 60}
 dhr

hata.n duryodhanaM dR^iShTvA bhImasenena sa.nyuge . 
pANDavAH sR^i~njayAshchaiva kimakurvata sa~njaya .. 1..\\

 s

hAta.n duryodhanaM dR^iShTvA bhImasenena sa.nyuge . 
si.nheneva mahArAja matta.n vanagajaM vane .. 2..\\
prahR^iShTamanasastatra kR^iShNena saha pANDavAH . 
pA~nchAlAH sR^i~njayAsh chaiva nihate kurunandane .. 3..\\
AvidhyannuttarIyANi si.nhanAdAMsh cha nedire . 
naitAnharShasamAviShTAniya.n sehe vasundharA .. 4..\\
dhanUMShyanye vyAkShipanta jyAshchApyanye tathAkShipan . 
dadhmuranye mahAsha~NkhAnanye jaghnushcha dundubhIH .. 5..\\
chikrIDushcha tathaivAnye jahasushcha tavAhitAH . 
abruvaMshchAsakR^idvIrA bhImasenamida.n vachaH .. 6..\\
duShkaraM bhavatA karma raNe.adya sumahatkR^itam . 
kauravendra.n raNe hatvA gadayAtikR^ita shramam .. 7..\\
indreNeva hi vR^itrasya vadhaM paramasa.nyuge . 
tvayA kR^itamamanyanta shatrorvadhamima.n janAH .. 8..\\
charanta.n vividhAnmArgAnmaNDalAni cha sarvashaH . 
duryodhanamima.n shUra.n ko.anyo hanyAdvR^ikodarAt .. 9..\\
vairasya cha gataH pAra.n tvamihAnyaiH sudurgamam . 
ashakyametadanyena sampAdayitumIdR^isham .. 10..\\
ku~njareNeva mattena vIra sa~NgrAmamUrdhani . 
duryodhana shiro diShTyA pAdena mR^idita.n tvayA .. 11..\\
si.nhena mahiShasyeva kR^itvA sa~Ngaramadbhutam . 
duHshAsanasya rudhira.n diShTyA pItaM tvayAnagha .. 12..\\
ye viprakurvanrAjAna.n dharmAtmAna.n yudhiShThiram . 
mUrdhni teShA.n kR^itaH pAdo diShTyA te svena karmaNA .. 13..\\
amitrANAmadhiShThAnAdvadhAdduryodhanasya cha . 
bhIma diShTyA pR^ithivyA.n te prathita.n sumahadyashaH .. 14..\\
evaM nUna.n hate vR^itre shakraM nandanti bandinaH . 
tathA tvAM nihatAmitra.n vayaM nandAma bhArata .. 15..\\
duryodhana vadhe yAni romANi hR^iShitAni naH . 
adyApi na vihR^iShyanti tAni tadviddhi bhArata . 
ityabruvanbhImasena.n vAtikAstatra sA~NgatAH .. 16..\\
tAnhR^iShTAnpuruShavyAghrAnpA~nchAlAnpANDavaiH saha . 
bruvataH sadR^isha.n tatra provAcha madhusUdanaH .. 17..\\
na nyAyyaM nihataH shatrurbhUyo hantu.n janAdhipAH . 
asakR^idvAgbhirugrAbhirnihato hyeSha mandadhIH .. 18..\\
tadaivaiSha hataH pApo yadaiva nirapatrapaH . 
lubdhaH pApasahAyashcha suhR^idA.n shAsanAtigaH .. 19..\\
bahusho vidura droNa kR^ipa gA~Ngeya sR^i~njayaiH . 
pANDubhyaH prochyamAno.api pitryamaMshaM na dattavAn .. 20..\\
naiSha yogyo.adya mitra.n vA shatrurvA puruShAdhamaH . 
kimanenAtinunnena vAgbhiH kAShThasadharmaNA .. 21..\\
ratheShvArohata kShipra.n gachchhAmo vasudhAdhipAH . 
diShTyA hato.ayaM pApAtmA sAmAtyaGYAti bAndhavaH .. 22..\\
iti shrutvA tvadhikShepa.n kR^iShNAdduryodhano nR^ipaH . 
amarShavashamApanna udatiShThadvishAM pate .. 23..\\
sphigdeshenopaviShTaH sa dorbhyA.n viShTabhya medinIm . 
dR^iShTiM bhrU sa~NkaTA.n kR^itvA vAsudeve nyapAtayat .. 24..\\
ardhonnata sharIrasya rUpamAsInnR^ipasya tat . 
kruddhasyAshIviShasyevachchhinnapuchchhasya bhArata .. 25..\\
prANAnta karaNI.n ghorA.n vedanAm avichintayan . 
duryodhano vAsudeva.n vAgbhirugrAbhirArdayat .. 26..\\
ka.nsa dAsasya dAyAda na te lajjAstyanena vai . 
adharmeNa gadAyuddhe yadaha.n vinipAtitaH .. 27..\\
UrU bhindhIti bhImasya smR^itiM mithyA prayachchhatA . 
kiM na viGYAtametanme yadarjunamavochathAH .. 28..\\
ghAtayitvA mahIpAlAnR^iju yuddhAnsahasrashaH . 
jihmairupAyairbahubhirna te lajjA na te ghR^iNA .. 29..\\
ahanyahani shUrANA.n kurvANaH kadanaM mahat . 
shikhaNDinaM puraskR^itya ghAtitaste pitAmahaH .. 30..\\
ashvatthAmnaH sanAmAna.n hatvA nAgaM sudurmate . 
AchAryo nyAsitaH shastra.n kiM tanna viditaM mama .. 31..\\
sa chAnena nR^isha.nsena dhR^iShTadyumnena vIryavAn . 
pAtyamAnastvayA dR^iShTo na chaina.n tvamavArayaH .. 32..\\
vadhArthaM pANDuputrasya yAchitA.n shaktimeva cha . 
ghaTotkache vya.nsayathAH kastvattaH pApakR^ittamaH .. 33..\\
chhinnabAhuH prAyagatastathA bhUrishravA balI . 
tvayA nisR^iShTena hataH shaineyena durAtmanA .. 34..\\
kurvANashchottama.n karma karNaH pArtha jigIShayA . 
vya.nsanenAshvasenasya pannagendrasutasya vai .. 35..\\
punashcha patite chakre vyasanArtaH parAjitaH . 
pAtitaH samare karNashchakravyagro.agraNIrnR^iNAm .. 36..\\
yadi mA.n chApi karNaM cha bhIShmadroNau cha sa.nyuge . 
R^ijunA pratiyudhyethA na te syAdvijayo dhruvam .. 37..\\
tvayA punaranAryeNa jihmamArgeNa pArthivAH . 
svadharmamanutiShThanto vaya.n chAnye cha ghAtitAH .. 38..\\

