\EN{601350101} tvaM hyagne prathamo manotAsyA dhiyo abhavo dasma hotA |\\
\EN{601350102} tvaM sIM vRSannakRNorduSTarItu saho vishvasmai sahase sahadhyai ||\\
\EN{601350201} adhA hotA nyasIdo yajIyAniLas pada iSayannIDyaH san |\\
\EN{601350202} taM tvA naraH prathamaM devayanto maho rAye citayanto anu gman ||\\
\EN{601350301} vRteva yantaM bahubhirvasavyaistve rayiM jAgRvAMso anu gman |\\
\EN{601350302} rushantamagniM darshataM bRhantaM vapAvantaM vishvahA dIdivAMsam ||\\
\EN{601350401} padaM devasya namasA vyantaH shravasyavaH shrava ApannamRktam |\\
\EN{601350402} nAmAni cid dadhire yaj~niyAni bhadrAyAM te raNayantasandRSTau ||\\
\EN{601350501} tvAM vardhanti kSitayaH pRthivyAM tvAM rAya ubhayAso janAnAm |\\
\EN{601350502} tvaM trAtA taraNe cetyo bhUH pitA mAtA sadamin mAnuSANAm ||\\
\EN{601360601} saparyeNyaH sa priyo vikSvagnirhotA mandro ni SasAdA yajIyAn |\\
\EN{601360602} taM tvA vayaM dama A dIdivAMsamupa j~nubAdho namasA sadema ||\\
\EN{601360701} taM tvA vayaM sudhyo navyamagne\-sumnAyava Imahe devayantaH |\\
\EN{601360702} tvaM visho anayo dIdyAno divo agne bRhatA rocanena ||\\
\EN{601360801} vishAM kaviM vishpatiM shashvatInAM nitoshanaM vRSabhaM carSaNInAm |\\
\EN{601360802} pretISaNimiSayantaM pAvakaM rAjantamagniM yajataM rayINAm ||\\
\EN{601360901} so agna Ije shashame ca marto yasta AnaT samidhA havyadAtim |\\
\EN{601360902} ya AhutiM pari vedA namobhirvishvet sa vAmA dadhatetvotaH ||\\
\EN{601361001} asmA u te mahi mahe vidhema namobhiragne samidhota havyaiH |\\
\EN{601361002} vedI sUno sahaso gIrbhirukthairA te bhadrAyAM sumatauyatema ||\\
\EN{601361101} A yastatantha rodasI vi bhAsA shravobhishca shravasyastarutraH |\\
\EN{601361102} bRhadbhirvAjai sthavirebhirasme revadbhiragne vitaraM vi bhAhi ||\\
\EN{601361201} nRvad vaso sadamid dhehyasme bhUri tokAya tanayAya pashvaH |\\
\EN{601361202} pUrvIriSo bRhatIrAreaghA asme bhadrA saushravasAni santu ||\\
\EN{601361301} purUNyagne purudhA tvAyA vasUni rAjan vasutA te ashyAm |\\
\EN{601361302} purUNi hi tve puruvAra santyagne vasu vidhate rAjani tve ||\\
\EN{602010101} tvaM hi kSaitavad yasho.agne mitro na patyase |\\
\EN{602010102} tvaM vicarSaNe shravo vaso puSTiM na puSyasi ||\\
\EN{602010201} tvAM hi SmA carSaNayo yaj~nebhirgIrbhirILate |\\
\EN{602010202} tvAM vAjI yAtyavRko rajastUrvishvacarSaNiH ||\\
\EN{602010301} sajoSastvA divo naro yaj~nasya ketumindhate |\\
\EN{602010302} yad dha sya mAnuSo janaH sumnAyurjuhve adhvare ||\\
\EN{602010401} Rdhad yaste sudAnave dhiyA martaH shashamate |\\
\EN{602010402} UtI Sa bRhato divo dviSo aMho na tarati ||\\
\EN{602010501} samidhA yasta AhutiM nishitiM martyo nashat |\\
\EN{602010502} vayAvantaMsa puSyati kSayamagne shatAyuSam ||\\
\EN{602020601} tveSaste dhUma RNvati divi Sa~nchukra AtataH |\\
\EN{602020602} sUro na hi dyutA tvaM kRpA pAvaka rocase ||\\
\EN{602020701} adhA hi vikSvIDyo.asi priyo no atithiH |\\
\EN{602020702} raNvaH purIva jUryaH sUnurna trayayAyyaH ||\\
\EN{602020801} kratvA hi droNe ajyase.agne vAjI na kRtvyaH |\\
\EN{602020802} parijmevasvadhA gayo.atyo na hvAryaH shishuH ||\\
\EN{602020901} tvaM tyA cidacyutAgne pashurna yavase |\\
\EN{602020902} dhAmA ha yat te ajara vanA vRshcanti shikvasaH ||\\
\EN{602021001} veSi hyadhvarIyatAmagne hotA dame vishAm |\\
\EN{602021002} samRdho vishpate kRNu juSasva havyamaN^giraH ||\\
\EN{602021101} achA no mitramaho deva devAnagne vocaH sumatiM rodasyoH |\\
\EN{602021102} vIhi svastiM sukSitiM divo nR^In dviSo aMhAMsi duritAtarema tA tarema tavAvasA tarema ||\\
\EN{603030101} agne sa kSeSad RtapA RtejA uru jyotirnashate devayuS Te |\\
\EN{603030102} yaM tvaM mitreNa varuNaH sajoSA deva pAsi tyajasA martamaMhaH ||\\
\EN{603030201} Ije yaj~nebhih shashame shamIbhirRdhadvArAyAgnaye dadAsha |\\
\EN{603030202} evA cana taM yashasAmajuSTirnAMho martaM nashate na pradRptiH ||\\
\EN{603030301} sUro na yasya dRshatirarepA bhImA yadeti shucatasta A dhIH |\\
\EN{603030302} heSasvataH shurudho nAyamaktoH kutrA cid raNvo vasatirvanejAH ||\\
\EN{603030401} tigmaM cidema mahi varpo asya bhasadashvo na yamasAna AsA |\\
\EN{603030402} vijehamAnaH parashurna jihvAM dravirna drAvayati dAru dhakSat ||\\
\EN{603030501} sa idasteva prati dhAdasiSya~nchishIta tejo.ayaso na dhArAm |\\
\EN{603030502} citradhrajatiraratiryo aktorverna druSadvA raghupatmajaMhAH ||\\
\EN{603040601} sa IM rebho na prati vasta usrAH shociSA rArapIti mitramahAH |\\
\EN{603040602} naktaM ya ImaruSo yo divA nR^Inamartyo aruSo yo divA nR^In ||\\
\EN{603040701} divo na yasya vidhato navInod vRSA rukSa oSadhISu nUnot |\\
\EN{603040702} ghRNA na yo dhrajasA patmanA yannA rodasI vasunAdaM supatnI ||\\
\EN{603040801} dhAyobhirvA yo yujyebhirarkairvidyun na davidyot svebhiHshuSmaih |\\
\EN{603040802} shardho vA yo marutAM tatakSa Rbhurna tveSorabhasAno adyaut ||\\
\EN{604050101} yathA hotarmanuSo devatAtA yaj~nebhiH sUno sahaso yajAsi |\\
\EN{604050102} evA no adya samanA samAnAnushannagna ushato yakSi devAn ||\\
\EN{604050201} sa no vibhAvA cakSaNirna vastoragnirvandAru vedyashcano dhAt |\\
\EN{604050202} vishvAyuryo amRto martyeSUSarbhud bhUdatithirjAtavedAH ||\\
\EN{604050301} dyAvo na yasya panayantyabhvaM bhAsAMsi vaste sUryo na shukraH |\\
\EN{604050302} vi ya inotyajaraH pAvako.ashnasya cicchishnathat pUrvyANi ||\\
\EN{604050401} vadmA hi sUno asyadmasadvA cakre agnirjanuSAjmAnnam |\\
\EN{604050402} sa tvaM na Urjasana UrjaM dhA rAjeva jeravRke kSeSyantaH ||\\
\EN{604050501} nitikti yo vAraNamannamatti vAyurna rASTryatyetyaktUn |\\
\EN{604050502} turyAma yasta AdishAmarAtIratyo na hrutaH patataH parihrut ||\\
\EN{604060601} A sUryo na bhAnumadbhirarkairagne tatantha rodasI vi bhAsA |\\
\EN{604060602} citro nayat pari tamAMsyaktaH shociSA patmannaushijo na dIyan ||\\
\EN{604060701} tvAM hi mandratamamarkashokairvavRmahe mahi naH shroSyagne |\\
\EN{604060702} indraM na tvA shavasA devatA vAyuM pRNanti rAdhasAnRtamAH ||\\
\EN{604060801} nU no agne.avRkebhiH svasti veSi rAyaH pathibhiH parSyaMhaH |\\
\EN{604060802} tA sUribhyo gRNate rAsi sumnaM madema shatahimAHsuvIrAH ||\\
\EN{605070101} huve vaH sUnuM sahaso yuvAnamadroghavAcaM matibhiryaviSTham |\\
\EN{605070102} ya invati draviNAni pracetA vishvavArANi puruvAroadhruk ||\\
\EN{605070201} tve vasUni purvaNIka hotardoSA vastorerire yaj~niyAsaH |\\
\EN{605070202} kSAmeva vishvA bhuvanAni yasmin saM saubhagAni dadhirepAvake ||\\
\EN{605070301} tvaM vikSu pradivaH sIda Asu kratvA rathIrabhavo vAryANAm |\\
\EN{605070302} ata inoSi vidhate cikitvo vyAnuSag jAtavedo vasUni ||\\
\EN{605070401} yo naH sanutyo abhidAsadagne yo antaro mitramaho vanuSyAt |\\
\EN{605070402} tamajarebhirvRSabhistava svaistapA tapiSTha tapasA tapasvAn ||\\
\EN{605070501} yaste yaj~nena samidhA ya ukthairarkebhiH sUno sahaso dadAshat |\\
\EN{605070502} sa martyeSvamRta pracetA rAyA dyumnena shravasA vi bhAti ||\\
\EN{605070601} sa tat kRdhISitastUyamagne spRdho bAdhasva sahasA sahasvAn |\\
\EN{605070602} yacchasyase dyubhirakto vacobhistajjuSasva jariturghoSi manma ||\\
\EN{605070701} ashyAma taM kAmamagne tavotI ashyAma rayiM rayivaH suvIram |\\
\EN{605070702} ashyAma vAjamabhi vAjayanto.ashyAma dyumnamajarAjaraM te ||\\
\EN{606080101} pra navyasA sahasaH sUnumachA yaj~nena gAtumava ichamAnaH |\\
\EN{606080102} vRshcadvanaM kRSNayAmaM rushantaM vItI hotArandivyaM jigAti ||\\
\EN{606080201} sa shvitAnastanyatU rocanasthA ajarebhirnAnadadbhiryaviSThaH |\\
\EN{606080202} yaH pAvakaH purutamaH purUNi pRthUnyagniranuyAti bharvan ||\\
\EN{606080301} vi te viSvag vAtajUtAso agne bhAmAsaH shuce shucayashcaranti |\\
\EN{606080302} tuvimrakSAso divyA navagvA vanA vananti dhRSatA rujantaH ||\\
\EN{606080401} ye te shukrAsaH shucayaH shuciSmaH kSAM vapanti viSitAso ashvAH |\\
\EN{606080402} adha bhramasta urviyA vi bhAti yAtayamAno adhi sAnu pRshneH ||\\
\EN{606080501} adha jihvA pApatIti pra vRSNo goSuyudho nAshaniH sRjAnA |\\
\EN{606080502} shUrasyeva prasitiH kSAtiragnerdurvarturbhImo dayate vanAni ||\\
\EN{606080601} A bhAnunA pArthivAni jrayAMsi mahastodasya dhRSatA tatantha |\\
\EN{606080602} sa bAdhasvApa bhayA sahobhi spRdho vanuSyan vanuSo ni jUrva ||\\
\EN{606080701} sa citra citraM citayantamasme citrakSatra citratamaM vayodhAm |\\
\EN{606080702} candraM rayiM puruvIraM bRhantaM candra candrAbhirgRNate yuvasva ||\\
\EN{607090101} mUrdhAnaM divo aratiM pRthivyA vaishvAnaraM Rta A jAtamagnim |\\
\EN{607090102} kaviM samrAjamatithiM janAnAmAsannA pAtraM janayanta devAH ||\\
\EN{607090201} nAbhiM yaj~nAnAM sadanaM rayINAM mahAmAhAvamabhisaM navanta |\\
\EN{607090202} vaishvAnaraM rathyamadhvarANAM yaj~nasya ketuM janayanta devAH ||\\
\EN{607090301} tvad vipro jAyate vAjyagne tvad vIrAso abhimAtiSAhaH |\\
\EN{607090302} vaishvAnara tvamasmAsu dhehi vasUni rAjan spRhayAyyANi ||\\
\EN{607090401} tvAM vishve amRta jAyamAnaM shishuM na devA abhi saM navante |\\
\EN{607090402} tava kratubhiramRtatvamAyan vaishvAnara yat pitroradIdeH ||\\
\EN{607090501} vaishvAnara tava tAni vratAni mahAnyagne nakirA dadharSa |\\
\EN{607090502} yajjAyamAnaH pitrorupasthe.avindaH ketuM vayuneSvahnAm ||\\
\EN{607090601} vaishvAnarasya vimitAni cakSasA sAnUni divo amRtasya ketunA |\\
\EN{607090602} tasyedu vishvA bhuvanAdhi mUrdhani vayA iva ruruhuHsapta visruhaH ||\\
\EN{607090701} vi yo rajAMsyamimIta sukraturvaishvAnaro vi divo rocanA kaviH |\\
\EN{607090702} pari yo vishvA bhuvanAni paprathe.adabdho gopA amRtasya rakSitA ||\\
\EN{608100101} pRkSasya vRSNo aruSasya nU sahaH pra nu vocaM vidathAjAtavedasaH |\\
\EN{608100102} vaishvAnarAya matirnavyasI shuciH soma ivapavate cAruragnaye ||\\
\EN{608100201} sa jAyamAnaH parame vyomani vratAnyagnirvratapA arakSata |\\
\EN{608100202} vyantarikSamamimIta sukraturvaishvAnaro mahinA nAkamaspRshat ||\\
\EN{608100301} vyastabhnAd rodasI mitro adbhuto.antarvAvadakRNojjyotiSA tamaH |\\
\EN{608100302} vi carmaNIva dhiSaNe avartayad vaishvAnaro vishvamadhatta vRSNyam ||\\
\EN{608100401} apAmupasthe mahiSA agRbhNata visho rAjAnamupa tasthurRgmiyam |\\
\EN{608100402} A dUto agnimabharad vivasvato vaishvAnaraM mAtarishvA parAvataH ||\\
\EN{608100501} yuge\-yuge vidathyaM gRNadbhyo.agne rayiM yashasaM dhehi navyasIm |\\
\EN{608100502} pavyeva rAjannaghashaMsamajara nIcA ni vRshca vaninaM na tejasA ||\\
\EN{608100601} asmAkamagne maghavatsu dhArayAnAmi kSatramajaraM suvIryam |\\
\EN{608100602} vayaM jayema shatinaM sahasriNaM vaishvAnara vAjamagne tavotibhiH ||\\
\EN{608100701} adabdhebhistava gopAbhiriSTe.asmAkaM pAhi triSadhastha sUrIn |\\
\EN{608100702} rakSA ca no daduSAM shardho agne vaishvAnara pra catArI stavAnaH ||\\
\EN{609110101} ahashca kRSNamahararjunaM ca vi vartete rajasI vedyAbhiH |\\
\EN{609110102} vaishvAnaro jAyamAno na rAjAvAtirajjyotiSAgnistamAMsi ||\\
\EN{609110201} nAhaM tantuM na vi jAnAmyotuM na yaM vayanti samare'tamAnAH |\\
\EN{609110202} kasya svit putra iha vaktvAni paro vadAtyavareNa pitrA ||\\
\EN{609110301} sa it tantuM sa vi jAnAtyotuM sa vaktvAny RtuthA vadAti |\\
\EN{609110302} ya IM ciketadamRtasya gopA avashcaran paro anyena pashyan ||\\
\EN{609110401} ayaM hotA prathamaH pashyatemamidaM jyotiramRtaM martyeSu |\\
\EN{609110402} ayaM sa jaj~ne dhruva A niSatto.amartyastanvA vardhamAnaH ||\\
\EN{609110501} dhruvaM jyotirnihitaM dRshaye kaM mano javiSThaM patayatsvantaH |\\
\EN{609110502} vishve devAH samanasaH saketA ekaM kratumabhivi yanti sAdhu ||\\
\EN{609110601} vi me karNA patayato vi cakSurvIdaM jyotirhRdaya AhitaM yat |\\
\EN{609110602} vi me manashcarati dUraAdhIH kiM svid vakSyAmikimu nU maniSye ||\\
\EN{609110701} vishve devA anamasyan bhiyAnAstvAmagne tamasi tasthivAMsam |\\
\EN{609110702} vaishvAnaro.avatUtaye no.amartyo.avatUtaye naH ||\\
\EN{610120101} puro vo mandraM divyaM suvRktiM prayati yaj~ne agnimadhvaredadhidhvam |\\
\EN{610120102} pura ukthebhiH sa hi no vibhAvA svadhvarA karati jAtavedAH ||\\
\EN{610120201} tamu dyumaH purvaNIka hotaragne agnibhirmanuSa idhAnaH |\\
\EN{610120202} stomaM yamasmai mamateva shUSaM ghRtaM na shuci matayaH pavante ||\\
\EN{610120301} pIpAya sa shravasA martyeSu yo agnaye dadAsha vipra ukthaiH |\\
\EN{610120302} citrAbhistamUtibhishcitrashocirvrajasya sAtA gomato dadhAti ||\\
\EN{610120401} A yaH paprau jAyamAna urvI dUredRshA bhAsA kRSNAdhvA |\\
\EN{610120402} adha bahu cit tama UrmyAyAstiraH shociSA dadRshe pAvakaH ||\\
\EN{610120501} nU nashcitraM puruvAjAbhirUtI agne rayiM maghavadbhyashca dhehi |\\
\EN{610120502} ye rAdhasA shravasA cAtyanyAn suvIryebhishcAbhi santi janAn ||\\
\EN{610120601} imaM yaj~naM cano dhA agna ushan yaM ta AsAno juhute haviSmAn |\\
\EN{610120602} bharadvAjeSu dadhiSe suvRktimavIrvAjasya gadhyasya sAtau ||\\
\EN{610120701} vi dveSAMsInuhi vardhayeLAM madema shatahimAH suvIrAH ||\\
\EN{611130101} yajasva hotariSito yajIyAnagne bAdho marutAM na prayukti |\\
\EN{611130102} A no mitrAvaruNA nAsatyA dyAvA hotrAya pRthivI vavRtyAH ||\\
\EN{611130201} tvaM hotA mandratamo no adhrugantardevo vidathA martyeSu |\\
\EN{611130202} pAvakayA juhvA vahnirAsAgne yajasva tanvaM tava svAm ||\\
\EN{611130301} dhanyA cid dhi tve dhiSaNA vaSTi pra devA~n janma gRNate yajadhyai |\\
\EN{611130302} vepiSTho aN^girasAM yad dha vipro madhu chando bhanati rebha iSTau ||\\
\EN{611130401} adidyutat svapAko vibhAvAgne yajasva rodasI urUcI |\\
\EN{611130402} AyuM na yaM namasA rAtahavyA a~njanti suprayasaM pa~nca janAH ||\\
\EN{611130501} vR~nje ha yan namasA barhiragnAvayAmi srug ghRtavatI suvRktiH |\\
\EN{611130502} amyakSi sadma sadane pRthivyA ashrAyi yaj~naH sUrye na cakSuH ||\\
\EN{611130601} dashasyA naH purvaNIka hotardevebhiragne agnibhiridhAnaH |\\
\EN{611130602} rAyaH sUno sahaso vAvasAnA ati srasema vRjanaM nAMhaH ||\\
\EN{612140101} madhye hotA duroNe barhiSo rAL agnistodasya rodasI yajadhyai |\\
\EN{612140102} ayaM sa sUnuH sahasa RtAvA dUrAt sUryo na shociSA tatAna ||\\
\EN{612140201} A yasmin tve svapAke yajatra yakSad rAjan sarvatAteva nudyauH |\\
