y

shamo bahuvidhAkAraH sUkShma uktaH pitAmaha . 
na cha me hR^idaye shAntirasti kR^itvedamIdR^isham .. 1..\\
asminarthe bahuvidhA shAntiruktA tvayAnagha . 
svakR^ite kA nu shAntiH syAchchhamAdbahuvidhAdapi .. 2..\\
sharAchita sharIra.n hi tIvravraNamudIkShya cha . 
shamaM nopalabhe vIra duShkR^itAnyeva chintayan .. 3..\\
rudhireNAvasiktA~NgaM prasravanta.n yathAchalam . 
tvA.n dR^iShTvA puruShavyAghra sIde varShAsvivAmbujam .. 4..\\
ataH kaShTatara.n kiM nu matkR^ite yatpitAmahaH . 
imAmavasthA.n gamitaH pratyamitrai raNAjire . 
tathaivAnye nR^ipatayaH saha putrAH sa bAndhavAH .. 5..\\
vaya.n hi dhArtarAShTrAshcha kAlamanyuvashAnugAH . 
kR^itvedaM nindita.n karma prApsyAmaH kAM gatiM nR^ipa .. 6..\\
aha.n tava hyantakaraH suhR^idvadhakarastathA . 
na shAntimadhigachchhAmi pashya.nstvA.n duHkhitaM kShitau .. 7..\\

 b

paratantra.n katha.n hetumAtmAnamanupashyasi . 
karmaNyasminmahAbhAga sUkShma.n hyetadatIndriyam .. 8..\\
atrApyudAharantImamitihAsaM purAtanam . 
sa.nvAdaM mR^ityugautamyoH kAlalubdhaka pannagaiH .. 9..\\
gautamI nAma kaunteya sthavirA shama sa.nyutA . 
sarpeNa daShTa.n svaM putramapashyadgatachetanam .. 10..\\
atha ta.n snAyu pAshena baddhvA sarpamamarShitaH . 
lubdhako.arjunako nAma gautamyAH samupAnayat .. 11..\\
tA.n chAbravIdayaM te saputrahA pannagAdhamaH . 
brUhi kShipraM mahAbhAge vadhyatA.n kena hetunA .. 12..\\
agnau prakShipyatAmeSha chchhidyatA.n khaNDasho.api vA . 
na hyayaM bAlahA pApashchira.n jIvitumarhati .. 13..\\

 gautamii

visR^ijainamabuddhistvaM na vadhyo.arjunaka tvayA . 
ko hyAtmAna.n guruM kuryAtprAptavye sati chintayan .. 14..\\
plavante dharmalaghavo loke.ambhasi yathA pralAH . 
majjanti pApaguravaH shastra.n skannamivodake .. 15..\\
na chAmR^ityurbhavitA vai hate.asmin 
ko vAtyayaH syAdahate.asmi~n janasya . 
asyotsarge prANayuktasya jantor 
mR^ityorloka.n ko nu gachchhedanantam .. 16..\\

 lubdhaka

jAnAmyevaM neha guNANuna GYAH 
sarve niyuktA guravo vai bhavanti . 
svasthasyaite tUpadeshA bhavanti 
tasmAtkShudra.n sarpamenaM haniShye .. 17..\\
samIpsantaH kAlayoga.n tyajanti 
sadyaH shucha.n tvarthavidastyajanti . 
shreyaH kShayaH shochatAM nityasho hi 
tasmAttyAjya.n jahi shoka.n hate.asmin .. 18..\\

 g

na chaivArtirvidyate.asmadvidhAnAM 
dharmArAmaH satata.n sajjano hi . 
nityAyasto bAla jano na chAsti 
dharmo hyeSha prabhavAmyasya nAham .. 19..\\
na brAhmaNAnA.n kopo.asti kutaH kopAchcha yAtanA . 
mArdavAtkShamyatA.n sAdho muchyatAmeSha pannagaH .. 20..\\

 l

hatvA lAbhaH shreya evAvyaya.n syAt 
sadyo lAbho balavadbhiH prashastaH . 
kAlAllAbho yastu sadyo bhaveta 
hate shreyaH kutsite tvedR^ishe syAt .. 21..\\

 g

kArtha prAptirgR^ihya shatruM nihatya 
kA vA shAntiH prApya shatruM namuktvA . 
kasmAtsaumya bhujage na kShameyaM 
mokSha.n vA ki.n kAraNaM nAsya kuryAm .. 22..\\

 l

asmAdekasmAdbahavo rakShitavyA 
naiko bahubhyo gautami rakShitavyaH . 
kR^itAgasa.n dharmavidastyajanti 
sarIsR^ipaM pApamima.n jahi tvam .. 23..\\

 j

nAsminhate pannage putrako me 
samprApsyate lubdhaka jIvita.n vai . 
guNa.n chAnyaM nAsya vadhe prapashye 
tasmAtsarpa.n lubdhaka mu~ncha jIvam .. 24..\\

 l

vR^itra.n hatvA devarATshreShTha bhAgbhAgvai 
yaGYa.n hatvA bhAgamavApa chaiva . 
shUlI devo deva vR^itta.n kuru tvaM 
kShipra.n sarpa.n jahi mA bhUdvisha~NkA .. 25..\\

 bh

asakR^itprochyamAnApi gautamI bhujagaM prati . 
lubdhakena mahAbhAgA pApe naivAkaronmatim .. 26..\\
IShaduchchhvasamAnastu kR^ichchhrAtsa.nstabhya pannagaH . 
utsasarja giraM mandAM mAnuShIM pAshapIDitaH .. 27..\\
ko nvarjunaka doSho.atra vidyate mama bAlisha . 
asvatantra.n hi mAM mR^ityurvivashaM yadachUchudat .. 28..\\
tasyAya.n vachanAddaShTo na kopena na kAmyayA . 
tasya takkilbiSha.n lubdha vidyate yadi kilbiSham .. 29..\\

 l

yadyanyavashageneda.n kR^itaM te pannagAshubham . 
kAraNa.n vai tvamapyatra tasmAttvamapi kilbiShI .. 30..\\
mR^itpAtrasya kriyAyA.n hi daNDachakrAdayo yathA . 
kAraNatve prakalpyante tathA tvamapi pannaga .. 31..\\
kilbiShI chApi me vadhyaH kilbiShI chAsi pannaga . 
AtmAna.n kAraNa.n hyatra tvamAkhyAsi bhuja~Ngama .. 32..\\

 sarpa

sarva ete hyasvavashA daNDachakrAdayo yathA . 
tathAhamapi tasmAnme naiSha heturmatastava .. 33..\\
atha vA matametatte te.apyanyonyaprayojakAH . 
kAryakAraNa sandeho bhavatyanyonyachodanAt .. 34..\\
eva.n sati na doSho me nAsmi vadhyo na kilbiShI . 
kilbiSha.n samavAye syAnmanyase yadi kilbiSham .. 35..\\

 l

kAraNa.n yadi na syAdvai na kartA syAstvamapyuta . 
vinAshe kAraNa.n tvaM cha tasmAdvadhyo.asi me mataH .. 36..\\
asatyapi kR^ite kArye neha pannagalipyate . 
tasmAnnAtraiva hetuH syAdvadhyaH kiM bahu bhAShase .. 37..\\

 sarpa

kAryAbhAve kriyA na syAtsatyasatyapi kAraNe . 
tasmAttvamasminhetau me vAchyo heturvisheShataH .. 38..\\
yadyaha.n kAraNatvena mato lubdhaka tattvataH . 
anyaH prayoge syAdatra kilbiShI jantu nAshane .. 39..\\

 l

vadhyastvaM mama durbuddhe bAla ghAtI nR^isha.nsakR^it . 
bhAShase kiM bahu punarvadhyaH sanpannagAdhama .. 40..\\

 sarpa

yathA havIMShi juhvAnA makhe vai lubdhakartvijaH . 
na phalaM prApnuvantyatra paraloke tathA hyaham .. 41..\\

 bh

tathA bruvati tasmi.nstu pannage mR^ityuchodite . 
AjagAma tato mR^ityuH pannaga.n chAbravIdidam .. 42..\\
kAlenAhaM praNuditaH pannagatvAmachUchudam . 
vinAshaheturnAsya tvamaha.n vA prANinaH shishoH .. 43..\\
yathA vAyurjaladharAnvikarShati tatastataH . 
tadvajjaladavatsarpakAlasyAha.n vashAnugaH .. 44..\\
sAttvikA rAjasAshchaiva tAmasA ye cha ke chana . 
bhAvAH kAlAtmakAH sarve pravartante hi jantuShu .. 45..\\
ja~NgamAH sthAvarAshchaiva divi vA yadi vA bhuvi . 
sarve kAlAtmakAH sarpakAlAtmakamida.n jagat .. 46..\\
pravR^ittayashcha yA loke tathaiva cha nivR^ittayaH . 
tAsA.n vikR^itayo yAshcha sarva.n kAlAtmakaM smR^itam .. 47..\\
AdityashchandramA viShNurApo vAyuH shatakratuH . 
agniH khaM pR^ithivI mitra oShadhyo vasavastathA .. 48..\\
saritaH sagarAshchaiva bhAvAbhAvau cha pannaga . 
sarve kAlena sR^ijyante hriyante cha tathA punaH .. 49..\\
eva.n GYAtvA kathaM mA.n tvaM sa doShaM sarpamanyase . 
atha chaiva.n gate doSho mayi tvamapi doShavAn .. 50..\\

 sarpa

nirdoSha.n doShavanta.n vA na tvA mR^ityorbravImyaham . 
tvayAha.n chodita iti bravImyetAvadeva tu .. 51..\\
yadi kAle tu doSho.asti yadi tatrApi neShyate . 
doSho naiva parIkShyo me na hyatrAdhikR^itA vayam .. 52..\\
nirmokShastvasya doShasya mayA kAryo yathAtathA . 
mR^ityo vidoShaH syAmeva yathA tanme prayojanam .. 53..\\

 bh

sarpo.athArjunakaM prAha shruta.n te mR^ityubhAShitam . 
nAnAgasaM mAM pAshena santApayitumarhasi .. 54..\\

 l

mR^ityoH shrutaM me vachana.n tava chaiva bhuja~Ngama . 
naiva tAvadvidoShatvaM bhavati tvayi pannaga .. 55..\\
mR^ityustva.n chaiva heturhi jantorasya vinAshane . 
ubhaya.n kAraNaM manye na kAraNamakAraNam .. 56..\\
dhinmR^ityu.n cha durAtmAnaM krUraM duHkhakara.n satAm . 
svA.n chaivAha.n vadhiShyAmi pApaM pApasya kAraNam .. 57..\\

 mrtyu

vivashau kAlavashagAvAvA.n taddiShTa kAriNau . 
nAvA.n doSheNa gantavyau yadi samyakprapashyasi .. 58..\\

 l

yuvAmubhau kAlavashau yadi vai mR^ityupannagau . 
harShakrodhau katha.n syAtAmetadichchhAmi veditum .. 59..\\

 mrtyu

yAH kAshchidiha cheShTAH syuH sarvAH kAlaprachoditAH . 
pUrvamevaitadukta.n hi mayA lubdhaka kAlataH .. 60..\\
tasmAdubhau kAlavashAvAvA.n taddiShTa kAriNau . 
nAvA.n doSheNa gantavyau tvayA lubdhaka karhi chit .. 61..\\

 bh

athopagamya kAlastu tasmindharmArthasaMshaye . 
abravItpannagaM mR^ityu.n lubdhamarjunaka.n cha tam .. 62..\\

 kaala

naivAhaM nApyayaM mR^ityurnAya.n lubdhaka pannagaH . 
kilbiShI jantu maraNe na vaya.n hi prayojakAH .. 63..\\
akarodyadaya.n karma tanno.arjunaka chodakam . 
praNAsha heturnAnyo.asya vadhyate.aya.n svakarmaNA .. 64..\\
yadanena kR^ita.n karma tenAyaM nidhanaM gataH . 
vinAshahetuH karmAsya sarve karma vashA vayam .. 65..\\
karma dAyAdavA.NllokaH karma sambandha lakShaNaH . 
karmANi chodayantIha yathAnyAya.n tathA vayam .. 66..\\
yathA mR^itpiNDataH kartA kurute yadyadichchhati . 
evamAtmakR^ita.n karma mAnavaH pratipadyate .. 67..\\
yathA chhAyAtapau nitya.n susambaddhau nirantaram . 
tathA karma cha kartA cha sambaddhAvAtmakarmabhiH .. 68..\\
evaM nAhaM na vai mR^ityurna sarpo na tathA bhavAn . 
na cheyaM brAhmaNI vR^iddhA shishurevAtra kAraNam .. 69..\\
tasmi.nstathA bruvANe tu brAhmaNI gautamI nR^ipa . 
svakarma pratyayA.NllokAnmatvArjunakamabravIt .. 70..\\
naiva kAlo na bhujago na mR^ityuriha kAraNam . 
svakarmabhirayaM bAlaH kAlena nidhana.n gataH .. 71..\\
mayA cha tatkR^ita.n karma yenAyaM me mR^itaH sutaH . 
yAtu kAlastathA mR^ityurmu~nchArjunaka pannagam .. 72..\\

 bh

tato yathAgata.n jagmurmR^ityuH kAlo.atha pannagaH . 
abhUdviroSho.arjunako vishokA chaiva gautamI .. 73..\\
etachchhrutvA shama.n gachchha mA bhUshchintAparo nR^ipa . 
svakarma pratyayA.NllokA.nstrInviddhi manujarShabha .. 74..\\
na tu tvayA kR^itaM pArtha nApi duryodhanena vai . 
kAlena tatkR^ita.n viddhi vihitA yena pArthivAH .. 75..\\

 v

ityetadvachana.n shrutvA babhUva vigatajvaraH . 
yudhiShThiro mahAtejAH paprachchheda.n cha dharmavit .. 76..\\
\medskip\hrule\medskip\centerline{\Largedvng 2}
 y

pitAmaha mahAprAGYa sarvashAstravishArada . 
shrutaM me mahadAkhyAnamidaM matimatA.n vara .. 1..\\
bhUyastu shrotumichchhAmi dharmArthasahitaM nR^ipa . 
kathyamAna.n tvayA kiM chittanme vyAkhyAtumarhasi .. 2..\\
kena mR^ityurgR^ihasthena dharmamAshritya nirjitaH . 
ityetatsarvamAchakShva tattvena mama pArthiva .. 3..\\

 bh

atrApyudAharantImamitihAsaM purAtanam . 
yathA mR^ityurgR^ihasthena dharmamAshritya nirjitaH .. 4..\\
manoH prajApate rAjannikShvAkurabhavatsutaH . 
tasya putrashata.n jaGYe nR^ipateH sUryavarchasaH .. 5..\\
dashamastasya putrastu dashAshvo nAma bhArata . 
mAhiShmatyAmabhUdrAjA dharmAtmA satyavikramaH .. 6..\\
dashAshvasya sutastvAsIdrAjA paramadhArmikaH . 
satye tapasi dAne cha yasya nitya.n rataM manaH .. 7..\\
madirAshva iti khyAtaH pR^ithivyAM pR^ithivIpatiH . 
dhanurvede cha vede cha nirato yo.abhavatsadA .. 8..\\
maridAshvasya putrastu dyutimAnnAma pArthivaH . 
mahAbhAgo mahAtejA mahAsattvo mahAbalaH .. 9..\\
putro dyutimatastvAsItsuvIro nAma pArthivaH . 
dharmAtmA koshavAMshchApi devarAja ivAparaH .. 10..\\
suvIrasya tu putro.abhUtsarvasa~NgrAma durjayaH . 
durjayetyabhivikhyAtaH sarvashAstravishAradaH .. 11..\\
durjayasyendra vapuShaH putro.agnisadR^ishadyutiH . 
duryodhano nAma mahAnrAjAsIdrAjasattama .. 12..\\
tasyendra samavIryasya sa~NgrAmeShvanivartinaH . 
viShayashcha prabhAvashcha tulyamevAbhyavartata .. 13..\\
ratnairdhanaishcha pashubhiH sasyaishchApi pR^ithagvidhaiH . 
nagara.n viShayashchAsya pratipUrNa.n tadAbhavat .. 14..\\
na tasya viShaye chAbhUtkR^ipaNo nApi durgataH . 
vyAdhito vA kR^isho vApi tasminnAbhUnnaraH kva chit .. 15..\\
sudakShiNo madhuravAganasUyurjitendriyaH . 
dharmAtmA chAnR^isha.nsashcha vikrAnto.athAvikatthanaH .. 16..\\
yajvA vadAnyo medhAvI brahmaNyaH satyasa~NgaraH . 
na chAvamantA dAtA cha vedavedA~NgapAragaH .. 17..\\
taM narmadA deva nadI puNyA shItajalA shivA . 
chakame puruShashreShTha.n svena bhAvena bhArata .. 18..\\
tasya jaGYe tadA nadyA.n kanyA rAjIvalochanA . 
nAmnA sudarshanA rAjanrUpeNa cha sudarshanA .. 19..\\
tAdR^igrUpA na nArIShu bhUtapUrvA yudhiShThira . 
duryodhana sutA yAdR^igabhavadvaravarNinI .. 20..\\
tAmagnishchakame sAkShAdrAjakanyA.n sudarshanAm . 
bhUtvA cha brAhmaNaH sAkShAdvarayAmAsa taM nR^ipam .. 21..\\
daridrashchAsavarNashcha mamAyamiti pArthivaH . 
na ditsati sutA.n tasmai tA.n viprAya sudarshanAm .. 22..\\
tato.asya vitate yaGYe naShTo.abhUddhavyavAhanaH . 
tato duryodhano rAjA vAkyamAhartvijastadA .. 23..\\
duShkR^itaM mama kiM nu syAdbhavatA.n vA dvijarShabhAH . 
yena nAsha.n jagAmAgniH kR^itaM kupuruSheShviva .. 24..\\
na hyalpa.n duShkR^itaM no.asti yenAgnirnAshamAgataH . 
bhavatA.n vAtha vA mahya.n tattvenaitadvimR^ishyatAm .. 25..\\
etadrAGYo vachaH shrutvA viprAste bharatarShabha . 
niyatA vAgyatAshchaiva pAvaka.n sharaNaM yayuH .. 26..\\
tAndarshayAmAsa tadA bhagavAnhavyavAhanaH . 
sva.n rUpa.n dIptimatkR^itvA sharadarkasamadyutiH .. 27..\\
tato mahAtmA tAnAha dahano brAhmaNarShabhAn . 
varayAmyAtmano.arthAya duryodhana sutAm iti .. 28..\\
tataste kAlyamutthAya tasmai rAGYe nyavedayan . 
brAhmaNA vismitAH sarve yadukta.n chitrabhAnunA .. 29..\\
tataH sa rAjA tachchhrutvA vachanaM brahmavAdinAm . 
avApya parama.n harSha.n tatheti prAha buddhimAn .. 30..\\
prAyAchata nR^ipaH shulkaM bhagavanta.n vibhAvasum . 
nitya.n sAMnidhyamiha te chitrabhAno bhavediti . 
tamAha bhagavAnagnirevamastviti pArthivam .. 31..\\
tataH sAMnidhyamadhyApi mAhiShmatyA.n vibhAvasoH . 
dR^iShTa.n hi sahadevena disho vijayatA tadA .. 32..\\
tatastA.n samala~NkR^itya kanyAmahata vAsasam . 
dadau duryodhano rAjA pAvakAya mahAtmane .. 33..\\
pratijagrAha chAgnistA.n rAjaputrIM sudarshanAm . 
vidhinA veda dR^iShTena vasordhArAmivAdhvare .. 34..\\
tasyA rUpeNa shIlena kulena vapuShA shriyA . 
abhavatprItimAnagnirgarbha.n tasyA.n samAdadhe .. 35..\\
tasyA.n samabhavatputro nAmnAgneyaH sudarshanaH . 
shishurevAdhyagAtsarva.n sa cha brahma sanAtanam .. 36..\\
athaughavAnnAma nR^ipo nR^igasyAsItpitAmahaH . 
tasyApyoghavatI kanyA putrash chaugharatho.abhavat .. 37..\\
tAmoghavAndadau tasmai svayamoghavatI.n sutAm . 
sudarshanAya viduShe bhAryArtha.n devarUpiNAm .. 38..\\
sa gR^ihasthAshramaratastayA saha sudarshanaH . 
kurukShetre.avasadrAjannoghavatyA samanvitaH .. 39..\\
gR^ihasthashchAvajeShyAmi mR^ityumityeva sa prabho . 
pratiGYAmakaroddhImAndIptatejA vishAM pate .. 40..\\
tAmathaughavatI.n rAjansa pAvakasuto.abravIt . 
atitheH pratikUla.n te na kartavyaM kathaM chana .. 41..\\
yena yena cha tuShyeta nityameva tvayAtithiH . 
apyAtmanaH pradAnena na te kAryA vichAraNA .. 42..\\
etadvrataM mama sadA hR^idi samparivartate . 
gR^ihasthAnA.n hi sushroNi nAtithervidyate param .. 43..\\
pramANa.n yadi vAmoru vachaste mama shobhane . 
ida.n vachanamavyagrA hR^idi tva.n dhArayeH sadA .. 44..\\
niShkrAnte mayi kalyANi tathA saMnihite.anaghe . 
nAtithiste.avamantavyaH pramANa.n yadyaha.n tava .. 45..\\
tamabravIdoghavatI yatA mUrdhni kR^itA~njaliH . 
na me tvadvachanAtki.n chidakartavyaM kathaM chana .. 46..\\
jigIShamANa.n tu gR^ihe tadA mR^ityuH sudarshanam . 
pR^iShThato.anvagamadrAjanrandhAnveShI tadA sadA .. 47..\\
idhmArtha.n tu gate tasminnagniputre sudarshane . 
atithirbrAhmaNaH shrImA.nstAmAhaughavatI.n tadA .. 48..\\
Atithya.n dattamichchhAmi tvayAdya varavarNini . 
pramANa.n yadi dharmaste gR^ihasthAshramasaMmataH .. 49..\\
ityuktA tena vipreNa rAjaputrI yashasvinI . 
vidhinA pratijagrAha vedoktena vishAM pate .. 50..\\
Asana.n chaiva pAdyaM cha tasmai dattvA dvijAtaye . 
provAchaughavatI vipra.n kenArthaH kiM dadAmi te .. 51..\\
tAmabravIttato vipro rAjaputrI.n sudarshanAm . 
tvayA mamArthaH kalyANi nirvisha~Nke tadAchara .. 52..\\
yadi pramANa.n dharmaste gR^ihasthAshramasaMmataH . 
pradAnenAtmano rAGYi kartumarhasi me priyam .. 53..\\
tathA sa~nchandyamAno.anyairIpsitairnR^ipa kanyayA . 
nAnyamAtmapradAnAtsa tasyA vavre vara.n dvijaH .. 54..\\
sA tu rAjasutA smR^itvA harturvachanamAditaH . 
tatheti lajjamAnA sA tamuvAcha dvijarShabham .. 55..\\
tato rahaH sa viprarShiH sA chaivopavivesha ha . 
sa.nsmR^itya bharturvachana.n gR^ihasthAshramakA~NkShiNaH .. 56..\\
athedhmAnsamupAdAya sa pAvakirupAgamat . 
mR^ityunA raudrabhAvena nityaM bandhurivAnvitaH .. 57..\\
tatastvAshramamAgamya sa pAvakasutastadA . 
tAmAjuhAvaughavatI.n kvAsi yAteti chAsakR^it .. 58..\\
tasmai prativachaH sA tu bhartre na pradadau tadA . 
karAbhyA.n tena vipreNa spR^iShTA bhartR^ivratA satI .. 59..\\
uchchhiShTAsmIti manvAnA lajjitA bhartureva cha . 
tUShNImbhUtAbhavatsAdhvI na chovAchAtha ki.n chana .. 60..\\
atha tAM punarevedaM provAcha sa sudarshanaH . 
kva sA sAdhvI kva sA yAtA garIyaH kimato mama .. 61..\\
pativratA satyashIlA nitya.n chaivArjave ratA . 
kathaM na pratyudetyadya smayamAnA yathA purA .. 62..\\
uTajasthastu ta.n vipraH pratyuvAcha sudarshanam . 
atithi.n viddhi samprAptaM pAvake brAhmaNa.n cha mAm .. 63..\\
anayA chhandyamAno.ahaM bhAryayA tava sattama . 
taistairatithi satkArairArjave.asyA dR^iDhaM manaH .. 64..\\
anena vidhinA seyaM mAmarchati shubhAnanA . 
anurUpa.n yadatrAdya tadbhavAnvaktumarhati .. 65..\\
kUTamudgara hastastu mR^ityusta.n vai samanvayAt . 
hInapratiGYamatraina.n vadhiShyAmIti chintayan .. 66..\\
sudarshanastu manasA karmaNA chakShuShA girA . 
tyakterShyastyaktamanyushcha smayamAno.abravIdidam .. 67..\\
surata.n te.astu viprAgrya prItirhi paramA mama . 
gR^ihasthasya hi dharmo.agryaH samprAptAtithi pUjanam .. 68..\\
atithiH pUjito yasya gR^ihasthasya tu gachchhati . 
nAnyastasmAtparo dharma iti prAhurmanIShiNaH .. 69..\\
prANA hi mama dArAshcha yachchAnyadvidyate vasu . 
atithibhyo mayA deyamiti me vratamAhitam .. 70..\\
niHsandigdhaM mayA vAkyametatte samudAhR^itam . 
tenAha.n vipra satyena svayamAtmAnamAlabhe .. 71..\\
pR^ithivI vAyurAkAshamApo jyotishcha pa~nchamam . 
buddhirAtmA manaH kAlo dishashchaiva guNA dasha .. 72..\\
nityamete hi pashyanti dehinA.n dehasaMshritAH . 
sukR^ita.n duShkR^itaM chApi karma dharmabhR^itA.n vara .. 73..\\
yathaiShA nAnR^itA vANI mayAdya samudAhR^itA . 
tena satyena mA.n devAH pAlayantu dahantu vA .. 74..\\
tato nAdaH samabhavaddikShu sarvAsu bhArata . 
asakR^itsatyamityeva naitanmithyeti sarvashaH .. 75..\\
uTajAttu tatastasmAnnishchakrAma sa vai dvijaH . 
vapuShA kha.n cha bhUmiM cha vyApya vAyurivodyataH .. 76..\\
svareNa vipraH shaikSheNa trI.NllokAnanunAdayan . 
uvAcha chaina.n dharmaGYaM pUrvamAmantrya nAmataH .. 77..\\
dharmo.ahamasmi bhadra.n te jiGYAsArthaM tavAnagha . 
prAptaH satya.n cha te GYAtvA prItirme paramA tvayi .. 78..\\
vijitashcha tvayA mR^ityuryo.aya.n tvAm anugachchhati . 
randhrAnveShI tava sadA tvayA dhR^ityA vashIkR^itaH .. 79..\\
na chAsti shaktistrailokye kasya chitpuruShottama . 
pativratAmimA.n sAdhvI.n tavodvIkShitumapyuta .. 80..\\
rakShitA tvadguNaireShA pativrataguNaistathA . 
adhR^iShyA yadiyaM brUyAttathA tannAnyathA bhavet .. 81..\\
eShA hi tapasA svena sa.nyuktA brahmavAdinI . 
pAvanArtha.n cha lokasya sarichchhreShThA bhaviShyati .. 82..\\
ardhenaughavatI nAma tvAmarthenAnuyAsyati . 
sharIreNa mahAbhAgA yogo hyasyA vashe sthitaH .. 83..\\
anayA saha lokAMshcha gantAsi tapasArjitAn . 
yatra nAvR^ittimabhyeti shAshvatA.nstAnsanAtanAn .. 84..\\
anena chaiva dehena lokA.nstvamabhipatsyase . 
nirjitashcha tvayA mR^ityuraishvarya.n cha tavottamam .. 85..\\
pa~ncha bhUtAnyatikrAntaH svavIryAchcha mano bhavaH . 
gR^ihastha dharmeNAnena kAmakrodhau cha te jitau .. 86..\\
sneho rAgashcha tandrI cha moho drohashcha kevalaH . 
tava shushrUShayA rAjanrAjaputryA vinirjitAH .. 87..\\

 bh

shuklAnA.n tu sahasreNa vAjinA.n rathamuttamam . 
yuktaM pragR^ihya bhagavAnvyavasAyo jagAma tam .. 88..\\
mR^ityurAtmA cha lokAshcha jitA bhUtAni pa~ncha cha . 
buddhiH kAlo mano vyoma kAmakrodhau tathaiva cha .. 89..\\
tasmAdgR^ihAshramasthasya nAnyaddaivatamasti vai . 
R^ite.atithiM naravyAghra manasaitadvichAraya .. 90..\\
atithiH pUjito yasya dhyAyate manasA shubham . 
na tatkratushatenApi tulyamAhurmanIShiNaH .. 91..\\
pAtra.n tvatithimAsAdya shIlADhya.n yo na pUjayet . 
sa dattvA sukR^ita.n tasya kShapayeta hyanarchitaH .. 92..\\
etatte kathitaM putra mayAkhyAnamanuttamam . 
yathA hi vijito mR^ityurgR^ihasthena purAbhavat .. 93..\\
dhanya.n yashasyamAyuShmadidamAkhyAnamuttamam . 
bubhUShitAbhimantavya.n sarvadushcharitApaham .. 94..\\
ya ida.n kathayedvidvAnahanyahani bhArata . 
sudarshanasya charitaM puNyA.NllokAnavApnuyAt .. 95..\\
\medskip\hrule\medskip\centerline{\Largedvng 3}
 y

brAhmaNya.n yadi diShprApa.n tribhirvarNairnarAdhipa . 
kathaM prAptaM mahArAja kShatriyeNa mahAtmanA .. 1..\\
vishvAmitreNa dharmAtmanbrAhmaNatvaM nararShabha . 
shrotumichchhAmi tattvena tanme brUhi pitAmaha .. 2..\\
tena hyamitavIryeNa vasiShThasya mahAtmanaH . 
hataM putrashata.n sadyastapasA prapitAmaha .. 3..\\
yAtudhAnAshcha bahavo rAkShasAstigmatejasaH . 
manyunAviShTa dehena sR^iShTAH kAlAntakopamAH .. 4..\\
mahAkushika vaMshashcha brahmarShishatasa~NkulaH . 
sthApito naraloke.asminvidvAnbrAhmaNa sa.nstutaH .. 5..\\
R^ichIkasyAtmajashchaiva shunaHshepo mahAtapAH . 
vimokShito mahAsatrAtpashutAmabhyupAgataH .. 6..\\
harishchandra kratau devA.nstoShayitvAtma tejasA . 
putratAmanusamprApto vishvAmitrasya dhImataH .. 7..\\
nAbhivAdayate jyeShTha.n devarAtaM narAdhipa . 
putrAH pa~nchashatAshchApi shaptAH shvapachatA.n gatAH .. 8..\\
trisha~Nkurbandhusantyakta ikShvAkuH prItipUrvakam . 
avAkshirA divaM nIto dakShiNAmAshrito disham .. 9..\\
vishvAmitrasya vipulA nadI rAjarShisevitA . 
kaushikIti shivA puNyA brahmarShigaNasevitA .. 10..\\
tapovighnakarI chaiva pa~ncha chUDA susaMmatA . 
rambhA nAmApsarAH shApAdyasya shailatvamAgatA .. 11..\\
tathaivAsya bhayAdbaddhvA vasiShThaH salile purA . 
AtmAnaM majjayAmAsa vipAshaH punarutthitaH .. 12..\\
tadA prabhR^iti puNyA hi vipAshAbhUnmahAnadI . 
vikhyAtA karmaNA tena vasiShThasya mahAtmanaH .. 13..\\
vAgbhishcha bhagavAnyena devasenAgragaH prabhuH . 
stutaH prItamanAshchAsIchchhApAchchainamamochayat .. 14..\\
dhruvasyottAna pAdasya brahmarShINA.n tathaiva cha . 
madhye jvalati yo nityamudIchImAshrito disham .. 15..\\
tasyaitAni cha karmANi tathAnyAni cha kaurava . 
kShatriyasyetyato jAtamida.n kautUhalaM mama .. 16..\\
kimetaditi tattvena prabrUhi bharatarShabha . 
devAntaramanAsAdya katha.n sa brAhmaNo.abhavat .. 17..\\
etattattvena me rAjansarvamAkhyAtumarhasi . 
mata~Ngasya yathAtattva.n tathaivaitadbravIhi me .. 18..\\
sthAne mata~Ngo brAhmaNyaM nAlabhadbharatarShabha . 
chaNDAla yonau jAto hi kathaM brAhmaNyamApnuyAt .. 19..\\
\medskip\hrule\medskip\centerline{\Largedvng 4}
 bh

shrUyatAM pArtha tattvena vishvAmitro yathA purA . 
brAhmaNatva.n gatastAta brahmarShitvaM tathaiva cha .. 1..\\
bharatasyAnvaye chaivAjamIDho nAma pArthivaH . 
babhUva bharatashreShTha yajvA dharmabhR^itA.n varaH .. 2..\\
tasya putro manA AsIjjahnurnAma nareshvaraH . 
duhitR^itvamanuprAptA ga~NgA yasya mahAtmanaH .. 3..\\
tasyAtmajastulyaguNaH sindhudvIpo mahAyashAH . 
sindhudvIpAchcha rAjarShirbalAkAshvo mahAbalaH .. 4..\\
vallabhastasya tanayaH sAkShAddharma ivAparaH . 
kushikastasya tanayaH sahasrAkShasamadyutiH .. 5..\\
kushikasyAtmajaH shrImAngAdhirnAma janeshvaraH . 
aputraH sa mahAbAhurvanavAsamudAvasat .. 6..\\
kanyA jaGYe sutA tasya vane nivasataH sutaH . 
nAmnA satyavatI nAma rUpeNApratimA bhuvi .. 7..\\
tA.n vavre bhArgavaH shrImAMshchyavanasyAtmajaH prabhuH . 
R^ichIka iti vikhyAto vipule tapasi sthitaH .. 8..\\
sa tAM na pradadau tasmai R^ichIkAya mahAtmane . 
daridra iti matvA vai gAdhiH shatrunibarhaNaH .. 9..\\
pratyAkhyAya punaryAntamabravIdrAjasattamaH . 
shulkaM pradIyatAM mahya.n tato vetsyasi me sutAm .. 10..\\

 r

kiM prayachchhAmi rAjendra tubhya.n shulkamahaM nR^ipa . 
duhiturbrUhyasa.nsakto mAtrAbhUtte vichAraNA .. 11..\\

 gaadhi

chandrarashmiprakAshAnA.n hayAnAM vAtara.nhasAm . 
ekataH shyAma karNAnA.n sahasra.n dehi bhArgava .. 12..\\

 bh

tataH sa bhR^igushArdUlashchyavanasyAtmajaH prabhuH . 
abravIdvaruNa.n devamAdityaM patimambhasAm .. 13..\\
ekataH shyAma karNAnA.n hayAnA.n chandra varchasAm . 
sahasra.n vAtavegAnAM bhikShe tvA.n deva sattama .. 14..\\
tatheti varuNo deva Adityo bhR^igusattamam . 
uvAcha yatra te chhandastatrotthAsyanti vAjinaH .. 15..\\
dhyAta mAtre R^ichIkena hayAnA.n chandra varchasAm . 
ga~NgA jalAtsamuttasthau sahasra.n vipulaujasAm .. 16..\\
adUre kanyakubjasya ga~NgAyAstIramuttamam . 
ashvatIrtha.n tadadyApi mAnavAH parichakShate .. 17..\\
tattadA gAdhaye tAta sahasra.n vAjinAM shubham . 
R^ichIkaH pradadau prItaH shulkArtha.n japatA.n varaH .. 18..\\
tataH sa vismito rAjA gAdhiH shApabhayena cha . 
dadau tA.n samala~NkR^itya kanyAM bhR^igusutAya vai .. 19..\\
jagrAha pANi.n vidhinA tasya brahmarShisattamaH . 
sA cha taM patimAsAdya para.n harShamavApa ha .. 20..\\
sa tutoSha cha viprarShistasyA vR^ittena bhArata . 
chhandayAmAsa chaivainA.n vareNa varavarNinIm .. 21..\\
mAtre tatsarvamAchakhyau sA kanyA rAjasattamam . 
atha tAmabravInmAtA sutA.n kiM chidavA~NmukhIm .. 22..\\
mamApi putri bhartA te prasAda.n kartumarhati . 
apatyasya pradAnena samarthaH sa mahAtapAH .. 23..\\
tataH sA tvarita.n gatvA tatsarvaM pratyavedayat . 
mAtushchikIrShita.n rAjannR^ichIkastAmathAbravIt .. 24..\\
guNavantamapatya.n vai tva.n cha sA janayiShyathaH . 
jananyAstava kalyANi mA bhUdvai praNayo.anyathA .. 25..\\
tava chaiva guNashlAghI putra utpatsyate shubhe . 
asmadvaMshakaraH shrImA.nstava bhrAtA cha vaMshakR^it .. 26..\\
R^itusnAtA cha sAshvattha.n tvaM cha vR^ikShamudumbaram . 
pariShvajethAH kalyANi tata iShTamavApsyathaH .. 27..\\
charudvayamida.n chaiva mantrapUta.n shuchismite . 
tva.n cha sA chopayu~njIthAM tataH putrAvavApsyathaH .. 28..\\
tataH satyavatI hR^iShTA mAtaraM pratyabhAShata . 
yadR^ichIkena kathita.n tachchAchakhyau charudvayam .. 29..\\
tAmuvAcha tato mAtA sutA.n satyavatI.n tadA . 
putri mUrdhnA prapannAyAH kuruShva vachanaM mama .. 30..\\
bhartrA ya eSha dattaste charurmantrapuraskR^itaH . 
etaM prayachchha mahya.n tvaM madIyaM tvaM gR^ihANa cha .. 31..\\
vyatyAsa.n vR^ikShayoshchApi karavAva shuchismite . 
yadi pramANa.n vachanaM mama mAturanindite .. 32..\\
vyaktaM bhagavatA chAtra kR^itamevaM bhaviShyati . 
tato me tvachcharau bhAvaH pAdape cha sumadhyame . 
katha.n vishiShTo bhrAtA te bhavedityeva chintaya .. 33..\\
tathA cha kR^itavatyau te mAtA satyavatI cha sA . 
atha garbhAvanuprApte ubhe te vai yudhiShThira .. 34..\\
dR^iShTvA garbhamanuprAptAM bhAryA.n sa cha mahAnR^iShiH . 
uvAcha tA.n satyavatI.n durmanA bhR^igusattamaH .. 35..\\
vyatyAsenopayuktaste charurvyaktaM bhaviShyati . 
vyatyAsaH pAdape chApi suvyakta.n te kR^itaH shubhe .. 36..\\
mayA hi vishva.n yadbrahma tvachcharau saMniveshitam . 
kShatravIrya.n cha sakalaM charau tasyA niveshitam .. 37..\\
trilokavikhyAta guNa.n tva.n vipraM janayiShyasi . 
sA cha kShatra.n vishiShTaM vai tata etatkR^itaM mayA .. 38..\\
vyatyAsastu kR^ito yasmAttvayA mAtrA tathaiva cha . 
tasmAtsA brAhmaNashreShThaM mAtA te janayiShyati .. 39..\\
kShatriya.n tUgra karmANaM tvaM bhadre janayiShyasi . 
na hi te tatkR^ita.n sAdhu mAtR^isnehena bhAmini .. 40..\\
sA shrutvA shokasantaptA papAta varavarNinI . 
bhUmau satyavatI rAjaMshchhinneva ruchirA latA .. 41..\\
pratilabhya cha sA sa~nj~nA.n shirasA praNipatya cha . 
uvAcha bhAryA bhartAra.n gAdheyI brAhmaNarShabham .. 42..\\
prasAdayantyAM bhAryAyAM mayi brahma vidA.n vara . 
prasAda.n kuru viprarShe na me syAtkShatriyaH sutaH .. 43..\\
kAmaM mamogra karmA vai pautro bhavitumarhati . 
na tu me syAtsuto brahmanneSha me dIyatA.n varaH .. 44..\\
evamastviti hovAcha svAM bhAryA.n sumahAtapAH . 
tataH sA janayAmAsa jamadagni.n sutaM shubham .. 45..\\
vishvAmitra.n chAjanayadgodherbhAryA yashasvinI . 
R^iSheH prabhAvAdrAjendra brahmarShiM brahmavAdinam .. 46..\\
tato brAhmaNatA.n yAto vishvAmitro mahAtapAH . 
kshatriyaH so.apyatha tathA brahma vaMshasya kArakaH .. 47..\\
tasya putrA mahAtmAno brahma vaMshavivardhanAH . 
tapasvino brahma vido gotra kartAkra eva cha .. 48..\\
madhuchchhandashcha bhagavAndevarAtashcha vIryavAn . 
akShINashcha shakuntashcha babhruH kAlapathastathA .. 49..\\
yAGYavalkyashcha vikhyAtastathA sthUNo mahAvrataH . 
ulUko yamadUtashcha tatharShiH saindhavAyanaH .. 50..\\
karNa ja~Nghashcha bhagavAngAlavashcha mahAnR^iShiH . 
R^iShirvajrastathAkhyAtaH shAla~NkAyana eva cha .. 51..\\
lAlATyo nAradashchaiva tathA kUrcha mukhaH smR^itaH . 
vAdulirmusalashchaiva rakShogrIvastathaiva cha .. 52..\\
a~Nghriko naikabhR^ichchaiva shilA yUpaH sitaH shuchiH . 
chakrako mArutantavyo vAtaghno.athAlshvalAyanaH .. 53..\\
shyAmAyano.atha gArgyashcha jAbAliH sushrutastathA . 
kArIShiratha saMshrutyaH parapaurava tantavaH .. 54..\\
mahAnR^iShishcha kapilastatharShistArakAyanaH . 
tathaiva chopagahanastatharShishchArjunAyanaH .. 55..\\
mArgamitrirhiraNyAkSho ja~NghArirbabhru vAhanaH . 
sUtirvibhUtiH sUtashcha sura~Ngash cha tathaiva hi .. 56..\\
ArAddhirnAmayashchaiva chAmpeyojjayanau tathA . 
navatanturbakanakhaH shayona ratireva cha .. 57..\\
shayo ruhashchAru matsyaH shirIShI chAtha gArdabhiH . 
ujja yoniradApekShI nAradI cha mahAnR^iShiH . 
vishvAmitrAtmajAH sarve munayo brahmavAdinaH .. 58..\\
tannaiSha kShatriyo rAjanvishvAmitro mahAtapAH . 
R^ichIkenAhitaM brahma parametadyudhiShThira .. 59..\\
etatte sarvamAkhyAta.n tattvena bharatarShabha . 
vishvAmitrasya vai janma somasUryAgnitejasaH .. 60..\\
yatra yatra cha sandeho bhUyaste rAjasattama . 
tatra tatra cha mAM brUhi chhettAsmi tava saMshayAn .. 61..\\
\medskip\hrule\medskip\centerline{\Largedvng 5}
 y

AnR^isha.nsasya dharmasya guNAnbhakta janasya cha . 
shrotumichchhAmi kArtsnyena tanme brUhi pitAmaha .. 1..\\

 bh

viShaye kAshirAjasya grAmAnniShkramya lubdhakaH . 
sa viSha.n kANDamAdAya mR^igayAmAsa vai mR^igam .. 2..\\
tatra chAmiSha lubdhena lubdhakena mahAvane . 
avidUre mR^iga.n dR^iShTvA bANaH pratisamAhitaH .. 3..\\
tena durvAritAstreNa nimittachapaleShuNA . 
mahAnvanatarurviddho mR^iga.n tatra jighA.nsatA .. 4..\\
sa tIkShNaviShadigdhena shareNAti balAtkR^itaH . 
utsR^ijya phalapatrANi pAdapaH shoShamAgataH .. 5..\\
tasminvR^ikShe tathA bhUte koTareShu chiroShitaH . 
na jahAti shuko vAsa.n tasya bhaktyA vanaspateH .. 6..\\
niShprachAro nirAhAro glAnaH shithila vAgapi . 
kR^itaGYaH saha vR^ikSheNa dharmAtmA sa vyashuShyata .. 7..\\
tamudAraM mahAsattvamatimAnuSha cheShTitam . 
samaduHkhasukha.n GYAtvA vismitaH pAkashAsanaH .. 8..\\
tatashchintAmupagataH shakraH kathamaya.n dvijaH . 
tiryagyonAvasambhAvyamAnR^isha.nsya.n samAsthitaH .. 9..\\
atha vA nAtra chitra.n hItyabhavadvAsavasya tu . 
prANinAmiha sarveShA.n sarvaM sarvatra dR^ishyate .. 10..\\
tato brAhmaNa veSheNa mAnuSha.n rUpamAsthitaH . 
avatIrya mahI.n shakrastaM pakShiNamuvAcha ha .. 11..\\
shukabhoH pakShiNA.n shreShTha dAkSheyI suprajAstvayA . 
pR^ichchhe tvA shuShkameta.n vai kasmAnna tyajasi drumam .. 12..\\
atha pR^iShTaH shukaH prAha mUrdhnA samabhivAdya tam . 
svAgata.n devarAjAya viGYAtastapasA mayA .. 13..\\
tato dashashatAkSheNa sAdhu sAdhviti bhAShitam . 
aho viGYAnamityeva.n tapasA pUjitastataH .. 14..\\
tameva.n shubhakarmANaM shukaM paramadhArmikam . 
vijAnannapi tAmprAptiM paprachchha balasUdanaH .. 15..\\
niShpatramaphala.n shuShkamasharaNyaM patatriNAm . 
kimartha.n sevase vR^ikShaM yadA mahadidaM vanam .. 16..\\
anye.api bahavo vR^ikShAH patrasa~nchanna koTarAH . 
shubhAH paryAptasa~ncArA vidyante.asminmahAvane .. 17..\\
gatAyuShamasAmarthya.n kShINasAra.n hatashriyam . 
vimR^ishya praGYayA dhIrajahIma.n hyasthira.n drumam .. 18..\\
tadupashrutya dharmAtmA shukaH shukreNa bhAShitam . 
sudIrghamabhiniHshvasya dIno vAkyamuvAcha ha .. 19..\\
anatikramaNIyAni daivatAni shachIpate . 
yatrAbhavastatra bhavastannibodha surAdhipa .. 20..\\
asminnaha.n drume jAtaH sAdhubhishcha guNairyutaH . 
bAlabhAve cha sa~NguptaH shatribhishcha na dharShitaH .. 21..\\
kimanukrosha vaiphalyamutpAdayasi me.anagha . 
AnR^isha.nsye.anuraktasya bhaktasyAnugatasya cha .. 22..\\
anukrosho hi sAdhUnA.n sumahaddharmalakShaNam . 
anukroshashcha sAdhUnA.n sadA prItiM prayachchhati .. 23..\\
tvameva daivataiH sarvaiH pR^ichchhyase dharmasaMshayAn . 
atastva.n devadevAnAmAdhipatye pratiShThitaH .. 24..\\
nArhasi tva.n sahasrAkSha tyAjayitveha bhaktitaH . 
samarthamupajIvyema.n tyajeyaM kathamadya vai .. 25..\\
tasya vAkyena saumyena harShitaH pAkashAsanaH . 
shukaM provAcha dharmaGYamAnR^isha.nsyena toShitaH .. 26..\\
vara.n vR^iNIShveti tadA sa cha vavre varaM shukaH . 
AnR^isha.nsya paro nitya.n tasya vR^ikShasya sambhavam .. 27..\\
viditvA cha dR^iDhA.n shakrastAM shuke shIlasampadam . 
prItaH kShipramatho vR^ikShamamR^itenAvasiktavAn .. 28..\\
tataH phalAni patrANi shAkhAshchApi manoramAH . 
shukasya dR^iDhabhaktitvAchchhrImattva.n chApasa drumaH .. 29..\\
shukashcha karmaNA tena AnR^isha.nsya kR^itena ha . 
AyuSho.ante mahArAja prApa shakra salokatAm .. 30..\\
evameva manuShyendra bhaktimanta.n samAshritaH . 
sarvArthasiddhi.n labhate shukaM prApya yathA drumaH .. 31..\\
\medskip\hrule\medskip\centerline{\Largedvng 6}
 y

pitAmaha mahAprAGYa sarvashAstravishArada . 
daive puruShakAre cha ki.n svichchhreShThataraM bhavet .. 1..\\

 bh

atrApyudAharantImamitihAsaM purAtanam . 
vasiShThasya cha sa.nvAdaM brahmaNashcha yudhiShThira .. 2..\\
daivamAnuShayoH ki.n svitkarmaNoH shreShThamityuta . 
purA vasiShTho bhagavAnpitAmahamapR^ichchhata .. 3..\\
tataH padmodbhavo rAjandevadevaH pitAmahaH . 
uvAcha madhura.n vAkyamarthavaddhetu bhUShitam .. 4..\\
nAbIja.n jAyate kiM chinna bIjena vinA phalam . 
bIjAdbIjaM prabhavati bIjAdeva phala.n smR^itam .. 5..\\
yAdR^isha.n vapate bIja.n kShetramAsAdya karShakaH . 
sukR^ite duShkR^ite vApi tAdR^isha.n labhate phalam .. 6..\\
yathA bIja.n vinA kShetramuptaM bhavati niShphalam . 
tathA puruShakAreNa vinA daivaM na sidhyati .. 7..\\
kShetraM puruShakArastu daivaM bIjamudAhR^itam . 
kShR^itra bIjasamAyogAttataH sasyasamR^idhyate .. 8..\\
karmaNaH phalanirvR^itti.n svayamashnAti kArakaH . 
pratyakSha.n dR^ishyate loke kR^itasyApyakR^itasya cha .. 9..\\
shubhena karmaNA saukhya.n duHkhaM pApena karmaNA . 
kR^ita.n sarvatra labhate nAkR^itaM bhujyate kva chit .. 10..\\
kR^itI sarvatra labhate pratiShThAM bhAgyavikShataH . 
akR^itI labhate bhraShTaH kShate kShArAvasechanam .. 11..\\
tapasA rUpasaubhAgya.n ratnAni vividhAni cha . 
prApyate karmaNA sarvaM na daivAdakR^itAtmanA .. 12..\\
tathA svargashcha bhogashcha niShThA yA cha manIShitA . 
sarvaM puruShakAreNa kR^itenehopapadyate .. 13..\\
jyotIMShi tridashA nAgA yakShAshchandrArkamArutAH . 
sarve puruShakAreNa mAnuShyAddevatA.n gatAH .. 14..\\
artho vA mitravargo vA aishvarya.n vA kulAnvitam . 
shrIshchApi durlabhA bhoktu.n tathaivAkR^ita karmabhiH .. 15..\\
shauchena labhate vipraH kShatriyo vikrameNa cha . 
vaishyaH puruShakAreNa shUdraH shushrUShayA shriyam .. 16..\\
nAdAtAraM bhajantyarthA na klIbaM nApi niShkriyam . 
nAkarma shIlaM nAshUra.n tathA naivAtapasvinam .. 17..\\
yena lokAstrayaH sR^iShTA daityAH sarvAshcha devatAH . 
sa eSha bhagavAnviShNuH samudre tapyate tapaH .. 18..\\
sva.n chetkarmaphalaM na syAtsarvamevAphalaM bhavet . 
loko daiva.n samAlambya udAsIno bhavenna tu .. 19..\\
akR^itvA mAnuSha.n karma yo daivamanuvartate . 
vR^ithA shrAmyati samprApya pati.n klIbamivA~NganA .. 20..\\
na tathA mAnuShe loke bhayamasti shubhAshubhe . 
yathA tridashaloke hi bhayamalpena jAyate .. 21..\\
kR^itaH puruShakArastu daivamevAnuvartate . 
na daivamakR^ite ki.n chitkasya chiddAtumarhati .. 22..\\
yadA sthAnAnyanityAni dR^ishyante daivateShvapi . 
katha.n karma vinA daiva.n sthAsyate sthApayiShyati .. 23..\\
na daivatAni loke.asminvyApAra.n yAnti kasya chit . 
vyAsa~Nga.n janayantyugramAtmAbhibhavasha~NkayA .. 24..\\
R^iShINA.n devatAnAM cha sadA bhavati vigrahaH . 
kasya vAchA hyadaiva.n syAdyato daivaM pravartate .. 25..\\
katha.n chAsya samutpattiryathA daivaM pravartate . 
eva.n tridashaloke.api prApyante bahavashchhalAH .. 26..\\
Atmaiva hyAtmano bandhurAtmaiva ripurAtmanaH . 
Atmaiva chAtmanaH sAkShI kR^itasyApyakR^itasya cha .. 27..\\
kR^ita.n cha vikR^itaM kiM chitkR^ite karmaNi sidhyati . 
sukR^ite duShkR^ita.n karma na yathArthaM prapadyate .. 28..\\
devAnA.n sharaNaM puNyaM sarvaM puNyairavApyate . 
puNyashIlaM naraM prApya ki.n daivaM prakariShyati .. 29..\\
purA yayAtirvibhraShTashchyAvitaH patitaH kShitau . 
punarAropitaH svarga.n dauhitraiH puNyakarmabhiH .. 30..\\
purUravAshcha rAjarShirdvijairabhihitaH purA . 
aila ityabhivikhyAtaH svargaM prApto mahIpatiH .. 31..\\
ashvamedhAdibhiryaGYaiH satkR^itaH kosalAdhipaH . 
maharShishApAtsaudAsaH puruShAdatvamAgataH .. 32..\\
ashvatthAmA cha rAmash cha muniputrau dhanurdharau . 
na gachchhataH svargaloka.n sukR^iteneha karmaNA .. 33..\\
vasuryaGYashatairiShTvA dvitIya iva vAsavaH . 
mithyAbhidhAnenaikena rasAtalatala.n gataH .. 34..\\
balirvairochanirbaddhodharmapAshena daivataiH . 
viShNoH puruShakAreNa pAtAlashayanaH kR^itaH .. 35..\\
shakrasyodasya charaNaM prasthito janamejayaH . 
dvija strINA.n vadha.n kR^itvA kiM daivena na vAritaH .. 36..\\
aGYAnAdbrAhmaNa.n hatvA spR^iShTo bAlavadhena cha . 
vaishampAyana viprarShiH ki.n daivena nivAritaH .. 37..\\
gopradAnena mithyA cha brAhmaNebhyo mahAmakhe . 
purA nR^igashcha rAjarShiH kR^ikalAsatvamAgataH .. 38..\\
dhundhumArashcha rAjarShiH satreShveva jarA.n gataH . 
prItidAyaM parityajya suShvApa sa girivraje .. 39..\\
pANDavAnA.n hR^itaM rAjya.n dhArtarAShTrairmahAbalaiH . 
punaH pratyAhR^ita.n chaiva na daivAdbhujasaMshrayAt .. 40..\\
tapo niyamasa.nyuktA munayaH saMshitavratAH . 
ki.n te daivabalAchchhApamutsR^ijante na karmaNA .. 41..\\
pApamutsR^ijate loke sarvaM prApya sudurlabham . 
lobhamohasamApannaM na daiva.n trAyate naram .. 42..\\
yathAgniH pavanoddhUtaH sUkShmo.api bhavate mahAn . 
tathA karma samAyukta.n daiva.n sAdhu vivardhate .. 43..\\
yathA tailakShayAddIpaH pramlAnimupagachchhati . 
tathA karma kShayAddaivaM pramlAnimupagachchhati .. 44..\\
vipulamapi dhanaughaM prApya bhogAnstriyo vA 
puruSha iha na shaktaH karma hIno.api bhoktum . 
sunihitamapi chArtha.n daivatai rakShyamANaM 
vyayaguNamapi sAdhu.n karmaNA saMshrayante .. 45..\\
bhavati manujalokAddevaloko vishiShTo 
bahutara susamR^iddhyA mAnuShANA.n gR^ihANi . 
pitR^ivanabhavanAbha.n dR^ishyate chAmarANAM 
na cha phalati vikarmA jIvalokena daivam .. 46..\\
vyapanayati vimArgaM nAsti daive prabhutvaM 
gurumiva kR^itamagrya.n karma sa.nyAti daivam . 
anupahatamadIna.n kAmakAreNa daivaM 
nayati puruShakAraH sa~ncitastatra tatra .. 47..\\
etatte sarvamAkhyAtaM mayA vai munisattama . 
phalaM puruShakArasya sadA sandR^ishya tattvataH .. 48..\\
abhyutthAnena daivasya samArabdhena karmaNA . 
vidhinA karmaNA chaiva svargamArgamavApnuyAt .. 49..\\
\medskip\hrule\medskip\centerline{\Largedvng 7}
 y

karmaNAM me samastAnA.n shubhAnAM bharatarShabha . 
phalAni mahatA.n shreShTha prabrUhi paripR^ichchhataH .. 1..\\

 bh

rahasya.n yadR^iShINA.n tu tachchhR^iNuShva yudhiShThira . 
yA gatiH prApyate yena pretya bhAve chirepsitA .. 2..\\
yena yena sharIreNa yadyatkarma karoti yaH . 
tena tena sharIreNa tattatphalamupAshnute .. 3..\\
yasyA.n yasyAmavasthAyAM yatkaroti shubhAshubham . 
tasyA.n tasyAmavasthAyAM bhu~Nkte janmani janmani .. 4..\\
na nashyati kR^ita.n karma sadA pa~nchendriyairiha . 
te hyasya sAkShiNo nitya.n ShaShTha AtmA tathaiva cha .. 5..\\
chakShurdadyAnmano dadyAdvAcha.n dadyAchcha sUnR^itAm . 
anuvrajedupAsIta sa yaGYaH pa~ncha dakShiNaH .. 6..\\
yo dadyAdaparikliShTamannamadhvani vartate . 
shrAntAyAdR^iShTa pUrvAya tasya puNyaphalaM mahat .. 7..\\
sthaNDile shayamAnAnA.n gR^ihANi shayanAni cha . 
chIravalkala sa.nvIte vAsA.nsyAbharaNAni cha .. 8..\\
vAhanAsana yAnAni yogAtmani tapodhane . 
agnInupashayAnasya rAjapauruShamuchyate .. 9..\\
rasAnAM pratisa.nhAre saubhAgyamanugachchhati . 
AmiSha pratisa.nhAre pashUnputrAMsh cha vindati .. 10..\\
avAkshirAstu yo lambedudavAsa.n cha yo vaset . 
satata.n chaikashAyI yaH sa labhetepsitAM gatim .. 11..\\
pAdyamAsanamevAtha dIpamannaM pratishrayam . 
dadyAdatithipUjArtha.n sa yaGYaH pa~ncha dakShiNaH .. 12..\\
vIrAsana.n vIrashayyAM vIra sthAnamupAsataH . 
akShayAstasya vai lokAH sarvakAmagamAstathA .. 13..\\
dhana.n labheta dAnena maunenAGYAM vishAM pate . 
upabhogAMshcha tapasA brahmacharyeNa jIvitam .. 14..\\
rUpamaishvaryamArogyamahi.nsA phalamashnute . 
phalamUlAshinA.n rAjyaM svargaH parNAshinA.n tathA .. 15..\\
prAyopaveshanAdrAjya.n sarvatra sukhamuchyate . 
svarga.n satyena labhate dIkShayA kulamuttamam .. 16..\\
gavADhyaH shAkadIkShAyA.n svargagAmI tR^iNAshanaH . 
striyastriShavaNa.n snAtvA vAyuM pItvA kratuM labhet .. 17..\\
salilAshI bhavedyashcha sadAgniH sa.nskR^ito dvijaH . 
maru.n sAdhayato rAjyaM nAkapR^iShThamanAshake .. 18..\\
upavAsa.n cha dIkShAM cha abhiShekaM cha pArthiva . 
kR^itvA dvAdasha varShANi vIra sthAnAdvishiShyate .. 19..\\
adhItya sarvavedAnvai sadyo duHkhAtpramuchyate . 
mAnasa.n hi charandharmaM svargalokamavApnuyAt .. 20..\\
yA dustyajA durmatibhiryAnajIryati jIryataH . 
yo.asau prANAntiko rogastA.n tR^iShNAM tyajataH sukham .. 21..\\
yathA dhenu sahasreShu vatso vindati mAtaram . 
evaM pUrvakR^ita.n karma kartAramanugachchhati .. 22..\\
achodyamAnAni yathA puShpANi cha phalAni cha . 
svakAlaM nAtivartante tathA karma purA kR^itam .. 23..\\
jIryanti jIryataH keshA dantA jIryanti jIryataH . 
chakShuH shrotre cha jIryete tR^iShNaikA tu na jIryate .. 24..\\
yena prINAti pitara.n tena prItaH prajApatiH . 
prINAti mAtara.n yena pR^ithivI tena pUjitA . 
yena prINAtyupAdhyAya.n tena syAdbrahma pUjitam .. 25..\\
sarve tasyAdR^itA dharmA yasyaite traya AdR^itAH . 
anAdR^itAstu yasyaite sarvAstasyAphalAH kriyAH .. 26..\\

 v

bhIShmasya tadvachaH shrutvA vismitAH kurupu~NgavAH . 
AsanprahR^iShTamanasaH prItimanto.abhava.nstadA .. 27..\\
yanmantre bhavati vR^ithA prayujyamAne 
yatsome bhavati vR^ithAbhiShUyamANe . 
yachchAgnau bhavati vR^ithAbhihUyamAne 
tatsarvaM bhavati vR^ithAbhidhIyamAne .. 28..\\
ityetadR^iShiNA proktamuktavAnasmi yadvibho . 
shubhAshubhaphalaprAptau kimataH shrotumichchhasi .. 29..\\
\medskip\hrule\medskip\centerline{\Largedvng 8}
 y

ke pUjyAH ke namaH kAryAH kAnnamasyasi bhArata . 
etanme sarvamAchakShva yeShA.n spR^ihayase nR^ipa .. 1..\\
uttamApadgatasyApi yatra te vartate manaH . 
manuShyaloke sarvasminyadamutreha chApyuta .. 2..\\

 bh

spR^ihayAmi dvijAtInA.n yeShAM brahma para.n dhanam . 
yeShA.n svapratyayaH svargastapaHsvAdhyAyasAdhanaH .. 3..\\
yeShA.n vR^iddhAshcha bAlAshcha pitR^ipaitAmahI.n dhuram . 
udvahanti na sIdanti teShA.n vai spR^ihayAmyaham .. 4..\\
vidyAsvabhivinItAnA.n dAntAnAM mR^idubhAShiNAm . 
shrutavR^ittopapannAnA.n sadAkShara vidAM satAm .. 5..\\
sa.nsatsu vadatA.n yeShAM ha.nsAnAmiva sa~NghashaH . 
ma~Ngalya rUpA ruchirA divyajImUtaniHsvanAH .. 6..\\
samyaguchchAritA vAchaH shrUyante hi yudhiShThira . 
shushrUShamANe nR^ipatau pretya cheha sukhAvahAH .. 7..\\
ye chApi teShA.n shrotAraH sadA sadasi saMmatAH . 
viGYAnaguNasampannAsteShA.n cha spR^ihayAmyaham .. 8..\\
susa.nskR^itAni prayatAH shuchIni guNavanti cha . 
dadatyannAni tR^iptyarthaM brAhmaNebhyo yudhiShThira . 
ye chApi satata.n rAja.nsteShA.n cha spR^ihayAmyaham .. 9..\\
shakya.n hyevAhave yoddhuM na dAtumanasUyitam . 
shUrA vIrAshcha shatashaH santi loke yudhiShThira . 
teShA.n sa~NkhyAyamAnAnA.n dAnashUro vishiShyate .. 10..\\
dhanyaH syA.n yadyahaM bhUyaH saumya brAhmaNako.api vA . 
kule jAto dharmagatistapo vidyA parAyaNaH .. 11..\\
na me tvattaH priyataro loke.asminpANDunandana . 
tvattashcha me priyatarA brAhmaNA bharatarShabha .. 12..\\
yathA mama priyatarAstvatto viprAH kurUdvaha . 
tena satyena gachchheya.n lokAnyatra sa shantanuH .. 13..\\
na me pitA priyataro brAhmaNebhyastathAbhavat . 
na me pituH pitA vApi ye chAnye.api suhR^ijjanAH .. 14..\\
na hi me vR^ijina.n kiM chidvidyate brAhmaNeShviha . 
aNu vA yadi vA sthUla.n viditaM sAdhu karmabhiH .. 15..\\
karmaNA manasA vApi vAchA vApi parantapa . 
yanme kR^itaM brAhmaNeShu tenAdya na tapAmyaham .. 16..\\
brahmaNya iti mAmAhustayA vAchAsmi toShitaH . 
etadeva pavitrebhyaH sarvebhyaH parama.n smR^itam .. 17..\\
pashyAmi lokAnamalA~nshuchInbrAhmaNa yAyinaH . 
teShu me tAta gantavyamahnAya cha chirAya cha .. 18..\\
yathA patyAshrayo dharmaH strINA.n loke yudhiShThira . 
sa devaH sA gatirnAnyA kShatriyasya tathA dvijAH .. 19..\\
kShatriyaH shatavarShI cha dashavarShI cha brAhmaNaH . 
pitA putrau cha viGYeyau tayo hi brAhmaNaH pitA .. 20..\\
nArI tu patyabhAve vai devara.n kurute patim . 
pR^ithivI brAhmaNAlAbhe kShatriya.n kurute patim .. 21..\\
putravachcha tato rakShyA upAsyA guruvachcha te . 
agnivachchopacharyA vai brAhmaNAH kurusattama .. 22..\\
R^ijUnsataH satyashIlAnsarvabhUtahite ratAn . 
AshIviShAniva kruddhAndvijAnupacharetsadA .. 23..\\
tejasastapasashchaiva nityaM bibhyedyudhiShThira . 
ubhe chaite parityAjye tejashchaiva tapastathA .. 24..\\
vyavasAyastayoH shIghramubhayoreva vidyate . 
hanyuH kruddhA mahArAja brAhmaNA ye tapasvinaH .. 25..\\
bhUyaH syAdubhaya.n dattaM brAhmaNAdyadakopanAt . 
kuryAdubhayataH sheSha.n dattasheShaM na sheShayet .. 26..\\
daNDapANiryathA goShu pAlo nitya.n sthiro bhavet . 
brAhmaNAnbrahma cha tathA kShatriyaH paripAlayet .. 27..\\
piteva putrAnrakShethA brAhmaNAnbrahmatejasaH . 
gR^ihe chaiShAmavekShethAH kachchidastIha jIvanam .. 28..\\
\medskip\hrule\medskip\centerline{\Largedvng 9}
 y

brAhmaNAnA.n tu ye loke pratishrutya pitAmaha . 
na prayachchhanti mohAtte ke bhavanti mahAmate .. 1..\\
etanme tattvato brUhi dharma.n dharmabhR^itA.n vara . 
pratishrutya durAtmAno na prayachchhanti ye narAH .. 2..\\

 bh

yo na dadyAtpratishrutya svalpa.n vA yadi vA bahu . 
AshAstasya hatAH sarvAH klIbasyeva prajA phalam .. 3..\\
yA.n rAtri.n jAyate pApo yAM cha rAtriM vinashyati . 
etasminnantare yadyatsukR^ita.n tasya bhArata . 
yachcha tasya huta.n kiM chitsarvaM tasyopahanyate .. 4..\\
atraitadvachanaM prAhurdharmashAstravido janAH . 
nishamya bharatashreShTha buddhyA paramayuktayA .. 5..\\
api chodAharantIma.n dharmashAstravido janAH . 
ashvAnA.n shyAma karNAnAM sahasreNa sa muchyate .. 6..\\
atraivodAharantImamitihAsaM purAtanam . 
sR^igAlasya cha sa.nvAda.n vAnarasya cha bhArata .. 7..\\
tau sakhAyau purA hyAstAM mAnuShatve parantapa . 
anyA.n yoniM samApannau sArgAlIM vAnarI.n tathA .. 8..\\
tataH parAsUnkhAdanta.n sR^igAlaM vAnaro.abravIt . 
shmashAnamadhye samprekShya pUrvajAtimanusmaran .. 9..\\
ki.n tvayA pApakaM karmakR^itaM pUrva.n sudAruNam . 
yastva.n shmashAne kR^itakAnpUtikAnatsi kutsitAn .. 10..\\
evamuktaH pratyuvAcha sR^igAlo vAnara.n tadA . 
brAhmaNasya pratishrutya na mayA tadupAkR^itam .. 11..\\
tatkR^ite pApikA.n yonimApanno.asmi plava~Ngama . 
tasmAdeva.nvidhaM bhakShyaM bhakShayAmi bubhukShitaH .. 12..\\
ityetadbruvato rAjanbrAhmaNasya mayA shrutam . 
kathA.n kathayataH puNyAM dharmaGYasya purAtanIm .. 13..\\
shruta.n chApi mayA bhUyaH kR^iShNasyApi vishAM pate . 
kathA.n kathayataH pUrvaM brAhmaNaM prati pANDava .. 14..\\
evameva cha mAM nityaM brAhmaNAH sandishanti vai . 
pratishrutya bhaveddeyaM nAshA kAryA hi brAhmaNaiH .. 15..\\
brAhmaNo hyAshayA pUrva.n kR^itayA pR^ithivIpate . 
susamiddho yathA dIptaH pAvakastadvidhaH smR^itaH .. 16..\\
yaM nirIkSheta sa~Nkruddha AshayA pUrvajAtayA . 
pradaheta hi ta.n rAjankakShamakShayya bhugyathA .. 17..\\
sa eva hi yadA tuShTo vachasA pratinandati . 
bhavatyagada sa~NkAsho viShaye tasya bhArata .. 18..\\
putrAnpautrAnpashUMshchaiva bAndhavAnsachivA.nstathA . 
pura.n janapadaM chaiva shAntiriShTeva puShyati .. 19..\\
etaddhi parama.n tejo brAhmaNasyeha dR^ishyate . 
sahasrakiraNasyeva saviturdharaNItale .. 20..\\
tasmAddAtavyameveha pratishrutya yudhiShThira . 
yadIchchhechchhobhanA.n jAtiM prAptuM bharatasattama .. 21..\\
brAhmaNasya hi dattena dhruva.n svargo hyanuttamaH . 
shakyamprAptu.n visheSheNa dAnaM hi mahatI kriyA .. 22..\\
ito dattena jIvanti devatAH pitarastathA . 
tasmAdAnAni deyAni brAhmaNebhyo vijAnatA .. 23..\\
mahaddhi bharatashreShTha brAhmaNastIrthamuchyate . 
velAyAM na tu kasyA.n chidgachchhedvipro hyapUjitaH .. 24..\\
\medskip\hrule\medskip\centerline{\Largedvng 10}
 y

mitra saudR^ida bhAvena upadesha.n karoti yaH . 
jAtyAvarasya rAjarShe doShastasya bhavenna vA .. 1..\\
etadichchhAmi tattvena vyAkhyAtu.n vai pitAmaha . 
sUkShmA gatirhi dharmasya yatra muhyanti mAnavAH .. 2..\\

 bh

atra te vartayiShyAmi shR^iNu rAjanyathAgamam . 
R^iShINA.n vadatAM pUrvaM shrutamAsIdyathA mayA .. 3..\\
upadesho na kartavyo jAtihInasya kasya chit . 
upadeshe mahAndoSha upAdhyAyasya bhAShyate .. 4..\\
nidarshanamida.n rAja~nshR^iNu me bharatarShabha . 
durukta vachane rAjanyathApUrva.n yudhiShThira . 
brahmAshramapade vR^ittaM pArshve himavataH shubhe .. 5..\\
tatrAshramapadaM puNyaM nAnAvR^ikShagaNAyutam . 
bahu gulmalatAkIrNaM mR^igadvijaniShevitam .. 6..\\
siddhachAraNasa~NghuShTa.n ramyaM puShpitakAnanam . 
vratibhirbahubhiH kIrNa.n tApasairupashobhitam .. 7..\\
brAhmaNaishcha mahAbhAgaiH sUryajvalana saMnibhaiH . 
niyamavratasampannaiH samAkIrNa.n tapasvibhiH . 
dIkShitairbharatashreShTha yatAhAraiH kR^itAtmabhiH .. 8..\\
vedAdhyayanaghoShaishcha nAditaM bharatarShabha . 
vAlakhilyaishcha bahubhiryatibhishcha niShevitam .. 9..\\
tatra kashchitsamutsAha.n kR^itvA shUdro dayAnvitaH . 
Agato hyAshramapadaM pUjitashcha tapasvibhiH .. 10..\\
tA.nstu dR^iShTvA munigaNAndevakalpAnmahaujasaH . 
vahato vividhA dIkShAH samprahR^iShyata bhArata .. 11..\\
athAsya buddhirabhavattapasye bharatarShabha . 
tato.abravItkulapatiM pAdau sa~NgR^ihya bhArata .. 12..\\
bhavatprasAdAdichchhAmi dharma.n chartuM dvijarShabha . 
tanmA.n tvaM bhagavanvaktuM pravrAjayitumarhasi .. 13..\\
varNAvaro.ahaM bhagava~nshUdro jAtyAsmi sattama . 
shushrUShA.n kartumichchhAmi prapannAya prasIda me .. 14..\\

 kulapati

na shakyamiha shUdreNa li~NgamAshritya vartitum . 
AsyatA.n yadi te buddhiH shushrUShA nirato bhava .. 15..\\

 bh

evamuktastu muninA sa shUdro.achintayannR^ipa . 
kathamatra mayA kArya.n shraddhA dharme parA cha me . 
viGYAtamevaM bhavatu kariShye priyamAtmanaH .. 16..\\
gatvAshramapadAddUramuTaja.n kR^itavA.nstu saH . 
tatra vedi.n cha bhUmiM cha devatAyatanAni cha . 
niveshya bharatashreShTha niyamastho.abhavatsukham .. 17..\\
abhiShekAMshcha niyamAndevatAyataneShu cha . 
bali.n cha kR^itvA hutvA cha devatAM chApyapUjayat .. 18..\\
sa~NkalpaniyamopetaH phalAhAro jitendriyaH . 
nitya.n saMnihitAbhishcha oShadhIbhiH phalaistathA .. 19..\\
atithInpUjayAmAsa yathAvatsamupAgatAn . 
eva.n hi sumahAnkAlo vyatyakrAmatsa tasya vai .. 20..\\
athAsya munirAgachchhatsa~NgatyA vai tamAshramam . 
sampUjya svAgatenarShi.n vidhivatparyatoShayat .. 21..\\
anukUlAH kathAH kR^itvA yathAvatparyapR^ichchhata . 
R^iShiH paramatejasvI dharmAtmA sa.nyatendriyaH .. 22..\\
eva.n sa bahushastasya shUdrasya bharatarShabha . 
so.agachchhadAshramamR^iShiH shUdra.n draShTuM nararShabha .. 23..\\
atha ta.n tApasa.n shUdraH so.abravIdbharatarShabha . 
pitR^ikArya.n kariShyAmi tatra me.anugrahaM kuru .. 24..\\
bADhamityeva ta.n vipra uvAcha bharatarShabha . 
shuchirbhUtvA sa shUdrastu tasyarSheH pAdyamAnayat .. 25..\\
atha darbhAMshcha vanyAshcha oShadhIrbharatarShabha . 
pavitramAsana.n chaiva bR^isIM cha samupAnayat .. 26..\\
atha dakShiNamAvR^itya bR^isIM paramashIrShikAm . 
kR^itAmanyAyato dR^iShTvA tatastamR^iShirabravIt .. 27..\\
kuruShvaitAM pUrvashIrShAM bhava chodanmukhaH shuchiH . 
sa cha tatkR^itavA~nshUdraH sarva.n yadR^iShirabravIt .. 28..\\
yathopadiShTaM medhAvI darbhAdI.nstAnyathAtatham . 
havyakavya vidhi.n kR^itsnamuktaM tena tapasvinA .. 29..\\
R^iShiNA pitR^ikArye cha sa cha dharmapathe sthitaH . 
pitR^ikArye kR^ite chApi viShR^iShTaH sa jagAma ha .. 30..\\
atha dIrghasya kAlasya sa tapya~nshUdra tApasaH . 
vane pa~nchatvamagamatsukR^itena cha tena vai . 
ajAyata mahArAja rAjavaMshe mahAdyutiH .. 31..\\
tathaiva sa R^iShistAta kAladharmamavApya ha . 
purohita kule vipra AjAto bharatarShabha .. 32..\\
eva.n tau tatra sambhUtAvubhau shUdra munI tadA . 
krameNa vardhitau chApi vidyAsu kushalAvubhau .. 33..\\
atharvavede vede cha babhUvarShirsunishchitaH . 
kalpaprayoge chotpanne jyotiShe cha para.n gataH . 
sakhye chApi parA prItistayoshchApi vyavardhata .. 34..\\
pitaryuparate chApi kR^itashauchaH sa bhArata . 
abhiShiktaH prakR^itibhI rAjaputraH sa pArthivaH . 
abhiShiktena sa R^iShirabhiShiktaH purohitaH .. 35..\\
sa taM purodhAya sukhamavasadbharatarShabha . 
rAjya.n shashAsa dharmeNa prajAshcha paripAlayan .. 36..\\
puNyAhavAchane nitya.n dharmakAryeShu chAsakR^it . 
utsmayanprAhasachchApi dR^iShTvA rAjA purohitam . 
eva.n sa bahusho rAjanpurodhasamupAhasat .. 37..\\
lakShayitvA purodhAstu bahu shastaM narAdhipam . 
utsmayanta.n cha satataM dR^iShTvAsau manyumAnabhUt .. 38..\\
atha shUNye purodhAstu saha rAGYA samAgataH . 
kathAbhiranukUlAbhI rAjAnamabhirAmayat .. 39..\\
tato.abravInnarendra.n sa purodhA bharatarShabha . 
varamichchhAmyaha.n tvekaM tvayA dattaM mahAdyute .. 40..\\

 r

varANA.n te shataM dadyAM kumutaikaM dvijottama . 
snehAchcha bahumAnAchcha nAstyadeya.n hi me tava .. 41..\\

 purohita

eka.n vai varamichchhAmi yadi tuShTo.asi pArthiva . 
yaddadAsi mahArAja satya.n tadvada mAnR^itam .. 42..\\

 bh

bADhamityeva ta.n rAjA pratyuvAcha yudhiShThira . 
yadi GYAsyAmi vakShyAmi ajAnanna tu sa.nvade .. 43..\\

 p

puNyAhavAchane nitya.n dharmakR^ityeShu chAsakR^it . 
shAnti homeShu cha sadA ki.n tva.n hasasi vIkShya mAm .. 44..\\
savrIDa.n vai bhavati hi mano me hasatA tvayA . 
kAmayA shApito rAjannAnyathA vaktumarhasi .. 45..\\
bhAvya.n hi kAraNenAtra na te hAsyamakAraNam . 
kautUhalaM me subhR^isha.n tattvena kathayasva me .. 46..\\

 r

evamukte tvayA vipra yadavAchyaM bhavedapi . 
avashyameva vaktavya.n shR^iNuShvaika manA dvija .. 47..\\
pUrvadehe yathAvR^itta.n tannibodha dvijottama . 
jAti.n smarAmyahaM brahmannavadhAnena me shR^iNu .. 48..\\
shUdro.ahamabhavaM pUrva.n tApaso bhR^ishasa.nyutaH . 
R^iShirugratapAstva.n cha tadAbhUrdvijasattama .. 49..\\
prIyatA hi tadA brahmanmamAnugraha buddhinA . 
pitR^ikArye tvayA pUrvamupadeshaH kR^ito.anagha . 
bR^isyA.n darbheShu havye cha kavye cha munisattama .. 50..\\
etena karma doSheNa purodhAstvamajAyathAH . 
aha.n rAjA cha viprendra pashya kAlasya paryayam . 
matkR^ite hyupadeshena tvayA prAptamidaM phalam .. 51..\\
etasmAtkAraNAdbrahmanprahase tvA.n dvijottama . 
na tvAM paribhavanbrahmanprahasAmi gururbhavAn .. 52..\\
viparyayeNa me manyustena santapyate manaH . 
jAti.n smarAmyaha.n tubhyamatastvAM prahasAmi vai .. 53..\\
eva.n tavogra.n hi tapa upadeshena nAshitam . 
purohitatvamutsR^ijya yatasva tvampunarbhave .. 54..\\
itastvamadhamAmanyAM mA yoniM prApsyase dvija . 
gR^ihyatA.n draviNa.n vipra pUtAtmA bhava sattama .. 55..\\

 bh

tato visR^iShTo rAGYA tu vipro dAnAnyanekashaH . 
brAhmaNebhyo dadau vittaM bhUmi.n grAmAMshcha sarvashaH .. 56..\\
kR^ichchhrANi chIrtvA cha tato yathoktAmi dvijottamaH . 
tIrthAni chAbhigatvA vai dAnAni vividhAni cha .. 57..\\
dattvA gAshchaiva viprANAM pUtAtmA so.abhavaddvijaH . 
tameva chAshrama.n gatvA chachAra vipulaM tapaH .. 58..\\
tataH siddhiM parAM prApto brAhmaNo rAjasattama . 
saMmatashchAbhavatteShAmAshrame.a.ashramavAsinAm .. 59..\\
evaM prApto mahatkR^ichchhramR^iShiH sa nR^ipasattama . 
brAhmaNena na vaktavya.n tasmAdvarNAvare jane .. 60..\\
varjayedupadesha.n cha sadaiva brAhmaNo nR^ipa . 
upadesha.n hi kurvANo dvijaH kR^ichchhramavApnuyAt .. 61..\\
eShitavya.n sadA vAchA nR^ipeNa dvijasattamAt . 
na pravaktavyamiha hi ki.n chidvarNAvare jane .. 62..\\
brAhmaNAH kShatriyA vaishyAstrayo varNA dvijAtayaH . 
eteShu kathayanrAjanbrAhmaNo na praduShyati .. 63..\\
tasmAtsadbhirna vaktavya.n kasya chitkiM chidagrataH . 
sUkShmA gatirhi dharmasya durGYeyA hyakR^itAtmabhiH .. 64..\\
tasmAnmaunAni munayo dIkShA.n kurvanti chAdR^itAH . 
duruktasya bhayAdrAjannAnubhAShanti ki.n chana .. 65..\\
dhArmikA guNasampannAH satyArjava parAyaNAH . 
durukta vAchAbhihatAH prApnuvantIha duShkR^itam .. 66..\\
upadesho na kartavyaH kadA chidapi kasya chit . 
upadeshAddhi tatpApaM brAhmaNaH samavApnuyAt .. 67..\\
vimR^ishya tasmAtprAGYena vaktavya.n dharmamichchhatA . 
satyAnR^itena hi kR^ita upadesho hinasti vai .. 68..\\
vaktavyamiha pR^iShTena vinishchitya viparyayam . 
sa chopadeshaH kartavyo yena dharmamavApnuyAt .. 69..\\
etatte sarvamAkhyAtamupadeshe kR^ite sati . 
mahAnklesho hi bhavati tasmAnnopadishetkva chit .. 70..\\
\medskip\hrule\medskip\centerline{\Largedvng 11}
 y

kIdR^ishe puruShe tAta strIShu vA bharatarShabha . 
shrIH padmA vasate nitya.n tanme brUhi pitAmaha .. 1..\\

 bh

atra te vartayiShyAmi yathAdR^iShTa.n yathA shrutam . 
rukmiNI devakIputra saMnidhau paryapR^ichchhata .. 2..\\
nArAyaNasyA~Nka gatA.n jvalantIM 
dR^iShTvA shriyaM padmasamAna vaktrAm . 
kautUhalAdvismitachArunetrA 
paprachchha mAtA makaradhvajasya .. 3..\\
kAnIha bhUtAnyupasevase tvaM 
santiShThatI kAni na sevase tvam . 
tAni trilokeshvara bhUtakAnte 
tattvena me brUhi maharShikanye .. 4..\\
eva.n tadA shrIrabhibhAShyamANA 
devyA samakSha.n garuDa dhvajasya . 
uvAcha vAkyaM madhurAbhidhAnaM 
manohara.n chandra mukhI prasannA .. 5..\\
vasAmi satye subhage pragalbhe 
dakShe nare karmaNi vartamAne . 
nAkarma shIle puruShe vasAmi 
na nAstike sA~Nkarike kR^itaghne . 
na bhinnavR^itte na nR^isha.nsavR^itte 
na chApi chaure na guruShvasUye .. 6..\\
ye chAlpatejobalasattvasArA 
hR^iShyanti kupyanti cha yatra tatra . 
na devi tiShThAmi tathAvidheShu 
nareShu sa.nsupta manoratheShu .. 7..\\
yashchAtmani prArthayate na ki.n chid 
yashcha svabhAvopahatAntarAtmA . 
teShvalpasantoSha rateShu nityaM 
nareShu nAhaM nivasAmi devi .. 8..\\
vasAmi dharmashIleShu dharmaGYeShu mahAtmasu . 
vR^iddhaseviShu dAnteShu sattvaGYeShu mahAtmasu .. 9..\\
strIShu kShAntAsu dAntAsu devadvija parAsu cha . 
vasAmi satyashIlAsu svabhAvaniratAsu cha .. 10..\\
prakIrNabhANDAmanavekShya kAriNIM 
sadA cha bhartuH pratikUlavAdinIm . 
parasya veshmAbhiratAmalajjAm 
eva.nvidhA.n strIM parivarjayAmi .. 11..\\
lokAmachokShAmavalehinI.n cha 
vyapetadhairyA.n kalahapriyAM cha . 
nidrAbhibhUtA.n satataM shayAnAm 
eva.nvidhA.n strIM parivarjayAmi .. 12..\\
satyAsu nityaM priyadarshanAsu 
saubhAgyayuktAsu guNAnvitAsu . 
vasAmi nArIShu pativratAsu 
kalyANa shIlAsu vibhUShitAsu .. 13..\\
yAneShu kanyAsu vibhUShaNeShu 
yaGYeShu megheShu cha vR^iShTimatsu . 
vasAmi phullAsu cha padminIShu 
nakShatravIthIShu cha shAradIShu .. 14..\\
shaileShu goShTheShu tathA vaneShu 
saraHsu phullotpalapa~NkajeShu . 
nadIShu ha.nsasvananAditAsu 
krau~nchAvaghuShTa svarashobhitAsu .. 15..\\
vistIrNakUlahrada shobhitAsu 
tapasvisiddhadvija sevitAsu . 
vasAmi nitya.n subahUdakAsu 
si.nhairgajaishchAkulitodakAsu . 
matte gaje govR^iShabhe narendre 
si.nhAsane satpuruShe cha nityam .. 16..\\
yasmingR^ihe hUyate havyavAho 
gobrAhmaNashchArchyate devatAsh cha . 
kAle cha puShpairbalayaH kriyante 
tasmingR^ihe nityamupaimi vAsam .. 17..\\
svAdhyAyanityeShu dvijeShu nityaM 
kShatre cha dharmAbhirate sadaiva . 
vaishye cha kR^iShAbhirate vasAmi 
shUdre cha shushrUShaNanityayukte .. 18..\\
nArAyaNe tvekamanA vasAni 
sarveNa bhAvena sharIrabhUtA . 
tasminhi dharmaH sumahAnniviShTo 
brahmaNyatA chAtra tathA priyatvam .. 19..\\
nAha.n sharIreNa vasAmi devi 
naivaM mayA shakyamihAbhidhAtum . 
yasmi.nstu bhAvena vasAmi pu.nsi 
sa vardhate dharmayasho.arthakAmaiH .. 20..\\
\medskip\hrule\medskip\centerline{\Largedvng 12}
 y

strIpu.nsayoH samprayoge sparshaH kasyAdhiko bhavet . 
etanme saMshaya.n rAjanyathAvadvaktumarhasi .. 1..\\

 bh

atrApyudAharantImamitihAsaM purAtanam . 
bha~NgAshvanena shakrasya yathA vairamabhUtpurA .. 2..\\
purA bha~NgAshvano nAma rAjarShiratidhArmikaH . 
aputraH sa naravyAghra putrArtha.n yaGYamAharat .. 3..\\
agniShTuM nAma rAjarShirindra dviShTaM mahAbalaH . 
prAyashchitteShu martyAnAM putra kAmasya cheShyate .. 4..\\
indro GYAtvA tu ta.n yaGYaM mahAbhAgaH sureshvaraH . 
antara.n tasya rAjarSheranvichchhanniyatAtmanaH .. 5..\\
kasya chittvatha kAlasya mR^igayAmaTato nR^ipa . 
idamantaramityeva shakro nR^ipamamohayat .. 6..\\
ekAshvena cha rAjarShirbhrAnta indreNa mohitaH . 
na disho.avindata nR^ipaH kShutpipAsArditastadA .. 7..\\
itashchetashcha vai dhAva~nshramatR^iShNArdito nR^ipaH . 
saro.apashyatsuruchiraM pUrNaM paramavAriNA . 
so.avagAhya sarastAta pAyayAmAsa vAjinam .. 8..\\
atha pItodaka.n so.ashvaM vR^ikShe baddhvA nR^ipottamaH . 
avagAhya tataH snAto rAjA strItvamavApa ha .. 9..\\
AtmAna.n strIkR^ita.n dR^iShTvA vrIDito nR^ipasattamaH . 
chintAnugata sarvAtmA vyAkulendriya chetanaH .. 10..\\
ArohiShye katha.n tvashvaM katha.n yAsyAmi vai puram . 
agniShTuM nAma iShTaM me putrANA.n shatamaurasam .. 11..\\
jAtaM mahAbalAnA.n vai tAnpravakShyAmi ki.n tvaham . 
dAreShu chAsmadIyeShu paurajAnapadeShu cha .. 12..\\
mR^idutva.n cha tanutvaM cha viklavatvaM tathaiva cha . 
strI guNA R^iShibhiH proktA dharmatattvArtha darshibhiH . 
vyAyAmaH karkashatva.n cha vIryaM cha puruShe guNAH .. 13..\\
pauruSha.n vipranaShTaM me strItva.n kenApi me.abhavat . 
strIbhAvAtkathamashva.n tu punarAroDhumutsahe .. 14..\\
mahatA tvatha khedena AruhyAshvaM narAdhipaH . 
punarAyAtpura.n tAta strIbhUto nR^ipasattama .. 15..\\
putrA dArAshcha bhR^ityAshcha paurajAnapadAsh cha te . 
kiM nvida.n tviti viGYAya vismayaM paramaM gatAH .. 16..\\
athovAcha sa rAjarShiH strIbhUto vadatA.n varaH . 
mR^igayAmasmi niryAto balaiH parivR^ito dR^iDham . 
udbhAntaH prAvisha.n ghoramaTavIM daivamohitaH .. 17..\\
aTavyA.n cha sughorAyAM tR^iShNArtho naShTachetanaH . 
saraH suruchiraprakhyamapashyaM pakShibhirvR^itam .. 18..\\
tatrAvagADhaH strIbhUto vyakta.n daivAnna saMshayaH . 
atR^ipta iva putrANA.n dArANAM cha dhanasya cha .. 19..\\
uvAcha putrAMshcha tataH strIbhUtaH pArthivottamaH . 
samprItyA bhujyatA.n rAjyaM vanaM yAsyAmi putrakAH . 
abhiShichya saputrANA.n shataM rAjA vana.n gataH .. 20..\\
tAmAshrame striya.n tAta tApaso.abhyavapadyata . 
tApasenAsya putrANAmAshrame.apyabhavachchhatam .. 21..\\
atha sA tAnsutAngR^ihya pUrvaputrAnabhAShata . 
puruShatve sutA yUya.n strItve cheme shataM sutAH .. 22..\\
ekatra bhujyatA.n rAjyaM bhrAtR^ibhAvena putrakAH . 
sahitA bhrAtaraste.atha rAjyaM bubhujire tadA .. 23..\\
tAndR^iShTvA bhrAtR^ibhAvena bhu~njAnAnrAjyamuttamam . 
chintayAmAsa devendro manyunAbhipariplutaH . 
upakAro.asya rAjarSheH kR^ito nApakR^itaM mayA .. 24..\\
tato brAhmaNarUpeNa devarAjaH shatakratuH . 
bhedayAmAsa tAngatvA nagara.n vai nR^ipAtmajAn .. 25..\\
bhrAtR^INAM nAsti saubhrAtra.n ye.apyekasya pituH sutAH . 
rAjyahetorvivaditAH kashyapasya surAsurAH .. 26..\\
yUyaM bha~NgAshvanApatyAstApasasyetare sutAH . 
kashyapasya surAshchaiva asurAshcha sutAstathA . 
yuShmAkaM paitR^ika.n rAjyaM bhujyate tApasAtmajaiH .. 27..\\
indreNa bheditAste tu yuddhe.anyonyamapAtayan . 
tachchhrutvA tApasI chApi santaptA praruroda ha .. 28..\\
brAhmaNachchhadmanAbhyetya tAmindro.athAnvapR^ichchhata . 
kena duHkhena santaptA rodiShi tva.n varAnane .. 29..\\
brAhmaNa.n tu tato dR^iShTvA sA strI karuNamabravIt . 
putrANA.n dve shate brahmankAlena vinivAtite .. 30..\\
aha.n rAjAbhavaM vipra tatra putrashataM mayA . 
samutpanna.n surUpANAM vikrAntAnA.n dvijottama .. 31..\\
kadA chinmR^igayA.n yAta udbhrAnto gahane vane . 
avagADhashcha sarasi stri bhUto brAhmaNottama . 
putrAnrAjye pratiShThApya vanamasmi tato gataH .. 32..\\
striyAshcha me putrashata.n tApasena mahAtmanA . 
Ashrame janitaM brahmannItAste nagaraM mayA .. 33..\\
teShA.n cha vairamutpannaM kAlayogena vai dvija . 
etachchhochAmi viprendra daivenAbhipariplutA .. 34..\\
indrastA.n duHkhitAM dR^iShTvA abravItparuSha.n vachaH . 
purA suduHsahaM bhadre mama duHkha.n tvayA kR^itam .. 35..\\
indra dviShTena yajatA mAmanAdR^itya durmate . 
indro.ahamasmi durbuddhe vaira.n te yAtitaM mayA .. 36..\\
indra.n tu dR^iShTvA rAjarShiH pAdayoH shirasA gataH . 
prasIda tridashashreShTha putra kAmena sa kratuH . 
iShTastridashashArdUla tatra me kShantumarhasi .. 37..\\
praNipAtena tasyendraH parituTSho vara.n dadau . 
putrA vai katame rAja~njIvantu tava sha.nsa me . 
strIbhUtasya hi ye jAtAH puruShasyAtha ye.abhavan .. 38..\\
tApasI tu tataH shakramuvAcha prayatA~njaliH . 
strIbhUtasya hi ye jAtAste me jIvantu vAsava .. 39..\\
indrastu vismito hR^iShTaH striyaM paprachchha tAM punaH . 
puruShotpAditA ye te katha.n dveShyAH sutAstava .. 40..\\
strI bUtasya hi ye jAtAH snehastebhyo.adhikaH katham . 
kAraNa.n shrotumichchhAmi tanme vaktumihArhasi .. 41..\\

 strii

striyAstvabhyadhikaH sneho na tathA puruShasya vai . 
tasmAtte shakra jIvantu ye jAtAH strIkR^itasya vai .. 42..\\

 bh

evamukte tatastvendraH prIto vAkyamuvAcha ha . 
sarva eveha jIvantu putrAste satyavAdini .. 43..\\
vara.n cha vR^iNu rAjendra yaM tvamichchhasi suvrata . 
puruShatvamatha strItvaM matto yadabhikA~NkShasi .. 44..\\

 strii

strItvameva vR^iNe shakra prasanne tvayi vAsava .. 45..\\
evamuktastu devendrastA.n striyampratyuvAcha ha . 
puruShatva.n kathaM tyaktvA strItva.n rochayase vibho .. 46..\\
evamuktaH pratyuvAcha strIbhUto rAjasattamaH . 
striyAH puruShasa.nyoge prItirabhyadhikA sadA . 
etasmAtkAraNAchchhakra strItvameva vR^iNomyaham .. 47..\\
rame chaivAdhika.n strItve satyaM vai deva sattama . 
strIbhAvena hi tuShTo.asmi gamyatA.n tridashAdhipa .. 48..\\
evamastviti choktvA tAmApR^ichchhya tridiva.n gataH . 
eva.n striyA mahArAja adhikA prItiruchyate .. 49..\\
\medskip\hrule\medskip\centerline{\Largedvng 13}
 y

ki.n kartavyaM manuShyeNa lokayAtrA hitArthinA . 
katha.n vai lokayAtrA.n tu kiM shIlashcha samAcharet .. 1..\\

 bh

kAyena trividha.n karma vAchA chApi chaturvidham . 
manasA trividha.n chaiva dasha karma pathA.nstyajet .. 2..\\
prANAtipAta.n stainya.n cha paradAnamathApi cha . 
trINi pApAni kAyena sarvataH parivarjayet .. 3..\\
asatpralApaM pAruShyaM paishunyamanR^ita.n tathA . 
chatvAri vAchA rAjendra na jalpennAnuchintayet .. 4..\\
anabhidhyA parasveShu sarvasattveShu sauhR^idam . 
karmaNAM phalamastIti trividhaM manasA charet .. 5..\\
tasmAdvAkkAyamanasA nAcharedashubhaM naraH . 
shubhAshubhAnyAcharanhi tasya tasyAshnute phalam .. 6..\\
\medskip\hrule\medskip\centerline{\Largedvng 14}
 y

pitAmaheshAya vibho nAmAnyAchakShva shambhave . 
babhrave vishvamAyAya mahAbhAgya.n cha tattvataH .. 1..\\

 bh

surAsuraguro deva viShNo tva.n vaktumarhasi . 
shivAya vishvarUpAya yanmAM pR^ichchhadyudhiShThiraH .. 2..\\
nAmnA.n sahasra.n devasya taNDinA brahmayoninA . 
niveditaM brahmaloke brahmaNo yatpurAbhavat .. 3..\\
dvaipAyanaprabhR^itayastathaiveme tapodhanAH . 
R^iShayaH suvratA dAntAH shR^iNvantu gadatastava .. 4..\\
dhruvAya nandine hotre goptre vishvasR^ije.agnaye . 
mahAbhAgya.n vibho brUhi muNDine.atha kapardine .. 5..\\

 vaasudeva

na gatiH karmaNA.n shakyA vettumIshasya tattvataH .. 6..\\
hiraNyagarbhapramukhA devAH sendrA maharShayaH . 
na viduryasya nidhanamAdhi.n vA sUkShmadarshinaH . 
sa kathaM naramAtreNa shakyo GYAtu.n satA.n gatiH .. 7..\\
tasyAhamasuraghnasya kAMshchidbhagavato guNAn . 
bhavatA.n kIrtayiShyAmi vrateshAya yathAtatham .. 8..\\

 v

evamuktvA tu bhagavAnguNA.nstasya mahAtmanaH . 
upaspR^ishya shuchirbhUvA kathayAmAsa dhImataH .. 9..\\

 v

shushrUShadhvaM brAhmaNendrAstva.n cha tAta yudhiShThira . 
tva.n chApageya nAmAni nishAmaya jagatpateH .. 10..\\
yadavApta.n cha me pUrva.n sAmba hetoH suduShkaram . 
yathA cha bhagavAndR^iShTo mayA pUrva.n samAdhinA .. 11..\\
shambare nihate pUrva.n raukmiNeyena dhImatA . 
atIte dvAdashe varShe jAmbavatyabravIddhi mAm .. 12..\\
pradyumna chArudeShNAdInrukmiNyA vIkShya putrakAn . 
putrArthinI mAmupetya vAkyamAha yudhiShThira .. 13..\\
shUraM balavatA.n shreShTha.n kAnta rUpamalakmaSham . 
AtmatulyaM mama sutaM prayachchhAchyuta mAchiram .. 14..\\
na hi te.aprApyamastIha triShu lokeShu ki.n chana . 
lokAnsR^ijestvamaparAnichchhanyadukulodvaha .. 15..\\
tvayA dvAdasha varShANi vAyubhUtena shuShyatA . 
ArAdhya pashubhartAra.n rukmiNyA janitAH sutAH .. 16..\\
chArudeShNaH suchArushcha chAruveSho yashodharaH . 
chAru shvarAshchAru yashAH pradyumnaH shambhureva cha .. 17..\\
yathA te janitAH putrA rukmiNyAshchAru vikramAH . 
tathA mamApi tanayaM prayachchha balashAlinam .. 18..\\
ityeva.n chodito devyA tAmavocha.n sumadhyamAm . 
anujAnIhi mA.n rAGYi kariShye vachana.n tava . 
sA cha mAmabravIdgachchha vijayAya shivAya cha .. 19..\\
brahmA shivaH kAshyapashcha nadyo devA mano.anugAH . 
kShetrauShadhyo yaGYavAhAchchhandA.nsyR^iShigaNA dharA .. 20..\\
samudrA dakShiNA stobhA R^ikShANi pitaro grahAH . 
devapatnyo devakanyA deva mAtara eva cha .. 21..\\
manvantarANi gAvashcha chandramAH savitA hariH . 
sAvitrI brahma vidyA cha R^itavo vatsarAH kShapAH .. 22..\\
kShaNA lavA muhUrtAshcha nimeShA yugaparyayAH . 
rakShantu sarvatragata.n tvA.n yAdava sukhAvaham . 
ariShTa.n gachchha panthAnamapramatto bhavAnagha .. 23..\\
eva.n kR^itasvastyayanastayAhaM 
tAmabhyanuGYAya kapIndra putrIm . 
pituH samIpe narasattamasya 
mAtushcha rAGYashcha tathAhukasya .. 24..\\
tamarthamAvedya yadabravInmAM 
vidyAdharendrasya sutA bhR^ishArtA . 
tAnabhyanuGYAya tadAti duHkhAd 
gada.n tathaivAtibalaM cha rAmam .. 25..\\
prApyAnunA.n gurujanAdahaM tArkShyamachintayam . 
so.avahaddhimavantaM mAM prApya chaina.n vyasarjayam .. 26..\\
tatrAhamadbhutAnbhAvAnapashya.n girisattame . 
kShetra.n cha tapasA.n shreShThaM pashyAmyAshramamuttamam .. 27..\\
divya.n vaiyAghrapadyasya upamanyormahAtmanaH . 
pujita.n devagandharvairbrAhmyA lakShmyA samanvitam .. 28..\\
dhava kakubha kadambanArikelaiH 
kura bakaketakajambupATalAbhiH . 
vaTa varuNaka vatsa nAbhabilvaiH 
saralakapittha priyAlasAla tAlaiH .. 29..\\
badarI kundapunnAgairashokAmrAtimuktakaiH . 
bhallAtakairmadhUkaishcha champakaiH panasaistathA .. 30..\\
vanyairbahuvidhairvR^ikShaiH phalapuShpapradairyutam . 
puShpagulma latAkIrNa.n kadalI ShaNDashobhitam .. 31..\\
nAnAshakunisambhojyaiH phalairvR^ikShairala.n kR^itam . 
yathAsthAnavinikShiptairbhUShita.n vanarAjibhiH .. 32..\\
ruruvAraNashArdUla si.nhadvIpisamAkulam . 
kura~Nga barhiNAkIrNaM mArjArabhujagAvR^itam . 
pUgaishcha mR^igajAtInAM mahiSharkSha niShevitam .. 33..\\
nAnApuShparajo mishro gajadAnAdhivAsitaH . 
divyastrI gItabahulo mAruto.atra sukho vavau .. 34..\\
dhArA ninAdairvihagapraNAdaiH 
shubhaistathA bR^i.nhitaiH ku~njarANAm . 
gItaistathA kiM narANAmudAraiH 
shubhaiH svanaiH sAmagAnA.n cha vIra .. 35..\\
achintyaM manasApyanyaiH sarobhiH samala.n kR^itam . 
vishAlaishchAgnisharaNairbhUShita.n kusha sa.nvR^itam .. 36..\\
vibhUShitaM puNyapavitra toyayA 
sadA cha juShpaM nR^ipa jahnukanyayA . 
mahAtmabhirdharmabhR^itA.n variShThair 
maharShibhirbhUShitamagnikalpaiH .. 37..\\
vAyvAhArairambupairjapyanityaiH 
samprakShAlairyatibhirdhyAnanityaiH . 
dhUmAshanairUShmapaiH kShIrapaish cha 
vibhUShitaM brAhmaNendraiH samantAt .. 38..\\
gochAriNo.athAshma kuTTA dantolUkhalinastathA . 
marIchipAH phenapAshcha tathaiva mR^igachAriNaH .. 39..\\
suduHkhAnniyamA.nstA.nstAnvahataH sutapo.anvitAn . 
pashyanutphullanayanaH praveShTumupachakrame .. 40..\\
supUjita.n devagaNairmahAtmabhiH 
shivAdibhirbhArata puNyakarmabhiH . 
rarAja tachchAshramamaNDala.n sadA 
divIva rAjanravimaNDala.n yathA .. 41..\\
krIDanti sarpairnakulA mR^igairvyAghrAsh cha mitravat . 
prabhAvAddIptatapasaH saMnikarSha guNAnvitAH .. 42..\\
tatrAshramapade shreShThe sarvabhUtamanorame . 
sevite dvija shArdUlairvedavedA~NgapAragaiH .. 43..\\
nAnA niyamavikhyAtairR^iShibhishcha mahAtmabhiH . 
pravishanneva chApashya.n jaTAchIradharaM prabhum .. 44..\\
tejasA tapasA chaiva dIpyamAna.n yathAnalam . 
shiShyamadhya gata.n shAntaM yuvAnaM brAhmaNarShabham . 
shirasA vandamAnaM mAmupamanyurabhAShata .. 45..\\
svAgataM puNDarIkAkSha saphalAni tapA.nsi naH . 
yatpUjyaH pUjayasi no draShTavyo draShTumichchhasi .. 46..\\
tamahaM prA~njalirbhUtvA mR^igapakShiShvathAgniShu . 
dharme cha shiShyavarge cha samapR^ichchhamanAmayam .. 47..\\
tato mAM bhagavAnAha sAmnA paramavalgunA . 
lapsyase tanaya.n kR^iShNa AtmatulyamasaMshayam .. 48..\\
tapaH sumahadAsthAya toShayeshAnamIshvaram . 
iha devaH sa patnIkaH samAkrIDatyadhikShaja .. 49..\\
ihaiva devatA shreShTha.n devAH sarShigaNA purA . 
tapasA brahmacharyeNa satyena cha damena cha . 
toShayitvA shubhAnkAmAnprApnuva.nste janArdana .. 50..\\
tejasA.n tapasAM chaiva nidhiH sa bhagavAniha . 
shubhAshubhAnvitAnbhAvAnvisR^ijansa~NkShipannapi . 
Aste devyA sahAchintyo yaM prArthayasi shatruhan .. 51..\\
hiraNyakashipuryo.abhUddAnavo merukampanaH . 
tena sarvAmaraishvarya.n sharvAtprAptaM samArbudam .. 52..\\
tasyaiva putra pravaro mandaro nAma vishrutaH . 
mahAdevavarAchchhakra.n varShArbudamayodhayat .. 53..\\
viShNoshchakra.n cha tadghora.n vajramAkhaNDalasya cha . 
shIrNaM purAbhavattAta grahasyA~NgeShu keshava .. 54..\\
ardyamAnAshcha vibudhA graheNa subalIyasA . 
shiva dattavarA~njaghnurasurendrAnsurA bhR^isham .. 55..\\
tuShTo vidyutprabhasyApi trilokeshvaratAmadAt . 
shata.n varShasahasrANAM sarvalokeshvaro.abhavat . 
mamaivAnucharo nityaM bhavitAsIti chAbravIt .. 56..\\
tathA putrasahasrANAmayuta.n cha dadau prabhuH . 
kusha dvIpa.n cha sa dadau rAjyena bhagavAnajaH .. 57..\\
tathA shatamukho nAma dhAtrA sR^iShTo mahAsuraH . 
yena varShashata.n sAgramAtmamA.nsairhuto.analaH . 
taM prAha bhagavA.nstuShTaH ki.n karomIti sha~NkaraH .. 58..\\
ta.n vai shatamukhaH prAha yogo bhavatu me.adbhutaH . 
bala.n cha daivatashreShTha shAshvata.n saMmprayachchha me .. 59..\\
svAyambhuvaH kratushchApi putrArthamabhavatpurA . 
Avishya yogenAtmAna.n trINi varShashatAnyapi .. 60..\\
tasya devo.adadatputrAnsahasra.n kratusaMmitAn . 
yogeshvara.n deva gIta.n vettha kR^iShNa na saMshayaH .. 61..\\
vAlakhilyA maghavatA avaGYAtAH purA kila . 
taiH kruddhairbhagavAnrudrastapasA toShito hyabhUt .. 62..\\
tAMshchApi daivatashreShThaH prAha prIto jagatpatiH . 
suparNa.n somahartAra.n tapasotpAdayiShyatha .. 63..\\
mahAdevasya roShAchcha Apo naShTAH purAbhavan . 
tAMshcha sapta kapAlena devairanyAH pravartitAH .. 64..\\
atrerbhAryApi bhartAra.n santyajya brahmavAdinI . 
nAha.n tasya munerbhUyo vashagA syAM kathaM chana . 
ityuktvA sA mahAdevamagachchhachchharaNa.n kila .. 65..\\
nirAhArA bhayAdatrestriNi varShashatAnyapi . 
asheta musaleShveva prasAdArthaM bhavasya sA .. 66..\\
tAmabravIddhasandevo bhavitA vai sutastava . 
vaMshe tavaiva nAmnA tu khyAti.n yAsyati chepsitAm .. 67..\\
shAkalyaH saMshitAtmA vai navavarShashatAnyapi . 
ArAdhayAmAsa bhavaM mano yaGYena keshava .. 68..\\
ta.n chAha bhagavA.nstuShTo grantha kAro bhaviShyasi . 
vatsAkShayA cha te kIrtistrailokye vai bhaviShyati . 
akShaya.n cha kulaM te.astu maharShibhiralaM kR^itam .. 69..\\
sAvarNishchApi vikhyAta R^iShirAsItkR^ite yuge . 
iha tena tapastapta.n ShaShTiM varShashatAnyatha .. 70..\\
tamAha bhagavAnrudraH sAkShAttuShTo.asmi te.anagha . 
grantha kR^illokavikhyAto bhavitAsyajarAmaraH .. 71..\\
mayApi cha yathAdR^iShTo devadevaH purA vibhuH . 
sAkShAtpashupatistAta tachchApi shR^iNu mAdhava .. 72..\\
yadartha.n cha mahAdevaH prayatena mayA purA . 
ArAdhito mahAtejAstachchApi shR^iNu vistaram .. 73..\\
yadavApta.n cha me pUrvaM devadevAnmaheshvarAt . 
tatsarvamakhilenAdya kathayiShyAmi te.anagha .. 74..\\
purA kR^itayuge tAta R^iShirAsInmahAyashAH . 
vyAghrapAda iti khyAto vedavedA~NgapAragaH . 
tasyAhamabhavaM putro dhaumyashchApi mamAnujaH .. 75..\\
kasya chittvatha kAlasya dhaumyena sahamAdhava . 
AgachchhamAshrama.n krIDanmunInAM bhAvitAtmanAm .. 76..\\
tatrApi cha mayA dR^iShTA duhyamAnA payasvinI . 
lakShita.n cha mayA kShIra.n svAduto hyamR^itopamam .. 77..\\
tataH piShTa.n samAloDya toyena sahamAdhava . 
AvayoH kShIramityeva pAnArthamupanIyate .. 78..\\
atha gavyaM payastAta kadA chitprAshitaM mayA . 
tataH piShTa rasa.n tAta na me prItimudAvahat .. 79..\\
tato.ahamabruvaM bAlyAjjananImAtmanastadA . 
kShIraudana samAyuktaM bhojana.n cha prayachchha me .. 80..\\
tato mAmabravInmAtA duHkhashokasamanvitA . 
putrasnehAtpariShvajya mUrdhni chAghrAya mAdhava .. 81..\\
kutaH kShIrodana.n vatsa munInAM bhAvitAtmanAm . 
vane nivasatAM nitya.n kandamUlaphalAshinAm .. 82..\\
aprasAdya virUpAkSha.n varadaM sthANumavyayam . 
kutaH kShIrodana.n vatsa sukhAni vasanAni cha .. 83..\\
taM prapadya sadA vatsa sarvabhAvena sha~Nkaram . 
tatprasAdAchcha kAmebhyaH phalaM prApsyasi putraka .. 84..\\
jananyAstadvachaH shrutvA tadA prabhR^iti shatruhan . 
mama bhaktirmahAdeve naiShThikI samapadyata .. 85..\\
tato.aha.n tapa AsthAya toShayAmAsa sha~Nkaram . 
divya.n varShasahasra.n tu pAdA~NguShThAgraviShThitaH .. 86..\\
eka.n varShashata.n chaiva phalAhArastadAbhavam . 
dvitIya.n shIrNaparNAshI tR^itIya.n chAmbubhojanaH . 
shatAni sapta chaivAha.n vAyubhakShastadAbhavam .. 87..\\
tataH prIto mahAdevaH sarvalokeshvaraH prabhuH . 
shakra rUpa.n sa kR^itvA tu sarvairdevagaNairvR^itaH . 
sahasrAkShastadA bhUtvA varja pANirmahAyashAH .. 88..\\
sudhAvadAta.n raktAkShaM stabdhakarNaM madotkaTam . 
AveShTita kara.n raudra.n chaturdaMShTraM mahAgajam .. 89..\\
samAsthitashcha bhagavAndIpyamAnaH svatejasA . 
AjagAma kirITI tu hArakeyUrabhUShitaH .. 90..\\
pANDureNAtapatreNa dhriyamANena mUrdhani . 
sevyamAno.apsarobhishcha divyagandharvanAditaH .. 91..\\
tato mAmAha devendraH prItaste.aha.n dvijottama . 
vara.n vR^iNIShva mattastva yatte manasi vartate .. 92..\\
shakrasya tu vachaH shrutvA nAhaM prItamanAbhavam . 
abruva.n cha tadA kR^iShNa devarAjamida.n vachaH .. 93..\\
nAha.n tvatto varaM kA~NkShe nAnyasmAdapi daivatAt . 
mahAdevAdR^ite saumya satyametadbravImi te .. 94..\\
pashupativachanAdbhavAmi sadyaH 
kR^imiratha vA tarurapyanekashAkhaH . 
apashu pativaraprasAdajA me 
tribhuvana rAjyavibhUtirapyaniShTA .. 95..\\
api kITaH pata~Ngo vA bhaveya.n sha~NkarAGYayA . 
na tu shakra tvayA datta.n trailokyamapi kAmaye .. 96..\\
yAvachchhashA~Nka shakalAmala baddhamaulir 
na prIyate pashupatirbhagavAnmameshaH . 
tAvajjarAmaraNajanma shatAbhighAtair 
duHkhAni dehavihitAni samudvahAmi .. 97..\\
divasakara shashA~Nkavahni dIptaM 
tribhuvana sAramapAramAdyamekam . 
ajaramamaramaprasAdya rudraM 
jagati pumAniha ko labheta shAntim .. 98..\\

 zakra

kaH punastava heturvai Ishe kAraNakAraNe . 
yena devAdR^ite.anyasmAtprasAdaM nAbhikA~NkShasi .. 99..\\

 upa

hetubhirvA kimanyaiste IshaH kAraNakAraNam . 
na shushruma yadanyasya li~Ngamabhyarchyate suraiH .. 100..\\
kasyAnyasya suraiH sarvairli~NgaM muktvA maheshvaram . 
archyate.archita pUrva.n vA brUhi yadyasti te shrutiH .. 101..\\
yasya brahmA cha viShNushcha tva.n chApi saha daivataiH . 
archayadhva.n sadA li~Nga.n tasmAchchhreShTha tamo hi saH .. 102..\\
tasmAdvaramaha.n kA~NkShe nidhana.n vApi kaushika . 
gachchha vA tiShTha vA shakra yatheShTaM balasUdana .. 103..\\
kAmameSha varo me.astu shApo vApi maheshvarAt . 
na chAnyA.n devatAM kA~NkShe sarvakAmaphalAnyapi .. 104..\\
evamuktvA tu devendra.n duHkhAdAkulitendriyaH . 
na prasIdati me rudraH kimetaditi chintayan . 
athApashya.n kShaNenaiva tamevairAvataM punaH .. 105..\\
ha.nsakundendu sadR^ishaM mR^iNAlakumudaprabham . 
vR^iSharUpadhara.n sAkShAtkShIrodamiva sAgaram .. 106..\\
kR^iShNa puchchhaM mahAkAyaM madhupi~Ngala lochanam . 
jAmbUnadena dAmnA cha sarvataH samala~NkR^itam .. 107..\\
raktAkSha.n sumahAnAsaM sukarNaM sukaTI taTam . 
supArshva.n vipura skandhaM surUpa.n chArudarshanam .. 108..\\
kakuda.n tasya chAbhAti skandhamApUrya viShThitam . 
tuShAragirikUTAbha.n sitAbhrashikharopamam .. 109..\\
tamAsthitashcha bhagavAndevadevaH sahomayA . 
ashobhata mahAdevaH paurNamAsyAmivoDurAT .. 110..\\
tasya tejo bhavo vahniH sa meghaH stanayitnumAn . 
sahasramiva sUryANA.n sarvamAvR^itya tiShThati .. 111..\\
IshvaraH sumahAtejAH sa.nvartaka ivAnalaH . 
yugAnte sarvabhUtAni didhakShuriva chodyataH .. 112..\\
tejasA tu tadA vyApte durnirIkShye samantataH . 
punarudvignahR^idayaH kimetaditi chintayam .. 113..\\
muhUrtamiva tattejo vyApya sarvA disho disha . 
prashAnta.n cha kShaNenaiva devadevasya mAyayA .. 114..\\
athApashya.n sthitaM sthANuM bhagavantaM maheshvaram . 
saurabheya gata.n saumyaM vidhUmamiva pAvakam . 
sahita.n chArusarvA~NgyA pArvatyA parameshvaram .. 115..\\
nIlakanhaM mahAtmAnamasakta.n tejasAM nidhim . 
aShTAdasha bhuja.n sthANuM sarvAbharaNabhUShitam .. 116..\\
shuklAmbara dhara.n deva.n shuklamAlyAnulepanam . 
shukladhvajamanAdhR^iShya.n shuklayaGYopavItinam .. 117..\\
gAyadbhirnR^ityamAnaishcha utpatadbhiritastataH . 
vR^ittaM pAriShadairdivyairAtmatulyaparAkramaiH .. 118..\\
bAlendu mukuTaM pANDu.n sharachchandramivoditam . 
tribhirnetraiH kR^itoddyota.n tribhiH sUryairivoditaiH .. 119..\\
ashobhata cha devasya mAlA gAtre sitaprabhe . 
jAtarUpamayaiH padmairgrathitA ratnabhUShitA .. 120..\\
mUrtimanti tathAstrANi sarvatejomayAni cha . 
mayA dR^iShTAni govinda bhavasyAmita tejasaH .. 121..\\
indrAyudhasahasrAbha.n dhanustasya mahAtmanaH . 
pinAkamiti vikhyAta.n sa cha vai pannago mahAn .. 122..\\
sapta shIrSho mahAkAyastIkShNadaMShTro viSholbaNaH . 
jyA veShTitamahAgrIvaH sthitaH puruShavigrahaH .. 123..\\
sharashcha sUryasa~NkAshaH kAlAnalasamadyutiH . 
yattadastraM mahAghora.n divyaM pAshupataM mahat .. 124..\\
advitIyamanirdeshya.n sarvabhUtabhayAvaham . 
sa sphuli~NgaM mahAkAya.n visR^ijantamivAnalam .. 125..\\
ekapAdaM mahAdaMShTra.n sahasrashirasodaram . 
sahasrabhuja jihvAkShamudgirantamivAnalam .. 126..\\
brAhmAnnArAyaNAdaindrAdAgneyAdapi vAruNAt . 
yadvishiShTaM mahAbAho sarvashastravighAtanam .. 127..\\
yena tattripura.n dagdhvA kShaNAdbhasmIkR^itaM purA . 
shareNaikena govinda mahAdevena lIlayA .. 128..\\
nirdadAha jagatkR^itsna.n trailokya.n sa charAcharam . 
maheshvara bhujotsR^iShTaM nimeShArdhAnna saMshayaH .. 129..\\
nAvadhyo yasya loke.asminbrahma viShNusureShvapi . 
tadaha.n dR^iShTavA.nstAta AshcharyAdbhUtamuttamam .. 130..\\
guhyamastraM para.n chApi tattulyAdhikameva vA . 
yattachchhUlamiti khyAta.n sarvalokeShu shUlinaH .. 131..\\
dArayedyanmahI.n kR^itsnA.n shoShayedvA mahodadhim . 
sa.nharedvA jagatkR^itsna.n visR^iShTaM shUlapANinA .. 132..\\
yauvanAshvo hato yena mAndhAtA sabalaH purA . 
chakravartI mahAtejAstrilokavijayI nR^ipaH .. 133..\\
mahAbalo mahAvIryaH shakratulyaparAkramaH . 
karasthenaiva govinda lavaNasyeha rakShasaH .. 134..\\
tachchhUlamatitIkShNAgra.n subhImaM lomaharShaNam . 
trishikhAM bhrukuTI.n kR^itvA tarjamAnamiva sthitam .. 135..\\
vidhUma.n sArchisa.n kR^iShNaM kAlasUryamivoditam . 
sarpahastamanirdeshyaM pAshahastamivAntakam . 
dR^iShTavAnasmi govinda tadastra.n rudra saMnidhau .. 136..\\
parashustIkShNadhArashcha datto rAmasya yaH purA . 
mahAdevena tuShTena kShatriyANA.n kShayaM karaH . 
kArtavIryo hato yena chakravartI mahAmR^idhe .. 137..\\
triH saptakR^itvaH pR^ithivI yena niHkShatriyA kR^itA . 
jAmadagnyena govinda rAmeNAkliShTakarmaNA .. 138..\\
dIptadhAraH suraudrAsyaH sarpakaNThAgra veShTitaH . 
abhavachchhUlino.abhyAshe dIptavahni shikhopamaH .. 139..\\
asa~NkhyeyAni chAstrANi tasya divyAni dhImataH . 
pradhAnyato mayaitAni kIrtitAni tavAnagha .. 140..\\
savyadeshe tu devasya brahmA lokapitAmahaH . 
divya.n vimAnamAsthAya ha.nsayuktaM manojavam .. 141..\\
vAmapArshva gatashchaiva tathA nArAyaNaH sthitaH . 
vainateya.n samAsthAya sha~NkhachakragadAdharaH .. 142..\\
skando mayUramAsthAya sthito devyAH samIpataH . 
shakti.n kanhe samAdhAya dvitIya iva pAvakaH .. 143..\\
purastAchchaiva devasya nandiM pashyAmyavasthitam . 
shUla.n viShTabhya tiShThanta.n dvitIyamiva sha~Nkaram .. 144..\\
svAyambhuvAdyA manavo bhR^igvAdyA R^iShayastathA . 
shakrAdyA devatAshchaiva sarva eva samabhyayuH .. 145..\\
te.abhivAdya mahAtmAnaM parivArya samantataH . 
astuvanvividhaiH stotrairmahAdeva.n surAstadA .. 146..\\
brahmA bhava.n tadA stunvanrathantaramudIrayan . 
jyeShThasAmnA cha devesha.n jagau nArAyaNastadA . 
gR^iNa~nshakraH paraM brahma shatarudrIyamuttamam .. 147..\\
brahmA nArAyaNashchaiva devarAjashcha kaushikaH . 
ashobhanta mahAtmAnastrayastraya ivAgnayaH .. 148..\\
teShAM madhyagato devo rarAja bhagavA~nshivaH . 
sharadghanavinirmuktaH pariviShTa ivAMshumAn . 
tato.ahamastuva.n deva.n stavenAnena suvratam .. 149..\\
namo devAdhidevAya mahAdevAya vai namaH . 
shakrAya shakra rUpAya shakra veShadharAya cha .. 150..\\
namaste varja hastAya pi~NgalAyAruNAya cha . 
pinAka pANaye nitya.n khaDgashUladharAya cha .. 151..\\
namaste kR^iShNa vAsAya kR^iShNa ku~nchitamUrdhaje . 
kR^iShNAjinottarIyAya kR^iShNAShTamitarAya cha .. 152..\\
shuklavarNAya shuklAya shuklAmbara dharAya cha . 
shuklabhasmAvaliptAya shuklakarma ratAya cha .. 153..\\
tvaM brahmA sarvadevAnA.n rudrANAM nIlalohitaH . 
AtmA cha sarvabhUtAnA.n sA~Nkhye puruSha uchyase .. 154..\\
R^iShabhastvaM pavitrANA.n yoginAM niShkalaH shivaH . 
AshramANA.n gR^ihasthastvamIshvarANAM maheshvaraH . 
kuberaH sarvayakShANA.n kratUnA.n viShNuruchyase .. 155..\\
parvatAnAM mahAmerurnakShatrANA.n cha chandramAH . 
vasiShThastvamR^iShINA.n cha grahANA.n sUrya uchyase .. 156..\\
AraNyAnAM pashUnA.n cha si.nhastvaM parameshvaraH . 
grAhyANA.n govR^iShashchAsi bhagavA.NllokapUjitaH .. 157..\\
AdityAnAM bhavAnviShNurvasUnA.n chaiva pAvakaH . 
pakShiNA.n vainateyashcha ananto bhujageShu cha .. 158..\\
sAmavedashcha vedAnA.n yajuShAM shatarudriyam . 
sanatkumAro yogInA.n sA~NkhyAnA.n kapilo hyasi .. 159..\\
shakro.asi marutA.n deva pitR^INAM dharmarAD asi . 
brahmalokashcha lokAnA.n gatInAM mokSha uchyase .. 160..\\
kShIrodaH sAgarANA.n cha shailAnA.n himavAngiriH . 
varNAnAM brAhmaNashchAsi viprANA.n dIkShito dvijaH . 
Adistvamasi lokAnA.n sa.nhartA kAla eva cha .. 161..\\
yachchAnyadapi lokeShu sattva.n tejo.adhika.n smR^itam . 
tatsarvaM bhagavAneva iti me nishchitA matiH .. 162..\\
namaste bhagavandeva namaste bhakta vatsala . 
yogeshvara namaste.astu namaste vishvasambhava .. 163..\\
prasIda mama bhaktasya dInasya kR^ipaNasya cha . 
anaishvaryeNa yuktasya gatirbhava sanAtana .. 164..\\
ya.n chAparAdhaM kR^itavAnaGYAnAtparameshvara . 
madbhakta iti devesha tatsarva.n kShantumarhasi .. 165..\\
mohitashchAsmi devesha tubhya.n rUpaviparyayAt . 
tena nArghyaM mayA dattaM pAdya.n chApi sureshvara .. 166..\\
eva.n stutvAhamIshAnaM pAdyamarghya.n cha bhaktitaH . 
kR^itA~njalipuTo bhUtvA sarva.n tasmai nyavedayam .. 167..\\
tataH shIlAmbusa.nyuktA divyagandhasamanvitA . 
puShpavR^iShTiH shubhA tAta papAta mama mUrdhani .. 168..\\
dundubhishcha tato divyastADito devaki~NkaraiH . 
vavau cha mArutaH puNyaH shuchi gandhaH sukhAvahaH .. 169..\\
tataH prIto mahAdevaH sapatnIko vR^iShadhvajaH . 
abravIttridashA.nstatra harShayanniva mA.n tadA .. 170..\\
pashyadhva.n tridashAH sarve upamanyormahAtmanaH . 
mayi bhaktiM parA.n divyAmekabhAvAdavasthitAm .. 171..\\
evamuktAstataH kR^iShNa surAste shUlapANinA . 
UchuH prA~njalayaH sarve namaskR^itvA vR^iShadhvajam .. 172..\\
bhagavandevadevesha lokanAtha jagatpate . 
labhatA.n sarvakAmebhyaH phala.n tvatto dvijottamaH .. 173..\\
evamuktastataH sharvaH surairbrahmAdibhistathA . 
Aha mAM bhagavAnIshaH prahasanniva sha~NkaraH .. 174..\\
vatsopamanyo prIto.asmi pashya mAM munipu~Ngava . 
dR^iDhabhakto.asi viprarShe mayA jiGYAsito hyasi .. 175..\\
anayA chaiva bhaktyA te atyarthaM prItimAnaham . 
tasmAtsarvAndadAmyadya kAmA.nstava yathepshitAn .. 176..\\
evamuktasya chaivAtha mahAdevena me vibho . 
harShAdashrUNyavartanta loma harShashcha jAyate .. 177..\\
abruva.n cha tadA deva.n harShagadgadayA girA . 
jAnubhyAmavani.n gatvA praNamya cha punaH punaH .. 178..\\
adya jAto hyaha.n deva adya me saphalaM tapaH . 
yanme sAkShAnmahAdevaH prasannastiShThate.agrataH .. 179..\\
yaM na pashyanti chArAdhya devA hyamitavikramam . 
tamaha.n dR^iShTavAndevaM ko.anyo dhanyataro mayA .. 180..\\
eva.n dhyAyanti vidvA.nsaH paraM tattva.n sanAtanam . 
ShaDviMshakamiti khyAta.n yatparAtparamakSharam .. 181..\\
sa eSha bhagavAndevaH sarvatattvAdiravyayaH . 
sarvatattvavidhAnaGYaH pradhAnapuruSheshvaraH .. 182..\\
yo.asR^ijaddakShiNAda~NgAdbrahmANa.n lokasambhavam . 
vAmapArshvAttathA viShNu.n lokarakShArthamIshvaraH . 
yugAnte chaiva samprApte rudrama~NgAtsR^ijatprabhuH .. 183..\\
sa rudraH sa.nharankR^itsna.n jagatsthAvaraja~Ngamam . 
kAlo bhUtvA mahAtejAH sa.nvartaka ivAnalaH .. 184..\\
eSha devo mahAdevo jagatsR^iShTvA charAcharam . 
kalpAnte chaiva sarveShA.n smR^itimAkShipya tiShThati .. 185..\\
sarvagaH sarvabhUtAtmA sarvabhUtabhavodbhavaH . 
Aste sarvagato nityamadR^ishyaH sarvadaivataiH .. 186..\\
yadi deyo varo mahya.n yadi tuShTashcha me prabhuH . 
bhaktirbhavatu me nitya.n shAshvatI tvayi sha~Nkara .. 187..\\
atItAnAgata.n chaiva vartamAnaM cha yadvibho . 
jAnIyAmiti me buddhistvatprasAdAtsurottama .. 188..\\
kShIraudana.n cha bhu~njIyAmakShaya.n saha bAndhavaiH . 
Ashrame cha sadA mahya.n sAmindhyaM paramastu te .. 189..\\
evamuktaH sa mAM prAha bhagavA.NllokapUjitaH . 
maheshvaro mahAtejAshcharAcharaguruH prabhuH .. 190..\\
ajarashchAmarashchaiva bhava duHkhavivarjitaH . 
shIlavAnguNasampannaH sarvaGYaH priyadarshanaH .. 191..\\
akShaya.n yauvana.n te.astu tejashchaivAnalopamam . 
kShIrodaH sAgarash chaiva yatra yatrechchhase mune .. 192..\\
tatra te bhavitA kAma.n sAMnidhyaM payaso nidheH . 
kShIrodana.n cha bhu~NkShva tvamamR^itena samanvitam .. 193..\\
bandhubhiH sahitaH kalpa.n tato mAmupayAsyasi . 
sAMnidhyamAshrame nitya.n kariShyAmi dvijottama .. 194..\\
tiShTha vatsa yathA kAmanotkaNThA.n kartumarhasi . 
smR^itaH smR^itashcha te vipra sadA dAsyAmi darshanam .. 195..\\
evamuktvA sa bhagavAnsUryakoTi samaprabhaH . 
mameshAno vara.n dattvA tatraivAntaradhIyata .. 196..\\
eva.n dR^iShTo mayA kR^iShNa devadevaH samAdhinA . 
tadavApta.n cha me sarva.n yaduktaM tena dhImatA .. 197..\\
pratyakSha.n chaiva te kR^iShNa pashya siddhAnvyavasthitAn . 
R^iShInvidyAdharAnyakShAngandharvApsarasastathA .. 198..\\
pashya vR^ikShAnmanoramyAnsadA puShpaphalAnvitAn . 
sarvartukusumairyuktAnsnigdhapatrAnsushAkhinaH . 
sarvametanmahAbAho divyabhAvasamanvitam .. 199..\\
\medskip\hrule\medskip\centerline{\Largedvng 15}
 upa

etAnsahasrashashchAnyAnsamanudhyAtavAnharaH . 
kasmAtprasAdaM bhagavAnna kuryAttava mAdhava .. 1..\\
tvAdR^ishena hi devAnA.n shlAghanIyaH samAgamaH . 
brahmaNyenAnR^isha.nsena shraddadhAnena chApyuta . 
japya.n cha te pradAsyAmi yena drakShyasi sha~Nkaram .. 2..\\

 krsna

abruva.n tamahaM brahma.nstvatprasAdAnmahAmune . 
drakShye ditijasa~NghAnAM mardana.n tridasheshvaram .. 3..\\
dine.aShTame cha vipreNa dIkShito.aha.n yathAvidhi . 
daNDI muNDI kushI chIrI ghR^itAkto mekhalI tathA .. 4..\\
mAsamekaM phalAhAro dvitIya.n salilAshanaH . 
tR^itIya.n cha chaturthaM cha pa~nchamaM chAnilAshanaH .. 5..\\
ekapAdena tiShThaMshcha UrdhvabAhuratandritaH . 
tejaH sUryasahasrasya apashya.n divi bhArata .. 6..\\
tasya madhyagata.n chApi tejasaH pANDunandana . 
indrAyudhapinaddhA~Nga.n vidyunmAlA gavAkShakam . 
nIlashailachaya prakhyaM balAkA bhUShita.n ghanam .. 7..\\
tamAsthitashcha bhagavAndevyA saha mahAdyutiH . 
tapasA tejasA kAntyA dIptayA saha bhAryayA .. 8..\\
rarAja bhagavA.nstatra devyA saha maheshvaraH . 
somena sahitaH sUryo yathA meghasthitastathA .. 9..\\
sa.nhR^iShTaromA kaunteya vismayotphullalochanaH . 
apashya.n devasa~NghAnAM gatimArtihara.n haram .. 10..\\
kirITina.n gadina.n shUlapANiM 
vyAghrAjina.n jaTilaM daNDapANim . 
pinAkina.n vajriNa.n tIkShNadaMShTraM 
shubhA~Ngada.n vyAlayaGYopavItam .. 11..\\
divyAM mAlAmurasAneka varNAM 
samudvahanta.n gulpha deshAvalambAm . 
chandra.n yathA pariviShTaM sasandhyaM 
varShAtyaye tadvadapashyamenam .. 12..\\
prathamAnA.n gaNaishchaiva samantAtparivAritam . 
sharadIva suduShprekShyaM pariviShTa.n divAkaram .. 13..\\
ekAdasha tathA chaina.n rudrANAM vR^iShavAhanam . 
astuvanniyatAtmAnaH karmabhiH shubhakarmiNam .. 14..\\
AdityA vasavaH sAdhyA vishve devAstathAshvinau . 
vishvAbhiH stutibhirdeva.n vishvadevaM samastuvan .. 15..\\
shatakratushcha bhagavAnviShNushchAditinandanau . 
brahmA rathantara.n sAma Irayanti bhavAntike .. 16..\\
yogIshvarAH subahavo yogadaM pitara.n gurum . 
brahmarShayashcha sa sutAstathA devarShayash cha vai .. 17..\\
pR^itivI chAntarikSha.n cha nakShatrANi grahAstathA . 
mAsArdha mAsA R^itavo rAtryaH sa.nvatsarAH kShaNAH .. 18..\\
muhUrtAshcha nimeShAshcha tathaiva yugaparyayAH . 
divyA rAjannamasyanti vidyAH sarvA dishastathA .. 19..\\
sanatkumAro vedAMshcha itihAsAstathaiva cha . 
marIchira~NgirA atriH pulastyaH pulahaH kratuH .. 20..\\
manavaH sapta somashcha atharvA sa bR^ihaspatiH . 
bhR^igurdakShaH kashyapashcha vasiShThaH kAshya eva cha .. 21..\\
chhandA.nsi dIkShA yaGYAshcha dakShiNAH pAvako haviH . 
yaGYopagAni dravyANi mUrtimanti yudhiShThira .. 22..\\
prajAnAM patayaH sarve saritaH pannagA nagAH . 
devAnAM mAtaraH sarvA devapatnyaH sa kanyakAH .. 23..\\
sahasrANi munInA.n cha ayutAnyarbudAni cha . 
namasyanti prabhu.n shAntaM parvatAH sAgarA dishaH .. 24..\\
gandharvApsarasashchaiva gItavAditrakovidAH . 
divyatAnena gAyantaH stuvanti bhavamadbhutam . 
vidyAdharA dAnavAshcha guhyakA rAkShasAstathA .. 25..\\
sarvANi chaiva bhUtAni sthAvarANi charANi cha . 
namasyanti mahArAja vAnmanaH karmabhirvibhum . 
purastAdviShThitaH sharvo mamAsIttridasheshvaraH .. 26..\\
purastAdviShThita.n dR^iShTvA mameshAnaM cha bhArata . 
sa prajApatishakrAnta.n jaganmAmabhyudaikShata .. 27..\\
IkShitu.n cha mahAdevaM na me shaktirabhUttadA . 
tato mAma bravIddevaH pashya kR^iShNa vadasva cha .. 28..\\
shirasA vandite deve devI prItA umAbhavat . 
tato.ahamastuva.n sthANuM stutaM brahmAdibhiH suraiH .. 29..\\
namo.astu te shAshvatasarvayone 
brahmAdhipa.n tvAmR^iShayo vadanti . 
tapashcha sattva.n cha rajas 
tamashcha tvAmeva satya.n cha vadanti santaH .. 30..\\
tva.n vai brahmA cha rudrashcha varuNo.agnirmanurbhavaH . 
dhAtA tvaShTA vidhAtA cha tvaM prabhuH sarvato mukhaH .. 31..\\
tvatto jAtAni bhUtAni sthAvarANi charANi cha . 
tvamAdiH sarvabhUtAnA.n sa.nhArash cha tvameva hi .. 32..\\
ye chendriyArthAshcha manashcha kR^itsnaM 
ye vAyavaH sapta tathaiva chAgniH . 
ye vA divisthA devatAshchApi pu.nsAM 
tasmAtpara.n tvAmR^iShayo vadanti .. 33..\\
vedA yaGYAshcha somashcha dakShiNA pAvako haviH . 
yaGYopaga.n cha yatkiM chidbhagavA.nstadasaMshayam .. 34..\\
iShTa.n dattamadhItaM cha vratAni niyamAsh cha ye . 
hrIH kIrtiH shrIrdyutistuShTiH siddhishchaiva tvadarpaNA .. 35..\\
kAmaH krodho bhaya.n lobho madaH stambho.atha matsaraH . 
Adhayo vyAdhayashchaiva bhagava.nstanayAstava .. 36..\\
kR^itirvikAraH pralayaH pradhAnaM prabhavo.avyayaH . 
manasaH praramA yoniH svabhAvashchApi shAshvataH . 
avyaktaH pAvana vibho sahasrAMsho hiraNmayaH .. 37..\\
AdirguNAnA.n sarveShAM bhavAnvai jIvanAshrayaH . 
mahAnAtmA matirbrahmA vishvaH shambhuH svayambhuvaH .. 38..\\
buddhiH praGYopalabdhishcha sa.nvitkhyAtirdhR^itiH smR^itiH . 
paryAya vAchakaiH shabdairmahAnAtmA vibhAvyase .. 39..\\
tvAM buddhvA brAhmaNo vidvAnanpramohaM nigachchhati . 
hR^idaya.n sarvabhUtAnA.n kShetraGYastvamR^iShiShTutaH .. 40..\\
sarvataH pANipAdastva.n sarvato.akShishiromukhaH . 
sarvataH shrutimA.Nlloke sarvamAvR^itya tiShThasi .. 41..\\
phala.n tvamasi tigmAMsho nimeShAdiShu karmasu . 
tva.n vai prabhArchiH puruShaH sarvasya hR^idi sa.nsthitaH . 
aNimA laghimA prAptirIshAno jyotiravyayaH .. 42..\\
tvayi buddhirmatirlokAH prapannAH saMshritAsh cha ye . 
dhyAnino nityayogAshcha satyasandhA jitendriyAH .. 43..\\
yastvA.n dhruva.n vedayate guhA shayaM 
prabhuM purANaM puruSha.n vishvarUpam . 
hiraNmayaM buddhimatAM parA.n gatiM 
sa buddhimAnbuddhimatItya tiShThati .. 44..\\
viditvA sapta sUkShmANi ShaDa~Nga.n tvAM cha mUrtitaH . 
pradhAnavidhiyogasthastvAmeva vishate budhaH .. 45..\\
evamukte mayA pArtha bhave chArti vinAshane . 
charAchara.n jagatsarva.n si.nhanAdamathAkarot .. 46..\\
sa vipra sa~NghAshcha surAsurAsh cha 
nAgAH pishAchAH pitaro vayA.nsi . 
rakShogaNA bUta gaNAsh cha sarve 
maharShayashchaiva tathA praNemuH .. 47..\\
mama mUrdhni cha divyAnA.n kusumAnA.n sugandinAm . 
rAshayo nipatanti sma vAyush cha susukho vavau .. 48..\\
nirIkShya bhagavAndevImumAM mA.n cha jagaddhitaH . 
shatakratu.n chAbhivIkShya svayaM mAmAha sha~NkaraH .. 49..\\
vidmaH kR^iShNa parAM bhaktimasmAsu tava shatruhan . 
kriyatAmAtmanaH shreyaH prItirhi paramA tvayi .. 50..\\
vR^iNIShvAShTau varAnkR^iShNa dAtAsmi tava sattama . 
brUhi yAdava shArdUlayAnichchhasi sudurlabhAn .. 51..\\
\medskip\hrule\medskip\centerline{\Largedvng 16}
 krsna

mUrdhnA nipatyaniyatastejaH saMnichaye tataH . 
parama.n harShamAgamya bhagavantamathAbruvam .. 1..\\
dharme dR^iDhatva.n yudhi shatrughAtaM 
yashastathAgryaM paramaM bala.n cha . 
yogapriyatva.n tava saMnikarShaM 
vR^iNe sutAnA.n cha shata.n shatAni .. 2..\\
evamastviti tadvAkyaM mayoktaH prAha sha~NkaraH .. 3..\\
tato mA.n jagato mAtA dharaNI sarvapAvanI . 
uvAchomA praNihitA sharvANI tapasAM nidhiH .. 4..\\
datodbhagavatA putraH sAmbo nAma tavAnagha . 
matto.apyaShTau varAniShTAngR^ihANa tva.n dadAmi te . 
praNamya shirasA sA cha mayoktA pANDunandana .. 5..\\
dvijeShvakopaM pitR^itaH prasAdaM 
shata.n sutAnAmupabhogaM para.n cha . 
kule prItiM mAtR^itashcha prasAdaM 
shama prAptiM pravR^iNe chApi dAkShyam .. 6..\\