 vaa

hatastvamasi gAndhAre sabhrAtR^isutabAndhavaH . 
sagaNaH sasuhR^ichchaiva pApamArgamanuShThitaH .. 39..\\
tavaiva duShkR^itairvIrau bhIShmadroNau nipAtitau . 
karNashcha nihataH sa~Nkhye tava shIlAnuvartakaH .. 40..\\
yAchyamAno mayA mUDha pitryamaMshaM na ditsasi . 
pANDavebhyaH svarAjyArdha.n lobhAchchhakuni nishchayAt .. 41..\\
viSha.n te bhImasenAya datta.n sarve cha pANDavAH . 
pradIpitA jatu gR^ihe mAtrA saha sudurmate .. 42..\\
sabhAyA.n yAGYasenI cha kR^iShTA dyUte rajasvalA . 
tadaiva tAvadduShTAtmanvadhyastvaM nirapatrapaH .. 43..\\
anakShaGYa.n cha dharmaGYa.n saubalenAkSha vedinA . 
nikR^ityA yatparAjaiShIstassmAdasi hato raNe .. 44..\\
jayadrathena pApena yatkR^iShNA kleshitA vane . 
yAteShu mR^igayA.n teShu tR^iNabindorathAshrame .. 45..\\
abhimanyushcha yadbAla eko bahubhirAhave . 
tvaddoShairnihataH pApatasmAdasi hato raNe .. 46..\\

 dur

adhIta.n vidhivaddattaM bhUH prashAstA sasAgarA . 
mUrdhni sthitamamitrANA.n ko nu svantataro mayA .. 47..\\
yadiShTa.n kShatrabandhUnA.n svadharmamanupashyatAm . 
tadidaM nidhanaM prApta.n ko nu svantataro mayA .. 48..\\
devArhA mAnuShA bhogAH prAptA asulabhA nR^ipaiH . 
aishvarya.n chottamaM prAptaM ko nu svantataro mayA .. 49..\\
sasuhR^itsAnubandhashcha svarga.n gantAhamachyuta . 
yUya.n vihatasa~NkalpAH shochanto vartayiShyatha .. 50..\\

 s

asya vAkyasya nidhane kururAjasya bhArata . 
apatatsumahadvarShaM puShpANAM puNyagandhinAm .. 51..\\
avAdayanta gandharvA jagushchApsarasA.n gaNAH . 
siddhAshcha mumuchurvAchaH sAdhu sAdhviti bhArata .. 52..\\
vavau cha surabhirvAyuH puNyagandho mR^iduH sukhaH . 
vyarAjatAmala.n chaiva nabho vaiDUrya saMnibham .. 53..\\
atyadbhutAni te dR^iShTvA vAsudeva purogamAH . 
duryodhanasya pUjA.n cha dR^iShTvA vrIDAmupAgaman .. 54..\\
hatAMshchAdharmataH shrutvA shokArtAH shushuchurhi te . 
bhIShma.n droNaM tathA karNaM bhUrishravasameva cha .. 55..\\
tA.nstu chintAparAndR^iShTvA pANDavAndInachetasaH . 
provAcheda.n vachaH kR^iShNo meghadundubhinisvanaH .. 56..\\
naiSha shakyo.atishIghrAstraste cha sarve mahArathAH . 
R^iju yuddhena vikrAntA hantu.n yuShmAbhirAhave .. 57..\\
upAyA vihitA hyete mayA tasmAnnarAdhipAH . 
anyathA pANDaveyAnAM nAbhaviShyajjayaH kva chit .. 58..\\
te hi sarve mahAtmAnashchatvAro.atirathA bhuvi . 
na shakyA dharmato hantu.n lokapAlairapi svayam .. 59..\\
tathaivAya.n gadApANirdhArtarAShTro gataklamaH . 
na shakyo dharmato hantu.n kAlenApIha daNDinA .. 60..\\
na cha vo hR^idi kartavya.n yadaya.n ghAtito nR^ipaH . 
mithyA vadhyAstathopAyairbahavaH shatravo.adhikAH .. 61..\\
pUrvairanugato mArgo devairasuraghAtibhiH . 
sadbhishchAnugataH panthAH sa sarvairanugamyate .. 62..\\
kR^itakR^ityAH sma sAyAhne nivAsa.n rochayAmahe . 
sAshvanAgarathAH sarve vishramAmo narAdhipAH .. 63..\\
vAsudeva vachaH shrutvA tadAnIM pANDavaiH saha . 
pA~nchAlA bhR^ishasa.nhR^iShTA vineduH smiha sa~Nghavat .. 64..\\
tataH prAdhmApaya~nsha~NkhAnpA~nchajanya.n cha mAdhavaH . 
hR^iShTA duryodhana.n dR^iShTvA nihataM puruSharShabhAH .. 65..\\
\medskip\hrule\medskip\centerline{\Largedvng 61}
 s