\EN{612140202} triSadhasthastataruSo na jaMho havyA maghAni mAnuSA yajadhyai ||\\
\EN{612140301} tejiSThA yasyAratirvanerAT todo adhvan na vRdhasAno adyaut |\\
\EN{612140302} adrogho na dravitA cetati tmannamartyo.avartra oSadhISu ||\\
\EN{612140401} sAsmAkebhiretarI na shUSairagni STave dama A jAtavedAH |\\
\EN{612140402} drvanno vanvan kratvA nArvosraH piteva jArayAyi yaj~naiH ||\\
\EN{612140501} adha smAsya panayanti bhAso vRthA yat takSadanuyAti pRthvIm |\\
\EN{612140502} sadyo yaH syandro viSito dhavIyAn RNo na tAyurati dhanvA rAT ||\\
\EN{612140601} sa tvaM no arvan nidAyA vishvebhiragne agnibhiridhAnaH |\\
\EN{612140602} veSi rAyo vi yAsi duchunA madema shatahimAH suvIrAH ||\\
\EN{613150101} tvad vishvA subhaga saubhagAnyagne vi yanti vanino na vayAH |\\
\EN{613150102} shruSTI rayirvAjo vRtratUrye divo vRSTirIDyo rItirapAm ||\\
\EN{613150201} tvaM bhago na A hi ratnamiSe parijmeva kSayasi dasmavarcAH |\\
\EN{613150202} agne mitro na bRhata RtasyAsi kSattA vAmasya deva bhUreH ||\\
\EN{613150301} sa satpatiH shavasA hanti vRtramagne vipro vi paNerbhartivAjam |\\
\EN{613150302} yaM tvaM praceta RtajAta rAyA sajoSA naptrApAM hinoSi ||\\
\EN{613150401} yaste sUno sahaso gIrbhirukthairyaj~nairmarto nishitiM vedyAnaT |\\
\EN{613150402} vishvaM sa deva prati vAramagne dhatte dhAnyaM patyate vasavyaiH ||\\
\EN{613150501} tA nRbhya A saushravasA suvIrAgne sUno sahasaH puSyasedhAH |\\
\EN{613150502} kRNoSi yacchavasA bhUri pashvo vayo vRkAyArayejasuraye ||\\
\EN{613150601} vadmA sUno sahaso no vihAyA agne tokaM tanayaM vAji no dAH |\\
\EN{613150602} vishvAbhirgIrbhirabhi pUrtimashyAM madema shatahimAH suvIrAH ||\\
\EN{614160101} agnA yo martyo duvo dhiyaM jujoSa dhItibhiH |\\
\EN{614160102} bhasan nuSa pra pUrvya iSaM vurItAvase ||\\
\EN{614160201} agnirid dhi pracetA agnirvedhastama RSiH |\\
\EN{614160202} agniM hotAramILate yaj~neSu manuSo vishaH ||\\
\EN{614160301} nAnA hyagne.avase spardhante rAyo aryaH |\\
\EN{614160302} tUrvanto dasyumAyavo vrataiH sIkSanto avratam ||\\
\EN{614160401} agnirapsAM RtISahaM vIraM dadAti satpatim |\\
\EN{614160402} yasya trasanti shavasaH saMcakSi shatravo bhiyA ||\\
\EN{614160501} agnirhi vidmanA nido devo martamuruSyati |\\
\EN{614160502} sahAvA yasyAvRto rayirvAjeSvavRtaH ||\\
\EN{614160601} achA no mitramaho ... ||\\
\EN{615170101} imamU Su vo atithimuSarbudhaM vishvAsAM vishAM patimR~njase girA |\\
\EN{615170102} vetId divo januSA kaccidA shucirjyok cidatti garbho yadacyutam ||\\
\EN{615170201} mitraM na yaM sudhitaM bhRgavo dadhurvanaspatAvIDyamUrdhvashociSam |\\
\EN{615170202} sa tvaM suprIto vItahavye adbhuta prashastibhirmahayase dive\ dive ||\\
\EN{615170301} sa tvaM dakSasyAvRko vRdho bhUraryaH parasyAntarasya taruSaH |\\
\EN{615170302} rAyaH sUno sahaso martyeSvA chardiryacha vItahavyAya sapratho bharadvAjAya saprathaH ||\\
\EN{615170401} dyutAnaM vo atithiM svarNaramagniM hotAraM manuSaH svadhvaram |\\
\EN{615170402} vipraM na dyukSavacasaM suvRktibhirhavyavAhamaratiM devaM R~njase ||\\
\EN{615170501} pAvakayA yashcitayantyA kRpA kSAman ruruca uSaso na bhAnunA |\\
\EN{615170502} tUrvan na yAmannetashasya nU raNa A yo ghRNe na tatRSANo ajaraH ||\\
\EN{615180601} agnim\-agniM vaH samidhA duvasyata priyam\-priyaM vo atithiM gRNISaNi |\\
\EN{615180602} upa vo gIrbhiramRtaM vivAsata devo deveSu vanate hi vAryaM devo deveSu vanate hi no duvaH ||\\
\EN{615180701} samiddhamagniM samidhA girA gRNe shuciM pAvakaM puro adhvare dhruvam |\\
\EN{615180702} vipraM hotAraM puruvAramadruhaM kaviM sumnairImahe jAtavedasam ||\\
\EN{615180801} tvAM dUtamagne amRtaM yuge\-yuge havyavAhaM dadhire pAyumIDyam |\\
\EN{615180802} devAsashca martAsashca jAgRviM vibhuM vishpatiM namasA ni Sedire ||\\
\EN{615180901} vibhUSannagna ubhayAnanu vratA dUto devAnAM rajasI samIyase |\\
\EN{615180902} yat te dhItiM sumatimAvRNImahe.adha smA nastrivarUthaH shivo bhava ||\\
\EN{615181001} taM supratIkaM sudRshaM sva~ncamavidvAMso viduSTaraM sapema |\\
\EN{615181002} sa yakSad vishvA vayunAni vidvAn pra havyamagniramRteSu vocat ||\\
\EN{615191101} tamagne pAsyuta taM piparSi yasta AnaT kavaye shUra dhItim |\\
\EN{615191102} yaj~nasya vA nishitiM voditiM vA tamit pRNakSi shavasota rAyA ||\\
\EN{615191201} tvamagne vanuSyato ni pAhi tvamu naH sahasAvannavadyAt |\\
\EN{615191202} saM tvA dhvasmanvadabhyetu pAthaH saM rayi spRhayAyyaHsahasrI ||\\
\EN{615191301} agnirhotA gRhapatiH sa rAjA vishvA veda janimA jAtavedaH |\\
\EN{615191302} devAnAmuta yo martyAnAM yajiSThaH sa pra yajatAM RtAvA ||\\
\EN{615191401} agne yadadya visho adhvarasya hotaH pAvakashoce veS TvaM hi yajvA |\\
\EN{615191402} RtA yajAsi mahinA vi yad bhUrhavyA vaha yaviSTha yA te adya ||\\
\EN{615191501} abhi prayAMsi sudhitAni hi khyo ni tvA dadhIta rodasI yajadhyai |\\
\EN{615191502} avA no maghavan vAjasAtAvagne vishvAni duritA tarema tA tarema tavAvasA tarema ||\\
\EN{615201601} agne vishvebhiH svanIka devairUrNAvantaM prathamaH sIda yonim |\\
\EN{615201602} kulAyinaM ghRtavantaM savitre yaj~naM naya yajamAnAya sAdhu ||\\
\EN{615201701} imamu tyamatharvavadagniM manthanti vedhasaH |\\
\EN{615201702} yamaN^kUyantamAnayannamUraM shyAvyAbhyaH ||\\
\EN{615201801} janiSvA devavItaye sarvatAtA svastaye |\\
\EN{615201802} A devAn vakSyamRtAn RtAvRdho yaj~naM deveSu pispRshaH ||\\
\EN{615201901} vayamu tvA gRhapate janAnAmagne akarma samidhA bRhantam |\\
\EN{615201902} asthUri no gArhapatyAni santu tigmena nastejasA saM shishAdhi ||\\
\EN{616210101} tvamagne yaj~nAnAM hotA vishveSAM hitaH |\\
\EN{616210102} devebhirmAnuSe jane ||\\
\EN{616210201} sa no mandrAbhiradhvare jihvAbhiryajA mahaH |\\
\EN{616210202} A devAn vakSi yakSi ca ||\\
\EN{616210301} vetthA hi vedho adhvanaH pathashca devA~njasA |\\
\EN{616210302} agne yaj~neSu sukrato ||\\
\EN{616210401} tvAmILe adha dvitA bharato vAjibhiH shunam |\\
\EN{616210402} Ije yaj~neayat divi ||\\
\EN{616210501} tvamimA vAryA puru divodAsAya sunvate |\\
\EN{616210502} bharadvAjAya dAshuSe ||\\
\EN{616220601} tvaM dUto amartya A vahA daivyaM janam |\\
\EN{616220602} shRNvan viprasya suSTutim ||\\
\EN{616220701} tvAmagne svAdhyo martAso deva vItaye |\\
\EN{616220702} yaj~neSu devamILate ||\\
\EN{616220801} tava pra yakSi sandRshamuta kratuM sudAnavaH |\\
\EN{616220802} vishve juSanta kAminaH ||\\
\EN{616220901} tvaM hotA manurhito vahnirAsA viduSTaraH |\\
\EN{616220902} agne yakSidivo vishaH ||\\
\EN{616221001} agna A yAhi vItaye gRNAno havyadAtaye |\\
\EN{616221002} ni hotA satsi barhiSi ||\\
\EN{616231101} taM tvA samidbhiraN^giro ghRtena vardhayAmasi |\\
\EN{616231102} bRhacchocA yaviSThya ||\\
\EN{616231201} sa naH pRthu shravAyyamachA deva vivAsasi |\\
\EN{616231202} bRhadagne suvIryam ||\\
\EN{616231301} tvAmagne puSkarAdadhyatharvA niramanthata |\\
\EN{616231302} mUrdhno vishvasya vAghataH ||\\
\EN{616231401} tamu tvA dadhyaMM RSiH putra Idhe atharvaNaH |\\
\EN{616231402} vRtrahaNaM purandaram ||\\
\EN{616231501} tamu tvA pAthyo vRSA samIdhe dasyuhantamam |\\
\EN{616231502} dhanaMjayaM raNe\-raNe ||\\
\EN{616241601} ehyU Su bravANi te.agna itthetarA giraH |\\
\EN{616241602} ebhirvardhAsa indubhiH ||\\
\EN{616241701} yatra kva ca te mano dakSaM dadhasa uttaram |\\
\EN{616241702} tatrA sadaH kRNavase ||\\
\EN{616241801} nahi te pUrtamakSipad bhuvan nemAnAM vaso |\\
\EN{616241802} athA duvo vanavase ||\\
\EN{616241901} AgniragAmi bhArato vRtrahA purucetanaH |\\
\EN{616241902} divodAsasya satpatiH ||\\
\EN{616242001} sa hi vishvAti pArthivA rayiM dAshan mahitvanA |\\
\EN{616242002} vanvannavAto astRtaH ||\\
\EN{616252101} sa pratnavan navIyasAgne dyumnena saMyatA |\\
\EN{616252102} bRhat tatanthabhAnunA ||\\
\EN{616252201} pra vaH sakhAyo agnaye stomaM yaj~naM ca dhRSNuyA |\\
\EN{616252202} arcagAya ca vedhase ||\\
\EN{616252301} sa hi yo mAnuSA yugA sIdad dhotA kavikratuH |\\
\EN{616252302} dUtashca havyavAhanaH ||\\
\EN{616252401} tA rAjAnA shucivratAdityAn mArutaM gaNam |\\
\EN{616252402} vaso yakSIha rodasI ||\\
\EN{616252501} vasvI te agne sandRSTiriSayate martyAya |\\
\EN{616252502} Urjo napAdamRtasya ||\\
\EN{616262601} kratvA dA astu shreSTho.adya tvA vanvan surekNAH |\\
\EN{616262602} marta AnAsha suvRktim ||\\
\EN{616262701} te te agne tvotA iSayanto vishvamAyuH |\\
\EN{616262702} taranto aryo arAtIrvanvanto aryo arAtIH ||\\
\EN{616262801} agnistigmena shociSA yAsad vishvaM nyatriNam |\\
\EN{616262802} agnirnovanate rayim ||\\
\EN{616262901} suvIraM rayimA bhara jAtavedo vicarSaNe |\\
\EN{616262902} jahi rakSAMsi sukrato ||\\
\EN{616263001} tvaM naH pAhyaMhaso jAtavedo aghAyataH |\\
\EN{616263002} rakSA No brahmaNas kave ||\\
\EN{616273101} yo no agne dureva A marto vadhAya dAshati |\\
\EN{616273102} tasmAn naH pAhyaMhasaH ||\\
\EN{616273201} tvaM taM deva jihvayA pari bAdhasva duSkRtam |\\
\EN{616273202} marto yo nojighAMsati ||\\
\EN{616273301} bharadvAjAya saprathaH sharma yacha sahantya |\\
\EN{616273302} agne vareNyaMvasu ||\\
\EN{616273401} agnirvRtrANi jaN^ghanad draviNasyurvipanyayA |\\
\EN{616273402} samiddhaH shukra AhutaH ||\\
\EN{616273501} garbhe mAtuH pituS pitA vididyutAno akSare |\\
\EN{616273502} sIdannRtasya yonimA ||\\
\EN{616283601} brahma prajAvadA bhara jAtavedo vicarSaNe |\\
\EN{616283602} agne yad dId ayad divi ||\\
\EN{616283701} upa tvA raNvasandRshaM prayasvantaH sahaskRta |\\
\EN{616283702} agne sasRjmahe giraH ||\\
\EN{616283801} upa chAyAmiva ghRNeraganma sharma te vayam |\\
\EN{616283802} agne hiraNyasandRshaH ||\\
\EN{616283901} ya ugra iva sharyahA tigmashRN^go na vaMsagaH |\\
\EN{616283902} agne puro rurojitha ||\\
\EN{616284001} A yaM haste na khAdinaM shishuM jAtaM na bibhrati |\\
\EN{616284002} vishAmagniM svadhvaram ||\\
\EN{616294101} pra devaM devavItaye bharatA vasuvittamam |\\
\EN{616294102} A sve yonau ni SIdatu ||\\
\EN{616294201} A jAtaM jAtavedasi priyaM shishItAtithim |\\
\EN{616294202} syona A gRhapatim ||\\
\EN{616294301} agne yukSvA hi ye tavAshvAso deva sAdhavaH |\\
\EN{616294302} araM vahanti manyave ||\\
\EN{616294401} achA no yAhyA vahAbhi prayAMsi vItaye |\\
\EN{616294402} A devAn somapItaye ||\\
\EN{616294501} udagne bhArata dyumadajasreNa davidyutat |\\
\EN{616294502} shocA vi bhAhyajara ||\\
\EN{616304601} vItI yo devaM marto duvasyedagnimILItAdhvare haviSmAn |\\
\EN{616304602} hotAraM satyayajaM rodasyoruttAnahasto namasA vivAset ||\\
\EN{616304701} A te agna RcA havirhRdA taSTaM bharAmasi |\\
\EN{616304702} te te bhavantUkSaNa RSabhAso vashA uta ||\\
\EN{616304801} agniM devAso agriyamindhate vRtrahantamam |\\
\EN{616304802} yenA vasUnyAbhRtA tRLhA rakSAMsi vAjinASu yaj~niyam ||\\
\EN{617010101} pibA somamabhi yamugra tarda UrvaM gavyaM mahi gRNAnaindra |\\
\EN{617010102} vi yo dhRSNo vadhiSo vajrahasta vishvA vRtramamitriyA shavobhiH ||\\
\EN{617010201} sa IM pAhi ya RjISI tarutro yaH shipravAn vRSabho yo matInAm |\\
\EN{617010202} yo gotrabhid vajrabhRd yo hariSThAH sa indra citrAnabhi tRndhi vAjAn ||\\
\EN{617010301} evA pAhi pratnathA mandatu tvA shrudhi brahma vAvRdhasvotagIrbhiH |\\
\EN{617010302} AviH sUryaM kRNuhi pIpihISo jahi shatrUnrabhi gA indra tRndhi ||\\
\EN{617010401} te tvA madA bRhadindra svadhAva ime pItA ukSayanta dyumantam |\\
\EN{617010402} mahAmanUnaM tavasaM vibhUtiM matsarAso jarhRSanta prasAham ||\\
\EN{617010501} yebhiH sUryamuSasaM mandasAno.avAsayo.apa dRlhAni dardrat |\\
\EN{617010502} mahAmadriM pari gA indra santaM nutthA acyutaM sadasas pari svAt ||\\
\EN{617020601} tava kratvA tava tad daMsanAbhirAmAsu pakvaM shacyA ni dIdhaH |\\
\EN{617020602} aurNordura usriyAbhyo vi dRLhodUrvAd gA asRjo aN^girasvAn ||\\
\EN{617020701} paprAtha kSAM mahi daNso vyurvImupa dyAM RSvo bRhadindra stabhAyaH |\\
\EN{617020702} adhArayo rodasI devaputre pratne mAtarA yahvI Rtasya ||\\
\EN{617020801} adha tvA vishve pura indra devA ekaM tavasaM dadhire bharAya |\\
\EN{617020802} adevo yadabhyauhiSTa devAn svarSAtA vRNata indramatra ||\\
\EN{617020901} adha dyaushcit te apa sA nu vajrAd dvitAnamad bhiyasA svasya manyoH |\\
\EN{617020902} ahiM yadindro abhyohasAnaM ni cid vishvAyuH shayathe jaghAna ||\\
\EN{617021001} adha tvaSTA te maha ugra vajraM sahasrabhRSTiM vavRtacchatAshrim |\\
\EN{617021002} nikAmamaramaNasaM yena navantamahiM saM piNagRjISin ||\\
\EN{617031101} vardhAn yaM vishve marutaH sajoSAH pacacchataM mahiSAnindra tubhyam |\\
\EN{617031102} pUSA viSNustrINi sarAMsi dhAvan vRtrahaNaM madiramaMshumasmai ||\\
\EN{617031201} A kSodo mahi vRtaM nadInAM pariSThitamasRja UrmimapAm |\\
\EN{617031202} tAsAmanu pravata indra panthAM prArdayo nIcIrapasaH samudram ||\\
\EN{617031301} evA tA vishvA cakRvAMsamindraM mahAmugramajuryaM sahodAm |\\
\EN{617031302} suvIraM tvA svAyudhaM suvajramA brahma navyamavase vavRtyAt ||\\
\EN{617031401} sa no vAjAya shravasa iSe ca rAye dhehi dyumata indra viprAn |\\
\EN{617031402} bharadvAje nRvata indra sUrIn divi ca smaidhi pArye na indra ||\\
\EN{617031501} ayA vAjaM devahitaM sanema madema shatahimAH suvIrAH ||\\
\EN{618040101} tamu STuhi yo abhibhUtyojA vanvannavAtaH puruhUta indraH |\\
\EN{618040102} aSALhamugraM sahamAnamAbhirgIrbhirvardha vRSabhaM carSaNInAm ||\\
\EN{618040201} sa yudhmaH satvA khajakRt samadvA tuvimrakSo nadanumAn RjISI |\\
\EN{618040202} bRhadreNushcyavano mAnuSINAmekaH kRSTInAmabhavat sahAvA ||\\
\EN{618040301} tvaM ha nu tyadadamAyo dasyUnrekaH kRSTIravanorAryAya |\\
\EN{618040302} asti svin nu vIryaM tat ta indra na svidasti tad RtuthA vi vocaH ||\\
\EN{618040401} sadid dhi te tuvijAtasya manye sahaH sahiSTha turatasturasya |\\
\EN{618040402} ugramugrasya tavasastavIyo.aradhrasya radhraturo babhUva ||\\
\EN{618040501} tan naH pratnaM sakhyamastu yuSme itthA vadadbhirvalamaN^girobhiH |\\
\EN{618040502} hannacyutacyud dasmeSayantaM RNoH puro vi duroasya vishvAH ||\\
\EN{618050601} sa hi dhIbhirhavyo astyugra IshAnakRn mahati vRtratUrye |\\
\EN{618050602} sa tokasAtA tanaye sa vajrI vitantasAyyo abhavat samatsu ||\\