 devii

evaM bhaviShyatyamaraprabhAva 
nAhaM mR^iShA jAtu vade kadA chit . 
bhAryA sahasrANi cha ShoDashaiva 
tAsu priyatva.n cha tathAkShayatvam .. 7..\\
prIti.n chAgryAM bAndhavAnA.n sakAshAd 
dadAmi te vapuShaH kAmyatA.n cha . 
bhokShyante vai saptatirvai shatAni 
gR^ihe tubhyamatithInA.n cha nityam .. 8..\\

 vaasudeva

eva.n dattvA varAndevo mama devI cha bhArata . 
antarhitaH kShaNe tasminsagaNo bhIma pUrvaja .. 9..\\
etadatyadbhuta.n sarvaM brAhmaNAyAtitejase . 
upamanyave mayA kR^itsnamAkhyAta.n kauravottama .. 10..\\
namaskR^itvA tu sa prAha devadevAya suvrata . 
nAsti sharva samo dAne nAsti sharva samo raNe . 
nAsti sharva samo devo nAsti sharva samA gatiH .. 11..\\
R^iShirAsItkR^ite tAta taNDirityeva vishrutaH . 
dashavarShasahasrANi tena devaH samAdhinA . 
ArAdhito.abhUdbhaktena tasyodarkaM nishAmaya .. 12..\\
sa dR^iShTvavAnmahAdevamastauShIchcha stavairvibhum . 
pavitrANAM pavitrastva.n gatirgatimatA.n vara . 
atyugra.n tejasAM tejastapasAM paramaM tapaH .. 13..\\
vishvAvasuhiraNyAkSha puruhUta namaskR^ita . 
bhUri kalyANada vibho puru satyanamo.astu te .. 14..\\
jAtI maraNabhIrUNA.n yatInAM yatatAM vibho . 
nirvANada sahasrAMsho namaste.astu sukhAshraya .. 15..\\
brahmA shatakraturviShNurvishve devA maharShayaH . 
na vidustvA.n tu tattvena kuto vetsyAmahe vayam .. 16..\\
tvattaH pravartate kAlastvayi kAlashcha lIyate . 
kAlAkhyaH puruShAkhyashcha brahmAkhyash cha tvameva hi .. 17..\\
tanavaste smR^itAstisraH purANaGYaiH surarShibhiH . 
adhipauruShamadhyAtmamadhibhUtAdhidaivatam . 
adhilokyAdhiviGYAnamadhiyaGYastvameva hi .. 18..\\
tvA.n viditvAtma dehastha.n durvidaM daivatairapi . 
vidvA.nso yAnti nirmuktAH paraM bhAvamanAmayam .. 19..\\
anichchhatastava vibho janmamR^ityuranekataH . 
dvAra.n tva.n svargamokShANAmAkSheptA tvaM dadAsi cha .. 20..\\
tvameva mokShaH svargashcha kAmaH krodhastvameva hi . 
sattva.n rajastamashchaiva adhashchordhva.n tvameva hi .. 21..\\
brahmA viShNushcha rudrashcha skandendrau savitA yamaH . 
varuNendU manurdhAtA vidhAtA tva.n dhaneshvaraH .. 22..\\
bhUrvAyurjyotirApashcha vAgbuddhistvaM matirmanaH . 
karma satyAnR^ite chobhe tvamevAsti cha nAsti cha .. 23..\\
indriyANIndriyArthAshcha tatparaM prakR^iterdhruvam . 
vishvAvishva paro bhAvashchintyAchintyastvameva hi .. 24..\\
yachchaitatparamaM brahma yachcha tatparamaM padam . 
yA gatiH sA~NkhyayogAnA.n sa bhavAnnAtra saMshayaH .. 25..\\
nUnamadya kR^itArthAH sma nUnaM prAptAH satA.n gatim . 
yA.n gatiM prApnuvantIha GYAnanirmala buddhayaH .. 26..\\
aho mUDhAH sma suchiramima.n kAlamachetasaH . 
yanna vidmaH para.n deva.n shAshvataM yaM vidurbudhAH .. 27..\\
so.ayamAsAditaH sAkShAdbahubhirjanmabhirmayA . 
bhaktAnugraha kR^iddevo ya.n GYAtvAmR^itamashnute .. 28..\\
devAsuramanuShyANA.n yachcha guhyaM sanAtanam . 
guhAyAM nihitaM brahma durviGYeya.n surairapi .. 29..\\
sa eSha bhagavAnddevaH sarvakR^itsarvato mukhaH . 
sarvAtmA sarvadarshI cha sarvagaH sarvaveditA .. 30..\\
prANakR^itprANabhR^itprANI prANadaH prANinA.n gatiH . 
dehakR^iddehabhR^iddehI dehabhugdehinA.n gatiH .. 31..\\
adhyAtmagatiniShThAnA.n dhyAninAmAtmavedinAm . 
apunarmAra kAmAnA.n yA gatiH so.ayamIshvaraH .. 32..\\
aya.n cha sarvabhUtAnA.n shubhAshubhagatipradaH . 
aya.n cha janma maraNe vidadhyAtsarvajantuShu .. 33..\\
aya.n cha siddhikAmAnAmR^iShINA.n siddhidaH prabhuH . 
aya.n cha mokShakAmAnAM dvijAnAM mokShadaH prabhuH .. 34..\\
bhUrAdyAnsarvabhuvanAnutpAdya sa divaukasaH . 
vibharti devastanubhiraShTAbhishcha dadAti cha .. 35..\\
ataH pravartate sarvamasminsarvaM pratiShThitam . 
asmiMshcha pralaya.n yAti ayamekaH sanAtanaH .. 36..\\
aya.n sa satyakAmAnAM satyalokaH paraH satAm . 
apavargashcha muktAnA.n kaivalyaM chAtmavAdinAm .. 37..\\
ayaM brahmAdibhiH siddhairguhAyA.n gopitaH prabhuH . 
devAsuramanuShyANAM na prakAsho bhavediti .. 38..\\
ta.n tvAM devAsuranarAstattvena na vidurbhavam . 
mohitAH khalvanenaiva hR^ichchhayena praveshitAH .. 39..\\
ye chaina.n samprapadyante bhaktiyogena bhArata . 
teShAmevAtmanAtmAna.n darshayatyeSha hR^ichchhayaH .. 40..\\
ya.n GYAtvA na punarjanma maraNa.n chApi vidyate . 
ya.n viditvA paraM vedyaM veditavyaM na vidyate .. 41..\\
ya.n labdhvA paramaM lAbhaM manyate nAdhikaM punaH . 
prANasUkShmAM parAM prAptimAgachchhatyakShayAvahAm .. 42..\\
ya.n sA~NkhyA guNatattvaGYAH sA~NkhyashAstravishAradAH . 
sUkShmaGYAnaratAH pUrva.n GYAtvA muchyanti bandhanaiH .. 43..\\
ya.n cha veda vido vedya.n vedAnteShu pratiShThitam . 
prANAyAmaparA nitya.n yaM vishanti japanti cha .. 44..\\
aya.n sa deva yAnAnAmAdityo dvAramuchyate . 
aya.n cha pitR^iyAnAnAM chandramA dvAramuchyate .. 45..\\
eSha kAlagatishchaitrA sa.nvatsarayugAdiShu . 
bhAvAbhAvau tadAtve cha ayane dakShiNottare .. 46..\\
evaM prajApatiH pUrvamArAdhya bahubhiH stavaiH . 
varayAmAsa putratve nIlalohita sa~nj~nitam .. 47..\\
R^igbhiryamanusha.nsanti tantre karmaNi bahvR^ichaH . 
yajurbhirya.n tridhA vedyaM juhvatyadhvaryavo.adhvare .. 48..\\
sAmabhirya.n cha gAyanti sAmagAH shuddhabuddhayaH . 
yaGYasya paramA yoniH patishchAyaM paraH smR^itaH .. 49..\\
rAtryahaH shrotranayanaH pakShamAsa shiro bhujaH . 
R^ituvIryastapo dhairyo hyabda guhyoru pAdavAn .. 50..\\
mR^ityuryamo hutAshashcha kAlaH sa.nhAra vegavAn . 
kAlasya paramA yoniH kAlashchAya.n sanAtanaH .. 51..\\
chandrAdityau sa nakShatrau sagrahau saha vAyunA . 
dhruvaH saptarShayashchaiva bhuvanAH sapta eva cha .. 52..\\
pradhAnaM mahadavyakta.n visheShAntaM sa vaikR^itam . 
brahmAdi stamba paryantaM bhUtAdi sadasachcha yat .. 53..\\
aShTau prakR^itayashchaiva prakR^itibhyash cha yatparam . 
asya devasya yadbhAga.n kR^itsna.n samparivartate .. 54..\\
etatparamamAnanda.n yattachchhAshvatameva cha . 
eShA gatirviraktAnAmeSha bhAvaH paraH satAm .. 55..\\
etatpadamanudvignametadbrahma sanAtanam . 
shAstravedA~NgaviduShAmetaddhyAnaM paraM padam .. 56..\\
iya.n sA paramA kAShThA iyaM sA paramA kalA . 
iya.n sA paramA siddhiriyaM sA paramA gatiH .. 57..\\
iya.n sA paramA shAntiriyaM sA nirvR^itiH parA . 
yaM prApya kR^itakR^ityAH sma ityamanyanta vedhasaH .. 58..\\
iya.n tuShTiriya.n siddhiriyaM shrutiriyaM smR^itiH . 
adhyAtmagatiniShThAnA.n viduShAM prAptiravyayA .. 59..\\
yajatA.n yaGYakAmAnAM yaGYairvipuladakShiNaiH . 
yA gatirdevatairdivyA sA gatistva.n sanAtana .. 60..\\
japyahomavrataiH kR^ichchhrairniyamairdehapAtanaiH . 
tapyatA.n yA gatirdeva vairaje sA gatirbhavAn .. 61..\\
karma nyAsakR^itAnA.n cha viraktAnAM tatastataH . 
yA gatirbrahmabhavane sA gatistva.n sanAtana .. 62..\\
apunarmAra kAmAnA.n vairAgye vartatAM pare . 
vikR^itInA.n layAnA.n cha sA gatistvaM sanAtana .. 63..\\
GYAnaviGYAnaniShThAnAM nirupAkhyA nira~njanA . 
kaivalyA yA gatirdeva paramA sA gatirbhavAn .. 64..\\
veda shAstrapurANoktAH pa~nchaitA gatayaH smR^itAH . 
tvatprasAdAddhi labhyante na labhyante.anyathA vibho .. 65..\\
iti taNDistapoyogAttuShTAveshAnamavyayam . 
jagau cha paramaM brahma yatpurA lokakR^ijjagau .. 66..\\
brahmA shatakraturviShNurvishve devA maharShayaH . 
na vidustvAmiti tatastuShTaH provAcha ta.n shivaH .. 67..\\
akShayashchAvyayashchaiva bhavitA duHkhavarjitaH . 
yashasvI tejasA yukto divyaGYAnasamanvitaH .. 68..\\
R^iShINAmabhigamyashcha sUtrakartA sutastava . 
matprasAdAddvijashreShTha bhaviShyati na saMshayaH .. 69..\\
ka.n vA kAma.n dadAmyadya brUhi yadvatsa kA~NkShase . 
prA~njaliH sa uvAcheda.n tvayi bhaktirdR^iDhAstu me .. 70..\\
eva.n dattvA varaM devo vandyamAnaH surarShibhiH . 
stUyamAnashcha vibudhaistatraivAntaradhIyata .. 71..\\
antarhite bhagavati sAnuge yAdaveshvara . 
R^iShirAshramamAgamya mamaitatproktavAniha .. 72..\\
yAni cha prathitAnyAdau taNDirAkhyAtavAnmama . 
nAmAni mAnavashreShTha tAni tva.n shR^iNu siddhaye .. 73..\\
dasha nAma sahasrANi vedeShvAha pitAmahaH . 
sharvasya shAstreShu tathA dasha nAma shatAni vai .. 74..\\
guhyAnImAni nAmAni taNDirbhagavato.achyuta . 
devaprasAdAddevesha purA prAha mahAtmane .. 75..\\
\medskip\hrule\medskip\centerline{\Largedvng 17}
 vaasudeva

tataH sa prayato bhUtvA mama tAta yudhiShThira . 
prA~njaliH prAha viprarShirnAma sa.nhAramAditaH .. 1..\\

 u

brahma proktairR^iShiproktairvedavedA~NgasambhavaiH . 
sarvalokeShu vikhyAtaiH sthANu.n stoShyAmi nAmabhiH .. 2..\\
mahadbhirvihitaiH satyaiH siddhaiH sarvArthasAdhakaiH . 
R^iShiNA taNDinA bhaktyA kR^itairdevakR^itAtmanA .. 3..\\
yathoktairlokavikhyAtairmunibhistattvadarshibhiH . 
pravaraM prathama.n svargyaM sarvabhUtahitaM shubham . 
shrutaiH sarvatra jagati brahmalokAvatAritaiH .. 4..\\
yattadrahasyaM paramaM brahma prokta.n sanAtanam . 
vakShye yadukulashreShTha shR^iNuShvAvahito mama .. 5..\\
paratvena bhava.n devaM bhaktastvaM parameshvaram . 
tena te shrAvayiShyAmi yattadbrahma sanAtanam .. 6..\\
na shakya.n vistarAtkR^itsnaM vaktuM sharvasya kena chit . 
yuktenApi vibhUtInAmapi varShashatairapi .. 7..\\
yasyAdirmadhyamantash cha surairapi na gamyate . 
kastasya shaknuyAdvaktu.n guNAnkArtsnyena mAdhava .. 8..\\
ki.n tu devasya mahataH sa~NkShiptArtha padAkSharam . 
shaktitashcharita.n vakShye prasAdAttasya chaiva hi .. 9..\\
aprApyeha tato.anuGYAM na shakyaH stotumIshvaraH . 
yadA tenAbhyanuGYAtaH stuvatyeva sadA bhavam .. 10..\\
anAdi nidhanasyAha.n sarvayonermahAtmanaH . 
nAmnA.n kaM chitsamuddesha.n vakShye hyavyaktayoninaH .. 11..\\
varadasya vareNyasya vishvarUpasya dhImataH . 
shR^iNu nAma samuddesha.n yaduktaM padmayoninA .. 12..\\
dasha nAma sahasrANi yAnyAha prapitAmahaH . 
tAni nirmathya manasA dadhno ghR^itamivoddhR^itam .. 13..\\
gireH sAra.n yathA hemapuShpAtsAraM yathA madhu . 
ghR^itAtsAra.n yathA maNDastathaitatsAramuddhR^itam .. 14..\\
sarvapApmApahamida.n chaturveda samanvitam . 
prayatnenAdhigantavya.n dhAryaM cha prayatAtmanA . 
shAntikaM pauShTika.n chaiva rakShoghnaM pAvanaM mahat .. 15..\\
idaM bhaktAya dAtavya.n shraddadhAnAstikAya cha . 
nAshraddadhAna rUpAya nAstikAyAjitAtmane .. 16..\\
yashchAbhyasUyate devaM bhUtAtmAnaM pinAkinam . 
sa kR^iShNa naraka.n yAti saha pUrvaiH sahAnugaiH .. 17..\\
ida.n dhyAnamida.n yogamidaM dhyeyamanuttamam . 
ida.n japyamida.n GYAnaM rahasyamidamuttamam . 
ida.n GYAtvAnta kAke.api gachchheddhi paramA.n gatim .. 18..\\
pavitraM ma~NgalaM puNya.n kalyANamidamuttamam . 
nigadiShye mahAbAho stavAnAmuttama.n stavam .. 19..\\
idaM brahmA purA kR^itvA sarvalokapitAmahaH . 
sarvastavAnA.n divyAnA.n rAjatve samakalpayat .. 20..\\
tadA prabhR^iti chaivAyamIshvarasya mahAtmanaH . 
stavarAjeti vikhyAto jagatyamarapUjitaH . 
brahmalokAdaya.n chaiva stavarAjo.avatAritaH .. 21..\\
yasmAttaNDiH purA prAha tena taNDi kR^ito.abhavat . 
svargAchchaivAtra bhUloka.n taNDinA hyavatAritaH .. 22..\\
sarvama~Ngala ma~Ngalya.n sarvapApapraNAshanam . 
nigadiShye mahAbAho stavAnAmuttama.n stavam .. 23..\\
brahmaNAmapi yadbrahma parANAm api yatparam . 
tejasAmapi yattejastapasAmapi yattapaH .. 24..\\
shAntInAmapi yA shAntirdyutInAmapi yA dyutiH . 
dAntAnAmapi yo dAnto dhImatAmapi yA cha dhIH .. 25..\\
devAnAmapi yo devo munInAmapi yo muniH . 
yaGYAnAmapi yo yaGYaH shivAnAmapi yaH shivaH .. 26..\\
rudrANAmapi yo rudraH prabhuH prabhavatAm api . 
yoginAmapi yo yogI kAraNAnA.n cha kAraNam .. 27..\\
yato lokAH sambhavanti na bhavanti yataH punaH . 
sarvabhUtAtmabhUtasya harasyAmita tejasaH .. 28..\\
aShTottara sahasra.n tu nAmnA.n sharvasya me shR^iNu . 
yachchhrutvA manujashreShTha sarvAnkAmAnavApsyasi .. 29..\\
sthiraH sthANuH pabhurbhAnuH pravaro varado varaH . 
sarvAtmA sarvavikhyAtaH sarvaH sarvakaro bhavaH .. 30..\\
jaTI charmI shikhaNDI cha sarvA~NgaH sarvabhAvanaH . 
harishcha hariNAkShashcha sarvabhUtaharaH prabhuH .. 31..\\
pravR^ittishcha nivR^ittishcha niyataH shAshvato dhruvaH . 
shmashAnachArI bhagavAnkhacharo gocharo.ardanaH .. 32..\\
abhivAdyo mahAkarmA tapasvI bhUtabhAvanaH . 
unmattavesha prachchhannaH sarvalokaprajApatiH .. 33..\\
mahArUpo mahAkAyaH sarvarUpo mahAyashAH . 
mahAtmA sarvabhUtashcha virUpo vAmano manuH .. 34..\\
lokapAlo.antarhitAtmA prasAdo hayagardabhiH . 
pavitrashcha mahAMshchaiva niyamo niyamAshrayaH .. 35..\\
sarvakarmA svayambhUshcha AdirAdi karo nidhiH . 
sahasrAkSho virUpAkshaH somo nakShatrasAdhakaH .. 36..\\
chandrasUryagatiH keturgraho grahapatirvaraH . 
adriradryAlayaH kartA mR^igabANArpaNo.anaghaH .. 37..\\
mahAtapA ghoratapA adIno dInasAdhakaH . 
sa.nvatsarakaro mantraH pramANaM parama.n tapaH .. 38..\\
yogI yojyo mahAbIjo mahAretA mahAtapAH . 
suvarNaretAH sarvaGYaH subIjo vR^iShavAhanaH .. 39..\\
dasha bAhustvanimiSho nIlakaNTha umApatiH . 
vishvarUpaH svaya.n shreShTho balavIro balo gaNaH .. 40..\\
gaNakartA gaNapatirdigvAsAH kAmya eva cha . 
pavitraM paramaM mantraH sarvabhAvakaro haraH .. 41..\\
kamaNDaludharo dhanvI bANahastaH kapAlavAn . 
ashanI shataghnI khaDgI paTTishI chAyudhI mahAn .. 42..\\
sruva hastaH surUpashcha tejastejaH karo nidhiH . 
uShNIShI cha suvaktrashcha udagro vinatastathA .. 43..\\
dIrghashcha hari keshashcha sutIrthaH kR^iShNa eva cha . 
sR^igAlarUpaH sarvArtho maNDaH kuNDI kamaNDaluH .. 44..\\
ajashcha mR^igarUpashcha gandhadhArI kapardyapi . 
urdhva retA Urdhvali~Nga Urdhva shAyI nabhastalaH .. 45..\\
trijaTashchIravAsAshcha rudraH senApatirvibhuH . 
ahashcharo.atha nakta.n cha tigmamanyuH suvarchasaH .. 46..\\
gajahA daityahA loko lokadhAtA guNAkaraH . 
si.nhashArdUlarUpashcha Ardra charmAmbarAvR^itaH .. 47..\\
kAlayogI mahAnAdaH sarvavAsashchatuShpathaH . 
nishAcharaH pretachArI bhUtachArI maheshvaraH .. 48..\\
bahubhUto bahudhanaH sarvAdhAro.amito gatiH . 
nR^ityapriyo nityanarto nartakaH sarvalAsakaH .. 49..\\
ghoro mahAtapAH pAsho nityo giricharo nabhaH . 
sahasrahasto vijayo vyavasAyo hyaninditaH .. 50..\\
amarShaNo marShaNAtmA yaGYahA kAmanAshanaH . 
dakShayaGYApahArI cha susaho madhyamastathA .. 51..\\
tejo.apahArI balahA mudito.artho jito varaH . 
gambhIraghoSho gambhIro gambhIrabalavAhanaH .. 52..\\
nyagrodharUpo nyagrodho vR^ikShakarNa sthitirvibhuH . 
tIkShNatApashcha haryashvaH sahAyaH karmakAlavit .. 53..\\
viShNuprasAdito yaGYaH samudro vaDavAmukhaH . 
hutAshanasahAyashcha prashAntAtmA hutAshanaH .. 54..\\
ugratejA mahAtejA jayo vijayakAlavit . 
jyotiShAmayana.n siddhiH sandhirvigraha eva cha .. 55..\\
shikhI daNDI jaTI jvAlI mUrtijo mUrdhago balI . 
vaiNavI paNavI tAlI kAlaH kAlakaTa~NkaTaH .. 56..\\
nakShatravigraha vidhirguNavR^iddhirlayo.agamaH . 
prajApatirdishA bAhurvibhAgaH sarvato mukhaH .. 57..\\
vimochanaH suragaNo hiraNyakavachodbhavaH . 
meDhrajo balachArI cha mahAchArI stutastathA .. 58..\\
sarvatUrya ninAdI cha sarvavAdya parigrahaH . 
vyAlarUpo bilAvAsI hemamAlI tara~Ngavit .. 59..\\
tridashastrikAladhR^ikkarma sarvabandhavimochanaH . 
bandhanastvAsurendrANA.n yudhi shatruvinAshanaH .. 60..\\
sA~NkhyaprasAdo survAsAH sarvasAdhu niShevitaH . 
praskandano vibhAgashcha atulyo yaGYabhAgavit .. 61..\\
sarvAvAsaH sarvachArI durvAsA vAsavo.amaraH . 
hemo hemakaro yaGYaH sarvadhArI dharottamaH .. 62..\\
lohitAkSho mahAkShashcha vijayAkSho vishAradaH . 
sa~Ngraho nigrahaH kartA sarpachIranivAsanaH .. 63..\\
mukhyo.amukhyashcha dehashcha deharddhiH sarvakAmadaH . 
sarvakAmaprasAdashcha subalo balarUpadhR^ik .. 64..\\
AkAshanidhi rUpashcha nipAtI uragaH khagaH . 
raudrarUpo.aMshurAdityo vasu rashmiH suvarchasI .. 65..\\
vasu vego mahAvego mano vego nishAcharaH . 
sarvAvAsI shriyAvAsI upadesha karo haraH .. 66..\\
munirAtmapatirloke sambhojyashcha sahasradaH . 
pakShI cha pakShirUpI cha atidIpto vishAM patiH .. 67..\\
unmAdo madanAkAro arthArthakara romashaH . 
vAmadevashcha vAmashcha prAgdakShiNyashcha vAmanaH .. 68..\\
siddhayogApahArI cha siddhaH sarvArthasAdhakaH . 
bhikShushcha bhikShurUpashcha viShANI mR^iduravyayaH .. 69..\\
mahAseno vishAkhashcha ShaShTibhAgo gavAM patiH . 
vajrahastashcha viShkambhI chamU stambhana eva cha .. 70..\\
R^iturR^itukaraH kAlo madhurmadhukaro.achalaH . 
vAnaspatyo vAjaseno nityamAshramapUjitaH .. 71..\\
brahma chArI lokachArI sarvachArI suchAravit . 
IshAna IshvaraH kAlo nishA chArI pinAka dhR^ik .. 72..\\
nandIshvarashcha nandI cha nandano nandivardhanaH . 
bhagasyAkShi nihantA cha kAlo brahmavidA.n varaH .. 73..\\
chaturmukho mahAli~NgashchAru li~Ngastathaiva cha . 
li~NgAdhyakShaH surAdhyakSho lokAdhyakSho yugAvahaH .. 74..\\
bIjAdhyakSho bIjakartA adhyAtmAnugato balaH . 
itihAsa karaH kalpo gautamo.atha jaleshvaraH .. 75..\\
dambho hyadambho vaidambho vaishyo vashya karaH kaviH . 
lokakartA pashupatirmahAkartA mahauShadhiH .. 76..\\
akSharaM paramaM brahmabalavA~nshakra eva cha . 
nItirhyanItiH shuddhAtmA shuddho mAnyo manogatiH .. 77..\\
bahu prasAdaH svapano darpaNo.atha tvamitrajit . 
vedakAraH sUtrakAro vidvAnsamaramardanaH .. 78..\\
mahAmeghanivAsI cha mahAghoro vashIkaraH . 
agnijvAlo mahAjvAlo atidhUmro huto haviH .. 79..\\
vR^iShaNaH sha~Nkaro nityo varchasvI dhUmaketanaH . 
nIlastathA~Ngalubdhashcha shobhano niravagrahaH .. 80..\\
svastidaH svasti bhAvashcha bhAgI bhAgakaro laghuH . 
utsa~Ngashcha mahA~Ngashcha mahAgarbhaH paro yuvA .. 81..\\
kR^iShNa varNaH suvarNashcha indriyaH sarvadehinAm . 
mahApAdo mahAhasto mahAkAyo mahAyashAH .. 82..\\
mahAmUrdhA mahAmAtro mahAnetro digAlayaH . 
mahAdanto mahAkarNo mahAmeDhro mahAhanuH .. 83..\\
mahAnAso mahAkamburmahAgrIvaH shmashAnadhR^ik . 
mahAvakShA mahorasko antarAtmA mR^igAlayaH .. 84..\\
lambano lambitauShThashcha mahAmAyaH payo nidhiH . 
mahAdanto mahAdaMShTro mahAjihvo mahAmukhaH .. 85..\\
mahAnakho mahAromA mahAkesho mahAjaTaH . 
asapatnaH prasAdashcha pratyayo girisAdhanaH .. 86..\\
snehano.asnehanashchaiva ajitashcha mahAmuniH . 
vR^ikShAkAro vR^ikShaketuranalo vAyuvAhanaH .. 87..\\
maNDalImerudhAmA cha devadAnava darpahA . 
atharvashIrShaH sAmAsya R^iksahasrAmitekShaNaH .. 88..\\
yajuH pAdabhujo guhyaH prakAsho ja~NgamastathA . 
amoghArthaH prasAdashcha abhigamyaH sudarshanaH .. 89..\\
upahAra priyaH sharvaH kanakaH kA~nchanaH sthiraH . 
nAbhirnandikaro bhAvyaH puShkarastha patiH sthiraH .. 90..\\
dvAdashastrAsanashchAdyo yaGYo yaGYasamAhitaH . 
nakta.n kalishcha kAlashcha makaraH kAlapUjitaH .. 91..\\
sagaNo gaNakArashcha bhUtabhAvana sArathiH . 
bhasma shAyI bhasma goptA bhasmabhUtastarurgaNaH .. 92..\\
agaNashchaiva lopashcha mahAtmA sarvapUjitaH . 
sha~Nkustrisha~NkuH sampannaH shuchirbhUtaniShevitaH .. 93..\\
AshramasthaH kapotastho vishvakarmA patirvaraH . 
shAkho vishAkhastAmrauShTho hyambujAlaH sunishchayaH .. 94..\\
kapilo.akapilaH shUra Ayushchaiva paro.aparaH . 
gandharvo hyaditistArkShyaH suviGYeyaH susArathiH .. 95..\\
parashvadhAyudho deva arthakArI subAndhavaH . 
tumbavINI mahAkopa UrdhvaretA jale shayaH .. 96..\\
ugro vaMshakaro vaMsho vaMshanAdo hyaninditaH . 
sarvA~NgarUpo mAyAvI suhR^ido hyanilo.analaH .. 97..\\
bandhano bandhakartA cha subandhana vimochanaH . 
sa yaGYAriH sa kAmArirmahAdaMShTro mahAyudhaH .. 98..\\
bAhustvaninditaH sharvaH sha~NkaraH sha~Nkaro.adhanaH . 
amaresho mahAdevo vishvadevaH surArihA .. 99..\\
ahirbudhno nirR^itishcha chekitAno haristathA . 
ajaikapAchcha kApAlI trisha~NkurajitaH shivaH .. 100..\\
dhanvantarirdhUmaketuH skando vaishravaNastathA . 
dhAtA shakrashcha viShNushcha mitrastvaShTA dhruvo dharaH .. 101..\\
prabhAvaH sarvago vAyuraryamA savitA raviH . 
udagrashcha vidhAtA cha mAndhAtA bhUtabhAvanaH .. 102..\\
ratitIrthashcha vAgmI cha sarvakAmaguNAvahaH . 
padmagarbho mahAgarbhashchandra vaktro manoramaH .. 103..\\
balavAMshchopashAntashcha purANaH puNyacha~nchurI . 
kuru kartA kAlarUpI kuru bhUto maheshvaraH .. 104..\\
sarvAshayo darbhashAyI sarveShAM prANinAM patiH . 
devadeva mukho.asaktaH sadasatsarvaratnavit .. 105..\\
kailAsashikharAvAsI himavadgirisaMshrayaH . 
kUlahArI kUlakartA bahu vidyo bahu pradaH .. 106..\\
vaNijo vardhano vR^ikSho nakulashchandanashchhadaH . 
sAragrIvo mahAjatruralolashcha mahauShadhaH .. 107..\\
siddhArthakArI siddhArthashchando vyAkaraNottaraH . 
si.nhanAdaH si.nhadaMShTraH si.nhagaH si.nhavAhanaH .. 108..\\
prabhAvAtmA jagatkAlastAlo lokahitastaruH . 
sAra~Ngo nava chakrA~NgaH ketumAlI sabhAvanaH .. 109..\\
bhUtAlayo bhUtapatirahorAtramaninditaH . 
vAhitA sarvabhUtAnAM nilayashcha vibhurbhavaH .. 110..\\
amoghaH sa.nyato hyashvo bhojanaH prANadhAraNaH . 
dhR^itimAnmatimAndakShaH satkR^itashcha yugAdhipaH .. 111..\\
gopAlirgopatirgrAmo gocharma vasano haraH . 
hiraNyabAhushcha tathA guhA pAlaH praveshinAm .. 112..\\
pratiShThAyI mahAharSho jitakAmo jitendriyaH . 
gandhArashcha surAlashcha tapaH karma ratirdhanuH .. 113..\\
mahAgIto mahAnR^itto hyapsarogaNasevitaH . 
mahAketurdhanurdhAturnaikasAnu charashchalaH .. 114..\\
AvedanIya AveshaH sarvagandhasukhAvahaH . 
toraNastAraNo vAyuH paridhAvati chaikataH .. 115..\\
sa.nyogo vardhano vR^iddho mahAvR^iddho gaNAdhipaH . 
nitya AtmasahAyashcha devAsurapatiH patiH .. 116..\\
yuktashcha yuktabAhushcha dvividhashcha suparvaNaH . 
AShADhashcha suShADdhashcha dhruvo hari haNo haraH .. 117..\\
vapurAvartamAnebhyo vasu shreShTho mahApathaH . 
shiro hArI vimarShashcha sarvalakShaNabhUShitaH .. 118..\\
akShashcha rathayogI cha sarvayogI mahAbalaH . 
samAmnAyo.asamAmnAyastIrthadevo mahAratha .. 119..\\
nirjIvo jIvano mantraH shubhAkSho bahu karkashaH . 
ratnaprabhUto raktA~Ngo mahArNava nipAnavit .. 120..\\
mUlo vishAlo hyamR^ito vyaktAvyaktastapo nidhiH . 
ArohaNo nirohashcha shala hArI mahAtapAH .. 121..\\
senA kalpo mahAkalpo yugAyuga karo hariH . 
yugarUpo mahArUpo pavano gahano nagaH .. 122..\\
nyAyanirvApaNaH pAdaH paNDito hyachalopamaH . 
bahu mAlo mahAmAlaH sumAlo bahu lochanaH .. 123..\\
vistAro lavaNaH kUpaH kusumaH saphalodayaH . 
vR^iShabho vR^iShabhA~NkA~Ngo maNibilvo jaTAdharaH .. 124..\\
indurvisarvaH sumukhaH suraH sarvAyudhaH sahaH . 
nivedanaH sudhA jAtaH sugandhAro mahAdhanuH .. 125..\\
gandhamAlI cha bhagavAnutthAnaH sarvakarmaNAm . 
manthAno bahulo bAhuH sakalaH sarvalochanaH .. 126..\\
tarastAlI karastAlI Urdhvasa.nhanano vahaH . 
chhatra.n suchchhatro vikhyAtaH sarvalokAshrayo mahAn .. 127..\\
muNDo virUpo vikR^ito daNDi muNDo vikurvaNaH . 
haryakShaH kakubho vajrI dIptajihvaH sahasrapAt .. 128..\\
sahasramUrdhA devendraH sarvadevamayo guruH . 
sahasrabAhuH sarvA~NgaH sharaNyaH sarvalokakR^it .. 129..\\
pavitra.n trimadhurmantraH kaniShThaH kR^iShNapi~NgalaH . 
brahmadaNDavinirmAtA shataghnIshatapAshadhR^ik .. 130..\\
padmagarbho mahAgarbho brahma garbho jalodbhavaH . 
gabhastirbrahma kR^idbrahmA brahmavidbrAhmaNo gatiH .. 131..\\
anantarUpo naikAtmA tigmatejAH svayambhuvaH . 
UrdhvagAtmA pashupatirvAtara.nhA manojavaH .. 132..\\
chandanI padmamAlAgryaH surabhyuttaraNo naraH . 
karNikAramahAsragvI nIlamauliH pinAkadhR^ik .. 133..\\
umApatirumA kAnto jAhnavI dhR^igumA dhavaH . 
varo varAho varado vareshaH sumahAsvanaH .. 134..\\
mahAprasAdo damanaH shatruhA shvetapi~NgalaH . 
prItAtmA prayatAtmA cha sa.nyatAtmA pradhAnadhR^ik .. 135..\\
sarvapArshva sutastArkShyo dharmasAdhAraNo varaH . 
charAcharAtmA sUkShmAtmA suvR^iSho govR^iSheshvaraH .. 136..\\
sAdhyarShirvasurAdityo vivasvAnsavitA mR^iDaH . 
vyAsaH sarvasya sa~NkShepo vistaraH paryayo nayaH .. 137..\\
R^ituH sa.nvatsaro mAsaH pakShaH sa~NkhyA samApanaH . 
kalA kAShThA lavo mAtrA muhUrto.ahaH kShapAH kShaNAH .. 138..\\
vishvakShetraM prajA bIja.n li~NgamAdyastvaninditaH . 
sadasadvyaktamavyaktaM pitA mAtA pitAmahaH .. 139..\\
svargadvAraM prajA dvAraM mokShadvAra.n triviShTapam . 
nirvANa.n hlAdana.n chaiva brahmalokaH parA gatiH .. 140..\\
devAsuravinirmAtA devAsuraparAyaNaH . 
devAsuragururdevo devAsuranamaskR^itaH .. 141..\\
devAsuramahAmAtro devAsuragaNAshrayaH . 
devAsuragaNAdhyakSho devAsuragaNAgraNIH .. 142..\\
devAtidevo devarShirdevAsuravarapradaH . 
devAsureshvaro devo devAsuramaheshvaraH .. 143..\\
sarvadevamayo.achintyo devatAtmAtma sambhavaH . 
udbhidastrikramo vaidyo virajo virajo.ambaraH .. 144..\\
IDyo hastI suravyAghro deva si.nho nararShabhaH . 
vibudhAgra varaH shreShThaH sarvadevottamottamaH .. 145..\\
prayuktaH shobhano varja IshAnaH prabhuravyayaH . 
guruH kAnto nijaH sargaH pavitraH sarvavAhanaH .. 146..\\
shR^i~NgI shR^i~Ngapriyo babhrU rAjarAjo nirAmayaH . 
abhirAmaH suragaNo virAmaH sarvasAdhanaH .. 147..\\
lalATAkSho vishvadeho hariNo brahma varchasaH . 
sthAvarANAM patishchaiva niyamendriyavardhanaH .. 148..\\
siddhArthaH sarvabhUtArtho.achintyaH satyavrataH shuchiH . 
vratAdhipaH paraM brahma muktAnAM paramA gatiH .. 149..\\
vimukto muktatejAshcha shrImA~nshrIvardhano jagat . 
yathA pradhAnaM bhagavAniti bhaktyA stuto mayA .. 150..\\
yaM na brahmAdayo devA viduryaM na maharShayaH . 
ta.n stavyamarchyaM vandya.n cha kaH stoShyati jagatpatim .. 151..\\
bhaktimeva puraskR^itya mayA yaGYapatirvasuH . 
tato.abhyanuGYAM prApyaiva stuto matimatA.n varaH .. 152..\\
shivamebhiH stuvandevaM nAmabhiH puShTivardhanaiH . 
nityayuktaH shuchirbhUtvA prApnotyAtmAnamAtmanA .. 153..\\
etaddhi paramaM brahma svaya.n gIta.n svayambhuvA . 
R^iShayashchaiva devAsh cha stuvantyetena tatparam .. 154..\\
stUyamAno mahAdevaH prIyate chAtmanAmabhiH . 
bhaktAnukampI bhagavAnAtmasa.nsthAnkaroti tAn .. 155..\\
tathaiva cha manuShyeShu ye manuShyAH pradhAnataH . 
AstikAH shraddadhAnAshcha bahubhirjanmabhiH stavaiH .. 156..\\
jAgratashcha svapantashcha vrajantaH pathi sa.nsthitAH . 
stuvanti stUyamAnAshcha tuShyanti cha ramanti cha . 
janma koTisahasreShu nAnA sa.nsArayoniShu .. 157..\\
jantorvishuddhapApasya bhave bhaktiH prajAyate . 
utpannA cha bhave bhaktirananyA sarvabhAvataH .. 158..\\
kAraNaM bhAvita.n tasya sarvamuktasya sarvataH . 
etaddeveShu duShprApaM manuShyeShu na labhyate .. 159..\\
nirvighnA nishchalA rudre bhaktiravyabhichAriNI . 
tasyaiva cha prasAdena bhaktirutpadyate nR^iNAm . 
yayA yAnti parA.n siddhi.n tadbhAvagatachetasaH .. 160..\\
ye sarvabhAvopagatAH paratvenAbhavannarAH . 
prapanna vatsalo devaH sa.nsArAttAnsamuddharet .. 161..\\
evamanye na kurvanti devAH sa.nsAramochanam . 
manuShyANAM mahAdevAdanyatrApi tapobalAt .. 162..\\
iti tenendra kalpena bhagavAnsadasatpatiH . 
kR^itti vAsAH stutaH kR^iShNa taNDinA shuddhabuddhinA .. 163..\\
stavametaM bhagavato brahmA svayamadhArayat . 
brahmA provAcha shakrAya shakraH provAcha mR^ityave .. 164..\\
mR^ityuH provAcha rudrANA.n rudrebhyastaNDimAgamat . 
mahatA tapasA prAptastaNDinA brahma sadmani .. 165..\\
taNDiH provAcha shukrAya gautamAyAha bhArgavaH . 
vaivasvatAya manave gautamaH prAha mAdhava .. 166..\\
nArAyaNAya sAdhyAya manuriShTAya dhImate . 
yamAya prAha bhagavAnsAdhyo nArAyaNo.achyutaH .. 167..\\
nAchiketAya bhagavAnAha vaivasvato yamaH . 
mArkaNDeyAya vArShNeya nAchiketo.abhyabhAShata .. 168..\\
mArkaNDeyAnmayA prAptaM niyamena janArdana . 
tavApyahamamitraghna stava.n dadmyadya vishrutam . 
svargyamArogyamAyuShya.n dhanyaM balyaM tathaiva cha .. 169..\\
na tasya vighna.n kurvanti dAnavA yakSharAkShasAH . 
pishAchA yAtudhAnAshcha guhyakA bhujagA api .. 170..\\
yaH paTheta shuchirbhUtvA brahma chArI jitendriyaH . 
abhagna yogo varSha.n tu so.ashvamedha phala.n labhet .. 171..\\
\medskip\hrule\medskip\centerline{\Largedvng 18}
 v

mahAyogI tataH prAha kR^iShNadvaipAyano muniH . 
paThasva putra bhadra.n te prIyatAM te maheshvaraH .. 1..\\
purA putra mayA merau tapyatA parama.n tapaH . 
putra hetormahArAja stava eSho.anukIrtitaH .. 2..\\
labdhavAnasmi tAnkAmAnaha.n vai pANDunandana . 
tathA tvamapi sharvAddhi sarvAnkAmAnavApsyasi .. 3..\\
chatuH shIrShastataH prAha shakrasya dayitaH sakhA . 
AlambayAna ityeva vishrutaH karuNAtmakaH .. 4..\\
mayA gokarNamAsAdya tapastaptvA shata.n samAH . 
ayonijAnA.n dAntAnAM dharmaGYAnA.n suvarchasAm .. 5..\\
ajarANAmaduHkhAnA.n shatavarSha sahasriNAm . 
labdhaM putrashata.n sharvAtpurA pANDunR^ipAtmaja .. 6..\\
vAlmIkishchApi bhagavAnyudhiShThiramabhAShata . 
vivAde sAmni munibhirbrahmaghno vai bhavAniti . 
uktaH kShaNena chAviShTastenAdharmeNa bhArata .. 7..\\
so.ahamIshAnamanaghamastauSha.n sharaNa.n gataH . 
muktashchAsmyavashaH pApAttato duHkhavinAshanaH . 
Aha mA.n tripuraghno vai yashaste.agryaM bhaviShyati .. 8..\\
jAmadagnyashcha kaunteyamAha dharmabhR^itA.n varaH . 
R^iShimadhye sthitastAta tapanniva vibhAvasuH .. 9..\\
pitR^ivipra vadhenAhamArto vai pANDavAgraja . 
shuchirbhUtvA mahAdeva.n gatavA~nsharaNaM nR^ipa .. 10..\\
nAmabhishchAstuva.n devaM tatastuShTo.abhavadbhavaH . 
parashu.n cha dadau devo divyAnyastrANi chaiva me .. 11..\\
pApaM na bhavitA te.adya ajeyashcha bhaviShyasi . 
na te prabhavitA mR^ityuryashasvI cha bhaviShyasi .. 12..\\
Aha mAM bhagavAneva.n shikhaNDI shiva vigrahaH . 
yadavApta.n cha me sarvaM prasAdAttasya dhImataH .. 13..\\
asito devalashchaiva prAha pANDusutaM nR^ipam . 
shApAchchhakrasya kaunteya chito dharmo.anashanmama . 
tanme dharma.n yashashchAgryamAyushchaivAdadadbhavaH .. 14..\\
R^iShirgR^itsamado nAma shakrasya dayitaH sakhA . 
prAhAjamIDhaM bhagavAnbR^ihaspatisamadyutiH .. 15..\\
vasiShTho nAma bhagavAMshchAkShuShasya manoH sutaH . 
shatakratorachintyasya satre varShasahasrike . 
vartamAne.abravIdvAkya.n sAmni hyuchchArite mayA .. 16..\\
rathantara.n dvijashreShTha na samyagiti vartate . 
samIkShasva punarbuddhyA harSha.n tyaktvA dvijottama . 
ayaGYa vAhinaM pApamakArShIstva.n sudurmate .. 17..\\
evamuktvA mahAkrodhAtprAha ruShTaH punarvachaH . 
praGYayA rahito duHkhI nityaM bhIto vanecharaH . 
dashavarShasahasrANi dashAShTau cha shatAni cha .. 18..\\
naShTapAnIya yavase mR^igairanyaish cha varjite . 
ayaGYIya drume deshe rurusi.nhaniShevite . 
bhavitA tvaM mR^igaH krUro mahAduHkhasamanvitaH .. 19..\\
tasya vAkyasya nidhane pArtha jAto hyahaM mR^igaH . 
tato mA.n sharaNaM prAptaM prAha yogI maheshvaraH .. 20..\\
ajarashchAmarashchaiva bhavitA duHkhavarjitaH . 
sAmya.n samastu te saukhyaM yuvayorvardhatA.n kratuH .. 21..\\
anugrahAnevameSha karoti bhavagAnvibhuH . 
para.n dhAtA vidhAtA cha sukhaduHkhe cha sarvadA .. 22..\\
achintya eSha bhagavAnkarmaNA manasA girA . 
na me tAta yudhi shreShTha vidyayA paNDitaH samaH .. 23..\\

 jaigiisavya

mamAShTa guNamaishvarya.n dattaM bhagavatA purA . 
yatnenAlpena balinA vArANasyA.n yudhiShThira .. 24..\\

 gaargya

chatuHShaShTya~NgamadadAtkAlaGYAnaM mamAdbhutam . 
sarasvatyAstaTe tuShTo mano yaGYena pANTava .. 25..\\
tulyaM mama sahasra.n tu sutAnAM brahmavAdinAm . 
Ayushchaiva saputrasya sa.nvatsarashatAyutam .. 26..\\

 paraazara

prasAdyAhaM purA sharvaM manasAchintayaM nR^ipa . 
mahAtapA mahAtejA mahAyogI mahAyashAH . 
veda vyAsaH shriyAvAso brahmaNyaH karuNAtmakaH .. 27..\\
api nAmepShitaH putro mama syAdvai maheshvarAt . 
iti matvA hR^idi mataM prAha mA.n surasattamaH .. 28..\\
mayi sambhavatastasya phalAtkR^iShNo bhaviShyati . 
sAvarNasya manoH sarge saptarShishcha bhaviShyati .. 29..\\
vedAnA.n cha sa vai vyastA kuruvaMshakarastathA . 
itihAsasya kartA cha putraste jagato hitaH .. 30..\\
bhaviShyati mahendrasya dayitaH sa mahAmuniH . 
ajarashchAmarashchaiva parAshara sutastava .. 31..\\
evamuktvA sa bhagavA.nstatraivAntaradhIyata . 
yudhiShThira mahAyogI vIryavAnakShato.avyayaH .. 32..\\

 maandavya

achaurashchaura sha~NkAyA.n shUle bhinno hyahaM yadA . 
tatrasthena stuto devaH prAha mA.n vai maheshvaraH .. 33..\\
mokShaM prApsyasi shullAchcha jIviShyasi samArbudam . 
rujA shUlakR^itA chaiva na te vipra bhaviShyati . 
AdhibhirvyAdhibhishchaiva varjitastvaM bhaviShyasi .. 34..\\
pAdAchchaturthAtsambhUta AtmA yasmAnmune tava . 
tvaM bhaviShyasyanupamo janma vai saphala.n kuru .. 35..\\
tIrthAbhiSheka.n saphala.n tvamavighnena chApsyasi . 
svarga.n chaivAkShaya.n vipra vidadhAmi tavorjitam .. 36..\\
evamuktvA tu bhagavAnvareNyo vR^iShavAhanaH . 
maheshvaro mahArAja kR^itti vAsA mahAdyutiH . 
sagaNo daivatashreShThastatraivAntaradhIyata .. 37..\\

 gaalava

vishvAmitrAbhyanuGYAto hyahaM pitaramAgataH . 
abravInmA.n tato mAtA duHkhitA rudatI bhR^isham .. 38..\\
kaushikenAbhyanuGYAtaM putra.n veda vibhUShitam . 
na tAta taruNa.n dAntaM pitA tvAM pashyate.anagha .. 39..\\
shrutvA jananyA vachanaM nirAsho guru darshane . 
niyatAtmA mahAdevamapashya.n so.abravIchcha mAm .. 40..\\
pitA mAtA cha te tva.n cha putra mR^ityuvivarjitAH . 
bhaviShyatha visha kShipra.n draShTAsi pitaraM kShaye .. 41..\\
anuGYAto bhagavatA gR^iha.n gatvA yudhiShThira . 
apashyaM pitara.n tAta iShTiM kR^itvA viniHsR^itam .. 42..\\
upaspR^ishya gR^ihItvedhma.n kushAMshcha sharaNAdgurUn . 
tAnvisR^ijya cha mAM prAha pitA sAsrAvilekShaNaH .. 43..\\
praNamantaM pariShvajya mUrdhni chAghrAya pANDava . 
diShTyA dR^iShTo.asi me putrakR^itavidya ihAgataH .. 44..\\

 v

etAnyatyadbhutAnyeva karmANyatha mahAtmanaH . 
proktAni munibhiH shrutvA vismayAmAsa pANDavaH .. 45..\\
tataH kR^iShNo.abravIdvAkyaM punarmatimatA.n varaH . 
yudhiShThira.n dharmanityaM puruhUtamiveshvaraH .. 46..\\
AdityachandrAvanilAnalau cha 
dyaurbhUmirApo vasavo.atha vishve . 
dhAtAryamA shukravR^ihaspatI cha 
rudrAH sa sAdhyA varuNo vittagopaH .. 47..\\
brahmA shakro mAruto brahmasatyaM 
vedA yaGYA dakShiNA veda vAhAH . 
somo yaShTA yachcha havya.n havish cha 
rakShA dIkShAniyamA ye cha ke chit .. 48..\\
svAhA vaShaDbrAhmaNAH saurabheyA 
dharma.n chakraM kAlachakraM charaM cha . 
yasho damo buddhimatI sthitish cha 
shubhAshubhaM munayash chaiva sapta .. 49..\\
agryA buddhirmanasA darshane cha 
sparshe siddhiH karmaNA.n yA cha siddhiH . 
gaNA devAnAmUShmapAH somapAsh cha 
lekhAH suyAmAstuShitA brahma kAyAH .. 50..\\
AbhAsvarA gandhapA dR^iShTipAsh cha 
vAchA viruddhAshcha mano viruddhAH . 
shuddhAshcha nirvANaratAshcha devAH 
sparshAshanA darshapA AjyapAsh cha .. 51..\\
chintA gatA ye cha deveShu mukhyA 
ye chApyanye devatAshchAjamIDha . 
suparNagandharvapishAchadAnavA 
yakShAstathA pannagAshchAraNAsh cha .. 52..\\
sUkShma.n sthUlaM mR^idu yachchApyasUkShmaM 
sukha.n duHkha.n sukhaduHkhAntaraM cha . 
sA~Nkhya.n yogaM yatparANAM para.n cha 
sharvAjjAta.n viddhi yatkIrtitaM me .. 53..\\
tatsambhUtA bhUtakR^ito vareNyAH 
sarve devA bhuvanasyAsya gopAH . 
AvishyemA.n dharaNI.n ye.abhyarakShan 
purAtanI.n tasya devasya sR^iShTim .. 54..\\
vichinvantaM manasA toShTuvImi 
ki.n chittattvaM prANahetornato.asmi . 
dadAtu devaH sa varAniheShTAn 
abhiShTuto naH prabhuravyayaH sadA .. 55..\\
ima.n stavaM saMniyamyendriyANi 
shuchirbhUtvA yaH puruShaH paTheta . 
abhagna yogo niyato.abdamekaM 
sa prApnuyAdashvamedhe phala.n yat .. 56..\\
vedAnkR^itsnAnbrAhmaNaH prApnuyAchcha 
jayedrAjA pR^ithivI.n chApi kR^itsnAm . 
vaishyo lAbhaM prApnuyAnnaipuNa.n cha 
shUdro gatiM pretya tathA sukha.n cha .. 57..\\
stavarAjamima.n kR^itvA rudrAya dadhire manaH . 
sarvadoShApahaM puNyaM pavitra.n cha yashasvinam .. 58..\\
yAvantyasya sharIreShu romakUpANi bhArata . 
tAvadvarShasahasrANi svarge vasati mAnavaH .. 59..\\
\medskip\hrule\medskip\centerline{\Largedvng 19}
 y

yadida.n sahadharmeti prochyate bharatarShabha . 
pANigrahaNa kAle tu strINAmetatkatha.n smR^itam .. 1..\\
ArSha eSha bhaveddharmaH prAjApatyo.atha vAsuraH . 
yadetatsahadharmeti pUrvamuktaM maharShibhiH .. 2..\\
sandehaH sumahAneSha viruddha iti me matiH . 
iha yaH sahadharmo vai pretyAya.n vihitaH kva nu .. 3..\\
svarge mR^itAnAM bhavati sahadharmaH pitAmaha . 
pUrvamekastu mriyate kva chaikastiShThate vada .. 4..\\
nAnA karmaphalopetA nAnA karma nivAsinaH . 
nAnA nirayaniShThAntA mAnuShA bahavo yadA .. 5..\\
anR^itAH striya ityeva.n sUtrakAro vyavasyati . 
yadAnR^itAH striyAstAta sahadharmaH kutaH smR^itaH .. 6..\\
anR^itAH striya ityeva.n vedeShvapi hi paThyate . 
dharmo.ayaM paurvikI sa~nj~nA upachAraH kriyAvidhiH .. 7..\\
gahvaraM pratibhAtyetna mama chintayato.anisham . 
niH sandehamida.n sarvaM pitAmaha yathA shrutiH .. 8..\\
yadetadyAdR^isha.n chaitadyathA chaitatpravartitam . 
nikhilena mahAprAGYa bhavAnetadbravItu me .. 9..\\

 bh

atApyudAharantImamitihAsaM purAtanam . 
aShTAvakrasya sa.nvAda.n dishayA saha bhArata .. 10..\\
niveShTu kAmastu purA aShTAvakro mahAtapAH . 
R^iSheratha vadAnyasya kanyA.n vavre mahAtmanaH .. 11..\\
suprabhAM nAma vai nAmnA rUpeNApratimAM bhuvi . 
guNaprabarhA.n shIlena sAdhvI.n chAritrashobhanAm .. 12..\\
sA tasya dR^iShTvaiva mano jahAra shubhalochanA . 
vanarAjI yathA chitrA vasante kusumAchitA .. 13..\\
R^iShistamAha deyA me sutA tubhya.n shR^iNuShva me . 
gachchha tAvaddishaM puNyAmuttarA.n drakShyase tataH .. 14..\\

 a

ki.n draShTavyaM mayA tatra vaktumarhati me bhavAn . 
tathedAnIM mayA kArya.n yathA vakShyati mAM bhavAn .. 15..\\

 v

dhanada.n samatikramya himavanta.n tathaiva cha . 
rudrasyAyatana.n dR^iShTvA siddhachAraNasevitam .. 16..\\
prahR^iShTaiH pArShadairjuShTaM nR^ityadbhirvividhAnanaiH . 
divyA~NgarAgaiH paishAchairvanyairnAnAvidhairtathA .. 17..\\
pANitAlasatAlaishcha shamyA tAlaiH samaistathA . 
samprahR^iShTaiH pranR^ityadbhiH sharvastatra niShevyate .. 18..\\
iShTa.n kila girau sthAnaM taddivyamanushushruma . 
nitya.n saMnihito devastathA pAriShadAH shubhAH .. 19..\\
tatra devyA tapastapta.n sha~NkarArthaM sudushcharam . 
atastadiShTa.n devasya tathomAyA iti shrutiH .. 20..\\
tatra kUpo mahAnpArshve devasyottaratastathA . 
R^itavaH kAlarAtrishcha ye divyA ye cha mAnuShAH .. 21..\\
sarve devamupAsante rUpiNaH kila tatra ha . 
tadatikramya bhavana.n tvayA yAtavyameva hi .. 22..\\
tato nIla.n valoddesha.n drakShyase meghasaMnibham . 
ramaNIyaM manogrAhi tatra drakShyasi vai striyam .. 23..\\
tapasviNIM mahAbhAgA.n vR^iddhA.n dIkShAmanuShThitAm . 
draShTavyA sA tvayA tatra sampUjyA chaiva yatnataH .. 24..\\
tA.n dR^iShTvA vinivR^ittastvaM tataH pANiM grahIShyasi . 
yadyeSha samayaH satyaH sAdhyatA.n tatra gamyatAm .. 25..\\
\medskip\hrule\medskip\centerline{\Largedvng 20}
tathAstu sAdhayiShyAmi tatra yAsyAmyasaMshayam . 
yatra tva.n vadase sAdho bhavAnbhavatu satyavAk .. 1..\\

 bh

tato.agachchhatsa bhagavAnuttarAmuttamA.n disham . 
himavanta.n girishreShTha.n siddhachAraNasevitam .. 2..\\
sa gatvA dvija shArdUlo himavantaM mahAgirim . 
abhyagachchhannadIM puNyAM bAhudA.n dharmadAyinIm .. 3..\\
ashoke vimale tIrthe snAtvA tarpya cha devatAH . 
tatra vAsAya shayane kaushye sukhamuvAsa ha .. 4..\\
tato rAtryA.n vyatItAyAM prAtarutthAya sa dvijaH . 
snAtvA prAdushchakArAgni.n hutvA chaiva vidhAnatha .. 5..\\
rudrANI kUpamAsAdya hrade tatra samAshvasat . 
vishrAntashchcha samutthAya kailAsamabhito yayau .. 6..\\
so.apashyatkA~nchanadvAra.n dIpyamAnamiva shriyA . 
mandAkinI.n cha nalinIM dhanadasya mahAtmanaH .. 7..\\
atha te rAkShasAH sarve ye.abhirakShanti padminIm . 
pratyutthitA bhagavantaM maNibhadra purogamAH .. 8..\\
sa tAnpratyarchayAmAsa rAkShasAnbhImavikramAn . 
nivedayata mA.n kShipraM dhanadAyeti chAbravIt .. 9..\\
te rAkShasAstadA rAjanbhagavantamathAbruvan . 
asau vaishvaraNo rAjA svayamAyAti te.antikam .. 10..\\
vidito bhagavAnasya kAryamAgamane cha yat . 
pashyaina.n tvaM mahAbhAgaM jvalantamiva tejasA .. 11..\\
tato vaishravaNo.abhyetya aShTAvakramaninditam . 
vidhivatkushalaM pR^iShTvA tato brahmarShimabravIt .. 12..\\
sukhaM prApto bhavAnkachchitki.n vA mattashchikIrShasi . 
brUhi sarva.n kariShyAmi yanmAM tva.n vakShyasi dvija .. 13..\\
bhavanaM pravisha tvaM me yathA kAmadvijottama . 
satkR^itaH kR^itakAryashcha bhavAnyAsyatyavighnataH .. 14..\\
prAvishadbhavana.n svaM vai gR^ihItvA ta.n dvijottamam . 
Asana.n sva.n dadau chaiva pAdyamarghyaM tathaiva cha .. 15..\\
athopaviShTayostatra maNibhadra purogamAH . 
niShedustatra kauberA yakShagandharvarAkShasAH .. 16..\\
tatasteShAM niShaNNAnA.n dhanado vAkyamabravIt . 
bhavachchhanda.n samAGYAya nR^ityerannapsarogaNAH .. 17..\\
AtithyaM parama.n kArya.n shushrUShA bhavatastathA . 
sa.nvartatAmityuvAcha munirmadhurayA girA .. 18..\\
athorvarA mishrakeshI rambhA chaivorvashI tathA . 
alambusA ghR^itAchI cha chitrA chitrA~NgadA ruchiH .. 19..\\
manoharA sukeshI cha sumukhI hAsinI prabhA . 
vidyutA prashamA dAntA vidyotA ratireva cha .. 20..\\
etAshchAnyAshcha vai bahvyaH pranR^ittApsarasaH shubhAH . 
avAdayaMshcha gandharvA vAdyAni vividhAni cha .. 21..\\
atha pravR^itte gandharve divye R^iShirupAvasat . 
divya.n sa.nvatsara.n tatra ramanvai sumahAtapAH .. 22..\\
tato vaishravaNo rAjA bhagavantamuvAcha ha . 
sAgraH sa.nvatsaro yAtastava vipreha pashyataH .. 23..\\
hAryo.aya.n viShayo brahmangAndharvo nAma nAmataH . 
chhandato vartatA.n vipra yathA vadati vA bhavAn .. 24..\\
atithiH pUjanIyastvamida.n cha bhavato gR^iham . 
sarvamAGYApyatAmAshu paravanto vaya.n tvayi .. 25..\\
atha vaishravaNaM prIto bhagavAnpratyabhAShata . 
archito.asmi yathAnyAya.n gamiShyAmi dhaneshvara .. 26..\\
prIto.asmi sadR^isha.n chaiva tava sarvaM dhanAdhipa . 
tava prasAdAdbhagavanmaharSheshcha mahAtmanaH . 
niyogAdadya yAsyAmi vR^iddhimAnR^iddhimAnbhava .. 27..\\
atha niShkramya bhagavAnprayayAvuttarA mukhaH . 
kailAsaM mandara.n haimaM sarvAnanuchachAra ha .. 28..\\
tAnatItya mahAshailAnkairAta.n sthAnamuttamam . 
pradakShiNa.n tatashchakre prayataH shirasA naman . 
dharaNImavatIryAtha pUtAtmAsau tadAbhavat .. 29..\\
sa taM pradakShiNa.n kR^itvA triH shailaM chottarA mukhaH . 
samena bhUmibhAgena yayau prItipuraskR^itaH .. 30..\\
tato.apara.n vanoddeshaM ramaNIyamapashyata . 
sarvartubhirmUlaphalaiH pakShibhish cha samanvitam . 
ramaNIyairvanoddeshaistatra tatra vibhUShitam .. 31..\\
tatrAshramapada.n divyaM dadarsha bhavagAnatha . 
shailAMshcha vividhAkArAnkA~nchanAnratnabhUShitAn . 
maNibhUmau niviShTAshcha puShkariNyastathaiva cha .. 32..\\
anyAnyapi suramyANi dadarsha subahUnyatha . 
bhR^isha.n tasya mano reme maharSherbhAvitAtmanaH .. 33..\\
sa tatra kA~nchana.n divya.n sarvaratnamayaM gR^iham . 
dadarshAdbhutasa~NkAsha.n dhanadasya gR^ihAdvaram .. 34..\\
mahAnto yatra vividhAH prAsAdAH parvatopamAH . 
vimAnAni cha ramyANi ratnAni vividhAni cha .. 35..\\
mandArapuShpaiH sa~NkIrNA tathA mandAkinI nadI . 
svayamprabhAshcha maNayo vajrairbhUmishcha bhUShitA .. 36..\\
nAnAvidhaishcha bhavanairvichitramaNitoraNaiH . 
muktAjAlaparikShiptairmaNiratnavibhUShitaiH . 
mano dR^iShTiharai ramyaiH sarvataH sa.nvR^ita.n shubhaiH .. 37..\\
R^iShiH samantato.apashyattatra tatra manoramam . 
tato.abhavattasya chintA kva me vAso bhavediti .. 38..\\
atha dvAra.n samabhito gatvA sthitvA tato.abravIt . 
atithiM mAmanuprAptamanujAnantu ye.atra vai .. 39..\\
atha kanyA parivR^itA gR^ihAttasmAdviniHsR^itAH . 
nAnArUpAH sapta vibho kanyA sarvA manoharAH .. 40..\\
yA.n yAmapashyatkanyAM sa sA sA tasya mano.aharat . 
nAshaknuvaddhArayituM mano.athAsyAvasIdati .. 41..\\
tato dhR^itiH samutpannA tasya viprasya dhImataH . 
atha taM pramadAH prAhurbhagavAnpravishatviti .. 42..\\
sa cha tAsA.n surUpANA.n tasyaiva bhavanasya cha .. 43..\\
kautUhalasamAviShTaH pravivesha gR^iha.n dvijaH . 
tatrApashyajjarA yuktAmarajo.ambaradhAriNIm . 
vR^iddhAM parya~NkamAsInA.n sarvAbharaNabhUShitAm .. 44..\\
svastIti chAtha tenoktA sA strI pratyavadattadA . 
pratyutthAya cha ta.n vipramAsyatAmityuvAcha ha .. 45..\\

 a

sarvAH svAnAlayAnyAntu ekA mAmupatiShThatu . 
supraGYAtA suprashAntA sheShA gachchhantu chchhandataH .. 46..\\
tataH pradakShiNIkR^itya kanyAstAstamR^iShi.n tadA . 
nirAkrAmangR^ihAttasmAtsA vR^iddhAtha vyatiShThata .. 47..\\
atha tA.n sa.nvishanprAha shayane bhAsvare tadA . 
tvayApi supyatAM bhadre rajanI hyativartate .. 48..\\
sa.nlApAttena vipreNa tathA sA tatra bhAShitA . 
dvitIye shayane divye sa.nvivesha mahAprabhe .. 49..\\
atha sA vepamAnA~NgI nimitta.n shItaja.n tadA . 
vyapadishya maharShervai shayana.n chAdhyarohata .. 50..\\
svAgata.n svAgatenAstu bhagavA.nstAmabhAShata . 
sopAgUhadbhujAbhyA.n tu R^iShiM prItyA nararShabha .. 51..\\
nirvikAramR^iShi.n chApi kAShThakuDyopamaM tadA . 
duHkhitA prekShya sa~njalpamakArShIdR^iShiNA saha .. 52..\\
brahmanna kAmakAro.asti strINAM puruShato dhR^itiH . 
kAmena mohitA chAha.n tvAM bhajantIM bhajasva mAm .. 53..\\
prahR^iShTo bhava viprarShe samAgachchha mayA saha . 
upagUha cha mA.n vipra kAmArtAhaM bhR^isha.n tvayi .. 54..\\
etaddhi tava dharmAtma.nstapasaH pUjyate phalam . 
prArthita.n darshanAdeva bhajamAnAM bhajasva mAm .. 55..\\
sadya cheda.n vana.n chedaM yachchAnyadapi pashyasi . 
prabhutva.n tava sarvatra mayi chaiva na saMshayaH .. 56..\\
sarvAnkAmAnvidhAsyAmi ramasva sahito mayA . 
ramaNIye vane vipra sarvakAmaphalaprade .. 57..\\
tvadvashAhaM bhaviShyAmi ra.nsyase cha mayA saha . 
sarvAnkAmAnupAshnAno ye divyA ye cha mAnuShAH .. 58..\\
nAtaH para.n hi nArINA.n kAryaM kiM chana vidyate . 
yathA puruShasa.nsargaH parametaddhi naH phalam .. 59..\\
Atmachhandena vartante nAryo manmatha choditAH . 
na cha dahyanti gachchhantyaH sutaptairapi pA.nsubhiH .. 60..\\

 a

paradArAnahaM bhadre na gachchheya.n kathaM chana . 
dUShita.n dharmashAstreShu paradArAbhimarshanam .. 61..\\
bhadre niveShTu kAmaM mA.n viddhi satyena vai shape . 
viShayeShvanabhiGYo.aha.n dharmArthaM kila santatiH .. 62..\\
eva.n lokAngamiShyAmi putrairiti na saMshayaH . 
bhadre dharma.n vijAnIShva GYAtvA choparamasva ha .. 63..\\

 strii

nAnilo.agnirna varuNo na chAnye tridashA dvija . 
priyAH strINA.n yathA kAmo ratishIlA hi yoShitaH .. 64..\\
sahasraikA yatA nArI prApnotIha kadA chana . 
tathA shatasahasreShu yadi kA chitpativratA .. 65..\\
naitA jAnanti pitaraM na kulaM na cha mAtaram . 
na bhrAtR^Inna cha bhartAraM na putrAnna cha devarAn .. 66..\\
lIlAyantyaH kula.n ghnanti kulAnIva saridvarAH . 
doShAMshcha mandAnmandAsu prajApatirabhAShata .. 67..\\

 bh

tataH sa R^iShirekAgrastA.n striyaM pratyabhAShata . 
AsyatA.n ruchira.n chhandaH kiM vA kAryaM bravIhi me .. 68..\\
sA strI provAcha bhagavandrakShyase deshakAlataH . 
vasa tAvanmahAprAGYa kR^itakR^ityo gamiShyasi .. 69..\\
brahmarShistAmathovAcha sa tatheti yudhiShThira . 
vatsye.aha.n yAvadutsAho bhavatyA nAtra saMshayaH .. 70..\\
atharShirabhisamprekShya striya.n tAM jarayAnvitAm . 
chintAM paramikAM bheje santapta iva chAbhavat .. 71..\\
yadyada~Nga.n hi so.apashyattasyA viprarShabhastadA . 
nAramattatra tatrAsya dR^iShTI rUpaparAjitA .. 72..\\
devateya.n gR^ihasyAsya shApAnnUna.n virUpitA . 
asyAshcha kAraNa.n vettuM na yuktaM sahasA mayA .. 73..\\
iti chintA viShaktasya tamartha.n GYAtumichchhataH . 
vyagamattadahaH sheShaM manasA vyAkulena tu .. 74..\\
atha sA strI tadovAcha bhagavanpashya vai raveH . 
rUpa.n sandhyAbhrasa.nyukta.n kimupasthApyatAM tava .. 75..\\
sa uvAcha tadA tA.n strIM snAnodakamihAnaya . 
upAsiShye tataH sandhyA.n vAgyato niyatendriyaH .. 76..\\
\medskip\hrule\medskip\centerline{\Largedvng 21}
 bh

atha sA strI tamuktvA tu vipramevaM bhavatviti . 
taila.n divyamupAdAya snAnashATImupAnayat .. 1..\\
anuGYAtA cha muninA sA strI tena mahAtmanA . 
athAsya tailenA~NgAni sarvANyevAbhyamR^ikShayat .. 2..\\
shanaishchotsAditastatra snAnashAlAmupAgamat . 
bhadrAsana.n tatashchitramR^iShiranvAvishannavam .. 3..\\
athopaviShTashcha yadA tasminbhadrAsane tadA . 
snApayAmAsa shanakaistamR^iShi.n sukhahastavat . 
divya.n cha vidhivachchakre sopachAraM munestadA .. 4..\\
sa tena susukhoShNena tasyA hastasukhena cha . 
vyatItA.n rajanI.n kR^itsnAM nAjAnAtsa mahAvrataH .. 5..\\
tata utthAya sa munistadA paramavismitaH . 
pUrvasyA.n dishi sUryaM cha so.apashyaduditaM divi .. 6..\\
tasya buddhiriya.n kiM nu mohastattvamidaM bhavet . 
athopAsya sahasrAMshu.n kiM karomItyuvAcha tAm .. 7..\\
sA chAmR^itarasaprakhyamR^iSherannamupAharat . 
tasya svAdutayAnnasya na prabhUta.n chakAra saH . 
vyagamachchApyahaH sheSha.n tataH sandhyAgamatpunaH .. 8..\\
atha strI bhagavanta.n sA supyatAm ityachodayat . 
tatrai vai shayane divye tasya tasyAsh cha kalpite .. 9..\\

 a

na bhadre paradAreShu mano me samprasajjati . 
uttiShTha bhadre bhadra.n te svapa vai viramasva cha .. 10..\\

 bh

sA tadA tena vipreNa tathA dhR^ityA nivartitA . 
svatantrAsmItyuvAchainaM na dharmachchhalamasti te .. 11..\\

 a

nAsti svatantratA strINAmasvatantrA hi yoShitaH . 
prajApatimata.n hyetanna strI svAtantryamarhati .. 12..\\

 strii

bAdhate maithuna.n vipra mama bhakti.n cha pashya vai . 
adharmaM prApsyase vipra yanmA.n tvaM nAbhinandasi .. 13..\\

 a

haranti doShajAtAni nara.n jAta.n yathechchhakam . 
prabhavAmi sadA dhR^ityA bhadre sva.n shayanaM vraja .. 14..\\

 strii

shirasA praName vipra prasAda.n kartumarhasi . 
bhUmau nipatamAnAyAH sharaNaM bhava me.anagha .. 15..\\
yadi vA doShajAta.n tvaM paradAreShu pashyasi . 
AtmAna.n sparshayAmyadya pANi.n gR^ihNIShva me dvija .. 16..\\
na doSho bhavitA chaiva satyenaitadbravImyaham . 
svatantrAM mA.n vijAnIhi yo.adharmaH so.astu vai mayi .. 17..\\

 a

svatantrA tva.n kathaM bhadre brUhi kAraNamatra vai . 
nAsti loke hi kA chitstrI yA vai svAtantryamarhati .. 18..\\
pitA rakShati kaumAre bhartA rakShati yauvane . 
putrAshcha sthavirI bhAve na strI svAtantryamarhati .. 19..\\

 strii

kaumAraM brahmacharyaM me kanyaivAsmi na saMshayaH . 
kuru mA vimati.n vipra shraddhAM vijahi mA mama .. 20..\\

 a

yathA mama tathA tubhya.n yathA tava tathA mama . 
jiGYAseyamR^iShestasya vighnaH satyaM nu kiM bhavet .. 21..\\
AshcharyaM parama.n hIda.n kiM nu shreyo hi me bhavet . 
divyAbharaNavastrA hi kanyeyaM mAmupasthitA .. 22..\\
ki.n tvasyAH parama.n rUpaM jIrNamAsItkathaM punaH . 
kanyA rUpamihAdyaiva kimihAtrottaraM bhavet .. 23..\\
yathA prara.n shaktidhR^iterna vyutthAsye katha.n chana . 
na rochaye hi vyutthAna.n dhR^ityaiva.n sAdhayAmyaham .. 24..\\
\medskip\hrule\medskip\centerline{\Largedvng 22}
 y

na bibheti katha.n sA strI shApasya paramadyuteH . 
kathaM nivR^itto bhagavA.nstadbhavAnprabravItu me .. 1..\\

 bh

aShTAvakro.anvapR^ichchhattA.n rUpaM vikuruShe katham . 
na chAnR^ita.n te vaktavyaM brUhi brAhmaNa kAmyayA .. 2..\\

 strii

dyAvApR^ithivI mAtraiShA kAmyA brAhmaNasattama . 
shR^iNuShvAvahitaH sarva.n yadidaM satyavikrama .. 3..\\
uttarAM mA.n disha.n viddhi dR^iShTaM strIchApalaM cha te . 
avyutthAnena te lokA jitAH satyaparAkrama .. 4..\\
jiGYAseyaM prayuktA me sthirI kartu.n tavAnagha . 
sthavirANAmapi strINAM bAdhate maithuna jvaraH .. 5..\\
tuShTaH pitA mahaste.adya tathA devAH sa vAsavAH . 
sa tva yena cha kAryeNa samprApto bhagavAniha .. 6..\\
preShitastena vipreNa kanyApitrA dvijarShabha . 
tavopadesha.n kartu.n vai tachcha sarvaM kR^itaM mayA .. 7..\\
kShemI gamiShyasi gR^ihA~nshramashcha na bhaviShyati . 
kanyAM prApsyasi tA.n vipra putriNI cha bhaviShyati .. 8..\\
kAmyayA pR^iShTavA.nstvaM mA.n tato vyAhR^itamuttaram . 
anatikramaNIyaiShA kR^itsnairlokaistribhiH sadA .. 9..\\
gachchhasva sukR^ita.n kR^itvA ki.n vAnyachchhrotumichchhasi . 
yAvadbravImi viprarShe aShTAvakra yathAtatham .. 10..\\
R^iShiNA prasAditA chAsmi tava hetordvijarShabha . 
tasya saMmAnanArthaM me tvayi vAkyaM prabhAShitam .. 11..\\
shrutvA tu vachana.n tasyAH sa vipraH prA~njaliH sthitaH . 
anuGYAtastayA chApi svagR^ihaM punarAvrajat .. 12..\\
gR^ihamAgamya vishrAntaH svajanaM pratipUjya cha . 
abhyagachchhata ta.n vipraM nyAyataH kurunandana .. 13..\\
pR^iShTashcha tena vipreNa dR^iShTa.n tvetannidarshanam . 
prAha vipra.n tadA vipraH suprItenAntarAtmanA .. 14..\\
bhavatAhamanuGYAtaH prathito gandhamAdanam . 
tasya chottarato deshe dR^iShTa.n taddaivataM mahat .. 15..\\
tayA chAhamanuGYAto bhavAMshchApi prakIrtitaH . 
shrAvitashchApi tadvAkya.n gR^ihamabhyAgataH prabho .. 16..\\
tamuvAcha tato vipraH pratigR^ihNIShva me sutAm . 
nakShatratithi sa.nyoge pAtra.n hi maramaM bhavAn .. 17..\\

 bh

aShTAvakrastathetyuktvA pratigR^ihya cha tAM prabho . 
kanyAM paramadharmAtmA prItimAMshchAbhavattadA .. 18..\\
kanyA.n tAM pratigR^ihyaiva bhAryAM paramashobhanAm . 
uvAsa muditastatra Ashrame sve gatajvaraH .. 19..\\
\medskip\hrule\medskip\centerline{\Largedvng 23}
 y

kimAhurbharatashreShTha pAtra.n viprAH sanAtanam . 
brAhmaNa.n li~Ngina.n chaiva brAhmaNaM vApyali~Nginam .. 1..\\

 bh

svavR^ittimabhipannAya li~Ngine vetarAya vA . 
deyamAhurmahArAja ubhAvetau tapasvinau .. 2..\\

 y

shraddhayA parayA pUto yaH prayachchheddvijAtaye . 
havya.n kavyaM tathA dAnaM ko doShaH syAtpitAmaha .. 3..\\

 bh

shraddhA pUto narastAta durdAnto.api na saMshayaH . 
pUto bhavati sarvatra kiM punastvaM mahIpate .. 4..\\

 y

na brAhmaNaM parIkSheta daiveShu satataM naraH . 
kavya pradAne tu budhAH parIkShyaM brAhmaNa.n viduH .. 5..\\

 bh

na brAhmaNaH sAdhayate havya.n daivAtprasidhyati . 
devaprasAdAdijyante yajamAnA na saMshayaH .. 6..\\
brAhmaNA bharatashreShTha satataM brahmavAdinaH . 
mArkaNDeyaH purA prAha iha lokeShu buddhimAn .. 7..\\

 y

apUrvo.apyatha vA vidvAnsambandhI vAtha yo bhavet . 
tapasvI yaGYashIlo vA kathaM pAtraM bhavettu saH .. 8..\\

 bh

kulInaH karma kR^idvaidyastathA chApyAnR^isha.nsyavAn . 
hrImAnR^ijuH satyavAdI pAtraM pUrve cha te trayaH .. 9..\\
tatreda.n shR^iNu me pArtha chaturNA.n tejasAM matam . 
pR^ithivyAH kAshyapasyAgnermArkaNDeyasya chaiva hi .. 10..\\

 prthivii

yathA mahArNave kShiptaH kShipra.n loShTo vinashyati . 
tathA dushcharita.n sarva.n trayyAvR^ittyA vinashyati .. 11..\\

 k

sarve cha vedAH saha Shadbhira~NgaiH 
sA~NkhyaM purANa.n cha kule cha janma . 
naitAni sarvANi gatirbhavanti 
shIlavyapetasya narasya rAjan .. 12..\\

 agni

adhIyAnaH paNDitaM manyamAno 
yo vidyayA hanti yashaH pareShAm . 
brahmansa tenAcharate brahmahatyAM 
lokAstasya hyantavanto bhavanti .. 13..\\

 m

ashvamedha sahasra.n cha satyaM cha tulayA dhR^itam . 
nAbhijAnAmi yadyasya satyasyArdhamavApnuyAt .. 14..\\

 bh

ityuktvA te jagmurAshu chatvAro.amitatejasaH . 
pR^ithivI kAshyapo.agnishcha prakR^iShTAyushcha bhArgavaH .. 15..\\

 y

yadidaM brAhmaNA loke vratino bhu~njate haviH . 
bhuktaM brAhmaNa kAmAya katha.n tatsukR^itaM bhavet .. 16..\\

 bh

AdiShTino ye rAjendra brAhmaNA vedapAragAH . 
bhu~njate brahma kAmAya vrataluptA bhavanti te .. 17..\\

 y

anekAntaM bahu dvAra.n dharmamAhurmanIShiNaH . 
kiM nishchitaM bhavettatra tanme brUhi pitAmaha .. 18..\\

 bh

ahi.nsA satyamakrodha AnR^isha.nsya.n damastathA . 
Arjava.n chaiva rAjendra nishchitaM dharmalakShaNam .. 19..\\
ye tu dharmaM prasha.nsantashcharanti pR^ithivImimAm . 
anAcharantastaddharma.n sa~Nkare niratAH prabho .. 20..\\
tebhyo ratna.n hiraNyaM vA gAmashvAnvA dadAti yaH . 
dashavarShANi viShThA.n sa bhu~Nkte nirayamAshritaH .. 21..\\
medAnAM pulkasAnA.n cha tathaivAntAvasAyinAm . 
kR^ita.n karmAkR^itaM chApi rAgamohena jalpatAm .. 22..\\
vaishvadeva.n cha ye mUDhA viprAya brahmachAriNe . 
dadatIha na rAjendra te lokAnbhu~njate.ashubhAn .. 23..\\

 y

kiM paraM brahmacharyasya kiM para.n dharmalakShaNam . 
ki.n cha shreShThatama.n shauchaM tanme brUhi pitAmaha .. 24..\\

 bh

brahmacharyaM para.n tAta madhu mA.nsasya varjanam . 
maryAdAyA.n sthito dharmaH shamaH shauchasya lakShaNam .. 25..\\

 y

kasmAnkAle chareddharma.n kasminkAle.arthamAcharet . 
kasi.n kAle sukhI cha syAttanme brUhi pitAmaha .. 26..\\

 bh

kAlyamarthaM niSheveta tato dharmamanantaram . 
pashchAtkAmaM niSheveta na cha gachchhetprasa~NgitAm .. 27..\\
brAhmaNAMshchAbhimanyeta gurUMshchApyabhipUjayet . 
sarvabhUtAnulomashcha mR^idu shIlaH priya.nvadaH .. 28..\\
adhikAre yadanR^ita.n rAjagAmi cha paishunam . 
puroshchAlIka karaNa.n sama.n tadbrahmahatyayA .. 29..\\
praharenna narendreShu na gA.n hanyAttathaiva cha . 
bhrUNa hatyA sama.n chaitadubhaya.n yo niShevate .. 30..\\
nAgniM parityajejjAtu na cha vedAnparityajet . 
na cha brAhmaNamAkroshetsama.n tadbrahmahatyayA .. 31..\\

 y

kIdR^ishAH sAdhavo viprAH kebhyo dattaM mahAphalam . 
kIdR^ishAnA.n cha bhoktavyaM tanme brUhi pitAmaha .. 32..\\

 bh

akrodhanA dharmaparAH satyanityA dame ratAH . 
tAdR^ishAH sAdhavo viprAstebhyo dattaM mahAphalam .. 33..\\
amAninaH sarvasahA dR^iShTArthA vijitendriyAH . 
sarvabhUtahitA maitrAstebhyo dattaM mahAphalam .. 34..\\
alubdhAH shuchayo vaidyA hrImantaH satyavAdinaH . 
svakarmaniratA ye cha tebhyo dattaM mahAphalam .. 35..\\
sA~NgAMshcha chaturo vedAnyo.adhIyIta dvijarshabhaH . 
Shadbhyo nivR^ittaH karmabhyastaM pAtramR^iShayo viduH .. 36..\\
ye tveva~NguNajAtIyAstebhyo dattaM mahAphalam . 
sahasraguNamApnoti guNArhAya pradAyakaH .. 37..\\
praGYA shrutAbhyA.n vR^ittena shIlena cha samanvitaH . 
tArayeta kula.n kR^itsnameko.apIha dvijarShabhaH .. 38..\\
gAmashva.n vittamannaM vA tadvidhe pratipAdayet . 
dravyANi chAnyani tathA pretya bhAve na shochati .. 39..\\
tArayeta kula.n kR^itsnameko.apIha dvijottamaH . 
kima~Ngapunareka.n vai tasmAtpAtraM samAcharet .. 40..\\
nishamya cha guNopetaM brAhmaNa.n sAdhu saMmatam . 
dUrAdAnAyayetkR^itye sarvatashchAbhipUjayet .. 41..\\
\medskip\hrule\medskip\centerline{\Largedvng 24}
 y

shrAdha kAle cha daive cha dharme chApi pitAmaha . 
ichchhAmIha tvayAkhyAta.n vihitaM yatsurarShibhiH .. 1..\\

 bh

daivaM pUrvAhNike kuryAdaparAhNe tu paitR^ikam . 
ma~NgalAchAra sampannaH kR^itashauchaH prayatnavAn .. 2..\\
manuShyANA.n tu madhyAhne pradadyAdupapattitaH . 
kAlahIna.n tu yaddAnaM taM bhAga.n rakShasAM viduH .. 3..\\
la~Nghita.n chAvalIDhaM cha kalipUrvaM cha yatkR^itam . 
rajasvarAbhirdR^iShTa.n cha taM bhAga.n sakShasAM viduH .. 4..\\
avaghuShTa.n cha yadbhuktamavratena cha bhArata . 
parAmR^iShTa.n shunA chaiva taM bhAgaM rakShasAM viduH .. 5..\\
keshakItAvapatita.n kShuta.n shvabhiravekShitam . 
rudita.n chAvadhUtaM cha taM bhAga.n rakShasAM viduH .. 6..\\
niro~NkAreNa yadbhukta.n sa shastreNa cha bhArata . 
durAtmanA cha yadbhukta.n taM bhAga.n rakShasAM viduH .. 7..\\
parochchhiShTa.n cha yadbhuktaM paribhuktaM cha yadbhavet . 
daive pitrye cha satata.n taM bhAga.n rakShasAM viduH .. 8..\\
garhitaM nindita.n chaiva pariviShTa.n sa manyunA . 
daiva.n vApyatha vA paitrya.n taM bhAgaM rakShasAM viduH .. 9..\\
mantrahIna.n kriyA hIna.n yachchhrAdhaM pariviShyate . 
tribhirvarNairnarashreShTha taM bhAga.n rakShasAM viduH .. 10..\\
AjyAhuti.n vinA chaiva yatki.n chitpariviShyate . 
durAchAraishcha yadbhukta.n taM bhAga.n rakShasAM viduH .. 11..\\
ye bhAgA rakShasAM proktAsta uktA bharatarShabha . 
ata Urdhva.n visargasya parIkShAM brAhmaNe shR^iNu .. 12..\\
yAvantaH patitA viprA jaDonmattAstathaiva cha . 
daive vApyatha vA pitrye rAjannArhanti ketanam .. 13..\\
shvitrI kuShThI cha klIbashcha tathA yakShma hatashcha yaH . 
apasmArI cha yashchAndho rAjannArhanti satkR^itim .. 14..\\
chikitsakA devalakA vR^ithA niyamadhAriNaH . 
somavikrayiNashchaiva shrAddhe nArhanti ketanam .. 15..\\
gAyanA nartakAshchaiva plavakA vAdakAstathA . 
kathakA yodhakAshchaiva rAjannArhanti ketanam .. 16..\\
hotAro vR^iShalAnA.n cha vR^iShalAdhyApakAstathA . 
tathA vR^iShala shiShyAshcha rAjannArhanti ketanam .. 17..\\
anuyoktA cha yo vipro anuyuktashcha bhArata . 
nArhatastAvapi shrAdhaM brahma vikrayiNau hi tau .. 18..\\
agraNIryaH kR^itaH pUrva.n varNAvara parigrahaH . 
brAhmaNaH sarvavidyo.api rAjannArhanti ketanam .. 19..\\
anagnayashcha ye viprA mR^itaniryAtakAsh cha ye . 
stenAshcha patitAshchaiva rAjannArhanti ketanam .. 20..\\
apariGYAta pUrvAshcha gaNapUrvAMshcha bhArata . 
putrikA pUrvaputrAshcha shrAddhe nArhanti ketanam .. 21..\\
R^iNa kartA cha yo rAjanyashcha vArdhuShiko dvijaH . 
prANivikraya vR^ittishcha rAjannArhanti ketanam .. 22..\\
strIpUrvAH kANDapR^iShThAshcha yAvanto bharatarShabha . 
ajapA brAhmaNAshchaiva shrAddhe nArhanti ketanam .. 23..\\
shrAddhe daive cha nirdiShTA brAhmaNA bharatarShabha . 
dAtuH pratigrahItushcha shR^iNuShvAnugrahaM punaH .. 24..\\
chIrNa vratA guNairyuktA bhaveyurye.api karShakAH . 
sAvitrIGYAH kriyAvantaste rAjanketana kShamAH .. 25..\\
kShAtradharmiNamapyAjau ketayetkulaja.n dvijam . 
na tveva vaNija.n tAta shrAddheShu parikalpayet .. 26..\\
agnihotrI cha yo vipro grAmavAsI cha yo bhavet . 
astenashchAtithiGYashcha sa rAjanketana kShamaH .. 27..\\
sAvitrI.n japate yastu trikAlaM bharatarShabha . 
khikShA vR^ittiH kriyAvAMshcha sa rAjanketana kShamaH .. 28..\\
uditAstamito yashcha tathaivAstamitoditaH . 
ahi.nsrashchAlpadoShashcha sa rAjanketana kShamaH .. 29..\\
akalkako hyatarkashcha brAhmaNo bharatarShabha . 
sa sa~nj~no bhaikShya vR^ittishcha sa rAjanketana kShamaH .. 30..\\
avratI kitavaH stenaH prANivikrayyatho vaNik . 
pashchAchcha pItavAnsoma.n sa rAjanketana kShamaH .. 31..\\
arjayitvA dhanaM pUrva.n dAruNaiH kR^iShikarmabhiH . 
bhavetsarvAtithiH pashchAtsa rAjanketana kShamaH .. 32..\\
brahma vikraya nirdiShTa.n striyA yachchArjita.n dhanam . 
adeyaM pitR^idevebhyo yachcha klaibyAdupArjitam .. 33..\\
kriyamANe.apavarge tu yo dvijo bharatarShabha . 
na vyAharati yadyukta.n tasyAdharmo gavAnR^itam .. 34..\\
shrAddhasya brAhmaNaH kAlaH prApta.n dadhighR^itaM tathA . 
somakShayashcha mA.nsa.n cha yadAraNya.n yudhiShThira .. 35..\\
shrAddhApavarge viprasya svadhA vai svaditA bhavet . 
kShatriyasyApyatho brUyAtprIyantAM pitarastviti .. 36..\\
apavarge tu vaishyasya shrAddhakarmaNi bhArata . 
akShayyamabhidhAtavya.n svasti shUdrasya bhArata .. 37..\\
puNyAhavAchana.n daive brAhmaNasya vidhIyate . 
etadeva niro~NkAra.n kShatriyasya vidhIyate . 
vaishyasya chaiva vaktavyaM prIyantA.n devatA iti .. 38..\\
karmaNAmAnupUrvI.n cha vidhipUrvakR^ita.n shR^iNu . 
jAtakarmAdikAnsarvA.nstriShu varNeShu bhArata . 
brahmakShatre hi mantroktA vaishyasya cha yudhiShThira .. 39..\\
viprasya rashanA mau~njI maurvI rAjanya gAminI . 
bAlvajItyeva vaishyasya dharma eSha yudhiShThira .. 40..\\
dAtuH pratigrahItushcha dharmAdharmAvimau shR^iNu . 
brAhmaNasyAnR^ite.adharmaH proktaH pAtaka sa~nj~nitaH . 
chaturguNaH kShatriyasya vaishyasyAShTa guNaH smR^itaH .. 41..\\
nAnyatra brAhmaNo.ashnIyAtpUrva.n vipreNa ketitaH . 
yavIyAnpashuhi.nsAyA.n tulyadharmo bhavetsa hi .. 42..\\
atha rAjanyavaishyAbhyA.n yadyashnIyAttu ketitaH . 
yavIyAnpashuhi.nsAyAM bhAgArdha.n samavApnuyAt .. 43..\\
daiva.n vApyatha vA pitryaM yo.ashnIyAdbrAhmaNAdiShu . 
asnAto brAhmaNo rAja.nstasyAdharmo gavAnR^itam .. 44..\\
Ashaucho brAhmaNo rAjanyo.ashnIyAdbrAhmaNAdiShu . 
GYAnapUrvamatho lobhAttasyAdharmo gavAnR^itam .. 45..\\
annenAnna.n cha yo lipsetkarmArthaM chaiva bhArata . 
Amantrayati rAjendra tasyAdharmo.anR^ita.n smR^itam .. 46..\\
aveda vratachAritrAstribhirvarNairyudhiShThira . 
mantravatpariviShyante teShvadharmo gavAnR^itam .. 47..\\

 y

pitrya.n vApyatha vA daiva.n dIyate yatpitAmaha . 
etadichchhAmyaha.n shrotu.n dattaM yeShu mahAphalam .. 48..\\

 bh

yeShA.n dArAH pratIkShante suvR^iShTimiva karShakAH . 
uchchheSha parisheSha.n hi tAnbhojaya yudhiShThira .. 49..\\
chAritraniyatA rAjanye kR^ishAH kR^isha vR^ittayaH . 
arthinashchopagachchhanti teShu dattaM mahAphalam .. 50..\\
tadbhaktAstadgR^ihA rAja.nstaddhanAstadapAshrayAH . 
arthinashcha bhavantyarthe teShu dattaM mahAphalam .. 51..\\
taskarebhyaH parebhyo vA ye bhayArtA yudhiShThira . 
arthino bhoktumichchhanti teShu dattaM mahAphalam .. 52..\\
akalkakasya viprasya bhaikShotkara kR^itAtmanaH . 
baTavo yasya bhikShanti tebhyo dattaM mahAphalam .. 53..\\
hR^itasvA hR^itadArAshcha ye viprA deshasamplave . 
arthArthamabhigachchhanti tebhyo dattaM mahAphalam .. 54..\\
vratino niyamasthAshcha ye viprAH shrutasaMmmatAH . 
tatsamAptyarthamichchhanti teShu dattaM mahAphalam .. 55..\\
avyutkrAntAshcha dharmeShu pAShaNDa samayeShu cha . 
kR^isha prANAH kR^isha dhanAsteShu dattaM mahAphalam .. 56..\\
kR^itasarvasvaharaNA nirdoShAH prabhaviShNubhiH . 
spR^ihayanti cha bhuktAnna.n teShu dattaM mahAphalam .. 57..\\
tapasvinastapo niShThAsteShAM bhaikSha charAsh cha ye . 
arthinaH ki.n chidichchhanti teShu dattaM mahAphalam .. 58..\\
mahAphalavidhirdAne shrutaste bharatarShabha . 
niraya.n yena gachchhanti svarga.n chaiva hi tachchhR^iNu .. 59..\\
gurvartha.n vAbhayArthaM vA varjayitvA yudhiShThira . 
ye.anR^ita.n kathayanti sma te vai nirayagAminaH .. 60..\\
paradArAbhihartAraH paradArAbhimarshinaH . 
paradAraprayoktAraste vai nirayagAminaH .. 61..\\
ye parasvApahartAraH parasvAnA.n cha nAshakAH . 
sUchakAshcha pareShA.n ye te vai nirayagAminaH .. 62..\\
prapANA.n cha sabhAnAM cha sa~NkramANAM cha bhArata . 
agArANA.n cha bhettAro narA nirayagAminaH .. 63..\\
anAthAM pramadaM bAlA.n vR^iddhAM bhItA.n tapasvinAm . 
va~nchayanti narA ye cha te vai nirayagAminaH .. 64..\\
vR^ittichchheda.n gR^ihachchhedaM dArachchhedaM cha bhArata . 
mitrachchheda.n tathAshAyAste vai nirayagAminaH .. 65..\\
sUchakAH sandhibhettAraH paravR^ittyupajIvakAH . 
akR^itaGYAshcha mitrANA.n te vai nirayagAminaH .. 66..\\
pAShaNDA dUShakAshchaiva samayAnA.n cha dUShakAH . 
ye pratyavasitAshchaiva te vai nirayagAminaH .. 67..\\
kR^itAsha.n kR^itanirveshaM kR^itabhaktaM kR^itashramam . 
bhedairye vyapakarShanti te vai nirayagAminaH .. 68..\\
paryashnanti cha ye dArAnagnibhR^ityAtithI.nstathA . 
utsannapitR^idevejyAste vai nirayagAminaH .. 69..\\
veda vikrayiNashchaiva vedAnA.n chaiva dUShakAH . 
vedAnA.n lekhakAshchaiva te vai nirayagAminaH .. 70..\\
chAturAshramya bAhyAshcha shrutibAhyAshcha ye narAH . 
vikarmabhishcha jIvanti te vai nirayagAminaH .. 71..\\
keshavikrayikA rAjanviShavikrayikAsh cha ye . 
kShIravikrayikAshchaiva te vai nirayagAminaH .. 72..\\
brAhmaNAnA.n gavAM chaiva kanyAnAM cha yudhiShThira . 
ye.antara.n yAnti kAryeShu te vai nirayagAminaH .. 73..\\
shastravikrayakAshchaiva kartArashcha yudhiShThira . 
shalyAnA.n dhanuShAM chaiva te vai nirayagAminaH .. 74..\\
shalyairvA sha~NkubhirvApi shvabhrairvA bharatarShabha . 
ye mArgamanurundhanti te vai nirayagAminaH .. 75..\\
upAdhyAyAMshcha bhR^ityA.n cha bhaktAMshcha bharatarShabha . 
ye tyajantyasamarthA.nstA.nste vai nirayagAminaH .. 76..\\
aprAptadamakAshchaiva nAsAnA.n vedhakAstathA . 
bandhakAshcha pashUnA.n ye te vai nirayagAminaH .. 77..\\
agoptArashchhala dravyA baliShaDbhAgatatparAH . 
samarthAshchApyadAtAraste vai nirayagAminaH .. 78..\\
kShAntAndAntA.nstathA prAGYAndIrghakAla.n sahoShitAn . 
tyajanti kR^itakR^ityA ye te vai nirayagAminaH .. 79..\\
bAlAnAmatha vR^iddhAnA.n dAsAnAM chaiva ye narAH . 
adattvA bhakShayantyagre te vai nirayagAminaH .. 80..\\
ete pUrvarShibhirdR^iShTAH proktA nirayagAminaH . 
bhAginaH svargalokasya vakShyAmi bharatarShabha .. 81..\\
sarveShveva tu kAryeShu daivapUrveShu bhArata . 
hanti putrAnpashUnkR^itsnAnbrAhmaNAtikramaH kR^itaH .. 82..\\
dAnena tapasA chaiva satyena cha yudhiShThira . 
ye dharmamanuvartante te narAH svargagAminaH .. 83..\\
shushrUShAbhistapobhishcha shrutamAdAya bhArata . 
ye pratigraha niHsnehAste narAH svargagAminaH .. 84..\\
bhayAtpApAttathAbAdhAddAridryAdvyAdhidharShaNAt . 
yatkR^ite pratimuchyante te narAH svargagAminaH .. 85..\\
kShamAvantashcha dhIrAshcha dharmakAryeShu chotthitAH . 
ma~NgalAchAra yuktAshcha te narAH svargagAminaH .. 86..\\
nivR^ittA madhu mA.nsebhyaH paradArebhya eva cha . 
nivR^ittAshchaiva madyebhaste narAH svargagAminaH .. 87..\\
AshramANA.n cha kartAraH kulAnAM chaiva bhArata . 
deshAnAM nagarANA.n cha te narAH svargagAminaH .. 88..\\
vastrAbharaNa dAtAro bhakSha pAnAnnadAstathA . 
kuTumbAnA.n cha dAtAraste narAH svargagAminaH .. 89..\\
sarvahi.nsA nivR^ittAshcha narAH sarvasahAsh cha ye . 
sarvasyAshraya bhUtAshcha te narAH svargagAminaH .. 90..\\
mAtaraM pitara.n chaiva shushrUShanti jitendriyAH . 
bhrAtR^INA.n chaiva sa snehAste narAH svargagAminaH .. 91..\\
ADhyAshcha balavantashcha yauvanasthAshcha bhArata . 
ye vai jitendriyA dhIrAste narAH svargagAminaH .. 92..\\
aparAddheShu sa snehA mR^idavo mitravatsalAH . 
ArAdhana sukhAshchApi te narAH svargagAminaH .. 93..\\
sahasrapariveShTArastathaiva cha sahasradAH . 
trAtArashcha sahasrANAM puruShAH svargagAminaH .. 94..\\
suvarNasya cha dAtAro gavA.n cha bharatarShabha . 
yAnAnA.n vAhanAnA.n cha te narAH svargagAminaH .. 95..\\
vaivAhikAnA.n kanyAnAM preShyANAM cha yudhiShThira . 
dAtAro vAsasA.n chaiva te narAH svargagAminaH .. 96..\\
vihArAvasathodyAna kUpArAma sabhA pradAH . 
vaprANA.n chaiva kartAraste narAH svargagAminaH .. 97..\\
niveshanAnA.n kShR^itrANA.n vasatInAM cha bhArata . 
dAtAraH prArthitAnA.n cha te narAH svargagAminaH .. 98..\\
rasAnAmatha bIjAnA.n dhAnyAnAM cha yudhiShThira . 
svayamutpAdya dAtAraH puruShAH svargagAminaH .. 99..\\
yasminkasminkule jAtA bahuputrAH shatAyuShaH . 
sAnukroshA jitakrodhAH puruShAH svargagAminaH .. 100..\\
etaduktamamutrArtha.n daivaM pitryaM cha bhArata . 
dharmAdharmau cha dAnasya yathApUrvarShibhiH kR^itau .. 101..\\
\medskip\hrule\medskip\centerline{\Largedvng 25}
 y

idaM me tattvato rAjanvaktumarhasi bhArata . 
ahi.nsayitvA keneha brahmahatyA vidhIyate .. 1..\\

 bh

vyAsamAmantrya rAjendra purA yatpR^iShTavAnaham . 
tatte.aha.n sampravakShyAmi tadihaikamanAH shR^iNu .. 2..\\
chaturthastva.n vasiShThasya tattvamAkhyAhi me mune . 
ahi.nsayitvA keneha brahmahatyA vidhIyate .. 3..\\
iti pR^iShTo mahArAja parAshara sharIrajaH . 
abravInnipuNo dharme niHsaMshayamanuttamam .. 4..\\
brAhmaNa.n svayamAhUya bhikShArthe kR^isha vR^ittinam . 
brUyAnnAstIti yaH pashchAtta.n vidyAdbrahma ghAtinam .. 5..\\
madhyasthasyeha viprasya yo.anUchAnasya bhArata . 
vR^itti.n harati durbuddhistaM vidyAdbrahma ghAtinam .. 6..\\
gokulasya tR^iShArtasya jalArthe vasudhAdhipa . 
utpAdayati yo vighna.n ta.n vidyAdbrahma ghAtinam .. 7..\\
yaH pravR^ittA.n shrutiM samyakshAstraM vA munibhiH kR^itam . 
dUShayatyanabhiGYAya ta.n vidyAdbrahma ghAtinam .. 8..\\
AtmajA.n rUpasampannAM mahatIM sadR^ishe vare . 
na prayachchhati yaH kanyA.n ta.n vidyAdbrahma ghAtinam .. 9..\\
adharmanirato mUDho mithyA yo vai dvijAtiShu . 
dadyAnmarmAtiga.n shoka.n taM vidyAdbrahma ghAtinam .. 10..\\
chakShuShA viprahInasya pa~Ngulasya jaDasya vA . 
hareta yo vai sarvasva.n ta.n vidyAdbrahma ghAtinam .. 11..\\
Ashrame vA vane vA yo grAme vA yadi vA pure . 
agni.n samutsR^ijenmohAttaM vidyAdbrahma ghAtinam .. 12..\\
\medskip\hrule\medskip\centerline{\Largedvng 26}
 y

tIrthAnA.n darshana.n shreyaH snAnaM cha bharatarShabha . 
shravaNa.n cha mahAprAGYa shrotumichchhAmi tattvataH .. 1..\\
pR^ithivyA.n yAni tIrthAni puNyAni bharatarShabha . 
vaktumarhasi me tAni shrotAsmi niyataH prabho .. 2..\\

 bh

imama~NgirasA prokta.n tIrthavaMshaM mahAdyute . 
shrotumarhasi bhadra.n te prApsyase dharmamuttamam .. 3..\\
tapovanagata.n vipramabhigamya mahAmunim . 
paprachchhA~Ngirasa.n vIra gautamaH saMshitavrataH .. 4..\\
asti me bhagavankashchittIrthebhyo dharmasaMshayaH . 
tatsarva.n shrotumichchhAmi tanme sha.nsa mahAmune .. 5..\\
upaspR^ishya phala.n ki.n syAtteShu tIrtheShu vai mune . 
pretya bhAve mahAprAGYa tadyathAsti tathA vada .. 6..\\

 a

saptAha.n chandra bhAgA.n vai vitastAmUrmimAlinIm . 
vigAhya vai nirAhAro nirmamo munivadbhavet .. 7..\\
kAshmIra maNDale nadyo yAH patanti mahAnadam . 
tA nadIH sindhumAsAdya shIlavAnsvargamApnuyAt .. 8..\\
puShkara.n cha prabhAsaM cha naimiSha.n sAgarodakam . 
devikAmindra mArga.n cha svarNabindu.n vigAhya cha . 
vibodhyate vimAnasthaH so.apsarobhirabhiShTutaH .. 9..\\
hiraNyabindu.n vikShobhya prayatashchAbhivAdya tam . 
kushe shaya.n cha devatvaM pUyate tasya kilbiSham .. 10..\\
indra toyA.n samAsAdya gandhamAdana saMnidhau . 
karatoyA.n kura~NgeShu trirAtropoShito naraH . 
ashvamedhamavApnoti vigAhya niyataH shuchiH .. 11..\\
ga~NgA dvare kushAvarte bilvake nemiparvate . 
tathA kanakhale snAtvA dhUtapApmA diva.n vrajet .. 12..\\
apA.n hrada upaspR^ishya vAjapeyaphalaM labhet . 
brahma chArI jitakrodhaH satyasandhastvahi.nsakaH .. 13..\\
yatra bhAgIrathI ga~NgA bhajate dishamuttarAm . 
maheshvarasya niShThAne yo narastvabhiShichyate . 
ekamAsaM nirAhAraH svayaM pashyati devatAH .. 14..\\
sapta ga~Nge triga~Nge cha indra mArge cha tarpayan . 
sudhA.n vai labhate bhoktuM yo naro jAyate punaH .. 15..\\
mahAshrama upaspR^ishya yo.agnihotraparaH shuchiH . 
ekamAsaM nirAhAraH siddhiM mAsena sa vrajet .. 16..\\
mahAhrada upaspR^ishya bhR^igutu~Nge tvalolupaH . 
trirAtropoShito bhUtvA muchyate brahmahatyayA .. 17..\\
kanyA kUpa upaspR^ishya balAkAyA.n kR^itodakaH . 
deveShu kIrti.n labhate yashasA cha virAjate .. 18..\\
deshakAla upaspR^ishya tathA sundarikA hrade . 
ashvibhyA.n rUpavarchasyaM pretya vai labhate naraH .. 19..\\
mahAga~NgAmupaspR^ishya kR^ittikA~NgArake tathA . 
pakShamekaM nirAhAraH svargamApnoti nirmalaH .. 20..\\
vaimAnika upaspR^ishya ki~NkiNIkAshrame tathA . 
nivAse.apsarasA.n divye kAmachArI mahIyate .. 21..\\
kAlikAshramamAsAdya vipAshAyA.n kR^itodakaH . 
brahma chArI jitakrodhastrirAtrAnmuchyate bhavAt .. 22..\\
Ashrame kR^ittikAnA.n tu snAtvA yastarpayetpitR^In . 
toShayitvA mahAdevaM nirmalaH svargamApnuyAt .. 23..\\
mahApura upaspR^ishya trirAtropoShito naraH . 
trasAnA.n sthAvarANA.n cha dvipadAnAM bhayaM tyajet .. 24..\\
devadAru vane snAtvA dhUtapApmA kR^itodakaH . 
devalokamavApnoti saptarAtroShitaH shuchiH .. 25..\\
kaushante cha kusha stambe droNa sharma pade tathA . 
ApaH prapatane snAtaH sevyate so.apsarogaNaiH .. 26..\\
chitrakUTe janasthAne tathA mandAkinI jale . 
vigAhya vai nirAhAro rAjalakShmIM nigachchhati .. 27..\\
shyAmAyAstvAshrama.n gatvA uShya chaivAbhiShichya cha . 
trI.nstrirAtrAnsa sandhAya gandharvanagare vaset .. 28..\\
ramaNyA.n cha upaspR^ishya tathA vai gandhatArike . 
ekamAsaM nirAhArastvantardhAnaphala.n labhet .. 29..\\
kaushikI dvAramAsAdya vAyubhakShastvalolupaH . 
ekaviMshatirAtreNa svargamArohate naraH .. 30..\\
mata~Nga vApyA.n yaH snAyAdekarAtreNa sidhyati . 
vigAhati hyanAlambamandhaka.n vai sanAtanam .. 31..\\
naimiShe svargatIrthe cha upaspR^ishya jitendriyaH . 
phalaM puruShamedhasya labhenmAsa.n kR^itodakaH .. 32..\\
ga~NgA hrada upaspR^ishya tathA chaivotpalA vane . 
ashvamedhamavApnoti tatra mAsa.n kR^itodakaH .. 33..\\
ga~NgAyamunayostIrthe tathA kAla~njare girau . 
ShaShTihrada upaspR^ishya dAnaM nAnyadvishiShyate .. 34..\\
dasha tIrthasahasrANi tisraH koTyastathAparAH . 
samAgachchhanti mAghyA.n tu prayAge bharatarShabha .. 35..\\
mAghamAsaM prayAge tu niyataH saMshitavrataH . 
snAtvA tu bharatashreShTha nirmalaH svargamApnuyAt .. 36..\\
marudgaNa upaspR^ishya pitR^INAmAshrame shuchiH . 
vaivasvatasya tIrthe cha tIrthabhUto bhavennaraH .. 37..\\
tathA brahmashiro gatvA bhAgIrathyA.n kR^itodakaH . 
ekamAsaM nirAhAraH somalokamavApnuyAt .. 38..\\
kapotake naraH snAtvA aShTAvakre kR^itodakaH . 
dvAdashAhaM nirAhAro naramedha phala.n labhet .. 39..\\
mu~nja pR^iShTha.n gayAM chaiva nirR^itiM deva parvatam . 
tR^itIyA.n krau~nchapAdIM cha brahmahatyA vishudhyati .. 40..\\
kalashyA.n vApyupaspR^ishya vedyA.n cha bahusho jalAm . 
agneH pure naraH snAtvA vishAlAyA.n kR^itodakaH . 
deva hrada upaspR^ishya brahmabhUto virAjate .. 41..\\
purApavartanaM nandAM mahAnandA.n cha sevya vai . 
nandane sevyate dAntastvapsarobhirahi.nsakaH .. 42..\\
urvashI kR^ittikA yoge gatvA yaH susamAhitaH . 
lauhitye vidhivatsnAtvA puNDarIkaphala.n labhet .. 43..\\
rAmahrada upaspR^ishya vishAlAyA.n kR^itodakaH . 
dvAdashAhaM nirAhAraH kalmaShAdvipramuchyate .. 44..\\
mahAhrada upaspR^ishya shuddhena manasA naraH . 
ekamAsaM nirAhAro jamadagnigati.n labhet .. 45..\\
vindhye santApya chAtmAna.n satyasandhastvahi.nsakaH . 
ShaNmAsaM padamAsthAya mAsenaikena shudhyati .. 46..\\
narmadAyAmupaspR^ishya tathA sUrpArakodake . 
ekapakShaM nirAhAro rAjaputro vidhIyate .. 47..\\
jambU mArge tribhirmAsaiH sa.nyataH susamAhitaH . 
ahorAtreNa chaikena siddhi.n samadhigachchhati .. 48..\\
kokA mukhe vigAhyApo gatvA chaNDAlikAshramam . 
shAkabhakShashchIravAsAH kumArIrvindate dasha .. 49..\\
vaivasvatasya sadanaM na sa gachchhetkadA chana . 
yasya kanyA hrade vAso devaloka.n sa gachchhati .. 50..\\
prabhAse tvekarAtreNa amAvAsyA.n samAhitaH . 
sidhyate.atra mahAbAho yo naro jAyate punaH .. 51..\\
ujjAnaka upaspR^ishya ArShTiSheNasya chAshrame . 
pi~NgAyAshchAshrame snAtvA sarvapApaiH pramuchyate .. 52..\\
kulyAyA.n samupaspR^ishya japtvA chaivAgha marShaNam . 
ashvamedhamavApnoti trirAtropoShitaH shuchiH .. 53..\\
piNDAraka upaspR^ishya eka rAtroShito naraH . 
agniShTomamavApnoti prabhAtA.n sharvarIM shuchiH .. 54..\\
tathA brahmasaro gatvA dharmAraNyopashobhitam . 
puNDarIkamavApnoti prabhAtA.n sharvarIM shuchiH .. 55..\\
mainAke parvate snAtvA tathA sandhyAmupAsya cha . 
kAma.n jitvA cha vai mAsa.n sarvamedha phalaM labhet .. 56..\\
vikhyAto himavAnpuNyaH sha~Nkarashvashuro giriH . 
AkaraH sarvaratnAnA.n siddhachAraNasevitaH .. 57..\\
sharIramutsR^ijettatra vidhipUrvamanAshake . 
adhruva.n jIvita.n GYAtvA yo vai vedAntago dvijaH .. 58..\\
abhyarchya devatAstatra namaskR^itya munI.nstathA . 
tataH siddho diva.n gachchhedbrahmaloka.n sanAtanam .. 59..\\
kAma.n krodhaM cha lobhaM cha yo jitvA tIrthamAvaset . 
na tena ki.n chinna prAptaM tIrthAbhigamanAdbhavet .. 60..\\
yAnyagamyAni tIrthAni durgANi viShamANi cha . 
manasA tAni gamyAni sarvatIrthasamAsataH .. 61..\\
idaM medhyamida.n dhanyamida.n svargyamidaM sukham . 
ida.n rahasya.n devAnAmAplAvyAnAM cha pAvanam .. 62..\\
ida.n dadyAddvijAtInA.n sAdhUnAmAtmajasya vA . 
suhR^idA.n cha japetkarNe shiShyasyAnugatasya vA .. 63..\\
dattavAngautamasyedama~NgirA vai mahAtapAH . 
gurubhiH samanuGYAtaH kAshyapena cha dhImatA .. 64..\\
maharShINAmida.n japyaM pAvanAnAM tathottamam . 
japaMshchAbhyutthitaH shashvannirmalaH svargamApnuyAt .. 65..\\
ida.n yashchApi shR^iNuyAdrahasya.n tva~Ngiro matam . 
uttame cha kule janma labhejjAti.n cha sa.nsmaret .. 66..\\
\medskip\hrule\medskip\centerline{\Largedvng 27}
 v

bR^ihaspatisamaM buddhyA kShamayA brahmaNaH samam . 
parAkrame shakrasamamAdityasamatejasam .. 1..\\
gA~NgeyamarjunenAjau nihataM bhUri varchasam . 
bhrAtR^ibhiH sahito.anyaishcha paryupAste yudhiShThiraH .. 2..\\
shayAna.n vIrashayane kAlAkA~NkShiNamachyutam . 
AjagmurbharatashreShTha.n draShTukAmA maharShayaH .. 3..\\
atrirvasiShTho.atha bhR^iguH pulastyaH pulahaH kratuH . 
a~NgirA gautamo.agastyaH sumatiH svAyurAtmavAn .. 4..\\
vishvAmitraH sthUlashirAH sa.nvartaH pramatirdamaH . 
ushanA bR^ihaspatirvyAsashchyavanaH kAshyapo dhruvaH .. 5..\\
durvAsA jamadagnishcha mArkaNDeyo.atha gAlavaH . 
bharadvAjashcha raibhyashcha yavakrItastritastathA .. 6..\\
sthUlAkShaH shakalAkShashcha kaNvo medhAtithiH kR^ishaH . 
nAradaH parvatashchaiva sudhanvAthaikato dvitaH .. 7..\\
nitambhUrbhuvano dhaumyaH shatAnando.akR^itavraNaH . 
jAmadagnyastathA rAmaH kAmyashchetyevamAdayaH . 
samAgatA mahAtmAno bhIShma.n draShTuM maharShayaH .. 8..\\
teShAM mahAtmanAM pUjAmAgatAnA.n yudhiShThiraH . 
bhrAtR^ibhiH sahitashchakre yathAvadanupUrvashaH .. 9..\\
te pUjitAH sukhAsInAH kathashchakrurmaharShayaH . 
bhIShmAshritAH sumadhurAH sarvendriyamanoharAH .. 10..\\
bhIShmasteShA.n kathAH shrutvA R^iShINAM bhAvitAtmanAm . 
mene divisthamAtmAna.n tuShTyA paramayA yutaH .. 11..\\
tataste bhIShmamAmantrya pANDavAMshcha maharShayaH . 
antardhAna.n gatAH sarve sarveShAmeva pashyatAm .. 12..\\
tAnR^iShInsumahAbhAgAnantardhAnagatAnapi . 
pANDavAstuShTuvuH sarve praNemushcha muhurmuhuH .. 13..\\
prasannamanasaH sarve gA~Ngeya.n kurusattamAH . 
upatasthuryathodyantamAdityaM mantrakovidAH .. 14..\\
prabhAvAttapasasteShAmR^iShINA.n vIkShya pANDavAH . 
prakAshanto dishaH sarvA vismayaM parama.n yayuH .. 15..\\
mahAbhAgyaM para.n teShAmR^iShINAm anuchintya te . 
pANDavAH saha bhIShmeNa kathAshchakrustadAshrayAH .. 16..\\
kathAnte shirasA pAdau spR^iShTvA bhIShmasya pANDavaH . 
dharmya.n dharmasutaH prashnaM paryapR^ichchhadyudhiShThiraH .. 17..\\
ke deshAH ke janapadA AshramAH ke cha parvatAH . 
prakR^iShTAH puNyataH kAshcha GYeyA nadyaH pitAmaha .. 18..\\

 bh

atrApyudAharantImamitihAsaM purAtanam . 
shilo~nchha vR^itteH sa.nvAda.n siddhasya cha yudhiShThira .. 19..\\
imA.n kashchitparikramya pR^ithivI.n shailabhUShitAm . 
asakR^iddvipadA.n shreShThaH shreShThasya gR^ihamedhinaH .. 20..\\
shila vR^ittergR^ihaM prAptaH sa tena vidhinArchitaH . 
kR^itakR^itya upAtiShThatsiddha.n tamatithiM tadA .. 21..\\
tau sametya mahAtmAnau sukhAsInau kathAH shubhAH . 
chakraturveda sambaddhAstachchheSha kR^italakShaNAH .. 22..\\
shila vR^ittiH kathAnte tu siddhamAmantrya yatnataH . 
prashnaM paprachchha medhAvI yanmA.n tvaM paripR^ichchhasi .. 23..\\

 zilavrtti

ke deshAH ke janapadAH ke.a.ashramAH ke cha parvatAH . 
prakR^iShTAH puNyataH kAshcha GYeyA nadyastaduchyatAm .. 24..\\

 siddha

te deshAste janapadAste.a.ashramAste cha parvatAH . 
yeShAM bhAgIrathI ga~NgA madhyenaiti saridvarA .. 25..\\
tapasA brahmacharyeNa yaGYaistyAgena vA punaH . 
gati.n tAM na labhejjanturga~NgA.n sa.nsevya yAM labhet .. 26..\\
spR^iShTAni yeShA.n gA~NgeyaistoyairgAtrANi dehinAm . 
nyastAni na punasteShA.n tyAgaH svargAdvidhIyate .. 27..\\
sarvANi yeShA.n gA~NgeyaistoyaiH kR^ityAni dehinAm . 
gA.n tyaktvA mAnavA vipra divi tiShThanti te.achalAH .. 28..\\
pUrve vayasi karmANi kR^itvA pApAni ye narAH . 
pashchAdga~NgAM niShevante te.api yAntyuttamA.n gatim .. 29..\\
snAtAnA.n shuchibhistoyairgA~NgeyaiH prayatAtmanAm . 
vyuShTirbhavati yA pu.nsAM na sA kratushatairapi .. 30..\\
yAvadasthi manuShyasya ga~NgAtoyeShu tiShThati . 
tAvadvarShasahasrANi svargaM prApya mahIyate .. 31..\\
apahatya tamastIvra.n yathA bhAtyudaye raviH . 
tathApahatya pApmAnaM bhAti ga~NgA jalokShitaH .. 32..\\
visomA iva sharvaryo vipuShpAstaravo yathA . 
tadvaddeshA dishashchaiva hInA ga~NgA jalaiH shubhaiH .. 33..\\
varNAshramA yathA sarve svadharmaGYAnavarjitAH . 
R^itavashcha yathA somAstathA ga~NgA.n vinA jagat .. 34..\\
yathA hInaM nabho.arkeNa bhUH shailaiH kha.n cha vAyunA . 
tathA deshA dishashchaiva ga~NgA hInA na saMshayaH .. 35..\\
triShu lokeShu ye ke chitprANinaH sarva eva te . 
tarpyamANAH parA.n tR^ipti.n yAnti ga~NgA jalaiH shubhaiH .. 36..\\
yastu sUryeNa niShTapta.n gA~NgeyaM pibate jalam . 
gavAM nirhAra nirmuktAdyAvakAttadvishiShyate .. 37..\\
indra vratasahasra.n tu charedyaH kAyashodhanam . 
pibedyashchApi ga~NgAmbhaH samau syAtAM na vA samau .. 38..\\
tiShThedyugasahasra.n tu pAdenaikena yaH pumAn . 
mAsameka.n tu ga~NgAyA.n samau syAtAM na vA samau .. 39..\\
lambetAvAkshirA yastu yugAnAmayutaM pumAn . 
tiShThedyatheShTa.n yashchApi ga~NgAyAM sa vishiShyate .. 40..\\
agnau prAptaM pradhUyeta yathA tUla.n dvijottama . 
tathA ga~NgAvagADhasya sarvaM pApaM pradhUyate .. 41..\\
bhUtAnAmiha sarveShA.n duHkhopahata chetasAm . 
gatimanveShamANAnAM na ga~NgA sadR^ishI gatiH .. 42..\\
bhavanti nirviShAH sarpA yathA tArkShyasya darshanAt . 
ga~NgAyA darshanAttadvatsarvapApaiH pramuchyate .. 43..\\
apratiShThAshcha ye ke chidadharmasharaNAsh cha ye . 
teShAM pratiShThA ga~Ngeha sharaNa.n sharma varma cha .. 44..\\
prakR^iShTairashubhairgrastAnanekaiH puruShAdhamAn . 
patate narake ga~NgA saMshritAnpretya tArayet .. 45..\\
te sa.nvibhaktA munibhirnUna.n devaiH sa vAsavaiH . 
ye.abhigachchhanti satata.n ga~NgAmabhigatA.n suraiH .. 46..\\
vinayAchAra hInAshcha ashivAshcha narAdhamAH . 
te bhavanti shivA vipra ye vai ga~NgA.n samAshritAH .. 47..\\
yathA surANAmamR^itaM pitR^INA.n cha yathA svadhA . 
sudhA yathA cha nAgAnA.n tathA ga~NgA jalaM nR^iNAm .. 48..\\
upAsate yathA bAlA mAtara.n kShudhayArditAH . 
shreyaH kAmAstathA ga~NgAmupAsantIha dehinaH .. 49..\\
svAyambhuva.n yathAsthAnaM sarveShAM shreShThamuchyate . 
snAtAnA.n saritAM shreShThA ga~NgA tadvadihochyate .. 50..\\
yathopajIvinA.n dhenurdevAdInAM dharA smR^itA . 
tathopajIvinA.n ga~NgA sarvaprANabhR^itAm iha .. 51..\\
devAH somArka sa.nsthAni yathA satrAdibhirmakhaiH . 
amR^itAnyupajIvanti tathA ga~NgA jalaM narAH .. 52..\\
jAhnavI pulinotthAbhiH sikatAbhiH samukShitaH . 
manyate puruSho.a.atmAna.n diviShThamiva shobhitam .. 53..\\
jAhnavItIra sambhUtAM mR^idaM mUrdhnA vibharti yaH . 
bibharti rUpa.n so.arkasya tamo nAshAtsunirmalam .. 54..\\
ga~Ngormibhiratho digdhaH puruShaM pavano yadA . 
spR^ishate so.api pApmAna.n sadya evApamArjati .. 55..\\
vyasanairabhitaptasya narasya vinashiShyataH . 
ga~NgA darshanajA prItirvyasanAnyapakarShati .. 56..\\
ha.nsArAvaiH koka ravai ravairanyairshcha pakShiNAm . 
paspardha ga~NgA gandharvAnpulinaishcha shilochchayAn .. 57..\\
ha.nsAdibhiH subahubhirvividhaiH pakShibhirvR^itAm . 
ga~NgA.n gokulasambAdhAM dR^iShTvA svargo.api vismR^itaH .. 58..\\
na sA prItirdiviShThasya sarvakAmAnupAshnataH . 
abhavadyA parA prItirga~NgAyAH puline nR^iNAm .. 59..\\
vAnmanaH karmajairgrastaH pApairapi pumAniha . 
vIkShya ga~NgAM bhavetpUtastatra me nAsti saMshayaH .. 60..\\
saptAvarAnsapta parAnpitR^I.nstebhyash cha ye pare . 
pumA.nstArayate ga~NgA.n vIkShya spR^iShTvAvagAhya cha .. 61..\\
shrutAbhilaShitA dR^iShTA spR^iShTA pItAvagAhitA . 
ga~NgA tArayate nR^INAmubhau vaMshau visheShataH .. 62..\\
darshanAtsparshanAtpAnAttathA ga~Ngeti kIrtanAt . 
punAtyapuNyAnpuruShA~nshatasho.atha sahasrashaH .. 63..\\
ya ichchhetsaphala.n janma jIvita.n shrutameva cha . 
sa pitR^I.nstarpayedga~NgAmabhigamya surA.nstathA .. 64..\\
na sutairna cha vittena karmaNA na cha tatphalam . 
prApnuyAtpuruSho.atyanta.n ga~NgAM prApya yadApnuyAt .. 65..\\
jAtyandhairiha tulyAste mR^itaiH pa~Ngubhireva cha . 
samarthA ye na pashyanti ga~NgAM puNyajalA.n shivAm .. 66..\\
bhUtabhavya bhaviShyaGYairmaharShibhirupasthitAm . 
devaiH sendraishcha ko ga~NgAM nopaseveta mAnavaH .. 67..\\
vAnaprasthairgR^ihasthaishcha yatibhirbrahma chAribhiH . 
vidyAvadbhiH shritA.n ga~NgAM pumAnko nAma nAshrayet .. 68..\\
utkrAmadbhishcha yaH prANaiH prayataH shiShTasaMmataH . 
chintayenmanasA ga~NgA.n sa gatiM paramAM labhet .. 69..\\
na bhayebhyo bhaya.n tasya na pApebhyo na rAjataH . 
A dehapatanAdga~NgAmupAste yaH pumAniha .. 70..\\
gaganAdyAM mahApuNyAM patantI.n vai maheshvaraH . 
dadhAra shirasA devI.n tAm eva divi sevate .. 71..\\
ala~NkR^itAstrayo lokAH pathibhirvimalaistribhiH . 
yastu tasyA jala.n sevetkR^itakR^ityaH pumAnbhavet .. 72..\\
divi jyotiryathAdityaH pitR^INA.n chaiva chandramAH . 
deveshashcha yathA nR^INA.n ga~Ngeha saritAM tathA .. 73..\\
mAtrA pitrA sutairdArairviyuktasya dhanena vA . 
na bhaveddhi tathA duHkha.n yathA ga~NgA viyogajam .. 74..\\
nAraNyairneShTa viShayairna sutairna dhanAgamaiH . 
tathA prasAdo bhavati ga~NgA.n vIkShya yathA nR^iNAm .. 75..\\
pUrNamindu.n yathAdR^iShTvA nR^iNA.n dR^iShTiH prasIdati . 
ga~NgA.n tripathagAM dR^iShTvA tathA dR^iShTiH prasIdati .. 76..\\
tadbhAvastadgatamanastanniShThastatparAyaNaH . 
ga~NgA.n yo.anugato bhaktyA sa tasyAH priyatAM vrajet .. 77..\\
bhUHsthaiH khasthairdiviShThaishcha bhUtairuchchAvachairapi . 
ga~NgA vigAhyA satatameta kAryatama.n satAm .. 78..\\
triShu lokeShu puNyatvAdga~NgAyAH prathita.n yashaH . 
yatputrAnsagarasyaiShA bhasmAkhyAnanayaddivam .. 79..\\
vAyvIritAbhiH sumahAsvanAbhir 
drutAbhiratyartha samuchchhritAbhiH . 
ga~NgormibhirbhAnumatIbhiriddhaH 
sahasrarashmi pratimo vibhAti .. 80..\\
payasvinI.n ghR^itinImatyudArAM 
samR^iddhinI.n vegiNI.n durvigAhyAm . 
ga~NgA.n gatvA yaiH sharIra.n visR^iShTaM 
gatA dhIrAste vibudhaiH samatvam .. 81..\\
andhA~njaDAndravyahInAMshcha ga~NgA 
yashasvinI bR^ihatI vishvarUpA . 
devaiH sendrairmunibhirmAnavaish cha 
niShevitA sarvakAmairyunakti .. 82..\\
UrjAvatIM madhumatIM mahApuNyA.n trivartmagAm . 
trilokagoptrI.n ye ga~NgAM saMshritAste diva.n gatAH .. 83..\\
yo vatsyati drakShyati vApi martyas 
tasmai prayachchhanti sukhAni devAH . 
tadbhAvitAH sparshane darshane yas 
tasmai devA gatimiShTA.n dishanti .. 84..\\
dakShAM pR^ithvIM bR^ihatI.n viprakR^iShTAM 
shivAmR^itA.n surasAM suprasannAm . 
vibhAvarI.n sarvabhUtapratiShThAM 
ga~NgA.n gatA ye tridivaM gatAste .. 85..\\
khyAtiryasyAH kha.n divaM gAM cha nityaM 
purA disho vidishashchAvatasthe . 
tasyA jala.n sevya saridvarAyA 
martyAH sarve kR^itakR^ityA bhavanti .. 86..\\
iya.n ga~Ngeti niyataM pratiShThA 
guhasya rukmasya cha garbhayoShA . 
prAtastrimArgA ghR^itavahA vipApmA 
ga~NgAvatIrNA viyato vishvatoyA .. 87..\\
sutAvanIdhrasya harasya bhAryA 
divo bhuvashchApi kakShyAnurUpA . 
bhavyA pR^ithivyA bhAvinI bhAti rAjan 
ga~NgA lokAnAM puNyadA vai trayANAm .. 88..\\
madhu pravAhA ghR^itarAgoddhR^itAbhir 
mahormibhiH shobhitA brAhmaNaish cha . 
divashchyutA shirasAttA bhavena 
ga~NgAvanIdhrAstridivasya mAlA .. 89..\\
yonirvariShThA virajA vitanvI 
shuShmA irA vArivahA yashodA . 
vishvAvatI chAkR^itiriShTiriddhA 
ga~NgokShitAnAM bhuvanasya panthAH .. 90..\\
kShAntyA mahyA gopane dhAraNe cha 
dIptyA kR^ishAnostapanasya chaiva . 
tulyA ga~NgA saMmatA brAhmaNAnAM 
guhasya brahmaNyatayA cha nityam .. 91..\\
R^iShiShTutA.n viShNupadIM purANIM 
supuNyatoyAM manasApi loke . 
sarvAtmanA jAhnavI.n ye prapannAs 
te brahmaNaH sadana.n samprayAtAH .. 92..\\
lokAnimAnnayati yA jananIva putrAn 
sarvAtmanA sarvaguNopapannA . 
svasthAnamiShTamiha brAhmamabhIpsamAnair 
ga~NgA sadaivAtma vashairupAsyA .. 93..\\
usrA.n juShTAM miShatI.n vishvatoyAm 
irA.n vajrIM revatIM bhUdharANAm . 
shiShTAshrayAmamR^itAM brahma kAntAM 
ga~NgA.n shrayedAtmavAnsiddhikAmaH .. 94..\\
prasAdya devAnsa vibhUnsamastAn 
bhagIrathastapasogreNa ga~NgAm . 
gAmAnayattAmabhigamya shashvan 
pumAnbhayaM neha nAmutra vidyAt .. 95..\\
udAhR^itaH sarvathA te guNAnAM 
mayaika deshaH prasamIkShya buddhyA . 
shaktirna me kA chidihAsti vaktuM 
guNAnsarvAnparimAtu.n tathaiva .. 96..\\
meroH samudrasya cha sarvaratnaiH 
sa~NkhyopalAnAmudakasya vApi . 
vaktu.n shakyaM neha ga~NgA jalAnAM 
guNAkhyAnaM parimAtu.n tathaiva .. 97..\\
tasmAdimAnparayA shraddhayoktAn 
guNAnsarvA~njAhnavIjA.nstathaiva . 
bhavedvAchA manasA karmaNA cha 
bhaktyA yuktaH parayA shraddadhAnaH .. 98..\\
lokAnimA.nstrInyashasA vitatya 
siddhiM prApya mahatI.n tAM durApAm . 
ga~NgA kR^itAnachireNaiva lokAn 
yatheShTamiShTAnvichariShyasi tvam .. 99..\\
tava mama cha guNairmahAnubhAvA 
juShatu mati.n satataM svadharmayuktaiH . 
abhigata janavatsalA hi ga~NgA 
bhajati yunakti sukhaish cha bhaktimantam .. 100..\\

 bh

iti paramamatirguNAnanekA~n 
shila rataye tripathAnuyoga rUpAn . 
bahuvidhamanushAsya tathya rUpAn 
gaganatala.n dyutimAnvivesha siddhaH .. 101..\\
shilavR^ittistu siddhasya vAkyaiH sambodhitastadA . 
ga~NgAmupAsya vidhivatsiddhiM prAptaH sudurlabhAm .. 102..\\
tasmAttvamapi kaunteya bhaktyA paramayA yutaH . 
ga~NgAmabhyehi satataM prApsyase siddhimuttamAm .. 103..\\

 v

shrutvetihAsaM bhIShmokta.n ga~NgAyAH stavasa.nyutam . 
yudhiShThiraH parAM prItimagachchhadbhrAtR^ibhiH saha .. 104..\\
itihAsamimaM puNya.n shR^iNuyAdyaH paTheta vA . 
ga~NgAyAH stavasa.nyukta.n sa muchyetsarvakilbiShaiH .. 105..\\
\medskip\hrule\medskip\centerline{\Largedvng 28}
 y

praGYA shrutAbhyA.n vR^ittena shIlena cha yathA bhavAn . 
guNaiH samuditaH sarvairvayasA cha samanvitaH . 
tasmAdbhavantaM pR^ichchhAmi dharma.n dharmabhR^itA.n vara .. 1..\\
kShatriyo yadi vA vaishyaH shUdro vA rAjasattama . 
brAhmaNyaM prApnuyAtkena tanme vyAkhyAtumarhasi .. 2..\\
tapasA vA sumahatA karmaNA vA shrutena vA . 
brAhmaNyamatha chedichchhettanme brUhi pitAmaha .. 3..\\

 bh

brAhmaNya.n tAta duShprApa.n varNaiH kShatrAdibhistribhiH . 
para.n hi sarvabhUtAnAM sthAnametadyudhiShThira .. 4..\\
bahvIstu sa.nsaranyonIrjAyamAnaH punaH punaH . 
paryAye tAta kasmiMshchidbrAhmaNo nAma jAyate .. 5..\\
atrApyudAharantImamitihAsaM purAtanam . 
mata~Ngasya cha sa.nvAdma gardabhyAshcha yudhiShThira .. 6..\\
dvijAteH kasya chittAta tulyavarNaH sutaH prabhuH . 
mata~Ngo nAma nAmnAbhUtsarvaiH samudito guNaiH .. 7..\\
sa yaGYakAraH kaunteya pitrA sR^iShTaH parantapa . 
prAyAdgardabha yuktena rathenehAshu gAminA .. 8..\\
sa bAla.n gardabha.n rAjanvahantaM mAturantike . 
niravidhyatpratodena nAsikAyAM punaH punaH .. 9..\\
ta.n tu tIvravraNaM deShTvA gardabhI putragR^iddhinI . 
uvAcha mA shuchaH putra chaNDAlastvAdhitiShThati .. 10..\\
brAhmaNe dAruNaM nAsti maitro brAhmaNa uchyate . 
AchAryaH sarvabhUtAnA.n shAtA kiM prahariShyati .. 11..\\
aya.n tu pApaprakR^itirbAle na kurute dayAm . 
svayoniM mAnayatyeSha bhAvo bhAvaM nigachchhati .. 12..\\
etachchhrutvA mata~Ngastu dAruNa.n rAsabhI vachaH . 
avatIrya rathAttUrNa.n rAsabhIM pratyabhAShata .. 13..\\
brUhi rAsabhi kalyANi mAtA me yena dUShitA . 
kathaM mA.n vetsi chaNDAla.n kShipraM rAsabhi sha.nsa me .. 14..\\
kena jAto.asmi chaNDAlo brAhmaNya.n yena me.anashat . 
tattvenaitanmahAprAGYe brUhi sarvamasheShataH .. 15..\\

 gardabhii

brAhmaNyA.n vR^iShalena tvaM mattAyAM nApitena ha . 
jAtastvamasi chaNDAlo brAhmaNya.n tena te.anashat .. 16..\\
evamukto mata~Ngastu pratyupAyAdgR^ihaM prati . 
tamAgatamabhiprekShya pitA vAkyamathAbravIt .. 17..\\
mayA tva.n yaGYasa.nsiddhau niyukto guru karmaNi . 
kasmAtpratinivR^itto.asi kachchinna kushala.n tava .. 18..\\

 m

ayoniragryayonirvA yaH syAtsa kushalI bhavet . 
kushala.n tu kutastasya yasyeyaM jananI pitaH .. 19..\\
brAhmaNyA.n vR^iShalAjjAtaM pitarvedayatIha mAm . 
amAnuShI gardabhIya.n tasmAttapsye tapo mahat .. 20..\\
evamuktvA sa pitaraM pratasthe kR^itanishchayaH . 
tato gatvA mahAraNyamatapyata mahattapaH .. 21..\\
tataH santApayAmAsa vibudhA.nstapasAnvitaH . 
mata~NgaH susukhaM prepsuH sthAna.n sucharitAdapi .. 22..\\
ta.n tathA tapasA yuktamuvAcha harivAhanaH . 
mata~Nga tapyase ki.n tvaM bhogAnutsR^ijya mAnuShAn .. 23..\\
vara.n dadAni te hanta vR^iNIShva tva.n yadichchhati . 
yachchApyavApyamanyatte sarvaM prabrUhi mAchiram .. 24..\\

 m

brAhmaNya.n kAmayAno.ahamidamArabdhavA.nstapaH . 
gachchheya.n tadavApyeha vara eSha vR^ito mayA .. 25..\\
etachchhrutvA tu vachana.n tamuvAcha purandaraH . 
brAhmaNyaM prArthayAnastvamaprApyamakR^itAtmabhiH .. 26..\\
shreShTha.n yatsarvabhUteShu tapo yannAtivartate . 
tadagryaM prArthayAnastvamachirAdvinashiShyasi .. 27..\\
devatAsuramartyeShu yatpavitraM para.n smR^itam . 
chaNDAla yonau jAtena na ta prApya.n kathaM chana .. 28..\\
\medskip\hrule\medskip\centerline{\Largedvng 29}
 bh

evamukto mata~Ngastu saMshitAtmA yatavrataH . 
atiShThadekapAdena varShANA.n shatamachyuta .. 1..\\
tamuvAcha tataH shakraH punareva mahAyashAH . 
mata~Nga parama.n sthAnaM prArthayannatidurlabham .. 2..\\
mA kR^ithAH sAhasaM putra naiSha dharmapathastava . 
aprApyaM prArthayAno hi nachirAdvinashiShyasi .. 3..\\
mata~Nga parama.n sthAnaM vAryamANo mayA sakR^it . 
chikIrShasyeva tapasA sarvathA na bhaviShyasi .. 4..\\
tiryagyonigataH sarvo mAnuShya.n yadi gachchhati . 
sa jAyate pulkaso vA chaNDAlo vA kadA chana .. 5..\\
puMshchalaH pApayonirvA yaH kashchidiha lakShyate . 
sa tasyAmeva suchiraM mata~Nga parivartate .. 6..\\
tato dashaguNe kAle labhate shUdratAm api . 
shUdrayonAvapi tato bahushaH parivartate .. 7..\\
tatastriMshadguNe kAle labhate vaishyatAm api . 
vaishyatAyA.n chiraM kAlaM tatraiva parivartate .. 8..\\
tataH ShaShTiguNe kAle rAjanyo nAma jAyate . 
rAjanyatve chira.n kAlaM tatraiva parivartate .. 9..\\
tataH ShaShTiguNe kAle labhate brahma bandhutAm . 
brahma bandhushchira.n kAlaM tatraiva parivartate .. 10..\\
tatastu dvishate kAle labhate kANDapR^iShThatAm . 
kANDapR^iShThashchira.n kAlaM tatraiva parivartate .. 11..\\
tatastu trishate kAle labhate dvijatAm api . 
tA.n cha prApya chiraM kAlaM tatraiva parivartate .. 12..\\
tatashchatuHshate kAle shrotriyo nAma jAyate . 
shrotriyatve chira.n kAlaM tatraiva parivartate .. 13..\\
tadaiva krodhaharShau cha kAmadveShau cha putraka . 
atimAnAtivAdau tamAvishanti dvijAdhamam .. 14..\\
tAMshchejjayati shatrUnsa tadA prApnoti sadgatim . 
atha te vai jayantyena.n tAlAgrAdiva pAtyate .. 15..\\
mata~Nga sampradhAryaitadyadaha.n tvAmachUdudam . 
vR^iNIShva kAmamanya.n tvaM brAhmaNya.n hi sudurlabham .. 16..\\
\medskip\hrule\medskip\centerline{\Largedvng 30}
 bh

evamukto mata~Ngastu bhR^isha.n shokaparAyaNaH . 
atiShThata gayA.n gatvA so.a~NguShThena shata.n samAH .. 1..\\
suduShkara.n vahanyoga.n kR^isho dhamani santataH . 
tvagasthi bhUto dharmAtmA sa papAteti naH shrutam .. 2..\\
taM patantamabhidrutya parijagrAha vAsavaH . 
varANAmIshvaro dAtA sarvabhUtahite rataH .. 3..\\