tataste prayayuH sarve nivAsAya mahIkShitaH . 
sha~NkhAnpradhmApayanto vai hR^iShTAH parighabAhavaH .. 1..\\
pANDavAngachchhatashchApi shibiraM no vishAM pate . 
maheShvAso.anvagAtpashchAdyuyutsuH sAtyakistathA .. 2..\\
dhR^iShTadyumnaH shikhaNDI cha draupadeyAshcha sarvashaH . 
sarve chAnye maheShvAsA yayuH svashibirANyuta .. 3..\\
tataste prAvishanpArthA hAta tviTka.n hateshvaram . 
duryodhanasya shibira.n ra~NgavadvisR^ite jane .. 4..\\
gadutsavaM puramiva hR^itanAgamiva hradam . 
strIvarShavarabhUyiShTha.n vR^iddhAmAtyairadhiShThiram .. 5..\\
tatraitAnparyupAtiShThanduryodhana puraHsarAH . 
kR^itA~njalipuTA rAjankAShAyamalinAmbarAH .. 6..\\
shibira.n samanuprApya kururAjasya pANDavAH . 
avaterurmahArAja rathebhyo rathasattamAH .. 7..\\
tato gANDIvadhanvAnamabhyabhAShata keshavaH . 
sthitaH priha hite nityamatIva bharatarShabha .. 8..\\
avaropaya gANDIvamakShayyau cha maheShudhI . 
athAhamavarokShyAmi pashchAdbharatasattama .. 9..\\
svaya.n chaivAvaroha tvameta shreyastavAnagha . 
tachchAkarottathA vIraH pANDuputro dhana~njayaH .. 10..\\
atha pashchAttataH kR^iShNo rashmInutsR^ijya vAjinAm . 
avArohata medhAvI rathAdgANDIvadhanvanaH .. 11..\\
athAvatIrNe bhUtAnAmIshvare sumahAtmani . 
kapirantardadhe divyo dhvajo gANDIvadhanvanaH .. 12..\\
sa dagdho droNakarNAbhyA.n divyairastrairmahArathaH . 
atha dIpto.agninA hyAshu prajajvAla mahIpate .. 13..\\
sopAsa~NgaH sarashmishcha sAshvaH sayuga bandhuraH . 
bhasmIbhUte.apatadbhUmau rathe gANDIvadhanvanaH .. 14..\\
ta.n tathA bhasmabhUtaM tu dR^iShTvA pANDusutAH prabho . 
abhavanvismitA rAjannarjunashchedamabravIt .. 15..\\
kR^itA~njaliH sapraNayaM praNipatyAbhivAdya cha . 
govinda kasmAdbhagavanratho dagdho.ayamagninA .. 16..\\
kimetanmahadAshcharyamabhavadyadunandana . 
tanme brUhi mahAbAho shrotavya.n yadi manyase .. 17..\\

 vaa

astrairbahuvidhairdagdhaH pUrvamevAyamarjuna . 
madadhiShThitatvAtsamare na vishIrNaH parantapa .. 18..\\
idAnI.n tu vishIrNo.ayaM dagdho brahmAstra tejasA . 
mayA vimuktaH kaunteya tvayyadya kR^itakarmaNi .. 19..\\

 s

IShadutsmayamAnashcha bhagavAnkeshavo.arihA . 
pariShvajya cha rAjAna.n yudhiShThiramabhAShata .. 20..\\
diShTyA jayasi kaunteya diShTyA te shatravo jitAH . 
diShTyA gANDIvadhanvA cha bhImasenashcha pANDavau .. 21..\\
muktA vIra kShayAdasmAtsa~NgrAmAnnihatadviShaH . 
kShipramuttarakAlAni kuru kAryANi bhArata .. 22..\\
upayAtamupaplavya.n saha gANDIvadhanvanA . 
AnIya madhuparkaM mA.n yatpurA tvamavochathAH .. 23..\\
eSha bhrAtA sakhA chaiva tava kR^iShNa dhana~njayaH . 
rakShitavyo mahAbAho sarvAsvApatsviti prabho . 
tava chaivaM bruvANasya tathetyevAhamabruvam .. 24..\\
sa savyasAchI guptaste vijayI cha nareshvara . 
bhrAtR^ibhiH saha rAjendra shUraH satyaparAkramaH . 
mukto vIra kShayAdasmAtsa~NgrAmAllomaharShaNAt .. 25..\\
evamuktastu kR^iShNena dharmarAjo yudhiShThiraH . 
hR^iShTaromA mahArAja pratyuvAcha janArdanam .. 26..\\
pramukta.n droNakarNAbhyAM brahmAstramarimardana .. 27..\\
kastvadanyaH sahetsAkShAdapi vajrI purandaraH .. 28..\\
bhavatastu prasAdena sa~NgrAme bahavo jitAH . 
mahAraNagataH pArtho yachcha nAsItparA~NmukhaH . 
tathaiva cha mahAbAho paryAyairbahubhirmayA . 
karmaNAmanusantAna.n tejasashcha gatiH shubhA .. 29..\\
upaplavye maharShirme kR^iShNadvaipAyano.abravIt . 
yato dharmastataH kR^iShNo yatha kR^iShNastato jayaH .. 30..\\
ityevamukte te vIrAH shibira.n tava bhArata . 
pravishya pratyapadyanta kosharatnarddhi sa~ncayAn .. 31..\\
rajata.n jAtarUpaM cha maNInatha cha mauktikAn . 
bhUShaNAnyatha mukhyAni kambalAnyajinAni cha . 
dAsIdAsamasa~Nkhyeya.n rAjyopakaraNAni cha .. 32..\\
te prApya dhanamakShayya.n tvadIyaM bharatarShabha . 
udakroshanmaheShvAsA narendra vijitArayaH .. 33..\\
te tu vIrAH samAshvasya vAhanAnyavamuchya cha . 
atiShThanta muhuH sarve pANDavAH sAtyakistathA .. 34..\\
athAbravInmahArAja vAsudevo mahAyashAH . 
asmAbhirma~NgalArthAya vastavya.n shibirAdbahiH .. 35..\\
tathetyuktvA cha te sarve pANDavAH sAtyakistathA . 
vAsudevena sahitA ma~NgalArtha.n yayurbahiH .. 36..\\
te samAsAdya saritaM puNyAmoghavatIM nR^ipa . 
nyavasannatha tA.n rAtriM pANDavA hatashatravaH .. 37..\\
tataH sampreShayAmAsuryAdavaM nAgasAhvayam . 
sa cha prAyAjjavenAshu vAsudevaH pratApavAn . 
dAruka.n rathamAropya yena rAjAmbikA sutaH .. 38..\\
tamUchuH samprayAsyanta.n sainyasugrIva vAhanam . 
pratyAshvAsaya gAndhArI.n hataputrAM yashasvinIm .. 39..\\
sa prAyAtpANDavairuktastatpura.n sAtvatAM varaH . 
AsasAdayiShuH kShipra.n gAndhArIM nihatAtmajAm .. 40..\\
\medskip\hrule\medskip\centerline{\Largedvng 62}
 j

