\EN{700123011} agniM naro dIdhitibhiraraNyorhastacyutI janayanta prashastam |\\
\EN{700123012} dUredRshaM gRhapatimatharyum ||\\
\EN{700123021} tamagnimaste vasavo ny RNvan supraticakSamavase kutashcit |\\
\EN{700123022} dakSAyyo yo dama Asa nityaH ||\\
\EN{700123031} preddho agne dIdihi puro no.ajasrayA sUrmyA yaviSTha |\\
\EN{700123032} tvAM shashvanta upa yanti vAjAH ||\\
\EN{700123041} pra te agnayo.agnibhyo varaM niH suvIrAsaH shoshucanta dyumantaH |\\
\EN{700123042} yatrA naraH samAsate sujAtAH ||\\
\EN{700123051} dA no agne dhiyA rayiM suvIraM svapatyaM sahasya prashastam |\\
\EN{700123052} na yaM yAvA tarati yAtumAvAn ||\\
\EN{700124061} upa yameti yuvatiH sudakSaM doSA vastorhaviSmatI ghRtAcI |\\
\EN{700124062} upa svainamaramatirvasUyuH ||\\
\EN{700124071} vishvA agne.apa dahArAtIryebhistapobhiradaho jarUtham |\\
\EN{700124072} pra nisvaraM cAtayasvAmIvAm ||\\
\EN{700124081} A yaste agna idhate anIkaM vasiSTha shukra dIdivaH pAvaka |\\
\EN{700124082} uto na ebhi stavathairiha syAH ||\\
\EN{700124091} vi ye te agne bhejire anIkaM martA naraH pitryAsaH purutrA |\\
\EN{700124092} uto na ebhiH sumanA iha syAH ||\\
\EN{700124101} ime naro vRtrahatyeSu shUrA vishvA adevIrabhi santu mAyAH |\\
\EN{700124102} ye me dhiyaM panayanta prashastAm ||\\
\EN{700125111} mA shUne agne ni SadAma nRNAM mAsheSaso.avIratA paritvA |\\
\EN{700125112} prajAvatISu duryAsu durya ||\\
\EN{700125121} yamashvI nityamupayAti yaj~naM prajAvantaM svapatyaM kSayaM naH |\\
\EN{700125122} svajanmanA sheSasA vAvRdhAnam ||\\
\EN{700125131} pAhi no agne rakSaso ajuSTAt pAhi dhUrterararuSo aghAyoH |\\
\EN{700125132} tvA yujA pRtanAyUnrabhi SyAm ||\\
\EN{700125141} sedagniragnInratyastvanyAn yatra vAjI tanayo vILupANiH |\\
\EN{700125142} sahasrapAthA akSarA sameti ||\\
\EN{700125151} sedagniryo vanuSyato nipAti sameddhAramaMhasa uruSyAt |\\
\EN{700125152} sujAtAsaH pari caranti vIrAH ||\\
\EN{700126161} ayaM so agnirAhutaH purutrA yamIshAnaH samidindhehaviSmAn |\\
\EN{700126162} pari yametyadhvareSu hotA ||\\
\EN{700126171} tve agna AhavanAni bhUrIshAnAsa A juhuyAma nityA |\\
\EN{700126172} ubhA kRNvanto vahatU miyedhe ||\\
\EN{700126181} imo agne vItatamAni havyAjasro vakSi devatAtimacha |\\
\EN{700126182} pratina IM surabhINi vyantu ||\\
\EN{700126191} mA no agne.avIrate parA dA durvAsase.amataye mA no asyai |\\
\EN{700126192} mA naH kSudhe mA rakSasa RtAvo mA no dame mA vana A juhUrthAH ||\\
\EN{700126201} nU me brahmANyagna ucchashAdhi tvaM deva maghavadbhyaH suSUdaH |\\
\EN{700126202} rAtau syAmobhayAsa A te yUyaM pAta svastibhiH sadA naH ||\\
\EN{700127211} tvamagne suhavo raNvasandRk sudItI sUno sahaso didIhi |\\
\EN{700127212} mA tve sacA tanaye nitya A dhaM mA vIro asman naryo vi dAsIt ||\\
\EN{700127221} mA no agne durbhRtaye sacaiSu deveddheSvagniSu pra vocaH |\\
\EN{700127222} mA te asmAn durmatayo bhRmAccid devasya sUno sahaso nashanta ||\\
\EN{700127231} sa marto agne svanIka revAnamartye ya Ajuhoti havyam |\\
\EN{700127232} sadevatA vasuvaniM dadhAti yaM sUrirarthI pRchamAna eti ||\\
\EN{700127241} maho no agne suvitasya vidvAn rayiM sUribhya A vahA bRhantam |\\
\EN{700127242} yena vayaM sahasAvan mademAvikSitAsa AyuSA suvIrAH ||\\
\EN{700127251} nU me brahmANyagna ... ||\\
\EN{700201011} juSasva naH samidhamagne adya shocA bRhad yajataM dhUmamRNvan |\\
\EN{700201012} upa spRsha divyaM sAnu stUpaiH saM rashmibhistatanaH sUryasya ||\\
\EN{700201021} narAshaMsasya mahimAnameSAmupa stoSAma yajatasya yaj~naiH |\\
\EN{700201022} ye sukratavaH shucayo dhiyandhAH svadanti devA ubhayAni havyA ||\\
\EN{700201031} ILenyaM vo asuraM sudakSamantardUtaM rodasI satyavAcam |\\
\EN{700201032} manuSvadagniM manunA samiddhaM samadhvarAya sadamin mahema ||\\
\EN{700201041} saparyavo bharamANA abhij~nu pra vR~njate namasA barhiragnau |\\
\EN{700201042} AjuhvAnA ghRtapRSThaM pRSadvadadhvaryavo haviSA marjayadhvam ||\\
\EN{700201051} svAdhyo vi duro devayanto.ashishrayU rathayurdevatAtA |\\
\EN{700201052} pUrvI shishuM na mAtarA rihANe samagruvo na samaneSva~njan ||\\
\EN{700202061} uta yoSaNe divye mahI na uSAsAnaktA sudugheva dhenuH |\\
\EN{700202062} barhiSadA puruhUte maghonI A yaj~niye suvitAya shrayetAm ||\\
\EN{700202071} viprA yaj~neSu mAnuSeSu kArU manye vAM jAtavedasA yajadhyai |\\
\EN{700202072} UrdhvaM no adhvaraM kRtaM haveSu tA deveSu vanatho vAryANi ||\\
\EN{700202081} A bhAratI bhAratIbhiH ... ||\\
\EN{700202091} tan nasturIpaM ... ||\\
\EN{700202101} vanaspate.ava ... ||\\
\EN{700202111} A yAhyagne ... ||\\
\EN{700303011} agniM vo devamagnibhiH sajoSA yajiSThaM dUtamadhvarekRNudhvam |\\
\EN{700303012} yo martyeSu nidhruvir{R}tAvA tapurmUrdhA ghRtAnnaH pAvakaH ||\\
\EN{700303021} prothadashvo na yavase.aviSyan yadA mahaH saMvaraNAd vyasthAt |\\
\EN{700303022} Adasya vAto anu vAti shociradha sma te vrajanaM kRSNamasti ||\\
\EN{700303031} ud yasya te navajAtasya vRSNo.agne carantyajarA idhAnAH |\\
\EN{700303032} achA dyAmaruSo dhUma eti saM dUto agna Iyase hi devAn ||\\
\EN{700303041} vi yasya te pRthivyAM pAjo ashret tRSu yadannA samavRktajambhaiH |\\
\EN{700303042} seneva sRSTA prasitiS Ta eti yavaM na dasma juhvA vivekSi ||\\
\EN{700303051} tamid doSA tamuSasi yaviSThamagnimatyaM na marjayanta naraH |\\
\EN{700303052} nishishAnA atithimasya yonau dIdAya shocirAhutasya vRSNaH ||\\
\EN{700304061} susandRk te svanIka pratIkaM vi yad rukmo na rocasa upAke |\\
\EN{700304062} divo na te tanyatureti shuSmashcitro na sUraH prati cakSi bhAnum ||\\
\EN{700304071} yathA vaH svAhAgnaye dAshema parILAbhirghRtavadbhishca havyaiH |\\
\EN{700304072} tebhirno agne amitairmahobhiH shataM pUrbhirAyasIbhirni pAhi ||\\
\EN{700304081} yA vA te santi dAshuSe adhRSTA giro vA yAbhirnRvatIruruSyAH |\\
\EN{700304082} tAbhirnaH sUno sahaso ni pAhi smat sUrI~n jaritR^I~n jAtavedaH ||\\
\EN{700304091} niryat pUteva svadhitiH shucirgAt svayA kRpA tanvA rocamAnaH |\\
\EN{700304092} A yo mAtrorushenyo janiSTa devayajyAya sukratuH pAvakaH ||\\
\EN{700304101} etA no agne saubhagA didIhyapi kratuM sucetasaM vatema |\\
\EN{700304102} vishvA stotRbhyo gRNate ca santu yUyaM pAta ... ||\\
\EN{700405011} pra vaH shukrAya bhAnave bharadhvaM havyaM matiM cAgnaye supUtam |\\
\EN{700405012} yo daivyAni mAnuSA janUMSyantarvishvAni vidmanA jigAti ||\\
\EN{700405021} sa gRtso agnistaruNashcidastu yato yaviSTho ajaniSTa mAtuH |\\
\EN{700405022} saM yo vanA yuvate shucidan bhUri cidannA samidatti sadyaH ||\\
\EN{700405031} asya devasya saMsadyanIke yaM martAsaH shyetaM jagRbhre |\\
\EN{700405032} ni yo gRbhaM pauruSeyImuvoca durokamagnirAyave shushoca ||\\
\EN{700405041} ayaM kavirakaviSu pracetA marteSvagniramRto ni dhAyi |\\
\EN{700405042} sa mA no atra juhuraH sahasvaH sadA tve sumanasaH syAma ||\\
\EN{700405051} A yo yoniM devakRtaM sasAda kratvA hyagniramRtAnatArIt |\\
\EN{700405052} tamoSadhIshca vaninashca garbhaM bhUmishca vishvadhAyasaM bibharti ||\\
\EN{700406061} Ishe hyagniramRtasya bhUrerIshe rAyaH suvIryasya dAtoH |\\
\EN{700406062} mA tvA vayaM sahasAvannavIrA mApsavaH pari SadAma mAduvaH ||\\
\EN{700406071} pariSadyaM hyaraNasya rekNo nityasya rAyaH patayaH syAma |\\
\EN{700406072} na sheSo agne anyajAtamastyacetAnasya mA patho vi dukSaH ||\\
\EN{700406081} nahi grabhAyAraNaH sushevo.anyodaryo manasA mantavA u |\\
\EN{700406082} adhA cidokaH punarit sa etyA no vAjyabhISAL etu navyaH ||\\
\EN{700406091} tvamagne vanuSyato ... ||\\
\EN{700406101} etA no agne saubhagA ... ||\\
\EN{700507011} prAgnaye tavase bharadhvaM giraM divo arataye pRthivyAH |\\
\EN{700507012} yo vishveSAmamRtAnAmupasthe vaishvAnaro vAvRdhe jAgRvadbhiH ||\\
\EN{700507021} pRSTo divi dhAyyagniH pRthivyAM netA sindhUnAM vRSabha stiyAnAm |\\
\EN{700507022} sa mAnuSIrabhi visho vi bhAti vaishvAnaro vAvRdhAno vareNa ||\\
\EN{700507031} tvad bhiyA visha AyannasiknIrasamanA jahatIrbhojanAni |\\
\EN{700507032} vaishvAnara pUrave shoshucAnaH puro yadagne darayannadIdeH ||\\
\EN{700507041} tava tridhAtu pRthivI uta dyaurvaishvAnara vratamagne sacanta |\\
\EN{700507042} tvaM bhAsA rodasI A tatanthAjasreNa shociSA shoshucAnaH ||\\
\EN{700507051} tvAmagne harito vAvashAnA giraH sacante dhunayo ghRtAcIH |\\
\EN{700507052} patiM kRSTInAM rathyaM rayINAM vaishvAnaramuSasAM ketumahnAm ||\\
\EN{700508061} tve asuryaM vasavo ny RNvan kratuM hi te mitramaho juSanta |\\
\EN{700508062} tvaM dasyUnrokaso agna Aja uru jyotirjanayannAryAya ||\\
\EN{700508071} sa jAyamAnaH parame vyoman vAyurna pAthaH pari pAsi sadyaH |\\
\EN{700508072} tvaM bhuvanA janayannabhi krannapatyAya jAtavedo dashasyan ||\\
\EN{700508081} tAmagne asme iSamerayasva vaishvAnara dyumatIM jAtavedaH |\\
\EN{700508082} yayA rAdhaH pinvasi vishvavAra pRthu shravo dAshuSe martyAya ||\\
\EN{700508091} taM no agne maghavadbhyaH purukSuM rayiM ni vAjaM shrutyaM yuvasva |\\
\EN{700508092} vaishvAnara mahi naH sharma yacha rudrebhiragne vasubhiH sajoSAH ||\\
\EN{700609011} pra samrAjo asurasya prashastiM puMsaH kRSTInAmanumAdyasya |\\
\EN{700609012} indrasyeva pra tavasas kRtAni vande dAruM vandamAnovivakmi ||\\
\EN{700609021} kaviM ketuM dhAsiM bhAnumadrerhinvanti shaM rAjyaM rodasyoH |\\
\EN{700609022} purandarasya gIrbhirA vivAse.agnervratAni pUrvyA mahAni ||\\
\EN{700609031} nyakratUn grathino mRdhravAcaH paNInrashraddhAnavRdhAnayaj~nAn |\\
\EN{700609032} pra\-pra tAn dasyUnragnirvivAya pUrvashcakArAparAnayajyUn ||\\
\EN{700609041} yo apAcIne tamasi madantIH prAcIshcakAra nRtamaH shacIbhiH |\\
\EN{700609042} tamIshAnaM vasvo agniM gRNISe.anAnataM damayantaM pRtanyUn ||\\
\EN{700609051} yo dehyo anamayad vadhasnairyo aryapatnIruSasashcakAra |\\
\EN{700609052} sa nirudhyA nahuSo yajvo agnirvishashcakre balihRtaH sahobhiH ||\\
\EN{700609061} yasya sharmannupa vishve janAsa evaistasthuH sumatiM bhikSamANAH |\\
\EN{700609062} vaishvAnaro varamA rodasyorAgniH sasAda pitrorupastham ||\\
\EN{700609071} A devo dade budhnyA vasUni vaishvAnara uditA sUryasya |\\
\EN{700609072} A samudrAdavarAdA parasmAdAgnirdade diva A pRthivyAH ||\\
\EN{700710011} pra vo devaM cit sahasAnamagnimashvaM na vAjinaM hiSe namobhiH |\\
\EN{700710012} bhavA no dUto adhvarasya vidvAn tmanA deveSu vivide mitadruH ||\\
\EN{700710021} A yAhyagne pathyA anu svA mandro devAnAM sakhyaM juSANaH |\\
\EN{700710022} A sAnu shuSmairnadayan pRthivyA jambhebhirvishvamushadhag vanAni ||\\
\EN{700710031} prAcIno yaj~naH sudhitaM hi barhiH prINIte agnirILito na hotA |\\
\EN{700710032} A mAtarA vishvavAre huvAno yato yaviSTha jaj~niSe sushevaH ||\\
\EN{700710041} sadyo adhvare rathiraM jananta mAnuSAso vicetaso ya eSAm |\\
\EN{700710042} vishAmadhAyi vishpatirduroNe.agnirmandro madhuvacA RtAvA ||\\
\EN{700710051} asAdi vRto vahnirAjaganvAnagnirbrahmA nRSadane vidhartA |\\
\EN{700710052} dyaushca yaM pRthivI vAvRdhAte A yaM hotA yajati vishvavAram ||\\
\EN{700710061} ete dyumnebhirvishvamAtiranta mantraM ye vAraM naryA atakSan |\\
\EN{700710062} pra ye vishastiranta shroSamANA A ye me asya dIdhayannRtasya ||\\
\EN{700710071} nU tvAmagna Imahe vasiSThA IshAnaM sUno sahaso vasUnAm |\\
\EN{700710072} iSaM stotRbhyo maghavadbhya AnaD yUyaM pAta svastibhiH sadA naH ||\\
\EN{700811011} indhe rAjA samaryo namobhiryasya pratIkamAhutaM ghRtena |\\
\EN{700811012} naro havyebhirILate sabAdha Agniragra uSasAmashoci ||\\
\EN{700811021} ayamu Sya sumahAnavedi hotA mandro manuSo yajvo agniH |\\
\EN{700811022} vi bhA akaH sasRjAnaH pRthivyAM kRSNapaviroSadhIbhirvavakSe ||\\
\EN{700811031} kayA no agne vi vasaH suvRktiM kAmu svadhAM RNavaH shasyamAnaH |\\
\EN{700811032} kadA bhavema patayah sudatra rAyo vantAro duSTarasya sAdhoH ||\\
\EN{700811041} pra\-prAyamagnirbharatasya shRNve vi yat sUryo na rocatebRhad bhAH |\\
\EN{700811042} abhi yaH pUruM pRtanAsu tasthau dyutAno daivyo atithiH shushoca ||\\
\EN{700811051} asannit tve AhavanAni bhUri bhuvo vishvebhiH sumanA anIkaiH |\\
\EN{700811052} stutashcidagne shRNviSe gRNAnaH svayaM vardhasva tanvaM sujAta ||\\
\EN{700811061} idaM vacaH shatasAH saMsahasramudagnaye janiSISTa dvibarhAH |\\
\EN{700811062} shaM yat stotRbhya Apaye bhavAti dyumadamIvacAtanaM rakSohA ||\\
\EN{700811071} nU tvAmagna Imahe ... ||\\
\EN{700912011} abodhi jAra uSasAmupasthAd dhotA mandraH kavitamaH pAvakaH |\\
\EN{700912012} dadhAti ketumubhayasya jantorhavyA deveSu draviNaM sukRtsu ||\\
\EN{700912021} sa sukraturyo vi duraH paNInAM punAno arkaM purubhojasaM naH |\\
\EN{700912022} hotA mandro vishAM damUnAstirastamo dadRshe rAmyANAm ||\\
\EN{700912031} amUraH kaviraditirvivasvAn susaMsan mitro atithiH shivonaH |\\
\EN{700912032} citrabhAnuruSasAM bhAtyagre.apAM garbhaH prasvaA vivesha ||\\
\EN{700912041} ILenyo vo manuSo yugeSu samanagA ashucajjAtavedAH |\\
\EN{700912042} susandRshA bhAnunA yo vibhAti prati gAvaH samidhAnaM budhanta ||\\
\EN{700912051} agne yAhi dUtyaM mA riSaNyo devAnachA brahmakRtA gaNena |\\
\EN{700912052} sarasvatIM maruto ashvinApo yakSi devAn ratnadheyAyavishvAn ||\\
\EN{700912061} tvAmagne samidhAno vasiSTho jarUthaM han yakSi rAye purandhim |\\
\EN{700912062} puruNIthA jAtavedo jarasva yUyaM pAta ... ||\\
\EN{701013011} uSo na jAraH pRthu pAjo ashred davidyutad dIdyacchoshucAnaH |\\
\EN{701013012} vRSA hariH shucirA bhAti bhAsA dhiyo hinvAna ushatIrajIgaH ||\\
\EN{701013021} svarNa vastoruSasAmaroci yaj~naM tanvAnA ushijo na manma |\\
\EN{701013022} agnirjanmAni deva A vi vidvAn dravad dUto devayAvA vaniSThaH ||\\
\EN{701013031} achA giro matayo devayantIragniM yanti draviNaM bhikSamANAH |\\
\EN{701013032} susandRshaM supratIkaM sva~ncaM havyavAhamaratimmAnuSANAm ||\\
\EN{701013041} indraM no agne vasubhiH sajoSA rudraM rudrebhirA vahA bRhantam |\\
\EN{701013042} AdityebhiraditiM vishvajanyAM bRhaspatiM RkvabhirvishvavAram ||\\
\EN{701013051} mandraM hotAramushijo yaviSThamagniM visha ILate adhvareSu |\\
\EN{701013052} sa hi kSapAvAnabhavad rayINAmatandro dUto yajathAya devAn ||\\
\EN{701114011} mahAnasyadhvarasya praketo na Rte tvadamRtA mAdayante |\\
\EN{701114012} A vishvebhiH sarathaM yAhi devairnyagne hotA prathamaH sadeha ||\\
\EN{701114021} tvAmILate ajiraM dUtyAya haviSmantaH sadamin mAnuSAsaH |\\
\EN{701114022} yasya devairAsado barhiragne.ahAnyasmai sudinA bhavanti ||\\
\EN{701114031} trishcidaktoH pra cikiturvasUni tve antardAshuSe martyAya |\\
\EN{701114032} manuSvadagna iha yakSi devAn bhavA no dUto adhishastipAvA ||\\
\EN{701114041} agnirIshe bRhato adhvarasyAgnirvishvasya haviSaH kRtasya |\\
\EN{701114042} kratuM hyasya vasavo juSantAthA devA dadhire havyavAham ||\\
\EN{701114051} Agne vaha haviradyAya devAnindrajyeSThAsa iha mAdayantAm |\\
\EN{701114052} imaM yaj~naM divi deveSu dhehi yUyaM pAta ... ||\\
\EN{701215011} aganma mahA namasA yaviSThaM yo dIdAya samiddhaH sve duroNe |\\
\EN{701215012} citrabhAnuM rodasI antarurvI svAhutaM vishvataH pratya~ncam ||\\
\EN{701215021} sa mahnA vishvA duritAni sAhvAnagniH STave dama A jAtavedAH |\\
\EN{701215022} sa no rakSiSad duritAdavadyAdasmAn gRNata uta no maghonaH ||\\
\EN{701215031} tvaM varuNa uta mitro agne tvAM vardhanti matibhirvasiSThAH |\\
\EN{701215032} tve vasu suSaNanAni santu yUyaM pAta ... ||\\
\EN{701316011} prAgnaye vishvashuce dhiyandhe.asuraghne manma dhItiM bharadhvam |\\