 zakra

mata~Nga brAhmaNatva.n te sa.nvR^itaM paripanthibhiH . 
pUjayansukhamApnoti duHkhamApnotyapUjayan .. 4..\\
brAhmaNe sarvabhUtAnA.n yogakShemaH samAhitaH . 
brAhmaNebhyo.anutR^ipyanti pitaro devatAstathA .. 5..\\
brAhmaNaH sarvabhUtAnAM mata~Nga para uchyate . 
brAhmaNaH kurute taddhi yathA yadyachcha vA~nchhati .. 6..\\
bahvIstu sa.nsaranyonIrjAyamAnaH punaH punaH . 
paryAye tAta kasmiMshchidbrAhmaNyamiha vindati .. 7..\\

 m

kiM mA.n tudasi duHkhArtaM mR^itaM mArayase cha mAm . 
ta.n tu shochAmi yo labdhvA brahmaNyaM na bubhUShate .. 8..\\
brAhmaNya.n yadi duShprApa.n tribhirvarNaiH shatakrato . 
sudurlabha.n tadAvApya nAnutiShThanti mAnavAH .. 9..\\
yaH pApebhyaH pApatamasteShAmadhama eva saH . 
brAhmaNya.n yo.avajAnIte dhanaM labdhveva durlabham .. 10..\\
duShprApa.n khalu vipratvaM prAptaM duranupAlanam . 
duravApamavApyaitannAnutiShThanti mAnavAH .. 11..\\
ekArAmo hyaha.n shakra nirdvandvo niShparigrahaH . 
ahi.nsA damadAnasthaH kathaM nArhAmi vipratAm .. 12..\\
yathA kAmavihArI syA.n kAmarUpI viha~NgamaH . 
brahmakShatrAvirodhena pUjA.n cha prApnuyAm aham . 
yathA mamAkShayA kIrtirbhavechchApi purandara .. 13..\\

 indra

chhando deva iti khyAtaH strINAM pUjyo bhaviShyasi .. 14..\\

 bh

eva.n tasmai varaM dattvA vAsavo.antaradhIyata . 
prANA.nstyaktvA mata~Ngo.api prApa tatsthAnamuttamam .. 15..\\
evametatpara.n sthAnaM brAhmaNyaM nAma bhArata . 
tachcha duShprApamiha vai mahendra vachana.n yathA .. 16..\\
\medskip\hrule\medskip\centerline{\Largedvng 31}
 y

shrutaM me mahadAkhyAnametatkurukulodvaha . 
suduShprApaM bravIShi tvaM brAhmaNya.n vadatAM vara .. 1..\\
vishvAmitreNa cha purA brAhmaNyaM prAptamityuta . 
shrUyate vadase tachcha duShprApamiti sattama .. 2..\\
vIha havyashcha rAjarShiH shruto me vipratA.n gataH . 
tadeva tAvadgA~Ngeya shrotumichchhAmyaha.n vibho .. 3..\\
sa kena karmaNA prApto brAhmaNya.n rAjasattama . 
vareNa tapasA vApi tanme vyAkhyAtumarhati .. 4..\\

 bh

shR^iNu rAjanyathA rAjA vIha havyo mahAyashAH . 
kShatriyaH sanpunaH prApto brAhmaNya.n lokasatkR^itam .. 5..\\
manormahAtmanastAta prajA dharmeNa shAsataH . 
babhUva putro dharmAtmA sharyAtiriti vishrutaH .. 6..\\
tasyAnvavAye dvau rAjanrAjAnau sambabhUvatuH . 
hehayastAlaja~Nghashcha vatseShu jayatA.n vara .. 7..\\
hehayasya tu putrANA.n dashasu strIShu bhArata . 
shataM babhUva prakhyAta.n shUrANAmanivartinAm .. 8..\\
tulyarUpaprabhAvANA.n viduShAM yuddhashAlinAm . 
dhanurvede cha vede cha sarvatraiva kR^itashramAH .. 9..\\
kAshiShvapi nR^ipo rAjandivodAsa pitAmahaH . 
haryashva iti vikhyAto babhUva jayatA.n varaH .. 10..\\
sa vItahavyadAyAdairAgatya puruSharShabha . 
ga~NgAyamunayormadhye sa~NgrAme vinipAtitaH .. 11..\\
ta.n tu hatvA naravara.n hehayAste mahArathAH . 
pratijagmuH purI.n ramyAM vatsAnAmakutobhayAH .. 12..\\
haryashvasya tu dAyAdaH kAshirAjo.abhyaShichyata . 
sudevo devasa~NkAshaH sAkShAddharma ivAparaH .. 13..\\
sa pAlayanneva mahI.n dharmAtmA kAshinandanaH . 
tairvItahavyairAgatya yudhi sarvairvinirjitaH .. 14..\\
tamapyAjau vinirjitya pratijagmuryathAgatam . 
saudevistvatha kAshIsho divodAso.abhyaShichyata .. 15..\\
divodAsastu viGYAya vIrya.n teShAM mahAtmanAm . 
vArANasIM mahAtejA nirmame shakra shAsanAt .. 16..\\
vipra kShatriya sambAdhA.n vaishyashUdra samAkulAm . 
naikadravyochchayavatI.n samR^iddhavipaNApaNAm .. 17..\\
ga~NgAyA uttare kUle vaprAnte rAjasattama . 
gomatyA dakShiNe chaiva shakrasyevAmarAvatIm .. 18..\\
tatra ta.n rAjashArdUlaM nivasantaM mahIpatim . 
Agatya hehayA bhUyaH paryadhAvanta bhArata .. 19..\\
sa niShpatya dadau yuddha.n tebhyo rAjA mahAbalaH . 
devAsurasama.n ghoraM divodAso mahAdyutiH .. 20..\\
sa tu yuddhe mahArAja dinAnA.n dashatIrdasha . 
hatavAhana bhUyiShThastato dainyamupAgamat .. 21..\\
hatayodhastato rAjankShINakoshashcha bhUmipaH . 
divodAsaH purI.n hitvA palAyanaparo.abhavat .. 22..\\
sa tvAshramamupAgamya bharadvAjasya dhImataH . 
jagAma sharaNa.n rAjA kR^itA~njalirarindama .. 23..\\

 raajaa

bhagavanvaitahavyairme yuddhe vaMshaH praNAshitaH . 
ahamekaH paridyUno bhavanta.n sharaNa.n gataH .. 24..\\
shiShyasnehena bhagavansa mA.n rakShitumarhasi . 
niHsheSho hi kR^ito vaMsho mama taiH pApakarmabhiH .. 25..\\
tamuvAcha mahAbhAgo bharadvAjaH pratApavAn . 
na bhetavyaM na bhetavya.n saudeva vyetu te bhayam .. 26..\\
ahamiShTi.n karomyadya putrArthaM te vishAM pate . 
vaitahavya sahasrANi yathA tvaM prasahiShyasi .. 27..\\
tata iShTi.n chakArarShistasya vai putra kAmikIm . 
athAsya tanayo jaGYe pratardana iti shrutaH .. 28..\\
sa jAtamAtro vavR^idhe samAH sadyastrayodasha . 
veda.n chAdhijage kR^itsnaM dhanurvedaM cha bhArata .. 29..\\
yogena cha samAviShTo bharadvAjena dhImatA . 
tejo laukya.n sa sa~NgR^ihya tasmindeshe samAvishat .. 30..\\
tataH sa kavachI dhanvI bANI dIpta ivAnalaH . 
prayayau sadhanurdhanvanvivarShuriva toyadaH .. 31..\\
ta.n dR^iShTvA parama.n harShaM sudeva tanayo yayau . 
mene cha manasA dagdhAnvaitahavyAnsa pArthivaH .. 32..\\
tatasta.n yauvarAjyena sthApayitvA pratardanam . 
kR^itakR^itya.n tadAtmAna.n sa rAjA abhyanandata .. 33..\\
tatastu vaitahavyAnA.n vadhAya sa mahIpatiH . 
putraM prasthApayAmAsa pratardanamarindamam .. 34..\\
sarathaH sa tu santIrya ga~NgAmAshu parAkramI . 
prayayau vItahavyAnAM purIM parapura~njayaH .. 35..\\
vaitahavyAstu saMshrutya rathaghoSha.n samuddhatam . 
niryayurnagarAkArai rathaiH pararathArujaiH .. 36..\\
niShkramya te naravyAghrA daMshitAshchitrayodhinaH . 
pratardana.n samAjaghnuH sharavarShairudAyudhAH .. 37..\\
astaishcha vividhAkArai rathaughaishcha yudhiShThira . 
abhyavarShanta rAjAna.n himavantamivAmbudAH .. 38..\\
astairastrANi sa.nvArya teShA.n rAjA pratardanaH . 
jaghAna tAnmahAtejA vajrAnala samaiH sharaiH .. 39..\\
kR^ittottamA~NgAste rAjanbhallaiH shatasahasrashaH . 
apatanrudhirArdrA~NgA nikR^ittA iva kiMshukAH .. 40..\\
hateShu teShu sarveShu vItahavyaH suteShvatha . 
prAdravannagara.n hitvA bhR^igorAshramamapyuta .. 41..\\
yayau bhR^igu.n cha sharaNa.n vItahavyo narAdhipaH . 
abhaya.n cha dadau tasmai rAGYe rAjanbhR^igustathA . 
tato dadAvAsana.n cha tasmai shiShyo bhR^igostadA .. 42..\\
athAnupadamevAshu tatrAgachchhatpratardanaH . 
sa prApya chAshramapada.n divodAsAtmajo.abravIt .. 43..\\
bho bhoH ke.atrAshrame santi bhR^igoH shiShyA mahAtmanaH . 
draShTumichchhe munimaha.n tasyAchakShata mAm iti .. 44..\\
sa ta.n viditvA tu bhR^igurnishchakrAmAshramAttadA . 
pUjayAmAsa cha tato vidhinA parameNa ha .. 45..\\
uvAcha chaina.n rAjendra ki.n kAryamiti pArthivam . 
sa chovAcha nR^ipastasmai yadAgamanakAraNam .. 46..\\
ayaM brahmannito rAjA vItahavyo visarjyatAm . 
asya putrairhi me brahmankR^itsno vaMshaH praNAshitaH . 
utsAditashcha viShayaH kAshInA.n ratnasa~ncayaH .. 47..\\
etasya vIryadR^iptasya hataM putrashataM mayA . 
asyedAnI.n vadhAdbrahmanbhaviShyAmyanR^iNaH pituH .. 48..\\
tamuvAcha kR^ipAviShTo bhR^igurdharmabhR^itA.n varaH . 
nehAsti kShatriyaH kashchitsarve hIme dvijAtayaH .. 49..\\
eva.n tu vachana.n shrutvA bhR^igostathyaM pratardanaH . 
pAdAvupaspR^ishya shanaiH prahasanvAkyamabravIt .. 50..\\
evamapyasmi bhagavankR^itakR^ityo na saMshayaH . 
yadeSha rAjA vIryeNa svajAti.n tyAjito mayA .. 51..\\
anujAnIhi mAM brahmandhyAyasva cha shivena mAm . 
tyAjito hi mayA jAtimeSha rAjA bhR^igUdvaha .. 52..\\
tatastenAbhyanuGYAto yayau rAjA pratardanaH . 
yathAgataM mahArAja muktvA viShamivoragaH .. 53..\\
bhR^igorvachanamAtreNa sa cha brahmarShitA.n gataH . 
vItahavyo mahArAja brahmavAditvameva cha .. 54..\\
tasya gR^itsamadaH putro rUpeNendra ivAparaH . 
shakrastvamiti yo daityairnigR^ihItaH kilAbhavat .. 55..\\
R^igvede vartate chAgryA shrutiratra vishAM pate . 
yatra gR^itsamado brahmanbrAhmaNaiH sa mahIyate .. 56..\\
sa brahma chArI viprarShiH shrImAngR^itsamado.abhavat . 
putro gR^itsamadasyApi suchetA abhavaddvijaH .. 57..\\
varchAH sutejasaH putro vihavyastasya chAtmajaH . 
vihavyasya tu putrastu vitatyastasya chAtmajaH .. 58..\\
vitatyasya sutaH satyaH santaH satyasya chAtmajaH . 
shravAstasya sutashcharShiH shravasashchAbhavattamaH .. 59..\\
tamasashcha prakAsho.abhUttanayo dvijasattamaH . 
prakAshasya cha vAgindro babhUva jayatA.n varaH .. 60..\\
tasyAtmajashcha pramatirvedavedA~NgapAragaH . 
ghR^itAchyA.n tasya putrastu rururnAmodapadyata .. 61..\\
pramadvarAyA.n tu ruroH putraH samudapadyata . 
shunako nAma viprarShiryasya putro.atha shaunakaH .. 62..\\
eva.n vipratvamagamadvItahavyo narAdhipaH . 
bhR^igoH prasAdAdrAjendra kShatriyaH kShatriyarShabha .. 63..\\
tathaiva kathito vaMsho mayA gArtsamadastava . 
vistareNa mahArAja kimanyadanupR^ichchhasi .. 64..\\
\medskip\hrule\medskip\centerline{\Largedvng 32}
 y

ke pUjyAH ke namaH kAryA mAnavairbharatarShabha . 
vistareNa tadAchakShva na hi tR^ipyAmi kathyatAm .. 1..\\

 bh

atrApyudAharantImamitihAsaM purAtanam . 
nAradasya cha sa.nvAda.n vAsudevasya chobhayoH .. 2..\\
nAradaM prA~njali.n dR^iShTvA pUjayAnaM dvija rShabhAn . 
keshavaH paripaprachchha bhagavankAnnamasyasi .. 3..\\
bahumAnaH paraH keShu bhavato yAnnamasyasi . 
shakya.n chechchhrotumichchhAmi brUhyetaddharmavittama .. 4..\\

 n

shR^iNu govinda yAnetAnpUjayAmyarimardana . 
tvatto.anyaH kaH pumA.Nlloke shrotumetadihArhati .. 5..\\
varuNa.n vAyumAdityaM paryanya.n jAtavedasam . 
sthANu.n skanda.n tathA lakShmIM viShNuM brahmANameva cha .. 6..\\
vAchaspati.n chandramasamapaH pR^ithvI.n sarasvatIm . 
satata.n ye namasyanti tAnnamasyAmyahaM vibho .. 7..\\
tapodhanAnveda vido nitya.n veda parAyaNAn . 
mahArhAnvR^iShNishArdUla sadA sampUjayAmyaham .. 8..\\
abhuktvA devakAryANi kurvate ye.avikatthanAH . 
santuShTAshcha kShamA yuktAstAnnamasyAmyaha.n vibho .. 9..\\
samyagdadati ye cheShTAnkShAntA dAntA jitendriyAH . 
sasya.n dhanaM kShitiM gAshcha tAnnamasyAmi yAdava .. 10..\\
ye te tapasi vartante vane mUlaphalAshanAH . 
asa~ncayAH kriyAvantastAnnamasyAmi yAdava .. 11..\\
ye bhR^ityabharaNe saktAH satata.n chAtithi priyAH . 
bhu~njante deva sheShANi tAnnamasyAmi yAdava .. 12..\\
ye vedaM prApya durdharShA vAgmino brahmavAdinaH . 
yAjanAdhyApane yuktA nitya.n tAnpUjayAmyaham .. 13..\\
prasannahR^idayAshchaiva sarvasattveShu nityashaH . 
A pR^iShThatApAtsvAdhyAye yuktAstAnpUjayAmyaham .. 14..\\
guru prasAde svAdhyAye yatante ye sthiravratAH . 
shushrUShavo.anasUyantastAnnamasyAmi yAdava .. 15..\\
suvratA munayo ye cha brahmaNyAH satyasa~NgarAH . 
voDhAro havyakavyAnA.n tAnnamasyAmi yAdava .. 16..\\
bhaikShya charyAsu niratAH kR^ishA guru kulAshrayAH . 
niHsukhA nirdhanA ye cha tAnnamasyAmi yAdava .. 17..\\
nirmamA niShpratidvandvA nirhrIkA niShprayojanAH . 
ahi.nsA niratA ye cha ye cha satyavratA narAH . 
dAntAH shama parAshchaiva tAnnamasyAmi keshava .. 18..\\
devatAtithipUjAyAM prasaktA gR^ihamedhinaH . 
kapota vR^ittayo nitya.n tAnnamasyAmi yAdava .. 19..\\
yeShA.n trivargaH kR^ityeShu vartate nopahIyate . 
shiShTAchAra pravR^ittAshcha tAnnamasyAmyaha.n sadA .. 20..\\
brAhmaNAstriShu lokeShu ye trivargamanuShThitAH . 
alolupAH puNyashIlAstAnnamasyAmi keshava .. 21..\\
abbhakShA vAyubhakShAshcha sudhA bhakShAshcha ye sadA . 
vrataishcha vividhairyuktAstAnnamasyAmi mAdhava .. 22..\\
ayonInagniyonIMshcha brahmayonI.nstathaiva cha . 
sarvabhUtAtmayonIMshcha tAnnamasyAmyaha.n dvijAn .. 23..\\
nityametAnnamasyAmi kR^iShNa lokakarAnR^iShIn . 
lokajyeShThA~nGYAnaniShThA.nstamo ghnA.NllokabhAskarAn .. 24..\\
tasmAttvamapi vArShNeya dvijAnpUjaya nityadA . 
pUjitAH pUjanArhA hi sukha.n dAsyanti te.anagha .. 25..\\
alsmilloke sadA hyete paratra cha sukhapradAH . 
ta ete mAnyamAnA vai pradAsyanti sukha.n tava .. 26..\\
ye sarvAtithayo nitya.n goShu cha brAhmaNeShu cha . 
nitya.n satye cha niratA durgANyatitaranti te .. 27..\\
nitya.n shama parA ye cha tathA ye chAnasUyakAH . 
nitya.n svAdhyAyino ye cha durgANyatitaranti te .. 28..\\
sarvAndevAnnamasyanti ye chaika.n devamAshritAH . 
shraddadhAnAshcha dAntAshcha durgANyatitaranti te .. 29..\\
tathaiva vipra pravarAnnamaskR^itya yatavratAn . 
bhavanti ye dAnaratA durgANyatitaranti te .. 30..\\
agnInAdhAya vidhivatprayatA dhArayanti ye . 
prAptAH somAhuti.n chaiva durgANyatitaranti te .. 31..\\
mAtApitrorguruShu cha samyagvartanti ye sadA . 
yathA tva.n vR^iShNishArdUletyuktvaivaM virarAma saH .. 32..\\
tasmAttvamapi kaunteya pitR^idevadvijAtithIn . 
samyakpUjaya yena tva.n gatimiShTAmavApsyasi .. 33..\\
\medskip\hrule\medskip\centerline{\Largedvng 33}
 y

ki.n rAGYaH sarvakR^ityAnA.n garIyaH syAtpitAmaha . 
ki.n kurvankarma nR^ipatirubhau lokau samashnute .. 1..\\

 bh

etadrAGYaH kR^ityatamamabhiShiktasya bhArata . 
brAhmaNAnAmanuShThAnamatyanta.n sukhamichchhatA . 
shrotriyAnbrAhmaNAnvR^iddhAnnityamevAbhipUjayet .. 2..\\
paurajAnapadAMshchApi brAhmaNAMshcha bahushrutAn . 
sAntvena bhogadAnena namaH kAraistathArchayet .. 3..\\
etatkR^ityatama.n rAGYo nityameveti lakShayet . 
yathAtmAna.n yathA putrA.nstathaitAnparipAlayet .. 4..\\
ye chApyeShAM pUjyatamAstAndR^iDhaM pratipUjayet . 
teShu shAnteShu tadrAShTra.n sarvameva virAjate .. 5..\\
te pUjyAste namaH kAryAste rakShyAH pitaro yathA . 
teShveva yAtrA lokasya bhUtAnAmiva vAsave .. 6..\\
abhichArairupAyaishcha daheyurapi tejasA . 
niHsheSha.n kupitAH kuryurugrAH satyaparAkramAH .. 7..\\
nAntameShAM prapashyAmi na dishashchApyapAvR^itAH . 
kupitAH samudIkShante dAveShvagnishikhA iva .. 8..\\
vidyanteShA.n sAhasikA guNAsteShAmatIva hi . 
kUpA iva tR^iNachchhannA vishuddhA dyaurivApare .. 9..\\
prasahya kAriNaH ke chitkArpAsa mR^idavo.apare . 
santi chaiShAmatishaThAstathAnye.atitapasvinaH .. 10..\\
kR^iShigorakShyamapyanye bhaikShamanye.apyanuShThitAH . 
chorAshchAnye.anR^itAshchAnye tathAnye naTanartakAH .. 11..\\
sarvakarmasu dR^ishyante prashAnteShvitareShu cha . 
vividhAchAra yuktAshcha brAhmaNA bharatarShabha .. 12..\\
nAnA karmasu yuktAnAM bahu karmopajIvinAm . 
dharmaGYAnA.n satA.n teShAM nityamevAnukIrtayet .. 13..\\
pitR^INA.n devatAnAM cha manuShyoragarakShasAm . 
purohitA mahAbhAgA brAhmaNA vai narAdhipa .. 14..\\
naite devairna pitR^ibhirna gandharvairna rAkShasaiH . 
nAsurairna pishAchaishcha shakyA jetu.n dvijAtayaH .. 15..\\
adaiva.n daivataM kuryurdaivataM chApyadaivatam . 
yamichchheyuH sa rAjA syAdya.n dviShyuH sa parAbhavet .. 16..\\
parivAda.n cha ye kuryurbrAhmaNAnAmachetasaH . 
nindA prasha.nsA kushalAH kIrtyakIrtiparAvarAH . 
parikulpyanti te rAjansatata.n dviShatAM dvijAH .. 17..\\
brAhmaNA yaM prasha.nsanti puruShaH sa pravardhate . 
brAhmaNairyaH parAkruShTaH parAbhUyAtkShaNAddhi saH .. 18..\\
shakA yavanakAmbojAstAstAH kShatriya jAtayaH . 
vR^iShalatvaM parigatA brAhmaNAnAmadarshanAt .. 19..\\
dramildAshcha kali~NgAshcha pulindAshchApyushInarAH . 
kaulAH sarpA mAhiShakAstAstAH kShatriya jAtayaH .. 20..\\
vR^iShalatvaM parigatA brAhmaNAnAmadarshanAt . 
shreyAnparAjayastebhyo na jayo jayatA.n vara .. 21..\\
yastu sarvamida.n hanyAdbrAhmaNa.n cha na taH samam . 
brahma vadhyA mahAndoSha ityAhuH paramarShayaH .. 22..\\
parivAdo dvijAtInAM na shrotavyaH katha.n chana . 
AsItAdho mukhastUShNI.n samutthAya vrajeta vA .. 23..\\
na sa jAto janiShyo vA pR^ithivyAmiha kash chana . 
yo brAhmaNa virodhena sukha.n jIvitumutsahet .. 24..\\
durgraho muShTinA vAyurduHsparshaH pANinA shashI . 
durdharA pR^ithivI mUrdhnA durjayA brAhmaNA bhuvi .. 25..\\

 bh

brAhmaNAneva satataM bhR^isha.n sampratipUjayet .. 1..\\
\medskip\hrule\medskip\centerline{\Largedvng 34}
ete hi somarAjAna IshvarAH sukhaduHkhayoH .. 1..\\
ete bhogairala~NkArairanyaishchaiva kimichchhakaiH . 
sadA pUjyA namaH kAryA rakShyAshcha pitR^ivannR^ipaiH . 
ato rAShTrasya shAntirhi bhUtAnAmiva vAsavAt .. 2..\\
jAyatAM brahma varchasvI rAShTre vai brAhmaNaH shuchiH . 
mahArathashcha rAjanya eShTavyaH shatrutApanaH .. 3..\\
brAhmaNa.n jAtisampannaM dharmaGYa.n saMshitavratam . 
vAsayeta gR^ihe rAjanna tasmAtparamasti vai .. 4..\\
brAhmaNebhyo havirdattaM pratigR^ihNanti devatAH . 
pitaraH sarvabhUtAnAM naitebhyo vidyate param .. 5..\\
AdityashchandramA vAyurbhUmirApo.ambara.n dishaH . 
sarve brAhmaNamAvishya sadAnnamupabhu~njate .. 6..\\
na tasyAshnanti pitaro yasya viprA na bhu~njate . 
devAshchApyasya nAshnanti pApasya brAhmaNa dviShaH .. 7..\\
brAhmaNeShu tu tuShTeShu prIyante pitaraH sadA . 
tathaiva devatA rAjannAtra kAryA vichAraNA .. 8..\\
tathaiva te.api prIyante yeShAM bhavati taddhaviH . 
na cha pretya vinashyanti gachchhanti paramA.n gatim .. 9..\\
yena yenaiva haviShA brAhmaNA.nstarpayennaraH . 
tena tenaiva prIyante pitaro devatAstathA .. 10..\\
brAhmaNAdeva tadbhUtaM prabhavanti yataH prajAH . 
yatashchAyaM prabhavati pretya yatra cha gachchhati .. 11..\\
vedaiSha mArga.n svargasya tathaiva narakasya cha . 
AgatAnAgate chobhe brAhmaNo dvipadA.n varaH . 
brAhmaNo bharatashreShTha svadharma.n veda medhayA .. 12..\\
ye chainamanuvartante te na yAnti parAbhavam . 
na te pretya vinashyanti gachchhanti na parAbhavam .. 13..\\
ye brAhmaNa mukhAtprAptaM pratigR^ihNanti vai vachaH . 
kR^itAtmAno mahAtmAnaste na yAnti parAbhavam .. 14..\\
kShatriyANAM pratapatA.n tejasA cha balena cha . 
brAhmaNeShveva shAmyanti tejA.nsi cha balAni cha .. 15..\\
bhR^igavo.ajaya.nstAlaja~NghAnnIpAna~Ngiraso.ajayan . 
bharadvAjo vaitahavyAnailAMshcha bharatarShabha .. 16..\\
chitrAyudhAMshchApyajayannete kR^iShNAjinadhvajAH . 
prakShipyAtha cha kumbhAnvai pAragAminamArabhet .. 17..\\
yatki.n chitkathyate loke shrUyate pashyate.api vA . 
sarva.n tadbrAhmaNeShveva gUDho.agniriva dAruShu .. 18..\\
atrApyudAharantImamitihAsaM purAtanam . 
sa.nvAda.n vAsudevasya pR^ithvyAshcha bharatarShabha .. 19..\\

 vaasudeva

mAtara.n sarvabhUtAnAM pR^ichchhe tvA saMshayaM shubhe . 
kena svitkarmaNA pApa.n vyapohati naro gR^ihI .. 20..\\

 prthivii

brAhmaNAneva seveta pavitra.n hyetaduttamam . 
brAhmaNAnsevamAnasya rajaH sarvaM praNashyati .. 21..\\
ato bhUtirataH kIrtirato buddhiH prajAyate . 
apareShAM pareShA.n cha parebhyash chaiva ye pare .. 22..\\
brAhmaNA yaM prasha.nsanti puruShaH sa pravardhate . 
atha yo brAhmaNAkruShTaH parAbhavati so.achirAt .. 23..\\
yathA mahArNave kShipta AmaloShTo vinashyati . 
tathA dushcharita.n karma parAbhAvAya kalpate .. 24..\\
pashya chandre kR^ita.n lakShma samudre lavaNodakam . 
tathA bhaga sahasreNa mahendraM parichihnitam .. 25..\\
teShAmeva prabhAvena sahasranayano hyasau . 
shatakratuH samabhavatpashya mAdhava yAdR^isham .. 26..\\
ichchhanbhUti.n cha kIrtiM cha lokAMshcha madhusUdana . 
brAhmaNAnumate tiShThetpuruShaH shuchirAtmavAn .. 27..\\
ityetadvachana.n shrutvA medinyA madhusUdanaH . 
sAdhu sAdhvityathetyuktvA medinIM pratyapUjayat .. 28..\\
etA.n shrutvopamAM pArtha prayato brAhmaNarShabhAn . 
satataM pUjayethAstva.n tataH shreyo.abhipatsyase .. 29..\\
\medskip\hrule\medskip\centerline{\Largedvng 35}
 bh

janmanaiva mahAbhAgo brAhmaNo nAma jAyate . 
namasyaH sarvabhUtAnAmatithiH prasR^itAgra bhuk .. 1..\\
sarvAnnaH suhR^idastAta brAhmaNAH sumanomukhAH . 
gIrbhirma~NgalayuktAbhiranudhyAyanti pUjitAH .. 2..\\
sarvAnno dviShatastAta brAhmaNA jAtamanyavaH . 
gIrbhirdAruNayuktAbhirabhihanyurapUjitAH .. 3..\\
atra gAthA brahma gItAH kIrtayanti purA vidaH . 
sR^iShTvA dvijAtIndhAtA hi yathApUrva.n samAdadhat .. 4..\\
na vo.anyadiha kartavya.n kiM chidUrdhva.n yathAvidhi . 
guptA gopAyata brahma shreyo vastena shobhanam .. 5..\\
svameva kurvatA.n karma shrIrvo brAhmI bhaviShyati . 
pramANa.n sarvabhUtAnAM pragraha.n cha gamiShyatha .. 6..\\
na shaudra.n karma kartavyaM brAhmaNena vipashchitA . 
shaudra.n hi kurvataH karma dharmaH samuparudhyate .. 7..\\
shrIshcha buddhishcha tejashcha vibhUtishcha pratApinI . 
svAdhyAyenaiva mAhAtmya.n vimalaM pratipatsyatha .. 8..\\
hutvA chAhavanIyasthaM mahAbhAgye pratiShThitAH . 
agrabhojyAH prasUtInA.n shriyA brAhmyAnukalpitAH .. 9..\\
shraddhayA parayA yuktA hyanabhidroha labdhayA . 
damasvAdhyAyaniratAH sarvAnkAmAnavApsyatha .. 10..\\
yachchaiva mAnuShe loke yachcha deveShu ki.n chana . 
sarva.n tattapasA sAdhya.n GYAnena vinayena cha .. 11..\\
ityetA brahma gItAste samAkhyAtA mayAnagha . 
viprAnukampArthamida.n tena prokta.n hi dhImatA .. 12..\\
bhUyasteShAM balaM manye yathA rAGYastapasvinaH . 
durAsadAshcha chaNDAshcha rabhasAH kShiprakAriNaH .. 13..\\
santyeShA.n si.nhasattvAshcha vyAghrasattvAstathApare . 
varAhamR^igasattvAshcha gajasattvAstathApare .. 14..\\
karpAsa mR^idavaH ke chittathAnye makaraspR^ishaH . 
vibhAShya ghAtinaH ke chittathA chakShurhaNo.apare .. 15..\\
santi chAshIviShanibhAH santi mandAstathApare . 
vividhAnIha vR^ittAni brAhmaNAnA.n yudhiShThira .. 16..\\
mekalA dramiDAH kAshAH pauNDrAH kolla girAstathA . 
shauNDikA daradA darvAshchaurAH shabara barbarAH .. 17..\\
kirAtA yavanAshchaiva tAstAH kShatriya jAtayaH . 
vR^iShalatvamanuprAptA brAhmaNAnAmadarshanAt .. 18..\\
brAhmaNAnAM paribhavAdasurAH salile shayAH . 
brAhmaNAnAM prasAdAchcha devAH svarganivAsinaH .. 19..\\
ashakya.n spraShTumAkAshamachAlyo himavAngiriH . 
avAryA setunA ga~NgA durjayA brAhmaNA bhuvi .. 20..\\
na brAhmaNa virodhena shakyA shAstu.n vasundharA . 
brAhmaNA hi mahAtmAno devAnAmapi devatAH .. 21..\\
tAnpUjayasva satata.n dAnena paricharyayA . 
yadIchchhasi mahIM bhoktumimA.n sAgaramekhalAm .. 22..\\
pratigraheNa tejo hi viprANA.n shAmyate.anagha . 
pratigraha.n ye nechchheyuste.api rakShyAstvayAnagha .. 23..\\
\medskip\hrule\medskip\centerline{\Largedvng 36}
 bh

atrApyudAharantImamitihAsaM purAtanam . 
shakra shambara sa.nvAda.n tannibodha yudhiShThira .. 1..\\
shakro hyaGYAtarUpeNa jaTI bhUtvA rajo ruNaH . 
virUpa.n rUpamAsthAya prashnaM paprachchha shambaram .. 2..\\
kena shambara vR^ittena svajAtyAnadhitiShThasi . 
shreShTha.n tvAM kena manyante tanme prabrUhi pR^ichchhataH .. 3..\\

 z

nAsUyAmi sadA viprAnbrahmANa.n cha pitAmaham . 
shAstrANi vadato viprAnsaMmanyAmi yathAsukham .. 4..\\
shrutvA cha nAvajAnAmi nAparAdhyAmi karhi chit . 
abhyarchyAnanupR^ichchhAmi pAdau gR^ihNAmi dhImatAm .. 5..\\
te vishrabdhAH prabhAShante sa.nyachchhanti cha mA.n sadA . 
pramatteShvapramatto.asmi sadA supteShu jAgR^imi .. 6..\\
te mA shAstrapathe yuktaM brahmaNyamanasUyakam . 
samAsi~nchanti shAstAraH kShaudraM madhviva makShikAH .. 7..\\
yachcha bhAShanti te tuShTAstattadgR^ihNAmi medhayA . 
samAdhimAtmano nityamanulomamachintayan .. 8..\\
so.aha.n vAgagrasR^iShTAnAM rasAnAmavalehakaH . 
svajAtyAnadhitiShThAmi nakShatrANIva chandramAH .. 9..\\
etatpR^ithivyAmamR^itametachchakShuranuttamam . 
yadbrAhmaNaM mukhAchchhAstramiha shrutvA pravartate .. 10..\\
etatkAraNamAGYAya dR^iShTvA devAsuraM purA . 
yuddhaM pitA me hR^iShTAtmA vismitaH pratyapadyata .. 11..\\
dR^iShTvA cha brAhmaNAnA.n tu mahimAnaM mahAtmanAm . 
paryapR^ichchhatkathamime siddhA iti nishAkaram .. 12..\\

 soma

brAhmaNAstapasA sarve sidhyante vAgbalAH sadA . 
bhujavIryA hi rAjAno vAgastrAshcha dvijAtayaH .. 13..\\
pravasanvApyadhIyIta bahvIrdurvasatIrvasan . 
nirmanyurapi nirmAno yatiH syAtsamadarshanaH .. 14..\\
api chejjAtisampannaH sarvAnvedAnpiturgR^ihe . 
shlAghamAna ivAdhIyedgrAmya ityeva ta.n viduH .. 15..\\
bhUmiretau nigirati sarpo bilashayAniva . 
rAjAna.n chApyayoddhAraM brAhmaNaM chApravAsinam .. 16..\\
atimAnaH shriya.n hanti puruShasyAlpamedhasaH . 
garbheNa duShyate kanyA gR^ihavAsena cha dvijaH .. 17..\\
ityetanme pitA shrutvA somAdadbhutadarshanAt . 
brAhmaNAnpUjayAmAsa tathaivAhaM mahAvratAn .. 18..\\

 bh

shrutvaitadvachana.n shakro dAnavendra mukhAchchyutam . 
dvijAnsampUjayAmAsa mahendratvamavApa cha .. 19..\\
\medskip\hrule\medskip\centerline{\Largedvng 37}
 y

apUrva.n vA bhavetpArthamatha vApi chiroShitam . 
dUrAdabhyAgata.n vApi kiM pAtraM syAtpitAmaha .. 1..\\

 bh

kriyA bhavati keShA.n chidupAMshu vratamuttamam . 
yo yo yAcheta yatki.n chitsarvaM dadyAma ityuta .. 2..\\
apIdayanbhR^ityavargamityevamanushushruma . 
pIDayanbhR^ityavarga.n hi AtmAnamapakarShati .. 3..\\
apUrva.n vApi yatpAtraM yachchApi syAchchiroShitam . 
dUrAdabhyAgata.n chApi tatpAtraM cha vidurbudhAH .. 4..\\

 y

apIDayA cha bhR^ityAnA.n dharmasyAhi.nsayA tathA . 
pAtra.n vidyAma tattvena yasmai dattaM na santapet .. 5..\\

 bh

R^itvikpurohitAchAryAH shiShyAH sambandhibAndhavAH . 
sarve pUjyAshcha mAnyAshcha shrutavR^ittopasa.nhitAH .. 6..\\
ato.anyathA vartamAnAH sarve nArhanti satkriyAm . 
tasmAnnityaM parIkSheta puruShAnpraNidhAya vai .. 7..\\
akrodhaH satyavachanamahi.nsA dama Arjavam . 
adroho nAtimAnashcha hrIstitikShA tapaH shamaH .. 8..\\
yasminetAni dR^ishyante na chAkAryANi bhArata . 
bhAvato viniviShTAni tatpAtraM mAnamarhati .. 9..\\
tathA chiroShita.n chApi sampratyAgatameva cha . 
apUrva.n chaiva pUrvaM cha tatpAtaM mAnamarhati .. 10..\\
aprAmANya.n cha vedAnA.n shAstrANAM chAti la~Nghanam . 
sarvatra chAnavasthAnametannAshanamAtmanaH .. 11..\\
bhavetpaNDitamAnI yo brAhmaNo veda nindakaH . 
AnvIkShikI.n tarka vidyAmanurakto nirarthikAm .. 12..\\
hetuvAdAnbruvansatsu vijetAhetu vAdikaH . 
AkroShTA chAti vaktA cha brAhmaNAnA.n sadaiva hi .. 13..\\
sarvAbhisha~NkI mUDhashcha bAlaH kaTuka vAgapi . 
boddhavyastAdR^ishastAta narashvAna.n hi taM viduH .. 14..\\
yathA shvA bhaShitu.n chaiva hantuM chaivAvasR^ijyate . 
eva.n sambhAShaNArthAya sarvashAstravadhAya cha . 
alpashrutAH ku tarkAshcha dR^iShTAH spR^iShTAH ku paNDitAH .. 15..\\
shrutismR^itItihAsAdi purANAraNya vedinaH . 
anurundhyAdbahuGYAMshcha sAraGYAMshchaiva paNDitAn .. 16..\\
lokayAtrA cha draShTavyA dharmashchAtmahitAni cha . 
evaM naro vartamAnaH shAshvatIredhate samAH .. 17..\\
R^iNamunmuchya devAnAmR^iShINA.n cha tathaiva cha . 
pitR^INAmatha viprANAmatithInA.n cha pa~nchamam .. 18..\\
paryAyeNa vishuddhena sunirNiktena karmaNA . 
eva.n gR^ihasthaH karmANi kurvandharmAnna hIyate .. 19..\\
\medskip\hrule\medskip\centerline{\Largedvng 38}
 y

strINA.n svabhAvamichchhAmi shrotuM bharatasattama . 
striyo hi mUla.n doShANA.n laghu chittAH pitAmaha .. 1..\\

 bh

atrApyudAharantImamitihAsaM purAtanam . 
nAradasya cha sa.nvAdaM puMshchalyA pa~ncha chUDayA .. 2..\\
lokAnanucharandhImAndevarShirnAradaH purA . 
dadarshApsarasaM brAhmIM pa~ncha dUDAmaninditAm .. 3..\\
tA.n dR^iShTvA chArusarvA~NgIM paprachchhApsarasaM muniH . 
saMshayo hR^idi me kashchittanme brUhi sumadhyame .. 4..\\
evamuktA tu sA vipraM pratyuvAchAtha nAradam . 
viShaye sati vakShyAmi samarthAM manyase cha mAm .. 5..\\

 n

na tvAmaviShaye bhadre niyokShyAmi katha.n chana . 
strINA.n svabhAvamichchhAmi tvattaH shrotuM varAnane .. 6..\\

 bh

etachchhrutvA vachastasya devarSherapsarottamA . 
pratyuvAcha na shakShyAmi strI satI ninditu.n striyaH .. 7..\\
viditAste striyo yAshcha yAdR^ishAshcha svabhAvataH . 
na mAmarhasi devarShe niyoktuM prashna IdR^ishe .. 8..\\
tAmuvAcha sa devarShiH satya.n vada sumadhyame . 
mR^iShAvAde bhaveddoShaH satye doSho na vidyate .. 9..\\
ityuktA sA kR^itamatirabhavachchAruhAsinI . 
strI doShA~nshAshvatAnsatyAnbhAShitu.n samprachakrame .. 10..\\

 p

kulInA rUpavatyashcha nAthavatyashcha yoShitaH . 
maryAdAsu na tiShThanti sa doShaH strIShu nArada .. 11..\\
na strIbhyaH ki.n chidanyadvai pApIyastaramasti vai . 
striyo hi mUla.n doShANAM tathA tvamapi vettha ha .. 12..\\
samAGYAtAnR^iddhimataH pratirUpAnvashe sthitAn . 
patInantaramAsAdya nAlaM nAryaH pratIkShitum .. 13..\\
asaddharmastvaya.n strINAmasmAkaM bhavati prabho . 
pApIyaso narAnyadvai lajjA.n tyaktvA bhajAmahe .. 14..\\
striya.n hi yaH prArthayate saMnikarSha.n cha gachchhati . 
IShachcha kurute sevA.n tamevechchhanti yoShitaH .. 15..\\
anarthitvAnmanuShyANAM bhayAtparijanasya cha . 
maryAdAyAmamaryAdAH striyastiShThanti bhartR^iShu .. 16..\\
nAsA.n kashchidagamyo.asti nAsA.n vayasi sa.nsthitiH . 
virUpa.n rUpavantaM vA pumAnityeva bhu~njate .. 17..\\
na bhayAnnApyanukroshAnnArthahetoH katha.n chana . 
na GYAtikulasambandhAtstriyastiShThanti bhartR^iShu .. 18..\\
yauvane vartamAnAnAM mR^iShTAbharaNa vAsasAm . 
nArINA.n svairavR^ittAnAM spR^ihayanti kulastriyaH .. 19..\\
yAshcha shashvadbahumatA rakShyante dayitAH striyaH . 
api tAH samprasajjante kubjAndha jaDa vAmanaiH .. 20..\\
pa~NguShvapi cha devarShe ye chAnye kutsitA narAH . 
strINAmagamyo loke.asminnAsti kashchinmahAmune .. 21..\\
yadi pu.nsA.n gatirbrahma kathaM chinnopapadyate . 
apyanyonyaM pravartante na hi tiShThanti bhartR^iShu .. 22..\\
alAbhAtpuruShANa.n hi bhayAtparijanasya cha . 
vadhabandhabhayAchchApi svaya.n guptA bhavanti tAH .. 23..\\
chala svabhAvA duHsevyA durgrAhyA bhAvatastathA . 
prAGYasya puruShasyeha yathA vAchastathA striyaH .. 24..\\
nAgnistR^ipyati kAShTAhAM nApagAnAM mahodadhiH . 
nAntakaH sarvabhUtAnAM na pu.nsA.n vAmalochanAH .. 25..\\
idamanyachcha devarShe rahasya.n sarvayoShitAm . 
dR^iShTvaiva puruSha.n hR^idyaM yoniH praklidyate striyaH .. 26..\\
kAmAnAmapi dAtAra.n kartAraM mAnasAntvayoH . 
rakShitAraM na mR^iShyanti bhartAraM parama.n striyaH .. 27..\\
na kAmabhogAnbahulAnnAla~NkArArtha sa~ncayAn . 
tathaiva bahu manyante yathA ratyAm anugraham .. 28..\\
antakaH shamano mR^ityuH pAtAla.n vaDavAmukham . 
kShura dhArA viSha.n sarpo vahnirityekataH striyaH .. 29..\\
yatashcha bhUtAni mahAnti pa~ncha 
yatashcha lokA vihitA vidhAtrA . 
yataH pumA.nsaH pramadAsh cha nirmitas 
tadaiva doShAH pramadAsu nArada .. 30..\\
\medskip\hrule\medskip\centerline{\Largedvng 39}
 y

ime vai mAnavA loke strIShu sajjantyabhIkShNashaH . 
mohena paramAviShTA daivAdiShTena pArthiva . 
striyashcha puruSheShveva pratyakSha.n lokasAkShikam .. 1..\\
atra me saMshayastIvro hR^idi samparivartate . 
kathamAsAM narA sa~Nga.n kurvate kurunandana . 
striyo vA teShu rajyante virajyante.atha vA punaH .. 2..\\
iti tAH puruShavyAghra katha.n shakyAH sma rakShitum . 
pramadAH puruSheNeha tanme vyAkhyAtumarhasi .. 3..\\
etA hi maya mAyAbhirva~nchayantIha mAnavAn . 
na chAsAM muchyate kashchitpuruSho hastamAgataH . 
gAvo nava tR^iNAnIva gR^ihNantyeva navAnnavAn .. 4..\\
shambarasya cha yA mAyA yA mAyA namucherapi . 
baleH kumbhInaseshchaiva sarvAstA yoShito viduH .. 5..\\
hasantaM prahasantyetA rudantaM prarudanti cha . 
apriyaM priyavAkyaishcha gR^ihNate kAlayogataH .. 6..\\
ushanA veda yachchhAstra.n yachcha veda bR^ihaspatiH . 
strI buddhyA na vishiShyyete tAH sma rakShyAH kathaM naraiH .. 7..\\
anR^ita.n satyamityAhuH satya.n chApi tathAnR^itam . 
iti yAstAH katha.n vIra sa.nrakShyAH puruShairiha .. 8..\\
strINAM buddhyupaniShkarShAdarthashAstrANi shatruhan . 
bR^ihaspatiprabhR^itibhirmanye sadbhiH kR^itAni vai .. 9..\\
sampUjyamAnaH puruShairvikurvanti mano nR^iShu . 
apAstAshcha tathA rAjanvikurvanti manaH striyaH .. 10..\\
kastAH shakto rakShitu.n syAditi me saMshayo mahAn . 
tanme brUhi mahAbAho kurUNA.n vaMshavardhana .. 11..\\
yadi shakyA kurushreShTha rakShA tAsA.n kathaM chana . 
kartu.n vA kR^itapUrvA vA tanme vyAkhyAtumarhasi .. 12..\\
\medskip\hrule\medskip\centerline{\Largedvng 40}
 bh

evametanmahAbAho nAtra mithyAsti ki.n chana . 
yathA bravIShi kauravya nArImprati janAdhipa .. 1..\\
atra te vartayiShyAmi itihAsaM purAtanam . 
yathA rakShA kR^itA pUrva.n vipulena mahAtmanA .. 2..\\
pramadAshcha yathA sR^iShTA brahmaNA bharatarShabha . 
yadartha.n tachcha te tAta pravakShye vasudhAdhipa .. 3..\\
na hi strIbhya paraM putra pApIyaH ki.n chidasti vai . 
agnirhi pramadA dIpto mAyAshcha mayajA vibho . 
kShura dhArA viSha.n sarpo mR^ityurityekataH striyaH .. 4..\\
imAH prajA mahAbAho dhArmikA iti naH shrutam . 
svaya.n gachchhanti devatvaM tato devAniyAdbhayam .. 5..\\
athAbhyagachchhandevAste pitAmahamarindama . 
nivedya mAnasa.n chApi tUShNImAsanna vAnmukhAH .. 6..\\
teShAmantargata.n GYAtvA devAnAM sa pitAmahaH . 
mAnavAnAM pramohArtha.n kR^ityA nAryo.asR^ijatprabhuH .. 7..\\
pUrvasarge tu kaunteya sAdhvyo nArya ihAbhavan . 
asAdhvyastu samutpanna kR^ityA sargAtprajApateH .. 8..\\
tAbhyaH kAmAnyathAkAmaM prAdAddhi sa pitAmahaH . 
tAH kAmalubdhAH pramadAH prAmathnanti narA.nstadA .. 9..\\
krodha.n kAmasya deveshaH sahAyaM chAsR^ijatprabhuH . 
asajjanta prajAH sarvAH kAmakrodhavasha.n gatAH .. 10..\\
na cha strINA.n kriyA kA chiditi dharmo vyavasthitaH . 
nirindriyA amantrAshcha striyo.anR^itamiti shrutiH .. 11..\\
shayyAsanamala~NkAramannapAnamanAryatAm . 
durvAgbhAva.n rati.n chaiva dadau strIbhyaH prajApatiH .. 12..\\
na tAsA.n rakShaNa.n kartuM shakyaM pu.nsA kathaM chana . 
api vishvakR^itA tAta kutastu puruShairiha .. 13..\\
vAchA vA vadhabandhairvA kleshairvA vividhaistathA . 
na shakyA rakShituM nAryastA hi nityamasa.nyatAH .. 14..\\
ida.n tu puruShavyAghra purastAchchhrutavAnaham . 
yathA rakShA kR^itA pUrva.n vipulena guru striyaH .. 15..\\
R^iShirAsInmahAbhAgo deva sharmeti vishrutaH . 
tasya bhAryA ruchirnAma rUpeNAsadR^ishI bhuvi .. 16..\\
tasya rUpeNa saMmattA devagandharvadAnavAH . 
visheShatastu rAjendra vR^itrahA pAkashAsanaH .. 17..\\
nArINA.n charitaGYashcha deva sharmA mahAmuniH . 
yathAshakti yathotsAhaM bhAryA.n tAmabhyarakShata .. 18..\\
purandara.n cha jAnIte parastrI kAmachAriNam . 
tasmAdyatnena bhAryAyA rakShaNa.n sa chakAra ha .. 19..\\
sa kadA chidR^iShistAta yaGYa.n kartumanAstadA . 
bhArya sa.nrakShaNa.n kAryaM katha.n syAdityachintayat .. 20..\\
rakShA vidhAnaM manasA sa vichintya mahAtapAH . 
AhUya dayita.n shiShyaM vipulaM prAha bhArgavam .. 21..\\
yaGYakAro gamiShyAmi ruchi.n chemA.n sureshvaraH . 
putra prArthayate nitya.n tA.n rakShasva yathAbalam .. 22..\\
Apramattena te bhAvya.n sadA prati purandaram . 
sa hi rUpANi kurute vividhAni bhR^igUdvaha .. 23..\\
ityukto vipulastena tapasvI niyatendriyaH . 
sadaivogra tapA rAjannagnyarkasadR^ishadyutiH .. 24..\\
dharmaGYaH satyavAdI cha tatheti pratyabhAShata . 
punashchedaM mahArAja paprachchha prathita.n gurum .. 25..\\
kAni rUpANi shakrasya bhavantyAgachhato mune . 
vapustejashcha kIdR^igvai tanme vyAkhyAtumarhasi .. 26..\\
tataH sa bhagavA.nstasmai vipulAya mahAtmane . 
AchachakShe yathAtattvaM mAyA.n shakrasya bhArata .. 27..\\
bahu mAyaH sa viprarShe balahA pAkashAsanaH . 
tA.nstAnvikurute bhAvAnbahUnatha muhurmuhuH .. 28..\\
kirITI vajrabhR^iddhanvI mukuTI baddhakuNDalaH . 
bhavatyatha muhUrtena chaNDAla samadarshanaH .. 29..\\
shikhI jaTI chIravAsAH punarbhavati putraka . 
bR^ihachchharIrashcha punaH pIvaro.atha punaH kR^ishaH .. 30..\\
gaura.n shyAma.n cha kR^iShNaM cha varNaM vikurute punaH . 
virUpo rUpavAMshchaiva yuvA vR^iddhastathaiva cha .. 31..\\
prAGYo jaDashcha mUkashcha hrasvo dIrghastathaiva cha . 
brAhmaNaH kShatriyashchaiva vaishyaH shUdrastathaiva cha . 
pratilomAnulomashcha bhavatyatha shatakratuH .. 32..\\
shukavAyasa rUpI cha ha.nsakokila rUpavAn . 
si.nhavyAghra gajAnA.n cha rUpaM dhArayate punaH .. 33..\\
daiva.n daityamatho rAGYA.n vapurdhArayate.api cha . 
sukR^isho vAyubhagnA~NgaH shakunirvikR^itastathA .. 34..\\
chatuShpAdbahurUpashcha punarbhavati bAlishaH . 
makShikA mashakAdInA.n vapurdhArayate.api cha .. 35..\\
na shakyamasya grahaNa.n kartu.n vipulakena chit . 
api vishvakR^itA tAta yena sR^iShTamida.n jagat .. 36..\\
punarantarhitaH shakro dR^ishyate GYAnachakShuShA . 
vAyubhUtashcha sa punardevarAjo bhavatyuta .. 37..\\
eva.nrUpANi satata.n kurute pAkashAsanaH . 
tasmAdvipulayatnena rakShemA.n tanumadhyamAm .. 38..\\
yathA ruchiM nAvaliheddevendro bhR^igusattama . 
R^itAvupahitaM nyasta.n haviH shveva durAtmavAn .. 39..\\
evamAkhyAya sa muniryaGYakAro.agamattadA . 
deva sharmA mahAbhAgastato bharatasattama .. 40..\\
vipulastu vachaH shrutvA guroshchintAparo.abhavat . 
rakShA.n cha paramAM chakre devarAjAnmahAbalAt .. 41..\\
kiM nu shakyaM mayA kartu.n guru dArAbhirakShaNe . 
mAyAvI hi surendro.asau durdharShashchApi vIryavAn .. 42..\\
nApidhAyAshrama.n shakyo rakShituM pAkashAsanaH . 
uTaja.n vA tathA hyasya nAnAvidha sarUpatA .. 43..\\
vAyurUpeNa vA shakro guru patnIM pradharShayet . 
tasmAdimA.n sampravishya ruchiM sthAsye.ahamadya vai .. 44..\\
atha vA pauruSheNeyamashakyA rakShituM mayA . 
bahurUpo hi bhagavA~nshrUyate harivAhanaH .. 45..\\
so.aha.n yogabalAdenAM rakShiShye pAkashAsanAt . 
gAtrANi gAtrairasyAha.n sampravekShye.abhirakShitum .. 46..\\
yadyuchchhiShTAmimAM patnI.n ruchiM pashyeta me guruH . 
shapsyatyasaMshaya.n kopAddivyaGYAno mahAtapAH .. 47..\\
na cheya.n rakShituM shakyA yathAnyA pramadA nR^ibhiH . 
mAyAvI hi surendro.asAvaho prApto.asmi saMshayam .. 48..\\
avashya karaNIya.n hi guroriha hi shAsanam . 
yadi tvetadaha.n kuryAmAshcharya.n syAtkR^itaM mayA .. 49..\\
yogenAnupravishyeha guru patnyAH kalevaram . 
nirmuktasya rajorUpAnnAparAdho bhavenmama .. 50..\\
yathA hi shUnyAM pathikaH sabhAmadhyAvasetpathi . 
tathAdyAvAsayiShyAmi guru patnyAH kalevaram .. 51..\\
asaktaH padmapatrastho jalabinduryathA chalaH . 
evameva sharIre.asyA nivatsyAmi samAhitaH .. 52..\\
ityeva.n dharmamAlokya veda vedAMshcha sarvashaH . 
tapashcha vipula.n dR^iShTvA gurorAtmana eva cha .. 53..\\
iti nishchitya manasA rakShAM prati sa bhArgavaH . 
AtiShThatparama.n yatnaM yathA tachchhR^iNu pArthiva .. 54..\\
guru patnImupAsIno vipulaH sa mahAtapAH . 
upAsInAmanindyA~NgI.n kathAbhiH samalobhayat .. 55..\\
netrAbhyAM netrayorasyA rashmInsa.nyojya rashmibhiH . 
vivesha vipulaH kAyamAkAshaM pavano yathA .. 56..\\
lakShaNa.n lakShaNenaiva vadanaM vadanena cha . 
avicheShTannatiShThadvai chhAyevAntargato muniH .. 57..\\
tato viShTabhya vipulo guru patnyAH kalevaram . 
uvAsa rakShaNe yukto na cha sA tamabudhyata .. 58..\\
ya.n kAlaM nAgato rAjangurustasya mahAtmanaH . 
kratu.n samApya svagR^iha.n taM kAlaM so.abhyarakShata .. 59..\\
\medskip\hrule\medskip\centerline{\Largedvng 41}
 bh

tataH kadA chiddevendro divyarUpavapurdharaH . 
idamantaramityeva.n tato.abhyAgAdathAshramam .. 1..\\
rUpamapratima.n kR^itvA lobhanIyaM janAdhipa . 
darshanIyatamo bhUtvA pravivesha tamAshramam .. 2..\\
sa dadarsha tamAsIna.n vipulasya kalevaram . 
nishcheShTa.n stabdhanayanaM yathA lekhya gata.n tathA .. 3..\\
ruchi.n cha ruchirApA~NgIM pInashroNipayodharAm . 
padmapatra vishAlAkShI.n sampUrNendu nibhAnanAm .. 4..\\
sA tamAlokya sahasA pratyutthAtumiyeSha ha . 
rUpeNa vismitA ko.asItyatha vaktumihechchhatI .. 5..\\
utthAtu kAmApi satI vyatiShThadvipulena sA . 
nigR^ihItA manuShyendra na shashAka vicheShTitum .. 6..\\
tAmAbabhAShe devendra sAmnA paramavalguNA . 
tvadarthamAgata.n viddhi devendraM mAM shuchismite .. 7..\\
klishyamAnamana~Ngena tvatsa~Nkalpodbhavena vai . 
tatparyApnuhi mA.n subhru purA kAlo.ativartate .. 8..\\
tameva.n vAdinaM shakraM shushrAva vipulo muniH . 
guru patnyAH sharIrastho dadarsha cha surAdhipam .. 9..\\
na shashAka cha sA rAjanpratyutthAtumaninditA . 
vaktu.n cha nAshakadrAjanviShTabdhA vipulena sA .. 10..\\
AkAra.n guru patnyAstu viGYAya sa bhR^igUdvahaH . 
nijagrAha mahAtejA yogena balavatprabho . 
babandha yogabandhaishcha tasyAH sarvendriyANi saH .. 11..\\
tAM nirvikArA.n dR^iShTvA tu punareva shachIpatiH . 
uvAcha vrIDito rAja.nstA.n yogabalamohitAm .. 12..\\
ehyehIti tataH sA taM prativaktumiyeSha cha . 
sa tA.n vAcha.n guroH patnyA vipulaH paryavartayat .. 13..\\
bhoH kimAgamane kR^ityamiti tasyAshcha niHsR^itA . 
vakrAchchhashA~Nka pratimAdvANI sa.nskArabhUShitA .. 14..\\
vrIDitA sA tu tadvAkyamuktvA paravashA tadA . 
purandarashcha santrasto babhUva vimanAstadA .. 15..\\
sa tadvaikR^itamAlakShya devarAjo vishAM pate . 
avaikShata sahasrAkShastadA divyena chakShuShA .. 16..\\
dadarsha cha muni.n tasyAH sharIrAntara gocharam . 
pratibimbamivAdarshe guru patnyAH sharIragam .. 17..\\
sa ta.n ghoreNa tapasA yuktaM dR^iShTvA purandaraH . 
prAvepata susamptrastaH shApabhItastadA vibho .. 18..\\
vimuchya guru patnI.n tu vipulaH sumahAtapAH . 
sva.n kalevaramAvishya shakraM bhItamathAbravIt .. 19..\\
ajitendriya pApAtmankAmAkmaka purandara . 
nachiraM pUjayiShyanti devAstvAM mAnuShAstathA .. 20..\\
kiM nu tadvismR^ita.n shakra na tanmanasi te sthitam . 
gautamenAsi yanmukto bhagA~Nka parichihnitaH .. 21..\\
jAne tvAM bAlishamatimakR^itAtmAnamasthiram . 
mayeya.n rakShyate mUDha gachchha pApayathA gatam .. 22..\\
nAha.n tvAmadya mUDhAtmandaheya.n hi svatejasA . 
kR^ipAyamANastu na te dagdhumichchhAmi vAsava .. 23..\\
sa cha ghoratapA dhImAngururme pApachetasam . 
dR^iShTvA tvAM nirdahedadya krodhadIptena chakShuShA .. 24..\\
naiva.n tu shakra kartavyaM punarmAnyAshcha te dvijAH . 
mA gamaH sa sutAmAtyo.atyayaM brahmabalArditaH .. 25..\\
amaro.asmIti yadbuddhimetAmAsthAya vartase . 
mAvama.nsthA na tapasAmasAdhyaM nAma ki.n chana .. 26..\\
tachchhrutvA vachana.n shakro vipulasya mahAtmanaH . 
aki.n chiduktvA vrIDitastatraivAntaradhIyata .. 27..\\
muhUrtayAte shakre tu deva sharmA mahAtapAH . 
kR^itvA yaGYa.n yathAkAmamAjagAma svamAshramam .. 28..\\
Agate.atha gurau rAjanvipulaH priyakarmakR^it . 
rakShitA.n gurave bhAryAM nyavedayadaninditAm .. 29..\\
abhivAdya cha shAntAtmA sa guru.n guruvatsalaH . 
vipulaH paryupAtiShThadyathApUrvamasha~NkitaH .. 30..\\
vishrAntAya tatastasmai sahAsInAya bhAryayA . 
nivedayAmAsa tadA vipulaH shakra karma tat .. 31..\\
tachchhrutvA sa munistuShTo vipulasya pratApavAn . 
babhUva shIlavR^ittAbhyA.n tapasA niyamena cha .. 32..\\
vipulasya gurau vR^ittiM bhaktimAtmani cha prabhuH . 
dharme cha sthiratA.n dR^iShTvA sAdhu sAdhvityuvAcha ha .. 33..\\
pratinandya cha dharmAtmA shiShya.n dharmaparAyaNam . 
vareNachchhandayAmAsa sa tasmAdguruvatsalaH . 
anuGYAtashcha guruNA chachArAnuttama.n tapaH .. 34..\\
tathaiva deva sharmApi sabhAryaH sa mahAtapAH . 
nirbhayo balavR^itraghnAchchachAra vijane vane .. 35..\\
\medskip\hrule\medskip\centerline{\Largedvng 42}
 bh

vipulastvakarottIvra.n tapaH kR^itvA gurorvachaH . 
tapo yuktamathAtmAnamamanyata cha vIryavAn .. 1..\\
sa tena karmaNA spardhanpR^ithivIM pR^ithivIpate . 
chachAra gatabhIH prIto labdhakIrtirvaro nR^iShu .. 2..\\
ubhau lokau jitau chApi tathaivAmanyata prabhuH . 
karmaNA tena kauravya tapasA vipulena cha .. 3..\\
atha kAle vyatikrAnte kasmiMsh chitkurunandana . 
ruchyA bhaginyA dAna.n vai babhUva dhanadhAnyavat .. 4..\\
etasmineva kAle tu divyA kA chidvarA~NganA . 
bibhratI parama.n rUpa.n jagAmAtha vihAyasA .. 5..\\
tasyAH sharIrAtpuShpANi patitAni mahItale . 
tasyAshramasyAvidUre divyagandhAni bhArata .. 6..\\
tAnyagR^ihNAttato rAjanruchirnalinalochanA . 
tadA nimantrakastasyA a~NgebhyaH kShipramAgamat .. 7..\\
tasyA hi bhaginI tAta jyeShThA nAmnA prabhAvatI . 
bhAryA chitrarathasyAtha babhUvA~Ngeshvarasya vai .. 8..\\
pinahya tAni puShpANi kesheShu varavarNinI . 
AmantritA tato.agachchhadruchira~NgapatergR^ihAn .. 9..\\
puShpANi tAni dR^iShTvAtha tadA~Ngendra varA~NganA . 
bhaginI.n chodayAmAsa puShpArthe chArulochanA .. 10..\\
sA bhartre sarvamAchaShTa ruchiH suruchirAnanA . 
bhaginyA bhAShita.n sarvamR^ishistachchAbhyanandata .. 11..\\
tato vipulamAnAyya deva sharmA mahAtapAH . 
puShpArthe chodayAmAsa gachchha gachchheti bhArata .. 12..\\
vipulastu gurorvAkyamavichArya mahAtapAH . 
sa tathetyabravIdrAja.nsta.n cha deshaM jagAma ha .. 13..\\
yasmindeshe tu tAnyAsanpatitAni nabhastalAt . 
amlAnAnyapi tatrAsankusumAnyaparANyapi .. 14..\\
tataH sa tAni jagrAha divyAni ruchirANicha . 
prAptAni svena tapasA divyagandhAni bhArata .. 15..\\
samprApya tAni prItAtmA gurorvachanakArakaH . 
tato jagAma tUrNa.n cha champAM champakamAlinIm .. 16..\\
sa vane vijane tAta dadarsha mithunaM nR^iNAm . 
chakravatparivartanta.n gR^ihItvA pANinA karam .. 17..\\
tatraikastUrNamagamattatpade parivartayan . 
ekastu na tathA rAjaMshchakratuH kalaha.n tataH .. 18..\\
tva.n shIghra.n gachchhasItyeko.abravInneti tathAparaH . 
neti neti cha tau tAta parasparamathochatuH .. 19..\\
tayorvispardhatoreva.n shapatho.ayamabhUttadA . 
manasoddishya vipula.n tato vAkyamathochatuH .. 20..\\
AvayoranR^itaM prAha yastasyAtha dvijasya vai . 
vipulasya pare loke yA gatiH sA bhavediti .. 21..\\
etachchhrutvA tu vipulo viShaNNavadano.abhavat . 
eva.n tIvratapAshchAhaM kaShTashchAyaM parigrahaH .. 22..\\
mithunasyAsya kiM me syAtkR^itaM pApa.n yato gatiH . 
aniShTA sarvabhUtAnA.n kIrtitAnena me.adya vai .. 23..\\
eva.n sa~ncintayanneva vipulo rAjasattama . 
avA~Nmukho nyastashirA dadhyau duShkR^itamAtmanaH .. 24..\\
tataH ShaDanyAnpuruShAnakShaiH kA~nchanarAjataiH . 
apashyaddIvyamAnAnvai lobhaharShAnvitA.nstathA .. 25..\\
kurvataH shapatha.n ta.n vai yaH kR^ito mithunena vai . 
vipula.n vai samuddhishya te.api vAkyamathAbruvan .. 26..\\
yo lobhamAsthAyAsmAka.n viShama.n kartumutsahet . 
vipulasya pare loke yA gatistAmavApnuyAt .. 27..\\
etachchhrutvA tu vipulo nApashyaddharmasa~Nkaram . 
janmaprabhR^iti kauravya kR^itapUrvamathAtmanaH .. 28..\\
sa pradadhyau tadA rAjannagnAvagnirivAhitaH . 
dahyamAnena manasA shApa.n shrutvA tathAvidham .. 29..\\
tasya chintayatastAta bahvyo dinanishA yayuH . 
idamAsInmanasi cha ruchyA rakShaNakAritam .. 30..\\
lakShaNa.n lakShaNenaiva vadanaM vadanena cha . 
vidhAya na mayA chokta.n satyametadgurostadA .. 31..\\
etadAtmani kauravya duShkR^ita.n vipulastadA . 
amanyata mahAbhAga tathA tachcha na saMshayaH .. 32..\\
sa champAM nagarImetya puShpANi gurave dadau . 
pUjayAmAsa cha guru.n vidhivatsa gurupriyaH .. 33..\\
\medskip\hrule\medskip\centerline{\Largedvng 43}
 bh

tamAgatamabhiprekShya shiShya.n vAkyamathAbravIt . 
deva sharmA mahAtejA yattachchhR^iNu narAdhipa .. 1..\\

 d

ki.n te vipuladR^iShTa.n vai tasminnadhya mahAvane . 
te tvA jAnanti nipuNa AtmA cha ruchireva cha .. 2..\\

 v

brahmarShe mithuna.n kiM tatke cha te puruShA vibho . 
ye mA.n jAnanti tattvena tAMsh cha me vaktumarhasi .. 3..\\

 d

yadvai tanmithunaM brahmannahorAtra.n hi viddhi tat . 
chakravatparivarteta tatte jAnAti duShkR^itam .. 4..\\
ye cha te puruShA vipra akShairdIvyanti hR^iShTavat . 
R^itU.nstAnabhijAnIhi te te jAnanti duShkR^itam .. 5..\\
na mA.n kashchidvijAnIta iti kR^itvA na vishvaset . 
naro rahasi pApAtmA pApaka.n karma vai dvija .. 6..\\
kurvANa.n hi nara.n karma pApaM rahasi sarvadA . 
pashyanti R^itavashchApi tathA dinanishe.apyuta .. 7..\\
te tvA.n harShasmita.n dR^iShTvA guroH karmAnivedakam . 
smArayantastathA prAhuste yathA shrutavAnbhavAn .. 8..\\
ahorAtra.n vijAnAti R^itavashchApi nityashaH . 
puruShe pApaka.n karma shubha.n vA shubhakarmaNaH .. 9..\\
tattvayA mama yatkarma vyabhichArAdbhayAtmakam . 
nAkhyAtamiti jAnantaste tvAmAhustathA dvija .. 10..\\
te chaiva hi bhaveyuste lokAH pApakR^ito yathA . 
kR^itvA nAchakShate karma mama yachcha tvayA kR^itam .. 11..\\
tathA shakyA cha durvR^ittA rakShituM pramadA dvija . 
na cha tva.n kR^itavAnkiM chidAgaH prIto.asmi tena te .. 12..\\
yadi tvaha.n tvA durvR^ittamadrAkShaM dvijasattama . 
shapeya.n tvAmahaM krodhAnna me.atrAsti vichAraNA .. 13..\\
sajjanti puruShe nAryaH pu.nsA.n so.arthashcha puShkalaH . 
anyathA rakShataH shApo.abhaviShyatte gatishcha sA .. 14..\\
rakShitA sA tvayA putra mama chApi niveditA . 
aha.n te prItimA.nstAta svasti svargaM gamiShyasi .. 15..\\

 bh

ityuktvA vipulaM prIto deva sharmA mahAnR^iShiH . 
mumoda svargamAsthAya saha bhAryaH sa shiShyakaH .. 16..\\
idamAkhyAtavAMshchApi mamAkhyAnaM mahAmuniH . 
mArkaNDeyaH purA rAjanga~NgAkUle kathAntare .. 17..\\
tasmAdbravImi pArtha tvA striyaH sarvAH sadaiva cha . 
ubhaya.n dR^ishyate tAsusatata.n sAdhvasAdhu cha .. 18..\\
striyaH sAdhvyo mahAbhAgAH saMmatA lokamAtaraH . 
dhArayanti mahI.n rAjannimAM sa vanakAnanAm .. 19..\\
asAdhvyashchApi durvR^ittAH kulaghnyaH pApanishchayAH . 
viGYeyA lakShaNairduShTaiH svagAtrasahajairnR^ipa .. 20..\\
evametAsu rakShA vai shakyA kartuM mahAtmabhiH . 
anyathA rAjashArdUla na shakyA rakShitu.n striyaH .. 21..\\
etA hi manujavyAghratIShkNAstIkShNaparAkramAH . 
nAsAmasti priyo nAma maithune sa~Ngame nR^ibhiH .. 22..\\
etAH kR^ityAshcha kAryAshcha kR^itAshcha bharatarShabha . 
na chaikasminnramantyetAH puruShe pANDunandana .. 23..\\
nAsu sneho nR^ibhiH kAryastathaiverShyA janeshvara . 
khedamAsthAya bhu~njIta dharmamAsthAya chaiva hi .. 24..\\
vihanyetAnyathA kurvannaraH kauravanandana . 
sarvathA rAjashArdUla yuktiH sarvatra pUjyate .. 25..\\
tenaikena tu rakShA vai vipulena kR^itA striyAH . 
nAnyaH shakto nR^iloke.asminrakShituM nR^ipa yoShitaH .. 26..\\
\medskip\hrule\medskip\centerline{\Largedvng 44}
 y

yanmUla.n sarvadharmANAM prajanasya gR^ihasya cha . 
pitR^idevAtithInA.n cha tanme brUhi pitAmaha .. 1..\\

 bh

aya.n hi sarvadharmANA.n dharmashchintyatamo mataH . 
kIdR^ishAya pradeyA syAtkanyeti vasudhAdhipa .. 2..\\
shIlavR^itte samAGYAya vidyA.n yoni.n cha karma cha . 
adbhireva pradAtavyA kanyA guNavate vare . 
brAhmaNAnA.n satAmeSha dharmo nityaM yudhiShThira .. 3..\\
AvAhyamAvahedeva.n yo dadyAdanukUlataH . 
shiShTAnA.n kShatriyANAM cha dharma eSha sanAtanaH .. 4..\\
AtmAbhipretamutsR^ijya kanyAbhipreta eva yaH . 
abhipretA cha yA yasya tasmai deyA yudhiShThira . 
gAndharvamiti ta.n dharmaM prAhurdharmavido janAH .. 5..\\
dhanena bahunA krItvA sampralobhya cha bAndhavAn . 
asurANAM nR^ipaita.n vai dharmamAhurmanIShiNaH .. 6..\\
hatvA chhittvA cha shIrShANi rudatA.n rudatI.n gR^ihAt . 
prasahya haraNa.n tAta rAkShasaM dharmalakShaNam .. 7..\\
pa~nchAnA.n tu trayo dharmyA dvAvadharmyau yudhiShThira . 
paishAcha Asurashchaiva na kartavyau katha.n chana .. 8..\\
brAhmaH kShAtro.atha gAndharva ete dharmyA nararShabha . 
pR^ithagvA yadi vA mishrAH kartavyA nAtra saMshayaH .. 9..\\
tisro bhAryA brAhmaNasya dve bhArye kShatriyasya tu . 
vaishyaH svajAti.n vindeta tAsvapatyaM samaM bhavet .. 10..\\
brAhmaNI tu bhavejjyeShThA kShatriyA kShatriyasya tu . 
ratyarthamapi shUdrA syAnnetyAhurapare janAH .. 11..\\
apatyajanma shUdrAyAM na prasha.nsanti sAdhavaH . 
shUdrAyA.n janayanvipraH prAyashchittI vidhIyate .. 12..\\
triMshadvarSho dashavarShAM bhAryA.n vindeta nagnikAm . 
ekaviMshativarSho vA sapta varShAmavApnuyAt .. 13..\\
yasyAstu na bhavedbhrAtA pitA vA bharatarShabha . 
nopayachchheta tA.n jAtu putrikA dharmiNI hi sA .. 14..\\
trINi varShANyudIkSheta kanyA R^itumatI satI . 
chaturthe tvatha samprApte svayaM bhArtAramarjayet .. 15..\\
prajano hIyate tasyA pratishcha bharatarShabha . 
ato.anyathA vartamAnA bhavedvAchyA prajApateH .. 16..\\
asapiNDA cha yA mAturasagotrA cha yA pituH . 
ityetAmanugachchheta ta.n dharmaM manurabravIt .. 17..\\

 y

shulkamanyena datta.n syAddadAnItyAha chAparaH . 
balAdanyaH prabhASheta dhanamanyaH pradarshayet .. 18..\\
pANigrahItA tvanyaH syAtkasya kanyApitAmaha . 
tattva.n jiGYAsamAnAnAM chakShurbhavatu no bhavAn .. 19..\\

 bh

yatki.n chitkarma mAnuShya.n sa.nsthAnAya prakR^iShyate . 
mantravanmantrita.n tasya mR^iShAvAdastu pAtakaH .. 20..\\
bhAryA patyR^itvigAchAryAH shiShyopAdhyAya eva cha . 
mR^iShokte daNDamarhanti netyAhurapare janAH .. 21..\\
na hyakAmena sa.nvAdaM manurevaM prasha.nsati . 
ayashasyamadharmya.n cha yanmR^iShA dharmakopanam .. 22..\\
naikAnta doSha ekasmi.nstaddAnaM nopalabhyate . 
dharmato yAM prayachchhanti yA.n cha krINanti bhArata .. 23..\\
bandhubhiH samanuGYAto mantrahomau prayojayet . 
tathA sidhyanti te mantrA nAdattAyAH katha.n chana .. 24..\\
yastvatra mantrasamayo bhAryA patyormithaH kR^itaH . 
tamevAhurgarIyA.nsa.n yashchAsau GYAtibhiH kR^itaH .. 25..\\
devadattAM patirbhAryA.n vetti dharmasya shAsanAt . 
sA daivIM mAnuShI.n vAchamanR^itAM paryudasyati .. 26..\\

 y

kanyAyAM prAptashulkAyA.n jyAyAMshchedAvrajedvaraH . 
dharmakAmArtha sampanno vAchyamatrAnR^itaM na vA .. 27..\\
tasminnubhayato doShe kurva~nshreyaH samAcharet . 
ayaM naH sarvadharmANA.n dharmashchintyatamo mataH .. 28..\\
tattva.n jiGYAsamAnAnAM chakShurbhavatu no bhavAn . 
tadetatsarvamAchakShva na hi tR^ipyAmi kathyatAm .. 29..\\

 by

na vai niShThA kara.n shulkaM GYAtvAsIttena nAhR^itam . 
na hi shulka parAH santaH kanyA.n dadati karhi chit .. 30..\\
anyairguNairupeta.n tu shulka.n yAchanti bAndhavAH . 
ala~NkR^itvA vahasveti yo dadyAdanukUlataH .. 31..\\
tachcha tA.n cha dadAtyeva na shulka.n vikrayo na saH . 
pratigR^ihya bhaveddeyameSha dharmaH sanAtanaH .. 32..\\
dAsyAmi bhavate kanyAmiti pUrvaM na bhAShitam . 
ye chaivAhurye cha nAhurye chAvashya.n vadantyuta .. 33..\\
tasmAdA grahaNAtpANeryAchayanti parasparam . 
kanyA varaH purA datto marudbhiriti naH shrutam .. 34..\\
nAniShTAya pradAtavyA kanyA ityR^iShichoditam . 
tanmUla.n kAmamUlasya prajanasyeti me matiH .. 35..\\
samIkShya cha bahUndoShAnsa.nvAsAdvidviShANayoH . 
yathA niShThA kara.n shulkaM na jAtvAsIttathA shR^iNu .. 36..\\
aha.n vichitravIryAya dve kanye samudAvaham . 
jitvA cha mAgadhAnsarvAnkAshInatha cha kosalAn . 
gR^ihItapANirekAsItprAptashulkAparAbhavat .. 37..\\
pANau gR^ihItA tatraiva visR^ijyA iti me pitA . 
abravIditarA.n kanyAmAvahatsa tu kauravaH .. 38..\\
apyanyAmanupaprachchha sha~NkamAnaH puturvachaH . 
atIva hyasya dharmepsA piturme.abhyadhikAbhavat .. 39..\\
tato.ahamabruva.n rAjannAchArepsuridaM vachaH . 
AchAra.n tattvato vettumichchhAmIti punaH punaH .. 40..\\
tato mayaivamukte tu vAkye dharmabhR^itA.n varaH . 
pitA mama mahArAja bAhlIko vAkyamabravIt .. 41..\\
yadi vaH shulkato niShThA na pANigrahaNa.n tathA . 
lAjAntaramupAsIta prAptashulkA pati.n vR^itam .. 42..\\
na hi dharmavidaH prAhuH pramANa.n vAkyataH smR^itam . 
yeShA.n vai shulkato niShThA na pANigrahaNAttathA .. 43..\\
prasiddhaM bhAShita.n dAne teShAM pratyasanaM punaH . 
ya manyante kraya.n shulkaM na te dharmavido janAH .. 44..\\
na chaitabhya pradAtavyA na voDhavyA tathAvidhA . 
na hyeva bhAryA kretavyA na vikreyA katha.n chana .. 45..\\
ye cha krINanti dAsIvadye cha vikrINate janAH . 
bhavetteShA.n tathA niShThA lubdhAnAM pApachetasAm .. 46..\\
asmindharme satyavantaM paryapR^ichchhanta vai janAH . 
kanyAyAH prAptashulkAyAH shulkadaH prashama.n gataH .. 47..\\
pANigrahItA chAnyaH syAdatra no dharmasaMshayaH . 
tannashchhindhi mahAprAGYa tva.n hi vai prAGYasaMmataH . 
tattva.n viGYAsamAnAnA.n chakShurbhavatu no bhavAn .. 48..\\
tAnevaM bruvataH sarvAnsatyavAnvAkyamabravIt . 
yatreShTa.n tatra deyA syAnnAtra kAryA vichAraNA . 
kurvate jIvato.apyevaM mR^ite naivAsti saMshayaH .. 49..\\
devaraM pravishetkanyA tapyedvApi mahattapaH . 
tamevAnuvratA bhUtvA pANigrAhasya nAma sA .. 50..\\
likhantyeva tu keShA.n chidapareShA.n shanairapi . 
iti ye sa.nvadantyatra ta etaM nishchaya.n viduH .. 51..\\
tatpANigrahaNAtpUrvamuttara.n yatra vartate . 
sarvama~Ngala mantra.n vai mR^iShAvAdastu pAtakaH .. 52..\\
pANigrahaNa mantrANAM niShThA syAtsaptame pade . 
pANigrAhasya bhAryA syAdyasya chAdbhiH pradIyate .. 53..\\
anukUlAmanuvaMshAM bhrAtrA dattAmupAgnikAm . 
parikramya yathAnyAyaM bhAryA.n vindeddvijottamaH .. 54..\\
\medskip\hrule\medskip\centerline{\Largedvng 45}
 y

kanyAyAH prAptashulkAyAH patishchennAsti kash chana . 
tatra kA pratipattiH syAttanme brUhi pitAmaha .. 1..\\

 bh

yA putrakasyApyarikthasya pratipatsA tadA bhavet .. 2..\\
atha chetsAharechchhulka.n krItA shulka pradasya sA . 
tasyArthe.apatyamIheta yena nyAyena shaknuyAt .. 3..\\
na tasyA mantravatkArya.n kashchitkurvIta kiM chana .. 4..\\
svaya.n vR^iteti sAvitrI pitrA vai pratyapadyata . 
tattasyAnye prasha.nsanti dharmaGYA netare janAH .. 5..\\
etattu nApare chakrurna pare jAtu sAdhavaH . 
sAdhUnAM punarAchAro garIyo dharmalakShaNam .. 6..\\
asminneva prakaraNe sukraturvAkyamabravIt . 
naptA videharAjasya janakasya mahAtmanaH .. 7..\\
asadAcharite mArge katha.n syAdanukIrtanam . 
anuprashnaH saMshayo vA satAmetadupAlabhet .. 8..\\
asadeva hi dharmasya pramAdo dharma AsuraH . 
nAnushushruma jAtvetAmimAM pUrveShu janmasu .. 9..\\
bhAryA patyorhi sambandha strIpu.nsostulya eva saH . 
ratiH sAdhAraNo dharma iti chAha sa pArthivaH .. 10..\\

 y

atha kena pramANena pu.nsAmAdIyate dhanam . 
putravaddhi pitustasya kanyA bhavitumarhati .. 11..\\

 bh

yathaivAtmA tathA putraH putreNa duhitA samA . 
tasyAmAtmani tiShThantyA.n kathamanyo dhana.n haret .. 12..\\
mAtushcha yautaka.n yatsyAtkumArI bhAga eva saH . 
dauhitra eva vA rikthamaputrasya piturharet .. 13..\\
dadAti hi sa piNDa.n vai piturmAtAmahasya cha . 
putra dauhitrayorneha visheSho dharmataH smR^itaH .. 14..\\
anyatra jAtayA sA hi prajayA putra Ihate . 
duhitAnyatra jAtena putreNApi vishiShyate .. 15..\\
dauhitrakeNa dharmeNa nAtra pashyAmi kAraNam . 
vikrItAsu cha ye putrA bhavanti pitureva te .. 16..\\
asUyavastvadharmiShThAH parasvAdAyinaH shaThAH . 
AsurAdadhisambhUtA dharmAdviShamavR^ittayaH .. 17..\\
atra gAthA yamodgItAH kIrtayanti purA vidaH . 
dharmaGYA dharmashAstreShu nibaddhA dharmasetuShu .. 18..\\
yo manuShyaH kvakaM putra.n vikrIya dhanamichchhati . 
kanyA.n vA jIvitArthAya yaH shulkena prayachchhati .. 19..\\
saptAvare mahAghore niraye kAlasAhvaye . 
svedaM mUtraM purISha.n cha tasminpreta upAshnute .. 20..\\
ArShe gomithuna.n shulka.n ke chidAhurmR^iShaiva tat . 
alpa.n vA bahu vA rAjanvikrayastAvadeva saH .. 21..\\
yadyapyAcharitaH kaishchinnaiSha dharmaH katha.n chana . 
anyeShAmapi dR^ishyante lobhataH sampravR^ittayaH .. 22..\\
vashyA.n kumArI.n vihitAM ye cha tAmupabhu~njate . 
ete pApasya kartArastamasyandhe.atha sherate .. 23..\\
anyo.apyatha na vikreyo manuShyaH kiM punaH prajAH . 
adharmamUlairhi dhanairna tairartho.asti kash chana .. 24..\\
\medskip\hrule\medskip\centerline{\Largedvng 46}
 bh

prAchetasasya vachana.n kIrtayanti purA vidaH . 
yasyAH ki.n chinnAdadate GYAtayo na sa vikrayaH .. 1..\\
arhaNa.n tatkumArINAmAnR^isha.nsyatamaM cha tat . 
sarva.n cha pratideya.n syAtkanyAyai tadasheShataH .. 2..\\
pitR^ibhirbhrAtR^ibhishchaiva shvashurairatha devaraiH . 
pUjyA lAlayitavyAshcha bahukalyANamIpsubhiH .. 3..\\
yadi vai strI na rocheta pumA.nsaM na pramodayet . 
amodanAtpunaH pu.nsaH prajanaM na pravardhate .. 4..\\
pUjyA lAlayitavyAshcha striyo nitya.n janAdhipa . 
apUjitAshcha yatraitAH sarvAstatrAphalAH kriyAH . 
tadaiva tatkulaM nAsti yadA shochanti jAmayaH .. 5..\\
jAmI shaptAni gehAni nikR^ittAnIva kR^ityayA . 
naiva bhAnti na vardhante shriyA hInAni pArthiva .. 6..\\
striyaH pu.nsAM paridade manurjigamiShurdivam . 
abalAH svalpa kaupInAH suhR^idaH satyajiShNavaH .. 7..\\
IrShyavo mAnakAmAshcha chaNDA asuhR^ido.abudhAH . 
striyo mAnanamarhanti tA mAnayata mAnavAH .. 8..\\
strI pratyayo hi vo dharmo ratibhogAshcha kevalAH . 
paricharyAnna sa.nskArAstadAyattA bhavantu vaH .. 9..\\
utpAdanamapatyasya jAtasya paripAlanam . 
prItyartha.n lokayAtrA cha pashyata strI nibandhanam .. 10..\\
saMmAnyamAnAshchaitAbhiH sarvakAryANyavApsyatha . 
videharAjaduhitA chAtra shlokamagAyata .. 11..\\
nAsti yaGYaH striyaH kashchinna shrAddhaM nopavAsakam . 
dharmastu bhartR^ishushrUShA tayA svarga.n jayatyuta .. 12..\\
pitA rakShati kaumAre bhartA rakShati yauvane . 
putAstu sthavirI bhAve na strI svAtantryamarhati .. 13..\\
shriya etAH striyo nAma satkAryA bhUtimichchhatA . 
lAlitA nigR^ihItA cha strI shrIrbhavati bhArata .. 14..\\
\medskip\hrule\medskip\centerline{\Largedvng 47}
 y

sarvashAstravidhAnaGYa rAjadharmArthavittama . 
atIva saMshayachchhettA bhavAnvai prathitaH kShitau .. 1..\\
kashchittu saMshayo me.asti tanme brUhi pitAmaha . 
asyAmApadi kaShTAyAmanyaM pR^ichchhAma ka.n vayam .. 2..\\
yathA nareNa kartavya.n yashcha dharmaH sanAtanaH . 
etatsarvaM mahAbAho bhavAnvyAkhyAtumarhati .. 3..\\
chatasro vihitA bhAryA brAhmaNasya pitAmaha . 
brAhmaNI kShatriyA vaishyA shUdrA cha ratimichchhataH .. 4..\\
tatra jAteShu putreShu sarvAsA.n kurusattama . 
AnupUrvyeNa kasteShAM pitrya.n dAyAdamarhati .. 5..\\
kena vA ki.n tato hAryaM pitR^ivittAtpitAmaha . 
etadichchhAmi kathita.n vibhAgasteShu yaH smR^itaH .. 6..\\

 bh

brAhmaNaH kShatriyo vaishyastrayo varNA dvijAtayaH . 
eteShu vihito dharmo brAhmaNasya yudhiShThira .. 7..\\
vaiShamyAdatha vA lobhAtkAmAdvApi parantapa . 
brAhmaNasya bhavechchhUdrA na tu dR^iShTAntataH smR^itA .. 8..\\
shudrA.n shayanamAropya brAhmaNaH pIDito bhavet . 
prAyashchittIyate chApi vidhidR^iShTena hetunA .. 9..\\
tatra jAteShvapatyeShu dviguNa.n syAdyudhiShThira . 
ataste niyama.n vitte sampravakShyAmi bhArata .. 10..\\
lakShaNyo govR^iSho yAna.n yatpradhAnatamaM bhavet . 
brAhmaNyAstaddharetputra ekAMsha.n vai piturdhanAt .. 11..\\
sheSha.n tu dashadhA kAryaM brAhmaNa sva.n yudhiShThira . 
tatra tenaiva hartavyAshchatvAro.aMshAH piturdhanAt .. 12..\\
kShatriyAyAstu yaH putro brAhmaNaH so.apyasaMshayaH . 
sa tu mAtR^ivisheSheNa trInaMshAnhartumarhati .. 13..\\
varNe tR^itIye jAtastu vaishyAyAM brAhmaNAdapi . 
dviraMshastena hartavyo brAhmaNa svAdyudhiShThira .. 14..\\
shUdrAyAM brAhmaNAjjAto nityAdeya dhanaH smR^itaH . 
alpa.n vApi pradAtavyaM shUdra putrAya bhArata .. 15..\\
dashadhA pravibhaktasya dhanasyaiSha bhavetkramaH . 
savarNAsu tu jAtAnA.n samAnbhAgAnprakalpayet .. 16..\\
abrAhmaNa.n tu manyante shUdrA putramanaipuNAt . 
triShu varSheShu jAto hi brAhmaNAdbrAhmaNo bhavet .. 17..\\
smR^itA varNAshcha chatvAraH pa~nchamo nAdhigamyate . 
harettu dashamaM bhAga.n shUdrA putraH piturdhanAt .. 18..\\
tattu datta.n haretpitrA nAdattaM hartumarhati . 
avashya.n hi dhana.n deyaM shUdrA putrAya bhArata .. 19..\\
AnR^isha.nsyaM paro dharma iti tasmai pradIyate . 
yatra tatra samutpanno guNAyaivopalakpate .. 20..\\
yadi vApyekaputraH syAdaputro yadi vA bhavet . 
nAdhika.n dashamAdadyAchchhUdrA putrAya bhArata .. 21..\\
traivArShikAdyadA bhaktAdadhika.n syAddvijasya tu . 
yajeta tena dravyeNa na vR^ithA sAdhayeddhanam .. 22..\\
trisAhasra paro dAyaH striyo deyo dhanasya vai . 
tachcha bhartrA dhana.n dattaM nAdattaM bhoktumarhati .. 23..\\
strINA.n tu patidAyAdyamupabhoga phala.n smR^itam . 
nApahAra.n striyaH kuryuH pativittAtkatha.n chana .. 24..\\
striyAstu yadbhavedvittaM pitrA datta.n yudhiShThira . 
brAhmaNyAstaddharetkanyA yathA putrastathA hi sA . 
sA hi putrasamA rAjanvihitA kurunandana .. 25..\\
evameta samuddiShTa.n dharmeShu bharatarShabha . 
etaddharmamanusmR^itya na vR^ithA sAdhayeddhanam .. 26..\\

 y

shUdrAyAM brAhmaNAjjAto yadyadeya dhanaH smR^itaH . 
kena prativisheSheNa dashamo.apyasya dIyateN .. 27..\\
brAhmaNyAM brAhmaNAjjAto brAhmaNaH syAnna saMshayaH . 
kShatriyAyA.n tathaiva syAdvaishyAyAm api chaiva hi .. 28..\\
kasmAtte viShamaM bhAgaM bhajerannR^ipasattama . 
yadA sarve trayo varNAstvayoktA brAhmaNA iti .. 29..\\

 bh

dArA ityuchyate loke nAmnaikena parantapa . 
proktena chaikanAmnAya.n visheShaH sumahAnbhavet .. 30..\\
tisraH kR^itvA puro bhAryAH pashchAdvindeta brAhmaNIm . 
sA jyeShThA sA cha pUjyA syAtsA cha tAbhyo garIyasI .. 31..\\
snAnaM prasAdhanaM bharturdantadhAvanama~njanam . 
havya.n kavyaM cha yachchAnyaddharmayuktaM bhavedgR^ihe .. 32..\\
na tasyA.n jAtu tiShThantyAmanyA tatkartumarhati . 
brAhmaNI tveva tatkuryAdbrAhmaNasya yudhiShThira .. 33..\\
annaM pAna.n cha mAlyaM cha vAsA.nsyAbharaNAni cha . 
brAhmaNyai tAni deyAni bhartuH sA hi garIyasI .. 34..\\
manunAbhihita.n shAstraM yachchApi kurunandana . 
tatrApyeSha mahArAja dR^iShTo dharmaH sanAtanaH .. 35..\\
atha chedanyathA kuryAdyadi kAmAdyudhiShThira . 
yathA brAhmaNa chaNDAlaH pUrvadR^iShTastathaiva saH .. 36..\\
brAhmaNyAH sadR^ishaH putraH kShatriyAyAsh cha yo bhavet . 
rAjanvisheSho nAstyatra varNayorubhayorapi .. 37..\\
na tu jAtyA samA loke brAhmaNyAH kShatriyA bhavet . 
brAhmaNyAH prathamaH putro bhUyAnsyAdrAjasattama . 
bhUyo.api bhUyasA hAryaM pitR^ivittAdyudhiShThira .. 38..\\
yathA na sadR^ishI jAtu brAhmaNyAH kShatriyA bhavet . 
kShatriyAyAstathA vaishyA na jAtu sadR^ishI bhavet .. 39..\\
shrIshcha rAjya.n cha koshashcha kShatriyANA.n yudhiShThira . 
vihita.n dR^ishyate rAjansAgarAntA cha medinI .. 40..\\
kShatriyo hi svadharmeNa shriyaM prApnoti bhUyasIm . 
rAjA daNDadharo rAjanrakShA nAnyatra kShatriyAt .. 41..\\
brAhmaNA hi mahAbhAgA devAnAmapi devatAH . 
teShu rAjA pravarteta pUjayA vidhipUrvakam .. 42..\\
praNItamR^iShibhirGYAtvA dharma.n shAshvatamavyayam . 
lupyamAnAH svadharmeNa kShatriyo rakShati prajAH .. 43..\\
dasyubhirhriyamANa.n cha dhanaM dArAshcha sarvashaH . 
sarveShAmeva varNAnA.n trAtA bhavati pArthivaH .. 44..\\
bhUyAnsyAtkShatriyA putro vaishyAputrAnna saMshayaH . 
bhUyastenApi hartavyaM pitR^ivittAdyudhiShThira .. 45..\\

 y

ukta.n te vidhivadrAjanbrAhmaNa sve pitAmaha . 
itareShA.n tu varNAnAM katha.n viniyamo bhavet .. 46..\\

 bh

kShatriyasyApi bhArye dve vihite kurunandana . 
tR^itIyA cha bhavechchhUdrA na tu dR^iShTAntataH smR^itA .. 47..\\
eSha eva kramo hi syAtkShatriyANA.n yudhiShThira . 
aShTadhA tu bhavetkArya.n kShatriya sva.n yudhiShThira .. 48..\\
kShatriyAyA haretputrashchaturo.aMshAnpiturdhanAt . 
yuddhAvahArika.n yachcha pituH syAtsa harechcha tat .. 49..\\
vaishyAputrastu bhAgA.n strI~nshUdrA putro.athAShTamam . 
so.api datta.n haretpitrA nAdattaM hartumarhati .. 50..\\
ekaiva hi bhavedbhAryA vaishyasya kurunandana . 
dvitIyA vA bhavechchhUdrA na tu dR^iShTAntataH smR^itA .. 51..\\
vaishyasya vartamAnasya vaishyAyAM bharatarShabha . 
shUdrAyA.n chaiva kaunteya tayorviniyamaH smR^itaH .. 52..\\
pa~nchadhA tu bhavetkArya.n vaishya svaM bharatarShabha . 
tayorapatye vakShyAmi vibhAga.n cha janAdhipa .. 53..\\
vaishyAputreNa hartavyAshchatvAro.aMshaH piturdhanAt . 
pa~nchamastu bhavedbhAgaH shUdrA putrAya bhArata .. 54..\\
so.api datta.n haretpitrA nAdattaM hartumarhati . 
tribhirvarNaistathA jAtaH shUdro deya dhano bhavet .. 55..\\
shUdrasya syAtsavarNaiva bhAryA nAnyA katha.n chana . 
shUdrasya samabhAgaH syAdyadi putrashataM bhavet .. 56..\\
jAtAnA.n samavarNAsu putrANAmavisheShataH . 
sarveShAmeva varNAnA.n samabhAgo dhane smR^itaH .. 57..\\
jyeShThasya bhAgo jyeShThaH syAdekAMsho yaH pradhAnataH . 
eSha dAya vidhiH pArtha pUrvamuktaH svayambhuvA .. 58..\\
samavarNAsu jAtAnA.n visheSho.astyaparo nR^ipa . 
vivAha vaisheShya kR^itaH pUrvaH pUrvo vishiShyate .. 59..\\
harejjyeShThaH pradhAnAMshameka.n tulyA suteShvapi . 
madhyamo madhyama.n chaiva kanIyA.nstu kanIyasam .. 60..\\
eva.n jAtiShu sarvAsu savarNAH shreShThatAM gatAH . 
maharShirapi chaitadvai mArIchaH kAshyapo.abravIt .. 61..\\
\medskip\hrule\medskip\centerline{\Largedvng 48}
 y

arthAshrayAdvA kAmAdvA varNAnA.n vApyanishchayAt . 
aGYAnAdvApi varNAnA.n jAyate varNasa~NkaraH .. 1..\\
teShAmetena vidhinA jAtAnA.n varNasa~Nkare . 
ko dharmaH kAni karmANi tanme brUhi pitAmaha .. 2..\\

 bh

chAturvarNyasya karmANi chAturvarNya.n cha kevalam . 
asR^ijatsa ha yaGYArthe pUrvameva prajApatiH .. 3..\\
bhAryAshchatasro viprasya dvayorAtmAsya jAyate . 
AnupUrvyAddvayorhInau mAtR^ijAtyau prasUyataH .. 4..\\
para.n shavAdbrAhmaNasyaiSha putraH 
shUdrA putraM pArashava.n tamAhuH . 
shushrUShakaH svasya kulasya sa syAt 
sva.n chAritraM nityamatho na jahyAt .. 5..\\
sarvAnupAyAnapi sampradhArya 
samuddharetsvasya kulasya tantum . 
jyeShTho yavIyAnapi yo dvijasya 
shushrUShavAndAnaparAyaNaH syAt .. 6..\\
tisraH kShatriya sambandhAddvayorAtmAsya jAyate . 
hInavarNastR^itIyAyA.n shUdra ugra iti smR^itaH .. 7..\\
dve chApi bhArye vaishyasya dvayorAtmAsya jAyate . 
shudrA shUdrasya chApyekA shUdrameva prajAyate .. 8..\\
ato vishiShTastvadhamo guru dArapradharShakaH . 
bAhya.n varNa.n janayati chAturvarNyavigarhitam .. 9..\\
ayAjya.n kShatriyo vrAtya.n sUtaM stoka kriyAparam . 
vaishyo vaidehaka.n chApi maudgalyamapavarjitam .. 10..\\
shUdrashchaNDAlamatyugra.n vadhyaghnaM bAhyavAsinam . 
brAhmaNyA.n samprajAyanta ityete kulapA.nsanAH . 
ete matimatA.n shreShTha varShasa~NkarajAH prabho .. 11..\\
bandI tu jAyate vaishyAnmAghadho vAkyajIvanaH . 
shUdrAnniShAdo matsyaghnaH kShatriyAyA.n vyatikramAt .. 12..\\
shUdrAdAyogavashchApi vaishyAyA.n grAmadharmiNaH . 
brAhmaNairapratigrAhyastakShA sa vanajIvanaH .. 13..\\
ete.api sadR^isha.n varNa.n janayanti svayoniShu . 
mAtR^ijAtyAM prasUyante pravarA hInayoniShu .. 14..\\
yathA chaturShu varNeShu dvayorAtmAsya jAyate . 
AnantaryAttu jAyante tathA bAhyAH pradhAnataH .. 15..\\
te chApi sadR^isha.n varNa.n janayanti svayoniShu . 
parasparasya vartanto janayanti vigarhitAn .. 16..\\
yathA cha shUdro brAhmaNyA.n jantuM bAhyaM prasUyate . 
evaM bAhyatarAdbAhyashchAturvarNyAtprasUyate .. 17..\\
pratiloma.n tu vartanto bAhyAdbAhyataraM punaH . 
hInA hInAtprasUyante varNAH pa~nchadashaiva te .. 18..\\
agamyA gamanAchchaiva vartate varNasa~NkaraH . 
vrAtyAnAmatra jAyante sairandhrA mAgadheShu cha . 
prasAdhanopachAraGYamadAsa.n dAsajIvanam .. 19..\\
atashchAyogava.n sUte vAgurA vanajIvanam . 
maireyaka.n cha vaidehaH samprasUte.atha mAdhukam .. 20..\\
niShAdo mudgara.n sUte dAshaM nAvopajIvinam . 
mR^itapa.n chApi chaNDAlaH shvapAkamatikutsitam .. 21..\\
chaturo mAgadhI sUte krUrAnmAyopajIvinaH . 
mA.nsasvAdu kara.n sUdaM saugandhamiti sa~nj~nitam .. 22..\\
vaidehakAchcha pApiShTha.n krUraM bhAryopajIvinam . 
niShAdAnmadranAbha.n cha kharayAnaprayAyinam .. 23..\\
chaNDAlAtpulkasa.n chApi kharAshvagajabhojinam . 
mR^itachela pratichchhannaM bhinnabhAjana bhojinam .. 24..\\
AyogavIShu jAyante hInavarNAsu te trayaH . 
kShudro vaidehakAdandhro bahirgrAmapratishrayaH .. 25..\\
kArAvaro niShAdyA.n tu charma kArAtprajAyate . 
chaNDAlAtpANDusaupAkastvaksAravyavahAravAn .. 26..\\
AhiNDiko niShAdena vaidehyA.n samprajAyate . 
chaNDAlena tu saupAko maudgalya samavR^ittimAn .. 27..\\
niShAdI chApi chaNDAlAtputramantAvasAyinam . 
shmashAnagocharo sUto bAhyairapi bahiShkR^itam .. 28..\\
ityetAH sa~Nkare jAtyaH pitR^imAtR^ivyatikramAt . 
prachchhannA vA prakAshA vA veditavyAH svakarmabhiH .. 29..\\
chaturNAmeva varNAnA.n dharmo nAnyasya vidyate . 
varNAnA.n dharmahIneShu sa~nj~nA nAstIha kasya chit .. 30..\\
yadR^ichchhayopasampannairyaGYasAdhu bahiShkR^itaiH . 
bAhyA bAhyaistu jAyante yathAvR^itti yathAshrayam .. 31..\\
chatuShpatha shmashAnAni shailAMshchAnyAnvanaspatIn . 
yu~njante chApyala~NkArA.nstathopakaraNAni cha .. 32..\\
gobrAhmaNArthe sAhAyya.n kurvANA vai na saMshayaH . 
AnR^isha.nsyamanukroshaH satyavAkyamatha kShamA .. 33..\\
svasharIraiH paritrANaM bAhyAnA.n siddhikArakam . 
manujavyAghrabhavati tatra me nAsti saMshayaH .. 34..\\
yathopadeshaM parikIrtitAsu 
naraH prajAyeta vichArya buddhimAn . 
vihInayonirhi suto.avasAdayet 
titIrShamANa.n salile yathopalam .. 35..\\
avidvA.nsamala.n loke vidvAmamapi vA punaH . 
nayante hyutpathaM nAryaH kAmakrodhavashAnugam .. 36..\\
svabhAvashchaiva nArINAM narANAmiha dUShaNam . 
ityarthaM na prasajjante pramadAsu vipashchitaH .. 37..\\

 y

varNApetamaviGYAtaM nara.n kaluSha yonijam . 
Arya rUpamivAnArya.n katha.n vidyAmahe nR^ipa .. 38..\\

 bh

yonisa~NkaluShe jAtaM nAnAchAra samAhitam . 
karmabhiH sajjanAchIrNairviGYeyA yonishuddhatA .. 39..\\
anAryatvamanAchAraH krUratvaM niShkriyAtmatA . 
puruSha.n vya~njayantIha loke kaluSha yonijam .. 40..\\
pitrya.n vA bhajate shIlaM mAtR^ijaM vA tathobhayam . 
na katha.n chana sa~NkIrNaH prakR^iti.n svAM niyachchhati .. 41..\\
yathaiva sadR^isho rUpe mAtApitrorhi jAyate . 
vyAghrashchitraistathA yoniM puruShaH svAM niyachchhati .. 42..\\
kulasrotasi sa~ncchhanne yasya syAdyonisa~NkaraH . 
saMshrayatyeva tachchhIlaM naro.alpamapi vA bahu .. 43..\\
Arya rUpasamAchAra.n charantaM kR^itake pathi . 
svavarNamanyavarNa.n vA svashIlaM shAsti nishchaye .. 44..\\
nAnA vR^itteShu bhUteShu nAnA karma rateShu cha . 
janma vR^ittasama.n loke sushliShTaM na virajyate .. 45..\\
sharIramiha sattvena narasya parikR^iShyate . 
jyeShThamadhyAvara.n sattva.n tulyasattvaM pramodate .. 46..\\
jyAyA.nsamapi shIlena vihInaM naiva pUjayet . 
api shUdra.n tu sadvR^ittaM dharmaGYamabhipUjayet .. 47..\\
AtmAnamAkhyAti hi karmabhirnaraH 
svashIlachAritrakR^itaiH shubhAshubhaiH . 
pranaShTamapyAtmakula.n tathA naraH 
punaH prakAsha.n kurute svakarmabhiH .. 48..\\
yoniShvetAsu sarvAsu sa~NkIrNAsvitarAsu cha . 
yatrAtmAnaM na janayedbudhastAH parivarjayet .. 49..\\
\medskip\hrule\medskip\centerline{\Largedvng 49}
 y

brUhi putrAnkurushreShTha varNAnA.n tvaM pR^ithakpR^ithak . 
kIdR^ishyA.n kIdR^ishashchApi putrAH kasya cha ke cha te .. 1..\\
vipravAdAH subahushaH shrUyante putra kAritAH . 
atra no muhyatA.n rAjaM saMshaya.n chhettumarhasi .. 2..\\

 bh

AtmA putrastu viGYeyastasyAnantarajashcha yaH . 
niyuktajashcha viGYeyaH sutaH prasR^itajastathA .. 3..\\
patitasya cha bhAryAyAM bhartrA susamavetayA . 
tathA dattakR^itau putrAvadhyUDhashcha tathAparaH .. 4..\\
ShaDapadhva.nsajAshchApi kAnInApasadAstathA . 
ityete te samAkhyAtAstAnvijAnIhi bhArata .. 5..\\

 y

ShaDapadhva.nsajAH ke syuH ke vApyapasadAstathA . 
etatsarva.n yathAtattvaM vyAkhyAtuM me tvamarhasi .. 6..\\

 bh

triShu varNeShu ye putrA brAhmaNasya yudhiShThira . 
varNayoshcha dvayoH syAtA.n yau rAjanyasya bhArata .. 7..\\
eko dvivarNa evAtha tathAtraivopalakShitaH . 
ShaDapadhva.nsajAste hi tathaivApasadA~nshR^iNu .. 8..\\
chaNDAlo vrAtya venau cha brAhmaNyA.n kShatriyAsu cha . 
vaishyAyA.n chaiva shUdrasya lakShyante.apasadAstrayaH .. 9..\\
mAgadho vAmakashchaiva dvau vaishyasyopalakShitau . 
brAhmaNyA.n kShatriyAyAM cha kShatriyasyaika eva tu .. 10..\\
brAhmaNyA.n lakShyate sUta ityete.apasadAH smR^itAH . 
putra reto na shakya.n hi mithyA kartuM narAdhipa .. 11..\\

 y

kShetraja.n ke chidevAhuH sutaM ke chittu shukrajam . 
tulyAvetau sutau kasya tanme brUhi pitAmaha .. 12..\\

 bh

rejato vA bhavetputrastyakto vA kShetrajo bhavet . 
adhyUDhaH samayaM bhittvetyetadeva nibodha me .. 13..\\

 y

retoja.n vidma vai putra.n kShetrajasyAgamaH katham . 
adhyUDha.n vidma vai putraM hitvA cha samaya.n katham .. 14..\\

 bh

AtmajaM putramutpAdya yastyajetkAraNAntare . 
na tatra kAraNa.n retaH sa kShetrasvAmino bhavet .. 15..\\
putra kAmo hi putrArthe yA.n vR^iNIte vishAM pate . 
tatra kShetraM pramANa.n syAnna vai tatrAtmajaH sutaH .. 16..\\
anyatra kShetrajaH putro lakShyate bharatarShabha . 
na hyAtmA shakyate hantu.n dR^iShTAntopagato hyasau .. 17..\\
kashchichcha kR^itakaH putraH sa~NgrahAdeva lakShyate . 
na tatra retaH kShetra.n vA pramANaM syAdyudhiShThira .. 18..\\

 y

kIdeshaH kR^itakaH putraH sa~NgrahAdeva lakShyate . 
shukra.n kShetraM pramANa.n vA yatra lakShyeta bhArata .. 19..\\

 bh

mAtA pitR^ibhyA.n santyaktaM pathi ya.n tu pralakShayet . 
na chAsya mAtA pitarau GYAyete sa hi kR^itrimaH .. 20..\\
asvAmikasya svAmitva.n yasminsampratilakShayet . 
savarNasta.n cha poSheta savarNastasya jAyate .. 21..\\

 y

kathamasya prayoktavyaH sa.nskAraH kasya vA katham . 
deyA kanyA katha.n cheti tanme brUhi pitAmaha .. 22..\\

 bh

Atmavattasya kurvIta sa.nskAra.n svAmivattathA .. 23..\\
tyakto mAtA pitR^ibhyA.n yaH savarNaM pratipadyate . 
tadgotra varNatastasya kuryAtsa.nskAramachyuta .. 24..\\
atha deyA tu kanyA syAttadvarNena yudhiShThira . 
sa.nskartuM mAtR^igotra.n cha mAtR^ivarNavinishchaye .. 25..\\
kAnInAdhyUDhajau chApi viGYeyau putra kilbiShau . 
tAvapi svAviva sutau sa.nskAryAviti nishchayaH .. 26..\\
kShetrajo vApyapasado ye.adhyUDhAsteShu chApyatha . 
Atmavadvai prayu~njIransa.nskAraM brAhmaNAdayaH .. 27..\\
dharmashAstreShu varNAnAM nishchayo.ayaM pradR^ishyate . 
etatte sarvamAkhyAta.n kiM bhUyaH shrotumichchhasi .. 28..\\
\medskip\hrule\medskip\centerline{\Largedvng 50}
 y

darshane kIdR^ishaH snehaH sa.nvAse cha pitAmaha . 
mahAbhAgya.n gavAM chaiva tanme brUhi pitAmaha .. 1..\\

 bh

hanta te kathayiShyAmi purAvR^ittaM mahAdyute . 
nahuShasya cha sa.nvAdaM maharShesh chyavanasya cha .. 2..\\
purA maharShishchyavano bhArgavo bharatarShabha . 
udavAka kR^itArambho babhUva sumahAvrataH .. 3..\\
nihatya mAna.n krodhaM cha praharSha.n shokameva cha . 
varShANi dvAdasha munirjalavAse dhR^itavrataH .. 4..\\
AdadhatsarvabhUteShu visrambhaM parama.n shubham . 
jale chareShu sattveShu shIra rashmiriva prabhuH .. 5..\\
sthANubhUtaH shuchirbhUtvA daivatebhyaH praNamya cha . 
ga~NgAyamunayormadhye jala.n sampravivesha ha .. 6..\\
ga~NgAyamunayorvega.n subhImaM bhImaniHsvanam . 
pratijagrAha shirasA vAtavegasama.n jave .. 7..\\
ga~NgA cha yamunA chaiva saritashchAnugAstayoH . 
pradakShiNamR^iShi.n chakrurna chainaM paryapIDayan .. 8..\\
antarjale sa suShvApa kaShTha bhUto mahAmuniH . 
tatashchordhvasthito dhImAnabhavadbharatarShabha .. 9..\\
jalaukasA.n sa sattvAnAM babhUva priyadarshanaH . 
upAjighranta cha tadA matsyAsta.n hR^iShTamAnasAH . 
tatra tasyAsataH kAlaH samatIto.abhavanmahAn .. 10..\\
tataH kadA chitsamaye kasmiMshchinmatsyajIvinaH . 
ta.n desha.n samupAjagmurjAlahastA mahAdyute .. 11..\\
niShAdA bahavastatra matsyoddharaNa nishchitAH . 
vyAyatA balinaH shUrAH salileShvanivartinaH . 
abhyAyayushcha ta.n deshaM nishchitA jAlakarmaNi .. 12..\\
jAla.n cha yojayAmAsurvisheSheNa janAdhipa . 
matsyodaka.n samAsAdya tadA bharatasattama .. 13..\\
tataste bahubhiryogaiH karvartA matsyakA~NkShiNaH . 
ma~NgA yamunayorvArijAlairabhyakira.nstataH .. 14..\\
jAla.n suvitata.n teShAM nava sUtrakR^itaM tathA . 
vistArAyAma sampanna.n yattatra salile kShamam .. 15..\\
tataste sumahachchaiva balavachcha suvartitam . 
prakIrya sarvataH sarve jAla.n chakR^iShire tadA .. 16..\\
abhItarUpAH sa.nhR^iShTAste.anyonyavashavartinaH . 
babandhustatra matsyAMshcha tathAnyA~njalachAriNaH .. 17..\\
tathA matsyaiH parivR^ita.n chyavanaM bhR^igunandanam . 
AkarShanta mahArAja jAlenAtha yadR^ichchhayA .. 18..\\
nadI shaivaladigdhA~Nga.n hari shmashrujaTA dharam . 
lagnaiH sha~NkhagaNairgAtraiH koShThairshchitrairivAvR^itam .. 19..\\
ta.n jAlenoddhR^itaM dR^iShTvA te tadA vedapAragam . 
save prA~njalayo dAshAH shirobhiH prApatanbhuvi .. 20..\\
parikheda paritrAsAjjAlasyAkarShaNena cha . 
matsyA babhUvurvyApannAH sthalasa~NkarShaNena cha .. 21..\\
sa munistattadA dR^iShTvA matsyAnA.n kadanaM kR^itam . 
babhUva kR^ipayAviShTo niHshvasaMshcha punaH punaH .. 22..\\

 nisaadaah

aGYAnAdyatkR^itaM pApaM prasAda.n tatra naH kuru . 
karavAma priya.n kiM te tanno brUhi mahAmune .. 23..\\

 bh

ityukto matsyamadhya sthashchyavano vAkyamabravIt . 
yo me.adya paramaH kAmasta.n shR^iNudhvaM samAhitAH .. 24..\\
prANotsarga.n vikrayaM vA matsyairyAsyAmyahaM saha . 
sa.nvAsAnnotsahe tyaktu.n salilAdhyuShitAnimAn .. 25..\\
ityuktAste niShAdAstu subhR^ishaM bhayakampitAH . 
sarve viShaNNavadanA nahuShAya nyavedayan .. 26..\\
\medskip\hrule\medskip\centerline{\Largedvng 51}
 bh

nahuShastu tataH shrutvA chyavana.n taM tathAgatam . 
tvaritaH prayayau tatra sahAmAtya purohitaH .. 1..\\
shaucha.n kR^itvA yathAnyAyaM prA~njaliH prayato nR^ipaH . 
AtmAnamAchachakShe cha chyavanAya mahAtmane .. 2..\\
archayAmAsa ta.n chApi tasya rAGYaH purohitaH . 
satyavrataM mahAbhAga.n devakalpa.n vishAM pate .. 3..\\

 n

karavANi priya.n kiM te tanme vyAkhyAtumarhasi . 
sarva.n kartAsmi bhagavanyadyapi syAtsuduShkaram .. 4..\\

 ch

shrameNa mahatA yuktAH kaivartA matsyajIvinaH . 
mama mUlyaM prayachchhaibhyo matsyAnA.n vikrayaiH saha .. 5..\\

 n

sahasra.n dIyatAM mUlyaM niShAdebhyaH purohita . 
niShkrayArthaM bhagavato yathAha bhR^igunandanaH .. 6..\\

 ch

sahasraM nAhamarhAmi ki.n vA tvaM manyase nR^ipa . 
sadR^isha.n dIyatAM mUlya.n svabuddhyA nishchayaM kuru .. 7..\\

 n

sahasrANA.n shata.n kShipraM niShAdebhyaH pradIyatAm . 
syAdetattu bhavenmUlya.n ki.n vAnyanmanyate bhavAn .. 8..\\

 ch

nAha.n shatasahasreNa nimeyaH pArthivarShabha . 
dIyatA.n sadR^ishaM mUlyamamAtyaiH saha chintaya .. 9..\\

 n

koTiH pradIyatAM mUlyaM niShAdebhyaH purohita . 
yadetadapi naupamyamato bhUyaH pradIyatAm .. 10..\\

 ch

rAjannArhAmyaha.n koTiM bhUyo vApi mahAdyute . 
sadR^isha.n dIyatAM mUlyaM brAhmaNaiH saha chintaya .. 11..\\

 n

ardharAjya.n samagraM vA niShAdebhyaH pradIyatAm . 
etanmUlyamahaM manye ki.n vAnyanmanyase dvija .. 12..\\

 ch

ardharAjya.n samagraM vA nAhamarhAmi pArthiva . 
sadR^iSha.n dIyatAM mUlyamR^iShibhiH saha chintyatAm .. 13..\\

 bh

maharShervachana.n shrutvA nahuSho duHkhakarshitaH . 
sa chintayAmAsa tadA sahAmAtya purohitaH .. 14..\\
tatra tvanyo vanacharaH kashchinmUlaphalAshanaH . 
nahuShasya samIpastho gavi jAto.abhavanmuniH .. 15..\\
sa samAbhAShya rAjAnamabravIddvijasattamaH . 
toShayiShyAmyaha.n vipraM yathA tuShTo bhaviShyati .. 16..\\
nAhaM mithyA vacho brUyA.n svaireShvapi kuto.anyathA . 
bhavato yadahaM brUyA.n tatkAryamavisha~NkayA .. 17..\\

 n

bravItu bhagavAnmUlyaM maharSheH sadR^ishaM bhR^igoH . 
paritrAyasva mAmasmAdviShaya.n cha kulaM cha me .. 18..\\
hanyAddhi bhagavAnkruddhastrailokyamapi kevalam . 
kiM punarmA.n tapo hInaM bAhuvIryaparAyaNam .. 19..\\
agAdhe.ambhasi magnasya sAmAtyasya sahartvijaH . 
plavo bhava maharShe tva.n kuru mUlya vinishchayam .. 20..\\

 bh

nahuShasya vachaH shrutvA gavi jAtaH pratApavAn . 
uvAcha harShayansarvAnamAtyAnpArthiva.n cha tam .. 21..\\
anargheyA mahArAja dvijA varNamahattamAH . 
gAvashcha pR^ithivIpAla gaurmUlyaM parikalpyatAm .. 22..\\
nahuShastu tataH shrutvA maharShervachanaM nR^ipa . 
harSheNa mahatA yuktaH sahAmAtya purohitaH .. 23..\\
abhigamya bhR^igoH putra.n chyavana.n saMshitavratam . 
idaM provAcha nR^ipate vAchA santarpayanniva .. 24..\\
uttiShThottiShTha viprarShe gavA krIto.asi bhArgava . 
etanmUlyamahaM manye tava dharmabhR^itA.n vara .. 25..\\

 ch

uttiShThAmyeSha rAjendra samyakkrIto.asmi te.anagha . 
gobhistulyaM na pashyAmi dhana.n kiM chidihAchyuta .. 26..\\
kIrtana.n shravaNa.n dAnaM darshanaM chApi pArthiva . 
gavAM prashasyate vIra sarvapApahara.n shivam .. 27..\\
gAvo lakShmyAH sadA mUla.n goShu pApmA na vidyate . 
annameva sadA gAvo devAnAM parama.n haviH .. 28..\\
svAhAkAravaShaTkArau goShu nityaM pratiShThitau . 
gAvo yaGYapraNetryo vai tathA yaGYasya tA mukham .. 29..\\
amR^ita.n hyakShaya.n divyaM kSharanti cha vahanti cha . 
amR^itAyatana.n chaitAH sarvalokanamaskR^itAH .. 30..\\
tejasA vapuShA chaiva gAvo vahni samA bhuvi . 
gAvo hi sumahattejaH prANinA.n cha sukhapradAH .. 31..\\
niviShTa.n gokula.n yatra shvAsaM mu~nchati nirbhayam . 
virAjayati ta.n deshaM pApmAnaM chApakarShati .. 32..\\
gAvaH svargasya sopAna.n gAvaH svarge.api pUjitAH . 
gAvaH kAmadughA devyo nAnyatki.n chitpara.n smR^itam .. 33..\\
ityetadgoShu me proktaM mAhAtmyaM pArthivarShabha . 
guNaika deshavachana.n shakyaM pArAyaNaM na tu .. 34..\\

 nisaadaah

darshana.n kathanaM chaiva sahAsmAbhiH kR^itaM mune . 
satA.n sapta padaM mitraM prasAdaM naH kuru prabho .. 35..\\
havIMShi sarvANi yathA hyupabhu~Nkte hutAshanaH . 
eva.n tvamapi dharmAtmanpuruShAgniH pratApavAn .. 36..\\
prasAdayAmahe vidvanbhavantaM praNatA vayam . 
anugrahArthamasmAkamiya.n gauH pratigR^ihyatAm .. 37..\\

 ch

kR^ipaNasya cha yachchakShurmunerAshIviShasya cha . 
nara.n sa mUla.n dahati kakShamagniriva jvalan .. 38..\\
pratigR^ihNAmi vo dhenu.n kaivartA muktakilbiShAH . 
diva.n gachchhata vai kShipraM matsyairjAloddhR^itaiH saha .. 39..\\

 bh

tatastasya prasAdAtte maharSherbhAvitAtmanaH . 
niShAdAstena vAkyena saha matsyairdiva.n yayuH .. 40..\\
tataH sa rAjA nahuSho vismitaH preShkya dhIravAn . 
ArohamANA.nstridivaM matsyAMshcha bharatarShabha .. 41..\\
tatastau gavijashchaiva chyavanashcha bhR^igUdvahaH . 
varAbhyAmanurUpAbhyA.n chhandayAmAsaturnR^ipam .. 42..\\
tato rAjA mahAvIryo nahuShaH pR^ithivIpatiH . 
paramityabravItprItastadA bharatasattama .. 43..\\
tato jagrAha dharme sa sthitimindra nibho nR^ipaH . 
tatheti choditaH prItastAvR^iShI pratyapUjayat .. 44..\\
samAptadIkShashchyavanastato.agachchhatsvamAshramam . 
gavijashcha mahAtejAH svamAshramapada.n yayau .. 45..\\
niShAdAshcha diva.n jagmuste cha matsyA janAdhipa . 
nahuSho.api vara.n labdhvA pravivesha puraM svakam .. 46..\\
etatte kathita.n tAta yanmAM tvaM paripR^ichchhasi . 
darshane yAdR^ishaH snehaH sa.nvAse cha yudhiShThira .. 47..\\
mahAbhAgya.n gavAM chaiva tathA dharmavinishchayam . 
kiM bhUyaH kathyatA.n vIra ki.n te hR^idi vivakShitam .. 48..\\
\medskip\hrule\medskip\centerline{\Largedvng 52}
 y

saMshayo me mahAprAGYa sumahAnsAgaropamaH . 
tanme shR^iNu mahAbAho shrutvA chAkhyAtumarhasi .. 1..\\
kautUhalaM me sumahajjAmadagnyaM prati prabho . 
rAma.n dharmabhR^itA.n shreShThaM tanme vyAkhyAtumarhasi .. 2..\\
kathameSha samutpanno rAmaH satyaparAkramaH . 
kathaM brahmarShivaMshe cha kShatradharmA vyajAyata .. 3..\\
tadasya sambhava.n rAjannikhilenAnukIrtaya . 
kaushikAchcha katha.n vaMshAtkShatrAdvai brAhmaNo.abhavat .. 4..\\
aho prabhAvaH sumahAnAsIdvai sumahAtmanoH . 
rAmasya cha naravyAghra vishvAmitrasya chaiva ha .. 5..\\
kathaM putrAnatikramya teShAM naptR^iShvathAbhavat . 
eSha doShaH sutAnhitvA tanme vyAkhyAtumarhasi .. 6..\\

 bh

atrApyudAharantImamitihAsaM purAtanam . 
chyavanasya cha sa.nvAda.n kushikasya cha bhArata .. 7..\\
eta.n doShaM purA dR^iShTvA bhArgavashchyavanastadA . 
AgAminaM mahAbuddhiH svavaMshe munipu~NgavaH .. 8..\\
sa~ncintya manasA sarva.n guNadoShabalAbalam . 
dagdhu kAmaH kula.n sarva.n kushikAnAM tapodhanaH .. 9..\\
chyavanastamanuprApya kushika.n vAkyamabravIt . 
vastumichchhA samutpannA tvayA saha mamAnagha .. 10..\\

 k

bhagavansahadharmo.ayaM paNDitairiha dhAryate . 
pradAnakAle kanyAnAmuchyate cha sadA budhaiH .. 11..\\
yattu tAvadatikrAnta.n dharmadvAraM tapodhana . 
tatkAryaM prakariShyAmi tadanuGYAtumarhasi .. 12..\\

 bh

athAsanamupAdAya chyavanasya mahAmuneH . 
kushiko bhAryayA sArdhamAjagAma yato muniH .. 13..\\
pragR^ihya rAjA bhR^i~NgAraM pAdyamasmai nyavedayat . 
kArayAmAsa sarvAshcha kriyAstasya mahAtmanaH .. 14..\\
tataH sa rAjA chyavanaM madhuparka.n yathAvidhi . 
pratyagrAhayadavyagro mahAtmA niyatavrataH .. 15..\\
satkR^itya sa tathA vipramida.n vachanamabravIt . 
bhagavanparavantau svo brUhi ki.n karavAvahe .. 16..\\
yadi rAjya.n yadi dhanaM yadi gAH saMshitavrata . 
yaGYadAnAni cha tathA brUhi sarva.n dadAmi te .. 17..\\
ida.n gR^ihamida.n rAjyamidaM dharmAsanaM cha te . 
rAjA tvamasi shAdhyurvIM bhR^ityo.ahaM paravA.nstvayi .. 18..\\
evamukte tato vAkye chyavano bhArgavastadA . 
kushikaM pratyuvAchedaM mudA maramayA yataH .. 19..\\
na rAjya.n kAmaye rAjanna dhanaM na cha yoShitaH . 
na cha gA na cha te deshAnna yaGYA~nshrUyatAm idam .. 20..\\
niyama.n kaM chidArapsye yuvayoryadi rochate . 
paricharyo.asmi yattebhyA.n yuvAbhyAmavisha~NkayA .. 21..\\
evamukte tadA tena dampatI tau jaharShatuH . 
pratyabrUtA.n cha tamR^iShimevamastviti bhArata .. 22..\\
atha ta.n kushiko hR^iShTaH prAveshayadanuttamam . 
gR^ihoddesha.n tatastatra darshanIyamadarshayat .. 23..\\
iya.n shayyA bhagavato yathAkAmamihoShyatAm . 
prayatiShyAvahe prItimAhartu.n te tapodhana .. 24..\\
atha sUryo.atichakrAma teShA.n sa.nvadatA.n tathA . 
atharShishchodayAmAsa pAnamanna.n tathaiva cha .. 25..\\
tamapR^ichchhattato rAjA kushikaH praNatastadA . 
kimannajAtamiShTa.n te kimupasthApayAmyaham .. 26..\\
tataH sa parayA prItyA pratyuvAcha janAdhipam . 
aupapattikamAhAraM prayachchhasveti bhArata .. 27..\\
tadvachaH pUjayitvA tu tathetyAha sa pArthivaH . 
yathopapanna.n chAhAraM tasmai prAdAjjanAdhipaH .. 28..\\
tataH sa bhagavAnbhuktvA dampatI prAha dharmavit . 
svaptumichchhAmyahaM nidrA bAdhate mAm iti prabho .. 29..\\
tataH shayyA gR^ihaM prApya bhagavAnR^iShisattamaH . 
sa.nvivesha narendrastu sapatnIkaH sthito.abhavat .. 30..\\
na prabodhyo.asmi sa.nsupta ityuvAchAtha bhArgavaH . 
sa.nvAhitavyau pAdau me jAgartavya.n cha vAM nishi .. 31..\\
avisha~Nkashcha kushikastathetyAha sa dharmavit . 
na prabodhayatA.n taM cha tau tadA rajanI kShaye .. 32..\\
yathAdeshaM maharShestu shushrUShA paramau tadA . 
babhUvaturmahArAja prayatAvatha dampatI .. 33..\\
tataH sa bhagavAnvipraH samAdishya narAdhipam . 
suShvApaikena pArshvena divasAnekaviMshatim .. 34..\\
sa tu rAjA nirAhAraH sabhAryaH kurunandana . 
paryupAsata ta.n hR^iShTashchyavanArAdhane rataH .. 35..\\
bhArgavastu samuttasthau svayameva tapodhanaH . 
aki.n chiduktvA tu gR^ihAnnishchakrAma mahAtapAH .. 36..\\
tamanvagachchhatA.n tau tu kShudhitau shramakarshitau . 
bhAryA patI munishreShThau na cha tAvavalokayat .. 37..\\
tayostu prekShatoreva bhArgavANA.n kulodvahaH . 
antarhito.abhUdrAjendra tato rAjApatatkShitau .. 38..\\
sa muhUrta.n samAshvasya sahadevyA mahAdyutiH . 
punaranveShaNe yatnamakarotparama.n tadA .. 39..\\
\medskip\hrule\medskip\centerline{\Largedvng 53}
 y

tasminnantarhite vipre rAjA kimakarottadA . 
bhAryA chAsya mahAbhAgA tanme brUhi pitAmaha .. 1..\\

 bh

adR^iShTvA sa mahIpAlastamR^iShi.n saha bhAryayA . 
parishrAnto nivavR^ite vrIDito naShTachetanaH .. 2..\\
sa pravishya purI.n dIno nAbhyabhAShata kiM chana . 
tadeva chintayAmAsa chyavanasya vicheShTitam .. 3..\\
atha shUnyena manasA pravivesha gR^ihaM nR^ipaH . 
dadarsha shayane tasmi~nshayAnaM bhR^itunandanam .. 4..\\
vismitau tau tu dR^iShTvA ta.n tadAshcharya.n vichintya cha . 
darshanAttasya cha munervishrAntau sambabhUvatuH .. 5..\\
yathAsthAna.n tu tau sthitvA bhUyasta.n sa.nvavAhatuH . 
athApareNa pArshvena suShvApa sa mahAmuniH .. 6..\\
tenaiva cha sa kAlena pratyabudhyata vIryavAn . 
na cha tau chakratuH ki.n chidvikAraM bhayasha~Nkitau .. 7..\\
pratibuddhastu sa munistau provAcha vishAM pate . 
tailAbhya~Ngo dIyatAM me snAsye.ahamiti bhArata .. 8..\\
tatheti tau pratishrutya kShudhitau shramakarshitau . 
shatapAkena tailena mahArheNopatasthatuH .. 9..\\
tataH sukhAsInamR^iShi.n vAgyatau sa.nvavAhatuH . 
na cha paryAptamityAha bhArgavaH sumahAtapAH .. 10..\\
yadA tau nirvikArau tu lakShayAmAsa bhArgavaH . 
tata utthAya sahasA snAnashAlA.n vivesha ha . 
kL^iptameva tu tatrAsItsnAnIyaM pArthivochitam .. 11..\\
asatkR^itya tu tatsarva.n tatraivAntaradhIyata . 
sa muniH punarevAtha nR^ipateH pashyatastadA . 
nAsUyA.n chakratustau cha dampatI bharatarShabha .. 12..\\
atha snAtaH sa bhagavAnsi.nhAsanagataH prabhuH . 
darshayAmAsa kushika.n sabhAryaM bhR^igunandanaH .. 13..\\
sa.nhR^iShTavadano rAjA sabhAryaH kushiko muniH . 
siddhamannamiti prahvo nirvikAro nyavedayat .. 14..\\
AnIyatAmiti munista.n chovAcha narAdhipam . 
rAjA cha samupAjahre tadanna.n saha bhAryayA .. 15..\\
mA.nsaprakArAnvividhA~nshAkAni vividhAni cha . 
vesavAra vikArAMshcha pAnakAni laghUni cha .. 16..\\
rasAlApUpakAMshchitrAnmodakAnatha ShADavAn . 
rasAnnAnAprakArAMshcha vanya.n cha munibhojanam .. 17..\\
phalAni cha vichitrANi tathA bhojyAni bhUrishaH . 
badare~Nguda kAshmarya bhallAtaka vaTAni cha .. 18..\\
gR^ihasthAnA.n cha yadbhojya.n yachchApi vanavAsinAm . 
sarvamAhArayAmAsa rAjA shApabhayAnmuneH .. 19..\\
atha sarvamupanyastamagratash chyavanasya tat . 
tataH sarva.n samAnIya tachcha shayyAsanaM muniH .. 20..\\
vastraiH shubhairavachchhAdya bhojanopaskaraiH saha . 
sarvamAdIpayAmAsa chyavano bhR^igunandanaH .. 21..\\
na cha tau chakratuH kopa.n dampatI sumahAvratau . 
tayoH samprekShatoreva punarantarhito.abhavat .. 22..\\
tatraiva cha sa rAjarShirtasthau tA.n rajanI.n tadA . 
sabhAryo vAgyataH shrImAnna cha ta.n kopa Avishat .. 23..\\
nitya.n sa.nskR^itamanna.n tu vividhaM rAjaveshmani . 
shayanAni cha mukhyAni pariShekAshcha puShkalAH .. 24..\\
vastra.n cha vividhAkAramabhavatsamupArjitam . 
na shashAka tato draShTumantara.n chyavanastadA .. 25..\\
punareva cha viprarShiH provAcha kushikaM nR^ipam . 
sabhAryo mA.n rathenAshu vaha yatra bravImyaham .. 26..\\
tatheti cha prAha nR^ipo nirvisha~Nkastapodhanam . 
krIDA ratho.astu bhagavannuta sA~NgrAmiko rathaH .. 27..\\
ityuktaH sa munistena rAGYA hR^iShTena tadvachaH . 
chyavanaH pratyuvAcheda.n hR^iShTaH parapura~njayam .. 28..\\
sajjIkuru ratha.n kShipra.n yaste sA~NgrAmiko mataH . 
sAyudhaH sa patAkashcha sa shaktiH kaNa yaShTimAn .. 29..\\
ki~NkiNIshatanirghoSho yuktastomarakalpanaiH . 
gadAkhaDganibaddhashcha parameShu shatAnvitaH .. 30..\\
tataH sa ta.n tathetyuktvA kalpayitvA mahAratham . 
bhAryA.n vAme dhuri tadA chAtmAna.n dakShiNe tathA .. 31..\\
tridaMShTra.n varja sUchyagraM pratoda.n tatra chAdadhat . 
sarvametattato dattvA nR^ipo vAkyamathAbravIt .. 32..\\
bhagavankva ratho yAtu bravItu bhR^igunandanaH . 
yatra vakShyasi viprarShe tatra yAsyati te rathaH .. 33..\\
eva.n kutastu bhagavAnpratyuvAchAtha taM nR^ipam . 
itaH prabhR^iti yAtavyaM padakaM padaka.n shanaiH .. 34..\\
shromo mama yathA na syAttathA me chhanda chAriNau . 
sukha.n chaivAsmi voDhavyo janaH sarvashcha pashyatu .. 35..\\
notsAryaH pathikaH kashchittebhyo dAsyAmyaha.n vasu . 
brAhmaNebhyashcha ye kAmAnarthayiShyanti mAM pathi .. 36..\\
sarva.n dAsyAmyasheSheNa dhana.n ratnAni chaiva hi . 
kriyatAM nikhilenaitanmA vichAraya pArthiva .. 37..\\
tasya tadvachana.n shrutvA rAjA bhR^ityAnathAbravIt . 
yadyadbrUyAnmunistattatsarva.n deyamasha~NkitaiH .. 38..\\
tato ratnAnyanekAni striyo yugyamajAvikam . 
kR^itAkR^ita.n cha kanakaM jagendrAshchAchalopamAH .. 39..\\
anvagachchhanta tamR^iShi.n rAjAmAtyAshcha sarvashaH . 
hAhAbhUta.n cha tatsarvamAsInnagaramArtimat .. 40..\\
tau tIkShNAgreNa sahasA pratodena prachoditau . 
pR^iShThe viddhau kaTe chaiva nirvikArau tamUhatuH .. 41..\\
vepamAnau virAhArau pa~nchAshadrAtrakarshitau . 
katha.n chidUhaturvIrau dampatI ta.n rathottamam .. 42..\\
bahusho bhR^ishaviddhau tau kSharamANau kShatodbhavam . 
dadR^ishAte mahArAja puShpitAviva kiMshukau .. 43..\\
au dR^iShTvA pauravargastu bhR^isha.n shokaparAyaNaH . 
abhishApabhayAttrasto na cha ki.n chiduvAcha ha .. 44..\\
dvandvashashchAbruvansarve pashyadhva.n tapaso balam . 
kruddhA api munishreShTha.n vIkShituM naiva shaknumaH .. 45..\\
aho bhagavato vIryaM maharSherbhAvitAtmanaH . 
rAGYashchApi sabhAryasya dhairyaM pashyata yAdR^isham .. 46..\\
shrAntAvapi hi kR^ichchhreNa rathameta.n samUhatuH . 
na chaitayorvikAra.n vai dadarsha bhR^igunandanaH .. 47..\\

 bh

tataH sa nirvikArau tau dR^iShTvA bhR^igukulodvahaH . 
vasu vishrANayAmAsa yathA vaishravaNastathA .. 48..\\
tatrApi rAjA prItAtmA yathAGYaptamathAkarot . 
tato.asya bhagavAnprIto babhUva munisattamaH .. 49..\\
avatIrya rathashreShThAddampatI tau mumocha ha . 
vimochya chaitau vidhivattato vAkyamuvAcha ha .. 50..\\
snigdhagambhIrayA vAchA bhArgavaH suprasannayA . 
dadAni vA.n varaM shreShTha.n tadbrUtAmiti bhArata .. 51..\\
sukumArau cha tau vidvAnkarAbhyAM munisattamaH . 
pasparshAmR^itakalpAbhyA.n snehAdbharatasattama .. 52..\\
athAbravInnR^ipo vAkya.n shramo nAstyAvayoriha . 
vishrAntau svaH prabhAvAtte dhyAnenaiveti bhArgava .. 53..\\
atha tau bhagavAnprAha prahR^iShTashchyavanastadA . 
na vR^ithA vyAhR^itaM pUrva.n yanmayA tadbhaviShyati .. 54..\\
ramaNIyaH samuddesho ga~NgAtIramida.n shubham . 
ka.n chitkAla.n vrataparo nivatsyAmIha pArthiva .. 55..\\
gamyatA.n svapuraM putra vishrAntaH punareShyasi . 
ihasthaM mA.n sabhAryastva.n draShTAsi shvo narAdhipa .. 56..\\
na cha manyustvayA kAryaH shreyaste samupasthitam . 
yatkA~NkShita.n hR^idistha.n te tatsarvaM sambhaviShyati .. 57..\\
ityevamuktaH kushikaH prahR^iShTenAntarAtmanA . 
provAcha munishArdUlamida.n vachanamarthavat .. 58..\\
na me manyurmahAbhAga pUto.asmi bhagava.nstvayA . 
sa.nvR^ittau yauvanasthau svo vapuShmantau balAnvitau .. 59..\\
pratodena vraNA ye me sabhAryasya kR^itAstvayA . 
tAnna pashyAmi gAtreShu svastho.asmi saha bhAryayA .. 60..\\
imA.n cha devIM pashyAmi mune divyApsaropamAm . 
shriyA paramayA yuktA.n yathAdR^iShTAM mayA purA .. 61..\\
tava prasAdAtsa.nvR^ittamida.n sarvaM mahAmune . 
naitachchitra.n tu bhagava.nstvayi satyaparAkrama .. 62..\\
ityuktaH pratyuvAcheda.n vyachanaH kushika.n tadA . 
AgachchhethAH sabhAryashcha tvamiheti narAdhipa .. 63..\\
ityuktaH samanuGYAto rAjarShirabhivAdya tam . 
prayayau vapuShA yukto nagara.n devarAjavat .. 64..\\
tata enamupAjagmuramAtyAH sa purohitAH . 
balasthA gaNikA yuktAH sarvAH prakR^itayastathA .. 65..\\
tairvR^itaH kushiko rAjA shriyA paramayA jvalan . 
pravivesha pura.n hR^iShTaH pUjyamAno.atha bandibhiH .. 66..\\
tataH pravishya nagara.n kR^itvA sarvAhNika kriyAH . 
bhuktvA sabhAryo rajanImuvAsa sa mahIpatiH .. 67..\\
tatastu tau navamabhivIkShya yauvanaM 
paraspara.n vigatajarAvivAmarau . 
nanandatuH shayanagatau vapurdharau 
shriyA yutau dvija varadattayA tayA .. 68..\\
sa chApyR^iShirbhR^igukulakIrtivardhanas 
tapodhano vanamabhirAmamR^iddhimat . 
manIShayA bahuvidha ratnabhUShitaM 
sasarja yannAsti shatakratorapi .. 69..\\
\medskip\hrule\medskip\centerline{\Largedvng 54}
 bh