kimartha.n rAjashArdUlo dharmarAjo yudhiShThiraH . 
gAndhAryAH preShayAmAsa vAsudevaM parantapam .. 1..\\
yadA pUrva.n gataH kR^iShNaH shamArthaM kauravAnprati . 
na cha ta.n labdhavAnkAma.n tato yuddhamabhUdidam .. 2..\\
nihateShu tu yodheShu hate duryodhane tathA . 
pR^ithivyAM pANDaveyasya niHsapatne kR^ite yudhi .. 3..\\
vidrute shibire shUnye prApte yashasi chottame . 
kiM nu tatkAraNaM brahmanyena kR^iShNo gataH punaH .. 4..\\
na cha tatkAraNaM brahmannalpa.n vai pratibhAti me . 
yatrAgamadameyAtmA svayameva janArdanaH .. 5..\\
tattvato vai samAchakShva sarvamadhvaryu sattama . 
yachchAtra kAraNaM brahmankAryasyAsya vinishchaye .. 6..\\

 vai

tvadyukto.ayamanuprashno yanmAM pR^ichchhasi pArthiva . 
tatte.aha.n sampravakShyAmi yathAvadbharatarShabha .. 7..\\
hata.n duryodhanaM dR^iShTvA bhima senena sa.nyuge . 
vyutkramya samaya.n rAjandhArtarAShTraM mahAbalam .. 8..\\
anyAyena hata.n dR^iShTvA gadAyuddhena bhArata . 
yudhiShThiraM mahArAja mahadbhayamathAvishat .. 9..\\
chintayAno mahAbhAgA.n gAndhArIM tapasAnvitAm . 
ghoreNa tapasA yuktA.n trailokyamapi sA dahet .. 10..\\
tasya chintayamAnasya buddhiH samabhavattadA . 
gAndhAryAH krodhadIptAyAH pUrvaM prashamanaM bhavet .. 11..\\
sA hi putravadha.n shrutvA kR^itamasmAbhirIdR^isham . 
mAnasenAgninA kruddhA bhasmasAnnaH kariShyati .. 12..\\
katha.n duHkhamidaM tIvraM gAndhArI rapsahiShyati . 
shrutvA vinihataM putra.n chhalenAjihma yodninam .. 13..\\
eva.n vichintya bahudhA bhayashokasamanvitaH . 
vAsudevamida.n vAkya.n dharmarAjo.abhyabhAShata .. 14..\\
tava prasAdAdgovinda rAjyaM nihatakaNTakam . 
aprApyaM manasApIha prAptamasmAbhirachyuta .. 15..\\
pratyakShaM me mahAbAho sa~NgrAme lomaharShaNe . 
vimardaH sumahAnprAptastvayA yAdavanandana .. 16..\\
tvayA devAsure yuddhe vadhArthamamara dviShAm . 
yathA sAhyaM purA datta.n hatAshcha vibudhadviShaH .. 17..\\
sAhya.n tathA mahAbAho dattamasmAkamachyuta . 
sArathyena cha vArShNeya bhavatA yaddhR^itA vayam .. 18..\\
yadi na tvaM bhavennAthaH phalgunasya mahAraNe . 
katha.n shakyo raNe jetuM bhavedeSha balArNavaH .. 19..\\
gadAprahArA vipulAH parighaishchApi tADanam . 
shaktibhirbhiNDipAlaishcha tomaraiH saparashvadhaiH .. 20..\\
vAchashcha paruShAH prAptAstvayA hyasmaddhitaiShiNA . 
tAshcha te saphalAH sarvA hate duryodhane.achyuta .. 21..\\
gAndhAryA hi mahAbAho krodhaM budhyasva mAdhava . 
sA hi nityaM mahAbhAgA tapasogreNa karshitA .. 22..\\
putrapautra vadha.n shrutvA dhruvaM naH sampradhakShyati . 
tasyAH prasAdana.n vIra prAptakAlaM mataM mama .. 23..\\
kashcha tA.n krodhadIptAkShIM putravyasanakarshitAm . 
vIkShituM puruShaH shaktastvAmR^ite puruShottama .. 24..\\
tatra me gamanaM prApta.n rochate tava mAdhava . 
gAndhAryAH krodhadIptAyAH prashamArthamarindama .. 25..\\
tva.n hi kartA vikartA cha lokAnAM prabhavApyayaH . 
hetukAraNa sa.nyuktairvAkyaiH kAlasamIritaiH .. 26..\\
kShiprameva mahAprAGYa gAndhArI.n shamayiShyasi . 
pitAmahashcha bhagavAnkR^iShNastatra bhaviShyati .. 27..\\
sarvathA te mahAbAho gAndhAryAH krodhanAshanam . 
kartavya.n sAtvatashreShTha pANDavAnAM hitaiShiNA .. 28..\\
dharmarAjasya vachana.n shrutvA yadukulodvahaH . 
Amantrya dArukaM prAha rathaH sajjo vidhIyatAm .. 29..\\
keshavasya vachaH shrutvA tvaramANo.atha dArukaH . 
nyavedayadratha.n sajja.n keshavAya mahAtmane .. 30..\\
ta.n rathaM yAdava shreShThaH samAruhya parantapaH . 
jagAma hAstinapura.n tvaritaH keshavo vibhuH .. 31..\\
tatha prAyAnmahArAja mAdhavo bhagavAnrathI . 
nAgasAhvayamAsAdya pravivesha cha vIryavAn .. 32..\\
pravishya nagara.n vIro rathaghoSheNa nAdayan . 
vidito dhR^itarAShTrasya so.avatIrya rathottamAt .. 33..\\
abhyagachchhadadInAtmA dhR^itarAShTra niveshanam . 
pUrva.n chAbhigataM tatra so.apashyadR^iShisattamam .. 34..\\
pAdau prapIDya kR^iShNasya rAGYashchApi janArdanaH . 
abhyavAdayadavyagro gAndhArI.n chApi keshavaH .. 35..\\
tatastu yAdava shreShTho dhR^itarAShTramadhokShajaH . 
pANimAlambya rAGYaH sa sasvanaM praruroda ha .. 36..\\
sa muhUrtamivotsR^ijya bAShpa.n shokasamudbhavam . 
prakShAlya vAriNA netre Achamya cha yathAvidhi . 
uvAcha prashrita.n vAkya.n dhR^itarAShTramarindamaH .. 37..\\
na te.astyavidita.n kiM chidbhUtabhavyasya bhArata . 