\EN{701316012} bhare havirna barhiSi prINAno vaishvAnarAya yataye matInAm ||\\
\EN{701316021} tvamagne shociSA shoshucAna A rodasI apRNA jAyamAnaH |\\
\EN{701316022} tvaM devAnabhishasteramu~nco vaisvAnara jAtavedo mahitvA ||\\
\EN{701316031} jAto yadagne bhuvanA vyakhyaH pashUn na gopA iryaH parijmA |\\
\EN{701316032} vaishvAnara brahmaNe vinda gAtuM yUyaM pAta ... ||\\
\EN{701417011} samidhA jAtavedase devAya devahUtibhiH |\\
\EN{701417012} havirbhiH shukrashociSe namasvino vayaM dAshemAgnaye ||\\
\EN{701417021} vayaM te agne samidhA vidhema vayaM dAshema suSTutI yajatra |\\
\EN{701417022} vayaM ghRtenAdhvarasya hotarvayaM deva haviSA bhadrashoce ||\\
\EN{701417031} A no devebhirupa devahUtimagne yAhi vaSaTkRtiM juSANaH |\\
\EN{701417032} tubhyaM devAya dAshataH syAma yUyaM pAta ... ||\\
\EN{701518011} upasadyAya mILhuSa Asye juhutA haviH |\\
\EN{701518012} yo no nediSThamApyam ||\\
\EN{701518021} yaH pa~nca carSaNIrabhi niSasAda dame\-dame |\\
\EN{701518022} kavirgRhapatiryuvA ||\\
\EN{701518031} sa no vedo amAtyamagnI rakSatu vishvataH |\\
\EN{701518032} utAsmAn pAtvaMhasaH ||\\
\EN{701518041} navaM nu stomamagnaye divaH shyenAya jIjanam |\\
\EN{701518042} vasvaH kuvid vanAti naH ||\\
\EN{701518051} spArhA yasya shriyo dRshe rayirvIravato yathA |\\
\EN{701518052} agre yaj~nasya shocataH ||\\
\EN{701519061} semAM vetu vaSaTkRtimagnirjuSata no giraH |\\
\EN{701519062} yajiSTho havyavAhanaH ||\\
\EN{701519071} ni tvA nakSya vishpate dyumantaM deva dhImahi |\\
\EN{701519072} suvIramagna Ahuta ||\\
\EN{701519081} kSapa usrashca dIdihi svagnayastvayA vayam |\\
\EN{701519082} suvIrastvamasmayuH ||\\
\EN{701519091} upa tvA sAtaye naro viprAso yanti dhItibhiH |\\
\EN{701519092} upAkSarAsahasriNI ||\\
\EN{701519101} agnI rakSAMsi sedhati shukrashociramartyaH |\\
\EN{701519102} shuciH pAvaka IDyaH ||\\
\EN{701520111} sa no rAdhAMsyA bhareshAnaH sahaso yaho |\\
\EN{701520112} bhagashca dAtuvAryam ||\\
\EN{701520121} tvamagne vIravad yasho devashca savitA bhagaH |\\
\EN{701520122} ditishcadAti vAryam ||\\
\EN{701520131} agne rakSA No aMhasaH prati Sma deva rISataH |\\
\EN{701520132} tapiSThairajaro daha ||\\
\EN{701520141} adhA mahI na AyasyanAdhRSTo nRpItaye |\\
\EN{701520142} pUrbhavA shatabhujiH ||\\
\EN{701520151} tvaM naH pAhyaMhaso doSAvastaraghAyataH |\\
\EN{701520152} divA naktamadAbhya ||\\
\EN{701621011} enA vo agniM namasorjo napAtamA huve |\\
\EN{701621012} priyaM cetiSThamaratiM svadhvaraM vishvasya dUtamamRtam ||\\
\EN{701621021} sa yojate aruSA vishvabhojasA sa dudravat svAhutaH |\\
\EN{701621022} subrahmA yaj~naH sushamI vasUnAM devaM rAdho janAnAm ||\\
\EN{701621031} udasya shocirasthAdAjuhvAnasya mILhuSaH |\\
\EN{701621032} ud dhUmAsoaruSAso divispRshaH samagnimindhate naraH ||\\
\EN{701621041} taM tvA dUtaM kRNmahe yashastamaM devAnA vItaye vaha |\\
\EN{701621042} vishvA sUno sahaso martabhojanA rAsva tad yat tvemahe ||\\
\EN{701621051} tvamagne gRhapatistvaM hotA no adhvare |\\
\EN{701621052} tvaM potA vishvavAra pracetA yakSi veSi ca vAryam ||\\
\EN{701621061} kRdhi ratnaM yajamAnAya sukrato tvaM hi ratnadhA asi |\\
\EN{701621062} Ana Rte shishIhi vishvaM RtvijaM sushaMso yashca dakSate ||\\
\EN{701622071} tve agne svAhuta priyAsaH santu sUrayaH |\\
\EN{701622072} yantAro ye maghavAno janAnAmUrvAn dayanta gonAm ||\\
\EN{701622081} yeSAmiLA ghRtahastA duroNa Anapi prAtA niSIdati |\\
\EN{701622082} tAMstrAyasva sahasya druho nido yachA naH sharma dIrghashrut ||\\
\EN{701622091} sa mandrayA ca jihvayA vahnirAsA viduSTaraH |\\
\EN{701622092} agne rayiM maghavadbhyo na A vaha havyadAtiM ca sUdaya ||\\
\EN{701622101} ye rAdhAMsi dadatyashvyA maghA kAmena shravaso mahaH |\\
\EN{701622102} tAnaMhasaH pipRhi partRbhiS TvaM shataM pUrbhiryaviSThya ||\\
\EN{701622111} devo vo draviNodAH pUrNAM vivaSTyAsicam |\\
\EN{701622112} ud vA si~ncadhvamupa vA pRNadhvamAdid vo deva ohate ||\\
\EN{701622121} taM hotAramadhvarasya pracetasaM vahniM devA akRNvata |\\
\EN{701622122} dadhAti ratnaM vidhate suvIryamagnirjanAya dAshuSe ||\\
\EN{701723011} agne bhava suSamidhA samiddha uta barhirurviyA vi stRNItAm ||\\
\EN{701723021} uta dvAra ushatIrvi shrayantAmuta devAnushata A vaheha ||\\
\EN{701723031} agne vIhi haviSA vakSi devAn svadhvarA kRNuhi jAtavedaH ||\\
\EN{701723041} svadhvarA karati jAtavedA yakSad devAnamRtAn piprayacca ||\\
\EN{701723051} vaMsva vishvA vAryANi pracetaH satyA bhavantvAshiSo noadya ||\\
\EN{701723061} tvAmu te dadhire havyavAhaM devAso agna Urja A napAtam ||\\
\EN{701723071} te te devAya dAshataH syAma maho no ratnA vi dadha iyAnaH ||\\
\EN{701824011} tve ha yat pitarashcin na indra vishvA vAmA jaritAro asanvan |\\
\EN{701824012} tve gAvaH sudughAstve hyashvAstvaM vasu devayatevaniSThaH ||\\
\EN{701824021} rAjeva hi janibhiH kSeSyevAva dyubhirabhi viduS kaviH san |\\
\EN{701824022} pishA giro maghavan gobhirashvaistvAyataH shishIhirAye asmAn ||\\
\EN{701824031} imA u tvA paspRdhAnAso atra mandrA giro devayantIrupa sthuH |\\
\EN{701824032} arvAcI te pathyA rAya etu syAma te sumatAvindra sharman ||\\
\EN{701824041} dhenuM na tvA sUyavase dudukSannupa brahmANi sasRje vasiSThaH |\\
\EN{701824042} tvAmin me gopatiM vishva AhA na indraH sumatiM gantvacha ||\\
\EN{701824051} arNAMsi cit paprathAnA sudAsa indro gAdhAnyakRNot supArA |\\
\EN{701824052} shardhantaM shimyumucathasya navyaH shApaM sindhUnAmakRNodashastIH ||\\
\EN{701825061} puroLA it turvasho yakSurAsId rAye matsyAso nishitA apIva |\\
\EN{701825062} shruSTiM cakrurbhRgavo druhyavashca sakhA sakhAyamatarad viSUcoH ||\\
\EN{701825071} A pakthAso bhalAnaso bhanantAlinAso viSANinaH shivAsaH |\\
\EN{701825072} A yo.anayat sadhamA Aryasya gavyA tRtsubhyo ajagan yudhA nRn ||\\
\EN{701825081} durAdhyo aditiM srevayanto.acetaso vi jagRbhre paruSNIm |\\
\EN{701825082} mahnAvivyak pRthivIM patyamAnaH pashuS kavirashayaccAyamAnaH ||\\
\EN{701825091} IyurarthaM na nyarthaM paruSNImAshushcanedabhipitvaM jagAma |\\
\EN{701825092} sudAsa indraH sutukAnamitrAnarandhayan mAnuSe vadhrivAcaH ||\\
\EN{701825101} IyurgAvo na yavasAdagopA yathAkRtamabhi mitraM citAsaH |\\
\EN{701825102} pRshnigAvaH pRshninipreSitAsaH shruSTiM cakrurniyuto rantayashca ||\\
\EN{701826111} ekaM ca yo viMshatiM ca shravasyA vaikarNayorjanAn rAjA nyastaH |\\
\EN{701826112} dasmo na sadman ni shishAti barhiH shUraH sargamakRNodindra eSAm ||\\
\EN{701826121} adha shrutaM kavaSaM vRddhamapsvanu druhyuM ni vRNag vajrabAhuH |\\
\EN{701826122} vRNAnA atra sakhyAya sakhyaM tvAyanto ye amadannanu tvA ||\\
\EN{701826131} vi sadyo vishvA dRMhitAnyeSAmindraH puraH sahasA sapta dardaH |\\
\EN{701826132} vyAnavasya tRtsave gayaM bhAg jeSma pUruM vidathe mRdhravAcam ||\\
\EN{701826141} ni gavyavo.anavo druhyavashca SaSTiH shatA suSupuH SaT sahasrA |\\
\EN{701826142} SaSTirvIrAso adhi SaD duvoyu vishvedindrasya vIryA kRtAni ||\\
\EN{701826151} indreNaite tRtsavo veviSANA Apo na sRSTA adhavanta nIcIH |\\
\EN{701826152} durmitrAsaH prakalavin mimAnA jahurvishvAni bhojanA sudAse ||\\
\EN{701827161} ardhaM vIrasya shRtapAmanindraM parA shardhantaM nunude abhi kSAm |\\
\EN{701827162} indro manyuM manyumyo mimAya bheje patho vartanimpatyamAnaH ||\\
\EN{701827171} AdhreNa cit tad vekaM cakAra siMhyaM cit petvenA jaghAna |\\
\EN{701827172} ava sraktIrveshyAvRshcadindraH prAyachad vishvA bhojanA sudAse ||\\
\EN{701827181} shashvanto hi shatravo rAradhuS Te bhedasya cicchardhato vinda randhim |\\
\EN{701827182} martAnena stuvato yaH kRNoti tigmaM tasmin ni jahi vajramindra ||\\
\EN{701827191} AvadindraM yamunA tRtsavashca prAtra bhedaM sarvatAtAmuSAyat |\\
\EN{701827192} ajAsashca shigravo yakSavashca baliM shIrSANi jabhrurashvyAni ||\\
\EN{701827201} na ta indra sumatayo na rAyaH saMcakSe pUrvA uSaso na nUtnAH |\\
\EN{701827202} devakaM cin mAnyamAnaM jaghanthAva tmanA bRhataH shambaraM bhet ||\\
\EN{701828211} pra ye gRhAdamamadustvAyA parAsharaH shatayAturvasiSThaH |\\
\EN{701828212} na te bhojasya sakhyaM mRSantAdhA sUribhyaH sudinA vyuchAn ||\\
\EN{701828221} dve napturdevavataH shate gordvA rathA vadhUmantA sudAsaH |\\
\EN{701828222} arhannagne paijavanasya dAnaM hoteva sadma paryemi rebhan ||\\
\EN{701828231} catvAro mA paijavanasya dAnAH smaddiSTayaH kRshanino nireke |\\
\EN{701828232} RjrAso mA pRthiviSThAH sudAsastokaM tokAya shravase vahanti ||\\
\EN{701828241} yasya shravo rodasI antarurvI shIrSNe\-shIrSNe vibabhAjA vibhaktA |\\
\EN{701828242} saptedindraM na sravato gRNanti ni yudhyAmadhimashishAdabhIke ||\\
\EN{701828251} imaM naro marutaH sashcatAnu divodAsaM na pitaraM sudAsaH |\\
\EN{701828252} aviSTanA paijavanasya ketaM dUNAshaM kSatramajaraM duvoyu ||\\
\EN{701929011} yastigmashRN^go vRSabho na bhIma ekaH kRSTIshcyAvayati pra vishvAH |\\
\EN{701929012} yaH shashvato adAshuSo gayasya prayantAsisuSvitarAya vedaH ||\\
\EN{701929021} tvaM ha tyadindra kutsamAvaH shushrUSamANastanvA samarye |\\
\EN{701929022} dAsaM yacchuSNaM kuyavaM nyasmA arandhaya ArjuneyAya shikSan ||\\
\EN{701929031} tvaM dhRSNo dhRSatA vItahavyaM prAvo vishvAbhirUtibhiH sudAsam |\\
\EN{701929032} pra paurukutsiM trasadasyumAvaH kSetrasAtA vRtrahatyeSu pUrum ||\\
\EN{701929041} tvaM nRbhirnRmaNo devavItau bhUrINi vRtrA haryashva haMsi |\\
\EN{701929042} tvaM ni dasyuM cumuriM dhuniM cAsvApayo dabhItaye suhantu ||\\
\EN{701929051} tava cyautnAni vajrahasta tAni nava yat puro navatiM ca sadyaH |\\
\EN{701929052} niveshane shatatamAviveSIraha~nca vRtraM namucimutAhan ||\\
\EN{701930061} sanA tA ta indra bhojanAni rAtahavyAya dAshuSe sudAse |\\
\EN{701930062} vRSNe te harI vRSaNA yunajmi vyantu brahmANi purushAka vAjam ||\\
\EN{701930071} mA te asyAM sahasAvan pariSTAvaghAya bhUma harivaH parAdai |\\
\EN{701930072} trAyasva no.avRkebhirvarUthaistava priyAsaH sUriSu syAma ||\\
\EN{701930081} priyAsa it te maghavannabhiSTau naro madema sharaNe sakhAyaH |\\
\EN{701930082} ni turvashaM ni yAdvaM shishIhyatithigvAya shaMsyaM kariSyan ||\\
\EN{701930091} sadyashcin nu te maghavannabhiSTau naraH shaMsantyukthashAsa ukthA |\\
\EN{701930092} ye te havebhirvi paNInradAshannasmAn vRNISva yujyAya tasmai ||\\
\EN{701930101} ete stomA narAM nRtama tubhyamasmadrya~nco dadato maghAni |\\
\EN{701930102} teSAmindra vRtrahatye shivo bhUH sakhA ca shUro.avitAca nRNAm ||\\
\EN{701930111} nU indra shUra stavamAna UtI brahmajUtastanvA vAvRdhasva |\\
\EN{701930112} upa no vAjAn mimIhyupa stIn yUyaM pAta ... ||\\
\EN{702001011} ugro jaj~ne vIryAya svadhAvA~ncakrirapo naryo yat kariSyan |\\
\EN{702001012} jagmiryuvA nRSadanamavobhistrAtA na indra enaso mahashcit ||\\
\EN{702001021} hanta vRtramindraH shUshuvAnaH prAvIn nu vIro jaritAramUtI |\\
\EN{702001022} kartA sudAse aha vA u lokaM dAtA vasu muhurA dAshuSe bhUt ||\\
\EN{702001031} yudhmo anarvA khajakRt samadvA shUraH satrASAD januSemaSALhaH |\\
\EN{702001032} vyAsa indraH pRtanAH svojA adhA vishvaMshatrUyantaM jaghAna ||\\
\EN{702001041} ubhe cidindra rodasI mahitvA paprAtha taviSIbhistuviSmaH |\\
\EN{702001042} ni vajramindro harivAn mimikSan samandhasA madeSu vAuvoca ||\\
\EN{702001051} vRSA jajAna vRSaNaM raNAya tamu cin nArI naryaM sasUva |\\
\EN{702001052} pra yaH senAnIradha nRbhyo astInaH satvA gaveSaNaH sa dhRSNuH ||\\
\EN{702002061} nU cit sa bhreSate jano na reSan mano yo asya ghoramAvivAsAt |\\
\EN{702002062} yaj~nairya indre dadhate duvAMsi kSayat sa rAya RtapA RtejAH ||\\
\EN{702002071} yadindra pUrvo aparAya shikSannayajjyAyAn kanIyaso deSNam |\\
\EN{702002072} amRta it paryAsIta dUramA citra citryaM bharA rayiM naH ||\\
\EN{702002081} yasta indra priyo jano dadAshadasan nireke adrivaH sakhA te |\\
\EN{702002082} vayaM te asyAM sumatau caniSThAH syAma varUthe aghnato nRpItau ||\\
\EN{702002091} eSa stomo acikradad vRSA ta uta stAmurmaghavannakrapiSTa |\\
\EN{702002092} rAyas kAmo jaritAraM ta Agan tvamaN^ga shakra vasva Ashako naH ||\\
\EN{702002101} sa na indra tvayatAyA iSe dhAstmanA ca ye maghavAno junanti |\\
\EN{702002102} vasvI Su te jaritre astu shaktiryUyaM pAta ... ||\\
\EN{702103011} asAvi devaM goRjIkamandho nyasminnindro januSemuvoca |\\
\EN{702103012} bodhAmasi tvA haryashva yaj~nairbodhA na stomamandhaso madeSu ||\\
\EN{702103021} pra yanti yaj~naM vipayanti barhiH somamAdo vidathe dudhravAcaH |\\
\EN{702103022} nyu bhriyante yashaso gRbhAdA dUra upabdo vRSaNonRSAcaH ||\\
\EN{702103031} tvamindra sravitavA apas kaH pariSThitA ahinA shUra pUrvIH |\\
\EN{702103032} tvad vAvakre rathyo na dhenA rejante vishvA kRtrimANi bhISA ||\\
\EN{702103041} bhImo viveSAyudhebhireSAmapAMsi vishvA naryANi vidvAn |\\
\EN{702103042} indraH puro jarhRSANo vi dUdhod vi vajrahasto mahinAjaghAna ||\\
\EN{702103051} na yAtava indra jUjuvurno na vandanA shaviSTha vedyAbhiH |\\
\EN{702103052} sa shardhadaryo viSuNasya jantormA shishnadevA api gur{R}taM naH ||\\
\EN{702104061} abhi kratvendra bhUradha jman na te vivyaM mahimAnaM rajAMsi |\\
\EN{702104062} svenA hi vRtraM shavasA jaghantha na shatrurantaMvividad yudhA te ||\\
\EN{702104071} devAshcit te asuryAya pUrve.anu kSatrAya mamire sahAMsi |\\
\EN{702104072} indro maghAni dayate viSahyendraM vAjasya johuvanta sAtau ||\\
\EN{702104081} kIrishcid dhi tvAmavase juhAveshAnamindra saubhagasya bhUreH |\\
\EN{702104082} avo babhUtha shatamUte asme abhikSattustvAvato varUtA ||\\
\EN{702104091} sakhAyasta indra vishvaha syAma namovRdhAso mahinA tarutra |\\
\EN{702104092} vanvantu smA te.avasA samIke.abhItimaryo vanuSAM shavAMsi ||\\
\EN{702104101} sa na indra tvayatAyA ... ||\\
\EN{702205011} pibA somamindra mandatu tvA yaM te suSAva haryashvAdriH |\\
\EN{702205012} soturbAhubhyAM suyato nArvA ||\\
\EN{702205021} yaste mado yujyashcArurasti yena vRtrANi haryashva haMsi |\\
\EN{702205022} sa tvAmindra prabhUvaso mamattu ||\\
\EN{702205031} bodhA su me maghavan vAcamemAM yAM te vasiSTho arcatiprashastim |\\
\EN{702205032} imA brahma sadhamAde juSasva ||\\
\EN{702205041} shrudhI havaM vipipAnasyAdrerbodhA viprasyArcato manISAm |\\
\EN{702205042} kRSvA duvAMsyantamA sacemA ||\\
\EN{702205051} na te giro api mRSye turasya na suSTutimasuryasya vidvAn |\\
\EN{702205052} sadA te nAma svayasho vivakmi ||\\
\EN{702206061} bhUri hi te savanA mAnuSeSu bhUri manISI havate tvAmit |\\
\EN{702206062} mAre asman maghava~n jyok kaH ||\\
\EN{702206071} tubhyedimA savanA shUra vishvA tubhyaM brahmANi vardhanA kRNomi |\\
\EN{702206072} tvaM nRbhirhavyo vishvadhAsi ||\\
\EN{702206081} nU cin nu te manyamAnasya dasmodashnuvanti mahimAnamugra |\\
\EN{702206082} na vIryamindra te na rAdhaH ||\\
\EN{702206091} ye ca pUrva RSayo ye ca nUtnA indra brahmANi janayanta viprAH |\\
\EN{702206092} asme te santu sakhyA shivAni yUyaM pAta ... ||\\
\EN{702307011} udu brahmANyairata shravasyendraM samarye mahayA vasiSTha |\\
\EN{702307012} A yo vishvAni shavasA tatAnopashrotA ma Ivato vacAMsi ||\\
\EN{702307021} ayAmi ghoSa indra devajAmirirajyanta yacchurudho vivAci |\\
\EN{702307022} nahi svamAyushcikite janeSu tAnIdaMhAMsyati parSyasmAn ||\\
\EN{702307031} yuje rathaM gaveSaNaM haribhyAmupa brahmANi jujuSANamasthuH |\\
\EN{702307032} vi bAdhiSTa sya rodasI mahitvendro vRtrANyapratI jaghanvAn ||\\
\EN{702307041} Apashcit pipyu staryo na gAvo nakSannRtaM jaritArasta indra |\\