\EN{618050701} sa majmanA janima mAnuSANAmamartyena nAmnAti pra sarsre |\\
\EN{618050702} sa dyumnena sa shavasota rAyA sa vIryeNa nRtamaH samokAH ||\\
\EN{618050801} sa yo na muhe na mithU jano bhUt sumantunAmA cumuriM dhuniM ca |\\
\EN{618050802} vRNak pipruM shambaraM shuSNamindraH purAMcyautnAya shayathAya nU cit ||\\
\EN{618050901} udAvatA tvakSasA panyasA ca vRtrahatyAya rathamindra tiSTha |\\
\EN{618050902} dhiSva vajraM hasta A dakSiNatrAbhi pra manda purudatra mAyAH ||\\
\EN{618051001} agnirna shuSkaM vanamindra hetI rakSo ni dhakSyashanirna bhImA |\\
\EN{618051002} gambhIraya RSvayA yo rurojAdhvAnayad duritA dambhayacca ||\\
\EN{618061101} A sahasraM pathibhirindra rAyA tuvidyumna tuvivAjebhirarvAk |\\
\EN{618061102} yAhi sUno sahaso yasya nU cidadeva Ishe puruhUta yotoH ||\\
\EN{618061201} pra tuvidyumnasya sthavirasya ghRSverdivo rarapshe mahimA pRthivyAH |\\
\EN{618061202} nAsya shatrurna pratimAnamasti na pratiSThiHpurumAyasya sahyoH ||\\
\EN{618061301} pra tat te adyA karaNaM kRtaM bhUt kutsaM yadAyumatithigvamasmai |\\
\EN{618061302} purU sahasrA ni shishA abhi kSAmut tUrvayANaM dhRSatA ninetha ||\\
\EN{618061401} anu tvAhighne adha deva devA madan vishve kavitamaM kavInAm |\\
\EN{618061402} karo yatra varivo bAdhitAya dive janAya tanve gRNAnaH ||\\
\EN{618061501} anu dyAvApRthivI tat ta ojo.amartyA jihata indra devAH |\\
\EN{618061502} kRSvA kRtno akRtaM yat te astyukthaM navIyo janayasva yaj~naiH ||\\
\EN{619070101} mahAnindro nRvadA carSaNiprA uta dvibarhA aminaH sahobhiH |\\
\EN{619070102} asmadryag vAvRdhe viryAyoruH pRthuH sukRtaH kartRbhirbhUt ||\\
\EN{619070201} indrameva dhiSaNA sAtaye dhAd bRhantaM RSvamajaraM yuvAnam |\\
\EN{619070202} aSALhena savasA shUshuvAMsaM sadyashcid yo vAvRdhe asAmi ||\\
\EN{619070301} pRthU karasnA bahulA gabhastI asmadryak saM mimIhi shravAMsi |\\
\EN{619070302} yUtheva pashvaH pashupA damUnA asmAnindrAbhyA vavRtsvAjau ||\\
\EN{619070401} taM va indraM catinamasya shAkairiha nUnaM vAjayanto huvema |\\
\EN{619070402} yathA cit pUrve jaritAra AsuranedyA anavadyA ariSTAH ||\\
\EN{619070501} dhRtavrato dhanadAH somavRddhaH sa hi vAmasya vasunaH purukSuH |\\
\EN{619070502} saM jagmire pathyA rAyo asmin samudre na sindhavo yAdamAnAH ||\\
\EN{619080601} shaviSThaM na A bhara shUra shava ojiSThamojo abhibhUtaugram |\\
\EN{619080602} vishvA dyumnA vRSNyA mAnuSANAmasmabhyaM dAharivo mAdayadhyai ||\\
\EN{619080701} yaste madaH pRtaNASAL amRdhra indra taM na A bhara shUshuvAMsam |\\
\EN{619080702} yena tokasya tanayasya sAtau maMsImahi jigIvAMsastvotAH ||\\
\EN{619080801} A no bhara vRSaNaM shuSmamindra dhanaspRtaM shUshuvAMsaM sudakSam |\\
\EN{619080802} yena vaMsAma pRtanAsu shatrUn tavotibhiruta jAmInrajAmIn ||\\
\EN{619080901} A te shuSmo vRSabha etu pashcAdottarAdadharAdA purastAt |\\
\EN{619080902} A vishvato abhi sametvarvAM indra dyumnaM svarvad dhehyasme ||\\
\EN{619081001} nRvat ta indra nRtamAbhirUtI vaMsImahi vAmaM shromatebhiH |\\
\EN{619081002} IkSe hi vasva ubhayasya rAjan dhA ratnaM mahi sthUraM bRhantam ||\\
\EN{619081101} marutvantaM vRSabhaM ... ||\\
\EN{619081201} janaM vajrin mahi cin manyamAnamebhyo nRbhyo randhayA yeSvasmi |\\
\EN{619081202} adhA hi tvA pRthivyAM shUrasAtau havAmahe tanayegoSvapsu ||\\
\EN{619081301} vayaM ta ebhiH puruhUta sakhyaiH shatroH\-shatroruttara itsyAma |\\
\EN{619081302} ghnanto vRtrANyubhayAni shUra rAyA madema bRhatAtvotAH ||\\
\EN{620090101} dyaurna ya indrAbhi bhUmAryastasthau rayiH shavasA pRtsu janAn |\\
\EN{620090102} taM naH sahasrabharamurvarAsAM daddhi sUno sahaso vRtraturam ||\\
\EN{620090201} divo na tubhyamanvindra satrAsuryaM devebhirdhAyi vishvam |\\
\EN{620090202} ahiM yad vRtramapo vavrivAMsaM hannRjISin viSNunAsacAnaH ||\\
\EN{620090301} tUrvannojIyAn tavasastavIyAn kRtabrahmendro vRddhamahAH |\\
\EN{620090302} rAjAbhavan madhunaH somyasya vishvAsAM yat purAM dartnumAvat ||\\
\EN{620090401} shatairapadran paNaya indrAtra dashoNaye kavaye.arkasAtau |\\
\EN{620090402} vadhaiH shuSNasyAshuSasya mAyAH pitvo nArirecIt kiMcana pra ||\\
\EN{620090501} maho druho apa vishvAyu dhAyi vajrasya yat patane pAdi shuSNaH |\\
\EN{620090502} uru Sa sarathaM sArathaye karindraH kutsAya sUryasya sAtau ||\\
\EN{620100601} pra shyeno na madiramaMshumasmai shiro dAsasya namucermathAyan |\\
\EN{620100602} prAvan namIM sApyaM sasantaM pRNag rAyA samiSA saM svasti ||\\
\EN{620100701} vi piprorahimAyasya dRLhAH puro vajri~nchavasA na dardaH |\\
\EN{620100702} sudAman tad rekNo apramRSyaM Rjishvane dAtraM dAshuSe dAH ||\\
\EN{620100801} sa vetasuM dashamAyaM dashoNiM tUtujimindraH svabhiSTisumnaH |\\
\EN{620100802} A tugraM shashvadibhaM dyotanAya mAturna sImupa sRjA iyadhyai ||\\
\EN{620100901} sa IM spRdho vanate apratIto bibhrad vajraM vRtrahaNaM gabhastau |\\
\EN{620100902} tiSThad dharI adhyasteva garte vacoyujA vahata indraM RSvam ||\\
\EN{620101001} sanema te.avasA navya indra pra pUrava stavanta enA yaj~naiH |\\
\EN{620101002} sapta yat puraH sharma shAradIrdard dhan dAsIH purukutsAya shikSan ||\\
\EN{620101101} tvaM vRdha indra pUrvyo bhUrvarivasyannushane kAvyAya |\\
\EN{620101102} parA navavAstvamanudeyaM mahe pitre dadAtha svaM napAtam ||\\
\EN{620101201} tvaM dhunirindra ... ||\\
\EN{620101301} tava ha tyadindra viSvamAjau sasto dhunIcumurI yA ha siSvap |\\
\EN{620101302} dIdayadit tubhyaM somebhiH sunvan dabhItiridhmabhRtiH pakthyarkaiH ||\\
\EN{621110101} imA u tvA purutamasya kArorhavyaM vIra havyA havante |\\
\EN{621110102} dhiyo ratheSThAmajaraM navIyo rayirvibhUtirIyate vacasyA ||\\
\EN{621110201} tamu stuSa indraM yo vidAno girvAhasaM gIrbhIryaj~navRddham |\\
\EN{621110202} yasya divamati mahnA pRthivyAH purumAyasya riricemahitvam ||\\
\EN{621110301} sa it tamo.avayunaM tatanvat sUryeNa vayunavaccakAra |\\
\EN{621110302} kadA te martA amRtasya dhAmeyakSanto na minanti svadhAvaH ||\\
\EN{621110401} yastA cakAra sa kuha svidindraH kamA janaM carati kAsu vikSu |\\
\EN{621110402} kaste yaj~no manase shaM varAya ko arka indrakatamaH sa hotA ||\\
\EN{621110501} idA hi te veviSataH purAjAH pratnAsa AsuH purukRt sakhAyaH |\\
\EN{621110502} ye madhyamAsa uta nUtanAsa utAvamasya puruhUta bodhi ||\\
\EN{621120601} taM pRchanto.avarAsaH parANi pratnA ta indra shrutyAnu yemuH |\\
\EN{621120602} arcAmasi vIra brahmavAho yAdeva vidma tAt tvA mahAntam ||\\
\EN{621120701} abhi tvA pAjo rakSaso vi tasthe mahi jaj~nAnamabhi tat su tiSTha |\\
\EN{621120702} tava pratnena yujyena sakhyA vajreNa dhRSNo apatA nudasva ||\\
\EN{621120801} sa tu shrudhIndra nUtanasya brahmaNyato vIra kArudhAyaH |\\
\EN{621120802} tvaM hyApiH pradivi pitR^INAM shashvad babhUtha suhava eSTau ||\\
\EN{621120901} protaye varuNaM mitramindraM marutaH kRSvAvase no adya |\\
\EN{621120902} pra pUSaNaM viSNumagniM purandhiM savitAramoSadhIH parvatAMshca ||\\
\EN{621121001} ima u tvA purushAka prayajyo jaritAro abhyarcantyarkaiH |\\
\EN{621121002} shrudhI havamA huvato huvAno na tvAvAnanyo amRta tvadasti ||\\
\EN{621121101} nU ma A vAcamupa yAhi vidvAn vishvebhiH sUno sahaso yajatraiH |\\
\EN{621121102} ye agnijihvA RtasApa Asurye manuM cakruruparaM dasAya ||\\
\EN{621121201} sa no bodhi puraetA sugeSUta durgeSu pathikRd vidAnaH |\\
\EN{621121202} ye ashramAsa uravo vahiSThAstebhirna indrAbhi vakSi vAjam ||\\
\EN{622130101} ya eka id dhavyashcarSaNInAmindraM taM gIrbhirabhyarca AbhiH |\\
\EN{622130102} yaH patyate vRSabho vRSNyAvAn satyaH satvA purumAyaH sahasvAn ||\\
\EN{622130201} tamu naH pUrve pitaro navagvAH sapta viprAso abhi vAjayantaH |\\
\EN{622130202} nakSaddAbhaM taturiM parvateSThAmadroghavAcaM matibhiH shaviSTham ||\\
\EN{622130301} tamImaha indramasya rAyaH puruvIrasya nRvataH purukSoH |\\
\EN{622130302} yo askRdhoyurajaraH svarvAn tamA bhara harivo mAdayadhyai ||\\
\EN{622130401} tan no vi voco yadi te purA cijjaritAra AnashuH sumnamindra |\\
\EN{622130402} kaste bhAgaH kiM vayo dudhra khidvaH puruhUta purUvaso.asuraghnaH ||\\
\EN{622130501} taM pRchantI vajrahastaM ratheSThAmindraM vepI vakvarIyasya nU gIH |\\
\EN{622130502} tuvigrAbhaM tuvikUrmiM rabhodAM gAtumiSe nakSate tumramacha ||\\
\EN{622140601} ayA ha tyaM mAyayA vAvRdhAnaM manojuvA svatavaH parvatena |\\
\EN{622140602} acyutA cid vILitA svojo rujo vi dRLhA dhRSatA virapshin ||\\
\EN{622140701} taM vo dhiyA navyasyA shaviSThaM pratnaM pratnavat paritaMsayadhyai |\\
\EN{622140702} sa no vakSadanimAnaH suvahmendro vishvAnyatidurgahANi ||\\
\EN{622140801} A janAya druhvaNe pArthivAni divyAni dIpayo.antarikSA |\\
\EN{622140802} tapA vRSan vishvataH shociSA tAn brahmadviSe shocaya kSAmapashca ||\\
\EN{622140901} bhuvo janasya divyasya rAjA pArthivasya jagatastveSasandRk |\\
\EN{622140902} dhiSva vajraM dakSiNa indra haste vishvA ajurya dayase vi mAyAH ||\\
\EN{622141001} A saMyatamindra NaH svastiM shatrutUryAya bRhatImamRdhrAm |\\
\EN{622141002} yayA dAsAnyAryANi vRtrA karo vajrin sutukA nAhuSANi ||\\
\EN{622141101} sa no niyudbhiH puruhUta vedho vishvavArAbhirA gahi prayajyo |\\
\EN{622141102} na yA adevo varate na deva AbhiryAhi tUyamA madryadrik ||\\
\EN{623150101} suta it tvaM nimishla indra some stome brahmaNi shasyamAnaukthe |\\
\EN{623150102} yad vA yuktAbhyAM maghavan haribhyAM bibhrad vajrambAhvorindra yAsi ||\\
\EN{623150201} yad vA divi pArye suSvimindra vRtrahatye.avasi shUrasAtau |\\
\EN{623150202} yad vA dakSasya bibhyuSo abibhyadarandhayaH shardhata indra dasyUn ||\\
\EN{623150301} pAtA sutamindro astu somaM praNenIrugro jaritAramUtI |\\
\EN{623150302} kartA vIrAya suSvaya u lokaM dAtA vasu stuvate kIraye cit ||\\
\EN{623150401} ganteyAnti savanA haribhyAM babhrirvajraM papiH somaM dadirgAH |\\
\EN{623150402} kartA vIraM naryaM sarvavIraM shrotA havaMgRNata stomavAhAH ||\\
\EN{623150501} asmai vayaM yad vAvAna tad viviSma indrAya yo naH pradivo apas kaH |\\
\EN{623150502} sute some stumasi shaMsadukthendrAya brahma vardhanaM yathAsat ||\\
\EN{623160601} brahmANi hi cakRSe vardhanAni tAvat ta indra matibhirviviSmaH |\\
\EN{623160602} sute some sutapAH shantamAni rAndryA kriyAsma vakSaNAni yaj~naiH ||\\
\EN{623160701} sa no bodhi puroLAshaM rarANaH pibA tu somaM goRjIkamindra |\\
\EN{623160702} edaM barhiryajamAnasya sIdoruM kRdhi tvAyata u lokam ||\\
\EN{623160801} sa mandasvA hyanu joSamugra pra tvA yaj~nAsa ime ashnuvantu |\\
\EN{623160802} preme havAsaH puruhUtamasme A tveyaM dhIravasa indra yamyAH ||\\
\EN{623160901} taM vaH sakhAyaH saM yathA suteSu somebhirIM pRNatA bhojamindram |\\
\EN{623160902} kuvit tasmA asati no bharAya na suSvimindro.avase mRdhAti ||\\
\EN{623161001} evedindraH sute astAvi some bharadvAjeSu kSayadin maghonaH |\\
\EN{623161002} asad yathA jaritra uta sUririndro rAyo vishvavArasya dAtA ||\\
\EN{624170101} vRSA mada indre shloka ukthA sacA someSu sutapA RjISI |\\
\EN{624170102} arcatryo maghavA nRbhya ukthairdyukSo rAjA girAmakSitotiH ||\\
\EN{624170201} taturirvIro naryo vicetAH shrotA havaM gRNata urvyUtiH |\\
\EN{624170202} vasuH shaMso narAM kArudhAyA vAjI stuto vidathe dAti vAjam ||\\
\EN{624170301} akSo na cakryoH shUra bRhan pra te mahnA ririce rodasyoH |\\
\EN{624170302} vRkSasya nu te puruhUta vayA vyUtayo ruruhurindra pUrvIH ||\\
\EN{624170401} shacIvataste purushAka shAkA gavAmiva srutayaH saMcaraNIH |\\
\EN{624170402} vatsAnAM na tantayasta indra dAmanvanto adAmAnaH sudAman ||\\
\EN{624170501} anyadadya karvaramanyadu shvo.asacca san muhurAcakririndraH |\\
\EN{624170502} mitro no atra varuNashca pUSAryo vashasya paryetAsti ||\\
\EN{624180601} vi tvadApo na parvatasya pRSThAdukthebhirindrAnayanta yaj~naiH |\\
\EN{624180602} taM tvAbhiH suSTutibhirvAjayanta AjiM na jagmurgirvAho ashvAH ||\\
\EN{624180701} na yaM jaranti sharado na mAsA na dyAva indramavakarshayanti |\\
\EN{624180702} vRddhasya cid vardhatAmasya tanU stomebhirukthaishcashasyamAnA ||\\
\EN{624180801} na vILave namate na sthirAya na shardhate dasyujUtAya stavAn |\\
\EN{624180802} ajrA indrasya girayashcid RSvA gambhIre cid bhavatigAdhamasmai ||\\
\EN{624180901} gambhIreNa na uruNAmatrin preSo yandhi sutapAvan vAjAn |\\
\EN{624180902} sthA U Su Urdhva UtI ariSaNyannaktorvyuSTau paritakmyAyAm ||\\
\EN{624181001} sacasva nAyamavase abhIka ito vA tamindra pAhi riSaH |\\
\EN{624181002} amA cainamaraNye pAhi riSo madema shatahimAH suvIrAH ||\\
\EN{625190101} yA ta UtiravamA yA paramA yA madhyamendra shuSminnasti |\\
\EN{625190102} tAbhirU Su vRtrahatye.avIrna ebhishca vAjairmahAnna ugra ||\\
\EN{625190201} Abhi spRdho mithatIrariSaNyannamitrasya vyathayA manyumindra |\\
\EN{625190202} AbhirvishvA abhiyujo viSUcIrAryAya visho.ava tArIrdAsIH ||\\
\EN{625190301} indra jAmaya uta ye.ajAmayo.arvAcInAso vanuSo yuyujre |\\
\EN{625190302} tvameSAM vithurA shavAMsi jahi vRSNyAni kRNuhI parAcaH ||\\
\EN{625190401} shUro vA shUraM vanate sharIraistanUrucA taruSi yat kRNvaite |\\
\EN{625190402} toke vA goSu tanaye yadapsu vi krandasI urvarAsu bravaite ||\\
\EN{625190501} nahi tvA shUro na turo na dhRSNurna tvA yodho manyamAno yuyodha |\\
\EN{625190502} indra nakiS TvA pratyastyeSAM vishvA jAtAnyabhyasi tAni ||\\
\EN{625200601} sa patyata ubhayornRmNamayoryadI vedhasaH samithe havante |\\
\EN{625200602} vRtre vA maho nRvati kSaye vA vyacasvantA yadi vitantasaite ||\\
\EN{625200701} adha smA te carSaNayo yadejAnindra trAtota bhavA varUtA |\\
\EN{625200702} asmAkAso ye nRtamAso arya indra sUrayo dadhire puronaH ||\\
\EN{625200801} anu te dAyi maha indriyAya satrA te viSvamanu vRtrahatye |\\
\EN{625200802} anu kSatramanu saho yajatrendra devebhiranu te nRSahye ||\\
\EN{625200901} evA na spRdhaH samajA samatsvindra rArandhi mithatIradevIH |\\
\EN{625200902} vidyAma vastoravasA gRNanto bharadvAjA uta ta indra nUnam ||\\
\EN{626210101} shrudhI na indra hvayAmasi tvA maho vAjasya sAtau vAvRSANAH |\\
\EN{626210102} saM yad visho.ayanta shUrasAtA ugraM no.avaH pArye ahan dAH ||\\
\EN{626210201} tvAM vAjI havate vAjineyo maho vAjasya gadhyasya sAtau |\\