kAlasya cha yathAvR^itta.n tatte suviditaM prabho .. 38..\\
yadidaM pANDavaiH sarvaistava chittAnurodhibhiH . 
katha.n kulakShayo na syAttathA kShatrasya bhArata .. 39..\\
bhrAtR^ibhiH samaya.n kR^itvA kShAntavAndharmavatsalaH . 
dyUtachchhala jitaiH shaktairvanavAso.abhyupAgataH .. 40..\\
aGYAtavAsa charyA cha nAnA vesha samAvR^itaiH . 
anye cha bahavaH kleshAstvashaktairiva nityadA .. 41..\\
mayA cha svayamAgamya yuddhakAla upasthite . 
sarvalokasya sAMnidhye grAmA.nstvaM pa~ncha yAchitaH .. 42..\\
tvayA kAlopasR^iShTena lobhato nApavarjitAH . 
tavAparAdhAnnR^ipate sarva.n kShatraM kShayaM gatam .. 43..\\
bhIShmeNa somadattena bAhlikena kR^ipeNa cha . 
droNena cha saputreNa vidureNa cha dhImatA . 
yAchitastva.n shamaM nityaM na cha tatkR^itavAnasi .. 44..\\
kAlopahatachitto hi sarvo muhyati bhArata . 
yathA mUDho bhavAnpUrvamasminnarthe samudyate .. 45..\\
kimanyatkAlayogAddhi diShTameva parAyaNam . 
mA cha doShaM mahArAja pANDaveShu niveshaya .. 46..\\
alpo.apyatikramo nAsti pANDavAnAM mahAtmanAm . 
dharmato nyAyatashchaiva snehatashcha parantapa .. 47..\\
etatsarva.n tu viGYAya AtmadoShakR^itaM phalam . 
asUyAM pANDuputreShu na bhavAnkartumarhati .. 48..\\
kula.n vaMshashcha piNDashcha yachcha putrakR^itaM phalam . 
gAndhAryAstava chaivAdya pANDaveShu pratiShThitam .. 49..\\
etatsarvamanudhyAtvA Atmanash cha vyatikramam . 
shivena pANDavAndhyAhi namaste bharatarShabha .. 50..\\
jAnAsi cha mahAbAho dharmarAjasya yA tvayi . 
bhaktirbharatashArdUla snehashchApi svabhAvataH .. 51..\\
etachcha kadana.n kR^itvA shatrUNAmapakAriNAm . 
dahyate sma divArAtraM na cha sharmAdhigachchhati .. 52..\\
tvA.n chaiva narashArdUla gAndhArIM cha yashasvinIm . 
sa shochanbharatashreShTha na shAntimadhigachchhati .. 53..\\
hriyA cha parayAviShTo bhavantaM nAdhigachchhati . 
putrashokAbhisantaptaM buddhivyAkulitendriyam .. 54..\\
evamuktvA mahArAja dhR^itarAShTra.n yadUttamaH . 
uvAcha parama.n vAkya.n gAndhArIM shokakarshitAm .. 55..\\
saubaleyi nibodha tva.n yattvAM vakShyAmi suvrate . 
tvatsamA nAsti loke.asminnadya sImantinI shubhe .. 56..\\
jAnAmi cha yathA rAGYi sabhAyyAM mama saMnidhau . 
dharmArthasahita.n vAkyamubhayoH pakShayorhitam . 
uktavatyasi kalyANi na cha te tanayaiH shrutam .. 57..\\
duryodhanastvayA chokto jayArthI paruSha.n vachaH . 
shR^iNu mUDha vacho mahya.n yato dharmastato jayaH .. 58..\\
tadida.n samanuprApta.n tava vAkyaM nR^ipAtmaje . 
eva.n viditvA kalyANi mA sma shoke manaH kR^ithAH . 
pANDavAnA.n vinAshAya mA te buddhiH kadA chana .. 59..\\
shaktA chAsi mahAbhAge pR^ithivI.n sacharAcharAm . 
chakShuShA krodhadIptena nirdagdhu.n tapaso balAt .. 60..\\
vAsudeva vachaH shrutvA gAndhArI vAkyamabravIt . 
evametanmahAbAho yathA vadasi keshava .. 61..\\
AdhibhirdahyamAnAyA matiH sa~ncalitA mama . 
sA me vyavasthitA shrutvA tava vyAkya.n janArdana .. 62..\\
rAGYastvandhasya vR^iddhasya hataputrasya keshava . 
tva.n gatiH saha tairvIraiH pANDavairdvipadA.n vara .. 63..\\
etAvaduktvA vachanaM mukhaM prachchhAdya vAsasA . 
putrashokAbhisantaptA gAndhArI praruroda ha .. 64..\\
tata enAM mahAbAhuH keshavaH shokakarshitAm . 
hetukAraNa sa.nyuktairvAkyairAshvAsayatprabhuH .. 65..\\
samAshvAsya cha gAndhArI.n dhR^itarAShTraM cha mAdhavaH . 
drauNeH sa~NkalpitaM bhAvamanvabudhyata keshavaH .. 66..\\
tatastvarita utthAya pAdau mUrdhnA praNamya cha . 
dvaipAyanasya rAjendra tatha kauravamabravIt .. 67..\\
ApR^ichchhe tvA.n kurushreShTha mA cha shoke manaH kR^ithAH . 
drauNeH pApo.astyabhiprAyastenAsmi sahasotthitaH . 
pANDavAnA.n vadhe rAtrau buddhistena pradarshitA .. 68..\\
etachchhrutvA tu vachana.n gAndhAryA sahito.abravIt . 
dhR^itarAShTro mahAbAhuH keshava.n keshi sUdanam .. 69..\\
shIghra.n gachchha mahAbAho pANDavAnparipAlaya . 
bhUyastvayA sameShyAmi kShiprameva janArdana . 
prAyAttatastu tvarito dArukeNa sahAchyutaH .. 70..\\
vAsudeve gate rAjanghR^itarAShTra.n janeshvaram . 
AshvAsayadameyAtmA vyAso lokanamaskR^itaH .. 71..\\
vAsudevo.api dharmAtmA kR^itakR^ityo jagAma ha . 
shibira.n hAstinapurAddidR^ikShuH pANDavAnnR^ipa .. 72..\\
Agamya shibira.n ratrau so.abhyagachchhata pANDavAn . 
tachcha tebhyaH samAkhyAya sahitastaiH samAvishat .. 73..\\
\medskip\hrule\medskip\centerline{\Largedvng 63}
 dhr