\EN{702307042} yAhi vAyurna niyuto na achA tvaM hi dhIbhirdayase vi vAjAn ||\\
\EN{702307051} te tvA madA indra mAdayantu shuSmiNaM tuvirAdhasaM jaritre |\\
\EN{702307052} eko devatrA dayase hi martAnasmi~nchUra savane mAdayasva ||\\
\EN{702307061} evedindraM vRSaNaM vajrabAhuM vasiSThAso abhyarcantyarkaiH |\\
\EN{702307062} sa na stuto vIravat pAtu gomad yUyaM pAta ... ||\\
\EN{702408011} yoniS Ta indra sadane akAri tamA nRbhiH puruhUta pra yAhi |\\
\EN{702408012} aso yathA no.avitA vRdhe ca dado vasUni mamadashca somaiH ||\\
\EN{702408021} gRbhItaM te mana indra dvibarhAH sutaH somaH pariSiktA madhUni |\\
\EN{702408022} visRSTadhenA bharate suvRktiriyamindraM johuvatI manISA ||\\
\EN{702408031} A no diva A pRthivyA RjISinnidaM barhiH somapeyAya yAhi |\\
\EN{702408032} vahantu tvA harayo madrya~ncamAN^gUSamachA tavasaM madAya ||\\
\EN{702408041} A no vishvAbhirUtibhiH sajoSA brahma juSANo haryashvayAhi |\\
\EN{702408042} varIvRjat sthavirebhiH sushiprAsme dadhad vRSaNaM shuSmamindra ||\\
\EN{702408051} eSa stomo maha ugrAya vAhe dhurIvAtyo na vAjayannadhAyi |\\
\EN{702408052} indra tvAyamarka ITTe vasUnAM divIva dyAmadhi naH shromataM dhAH ||\\
\EN{702408061} evA na indra vAryasya pUrdhi pra te mahIM sumatiM vevidAma |\\
\EN{702408062} iSaM pinva maghavadbhyaH suvIrAM yUyaM pAta ... ||\\
\EN{702509011} A te maha indro:tyugra samanyavo yat samaranta senAH |\\
\EN{702509012} patAti didyun naryasya bAhvormA te mano viSvadryag vi cArIt ||\\
\EN{702509021} ni durga indra shnathihyamitrAnabhi ye no martAso amanti |\\
\EN{702509022} Are taM shaMsaM kRNuhi ninitsorA no bhara sambharaNaM vasUnAm ||\\
\EN{702509031} shataM te shiprinnUtayaH sudAse sahasraM shaMsA uta rAtirastu |\\
\EN{702509032} jahi vadharvanuSo martyasyAsme dyumnamadhi ratnaM ca dhehi ||\\
\EN{702509041} tvAvato hIndra kratve asmi tvAvato.avituH shUra rAtau |\\
\EN{702509042} vishvedahAni taviSIva ugranokaH kRNuSva harivo na mardhIH ||\\
\EN{702509051} kutsA ete haryashvAya shUSamindre saho devajUtamiyAnAH |\\
\EN{702509052} satrA kRdhi suhanA shUra vRtrA vayaM tarutrAH sanuyAma vAjam ||\\
\EN{702509061} evA na indra vAryasya ... ||\\
\EN{702610011} na soma indramasuto mamAda nAbrahmANo maghavAnaM sutAsaH |\\
\EN{702610012} tasmA ukthaM janaye yajjujoSan nRvan navIyaH shRNavad yathA naH ||\\
\EN{702610021} uktha\-ukthe soma indraM mamAda nIthe\-nIthe maghavAnaM sutAsaH |\\
\EN{702610022} yadIM sabAdhaH pitaraM na putrAH samAnadakSA avase havante ||\\
\EN{702610031} cakAra tA kRNavan nUnamanyA yAni bruvanti vedhasaH suteSu |\\
\EN{702610032} janIriva patirekaH samAno ni mAmRje pura indraHsu sarvAH ||\\
\EN{702610041} evA tamAhuruta shRNva indra eko vibhaktA taraNirmaghAnAm |\\
\EN{702610042} mithastura Utayo yasya pUrvIrasme bhadrANi sashcatapriyANi ||\\
\EN{702610051} evA vasiSTha indramUtaye nR^In kRSTInAM vRSabhaM sute gRNAti |\\
\EN{702610052} sahasriNa upa no mAhi vAjAn yUyaM pAta ... ||\\
\EN{702711011} indraM naro nemadhitA havante yat pAryA yunajate dhiyastAH |\\
\EN{702711012} shUro nRSAtA shavasashcakAna A gomati vraje bhajAtvaM naH ||\\
\EN{702711021} ya indra shuSmo maghavan te asti shikSA sakhibhyaH puruhUtanRbhyaH |\\
\EN{702711022} tvaM hi dRLhA maghavan vicetA apA vRdhi parivRtaM na rAdhaH ||\\
\EN{702711031} indro rAjA jagatashcarSaNInAmadhi kSami viSurUpaM yadasti |\\
\EN{702711032} tato dadAti dAshuSe vasUni codad rAdha upastutashcidarvAk ||\\
\EN{702711041} nU cin na indro maghavA sahUtI dAno vAjaM ni yamate na UtI |\\
\EN{702711042} anUnA yasya dakSiNA pIpAya vAmaM nRbhyo abhivItA sakhibhyaH ||\\
\EN{702711051} nU indra rAye varivas kRdhI na A te mano vavRtyAma maghAya |\\
\EN{702711052} gomadashvAvad rathavad vyanto yUyaM pAta ... ||\\
\EN{702812011} brahmA Na indropa yAhi vidvAnarvA~ncaste harayaH santu yuktAH |\\
\EN{702812012} vishve cid dhi tvA vihavanta martA asmAkamicchRNuhi vishvaminva ||\\
\EN{702812021} havaM ta indra mahimA vyAnaD brahma yat pAsi shavasinnRSINAm |\\
\EN{702812022} A yad vajraM dadhiSe hasta ugra ghoraH san kratvA janiSThA aSALaH ||\\
\EN{702812031} tava praNItIndra johuvAnAn saM yan nR^In na rodasI ninetha |\\
\EN{702812032} mahe kSatrAya shavase hi jaj~ne.atUtujiM cit tUtujirashishnat ||\\
\EN{702812041} ebhirna indrAhabhirdashasya durmitrAso hi kSitayaH pavante |\\
\EN{702812042} prati yaccaSTe anRtamanenA ava dvitA varuNo mAyInaH sAt ||\\
\EN{702812051} vocemedindraM maghavAnamenaM maho rAyo rAdhaso yad dadannaH |\\
\EN{702812052} yo arcato brahmakRtimaviSTho yUyaM pAta ... ||\\
\EN{702913011} ayaM soma indra tubhyaM sunva A tu pra yAhi harivastadokAH |\\
\EN{702913012} pibA tvasya suSutasya cArordado maghAni maghavanniyAnaH ||\\
\EN{702913021} brahman vIra brahmakRtiM juSANo.arvAcIno haribhiryAhi tUyam |\\
\EN{702913022} asminnU Su savane mAdayasvopa brahmANi shRNava imA naH ||\\
\EN{702913031} kA te astyaraMkRtiH sUktaiH kadA nUnaM te maghavan dAshema |\\
\EN{702913032} vishvA matIrA tatane tvAyAdhA ma indra shRNavo havemA ||\\
\EN{702913041} uto ghA te puruSyA idAsan yeSAM pUrveSAmashRNor{R}SINAm |\\
\EN{702913042} adhAhaM tvA maghava~n johavImi tvaM na indrAsi pramatiH piteva ||\\
\EN{702913051} vocemedindraM ... ||\\
\EN{703014011} A no deva shavasA yAhi shuSmin bhavA vRdha indra rAyo asya |\\
\EN{703014012} mahe nRmNAya nRpate suvajra mahi kSatrAya pauMsyAya shUra ||\\
\EN{703014021} havanta u tvA havyaM vivAci tanUSu shUrAH sUryasya sAtau |\\
\EN{703014022} tvaM vishveSu senyo janeSu tvaM vRtrANi randhayA suhantu ||\\
\EN{703014031} ahA yadindra sudinA vyuchAn dadho yat ketumupamaM samatsu |\\
\EN{703014032} nyagniH sIdadasuro na hotA huvAno atra subhagAya devAn ||\\
\EN{703014041} vayaM te ta indra ye ca deva stavanta shUra dadato maghAni |\\
\EN{703014042} yachA sUribhya upamaM varUthaM svAbhuvo jaraNAmashnavanta ||\\
\EN{703014051} vocemedindraM ... ||\\
\EN{703115011} pra va indrAya mAdanaM haryashvAya gAyata |\\
\EN{703115012} sakhAyaH somapAvne ||\\
\EN{703115021} shaMsedukthaM sudAnava uta dyukSaM yathA naraH |\\
\EN{703115022} cakRmA satyarAdhase ||\\
\EN{703115031} tvaM na indra vAjayustvaM gavyuH shatakrato |\\
\EN{703115032} tvaM hiraNyayurvaso ||\\
\EN{703115041} vayamindra tvAyavo.abhi pra Nonumo vRSan |\\
\EN{703115042} viddhI tvasya no vaso ||\\
\EN{703115051} mA no nide ca vaktave.aryo randhIrarAvNe |\\
\EN{703115052} tve api kraturmama ||\\
\EN{703115061} tvaM varmAsi saprathaH puroyodhashca vRtrahan |\\
\EN{703115062} tvayA pratibruve yujA ||\\
\EN{703116071} mahAnutAsi yasya te.anu svadhAvarI sahaH |\\
\EN{703116072} mamnAte indrarodasI ||\\
\EN{703116081} taM tvA marutvatI pari bhuvad vANI sayAvarI |\\
\EN{703116082} nakSamANA saha dyubhiH ||\\
\EN{703116091} UrdhvAsastvAnvindavo bhuvan dasmamupa dyavi |\\
\EN{703116092} saM te namanta kRSTayaH ||\\
\EN{703116101} pra vo mahe mahivRdhe bharadhvaM pracetase pra sumatiM kRNudhvam |\\
\EN{703116102} vishaH pUrvIH pra carA carSaNiprAH ||\\
\EN{703116111} uruvyacase mahine suvRktimindrAya brahma janayanta viprAH |\\
\EN{703116112} tasya vratAni na minanti dhIrAH ||\\
\EN{703116121} indraM vANIranuttamanyumeva satrA rAjAnaM dadhire sahadhyai |\\
\EN{703116122} haryashvAya barhayA samApIn ||\\
\EN{703217011} mo Su tvA vAghatashcanAre asman ni rIraman |\\
\EN{703217012} ArAttAccit sadhamAdaM na A gahIha vA sannupa shrudhi ||\\
\EN{703217021} ime hi te brahmakRtaH sute sacA madhau na makSa Asate |\\
\EN{703217022} indre kAmaM jaritAro vasUyavo rathe na pAdamA dadhuH ||\\
\EN{703217031} rAyaskAmo vajrahastaM sudakSiNaM putro na pitaraM huve ||\\
\EN{703217041} ima indrAya sunvire somAso dadhyAshiraH |\\
\EN{703217042} tAnA madAya vajrahasta pItaye haribhyAM yAhyoka A ||\\
\EN{703217051} shravacchrutkarNa Iyate vasUnAM nU cin no mardhiSad giraH |\\
\EN{703217052} sadyashcid yaH sahasrANi shatA dadan nakirditsantamA minat ||\\
\EN{703218061} sa vIro apratiSkuta indreNa shUshuve nRbhiH |\\
\EN{703218062} yaste gabhIrA savanAni vRtrahan sunotyA ca dhAvati ||\\
\EN{703218071} bhavA varUthaM maghavan maghonAM yat samajAsi shardhataH |\\
\EN{703218072} vi tvAhatasya vedanaM bhajemahyA dUNAsho bharA gayam ||\\
\EN{703218081} sunotA somapAvne somamindrAya vajriNe |\\
\EN{703218082} pacatA paktIravase kRNudhvamit pRNannit pRNate mayaH ||\\
\EN{703218091} mA sredhata somino dakSatA mahe kRNudhvaM rAya Atuje |\\
\EN{703218092} taraNirijjayati kSeti puSyati na devAsaH kavatnave ||\\
\EN{703218101} nakiH sudAso rathaM paryAsa na rIramat |\\
\EN{703218102} indro yasyAvitA yasya maruto gamat sa gomati vraje ||\\
\EN{703219111} gamad vAjaM vAjayannindra martyo yasya tvamavitA bhuvaH |\\
\EN{703219112} asmAkaM bodhyavitA rathAnAmasmAkaM shUra nRNAm ||\\
\EN{703219121} udin nyasya ricyate.aMsho dhanaM na jigyuSaH |\\
\EN{703219122} ya indroharivAn na dabhanti taM ripo dakSaM dadhAti somini ||\\
\EN{703219131} mantramakharvaM sudhitaM supeshasaM dadhAta yaj~niyeSvA |\\
\EN{703219132} pUrvIshcana prasitayastaranti taM ya indre karmaNA bhuvat ||\\
\EN{703219141} kastamindra tvAvasumA martyo dadharSati |\\
\EN{703219142} shraddhA it temaghavan pArye divi vAjI vAjaM siSAsati ||\\
\EN{703219151} maghonaH sma vRtrahatyeSu codaya ye dadati priyA vasu |\\
\EN{703219152} tavapraNItI haryashva sUribhirvishvA tarema duritA ||\\
\EN{703220161} tavedindrAvamaM vasu tvaM puSyasi madhyamam |\\
\EN{703220162} satrA vishvasya paramasya rAjasi nakiS TvA goSu vRNvate ||\\
\EN{703220171} tvaM vishvasya dhanadA asi shruto ya IM bhavantyAjayaH |\\
\EN{703220172} tavAyaM vishvaH puruhUta pArthivo.avasyurnAma bhikSate ||\\
\EN{703220181} yadindra yAvatastvametAvadahamIshIya |\\
\EN{703220182} stotAramid didhiSeya radAvaso na pApatvAya rAsIya ||\\
\EN{703220191} shikSeyamin mahayate dive\-dive rAya A kuhacidvide |\\
\EN{703220192} nahi tvadanyan maghavan na ApyaM vasyo asti pitA cana ||\\
\EN{703220201} taraNirit siSAsati vAjaM purandhyA yujA |\\
\EN{703220202} A va indrampuruhUtaM name girA nemiM taSTeva sudrvam ||\\
\EN{703221211} na duSTutI martyo vindate vasu na sredhantaM rayirnashat |\\
\EN{703221212} sushaktirin maghavan tubhyaM mAvate deSNaM yat pArye divi ||\\
\EN{703221221} abhi tvA shUra nonumo.adugdhA iva dhenavaH |\\
\EN{703221222} IshAnamasya jagataH svardRshamIshAnamindra tasthuSaH ||\\
\EN{703221231} na tvAvAnanyo divyo na pArthivo na jAto na janiSyate |\\
\EN{703221232} ashvAyanto maghavannindra vAjino gavyantastvA havAmahe ||\\
\EN{703221241} abhI SatastadA bharendra jyAyaH kanIyasaH |\\
\EN{703221242} purUvasurhi maghavan sanAdasi bhare\-bhare ca havyaH ||\\
\EN{703221251} parA Nudasva maghavannamitrAn suvedA no vasU kRdhi |\\
\EN{703221252} asmAkaM bodhyavitA mahAdhane bhavA vRdhaH sakhInAm ||\\
\EN{703221261} indra kratuM na A bhara pitA putrebhyo yathA |\\
\EN{703221262} shikSA Noasmin puruhUta yAmani jIvA jyotirashImahi ||\\
\EN{703221271} mA no aj~nAtA vRjanA durAdhyo mAshivAso ava kramuH |\\
\EN{703221272} tvayA vayaM pravataH shashvatIrapo.ati shUra tarAmasi ||\\
\EN{703322011} shvitya~nco mA dakSiNataskapardA dhiyaMjinvAso abhi hi pramanduH |\\
\EN{703322012} uttiSThan voce pari barhiSo nR^In na me dUrAdavitave vasiSThAH ||\\
\EN{703322021} dUrAdindramanayannA sutena tiro vaishantamati pAntamugram |\\
\EN{703322022} pAshadyumnasya vAyatasya somAt sutAdindro.avRNItAvasiSThAn ||\\
\EN{703322031} even nu kaM sindhumebhistatAreven nu kaM bhedamebhirjaghAna |\\
\EN{703322032} even nu kaM dAsharAj~ne sudAsaM prAvadindro brahmaNA vo vasiSThAH ||\\
\EN{703322041} juSTI naro brahmaNA vaH pitR^INAmakSamavyayaM na kilA riSAtha |\\
\EN{703322042} yacchakvarISu bRhatA raveNendre shuSmamadadhAtA vasiSThAH ||\\
\EN{703322051} ud dyAmivet tRSNajo nAthitAso.adIdhayurdAsharAj~ne vRtAsaH |\\
\EN{703322052} vasiSThasya stuvata indro ashroduruM tRtsubhyo akRNodu lokam ||\\
\EN{703323061} daNDA ived goajanAsa Asan parichinnA bharatA arbhakAsaH |\\
\EN{703323062} abhavacca puraetA vasiSTha Adit tRtsUnAM visho aprathanta ||\\
\EN{703323071} trayaH kRNvanti bhuvaneSu retastisraH prajA AryA jyotiragrAH |\\
\EN{703323072} trayo gharmAsa uSasaM sacante sarvAnit tAnanuvidurvasiSThAH ||\\
\EN{703323081} sUryasyeva vakSatho jyotireSAM samudrasyeva mahimA gabhIraH |\\
\EN{703323082} vAtasyeva prajavo nAnyena stomo vasiSThA anvetave vaH ||\\
\EN{703323091} ta in niNyaM hRdayasya praketaiH sahasravalshamabhi saMcaranti |\\
\EN{703323092} yamena tataM paridhiM vayanto.apsarasa upa sedurvasiSThAH ||\\
\EN{703323101} vidyuto jyotiH pari saMjihAnaM mitrAvaruNA yadapashyatAM tvA |\\
\EN{703323102} tat te janmotaikaM vasiSThAgastyo yat tvA vishaAjabhAra ||\\
\EN{703324111} utAsi maitrAvaruNo vasiSThorvashyA brahman manaso.adhi jAtaH |\\
\EN{703324112} drapsaM skannaM brahmaNA daivyena vishve devAH puSkare tvAdadanta ||\\
\EN{703324121} sa praketa ubhayasya pravidvAn sahasradAna uta vA sadAnaH |\\
\EN{703324122} yamena tataM paridhiM vayiSyannapsarasaH pari jaj~ne vasiSThaH ||\\
\EN{703324131} satre ha jAtAviSitA namobhiH kumbhe retaH siSicatuH samAnam |\\
\EN{703324132} tato ha mAna udiyAya madhyAt tato jAtaM RSimAhurvasiSTham ||\\
\EN{703324141} ukthabhRtaM sAmabhRtaM bibharti grAvANaM bibhrat pra vadAtyagre |\\
\EN{703324142} upainamAdhvaM sumanasyamAnA A vo gachAti pratRdo vasiSThaH ||\\
\EN{703425011} pra shukraitu devI manISA asmat sutaSTo ratho na vAjI ||\\
\EN{703425021} viduH pRthivyA divo janitraM shRNvantyApo adha kSarantIH ||\\
\EN{703425031} Apashcidasmai pinvanta pRthvIrvRtreSu shUrA maMsanta ugrAH ||\\
\EN{703425041} A dhUrSvasmai dadhAtAshvAnindro na vajrI hiraNyabAhuH ||\\
\EN{703425051} abhi pra sthAtAheva yaj~naM yAteva patman tmanA hinota ||\\
\EN{703425061} tmanA samatsu hinota yaj~naM dadhAta ketuM janAya vIram ||\\
\EN{703425071} udasya shuSmAd bhAnurnArta bibharti bhAraM pRthivI nabhUma ||\\
\EN{703425081} hvayAmi devAnayAturagne sAdhannRtena dhiyaM dadhAmi ||\\
\EN{703425091} abhi vo devIM dhiyaM dadhidhvaM pra vo devatrA vAcaM kRNudhvam ||\\
\EN{703425101} A caSTa AsAM pAtho nadInAM varuNa ugraH sahasracakSAH ||\\
\EN{703426111} rAjA rASTrAnAM pesho nadInAmanuttamasmai kSatraM vishvAyu ||\\
\EN{703426121} aviSTo asmAn vishvAsu vikSvadyuM kRNota shaMsaM ninitsoH ||\\
\EN{703426131} vyetu didyud dviSAmashevA yuyota viSvag rapastanUnAm ||\\
\EN{703426141} avIn no agnirhavyAn namobhiH preSTho asmA adhAyi stomaH ||\\
\EN{703426151} sajUrdevebhirapAM napAtaM sakhAyaM kRdhvaM shivo no astu ||\\
\EN{703426161} abjAmukthairahiM gRNISe budhne nadInAM rajassu SIdan ||\\
\EN{703426171} mA no.ahirbudhnyo riSe dhAn mA yaj~no asya sridhad RtAyoH ||\\
\EN{703426181} uta na eSu nRSu shravo dhuH pra rAye yantu shardhanto aryaH ||\\
\EN{703426191} tapanti shatruM svarNa bhUmA mahAsenAso amebhireSAm ||\\
\EN{703426201} A yan naH patnIrgamantyachA tvaSTA supANirdadhAtuvIrAn ||\\
\EN{703427211} prati na stomaM tvaSTA juSeta syAdasme aramatirvasUyuH ||\\
\EN{703427221} tA no rAsan rAtiSAco vasUnyA rodasI varuNAnI shRNotu |\\
\EN{703427222} varUtrIbhiH susharaNo no astu tvaSTA sudatro vi dadhAtu rAyaH ||\\
\EN{703427231} tan no rAyaH parvatAstan na Apastad rAtiSAca oSadhIruta dyauH |\\
\EN{703427232} vanaspatibhiH pRthivI sajoSA ubhe rodasI pari pAsato naH ||\\
\EN{703427241} anu tadurvI rodasI jihAtAmanu dyukSo varuNa indrasakhA |\\
