\EN{301130101} somasya mA tavasaM vakSyagne vahniM cakartha vidathe yajadhyai |\\
\EN{301130102} devAnachA dIdyad yu~nje adriM shamAye agne tanvaMjuSasva ||\\
\EN{301130201} prA~ncaM yaj~naM cakRma vardhatAM gIH samidbhiragniM namasA duvasyan |\\
\EN{301130202} divaH shashAsurvidathA kavInAM gRtsAya cit tavase gAtumISuH ||\\
\EN{301130301} mayo dadhe medhiraH pUtadakSo divaH subandhurjanuSA pRthivyAH |\\
\EN{301130302} avindannu darshatamapsvantardevAso agnimapasi svasR^INAm ||\\
\EN{301130401} avardhayan subhagaM sapta yahvIH shvetaM jaj~nAnamaruSammahitvA |\\
\EN{301130402} shishuM na jAtamabhyArurashvA devAso agniMjaniman vapuSyan ||\\
\EN{301130501} shukrebhiraN^gai raja AtatanvAn kratuM punAnaH kavibhiH pavitraiH |\\
\EN{301130502} shocirvasAnaH paryAyurapAM shriyo mimIte bRhatIranUnAH ||\\
\EN{301140601} vavrAjA sImanadatIradabdhA divo yahvIravasAnA anagnAH |\\
\EN{301140602} sanA atra yuvatayaH sayonIrekaM garbhaM dadhire sapta vANIH ||\\
\EN{301140701} stIrNA asya saMhato vishvarUpA ghRtasya yonau sravathe madhUnAm |\\
\EN{301140702} asthuratra dhenavaH pinvamAnA mahI dasmasya mAtarA samIcI ||\\
\EN{301140801} babhrANaH sUno sahaso vyadyaud dAdhAnaH shukrA rabhasA vapUMSi |\\
\EN{301140802} shcotanti dhArA madhuno ghRtasya vRSA yatra vAvRdhe kAvyena ||\\
\EN{301140901} pitushcidUdharjanuSA viveda vyasya dhArA asRjad vi dhenAH |\\
\EN{301140902} guhA carantaM sakhibhiH shivebhirdivo yahvIbhirnaguhA babhUva ||\\
\EN{301141001} pitushca garbhaM janitushca babhre pUrvIreko adhayat pIpyAnAH |\\
\EN{301141002} vRSNe sapatnI shucaye sabandhU ubhe asmai manuSyeni pAhi ||\\
\EN{301151101} urau mahAnanibAdhe vavardhApo agniM yashasaH saM hi pUrvIH |\\
\EN{301151102} Rtasya yonAvashayad damUnA jAmInAmagnirapasisvasR^INAm ||\\
\EN{301151201} akro na babhriH samithe mahInAM didRkSeyaH sUnave bhARjIkaH |\\
\EN{301151202} udusriyA janitA yo jajAnApAM garbho nRtamo yahvo agniH ||\\
\EN{301151301} apAM garbhaM darshatamoSadhInAM vanA jajAna subhagA virUpam |\\
\EN{301151302} devAsashcin manasA saM hi jagmuH paniSThaM jAtaM tavasaM duvasyan ||\\
\EN{301151401} bRhanta id bhAnavo bhARjIkamagniM sacanta vidyuto na shukrAH |\\
\EN{301151402} guheva vRddhaM sadasi sve antarapAra Urve amRtanduhAnAH ||\\
\EN{301151501} ILe ca tvA yajamAno havirbhirILe sakhitvaM sumatiM nikAmaH |\\
\EN{301151502} devairavo mimIhi saM jaritre rakSA ca no damyebhiranIkaiH ||\\
\EN{301161601} upakSetArastava supraNIte.agne vishvAni dhanyA dadhAnAH |\\
\EN{301161602} suretasA shravasA tu~njamAnA abhi SyAma pRtanAyUnradevAn ||\\
\EN{301161701} A devAnAmabhavaH keturagne mandro vishvAni kAvyAni vidvAn |\\
\EN{301161702} prati martAnavAsayo damUnA anu devAn rathiro yAsisAdhan ||\\
\EN{301161801} ni duroNe amRto martyAnAM rAjA sasAda vidathAni sAdhan |\\
\EN{301161802} ghRtapratIka urviyA vyadyaudagnirvishvAni kAvyAni vidvAn ||\\
\EN{301161901} A no gahi sakhyebhiH shivebhirmahAn mahIbhirUtibhiH saraNyan |\\
\EN{301161902} asme rayiM bahulaM santarutraM suvAcaM bhAgaM yashasaM kRdhI naH ||\\
\EN{301162001} etA te agne janimA sanAni pra pUrvyAya nUtanAni vocam |\\
\EN{301162002} mahAnti vRSNe savanA kRtemA janma~n\-janman nihito jAtavedAH ||\\
\EN{301162101} janma~n\-janman nihito jAtavedA vishvAmitrebhiridhyate ajasraH |\\
\EN{301162102} tasya vayaM sumatau yaj~niyasyApi bhadre saumanase syAma ||\\
\EN{301162201} imaM yaj~naM sahasAvan tvaM no devatrA dhehi sukrato rarANaH |\\
\EN{301162202} pra yaMsi hotarbRhatIriSo no.agne mahi dravinamA yajasva ||\\
\EN{301162301} iLAmagne purudaMsaM saniM goH shashvattamaM havamAnAyasAdha |\\
\EN{301162302} syAn naH sUnustanayo vijAvAgne sA te sumatirbhutvasme ||\\
\EN{302170101} vaishvAnarAya dhiSaNAM RtAvRdhe ghRtaM na pUtamagnayejanAmasi |\\
\EN{302170102} dvitA hotAraM manuSashca vAghato dhiyA rathaMna kulishaH saM RNvati ||\\
\EN{302170201} sa rocayajjanuSA rodasI ubhe sa mAtrorabhavat putra IDyaH |\\
\EN{302170202} havyavAL agnirajarashcanohito dULabho vishAmatithirvibhAvasuH ||\\
\EN{302170301} kratvA dakSasya taruSo vidharmaNi devAso agniM janayanta cittibhiH |\\
\EN{302170302} rurucAnaM bhAnunA jyotiSA mahAmatyaM na vAjaM saniSyannupa bruve ||\\
\EN{302170401} A mandrasya saniSyanto vareNyaM vRNImahe ahrayaM vAjamRgmiyam |\\
\EN{302170402} rAtiM bhRgUNAmushijaM kavikratumagniM rAjantaM divyena shociSA ||\\
\EN{302170501} agniM sumnAya dadhire puro janA vAjashravasamiha vRktabarhiSaH |\\
\EN{302170502} yatasrucaH surucaM vishvadevyaM rudraM yaj~nAnAMsAdhadiSTimapasAm ||\\
\EN{302180601} pAvakashoce tava hi kSayaM pari hotaryaj~neSu vRktabarhiSo naraH |\\
\EN{302180602} agne duva ichamAnAsa ApyamupAsate draviNaM dhehi tebhyaH ||\\
\EN{302180701} A rodasI apRNadA svarmahajjAtaM yadenamapaso adhArayan |\\
\EN{302180702} so adhvarAya pari NIyate kaviratyo na vAjasAtayecanohitaH ||\\
\EN{302180801} namasyata havyadAtiM svadhvaraM duvasyata damyaM jAtavedasam |\\
\EN{302180802} rathIrRtasya bRhato vicarSaNiragnirdevAnAmabhavat purohitaH ||\\
\EN{302180901} tisro yahvasya samidhaH parijmano.agnerapunannushijo amRtyavaH |\\
\EN{302180902} tAsAmekAmadadhurmartye bhujamu lokamu dve upa jAmimIyatuH ||\\
\EN{302181001} vishAM kaviM vishpatiM mAnuSIriSaH saM sImakRNvan svadhitiM na tejase |\\
\EN{302181002} sa udvato nivato yAti veviSat sa garbhameSu bhuvaneSu dIdharat ||\\
\EN{302191101} sa jinvate jaThareSu prajaj~nivAn vRSA citreSu nAnadan na siMhaH |\\
\EN{302191102} vaishvAnaraH pRthupAjA amartyo vasu ratnA dayamAno vi dAshuSe ||\\
\EN{302191201} vaishvAnaraH pratnathA nAkamAruhad divas pRSThaM bhandamAnaH sumanmabhiH |\\
\EN{302191202} sa pUrvavajjanaya~n jantave dhanaM samAnamajmaM paryeti jAgRviH ||\\
\EN{302191301} RtAvAnaM yaj~niyaM vipramukthyamA yaM dadhe mAtarishvA divi kSayam |\\
\EN{302191302} taM citrayAmaM harikeshamImahe sudItimagniM suvitAya navyase ||\\
\EN{302191401} shuciM na yAmanniSiraM svardRshaM ketuM divo rocanasthAmuSarbudham |\\
\EN{302191402} agniM mUrdhAnaM divo apratiSkutaM tamImahe namasA vAjinaM bRhat ||\\
\EN{302191501} mandraM hotAraM shucimadvayAvinaM damUnasamukthyaM vishvacarSaNim |\\
\EN{302191502} rathaM na citraM vapuSAya darshataM manurhitaM sadamid rAya Imahe ||\\
\EN{303200101} vaishvAnarAya pRthupAjase vipo ratnA vidhanta dharuNeSu gAtave |\\
\EN{303200102} agnirhi devAnamRto duvasyatyathA dharmANi sanatA na dUduSat ||\\
\EN{303200201} antardUto rodasI dasma Iyate hotA niSatto manuSaH purohitaH |\\
\EN{303200202} kSayaM bRhantaM pari bhUSati dyubhirdevebhiragniriSito dhiyAvasuH ||\\
\EN{303200301} ketuM yaj~nAnAM vidathasya sA dhanaM viprAso agniM mahayanta cittibhiH |\\
\EN{303200302} apAMsi yasminnadhi sandadhurgirastasmin sumnAni yajamAna A cake ||\\
\EN{303200401} pitA yaj~nAnAmasuro vipashcitAM vimAnamagnirvayunaM ca vAghatAm |\\
\EN{303200402} A vivesha rodasI bhUrivarpasA purupriyo bhandate dhAmabhiH kaviH ||\\
\EN{303200501} candramagniM candrarathaM harivrataM vaishvAnaramapsuSadaM svarvidam |\\
\EN{303200502} vigAhaM tUrNiM taviSIbhirAvRtaM bhUrNiM devAsa iha sushriyaM dadhuH ||\\
\EN{303210601} agnirdevebhirmanuSashca jantubhistanvAno yaj~naM purupeshasaM dhiyA |\\
\EN{303210602} rathIrantarIyate sAdhadiSTibhirjIro damUnA abhishasticAtanaH ||\\
\EN{303210701} agne jarasva svapatya AyunyUrjA pinvasva samiSo didIhi naH |\\
\EN{303210702} vayAMsi jinva bRhatashca jAgRva ushig devAnAmasi sukraturvipAm ||\\
\EN{303210801} vishpatiM yahvamatithiM naraH sadA yantAraM dhInAmushijaM ca vAghatAm |\\
\EN{303210802} adhvarANAM cetanaM jAtavedasaM pra shaMsanti namasA jUtibhirvRdhe ||\\
\EN{303210901} vibhAvA devaH suraNaH pari kSitIragnirbabhUva shavasAsumadrathaH |\\
\EN{303210902} tasya vratAni bhUripoSiNo vayamupa bhUSemadama A suvRktibhiH ||\\
\EN{303211001} vaishvAnara tava dhAmAnyA cake yebhiH svarvidabhavo vicakSaNa |\\
\EN{303211002} jAta ApRNo bhuvanAni rodasI agne tA visvA paribhUrasi tmanA ||\\
\EN{303211101} vaishvAnarasya daMsanAbhyo bRhadariNAdekaH svapasyayA kaviH |\\
\EN{303211102} ubhA pitarA mahayannajAyatAgnirdyAvApRthivI bhUriretasA ||\\
\EN{304220101} samit\-samit sumanA bodhyasme shucA\-shucA sumatiM rAsi vasvaH |\\
\EN{304220102} A deva devAn yajathAya vakSi sakhA sakhIn sumanA yakSyagne ||\\
\EN{304220201} yaM devAsastrirahannAyajante dive\-dive varuNo mitro agniH |\\
\EN{304220202} semaM yaj~naM madhumantaM kRdhI nastanUnapAd ghRtayoniM vidhantam ||\\
\EN{304220301} pra dIdhitirvishvavArA jigAti hotAramiLaH prathamaM yajadhyai |\\
\EN{304220302} achA namobhirvRSabhaM vandadhyai sa devAn yakSadiSito yajIyAn ||\\
\EN{304220401} Urdhvo vAM gAturadhvare akAryUrdhvA shocIMSi prasthitA rajAMsi |\\
\EN{304220402} divo vA nAbhA nyasAdi hotA stRNImahi devavyacA vi barhiH ||\\
\EN{304220501} sapta hotrANi manasA vRNAnA invanto vishvaM prati yannRtena |\\
\EN{304220502} nRpeshaso vidatheSu pra jAtA abhImaM yaj~naM vi caranta pUrvIH ||\\
\EN{304230601} A bhandamAne uSasA upAke uta smayete tanvA virUpe |\\
\EN{304230602} yathA no mitro varuNo jujoSadindro marutvAnuta vA mahobhiH ||\\
\EN{304230701} daivyA hotArA prathamA ny R~nje sapta pRkSAsaH svadhayAmadanti |\\
\EN{304230702} RtaM shaMsanta Rtamit ta Ahuranu vrataM vratapA dIdhyAnAH ||\\
\EN{304230801} A bhAratI bhAratIbhiH sajoSA iLA devairmanuSyebhiragniH |\\
\EN{304230802} sarasvatI sArasvatebhirarvAk tisro devIrbarhiredaM sadantu ||\\
\EN{304230901} tan nasturIpamadha poSayitnu deva tvaSTarvi rarANaH syasva |\\
\EN{304230902} yato vIraH karmaNyaH sudakSo yuktagrAvA jAyate devakAmaH ||\\
\EN{304231001} vanaspate.ava sRjopa devAnagnirhaviH shamitA sUdayAti |\\
\EN{304231002} sedu hotA satyataro yajAti yathA devAnAM janimAni veda ||\\
\EN{304231101} A yAhyagne samidhAno arvAM indreNa devaiH sarathaM turebhiH |\\
\EN{304231102} barhirna AstAmaditiH suputrA svAhA devA amRtAmAdayantAm ||\\
\EN{305240101} pratyagniruSasashcekitAno.abodhi vipraH padavIH kavInAm |\\
\EN{305240102} pRthupAjA devayadbhiH samiddho.apa dvArA tamaso vahnirAvaH ||\\
\EN{305240201} pred vagnirvAvRdhe stomebhirgIrbhi stotR^INAM namasya ukthaiH |\\
\EN{305240202} pUrvIrRtasya sandRshashcakAnaH saM dUto adyauduSaso viroke ||\\
\EN{305240301} adhAyyagnirmAnuSISu vikSvapAM garbho mitra Rtena sAdhan |\\
\EN{305240302} A haryato yajataH sAnvasthAdabhUdu vipro havyomatInAm ||\\
\EN{305240401} mitro agnirbhavati yat samiddho mitro hotA varuNo jAtavedAH |\\
\EN{305240402} mitro adhvaryuriSiro damUnA mitraH sindhUnAmuta parvatAnAm ||\\
\EN{305240501} pAti priyaM ripo agraM padaM veH pAti yajvashcara~naMsUryasya |\\
\EN{305240502} pAti nAbhA saptashIrSANamagniH pAti devAnAmupamAdaM RSvaH ||\\
\EN{305250601} Rbhushcakra IDyaM cAru nAma vishvAni devo vayunAni vidvAn |\\
\EN{305250602} sasasya carma ghRtavat padaM vestadidagnI rakSatyaprayuchan ||\\
\EN{305250701} A yonimagnirghRtavantamasthAt pRthupragANamushantamushAnaH |\\
\EN{305250702} dIdyAnaH shucirRSvaH pAvakaH punaH\-punarmAtarA navyasI kaH ||\\
\EN{305250801} sadyo jAta oSadhIbhirvavakSe yadI vardhanti prasvo ghRtena |\\
\EN{305250802} Apa iva pravatA shumbhamAnA urushyadagniH pitrorupasthe ||\\