adhiShThitaH padA mUrdhni bhagnasaktho mahI.n gataH . 
shauTIramAnI putro me kAnyabhAShata sa~njaya .. 1..\\
atyartha.n kopano rAjA jAtavairashcha pANDuShu . 
vyasanaM paramaM prAptaH kimAha paramAhave .. 2..\\

 s

shR^iNu rAjanpravakShyAmi yathAvR^ittaM narAdhipa . 
rAGYA yaduktaM bhagnena tasminvyasana Agate .. 3..\\
bhagnasaktho nR^ipo rAjanpA.nsunA so.avaguNThitaH . 
yamayanpUrdhajA.nstatra vIkShya chaiva disho dasha .. 4..\\
keshAnniyamya yatnena niHshvasannurago yathA . 
sa.nrambhAshru parItAbhyAM netrAbhyAmabhivIkShya mAm .. 5..\\
bAhU dharaNyAM niShpiShya muhurmatta iva dvipaH . 
prakIrNAnmUrdhajAndhunvandantairdantAnupaspR^ishan . 
garhayanpANDava.n jyeShThaM niHshvasyedamathAbravIt .. 6..\\
bhIShme shAntanave nAthe karNe chAstrabhR^itA.n vare . 
gautame shakunau chApi droNe chAstrabhR^itA.n vare .. 7..\\
ashvatthAmni tathA shalye shUre cha kR^itavarmaNi . 
imAmavasthAM prApto.asmi kAlo hi durita kramaH .. 8..\\
ekAdasha chamU bhartA so.ahametA.n dashAM gataH . 
kAlaM prApya mahAbAho na kash chidativartate .. 9..\\
AkhyAtavyaM madIyAnA.n ye.asmi~njIvanti sa~Ngare . 
yathAhaM bhImasenena vyutkramya samaya.n hataH .. 10..\\
bahUni sunR^isha.nsAni kR^itAni khalu pANDavaiH . 
bhUrishravasi karNe cha bhIShme droNe cha shrImati .. 11..\\
ida.n chAkIrtijaM karma nR^isha.nsaiH pANDavaiH kR^itam . 
yena te satsu nirveda.n gamiShyantIti me matiH .. 12..\\
kA prItiH sattvayuktasya kR^itvopadhi kR^ita.n jayam . 
ko vA samayabhettAraM budhaH saMmantumarhati .. 13..\\
adharmeNa jaya.n labdhvA ko nu hR^iShyeta paNDitaH . 
yathA sa.nhR^iShyate pApaH pANDuputro vR^ikodaraH .. 14..\\
kiM nu chitramatastvadya bhagnasakthasya yanmama . 
kruddhena bhImasenena pAdena mR^idita.n shiraH .. 15..\\
pratapanta.n shriyA juShTaM vartamAna.n cha bandhuShu . 
eva.n kuryAnnaro yo hi sa vai sa~njaya pUjitaH .. 16..\\
abhiGYau kShatradharmasya mama mAtA pitA cha me . 
tau hi sa~njaya duHkhArtau viGYApyau vachanAnmama .. 17..\\
iShTaM bhR^ityA bhR^itAH samyagbhUH prashAstA sasAgarA . 
mUrdhni sthitamamitrANA.n jIvatAmeva sa~njaya .. 18..\\
dattA dAyA yathAshakti mitrANA.n cha priyaM kR^itam . 
amitrA bAdhitAH sarve ko nu svantataro mayA .. 19..\\
yAtAni pararAShTrANi nR^ipA bhuktAshcha dAsavat . 
priyebhyaH prakR^ita.n sAdhu ko nu svantataro mayA .. 20..\\
mAnitA bAndhavAH sarve mAnyaH sampUjito janaH . 
tritaya.n sevitaM sarva.n ko nu svantataro mayA .. 21..\\
AGYaptaM nR^ipa mukhyeShu mAnaH prAptaH sudurlabhaH . 
AjAneyaistathA yAta.n ko nu svantataro mayA .. 22..\\
adhIta.n vidhivaddattaM prAptamAyurnirAmayam . 
svadharmeNa jitA lokkAH ko nu svantataro mayA .. 23..\\
diShTyA nAha.n jitaH sa~Nkhye parAnpreShyavadAshritaH . 
diShTyA me vipulA lakShmIrmR^ite tvanya.n gatA vibho .. 24..\\
yadiShTa.n kShatrabandhUnA.n svadharmamanutiShThatAm . 
nidhana.n tanmayA prAptaM ko nu svantataro mayA .. 25..\\
diShTyA nAhaM parAvR^itto vairAtprAkR^itavajjitaH . 
diShTyA na vimati.n kAM chidbhajitvA tu parAjitaH .. 26..\\
supta.n vAtha pramattaM vA yathA hanyAdviSheNa vA . 
eva.n vyutkrAnta dharmeNa vyutkramya samayaM hataH .. 27..\\
ashvatthAmA mahAbhAgaH kR^itavarmA cha sAtvataH . 
kR^ipaH shAradvatashchaiva vaktavyA vachanAnmama .. 28..\\
adharmeNa pravR^ittAnAM pANDavAnAmanekashaH . 
vishvAsa.n samayaghnAnAM na yUya.n gantumarhatha .. 29..\\
vAtikAMshchAbravIdrAjA putraste satyavikramaH . 
adharmAdbhImasenena nihato.aha.n yathA raNe .. 30..\\
so.aha.n droNa.n svargagataM shalya karNAvubhau tathA . 
vR^iShasenaM mahAvIrya.n shakuni.n chApi saubalam .. 31..\\
jalasandhaM mahAvIryaM bhagadatta.n cha pArthivam . 
saumadattiM maheShvAsa.n saindhava.n cha jayadratham .. 32..\\
duHshAsana purogAMshcha bhrAtR^InAtmasamA.nstathA . 
dauHshAsani.n cha vikrAnta.n lakShmaNaM chAtmajAvubhau .. 33..\\
etAMshchAnyAMshcha subahUnmadIyAMshcha sahasrashaH . 
pR^iShThato.anugamiShyAmi sArthahIna ivAdhvagaH .. 34..\\
kathaM bhrAtR^InhatA~nshrutvA bhartAra.n cha svasA mama . 
rorUyamANA duHkhArtA duHshalA sA bhaviShyati .. 35..\\
snuShAbhiH prasuNAbhishcha vR^iddho rAjA pitA mama . 
gAndhArI sahitaH kroshankA.n gatiM pratipatsyate .. 36..\\
nUna.n lakShmaNa mAtApi hataputrA hateshvarA . 
vinAsha.n yAsyati kShipra.n kalyANI pR^ithulochanA .. 37..\\
yadi jAnAti chArvAkaH parivrADvAgvishAradaH . 
kariShyati mahAbhAgo dhruva.n so.apachitiM mama .. 38..\\
samantapa~nchake puNye triShu lokeShu vishrute . 
ahaM nidhanamAsAdya lokAnprApsyAmi shAshvatAn .. 39..\\
tato janasahasrANi bAShpapUrNAni mAriSha . 
pralApaM nR^ipateH shrutvA vidravanti disho dasha .. 40..\\
sasAgaravanA ghorA pR^ithivI sacharAcharA . 
chachAlAtha sanirhrAdA dishashchaivAvilAbhavan .. 41..\\
te droNaputramAsAdya yathAvR^ittaM nyavedayan . 
vyavahAra.n gadAyuddhe pArthivasya cha ghAtanam .. 42..\\
tadAkhyAya tataH sarve droNaputrasya bhArata . 
dhyAtvA cha suchira.n kAlaM jagmurArtA yathAgatam .. 43..\\
\medskip\hrule\medskip\centerline{\Largedvng 64}
 s