\EN{703427242} anu vishve maruto ye sahAso rAyaH syAma dharuNaM dhiyadhyai ||\\
\EN{703427251} tan na indro varuNo mitro agnirApa oSadhIrvanino juSanta |\\
\EN{703427252} sharman syAma marutAmupasthe yUyaM pAta ... ||\\
\EN{703528011} shaM na indrAgnI bhavatAmavobhiH shaM na indrAvaruNA rAtahavyA |\\
\EN{703528012} shamindrAsomA suvitAya shaM yoH shaM na indrApUSaNA vAjasAtau ||\\
\EN{703528021} shaM no bhagaH shamu naH shaMso astu shaM naH purandhiHshamu santu rAyaH |\\
\EN{703528022} shaM naH satyasya suyamasya shaMsaHshaM no aryamA purujAto astu ||\\
\EN{703528031} shaM no dhAtA shamu dhartA no astu shaM na urUcI bhavatusvadhAbhiH |\\
\EN{703528032} shaM rodasI bRhatI shaM no adriH shaM nodevAnAM suhavAni santu ||\\
\EN{703528041} shaM no agnirjyotiranIko astu shaM no mitrAvaruNAvashvinA sham |\\
\EN{703528042} shaM naH sukRtAM sukRtAni santu shaM na iSiroabhi vAtu vAtaH ||\\
\EN{703528051} shaM no dyAvApRthivI pUrvahUtau shamantarikSaM dRshayeno astu |\\
\EN{703528052} shaM na oSadhIrvanino bhavantu shaM no rajasas patirastu jiSNuH ||\\
\EN{703529061} shaM na indro vasubhirdevo astu shamAdityebhirvaruNaH sushaMsaH |\\
\EN{703529062} shaM no rudro rudrebhirjalASaH shaM nastvaSTA gnAbhiriha shRNotu ||\\
\EN{703529071} shaM naH somo bhavatu brahma shaM naH shaM no grAvANaHshamu santu yaj~nAH |\\
\EN{703529072} shaM naH svarUNAM mitayo bhavantu shaM naH prasvaH shaM vastu vediH ||\\
\EN{703529081} shaM naH sUrya urucakSA udetu shaM nashcatasraH pradisho bhavantu |\\
\EN{703529082} shaM naH parvatA dhruvayo bhavantu shaM naH sindhavaH shamu santvApaH ||\\
\EN{703529091} shaM no aditirbhavatu vratebhiH shaM no bhavantu marutaH svarkAH |\\
\EN{703529092} shaM no viSNuH shaM u pUSA no astu shaM no bhavitraM shaM vastu vAyuH ||\\
\EN{703529101} shaM no devaH savitA trAyamANaH shaM no bhavantUSaso vibhAtIH |\\
\EN{703529102} shaM naH parjanyo bhavatu prajAbhyaH shaM naHkSetrasya patirastu shambhuH ||\\
\EN{703530111} shaM no devA vishvadevA bhavantu shaM sarasvatI saha dhIbhirastu |\\
\EN{703530112} shamabhiSAcaH shamu rAtiSAcaH shaM no divyAH pArthivAH shaM no apyAH ||\\
\EN{703530121} shaM naH satyasya patayo bhavantu shaM no arvantaH shamu santu gAvaH |\\
\EN{703530122} shaM na RbhavaH sukRtaH suhastAH shaM no bhavantu pitaro haveSu ||\\
\EN{703530131} shaM no aja ekapAd devo astu shaM no.ahirbudhnyaH shaM samudraH |\\
\EN{703530132} shaM no apAM napAt perurastu shaM naH pRshnirbhavatu devagopA ||\\
\EN{703530141} AdityA rudrA vasavo juSantedaM brahma kriyamANaM navIyaH |\\
\EN{703530142} shRNvantu ni divyAH pArthivAso gojAtA uta ye yaj~niyAsaH ||\\
\EN{703530151} ye devAnAM yaj~niyA yaj~niyAnAM manoryajatrA amRtA Rtaj~nAH |\\
\EN{703530152} te no rAsantAmurugAyamadya yUyaM pAta ... ||\\
\EN{703601011} pra brahmaitu sadanAd Rtasya vi rashmibhiH sasRje sUryo gAH |\\
\EN{703601012} vi sAnunA pRthivI sasra urvI pRthu pratIkamadhyedhe agniH ||\\
\EN{703601021} imAM vAM mitrAvaruNA suvRktimiSaM na kRNve asurA navIyaH |\\
\EN{703601022} ino vAmanyaH padavIradabdho janaM ca mitro yatati bruvANaH ||\\
\EN{703601031} A vAtasya dhrajato ranta ityA apIpayanta dhenavo na sUdAH |\\
\EN{703601032} maho divaH sadane jAyamAno.acikradad vRSabhaH sasminnUdhan ||\\
\EN{703601041} girA ya etA yunajad dharI ta indra priyA surathA shUra dhAyU |\\
\EN{703601042} pra yo manyuM ririkSato minAtyA sukratumaryamaNaM vavRtyAm ||\\
\EN{703601051} yajante asya sakhyaM vayashca namasvinaH sva Rtasya dhAman |\\
\EN{703601052} vi pRkSo bAbadhe nRbhi stavAna idaM namo rudrAya preSTham ||\\
\EN{703602061} A yat sAkaM yashaso vAvashAnAH sarasvatI saptathI sindhumAtA |\\
\EN{703602062} yAH suSvayanta sudughAH sudhArA abhi svena payasA pIpyAnAH ||\\
\EN{703602071} uta tye no maruto mandasAnA dhiyaM tokaM ca vAjino.avantu |\\
\EN{703602072} mA naH pari khyadakSarA carantyavIvRdhan yujyaM te rayiM naH ||\\
\EN{703602081} pra vo mahImaramatiM kRNudhvaM pra pUSaNaM vidathyaM na vIram |\\
\EN{703602082} bhagaM dhiyo.avitAraM no asyAH sAtau vAjaM rAtiSAcaM purandhim ||\\
\EN{703602091} achAyaM vo marutaH shloka etvachA viSNuM niSiktapAmavobhiH |\\
\EN{703602092} uta prajAyai gRNate vayo dhuryUyaM pAta ... ||\\
\EN{703703011} A vo vAhiSTho vahatu stavadhyai ratho vAjA RbhukSaNo amRktaH |\\
\EN{703703012} abhi tripRSThaiH savaneSu somairmade sushiprA mahabhiH pRNadhvam ||\\
\EN{703703021} yUyaM ha ratnaM maghavatsu dhattha svardRsha RbhukSaNo amRktam |\\
\EN{703703022} saM yaj~neSu svadhAvantaH pibadhvaM vi no rAdhAMsi matibhirdayadhvam ||\\
\EN{703703031} uvocitha hi maghavan deSNaM maho arbhasya vasuno vibhAge |\\
\EN{703703032} ubhA te pUrNA vasunA gabhastI na sUnRtA ni yamate vasavyA ||\\
\EN{703703041} tvamindra svayashA RbhukSA vAjo na sAdhurastameSy RkvA |\\
\EN{703703042} vayaM nu te dAshvAMsaH syAma brahma kRNvanto harivo vasiSThAH ||\\
\EN{703703051} sanitAsi pravato dAshuSe cid yAbhirviveSo haryashva dhIbhiH |\\
\EN{703703052} vavanmA nu te yujyAbhirUtI kadA na indra rAya A dashasyeH ||\\
\EN{703704061} vAsayasIva vedhasastvaM naH kadA na indra vacaso bubodhaH |\\
\EN{703704062} astaM tAtyA dhiyA rayiM suvIraM pRkSo no arvA nyuhIta vAjI ||\\
\EN{703704071} abhi yaM devI nir{R}tishcidIshe nakSanta indraM sharadaHsupRkSaH |\\
\EN{703704072} upa tribandhurjaradaSTimetyasvaveshaM yaM kRNavanta martAH ||\\
\EN{703704081} A no rAdhAMsi savitaH stavadhyA A rAyo yantu parvatasyarAtau |\\
\EN{703704082} sadA no divyaH pAyuH siSaktu yUyaM pAta ... ||\\
\EN{703805011} udu Sya devaH savitA yayAma hiraNyayImamatiM yAmashishret |\\
\EN{703805012} nUnaM bhago havyo mAnuSebhirvi yo ratnA purUvasurdadhAti ||\\
\EN{703805021} udu tiSTha savitaH shrudhyasya hiraNyapANe prabhRtAv Rtasya |\\
\EN{703805022} vyurvIM pRthvImamatiM sRjAna A nRbhyo martabhojanaM suvAnaH ||\\
\EN{703805031} api STutaH savitA devo astu yamA cid vishve vasavo gRNanti |\\
\EN{703805032} sa na stomAn namasyashcano dhAd vishvebhiH pAtu pAyubhirni sUrIn ||\\
\EN{703805041} abhi yaM devyaditirgRNAti savaM devasya saviturjuSANA |\\
\EN{703805042} abhi samrAjo varuNo gRNantyabhi mitrAso aryamA sajoSAH ||\\
\EN{703805051} abhi ye mitho vanuSaH sapante rAtiM divo rAtiSAcaH pRthivyAH |\\
\EN{703805052} ahirbudhnya uta naH shRNotu varUtryekadhenubhirni pAtu ||\\
\EN{703805061} anu tan no jAspatirmaMsISTa ratnaM devasya savituriyAnaH |\\
\EN{703805062} bhagamugro.avase johavIti bhagamanugro adha yAti ratnam ||\\
\EN{703805071} shaM no bhavantu vAjino haveSu devatAtA mitadravaH svarkAH |\\
\EN{703805072} jambhayanto.ahiM vRkaM rakSAMsi sanemyasmad yuyavannamIvAH ||\\
\EN{703805081} vAje\-vAje.avata vAjino no dhaneSu viprA amRtA Rtaj~nAH |\\
\EN{703805082} asya madhvaH pibata mAdayadhvaM tRptA yAta pathibhirdevayAnaiH ||\\
\EN{703906011} Urdhvo agniH sumatiM vasvo ashret pratIcI jUrNirdevatAtimeti |\\
\EN{703906012} bhejAte adrI rathyeva panthAM RtaM hotA na iSito yajAti ||\\
\EN{703906021} pra vAvRje suprayA barhireSAmA vishpatIva bIriTa iyAte |\\
\EN{703906022} vishAmaktoruSasaH pUrvahUtau vAyuH pUSA svastaye niyutvAn ||\\
\EN{703906031} jmayA atra vasavo ranta devA urAvantarikSe marjayanta shubhrAH |\\
\EN{703906032} arvAk patha urujrayaH kRNudhvaM shrotA dUtasya jagmuSo no asya ||\\
\EN{703906041} te hi yaj~neSu yaj~niyAsa UmAH sadhasthaM vishve abhi santi devAH |\\
\EN{703906042} tAnadhvara ushato yakSyagne shruSTI bhagaM nAsatyA purandhim ||\\
\EN{703906051} Agne giro diva A pRthivyA mitraM vaha varuNamindramagnim |\\
\EN{703906052} AryamaNamaditiM viSNumeSAM sarasvatI maruto mAdayantAm ||\\
\EN{703906061} rare havyaM matibhiryaj~niyAnAM nakSat kAmaM martyAnAmasinvan |\\
\EN{703906062} dhAtA rayimavidasyaM sadAsAM sakSImahi yujyebhirnu devaiH ||\\
\EN{703906071} nU rodasI abhiSTute vasiSThair{R}tAvAno varuNo mitro agniH |\\
\EN{703906072} yachantu candrA upamaM no arkaM yUyaM pAta ... ||\\
\EN{704007011} o shruSTirvidathyA sametu prati stomaM dadhImahi turANAm |\\
\EN{704007012} yadadya devaH savitA suvAti syAmAsya ratnino vibhAge ||\\
\EN{704007021} mitrastan no varuNo rodasI ca dyubhaktamindro aryamA dadAtu |\\
\EN{704007022} dideSTu devyaditI rekNo vAyushca yan niyuvaite bhagashca ||\\
\EN{704007031} sedugro astu marutaH sa shuSmI yaM martyaM pRSadashvA avAtha |\\
\EN{704007032} utemagniH sarasvatI junanti na tasya rAyaH paryetAsti ||\\
\EN{704007041} ayaM hi netA varuNa Rtasya mitro rAjAno aryamApo dhuH |\\
\EN{704007042} suhavA devyaditiranarvA te no aMho ati parSannariSTAn ||\\
\EN{704007051} asya devasya mILhuSo vayA viSNoreSasya prabhRthe havirbhiH |\\
\EN{704007052} vide hi rudro rudriyaM mahitvaM yAsiSTaM vartirashvinAvirAvat ||\\
\EN{704007061} mAtra pUSannAghRNa irasyo varUtrI yad rAtiSAcashca rAsan |\\
\EN{704007062} mayobhuvo no arvanto ni pAntu vRSTiM parijmA vAto dadAtu ||\\
\EN{704007071} nU rodasI ... ||\\
\EN{704108011} prAtaragniM prAtarindraM havAmahe prAtarmitrAvaruNAprAtarashvinA |\\
\EN{704108012} prAtarbhagaM pUSaNaM brahmaNas patiM prAtaH somamuta rudraM huvema ||\\
\EN{704108021} prAtarjitaM bhagamugraM huvema vayaM putramaditeryo vidhartA |\\
\EN{704108022} Adhrashcid yaM manyamAnasturashcid rAjA cid yaM bhagaM bhakSItyAha ||\\
\EN{704108031} bhaga praNetarbhaga satyarAdho bhagemAM dhiyamudavA dadan naH |\\
\EN{704108032} bhaga pra No janaya gobhirashvairbhaga pra nRbhirnRvantaH syAma ||\\
\EN{704108041} utedAnIM bhagavantaH syAmota prapitva uta madhye ahnAm |\\
\EN{704108042} utoditA maghavan sUryasya vayaM devAnAM sumatau syAma ||\\
\EN{704108051} bhaga eva bhagavAnastu devAstena vayaM bhagavantaH syAma |\\
\EN{704108052} taM tvA bhaga sarva ijjohavIti sa no bhaga puraetA bhaveha ||\\
\EN{704108061} samadhvarAyoSaso namanta dadhikrAveva shucaye padAya |\\
\EN{704108062} arvAcInaM vasuvidaM bhagaM no rathamivAshvA vAjina A vahantu ||\\
\EN{704108071} ashvAvatIrgomatIrna uSAso vIravatIH sadamuchantu bhadrAH |\\
\EN{704108072} ghRtaM duhAnA vishvataH prapItA yUyaM pAta ... ||\\
\EN{704209011} pra brahmANo aN^giraso nakSanta pra krandanurnabhanyasya vetu |\\
\EN{704209012} pra dhenava udapruto navanta yujyAtAmadrI adhvarasya peshaH ||\\
\EN{704209021} sugaste agne sanavitto adhvA yukSvA sute harito rohitashca |\\
\EN{704209022} ye vA sadmannaruSA vIravAho huve devAnAM janimAnisattaH ||\\
\EN{704209031} samu vo yaj~naM mahayan namobhiH pra hotA mandro ririca upAke |\\
\EN{704209032} yajasva su purvaNIka devAnA yaj~niyAmaramatiM vavRtyAH ||\\
\EN{704209041} yadA vIrasya revato duroNe syonashIratithirAciketat |\\
\EN{704209042} suprIto agniH sudhito dama A sa vishe dAti vAryamiyatyai ||\\
\EN{704209051} imaM no agne adhvaraM juSasva marutsvindre yashasaM kRdhI naH |\\
\EN{704209052} A naktA barhiH sadatAmuSAsoshantA mitrAvaruNAyajeha ||\\
\EN{704209061} evAgniM sahasyaM vasiSTho rAyaskAmo vishvapsnyasya staut |\\
\EN{704209062} iSaM rayiM paprathad vAjamasme yUyaM pAta ... ||\\
\EN{704310011} pra vo yaj~neSu devayanto arcan dyAvA namobhiH prithivI iSadhyai |\\
\EN{704310012} yeSAM brahmANyasamAni viprA viSvag viyanti vanino na shAkhAH ||\\
\EN{704310021} pra yaj~na etu hetvo na saptirud yachadhvaM samanaso ghRtAcIH |\\
\EN{704310022} stRNIta barhiradhvarAya sAdhUrdhvA shocIMSi devayUnyasthuH ||\\
\EN{704310031} A putrAso na mAtaraM vibhRtrAH sAnau devAso barhiSaHsadantu |\\
\EN{704310032} A vishvAcI vidathyAmanaktvagne mA no devatAtA mRdhas kaH ||\\
\EN{704310041} te sISapanta joSamA yajatrA Rtasya dhArAH sudughA duhAnAH |\\
\EN{704310042} jyeSThaM vo adya maha A vasUnAmA gantana samanaso yati STha ||\\
\EN{704310051} evA no agne vikSvA dashasya tvayA vayaM sahasAvannAskrAH |\\
\EN{704310052} rAyA yujA sadhamAdo ariSTA yUyaM pAta ... ||\\
\EN{704411011} dadhikrAM vaH prathamamashvinoSasamagniM samiddhaM bhagamUtaye huve |\\
\EN{704411012} indraM viSNuM pUSaNaM brahmaNas patimAdityAn dyAvApRthivI apaH svaH ||\\
\EN{704411021} dadhikrAmu namasA bodhayanta udIrANA yaj~namupaprayantaH |\\
\EN{704411022} iLAM devIM barhiSi sAdayanto.ashvinA viprA suhavAhuvema ||\\
\EN{704411031} dadhikrAvANaM bubudhAno agnimupa bruva uSasaM sUryaM gAm |\\
\EN{704411032} bradhnaM mA.nshcatorvaruNasya babhruM te vishvAsmad duritA yAvayantu ||\\
\EN{704411041} dadhikrAvA prathamo vAjyarvAgre rathAnAM bhavati prajAnan |\\
\EN{704411042} saMvidAna uSasA sUryeNAdityebhirvasubhiraN^girobhiH ||\\
\EN{704411051} A no dadhikrAH pathyAmanaktv Rtasya panthAmanvetavA u |\\
\EN{704411052} shRNotu no daivyaM shardho agniH shRNvantu vishve mahiSAamUrAH ||\\
\EN{704512011} A devo yAtu savitA suratno.antarikSaprA vahamAno ashvaiH |\\
\EN{704512012} haste dadhAno naryA purUNi niveshaya~nca prasuva~nca bhUma ||\\
\EN{704512021} udasya bAhU shithirA bRhantA hiraNyayA divo antAnanaSTAm |\\
\EN{704512022} nUnaM so asya mahimA paniSTa sUrashcidasmA anu dAdapasyAm ||\\
\EN{704512031} sa ghA no devaH savitA sahAvA sAviSad vasupatirvasUni |\\
\EN{704512032} vishrayamANo amatimurUcIM martabhojanamadha rAsate naH ||\\
\EN{704512041} imA giraH savitAraM sujihvaM pUrNagabhastimILate supANim |\\
\EN{704512042} citraM vayo bRhadasme dadhAtu yUyaM pAta ... ||\\
\EN{704613011} imA rudrAya sthiradhanvane giraH kSipreSave devAya svadhAvne |\\
\EN{704613012} aSALhAya sahamAnAya vedhase tigmAyudhAya bharatA shRNotu naH ||\\
\EN{704613021} sa hi kSayeNa kSamyasya janmanaH sAmrAjyena divyasya cetati |\\
\EN{704613022} avannavantIrupa no durashcarAnamIvo rudra jAsu no bhava ||\\
\EN{704613031} yA te didyudavasRSTA divas pari kSmayA carati pari sAvRNaktu naH |\\
\EN{704613032} sahasraM te svapivAta bheSajA mA nastokeSutanayeSu rIriSah ||\\
\EN{704613041} mA no vadhI rudra mA parA dA mA te bhUma prasitau hILitasya |\\
\EN{704613042} A no bhaja barhiSi jIvashaMse yUyaM pAta ... ||\\
\EN{704714011} Apo yaM vaH prathamaM devayanta indrapAnamUrmimakRNvateLaH |\\
\EN{704714012} taM vo vayaM shucimaripramadya ghRtapruSaM madhumantaM vanema ||\\
\EN{704714021} tamUrmimApo madhumattamaM vo.apAM napAdavatvAshuhemA |\\
\EN{704714022} yasminnindro vasubhirmAdayAte tamashyAma devayanto vo adya ||\\
\EN{704714031} shatapavitrAH svadhayA madantIrdevIrdevAnAmapi yanti pAthaH |\\
\EN{704714032} tA indrasya na minanti vratAni sindhubhyo havyaM ghRtavajjuhota ||\\
\EN{704714041} yAH sUryo rashmibhirAtatAna yAbhya indro aradad gAtumUrmim |\\
\EN{704714042} te sindhavo varivo dhAtanA no yUyaM pAta ... ||\\
\EN{704815011} RbhukSaNo vAjA mAdayadhvamasme naro maghavAnaH sutasya |\\
\EN{704815012} A vo.arvAcaH kratavo na yAtAM vibhvo rathaM naryaM vartayantu ||\\
\EN{704815021} Rbhur{R}bhubhirabhi vaH syAma vibhvo vibhubhiH shavasA shavAMsi |\\
\EN{704815022} vAjo asmAnavatu vAjasAtAvindreNa yujA taruSemavRtram ||\\
\EN{704815031} te cid dhi pUrvIrabhi santi shAsA vishvAnarya uparatAti vanvan |\\
\EN{704815032} indro vibhvAn RbhukSA vAjo aryaH shatrormithatyA kRNavan vi nRmNam ||\\
\EN{704815041} nU devAso varivaH kartanA no bhUta no vishve.avase sajoSAH |\\
\EN{704815042} samasme iSaM vasavo dadIran yUyaM pAta ... ||\\
\EN{704916011} samudrajyeSThAH salilasya madhyAt punAnA yantyanivishamAnAH |\\
\EN{704916012} indro yA vajrI vRSabho rarAda tA Apo devIrihamAmavantu ||\\
\EN{704916021} yA Apo divyA uta vA sravanti khanitrimA uta vA yAH svayaMjAH |\\