\EN{626210202} tvAM vRtreSvindra satpatiM tarutraM tvAM caSTe muSTihA goSu yudhyan ||\\
\EN{626210301} tvaM kaviM codayo.arkasAtau tvaM kutsAya shuSNaM dAshuSe vark |\\
\EN{626210302} tvaM shiro amarmaNaH parAhannatithigvAya shaMsyaM kariSyan ||\\
\EN{626210401} tvaM rathaM pra bharo yodhaM RSvamAvo yudhyantaM vRSabhaM dashadyum |\\
\EN{626210402} tvaM tugraM vetasave sacAhan tvaM tujiM gRNantamindra tUtoH ||\\
\EN{626210501} tvaM tadukthamindra barhaNA kaH pra yacchatA sahasrAshUra darSi |\\
\EN{626210502} ava girerdAsaM shambaraM han prAvo divodAsaM citrAbhirUtI ||\\
\EN{626220601} tvaM shraddhAbhirmandasAnaH somairdabhItaye cumurimindrasiSvap |\\
\EN{626220602} tvaM rajiM piThInase dashasyan SaSTiM sahasrAshacyA sacAhan ||\\
\EN{626220701} ahaM cana tat sUribhirAnashyAM tava jyAya indra sumnamojaH |\\
\EN{626220702} tvayA yat stavante sadhavIra vIrAstrivarUthena nahuSA shaviSTha ||\\
\EN{626220801} vayaM te asyAmindra dyumnahUtau sakhAyaH syAma mahina preSThAH |\\
\EN{626220802} prAtardaniH kSatrashrIrastu shreSTho ghane vRtrANAM sanaye dhanAnAm ||\\
\EN{627230101} kimasya made kiM vasya pItAvindraH kimasya sakhye cakAra |\\
\EN{627230102} raNA vA ye niSadi kiM te asya pura vividre kimu nUtanAsaH ||\\
\EN{627230201} sadasya made sad vasya pitavindraH sadasya sakhye cakAra |\\
\EN{627230202} raNA vA ye niSadi sat te asya pura vividre sadu nUtanAsaH ||\\
\EN{627230301} nahi nu te mahimanaH samasya na maghavan maghavattvasya vidma |\\
\EN{627230302} na rAdhaso\-rAdhaso nUtanasyendra nakirdadRsha indriyaM te ||\\
\EN{627230401} etat tyat ta indriyamaceti yenAvadhIrvarashikhasya sheSaH |\\
\EN{627230402} vajrasya yat te nihatasya shuSmAt svanAccidindra paramodadAra ||\\
\EN{627230501} vadhIdindro varashikhasya sheSo.abhyAvartine cAyamAnAya shikSan |\\
\EN{627230502} vRcIvato yad dhariyUpIyAyAM han pUrve ardhe bhiyasAparo dart ||\\
\EN{627240601} triMshacchataM varmiNa indra sAkaM yavyAvatyAM puruhUta shravasyA |\\
\EN{627240602} vRcIvantaH sharave patyamAnAH pAtrA bhindAnanyarthAnyAyan ||\\
\EN{627240701} yasya gAvAvaruSA sUyavasyU antarU Su carato rerihANA |\\
\EN{627240702} sa sR~njayAya turvashaM parAdAd vRcIvato daivavAtAyashikSan ||\\
\EN{627240801} dvayAnagne rathino viMshatiM gA vadhUmato maghavA mahyaM samrAT |\\
\EN{627240802} abhyAvartI cAyamAno dadAti dUNAsheyaM dakSiNA pArthavAnAm ||\\
\EN{628250101} A gAvo agmannuta bhadramakran sIdantu goSThe raNayantvasme |\\
\EN{628250102} prajAvatIH pururUpA iha syurindrAya pUrvIruSaso duhAnAH ||\\
\EN{628250201} indro yajvane pRNate ca shikSatyuped dadAti na svaM muSAyati |\\
\EN{628250202} bhUyo\-bhUyo rayimidasya vardhayannabhinne khilye nidadhAti devayum ||\\
\EN{628250301} na tA nashanti na dabhAti taskaro nAsAmAmitro vyathirAdadharSati |\\
\EN{628250302} devAMshca yAbhiryajate dadAti ca jyogit tAbhiH sacate gopatiH saha ||\\
\EN{628250401} na tA arvA reNukakATo ashnute na saMskRtatramupa yanti tA abhi |\\
\EN{628250402} urugAyamabhayaM tasya tA anu gAvo martasya vicaranti yajvanaH ||\\
\EN{628250501} gAvo bhago gAva indro me achAn gAvaH somasya prathamasya bhakSaH |\\
\EN{628250502} imA yA gAvaH sa janAsa indra ichAmId dhRdAmanasA cidindram ||\\
\EN{628250601} yUyaM gAvo medayathA kRshaM cidashrIraM cit kRNuthA supratIkam |\\
\EN{628250602} bhadraM gRhaM kRNutha bhadravAco bRhad vo vaya ucyate sabhAsu ||\\
\EN{628250701} prajAvatIH sUyavasaM rishantIH shuddhA apaH suprapANepibantIH |\\
\EN{628250702} mA va stena Ishata mAghashaMsaH pari vo hetI rudrasya vRjyAH ||\\
\EN{628250801} upedamupaparcanamAsu goSUpa pRcyatAm |\\
\EN{628250802} upa RSabhasya retasyupendra tava vIrye ||\\
\EN{629010101} indraM vo naraH sakhyAya sepurmaho yantaH sumataye cakAnAH |\\
\EN{629010102} maho hi dAtA vajrahasto asti mahAmu raNvamavase yajadhvam ||\\
\EN{629010201} A yasmin haste naryA mimikSurA rathe hiraNyaye ratheSThAH |\\
\EN{629010202} A rashmayo gabhastyo sthUrayorAdhvannashvAso vRSaNo yujAnAH ||\\
\EN{629010301} shriye te pAdA duva A mimikSurdhRSNurvajrI shavasA dakSiNAvAn |\\
\EN{629010302} vasAno atkaM surabhiM dRshe kaM svarNa nRtaviSiro babhUtha ||\\
\EN{629010401} sa soma AmishlatamaH suto bhUd yasmin paktiH pacyate santidhAnAH |\\
\EN{629010402} indraM nara stuvanto brahmakArA ukthA shaMsanto devavAtatamAH ||\\
\EN{629010501} na te antaH shavaso dhAyyasya vi tu bAbadhe rodasI mahitvA |\\
\EN{629010502} A tA sUriH pRNati tUtujAno yUthevApsu samIjamAna UtI ||\\
\EN{629010601} evedindraH suhava RSvo astUtI anUtI hirishipraH satvA |\\
\EN{629010602} evA hi jAto asamAtyojAH purU ca vRtrA hanati ni dasyUn ||\\
\EN{630020101} bhUya id vAvRdhe vIryAyaneko ajuryo dayate vasUni |\\
\EN{630020102} pra ririce diva indraH pRthivyA ardhamidasya prati rodasI ubhe ||\\
\EN{630020201} adhA manye bRhadasuryamasya yAni dAdhAra nakirA minAti |\\
\EN{630020202} dive\-dive sUryo darshato bhUd vi sadmAnyurviyA sukraturdhAt ||\\
\EN{630020301} adyA cin nU cit tadapo nadInAM yadAbhyo arado gAtumindra |\\
\EN{630020302} ni parvatA admasado na sedustvayA dRLhAni sukrato rajAMsi ||\\
\EN{630020401} satyamit tan na tvAvAnanyo astIndra devo na martyo jyAyAn |\\
\EN{630020402} ahannahiM parishayAnamarNo.avAsRjo apo achA samudram ||\\
\EN{630020501} tvamapo vi duro viSUcIrindra dRLhamarujaH parvatasya |\\
\EN{630020502} rAjAbhavo jagatashcarSaNInAM sAkaM sUryaM janayan dyAmuSAsam ||\\
\EN{631030101} abhUreko rayipate rayINAmA hastayoradhithA indra kRSTIH |\\
\EN{631030102} vi toke apsu tanaye ca sUre.avocanta carSaNayo vivAcaH ||\\
\EN{631030201} tvad bhiyendra pArthivAni vishvAcyutA ciccyAvayante rajAMsi |\\
\EN{631030202} dyAvAkSAmA parvatAso vanAni vishvaM dRLhaM bhayate ajmannA te ||\\
\EN{631030301} tvaM kutsenAbhi shuSNamindrAshuSaM yudhya kuyavaM gaviSTau |\\
\EN{631030302} dasha prapitve adha sUryasya muSAyashcakramaviverapAMsi ||\\
\EN{631030401} tvaM shatAnyava shambarasya puro jaghanthApratIni sasyoH |\\
\EN{631030402} ashikSo yatra shacyA shacIvo divodAsAya sunvate sutakre bharadvAjAya gRNate vasUni ||\\
\EN{631030501} sa satyasatvan mahate raNAya rathamA tiSTha tuvinRmNa bhImam |\\
\EN{631030502} yAhi prapathinnavasopa madrik pra ca shruta shrAvaya carSaNibhyaH ||\\
\EN{632040101} apUrvyA purutamAnyasmai mahe vIrAya tavase turAya |\\
\EN{632040102} virapshine vajriNe shantamAni vacAMsyAsA sthavirAya takSam ||\\
\EN{632040201} sa mAtarA sUryeNA kavInAmavAsayad rujadadriM gRNAnaH |\\
\EN{632040202} svAdhIbhirRkvabhirvAvashAna udusriyANAmasRjan nidAnam ||\\
\EN{632040301} sa vahnibhirRkvabhirgoSu shashvan mitaj~nubhiH purukRtvA jigAya |\\
\EN{632040302} puraH purohA sakhibhiH sakhIyan dRLhA ruroja kavibhiH kaviH san ||\\
\EN{632040401} sa nIvyAbhirjaritAramachA maho vAjebhirmahadbhishca shuSmaiH |\\
\EN{632040402} puruvIrAbhirvRSabha kSitInAmA girvaNaH suvitAya pra yAhi ||\\
\EN{632040501} sa sargeNa shavasA takto atyairapa indro dakSiNatasturASAT |\\
\EN{632040502} itthA sRjAnA anapAvRdarthaM dive\-dive viviSurapramRSyam ||\\
\EN{633050101} ya ojiSTha indra taM su no dA mado vRSan svabhiSTirdAsvAn |\\
\EN{633050102} sauvashvyaM yo vanavat svashvo vRtrA samatsu sAsahadamitrAn ||\\
\EN{633050201} tvAM hIndrAvase vivAco havante carSaNayaH shUrasAtau |\\
\EN{633050202} tvaM viprebhirvi paNInrashAyastvota it sanitA vAjamarvA ||\\
\EN{633050301} tvaM tAnindrobhayAnamitrAn dAsA vRtrANyAryA ca shUra |\\
\EN{633050302} vadhIrvaneva sudhitebhiratkairA pRtsu darSi nRNAM nRtama ||\\
\EN{633050401} sa tvaM na indrAkavAbhirUtI sakhA vishvAyuravitA vRdhe bhUH |\\
\EN{633050402} svarSAtA yad dhvayAmasi tvA yudhyanto nemadhitApRtsu shUra ||\\
\EN{633050501} nUnaM na indrAparAya ca syA bhavA mRLIka uta no abhiSTau |\\
\EN{633050502} itthA gRNanto mahinasya sharman divi SyAma pArye goSatamAH ||\\
\EN{634060101} saM ca tve jagmurgira indra pUrvIrvi ca tvad yanti vibhvomanISAH |\\
\EN{634060102} pUrA nUnaM ca stutaya RSINAM paspRdhra indre adhyukthArkA ||\\
\EN{634060201} puruhUto yaH purugUrta RbhvAnekaH puruprashasto asti yaj~naiH |\\
\EN{634060202} ratho na mahe shavase yujAno.asmAbhirindro anumAdyo bhUt ||\\
\EN{634060301} na yaM hiMsanti dhItayo na vANIrindraM nakSantIdabhi vardhayantIH |\\
\EN{634060302} yadi stotAraH shataM yat sahasraM gRNanti girvaNasaM shaM tadasmai ||\\
\EN{634060401} asmA etad divyarceva mAsA mimikSa indre nyayAmi somaH |\\
\EN{634060402} janaM na dhanvannabhi saM yadApaH satrA vAvRdhurhavanAni yaj~naiH ||\\
\EN{634060501} asmA etan mahyAN^gUSamasmA indrAya stotraM matibhiravAci |\\
\EN{634060502} asad yathA mahati vRtratUrya indro vishvAyuravitA vRdhashca ||\\
\EN{635070101} kadA bhuvan rathakSayANi brahma kadA stotre sahasrapoSyandAH |\\
\EN{635070102} kadA stomaM vAsayo.asya rAyA kadA dhiyaH karasi vAjaratnAH ||\\
\EN{635070201} karhi svit tadindra yan nRbhirnR^In vIrairvIrAn nILayAse jayAjIn |\\
\EN{635070202} tridhAtu gA adhi jayAsi goSvindra dyumnaMsvarvad dhehyasme ||\\
\EN{635070301} karhi svit tadindra yajjaritre viSvapsu brahma kRNavaH shaviSTha |\\
\EN{635070302} kadA dhiyo na niyuto yuvAse kadA gomaghA havanAni gachAH ||\\
\EN{635070401} sa gomaghA jaritre ashvashcandrA vAjashravaso adhi dhehi pRkSaH |\\
\EN{635070402} pIpihISaH sudughAmindra dhenuM bharadvAjeSu suruco rurucyAH ||\\
\EN{635070501} tamA nUnaM vRjanamanyathA cicchUro yacchakra vi durogRNISe |\\
\EN{635070502} mA niraraM shukradughasya dhenorAN^girasAn brahmaNA vipra jinva ||\\
\EN{636080101} satrA madAsastava vishvajanyAH satrA rAyo.adha ye pArthivAsaH |\\
\EN{636080102} satrA vAjAnAmabhavo vibhaktA yad deveSu dhArayathA asuryam ||\\
\EN{636080201} anu pra yeje jana ojo asya satrA dadhire anu vIryAya |\\
\EN{636080202} syUmagRbhe dudhaye.arvate ca kratuM vR~njantyapi vRtrahatye ||\\
\EN{636080301} taM sadhrIcIrUtayo vRSNyAni pauMsyAni niyutaH sashcurindram |\\
\EN{636080302} samudraM na sindhava ukthashuSmA uruvyacasaM giraA vishanti ||\\
\EN{636080401} sa rAyas khAmupa sRjA gRNAnaH purushcandrasya tvamindravasvaH |\\
\EN{636080402} patirbabhUthAsamo janAnAmeko vishvasya bhuvanasya rAjA ||\\
\EN{636080501} sa tu shrudhi shrutyA yo duvoyurdyaurna bhUmAbhi rAyoaryaH |\\
\EN{636080502} aso yathA naH shavasA cakAno yuge\-yuge vayasA cekitAnaH ||\\
\EN{637090101} arvAg rathaM vishvavAraM ta ugrendra yuktAso harayo vahantu |\\
\EN{637090102} kIrishcid dhi tvA havate svarvAn RdhImahi sadhamAdasteadya ||\\
\EN{637090201} pro droNe harayaH karmAgman punAnAsa Rjyanto abhUvan |\\
\EN{637090202} indro no asya pUrvyaH papIyAd dyukSo madasya somyasya rAjA ||\\
\EN{637090301} AsasrANAsaH shavasAnamachendraM sucakre rathyAso ashvAH |\\
\EN{637090302} abhi shrava Rjyanto vaheyurnU cin nu vAyoramRtaM vidasyet ||\\
\EN{637090401} variSTho asya dakSiNAmiyartIndro maghonAM tuvikUrmitamaH |\\
\EN{637090402} yayA vajrivaH pariyAsyaMho maghA ca dhRSNo dayase vi sUrIn ||\\
\EN{637090501} indro vAjasya sthavirasya dAtendro gIrbhirvardhatAM vRddhamahAH |\\
\EN{637090502} indro vRtraM haniSTho astu satvA tA sUriH pRNati tUtujAnaH ||\\
\EN{638100101} apAdita udu nashcitratamo mahIM bharSad dyumatImindrahUtim |\\
\EN{638100102} panyasIM dhItiM daivyasya yAma~n janasya rAtiM vanate sudAnuH ||\\
\EN{638100201} dUrAccidA vasato asya karNA ghoSAdindrasya tanyati bruvANaH |\\
\EN{638100202} eyamenaM devahUtirvavRtyAn madryagindramiyaM RcyamAnA ||\\
\EN{638100301} taM vo dhiyA paramayA purAjAmajaramindramabhyanUSyarkaiH |\\
\EN{638100302} brahmA ca giro dadhire samasmin mahAMshca stomo adhi vardhadindre ||\\
\EN{638100401} vardhAd yaM yaj~na uta soma indraM vardhAd brahma gira ukthA ca manma |\\
\EN{638100402} vardhAhainamuSaso yAmannaktorvardhAn mAsAH sharado dyAva indram ||\\
\EN{638100501} evA jaj~nAnaM sahase asAmi vAvRdhAnaM rAdhase ca shrutAya |\\
\EN{638100502} mahAmugramavase vipra nUnamA vivAsema vRtratUryeSu ||\\
\EN{639110101} mandrasya kaverdivyasya vahnervipramanmano vacanasya madhvaH |\\
\EN{639110102} apA nastasya sacanasya deveSo yuvasva gRNate goagrAH ||\\
\EN{639110201} ayamushAnaH paryadrimusra RtadhItibhirRtayug yujAnaH |\\
\EN{639110202} rujadarugNaM vi valasya sAnuM paNInrvacobhirabhi yodhadindraH ||\\
\EN{639110301} ayaM dyotayadadyuto vyaktUn doSA vastoH sharada indurindra |\\
\EN{639110302} imaM ketumadadhurnU cidahnAM shucijanmana uSasashcakAra ||\\
\EN{639110401} ayaM rocayadaruco rucAno.ayaM vAsayad vy Rtena pUrvIH |\\
\EN{639110402} ayamIyata RtayugbhirashvaiH svarvidA nAbhinA carSaNiprAH ||\\
\EN{639110501} nU gRNAno gRNate pratna rAjanniSaH pinva vasudeyAya pUrvIH |\\
\EN{639110502} apa oSadhIraviSA vanAni gA arvato nR^In Rcase rirIhi ||\\
\EN{640120101} indra piba tubhyaM suto madAyAva sya harI vi mucA sakhAyA |\\
\EN{640120102} uta pra gAya gaNa A niSadyAthA yaj~nAya gRNate vayo dhAH ||\\
\EN{640120201} asya piba yasya jaj~nAna indra madAya kratve apibo virapshin |\\
\EN{640120202} tamu te gAvo nara Apo adririnduM samahyan pItaye samasmai ||\\
\EN{640120301} samiddhe agnau suta indra soma A tvA vahantu harayo vahiSThAH |\\
\EN{640120302} tvAyatA manasA johavImIndrA yAhi suvitAya mahe naH ||\\
\EN{640120401} A yAhi shashvadushatA yayAthendra mahA manasA somapeyam |\\
\EN{640120402} upa brahmANi shRNava imA no.athA te yaj~nastanve vayo dhAt ||\\
\EN{640120501} yadindra divi pArye yad Rdhag yad vA sve sadane yatra vAsi |\\
\EN{640120502} ato no yaj~namavase niyutvAn sajoSAH pAhi girvaNo marudbhiH ||\\
\EN{641130101} aheLamAna upa yAhi yaj~naM tubhyaM pavanta indavaH sutAsaH |\\
\EN{641130102} gAvo na vajrin svamoko achendrA gahi prathamo yaj~niyAnAm ||\\
\EN{641130201} yA te kAkut sukRtA yA variSThA yayA shashvat pibasi madhva Urmim |\\
\EN{641130202} tayA pAhi pra te adhvaryurasthAt saM te vajrovartatAmindra gavyuH ||\\
\EN{641130301} eSa drapso vRSabho vishvarUpa indrAya vRSNe samakAri somaH |\\
\EN{641130302} etaM piba hariva sthAtarugra yasyeshiSe pradivi yasteannam ||\\
\EN{641130401} sutaH somo asutAdindra vasyAnayaM shreyA~ncikituSe raNAya |\\