\EN{305250901} udu STutaH samidhA yahvo adyaud varSman divo adhi nAbhA pRthivyAH |\\
\EN{305250902} mitro agnirIDyo mAtarishvA dUto vakSad yajathAya devAn ||\\
\EN{305251001} udastambhIt samidhA nAkaM RSvo.agnirbhavannuttamo rocanAnAm |\\
\EN{305251002} yadI bhRgubhyaH pari mAtarishvA guhA santaM havyavAhaM samIdhe ||\\
\EN{305251101} iLAmagne ... ||\\
\EN{306260101} pra kAravo mananA vacyamAnA devadrIcIM nayata devayantaH |\\
\EN{306260102} dakSiNAvAD vAjinI prAcyeti havirbharantyagnaye ghRtAcI ||\\
\EN{306260201} A rodasI apRNA jAyamAna uta pra rikthA adha nu prayajyo |\\
\EN{306260202} divashcidagne mahinA pRthivyA vacyantAM te vahnayaH saptajihvAH ||\\
\EN{306260301} dyaushca tvA pRthivI yaj~niyAso ni hotAraM sAdayante damAya |\\
\EN{306260302} yadI visho mAnuSIrdevayantIH prayasvatIrILate shukramarciH ||\\
\EN{306260401} mahAn sadhasthe dhruva A niSatto.antardyAvA mAhine haryamANaH |\\
\EN{306260402} Askre sapatnI ajare amRkte sabardughe urugAyasyadhenU ||\\
\EN{306260501} vratA te agne mahato mahAni tava kratvA rodasI A tatantha |\\
\EN{306260502} tvaM dUto abhavo jAyamAnastvaM netA vRSabha carSaNInAm ||\\
\EN{306270601} Rtasya vA keshinA yogyAbhirghRtasnuvA rohitA dhuri dhiSva |\\
\EN{306270602} athA vaha devAn deva vishvAn svadhvarA kRNuhi jAtavedaH ||\\
\EN{306270701} divashcidA te rucayante rokA uSo vibhAtIranu bhAsi pUrvIH |\\
\EN{306270702} apo yadagna ushadhag vaneSu hoturmandrasya panayanta devAH ||\\
\EN{306270801} urau vA ye antarikSe madanti divo vA ye rocane santi devAH |\\
\EN{306270802} UmA vA ye suhavAso yajatrA Ayemire rathyo agne ashvAH ||\\
\EN{306270901} aibhiragne sarathaM yAhyarvAM nAnArathaM vA vibhavo hyashvAH |\\
\EN{306270902} patnIvatastriMshataM trIMshca devAnanuSvadhamA vaha mAdayasva ||\\
\EN{306271001} sa hotA yasya rodasI cidurvI yaj~naM\-yaj~namabhi vRdhe gRNItaH |\\
\EN{306271002} prAcI adhvareva tasthatuH sumeke RtAvarI RtajAtasya satye ||\\
\EN{306271101} iLAmagne ... ||\\
\EN{307010101} pra ya AruH shitipRSThasya dhAserA mAtarA vivishuH sapta? vANIH |\\
\EN{307010102} parikSitA pitarA saM carete pra sarsrAte dIrghamAyuH prayakSe ||\\
\EN{307010201} divakSaso dhenavo vRSNo ashvA devIrA tasthau madhumad vahantIH |\\
\EN{307010202} Rtasya tvA sadasi kSemayantaM paryekA carati vartaniM gauH ||\\
\EN{307010301} A sImarohat suyamA bhavantIH patishcikitvAn rayivid rayINAm |\\
\EN{307010302} pra nIlapRSTho atasasya dhAsestA avAsayat purudhapratIkaH ||\\
\EN{307010401} mahi tvASTramUrjayantIrajuryaM stabhUyamAnaM vahato vahanti |\\
\EN{307010402} vyaN^gebhirdidyutAnaH sadhastha ekAmiva rodasI A vivesha ||\\
\EN{307010501} jAnanti vRSNo aruSasya shevamuta bradhnasya shAsane raNanti |\\
\EN{307010502} divorucaH suruco rocamAnA iLA yeSAM gaNyA mAhinA gIH ||\\
\EN{307020601} uto pitRbhyAM pravidAnu ghoSaM maho mahadbhyAmanayanta shUSam |\\
\EN{307020602} ukSA ha yatra pari dhAnamaktoranu svaM dhAma jariturvavakSa ||\\
\EN{307020701} adhvaryubhiH pa~ncabhiH sapta viprAH priyaM rakSante nihitaM padaM veH |\\
\EN{307020702} prA~nco madantyukSaNo ajuryA devA devAnAmanu hi vratA guH ||\\
\EN{307020801} daivyA hotArA prathamA ... ||\\
\EN{307020901} vRSAyante mahe atyAya pUrvIrvRSNe citrAya rashmayaH suyAmAH |\\
\EN{307020902} deva hotarmandratarashcikitvAn maho devAn rodasI eha vakSi ||\\
\EN{307021001} pRkSaprayajo draviNaH suvAcaH suketava uSaso revadUSuH |\\
\EN{307021002} uto cidagne mahinA pRthivyAH kRtaM cidenaH saM mahe dashasya ||\\
\EN{307021101} iLAmagne ... ||\\
\EN{308030101} a~njanti tvAmadhvare devayanto vanaspate madhunA daivyena |\\
\EN{308030102} yadUrdhvastiSThA draviNeha dhattAd yad vA kSayo mAturasyA upasthe ||\\
\EN{308030201} samiddhasya shrayamANaH purastAd brahma vanvAno ajaraM suvIram |\\
\EN{308030202} Are asmadamatiM bAdhamAna ucchrayasva mahate saubhagAya ||\\
\EN{308030301} ucchrayasva vanaspate varSman pRthivyA adhi |\\
\EN{308030302} sumitI mIyamAno varco dhA yaj~navAhase ||\\
\EN{308030401} yuvA suvAsAH parivIta AgAt sa u shreyAn bhavati jAyamAnaH |\\
\EN{308030402} taM dhIrAsaH kavaya un nayanti svAdhyo manasA devayantaH ||\\
\EN{308030501} jAto jAyate sudinatve ahnAM samarya A vidathe vardhamAnaH |\\
\EN{308030502} punanti dhIrA apaso manISA devayA vipra udiyarti vAcam ||\\
\EN{308040601} yAn vo naro devayanto nimimyurvanaspate svadhitirvA tatakSa |\\
\EN{308040602} te devAsaH svaravastasthivAMsaH prajAvadasme didhiSantu ratnam ||\\
\EN{308040701} ye vRkNAso adhi kSami nimitAso yatasrucaH |\\
\EN{308040702} te no vyantu vAryaM devatrA kSetrasAdhasaH ||\\
\EN{308040801} AdityA rudrA vasavaH sunIthA dyAvAkSAmA pRthivI antarikSam |\\
\EN{308040802} sajoSaso yaj~namavantu devA UrdhvaM kRNvantvadhvarasya ketum ||\\
\EN{308040901} haMsA iva shreNisho yatAnAH shukrA vasAnAH svaravo naAguH |\\
\EN{308040902} unnIyamAnAH kavibhiH purastAd devA devAnAmapi yanti pAthaH ||\\
\EN{308041001} shRN^gANIvecchRN^giNAM saM dadRshre caSAlavantaH svaravaH pRthivyAm |\\
\EN{308041002} vAghadbhirvA vihave shroSamANA asmAnavantu pRtanAjyeSu ||\\
\EN{308041101} vanaspate shatavalsho vi roha sahasravalshA vi vayaM ruhema |\\
\EN{308041102} yaM tvAmayaM svadhitistejamAnaH praNinAya mahate saubhagAya ||\\
\EN{309050101} sakhAyastvA vavRmahe devaM martAsa Utaye |\\
\EN{309050102} apAM napAtaMsubhagaM sudIditiM supratUrtimanehasam ||\\
\EN{309050201} kAyamAno vanA tvaM yan mAtR^IrajagannapaH |\\
\EN{309050202} na tat teagne pramRSe nivartanaM yad dUre sannihAbhavaH ||\\
\EN{309050301} ati tRSTaM vavakSithAthaiva sumanA asi |\\
\EN{309050302} pra\-prAnye yanti paryanya Asate yeSAM sakhye asi shritaH ||\\
\EN{309050401} IyivAMsamati sridhaH shashvatIrati sashcataH |\\
\EN{309050402} anvImavindan nicirAso adruho.apsu siMhamiva shritam ||\\
\EN{309050501} sasRvAMsamiva tmanAgnimitthA tirohitam |\\
\EN{309050502} ainaM nayan mAtarishvA parAvato devebhyo mathitaM pari ||\\
\EN{309060601} taM tvA martA agRbhNata devebhyo havyavAhana |\\
\EN{309060602} vishvAn yadyaj~nAnabhipAsi mAnuSa tava kratvA yaviSThya ||\\
\EN{309060701} tad bhadraM tava daMsanA pAkAya cicchadayati |\\
\EN{309060702} tvAM yadagne pashavaH samAsate samiddhamapisharvare ||\\
\EN{309060801} A juhotA svadhvaraM shIraM pAvakashociSam |\\
\EN{309060802} AshuM dUtamajiraM pratnamIDyaM shruSTI devaM saparyata ||\\
\EN{309060901} trINi shatA trI sahasrANyagniM triMshacca devA navacAsaparyan |\\
\EN{309060902} aukSan ghRtairastRNan barhirasmA Adid dhotAraM nyasAdayanta ||\\
\EN{310070101} tvAmagne manISiNaH samrAjaM carSaNInAm |\\
\EN{310070102} devaM martAsa indhate samadhvare ||\\
\EN{310070201} tvAM yaj~neSv Rtvijamagne hotAramILate |\\
\EN{310070202} gopA Rtasya dIdihi sve dame ||\\
\EN{310070301} sa ghA yaste dadAshati samidhA jAtavedase |\\
\EN{310070302} so agne dhattesuvIryaM sa puSyati ||\\
\EN{310070401} sa keturadhvarANAmagnirdevebhirA gamat |\\
\EN{310070402} a~njAnaH sapta hotRbhirhaviSmate ||\\
\EN{310070501} pra hotre pUrvyaM vaco.agnaye bharatA bRhat |\\
\EN{310070502} vipAM jyotIMSi bibhrate na vedhase ||\\
\EN{310080601} agniM vardhantu no giro yato jAyata ukthyaH |\\
\EN{310080602} mahe vAjAyadraviNAya darshataH ||\\
\EN{310080701} agne yajiSTho adhvare devAn devayate yaja |\\
\EN{310080702} hotA mandro virAjasyati sridhaH ||\\
\EN{310080801} sa naH pAvaka dIdihi dyumadasme suvIryam |\\
\EN{310080802} bhavA stotRbhyoantamaH svastaye ||\\
\EN{310080901} taM tvA viprA vipanyavo jAgRvAMsaH samindhate |\\
\EN{310080902} havyavAhamamartyaM sahovRdham ||\\
\EN{311090101} agnirhotA purohito.adhvarasya vicarSaNiH |\\
\EN{311090102} sa veda yaj~namAnuSak ||\\
\EN{311090201} sa havyavAL amartya ushig dUtas canohitaH |\\
\EN{311090202} agnirdhiyA saM RNvati ||\\
\EN{311090301} agnirdhiyA sa cetati keturyaj~nasya pUrvyaH |\\
\EN{311090302} arthaM hyasya taraNi ||\\
\EN{311090401} agniM sUnuM sanashrutaM sahaso jAtavedasam |\\
\EN{311090402} vahniM devAakRNvata ||\\
\EN{311090501} adAbhyaH puraetA vishAmagnirmAnuSINAm |\\
\EN{311090502} tUrNI rathaH sadA navaH ||\\
\EN{311100601} sAhvAn vishvA abhiyujaH kraturdevAnAmamRktaH |\\
\EN{311100602} agnistuvishravastamaH ||\\
\EN{311100701} abhi prayAMsi vAhasA dAshvAnashnoti martyaH |\\
\EN{311100702} kSayaM pAvakashociSaH ||\\
\EN{311100801} pari vishvAni sudhitAgnerashyAma manmabhiH |\\
\EN{311100802} viprAso jAtavedasaH ||\\
\EN{311100901} agne vishvAni vAryA vAjeSu saniSAmahe |\\
\EN{311100902} tve devAsa erire ||\\
\EN{312110101} indrAgnI A gataM sutaM gIrbhirnabho vareNyam |\\
\EN{312110102} asya pAtaM dhiyeSitA ||\\
\EN{312110201} indrAgnI jarituH sacA yaj~no jigAti cetanaH |\\
\EN{312110202} ayA pAtamimaM sutam ||\\
\EN{312110301} indramagniM kavichadA yaj~nasya jUtyA vRNe |\\
\EN{312110302} tA somasyeha tRmpatAm ||\\
\EN{312110401} toshA vRtrahaNA huve sajitvAnAparAjitA |\\
\EN{312110402} indrAgnI vAjasAtamA ||\\
\EN{312110501} pra vAmarcantyukthino nIthAvido jaritAraH |\\
\EN{312110502} indrAgnI iSa A vRNe ||\\
\EN{312120601} indrAgnI navatiM puro dAsapatnIradhUnutam |\\
\EN{312120602} sAkamekena karmaNA ||\\
\EN{312120701} indrAgnI apasas paryupa pra yanti dhItayaH |\\
\EN{312120702} Rtasya pathyA anu ||\\
\EN{312120801} indrAgnI taviSANi vAM sadhasthAni prayAMsi ca |\\
\EN{312120802} yuvoraptUryaM hitam ||\\
\EN{312120901} indrAgnI rocanA divaH pari vAjeSu bhUSathaH |\\
\EN{312120902} tad vAMceti pra vIryam ||\\
\EN{313130101} pra vo devAyAgnaye barhiSThamarcAsmai |\\
\EN{313130102} gamad devebhirAsa no yajiSTho barhirA sadat ||\\
\EN{313130201} RtAvA yasya rodasI dakSaM sacanta UtayaH |\\
\EN{313130202} haviSmantastamILate taM saniSyanto.avase ||\\
\EN{313130301} sa yantA vipra eSAM sa yaj~nAnAmathA hi SaH |\\
\EN{313130302} agniM taM vo duvasyata dAtA yo vanitA magham ||\\
\EN{313130401} sa naH sharmANi vItaye.agniryachatu shantamA |\\
\EN{313130402} yato naHpruSNavad vasu divi kSitibhyo apsvA ||\\
\EN{313130501} dIdivAMsamapUrvyaM vasvIbhirasya dhItibhiH |\\
\EN{313130502} RkvANo agnimindhate hotAraM vishpatiM vishAm ||\\
\EN{313130601} uta no brahmannaviSa uktheSu devahUtamaH |\\
\EN{313130602} shaM naH shocAmarudvRdho.agne sahasrasAtamaH ||\\
\EN{313130701} nU no rAsva sahasravat tokavat puSTimad vasu |\\
\EN{313130702} dyumadagne suvIryaM varSiSthamanupakSitam ||\\
\EN{314140101} A hotA mandro vidathAnyasthAt satyo yajvA kavitamaH savedhAH |\\
\EN{314140102} vidyudrathaH sahasas putro agniH shociSkeshaH pRthivyAM pAjo ashret ||\\
\EN{314140201} ayAmi te namauktiM juSasva RtAvastubhyaM cetate sahasvaH |\\
\EN{314140202} vidvAnA vakSi viduSo ni Satsi madhya A barhirUtaye yajatra ||\\
\EN{314140301} dravatAM ta uSasA vAjayantI agne vAtasya pathyAbhiracha |\\
\EN{314140302} yat sIma~njanti pUrvyaM havirbhirA vandhureva tasthaturduroNe ||\\
\EN{314140401} mitrashca tubhyaM varuNaH sahasvo.agne vishve marutaH sumnamarcan |\\
\EN{314140402} yacchociSA sahasas putra tiSThA abhi kSitIH prathayan sUryo nR^In ||\\
\EN{314140501} vayaM te adya rarimA hi kAmamuttAnahastA namasopasadya |\\
\EN{314140502} yajiSThena manasA yakSi devAnasredhatA manmanA vipro agne ||\\