\EN{704916022} samudrArthA yAH shucayaH pAvakAstA Apo .. . ||\\
\EN{704916031} yAsAM rAjA varuNo yAti madhye satyAnRte avapashya~n janAnAm |\\
\EN{704916032} madhushcutaH shucayo yAH pAvakAstA Apo ... ||\\
\EN{704916041} yAsu rAjA varuNo yAsu somo vishve devA yAsUrjaM madanti |\\
\EN{704916042} vaishvAnaro yAsvagniH praviSTastA Apo ... ||\\
\EN{705017011} A mAM mitrAvaruNeha rakSataM kulAyayad vishvayan mA na A gan |\\
\EN{705017012} ajakAvaM durdRshIkaM tiro dadhe mA mAM padyena rapasA vidat tsaruH ||\\
\EN{705017021} yad vijAman paruSi vandanaM bhuvadaSThIvantau pari kulphau ca dehat |\\
\EN{705017022} agniS Tacchocannapa bAdhatAmito mA mAmpadyena ... ||\\
\EN{705017031} yacchalmalau bhavati yan nadISu yadoSadhIbhyaH pari jAyate viSam |\\
\EN{705017032} vishve devA niritastat suvantu mA mAM padyena ... ||\\
\EN{705017041} yAH pravato nivata udvata udanvatIranudakAshca yAH |\\
\EN{705017042} tA asmabhyaM payasA pinvamAnAH shivA devIrashipadA bhavantu sarvA nadyo ashimidA bhavantu ||\\
\EN{705118011} AdityAnAmavasA nUtanena sakSImahi sharmaNA shantamena |\\
\EN{705118012} anAgAstve adititve turAsa imaM yaj~naM dadhatu shroSamANAH ||\\
\EN{705118021} AdityAso aditirmAdayantAM mitro aryamA varuNo rajiSThAH |\\
\EN{705118022} asmAkaM santu bhuvanasya gopAH pibantu somamavase no adya ||\\
\EN{705118031} AdityA vishve marutashca vishve devAshca vishva Rbhavashca vishve |\\
\EN{705118032} indro agnirashvinA tuSTuvAnA yUyaM pAta ... ||\\
\EN{705219011} AdityAso aditayaH syAma pUrdevatrA vasavo martyatrA |\\
\EN{705219012} sanema mitrAvaruNA sananto bhavema dyAvApRthivI bhavantaH ||\\
\EN{705219021} mitrastan no varuNo mAmahanta sharma tokAya tanayAya gopAH |\\
\EN{705219022} mA vo bhujemAnyajAtameno mA tat karma vasavo yaccayadhve ||\\
\EN{705219031} turaNyavo.aN^giraso nakSanta ratnaM devasya savituriyAnAH |\\
\EN{705219032} pitA ca tan no mahAn yajatro vishve devAH samanaso juSanta ||\\
\EN{705320011} pra dyAvA yaj~naiH pRthivI namobhiH sabAdha ILe bRhatIyajatre |\\
\EN{705320012} te cid dhi pUrve kavayo gRNantaH puro mahI dadhire devaputre ||\\
\EN{705320021} pra pUrvaje pitarA navyasIbhirgIrbhiH kRNudhvaM sadane Rtasya |\\
\EN{705320022} A no dyAvApRthivI daivyena janena yAtaM mahi vAM varUtham ||\\
\EN{705320031} uto hi vAM ratnadheyAni santi purUNi dyAvApRthivI sudAse |\\
\EN{705320032} asme dhattaM yadasadaskRdhoyu yUyaM pAta ... ||\\
\EN{705421011} vAstoS pate prati jAnIhyasmAn svAvesho anamIvo bhavA naH |\\
\EN{705421012} yat tvemahe prati tan no juSasva shaM no bhava dvipade shaM catuSpade ||\\
\EN{705421021} vAstoS pate prataraNo na edhi gayasphAno gobhirashvebhirindo |\\
\EN{705421022} ajarAsaste sakhye syAma piteva putrAn prati no juSasva ||\\
\EN{705421031} vAstoS pate shagmayA saMsadA te sakSImahi raNvayA gAtumatyA |\\
\EN{705421032} pAhi kSema uta yoge varaM no yUyaM pAta ... ||\\
\EN{705522011} amIvahA vAstoS pate vishvA rUpANyAvishan |\\
\EN{705522012} sakhA susheva edhi naH ||\\
\EN{705522021} yadarjuna sArameya dataH pishaN^ga yachase |\\
\EN{705522022} vIva bhrAjanta RSTaya upa srakveSu bapsato ni Su svapa ||\\
\EN{705522031} stenaM rAya sArameya taskaraM vA punaHsara |\\
\EN{705522032} stotR^Inindrasya rAyasi kimasmAn duchunAyase ni Su svapa ||\\
\EN{705522041} tvaM sUkarasya dardRhi tava dardartu sUkaraH |\\
\EN{705522042} stotR^Inindrasya ... ||\\
\EN{705522051} sastu mAtA sastu pitA sastu shvA sastu vishpatiH |\\
\EN{705522052} sasantu sarve j~nAtayaH sastvayamabhito janaH ||\\
\EN{705522061} ya Aste yashca carati yashca pashyati no janaH |\\
\EN{705522062} teSAMsaM hanmo akSANi yathedaM harmyaM tathA ||\\
\EN{705522071} sahasrashRN^go vRSabho yaH samudrAdudAcarat |\\
\EN{705522072} tenA sahasyenA vayaM ni janAn svApayAmasi ||\\
\EN{705522081} proSThashayA vahyeshayA nArIryAstalpashIvarIH |\\
\EN{705522082} striyo yAH puNyagandhAstAH sarvAH svApayAmasi ||\\
\EN{705623011} ka IM vyaktA naraH sanILA rudrasya maryA adha svashvAH ||\\
\EN{705623021} nakirhyeSAM janUMSi veda te aN^ga vidre mitho janitram ||\\
\EN{705623031} abhi svapUbhirmitho vapanta vAtasvanasaH shyenA aspRdhran ||\\
\EN{705623041} etAni dhIro niNyA ciketa pRshniryadUdho mahI jabhAra ||\\
\EN{705623051} sA viT suvIrA marudbhirastu sanAt sahantI puSyantI nRmNam ||\\
\EN{705623061} yAmaM yeSThAH shubhA shobhiSThAH shriyA sammishlA ojobhirugrAH ||\\
\EN{705623071} ugraM va oja sthirA shavAMsyadhA marudbhirgaNastuviSmAn ||\\
\EN{705623081} shubhro vaH shuSmaH krudhmI manAMsi dhunirmuniriva shardhasya dhRSNoH ||\\
\EN{705623091} sanemyasmad yuyota didyuM mA vo durmatiriha praNaM naH ||\\
\EN{705623101} priyA vo nAma huve turANAmA yat tRpan maruto vAvashAnAH ||\\
\EN{705624111} svAyudhAsa iSmiNaH suniSkA uta svayaM tanvaH shumbhamAnAH ||\\
\EN{705624121} shucI vo havyA marutaH shucInAM shuciM hinomyadhvaraM shucibhyaH |\\
\EN{705624122} Rtena satyaM RtasApa Aya~nchucijanmAnaH shucayaH pAvakAH ||\\
\EN{705624131} aMseSvA marutaH khAdayo vo vakSassu rukmA upashishriyANAH |\\
\EN{705624132} vi vidyuto na vRSTibhI rucAnA anu svadhAmAyudhairyachamAnAH ||\\
\EN{705624141} pra budhnyA va Irate mahAMsi pra nAmAni prayajyavastiradhvam |\\
\EN{705624142} sahasriyaM damyaM bhAgametaM gRhamedhIyaM maruto juSadhvam ||\\
\EN{705624151} yadi stutasya maruto adhIthetthA viprasya vAjino havIman |\\
\EN{705624152} makSU rAyaH suvIryasya dAta nU cid yamanya AdabhadarAvA ||\\
\EN{705625161} atyAso na ye marutaH sva~nco yakSadRsho na shubhayanta maryAH |\\
\EN{705625162} te harmyeSThAH shishavo na shubhrA vatsAso na prakrILinaH payodhAH ||\\
\EN{705625171} dashasyanto no maruto mRLantu varivasyanto rodasI sumeke |\\
\EN{705625172} Are gohA nRhA vadho vo astu sumnebhirasme vasavo namadhvam ||\\
\EN{705625181} A vo hotA johavIti sattaH satrAcIM rAtiM maruto gRNAnaH |\\
\EN{705625182} ya Ivato vRSaNo asti gopAH so advayAvI havate va ukthaiH ||\\
\EN{705625191} ime turaM maruto rAmayantIme sahaH sahasa A namanti |\\
\EN{705625192} imeshaMsaM vanuSyato ni pAnti guru dveSo araruSe dadhanti ||\\
\EN{705625201} ime radhraM cin maruto junanti bhRmiM cid yathA vasavo juSanta |\\
\EN{705625202} apa bAdhadhvaM vRSaNastamAMsi dhatta vishvaM tanaya ||\\
\EN{705625201} M tokamasme ||\\
\EN{705626211} mA vo dAtrAn maruto nirarAma mA pashcAd daghma rathyo vibhAge |\\
\EN{705626212} A na spArhe bhajatanA vasavye yadIM sujAtaM vRSaNo vo asti ||\\
\EN{705626221} saM yad dhananta manyubhirjanAsaH shUrA yahvISvoSadhISu vikSu |\\
\EN{705626222} adha smA no maruto rudriyAsastrAtAro bhUta pRtanAsvaryaH ||\\
\EN{705626231} bhUri cakra marutaH pitryANyukthAni yA vaH shasyante purA cit |\\
\EN{705626232} marudbhirugraH pRtanAsu sALhA marudbhirit sanitA vAjamarvA ||\\
\EN{705626241} asme vIro marutaH shuSmyastu janAnAM yo asuro vidhartA |\\
\EN{705626242} apo yena sukSitaye taremAdha svamoko abhi vaH syAma ||\\
\EN{705626251} tan na indro varuNo mitro agnir... ||\\
\EN{705727011} madhvo vo nAma mArutaM yajatrAH pra yaj~neSu shavasA madanti |\\
\EN{705727012} ye rejayanti rodasI cidurvI pinvantyutsaM yadayAsurugrAH ||\\
\EN{705727021} nicetAro hi maruto gRNantaM praNetAro yajamAnasya manma |\\
\EN{705727022} asmAkamadya vidatheSu barhirA vItaye sadata pipriyANAH ||\\
\EN{705727031} naitAvadanye maruto yatheme bhrAjante rukmairAyudhaistanUbhiH |\\
\EN{705727032} A rodasI vishvapishaH pishAnAH samAnama~njya~njate shubhe kam ||\\
\EN{705727041} Rdhak sA vo maruto didyudastu yad va AgaH puruSatA karAma |\\
\EN{705727042} mA vastasyAmapi bhUmA yajatrA asme vo astu sumatishcaniSThA ||\\
\EN{705727051} kRte cidatra maruto raNantAnavadyAsaH shucayaH pAvakAH |\\
\EN{705727052} pra No.avata sumatibhiryajatrAH pra vAjebhistirata puSyase naH ||\\
\EN{705727061} uta stutAso maruto vyantu vishvebhirnAmabhirnaro havIMSi |\\
\EN{705727062} dadAta no amRtasya prajAyai jigRta rAyaH sUnRtA maghAni ||\\
\EN{705727071} A stutAso maruto vishva UtI achA sUrIn sarvatAtA jigAta |\\
\EN{705727072} ye nastmanA shatino vardhayanti yUyaM pAta ... ||\\
\EN{705828011} pra sAkamukSe arcatA gaNAya yo daivyasya dhAmnastuviSmAn |\\
\EN{705828012} uta kSodanti rodasI mahitvA nakSante nAkaM nir{R}teravaMshAt ||\\
\EN{705828021} janUshcid vo marutastveSyeNa bhImAsastuvimanyavo.ayAsaH |\\
\EN{705828022} pra ye mahobhirojasota santi vishvo vo yAman bhayate svardRk ||\\
\EN{705828031} bRhad vayo maghavadbhyo dadhAta jujoSannin marutaH suSTutiM naH |\\
\EN{705828032} gato nAdhvA vi tirAti jantuM pra Na spArhAbhirUtibhistireta ||\\
\EN{705828041} yuSmoto vipro marutaH shatasvI yuSmoto arvA sahuriH sahasrI |\\
\EN{705828042} yuSmotaH samrAL uta hanti vRtraM pra tad vo astu dhUtayo deSNam ||\\
\EN{705828051} tAnA rudrasya mILhuSo vivAse kuvin naMsante marutaH punarnaH |\\
\EN{705828052} yat sasvartA jihILire yadAvirava tadena Imahe turANAm ||\\
\EN{705828061} prA sA vAci suSTutirmaghonAmidaM sUktaM maruto juSanta |\\
\EN{705828062} ArAccid dveSo vRSaNo yuyota yUyaM pAta ... ||\\
\EN{705929011} yaM trAyadhva idam\-idaM devAso yaM ca nayatha |\\
\EN{705929012} tasmA agne varuNa mitrAryaman marutaH sharma yachata ||\\
\EN{705929021} yuSmAkaM devA avasAhani priya IjAnastarati dviSaH |\\
\EN{705929022} pra sa kSayaM tirate vi mahIriSo yo vo varAya dAshati ||\\
\EN{705929031} nahi vashcaramaM cana vasiSThaH parimaMsate |\\
\EN{705929032} asmAkamadya marutaH sute sacA vishve pibata kAminaH ||\\
\EN{705929041} nahi va UtiH pRtanAsu mardhati yasmA arAdhvaM naraH |\\
\EN{705929042} abhi va Avart sumatirnavIyasI tUyaM yAta pipISavaH ||\\
\EN{705929051} o Su ghRSvirAdhaso yAtanAndhAMsi pItaye |\\
\EN{705929052} imA vo havyA maruto rare hi kaM mo Svanyatra gantana ||\\
\EN{705929061} A ca no barhiH sadatAvitA ca na spArhANi dAtave vasu |\\
\EN{705929062} asredhanto marutaH somye madhau svAheha mAdayAdhvai ||\\
\EN{705930071} sasvashcid dhi tanvaH shumbhamAnA A haMsAso nIlapRSThA apaptan |\\
\EN{705930072} vishvaM shardho abhito mA ni Seda naro na raNvAH savane madantaH ||\\
\EN{705930081} yo no maruto abhi durhRNAyustirashcittAni vasavo jighAMsati |\\
\EN{705930082} druhaH pAshAn prati sa mucISTa tapiSThena hanmanAhantanA tam ||\\
\EN{705930091} sAntapanA idaM havirmarutastajjujuSTana |\\
\EN{705930092} yuSmAkotIrishAdasaH ||\\
\EN{705930101} gRhamedhAsa A gata maruto mApa bhUtana |\\
\EN{705930102} yuSmAkotI sudAnavaH ||\\
\EN{705930111} iheha vaH svatavasaH kavayaH sUryatvacaH |\\
\EN{705930112} yaj~naM maruta AvRNe ||\\
\EN{705930121} tryambakaM yajAmahe sugandhiM puSTivardhanam |\\
\EN{705930122} urvArukamivabandhanAn mRtyormukSIya mAmRtAt ||\\
\EN{706001011} yadadya sUrya bravo.anAgA udyan mitrAya varuNAya satyam |\\
\EN{706001012} vayaM devatrAdite syAma tava priyAso aryaman gRNantaH ||\\
\EN{706001021} eSa sya mitrAvaruNA nRcakSA ubhe udeti sUryo abhi jman |\\
\EN{706001022} vishvasya sthAturjagatashca gopA Rju marteSu vRjinA capashyan ||\\
\EN{706001031} ayukta sapta haritaH sadhasthAd yA IM vahanti sUryaM ghRtAcIH |\\
\EN{706001032} dhAmAni mitrAvaruNA yuvAkuH saM yo yUtheva janimAni caSTe ||\\
\EN{706001041} ud vAM pRkSAso madhumanto asthurA sUryo aruhacchukramarNaH |\\
\EN{706001042} yasmA AdityA adhvano radanti mitro aryamA varuNaHsajoSAH ||\\
\EN{706001051} ime cetAro anRtasya bhUrermitro aryamA varuNo hi santi |\\
\EN{706001052} ima Rtasya vAvRdhurduroNe shagmAsaH putrA aditeradabdhAH ||\\
\EN{706001061} ime mitro varuNo dULabhAso.acetasaM ciccitayanti dakSaiH |\\
\EN{706001062} api kratuM sucetasaM vatantastirashcidaMhaH supathAnayanti ||\\
\EN{706002071} ime divo animiSA pRthivyAshcikitvAMso acetasaM nayanti |\\
\EN{706002072} pravrAje cin nadyo gAdhamasti pAraM no asya viSpitasya parSan ||\\
\EN{706002081} yad gopAvadaditiH sharma bhadraM mitro yachanti varuNaH sudAse |\\
\EN{706002082} tasminnA tokaM tanayaM dadhAnA mA karma devaheLanaM turAsaH ||\\
\EN{706002091} ava vediM hotrAbhiryajeta ripaH kAshcid varuNadhrutaH saH |\\
\EN{706002092} pari dveSobhiraryamA vRNaktUruM sudAse vRSaNA u lokam ||\\
\EN{706002101} sasvashcid dhi samRtistveSyeSAmapIcyena sahasA sahante |\\
\EN{706002102} yuSmad bhiyA vRSaNo rejamAnA dakSasya cin mahinA mRLatA naH ||\\
\EN{706002111} yo brahmaNe sumatimAyajAte vAjasya sAtau paramasya rAyaH |\\
\EN{706002112} sIkSanta manyuM maghavAno arya uru kSayAya cakrire sudhAtu ||\\
\EN{706002121} iyaM deva purohitiryuvabhyAM yaj~neSu mitrAvaruNAvakAri |\\
\EN{706002122} vishvAni durgA pipRtaM tiro no yUyaM pAta ... ||\\
\EN{706103011} ud vAM cakSurvaruNa supratIkaM devayoreti sUryastatanvAn |\\
\EN{706103012} abhi yo vishvA bhuvanAni caSTe sa manyuM martyeSvA ciketa ||\\
\EN{706103021} pra vAM sa mitrAvaruNAv RtAvA vipro manmAni dIrghashrudiyarti |\\
\EN{706103022} yasya brahmANi sukratU avAtha A yat kratvA na sharadaH pRNaithe ||\\
\EN{706103031} prorormitrAvaruNA pRthivyAH pra diva RSvAd bRhataH sudAnU |\\
\EN{706103032} spasho dadhAthe oSadhISu vikSv Rdhag yato animiSaMrakSamANA ||\\
\EN{706103041} shaMsA mitrasya varuNasya dhAma shuSmo rodasI badbadhe mahitvA |\\
\EN{706103042} ayan mAsA ayajvanAmavIrAH pra yaj~namanmA vRjanaM tirAte ||\\
\EN{706103051} amUrA vishvA vRSaNAvimA vAM na yAsu citraM dadRshena yakSam |\\
\EN{706103052} druhaH sacante anRtA janAnAM na vAM niNyAnyacite abhUvan ||\\
\EN{706103061} samu vAM yaj~naM mahayaM namobhirhuve vAM mitrAvaruNA sabAdhaH |\\
\EN{706103062} pra vAM manmAny Rcase navAni kRtAni brahma jujuSannimAni ||\\
\EN{706103071} iyaM deva purohitir... ||\\
\EN{706204011} ut sUryo bRhadarcIMSyashret puru vishvA janima mAnuSANAm |\\
\EN{706204012} samo divA dadRshe rocamAnaH kratvA kRtaH sukRtaHkartRbhirbhUt ||\\
\EN{706204021} sa sUrya prati puro na ud gA ebhiH stomebhiretashebhirevaiH |\\
\EN{706204022} pra no mitrAya varuNAya voco.anAgaso aryamNe agnaye ca ||\\
\EN{706204031} vi naH sahasraM shurudho radantv RtAvAno varuNo mitro agniH |\\
\EN{706204032} yachantu candrA upamaM no arkamA naH kAmaM pUpurantustavAnAH ||\\
\EN{706204041} dyAvAbhUmI adite trAsIthAM no ye vAM jaj~nuH sujanimAna RSve |\\
\EN{706204042} mA heLe bhUma varuNasya vAyormA mitrasya priyatamasya nRNAm ||\\
\EN{706204051} pra bAhavA sisRtaM jIvase na A no gavyUtimukSataM ghRtena |\\
\EN{706204052} A no jane shravayataM yuvAnA shrutaM me mitrAvaruNA havemA ||\\
\EN{706204061} nU mitro varuNo aryamA nastmane tokAya varivo dadhantu |\\
\EN{706204062} sugA no vishvA supathAni santu yUyaM pAta ... ||\\
\EN{706305011} ud veti subhago vishvacakSAH sAdhAraNaH sUryo mAnuSANAm |\\
\EN{706305012} cakSurmitrasya varuNasya devashcarmeva yaH samavivyak tamAMsi ||\\
\EN{706305021} ud veti prasavItA janAnAM mahAn keturarNavaH sUryasya |\\
\EN{706305022} samAnaM cakraM paryAvivRtsan yadetasho vahati dhUrSu yuktaH ||\\
\EN{706305031} vibhrAjamAna uSasAmupasthAd rebhairudetyanumadyamAnaH |\\
\EN{706305032} eSa me devaH savitA cachanda yaH samAnaM na praminAtidhAma ||\\
\EN{706305041} divo rukma urucakSA udeti dUrearthastaraNirbhrAjamAnaH |\\
\EN{706305042} nUnaM janAH sUryeNa prasUtA ayannarthAni kRNavannapAMsi ||\\
\EN{706305051} yatrA cakruramRtA gAtumasmai shyeno na dIyannanveti pAthaH |\\
\EN{706305052} prati vAM sUra udite vidhema namobhirmitrAvaruNota havyaiH ||\\