\EN{641130402} etaM titirva upa yAhi yaj~naM tena vishvAstaviSIrA pRNasva ||\\
\EN{641130501} hvayAmasi tvendra yAhyarvAM araM te somastanve bhavAti |\\
\EN{641130502} shatakrato mAdayasvA suteSu prAsmAnava pRtanAsu pra vikSu ||\\
\EN{642140101} pratyasmai pipISate vishvAni viduSe bhara |\\
\EN{642140102} araMgamAya jagmaye.apashcAddaghvane nare ||\\
\EN{642140201} emenaM pratyetana somebhiH somapAtamam |\\
\EN{642140202} amatrebhirRjISiNamindraM sutebhirindubhiH ||\\
\EN{642140301} yadI sutebhirindubhiH somebhiH pratibhUSatha |\\
\EN{642140302} vedA vishvasya medhiro dhRSat taM\-tamideSate ||\\
\EN{642140401} asmA\-asmA idandhaso.adhvaryo pra bharA sutam |\\
\EN{642140402} kuvit samasya jenyasya shardhato.abhishasteravasparat ||\\
\EN{643150101} yasya tyacchambaraM made divodAsAya randhayaH |\\
\EN{643150102} ayaM sa soma indra te sutaH piba ||\\
\EN{643150201} yasya tIvrasutaM madaM madhyamantaM ca rakSase |\\
\EN{643150202} ayaM sa... ||\\
\EN{643150301} yasya gA antarashmano made dRLhA avAsRjaH |\\
\EN{643150302} ayaM sa .. . ||\\
\EN{643150401} yasya mandAno andhaso mAghonaM dadhiSe shavaH |\\
\EN{643150402} ayaM sa... ||\\
\EN{644160101} yo rayivo rayintamo yo dyumnairdyumnavattamaH |\\
\EN{644160102} somaH sutaH sa indra te.asti svadhApate madaH ||\\
\EN{644160201} yaH shagmastuvishagma te rAyo dAmA matInAm |\\
\EN{644160202} somaH sutaH ... ||\\
\EN{644160301} yena vRddho na shavasA turo na svAbhirUtibhiH |\\
\EN{644160302} somaH sutaH ... ||\\
\EN{644160401} tyamu vo aprahaNaM gRNISe shavasas patim |\\
\EN{644160402} indraM vishvAsAhaM naraM maMhiSThaM vishvacarSaNim ||\\
\EN{644160501} yaM vardhayantId giraH patiM turasya rAdhasaH |\\
\EN{644160502} taminnvasya rodasI devI shuSmaM saparyataH ||\\
\EN{644170601} tad va ukthasya barhaNendrAyopastRNISaNi |\\
\EN{644170602} vipo na yasyotayo vi yad rohanti sakSitaH ||\\
\EN{644170701} avidad dakSaM mitro navIyAn papAno devebhyo vasyo acait |\\
\EN{644170702} sasavAn staulAbhirdhautarIbhiruruSyA pAyurabhavat sakhibhyaH ||\\
\EN{644170801} Rtasya pathi vedhA apAyi shriye manAMsi devAso akran |\\
\EN{644170802} dadhAno nAma maho vacobhirvapurdRshaye venyo vyAvaH ||\\
\EN{644170901} dyumattamaM dakSaM dhehyasme sedhA janAnAM pUrvIrarAtIH |\\
\EN{644170902} varSIyo vayaH kRNuhi shacIbhirdhanasya sAtAvasmAnaviDDhi ||\\
\EN{644171001} indra tubhyamin maghavannabhUma vayaM dAtre harivo mA vivenaH |\\
\EN{644171002} nakirApirdadRshe martyatrA kimaN^ga radhracodanantvAhuH ||\\
\EN{644181101} mA jasvane vRSabha no rarIthA mA te revataH sakhye riSAma |\\
\EN{644181102} pUrvIS Ta indra niSSidho janeSu jahyasuSvIn pra vRhApRNataH ||\\
\EN{644181201} udabhrANIva stanayanniyartIndro rAdhAMsyashvyAni gavyA |\\
\EN{644181202} tvamasi pradivaH kArudhAyA mA tvAdAmAna A dabhanmaghonaH ||\\
\EN{644181301} adhvaryo vIra pra mahe sutAnAmindrAya bhara sa hyasya rAjA |\\
\EN{644181302} yaH pUrvyAbhiruta nUtanAbhirgIrbhirvAvRdhe gRNatAM RSINAm ||\\
\EN{644181401} asya made puru varpAMsi vidvAnindro vRtrANyapratI jaghAna |\\
\EN{644181402} tamu pra hoSi madhumantamasmai somaM vIrAya shipriNe pibadhyai ||\\
\EN{644181501} pAtA sutamindro astu somaM hantA vRtraM vajreNa mandasAnaH |\\
\EN{644181502} gantA yaj~naM parAvatashcidachA vasurdhInAmavitA kArudhAyAH ||\\
\EN{644191601} idaM tyat pAtramindrapAnamindrasya priyamamRtamapAyi |\\
\EN{644191602} matsad yathA saumanasAya devaM vyasmad dveSo yuyavad vyaMhaH ||\\
\EN{644191701} enA mandAno jahi shUra shatrU~n jAmimajAmiM maghavannamitrAn |\\
\EN{644191702} abhiSeNAnabhyAdedishAnAn parAca indra pra mRNAjahI ca ||\\
\EN{644191801} Asu SmA No maghavannindra pRtsvasmabhyaM mahi varivaH sugaM kaH |\\
\EN{644191802} apAM tokasya tanayasya jeSa indra sUrIn kRNuhismA no ardham ||\\
\EN{644191901} A tvA harayo vRSaNo yujAnA vRSarathAso vRSarashmayo.atyAH |\\
\EN{644191902} asmatrA~nco vRSaNo vajravAho vRSNe madAya suyujovahantu ||\\
\EN{644192001} A te vRSan vRSaNo droNamasthurghRtapruSo normayo madantaH |\\
\EN{644192002} indra pra tubhyaM vRSabhiH sutAnAM vRSNe bharantivRSabhAya somam ||\\
\EN{644202101} vRSAsi divo vRSabhaH pRthivyA vRSA sindhUnAM vRSabhastiyAnAm |\\
\EN{644202102} vRSNe ta indurvRSabha pIpAya svAdU raso madhupeyo varAya ||\\
\EN{644202201} ayaM devaH sahasA jAyamAna indreNa yujA paNimastabhAyat |\\
\EN{644202202} ayaM svasya piturAyudhAnInduramuSNAdashivasya mAyAH ||\\
\EN{644202301} ayamakRNoduSasaH supatnIrayaM sUrye adadhAjjyotirantaH |\\
\EN{644202302} ayaM tridhAtu divi rocaneSu triteSu vindadamRtaM nigULham ||\\
\EN{644202401} ayaM dyAvApRthivI vi SkabhAyadayaM rathamayunak saptarashmim |\\
\EN{644202402} ayaM goSu shacyA pakvamantaH somo dAdhAra dashayantramutsam ||\\
\EN{645210101} ya Anayat parAvataH sunItI turvashaM yadum |\\
\EN{645210102} indraH sano yuvA sakhA ||\\
\EN{645210201} avipre cid vayo dadhadanAshunA cidarvatA |\\
\EN{645210202} indro jetA hitaM dhanam ||\\
\EN{645210301} mahIrasya praNItayaH pUrvIruta prashastayaH |\\
\EN{645210302} nAsya kSIyanta UtayaH ||\\
\EN{645210401} sakhAyo brahmavAhase.arcata pra ca gAyata |\\
\EN{645210402} sa hi naH pramatirmahI ||\\
\EN{645210501} tvamekasya vRtrahannavitA dvayorasi |\\
\EN{645210502} utedRshe yathA vayam ||\\
\EN{645220601} nayasId vati dviSaH kRNoSyukthashaMsinaH |\\
\EN{645220602} nRbhiH suvIra ucyase ||\\
\EN{645220701} brahmANaM brahmavAhasaM gIrbhiH sakhAyaM Rgmiyam |\\
\EN{645220702} gAMna dohase huve ||\\
\EN{645220801} yasya vishvAni hastayorUcurvasUni ni dvitA |\\
\EN{645220802} vIrasya pRtanASahaH ||\\
\EN{645220901} vi dRLhAni cidadrivo janAnAM shacIpate |\\
\EN{645220902} vRha mAyA anAnata ||\\
\EN{645221001} tamu tvA satya somapA indra vAjAnAM pate |\\
\EN{645221002} ahUmahi shravasyavaH ||\\
\EN{645231101} tamu tvA yaH purAsitha yo vA nUnaM hite dhane |\\
\EN{645231102} havyaHsa shrudhI havam ||\\
\EN{645231201} dhIbhirarvadbhirarvato vAjAnindra shravAyyAn |\\
\EN{645231202} tvayA jeSma hitaM dhanam ||\\
\EN{645231301} abhUru vIra girvaNo mahAnindra dhane hite |\\
\EN{645231302} bhare vitantasAyyaH ||\\
\EN{645231401} yA ta Utiramitrahan makSUjavastamAsati |\\
\EN{645231402} tayA no hinuhI ratham ||\\
\EN{645231501} sa rathena rathItamo.asmAkenAbhiyugvanA |\\
\EN{645231502} jeSi jiSNo hitaM dhanam ||\\
\EN{645241601} ya eka it tamu STuhi kRSTInAM vicarSaNiH |\\
\EN{645241602} patirjaj~ne vRSakratuH ||\\
\EN{645241701} yo gRNatAmidAsithApirUtI shivaH sakhA |\\
\EN{645241702} sa tvaMna indra mRLaya ||\\
\EN{645241801} dhiSva vajraM gabhastyo rakSohatyAya vajrivaH |\\
\EN{645241802} sAsahISThA abhi spRdhaH ||\\
\EN{645241901} pratnaM rayINAM yujaM sakhAyaM kIricodanam |\\
\EN{645241902} brahmavAhastamaM huve ||\\
\EN{645242001} sa hi vishvAni pArthivAneko vasUni patyate |\\
\EN{645242002} girvaNastamo adhriguH ||\\
\EN{645252101} sa no niyudbhirA pRNa kAmaM vAjebhirashvibhiH |\\
\EN{645252102} gomadbhirgopate dhRSat ||\\
\EN{645252201} tad vo gAya sute sacA puruhUtAya satvane |\\
\EN{645252202} shaM yad gave ||\\
\EN{645252201} na shAkine ||\\
\EN{645252301} na ghA vasurni yamate dAnaM vAjasya gomataH |\\
\EN{645252302} yat sImupa shravad giraH ||\\
\EN{645252401} kuvitsasya pra hi vrajaM gomantaM dasyuhA gamat |\\
\EN{645252402} shacIbhirapa no varat ||\\
\EN{645252501} imA u tvA shatakrato.abhi pra NonuvurgiraH |\\
\EN{645252502} indra vatsaMna mAtaraH ||\\
\EN{645262601} dUNAshaM sakhyaM tava gaurasi vIra gavyate |\\
\EN{645262602} ashvo ashvAyate bhava ||\\
\EN{645262701} sa mandasvA hyandhaso ... ||\\
\EN{645262801} imA u tvA sute\-sute nakSante girvaNo giraH |\\
\EN{645262802} vatsaM gAvona dhenavaH ||\\
\EN{645262901} purUtamaM purUNAM stotR^INAM vivAci |\\
\EN{645262902} vAjebhirvAjayatAm ||\\
\EN{645263001} asmAkamindra bhUtu te stomo vAhiSTho antamaH |\\
\EN{645263002} asmAn rAye mahe hinu ||\\
\EN{645263101} adhi bRbuH paNInAM varSiSThe mUrdhannasthAt |\\
\EN{645263102} uruH kakSo na gAN^gyaH ||\\
\EN{645263201} yasya vAyoriva dravad bhadrA rAtiH sahasriNI |\\
\EN{645263202} sadyo dAnAya maMhate ||\\
\EN{645263301} tat su no vishve arya A sadA gRNanti kAravaH |\\
\EN{645263302} bRbuM sahasradAtamaM sUriM sahasrasAtamam ||\\
\EN{646270101} tvAmid dhi havAmahe sAtA vAjasya kAravaH |\\
\EN{646270102} tvAM vRtreSvindra satpatiM narastvAM kASThAsvarvataH ||\\
\EN{646270201} sa tvaM nashcitra vajrahasta dhRSNuyA maha stavAno adrivaH |\\
\EN{646270202} gAmashvaM rathyamindra saM kira satrA vAjaM na jigyuSe ||\\
\EN{646270301} yaH satrAhA vicarSaNirindraM taM hUmahe vayam |\\
\EN{646270302} sahasramuSka tuvinRmNa satpate bhavA samatsu no vRdhe ||\\
\EN{646270401} bAdhase janAn vRSabheva manyunA ghRSau mILha RcISama |\\
\EN{646270402} asmAkaM bodhyavitA mahAdhane tanUSvapsu sUrye ||\\
\EN{646270501} indra jyeSThaM na A bharanojiSThaM papuri shravaH |\\
\EN{646270502} yeneme citra vajrahasta rodasI obhe sushipra prAH ||\\
\EN{646280601} tvAmugramavase carSaNIsahaM rAjan deveSu hUmahe |\\
\EN{646280602} vishvA su no vithurA pibdanA vaso.amitrAn suSahAn kRdhi ||\\
\EN{646280701} yadindra nAhuSISvAnojo nRmNaM ca kRSTiSu |\\
\EN{646280702} yad vApa~nca kSitInAM dyumnamA bhara satrA vishvAni pauMsyA ||\\
\EN{646280801} yad vA tRkSau maghavan druhyAvA jane yat pUrau kacca vRSNyam |\\
\EN{646280802} asmabhyaM tad rirIhi saM nRSAhye.amitrAn pRtsuturvaNe ||\\
\EN{646280901} indra tridhAtu sharaNaM trivarUthaM svastimat |\\
\EN{646280902} chardiryacha maghavadbhyashca mahyaM ca yAvayA didyumebhyaH ||\\
\EN{646281001} ye gavyatA manasA shatrumAdabhurabhipraghnanti dhRSNuyA |\\
\EN{646281002} adha smA no maghavannindra girvaNastanUpA antamo bhava ||\\
\EN{646291101} adha smA no vRdhe bhavendra nAyamavA yudhi |\\
\EN{646291102} yadantarikSepatayanti parNino didyavastigmamUrdhAnaH ||\\
\EN{646291201} yatra shUrAsastanvo vitanvate priyA sharma pitR^INAm |\\
\EN{646291202} adha smA yacha tanve tane ca chardiracittaM yAvaya dveSaH ||\\
\EN{646291301} yadindra sarge arvatashcodayAse mahAdhane |\\
\EN{646291302} asamane adhvanivRjine pathi shyenAniva shravasyatah ||\\
\EN{646291401} sindhUnriva pravaNa AshuyA yato yadi kloshamanu SvaNi |\\
\EN{646291402} A ye vayo na varvRtatyAmiSi gRbhItA bAhvorgavi ||\\
\EN{647300101} svAduS kilAyaM madhumAnutAyaM tIvraH kilAyaM rasavAnutAyam |\\
\EN{647300102} uto nvasya papivAMsamindraM na kashcanasahata AhaveSu ||\\
\EN{647300201} ayaM svAduriha madiSTha Asa yasyendro vRtrahatye mamAda |\\
\EN{647300202} purUNi yashcyautnA shambarasya vi navatiM nava ca dehyo han ||\\
\EN{647300301} ayaM me pIta udiyarti vacamayaM manISAmushatImajIgaH |\\
\EN{647300302} ayaM SaL urvIramimIta dhIro na yAbhyo bhuvanaM kaccanAre ||\\
\EN{647300401} ayaM sa yo varimANaM pRthivyA varSmANaM divo akRNodayaM saH |\\
\EN{647300402} ayaM pIyUSaM tisRSu pravatsu somo dAdhArorvantarikSam ||\\
\EN{647300501} ayaM vidaccitradRshIkamarNaH shukrasadmanAmuSasAmanIke |\\
\EN{647300502} ayaM mahAn mahatA skambhanenod dyAmastabhnAd vRSabhomarutvAn ||\\
\EN{647310601} dhRSat piba kalashe somamindra vRtrahA shUra samare vasUnAm |\\
\EN{647310602} mAdhyandine savana A vRSasva rayisthAno rayimasmAsu dhehi ||\\
\EN{647310701} indra pra NaH puraeteva pashya pra no naya prataraM vasyo acha |\\
\EN{647310702} bhavA supAro atipArayo no bhavA sunItiruta vAmanItiH ||\\
\EN{647310801} uruM no lokamanu neSi vidvAn svarvajjyotirabhayaM svasti |\\
\EN{647310802} RSvA ta indra sthavirasya bAhU upa stheyAma sharaNA bRhantA ||\\
\EN{647310901} variSThe na indra vandhure dhA vahiSThayoH shatAvannashvayorA |\\
\EN{647310902} iSamA vakSISAM varSiSThAM mA nastArIn maghavan rAyo aryaH ||\\
\EN{647311001} indra mRLa mahyaM jIvAtumicha codaya dhiyamayaso na dhArAm |\\
\EN{647311002} yat kiM cAhaM tvAyuridaM vadAmi tajjuSasva kRdhi mA devavantam ||\\
\EN{647321101} trAtAramindramavitAramindraM have\-have suhavaM shUramindram |\\
\EN{647321102} hvayAmi shakraM puruhUtamindraM svasti no maghavAdhAtvindraH ||\\
\EN{647321201} indraH sutrAmA svavAnavobhiH sumRLIko bhavatu vishvavedAH |\\
\EN{647321202} bAdhatAM dveSo abhayaM kRNotu suvIryasya patayaH syAma ||\\
\EN{647321301} tasya vayaM sumatau yaj~niyasyApi bhadre saumanase syAma |\\
\EN{647321302} sa sutrAmA svavAnindro asme ArAccid dveSaH sanutaryuyotu ||\\
\EN{647321401} ava tve indra pravato normirgiro brahmANi niyuto dhavante |\\
\EN{647321402} urU na rAdhaH savanA purUNyapo gA vajrin yuvase samindUn ||\\
\EN{647321501} ka IM stavat kaH pRNAt ko yajAte yadugramin maghavA vishvahAvet |\\
\EN{647321502} pAdAviva praharannanyam\-anyaM kRNoti pUrvamaparaM shacIbhiH ||\\
\EN{647331601} shRNve vIra ugram\-ugraM damAyannanyam\ anyamatinenIyamAnaH |\\
\EN{647331602} edhamAnadviL ubhayasya rAjA coSkUyate visha indro manuSyAn ||\\
\EN{647331701} parA pUrveSAM sakhyA vRNakti vitarturANo aparebhireti |\\
\EN{647331702} anAnubhUtIravadhUnvAnaH pUrvIrindraH sharadastartarIti ||\\
\EN{647331801} rUpaM\-rUpaM pratirUpo babhUva tadasya rUpaM praticakSaNAya |\\
\EN{647331802} indro mAyAbhiH pururUpa Iyate yuktA hyasya harayaHshatA dasha ||\\
\EN{647331901} yujAno haritA rathe bhUri tvaSTeha rAjati |\\
\EN{647331902} ko vishvAhA dviSataH pakSa Asata utAsIneSu sUriSu ||\\
\EN{647332001} agavyUti kSetramAgamna devA urvI satI bhUmiraMhUraNAbhUt |\\
\EN{647332002} bRhaspate pra cikitsA gaviSTAvitthA sate jaritraindra panthAm ||\\
\EN{647342101} dive\-dive sadRshIranyamardhaM kRSNA asedhatapa sadmanojAH |\\
\EN{647342102} ahan dAsA vRSabho vasnayantodavraje varcinaM shambaraM ca ||\\
\EN{647342201} prastoka in nu rAdhasasta indra dasha koshayIrdasha vAjino.adAt |\\
\EN{647342202} divodAsAdatithigvasya rAdhaH shAmbaraM vasu pratyagrabhISma ||\\
\EN{647342301} dashAshvAn dasha koshAn dasha vastrAdhibhojanA |\\
\EN{647342302} dasho hiraNyapiNDAn divodAsAdasAniSam ||\\
\EN{647342401} dasha rathAn praSTimataH shataM gA atharvabhyaH |\\
\EN{647342402} ashvathaH pAyave.adAt ||\\
\EN{647342501} mahi rAdho vishvajanyaM dadhAnAn bharadvAjAn sAr~njayo abhyayaSTa ||\\