vAtikAnA.n sakAshAttu shrutvA duryodhanaM hatam . 
hatashiShTAstato rAjankauravANAM mahArathAH .. 1..\\
vinirbhinnAH shitairbANairgadA tomarashaktibhiH . 
ashvatthAmA kR^ipashchaiva kR^itavarmA cha sAtvataH . 
tvaritA javanairashvairAyodhanamupAgaman .. 2..\\
tatrApashyanmahAtmAna.n dhArtarAShTraM nipAtitam . 
prabhagna.n vAyuvegena mahAshAlaM yathA vane .. 3..\\
bhUmai viveShTamAna.n ta.n rudhireNa samukShitam . 
mahAgajamivAraNye vyAdhena vinipAtitam .. 4..\\
vivartamAnaM bahusho rudhiraughapariplutam . 
yadR^ichchhayA nipatita.n chakramAdityagocharam .. 5..\\
mahAvAtasamutthena saMshuShkamiva sAgaram . 
pUrNachanramiva vyomni tuShArAvR^ita maNDalam .. 6..\\
reNudhvasta.n dIrghabhujaM mAta~Ngasamavikramam . 
vR^itaM bhUtagaNairghoraiH kravyAdaishcha samantataH . 
yathA dhana.n lipsamAnairbhR^ityairnR^ipatisattamam .. 7..\\
bhrukuTI kR^itavaktrAnta.n krodhAdudvR^ittachakShuSham . 
sAmarSha.n taM naravyAghra.n vyAghraM nipatitaM yathA .. 8..\\
te tu dR^iShTvA maheShvAsA bhUtale patitaM nR^ipam . 
mohamabhyAgamansarve kR^ipaprabhR^itayo rathAH .. 9..\\
avatIrya rathebhyastu rAdravanrAjasaMnidhau . 
duryodhana.n cha samprekShya sarve bhUmAvupAvishan .. 10..\\
tato drauNirmahArAja bAShpapUrNekShaNaH shvasan . 
uvAcha bharatashreShTha.n sarvalokeshvareshvaram .. 11..\\
na nUna.n vidyate.asahyaM mAnuShye ki.n chideva hi . 
yatra tvaM puruShavyAghra sheShe pA.nsuShu rUShitaH .. 12..\\
bhUtvA hi nR^ipatiH pUrva.n samAGYApya cha medinIm . 
kathameko.adya rAjendra tiShThase nirjane vane .. 13..\\
duHshAsanaM na pashyAmi nApi karNaM mahAratham . 
nApi tAnsuhR^idaH sarvAnkimidaM bharatarShabha .. 14..\\
duHkhaM nUna.n kR^itAntasya gati.n GYAtuM kathaM chana . 
lokAnA.n cha bhavAnyatra sheShe pA.nsuShu rUShitaH .. 15..\\
eSha mUrdhAvasiktAnAmagre gatvA parantapaH . 
satR^iNa.n grasate pA.nsuM pashya kAlasya paryayam .. 16..\\
kva te tadamala.n chhattra.n vyajanaM kva cha pArthiva . 
sA cha te mahatI senA kva gatA pArthivottama .. 17..\\
durviGYeyA gatirnUna.n kAryANAM kAraNAntare . 
yadvai lokagururbhUtvA bhavAnetA.n dashAM gataH .. 18..\\
adhruvA sarvamartyeShu dhruva.n shrIru palakShyate . 
bhavato vyasana.n dR^iShTvA shakra vispardhino bhR^isham .. 19..\\
tasya tadvachana.n shrutvA duHkhitasya visheShataH . 
uvAcha rAjanputraste prAptakAlamida.n vachaH .. 20..\\
vimR^ijya netre pANibhyA.n shokajaM bAShpamutsR^ijan . 
kR^ipAdInsa tadA vIrAnsarvAneva narAdhipaH .. 21..\\
IdR^isho martyadharmo.aya.n dhAtrA nirdiShTa uchyate . 
vinAshaH sarvabhUtAnA.n kAlaparyAya kAritaH .. 22..\\
so.ayaM mA.n samanuprAptaH pratyakShaM bhavatAM hi yaH . 