\EN{314140601} tvad dhi putra sahaso vi pUrvIrdevasya yantyUtayo vi vAjAH |\\
\EN{314140602} tvaM dehi sahasriNaM rayiM no.adrogheNa vacasA satyamagne ||\\
\EN{314140701} tubhyaM dakSa kavikrato yAnImA deva martAso adhvare akarma |\\
\EN{314140702} tvaM vishvasya surathasya bodhi sarvaM tadagne amRta svadeha ||\\
\EN{315150101} vi pAjasA pRthunA shoshucAno bAdhasva dviSo rakSaso amIvAH |\\
\EN{315150102} susharmaNo bRhataH sharmaNi syAmagnerahaM suhavasya praNItau ||\\
\EN{315150201} tvaM no asyA uSaso vyuSTau tvaM sUra udite bodhi gopAH |\\
\EN{315150202} janmeva nityaM tanayaM juSasva stomaM me agne tanvA sujAta ||\\
\EN{315150301} tvaM nRcakSA vRSabhAnu pUrvIH kRSNAsvagne aruSo vibhAhi |\\
\EN{315150302} vaso neSi ca parSi cAtyaMhaH kRdhI no rAya ushijo yaviSTha ||\\
\EN{315150401} aSALho agne vRSabho didIhi puro vishvAH saubhagA saMjigIvAn |\\
\EN{315150402} yaj~nasya netA prathamasya pAyorjAtavedo bRhataH supraNIte ||\\
\EN{315150501} achidrA sharma jaritaH purUNi devAnachA dIdyAnaH sumedhAH |\\
\EN{315150502} ratho na sasnirabhi vakSi vAjama>gne tvaM rodasInaH sumeke ||\\
\EN{315150601} pra pIpaya vRSabha jinva vAjAnagne tvaM rodasI naH sudoghe |\\
\EN{315150602} devebhirdeva surucA rucAno mA no martasya durmatiH pari SThAt ||\\
\EN{315150701} iLAmagne ... ||\\
\EN{316160101} ayamagniH suvIryasyeshe mahaH saubhagasya |\\
\EN{316160102} rAya Ishe svapatyasya gomata Ishe vRtrahathAnAm ||\\
\EN{316160201} imaM naro marutaH sashcatA vRdhaM yasmin rAyaH shevRdhAsaH |\\
\EN{316160202} abhi ye santi pRtanAsu dUDhyo vishvAhA shatrumAdabhuH ||\\
\EN{316160301} sa tvaM no rAyaH shishIhi mIDhvo agne suviryasya |\\
\EN{316160302} tuvidyumna varSiSThasya prajAvato.anamIvasya shuSmiNaH ||\\
\EN{316160401} cakriryo vishvA bhuvanAbhi sAsahishcakrirdeveSvA duvaH |\\
\EN{316160402} A deveSu yatata A suvIrya A shaMsa uta nRNAm ||\\
\EN{316160501} mA no agne.amataye mAvIratAyai rIradhaH |\\
\EN{316160502} mAgotAyai sahasas putra mA nide.apa dveSAMsyA kRdhi ||\\
\EN{316160601} shagdhi vAjasya subhaga prajAvato.agne bRhato adhvare |\\
\EN{316160602} saMrAyA bhUyasA sRja mayobhunA tuvidyumna yashasvatA ||\\
\EN{317170101} samidhyamAnaH prathamAnu dharmA samaktubhirajyate vishvavAraH |\\
\EN{317170102} shociSkesho ghRtanirNik pAvakaH suyaj~no agniryajathAya devAn ||\\
\EN{317170201} yathAyajo hotramagne pRthivyA yathA divo jAtavedashcikitvAn |\\
\EN{317170202} evAnena haviSA yakSi devAn manuSvad yaj~naM pra tiremamadya ||\\
\EN{317170301} trINyAyUMSi tava jAtavedastisra AjAnIruSasaste agne |\\
\EN{317170302} tAbhirdevAnAmavo yakSi vidvAnathA bhava yajamAnAya shaM yoH ||\\
\EN{317170401} agniM sudItiM sudRshaM gRNanto namasyAmastveDyaM jAtavedaH |\\
\EN{317170402} tvAM dUtamaratiM havyavAhaM devA akRNvannamRtasya nAbhim ||\\
\EN{317170501} yastvad dhotA pUrvo agne yajIyAn dvitA ca sattA svadhayA ca shambhuH tasyAnu dharma pra yajA cikitvo.atha no dhA adhvaraM devavItau ||\\
\EN{318180101} bhavA no agne sumanA upetau sakheva sakhye pitareva sAdhuH |\\
\EN{318180102} purudruho hi kSitayo janAnAM prati pratIcIrdahatAdarAtIH ||\\
\EN{318180201} tapo shvagne antarAnamitrAn tapA shaMsamararuSaH parasya |\\
\EN{318180202} tapo vaso cikitAno acittAn vi te tiSThantAmajarA ayAsaH ||\\
\EN{318180301} idhmenAgna ichamAno ghRtena juhomi havyaM tarase balAya |\\
\EN{318180302} yAvadIshe brahmaNA vandamAna imAM dhiyaM shataseyAya devIm ||\\
\EN{318180401} ucchociSA sahasas putra stuto bRhad vayaH shashamAneSu dhehi |\\
\EN{318180402} revadagne vishvAmitreSu shaM yormarmRjmA te tanvaM bhUri kRtvaH ||\\
\EN{318180501} kRdhi ratnaM susanitardhanAnAM sa ghedagne bhavasi yat samiddhaH |\\
\EN{318180502} stoturduroNe subhagasya revat sRprA karasnA dadhiSe vapUMSi ||\\
\EN{319190101} agniM hotAraM pra vRNe miyedhe gRtsaM kaviM vishvavidamamUram |\\
\EN{319190102} sa no yakSad devatAtA yajIyAn rAye vAjAya vanatemaghAni ||\\
\EN{319190201} pra te agne haviSmatImiyarmyachA sudyumnAM rAtinIM ghRtAcIm |\\
\EN{319190202} pradakSiNid devatAtimurANaH saM rAtibhirvasubhiryaj~namashret ||\\
\EN{319190301} sa tejIyasA manasA tvota uta shikSa svapatyasya shikSoH |\\
\EN{319190302} agne rAyo nRtamasya prabhUtau bhUyAma te suSTutayashca vasvaH ||\\
\EN{319190401} bhUrINi hi tve dadhire anIkAgne devasya yajyavo janAsaH |\\
\EN{319190402} sa A vaha devatAtiM yaviSTha shardho yadadya divyaMyajAsi ||\\
\EN{319190501} yat tvA hotAramanajan miyedhe niSAdayanto yajathAya devAH |\\
\EN{319190502} sa tvaM no agne.aviteha bodhyadhi shravAMsi dhehi nastanUSu ||\\
\EN{320200101} agnimuSasamashvinA dadhikrAM vyuSTiSu havate vahnirukthaiH |\\
\EN{320200102} sujyotiSo naH shRNvantu devAH sajoSaso adhvaraM vAvashAnAH ||\\
\EN{320200201} agne trI te vAjinA trI SadhasthA tisraste jihvA RtajAta pUrvIH |\\
\EN{320200202} tisra u te tanvo devavAtAstAbhirnaH pAhi giro aprayuchan ||\\
\EN{320200301} agne bhUrINi tava jAtavedo deva svadhAvo.amRtasya nAma |\\
\EN{320200302} yAshca mAyA mAyinAM vishvaminva tve pUrvIH sandadhuHpRSTabandho ||\\
\EN{320200401} agnirnetA bhaga iva kSitInAM daivInAM deva RtupA RtAvA |\\
\EN{320200402} sa vRtrahA sanayo vishvavedAH parSad vishvAti duritA gRNantam ||\\
\EN{320200501} dadahikrAmagnimuSasaM ca devIM bRhaspatiM savitAraM cadevam |\\
\EN{320200502} ashvinA mitrAvaruNA bhagaM ca vasUn rudrAnAdityAniha huve ||\\
\EN{321210101} imaM no yaj~namamRteSu dhehImA havyA jAtavedo juSasva |\\
\EN{321210102} stokAnAmagne medaso ghRtasya hotaH prAshAna prathamo niSadya ||\\
\EN{321210201} ghRtavantaH pAvaka te stokA shcotanti medasaH |\\
\EN{321210202} svadharman devavItaye shreSThaM no dhehi vAryam ||\\
\EN{321210301} tubhyaM stokA ghRtashcuto.agne viprAya santya |\\
\EN{321210302} RSiH shreSThaH samidhyase yaj~nasya prAvitA bhava ||\\
\EN{321210401} tubhyaM shcotantyadhrigo shacIva stokAso agne medaso ghRtasya |\\
\EN{321210402} kavishasto bRhatA bhAnunAgA havyA juSasva medhira ||\\
\EN{321210501} ojiSThaM te madhyato meda udbhRtaM pra te vayaM dadAmahe |\\
\EN{321210502} shcotanti te vaso stokA adhi tvaci prati tAn devasho vihi ||\\
\EN{322220101} ayaM so agniryasmin somamindraH sutaM dadhe jaThare vAvashAnaH |\\
\EN{322220102} sahasriNaM vAjamatyaM na saptiM sasavAn san stUyase jAtavedaH ||\\
\EN{322220201} agne yat te divi varcaH pRthivyAM yadoSadhISvapsvA yajatra |\\
\EN{322220202} yenAntarikSamurvAtatantha tveSaH sa bhAnurarNavo nRcakSAH ||\\
\EN{322220301} agne divo arNamachA jigAsyachA devAnUciSe dhiSNyAye |\\
\EN{322220302} yA rocane parastAt sUryasya yAshcAvastAdupatiSThaNta ApaH ||\\
\EN{322220401} purISyAso agnayaH prAvaNebhiH sajoSasaH |\\
\EN{322220402} juSantAM yaj~namadruho.anamIvA iSo mahIH ||\\
\EN{322220501} iLAmagne ... ||\\
\EN{323230101} nirmathitaH sudhita A sadhasthe yuvA kaviradhvarasya praNetA |\\
\EN{323230102} jUryatsvagnirajaro vaneSvatrA dadhe amRtaM jAtavedAH ||\\
\EN{323230201} amanthiSTAM bhAratA revadagniM devashravA devavAtaH sudakSam |\\
\EN{323230202} agne vi pashya bRhatAbhi rAyeSAM no netA bhavatAdanu dyUn ||\\
\EN{323230301} dasha kSipaH pUrvyaM sImajIjanan sujAtaM mAtRSu priyam |\\
\EN{323230302} agniM stuhi daivavAtaM devashravo yo janAnAmasad vashI ||\\
\EN{323230401} ni tvA dadhe vara A pRthivyA iLAyAs pade sudinatve ahnAm |\\
\EN{323230402} dRSadvatyAM mAnuSa ApayAyAM sarasvatyAM revadagnedidIhi ||\\
\EN{323230501} iLAmagne ... ||\\
\EN{324240101} agne sahasva pRtanA abhimAtIrapAsya |\\
\EN{324240102} duSTarastarannarAtIrvarco dhA yaj~navAhase ||\\
\EN{324240201} agna iLA samidhyase vItihotro amartyaH |\\
\EN{324240202} juSasva sU no adhvaram ||\\
\EN{324240301} agne dyumnena jAgRve sahasaH sUnavAhuta |\\
\EN{324240302} edaM barhiH sado ||\\
\EN{324240301} mama ||\\
\EN{324240401} agne vishvebhiragnibhirdevebhirmahayA giraH |\\
\EN{324240402} yaj~neSu yau cAyavaH ||\\
\EN{324240501} agne dA dAshuSe rayiM vIravantaM parINasam |\\
\EN{324240502} shishIhi naH sUnumataH ||\\
\EN{325250101} a>gne divaH sUnurasi pracetAstanA pRthivyA uta vishvavedAH |\\
\EN{325250102} Rdhag devAniha yajA cikitvaH ||\\
\EN{325250201} agniH sanoti vIryANi vidvAn sanoti vAjamamRtAya bhUSan |\\
\EN{325250202} sa no devAneha vahA purukSo ||\\
\EN{325250301} agnirdyAvApRthivI vishvajanye A bhAti devI amRte amUraH |\\
\EN{325250302} kSayan vAjaiH purushcandro namobhiH ||\\
\EN{325250401} agna indrashca dAshuSo durone sutAvato yaj~namihopa yAtam |\\
\EN{325250402} amardhantA somapeyAya devA ||\\
\EN{325250501} agne apAM samidhyase duroNe nityaH sUno sahaso jAtavedaH |\\
\EN{325250502} sadhasthAni mahayamAna UtI ||\\
\EN{326260101} vaishvAnaraM manasAgniM nicAyyA haviSmanto anuSatyaM svarvidam |\\
\EN{326260102} sudAnuM devaM rathiraM vasUyavo gIrbhI raNvaMkushikAso havAmahe ||\\
\EN{326260201} taM shubhramagnimavase havAmahe vaishvAnaraM mAtarishvAnamukthyam |\\
\EN{326260202} bRhaspatiM manuSo devatAtaye vipraM shrotAramatithiM raghuSyadam ||\\
\EN{326260301} ashvo na kranda~n janibhiH samidhyate vaishvAnaraH kushikebhiryuge\-yuge |\\
\EN{326260302} sa no agniH suvIryaM svashvyaM dadhAtu ratnamamRteSu jAgRviH ||\\
\EN{326260401} pra yantu vAjAstaviSIbhiragnayaH shubhe sammiSlAH pRSatIrayukSata |\\
\EN{326260402} bRhadukSo maruto vishvavedasaH pra vepayantiparvatAnadAbhyAH ||\\
\EN{326260501} agnishriyo maruto vishvakRSTaya A tveSamugramava Imahe vayam |\\
\EN{326260502} te svAnino rudriyA varSanirNijaH siMhA na heSakratavaH sudAnavaH ||\\
\EN{326270601} vrAtaM\-vrAtaM gaNaM\-gaNaM sushastibhiragnerbhAmaM marutAmoja Imahe |\\
\EN{326270602} pRSadashvAso anavabhrarAdhaso gantAro yaj~naM vidatheSu dhIrAH ||\\
\EN{326270701} agnirasmi janmanA jAtavedA ghRtaM me cakSuramRtaM ma Asan |\\
\EN{326270702} arkastridhAtU rajaso vimAno.ajasro gharmo havirasmi nAma ||\\
\EN{326270801} tribhiH pavitrairapupod dhyarkaM hRdA matiM jyotiranu prajAnan |\\
\EN{326270802} varSiSThaM ratnamakRta svadhAbhirAdid dyAvApRthivI paryapashyat ||\\
\EN{326270901} shatadhAramutsamakSIyamANaM vipashcitaM pitaraM vaktvAnAm |\\
\EN{326270902} meLiM madantaM pitrorupasthe taM rodasI pipRtaM satyavAcam ||\\
\EN{327280101} pra vo vAjA abhidyavo haviSmanto ghRtAcyA |\\
\EN{327280102} devA~n jigAtisumnayuH ||\\
\EN{327280201} ILe agniM vipashcitaM girA yaj~nasya sAdhanam |\\
\EN{327280202} shruSTIvAnaM dhitAvAnam ||\\
\EN{327280301} agne shakema te vayaM yamaM devasya vAjinaH |\\
\EN{327280302} ati dveSAMsi tarema ||\\
\EN{327280401} samidhyamAno adhvare.agniH pAvaka IDyaH |\\
\EN{327280402} shociSkeshastamImahe ||\\
\EN{327280501} pRthupAjA amartyo ghRtanirNik svAhutaH |\\
\EN{327280502} agniryaj~nasya havyavAT ||\\
\EN{327290601} taM sabAdho yatasruca itthA dhiyA yaj~navantaH |\\
\EN{327290602} A cakruragnimUtaye ||\\
\EN{327290701} hotA devo amartyaH purastAdeti mAyayA |\\
\EN{327290702} vidathAni pracodayan ||\\
\EN{327290801} vAjI vAjeSu dhIyate.adhvareSu pra NIyate |\\
\EN{327290802} vipro yaj~nasya sAdhanaH ||\\
\EN{327290901} dhiyA cakre vareNyo bhUtAnAM garbhamA dadhe |\\
\EN{327290902} dakSasyapitaraM tanA ||\\
\EN{327291001} ni tvA dadhe vareNyaM dakSasyeLA sahaskRta |\\