tataH sa rAjA rAtryante pratibuddho mahAmanAH . 
kR^itapUrvAhNikaH prAyAtsabhAryastadvanaM prati .. 1..\\
tato dadarsha nR^ipatiH prAsAda.n sarvakA~nchanam . 
maNistambhasahasrADhya.n gandharvanagaropamam . 
tatra divyAnabhiprAyAndadarsha kushikastadA .. 2..\\
parvatAnramyasAnUMshcha nalinIshcha sa pa~NkajAH . 
chitrashAlAshcha vividhAstoraNAni cha bhArata . 
shAdvalopachitAM bhUmi.n tathA kA~nchanakuTTimAm .. 3..\\
saha kArAnpraphullAMshcha ketakoddAlakAndhavAn . 
ashokAnmuchukundAMshcha phullAMshchaivAti muktakAn .. 4..\\
champakA.nstilakAnbhAvyAnpanasAnva~njulAnapi . 
puShpitAnkarNikArAMshcha tatra tatra dadarsha ha .. 5..\\
shyAmA.n vAraNapuShpI.n cha tathAShTA padikAM latAm . 
tatra tatra parikL^iptA dadarsha sa mahIpatiH .. 6..\\
vR^ikShAnpadmotpaladharAnsarvartukusumA.nstathA . 
vimAnachchhandakAMshchApi prAsAdAnpadmasaMnibhAn .. 7..\\
shItalAni cha toyAni kva chiduShNAni bhArata . 
AsanAni vichitrANi shayanapravarANi cha .. 8..\\
parya~NkAnsarvasauvarNAnparArdhyAstaraNAstR^itAn . 
bhakShyabhojyamananta.n cha tatra tatropakalpitam .. 9..\\
vANI vAdA~nshukAMshchApi shArikA bhR^i~NgarAjakAn . 
kokilA~nshatapatrAMshcha koyaShTimaka kukkuTAn .. 10..\\
mayUrAnkukkuTAMshchApi putrakA~njIva jIvakAn . 
chakorAnvAnarAnha.nsAnsArasAMshchakrasAhvayAn .. 11..\\
samantataH praNaditAndadarsha sumanoharAn . 
kva chidapsarasA.n sa~NghAngandharvANA.n cha pArthiva .. 12..\\
kAntAbhiraparA.nstatra pariShvaktAndadarsha ha . 
na dadarsha cha tAnbhUyo dadarsha cha punarnR^ipaH .. 13..\\
gItadhvani.n sumadhura.n tathaivAdhyayana dhvanim . 
ha.nsAnsumadhurAMshchApi tatra shushrAva pArthivaH .. 14..\\
ta.n dR^iShTvAtyadbhuta.n rAjA manasAchintayattadA . 
svapno.aya.n chittavibhraMsha utAho satyameva tu .. 15..\\
aho saha sharIreNa prApto.asmi paramA.n gatim . 
uttarAnvA kurUnpuNyAnatha vApyamarAvatIm .. 16..\\
ki.n tvidaM mahadAshcharya.n sampashyAmItyachintayat . 
eva.n sa~ncintayanneva dadarsha munipu~Ngavam .. 17..\\
tasminvimAne sauvarNe maNistambhasamAkule . 
mahArhe shayane divye shayAnaM bhR^igunandanam .. 18..\\
tamabhyayAtpraharSheNa narendraH saha bhAryayA . 
antarhitastato bhUyashchyavanaH shayana.n cha tat .. 19..\\
tato.anyasminvanoddeshe punareva dadarsha tam . 
kaushyAM bR^isyA.n samAsIna.n japamAnaM mahAvratam . 
eva.n yogabalAdvipro mohayAmAsa pArthivam .. 20..\\
kShaNena tadvana.n chaiva te chaivApsarasAM gaNAH . 
gandharvAH pAdapAshchaiva sarvamantaradhIyata .. 21..\\
niHshabdamabhavachchApi ga~NgAkUlaM punarnR^ipa . 
kusha valmIka bhUyiShThaM babhUva cha yathA purA .. 22..\\
tataH sa rAjA kushikaH sabhAryastena karmaNA . 
vismayaM paramaM prAptastaddR^iShTvA mahadadbhutam .. 23..\\
tataH provAcha kushiko bhAryA.n harShasamanvitaH . 
pashya bhadre yathA bhAvAshchitrA dR^iShTAH sudurlabhAH .. 24..\\
prasAdAdbhR^igumukhyasya kimanyatra tapobalAt . 
tapasA tadavApya.n hi yanna shakyaM manorathaiH .. 25..\\
trailokyarAjyAdapi hi tapa eva vishiShyate . 
tapasA hi sutaptena krIDatyeSha tapodhanaH .. 26..\\
aho prabhAvo brahmarSheshchyavanasya mahAtmanaH . 
ichchhanneSha tapo vIryAdanyA.NllokAnsR^ijedapi .. 27..\\
brAhmaNA eva jAyeranpuNyavAgbuddhikarmaNaH . 
utsahediha kartu.n hi ko.anyo vai chyavanAdR^ite .. 28..\\
brAhmaNya.n durlabha.n loke rAjyaM hi sulabhaM naraiH . 
brAhmaNyasya prabhAvAddhi rathe yuktau svadhuryavat .. 29..\\
ityeva.n chintayAnaH sa viditash chyavanasya vai . 
samprekShyovAcha sa nR^ipa.n kShipramAgamyatAm iti .. 30..\\
ityuktaH saha bhAryastamabhyagachchhanmahAmunim . 
shirasA vandanIya.n tamavandata sa pArthivaH .. 31..\\
tasyAshiShaH prayujyAtha sa munistaM narAdhipam . 
niShIdetyabravIddhImAnsAntvayanpuruSharShabha .. 32..\\
tataH prakR^itimApanno bhArgavo nR^ipate nR^ipam . 
uvAcha shlakShNayA vAchA tarpayanniva bhArata .. 33..\\
rAjansamyagjitAnIha pa~ncha pa~nchasu yattvayA . 
manaHShaShThAnIndriyANi kR^ichchhrAnmukto.asi tena vai .. 34..\\
samyagArAdhitaH putra tvayAha.n vadatAM vara . 
na hi te vR^ijina.n kiM chitsusUkShmamapi vidyate .. 35..\\
anujAnIhi mA.n rAjangamiShyAmi yathAgatam . 
prIto.asmi tava rAjendra varashcha pratigR^ihyatAm .. 36..\\

 kuzika

agnimadhya gatenedaM bhagavansaMnidhau mayA . 
vartitaM bhR^igushArdUla yanna dagdho.asmi tadbahu .. 37..\\
eSha eva varo mukhyaH prApto me bhR^igunandana . 
yatprIto.asi samAchArAtkulaM pUtaM mamAnagha .. 38..\\
eSha me.anugraho vipra jIvite cha prayojanam . 
etadrAjyaphala.n chaiva tapashchaitatparaM mama .. 39..\\
yadi tu prItimAnvipra mayi tvaM bhR^igunandana . 
asti me saMshayaH kashchittanme vyAkhyAtumarhasi .. 40..\\
\medskip\hrule\medskip\centerline{\Largedvng 55}
 ch

varashcha gR^ihyatAM matto yashcha te saMshayo hR^idi . 
ta.n cha brUhi narashreShTha sarva.n sampAdayAmi te .. 1..\\

 kuzika

yadi prIto.asi bhagava.nstato me vada bhArgava . 
kAraNa.n shrotumichchhAmi madgR^ihe vAsakAritam .. 2..\\
shayana.n chaikapArshvena divasAnekaviMshatim . 
aki.n chiduktvA gamanaM bahishcha munipu~Ngava .. 3..\\
antardhAnamakasmAchcha punareva cha darshanam . 
punashcha shayana.n vipra divasAnekaviMshatim .. 4..\\
tailAbhyaktasya gamanaM bhojana.n cha gR^ihe mama . 
samupAnIya vividha.n yaddagdha.n jAtavedasA . 
niryANa.n cha rathenAshu sahasA yatkR^itaM tvayA .. 5..\\
dhanAnA.n cha visargasya vanasyApi cha darshanam . 
prAsAdAnAM bahUnA.n cha kA~nchanAnAM mahAmune .. 6..\\
maNividruma pAdAnAM parya~NkAnA.n cha darshanam . 
punashchAdarshana.n tasya shrotumichchhAmi kAraNam .. 7..\\
atIva hyatra muhyAmi chintayAno divAnisham . 
na chaivAtrAdhigachchhAmi sarvasyAsya vinishchayam . 
etadichchhAmi kArtsnyena satya.n shrotu.n tapodhana .. 8..\\

 ch

shR^iNu sarvamasheSheNa yadida.n yena hetunA . 
na hi shakyamanAkhyAtumevaM pR^iShTena pArthiva .. 9..\\
pitAmahasya vadataH purA devasamAgame . 
shrutavAnasmi yadrAja.nstanme nigadataH shR^iNu .. 10..\\
brahmakShatravirodhena bhavitA kulasa~NkaraH . 
pautra ste bhavitA rAja.nstejo vIryasamanvitaH .. 11..\\
tataH svakularakShArthamaha.n tvA samupAgamam . 
chikIrShankushikochchheda.n sandidhakShuH kula.n tava .. 12..\\
tato.ahamAgamya purA tvAmavochaM mahIpate . 
niyama.n kaM chidArapsye shushrUShA kriyatAm iti .. 13..\\
na cha te duShkR^ita.n kiM chidahamAsAdayaM gR^ihe . 
tena jIvasi rAjarShe na bhavethAstato.anyathA .. 14..\\
etAM buddhi.n samAsthAya divasAnekaviMshatim . 
supto.asmi yadi mA.n kashchidbodhayediti pArthiva .. 15..\\
yadA tvayA sabhAryeNa sa.nsputo na prabodhitaH . 
aha.n tadaiva te prIto manasA rAjasattama .. 16..\\
utthAya chAsmi niShkrAnto yadi mA.n tvaM mahIpate . 
pR^ichchheH kva yAsyasItyeva.n shapeya.n tvAm iti prabho .. 17..\\
antarhitashchAsmi punaH punareva cha te gR^ihe . 
yogamAsthAya sa.nviShTo divasAnekaviMshatim .. 18..\\
kShudhito mAmasUyethAH shramAdveti narAdhipa . 
etAM buddhi.n samAsthAya karshitau vAM mayA kShudhA .. 19..\\
na cha te.abhUtsusUkShmo.api manyurmanasi pArthiva . 
sabhAryasya narashreShTha tena te prItimAnaham .. 20..\\
bhojana.n cha samAnAyya yattadAdIpitaM mayA . 
krudhyethA yadi mAtsaryAditi tanmarShita.n cha te .. 21..\\
tato.aha.n rathamAruhya tvAmavochaM narAdhipa . 
sabhAryo mA.n vahasveti tachcha tva.n kR^itavA.nstathA .. 22..\\
avisha~Nko narapate prIto.aha.n chApi tena te . 
dhanotsarge.api cha kR^ite na tvA.n krodhaH pradharShayat .. 23..\\
tataH prItena te rAjanpunaretatkR^ita.n tava . 
sabhAryasya vanaM bhUyastadviddhi manujAdhipa .. 24..\\
prItyartha.n tava chaitanme svargasandarshanaM kR^itam . 
yatte vane.asminnR^ipate dR^iShTa.n divyaM nidarshanam .. 25..\\
svargoddeshastvayA rAjansa sharIreNa pArthiva . 
muhUrtamanubhUto.asau sabhAryeNa nR^ipottama .. 26..\\
nidarshanArtha.n tapaso dharmasya cha narAdhipa . 
tatra yAsItspR^ihA rAja.nstachchApi viditaM mama .. 27..\\
brAhmaNya.n kA~NkShase hi tvaM tapashcha pR^ithivIpate . 
avamanya narendratva.n devendratvaM cha pArthiva .. 28..\\
evametadyathAttha tvaM brAhmaNya.n tAta durlabham . 
brAhmaNye sati charShitvamR^iShitve cha tapasvitA .. 29..\\
bhaviShyatyeSha te kAmaH kushikAtkaushiko dvijaH . 
tR^itIyaM puruShaM prApya brAhmaNatva.n gamiShyati .. 30..\\
vaMshaste pArthivashreShTha bhR^igUNAmeva tejasA . 
pautraste bhavitA vipra tapasvI pAvakadyutiH .. 31..\\
yaH sa devamanuShyANAM bhayamutpAdayiShyati . 
trayANA.n chaiva lokAnA.n satyametadbravImi te .. 32..\\
vara.n gR^ihANa rAjarShe yaste manasi vartate . 
tIrthayAtrA.n gamiShyAmi purA kAlo.ativartate .. 33..\\

 k

eSha eva varo me.adya yattvaM prIto mahAmune . 
bhavatvetadyathAttha tva.n tapaH pautre mamAnagha . 
brAhmaNyaM me kulasyAstu bhagavanneSha me varaH .. 34..\\
punashchAkhyAtumichchhAmi bhagavanvistareNa vai . 
kathameShyati vipratva.n kulaM me bhR^igunandana . 
kashchAsau bhavitA bandhurmama kashchApi saMmataH .. 35..\\
\medskip\hrule\medskip\centerline{\Largedvng 56}
 ch

avashya.n kathanIyaM me tavaitannarapu~Ngava . 
yadartha.n tvAhamuchchhettu.n samprApto manujAdhipa .. 1..\\
bhR^igUNA.n kShatriyA yAjyA nityameva janAdhipa . 
te cha bheda.n gamiShyanti daivayuktena hetunA .. 2..\\
kShatriyAshcha bhR^igUnsarvAnvadhiShyanti narAdhipa . 
A garbhAdanukR^intanto daivadaNDanipIDitAH .. 3..\\
tata utpatsyate.asmAka.n kule gotra vivardhanaH . 
aurvo nAma mahAtejA jvalanArkasamadyutiH .. 4..\\
sa trailokyavinAshAya kopAgni.n janayiShyati . 
mahI.n sa parvata vanAM yaH kariShyati bhasmasAt .. 5..\\
ka.n chitkAlaM tu ta.n vahniM sa eva shamayiShyati . 
samudre vaDavA vaktre prakShipya munisattamaH .. 6..\\
putra.n tasya mahAbhAgamR^ichIkaM bhR^igunandanam . 
sAkShAtkR^itsno dhanurvedaH samupasthAsyate.anagha .. 7..\\
kShatriyANAmabhAvAya daivayuktena hetunA . 
sa tu taM pratigR^ihyaiva putre sa~NkrAmayiShyati .. 8..\\
jamadagnau mahAbhAge tapasA bhAvitAtmani . 
sa chApi bhR^igushArdUlasta.n veda.n dhArayiShyati .. 9..\\
kulAttu tava dharmAtmankanyA so.adhigamiShyati . 
udbhAvanArthaM bhavato vaMshasya nR^ipasattama .. 10..\\
gAdherduhitaraM prApya pautrI.n tava mahAtapAH . 
brAhmaNa.n kShatradharmANa.n rAmamutpAdayiShyati .. 11..\\
kShatriya.n vipra karmANaM bR^ihaspatimivaujasA . 
vishvAmitra.n tava kule gAdheH putra.n sudhArmikam . 
tapasA mahatA yuktaM pradAsyati mahAdyute .. 12..\\
striyau tu kAraNa.n tatra parivarte bhaviShyataH . 
pitAmaha niyogAdvai nAnyathaitadbhaviShyati .. 13..\\
tR^itIye puruShe tubhyaM brAhmaNa tvamupaiShyati . 
bhavitA tva.n cha sambandhI bhR^igUNAM bhAvitAtmanAm .. 14..\\

 bh

kushikastu munervAkya.n chyavanasya mahAtmanaH . 
shrutvA hR^iShTo.abhavadrAjA vAkya.n chedamuvAcha ha . 
evamastviti dharmAtmA tadA bharatasattama .. 15..\\
chyavanastu mahAtejAH punareva narAdhipam . 
varArtha.n chodayAmAsa tamuvAcha sa pArthivaH .. 16..\\
bADhameva.n grahIShyAmi kAmaM tvatto mahAmune . 
brahmabhUta.n kulaM me.astu dharme chAsya mano bhavet .. 17..\\
evamuktastathetyevaM pratyuktvA chyavano muniH . 
abhyanuGYAya nR^ipati.n tIrthayAtrA.n yayau tadA .. 18..\\
etatte kathita.n sarvamasheSheNa mayA nR^ipa . 
bhR^igUNA.n kushikAnAM cha prati sambandha kAraNam .. 19..\\
yathoktaM muninA chApi tathA tadabhavannR^ipa . 
janma rAmasya cha munervishvAmitrasya chaiva ha .. 20..\\
\medskip\hrule\medskip\centerline{\Largedvng 57}
 y

muhyAmIva nishamyAdya chintayAnaH punaH punaH . 
hInAM pArthiva sa~NghAtaiH shrImadbhiH pR^ithivImimAm .. 1..\\
prApya rAjyAni shatasho mahI.n jitvApi bhArata . 
koTishaH puruShAnhatvA paritapye pitAmaha .. 2..\\
kA nu tAsA.n varastrINAmavasthAdya bhaviShyati . 
yA hInAH patibhiH putrairmAtulairbhrAtR^ibhistathA .. 3..\\
vaya.n hi tAngurunhatvA GYAtIMshcha suhR^ido.api cha . 
avA kshIrShAH patiShyAmo narake nAtra saMshayaH .. 4..\\
sharIra.n yoktumichchhAmi tapasogreNa bhArata . 
upadiShTamihechchhAmi tattvato.aha.n vishAM pate .. 5..\\

 v

yudhiShThirasya tadvAkya.n shrutvA bhIShmo mahAmanAH . 
parIkShya nipuNaM buddhyA yudhiShThiramabhAShata .. 6..\\
rahasyamadbhuta.n chaiva shR^iNu vakShyAmiyattvayi . 
yA gatiH prApyate yena pretya bhAveShu bhArata .. 7..\\
tapasA prApyate svargastapasA prApyate yashaH . 
AyuH prakarSho bhogAshcha labhyante tapasA vibho .. 8..\\
GYAna.n viGYAnamArogyaM rUpaM sampattathaiva cha . 
saubhAgya.n chaiva tapasA prApyate bharatarShabha .. 9..\\
dhanaM prApnoti tapasA mauna.n GYAnaM prayachchhati . 
upabhogA.nstu dAnena brahmacharyeNa jIvitam .. 10..\\
ahi.nsAyAH phala.n rUpa.n dIkShAyA janma vai kule . 
phalamUlAshinA.n rAjyaM svargaM parNAshinAM bhavet .. 11..\\
payo bhakSho diva.n yAti snAnena draviNAdhikaH . 
gurushushrUShayA vidyA nityashrAddhena santatiH .. 12..\\
gavADhyaH shAkadIkShAbhiH svargamAhustR^iNAshanAt . 
striyastriShavaNa snAnAdvAyuM pItvA kratu.n labhet .. 13..\\
nityasnAyI bhaveddakShaH sandhye tu dve japandvijaH . 
maru.n sAdhayato rAjyaM nAkapR^iShThamanAshake .. 14..\\
sthaNDile shayamAnAnA.n gR^ihANi shayanAni cha . 
chIravalkala vAsobhirvAsA.nsyAbharaNAni cha .. 15..\\
shayyAsanAni yAnAni yogayukte tapodhane . 
agnipraveshe niyataM brahmaloko vidhIyate .. 16..\\
rasAnAM pratisa.nhArAtsaubhAgyamiha vindati . 
AmiSha pratisa.nhArAtprajAsyAyuShmatI bhavet .. 17..\\
udavAsa.n vasedyastu sa narAdhipatirbhavet . 
satyavAdI narashreShTha daivataiH saha modate .. 18..\\
kIrtirbhavati dAnena tathArogyamahi.nsayA . 
dvija shushrUShayA rAjya.n dvijatva.n vApu puShkalam .. 19..\\
pAnIyasya pradAnena kIrtirbhavati shAshvatI . 
annapAnapradAnena tR^ipyate kAmabhogataH .. 20..\\
sAntvadaH sarvabhUtAnA.n sarvashokairvimuchyate . 
deva shushrUShayA rAjya.n divya.n rUpaM niyachchhati .. 21..\\
dIpAloka pradAnena chakShuShmAnbhavate naraH . 
prekShaNIya pradAnena smR^itiM medhA.n cha vindati .. 22..\\
gandhamAlyanivR^ittyA tu kIrtirbhavati puShkalA . 
keshashmashrUndhArayatAmagryA bhavati santatiH .. 23..\\
upavAsa.n cha dIkShAM cha abhiShekaM cha pArthiva . 
kR^itvA dvAdasha varShANi vIra sthAnAdvishiShyate .. 24..\\
dAsIdAsamala~NkArAnkShetrANi cha gR^ihANi cha . 
brahma deyA.n sutA.n dattvA prApnoti manujarShabha .. 25..\\
kratubhishchopavAsaishcha tridiva.n yAti bhArata . 
labhate cha chira.n sthAnaM balipuShpaprado naraH .. 26..\\
suvarNashR^i~Ngaistu vibhUShitAnAM 
gavA.n sahasrasya naraH pradAtA . 
prApnoti puNya.n divi devalokam 
ityevamAhurmunideva sa~NghAH .. 27..\\
prayachchhate yaH kapilA.n sa chailAM 
kA.nsyopadohA.n kanakAgra shR^i~NgIm . 
taistairguNaiH kAmadughAsya bhUtvA 
naraM pradAtAramupaiti sA gauH .. 28..\\
yAvanti lomAni bhavanti dhenvAs 
tAvatphalaM prApnute gopradAtA . 
putrAMshcha pautrAMshcha kula.n cha sarvam 
A saptama.n tArayate paratra .. 29..\\
sa dakShiNA.n kA~nchanachAru shR^i~NgIM 
kA.nsyopadohA.n draviNottarIyAm . 
dhenu.n tilAnAM dadato dvijAya 
lokA vasUnA.n sulabhA bhavanti .. 30..\\
svakarmabhirmAnava.n saMnibaddhaM 
tIvrAndha kare narake patantam . 
mahArNave nauriva vAyuyuktA 
dAna.n gavAM tArayate paratra .. 31..\\
yo brahma deyA.n tu dadAti kanyAM 
bhUmipradAna.n cha karoti vipre . 
dadAti chAnna.n vidhivachcha yash cha 
sa lokamApnoti purandarasya .. 32..\\
naiveshika.n sarvaguNopapannaM 
dadAti vai yastu naro dvijAya . 
svAdhyAyachAritraguNAnvitAya 
tasyApi lokAH kuruShUttareShu .. 33..\\
dhuryapradAnena gavA.n tathAshvair 
lokAnavApnoti naro vasUnAm . 
svargAya chAhurhi hiraNyadAnaM 
tato vishiShTa.n kanakapradAnam .. 34..\\
chhatrapradAnena gR^iha.n variShThaM 
yAna.n tathopAnaha sampradAne . 
vastrapradAnena phala.n surUpaM 
gandhapradAne surabhirnaraH syAt .. 35..\\
puShpopaga.n vAtha phalopagaM vA 
yaH pAdapa.n sparshayate dvijAya . 
sa strI samR^iddhAM bahuratnapUrNaM 
labhatyayatropagata.n gR^iha.n vai .. 36..\\
bhakShAnna pAnIya rasapradAtA 
sarvAnavApnoti rasAnprakAmam . 
pratishrayAchchhAdana sampradAtA 
prApnoti tAneva na saMshayo.atra .. 37..\\
sragdhUpagandhAnyanulepanAni 
snAnAni mAlyAni cha mAnavo yaH . 
dadyAddvijebhyaH sa bhavedarogas 
tathAbhirUpash cha narendra loke .. 38..\\
bIjairashUnya.n shayanairupetaM 
dadyAdgR^iha.n yaH puruSho dvijAya . 
puNyAbhirAmaM bahuratnapUrNaM 
labhatyadhiShThAna vara.n sa rAjan .. 39..\\
sugandhachitrAstraraNopapannaM 
dadyAnnaro yaH shayana.n dvijAya . 
rUpAnvitAM pakShavatIM manoGYAM 
bhAryAmayatnopagatA.n labhetsaH .. 40..\\
pitAmahasyAnucharo vIra shAyI bhavennaraH . 
nAdhika.n vidyate tasmAdityAhuH paramarShayaH .. 41..\\

 v

tasya tadvachana.n shrutvA prItAtmA kurunandanaH . 
nAshrame.arochayadvAsa.n vIramArgAbhikA~NkShayA .. 42..\\
tato yudhiShThiraH prAha pANDavAnbharatarShabha . 
pitAmahasya yadvAkya.n tadvo rochatviti prabhuH .. 43..\\
tatastu pANDavAH sarve draupadI cha yashasvinI . 
yudhiShThirasya tadvAkyaM bADhamityabhyapUjayan .. 44..\\
\medskip\hrule\medskip\centerline{\Largedvng 58}
 y

yAnImAni bahirvedyA.n dAnAni parichakShate . 
tebhyo vishiShTa.n kiM dAnaM mataM te kurupu~Ngava .. 1..\\
kautUhala.n hi parama.n tatra me vartate prabho . 
dAtAra.n dattamanveti yaddAnaM tatprachakShva me .. 2..\\

 bh

abhaya.n sarvabhUtebhyo vyasane chApyanugraham . 
yachchAbhilaShita.n dadyAttR^iShitAyAbhiyAchate .. 3..\\
dattaM manyeta yaddattvA taddAna.n shreShThamuchyate . 
datta.n dAtAramanveti yaddAnaM bharatarShabha .. 4..\\
hiraNyadAna.n godAnaM pR^ithivI dAnameva cha . 
etAni vai pavitrANi tArayantyapi duShkR^itam .. 5..\\
etAni puruShavyAghra sAdhubhyo dehi nityadA . 
dAnAni hi naraM pApAnmokShayanti na saMshayaH .. 6..\\
yadyadiShTatama.n loke yachchAsya dayita.n gR^ihe . 
tattadguNavate deya.n tadevAkShayamichchhatA .. 7..\\
priyANi labhate loke priyadaH priyakR^ittathA . 
priyo bhavati bhUtAnAm iha chaiva paratra cha .. 8..\\
yAchamAnamabhImAnAdAshAvantamaki~ncanam . 
yo nArchAti yathAshakti sa nR^isha.nso yudhiShThira .. 9..\\
amitramapi cheddIna.n sharaNaiShiNamAgatam . 
vyasane yo.anugR^ihNAti sa vai puruShasattamaH .. 10..\\
kR^ishAya hrImate tAta vR^itti kShINAya sIdate . 
apahanyAtkShudha.n yastu na tena puruShaH samaH .. 11..\\
hriyA tu niyatAnsAdhUnputradAraishcha karshitAn . 
ayAchamAnAnkaunteya sarvopAyairnimantraya .. 12..\\
AshiSha.n ye na deveShu na martyeShu cha kurvate . 
arhanto nityasattvasthA yathA labdhopajIvinaH .. 13..\\
AshIviShasamebhyashcha tebhyo rakShasva bhArata . 
tAnyuktairupajiGYAsya tathA dvija varottamAn .. 14..\\
kR^itairAvasathairnitya.n sapreShyaiH sa parichchhadaiH . 
nimantrayethAH kauravya sarvakAmasukhAvahaiH .. 15..\\
yadi te pratigR^ihNIyuH shraddhA pUta.n yudhiShThira . 
kAryamityeva manvAnA dhArmikAH puNyakarmiNaH .. 16..\\
vidyA snAtA vratasnAtA ye vyapAshritya jIvinaH . 
gUDhasvAdhyAyatapaso brAhmaNAH saMshitavratAH .. 17..\\
teShu shuddheShu dAnteShu svadAranirateShu cha . 
yatkariShyasi kalyANa.n tattvA lokeShu dhAsyati .. 18..\\
yathAgnihotra.n suhutaM sAyamprAtardvijAtinA . 
tathA bhavati datta.n vai dvijebhyo.atha kR^itAtmanA .. 19..\\
eSha te vitato yaGYaH shraddhA pUtaH sa dakShiNaH . 
vishiShTaH sarvayaGYebhyo dadatastAta vartatAm .. 20..\\
nivApo dAnasadR^ishastAdR^isheShu yudhiShThira . 
nivapanpUjayaMshchaiva teShvAnR^iNyaM nigachchhati .. 21..\\
ya eva no na kupyanti na lubhyanti tR^iNeShvapi . 
ta eva naH pUjyatamA ye chAnye priyavAdinaH .. 22..\\
ye no na bahu manyante na pravartanti chApare . 
putravatparipAlAste namastebhyastathAbhayam .. 23..\\
R^itvikpurohitAchAryA mR^idu brahma dharA hi te . 
kShatreNApi hi sa.nsR^iShTa.n tejaH shAmyati vai dvije .. 24..\\
asti me balavAnasmi rAjAsmIti yudhiShThira . 
brAhmaNAnmA sma paryashnIrvAsobhirashanena cha .. 25..\\
yachchhobhArthaM balArtha.n vA vittamasti tavAnagha . 
tena te brAhmaNAH pUjyAH svadharmamanutiShThatA .. 26..\\
namaH kAryAstvayA viprA vartamAnA yathAtatham . 
yathAsukha.n yathotsAhaM lalantu tvayi putravat .. 27..\\
ko hyanyaH suprasAdAnA.n suhR^idAmalpatoShiNAm . 
vR^ittimarhatyupakSheptu.n tvadanyaH kurusattama .. 28..\\
yathA patyAshramo dharmaH strINA.n loke sanAtanaH . 
sa devaH sA gatirnAnyA tathAsmAka.n dvijAtayaH .. 29..\\
yadi no brAhmaNAstAta santyajeyurapUjitAH . 
pashyanto dAruNa.n karma satataM kShatriye sthitam .. 30..\\
avedAnAmakIrtInAmalokAnAmayajvanAm . 
ko.asmAka.n jIvitenArthastaddhi no brAhmaNAshrayam .. 31..\\
atra te vartayiShyAmi yathA dharmaH sanAtanaH . 
rAjanyo brAhmaNa.n rAjanpurA parichachAra ha . 
vaishyo rAjanyamityeva shUdro vaishyamiti shrutiH .. 32..\\
dUrAchchhUdreNopacharyo brAhmaNo.agniriva jvalan . 
sa.nspR^ishya paricharyastu vaishyena kShatriyeNa cha .. 33..\\
mR^idubhAvAnsatyashIlAnsatyadharmAnupAlakAn . 
AshIviShAniva kruddhA.nstAnupAcharata dvijAn .. 34..\\
apareShAM pareShA.n cha parebhyash chaiva ye pare . 
kShatriyANAM pratapatA.n tejasA cha balena cha . 
brAhmaNeShveva shAmyanti tejA.nsi cha tapA.nsi cha .. 35..\\
na me pitA priyataro na tva.n tAta tathA priyaH . 
na me pituH pitA rAjanna chAtmA na cha jIvitam .. 36..\\
tvattashcha me priyataraH pR^ithivyAM nAsti kash chana . 
tvatto.api me priyatarA brAhmaNA bharatarShabha .. 37..\\
bravImi satyametachcha yathAhaM pANDunandana . 
tena satyena gachchheya.n lokAnyatra sa shantanuH .. 38..\\
pashyeya.n cha satA.n lokA~nshuchInbrahma puraskR^itAn . 
tatra me tAta gantavyamahnAya cha chirAya cha .. 39..\\
so.ahametAdR^ishA.NllokAndR^iShTvA bharatasattama . 
yanme kR^itaM brAhmaNeShu na tapye tena pArthiva .. 40..\\
\medskip\hrule\medskip\centerline{\Largedvng 59}
 y

yau tu syAtA.n charaNenopapannau 
yau vidyayA sadR^ishau janmanA cha . 
tAbhyA.n dAnaM katarasmai vishiShTam 
ayAchamAnAya cha yAchate cha .. 1..\\

 bh

shreyo vai yAchataH pArtha dattamAhurayAchate . 
arhattamo vai dhR^itimAnkR^ipaNAdadhR^itAtmanaH .. 2..\\
kShatriyo rakShaNadhR^itirbrAhmaNo.anarthanA dhR^itiH . 
brAhmaNo dhR^itimAnvidvAndevAnprINAti tuShTimAn .. 3..\\
yAch~nAmAhuranIshasya abhihAra.n cha bhArata . 
udvejayati yAchanhi sadA bhUtAni dasyuvat .. 4..\\
mriyate yAchamAno vai tamanu mriyate dadat . 
dadatsa~njIvayatyenamAtmAna.n cha yudhiShThira .. 5..\\
AnR^isha.nsyaM paro dharmo yAchate yatpradIyate . 
ayAchataH sIdamAnAnsarvopAyairnimantraya .. 6..\\
yadi vai tAdR^ishA rAShTre vaseyuste dvijottamAH . 
bhasmachchhannAnivAgnI.nstAnbudhyethAstvaM prayatnataH .. 7..\\
tapasA dIpyamAnAste daheyuH pR^ithivIm api . 
pUjyA hi GYAnaviGYAnatapo yogasamanvitAH .. 8..\\
tebhyaH pUjAM prayu~njIthA brAhmaNebhyaH parantapa . 
dadadbahuvidhAndAyAnupachchhandAnayAchatAm .. 9..\\
yadagnihotre suhute sAyamprAtarbhavetphalam . 
vidyA veda vratavati taddAnaphalamuchyate .. 10..\\
vidyA veda vratasnAtAnavyapAshraya jIvinaH . 
gUDhasvAdhyAyatapaso brAhmaNAnsaMshitavratAn .. 11..\\
kR^itairAvasathairhR^idyaiH sa preShyaiH sa parichchhadaiH . 
nimantrayethAH kaunteya kAmaishchAnyairdvijottamAn .. 12..\\
api te pratigR^ihNIyuH shraddhA pUta.n yudhiShThira . 
kAryamityeva manvAnA dharmaGYAH sUkShmadarshinaH .. 13..\\
api te brAhmaNA bhuktvA gatAH soddharaNAngR^ihAn . 
yeShA.n dArAH pratIkShante parjanyamiva karShakAH .. 14..\\
annAni prAtaHsavane niyatA brahmachAriNaH . 
brAhmaNAstAtabhu~njAnAstretAgnInprINayantu te .. 15..\\
mAdhyandina.n te savanaM dadatastAta vartatAm . 
gA hiraNyAni vAsA.nsi tenendraH prIyatA.n tava .. 16..\\
tR^itIya.n savana.n tatte vaishvadevaM yudhiShThira . 
yaddevebhyaH pitR^ibhyashcha viprebhyash cha prayachchhasi .. 17..\\
ahi.nsA sarvabhUtebhyaH sa.nvibhAgashcha sarvashaH . 
damastyAgo dhR^itiH satyaM bhavatvavabhR^ithAya te .. 18..\\
eSha te vitato yaGYaH shraddhA pUtaH sa dakShiNaH . 
vishiShTaH sarvayaGYebhyo nitya.n tAta pravartatAm .. 19..\\
\medskip\hrule\medskip\centerline{\Largedvng 60}
 y

dAna.n yaGYakriyA cheha ki.nsvitpretya mahAphalam . 
kasya jyAyaH phalaM prokta.n kIdR^ishebhaykathaM kadA .. 1..\\
etadichchhAmi viGYAtu.n yAthA tathyena bhArata . 
vidva~njiGYAsamAnAya dAnadharmAnprachakShva me .. 2..\\
antarvedyA.n cha yaddatta.n shraddhayA chAnR^isha.nsyataH . 
ki.n svinniHshreyasa.n tAta tanme brUhi pitAmaha .. 3..\\

 bh

raudra.n karma kShatriyasya satataM tAta vartate . 
tasya vaitAnika.n karma dAnaM chaiveha pAvanam .. 4..\\
na tu pApakR^itA.n rAGYAM pratigR^ihNanti sAdhavaH . 
etasmAtkAraNAdyaGYairyajedrAjApta dakShiNaiH .. 5..\\
atha chetpratigR^ihNIyurdadyAdaharaharnR^ipaH . 
shraddhAmAsthAya paramAM pAvana.n hyetaduttamam .. 6..\\
brAhmaNA.nstarpayeddravyaistato yaGYe yatavrataH . 
maitrAnsAdhUnvedavidaH shIlavR^ittatapo.anvitAn .. 7..\\
yatte tena kariShyanti kR^ita.n tena bhaviShyati . 
yaGYAnsAdhaya sAdhubhyaH svAdvannAndakShiNAvataH .. 8..\\
iShTa.n dattaM cha manyethA AtmAnaM dAnakarmaNA . 
pUjayethA yAyajUkA.nstavApyaMsho bhavedyathA .. 9..\\
prajAvato bharethAshcha brAhmaNAnbahu bhAriNaH . 
prajAvA.nstena bhavati yathA janayitA tathA .. 10..\\
yAvato vai sAdhu dharmAnsantaH sa.nvartayantyuta . 
sarve te chApi bhartavyA narA ye bahu bhAriNaH .. 11..\\
samR^iddhaH samprayachchhasva brAhmaNebhyo yudhiShThira . 
dhenUranaDuho.annAnichchhatra.n vAsA.nsyupAnahau .. 12..\\
AjyAni yajamAnebhyastathAnnAdyAni bhArata . 
ashvavanti cha yAnAni veshmAni shayanAni cha .. 13..\\
ete deyA vyuShTimanto laghUpAyAshcha bhArata . 
ajugupsAMshcha viGYAya brAhmaNAnvR^itti karshitAn .. 14..\\
upachchhannaM prakAsha.n vA vR^ittyA tAnpratipAdaya . 
rAjasUyAshvamedhAbhyA.n shreyastatkShatriyAnprati .. 15..\\
evaM pApairvimuktastvaM pUtaH svargamavApsyasi . 
sra.nsayitvA punaH kosha.n yadrAShTraM pAlayiShyasi .. 16..\\
tatashcha brahmabhUyastvamavApsyasi dhanAni cha . 
Atmanashcha pareShA.n cha vR^itti.n sa.nrakSha bhArata .. 17..\\
putravachchApi bhR^ityAnsvAnprajAshcha paripAlaya . 
yogakShemashcha te nityaM brAhmaNeShvastu bhArata .. 18..\\
arakShitAra.n hartAraM viloptAramadAyakam . 
ta.n sma rAjakaliM hanyuH prajAH sambhUya nirghR^iNam .. 19..\\
aha.n vo rakShitetyuktvA yo na rakShati bhUmipaH . 
sa sa.nhatya nihantavyaH shveva sonmAda AturaH .. 20..\\
pApa.n kurvanti yatkiM chitprajA rAGYA hyarakShitAH . 
chaturtha.n tasya pApasya rAjA bhArata vindati .. 21..\\
apyAhuH sarvameveti bhUyo.ardhamiti nishchayaH . 
chaturthaM matamasmAkaM manoH shrutvAnushAsanam .. 22..\\
shubha.n vA yatprakurvanti prajA rAGYA surakShitAH . 
chaturtha.n tasya puNyasya rAjA chApnoti bhArata .. 23..\\
jIvanta.n tvAnujIvantu prajAH sarvA yudhiShThira . 
parjanyamiva bhUtAni mahAdrumamiva dvijAH .. 24..\\
kuberamiva rakShA.nsi shatakratumivAmarAH . 
GYAtayastvAnujIvantu suhR^idashcha parantapa .. 25..\\
\medskip\hrule\medskip\centerline{\Largedvng 61}
 y

ida.n deyamidaM deyamitIya.n shrutichodanA . 
bahu deyAshcha rAjAnaH ki.n sviddeyamanuttamam .. 1..\\

 bh

ati dAnAni sarvANi pR^ithivI dAnamuchyate . 
achalA hyakShayA bhUmirdogdhrI kAmAnanuttamAn .. 2..\\
dogdhrI vAsA.nsi ratnAni pashUnvrIhi yavA.nstathA . 
bhUmidaH sarvabhUteShu shAshvatIredhate samAH .. 3..\\
yAvadbhUmerAyuriha tAvadbhUmida edhate . 
na bhUmidAnAdastIha para.n kiM chidyudhiShThira .. 4..\\
apyalpaM pradaduH pUrve pR^ithivyA iti naH shrutam . 
bhUmimete daduH sarve ye bhUmiM bhu~njate janAH .. 5..\\
svakarmaivopajIvanti narA iha paratra cha . 
bhUmirbhUtirmahAdevI dAtAra.n kurute priyam .. 6..\\
ya etA.n dakShiNAM dadyAdakShayAM pR^ithivIpatiH . 
punarnaratva.n samprApya bhavetsa pR^ithivIpatiH .. 7..\\
yathA dAna.n tathA bhoga iti dharmeShu nishchayaH . 
sa~NgrAme vA tanu.n jahyAddadyAdvA pR^ithivImimAm .. 8..\\
ityetA.n kShatrabandhUnA.n vadanti paramAshiSham . 
punAti dattA pR^ithivI dAtAramiti shushruma .. 9..\\
api pApasamAchAraM brahmaghnamapi vAnR^itam . 
saiva pApaM pAvayati saiva pApAtpramochayet .. 10..\\
api pApakR^itA.n rAGYAM pratigR^ihNanti sAdhavaH . 
pR^ithivIM nAnyadichchhanti pAvana.n jananI yathA .. 11..\\
nAmAsyAH priya datteti guhya.n devyAH sanAtanam . 
dAna.n vApyatha vA GYAnaM nAmno.asyAH paramaM priyam . 
taspAtprApyaiva pR^ithivI.n dadyAdviprAya pArthivaH .. 12..\\
nAbhUmi patinA bhUmiradhiShTheyA katha.n chana . 
na vA pAtreNa vA gUhedantardhAnena vA charet . 
ye chAnye bhUmimichchheyuH kuryurevamasaMshayam .. 13..\\
yaH sAdhorbhUmimAdatte na bhUmi.n vindate tu saH . 
bhUmi.n tu dattvA sAdhubhyo vindate bhUmimeva hi . 
pretyeha cha sa dharmAtmA samprApnoti mahadyashaH .. 14..\\
yasya viprAnushAsanti sAdhorbhUmi.n sadaiva hi . 
na tasya shatravo rAjanprashAsanti vasundharAm .. 15..\\
yatki.n chitpuruShaH pApaM kurute vR^itti karshitaH . 
api gocharma mAtreNa bhUmidAnena pUyate .. 16..\\
ye.api sa~NkIrNa karmANo rAjAno raudrakarmiNaH . 
tebhyaH pavitramAkhyeyaM bhUmidAnamanuttamam .. 17..\\
alpAntaramida.n shashvatpurANA menire janAH . 
yo yajedashvamedhena dadyAdvA sAdhave mahIm .. 18..\\
api chetsukR^ita.n kR^itvA sha~Nkerannapi paNDitAH . 
ashakyamekamevaitadbhImi dAnamanuttamam .. 19..\\
suvarNa.n rajataM vastraM maNimuktA vasUni cha . 
sarvametanmahAprAGYa dadAti vasudhA.n dadat .. 20..\\
tapoyaGYaH shruta.n shIlamalobhaH satyasandhatA . 
guru daivatapUjA cha nAtivartanti bhUmidam .. 21..\\
bharturniHshreyase yuktAstyaktAtmAno raNe hatAH . 
brahmalokagatAH siddhA nAtikrAmanti bhUmidam .. 22..\\
yathA janitrI kShIreNa svaputraM bharate sadA . 
anugR^ihNAti dAtAra.n tathA sarvarasairmahI .. 23..\\
mR^ityorvai ki~Nkaro daNDastApo vahneH sudAruNaH . 
ghorAshcha vAruNAH pAshA nopasarpanti bhUmidam .. 24..\\
pitR^IMshcha pitR^ilokasthAndevaloke cha devatAH . 
santarpayati shAntAtmA yo dadAti vasundharAm .. 25..\\
kR^ishAya miryamANAya vR^itti mlAnAya sIdate . 
bhUmi.n vR^itti karI.n dattvA satrI bhavati mAnavaH .. 26..\\
yathA dhAvati gaurvatsa.n kShIramabhyutsR^ijantyuta . 
evameva mahAbhAga bhUmirbhavati bhUmidam .. 27..\\
halakR^iShTAM mahI.n dattvA sa bIjA.n saphalAm api . 
udIrNa.n vApi sharaNa.n tathA bhavati kAmadaH .. 28..\\
brAhmaNa.n vR^ittasampannamAhitAgniM shuchivratam . 
naraH pratigrAhya mahIM na yAti yamasAdanam . 
yathA chandramaso vR^iddhirahanyahani jAyate .. 29..\\
tathA bhUmikR^ita.n dAna.n sasye sasye vivardhate .. 30..\\
atra gAthA bhUmigItAH kIrtayanti purA vidaH . 
yAH shrutvA jAmadagnyena dattA bhUH kAshyapAya vai .. 31..\\
mAmevAdatta mA.n dattamAM dattvA mAmavApsyatha . 
asmi.Nlloke pare chaiva tatashchAjanane punaH .. 32..\\
ya imA.n vyAhR^itiM veda brAhmaNo brahma saMshritaH . 
shrAddhasya hUyamAnasya brahmabhUya.n sa gachchhati .. 33..\\
kR^ityAnAmabhishastAnA.n duriShTa shamanaM mahat . 
prAyashchittamaha.n kR^itvA punAtyubhayato dasha .. 34..\\
punAti ya ida.n veda veda chAha.n tathaiva cha . 
prakR^itiH sarvabhUtAnAM bhUmirvai shAshvatI matA .. 35..\\
abhiShichyaiva nR^ipati.n shrAvayedimamAgamam . 
yathA shrutvA mahI.n dadyAnnAdadyAtsAdhutashcha tAm .. 36..\\
so.aya.n kR^itsno brAhmaNArtho rAjArthashchApyasaMshayam . 
rAjA hi dharmakushalaH prathamaM bhUtilakShaNam .. 37..\\
atha yeShAmadharmaGYo rAjA bhavati nAstikaH . 
na te sukhaM prabudhyante na sukhaM prasvapanti cha .. 38..\\
sadA bhavanti chodvignAstasya dushcharitairnarAH . 
yogakShemA hi bahavo rAShTraM nAsyAvishanti tat .. 39..\\
atha yeShAM punaH prAGYo rAjA bhavati dhArmikaH . 
sukha.n te pratibudhyante susukhaM prasvapanti cha .. 40..\\
tasya rAGYaH shubhairAryaiH karmabhirnirvR^itAH prajAH . 
yogakShemeNa vR^iShTyA cha vivardhante svakarmabhiH .. 41..\\
sa kulInaH sa puruShaH sa bandhuH sa cha puNyakR^it . 
sa dAtA sa cha vikrAnto yo dadAti vasundharAm .. 42..\\
AdityA iva dIpyante tejasA bhuvi mAnavAH . 
dadanti vasudhA.n sphItAM ye vedaviduShi dvije .. 43..\\
yathA bIjAni rohanti prakIrNAni mahItale . 
tathA kAmAH prarohanti bhUmidAnasamArjitAH .. 44..\\
Adityo varuNo viShNurbrahmA somo hutAshanaH . 
shUlapANishcha bhagavAnpratinandanti bhUmidam .. 45..\\
bhUmau jAyanti puruShA bhUmau niShThA.n vrajanti cha . 
chaturvidho hi loko.aya.n yo.ayaM bhUmiguNAtmakaH .. 46..\\
eShA mAtA pitA chaiva jagataH pR^ithivIpate . 
nAnayA sadR^ishaM bhUta.n kiM chidasti janAdhipa .. 47..\\
atrApyudAharantImamitihAsaM purAtanam . 
bR^ihaspateshcha sa.nvAdamindrasya cha yudhiShThira .. 48..\\
iShTvA kratushatenAtha mahatA dakShiNAvatA . 
maghavA vAgvidA.n shreShThaM paprachchhedaM bR^ihaspatim .. 49..\\
bhagavankena dAnena svargataH sukhamedhate . 
yadakShayaM mahArgha.n cha tadbrUhi vadatA.n vara .. 50..\\
ityuktaH sa surendreNa tato devapurohitaH . 
bR^ihaspatirmahAtejAH pratyuvAcha shatakratum .. 51..\\
suvarNadAna.n godAnaM bhUmidAnaM cha vR^itrahan . 
dadadetAnmahAprAGYaH sarvapApaiH pramuchyate .. 52..\\
na bhUmidAnAddevendra para.n kiM chiditi prabho . 
vishiShTamiti manyAmi yathA prAhurmanIShiNaH .. 53..\\
ye shUrA nihatA yuddhe svaryAtA dAnagR^iddhinaH . 
sarve te vibudhashreShTha nAtikrAmanti bhUmidam .. 54..\\
bharturniHshreyase yuktAstyaktAtmAno raNe hatAH . 
brahmalokagatAH shUrA nAtikrAmanti bhUmidam .. 55..\\
pa~ncha pUrvAdi puruShAH ShaTcha ye vasudhA.n gatAH . 
ekAdasha dadadbhUmiM paritrAtIha mAnavaH .. 56..\\
ratnopakIrNA.n vasudhAM yo dadAti purandara . 
sa muktaH sarvakaluShaiH svargaloke mahIyate .. 57..\\
mahI.n sphItA.n dadadrAjA sarvakAmaguNAnvitAm . 
rAjAdhirAjo bhavati taddhi dAnamanuttamam .. 58..\\
sarvakAmasamAyuktA.n kAshyapI.n yaH prayachchhati . 
sarvabhUtAni manyante mA.n dadAtIti vAsava .. 59..\\
sarvakAmadughA.n dhenu.n sarvakAmapurogamAm . 
dadAti yaH sahasrAkSha sasvarga.n yAti mAnavaH .. 60..\\
madhu sarpiH pravAhinyaH payo dadhi vahAstathA . 
saritastarpayantIha surendra vasudhA pradam .. 61..\\
bhUmipradAnAnnR^ipatirmuchyate rAjakilbiShAt . 
na hi bhUmipradAnena dAnamanyadvishiShyate .. 62..\\
dadAti yaH samudrAntAM pR^ithivI.n shastranirjitAm . 
ta.n janAH kathayantIha yAvaddharati gauriyam .. 63..\\
puNyAmR^iddharasAM bhUmi.n yo dadAti purandara . 
na tasya lokAH kShIyante bhUmidAnaguNArjitAH .. 64..\\
sarvathA pArthiveneha satataM bhUtimichchhatA . 
bhUrdeyA vidhivachchhakra pAtre sukhamabhIpsatA .. 65..\\
api kR^itvA naraH pApaM bhUmi.n dattvA dvijAtaye . 
samutsR^ijati tatpApa.n jIrNAM tvachamivoragaH .. 66..\\
sAgarAnsaritaH shailAnkAnanAni cha sarvashaH . 
sarvametannaraH shakra dadAti vasudhA.n dadat .. 67..\\
taDAgAnyudapAnAni srotA.nsicha sarA.nsi cha . 
snehAnsarvarasAMshchaiva dadAti vasudhA.n dadat .. 68..\\
oShadhIH kShIrasampannA nagAnpuShpaphalAnvitAn . 
kAnanopala shailAMshcha dadAti vasudhA.n dadat .. 69..\\
agniShTomaprabhR^itibhiriShTvA cha svAptadakShiNaiH . 
na tatphalamavApnoti bhUmidAnAdyadashnute .. 70..\\
dAtA dashAnugR^ihNAti dasha hanti tathA kShipan . 
pUrvadattA.n haranbhUmiM narakAyopagachchhati .. 71..\\
na dadAti pratishrutya dattvA vA harate tu yaH . 
sa baddhovAruNaiH pAshaistapyate mR^ityushAsanAt .. 72..\\
AhitAgni.n sadA yaGYa.n kR^isha bhR^ityaM priyAtithim . 
ye bharanti dvijashreShThaM nopasarpanti te yamam .. 73..\\
brAhmaNeShvR^iNa bhUta.n syAtpArthivasya purandara . 
itareShA.n tu varNAnAM tArayetkR^isha durbalAn .. 74..\\
nAchchhindyAtsarshitAM bhUmiM pareNa tridashAdipa . 
brAhmaNAya surashreShTha kR^isha bhR^ityAya kash chana .. 75..\\
athAshru patita.n teShAM dInAnAmavasIdatAm . 
brAhmaNAnA.n hR^ite kShetre hanyAttripuruSha.n kulam .. 76..\\
bhUmipAla.n chyuta.n rAShTrAdyastu sa.nsthApayetpunaH . 
tasya vAsaH sahasrAkSha nAkapR^iShThe mahIyate .. 77..\\
ikShubhiH santatAM bhUmi.n yavagodhUmasa~NkulAm . 
go.ashvavAhana sampUrNAM bAhuvIryasamArjitAm .. 78..\\
nidhigarbhA.n dadadbhUmi.n sarvaratnaparichchhadAm . 
akShayA.Nllabhate lokAnbhUmisatra.n hi tasya tat .. 79..\\
vidhUya kaluSha.n sarvaM virajAH saMmataH satAm . 
loke mahIyate sadbhiryo dadAti vasundharAm .. 80..\\
yathApsu patitaH shakra tailabindurvisarpati . 
tathA bhUmikR^ita.n dAna.n sasye sasye visarpati .. 81..\\
ye raNAgre mahIpAlAH shUrAH samitishobhanAH . 
vadhyante.abhimukhAH shakra brahmaloka.n vrajanti te .. 82..\\
nR^ityagItaparA nAryo divyamAlyavibhUShitAH . 
upatiShThanti devendra sadA bhUmiprada.n divi .. 83..\\
modate cha sukha.n svarge devagandharvapUjitaH . 
yo dadAti mahI.n samyagvidhineha dvijAtaye .. 84..\\
shatamapsarasashchaiva divyamAlyavibhUShitAH . 
upatiShThanti devendra sadA bhUmipradaM naram .. 85..\\
sha~NkhaM bhadrAsana.n chhatra.n varAshvA varavAraNAH . 
bhUmipradAnAtpuShpANi hiraNyanichayAstathA .. 86..\\
AGYA sadA pratihatA jayashabdo bhavatyatha . 
bhUmidAnasya puShpANi phala.n svargaH purandara .. 87..\\
hiraNyapuShpAshchauShadhyaH kusha kA~nchanashADvalAH . 
amR^itaprasavAM bhUmiM prApnoti puruSho dadat .. 88..\\
nAsti bhUmisama.n dAnaM nAsti mAtR^isamo guruH . 
nAsti satyasamo dharmo nAsti dAnasamo nidhiH .. 89..\\
etadA~NgirasAchchhrutvA vAsavo vasudhAmimAm . 
vasu ratnasamAkIrNA.n dadAvA~Ngirase tadA .. 90..\\
ya ima.n shrAvayechchhrAddhe bhUmidAnasya sa.nstavam . 
na tasya rakShasAM bhAgo nAsurANAM bhavatyuta .. 91..\\
akShaya.n cha bhaveddattaM pitR^ibhyastanna saMshayaH . 
tasmAchchhrAddheShvida.n vipra bhu~njataH shrAvayeddvijAn .. 92..\\
ityeta sarvadAnAnA.n shreShThamukta.n tavAnagha . 
mayA bharatashArdUla kiM bhUyaH shrotumichchhasi .. 93..\\
\medskip\hrule\medskip\centerline{\Largedvng 62}
 y

kAni dAnAni loke.asmindAtukAmo mahIpatiH . 
guNAdhikebhyo viprebhyo dadyAdbharatasattama .. 1..\\
kena tuShyanti te sadyastuShTAH kiM pradishantyuta . 
sha.nsa me tanmahAbAho phalaM puNyakR^itaM mahat .. 2..\\
datta.n kiM phalavadrAjanniha loke paratra cha . 
bhavataH shrotumichchhAmi tanme vistarato vada .. 3..\\

 bh

imamarthaM purA pR^iShTo nArado deva darshanaH . 
yaduktavAnasau tanme gadataH shR^iNu bhArata .. 4..\\

 n

annameva prasha.nsanti devAH sarShigaNAH purA . 
lokatantra.n hi yaGYAshcha sarvamanne pratiShThitam .. 5..\\
annena sadR^isha.n dAnaM na bhUtaM na bhaviShyati . 
tasmAdanna.n visheSheNa dAtumichchhanti mAnavAH .. 6..\\
annamUrjaH kara.n loke prANAshchAnne pratiShThitAH . 
annena dhAryate sarva.n vishva.n jagadidaM prabho .. 7..\\
annAdgR^ihasthA loke.asminbhikShavastata eva cha . 
annAtprabhavati prANaH pratyakShaM nAtra saMshayaH .. 8..\\
kuTumbaM pIDayitvApi brAhmaNAya mahAtmane . 
dAtavyaM bhikShave chAnnamAtmano bhUtimichchhatA .. 9..\\
brAhmaNAyAbhirUpAya yo dadyAdannamarthine . 
nidadhAti nidhi.n shreShThaM pAlalaukikamAtmanaH .. 10..\\
shrAntamadhvani vartanta.n vR^iddhamarhamupasthitam . 
archayedbhUtimanvichchhangR^ihastho gR^ihamAgatam .. 11..\\
krodhamutpatita.n hitvA sushIlo vItamatsaraH . 
annadaH prApnute rAjandivi cheha cha yatsukham .. 12..\\
nAvamanyedabhigataM na praNudyAtkatha.n chana . 
api shvapAke shuni vA na dAna.n vipraNashyati .. 13..\\
yo dadyAdaparikliShTamannamadhvani vartate . 
shrAntAyAdR^iShTa pUrvAya sa mahaddharmamApnuyAt .. 14..\\
pitR^IndevAnR^iShInviprAnatithIMshcha janAdhipa . 
yo naraH prINayatyannaistasya puNyaphalaM mahat .. 15..\\
kR^itvApi pApaka.n karma yo dadyAdannamarthine . 
brAhmaNAya visheSheNa na sa pApena yujyate .. 16..\\
brAhmaNeShvakShaya.n dAnamanna.n shUdre mahAphalam . 
annadAna.n cha shUdre cha brAhmaNe cha vishiShyate .. 17..\\
na pR^ichchhedgotra charaNa.n svAdhyAya.n deshameva vA . 
bhikShito brAhmaNeneha janma vAnnaM prayAchitaH .. 18..\\
annadasyAnna vR^ikShAshcha sarvakAmaphalAnvitAH . 
bhavantIhAtha vAmutra nR^ipate nAtra saMshayaH .. 19..\\
Asha.nsante hi pitaraH suvR^iShTimiva karShakAH . 
asmAkamapi putro vA pautro vAnnaM pradAsyati .. 20..\\
brAhmaNo hi mahadbhUta.n svaya.n dehIti yAchate . 
akAmo vA sa kAmo vA dattvA puNyamavApnuyAt .. 21..\\
brAhmaNaH sarvabhUtAnAmatithiH prasR^itAgra bhuj . 
viprA yamabhigachchhanti bhikShamANA gR^iha.n sadA .. 22..\\
satkR^itAshcha nivartante tadatIva pravardhate . 
mahAbhoge kule janma pretya prApnoti bhArata .. 23..\\
datvA tvannaM naro loke tathA sthAnamanuttamam . 
mR^iShTamR^iShTAnna dAyI tu svarge vasati satkR^itaH .. 24..\\
annaM prANA narANA.n hi sarvamanne pratiShThitam . 
annadaH pashumAnputrI dhanavAnbhogavAnapi .. 25..\\
prANavAMshchApi bhavati rUpavAMshcha tathA nR^ipa . 
annadaH prANado loke sarvadaH prochyate tu saH .. 26..\\
anna.n hi dattvAtithaye brAhmaNAya yathAvidhi . 
pradAtA sukhamApnoti devaishchApyabhipUjyate .. 27..\\
brAhmaNo hi mahadbhUta.n kShetraM charati pAdavat . 
upyate tatra yadbIja.n taddhi puNyaphalaM mahat .. 28..\\
pratyakShaM prItijananaM bhoktR^idAtrorbhavatyuta . 
sarvANyanyAni dAnAni parokShaphalavantyuta .. 29..\\
annAddhi prasava.n viddhi ratimannAddhi bhArata . 
dharmArthAvannato viddhi roganAsha.n tathAnnataH .. 30..\\
anna.n hyamR^itamityAha purAkalpe prajApatiH . 
annaM bhuva.n divaM khaM cha sarvamanne pratiShThitam .. 31..\\
annapraNAshe bhidyante sharIre pa~ncha dhAtavaH . 
balaM balavato.apIha praNashyatyannahAnitaH .. 32..\\
AvAhAshcha vivAhAshcha yaGYAshchAnnamR^ite tathA . 
na vartante narashreShTha brahma chAtra pralIyate .. 33..\\
annataH sarvametaddhi yatki.n chitsthANuja~Ngamam . 
triShu lokeShu dharmArthamanna.n deyamato budhaiH .. 34..\\
annadasya manuShyasya balamojo yashaH sukham . 
kIrtishcha vardhate vashvattriShu lokeShu pArthiva .. 35..\\
megheShvambhaH saMnidhatte prANAnAM pavanaH shivaH . 
tachcha meghagata.n vAri shakro varShati bhArata .. 36..\\
Adatte cha rasaM bhaumamAdityaH svagabhastibhiH . 
vAyurAdityatastAMshcha rasAndevaH prajApatiH .. 37..\\
tadyadA meghato vAri patitaM bhavati kShitau . 
tadA vasumatI devI snigdhA bhavati bhArata .. 38..\\
tataH sasyAni rohanti yena vartayate jagat . 
mA.nsamedo.asthi shukrANAM prAdurbhAvastataH punaH .. 39..\\
sambhavanti tataH shukrAtprANinaH pR^ithivIpate . 
agnIShomau hi tachchhukraM prajanaH puShyatash cha ha .. 40..\\
evamanna.n cha sUryashcha pavanaH shukrameva cha . 
eka eva smR^ito rAshiryato bhUtAni jaGYire .. 41..\\
prANAndadAti bhUtAnA.n tejashcha bharatarShabha . 
gR^ihamabhyAgatAyAshu yo dadyAdannamarthine .. 42..\\

 bh

nAradenaivamukto.ahamadAmanna.n sadA nR^ipa . 
anasUyustvamapyanna.n tasmAddehi gatajvaraH .. 43..\\
dattvAnna.n vidhivadrAjanviprebhyastvamapi prabho . 
yathAvadanurUpebhyastataH svargamavApsyasi .. 44..\\
annadAnA.n hi ye lokAstA.nstvaM shR^iNu narAdhipa . 
bhavanAni prakAshante divi teShAM mahAtmanAm . 
nAnA sa.nsthAna rUpANi nAnA stambhAnvitAni cha .. 45..\\
chandramaNDalashubhrANi ki~NkiNIjAlavanti cha . 
taruNAdityavarNAni sthAvarANi charANi cha .. 46..\\
anekashatabhaumAni sAntarjala vanAni cha . 
vaiDUryArka prakAshAni raupya rukmamayAni cha .. 47..\\
sarvakAmaphalAshchApi vR^ikShA bhavanasa.nsthitAH . 
vApyo vIthyaH sabhAH kUpA dIrghikAshchaiva sarvashaH .. 48..\\
ghoShavanti cha yAnAni yuktAnyatha sahasrashaH . 
bhakShyabhojya mayAH shailA vAsA.nsyAbharaNAni cha .. 49..\\
kShIra.n sravantyaH saritastathA chaivAnna parvatAH . 
prAsAdAH pANDurAbhrAbhAH shayyAshcha kanakojjvalAH . 
tAnannadAH prapadyante tasmAdannaprado bhava .. 50..\\
ete lokAH puNyakR^itAmannadAnAM mahAtmanAm . 
tasmAdanna.n visheSheNa dAtavyaM mAnavairbhuvi .. 51..\\
\medskip\hrule\medskip\centerline{\Largedvng 63}
 y

shrutaM me bhavato vAkyamannadAnasya yo vidhiH . 
nakShatrayogasyedAnI.n dAnakalpaM bravIhi me .. 1..\\

 bh

atrApyudAharantImamitihAsaM purAtanam . 
devakyAshchaiva sa.nvAda.n devarShernAradasya cha .. 2..\\
dvArakAmanusamprAptaM nArada.n deva darshanam . 
paprachchhaina.n tataH prashnaM devakI dharmadarshinI .. 3..\\
tasyAH sampR^ichchhamAnAyA devarShirnAradastadA . 
AchaShTa vidhivatsarva.n yattachchhR^iNu vishAM pate .. 4..\\

 n

kR^ittikAsu mahAbhAge pAyasena sa sarpiShA . 
santarpya brAhmaNAnsAdhU.NllokAnApnotyanuttamAn .. 5..\\
rohiNyAM prathitairmA.nsairmAShairannena sarpiShA . 
payo.anupAna.n dAtavyamAnR^iNyArthaM dvijAtaye .. 6..\\
dogdhrI.n dattvA sa vatsAM tu nakShatre somadaivate . 
gachchhanti mAnuShAllokAtsvargalokamanuttamam .. 7..\\
ArdrAyA.n kR^isaraM dattvA tailamiShramupoShitaH . 
narastarati durgANi kShura dhArAMshcha parvatAn .. 8..\\
apUpAnpunarvasau dattvA tathaivAnnAni shobhane . 
yashasvI rUpasampanno bahvanne jAyate kule .. 9..\\
puShye tu kanaka.n dattvA kR^itaM chAkR^itameva cha . 
anAlokeShu lokeShu somavatsa virAjate .. 10..\\
AshleShAyA.n tu yo rUpyamR^iShabha.n vA prayachchhati . 
sa sarvabhayanirmuktaH shAstravAnadhitiShThati .. 11..\\
maghAsu tilapUrNAni vardhamAnAni mAnavaH . 
pradAya putrapashumAniha pretya cha modate .. 12..\\
phalgunI pUrvasamaye brAhmaNAnAmupoShitaH . 
bhakShAnphANita sa.nyuktAndattvA saubhAgyamR^ichchhati .. 13..\\
ghR^itakShIrasamAyukta.n vidhivatShaShTikaudanam . 
uttarA viShaye dattvA svargaloke mahIyate .. 14..\\
yadyatpradIyate dAnamuttarA viShaye naraiH . 
mahAphalamananta.n cha bhavatIti vinishchayaH .. 15..\\
haste hastiratha.n dattvA chaturyuktamupoShitaH . 
prApnoti paramA.NllokAnpuNyakAmasamanvitAn .. 16..\\
chitrAyAmR^iShabha.n dattvA puNyAngandhAMshcha bhArata . 
charatyapsarasA.n loke ramate nandane tathA .. 17..\\
svAtAvatha dhana.n dattvA yadiShTatamamAtmanaH . 
prApnoti lokAnsa shubhAniha chaiva mahadyashaH .. 18..\\
vishAkhAyAmanaDvAha.n dhenuM dattvA cha dugdhadAm . 
sa prAsa~Nga.n cha shakaTa.n sa dhAnyaM vastrasa.nyutam .. 19..\\
pitR^IndevAMshcha prINAti pretya chAnantyamashnute . 
na cha durgANyavApnoti svargaloka.n cha gachchhati .. 20..\\
dattvA yathokta.n viprebhyo vR^ittimiShTAM sa vindati . 
narakAdIMshcha sa~NkleshAnnApnotIti vinishchayaH .. 21..\\
anurAdhAsu prAvAra.n vastrAntaramupoShitaH . 
dattvA yugashata.n chApi naraH svarge mahIyate .. 22..\\
kAlashAka.n tu viprebhyo dattvA martyaH sa mUlakam . 
jyeShThAyAmR^iddhimiShTA.n vai gatimiShTA.n cha vindati .. 23..\\
mUle mUlaphala.n dattvA brAhmaNebhyaH samAhitaH . 
pitR^InprINayate chApi gatimiShTA.n cha gachchhati .. 24..\\
atha pUrvAsvaShADhAsu dadhi pAtrANyupoShitaH . 
kulavR^ittopasampanne brAhmaNe vedapArage . 
pradAya jAyate pretya kule subahu gokule .. 25..\\
udamantha.n sa sarpiShkaM prabhUtamadhu phANitam . 
dattvottarAsvAShADhAsu sarvakAmAnavApnuyAt .. 26..\\
dugdha.n tvabhijite yoge dattvA madhu ghR^itAplutam . 
dharmanityo manIShibhyaH svargaloke mahIyate .. 27..\\
shravaNe kambala.n dattvA vastrAntaritameva cha . 
shvetena yAti yAnena sarvalokAnasa.nvR^itAn .. 28..\\
goprayukta.n dhaniShThAsu yAnaM dattvA samAhitaH . 
vastrarashmi dhara.n sadyaH pretya rAjyaM prapadyate .. 29..\\
gandhA~nshatabhiShagyoge dattvA sAguru chandanAn . 
prApnotyapsarasA.n lokAnpretya gandhAMshcha shAshvatAn .. 30..\\
pUrvabhAdrapadA yoge rAjamAShAnpradAya tu . 
sarvabhakSha phalopetaH sa vai pretya sukhI bhavet .. 31..\\
aurabhramuttarA yoge yastu mA.nsaM prayachchhati . 
sa pitR^InprINayati vai pretya chAnantyamashnute .. 32..\\
kA.nsyopadohanA.n dhenu.n revatyAM yaH prayachchhati . 
sA pretya kAmAnAdAya dAtAramupatiShThati .. 33..\\
rathamashvasamAyukta.n dattvAshvinyAM narottamaH . 
hastyashvarathasampanne varchasvI jAyate kule .. 34..\\
bharaNIShu dvijAtibhyastiladhenuM pradAya vai . 
gAH suprabhUtAH prApnoti naraH pretya yashastathA .. 35..\\

 bh

ityeSha lakShaNoddeshaH prokto nakShatrayogataH . 
devakyA nAradeneha sA snuShAbhyo.abravIdidam .. 36..\\
\medskip\hrule\medskip\centerline{\Largedvng 64}
 bh

sarvAnkAmAnprayachchhanti ye prayachchhanti kA~nchanam . 
ityevaM bhagavAnatriH pitAmahasuto.abravIt .. 1..\\
pavitra.n shuchyathAyuShyaM pitR^INAmakShaya.n cha tat . 
suvarNaM manujendreNa harishchandreNa kIrtitam .. 2..\\
pAnIya dAnaM parama.n dAnAnAM manurabravIt . 
tasmAdvApIshcha kUpAMshcha taDAgAni cha khAnayet .. 3..\\
ardhaM pApasya harati puruShasyeha karmaNaH . 
kUpaH pravR^itta pAnIyaH supravR^ittashcha nityashaH .. 4..\\
sarva.n tArayate vaMsha.n yasya khAte jalAshaye . 
gAvaH pibanti viprAshcha sAdhavashcha narAH sadA .. 5..\\
nidAghakAle pAnIya.n yasya tiShThatyavAritam . 
sa durga.n viShama.n kR^ichchhraM na kadA chidavApnute .. 6..\\
bR^ihaspaterbhagavataH pUShNash chaiva bhagasya cha . 
ashvinoshchaiva vahneshcha prItirbhavati sarpiShA .. 7..\\
paramaM bheShaja.n hyetadyaGYAnAm etaduttamam . 
rasAnAmuttama.n chaitatphalAnAM chaitaduttamam .. 8..\\
phalakAmo yashaH kAmaH puShTi kAmashcha nityadA . 
ghR^ita.n dadyAddvijAtibhyaH puruShaH shuchirAtmavAn .. 9..\\
ghR^itaM mAse Ashvayuji viprebhyo yaH prayachchhati . 
tasmai prayachchhato rUpaM prItau devAvihAshvinau .. 10..\\
pAyasa.n sarpiShA mishra.n dvijebhyo yaH prayachchhati . 
gR^iha.n tasya na rakShA.nsi dharShayanti kadA chana .. 11..\\
pipAsayA na mriyate sopachchhandashcha dR^ishyate . 
na prApnuyAchcha vyasana.n karakAnyaH prayachchhati .. 12..\\
prayato brAhmaNAgrebhyaH shraddhayA parayA yutaH . 
upasparshana ShaDbhAga.n labhate puruShaH sadA .. 13..\\
yaH sAdhanArtha.n kAShThAni brAhmaNebhyaH prayachchhati . 
pratApArtha.n cha rAjendra vR^ittavadbhyaH sadA naraH .. 14..\\
sidhyantyarthAH sadA tasya kAryANi vividhAni cha . 
uparyupari shatrUNA.n vapuShA dIpyate cha saH .. 15..\\
bhagavAMshchAsya suprIto vahnirbhavati nityashaH . 
na ta.n tyajante pashavaH sa~NgrAme cha jayatyapi .. 16..\\
putrA~nshriya.n cha labhate yashchhatra.n samprayachchhati . 
chakShurvyAdhiM na labhate yaGYabhAgamathAshnute .. 17..\\
nidAghakAle varShe vA yashchhatra.n samprayachchhati . 
nAsya kashchinmano dAhaH kadA chidapi jAyate . 
kR^ichchhrAtsa viShamAchchaiva vipra mokShamavApnute .. 18..\\
pradAna.n sarvadAnAnAM shakaTasya vishiShyate . 
evamAha mahAbhAgaH shANDilyo bhagavAnR^iShiH .. 19..\\
\medskip\hrule\medskip\centerline{\Largedvng 65}
 y

dahyamAnAya viprAya yaH prayachchhatyupAnahau . 
yatphala.n tasya bhavati tanme brUhi pitAmaha .. 1..\\

 bh

upAnahau prayachchhedyo brAhmaNebhyo samAhitaH . 
mardate kanakAnsarvAnviShamAnnistaratyapi . 
sa shatrUNAmupari cha santiShThati yudhiShThira .. 2..\\
yAna.n chAshvatarI yuktaM tasya shubhra.n vishAM pate . 
upatiShThati kaunteya rUpyakA~nchanabhUShaNam . 
shakaTa.n damya sa.nyuktaM dattaM bhavati chaiva hi .. 3..\\

 y

yatphala.n tiladAne cha bhUmidAne cha kIrtitam . 
gopradAne.annadAne cha bhUyastadbrUhi kaurava .. 4..\\

 bh

shR^iNuShva mama kaunteya tiladAnasya yatphalam . 
nishamya cha yathAnyAyaM prayachchha kurusattama .. 5..\\
pitR^INAM prathamaM bhojya.n tilAH sR^iShTAH svayambhuvA . 
tiladAnena vai tasmAtpitR^ipakShaH pramodate .. 6..\\
mAghamAse tilAnyastu brAhmaNebhyaH prayachchhati . 
sarvasattvasamAkIrNaM naraka.n sa na pashyati .. 7..\\
sarvakAmaiH sa yajate yastilairyajate pitR^In . 
na chAkAmena dAtavya.n tilashrAddhaM kathaM chana .. 8..\\
maharSheH kashyapasyaite gAtrebhyaH prasR^itA tilAH . 
tato divya.n gatA bhAvaM pradAneShu tilAH prabho .. 9..\\
pauShTikA rUpadAshchaiva tathA pApavinAshanAH . 
tasmAtsarvapradAnebhyastiladAna.n vishiShyate .. 10..\\
Apastambashcha medhAvI sha~Nkhashcha likhitastathA . 
maharShirgautamashchApi tiladAnairdiva.n gatAH .. 11..\\
tilahomaparA viprAH sarve sa.nyata maithunAH . 
samA gavyena haviShA pravR^ittiShu cha sa.nsthitAH .. 12..\\
sarveShAmeva dAnAnA.n tiladAnaM para.n smR^itam . 
akShaya.n sarvadAnAnA.n tiladAnamihochyate .. 13..\\
utpanne cha purA havye kushikarShiH parantapa . 
tilairagnitraya.n hutvA prAptavAngatimuttamAm .. 14..\\
iti prokta.n kurushreShTha tiladAnamanuttamam . 
vidhAna.n yena vidhinA tilAnAmiha shasyate .. 15..\\
ata UrdhvaM nibodheda.n devAnA.n yaShTumichchhatAm . 
samAgamaM mahArAja brahmaNA vai svayambhuvA .. 16..\\
devAH sametya brahmANaM bhUmibhAga.n yiyakShavaH . 
shubha.n deshamayAchanta yajema iti pArthiva .. 17..\\

 devaah

bhagava.nstvaM prabhurbhUmeH sarvasya tridivasya cha . 
yajemahi mahAbhAga yaGYaM bhavadanuGYayA . 
nAnanuGYAta bhUmirhi yaGYasya phalamashnute .. 18..\\
tva.n hi sarvasya jagataH sthAvarasya charasya cha . 
prabhurbhavasi tasmAttva.n samanuGYAtumarhasi .. 19..\\

 brahmaa

dadAmi medinI bhAgaM bhavadbhyo.aha.n surarShabhAH . 
yasmindeshe kariShyadhva.n yaGYa.n kAshyapanandanAH .. 20..\\

 devaah

bhagavankR^itakAmAH smo yakShyAmastvAptadakShiNaiH . 
ima.n tu deshaM munayaH paryupAsanta nityadA .. 21..\\

 bh

tato.agasyashcha kaNvashcha bhR^iguratrirvR^iShA kapiH . 
asito devalashchaiva devayaGYamupAgaman .. 22..\\
tato devA mahAtmAna Ijire yaGYamachyuta . 
tathA samApayAmAsuryathAkAla.n surarShabhAH .. 23..\\
ta iShTayaGYAstridashA himavatyachalottame . 
ShaShThamaMsha.n kratostasya bhUmidAnaM prachakrire .. 24..\\
prAdesha mAtraM bhUmestu yo dadyAdanupaskR^itam . 
na sIdati sa kR^ichchhreShu na cha durgANyavApnute .. 25..\\
shItavAtAtapa sahA.n gR^ihabhUmi.n susa.nskR^itAm . 
pradAya suralokasthaH puNyAnte.api na chAlyate .. 26..\\
mudito vasate prAGYaH shakreNa saha pArthiva . 
ratishraya pradAtA cha so.api svarge mahIyate .. 27..\\
adhyApaka kule jAtaH shrotriyo niyatendriyaH . 
gR^ihe yasya vasettuShTaH pradhAna.n lokamashnute .. 28..\\
tathA gavArthe sharaNa.n shItavarShasahaM mahat . 
A saptama.n tArayati kulaM bharatasattama .. 29..\\
kShetrabhUmi.n dadalloke putra shriyamavApnuyAt . 
ratnabhUmiM pradattvA tu kulavaMsha.n vivardhayet .. 30..\\
na choSharAM na nirdagdhAM mahI.n dadyAtkathaM chana . 
na shmashAnaparItA.n cha na cha pApaniShevitAm .. 31..\\
pArakye bhUmideshe tu pitR^INAM nirpavettu yaH . 
tadbhUmisvAmi pitR^ibhiH shrAdha karma vihanyate .. 32..\\
tasmAtkrIvA mahI.n dadyAtsvalpAmapi vichakShaNaH . 
piNDaH pitR^ibhyo datto vai tasyAM bhavati shAshvataH .. 33..\\
aTavI parvatAshchaiva nadItIrthAni yAni cha . 
sarANyasvAmikAnyAhurna hi tatra parigrahaH .. 34..\\
ityetadbhUmidAnasya phalamukta.n vishAM pate . 
ataH para.n tu godAnaM kIrtayiShyAmi te.anagha .. 35..\\
gAvo.adhikAstapasvibhyo yasmAtsarvebhya eva cha . 
tasmAnmaheshvaro devastapastAbhiH samAsthitaH .. 36..\\
brahmaloke vasantyetAH somena saha bhArata . 
AsAM brahmarShayaH siddhAH prArthayanti parA.n gatim .. 37..\\
payasA haviShA dadhnA shakR^itApyatha charmaNA . 
asthibhishchopakurvanti shR^i~NgairvAlaishcha bhArata .. 38..\\
nAsA.n shItAtapau syAtAM sadaitAH karma kurvate . 
na varSha.n viShamaM vApi duHkhamAsAM bhavatyuta .. 39..\\
brAhmaNaiH sahitA yAnti tasmAtparataraM padam . 
eka.n gobrAhmaNaM tasmAtpravadanti manIShiNaH .. 40..\\
ranti devasya yaGYe tAH pashutvenopakalpitAH . 
tatashcharmaNvatI rAjangocharmabhyaH pravartitA .. 41..\\
pashutvAchcha vinirmuktAH pradAnAyopakalpitAH . 
tA imA vipramukhyebhyo yo dadAti mahIpate . 
nistaredApada.n kR^ichchhrA.n viShamastho.api pArthiva .. 42..\\
gavA.n sahasradaH pretya narakaM na prapashyati . 
sarvatra vijaya.n chApi labhate manujAdhipa .. 43..\\
amR^ita.n vai gavA.n kShIramityAha tridashAdhipaH . 
tasmAddadAti yo dhenumamR^ita.n sa prayachchhati .. 44..\\
agnInAmavyaya.n hyetaddhaumyaM veda vido viduH . 
tasmAddadAti yo dhenu.n sa haumyaM samprayachchhati .. 45..\\
svargo vai mUrtimAneSha vR^iShabha.n yo gavAM patim . 
vipre guNayute dadyAtsa vai svarge mahIyate .. 46..\\
prANA vai prANinAmete prochyante bharatarShabha . 
tasmAddadAti yo dhenuM prANAnvai sa prayachchhati .. 47..\\
gAvaH sharaNyA bhUtAnAmiti veda vido viduH . 
tasmAddadAti yo dhenu.n sharaNaM samprayachchhati .. 48..\\
na vadhArthaM pradAtavyA na kInAshe na nAstike . 
gojIvine na dAtavyA tathA gauH puruSharShabha .. 49..\\
dadAti tAdR^ishAnA.n vai naro gAH pApakarmaNAm . 
akShayaM naraka.n yAtItyevamAhurmanIShiNaH .. 50..\\
na kR^ishAM pApavatsA.n vA vandhyAM rogAnvitA.n tathA . 
na vya~NgAM na parishrAntA.n dadyAdgAM brAhmaNAya vai .. 51..\\
dasha gosahasradaH samyakshakreNa saha modate . 
akShayA.Nllabhate lokAnnaraH shatasahasradaH .. 52..\\
ityetadgopradAna.n cha tiladAnaM cha kIrtitam . 
tathA bhUmipradAna.n cha shR^iNuShvAnne cha bhArata .. 53..\\
annadAnaM pradhAna.n hi kaunteya parichakShate . 
annasya hi pradanena rantidevo diva.n gataH .N.N . 
svAyambhuvaM mahAbhAga.n sa pashyati narAdhipa .. 54..\\
na hiraNyairna vAsobhirnAshvadAnena bhArata . 
prApnuvanti narAH shreyo yathehAnna pradAH prabho .. 55..\\
anna.n vai parama.n dravyamannaM shrIshcha parA matA . 
annAtprANaH prabhavati tejo vIryaM bala.n tathA .. 56..\\
sadbhyo dadAti yashchAnna.n sadaikAgra manA naraH . 
na sa durgANyavApnotItyevamAha parAsharaH .. 57..\\
archayitvA yathAnyAya.n devebhyo.annaM nivedayet . 
yadanno hi naro rAja.nstadannAstasya devatAH .. 58..\\
kaumudyA.n shuklapakShe tu yo.annadAna.n karotyuta .. 59..\\
sa santarati durgANi pretya chAnantyamashnute .. 60..\\
abhuktvAtithaye chAnnaM prayachchhedyaH samAhitaH . 
sa vai brahma vidA.n lokAnprApnuyAdbharatarShabha .. 61..\\
sukR^ichchhrAmApadaM prAptashchAnnadaH puruShastaret . 
pApa.n tarati chaiveha duShkR^itaM chApakarShati .. 62..\\
ityetadannadAnasya tiladAnasya chaiva ha . 
bhUmidAnasya cha phala.n godAnasya cha kIrtitam .. 63..\\
\medskip\hrule\medskip\centerline{\Largedvng 66}
 y

shruta.n dAnaphalaM tAta yattvayA parikIrtitam . 
anna.n tu te visheSheNa prashastamiha bhArata .. 1..\\
pAnIya dAnaM parama.n kathaM cheha mahAphalam . 
ityetachchhrotumichchhAmi vistareNa pitAmaha .. 2..\\

 bh

hanta te vartayiShyAmi yathAvadbharatarShabha . 
gadatastanmamAdhyeha shR^iNu satyaparAkrama . 
pAnIya dAnAtprabhR^iti sarva.n vakShyAmi te.anagha .. 3..\\
yadanna.n yachcha pAnIyaM sampradAyAshnute naraH . 
na tasmAtparama.n dAnaM kiM chidastIti me matiH .. 4..\\
annAtprANabhR^itastAta pravartante hi sarvashaH . 
tasmAdannaM para.n loke sarvadAneShu kathyate .. 5..\\
annAdbala.n cha tejashcha prANinA.n vardhate sadA . 
annadAnamatastasmAchchhreShThamAha prajApatiH .. 6..\\
sAvitryA hyapi kaunteya shruta.n te vachana.n shubham . 
yatashchaitadyathA chaitaddeva satre mahAmate .. 7..\\
anne datte nareNeha prANA dattA bhavantyuta . 
prANadAnAddhi paramaM na dAnamiha vidyate .. 8..\\
shruta.n hi te mahAbAho lomashasyApi tadvachaH . 
prANAndattvA kapotAya yatprApta.n shivinA purA .. 9..\\
tA.n gati.n labhate dattvA dvijasyAnnaM vishAM pate . 
gati.n vishiShTA.n gachchhanti prANadA iti naH shrutam .. 10..\\
anna.n chApi prabhavati pAnIyAtkurusattama . 
nIra jAtena hi vinA na ki.n chitsampravartate .. 11..\\
nIra jAtashcha bhagavAnsomo grahagaNeshvaraH . 
amR^ita.n cha sudhA chaiva svAhA chaiva vaShaTtathA .. 12..\\
annauShadhyo mahArAja vIrudhashcha jalodbhavAH . 
yataH prANabhR^itAM prANAH sambhavanti vishAM pate .. 13..\\
devAnAmamR^ita.n chAnnaM nAgAnAM cha sudhA tathA . 
pitR^INA.n cha svadhA proktA pashUnAM chApi vIrudhaH .. 14..\\
annameva manuShyANAM prANAnAhurmanIShiNaH . 
tachcha sarvaM naravyAghra pAnIyAtsampravartate .. 15..\\
tasmAtpANIya dAnAdvai na para.n vidyate kva chit . 
tachcha dadyAnnaro nitya.n ya ichchhedbhUtimAtmanaH .. 16..\\
dhanya.n yashasyamAyuShya.n jaladAnaM vishAM pate . 
shatrUMshchApyadhi kaunteya sadA tiShThati toyadaH .. 17..\\
sarvakAmAnavApnoti kIrti.n chaiveha shAshvatIm . 
pretya chAnantyamApnoti pApebhyash cha pramuchyate .. 18..\\
toyado manujavyAghrasvarga.n gatvA mahAdyute . 
akShayAnsamavApnoti lokAnityabravInmanuH .. 19..\\
\medskip\hrule\medskip\centerline{\Largedvng 67}
 y

tilAnA.n kIdR^ishaM dAnamatha dIpasya chaiva ha . 
annAnA.n vAsasA.n chaiva bhUya eva bravIhi me .. 1..\\

 bh

atrApyudAharantImamitihAsaM purAtanam . 
brAhmaNasya cha sa.nvAda.n yamasya cha yudhiShThira .. 2..\\
madhyadeshe mahAngrAmo brAhmaNAnAM babhUva ha . 
ga~NgAyamunayormadhye yAmunasya gireradhaH .. 3..\\
parNashAleti vikhyAto ramaNIyo narAdhipa . 
vidvA.nsastatra bhUyiShThA brAhmaNAshchAvasa.nstadA .. 4..\\
atha prAha yamaH ka.n chitpuruShaM kR^iShNavAsasam . 
raktAkShamUrdhvaromANa.n kAkaja~NghAkShi nAsikam .. 5..\\
gachchha tvaM brAhmaNa grAma.n tato gatvA tamAnaya . 
agastya.n gotratashchApi nAmatashchApi sharmiNam .. 6..\\
shame niviShTa.n vidvA.nsamadhyApakamanAdR^itam . 
mA chAnyamAnayethAstva.n sa gotra.n tasya pArshvataH .. 7..\\
sa hi tAdR^igguNastena tulyo.adhyayana janmanA . 
apatyeShu tathA vR^itte samastenaiva dhImatA . 
tamAnaya yathoddiShTaM pUjA kAryA hi tasya me .. 8..\\
sa gatvA pratikUla.n tachchakAra yama shAsanam . 
tamAkramyAnayAmAsa pratiShiddho yamena yaH .. 9..\\
tasmai yamaH samutthAya pUjA.n kR^itvA cha vIryavAn . 
provAcha nIyatAmeSha so.anya AnIyatAm iti .. 10..\\
evamukte tu vachane dharmarAjena sa dvijaH . 
uvAcha dharmarAjAnaM nirviNNo.adhyayanena vai . 
yo me kAlo bhavechchheShasta.n vaseyamihAchyuta .. 11..\\

 yama

nAha.n kAlasya vihitaM prApnomIha kathaM chana . 
yo hi dharma.n charati vai taM tu jAnAmi kevalam .. 12..\\
gachchha vipra tvamadyaiva Alaya.n svaM mahAdyute . 
brUhi vA tva.n yathA svaira.n karavANi kimityuta .. 13..\\

 br

yattatra kR^itvA sumahatpuNya.n syAttadbravIhi me . 
sarvasya hi pramANa.n tvaM trailokyasyApi sattama .. 14..\\

 y

shR^iNu tattvena viprarShe pradAnavidhimuttamam . 
tilAH paramaka.n dAnaM puNyaM chaiveha shAshvatam .. 15..\\
tilAshcha sampradAtavyA yathAshakti dvijarShabha . 
nityadAnAtsarvakAmA.nstilA nirvartayantyuta .. 16..\\
tilA~nshrAddhe prasha.nsanti dAnametaddhyanuttamam . 
tAnprayachchhasva viprebhyo vidhidR^iShTena karmaNA .. 17..\\
tilA bhakShayitavyAshcha sadA tvAlabhana.n cha taiH . 
kArya.n satatamichchhadbhiH shreyaH sarvAtmanA gR^ihe .. 18..\\
tathApaH sarvadA deyAH peyAshchaiva na saMshayaH . 
puShkariNyastaDAgAni kUpAMshchaivAtra khAnayet .. 19..\\
etatsudurlabhataramiha loke dvijottama . 
Apo nityaM pradeyAste puNya.n hyetadanuttamam .. 20..\\
prapAshcha kAryAH pAnArthaM nitya.n te dvijasattama . 
bhukte.apyatha pradeya.n te pAnIya.n vai visheShataH .. 21..\\
ityukte sa tadA tena yamadUtena vai gR^ihAn . 
nItashchakAra cha tathA sarva.n tadyama shAsanam .. 22..\\
nItvA ta.n yamadUto.api gR^ihItvA sharmiNa.n tadA . 
yayau sa dharmarAjAya nyavedayata chApi tam .. 23..\\
ta.n dharmarAjo dharmaGYaM pUjayitvA pratApavAn . 
kR^itvA cha sa.nvida.n tena visasarja yathAgatam .. 24..\\
tasyApi cha yamaH sarvamupadesha.n chakAra ha . 
pratyetya cha sa tatsarva.n chakArokta.n yamena tat .. 25..\\
tathA prasha.nsate dIpAnyamaH pitR^ihitepsayA . 
tasmAddIpaprado nitya.n santArayati vai pitR^In .. 26..\\
dAtavyAH satata.n dIpAstasmAdbharatasattama . 
devAnA.n cha pitR^INAM cha chakShuShyAste matAH prabho .. 27..\\
ratnadAna.n cha sumahatpuNyamuktaM janAdhipa . 
tAni vikrIya yajate brAhmaNo hyabhaya~NkaraH .. 28..\\
yadvai dadAti viprebhyo brAhmaNaH pratigR^ihya vai . 
ubhayoH syAttadakShayya.n dAturAdAtureva cha .. 29..\\
yo dadAti sthitaH sthityA.n tAdR^ishAya pratigraham . 
ubhayorakShaya.n dharmaM taM manuH prAha dharmavit .. 30..\\
vAsasA.n tu pradAnena svadAranirato naraH . 
suvastrashcha suveShashcha bhavatItyanushushruma .. 31..\\
gAvaH suvarNa.n cha tathA tilAshchaivAnuvarNitAH . 
bahushaH puruShavyAghra veda prAmANya darshanAt .. 32..\\
vivAhAMshchaiva kurvIta putrAnutpAdayeta cha . 
putralAbho hi kauravya sarvalAbhAdvishiShyate .. 33..\\
\medskip\hrule\medskip\centerline{\Largedvng 68}
 y

bhUya eva kurushreShTha dAnAnA.n vidhimuttamam . 
kathayasva mahAprAGYa bhUmidAna.n visheShataH .. 1..\\
pR^ithivI.n kShatriyo dadyAdbrAhmaNastA.n svakarmaNA . 
vidhivatpratigR^ihNIyAnna tvanyo dAtumarhati .. 2..\\
sarvavarNaistu yachchhakyaM pradAtuM phalakA~NkShibhiH . 
vede vA yatsamAmnAta.n tanme vyAkhyAtumarhasi .. 3..\\

 bh

tulyanAmAni deyAni trINi tulyaphalAni cha . 
sarvakAmaphalAnIha gAvaH pR^ithvI sarasvatI .. 4..\\
yo brUyAchchApi shiShyAya dharmyAM brAhmI.n sarasvatIm . 
pR^ithivI gopradAnAbhyA.n sa tulyaM phalamashnute .. 5..\\
tathaiva gAH prasha.nsanti na cha deya.n tataH param . 
saMnikR^iShTaphalAstA hi laghvarthAshcha yudhiShThira . 
mAtaraH sarvabhUtAnA.n gAvaH sarvasukhapradAH .. 6..\\
vR^iddhimAkA~NkShatA nitya.n gAvaH kAryAH pradakShiNAH . 
ma~NgalAyatana.n devyastasmAtpUjyAH sadaiva hi .. 7..\\
prachodana.n devakR^itaM gavAM karmasu vartatAm . 
pUrvamevAkSharaM nAnyadabhidheya.n kathaM chana .. 8..\\
prachAre vA nipAne vA budho nodvejayeta gAH . 
tR^iShitA hyabhivIkShantyo nara.n hanyuH sa bAndhavam .. 9..\\
pitR^isadmAni satata.n devatAyatanAni cha . 
pUyante shakR^itA yAsAM pUta.n kimadhikaM tataH .. 10..\\
grAsa muShTiM paragave dadyAtsa.nvatsara.n tu yaH . 
akR^itvA svayamAhAra.n vrata.n tatsArvakAmikam .. 11..\\
sa hi putrAnyasho.artha.n cha shriyaM chApyadhigachchhati . 
nAshayatyashubha.n chaiva duHsvapnaM cha vyapohati .. 12..\\

 y

deyAH ki.n lakShaNA gAvaH kAshchApi parivarjayet . 
kIdeshAya pradAtavyA na deyAH kIdR^ishAya cha .. 13..\\

 bh

asadvR^ittAya pApAya lubdhAyAnR^ita vAdine . 
havyakavya vyapetAya na deyA gauH katha.n chana .. 14..\\
bhikShave bahuputrAya shrotriyAyAhitAgnaye . 
dattvA dasha gavA.n dAtA lokAnApnotyanuttamAn .. 15..\\
ya.n chaiva dharmaM kurute tasya puNyaphalaM cha yat . 
sarvasyaivAMsha bhAgdAtA tannimittaM pravR^ittayaH .. 16..\\
yashchainamutpAdayati yashchaina.n trAyate bhayAt . 
yashchAsya kurute vR^itti.n sarve te pitarastrayaH .. 17..\\
kalmaSha.n gurushushrUShA hanti mAno mahadyashaH . 
aputratA.n trayaH putrA avR^ittiM dasha dhenavaH .. 18..\\
vedAntaniShThasya bahushrutasya 
praGYAna tR^iptasya jitaindriyasya . 
shiShTasya dAntasya yatasya chaiva 
bhUteShu nityaM priyavAdinash cha .. 19..\\
yaH kShudbhayAdvai na vikarma kuryAn 
mR^idurdAntashchAtitheyash cha nityam . 
vR^itti.n viprAyAtisR^ijeta tasmai 
yastulyashIlashcha saputradAraH .. 20..\\
shubhe pAtre ye guNA gopradAne 
tAvAndoSho brAhmaNa svApahAre . 
sarvAvasthaM brAhmaNa svApahAro 
dArAshchaiShA.n dUrato varjanIyAH .. 21..\\
\medskip\hrule\medskip\centerline{\Largedvng 69}
 bh

atraiva kIrtyate sadbhirbrAhmaNa svAbhimarshane . 
nR^igeNa sumahatkR^ichchhra.n yadavApta.n kurUdvaha .. 1..\\
nivishantyAM purA pArtha dvAravatyAmiti shrutiH . 
adeshyata mahAkUpastR^iNavIrutsamAvR^itaH .. 2..\\
prayatna.n tatra kurvANAstasmAtkUpAjjalArthinaH . 
shrameNa mahatA yuktAstasmi.nstoye susa.nvR^ite .. 3..\\
dadR^ishuste mahAkAya.n kR^ikalAsamavasthitam . 
tasya choddharaNe yatnamakurva.nste sahasrashaH .. 4..\\
pragrahaishcharma paTTaishcha taM baddhvA parvatopamam . 
nAshaknuvansamuddhartu.n tato jagmurjanArdanam .. 5..\\
khamAvR^ityoda pAnasya kR^ikalAsaH sthito mahAn . 
tasya nAsti samuddhartetyatha kR^iShNe nyavedayan .. 6..\\
sa vAsudevena samuddhR^itash cha 
pR^iShTashcha kAmAnnijagAda rAjA . 
nR^igastadAtmAnamatho nyavedayat 
purAtana.n yaGYasahasrayAjinam .. 7..\\
tathA bruvANa.n tu tamAha mAhavaH 
shubha.n tvayA karmakR^itaM na pApakam . 
kathaM bhavAndurgatimIdR^isha.n gato 
narendra tadbrUhi kimetadIdR^isham .. 8..\\
shata.n sahasrANi shata.n gavAM punaH 
punaH shatAnyaShTa shatAyutAni . 
tvayA purA dattamitIha shushruma 
nR^ipa dvijebhyaH kva nu tadgata.n tava .. 9..\\
nR^igastato.abravItkR^iShNaM brAhmaNasyAgnihotriNaH . 
proShitasya paribhraShTA gaurekA mama godhane .. 10..\\
gavA.n sahasre sa~NkhyAtA tadA sA pashupairmama . 
sA brAhmaNAya me dattA pretyArthamabhikA~NkShatA .. 11..\\
apashyatparimArgaMshcha tA.n yAM paragR^ihe dvijaH . 
mameyamiti chovAcha brAhmaNo yasya sAbhavat .. 12..\\
tAvubhau samanuprAptau vivadantau bhR^ishajvarau . 
bhavAndAtA bhavAnhartetyatha tau mA.n tadochatuH .. 13..\\
shatena shatasa~Nkhyena gavA.n vinimayena vai . 
yAche pratigrahItAra.n sa tu mAmabravIdidam .. 14..\\
deshakAlopasampannA dogdhrI kShAntAvivatsalA . 
svAdu kShIrapradA dhanyA mama nityaM niveshane .. 15..\\
kR^isha.n cha bharate yA gaurmama putramapastanam . 
na sA shakyA mayA hAtumityuktvA sa jagAma ha .. 16..\\
tatastamapara.n vipraM yAche vinimayena vai . 
gavA.n shatasahasraM vai tatkR^ite gR^ihyatAm iti .. 17..\\

 br

na rAGYAM pratigR^ihNAmi shakto.aha.n svasya mArgaNe . 
saiva gaurdIyatA.n shIghraM mameti madhusUdana .. 18..\\
rukmamashvAMshcha dadato rajata.n syandanA.nstathA . 
na jagrAha yayau chApi tadA sa brAhmaNarShabhaH .. 19..\\
etasminneva kAle tu choditaH kAladharmaNA . 
pitR^ilokamahaM prApya dharmarAjamupAgamam .. 20..\\
yamastu pUjayitvA mA.n tato vachanamabravIt . 
nAntaH sa~NkhyAyate rAja.nstava puNyasya karmaNaH .. 21..\\
asti chaiva kR^itaM pApamaGYAnAttadapi tvayA . 
charasva pApaM pashchAdvA pUrva.n vA tvaM yathechchhasi .. 22..\\
rakShitAsmIti chokta.n te pratiGYA chAnR^itA tava . 
brAhmaNa svasya chAdAna.n trividhaste vyatikramaH .. 23..\\
pUrva.n kR^ichchhraM chariShye.ahaM pashchAchchhubhamiti prabho . 
dharmarAjaM bruvannevaM patito.asmi mahItale .. 24..\\
ashrauShaM prachyutashchAha.n yamasyochchaiH prabhAShataH . 
vAsudevaH samuddhartA bhavitA te janArdanaH .. 25..\\
pUrNe varShasahasrAnte kShINe karmaNi duShkR^ite . 
prApsyase shAshvatA.NllokA~njitAnsvenaiva karmaNA .. 26..\\
kUpe.a.atmAnamadhaHshIrShamapashyaM patita.n cha ha . 
tiryagyonimanuprAptaM na tu mAmajahAtsmR^itiH .. 27..\\
tvayA tu tArito.asmyadya kimanyatra tapobalAt . 
anujAnIhi mA.n kR^iShNa gachchheyaM divamadya vai .. 28..\\
anuGYAtaH sa kR^iShNena namaskR^itya janArdanam . 
vimAna.n divyamAsthAya yayau divamarindama .. 29..\\
tatastasmindivaM prApte nR^ige bharatasattama . 
vAsudeva ima.n shloka.n jagAda kurunandana .. 30..\\
brAhmaNa svaM na hartavyaM puruSheNa vijAnatA . 
brAhmaNa sva.n hR^itaM hanti nR^igaM brAhmaNa gauriva .. 31..\\
satA.n samAgamaH sadbhirnAphalaH pArtha vidyate . 
vimuktaM narakAtpashya nR^iga.n sAdhu samAgamAt .. 32..\\
pradAnaM phalavattatra drohastatra tathAphalaH . 
apachAra.n gavAM tasmAdvarjayeta yudhiShThira .. 33..\\
\medskip\hrule\medskip\centerline{\Largedvng 70}
dattAnAM phalasamprApti.n gavAM prabrUhi me.anagha . 
vistareNa mahAbAho na hi tR^ipyAmi kathyatAm .. 1..\\

 bh

atrApyudAharantImamitihAsaM purAtanam . 
R^iSheruddAlakervAkyaM nAchiketasya chobhayoH .. 2..\\
R^iShiruddAlakirdIkShAmupagamya tataH sutam . 
tvaM mAmupacharasveti nAchiketamabhAShata . 
samApte niyame tasminmaharShiH putramabravIt .. 3..\\
upasparshana saktasya svAkhyAya niratasya cha . 
idhmA darbhAH sumanasaH kalashashchAbhito jalam . 
vismR^itaM me tadAdAya nadItIrAdihAvraja .. 4..\\
gatvAnavApya tatsarvaM nadIvegasamAplutam . 
na pashyAmi tadityevaM pitara.n so.abravInmuniH .. 5..\\
kShutpipAsA shramAviShTo muniruddAlakistadA . 
yamaM pashyeti taM putramashapatsa mahAtapAH .. 6..\\
tathA sa pitrAbhihato vAgvajreNa kR^itA~njaliH . 
prasIdeti bruvanneva gatasattvo.apatadbhuvi .. 7..\\
nAchiketaM pitA dR^iShTvA patita.n duHkhamUrchhitaH . 
kiM mayA kR^itamityuktvA nipapAta mahItale .. 8..\\
tasya duHkhaparItasya svaM putramupagUhata . 
vyatIta.n tadahaH sheSha.n sA chogrA tatra sharvarI .. 9..\\
pitryeNAshru prapAtena nAchiketaH kurUdvaha . 
prAspandachchhayane kaushye vR^iShTyA sasyamivAplutam .. 10..\\
sa paryapR^ichchhattaM putra.n shlAghyaM pratyAgataM punaH . 
divyairgandhaiH samAdigdha.n kShINasvapnamivotthitam .. 11..\\
api putra jitA lokAH shubhAste svena karmaNA . 
diShTyA chAsi punaH prApto na hi te mAnuSha.n vapuH .. 12..\\
pratyakShadarshI sarvasya pitrA pR^iShTo mahAtmanA . 
anvartha.n taM piturmadhye maharShINAM nyavedayat .. 13..\\
kurvanbhavachchhAsanamAshu yAto 
hyaha.n vishAlAM ruchiraprabhAvAm . 
vaivasvatIM prApya sabAmapashyaM 
sahasrasho yojanahaima bhaumAm .. 14..\\
dR^iShTvaiva mAmabhimukhamApatantaM 
gR^ihaM nivedyAsanamAdidesha . 
vaivasvato.arghyAdibhirarhaNaish cha 
bhavatkR^ite pUjayAmAsa mA.n saH .. 15..\\
tatastvaha.n ta.n shanakairavochaM 
vR^ita.n sadasyairabhipUjyamAnam . 
prApto.asmi te viShaya.n dharmarAja 
lokAnarhe yAnsma tAnme vidhatsva .. 16..\\
yamo.abravInmAM na mR^ito.asi saumya 
yamaM pashyetyAha tu tvA.n tapasvI . 
pitA pradIptAgnisamAnatejA 
na tachchhakyamanR^ita.n vipra kartum .. 17..\\
deShTaste.ahaM pratigachchhasva tAta 
shochatyasau tava dehasya kartA . 
dadAmi ki.n chApi manaH praNItaM 
priyAtithe tava kAmAnvR^iNIShva .. 18..\\
tenaivamuktastamahaM pratyavochaM 
prApto.asmi te viShaya.n durnivartyam . 
ichchhAmyahaM puNyakR^itA.n samR^iddhA.Nl 
lokAndraShTu.n yadi te.ahaM varArhaH .. 19..\\
yAna.n samAropya tu mAM sa devo 
vAhairyukta.n suprabhaM bhAnumantam . 
sandarshayAmAsa tadA sma lokAn 
sarvA.nstadA puNyakR^itA.n dvijendra .. 20..\\
apashya.n tatra veshmAni taijasAni kR^itAtmanAm . 
nAnA sa.nsthAna rUpANi sarvaratnamayAni cha .. 21..\\
chandramaNDalashubhrANi ki~NkiNIjAlavanti cha . 
anekashatabhaumAni sAntarjalavanAni cha .. 22..\\
vaiDUryArka prakAshAni rUpyarukmamayAni cha . 
taruNAdityavarNAni sthAvarANi charANi cha .. 23..\\
bhakShyabhojyamayA~nshailAnvAsA.nsi shayanAni cha . 
sarvakAmaphalAMshchaiva vR^ikShAnbhavanasa.nsthitAn .. 24..\\
nadyo vIthyaH sabhA vApI dIrghikAshchaiva sarvashaH . 
ghoShavanti cha yAnAni yuktAnyeva sahasrashaH .. 25..\\
kShIrasravA vai sarito girIMsh cha 
sarpistathA vimala.n chApi toyam . 
vaivasvatasyAnumatAMshcha deshAn 
adR^iShTapUrvAnsubahUnapashyam .. 26..\\
sarva.n dR^iShTvA tadahaM dharmarAjam 
avocha.n vai prabhaviShNuM purANam . 
kShIrasyaitAH sarpiShashchaiva nadyaH 
shashvatsrotAH kasya bhojyAH pradiShTAH .. 27..\\
yamo.abravIdviddhi bhojyAstvametA 
ye dAtAraH sAdhavo gorasAnAm . 
anye lokAH shAshvatA vItashokAH 
samAkIrNA gopradAne ratAnAm .. 28..\\
na tvevAsA.n dAnamAtraM prashastaM 
pAtra.n kAlo govisheSho vidhish cha . 
GYAtvA deyA vipra gavAntara.n hi 
duHkha.n GYAtuM pAvakAdityabhUtam .. 29..\\
svAdhyAyADhyo yo.atimAtra.n tapasvI 
vaitAnastho brAhmaNaH pAtramAsAm . 
kR^ichchhrotsR^iShTAH poShaNAbhyAgatAsh cha 
dvArairetairgovisheShAH prashastAH .. 30..\\
tisro rAtrIradbhirupoShya bhUmau 
tR^iptA gAvastarpitebhyaH pradeyAH . 
vatsaiH prItAH suprajAH sopachArAs 
tryaha.n dattvA gorasairvartitavyam .. 31..\\
dattvA dhenu.n suvratA.n kA.nsyadohAM 
kalyANa vatsAmapalAyinI.n cha . 
yAvanti lomAni bhavanti tasyAs 
tAvadvarShANyashnute svargalokam .. 32..\\
tathAnaDvAhaM brAhmaNAya pradAya 
dAnta.n dhuryaM balavanta.n yuvAnam . 
kulAnujIva.n vIryavantaM bR^ihantaM 
bhu~Nkte lokAnsaMmitAndhenudasya .. 33..\\
goShu kShAnta.n gosharaNyaM kR^itaGYaM 
vR^itti glAna.n tAdR^ishaM pAtramAhuH . 
vR^itti glAne sambhrame vA mahArthe 
kR^iShyarthe vA homahetoH prasUtyAm .. 34..\\
gurvarthe vA bAla puShTyAbhiSha~NgAd 
gAvo dAtu.n deshakAlo.avishiShTaH . 
antarjAtAH sukraya GYAnalabdhAH 
prANakrItA nirjitAshchaudakAsh cha .. 35..\\

 nachiketas

shrutvA vaivasvatavachastamahaM punarabruvam . 
agomI gopradAtR^INA.n katha.n lokAnnigachchhati .. 36..\\
tato yamo.abravIddhImAngopradAne parA.n gatim . 
gopradAnAnukalpa.n tu gAmR^ite santi gopradAH .. 37..\\
alAbhe yo gavA.n dadyAdghR^itadhenu.n yatavrataH . 
tasyaitA ghR^itavAhinyaH kSharante vatsalA iva .. 38..\\
ghR^itAlAbhe cha yo dadyAttiladhenu.n yatavrataH . 
sa durgAttArito dhenvA kShIranadyAM pramodate .. 39..\\
tilAlAbhe cha yo dadyAjjaladhenu.n yatavrataH . 
sa kAmapravahA.n shItAM nadImetAmupAshnute .. 40..\\
evamAdIni me tatra dharmarAjo nyadarshayat . 
dR^iShTvA cha parama.n harShamavApamahamachyuta .. 41..\\
nivedaye chApi priyaM bhavatsu 
kraturmahAnalpadhanaprachAraH . 
prApto mayA tAta sa matprasUtaH 
prapatsyate veda vidhipravR^ittaH .. 42..\\
shApo hyayaM bhavato.anugrahAya 
prApto mayA yatra dR^iShTo yamo me . 
dAnavyuShTi.n tatra dR^iShTvA mahArthAM 
niHsandigdha.n dAnadharmAMshchariShye .. 43..\\
ida.n cha mAmabravIddharmarAjaH 
punaH punaH samprahR^iShTo dvijarShe . 
dAnena tAta prayato.abhUH sadaiva 
visheShato gopradAna.n cha kuryAH .. 44..\\
shuddho hyartho nAvamanyaH svadharmAt 
pAtre deya.n deshakAlopapanne . 
tasmAdgAvaste nityameva pradeyA 
mA bhUchcha te saMshayaH kash chidatra .. 45..\\
etAH purA adadannityameva 
shAntAtmAno dAnapathe niviShTAH . 
tapA.nsyugrANyapratisha~NkamAnAs 
te vai dAnaM pradadushchApi shaktyA .. 46..\\
kAle shaktyA matsara.n varjayitvA 
shuddhAtmAnaH shraddhinaH puNyashIlAH . 
dattvA taptvA lokamamuM prapannA 
dedIpyante puNyashIlAshcha nAke .. 47..\\
etaddAnaM nyAyalabdha.n dvijebhyaH 
pAtre dattaM prApaNIyaM parIkShya . 
kAmyAShTamyA.n vartitAvya.n dashAhaM 
rasairgavA.n shakR^itA prasnavairvA .. 48..\\
veda vratI syAdvR^iShabha pradAtA 
vedAvAptirgoyugasya pradAne . 
tIrthAvAptirgoprayukta pradAne 
pApotsargaH kapilAyAH pradAne .. 49..\\
gAmapyekA.n kapilA.n sampradAya 
nyAyopetA.n kalmaShAdvipramuchyet . 
gavA.n rasAtparamaM nAsti ki.n chid 
gavA.n dAna.n sumahattadvadanti .. 50..\\
gAvo lokAndhArayanti kSharantyo 
gAvashchAnna.n sa~njanayanti loke . 
yastajjAnanna gavA.n hArdameti 
sa vai gantA nirayaM pApachetAH .. 51..\\
yatte dAtu.n gosahasra.n shataM vA 
shatArdha.n vA dashavA sAdhu vatsAH . 
apyekA.n vA sAdhave brAhmaNAya 
sAsyAmuShminpuNyatIrthA nadI vai .. 52..\\
prAptyA puShTyA lokasa.nrakShaNena 
gAvastulyAH sUryapAdaiH pR^ithivyAm . 
shabdashchaikaH santatish chopabhogas 
tasmAdgodaH sUrya ivAbhibhAti .. 53..\\
guru.n shiShyo varayedgopradAne 
sa vai vaktA niyata.n svargadAtA . 
vidhiGYAnA.n sumahAneSha dharmo 
vidhi.n hyAdyaM vidhayaH saMshrayanti .. 54..\\
etaddAnaM nyAyalabdha.n dvijebhyaH 
pAtre dattvA prApayethAH parIkShya . 
tvayyAsha.nsantyamarA mAnavAsh cha 
vaya.n chApi prasR^ite puNyashIlAH .. 55..\\
ityukto.aha.n dharmarAGYA maharShe 
dharmAtmAna.n shirasAbhipraNamya . 
anuGYAtastena vaivasvatena 
pratyAgamaM bhagavatpAdamUlam .. 56..\\
\medskip\hrule\medskip\centerline{\Largedvng 71}
 y

ukta.n vai gopradAna.n te nAchiketamR^iShiM prati . 
mAhAtmyamapi chaivoktamuddeshena gavAM prabho .. 1..\\
nR^igeNa cha yathA duHkhamanubhUtaM mahAtmanA . 
ekAparAdhAdaGYAnAtpitAmaha mahAmate .. 2..\\
dvAravatyA.n yathA chAsau nivishantyAM samuddhR^itaH . 
mokShaheturabhUtkR^iShNastadapyavadhR^itaM mayA .. 3..\\
ki.n tvasti mama sandeho gavA.n lokaM prati prabho . 
tattvataH shrotumichchhAmi godA yatra vishantyuta .. 4..\\

 bh

atrApyudAharantImamitihAsaM purAtanam . 
yathApR^ichchhatpadmayonimetadeva shatakratuH .. 5..\\

 zakra

svarlokavAsinA.n lakShmImabhibhUya svayA tviShA . 
golokavAsinaH pashye vrajataH saMshayo.atra me .. 6..\\
kIdR^ishA bhagava.NllokA gavA.n tadbrUhi me.anagha . 
yAnAvasanti dAtAra etadichchhAmi veditum .. 7..\\
kIdR^ishAH kiM phalAH kaH svitparamastatra vai guNaH . 
katha.n cha puruShAstatra gachchhanti vigatajvarAH .. 8..\\
kiyatkAlaM pradAnasya dAtA cha phalamashnute . 
kathaM bahuvidha.n dAna.n syAdalpamapi vA katham .. 9..\\
bahvInA.n kIdR^ishaM dAnamalpAnA.n vApi kIdR^isham . 
adattvA gopradAH santi kena vA tachcha sha.nsa me .. 10..\\
katha.n cha bahu dAtA syAdalpadAtrA samaH prabho . 
alpapradAtA bahudaH katha.n cha syAdiheshvara .. 11..\\
kIdR^ishI dakShiNA chaiva gopradAne vishiShyate . 
etattathyena bhagavanmama sha.nsitumarhasi .. 12..\\
\medskip\hrule\medskip\centerline{\Largedvng 72}
 br

yo.ayaM prashnastvayA pR^iShTo gopradAnAdhikAravAn . 
nAsya praShTAsti loke.asmi.nstvatto.anyo hi shatakrato .. 1..\\
santi nAnAvidhA lokA yA.nstva.n shakra na pashyasi . 
pashyAmi yAnaha.n lokAnekapatnyashcha yAH striyaH .. 2..\\
karmabhishchApi sushubhaiH suvratA R^iShayastathA . 
sa sharIrA hi tAnyAnti brAhmaNAH shubhavR^ittayaH .. 3..\\
sharIranyAsa mokSheNa manasA nirmalena cha . 
svapnabhUtAMshcha tA.NllokAnpashyantIhApi suvrataH .. 4..\\
te tu lokAH sahasrAkSha shR^iNu yAdR^igguNAnvitAH . 
na tatra kramate kAlo na jarA na cha pApakam . 
tathAnyannAshubha.n kiM chinna vyAdhistatra na klamaH .. 5..\\
yadyachcha gAvo manasA tasminvA~nchhanti vAsava . 
tatsarvaM prApayanti sma mama pratyakShadarshanAt . 
kAmagAH kAmachAriNyaH kAmAtkAmAMshcha bhu~njate .. 6..\\
vApyaH sarA.nsi sarito vividhAni vanAni cha . 
gR^ihANi parvatAshchaiva yAvaddravya.n cha kiM chana .. 7..\\
manoGYa.n sarvabhUtebhyaH sarva.n tatra pradR^ishyate . 
IdR^ishAnviddhi tA.NllokAnnAsti lokastato.adhikaH .. 8..\\
tatra sarvasahAH kShAntA vatsalA guruvartinaH . 
aha~NkArairvirahitA yAnti shakra narottamAH .. 9..\\
yaH sarvamA.nsAni na bhakShayIta 
pumAnsadA yAvadanyAya yuktaH . 
mAtApitrorarchitA satyayuktaH 
shushrUShitA brAhmaNAnAmanindyaH .. 10..\\
akrodhano goShu tathA dvijeShu 
dharme rato gurushushrUShakash cha . 
yAvajjIva.n satyavR^itte ratash cha 
dAne rato yaH kShamI chAparAdhe .. 11..\\
mR^idurdAnto devaparAyaNash cha 
sarvAtithishchApi tathA dayAvAn . 
IdR^igguNo mAnavaH samprayAti 
loka.n gavA.n shAshvataM chAvyayaM cha .. 12..\\
na pAradArI pashyati lokamenaM 
na vai gurughno na mR^iShA pralApI . 
sadApavAdI brAhmaNaH shAntavedo 
doShairanyairyashcha yukto durAtmA .. 13..\\
na mitra dhrunnaikR^itikaH kR^itaghnaH 
shaTho.anR^ijurdharmavidveShakash cha . 
na brahmahA manasApi prapashyed 
gavA.n lokaM puNyakR^itAM nivAsam .. 14..\\
etatte sarvamAkhyAtaM naipuNena sureshvara . 
gopradAna ratAnA.n tu phala.n shR^iNu shatakrato .. 15..\\
dAyAdya labdhairarthairyo gAH krItvA samprayachchhati . 
dharmArjita dhanakrItAnsa lokAnashnute.akShayAn .. 16..\\
yo vai dyUte dhana.n jitvA gAH krItvA samprayachchhati . 
sa divyamayuta.n shakra varShANAM phalamashnute .. 17..\\
dAyAdyA yasya vai gAvo nyAyapUrvairupArjitAH . 
pradatAstAH pradAtR^INA.n sambhavantyakShayA dhruvAH .. 18..\\
pratigR^ihya cha yo dadyAdgAH sushuddhena chetasA . 
tasyApIhAkShayA.NllokAndhruvAnviddhi shachIpate .. 19..\\
janmaprabhR^iti satya.n cha yo brUyAnniyatendriyaH . 
rugu dvija sahaH kShAntastasya gobhiH samA gatiH .. 20..\\
na jAtu brAhmaNo vAchyo yadavAchya.n shachIpate . 
manasA goShu na druhyedgovR^ittirgo.anukampakaH .. 21..\\
satye dharme cha niratastasya shakra phala.n shR^iNu . 
gosahasreNa samitA tasya dhenurbhavatyuta .. 22..\\
kShatriyasya guNairebhiranvitasya phala.n shR^iNu . 
tasyApi shatatulyA gaurbhavatIti vinishchayaH .. 23..\\
vaishyasyaite yadi guNAstasya pa~nchAshataM bhavet . 
shUdrasyApi vinItasya chaturbhAgaphala.n smR^itam .. 24..\\
etachchaiva.n yo.anutiShTheta yuktaH 
satyena yukto gurushushrUShayA cha . 
dAntaH kShAnto devatArchI prashAntaH 
shuchirbuddho dharmashIlo.anaha.nvAk .. 25..\\
mahatphalaM prApnute sa dvijAya 
dattvA dogdhrI.n vidhinAnena dhenum . 
nitya.n dadyAdekabhaktaH sadA cha 
satye sthiro gurushushrUShitA cha .. 26..\\
veda dhyAyI goShu yo bhaktimAMsh cha 
nitya.n dR^iShTvA yo.abhinandeta gAsh cha . 
A jAtito yashcha gavAM nameta 
idaM phala.n shakra nibodha tasya .. 27..\\
yatsyAdiShTvA rAjasUye phala.n tu 
yatsyAdiShTvA bahunA kA~nchanena . 
etattulyaM phalamasyAhuragryaM 
sarve santastvR^iShayo ye cha siddhAH .. 28..\\
yo.agraM bhaktAnki.n chidaprAshya dadyAd 
gobhyo nitya.n govratI satyavAdI . 
shAnto buddho gosahasrasya puNyaM 
sa.nvatsareNApnuyAtpuNyashIlaH .. 29..\\
ya ekaM bhaktamashnIyAddadyAdeka.n gavAM cha yat . 
dashavarShANyanantAni govratI go.anukampakaH .. 30..\\
ekenaiva cha bhaktena yaH krItvA gAM prayachchhati . 
yAvanti tasya proktAni divasAni shatakrato . 
tAvachchhatAnA.n sa gavAM phalamApnoti shAshvatam .. 31..\\
brAhmaNasya phala.n hIda.n kShatriye.abhihitaM shR^iNu . 
pa~ncha vArShikametattu kShatriyasya phala.n smR^itam . 
tato.ardhena tu vaishyasya shUdro vaishyArdhataH smR^itaH .. 32..\\
yashchAtmavikraya.n kR^itvA gAH krItvA samprayachchhati . 
yAvatIH sparshayedgA vai tAvattu phalamashnute . 
lomni lomni mahAbhAga lokAshchAsyAkShayAH smR^itAH .. 33..\\
sa~NgrAmeShvarjayitvA tu yo vai gAH samprayachchhati . 
Atmavikraya tulyAstAH shAshvatA viddhi kaushika .. 34..\\
alAbhe yo gavA.n dadyAttiladhenu.n yatavrataH . 
durgAtsa tArito dhenvA kShIranadyAM pramodate .. 35..\\
na tvevAsA.n dAnamAtraM prashastaM 
pAtra.n kAlo govisheSho vidhish cha . 
kAlaGYAna.n vipra gavAntaraM hi 
duHkha.n GYAtuM pAvakAdityabhUtam .. 36..\\
svAdhyAyADhya.n shuddhayoniM prashAntaM 
vaitAnasthaM pApabhIru.n kR^itaGYam . 
goShu kShAntaM nAtitIkShNa.n sharaNyaM vR^itti 
glAna.n tAdR^ishaM pAtramAhuH .. 37..\\
vR^itti glAne sIdati chAti mAtraM 
kR^iShyartha.n vA homahetoH prasUtyAm . 
gurvartha.n vA bAla sa.nvR^iddhaye vA 
dhenu.n dadyAddeshakAle vishiShTe .. 38..\\
antarjAtAH sukraya GYAnalabdhAH 
prANakrItA nirjitAshchaukajAsh cha . 
kR^ichchhrotsR^iShTAH poShaNAbhyAgatAsh cha 
dvArairetairgovisheShAH prashastAH .. 39..\\
balAnvitAH shIlavayopapannAH 
sarvAH prasha.nsanti sugandhavatyaH . 
yathA hi ga~NgA saritA.n variShThA 
tathArjunInA.n kapilA variShThA .. 40..\\
tisro rAtrIstvadbhirupoShya bhUmau 
tR^iptA gAvastarpitebhyaH pradeyAH . 
vatsaiH puShTaiH kShIrapaiH suprachArAs 
tyaha.n dattvA gorasairvartitavyam .. 41..\\
dattvA dhenu.n suvratAM sAdhu vatsAM 
kalyANa vR^ittAmapalAyinI.n cha . 
yAvanti lomAni bhavanti tasyAs 
tAvanti varShANi vasatyamutra .. 42..\\
tathAnaDvAhaM brAhmaNAyAtha dhuryaM 
dattvA yuvAnaM balina.n vinItam . 
halasya boDhAramanantavIryaM 
prApnoti lokAndasha dhenudasya .. 43..\\
kAntAre brAhmaNAngAshcha yaH paritrAti kaushika . 
kShemeNa cha vimuchyeta tasya puNyaphala.n shR^iNu . 
ashvamedha kratostulyaM phalaM bhavati shAshvatam .. 44..\\
mR^ityukAle sahasrAkSha yA.n vR^ittimanukA~NkShate . 
lokAnbahuvidhAndivyAnyadvAsya hR^idi vartate .. 45..\\
tatsarva.n samavApnoti karmaNA tena mAnavaH . 
gobhishcha samanuGYAtaH sarvatra sa mahIyate .. 46..\\
yastvetenaiva vidhinA gA.n vaneShvanugachchhati . 
tR^iNagomaya parNAshI niHspR^iho niyataH shuchiH .. 47..\\
akAma.n tena vastavyaM muditena shatakrato . 
mama loke suraiH sArdha.n loke yatrApi chechchhati .. 48..\\
\medskip\hrule\medskip\centerline{\Largedvng 73}
 indra

jAnanyo gAmapaharedvikrIyAdvArtha kAraNAt . 
etadviGYAtumichchhAmi kA nu tasya gatirbhavet .. 1..\\

 br

bhakShArtha.n vikrayArthaM vA ye.apahAraM hi kurvate . 
dAnArtha.n vA brAhmaNAya tatredaM shrUyatAM phalam .. 2..\\
vikrayArtha.n hi yo hi.nsyAdbhakShayedvA nira~NkushaH . 
ghAtayAna.n hi puruShaM ye.anumanyeyurarthinaH .. 3..\\
ghAtakaH khAdako vApi tathA yashchAnumanyate . 
yAvanti tasyA lomAni tAvadvarShANi majjati .. 4..\\
ye doShA yAdR^ishAshchaiva dvija yaGYopaghAtake . 
vikraye chApahAre cha te doShA vai smR^itAH prabho .. 5..\\
apahR^itya tu yo gA.n vai brAhmaNAya prayachchhati . 
yAvaddAne phala.n tasyAstAvannirayamR^ichchhati .. 6..\\
suvarNa.n dakShiNAmAhurgopradAne mahAdyute . 
suvarNaM parama.n hyukta.n dakShiNArthamasaMshayam .. 7..\\
gopradAna.n tArayate sapta pUrvA.nstathA parAn . 
suvarNa.n dakShiNAM dattvA tAvaddviguNamuchyate .. 8..\\
suvarNaM parama.n dAna.n suvarNaM dakShiNA parA . 
suvarNaM pAvana.n shakra pAvanAnAM paraM smR^itam .. 9..\\
kulAnAM pAvanaM prAhurjAtarUpa.n shatakrato . 
eShA me dakShiNA proktA samAsena mahAdyute .. 10..\\

 bh

etatpitAmahenoktamindrAya bharatarShabha . 
indro dasharathAyAha rAmAyAha pitA tathA .. 11..\\
rAghavo.api priya bhrAtre lakShmaNAya yashasvine . 
R^iShibhyo lakShmaNenoktamaraNye vasatA vibho .. 12..\\
pAramparyAgata.n chedamR^iShayaH saMshitavratAH . 
durdhara.n dhArayAmAsU rAjAnashchaiva dhArmikAH . 
upAdhyAyena gaditaM mama cheda.n yudhiShThira .. 13..\\
ya idaM brAhmaNo nitya.n vadedbrAhmaNa sa.nsadi . 
yaGYeShu gopradAneShu dvayorapi samAgame .. 14..\\
tasya lokAH kilAkShayyA daivataiH saha nityadA . 
iti brahmA sa bhagavAnuvAcha parameshvaraH .. 15..\\
\medskip\hrule\medskip\centerline{\Largedvng 74}
 y

visrambhito.ahaM bhavatA dharmAnpravadatA vibho . 
pravakShyAmi tu sandeha.n tanme brUhi pitAmaha .. 1..\\
vratAnA.n kiM phalaM proktaM kIdR^isha.n vA mahAdyute . 
niyamAnAM phala.n kiM cha svadhItasya cha kiM phalam .. 2..\\
damasyeha phala.n kiM cha vedAnAM dhAraNe cha kim . 
adhyApane phala.n kiM cha sarvamichchhAmi veditum .. 3..\\
apratigrAhake ki.n cha phala.n loke pitAmaha . 
tasya ki.n cha phalaM dR^iShTa.n shrutaM yaH samprayachchhati .. 4..\\
svakarmaniratAnA.n cha shUrANAM chApi kiM phalam . 
satye cha kiM phalaM proktaM brahmacharye cha kiM phalam .. 5..\\
pitR^ishushrUShaNe ki.n cha mAtR^ishushrUShaNe tathA . 
AchArya gurushushrUShAsvanukroshAnukampane .. 6..\\
etatsarvamasheSheNa pitAmaha yathAtatham . 
vettumichchhAmi dharmaGYa para.n kautUhala.n hi me .. 7..\\

 bh

yo vrata.n vai yathoddiShTa.n tathA sampratipadyate . 
akhaNDa.n samyagArabdha.n tasya lokAH sanAtanAH .. 8..\\
niyamAnAM phala.n rAjanpratyakShamiha dR^ishyate . 
niyamAnA.n kratUnAM cha tvayAvAptamidaM phalam .. 9..\\
svadhItasyApi cha phala.n dR^ishyate.amutra cheha cha . 
iha loke.arthavAnnityaM brahmaloke cha modate .. 10..\\
damasya tu phala.n rAja~nshR^iNu tvaM vistareNa me . 
dAntAH sarvatra sukhino dAntAH sarvatra nirvR^itAH .. 11..\\
yatrechchhA gAmino dAntAH sarvashatruniShUdanAH . 
prArthayanti cha yaddAntA labhante tanna saMshayaH .. 12..\\
yujyante sarvakAmairhi dAntAH sarvatra pANDava . 
svarge tathA pramodante tapasA vikrameNa cha .. 13..\\
dAnairyaGYaishcha vividhairyathA dAntAH kShamAnvitAH . 
dAtA kupyati no dAntastasmAddAnAtparo damaH .. 14..\\
yastu dadyAdakupyanhi tasya lokAH sanAtanAH . 
krodho hanti hi yaddAna.n tasmAddAnAtparo damaH .. 15..\\
adR^ishyAni mahArAja sthAnAnyayutasho divi . 
R^iShINA.n sarvalokeShu yAnIto yAnti devatAH .. 16..\\
damena yAni nR^ipate gachchhanti paramarShayaH . 
kAmayAnA mahatsthAna.n tasmAddAnAtparo damaH .. 17..\\
adhyApakaM parikleshAdakShayaM phalamashnute . 
vidhivatpAvaka.n hutvA brahmaloke narAdhipa .. 18..\\
adhItyApi hi yo vedAnnyAyavidbhyaH prayachchhati . 
guru karma prasha.nsI cha so.api svarge mahIyate .. 19..\\
kShatriyo.adhyayane yukto yajane dAnakarmaNi . 
yuddhe yashcha paritrAtA so.api svarge mahIyate .. 20..\\
vaishyaH svakarmanirataH pradAnAllabhate mahat . 
shUdraH svakarmanirataH svarga.n shushrUShayarchchhati .. 21..\\
shUrA bahuvidhAH proktAsteShAmarthAshcha me shR^iNu . 
shUrAnvayAnAM nirdiShTaM phala.n shUrasya chaiva ha .. 22..\\
yaGYashUrA dame shUrAH satyashUrAstathApare . 
yuddhashUrAstathaivoktA dAnashUrAshcha mAnavAH .. 23..\\
buddhishUrAstathaivAnye kShamA shUrAstathApare . 
Arjave cha tathA shUrAH shame vartanti mAnavAH .. 24..\\
taistaistu niyamaiH shUrA bahavaH santi chApare . 
vedAdhyayanashUrAshcha shUrAshchAdhyApane ratAH .. 25..\\
gurushushrUShayA shUrAH pitR^ishushrUShayApare . 
mAtR^ishushrUShayA shUrA bhaikShya shUrAstathApare .. 26..\\
sA~NkhyashUrAshcha bahavo yogashUrAstathApare . 
araNye gR^ihavAse cha shUrAshchAtithi pUjane . 
sarve yAnti parA.NllokAnsvakarmaphalanirjitAn .. 27..\\
dhAraNa.n sarvavedAnAM sarvatIrthAvagAhanam . 
satya.n cha bruvato nitya.n samaM vA syAnna vA samam .. 28..\\
ashvamedha sahasra.n cha satyaM cha tulayA dhR^itam . 
ashvamedha sahasrAddhi satyameva vishiShyate .. 29..\\
satyena sUryastapati satyenAgniH pradIpyate . 
satyena mAruto vAti sarva.n satye pratiShThitam .. 30..\\
satyena devAnprINAti pitR^Invai brAhmaNA.nstathA . 
satyamAhuH para.n dharmaM tasmAtsatyaM na la~Nghayet .. 31..\\
munayaH satyaniratA munayaH satyavikramAH . 
munayaH satyashapathAstasmAtsatya.n vishiShyate . 
satyavantaH svargaloke modante bharatarShabha .. 32..\\
damaH satyaphalAvAptiruktA sarvAtmanA mayA . 
asaMshaya.n vinItAtmA sarvaH svarge mahIyate .. 33..\\
brahmacharyasya tu guNA~nshR^iNu me vasudhAdhipa . 
A janma maraNAdyastu brahma chArI bhavediha . 
na tasya ki.n chidaprApyamiti viddhi janAdhipa .. 34..\\
bahvyaH koTyastvR^iShINA.n tu brahmaloke vasantyuta . 
satye ratAnA.n satata.n dAntAnAmUrdhvaretasAm .. 35..\\
brahmacharya.n dahedrAjansarvapApAnyupAsitam . 
brAhmaNena visheSheNa brAhmaNo hyagiruchyate .. 36..\\
pratyakSha.n cha tavApyetadbrAhmaNeShu tapasviShu . 
bibheti hi yathA shakro brahma chAri pradharShitaH . 
tadbrahmacharyasya phalamR^iShINAmiha dR^ishyate .. 37..\\
mAtApitroH pUjane yo dharmastamapi me shR^iNu . 
shushrUShate yaH pitaraM na chAsUyetkatha.n chana . 
mAtara.n vAnahaM vAdI gurumAchAryameva cha .. 38..\\
tasya rAjanphala.n viddhi svarloke sthAnamuttamam . 
na cha pashyeta naraka.n gurushushrUShurAtmavAn .. 39..\\

 y

vidhi.n gavAM paramaha.n shrotumichchhAmi tattvataH .. 1..\\
\medskip\hrule\medskip\centerline{\Largedvng 75}
yena tA~nshAshvatA.NllokAnakhilAnashnuvImahi .. 1..\\

 bh

na godAnAtpara.n kiM chidvidyate vasudhAdhipa . 
gaurhi nyAyAgatA dattA sadyastArayate kulam .. 2..\\
satAmarthe samyagutpAdito yaH 
sa vai kL^iptaH samyagiShTaH prajAbhyaH . 
tasmAtpUrva.n hyAdi kAle pravR^ittaM 
gavA.n dAne shR^iNu rAjanvidhiM me .. 3..\\
purA goShUpanItAsu goShu sandigdhadarshinA . 
mAndhAtrA prakR^itaM prashnaM bR^ihaspatirabhAShata .. 4..\\
dvijAtimabhisatkR^itya shvaHkAlamabhivedya cha . 
pradAnArthe niyu~njIta rohiNIM niyatavrataH .. 5..\\
AhvAna.n cha prayu~njIta sama~Nge bahuleti cha . 
pravishya cha gavAM madhyamimA.n shrutimudAharet .. 6..\\
gaurme mAtA govR^iShabhaH pitA me 
diva.n sharma jagatI me pratiShThA . 
prapadyaiva.n sharvarImuShya goShu 
munirvANImutsR^ijedgopradAne .. 7..\\
sa tAmekAM nishA.n gobhiH samasa~NkhyaH samavrataH . 
aikAtmya gamanAtsadyaH kalmaShAdvipramuchyate .. 8..\\
utsR^iShTa vR^iShavatsA hi pradeyA sUryadarshane . 
trividhaM pratipattavyamarthavAdAshiShaH stavAH .. 9..\\
UrjasvinyUrja medhAshcha yaGYo 
garbho.amR^itasya jagatashcha pratiShThA . 
kShitau rAdhaH prabhavaH shashvadeva 
prAjApatyAH sarvamityarthavAdaH .. 10..\\
gAvo mamainaH praNudantu sauryAs 
tathA saumyAH svargayAnAya santu . 
AmnAtA me dadatIrAshraya.n tu 
tathAnuktAH santu sarvAshiSho me .. 11..\\
sheShotsarge karmabhirdehamokShe 
sarasvatyaH shreyasi sampravR^ittAH . 
yUyaM nityaM puNyakarmopavAhyA 
dishadhvaM me gatimiShTAM prapannAH .. 12..\\
yA vai yUya.n so.ahamadyaika bhAvo 
yuShmAndattvA chAhamAtmapradAtA . 
manashchyutA mana evopapannAH 
sandhukShadhva.n saumya rUpogra rUpAH .. 13..\\
eva.n tasyAgre pUrvamardha.n vadeta 
gavA.n dAtA vidhivatpUrvadR^iShTam . 
pratibrUyAchchheShamardha.n dvijAtiH 
pratigR^ihNanvai gopradAne vidhiGYaH .. 14..\\
gA.n dadAnIti vaktavyamarghya vastravasu pradaH . 
UdhasyA bharitavyA cha vaiShNavIti cha chodayet .. 15..\\
nAma sa~NkIrtayettasyA yathA sa~Nkhyottara.n sa vai . 
phala.n ShaDviMshadaShTau cha sahasrANi cha viMshatiH .. 16..\\
evametAnguNAnvR^iddhAngavAdInA.n yathAkramam . 
gopradAtA samApnoti samastAnaShTame krame .. 17..\\
godaH shIlI nirbhayashchArgha dAtA 
na syAdduHkhI vasu dAtA cha kAmI . 
UdhasyoDhA bhArata yashcha vidvAn 
vyAkhyAtAste vaiShNavAshcha ndra lokAH .. 18..\\
gA vai dattvA govratI syAttrirAtraM 
nishA.n chaikA.n sa.nvaseteha tAbhiH . 
kAmyAShTamyA.n vartitavya.n trirAtraM 
rasairvA goH shakR^itA prasnavairvA .. 19..\\
veda vratI syAdvR^iShabha pradAtA 
vedAvAptirgoyugasya pradAne . 
tathA gava.n vidhimAsAdya yajvA 
lokAnagryAnvindate nAvidhiGYaH .. 20..\\
kAmAnsarvAnpArthivAnekasa.nsthAn 
yo vai dadyAtkAmadughA.n cha dhenum . 
samyaktAH syurhavyakavyaughavatyas 
tAsAmukShNA.n jyAyasA.n sampradAnam .. 21..\\
na chAshiShyAyAvratAyopakuryAn 
nAshraddadhAnAya na vakrabuddhaye . 
guhyo hyaya.n sarvalokasya dharmo 
nema.n dharma.n yatra tatra prajalpet .. 22..\\
santi loke shraddadhAnA manuShyAH 
santi kShudrA rAkShasA mAnuSheShu . 
yeShA.n dAnaM dIyamAna.n hyaniShTaM 
nAstikya.n chApyAshrayante hyapuNyAH .. 23..\\
bArhaspatya.n vAkyametannishamya 
ye rAjAno gopradAnAni kR^itvA . 
lokAnprAptAH puNyashIlAH suvR^ittAs 
tAnme rAjankIrtyamAnAnnibodha .. 24..\\
ushInaro viShvagashvo nR^igash cha 
bhagIratho vishruto yauvanAshvaH . 
mAndhAtA vai muchukundashcha rAjA 
bhUri dyumno naiShadhaH somakash cha .. 25..\\
purUravA bharatashchakravartI 
yasyAnvaye bhAratAH sarva eva . 
tathA vIro dAsharathishcha rAmo 
ye chApyanye vishrutAH kIrtimantaH .. 26..\\
tathA rAjA pR^ithu karmA dilIpo 
divaM prApto gopradAne vidhiGYDaH . 
yaGYairdAnaistapasA rAjadharmair 
mAndhAtAbhUdgopradAnaishcha yuktaH .. 27..\\
tasmAtpArtha tvamapImAM mayoktAM 
bArhaspatIM bhAratI.n dhArayasva . 
dvijAgryebhyaH samprayachchha pratIto 
gAH puNyA vai prApya rAjya.n kurUNAm .. 28..\\

 v

tathA sarva.n kR^itavAndharmarAjo 
bhIShmeNokto vidhivadgopradAne . 
sa mAndhAturdevadevopadiShTaM 
samyagdharma.n dhArayAmAsa rAjA .. 29..\\
iti nR^ipa satata.n gavAM pradAne 
yavashakalAnsaha gomayaiH pibAnaH . 
kShititalashayanaH shikhI yatAtmA 
vR^iSha iva rAjavR^iShastadA babhUva .. 30..\\
sa nR^ipatirabhavatsadaiva tAbhyaH 
prayata manA hyabhisa.nstuvaMshcha gA vai . 
nR^ipa dhuri cha na gAmayu~Nkta bhUyas 
turagavarairagamachcha yatra tatra .. 31..\\
\medskip\hrule\medskip\centerline{\Largedvng 76}
 v

tato yudhiShThiro rAjA bhUyaH shAntanavaM nR^ipa . 
godhAne vistara.n dhImAnpaprachchha vinayAnvitaH .. 1..\\
gopradAne guNAnsamyakpunaH prabrUhi bhArata . 
na hi tR^ipyAmyaha.n vIra shR^iNvAno.amR^itamIdR^isham .. 2..\\
ityukto dharmarAjena tadA shAntanavo nR^ipa . 
samyagAha ruNA.nstasmai gopradAnasya kevalAn .. 3..\\

 bh

vatsalA.n guNasampannAM taruNI.n vastrasa.nvR^itAm . 
dattvedR^ishI.n gA.n viprAya sarvapApaiH pramuchyate .. 4..\\
asuryA nAma te lokA gA.n dattvA tatra gachchhati . 
pItodakA.n jagdha tR^iNAM naShTadugdhAM nirindriyAm .. 5..\\
jarogramupayoktArthA.n jIrNAM kUpamivAjalam . 
dattvA tamaH pravishati dvija.n kleshena yojayet .. 6..\\
duShTA ruShTA vyAdhitA durbalA vA 
na dAtavyA yAshcha mUlairadattaiH . 
klaishairvipra.n yo.aphalaiH sa.nyunakti 
tasyAvIryAshchAphalAshchaiva lokAH .. 7..\\
balAnvitAH shIlavayopapannAH 
sarvAH prasha.nsanti sugandhavatyaH . 
yathA hi ga~NgA saritA.n variShThA 
tathArjunInA.n kapilA variShThA .. 8..\\

 y

kasmAtsamAne bahulA pradAne 
sadbhiH prashasta.n kapilA pradAnam . 
visheShamichchhAmi mahAnubhAva 
shrotu.n samartho hi bhavAnpravaktum .. 9..\\