\EN{706305061} nU mitro varuNo aryamA ... ||\\
\EN{706406011} divi kSayantA rajasaH pRthivyAM pra vAM ghRtasya nirNijodadIran |\\
\EN{706406012} havyaM no mitro aryamA sujAto rAjA sukSatro varuNo juSanta ||\\
\EN{706406021} A rAjAnA maha Rtasya gopA sindhupatI kSatriyA yAtamarvAk |\\
\EN{706406022} iLAM no mitrAvaruNota vRSTimava diva invataM jIradAnU ||\\
\EN{706406031} mitrastan no varuNo devo aryaH pra sAdhiSThebhiH pathibhirnayantu |\\
\EN{706406032} bravad yathA na AdariH sudAsa iSA madema saha devagopAH ||\\
\EN{706406041} yo vAM gartaM manasA takSadetamUrdhvAM dhItiM kRNavad dhArayacca |\\
\EN{706406042} ukSethAM mitrAvaruNA ghRtena tA rAjAnAsukSitIstarpayethAm ||\\
\EN{706406051} eSa stomo varuNa mitra tubhyaM somaH shukro na vAyave.ayAmi |\\
\EN{706406052} aviSTaM dhiyo jigRtaM puramdhIryUyaM pAta ||\\
\EN{706507011} prati vAM sUra udite sUktairmitraM huve varuNaM pUtadakSam |\\
\EN{706507012} yayorasuryamakSitaM jyeSThaM vishvasya yAmannAcitA jigatnu ||\\
\EN{706507021} tA hi devAnAmasurA tAvaryA tA naH kSitIH karatamUrjayantIH |\\
\EN{706507022} ashyAma mitrAvaruNA vayaM vAM dyAvA ca yatra pIpayannahA ca ||\\
\EN{706507031} tA bhUripAshAvanRtasya setU duratyetU ripave martyAya |\\
\EN{706507032} Rtasya mitrAvaruNA pathA vAmapo na nAvA duritA tarema ||\\
\EN{706507041} A no mitrAvaruNA havyajuSTiM ghRtairgavyUtimukSatamiLAbhiH |\\
\EN{706507042} prati vAmatra varamA janAya pRNItamudno divyasya cAroH ||\\
\EN{706507051} eSa stomo varuNa mitra ... ||\\
\EN{706608011} pra mitrayorvaruNayoH stomo na etu shUSyaH |\\
\EN{706608012} namasvAn tuvijAtayoH ||\\
\EN{706608021} yA dhArayanta devAH sudakSA dakSapitarA |\\
\EN{706608022} asuryAya pramahasA ||\\
\EN{706608031} tA na stipA tanUpA varuNa jaritR^INAm |\\
\EN{706608032} mitra sAdhayataM dhiyaH ||\\
\EN{706608041} yadadya sUra udite.anAgA mitro aryamA |\\
\EN{706608042} suvAti savitAbhagaH ||\\
\EN{706608051} suprAvIrastu sa kSayaH pra nu yAman sudAnavaH |\\
\EN{706608052} ye no aMho.atipiprati ||\\
\EN{706609061} uta svarAjo aditiradabdhasya vratasya ye |\\
\EN{706609062} maho rAjAna Ishate ||\\
\EN{706609071} prati vAM sUra udite mitraM gRNISe varuNam |\\
\EN{706609072} aryamaNaMrishAdasam ||\\
\EN{706609081} rAyA hiraNyayA matiriyamavRkAya shavase |\\
\EN{706609082} iyaM viprAmedhasAtaye ||\\
\EN{706609091} te syAma deva varuNa te mitra sUribhiH saha |\\
\EN{706609092} iSaM svashca dhImahi ||\\
\EN{706609101} bahavaH sUracakSaso.agnijihvA RtAvRdhaH |\\
\EN{706609102} trINi ye yemurvidathAni dhItibhirvishvAni paribhUtibhiH ||\\
\EN{706610111} vi ye dadhuH sharadaM mAsamAdaharyaj~namaktuM cAd Rcam |\\
\EN{706610112} anApyaM varuNo mitro aryamA kSatraM rAjAna Ashata ||\\
\EN{706610121} tad vo adya manAmahe sUktaiH sUra udite |\\
\EN{706610122} yadohate varuNo mitro aryamA yUyaM Rtasya rathyaH ||\\
\EN{706610131} RtAvAna RtajAtA RtAvRdho ghorAso anRtadviSaH |\\
\EN{706610132} teSAMvaH sumne suchardiSTame naraH syAma ye ca sUrayaH ||\\
\EN{706610141} udu tyad darshataM vapurdiva eti pratihvare |\\
\EN{706610142} yadImAshurvahati deva etasho vishvasmai cakSase aram ||\\
\EN{706610151} shIrSNaH\-shIrSNo jagatastasthuSas patiM samayA vishvamA rajaH |\\
\EN{706610152} sapta svasAraH suvitAya sUryaM vahanti harito rathe ||\\
\EN{706611161} taccakSurdevahitaM shukramuccarat |\\
\EN{706611162} pashyema sharadaH shataM jIvema sharadaH shatam ||\\
\EN{706611171} kAvyebhiradAbhyA yAtaM varuNa dyumat |\\
\EN{706611172} mitrashca somapItaye ||\\
\EN{706611181} divo dhAmabhirvaruNa mitrashcA yAtamadruhA |\\
\EN{706611182} pibataM somamAtujI ||\\
\EN{706611191} A yAtaM mitrAvaruNA juSANAvAhutiM narA |\\
\EN{706611192} pAtaM somaM RtAvRdhA ||\\
\EN{706712011} prati vAM rathaM nRpatI jaradhyai haviSmatA manasA yaj~niyena |\\
\EN{706712012} yo vAM dUto na dhiSNyAvajIgarachA sUnurna pitarA vivakmi ||\\
\EN{706712021} ashocyagniH samidhAno asme upo adRshran tamasashcidantAH |\\
\EN{706712022} aceti keturuSasaH purastAcchriye divo duhiturjAyamAnaH ||\\
\EN{706712031} abhi vAM nUnamashvinA suhotA stomaiH siSakti nAsatyA vivakvAn |\\
\EN{706712032} pUrvIbhiryAtaM pathyAbhirarvAk svarvidA vasumatA rathena ||\\
\EN{706712041} avorvAM nUnamashvinA yuvAkurhuve yad vAM sute mAdhvIvasUyuH |\\
\EN{706712042} A vAM vahantu sthavirAso ashvAH pibAtho asmesuSutA madhUni ||\\
\EN{706712051} prAcImu devAshvinA dhiyaM me.amRdhrAM sAtaye kRtaM vasUyum |\\
\EN{706712052} vishvA aviSTaM vAja A purandhIstA naH shaktaM shacIpatI shacIbhiH ||\\
\EN{706713061} aviSTaM dhISvashvinA na Asu prajAvad reto ahrayaM no astu |\\
\EN{706713062} A vAM toke tanaye tUtujAnAH suratnAso devavItiMgamema ||\\
\EN{706713071} eSa sya vAM pUrvagatveva sakhye nidhirhito mAdhvI rAto asme |\\
\EN{706713072} aheLatA manasA yAtamarvAgashnantA havyaM mAnuSISu vikSu ||\\
\EN{706713081} ekasmin yoge bhuraNA samAne pari vAM sapta sravato ratho gAt |\\
\EN{706713082} na vAyanti subhvo devayuktA ye vAM dhUrSu taraNayovahanti ||\\
\EN{706713091} asashcatA maghavadbhyo hi bhUtaM ye rAyA maghadeyaM junanti |\\
\EN{706713092} pra ye bandhuM sUnRtAbhistirante gavyA pR~ncanto ashvyA maghAni ||\\
\EN{706713101} nU me havamA shRNutaM yuvAnA yAsiSTaM vartirashvinAvirAvat |\\
\EN{706713102} dhattaM ratnAni jarataM ca sUrIn yUyaM pAta .. . ||\\
\EN{706814011} A shubhrA yAtamashvinA svashvA giro dasrA jujuSANA yuvAkoH |\\
\EN{706814012} havyAni ca pratibhRtA vItaM naH ||\\
\EN{706814021} pra vAmandhAMsi madyAnyasthuraraM gantaM haviSo vItaye me |\\
\EN{706814022} tiro aryo havanAni shrutaM naH ||\\
\EN{706814031} pra vAM ratho manojavA iyarti tiro rajAMsyashvinA shatotiH |\\
\EN{706814032} asmabhyaM sUryAvasU iyAnaH ||\\
\EN{706814041} ayaM ha yad vAM devayA u adrirUrdhvo vivakti somasud yuvabhyAm |\\
\EN{706814042} A valgU vipro vavRtIta havyaiH ||\\
\EN{706814051} citraM ha yad vAM bhojanaM nvasti nyatraye mahiSvantaM yuyotam |\\
\EN{706814052} yo vAmomAnaM dadhate priyaH san ||\\
\EN{706815061} uta tyad vAM jurate ashvinA bhUccyavAnAya pratItyaM havirde |\\
\EN{706815062} adhi yad varpa itaUti dhatthaH ||\\
\EN{706815071} uta tyaM bhujyumashvinA sakhAyo madhye jahurdurevAsaH samudre |\\
\EN{706815072} nirIM parSadarAvA yo yuvAkuH ||\\
\EN{706815081} vRkAya cijjasamAnAya shaktamuta shrutaM shayave hUyamAnA |\\
\EN{706815082} yAvaghnyAmapinvatamapo na staryaM cicchaktyashvinAshacIbhiH ||\\
\EN{706815091} eSa sya kArurjarate sUktairagre budhAna uSasAM sumanmA |\\
\EN{706815092} iSA taM vardhadaghnyA payobhiryUyaM pAta ... ||\\
\EN{706916011} A vAM ratho rodasI badbadhAno hiraNyayo vRSabhiryAtvashvaiH |\\
\EN{706916012} ghRtavartaniH pavibhI rucAna iSAM voLhA nRpatirvAjinIvAn ||\\
\EN{706916021} sa paprathAno abhi pa~nca bhUmA trivandhuro manasA yAtu yuktaH |\\
\EN{706916022} visho yena gachatho devayantIH kutrA cid yAmamashvinA dadhAnA ||\\
\EN{706916031} svashvA yashasA yAtamarvAg dasrA nidhiM madhumantaM pibAthaH |\\
\EN{706916032} vi vAM ratho vadhvA yAdamAno.antAn divo bAdhate vartanibhyAm ||\\
\EN{706916041} yuvoH shriyaM pari yoSAvRNIta sUro duhitA paritakmyAyAm |\\
\EN{706916042} yad devayantamavathaH shacIbhiH pari ghraMsamomanA vAM vayo gAt ||\\
\EN{706916051} yo ha sya vAM rathirA vasta usrA ratho yujAnaH pariyAtivartiH |\\
\EN{706916052} tena naH shaM yoruSaso vyuSTau nyashvinA vahataM yaj~ne asmin ||\\
\EN{706916061} narA gaureva vidyutaM tRSANAsmAkamadya savanopa yAtam |\\
\EN{706916062} purutrA hi vAM matibhirhavante mA vAmanye ni yaman devayantaH ||\\
\EN{706916071} yuvaM bhujyumavaviddhaM samudra udUhathurarNaso asridhAnaiH |\\
\EN{706916072} patatribhirashramairavyathibhirdaMsanAbhirashvinA pArayantA ||\\
\EN{706916081} nU me havamA shRNutaM yuvAnA ... ||\\
\EN{707017011} A vishvavArAshvinA gataM naH pra tat sthAnamavAci vAM pRthivyAm |\\
\EN{707017012} ashvo na vAjI shunapRSTho asthAdA yat sedathurdhruvase na yonim ||\\
\EN{707017021} siSakti sA vAM sumatishcaniSThAtApi gharmo manuSo duroNe |\\
\EN{707017022} yo vAM samudrAn saritaH pipartyetagvA cin na suyujA yujAnaH ||\\
\EN{707017031} yAni sthAnAnyashvinA dadhAthe divo yahvISvoSadhISu vikSu |\\
\EN{707017032} ni parvatasya mUrdhani sadanteSaM janAya dAshuSevahantA ||\\
\EN{707017041} caniSTaM devA oSadhISvapsu yad yogyA ashnavaithe RSINAm |\\
\EN{707017042} purUNi ratnA dadhatau nyasme anu pUrvANi cakhyathuryugAni ||\\
\EN{707017051} shushruvAMsA cidashvinA purUNyabhi brahmANi cakSAthe RSINAm |\\
\EN{707017052} prati pra yAtaM varamA janAyAsme vAmastu sumatishcaniSThA ||\\
\EN{707017061} yo vAM yaj~no nAsatyA haviSmAn kRtabrahmA samaryo bhavAti |\\
\EN{707017062} upa pra yAtaM varamA vasiSThamimA brahmANy Rcyante yuvabhyAm ||\\
\EN{707017071} iyaM manISA iyamashvinA gIrimAM suvRktiM vRSaNA juSethAm |\\
\EN{707017072} imA brahmANi yuvayUnyagman yUyaM pAta ... ||\\
\EN{707118011} apa svasuruSaso nag jihIte riNakti kRSNIraruSAya panthAm |\\
\EN{707118012} ashvAmaghA gomaghA vAM huvema divA naktaM sharumasmad yuyotam ||\\
\EN{707118021} upAyAtaM dAshuSe martyAya rathena vAmamashvinA vahantA |\\
\EN{707118022} yuyutamasmadanirAmamIvAM divA naktaM mAdhvI trAsithAM naH ||\\
\EN{707118031} A vAM rathamavamasyAM vyuSTau sumnAyavo vRSaNo vartayantu |\\
\EN{707118032} syUmagabhastiM RtayugbhirashvairAshvinA vasumantaM vahethAm ||\\
\EN{707118041} yo vAM ratho nRpatI asti voLhA trivandhuro vasumAnusrayAmA |\\
\EN{707118042} A na enA nAsatyopa yAtamabhi yad vAM vishvapsnyo jigAti ||\\
\EN{707118051} yuvaM cyavAnaM jaraso.amumuktaM ni pedava UhathurAshumashvam |\\
\EN{707118052} niraMhasastamasa spartamatriM ni jAhuSaM shithire dhAtamantaH ||\\
\EN{707118061} iyaM manISA iyamashvinA gIr... ||\\
\EN{707219011} A gomatA nAsatyA rathenAshvAvatA purushcandreNa yAtam |\\
\EN{707219012} abhi vAM vishvA niyutaH sacante spArhayA shriyA tanvA shubhAnA ||\\
\EN{707219021} A no devebhirupa yAtamarvAk sajoSasA nAsatyA rathena |\\
\EN{707219022} yuvorhi naH sakhyA pitryANi samAno bandhuruta tasya vittam ||\\
\EN{707219031} udu stomAso ashvinorabudhra~n jAmi brahmANyuSasashca devIH |\\
\EN{707219032} AvivAsan rodasI dhiSNyeme achA vipro nAsatyA vivakti ||\\
\EN{707219041} vi ceduchantyashvinA uSAsaH pra vAM brahmANi kAravo bharante |\\
\EN{707219042} UrdhvaM bhAnuM savitA devo ashred bRhadagnayaH samidhA jarante ||\\
\EN{707219051} A pashcAtAn nAsatyA purastAdAshvinA yAtamadharAdudaktAt |\\
\EN{707219052} A vishvataH pA~ncajanyena rAyA yUyaM pAta ... ||\\
\EN{707320011} atAriSma tamasas pAramasya prati stomaM devayanto dadhAnAH |\\
\EN{707320012} purudaMsA purutamA purAjAmartyA havate ashvinA gIH ||\\
\EN{707320021} nyu priyo manuSaH sAdi hotA nAsatyA yo yajate vandate ca |\\
\EN{707320022} ashnItaM madhvo ashvinA upAka A vAM voce vidatheSu prayasvAn ||\\
\EN{707320031} ahema yaj~naM pathAmurANA imAM suvRktiM vRSaNA juSethAm |\\
\EN{707320032} shruSTIveva preSito vAmabodhi prati stomairjaramANo vasiSThaH ||\\
\EN{707320041} upa tyA vahnI gamato vishaM no rakSohaNA sambhRtA vILupANI |\\
\EN{707320042} samandhAMsyagmata matsarANi mA no mardhiSTamA gataM shivena ||\\
\EN{707320051} A pashcAtAn nAsatyA purastAd ... ||\\
\EN{707421011} imA u vAM diviSTaya usrA havante ashvinA |\\
\EN{707421012} ayaM vAmahve.avase shacIvasU vishaM\-vishaM hi gachathaH ||\\
\EN{707421021} yuvaM citraM dadathurbhojanaM narA codethAM sUnRtAvate |\\
\EN{707421022} arvAg rathaM samanasA ni yachataM pibataM somyaM madhu ||\\
\EN{707421031} A yAtamupa bhUSataM madhvaH pibatamashvinA |\\
\EN{707421032} dugdhaM payovRSaNA jenyAvasU mA no mardhiSTamA gatam ||\\
\EN{707421041} ashvAso ye vAmupa dAshuSo gRhaM yuvAM dIyanti bibhrataH |\\
\EN{707421042} makSUyubhirnarA hayebhirashvinA devA yAtamasmayU ||\\
\EN{707421051} adhA ha yanto ashvinA pRkSaH sacanta sUrayaH |\\
\EN{707421052} tA yaMsato maghavadbhyo dhruvaM yashashchardirasmabhyaM nAsatyA ||\\
\EN{707421061} pra ye yayuravRkAso rathA iva nRpAtAro janAnAm |\\
\EN{707421062} uta svena shavasA shUshuvurnara uta kSiyanti sukSitim ||\\
\EN{707522011} vyuSA Avo divijA RtenAviSkRNvAnA mahimAnamAgAt |\\
\EN{707522012} apa druhastama AvarajuSTamaN^girastamA pathyA ajIgaH ||\\
\EN{707522021} mahe no adya suvitAya bodhyuSo mahe saubhagAya pra yandhi |\\
\EN{707522022} citraM rayiM yashasaM dhehyasme devi marteSu mAnuSi shravasyum ||\\
\EN{707522031} ete tye bhAnavo darshatAyAshcitrA uSaso amRtAsa AguH |\\
\EN{707522032} janayanto daivyAni vratAnyApRNanto antarikSA vyasthuH ||\\
\EN{707522041} eSA syA yujAnA parAkAt pa~nca kSitIH pari sadyo jigAti |\\
\EN{707522042} abhipashyantI vayunA janAnAM divo duhitA bhuvanasyapatnI ||\\
\EN{707522051} vAjinIvatI sUryasya yoSA citrAmaghA rAya Ishe vasUnAm |\\
\EN{707522052} RSiSTutA jarayantI maghonyuSA uchati vahnibhirgRNAnA ||\\
\EN{707522061} prati dyutAnAmaruSAso ashvAshcitrA adRshrannuSasaM vahantaH |\\
\EN{707522062} yAti shubhrA vishvapishA rathena dadhAti ratnaMvidhate janAya ||\\
\EN{707522071} satyA satyebhirmahatI mahadbhirdevI devebhiryajatA yajatraiH |\\
\EN{707522072} rujad dRLhAni dadadusriyANAM prati gAva uSasaM vAvashanta ||\\
\EN{707522081} nU no gomad vIravad dhehi ratnamuSo ashvAvad purubhojo asme |\\
\EN{707522082} mA no barhiH puruSatA nide karyUyaM pAta ... ||\\
\EN{707623011} udu jyotiramRtaM vishvajanyaM vishvAnaraH savitA devo ashret |\\
\EN{707623012} kratvA devAnAmajaniSTa cakSurAvirakarbhuvanaMvishvamuSAH ||\\
\EN{707623021} pra me panthA devayAnA adRshrannamardhanto vasubhiriSkRtAsaH |\\
\EN{707623022} abhUdu keturuSasaH purastAt pratIcyAgAdadhi harmyebhyaH ||\\
\EN{707623031} tAnIdahAni bahulAnyAsan yA prAcInamuditA sUryasya |\\
\EN{707623032} yataH pari jAra ivAcarantyuSo dadRkSe na punaryatIva ||\\
\EN{707623041} ta id devAnAM sadhamAda AsannRtAvAnaH kavayaH pUrvyAsaH |\\
\EN{707623042} gULhaM jyotiH pitaro anvavindan satyamantrA ajanayannuSAsam ||\\
\EN{707623051} samAna Urve adhi saMgatAsaH saM jAnate na yatante mithaste |\\
\EN{707623052} te devAnAM na minanti vratAnyamardhanto vasubhiryAdamAnAH ||\\
\EN{707623061} prati tvA stomairILate vasiSThA uSarbudhaH subhage tuSTuvAMsaH |\\
\EN{707623062} gavAM netrI vAjapatnI na uchoSaH sujAte prathamA jarasva ||\\
\EN{707623071} eSA netrI rAdhasaH sUnRtAnAmuSA uchantI ribhyate vasiSThaiH |\\
\EN{707623072} dIrghashrutaM rayimasme dadhAnA yUyaM pAta . .. ||\\
\EN{707724011} upo ruruce yuvatirna yoSA vishvaM jIvaM prasuvantI carAyai |\\
\EN{707724012} abhUdagniH samidhe mAnuSANAmakarjyotirbAdhamAnA tamAMsi ||\\
\EN{707724021} vishvaM pratIcI saprathA udasthAd rushad vAso bibhratIshukramashvait |\\
\EN{707724022} hiraNyavarNA sudRshIkasandRg gavAM mAtAnetryahnAmaroci ||\\
\EN{707724031} devAnAM cakSuH subhagA vahantI shvetaM nayantI sudRshIkamashvam |\\
\EN{707724032} uSA adarshi rashmibhirvyaktA citrAmaghA vishvamanu prabhUtA ||\\
\EN{707724041} antivAmA dUre amitramuchorvIM gavyUtimabhayaM kRdhI naH |\\
\EN{707724042} yAvaya dveSa A bharA vasUni codaya rAdho gRNate maghoni ||\\
\EN{707724051} asme shreSThebhirbhAnubhirvi bhAhyuSo devi pratirantI na AyuH |\\
\EN{707724052} iSaM ca no dadhatI vishvavAre gomadashvAvad rathavacca rAdhaH ||\\
\EN{707724061} yAM tvA divo duhitarvardhayantyuSaH sujAte matibhirvasiSThAH |\\
\EN{707724062} sAsmAsu dhA rayiM RSvaM bRhantaM yUyaM pAta .. . ||\\