\EN{327291002} agne sudItimushijam ||\\
\EN{327301101} agniM yanturamapturaM Rtasya yoge vanuSaH |\\
\EN{327301102} viprA vAjaiH samindhate ||\\
\EN{327301201} Urjo napAtamadhvare dIdivAMsamupa dyavi |\\
\EN{327301202} agnimILe kavikratum ||\\
\EN{327301301} ILenyo namasyastirastamAMsi darshataH |\\
\EN{327301302} samagniridhyat ||\\
\EN{327301301} e vRSA ||\\
\EN{327301401} vRSo agniH samidhyate.ashvo na devavAhanaH |\\
\EN{327301402} taM haviSmanta ILate ||\\
\EN{327301501} vRSaNaM tvA vayaM vRSan vRSaNaH samidhImahi |\\
\EN{327301502} agne dIdyataM bRhat ||\\
\EN{328310101} agne juSasva no haviH puroLAshaM jAtavedaH |\\
\EN{328310102} prAtaHsAvedhiyAvaso ||\\
\EN{328310201} puroLA agne pacatastubhyaM vA ghA pariSkRtaH |\\
\EN{328310202} taM juSasva yaviSThya ||\\
\EN{328310301} agne vIhi puroLASamAhutaM tiroahnyam |\\
\EN{328310302} sahasaH sUnurasyadhvare hitaH ||\\
\EN{328310401} mAdhyandine savane jAtavedaH puroLAshamiha kave juSasva |\\
\EN{328310402} agne yahvasya tava bhAgadheyaM na pra minanti vidatheSu dhIrAH ||\\
\EN{328310501} agne tRtIye savane hi kAniSaH puroLAshaM sahasaH sUnavAhutam |\\
\EN{328310502} athA deveSvadhvaraM vipanyayA dhA ratnavantamamRteSu jAgRvim ||\\
\EN{328310601} agne vRdhAna AhutiM puroLAshaM jAtavedaH |\\
\EN{328310602} juSasva tiroahnyam ||\\
\EN{329320101} astIdamadhimanthanamasti prajananaM kRtam |\\
\EN{329320102} etAM vishpatnImA bharAgniM manthAma pUrvathA ||\\
\EN{329320201} araNyornihito jAtavedA garbha iva sudhito garbhiNISu |\\
\EN{329320202} dive\-diva IDyo jAgRvadbhirhaviSmadbhirmanuSyebhiragniH ||\\
\EN{329320301} uttAnAyAmava bharA cikitvAn sadyaH pravItA vRSaNaM jajAna |\\
\EN{329320302} aruSastUpo rushadasya pAja iLAyAs putro vayune.ajaniSTa ||\\
\EN{329320401} iLAyAstvA pade vayaM nAbhA pRthivyA adhi |\\
\EN{329320402} jAtavedo ni dhImahyagne havyAya voLhave ||\\
\EN{329320501} manthatA naraH kavimadvayantaM pracetasamamRtaM supratIkam |\\
\EN{329320502} yaj~nasya ketuM prathamaM purastAdagniM naro janayatA sushevam ||\\
\EN{329330601} yadI manthanti bAhubhirvi rocate.ashvo na vAjyaruSo vaneSvA |\\
\EN{329330602} citro na yAmannashvinoranivRtaH pari vRNaktyashmanastRNA dahan ||\\
\EN{329330701} jAto agnI rocate cekitAno vAjI vipraH kavishastaH sudAnuH |\\
\EN{329330702} yaM devAsa IDyaM vishvavidaM havyavAhamadadhuradhvareSu ||\\
\EN{329330801} sIda hotaH sva u loke cikitvAn sAdayA yaj~naM sukRtasya yonau |\\
\EN{329330802} devAvIrdevAn haviSA yajAsyagne bRhad yajamAne vayo dhAH ||\\
\EN{329330901} kRNota dhUmaM vRSaNaM sakhAyo.asredhanta itana vAjamacha |\\
\EN{329330902} ayamagniH pRtanASAT suvIro yena devAso asahanta dasyUn ||\\
\EN{329331001} ayaM te yonirRtviyo yato jAto arocathAH |\\
\EN{329331002} taM jAnannagna A sIdAthA no vardhayA giraH ||\\
\EN{329341101} tanUnapAducyate garbha Asuro narAshaMso bhavati yad vijAyate |\\
\EN{329341102} mAtarishvA yadamimIta mAtari vAtasya sargo abhavatsarImaNi ||\\
\EN{329341201} sunirmathA nirmathitaH sunidhA nihitaH kaviH |\\
\EN{329341202} agne svadhvarA kRNu devAn devayate yaja ||\\
\EN{329341301} ajIjanannamRtaM martyAso.asremANaM taraNiM vILujambham |\\
\EN{329341302} dasha svasAro agruvaH samIcIH pumAMsaM jAtamabhi saM rabhante ||\\
\EN{329341401} pra saptahotA sanakAdarocata mAturupasthe yadashocadUdhani |\\
\EN{329341402} na ni miSati suraNo dive\-dive yadasurasya jaTharAdajAyata ||\\
\EN{329341501} amitrAyudho marutAmiva prayAH prathamajA brahmaNo vishvamid viduH |\\
\EN{329341502} dyumnavad brahma kushikAsa erira eka\-eko dame agniM samIdhire ||\\
\EN{329341601} yadadya tvA prayati yaj~ne asmin hotashcikitvo.avRNImahIha |\\
\EN{329341602} dhruvamayA dhruvamutAshamiSThAH prajAnan vidvAnupa yAhi somam ||\\
\EN{330010101} ichanti tvA somyAsaH sakhAyaH sunvanti somaM dadhati prayAMsi |\\
\EN{330010102} titikSante abhishastiM janAnAmindra tvadA kashcana hi praketaH ||\\
\EN{330010201} na te dUre paramA cid rajAMsyA tu pra yAhi harivo haribhyAm |\\
\EN{330010202} sthirAya vRSNe savanA kRtemA yuktA grAvANaH samidhAne agnau ||\\
\EN{330010301} indraH sushipro maghavA tarutro mahAvrAtastuvikUrmirRghAvAn |\\
\EN{330010302} yadugro dhA bAdhito martyeSu kva tyA te vRSabha vIryANi ||\\
\EN{330010401} tvaM hi SmA cyAvayannacyutAnyeko vRtrA carasi jighnamAnaH |\\
\EN{330010402} tava dyAvApRthivI parvatAso.anu vratAya nimiteva tasthuH ||\\
\EN{330010501} utAbhaye puruhUta shravobhireko dRLhamavado vRtrahA san |\\
\EN{330010502} ime cidindra rodasI apAre yat saMgRbhNA maghavan kAshirit te ||\\
\EN{330020601} pra sU ta indra pravatA haribhyAM pra te vajraH pramRNannetu shatrUn |\\
\EN{330020602} jahi pratIco anUcaH parAco vishvaM satyaMkRNuhi viSTamastu ||\\
\EN{330020701} yasmai dhAyuradadhA martyAyAbhaktaM cid bhajate gehyaM saH |\\
\EN{330020702} bhadrA ta indra sumatirghRtAcI sahasradAnA puruhUta rAtiH ||\\
\EN{330020801} sahadAnuM puruhUta kSiyantamahastamindra saM piNak kuNArum |\\
\EN{330020802} abhi vRtraM vardhamAnaM piyArumapAdamindra tavasA jaghantha ||\\
\EN{330020901} ni sAmanAmiSirAmindra bhUmiM mahImapArAM sadane sasattha |\\
\EN{330020902} astabhnAd dyAM vRSabho antarikSamarSantvApastvayeha prasUtAH ||\\
\EN{330021001} alAtRNo vala indra vrajo goH purA hantorbhayamAno vyAra |\\
\EN{330021002} sugAn patho akRNon niraje gAH prAvan vANIH puruhUtaM dhamantIH ||\\
\EN{330031101} eko dve vasumatI samIcI indra A paprau pRthivImuta dyAm |\\
\EN{330031102} utAntarikSAdabhi naH samIka iSo rathIH sayujaH shUra vAjAn ||\\
\EN{330031201} dishaH sUryo na minAti pradiSTA dive\-dive haryashvaprasUtAH |\\
\EN{330031202} saM yadAnaL adhvana AdidashvairvimocanaM kRNute tat tvasya ||\\
\EN{330031301} didRkSanta uSaso yAmannaktorvivasvatyA mahi citramanIkam |\\
\EN{330031302} vishve jAnanti mahinA yadAgAdindrasya karma sukRtApurUNi ||\\
\EN{330031401} mahi jyotirnihitaM vakSaNAsvAmA pakvaM carati bibhratI gauH |\\
\EN{330031402} vishvaM svAdma sambhRtamusriyAyAM yat sImindro adadhAd bhojanAya ||\\
\EN{330031501} indra dRhya yAmakoshA abhUvan yaj~nAya shikSa gRNate sakhibhyaH |\\
\EN{330031502} durmAyavo durevA martyAso niSaN^giNo ripavo hantvAsaH ||\\
\EN{330041601} saM ghoSaH shRNve.avamairamitrairjahI nyeSvashaniM tapiSThAm |\\
\EN{330041602} vRshcemadhastAd vi rujA sahasva jahi rakSo maghavan randhayasva ||\\
\EN{330041701} ud vRha rakSaH sahamUlamindra vRshcA madhyaM pratyagraMshRNIhi |\\
\EN{330041702} A kIvataH salalUkaM cakartha brahmadviSe tapuSiM hetimasya ||\\
\EN{330041801} svastaye vAjibhishca praNetaH saM yan mahIriSa AsatsipUrvIH |\\
\EN{330041802} rAyo vantAro bRhataH syAmAsme astu bhaga indraprajAvAn ||\\
\EN{330041901} A no bhara bhagamindra dyumantaM ni te deSNasya dhImahi prareke |\\
\EN{330041902} Urva iva paprathe kAmo asme tamA pRNa vasupate vasUnAm ||\\
\EN{330042001} imaM kAmaM mandayA gobhirashvaishcandravatA rAdhasA paprathashca |\\
\EN{330042002} svaryavo matibhistubhyaM viprA indrAya vAhaHkushikAso akran ||\\
\EN{330042101} A no gotrA dardRhi gopate gAH samasmabhyaM sanayo yantu vAjAH |\\
\EN{330042102} divakSA asi vRSabha satyashuSmo.asmabhyaM su maghavan bodhi godAH ||\\
\EN{330042201} shunaM huvema maghavAnamindramasmin bhare nRtamaM vAjasAtau |\\
\EN{330042202} shRNvantamugramUtaye samatsu ghnantaM vRtrANi saMjitaM dhanAnAm ||\\
\EN{331050101} shAsad vahnirduhiturnaptyaM gAd vidvAn Rtasya dIdhitiMsaparyan |\\
\EN{331050102} pitA yatra duhituH sekaM R~njan saM shagmyena manasA dadhanve ||\\
\EN{331050201} na jAmaye tAnvo rikthamAraik cakAra garbhaM saniturnidhAnam |\\
\EN{331050202} yadI mAtaro janayanta vahnimanyaH kartA sukRtoranya Rndhan ||\\
\EN{331050301} agnirjaj~ne juhvA rejamAno mahas putrAnaruSasya prayakSe |\\
\EN{331050302} mahAn garbho mahyA jAtameSAM mahI pravRd dharyashvasya yaj~naiH ||\\
\EN{331050401} abhi jaitrIrasacanta spRdhAnaM mahi jyotistamaso nirajAnan |\\
\EN{331050402} taM jAnatIH pratyudAyannuSAsaH patirgavAmabhavadeka indraH ||\\
\EN{331050501} vILau satIrabhi dhIrA atRndan prAcAhinvan manasA saptaviprAH |\\
\EN{331050502} vishvAmavindan pathyAM Rtasya prajAnannit tAnamasA vivesha ||\\
\EN{331060601} vidad yadI saramA rugNamadrermahi pAthaH pUrvyaM sadhryak kaH |\\
\EN{331060602} agraM nayat supadyakSarANAmachA ravaM prathamA jAnatI gAt ||\\
\EN{331060701} agachadu vipratamaH sakhIyannasUdayat sukRte garbhamadriH |\\
\EN{331060702} sasAna maryo yuvabhirmakhasyannathAbhavadaN^girAH sadyo arcan ||\\
\EN{331060801} sataH\-sataH pratimAnaM purobhUrvishvA veda janimA hanti shuSNam |\\
\EN{331060802} pra No divaH padavIrgavyurarcan sakhA sakhInramu~ncan niravadyAt ||\\
\EN{331060901} ni gavyatA manasA sedurarkaiH kRNvAnAso amRtatvAya gAtum |\\
\EN{331060902} idaM cin nu sadanaM bhUryeSAM yena mAsAnasiSAsannRtena ||\\
\EN{331061001} sampashyamAnA amadannabhi svaM payaH pratnasya retaso dughAnAH |\\
\EN{331061002} vi rodasI atapad ghoSa eSAM jAte niSThAmadadhurgoSu vIrAn ||\\
\EN{331071101} sa jAtebhirvRtrahA sedu havyairudusriyA asRjadindro arkaiH |\\
\EN{331071102} urUcyasmai ghRtavad bharantI madhu svAdma duduhe jenyA gauH ||\\
\EN{331071201} pitre ciccakruH sadanaM samasmai mahi tviSImat sukRto vihi khyan |\\
\EN{331071202} viSkabhnanta skambhanenA janitrI AsInA UrdhvaM rabhasaM vi minvan ||\\
\EN{331071301} mahI yadi dhiSaNA shishnathe dhAt sadyovRdhaM vibhvaM rodasyoH |\\
\EN{331071302} giro yasminnanavadyAH samIcIrvishvA indrAya taviSIranuttAH ||\\
\EN{331071401} mahyA te sakhyaM vashmi shaktIrA vRtraghne niyuto yanti pUrvIH |\\
\EN{331071402} mahi stotramava Aganma sUrerasmAkaM su maghavan bodhi gopAH ||\\
\EN{331071501} mahi kSetraM puru shcandraM vividvAnAdit sakhibhyashcarathaM samairat |\\
\EN{331071502} indro nRbhirajanad dIdyAnaH sAkaM sUryamuSasaM gAtumagnim ||\\
\EN{331081601} apashcideSa vibhvo damUnAH pra sadhrIcIrasRjad vishvashcandrAH |\\
\EN{331081602} madhvaH punAnAH kavibhiH pavitrairdyubhirhinvantyaktubhirdhanutrIH ||\\
\EN{331081701} anu kRSNe vasudhitI jihAte ubhe sUryasya maMhanA yajatre |\\
\EN{331081702} pari yat te mahimAnaM vRjadhyai sakhAya indra kAmyA RjipyAH ||\\
\EN{331081801} patirbhava vRtrahan sUnRtAnAM girAM vishvAyurvRSabho vayodhAH |\\
\EN{331081802} A no gahi sakhyebhiH shivebhirmahAn mahIbhirUtibhiH saraNyan ||\\
\EN{331081901} tamaN^girasvan namasA saparyan navyaM kRNomi sanyase purAjAm |\\
\EN{331081902} druho vi yAhi bahulA adevIH svashca no maghavan sAtaye dhAH ||\\
\EN{331082001} mihaH pAvakAH pratatA abhUvan svasti naH pipRhi pAramAsAm |\\
\EN{331082002} indra tvaM rathiraH pAhi no riSo makSU\-makSU kRNuhi gojito naH ||\\
\EN{331082101} adediSTa vRtrahA gopatirgA antaH kRSNAnaruSairdhAmabhirgAt |\\
\EN{331082102} pra sUnRtA dishamAna Rtena durashca vishvA avRNodapa svAH ||\\
\EN{331082201} shunaM huvema ... ||\\
\EN{332090101} indra somaM somapate pibemaM mAdhyandinaM savanaM cAru yat te |\\
\EN{332090102} prapruthyA shipre maghavannRjISin vimucyA harI ihamAdayasva ||\\
\EN{332090201} gavAshiraM manthinamindra shukraM pibA somaM rarimA te madAya |\\
\EN{332090202} brahmakRtA mArutenA gaNena sajoSA rudraistRpadAvRSasva ||\\