 bh

vR^iddhAnAM bruvatA.n tAta shrutaM me yatprabhAShase . 
vakShyAmi tadasheSheNa rohiNyo nirmitA yathA .. 10..\\
prajAH sR^ijeti vyAdiShTaH pUrva.n dakShaH svayambhuvA . 
asR^ijadvR^ittimevAgre prajAnA.n hitakAmyayA .. 11..\\
yathA hyamR^itamAshritya vartayanti divaukasaH . 
tathA vR^itti.n samAshritya vartayanti prajA vibho .. 12..\\
acharebhyashcha bhUtebhyashcharAH shreShThAstato narAH . 
brAhmaNAshcha tataH shreShThAsteShu yaGYAH pratiShThitAH .. 13..\\
yaGYairApyAyate somaH sa cha goShu pratiShThitaH . 
sarve devAH pramodante pUrvavR^ittAstataH prajAH .. 14..\\
etAnyeva tu bhUtAni prAkroshanvR^itti kA~NkShayA . 
vR^ittida.n chAnvapadyanta tR^iShitAH pitR^imAtR^ivat .. 15..\\
itIdaM manasA gatvA prajA sargArthamAtmanaH . 
prajApatirbalAdhAnamamR^itaM prApibattadA .. 16..\\
sa gatastasya tR^ipti.n tu gandha.n surabhimudgiran . 
dadarshodgAra sa.nvR^ittA.n surabhiM mukhajAM sutAm .. 17..\\
sAsR^ijatsaurabheyIstu surabhirlokamAtaraH . 
suvarNavarNAH kapilAH prajAnA.n vR^itti dhenavaH .. 18..\\
tAsAmamR^itavarNAnA.n kSharantInA.n samantataH . 
babhUvAmR^itajaH phenaH sravantInAmivormijaH .. 19..\\
sa vatsa mukhavibhraShTo bhavasya bhuvi tiShThataH . 
shirasyavApa tatkruddhaH sa tadodaikShata prabhuH . 
lalATaprabhavenAkShNA rohiNIH pradahanniva .. 20..\\
tattejastu tato raudra.n kapilA gA vishAM pate . 
nAnAvarNatvamanayanmeghAniva divAkaraH .. 21..\\
yAstu tasmAdapakramya somamevAbhisaMshritAH . 
yathotpannAH svavarNasthAstA nItA nAnyavarNatAm .. 22..\\
atha kruddhaM mahAdevaM prajApatirabhAShata . 
amR^itenAvasiktastvaM nochchhiShTa.n vidyate gavAm .. 23..\\
yathA hyamR^itamAdAya somo viShyandate punaH . 
tathA kShIra.n kSharantyetA rohiNyo.amR^itasambhavAH .. 24..\\
na duShyatyanilo nAgnirna suvarNaM na chodadhiH . 
nAmR^itenAmR^itaM pIta.n vatsa pItA na vatsalA .. 25..\\
imA.NllokAnbhariShyanti haviShA prasnavena cha . 
AsAmaishvaryamashnIhi sarvAmR^ita maya.n shubham .. 26..\\
vR^iShabha.n cha dadau tasmai saha tAbhiH prajApatiH . 
prasAdayAmAsa manastena rudrasya bhArata .. 27..\\
prItashchApi mahAdevashchakAra vR^iShabha.n tadA . 
dhvaja.n cha vAhanaM chaiva tasmAtsa vR^iShabhadhvajaH .. 28..\\
tato devairmahAdevastadA pashupatiH kR^itaH . 
IshvaraH sa gavAM madhye vR^iShA~Nka iti chochyate .. 29..\\
evamavyagravarNAnA.n kapilAnAM mahaujasAm . 
pradAne prathamaH kalpaH sarvAsAmeva kIrtitaH .. 30..\\
lokajyeShThA lokavR^itti pravR^ittA 
rudropetAH somaviShyanda bhUtAH . 
saumyAH puNyAH kAmadAH prANadAsh cha 
gA vai dattvA sarvakAmapradaH syAt .. 31..\\
ima.n gavAM prabhava vidhAnamuttamaM 
paThansadA shuchirati ma~NgalapriyaH . 
vimuchyate kalikaluSheNa mAnavaH 
priya.n sutAnpashudhanamApnuyAttathA .. 32..\\
havya.n kavyaM tarpaNa.n shAnti karma 
yAna.n vAso vR^iddhabAlasya puShTim . 
etAnsarvAngopradAne guNAnvai 
dAtA rAjannApnuyAdvai sadaiva .. 33..\\

 v

pitAmahasyAtha nishamya vAkyaM 
rAjA saha bhrAtR^ibhirAjamIDhaH . 
sauvarNakA.nsyopaduhAstato gAH 
pArtho dadau brAhmaNasattamebhyaH .. 34..\\
tathaiva tebhyo.abhidadau dvijebhyo 
gavA.n sahasrANi shatAni chaiva . 
yaGYAnsamuddishya cha dakShiNArthe 
lokAnvijetuM paramA.n cha kIrtim .. 35..\\
\medskip\hrule\medskip\centerline{\Largedvng 77}
 bh

etasmineva kAle tu vasiShThamR^iShisattamam . 
ikShvAkuvaMshajo rAjA saudAso dadatA.n varaH .. 1..\\
sarvalokachara.n siddhaM brahmakoshaM sanAtanam . 
purohitamidaM praShTumabhivAdyopachakrame .. 2..\\

 sau

trailokye bhagavanki.n svitpavitra.n kathyate.anagha . 
yatkIrtayansadA martyaH prApnuyAtpuNyamuttamam .. 3..\\

 bh

tasmai provAcha vachanaM praNatAya hita.n tadA . 
gavAmupaniShadvidvAnnamaskR^itya gavA.n shuchiH .. 4..\\
gAvaH surabhigandhinyastathA guggulu gandhikAH . 
gAvaH pratiShThA bhUtAnA.n gAvaH svastyayanaM mahat .. 5..\\
gAvo bhUtaM bhaviShyachcha gAvaH puShTiH sanAtanI . 
gAvo lakShmyAstathA mUla.n goShu dattaM na nashyati . 
anna.n hi satata.n gAvo devAnAM paramaM haviH .. 6..\\
svAhAkAravaShaTkArau goShu nityaM pratiShThitau . 
gAvo yaGYasya hi phala.n goShu yaGYAH pratiShThitAH .. 7..\\
sAyaM pratashcha satata.n homakAle mahAmate . 
gAvo dadati vai homyamR^iShibhyaH puruSharShabha .. 8..\\
kAni chidyAni durgANi duShkR^itAni kR^itAni cha . 
taranti chaiva pApmAna.n dhenu.n ye dadati prabho .. 9..\\
ekA.n cha dashagurdadyAddasha dadyAchcha goshatI . 
shata.n sahasragurdadyAtsarve tulyaphalA hi te .. 10..\\
anAhitAgniH shatagurayajvA cha sahasraguH . 
samR^iddho yashcha kInAsho nArghyamarhanti te trayaH .. 11..\\
kapilA.n ye prayachchhanti sa vatsA.n kA.nsyadohanAm . 
suvratA.n vastrasa.nvItAm ubhau lokau jayanti te .. 12..\\
yuvAnamindriyopeta.n shatena saha yUthapam . 
gavendraM brAhmaNendrAya bhUri shR^i~Ngamala~NkR^itam .. 13..\\
vR^iShabha.n ye prayachchhanti shrotriyAya parantapa . 
aishvarya.n te.abhijAyante jAyamAnAH punaH punaH .. 14..\\
nAkIrtayitvA gAH supyAnnAsmR^itya punarutpatet . 
sAyamprAtarnamasyechcha gAstataH puShTimApnuyAt .. 15..\\
gavAM mUtra purIShasya nodvijeta kadA chana . 
na chAsAM mA.nsamashnIyAdgavA.n vyuShTi.n tathAshnute .. 16..\\
gAshcha sa~NkIrtayennityaM nAvamanyeta gAstathA . 
aniShTa.n svapnamAlakShya gAM naraH samprakIrtayet .. 17..\\
gomayena sadA snAyAdgokarIShe cha sa.nvishet . 
shleShma mUtra purIShANi pratighAta.n cha varjayet .. 18..\\
sArdra charmaNi bhu~njIta nirIkShanvAruNI.n disham . 
vAgyataH sarpiShA bhUmau gavA.n vyuShTi.n tathAshnute .. 19..\\
ghR^itena juhuyAdagni.n ghR^itena svasti vAchayet . 
ghR^ita.n dadyAdghR^itaM prAshedgavA.n vyuShTiM tathAshnute .. 20..\\
gomatyA vidyayA dhenu.n tilAnAmabhimantrya yaH . 
rasaratnamayI.n dadyAnna sa shochetkR^itAkR^ite .. 21..\\
gAvo mAmupatiShThantu hemashR^i~NgAH payo muchaH . 
surabhyaH saurabheyAshcha saritaH sAgara.n yathA .. 22..\\
gAvaH pashyantu mAM nitya.n gAvaH pashyAmyahaM tadA . 
gAvo.asmAka.n vaya.n tAsAM yato gAvastato vayam .. 23..\\
eva.n rAtrau divA chaiva sameShu viShameShu cha . 
mahAbhayeShu cha naraH kIrtayanmuchyate bhayAt .. 24..\\
\medskip\hrule\medskip\centerline{\Largedvng 78}
 vasistha

shata.n varShasahasrANA.n tapastaptaM sudushcharam . 
gobhiH pUrvavisR^iShTAbhirgachchhema shreShThatAm iti .. 1..\\
loke.asmindakShiNAnA.n cha sarvAsA.n vayamuttamAH . 
bhavema na cha lipyema doSheNeti parantapa .. 2..\\
sa eva chetasA tena hato lipyeta sarvadA . 
shakR^itA cha pavitrArtha.n kurvIrandeva mAnuShAH .. 3..\\
tathA sarvANi bhUtAni sthAvarANi charANi cha . 
pradAtArashcha golokAngachchheyuriti mAnada .. 4..\\
tAbhyo vara.n dadau brahmA tapaso.ante svayamprabhuH . 
evaM bhavatviti vibhurlokA.nstArayateti cha .. 5..\\
uttasthuH siddhikAmAstA bhUtabhavyasya mAtaraH . 
tapaso.ante mahArAja gAvo lokaparAyaNAH .. 6..\\
tasmAdgAvo mahAbhAgAH pavitraM paramuchyate . 
tathaiva sarvabhUtAnA.n gAvastiShThanti mUrdhani .. 7..\\
samAnavatsA.n kapilAM dhenuM dattvA payasvinIm . 
suvratA.n vastrasa.nvItAM brahmaloke mahIyate .. 8..\\
rohiNI.n tulyavatsAM tu dhenuM dattvA payasvinIm . 
suvratA.n vastrasa.nvItAM sUryaloke mahIyate .. 9..\\
samAnavatsA.n shabalA.n dhenuM dattvA payasvinIm . 
suvratA.n vastrasa.nvItAM somaloke mahIyate .. 10..\\
samAnavastA.n shvetA.n tu dhenuM dattvA payasvinIm . 
suvratA.n vastrasa.nvItAmindraloke mahIyate .. 11..\\
samAnavatsA.n kR^iShNAM tu dhenuM dattvA payasvinIm . 
suvratA.n vastrasa.nvItAmagniloke mahIyate .. 12..\\
samAnavatsA.n dhUmrAM tu dhenuM dattvA payasvinIm . 
suvratA.n vastrasa.nvItAM yAmya loke mahIyate .. 13..\\
apAM phenasavarNA.n tu sa vatsAM kA.nsyadohanAm . 
pradAya vastrasa.nvItA.n vAruNaM lokamashnute .. 14..\\
vAtareNu savarNA.n tu sa vatsAM kA.nsyadohanAm . 
pradAya vastrasa.nvItA.n vAyuloke mahIyate .. 15..\\
hiraNyavarNAM pi~NgAkShI.n sa vatsA.n kA.nsyadohanAm . 
pradAya vastrasa.nvItA.n kaubera.n lokamashnute .. 16..\\
palAla dhUmravarNA.n tu sa vatsAM kA.nsyadohanAm . 
pradAya vastrasa.nvItAM pitR^iloke mahIyate .. 17..\\
sa vatsAM pIvarI.n dattvA shitikaNThAmala~NkR^itAm . 
vaishvadevamasambAdha.n sthAnaM shreShThaM prapadyate .. 18..\\
samAnavatsA.n gaurIM tu dhenuM dattvA payasvinIm . 
suvratA.n vastrasa.nvItAM vasUnAM lokamashnute .. 19..\\
pANDukambala varNA.n tu sa vatsAM kA.nsyadohanAm . 
pradAya vastrasa.nvItA.n sAdhAnAM lokamashnute .. 20..\\
vairATa pR^iShThamukShANa.n sarvaratnairala.n kR^itam . 
pradAya marutA.n lokAnajarAnpratipadyate .. 21..\\
vatsopapannAM nIlA~NgA.n sarvaratnasamanvitAm . 
gandharvApsarasA.n lokAndattvA prApnoti mAnavaH .. 22..\\
shitikaNThamanaDvAha.n sarvaratnairala~NkR^itam . 
dattvA prajApaterlokAnvishokaH pratipadyate .. 23..\\
gopradAna rato yAti bhittvA jaladasa~ncayAn . 
vimAnenArka varNena divi rAjanvirAjatA .. 24..\\
ta.n chAruveShAH sushroNyaH sahasra.n varayoShitaH . 
ramayanti narashreShTha gopradAna rataM naram .. 25..\\
vINAnA.n vallakInA.n cha nUpurANAM cha shi~njitaiH . 
hAsaishcha hariNAkShINAM prasuptaH pratibodhyate .. 26..\\
yAvanti lomAni bhavanti dhenvAs 
tAvanti varShANi mahIyate saH . 
svargAchchyutashchApi tato nR^iloke 
kule samutpatsyati gominA.n saH .. 27..\\
\medskip\hrule\medskip\centerline{\Largedvng 79}
 v

ghR^itakShIrapradA gAvo ghR^itayonyo ghR^itodbhavAH . 
ghR^itanadyo ghR^itAvartAstA me santu sadA gR^ihe .. 1..\\
ghR^itaM me hR^idaye nitya.n ghR^itaM nAbhyAM pratiShThitam . 
ghR^ita.n sarvR^iShu gAtreShu ghR^itaM me manasi sthitam .. 2..\\
gAvo mamAgrato nitya.n gAvaH pR^iShThata eva cha . 
gAvo me sarvatashchaiva gavAM madhye vasAmyaham .. 3..\\
ityAchamya japetsAyamprAtashcha puruShaH sadA . 
yadahnA kurute pApa.n tasmAtsa parimuchyate .. 4..\\
prAsAdA yatra sauvarNA vasordhArA cha yatra sA . 
gandharvApsaraso yatra tatra yAnti sahasradAH .. 5..\\
nava nIta pa~NkAH kShIrodA dadhi shaivalasa~NkulAH . 
vahanti yatra nadyo vai yatra yAnti sahasradAH .. 6..\\
gavA.n shatasahasra.n tu yaH prayachchhedyathAvidhi . 
parAmR^iddhimavApyAtha sa goloke mahIyate .. 7..\\
dasha chobhayataH pretya mAtApitroH pitAmahAn . 
dadhAti sukR^itA.NllokAnpunAti cha kulaM naraH .. 8..\\
dhenvAH pramANena samapramANAM 
dhenu.n tilAnAmapi cha pradAya . 
pAnIya dAtA cha yamasya loke 
na yAtanA.n kAM chidupaiti tatra .. 9..\\
pavitramagrya.n jagataH pratiShThA 
divaukasAM mAtaro.athAprameyAH . 
anvAlabheddakShiNato vrajechcha 
dadyAchcha pAtre prasamIkShya kAlam .. 10..\\
dhenu.n sa vatsA.n kapilAM bhUri shR^i~NgAM 
kA.nsyopadohA.n vasanottarIyAm . 
pradAya tA.n gAhati durvigAhyAM 
yAmyA.n sabhAM vItabhayo manuShyaH .. 11..\\
surUpA bahurUpAshcha vishvarUpAshcha mAtaraH . 
gAvo mAmupatiShThantAmiti nityaM prakIrtayet .. 12..\\
nAtaH puNyatara.n dAnaM nAtaH puNyataraM phalam . 
nAto vishiShTa.n lokeShu bhUtaM bhavitumarhati .. 13..\\
tvachA lomnAtha shR^i~Ngaishcha vAlaiH kShIreNa medasA . 
yaGYa.n vahanti sambhUya kimastyabhyadhika.n tataH .. 14..\\
yayA sarvamida.n vyApta.n jagatsthAvaraja~Ngamam . 
tA.n dhenu.n shirasA vande bhUtabhavyasya mAtaram .. 15..\\
guNavachana samuchchayaika desho 
nR^ipava mayaiSha gavAM prakIrtitaste . 
na hi paramiha dAnamasti gobhyo 
bhavanti na chApi parAyaNa.n tathAnyat .. 16..\\

 bh

paramidamiti bhUmipo vichintya 
pravaramR^iShervachana.n tato mahAtmA . 
vyasR^ijata niyatAtmavAndvijebhyo 
subahu cha godhanamAptavAMshcha lokAn .. 17..\\
\medskip\hrule\medskip\centerline{\Largedvng 80}
 y

pavitrANAM pavitra.n yachchhreShThaM loke cha yadbhavet . 
pAvanaM parama.n chaiva tanme brUhi pitAmaha .. 1..\\

 bh

gAvo mahArthAH puNyAshcha tArayanti cha mAnavAn . 
dhArayanti prajAshchemAH payasA haviShA tathA .. 2..\\
na hi puNyatama.n kiM chidgobhyo bharatasattama . 
etAH pavitrAH puNyAshcha triShu lokeShvanuttamAH .. 3..\\
devAnAmupariShTAchcha gAvaH prativasanti vai . 
dattvA chaitA narapate yAnti svargaM manIShiNaH .. 4..\\
mAndhAtA yauvanAshvashcha yayAtirnahuShastathA . 
gAvo dadantaH satata.n sahasrashatasaMmitAH . 
gatAH paramaka.n sthAna.n devairapi sudurlabham .. 5..\\
api chAtra purAvR^itta.n kathayiShyAmi te.anagha .. 6..\\
R^iShINAmuttama.n dhImAnkR^iShNadvaipAyana.n shukaH . 
abhivAdyAhnika.n kR^itvA shuchiH prayata mAnasaH . 
pitaraM paripaprachchha dR^iShTalokaparAvaram .. 7..\\
ko yaGYaH sarvayaGYAnA.n variShTha upalakShyate . 
ki.n cha kR^itvA para.n svargaM prApnuvanti manIShiNaH .. 8..\\
kena devAH pavitreNa svargamashnanti vA vibho . 
ki.n cha yaGYTasya yaGYatvaM kva cha yaGYaH pratiShThitaH .. 9..\\
dAnAnAmuttama.n kiM cha kiM cha satramataH param . 
pavitrANAM pavitra~nca yattadbrUhi mamAnagha .. 10..\\
etachchhrutvA tu vachana.n vyAsaH paramadharmavit . 
putrAyAkathayatsarva.n tattvena bharatarShabha .. 11..\\

 v

gAvaH pratiShThA bhUtAnA.n tathA gAvaH parAyaNam . 
gAvaH puNyAH pavitrAshcha pAvana.n dharma eva cha .. 12..\\
pUrvamAsanna shR^i~NgA vai gAva ityanushushrumaH . 
shR^i~NgArthe samupAsanta tAH kila prabhumavyayam .. 13..\\
tato brahmA tu gAH prAyamupaviShTAH samIkShya ha . 
IpsitaM pradadau tAbhyo gobhya pratyekashaH prabhuH .. 14..\\
tAsa.n shR^i~NgANyajAyanta yasyA yAdR^i~N manogatam . 
nAnAvarNAH shR^i~NgavantyastA vyarochanta putraka .. 15..\\
brahmaNA varadattAstA havyakavya pradAH shubhAH . 
puNyAH pavitrAH subhagA divyasa.nsthAna lakShaNAH . 
gAvastejo mahaddivya.n gavAM dAnaM prashasyate .. 16..\\
ye chaitAH samprayachchhanti sAdhavo vItamatsarAH . 
te vai sukR^itinaH proktAH sarvadAnapradAsh cha te . 
gavA.n lokaM yathA puNyamApnuvanti cha te.anagha .. 17..\\
yatra vR^ikShA madhu phalA divyapuShpaphalopagAH . 
puShpANi cha sugandhIni divyAni dvijasattama .. 18..\\
sarvA maNimayI bhUmiH sUkShmakA~nchanavAlukA . 
sarvatra sukhasa.nsparshA niShpa~NkA nIrajA shubhA .. 19..\\
raktotpalavanaishchaiva maNidaNDairhiraNmayaiH . 
taruNAdityasa~NkAshairbhAnti tatra jalAshayAH .. 20..\\
mahArhAmaNi patraishcha kA~nchanaprabha kesaraiH . 
nIlotpalavimishraishcha sarobhirbahu pa~NkajaiH .. 21..\\
karavIra vanaiH phullaiH sahasrAvarta sa.nvR^itaiH . 
santAnakavanaiH phullairvR^ikShaishcha samala~NkR^itAH .. 22..\\
nirmalAbhishcha muktAbhirmaNibhishcha mahAdhanaiH . 
uddhUta pulinAstatra jAtarUpaishcha nimnagAH .. 23..\\
sarvaratnamayairshchitrairavagADhA nagottamaiH . 
jAtarUpamayaishchAnyairhutAshanasamaprabhaiH .. 24..\\
sauvarNagirayastatra maNiratnashilochchayAH . 
sarvaratnamayairbhAnti shR^i~NgaishchArubhiruchchhritaiH .. 25..\\
nityapuShpaphalAstatra nagAH patrarathAkulAH . 
divyagandharasaiH puShpaiH phalaishcha bharatarShabha .. 26..\\
ramante puNyakarmANastatra nitya.n yudhiShThira . 
sarvakAmasamR^iddhArthA niHshokA gatamanyavaH .. 27..\\
vimAneShu vichitreShu ramaNIyeShu bhArata . 
modante puNyakarmANo viharanto yashasvinaH .. 28..\\
upakrIDanti tAnrAja~nshubhAshchApsarasA.n gaNAH . 
elA.NllokAnavApnoti gA.n dattvA vai yudhiShThira .. 29..\\
yAsAmadhipatiH pUShA mAruto balavAnbalI . 
aishvarye varuNo rAjA tA mAM pAntu yugandharAH .. 30..\\
surUpA bahurUpAshcha vishvarUpAshcha mAtaraH . 
prAjApatyA iti brahma~njapennitya.n yatavrataH .. 31..\\
gAstu shushrUShate yashcha samanveti cha sarvashaH . 
tasmai tuShTAH prayachchhanti varAnapi sudurlabhAn .. 32..\\
na druhyenmanasA chApi goShu tA hi sukhapradAH . 
archayeta sadA chaiva namaH kAraishcha pUjayet . 
dAntaH prItamanA nitya.n gavA.n vyuShTiM tathAshnute .. 33..\\
yena devAH pavitreNa bhu~njate lokamuttamam . 
yatpavitraM pavitrANA.n tadghR^ita.n shirasA vahet .. 34..\\
ghR^itena juhuyAdagni.n ghR^itena svasti vAchayet . 
ghR^itaM prAshedghR^ita.n dadyAdgavA.n vyuShTiM tathAshnute .. 35..\\
tryahamuShNaM pibenmUtra.n tryahamuShNaM pibetpayaH . 
gavAmuShNaM payaH pItvA tyahamuShNa.n ghR^itaM pibet . 
tryahamuShNa.n ghR^itaM pItvA vAyubhakSho bhavettryaham .. 36..\\
nirhR^itaishcha yavairgobhirmAsaM prasR^ita yAvakaH . 
brahmahatyA samaM pApa.n sarvametena shudhyati .. 37..\\
parAbhavArtha.n daityAnAM devaiH shauchamidaM kR^itam . 
devatvamapi cha prAptAH sa.nsiddhAshcha mahAbalAH .. 38..\\
gAvaH pavitrAH puNyAshcha pAvanaM paramaM mahat . 
tAshcha dattvA dvijAtibhyo naraH svargamupAshnute .. 39..\\
gavAM madhye shuchirbhUtvA gomatIM manasA japet . 
pUtAbhiradbhirAchamya shuchirbhavati nirmalaH .. 40..\\
agnimadhye gavAM madhye brAhmaNAnA.n cha sa.nsadi . 
vidyA veda vratasnAtA brAhmaNAH puNyakarmiNaH .. 41..\\
adhyApayera~nshiShyAnvai gomatI.n yaGYasaMmitAm . 
trirAtropoShitaH shrutvA gomatI.n labhate varam .. 42..\\
putra kAmashcha labhate putra.n dhanamathApi cha . 
patikAmA cha bhartAra.n sarvakAmAMshcha mAnavaH . 
gAvastuShTAH prayachchhanti sevitA vai na saMshayaH .. 43..\\
evametA mahAbhAgA yaGYiyAH sarvakAmadAH . 
rohiNya iti jAnIhi naitAbhyo vidyate param .. 44..\\
ityuktaH sa mahAtejAH shukaH pitrA mahAtmanA . 
pUjayAmAsa gA nitya.n tasyAttvamapi pUjaya .. 45..\\
\medskip\hrule\medskip\centerline{\Largedvng 81}
 y

mayA gavAM purISha.n vai shriyA juShTamiti shrutam . 
etadichchhAmyaha.n shrotuM saMshayo.atra hi me mahAn .. 1..\\

 bh

atrApyudAharantImamitihAsaM purAtanam . 
gobhirnR^ipeha sa.nvAda.n shriyA bharatasattama .. 2..\\
shrIH kR^itveha vapuH kAnta.n gomadhyaM pravivesha ha . 
gAvo.atha vismitAstasyA dR^iShTvA rUpasya sampadam .. 3..\\

 gaavah

kAsi devi kuto vA tva.n rUpeNApratimA bhuvi . 
vismitAH sma mahAbhAge tava rUpasya sampadA .. 4..\\
ichchhAmastvA.n vayaM GYAtu.n kA tvaM kva cha gamiShyasi . 
tattvena cha suvarNAbhe sarvametadbravIhi naH .. 5..\\

 zrii

lokakAntAsmi bhadra.n vaH shrIrnAmneha parishrutA . 
mayA daityAH parityaktA vinaShTAH shAshvatIH samAH .. 6..\\
indro vivasvAnsomashcha viShNurApo.agnireva cha . 
mayAbhipannA R^idhyante R^iShayo devatAstathA .. 7..\\
yAMshcha dviShAmyaha.n gAvaste vinashyanti sarvashaH . 
dharmArthakAmahInAshcha te bhavantyasukhAnvitAH .. 8..\\
evaM prabhAvAM mA.n gAvo vijAnIta sukhapradAm . 
ichchhAmi chApi yuShmAsu vastu.n sarvAsu nityadA . 
AgatA prArthayAnAha.n shrIjuShTA bhavatAnaghAH .. 9..\\

 gaavah

adhruvA.n cha~nchalAM cha tvA.n sAmAnyAM bahubhiH saha . 
na tvAmichchhAmi bhadra.n te gamyatA.n yatra rochate .. 10..\\
vapuShmantyo vaya.n sarvAH kimasmAka.n tvayAdya vai . 
yatreShTa.n gamyatAM tatra kR^itakAryA vayaM tvayA .. 11..\\

 zrii

kimetadvaH kShama.n gAvo yanmAM nehAbhyanandatha . 
na mA.n samprati gR^ihNItha kasmAdvai durlabhAM satIm .. 12..\\
satyashcha lokavAdo.aya.n loke charati suvratAH . 
svayaM prApte paribhavo bhavatIti vinishchayaH .. 13..\\
mahadugra.n tapaH kR^itvA mAM niShevanti mAnavAH . 
devadAnavagandharvAH pishAchoragarAkShasAH .. 14..\\
kShamametaddhi vo gAvaH pratigR^ihNIta mAm iha . 
nAvamanyA hyaha.n saumyAstriloke sa charAchare .. 15..\\

 gaavah

nAvamanyAmahe devi na tvAM paribhavAmahe . 
adhruvA chalachittAsi tatastvA.n varjayAmahe .. 16..\\
bahunAtra kimuktena gamyatA.n yatra vA~nchhasi . 
vapuShmatyo vaya.n sarvAH kimasmAka.n tvayAnagha .. 17..\\

 zrii

avaGYAtA bhaviShyAmi sarvalokeShu mAnadAH . 
pratyAkhyAnena yuShmAbhiH prasAdaH kriyatAm iti .. 18..\\
mahAbhAgA bhavatyo vai sharaNyAH sharaNAgatAm . 
paritrAyantu mAM nityaM bhajamAnAmaninditAm . 
mAnanA.n tvahamichchhAmi bhavatyaH satata.n shubhAH .. 19..\\
apyekA~Nke tu vo vastumichchhAmi cha sukutsite . 
na vo.asti kutsita.n kiM chida~NgeShvAlakShyate.anaghAH .. 20..\\
puNyAH pavitrAH subhagA mamAdeshaM prayachchhata . 
vaseya.n yatra chA~Nge.aha.n tanme vyAkhyAtumarhatha .. 21..\\

 bh

evamuktAstu tA gAvaH shubhAH karuNavatsalAH . 
saMmantrya sahitAH sarvAH shriyamUchurnarAdhipa .. 22..\\
avashyaM mAnanA kAryA tavAsmAbhiryashasvini . 
shakR^inmUtre nivasa naH puNyametaddhi naH shubhe .. 23..\\

 zrii

diShTyA prasAdo yuShmAbhiH kR^ito me.anugrahAtmakaH . 
evaM bhavatu bhadra.n vaH pUjitAsmi sukhapradAH .. 24..\\

 bh

eva.n kR^itvA tu samaya.n shrIrgobhiH saha bhArata . 
pashyantInA.n tatastAsAM tatraivAntaradhIyata .. 25..\\
etadgoshakR^itaH putra mAhAtmya.n te.anuvarNitam . 
mahAtmya.n cha gavAM bhUyaH shrUyatAM gadato mama .. 26..\\
\medskip\hrule\medskip\centerline{\Largedvng 82}
 bh

ye cha gAH samprayachchhanti hutashiShTAshinash cha ye . 
teShA.n satrANi yaGYAshcha nityameva yudhiShThira .. 1..\\
R^ite dadhighR^iteneha na yaGYaH sampravartate . 
tena yaGYasya yaGYatvamato mUla.n cha lakShyate .. 2..\\
dAnAnAmapi sarveShA.n gavAM dAnaM prashasyate . 
gAvaH shreShThAH pavitrAshcha pAvana.n hyetaduttamam .. 3..\\
puShTyarthametAH seveta shAntyarthamapi chaiva ha . 
payo dadhighR^ita.n yAsAM sarvapApapramochanam .. 4..\\
gAvastejaH paraM proktamiha loke paratra cha . 
na gobhyaH parama.n kiM chitpavitraM puruSharShabha .. 5..\\
atrApyudAharantImamitihAsaM purAtanam . 
pitAmahasya sa.nvAdamindrasya cha yudhiShThira .. 6..\\
parA bhUteShu daityeShu shakre tribhuvaneshvare . 
prajAH samuditAH sarvAH satyadharmaparAyaNAH .. 7..\\
atharShayaH sa gandharvAH kiMnaroragarAkShasAH . 
devAsurasuparNAshcha prajAnAM patayastathA . 
paryupAsanta kauravya kadA chidvai pitAmaham .. 8..\\
nAradaH parvatashchaiva vishvAvasuhahAhuhU . 
divyatAneShu gAyantaH paryupAsanta taM prabhum .. 9..\\
tatra divyAni puShpANi prAvahatpavanastathA . 
AjahrurR^itavashchApi sugandhIni pR^ithakpR^ithak .. 10..\\
tasmindevasamAvAye sarvabhUtasamAgame . 
divyavAditra sa~NghuShTe divyastrI chAraNAvR^ite . 
indraH paprachchha deveshamabhivAdya praNamya cha .. 11..\\
devAnAM bhagavankasmAllokeshAnAM pitAmaha . 
upariShTAdgavA.n loka etadichchhAmi veditum .. 12..\\
ki.n tapo brahmacharya.n vA gobhiH kR^itamiheshvara . 
devAnAmupariShTAdyadvasantyarajasaH sukham .. 13..\\
tatra provAcha taM brahmA shakraM balanisUdanam . 
avaGYAtAstvayA nitya.n gAvo balanisUdana .. 14..\\
tena tvamAsAM mAhAtmyaM na vettha shR^iNu tatprabho . 
gavAM prabhAvaM paramaM mAhAtmya.n cha surarShabha .. 15..\\
yaGYA~Nga.n kathitA gAvo yaGYa eva cha vAsava . 
etAbhishchApyR^ite yaGYo na pravartetkatha.n chana .. 16..\\
dhArayanti prajAshchaiva payasA haviShA tathA . 
etAsA.n tanayAshchApi kR^iShiyogamupAsate .. 17..\\
janayanti cha dhAnyAni bIjAni vividhAni cha . 
tato yaGYAH pravartante havya.n kavyaM cha sarvashaH .. 18..\\
payo dadhighR^ita.n chaiva puNyAshchaitAH surAdhipa . 
vahanti vividhAnbhArAnkShutkR^iShNA paripIDitAH .. 19..\\
munIMshcha dhArayantIha prajAshchaivApi karmaNA . 
vAsavAkUTa vAhinyaH karmaNA sukR^itena cha . 
upariShTAttato.asmAka.n vasantyetAH sadaiva hi .. 20..\\
etatte kAraNa.n shakra nivAsakR^itamadya vai . 
gavA.n devopariShTAddhi samAkhyAta.n shatakrato .. 21..\\
etA hi varadattAshcha varadAshchaiva vAsava . 
saurabhyaH puNyakarmiNyaH pAvanAH shubhalakShaNAH .. 22..\\
yadartha.n gA gatAshchaiva saurabhyaH surasattama . 
tachcha me shR^iNu kArtsnyena vadato balasUdana .. 23..\\
purA devayuge tAta daityendreShu mahAtmasu . 
trI.NllokAnanushAsatsu viShNau garbhatvamAgate .. 24..\\
adityAstapyamAnAyAstapo ghora.n sushushcharam . 
putrArthamamara shreShTha pAdenaikena nityadA .. 25..\\
tA.n tu dR^iShTvA mahAdevIM tapyamAnAM mahattapaH . 
dakShasya duhitA devI surabhirnAma nAmataH .. 26..\\
atapyata tapo ghora.n hR^iShTA dharmaparAyaNA . 
kailAsashikhare ramye devagandharvasevite .. 27..\\
vyatiShThadekapAdena parama.n yogamAsthitA . 
dashavarShasahasrANi dashavarShashatAni cha .. 28..\\
santaptAstapasA tasyA devAH sarShimahoragAH . 
tatra gatvA mayA sArdhaM paryupAsanta tA.n shubhAm .. 29..\\
athAhamabruva.n tatra devIM tAM tapasAnvitAm . 
kimartha.n tapyate devi tapo ghoramanindite .. 30..\\
prItaste.ahaM mahAbhAge tapasAnena shobhane . 
varayasva vara.n devi dAtAsmIti purandara .. 31..\\

 surabhii

vareNa bhagavanmahya.n kR^ita.n lokapitAmaha . 
eSha eva varo me.adya yatprIto.asi mamAnagha .. 32..\\

 br

tAmevaM bruvatI.n devI.n surabhIM tridasheshvara . 
pratyavruva.n yaddevaindra tannibodha shachIpate .. 33..\\
alobha kAmyayA devi tapasA cha shubhena te . 
prasanno.aha.n vara.n tasmAdamaratvaM dadAni te .. 34..\\
trayANAmapi lokAnAmupariShTAnnivatsyasi . 
matprasAdAchcha vikhyAto golokaH sa bhaviShyati .. 35..\\
mAnuSheShu cha kurvANAH prajAH karmasutAstava . 
nivatsyanti mahAbhAge sarvA duhitarash cha te .. 36..\\
manasA chintitA bhogAstvayA vai divyamAnuShAH . 
yachcha svargasukha.n devi tatte sampatsyate shubhe .. 37..\\
tasyA lokAH sahasrAkSha sarvakAmasamanvitAH . 
na tatra kramate mR^ityurna jarA na cha pAvakaH . 
na dainyaM nAshubha.n kiM chidvidyate tatra vAsava .. 38..\\
tatra divyAnyaraNyAni divyAni bhavanAni cha . 
vimAnAni cha yuktAni kAmagAni cha vAsava .. 39..\\
vrataishcha vividhaiH puNyaistathA tIrthAnusevanAt . 
tapasA mahatA chaiva sukR^itena cha karmaNA . 
shakyaH samAsAdayitu.n golokaH puShkarekShaNa .. 40..\\
etatte sarvamAkhyAtaM mayA shakrAnupR^ichchhate . 
na te paribhavaH kAryo gavAmarinisUdana .. 41..\\

 bh

etachchhrutvA sahasrAkShaH pUjayAmAsa nityadA . 
gAshchakre bahumAna.n cha tAsu nitya.n yudhiShThira .. 42..\\
etatte sarvamAkhyAtaM pAvana.n cha mahAdyute . 
pavitraM parama.n chApi gavAM mAhAtmyamuttamam . 
kIrtitaM puruShavyAghra sarvapApavinAshanam .. 43..\\
ya ida.n kathayennityaM brAhmaNebhyaH samAhitaH . 
havyakavyeShu yaGYeShu pitR^ikAryeShu chaiva ha . 
sArvakAmikamakShayyaM pitR^I.nstasyopatiShThati .. 44..\\
goShu bhaktashcha labhate yadyadichchhati mAnavaH . 
striyo.api bhaktA yA goShu tAshcha kAmAnavApnuyuH .. 45..\\
putrArthI labhate putra.n kanyA patimavApnuyAt . 
dhanArthI labhate vitta.n dharmArthI dharmamApnuyAt .. 46..\\
vidyArthI prApnuyAdvidyA.n sukhArthI prApnuyAtsukham . 
na ki.n chiddurlabhaM chaiva gavAM bhaktasya bhArata .. 47..\\
\medskip\hrule\medskip\centerline{\Largedvng 83}
 y

uktaM pitAmaheneda.n gavAM dAnamanuttamam . 
visheSheNa narendrANAmiti dharmamavekShatAm .. 1..\\
rAjya.n hi satata.n duHkhamAshramAshcha sudurvidAH . 
parivAreNa vai duHkha.n durdharaM chAkR^itAtmabhiH . 
bhUyiShTha.n cha narendrANA.n vidyate na shubhA gatiH .. 2..\\
pUyante te.atra niyataM prayachchhanto vasundharAm . 
pUrva.n cha kathitA dharmAstvayA me kurunandana .. 3..\\
evameva gavAmuktaM pradAna.n te nR^igeNNa ha . 
R^iShiNA nAchiketena pUrvameva nidarshitam .. 4..\\
vedopaniShade chaiva sarvakarmasu dakShiNA . 
sarvakratuShu choddiShTaM bhUmirgAvo.atha kA~nchanam .. 5..\\
tatra shrutistu paramA suvarNa.n dakShiNeti vai . 
etadichchhAmyaha.n shrotuM pitAmaha yathAtatham .. 6..\\
ki.n suvarNa.n kathaM jAtaM kasminkAle kimAtmakam . 
ki.n dAnaM kiM phalaM chaiva kasmAchcha paramuchyate .. 7..\\
kasmAddAna.n suvarNasya pUjayanti manIShiNaH . 
kasmAchcha dakShiNArtha.n tadyaGYakarmasu shasyate .. 8..\\
kasmAchcha pAvana.n shreShThaM bhUmergobhyashcha kA~nchanam . 
parama.n dakShiNArthe cha tadbravIhi pitAmaha .. 9..\\

 bh

shR^iNu rAjannavahito bahu kAraNavistaram . 
jAtarUpasamutpattimanubhUta.n cha yanmayA .. 10..\\
pitA mama mahAtejAH shantanurnidhana.n gataH . 
tasya ditsuraha.n shrAddha.n ga~NgA dvAramupAgamam .. 11..\\
tatrAgamya pituH putra shrAdha karma samArabham . 
mAtA me jAhnavI chaiva sAhAyyamakarottadA .. 12..\\
tato.agratastapaHsiddhAnupaveshya bahUnR^iShIn . 
toyapradAnAtprabhR^iti kAryANyahamathArabham .. 13..\\
tatsamApya yathoddiShTaM pUrvakarma samAhitaH . 
dAtuM nirvapaNa.n samyagyathAvadahamArabham .. 14..\\
tatasta.n darbhavinyAsaM bhittvA suruchirA~NgadaH . 
pralambAbharaNo bAhurudatiShThadvishAM pate .. 15..\\
tamutthitamaha.n dR^iShTvA para.n vismayamAgamam . 
pratigrahItA sAkShAnme piteti bharatarShabha .. 16..\\
tato me punarevAsItsa~nj~nA sa~ncintya shAstrataH . 
nAya.n vedeShu vihito vidhirhasta iti prabho . 
piNDo deyo nareNeha tato matirabhUnmama .. 17..\\
sAkShAnneha manuShyasya pitaro.antarhitAH kva chit . 
gR^ihNanti vihita.n tvevaM piNDo deyaH kusheShvapi .. 18..\\
tato.aha.n tadanAdR^itya piturhastanidarshanam . 
shAstrapramANAtsUkShma.n tu vidhiM pArthiva sa.nsmaran .. 19..\\
tato darbheShu tatsarvamadadaM bharatarShabha . 
shAstramArgAnusAreNa tadviddhi manujarShabha .. 20..\\
tataH so.antarhito bAhuH puturmama narAdhipa . 
tato mA.n darshayAmAsuH svapnAnte pitarastadA .. 21..\\
prIyamANAstu mAmUchuH prItAH sma bharatarShabha . 
viGYAnena tavAnena yanna muhyasi dharmataH .. 22..\\
tvayA hi kurvatA shAstraM pramANamiha pArthiva . 
AtmA dharmaH shruta.n vedAH pitarashcha maharShibhiH .. 23..\\
sAkShAtpitAmaho brahmA guravo.atha prajApatiH . 
pramANamupanItA vai sthitishcha na vichAlitA .. 24..\\
tadida.n samyagArabdha.n tvayAdya bharatarShabha . 
ki.n tu bhUmergavAM chArthe suvarNaM dIyatAm iti .. 25..\\
eva.n vaya.n cha dharmashcha sarve chAsmatpitAmahAH . 
pAvitA vai bhaviShyanti pAvanaM parama.n hi tat .. 26..\\
dasha pUrvAndasha parA.nstathA santArayanti te . 
suvarNa.n ye prayachchhanti evaM me pitaro.abruvan .. 27..\\
tato.aha.n vismito rAjanpratibuddho vishAM pate . 
suvarNadAne.akaravaM matiM bharatasattama .. 28..\\
itihAsamima.n chApi shR^iNu rAjanpurAtanam . 
jAmadagnyaM prati vibho dhAnyamAyuShyameva cha .. 29..\\
jAmadagnyena rAmeNa tIvraroShAnvitena vai . 
triH saptakR^itvaH pR^ithivI kR^itA niH kShatriyA purA .. 30..\\
tato jitvA mahI.n kR^itsnA.n rAmo rAjIvalochanaH . 
AjahAra kratu.n vIro brahmakShatreNa pUjitam .. 31..\\
vAjimedhaM mahArAja sarvakAmasamanvitam . 
pAvana.n sarvabhUtAnA.n tejo dyutivivardhanam .. 32..\\
vipApmApi sa tejasvI tena kratuphalena vai . 
naivAtmano.atha laghutA.n jAmadagnyo.abhyagachchhata .. 33..\\
sa tu kratuvareNeShTvA mahAtmA dakShiNAvatA . 
paprachchhAgama sampannAnR^iShIndevAMshcha bhArgavaH .. 34..\\
pAvana.n yatparaM nR^INAmugre karmaNi vartatAm . 
taduchyatAM mahAbhAgA iti jAtaghR^iNo.abravIt . 
ityuktA veda shAstraGYAste tamUchurmaharShayaH .. 35..\\

 vasistha

devatAste prayachchhanti suvarNa.n ye dadatyuta . 
agnirhi devatAH sarvAH suvarNa.n cha tadAtmakam .. 36..\\
tasmAtsuvarNa.n dadatA dattAH sarvAshcha devatAH . 
bhavanti puruShavyAghra na hyataH parama.n viduH .. 37..\\
bhUya eva cha mAhAtmya.n suvarNasya nibodha me . 
gadato mama viprarShe sarvashastrabhR^itA.n vara .. 38..\\
mayA shrutamidaM pUrvaM purANe bhR^igunandana . 
prajApateH kathayato manoH svAyambhuvasya vai .. 39..\\
shUlapANerbhagavato rudrasya cha mahAtmanaH . 
girau himavati shreShThe tadA bhR^igukulodvaha .. 40..\\
devyA vivAhe nirvR^itte rudrANyA bhR^igunandana . 
samAgame bhagavato devyA saha mahAtmanaH . 
tataH sarve samudvignA bhagavantamupAgaman .. 41..\\
te mahAdevamAsIna.n devIM cha varadAmumAm . 
prasAdya shirasA sarve rudramUchurbhR^igUdvaha .. 42..\\
aya.n samAgamo devadevyAH saha tavAnagha . 
tapasvinastapasvinyA tejasvinyAti tejasaH . 
amoghatejAstva.n devadevI cheyamumA tathA .. 43..\\
apatya.n yuvayordeva balavadbhavitA prabho . 
tannUna.n triShu lokeShu na kiM chichchheShayiShyati .. 44..\\
tadebhyaH praNatebhyastva.n devebhyaH pR^ithulochana . 
varaM prayachchha lokesha trailokyahitakAmyayA . 
apatyArthaM nigR^ihNIShva tejo jvalitamuttamam .. 45..\\
iti teShA.n kathayatAM bhagavAngovR^iShadhvajaH . 
evamastviti devA.nstAnviprarShe pratyabhAShata .. 46..\\
ityuktvA chordhvamanayattadreto vR^iShavAhanaH . 
UrdhvaretAH samabhavattataH prabhR^iti chApi saH .. 47..\\
rudrANI tu tataH kruddhA prajochchhede tathA kR^ite . 
devAnathAbravIttatra strIbhAvAtparuSha.n vachaH .. 48..\\
yasmAdapatyakAmo vai bhartA me vinivartitaH . 
tasmAtsarve surA yUyamanapatyA bhaviShyatha .. 49..\\
prajochchhedo mama kR^ito yasmAdyuShmAbhiradya vai . 
tasmAtprajA vaH khagamAH sarveShAM na bhaviShyati .. 50..\\
pAvakastu na tatrAsIchchhApakAle bhR^igUdvaha . 
devA devyAstathA shApAdanapatyAstadAbhavan .. 51..\\
rudrastu tejo.apratima.n dhArayAmAsa tattadA . 
praskanna.n tu tatastasmAtkiM chittatrApatadbhuvi .. 52..\\
tatpapAta tadA chAgnau vavR^idhe chAdbhutopamam . 
tejastejasi sampR^iktamekayonitvamAgatam .. 53..\\
etasminneva kAle tu devAH shakrapurogamAH . 
asurastArako nAma tena santApitA bhR^isham .. 54..\\
AdityA vasavo rudrA maruto.athAshvinAvapi . 
sAdhyAshcha sarve santrastA daiteyasya parAkramAt .. 55..\\
sthAnAni devatAnA.n hi vimAnani purANi cha . 
R^iShINAmAshramAshchaiva babhUvurasurairhR^itAH .. 56..\\
te dInamanasaH sarve devAshcha R^iShayash cha ha . 
prajagmuH sharaNa.n devaM brahmANamajaraM prabhum .. 57..\\
\medskip\hrule\medskip\centerline{\Largedvng 84}
 devaah

asurastArako nAma tvayA dattavaraH prabho . 
surAnR^iShIMshcha klishnAti vadhastasya vidhIyatAm .. 1..\\
tasmAdbhaya.n samutpannamasmAkaM vai pitAmaha . 
paritrAyasva no deva na hyanyA gatirasti naH .. 2..\\

 br

samo.aha.n sarvabhUtAnAmadharmaM neha rochaye . 
hanyatA.n tArakaH kShipra.n surarShigaNabAdhakaH .. 3..\\
vedA dharmA cha notsAda.n gachchheyuH surasattamAH . 
vihitaM pUrvamevAtra mayA vai vyetu vo jvaraH .. 4..\\

 devaah

varadAnAdbhagavato daiteyo balagarvitaH . 
devairna shakyate hantu.n sa kathaM prashamaM vrajet .. 5..\\
sa hi naiva sma devAnAM nAsurANAM na rakShasAm . 
vadhyaH syAmiti jagrAha vara.n tvattaH pitAmaha .. 6..\\
devAshcha shaptA rudrANyA prajochchhede purA kR^ite . 
na bhaviShyati vo.apatyamiti sarvajagatpate .. 7..\\

 br

hutAshano na tatrAsIchchhApakAle surottamAH . 
sa utpAdayitApatya.n vadhArtha.n tridashadviShAm .. 8..\\
tadvai sarvAnatikramya devadAnavarAkShasAn . 
mAnuShAnatha gandharvAnnAgAnatha cha pakShiNaH .. 9..\\
astreNAmogha pAtena shaktyA ta.n ghAtayiShyati . 
yato vo bhayamutpanna.n ye chAnye surashatravaH .. 10..\\
sanAtano hi sa~NkalpaH kAma ityabhidhIyate . 
rudrasya tejaH praskannamagnau nipatita.n cha tat .. 11..\\
tattejo.agnirmahadbhUta.n dvitIyamiva pAvakam . 
vadhArtha.n devashatrUNAM ga~NgAyAM janayiShyati .. 12..\\
sa tu nAvApa ta.n shApaM naShTaH sa hutabhuktadA . 
tasmAdvo bhayahR^iddevAH samutpatsyati pAvakiH .. 13..\\
anviShyatA.n vai jvalanastathA chAdya niyujyatAm . 
tArakasya vadhopAyaH kathito vai mayAnaghAH .. 14..\\
na hi tejasvinA.n shApAstejaHsu prabhavanti vai . 
balAnyatibalaM prApya na balAni bhavanti vai .. 15..\\
hanyAdavadhyAnvaradAnapi chaiva tapasvinaH . 
sa~NkalpAbhiruchiH kAmaH sanAtana tamo.analaH .. 16..\\
jagatpatiranirdeshyaH sarvagaH sarvabhAvanaH . 
hR^ichchhayaH sarvabhUtAnA.n jyeShTho rudrAdapi prabhuH .. 17..\\
anviShyatA.n sa tu kShipra.n tejorAshirhutAshanaH . 
sa vo manogata.n kAmaM devaH sampAdayiShyati .. 18..\\
etadvAkyamupashrutya tato devA mahAtmanaH . 
jagmuH sa.nsiddha sa~NkalpAH paryeShanto vibhAvasum .. 19..\\
tatastrailokyamR^iShayo vyachinvanta suraiH saha . 
kA~NkShanto darshana.n vahneH sarve tadgatamAnasAH .. 20..\\
pareNa tapasA yuktAH shrImanto lokavishrutAH . 
lokAnanvacharansiddhAH sarva eva bhR^igUdvaha . 
naShTamAtmani sa.nlInaM nAdhijagmurhutAshanam .. 21..\\
tataH sa~njAtasantrAsAnagnerdarshanalAlasAn . 
jale charaH klAntamanAstejasAgneH pradIpitaH . 
uvAcha devAnmaNDUko rasAtalatalotthitaH .. 22..\\
rasAtalatale devA vasatyagniriti prabho . 
santApadiha samprAptaH pAvakaprabhavAdaham .. 23..\\
sa sa.nsupto jale devA bhagavAnhavyavAhanaH . 
apaH sa.nsR^ijya tejobhistena santApitA vayam .. 24..\\
tasya darshanamiShTa.n vo yadi devA vibhAvasoH . 
tatrainamabhigachchhadhva.n kArya.n vo yadi vahninA .. 25..\\
gamyatA.n sAdhayiShyAmo vayaM hyagnibhayAtsurAH . 
etAvaduktvA maNDUkastvarito jalamAvishat .. 26..\\
hutAshanastu bubudhe maNDUkasyAtha paishunam . 
shashApa sa tamAsAdya na rasAnvetsyasIti vai .. 27..\\
ta.n sa sa.nyujya shApena maNDUkaM pAvako yayau . 
anyatra vAsAya vibhurna cha devAnadarshayat .. 28..\\
devAstvanugraha.n chakrurmaNDUkAnAM bhR^igUdvaha . 
yattachchhR^iNu mahAbAho gadato mama sarvashaH .. 29..\\

 devaah

agi shApAdajihvApi rasaGYAnabahiShkR^itAH . 
sarasvatIM bahuvidhA.n yUyamuchchArayiShyatha .. 30..\\
bilavAsa gatAMshchaiva nirAdAnAnachetasaH . 
gatAsUnapi vaH shuShkAnbhUmiH sandhArayiShyati . 
tamo gatAyAmapi cha nishAyA.n vichariShyatha .. 31..\\
ityuktvA tA.nstato devAH punareva mahImimAm . 
parIyurjvalanasyArthe na chAvindanhutAshanam .. 32..\\
atha tAndviradaH kashchitsurendra dviradopamaH . 
ashvatthastho.agirityevaM prAha devAnbhR^igUdvaha .. 33..\\
shashApa jvalanaH sarvAndviradAnkrodhamUrchhitaH . 
pratIpA bhavatA.n jihvA bhavitrIti bhR^igUdvaha .. 34..\\
ityuktvA niHsR^ito.ashvatthAdagnirvAraNasUchitaH . 
pravivesha shamI garbhamatha vahniH suShupsayA .. 35..\\
anugraha.n tu nAgAnA.n yaM chakruH shR^iNu taM prabho . 
devA bhR^igukulashreShTha prItAH satyaparAkramAH .. 36..\\

 devaah

pratIpayA jihvayApi sarvAhArAnkariShyatha . 
vAcha.n chochchArayiShyadhvamuchchairavya~njitAkSharam . 
ityuktvA punarevAgnimanusasrurdivaukasaH .. 37..\\
ashvatthAnniHsR^itashchAgniH shamI garbhagatastadA . 
shukena khyApito vipra ta.n devAH samupAdravan .. 38..\\
shashApa shukamagnistu vAgvihIno bhaviShyasi . 
jihvA.n chAvartayAmAsa tasyApi hutabhuktadA .. 39..\\
dR^iShTvA tu jvalana.n devAH shukamUchurdayAnvitAH . 
bhavitA na tvamatyanta.n shakune naShTavAgiti .. 40..\\
AvR^ittajihvasya sato vAkya.n kAntaM bhaviShyati . 
bAlasyeva pravR^iddhasya kalamavyaktamadbhutam .. 41..\\
ityuktvA ta.n shamI garbhe vahnimAlakShya devatAH . 
tadevAyatana.n chakruH puNya.n sarvakriyAsvapi .. 42..\\
tataH prabhR^iti chApyagniH shamI garbheShu dR^ishyate . 
utpAdane tathopAyamanujagmushcha mAnavAH .. 43..\\
Apo rasAtale yAstu sa.nsR^iShTAshchitrabhAnunA . 
tAH parvata prasravaNairUShmAM mu~nchanti bhArgava . 
pAvakenAdhishayatA santaptAstasya tejasA .. 44..\\
tato.agnirdevatA dR^iShTvA babhUva vyathitastadA . 
kimAgamanamityeva.n tAnapR^ichchhata pAvakaH .. 45..\\
tamUchurvibudhAH sarve te chaiva paramarShayaH . 
tvAM niyokShyAmahe kArye tadbhavAnkartumarhati . 
kR^ite cha tasminbhavitA tavApi sumahAnguNaH .. 46..\\

 agni

brUta yadbhavatA.n kArya.n sarvaM kartAsmi tatsurAH . 
bhavatA.n hi niyojyo.ahaM mA vo.atrAstu vichAraNA .. 47..\\

 devaah

asurastArako nAma brahmaNo varadarpitaH . 
asmAnprabAdhate vIryAdvadhastasya vidhIyatAm .. 48..\\
imAndevagaNA.nstAta prajApatigaNA.nstathA . 
R^iShIMshchApi mahAbhAgAnparitrAyasva pAvaka .. 49..\\
apatya.n tejasA yuktaM pravIraM janaya prabho . 
yadbhayaM no.asurAttasmAnnAshayeddhavyavAhana .. 50..\\
shaptAnAM no mahAdevyA nAnyadasti parAyaNam . 
anyatra bhavato vIrya.n tasmAttrAyasva nastataH .. 51..\\
ityuktaH sa tathetyuktvA bhagAvAnhavyakavya bhuk . 
jagAmAtha durAdharSho ga~NgAM bhAgIrathIM prati .. 52..\\
tayA chApyabhavanmishro garbhashchAsyAbhavattadA . 
vavR^idhe sa tadA garbhaH kakShe kR^iShNa gatiryathA .. 53..\\
tejasA tasya garbhasya ga~NgA vihvalachetanA . 
santApamagamattIvra.n sA soDhuM na shashAka ha .. 54..\\
Ahite jvalanenAtha garbhe tejaHsamanvite . 
ga~NgAyAmasuraH kashchidbhairavaM nAdamutsR^ijat .. 55..\\
abuddhApatitenAtha nAdena vipulena sA . 
vitrastodbhrAnta nayanA ga~NgA viplutalochanA . 
visa~nj~nA nAshakadgarbha.n sandhArayitumAtmanA .. 56..\\
sA tu tejaH parItA~NgI kampamAnA cha jAhnavI . 
uvAcha vachana.n vipra tadA garbhabaloddhatA . 
na te shaktAsmi bhagava.nstejaso.asya vidhAraNe .. 57..\\
vimUDhAsmi kR^itAnena tathAsvAsthya.n kR^itaM param . 
vihvalA chAsmi bhagava.nstejo naShTa.n cha me.anagha .. 58..\\
dhAraNe nAsya shaktAha.n garbhasya tapatA.n vara . 
utsrakShye.ahamima.n duHkhAnna tu kAmAtkathaM chana .. 59..\\
na chetaso.asti sa.nsparsho mama deva vibhAvaso . 
Apadarthe hi sambandhaH susUkShmo.api mahAdyute .. 60..\\
yadatra guNasampannamitara.n vA hutAshana . 
tvayyeva tadahaM manye dharmAdharmau cha kevalau .. 61..\\
tAmuvAcha tato vahnirdhAryatA.n dhAryatAm ayam . 
garbho mattejasA yukto mahAguNaphalodayaH .. 62..\\
shaktA hyasi mahI.n kR^itsnA.n voDhuM dhArayituM tathA . 
na hi te ki.n chidaprApyaM madreto dhAraNAdR^ite .. 63..\\
sA vahninA vAryamANA devaishchApi saridvarA . 
samutsasarja ta.n garbhaM merau girivare tadA .. 64..\\
samarthA dhAraNe chApi rudra tejaH pradharShitA . 
nAshakatta.n tadA garbha.n sandhArayitumojasA .. 65..\\
sA samutsR^ijya ta.n duHkhAddIptavaishvAnara prabham . 
darshayAmAsa chAgnistA.n tadA ga~NgAM bhR^igUdvaha . 
paprachchha saritA.n shreShThA.n kachchidgarbhaH sukhodayaH .. 66..\\
kIdR^igvarNo.api vA devi kIdR^igrUpashcha dR^ishyate . 
tejasA kena vA yuktaH sarvametadbravIhi me .. 67..\\

 gangaa

jAtarUpaH sa garbho vai tejasA tvamivAnala . 
suvarNo vimalo dIptaH parvata.n chAvabhAsayat .. 68..\\
padmotpalavimishrANA.n hradAnAmiva shItalaH . 
gandho.asya sa kadambAnA.n tulyo vai tapatA.n vara .. 69..\\
tejasA tasya garbhasya bhAskarasyeva rashmibhiH . 
yaddravyaM parisa.nsR^iShTaM pR^ithivyAM parvateShu vA . 
tatsarva.n kA~nchanI bhUta.n samantAtpratyadR^ishyata .. 70..\\
paryadhAvata shailAMshcha nadIH prasravaNAni cha . 
vyadIpayattejasA cha trailokya.n sa charAcharam .. 71..\\
eva.nrUpaH sa bhagavAnputraste havyavAhana . 
sUryavaishvAnara samaH kAntyA soma ivAparaH . 
evamuktvA tu sA devI tatraivAntaradhIyata .. 72..\\
pAvakashchApi tejasvI kR^itvA kArya.n divaukasAm . 
jagAmeShTa.n tato deshaM tadA bhArgavanandana .. 73..\\
etaiH karma guNairloke nAmAgneH parigIyate . 
hiraNyaretA iti vai R^iShibhirvibudhaistathA . 
pR^ithivI cha tadA devI khyAtA vasumatIti vai .. 74..\\
sa tu garbho mahAtejA gA~NgeyaH pAvakodbhavaH . 
divya.n sharavaNaM prApya vavR^idhe.adbhutadarshanaH .. 75..\\
dadR^ishuH kR^ittikAsta.n tu bAlArkasadR^ishadyutim . 
jAtasnehAshcha taM bAlaM pupuShuH stanya visravaiH .. 76..\\
tataH sa kArttikeyatvamavApa paramadyutiH . 
skannatvAtskandatA.n chApi guhAvAsAdguho.abhavat .. 77..\\
eva.n suvarNamutpannamapatya.n jAtavedasaH . 
tatra jAmbUnada.n shreShTha.n devAnAmapi bhUShaNam .. 78..\\
tataH prabhR^iti chApyetajjAtarUpamudAhR^itam . 
yatsuvarNa.n sa bhagavAnagnirIshaH prajApatiH .. 79..\\
pavitrANAM pavitra.n hi kanaka.n dvijasattama . 
agnI ShomAtmaka.n chaiva jAtarUpamudAhR^itam .. 80..\\
ratnAnAmuttama.n ratnaM bhUShaNAnA.n tathottamam . 
pavitra.n cha pavitrANAM ma~NgalAnAM cha ma~Ngalam .. 81..\\
\medskip\hrule\medskip\centerline{\Largedvng 85}
 vasistha

api chedaM purA rAma shrutaM me brahma darshanam . 
pitAmahasya yadvR^ittaM brahmaNaH paramAtmanaH .. 1..\\
devasya mahatastAta vAruNIM bibhratastanum . 
aishvarye vAruNe rAma rudrasyeshasya vai prabho .. 2..\\
AjagmurmunayaH sarve devAshchAgnipurogamAH . 
yaGYA~NgAni cha sarvANi vaShaTkArAshcha mUrtimAn .. 3..\\
mUrtimanti cha sAmAni yajUMShi cha sahasrashaH . 
R^igvedashchAgamattatra padakramavibhUShitaH .. 4..\\
lakShaNAni svarAH stobhA nirukta.n svarabhaktayaH . 
o~NkArashchAvasannetre nigrahapragrahau tathA .. 5..\\
vedAshcha sopaniShado vidyA sAvitryathApi cha . 
bhUtaM bhavyaM bhaviShyachcha dadhAra bhagavA~nshivaH . 
juhvachchAtmanyathAtmAna.n svayameva tadA prabho .. 6..\\
devapatnyashcha kanyAshcha devAnA.n chaiva mAtaraH . 
AjagmuH sahitAstatra tadA bhR^igukulodvaha .. 7..\\
yaGYaM pashupateH prItA varuNasya mahAtmanaH . 
svayambhuvastu tA dR^iShTvA retaH samapatadbhuvi .. 8..\\
tasya shukrasya niShpandAtpA.nsUnsa~NgR^ihya bhUmitaH . 
prAsyatpUShA karAbhyA.n vai tasminneva hutAshane .. 9..\\
tatastasminsampravR^itte sattre jvalitapAvake . 
brahmaNo juhvatastatra prAdurbhAvo babhUva ha .. 10..\\
skanna mAtra.n cha tachchhukra.n sruveNa pratigR^ihya saH . 
AjyavanmantravachchApi so.ajuhodbhR^igunandana .. 11..\\
tataH sa~njanayAmAsa bhUtagrAma.n sa vIryavAn . 
tatastu tejasastasmAjjaGYe lokeShu taijasam .. 12..\\
tamasastAmasA bhAvA vyApi sattva.n tathobhayam . 
sa guNastejaso nitya.n tamasyAkAshameva cha .. 13..\\
sarvabhUteShvatha tathA sattva.n tejastathA tamaH . 
shukre hute.agnau tasmi.nstu prAdurAsa.nstrayaH prabho .. 14..\\
puruShA vapuShA yuktA yuktAH prasavajairguNaiH . 
bhR^igityeva bhR^iguH pUrvama~NgArebhyo.a~NgirAbhavat .. 15..\\
a~NgArasaMshrayAchchaiva kavirityaparo.abhavat . 
saha jvAlAbhirutpanno bhR^igustasmAdbhR^iguH smR^itaH .. 16..\\
marIchibhyo marIchistu mArIchaH kashyapo hyabhUt . 
a~NgArebhyo.a~NgirAstAta vAlakhilyAH shilochchayAt . 
atraivAtreti cha vibho jAtamatri.n vadantyapi .. 17..\\
tathA bhasma vyapohebhyo brahmarShigaNasaMmitAH . 
vaikhAnasAH samutpannAstapaH shrutaguNepsavaH . 
ashruto.asya samutpannAvashvinau rUpasaMmatau .. 18..\\
sheShAH prajAnAM patayaH srotobhyastasya jaGYire . 
R^iShayo lokakUpebhyaH svedAchchhando malAtmakam .. 19..\\
etasmAtkAraNAdAhuragni.n sarvAstu devatAH . 
R^iShayaH shrutasaMmpannA veda prAmANya darshanAt .. 20..\\
yAni dArUNi te mAsA niryAsAH pakShasa~nj~nitAH . 
ahorAtrA muhUrtAstu pitta.n jyotishcha vAruNam .. 21..\\
raudra.n lohitamityAhurlohitAtkanakaM smR^itam . 
tanmaitramiti viGYeya.n dhUmAchcha vasavaH smR^itAH .. 22..\\
archiSho yAshcha te rudrAstathAdityA mahAprabhAH . 
uddiShTAste tathA~NgArA ye dhiShNyeShu divi sthitAH .. 23..\\
Adi nAthashcha lokasya tatparaM brahma taddhruvam . 
sarvakAmadamityAhustatra havyamudAvahat .. 24..\\
tato.abravInmahAdevo varuNaH paramAtmakaH . 
mama satramida.n divyamahaM gR^ihapatistviha .. 25..\\
trINi pUrvANyapatyAni mama tAni na saMshayaH . 
iti jAnIta khagamA mama yaGYaphala.n hi tat .. 26..\\

 agni

mada~NgebhyaH prasUtAni madAshraya kR^itAni cha . 
mamaiva tAnyapatyAni varuNo hyavashAtmakaH .. 27..\\
athAbravIllokagururbrahmA lokapitAmahaH . 
mamaiva tAnyapatyAni mama shukra.n hutaM hi tat .. 28..\\
aha.n vaktA cha mantrasya hotA shukrasya chaiva ha . 
yasya bIjaM phala.n tasya shukraM chetkAraNaM matam .. 29..\\
tato.abruvandevagaNAH pitAmahamupetya vai . 
kR^itA~njalipuTAH sarve shirobhirabhivandya cha .. 30..\\
vaya.n cha bhagavansarve jagachcha sa charAcharam . 
tavaiva prasavAH sarve tasmAdagnirvibhAvasuH . 
varuNashcheshvaro devo labhatA.n kAmamIpShitam .. 31..\\
nisargAdvaruNashchApi brahmaNo yAdasAM patiH . 
jagrAha vai bhR^iguM pUrvamapatya.n sUryavarchasam .. 32..\\
Ishvaro.a~Ngirasa.n chAgnerapatyArthe.abhyakalpayat . 
pitAmahastvapatya.n vai kavi.n jagrAha tattvavit .. 33..\\
tadA sa vAruNaH khyAto bhR^iguH prasava karmakR^it . 
Agneyastva~NgirAH shrImAnkavirbrAhmo mahAyashAH . 
bhArgavA~Ngirasau loke lokasantAna lakShaNau .. 34..\\
ete vipra varAH sarve prajAnAM patayastrayaH . 
sarva.n santAnameteShAmidamityupadhAraya .. 35..\\
bhR^igostu putrAstatrAsansapta tulyA bhR^igorguNaiH . 
chyavano vajrashIrShashcha shuchiraurvastathaiva cha .. 36..\\
shukro vareNyashcha vibhuH savanash cheti sapta te . 
bhArgavA vAruNAH sarve yeShA.n vaMshe bhavAnapi .. 37..\\
aShTau chA~NgirasaH putrA vAruNAste.apyudAhR^itAH . 
bR^ihaspatirutathyashcha vayasyaH shAntireva cha .. 38..\\
ghoro virUpaH sa.nvartaH sudhanvA chAShTamaH smR^itaH . 
etAShTAvagnijAH sarve GYAnaniShThA nirAmayAH .. 39..\\
brAhmaNasya kaveH putrA vAruNAste.apyudAhR^itAH . 
aShTau prasavajairyuktA guNairbrahma vidaH shubhAH .. 40..\\
kaviH kAvyashcha viShNushcha buddhimAnushanAstathA . 
bhR^igushcha virajAshchaiva kAshI chogrash cha dharmavit .. 41..\\
aShTau kavi sutA hyete sarvamebhirjagattatam . 
prajApataya ete hi prajAnA.n yairimAH prajAH .. 42..\\
evama~Ngirasashchaiva kaveshcha prasavAnvayaiH . 
bhR^igoshcha bhR^igushArdUla vaMshajaiH satata.n jagat .. 43..\\
varuNashchAdito vipra jagrAha prabhurIshvaraH . 
kavi.n tAta bhR^iguM chaiva tasmAttau vAruNau smR^itau .. 44..\\
jagrAhA~Ngirasa.n devaH shikhI tasmAddhutAshanaH . 
tasmAda~Ngiraso GYeyAH sarva eva tadanvayAH .. 45..\\
brahmA pitAmahaH pUrva.n devatAbhiH prasAditaH . 
ime naH santariShyanti prajAbhirjagadIshvarAH .. 46..\\
sarve prajAnAM patayaH sarve chAti tapasvinaH . 
tvatprasAdAdima.n loka.n tArayiShyanti shAshvatam .. 47..\\
tathaiva vaMshakartArastava tejo vivardhanAH . 
bhaveyurvedaviduShaH sarve vAkpatayastathA .. 48..\\
deva pakShadharAH saumyAH prAjApatyA maharShayaH . 
Apnuvanti tapashchaiva brahmacharyaM para.n tathA .. 49..\\
sarve hi vayamete cha tavaiva prasavaH prabho . 
devAnAM brAhmaNAnA.n cha tva.n hi kartA pitAmaha .. 50..\\
marIchimAditaH kR^itvA sarve chaivAtha bhArgavAH . 
apatyAnIti samprekShya kShamayAma pitAmaha .. 51..\\
te tvanenaiva rUpeNa prajaniShyanti vai prajAH . 
sthApayiShyanti chAtmAna.n yugAdi nidhana.n tathA .. 52..\\
evametatpurAvR^itta.n tasya yaGYe mahAtmanaH . 
deva shreShThasya lokAdau vAruNIM bibhratastanum .. 53..\\
agnirbrahmA pashupatiH sharvo rudraH prajApatiH . 
agnerapatyametadvai suvarNamiti dhAraNA .. 54..\\
agnyabhAve cha kurvanti vahni sthAneShu kA~nchanam . 
jAmadagnya pramANaGYA vedashrutinidarshanAt .. 55..\\
kusha stambe juhotyagni.n suvarNa.n tata sa.nsthitam . 
hute prItikarImR^iddhiM bhagavA.nstatra manyate .. 56..\\
tasmAdagniparAH sarvA devatA iti shushruma . 
brahmaNo hi prasUto.agniragnerapi cha kA~nchanam .. 57..\\
tasmAdye vai prayachchhanti suvarNa.n dharmadarshinaH . 
devatAste prayachchhanti samastA iti naH shrutam .. 58..\\
tasya chAtamaso lokA gachchhataH paramA.n gatim . 
svarloke rAjarAjyena so.abhiShichyeta bhArgava .. 59..\\
Adityodayane prApte vidhimantrapuraskR^itam . 
dadAti kA~nchana.n yo vai duHsvapnaM pratihanti saH .. 60..\\
dadAtyuditamAtre yastasya pApmA vidhUyate . 
madhyAhne dadato rukma.n hanti pApamanAgatam .. 61..\\
dadAti pashchimA.n sandhyAM yaH suvarNa.n ghR^itavrataH . 
brahma vAyvagnisomAnA.n sAlokyamupayAti saH .. 62..\\
sendreShu chaiva lokeShu pratiShThAM prApnute shubhAm . 
iha loke yashaH prApya shAntapApmA pramodate .. 63..\\
tataH sampadyate.anyeShu lokeShvapratimaH sadA . 
anAvR^ita gatishchaiva kAmachArI bhavatyuta .. 64..\\
na cha kSharati tebhyaH sa shashvachchaivApnute mahat . 
suvarNamakShaya.n dattvA lokAnApnoti puShkalAn .. 65..\\
yastu sa~njanayitvAgnimAdityodayanaM prati . 
dadyAdvai vratamuddishya sarvAnkAmAnsamashnute .. 66..\\
agnirityeva tatprAhuH pradAna.n vai sukhAvaham . 
yatheShTa guNasampannaM pravartakamiti smR^itam .. 67..\\

 bh

ityuktaH sa vasiShThena jAmadagnyaH pratApavAn . 
dadau suvarNa.n viprebhyo vyamuchyata cha kilbiShAt .. 68..\\
etatte sarvamAkhyAta.n suvarNasya mahIpate . 
pradAnasya phala.n chaiva janma chAgnyamanuttamam .. 69..\\
tasmAttvamapi viprebhyaH prayachchha kanakaM bahu . 
dadatsuvarNaM nR^ipate kilbiShAdvipramokShyasi .. 70..\\
\medskip\hrule\medskip\centerline{\Largedvng 86}
 y

uktAH pitAmaheneha suvarNasya vidhAnataH . 
vistareNa pradAnasya ye guNAH shrutilakShaNAH .. 1..\\
yattu kAraNamutpatteH suvarNasyeha kIrtitam . 
sa katha.n tArakaH prApto nidhanaM tadbravIhi me .. 2..\\
uktaH sa devatAnA.n hi avadhya iti pArthiva . 
na cha tasyeha te mR^ityurvistareNa prakIrtitaH .. 3..\\
etadichchhAmyaha.n shrotu.n tvattaH kurukulodvaha . 
kArtsnyena tAraka vadhaM paraM pautUhala.n hi me .. 4..\\

 bh

vipannakR^ityA rAjendra devatA R^iShayastathA . 
kR^ittikAshchochayAmAsurapatyabharaNAya vai .. 5..\\
na devatAnA.n kAchiddhi samarthA jAtavedasaH . 
ekApi shaktA ta.n garbha.n sandhArayitumojasA .. 6..\\
ShaNNA.n tAsAM tataH prItaH pAvako garbhadhAraNAt . 
svena tejo visargeNa vIryeNa parameNa cha .. 7..\\
tAstu ShaTkR^ittikA garbhaM pupuShurjAtavedasaH . 
ShaTsu vartmasu tejo.agneH sakalaM nihitaM prabho .. 8..\\
tatastA vardhamAnasya kumArasya mahAtmanaH . 
tejasAbhiparItA~Ngyo na kva chichchharma lebhire .. 9..\\
tatastejaH parItA~NgyaH sarvAH kAla upasthite . 
sama.n garbha.n suShuvire kR^ittikAstA nararShabha .. 10..\\
tatasta.n ShaDadhiShThAna.n garbhamekatvamAgatam . 
pR^ithivI pratijagrAha kAntI purasamIpataH .. 11..\\
sa garbho divyasa.nsthAno dIptimAnpAvakaprabhaH . 
divya.n sharavaNaM prApya vavR^idhe priyadarshanaH .. 12..\\
dadR^ishuH kR^ittikAsta.n tu bAla.n vahni samadyutim . 
jAtasnehAshcha sauhArdAtpupuShuH stanya visravaiH .. 13..\\
abhavatkArttikeyaH sa trailokye sa charAchare . 
skannatvAtskandatA.n chApaguhAvAsAdguho.abhavat .. 14..\\
tato devAstrayastriMshaddishashcha sa digIshvarAH . 
rudro dhAtA cha viShNushcha yaGYaH pUShAryamA bhagaH .. 15..\\
aMsho mitrashcha sAdhyAshcha vasavo vAsavo.ashvinau . 
Apo vAyurnabhashchandro nakShatrANi grahA raviH .. 16..\\
pR^ithagbhUtAni chAnyAni yAni devArpaNAni vai . 
Ajagmustatra ta.n draShTuM kumAraM jvalanAtmajam . 
R^iShayastuShTuvushchaiva gandharvAshcha jagustathA .. 17..\\
ShaDAnana.n kumAraM taM dviShaDakShaM dvija priyam . 
pInA.nsa.n dvAdasha bhujaM pAvakAdityavarchasam .. 18..\\
shayAna.n sharagulmastha.n dR^iShTvA devAH saharShibhiH . 
lebhire parama.n harShaM menire chAsuraM hatam .. 19..\\
tato devAH priyANyasya sarva eva samAcharan . 
krIDataH krIDanIyAni daduH pakShigaNAMsh cha ha .. 20..\\
suparNo.asya dadau patraM mayUra.n chitrabarhiNam . 
rAkShasAshcha dadustasmai varAhamahiShAvubhau .. 21..\\
kukkuTa.n chAgnisa~NkAshaM pradadau varuNaH svayam . 
chandramAH pradadau meShamAdityo ruchirAM prabhAm .. 22..\\
gavAM mAtA cha gA devI dadau shatasahasrashaH . 
chhAgamagnirguNopetamilA puShpaphalaM bahu .. 23..\\
sudhanvA shakaTa.n chaiva rathaM chAmitakUbaram . 
varuNo vAruNAndivyAnbhuja~NgAnpradadau shubhAn . 
si.nhAnsurendro vyAghrAMshcha dvIpino.anyAMshcha daMShTriNaH .. 24..\\
shvApadAMshcha bahUnghorAMshchhatrANi vividhAni cha . 
rAkShasAsurasa~NghAshcha ye.anujagmustamIshvaram .. 25..\\
vardhamAna.n tu taM dR^iShTvA prArthayAmAsa tArakaH . 
upAyairbahubhirhantuM nAshakachchApi ta.n vibhum .. 26..\\
senApatyena ta.n devAH pUjayitvA guhAlayam . 
shasha.nsurviprakAra.n tantasmai tAraka kAritam .. 27..\\
sa vivR^iddho mahAvIryo deva senApatiH prabhuH . 
jaghAnAmoghayA shaktyA dAnava.n tArakaM guhaH .. 28..\\
tena tasminkumAreNa krIDatA nihate.asure . 
surendraH sthApito rAjye devAnAM punarIshvaraH .. 29..\\
sa senApatirevAtha babhau skandaH pratApavAn . 
Isho goptA cha devAnAM priya kR^ichchha~Nkarasya cha .. 30..\\
hiraNyamUrtirbhagavAneSha eva cha pAvakiH . 
sadA kumAro devAnA.n senApatyamavAptavAn .. 31..\\
tasmAtsuvarNaM ma~Ngalya.n ratnamakShayyamuttamam . 
sahaja.n kArttikeyasya vahnestejaH paraM matam .. 32..\\
eva.n rAmAya kauravya vasiShTho.akathayatpurA . 
tasmAtsuvarNadAnAya prayatasva narAdhipa .. 33..\\
rAmaH suvarNa.n dattvA hi vimuktaH sarvakilbiShaiH . 
triviShTape mahatsthAnamavApAsulabhaM naraiH .. 34..\\
\medskip\hrule\medskip\centerline{\Largedvng 87}
 y

chAturvarNyasya dharmAtmandharmaH proktastvayAnagha . 
tathaiva me shrAddhavidhi.n kR^itsnaM prabrUhi pArthiva .. 1..\\

 v

yudhiShThireNaivamukto bhIShmaH shAntanavastadA . 
ima.n shrAddhavidhi.n kR^itsnaM pravaktumupachakrame .. 2..\\

 bh

shR^iNuShvAvahito rAja~nshrAddhakalpamima.n shubham . 
dhanya.n yashasyaM putrIyaM pitR^iyaGYaM parantapa .. 3..\\
devAsuramanuShyANA.n gandharvoragarakShasAm . 
pishAchakiMnarANA.n cha pUjyA vai pitaraH sadA .. 4..\\
pitR^InpUjyAditaH pashchAddevAnsantarpayanti vai . 
tasmAtsarvaprayatnena puruShaH pUjayetsadA .. 5..\\
anvAhAryaM mahArAja pitR^INA.n shrAddhamuchyate . 
tachchAmiSheNa vidhinA vidhiH prathamakalpitaH .. 6..\\
sarveShvahaHsu prIyante kR^itaiH shrAddhaiH pitAmahAH . 
pravakShyAmi tu te sarvA.nstithyA.n tithyAM guNAguNAn .. 7..\\
yeShvahaHsu kR^itaiH shrAddhairyatphalaM prApyate.anagha . 
tatsarva.n kIrtayiShyAmi yathAvattannibodha me .. 8..\\
pitR^Inarchya pratipadi prApnuyAtsvagR^ihe striyaH . 
abhirUpa prajAyinyo darshanIyA bahu prajAH .. 9..\\
striyo dvitIyA.n jAyante tR^itIyAyAM tu vandinaH . 
chaturthyA.n kShudrapashavo bhavanti bahavo gR^ihe .. 10..\\
pa~nchamyAM bahavaH putrA jAyante kurvatAM nR^ipa . 
kurvANAstu narAH ShaShThyAM bhavanti dyutibhAginaH .. 11..\\
kR^iShibhAgI bhavechchhrAddha.n kurvANaH saptamIM nR^ipa . 
aShTamyA.n tu prakurvANo vANijye lAbhamApnuyAt .. 12..\\
navamyA.n kurvataH shrAddhaM bhavatyekashaphaM bahu . 
vivardhante tu dashamI.n gAvaH shrAddhAni kurvataH .. 13..\\
kupya bhAgI bhavenmartyaH kurvannekAdashIM nR^ipa . 
brahma varchasvinaH putrA jAyante tasya veshmani .. 14..\\
dvAdashyAmIhamAnasya nityameva pradR^ishyate . 
rajataM bahu chitra.n cha suvarNaM cha manoramam .. 15..\\
GYAtInA.n tu bhavechchhreShThaH kurva~nshrAddhaM trayodashIm . 
avashya.n tu yuvAno.asya pramIyante narA gR^ihe .. 16..\\
yuddhabhAgI bhavenmartyaH shrAddha.n kurvaMshchaturdashIm . 
amAvAsyA.n tu nivapansarvAnkAmAnavApnuyAt .. 17..\\
kR^iShNapakShe dashamyAdau varjayitvA chaturdashIm . 
shrAddhakarmaNi tithyaH syuH prashastA na tathetarAH .. 18..\\
yathA chaivAparaH pakShaH pUrvapakShAdvishiShyate . 
tathA shrAddhasya pUrvAhNAdaparAhNo vishiShyate .. 19..\\
\medskip\hrule\medskip\centerline{\Largedvng 88}
 y

ki.n sviddattaM pitR^ibhyo vai bhavatyakShayamIshvara . 
ki.n havishchirarAtrAya kimAnantyAya kalpate .. 1..\\

 bh

havIMShi shrAddhakalpe tu yAni shrAddhavido viduH . 
tAni me shR^iNu kAmyAni phala.n chaiva yudhiShThira .. 2..\\
tilairvrIhi yavairmAShairadbhirmUlaphalaistathA . 
dattena mAsaM prIyante shrAddhena pitaro nR^ipa .. 3..\\
vardhamAnatila.n shrAddhamakShayaM manurabravIt . 
sarveShveva tu bhojyeShu tilAH prAdhAnyataH smR^itAH .. 4..\\
dvau mAsau tu bhavettR^iptirmatsyaiH pitR^igaNasya ha . 
trInmAsAnAvikenAhushchAturmAsya.n shashena tu .. 5..\\
Ajena mAsAnprIyante pa~nchaiva pitaro nR^ipa . 
vArAheNa tu ShaNmAsAnsapta vai shAkunena tu .. 6..\\
mAsAnaShTau pArShatena rauraveNa navaiva tu . 
gavayasya tu mA.nsena tR^iptiH syAddasha mAsikI .. 7..\\
mAsAnekAdasha prItiH pitR^INAM mAhiSheNa tu . 
gavyena datte shrAddhe tu sa.nvatsaramihochyate .. 8..\\
yathA gavya.n tathAyuktaM pAyasa.n sarpiShA saha . 
vAdhrINasasya mA.nsena tR^iptirdvAdasha vArShikI .. 9..\\
AnantyAya bhaveddatta.n khaDgamA.nsaM pitR^ikShaye . 
kAlashAka.n cha lauhaM chApyAnantyaM chhAga uchyate .. 10..\\
gAthAshchApyatra gAyanti pitR^igItA yudhiShThira . 
sanatsumAro bhagavAnpurA mayyabhyabhAShata .. 11..\\
api naH sa kule jAyAdyo no dadyAttrayodashIm . 
maghAsu sarpiShA yuktaM pAyasa.n dakShiNAyane .. 12..\\
Ajena vApi lauhena maghAsveva yatavrataH . 
hastichchhAyAsu vidhivatkarNa vyajanavIjitam .. 13..\\
eShTavyA bahavaH putrA yadyeko.api gayA.n vrajet . 
yatrAsau prathito lokeShvakShayya karaNo vaTaH .. 14..\\
Apo mUlaM phalaM mA.nsamanna.n vApi pitR^ikShaye . 
yatki.n chinmadhu saMmishraM tadAnantyAya kalpate .. 15..\\
\medskip\hrule\medskip\centerline{\Largedvng 89}
 bh

yamastu yAni shrAddhAni provAcha shashabindave . 
tAni me shR^iNu kAmyAni nakShatreShu pR^ithakpR^ithak .. 1..\\
shrAddha.n yaH kR^ittikA yoge kurvIta satataM naraH . 
agnInAdhAya sApatyo yajeta vigatajvaraH .. 2..\\
apatyakAmo rohiNyAmojaH kAmo mR^igottame . 
krUrakarmA dadachchhrAddhamArdrAyAM mAnavo bhavet .. 3..\\
kR^iShibhAgI bhavenmartyaH kurva~nshrAddhaM punarvasau . 
puShTi kAmo.atha puShyeNa shrAddhamIheta mAnavaH .. 4..\\
AshleShAyA.n dadachchhrAddha.n vIrAnputrAnprajAyate . 
GYAtInA.n tu bhavechchhreShTho maghAsu shrAddhamAvapan .. 5..\\
phalgunIShu dadachchhrAddha.n subhagaH shrAddhado bhavet . 
apatyabhAguttarAsu hastena phalabhAgbhavet .. 6..\\
chitrAyA.n tu datachchhrAddha.n labhedrUpavataH sutAn . 
svAti yoge pitR^Inarchya vANijyamupajIvati .. 7..\\
bahuputro vishAkhAsu pitryamIhanbhavennaraH . 
anurAdhAsu kurvANo rAjachakraM pravartayet .. 8..\\
Adipatya.n vrajenmartyo jyeShThAyAm apavarjayan . 
naraH kuru kulashreShTha shrAddhA damapuraH saraH .. 9..\\
mUle tvArogyamarchchheta yasho.aShADhAsvanuttamam . 
uttarAsu tvaShADhAsu vItashokashcharenmahIm .. 10..\\
shrAddha.n tvabhijitA kurvanvidyA.n shreShTAmavApnuyAt . 
shravaNe tu dadachchhrAddhaM pretya gachchhetparA.n gatim .. 11..\\
rAjyabhAgI dhaniShThAyAM prApnuyAnnApadaM naraH . 
nakShatre vAruNe kurvanbhiShaksiddhimavApnuyAt .. 12..\\
pUrvaproShTha padAH kurvanbahu vindedajAvikam . 
uttarAsvatha kurvANo vindate gAH sahasrashaH .. 13..\\
bahurUpya kR^ita.n vittaM vindate revatIM shritaH . 
ashvAMshchAshvayuje vetti bharaNIShvAyuruttamam .. 14..\\
ima.n shrAddhavidhiM shrutvA shashabindustathAkarot . 
akleshenAjayachchApi mahI.n so.anushashAsa ha .. 15..\\
\medskip\hrule\medskip\centerline{\Largedvng 90}
 y

kIdR^ishebhyaH pradAtavyaM bhavechchhrAddhaM pitAmaha . 
dvijebhyaH kurushArdUla tanme vyAkhyAtumarhasi .. 1..\\

 bh

brAhmaNAnna parIkSheta kShatriyo dAnadharmavit . 
daive karmaNi pitrye tu nyAyyamAhuH parIkShaNam .. 2..\\
devatAH pUjayantIha daivenaiveha tejasA . 
upetya tasmAddevebhyaH sarvebhyo dApayennaraH .. 3..\\
shrAddhe tvatha mahArAja parIkShedbrAhmaNAnbudhaH . 
kulashIlavayo rUpairvidyayAbhijanena cha .. 4..\\
eShAmanye pa~NktidUShAstathAnye pa~NktipAvanAH . 
apA~NkteyAstu ye rAjankIrtayiShyAmi tA~nshR^iNu .. 5..\\
kitavo bhrUNahA yakShmI pashupAlo nirAkR^itiH . 
prAma preShyo vArdhuShiko gAyanaH sarvavikrayI .. 6..\\
agAra dAhI garadaH kuNDAshI somavikrayI . 
sAmudriko rAjabhR^ityastailikaH kUTakArakaH .. 7..\\
pitrA vivadamAnashcha yasya chopapatirgR^ihe . 
abhishastastathA stenaH shilpa.n yashchopajIvati .. 8..\\
parva kArashcha sUchI cha mitra dhrukpAradArikaH . 
avratAnAmupAdhyAyaH kANDapR^iShThastathaiva cha .. 9..\\
shvabhiryashcha parikrAmedyaH shunA daShTa eva cha . 
parivittishcha yashcha syAddushcharmA gurutalpagaH . 
kushIlavo devalako nakShatrairyashcha jIvati .. 10..\\
etAniha vijAnIyAdapA~NkteyAndvijAdhamAn . 
shUdrANAmupadesha.n cha ye kurvantyalpachetasaH .. 11..\\
ShaShTi.n kANaH shata.n ShaNDhaH shvitrI yAvatprapashyati . 
pa~NktyA.n samupaviShTAyA.n tAvaddUShayate nR^ipa .. 12..\\
yadviShTita shirA bhu~Nkte yadbhu~Nkte dakShiNAmukhaH . 
sopAnatkashcha yadbhu~Nkte sarva.n vidyAttadAsuram .. 13..\\
asUyatA cha yaddatta.n yachcha shraddhA vivarjitam . 
sarva.n tadasurendrAya brahmA bhAgamakalpayat .. 14..\\
shvAnashcha pa~NktidUShAshcha nAvekSherankatha.n chana . 
tasmAtparivR^ite dadyAttilAMshchAnvavakIrayet .. 15..\\
tilAdAne cha kravyAdA ye cha krodhavashA gaNAH . 
yAtudhAnAH pishAchAshcha vipralumpanti taddhaviH .. 16..\\
yAvaddhyapa~NktyaHpa~NktyA.n vai bhu~njAnAnanupashyati . 
tAvatphalAdbhraMshayati dAtAra.n tasya bAlisham .. 17..\\
ime tu bharatashreShTha viGYeyAH pa~NktipAvanAH . 
ye tvatastAnpravakShyAmi parIkShasveha tAndvijAn .. 18..\\
veda vidyAvratasnAtA brAhmaNAH sarva eva hi . 
pA~NkteyAnyA.nstu vakShyAmi GYeyAste pa~NktipAvanAH .. 19..\\
triNAchiketaH pa~nchAgnistrisuparNaH ShaDa~Ngavit . 
brahma deyAnusantAnashchhandogo jyeShThasAmagaH .. 20..\\
mAtApitryoryashcha vashyaH shrotriyo dasha pUruShaH . 
R^itukAlAbhigAmI cha dharmapatnIShu yaH sadA . 
veda vidyAvratasnAto vipraH pa~NktiM punAtyuta .. 21..\\
atharvashiraso.adhyetA brahma chArI yatavrataH . 
satyavAdI dharmashIlaH svakarmaniratashcha yaH .. 22..\\
ye cha puNyeShu tIrtheShu abhiShekakR^itashramAH . 
makheShu cha sa mantreShu bhavantyavabhR^ithAplutAH .. 23..\\
akrodhanA achapalAH kShAntA dAntA jitendriyAH . 
sarvabhUtahitA ye cha shrAddheShvetAnnimantrayet . 
eteShu dattamakShayyamete vai pa~NktipAvanAH .. 24..\\
ime pare mahArAja viGYeyAH pa~NktipAvanAH . 
yatayo mokShadharmaGYA yogAH sucharitavratAH .. 25..\\
ye chetihAsaM prayatAH shrAvayanti dvijottamAn . 
ye cha bhAShya vidaH ke chidye cha vyAkaraNe ratAH .. 26..\\
adhIyate purANa.n ye dharmashAstrANyathApi cha . 
adhItya cha yathAnyAya.n vidhivattasya kAriNaH .. 27..\\
upapanno guru kule satyavAdI sahasradaH . 
agryaH sarveShu vedeShu sarvapravachaneShu cha .. 28..\\
yAvadete prapashyanti pa~NktyAstAvatpunantyuta . 
tato hi pAvanAtpa~NktyAH pa~NktipAvana uchyate .. 29..\\
kroshAdardhatR^itIyAttu pAvayedeka eva hi . 
brahma deyAnusantAna iti brahma vido viduH .. 30..\\
anR^itviganupAdhyAyaH sa chedagrAsana.n vrajet . 
R^itvigbhirananuGYAtaH pa~NktyA harati duShkR^itam .. 31..\\
atha chedvedavitsarvaiH pa~NktidoShairvivarjitaH . 
na cha syAtpatito rAjanpa~NktipAvana eva saH .. 32..\\
tasmAtsarvaprayatnena parIkShyAmantrayeddvijAn . 
svakarmaniratAndAntAnkule jAtAnbahushrutAn .. 33..\\
yasya mitra pradhAnAni shrAddhAni cha havIMShi cha . 
na prINAti pitR^IndevAnsvarga.n cha na sa gachchhati .. 34..\\
yashcha shrAddhe kurute sa~NgatAni 
na deva yAnena pathA sa yAti . 
sa vai muktaH pippalaM bandhanAdvA 
svargAllokAchchyavate shrAddhamitraH .. 35..\\
tasmAnmitra.n shrAddhakR^innAdriyeta 
dadyAnmitrebhyaH sa~NgrahArtha.n dhanAni . 
yaM manyate naiva shatruM na mitraM 
taM madhyasthaM bhojayeddhavyakavye .. 36..\\
yathoShare bIjamuptaM na rohen 
na chAsyoptA prApnuyAdbIjabhAgam . 
eva.n shrAddhaM bhuktamanarhamANair 
na cheha nAmutra phala.n dadAti .. 37..\\
brAhmaNo hyanadhIyAnastR^iNAgniriva shAmyati . 
tasmai shrAddhaM na dAtavyaM na hi bhasmani hUyate .. 38..\\
sambhojanI nAma pishAchadakShiNA 
sA naiva devAnna pitR^Inupaiti . 
ihaiva sA bhrAmyati kShINapuNyA 
shAlAntare gauriva naShTavatsA .. 39..\\
yathAgnau shAnte ghR^itamAjuhoti 
tannaiva devAnna pitR^Inupaiti . 
tathA dattaM nartane gAyane cha 
yA.n chAnR^iche dakShiNAmAvR^iNoti .. 40..\\
ubhau hinasti na bhunakti chaiShA 
yA chAnR^iche dakShiNA dIyate vai . 
AghAtanI garhitaiShA patantI 
teShAM pretAnpAtayeddeva yAnAt .. 41..\\
R^iShINA.n samayaM nityaM ye charanti yudhiShThira . 
nishchitAH sarvadharmaGYAstAndevA brAhmaNAnviduH .. 42..\\
svAdhyAyaniShThA R^iShayo GYana niShThAstathaiva cha . 
tapo niShThAshcha boddhavyAH karma niShThAshcha bhArata .. 43..\\
kavyAni GYAnaniShThebhyaH pratiShThApyAni bhArata . 
tatra ye brAhmaNAH ke chinna nindati hi te varAH .. 44..\\
ye tu nindanti jalpeShu na tA~nshrAddheShu bhojayet . 
brAhmaNA ninditA rAjanhanyustripuruSha.n kulam .. 45..\\
vaikhAnasAnA.n vachanamR^iShINAM shrUyate nR^ipa . 
dUrAdeva parIkSheta brAhmaNAnvedapAragAn . 
priyAnvA yadi vA dveShyA.nsteShu tachchhrAddhamAvapet .. 46..\\
yaH sahasra.n sahasrANAM bhojayedanR^ichAM naraH . 
ekastAnmantravitprItaH sarvAnarhati bhArata .. 47..\\
\medskip\hrule\medskip\centerline{\Largedvng 91}
 y

kena sa~Nkalpita.n shrAddha.n kasminkAle kimAtmakam . 
bhR^igva~Ngirasake kAle muninA katareNa vA .. 1..\\
kAni shrAddheShu varjyAni tathA mula phalAni cha . 
dhAnyajAtishcha kA varjyA tanme brUhi pitAmaha .. 2..\\

 bh

yathA shrAddha.n sampravR^ittaM yasminkAle yadAtmakam . 
yena sa~Nkalpita.n chaiva tanme shR^iNu janAdhipa .. 3..\\
svAyambhuvo.atriH kauravya paramarShiH pratApavAn . 
tasya vaMshe mahArAja dattAtreya iti smR^itaH .. 4..\\
dattAtreyasya putro.abhUnnimirnAma tapodhanaH . 
nimeshchApyabhavatputraH shrImAnnAma shriyA vR^itaH .. 5..\\
pUrNe varShasahasrAnte sa kR^itvA duShkara.n tapaH . 
kAladharmaparItAtmAnidhana.n samupAgataH .. 6..\\
nimistu kR^itvA shauchAni vidhidR^iShTena karmaNA . 
santApamagamattIvraM putrashokaparAyaNaH .. 7..\\
atha kR^itvopahAryANi chaturdashyAM mahAmatiH . 
tameva gaNaya~nshoka.n virAtre pratyabudhyata .. 8..\\
tasyAsItpratibuddhasya shokena pihitAtmanaH . 
manaH sa.nhR^itya viShaye buddhirvistara gAminI .. 9..\\
tataH sa~ncintayAmAsa shrAddhakalpa.n samAhitaH . 
yAni tasyaiva bhojyAni mUlAhi cha phalAni cha .. 10..\\
uktAni yAni chAnyAni yAni cheShTAni tasya ha . 
tAni sarvANi manasA vinishchitya tapodhanaH .. 11..\\
amAvAsyAM mahAprAGYa viprAnAnAyya pUjitAn . 
dakShiNAvartikAH sarvA bR^isIH svayamathAkarot .. 12..\\
sapta viprA.nstato bhojye yugapatsamupAnayat . 
R^ite cha lavaNaM bhojya.n shyAmAkAnna.n dadau prabhuH .. 13..\\
dakShiNAgrAstato darbhA viShTareShu niveshitAH . 
pAdayoshchaiva viprANA.n ye tvannamupabhu~njate .. 14..\\
kR^itvA cha dakShiNAgrAnvai darbhAnsuprayataH shuchiH . 
pradadau shrImate piNDaM nAmagotramudAharan .. 15..\\
tatkR^itvA sa munishreShTho dharmasa~NkaramAtmanaH . 
pashchAttApena mahatA tapyamAno.abhyachintayat .. 16..\\
akR^itaM munibhiH pUrva.n kiM mayaitadanuShThitam . 
kathaM nu shApena na mA.n daheyurbrAhmaNA iti .. 17..\\
tataH sa~ncintayAmAsa vaMshakartAramAtmanaH . 
dhyAta mAtrastathA chAtrirAjagAma tapodhanaH .. 18..\\
athAtrista.n tathA dR^iShTvA putrashokena karshitam . 
bhR^ishamAshvAsayAmAsa vAgbhiriShTAbhiravyayaH .. 19..\\
nime sa~Nkalpitaste.ayaM pitR^iyaGYastapodhanaH . 
mA te bhUdbhIH pUrvadR^iShTo dharmo.ayaM brahmaNA svayam .. 20..\\
so.aya.n svayambhuvihito dharmaH sa~NkalpitastvayA . 
R^ite svayambhuvaH ko.anyaH shrAddheya.n vidhimAharet .. 21..\\
AkhyAsyAmi cha te bhUyaH shrAddheya.n vidhimuttamam . 
svayambhuvihitaM putra tatpuruShva nibodha me .. 22..\\
kR^itvAgnikaraNaM pUrvaM mantrapUrva.n tapodhana . 
tato.aryamNe cha somAya varuNAya cha nityashaH .. 23..\\
vishve devAshcha ye nityaM pitR^ibhiH saha gocharAH . 
tebhyaH sa~NkalpitA bhAgAH svayameva svayambhuvA .. 24..\\
stotavyA cheha pR^ithivI nivApasyeha dhAriNI . 
vaiShNavI kAshyapI cheti tathaivehAkShayeti cha .. 25..\\
udakAnayane chaiva stotavyo varuNo vibhuH . 
tato.agnishchaiva somashcha ApyAyyAviha te.anagha .. 26..\\
devAstu pitaro nAma nirmitA vai svayambhuvA . 
UShmapAH sumahAbhAgAsteShAM bhAgAH prakalpitAH .. 27..\\
te shrAddhenArchyamAnA vai vimuchyante ha kilbiShAt . 
saptakaH pitR^ivaMshastu pUrvadR^iShTaH svayambhuvA .. 28..\\
vishve chAgnimukhA devAH sa~NkhyAtAH pUrvameva te . 
teShAM nAmAni vakShyAmi bhAgArhANAM mahAtmanAm .. 29..\\
sahaH kR^itirvipApmA cha puNyakR^itpAvanastathA . 
grAmniH kShemaH samUhashcha divyasAnustathaiva cha .. 30..\\
vivasvAnvIryavAnhrImAnkIrtimAnkR^ita eva cha . 
vipUrvaH somapUrvashcha sUryashrIshcheti nAmataH .. 31..\\
somapaH sUryasAvitro dattAtmA puShkarIyakaH . 
uShNInAbho nabhedashcha vishvAyurdIptireva cha .. 32..\\
chamUharaH suveShashcha vyomAriH sha~Nkaro bhavaH . 
IshaH kartA kR^itirdakSho bhuvano divyakarmakR^it .. 33..\\
gaNitaH pa~ncha vIryashcha Adityo rashmimA.nstathA . 
sapta kR^itsomavarchAshcha vishvakR^itkavireva cha .. 34..\\
anugoptA sugoptA cha naptA cheshvara eva cha . 
jitAtmA munivIryashcha dIptalomA bhaya~NkaraH .. 35..\\
atikarmA pratItashcha pradAtA chAMshumA.nstathA . 
shailAbhaH paramakrodhI dhIroShNI bhUpatistathA .. 36..\\
srajI vajrI varI chaiva vishve devAH sanAtanAH . 
kIrtitAste mahAbhAgAH kAlasya gatigocharAH .. 37..\\
ashrAddheyAni dhAnyAni kodravAH pulakAstathA . 
hi~Ngu dravyeShu shAkeShu palANDu.n lashuna.n tathA .. 38..\\
palANDuH saubha~njanakastathA gR^i~njanakAdayaH . 
kUShmANDa jAtyalAbu.n cha kR^iShNa.n lavaNameva cha .. 39..\\
grAmya.n vArAha mA.nsa.n cha yachchaivAprokShitaM bhavet . 
kR^iShNAjAjI viDashchaiva shItapAkI tathaiva cha . 
a~NkurAdyAstathA varjyA iha shR^i~NgATakAni cha .. 40..\\
varjayellavaNa.n sarva.n tathA jambU phalAni cha . 
avakShutAvarudita.n tathA shrAddheShu varjayet .. 41..\\
nivApe havyakavye vA garhita.n cha shvadarshanam . 
pitarashchaiva devAshcha nAbhinandanti taddhaviH .. 42..\\
chaNDAla shvapachau varjyau nivApe samupasthite . 
kAShAyavAsI kuShThI vA patito brahmahApi vA .. 43..\\
sa~NkIrNa yonirviprashcha sambandhI patitashcha yaH . 
varjanIyA budhairete nivApe samupasthite .. 44..\\
ityevamuktvA bhagavAnsvavaMshajamR^iShiM purA . 
pitAmaha sabhA.n divyAM jagAmAtristapodhanaH .. 45..\\
\medskip\hrule\medskip\centerline{\Largedvng 92}
 bh

tathAvidhau pravR^itte tu sarva eva maharShayaH . 
pitR^iyaGYAnakurvanta vidhidR^iShTena karmaNA .. 1..\\
R^iShayo dharmanityAstu kR^itvA nivapanAnyuta . 
tarpaNa.n chApyakurvanta tIrthAmbhobhiryatavratAH .. 2..\\
nivApairdIyamAnaishcha chAturvarNyena bhArata . 
tarpitAH pitaro devAste nAnna.n jarayanti vai .. 3..\\
ajIrNenAbhihanyante te devAH pitR^ibhiH saha . 
somamevAbhyapadyanta nivApAnnAbhipIDitAH .. 4..\\
te.abruvansomamAsAdya pitaro.ajIrNa pIDitAH . 
nivApAnnena pIDyAmaH shreyo nAtra vidhIyatAm .. 5..\\
tAnsomaH pratyuvAchAtha shreyashchedIpsita.n surAH . 
svayambhU sadana.n yAtasa vai shreyo vidhAsyati .. 6..\\
te somavachanAddevAH pitR^ibhiH saha bhArata . 
merushR^i~Nge samAsInaM pitAmahamupAgaman .. 7..\\

 pitarah

nivApAnnena bhagavanbhR^ishaM pIDyAmahe vayam . 
prasAda.n kuru no deva shreyo naH sa.nvidhIyatAm .. 8..\\
iti teShA.n vachaH shrutvA svayambhUridamabravIt . 
eSha me pArshvato vahniryuShmachchhreyo vidhAsyati .. 9..\\

 agni

sahitAstAta bhokShyAmo nivApe samupasthite . 
jarayiShyatha chApyannaM mayA sArdhaM na saMshayaH .. 10..\\
etachchhrutvA tu pitarastataste vijvarAbhavan . 
etasmAtkAraNAchchAgneH prAktana.n dIyate nR^ipa .. 11..\\
nivapte chAgnipUrve vai nivApe puruSharShabha . 
na brahmarAkShasAsta.n vai nivApa.n dharShayantyuta . 
rakShA.nsi chApavartante sthite deve vibhAvasau .. 12..\\
pUrvaM piNDaM piturdadyAttato dadyAtpitAmahe . 
prapitAmahAya cha tata eSha shrAddhavidhiH smR^itaH .. 13..\\
brUyAchchhrAddhe cha sAvitrIM piNDe piNDe samAhitaH . 
somAyeti cha vaktavya.n tathA pitR^imateti cha .. 14..\\
rajasvalA cha yA nArI vya~NgitA karNayoshcha yA . 
nivApe nopatiShTheta sa~NgrAhyA nAnyavaMshajAH .. 15..\\
jalaM prataramANashcha kIrtayeta pitAmahAn . 
nadImAsAdya kurvIta pitR^INAM piNDa tarpaNam .. 16..\\
pUrva.n svavaMshajAnA.n tu kR^itvAdbhistarpaNaM punaH . 
suhR^itsambandhivargANA.n tato dadyAjjalA~njalim .. 17..\\
kalmAShagoyugenAtha yuktena tarato jalam . 
pitaro.abhilaShante vai nAva.n chApyadhirohataH . 
sadA nAvi jala.n tajGYAH prayachchhanti samAhitAH .. 18..\\
mAsArdhe kR^iShNapakShasya kuyAnnivapanAni vai . 
puShTirAyustathA vIrya.n shrIshchaiva pitR^ivartinaH .. 19..\\
pitAmahaH pulastyashcha vasiShTAH pulahastathA . 
a~NgirAshcha kratushchaiva kashyapashcha mahAnR^iShiH . 
ete kuru kulashreShTha mahAyogeshvarAH smR^itAH .. 20..\\
ete cha pitaro rAjanneSha shrAddhavidhiH paraH . 
pretAstu piNDa sambandhAnmuchyante tena karmaNA .. 21..\\
ityeShA puruShashreShTha shrAddhotpattiryathAgamam . 
khyApitA pUrvanirdiShTA dAna.n vakShyAmyataH param .. 22..\\
\medskip\hrule\medskip\centerline{\Largedvng 93}
 y

dvijAtayo vratopetA haviste yadi bhu~njate . 
annaM brAhmaNa kAmAya kathametatpitAmaha .. 1..\\

 bh

avedokta vratAshchaiva bhu~njAnAH kAryakAriNaH . 
vedokteShu tu bhu~njAnA vrataluptA yudhiShThira .. 2..\\

 y

yadida.n tapa ityAhurupavAsaM pR^ithagjanAH . 
tapaH syAdetadiha vai tapo.anyadvApi kiM bhavet .. 3..\\

 bh

mAsArdha mAsau nopavasedyattapo manyate janaH . 
AtmatantropaghAtI yo na tapasvI na dharmavit .. 4..\\
tyAgasyApi cha sampattiH shiShyate tapa uttamam . 
sadopavAsI cha bhavedbrahma chArI tathaiva cha .. 5..\\
munishcha syAtsadA vipro devAMshchaiva sadA yajet . 
kuTumbiko dharmakAmaH sadA svapnashcha bhArata .. 6..\\
amR^itAshI sadA cha syAtpavitrI cha sadA bhavet . 
R^itavAdI sadA cha syAnniyatashcha sadA bhavet .. 7..\\
vighasAshI sadA cha syAtsadA chaivAtithi priyaH . 
amA.nsAsI sadA cha syAtpavitrI cha sadA bhavet .. 8..\\

 y

katha.n sadopavAsI syAdbrahma chArI cha pArthiva . 
vighasAshI katha.n cha syAtkathaM chaivAtithi priyaH .. 9..\\

 bh

antarA sAyamAsha.n cha prAtarAshaM tathaiva cha . 
sadopavAsI bhavati yo na bhu~Nkte.antarA punaH .. 10..\\
bhAryA.n gachchhanbrahma chArI sadA bhavati chaiva ha . 
R^itavAdI sadA cha syAddAnashIlashcha mAnavaH .. 11..\\
abhakShayanvR^ithA mA.nsamamA.nsAshI bhavatyuta . 
dAna.n dadatpavitrI syAdasvapnashcha divA svapan .. 12..\\
bhR^ityAtithiShu yo bhu~Nkte bhuktavatsu naraH sadA . 
amR^ita.n kevalaM bhu~Nkte iti viddhi yudhiShThira .. 13..\\
abhuktavatsu nAshnAti brAhmaNeShu tu yo naraH . 
abhojanena tenAsya jitaH svargo bhavatyuta .. 14..\\
devebhyashcha pitR^ibhyashcha bhR^ityebhyo.atithibhiH saha . 
avashiShTAni yo bhu~Nkte tamAhurvighasAshinam .. 15..\\
teShA.n lokA hyaparyantAH sadane brahmaNaH smR^itAH . 
upasthitA hyapsarobhirgandharvaishcha janAdhipa .. 16..\\
devatAtithibhiH sArdhaM pitR^ibhishchopabhu~njate . 
ramante putrapautraishcha teShA.n gatiranuttamA .. 17..\\
\medskip\hrule\medskip\centerline{\Largedvng 94}
 y

brAhmaNebhyaH prayachchhanti dAnAni vividhAni cha . 
dAtR^ipratigrahItrorvA ko visheShaH pitAmaha .. 1..\\

 bh

sAdhoryaH pratigR^ihNIyAttathaivAsAdhuto dvijaH . 
guNavatyalpadoShaH syAnnirguNe tu nimajjati .. 2..\\
atrApyudAharantImamitihAsaM purAtanam . 
vR^iShAdarbheshcha sa.nvAda.n saptarShINA.n cha bhArata .. 3..\\
kashyapo.atrirvasiShThashcha bharadvAjo.atha gautamaH . 
vishvAmitro jamadagniH sAdhvI chaivApyarundhatI .. 4..\\
sarveShAmatha teShA.n tu gaNDAbhUtkarma kArikA . 
shUdraH pashusakhashchaiva bhartA chAsyA babhUva ha .. 5..\\
te vai sarve tapasyantaH purA cherurmahImimAm . 
samAdhinopashikShanto brahmaloka.n sanAtanam .. 6..\\
athAbhavadanAvR^iShTirmahatI kurunandana . 
kR^ichchhraprANo.abhavadyatra loko.aya.n vai kShudhAnvitaH .. 7..\\
kasmiMshchichcha purA yaGYe yAjyena shibisUnunA . 
dakShiNArthe.atha R^itvigbhyo dattaH putro nijaH kila .. 8..\\
tasminkAle.atha so.alpAyurdiShTAntamagamatprabho . 
te ta.n kShudhAbhisantaptAH parivAryopatasthire .. 9..\\
yAjyAtmajamatho dR^iShTvA gatAsumR^iShisattamAH . 
apachanta tadA sthAlyA.n kShudhArtAH kila bhArata .. 10..\\
nirAdye martyaloke.asminnAtmAna.n te parIpsavaH . 
kR^ichchhrAmApedire vR^ittimannahetostapasvinaH .. 11..\\
aTamAno.atha tAnmArge pachamAnAnmahIpatiH . 
rAjA shaibyo vR^iShAdarbhiH kishyamAnAndadarsha ha .. 12..\\

 vr

pratigrahastArayati puShTirvai pratigR^ihNatAm . 
mayi yadvidyate vitta.n tachchhR^iNudhvaM tapodhanAH .. 13..\\
priyo hi me brAhmaNo yAchamAno 
dadyAmaha.n vo.ashvatarI sahasram . 
ekaikashaH sa vR^iShAH samprasUtAH 
sarveShA.n vai shIghragAH shvetalomAH .. 14..\\
kulaM bharAnanaDuhaH shata.n shatAn 
dhuryA~nshubhAnsarvasho.aha.n dadAni . 
pR^ithvI vAhAnpIvarAMshchaiva tAvad 
agryA gR^iShTyo dhenavaH suvratAsh cha .. 15..\\
varAngrAmAnvrIhi yava.n rasAMsh cha 
ratna.n chAnyaddurlabhaM kiM dadAni . 
mA smAbhakShye bhAvameva.n kurudhvaM 
puShTyartha.n vai kiM prayachchhAmyahaM vaH .. 16..\\

 rsayah

rAjanpratigraho rAGYo madhvAsvAdo viShopamaH . 
tajjAnamAnaH kasmAttva.n kuruShe naH pralobhanam .. 17..\\
kShatra.n hi daivatamiva brAhmaNaM samupAshritam . 
amalo hyeSha tapasA prItaH prINAti devatAH .. 18..\\
ahnApIha tapo jAtu brAhmaNasyopajAyate . 
taddAva iva nirdahyAtprApto rAjapratigrahaH .. 19..\\
kushala.n saha dAnena rAjannastu sadA tava . 
arthibhyo dIyatA.n sarvamityuktvA te tato yayuH .. 20..\\
apakvameva tanmA.nsamabhUtteShA.n cha dhImatAm . 
atha hitvA yayuH sarve vanamAhArakA~NkShiNaH .. 21..\\
tataH prachoditA rAGYA vana.n gatvAsya mantriNaH . 
prachIyodumbarANi sma dAna.n dAtuM prachakramuH .. 22..\\
udumbarANyathAnyAni hemagarbhANyupAharan . 
bhR^ityAsteShA.n tatastAni pragrAhitumupAdravan .. 23..\\
gurUNIti viditvAtha na grAhyANyatrirabravIt . 
na sma he mUDha viGYAnA na sma he mandabuddhayaH . 
haimAnImAni jAnImaH pratibuddhAH sma jAgR^imaH .. 24..\\
iha hyetadupAdattaM pretya syAtkaTukodayam . 
apratigrAhyamevaitatpretya cheha sukhepsunA .. 25..\\

 v

shatena niShka.n gaNita.n sahasreNa cha saMmitam . 
yathA bahu pratIchchhanhi pApiShThA.n labhate gatim .. 26..\\

 kazyapa

yatpR^ithivyA.n vrIhi yavaM hiraNyaM pashavaH striyaH . 
sarva.n tannAlamekasya tasmAdvidvA~nshama.n vrajet .. 27..\\

 bharadvaaja

utpannasya ruroH shR^i~Nga.n vardhamAnasya vardhate . 
prArthanA puruShasyeva tasya mAtrA na vidyate .. 28..\\

 gautama

na talloke dravyamasti yallokaM pratipUrayet . 
samudrakalpaH puruSho na kadA chana pUryate .. 29..\\

 vizvaamitra

kAma.n kAmayamAnasya yadA kAmaH samR^idhyate . 
athainamaparaH kAmastR^iShNA vidhyati bANavat .. 30..\\

 jamadagni

pratigrahe sa.nyamo vai tapo dhArayate dhruvam . 
taddhanaM brAhmaNasyeha lubhyamAnasya visravet .. 31..\\

 arundhatii

dharmArtha.n sa~ncayo yo vai dravyANAM pakShasaMmataH . 
tapaH sa~ncaya eveha vishiShTo dravyasa~ncayAt .. 32..\\

 gandaa

ugrAdito bhayAdyasmAdvibhyatIme mameshvarAH . 
balIyA.nso durbalavadbibhemyahamataH param .. 33..\\

 pazusakha

yadvai dharme paraM nAsti brAhmaNAstaddhana.n viduH . 
vinayArtha.n suvidvA.nsamupAseyaM yathAtatham .. 34..\\

 rsayah

kushala.n saha dAnAya tasmai yasya prajA imAH . 
phalAnyupadhi yuktAni ya evaM naH prayachchhasi .. 35..\\

 bh

ityuktvA hemagarbhANi hitvA tAni phalAni te . 
R^iShayo jagmuranyatra sarva eva dhR^itavratAH .. 36..\\

 mantrinah

upadhi.n sha~NkamAnAste hitvemAni phalAni vai . 
tato.anyenaiva gachchhanti vidita.n te.astu pArthiva .. 37..\\
ityuktaH sa tu bhR^ityaistairvR^iShAdarbhish chukopa ha . 
teShA.n sampratikartu.n cha sarveShAmagamadgR^iham .. 38..\\
sa gatvAhavanIye.agnau tIvraM niyamamAsthitaH . 
juhAva sa.nskR^itAM mantrairekaikAmAhutiM nR^ipaH .. 39..\\
tasmAdagneH samuttasthau kR^ityA lokabhaya~NkarI . 
tasyA nAma vR^iShAdarbhiryAtudhAnItyathAkarot .. 40..\\
sA kR^ityA kAlarAtrIva kR^itA~njalirupasthitA . 
vR^iShAdarbhiM narapati.n kiM karomIti chAbravIt .. 41..\\

 vrsaadharbhi

R^iShINA.n gachchha saptAnAmarundhatyAstathaiva cha . 
dAsI bhartushcha dAsyAshcha manasA nAma dhAraya .. 42..\\
GYAtvA nAmAnichaiteShA.n sarvAnetAnvinAshaya . 
vinaShTeShu yathA svaira.n gachchha yatrepsitaM tava .. 43..\\
sA tatheti pratishrutya yAtu dAnI svarUpiNI . 
jagAma tadvana.n yatra vicheruste maharShayaH .. 44..\\
\medskip\hrule\medskip\centerline{\Largedvng 95}
 bh

athAtri pramukhA rAjanvane tasminmaharShayaH . 
vyacharanbhakShayanto vai mUlAni cha phalAni cha .. 1..\\
athApashyansupInA.nsa pANipAdamukhodaram . 
parivrajanta.n sthUlA~NgaM parivrAjaM shunaH sakham .. 2..\\
arundhatI tu ta.n dR^iShTvA sarvA~Ngopachita.n shubhA . 
bhavitAro bhavanto vai naivamityabravIdR^iShIn .. 3..\\

 vasistha

naitasyeha yathAsmAkamagnihotramanirhutam . 
sAyamprAtashcha hotavya.n tena pIvA~nshunaH sakhaH .. 4..\\

 atri

naitasyeha yathAsmAka.n kShudhA vIrya.n samAhatam . 
kR^ichchhrAdhItaM pranaShTa.n cha tena pIvA~nshunaH sakhaH .. 5..\\

 vizvaamitra

naitasyeha yathAsmAka.n shashvachchhAstra.n jaradgavaH . 
alasaH kShutparo mUrkhastena pIvA~nshunaH sakhaH .. 6..\\

 jamadagni

naitasyeha yathAsmAkaM bhaktamindhanameva cha . 
sa~ncintya vArShika.n kiM chittena pIvATshunaH sakhaH .. 7..\\

 kazyapa

naitasyeha yathAsmAka.n chatvArashcha sahodarAH . 
dehi dehIti bhikShanti tena pIvA~nshunaH sakhaH .. 8..\\

 bharadvaaja

naitasyeha yathAsmAkaM brahma bandhorachetasaH . 
shoko bhAryApavAdena tena pIvA~nshunaH sakhaH .. 9..\\

 gautama

naitasyeha yathAsmAka.n trikausheya.n hi rA~Nkavam . 
ekaika.n vai trivArShIya.n tena pIvA~nshunaH sakhaH .. 10..\\

 bh

atha deShTvA parivrATsa tAnmaharShI~nshunaH sakhaH . 
abhigamya yathAnyAyaM pANisparshamathAcharat .. 11..\\
paricharyA.n vane tA.n tu kShutpratIghAta kArikAm . 
anyonyena nivedyAtha prAtiShThanta sahaiva te .. 12..\\
ekanishchaya kAryAshcha vyacharanta vanAni te . 
AdadAnAH samuddhR^itya mUlAni cha phalAni cha .. 13..\\
kadA chidvicharantaste vR^ikShairaviralairvR^itAm . 
shuchi vAri prasannodA.n dadR^ishuH padminI.n shubhAm .. 14..\\
bAlAditya vapuH prakhyaiH puShkarairupashobhitAm . 
vaidUryavarNasadR^ishaiH padmapatrairathAvR^itAm .. 15..\\
nAnAvidhaishcha vihagairjalaprakara sevibhiH . 
ekadvArAmanAdeyA.n sUpatIrthAmakardamAm .. 16..\\
vR^iShAdarbhi prayuktA tu kR^ityA vikR^itadarshanA . 
yAtudhAnIti vikhyAtA padminI.n tAmarakShata .. 17..\\
shunaH sakha sahAyAstu bisArtha.n te maharShayaH . 
padminImabhijagmuste sarve kR^ityAbhirakShitAm .. 18..\\
tataste yAtudhAnI.n tAM dR^iShTvA vikR^itadarshanAm . 
sthitA.n kamalinI tIre kR^ityAmUchurmaharShayaH .. 19..\\
ekA tiShThasi kA nu tva.n kasyArthe kiM prayojanam . 
padminI tIramAshritya brUhi tva.n kiM chikIrShasi .. 20..\\

 yaatudhaana

yAsmi sAsmyanuyogo me na kartavyaH katha.n chana . 
ArakShiNIM mAM padminyA vittasarve tapodhanAH .. 21..\\

 rsayah

sarva eva kShudhArthA sma na chAnyatki.n chidasti naH . 
bhavatyAH saMmate sarve gR^ihNImahi bisAnyuta .. 22..\\

 yaatudhaana

samayena bisAnIto gR^ihNIdhva.n kAmakArataH . 
ekaiko nAma me proktvA tato gR^ihNIta mAchiram .. 23..\\

 bh

viGYAya yAtudhAnI.n tAM kR^ityAmR^iShivadhaiShiNIm . 
atriH kShudhA parItAtmA tato vachanamabravIt .. 24..\\
arAtriratreH sA rAtriryAM nAdhIte triradya vai . 
arAtriratrirityeva nAma me viddhi shobhane .. 25..\\

 yaa

yathodAhR^itametatte mayi nAma mahAmune . 
durdhAryametanmanasA gachchhAvatara padminIm .. 26..\\

 vasistha

vasiShTho.asmi variShTho.asmi vase vAsa.n gR^iheShvapi . 
vasiShThatvAchcha vAsAchcha vasiShTha iti viddhi mAm .. 27..\\

 yaa

nAma nairuktametatte duHkhavyAbhAShitAkSharam . 
naitaddhArayitu.n shakya.n gachchhAvatara padminIm .. 28..\\

 kazyapa

kula.n kulaM cha kupapaH kupayaH kashyapo dvijaH . 
kAshyaH kAshanikAshatvAdetanme nAma dhAraya .. 29..\\

 yaa

yathodAhR^itametatte mayi nAma mahAmune . 
durdhAryametanmanasA gachchhAvatara padminIm .. 30..\\

 bharadvaaja

bhare sutAnbhare shiShyAnbhare devAnbhare dvijAn . 
bhare bharyAmanavyAjo bharadvAjo.asmi shobhane .. 31..\\

 yaa

nAma nairuktametatte duHkhavyAbhAShitAkSharam . 
naitaddhArayitu.n shakya.n gachchhAvatara padminIm .. 32..\\

 gautama

godamo damago.adhUmo damo durdarshanash cha te . 
viddhi mA.n gautamaM kR^itye yAtudhAni nibodha me .. 33..\\

 yaa

yathodAhR^itametatte mayi nAma mahAmune . 
naitaddhArayitu.n shakya.n gachchhAvatara padminIm .. 34..\\

 vizvaamitra

vishve devAshcha me mitraM mitramasmi gavA.n tathA . 
vishvA mitramiti khyAta.n yAtudhAni nibodha me .. 35..\\

 yaa

nAma nairuktametatte duHkhavyAbhAShitAkSharam . 
naitaddhArayitu.n shakya.n gachchhAvatara padminIm .. 36..\\

 jamadagni

jAjamadyajajA nAma mR^ijA mAha jijAyiShe . 
jamadagniriti khyAtamato mA.n viddhi shobhane .. 37..\\

 yaa

yathodAhR^itametatte mayi nAma mahAmune . 
naitaddhArayitu.n shakya.n gachchhAvatara padminIm .. 38..\\

 arundhatii

dharA.n dharitrI.n vasudhAM bhartustiShThAmyanantaram . 
mano.anurundhatI bharturiti mA.n viddhyarundhatIm .. 39..\\

 yaa

nAma nairuktametatte duHkhavyAbhAShitAkSharam . 
naitaddhArayitu.n shakya.n gachchhAvatara padminIm .. 40..\\

 gandaa

gaNDa.n gaNDaM gatavatI gaNDagaNDeti sa~nj~nitA . 
gaNDagaNDeva gaNDeti viddhi mAnala sambhave .. 41..\\

 yaa

nAma nairuktametatte duHkhavyAbhAShitAkSharam . 
naitaddhArayitu.n shakya.n gachchhAvatara padminIm .. 42..\\

 pazusakha

sakhA sakhe yaH sakhyeyaH pashUnA.n cha sakhA sadA . 
gauNaM pashusakhetyeva.n viddhi mAmagnisambhave .. 43..\\

 yaa

nAma nairuktametatte duHkhavyAbhAShitAkSharam . 
naitaddhArayitu.n shakya.n gachchhAvatara padminIm .. 44..\\
ebhirukta.n yathA nAma nAhaM vaktumihotsahe . 
shunaH sakha sakhAyaM mA.n yAtudhAnyupadhAraya .. 45..\\

 yaa

nAma te.avyaktamukta.n vai vAkyaM sandigdhayA girA . 
tasmAtsakR^ididAnI.n tvaM brUhi yannAma te dvija .. 46..\\
sakR^iduktaM mayA nAma na gR^ihIta.n yadA tvayA . 
tasmAttridaNDdAbhihatA gachchha bhasmeti mAchiram .. 47..\\

 bh

sA brahmadaNDakalpena tena mUrdhni hatA tadA . 
kR^ityA papAta medinyAM bhasmasAchcha jagAma ha .. 48..\\
shunaH sakhashcha hatvA tA.n yAtudhAnIM mahAbalAm . 
bhuvi tridaNDa.n viShTabhya shAdvale samupAvishat .. 49..\\
tataste munayaH sarve puShkarANi bisAni cha . 
yathAkAmamupAdAya samuttasthurmudAnvitAH .. 50..\\
shrameNa mahatA yuktAste bisAni kalApashaH . 
tIre nikShipya padminyAstarpaNa.n chakrurambhasA .. 51..\\
athotthAya jalAttasmAtsarve te vai samAgaman . 
nApashyaMshchApi te tAni bisAni puruSharShabha .. 52..\\

 rsayah

kena kShudhAbhibhUtAnAmasmAkaM pApakakrmaNA . 
nR^isha.nsenApanItAni bisAnyAhArakA~NkShiNAm .. 53..\\
te sha~NkamAnAstvanyonyaM paprachchhurdvijasattamAH . 
ta UchuH shapatha.n sarve kurma ityarikarshana .. 54..\\
ta uktvA bADhamityeva sarva eva shunaH sakham . 
kShudhArtAH suparishrAntAH shapathAyopachakramuH .. 55..\\

 atri

sa gA.n spR^ishatu pAdena sUrya.n cha pratimehatu . 
anadhyAyeShvadhIyIta bisa stainya.n karoti yaH .. 56..\\

 vasistha

anadhyAya paro loke shunaH sa parikarShatu . 
parivrATkAmavR^itto.astu bisa stainya.n karoti yaH .. 57..\\
sharaNAgata.n hantumitraM svasutA.n chopajIvatu . 
arthAnkA~NkShatu kInAshAdbisa stainya.n karoti yaH .. 58..\\

 kazyapa

sarvatra sarvaM paNatu nyAsalopa.n karotu cha . 
kUTasAkShitvamabhyetu bisa stainya.n karoti yaH .. 59..\\
vR^ithA mA.nsa.n samashnAtu vR^ithA dAna.n karoti cha . 
yAtu striya.n divA chaiva bisa stainyaM karoti yaH .. 60..\\

 bharadvaaja

nR^isha.nsastyaktadharmAstu strIShu GYAtiShu goShu cha . 
brAhmaNa.n chApi jayatAM bisa stainyaM karoti yaH .. 61..\\
upAdhyAyamadhaH kR^itvA R^icho.adhyetu yajUMShi cha . 
juhotu cha sa kakShAgnau bisa stainya.n karoti yaH .. 62..\\

 jamadagni

purIShamutsR^ijatvapsu hantugA.n chApi dohinIm . 
anR^itau maithuna.n yAtu bisa stainya.n karoti yaH .. 63..\\
dveShyo bhAryopajIvI syAddUrabandhushcha vairavAn . 
anyonyasyAtithishchAstu bisa stainya.n karoti yaH .. 64..\\

 gautama

adhItya vedA.nstyajatu trInagnInapavidhyatu . 
vikrINAtu tathA somaM bisa stainya.n karoti yaH .. 65..\\
upa pAnaplave grAme brAhmaNo vR^iShalI patiH . 
tasya sAlokyatA.n yAtu bisa stainya.n karoti yaH .. 66..\\

 vizvaamitra

jIvato vai gurUnbhR^ityAnbharantvasya pare janAH . 
agatirbahuputraH syAdbisa stainya.n karoti yaH .. 67..\\
ashuchirbrahma kUTo.astu R^iddhyA chaivApyaha.n kR^itaH . 
karShako matsarI chAstu bisa stainya.n karoti yaH .. 68..\\
varShAnkarotu bhR^itako rAGYashchAstu purohitaH . 
ayAjyasya bhavedR^itvigbisa stainya.n karoti yaH .. 69..\\

 arundhatii

nityaM parivadechchhvashrUM bharturbhavatu durmanAH . 
ekA svAdu samashnAtu bisa stainya.n karoti yA .. 70..\\
GYAtInA.n gR^ihamedhyasthA saktUnattu dinakShaye . 
abhAgyAvIrasUrastu bisa stainya.n karoti yAH .. 71..\\

 gandaa

anR^itaM bhAShatu sadA sAdhubhish cha virudhyatu . 
dadAtu kanyA.n shuklena bisa stainya.n karoti yAH .. 72..\\
sAdhayitvA svayaM prAsheddAsye jIvatu chaiva ha . 
vikarmaNA pramIyeta bisa stainya.n karoti yA .. 73..\\

 pazusakha

dAsya eva prajAyeta so.aprasUtiraki~ncanaH . 
daivateShvanamaH kAro bisa stainya.n karoti yaH .. 74..\\
adhvaryave duhitara.n dadAtuch 
chhandoge vA charitabrahma charye . 
AtharvaNa.n vedamadhItya vipraH 
snAyIta yo vai harate bisAni .. 75..\\

 rsayah

iShTametaddvijAtInA.n yo.aya.n te shapathaH kR^itaH . 
tvayA kR^itaM bisa stainya.n sarveShAM naH shunaH sukha .. 76..\\

 zun

nyastamAdyamapashyadbhiryadukta.n kR^itakarmabhiH . 
satyametanna mithyaitadbisa stainya.n kR^itaM mayA .. 77..\\
mayA hyantarhitAnIha bisAnImAni pashyata . 
parIkShArthaM bhagavatA.n kR^itametanmayAnaghAH . 
rakShaNArtha.n cha sarveShAM bhavatAmahamAgataH .. 78..\\
yAtudhAnI hyatikruddhA kR^ityaiShA vo vadhaiShiNI . 
vR^iShAdarbhi prayuktaiShA nihatA me tapodhanAH .. 79..\\
duShTA hiMShyAdiyaM pApA yuShmAnpratyagnisambhavA . 
tasmAdasmyAgato viprA vAsavaM mAM nibodhata .. 80..\\
alobhAdakShayA lokAH prAptA vaH sArvakAmikAH . 
uttiShThadhvamitaH kShipra.n tAnavApnuta vai dvijAH .. 81..\\

 bh

tato maharShayaH prItAstathetyuktvA purandaram . 
sahaiva tridashendreNa sarve jagmustriviShTapam .. 82..\\
evamete mahAtmAno bhogairbahuvidhairapi . 
kShudhA paramayA yuktAshchhandyamAnA mahAtmabhiH . 
naiva lobha.n tadA chakrustataH svargamavApnuvan .. 83..\\
tasmAtsarvAsvavasthAsu naro lobha.n vivarjayet . 
eSha dharmaH paro rAjannalobha iti vishrutaH .. 84..\\
idaM naraH sachcharita.n samavAyeShu kIrtayet . 
sukhabhAgI cha bhavati na cha durgANyavApnute .. 85..\\
prIyante pitarashchAsya R^iShayo devatAstathA . 
yashodharmArthabhAgI cha bhavati pretya mAnavaH .. 86..\\
\medskip\hrule\medskip\centerline{\Largedvng 96}
 bh

atraivodAharantImamitihAsaM purAtanam . 
yadvR^itta.n tIrthayAtrAyA.n shapathaM prati tachchhR^iNu .. 1..\\
puShkarartha.n kR^ita.n stainyaM purA bharatasattama . 
rAjarShibhirmahArAja tathaiva cha dvijarShibhiH .. 2..\\
R^iShayaH sametAH pashchime vai prabhAse 
samAgatA mantramamantrayanta . 
charAma sarve pR^ithivIM puNyatIrthAM 
tannaH kArya.n hanta gachchhAma sarve .. 3..\\
shukro.a~NgirAshchaiva kavishcha vidvA.ns 
tathAgastyo nArada parvatau cha . 
bhR^igurvasiShThaH kashyapo gautamash cha 
vishvAmitro jamadagnishcha rAjan .. 4..\\
R^iShistathA gAlavo.athAShTakash cha 
bharadvAjo.arundhatI vAlakhilyAH . 
shibirdilIpo nahuSho.ambarISho 
rAjA yayAtirdhundhumAro.atha pUruH .. 5..\\
jagmuH puraskR^itya mahAnubhAvaM 
shatakratu.n vR^itrahaNaM narendra . 
tIrthAni sarvANi parikramanto 
mAdhyA.n yayuH kaushikIM puNyatIrthAm .. 6..\\
sarveShu tIrtheShvatha dhUtapApA 
jagmustato brahmasaraH supuNyam . 
devasya tIrthe jalamagnikalpA 
vigAhya te bhuktabisa prasUnAH .. 7..\\
ke chidbisAnyakhana.nstatra rAjann 
anye mR^iNAlAnyakhana.nstatra viprAH . 
athApashyanpuShkara.n te hriyantaM 
hradAdagastyena samuddhR^ita.n vai .. 8..\\
tAnAha sarvAnR^iShimukhyAnagastyaH 
kenAdattaM puShkaraM me sujAtam . 
yuShmA~nsha~Nke dIyatAM puShkaraM me 
na vai bhavanto hartumarhanti padmam .. 9..\\
shR^iNomi kAlo hi.nsate dharmavIryaM 
seyaM prAptA vardhate dharmapIDA . 
purAdharmo vardhate neha yAvat 
tAvadgachchhAmi paraloka.n chirAya .. 10..\\
purA vedAnbrAhmaNA grAmamadhye 
ghuShTa svarA vR^iShalA~nshrAvayanti . 
purA rAjA vyavahArAnadharmyAn 
pashyatyahaM paraloka.n vrajAmi .. 11..\\
purAvarAnpratyavarAngarIyaso 
yAvannarA nAvama.nsyanti sarve . 
tamottara.n yAvadidaM na vartate 
tAvadvrajAmi paraloka.n chirAya .. 12..\\
purA prapashyAmi pareNa martyAn 
balIyasA durbalAnbhujyamAnAn . 
tasmAdyAsyAmi paraloka.n chirAya 
na hyutsahe draShTumIdR^i~NnR^iloke .. 13..\\
tamAhurArtA R^iShayo maharShiM 
na te vayaM puShkara.n chorayAmaH . 
mithyAbhiSha~Ngo bhavatA na kAryaH 
shapAma tIkShNA~nshapathAnmaharShe .. 14..\\
te nishchitAstatra maharShayastu 
saMmanyanto dharmamevaM narendra . 
tato.ashapa~nshapathAnparyayeNa 
sahaiva te pArthiva putrapautraiH .. 15..\\

 bhrgu

pratyAkroshedihAkruShTastADitaH pratitADayet . 
khAdechcha pR^iShThamA.nsAni yaste harati puShkaram .. 16..\\

 vasistha

asvAdhyAya paro loke shvAna.n cha parikarShatu . 
pure cha bhikShurbhavatu yaste harati puShkaram .. 17..\\

 kazyapa

sarvatra sarvaM paNatu nyAse lobha.n karotu cha . 
kUTasAkShitvamabhyetu yaste harati puShkaram .. 18..\\

 gautama

jIvatvaha.n kR^ito buddhyA vipaNatvadhamena saH . 
karShako matsarI chAstu yaste harati puShkaram .. 19..\\

 angiras

ashuchirbrahma kUTo.astu shvAna.n cha parikarShatu . 
brahma hAni kR^itishchAstu yaste harati puShkaram .. 20..\\

 dhundhumaara

akR^itaGYo.astu mitrANA.n shUdrAyA.n tu prajAyatu . 
ekaH sampannamashnAtu yaste harati puShkaram .. 21..\\

 puuru

chikitsAyAM pracharatu bhAryayA chaiva puShyatu . 
shvashurAttasya vR^ittiH syAdyaste harati puShkaram .. 22..\\

 diliipa

udapAnaplave grAme brAhmaNo vR^iShalI patiH . 
tasya lobhAnsa vrajatu yaste harati puShkaram .. 23..\\

 zukra

pR^iShThamA.nsa.n samashnAtu divA gachchhatu maithunam . 
preShyo bhavatu rAGYashcha yaste harati puShkaram .. 24..\\

 jamadagni

anadhyAyeShvadhIyIta mitra.n shrAddhe cha bhojayet . 
shrAddhe shUdrasya chAshnIyAdyaste harati puShkaram .. 25..\\

 zibi

anAhitAgnirmriyatA.n yaGYe vighna.n karotu cha . 
tapasvibhirvirudhyeta yaste harati puShkaram .. 26..\\

 yayaati

anR^itau jaTI vratinyA.n vai bhAryAyAM samprajAyatu . 
nirAkarotu vedAMshcha yaste harati puShkaram .. 27..\\

 nahusa

atithi.n gR^ihastho nudatu kAmavR^itto.astu dIkShitaH . 
vidyAM prayachchhatu bhR^ito yaste harati puShkaram .. 28..\\

 ambariisa

nR^isha.nsastyaktadharmo.astu strIShu GYAtiShu goShu cha . 
brAhmaNa.n chApi jahatu yaste harati puShkaram .. 29..\\

 naarada

gUDho.aGYAnI bahiH shAstraM paThatA.n visvaraM padam . 
garIyaso.avajAnAtu yaste harati puShkaram .. 30..\\

 naabhaaga

anR^itaM bhAShatu sadA sadbhish chaiva virudhyatu . 
shuklena kanyA.n dadatu yaste harati puShkaram .. 31..\\

 kavi

padA sa gA.n tADayatu sUryaM cha prati mehatu . 
sharaNAgata.n cha tyajatu yaste harati puShkaram .. 32..\\

 vizvaamitra

karotu bhR^itako.avarShA.n rAGYashchAstu purohitaH . 
R^itvigastu hyayAjyasya yaste harati puShkaram .. 33..\\

 parvata

grame chAdhikR^itaH so.astu kharayAnena gachchhatu . 
shunaH karShatu vR^ittyarthe yaste harati puShkaram .. 34..\\

 bharadvaaja

sarvapApasamAdAnaM nR^isha.nse chAnR^ite cha yat . 
tattasyAstu sadA pApa.n yaste harati puShkaram .. 35..\\

 astaka

sa rAjAstvakR^itapraGYaH kAmavR^ittishcha pApakR^it . 
adharmeNAnushAstUrvI.n yaste harati puShkaram .. 36..\\

 gaalava

pApiShThebhyastvanarghArhaH sa naro.astu svapApakR^it . 
dattvA dAna.n kIrtayatu yaste harati puShkaram .. 37..\\

 arundhatii

shvashrvApavAda.n vadatu bharturbhavatu durmanAH . 
ekA svAdu samashnAtu yA te harati puShkaram .. 38..\\

 vaalakhilya

ekapAdena vR^ittyartha.n grAmadvAre sa tiShThatu . 
dharmaGYastyaktadharmo.astu yaste harati puShkaram .. 39..\\

 pazusakha

agnihotramanAdR^itya sukha.n svapatu sa dvijaH . 
parivrATkAmavR^itto.astu yaste harati puShkaram .. 40..\\

 surabhii

bAlvajena nidAnena kA.nsyaM bhavatu dohanam . 
duhyeta paravatsena yA te harati puShkaram .. 41..\\

 bh

tatastu taiH shapathaiH shapyamAnair 
nAnAvidhairbahubhiH kauravendra . 
sahasrAkSho devarATsamprahR^iShTaH 
samIkShya ta.n kopana.n vipramukhyam .. 42..\\
athAbravInmaghavA pratyaya.n svaM 
samAbhAShya tamR^iShi.n jAtaroSham . 
brahmarShidevarShinR^iparShimadhye 
yattannibodheha mamAdhya rAjan .. 43..\\

 zakra

adhvaryave duhitara.n dadAtuch 
chhandoge vA charitabrahma charye . 
AtharvaNa.n vedamadhItya vipraH 
snAyeta yaH puShkaramAdadAti .. 44..\\
sarvAnvedAnadhIyIta puNyashIlo.astu dhArmikaH . 
brahmaNaH sadana.n yAtu yaste harati puShkaram .. 45..\\

 agastya

AshIrvAdastvayA proktaH shapatho balasUdana . 
dIyatAM puShkaraM mahyameSha dharmaH sanAtanaH .. 46..\\

 indra

na mayA bhagavA.NllobhAddhR^itaM puShkaramadya vai . 
dharma.n te shrotukAmena hR^itaM na kroddhumarhati .. 47..\\
dharmaH shrutaH samutkarSho dharmaseturanAmayaH . 
ArSho vai shAshvato nityamavyayo.ayaM mayA shrutaH .. 48..\\
tadida.n gR^ihyatA.n vidvanpuShkaraM munisattama . 
atikramaM me bhagabvankShantumarhasyanindita .. 49..\\
ityuktaH sa mahendreNa tapasvI kopano bhR^isham . 
jagrAha puShkara.n dhImAnprasannashchAbhavanmuniH .. 50..\\
prayayuste tato bhUyastIrthAni vanagocharAH . 
puNyatIrtheShu cha tathA gAtrANyAplAvayanti te .. 51..\\
AkhyAna.n ya idaM yuktaH paThetparvaNi parvaNi . 
na mUrkha.n janayetputraM na bhavechcha nirAkR^itiH .. 52..\\
na tamApatspR^ishetkA chinna jvaro na rujash cha ha . 
virajAH shreyasA yuktaH pretya svargamavApnuyAt .. 53..\\
yashcha shAstramanudhyAyedR^iShibhiH paripAlitam . 
sa gachchhedbrahmaNo lokamavyaya.n cha narottama .. 54..\\
\medskip\hrule\medskip\centerline{\Largedvng 97}
 y

yadida.n shrAddhadharmeShu dIyate bharatarShabha . 
chhatra.n chopAnahau chaiva kenaitatsampravartitam . 
katha.n chaitatsamutpannaM kimarthaM cha pradIyate .. 1..\\
na kevala.n shrAddhadharme puNyakeShvapi dIyate . 
etadvistarato rAja~nshrotumichchhAmi tattvataH .. 2..\\

 bh

shR^iNu rAjannavahitashchhatropAnaha vistaram . 
yathaitatprathita.n loke yena chaitatpravartitam .. 3..\\
yathA chAkShayyatAM prAptaM puNyatA.n cha yathAgatam . 
sarvametadasheSheNa pravakShyAmi janAdhipa .. 4..\\
itihAsaM purAvR^ittamima.n shR^iNu narAdhipa . 
jamadagneshcha sa.nvAda.n sUryasya cha mahAtmanaH .. 5..\\
purA sa bhagavAnsAkShAddhanuShAkrIData prabho . 
sandhAya sandhAya sharAMshchikShepa kila bhArgavaH .. 6..\\
tAnkShiptAnreNukA sarvA.nstasyeShUndIptatejasaH . 
AnAyya sA tadA tasmai prAdAdasakR^idachyuta .. 7..\\
atha tena sa shabdena jyAtalasya sharasya cha . 
prahR^iShTaH samprachikShepa sA cha pratyAjahAra tAn .. 8..\\
tato madhyAhnamArUDhe jyeShThA mUle divAkare . 
sa sAyakAndvijo viddhvA reNukAmidamavravIt .. 9..\\
gachchhAnaya vishAlAkShi sharAnetAndhanushchyutAn . 
yAvadetAnpunaH subhru kShipAmIti janAdhipa .. 10..\\
sA gachchhatyantarA chhAyA.n vR^ikShamAshritya bhAminI . 
tasthau tasyA hi santapta.n shiraH pAdau tathaiva cha .. 11..\\
sthitA sA tu muhUrta.n vai bhartuH shApabhayAchchhubhA . 
yayAvAnayituM bhUyaH sAyakAnasitekShaNA . 
pratyAjagAma cha sharA.nstAnAdAya yashasvinI .. 12..\\
sA prasvinnA suchArva~NgI padbhyA.n duHkhaM niyachchhatI . 
upAjagAma bhartAraM bhayAdbhartuH pavepatI .. 13..\\
sa tAmR^iShistataH kruddho vAkyamAha shubhAnanAm . 
reNuke ki.n chireNa tvamAgateti punaH punaH .. 14..\\

 r

shirastAvatpradIptaM me pAdau chaiva tapodhana . 
sUryatejo niruddhAha.n vR^ikShachchhAyAmupAshritA .. 15..\\
etasmAtkAraNAdbrahmaMshchirametatkR^itaM mayA . 
etajGYAtvA mama vibho mA krudhastva.n tapodhana .. 16..\\

 j

adyaina.n dIptakiraNa.n reNuke tava duHkhadam . 
sharairnipAtayiShyAmi sUryamastrAgnitejasA .. 17..\\

 bh

sa visphArya dhanurdivya.n gR^ihItvA cha bahU~nsharAn . 
atiShThatsUryamabhito yato yAti tato mukhaH .. 18..\\
atha taM prahariShyanta.n sUryo.abhyetya vacho.abravIt . 
dvija rUpeNa kaunteya ki.n te sUryo.aparAdhyate .. 19..\\
Adatte rashmibhiH sUryo divi vidva.nstatastataH . 
rasa.n sa taM vai varShAsu pravarShati divAkaraH .. 20..\\
tato.anna.n jAyate vipra manuShyANA.n sukhAvaham . 
annaM prANA iti yathA vedeShu paripaThyate .. 21..\\
athAbhreShu nigUDhashcha rashmibhiH parivAritaH . 
sapta dvIpAnimAnbrahmanvarSheNAbhipravarShati .. 22..\\
tatastadauShadhInA.n cha vIrudhAM patrapuShpajam . 
sarva.n varShAbhinirvR^ittamannaM sambhavati prabho .. 23..\\
jAtakarmANi sarvANi vratopanayanAni cha . 
godhAnAni vivAhAshcha tathA yaGYasamR^iddhayaH .. 24..\\
satrANi dAnAni tathA sa.nyogA vittasa~ncayAH . 
annataH sampravartante yathA tva.n vettha bhArgava .. 25..\\
ramaNIyAni yAvanti yAvadArambhakANi cha . 
sarvamannAtprabhavati vidita.n kIrtayAmi te .. 26..\\
sarva.n hi vettha vipra tvaM yadetatkIrtitaM mayA . 
prasAdaye tvA viprarShe ki.n te sUryo nipAtyate .. 27..\\
\medskip\hrule\medskip\centerline{\Largedvng 98}
 y

eva.n tadA prayAchantaM bhAskaraM munisattamaH . 
jamadagnirmahAtejAH ki.n kAryaM pratyapadyata .. 1..\\

 bh

tathA prayAchamAnasya muniragnisamaprabhaH . 
jamadagniH shamaM naiva jagAma kurunandana .. 2..\\
tataH sUryo madhurayA vAchA tamidamabravIt . 
kR^itA~njalirvipra rUpI praNamyeda.n vishAM pate .. 3..\\
chalaM nimitta.n viprarShe sadA sUryasya gachchhataH . 
katha.n chala.n vetsyasi tvaM sadA yAntaM divAkaram .. 4..\\

 j

sthira.n vApi chalaM vApi jAne tvAM GYAnachakShuShA . 
avashya.n vinayAdhAna.n kAryamadya mayA tava .. 5..\\
aparAhNe nimeShArdha.n tiShThasi tvaM divAkara . 
tatra vetsyAmi sUryatvAM na me.atrAsti vichAraNA .. 6..\\

 s

asaMshayaM mA.n viprarShe vetsyase dhanvinAM vara . 
apakAriNa.n tu mA.n viddhi bhagava~nsharaNAgatam .. 7..\\

 bh

tataH prahasya bhagavA~njamadagniruvAcha tam . 
na bhIH sUryatvayA kAryA praNipAta gato hyasi .. 8..\\
brAhmaNeShvArjava.n yachcha sthairya.n cha dharaNItale . 
saumyatA.n chaiva somasya gAmbhIrya.n varuNasya cha .. 9..\\
dIptimagneH prabhAM meroH pratApa.n tapanasya cha . 
etAnyatikramedyo vai sa hanyAchchharaNAgatam .. 10..\\
bhavetsa guru talpI cha brahmahA cha tathA bhavet . 
surA pAna.n cha kuryAtsa yo hanyAchchharaNAgatam .. 11..\\
etasya tvapanItasya samAdhi.n tAta chintaya . 
yathAsukhagamaH panthA bhavettvadrashmitApitaH .. 12..\\

 bh

etAvaduktvA sa tadA tUShNImAsIdbhR^igUdvahaH . 
atha sUryo dadau tasmai chhatropAnahamAshu vai .. 13..\\

 s

maharShe shirasastrANa.n chhatraM madrashmivAraNam . 
pratigR^ihNIShva padbhyA.n cha trANArthaM charmapAduke .. 14..\\
adya prabhR^iti chaivaitalloke samprachariShyati . 
puNyadAneShu sarveShu paramakShayyameva cha .. 15..\\

 bh

upAnachchhatrametadvai sUryeNeha pravartitam . 
puNyametadabhikhyAta.n triShu lokeShu bhArata .. 16..\\
tasmAtprayachchha viprebhyashchhatropAnahamuttamam . 
dharmaste sumahAnbhAvI na me.atrAsti vichAraNA .. 17..\\
chhatra.n hi bharatashreShTha yaH pradadyAddvijAtaye . 
shubhra.n shatashalAkaM vai sa pretya sukhamedhate .. 18..\\
sa shakra loke vasati pUjyamAno dvijAtibhiH . 
apsarobhishcha satata.n devaishcha bharatarShabha .. 19..\\
dahyamAnAya viprAya yaH prayachchhatyupAnahau . 
snAtakAya mahAbAho saMshitAya dvijAtaye .. 20..\\
so.api lokAnavApnoti daivatairabhipUjitAn . 
goloke sa mudA yukto vasati pretya bhArata .. 21..\\
etatte bharatashreShTha mayA kArtsnyena kIrtitam . 
chhatropAnaha dAnasya phalaM bharatasattama .. 22..\\
\medskip\hrule\medskip\centerline{\Largedvng 99}
 y