\EN{707825011} prati ketavaH prathamA adRshrannUrdhvA asyA a~njayo vi shrayante |\\
\EN{707825012} uSo arvAcA bRhatA rathena jyotiSmatA vAmamasmabhyaM vakSi ||\\
\EN{707825021} prati SImagnirjarate samiddhaH prati viprAso matibhirgRNantaH |\\
\EN{707825022} uSA yAti jyotiSA bAdhamAnA vishvA tamAMsi duritApa devI ||\\
\EN{707825031} etA u tyAH pratyadRshran purastAjjyotiryachantIruSasovibhAtIH |\\
\EN{707825032} ajIjanan sUryaM yaj~namagnimapAcInaM tamo agAdajuSTam ||\\
\EN{707825041} aceti divo duhitA maghonI vishve pashyantyuSasaM vibhAtIm |\\
\EN{707825042} AsthAd rathaM svadhayA yujyamAnamA yamashvAsaH suyujo vahanti ||\\
\EN{707825051} prati tvAdya sumanaso budhantAsmAkAso maghavAno vayaM ca |\\
\EN{707825052} tilvilAyadhvamuSaso vibhAtIryUyaM pAta ... ||\\
\EN{707926011} vyuSA AvaH pathyA janAnAM pa~nca kSitIrmAnuSIrbodhayantI |\\
\EN{707926012} susandRgbhirukSabhirbhAnumashred vi sUryo rodasI cakSasAvaH ||\\
\EN{707926021} vya~njate divo anteSvaktUn visho na yuktA uSaso yatante |\\
\EN{707926022} saM te gAvastama A vartayanti jyotiryachanti saviteva bAhU ||\\
\EN{707926031} abhUduSA indratamA maghonyajIjanat suvitAya shravAMsi |\\
\EN{707926032} vi divo devI duhitA dadhAtyaN^girastamA sukRte vasUni ||\\
\EN{707926041} tAvaduSo rAdho asmabhyaM rAsva yAvat stotRbhyo arado gRNAnA |\\
\EN{707926042} yAM tvA jaj~nurvRSabhasyA raveNa vi dRLhasya duro adreraurNoH ||\\
\EN{707926051} devaM\-devaM rAdhase codayantyasmadryak sUnRtA IrayantI |\\
\EN{707926052} vyuchantI naH sanaye dhiyo dhA yUyaM pAta ... ||\\
\EN{708027011} prati stomebhiruSasaM vasiSThA gIrbhirviprAsaH prathamA abudhran |\\
\EN{708027012} vivartayantIM rajasI samante AviSkRNvatIM bhuvanAni vishvA ||\\
\EN{708027021} eSA syA navyamAyurdadhAnA gUDhvI tamo jyotiSoSAabodhi |\\
\EN{708027022} agra eti yuvatirahrayANA prAcikitat sUryaM yaj~namagnim ||\\
\EN{708027031} ashvAvatIrgomatIrna uSAso ... ||\\
\EN{708101011} pratyu adarshyAyatyuchantI duhitA divaH |\\
\EN{708101012} apo mahi vyayati cakSase tamo jyotiS kRNoti sUnarI ||\\
\EN{708101021} udusriyAH sRjate sUryaH sacAnudyan nakSatramarcivat |\\
\EN{708101022} taveduSo vyuSi sUryasya ca saM bhaktena gamemahi ||\\
\EN{708101031} prati tvA duhitardiva uSo jIrA abhutsmahi |\\
\EN{708101032} yA vahasi puruspArhaM vananvati ratnaM na dAshuSe mayaH ||\\
\EN{708101041} uchantI yA kRNoSi maMhanA mahi prakhyai devi svardRshe |\\
\EN{708101042} tasyAste ratnabhAja Imahe vayaM syAma mAturna sUnavaH ||\\
\EN{708101051} taccitraM rAdha A bharoSo yad dIrghashruttamam |\\
\EN{708101052} yat tedivo duhitarmartabhojanaM tad rAsva bhunajAmahai ||\\
\EN{708101061} shravaH sUribhyo amRtaM vasutvanaM vAjAnasmabhyaM gomataH |\\
\EN{708101062} codayitrI maghonaH sUnRtAvatyuSA uchadapa sridhaH ||\\
\EN{708202011} indrAvaruNA yuvamadhvarAya no vishe janAya mahi sharma yachatam |\\
\EN{708202012} dIrghaprayajyumati yo vanuSyati vayaM jayema pRtanAsu dUDhyaH ||\\
\EN{708202021} samrAL anyaH svarAL anya ucyate vAM mahAntAvindrAvaruNA mahAvasU |\\
\EN{708202022} vishve devAsaH parame vyomani saM vAmojovRSaNA saM balaM dadhuH ||\\
\EN{708202031} anvapAM khAnyatRntamojasA sUryamairayataM divi prabhu ||\\
\EN{708202031} m |\\
\EN{708202032} indrAvaruNA made asya mAyino.apinvatamapitaH pinvataM dhiyaH ||\\
\EN{708202041} yuvAmid yutsu pRtanAsu vahnayo yuvAM kSemasya prasave mitaj~navaH |\\
\EN{708202042} IshAnA vasva ubhayasya kArava indrAvaruNA suhavA havAmahe ||\\
\EN{708202051} indrAvaruNA yadimAni cakrathurvishvA jAtAni bhuvanasyamajmanA |\\
\EN{708202052} kSemeNa mitro varuNaM duvasyati marudbhirugraH shubhamanya Iyate ||\\
\EN{708203061} mahe shulkAya varuNasya nu tviSa ojo mimAte dhruvamasya yat svam |\\
\EN{708203062} ajAmimanyaH shnathayantamAtirad dabhrebhiranyaH pra vRNoti bhUyasaH ||\\
\EN{708203071} na tamaMho na duritAni martyamindrAvaruNA na tapaH kutashcana |\\
\EN{708203072} yasya devA gachatho vItho adhvaraM na taM martasya nashate parihvRtiH ||\\
\EN{708203081} arvAM narA daivyenAvasA gataM shRNutaM havaM yadi me jujoSathaH |\\
\EN{708203082} yuvorhi sakhyamuta vA yadApyaM mArDIkamindrAvaruNA ni yachatam ||\\
\EN{708203091} asmAkamindrAvaruNA bhare\-bhare puroyodhA bhavataM kRSTyojasA |\\
\EN{708203092} yad vAM havanta ubhaye adha spRdhi narastokasya tanayasya sAtiSu ||\\
\EN{708203101} asme indro varuNo mitro aryamA dyumnaM yachantu mahi sharmasaprathaH |\\
\EN{708203102} avadhraM jyotiraditer{R}tAvRdho devasya shlokaM saviturmanAmahe ||\\
\EN{708304011} yuvAM narA pashyamAnAsa ApyaM prAcA gavyantaH pRthuparshavo yayuH |\\
\EN{708304012} dAsA ca vRtrA hatamAryANi ca sudAsamindrAvaruNAvasAvatam ||\\
\EN{708304021} yatrA naraH samayante kRtadhvajo yasminnAjA bhavati kiMcana priyam |\\
\EN{708304022} yatrA bhayante bhuvanA svardRshastatrA na indrAvaruNAdhi vocatam ||\\
\EN{708304031} saM bhUmyA antA dhvasirA adRkSatendrAvaruNA divi ghoSaAruhat |\\
\EN{708304032} asthurjanAnAmupa mAmarAtayo.arvAgavasA havanashrutA gatam ||\\
\EN{708304041} indrAvaruNA vadhanAbhiraprati bhedaM vanvantA pra sudAsamAvatam |\\
\EN{708304042} brahmANyeSAM shRNutaM havImani satyA tRtsUnAmabhavat purohitiH ||\\
\EN{708304051} indrAvaruNAvabhyA tapanti mAghAnyaryo vanuSAmarAtayaH |\\
\EN{708304052} yuvaM hi vasva ubhayasya rAjatho.adha smA no.avataM pArye divi ||\\
\EN{708305061} yuvAM havanta ubhayAsa AjiSvindraM ca vasvo varuNaM casAtaye |\\
\EN{708305062} yatra rAjabhirdashabhirnibAdhitaM pra sudAsamAvataM tRtsubhiH saha ||\\
\EN{708305071} dasha rAjAnaH samitA ayajyavaH sudAsamindrAvaruNA na yuyudhuH |\\
\EN{708305072} satyA nRNAmadmasadAmupastutirdevA eSAmabhavan devahUtiSu ||\\
\EN{708305081} dAsharAj~ne pariyattAya vishvataH sudAsa indrAvaruNAvashikSatam |\\
\EN{708305082} shvitya~nco yatra namasA kapardino dhiyA dhIvanto asapanta tRtsavaH ||\\
\EN{708305091} vRtrANyanyaH samitheSu jighnate vratAnyanyo abhi rakSate sadA |\\
\EN{708305092} havAmahe vAM vRSaNA suvRktibhirasme indrAvaruNaA sharma yachatam ||\\
\EN{708305101} asme indro varuNo mitro ... ||\\
\EN{708406011} A vAM rAjAnAvadhvare vavRtyAM havyebhirindrAvaruNA namobhiH |\\
\EN{708406012} pra vAM ghRtAcI bAhvordadhAnA pari tmanA viSurUpA jigAti ||\\
\EN{708406021} yuvo rASTraM bRhadinvati dyauryau setRbhirarajjubhiH sinIthaH |\\
\EN{708406022} pari no heLo varuNasya vRjyA uruM na indraH kRNavadu lokam ||\\
\EN{708406031} kRtaM no yaj~naM vidatheSu cAruM kRtaM brahmANi sUriSuprashastA |\\
\EN{708406032} upo rayirdevajUto na etu pra NaH spArhAbhirUtibhistiretam ||\\
\EN{708406041} asme indrAvaruNA vishvavAraM rayiM dhattaM vasumantaM purukSum |\\
\EN{708406042} pra ya Adityo anRtA minAtyamitA shUro dayate vasUni ||\\
\EN{708406051} iyamindraM varuNamaSTa me gIH prAvat toke tanaye tUtujAnA |\\
\EN{708406052} suratnAso devavItiM gamema yUyaM pAta ... ||\\
\EN{708507011} punISe vAmarakSasaM manISAM somamindrAya varuNAya juhvat |\\
\EN{708507012} ghRtapratIkAmuSasaM na devIM tA no yAmannuruSyatAmabhIke ||\\
\EN{708507021} spardhante vA u devahUye atra yeSu dhvajeSu didyavaH patanti |\\
\EN{708507022} yuvaM tAnindrAvaruNAvamitrAn hataM parAcaH sharvA viSUcaH ||\\
\EN{708507031} Apashcid dhi svayashasaH sadassu devIrindraM varuNaM devatA dhuH |\\
\EN{708507032} kRSTIranyo dhArayati praviktA vRtrANyanyo apratIni hanti ||\\
\EN{708507041} sa sukratur{R}tacidastu hotA ya Aditya shavasA vAM namasvAn |\\
\EN{708507042} Avavartadavase vAM haviSmAnasadit sa suvitAya prayasvAn ||\\
\EN{708507051} iyamindraM varuNamaSTa me gIH ... ||\\
\EN{708608011} dhIrA tvasya mahinA janUMSi vi yastastambha rodasI cidurvI |\\
\EN{708608012} pra nAkaM RSvaM nunude bRhantaM dvitA nakSatrampaprathacca bhUma ||\\
\EN{708608021} uta svayA tanvA saM vade tat kadA nvantarvaruNe bhuvAni |\\
\EN{708608022} kiM me havyamahRNAno juSeta kadA mRLIkaM sumanA abhi khyam ||\\
\EN{708608031} pRche tadeno varuNa didRkSUpo emi cikituSo vipRcham |\\
\EN{708608032} samAnamin me kavayashcidAhurayaM ha tubhyaM varuNo hRNIte ||\\
\EN{708608041} kimAga Asa varuNa jyeSThaM yat stotAraM jighAMsasi sakhAyam |\\
\EN{708608042} pra tan me voco dULabha svadhAvo.ava tvAnenA namasA tura iyAm ||\\
\EN{708608051} ava drugdhAni pitryA sRjA no.ava yA vayaM cakRmA tanUbhiH |\\
\EN{708608052} ava rAjan pashutRpaM na tAyuM sRjA vatsaM na dAmno vasiSTham ||\\
\EN{708608061} na sa svo dakSo varuNa dhrutiH sA surA manyurvibhIdakoacittiH |\\
\EN{708608062} asti jyAyAn kanIyasa upAre svapnashcanedanRtasya prayotA ||\\
\EN{708608071} araM dAso na mILhuSe karANyahaM devAya bhUrNaye.anAgAH |\\
\EN{708608072} acetayadacito devo aryo gRtsaM rAye kavitaro junAti ||\\
\EN{708608081} ayaM su tubhyaM varuNa svadhAvo hRdi stoma upashritashcidastu |\\
\EN{708608082} shaM naH kSeme shamu yoge no astu yUyaM pAta ... ||\\
\EN{708709011} radat patho varuNaH sUryAya prArNAMsi samudriyA nadInAm |\\
\EN{708709012} sargo na sRSTo arvatIr{R}tAya~ncakAra mahIravanIrahabhyaH ||\\
\EN{708709021} AtmA te vAto raja A navInot pashurna bhUrNiryavase sasavAn |\\
\EN{708709022} antarmahI bRhatI rodasIme vishvA te dhAma varuNa priyANi ||\\
\EN{708709031} pari spasho varuNasya smadiSTA ubhe pashyanti rodasI sumeke |\\
\EN{708709032} RtAvAnaH kavayo yaj~nadhIrAH pracetaso ya iSayanta manma ||\\
\EN{708709041} uvAca me varuNo medhirAya triH sapta nAmAghnyA bibharti |\\
\EN{708709042} vidvAn padasya guhyA na vocad yugAya vipra uparAya shikSan ||\\
\EN{708709051} tisro dyAvo nihitA antarasmin tisro bhUmIruparAH SaDvidhAnAH |\\
\EN{708709052} gRtso rAjA varuNashcakra etaM divi preN^khaMhiraNyayaM shubhe kam ||\\
\EN{708709061} ava sindhuM varuNo dyauriva sthAd drapso na shveto mRgastuviSmAn |\\
\EN{708709062} gambhIrashaMso rajaso vimAnaH supArakSatraH sato asya rAjA ||\\
\EN{708709071} yo mRLayAti cakruSe cidAgo vayaM syAma varuNe anAgAH |\\
\EN{708709072} anu vratAnyaditer{R}dhanto yUyaM pAta ... ||\\
\EN{708810011} pra shundhyuvaM varuNAya preSThAM matiM vasiSTha mILhuSe bharasva |\\
\EN{708810012} ya ImarvA~ncaM karate yajatraM sahasrAmaghaM vRSaNaM bRhantam ||\\
\EN{708810021} adhA nvasya sandRshaM jaganvAnagneranIkaM varuNasya maMsi |\\
\EN{708810022} svaryadashmannadhipA u andho.abhi mA vapurdRshaye ninIyAt ||\\
\EN{708810031} A yad ruhAva varuNashca nAvaM pra yat samudramIrayAvamadhyam |\\
\EN{708810032} adhi yadapAM snubhishcarAva pra preN^kha IN^khayAvahai shubhe kam ||\\
\EN{708810041} vasiSThaM ha varuNo nAvyAdhAd RSiM cakAra svapA mahobhiH |\\
\EN{708810042} stotAraM vipraH sudinatve ahnAM yAn nu dyAvastatanan yAduSAsaH ||\\
\EN{708810051} kva tyAni nau sakhyA babhUvuH sacAvahe yadavRkaM purA cit |\\
\EN{708810052} bRhantaM mAnaM varuNa svadhAvaH sahasradvAraM jagamA gRhaM te ||\\
\EN{708810061} ya Apirnityo varuNa priyaH san tvAmAgAMsi kRNavat sakhA te |\\
\EN{708810062} mA ta enasvanto yakSin bhujema yandhi SmA vipra stuvate varUtham ||\\
\EN{708810071} dhruvAsu tvAsu kSitiSu kSiyanto vyasmat pAshaM varuNomumocat |\\
\EN{708810072} avo vanvAnA aditerupasthAd yUyaM pAta ||\\
\EN{708911011} mo Su varuNa mRnmayaM gRhaM rAjannahaM gamam |\\
\EN{708911012} mRLA sukSatra mRLaya ||\\
\EN{708911021} yademi prasphuranniva dRtirna dhmAto adrivaH |\\
\EN{708911022} mRLA s. m. ||\\
\EN{708911031} kratvaH samaha dInatA pratIpaM jagamA shuce |\\
\EN{708911032} mRLA s. m. ||\\
\EN{708911041} apAM madhye tasthivAMsaM tRSNAvidajjaritAram |\\
\EN{708911042} mRLA s. m. ||\\
\EN{708911051} yat kiM cedaM varuNa daivye jane.abhidrohaM manuSyAshcarAmasi |\\
\EN{708911052} acittI yat tava dharmA yuyopima mA nastasmAdenaso deva rIriSaH ||\\
\EN{709012011} pra vIrayA shucayo dadrire vAmadhvaryubhirmadhumantaH sutAsaH |\\
\EN{709012012} vaha vAyo niyuto yAhyachA pibA sutasyAndhaso madAya ||\\
\EN{709012021} IshAnAya prahutiM yasta AnaT chuciM somaM shucipAstubhyaM vAyo |\\
\EN{709012022} kRNoSi taM martyeSu prashastaM jAto\-jAto jAyate vAjyasya ||\\
\EN{709012031} rAye nu yaM jaj~natU rodasIme rAye devI dhiSaNA dhAti devam |\\
\EN{709012032} adha vAyuM niyutaH sashcata svA uta shvetaM vasudhitiM nireke ||\\
\EN{709012041} uchannuSasaH sudinA ariprA uru jyotirvividurdIdhyAnAH |\\
\EN{709012042} gavyaM cidUrvamushijo vi vavrusteSAmanu pradivaH sasrurApaH ||\\
\EN{709012051} te satyena manasA dIdhyAnAH svena yuktAsaH kratunA vahanti |\\
\EN{709012052} indravAyU vIravAhaM rathaM vAmIshAnayorabhi pRkSaH sacante ||\\
\EN{709012061} IshAnAso ye dadhate svarNo gobhirashvebhirvasubhirhiraNyaiH |\\
\EN{709012062} indravAyU sUrayo vishvamAyurarvadbhirvIraiH pRtanAsu sahyuH ||\\
\EN{709012071} arvanto na shravaso bhikSamANA indravAyU suSTutibhirvasiSThAH |\\
\EN{709012072} vAjayantaH svavase huvema yUyaM pAta ... ||\\
\EN{709113011} kuvidaN^ga namasA ye vRdhAsaH purA devA anavadyAsa Asan |\\
\EN{709113012} te vAyave manave bAdhitAyAvAsayannuSasaM sUryeNa ||\\
\EN{709113021} ushantA dUtA na dabhAya gopA mAsashca pAthaH sharadashca pUrvIH |\\
\EN{709113022} indravAyU suSTutirvAmiyAnA mArDIkamITTe suvitaM ca navyam ||\\
\EN{709113031} pIvoannAn rayivRdhaH sumedhAH shvetaH siSakti niyutAmabhishrIH |\\
\EN{709113032} te vAyave samanaso vi tasthurvishven naraH svapatyAni cakruH ||\\
\EN{709113041} yAvat tarastanvo yAvadojo yAvan narashcakSasA dIdhyAnAH |\\
\EN{709113042} shuciM somaM shucipA pAtamasme indravAyU sadatambarhiredam ||\\
\EN{709113051} niyuvAnA niyuta spArhavIrA indravOi P-ŠamarvAk |\\ AU0709113052} idaM hi vAM prabhRtaM madhvo agramadha prINAnA vimumuktamasme ||\\
\EN{709113061} yA vAM shataM niyuto yAH sahasramindravAyU vishvavArAH sacante |\\
\EN{709113062} AbhiryAtaM suvidatrAbhirarvAk pAtaM narApratibhRtasya madhvaH ||\\
\EN{709113071} arvanto na shravaso ... ||\\
\EN{709214011} A vAyo bhUSa shucipA upa naH sahasraM te niyuto vishvavAra |\\
\EN{709214012} upo te andho madyamayAmi yasya deva dadhiSe pUrvapeyam ||\\
\EN{709214021} pra sotA jIro adhvareSvasthAt somamindrAya vAyave pibadhyai |\\
\EN{709214022} pra yad vAM madhvo agriyaM bharantyadhvaryavo devayantaH shacIbhiH ||\\
\EN{709214031} pra yAbhiryAsi dAshvAMsamachA niyudbhirvAyaviSTayeduroNe |\\
\EN{709214032} ni no rayiM subhojasaM yuvasva ni vIraM gavyamashvyaM ca rAdhaH ||\\
\EN{709214041} ye vAyava indramAdanAsa AdevAso nitoshanAso aryaH |\\
\EN{709214042} ghnanto vRtrANi sUribhiH SyAma sAsahvAMso yudhA nRbhiramitrAn ||\\
\EN{709214051} A no niyudbhiH shatinIbhiradhvaraM sahasriNIbhirupa yAhi yaj~nam |\\
\EN{709214052} vAyo asmin savane mAdayasva yUyaM pAta ... ||\\
\EN{709315011} shuciM nu stomaM navajAtamadyendrAgnI vRtrahaNA juSethAm |\\
\EN{709315012} ubhA hi vAM suhavA johavImi tA vAjaM sadya ushatedheSThA ||\\
\EN{709315021} tA sAnasI shavasAnA hi bhUtaM sAkaMvRdhA shavasA shUshuvAMsA |\\
\EN{709315022} kSayantau rAyo yavasasya bhUreH pRN^ktaM vAjasya sthavirasya ghRSveH ||\\
\EN{709315031} upo ha yad vidathaM vAjino gurdhIbhirviprAH pramatimichamAnAH |\\
\EN{709315032} arvanto na kASThAM nakSamANA indrAgnI johuvato naraste ||\\
\EN{709315041} gIrbhirvipraH pramatimichamAna ITTe rayiM yashasaM pUrvabhAjam |\\
\EN{709315042} indrAgnI vRtrahaNA suvajrA pra no navyebhistirataM deSNaiH ||\\
\EN{709315051} saM yan mahI mithatI spardhamAne tanUrucA shUrasAtA yataite |\\
\EN{709315052} adevayuM vidathe devayubhiH satrA hataM somasutA janena ||\\