\EN{332090301} ye te shuSmaM ye taviSImavardhannarcanta indra marutastaojaH |\\
\EN{332090302} mAdhyandine savane vajrahasta pibA rudrebhiH sagaNaH sushipra ||\\
\EN{332090401} ta in nvasya madhumad vivipra indrasya shardho maruto ya Asan |\\
\EN{332090402} yebhirvRtrasyeSito vivedAmarmaNo manyamAnasya marma ||\\
\EN{332090501} manuSvadindra savanaM juSANaH pibA somaM shashvate vIryAya |\\
\EN{332090502} sa A vavRtsva haryashva yaj~naiH saraNyubhirapo arNA sisarSi ||\\
\EN{332100601} tvamapo yad dha vRtraM jaghanvAnatyAniva prAsRjaH sartavAjau |\\
\EN{332100602} shayAnamindra carata vadhena vavrivAMsaM pari devIradevam ||\\
\EN{332100701} yajAma in namasA vRddhamindraM bRhantaM RSvamajaraM yuvAnam |\\
\EN{332100702} yasya priye mamaturyaj~niyasya na rodasI mahimAnaM mamAte ||\\
\EN{332100801} indrasya karma sukRtA purUNi vratAni devA na minanti vishve |\\
\EN{332100802} dAdhAra yaH pRthivIM dyAmutemAM jajAna sUryamuSasaM sudaMsAH ||\\
\EN{332100901} adrogha satyaM tava tan mahitvaM sadyo yajjAto apibo ha somam |\\
\EN{332100902} na dyAva indra tavasasta ojo nAhA na mAsAH sharado varanta ||\\
\EN{332101001} tvaM sadyo apibo jAta indra madAya somaM parame vyoman |\\
\EN{332101002} yad dha dyAvApRthivI AviveSIrathAbhavaH pUrvyaH kArudhAyAH ||\\
\EN{332111101} ahannahiM parishayAnamarNa ojAyamAnaM tuvijAta tavyAn |\\
\EN{332111102} na te mahitvamanu bhUdadha dyauryadanyayA sphigyA kSAmavasthAH ||\\
\EN{332111201} yaj~no hi ta indra vardhano bhUduta priyaH sutasomo miyedhaH |\\
\EN{332111202} yaj~nena yaj~namava yaj~niyaH san yaj~naste vajramahihatya Avat ||\\
\EN{332111301} yaj~nenendramavasA cakre arvAgainaM sumnAya navyase vavRtyAm |\\
\EN{332111302} ya stomebhirvAvRdhe pUrvyebhiryo madhyamebhiruta nUtanebhiH ||\\
\EN{332111401} viveSa yan mA dhiSaNA jajAna stavai purA pAryAdindramahnaH |\\
\EN{332111402} aMhaso yatra pIparad yathA no nAveva yAntamubhaye havante ||\\
\EN{332111501} ApUrNo asya kalashaH svAhA sekteva koshaM sisice pibadhyai |\\
\EN{332111502} samu priyA AvavRtran madAya pradakSiNidabhi somAsaindram ||\\
\EN{332111601} na tvA gabhIraH puruhUta sindhurnAdrayaH pari Santo varanta |\\
\EN{332111602} itthA sakhibhya iSito yadindrA dRLhaM cidarujo gavyamUrvam ||\\
\EN{332111701} shunaM huvema ... ||\\
\EN{333120101} pra parvatAnAmushatI upasthAdashve iva viSite hAsamAne |\\
\EN{333120102} gAveva shubhre mAtarA rihANe vipAT chutudrI payasAjavete ||\\
\EN{333120201} indreSite prasavaM bhikSamANe achA samudraM rathyeva yAthaH |\\
\EN{333120202} samArANe UrmibhiH pinvamAne anyA vAmanyAmapyeti shubhre ||\\
\EN{333120301} achA sindhuM mAtRtamAmayAsaM vipAshamurvIM subhagAmaganma |\\
\EN{333120302} vatsamiva mAtarA saMrihANe samAnaM yonimanu saMcarantI ||\\
\EN{333120401} ena vayaM payasA pinvamAnA anu yoniM devakRtaM carantIH |\\
\EN{333120402} na vartave prasavaH sargataktaH kiMyurvipro nadyo johavIti ||\\
\EN{333120501} ramadhvaM me vacase somyAya RtAvarIrupa muhUrtamevaiH |\\
\EN{333120502} pra sindhumachA bRhatI manISAvasyurahve kushikasya sUnuH ||\\
\EN{333130601} indro asmAnaradad vajrabAhurapAhan vRtraM paridhiM nadInAm |\\
\EN{333130602} devo.anayat savita supANistasya vayaM prasave yAma urvIH ||\\
\EN{333130701} pravAcyaM shashvadhA vIryaM tadindrasya karma yadahiMvivRshcat |\\
\EN{333130702} vi vajreNa pariSado jaghAnAyannApo.ayanamichamAnAH ||\\
\EN{333130801} etad vaco jaritarmApi mRSThA A yat te ghoSAnuttarA yugAni |\\
\EN{333130802} uktheSu kAro prati no juSasva mA no ni kaH puruSatrA namaste ||\\
\EN{333130901} o Su svasAraH kArave shRNota yayau vo dUrAdanasA rathena |\\
\EN{333130902} ni SU namadhvaM bhavatA supArA adhoakSAH sindhavaHsrotyAbhiH ||\\
\EN{333131001} A te kAro shRNavAmA vacAMsi yayAtha dUrAdanasA rathena |\\
\EN{333131002} ni te naMsai pIpyAneva yoSA maryAyeva kanyA shashvacai te ||\\
\EN{333141101} yadaN^ga tvA bharatAH santareyurgavyan grAma iSita indrajUtaH |\\
\EN{333141102} arSAdaha prasavaH sargatakta A vo vRNe sumatiM yaj~niyAnAm ||\\
\EN{333141201} atAriSurbharatA gavyavaH samabhakta vipraH sumatiM nadInAm |\\
\EN{333141202} pra pinvadhvamiSayantIH surAdhA A vakSaNAH pRNadhvaM yAta shIbham ||\\
\EN{333141301} ud va UrmiH shamyA hantvApo yoktrANi mu~ncata |\\
\EN{333141302} mAduSkRtau vyenasAghnyau shUnamAratAm ||\\
\EN{334150101} indraH pUrbhidAtirad dAsamarkairvidadvasurdayamAno vishatrUn |\\
\EN{334150102} brahmajUtastanvA vAvRdhAno bhUridAtra ApRNad rodasI ubhe ||\\
\EN{334150201} makhasya te taviSasya pra jUtimiyarmi vAcamamRtAya bhUSan |\\
\EN{334150202} indra kSitInAmasi mAnuSINAM vishAM daivInAmuta pUrvayAvA ||\\
\EN{334150301} indro vRtramavRNocchardhanItiH pra mAyinAmaminAd varpaNItiH |\\
\EN{334150302} ahan vyaMsamushadhag vaneSvAvirdhenA akRNod rAmyANAm ||\\
\EN{334150401} indraH svarSA janayannahAni jigAyoshigbhiH pRtanA abhiSTiH |\\
\EN{334150402} prArocayan manave ketumahnAmavindajjyotirbRhateraNAya ||\\
\EN{334150401} indrastujo barhaNA A vivesha nRvad dadhAno naryA purUNi |\\
\EN{334150402} acetayad dhiya imA jaritre premaM varNamatiracchukramAsAm ||\\
\EN{334160601} maho mahAni panayantyasyendrasya karma sukRtA purUNi |\\
\EN{334160602} vRjanena vRjinAn saM pipeSa mAyAbhirdasyUnrabhibhUtyojAH ||\\
\EN{334160701} yudhendro mahnA varivashcakAra devebhyaH satpatishcarSaNiprAH |\\
\EN{334160702} vivasvataH sadane asya tAni viprA ukthebhiH kavayogRNanti ||\\
\EN{334160801} satrAsAhaM vareNyaM sahodAM sasavAMsaM svarapashca devIH |\\
\EN{334160802} sasAna yaH pRthivIM dyAmutemAmindraM madantyanu dhIraNAsaH ||\\
\EN{334160901} sasAnAtyAnuta sUryaM sasAnendraH sasAna purubhojasaM gAm |\\
\EN{334160902} hiraNyayamuta bhogaM sasAna hatvI dasyUn prAryaMvarNamAvat ||\\
\EN{334161001} indra oSadhIrasanodahAni vanaspatInrasanodantarikSam |\\
\EN{334161002} bibheda valaM nunude vivAco.athAbhavad damitadbhikratUnAm ||\\
\EN{334161101} shunaM huvema ... ||\\
\EN{335170101} tiSThA harI ratha A yujyamAnA yAhi vAyurna niyuto no acha |\\
\EN{335170102} pibAsyandho abhisRSTo asme indra svAhA rarimAte madAya ||\\
\EN{335170201} upAjirA puruhUtAya saptI harI rathasya dhUrSvA yunajmi |\\
\EN{335170202} dravad yathA sambhRtaM vishvatashcidupemaM yaj~namAvahAta indram ||\\
\EN{335170301} upo nayasva vRSaNA tapuSpotemava tvaM vRSabha svadhAvaH |\\
\EN{335170302} grasetAmashvA vi muceha shoNA dive\-dive sadRshIraddhidhAnAH ||\\
\EN{335170401} brahmaNA te brahmayujA yunajmi harI sakhAyA sadhamAda AshU |\\x
\EN{335170402} sthiraM rathaM sukhamindrAdhitiSThan prajAnan vidvAnupa yAhi somam ||\\
\EN{335170501} mA te harI vRSaNA vItapRSThA ni rIraman yajamAnAso anye |\\
\EN{335170502} atyAyAhi shashvato vayaM te.araM sutebhiH kRNavAmasomaiH ||\\
\EN{335180601} tavAyaM somastvamehyarvAM chashvattamaM sumanA asyapAhi |\\
\EN{335180602} asmin yaj~ne barhiSyA niSadyA dadhiSvemaM jaThara indumindra ||\\
\EN{335180701} stIrNaM te barhiH suta indra somaH kRtA dhAnA attave teharibhyAm |\\
\EN{335180702} tadokase purushAkAya vRSNe marutvate tubhyaMrAtA havIMSi ||\\
\EN{335180801} imaM naraH parvatAstubhyamApaH samindra gobhirmadhumantamakran |\\
\EN{335180802} tasyAgatyA sumanA RSva pAhi prajAnan vidvAn pathyA anu svAH ||\\
\EN{335180901} yAnAbhajo maruta indra some ye tvAmavardhannabhavan gaNaste |\\
\EN{335180902} tebhiretaM sajoSA vAvashAno.agneH piba jihvayAsomamindra ||\\
\EN{335181001} indra piba svadhayA cit sutasyAgnervA pAhi jihvayA yajatra |\\
\EN{335181002} adhvaryorvA prayataM shakra hastAd dhoturvA yaj~naM haviSo juSasva ||\\
\EN{335181101} shunaM huvema ... ||\\
\EN{336190101} imAmU Su prabhRtiM sAtaye dhAH shashvacH chashvadUtibhiryAdamAnaH |\\
\EN{336190102} sute\-sute vAvRdhe vardhanebhiryaH karmabhirmahadbhiH sushruto bhUt ||\\
\EN{336190201} indrAya somAH pradivo vidAnA RbhuryebhirvRSaparvA vihAyAH |\\
\EN{336190202} prayamyamAnAn prati SU gRbhAyendra piba vRSadhUtasya vRSNaH ||\\
\EN{336190301} pibA vardhasva tava ghA sutAsa indra somAsaH prathamA uteme |\\
\EN{336190302} yathApibaH pUrvyAnindra somAnevA pAhi panyo adyA navIyAn ||\\
\EN{336190401} mahAnamatro vRjane virapshyugraM shavaH patyate dhRSNvojaH |\\
\EN{336190402} nAha vivyAca pRthivI canainaM yat somAso haryashvamamandan ||\\
\EN{336190501} mahAnugro vAvRdhe vIryAya samAcakre vRSabhaH kAvyena |\\
\EN{336190502} indro bhago vAjadA asya gAvaH pra jAyante dakSiNA asya pUrvIH ||\\
\EN{336200601} pra yat sindhavaH prasavaM yathAyannApaH samudraM rathyeva jagmuH |\\
\EN{336200602} atashcidindraH sadaso varIyAn yadIM somaH pRNati dugdho aMshuH ||\\
\EN{336200701} samudreNa sindhavo yAdamAnA indrAya somaM suSutaM bharantaH |\\
\EN{336200702} aMshuM duhanti hastino bharitrairmadhvaH punanti dhArayA pavitraiH ||\\
\EN{336200801} hradA iva kukSayaH somadhAnAH samI vivyAca savanA purUNi |\\
\EN{336200802} annA yadindraH prathamA vyAsha vRtraM jaghanvAnavRNIta somam ||\\
\EN{336200901} A tU bhara mAkiretat pari SThAd vidmA hi tvA vasupatiM vasUnAm |\\
\EN{336200902} indra yat te mAhinaM datramastyasmabhyaM tad dharyashva pra yandhi ||\\
\EN{336201001} asme pra yandhi maghavannRjISinnindra rAyo vishvavArasya bhUreH |\\
\EN{336201002} asme shataM sharado jIvase dhA asme vIrAn chashvata indra shiprin ||\\
\EN{336201101} shunaM huvema ... ||\\
\EN{337210101} vArtrahatyAya shavase pRtanASAhyAya ca |\\
\EN{337210102} indra tvA vartayAmasi ||\\
\EN{337210201} arvAcInaM su te mana uta cakSuH shatakrato |\\
\EN{337210202} indra kRNvantu vAghataH ||\\
\EN{337210301} nAmAni te shatakrato vishvAbhirgIrbhirImahe |\\
\EN{337210302} indrAbhimAtiSAhye ||\\
\EN{337210401} puruSTutasya dhAmabhiH shatena mahayAmasi |\\
\EN{337210402} indrasya carSaNIdhRtaH ||\\
\EN{337210501} indraM vRtrAya hantave puruhUtamupa bruve |\\
\EN{337210502} bhareSu vAjasAtaye ||\\
\EN{337220601} vAjeSu sAsahirbhava tvAmImahe shatakrato |\\
\EN{337220602} indra vRtrAyahantave ||\\
\EN{337220701} dyumneSu pRtanAjye pRtsutUrSu shravassu ca |\\
\EN{337220702} indra sAkSvAbhimAtiSu ||\\
\EN{337220801} shuSmintamaM na Utaye dyumninaM pAhi jAgRvim |\\
\EN{337220802} indra somaMshatakrato ||\\
\EN{337220901} indriyANi shatakrato yA te janeSu pa~ncasu |\\
\EN{337220902} indra tAni taA vRNe ||\\
\EN{337221001} agannindra shravo bRhad dyumnaM dadhiSva duSTaram |\\
\EN{337221002} ut te shuSmaM tirAmasi ||\\
\EN{337221101} arvAvato na A gahyatho shakra parAvataH |\\
\EN{337221102} u loko yaste adriva indreha tata A gahi ||\\
\EN{338230101} abhi taSTeva dIdhayA manISAmatyo na vAjI sudhuro jihAnaH |\\
\EN{338230102} abhi priyANi marmRshat parANi kavInrichAmi sandRshe sumedhAH ||\\
\EN{338230201} inota pRcha janimA kavInAM manodhRtaH sukRtastakSata dyAm |\\
\EN{338230202} imA u te praNyo vardhamAnA manovAtA adha nu dharmaNigman ||\\
\EN{338230301} ni SImidatra guhyA dadhAnA uta kSatrAya rodasI sama~njan |\\
\EN{338230302} saM mAtrAbhirmamire yemur urvI antar mahI samRte dhAyase dhuH ||\\
\EN{338230401} AtiSThantaM pari vishve abhUSa~nchriyo vasAnashcarati svarociH |\\
\EN{338230402} mahat tad vRSNo asurasya nAmA vishvarUpo amRtAni tasthau ||\\
\EN{338230501} asUta pUrvo vRSabho jyAyAnimA asya shurudhaH santi pUrvIH |\\