ArAmANA.n taDAgAnA.n yatphalaM kurunandana . 
tadaha.n shrotumichchhAmi tvatto.adya bharatarShabha .. 1..\\

 bh

supradarshA vanavatI chitradhAtuvibhUShitA . 
upetA sarvabIjaishcha shreShThA bhUmirihochyate .. 2..\\
tasyAH kShetravisheSha.n cha taDAgAnAM niveshanam . 
audakAni cha sarvANi pravakShyAmyanupUrvashaH .. 3..\\
taDAgAnA.n cha vakShyAmi kR^itAnAM chApi ye guNAH . 
triShu lokeShu sarvatra pUjito yastaDAgavAn .. 4..\\
atha vA mitra sadanaM maitraM mitra vivardhanam . 
kIrtisa~njanana.n shreShTha.n taDAgAnAM niveshanam .. 5..\\
dharmasyArthasya kAmasya phalamAhurmanIShiNaH . 
taDAga.n sukR^ita.n deshe kShetrameva mahAshrayam .. 6..\\
chaturvidhAnAM bhUtAnA.n taDAgamupalakShayet . 
taDAgAni cha sarvANi dishanti shriyamuttamAm .. 7..\\
devA manuShyA gandharvAH pitaroraga rAkShasAH . 
sthAvarANi cha bhUtAni saMshrayanti jalAshayam .. 8..\\
tasmAttA.nste pravakShyAmi taDAge ye guNAH smR^itAH . 
yA cha tatra phalAvAptirR^iShihiH samudAhR^itA .. 9..\\
varShamAtre taDAge tu salila.n yasya tiShThati . 
agnihotraphala.n tasya phalamAhurmanIShiNaH .. 10..\\
sharatkAle tu salila.n taDAge yasya tiShThati . 
gosahasrasya sa pretya labhate phalamuttamam .. 11..\\
hemanta kAle salila.n taDAge yasya tiShThati . 
sa vai bahu suvarNasya yaGYasya labhate phalam .. 12..\\
yasya vai shaishire kAle taDAge salilaM bhavet . 
agniShTomasya yaGYasya phalamAhurmanIShiNaH .. 13..\\
taDAga.n sukR^itaM yasya vasante tu mahAshrayam . 
atirAtrasya yaGYasya phala.n sa samupAshnute .. 14..\\
nidhAgha kAle pAnIya.n taDAge yasya tiShThati . 
vAjapeyasama.n tasya phala.n vai munayo viduH .. 15..\\
sa kula.n tArayetsarva.n yasya khAte jalAshaye . 
gAvaH pibanti pAnIya.n sAdhavashcha narAH sadA .. 16..\\
taDAge yasya gAvastu pibanti tR^iShitA jalam . 
mR^igapakShimanuShyAshcha so.ashvamedha phala.n labhet .. 17..\\
yatpibanti jala.n tatra snAyante vishramanti cha . 
taDAgadasya tatsarvaM pretyAnantyAya kalpate .. 18..\\
durlabha.n salila.n tAta visheSheNa paratra vai . 
pAnIyasya pradAnena prItirbhavati shAshvatI .. 19..\\
tilAndadata pAnIya.n dIpAndadata jAgrata . 
GYAtibhiH saha modadhvameta preteShu durlabham .. 20..\\
sarvadAnairgurutara.n sarvadAnairvishiShyate . 
pAnIyaM narashArdUla tasmAddAtavyameva hi .. 21..\\
evameta taDAgeShu kIrtitaM phalamuttamam . 
ata UrdhvaM pravakShyAmi vR^ikShANAmapi ropaNe .. 22..\\
sthAvarANA.n cha bhUtAnAM jAtayo ShaTprakIrtitAH . 
vR^ikShagulma latAvallyastvaksArAstR^iNajAtayaH .. 23..\\
etA jAtyastu vR^ikShANA.n teShA.n rope guNAstvime . 
kIrtishcha mAnuShe loke pretya chaiva phala.n shubham .. 24..\\
labhate nAma loke cha pitR^ibhishcha mahIyate . 
devalokagatasyApi nAma tasya na nashyati .. 25..\\
atItAnAgate chobhe pitR^ivaMsha.n cha bhArata . 
tArayedvR^ikSharopI.n cha tasmAdvR^ikShAnpraropayet .. 26..\\
tasya putrA bhavantyete pAdapA nAtra saMshayaH . 
paralokagataH svarga.n lokAMshchApnoti so.avyayAn .. 27..\\
puShpaiH suragaNAnvR^ikShAH phalaishchApi tathA pitR^In . 
chhAyayA chAtithI.nstAta pUjayanti mahIruhAH .. 28..\\
kiMnaroragarakShA.nsi devagandharvamAnavAH . 
tathA R^iShigaNAshchaiva saMshrayanti mahIruhAn .. 29..\\
puShpitAH phalavantashcha tarpayantIha mAnavAn . 
vR^ikShadaM putravadvR^ikShAstArayanti paratra cha .. 30..\\
tasmAttaDAge vR^ikShA vai ropyAH shreyo.arthinA sadA . 
putravatparipAlyashcha putrAste dharmataH smR^itAH .. 31..\\
taDAga kR^idvR^ikSharopI iShTayaGYashcha yo dvijaH . 
ete svarge mahIyante ye chAnye satyavAdinaH .. 32..\\
tasmAttaDAga.n kurvIta ArAmAMsh chaiva ropayet . 
yajechcha vividhairyaGYaiH satya.n cha satata.n vadet .. 33..\\
\medskip\hrule\medskip\centerline{\Largedvng 100}
 y

gArhasthya.n dharmamakhilaM prabrUhi bharatarShabha . 
R^iddhimApnoti ki.n kR^itvA manuShya iha pArthiva .. 1..\\

 bh

atra te vartayiShyAmi purAvR^itta.n janAdhipa . 
vAsudevasya sa.nvAdaM pR^ithivyAshchaiva bhArata .. 2..\\
sa.nstUya pR^ithivI.n devI.n vAsudevaH pratApavAn . 
paprachchha bharatashreShTha yadetatpR^ichchhase.adya mAm .. 3..\\

 vaasudeva

gArhasthya.n dharmamAshritya mayA vA madvidhena vA . 
kimavashya.n dhare kAryaM ki.n vA kR^itvA sukhI bhavet .. 4..\\

 p

R^iShayaH pitaro devA manuShyAshchaiva mAdhava . 
ijyAshchaivArchanIyAshcha yathA chaivaM nibodha me .. 5..\\
sadA yaGYena devAMshcha Atithyena cha mAnavAn . 
chhandatashcha yathA nityamarhAnyu~njIta nityashaH . 
tena hyR^iShigaNAH prItA bhavanti madhusUdana .. 6..\\
nityamagniM paricharedabhuktvA balikarma cha . 
kuryAttathaiva devA vai prIyante madhusUdana .. 7..\\
kuryAdaharahaH shrAddhamannAdyenodakena vA . 
payo mUlaphalairvApi pitR^INAM prItimAharan .. 8..\\
siddhAnnAdvaishvadeva.n vai kuryAdagnau yathAvidhi . 
agnIShoma.n vaishvadeva.n dhAnvantaryamanantaram .. 9..\\
prajAnAM pataye chaiva pR^ithagghomo vidhIyate . 
tathaiva chAnupUrvyeNa balikarma prayojayet .. 10..\\
dakShiNAyA.n yamAyeha pratIchyAM varuNAya cha . 
somAya chApyudIchyA.n vai vAstumadhye dvijAtaye .. 11..\\
dhanvantareH prAgudIchyAM prAchyA.n shakrAya mAdhava . 
manorvai iti cha prAhurbali.n dvAre gR^ihasya vai . 
marudbhyo devatAbhyashcha balimantargR^ihe haret .. 12..\\
tathaiva vishve devebhyo balimAkAshato haret . 
nishAcharebhyo bhUtebhyo baliM nakta.n tathA haret .. 13..\\
eva.n kR^itvA bali.n samyagdadyAdbhikShAM dvijAtaye . 
alAbhe brAhmaNasyAgnAvagramutkShipya nikShipet .. 14..\\
yadA shrAddhaM pitR^ibhyashcha datumichchheta mAnavaH . 
tadA pashchAtprakurvIta nivR^itte shrAddhakarmaNi .. 15..\\
pitR^InsantarpayitvA tu bali.n kuryAdvidhAnataH . 
vaishvadeva.n tataH kuryAtpashchAdbrAhmaNa vAchanam .. 16..\\
tato.annenAvasheSheNa bhojayedatithInapi . 
archA pUrvaM mahArAja tataH prINAti mAnuShAn .. 17..\\
anitya.n hi sthito yasmAttasmAdatithiruchyate .. 18..\\
AchAryasya pitushchaiva sakhyurAptasya chAtitheH . 
idamasti gR^ihe mahyamiti nityaM nivedayet .. 19..\\
te yadvadeyustatkuryAditi dharmo vidhIyate . 
gR^ihasthaH puruShaH kR^iShNa shiShTAshI cha sadA bhavet .. 20..\\
rAjartvija.n snAtaka.n cha guruM shvashurameva cha . 
archayenmadhuparkeNa parisa.nvatsaroShitAn .. 21..\\
shvabhyashchashva pachebhyashcha vayobhyashchAvapedbhuvi . 
vaishvadeva.n hi nAmaitatsAyamprAtarvidhIyate .. 22..\\
etA.nstu dharmAngArhasthAnyaH kuryAdanasUyakaH . 
sa iharddhiM parAM prApya pretya nAke mahIyate .. 23..\\

 bh

iti bhUmervachaH shrutvA vAsudevaH pratApavAn . 
tathA chakAra satata.n tvamapyeva.n samAchara .. 24..\\
eva.n gR^ihastha dharmaM tvaM chetayAno narAdhipa . 
iha loke yashaH prApya pretya svargamavApsyasi .. 25..\\
\medskip\hrule\medskip\centerline{\Largedvng 101}
 y

Aloka dAnaM nAmaitatkIdR^ishaM bharatarShabha . 
kathametatsamutpannaM phala.n chAtra bravIhi me .. 1..\\

 bh

atrApyudAharantImamitihAsaM purAtanam . 
manoH prajApatervAda.n suvarNasya cha bhArata .. 2..\\
tapasvI kashchidabhavatsuvarNo nAma nAmataH . 
varNato hemavarNaH sa suvarNa iti paprathe .. 3..\\
kulashIlaguNopetaH svAdhyAye cha para.n gataH . 
bahUnsvavaMshaprabhavAnsamatItaH svakairguNaiH .. 4..\\
sa kadA chinmanu.n vipro dadarshopasasarpa cha . 
kushalaprashnamanyonya.n tau cha tatra prachakratuH .. 5..\\
tatastau siddhasa~Nkalpau merau kA~nchanaparvate . 
ramaNIye shilA pR^iShThe sahitau saMnyaShIdatAm .. 6..\\
tatra tau kathayAmAstA.n kathA nAnAvidhAshrayAH . 
brahmarShideva daityAnAM purANAnAM mahAtmanAm .. 7..\\
suvarNastvabravIdvAkyaM manu.n svAyambhuvaM prabhum . 
hitArtha.n sarvabhUtAnAM prashnaM me vaktumarhasi .. 8..\\
sumanobhiryadijyante daivatAni prajeshvara . 
kimetatkathamutpannaM phalayoga.n cha sha.nsa me .. 9..\\

 manu

atrApyudAharantImamitihAsaM purAtanam . 
shukrasya cha baleshchaiva sa.nvAda.n vai samAgame .. 10..\\
balervairochanasyeha trailokyamanushAsataH . 
samIpamAjagAmAshu shukro bhR^igukulodvahaH .. 11..\\
tamarghyAdibhirabhyarchya bhArgava.n so.asurAdhipaH . 
niShasAdAsane pashchAdvidhivadbhUridakShiNaH .. 12..\\
katheyamabhavattatra yA tvayA parikIrtitA . 
sumanodhUpadIpAnA.n sampradAne phalaM prati .. 13..\\
tataH paprachchha daityendraH kavIndraH prashnamuttamam . 
sumanodhUpadIpAnA.n kiM phalaM brahmavittama . 
pradAnasya dvijashreShTha tadbhavAnvaktumarhati .. 14..\\

 zukra

tapaH pUrva.n samutpanna.n dharmastasmAdanantaram . 
etasminnantare chaiva vIrudoShadhya eva cha .. 15..\\
somasyAtmA cha bahudhA sambhUtaH pR^ithivItale . 
amR^ita.n cha viShaM chaiva yAshchAnyAstulyajAtayaH .. 16..\\
amR^itaM manasaH prIti.n sadyaH puShTi.n dadAti cha . 
mano mlapayate tIvra.n viSha.n gandhena sarvashaH .. 17..\\
amR^itaM ma~Ngala.n viddhi mahadviShamama~Ngalam . 
oShadhyo hyamR^ita.n sarvaM visha.n tejo.agnisambhavam .. 18..\\
manohlAdayate yasmAchchhriya.n chApi dadhAti ha . 
tasmAtsumanasaH proktA naraiH sukR^itakarmabhiH .. 19..\\
devatAbhyaH sumanaso yo dadAti naraH shuchiH . 
tasmAtsumanasaH proktA yasmAttuShyanti devatAH .. 20..\\
ya.n yamuddishya dIyerandevaM sumanasaH prabho . 
ma~NgalArtha.n sa tenAsya prIto bhavati daityapa .. 21..\\
GYeyAstUgrAshcha saumyAshcha tejasvinyashcha tAH pR^ithak . 
oShadhyo bahu vIryAshcha bahurUpAstathaiva cha .. 22..\\
yaGYiyAnA.n cha vR^ikShANAmayaGYiyAnnibodha me . 
AsurANi cha mAlyAni daivatebhyo hitAni cha .. 23..\\
rAkShasAnA.n surANA.n cha yakShANAM cha tathA priyAH . 
pitR^INAM mAnuShANA.n cha kAntAyAstvanupUrvashaH .. 24..\\
vanyA grAmyAshcheha tathA kR^iShToptAH parvatAshrayAH . 
akaNTakAH kaNTakinyo gandharUparasAnvitAH .. 25..\\
dvividho hi smR^ito gandha iShTo.aniShTashcha puShpajaH . 
iNTa gandhAni devAnAM puShpANIti vibhAvayet .. 26..\\
akaNTakAnA.n vR^ikShANAM shvetaprAyAshcha varNataH . 
teShAM puShpANi devAnAmiShTAni satataM prabho .. 27..\\
jalajAni cha mAlyAni padmAdIni cha yAni cha . 
gandharvanAgayakShebhyastAni dadyAdvichakShaNaH .. 28..\\
oShadhyo raktapuShpAshcha kaTukAH kaNTakAnvitAH . 
shatrUNAmabhichArArthamatharvasu nidarshitAH .. 29..\\
tIkShNavIryAstu bhUtAnA.n durAlambhAH sakaNTakAH . 
raktabhUyiShTha varNAshcha kR^iShNAshchaivopahArayet .. 30..\\
mano hR^idayanandinyo vimarde madhurAshcha yAH . 
chArurUpAH sumanaso mAnuShANA.n smR^itA vibho .. 31..\\
na tu shmashAnasambhUtA na devAyatanodbhavAH . 
saMnayetpuShTi yukteShu vivAheShu rahaHsu cha .. 32..\\
girisAnu ruhAH saumyA devAnAmupapAdayet . 
prokShitAbhyukShitAH saumyA yathAyoga.n yathA smR^iti .. 33..\\
gandhena devAstuShyanti darshanAdyakSharAkShasAH . 
nAgAH samupabhogena tribhiretaistu mAnuShAH .. 34..\\
sadyaH prINAti devAnvai te prItA bhAvayantyuta . 
sa~NkalpasiddhA martyAnAmIpsitaishcha manorathaiH .. 35..\\
devAH prINanti satataM mAnitA mAnayanti cha . 
avaGYAtAvadhUtAshcha nirdahantyadhamAnnarAn .. 36..\\
ata UrdhvaM pravakShyAmi dhUpadAnavidhau phalam . 
dhUpAMshcha vividhAnsAdhUnasAdhUMsh cha nibodha me .. 37..\\
niryAsaH saralashchaiva kR^itrimashchaiva te trayaH . 
iShTAniShTo bhavedgandhastanme vistarataH shR^iNu .. 38..\\
niryAsAH sallakI varjyA devAnA.n dayitAstu te . 
gugguluH pravarasteShA.n sarveShAmiti nishchayaH .. 39..\\
aguruH sAriNA.n shreShTho yakSharAkShasa bhoginAm . 
daityAnA.n sallakIjashcha kA~NkShito yashcha tadvidhaH .. 40..\\
atha sarjarasAdInA.n gandhaiH pArthiva dAravaiH . 
phANitAsava sa.nyuktairmanuShyANA.n vidhIyate .. 41..\\
devadAnava bhUtAnA.n sadyastuShTikaraH smR^itaH . 
ye.anye vaihArikAste tu mAnuShANAmiti smR^itAH .. 42..\\
ya evoktAH sumanasAM pradAne guNahetavaH . 
dhUpeShvapi pariGYeyAsta eva prItivardhanAH .. 43..\\
dIpadAne pravakShyAmi phalayogamanuttamam . 
yathA yena yadA chaiva pradeyA yAdR^ishAsh cha te .. 44..\\
jyotistejaH prakAshashchApyUrdhvaga.n chApi varNyate . 
pradAne tejasA.n tasmAttejo vardhayate nR^iNAm .. 45..\\
andha.n tamastamisraM cha dakShiNAyanameva cha . 
uttarAyaNametasmAjjyotirdAnaM prashasyate .. 46..\\
yasmAdUrdhvagametattu tamasashchaiva bheShajam . 
tasmAdUrdhvagaterdAtA bhavediti vinishchayaH .. 47..\\
devAstejasvino yasmAtprabhAvantaH prakAshakAH . 
tAmasA rAkShasAshcheti tasmAddIpaH pradIyate .. 48..\\
Aloka dAnAchchakShuShmAnprabhA yukto bhavennaraH . 
tAndattvA nopahi.nseta na harennopanAshayet .. 49..\\
dIpahartA bhavedandhastamo gatirasuprabhaH . 
dIpapradaH svargaloke dIpamAlI virAjate .. 50..\\
haviShA prathamaH kalpo dvitIyastvauShadhI rasaiH . 
vasA medo.asthi niryAsairna kAryaH puShTimichchhatA .. 51..\\
giriprapAte gahane chaityasthAne chatuShpathe . 
dIpadAtA bhavennitya.n ya ichchhedbhUtimAtmanaH .. 52..\\
kuloddyoto vishuddhAtmA prakAshatva.n cha gachchhati . 
jyotiShA.n chaiva sAlokyaM dIpadAtA naraH sadA .. 53..\\
balikarmasu vakShyAmi guNAnkarmaphalodayAn . 
deva yakShoraga nR^iNAM bhUtAnAmatha rakShasAm .. 54..\\
yeShAM nAgra bhujo viprA devatAtithibAlakAH . 
rAkShasAneva tAnviddhi nirvaShaTkArama~NgalAn .. 55..\\
tasmAdagraM prayachchheta devebhyaH pratipUjitam . 
shirasA praNatashchApi haredbalimatandritaH .. 56..\\
gR^ihyA hi devatA nityamAsha.nsanti gR^ihAtsadA . 
bAhyAshchAgantavo ye.anye yakSharAkShasa pannagAH .. 57..\\
ito dattena jIvanti devatAH pitarastathA . 
te prItAH prINayantyetAnAyuShA yashasA dhanaiH .. 58..\\
balayaH saha puShpaistu devAnAmupahArayet . 
dadhi drapsa yutAH puNyAH sugandhAH priyadarshanAH .. 59..\\
kAryA rudhiramA.nsADhyA balayo yakSharAkShasAm . 
surAsava puraskArA lAjollepana bhUShitAH .. 60..\\
nAgAnA.n dayitA nityaM padmotpalavimishritAH . 
tilAnguDa susampannAnbhUtAnAmupahArayet .. 61..\\
agradAtAgra bhogI syAdbalavarNasamanvitaH . 
tasmAdagraM prayachchheta devebhyaH pratipUjitam .. 62..\\
jvalatyaharaho veshma yAshchAsya gR^ihadevatAH . 
tAH pUjyA bhUtikAmena prasR^itAgra pradAyinA .. 63..\\
ityetadasurendrAya kAvyaH provAcha bhArgavaH . 
suvarNAya manuH prAha suvarNo nAradAya cha .. 64..\\
nArado.api mayi prAha guNAnetAnmahAdyute . 
tvamapyetadviditveha sarvamAchara putraka .. 65..\\
\medskip\hrule\medskip\centerline{\Largedvng 102}
 y

shrutaM me bharatashreShTha puShpadhUpa pradAyinAm . 
phalaM balividhAne cha tadbhUyo vaktumarhasi .. 1..\\
dhUpapradAnasya phalaM pradIpasya tathaiva cha . 
balayashcha kimartha.n vai kShipyante gR^ihamedhibhiH .. 2..\\

 bh

atrApyudAharantImamitihAsaM purAtanam . 
nahuShaM prati sa.nvAdamagastyasya bhR^igostathA .. 3..\\
nahuSho hi mahArAja rAjarShiH sumahAtapAH . 
devarAjyamanuprAptaH sukR^iteneha karmaNA .. 4..\\
tatrApi prayato rAjannahuShastridive vasan . 
mAnuShIshchaiva divyAshcha kurvANo vividhAH kriyAH .. 5..\\
mAnuShyastatra sarvAH sma kriyAstasya mahAtmanaH . 
pravR^ittAstridive rAjandivyAshchaiva sanAtanAH .. 6..\\
agnikAryANi samidhaH kushAH sumanasastathA . 
balayashchAna lAjAbhirdhUpana.n dIpakarma cha .. 7..\\
sarva.n tasya gR^ihe rAGYaH prAvartata mahAtmanaH . 
japayaGYAnmano yaGYA.nstridive.api chakAra saH .. 8..\\
daivatAnyarchayaMshchApi vidhivatsa sureshvaraH . 
sarvANyeva yathAnyAya.n yathApUrvamarindama .. 9..\\
athendrasya bhaviShyatvAdaha~NkArastamAvishat . 
sarvAshchaiva kriyAstasya paryahIyanta bhUpate .. 10..\\
sa R^iShInvAhayAmAsa varadAnAmadAnvitaH . 
parihInakriyashchApi durbalatvamupeyivAn .. 11..\\
tasya vAhayataH kAlo munimukhyA.nstapodhanAn . 
aha~NkArAbhibhUtasya sumahAnatyavartata .. 12..\\
atha paryAyasha R^iShInvAhanAyopachakrame . 
paryAyashchApyagastyasya samapadyata bhArata .. 13..\\
athAgamya mahAtejA bhR^igurbrahma vidA.n varaH . 
agastyamAshramastha.n vai samupetyedamabravIt .. 14..\\
eva.n vayamasatkAra.n devendrasyAsya durmateH . 
nahuShasya kimartha.n vai marShayAma mahAmune .. 15..\\

 agastya

kathameSha mayA shakyaH shaptu.n yasya mahAmune . 
varadena varo datto bhavato viditashcha saH .. 16..\\
yo me dR^iShTipatha.n gachchhetsa me vashyo bhavediti . 
ityanena varo devAdyAchito gachchhatA divam .. 17..\\
evaM na dagdhaH sa mayA bhavatA cha na saMshayaH . 
anyenApyR^iShimukhyena na shapto na cha pAtitaH .. 18..\\
amR^ita.n chaiva pAnAya dattamasmai purA vibho . 
mahAtmane tadartha.n cha nAsmAbhirvinipAtyate .. 19..\\
prAyachchhata vara.n devaH prajAnAM duHkhakArakam . 
dvijeShvadharmayuktAni sa karoti narAdhamaH .. 20..\\
atra yatprAptakAlaM nastadbrUhi vadatA.n vara . 
bhavAMshchApi yathA brUyAtkurvImahi tathA vayam .. 21..\\

 bhrgu

pitAmaha niyogena bhavantamahamAgataH . 
pratikartuM balavati nahuShe darpamAsthite .. 22..\\
adya hi tvA sudurbuddhI rathe yokShyati devarAT . 
adyainamahamudvR^itta.n kariShye.anindramojasA .. 23..\\
adyendra.n sthApayiShyAmi pashyataste shatakratum . 
sa~ncAlya pApakarmANamindra sthAnAtsudurmatim .. 24..\\
adya chAsau ku devendrastvAM padA dharShayiShyati . 
daivopahatachittatvAdAtmanAshAya mandadhIH .. 25..\\
vyutkrAnta dharma.n tamahaM dharShaNAmarShito bhR^isham . 
ahirbhavasveti ruShA shapsye pApa.n dvija druham .. 26..\\
tata ena.n sudurbuddhi.n dhikshabdAbhihata tviSham . 
dharaNyAM pAtayiShyAmi prekShataste mahAmune .. 27..\\
nahuShaM pApakarmANamaishvaryabalamohitam . 
yathA cha rochate tubhya.n tathA kartAsmyahaM mune .. 28..\\
evamuktastu bhR^iguNA maitrA varuNiravyayaH . 
agastyaH paramaprIto babhUva vigara jvaraH .. 29..\\
\medskip\hrule\medskip\centerline{\Largedvng 103}
 y

katha.n sa vai vipannashcha kathaM vai pAtito bhuvi . 
katha.n chAnindratAM prAptastadbhavAnvaktumarhati .. 1..\\

 bh

eva.n tayoH sa.nvadatoH kriyAstasya mahAtmanaH . 
sarvA evAbhyavartanta yA divyA yAshcha mAnuShAH .. 2..\\
tathaiva dIpadAnAni sarvopakaraNAni cha . 
balikarma cha yachchAnyadutsekAshcha pR^ithagvidhAH . 
sarvAstasya samutpannA devarAGYo mahAtmanaH .. 3..\\
devaloke nR^iloke cha sadAchArA budhaiH smR^itAH . 
te chedbhavanti rAjendra R^idhyante gR^ihamedhinaH . 
dhUpapradAnairdIpaishcha namaH kAraistathaiva cha .. 4..\\
yathA siddhasya chAnnasya dvijAyAgraM pradIyate . 
balayashcha gR^ihoddeshe ataH prIyanti devatAH .. 5..\\
yathA cha gR^ihiNastoSho bhavedvai balikarmaNA . 
tathA shataguNA prItirdevatAnA.n sma jAyate .. 6..\\
eva.n dhUpapradAnaM cha dIpadAnaM cha sAdhavaH . 
prasha.nsanti namaH kArairyuktamAtmaguNAvaham .. 7..\\
snAnenAdbhishcha yatkarma kriyate vai vipashchitA . 
namaH kAraprayuktena tena prIyanti devatAH . 
gR^ihyAshcha devatAH sarvAH prIyante vidhinArchitAH .. 8..\\
ityetAM buddhimAsthAya nahuShaH sa nareshvaraH . 
surendratvaM mahatprApya kR^itavAnetadadbhutam .. 9..\\
kasya chittvatha kAlasya bhAgyakShaya upasthite . 
sarvametadavaGYAya na chakAraitadIdR^isham .. 10..\\
tataH sa parihINo.abhUtsurendro balikarmataH . 
dhUpadIpodaka vidhiM na yathAvachchakAra ha . 
tato.asya yaGYaviShayo rakShobhiH paryabAdhyata .. 11..\\
athAgastyamR^iShishreShTha.n vAhanAyAjuhAva ha . 
druta.n sarasvatI kUlAtsmayanniva mahAbalaH .. 12..\\
tato bhR^igurmahAtejA maitrAvaruNimabravIt . 
nimIlayasva nayane jaTA yAvadvishAmi te .. 13..\\
sthANubhUtasya tasyAtha jaTAH prAvishadachyutaH . 
bhR^iguH sa sumahAtejAH pAtanAya nR^ipasya ha .. 14..\\
tataH sa devarATprAptastamR^iShi.n vAhanAya vai . 
tato.agastyaH surapati.n vAkyamAha vishAM pate .. 15..\\
yojayasvendra mA.n kShipraM kaM cha desha.n vahAmi te . 
yatra vakShyasi tatra tvAM nayiShyAmi surAdhipa .. 16..\\
ityukto nahuShastena yojayAmAsa taM munim . 
bhR^igustasya jaTA sa.nstho babhUva hR^iShito bhR^isham .. 17..\\
na chApi darshana.n tasya chakAra sa bhR^igustadA . 
varadAnaprabhAvaGYo nahuShasya mahAtmanaH .. 18..\\
na chukopa sa chAgastyo yukto.api nahuSheNa vai . 
ta.n tu rAjA pratodena chodayAmAsa bhArata .. 19..\\
na chukopa sa dharmAtmA tataH pAdena devarAT . 
agastyasya tadA kruddho vAmenAbhyahanachchhiraH .. 20..\\
tasmi~nshirasyabhihate sa jaTAntargato bhR^iguH . 
shashApa balavatkruddho nahuShaM pApachetasam .. 21..\\

 bhrgu

yasmAtpadAhanaH krodhAchchhirasImaM mahAmunim . 
tasmAdAshu mahI.n gachchha sarpo bhUtvA sudurmate .. 22..\\
ityuktaH sa tadA tena sarpo bhUtvA papAta ha . 
adR^iShTenAtha bhR^iguNA bhUtale bharatarShabha .. 23..\\
bhR^igu.n hi yadi so.adrAkShInnahuShaH pR^ithivIpate . 
na sa shakto.abhaviShyadvai pAtane tasya tejasA .. 24..\\
sa tu taistaiH pradAnaishcha tapobhirniyamaistathA . 
patito.api mahArAja bhUtale smR^itimAnabhUt . 
prasAdayAmAsa bhR^igu.n shApAnto me bhavediti .. 25..\\
tato.agastyaH kR^ipAviShTaH prAsAdayata taM bhR^igum . 
shApAntArthaM mahArAja sa cha prAdAtkR^ipAnvitaH .. 26..\\

 bhrgu

rAjA yudhiShThiro nAma bhaviShyati kurUdvahaH . 
sa tvAM mokShayitA shApAdityuktvAntaradhIyata .. 27..\\
agastyo.api mahAtejAH kR^itvA kArya.n shatakratoH . 
svamAshramapadaM prAyAtpUjyamAno dvijAtibhiH .. 28..\\
nahuSho.api tvayA rAja.nstasmAchchhApAtsamuddhR^itaH . 
jagAma brahma sadanaM pashyataste janAdhipa .. 29..\\
tadA tu pAtayitvA taM nahuShaM bhUtale bhR^iguH . 
jagAma brahma sadanaM brahmaNe cha nyavedayat .. 30..\\
tataH shakra.n samAnAyya devAnAha pitAmahaH . 
varadAnAnmama surA nahuSho rAjyamAptavAn . 
sa chAgastyena kruddhena bhraMshito bhUtala.n gataH .. 31..\\
na cha shakya.n vinA rAGYA surA vartayitu.n kva chit . 
tasmAdayaM punaH shakro devarAjye.abhiShichyatAm .. 32..\\
eva.n sambhAShamANa.n tu devAH pArtha pitAmaham . 
evamastviti sa.nhR^iShTAH pratyUchuste pitAmaham .. 33..\\
so.abhiShikto bhagavatA devarAjyena vAsavaH . 
brahmaNA rAjashArdUla yathApUrva.n vyarochata .. 34..\\
evametatpurAvR^ittaM nahuShasya vyatikramAt . 
sa cha taireva sa.nsiddho nahuShaH karmabhiH punaH .. 35..\\
tasmAddIpAH pradAtavyAH sAya.n vai gR^ihamedhibhiH . 
divya.n chakShuravApnoti pretya dIpapradAyakaH . 
pUrNachandra pratIkAshA dIpadAsh cha bhavantyuta .. 36..\\
yAvadakShinimeShANi jvalate tAvatIH samAH . 
rUpavAndhanavAMshchApi naro bhavati dIpadaH .. 37..\\
\medskip\hrule\medskip\centerline{\Largedvng 104}
 y

brAhmaNa svAni ye mandA haranti bharatarShabha . 
nR^isha.nsakAriNo mUDhAH kva te gachchhanti mAnavAH .. 1..\\

 bh

atrApyudAharantImamitihAsaM purAtanam . 
chaNDAlasya cha sa.nvAda.n kShatrabandhoshcha bhArata .. 2..\\

 raajanya

vR^iddharUpo.asi chaNDAla bAlavachcha vicheShTase . 
shvakharANA.n rajaH sevI kasmAdudvijase gavAm .. 3..\\
sAdhubhirgarhita.n karma chaNDAlasya vidhIyate . 
kasmAdgorajasA dhvastamapA.n kuNDe niShi~nchasi .. 4..\\

 ch

brAhmaNasya gavA.n rAjanhriyatInAM rajaH purA . 
somamuddhva.nsayAmAsa ta.n somaM ye.apibandvijAH .. 5..\\
dIkShitashcha sa rAjApi kShipraM narakamAvishat . 
saha tairyAjakaiH sarvairbrahma svamupajIvya tat .. 6..\\
ye.api tatrApibankShIra.n ghR^itaM dadhi cha mAnavAH . 
brAhmaNAH saha rAjanyAH sarve narakamAvishan .. 7..\\
jaghnustAH payasA putrA.nstathA pautrAnvidhunvatIH . 
pashUnavekShamANAshcha sAdhuvR^ittena dampatI .. 8..\\
aha.n tatrAvasa.n rAjanbrahma chArI jitendriyaH . 
tAsAM me rajasA dhvastaM bhaikShamAsInnarAdhipa .. 9..\\
chaNDAlo.aha.n tato rAjanbhuktvA tadabhavaM mR^itaH . 
brahma svahArI cha nR^ipaH so.apratiShThA.n gati.n yayau .. 10..\\
tasmAddharenna vipra sva.n kadA chidapi kiM chana . 
brahma svarajasA dhvastaM bhuktvA mAM pashya yAdR^isham .. 11..\\
tasmAtsomo.apyavikreyaH puruSheNa vipashchitA . 
vikraya.n hIha somasya garhayanti manIShiNaH .. 12..\\
ye chaina.n krINate rAjanye cha vikrINate janAH . 
te tu vaivasvataM prApya raurava.n yAnti sarvashaH .. 13..\\
soma.n tu rajasA dhvasta.n vikrIyAdbuddhipUrvakam . 
shrotriyo vArdhuShI bhUtvA chirarAtrAya nashyati . 
naraka.n triMshataM prApya shvaviShThAmupajIvati .. 14..\\
shvacharyAmatimAna.n cha sakhidAreShu viplavam . 
tulayAdhArayaddharmo hyatimAno.atirichyate .. 15..\\
shvAna.n vai pApinaM pashya vivarNaM hariNa.n kR^isham . 
atimAnena bhUtAnAmimA.n gatimupAgatam .. 16..\\
aha.n vai vipule jAtaH kule dhanasamanvite . 
anyasmi~njanmani vibho GYAnaviGYAnapAragaH .. 17..\\
abhava.n tatra jAnAno hyetAndoShAnmadAttadA . 
sa.nrabdha eva bhUtAnAM pR^iShThamA.nsAnyabhakShayam .. 18..\\
so.aha.n tena cha vR^ittena bhojanena cha tena vai . 
imAmavasthA.n samprAptaH pashya kAlasya paryayam .. 19..\\
AdIptamiva chailAntaM bhramarairiva chArditam . 
dhAvamAna.n susa.nrabdhaM pashya mAM rajasAnvitam .. 20..\\
svAdhyAyaistu mahatpApa.n taranti gR^ihamedhinaH . 
dAnaiH pR^ithagvidhaishchApi yathA prAhurmanIShiNaH .. 21..\\
tathA pApakR^ita.n vipramAshramasthaM mahIpate . 
sarvasa~Ngavinirmukta.n chhandA.nsyuttArayantyuta .. 22..\\
aha.n tu pApayonyA.n vai prasUtaH kShatriyarShabha . 
nishchayaM nAdhigachchhAmi kathaM muchyeyamityuta .. 23..\\
jAtismaratva.n tu mama kena chitpUrvakarmaNA . 
shubhena yena mokSha.n vai prAptumichchhAmyahaM nR^ipa .. 24..\\
tvamimaM me prapannAya saMshayaM brUhi pR^ichchhate . 
chaNDAlatvAtkathamahaM muchyeyamiti sattama .. 25..\\

 raajanya

chaNDAla pratijAnIhi yena mokShamavApsyasi . 
brAhmaNArthe tyajanprANAngatimiShTAmavApsyasi .. 26..\\
dattvA sharIra.n kravyAdbhyo raNAgnau dvija hetukam . 
hutvA prANAnpramokShaste nAnyathA mokShamarhasi .. 27..\\

 bh

ityuktaH sa tadA rAjanbrahma svArthe parantapa . 
hutvA raNamukhe prANAngatimiShTAmavApa ha .. 28..\\
tasmAdrakShya.n tvayA putra brahma svaM bharatarShabha . 
yadIchchhasi mahAbAho shAshvatI.n gatimuttamAm .. 29..\\
\medskip\hrule\medskip\centerline{\Largedvng 105}
 y

eko lokaH sukR^itinA.n sarve tvAho pitAmaha . 
uta tatrApi nAnAtva.n tanme brUhi pitAmaha .. 1..\\

 bh

karmabhiH pArtha nAnAtva.n lokAnAM yAnti mAnavAH . 
puNyAnpuNyakR^ito yAnti pApAnpApakR^ito janAH .. 2..\\
atrApyudAharantImamitihAsaM purAtanam . 
gautamasya munestAta sa.nvAda.n vAsavasya cha .. 3..\\
brAhmaNo gautamaH kashchinmR^idurdAnto jitendriyaH . 
mahAvane hastishishuM paridyUnamamAtR^ikam .. 4..\\
ta.n dR^iShTvA jIvayAmAsa sAnukrosho dhR^itavrataH . 
sa tu dIrgheNa kAlena babhUvAtibalo mahAn .. 5..\\
taM prabhinnaM mahAnAgaM prasruta.n sarvato madam . 
dhR^itarAShTrasya rUpeNa shakro jagrAha hastinam .. 6..\\
hriyamANa.n tu taM dR^iShTvA gautamaH saMshitavrataH . 
abhyabhAShata rAjAna.n dhR^itarAShTraM mahAtapAH .. 7..\\
mA me hArShIrhastinaM putramenaM 
duHkhAtpuShTa.n dhR^itarAShTrAkR^itaGYa . 
mitra.n satAM sapta padaM vadanti 
mitradroho naiva rAjanspR^ishettvAm .. 8..\\
idhmodaka pradAtAra.n shUnyapAlakamAshrame . 
vinItamAchArya kule suyukta.n guru karmaNi .. 9..\\
shiShTa.n dAntaM kR^itaGYaM cha priyaM cha satataM mama . 
na me vikroshato rAjanhartumarhasi ku~njaram .. 10..\\

 dhr

gavA.n sahasraM bhavate dadAmi 
dAsI shataM niShkashatAni pa~ncha . 
anyachcha vitta.n vividhaM maharShe 
kiM brAhmaNasyeha gajena kR^ityam .. 11..\\

 g

tvAmeva gAvo.abhi bhavantu rAjan 
dAsyaH sa niShkA vividha.n cha ratnam . 
anyachcha vitta.n vividhaM narendra 
kiM brAhmaNasyeha dhanena kR^ityam .. 12..\\

 dhr

brAhmaNAnA.n hastibhirnAsti kR^ityaM 
rAjanyAnAM nAgakulAni vipra . 
sva.n vAhanaM nayato nAstyadharmo 
nAgashreShThAdgautamAsmAnnivarta .. 13..\\

 g

yatra preto nandati puNyakarmA 
yatra pretaH shochati pApakarmA . 
vaivasvatasya sadane mahAtmanas 
tatra tvAha.n hastinaM yAtayiShye .. 14..\\

 dhr

ye niShkriyA nAstikAH shraddadhAnAH 
pApAtmAna indriyArthe niviShTAH . 
yamasya te yAtanAM prApnuvanti 
para.n gantA dhR^itarAShTro na tatra .. 15..\\

 g

vaivasvatI sa.nyamanI janAnAM 
yatrAnR^itaM nochyate yatra satyam . 
yatrAbalA balina.n yAtayanti 
tatra tvAha.n hastinaM yAtayiShye .. 16..\\

 dhr

jyeShThA.n svasAraM pitaraM mAtara.n cha 
guru.n yathA mAnayantash charanti . 
tathAvidhAnAmeSha loko maharShe 
para.n gantA dhR^itarAShTro na tatra .. 17..\\

 g

mandAkinI vaishravaNasya rAGYo 
mahAbhogA bhogi janapraveshyA . 
gandharvayakShairapsarobhishcha juShTA 
tatra tvAha.n hastinaM yAtayiShye .. 18..\\

 dhr

atithivratAH suvratA ye janA vai 
pratishraya.n dadati brAhmaNebhyaH . 
shiShTAshinaH sa.nvibhajyAshritAMsh cha 
mandAkinI.n te.api vibhUShayanti .. 19..\\

 g

merorugre yadvanaM bhAti ramyaM 
supuShpita.n kiMnaragItajuShTam . 
sudarshanA yatra jambUrvishAlA 
tatra tvAha.n hastinaM yAtayiShye .. 20..\\

 dhr

ye brAhmaNA mR^idavaH satyashIlA 
bahushrutAH sarvabhUtAbhirAmAH . 
ye.adhIyante setihAsaM purANaM 
madhvAhutyA juhvati cha dvijebhyaH .. 21..\\
tathAvidhAnAmeSha loko maharShe 
para.n gantA dhR^itarAShTro na tatra . 
yadvidyate vidita.n sthAnamasti 
tadbrUhi tva.n tvarito hyeSha yAmi .. 22..\\

 g

supuShpita.n kiMnararAjajuShTaM 
priya.n vanaM nandanaM nAradasya . 
gandharvANAmapsarasA.n cha sadma 
tatra tvAha.n hastinaM yAtayiShye .. 23..\\

 dhr

ye nR^ittagItakushalA janAH sadA 
hyayAchamAnAH sahitAsh charanti . 
tathAvidhAnAmeSha loko maharShe 
para.n gantA dhR^itarAShTro na tatra .. 24..\\

 g

yatrottarAH kuravo bhAnti ramyA 
devaiH sArdhaM modamAnA narendra . 
yatrAgniyaunAshcha vasanti viprA 
hyayonayaH parvata yonayash cha .. 25..\\
yatra shakro varShati sarvakAmAn 
yatra striyaH kAmachArAsh chacharanti . 
yatra cherShyA nAsti nArI narANAM 
tatra tvAha.n hastinaM yAtayiShye .. 26..\\

 dhr

ye sarvabhUteShu nivR^ittakAmA 
amA.nsAdA nyastadaNDAsh charanti . 
na hiMShanti sthAvara.n ja~NgamaM cha 
bhUtAnA.n ye sarvabhUtAtmabhUtAH .. 27..\\
nirAshiSho nirmamo vItarAgA 
lAbhAlAbhe tulyanindA prasha.nsAH . 
tathAvidhAnAmeSha loko maharShe 
para.n gantA dhR^itarAShTro na tatra .. 28..\\

 g

tataH paraM bhAnti lokAH sanAtanAH 
supuNyagandhA nirmalA vItashokAH . 
somasya rAGYaH sadane mahAtmanas 
tatra tvAha.n hastinaM yAtayiShye .. 29..\\

 dhr

ye dAnashIlA na pratigR^ihNate sadA 
na chApyarthAnAdadate parebhyaH . 
yeShAmadeyamarhate nAsti ki.n chit 
sarvAtithyAH suprasAdA janAsh cha .. 30..\\
ye kShantAro nAbhijalpanti chAnyA~n 
shaktA bhUtvA satataM puNyashIlAH . 
tathAvidhAnAmeSha loko maharShe 
para.n gantA dhR^itarAShTro na tatra .. 31..\\

 g

tataH paraM bhAnti lokAH sanAtanA 
virajaso vitamaskA vishokAH . 
Adityasya sumahAntaH suvR^ittAs 
tatra tvAha.n hastinaM yAtayiShye .. 32..\\

 dhr

svAdhyAyashIlA gurushushrUShaNe ratAs 
tapasvinaH suvratAH satyasandhAH . 
AchAryANAmapratikUla bhAShiNo 
nityotthitA guru karma svachodyAH .. 33..\\
tathAvidhAnAmeSha loko maharShe 
vishuddhAnAM bhAvitavAnmatInAm . 
satye sthitAnA.n veda vidAM mahAtmanAM 
para.n gantA dhR^itarAShTro na tatra .. 34..\\

 g

tataH pare bhAnti lokAH sanAtanAH 
supuNyagandhA virajA vishokAH . 
varuNasya rAGYaH sadane mahAtmanas 
tatra tvAha.n hastinaM yAtayiShye .. 35..\\

 dhr

chAturmAsyairye yajante janAH sadA 
tatheShTInA.n dashashataM prApnuvanti . 
ye chAgnihotra.n juhvati shraddadhAnA 
yathAnyAya.n trINi varShANi viprAH .. 36..\\
svadAriNA.n dharmadhure mahAtmanAM 
yathochite vartmani susthitAnAm . 
dharmAtmanAmudvahatA.n gatiM tAM 
para.n gantA dhR^itarAShTro na tatra .. 37..\\

 g

indrasya lokA virajA vishokA 
duranvayAH kA~NkShitA mAnavAnAm . 
tasyAha.n te bhavane bhUri tejaso 
rAjannima.n hastinaM yAtayiShye .. 38..\\
shatavarSha jIvI yashcha shUro manuShyo 
veda dhyAyI yashcha yajvApramattaH . 
ete sarve shakra loka.n vrajanti 
para.n gantA dhR^itarAShTro na tatra .. 39..\\

 g

prAjApatyAH santi lokA mahAnto 
nAkasya pR^iShThe puShlakA vItashokAH . 
manIShitAH sarvalokodbhavAnAM 
tatra tvAha.n hastinaM yAtayiShye .. 40..\\

 dhr

ye rAjAno rAjasUyAbhiShiktA 
dharmAtmAno rakShitAraH prajAnAm . 
ye chAshvamedhAvabhR^ithAplutA~NgAs 
teShA.n lokA dhR^itarAShTro na tatra .. 41..\\

 g

tataH paraM bhAnti lokAH sanAtanAH 
supuNyagandhA virajA vItashokAH . 
tasminnaha.n durlabhe tvApradhR^iShye 
gavA.n loke hastinaM yAtayiShye .. 42..\\

 dhr

yo gosahasrI shatadaH samA.n samAM 
yo goshatI dasha dadyAchcha shaktyAH . 
tathA dashabhyo yashcha dadyAdihaikAM 
pa~nchabhyo vA dAnashIlastathaikam .. 43..\\
ye jIryante brahmacharyeNa viprA 
brAhmI.n vAchaM parirakShanti chaiva . 
manasvinastIrthayAtrA parAyaNAs 
te tatra modanti gavA.n vimAne .. 44..\\
prabhAsaM mAnasaM puNyaM puShkarANi mahatsaraH . 
puNya.n cha naimiShaM tIrthaM bAhudAM karatoyinIm .. 45..\\
gavA.n gaya shirashchaiva vipAshA.n sthUlavAlukAm . 
tUShNI.n ga~NgAM dasha ga~NgAM mahAhradamathApi cha .. 46..\\
gautamI.n kaushikIM pAkAM mahAtmAno dhR^itavratAH . 
sarasvatI dR^iShadvatyau yamunA.n ye prayAnti cha .. 47..\\
tatra te divyasa.nsthAnA divyamAlyadharAH shivAH . 
prayAnti puNyagandhADhyA dhR^itarAShTro na tatra vai .. 48..\\

 g

yatra shItabhayaM nAsti na choShNa bhayamaNvapi . 
na kShutpipAse na glAnirna duHkhaM na sukha.n tathA .. 49..\\
na dveShyo na priyaH kashchinna bandhurna ripustathA . 
na jarAmaraNe vApi na puNyaM na cha pAtakam .. 50..\\
tasminvirajasi sphIte praGYA sattvavyavasthite . 
svayambhubhavane puNye hastinaM me yatiShyati .. 51..\\

 dhr

nirmuktAH sarvasa~Ngebhyo kR^itAtmAno yatavratAH . 
adhyAtmayogasa.nsthAne yuktAH svargagati.n gatAH .. 52..\\
te brahmabhavanaM puNyaM prApnuvantIha sAttvikAH . 
na tatra dhR^itarAShTraste shakyo draShTuM mahAmune .. 53..\\

 g

rathantara.n yatra bR^ihachcha gIyate 
yatra vedI puNDarIkaiH stR^iNoti . 
yatropayAti haribhiH somapIthI 
tatra tvAha.n hastinaM yAtayiShye .. 54..\\
budhyAmi tvA.n vR^itrahaNaM shatakratuM 
vyatikramantaM bhuvanAni vishvA . 
kachchinna vAchA vR^ijina.n kadA chid 
akArSha.n te manaso.abhiSha~NgAt .. 55..\\

 zakra

yasmAdima.n lokapathaM prajAnAm 
anvAgamaM padavAde gajasya . 
tasmAdbhavAnpraNataM mAnushAstu 
bravIShi yattatkaravANi sarvam .. 56..\\

 g

shveta.n kareNuM mama putra nAgaM 
yaM me.ahArShIrdashavarShANi bAlam . 
yo me vane vasato.abhUddvitIyas 
tameva me dehi surendra nAgam .. 57..\\

 zakra

aya.n sutaste dvijamukhyanAgash 
chAghrAyate tvAmabhivIkShamANaH . 
pAdau cha te nAsikayopajighrate 
shreyo mama dhyAhi namash cha te.astu .. 58..\\

 g

shiva.n sadaiveha surendra tubhyaM 
dhyAyAmi pUjA.n cha sadA prayu~nje . 
mamApi tva.n shakra shiva.n dadasva 
tvayA dattaM pratigR^ihNAmi nAgam .. 59..\\

 zakra

yeShA.n vedA nihitA vai guhAyAM 
manIShiNA.n sattvavatAM mahAtmanAm . 
teShA.n tvayaikena mahAtmanAsmi 
buddhastasmAtprItimA.nste.ahamadya .. 60..\\
hantaihi brAhmaNa kShipra.n saha putreNa hastinA . 
prApnuhi tva.n shubhA.NllokAnahnAya cha chirAya cha .. 61..\\

 bh

sa gautamaM puraskR^itya saha putreNa hastinA . 
divamAchakrame vajrI sadbhiH saha durAsadam .. 62..\\
\medskip\hrule\medskip\centerline{\Largedvng 106}
 y

dAnaM bahuvidhAkAra.n shAntiH satyamahi.nsatA . 
svadAratuShTishchoktA te phala.n dAnasya chaiva yat .. 1..\\
pitAmahasya vidita.n kimanyatra tapobalAt . 
tapaso yatpara.n te.adya tanme vyAkhyAtumarhasi .. 2..\\

 bh

tapaH prachakShate yAvattAvallokA yudhiShThira . 
mataM mama tu kaunteya tapo nAnashanAtparam .. 3..\\
atrApyudAharantImamitihAsaM purAtanam . 
bhagIrathasya sa.nvAdaM brahmaNashcha mahAtmanaH .. 4..\\
atItya suraloka.n cha gavA.n lokaM cha bhArata . 
R^iShiloka.n cha so.agachchhadbhagIratha iti shrutiH .. 5..\\
ta.n dR^iShTvA sa vachaH prAha brahmA rAjanbhagIratham . 
kathaM bhagIrathAgAstvamima.n deshaM durAsadam .. 6..\\
na hi devA na gandharvA na manuShyA bhagIratha . 
AyAntyatapta tapasaH katha.n vai tvamihAgataH .. 7..\\

 bhagii

niHsha~NkamannamadadaM brAhmaNebhyaH 
shata.n sahasrANi sadaiva dAnam . 
brAhma.n vrataM nityamAsthAya viddhi 
na tvevAha.n tasya phalAdihAgAm .. 8..\\
dashaika rAtrAndasha pa~ncharAtrAn 
ekAdashaikAdashakAnkratUMsh cha . 
jyotiShTomAnA.n cha shata.n yadiShTaM 
phalena tenApi cha nAgato.aham .. 9..\\
yachchAvasa.n jAhnavItIra nityaH 
shata.n samAstapyamAnastapo.aham . 
adA.n cha tatrAshvatarI sahasraM 
nArI puraM na cha tenAhamAgAm .. 10..\\
dashAyutAni chAvAnAmayutAni cha viMshatim . 
puShkareShu dvijAtibhyaH prAdA.n gAshcha sahasrashaH .. 11..\\
suvarNachandroDupa dhAriNInAM 
kanyottamAnAmadada.n sragviNInAm . 
ShaShTi.n sahasrANi vibhUShitAnAM 
jAmbUnadairAbharaNairna tena .. 12..\\
dashArbudAnyadada.n gosavejyAsv 
ekaikasho dasha gA lokanAtha . 
samAnavatsAH payasA samanvitAH 
suvarNakA.nsyopaduhA na tena .. 13..\\
aptoryAmeShu niyatamekaikasmindashAdadam . 
gR^iShTInA.n kShIradAtrINA.n rohiNInAM cha tena cha .. 14..\\
dogdhrINA.n vai gavA.n chaiva prayutAni dashaiva hi . 
prAdA.n dashaguNaM brahmanna cha tenAhamAgataH .. 15..\\
vAjinAM bAhlijAtAnAmayutAnyadada.n dasha . 
karkANA.n hemamAlAnAM na cha tenAhamAgataH .. 16..\\
koTIshcha kA~nchanasyAShTau prAdAM brahmandasha tvaham . 
ekaikasminkratau tena phalenAhaM na chAgataH .. 17..\\
vAjinA.n shyAma karNAnAM haritAnAM pitAmaha . 
prAdA.n hemasrajAM brahmankoTIrdasha cha sapta cha .. 18..\\
IShA dantAnmahAkAyAnkA~nchanasragvi bhUShitAn . 
patnImataH sahasrANi prAyachchha.n dasha sapta cha .. 19..\\
ala~NkR^itAnA.n devesha divyaiH kanakabhUShaNaiH . 
rathAnA.n kA~nchanA~NgAnA.n sahasrANyadadaM dasha . 
sapta chAnyAni yuktAni vAjibhiH samala~NkR^itaiH .. 20..\\
dakShiNAvayavAH ke chidvedairye samprakIrtitAH . 
vAjapeyeShu dashasu prAdA.n tenApi nApyaham .. 21..\\
shakratulyaprabhAvAnAmijyayA vikrameNa cha . 
sahasraM niShkakaNThAnAmadada.n dakShiNAm aham .. 22..\\
vijitya nR^ipatInsarvAnmakhairiShTvA pitAmaha . 
aShTabhyo rAjasUyebhyo na cha tenAhamAgataH .. 23..\\
srotashcha yAvadga~NgAyAshchhannamAsIjjagatpate . 
dakShiNAbhiH pravR^ittAbhirmama nAgA.n cha tatkR^ite .. 24..\\
vAjinA.n cha sahasre dve suvarNashatabhUShite . 
vara.n grAmashataM chAhamekaikasya tridhAdadam . 
tapasvI niyatAhAraH shamamAsthAya vAgyataH .. 25..\\
dIrghakAla.n himavati ga~NgAyAshcha durutsahAm . 
mUrdhnA dhArAM mahAdevaH shirasA yAmadhArayat . 
na tenApyahamAgachchhaM phaleneha pitAmaha .. 26..\\
shamyAkShepairayaja.n yachcha devAn 
sadyaskAnAmayutaishchApi yattat . 
trayo dasha dvAdashAhAMsh cha deva 
sa pauNDarIkAnna cha teShAM phalena .. 27..\\
aShTau sahasrANi kakudminAmahaM 
shuklarShabhANAmadadaM brAhmaNebhyaH . 
ekaika.n vai kA~nchanaM shR^i~NgamebhyaH 
patnIshchaiShAmadadaM niShkakaNThIH .. 28..\\
hiraNyaratnanichitAnadada.n ratnaparvatAn . 
dhanadhAnya samR^iddhAMshcha grAmA~nshatasahasrashaH .. 29..\\
shata.n shatAnA.n gR^iShTInAmadadaM chApyatandritaH . 
iShTvAnekairmahAyaGYairbrAhmaNebhyo na tena cha .. 30..\\
ekAdashAhairayaja.n sa dakShiNair 
dvirdvAdashAhairashvamedhaish cha deva . 
ArkAyaNaiH ShoDashabhishcha brahma.ns 
teShAM phaleneha na chAgato.asmi .. 31..\\
niShkaika kaNThamadada.n yojanAyataM 
tadvistIrNa.n kA~nchanapAdapAnAm . 
vana.n chUtAnA.n ratnavibhUShitAnAM 
na chaiva teShAmAgato.ahaM phalena .. 32..\\
turAyaNa.n hi vratamapradhR^iShyam 
akrodhano.akarava.n triMshato.abdAn . 
shata.n gavAmaShTa shatAni chaiva 
dine dine hyadadaM brAhmaNebhyaH .. 33..\\
payasvinInAmatha rohiNInAM 
tathaiva chApyanaDuhA.n lokanAtha . 
prAdAM nityaM brAhmaNebhyaH suresha 
nehAgatastena phalena chAham .. 34..\\
triMshadagnimahaM brahmannayaja.n yachcha nityadA . 
aShTAbhiH sarvamedhaishcha naramedhaishcha saptabhiH .. 35..\\
dashabhirvishvajidbhishcha shatairaShTAdashottaraiH . 
na chaiva teShA.n devesha phalenAhamihAgataH .. 36..\\
sarayvAM bAhudAyA.n cha ga~NgAyAmatha naimiShe . 
gavA.n shatAnAmayutamadadaM na cha tena vai .. 37..\\
indreNa guhyaM nihita.n vai guhAyAM 
yadbhArgavastapasehAbhyavindat . 
jAjvalyamAnamushanastejaseha 
tatsAdhayAmAsamaha.n vareNyam .. 38..\\
tato me brAhmaNAstuShTAstasminkarmaNi sAdhite . 
sahasramR^iShayashchAsanye vai tatra samAgatAH . 
uktastairasmi gachchha tvaM brahmalokamiti prabho .. 39..\\
prItenoktaH sahasreNa brAhmaNAnAmahaM prabho . 
ima.n lokamanuprApto mA bhUtte.atra vichAraNA .. 40..\\
kAma.n yathAvadvihitaM vidhAtrA 
pR^iShTena vAchya.n tu mayA yathAvat . 
tapo hi nAnyachchAnashanAnmataM me 
namo.astu te devavara prasIda .. 41..\\

 bh

ityuktavanta.n taM brahmA rAjAna.n sma bhagIratham . 
pUjayAmAsa pUjArha.n vidhidR^iShTtena karmaNA .. 42..\\
\medskip\hrule\medskip\centerline{\Largedvng 107}
 y

shatAyuruktaH puruShaH shatavIryash cha vaidike . 
kasmAnmriyante puruShA bAlA api pitAmaha .. 1..\\
AyuShmAnkena bhavati svalpAyurvApi mAnavaH . 
kena vA labhate kIrti.n kena vA labhate shriyam .. 2..\\
tapasA brahmacharyeNa japairhomaistathauShadhaiH . 
janmanA yadi vAchArAttanme brUhi pitAmaha .. 3..\\

 bh

atra te vartayiShyAmi yanmA.n tvamanupR^ichchhasi . 
alpAyuryena bhavati dIrghAyurvApi mAnavaH .. 4..\\
yena vA labhate kIrti.n yena vA labhate shriyam . 
yathA cha vartanpuruShaH shreyasA samprayujyate .. 5..\\
AchArAllabhate hyAyurAchArAllabhate shriyam . 
AchArAtkIrtimApnoti puruShaH pretya cheha cha .. 6..\\
durAchAro hi puruSho nehAyurvindate mahat . 
trasanti yasmAdbhUtAni tathA paribhavanti cha .. 7..\\
tasmAtkuryAdihAchAra.n ya ichchhedbhUtimAtmanaH . 
api pApasharIrasya AchAro hantyalakShaNam .. 8..\\
AchAra lakShaNo dharmaH santashchAchAra lakShaNAH . 
sAdhUnA.n cha yathAvR^ittametadAchAra lakShaNam .. 9..\\
apyadR^iShTa.n shrutaM vApi puruSha.n dharmachAriNam . 
bhUtikarmANi kurvANa.n taM janAH kurvate priyam .. 10..\\
ye nAstikA niShkriyAshcha guru shAstrAtila~NghinaH . 
adharmaGYA durAchArAste bhavanti gatAyuShaH .. 11..\\
vishIlA bhinnamaryAdA nitya.n sa~NkIrNa maithunAH . 
alpAyuSho bhavantIha narA nirayagAminaH .. 12..\\
sarvalakShaNahIno.api samudAchAravAnnaraH . 
shraddadhAno.anasUyushcha shata.n varShANi jIvati .. 13..\\
akrodhanaH satyavAdI bhUtAnAmavihi.nsakaH . 
anasUyurajihmashcha shata.n varShANi jIvati .. 14..\\
loShTa mardI tR^iNachchhedI nakhakhAdI cha yo naraH . 
nityochchhiShTaH sa~Nkusuko nehAyurvindate mahat .. 15..\\
brAhme muhUrte budhyeta dharmArthau chAnuchintayet . 
utthAyAchamya tiShTheta pUrvA.n sandhyA.n kR^itA~njaliH .. 16..\\
evamevAparA.n sandhyAM samupAsIta vAgyataH . 
nekShetAdityamudyantaM nAsta.n yAnta.n kadA chana .. 17..\\
R^iShayo dIrghasandhyatvAddIrghamAyuravApnuvan . 
tasmAttiShThetsadA pUrvAM pashchimA.n chaiva vAgyataH .. 18..\\
ye cha pUrvAmupAsante dvijAH sandhyAM na pashchimAm . 
sarvA.nstAndhArmiko rAjA shUdra karmANi kArayet .. 19..\\
paradArA na gantavyAH sarvavarNeShu karhi chit . 
na hIdR^ishamanAyuShya.n loke ki.n chana vidyate . 
yAdR^ishaM puruShasyeha paradAropasevanam .. 20..\\
prasAdhana.n cha keshAnAma~njanaM dantadhAvanam . 
pUrvAhNa eva kurvIta devatAnA.n cha pUjanam .. 21..\\
purISha mUtre nodIkShennAdhitiShThetkadA chana . 
udakyayA cha sambhAShAM na kurvIta kadA chana .. 22..\\
notsR^ijeta purISha.n cha kShetre grAmasya chAntike . 
ubhe mUtra purIShe tu nApsu kuryAtkadA chana .. 23..\\
prA~Nmukho nityamashnIyAdvAgyato.annamakutsayan . 
praskandayechcha manasA bhuktvA chAgnimupaspR^ishet .. 24..\\
AyuShyaM prA~Nmukho bhu~Nkte yashasya.n dakShiNAmukhaH . 
dhanyaM pashchAnmukho bhu~Nkte R^itaM bhu~Nkte uda~NmukhaH .. 25..\\
nAdhitiShThettuShA~njAtu keshabhasma kapAlikAH . 
anyasya chApyupasthAna.n dUrataH parivarjayet .. 26..\\
shAnti homAMshcha kurvIta sAvitrANi cha kArayet . 
niShaNNashchApi khAdeta na tu gachchhankatha.n chana .. 27..\\
mUtraM na tiShThatA kAryaM na bhasmani na govraje .. 28..\\
Ardra pAdastu bhu~njIta nArdra pAdastu sa.nvishet . 
Ardra pAdastu bhu~njAno varShANA.n jIvate shatam .. 29..\\
trINi tejA.nsi nochchhiShTa Alabheta kadA chana . 
agi.n gAM brAhmaNaM chaiva tathAsyAyurna riShyate .. 30..\\
trINi tejA.nsi nochchhiShTa udIkSheta kadA chana . 
sUryA chandramasau chaiva nakShatANi cha sarvashaH .. 31..\\
UrdhvaM prANA hyutkrAmanti yUnaH sthavira Ayati . 
pratyutthAnAbhivAdAbhyAM punastAnpratipadyate .. 32..\\
abhivAdayeta vR^iddhAMshcha Asana.n chaiva dApayet . 
kR^itA~njalirupAsIta gachchhantaM pR^iShThato.anviyAt .. 33..\\
na chAsItAsane bhinne bhinna.n kA.nsyaM cha varjayet . 
naikavastreNa bhoktavyaM na nagnaH snAtumarhati . 
svaptavyaM naiva nagnena na chochchhiShTo.api sa.nvishet .. 34..\\
uchchhiShTo na spR^ishechchhIrSha.n sarve prANAstadAshrayAH . 
keshagrahAnprahArAMshcha shirasyetAnvivarjayet .. 35..\\
na pANibhyAmubhAbhyA.n cha kaNDUyejjAtu vaishiraH . 
na chAbhIkShNa.n shiraH snAyAttathAsyAyurna riShyate .. 36..\\
shiraHsnAtashcha tailena nA~Nga.n kiM chidupaspR^ishet . 
tilapiShTaM na chAshnIyAttathAyurvindate mahat .. 37..\\
nAdhyApayettathochchhiShTo nAdhIyIta kadA chana . 
vAte cha pUti gandhe cha manasApi na chintayet .. 38..\\
atra gAthA yamodgItAH kIrtayanti purA vidaH . 
Ayurasya nikR^intAmi prajAmasyAdade tathA .. 39..\\
ya uchchhiShTaH pravadati svAdhyAya.n chAdhigachchhati . 
yashchAnadhyAya kAle.api mohAdabhyasyati dvijaH . 
tasmAdyukto.apyanadhyAye nAdhIyIta kadA chana .. 40..\\
pratyAdityaM pratyanilaM prati gA.n cha prati dvijAn . 
ye mehanti cha panthAna.n te bhavanti gatAyuShaH .. 41..\\
ubhe mUtra purIShe tu divA kuryAduda~NmukhaH . 
dakShiNAbhimukho rAtrau tathAsyAyurna riShyate .. 42..\\
trInkR^ishAnnAvajAnIyAddIrghamAyurjijIviShuH . 
brAhmaNa.n kShatriya.n sarpaM sarve hyAshIviShAstrayaH .. 43..\\
dahatyAshIviShaH kruddho yAvatpashyati chakShuShA . 
kShatriyo.api dahetkruddho yAvatspR^ishati tejasA .. 44..\\
brAhmaNastu kula.n hanyAddhyAnenAvekShitena cha . 
tasmAdetattraya.n yatnAdupaseveta paNDitaH .. 45..\\
guruNA vairanirbandho na kartavyaH kadA chana . 
anumAnyaH prasAdyashcha guruH kruddho yudhiShThira .. 46..\\
samya~NmithyA pravR^itte.api vartitavya.n gurAviha . 
guru nindA dahatyAyurmanuShyANAM na saMshayaH .. 47..\\
dUrAdAvasathAnmUtra.n dUrAtpAdAvasechanam . 
uchchhiShTotsarjana.n chaiva dUre kArya.n hitaiShiNA .. 48..\\
nAtikalpaM nAtisAyaM na cha madhya.n dine sthite . 
nAGYAtaiH saha gachchheta naiko na vR^iShalaiH saha .. 49..\\
panthA deyo brAhmaNAya gobhyo rAjasya eva cha . 
vR^iddhAya bhArataptAya garbhiNyai durbalAya cha .. 50..\\
pradakShiNa.n cha kurvIta pariGYAtAnvanaspatIn . 
chatuShpathAnprakurvIta sarvAneva pradakShiNAn .. 51..\\
madhya.n dine nishAkAle madhyarAtre cha sarvadA . 
chatuShpathAnna seveta ubhe sandhye tathaiva cha .. 52..\\
upAnahau cha vastra.n cha dhR^itamanyairna dhArayet . 
brahma chArI cha nitya.n syAtpAdaM pAdena nAkramet .. 53..\\
amAvAsyAM paurNamAsyA.n chaturdashyAM cha sarvashaH . 
aShTamyA.n sarvapakShANAM brahma chArI sadA bhavet .. 54..\\
vR^ithA mA.nsaM na khAdeta pR^iShThamA.nsa.n tathaiva cha . 
AkroshaM parivAda.n cha paishunyaM cha vivarjayet .. 55..\\
nAru.n tudaH syAnna nR^isha.nsavAdI 
na hInataH paramabhyAdadIta . 
yayAsya vAchA para udvijeta 
na tA.n vadedrushatIM pApalokyAm .. 56..\\
vAksAyakA vadanAnniShpatanti 
yairAhataH shochati rAtryahAni . 
parasya nAmarmasu te patanti 
tAnpaNDito nAvasR^ijetpareShu .. 57..\\
rohate sAyakairviddha.n vanaM parashunA hatam . 
vAchA duruktaM bIbhatsaM na sa.nrohati vAkkShatam .. 58..\\
hInA~NgAnatiriktA~NgAnvidyA hInAnvayo.adhikAn . 
rUpadraviNa hInAMshcha sattvahInAMshcha nAkShipet .. 59..\\
nAstikya.n veda nindA.n cha devatAnAM cha kutsanam . 
dveShastambhAbhimAnAMshcha taikShNya.n cha parivarjayet .. 60..\\
parasya daNDaM nodyachchhetkroddho nainaM nipAtayet . 
anyatra putrAchchhiShyAdvA shikShArtha.n tADana.n smR^itam .. 61..\\
na brAhmaNAnparivadennakShatrANi na nirdishet . 
tithiM pakShasya na brUyAttathAsyAyurna riShyate .. 62..\\
kR^itvA mUtra purIShe tu rathyAmAkramya vA punaH . 
pAdaprakShAlana.n kuryAtsvAdhyAye bhojane tathA .. 63..\\
trINi devAH pavitrANi brAhmaNAnAm akalpayan . 
adR^iShTamadbhirnirNikta.n yachcha vAchA prashasyate .. 64..\\
sa.nyAva.n kR^isaraM mA.nsa.n shaShkulI pAyasaM tathA . 
AtmArthaM na prakartavya.n devArthaM tu prakalpayet .. 65..\\
nityamagniM paricharedbhikShA.n dadyAchcha nityadA . 
vAgyato dantakAShTha.n cha nityameva samAcharet . 
na chAbhyudita shAyI syAtprAyashchittI tathA bhavet .. 66..\\
mAtA pitaramutthAya pUrvamevAbhivAdayet . 
AchAryamatha vApyena.n tathAyurvindate mahat .. 67..\\
varjayeddantakAShTAni varjanIyAni nityashaH . 
bhakShayechchhAstra dR^iShTAni parvasvapi cha varjayet .. 68..\\
uda~Nmukhashcha satata.n shaucha.n kuryAtsamAhitaH .. 69..\\
akR^itvA devatA pUjAM nAnya.n gachchhetkadA chana . 
anyatra tu guru.n vR^iddha.n dhArmikaM vA vichakShaNam .. 70..\\
avalokyo na chAdarsho malino buddhimattaraiH . 
na chAGYAtA.n striya.n gachchhedgarbhiNIM vA kadA chana .. 71..\\
udakshirA na svapeta tathA pratyakshirA na cha . 
prAkshirAstu svapedvidvAnatha vA dakShiNA shirAH .. 72..\\
na bhagne nAvadIrNe vA shayane prasvapeta cha . 
nAntardhAne na sa.nyukte na cha tiryakkadA chana .. 73..\\
na nagnaH karhi chitsnAyAnna nishAyA.n kadA chana . 
snAtvA cha nAvamR^ijyeta gAtrANi suvichakShaNaH .. 74..\\
na chAnulimpedasnAtvA snAtvA vAso na nirdhunet . 
Ardra eva tu vAsA.nsi nitya.n seveta mAnavaH . 
srajashcha nAvakarSheta na bahirdhArayeta cha .. 75..\\
raktamAlyaM na dhArya.n syAchchhukla.n dhAryaM tu paNDitaiH . 
varjayitvA tu kamala.n tathA kuvalaya.n vibho .. 76..\\
rakta.n shirasi dhArya.n tu tathA vAneyamityapi . 
kA~nchanI chaiva yA mAlA na sA duShyati karhi chit . 
snAtasya varNakaM nityamArdra.n dadyAdvishAM pate .. 77..\\
viparyayaM na kurvIta vAsaso buddhimAnnaraH . 
tathA nAnyadhR^ita.n dhAryaM na chApadashameva cha .. 78..\\
anyadeva bhavedvAsaH shayanIye narottama . 
anyadrathyAsu devAnAmarchAyAm anyadeva hi .. 79..\\
priya~NguchandanAbhyA.n cha bilvena tagareNa cha . 
pR^ithagevAnulimpeta kesareNa cha buddhimAn .. 80..\\
upavAsa.n cha kurvIta snAtaH shuchirala~NkR^itaH . 
parvakAleShu sarveShu brahma chArI sadA bhavet .. 81..\\
nAlIDhayA parihataM bhakShayIta kadA chana . 
tathA noddhR^ita sArANi pekShatAM nApradAya cha .. 82..\\
na saMnikR^iShTo medhAvI nAshuchirna cha satsu cha . 
pratiShiddhAnna dharmeShu bhakShAnbhu~njIta pR^iShThataH .. 83..\\
pippala.n cha vaTaM chaiva shaNashAkaM tathaiva cha . 
udumbaraM na khAdechcha bhavArthI puruShottamaH .. 84..\\
Aja.n gavyaM cha yanmA.nsaM mAyUraM chaiva varjayet . 
varjayechchhuShka mA.nsa.n cha tathA paryuShitaM cha yat .. 85..\\
na pANau lavaNa.n vidvAnprAshnIyAnna cha rAtriShu . 
dadhi saktUnna bhu~njIta vR^ithA mA.nsa.n cha varjayet .. 86..\\
vAlena tu na bhu~njIta parashrAddha.n tathaiva cha . 
sAyamprAtashcha bhu~njIta nAntarAle samAhitaH .. 87..\\
vAgyato naikavastrashcha nAsa.nviShTaH kadA chana . 
bhUmau sadaiva nAshnIyAnnAnAsIno na shabdavat .. 88..\\
toyapUrvaM pradAyAnnamatithibhyo vishAM pate . 
pashchAdbhu~njIta medhAvI na chApyanyamanA naraH .. 89..\\
samAnamekapa~NktyA.n tu bhojyamannaM nareshvara . 
viSha.n hAlAhalaM bhu~Nkte yo.apradAya suhR^ijjane .. 90..\\
pAnIyaM pAyasa.n sarpirdadhi saktu madhUnyapi . 
nirasya sheShameteShAM na pradeya.n tu kasya chit .. 91..\\
bhu~njAno manujavyAghranaiva sha~NkA.n samAcharet . 
dadhi chApyanupAna.n vai na kartavyaM bhavArthinA .. 92..\\
Achamya chaiva hastena parisrAvya tathodakam . 
a~NguShTha.n charaNasyAtha dakShiNasyAvasechayet .. 93..\\
pANiM mUrdhni samAdhAya spR^iShTvA chAgni.n samAhitaH . 
GYAtishraiShThyamavApnoti prayoga kushalo naraH .. 94..\\
adbhiH prANAnsamAlabhya nAbhiM pANitalena cha . 
spR^ishaMshchaiva pratiShTheta na chApyArdreNa pANinA .. 95..\\
a~NguShThasyAntarAle cha brAhma.n tIrthamudAhR^itam . 
kaniShThikAyAHpashchAttu deva tIrthamihochyate .. 96..\\
a~NguShThasya cha yanmadhyaM pradeshinyAshcha bhArata . 
tena pitryANi kurvIta spR^iShTvApo nyAyatastathA .. 97..\\
parApavAdaM na brUyAnnApriya.n cha kadA chana . 
na manuH kashchidutpAdyaH puruSheNa bhavArthinA .. 98..\\
patitaistu kathAM nechchheddarshana.n chApi varjayet . 
sa.nsarga.n cha na gachchheta tathAyurvindate mahat .. 99..\\
na divA maithuna.n gachchhenna kanyAM na cha bandhakIm . 
na chAsnAtA.n striya.n gachchhettathAyurvindate mahat .. 100..\\
sve sve tIrthe samAchamya kArye samupakalpite . 
triH pItvApo dviH pramR^ijya kR^itashaucho bhavennaraH .. 101..\\
indriyANi sakR^itspR^ishya trirabhyukShya cha mAnavaH . 
kurvIta pitrya.n daivaM cha veda dR^iShTena karmaNA .. 102..\\
brAhmaNArthe cha yachchhaucha.n tachcha me shR^iNu kaurava . 
pravR^itta.n cha hitaM choktvA bhojanAdyantayostathA .. 103..\\
sarvashaucheShu brAhmeNa tIrthena samupaspR^ishet . 
niShThIvya tu tathA kShutvA spR^ishyApo hi shuchirbhavet .. 104..\\
vR^iddho GYAtistathA mitra.n daridro yo bhavedapi . 
gR^ihe vAsayitavyAste dhanyamAyuShyameva cha .. 105..\\
gR^ihe pArAvatA dhanyAH shukAshcha sahasArikAH . 
gR^iheShvete na pApAya tathA vai tailapAyikAH .. 106..\\
uddIpakAshcha gR^idhrAshcha kapotA bhramarAstathA . 
nivisheyuryadA tatra shAntimeva tadAcharet .. 107..\\
ama~NgalyAni chaitAni tathAkrosho mahAtmanAm . 
mahAtmanA.n cha guhyAni na vaktavyAni karhi chit .. 108..\\
agamyAshcha na gachchheta rAjapatnIH sakhIstathA . 
vaidyAnAM bAlavR^iddhAnAM bhR^ityAnA.n cha yudhiShThira .. 109..\\
bandhUnAM brAhmaNAnA.n cha tathA shAraNikasya cha . 
sambandhinA.n cha rAjendra tathAyurvindate mahat .. 110..\\
brAhmaNa sthapatibhyA.n cha nirmita.n yanniveshanam . 
tadAvasetsadA prAGYo bhavArthI manujeshvara .. 111..\\
sandhyAyAM na svapedrAjanvidyAM na cha samAcharet . 
na bhu~njIta cha medhAvI tathAyurvindate mahat .. 112..\\
naktaM na kuryAtpitryANi bhuktvA chaiva prasAdhanam . 
pAnIyasya kriyA naktaM na kAryA bhUtimichchhatA .. 113..\\
varjanIyAshcha vai nitya.n saktavo nishi bhArata . 
sheShANi chAvadAtAni pAnIya.n chaiva bhojane .. 114..\\
sauhitya.n cha na kartavya.n rAtrau naiva samAcharet . 
dvijachchhedaM na kurvIta bhuktvA nacha samAcharet .. 115..\\
mahAkulaprasUtA.n cha prashastA.n lakShaNaistathA . 
vayaHsthA.n cha mahAprAGYa kanyAmAvoDhumarhati .. 116..\\
apatyamutpAdya tataH pratiShThApya kula.n tathA . 
putrAH pradeyA GYAneShu kuladharmeShu bhArata .. 117..\\
kanyA chotpAdya dAtavyA kulaputrAya dhImate . 
putrA niveshyAshcha kulAdbhR^ityA labhyAshcha bhArata .. 118..\\
shiraHsnAto.atha kurvIta daivaM pitryamathApi cha . 
nakShatre na cha kurvIta yasmi~njAto bhavennaraH . 
na proShThapadayoH kArya.n tathAgneye cha bhArata .. 119..\\
dAruNeShu cha sarveShu pratyaha.n cha vivarjayet . 
jyotiShe yAni choktAni tAni sarvANi varjayet .. 120..\\
prA~NmukhaH shmashrukarmANi kArayeta samAhitaH . 
uda~Nmukho vA rAjendra tathAyurvindate mahat .. 121..\\
parivAdaM na cha brUyAtpareShAmAtmanastathA . 
parivAdo na dharmAya prochyate bharatarShabha .. 122..\\
varjayedvya~NginIM nArI.n tathA kanyAM narottama . 
samArShA.n vya~NgitA.n chaiva mAtuH svakulajAM tathA .. 123..\\
vR^iddhAM pravrajitA.n chaiva tathaiva cha pativratAm . 
tathAtikR^iShNa varNA.n cha varNotkR^iShTAM cha varjayet .. 124..\\
ayoni.n cha viyoniM cha na gachchheta vichakShaNaH . 
pi~NgalA.n kuShThinIM nArIM na tvamAvoDhumarhasi .. 125..\\
apasmAri kule jAtAM nihInA.n chaiva varjayet . 
shvitriNA.n cha kule jAtAM trayANAM manujeshvara .. 126..\\
lakShaNairanvitA yA cha prashastA yA cha lakShaNaiH . 
manoGYA darshanIyA cha tAM bhavAnvoDhumarhati .. 127..\\
mahAkule niveShTavya.n sadR^ishe vA yudhiShThira . 
avarA patitA chaiva na grAhyA bhUtimichchhatA .. 128..\\
agnInutpAdya yatnena kriyAH suvihitAshcha yAH . 
vedeShu brAhmaNaiH proktAstAshcha sarvAH samAcharet .. 129..\\
na cherShyA strIShu kartavyA dArA rakShyAshcha sarvashaH . 
anAyuShyA bhavedIrShyA tasmAdIrShyA.n vivarjayet .. 130..\\
anAyuShyo divA svapnastathAbhyudita shAyitA . 
prAtarnishAyA.n cha tathA ye chochchhiShTAH svapanti vai .. 131..\\
pAradAryamanAyuShyaM nApitochchchhiShTatA tathA . 
yatnato vai na kartavyamabhyAsashchaiva bhArata .. 132..\\
sandhyAM na bhu~njenna snAyAnna purISha.n samutsR^ijet . 
prayatashcha bhavettasyAM na cha ki.n chitsamAcharet .. 133..\\
brAhmaNAnpUjayechchApi tathA snAtvA narAdhipa . 
devAMshcha praNametsnAto gurUMshchApyabhivAdayet .. 134..\\
animantrito na gachchheta yaGYa.n gachchhettu darshakaH . 
animantrite hyanAyuShya.n gamanaM tatra bhArata .. 135..\\
na chaikena parivrAjyaM na gantavya tathA nishi . 
anAgatAyA.n sandhyAyAM pashchimAyA.n gR^ihe vaset .. 136..\\
mAtuH piturgurUNA.n cha kAryamevAnushAsanam . 
hita.n vApyahitaM vApi na vichAryaM nararShabha .. 137..\\
dhanurvede cha vede cha yatnaH kAryo narAdhipa . 
hastipR^iShThe.ashvapR^iShThe cha rathacharyAsu chaiva ha . 
yatnavAnbhava rAjendra yatnavAnsukhamedhate .. 138..\\
apradhR^iShyashcha shatrUNAM bhR^ityAnA.n svajanasya cha . 
prajApAlanayuktashcha na kShati.n labhate kva chit .. 139..\\
yuktishAstra.n cha te GYeya.n shabdashAstraM cha bhArata . 
gandharvashAstra.n cha kalAH pariGYeyA narAdhipa .. 140..\\
purANamitihAsAshcha tathAkhyAnAni yAni cha . 
mahAtmanA.n cha charita.n shrotavyaM nityameva te .. 141..\\
patnI.n rajasvalA.n chaiva nAbhigachchhenna chAhvayet . 
snAtA.n chaturthe divase rAtrau gachchhedvichakShaNaH .. 142..\\
pa~nchame divase nArI ShaShThe.ahani pumAnbhavet . 
etena vidhinA patnImupagachchheta paNDitaH .. 143..\\
GYAtisambandhimitrANi pUjanIyAni nityashaH . 
yaShTavya.n cha yathAshakti yaGYairvividhadakShiNaiH . 
ata UrdhvamaraNya.n cha sevitavyaM narAdhipa .. 144..\\
eSha te lakShaNoddesha AyuShyANAM prakIrtitaH . 
sheShastraividya vR^iddhebhyaH pratyAhAryo yudhiShThira .. 145..\\
AchAro bhUtijanana AchAraH kIrtivardhanaH . 
AchArAdvardhate hyAyurAchAro hantyalakShaNam .. 146..\\
AgamAnA.n hi sarveShAmAchAraH shreShTha uchyate . 
AchAra prabhavo dharmo dharmAdAyurvivardhate .. 147..\\
etadyashasyamAyuShya.n svargyaM svastyayanaM mahat . 
anukampatA sarvavarNAnbrahmaNA samudAhR^itam .. 148..\\
\medskip\hrule\medskip\centerline{\Largedvng 108}
 y

yathA jyeShThaH kaniShTheShu vartate bharatarShabha . 
kaniShThAshcha yathA jyeShThe vartera.nstadbravIhi me .. 1..\\

 bh

jyeShThavattAta vartasva jyeShTho hi satataM bhavAn . 
gurorgarIyasI vR^ittiryA chechchhiShyasya bhArata .. 2..\\
na gurAvakR^itapraGYe shakya.n shiShyeNa vartitum . 
gurorhi dIrghadarshitva.n yattachchhiShyasya bhArata .. 3..\\
andhaH syAdandhavelAyA.n jaDaH syAdapi vA budhaH . 
parihAreNa tadbrUyAdyasteShA.n syAdvyatikramaH .. 4..\\
pratyakShaM bhinnahR^idayA bhedayeyuH kR^itaM narAH . 
shriyAbhitaptAH kaunteya bhedakAmAstathArayaH .. 5..\\
jyeShThaH kula.n vardhayati vinAshayati vA punaH . 
hanti sarvamapi jyeShThaH kula.n yatrAvajAyate .. 6..\\
atha yo vinikurvIta jyeShTho bhrAtA yavIyasaH . 
ajyeShThaH syAdabhAgashcha niyamyo rAjabhishcha saH .. 7..\\
nikR^itI hi naro lokAnpApAngachchhatyasaMshayam . 
vidulasyeva tatpuShpaM mogha.n janayituH smR^itam .. 8..\\
sarvAnarthaH kule yatra jAyate pApapUruShaH . 
akIrti.n janayatyeva kIrtimantardadhAti cha .. 9..\\
sarve chApi vikarma sthA bhAgaM nArhanti sodarAH . 
nApradAya kaniShThebhyo jyeShThaH kurvIta yautakam .. 10..\\
anuja.n hi piturdAyo ja~NghAshramaphalo.adhvagaH . 
svayamIhita labdha.n tu nAkAmo dAtumarhati .. 11..\\
bhrAtR^INAmavibhaktAnAmutthAnamapi chetsaha . 
na putra bhAga.n viShamaM pitA dadyAtkatha.n chana .. 12..\\
na jyeShThAnavamanyeta duShkR^itaH sukR^ito.api vA . 
yadi strI yadyavarajaH shreyaH pashyettathAcharet . 
dharma.n hi shreya ityAhuriti dharmavido viduH .. 13..\\
dashAchAryAnupAdhyAya upAdhyAyAnpitA dasha . 
dasha chaiva pitR^InmAtA sarvA.n vA pR^ithivIm api .. 14..\\
gauraveNAbhibhavati nAsti mAtR^isamo guruH . 
mAtA garIyasI yachcha tenaitAM manyate janaH .. 15..\\
jyeShTho bhrAtA pitR^isamo mR^ite pitari bhArata . 
sa hyeShA.n vR^ittidAtA syAtsa chaitAnparipAlayet .. 16..\\
kaniShThAstaM namasyeransarve chhandAnuvartinaH . 
tameva chopajIveranyathaiva pitara.n tathA .. 17..\\
sharIrametau sR^ijataH pitA mAtA cha bhArata . 
AchArya shAstA yA jAtiH sA satyA sAjarAmarA .. 18..\\
jyeShThA mAtR^isamA chApi bhaginI bharatarShabha . 
bhrAturbhAryA cha tadvatsyAdyasyA bAlye stanaM pibet .. 19..\\
\medskip\hrule\medskip\centerline{\Largedvng 109}
 y

sarveShAmeva varNAnAM mlechchhAnA.n cha pitAmaha . 
upavAse matiriya.n kAraNaM cha na vidmahe .. 1..\\
brahmakShatreNa niyamAshchartavyA iti naH shrutam . 
upavAse katha.n teShAM kR^ityamasti pitAmaha .. 2..\\
niyama.n chopavAsAnA.n sarveShAM brUhi pArthiva . 
avApnoti gati.n kAM cha upavAsaparAyaNaH .. 3..\\
upavAsaH paraM puNyamupavAsaH parAyaNam . 
upoShyeha narashreShTha kiM phalaM pratipadyate .. 4..\\
adharmAnmuchyate kena dharmamApnoti vai katham . 
svargaM puNya.n cha labhate kathaM bharatasattama .. 5..\\
upoShya chApi ki.n tena pradeya.n syAnnarAdhipa . 
dharmeNa cha sukhAnarthA.Nllabhedyena bravIhi tam .. 6..\\

 v

evaM bruvANa.n kaunteyaM dharmaGYaM dharmatattvavit . 
dharmaputramida.n vAkyaM bhIShmaH shAntanavo.abravIt .. 7..\\
ida.n khalu mahArAja shrutamAsItpurAtanam . 
upavAsavidhau shreShThA ye guNA bharatarShabha .. 8..\\
prAjApatya.n hya~NgirasaM pR^iShTavAnasmi bhArata . 
yathA mA.n tvaM tathaivAhaM pR^iShTavA.nstaM tapodhanam .. 9..\\
prashnametaM mayA pR^iShTo bhagavAnagnisambhavaH . 
upavAsavidhiM puNyamAchaShTa bharatarShabha .. 10..\\

 angiras

brahmakShatre trirAtra.n tu vihitaM kurunandana . 
dvistrirAtramathaivAtra nirdiShTaM puruSharShabha .. 11..\\
vaishyashUdrau tu yau mohAdupavAsaM prakurvate . 
trirAtra.n dvistrirAtra.n vA tayoH puShTirna vidyate .. 12..\\
chaturtha bhakta kShapaNa.n vaishyashUdre vidhIyate . 
trirAtraM na tu dharmaGYairvihitaM brahmavAdibhiH .. 13..\\
pa~nchamyA.n chaiva ShaShThyAM cha paurNamAsyAM cha bhArata . 
kShamAvAnrUpasampannaH shrutavAMshchaiva jAyate .. 14..\\
nAnapatyo bhavetprAGYo daridro vA kadA chana . 
yajiShNuH pa~nchamI.n ShaShThI.n kShapedyo bhojayeddvijAn .. 15..\\
aShTamImatha kaunteya shuklapakShe chaturdaShIm . 
upoShya vyAdhirahito vIryavAnabhijAyate .. 16..\\
mArgashIrSha.n tu yo mAmamekabhaktena sa~NkShipet . 
bhojayechcha dvijAnbhaktyA sa muchyedvyAdhikilbiShaiH .. 17..\\
sarvakalyANa sampUrNaH sarvauShadhisamanvitaH . 
kR^iShibhAgI bahudhano bahuputrAshcha jAyate .. 18..\\
pauSha mAsa.n tu kaunteya bhaktenaikena yaH kShapet . 
subhago darshanIyashcha yashobhAgI cha yAjate .. 19..\\
pitR^ibhakto mAghamAsamekabhaktena yaH kShapet . 
shrImatkule GYAtimadhye sa mahattvaM prapadyate .. 20..\\
bhaga daiva.n tu yo mAsamekabhaktena yaH kShapet . 
strIShu vallabhatA.n yAti vAshyAshchAsya bhavanti tAH .. 21..\\
chaitra.n tu niyato mAsamekabhaktena yaH kShapet . 
suvarNamaNimuktADhye kule mahati jAyate .. 22..\\
nistaredekabhaktena vaishAkha.n yo jitendriyaH . 
naro vA yadi vA nArI GYAtInA.n shreShThatAM vrajet .. 23..\\
jyeShThA mUla.n tu yo mAsamekabhaktena sa~NkShapet . 
aishvaryamatula.n shreShThaM pumAnstrI vAbhijAyate .. 24..\\
AShADhamekabhaktena sthitvA mAsamatandritaH . 
bahu dhAnyo bahudhano bahuputrashcha jAyate .. 25..\\
shrAvaNaM niyato mAsamekabhaktena yaH kShapet . 
yatra tatrAbhiShekeNa yujyate GYAtivardhanaH .. 26..\\
prauShTha pada.n tu yo mAsamekAhAro bhavennaraH . 
dhanADya.n sphItamachalamaishvaryaM pratipadyate .. 27..\\
tathaivAshvayujaM mAsamekabhaktena yaH kShapet . 
prajAvAnvAhanADhyashcha bahuputrashcha jAyate .. 28..\\
kArttika.n tu naro mAsa.n yaH kuryAdekabhojanam . 
shUrashcha bahubhAryashcha kIrtimAMshchaiva jAyate .. 29..\\
iti mAsA naravyAghra kShapatA.n karikIrtitAH . 
tithInAM niyamA ye tu shR^iNu tAnapi pArthiva .. 30..\\
pakShe pakShe gate yastu bhaktamashnAti bhArata . 
gavADhyo bahuputrashcha dIrghAyushcha sa jAyate .. 31..\\
mAsi mAsi trirAtrANi kR^itvA varShANi dvAdasha . 
gaNAdhipatyaM prApnoti niH sapatnamanAvilam .. 32..\\
ete tu niyamAH sarve kartavyAH sharado dasha . 
dve chAnye bharatashreShTha pravR^ittimanuvartatA .. 33..\\
yastu prAtastathA sAyaM bhu~njAno nAntarA pibet . 
ahi.nsA nirato nitya.n juhvAno jAtavedasam .. 34..\\
ShaDbhiH sa varShairnR^ipate sidhyate nAtra saMshayaH . 
agniShTomasya yaGYasya phalaM prApnoti mAnavaH .. 35..\\
adhivAse so.apsarasAM nR^ityagItavinAdite . 
taptakA~nchanavarNAbha.n vimAnamadhirohati .. 36..\\
pUrNa.n varShasahasra.n tu brahmaloke mahIyate . 
tatkShayAdiha chAgamya mAhAtmyaM pratipadyate .. 37..\\
yastu sa.nvatsaraM pUrNamekAhAro bhavennaraH . 
atirAtrasya yaGYasya saphala.n samupAshnute .. 38..\\
dashavarShasahasrANi svarge cha sa mahIyate . 
tatkShayAdiha chAgamya mAhAtmyaM pratipadyate .. 39..\\
yastu sa.nvatsaraM pUrNa.n chaturthaM bhaktamashnute . 
ahi.nsA nirato nitya.n satyavA~NniyatendriyaH .. 40..\\
vAjapeyasya yaGYasya phala.n vai samupAshnute . 
triMshadvarShasahasrANi svarge cha sa mahIyate .. 41..\\
ShaShThe kAle tu kaunteya naraH sa.nvatsara.n kShapet . 
ashvamedhasya yaGYasya phalaM prApnoti mAnavaH .. 42..\\
chakravAka prayuktena vimAnena sa gachchhati . 
chatvAriMshatsahasrANi varShANA.n divi modate .. 43..\\
aShTamena tu bhaktena jIvansa.nvatsaraM nR^ipa . 
gavAmayasya yaGYasya phalaM prApnoti mAnavaH .. 44..\\
ha.nsasArasayuktena vimAnena sa gachchhati . 
pa~nchAshata.n sahasrANi varShANA.n divi modate .. 45..\\
pakShe pakShe gate rAjanyo.ashnIyAdvarShameva tu . 
ShaNmAsAnashana.n tasya bhagavAna~NgirAbravIt . 
ShaShTi.n varShasahasrANi divamAvasate cha saH .. 46..\\
vINAnA.n vallakInA.n cha veNUnAM cha vishAM pate . 
sughoShairmadhuraiH shabdaiH suptaH sa pratibodhyate .. 47..\\
sa.nvatsaramihaika.n tu mAsi mAsi pibetpayaH . 
phala.n vishvajitastAta prApnoti sa naro nR^ipa .. 48..\\
si.nhavyAghra prayuktena vimAnena sa gachchhati . 
saptati.n cha sahasrANi varShANAM divi modate .. 49..\\
mAhAdUrdhvaM naravyAghra nopavAso vidhIyate . 
vidhi.n tvanashanasyAhuH pArtha dharmavido janAH .. 50..\\
anArto vyAdhirahito gachchhedanashana.n tu yaH . 
pade pade yaGYaphala.n sa prApnoti na saMshayaH .. 51..\\
diva.n ha.nsaprayuktena vimAnena sa gachchhati . 
shata.n chApsarasaH kanyA ramayantyapi taM naram .. 52..\\
Arto vA vyAdhito vApi gachchhedanashana.n tu yaH . 
shata.n varShasahasrANAM modate divi sa prabho . 
kA~nchInUpurashabdena suptash chaiva prabodhyate .. 53..\\
sahasraha.nsa sa.nyukte vimAne somavarchasi . 
sa gatvA strIshatAkIrNe ramate bharatarShabha .. 54..\\
kShINasyApyAyana.n dR^iShTaM kShatasya kShatarohaNam . 
vyAdhitasyauShadha grAmaH kruddhasya cha prasAdanam .. 55..\\
duHkhitasyArthamAnAbhyA.n dravyANAM pratipAdanam . 
na chaite svargakAmasya rochante sukhamedhasaH .. 56..\\
ataH sa kAmasa.nyukto vimAne hemasaMnibhe . 
ramate strI shatAkIrNe puruSho.ala.n kR^itaH shubhe .. 57..\\
svasthaH saphalasa~NkalpaH sukhI vigatakalmaShaH . 
anashnandehamutsR^ijya phalaM prApnoti mAnavaH .. 58..\\
bAlasUryapratIkAshe vimAne hemavarchasi . 
vaiDUrya muktA khachite vINA murajanAdite .. 59..\\
patAkA dIpikAkIrNe divyaghaNTA ninAdite . 
strIsahasrAnucharite sa naraH sukhamedhate .. 60..\\
yAvanti romakUpANi tasya gAtreShu pANDava . 
tAvantyeva sahasrANi varShANA.n divi modate .. 61..\\
nAsti vedAtpara.n shAstraM nAsti mAtR^isamo guruH . 
na dharmAtparamo lAbhastapo nAnashanAtparam .. 62..\\
brAhmaNebhyaH paraM nAsti pAvana.n divi cheha cha . 
upavAsaistathA tulya.n tapaH karma na vidyate .. 63..\\
upoShya vidhivaddevAstridivaM pratipedire . 
R^iShayashcha parA.n siddhimupavAsairavApnuvan .. 64..\\
divya.n varShasahasraM hi vishvAmitreNa dhImatA . 
kShAntamekena bhaktena tena virpatvamAgataH .. 65..\\
chyavano jamadagnishcha vasiShTho gautamo bhR^iguH . 
sarva eva divaM prAptAH kShamAvanto maharShayaH .. 66..\\
idama~NgirasA pUrvaM maharShibhyaH pradarshitam . 
yaH pradarshayate nityaM na sa duHkhamavApnute .. 67..\\
ima.n tu kaunteya yathAkrama.n vidhiM 
pravartita.n hya~NgirasA maharShiNA . 
paTheta yo vai shR^iNuyAchcha nityadA 
na vidyate tasya narasya kilbiSham .. 68..\\
vimuchyate chApi sa sarvasa~Nkarair 
na chAsya doShairabhibhUyate manaH . 
viyonijAnA.n cha vijAnate rutaM 
dhruvA.n cha kIrti.n labhate narottamaH .. 69..\\
\medskip\hrule\medskip\centerline{\Largedvng 110}
 y

pitAmahena vidhivadyaGYA proktA mahAtmanA . 
guNAshchaiShA.n yathAtattvaM pretya cheha cha sarvashaH .. 1..\\
na te shakyA daridreNa yaGYAH prAptuM pitAmaha . 
bahUpakaraNA yaGYA nAnAsambhAravistarAH .. 2..\\
pArthivai rAjaputrairvA shakyAH prAptuM pitAmaha . 
nArthanyUnairavaguNairekAtmabhirasa.nhataiH .. 3..\\
yo daridrairapi vidhiH shakyaH prAptu.n sadA bhavet . 
tulyo yaGYaphalairetaistanme brUhi pitAmaha .. 4..\\

 bh

idama~NgirasA proktamupavAsaphalAtmakam . 
vidhi.n yaGYaphalaistulya.n tannibodha yudhiShThira .. 5..\\
yastu kalya.n tathA sAyaM bhu~njAno nAntarA pibet . 
ahi.nsA nirato nitya.n juhvAno jAtavedasam .. 6..\\
ShaDbhireva tu varShaiH sa sidhyate nAtra saMshayaH . 
taptakA~nchanavarNa.n cha vimAna.n labhate naraH .. 7..\\
deva strINAmadhIvAse nR^ityagItaninAdite . 
prAjApatye vasetpadma.n varShANAmagnisaMnibhe .. 8..\\
trINi varShANi yaH prAshetsatata.n tvekabhojanam . 
dharmapatnI rato nityamagniShToma phala.n labhet .. 9..\\
dvitIye divase yastu prAshnIyAdekabhojanam . 
sadA dvAdasha mAsA.nstu juhvAno jAtavedasam . 
yaGYaM bahu suvarNa.n vA vAsava priyamAharet .. 10..\\
satyavAgdAnashIlashcha brahmaNyashchAnasUyakaH . 
kShAnto dAnto jitakrodhaH sa gachchhati parA.n gatim .. 11..\\
pANDurAbhrapratIkAshe vimAne ha.nsalakShaNe . 
dve samApte tataH padme so.apsarobhirvasetsaha .. 12..\\
tR^itIye divase yastu prAshnIyAdekabhojanam . 
sadA dvAdasha mAsA.nstu juhvAno jAtavedasam .. 13..\\
atirAtrasya yaGYasya phalaM prApnotyanuttamam . 
mayUraha.nsasa.nyukta.n vimAnaM labhate naraH .. 14..\\
saptarShINA.n sadA loke so.apsarobhirvasetsaha . 
nivartana.n cha tatrAsya trINi padmAni vai viduH .. 15..\\
divase yashchaturhe tu prAshnIyAdekabhojanam . 
sadA dvAdasha mAsAnvai juhvAno jAtavedasam .. 16..\\
vAjapeyasya yaGYasya phalaM prApnotyanuttamam . 
indra kanyAbhirUDha.n cha vimAna.n labhate naraH .. 17..\\
sagarasya cha paryante vAsava.n lokamAvaset . 
devarAjasya cha krIDAM nityakAlamavekShate .. 18..\\
divase pa~nchame yastu prAshnIyAdekabhojanam . 
sadA dvAdasha mAsA.nstu juhvAno jAtavedasam .. 19..\\
alubdhaH satyavAdI cha brahmaNyashchAvihi.nsakaH . 
anasUyurapApastho dvAdashAha phala.n labhet .. 20..\\
jAmbUnadamaya.n divya.n vimAnaM ha.nsalakShaNam . 
sUryamAlA samAbhAsamArohetpANDura.n gR^iham .. 21..\\
AvartanAni chatvAri tathA padmAni dvAdasha . 
sharAgniparimANa.n cha tatrAsau vasate sukham .. 22..\\
divase yastu ShaShThe vai muniH prAsheta bhojanam . 
sadA dvAdasha mAsAnvai juhvAno jAtavedasam .. 23..\\
sadA triShavaNa snAyI brahma chAryanasUyakaH . 
gavAmayasya yaGYasya phalaM prApnotyanuttamam .. 24..\\
agnijvAlA samAbhAsa.n ha.nsabarhiNa sevitam . 
shAtakumbhamaya.n yuktaM sAdhayedyAnamuttamam .. 25..\\
tathaivApsarasAma~Nke prasuptaH pratibudhyate . 
nUpurANAM ninAdena mekhalAnA.n cha nisvanaiH .. 26..\\
koTIsahasra.n varShANA.n trINi koTishatAni cha . 
padmAnyaShTAdasha tathA patAke dve tathaiva cha .. 27..\\
ayutAni cha pa~nchAshadR^ikShacharma shatasya cha . 
lomnAM pramANena samaM brahmaloke mahIyate .. 28..\\
divase saptame yastu prAshnIyAdekabhojanam . 
sadA dvAdasha mAsAnvai juhvAno jAtavedasam .. 29..\\
sarasvatI.n gopayAno brahmacharya.n samAcharan . 
sumanovarNaka.n chaiva madhu mA.nsaM cha varjayet .. 30..\\
puruSho marutA.n lokamindraloka.n cha gachchhati . 
tatra tatra cha siddhArtho devakanyAbhiruhyate .. 31..\\
phalaM bahu suvarNasya yaGYasya labhate naraH . 
sa~NkhyAmatiguNA.n chApi teShu lokeShu modate .. 32..\\
yastu sa.nvatsara.n kShAnto bhu~Nkte.ahanyaShTame naraH . 
devakAryaparo nitya.n juhvAno jAtavedasam .. 33..\\
pauNDarIkasya yaGYasya phalaM prApnotyanuttamam . 
padmavarNanibha.n chaiva vimAnamadhirohati .. 34..\\
kR^iShNAH kanakagauryashcha nAryaH shyAmAstathAparAH . 
vayo rUpavilAsinyo labhate nAtra saMshayaH .. 35..\\
yastu sa.nvatsaraM bhu~Nkte navame navame.ahani . 
sadA dvAdasha mAsAnvai juhvAno jAtavedasam .. 36..\\
ashvamedhasya yaGYasya phalaM prApnoti mAnavaH . 
puNDarIkaprakAsha.n cha vimAna.n labhate naraH .. 37..\\
dIptasUryAgnitejobhirdivyamAlAbhireva cha . 
nIyate rudra kanyAbhiH so.antarikSha.n sanAtanam .. 38..\\
aShTAdashasahasrANi varShANA.n kalpameva cha . 
koTIshatasahasra.n cha teShu lokeShu modate .. 39..\\
yastu sa.nvatsaraM bhu~Nkte dashAhe vai gate gate . 
sadA dvAdasha mAsAnvai juhvAno jAtavedasam .. 40..\\
brahma kanyA niveshe cha sarvabhUtamanohare . 
ashvamedha sahasrasya phalaM prApnotyanuttamam .. 41..\\
rUpavatyashcha ta.n kanyA ramayanti sadA naram . 
nIlotpalanibhairvarNai raktotpalanibhaistathA .. 42..\\
vimAnaM maNDalAvartamAvarta gahanAvR^itam . 
sAgarormi pratIkAsha.n sAdhayedyAnamuttamam .. 43..\\
vichitramaNimAlAbhirnAdita.n sha~NkhapuShkaraiH . 
sphATikairvajrasAraishcha stambhaiH sukR^itavedikam . 
Arohati mahadyAna.n ha.nsasArasavAhanam .. 44..\\
ekAdashe tu divase yaH prApte prAshate haviH . 
sadA dvAdasha mAsAnvai juhvAno jAtavedasam .. 45..\\
parastriyo nAbhilaShedvAchAtha manasApi vA . 
anR^ita.n cha na bhASheta mAtApitroH kR^ite.api vA .. 46..\\
abhigachchhenmahAdeva.n vimAnasthaM mahAbalam . 
svayambhuva.n cha pashyeta vimAna.n samupasthitam .. 47..\\
kumAryaH kA~nchanAbhAsA rUpavatyo nayanti tam . 
rudrANA.n tamadhIvAsaM divi divyaM manoharam .. 48..\\
varShANyaparimeyAni yugAntamapi chAvaset . 
koTIshatasahasra.n cha dashakoTishatAni cha .. 49..\\
rudraM nityaM praNamate devadAnava saMmatam . 
sa tasmai darshanaM prApto divase divase bhavet .. 50..\\
divase dvAdashe yastu prApte vai prAshate haviH . 
sadA dvAdasha mAsAnvai sarvamedha phala.n labhet .. 51..\\
AdityairdvAdashaistasya vimAna.n sa.nvidhIyate . 
maNimuktA pravAlaishcha mahArhairupashobhitam .. 52..\\
ha.nsamAlA parikShiptaM nAgavIthI samAkulam . 
mayUraishchakravAkaishcha kUjadbhirupashobhitam .. 53..\\
aTTairmahadbhiH sa.nyuktaM brahmaloke pratiShThitam . 
nityamAvasate rAjannaranArI samAvR^itam . 
R^iShirevaM mahAbhAgastva~NgirAH prAha dharmavit .. 54..\\
trayodashe tu divase yaH prApte prAshate haviH . 
sadA dvAdasha mAsAnvai deva satra phala.n labhet .. 55..\\
raktapadmodayaM nAma vimAna.n sAdhayennaraH . 
jAtarUpaprayukta.n cha raktasa~ncaya bhUShitam .. 56..\\
devakanyAbhirAkIrNa.n divyAbharaNabhUShitam . 
puNyagandhodaya.n divya.n vAyavyairupashobhitam .. 57..\\
tatra sha~NkupatAka.n cha yugAntaM kalpameva cha . 
ayutAyuta.n tathA padma.n samudraM cha tathA vaset .. 58..\\
gItagandharvaghoShaishcha bherI paNavanisvanaiH . 
sadA pramuditastAbhirdevakanyAbhirIDyate .. 59..\\
chaturdashe tu divase yaH pUrNe prAshate haviH . 
sadA dvAdasha mAsAnvai mahAmedha phala.n labhet .. 60..\\
anirdeshya vayo rUpA devakanyAH svala~NkR^itAH . 
mR^iShTataptA~Ngada dharA vimAnairanuyAnti tam .. 61..\\
kalaha.nsavinirghoShairnUpurANA.n cha nisvanaiH . 
kA~nchInA.n cha samutkarShaistatra tatra vibodhyate .. 62..\\
devakanyA nivAse cha tasminvasati mAnavaH . 
jAhnavI vAlukAkIrNe pUrNa.n sa.nvatsaraM nara .. 63..\\
yastu pakShe gate bhu~Nkte ekabhakta.n jitendriyaH . 
sadA dAdasha mAsA.nstu juhvAno jAtavedasam . 
rAjasUya sahasrasya phalaM prApnotyanuttamam .. 64..\\
yAnamArohate nitya.n ha.nsabarhiNa sevitam . 
maNimaNDalakaishchitrajAtarUpasamAvR^itam .. 65..\\
divyAbharaNashobhAbhirvarastrIbhirala~NkR^itam . 
ekastambha.n chaturdvAra.n sapta bhaumaM suma~Ngalam . 
vaijayantI sahasraishcha shobhita.n gItanisvanaiH .. 66..\\
divya.n divyaguNopeta.n vimAnamadhirohati . 
maNimuktA pravAlaishcha bhUShita.n vaidyuta prabham . 
vasedyugasahasra.n cha khaDgaku~njaravAhanaH .. 67..\\
ShoDashe divase yastu samprApte prAshate haviH . 
sadA dvAdasha mAsAnvai somayaGYaphala.n labhet .. 68..\\
somakanyA nivAseShu so.adhyAvasati nityadA . 
saumya gandhAnuliptashcha kAmachAragatirbhavet .. 69..\\
sudarshanAbhirnArIbhirmadhurAbhistathaiva cha . 
archyate vai vimAnasthaH kAmabhogaish cha sevyate .. 70..\\
phalaM padmashataprakhyaM mahAkalpa.n dashAdhikam . 
AvartanAni chatvAri sAgare yAtyasau naraH .. 71..\\
divase sapta dashame yaH prApte prAshate haviH . 
sadA dvAdasha mAsAnvai juhvAno jAtavedasam .. 72..\\
sthAna.n vAruNamaindra.n cha raudraM chaivAdhigachchhati . 
mArutaushanase chaiva brahmaloka.n cha gachchhati .. 73..\\
tatra daivatakanyAbhirAsanenopacharyate . 
bhUrbhuva.n chApi deva rShi.n vishvarUpamavekShate .. 74..\\
tatra devAdhidevasya kumAryo ramayanti tam . 
dvAtriMshadrUpadhAriNyo madhurAH samala~NkR^itAH .. 75..\\
chandrAdityAvubhau yAvadgagane charataH prabho . 
tAvachcharatyasau vIraH sudhAmR^itarasAshanaH .. 76..\\
aShTAdashe tu divase prAshnIyAdekabhojanam . 
sadA dvAdasha mAsAnvai sapta lokAnsa pashyati .. 77..\\
rathaiH sanandighoShaishcha pR^iShThataH so.anugamyate . 
devakanyAdhirUDhaistu bhrAjamAnaiH svala~NkR^itaiH .. 78..\\
vyAghrasi.nhaprayukta.n cha meghasvananinAditam . 
vimAnamuttama.n divya.n susukhI hyadhirohati .. 79..\\
tatra kalpasahasra.n sa kAntAbhiH saha modate . 
sudhA rasa.n cha bhu~njIta amR^itopamamuttamam .. 80..\\
ekonaviMshe divase yo bhu~Nkte ekabhojanam . 
sadA dvAdasha mAsAnvai sapta lokAnsa pashyati .. 81..\\
uttama.n labhate sthAnamapsarogaNasevitam . 
gandharvairupagIta.n cha vimAna.n sUryavarchasam .. 82..\\
tatrAmara varastrIbhirmodate vigatajvaraH . 
divyAmbara dharaH shrImAnayutAnA.n shataM samAH .. 83..\\
pUrNe.atha divase viMshe yo bhu~Nkte hyekabhojanam . 
sadA dvAdasha mAsA.nstu satyavAdI dhR^itavrataH .. 84..\\
amA.nsAshI brahma chArI sarvabhUtahite rataH . 
sa lokAnvipulAndivyAnAdityAnAmupAshnute .. 85..\\
gandharvairapsarobhishcha divyamAlyAnulepanaiH . 
vimAnaiH kA~nchanairdivyaiH pR^iShThatashchAnugamyate .. 86..\\
ekaviMshe tu divase yo bhu~Nkte hyekabhojanam . 
sadA dvAdasha mAsAnvai juhvAno jAtavedasam .. 87..\\
lokamaushanasa.n divya.n shakra lokaM cha gachchhati . 
ashvinormarutA.n chaiva sukheShvabhirataH sadA .. 88..\\
anabhiGYashcha duHkhAnA.n vimAnavaramAsthitaH . 
sevyamAno varastrIbhiH krIDatyamaravatprabhuH .. 89..\\
dvAviMshe divase prApte yo bhu~Nkte hyekabhojanam . 
sadA dvAdasha mAsAnvai juhvAno jAtavedasam .. 90..\\
dhR^itimAnahi.nsA nirataH satyavAganasUyakaH . 
lokAnvasUnAmApnoti divAkarasamaprabhaH .. 91..\\
kAmachArI sudhA hAro vimAnavaramAsthitaH . 
ramate devakanyAbhirdivyAbharaNabhUShitaH .. 92..\\
trayoviMshe tu divase prAshedyastvekabhojanam . 
sadA dvAdasha mAsA.nstu mitAhAro jitendriyaH .. 93..\\
vAyorushanasashchaiva rudra loka.n cha gachchhati . 
kAmachArI kAmagamaH pUjyamAno.apsarogaNaiH .. 94..\\
anekaguNaparyanta.n vimAnavaramAsthitaH . 
ramate devakanyAbhirdivyAbharaNabhUShitaH .. 95..\\
chaturviMshe tu divase yaH prAshedekabhojanam . 
sadA dvAdasha mAsAnvai juhvAno jAtavedasam .. 96..\\
AdityAnAmadhIvAse modamAno vasechchiram . 
divyamAlyAmbaradharo divyagandhAnulepanaH .. 97..\\
vimAne kA~nchane divye ha.nsayukte manorame . 
ramate devakanyAnA.n sahasrairayutaistathA .. 98..\\
pa~nchaviMshe tu divase yaH prAshedekabhojanam . 
sadA dvAdasha mAsA.nstu puShkala.n yAnamAruhet .. 99..\\
si.nhavyAghra prayuktaishcha meghasvananinAditaiH . 
rathaiH sa nandighoShaishcha pR^iShThataH so.anugamyate .. 100..\\
devakanyA samArUDhai rAjatairvimalaiH shubhaiH . 
vimAnamuttama.n divyamAsthAya sumanoharam .. 101..\\
tatra kalpasahasra.n vai vasate strI shatAvR^ite . 
sudhA rasa.n chopajIvannamR^itAvupamamuttamam .. 102..\\
ShaDviMshe divase yastu prAshnIyAdekabhojanam . 
sadA dvAdasha mAsA.nstu niyato niyatAshanaH .. 103..\\
jitendriyo vItarAgo juhvAno jAtavedasam . 
sa prApnoti mahAbhAgaH pUmyamAno.apsarogaNaiH .. 104..\\
saptAnAM marutA.n lokAnvasUnA.n chApi sho.ashnute . 
vimAne sphATike divye sarvaratnairala~NkR^ite .. 105..\\
gandharvairapsarobhishcha pUjyamAnaH pramodate . 
dve yugAnA.n sahasre tu divye divyena tejasA .. 106..\\
saptaviMshe tu divase yaH prAshedekabhojanam . 
sadA dvAdasha mAsA.nstu juhvAno jAtavedasam .. 107..\\
phalaM prApnoti vipula.n devaloke cha pUjyate . 
amR^itAshI vasa.nstatra sa vitR^iptaH pramodate .. 108..\\
devarShicharita.n rAjanrAjarShibhiradhiShThitam . 
adhyAvasati divyAtmA vimAnavaramAsthitaH .. 109..\\
strIbhirmano.abhirAmAbhI ramamANo madotkaTaH . 
yugakaklpa sahasrANi trINyAvasati vai sukham .. 110..\\
yo.aShTAviMshe tu divase prAshnIyAdekabhojanam . 
sadA dvAdasha mAsA.nstu jitAtmA vijitendriyaH .. 111..\\
phala.n devarShicharita.n vipulaM samupAshnute . 
bhogavA.nstejasA bhAti sahasrAMshurivAmalaH .. 112..\\
sukumAryashcha nAryasta.n ramamANAH suvarchasaH . 
pInastanoru jaghanA divyAbharaNabhUShitAH .. 113..\\
ramayanti manaHkAntA vimAne sUryasaMnibhe . 
sarvakAmagame divye kalpAyuta shata.n samAH .. 114..\\
ekonatriMshe divase yaH prAshedekabhojanam . 
sadA dvAdasha mAsAnvai satyavrataparAyaNaH .. 115..\\
tasya lokAH shubhA divyA devarAjarShipUjitAH . 
vimAna.n chandra shubhAbhaM divya.n samadhigachchhati .. 116..\\
jAtarUpamaya.n yuktaM sarvaratnavibhUShitam . 
apsarogaNasampUrNa.n gandharvairabhinAditam .. 117..\\
tatra chaina.n shubhA nAryo divyAbharaNabhUShitAH . 
mano.abhirAmA madhurA ramayanti madotkaTAH .. 118..\\
bhogavA.nstejasA yukto vaishvAnarasamaprabhaH . 
divyo divyena vapuShA bhrAjamAna ivAmaraH .. 119..\\
vasUnAM marutA.n chaiva sAdhyAnAmashvinostathA . 
rudrANA.n cha tathA lokAnbrahmalokaM cha gachchhati .. 120..\\
yastu mAse gate bhu~Nkte ekabhakta.n shamAtmakaH . 
sadA dvAdasha mAsAnvai brahmalokamavApnuyAt .. 121..\\
sudhA rasakR^itAhAraH shrImAnsarvamanoharaH . 
tejasA vapuShA lakShmyA bhrAjate rashmivAniva .. 122..\\
divyamAlyAmbaradharo divyagandhAnulepanaH . 
sukheShvabhirato yogI duHkhAnAmavijAnakaH .. 123..\\
svayamprabhAbhirnArIbhirvimAnastho mahIyate . 
rudra devarShikanyAbhiH satata.n chAbhipUjyate .. 124..\\
nAnAvidha surUpAbhirnAnA rAgAbhireva cha . 
nAnA madhurabhAShAbhirnAnA ratibhireva cha .. 125..\\
vimAne nagarAkAre sUryavatsUryasaMnibhe . 
pR^iShThataH somasa~NkAshe udakchaivAbhra saMnibhe .. 126..\\
dakShiNAyA.n tu raktAbhe adhastAnnila maNDale . 
Urdhva.n chitrAbhisa~NkAshe naiko vasati pUjitaH .. 127..\\
yAvadvarShasahasra.n tu jambUdvIpe pravarShati . 
tAvatsa.nvatsarAH proktA brahmalokasya dhImataH .. 128..\\
vipruShashchaiva yAvantyo nipatanti nabhastalAt . 
varShAsu varShatastAvannivasatyamaraprabhaH .. 129..\\
mAsopavAsI varShaistu dashabhirsvargamuttamam . 
maharShitvamathAsAdya sa sharIragatirbhavet .. 130..\\
munirdAnto jitakrodho jitashishnodaraH sadA . 
juhvannagnIMshcha niyataH sandhyopAsanasevitA .. 131..\\
bahubhirniyamairevaM mAsAnashnAti yo naraH . 
abhrAvakAsha shIlashcha tasya vAso niruchyate .. 132..\\
diva.n gatvA sharIreNa svena rAjanyathAmaraH . 
svargaM puNya.n yathAkAmamupabhu~Nkte yathAvidhi .. 133..\\
eSha te bharatashreShTha yaGYAnA.n vidhiruttamaH . 
vyAkhyAto hyAnupUrvyeNa upavAsaphalAtmakaH .. 134..\\
daridrairmanujaiH pArtha prApya.n yaGYaphalaM yathA . 
upavAsamima.n kR^itvA gachchhechcha paramAM gatim . 
devadvijAtipUjAyA.n rato bharatasattama .. 135..\\
upavAsavidhistveSha vistareNa prakIrtitaH . 
niyateShvapramatteShu shauchavatsu mahAtmasu .. 136..\\
dambhadroha nivR^itteShu kR^itabuddhiShu bhArata . 
achaleShvaprakampeShu mA te bhUdatra saMshayaH .. 137..\\
\medskip\hrule\medskip\centerline{\Largedvng 111}
 y

yadvara.n sarvatIrthAnA.n tadbravIhi pitAmaha . 
yatra vai parama.n shaucha.n tanme vyAkhyAtumarhasi .. 1..\\

 bh

sarvANi khalu tIrthAni guNavanti manIShiNAm . 
yattu tIrtha.n cha shauchaM cha tanme shR^iNu samAhitaH .. 2..\\
agAdhe vimale shuddhe satyatoye dhR^itihrade . 
snAtavyaM mAnase tIrthe sattvamAlambya shAshvatam .. 3..\\
tIrthashauchamanarthitvamArdava.n satyamArjavam . 
ahi.nsA sarvabhUtAnAmAnR^isha.nsya.n damaH shamaH .. 4..\\
nirmamA niraha~NkArA nirdvandvA niShparigrahAH . 
shuchayastIrthabhUtAste ye bhaikShamupabhu~njate .. 5..\\
tattvavittvanahambuddhistIrthaM paramamuchyate . 
shauchalakShaNametatte sarvatraivAnvavekShaNam .. 6..\\
rajastamaH sattvamatho yeShAM nirdhautamAtmanaH . 
shauchAshauche na te saktAH svakAryaparimArgiNaH .. 7..\\
sara tyAgeShvabhiratAH sarvaGYAH sarvadarshinaH . 
shauchena vR^ittashauchArthAste tIrthAH shuchayash cha te .. 8..\\
nodaka klinnagAtrastu snAta ityabhidhIyate . 
sa snAto yo damasnAtaH sa bAhyAbhyantaraH shuchiH .. 9..\\
atIteShvanapekShA ye prApteShvartheShu nirmamAH . 
shauchameva para.n teShA.n yeShAM notpadyate spR^ihA .. 10..\\
praGYAna.n shauchameveha sharIrasya visheShataH . 
tathA niShki~ncanatva.n cha manasashcha prasannatA .. 11..\\
vR^ittashauchaM manaH shaucha.n tIrthashauchaM para.n hitam . 
GYAnotpanna.n cha yachchhauchaM tachchhauchaM paramaM matam .. 12..\\
manasAtha pradIpena brahma GYAnabalena cha . 
snAtA ye mAnase tIrthe tajGYAH kShetraGYadarshinaH .. 13..\\
samAropitashauchastu nityaM bhava samanvitaH . 
kevala~NguNa sampannaH shuchireva naraH sadA .. 14..\\
sharIrasthAni tIrthAni proktAnyetAni bhArata . 
pR^ithivyA.n yAni tIrthAni puNyAni shR^iNu tAnyapi .. 15..\\
yathA sharIrasyoddeshAH shuchayaH parinirmitAH . 
tathA pR^ithivyA bhAgAshcha puNyAni salilAni cha .. 16..\\
prArthanAchchaiva tIrthasya snAnAchcha pitR^itarpaNAt . 
dhunanti pApa.n tIrtheShu pUtA yAnti diva.n sukham .. 17..\\
parigrahAchcha sAdhUnAM pR^ithivyAshchaiva tejasA . 
atIva puNyAste bhAgAH salilasya cha tejasA .. 18..\\
manasashcha pR^ithivyAshcha puNyatIrthAstathApare . 
ubhayoreva yaH snAtaH sa siddhi.n shIghramApnuyAt .. 19..\\
yathAbala.n kriyA hInaM kriyA vA balavarjitA . 
neha sAdhayate kArya.n samAyuktastu sidhyati .. 20..\\
eva.n sharIrashauchena tIrthashauchena chAnvitAH . 
tataH siddhimavApnoti dvividha.n shauchamuttamam .. 21..\\
\medskip\hrule\medskip\centerline{\Largedvng 112}
 y

pitAmaha mahAbAho sarvashAstravishArada . 
shrotumichchhAmi martyAnA.n sa.nsAravidhumuttamam .. 1..\\
kena vR^ittena rAjendra vartamAnA narA yudhi . 
prApnuvantyuttama.n svarga.n kathaM cha narakaM nR^ipa .. 2..\\
mR^ita.n sharIramutsR^ijya kAShThaloShTa sama.n janAH . 
prayAntyamu.n lokamitaH ko vai tAnanugachchhati .. 3..\\

 bh

asAvAyAti bhagavAnbR^ihaspatirudAradhIH . 
pR^ichchhaina.n sumahAbhAgametadguhyaM sanAtanam .. 4..\\
naitadanyena shakya.n hi vaktu.n kena chidadya vai . 
vaktA bR^ihaspatisamo na hyanyo vidyate kva chit .. 5..\\

 v

tayoH sa.nvadatorevaM pArtha gA~NgeyayostadA . 
AjagAma vishuddhAtmA bhagavAnsa bR^ihaspatiH .. 6..\\
tato rAjA samutthAya dhR^itarAShTra purogamaH . 
pUjAmanupamA.n chakre sarve te cha sabhA sadaH .. 7..\\
tato dharmasuto rAjA bhagavantaM bR^ihaspatim . 
upagamya yathAnyAyaM prashnaM paprachchha suvrataH .. 8..\\

 y

bhagavansava dharmaGYa sarvashAstravishArada . 
martyasya kaH sahAyo vai pitA mAtA suto guruH .. 9..\\
mR^ita.n sharIramutsR^ijya kAShThaloShTa sama.n janAH . 
gachchhantyamutra loka.n vai ka enamanugachchhati .. 10..\\

 b

ekaH prasUto rAjendra jantureko vinashyati . 
ekastarati durgANi gachchhatyekash cha durgatim .. 11..\\
asahAyaH pitA mAtA tathA bhrAtA suto guruH . 
GYAtisambandhivargash cha mitravargastathaiva cha .. 12..\\
mR^ita.n sharIramutsR^ijya kAShThaloShTa sama.n janAH . 
muhUrtamupatiShThanti tato yAnti parA~NmukhAH . 
taistachchharIramutsR^iShTa.n dharma eko.anugachchhati .. 13..\\
tasmAddharmaH sahAyArthe sevitavyaH sadA nR^ibhiH . 
prANI dharmasamAyukto narakAyopapadyate .. 14..\\
tasmAnnyAyAgatairarthairdharma.n seveta paNDitaH . 
dharma eko manuShyANA.n sahAyaH pAralaukikaH .. 15..\\
lobhAnmohAdanukroshAdbhayAdvApyabahushrutaH . 
naraH karotyakAryANi parArthe lobhamohitaH .. 16..\\
dharmashchArthashcha kAmashcha tritaya.n jIvite phalam . 
etattrayamavAptavyamadharmaparivarjitam .. 17..\\

 y

shrutaM bhagavato vAkya.n dharmayuktaM para.n hitam . 
sharIravichaya.n GYAtuM buddhistu mama jAyate .. 18..\\
mR^ita.n sharIrarahitaM sUkShmamavyaktatA.n gatam . 
achakShurviShayaM prApta.n kathaM dharmo.anugachchhati .. 19..\\

 b

pR^ithivI vAyurAkAshamApo jyotishcha pa~nchamam . 
buddhirAtmA cha sahitA dharmaM pashyanti nityadA .. 20..\\
prANinAmiha sarveShA.n sAkShibhUtAni chAnisham . 
etaishcha sa ha dharmo.api ta.n jIvamanugachchhati .. 21..\\
tvagasthi mA.nsa.n shukra.n cha shoNitaM cha mahAmate . 
sharIra.n varjayantyete jIvitena vivarjitam .. 22..\\
tato dharmasamAyuktaH sa jIvaH sukhamedhate . 
iha loke pare chaiva kiM bhUyaH kathayAmi te .. 23..\\

 y

anudarshitaM bhagavatA yathA dharmo.anugachchhati . 
etattu GYAtumichchhAmi katha.n retaH pravartate .. 24..\\

 b

annamashnanti ye devAH sharIrasthA nareshvara . 
pR^ithivI vAyurAkAshamApo jyotirmanastathA .. 25..\\
tatastR^ipteShu rAjendra teShu bhUteShu pa~nchasu . 
manaHShaShTheShu shuddhAtmanretaH sampadyate mahat .. 26..\\
tato garbhaH sambhavati strIpu.nsoH pArtha sa~Ngame . 
etatte sarvamAkhyAta.n kiM bhUyaH shrotumichchhasi .. 27..\\

 y

AkhyAtametadbhavatA garbhaH sa~njAyate yathA . 
yathA jAtastu puruShaH prapadyati taduchyatAm .. 28..\\

 b

Asanna mAtraH satata.n tairbhUtairabhibhUyate . 
vipramuktashcha tairbhUtaiH punaryAtyaparA.n gatim . 
sa tu bhUtasamAyuktaH prApnute jIva eva ha .. 29..\\
tato.asya karma pashyanti shubha.n vA yadi vAshubham . 
devatAH pa~ncha bhUtasthAH kiM bhUyaH shrotumichchhasi .. 30..\\

 y

tvagasthi mA.nsamutsR^ijya taishcha bhUtairvivarjitaH . 
jIvaH sa bhagavAnkvasthaH sukhaduHkhe samashnute .. 31..\\