\EN{647352601} vanaspate vIDvaN^go hi bhUyA asmatsakhA prataraNaH suvIraH |\\
\EN{647352602} gobhiH saMnaddho asi vILayasvAsthAtA te jayatu jetvAni ||\\
\EN{647352701} divas pRthivyAH paryoja udbhRtaM vanaspatibhyaH paryAbhRtaM sahaH |\\
\EN{647352702} apAmojmAnaM pari gobhirAvRtamindrasya vajraM haviSA rathaM yaja ||\\
\EN{647352801} indrasya vajro marutAmanIkaM mitrasya garbho varuNasya nAbhiH |\\
\EN{647352802} semAM no havyadAtiM juSANo deva ratha prati havyA gRbhAya ||\\
\EN{647352901} upa shvAsaya pRthivImuta dyAM purutrA te manutAM viSThitaM jagat |\\
\EN{647352902} sa dundubhe sajUrindreNa devairdUrAd davIyoapa sedha shatrUn ||\\
\EN{647353001} A krandaya balamojo na A dhA ni STanihi duritA bAdhamAnaH |\\
\EN{647353002} apa protha dundubhe duchunA ita indrasya muSTirasi vILayasva ||\\
\EN{647353101} AmUraja pratyAvartayemAH ketumad dundubhirvAvadIti |\\
\EN{647353102} samashvaparNAshcaranti no naro.asmAkamindra rathino jayantu ||\\
\EN{648010101} yaj~nA\-yaj~nA vo agnaye girA\-girA ca dakSase |\\
\EN{648010102} pra\-pra vayamamRtaM jAtavedasaM priyaM mitraM na shaMsiSam ||\\
\EN{648010201} Urjo napAtaM sa hinAyamasmayurdAshema havyadAtaye |\\
\EN{648010202} bhuvad vAjeSvavitA bhuvad vRdha uta trAtA tanUnAm ||\\
\EN{648010301} vRSA hyagne ajaro mahAn vibhAsyarciSA |\\
\EN{648010302} ajasreNa shociSA shoshucacchuce sudItibhiH su dIdihi ||\\
\EN{648010401} maho devAn yajasi yakSyAnuSak tava kratvota daMsanA |\\
\EN{648010402} arvAcaH sIM kRNuhyagne.avase rAsva vAjota vaMsva ||\\
\EN{648010501} yamApo adrayo vanA garbhaM Rtasya piprati |\\
\EN{648010502} sahasA yo mathito jAyate nRbhiH pRthivyA adhi sAnavi ||\\
\EN{648020601} A yaH paprau bhAnunA rodasI ubhe dhUmena dhAvate divi |\\
\EN{648020602} tirastamo dadRsha UrmyAsvA shyAvAsvaruSo vRSA shyAvA aruSo vRSA ||\\
\EN{648020701} bRhadbhiragne arcibhiH shukreNa deva shociSA |\\
\EN{648020702} bharadvAje samidhAno yaviSThya revan naH shukra dIdihi dyumat pAvaka dIdihi ||\\
\EN{648020801} vishvAsAM gRhapatirvishAmasi tvamagne mAnuSINAm |\\
\EN{648020802} shataM pUrbhiryaviSTha pAhyaMhasaH sameddhAraM shataM himA stotRbhyo ye ca dadati ||\\
\EN{648020901} tvaM nashcitra UtyA vaso rAdhAMsi codaya |\\
\EN{648020902} asya rAyastvamagne rathIrasi vidA gAdhaM tuce tu naH ||\\
\EN{648021001} parSi tokaM tanayaM partRbhiS TvamadabdhairaprayutvabhiH |\\
\EN{648021002} agne heLAMsi daivyA yuyodhi no.adevAni hvarAMsi ca ||\\
\EN{648031101} A sakhAyaH sabardughAM dhenumajadhvamupa navyasA vacaH |\\
\EN{648031102} sRjadhvamanapasphurAm ||\\
\EN{648031201} yA shardhAya mArutAya svabhAnave shravo.amRtyu dhukSata |\\
\EN{648031202} yA mRLIke marutAM turANAM yA sumnairevayAvarI ||\\
\EN{648031301} bharadvAjAyAva dhukSata dvitA |\\
\EN{648031302} dhenuM ca vishvadohasamiSaM ca vishvabhojasam ||\\
\EN{648031401} taM va indraM na sukratuM varuNamiva mAyinam |\\
\EN{648031402} aryamaNaM na mandraM sRprabhojasaM viSNuM na stuSa Adishe ||\\
\EN{648031501} tveSaM shardho na mArutaM tuviSvaNyanarvANaM pUSaNaM saM yathA shatA |\\
\EN{648031502} saM sahasrA kAriSaccarSaNibhya AnAvirgULhA vasU karat suvedA no vasU karat ||\\
\EN{648031601} A mA pUSannupa drava shaMsiSaM nu te apikarNa AghRNe |\\
\EN{648031602} aghA aryo arAtayaH ||\\
\EN{648041701} mA kAkambIramud vRho vanaspatimashastIrvi hi nInashaH |\\
\EN{648041702} mota sUro aha evA cana grIvA Adadhate veH ||\\
\EN{648041801} dRteriva te.avRkamastu sakhyam |\\
\EN{648041802} achidrasya dadhanvataH supUrNasya dadhanvataH ||\\
\EN{648041901} paro hi martyairasi samo devairuta shriyA |\\
\EN{648041902} abhi khyaH pUSan pRtanAsu nastvamavA nUnaM yathA purA ||\\
\EN{648042001} vAmI vAmasya dhUtayaH praNItirastu sUnRtA |\\
\EN{648042002} devasya vAmaruto martyasya vejAnasya prayajyavaH ||\\
\EN{648042101} sadyashcid yasya carkRtiH pari dyAM devo naiti sUryaH |\\
\EN{648042102} tveSaM shavo dadhire nAma yaj~niyaM maruto vRtrahaM shavo jyeSThaM vRtrahaM shavaH ||\\
\EN{648042201} sakRd dha dyaurajAyata sakRd bhUmirajAyata |\\
\EN{648042202} pRshnyA dugdhaM sakRt payastadanyo nAnu jAyate ||\\
\EN{649050101} stuSe janaM suvrataM navyasIbhirgIrbhirmitrAvaruNA sumnayantA |\\
\EN{649050102} ta A gamantu ta iha shruvantu sukSatrAso varuNomitro agniH ||\\
\EN{649050201} visho\-visha IDyamadhvareSvadRptakratumaratiM yuvatyoH |\\
\EN{649050202} divaH shishuM sahasaH sUnumagniM yaj~nasya ketumaruSaM yajadhyai ||\\
\EN{649050301} aruSasya duhitarA virUpe stRbhiranyA pipishe sUro anyA |\\
\EN{649050302} mithasturA vicarantI pAvake manma shrutaM nakSata RcyamAne ||\\
\EN{649050401} pra vAyumachA bRhatI manISA bRhadrayiM vishvavAraM rathaprAm |\\
\EN{649050402} dyutadyAmA niyutaH patyamAnaH kaviH kavimiyakSasi prayajyo ||\\
\EN{649050501} sa me vapushchadayadashvinoryo ratho virukmAn manasA yujAnaH |\\
\EN{649050502} yena narA nAsatyeSayadhyai vartiryAthastanayAya tmane ca ||\\
\EN{649060601} parjanyavAtA vRSabhA pRthivyAH purISANi jinvatamapyAni |\\
\EN{649060602} satyashrutaH kavayo yasya gIrbhirjagata sthAtarjagadAkRNudhvam ||\\
\EN{649060701} pAvIravI kanyA citrAyuH sarasvatI vIrapatnI dhiyaM dhAt |\\
\EN{649060702} gnAbhirachidraM sharaNaM sajoSA durAdharSaM gRNate sharma yaMsat ||\\
\EN{649060801} pathas\-pathaH paripatiM vacasyA kAmena kRto abhyAnaL arkam |\\
\EN{649060802} sa no rAsacchurudhashcandrAgrA dhiyaM\-dhiyaM sISadhAti pra pUSA ||\\
\EN{649060901} prathamabhAjaM yashasaM vayodhAM supANiM devaM sugabhastiM Rbhvam |\\
\EN{649060902} hotA yakSad yajataM pastyAnAmagnistvaSTAraM suhavaM vibhAvA ||\\
\EN{649061001} bhuvanasya pitaraM gIrbhirAbhI rudraM divA vardhayA rudramaktau |\\
\EN{649061002} bRhantaM RSvamajaraM suSumnaM Rdhag ghuvema kavineSitAsaH ||\\
\EN{649071101} A yuvAnaH kavayo yaj~niyAso maruto ganta gRNato varasyAm |\\
\EN{649071102} acitraM cid dhi jinvathA vRdhanta itthA nakSanto naro aN^girasvat ||\\
\EN{649071201} pra vIrAya pra tavase turAyAjA yUtheva pashurakSirastam |\\
\EN{649071202} sa pispRshati tanvi shrutasya stRbhirna nAkaM vacanasyavipaH ||\\
\EN{649071301} yo rajAMsi vimame pArthivAni trishcid viSNurmanave bAdhitAya |\\
\EN{649071302} tasya te sharmannupadadyamAne rAyA madema tanvA tanA ca ||\\
\EN{649071401} tan no.ahirbudhnyo abdhirarkaistat parvatastat savitA cano dhAt |\\
\EN{649071402} tadoSadhIbhirabhi rAtiSAco bhagaH purandhirjinvatu pra rAye ||\\
\EN{649071501} nu no rayiM rathyaM carSaNiprAM puruvIraM maha Rtasya gopAm |\\
\EN{649071502} kSayaM dAtAjaraM yena janAn spRdho adevIrabhi cakramAma visha AdevIrabhyashnavAma ||\\
\EN{650080101} huve vo devImaditiM namobhirmRLIkAya varuNaM mitramagnim |\\
\EN{650080102} abhikSadAmaryamaNaM sushevaM trAtR^In devAn savitAraM bhagaM ca ||\\
\EN{650080201} sujyotiSaH sUrya dakSapitR^InanAgAstve sumaho vIhi devAn |\\
\EN{650080202} dvijanmAno ya RtasApaH satyAH svarvanto yajatA agnijihvAH ||\\
\EN{650080301} uta dyAvApRthivI kSatramuru bRhad rodasI sharaNaM suSumne |\\
\EN{650080302} mahas karatho varivo yathA no.asme kSayAya dhiSaNe anehaH ||\\
\EN{650080401} A no rudrasya sUnavo namantAmadyA hUtAso vasavo.adhRSTAH |\\
\EN{650080402} yadImarbhe mahati vA hitAso bAdhe maruto ahvAma devAn ||\\
\EN{650080501} mimyakSa yeSu rodasI nu devI siSakti pUSA abhyardhayajvA |\\
\EN{650080502} shrutvA havaM maruto yad dha yAtha bhUmA rejante adhvani pravikte ||\\
\EN{650090601} abhi tyaM vIraM girvaNasamarcendraM brahmaNA jaritarnavena |\\
\EN{650090602} shravadid dhavamupa ca stavAno rAsad vAjAnupa maho gRNAnaH ||\\
\EN{650090701} omAnamApo mAnuSIramRktaM dhAta tokAya tanayAya shaMyoH |\\
\EN{650090702} yUyaM hi SThA bhiSajo mAtRtamA vishvasya sthAturjagato janitrIH ||\\
\EN{650090801} A no devaH savitA trAyamANo hiraNyapANiryajato jagamyAt |\\
\EN{650090802} yo datravAnuSaso na pratIkaM vyUrNute dAshuSe vAryANi ||\\
\EN{650090901} uta tvaM sUno sahaso no adyA devAnasminnadhvare vavRtyAH |\\
\EN{650090902} syAmahaM te sadamid rAtau tava syAmagne.avasA suvIraH ||\\
\EN{650091001} uta tyA me havamA jagmyAtaM nAsatyA dhIbhiryuvamaN^ga viprA |\\
\EN{650091002} atriM na mahastamaso.amumuktaM tUrvataM narA duritAdabhIke ||\\
\EN{650101101} te no rAyo dyumato vAjavato dAtAro bhUta nRvataH purukSoH |\\
\EN{650101102} dashasyanto divyAH pArthivAso gojAtA apyA mRlatA cadevAH ||\\
\EN{650101201} te no rudraH sarasvatI sajoSA mILhuSmanto viSNurmRLantu vAyuH |\\
\EN{650101202} RbhukSA vAjo daivyo vidhAtA parjanyAvAtA pipyatAmiSaM naH ||\\
\EN{650101301} uta sya devaH savitA bhago no.apAM napAdavatu dAnu papriH |\\
\EN{650101302} tvaSTA devebhirjanibhiH sajoSA dyaurdevebhiH pRthivI samudraiH ||\\
\EN{650101401} uta no.ahirbudhnyaH shRNotvaja ekapAt pRthivI samudraH |\\
\EN{650101402} vishve devA RtAvRdho huvAnA stutA mantrAH kavishastA avantu ||\\
\EN{650101501} evA napAto mama tasya dhIbhirbharadvAjA abhyarcantyarkaiH |\\
\EN{650101502} gnA hutAso vasavo.adhRSTA vishve stutAso bhUtA yajatrAH ||\\
\EN{651110101} udu tyaccakSurmahi mitrayorAneti priyaM varuNayoradabdham |\\
\EN{651110102} Rtasya shuci darshatamanIkaM rukmo na diva uditAvyadyaut ||\\
\EN{651110201} veda yastrINi vidathAnyeSAM devAnAM janma sanutarA ca vipraH |\\
\EN{651110202} Rju marteSu vRjinA ca pashyannabhi caSTe sUro arya evAn ||\\
\EN{651110301} stuSa u vo maha Rtasya gopAnaditiM mitraM varuNaM sujAtAn |\\
\EN{651110302} aryamaNaM bhagamadabdhadhItInachA voce sadhanyaH pAvakAn ||\\
\EN{651110401} rishAdasaH satpatInradabdhAn maho rAj~naH suvasanasya dAtR^In |\\
\EN{651110402} yUnaH sukSatrAn kSayato divo nR^InAdityAn yAmyaditiM duvoyu ||\\
\EN{651110501} dyauS pitaH pRthivi mAtaradhrugagne bhrAtarvasavo mRLatA naH |\\
\EN{651110502} vishva AdityA adite sajoSA asmabhyaM sharma bahulaM vi yanta ||\\
\EN{651120601} mA no vRkAya vRkye samasmA aghAyate rIradhatA yajatrAH |\\
\EN{651120602} yUyaM hi SThA rathyo nastanUnAM yUyaM dakSasya vacaso babhUva ||\\
\EN{651120701} mA va eno anyakRtaM bhujema mA tat karma vasavo yaccayadhve |\\
\EN{651120702} vishvasya hi kSayatha vishvadevAH svayaM ripustanvaM rIriSISTa ||\\
\EN{651120801} nama idugraM nama A vivAse namo dAdhAra pRthivImuta dyAm |\\
\EN{651120802} namo devebhyo nama Isha eSAM kRtaM cideno namasAvivAse ||\\
\EN{651120901} Rtasya vo rathyaH pUtadakSAn Rtasya pastyasado adabdhAn |\\
\EN{651120902} tAnA namobhirurucakSaso nR^In vishvAn va A name maho yajatrAH ||\\
\EN{651121001} te hi shreSThavarcasasta u nastiro vishvAni duritA nayanti |\\
\EN{651121002} sukSatrAso varuNo mitro agnir{R}tadhItayo vakmarAjasatyAH ||\\
\EN{651131101} te na indraH pRthivI kSAma vardhan pUSA bhago aditiH pa~nca janAH |\\
\EN{651131102} susharmANaH svavasaH sunIthA bhavantu naHsutrAtrAsaH sugopAH ||\\
\EN{651131201} nU sadmAnaM divyaM naMshi devA bhAradvAjaH sumatiM yAti hotA |\\
\EN{651131202} AsAnebhiryajamAno miyedhairdevAnAM janma vasUyurvavanda ||\\
\EN{651131301} apa tyaM vRjinaM ripuM stenamagne durAdhyam |\\
\EN{651131302} daviSThamasya satpate kRdhI sugam ||\\
\EN{651131401} grAvANaH soma no hi kaM sakhitvanAya vAvashuH |\\
\EN{651131402} jahI nyatriNaM paNiM vRko hi SaH ||\\
\EN{651131501} yUyaM hi SThA sudAnava indrajyeSThA abhidyavaH |\\
\EN{651131502} kartA no adhvannA sugaM gopA amA ||\\
\EN{651131601} api panthAmaganmahi svastigAmanehasam |\\
\EN{651131602} yena vishvAH paridviSo vRNakti vindate vasu ||\\
\EN{652140101} na tad divA na pRthivyAnu manye na yaj~nena nota shamIbhirAbhiH |\\
\EN{652140102} ubjantu taM subhvaH parvatAso ni hIyatAmatiyAjasya yaSTA ||\\
\EN{652140201} ati vA yo maruto manyate no brahma vA yaH kriyamANaM ninitsAt |\\
\EN{652140202} tapUMSi tasmai vRjinAni santu brahmadviSamabhi taM shocatu dyauH ||\\
\EN{652140301} kimaN^ga tvA brahmaNaH soma gopAM kimaN^ga tvAhurabhishastipAM naH |\\
\EN{652140302} kimaN^ga naH pashyasi nidyamAnAn brahmadviSe tapuSiM hetimasya ||\\
\EN{652140401} avantu mAmuSaso jAyamAnA avantu mA sindhavaH pinvamAnAH |\\
\EN{652140402} avantu mA parvatAso dhruvAso.avantu mA pitaro devahUtau ||\\
\EN{652140501} vishvadAnIM sumanasaH syAma pashyema nu sUryamuccarantam |\\
\EN{652140502} tathA karad vasupatirvasUnAM devAnohAno.avasAgamiSThaH ||\\
\EN{652150601} indro nediSThamavasAgamiSThaH sarasvatI sindhubhiH pinvamAnA |\\
\EN{652150602} parjanyo na oSadhIbhirmayobhuragniH sushaMsaH suhavaH piteva ||\\
\EN{652150701} vishve devAsa A gata shRNutA ma imaM havam |\\
\EN{652150702} edaM barhirni SIdata ||\\
\EN{652150801} yo vo devA ghRtasnunA havyena pratibhUSati |\\
\EN{652150802} taM vishva upa gachatha ||\\
\EN{652150901} upa naH sUnavo giraH shRNvantvamRtasya ye |\\
\EN{652150902} sumRLIkA bhavantu naH ||\\
\EN{652151001} vishve devA RtAvRdha RtubhirhavanashrutaH |\\
\EN{652151002} juSantAM yujyaM payaH ||\\
\EN{652161101} stotramindro marudgaNastvaSTRmAn mitro aryamA |\\
\EN{652161102} imA havyA juSanta naH ||\\
\EN{652161201} imaM no agne adhvaraM hotarvayunasho yaja |\\
\EN{652161202} cikitvAn daivyaM janam ||\\
\EN{652161301} vishve devAH shRNutemaM havaM me ye antarikSe ya upa dyavi STha |\\
\EN{652161302} ye agnijihvA uta vA yajatrA AsadyAsmin barhiSi mAdayadhvam ||\\
\EN{652161401} vishve devA mama shRNvantu yaj~niyA ubhe rodasI apAM napAcca manma |\\
\EN{652161402} mA vo vacAMsi paricakSyANi vocaM sumneSvid vo antamA madema ||\\
\EN{652161501} ye ke ca jmA mahino ahimAyA divo jaj~nire apAM sadhasthe |\\
\EN{652161502} te asmabhyamiSaye vishvamAyuH kSapa usrA varivasyantudevAH ||\\
\EN{652161601} agnIparjanyAvavataM dhiyaM me.asmin have suhavA suSTutiMnaH |\\
\EN{652161602} iLAmanyo janayad garbhamanyaH prajAvatIriSa A dhattamasme ||\\
\EN{652161701} stIrNe barhiSi samidhAne agnau sUktena mahA namasA vivAse |\\
\EN{652161702} asmin no adya vidathe yajatrA vishve devA haviSi mAdayadhvam ||\\
\EN{653170101} vayamu tvA pathas pate rathaM na vAjasAtaye |\\
\EN{653170102} dhiye pUSannayujmahi ||\\
\EN{653170201} abhi no naryaM vasu vIraM prayatadakSiNam |\\