\EN{338230502} divo napAtA vidathasya dhIbhiH kSatraM rAjAnA pradivo dadhAthe ||\\
\EN{338240601} trINi rAjAnA vidathe purUNi pari vishvAni bhUSathaH sadAMsi |\\
\EN{338240602} apashyamatra manasA jaganvAn vrate gandharvAnapi vAyukeshAn ||\\
\EN{338240701} tadin nvasya vRSabhasya dhenorA nAmabhirmamire sakmyaMgoH |\\
\EN{338240702} anyad\-anyadasuryaM vasAnA ni mAyino mamire rUpamasmin ||\\
\EN{338240801} tadin nvasya saviturnakirme hiraNyayImamatiM yAmashishret |\\
\EN{338240802} A suSTutI rodasI vishvaminve apIva yoSA janimAni vavre ||\\
\EN{338240901} yuvaM pratnasya sAdhatho maho yad daivI svastiH pari NaH syAtam |\\
\EN{338240902} gopAjihvasya tasthuSo virUpA vishve pashyanti mAyinaH kRtAni ||\\
\EN{338241001} shunaM huvema ... ||\\
\EN{339250101} indraM matirhRda A vacyamAnAchA patiM stomataSTA jigAti |\\
\EN{339250102} yA jAgRvirvidathe shasyamAnendra yat te jAyate viddhi tasya ||\\
\EN{339250201} divashcidA pUrvyA jAyamAnA vi jAgRvirvidathe shasyamAnA |\\
\EN{339250202} bhadrA vastrANyarjunA vasAnA seyamasme sanajApitryA dhIH ||\\
\EN{339250301} yamA cidatra yamasUrasUta jihvAyA agraM patadA hyasthAt |\\
\EN{339250302} vapUMSi jAtA mithunA sacete tamohanA tapuSo budhna etA ||\\
\EN{339250401} nakireSAM ninditA martyeSu ye asmAkaM pitaro goSu yodhAH |\\
\EN{339250402} indra eSAM dRMhitA mAhinAvAnud gotrANi sasRje daMsanAvAn ||\\
\EN{339250501} sakhA ha yatra sakhibhirnavagvairabhij~nvA satvabhirgA anugman |\\
\EN{339250502} satyaM tadindro dasabhirdashagbhiH sUryaM vivedatamasi kSiyantam ||\\
\EN{339260601} indro madhu sambhRtamusriyAyAM padvad viveda shaphavan namegoH |\\
\EN{339260602} guhA hitaM guhyaM gULhamapsu haste dadhe dakSiNe dakSiNAvAn ||\\
\EN{339260701} jyotirvRNIta tamaso vijAnannAre syAma duritAdabhIke |\\
\EN{339260702} imA giraH somapAH somavRddha juSasvendra purutamasya kAroH ||\\
\EN{339260801} jyotiryaj~nAya rodasI anu SyAdAre syAma duritasya bhUreH |\\
\EN{339260802} bhUri cid dhi tujato martyasya supArAso vasavo barhaNAvat ||\\
\EN{339260901} shunaM huvema ... ||\\
\EN{340010101} indra tvA vRSabhaM vayaM sute some havAmahe |\\
\EN{340010102} sa pAhi madhvo andhasaH ||\\
\EN{340010201} indra kratuvidaM sutaM somaM harya puruSTuta |\\
\EN{340010202} pibA vRSasva tAtRpim ||\\
\EN{340010301} indra pra No dhitAvAnaM yaj~naM vishvebhirdevebhiH |\\
\EN{340010302} tira stavAna vishpate ||\\
\EN{340010401} indra somAH sutA ime tava pra yanti satpate |\\
\EN{340010402} kSayaM candrAsa indavaH ||\\
\EN{340010501} dadhiSvA jaThare sutaM somamindra vareNyam |\\
\EN{340010502} tava dyukSAsa indavaH ||\\
\EN{340020601} girvaNaH pAhi naH sutaM madhordhArAbhirajyase |\\
\EN{340020602} indra tvAdAtamid yashaH ||\\
\EN{340020701} abhi dyumnAni vanina indraM sacante akSitA |\\
\EN{340020702} pItvI somasya vAvRdhe ||\\
\EN{340020801} arvAvato na A gahi parAvatashca vRtrahan |\\
\EN{340020802} imA juSasva no giraH ||\\
\EN{340020901} yadantarA parAvatamarvAvataM ca hUyase |\\
\EN{340020902} indreha tata A gahi ||\\
\EN{341030101} A tU na indra madryag ghuvAnaH somapItaye |\\
\EN{341030102} haribhyAM yAhyadrivaH ||\\
\EN{341030201} satto hotA na Rtviyastistire barhirAnuSak |\\
\EN{341030202} ayujran prAtaradrayaH ||\\
\EN{341030301} imA brahma brahmavAhaH kriyanta A barhiH sIda |\\
\EN{341030302} vIhi shUra puroLAsham ||\\
\EN{341030401} rArandhi savaneSu Na eSu stomeSu vRtrahan |\\
\EN{341030402} uktheSvindra girvaNaH ||\\
\EN{341030501} matayaH somapAmuruM rihanti shavasas patim |\\
\EN{341030502} indraM vatsaM na mAtaraH ||\\
\EN{341040601} sa mandasvA hyandhaso rAdhase tanvA mahe |\\
\EN{341040602} na stotAraM nide karaH ||\\
\EN{341040701} vayamindra tvAyavo haviSmanto jarAmahe |\\
\EN{341040702} uta tvamasmayurvaso ||\\
\EN{341040801} mAre asmad vi mumuco haripriyArvAM yAhi |\\
\EN{341040802} indra svadhAvomatsveha ||\\
\EN{341040901} arvA~ncaM tvA sukhe rathe vahatAmindra keshinA |\\
\EN{341040902} ghRtasnUbarhirAsade ||\\
\EN{342050101} upa naH sutamA gahi somamindra gavAshiram |\\
\EN{342050102} haribhyAM yaste asmayuH ||\\
\EN{342050201} tamindra madamA gahi barhiSThAM grAvabhiH sutam |\\
\EN{342050202} kuvin nvasya tRpNavaH ||\\
\EN{342050301} indramitthA giro mamAchAguriSitA itaH |\\
\EN{342050302} AvRte somapItaye ||\\
\EN{342050401} indraM somasya pItaye stomairiha havAmahe |\\
\EN{342050402} ukthebhiH kuvidAgamat ||\\
\EN{342050501} indra somAH sutA ime tAn dadhiSva shatakrato |\\
\EN{342050502} jaThare vAjinIvaso ||\\
\EN{342060601} vidmA hi tvA dhanaMjayaM vAjeSu dadhRSaM kave |\\
\EN{342060602} adhA tesumnamImahe ||\\
\EN{342060701} imamindra gavAshiraM yavAshiraM ca naH piba |\\
\EN{342060702} AgatyA vRSabhiH sutam ||\\
\EN{342060801} tubhyedindra sva okye somaM codAmi pItaye |\\
\EN{342060802} eSa rArantu te hRdi ||\\
\EN{342060901} tvAM sutasya pItaye pratnamindra havAmahe |\\
\EN{342060902} kushikAso avasyavaH ||\\
\EN{343070101} A yAhyarvAM upa vandhureSThAstavedanu pradivaH somapeyam |\\
\EN{343070102} priyA sakhAyA vi mucopa barhistvAmime havyavAho havante ||\\
\EN{343070201} A yAhi pUrvIrati carSaNIrAnarya AshiSa upa no haribhyAm |\\
\EN{343070202} imA hi tvA mataya stomataSTA indra havante sakhyaM juSANAH ||\\
\EN{343070301} A no yaj~naM namovRdhaM sajoSA indra deva haribhiryAhi tUyam |\\
\EN{343070302} ahaM hi tvA matibhirjohavImi ghRtaprayAH sadhamAde madhUnAm ||\\
\EN{343070401} A ca tvAmetA vRSaNA vahAto harI sakhAyA sudhurA svaN^gA |\\
\EN{343070402} dhAnAvadindraH savanaM juSANaH sakhA sakhyuH shRNavad vandanAni ||\\
\EN{343070501} kuvin mA gopAM karase janasya kuvid rAjAnaM maghavannRjISin |\\
\EN{343070502} kuvin ma RSiM papivAMsaM sutasya kuvin me vasvo amRtasya shikSAH ||\\
\EN{343070601} A tvA bRhanto harayo yujAnA arvAgindra sadhamAdo vahantu |\\
\EN{343070602} pra ye dvitA diva R~njantyAtAH susammRSTAso vRSabhasya mUrAH ||\\
\EN{343070701} indra piba vRSadhUtasya vRSNa A yaM te shyena ushate jabhAra |\\
\EN{343070702} yasya made cyAvayasi pra kRSTIryasya made apa gotrA vavartha ||\\
\EN{343070801} shunaM huvema ... ||\\
\EN{344080101} ayaM te astu haryataH soma A haribhiH sutaH |\\
\EN{344080102} juSANa indra haribhirna A gahyA tiSTha haritaM ratham ||\\
\EN{344080201} haryannuSasamarcayaH sUryaM haryannarocayaH |\\
\EN{344080202} vidvAMScikitvAn haryashva vardhasa indra vishvA abhi shriyaH ||\\
\EN{344080301} dyAmindro haridhAyasaM pRthivIM harivarpasam |\\
\EN{344080302} adhArayad dharitorbhUri bhojanaM yayorantarharishcarat ||\\
\EN{344080401} jaj~nAno harito vRSA vishvamA bhAti rocanam |\\
\EN{344080402} haryashvo haritaM dhatta AyudhamA vajraM bAhvorharim ||\\
\EN{344080501} indro haryantamarjunaM vajraM shukrairabhIvRtam |\\
\EN{344080502} apAvRNod dharibhiradribhiH sutamud gA haribhirAjata ||\\
\EN{345090101} A mandrairindra haribhiryAhi mayUraromabhiH |\\
\EN{345090102} mA tvA kecin ni yaman viM na pAshino.ati dhanveva tAnihi ||\\
\EN{345090201} vRtrakhAdo valaMrujaH purAM darmo apAmajaH |\\
\EN{345090202} sthAtA rathasya haryorabhisvara indro dRLhA cidArujaH ||\\
\EN{345090301} gambhIrAnudadhInriva kratuM puSyasi gA iva |\\
\EN{345090302} pra sugopAyavasaM dhenavo yathA hradaM kulyA ivAshata ||\\
\EN{345090401} A nastujaM rayiM bharAMshaM na pratijAnate |\\
\EN{345090402} vRkSaM pakvaM phalamaN^kIva dhUnuhIndra sampAraNaM vasu ||\\
\EN{345090501} svayurindra svarAL asi smaddiSTiH svayashastaraH |\\
\EN{345090502} sa vAvRdhAna ojasA puruSTuta bhavA naH sushravastamaH ||\\
\EN{346100101} yudhmasya te vRSabhasya svarAja ugrasya yUna sthavirasya ghRSveH |\\
\EN{346100102} ajUryato vajriNo vIryANIndra shrutasya mahato mahAni ||\\
\EN{346100201} mahAnasi mahiSa vRSNyebhirdhanaspRdugra sahamAno anyAn |\\
\EN{346100202} eko vishvasya bhuvanasya rAjA sa yodhayA ca kSayayA ca janAn ||\\
\EN{346100301} pra mAtrAbhI ririce rocamAnaH pra devebhirvishvato apratItaH |\\
\EN{346100302} pra majmanA diva indraH pRthivyAH prorormaho antarikSAd RjISI ||\\
\EN{346100401} uruM gabhIraM januSAbhyugraM vishvavyacasamavataM matInAm |\\
\EN{346100402} indraM somAsaH pradivi sutAsaH samudraM na sravataA vishanti ||\\
\EN{346100501} yaM somamindra pRthivIdyAvA garbhaM na mAtA bibhRtastvAyA |\\
\EN{346100502} taM te hinvanti tamu te mRjantyadhvaryavo vRSabha pAtavA u ||\\
\EN{347110101} marutvAnindra vRSabho raNAya pibA somamanuSvadhaM madAya |\\
\EN{347110102} A si~ncasva jaThare madhva UrmiM tvaM rAjAsi pradivaH sutAnAm ||\\
\EN{347110201} sajoSA indra sagaNo marudbhiH somaM piba vRtrahA shUra vidvAn |\\
\EN{347110202} jahi shatrUnrapa mRdho nudasvAthAbhayaM kRNuhi vishvato naH ||\\
\EN{347110301} uta RtubhirRtupAH pAhi somamindra devebhiH sakhibhiH sutaM naH |\\
\EN{347110302} yAnAbhajo maruto ye tvAnvahan vRtramadadhustubhyamojaH ||\\
\EN{347110401} ye tvAhihatye maghavannavardhan ye shAmbare harivo ye gaviSTau |\\
\EN{347110402} ye tvA nUnamanumadanti viprAH pibendra somaM sagaNo marudbhiH ||\\
\EN{347110501} marutvantaM vRSabhaM vAvRdhAnamakavAriM divyaM shAsamindram |\\
\EN{347110502} vishvAsAhamavase nUtanAyograM sahodAmiha taMhuvema ||\\
\EN{348120101} sadyo ha jAto vRSabhaH kanInaH prabhartumAvadandhasaH sutasya |\\
\EN{348120102} sAdhoH piba pratikAmaM yathA te rasAshiraH prathamaM somyasya ||\\
\EN{348120201} yajjAyathAstadaharasya kAme.aMshoH pIyUSamapibo giriSThAm |\\
\EN{348120202} taM te mAtA pari yoSA janitrI mahaH piturdama Asi~ncadagre ||\\
\EN{348120301} upasthAya mAtaramannamaiTTa tigmamapashyadabhi somamUdhaH |\\
\EN{348120302} prayAvayannacarad gRtso anyAn mahAni cakre purudhapratIkaH ||\\
\EN{348120401} ugrasturASAL abhibhUtyojA yathAvashaM tanvaM cakra eSaH |\\
\EN{348120402} tvaSTAramindro januSAbhibhUyAmuSyA somamapibaccamUSu ||\\
\EN{348120501} shunaM huvema ... ||\\
\EN{349130101} shaMsA mahAmindraM yasmin vishvA A kRSTayaH somapAH kAmamavyan |\\
\EN{349130102} yaM sukratuM dhiSaNe vibhvataSTaM ghanaM vRtrANAM janayanta devAH ||\\
\EN{349130201} yaM nu nakiH pRtanAsu svarAjaM dvitA tarati nRtamaM hariSThAm |\\
\EN{349130202} inatamaH satvabhiryo ha shUSaiH pRthujrayA aminAdAyurdasyoH ||\\
\EN{349130301} sahAvA pRtsu taraNirnArvA vyAnashI rodasI mehanAvAn |\\
\EN{349130302} bhago na kAre havyo matInAM piteva cAruH suhavo vayodhAH ||\\
\EN{349130401} dhartA divo rajasas pRSTa Urdhvo ratho na vAyurvasubhirniyutvAn |\\
\EN{349130402} kSapAM vastA janitA sUryasya vibhaktA bhAgaM dhiSaNeva vAjam ||\\
\EN{349130501} shunaM huvema ... ||\\
\EN{350140101} indraH svAhA pibatu yasya soma AgatyA tumro vRSabho marutvAn |\\
\EN{350140102} oruvyacAH pRNatAmebhirannairAsya havistanvaHkAmaM RdhyAH ||\\
\EN{350140201} A te saparyU javase yunajmi yayoranu pradivaH shruSTimAvaH |\\
\EN{350140202} iha tvA dheyurharayaH sushipra pibA tvasya suSutasya cAroH ||\\
\EN{350140301} gobhirmimikSuM dadhire supAramindraM jyaiSThyAya dhAyase gRNAnAH |\\
\EN{350140302} mandAnaH somaM papivAn RjISin samasmabhyaM purudhA gA iSaNya ||\\
\EN{350140401} imaM kAmaM ... ||\\
\EN{350140501} shunaM huvema ... ||\\
\EN{351150101} carSaNIdhRtaM maghavAnamukthyamindraM giro bRhatIrabhyanUSata |\\