 b

jIvo dharmasamAyuktaH shIghra.n retastvamAgataH . 
strINAM puShpa.n samAsAdya sUte kAlena bhArata .. 32..\\
yamasya puruShaiH klesha.n yamasya puruShairvadham . 
duHkha.n sa.nsArachakra.n cha naraH kleshaM cha vindati .. 33..\\
iha loke cha sa prANI janmaprabhR^iti pArthiva . 
svakR^ita.n karma vai bhu~Nkte dharmasya phalamAshritaH .. 34..\\
yadi dharma.n yathAshakti janmaprabhR^iti sevate . 
tataH sa puruSho bhUtvA sevate nityadA sukham .. 35..\\
athAntarA tu dharmasya adharmamupasevate . 
sukhasyAnantara.n duHkha.n sa jIvo.apyadhigachchhati .. 36..\\
adharmeNa samAyukto yamasya viShaya.n gataH . 
mahadduHkha.n samAsAdya tiryagyonau prajAyate .. 37..\\
karmaNA yena yeneha yasyA.n yonau prajAyate . 
jIvo mohasamAyuktastanme nigadataH shR^iNu .. 38..\\
yadetaduchyate shAstre setihAse sachchhandasi . 
yamasya viShaya.n ghoraM martyo lokaH prapadyate .. 39..\\
adhItya chaturo vedAndvijo mohasamanvitaH . 
patitAtpratigR^ihyAtha kharayonau prajAyate .. 40..\\
kharo jIvati varShANi dasha pa~ncha cha bhArata . 
kharo mR^ito balIvardaH sapta varShANi jIvati .. 41..\\
balIvardo mR^itashchApi jAyate brahmarAkShasaH . 
brahmarakShastu trInmAsA.nstato jAyati brAhmaNaH .. 42..\\
patita.n yAjayitvA tu kR^imiyonau prajAyate . 
tatra jIvati varShANi dasha pa~ncha cha bhArata .. 43..\\
kR^imibhAvAtpramuktastu tato jAyati gardabhaH . 
gardabhaH pa~nchavarShANi pa~nchavarShANi sUkaraH . 
shvA varShamekaM bhavati tato jAyati mAnavaH .. 44..\\
upAdhyAyasya yaH pApa.n shiShyaH kuryAdabuddhimAn . 
sa jIva iha sa.nsArA.nstrInApnoti na saMshayaH .. 45..\\
prAkshvA bhavati rAjendra tataH kravyAttataH kharaH . 
tataH pretaH parikliShTaH pashchAjjAyati brAhmaNaH .. 46..\\
manasApi gurorbhAryA.n yaH shiShyo yAti pApakR^it . 
so.adhamAnyAti sa.nsArAnadharmeNeha chetasA .. 47..\\
shvayonau tu sa sambhUtastrINi varShANi jIvati . 
tatrApi nidhanaM prAptaH kR^imiyonau prajAyate .. 48..\\
kR^imibhAvamanuprApto varShameka.n sa jIvati . 
tatastu nidhanaM prApya brahmayonau prajAyate .. 49..\\
yadi putrasama.n shiShya.n gururhanyAdakAraNe . 
AtmanaH kAmakAreNa so.api ha.nsaH prajAyate .. 50..\\
pitaraM mAtara.n vApi yastu putro.avamanyate . 
so.api rAjanmR^ito jantuH pUrva.n jAyati gardabhaH .. 51..\\
kharo jIvati mAsA.nstu dasha shvA cha chaturdasha . 
biDAlaH sapta mAsA.nstu tato jAyati mAnavaH .. 52..\\
mAtA pitaramAkrushya sArikaH samprajAyate . 
tADayitvA tu tAveva jAyate kachchhapo nR^ipa .. 53..\\
kachchhapo dashavarShANi trINi varShANi shakyakaH . 
vyAlo bhUtvA tu ShaNmAsA.nstato jAyati mAnuShaH .. 54..\\
bhartR^ipiNDamupAshnanyo rAjadviShTAni sevate . 
so.api mohasamApanno mR^ito jAyati vAnaraH .. 55..\\
vAnaro dashavarShANi trINi varShANi mUShakaH . 
shvA bhUtvA chAtha ShaNmAsA.nstato jAyati mAnuShaH .. 56..\\
nyAsApahartA tu naro yamasya viShaya.n gataH . 
sa.nsArANA.n shata.n gatvA kR^imiyonau prajAyate .. 57..\\
tatra jIvati varShANi dasha pa~ncha cha bhArata . 
duShkR^itasya kShaya.n gatvA tato jAyati mAnuShaH .. 58..\\
asUyako narashchApi mR^ito jAyati shAr~NgakaH . 
vishvAsahartA tu naro mIno jAyati durmatiH .. 59..\\
bhUtvA mIno.aShTa varShANi mR^igo jAyati bhArata . 
mR^igastu chaturo mAsA.nstatashchhAgaH prajAyate .. 60..\\
chhAgastu nidhanaM prApya pUrNe sa.nvatsare tataH . 
kITaH sa~njAyate jantustato jAyati mAnuShaH .. 61..\\
dhAnyAnyavA.nstilAnmAShAnkulatthAnsarShapAMshchaNAn . 
kalAyAnatha mudgAMshcha godhUmAnatasIstathA .. 62..\\
sasyasyAnyasya hartA cha mohAjjanturachetanaH . 
sa jAyate mahArAja mUShako nirapatrapaH .. 63..\\
tataH pretya mahArAja punarjAyati sUkaraH . 
sUkaro jAtamAtrastu rogeNa mriyate nR^ipa .. 64..\\
shvA tato jAyate mUDhaH karmaNA tena pArthiva . 
shvA bhUtvA pa~nchavarShANi tato jAyati mAnuShaH .. 65..\\
paradArAbhimarsha.n tu kR^itvA jAyati vai vR^ikaH . 
shvA sR^igAlastato gR^idhro vyAlaH ka~Nko bakastathA .. 66..\\
bhrAturbhAryA.n tu durbuddhiryo dharShayati mohitaH . 
pu.nskolikatvamApnoti so.api sa.nvatsaraM nR^ipa .. 67..\\
sakhibhAryA.n gurorbhAryA.n rAjabhAryAM tathaiva cha . 
pradharShayitvA kAmAdyo mR^ito jAyati sUkaraH .. 68..\\
sUkaraH pa~nchavarShANi pa~nchavarShANi shvAvidhaH . 
pipIlakastu ShaNmAsAnkITaH syAnmAsameva cha . 
etAnAsAdya sa.nsArAnkR^imiyonau prajAyate .. 69..\\
tatra jIvati mAsA.nstu kR^imiyonau trayo dasha . 
tato.adharmakShaya.n kR^itvA punarjAyati mAnuShaH .. 70..\\
upasthite vivAhe tu dAne yaGYe.api vAbhibho . 
mohAtkaroti yo vighna.n sa mR^ito jAyate kR^imiH .. 71..\\
kR^imirjIvati varShANi dasha pa~ncha cha bhArata . 
adharmasya kShaya.n kR^itvA tato jAyati mAnuShaH .. 72..\\
pUrva.n dattvA tu yaH kanyAM dvitIye samprayachchhati . 
so.api rAjanmR^ito jantuH kR^imiyonau prajAyate .. 73..\\
tatra jIvati varShANi trayodasha yudhiShThira . 
adharmasa~NkShaye yuktastato jAyati mAnuShaH .. 74..\\
devakAryamupAkR^itya pitR^ikAryamathApi cha . 
anirvApya samashnanvai tato jAyati vAyasaH .. 75..\\
vAyaso dashavarShANi tato jAyati kukkuTaH . 
jAyate lavakashchApi mAsa.n tasmAttu mAnuShaH .. 76..\\
jyeShThaM pitR^isama.n chApi bhrAtara.n yo.avamanyate . 
so.api mR^ityumupAgamya krau~nchayonau prajAyate .. 77..\\
krau~ncho jIvati mAsA.nstu dasha dvau sapta pa~ncha cha . 
tato nidhanamApanno mAnuShatvamupAshnute .. 78..\\
vR^iShalo brAhmaNI gatvA kR^imiyonau prajAyate . 
tatrApatya.n samutpAdya tato jAyati mUShakaH .. 79..\\
kR^itaghnastu mR^ito rAjanyamasya viShaya.n gataH . 
yamasya viShaye kruddhairvadhaM prApnoti dAruNam .. 80..\\
paTTisaM mudgara.n shUlamagnikumbha.n cha dAruNam . 
asi patravana.n ghora.n vAlukAM kUTashAlmalIm .. 81..\\
etAshchAnyAshcha bahvIH sa yamasya viShaya.n gataH . 
yAtanAH prApya tatrogrAstato vadhyati bhArata .. 82..\\
sa.nsArachakramAsAdya kR^imiyonau prajAyate . 
kR^imirbhavati varShANi dasha pa~ncha cha bhArata . 
tato garbha.n samAsAdya tatraiva mriyate shishuH .. 83..\\
tato garbhashatairjanturbahubhiH samprajAyate . 
sa.nsArAMshcha bahUngatvA tatastiryakprajAyate .. 84..\\
mR^ito duHkhamanuprApya bahuvarShagaNAniha . 
apunarbhAva sa.nyuktastataH kUrmaH prajAyate .. 85..\\
ashastraM puruSha.n hatvA sa shastraH puruShAdhamaH . 
arthArthI yadi vA vairI sa mR^ito jAyate kharaH .. 86..\\
kharo jIvati varShe dve tataH shAsteNa vadhyate . 
sa mR^ito mR^igayonau tu nityodvigno.abhijAyate .. 87..\\
mR^igo vadhyati shastreNa gate sa.nvatsare tu saH . 
hato mR^igastato mInaH so.api jAlena badhyate .. 88..\\
mAse chaturthe samprApte shvApadaH samprajAyate . 
shvApado dashavarShANi dvIpI varShANi pa~ncha cha .. 89..\\
tatastu nidhanaM prAptaH kAlaparyAya choditaH . 
adharmasya kShaya.n kR^itvA tato jAyati mAnuShaH .. 90..\\
striya.n hatvA tu durbuddhiryamasya viShaya.n gataH . 
bahUnkleshAnsamAsAdya sa.nsArAMshchaiva viMshatim .. 91..\\
tataH pashchAnmahArAja kR^imiyonau prajAyate . 
kR^imirviMshativarShANi bhUtvA jAyati mAnuShaH .. 92..\\
bhojana.n chorayitvA tu makShikA jAyate naraH . 
makShikA sa.nha vashago bahUnmAsAnbhavatyuta . 
tataH pApakShaya.n kR^itvA mAnuShatvamavApnute .. 93..\\
vAdya.n hR^itvA tu puruSho mashakaH samprajAyate . 
tathA piNyAka saMmishramashana.n chorayennaraH . 
sa jAyate babhru samo dAruNo mUShako naraH .. 94..\\
lavaNa.n chorayitvA tu chIrI vAkaH prajAyate . 
dadhi hR^itvA bakashchApi plavo matsyAnasa.nskR^itAn .. 95..\\
chorayitvA payashchApi balAkA samprajAyate . 
yastu chorayate taila.n tailapAyI prajAyate . 
chorayitvA tu durbuddhirmadhu daMshaH prajAyate .. 96..\\
ayo hR^itvA tu durbuddhirvAyaso jAyate naraH . 
pAyasa.n chorayitvA tu tittiritvamavApnute .. 97..\\
hR^itvA paiShTamapUpa.n cha kumbholUkaH prajAyate . 
phala.n vA mUlakaM hR^itvA apUpaM vA pipIlikaH .. 98..\\
kA.nsya.n hR^itvA tu durbuddhirhArIto jAyate naraH . 
rAjataM bhAjana.n hR^itvA kapotaH samprajAyate .. 99..\\
hR^itvA tu kA~nchanaM bhANDa.n kR^imiyonau prajAyate . 
krau~nchaH kArpAsika.n hR^itvA mR^ito jAyati mAnavaH .. 100..\\
chorayitvA naraH paTTa.n tvAvika.n vApi bhArata . 
kShauma.n cha vastramAdAya shasho jantuH prajAyate .. 101..\\
varNAnhR^itvA tu puruSho mR^ito jAyati barhiNaH . 
hR^itvA raktAni vastrANi jAyate jIva jIvikaH .. 102..\\
varNakAdI.nstathA gandhAMshchorayitvA tu mAnavaH . 
chhuchchhundaritvamApnoti rAja.NllobhaparAyaNaH .. 103..\\
vishvAsena tu nikShipta.n yo nihnavati mAnavaH . 
sa gatAsurnarastAdR^i~Nmatsyayonau prajAyate .. 104..\\
matsyayonimanuprApya mR^ito jAyati mAnuShaH . 
mAnuShatvamanuprApya kShINAyurupapadyate .. 105..\\
pApAni tu naraH kR^itvA tiryagjAyati bhArata . 
na chAtmanaH pramANa.n te dharmaM jAnanti kiM chana .. 106..\\
ye pApAni narAH kR^itvA nirasyanti vrataiH sadA . 
sukhaduHkhasamAyuktA vyAdhitAste bhavantyuta .. 107..\\
asa.nvAsAH prajAyante mlechchhAshchApi na saMshayaH . 
narAH pApasamAchArA lobhamohasamanvitAH .. 108..\\
varjayanti cha pApAni janmaprabhR^iti ye narAH . 
arogA rUpavantaste dhaninash cha bhavantyuta .. 109..\\
striyo.apyetena kalpena kR^itvA pApamavApnuyuH . 
eteShAmeva jantUnAM patnItvamupayAnti tAH .. 110..\\
parasvaharaNe doShAH sarva eva prakIrtitAH . 
etadvai lesha mAtreNa kathita.n te mayAnagha . 
aparasminkathA yoge bhUyaH shroShyasi bhArata .. 111..\\
etanmayA mahArAja brahmaNo vadataH purA . 
surarShINA.n shrutaM madhye pR^iShTashchApi yathAtatham .. 112..\\
mayApi tava kArtsnyena yathAvadanuvarNitam . 
etachchhrutvA mahArAja dharme kuru manaH sadA .. 113..\\
\medskip\hrule\medskip\centerline{\Largedvng 113}
 y

adharmasya gatirbrahmankathitA me tvayAnagha . 
dharmasya tu gati.n shrotumichchhAmi vadatAM vara . 
kR^itvA karmANi pApAni katha.n yAnti shubhA.n gatim .. 1..\\

 brhaspati

kR^itvA pApAni karmANi adharmavashamAgataH . 
manasA viparItena nirayaM pratipadyate .. 2..\\
mohAdadharma.n yaH kR^itvA punaH samanutapyate . 
manaH samAdhisa.nyukto na sa seveta duShkR^itam .. 3..\\
yathA yathA naraH samyagadharmamanubhAShate . 
samAhitena manasA vimuchyati tathA tathA . 
bhuja~Nga iti nirmokAtpUrvabhuktAjjarAnvitAt .. 4..\\
adattvApi pradAnAni vividhAni samAhitaH . 
manaH samAdhisa.nyuktaH sugatiM pratipadyate .. 5..\\
pradAnAni tu vakShyAmi yAni dattvA yudhiShThira . 
naraH kR^itvApyakAryANi tadA dharmeNa yujyate .. 6..\\
sarveShAmeva dAnAnAmanna.n shreShThamudAhR^itam . 
pUrvamannaM pradAtavyamR^ijunA dharmamichchhatA .. 7..\\
prANA hyannaM manuShyANA.n tasmAjjantushcha jAyate . 
anne pratiShThitA lokAstasmAdannaM prakAshate .. 8..\\
annameva prasha.nsanti devarShipitR^imAnavAH . 
annasya hi pradAnena svargamApnoti kaushikaH .. 9..\\
nyAyalabdhaM pradAtavya.n dvijebhyo hyannamuttamam . 
svAdhyAyasamupetebhyaH prahR^iShTenAntarAtmanA .. 10..\\
yasya hyannamupAshnanti brAhmaNAnA.n shatA dasha . 
hR^iShTena manasA dattaM na sa tiryaggatirbhavet .. 11..\\
brAhmaNAnA.n sahasrANi dasha bhojyanararShabha . 
naro.adharmAtpramuchyeta papeShvabhirataH sadA .. 12..\\
bhaikSheNAnna.n samAhR^itya vipro veda puraskR^itaH . 
svAdhyAyanirate vipre dattveha sukhamedhate .. 13..\\
ahi.nsanbrAhmaNaM nityaM nyAyena paripAlya cha . 
kShatriyastarasA prAptamanna.n yo vai prayachchhati .. 14..\\
dvijebhyo vedavR^iddhebhyaH prayataH susamAhitaH . 
tenApohati dharmAtmA duShkR^ita.n karma pANDava .. 15..\\
ShaDbhAgaparishuddha.n cha kR^iSherbhAgamupArjitam . 
vaishyo dadaddvijAtibhyaH pApebhyaH parimuchyate .. 16..\\
avApya prANasandeha.n kArkashyena samArjitam . 
anna.n dattva dvijAtibhyaH shUdraH pApAtpramuchyate .. 17..\\
aurasena balenAnnamarjayitvAvihi.nsakaH . 
yaH prayachchhati viprebhyo na sa durgANi sevate .. 18..\\
nyAyenAvAptamanna.n tu naro lobhavivarjitaH . 
dvijebhyo veda vR^iddhebhyo dattva pApAtpramuchyate .. 19..\\
annamUrjaH kara.n loke dattvorjasvI bhavennaraH . 
satAM panthAnamAshritya sarvapApAtpramuchyate .. 20..\\
dAnakR^idbhiH kR^itaH panthA yena yAnti manIShiNaH . 
te sma prANasya dAtArastebhyo dharmaH sanAtanaH .. 21..\\
sarvAvastha manuShyeNa nyAyenAnnamupArjitam . 
kAryaM pAtragataM nityamanna.n hi paramA gatiH .. 22..\\
annasya hi pradAnena naro durgaM na sevate . 
tasmAdannaM pradAtavyamanyAya parivarjitam .. 23..\\
yatedbrAhmaNa pUrva.n hi bhoktumanna.n gR^ihI sadA . 
avandhya.n divasaM kuryAdannadAnena mAnavaH .. 24..\\
bhojayitvA dashashataM naro veda vidAM nR^ipa . 
nyAyaviddharmaviduShAmitihAsavidA.n tathA .. 25..\\
na yAti naraka.n ghora.n sa.nsArAMsh cha na sevate . 
sarvakAmasamAyuktaH pretya chApyashnute phalam .. 26..\\
eva.n sukhasamAyukto ramate vigatajvaraH . 
rUpavAnkIrtimAMshchaiva dhanavAMsh chopapadyate .. 27..\\
etatte sarvamAkhyAtamannadAnaphalaM mahat . 
mUlametaddhi dharmANAM pradAnasya cha bhArata .. 28..\\
\medskip\hrule\medskip\centerline{\Largedvng 114}
 y

ahi.nsA vaidika.n karma dhyAnamindriyasa.nyamaH . 
tapo.atha gurushushrUShA ki.n shreyaH puraShaM prati .. 1..\\

 b

sarvANyetAni dharmasya pR^ithagdvArANi sarvashaH . 
shR^iNu sa~NkIrtyamAnAni ShaDeva bharatarShabha .. 2..\\
hanta niHshreyasa.n jantoraha.n vakShyAmyanuttamam . 
ahi.nsApAshraya.n dharma.n yaH sAdhayati vai naraH .. 3..\\
trIndoShAnsarvabhUteShu nidhAya puruShaH sadA . 
kAmakrodhau cha sa.nyamya tataH siddhimavApnute .. 4..\\
ahi.nsakAni bhUtAni daNDena vinihanti yaH . 
AtmanaH sukhamanvichchhanna sa pretya subhI bhavet .. 5..\\
Atmopamashcha bhUteShu yo vai bhavati pUruShaH . 
nyastadaNDo jitakrodhaH sa pretya sukhamedhate .. 6..\\
sarvabhUtAtmabhUtasya sarvabhUtAni pashyataH . 
devApi mArge muhyanti apadasya padaiShiNaH .. 7..\\
na tatparasya sandadyAtpratikUla.n yadAtmanaH . 
eSha sa~NkShepato dharmaH kAmAdanyaH pravartate .. 8..\\
pratyAkhyAne cha dAne cha sukhaduHkhe priyApriye . 
Atmaupamyena puruShaH samAdhimadhigachchhati .. 9..\\
yathA paraH prakramate.apareShu 
tathAparaH prakramate parasmin . 
eShaiva te.astUpamA jIvaloke 
yathA dharmo naipuNenopadiShTaH .. 10..\\

 v

ityuktvA ta.n suragururdharmarAjaM yudhiShThiram . 
divamAchakrame dhImAnpashyatAmeva nastadA .. 11..\\
\medskip\hrule\medskip\centerline{\Largedvng 115}
 v

tato yudhiShThiro rAjA sharatalpe pitAmaham . 
punareva mahAtejAH paprachchha vadatA.n varam .. 1..\\
R^iShayo brAhmaNA devAH prasha.nsanti mahAmate . 
ahi.nsA lakShaNa.n dharma.n veda prAmANya darshanAt .. 2..\\
karmaNA manujaH kurvanhi.nsAM pArthiva sattama . 
vAchA cha manasA chaiva katha.n duHkhAtpramuchyate .. 3..\\

 bh

chaturvidheyaM nirdiShTA ahi.nsA brahmavAdibhiH . 
eShaikato.api vibhraShTA na bhavatyarisUdana .. 4..\\
yathA sarvashchatuShpAdastribhiH pAdairna tiShThati . 
tathaiveyaM mahIpAla prochyate kAraNaistribhiH .. 5..\\
yathA nAgapade.anyAni padAni padagAminAm . 
sarvANyevApidhIyante padajAtAni kau~njare . 
eva.n lokeShvahi.nsA tu nirdiShTA dharmataH parA .. 6..\\
karmaNA lipyate janturvAchA cha manasaiva cha .. 7..\\
pUrva.n tu manasA tyaktvA tathA vAchAtha karmaNA . 
trikAraNa.n tu nirdiShTa.n shrUyate brahmavAdibhiH .. 8..\\
mano vAchi tathAsvAde doShA hyeShu pratiShThitAH . 
na bhakShayantyato mA.nsa.n tapo yuktA manIShiNaH .. 9..\\
doShA.nstu bhakShaNe rAjanmA.nsasyeha nibodha me . 
putramA.nsopama.n jAnankhAdate yo vichetanaH .. 10..\\
mAtA pitR^isamAyoge putratva.n jAyate yathA . 
rasa.n cha prati jihvAyAH praGYAnaM jAyate tathA . 
tathA shAstreShu niyata.n rAgo hyAsvAditAdbhavet .. 11..\\
asa.nskR^itAH sa.nskR^itAshcha lavaNAlavaNAstathA . 
praGYAyante yathA bhAvAstathA chittaM nirudhyate .. 12..\\
bherIsha~NkhamR^ida~NgAdyA.nstantrI shabdAMshcha puShkalAn . 
niSheviShyanti vai mandA mA.nsabhakShAH kathaM narAH .. 13..\\
achintitamanuddiShTamasa~Nkalpitameva cha . 
rasa.n gR^iddhyAbhibhUtA vai prasha.nsanti phalArthinaH . 
prasha.nsA hyeva mA.nsasya doShakarmaphalAnvitA .. 14..\\
jIvita.n hi parityajya bahavaH sAdhavo janAH . 
svamA.nsaiH paramA.nsAni paripAlya diva.n gatAH .. 15..\\
evameShA mahArAja chaturbhiH kAraNairvR^itA . 
ahi.nsA tava nirdiShTA sarvadharmArthasa.nhitA .. 16..\\
\medskip\hrule\medskip\centerline{\Largedvng 116}
 y

ahi.nsA paramo dharma ityuktaM bahushastvayA . 
shrAddheShu cha bhavAnAha pitR^InAmiSha kA~NkShiNaH .. 1..\\
mA.nsairbahuvidhaiH proktastvayA shrAddhavidhiH purA . 
ahatvA cha kuto mA.nsamevametadvirudhyate .. 2..\\
jAto naH saMshayo dharme mA.nsasya parivarjane . 
doSho bhakShayataH kaH syAtkashchAbhakShayato guNaH .. 3..\\
hatvA bhakShayato vApi pareNopahR^itasya vA . 
hanyAdvA yaH parasyArthe krItvA vA bhakShayennaraH .. 4..\\
etadichchhAmi tattvena kathyamAna.n tvayAnagha . 
nichayena chikIrShAmi dharmameta.n sanAtanam .. 5..\\
kathamAyuravApnoti kathaM bhavati sattvavAn . 
kathamavya~NgatAmeti lakShaNyo jAyate katham .. 6..\\

 bh

mA.nsasya bhakShaNe rAjanyo.adharmaH kurupu~Ngava . 
taM me shR^iNu yathAtattva.n yashchAsya vidhirUttamaH .. 7..\\
rUpamavya~NgatAmAyurbuddhi.n sattvaM balaM smR^itim . 
prAptu kAmairnarairhi.nsA varjitA vai kR^itAtmabhiH .. 8..\\
R^iShINAmatra sa.nvAdo bahushaH kurupu~Ngava . 
babhUva teShA.n tu mata.n yattachchhR^iNu yudhiShThira .. 9..\\
yo yajetAshvamedhena mAsi mAsi yatavrataH . 
varjayenmadhu mA.nsa.n cha samametadyudhiShThira .. 10..\\
saptarShayo vAlakhilyAstathaiva cha marIchipAH . 
amA.nsa bhakShaNa.n rAjanprasha.nsanti manIShiNaH .. 11..\\
na bhakShayati yo mA.nsaM na hanyAnna cha ghAtayet . 
taM mitra.n sarvabhUtAnAM manuH svAyambhuvo.abravIt .. 12..\\
adhR^iShyaH sarvabhUtAnA.n vishvAsyaH sarvajantuShu . 
sAdhUnA.n saMmato nityaM bhavenmA.nsasya varjanAt .. 13..\\
svamA.nsaM paramA.nsena yo vardhayitumichchhati . 
nAradaH prAha dharmAtmA niyata.n so.avasIdati .. 14..\\
dadAti yajate chApi tapasvI cha bhavatyapi . 
madhu mA.nsanivR^ittyeti prAhaiva.n sa bR^ihaspatiH .. 15..\\
mAsi mAsyashvamedhena yo yajeta shata.n samAH . 
na khAdati cha yo ma.nsa.n samametanmataM mama .. 16..\\
sadA yajati satreNa sadA dAnaM prayachchhati . 
sadA tapasvI bhavati madhu mA.nsasya varjanAt .. 17..\\
sarve vedA na tatkuryuH sarvayaGYAshcha bhArata . 
yo bhakShayitvA mA.nsAni pashchAdapi nivartate .. 18..\\
duShkara.n hi rasaGYena mA.nsasya parivarjanam . 
chartu.n vratamidaM shreShThaM sarvaprANyabhara pradam .. 19..\\
sarvabhUteShu yo vidvAndadAtyabhara dakShiNAm . 
dAtA bhavati loke sa prANAnAM nAtra saMshayaH .. 20..\\
eva.n vai parama.n dharmaM prasha.nsanti manIShiNaH . 
prANA yathAtmano.abhIShTA bhUtAnAmapi te tathA .. 21..\\
Atmaupamyena gantavyaM buddhimadbhirmahAtmabhiH . 
mR^ityuto bhayamastIti viduShAM bhUtimichchhatAm .. 22..\\
kiM punarhanyamAnAnA.n tarasA jIvitArthinAm . 
arogANAmapApAnAM pApairmA.nsopajIvibhiH .. 23..\\
tasmAdviddhi mahArAja mA.nsasya parivarjanam . 
dharmasyAyatana.n shreShThaM svargasya cha sukhasya cha .. 24..\\
ahi.nsA paramo dharmastathAhi.nsA parantapaH . 
ahi.nsA parama.n satya.n tato dharmaH pravartate .. 25..\\
na hi mA.nsa.n tR^iNAtkAShThAdupalAdvApi jAyate . 
hatvA jantu.n tato mA.nsaM tasmAddoSho.asya bhakShaNe .. 26..\\
svAhA svadhAmR^ita bhujo devAH satyArjava priyAH . 
kravyAdAnrAkShasAnviddhi jihmAnR^ita parAyaNAn .. 27..\\
kAntAreShvatha ghoreShu durgeShu gahaneShu cha . 
rAtrAvahani sandhyAsu chatvareShu sabhAsu cha . 
amA.nsa bhakShaNe rAjanbhayamante na gachchhati .. 28..\\
yadi chetkhAdako na syanna tadA ghAtako bhavet . 
ghAtakaH khAdakArthAya ta.n ghAtayati vai naraH .. 29..\\
abhakShyametaditi vA iti hi.nsA nivartate . 
khAdakArthamato hi.nsA mR^igAdInAM pravartate .. 30..\\
yasmAdgrasati chaivAyurhi.nsakAnAM mahAdyute . 
tasmAdvivarjayenmA.nsa.n ya ichchhedbhUtimAtmanaH .. 31..\\
trAtAraM nAdhigachchhanti raudrAH prANivihi.nsakAH . 
udvejanIyA bhUtAnA.n yathA vyAlamR^igAstathA .. 32..\\
lobhAdvA buddhimohAdvA balavIryArthameva cha . 
sa.nsargAdvAtha pApAnAmadharmaruchitA nR^iNAm .. 33..\\
svamA.nsaM paramA.nsena yo vardhayitumichchhati . 
udvignavAse vasati yatra tatrAbhijAyate .. 34..\\
dhanya.n yashasyamAyuShyaM svargyaM svastyayanaM mahat . 
mA.nsasyAbhakShaNaM prAhurniyatAH paramarShayaH .. 35..\\
ida.n tu khalu kaunteya shrutamAsItpurA mayA . 
mArkaNDeyasya vadato ye doShA mA.nsabhakShaNe .. 36..\\
yo hi khAdati mA.nsAni prANinA.n jIvitArthinAm . 
hatAnA.n vA mR^itAnAM vA yathA hantA tathaiva saH .. 37..\\
dhanena krAyato hanti khAdakashchopabhogataH . 
ghAtako vadhabandhAbhyAmityeSha trividho vadhaH .. 38..\\
akhAdannanumodaMshcha bhAvadoSheNa mAnavaH . 
yo.anumanyeta hantavya.n so.api doSheNa lipyate .. 39..\\
adhR^iShyaH sarvabhUtAnAmAyuShmAnnIrujaH sukhI . 
bhavatyabhakShayanmA.nsa.n dayAvAnprANinAm iha .. 40..\\
hiraNyadAnairgodAnairbhUmidAnaishcha sarvashaH . 
mA.nsasyAbhakShaNe dharmo vishiShTaH syAditi shrutiH .. 41..\\
aprokShita.n vR^ithA mA.nsaM vidhihInaM na bhakShayet . 
bhakShayanniraya.n yAti naro nAstyatra saMshayaH .. 42..\\
prokShitAbhyukShitaM mA.nsa.n tathA brAhmaNa kAmyayA . 
alpadoShamiha GYeya viparIte tu lipyate .. 43..\\
khAdakasya kR^ite jantu.n yo hanyAtpuruShAdhamaH . 
mahAdoShakarastatra khAdako na tu ghAtakaH .. 44..\\
ijyA yaGYashrutikR^itairyo mArgairabudho janaH . 
hanyAjjantuM mA.nsagR^iddhrI sa vai narakabhAnnaraH .. 45..\\
bhakShayitvA tu yo mA.nsaM pashchAdapi nivartate . 
tasyApi sumahAndharmo yaH pApAdvinivartate .. 46..\\
AhartA chAnumantA cha vishistA kraya vikrayI . 
sa.nskartA chopabhoktA cha ghAtakAH sarva eva te .. 47..\\
idamanyattu vakShyAmi pramANa.n vidhinirmitam . 
purANamR^iShibhirjuShTa.n vedeShu parinishchitam .. 48..\\
pravR^itti lakShaNe dharme phalArthibhirabhidrute . 
yathokta.n rAjashArdUla na tu tanmokShakA~NkShiNAm .. 49..\\
haviryatsa.nskR^itaM mantraiH prokShitAbhyukShita.n shuchi . 
vedoktena pramANena pitR^INAM prakriyAsu cha . 
ato.anyathA vR^ithA mA.nsamabhakShyaM manurabravIt .. 50..\\
asvargyamayashasya.n cha rakShovadbharatarShabha . 
vidhinA hi narAH pUrvaM mA.nsa.n rAjanabhakShayan .. 51..\\
ya ichchhetpuruSho.atyantamAtmAnaM nirupadravam . 
sa varjayeta mA.nsAni prANinAmiha sarvashaH .. 52..\\
shrUyate hi purAkalpe nR^iNA.n vrIhi mayaH pashuH . 
yenAyajanta yajvAnaH puNyalokaparAyaNAH .. 53..\\
R^iShibhiH saMshayaM pR^iShTo vasushchedipatiH purA . 
abhakShyamiti mA.nsa.n sa prAha bhakShyamiti prabho .. 54..\\
AkAshAnmedinIM prAptastataH sa pR^ithivIpatiH . 
etadeva punashchoktvA vivesha dharaNItalam .. 55..\\
prajAnA.n hitakAmena tvagastyena mahAtmanA . 
AraNyAH sarvadaivatyAH prokShitAstapasA mR^igAH .. 56..\\
kriyA hyevaM na hIyante pitR^idaivatasaMshritAH . 
prIyante pitarashchaiva nyAyato mA.nsatarpitAH .. 57..\\
ida.n tu shR^iNu rAjendra kIrtyamAnaM mayAnagha . 
abhakShaNe sarvasukhaM mA.nsasya manujAdhipa .. 58..\\
yastu varShashataM pUrNa.n tapastapyetsudAruNam . 
yashchaika.n varjayenmA.nsaM samametanmataM mama .. 59..\\
kaumude tu visheSheNa shuklapakshe narAdhipa . 
varjayetsarvamA.nsAni dharmo hyatra vidhIyate .. 60..\\
chaturo vArShikAnmAsAnyo mA.nsaM parivarjayet . 
chatvAri bhadrANyApnoti kIrtimAyuryashobalam .. 61..\\
atha vA mAsamapyeka.n sarvamA.nsAnyabhakShayan . 
atItya sarvaduHkhAni sukhI jIvennirAmayaH .. 62..\\
ye varjayanti mA.nsAni mAsashaH pakShasho.api vA . 
teShA.n hi.nsA nivR^ittAnAM brahmaloko vidhIyate .. 63..\\
mA.nsa.n tu kaumudaM pakSha.n varjitaM pArtha rAjabhiH . 
sarvabhUtAtmabhUtairtairviGYAtArthaparAvaraiH .. 64..\\
nAbhAgenAmbarISheNa gayena cha mahAtmanA . 
AyuShA chAnaraNyena dilIpa raghupUrubhiH .. 65..\\
kArtavIryAniruddhAbhyAM nahuSheNa yayAtinA . 
nR^igeNa viShvagashvena tathaiva shashabindunA . 
yuvanAshvena cha tathA shibinaushInareNa cha .. 66..\\
shyenachitreNa rAjendra somakena vR^ikeNa cha . 
raivatena ranti devena vasunA sR^i~njayena cha .. 67..\\
duHShantena karUSheNa rAmAlarka nalaistathA . 
virUpAshvena niminA janakena cha dhImatA .. 68..\\
silena pR^ithunA chaiva vIrasenena chaiva ha . 
ikShvAkuNA shambhunA cha shvetena sagareNa cha .. 69..\\
etaishchAnyaishcha rAjendra purA mA.nsaM na bhakShitam . 
shArada.n kaumudaM mAsaM tataste svargamApnuvan .. 70..\\
brahmaloke cha tiShThanti jvalamAnAH shriyAnvitAH . 
upAsyamAnA gandharvaiH strIsahasrasamanvitAH .. 71..\\
tadetaduttama.n dharmamahi.nsA lakShaNa.n shubham . 
ye charanti mahAtmAno nAkapR^iShThe vasanti te .. 72..\\
madhu mA.nsa.n cha ye nitya.n varjayantIha dhArmikAH . 
janmaprabhR^iti madya.n cha sarve te munayaH smR^itAH . 
vishiShTatA.n GYAtiShu cha lalbhante nAtra saMshayaH .. 73..\\
ApannashchApado muchyedbaddhomuchyeta bandhanAt . 
muchyettathAturo rogAdduHkhAnmuchyeta duHkhitaH .. 74..\\
tiryagyoniM na gachchheta rUpavAMshcha bhavennaraH . 
buddhimAnvai kurushreShTha prApnuyAchcha mahadyashaH .. 75..\\
etatte kathita.n rAjanmA.nsasya parivarjane . 
pravR^ittau cha nivR^ittau cha vidhAnamR^iShinirmitam .. 76..\\
\medskip\hrule\medskip\centerline{\Largedvng 117}
 y

ime vai mAnavA loke bhR^ishaM mA.nsasya gR^iddhinaH . 
visR^ijya bhakShAnvividhAnyathA rakShogaNAstathA .. 1..\\
nApUpAnvividhAkArA~nshAkAni vividhAni cha . 
ShADavAnrasayogAMshcha tathechchhanti yathAmiSham .. 2..\\
tatra me buddhiratraiva visarge parimuhyate . 
na manye rasataH ki.n chinmA.nsato.astIha kiM chana .. 3..\\
tadichchhAmi guNA~nshrotuM mA.nsasyAbhakShaNe.api vA . 
bhakShaNe chaiva ye doShAstAMshchaiva puruSharShabha .. 4..\\
sarva.n tattvena dharmaGYa yadhAvadiha dharmataH . 
ki.n vA bhakShyamabhakShyaM vA sarvametadvadasva me .. 5..\\

 bh

evametanmahAbAho yathA vadasi bhArata . 
na mA.nsAdaramatrAnyadrasato vidyate bhuvi .. 6..\\
kShatakShINAbhitaptAnA.n grAmyadharmaratAsh cha ye . 
adhvanA karshitAnA.n cha na mA.nsAdvidyate param .. 7..\\
sadyo vardhayati prANAnpuShTimagrya.n dadAti cha . 
na bhakSho.abhyadhikaH kashchinmA.nsAdasti parantapa .. 8..\\
vivarjane tu bahavo guNAH kauravanandana . 
ya bhavanti manuShyANA.n tAnme nigadataH shR^iNu .. 9..\\
svamA.nsaM paramA.nsairyo vivardhayitumichchhati . 
nAsti kShudratarastasmAnna nR^isha.nsataro naraH .. 10..\\
na hi prANAtpriyatara.n loke ki.n chana vidyate . 
tasmAddayAM naraH kuryAdyathAtmani tathA pare .. 11..\\
shukrAchcha tAta sambhUtirmA.nsasyeha na saMshayaH . 
bhakShaNe tu mahAndoSho vadhena saha kalpate .. 12..\\
ahi.nsA lakShaNo dharma iti veda vido viduH . 
yadahi.nsraM bhavetkarma tatkuryAdAtmavAnnaraH .. 13..\\
pitR^idaivatayaGYeShu prokShita.n haviruchyate . 
vidhinA veda dR^iShTena tadbhuktveha na duShyati .. 14..\\
yaGYArthe pashavaH sR^iShTA ityapi shrUyate shrutiH . 
ato.anyathA pravR^ittAnA.n rAkShaso vidhiruchyate .. 15..\\
kShatriyANA.n tu yo dR^iShTo vidhistamapi me shR^iNu . 
vIryeNopArjitaM mA.nsa.n yathA khAdanna duShyati .. 16..\\
AraNyAH sarvadauvatyAH prokShitAH sarvasho mR^igAH . 
agastyena purA rAjanmR^igayA yena pUjyate .. 17..\\
nAtmAnamaparityajya mR^igayA nAma vidyate . 
samatAmupasa~Ngamya rUpa.n hanyAnna vA nR^ipa .. 18..\\
ato rAjarShayaH sarve mR^igayA.n yAnti bhArata . 
lipyante na hi doSheNa na chaitatpAtaka.n viduH .. 19..\\
na hi tatparama.n kiM chidiha loke paratra cha . 
yatsareShviha lokeShu dayA kauravanandana .. 20..\\
na bhaya.n vidyate jAtu narasyeha dayAvataH . 
dayAvatAmime lokAH pare chApi tapasvinAm .. 21..\\
abhaya.n sarvabhUtebhyo yo dadAti dayAparaH . 
abhaya.n tasya bhUtAni dadatItyanushushrumaH .. 22..\\
kShata.n cha skhalitaM chaiva patitaM kliShTamAhatam . 
sarvabhUtAni rakShanti sameShu viShameShu cha .. 23..\\
naina.n vyAlamR^igA ghnanti na pishAchA na rAkShasAH . 
muchyante bhayakAleShu mokShayanti cha ye parAn .. 24..\\
prANadAnAtpara.n dAnaM na bhUtaM na bhaviShyati . 
na hyAtmanaH priyataraH kashchidastIti nishchitam .. 25..\\
aniShTa.n sarvabhUtAnAM maraNaM nAma bhArata . 
mR^ityukAle hi bhUtAnA.n sadyo jAyati vepathuH .. 26..\\
jAtijanma jarAduHkhe nitya.n sa.nsArasAgare . 
jantavaH parivartante maraNAdudvijanti cha .. 27..\\
garbhavAseShu pachyante kShArAmla kaTukai rasaiH . 
mUtra shleShma purIShANA.n sparshaishcha bhR^ishadAruNaiH .. 28..\\
jAtAshchApyavashAstatra bhidyamAnAH punaH punaH . 
pATyamAnAshcha deshyante vivashA mA.nsagR^iddhinaH .. 29..\\
kumbhI pAke cha pachyante tA.n tA.n yonimupAgatAH . 
Akramya mAryamANAshcha bhrAmyante vai punaH punaH .. 30..\\
nAtmano.asti priyataraH pR^ithivyAmanusR^itya ha . 
tasmAtprANiShu sarveShu dayAvAnAtmavAnbhavet .. 31..\\
sarvamA.nsAni yo rAjanyAvajjIvaM na bhakShayet . 
svarge sa vipula.n sthAnaM prApnuyAnnAtra saMshayaH .. 32..\\
ye bhakShayanti mA.nsAni bhUtAnA.n jIvitaiShiNAm . 
bhakShyante te.api tairbhUtairiti me nAsti saMshayaH .. 33..\\
mA.n sa bhakShayate yasmAdbhakShayiShye tamapyaham . 
etanmA.nsasya mA.nsatvamato buddhyasva bhArata .. 34..\\
ghAtako vadhyate nitya.n tathA vadhyeta bandhakaH . 
AkroShTAkrushyate rAjandveShTA dveShyatvamApnute .. 35..\\
yena yena sharIreNa yadyatkarma karoti yaH . 
tena tena sharIreNa tattatpalamupAshnute .. 36..\\
ahi.nsA paramo dharmastathAhi.nsA paro damaH . 
ahi.nsA parama.n dAnamahi.nsA paramastapaH .. 37..\\
ahi.nsA paramo yaGYastathAhismA paraM balam . 
ahi.nsA paramaM mitramahi.nsA parama.n sukham . 
ahi.nsA parama.n satyamahi.nsA paramaM shrutam .. 38..\\
sarvayaGYeShu vA dAna.n sarvatIrtheShu chAplutam . 
sarvadAnaphala.n vApi naitattulyamahi.nsayA .. 39..\\
ahi.nsrasya tapo.akShayyamahi.nsro yajate sadA . 
ahi.nsraH sarvabhUtAnA.n yathA mAtA yathA pitA .. 40..\\
etatphalamahi.nsAyA bhUyashcha kurupu~Ngava . 
na hi shakyA guNA vaktumiha varShashatairapi .. 41..\\
\medskip\hrule\medskip\centerline{\Largedvng 118}
 y

akAmAshcha sa kAmAshcha hatA ye.asminmahAhave . 
kA.n yoniM pratipannAste tanme brUhi pitAmaha .. 1..\\
duHkhaM prANaparityAgaH puruShANAM mahAmR^idhe . 
jAnAmi tattva.n dharmaGYa prANatyAga.n suduShkaram .. 2..\\
samR^iddhe vAsamR^iddhe vA shubhe vA yadi vAshubhe . 
kAraNa.n tatra me brUhi sarvaGYo hyasi me mataH .. 3..\\

 bh

samR^iddhe vAsamR^iddhe vA shubhe vA yadi vAshubhe . 
sa.nsAre.asminsamAjAtAH prANinaH pR^ithivIpate .. 4..\\
niratA yena bhAvena tatra me shR^iNu kAraNam . 
samyakchAyamanuprashnastvayoktashcha yudhiShThira .. 5..\\
atra te vartayiShyAmi purAvR^ittamidaM nR^ipa . 
dvaipAyanasya sa.nvAda.n kITasya cha yudhiShThira .. 6..\\
brahmabhUtashcharanvipraH kR^iShNa dvaupAyanaH purA . 
dadarsha kITa.n dhAvanta.n shIghraM shakaTavartmani .. 7..\\
gatiGYaH sarvabhUtAnA.n rutaGYashcha sharIriNAm . 
sarvaGYaH sarvado dR^iShTvA kITa.n vachanamabravIt .. 8..\\
kITa santrastarUpo.asi tvaritashchaiva lakShyase . 
kva dhAvasi tadAchakShva kutaste hayamAgatam .. 9..\\

 k

shakaTasyAsya mahato doSha.n shrutvA bhayaM mama . 
Agata.n vai mahAbuddhe svana eSha hi dAruNaH . 
shrUyate na sa mA.n hanyAditi tasmAdapAkrame .. 10..\\
shvasatA.n cha shR^iNomyevaM goputrANAM prachodyatAm . 
vahatA.n sumahAbhAraM saMnikarShe svanaM prabho . 
nR^iNA.n cha sa.nvAhayatA.n shrUyate vividhaH svanaH .. 11..\\
soDhumasmadvidhenaiSha na shakyaH kITa yoninA . 
tasmAdapakramAmyeSha bhayAdasyAtsudAruNAt .. 12..\\
duHkha.n hi mR^ityurbhUtAnA.n jIvitaM cha sudurlabham . 
ato bhItaH palAyAmi gachchheyaM nAsukha.n sukhAt .. 13..\\

 bh

ityuktaH sa tu taM prAha kutaH kITa sukha.n tava . 
maraNa.n te sukhaM manye tiryagyonau hi vartase .. 14..\\
shabda.n sparshaM rasa.n gandhaM bhogAMshchochchAvachAnbahUn . 
nAbhijAnAsi kITa tva.n shreyo maraNameva te .. 15..\\

 k

sarvatra nirato jIva itIhApi sukhaM mama . 
chetayAmi mahAprAGYa tasmAdichchhAmi jIvitum .. 16..\\
ihApi viShayaH sarvo yathA dehaM pravartitaH . 
mAnuShAstiryagAshchaiva pR^ithagbhogA visheShataH .. 17..\\
ahamAsaM manuShyo vai shUdro bahudhanaH purA . 
abrahmaNyo nR^isha.nsashcha kadaryo vR^iddhijIvinaH .. 18..\\
vAktIkShNo nikR^itipraGYo moShTA vishvasya sarvashaH . 
mithaH kR^ito.apanidhanaH parasvaharaNe rataH .. 19..\\
bhR^ityAtithi janashchApi gR^ihe paryuShito mayA . 
mAtsaryAtsvAdu kAmena nR^isha.nsena bubhUShatA .. 20..\\
devArthaM pitR^iyaGYArthamanna.n shraddhA kR^itaM mayA . 
na dattamarthakAmena deyamannaM punAti ha .. 21..\\
gupta.n sharaNamAshritya bhayeShu sharaNA gatAH . 
akasmAnna bhayAttyaktA na cha trAtA bhayaiShiNaH .. 22..\\
dhana.n dhAnyaM priyAndArAnyAna.n vAsastathAdbhutam . 
shriya.n dR^iShTvA manuShyANAmasUyAmi nirarthakam .. 23..\\
IrShyuH parasukha.n dR^iShTvA AtatAyyabubhUShakaH . 
trivargahantA chAnyeShAmAtmakAmAnuvartakaH .. 24..\\
nR^isha.nsaguNabhUyiShThaM purA karmakR^itaM mayA . 
smR^itvA tadanutapye.aha.n tyaktvA priyamivAtmajam .. 25..\\
shubhAnAmapi jAnAmi kR^itAnA.n karmaNAM phalam . 
mAtA cha pUjitA vR^iddhA brAhmaNashchArchito mayA .. 26..\\
sakR^ijjAtiguNopetaH sa~Ngatya gR^ihamAgataH . 
atithiH pUjito brahmastena mAM nAjahAtsmR^itiH .. 27..\\
karmaNA tena chaivAha.n sukhAshAmiha lakShaye . 
tachchhrotumahamichchhAmi tvattaH shreyastapodhana .. 28..\\
\medskip\hrule\medskip\centerline{\Largedvng 119}
 v

shubhena karmaNA yadvai tiryagyonau na muhyase . 
mamaiva kITa tatkarma yena tvaM na pramuhyase .. 1..\\
aha.n hi darshanAdeva tArayAmi tapobalAt . 
tapobalAddhi balavadbalamanyanna vidyate .. 2..\\
jAnAmi pApaiH svakR^itairgata.n tvAM kITa kITatAm . 
avApsyasi para.n dharmaM dharmastho yadi manyase .. 3..\\
karmabhUmikR^ita.n devA bhu~njate tiryagAsh cha ye . 
dharmAdapi manuShyeShu kAmo.arthashcha yathA guNaiH .. 4..\\
vAgbuddhipANipAdaishchApyupetasya vipashchitaH . 
ki.n hIyate manuShyasya mandasyApi hi jIvataH .. 5..\\
jIvanhi kurute pUjA.n viprAgryaH shashisUryayoH . 
bruvannapi kathaM puNyA.n tatra kITa tvameShyasi .. 6..\\
guNabhUtAni bhUtAni tatra tvamupabhokShyase . 
tatra te.aha.n vineShyAmi brahmatvaM yatra chechchhasi .. 7..\\
sa tatheti pratishrutya kITo vartmanyatiShThata . 
tamR^iShi.n draShTumagamatsarvAsvanyAsu yoniShu .. 8..\\
shvAvidgodhA varAhANA.n tathaiva mR^igapakShiNAm . 
shvapAkavaishya shUdrANA.n kShatriyANAM cha yoniShu .. 9..\\
sa kITetyevamAbhAShya R^iShiNA satyavAdinA . 
pratismR^ityAtha jagrAha pAdau mUrdhnA kR^itA~njaliH .. 10..\\

 k

ida.n tadatula.n sthAnamIpShitaM dashabhirguNaiH . 
yadahaM prApya kITatvamAgato rAjaputratAm .. 11..\\
vahanti mAmatibalAH ku~njarA hemamAlinaH . 
syandaneShu cha kAmbojA yuktAH paramavAjinaH .. 12..\\
uShTrAshvatara yuktAni yAnAni cha vahanti mAm . 
sa bAndhavaH sahAmAtyashchAshnAmi pishitaudanam .. 13..\\
gR^iheShu sunivAseShu sukheShu shayaneShu cha . 
parArdhyeShu mahAbhAga svapAmIha supUjitaH .. 14..\\
sarveShvapararAtreShu sUtamAgadhabandinaH . 
stuvanti mA.n yathA devaM mahendraM priyavAdinaH .. 15..\\
prasAdAtsatyasandhasya bhavato.amitatejasaH . 
yadaha.n kITatAM prArya samprApto rAjaputratAm .. 16..\\
namaste.astu mahAprAGYa ki.n karomi prashAdhi mAm . 
tvattapobalanirdiShTamida.n hyadhitagaM mayA .. 17..\\

 v

archito.aha.n tvayA rAjanvAgbhiradya yadR^ichchhayA . 
adya te kITatAM prApya smR^itirjAtAjugupsitA .. 18..\\
na tu nAsho.asti pApasya yattvayopachitaM purA . 
shUdreNArtha pradhAnena nR^isha.nsenAtatAyinA .. 19..\\
mama te darshanaM prApta.n tachchaiva sukR^itaM purA . 
tiryagyonau sma jAtena mama chApyarchanAttathA .. 20..\\
itastva.n rAjaputratvAdbrAhmaNyaM samavApsyasi . 
gobrAhmaNa kR^ite prANAnhutvAtmIyAnraNAjire .. 21..\\
rAjaputra sukhaM prApya R^itUMshchaivAptadakShiNAn . 
atha modiShyase svarge brahmabhUto.avyayaH sukhI .. 22..\\
tiryagyoniyAH shUdratAm abhyupaiti 
shUdro vaishyatva.n kShatriyatvaM cha vaishyaH . 
vR^ittashlAghI kShatriyo brAhmaNatvaM 
svargaM puNyaM brAhmaNaH sAdhuvR^ittaH .. 23..\\
\medskip\hrule\medskip\centerline{\Largedvng 120}
 bh

kShatradharmamanuprAptaH smaranneva sa vIryavAn . 
tyaktvA cha kITatA.n rAjaMshchachAra vipula.n tapaH .. 1..\\
tasya dharmArthaviduSho dR^iShTvA tadvipula.n tapaH . 
AjagAma dvijashreShThaH kR^iShNadvaipAyanastadA .. 2..\\

 v

kShAtra.n chaiva vrataM kITa bhUtAnAM paripAlanam . 
kShatra.n chaiva vrataM dhyAya.nstato vipratvameShyasi .. 3..\\
pAhi sarvAH prajAH samyakshubhAshubhavidAtmavAn . 
shubhaiH sa.nvibhajankAmairashubhAnA.n cha pAvanaiH .. 4..\\
AtmavAnbhava suprItaH svadharmacharaNe rataH . 
kShAtrI.n tanu.n samutsR^ijya tato vipratvameShyasi .. 5..\\

 bh

so.athAraNyamabhipretya punareva yudhiShThira . 
maharShervachana.n shrutvA prajA dharmeNa pAlya cha .. 6..\\
achireNaiva kAlena kITaH pArthiva sattama . 
prajApAlanadharmeNa pretya vipratvamAgataH .. 7..\\
tatastaM brAhmaNa.n dR^iShTvA punareva mahAyashAH . 
AjagAma mahAprAGYaH kR^iShNadvaipAyanastadA .. 8..\\

 v

bho bho viprarShabha shrImanmA vyathiShThAH katha.n chana . 
shubhakR^ichchhubhayonIShu pApakR^itpApayoniShu . 
upapadyati dharmaGYa yathA dharma.n yathAgamam .. 9..\\
tasmAnmR^ityubhayAtkITa mA vyathiShThAH katha.n chana . 
dharmalopAdbhaya.n te syAttasmAddharmaM charottamam .. 10..\\

 k

sukhAtsukhataraM prApto bhagava.nstvatkR^ite hyaham . 
dharmamUlA.n shriyaM prApya pApmA naShTa ihAdya me .. 11..\\

 bh

bhagavadvachanAtkITo brAhmaNyaM prApya durlabham . 
akarotpR^ithivI.n rAjanyaGYayUpa shatA~NkitAm . 
tataH sAlokyamagamadbrahmaNo brahma vittamaH .. 12..\\
avApa cha para.n kITaH pArtha brahma sanAtanam . 
svakarmaphalanirvR^itta.n vyAsasya vachanAttadA .. 13..\\
te.api yasmAtsvabhAvena hatAH kShatriya pu~NgavAH . 
samprAptAste gatiM puNyA.n tasmAnmA shocha putraka .. 14..\\
\medskip\hrule\medskip\centerline{\Largedvng 121}
 y

vidyA tapashcha dAna.n cha kimeteShA.n vishiShyate . 
pR^ichchhAmi tvA satA.n shreShTha tanme brUhi pitAmaha .. 1..\\

 bh

atrApyudAharantImamitihAsaM purAtanam . 
maitreyasya cha sa.nvAda.n kR^iShNadvaipAyanasya cha .. 2..\\
kR^iShNa dvaipAyano rAjannaGYAcha charita.n charan . 
vArANasyAmupAtiShThanmaitreya.n svairiNI kule .. 3..\\
tamupasthitamAsIna.n GYAtvA sa munisattamam . 
architvA bhojayAmAsa maitreyo.ashanamuttamam .. 4..\\
tadannamuttamaM bhuktvA guNavatsArvakAmikam . 
pratiShThamAno.asmayata prItaH kR^iShNo mahAmanAH .. 5..\\
tamutsmayanta.n samprekShya maitreyaH kR^iShNamabravIt . 
kAraNaM brUhi dharmAtmanyo.asmayiShThAH kutash cha te . 
tapasvino dhR^itimataH pramodaH samupAgataH .. 6..\\
etatpR^ichchhAmi te vidvannabhivAdya praNamya cha . 
Atmanashcha tapo bhAgyaM mahAbhAgya.n tathaiva cha .. 7..\\
pR^ithagAcharatastAta pR^ithagAtmani chAtmanoH . 
alpAntaramahaM manye vishiTShamapi vA tvayA .. 8..\\

 v

atichchhedAtivAdAbhyA.n smayo.ayaM samupAgataH . 
asatya.n veda vachana.n kasmAdvedo.anR^itaM vadet .. 9..\\
trINyeva tu padAnyAhuH puruShasyottama.n vratam . 
na druhyechchaiva dadyAchcha satya.n chaiva para.n vadet . 
idAnI.n chaiva naH kR^ityaM purastAchcha para.n smR^itam .. 10..\\
alpo.api tAdR^isho dAyo bhavatyuta mahAphalaH . 
tR^iShitAya cha yaddatta.n hR^idayenAnasUyatA .. 11..\\
tR^iShitastR^iShitAya tva.n dattvaitadashanaM mama . 
ajaiShIrmahato lokAnmahAyaGYairivAbhibho . 
ato dAnapavitreNa prIto.asmi tapasaiva cha .. 12..\\
puNyasyaiva hi te gandhaH puNyasyaiva cha darshanam . 
puNyashcha vAti gandhaste manye karmavidhAnataH .. 13..\\
adhikaM mArjanAttAta tathaivApyanulepanAt . 
shubha.n sarvapavitrebhyo dAnameva paraM bhavet .. 14..\\
yAnImAnyuttamAnIha vedoktAni prasha.nsasi . 
teShA.n shreShThatama.n dAnamiti me nAsti saMshayaH .. 15..\\
dAnakR^idbhiH kR^itaH panthA yena yAnti manIShiNaH . 
te hi prANasya dAtArasteShu dharmaH pratiShThitaH .. 16..\\
yathA vedAH svadhItAshcha yathA chendriyasa.nyamaH . 
sarvatyAgo yathA cheha tathA dAnamanuttamam .. 17..\\
tva.n hi tAta sukhAdeva sukhameShyasi shobhanam . 
sukhAtsukhatara prAptimApnute matimAnnaraH .. 18..\\
tannaH pratyakShamevedamupalabdhamasaMshayam . 
shrImantamApnuvantyarthA dAna.n yaGYastathA sukham .. 19..\\
sukhAdeva para.n duHkhaM duHkhAdanyatpara.n sukham . 
dR^ishyate hi mahAprAGYa niyata.n vai svabhAvataH .. 20..\\
trividhAnIha vR^ittAni narasyAhurmanIShiNaH . 
puNyamanyatpApamanyanna puNyaM na cha pApakam .. 21..\\
na vR^ittaM manyate.anyasya manyate.anyasya pApakam . 
tathA svakarma nirvR^ittaM na puNyaM na cha pApakam .. 22..\\
ramasvaidhasva modasya dehi chaiva yajasva cha . 
na tvAmabhibhaviShyanti vaidyA na cha tapasvinaH .. 23..\\
\medskip\hrule\medskip\centerline{\Largedvng 122}
 bh

evamuktaH pratyuvAcha maitreyaH karma pUjakaH . 
atyanta.n shrImati kule jAtaH prAGYo bahushrutaH .. 1..\\
asaMshayaM maha prAGYa yathaivAttha tathaiva tat . 
anuGYAtastu bhavatA ki.n chidbrUyAmaha.n vibho .. 2..\\

 v

yadyadichchhasi maitreya yAvadyAvadyathAtathA . 
brUhi tAvanmahAprAGYa shushrUShe vachana.n tava .. 3..\\

 m

nirdoShaM nirmala.n chaiva vachanaM dAnasa.nhitam . 
vidyA tapobhyA.n hi bhavAnbhAvitAtmA na saMshayaH .. 4..\\
bhavato bhAvitAtmatvAddAyo.aya.n sumahAnmama . 
bhUyo buddhyAnupashyAmi susamR^iddhatapA iva .. 5..\\
api me darshanAdeva bhavato.abhyudayo mahAn . 
manye bhavatprasAdo.aya.n taddhi karma svabhAvataH .. 6..\\
tapaH shruta.n cha yonishchApyetadbrAhmaNya kAraNam . 
tribhirguNaiH samuditastato bhavati vai dvijaH .. 7..\\
tasmi.nstR^ipte cha tR^ipyante pitaro daivatAni cha . 
na hi shrutavatA.n kiM chidadhikaM brAhmaNAdR^ite .. 8..\\
yathA hi sukR^ite kShetre phala.n vindati mAnavaH . 
eva.n dattvA shrutavati phalaM dAtA samashnute .. 9..\\
brAhmaNashchenna vidyeta shrutavR^ittopasa.nhitaH . 
pratigrahItA dAnasya mogha.n syAddhaninA.n dhanam .. 10..\\
adanhyavidvAnhantyannamadyamAna.n cha hanti tam . 
ta.n cha hanyati yasyAnna.n sa hatvA hanyate.abudhaH .. 11..\\
prabhurhyannamadanvidvAnpunarjanayatIshvaraH . 
sa chAnnAjjAyate tasmAtsUkShma eva vyatikramaH .. 12..\\
yadeva dadataH puNya.n tadeva pratigR^ihNataH . 
na hyekachakra.n varteta ityevamR^iShayo viduH .. 13..\\
yatra vai brAhmaNAH santi shrutavR^ittopasa.nhitAH . 
tatra dAnaphalaM puNyamiha chAmutra chAshnute .. 14..\\
ye yonishuddhAH satata.n tapasyabhiratA bhR^isham . 
dAnAdhyayanasampannAste vai pUjyatamAH sadA .. 15..\\
tairhi sadbhiH kR^itaH panthAshchetayAno na muhyate . 
te hi svargasya netAro yaGYavAhAH sanAtanAH .. 16..\\
\medskip\hrule\medskip\centerline{\Largedvng 123}
 bh

evamuktaH sa bhagavAnmaitreyaM pratyabhAShata . 
diShTyaiva.n tva.n vijAnAsi diShTyA te buddhirIdR^ishI . 
loko hyaya.n guNAneva bhUyiShTha.n sma prasha.nsati .. 1..\\
rUpamAnavayo mAnashrI mAnAshchApyasaMshayam . 
diShTyA nAbhibhavanti tvA.n daivaste.ayamanugrahaH . 
yatte bhR^ishatara.n dAnAdvartayiShyAmi tachchhR^iNu .. 2..\\
yAnIhAgama shAstrANi yAshcha kAshchitpravR^ittayaH . 
tAni vedaM puraskR^itya pravR^ittAni yathAkramam .. 3..\\
aha.n dAnaM prasha.nsAmi bhavAnapi tapaH shrute . 
tapaH pavitra.n vedasya tapaH svargasya sAdhanam .. 4..\\
tapasA mahadApnoti vidyayA cheti naH shrutam . 
tapasaiva chApanudedyachchAnyadapi duShkR^itam .. 5..\\
yadyaddhi ki.n chitsandhAya puruShastapyate tapaH . 
sarvametadavApnoti brAhmaNo vedapAragaH .. 6..\\
duranvaya.n duShpradhR^iShyaM durApaM duratikramam . 
sarva.n vai tapasAbhyeti tapohi balavattaram .. 7..\\
surApo.asaMmatAdAyI bhrUNahA gurutalpagaH . 
tapasA tarate sarvamenasash cha pramuchyate .. 8..\\
sarvavidyastu chakShuShmAnapi yAdR^isha tAdR^ishaH . 
tapasvinau cha tAvAhustAbhyA.n kArya.n sadA namaH .. 9..\\
sarve pUjyAH shrutadhanAstathaiva cha tapasvinaH . 
dAnapradAH sukhampretya prApnuvantIha cha shriyam .. 10..\\
ima.n cha brahmalokaM cha lokaM cha balavattaram . 
annadAnaiH sukR^itinaH pratipadyanti laukikAH .. 11..\\
pUjitAH pUjayantyetAnmAnitA mAnayanti cha . 
adAtA yatra yatraiti sarvataH sampraNudyate .. 12..\\
akartA chaiva kartA cha labhate yasya yAdR^isham . 
yadyevordhva.n yadyavAkcha tvaM lokamabhiyAsyasi .. 13..\\
prApsyase tvannapAnAni yAni dAsyasi kAni chit . 
medhAvyasi kule jAtaH shrutavAnanR^isha.nsavAn .. 14..\\
kaumAra dAravratavAnmaitreya nirato bhava . 
etadgR^ihANa prathamaM prashasta.n gR^ihamedhinAm .. 15..\\
yo bhartA vAsitAtuShTo bhartustuShTA cha vAsitA . 
yasminneva.n kule sarvaM kalyANaM tatra vartate .. 16..\\
adbhirgAtrAnmalamiva tamo.agniprabhayA yathA . 
dAnena tapasA chaiva sarvapApamapohyate .. 17..\\
svasti prApnuhi maitreya gR^ihAnsAdhu vrajAmyaham . 
etanmanasi kartavya.n shreya evaM bhaviShyati .. 18..\\
taM praNamyAtha maitreyaH kR^itvA chAbhipradakShiNam . 
svasti prApnotu bhagavAnityuvAcha kR^itA~njaliH .. 19..\\
\medskip\hrule\medskip\centerline{\Largedvng 124}
 y

satstrINA.n samudAchAraM sava dharmabhR^itAM vara . 
shrotumichchhAmyaha.n tvattastaM me brUhi pitAmaha .. 1..\\

 bh

sarvaGYA.n sarvadharmaGYA.n devaloke manasvinIm . 
kaikeyI sumanA nAma shANDilIM paryapR^ichchhata .. 2..\\
kena vR^ittena kalyANi samAchAreNa kena vA . 
vidhUya sarvapApAni devaloka.n tvamAgatA .. 3..\\
hutAshanashikheva tva.n jvalamAnA svatejasA . 
sutA tArAdhipasyeva prabhayA divamAgatA .. 4..\\
arajA.nsi cha vastrANi dhArayantI gataklamA . 
vimAnasthA shubhe bhAsi sahasraguNamojasA .. 5..\\
na tvamalpena tapasA dAnena niyamena vA . 
ima.n lokamanuprAptA tasmAttattvaM vadasva me .. 6..\\
iti pR^iShTA sumanayA madhura.n chAruhAsinI . 
shANDilI nibhR^ita.n vAkyaM sumanAmidamabravIt .. 7..\\
nAha.n kAShAyavasanA nApi valkaladhAriNI . 
na cha muNDA na jaTilA bhUtvA devatvamAgatA .. 8..\\
ahitAni cha vAkyAni sarvANi paruShANi cha . 
apramattA cha bhartAra.n kadA chinnAhamabruvam .. 9..\\
devatAnAM pitR^INA.n cha brAhmaNAnAM cha pUjane . 
apramattA sadA yuktA shvashrU shvashura vartinI .. 10..\\
paishunye na pravartAmi na mamaitanmanogatam . 
advAre na cha tiShThAmi chiraM na kathayAmi cha .. 11..\\
asadvA hasita.n kiM chidahita.n vApi karmaNA . 
rahasyamarahasya.n vA na pravartAmi sarvathA .. 12..\\
kAryArthe nirgata.n chApi bhartAraM gR^ihamAgatam . 
Asanenopasa.nyojya pUjayAmi samAhitA .. 13..\\
yadyachcha nAbhijAnAti yadbhojyaM nAbhinandati . 
bhakShya.n vApyatha vA lehya.n tatsarvaM varjayAm aham .. 14..\\
kuTumbArthe samAnIta.n yatki.n chitkAryameva tu . 
prAtarutthAya tatsarva.n kArayAmi karomi cha .. 15..\\
pravAsa.n yadi me bhartA yAti kAryeNa kena chit . 
ma~NgalairbahubhiryuktA bhavAmi niyatA sadA .. 16..\\
a~njana.n rochanA.n chaiva snAnaM mAlyAnulepanam . 
prasAdhana.n cha niShkrAnte nAbhinandAmi bhartari .. 17..\\
notthApayAmi bhartAra.n sukhasuptamahaM sadA . 
AtureShvapi kAryeShu tena tuShyati me manaH .. 18..\\
nAyAsayAmi bhartAra.n kuTumbArthe cha sarvadA . 
guptaguhyA sadA chAsmi susaMmR^iShTaniveshanA .. 19..\\
ima.n dharmapathaM nArI pAlayantI samAhitA . 
arundhatIva nArINA.n svargaloke mahIyate .. 20..\\

 bh

etadAkhyAya sA devI sumanAyai tapasvinI . 
patidharmaM mahAbhAgA jagAmAdarshana.n tadA .. 21..\\
yashchedaM pANDavAkhyAnaM paThetparvaNi parvaNi . 
sa devaloka.n samprApya nandane susukhaM vaset .. 22..\\
\medskip\hrule\medskip\centerline{\Largedvng 125}
 y

sAmnA vApi pradAne vA jyAyaH kiM bhavato matam . 
prabrUhi bharatashreShTha yadatra vyatirichyate .. 1..\\

 bh

sAmnA prasAdyate kashchiddAnena cha tathAparaH . 
puruShaH prakR^iti.n GYAtvA tayorekataraM bhajet .. 2..\\
guNA.nstu shR^iNu me rAjansAntvasya bharatarShabha . 
dAruNAnyapi bhUtAni sAntvenArAdhayedyathA .. 3..\\
atrApyudAharantImamitihAsaM purAtanam . 
gR^ihItvA rakShasA mukto dvijAtiH kAnane yathA .. 4..\\
kashchittu buddhisampanno brAhmaNo vijane vane . 
gR^ihItaH kR^ichchhramApanno rakShasA bhakShayiShyatA .. 5..\\
sa buddhishruta sampannasta.n dR^iShTvAtIva bhIShaNam . 
sAmaivAsminprayuyuje na mumoha na vivyathe .. 6..\\
rakShastu vAchA sampUjya prashnaM paprachchha ta.n dvijam . 
mokShyase brUhi me prashna.n kenAsmi hariNaH kR^ishaH .. 7..\\
muhUrtamatha sa~ncintya brAhmaNastasya rakShasaH . 
AbhirgAthAbhiravyagraH prashnaM pratijagAda ha .. 8..\\
videshastho vilokastho vinA nUna.n suhR^ijjanaiH . 
viShayAnatulAnbhu~NkShe tenAsi hariNaH kR^ishaH .. 9..\\
nUnaM mitrANi te rakShaH sAdhUpacharitAnyapi . 
svadoShAdaparajyante tenAsi hariNaH kR^ishaH .. 10..\\
dhanaishvaryAdhikAH stabdhAstvadguNaiH paramAvarAH . 
avajAnanti nUna.n tvAM tenAsi hariNaH kR^ishaH .. 11..\\
guNavAnviguNAnanyAnnUnaM pashyasi satkR^itAn . 
prAGYo.aprAGYAnvinItAtmA tenAsi hariNaH kR^ishaH .. 12..\\
avR^ittyA klishyamAno.api vR^ittyupAyAnviharhayan . 
mAhAtmyAdvyathase nUna.n tenAsi hariNaH kR^ishaH .. 13..\\
sampIDyAtmAnamAryatvAttvayA kashchidupaskR^itaH . 
jita.n tvAM manyate sAdho tenAsi hariNaH kR^ishaH .. 14..\\
klishyamAnAnvimArgeShu kAmakrodhAvR^itAtmanaH . 
manye nu dhyAyasi janA.nstenAsi hariNaH kR^ishaH .. 15..\\
prAGYaiH sambhAvito nUnaM na prAGYairupasa.nhitaH . 
hrImAnamarShI durvR^ittaistenAsi hariNaH kR^ishaH .. 16..\\
nUnaM mitra mukhaH shatruH kashchidAryavadAcharan . 
va~nchayitvA gatastvA.n vai tenAsi hariNaH kR^ishaH .. 17..\\
prakAshArtha gatirnUna.n rahasyakushalaH kR^itI . 
tajGYairna pUjyase nUna.n tenAsi hariNaH kR^ishaH .. 18..\\
asatsvabhiniviShTeShu bruvato muktasaMshayam . 
guNAste na virAjante tenAsi hariNaH kR^ishaH .. 19..\\
dhanabuddhishrutairhInaH kevala.n tenasAnvitaH . 
mahatprArthayase nUna.n tenAsi hariNaH kR^ishaH .. 20..\\
tapaH praNihitAtmAnaM manye tvAraNya kA~NkShiNam . 
bandhuvargo na gR^ihNAti tenAsi hariNaH kR^ishaH .. 21..\\
nUnamarthavatAM madhye tava vAkyamanuttamam . 
na bhAti kAle.abhihita.n tenAsi hariNaH kR^ishaH .. 22..\\
dR^iDhapUrvashrutaM mUrkha.n kupita.n hR^idayapriyam . 
anunetuM na shaknoShi tenAsi hariNaH kR^ishaH .. 23..\\
nUnamAsa~njayitvA te kR^itye kasmiMshchidIpsite . 
kashchidarthayate.atyartha.n tenAsi hariNaH kR^ishaH .. 24..\\
nUna.n tvA svaguNApekShaM pUjayAna.n suhR^iddhruvam . 
mayArtha iti jAnAti tenAsi hariNaH kR^ishaH .. 25..\\
antargatamabhiprAyaM na nUna.n lajjayechchhasi . 
vivaktuM prApti shaithilyAttenAsi hariNaH kR^ishaH .. 26..\\
nAnA buddhiruchI.Nlloke manuShyAnnUnamichchhasi . 
grahItu.n svaguNaiH sarvA.nstenAsi hariNaH kR^ishaH .. 27..\\
avidvAnbhIruralpArtho vidyA vikramadAnajam . 
yashaH prArthayase nUna.n tenAsi hariNaH kR^ishaH .. 28..\\
chirAbhilaShita.n kiM chitphalamaprAptameva te . 
kR^itamanyairapahR^ita.n tenAsi hariNaH kR^ishaH .. 29..\\
nUnamAtmakR^ita.n doShamapashyankiM chidAtmani . 
akAraNe.abhishasto.asi tenAsi hariNaH kR^ishaH .. 30..\\
suhR^idAmapramattAnAmapramokShyArtha hAnijam . 
duHkhamarthaguNairhIna.n tenAsi hariNaH kR^ishaH .. 31..\\
sAdhUngR^ihasthAndR^iShTvA cha tathAsAdhUnvanecharAn . 
muktAMshchAvasathe saktA.nstenAsi hariNaH kR^ishaH .. 32..\\
dharmyamartha.n cha kAle cha deshe chAbhihita.n vachaH . 
na pratiShThati te nUna.n tenAsi hariNaH kR^ishaH .. 33..\\
dattAnakushalairarthAnmanIShI sa~njijIviShuH . 
prApya vartayase nUna.n tenAsi hariNaH kR^ishaH .. 34..\\
pApAnvivardhato deShTvA kalyANAMshchAvasIdataH . 
dhruvaM mR^igayase yogya.n tenAsi hariNaH kR^ishaH .. 35..\\
parasparaviruddhAnAM priyaM nUna.n chikIrShasi . 
suhR^idAmavirodhena tenAsi hariNaH kR^ishaH .. 36..\\
shrotriyAMshcha vikarmasthAnprAGYAMshchApyajitendriyAn . 
manye.anudhyAyasi janA.nstenAsi hariNaH kR^ishaH .. 37..\\
eva.n sampUjitaM rakShovipra.n taM pratyapUjayat . 
sakhAyamakarochchaina.n sa.nyojyArthairmumocha ha .. 38..\\
\medskip\hrule\medskip\centerline{\Largedvng 126}
 y

pitAmaha mahAprAGYa sarvashAstravishArada . 
AgamairbahubhiH sphIto bhavAnnaH prathitaH kule .. 1..\\
tvatto dharmArthasa.nyuktamAyatyA.n cha sukhodayam . 
AshcharyabhUta.n lokasya shrotumichchhAmyarindama .. 2..\\
aya.n cha kAlaH samprApto durlabha GYAtibAndhavaH . 
shAstA cha na hi naH kashchittvAmR^ite bharatarShabha .. 3..\\
yadi te.ahamanugrAhyo bhrAtR^ibhiH sahito.anagha . 
vaktumarhasi naH prashna.n yattvAM pR^ichchhAmi pArthiva .. 4..\\
ayaM nArAyaNaH shrImAnsarvapArthivasaMmataH . 
bhavantaM bahumAnena prashrayeNa cha sevate .. 5..\\
asya chaiva samakSha.n tvaM parthivAnAM cha sarvashaH . 
bhrAtR^INA.n cha priyArthaM me snehAdbhAShitumarhasi .. 6..\\

 v

tasya tadvachana.n shrutvA snehAdAgatasambhramaH . 
bhIShmo bhAgIrathI putra ida.n vachanamabravIt .. 7..\\
hanta te kathayiShyAmi kathAmatimano ramAm . 
asya viShNoH purA rAjanprabhAvo.ayaM mayA shrutaH .. 8..\\
yashcha govR^iShabhA~Nkasya prabhAvasta.n cha me shR^iNu . 
rudrANyAH saMshayo yashcha dampatyosta.n cha me shR^iNu .. 9..\\
vrata.n chachAra dharmAtmA kR^iShNo dvAdasha vArShikam . 
dIkShita.n chAgatau draShTumubhau nArada parvatau .. 10..\\
kR^iShNadvaipAyanashchaiva dhaumyashcha japatA.n varaH . 
devalaH kAshyapashchaiva hastikAshyapa eva cha .. 11..\\
apare R^iShayaH santo dIkShA damasamanvitAH . 
shiShyairanugatAH sarve devakalpaistapodhanaiH .. 12..\\
teShAmatithisatkAramarchanIya.n kulochitam . 
devakI tanayaH prIto devakalpamakalpayat .. 13..\\
hariteShu suvarNeShu barhiShkeShu naveShu cha . 
upopavivishuH prItA viShTareShu maharShayaH .. 14..\\
kathAshchakrustataste tu madhurA dharmasa.nhitAH . 
rAjarShINA.n surANA.n cha ye vasanti tapodhanAH .. 15..\\
tato nArAyaNa.n tejo vratacharyendhanotthitam . 
vaktrAnniHsR^itya kR^iShNasya vahniradbhutakarmaNaH .. 16..\\
so.agnirdadAha ta.n shailaM sa drumaM sa latA kShupam . 
sa pakShimR^igasa~NghAta.n sa shvApadasarIsR^ipam .. 17..\\
mR^igaishcha vividhAkArairhAhAbhUtamachetanam . 
shikhara.n tasya shailasya mathitaM dIptadarshanam .. 18..\\
sa tu vahnirmahAjvAlo dagdhvA sarvamasheShataH . 
viShNoH samIpamAgamya pAdau shiShyavadaspR^ishat .. 19..\\
tato viShNurvana.n deShTvA nirdagdhamarikarshanaH . 
saumyairdR^iShTinipAtaistatpunaH prakR^itimAnayat .. 20..\\
tathaiva sa girirbhUyaH prapuShpitalatA drumaH . 
sa pakShigaNasa~NghuShTaH sa shvApadasarIsR^ipaH .. 21..\\
tadadbhutamachintya.n cha dR^iShTvA munigaNastadA . 
vismito hR^iShTalomA cha babhUvAsrAvilekShaNaH .. 22..\\
tato nArAyaNo dR^iShTvA tAnR^iShInvismayAnvitAn . 
prashritaM madhura.n snigdhaM paprachchha vadatAM varaH .. 23..\\
kimasya R^iShipUgasya tyaktasa~Ngasya nityashaH . 
nirmamasyAgamavato vismayaH samupAgataH .. 24..\\
etame.n saMshayaM sarvaM yAthAtathyamaninditAH . 
R^iShayo vaktumarhanti nishchitArtha.n tapodhanAH .. 25..\\

 rsayah

bhavAnvisR^ijate lokAnbhavAnsa.nharate punaH . 
bhavA~nshItaM bhavAnuShNaM bhavAneva pravarShati .. 26..\\
pR^ithivyA.n yAni bhUtAni sthAvarANi charANi cha . 
teShAM pitA tvaM mAtA cha prabhuH prabhava eva cha .. 27..\\
etanno vismayakaraM prasha.nsa madhusUdana . 
tvamevArhasi kalyANa vaktu.n vahnervinirgamam .. 28..\\
tato vigatasantrAsA vayamapyarikarshana . 
yachchhruta.n yachcha dR^iShTaM nastatpravakShyAmahe hare .. 29..\\

 vaasudeva

etattadvaiShNava.n tejo mama vaktrAdviniHsR^itam . 
kR^iShNa vartmA yugAntAbho yenAyaM mathito giriH .. 30..\\
R^iShayashchArtimApannA jitakrodhA jitendriyAH . 
bhavanto vyathitAshchAsandevakalpAstapodhanAH .. 31..\\
vratacharyA parItasya tapasvivratasevayA . 
mama vahniH samudbhUto na vai vyathitumarhatha .. 32..\\
vrata.n chartumihAyAtastvahaM girimima.n shubham . 
putra.n chAtmasama.n vIrye tapasA sraShTumAgataH .. 33..\\
tato mamAtmA yo dehe so.agnirbhUtvA viniHsR^itaH . 
gatashcha varada.n draShTu.n sarvalokapitAmaham .. 34..\\
tena chAtmAnushiShTo me putratve munisattamAH . 
tejaso.ardhena putraste bhaviteti vR^iShadhvajaH .. 35..\\
so.ayamahnirupAgamya pAdamUle mamAntikam . 
shiShyavatparicharyAtha shAntaH prakR^itimAgataH .. 36..\\
etadasya rahasya.n vaH padmanAbhasya dhImataH . 
mayA premNA samAkhyAtaM na bhIH kAryA tapodhanAH .. 37..\\
sarvatragatiravyagrA bhavatA.n dIrghadarshanAH . 
tapasvivratasandIptA GYAnaviGYAnashobhitAH .. 38..\\
yachchhruta.n yachcha vo dR^iShTa.n divi vA yadi vA bhuvi . 
AshcharyaM parama.n kiM chittadbhavanto bruvantu me .. 39..\\
tasyAmR^ita nikAshasya vAnmadhorasti me spR^ihA . 
bhavadbhi kathitasyeha tapovananivAsibhiH .. 40..\\
yadyapyahamadR^iShTa.n vA divyamadbhutadarshanam . 
divi vA bhuvi vA ki.n chitpashyAmyamaladarshanAH .. 41..\\
prakR^itiH sA mama parA na kva chitpratihanyate . 
na chAtmagatamaishvaryamAshcharyaM pratibhAti me .. 42..\\
shraddheyaH kathito hyarthaH sajjana shravaNa.n gataH . 
chira.n tiShThati medinyA.n shaile lekhyamivArpitam .. 43..\\
tadaha.n sajjana mukhAnniHsR^ita.n tatsamAgame . 
kathayiShyAmyaharaharbuddhidIpa karaM nR^iNAm .. 44..\\
tato munigaNAH sarve prashritAH kR^iShNa saMnidhau . 
netraiH padmadala prakhyairapashyanta janArdanam .. 45..\\
vardhayantastathaivAnye pUjayantastathApare . 
vAgbhirR^igbhAShitArthAbhiH stuvanto madhusUdanam .. 46..\\
tato munigaNAH sarve nArada.n deva darshanam . 
tadA niyojayAmAsurvachane vAkyakovidam .. 47..\\
yadAshcharyamachintya.n cha girau himavati prabho . 
anubhUtaM munigaNaistIrthayAtrA parAyaNaiH .. 48..\\
tadbhavAnR^iShisa~Nghasya hitArtha.n sarvachoditaH . 
yathAdR^iShTa.n hR^iShIkeshe sarvamAkhyAtumarhati .. 49..\\
evamuktaH sa munibhirnArado bhagavAnR^iShiH . 
kathayAmAsa devarShiH pUrvavR^ittA.n kathA.n shubhAm .. 50..\\
\medskip\hrule\medskip\centerline{\Largedvng 127}
 bh

tato nArAyaNa suhR^innArado bhagavAnR^iShiH . 
sha~NkarasyomayA sArdha.n sa.nvAdaM pratyabhAShata .. 1..\\
tapashchachAra dharmAtmA vR^iShabhA~NkaH sureshvaraH . 
puNye girau himavati siddhachAraNasevite .. 2..\\
nAnauShadhi yute ramye nAnApuShpasamAkule . 
apsarogaNasa~NkIrNe bhUtasa~Ngha niShevite .. 3..\\
tatra devo mudA yukto bhUtasa~Ngha shatairvR^itaH . 
nAnArUpairvirUpaishcha divyairadbhutadarshanaiH .. 4..\\
si.nhavyAghra gajaprakhyaiH sarvajAtisamanvitaiH . 
kroShTuka dvIpivadanairR^ikSharShabha mukhaistathA .. 5..\\
ulUka vadanairbhImaiH shyenabhAsamukhaistathA . 
nAnAvarNamR^igaprakhyaiH sarvajAtisamanvayaiH . 
kiMnarairdevagandharvairyakShabhUtagaNaistathA .. 6..\\
divyapuShpasamAkIrNa.n divyamAlA vibhUShitam . 
divyachandana sa.nyukta.n divyadhUpena dhUpitam . 
tatsado vR^iShabhA~Nkasya divyavAditra nAditam .. 7..\\
mR^ida~NgapaNavodghuShTa.n sha~NkhabherI ninAditam . 
nR^ityadbhirbhUtasa~Nghaishcha barhiNaishcha samantataH .. 8..\\
pranR^ittApsarasa.n divyaM divyastrI gaNasevitam . 
dR^iShTikAntamanirdeshya.n divyamadbhutadarshanam .. 9..\\
sa giristapasA tasya bhUteshasya vyarochata .. 10..\\
svAdhyAyaparamairviprairbrahmaghoShairvinAditaH . 
ShaTpadairupagItaishcha mAdhavA pratimo giriH .. 11..\\
taM mahotsava sa~NkAshaM bhImarUpadharaM punaH . 
dR^iShTvA munigaNasyAsItparA prItirjanArdana .. 12..\\
munayashcha mahAbhAgAH siddhAshchaivordhva retasaH . 
maruto vasavaH sAdhyA vishve devAH sanAtanAH .. 13..\\
yakShA nAgAH pishAchAshcha lokapAlA hutAshanAH . 
bhAvAshcha sarve nyagbhUtAstatraivAsansamAgatAH .. 14..\\
R^itavaH sarvapuShpaishcha vyakiranta mahAdbhutaiH . 
oShadhyo jvalamAnAsh cha dyotayanti sma tadvanam .. 15..\\
vihagAshcha mudA yuktAH prAnR^ityanvyanadaMsh cha ha . 
giripR^iShTheShu ramyeShu vyAharanto janapriyAH .. 16..\\
tatra devo giritaTe divyadhAtuvibhUShite . 
parya~Nka iva vibhrAjannupaviShTo mahAmanAH .. 17..\\
vyAghracharmAmbara dharaH si.nhacharmottarachchhadaH . 
vyAlayaGYopavItI cha lohitA~Ngada bhUShaNaH .. 18..\\
harishmashrurjaTI bhImo bhayakartA suradviShAm . 
abhayaH sarvabhUtAnAM bhaktAnA.n vR^iShabhadhvajaH .. 19..\\
dR^iShTvA tamR^iShayaH sarve shirobhiravanI.n gataH . 
vimuktAH sarvapApebhyaH kShAntA vigatakalmaShAH .. 20..\\
tasya bhUtapateH sthAnaM bhImarUpadharaM babhau . 
apradhR^iShyatara.n chaiva mahoragasamAkulam .. 21..\\
kShaNenaivAbhavatsarvamadbhutaM madhusUdana . 
tatsado vR^iShabhA~Nkasya bhImarUpadharaM babhau .. 22..\\
tamabhyayAchchhailasutA bhUtastrI gaNasa.nvR^itA . 
hara tulyAmbara dharA samAnavratachAriNI .. 23..\\
bibhratI kalasha.n raukmaM sarvatIrthajalodbhavam . 
girisravAbhiH puNyAbhiH sarvato.anugatA shubhA .. 24..\\
puShpavR^iShTyAbhivarShantI gandhairbahuvidhaistathA . 
sevantI himavatpArshva.n hara pArshvamupAgamat .. 25..\\
tataH smayantI pANibhyAM narmArtha.n chArudarshanA . 
hara netre shubhe devI sahasA sA samAvR^iNot .. 26..\\
sa.nvR^itAbhyA.n tu netrAbhyAM tamo bhUtamachetanam . 
nirhomaM nirvaShaTkAra.n tatsadaH sahasAbhavat .. 27..\\
janashcha vimanAH sarvo bhayatrAsa samanvitaH . 
nimIlite bhUtapatau naShTasUrya ivAbhavat .. 28..\\
tato vitimiro lokaH kShaNena samapadyata . 
jvAlA cha mahatI dIptA lalATAttasya niHsR^itA .. 29..\\
tR^itIya.n chAsya sambhUtaM netramAdityasaMnibham . 
yugAntasadR^isha.n dIpta.n yenAsau mathito giriH .. 30..\\
tato girisutA dR^iShTvA dIptAgnisadR^ishekShaNam . 
haraM praNamya shirasA dadarshAyatalochanA .. 31..\\
dahyamAne vane tasminsa shAlasarala drume . 
sa chandanavane ramye divyauShadhividIpite .. 32..\\
mR^igayUthairdrutairbhItairhara pArshvamupAgataiH . 
sharaNa.n chApyavindadbhistatsadaH sa~NkulaM babhau .. 33..\\
tato nabhaHspR^isha jvAlo vidyullokArchirujjvalaH . 
dvAdashAditya sadR^isho yugAntAgnirivAparaH .. 34..\\
kShaNena tena dagdhaH sa himavAnabhavannagaH . 
sa dhAtushikharAbhogo dInadagdhavanauShadhiH .. 35..\\
ta.n dR^iShTvA mathita.n shailaM shailarAjasutA tataH . 
bhagavantaM prapannA sA sA~njali pragrahA sthitA .. 36..\\
umA.n sharvastadA dR^iShTvA strIbhAvAgata mArdavAm . 
piturdainyamanichchhantIM prItyApashyattato girim .. 37..\\
tato.abhavatpunaH sarvaH prakR^itisthaH sudarshanaH . 
prahR^iShTavihagashchaiva prapuShpitavanadrumaH .. 38..\\
prakR^itistha.n giriM dR^iShTvA prItA devI maheshvaram . 
uvAcha sarvabhUtAnAM patiM patimaninditA .. 39..\\
bhagavansarvabhUtesha shUlapANe mahAvrata . 
saMshayo me mahA~njAtastaM me vyAkhyAtumarhasi .. 40..\\
kimartha.n te lalATe vai tR^itIyaM netramutthitam . 
kimartha.n cha girirdagdhaH sa pakShigaNakAnanaH .. 41..\\
kimartha.n cha punardeva prakR^itisthaH kShaNAtkR^itaH . 
tathaiva drumasa~nchannaH kR^ito.aya.n te maheshvara .. 42..\\

 mahezvara

netre me sa.nvR^ite devi tvayA bAlyAdanindite . 
naShTAlokastato lokaH kShaNena samapadyata .. 43..\\
naShTAditye tathA loke tamo bhUte nagAtmaje . 
tR^itIya.n lochana.n dIptaM sR^iShTaM te rakShatA prajA .. 44..\\
tasya chAkShNo mahattejo yenAyaM mathito giriH . 
tvatpriyArtha.n cha me devi prakR^itisthaH kShaNAtkR^itaH .. 45..\\

 umaa

bhagavankena te vaktra.n chandravatpriyadarshanam . 
pUrva.n tathaiva shrIkAntamuttaraM pashchimaM tathA .. 46..\\
dakShiNa.n cha mukha.n raudraM kenordhvaM kapilA jaTAH . 
kena kaNThashcha te nIlo barhi barha nibhaH kR^itaH .. 47..\\
haste chaitatpinAka.n te satataM kena tiShThati . 
jaTilo brahma chArI cha kimarthamasi nityadA .. 48..\\
etaM me saMshaya.n sarvaM vada bhUtapate.anagha . 
sa dharmachAriNI chAhaM bhaktA cheti vR^iShadhvaja .. 49..\\
evamuktaH sa bhagavA~nshailaputryA pinAka dhR^ik . 
tasyA vR^ittyA cha buddhyA cha prItimAnabhavatprabhuH .. 50..\\
tatastAmabravIddevaH subhage shrUyatAm iti . 
hetubhiryairmamaitAni rUpANi ruchirAnane .. 51..\\
\medskip\hrule\medskip\centerline{\Largedvng 128}
 mahezvara

tilottamA nAma purA brahmaNA yoShiduttamA . 
tila.n tila.n samuddhR^itya ratnAnAM nirmitA shubhA .. 1..\\
sAbhyagachchhata mA.n devi rUpeNApratimA bhuvi . 
pradakShiNa.n lobhayantI mAM shubhe ruchirAnanA .. 2..\\
yato yataH sA sudatI mAmupAdhAvadantike . 
tatastato mukha.n chAru mama devi vinirgatam .. 3..\\
tA.n dedR^ikShuraha.n yogAchchaturmUrtitvamAgataH . 
chaturmukhashcha sa.nvR^itto darshayanyogamAtmanaH .. 4..\\
pUrveNa vadanenAhamindratvamanushAsmi ha . 
uttareNa tvayA sArdha.n ramAmyahamanindite .. 5..\\
pashchimaM me mukha.n saumyaM sarvaprANi sukhAvaham . 
dakShiNaM bhImasa~NkAsha.n raudraM sa.nharati prajAH .. 6..\\
jaTilo brahma chArI cha lokAnA.n hitakAmyayA . 
devakAryArtha siddhyarthaM pinAkaM me kare sthitam .. 7..\\
indreNa cha purA vajra.n kShipta.n shrIkA~NkShiNA mama . 
dagdhvA kaNTha.n tu tadyAtaM tena shrIkaNThatA mama .. 8..\\

 umaa

vAhaneShu prabhUteShu shrImatsvanyeShu satsu te . 
katha.n govR^iShabho deva vAhanatvamupAgataH .. 9..\\

 mahezvara

surabhI.n sasR^ije brahmAmR^ita dhenuM payo mucham . 
sA seShTA bahudhA jAtA kSharamANA payo.amR^itam .. 10..\\
tasyA vatsa mukhotsR^iShTaH pheno madgAtramAgataH . 
tato dagdhA mayA gAvo nAnAvarNatvamAgataH .. 11..\\
tato.aha.n lokaguruNA shamaM nIto.arthavedinA . 
vR^iSha.n chemaM dhvajArthaM me dadau vAhanameva cha .. 12..\\

 umaa

nivAsA bahurUpAste vishvarUpaguNAnvitAH . 
tAMshcha santyajya bhagava~nshmashAne ramase katham .. 13..\\
keshAsthi kalile bhIme kapAlaghaTa sa~Nkule . 
gR^idhragomAyukalile chitAgnishatasa~Nkule .. 14..\\
ashuchau mA.nsakalile vasA shoNitakardame . 
vinikIrNAmiSha chaye shivAnAda vinAdite .. 15..\\

 m

medhyAnveShI mahI.n kR^itsnA.n vicharAmi nishAsvaham . 
na cha medhyatara.n kiM chichchhmashAnAdiha vidyate .. 16..\\
tena me sarvavAsAnA.n shmashAne ramate manaH . 
nyagrodhashAkhA sa~nchanne nirbhukta sragvi bhUShite .. 17..\\
tatra chaiva ramante me bhUtasa~NghAH shubhAnane . 
na cha bhUtagaNairdevi vinAha.n vastumutsahe .. 18..\\
eSha vAso hi me medhyaH svargIyash cha mato hi me . 
puNyaH paramakashchaiva medhya kAmairupAsyate .. 19..\\

 umaa

bhagavansarvabhUtesha sarvadharmabhR^itA.n vara . 
pinAka pANe varada saMshayo me mahAnayam .. 20..\\
ayaM munigaNaH sarvastapastapa iti prabho . 
tapo.anveSha karo loke bhramate vividhAkR^itiH .. 21..\\
asya chaivarShisa~Nghasya mama cha priyakAmyayA . 
etaM mameha sandeha.n vaktumarhasyarindama .. 22..\\
dharmaH ki.n lakShaNaH proktaH kathaM vAcharituM naraiH . 
shakyo dharmamavindadbhirdharmaGYa vada me prabho .. 23..\\

 naarada

tato munigaNaH sarvastA.n devIM pratyapUjayat . 
vAgbhirR^igbhUShitArthAbhiH stavaishchArthavidA.n vara .. 24..\\

 m

ahi.nsA satyavachana.n sarvabhUtAnukampanam . 
shamo dAna.n yathAshakti gArhasthyo dharma uttamaH .. 25..\\
paradAreShvasa~Nkalpo nyAsastrI parirakShaNam . 
adattAdAna viramo madhu mA.nsasya varjanam .. 26..\\
eSha pa~ncha vidho dharmo bahushAkhaH sukhodayaH . 
dehibhirdharmaparamaiH kartavyo dharmasa~ncayaH .. 27..\\

 umaa

bhagavansaMshayaM pR^iShTastaM me vyAkhyAtumarhasi . 
chAturvarNyasya yo dharmaH sve sve varNe guNAvahaH .. 28..\\
brAhmaNe kIdR^isho dharmaH kShatriye kIdR^isho bhavet . 
vaishye ki.n lakShaNo dharmaH shUdre kiM lakShaNo bhavet .. 29..\\

 m

nyAyataste mahAbhAge saMshayaH samudIritaH . 
bhUmidevA mahAbhAgAH sadA loke dvijAtayaH .. 30..\\
upavAsaH sadA dharmo brAhmaNasya na saMshayaH . 
sa hi dharmArthamutpanno brahmabhUyAya kalpate .. 31..\\
tasya dharmakriyA devi vratacharyA cha nyAyataH . 
tathopanayana.n chaiva dvijAyaivopapadyate .. 32..\\
guru daivatapUjArtha.n svAdhyAyAbhyasanAtmakaH . 
dehibhirdharmaparamaishchartavyo dharmasambhavaH .. 33..\\

 umaa

bhagavansaMshayo me.atra taM me vyAkhyAtumarhasi . 
chAturvarNyasya dharma.n hi naipuNyena prakIrtaya .. 34..\\

 m

rahasyashravaNa.n dharmo veda vrataniShevaNam . 
vratacharyA paro dharmo guru pAdaprasAdanam .. 35..\\
bhaikSha charyA paro dharmo dharmo nityopavAsitA . 
nityasvAdhyAyitA dharmo brahmacharyAshramastathA .. 36..\\
guruNA tvabhyanuGYAtaH samAvarteta vai dvijaH . 
vindetAnantaraM bhAryAmanurUpA.n yathAvidhi .. 37..\\
shUdrAnna varjana.n dharmastathA satpatha sevanam . 
dharmo nityopavAsitvaM brahmacharya.n tathaiva cha .. 38..\\
AhitAgniradhIyAno juhvAnaH sa.nyatendriyaH . 
vighasAshI yatAhAro gR^ihasthaH satyavAkshuchiH .. 39..\\
atithivratatA dharmo dharmastretAgnidhAraNam . 
iShTIshcha pashubandhAMshcha vidhipUrva.n samAcharet .. 40..\\
yaGYashcha paramo dharmastathAhi.nsA cha dehiShu . 
apUrva bhojana.n dharmo vighasAshitvameva cha .. 41..\\
bhukte parijane pashchAdbhojana.n dharma uchyate . 
brAhmaNasya gR^ihasthasya shrotriyasya visheShataH .. 42..\\
dampatyoH samashIlatva.n dharmashcha gR^ihamedhinAm . 
gR^ihyANA.n chaiva devAnAM nityaM puShpabali kriyA .. 43..\\
nityopalepana.n dharmastathA nityopavAsitA . 
susaMmR^iShTopalipte cha sAjya dhUmodgame gR^ihe .. 44..\\
eSha dvija jane dharmo gArhasthyo lokadhAraNaH . 
dvijAtInA.n satAM nityaM sadaivaiSha pravartate .. 45..\\
yastu kShatragato devi tvayA dharma udIritaH . 
tamaha.n te pravakShyAmi taM me shR^iNu samAhitA .. 46..\\
kShatriyasya smR^ito dharmaH prajApAlanamAditaH . 
nirdiShTa phalabhoktA hi rAjA dharmeNa yujyate .. 47..\\
prajAH pAlayate yo hi dharmeNa manujAdhipaH . 
tasya dharmArjitA lokAH prajApAlanasa~ncitAH .. 48..\\
tatra rAGYaH paro dharmo damaH svAdhyAya eva cha . 
agnihotraparispando dAnAdhyayanameva cha .. 49..\\
bhR^ityAnAM bharaNa.n dharmaH kR^ite karmaNya moghatA .. 50..\\
samyagdaNDe sthitirdharmo dharmo veda kratukriyAH . 
vyavahAra sthitirdharmaH satyavAkyaratistathA .. 51..\\
Artahastaprado rAjA pretya cheha mahIyate . 
gobrAhmaNArthe vikrAntaH sa~NgrAme nidhana.n gataH . 
ashvamedha jitA.NllokAnprApnoti tridivAlaye .. 52..\\
vaishyasya satata.n dharmaH pAshupAlyaM kR^iShistathA . 
agnihotraparispando dAnAdhyayanameva cha .. 53..\\
vANijya.n satpatha sthAnamAtithyaM prashamo damaH . 
viprANA.n svAgata.n tyAgo vaishya dharmaH sanAtanaH .. 54..\\
tilAngandhAnrasAMshchaiva na vikrINIta vai kva chit . 
vaNikpathamupAsIno vaishyaH satpathamAshritaH .. 55..\\
sarvAtithya.n trivargasya yathAshakti yathArhataH . 
shUdra dharmaH paro nitya.n shushrUShA cha dvijAtiShu .. 56..\\
sa shUdraH saMshitatapAH satyasandho jitendriyaH . 
shushrUShannatithiM prApta.n tapaH sa~ncinute mahat .. 57..\\
tyaktahi.nsaH shubhAchAro devatA dvija pUjakaH . 
shUdro dharmaphalairiShTaiH samprayujyeta buddhimAn .. 58..\\
etatte sarvamAkhyAta.n chAturvarNyasya shobhane . 
ekaikasyeha subhage kimanyachchhrotumichchhasi .. 59..\\
\medskip\hrule\medskip\centerline{\Largedvng 129}
 umaa

uktAstvayA pR^ithagdharmAshchAturvarNyahitAH shubhAH . 
sarvavyApI tu yo dharmo bhagava.nstaM bravIhi me .. 1..\\

 m

brAhmaNA lokasAreNa sR^iShTA dhAtrA guNArthinA . 
lokA.nstArayitu.n kR^itsnAnmartyeShu kShitidevatAH .. 2..\\
teShAmimaM pravakShyAmi dharmakarmaphalodayam . 
brAhmaNeShu hi yo dharmaH sa dharmaH paramo mataH .. 3..\\
ime tu lokadharmArtha.n trayaH sR^iShTAH svayambhuvA . 
pR^ithivyAH sarjane nitya.n sR^iShTAstAnapi me shR^iNu .. 4..\\
vedoktaH paramo dharmaH smR^itishAstragato.aparaH . 
shiShTAchIrNaH paraH proktastrayo dharmAH sanAtanAH .. 5..\\
traividyo brAhmaNo vidvAnna chAdhyayana jIvanaH . 
trikarmA triparikrAnto maitra eSha smR^ito dvijaH .. 6..\\
ShaDimAni tu karmANi provAcha bhuvaneshvaraH . 
vR^ittyarthaM brAhmaNAnA.n vai shR^iNu tAni samAhitA .. 7..\\
yajana.n yAjana.n chaiva tathA dAnapratigrahau . 
adhyApanamadhIta.n cha ShaTkarmA dharmabhAgdvijaH .. 8..\\
nityasvAdhyAyatA dharmo dharmo yaGYaH sanAtanaH . 
dAnaM prashasyate chAsya yathAshakti yathAvidhi .. 9..\\
aya.n tu paramo dharmaH pravR^ittaH satsu nityashaH . 
gR^ihasthatA vishuddhAnA.n dharmasya nichayo mahAn .. 10..\\
pa~ncha yaGYavishuddhAtmA satyavAganasUyakaH . 
dAtA brAhmaNa satkartA susaMmR^iShTaniveshanaH .. 11..\\
amAnI cha sadA jihmaH snigdhavANI pradastathA . 
atithyabhyAgata ratiH sheShAnna kR^itabhojanaH .. 12..\\
pAdyamarghya.n yathAnyAyamAsanaM shayana.n tathA . 
dIpaM pratishraya.n chApi yo dadAti sa dhArmikaH .. 13..\\
prAtarutthAya chAchamya bhojanenopamantrya cha . 
satkR^ityAnuvrajedyashcha tasya dharmaH sanAtanaH .. 14..\\
sarvAtithya.n trivargasya yathAshakti divAnisham . 
shUdra dharmaH samAkhyAtastrivarNaparichAraNam .. 15..\\
pravR^itti lakShaNo dharmo gR^ihastheShu vidhIyate . 
tamaha.n kIrtayiShyAmi sarvabhUtahita.n shubham .. 16..\\
dAtavyamasakR^ichchhakyA yaShTavyamasakR^ittathA . 
puShTi karma vidhAna.n cha kartavyaM bhUtimichchhatA .. 17..\\
dharmeNArthaH samAhAryo dharmalabdha.n tridhA dhanam . 
kartavya.n dharmaparamaM mAnavena prayatnataH .. 18..\\
ekenAMshena dharmArthashchartavyo bhUtimichchhatA . 
ekenAMshena kAmArtha ekamaMsha.n vivardhayet .. 19..\\
nivR^itti lakShaNastvanyo dharmo mokSha iti smR^itaH . 
tasya vR^ittiM pravakShyAmi shR^iNu me devi tattvataH .. 20..\\
sarvabhUtadayA dharmo na chaikagrAmavAsitA . 
AshApAshavimokShashcha shasyate mokShakA~NkShiNAm .. 21..\\
na kuNDyAM nodake sa~Ngo na vAsasi na chAsane . 
na tridaNDe na shayane nAgnau na sharaNAlaye .. 22..\\
adhyAtmagatachitto yastanmanAstatparAyaNaH . 
yukto yogaM prati sadA pratisa~NkhyAnameva cha .. 23..\\
vR^ikShamUlashayo nitya.n shUnyAgAra niveshanaH . 
nadIpulinashAyI cha nadItIraratishcha yaH .. 24..\\
vimuktaH sarvasa~NgeShu snehabandhuShu cha dvijaH . 
AtmanyevAtmano bhAva.n samAsajyATati dvijaH .. 25..\\
sthANubhUto nirAhAro mokShadR^iShTena karmaNA . 
parivrajati yo yuktastasya dharmaH sanAtanaH .. 26..\\
na chaikatra chirAsakto na chaikagrAma gocharaH . 
yukto hyaTati nirmukto na chaikapuline shayaH .. 27..\\
eSha mokShavidA.n dharmo vedoktaH satpathaH satAm . 
yo mArgamanuyAtImaM pada.n tasya na vidyate .. 28..\\
chaturvidhA bhikShavaste kuTI chara kR^itodakaH . 
ha.nsaH paramaha.nsashcha yo yaH pashchAtsa uttamaH .. 29..\\
ataH parataraM nAsti nAdharaM na tiro.agrataH . 
aduHkhamasukha.n saumyamajarA maramavyayam .. 30..\\

 umaa

gArhasthyo mokShadharmashcha sajjanAcharitastvayA . 
bhAShito martyalokasya mArgaH shreyaH karo mahAn .. 31..\\
R^iShidharma.n tu dharmaGYa shrotumichchhAmyanuttamam . 
spR^ihA bhavati me nitya.n tapovananivAsiShu .. 32..\\
AjyadhUmodbhabho gandho ruNaddhIva tapovanam . 
ta.n dR^iShTvA me manaH prItaM maheshvara sadA bhavet .. 33..\\
etaM me saMshaya.n deva munidharmakR^ita.n vibho . 
sarvadharmArthatattvaGYa devadeva vadasva me . 
nikhilena mayA pR^iShTaM mahAdeva yathAtatham .. 34..\\

 m

hanta te.ahaM pravakShyAmi munidharmamanuttamam . 
ya.n kR^itvA munayo yAnti siddhi.n svatapasA shubhe .. 35..\\
phenapAnAmR^iShINA.n yo dharmo dharmavidAM sadA . 
taM me shR^iNu mahAbhAge dharmaGYe dharmamAditaH .. 36..\\
u~nchhanti satata.n tasminbrAhmaM phenotkara.n shubham . 
amR^itaM brahmaNA pItaM madhuraM prasR^ita.n divi .. 37..\\
eSha teShA.n vishuddhAnAM phenapAnA.n tapodhane . 
dharmacharyA kR^ito mArgo vAlakhilya gaNe shR^iNu .. 38..\\
vAlakhilyAstapaH siddA munayaH sUryamaNDale . 
u~nchhamu~nchhanti dharmaGYAH shAkunI.n vR^ittimAsthitAH .. 39..\\
mR^iganirmoka vasanAshchIravalkala vAsasaH . 
nirdvandvAH satpathaM prAptA vAlakhilyAstapodhanAH .. 40..\\
a~NguShTha parva mAtrAste sveShva~NgeShu vyavasthitAH . 
tapashcharaNamIhante teShA.n dharmaphalaM mahat .. 41..\\
te suraiH samatA.n yAnti surakAryArtha siddhaye . 
dyotayanto dishaH sarvAstapasA dagdhakilbiShAH .. 42..\\
ye tvanye shuddhamanaso dayA dharmaparAyaNAH . 
santashchakracharAH puNyAH somalokacharAsh cha ye .. 43..\\
pitR^ilokasamIpasthAsta u~nchhanti yathAvidhi . 
samprakShAlAshma kuTTAshchadantolUkhalinastathA .. 44..\\
somapAnA.n cha devAnAmUShmapANAM tathaiva cha . 
u~nchhanti ye samIpasthAH svabhAvaniyatendriyAH .. 45..\\
teShAmagnipariShyandaH pitR^idevArchana.n tathA . 
yaGYAnA.n chApi pa~nchAnA.n yajanaM dharma uchyate .. 46..\\
eSha chakracharairdevi devalokacharairdvijaiH . 
R^iShidharmaH sadA chIrNo yo.anyastamapi me shR^iNu .. 47..\\
sarveShvevarShidharmeShu jeya AtmA jitendriyaH . 
kAmakrodhau tataH pashchAjjetavyAviti me matiH .. 48..\\
agnihotraparispando dharmarAtri samAsanam . 
somayaGYAbhyanuGYAnaM pa~nchamI yaGYadakShiNA .. 49..\\
nitya.n yaGYakriyA dharmaH pitR^idevArchane ratiH . 
sarvAtithya.n cha kartavyamanneno~nchhArjitena vai .. 50..\\
nivR^ittirupabhogasya gorasAnA.n cha vai ratiH . 
sthaNDile shayana.n yogaH shAkaparNaniShevaNam .. 51..\\
phalamUlAshana.n vAyurApaH shaivalabhakShaNam . 
R^iShINAM niyamA hyete yairjayantyajitA.n gatim .. 52..\\
vidhUme nyastamusale vya~NgAre bhuktavajjane . 
atItapAtra sa~ncAre kAle vigatabhaikShake .. 53..\\
atithi.n kA~NkShamANo vai sheShAnna kR^itabhojanaH . 
satyadharmaratiH kShAnto munidharmeNa yujyate .. 54..\\
na stambhI na cha mAnI yo na pramatto na vismitaH . 
mitrAmitra samo maitro yaH sa dharmaviduttamaH .. 55..\\
\medskip\hrule\medskip\centerline{\Largedvng 130}
 umaa

desheShu ramaNIyeShu girINAM nirjhareShu cha . 
sravantInA.n cha ku~njeShu parvatopavaneShu cha .. 1..\\
desheShu cha vichitreShu phalavatsu samAhitAH . 
mUlavatsu cha desheShu vasanti niyatavratAH .. 2..\\
teShAmapi vidhiM puNya.n shrotumichchhAmi sha~Nkara . 
vAnaprastheShu devesha svasharIropajIviShu .. 3..\\

 mahezvara

vAnaprastheShu yo dharmastaM me shR^iNu samAhitA . 
shrutvA chaikamanA devi dharmabuddhiparA bhava .. 4..\\
sa.nsiddhairniyataiH sadbhirvanavAsamupAgataiH . 
vAnaprasthairida.n karma kartavya.n shR^iNu yAdR^isham .. 5..\\
trikAlamabhiShekArthaH pitR^idevArchana.n kriyA . 
agnihotraparispanda iShTi homavidhistathA .. 6..\\
nIvAra grahaNa.n chaiva phalamUlaniShevaNam . 
i~NgudairaNDa tailAnA.n snehArtha.n cha niShevaNam .. 7..\\
yogacharyA kR^itaiH siddhaiH kAmakrodhavivarjanam . 
vIrashayyAmupAsadbhirvIra sthAnopasevibhiH .. 8..\\
yuktairyogavahaiH sadbhirgrIShme pa~nchatapaistathA . 
maNDUkayoganiyatairyathAnyAya niShevibhiH .. 9..\\
vIrAsana gatairnitya.n sthaNDile shayanaistathA . 
shItayogo.agniyogashcha chartavyo dharmabuddhibhiH .. 10..\\
abbhakShairvAyubhakShaishcha shaivAlottara bhojanaiH . 
ashmakuTTaistathA dAntaiH samprakShAlaistathAparaiH .. 11..\\
chIravalkala sa.nvItairmR^igacharma nivAsibhiH . 
kAryA yAtrA yathAkAla.n yathA dharmaM yathAvidhi .. 12..\\
vananityairvanacharairvanapairvanagocharaiH . 
vana.n gurumivAsAdya vastavya.n vanajIvibhiH .. 13..\\
teShA.n homakriyA dharmaH pa~ncha yaGYaniShevaNam . 
nAgapa~nchamayaGYasya vedoktasyAnupAlanam .. 14..\\
aShTamI yaGYaparatA chAturmAsya niShevaNam . 
paurNamAsyA.n tu yo yaGYo nityayaGYastathaiva cha .. 15..\\
vimuktA dArasa.nyogairvimuktAH sarvasa~NkaraiH . 
vimuktAH sarvapApaish cha charanti munayo vane .. 16..\\
srugbhANDa paramA nitya.n tretAgnisharaNAH sadA . 
santaH satpatha nityA ye te yAnti paramA.n gatim .. 17..\\
brahmalokaM mahApuNya.n somaloka.n cha shAshvatam . 
gachchhanti munayaH siddhA R^iShidharmavyapAshrayAt .. 18..\\
eSha dharmo mayA devi vAna prasthAshritAH shubhaH . 
vistareNArtha sampanno yathA sthUlamudAhR^itaH .. 19..\\

 u

bhagavandevadevesha sarvabhUtanamaskR^ita . 
yo dharmo munisa~Nghasya siddhivAdeShu ta.n vada .. 20..\\
siddhivAdeShu sa.nsiddhAstathA vananivAsinaH . 
svairiNo dArasa.nyuktAsteShA.n dharmaH katha.n smR^itaH .. 21..\\

 m

svairiNastApasA devi sarve dAravihAriNaH . 
teShAM mauNDya.n kaShAyashcha vAsarAtrishcha kAraNam .. 22..\\
trikAlamabhiShekashcha hotra.n tvR^iShikR^itaM mahat . 
samAdhiH satpatha sthAna.n yathodita niShevaNam .. 23..\\
ye cha te pUrvakathitA dharmA vananivAsinAm . 
yadi sevanti dharmAstAnApnuvanti tapaHphalam .. 24..\\
ye cha dampati dharmANaH svadAraniyatendriyAH . 
charanti vidhidR^iShTa.n tadR^itukAlAbhigAminaH .. 25..\\
teShAmR^iShikR^ito dharmo dharmiNAm upapadyate . 
na kAmakArAtkAmo.anyaH sa.nsevyo dharmadarshibhiH .. 26..\\
sarvabhUteShu yaH samyagdadAtyabhayadakShiNAm . 
hi.nsA roShavimuktAtmA sa vai dharmeNa yujyate .. 27..\\
sarvabhUtAnukampI yaH sarvabhUtArjava vrataH . 
sarvabhUtAtmabhUtashcha sa vai dharmeNa yujyate .. 28..\\
sarvavedeShu vA snAna.n sarvabhUteShu chArjavam . 
ubhe ete same syAtAmArjava.n vA vishiShyate .. 29..\\
Arjava.n dharma ityAhuradharmo jihma uchyate . 
Arjaveneha sa.nyukto naro dharmeNa yujyate .. 30..\\
Arjavo bhuvane nitya.n vasatyamara saMnidhau . 
tasmAdArjavanityaH syAdya ichchheddharmamAtmanaH .. 31..\\
kShAnto dAnto jitakrodho dharmabhUto.avihi.nsakaH . 
dharme ratamanA nityaM naro dharmeNa yujyate .. 32..\\
vyapetatandro dharmAtmA shakyA satpathamAshritaH . 
chAritraparamo buddho brahmabhUyAya kalpate .. 33..\\

 u

AshramAbhiratA deva tApasA ye tapodhanAH . 
dIptimantaH kayA chaiva charyayAtha bhavanti te .. 34..\\
rAjAno rAjaputrAshcha nirdhanA vA mahAdhanAH . 
karmaNA kena bhagavanprApnuvanti mahAphalam .. 35..\\
nitya.n sthAnamupAgamya divyachandana rUShitAH . 
kena vA karmaNA deva bhavanti vanagocharAH .. 36..\\
etaM me saMshaya.n deva tapashcharyA gata.n shubham . 
sha.nsa sarvamasheSheNa tryakSha tripuranAshana .. 37..\\

 m

upavAsavratairdAntA ahi.nsrAH satyavAdinaH . 
sa.nsiddhAH pretya gandharvaiH saha modantyanAmayAH .. 38..\\
maNDUkayogashayano yathAsthAna.n yathAvidhi . 
dIkShA.n charati dharmAtmA sa nAgaiH saha modate .. 39..\\
shaShpaM mR^igamukhotsR^iShTa.n yo mR^igaiH saha sevate . 
dIkShito vai mudA yuktaH sa gachchhatyamarAvatIm .. 40..\\
shaivAla.n shIrNaparNaM vA tadvrato yo niShevate . 
shItayogavaho nitya.n sa gachchhetparamA.n gatim .. 41..\\
vAyubhakSho.ambubhakSho vA phalamUlAshano.api vA . 
yakSheShvaishvaryamAdhAya modate.apsarasA.n gaNaiH .. 42..\\
agniyogavaho grIShme vidhidR^iShTena karmaNA . 
chIrtvA dvAdasha varShANi rAjA bhavati pArthivaH .. 43..\\
AhAraniyama.n kR^itvA munirdvAdasha vArShikam . 
maru.n sa.nsAdhya yatnena rAjA bhavati pArthivaH .. 44..\\
sthaNDile shuddhamAkAshaM parigR^ihya samantataH . 
pravishya cha mudA yukto dIkShA.n dvAdasha vArShikIm .. 45..\\
sthaNDilasya phalAnyAhuryAnAni shayanAni cha . 
gR^ihANi cha mahArhANi chandra shubhrANi bhAmini .. 46..\\
AtmAnamupajIvanyo niyato niyatAshanaH . 
deha.n vAnashane tyaktvA sasvargaM samupAshnute .. 47..\\
AtmAnamupajIvanyo dIkShA.n dvAdasha vArShikIm . 
tyaktvA mahArNave deha.n vAruNaM lokamashnute .. 48..\\
AtmAnamupajIvanyo dIkShA.n dvAdasha vArShikIm . 
ashmanA charaNau bhittvA guhyakeShu sa modate .. 49..\\
sAdhayitvAtmanAtmAnaM nirdvandvo niShparigrahaH . 
chIrtvA dvAdasha varShANi dIkShAmekAM manogatAm . 
svaga lokamavApnoti devaish cha saha modate .. 50..\\
AtmAnamupajIvanyo dIkShA.n dvAdasha vArShikIm . 
hutvAgnau dehamutsR^ijya vahni loke mahIyate .. 51..\\
yastu devi yathAnyAya.n dIkShito niyato dvijaH . 
AtmanyAtmAnamAdhAya nirdvandvo niShparigrahaH .. 52..\\
chIrtvA dvAdasha varShANi dIkShAmekAM manogatAm . 
araNI sahita.n skandhe baddhvA gachchhatyanAvR^itaH .. 53..\\
vIrAdhvAna manA nitya.n vIrAsana ratastathA . 
vIra sthAyI cha satata.n sa vIra gatimApnuyAt .. 54..\\
sa shakra lokago nitya.n sarvakAmapuraskR^itaH . 
divyapuShpasamAkIrNo divyachandana bhUShitaH . 
sukha.n vasati dharmAtmA divi devagaNaiH saha .. 55..\\
vIralokagato vIro vIra yogavahaH sadA . 
sattvasthaH sarvamutsR^ijya dIkShito niyataH shuchiH . 
vIrAdhvAnaM prapadyedyastasya lokAH sanAtanAH .. 56..\\
kAmagena vimAnena sa vai charati chchhandataH . 
shakra lokagataH shrImAnmodate cha nirAmayaH .. 57..\\
\medskip\hrule\medskip\centerline{\Largedvng 131}
 u

bhagavanbhaga netraghna pUShNo dashanapAtana . 
dakShakratuhara tryakSha saMshayo me mahAnayam .. 1..\\
chAturvarNyaM bhagavatA pUrva.n sR^iShTaM svayambhuvA . 
kena karma vipAkena vaishyo gachchhati shUdratAm .. 2..\\
vaishyo vA kShatriyaH kena dvijo vA kShatriyo bhavet . 
pratilomaH katha.n deva shakyo dharmo niShevitum .. 3..\\
kena vA karmaNA vipraH shUdrayonau prajAyate . 
kShatriyaH shUdra tAmeti kena vA karmaNA vibho .. 4..\\
etaM me saMshaya.n deva vada bhUtapate.anagha . 
trayo varNAH prakR^ityeha kathaM brAhmaNyamApnuyuH .. 5..\\

 m

brAhmaNya.n devi duShprApaM nisargAdbrAhmaNaH shubhe . 
kShatriyo vaishyashUdrau vA nisargAditi me matiH .. 6..\\
karmaNA duShkR^iteneha sthAnAdbhrashyati vai dvijaH . 
jyeShTha.n varNamanuprApya tasmAdrakSheta vai dvijaH .. 7..\\
sthito brAhmaNa dharmeNa brAhmaNyamupajIvati . 
kShatriyo vAtha vaishyo vA brahmabhUyAya gachchhati .. 8..\\
yastu vipratvamutsR^ijya kShAtra.n dharmaM niShevate . 
brAhmaNyAtsa paribhraShTaH kShatrayonau prajAyate .. 9..\\
vaishyakarma cha yo vipro lobhamohavyapAshrayaH . 
brAhmaNya.n durlabhaM prApya karotyalpamatiH sadA .. 10..\\
sa dvijo vaishyatAmeti vaishyo vA shUdratAmiyAt . 
svadharmAtprachyuto viprastataH shUdratvamApnute .. 11..\\
tatrAsau nirayaM prApto varNabhraShTo bahiShkR^itaH . 
brahmalokaparibhraShTaH shUdraH samupajAyate .. 12..\\
kShatriyo vA mahAbhAge vaishyo vA dharmachAriNi . 
svAni karmANyapAhAya shUdra karmANi sevate .. 13..\\
sthasthAnAtsa paribhraShTo varNasa~NkaratA.n gataH . 
brAhmaNaH kShatriyo vaishyaH shUdratva.n yAti tAdR^ishaH .. 14..\\
yastu shuddhasvadharmeNa GYAnaviGYAnavA~nshuchiH . 
dharmaGYo dharmanirataH sa dharmaphalamashnute .. 15..\\
ida.n chaivAparaM devi brahmaNA samudIritam . 
adhyAtmaM naiShThika.n sadbhirdharmakAmairniShevyate .. 16..\\
ugrAnna.n garhitaM devi gaNAnna.n shrAddhasUtakam . 
ghuShTAnna.n garhitaM devi devadevairmahAtmabhiH .. 17..\\
shUdrAnna.n garhitaM devi devadevairmahAtmabhiH . 
pitAmaha mukhotsR^iShTaM pramANamiti me matiH .. 18..\\
shUdrAnnenAvasheSheNa jaThare yo mriyeta vai . 
AhitAgnistathA yajvA sa shUdra gatibhAgbhavet .. 19..\\
tena shUdrAnna sheSheNa brahma sthAnAdapAkR^itaH . 
brAhmaNaH shUdratAmeti nAsti tatra vichAraNA .. 20..\\
yasyAnnenAvasheSheNa jaThare yo mriyeta vai . 
tA.n tA.n yoniM vrajedvipro yasyAnnamupajIvati .. 21..\\
brAhmaNatva.n shubhaM prApya durlabhaM yo.avamanyate . 
abhojyAnnAni chAshnAti sa dvijatvAtpateta vai .. 22..\\
surApo brahmahA kShudrashchauro bhagnavrato.ashuchiH . 
svAkhyAya varjitaH pApo lubho naikR^itikaH shaThaH .. 23..\\
avratI vR^iShalI bhartA kuNDAshI somavikrayI . 
nihIna sevI vipro hi patati brahmayonitaH .. 24..\\
guru talpI guru dveShI guru kutsA ratishcha yaH . 
brahma dviTchApi patati brAhmaNo brahmayonitaH .. 25..\\
ebhistu karma bhirdevi shubhairAcharitaistathA . 
shUdro brAhmaNatA.n gachchhedvaishyaH kShatriyatA.n vrajet .. 26..\\
shUdra karmANi sarvANi yathAnyAya.n yathAvidhi . 
shushrUShAM paricharyA.n cha jyeShThe varNe prayatnataH . 
kuryAdavimanAH shUdraH satata.n satpathe sthitaH .. 27..\\
daivatadvija satkartA sarvAtithya kR^itavrataH . 
R^itukAlAbhigAmI cha niyato niyatAshanaH .. 28..\\
chaukShashchaukSha janAnveShI sheShAnna kR^itabhojanaH . 
vR^ithA mA.nsAnyabhu~njAnaH shUdro vaishyatvamR^ichchhati .. 29..\\
R^itavAganaha.nvAdI nirdvandvaH shama kovidaH . 
yajate nityayaGYaishcha svAdhyAyaparamaH shuchiH .. 30..\\
dAnto brAhmaNa satkartA sarvavarNabubhUShakaH . 
gR^ihastha vratamAtiShThandvikAlakR^itabhojanaH .. 31..\\
sheShAshI vijitAhAro niShkAmo niraha.n vadaH . 
agnihotramupAsaMshcha juhvAnashcha yathAvidhi .. 32..\\
sarvAtithyamupAtiShTha~nsheShAnna kR^itabhojanaH . 
tretAgnimantravihito vaishyo bahvati vai yadi . 
sa vaishyaH kShatriyakule shuchau mahati jAyate .. 33..\\
sa vaishyaH kShatriyo jAto janmaprabhR^iti sa.nskR^itaH . 
upanIto vrataparo dvijo bhavati satkR^itaH .. 34..\\
dadAti yajate yaGYaiH sa.nskR^itairAptadakShiNaiH . 
adhIte svargamanvichchha.nstretAgnisharaNaH sadA .. 35..\\
Artahastaprado nityaM prajA dharmeNa pAlayan . 
satyaH satyAni kurute nitya.n yaH sukhadarshanaH .. 36..\\
dharmadaNDo na nirdaNDo dharmakAryAnushAsakaH . 
yantritaH kAryakaraNe ShaDbhAgakR^italakShaNaH .. 37..\\
grAmyadharmAnna sevena svachchhandenArtha kovidaH . 
R^itukAle tu dharmAtmA patnI.n seveta nityadA .. 38..\\
sarvopavAsI niyataH svAdhyAyaparamaH shuchiH . 
bahiShkAntarite nitya.n shayAno.agnigR^ihe sadA .. 39..\\
sarvAtithya.n trivargasya kurvANaH sumanAH sadA . 
shUdrANA.n chAnna kAmAnAM nitya.n siddhamiti bruvan .. 40..\\
svArthAdvA yadi vA kAmAnna ki.n chidupalakShayet . 
pitR^idevAtithi kR^ite sAdhana.n kurute cha yaH .. 41..\\
svaveshmani yathAnyAyamupAste bhaikShameva cha . 
trikAlamagnihotra.n cha juhvAno vai yathAvidhi .. 42..\\
gobrAhmaNa hitArthAya raNe chAbhimukho hataH . 
tretAgnimantrapUta.n vA samAvishya dvijo bhavet .. 43..\\
GYAnaviGYAnasampannaH sa.nskR^ito vedapAragaH . 
vipro bhavati dharmAtmA kShatriyaH svena karmaNA .. 44..\\
etaiH karmaphalairdevi nyUna jAtikulodbhavaH . 
shUdro.apyAgamasampanno dvijo bhavati sa.nskR^itaH .. 45..\\
brAhmaNo vApyasadvR^ittaH sarvasa~NkarabhojanaH . 
brAhmaNyaM puNyamutsR^ijya shUdro bhavati tAdR^ishaH .. 46..\\
karma bhiH shuchibhirdevi shuddhAtmA vijitendriyaH . 
shUdro.api dvijavatsevya iti brahmAbravItsvayam .. 47..\\
svabhAvakarma cha shubha.n yatra shUdre.api tiShThati . 
vishuddhaH sa dvijAtirvai viGYeya iti me matiH .. 48..\\
na yonirnApi sa.nskAro na shrutaM na cha saMnatiH . 
kAraNAni dvijatvasya vR^ittameva tu kAraNam .. 49..\\
sarvo.ayaM brAhmaNo loke vR^ittena tu vidhIyate . 
vR^itte sthitashcha sushroNibrAhmaNatvaM nigachchhati .. 50..\\
brAhmaH svabhAvaH kalyANi samaH sarvatra me matiH . 
nirguNaM nirmalaM brahma yatra tiShThati sa dvijaH .. 51..\\
ete yoniphalA devi sthAnabhAganidarshakAH . 
svaya.n cha varadenoktA brahmaNA sR^ijatA prajAH .. 52..\\
brAhmaNo hi mahatkShetra.n loke charati pAdavat . 
yattatra bIja.n vapati sA kR^iShiH pAralaukikI .. 53..\\
mitAshinA sadA bhAvya.n satpathAlambinA sadA . 
brAhma mAramatikramya vartitavyaM bubhUShatA .. 54..\\
sa.nhitAdhyAyinA bhAvya.n gR^ihe vai gR^ihamedhinA . 
nitya.n svAdhyAyayuktena dAnAdhyayanajIvinA .. 55..\\
evaM bhUto hi yo vipraH satata.n satpathe sthitaH . 
AhitAgniradhIyAno brahmabhUyAya kalpate .. 56..\\
brAhmaNyameva samprApya rakShitavya.n yatAtmabhiH . 
yonipratigrahAdAnaiH karmabhishcha shuchismite .. 57..\\
etatte sarvamAkhyAta.n yathA shUdro bhaveddvijaH . 
brAhmaNo vA chyuto dharmAdyathA shUdratvamApnute .. 58..\\
\medskip\hrule\medskip\centerline{\Largedvng 132}
 u

bhagavansarvabhUtesha surAsuranasa.n kR^ita . 
dharmAdharme nR^iNA.n deva brUhi me saMshaya.n vibho .. 1..\\
karmaNA manasA vAchA trividha.n hi naraH sadA . 
badhyate bandhanaiH pAshairmuchyate.apyatha vA punaH .. 2..\\
kena shIlena vA devakarmaNA kIdR^ishena vA . 
samAchArairguNairvAkyaiH svarga.n yAntIha mAnavAH .. 3..\\

 m

devi dharmArthatattvaGYe satyanitye dame rate . 
sarvaprANi hitaH shrashnaH shrUyatAM buddhivardhanaH .. 4..\\
satyadharmaratAH santaH sarvalipsA vivarjitAH . 
nAdharmeNa na dharmeNa badhyante chhinnasaMshayAH .. 5..\\
pralayotpattitattvaGYAH sarvaGYAH samadarshinaH . 
vItarAgA vimuchyante puruShAH sarvabandhanaiH .. 6..\\
karmaNA manasA vAchA ye na hi.nsanti ki.n chana . 
ye na sajjanti kasmiMshchidbadhyante te na karmabhiH .. 7..\\
prANAtipAtAdviratAH shIlavanto dayAnvitAH . 
tulyadveShyapriyA dAntA muchyante karmabandhanaiH .. 8..\\
sarvabhUtadayAvanto vishvAsyAH sarvajantuShu . 
tyaktahi.nsA samAchArAste narAH svargagAminaH .. 9..\\
parasve nirmamA nityaM paradAravivarjakAH . 
dharmalabdhArtha bhoktAraste narAH svargagAminaH .. 10..\\
mAtR^ivatsvasR^ivachchaiva nitya.n duhitR^ivachcha ye . 
paradAreShu vartante te narAH svargagAminaH .. 11..\\
stainyAnnivR^ittAH satata.n santuShTAH svadhanena cha . 
svabhAgyAnyupajIvanti te narAH svargagAminaH .. 12..\\
svadAraniratA ye cha R^itukAlAbhigAminaH . 
agrAmyasukhabhogAshcha te narAH svargagAminaH .. 13..\\
paradAreShu ye nitya.n chAritrAvR^ita lochanAH . 
yatendriyAH shIlaparAste narAH svargagAminaH .. 14..\\
eSha devakR^ito mArgaH sevitavyaH sadA naraiH . 
akaShAya kR^itashchaiva mArgaH sevyaH sadA budhaiH .. 15..\\
dAnadharmatapo yuktaH shIlashauchadayAtmakaH . 
vR^ittyartha.n dharmahetorvA sevitavyaH sadA naraiH . 
svargavAsamabhIpsadbhirna sevyastvata uttaraH .. 16..\\

 u

vAchAtha badhyate yena muchyate.apyatha vA punaH . 
tAni karmANi me deva vada bhUtapate.anagha .. 17..\\

 m

AtmahetoH parArthe vA narma hAsyAshrayAttathA . 
ye mR^iShA na vadantIha te narAH svargagAminaH .. 18..\\
vR^ittyartha.n dharmahetorvA kAmakArAttathaiva cha . 
anR^ita.n ye na bhAShante te narAH svargagAminaH .. 19..\\
shlakShNA.n vANIM nirAbAdhAM madhurAM pApavarjitAm . 
svAgatenAbhibhAShante te narAH svargagAminaH .. 20..\\
kaTukA.n ye na bhAShante paruShAM niShThurA.n giram . 
apaishunya ratAH santaste narAH svargagAminaH .. 21..\\
pishunA.n ye na bhAShante mitra bhedakarI.n giram . 
R^itAM maitrIM prabhAShante te narAH svargagAminaH .. 22..\\
varjayanti sadA sUchyaH paradroha.n cha mAnavAH . 
sarvabhUtasamA dAntAste narAH svargagAminaH .. 23..\\
shaThapralApAdviratA viruddha parivarjakAH . 
saumya pralApino nitya.n te narAH svargagAminaH .. 24..\\
na kopAdvyAharante ye vAcha.n hR^idayadAraNIm . 
sAntva.n vadanti kruddhApi te narAH svargagAminaH .. 25..\\
eSha vANI kR^ito devi dharmaH sevyaH sadA naraiH . 
shubhaH satyaguNo nitya.n varjanIyA mR^iShA budhaiH .. 26..\\

 u

manasA badhyate yena karmaNA puruShaH sadA . 
tanme brUhi mahAbhAga devadeva pinAka dhR^ik .. 27..\\

 m

mAnaseneha dharmeNa sa.nyuktAH puruShAH sadA . 
svarga.n gachchhanti kalyANi tanme kIrtayataH shR^iNu .. 28..\\
duShpraNItena manasA duShpraNItatarAkR^itiH . 
badhyate mAnavo yena shR^iNu chAnyachchhubhAnane .. 29..\\
araNye vijane nyastaM parasva.n vIkShya ye narAH . 
manasApi na hi.nsanti te narAH svargagAminaH .. 30..\\
grAme gR^ihe vA yaddravyaM pArakya.n vijane sthitam . 
nAbhinandanti vai nitya.n te narAH svargagAminaH .. 31..\\
tathaiva paradArAnye kAmavR^ittAnrahogatAn . 
manasApi na hi.nsanti te narAH svargagAminaH .. 32..\\
shatruM mitra.n cha ye nityaM tulyena manasA narAH . 
bhajanti maitrAH sa~Ngamya te narAH svargagAminaH .. 33..\\
shrutavanto dayAvantaH shuchayaH satyasa~NgarAH . 
svairarthaiH parisantuShTAste narAH svargagAminaH .. 34..\\
avairA ye tvanAyAsA maitra chittaparAH sadA . 
sarvabhUtadayAvantaste narAH svargagAminaH .. 35..\\
shraddhAvanto dayAvantashchokShAshchokSha janapriyAH . 
dharmAdharmavido nitya.n te narAH svargagAminaH .. 36..\\
shubhAnAmashubhAnA.n cha karmaNAM phalasa~ncaye . 
vipAkaGYAshcha ye devi te narAH svargagAminaH .. 37..\\
nyAyopetA guNopetA devadvija parAH sadA . 
samatA.n samanuprAptAste narAH svargagAminaH .. 38..\\
shubhaiH karmaphalairdevi mayaite parikIrtitAH . 
svargamArgopagA bhUyaH kimanyachchhrotumichchhasi .. 39..\\

 u

mahAnme saMshayaH kashchinmartyAnprati maheshvara . 
tasmAttaM naipuNenAdya mamAkhyAtu.n tvamarhasi .. 40..\\
kenAyurlabhate dIrgha.n karmaNA puruShaH prabho . 
tapasA vApi devesha kenAyurlabhate mahat .. 41..\\
kShINAyuH kena bhavati karmaNA bhuvi mAnavaH . 
vipAka.n karmaNAM deva vaktumarhasyanindita .. 42..\\
apare cha mahAbhogA mana bhogAstathApare . 
akulInAstathA chAnye kulInAshcha tathApare .. 43..\\
durdarshAH ke chidAbhAnti narAH kAShThamayA iva . 
priya darshAstathA chAnye darshanAdeva mAnavAH .. 44..\\
duShpraGYAH ke chidAbhAnti ke chidAbhAnti paNDitAH . 
mahApraGYAstathaivAnye GYAnaviGYAnadarshinaH .. 45..\\
alpAbAdhAstathA ke chinmahAbAdhAstathApare . 
dR^ishyante puruShA deva tanme sha.nsitumarhasi .. 46..\\

 m

hanta te.ahaM pravakShyAmi devi karmaphalodayam . 
martyaloke narAH sarve yena svaM bhu~njate phalam .. 47..\\
prANAtipAtI yo raudro daNDahastodyatastathA . 
nityamudyatadaNDashcha hanti bhUtagaNAnnaraH .. 48..\\
nirdayaH sarvabhUtAnAM nityamudvega kArakaH . 
api kITa pipIlAnAmasharaNyaH sunirghR^iNaH .. 49..\\
evaM bhUto naro devi nirayaM pratipadyate . 
viparItastu dharmAtmA rUpavAnabhijAyate .. 50..\\
niraya.n yAti hi.nsAtmA yAti svargamahi.nsakaH . 
yAtanAM niraye raudrA.n sa kR^ichchhrAM labhate naraH .. 51..\\
atha chennirayAttasmAtsamuttarati karhi chit . 
mAnuShya.n labhate chApi hInAyustatra jAyate .. 52..\\
pApena karmaNA devi baddhohi.nsA ratirnaraH . 
apriyaH sarvabhUtAnA.n hInAyurupajAyate .. 53..\\
yastu shuklAbhijAtIyaH prANighAta vivarjakaH . 
nikShiptadaNDo nirdaNDo na hinasti kadA chana .. 54..\\
na ghAtayati no hanti ghnantaM naivAnumodate . 
sarvabhUteShu sa sneho yathAtmani tathApare .. 55..\\
IdR^ishaH puruShotkarSho devi devatamashnute . 
upapannAnsukhAnbhogAnupAshnAti mudA yutaH .. 56..\\
atha chenmAnuShe loke kadA chidupapadyate . 
tatra dIrghAyurutpannaH sa naraH sukhamedhate .. 57..\\
eva.n dIrghAyuShAM mArgaH suvR^ittAnA.n sukarmaNAm . 
prANihi.nsA vimokSheNa brahmaNA samudIritaH .. 58..\\
\medskip\hrule\medskip\centerline{\Largedvng 133}
 u

ki.n shIlAH kiM samAchArAH puruShAH kaishcha karmabhiH . 
svarga.n samabhipadyante sampradAnena kena vA .. 1..\\

 m

dAtA brAhmaNa satkartA dInAndha kR^ipaNAdiShu . 
bhakShyabhojyAnna pAnAnA.n vAsasA.n cha pradAyakaH .. 2..\\
pratishrayAnsabhAH kUpAnprapAH puShkariNIstathA . 
naityakAni cha sarvANi kimichchhakamatIva cha .. 3..\\
Asana.n shayanaM yAna.n dhanaM ratnaM gR^ihA.nstathA . 
sasyajAtAni sarvANi gAH kShetrANyatha yoShitaH .. 4..\\
supratItamanA nitya.n yaH prayachchhati mAnavaH . 
evaM bhUto mR^ito devi devaloke.abhijAyate .. 5..\\
tatroShya suchira.n kAlaM bhuktvA bhogAnanuttamAn . 
sahApsarobhirmudito ramitvA nandanAdiShu .. 6..\\
tasmAtsvargAchchyuto lokAnmAnuSheShUpajAyate . 
mahAbhoge kule devi dhanadhAnya samAchite .. 7..\\
tatra kAmaguNaiH sarvaiH samupeto mudA yutaH . 
mahAbhogo mahAkosho dhanI bhavati mAnavaH .. 8..\\
ete devi mahAbhogAH prANino dAnashIlinaH . 
brahmaNA vai purA proktAH sarvasya priyadarshanAH .. 9..\\
apare mAnavA devi pradAnakR^ipaNA dvijaiH . 
yAchitA na prayachchhanti vidyamAne.apyabuddhayaH .. 10..\\
dInAndha kR^ipaNAndR^iShTvA bhikShukAnatithInapi . 
yAchyamAnA nivartante jihvA lobhasamanvitAH .. 11..\\
na dhanAni na vAsA.nsi na bhogAnna cha kA~nchanam . 
na gAvo nAnna vikR^itiM prayachchhanti kadA chana .. 12..\\
apravR^ittAstu ye lubdhA nAstikA dAnavarjitAH . 
evaM bhUtA narA devi niraya.n yAntyabuddhayaH .. 13..\\
te chenmanuShyatA.n yAnti yadA kAlasya paryayAt . 
dhanarikte kule janma labhante svalpa buddhayaH .. 14..\\
kShutpipAsAparItAshcha sarvabhoga bahiShkR^itAH . 
nirAshAH sarvabhogebhyo jIvantyadhama jIvikAm .. 15..\\
alpabhoga kule jAtA alpabhoga ratA narAH . 
anena karmaNA devi bhavantyadhanino narAH .. 16..\\
apare stambhito nityaM mAninaH pApato ratAH . 
AsanArhasya ye pIThaM na prayachchhantyachetasaH .. 17..\\
mArhArhasya cha ye mArgaM na yachchhantyalpabuddhayaH . 
pAdyArhasya cha ye pAdyaM na dadatyalpabuddhayaH .. 18..\\
arghArhAnna cha satkArairarchayanti yathAvidhi . 
arghyamAchamanIya.n vA na yachchhantyalpabuddhayaH .. 19..\\
guru.n chAbhigataM premNA guruvanna bubhUShate . 
abhimAna pravR^ittena lobhena samavasthitAH .. 20..\\
saMmAnyAMshchAvamanyante vR^iddhAnparibhavanti cha . 
eva.nvidhA narA devi sarve nirayagAminaH .. 21..\\
te vai yadi narAstasmAnnirayAduttaranti vai . 
varShapUgaistato janma labhante kutsite kule .. 22..\\
shvapAkapulkasAdInA.n kutsitAnAmachetasAm . 
kuleShu teShu jAyante guru vR^iddhApachAyinaH .. 23..\\
na stambhI nacha mAnI yo devatA dvija pUjakaH . 
lokapUjyo namaskartA prashrito madhura.n vadan .. 24..\\
sarvavarNapriya karaH sarvabhUtahitaH sadA . 
adveShI sumukhaH shlakShNaH snigdhavANI pradaH sadA .. 25..\\
svAgatenaiva sarveShAM bhUtAnAmavihi.nsakaH . 
yathArha satkriyA pUrvamarchayannupatiShThati .. 26..\\
mArgArhAya dadanmArga.n guruM guruvadarchayan . 
atithipragraha ratastathAbhyAgata pUjakaH .. 27..\\
evaM bhUto naro devi svargatiM pratipadyate . 
tato mAnuShatAM prApya vishiShTa kulajo bhavet .. 28..\\
tatrAsau vipulairbhogaiH sarvaratnasamAyutaH . 
yathArha dAtA chArheShu dharmacharyA paro bhavet .. 29..\\
saMmataH sarvabhUtAnA.n sarvalokanamaskR^itaH . 
svakarmaphalamApnoti svayameva naraH sadA .. 30..\\
udAtta kulajAtIya udAttAbhijanaH sadA . 
eSha dharmo mayA prokto vidhAtrA svayamIritaH .. 31..\\
yastu raudrasamAchAraH sarvasattvabhaya~NkaraH . 
hastAbhyA.n yadi vA padbhyAM rajjvA daNDena vA punaH .. 32..\\
loShTaiH stambhairupAyairvA jantUnbAdhati shobhane . 
hi.nsArthaM nikR^itipraGYaH prodvejayati chaiva ha .. 33..\\
upakrAmati jantUMshcha udvega jananaH sadA . 
eva.n shIlasamAchAro nirayaM pratipadyate .. 34..\\
sa chenmAnuShatA.n gachchhedyadi kAlasya paryayAt . 
bahvAbAdha parikliShTe so.adhame jAyate kule .. 35..\\
lokadveShyo.adhamaH pu.nsA.n svaya.n karmakR^itaiH phalaiH . 
eSha devi manuShyeShu boddhavyo GYAtibandhuShu .. 36..\\
aparaH sarvabhUtAni dayAvAnanupashyati . 
maitra dR^iShTiH pitR^isamo nirvairo niyatendriyaH .. 37..\\
nodvejayati bhUtAni na vihi.nsayate tathA . 
hastapAdaiH suniyatairvishvAsyaH sarvajantuShu .. 38..\\
na rajjvA na cha daNDena na loShTairnAyudhena cha . 
udvejayati bhUtAni shlakShNakarmA dayAparaH .. 39..\\
eva.n shIlasamAchAraH svarge samupajAyate . 
tatrAsau bhavane divye mudA vasati devavat .. 40..\\
sa chetkarma kShayAnmartyo manuShyeShUpajAyate . 
alpAbAdho nirItIkaH sa jAtaH sukhamedhate .. 41..\\
sukhabhAgI nirAyAso nirudvegaH sadA naraH . 
eSha devi satAM mArgo bAdhA yatra na vidyate .. 42..\\
ime manuShyA dR^ishyante UhApoha vishAradAH . 
GYAnaviGYAnasampannAH praGYAvanto.arthakovidAH . 
duShpraGYAshchApare deva GYAnaviGYAnavarjitAH .. 43..\\
kena karma vipAkena praGYAvAnpuruSho bhavet . 
alpapraGYo virUpAkShakathaM bhavati mAnavaH . 
etaM me saMshaya.n chhinddhi sarvadharmavidA.n vara .. 44..\\
jAtyandhAshchApare deva rogArtAshchApare tathA . 
narAH klIbAshcha dR^ishyante kAraNaM brUhi tatra vai .. 45..\\