\EN{653170202} vAmaM gRhapatiM naya ||\\
\EN{653170301} aditsantaM cidAghRNe pUSan dAnAya codaya |\\
\EN{653170302} paNeshcid vimradA manaH ||\\
\EN{653170401} vi patho vAjasAtaye cinuhi vi mRdho jahi |\\
\EN{653170402} sAdhantAmugra no dhiyaH ||\\
\EN{653170501} pari tRndhi paNInAmArayA hRdayA kave |\\
\EN{653170502} athemasmabhyaM randhaya ||\\
\EN{653180601} vi pUSannArayA tuda paNericha hRdi priyam |\\
\EN{653180602} atheM ... ||\\
\EN{653180701} A rikha kikirA kRNu paNInAM hRdayA kave |\\
\EN{653180702} atheM ... ||\\
\EN{653180801} yAM pUSan brahmacodanImArAM bibharSyAghRNe |\\
\EN{653180802} tayA samasya hRdayamA rikha kikirA kRNu ||\\
\EN{653180901} yA te aSTrA goopashAghRNe pashusAdhanI |\\
\EN{653180902} tasyAste sumnamImahe ||\\
\EN{653181001} uta no goSaNiM dhiyamashvasAM vAjasAmuta |\\
\EN{653181002} nRvat kRNuhi vItaye ||\\
\EN{654190101} saM pUSan viduSA naya yo a~njasAnushAsati |\\
\EN{654190102} ya evedamiti bravat ||\\
\EN{654190201} samu pUSNA gamemahi yo gRhAnabhishAsati |\\
\EN{654190202} ima eveti cabravat ||\\
\EN{654190301} pUSNashcakraM na riSyati na kosho.ava padyate |\\
\EN{654190302} no asya vyathate paviH ||\\
\EN{654190401} yo asmai haviSAvidhan na taM pUSApi mRSyate |\\
\EN{654190402} prathamo vidate vasu ||\\
\EN{654190501} pUSA gA anvetu naH puSA rakSatvarvataH |\\
\EN{654190502} pUSA vAjaM sanotu naH ||\\
\EN{654200601} pUSannanu pra gA ihi yajamAnasya sunvataH |\\
\EN{654200602} asmAkaM stuvatAmuta ||\\
\EN{654200701} mAkirneshan mAkIM riSan mAkIM saM shAri kevaTe |\\
\EN{654200702} athAriSTAbhirA gahi ||\\
\EN{654200801} shRNvantaM pUSaNaM vayamiryamanaSTavedasam |\\
\EN{654200802} IshAnaMrAya Imahe ||\\
\EN{654200901} pUSan tava vrate vayaM na riSyema kadA cana |\\
\EN{654200902} stotArasta iha smasi ||\\
\EN{654201001} pari pUSA parastAd dhastaM dadhAtu dakSiNam |\\
\EN{654201002} punarno naSTamAjatu ||\\
\EN{655210101} ehi vAM vimuco napAdAghRNe saM sacAvahai |\\
\EN{655210102} rathIr{R}tasya no bhava ||\\
\EN{655210201} rathItamaM kapardinamIshAnaM rAdhaso mahaH |\\
\EN{655210202} rAyaH sakhAyamImahe ||\\
\EN{655210301} rAyo dhArAsyAghRNe vaso rAshirajAshva |\\
\EN{655210302} dhIvato\-dhIvataH sakhA ||\\
\EN{655210401} pUSaNaM nvajAshvamupa stoSAma vAjinam |\\
\EN{655210402} svasuryo jAra ucyate ||\\
\EN{655210501} mAturdidhiSumabravaM svasurjAraH shRNotu naH |\\
\EN{655210502} bhrAtendrasya sakhA mama ||\\
\EN{655210601} AjAsaH pUSaNaM rathe nishRmbhAste janashriyam |\\
\EN{655210602} devaM vahantu bibhrataH ||\\
\EN{656220101} ya enamAdideshati karambhAditi pUSaNam |\\
\EN{656220102} na tena deva Adishe ||\\
\EN{656220201} uta ghA sa rathItamaH sakhyA satpatiryujA |\\
\EN{656220202} indro vRtrANi jighnate ||\\
\EN{656220301} utAdaH paruSe gavi sUrashcakraM hiraNyayam |\\
\EN{656220302} nyairayadrathItamaH ||\\
\EN{656220401} yadadya tvA puruSTuta bravAma dasra mantumaH |\\
\EN{656220402} tat su no manma sAdhaya ||\\
\EN{656220501} imaM ca no gaveSaNaM sAtaye sISadho gaNam |\\
\EN{656220502} ArAt pUSannasi shrutaH ||\\
\EN{656220601} A te svastimImaha AreaghAmupAvasum |\\
\EN{656220602} adyA ca sarvatAtaye shvashca sarvatAtaye ||\\
\EN{657230101} indrA nu pUSaNA vayaM sakhyAya svastaye |\\
\EN{657230102} huvema vAjasAtaye ||\\
\EN{657230201} somamanya upAsadat pAtave camvoH sutam |\\
\EN{657230202} karambhamanya ichati ||\\
\EN{657230301} ajA anyasya vahnayo harI anyasya sambhRtA |\\
\EN{657230302} tAbhyAM vRtrANi jighnate ||\\
\EN{657230401} yadindro anayad rito mahIrapo vRSantamaH |\\
\EN{657230402} tatra pUSAbhavat sacA ||\\
\EN{657230501} tAM pUSNaH sumatiM vayaM vRkSasya pra vayAmiva |\\
\EN{657230502} indrasya cA rabhAmahe ||\\
\EN{657230601} ut pUSaNaM yuvAmahe.abhIshUnriva sArathiH |\\
\EN{657230602} mahyA indraM svastaye ||\\
\EN{658240101} shukraM te anyad yajataM te anyad viSurUpe ahanI dyaurivAsi |\\
\EN{658240102} vishvA hi mAyA avasi svadhAvo bhadrA te pUSanniharAtirastu ||\\
\EN{658240201} ajAshvaH pashupA vAjapastyo dhiyaMjinvo bhuvane vishve arpitaH |\\
\EN{658240202} aSTrAM pUSA shithirAmudvarIvRjat saMcakSANobhuvanA deva Iyate ||\\
\EN{658240301} yAste pUSan nAvo antaH samudre hiraNyayIrantarikSe caranti |\\
\EN{658240302} tAbhiryAsi dUtyAM sUryasya kAmena kRta shrava ichamAnaH ||\\
\EN{658240401} pUSA subandhurdiva A pRthivyA iLas patirmaghavA dasmavarcAH |\\
\EN{658240402} yaM devAso adaduH sUryAyai kAmena kRtaM tavasaM sva~ncam ||\\
\EN{659250101} pra nu vocA suteSu vAM vIryA yAni cakrathuH |\\
\EN{659250102} hatAso vAM pitaro devashatrava indrAgnI jIvatho yuvam ||\\
\EN{659250201} baL itthA mahimA vAmindrAgnI paniSTha A |\\
\EN{659250202} samAno vAM janitA bhrAtarA yuvaM yamAvihehamAtarA ||\\
\EN{659250301} okivAMsA sute sacAnashvA saptI ivAdane |\\
\EN{659250302} indrA nvagnI avaseha vajriNA vayaM devA havAmahe ||\\
\EN{659250401} ya indrAgnI suteSu vAM stavat teSv RtAvRdhA |\\
\EN{659250402} joSavAkaM vadataH pajrahoSiNA na devA bhasathashcana ||\\
\EN{659250501} indrAgnI ko asya vAM devau martashciketati |\\
\EN{659250502} viSUco ashvAn yuyujAna Iyata ekaH samAna A rathe ||\\
\EN{659260601} indrAgnI apAdiyaM pUrvAgAt padvatIbhyaH |\\
\EN{659260602} hitvI shiro jihvayA vAvadaccarat triMshat padA nyakramIt ||\\
\EN{659260701} indrAgnI A hi tanvate naro dhanvAni bAhvoH |\\
\EN{659260702} mA no asmin mahAdhane parA varktaM gaviSTiSu ||\\
\EN{659260801} indrAgnI tapanti mAghA aryo arAtayaH |\\
\EN{659260802} apa dveSAMsyA kRtaM yuyutaM sUryAdadhi ||\\
\EN{659260901} indrAgnI yuvorapi vasu divyAni pArthivA |\\
\EN{659260902} A na iha prayachataM rayiM vishvAyupoSasam ||\\
\EN{659261001} indrAgnI ukthavAhasA stomebhirhavanashrutA |\\
\EN{659261002} vishvAbhirgIrbhirA gatamasya somasya pItaye ||\\
\EN{660270101} shnathad vRtramuta sanoti vAjamindrA yo agnI sahurI saparyAt |\\
\EN{660270102} irajyantA vasavyasya bhUreH sahastamA sahasA vAjayantA ||\\
\EN{660270201} tA yodhiSTamabhi gA indra nUnamapaH svaruSaso agna ULhaH |\\
\EN{660270202} dishaH svaruSasa indra citrA apo gA agne yuvase niyutvAn ||\\
\EN{660270301} A vRtrahaNA vRtrahabhiH shuSmairindra yAtaM namobhiragne arvAk |\\
\EN{660270302} yuvaM rAdhobhirakavebhirindrAgne asme bhavatamuttamebhiH ||\\
\EN{660270401} tA huve yayoridaM papne vishvaM purA kRtam |\\
\EN{660270402} indrAgnI namardhataH ||\\
\EN{660270501} ugrA vighaninA mRdha indrAgnI havAmahe |\\
\EN{660270502} tA no mRLAta IdRshe ||\\
\EN{660280601} hato vRtrANyAryA hato dAsAni satpatI |\\
\EN{660280602} hato vishvA apa dviSaH ||\\
\EN{660280701} indrAgnI yuvAmime.abhi stomA anUSata |\\
\EN{660280702} pibataM shambhuvA sutam ||\\
\EN{660280801} yA vAM santi puruspRho niyuto dAshuSe narA |\\
\EN{660280802} indrAgnI tAbhirA gatam ||\\
\EN{660280901} tAbhirA gachataM naropedaM savanaM sutam |\\
\EN{660280902} indrAgnI somapItaye ||\\
\EN{660281001} tamILiSva yo arciSA vanA vishvA pariSvajat |\\
\EN{660281002} kRSNAkRNoti jihvayA ||\\
\EN{660291101} ya iddha AvivAsati sumnamindrasya martyaH |\\
\EN{660291102} dyumnAya sutarA apaH ||\\
\EN{660291201} tA no vAjavatIriSa AshUn pipRtamarvataH |\\
\EN{660291202} indramagniM ca voLhave ||\\
\EN{660291301} ubhA vAmindrAgnI AhuvadhyA ubhA rAdhasaH saha mAdayadhyai |\\
\EN{660291302} ubhA dAtArAviSAM rayINAmubhA vAjasya sAtaye huve vAm ||\\
\EN{660291401} A no gavyebhirashvyairvasavyairupa gachatam |\\
\EN{660291402} sakhAyau devau sakhyAya shambhuvendrAgnI tA havAmahe ||\\
\EN{660291501} indrAgnI shRNutaM havaM yajamAnasya sunvataH |\\
\EN{660291502} vItaM havyAnyA gataM pibataM somyaM madhu ||\\
\EN{661300101} iyamadadAd rabhasaM RNacyutaM divodAsaM vadhryashvAya dAshuSe |\\
\EN{661300102} yA shashvantamAcakhAdAvasaM paNiM tA te dAtrANi taviSA sarasvati ||\\
\EN{661300201} iyaM shuSmebhirbisakhA ivArujat sAnu girINAM taviSebhirUrmibhiH |\\
\EN{661300202} pArAvataghnImavase suvRktibhiH sarasvatImA vivAsema dhItibhiH ||\\
\EN{661300301} sarasvati devanido ni barhaya prajAM vishvasya bRsayasya mAyinaH |\\
\EN{661300302} uta kSitibhyo.avanIravindo viSamebhyo asravo vAjinIvati ||\\
\EN{661300401} pra No devI sarasvatI vAjebhirvAjinIvatI |\\
\EN{661300402} dhInAmavitryavatu ||\\
\EN{661300501} yastvA devi sarasvatyupabrUte dhane hite |\\
\EN{661300502} indraM na vRtratUrye ||\\
\EN{661310601} tvaM devi sarasvatyavA vAjeSu vAjini |\\
\EN{661310602} radA pUSeva naHsanim ||\\
\EN{661310701} uta syA naH sarasvatI ghorA hiraNyavartaniH |\\
\EN{661310702} vRtraghnI vaSTi suSTutim ||\\
\EN{661310801} yasyA ananto ahrutastveSashcariSNurarNavaH |\\
\EN{661310802} amashcarati roruvat ||\\
\EN{661310901} sA no vishvA ati dviSaH svasR^IranyA RtAvarI |\\
\EN{661310902} atannaheva sUryaH ||\\
\EN{661311001} uta naH priyA priyAsu saptasvasA sujuSTA |\\
\EN{661311002} sarasvatI stomyA bhUt ||\\
\EN{661321101} ApapruSI pArthivAnyuru rajo antarikSam |\\
\EN{661321102} sarasvatI nidas pAtu ||\\
\EN{661321201} triSadhasthA saptadhAtuH pa~nca jAtA vardhayantI |\\
\EN{661321202} vAje\-vAje havyA bhUt ||\\
\EN{661321301} pra yA mahimnA mahinAsu cekite dyumnebhiranyA apasAmapastamA |\\
\EN{661321302} ratha iva bRhatI vibhvane kRtopastutyA cikituSA sarasvatI ||\\
\EN{661321401} sarasvatyabhi no neSi vasyo mApa spharIH payasA mA na Adhak |\\
\EN{661321402} juSasva naH sakhyA veshyA ca mA tvat kSetrANyaraNAni ganma ||\\
\EN{662010101} stuSe narA divo asya prasantAshvinA huve jaramANo arkaiH |\\
\EN{662010102} yA sadya usrA vyuSi jmo antAn yuyUSataH paryurUvarAMsi ||\\
\EN{662010201} tA yaj~namA shucibhishcakramANA rathasya bhAnuM rurucUrajobhiH |\\
\EN{662010202} purU varAMsyamitA mimAnApo dhanvAnyati yAtho ajrAn ||\\
\EN{662010301} tA ha tyad vartiryadaradhramugretthA dhiya UhathuH shashvadashvaiH |\\
\EN{662010302} manojavebhiriSiraiH shayadhyai pari vyathirdAshuSo martyasya ||\\
\EN{662010401} tA navyaso jaramANasya manmopa bhUSato yuyujAnasaptI |\\
\EN{662010402} shubhaM pRkSamiSamUrjaM vahantA hotA yakSat pratno adhrug yuvAnA ||\\
\EN{662010501} tA valgU dasrA purushAkatamA pratnA navyasA vacasA vivAse |\\
\EN{662010502} yA shaMsate stuvate shambhaviSThA babhUvaturgRNate citrarAtI ||\\
\EN{662020601} tA bhujyuM vibhiradbhyaH samudrAt tugrasya sUnumUhathUrajobhiH |\\
\EN{662020602} areNubhiryojanebhirbhujantA patatribhirarNasonirupasthAt ||\\
\EN{662020701} vi jayuSA rathyA yAtamadriM shrutaM havaM vRSaNA vadhrimatyAH |\\
\EN{662020702} dashasyantA shayave pipyathurgAmiti cyavAnA sumatiM bhuraNyU ||\\
\EN{662020801} yad rodasI pradivo asti bhUmA heLo devAnAmuta martyatrA |\\
\EN{662020802} tadAdityA vasavo rudriyAso rakSoyuje tapuraghaM dadhAta ||\\
\EN{662020901} ya IM rAjAnAv RtuthA vidadhad rajaso mitro varuNashciketat |\\
\EN{662020902} gambhIrAya rakSase hetimasya droghAya cid vacasa AnavAya ||\\
\EN{662021001} antaraishcakraistanayAya vartirdyumatA yAtaM nRvatA rathena |\\
\EN{662021002} sanutyena tyajasA martyasya vanuSyatAmapi shIrSAvavRktam ||\\
\EN{662021101} A paramAbhiruta madhyamAbhirniyudbhiryAtamavamAbhirarvAk |\\
\EN{662021102} dRLhasya cid gomato vi vrajasya duro vartaM gRNate citrarAtI ||\\
\EN{663030101} kva tyA valgU puruhUtAdya dUto na stomo.avidan namasvAn |\\
\EN{663030102} A yo arvAM nAsatyA vavarta preSThA hyasatho asya manman ||\\
\EN{663030201} araM me gantaM havanAyAsmai gRNAnA yathA pibAtho andhaH |\\
\EN{663030202} pari ha tyad vartiryAtho riSo na yat paro nAntarastuturyAt ||\\
\EN{663030301} akAri vAmandhaso varImannastAri barhiH suprAyaNatamam |\\
\EN{663030302} uttAnahasto yuvayurvavandA vAM nakSanto adraya A~njan ||\\
\EN{663030401} Urdhvo vAmagniradhvareSvasthAt pra rAtireti jUrNinIghRtAcI |\\
\EN{663030402} pra hotA gUrtamanA urANo.ayukta yo nAsatyA havIman ||\\
\EN{663030501} adhi shriye duhitA sUryasya rathaM tasthau purubhujA shatotim |\\
\EN{663030502} pra mAyAbhirmAyinA bhUtamatra narA nRtU janiman yaj~niyAnAm ||\\
\EN{663040601} yuvaM shrIbhirdarshatAbhirAbhiH shubhe puSTimUhathuHsUryAyAH |\\
\EN{663040602} pra vAM vayo vapuSe.anu paptan nakSad vANI suSTutA dhiSNyA vAm ||\\
\EN{663040701} A vAM vayo.ashvAso vahiSThA abhi prayo nAsatyA vahantu |\\
\EN{663040702} pra vAM ratho manojavA asarjISaH pRkSa iSidho anu pUrvIH ||\\
\EN{663040801} puru hi vAM purubhujA deSNaM dhenuM na iSaM pinvatamasakrAm |\\
\EN{663040802} stutashca vAM mAdhvI suSTutishca rasAshca ye vAmanu rAtimagman ||\\
\EN{663040901} uta ma Rjre purayasya raghvI sumILhe shataM peruke ca pakvA |\\
\EN{663040902} shANDo dAd dhiraNinaH smaddiSTIn dasha vashAso abhiSAca RSvAn ||\\
\EN{663041001} saM vAM shatA nAsatyA sahasrAshvAnAM purupanthA gire dAt |\\
\EN{663041002} bharadvAjAya vIra nU gire dAd dhatA rakSAMsi purudaMsasA syuH ||\\
\EN{663041101} A vAM sumne variman sUribhiH SyAm ||\\
\EN{664050101} udu shriya uSaso rocamAnA asthurapAM normayo rushantaH |\\
\EN{664050102} kRNoti vishvA supathA sugAnyabhUdu vasvI dakSiNAmaghonI ||\\
\EN{664050201} bhadrA dadRkSa urviyA vi bhAsyut te shocirbhAnavo dyAmapaptan |\\
\EN{664050202} AvirvakSaH kRNuSe shumbhamAnoSo devi rocamAnAmahobhiH ||\\
\EN{664050301} vahanti sImaruNAso rushanto gAvaH subhagAmurviyA prathAnAm |\\
\EN{664050302} apejate shUro asteva shatrUn bAdhate tamo ajiro navoLhA ||\\
\EN{664050401} sugota te supathA parvateSvavAte apastarasi svabhAno |\\
\EN{664050402} sA na A vaha pRthuyAmannRSve rayiM divo duhitariSayadhyai ||\\
\EN{664050501} sA vaha yokSabhiravAtoSo varaM vahasi joSamanu |\\
\EN{664050502} tvaM divo duhitaryA ha devI pUrvahUtau maMhanA darshatA bhUH ||\\
\EN{664050601} ut te vayash ... ||\\
\EN{665060101} eSA syA no duhitA divojAH kSitIruchantI mAnuSIrajIgaH |\\
\EN{665060102} yA bhAnunA rushatA rAmyAsvaj~nAyi tirastamasashcidaktUn ||\\
\EN{665060201} vi tad yayuraruNayugbhirashvaishcitraM bhAntyuSasashcandrarathAH |\\
\EN{665060202} agraM yaj~nasya bRhato nayantIrvi tA bAdhantetama UrmyAyAH ||\\
\EN{665060301} shravo vAjamiSamUrjaM vahantIrni dAshuSa uSaso martyAya |\\
\EN{665060302} maghonIrvIravat patyamAnA avo dhAta vidhate ratnamadya ||\\