\EN{351150102} vAvRdhAnaM puruhUtaM suvRktibhiramartyaM jaramANaM dive\-dive ||\\
\EN{351150201} shatakratumarNavaM shAkinaM naraM giro ma indramupa yanti vishvataH |\\
\EN{351150202} vAjasaniM pUrbhidaM tUrNimapturaM dhAmasAcamabhiSAcaM svarvidam ||\\
\EN{351150301} Akare vasorjaritA panasyate.anehasa stubha indro duvasyati |\\
\EN{351150302} vivasvataH sadana A hi pipriye satrAsAhamabhimAtihanaM stuhi ||\\
\EN{351150401} nRNAmu tvA nRtamaM gIrbhirukthairabhi pra vIramarcatA sabAdhaH |\\
\EN{351150402} saM sahase purumAyo jihIte namo asya pradiva eka Ishe ||\\
\EN{351150501} pUrvIrasya niSSidho martyeSu purU vasUni pRthivI bibharti |\\
\EN{351150502} indrAya dyAva oSadhIrutApo rayiM rakSanti jIrayo vanAni ||\\
\EN{351160601} tubhyaM brahmANi gira indra tubhyaM satrA dadhire harivo juSasva |\\
\EN{351160602} bodhyApiravaso nUtanasya sakhe vaso jaritRbhyo vayodhAH ||\\
\EN{351160701} indra marutva iha pAhi somaM yathA shAryAte apibaH sutasya |\\
\EN{351160702} tava praNItI tava shUra sharmannA vivAsanti kavayaHsuyaj~nAH ||\\
\EN{351160801} sa vAvashAna iha pAhi somaM marudbhirindra sakhibhiH sutaM naH |\\
\EN{351160802} jAtaM yat tvA pari devA abhUSan mahe bharAya puruhUta vishve ||\\
\EN{351160901} aptUrye maruta ApireSo.amandannindramanu dAtivArAH |\\
\EN{351160902} tebhiH sAkaM pibatu vRtrakhAdaH sutaM somaM dAshuSaH sve sadhasthe ||\\
\EN{351161001} idaM hyanvojasA sutaM rAdhAnAM pate |\\
\EN{351161002} pibA tvasya girvaNaH ||\\
\EN{351161101} yaste anu svadhAmasat sute ni yacha tanvam |\\
\EN{351161102} sa tvA mamattu somyam ||\\
\EN{351161201} pra te ashnotu kukSyoH prendra brahmaNA shiraH |\\
\EN{351161202} pra bAhU shUra rAdhase ||\\
\EN{352170101} dhAnAvantaM karambhiNamapUpavantamukthinam |\\
\EN{352170102} indra prAtarjuSasva naH ||\\
\EN{352170201} puroLAshaM pacatyaM juSasvendrA gurasva ca |\\
\EN{352170202} tubhyaM havyAni sisrate ||\\
\EN{352170301} puroLAshaM ca no ghaso joSayAse girashca naH |\\
\EN{352170302} vadhUyuriva yoSaNAm ||\\
\EN{352170401} puroLAshaM sanashruta prAtaHsAve juSasva naH |\\
\EN{352170402} indra kraturhi te bRhan ||\\
\EN{352170501} mAdhyandinasya savanasya dhAnAH puroLAshamindra kRSvehacArum |\\
\EN{352170502} pra yat stotA jaritA tUrNyartho vRSAyamANa upa gIrbhirITTe ||\\
\EN{352180601} tRtIye dhAnAH savane puruSTuta puroLAshamAhutaM mAmahasva naH |\\
\EN{352180602} RbhumantaM vAjavantaM tvA kave prayasvanta upa shikSema dhItibhiH ||\\
\EN{352180701} pUSaNvate te cakRmA karambhaM harivate haryashvAya dhAnAH |\\
\EN{352180702} apUpamaddhi sagaNo marudbhiH somaM piba vRtrahA shUra vidvAn ||\\
\EN{352180801} prati dhAnA bharata tUyamasmai puroLAshaM vIratamAya nRNAm |\\
\EN{352180802} dive\-dive sadRshIrindra tubhyaM vardhantu tvA somapeyAya dhRSNo ||\\
\EN{353190101} indrAparvatA bRhatA rathena vAmIriSa A vahataM suvIrAH |\\
\EN{353190102} vItaM havyAnyadhvareSu devA vardhethAM gIrbhIriLayA madantA ||\\
\EN{353190201} tiSThA su kaM maghavan mA parA gAH somasya nu tvA suSutasya yakSi |\\
\EN{353190202} piturna putraH sicamA rabhe ta indra svAdiSThayA girA shacIvaH ||\\
\EN{353190301} shaMsAvAdhvaryo prati me gRNIhIndrAya vAhaH kRNavAva juSTam |\\
\EN{353190302} edaM barhiryajamAnasya sIdAthA ca bhUdukthamindrAya shastam ||\\
\EN{353190401} jAyedastaM maghavan sedu yonistadit tvA yuktA harayo vahantu |\\
\EN{353190402} yadA kadA ca sunavAma somamagniS TvA dUto dhanvAtyacha ||\\
\EN{353190501} parA yAhi maghavannA ca yAhIndra bhrAtarubhayatrA te artham |\\
\EN{353190502} yatrA rathasya bRhato nidhAnaM vimocanaM vAjino rAsabhasya ||\\
\EN{353200601} apAH somamastamindra pra yAhi kalyANIrjayA suraNaMgRhe te |\\
\EN{353200602} yatrA rathasya bRhato nidhAnaM vimocanaM vAjinodakSiNAvat ||\\
\EN{353200701} ime bhojA aN^giraso virUpA divas putrAso asurasya vIrAH |\\
\EN{353200702} vishvAmitrAya dadato maghAni sahasrasAve pra tiranta AyuH ||\\
\EN{353200801} rUpaM\-rUpaM maghavA bobhavIti mAyAH kRNvAnastanvaM pari svAm |\\
\EN{353200802} triryad divaH pari muhUrtamAgAt svairmantrairanRtupA RtAvA ||\\
\EN{353200901} mahAn RSirdevajA devajUto.astabhnAt sindhumarNavaM nRcakSAH |\\
\EN{353200902} vishvAmitro yadavahat sudAsamapriyAyata kushikebhirindraH ||\\
\EN{353201001} haMsA iva kRNutha shlokamadribhirmadanto gIrbhiradhvare sute sacA |\\
\EN{353201002} devebhirviprA RSayo nRcakSaso vi pibadhvaM kushikAH somyaM madhu ||\\
\EN{353211101} upa preta kushikAshcetayadhvamashvaM rAye pra mu~ncatA sudAsaH |\\
\EN{353211102} rAjA vRtraM jaN^ghanat prAgapAgudagathA yajAte vara A pRthivyAH ||\\
\EN{353211201} ya ime rodasI ubhe ahamindramatuSTavam |\\
\EN{353211202} vishvAmitrasyarakSati brahmedaM bhArataM janam ||\\
\EN{353211301} vishvAmitrA arAsata brahmendrAya vajriNe |\\
\EN{353211302} karadin naH surAdhasaH ||\\
\EN{353211401} kiM te kRNvanti kIkaTeSu gAvo nAshiraM duhre na tapantigharmam |\\
\EN{353211402} A no bhara pramagandasya vedo naicAshAkhaM maghavanrandhayA naH ||\\
\EN{353211501} sasarparIramatiM bAdhamAnA bRhan mimAya jamadagnidattA |\\
\EN{353211502} A sUryasya duhitA tatAna shravo deveSvamRtamajuryam ||\\
\EN{353221601} sasarparIrabharat tUyamebhyo.adhi shravaH pA~ncajanyAsu kRSTiSu |\\
\EN{353221602} sA pakSyA navyamAyurdadhAnA yAM me palastijamadagnayo daduH ||\\
\EN{353221701} sthirau gAvau bhavatAM vILurakSo meSA vi varhi mA yugaM vi shAri |\\
\EN{353221702} indraH pAtalye dadatAM sharItorariSTaneme abhi naH sacasva ||\\
\EN{353221801} balaM dhehi tanUSu no balamindrAnaLutsu naH |\\
\EN{353221802} balaM tokAya tanayAya jIvase tvaM hi baladA asi ||\\
\EN{353221901} abhi vyayasva khadirasya sAramojo dhehi spandane shiMshapAyAm |\\
\EN{353221902} akSa vILo vILita vILayasva mA yAmAdasmAdava jIhipo naH ||\\
\EN{353222001} ayamasmAn vanaspatirmA ca hA mA ca rIriSat |\\
\EN{353222002} svastyAgRhebhya AvasA A vimocanAt ||\\
\EN{353232101} indrotibhirbahulAbhirno adya yAcchreSThAbhirmaghava~nchUra jinva |\\
\EN{353232102} yo no dveSTyadharaH sas padISTa yamu dviSmastamu prANo jahAtu ||\\
\EN{353232201} parashuM cid vi tapati shimbalaM cid vi vRshcati |\\
\EN{353232202} ukhA cidindra yeSantI prayastA phenamasyati ||\\
\EN{353232301} na sAyakasya cikite janAso lodhaM nayanti pashu manyamAnAH |\\
\EN{353232302} nAvAjinaM vAjinA hAsayanti na gardabhaM puro ashvAn nayanti ||\\
\EN{353232401} ima indra bharatasya putrA apapitvaM cikiturna prapitvam |\\
\EN{353232402} hinvantyashvamaraNaM na nityaM jyAvAjaM pari NayantyAjau ||\\
\EN{354240101} imaM mahe vidathyAya shUSaM shashvat kRtva IDyaya pra jabhruH |\\
\EN{354240102} shRNotu no damyebhiranIkaiH shRNotvagnirdivyairajasraH ||\\
\EN{354240201} mahi mahe dive arcA pRthivyai kAmo ma icha~ncarati prajAnan |\\
\EN{354240202} yayorha stome vidatheSu devAH saparyavo mAdayante sacAyoH ||\\
\EN{354240301} yuvorRtaM rodasI satyamastu mahe Su NaH suvitAya pra bhUtam |\\
\EN{354240302} idaM dive namo agne pRthivyai saparyAmi prayasA yAmi ratnam ||\\
\EN{354240401} uto hi vAM pUrvyA Avividra RtAvarI rodasI satyavAcaH |\\
\EN{354240402} narashcid vAM samithe shUrasAtau vavandire pRthivi vevidAnAH ||\\
\EN{354240501} ko addhA veda ka iha pra vocad devAnachA pathyA kA sameti |\\
\EN{354240502} dadRshra eSAmavamA sadAMsi pareSu yA guhyeSu vrateSu ||\\
\EN{354250601} kavirnRcakSA abhi SImacaSTa Rtasya yonA vighRte madantI |\\
\EN{354250602} nAnA cakrAte sadanaM yathA vaH samAnena kratunA saMvidAne ||\\
\EN{354250701} samAnyA viyute dUreante dhruve pade tasthaturjAgarUke |\\
\EN{354250702} uta svasArA yuvatI bhavantI Adu bruvAte mithunAni nAma ||\\
\EN{354250801} vishvedete janimA saM vivikto maho devAn bibhratI na vyathete |\\
\EN{354250802} ejad dhruvaM patyate vishvamekaM carat patatri viSuNaM vi jAtam ||\\
\EN{354250901} sanA purANamadhyemyArAn mahaH piturjaniturjAmi tan naH |\\
\EN{354250902} devAso yatra panitAra evairurau pathi vyute tasthurantaH ||\\
\EN{354251001} imaM stomaM rodasI pra bravImy RdUdarAH shRNavannagnijihvAH |\\
\EN{354251002} mitraH samrAjo varuNo yuvAna AdityAsaH kavayaH paprathAnAH ||\\
\EN{354261101} hiraNyapANiH savitA sujihvastrirA divo vidathe patyamAnaH |\\
\EN{354261102} deveSu ca savitaH shlokamashrerAdasmabhyamA suvasarvatAtim ||\\
\EN{354261201} sukRt supANiH svavAn RtAvA devastvaSTAvase tAni nodhAt |\\
\EN{354261202} pUSaNvanta Rbhavo mAdayadhvamUrdhvagrAvANo adhvaramataSTa ||\\
\EN{354261301} vidyudrathA maruta RSTimanto divo maryA RtajAtA ayAsaH |\\
\EN{354261302} sarasvatI shRNavan yaj~niyAso dhAtA rayiM sahavIraM turAsaH ||\\
\EN{354261401} viSNuM stomAsaH purudasmamarkA bhagasyeva kAriNo yAmani gman |\\
\EN{354261402} urukramaH kakuho yasya pUrvirna mardhanti yuvatayojanitrIH ||\\
\EN{354261501} indro vishvairvIryaiH patyamAna ubhe A paprau rodasI mahitvA |\\
\EN{354261502} purandaro vRtrahA dhRSNuSeNaH saMgRbhyA na A bharA bhUri pashvaH ||\\
\EN{354271601} nAsatyA me pitarA bandhupRchA sajAtyamashvinoshcAru nAma |\\
\EN{354271602} yuvaM hi stho rayidau no rayINAM dAtraM rakSethe akavairadabdhA ||\\
\EN{354271701} mahat tad vaH kavayashcAru nAma yad dha deva bhavatha vishva indre |\\
\EN{354271702} sakha RbhubhiH puruhUta priyebhirimAM dhiyaM sAtaye takSatA naH ||\\
\EN{354271801} aryamA No aditiryaj~niyAso.adabdhAni varuNasya vratAni |\\
\EN{354271802} yuyota no anapatyAni gantoH prajAvAn naH pashumAnastu gAtuH ||\\
\EN{354271901} devAnAM dUtaH purudha prasUto.anAgAn no vocatu sarvatAtA |\\
\EN{354271902} shRNotu naH pRthivI dyaurutApaH sUryo nakSatrairurvantarikSam ||\\
\EN{354272001} shRNvantu no vRSaNaH parvatAso dhruvakSemAsa iLayA madantaH |\\
\EN{354272002} Adityairno aditiH shRNotu yachantu no marutaH sharmabhadram ||\\
\EN{354272101} sadA sugaH pitumAnastu panthA madhva devA oSadhIH sampipRkta |\\
\EN{354272102} bhago me agne sakhye na mRdhyA ud rAyo ashyAM sadanaM purukSoH ||\\
\EN{354272201} svadasva havyA samiSo didIhyasmadryak saM mimIhi shravAMsi |\\
\EN{354272202} vishvAnagne pRtsu ta~n jeSi shatrUnahA vishvA sumanA dIdihI naH ||\\
\EN{355280101} uSasaH pUrvA adha yad vyUSurmahad vi jaj~ne akSaraM pade goH |\\
\EN{355280102} vratA devAnAmupa nu prabhUSan mahad devAnAmasuratvamekam ||\\
\EN{355280201} mo SU No atra juhuranta devA mA pUrve agne pitaraH padaj~nAH |\\
\EN{355280202} purANyoH sadmanoH keturantarma... ||\\
\EN{355280301} vi me purutrA patayanti kAmAH shamyachA dIdye pUrvyANi |\\
\EN{355280302} samiddhe agnAv Rtamid vadema ma... ||\\
\EN{355280401} samAno rAjA vibhRtaH purutrA shaye shayAsu prayuto vanAnu |\\
\EN{355280402} anyA vatsaM bharati kSeti mAtA ma... ||\\
\EN{355280501} AkSit pUrvAsvaparA anUrut sadyo jAtAsu taruNISvantaH |\\
\EN{355280502} antarvatIH suvate apravItA ma... ||\\
\EN{355290601} shayuH parastAdadha nu dvimAtAbandhanashcarati vatsa ekaH |\\
\EN{355290602} mitrasya tA varuNasya vratAni ma... ||\\
\EN{355290701} dvimAtA hotA vidatheSu samrAL anvagraM carati kSeti budhnaH |\\
\EN{355290702} pra raNyAni raNyavAco bharante ma... ||\\
\EN{355290801} shUrasyeva yudhyato antamasya pratIcInaM dadRshe vishvamAyat |\\