pR^ithivIM pAlayitvAhametAM niShTAmupAgataH .. 23..\\
diShTyA nAhaM parAvR^itto yuddhe kasyA.n chidApadi . 
diShTyAhaM nihataH pApaishchhalenaiva visheShataH .. 24..\\
utsAhashcha kR^ito nityaM mayA diShTyA yuyutsatA . 
diShTyA chAsmi hato yuddhe nihataGYAtibAndhavaH .. 25..\\
diShTyA cha vo.ahaM pashyAmi muktAnasmA~njanakShayAt . 
svasti yuktAMshcha kalyAMsh cha tanme priyamanuttamam .. 26..\\
mA bhavanto.anutapyantA.n sauhR^idAnnidhanena me . 
yadi vedAH pramANa.n vo jitA lokA mayAkShayAH .. 27..\\
manyamAnaH prabhAva.n cha kR^iShNasyAmita tejasaH . 
tena na chyAvitashchAha.n kShatradharmAtsvanuShThitAt .. 28..\\
sa mayA samanuprApto nAsmi shochyaH katha.n chana . 
kR^itaM bhavadbhiH sadR^ishamanurUpamivAtmanaH . 
yatita.n vijaye nitya.n daivaM tu duratikramam .. 29..\\
etAvaduktvA vachanaM bAShpavyAkulalochanaH . 
tUShNIM babhUva rAjendra rujAsau vihvalo bhR^isham .. 30..\\
tathA tu dR^iShTvA rAjAnaM bAShpashokasamanvitam . 
drauNiH krodhena jajvAla yathA vahnirjagatkShaye .. 31..\\
sa tu krodhasamAviShTaH pANau pANiM nipIDya cha . 
bAShpavihvalayA vAchA rAjAnamidamabravIt .. 32..\\
pitA me nihataH kShudrauH sunR^isha.nsena karmaNA . 
na tathA tena tapyAmi yathA rAja.nstvayAdya vai .. 33..\\
shR^iNu cheda.n vacho mahyaM satyena vadataH prabho . 
iShTApUrtena dAnena dharmeNa sukR^itena cha .. 34..\\
adyAha.n sarvapA~nchAlAnvAsudevasya pashyataH . 
sarvopAyairhi neShyAmi pretarAjaniveshanam . 
anuGYA.n tu mahArAja bhavAnme dAtumarhati .. 35..\\
iti shrutvA tu vachana.n droNaputrasya kauravaH . 
manasaH prItijanana.n kR^ipa.n vachanamabravIt . 
AchArya shIghra.n kalashaM jalapUrNa.n samAnaya .. 36..\\
sa tadvachanamAGYAya rAGYo brAhmaNasattamaH . 
kalashaM pUrNamAdAya rAGYo.antikamupAgamat .. 37..\\
tamabravInmahArAja putrastava vishAM pate . 
mamAGYayA dvijashreShTha droNaputro.abhiShichyatAm . 
senApatyena bhadra.n te mama chedichchhasi priyam .. 38..\\
rAGYo niyogAdyoddhavyaM brAhmaNena visheShataH . 
vartatA kShatradharmeNa hyeva.n dharmavido viduH .. 39..\\
rAGYastu vachana.n shrutvA kR^ipaH shAradvatastataH . 
drauNi.n rAGYo niyogena senApatye.abhyaShechayat .. 40..\\
so.abhiShikto mahArAja pariShvajya nR^ipottamam . 
prayayau si.nhanAdena dishaH sarvA vinAdayan .. 41..\\
duryodhano.api rAjendra shoNitaughapariplutaH . 
tAM nishAM pratipede.atha sarvabhUtabhayAvahAm .. 42..\\
apakramya tu te tUrNa.n tasmAdAyodhanAnnR^ipa . 
shokasa.nvignamanasashchintA dhyAnaparAbhavan .. 43..\\

##\end{multicols}##
##
\medskip\hrule\medskip
Last updated on \today ; Send corrections to sanskrit@cheerful.com
\end{document}