\EN{665060401} idA hi vo vidhate ratnamastIdA vIrAya dAshuSa uSAsaH |\\
\EN{665060402} idA viprAya jarate yadukthA ni Sma mAvate vahatha pura cit ||\\
\EN{665060501} idA hi ta uSo adrisAno gotrA gavAmangiraso gRNanti |\\
\EN{665060502} vyarkeNa bibhidurbrahmaNA ca satyA nRNAmabhavad devahUtiH ||\\
\EN{665060601} uchA divo duhitaH pratnavan no bharadvAjavad vidhate maghoni |\\
\EN{665060602} suvIraM rayiM gRNate rirIhyurugAyamadhi dhehi shravo naH ||\\
\EN{666070101} vapurnu taccikituSe cidastu samAnaM nAma dhenu patyamAnam |\\
\EN{666070102} marteSvanyad dohase pIpAya sakRcchukraM duduhe pRshnirUdhaH ||\\
\EN{666070201} ye agnayo na shoshucannidhAnA dviryat trirmaruto vAvRdhanta |\\
\EN{666070202} are~navo hiraNyayAsa eSAM sAkaM nRmNaiH pauMsyebhishca bhUvan ||\\
\EN{666070301} rudrasya ye mILhuSaH santi putrA yAMshco nu dAdhRvirbharadhyai |\\
\EN{666070302} vide hi mAtA maho mahI SA set pRshniH subhve garbhamAdhAt ||\\
\EN{666070401} na ya iSante januSo.ayA nvantaH santo.avadyAni punAnAH |\\
\EN{666070402} niryad duhre shucayo.anu joSamanu shriyA tanvamukSamANAH ||\\
\EN{666070501} makSU na yeSu dohase cidayA A nAma dhRSNu mArutandadhAnAH |\\
\EN{666070502} na ye staunA ayAso mahnA nU cit sudAnurava vAsadugrAn ||\\
\EN{666080601} ta idugrAH shavasA dhRSNuSeNA ubhe yujanta rodasI sumeke |\\
\EN{666080602} adha smaiSu rodasI svashocirAmavatsu tasthau na rokaH ||\\
\EN{666080701} aneno vo maruto yAmo astvanashvashcid yamajatyarathIH |\\
\EN{666080702} anavaso anabhIshU rajastUrvi rodasI pathyA yAti sAdhan ||\\
\EN{666080801} nAsya vartA na tarutA nvasti maruto yamavatha vajasAtau |\\
\EN{666080802} toke vA goSu tanaye yamapsu sa vrajaM dartA pArye adha dyoH ||\\
\EN{666080901} pra citramarkaM gRNate turAya mArutAya svatavase bharadhvam |\\
\EN{666080902} ye sahAMsi sahasA sahante rejate agne pRthivI makhebhyaH ||\\
\EN{666081001} tviSImanto adhvarasyeva didyut tRSucyavaso juhvo nAgneH |\\
\EN{666081001} arcatrayo dhunayo na vIrA bhrAjajjanmAno maruto adhRSTAH ||\\
\EN{666081101} taM vRdhantaM mArutaM bhrAjadRSTiM rudrasya sUnuM havasA vivAse |\\
\EN{666081102} divaH shardhAya shucayo manISA girayo nApa ugrA aspRdhran ||\\
\EN{667090101} vishveSAM vaH satAM jyeSThatamA gIrbhirmitrAvaruNAvAvRdhadhyai |\\
\EN{667090102} saM yA rashmeva yamaturyamiSThA dvA janAnasamA bAhubhiH svaiH ||\\
\EN{667090201} iyaM mad vAM pra stRNIte manISopa priyA namasA barhiracha |\\
\EN{667090202} yantaM no mitrAvaruNAvadhRSTaM chardiryad vAM varUthyaM sudAnU ||\\
\EN{667090301} A yAtaM mitrAvaruNA sushastyupa priyA namasA hUyamAnA |\\
\EN{667090302} saM yAvapnaH stho apaseva janA~nchrudhIyatashcid yatatho mahitvA ||\\
\EN{667090401} ashvA na yA vAjinA pUtabandhU RtA yad garbhamaditirbharadhyai |\\
\EN{667090402} pra yA mahi mahAntA jAyamAnA ghorA martAyaripave ni dIdhaH ||\\
\EN{667090501} vishve yad vAM maMhanA mandamAnAH kSatraM devAso adadhuH sajoSAH |\\
\EN{667090502} pari yad bhUtho rodasI cidurvI santi spasho adabdhAso amUrAH ||\\
\EN{667100601} tA hi kSatraM dhArayethe anu dyUn dRMhethe sAnumupamAdiva dyoH |\\
\EN{667100602} dRLho nakSatra uta vishvadevo bhUmimAtAn dyAM dhAsinAyoH ||\\
\EN{667100701} tA vigraM dhaithe jaTharaM pRNadhyA A yat sadma sabhRtayaH pRNanti |\\
\EN{667100702} na mRSyante yuvatayo.avAtA vi yat payo vishvajinvA bharante ||\\
\EN{667100801} tA jihvayA sadamedaM sumedhA A yad vAM satyo aratir{R}te bhUt |\\
\EN{667100802} tad vAM mahitvaM ghRtAnnAvastu yuvaM dAshuSevi cayiSTamaMhaH ||\\
\EN{667100901} pra yad vAM mitrAvaruNA spUrdhan priyA dhAma yuvadhitA minanti |\\
\EN{667100902} na ye devAsa ohasA na martA ayaj~nasAco apyo naputrAH ||\\
\EN{667101001} vi yad vAcaM kIstAso bharante shaMsanti ke cin nivido manAnAH |\\
\EN{667101002} Ad vAM bravAma satyAnyukthA nakirdevebhiryatatho mahitvA ||\\
\EN{667101101} avoritthA vAM chardiSo abhiSTau yuvormitrAvaruNAvaskRdhoyu |\\
\EN{667101102} anu yad gAva sphurAn RjipyaM dhRSNuM yad raNevRSaNaM yunajan ||\\
\EN{668110101} shruSTI vAM yaj~na udyataH sajoSA manuSvad vRktabarhiSo yajadhyai |\\
\EN{668110102} A ya indrAvaruNAviSe adya mahe sumnAya maha Avavartat ||\\
\EN{668110201} tA hi shreSThA devatAtA tujA shUrANAM shaviSThAtA hi bhUtam |\\
\EN{668110202} maghonAM maMhiSThA tuvishuSma Rtena vRtraturA sarvasenA ||\\
\EN{668110301} tA gRNIhi namasyebhiH shUSaiH sumnebhirindrAvaruNA cakAnA |\\
\EN{668110302} vajreNAnyaH shavasA hanti vRtraM siSaktyanyo vRjaneSu vipraH ||\\
\EN{668110401} gnAshca yan narashca vAvRdhanta vishve devAso narAM svagUrtAH |\\
\EN{668110402} praibhya indrAvaruNA mahitvA dyaushca pRthivi bhUtamurvI ||\\
\EN{668110501} sa it sudAnuH svavAn RtAvendrA yo vAM varuNa dAshatitman |\\
\EN{668110502} iSA sa dviSastared dAsvAn vaMsad rayiM rayivatashca janAn ||\\
\EN{668120601} yaM yuvaM dAshvadhvarAya devA rayiM dhattho vasumantaM purukSum |\\
\EN{668120602} asme sa indrAvaruNAvapi SyAt pra yo bhanakti vanuSAmashastIH ||\\
\EN{668120701} uta naH sutrAtro devagopAH sUribhya indrAvaruNA rayiH SyAt |\\
\EN{668120702} yeSAM shuSmaH pRtanAsu sAhvAn pra sadyo dyumnAtirate taturiH ||\\
\EN{668120801} nU na indrAvaruNA gRNAnA pRN^ktaM rayiM saushravasAya devA |\\
\EN{668120802} itthA gRNanto mahinasya shardho.apo na nAvA duritAtarema ||\\
\EN{668120901} pra samrAje bRhate manma nu priyamarca devAya varuNAya saprathaH |\\
\EN{668120902} ayaM ya urvI mahinA mahivrataH kratvA vibhAtyajaro na shociSA ||\\
\EN{668121001} indrAvaruNA sutapAvimaM sutaM somaM pibataM madyaM dhRtavratA |\\
\EN{668121002} yuvo ratho adhvaraM devavItaye prati svasaramupa yAti pItaye ||\\
\EN{668121101} indrAvaruNA madhumattamasya vRSNaH somasya vRSaNA vRSethAm |\\
\EN{668121102} idaM vAmandhaH pariSiktamasme AsadyAsmin barhiSi mAdayethAm ||\\
\EN{669130101} saM vAM karmaNA samiSA hinomIndrAviSNU apasas pareasya |\\
\EN{669130102} juSethAM yaj~naM draviNaM ca dhattamariSTairnaH pathibhiH pArayantA ||\\
\EN{669130201} yA vishvAsAM janitarA matInAmindrAviSNU kalashA somadhAnA |\\
\EN{669130202} pra vAM giraH shasyamAnA avantu pra stomAso gIyamAnAso arkaiH ||\\
\EN{669130301} indrAviSNU madapatI madAnAmA somaM yAtaM draviNo dadhAnA |\\
\EN{669130302} saM vAma~njantvaktubhirmatInAM saM stomAsaH shasyamAnAsa ukthaiH ||\\
\EN{669130401} A vAmashvAso abhimAtiSAha indrAviSNU sadhamAdo vahantu |\\
\EN{669130402} juSethAM vishvA havanA matInAmupa brahmANi shRNutaM giro me ||\\
\EN{669130501} indrAviSNU tat panayAyyaM vAM somasya mada uru cakramAthe |\\
\EN{669130502} akRNutamantarikSaM varIyo.aprathataM jIvase no rajAMsi ||\\
\EN{669130601} indrAviSNU haviSA vAvRdhAnAgrAdvAnA namasA rAtahavyA |\\
\EN{669130602} ghRtAsutI draviNaM dhattamasme samudraH sthaH kalashaH somadhAnaH ||\\
\EN{669130701} indrAviSNU pibataM madhvo asya somasya dasrA jaTharaM pRNethAm |\\
\EN{669130702} A vAmandhAMsi madirANyagmannupa brahmANi shRNutaM havaM me ||\\
\EN{669130801} ubhA jigyathurna parA jayethe na parA jigye katarashcanainoH |\\
\EN{669130802} indrashca viSNo yadapaspRdhethAM tredhA sahasraM vi tadairayethAm ||\\
\EN{670140101} ghRtavatI bhuvanAnAmabhishriyorvI pRthvI madhudughe supeshasA |\\
\EN{670140102} dyAvApRthivI varuNasya dharmaNA viSkabhite ajarebhUriretasA ||\\
\EN{670140201} asashcantI bhUridhAre payasvatI ghRtaM duhAte sukRte shucivrate |\\
\EN{670140202} rAjantI asya bhuvanasya rodasI asme retaH si~ncataMyan manurhitam ||\\
\EN{670140301} yo vAM Rjave kramaNAya rodasI marto dadAsha dhiSaNe sa sAdhati |\\
\EN{670140302} pra prajAbhirjAyate dharmaNas pari yuvoH siktA viSurUpANi savratA ||\\
\EN{670140401} ghRtena dyAvApRthivI abhIvRte ghRtashriyA ghRtapRcA ghRtAvRdhA |\\
\EN{670140402} urvI pRthvI hotRvUrye purohite te id viprA ILate sumnamiSTaye ||\\
\EN{670140501} madhu no dyAvApRthivI mimikSatAM madhushcutA madhudughe madhuvrate |\\
\EN{670140502} dadhAne yaj~naM draviNaM ca devatA mahi shravo vAjamasme suvIryam ||\\
\EN{670140601} UrjaM no dyaushca pRthivI ca pinvatAM pitA mAtA vishvavidA sudaMsasA |\\
\EN{670140602} saMrarANe rodasI vishvashambhuvA saniM vAjaM rayimasme saminvatAm ||\\
\EN{671150101} udu Sya devaH savitA hiraNyayA bAhU ayaMsta savanAyasukratuH |\\
\EN{671150102} ghRtena pANI abhi pruSNute makho yuvA sudakSo rajaso vidharmaNi ||\\
\EN{671150201} devasya vayaM savituH savImani shreSThe syAma vasunashcadAvane |\\
\EN{671150202} yo vishvasya dvipado yashcatuSpado niveshane prasave cAsi bhUmanaH ||\\
\EN{671150301} adabdhebhiH savitaH pAyubhiS TvaM shivebhiradya pari pAhi no gayam |\\
\EN{671150302} hiraNyajihvaH suvitAya navyase rakSA mAkirnoaghashaMsa Ishata ||\\
\EN{671150401} udu Sya devaH savitA damUnA hiraNyapANiH pratidoSamasthAt |\\
\EN{671150402} ayohanuryajato mandrajihva A dAshuSe suvati bhUrivAmam ||\\
\EN{671150501} udU ayAnupavakteva bAhU hiraNyayA savitA supratIkA |\\
\EN{671150502} divo rohAMsyaruhat pRthivyA arIramat patayat kaccidabhvam ||\\
\EN{671150601} vAmamadya savitarvAmamu shvo dive\-dive vAmamasmabhyaM sAvIH |\\
\EN{671150602} vAmasya hi kSayasya deva bhUrerayA dhiyA vAmabhAjaH syAma ||\\
\EN{672160101} indrAsomA mahi tad vAM mahitvaM yuvaM mahAni prathamAni cakrathuH |\\
\EN{672160102} yuvaM sUryaM vividathuryuvaM svarvishvA tamAMsyahataM nidashca ||\\
\EN{672160201} indrAsomA vAsayatha uSAsamut sUryaM nayatho jyotiSA saha |\\
\EN{672160202} upa dyAM skambhathuH skambhanenAprathataM pRthivIM mAtaraM vi ||\\
\EN{672160301} indrAsomAvahimapaH pariSThAM hatho vRtramanu vAM dyauramanyata |\\
\EN{672160302} prArNAMsyairayataM nadInAmA samudrANipaprathuH purUNi ||\\
\EN{672160401} indrAsomA pakvamAmAsvantarni gavAmid dadhathurvakSaNAsu |\\
\EN{672160402} jagRbhathuranapinaddhamAsu rushaccitrAsu jagatISvantaH ||\\
\EN{672160501} indrAsomA yuvamaN^ga tarutramapatyasAcaM shrutyaM rarAthe |\\
\EN{672160502} yuvaM shuSmaM naryaM carSaNibhyaH saM vivyathuH pRtanASAhamugrA ||\\
\EN{673170101} yo adribhit prathamajA RtAvA bRhaspatirAN^giraso haviSmAn |\\
\EN{673170102} dvibarhajmA prAgharmasat pitA na A rodasI vRSabho roravIti ||\\
\EN{673170201} janAya cid ya Ivata u lokaM bRhaspatirdevahUtau cakAra |\\
\EN{673170202} ghnan vRtrANi vi puro dardarIti jaya~nchatrUnramitrAn pRtsu sAhan ||\\
\EN{673170301} bRhaspatiH samajayad vasUni maho vrajAn gomato deva eSaH |\\
\EN{673170302} apaH siSAsan svarapratIto bRhaspatirhantyamitramarkaiH ||\\
\EN{674180101} somArudrA dhArayethAmasuryaM pra vAmiSTayo.aramashnuvantu |\\
\EN{674180102} dame\-dame sapta ratnA dadhAnA shaM no bhUtaM dvipadeshaM catuSpade ||\\
\EN{674180201} somArudrA vi vRhataM viSUcImamIvA yA no gayamAvivesha |\\
\EN{674180202} Are bAdhethAM nir{R}tiM parAcairasme bhadrA saushravasAni santu ||\\
\EN{674180301} somArudrA yuvametAnyasme vishvA tanUSu bheSajAni dhattam |\\
\EN{674180302} ava syataM mu~ncataM yan no asti tanUSu baddhaM kRtameno asmat ||\\
\EN{674180401} tigmAyudhau tigmahetI sushevau somArudrAviha su mRLataM naH |\\
\EN{674180402} pra no mu~ncataM varuNasya pAshAd gopAyataM naH sumanasyamAnA ||\\
\EN{675190101} jImUtasyeva bhavati pratIkaM yad varmI yAti samadAmupasthe |\\
\EN{675190102} anAviddhayA tanvA jaya tvaM sa tvA varmaNo mahimA pipartu ||\\
\EN{675190201} dhanvanA gA dhanvanAjiM jayema dhanvanA tIvrAH samado jayema |\\
\EN{675190202} dhanuH shatrorapakAmaM kRNoti dhanvanA sarvAH pradisho jayema ||\\
\EN{675190301} vakSyantIvedA ganIganti karNaM priyaM sakhAyaM pariSasvajAnA |\\
\EN{675190302} yoSeva shiN^kte vitatAdhi dhanva~n jyA iyaM samane pArayantI ||\\
\EN{675190401} te AcarantI samaneva yoSA mAteva putraM bibhRtAmupasthe |\\
\EN{675190402} apa shatrUn vidhyatAM saMvidAne ArtnI ime viSphurantIamitrAn ||\\
\EN{675190501} bahvInAM pitA bahurasya putrashcishcA kRNoti samanAvagatya |\\
\EN{675190502} iSudhiH saN^kAH pRtanAshca sarvAH pRSThe ninaddho jayati prasUtaH ||\\
\EN{675200601} rathe tiSThan nayati vAjinaH puro yatra\-yatra kAmayate suSArathiH |\\
\EN{675200602} abhIshUnAM mahimAnaM panAyata manaH pashcAdanu yachanti rashmayaH ||\\
\EN{675200701} tIvrAn ghoSAn kRNvate vRSapANayo.ashvA rathebhiH sahavAjayantaH |\\
\EN{675200702} avakrAmantaH prapadairamitrAn kSiNanti shatrUnranapavyayantaH ||\\
\EN{675200801} rathavAhanaM havirasya nAma yatrAyudhaM nihitamasya varma |\\
\EN{675200802} tatrA rathamupa shagmaM sadema vishvAhA vayaM sumanasyamAnAH ||\\
\EN{675200901} svAduSaMsadaH pitaro vayodhAH kRchreshritaH shaktIvanto gabhIrAH |\\
\EN{675200902} citrasenA iSubalA amRdhrAH satovIrA uravo vrAtasAhAH ||\\
\EN{675201001} brAhmaNAsaH pitaraH somyAsaH shive no dyAvApRthivI anehasA |\\
\EN{675201002} pUSA naH pAtu duritAd RtAvRdho rakSA mAkirno aghashaMsa Ishata ||\\
\EN{675211101} suparNaM vaste mRgo asyA danto gobhiH saMnaddhA patati prasUtA |\\
\EN{675211102} yatrA naraH saM ca vi ca dravanti tatrAsmabhyamiSavaH sharma yaMsan ||\\
\EN{675211201} RjIte pari vRMdhi no.ashmA bhavatu nastanUH |\\
\EN{675211202} somo adhi bravItu no.aditiH sharma yachatu ||\\
\EN{675211301} A jaN^ghanti sAnveSAM jaghanAnupa jighnate |\\
\EN{675211302} ashvAjani pracetaso.ashvAn samatsu codaya ||\\
\EN{675211401} ahiriva bhogaiH paryeti bAhuM jyAyA hetiM paribAdhamAnaH |\\
\EN{675211402} hastaghno vishvA vayunAni vidvAn pumAn pumAMsaM pari pAtu vishvataH ||\\
\EN{675211501} AlAktA yA rurushIrSNyatho yasyA ayo mukham |\\
\EN{675211502} idaM parjanyaretasa iSvai devyai bRhan namaH ||\\
\EN{675221601} avasRSTA parA pata sharavye brahmasaMshite |\\
\EN{675221602} gachAmitrAnpra padyasva mAnUSAM kaM canocchiSaH ||\\
\EN{675221701} yatra bANAH sampatanti kumArA vishikhA iva |\\
\EN{675221702} tatrA no brahmaNas patiraditiH sharma yachatu vishvAhA sharma yachatu ||\\
\EN{675221801} marmANi te varmaNA chAdayAmi somastvA rAjAmRtenAnu vastAm |\\
\EN{675221802} urorvarIyo varuNaste kRNotu jayantaM tvAnu devAmadantu ||\\
\EN{675221901} yo naH svo araNo yashca niSTyo jighAMsati |\\
\EN{675221902} devAstaMsarve dhUrvantu brahma varma mamAntaram ||\\