\EN{355290802} antarmatishcarati niSSidhaM gorma... ||\\
\EN{355290901} ni veveti palito dUta AsvantarmahAMshcarati rocanena |\\
\EN{355290902} vapUMSi bibhradabhi no vi caSTe ma... ||\\
\EN{355291001} viSNurgopAH paramaM pAti pAthaH priyA dhAmAnyamRtAdadhAnaH |\\
\EN{355291002} agniS TA vishvA bhuvanAni veda ma... ||\\
\EN{355301101} nAnA cakrAte yamyA vapUMSi tayoranyad rocate kRSNamanyat |\\
\EN{355301102} shyAvI ca yadaruSI ca svasArau ma... ||\\
\EN{355301201} mAtA ca yatra duhitA ca dhenU sabardughe dhApayete samIcI |\\
\EN{355301202} Rtasya te sadasILe antarma... ||\\
\EN{355301301} anyasyA vatsaM rihatI mimAya kayA bhuvA ni dadhe dhenurUdhaH |\\
\EN{355301302} Rtasya sA payasApinvateLA ma... ||\\
\EN{355301401} padyA vaste pururUpA vapUMSyUrdhvA tasthau tryaviM rerihANA |\\
\EN{355301402} Rtasya sadma vi carAmi vidvAn ma... ||\\
\EN{355301501} pade iva nihite dasme antastayoranyad guhyamAviranyat |\\
\EN{355301502} sadhrIcInA pathyA sA viSUcI ma... ||\\
\EN{355311601} A dhenavo dhunayantAmashishvIH sabardughAH shashayA apradugdhAH |\\
\EN{355311602} navyA\-navyA yuvatayo bhavantIrma... ||\\
\EN{355311701} yadanyAsu vRSabho roravIti so anyasmin yUthe ni dadhAtiretaH |\\
\EN{355311702} sa hi kSapAvAn sa bhagaH sa rAjA ma... ||\\
\EN{355311801} vIrasya nu svashvyaM janAsaH pra nu vocAma vidurasya devAH |\\
\EN{355311802} SoLhA yuktAH pa~nca\-pa~ncA vahanti ma... ||\\
\EN{355311901} devastvaSTA savitA vishvarUpaH pupoSa prajAH purudhAjajAna |\\
\EN{355311902} imA ca vishvA bhuvanAnyasya ma... ||\\
\EN{355312001} mahI samairaccamvA samIcI ubhe te asya vasunA nyRSTe |\\
\EN{355312002} shRNve vIro vindamAno vasUni ma... ||\\
\EN{355312101} imAM ca naH pRthivIM vishvadhAyA upa kSeti hitamitro narAjA |\\
\EN{355312102} puraHsadaH sharmasado na vIrA ma... ||\\
\EN{355312201} niSSidhvarIsta oSadhIrutApo rayiM ta indra pRthivI bibharti |\\
\EN{355312202} sakhAyaste vAmabhAjaH syAma ma... ||\\
\EN{356010101} na tA minanti mAyino na dhIrA vratA devAnAM prathamA dhruvANi |\\
\EN{356010102} na rodasI adruhA vedyAbhirna parvatA niname tasthivAMsaH ||\\
\EN{356010201} SaD bhArAneko acaran bibharty RtaM varSiSThamupa gAva AguH tisro mahIruparAstasthuratyA guhA dve nihitedarshyekA ||\\
\EN{356010301} tripAjasyo vRSabho vishvarUpa uta tryudhA purudha prajAvAn |\\
\EN{356010302} tryanIkaH patyate mAhinAvAn sa retodhA vRSabhaH shashvatInAm ||\\
\EN{356010401} abhIka AsAM padavIrabodhyAdityAnAmahve cAru nAma |\\
\EN{356010402} ApashcidasmA aramanta devIH pRthag vrajantIH pari SImavR~njan ||\\
\EN{356010501} trI SadhasthA sindhavastriH kavInAmuta trimAtA vidatheSu samrAT |\\
\EN{356010502} RtAvarIryoSaNAstisro apyAstrirA divo vidathe patyamAnAH ||\\
\EN{356010601} trirA divaH savitarvAryANi dive\-diva A suva trirno ahnaH |\\
\EN{356010602} tridhAtu rAya A suvA vasUni bhaga trAtardhiSaNe sAtaye dhAH ||\\
\EN{356010701} trirA divaH savitA soSavIti rAjAnA mitrAvaruNA supANI |\\
\EN{356010702} Apashcidasya rodasI cidurvI ratnaM bhikSanta savituH savAya ||\\
\EN{356010801} triruttamA dUNashA rocanAni trayo rAjantyasurasya vIrAH |\\
\EN{356010802} RtAvAna iSirA dULabhAsastrirA divo vidathe santu devAH ||\\
\EN{357020101} pra me vivikvAnavidan manISAM dhenuM carantIM prayutAmagopAm |\\
\EN{357020102} sadyashcid yA duduhe bhUri dhAserindrastadagniH panitAro asyAH ||\\
\EN{357020201} indraH su pUSA vRSaNA suhastA divo na prItAH shashayaM duduhre |\\
\EN{357020202} vishve yadasyAM raNayanta devAH pra vo.atra vasavaH sumnamashyAm ||\\
\EN{357020301} yA jAmayo vRSNa ichanti shaktiM namasyantIrjAnate garbhamasmin |\\
\EN{357020302} achA putraM dhenavo vAvashAnA mahashcaranti bibhrataM vapUMSi ||\\
\EN{357020401} achA vivakmi rodasI sumeke grAvNo yujAno adhvare manISA |\\
\EN{357020402} imA u te manave bhUrivArA UrdhvA bhavanti darshatA yajatrAH ||\\
\EN{357020501} yA te jihvA madhumatI sumedhA agne deveSUcyata urUcI |\\
\EN{357020502} tayeha vishvAnavase yajatrAnA sAdaya pAyayA cA madhUni ||\\
\EN{357020601} yA te agne parvatasyeva dhArAsashcantI pIpayad deva citrA |\\
\EN{357020602} tAmasmabhyaM pramatiM jAtavedo vaso rAsva sumatiM vishvajanyAm ||\\
\EN{358030101} dhenuH pratnasya kAmyaM duhAnAntaH putrashcarati dakSiNAyAH |\\
\EN{358030102} A dyotaniM vahati shubhrayAmoSasa stomo ashvinAvajIgaH ||\\
\EN{358030201} suyug vahanti prati vAM RtenordhvA bhavanti pitareva medhAH |\\
\EN{358030202} jarethAmasmad vi paNermahISAM yuvoravashcakRmA yAtamarvAk ||\\
\EN{358030301} suyugbhirashvaiH suvRtA rathena dasrAvimaM shRNutaM shlokamadreH |\\
\EN{358030302} kimaN^ga vAM pratyavartiM gamiSThAhurviprAso ashvinA purAjAH ||\\
\EN{358030401} A manyethAmA gataM kaccidevairvishve janAso ashvinA havante |\\
\EN{358030402} imA hi vAM goRjIkA madhUni pra mitrAso na dadurusro agre ||\\
\EN{358030501} tiraH purU cidashvinA rajAMsyAN^gUSo vAM maghavAnA janeSu |\\
\EN{358030502} eha yAtaM pathibhirdevayAnairdasrAvime vAM nidhayo madhUnAm ||\\
\EN{358040601} purANamokaH sakhyaM shivaM vAM yuvornarA draviNaM jahnAvyAm |\\
\EN{358040602} punaH kRNvAnAH sakhyA shivAni madhvA mademasaha nU samAnAH ||\\
\EN{358040701} ashvinA vAyunA yuvaM sudakSA niyudbhiS ca sajoSasA yuvAnA |\\
\EN{358040702} nAsatyA tiroahnyaM juSANA somaM pibatamasridhA sudAnU ||\\
\EN{358040801} ashvinA pari vAmiSaH purUcIrIyurgIrbhiryatamAnA amRdhrAH |\\
\EN{358040802} ratho ha vAM RtajA adrijUtaH pari dyAvApRthivI yAti sadyaH ||\\
\EN{358040901} ashvinA madhuSuttamo yuvAkuH somastaM pAtamA gataM duroNe |\\
\EN{358040902} ratho ha vAM bhUri varpaH karikrat sutAvato niSkRtamAgamiSThaH ||\\
\EN{359050101} mitro janAn yAtayati bruvANo mitro dAdhAra pRthivImuta dyAm |\\
\EN{359050102} mitraH kRSTIranimiSAbhi caSTe mitrAya havyaMghRtavajjuhota ||\\
\EN{359050201} pra sa mitra marto astu prayasvAn yasta Aditya shikSati vratena |\\
\EN{359050202} na hanyate na jIyate tvoto nainamaMho ashnotyantito na dUrAt ||\\
\EN{359050301} anamIvAsa iLayA madanto mitaj~navo varimannA pRthivyAH |\\
\EN{359050302} Adityasya vratamupakSiyanto vayaM mitrasya sumatau syAma ||\\
\EN{359050401} ayaM mitro namasyaH sushevo rAjA sukSatro ajaniSTa vedhAH |\\
\EN{359050402} tasya vayaM ... ||\\
\EN{359050501} mahAnAdityo namasopasadyo yAtayajjano gRNate sushevaH |\\
\EN{359050502} tasmA etat panyatamAya juSTamagnau mitrAya havirA juhota ||\\
\EN{359060601} mitrasya carSaNIdhRto.avo devasya sAnasi |\\
\EN{359060602} dyumnaM citrashravastamam ||\\
\EN{359060701} abhi yo mahinA divaM mitro babhUva saprathAH |\\
\EN{359060702} abhi shravobhiH pRthivIm ||\\
\EN{359060801} mitrAya pa~nca yemire janA abhiSTishavase |\\
\EN{359060802} sa devAn vishvAn bibharti ||\\
\EN{359060901} mitro deveSvAyuSu janAya vRktabarhiSe |\\
\EN{359060902} iSa iSTavratAakaH ||\\
\EN{360070101} iheha vo manasA bandhutA nara ushijo jagmurabhi tAni vedasA |\\
\EN{360070102} yAbhirmAyAbhiH pratijUtivarpasaH saudhanvanA yaj~niyaM bhAgamAnasha ||\\
\EN{360070201} yAbhiH shacIbhishcamasAnapiMshata yayA dhiyA gAmariNIta carmaNaH |\\
\EN{360070202} yena harI manasA niratakSata tena devatvaM RbhavaH samAnasha ||\\
\EN{360070301} indrasya sakhyaM RbhavaH samAnashurmanornapAto apaso dadhanvire |\\
\EN{360070302} saudhanvanAso amRtatvamerire viSTvI shamIbhiH sukRtaH sukRtyayA ||\\
\EN{360070401} indreNa yAtha sarathaM sute sacAnatho vashAnAM bhavathAsaha shriyA |\\
\EN{360070402} na vaH pratimai sukRtAni vAghataH saudhanvanA Rbhavo vIryANi ca ||\\
\EN{360070501} indra RbhubhirvAjavadbhiH samukSitaM sutaM somamA vRSasvA gabhastyoH |\\
\EN{360070502} dhiyeSito maghavan dAshuSo gRhe saudhanvanebhiH saha matsvA nRbhiH ||\\
\EN{360070601} indra RbhumAn vAjavAn matsveha no.asmin savane shacyA puruSTuta |\\
\EN{360070602} imAni tubhyaM svasarANi yemire vratA devAnAM manuSashca dharmabhiH ||\\
\EN{360070701} indra RbhubhirvAjibhirvAjayanniha stomaM jariturupa yAhi yaj~niyam |\\
\EN{360070702} shataM ketebhiriSirebhirAyave sahasraNIthoadhvarasya homani ||\\
\EN{361080101} uSo vAjena vAjini pracetA stomaM juSasva gRNato maghoni |\\
\EN{361080102} purANI devi yuvatiH purandhiranu vrataM carasi vishvavAre ||\\
\EN{361080201} uSo devyamartyA vi bhAhi candrarathA sUnRtA IrayantI |\\
\EN{361080202} A tvA vahantu suyamAso ashvA hiraNyavarNAM pRthupAjaso ye ||\\
\EN{361080301} uSaH pratIcI bhuvanAni vishvordhvA tiSThasyamRtasya ketuH |\\
\EN{361080302} samAnamarthaM caraNIyamAnA cakramiva navyasyA vavRtsva ||\\
\EN{361080401} ava syUmeva cinvatI maghonyuSA yAti svasarasya patnI |\\
\EN{361080402} svarjanantI subhagA sudaMsA AntAd divaH papratha A pRthivyAH ||\\
\EN{361080501} achA vo devImuSasaM vibhAtIM pra vo bharadhvaM namasA suvRktim |\\
\EN{361080502} UrdhvaM madhudhA divi pAjo ashret pra rocanA ruruce raNvasandRk ||\\
\EN{361080601} RtAvarI divo arkairabodhyA revatI rodasI citramasthAt |\\
\EN{361080602} AyatImagna uSasaM vibhAtIM vAmameSi draviNaM bhikSamANaH ||\\
\EN{361080701} Rtasya budhna uSasAmiSaNyan vRSA mahI rodasI A vivesha |\\
\EN{361080702} mahI mitrasya varuNasya mAyA candreva bhAnuM vi dadhe purutrA ||\\
\EN{362090101} imA u vAM bhRmayo manyamAnA yuvAvate na tujyA abhUvan |\\
\EN{362090102} kva tyadindrAvaruNA yasho vAM yena smA sinaM bharathaH sakhibhyaH ||\\
\EN{362090201} ayamu vAM purutamo rayIya~nchashvattamamavase johavIti |\\
\EN{362090202} sajoSAvindrAvaruNA marudbhirdivA pRthivyA shRNutaM havamme ||\\
\EN{362090301} asme tadindrAvaruNA vasu SyAdasme rayirmarutaH sarvavIraH |\\
\EN{362090302} asmAn varUtrIH sharaNairavantvasmAn hotrA bhAratI dakSiNAbhiH ||\\
\EN{362090401} bRhaspate juSasva no havyAni vishvadevya |\\
\EN{362090402} rAsva ratnAni dAshuSe ||\\
\EN{362090501} shucimarkairbRhaspatimadhvareSu namasyata |\\
\EN{362090502} anAmyoja Acake ||\\
\EN{362100601} vRSabhaM carSaNInAM vishvarUpamadAbhyam |\\
\EN{362100602} bRhaspatiMvareNyam ||\\
\EN{362100701} iyaM te pUSannAghRNe suSTutirdeva navyasI |\\
\EN{362100702} asmAbhistubhyaM shasyate ||\\
\EN{362100801} tAM juSasva giraM mama vAjayantImavA dhiyam |\\
\EN{362100802} vadhUyuriva yoSaNAm ||\\
\EN{362100901} yo vishvAbhi vipashyati bhuvanA saM ca pashyati |\\
\EN{362100902} sa naH pUSAvitA bhuvat ||\\
\EN{362101001} tat saviturvareNyaM bhargo devasya dhImahi |\\
\EN{362101002} dhiyo yo naH pracodayAt ||\\
\EN{362111101} devasya saviturvayaM vAjayantaH purandhyA |\\
\EN{362111102} bhagasya rAtimImahe ||\\
\EN{362111201} devaM naraH savitAraM viprA yaj~naiH suvRktibhiH |\\
\EN{362111202} namasyanti dhiyeSitAH ||\\
\EN{362111301} somo jigAti gAtuvid devAnAmeti niSkRtam |\\
\EN{362111302} Rtasya yonimAsadam ||\\
\EN{362111401} somo asmabhyaM dvipade catuSpade ca pashave |\\
\EN{362111402} anamIvA iSas karat ||\\
\EN{362111501} asmAkamAyurvardhayannabhimAtIH sahamAnaH |\\
\EN{362111502} somaH sadhasthamAsadat ||\\
\EN{362111601} A no mitrAvaruNA ghRtairgavyUtimukSatam |\\
\EN{362111602} madhvA rajAMsi sukratU ||\\
\EN{362111701} urushaMsA namovRdhA mahnA dakSasya rAjathaH |\\
\EN{362111702} drAghiSThAbhiH shucivratA ||\\
\EN{362111801} gRNAnA jamadagninA yonAv Rtasya sIdatam |\\
\EN{362111802} pAtaM somaM RtAvRdhA ||\\