 m

brAhmaNAnvedaviduShaH siddhAndharmavidastathA . 
paripR^ichchhantyaharahaH kushalAkushala.n tathA .. 46..\\
varjayantyashubha.n karma sevamAnAH shubhaM tathA . 
labhante svargatiM nityamiha loke sukha.n tathA .. 47..\\
sa chenmAnuShatA.n yAti medhAvI tatra jAyate . 
shrutaM praGYAnuga.n chAsya kalyANamupajAyate .. 48..\\
paradAreShu ye mUDhAshchakShurduShTaM prayu~njate . 
tena duShTasvabhAvena jAtyandhAste bhavanti ha .. 49..\\
manasA tu praduShTena nagnAM pashyanti ye striyam . 
rogArtAste bhavantIha narA duShkR^itakarmiNaH .. 50..\\
ye tu mUDhA durAchArA viyonau maithune ratAH . 
puruSheShu suduShpraGYAH klIbatvamupayAnti te .. 51..\\
pashUMshcha ye bandhayanti ye chaiva gurutalpagAH . 
prakIrNamaithunA ye cha klIbA jAyanti te narAH .. 52..\\

 u

sAvadya.n kiM nu vai karma niravadya tathaiva cha . 
shreyaH kurvannavApnoti mAnavo deva sattama .. 53..\\

 m

shreyA.nsaM mArgamAtiShThansadA yaH pR^ichchhate dvijAn . 
dharmAnveShI guNAkA~NkShI sasvarga.n samupAshnute .. 54..\\
yadi mAnuShatA.n devi kadA chitsa nigachchhati . 
medhAvI dhAraNA yuktaH prAGYastatrAbhijAyate .. 55..\\
eSha devi satA.n dharmo mantavyo bhUtikArakaH . 
nR^iNA.n hitArthAya tava mayA vai samudAhR^itaH .. 56..\\

 u

apare svalpaviGYAnA dharmavidveShiNo narAH . 
brAhmaNAnvedaviduSho nechchhanti parisarpitum .. 57..\\
vratavanto narAH ke chichchhraddhA damaparAyaNAH . 
avratA bhraShTaniyamAstathAnye rAkShasopamAH .. 58..\\
yajvAnashcha tathaivAnye nirhomAshcha tathApare . 
kena karma vipAkena bhavantIha vadasva me .. 59..\\

 m

AgamAllokadharmANAM maryAdAH pUrvanirmitAH . 
prAmANyenAnuvartante dR^ishyante hi dR^iDhavratAH .. 60..\\
adharma.n dharmamityAhurye cha mohavashaM gatAH . 
avratA naShTamaryAdAste proktA brahmarAkShasAH .. 61..\\
te chetkAlakR^itodyogAtsambhavantIha mAnuShAH . 
nirhomA nirvaShaTkArAste bhavanti narAdhamAH .. 62..\\
eSha devi mayA sarvaH saMshayachchhedanAya te . 
kushalAkushalo nR^INA.n vyAkhyAto dharmasAgaraH .. 63..\\
\medskip\hrule\medskip\centerline{\Largedvng 134}
 m

parAvaraGYe dharmaGYe tapovananivAsini . 
sAdhvi subhru sukeshAnte himavatparvatAtmaje .. 1..\\
dakShe shama damopete nirmame dharmachAriNi . 
pR^ichchhAmi tvA.n varArohe pR^iShTA vada mamepShitam .. 2..\\
sAvitrI brahmaNaH sAdhvI kaushikasya shachI satI . 
mArtaNDajasya dhUmorNA R^iddhirvaishravaNasya cha .. 3..\\
varuNasya tato gaurI sUryasya cha suvarchalA . 
rohiNI shashinaH sAdhvI svAhA chaiva vibhAvasoH .. 4..\\
aditiH kashyapasyAtha sarvAstAH patidevatAH . 
pR^iShTAshchopAsitAshchaiva tAstvayA devi nityashaH .. 5..\\
tena tvAM paripR^ichchhAmi dharmaGYe dharmavAdini . 
strI dharma.n shrotumichchhAmi tvayodAhR^itamAditaH .. 6..\\
sahadharmacharI me tva.n samashIlA samavratA . 
samAnasAra vIryA cha tapastIvra.n kR^itaM cha te . 
tvayA hyukto visheSheNa praNANatvamupaiShyati .. 7..\\
striyashchaiva visheSheNa strIjanasya gatiH sadA . 
gaurgA.n gachchhati sushroNilokeSheShA sthitiH sadA .. 8..\\
mama chArdha.n sharIrasya mama chArdhAdviniH sR^itA . 
surakAryakarI cha tva.n lokasantAna kAriNI .. 9..\\
tava sarvaH suviditaH strI dharmaH shAshvataH shubhe . 
tasmAdasheShato brUhi strI dharma.n vistareNa me .. 10..\\

 u

bhagavansarvabhUtesha bhUtabhavya bhavodbhava . 
tvatprabhAvAdiya.n deva vAkchaiva pratibhAti me .. 11..\\
imAstu nadyo devesha sarvatIrthodakairyutAH . 
upasparshana hetostvA samIpasthA upAsate .. 12..\\
etAbhiH saha saMmantrya pravakShyAmyanupUrvashaH . 
prabhavanyo.anaha.nvAdI sa vai puruSha uchyate .. 13..\\
strI cha bhUtesha satata.n striyamevAnudhAvati . 
mayA saMmAnitAshchaiva bhaviShyanti saridvarAH .. 14..\\
eShA sarasvatI puNyA nadInAmuttamA nadI . 
prathamA sarvasaritAM nadI sAgaragAminI .. 15..\\
vipAshA cha vitastA cha chandra bhAgA irAvatI . 
shatadrurdevikA sindhuH kaushikI gomatI tathA .. 16..\\
tathA deva nadI cheya.n sarvatIrthAbhisa.nvR^itA . 
gaganAdgA.n gatA devI ga~NgA sarvasaridvarA .. 17..\\
ityuktvA devadevasya patnI dharmabhR^itA.n varA . 
smitapUrvamivAbhAShya sarvAstAH saritastadA .. 18..\\
apR^ichchhaddevamahiShI strI dharma.n dharmavatsalA . 
strI dharmakushalAstA vai ga~NgAdyAH saritA.n varAH .. 19..\\
ayaM bhagavatA dattaH prashnaH strI dharmasaMshritaH . 
ta.n tu saMmantrya yuShmAbhirvaktumichchhAmi sha~Nkare .. 20..\\
na chaikasAdhyaM pashyAmi viGYAnaM bhuvi kasya chit . 
divi vA sAgaragamAstena vo mAnayAmyaham .. 21..\\

 bh

eva.n sarvAH sarichchhreShThAH pR^iShTAH puNyatamAH shivAH . 
tato deva nadI ga~NgA niyuktA pratipUjya tAm .. 22..\\
bahvIbhirbuddhibhiH sphItA strI dharmaGYA shuchismitA . 
shailarAjasutA.n devIM puNyA pApApahA.n shivAm .. 23..\\
buddhyA vinayasampannA sarvaGYAnavishAradA . 
sa smitaM bahu buddhyADhyA ga~NgA vachanamabravIt .. 24..\\
dhanyAH smo.anugR^ihItAH smo devi dharmaparAyaNA . 
yA tva.n sarvajaganmAnyA nadIrmAnayase.anaghe .. 25..\\
prabhavanpR^ichchhate yo hi saMmAnayati vA punaH . 
nUna.n janamaduShTAtmA paNDitAkhyA.n sa gachchhati .. 26..\\
GYAnaviGYAnasampannAnUhApoha vishAradAn . 
pravaktR^InpR^ichchhate yo.anyAnsa vai nA padamarchchhati .. 27..\\
anyathA bahu buddhyADhyo vAkya.n vadati sa.nsadi . 
anyathaiva hyahaM mAnI durbala.n vadate vachaH .. 28..\\
divyaGYAne divi shreShThe divyapuNye sadotthite . 
tvamevArhasi no devi strI dharmamanushAsitum .. 29..\\

 bh

tataH sArAdhitA devI ga~NgayA bahubhirguNaiH . 
prAha sarvamasheSheNa strI dharma.n surasundarI .. 30..\\
strI dharmo mAM prati yathA pratibhAti yathAvidhi . 
tamaha.n kIrtayiShyAmi tathaiva prathito bhavet .. 31..\\
strI dharmaH pUrva evAya.n vivAhe bandhubhiH kR^itaH . 
sahadharmacharI bharturbhavatyagnisamIpataH .. 32..\\
susvabhAvA suvachanA suvR^ittA sukhadarshanA . 
ananyachittasu mukhI bhartuH sA dharmachAriNI .. 33..\\
sA bhaveddharmaparamA sA bhaveddharmabhAgiNI . 
deva vatsa tata.n sAdhvI yA bhartAraM prapashyati .. 34..\\
shushrUShAM parichAra.n cha devavadyA karoti cha . 
nAnyabhAvA hyavimanAH suvratA sukhadarshanA .. 35..\\
putra vaktramivAbhIkShNaM bharturvadanamIkShate . 
yA sAdhvI niyatAchArA sA bhaveddharmachAriNI .. 36..\\
shrutvA dampati dharma.n vai sahadharmakR^itaM shubham . 
ananyachittA sumukhI bhartuH sA dharmachAriNI .. 37..\\
paruShANyapi choktA yA dR^iShTA vA krUra chakShuShA . 
suprasannamukhI bharturyA nArI sA pativratA .. 38..\\
na chandrasUryau na taruM puMnAmno yA nirIkShate . 
bhartR^ivarja.n varArohA sA bhaveddharmachAriNI .. 39..\\
daridra.n vyAdhita.n dInamadhvanA parikarshitam . 
patiM putramivopAste sA nArI dharmabhAginI .. 40..\\
yA nArI prayatA dakShA yA nArI putriNI bhavet . 
patipriyA patiprANA sA nArI dharmabhAginI .. 41..\\
shushrUShAM paricharyA.n cha karotyavimanAH sadA . 
supratItA vinItA cha sA nArI dharmabhAginI .. 42..\\
na kAmeShu na bhogeShu naishvarye na sukhe tathA . 
spR^ihA yasyA yathA patyau sA nArI dharmabhAginI .. 43..\\
kalyotthAna ratA nitya.n gurushushrUShaNe ratA . 
susaMmR^iShTakShayA chaiva goshakR^itkR^italepanA .. 44..\\
agnikAryaparA nitya.n sadA puShpabali pradA . 
devatAtithibhR^ityAnAM nirupya patinA saha .. 45..\\
sheShAnnamupabhu~njAnA yathAnyAya.n yathAvidhi . 
tuShTapuShTajanA nityaM nArI dharmeNa yujyate .. 46..\\
shvashrU shvashurayoH pAdau toShayantI guNAnvitA . 
mAtA pitR^iparA nitya.n yA nArI sA tapodhanA .. 47..\\
brAhmaNAndurbalAnAthAndInAndha kR^ipaNA.nstathA . 
bibhartyannena yA nArI sA pativratabhAginI .. 48..\\
vrata.n charati yA nityaM dushchara.n labhu sattvayA . 
patichittA patihitA sA pativratabhAginI .. 49..\\
puNyametattapashchaiva svargashchaiSha sanAtanaH . 
yA nArI bhartR^iparamA bhavedbhartR^ivratA shivA .. 50..\\
patirhi devo nArINAM patirbandhuH patirgatiH . 
patyA samA gatirnAsti daivata.n vA yathA patiH .. 51..\\
patiprasAdaH svargo vA tulyo nAryA na vA bhavet . 
aha.n svargaM na hIchchheya.n tvayyaprIte maheshvare .. 52..\\
yadyakAryamadharma.n vA yadi vA prANanAshanam . 
patirbrUyAddaridro vA vyAdhito vA katha.n chana .. 53..\\
Apanno ripusa.nstho vA brahmashApArdito.api vA . 
ApaddharmAnanuprekShya tatkAryamavisha~NkayA .. 54..\\
eSha deva mayA proktaH strI dharmo vachanAttava . 
yA tvevaM bhAvinI nArI sA bhaveddharmabhAginI .. 55..\\

 bh

ityuktaH sa tu deveshaH pratipUjya gireH sutAm . 
lokAnvisarjayAmAsa sarvairanucharaiH saha .. 56..\\
tato yayurbhUtagaNAH saritashcha yathAgatam . 
gandharvApsarasashchaiva praNamya shirasA bhavam .. 57..\\
\medskip\hrule\medskip\centerline{\Largedvng 135}
 v

shrutvA dharmAnasheSheNa pAvanAni cha sarvashaH . 
yudhiShThiraH shAntanavaM punarevAbhyabhAShata .. 1..\\
kimeka.n daivata.n loke kiM vApyekaM parAyaNam . 
stuvantaH ka.n kamarchantaH prApnuyurmAnavAH shubham .. 2..\\
ko dharmaH sarvadharmANAM bhavataH paramo mataH . 
ki.n japanmuchyate jantu janma sa.nsArabandhanAt .. 3..\\

 bh

jagatprabhu.n devadevamanantaM puruShottamam . 
stuvannAma sahasreNa puruShaH satatotthitaH .. 4..\\
tameva chArchayannityaM bhaktyA puruShamavyayam . 
dhyAyanstuvannamasyaMshcha yajamAnastameva cha .. 5..\\
anAdi nidhana.n viShNuM sarvalokamaheshvaram . 
lokAdhyakSha.n stuvannityaM sarvaduHkhAtigo bhavet .. 6..\\
brahmaNya.n sarvadharmaGYaM lokAnA.n kIrtivardhanam . 
lokanAthaM mahadbhUta.n sarvabhUtabhavodbhavam .. 7..\\
eSha me sarvadharmANA.n dharmo.adhikatamo mataH . 
yadbhaktyA puNDarIkAkSha.n stavairarchennaraH sadA .. 8..\\
parama.n yo mahattejaH paramaM yo mahattapaH . 
parama.n yo mahadbrahma paramaM yaH parAyaNam .. 9..\\
pavitrANAM pavitra.n yo ma~NgalAnA.n cha ma~Ngalam . 
daivata.n devatAnAM cha bhUtAnA.n yo.avyayaH pitA .. 10..\\
yataH sarvANi bhUtAni bhavantyAdi yugAgame . 
yasmiMshcha pralaya.n yAnti punareva yugakShaye .. 11..\\
tasya lokapradhAnasya jagannAthasya bhUpate . 
viShNornAma sahasraM me shR^iNu pApabhayApaham .. 12..\\
yAni nAmAni gauNAni vikhyAtAni mahAtmanaH . 
R^iShibhiH parigItAni tAni vakShyAmi bhUtaye .. 13..\\
vishva.n viShNurvaShaTkAro bhUtabhavya bhavatprabhuH . 
bhUtakR^idbhUtabhR^idbhAvo bhUtAtmA bhUtabhAvanaH .. 14..\\
pUtAtmA paramAtmA cha muktAnAM paramA gatiH . 
avyayaH puruShaH sAkShI kShetraGYo.akShara eva cha .. 15..\\
yogo yogavidAM netA pradhAnapuruSheshvaraH . 
nArasi.nha vapuH shrImAnkeshavaH puruShottamaH .. 16..\\
sarvaH sharvaH shivaH sthANurbhUtAdirnidhiravyayaH . 
sambhavo bhAvano bhartA prabhavaH prabhurIshvaraH .. 17..\\
svayambhUH sambhurAdityaH puShkarAkSho mahAsvanaH . 
anAdi nidhano dhAtA vidhAtA dhAturuttamaH .. 18..\\
aprameyo hR^iShIkeshaH padmanAbho.amaraprabhuH . 
vishvakarmA manustvaShTA sthaviShThaH sthaviro dhruvaH .. 19..\\
agrAhyaH shAshvataH kR^iShNo lohitAkShaH pratardanaH . 
prabhUtastrikakubdhAma pavitraM ma~NgalaM param .. 20..\\
IshAnaH prANadaH prANo jyeShThaH shreShThaH prajApatiH . 
hiraNyagarbho bhUgarbho mAdhavo madhusUdanaH .. 21..\\
Ishvaro vikramI dhanvI medhAvI vikramaH kramaH . 
anuttamo durAdharShaH kR^itaGYaH kR^itirAtmavAn .. 22..\\
sureshaH sharaNa.n sharma vishvaretAH prajA bhavaH . 
ahaH sa.nvatsaro vyAlaH pratyayaH sarvadarshanaH .. 23..\\
ajaH sarveshvaraH siddhaH siddhiH sarvAdirachyutaH . 
vR^iShA kapirameyAtmA sarvayogaviniHsR^itaH .. 24..\\
varurvasu manAH satyaH samAtmA saMmitaH samaH . 
amoghaH puNDarIkAkSho vR^iShakarmA vR^iShAkR^itiH .. 25..\\
rudro bahu shirA babhrurvishvayoniH shuchi shravAH . 
amR^itaH shAshvataH sthANurvarAroho mahAtapAH .. 26..\\
sarvagaH sarvavidbhAnurviShvakseno janArdanaH . 
vedo vedavidavya~Ngo vedA~Ngo vedavitkaviH .. 27..\\
lokAdhyakShaH surAdhyakSho dharmAdhyakShaH kR^itAkR^itaH . 
chaturAtmA chaturvyUhashchaturdaMShTrashchaturbhujaH .. 28..\\
bhrAjiShNurbhojanaM bhoktA sahiShNurjagadAdijaH . 
anagho vijayo jetA vishvayoniH punarvasuH .. 29..\\
upendro vAmanaH praMshuramoghaH shuchirUrjitaH . 
atIndraH sa~NgrahaH sargo dhR^itAtmA niyamo yamaH .. 30..\\
vedyo vaidyaH sadA yogI vIrahA mAdhavo madhuH . 
atIndriyo mahAmAyo mahotsAho mahAbalaH .. 31..\\
mahAbuddhirmahAvIryo mahAshaktirmahAdyutiH . 
anirdeshya vapu shrImAnameyAtmA mahAdridhR^ik .. 32..\\
maheShvAso mahI bhartA shrInivAsaH satA.n gatiH . 
aniruddhaH surAnando govindo govidAM patiH .. 33..\\
marIchirdamano ha.nsaH suparNo bhujagottamaH . 
hiraNyanAbhaH sutapAH padmanAbha prajApatiH .. 34..\\
amR^ityuH sarvadR^iksi.nhaH sandhAtA sandhimAnsthiraH . 
ajo durmarShaNaH shAstA vishrutAtmA surArihA .. 35..\\
gururgurutamo dhAma satyaH satyaparAkramaH . 
nimiSho.animiShaH sragvI vAchaspatirudAradhIH .. 36..\\
agraNIrgrAmaNIH shrImAnnyAyo netA samIraNaH . 
sahasramUrdha vishvAtmA sahasrAkShaH sahasrapAt .. 37..\\
Avartano nivR^ittAtmA sa.nvR^itaH sampramardanaH . 
ahaH sa.nvartako vahniranilo dharaNIdharaH .. 38..\\
suprasAdaH prasannAtmA vishvadhR^igvishvabhugvibhuH . 
satkartA satkR^itaH sAdhurjahnurnArAyaNo naraH .. 39..\\
asa~Nkhyeyo.aprameyAtmA vishiShTaH shiShTakR^ichchhuchiH . 
siddhArthaH siddhasa~NkalpaH siddhidaH siddhisAdhanaH .. 40..\\
vR^iShAhI vR^iShabho viShNurvR^iShaparvA vR^iShodaraH . 
vardhano vardhamAnashcha viviktaH shrutisAgaraH .. 41..\\
subhujo durdharo vAgmI mahendro vasudo vasuH . 
naikarUpo bR^ihadrUpaH shipiviShTaH prakAshanaH .. 42..\\
ojastejo dyutidharaH prakAshAtmA pratApanaH . 
R^iddhaH spaShTAkSharo mantrashchandrAMshurbhAskaradyutiH .. 43..\\
amR^itAshmUdbhavo bhAnuH shashabinduH sureshvaraH . 
auShadha.n jagataH setuH satyadharmaparAkramaH .. 44..\\
bhUtabhavya bhavannAthaH pavanaH pAvano.anilaH . 
kAmahA kAmakR^itkAntaH kAmaH kAmapradaH prabhuH .. 45..\\
yugAdi kR^idyugAvarto naikamAyo mahAshanaH . 
adR^ishyo vyaktarUpash cha sahasrajidanantajit .. 46..\\
iShTo vishiShTaH shiShTeShTaH shikhaNDI nahuSho vR^iShaH . 
krodhahA krodhakR^itkartA vishvabAhurmahIdharaH .. 47..\\
achyutaH prathitaH prANaH prANado vAsavAnujaH . 
apAM nidhiradhiShThAnamapramattaH pratiShThitaH .. 48..\\
skandaH skanda dharo dhuryo varado vAyuvAhanaH . 
vAsudevo bR^ihadbhAnurAdidevaH purandaraH .. 49..\\
ashokastAraNastAraH shUraH shaurirjaneshvaraH . 
anukUlaH shatAvartaH padmI padmanibhekShaNaH .. 50..\\
padmanAbho.aravindAkShaH padmagarbhaH sharIrabhR^it . 
maharddhirR^iddho vR^iddhAtmA mahAkSho garuDadhvajaH .. 51..\\
atulaH sharabho bhImaH samayaGYo havirhariH . 
sarvalakShaNalakShaNyo lakShmIvAnsamiti~njayaH .. 52..\\
vikSharo rohito mArgo heturdAmodaraH sahaH . 
mahIdharo mahAbhAgo vegavAnamitAshanaH .. 53..\\
udbhavaH kShobhaNo devaH shrIgarbhaH parameshvaraH . 
karaNa.n kAraNaM kartA vikartA gahane guhaH .. 54..\\
vyavasAyo vyavasthAnaH sa.nsthAnaH sthAnado dhruvaH . 
pararddhiH paramaH spaShTastuShTaH puShTaH shubhekShaNaH .. 55..\\
rAmo virAmo virato mArgo neyo nayo.anayaH . 
vIraH shaktimatA.n shreShTho dharmo dharmaviduttamaH .. 56..\\
vaikuNThaH puruShaH prANaH prANadaH praNavaH pR^ithuH . 
hiraNyagarbhaH shatrughno vyApto vAyuradhokShajaH .. 57..\\
R^ituH sudarshanaH kAlaH parameShThI parigrahaH . 
ugraH sa.nvatsaro dakSho vishrAmo vishvadakShiNaH .. 58..\\
vistAraH sthAvaraH sthANuH pramANaM bIjamavyayam . 
artho.anartho mahAkosho mahAbhogo mahAdhanaH .. 59..\\
anirviNNaH sthaviShTho bhUrdharmayUpo mahAmakhaH . 
nakShatranemirnakShatrI kShamaH kShAmaH samIhanaH .. 60..\\
yaGYa ijyo mahejyashcha kratuH satra.n satA.n gatiH . 
sarvadarshI vimuktAtmA sarvaGYo GYAnamuttamam .. 61..\\
suvrataH sumukhaH sUkShmaH sughoShaH sukhadaH suhR^it . 
manoharo jitakrodho vIrabAhurvidAraNaH .. 62..\\
svApanaH svavasho vyApI naikAtmA naikakarmakR^it . 
vatsaro vatsalo vatsI ratnagarbho dhaneshvaraH .. 63..\\
dharmagubdharmakR^iddharmI sadasatkSharamakSharam . 
aviGYAtA sahasrAMshurvidhAtA kR^italakShaNaH .. 64..\\
gabhastinemiH sattvasthaH si.nho bhUtamaheshvaraH . 
Adidevo mahAdevo devesho devabhR^idguruH .. 65..\\
uttaro gopatirgoptA GYAnagamyaH purAtanaH . 
sharIrabhUtabhR^idbhoktA kapIndro bhUridakShiNaH .. 66..\\
somapo.amR^itapaH somaH purujitpuru sattamaH . 
vinayo jayaH satyasandho dAshArhaH sAtvatAM patiH .. 67..\\
jIvo vinayitA sAkShI mukundo.amitavikramaH . 
ambhonidhiranantAtmA mahodadhi shayo.antakaH .. 68..\\
ajo mahArhaH svAbhAvyo jitAmitraH pramodanaH . 
Anando nandano nandaH satyadharmA trivikramaH .. 69..\\
maharShiH kapilAchAryaH kR^itaGYo medinI patiH . 
tripadastridashAdhyakSho mahAshR^i~NgaH kR^itAntakR^it .. 70..\\
mahAvarAho govindaH suSheNaH kanakA~NgadI . 
guhyo gabhIro gahano guptashchakragadAdharaH .. 71..\\
vedhAH svA~Ngo.ajitaH kR^iShNo dR^iDhaH sa~NkarShaNo.achyutaH . 
varuNo vAruNo vR^ikShaH puShkarAkSho mahAmanAH .. 72..\\
bhagavAnbhagahA nandI vanamAlI halAyudhaH . 
Adityo jyotirAdityaH sahiShNurgatisattamaH .. 73..\\
sudhanvA khaNDa parashurdAruNo draviNa pradaH . 
divaH spR^iksarvadR^igvyAso vAchaspatirayonijaH .. 74..\\
trisAmA sAmagaH sAma nirvANaM bheShajaM bhiShak . 
saMnyAsakR^ichchhamaH shAnto niShThA shAntiH parAyaNam .. 75..\\
shubhA~NgaH shAntidaH sraShTA kumudaH kuvale shayaH . 
gohito gopatirgoptA vR^iShabhAkSho vR^iShapriyaH .. 76..\\
anivartI nivR^ittAtmA sa~NkSheptA kShemakR^ichchhivaH . 
shrIvatsa vakShAH shrIvAsaH shrIpatiH shrImatA.n varaH .. 77..\\
shrIdaH shrIshaH shrInivAsaH shrInidhiH shrIvibhAvanaH . 
shrIdharaH shrIkaraH shreyaH shrImA.NllokatrayAshrayaH .. 78..\\
svakShaH sva~NgaH shatAnando nandirjyotirgaNeshvaraH . 
vijitAtmA vidheyAtmA satkIrtishchhinnasaMshayaH .. 79..\\
udIrNaH sarvatashchakShuranIshaH shAshvataH sthiraH . 
bhUshayo bhUShaNo bhUtirvishokaH shokanAshanaH .. 80..\\
archiShmAnarchitaH kumbho vishuddhAtmA vishodhanaH . 
aniruddho.apratirathaH pradyumno.amitavikramaH .. 81..\\
kAlanemi nihA vIraH shUraH shaurirjaneshvaraH . 
trilokAtmA trilokeshaH keshavaH keshihA hariH .. 82..\\
kAmadevaH kAmapAlaH kAmI kAntaH kR^itAgamaH . 
anirdeshya vapurviShNurvIro.ananto dhana~njayaH .. 83..\\
brahmaNyo brahmakR^idbrahmA brahma brahma vivardhanaH . 
brahmavidbrAhmaNo brAhmI brahmaGYo brAhmaNa priyaH .. 84..\\
mahAkramo mahAkarmA mahAtejA mahoragaH . 
mahAkraturmahAyaGYvA mahAyaGYo mahAhaviH .. 85..\\
stavyaH stavapriyaH stotra.n stutiH stotA raNapriyaH . 
pUrNaH pUrayitA puNyaH puNyakIrtiranAmayaH .. 86..\\
manojavastIrthakaro vasu retA vasu pradaH . 
vasu prado vAsudevo vasurvasu manA haviH .. 87..\\
sadgatiH satkR^itiH sattA sadbhUtiH satparAyaNaH . 
shUraseno yadushreShThaH sannivAsaH suyAmunaH .. 88..\\
bhUtAvAso vAsudevo sarvAsu nilayo.analaH . 
darpahA darpado dR^ipto durdharo.athAparAjitaH .. 89..\\
vishvamUrtirmahAmUrtirdIptamUrtiramUrtimAn . 
anekamUrtiravyaktaH shatamUrtiH shatAnanaH .. 90..\\
eko naikaH savaH kaH ki.n yattatpadamanuttamam . 
lokabandhurlokanAtho mAdhavo bhakta vatsalaH .. 91..\\
suvarNavarNo hemA~Ngo varA~NgashchandanA~NgadI . 
vIrahA viShamaH shUNyo ghR^itAshIrachalashchalaH .. 92..\\
amAnI mAnado mAnyo lokasvAmI trilokadhR^ik . 
sumedhA medhajo dhanyaH satyamedhA dharAdharaH .. 93..\\
tejo vR^iSho dyutidharaH sarvashastrabhR^itA.n varaH . 
pragraho nigraho.avyagro naikashR^i~Ngo gadAgrajaH .. 94..\\
chaturmUrtishchaturbAhushchaturvyUhashchaturgatiH . 
chaturAtmA chaturbhAvashchaturvedavidekapAt .. 95..\\
samAvarto nivR^ittAtmA durjayo duratikramaH . 
durlabho durgamo durgo durAvAso durArihA .. 96..\\
shubhA~Ngo lokasAra~NgaH sutantustantuvardhanaH . 
indrakarmA mahAkarmA kR^itakarmA kR^itAgamaH .. 97..\\
udbhavaH sundaraH sundo ratnanAbhaH sulochanaH . 
arko vAjasanaH shR^i~NgI jayantaH sarvavijjayI .. 98..\\
suvarNabindurakShobhyaH sarvavAgIshvareshvaraH . 
mahAhrado mahAgarto mahAbhUto mahAnidhiH .. 99..\\
kumudaH kundaraH kundaH parjanyaH pavano.anilaH . 
amR^itAMsho.amR^itavapuH sarvaGYaH sarvato mukhaH .. 100..\\
sulabhaH suvrataH siddhaH shatrujIchchhatrutApanaH . 
nyagrodhodumbaro.ashvatthashchANUrAndhra niShUdanaH .. 101..\\
sahasrArchiH sapta jihvaH saptaidhAH sapta vAhanaH . 
amUrtiranagho.achintyo bhayakR^idbhayanAshanaH .. 102..\\
aNurbR^ihatkR^ishaH sthUlo guNabhR^innirguNo mahAn . 
adhR^itaH svadhR^itaH svAsyaH prAgvaMsho vaMshavardhanaH .. 103..\\
bhArabhR^itkathito yogI yogIshaH sarvakAmadaH . 
AshramaH shramaNaH kShAmaH suparNo vAyuvAhanaH .. 104..\\
dhanurdharo dhanurvedo daNDo damayitA damaH . 
aparAjitaH sarvasaho niyantA niyamo yamaH .. 105..\\
sattvavAnsAttvikaH satyaH satyadharmaparAyaNaH . 
abhiprAyaH priyArho.arhaH priyakR^itprItivardhanaH .. 106..\\
vihAyasa gatirjyotiH suruchirhutabhugvibhuH . 
ravirvirochanaH sUryaH savitA ravilochanaH .. 107..\\
ananto hutabhugbhoktA sukhado naikado.agrajaH . 
anirviNNaH sadAmarShI lokAdhiShThAnamadbhutam .. 108..\\
sanAtsanAtana tamaH kapilaH kapiravyayaH . 
svastidaH svastikR^itsvasti svastibhuksvasti dakShiNaH .. 109..\\
araudraH kuNDalI chakrI vikramyUrjitashAsanaH . 
shabdAtigaH shabdasahaH shishiraH sharvarI karaH .. 110..\\
akrUraH peshalo dakSho dakShiNaH kShamiNA.n varaH . 
vidvattamo vItabhayaH puNyashravaNa kIrtanaH .. 111..\\
uttAraNo duShkR^itihA puNyo duHsvapnanAshanaH . 
vIrahA rakShaNaH santo jIvanaH paryavasthitaH .. 112..\\
anantarUpo.ananta shrIrjitamanyurbhayApahaH . 
chaturasro gabhIrAtmA vidisho vyAdisho dishaH .. 113..\\
anAdirbhUrbhuvo lakShmIH suvIro ruchirA~NgadaH . 
janano janajanmAdirbhImo bhImaparAkramaH .. 114..\\
AdhAra nilayo dhAtA puShpahAsaH prajAgaraH . 
UrdhvagaH satpathAchAraH prANadaH praNavaH paNaH .. 115..\\
pramANaM prANanilayaH prANakR^itprANajIvanaH . 
tattva.n tattvavidekAtmA janmamR^ityujarAtigaH .. 116..\\
bhUrbhuvaH svastarustAraH savitA prapitAmahaH . 
yaGYo yaGYapatiryajvA yaGYA~Ngo yaGYavAhanaH .. 117..\\
yaGYabhR^idyaGYakR^idyaGYI yaGYabhugyaGYasAdhanaH . 
yaGYAnta kR^idyaGYaguhyamannamannAda eva cha .. 118..\\
AtmayoniH svaya.n jAto vaikhAnaH sAma gAyanaH . 
devakInandanaH sraShTA kShitIshaH pApanAshanaH .. 119..\\
sha~NkhabhR^innandakI chakrI shAr~NgadhanvA gadAdharaH . 
rathA~NgapANirakShobhyaH sarvapraharaNAyudhaH .. 120..\\
itIda.n kIrtanIyasya keshavasya mahAtmanaH . 
nAmnA.n sahasra.n divyAnAmasheSheNa prakIrtitam .. 121..\\
ya ida.n shR^iNuyAnnityaM yashchApi parikIrtayet . 
nAshubhaM prApnuyAtki.n chitso.amutreha cha mAnavaH .. 122..\\
vedAntago brAhmaNaH syAtkShatriyo vijayI bhavet . 
vaishyo dhanasamR^iddhaH syAchchhUdraH sukhamavApnuyAt .. 123..\\
dharmArthI prApnuyAddharmamarthArthI chArthamApnuyAt . 
kAmAnavApnuyAtkAmI prajArthI chApnuyAtprajAH .. 124..\\
bhaktimAnyaH sadotthAya shuchistadgatamAnasaH . 
sahasra.n vAsudevasya nAmnAmetatprakIrtayet .. 125..\\
yashaH prApnoti vipula.n GYAtiprAdhAnyameva cha . 
achalA.n shriyamApnoti shreyashchApnotyanuttamam .. 126..\\
na bhaya.n kva chidApnoti vIryaM tejash cha vindati . 
bhavatyarogo dyutimAnbalarUpaguNAnvitaH .. 127..\\
rogArto muchyate rogAdbaddhomuchyeta bandhanAt . 
bhayanmuchyeta bhItashcha muchyetApanna ApadaH .. 128..\\
durgANyatitaratyAshu puruShaH puruShottamam . 
stuvannAma sahasreNa nityaM bhaktisamanvitaH .. 129..\\
vAsudevAshrayo martyo vAsudeva parAyaNaH . 
sarvapApavishuddhAtmA yAti brahma sanAtanam .. 130..\\
na vAsudeva bhaktAnAmashubha.n vidyate kva chit . 
janmamR^ityujarAvyAdhibhaya.n vApyupajAyate .. 131..\\
ima.n stavamadhIyAnaH shraddhA bhaktisamanvitaH . 
yujyetAtma sukhakShAnti shrIdhR^itismR^itikIrtibhiH .. 132..\\
na krodho na cha mAtsaryaM na lobho nAshubhA matiH . 
bhavanti kR^itapuNyAnAM bhaktAnAM puruShottame .. 133..\\
dyauH sa chandrArkanakShatrA kha.n disho bhUrmahodadhiH . 
vAsudevasya vIryeNa vidhR^itAni mahAtmanaH .. 134..\\
sa surAsuragandharva.n sa yakShoraga rAkShasam . 
jagadvashe vartateda.n kR^iShNasya sa charAcharam .. 135..\\
indriyANi mano buddhiH sattva.n tejobalaM dhR^itiH . 
vAsudevAtmakAnyAhuH kShetra.n kShetraGYa eva cha .. 136..\\
sarvAgamAnAmAchAraH prathamaM parikalpyate . 
AchAra prabhavo dharmo dharmasya prabhurachyutaH .. 137..\\
R^iShayaH pitaro devamahAbhUtAni dhAtavaH . 
ja~NgamAja~Ngama.n chedaM jagannArAyaNodbhavam .. 138..\\
yogo GYAna.n tathA sa~Nkhya.n vidyAH shilpAni karma cha . 
vedAH shAstrANi viGYAnametatsarva.n janArdanAt .. 139..\\
eko viShNurmahadbhUtaM pR^ithagbhUtAnyanekashaH . 
trI.NllokAnvyApya bhUtAtmA bhu~Nkte vishvabhugavyayaH .. 140..\\
ima.n stavaM bhagavato viShNorvyAsena kIrtitam . 
paThedya ichchhetpuruShaH shreyaH prAptu.n sukhAni cha .. 141..\\
vishveshvaramaja.n devaM jagataH prabhavApyayam . 
bhajanti ye puShkarAkShaM na te yAnti parAbhavam .. 142..\\
\medskip\hrule\medskip\centerline{\Largedvng 136}
 y

ke pUjyAH ke namaH kAryAH katha.n varteta keShu cha . 
kimAchAraH kIdR^isheShu pitAmaha na riShyate .. 1..\\

 bh

brAhmaNAnAM paribhavaH sAdayedapi devatAH . 
brAhmaNAnAM namaskartA yudhiShThira na riShyate .. 2..\\
te pUjyAste namaH kAryA vartethAsteShu putravat . 
te hi lokAnimAnsarvAndhArayanti manIShiNaH .. 3..\\
brAhmaNAH sarvalokAnAM mahAnto dharmasetavaH . 
dhanatyAgAbhirAmAshcha vAksa.nyamaratAsh cha ye .. 4..\\
ramaNIyAshcha bhUtAnAM nidhAna.n cha dhR^itavratAH . 
praNetArashcha lokAnA.n shAstrANA.n cha yashasvinaH .. 5..\\
tapo yeShA.n dhanaM nitya.n vAkchaiva vipulaM balam . 
prabhavashchApi dharmANA.n dharmaGYAH sUkShmadarshinaH .. 6..\\
dharmakAmAH sthitA dharme sukR^itairdharmasetavaH . 
yAnupAshritya jIvanti prajAH sarvAshchaturvidhAH .. 7..\\
panthAnaH sarvanetAro yaGYavAhAH sanAtanAH . 
pitR^ipaitAmahI.n gurvImudvahanti dhura.n sadA .. 8..\\
dhuri ye nAvasIdanti viShame sadgavA iva . 
pitR^idevAtithi mukhA havyakavyAgra bhojinaH .. 9..\\
bhojanAdeva ye lokA.nstrAyante mahato bhayAt . 
dIpAH sarvasya lokasya chakShushchakShuShmatAm api .. 10..\\
sarvashilpAdi nidhayo nipuNAH sUkShmadarshinaH . 
gatiGYAH sarvabhUtAnAmadhyAtmagatichintakAH .. 11..\\
AdimadhyAvasAnAnA.n GYAtArashchhinnasaMshayAH . 
parAvaravisheShaGYA gantAraH paramA.n gatim .. 12..\\
vimuktA dhuta pApmAno nirdvandvA niShparigrahAH . 
mAnArhA mAnitA nitya.n GYAnavidbhirmahAtmabhiH .. 13..\\
chandane malapa~Nke cha bhojane.abhojane samAH . 
sama.n yeShA.n dukUlaM cha shANa kShaumAjinAni cha .. 14..\\
tiShTheyurapyabhu~njAnA bahUni divasAnyapi . 
shoShayeyushcha gAtrANi svAdhyAyaiH sa.nyatendriyAH .. 15..\\
adaiva.n daivataM kuryurdaivataM chApyadaivatam . 
lokAnanyAnsR^ijeyushcha lokapAlAMshcha kopitAH .. 16..\\
apeyaH sAgaro yeShAmabhishApAnmahAtmanAm . 
yeShA.n kopAgniradyApi daNDake nopashAmyati .. 17..\\
devAnAmapi ye devAH kAraNa.n kAraNasya cha . 
pramANasya pramANa.n cha kastAnabhibhavedbudhaH .. 18..\\
yeShA.n vR^iddhashcha bAlashcha sarvaH saMmAnamarhati . 
tapo vidyA visheShattu mAnayanti parasparam .. 19..\\
avidvAnbrAhmaNo devaH pAtra.n vai pAvanaM mahat . 
vidvAnbhUyastaro devaH pUrNasAgara saMnibhaH .. 20..\\
avidvAMshchaiva vidvAMshcha brAhmaNo daivataM mahat . 
praNItashchApraNItashcha yathAgnirdaivataM mahat .. 21..\\
shmashAne hyapi tejasvI pAvako naiva duShyati . 
haviryaGYeShu cha vahanbhUya evAbhishobhate .. 22..\\
eva.n yadyapyaniShTeShu vartate sarvakarmasu . 
sarvathA brAhmaNo mAnyo daivata.n viddhi tatparam .. 23..\\
\medskip\hrule\medskip\centerline{\Largedvng 137}
 y

kA.n tu brAhmaNa pUjAyA.n vyuShTiM dR^iShTvA janAdhipa . 
ka.n vA karmodayaM matvA tAnarchasi mahAmate .. 1..\\

 bh

atrApyudAharantImamitihAsaM purAtanam . 
pavanasya cha sa.nvAdamarjunasya cha bhArata .. 2..\\
sahasrabhuja bhR^ichchhrImAnkArtavIryo.abhavatprabhuH . 
asya lokasya sarvasya mAhiShmatyAM mahAbalaH .. 3..\\
sa tu ratnAkaravatI.n sa dvIpAM sAgarAmbarAm . 
shashAsa sarvAM pR^ithivI.n haihayaH satyavikramaH .. 4..\\
svavitta.n tena dattaM tu dattAtreyAya kAraNe . 
kShatradharmaM puraskR^itya vinaya.n shrutameva cha .. 5..\\
ArAdhayAmAsa cha ta.n kR^itavIryAtmajo munim . 
nyamantrayata sa.nhR^iShTaH sa dvijashcha varaistribhiH .. 6..\\
sa varaishchhanditastena nR^ipo vachanamabravIt . 
sahasrabAhurbhUyA.n vai chamUmadhye gR^ihe.anyathA .. 7..\\
mama bAhusahasra.n tu pashyantA.n sainikA raNe . 
vikrameNa mahI.n kR^itsnAM jayeya.n vipulavrata . 
tA.n cha dharmeNa samprApya pAlayeyamatandritaH .. 8..\\
chaturtha.n tu vara.n yAche tvAmahaM dvijasattama . 
taM mamAnugraha kR^ite dAtumarhasyanindita . 
anushAsantu mA.n santo mithyAvR^itta.n tadAshrayam .. 9..\\
ityuktaH sa dvijaH prAha tathAstviti narAdhipam . 
eva.n samabhava.nstasya varAste dIptatejasaH .. 10..\\
tataH sa rathamAsthAya jvalanArkasamadyutiH . 
abravIdvIryasaMmohAtko nvasti sadR^isho mayA . 
vIryadhairya yashaH shauchairvikrameNaujasApi vA .. 11..\\
tadvAkyAnte chAntarikShe vAguvAchAsharIriNI . 
na tvaM mUDha vijAnIShe brAhmaNa.n kShatriyAdvaram . 
sahito brAhmaNeneha kShatriyo rakShati prajAH .. 12..\\

 arjuna

kuryAM bhUtAni tuShTo.aha.n kruddho nAshaM tathA naye . 
karmaNA manasA vAchA na matto.asti varo dvijaH .. 13..\\
pUrvo brahmottaro vAdo dvitIyaH kShatriyottaraH . 
tvayoktau yau tu tau hetU visheShastvatra dR^ishyate .. 14..\\
brAhmaNAH saMshritAH kShatraM na kShatraM brAhmaNAshritam . 
shritAnbrahmopadhA viprAH khAdanti kShatriyAnbhuvi .. 15..\\
kShatriyeShvAshrito dharmaH prajAnAM paripAlanam . 
kShatrAdvR^ittirbrAhmaNAnA.n taiH kathaM brAhmaNo varaH .. 16..\\
sarvabhUtapradhAnA.nstAnbhaikSha vR^ittInaha.n sadA . 
AtmasambhAvitAnviprAnsthApayAmyAtmano vashe .. 17..\\
kathita.n hyanayA satya.n gAyatryA kanyayA divi . 
vijeShyAmyavashAnsarvAnbrAhmaNAMshcharma vAsasaH .. 18..\\
na cha mA.n chyAvayedrAShTrAttriShu lokeShu kash chana . 
devo vA mAnuSho vApi tasmAjjyeShTho dvijAdaham .. 19..\\
adya brahmottara.n loka.n kariShye kShatriyottaram . 
na hi me sa.nyuge kashchitsoDhumutsahate balam .. 20..\\
arjunasya vachaH shrutvA vitrastAbhUnnishAcharI . 
athainamantarikShasthastato vAyurabhAShata .. 21..\\
tyajaina.n kaluShaM bhAvaM brAhmaNebhyo namaskuru . 
eteShA.n kurvataH pApa.n rAShTrakShobho hi te bhavet .. 22..\\
atha vA tvAM mahIpAla shamayiShyanti vai dvijAH . 
nirasiShyanti vA rAShTrAddhatotsAhaM mahAbalAH .. 23..\\
ta.n rAjA kastvamityAha tatastaM prAha mArutaH . 
vAyurvai devadUto.asmi hita.n tvAM prabravImyaham .. 24..\\

 a

aho tvayAdya vipreShu bhaktirAgaH pradarshitaH . 
yAdR^ishaM pR^ithivI bhUta.n tAdR^ishaM brUhi vai dvijam .. 25..\\
vAyorvA sadR^isha.n kiM chidbrUhi tvaM brAhmaNottamam . 
apA.n vai sadR^ishaM brUhi sUryasya nabhaso.api vA .. 26..\\
\medskip\hrule\medskip\centerline{\Largedvng 138}
 vaayu

shR^iNu mUDha guNAnkAMshchidbrAhmaNAnAM mahAtmanAm . 
ye tvayA kIrtitA rAja.nstebhyo.atha brAhmaNo varaH .. 1..\\
tyaktvA mahItvaM bhUmistu spardhayA~NganR^ipasya ha . 
nAsha.n jagAma tA.n vipro vyaShTambhayata kashyapaH .. 2..\\
akShayA brAhmaNA rAjandivi cheha cha nityadA . 
apibattejasA hyApaH svayamevA~NgirAH purA .. 3..\\
sa tAH pibankShIramiva nAtR^ipyata mahAtapAH . 
apUrayanmahaughena mahI.n sarvA.n cha pArthiva .. 4..\\
tasminnaha.n cha kruddhe vai jagattyaktvA tato gataH . 
vyatiShThamagnihotre cha chirama~Ngiraso bhayAt .. 5..\\
abhishaptashcha bhagavAngautamena purandaraH . 
ahalyA.n kAmayAno vai dharmArthaM cha na hi.nsitaH .. 6..\\
tathA samudro nR^ipate pUrNo mR^iShTena vAriNA . 
brAhmaNairabhishaptaH sa.NllavaNodaH kR^ito vibho .. 7..\\
suvarNavarNo nirdhUmaH sa.nhatordhva shikhaH kaviH . 
kruddhenA~NgirasA shapto guNairetairivarjitaH .. 8..\\
marutashchUrNitAnpashya ye.ahasanta mahodadhim . 
suvarNadhAriNA nityamavashaptA dvijAtinA .. 9..\\
samo na tva.n dvijAtibhyaH shreShTha.n viddhi narAdhipa . 
garbhasthAnbrAhmaNAnsamya~Nnamasyati kila prabhuH .. 10..\\
daNDakAnAM mahadrAjyaM brAhmaNena vinAshitam . 
tAlaja~NghaM mahatkShatramaurveNaikena nAshitam .. 11..\\
tvayA cha vipula.n rAjyaM bala.n dharmaH shrutaM tathA . 
dattAtreya prasAdena prAptaM paramadurlabham .. 12..\\
agni.n tva.n yajase nityaM kasmAdarjuna brAhmaNam . 
sa hi sarvasya lokasya havyavATkiM na vetsi tam .. 13..\\
atha vA brAhmaNashreShThamanu bhUtAnupAlakam . 
kartAra.n jIvalokasya kasmAjjAnanvimuhyase .. 14..\\
tathA prajApatirbrahmA avyaktaH prabhavApyayaH . 
yenedaM nikhila.n vishva.n janitaM sthAvaraM charam .. 15..\\
aNDa jAta.n tu brahmANaM ke chidichchhantyapaNDitAH . 
aNDAdbhinnAdbabhuH shailA disho.ambhaH pR^ithivI divam .. 16..\\
draShTavyaM naitadeva.n hi katha.n jyAyastamo hi saH . 
smR^itamAkAshamaNDa.n tu tasmAjjAtaH pitAmahaH .. 17..\\
tiShThetkathamiti brUhi na ki.n chiddhi tadA bhavet . 
aha.n kAra iti proktaH sarvatejo gataH prabhuH .. 18..\\
nAstyaNDamasti tu brahmA sa rAja.NllokabhAvanaH . 
ityuktaH sa tadA tUShNImabhUdvAyustamabravIt .. 19..\\
\medskip\hrule\medskip\centerline{\Largedvng 139}
 vaayu

imAM bhUmiM brAhmaNebhyo ditsurvai dakShiNAM purA . 
a~Ngo nAma nR^ipo rAja.nstatashchintAM mahI yayau .. 1..\\
dhAraNI.n sarvabhUtAnAmayaM prApya varo nR^ipaH . 
kathamichchhati mA.n dAtuM dvijebhyo brahmaNaH sutAm .. 2..\\
sAha.n tyaktvA gamiShyAmi bhUmitvaM brahmaNaH padam . 
aya.n sarAShTro nR^ipatirmA bhUditi tato.agamat .. 3..\\
tatastA.n kashyapo dR^iShTvA vrajantIM pR^ithivIM tadA . 
pravivesha mahI.n sadyo muktvAtmAnaM samAhitaH .. 4..\\
ruddhA sA sarvato jaGYe tR^iNauShadhi samanvitA . 
dharmottarA naShTabhayA bhUmirAsIttato nR^ipa .. 5..\\
eva.n varShasahasrANi divyAni vipulavrataH . 
triMshata.n kashyapo rAjanbhUmirAsIdatandritaH .. 6..\\
athAgamya mahArAja namaskR^itya cha kashyapam . 
pR^ithivI kAshyapI jaGYe sutA tasya mahAtmanaH .. 7..\\
eSha rAjannIdR^isho vai brAhmaNaH kashyapo.abhavat . 
anyaM prabrUhi vApi tva.n kashyapAtkShatriya.n varam .. 8..\\
tUShNIM babhUva nR^ipatiH pavanastvabravItpunaH . 
shR^iNu rAjannutathyasya jAtasyA~Ngirase kule .. 9..\\
bhadrA somasya duhitA rUpeNa paramA matA . 
tasyAstulyaM pati.n soma utathyaM samapashyata .. 10..\\
sA cha tIvra.n tapastepe mahAbhAgA yashasvinI . 
utathya.n tu mahAbhAgaM tatkR^ite.avarayattadA .. 11..\\
tata AhUya sotathya.n dadAvatra yashasvinIm . 
bhAryArthe sa cha jagrAha vidhivadbhUridakShiNa .. 12..\\
tA.n tvakAmayata shrImAnvaruNaH pUrvameva ha . 
sa chAgamya vanaprastha.n yamunAyA.n jahAra tAm .. 13..\\
jaleshvarastu hR^itvA tAmanayatsvapuraM prati . 
paramAdbhutasa~NkAsha.n ShaTsahasrashatahradam .. 14..\\
na hi ramyatara.n kiM chittasmAdanyatpurottamam . 
prAsAdairapsarobhishcha divyaiH kAmaishcha shobhitam . 
tatra devastayA sArdha.n reme rAja~njaleshvaraH .. 15..\\
athAkhyAtamutathyAya tataH patnyavamardanam .. 16..\\
tachchhrutvA nAradAtsarvamutathyo nArada.n tadA . 
provAcha gachchha brUhi tva.n varuNaM paruShaM vachaH . 
madvAkyAnmu~ncha me bhAryA.n kasmAdvA hR^itavAnasi .. 17..\\
lokapAlo.asi lokAnAM na lokasya vilopakaH . 
somena dattA bhAryA me tvayA chApahR^itAdya vai .. 18..\\
ityukto vachanAttasya nAradena jaleshvaraH . 
mu~ncha bhAryAmutathyasyetyatha ta.n varuNo.abravIt . 
mamaiShA supriyA bhAryA nainAmutsraShTumutsahe .. 19..\\
ityukto varuNenAtha nAradaH prApya taM munim . 
utathyamabravIdvAkyaM nAtihR^iShTamanA iva .. 20..\\
gale gR^ihItvA kShipto.asmi varuNena mahAmune . 
na prayachchhati te bhAryA.n yatte kArya.n kuruShva tat .. 21..\\
nAradasya vachaH shrutvA kruddhaH prAjvalada~NgirAH . 
apibattejasA vAri viShTabhya sumahAtapAH .. 22..\\
pIyamAne cha sarvasmi.nstoye vai salileshvaraH . 
suhR^idbhiH kShipyamANo.api naivAmu~nchata tA.n tadA .. 23..\\
tataH kruddho.abravIdbhUmimutathyo brAhmaNottamaH . 
darshayasva sthalaM bhadre ShaTsahasrashatahradam .. 24..\\
tatastadiriNa.n jAta.n samudrashchApasarpitaH . 
tasmAddeshAnnadI.n chaiva provAchAsau dvijottamaH .. 25..\\
adR^ishyA gachchha bhIru tva.n sarasvati maruM prati . 
apuNya eSha bhavatu deshastyaktastvayA shubhe .. 26..\\
tasminsa~ncUrNite deshe bhadrAmAdAya vAripaH . 
adadAchchharaNa.n gatvA bhAryAmA~NgirasAya vai .. 27..\\
pratigR^ihya tu tAM bhAryAmutathyaH sumanAbhavat . 
mumocha cha jagadduHkhAdvaruNa.n chaiva haihaya .. 28..\\
tataH sa labdhvA tAM bhAryA.n varuNaM prAha dharmavit . 
utathyaH sumahAtejA yattachchhR^iNu narAdhipa .. 29..\\
mayaiShA tapasA prAptA kroshataste jalAdhipa . 
ityuktvA tAmupAdAya svameva bhavana.n yayau .. 30..\\
eSha rAjannIdR^isho vai utathyo brAhmaNarShabhaH . 
bravImyahaM brUhi vA tvamutathyAtkShatriya.n varam .. 31..\\
\medskip\hrule\medskip\centerline{\Largedvng 140}
 bh

ityuktaH sa tadA tUShNImabhUdvAyustato.abravIt . 
shR^iNu rAjannagastyasya mAhAtmyaM brAhmaNasya ha .. 1..\\
asurairnirjitA devA nirutsAhAshcha te kR^itAH . 
yaGYAshchaiShA.n hR^itAH sarve pitR^ibhyashcha svadhA tathA .. 2..\\
karmejyA mAnavAnA.n cha dAnavairhaihayarShabha . 
bhraShTaishvaryAstato devAshcheruH pR^ithvImiti shrutiH .. 3..\\
tataH kadA chitte rAjandIptamAdityavarchasam . 
dadR^ishustejasA yuktamagastya.n vipulavratam .. 4..\\
abhivAdya cha ta.n devA dR^iShTvA cha yashasA vR^itam . 
idamUchurmahAtmAna.n vAkya.n kAle janAdhipa .. 5..\\
dAnavairyudhi bhagnAH sma tathaishvaryAchcha bhraMshitAH . 
tadasmAnno bhayAttIvrAttrAhi tvaM munipu~Ngava .. 6..\\
ityuktaH sa tadA devairagastyaH kupito.abhavat . 
prajajvAla cha tejasvI kAlAgniriva sa~NkShaye .. 7..\\
tena dIptAMshu jAlena nirdagdhA dAnavAstadA . 
antarikShAnmahArAja nyapatanta sahasrashaH .. 8..\\
dahyamAnAstu te daityAstasyAgastyasya tejasA . 
ubhau lokau parityajya yayuH kAShThA.n sma dakShiNAm .. 9..\\
balistu yajate yaGYamashvamedhaM mahI.n gataH . 
ye.anye svasthA mahIsthAshcha te na dagdhA mahAsurAH .. 10..\\
tato lokA punaH prAptAH suraiH shAnta.n cha tadrajaH . 
athainamabruvandevA bhUmiShThAnasurA~n jahi .. 11..\\
ityukta Aha devAnsa na shaknomi mahIgatAn . 
dagdhu.n tapo hi kShIyenme dhakShyAmIti cha pArthiva .. 12..\\
eva.n dagdhA bhagavatA dAnavAH svena tejasA . 
agastyena tadA rAja.nstapasA bhAvitAtmanA .. 13..\\
IdR^ishashchApyagastyo hi kathitaste mayAnagha . 
bravImyahaM brUhi vA tvamagastyAtkShatriya.n varam .. 14..\\
ityuktaH sa tadA tUShNImabhUdvAyustato.abravIt . 
shR^iNu rAjanvasiShThasya mukhya.n karma yashasvinaH .. 15..\\
AdityAH satramAsanta saro vai mAnasaM prati . 
vasiShThaM manasA gatvA shrutvA tatrAsya gocharam .. 16..\\
yajamAnA.nstu tAndR^iShTvA vyagrAndIkShAnukarshitAn . 
hantumichchhanti shailAbhAH khalino nAma dAnavAH .. 17..\\
adUrAttu tatasteShAM brahmadattavara.n saraH . 
hatA hatA vai te tatra jIvantyAplutya dAnavAH .. 18..\\
te pragR^ihya mahAghorAnparatAnparighAndrumAn . 
vikShobhayantaH salilamutthitAH shatayojanam .. 19..\\
abhyadravanta devA.nste sahasrANi dashaiva ha . 
tatastairarditA devAH sharaNa.n vAsavaM yayuH .. 20..\\
sa cha tairvyathitaH shakro vasiShTha.n sharaNaM yayau . 
tato.abhaya.n dadau tebhyo vasiShTho bhagavAnR^iShiH .. 21..\\
tathA tAnduHkhitA~njAnannAnR^isha.nsya paro muniH . 
ayatnenAdahatsarvAnkhalinaH svena tejasA .. 22..\\
kailAsaM prathitA.n chApi nadIM ga~NgAM mahAtapAH . 
Anayattatsaro divya.n tayA bhinnaM cha tatsaraH .. 23..\\
saro bhinna.n tayA nadyA sarayUH sA tato.abhavat . 
hatAshcha khalino yatra sa deshaH khalino.abhavat .. 24..\\
eva.n sendrA vasiShThena rakShitAstridivaukasaH . 
brahmadattavarAshchaiva hatA daityA mahAtmanA .. 25..\\
etatkarma vasiShThasya kathita.n te mayAnagha . 
bravImyahaM brUhi vA tva.n vasiShThAtkShatriyaM varam .. 26..\\
\medskip\hrule\medskip\centerline{\Largedvng 141}
 bh

ityuktastvarjunastUShNImabhUdvAyustamabravIt . 
shR^iNu me haihaya shreShTha karmAtreH sumahAtmanaH .. 1..\\
ghore tamasyayudhyanta sahitA devadAnavAH . 
avidhyata sharaistatra svarbhanuH somabhAskarau .. 2..\\
atha te tamasA grastA nihanyante sma dAnavaiH . 
devA nR^ipatishArdUla sahaiva balibhistadA .. 3..\\
asurairvadhyamAnAste kShINaprANA divaukasaH . 
apashyanta tapasyantamatri.n vipraM mahAvane .. 4..\\
athainamabruvandevAH shAntakrodha.n jitendriyam . 
asurairiShubhirviddhau chandrAdityAvimAvubhau .. 5..\\
vaya.n vadhyAmahe chApi shatrubhistamasAvR^ite . 
nAdhigachchhAma shAnti.n cha bhayAttrAyasva naH prabho .. 6..\\
katha.n rakShAmi bhavataste.abruvaMshchandramA bhava . 
timiraghnashcha savitA dasyuhA chaiva no bhava .. 7..\\
evamuktastadAtristu somavatpriyadarshanaH . 
apashyatsaumya bhAva.n cha sUryasya pratidarshanam .. 8..\\
dR^iShTvA nAtiprabha.n soma.n tathA sUryaM cha pArthiva . 
prakAshamakarodatristapasA svena sa.nyuge .. 9..\\
jagadvitimira.n chApi pradIptamakarottadA . 
vyajayachchhatrusa~NghAMshcha devAnA.n svena tejasA .. 10..\\
atriNA dahyamAnA.nstAndR^iShTvA devA mahAsurAn . 
parAkramaiste.api tadA vyatyaghnannatrirakShitAH .. 11..\\
udbhAsitashcha savitA devAstrAtA hatAsurAH . 
atriNA tvatha somatva.n kR^itamuttamatejasA .. 12..\\
advitIyena muninA japatA charma vAsasA . 
phalabhakSheNa rAjarShe pashya karmAtriNA kR^itam .. 13..\\
tasyApi vistareNokta.n karmAtreH sumahAtmanaH . 
bravImyahaM brUhi vA tvamatritaH kShatriya.n varam .. 14..\\
ityuktastvarjunastUShNImabhUdvAyustamabravIt . 
shR^iNu rAjanmahatkarma chyavanasya mahAtmanaH .. 15..\\
ashvinoH pratisaMshrutya chyavanaH pAkashAsanam . 
provAcha sahita.n devaiH somapAvashvinau kuru .. 16..\\

 indra

asmAbhirvarjitAvetau bhavetA.n somapau katham . 
devairna saMmitAvetau tasmAnmaiva.n vadasva naH .. 17..\\
ashvibhyA.n saha nechchhAmaH pAtuM somaM mahAvrata . 
pibantyanye yathAkAmaM nAhaM pAtumihotsahe .. 18..\\

 chyavana

na chetkariShyasi vacho mayoktaM balasUdana . 
mayA pramathitaH sadyaH somaM pAsyasi vai makhe .. 19..\\
tataH karma samArabdha.n hitAya sahasAshvinoH . 
chyavanena tatomantrairabhibhUtAH surAbhavan .. 20..\\
tattu karma samArabdha.n dR^iShTvendraH krodhamUrchhitaH . 
udyamya vipula.n shaila.n chyavanaM samupAdravat . 
tathA vajreNa bhagavAnamarShAkula lochanaH .. 21..\\
tamApatanta.n dR^iShTvaiva chyavanastapasAnvitaH . 
adbhiH siktvAstambhayatta.n sa varjaM saha parvatam .. 22..\\
athendrasya mahAghora.n so.asR^ijachchhatrumeva ha . 
madaM mantrAhuti maya.n vyAditAsyaM mahAmuniH .. 23..\\
tasya dantasahasra.n tu babhUva shatayojanam . 
dviyojanashatAstasya daMShTrAH paramadAruNAH . 
hanustasyAbhavadbhUmAvekashchAsyAspR^ishaddivam .. 24..\\
jihvA mUle sthitAstasya sarve devAH sa vAsavAH . 
timerAsyamanuprAptA yathAmatsyA mahArNave .. 25..\\
te saMmantrya tato devA madasyAsya gatAstadA . 
abruvansahitAH shakraM praNamAsmai dvijAtaye . 
ashvibhyA.n saha soma.n cha pibAmo vigatajvarAH .. 26..\\
tataH sa praNataH shakrashchakAra chyavanasya tat . 
chyavanaH kR^itavA.nstau chApyashvinau somapIthinau .. 27..\\
tataH partyAharatkarma mada.n cha vyabhajanmuniH . 
akSheShu mR^igayAyA.n cha pAne strIShu cha vIryavAn .. 28..\\
etairdoShairnaro rAjankShaya.n yAti na saMshayaH . 
tasmAdetAnnaro nitya.n dUrataH parivarjayet .. 29..\\
etatte chyavanasyApi karma rAjanprakIrtitam . 
bravImyahaM brUhi vA tva.n chyavanAtkShatriya.n varam .. 30..\\
\medskip\hrule\medskip\centerline{\Largedvng 142}
 bh

tUShNImAsIdarjunastu pavanastvabravItpunaH . 
shR^iNu me brAhmaNeShveva mukhya.n karma janAdhipa .. 1..\\
madasyAsyamanuprAptA yadA sendrA divaukasaH . 
tadeya.n chyavaneneha hR^itA teShA.n vasundharA .. 2..\\
ubhau lokau hR^itau matvA te devA duHkhitAbhavan . 
shokArtAshcha mahAtmAnaM brahmANa.n sharaNaM yayuH .. 3..\\

 devaah

madAsya vyatiShiktAnAmasmAka.n lokapUjita . 
chyavanena hR^itA bhUmiH kapaishchApi divaM prabho .. 4..\\

 br

gachchhadhva.n sharaNaM viprAnAshu sendrA divaukasaH . 
prasAdya tAnubhau lokAvavApsyatha yathA purA .. 5..\\
te yayuH sharaNa.n viprAsta UchuH kA~njayAmahe . 
ityuktAste dvijAnprAhurjayateha kapAniti . 
bhUgatAnhi vijetAro vayamityeva pArthiva .. 6..\\
tataH karma samArabdhaM brAhmaNaiH kapa nAshanam . 
tachchhrutvA preShito dUto brAhmaNebhyo dhanI kapaiH .. 7..\\
sa cha tAnbrAhmaNAnAha dhanI kapa vacho yathA . 
bhavadbhiH sadR^ishAH sarve kapAH kimiha vartate .. 8..\\
sarve veda vidaH prAGYAH sarve cha kratuyAjinaH . 
sarve satyavratAshchaiva sarve tulyA maharShibhiH .. 9..\\
shrIshchaiva ramate teShu dhArayanti shriya.n cha te . 
vR^ithA dArAnna gachchhanti vR^ithA mA.nsaM na bhu~njate .. 10..\\
dIptamagni.n juhvati cha gurUNA.n vachane sthitAH . 
sarve cha niyatAtmAno balAnA.n sa.nvibhAginaH .. 11..\\
upetya shakaTairyAnti na sevanti rajasvalAm . 
abhuktavatsu nAshnanti divA chaiva na sherate .. 12..\\
etaishchAnyaishcha bahubhirguNairyuktAnkatha.n kapAn . 
vijeShyatha nivartadhvaM nivR^ittAnA.n shubhaM hi vaH .. 13..\\

 br

kapAnvaya.n vijeShyAmo ye devAste vayaM smR^itAH . 
tasmAdvadhyAH kapAsmAka.n dhaninyAhi yathAgatam .. 14..\\
dhanI gatvA kapAnAha na vo viprAH priya.n karAH . 
gR^ihItvAstrANyatho viprAnkapAH sarve samAdravan .. 15..\\
samudagradhvajAndR^iShTvA kapAnsarve dvijAtayaH . 
vyasR^ija~njvalitAnagnInkapAnAM prANanAshanAn .. 16..\\
brahma sR^iShTA havyabhujaH kapAnbhuktvA sanAtanAH . 
nabhasIva yathAbhrANi vyarAjanta narAdhipa . 
prashasha.nsurdvijAMshchaiva brahmANa.n cha yashasvinam .. 17..\\
teShA.n tejastathA vIryaM devAnA.n vavR^idhe tataH . 
avApnuvaMshchAmaratva.n triShu lokeShu pUjitam .. 18..\\
ityuktavachana.n vAyumarjunaH pratyabhAShata . 
pratipUjya mahAbAho yattachchhR^iNu narAdhipa .. 19..\\
jIvAmyahaM brAhmaNArthe sarvathA satataM prabho . 
brahmaNe brAhmaNebhyashcha praNamAmi cha nityashaH .. 20..\\
dattAtreya prasAdAchcha mayA prAptamida.n yashaH . 
loke cha paramA kIrtirdharmashcha charito mahAn .. 21..\\
aho brAhmaNa karmANi yathA mAruta tattvataH . 
tvayA proktAni kArtsnyena shrutAni prayatena ha .. 22..\\

 vaayu

brAhmaNAnkShatradharmeNa pAlayasvendriyANi cha . 
bhR^igubhyaste bhaya.n ghoraM tattu kAlAdbhaviShyati .. 23..\\
\medskip\hrule\medskip\centerline{\Largedvng 143}
 y

brAhmaNAnarchase rAjansatata.n saMshitavratAn . 
ka.n tu karmodayaM dR^iShTvA tAnarchasi narAdhipa .. 1..\\
kA.n vA brAhmaNa pUjAyAM vyuShTi.n dR^iShTvA mahAvrata . 
tAnarchasi mahAbAho sarvametadvadasva me .. 2..\\

 bh

eSha te keshachaH sarvamAkhyAsyati mahAmatiH . 
vyuShTaM brAhmaNa pUjAyA.n dR^iShTavyuShTirmahAvratAH .. 3..\\
bala.n shrotre vAnmanashchakShuShI cha 
GYAna.n tathA na vishuddhaM mamAdya . 
dehanyAso nAtichirAnmato me 
na chAtitUrNa.n savitAdya yAti .. 4..\\
uktA dharmA ye purANe mahAnto 
brAhmaNAnA.n kShatriyANA.n vishAM cha . 
paurANa.n ye daNDdamupAsate cha 
sheSha.n kR^iShNAdupashikShasva pArtha .. 5..\\
aha.n hyena vedmi tattvena kR^iShNaM 
yo.aya.n hi yachchAsya balaM purANam . 
ameyAtmA keshavaH kauravendra 
so.aya.n dharma.n vakShyati saMshayeShu .. 6..\\
kR^iShNaH pR^ithvImasR^ijatkha.n divaM cha 
varAho.ayaM bhImabalaH purANaH . 
asya chAdho.athAntarikSha.n divaM cha 
dishashchatasraH pradishashchatasraH . 
sR^iShTistathaiveyamanuprasUtA 
sa nirmame vishvamidaM purANam .. 7..\\
asya nAbhyAM puShkara.n samprasUtaM 
yatrotpannaH svayamevAmitaujAH . 
yenAchchhinna.n tattamaH pArtha ghoraM 
yattattiShThatyarNava.n tarjayAnam .. 8..\\
kR^ite yoge dharma AsItsamagras 
tretAkAle GYAnamanuprapannaH . 
bala.n tvAsIddvApare pArtha kR^iShNaH 
kalAvadharmaH kShitimAjagAma .. 9..\\
sa pUrvadevo nijaghAna daityAn 
sa pUrvadevashcha babhUva samrAT . 
sa bhUtAnAM bhAvano bhUtabhavyaH 
sa vishvasyAsya jagatashchApi goptA .. 10..\\
yadA dharmo glAyati vai surANAM 
tadA kR^iShNo jAyate mAnuSheShu . 
dharme sthitvA sa tu vai bhAvitAtmA 
parAMshcha lokAnaparAMshcha yAti .. 11..\\
tyAjyA.nstyaktvAthAsurANA.n vadhAya 
kAryAkArye kAraNa.n chaiva pArtha . 
kR^ita.n kariShyatkriyate cha devo 
muhuH soma.n viddhi cha shakrametam .. 12..\\
sa vishvakarmA sa cha vishvarUpaH 
sa vishvabhR^idvishvakR^igvishvajichcha . 
sa shUlabhR^ichchhoNita bhR^itkarAlas 
ta.n karma bhirvidita.n vai stuvanti .. 13..\\
ta.n gandharvApsarasash cha nityam 
upatiShThante vibudhAnA.n shatAni . 
ta.n rAkShasAshcha parisa.nvahante 
rAyaH poShaH sa vijigIShurekaH .. 14..\\
tamadhvare sha.nsitAraH stuvanti 
rathantare sAmagAsh cha stuvanti . 
taM brAhmaNA brahma mantraiH stuvanti 
tasmai haviradhvaryavaH kalpayanti .. 15..\\
sa paurANIM brahma guhAM praviShTo 
mahI satraM bhAratAgre dadarsha . 
sa chaiva gAmuddadhArAgrya karmA 
vikShobhya daityAnuragAndAnavAMsh cha .. 16..\\
tasya bhakShAnvividhAnvedayanti 
tamevAjau vAhana.n vedayanti . 
tasyAntarikShaM pR^ithivI diva.n cha 
sarva.n vashe tiShThati shAshvatasya .. 17..\\
sa kumbharetAH sasR^ije purANaM 
yatrotpannamR^iShimAhurvasiShTham . 
sa mAtarishvA vibhurashvavAjI 
sa rashmimAnsavitA chAdi devaH .. 18..\\
tenAsurA vijitAH sarva eva 
tasya vikrAntairvijitAnIha trINi . 
sa devAnAM mAnuShANAM pitR^INAM 
tamevAhuryaGYavidA.n vitAnam .. 19..\\
sa eva kAla.n vibhajannudeti 
tasyottara.n dakShiNaM chAyane dve . 
tasya evordhva.n tiryagadhash charanti 
gabhastayo medinI.n tApayantaH .. 20..\\
taM brAhmaNA veda vido juShanti 
tasyAdityo bhAmupayujya bhAti . 
sa mAsi mAsyadhvara kR^idvidhatte 
tamadhvare veda vidaH paThanti .. 21..\\
sa ekayukchakramida.n trinAbhi 
saptAshvayukta.n vahate vai tridhAmA . 
mahAtejAH sarvagaH sarvasi.nhaH 
kR^iShNo lokAndhArayate tathaikaH . 
ashnannanashnaMshcha tathaiva dhIraH 
kR^iShNa.n sadA pArtha kartAramehi .. 22..\\
sa ekadA kakShagato mahAtmA 
tR^ipto vibhuH khANDave dhUmaketuH . 
sa rAkShasAnuragAMshchAvajitya 
sarvatra gaH sarvamagnau juhoti .. 23..\\
sa evAshvaH shvetamashvaM prayachchhat 
sa evAshvAnatha sarvAMshchakAra . 
trivandhurastasya rathastrichakras 
trivR^ichchhirAshchaturasrash cha tasya .. 24..\\
sa vihAyo vyadadhAtpa~ncha nAbhiH 
sa nirmame gA.n divamantarikSham . 
eva.n ramyAnasR^ijatparvatAMsh cha 
hR^iShIkesho.amitadIptAgnitejAH .. 25..\\
sa la~Nghayanvai sarito jighA.nsan 
sa ta.n vajraM praharantaM nirAsa . 
sa mahendraH stUyate vai mahAdhvare 
vipraireko R^iksahasraiH purANaiH .. 26..\\
durvAsA vai tena nAnyena shakyo 
gR^ihe rAjanvAsayituM mahaujAH . 
tamevAhurR^iShimekaM purANaM 
sa vishvakR^idvidadhAtyAtmabhAvAn .. 27..\\
vedAMsh cha yo vedayate.adhidevo 
vidhIMshcha yashchAshrayate purANAn . 
kAme vede laukike yatphala.n cha 
viShvaksenensarvametatpratIhi .. 28..\\
jyotIMShi shuklAni cha sarvaloke 
trayo lokA lokapAtrAstrayash cha . 
trayo.agnayo vyAhR^itayashcha tisraH 
sarve devA devakIputra eva .. 29..\\
sa.nvatsaraH sa R^ituH so.ardhamAsaH 
so.ahorAtraH sakalA vai sa kAShThAH . 
mAtrA muhUrtAshcha lavAH kShaNAsh cha 
viShvaksene sarvametatpratIhi .. 30..\\
chandrAdityau grahanakShatratArAH 
sarvANi darshAnyatha paurNamAsyaH . 
nakShatrayogA R^itavashcha pArtha 
viShvaksenAtsarvametatprasUtam .. 31..\\
rudrAdityA vasavo.athAshvinau cha 
sAdhyA vishve marutA.n ShaDgaNAsh cha . 
prajApatirdeva mAtAditish cha 
sarve kR^iShNAdR^iShayash chaiva sapta .. 32..\\
vAyurbhUtvA vikShipate cha vishvam 
agnirbhUtvA dahate vishvarUpaH . 
Apo bhUtvA majjayate cha sarvaM 
brahmA bhUtvA sR^ijate vishvasa~NghAn .. 33..\\
vedya.n cha yadvedayate cha vedAn 
vidhishcha yashchAshrayate vidheyAn . 
dharme cha vede va bale cha sarvaM 
charAchara.n keshavaM tvaM pratIhi .. 34..\\
jyotirbhUtaH paramo.asau purastAt 
prakAshayanprabhayA vishvarUpaH . 
apaH sR^iShTvA hyAtmabhUrAtmayoniH 
purAkarotsarvamevAtha vishvam .. 35..\\
R^itUnutpAtAnvividhAnyadbhutAni 
meghAnvidyutsarvamairAvata.n cha . 
sarva.n kR^iShNAtsthAvaraM ja~NgamaM cha 
vishvAkhyAtAdviShNumenaM pratIhi .. 36..\\
vishvAvAsaM nirguNa.n vAsudevaM 
sa~NkarShaNa.n jIvabhUta.n vadanti . 
tataH pradyumnamaniruddha.n chaturtham 
AGYApayatyAtmayonirmahAtmA .. 37..\\
sa pa~nchadhA pa~nchajanopapannaM 
sa~ncodayanvishvamida.n sisR^ikShuH . 
tatashchakArAvani mArutau cha 
kha.n jyotirApashcha tathaiva pArtha .. 38..\\
sa sthAvara.n ja~NgamaM chaivametach 
chaturvidha.n lokamima.n cha kR^itvA . 
tato bhUmi.n vyadadhAtpa~ncha bIjAM 
dyauH pR^ithivyA.n dhAsyati bhUri vAri . 
tena vishva.n kR^itametaddhi rAjan 
sa jIvayatyAtmanaivAtma yoniH .. 39..\\
tato devAnasurAnmAnuShAMsh cha 
lokAnR^iShIMshchAtha pitR^InprajAsh cha . 
samAsena vividhAnprANilokAn 
sarvAnsadA bhUtapatiH sisR^ikShuH .. 40..\\
shubhAshubha.n sthAvara.n ja~NgamaM cha 
viShvaksenAtsarvametatpratIhi . 
yadvartate yachcha bhaviShyatIha 
sarvametatkeshava.n tvaM pratIhi .. 41..\\
mR^ityushchaiva prANinAmantakAle 
sAkShAtkR^iShNaH shAshvato dharmavAhaH . 
bhUta.n cha yachcheha na vidma kiM chid 
viShvaksenAtsarvametatpratIhi .. 42..\\
yatprashasta.n cha lokeShu puNya.n yachcha shubhAshubham . 
tatsarva.n keshavo.achintyo viparItamato bhavet .. 43..\\
etAdR^ishaH keshavo.aya.n svayaM bhUr 
nArAyaNaH paramashchAvyayash cha . 
madhya.n chAsya jagatastasthuShash cha 
sarveShAM bhUtAnAM prabhavashchApyayash cha .. 44..\\
\medskip\hrule\medskip\centerline{\Largedvng 144}
 y

brUhi brAhmaNa pUjAyA.n vyuShTi.n tvaM madhusUdana . 
vettA tvamasya chArthasya veda tvA.n hi pitAmahaH .. 1..\\

 vaa

shR^iNuShvAvahito rAjandvijAnAM bharatarShabha . 
yathAtattvena vadato guNAnme kurusattama .. 2..\\
pradyumnaH paripaprachchha brAhmaNaiH parikopitaH . 
kiM phalaM brAhmaNeShvasti pUjAyAM madhusUdana . 
Ishvarasya satastasya iha chaiva paratra cha .. 3..\\
sadA dvijAtInsampUjya kiM phala.n tatra mAnada . 
etadbrUhi pitaH sarva.n sumahAnsaMshayo.atra me .. 4..\\
ityuktavachanastena pradyumnena tadA tvaham . 
pratyabruvaM mahArAja yattachchhR^iNu samAhitaH .. 5..\\
vyuShTiM brAhmaNa pUjAyA.n raukmiNeya nibodha me . 
ete hi somarAjAna IshvarAH sukhaduHkhayoH .. 6..\\
asmi.Nlloke raukmiNeya tathAmuShmiMsh cha putraka . 
brAhmaNa pramukha.n saukhyaM na me.atrAsti vichAraNA .. 7..\\
brAhmaNa pramukha.n vIryamAyuH kIrtiryashobalam . 
lokA lokeshvarAshchaiva sarve brAhmaNa pUrvakAH .. 8..\\
tatkathaM nAdriyeya.n vai Ishvaro.asmIti putraka . 
mA te manyurmahAbAho bhavatvatra dvijAnprati .. 9..\\
brAhmaNo hi mahadbhUtamasmi.Nlloke paratra cha . 
bhasma kuryurjagadida.n kruddhAH pratyakShadarshinaH .. 10..\\
anyAnapi sR^ijeyushcha lokA.NllokeshvarA.nstathA . 
katha.n teShu na varteya samyagGYAnAtsutejasaH .. 11..\\
avasanmadgR^ihe tAta brAhmaNo hari pi~NgalaH . 
chIravAsA bilvadaNDI dIrghashmashru nakhAdimAn . 
dIrghyebhyashcha manuShyebhyaH pramANAdadhiko bhuvi .. 12..\\
sa sma sa~ncarate lokAnye divyA ye cha mAnuShAH . 
imA gAthA gAyamAnashchatvareShu sabhAsu cha .. 13..\\
durvAsasa.n vAsayetko brAhmaNaM satkR^ita.n gR^ihe . 
paribhAShA.n cha me shrutvA ko nu dadyAtpratishrayam . 
yo mA.n kashchidvAsayeta na sa mAM kopayediha .. 14..\\
ta.n sma nAdriyate kashchittato.aha.n tamavAsayam .. 15..\\
sa sma bhu~Nkte sahasrANAM bahUnAmannamekadA . 
ekadA smAlpakaM bhu~Nkte na vaiti cha punargR^ihAn .. 16..\\
akasmAchcha prahasati tathAkasmAtpraroditi . 
na chAsya vayasA tulyaH pR^ithivyAmabhavattadA .. 17..\\
so.asmadAvasatha.n gatvA shayyAshchAstaraNAni cha . 
kanyAshchAla.n kR^itA dagdhvA tato vyapagataH svayam .. 18..\\
atha mAmabravIdbhUyaH sa muniH saMshitavrataH . 
kR^iShNa pAyasamichchhAmi bhoktumityeva sa tvaraH .. 19..\\
sadaiva tu mayA tasya chittaGYena gR^ihe janaH . 
sarvANyevAnna pAnAni bhakShyAshchochchAvachAstathA . 
bhavantu satkR^itAnIti pUrvameva prachoditaH .. 20..\\
tato.aha.n jvalamAna.n vai pAyasaM pratyavedayam . 
tadbhuktvaiva tu sa kShipra.n tato vachanamabravIt . 
kShiprama~NgAni limpasva pAyaseneti sa sma ha .. 21..\\
avimR^ishyaiva cha tataH kR^itavAnasmi tattathA . 
tenochchhiShTena gAtrANi shirashchaivAbhyamR^ikShayam .. 22..\\
sa dadarsha tadAbhyAshe mAtara.n te shubhAnanAm . 
tAmapi smayamAnaH sa pAyasenAbhyalepayat .. 23..\\
muniH pAyasadigdhA~NgI.n rathe tUrNamayojayat . 
tamAruhya ratha.n chaiva niryayau sa gR^ihAnmama .. 24..\\
agnivarNo jvalandhImAnsa dvijo rathaduryavat . 
pratodenAtudadbAlA.n rukmiNIM mama pashyataH .. 25..\\
na cha me stokamapyAsIdduHkhamIrShyA kR^ita.n tadA . 
tataH sa rAjamArgeNa mahatA niryayau bahiH .. 26..\\
taddR^iShTvA mahadAshcharya.n dAshArhA jAtamanyavaH . 
tatrAjalpanmithaH ke chitsamAbhAShya parasparam .. 27..\\
brAhmaNA eva jAyerannAnyo varNaH katha.n chana . 
ko hyena.n rathamAsthAya jIvedanyaH punAniha .. 28..\\
AshIviShaviSha.n tIkShNaM tatastIkShNatara.n viSham . 
brahmAshIviSha dagdhasya nAsti kashchichchikitsakaH .. 29..\\
tasminvrajati durdharShe prAskhaladrukmiNI pathi . 
tAM nAmarShayata shrImA.nstatastUrNamachodayat .. 30..\\
tataH paramasa~Nkruddho rathAtpraskandya sa dvijaH . 
padAtirutpathenaiva prAdhAvaddakShiNAmukhaH .. 31..\\
tamutpathena dhAvantamanvadhAva.n dvijottamam . 
tathaiva pAyasAdigdhaH prasIda bhagavanniti .. 32..\\
tato vilokya tejasvI brAhmaNo mAmuvAcha ha . 
jitaH krodhastvayA kR^iShNa prakR^ityaiva mahAbhuja .. 33..\\
na te.aparAdhamiha vai dR^iShTavAnasmi suvrata . 
prIto.asmi tava govinda vR^iNu kAmAnyathepShitAn . 
prasannasya cha me tAta pashya vyuShTiryathAvidhA .. 34..\\
yAvadeva manuShyANAmanne bhAvo bhaviShyati . 
yathaivAnne tathA teShA.n tvayi bhAvo bhaviShyati .. 35..\\
yAvachcha puNyA lokeShu tvayi kIrtirbhaviShyati . 
triShu lokeShu tAvachcha vaishiShTyaM pratipatsyase . 
supriyaH sarvalokasya bhaviShyasi janArdana .. 36..\\
yatte bhinna.n cha dagdhaM cha yachcha kiM chidvinAshitam . 
sarva.n tathaiva draShTAsi vishiShTa.n vA janArdana .. 37..\\
yAvadetatpralipta.n te gAtreShu madhusUdana . 
ato mR^ityubhayaM nAsti yAvadichchhA tavAchyuta .. 38..\\
na tu pAdatale lipte kasmAtte putrakAdya vai . 
naitanme priyamityeva sa mAM prIto.abravIttadA . 
ityukto.aha.n sharIraM svamapashyaM shrIsamAyutam .. 39..\\
rukmiNI.n chAbravItprItaH sarvastrINA.n varaM yashaH . 
kIrti.n chAnuttamA.n loke samavApsyasi shobhane .. 40..\\
na tvA.n jarA vA rogo vA vaivarNyaM chApi bhAmini . 
sprakShyanti puNyagandhA cha kR^iShNamArAdhayiShyasi .. 41..\\
ShoDashAnA.n sahasrANAM vadhUnA.n keshavasya ha . 
variShThA saha lokyA cha keshavasya bhaviShyasi .. 42..\\
tava mAtaramityuktvA tato mAM punarabravIt . 
prasthitaH sumahAtejA durvAsA vahnivajjvalan .. 43..\\
eShaiva te buddhirastu brAhmaNAnprati keshava . 
ityuktvA sa tadA putra tatraivAntaradhIyata .. 44..\\
tasminnantarhite chAhamupAMshu vratamAdisham . 
yatki.n chidbrAhmaNo brUyAtsarvaM kuryAm iti prabho .. 45..\\
etadvratamaha.n kR^itvA mAtrA te saha putraka . 
tataH paramahR^iShTAtmA prAvisha.n gR^ihameva cha .. 46..\\
praviShTamAtrashcha gR^ihe sarvaM pashyAmi tannavam . 
yadbhinna.n yachcha vai dagdha.n tena vipreNa putraka .. 47..\\
tato.aha.n vismayaM prAptaH sarva.n dR^iShTvA navaM dR^iDham . 
apUjaya.n cha manasA raukmiNeya dvijaM tadA .. 48..\\
ityaha.n raukmiNeyasya pR^ichchhato bharata rShabha . 
mAhAtmya.n dvijamukhyasya sarvamAkhyAtavA.nstadA .. 49..\\
tathA tvamapi kaunteya brAhmaNAnsatataM prabho . 
pUjayasva mahAbhAgAnvAgbhirdAnairshcha nityadA .. 50..\\
eva.n vyuShTimahaM prApto brAhmaNAnAM prasAdajAm . 
yachcha mAmAha bhIShmo.aya.n tatsatyaM bharatarShabha .. 51..\\
\medskip\hrule\medskip\centerline{\Largedvng 145}
 y

durvAsasaH prasAdAtte yattadA madhusUdana . 
avAptamiha viGYAna.n tanme vyAkhyAtumarhasi .. 1..\\
mahAbhAgya.n cha yattasya nAmAni cha mahAtmanaH . 
tattvato GYAtumichchhAmi sarvaM matimatA.n vara .. 2..\\

 vaa

hanta te kathayiShyAmi namaskR^itvA kapardine . 
yadavAptaM mahArAja shreyo yachchArjita.n yashaH .. 3..\\
prayataH prAtarutthAya yadadhIye vishAM pate . 
prA~njaliH shatarudrIya.n tanme nigadataH shR^iNu .. 4..\\
prajApatistatsasR^ije tapaso.ante mahAtapAH . 
sha~NkarastvasR^ijattAta prajAH sthAvaraja~NgamAH .. 5..\\
nAsti ki.n chitparaM bhUtaM mahAdevAdvishAM pate . 
iha triShvapi lokeShu bhUtAnAM prabhavo hi saH .. 6..\\
na chaivotsahate sthAtu.n kashchidagre mahAtmanaH . 
na hi bhUta.n sama.n tena triShu lokeShu vidyate .. 7..\\
gandhenApi hi sa~NgrAme tasya kruddhasya shatravaH . 
visa~nj~nA hatabhUyiShThA vepanti cha patanti cha .. 8..\\
ghora.n cha ninadaM tasya parjanyaninadopamam . 
shrutvA vidIryeddhR^idaya.n devAnAmapi sa.nyuge .. 9..\\
yAMshcha ghoreNa rUpeNa pashyetkruddhaH pinAka dhR^ik . 
na surA nAsurA loke na gandharvA na pannagAH . 
kupite sukhamedhante tasminnapi guhA gatAH .. 10..\\
prajApateshcha dakShasya yajato vitate kratau . 
vivyAdha kupito yaGYaM nirbhayastu bhavastadA . 
dhanuShA bANamutsR^ijya sa ghoSha.n vinanAda cha .. 11..\\
te na sharma kutaH shAnti.n viShAdaM lebhire surAH . 
vidrute sahasA yaGYe kupite cha maheshvare .. 12..\\
tena jyAtalaghoSheNa sarve lokAH samAkulAH . 
babhUvuravashAH pArtha viShedushcha surAsurAH .. 13..\\
ApashchukShubhire chaiva chakampe cha vasundharA . 
vyadravangirayashchApi dyauH paphAla cha sarvashaH .. 14..\\
andhena tamasA lokAH prAvR^itA na chakAshire . 
pranaShTA jyotiShAM bhAshcha saha sUryeNa bhArata .. 15..\\
bhR^ishaM bhItAstataH shAnti.n chakruH svastyayanAni cha . 
R^iShayaH sarvabhUtAnAmAtmanashcha hitaiShiNaH .. 16..\\
tataH so.abhyadravaddevAnkruddho raudraparAkramaH . 
bhagasya nayane kruddhaH prahAreNa vyashAtayat .. 17..\\
pUShANa.n chAbhidudrAva pareNa vapuShAnvitaH . 
puroDAshaM bhakShayato dashanAnvai vyashAtayat .. 18..\\
tataH praNemurdevAste vepamAnAH sma sha~Nkaram . 
punashcha sandadhe rudro dIpta.n sunishitaM sharam .. 19..\\
rudrasya vikrama.n dR^iShTvA bhItA devAH saharShibhiH . 
tataH prasAdayAmAsuH sharva.n te vibudhottamAH .. 20..\\
jepushcha shatarudrIya.n devAH kR^itvA~njaliM tataH . 
sa.nstUyamAnastridashaiH prasasAda maheshvaraH .. 21..\\
rudrasya bhAga.n yaGYe cha vishiShTa.n te tvakalpayan . 
bhayena tridashA rAja~nsharaNa.n cha prapedire .. 22..\\
tena chaivAtikopena sa yaGYaH sandhito.abhavat . 
yadyachchApi hata.n tatra tattathaiva pradIyate .. 23..\\
asurANAM purANyAsa.nstrINi vIryavatA.n divi . 
Ayasa.n rAjata.n chaiva sauvarNamaparaM tathA .. 24..\\
nAshakattAni maghavA bhettu.n sarvAyudhairapi . 
atha sarve.amarA rudra.n jagmuH sharaNa marditAH .. 25..\\
tata UchurmahAtmAno devAH sarve samAgatAH . 
rudra raudrA bhaviShyanti pashavaH sarvakarmasu . 
jahi daityAnsaha purairlokA.nstrAyasva mAnada .. 26..\\
sa tathoktastathetyuktvA viShNu.n kR^itvA sharottamam . 
shalyamagni.n tathA kR^itvA pu~Nkha.n vaivasvataM yamam . 
vedAnkR^itvA dhanuH sarvA~njyA.n cha sAvitrimuttamAm .. 27..\\
devAnratharava.n kR^itvA viniyujya cha sarvashaH . 
triparvaNA trishalyena tena tAni bibheda saH .. 28..\\
shareNAditya varNena kAlAgnisamatejasA . 
te.asurAH sa purAstatra dagdhA rudreNa bhArata .. 29..\\
ta.n chaivA~Nka gataM dR^iShTvA bAlaM pa~ncha shikhaM punaH . 
umA jiGYAsamAnA vai ko.ayamityabravIttadA .. 30..\\
asUyatashcha shakrasya vajreNa prahariShyataH . 
savajra.n stambhayAmAsa taM bAhuM parighopamam .. 31..\\
na sambubudhire chaina.n devAstaM bhuvaneshvaram . 
sa prajApatayaH sarve tasminmumuhurIshvare .. 32..\\
tato dhyAtvAtha bhagavAnbrahmA tamamitaujasam . 
aya.n shreShTha iti GYAtvA vavande tamumApatim .. 33..\\
tataH prasAdayAmAsurumA.n rudra.n cha te surAH . 
babhUva sa tadA bAhurbalahanturyathA purA .. 34..\\
sa chApi brAhmaNo bhUtvA durvAsA nAma vIryavAn . 
dvAravatyAM mama gR^ihe chira.n kAlamupAvasat .. 35..\\
viprakArAnprayu~Nkte sma subahUnmama veshmani . 
tAnudAratayA chAhamakShama.n tasya duHsaham .. 36..\\
sa devendrashcha vAyushcha so.ashvinau sa cha vidyutaH . 
sa chandramAH sa cheshAnaH sa sUryo varuNashcha saH .. 37..\\
sa kAlaH so.antako mR^ityuH sa tamo rAtryahAni cha . 
mAsArdha mAsA R^itavaH sandhye sa.nvatsarashcha saH .. 38..\\
sa dhAtA sa vidhAtA cha vishvakarmA sa sarvavit . 
nakShatrANi dishashchaiva pradisho.atha grahAstathA . 
vishvamUrtirameyAtmA bhagavAnamitadyutiH .. 39..\\
ekadhA cha dvidhA chaiva bahudhA cha sa eva cha . 
shatadhA sahasradhA chaiva tathA shatasahasradhA .. 40..\\
IdR^ishaH sa mahAdevo bhUyashcha bhagavAnataH . 
na hi shakyA guNA vaktumapi varShashatairapi .. 41..\\
\medskip\hrule\medskip\centerline{\Largedvng 146}
 vaa

yudhiShThira mahAbAho mahAbhAgyaM mahAtmanaH . 
rudrAya bahurUpAya bahu nAmne nibodha me .. 1..\\
vadantyagniM mahAdeva.n tathA sthANuM maheshvaram . 
ekAkSha.n tryambakaM chaiva vishvarUpa.n shivaM tathA .. 2..\\
dve tanU tasya devasya veda GYA brAhmaNA viduH . 
ghorAmanyA.n shivAmanyA.n te tanU bahudhA punaH .. 3..\\
ugrA ghorA tanUryAsya so.agnirvidyutsa bhAskaraH . 
shivA saumyA cha yA tasya dharmastvApo.atha chandramAH .. 4..\\
Atmano.ardha.n tu tasyAgniruchyate bharatarShabha . 
brahmacharya.n charatyeSha shivA yAsya tanustathA .. 5..\\
yAsya ghoratamA mUrtirjagatsa.nharate tayA . 
IshvaratvAnmahattvAchcha maheshvara iti smR^itaH .. 6..\\
yannirdahati yattIkShNo yadugro yatpratApavAn . 
mA.nsashoNitamajjAdo yattato rudra uchyate .. 7..\\
devAnA.n sumahAnyachcha yachchAsya viShayo mahAn . 
yachcha vishvaM mahatpAti mahAdevastataH smR^itaH .. 8..\\
samedhayati yannitya.n sarvArthAnsarvakarmabhiH . 
shivamichchhanmanuShyANA.n tasmAdeSha shivaH smR^itaH .. 9..\\
dahatyUrdhva.n sthito yachcha prANotpattiH sthitish cha yat . 
sthirali~Ngashcha yannitya.n tasmAtsthANuriti smR^itaH .. 10..\\
yadasya bahudhA rUpaM bhUtaM bhavyaM bhavattathA . 
sthAvara.n ja~NgamaM chaiva bahurUpastataH smR^itaH .. 11..\\
dhUmra.n rUpa.n cha yattasya dhUrjaTItyata uchyate . 
vishve devAshcha yattasminvishvarUpastataH smR^itaH .. 12..\\
sahasrAkSho.ayutAkSho vA sarvato.akShimayo.api vA . 
chakShuShaH prabhavastejo nAstyanto.athAsya chakShuShAm .. 13..\\
sarvathA yatpashUnpAti taishcha yadramate punaH . 
teShAmadhipatiryachcha tasmAtpashupatiH smR^itaH .. 14..\\
nityena brahmacharyeNa li~Ngamasya yadA sthitam . 
mahayantyasya lokAshcha maheshvara iti smR^itaH .. 15..\\
vigrahaM pUjayedyo vai li~Nga.n vApi mahAtmanaH . 
li~NgaM pUjayitA nityaM mahatI.n shriyamashnute .. 16..\\
R^iShayashchApi devAshcha gandharvApsarasastathA . 
li~NgamevArchayanti sma yattadUrdhva.n samAsthitam .. 17..\\
pUjyamAne tatastasminmodate sa maheshvaraH . 
sukha.n dadAti prItAtmA bhaktAnAM bhakta vatsalaH .. 18..\\
eSha eva shmashAneShu devo vasati nityashaH . 
yajante ta.n janAstatra vIra sthAnaniSheviNam .. 19..\\
viShamasthaH sharIreShu sa mR^ityuH prANinAm iha . 
sa cha vAyuH sharIreShu prANo.apAnaH sharIriNAm .. 20..\\
tasya ghorANi rUpANi dIptAni cha bahUni cha . 
loke yAnyasya pUjyante viprAstAni vidurbudhAH .. 21..\\
nAmadheyAni vedeShu bahUnyasya yathArthataH . 
niruchyante mahattvAchcha vibhutvAtkarmabhistathA .. 22..\\
vede chAsya vidurviprAH shatarudrIyamuttamam . 
vyAsAdanantara.n yachchApyupasthAnaM mahAtmanaH .. 23..\\
pradAtA sarvalokAnA.n vishva.n chApyuchyate mahat . 
jyeShThabhUta.n vadantyenaM brAhmaNA R^iShayo.apare .. 24..\\
prathamo hyeSha devAnAM mukhAdagnirajAyata . 
grahairbahuvidhaiH prANAnsa.nruddhAnutsR^ijatyapi .. 25..\\
sa mochayati puNyAtmA sharaNyaH sharaNA gatAn . 
AyurArogyamaishvarya.n vitta.n kAmAMshcha puShkalAn .. 26..\\
sa dadAti manuShyebhyaH sa evAkShipate punaH . 
shakrAdiShu cha deveShu tasya chaishvaryamuchyate .. 27..\\
sa evAbhyadhiko nitya.n trailokyasya shubhAshubhe . 
aishvaryAchchaiva kAmAnAmIshvaraH punaruchyate .. 28..\\
maheshvarashcha lokAnAM mahatAmIshvarashcha saH . 
bahubhirvividhai rUpairvishva.n vyAptamida.n jagat . 
tasya devasya yadvaktra.n samudre vaDavAmukham .. 29..\\
\medskip\hrule\medskip\centerline{\Largedvng 147}
 v

ityuktavati vAkya.n tu kR^iShNe devakinandane . 
bhIShma.n shAntanavaM bhUyaH paryapR^ichchhadyudhiShThiraH .. 1..\\
nirNaye vA mahAbuddhe sarvadharmabhR^itA.n vara . 
pratyakShamAgamo veti ki.n tayoH kAraNaM bhavet .. 2..\\

 bh

nAstyatra saMshayaH kashchiditi me vartate matiH . 
shR^iNu vakShyAmi te prAGYa samyaktvamanupR^ichchhasi .. 3..\\
saMshayaH sugamo rAjannirNayastvatra durgamaH . 
dR^iShTa.n shrutamanantaM hi yatra saMshaya darshanam .. 4..\\
pratyakSha.n kAraNaM dR^iShTa.n hetukAH prAGYamAninaH . 
nAstItyeva.n vyavasyanti satyaM saMshayameva cha . 
tadayukta.n vyavasyanti bAlAH paNDitamAninaH .. 5..\\
atha chenmanyase chaika.n kAraNaM kiM bhavediti . 
shakya.n dIrgheNa kAlena yuktenAtandritena cha . 
prANayAtrAmanekA.n cha kalpayAnena bhArata .. 6..\\
tatpareNaiva nAnyena shakya.n hyetattu kAraNam . 
hetUnAmantamAsAdya vipula.n GYAnamuttamam . 
jyotiH sarvasya lokasya vipulaM pratipadyate .. 7..\\
tattvenAgamana.n rAjanhetvantagamama.n tathA . 
agrAhyamanibaddha.n cha vAchaH samparivarjanam .. 8..\\

 y

pratyakSha.n lokataH siddhaM lokAshchAgama pUrvakAH . 
shiShTAchAro bahuvidho brUhi tanme pitAmaha .. 9..\\

 bh

dharmasya hriyamANasya balavadbhirdurAtmabhiH . 
sa.nsthA yatnairapi kR^itA kAlena paribhidyate .. 10..\\
adharmA dharmarUpeNa teNaiH kUpA ivAvR^itAH . 
tatastairbhidyate vR^itta.n shR^iNu chaiva yudhiShThira .. 11..\\
avR^ittyA ye cha bhindanti shrutatyAgaparAyaNAH . 
dharmavidveShiNo mandA ityuktAste na saMshayaH .. 12..\\
atR^ipyantastu sAdhUnA.n ya evAgama buddhayaH . 
paramityeva santuShTAstAnupAssva cha pR^ichchha cha .. 13..\\
kAmArthau pR^iShThataH kR^itvA lobhamohAnusAriNau . 
dharma ityeva sambuddhAstAnupAssva cha pR^ichchha cha .. 14..\\
na teShAM bhidyate vR^itta.n yaGYasvAdhyAyakarmabhiH . 
AchAraH kAraNa.n chaiva dharmashchaiva trayaM punaH .. 15..\\

 y

punareveha me buddhiH saMshaye parimuhyate . 
apAre mArgamANasya para.n tIramapashyataH .. 16..\\
vedAH pratyakShamAchAraH pramANa.n tattraya.n yadi . 
pR^ithaktva.n labhyate chaiShA.n dharmashchaikastrayaM katham .. 17..\\

 bh

dharmasya hriyamANasya balavadbhirdurAtmabhiH . 
yadyevaM manyase rAja.nstridhA dharmavichAraNA .. 18..\\
eka eveti jAnIhi tridhA tasya pradarshanam . 
pR^ithaktve chaiva me buddhistrayANAmapi vai tathA .. 19..\\
ukto mArgastrayANA.n cha tattathaiva samAchara . 
jiGYAsA tu na kartavyA dharmasya paritarkaNAt .. 20..\\
sadaiva bharatashreShTha mA te bhUdatra saMshayaH . 
andho jaDa ivAsha~Nko yadbravImi tadAchara .. 21..\\
ahi.nsA satyamakrodho dAnametachchatuShTayam . 
ajAtashatro savasva dharma eSha sanAtanaH .. 22..\\
brAhmaNeShu cha vR^ittiryA pitR^ipaitAmahochitA . 
tAmanvehi mahAbAho svargasyaite hi deshikAH .. 23..\\
pramANamapramANa.n vai yaH kuryAdabudho naraH . 
na sa pramANatAmarho vivAda janano hi saH .. 24..\\
brAhmaNAneva sevasva satkR^itya bahu manya cha . 
eteShveva tvime lokAH kR^itsnA iti nibodha tAn .. 25..\\
\medskip\hrule\medskip\centerline{\Largedvng 148}
 y

ye cha dharmamasUyanti ye chainaM paryupAsate . 
bravItu bhagavAnetatkva te gachchhanti tAdR^ishAH .. 1..\\

 bh

rajasA tamasA chaiva samavastIrNa chetasaH . 
narakaM pratipadyante dharmavidveShiNo narAH .. 2..\\
ye tu dharmaM mahArAja satataM paryupAsate . 
satyArjava parAH santaste vai svargabhujo narAH .. 3..\\
dharma eva ratisteShAmAchAryopAsanAdbhavet . 
devalokaM prapadyante ye dharmaM paryupAsate .. 4..\\
manuShyA yadi vA devAH sharIramupatApya vai . 
dharmiNaH sukhamedhante lobhadveShavivarjitAH .. 5..\\
prathamaM brahmaNaH putra.n dharmamAhurmanIShiNaH . 
dharmiNaH paryupAsante phalaM pakvamivAshayaH .. 6..\\

 y

asitA.n kIdR^isha.n rUpaM sAdhavaH kiM cha kurvate . 
bravItu me bhavAnetatsanto.asantashcha kIdR^ishAH .. 7..\\

 bh

durAchArAshcha durdharShA durmukhAshchApyasAdhavaH . 
sAdhavaH shIlasampannAH shiShTAchArasya lakShaNam .. 8..\\
rAjamArge gavAM madhye goShThamadhye cha dharmiNaH . 
nopasevanti rAjendra sargaM mUtra purIShayoH .. 9..\\
pa~nchAnAmashana.n dattvA sheShamashnanti sAdhavaH . 
na jalpanti cha bhu~njAnA na nidrAntyArdra pANayaH .. 10..\\
chitrabhAnumanaDvAha.n devaM goShThaM chatuShpatham . 
brAhmaNa.n dhArmikaM chaityaM te kurvanti pradakShiNam .. 11..\\
vR^iddhAnAM bhArataptAnA.n strINAM bAlAturasya cha . 
brAhmaNAnA.n gavA.n rAGYAM panthAnaM dadate cha te .. 12..\\
atithInA.n cha sarveShAM preShyANA.n svajanasya cha . 
tathA sharaNa kAmAnA.n goptA styAtsvAgata pradaH .. 13..\\
sAyamprAtarmanuShyANAmashana.n devanirmitam . 
nAntarA bhojana.n dR^iShTamupavAsavidhirhi saH .. 14..\\
loma kAle yathA vahniH kAlameva pratIkShate . 
R^itukAle tathA nArI R^itameva pratIkShate . 
na chAnyA.n gachchhate yastu brahmacharya.n hi tatsmR^itam .. 15..\\
amR^itaM brAhmaNA gAva ityetattrayamekataH . 
tasmAdgobrAhmaNaM nityamarchayeta yathAvidhi .. 16..\\
yajuShA sa.nskR^itaM mA.nsamupabhu~njanna duShyati . 
pR^iShThamA.nsa.n vR^ithA mA.nsaM putramA.nsa.n cha tatsamam .. 17..\\
svadeshe paradeshe vApyatithiM nopavAsayet . 
karma vai saphala.n kR^itvA gurUNAM pratipAdayet .. 18..\\
gurubhya Asana.n deyamabhivAdyAbhipUjya cha . 
gurUnabhyarchya vardhante AyuShA yashasA shriyA .. 19..\\
vR^iddhAnnAtivadejjAtu na cha sampreShayedapi . 
nAsInaH syAtsthiteShvevamAyurasya na riShyate .. 20..\\
na nagnAmIkShate nArIM na vidvAnpuruShAnapi . 
maithuna.n satata.n guptamAhAraM cha samAcharet .. 21..\\
tIrthAnA.n gurarastIrtha.n shuchInAM hR^idayaM shuchi . 
darshanAnAM para.n GYAnaM santoShaH paramaM sukham .. 22..\\
sAyamprAtashcha vR^iddhAnA.n shR^iNuyAtpuShkalA giraH . 
shrutamApnoti hi naraH satata.n vR^iddhasevayA .. 23..\\
svAdhyAye bhojane chaiva dakShiNaM pANimuddharet . 
yachchhedvAnmanasI nityamindriyANA.n cha vibhramam .. 24..\\
sa.nskR^itaM pAyasaM nitya.n yavAgU.n kR^isaraM haviH . 
aShTakAH pitR^idaivatyA vR^iddhAnAmabhipUjanam .. 25..\\
shmashrukarmaNi ma~Ngalya.n kShutAnAm abhinandanam . 
vyAdhitAnA.n cha sarveShAmAyuShaH pratinandanam .. 26..\\
na jAtu tvamiti brUyAdApanno.api mahattaram . 
tva.n kAro vA vadho veti vidvatsu na vishiShyate . 
avarANA.n samAnAnAM shiShyANA.n cha samAcharet .. 27..\\
pApamAchakShate nitya.n hR^idayaM pApakarmiNAm . 
GYAnapUrva.n vinashyanti gUhamAnA mahAjane .. 28..\\
GYAnapUrva.n kR^itaM karmachchhAdayante hyasAdhavaH . 
na mAM manuShyAH pashyanti na mAM pashyanti devatAH . 
pApenAbhihataH pApaH pApamevAbhijAyate .. 29..\\
yathA vArdhuShiko vR^iddhi.n dehabhede pratIkShate . 
dharmeNApihitaM pApa.n dharmamevAbhivardhayet .. 30..\\
yathA lavaNamambhobhirAplutaM pravilIyate . 
prAyashchitta hataM pApa.n tathA sadyaH praNashyati .. 31..\\
tasmAtpApaM na gUheta gUhamAna.n vivardhate . 
kR^itvA tu sAdhuShvAkhyeya.n te tatprashamayantyuta .. 32..\\
AshayA sa~ncita.n dravya.n yatkAle nopabhujyate . 
anye chaitatprapadyante viyoge tasya dehinaH .. 33..\\
mAnasa.n sarvabhUtAnA.n dharmamAhurmanIShiNaH . 
tasmAtsarvANi bhUtAni dharmameva samAsate .. 34..\\
eka eva chareddharmaM na dharmadhvajiko bhavet . 
dharmavANijakA hyete ye dharmamupabhu~njate .. 35..\\
archeddevAnadambhena sevetAmAyayA gurUn . 
nidhiM nidadhyAtpAratrya.n yAtrArtha.n dAnashabditam .. 36..\\
\medskip\hrule\medskip\centerline{\Largedvng 149}
 y

nAbhAga dheyaH prApnoti dhana.n subalavAnapi . 
bhAgadheyAnvitastvarthAnkR^isho bAlash cha vindati .. 1..\\
nAlAbha kAle labhate prayatne.api kR^ite sati . 
lAbhakAle.aprayatnena labhate vipula.n dhanam . 
kR^itayatnAphalAshchaiva dR^ishyante shatasho narAH .. 2..\\
yadi yatno bhavenmartyaH sa sarvaM phalamApnuyAt . 
nAlabhya.n chopalabhyeta nR^iNAM bharatasattama .. 3..\\
yadA prayatna.n kR^itavAndR^ishyate hyaphalo naraH . 
mArgannayashatairarthAnamArgaMshchAparaH sukhI .. 4..\\
akAryamasakR^itkR^itvA dR^ishyante hyadhanA narAH . 
dhanayuktAstvadharmasthA dR^ishyante chApare janAH .. 5..\\
adhItya nIti.n yasmAchcha nItiyukto na dR^ishyate . 
anabhiGYashcha sAchivya.n gamitaH kena hetunA . 
vidyA yukto hyavidyashcha dhanavAndurgatastathA .. 6..\\
yadi vidyAmupAshritya naraH sukhamavApnuyAt . 
na vidvAnvidyayA hIna.n vR^ittyarthamupasaMshrayet .. 7..\\
yathA pipAsA.n jayati puruShaH prApya vai jalam . 
dR^iShTArtho vidyayApyevamavidyAM prajahennaraH .. 8..\\
nAprAptakAlo mriyate viddhaH sharashatairapi . 
tR^iNAgreNApi sa.nspR^iShTaH prAptakAlo na jIvati .. 9..\\

 bh

IhamAnaH samArambhAnyadi nAsAdayeddhanam . 
ugra.n tapaH samArohenna hyanuptaM prarohati .. 10..\\
dAnena bhogI bhavati medhAvI vR^iddhasevayA . 
ahi.nsayA cha dIrghAyuriti prAhurmanIShiNaH .. 11..\\
tasmAddadyAnna yAcheta pUjayeddhArmikAnapi . 
svAbhAShI priya kR^ichchhuddhaH sarvasattvAvihi.nsakaH .. 12..\\
yadA pramANa prabhavaH svabhAvashcha sukhAsukhe . 
masha kITa pipIlAnA.n sthiro bhava yudhiShThira .. 13..\\
\medskip\hrule\medskip\centerline{\Largedvng 150}
kAryate yachcha kriyate sachchAsachcha kR^ita.n tataH . 
tatrAshvasIta satkR^itvA asatkR^itvA na vishvaset .. 1..\\
kAla evAtra kAlena nigrahAnugrahau dadat . 
buddhimAvishya bhUtAnA.n dharmArtheShu pravartate .. 2..\\
yadA tvasya bhavedbuddhirdharmyA chArthapradarshinI . 
tadAshvasIta dharmAtmA dR^iDhabuddhirna vishvaset .. 3..\\
etAvanmAtrametaddhi bhUtAnAM prAGYalakShaNam . 
kAlayukto.apyubhaya vichchheShamartha.n samAcharet .. 4..\\
yathA hyupasthitaishvaryAH pUjayante narA narAn . 
evamevAtmanAtmAnaM pUjayantIha dhArmikAH .. 5..\\
na hyadharmatayA dharma.n dadyAtkAlaH kathaM chana . 
tasmAdvishuddhamAtmAna.n jAnIyAddharmachAriNam .. 6..\\
spraShTumapyasamartho hi jvalantamiva pAvakam . 
adharmaH satato dharma.n kAlena parirakShitam .. 7..\\
kAryAvetau hi kAlena dharmo hi vijayAvahaH . 
trayANAmapi lokAnAmAloka karaNo bhavet .. 8..\\
tatra kashchinnayetprAGYo gR^ihItvaiva kare naram . 
uhyamAnaH sa dharmeNa dharme bahu bhayachchhale .. 9..\\
\medskip\hrule\medskip\centerline{\Largedvng 151}
 y

ki.n shreyaH puruShasyeha ki.n kurvansukhamedhate . 
vipApmA cha bhavetkena ki.n vA kalmaSha nAshanam .. 1..\\

 bh

aya.n daivatavaMsho vai R^iShivaMshasamanvitaH . 
dvisandhyaM paThitaH putra kalmaShApaharaH paraH .. 2..\\
devAsuragururdevaH sarvabhUtanamaskR^itaH . 
achintyo.athApyanirdeshyaH sarvaprANo hyayonijaH .. 3..\\
pitAmaho jagannAthaH sAvitrI brahmaNaH satI . 
veda bhUratha kartA cha viShNurnArAyaNaH prabhuH .. 4..\\
umApatirvirUpAkShaH skandaH senApatistathA . 
vishAkho hutabhugvAyushchandrAdityau prabhAkarau .. 5..\\
shakraH shachIpatirdevo yamo dhUmorNayA saha . 
varuNaH saha gauryA cha saha R^iddhyA dhaneshvaraH .. 6..\\
saumyA gauH surabhirdevI vishravAshcha mahAnR^iShiH . 
ShaTkAlaH sAgaro gA~NgA sravantyo.atha marudgaNAH .. 7..\\
vAlakhilyAstapaHsiddhAH kR^iShNadvaipAyanastathA . 
nAradaH parvatashchaiva vishvAvasurhahAhuhUH .. 8..\\
tumbarushchitrasenashcha devadUtashcha vishrutaH . 
devakanyA mahAbhAgA divyAshchApsarasA.n gaNAH .. 9..\\
urvashI menakA rambhA mishrakeshI alambuShA . 
vishvAchI cha ghR^itAchI cha pa~ncha chUDA tilottamA .. 10..\\
AdityA vasavo rudrAH sAshvinaH pitaro.api cha . 
dharmaH satya.n tapo dIkShA vyavasAyaH pitAmahaH .. 11..\\
sharvaryo divasAshchaiva mArIchaH kashyapastathA . 
shukro bR^ihaspatirbhaumo budho rAhuH shanaishcharaH .. 12..\\
nakShatrANyR^itavashchaiva mAsAH sandhyAH sa vatsarAH . 
vainateyAH samudrAshcha kadrujAH pannagAstathA .. 13..\\
shatadrUshcha vipAshA cha chandra bhAgA sarasvatI . 
sindhushcha devikA chaiva puShkara.n tIrthameva cha .. 14..\\
ga~NgA mahAnadI chaiva kapilA narmadA tathA . 
kampunA cha vishalyA cha karatoyAmbuvAhinI .. 15..\\
sarayUrgaNDakI chaiva lohityashcha mahAnadaH . 
tAmrAruNA vetravatI parNAshA gautamI tathA .. 16..\\
godAvarI cha veNNA cha kR^iShNa veNA tathAdrijA . 
dR^iShadvatI cha kAverI va~NkShurmandAkinI tathA .. 17..\\
prayAga.n cha prabhAsaM cha puNyaM naimiShameva cha . 
tachcha vishveshvara sthAna.n yatra tadvimalaM saraH .. 18..\\
puNyatIrthairshcha kalila.n kurukShetraM prakIrtitam . 
sindhUttama.n tapo dAnaM jambU mArgamathApi cha .. 19..\\
hiraNvatI vitastA cha tathaivekShumatI nadI . 
veda smR^itirvaidasinI malavAsAsh cha nadyapi .. 20..\\
bhUmibhAgAstathA puNyA ga~NgA dvAramathApi cha . 
R^iShikulyAstathA medhyA nadI chitrapathA tathA .. 21..\\
kaushikI yamunA sItA tathA charmaNvatI nadI . 
nadI bhIma rathI chaiva bAhudA cha mahAnadI . 
mahendra vANI tridivA nIlikA cha sarasvatI .. 22..\\
nandA chAparanandA cha tathA tIrthaM mahAhradam . 
gayAtha phalgu tIrtha.n cha dharmAraNya.n surairvR^itam .. 23..\\
tathA deva nadI puNyA sarash cha brahmanirmitam . 
puNya.n trilokavikhyAta.n sarvapApaharaM shivam .. 24..\\
himavAnparvatashchaiva divyauShadhisamanvitaH . 
vindhyo dhAtuvichitrA~NgastIrthavAnauShadhAnvitaH .. 25..\\
merurmahendro malayaH shvetashcha rajatA chitaH . 
shR^i~NgavAnmandaro nIlo niShadho dardurastathA .. 26..\\
chitrakUTo.a~njanAbhashcha parvato gandhamAdanaH . 
puNyaH somagirishchaiva tathaivAnye mahIdharAH . 
dishashcha vidishashchaiva kShitiH sarve mahIruhAH .. 27..\\
vishve devA nabhashchaiva nakShatrANi grahAstathA . 
pAntu vaH satata.n devAH kIrtitAkIrtitA mayA .. 28..\\
kIrtayAno naro hyetAnmuchyate sarvakilbiShaiH . 
stuvaMshcha pratinandaMshcha muchyate sarvato bhayAt . 
sarvasa~NkarapApebhyo devatA stavanandakaH .. 29..\\
devatAnantara.n viprA.nstapaHsiddhA.nstapo.adhikAn . 
kIrtitAnkIrtayiShyAmi sarvapApapramochanAn .. 30..\\
yavakrIto.atha raibhyashcha kakShIvAnaushijastathA . 
bhR^igva~NgirAstathA kaNvo medhAtithiratha prabhuH . 
barhI cha guNasampannaH prAchI.n dishamupAshritAH .. 31..\\
bhadrA.n dishaM mahAbhAgA ulmuchuH pramuchustathA . 
mumuchushcha mahAbhAgaH svastyAtreyashcha vIryavAn .. 32..\\
mitrA varuNayoH putrastathAgastyaH pratApavAn . 
dR^iDhAyushchordhvabAhushcha vishrutAvR^iShisattamau .. 33..\\
pashchimA.n dishamAshritya ya edhante nibodha tAn . 
uShadguH saha sodaryaiH parivyAdhashcha vIryavAn .. 34..\\
R^iShirdIrghatamAshchaiva gautamaH kashyapastathA . 
ekatashcha dvitashchaiva tritashchaiva maharShayaH . 
atreH putrashcha dharmAtmA tathA sArasvataH prabhuH .. 35..\\
uttarA.n dishamAshritya ya edhante nibodha tAn . 
atrirvasiShThaH shaktishcha pArAsharyashcha vIryavAn .. 36..\\
vishvAmitro bharadvAjo jamadagnistathaiva cha . 
R^ichIka pautro rAmashcha R^iShirauddAlakistathA .. 37..\\
shvetaketuH kohalashcha vipulo devalastathA . 
deva sharmA cha dhaumyashcha hastikAshyapa eva cha .. 38..\\
lomasho nAchiketashcha lomaharShaNa eva cha . 
R^iShirugrashravAshchaiva bhArgavashchyavanastathA .. 39..\\
eSha vai samavAyaste R^iShideva samanvitaH . 
AdyaH prakIrtito rAjansarvapApapramochanaH .. 40..\\
nR^igo yayAtirnahuSho yaduH pUrushcha vIryavAn . 
dhundhumAro dilIpashcha sagarashcha pratApavAn .. 41..\\
kR^ishAshvo yauvanAshvashcha chitrAshvaH satyavA.nstathA . 
duHShanto bharatashchaiva chakravartI mahAyashAH .. 42..\\
yavano janakashchaiva tathA dR^iDharatho nR^ipaH . 
raghurnaravarashchaiva tathA dasharatho nR^ipaH .. 43..\\
rAmo rAkShasahA vIraH shashabindurbhagIrathaH . 
harishchandro maruttashcha jahnurjAhnavi sevitA .. 44..\\
mahodayo hyalarkashcha ailashchaiva narAdhipaH . 
karandhamo narashreShThaH kadhmorashcha narAdhipaH .. 45..\\
dakSho.ambarIShaH kukuro ravatashcha mahAyashAH . 
muchukundashcha rAjarShirmitra bhAnuH priya.n karaH .. 46..\\
trasadasyustathA rAjA shveto rAjarShisattamaH . 
mahAbhiShashcha vikhyAto nimi rAjastathAShTakaH .. 47..\\
AyuH kShupashcha rAjarShiH kakSheyushcha narAdhipaH . 
shibiraushInarashchaiva gayashchaiva narAdhipaH .. 48..\\
pratardano divodAsaH saudAsaH kosaleshvaraH . 
ailo nalashcha rAjarShirmanushchaiva prajApatiH .. 49..\\
havidhrashcha pR^iShadhrashcha pratIpaH shantanustathA . 
kakShasenashcha rAjarShirye chAnye nAnukIrtitAH .. 50..\\
mA vighnaM mA cha me pApaM mA cha me paripanthinaH . 
dhruvo jayo me nitya.n syAtparatra cha parA gatiH .. 51..\\
\medskip\hrule\medskip\centerline{\Largedvng 152}
 v

tUShNImbhUte tadA bhIShme paTe chitramivArpitam . 
muhUrtamiva cha dhyAtvA vyAsaH satyavatI sutaH . 
nR^ipa.n shayAna.n gA~NgeyamidamAha vachastadA .. 1..\\
rAjanprakR^itimApannaH kururAjo yudhiShThiraH . 
sahito bhrAtR^ibhiH sarvaiH pArthivaishchAnuyAyibhiH .. 2..\\
upAste tvAM naravyAghra saha kR^iShNena dhImatA . 
tamimaM purayAnAya tvamanuGYAtumarhasi .. 3..\\
evamukto bhagavatA vyAsena pR^ithivIpatiH . 
yudhiShThira.n sahAmAtyamanujaGYe nadI sutaH .. 4..\\
uvAcha chainaM madhura.n tataH shAntanavo nR^ipaH . 
pravishasva pura.n rAjanvyetu te mAnaso jvaraH .. 5..\\
yajasva vividhairyaGYairbahvannaiH svAptadakShiNaiH . 
yayAtiriva rAjendra shraddA damapuraHsaraH .. 6..\\
kShatradharmarataH pArtha pitR^IndevAMsh cha tarpaya . 
shreyasA yokShyase chaiva vyetu te mAnaso jvaraH .. 7..\\
ra~njayasva prajAH sarvAH prakR^itIH parisAntvaya . 
suhR^idaH phalasatkArairabhyarchaya yathArhataH .. 8..\\
anu tvA.n tAta jIvantu mitrANi suhR^idastathA . 
chaityasthAne sthita.n vR^ikShaM phalavantamiva dvijAH .. 9..\\
Agantavya.n cha bhavatA samaye mama pArthiva . 
vinivR^itte dinakare pravR^itte chottarAyaNe .. 10..\\
tathetyuktvA tu kaunteyaH so.abhivAdya pitAmaham . 
prayayau saparIvAro nagaraM nAgasAhvayam .. 11..\\
dhR^itarAShTraM puraskR^itya gAndhArI.n cha pativratAm . 
saha tairR^iShibhiH sarvairbhrAtR^ibhiH keshavena cha .. 12..\\
paurajAnapadaishchaiva mantrivR^iddhaishcha pArthivaH . 
pravivesha kurushreShTha pura.n vAraNasAhvayam .. 13..\\
\medskip\hrule\medskip\centerline{\Largedvng 153}
 v

tataH kuntIsuto rAjA paurajAnapada.n janam . 
pUjayitvA yathAnyAyamanujaGYe gR^ihAnprati .. 1..\\
sAntvayAmAsa nArIshcha hatavIrA hateshvarAH . 
vipulai rathadAnaishcha tadA pANDusuto nR^ipaH .. 2..\\
so.abhiShikto mahAprAGYaH prApya rAjya.n yudhiShThiraH . 
avasthApya narashreShThaH sarvAH svaprakR^itIstadA .. 3..\\
dvijebhyo balamukhyebhyo naigamebhyashcha sarvashaH . 
pratigR^ihyAshiSho mukhyAstadA dharmabhR^itA.n varaH .. 4..\\
uShitvA sharvarIH shrImAnpa~nchAshannagarottame . 
samaya.n kauravAgryasya sasmAra puruSharShabhaH .. 5..\\
sa niryayau gajapurAdyAjakaiH parivAritaH . 
dR^iShTvA nivR^ittamAdityaM pravR^itta.n chottarAyaNam .. 6..\\
ghR^itaM mAlya.n cha gandhAMshcha kShaumANi cha yudhiShThiraH . 
chandanAgarumukhyAni tathA kAlAgarUNi cha .. 7..\\
prasthApya pUrva.n kaunteyo bhIShma sa.nsAdhanAya vai . 
mAlyAni cha mahArhANi ratnAni vividhAni cha .. 8..\\
dhR^itarAShTraM puraskR^itya gAndhArI.n cha yashasvinIm . 
mAtara.n cha pR^ithAM dhImAnbhrAtR^IMshcha puruSharShabhaH .. 9..\\
janArdanenAnugato vidureNa cha dhImatA . 
yuyutsunA cha kauravyo yuyudhAnena chAbhibho .. 10..\\
mahatA rAjabhogyena paribarheNa sa.nvR^itaH . 
stUyamAno mahArAja bhIShmasyAgnInanuvrajan .. 11..\\
nishchakrAma purAttasmAdyathA devapatistathA . 
AsasAda kurukShetre tataH shAntanavaM nR^ipam .. 12..\\
upAsyamAna.n vyAsena pArAsharyeNa dhImatA . 
nAradena cha rAjarShe devalenAsitena cha .. 13..\\
hatashiShTairnR^ipaishchAnyairnAnAdeshasamAgataiH . 
rakShibhishcha mahAtmAna.n rakShyamANaM samantataH .. 14..\\
shayAna.n vIrashayane dadarsha nR^ipatistataH . 
tato rathAdavArohadbhrAtR^ibhiH sahadharmarAT .. 15..\\
abhivAdyAtha kaunteyaH pitAmahamarindamam . 
dvaipAyanAdInviprAMshcha taishcha pratyabhinanditaH .. 16..\\
R^itvigbhirbrahmakalpaishcha bhrAtR^ibhishcha sahAchyutaH . 
AsAdya sharatalpasthamR^iShibhiH parivAritam .. 17..\\
abravIdbharatashreShTha.n dharmarAjo yudhiShThiraH . 
bhrAtR^ibhiH saha kauravya shayAnaM nimnagA sutam .. 18..\\
yudhiShThiro.ahaM nR^ipate namaste jAhnavIsuta . 
shR^iNoShi chenmahAbAho brUhi ki.n karavANi te .. 19..\\
prApto.asmi samaye rAjannagnInAdAya te vibho . 
AchAryA brAhmaNAshchaiva R^itvijo bhrAtarash cha me .. 20..\\
putrashcha te mahAtejA dhR^itarAShTro janeshvaraH . 
upasthitaH sahAmAtyo vAsudevashcha vIryavAn .. 21..\\
hatashiShTAshcha rAjAnaH sarve cha kurujA~NgalAH . 
tAnpashya kurushArdUla samunmIlaya lochane .. 22..\\
yachcheha ki.n chitkartavyaM tatsarvaM prApitaM mayA . 
yathoktaM bhavatA kAle sarvameva cha tatkR^itam .. 23..\\
evamuktastu gA~NgeyaH kuntIputreNa dhImatA . 
dadarsha bhAratAnsarvAnsthitAnsamparivArya tam .. 24..\\
tatashchala valirbhIShmaH pragR^ihya vipulaM bhujam . 
oghameghasvano vAgmI kAle vachanamabravIt .. 25..\\
diShTyA prApto.asi kaunteya sahAmAtyo yudhiShThira . 
parivR^itto hi bhagavAnsahasrAMshurdivAkaraH .. 26..\\
aShTa pa~nchAshata.n rAtryaH shayAnasyAdya me gatAH . 
shareShu nishitAgreShu yathA varShashata.n tathA .. 27..\\
mAgho.aya.n samanuprApto mAsaH puNyo yudhiShThira . 
tribhAgasheShaH pakSho.aya.n shuklo bhavitumarhati .. 28..\\
evamuktvA tu gA~Ngeyo dharmaputra.n yudhiShThiram . 
dhR^itarAShTramathAmantrya kAle vachanamabravIt .. 29..\\
rAjanviditadharmo.asi sunirNItArtha saMshayaH . 
bahushrutA hi te viprA bahavaH paryupAsitAH .. 30..\\
veda shAstrANi sarvANi dharmAMshcha manujeshvara . 
vedAMshcha chaturaH sA~NgAnnikhilenAvabudhyase .. 31..\\
na shochitavya.n kauravya bhavitavya.n hi tattathA . 
shruta.n deva rahasyaM te kR^iShNadvaipAyanAdapi .. 32..\\
yathA pANDoH sutA rAja.nstathaiva tava dharmataH . 
tAnpAlaya sthito dharme gurushushrUShaNe ratAn .. 33..\\
dharmarAjo hi shuddhAtmA nideshe sthAsyate tava . 
AnR^isha.nsya para.n hyena.n jAnAmi guruvatsalam .. 34..\\
tava putrA durAtmAnaH krodhalobha parAyaNAH . 
IrShyAbhibhUtA durvR^ittAstAnna shochitumarhasi .. 35..\\

 v

etAvaduktvA vachana.n dhR^itarAShTraM manIShiNam . 
vAsudevaM mahAbAhumabhyabhAShata kauravaH .. 36..\\
bhagavandevadevesha surAsuranamaskR^ita . 
trivikrama namaste.astu sha~NkhachakragadAdhara .. 37..\\
anujAnIhi mA.n kR^iShNa vaikuNTha puruShottama . 
rakShyAshcha te pANDaveyA bhavAnhyeShAM parAyaNam .. 38..\\
uktavAnasmi durbuddhiM manda.n duryodhanaM purA . 
yataH kR^iShNastato dharmo yato dharmastato jayaH .. 39..\\
vAsudevena tIrthena putra saMshAmya pANDavaiH . 
sandhAnasya paraH kAlastaveti cha punaH punaH .. 40..\\
na cha me tadvacho mUDhaH kR^itavAnsa sumandadhIH . 
ghAtayitveha pR^ithivI.n tataH sa nidhanaM gataH .. 41..\\
tvA.n cha jAnAmyaha.n vIra purANamR^iShisattamam . 
nareNa sahita.n devaM badaryA.n suchiroShitam .. 42..\\
tathA me nAradaH prAha vyAsashcha sumahAtapAH . 
naranArAyaNAvetau sambhUtau manujeShviti .. 43..\\

 vaa

AnujAnAmi bhIShma tvA.n vasUnApnuhi pArthiva . 
na te.asti vR^ijina.n kiM chinmayA dR^iShTaM mahAdyute .. 44..\\
pitR^ibhakto.asi rAjarShe mArkaNDeya ivAparaH . 
tena mR^ityustava vashe sthito bhR^itya ivAnataH .. 45..\\

 v

evamuktastu gA~NgeyaH pANDavAnidamabravIt . 
dhR^itarAShTra mukhAMshchApi sarvAnsasuhR^idastathA .. 46..\\
prANAnutsraShTumichchhAmi tanmAnuGYAtumarhatha . 
satye prayatitavya.n vaH satyaM hi paramaM balam .. 47..\\
AnR^isha.nsya parairbhAvya.n sadaiva niyatAtmabhiH . 
brahmaNyairdharmashIlaishcha tapo nItyaishcha bhArata .. 48..\\
ityuktvA suhR^idaH sarvAnsampariShvajya chaiva ha . 
punarevAbravIddhImAnyudhiShThiramida.n vachaH .. 49..\\
brAhmaNAshchaiva te nityaM prAGYAshchaiva visheShataH . 
AchAryA R^itvijashchaiva pUjanIyA narAdhipa .. 50..\\
\medskip\hrule\medskip\centerline{\Largedvng 154}
 v

evamuktvA kurUnsarvAnbhIShmaH shAntanavastadA . 
tUShNIM babhUva kauravyaH sa muhUrtamarindama .. 1..\\
dhArayAmAsa chAtmAna.n dhAraNAsu yathAkramam . 
tasyordhvamagamanprANAH saMniruddhA mahAtmanaH .. 2..\\
idamAshcharyamAsIchcha madhye teShAM mahAtmanAm . 
yadyanmu~nchati gAtrANA.n sa shantanu sutastadA . 
tattadvishalyaM bhavati yogayuktasya tasya vai .. 3..\\
kShaNena prekShatA.n teShA.n vishalyaH so.abhavattadA . 
ta.n dR^iShTvA vismitAH sarve vAsudeva purogamAH . 
saha tairmunibhiH sarvaistadA vyAsAdhibhirnR^ipa .. 4..\\
saMniruddhastu tenAtmA sarveShvAyataneShu vai . 
jagAma bhittvA mUrdhAna.n divamabhyutpapAta cha .. 5..\\
maholkena cha bhIShmasya mUrdha deshAjjanAdhipa . 
niHsR^ityAkAshamAvishya kShaNenAntaradhIyata .. 6..\\
eva.n sa nR^ipashArdUla nR^ipaH shAntanavastadA . 
samayujyata lokaiH svairbharatAnA.n kulodvahaH .. 7..\\
tatastvAdAya dArUNi gandhAMshcha vividhAnbahUn . 
chitA.n chakrurmahAtmAnaH pANDavA vidurastathA . 
yuyutsushchApi kauravyaH prekShakAstvitare.abhavan .. 8..\\
yudhiShThirastu gA~Ngeya.n vidurashcha mahAmatiH . 
chhAdayAmAsaturubhau kShaumairmAlyaish cha kauravam .. 9..\\
dhArayAmAsa tasyAtha yuyutsush chhatramuttamam . 
chAmaravyajane shubhre bhImasenArjunAvubhau . 
uShNIShe paryagR^ihNItAM mAdrIputrAvubhau tadA .. 10..\\
striyaH kaurava nAthasya bhIShma.n kuru kulodbhavam . 
tAlavR^intAnyupAdAya paryavIjansamantataH .. 11..\\
tato.asya vidhivachchakruH pitR^imedhaM mahAtmanaH . 
yAjakA juhuvushchAgni.n jaguH sAmAni sAmagAH .. 12..\\
tatashchandanakAShThaishcha tathA kAleyakairapi . 
kAlAgaruprabhR^itibhirgandhaishchochchAvachaistathA .. 13..\\
samavachchhAdya gA~NgeyaM prajvAlya cha hutAshanam . 
apasavyamakurvanta dhR^itarAShTra mukhA nR^ipAH .. 14..\\
sa.nskR^itya cha kurushreShTha.n gA~NgeyaM kurusattamAH . 
jagmurbhAgIrathI tIramR^iShijuShTa.n kurUdvahAH .. 15..\\
anugamyamAnA vyAsena nAradenAsitena cha . 
kR^iShNena bharata strIbhirye cha paurAH samAgatAH .. 16..\\
udaka.n chakrire chaiva gA~Ngeyasya mahAtmanaH . 
vidhivatkShatriya shreShThAH sa cha sarvo janastadA .. 17..\\
tato bhAgIrathI devI tanayasyodake kR^ite . 
utthAya salilAttasmAdrudatI shokalAlasA .. 18..\\
paridevayatI tatra kauravAnabhyabhAShata . 
nibodhata yathAvR^ittamuchyamAnaM mayAnaghAH .. 19..\\
rAjavR^ittena sampannaH praGYayAbhijanena cha . 
satkartA kuruvR^iddhAnAM pitR^ibhakto dR^iDhavrataH .. 20..\\
jAmadagnyena rAmeNa purA yo na parAjitaH . 
divyairastrairmahAvIryaH sa hato.adya shikhaNDinA .. 21..\\
ashmasAramayaM nUna.n hR^idayaM mama pArthivAH . 
apashyantyAH priyaM putra.n yatra dIryati me.adya vai .. 22..\\
sametaM pArthiva.n kShatraM kAshipuryA.n svaya.nvare . 
vijityaika rathenAjau kanyAstA yo jahAra ha .. 23..\\
yasya nAsti bale tulyaH pR^ithivyAmapi kash chana . 
hata.n shikhaNDinA shrutvA yanna dIryati me manaH .. 24..\\
jAmadagnyaH kurukShetre yudhi yena mahAtmanA . 
pIDito nAtiyatnena nihataH sa shikhaNDinA .. 25..\\
eva.nvidhaM bahu tadA vilapantIM mahAnadIm . 
AshvAsayAmAsa tadA sAmnA dAmodaro vibhuH .. 26..\\
samAshvasihi bhadre tvaM mA shuchaH shubhadarshane . 
gataH sa paramA.n siddhi.n tava putro na saMshayaH .. 27..\\
vasureSha mahAtejAH shApadoSheNa shobhane . 
manuShyatAmanuprApto naina.n shochitumarhasi .. 28..\\
sa eSha kShatradharmeNa yudhyamAno raNAjire . 
dhana~njayena nihato naiSha nunnaH shikhaNDinA .. 29..\\
bhIShma.n hi kurushArdUlamudyateShuM mahAraNe . 
na shaktaH sa.nyuge hantu.n sAkShAdapi shatakratuH .. 30..\\
svachchhandena sutastubhya.n gataH svarga.n shubhAnane . 
na shaktAH syurnihantu.n hi raNe taM sarvadevatAH .. 31..\\
tasmAnmA tva.n sarichchhreShThe shochasva kurunandanam . 
vasUneSha gato devi putraste vijvarA bhava .. 32..\\
ityuktA sA tu kR^iShNena vyAsena cha saridvarA . 
tyaktvA shokaM mahArAja sva.n vAryavatatAra ha .. 33..\\
satkR^itya te tA.n sarita.n tataH kR^iShNa mukhA nR^ipAH . 
anuGYAtAstayA sarve nyavartanta janAdhipAH .. 34..\\

##\end{multicols}##
##
\medskip\hrule\medskip
Last updated on \today ; Send corrections to sanskrit@cheerful.com
\end{document}