\EN{709316061} imAmu Su somasutimupa na endrAgnI saumanasAya yAtam |\\
\EN{709316062} nU cid dhi parimamnAthe asmAnA vAM shashvadbhirvavRtIya vAjaiH ||\\
\EN{709316071} so agna enA namasA samiddho.achA mitraM varuNamindraM voceH |\\
\EN{709316072} yat sImAgashcakRmA tat su mRLa tadaryamAditiHshishrathantu ||\\
\EN{709316081} etA agna AshuSANAsa iSTIryuvoH sacAbhyashyAma vAjAn |\\
\EN{709316082} mendro no viSNurmarutaH pari khyan yUyaM pAta ... ||\\
\EN{709417011} iyaM vAmasya manmana indrAgnI pUrvyastutiH |\\
\EN{709417012} abhrAd vRSTirivAjani ||\\
\EN{709417021} shRNutaM jariturhavamindrAgnI vanataM giraH |\\
\EN{709417022} IshAnApipyataM dhiyaH ||\\
\EN{709417031} mA pApatvAya no narendrAgnI mAbhishastaye |\\
\EN{709417032} mA no rIradhataM nide ||\\
\EN{709417041} indre agnA namo bRhat suvRktimerayAmahe |\\
\EN{709417042} dhiyA dhenA avasyavaH ||\\
\EN{709417051} tA hi shashvanta ILata itthA viprAsa Utaye |\\
\EN{709417052} sabAdho vAjasAtaye ||\\
\EN{709417061} tA vAM gIrbhirvipanyavaH prayasvanto havAmahe |\\
\EN{709417062} medhasAtA saniSyavaH ||\\
\EN{709418071} indrAgnI avasA gatamasmabhyaM carSaNIsahA |\\
\EN{709418072} mA no duHshaMsa Ishata ||\\
\EN{709418081} mA kasya no araruSo dhUrtiH praNaM martyasya |\\
\EN{709418082} indrAgnIsharma yachatam ||\\
\EN{709418091} gomad dhiraNyavad vasu yad vAmashvAvadImahe |\\
\EN{709418092} indrAgnItad vanemahi ||\\
\EN{709418101} yat soma A sute nara indrAgnI ajohavuH |\\
\EN{709418102} saptIvantA saparyavaH ||\\
\EN{709418111} ukthebhirvRtrahantamA yA mandAnA cidA girA |\\
\EN{709418112} AN^gUSairAvivAsataH ||\\
\EN{709418121} tAvid duHshaMsaM martyaM durvidvAMsaM rakSasvinam |\\
\EN{709418122} AbhogaM hanmanA hatamudadhiM hanmanA hatam ||\\
\EN{709519011} pra kSodasA dhAyasA sasra eSA sarasvatI dharuNamAyasI pUH |\\
\EN{709519012} prabAbadhAnA rathyeva yAti vishvA apo mahinA sindhuranyAH ||\\
\EN{709519021} ekAcetat sarasvatI nadInAM shuciryatI giribhya A samudrAt |\\
\EN{709519022} rAyashcetantI bhuvanasya bhUrerghRtaM payo duduhe nAhuSAya ||\\
\EN{709519031} sa vAvRdhe naryo yoSaNAsu vRSA shishurvRSabho yaj~niyAsu |\\
\EN{709519032} sa vAjinaM maghavadbhyo dadhAti vi sAtaye tanvaM mAmRjIta ||\\
\EN{709519041} uta syA naH sarasvatI juSANopa shravat subhagA yajNe asmin |\\
\EN{709519042} mitaj~nubhirnamasyairiyAnA rAyA yujA ciduttarA sakhibhyaH ||\\
\EN{709519051} imA juhvAnA yuSmadA namobhiH prati stomaM sarasvati juSasva |\\
\EN{709519052} tava sharman priyatame dadhAnA upa stheyAma sharaNaM na vRkSam ||\\
\EN{709519061} ayamu te sarasvati vasiSTho dvArAv Rtasya subhage vyAvaH |\\
\EN{709519062} vardha shubhre stuvate rAsi vAjAn yUyaM pAta ... ||\\
\EN{709620011} bRhadu gAyiSe vaco.asuryA nadInAm |\\
\EN{709620012} sarasvatImin mahayAsuvRktibhiH stomairvasiSTha rodasI ||\\
\EN{709620021} ubhe yat te mahinA shubhre andhasI adhikSiyanti pUravaH |\\
\EN{709620022} sA no bodhyavitrI marutsakhA coda rAdho maghonAm ||\\
\EN{709620031} bhadramid bhadrA kRNavat sarasvatyakavArI cetati vAjinIvatI |\\
\EN{709620032} gRNAnA jamadagnivat stuvAnA ca vasiSThavat ||\\
\EN{709620041} janIyanto nvagravaH putrIyantaH sudAnavaH |\\
\EN{709620042} sarasvantaM havAmahe ||\\
\EN{709620051} ye te sarasva Urmayo madhumanto ghRtashcutaH |\\
\EN{709620052} tebhirno.avitA bhava ||\\
\EN{709620061} pIpivAMsaM sarasvata stanaM yo vishvadarSataH |\\
\EN{709620062} bhakSImahi prajAmiSam ||\\
\EN{70097011} yaj~ne divo nRSadane pRthivyA naro yatra devayavo madanti |
\EN{70097012} indrAya yatra savanAni sunve gaman madAya prathamaM vayash ca ||
\EN{70097021} A daivyA vRNImahe 'vAMsi bRhaspatir no maha A sakhAyaH |
\EN{70097022} yathA bhavema mILhuSe anAgA yo no dAtA parAvataH piteva ||
\EN{70097031} tam u jyeSThaM namasA havirbhiH sushevam brahmaNas patiM gRNISe |
\EN{70097032} indraM shloko mahi daivyaH siSaktu yo brahmaNo devakRtasya rAjA ||
\EN{70097041} sa A no yoniM sadatu preSTho bRhaspatir vishvavAro yo asti |
\EN{70097042} kAmo rAyaH suvIryasya taM dAt parSan no ati sashcato ariSTAn ||
\EN{70097051} tam A no arkam amRtAya juSTam ime dhAsur amRtAsaH purAjAH |
\EN{70097052} shucikrandaM yajatam pastyRnAm bRhaspatim anarvANaM huvema ||
\EN{70097061} taM shagmAso aruSAso ashvA bRhaspatiM sahavAho vahanti |
\EN{70097062} sahash cid yasya nIlavat sadhasthaM nabho na rUpam aruSaM vasAnAH ||
\EN{70097071} sa hi shuciH shatapatraH sa shundhyur hiraNyavAshIr iSiraH svarSAH |
\EN{70097072} bRhaspatiH sa svAvesha RSvaH purU sakhibhya AsutiM kariSThaH ||
\EN{70097081} devI devasya rodasI janitrI bRhaspatiM vAvRdhatur mahitvA |
\EN{70097082} dakSAyyAya dakSatA sakhAyaH karad brahmaNe sutarA sugAdhA ||
\EN{70097091} iyaM vAm brahmaNas pate suvRktir brahmendrAya vajriNe akAri |
\EN{70097092} aviSTaM dhiyo jigRtam puraMdhIr jajastam aryo vanuSAm arAtIH ||
\EN{70097101} bRhaspate yuvam indrash ca vasvo divyasyeshAthe uta pArthivasya |
\EN{70097102} dhattaM rayiM stuvate kIraye cid yUyam pAta svastibhiH sadA naH ||
\EN{70098011} adhvaryavo 'ruNaM dugdham aMshuM juhotana vRSabhAya kSitInAm |
\EN{70098012} gaurAd vedIyAM avapAnam indro vishvAhed yAti sutasomam ichan ||
\EN{70098021} yad dadhiSe pradivi cArv annaM dive-dive pItim id asya vakSi |
\EN{70098022} uta hRdota manasA juSANa ushann indra prasthitAn pAhi somAn ||
\EN{70098031} jaj~nAnaH somaM sahase papAtha pra te mAtA mahimAnam uvAca |
\EN{70098032} endra paprAthorv antarikSaM yudhA devebhyo varivash cakartha ||
\EN{70098041} yad yodhayA mahato manyamAnAn sAkSAma tAn bAhubhiH shAshadAnAn |
\EN{70098042} yad vA nRbhir vRta indrAbhiyudhyAs taM tvayAjiM saushravasaM jayema ||
\EN{70098051} prendrasya vocam prathamA kRtAni pra nUtanA maghavA yA cakAra |
\EN{70098052} yaded adevIr asahiSTa mAyA athAbhavat kevalaH somo asya ||
\EN{70098061} tavedaM vishvam abhitaH pashavyaM yat pashyasi cakSasA sUryasya |
\EN{70098062} gavAm asi gopatir eka indra bhakSImahi te prayatasya vasvaH ||
\EN{70098071} bRhaspate yuvam indrash ca vasvo divyasyeshAthe uta pArthivasya |
\EN{70098072} dhattaM rayiM stuvate kIraye cid yUyam pAta svastibhiH sadA naH ||
\EN{70099011} paro mAtrayA tanvR vRdhAna na te mahitvam anv ashnuvanti |
\EN{70099012} ubhe te vidma rajasI pRthivyA viSNo deva tvam paramasya vitse ||
\EN{70099021} na te viSNo jAyamAno na jAto deva mahimnaH param antam Apa |
\EN{70099022} ud astabhnA nAkam RSvam bRhantaM dAdhartha prAcIM kakubham pRthivyAH ||
\EN{70099031} irAvatI dhenumatI hi bhUtaM sUyavasinI manuSe dashasyA |
\EN{70099032} vy astabhnA rodasI viSNav ete dAdhartha pRthivIm abhito mayUkhaiH ||
\EN{70099041} uruM yaj~nAya cakrathur ulokaM janayantA sUryam uSAsam agnim |
\EN{70099042} dAsasya cid vRSashiprasya mAyA jaghnathur narA pRtanAjyeSu ||
\EN{70099051} indrAviSNU dRMhitAH shambarasya nava puro navatiM ca shnathiSTam |
\EN{70099052} shataM varcinaH sahasraM ca sAkaM hatho apraty asurasya vIrAn ||
\EN{70099061} iyam manISA bRhatI bRhantorukramA tavasA vardhayantI |
\EN{70099062} rare vAM stomaM vidatheSu viSNo pinvatam iSo vRjaneSv indra ||
\EN{70099071} vaSaT te viSNav Asa A kRNomi tan me juSasva shipiviSTa havyam |
\EN{70099072} vardhantu tvA suSTutayo giro me yUyam pAta svastibhiH sadA naH ||
\EN{70100011} nU marto dayate saniSyan yo viSNava urugAyAya dAshat |
\EN{70100012} pra yaH satrAcA manasA yajAta etAvantaM naryam AvivAsAt ||
\EN{70100021} tvaM viSNo sumatiM vishvajanyAm aprayutAm evayAvo matiM dAH |
\EN{70100022} parco yathA naH suvitasya bhUrer ashvAvataH purushcandrasya rAyaH ||
\EN{70100031} trir devaH pRthivIm eSa etAM vi cakrame shatarcasam mahitvA |
\EN{70100032} pra viSNur astu tavasas tavIyAn tveSaM hy asya sthavirasya nAma ||
\EN{70100041} vi cakrame pRthivIm eSa etAM kSetrAya viSNur manuSe dashasyan |
\EN{70100042} dhruvAso asya kIrayo janAsa urukSitiM sujanimA cakAra ||
\EN{70100051} pra tat te adya shipiviSTa nAmAryaH shaMsAmi vayunAni vidvAn |
\EN{70100052} taM tvA gRNAmi tavasam atavyAn kSayantam asya rajasaH parAke ||
\EN{70100061} kim it te viSNo paricakSyam bhUt pra yad vavakSe shipiviSTo asmi |
\EN{70100062} mA varpo asmad apa gUha etad yad anyarUpaH samithe babhUtha ||
\EN{70100071} vaSaT te viSNav Asa A kRNomi tan me juSasva shipiviSTa havyam |
\EN{70100072} vardhantu tvA suSTutayo giro me yUyam pAta svastibhiH sadA naH ||
\EN{70101011} tisro vAcaH pra vada jyotiragrA yA etad duhre madhudogham UdhaH |
\EN{70101012} sa vatsaM kRNvan garbham oSadhInAM sadyo jAto vRSabho roravIti ||
\EN{70101021} yo vardhana oSadhInAM yo apAM yo vishvasya jagato deva Ishe |
\EN{70101022} sa tridhAtu sharaNaM sharma yaMsat trivartu jyotiH svabhiSTy asme ||
\EN{70101031} starIr u tvad bhavati sUta u tvad yathAvashaM tanvaM cakra eSaH |
\EN{70101032} pituH payaH prati gRbhNAti mAtA tena pitA vardhate tena putraH ||
\EN{70101041} yasmin vishvAni bhuvanAni tasthus tisro dyAvas tredhA sasrur ApaH |
\EN{70101042} trayaH koshAsa upasecanAso madhva shcotanty abhito virapsham ||
\EN{70101051} idaM vacaH parjanyAya svarAje hRdo astv antaraM taj jujoSat |
\EN{70101052} mayobhuvo vRSTayaH santv asme supippalA oSadhIr devagopAH ||
\EN{70101061} sa retodhA vRSabhaH shashvatInAM tasminn AtmA jagatas tasthuSash ca |
\EN{70101062} tan ma Rtam pAtu shatashAradAya yUyam pAta svastibhiH sadA naH ||
\EN{710202011} parjanyAya pra gAyata divas putrAya mILhuSe |\\
\EN{710202012} sa no yavasamichatu ||\\
\EN{710202021} yo garbhamoSadhInAM gavAM kRNotyarvatAm |\\
\EN{710202022} parjanyaHpuruSINAm ||\\
\EN{710202031} tasmA idAsye havirjuhotA madhumattamam |\\
\EN{710202032} iLAM naH saMyataM karat ||\\
\EN{710303011} saMvatsaraM shashayAnA brAhmaNA vratacAriNaH |\\
\EN{710303012} vAcaM parjanyajinvitAM pra maNDUkA avAdiSuH ||\\
\EN{710303021} divyA Apo abhi yadenamAyan dRtiM na shuSkaM sarasI shayAnam |\\
\EN{710303022} gavAmaha na mAyurvatsinInAM maNdUkAnAM vagnuratrA sameti ||\\
\EN{710303031} yadImenAnushato abhyavarSIt tRSyAvataH prAvRSyAgatAyAm |\\
\EN{710303032} akhkhalIkRtyA pitaraM na putro anyo anyamupa vadantameti ||\\
\EN{710303041} anyo anyamanu gRbhNAtyenorapAM prasarge yadamandiSAtAm |\\
\EN{710303042} maNDUko yadabhivRSTaH kaniSkan pRSniH sampRN^kte haritena vAcam ||\\
\EN{710303051} yadeSAmanyo anyasya vAcaM shAktasyeva vadati shikSamANaH |\\
\EN{710303052} sarvaM tadeSAM samRdheva parva yat suvAco vadathanAdhyapsu ||\\
\EN{710304061} gomAyureko ajamAyurekaH pRshnireko harita eka eSAm |\\
\EN{710304062} samAnaM nAma bibhrato virUpAH purutrA vAcaM pipishurvadantaH ||\\
\EN{710304071} brAhmaNAso atirAtre na some saro na pUrNamabhito vadantaH |\\
\EN{710304072} saMvatsarasya tadahaH pari STha yan maNDUkAH prAvRSINaM babhUva ||\\
\EN{710304081} brAhmaNAsaH somino vAcamakrata brahma kRNvantaH parivatsarINam |\\
\EN{710304082} adhvaryavo gharmiNaH siSvidAnA Avirbhavanti guhyA na ke cit ||\\
\EN{710304091} devahitiM jugupurdvAdashasya RtuM naro na pra minantyete |\\
\EN{710304092} saMvatsare prAvRSyAgatAyAM taptA gharmA ashnuvate visargam ||\\
\EN{710304101} gomAyuradAdajamAyuradAt pRshniradAd dharito no vasUni |\\
\EN{710304102} gavAM maNDUkA dadataH shatAni sahasrasAve pra tiranta AyuH ||\\
\EN{710405011} indrAsomA tapataM rakSa ubjataM nyarpayataM vRSaNA tamovRdhaH |\\
\EN{710405012} parA sRNItamacito nyoSataM hataM nudethAM ni shishItamatriNaH ||\\
\EN{710405021} indrAsomA samaghashaMsamabhyaghaM tapuryayastu caruragnivAniva |\\
\EN{710405022} brahmadviSe kravyAde ghoracakSase dveSo dhattamanavAyaM kimIdine ||\\
\EN{710405031} indrAsomA duSkRto vavre antaranArambhaNe tamasi pra vidhyatam |\\
\EN{710405032} yathA nAtaH punarekashcanodayat tad vAmastu sahase manyumacchavaH ||\\
\EN{710405041} indrAsomA vartayataM divo vadhaM saM pRthivyA aghashaMsAya tarhaNam |\\
\EN{710405042} ut takSataM svaryaM parvatebhyo yena rakSo vAvRdhAnaM nijUrvathaH ||\\
\EN{710405051} indrAsomA vartayataM divas paryagnitaptebhiryuvamashmahanmabhiH |\\
\EN{710405052} tapurvadhebhirajarebhiratriNo ni parshAne vidhyataM yantu nisvaram ||\\
\EN{710406061} indrAsomA pari vAM bhUtu vishvata iyaM matiH kakSyAshvevavAjinA |\\
\EN{710406062} yAM vAM hotrAM parihinomi medhayemA brahmANi nRpatIva jinvatam ||\\
\EN{710406071} prati smarethAM tujayadbhirevairhataM druho rakSaso bhaN^gurAvataH |\\
\EN{710406072} indrAsomA duSkRte mA sugaM bhUd yo naH kadAcidabhidAsati druhA ||\\
\EN{710406081} yo mA pAkena manasA carantamabhicaSTe anRtebhirvacobhiH |\\
\EN{710406082} Apa iva kAshinA saMgRbhItA asannastvAsata indra vaktA ||\\
\EN{710406091} ye pAkashaMsaM viharanta evairye vA bhadraM dUSayanti svadhAbhiH |\\
\EN{710406092} ahaye vA tAn pradadAtu soma A vA dadhAtu nir{R}terupasthe ||\\
\EN{710406101} yo no rasaM dipsati pitvo agne yo ashvAnAM yo gavAM yastanUnAm |\\
\EN{710406102} ripu stena steyakRd dabhrametu ni Sa hIyatAntanvA tanA ca ||\\
\EN{710407111} paraH so astu tanvA tanA ca tisraH pRthivIradho astu vishvAH |\\
\EN{710407112} prati shuSyatu yasho asya devA yo no divA dipsati yashca naktam ||\\
\EN{710407121} suvij~nAnaM cikituSe janAya saccAsacca vacasI paspRdhAte |\\
\EN{710407122} tayoryat satyaM yatarad RjIyastadit somo.avati hantyAsat ||\\
\EN{710407131} nA vA u somo vRjinaM hinoti na kSatriyaM mithuyA dhArayantam |\\
\EN{710407132} hanti rakSo hantyAsad vadantamubhAvindrasya prasitau shayAte ||\\
\EN{710407141} yadi vAhamanRtadeva Asa moghaM vA devAnapyUhe agne |\\
\EN{710407142} kimasmabhyaM jAtavedo hRNISe droghavAcaste nir{R}thaM sacantAm ||\\
\EN{710407151} adyA murIya yadi yAtudhAno asmi yadi vAyustatapa pUruSasya |\\
\EN{710407152} adhA sa vIrairdashabhirvi yUyA yo mA moghaM yAtudhAnetyAha ||\\
\EN{710408161} yo mAyAtuM yAtudhAnetyAha yo vA rakSAH shucirasmItyAha |\\
\EN{710408162} indrastaM hantu mahatA vadhena vishvasya jantoradhamas padISTa ||\\
\EN{710408171} pra yA jigAti khargaleva naktamapa druhA tanvaM gUhamAnA |\\
\EN{710408172} vavrAnanantAnava sA padISTa grAvANo ghnantu rakSasa upabdaiH ||\\
\EN{710408181} vi tiSThadhvaM maruto vikSvichata gRbhAyata rakSasaH saM pinaSTana |\\
\EN{710408182} vayo ye bhUtvI patayanti naktabhirye vA ripo dadhire deve adhvare ||\\
\EN{710408191} pra vartaya divo ashmAnamindra somashitaM maghavan saM shishAdhi |\\
\EN{710408192} prAktAdapAktAdadharAdudaktAdabhi jahi rakSasaHparvatena ||\\
\EN{710408201} eta u tye patayanti shvayAtava indraM dipsanti dipsavo.adAbhyam |\\
\EN{710408202} shishIte shakraH pishunebhyo vadhaM nUnaM sRjadashaniM yAtumadbhyaH ||\\
\EN{710409211} indro yAtUnAmabhavat parAsharo havirmathInAmabhyAvivAsatAm |\\
\EN{710409212} abhIdu shakraH parashuryathA vanaM pAtreva bhindan sata eti rakSasaH ||\\
\EN{710409221} ulUkayAtuM shushulUkayAtuM jahi shvayAtumuta kokayAtum |\\
\EN{710409222} suparNayAtumuta gRdhrayAtuM dRSadeva pra mRNa rakSa indra ||\\
\EN{710409231} mA no rakSo abhi naD yAtumAvatAmapochatu mithunA yA kimIdinA |\\
\EN{710409232} pRthivI naH pArthivAt pAtvaMhaso.antarikSaM divyAt pAtvasmAn ||\\
\EN{710409241} indra jahi pumAMsaM yAtudhAnamuta striyaM mAyayA shAshadAnAm |\\
\EN{710409242} vigrIvAso mUradevA Rdantu mA te dRshaM sUryamuccarantam ||\\
\EN{710409251} prati cakSva vi cakSvendrashca soma jAgRtam |\\
\EN{710409252} rakSobhyo vadhamasyatamashaniM yAtumadbhyaH ||\\